ਸਟੇਟ ਬੈਂਕ ਆਫ਼ ਇੰਡੀਆ ਨੇ ਲਗਾਇਆ ਜਾਗਰੂਕਤਾ ਕੈਂਪ

Emailed on Friday 24th October 2025 at 4:45 PM By PIB Jalandhar Regarding SBI Awareness Camp

ਐਲ ਆਈ ਸੀ ਅਤੇ ਨਿਜੀ ਬੈਂਕਾਂ ਦੇ ਨੁਮਾਇੰਦੇ ਵੀ ਸ਼ਾਮਲ ਹੋਏ 

ਬਠਿੰਡਾ: 24 ਅਕਤੂਬਰ 2025: (ਪੀਆਈਬੀ ਜਲੰਧਰ/ /ਇਨਪੁਟ ਪੰਜਾਬ ਸਕਰੀਨ ਡੈਸਕ)::

ਉਂਝ ਤਾਂ ਆਰਥਿਕਤਾ ਦੀਆਂ ਬਾਰੀਕੀਆਂ ਨੂੰ ਸਮਝਣ ਵਾਲੇ ਲੋਕ ਵੈਸੇ ਵੀ ਬਹੁਤ ਘੱਟ ਗਿਣਤੀ ਵਿੱਚ ਹੁੰਦੇ ਹਨ ਪਰ ਇੱਕ ਵੱਡਾ ਵਰਗ ਉਹਨਾਂ ਲੋਕਾਂ ਦਾ ਵੀ ਹੁੰਦਾ ਹੈ ਜਿਹਨਾਂ ਨੂੰ ਇਹ ਵੀ ਚੇਤੇ ਨਹੀਂ ਰਹਿੰਦਾ ਕਿ ਉਹਨਾਂ ਦੇ ਪੈਸੇ ਆਪਣੇ ਘਰ ਵਿੱਚ ਕਿੰਨੇ ਪਏ ਹਨ ਅਤੇ ਘਰ ਤੋਂ ਬਾਹਰ ਬੈਂਕ ਜਾਂ ਡਾਕਖਾਨਿਆਂ ਵਿੱਚ ਕਿੰਨੇ ਪਏ ਹਨ? ਕਈਆਂ ਨੂੰ ਪੈਸੇ ਕਮਾਉਣ ਦੀ ਦੌੜ ਵਿੱਚ ਇਹ ਸਭ ਕੁਝ ਯਾਦ ਨਹੀਂ ਰਹਿੰਦਾ ਅਤੇ ਕਈਆਂ ਨੂੰ ਮੁਸੀਬਤਾਂ ਨੇ ਇਸ ਤਰ੍ਹਾਂ ਘੇਰ ਲਿਆ ਹੁੰਦਾ ਹੈ ਕਿ ਉਹਨਾਂ ਦੀ ਮੱਤ ਮਾਰੀ ਜਾਂਦੀ ਹੈ। ਬਹੁਤ ਹੀ ਔਖੇ ਹੋ ਕੇ ਕੀਤੀ ਗਈ ਕਮਾਈ ਕਿਥੇ ਰੱਖੀ ਗਈ ਇਸਦਾ ਵੀ ਚੇਤਾ ਭੁੱਲ ਜਾਂਦਾ ਹੈ। ਕਈ ਲੋਕ ਬਾਹਰਲੇ ਦੇਸ਼ਾਂ ਵਿੱਚ ਚਲੇ ਜਾਂਦੇ ਹਨ ਅਤੇ ਕਿਸੇ ਨਾਲ ਕੁਝ ਹੋਰ ਭਾਣਾ ਵਾਪਰ ਜਾਂਦਾ ਹੈ। ਕਈਆਂ ਨੂੰ ਬੈਂਕਿੰਗ ਦੇ ਕੰਮਕਾਜ ਕੁਝ ਔਖੇ ਲੱਗਦੇ ਹਨ ਅਤੇ ਕਈਆਂ ਨੂੰ ਮੌਤ ਜਾਂ ਬਿਮਾਰੀ ਬੈਂਕਾਂ ਤੋਂ ਦੂਰ ਕਰ ਦੇਂਦੀ ਹੈ। 

ਇਸ ਤਰ੍ਹਾਂ ਬੈਂਕਾਂ ਵਿੱਚ ਹੋਲੀ ਹੋਲੀ ਅਜਿਹੀ ਬਹੁਤ ਸਾਰੀ ਰਕਮ ਜਮਾ ਹੁੰਦੀ ਰਹਿੰਦੀ ਹੈ ਜਿਸਦੇ ਸਪਸ਼ਟ ਵਾਲੀ ਵਾਰਸ ਦਾ ਅਤਾਪਤਾ ਫੌਰੀ ਤੌਰ 'ਤੇ ਕੰਪਿਊਟਰ ਦੇਖ ਕੇ ਵੀ ਨਹੀਂ ਲੱਗਦਾ। ਅਜਿਹੀਆਂ ਰਕਮਾਂ ਨੂੰ ਬੈਂਕਾਂ ਵਾਲੇ ਬਹੁਤ ਜ਼ਿੰਮੇਵਾਰੀ ਨਾਲ  ਸੰਭਾਲ ਕੇ ਰਿਜ਼ਰਵ ਬੈਂਕ ਆਫ ਇੰਡੀ ਦੇ ਹਵਾਲੇ ਕਰ ਦੇਂਦੇ ਹਨ। 

ਇਸ ਤੋਂ ਬਾਅਦ ਵੀ ਅਗਲੇਰੀਆਂ ਕਾਰਵਾਈਆਂ ਚੱਲਦੀਆਂ ਰਹਿੰਦੀਆਂ ਹਨ। ਜੇਕਰ ਅਜਿਹੀ ਕਿਸੇ ਰਕਮ ਦਾ ਵਾਲੀ ਵਾਰਸ ਅਚਾਨਕ ਵੀ ਸਾ। ਹਮਣੇ ਆ ਜਾਵੇਤਾਂ ਉਸਨੂੰ ਵੀ ਨਿਰਾਸ਼ ਨਹੀਂ ਹੋਣਾ ਪੈਂਦਾ ਪਰ ਫਿਰ ਵੀ ਤੁਸੀਂ ਇਸ ਨੂੰ  ਤਕਦੀਰ ਦੀਆਂ ਗੱਲਾਂ ਆਖ ਹੀ ਸਕਦੇ ਹੋ। ਮਾਇਆ ਹੱਥ ਵਿੱਚ ਆ ਕੇ ਫਿਰ ਬੇਗਾਨੇ ਹੱਥਾਂ ਵਿੱਚ ਚਲੀ ਜਾਵੇ ਤਾਂ ਇਸਨੂੰ ਵੀ ਮਾਇਆ ਦੀ ਮਾਇਆ ਹੀ ਕਿਹਾ ਜਾ ਸਕਦਾ ਹੈ। 

 

ਇਹਨਾਂ ਹਕੀਕਤਾਂ ਦੇ ਬਾਵਜੂਦ ਬੈਂਕ ਵੀ ਨਹੀਂ ਚਾਹੁੰਦੇ ਕਿ ਤੁਸੀਂ ਆਪਣੀ ਕਿਰਤ ਕਮਾਈ ਨੂੰ ਤਕਦੀਰ ਦੀ ਮਾਰ ਹੇਠ ਆਉਣ ਵਾਲਾ ਭਾਣਾ ਮੰਨ ਲਓ। ਉਹ ਜਤਨਸ਼ੀਲ ਰਹਿੰਦੇ ਹਨ ਕਿ ਤੁਹਾਡੀ ਕਿਰਤ ਕਮਾਈ ਦੇ ਪੈਸੇ ਕਿਸੇ ਨ ਕਿਸੇ ਤਰ੍ਹਾਂ ਤੁਹਾਡੇ ਤੱਕ ਪੁੱਜ ਜਾਣ। ਉਹ ਇਸ ਲਈ ਲਗਾਤਾਰ ਜਤਨਸ਼ੀਲ ਵੀ ਰਹਿੰਦੇ ਹਨ। 

ਕੇਂਦਰੀ ਖ਼ਜ਼ਾਨਾ ਮੰਤਰਾਲੇ ਅਤੇ ਸੂਬਾ ਪੱਧਰੀ ਬੈਂਕਰਜ਼ ਕਮੇਟੀ ਐੱਸਐੱਲਬੀਸੀ ਦੀਆਂ ਇਸ ਸੰਬੰਧ ਵਿੱਚ ਹਦਾਇਤਾਂ ਵੀ ਕਾਫੀ ਸਪਸ਼ਟ ਹਨ। ਇਹਨਾਂ ਹਦਾਇਤਾਂ ਅਨੁਸਾਰ ਹੀ ਬਠਿੰਡਾ ਵਿੱਚ ਲੀਡ ਬੈਂਕ, ਸਟੇਟ ਬੈਂਕ ਆਫ ਇੰਡੀਆ ਬਠਿੰਡਾ ਵੱਲੋਂ ਟੀਚਰਜ਼ ਹੋਮ ਬਠਿੰਡਾ ਵਿੱਚ ਇੱਕ ਜਾਗਰੂਕਤਾ ਕੈਂਪ ਲਗਾਇਆ ਗਿਆ। 

ਇਸ ਕੈਂਪ ਦੌਰਾਨ ਅਜਿਹੀਆਂ ਰਕਮਾਂ ਬਾਰੇ ਵਿਸਥਾਰ ਨਾਲ ਚਰਚਾ ਕੀਤੀ ਗਈ, ਜਿਨ੍ਹਾਂ 'ਤੇ ਕਿਸੇ ਵੱਲੋਂ ਦਾਅਵਾ ਨਹੀਂ ਕੀਤਾ ਜਾ ਰਿਹਾ। ਇਸ ਜਾਗਰੂਕਤਾ ਕੈਂਪ ਦੀ ਪ੍ਰਧਾਨਗੀ ਡਿਪਟੀ ਜਨਰਲ ਮੈਨੇਜਰ ਅਭਿਸ਼ੇਕ ਸ਼ਰਮਾ ਨੇ ਕੀਤੀ। ਹਾਜ਼ਰ ਲੋਕਾਂ ਨੂੰ ਅਜਿਹੀਆਂ ਰਕਮਾਂ ਬਾਰੇ ਉਦਗਮ ਪੋਰਟਲ ਰਾਹੀਂ ਵੀ ਜਾਗਰੂਕ ਕੀਤਾ ਗਿਆ। 

ਇਸ ਮੌਕੇ ਭਾਰਤੀ ਜੀਵਨ ਬੀਮਾ ਨਿਗਮ ਯਾਨੀ ਐੱਲਆਈਸੀ ਅਤੇ ਹੋਰ ਸਰਕਾਰੀ ਤੇ ਨਿੱਜੀ ਬੈਂਕਾਂ ਦੇ ਨੁਮਾਇੰਦਿਆਂ ਨੇ ਵੀ ਇਸ ਕੈਂਪ ਵਿੱਚ ਹਿੱਸਾ ਲਿਆ। ਇਸ ਮੌਕੇ 'ਤੇ ਖੇਤਰੀ ਪ੍ਰਬੰਧਕ ਸ੍ਰੀ ਰੋਹਿਤ ਕੱਕੜ, ਮੁੱਖ ਜ਼ਿਲ੍ਹਾ ਪ੍ਰਬੰਧਕ ਸ੍ਰੀ ਕੁਲਭੂਸ਼ਣ ਬਾਂਸਲ ਅਤੇ ਮੁੱਖ ਪ੍ਰਬੰਧਕ ਸ੍ਰੀ ਜਿੰਮੀ ਮਹਿਤਾ, ਮੁੱਖ ਪ੍ਰਬੰਧਕ ਸ੍ਰੀ ਗੁਰਜੀਤ ਸਿੰਘ ਵੀ ਮੌਜੂਦ ਸਨ।

ਇਸ ਕੈਂਪ ਨਾਲ ਫਾਇਦਾ ਵੀ ਬਹੁਤ ਸਾਰੇ ਲੋਕਾਂ ਨੂੰ ਹੋਇਆ ,ਪੈਸਿਆਂ ਦਾ ਫਾਇਦਾ ਵੀ ਅਤੇ ਪੈਸੇ ਦੀ ਸਾਂਭ ਸੰਭਾਲ ਨਾਲ ਜੁੜੇ ਨਿਯਮਾਂ ਅਤੇ ਕਾਇਦੇ ਕਾਨੂੰਨਾਂ ਦੀ ਕਾਫੀ ਹੱਦ ਤੱਕ ਮਿਲੀ ਜਾਣਕਾਰੀ ਦਾ ਫਾਇਦਾ ਵੀ। 

ਪੱਛਮ ਦੀ ਅੰਨੀ ਨਕਲ ਤੋਂ ਬਾਅਦ ਫਿਰ ਯੋਗ ਸਾਧਨਾ ਅਤੇ ਮੈਡੀਟੇਸ਼ਨ ਵੱਲ ਮੋੜਾ

From Dr. Meena Sharma on Saturday 14th December 2024 at 12:38 Regarding Meditation

🙏ਮੋਹਾਲੀ ਵਿੱਚ ਦੇਖੋ ਮੈਡੀਟੇਸ਼ਨ ਪ੍ਰੋਗਰਾਮ ਅਤੇ ਇਸਦੇ ਜਾਦੂਈ ਅਸਰ 🙏

ਡਾ. ਮੀਨਾ ਸ਼ਰਮਾ ਵੱਲੋਂ ਸਿਹਤਮੰਦ ਜੀਵਨ-ਜਾਚ ਲਈ ਵਿਸ਼ੇਸ਼ ਕੈਂਪ 22 ਨੂੰ 

ਮੋਹਾਲੀ: 18 ਦਸੰਬਰ 2024: (ਕਾਰਤਿਕਾ ਕਲਿਆਣੀ ਸਿੰਘ//ਪੰਜਾਬ ਸਕਰੀਨ ਡੈਸਕ)::

ਪੱਛਮੀ ਹਵਾਵਾਂ ਦੇ ਵਹਿਣ ਵਿੱਚ ਅੰਨੇਵਾਹ ਵਹਿ ਤੁਰੇ ਸਾਡੇ ਸਮਾਜ ਨੇ ਵੀ ਉਹ ਮੁਸੀਬਤਾਂ ਸਹੇੜੀਆਂ ਜਿਹੜੀਆਂ ਪੱਛਮੀ ਸਭਿਅਤਾ ਵਾਲਿਆਂ ਨੇ ਸਹੇੜੀਆਂ ਹੋਈਆਂ ਸਨ। ਇਹ ਗੱਲ ਕਿਸੇ ਚਮਤਕਾਰ ਤੋਂ ਘੱਟ ਨਹੀਂ ਕਿ ਉਹਨਾਂ ਨੇ ਅੰਨੀ ਐਸ਼ਪ੍ਰਸਤੀ ਵਾਲਾ ਜੀਵਨ ਦੇਖ ਕੇ ਭਾਰਤੀ ਸੱਭਿਆਚਾਰ ਦੀ ਸ਼ਰਨ ਵਿੱਚ ਆਉਣ ਨੂੰ ਪਹਿਲ ਦਿੱਤੀ ਹੈ।  ਏਧਰਲੇ ਲਾਈਫ ਸਟਾਈਲ ਅਤੇ ਓਧਰਲੇ ਲਾਈਫ ਸਟਾਈਲ ਵਿੱਚਲਾ ਅੰਤਰ ਸੰਨ 1970 ਵਿੱਚ ਆਈ ਫਿਲਮ "ਪੂਰਬ ਔਰ ਪਸ਼ਚਿਮ" ਫਿਲਮ ਵਿੱਚ ਵੀ ਬਹੁਤ ਚੰਗੀ ਤਰ੍ਹਾਂ ਦਿਖਾਇਆ ਗਿਆ ਸੀ। ਮਨੋਜ ਕੁਮਾਰ ਵਾਲੀ ਇਸ ਫਿਲਮ ਦੇ ਗੀਤ ਵੀ ਬਹੁਤ ਵਿਸ਼ੇਸ਼ ਸਨ। ਪ੍ਰਾਣ, ਪ੍ਰੇਮਨਾਥ,ਅਸ਼ੋਕ ਕੁਮਾਰ, ਪ੍ਰੇਮ ਚੋਪੜਾ ਅਤੇ ਸਾਇਰਾ ਬਾਨੋ ਨੇ ਵੀ ਆਪੋ ਆਪਣੀਆਂ ਭੂਮਿਕਾਵਾਂ ਵਿੱਚ ਜਾਂ ਪਾਈ ਹੋਈ ਸੀ। ਇਸ ਫਿਲਮ ਨੇ ਉਦੋਂ ਇਕੱਲੇ ਭਾਰਤ ਵਿੱਚ ਹੀ 45 ਮਿਲੀਅਨ ਰੁਪਿਆਂ ਦੀ ਕਮਾਈ ਕੀਤੀ ਸੀ। ਵਿਦੇਸ਼ਾਂ ਵਿਚ ਇਹ ਕਮਾਈ ਹੋਰ ਵੀ ਜ਼ਿਆਦਾ ਸੀ। 

ਇਸ ਤੋਂ ਬਾਅਦ ਸੰਨ 1978  ਵਿੱਚ ਆਈ ਫਿਲਮ "ਦੇਸ ਪਰਦੇਸ" ਵਿੱਚ ਵੀ। ਆਪਣੇ ਦੇਸ਼ ਭਾਰਤ ਨੂੰ ਛੱਡ ਕੇ ਕਿਸੇ ਵੀ ਤਰ੍ਹਾਂ ਵਿਦੇਸ਼ਸਨ ਵੱਲ ਜਾਣ ਦੀ ਦੌੜ ਅਤੇ ਫਿਰ ਉਥੇ ਪਹੁੰਚ ਕੇ ਉਥੋਂ ਦੀਆਂ ਮੁਸ਼ਕਲਾਂ ਦਾ ਬਹੁਤ ਦਿਲਚਸਪ ਵਰਨਣ ਹੈ। ਫਿਲਮ ਦੇ ਗੀਤ ਵੀ ਬਹੁਤ ਹਿੱਟ ਹੋਏ ਸਨ। ਦੇਵਾਨੰਦ,  ਮੁਨੀਮ, ਪ੍ਰਾਣ, ਅਮਜਦ ਖਾਨ, ਗਜਾਨਨ ਜਾਗੀਰਦਾਰ, ਅਜੀਤ, ਪ੍ਰੇਮ ਚੋਪੜਾ, ਏ ਕੇ ਹੰਗਲ, ਇੰਦਰਾਣੀ ਮੁਖਰਜੀ, ਬਿੰਦੂ, ਸ਼੍ਰੀ ਰਾਮ ਲਾਗੂ, ਮਹਿਮੂਦ ਆਦਿ ਸਭਨਾਂ ਨੇ ਹੀ ਬਹੁਤ ਚੰਗਾ ਕੰਮ ਕੀਤਾ ਸੀ। ਇਸ ਫਿਲਮ ਫਰ ਗੀਤ ਵੀ ਬਹੁਤ ਹਿੱਟ ਹੋਏ ਸਨ। 

ਇਸੇ ਤਰ੍ਹਾਂ ਸੰਨ 1997 ਵਿੱਚ ਸੁਭਾਸ਼ ਘਈ ਦੀ ਇੱਕ ਫਿਲਮ ਆਈ ਸੀ-ਪਰਦੇਸ। ਇਸ ਵਿੱਚ ਮਹਿਮਾ ਚੌਧਰੀ, ਸ਼ਾਹਰੁਖ ਖਾਨ, ਅਮਰੀਸ਼ ਪੁਰੀ, ਆਲੋਕ ਨਾਥ, ਅਪੂਰਵ ਅਗਨੀਹੋਤਰੀ ਅਤੇ ਹਿਮਾਨੀ ਸ਼ਿਵਪੁਰੀ ਨੇ ਆਪਣੀ ਅਦਾਕਾਰੀ ਦਾ ਲੋਹਾ ਮਨਵਾਇਆ ਸੀ। ਇਸ ਦੇ ਗੀਤ ਸੰਗੀਤ ਵੀ ਕਮਾਲ ਦਾ ਰਿਹਾ। ਇਸ ਗੀਤ ਸੰਗੀਤ ਵਿੱਚ ਇੱਕ ਕਵਾਲੀ ਵੀ ਸੀ--ਨਹੀਂ ਹੋਨਾ ਥਾਂ --ਨਹੀਂ ਹੋਨਾ ਥਾ ਲੇਕਿਨ ਹੋ ਗਿਆ---ਹੋ ਗਿਆ ਹੈ ਮੁਝੇ ਪਿਆਰ! 

ਰਿਸ਼ਤਿਆਂ ਨਾਤਿਆਂ ਵਿੱਚ ਖੁੱਲ੍ਹ ਕੇ ਸਾਹਮਣੇ ਆ ਰਹੀਆਂ ਸਾਰੀਆਂ ਖਰਾਬੀਆਂ ਉਸ ਫਿਲਮ ਨੇ ਉਦੋਂ ਹੀ ਦਿਖਾ ਦਿੱਤੀਆਂ ਸਨ ਜਿਹੜੀਆਂ ਹੁਣ ਸਾਡੇ ਸਾਹਮਣੇ ਵੱਡੀ ਪੱਧਰ ਤੇ ਆ ਰਹੀਆਂ ਹਨ। ਫਿਲਮ ਮੀਡੀਆ ਨੇ ਸਾਡੇ ਸਮਾਜ ਨੂੰ ਸਮੇਂ ਸਮੇਂ ਬੜੀ ਸ਼ਿੱਦਤ ਨਾਲ ਸੁਚੇਤ ਵੀ ਕੀਤਾ ਪਾਰ ਅਸੀਂ ਨਹੀਂ ਸਮਝੇ।  

ਹੁਣ ਨਾ ਰਿਸ਼ਤੇ ਬਚੇ , ਨਾ ਹੀ ਧੰਨ ਦੌਲਤ ਅਤੇ ਹੀ ਸਿਹਤ ਅਤੇ ਸਕੂਨ। ਨਸ਼ਿਆਂ ਨੇ ਸਾਡੀ ਜ਼ਿੰਦਗੀ ਵਿੱਚ ਬੜੀ ਮਜ਼ਬੂਤੀ ਨਾਲ ਘੁਸਪੈਠ ਕੀਤੀ। ਬੱਚੇ ਅਕਸਰ ਉਦੋਂ ਵਤਨ ਪਹੁੰਚਦੇ ਹਨ ਜਦੋਂ ਮਾਂ ਪਿਓ ਉਹਨਾਂ ਨੂੰ ਮਿਲਣ ਲਈ ਤਰਸਦੇ ਇਸ ਦੁਨੀਆ ਤੋਂ ਹੀ ਤੁਰ ਜਾਂਦੇ ਹਨ। ਡੱਬਾ ਬੰਦ ਭੋਜਨ ਨੇ ਸਾਡੇ ਕੋਲੋਂ ਸਦਾ ਤਾਜ਼ਾ ਭੋਜਨ ਵੀ ਖੋਹ ਲਿਆ ਹੈ। ਮੱਕੀ ਦੀ ਰੋਟੀ ਅਤੇ ਸਰੋਂ ਦਾ ਸਾਗ ਬੜੀ ਦੂਰੀ ਵਾਲੀ ਪਹੁੰਚ ਤੇ ਜਾ ਚੁੱਕੇ ਹਨ। ਬਰਗਰ, ਨੂਡਲ, ਮੈਗੀ ਨੇ ਸਿਹਤ ਦੇ ਮਾਮਲੇ ਵਿੱਚ ਬਹੁਤ ਸਾਰੇ ਵਕਾਰ ਪੈਦਾ ਕਰ ਦਿੱਤੇ ਹਨ। ਨਸ਼ਿਆਂ ਦੀ ਆਦਤ ਨੇ ਸਾਡੀ ਸਾਰੀ ਕੁਦਰਤ ਨੀਂਦ ਖੋਹ ਲਈ  ਹੈ। 

ਝੂਠੇ ਜਿਹੇ ਇਸ ਵਿਕਾਸ ਨੇ ਸਾਡੇ ਕੋਲੋਂ ਸਾਰੇ ਸੱਚੇ ਸੁਖ ਰਾਮ ਖੋਹ ਲਏ ਹਨ। ਪਰਿਵਾਰਾਂ ਸਿਰ ਚੜ੍ਹੇ ਕਰਜ਼ਿਆਂ ਨਣੁ ਲਾਹੁਣ ਲਈ ਵਿਦੇਸ਼ਾਂ ਦੀ ਧਰਤੀ ਤੇ ਜਾਣ ਦੇ ਚਾਅ ਕਿਸੇ ਮ੍ਰਿਗ ਤ੍ਰਿਸ਼ਨਾਂ ਤੋਂ ਘੱਟ ਨਹੀਂ ਸਨ। ਡਾਕਟਰ ਸੁਰਜੀਤ ਪਾਤਰ ਸਾਹਿਬ ਅੱਜ ਫਿਰ  ਆ ਰਹੇ ਹਨ। ਉਹਨਾਂ ਕਈ ਦਹਾਕੇ ਪਹਿਲਾਂ ਲਿਖਿਆ ਸੀ:

ਜੋ ਬਦੇਸਾਂ 'ਚ ਰੁਲਦੇ ਨੇ ਰੋਟੀ ਲਈ; ਉਹ ਜਦੋਂ ਦੇਸ ਪਰਤਣਗੇ ਆਪਣੇ ਕਦੀ!

ਜਾਂ ਤਾਂ ਸੇਕਣਗੇ-ਮਾਂ ਦੇ ਸਿਵੇ ਦੀ ਅਗਨ; ਤੇ ਜਾਂ ਕਬਰਾਂ ਦੇ ਰੁੱਖ ਹੇਠ ਜਾ ਬਹਿਣਗੇ!

ਜਿਹੜੇ ਸਾਨੂੰ ਬੜੇ ਸੁਖੀ ਜਾਪਦੇ ਨੇ ਉਹਨਾਂ ਦੇ ਦੁੱਖਾਂ ਨੂੰ ਦੇਖਣ ਦੀ ਵੀ ਕੋਸ਼ਿਸ਼ ਕਰੋ। ਬਸ ਉਹ ਜ਼ਿਆਦਾ ਬੋਲਦੇ ਵੀ ਨਹੀਂ ਅਤੇ ਸਭਨਾਂ ਦੇ ਸਾਹਮਣੇ ਰੋਂਦੇ ਵੀ ਨਹੀਂ। ਉਹ ਵੀ ਹੁਣ ਤਨ ਮਨ ਦੇ ਸੁੱਖ ਲਈ ਭਾਰਤੀ ਸੰਸਕ੍ਰਿਤੀ ਵੱਲ ਬੜੀਆਂ ਉਮੀਦਾਂ ਨਾਲ ਦੇਖ ਰਹੇ ਨੇ। ਇਹਨਾਂ ਸਭਨਾਂ ਦੇ ਦਿਲਾਂ ਵਿੱਚ ਭਾਰਤ ਵੱਲ ਦੇਖਦਿਆਂ ਹੀ ਆਸ ਦੀ ਕਿਰਨ ਪੈਦਾ ਹੋ ਰਹੀ ਹੈ। ਡਾ. ਮੀਨਾ ਸ਼ਰਮਾ ਨੇ ਅਜਿਹੇ ਸਭਨਾਂ ਦੁਖੀ ਲੋਕਾਂ ਲਈ ਇੱਕ ਦਿਨ ਦੇ ਵਿਸ਼ੇਸ਼ ਮੈਡੀਟੇਸ਼ਨ ਕੈਂਪ ਦਾ ਐਲਾਨ ਕੀਤਾ ਹੈ। 

ਇੱਕ ਦਿਨ ਦਾ ਇਹ ਮੈਡੀਟੇਸ਼ਨ ਪ੍ਰੋਗਰਾਮ ਬਹੁਤ ਕੁਝ ਦੇ ਸਕਦਾ ਹੈ ਪਰ ਕੈਂਪ ਵਿਚ ਪਹੁੰਚਣਾ ਬਹੁਤ ਜ਼ਰੂਰੀ ਹੈ। ਡਾ. ਮੀਨਾ ਸ਼ਰਮਾ ਦੱਸਦੇ ਹਨ-ਮੈਡੀਟੇਸ਼ਨ ਜੀਵਨ ਨੂੰ ਸੰਤੁਲਿਤ ਅਤੇ ਸ਼ਾਂਤੀ ਨਾਲ ਭਰਪੂਰ ਬਣਾਉਣ ਲਈ ਇੱਕ ਸ਼ਕਤੀਸ਼ਾਲੀ ਮਾਧਿਅਮ ਹੈ। ਅੱਜ ਦੇ ਤਣਾਅ ਭਰੇ ਜੀਵਨ ਵਿੱਚ, ਮਾਨਸਿਕ ਸ਼ਾਂਤੀ ਅਤੇ ਅਧਿਆਤਮਿਕ ਸੰਤੁਲਨ ਦੀ ਜ਼ਰੂਰਤ ਪਹਿਲਾਂ ਨਾਲੋਂ ਵੱਧ ਹੈ। ਇਸੇ ਉਦੇਸ਼ ਨੂੰ ਮੁੱਖ ਰੱਖਦੇ ਹੋਏ ਇਹ ਇੱਕ ਰੋਜ਼ਾ ਮੈਡੀਟੇਸ਼ਨ ਪ੍ਰੋਗਰਾਮ ਲਗਾਇਆ ਜਾ ਰਿਹਾ ਹੈ। 

ਕੈਂਪ ਦਾ ਸਥਾਨ ਹੋਵੇਗਾ ਸ਼੍ਰੀ ਵੈਂਕਟੇਸ਼ ਮੰਦਿਰ, ਬਾਂਕੇ ਬਿਹਾਰੀ ਧਾਮ, ਟੀਡੀਆਈ, ਸੈਕਟਰ 74ਏ, ਮੋਹਾਲੀ। ਇਸ ਦੇ ਆਯੋਜਨ ਦੀ ਤਾਰੀਖ ਹੈ  22 ਦਸੰਬਰ 2024 ਅਤੇ ਕੈਂਪ ਦਾ  ਸਮਾਂ ਰਹੇਗਾ  ਸਵੇਰੇ 10 ਵਜੇ ਤੋਂ ਦੁਪਹਿਰ 2 ਵਜੇ ਤੱਕ।  

ਇਸ ਕੈਂਪ ਮੌਕੇ ਜਿਹਨਾਂ ਗੱਲਾਂ ਤੇ ਮੁਖ ਤੌਰ ਤੇ ਧਿਆਨ ਕੇਂਦਰਿਤ ਰਹੇਗਾ ਉਹ ਮੁੱਖ ਗਤੀਵਿਧੀਆਂ ਇਸ ਪ੍ਰਕਾਰ ਹੋਣਗੀਆਂ:

*ਮੈਡੀਟੇਸ਼ਨ ਸੈਸ਼ਨ (Meditation Session): ਦੀ ਜਾਚ ਸਿਖਾਉਣ ਵਾਲੇ ਗੁਰ ਦੇ ਅਧੀਨ ਧਿਆਨ ਨੂੰ ਕੇਂਦਰਿਤ ਕਰਨਾ ਸਿਖਾਇਆ ਜਾਏਗਾ। 

*ਸਾਹ ਲੈਣ ਦੀਆਂ ਤਕਨੀਕਾਂ (breathing  techniques) ਵੀ ਬੜੇ ਉਚੇਚ ਨਾਲ ਸਿਖਾਈਆਂ ਜਾਣਗੀਆਂ। ਸਾਹ ਲੈਣ ਦੇ ਵਿਗਿਆਨਕ ਤਰੀਕੇ ਸਿਖਾਏ ਜਾਣਗੇ। ਜਿਸ ਨੂੰ ਇਹ ਤਰੀਕੇ ਆ ਗਏ ਉਸ ਦੀਆਂ ਬਹੁਤ ਸਾਰੀਆਂ ਸਮੱਸਿਆਵਾਂ ਬਿਨਾ ਕਿਸੇ ਦਵਾਈ ਦੇ ਦੂਰ ਹੋ ਜਾਣਗੀਆਂ।  

*ਮਾਈਂਡਫੁਲਨੈੱਸ ਪ੍ਰੈਕਟਿਸ (mindfulness practice):ਇਸ ਵਿੱਚ ਤਨ ਦੇ ਨਾਲ ਨਾਲ ਮਾਈਂਡ ਦਿਸਣ ਸ਼ਕਤੀਆਂ ਨੂੰ ਜਾਗ੍ਰਿਤ ਕਰ ਕੇ ਸ਼ਖ਼ਸੀਅਤ ਵਿੱਚ ਨਵਾਂ ਨਿਖਾਰ ਲਿਆਂਦਾ ਜਾਏਗਾ। 

👉ਕੈਂਪ ਵਿੱਚ ਜਾਣ ਲਈ ਰਜਿਸਟ੍ਰੇਸ਼ਨ ਅਤੇ ਹੋਰ ਜਾਣਕਾਰੀ ਲਈ ਸੰਪਰਕ ਕਰੋ: ਡਾ: ਮੀਨਾ ਸ਼ਰਮਾ ਨਾਲ ਉਹਨਾਂ ਦਾ ਮੋਬਾਈਲ ਨੰਬਰ ਇਸ ਪ੍ਰਕਾਰ ਹੈ +91 96460-05543

  Acupoint Wellness Center  ਗੋਬਿੰਦ ਐਨਕਲੇਵ ਗ੍ਰੀਨਜ਼ ਸੈਕਟਰ 117, ਮੋਹਾਲੀ

ਬਿਜਲੀ ਬਿੱਲ ਮੁਆਫ ਕਰਨ ਦੇ ਵਾਅਦੇ ਤੇ ਅਮਲ ਸ਼ੁਰੂ

2 ਕਿਲੋਵਾਟ ਤੱਕ ਲੋਡ ਵਾਲਿਆਂ ਦੇ ਬਕਾਇਆ ਬਿਲ ਮੁਆਫ ਹੋਣ ਲੱਗੇ 

ਲੁਧਿਆਣਾ: 18 ਅਕਤੂਬਰ 2021: (ਕਾਰਤਿਕਾ ਸਿੰਘ//ਪੰਜਾਬ ਸਕਰੀਨ)::

ਸਮਾਜ ਦੇ ਕਮਜ਼ੋਰ ਵਰਗਾਂ ਨੂੰ ਵੱਡੀ ਰਾਹਤ ਦਿੰਦੇ ਹੋਏ ਮਾਣਯੋਗ ਮੁੱਖ ਮੰਤਰੀ ਸ ਚਰਨਜੀਤ ਸਿੰਘ ਚੰਨੀ ਜੀ ਦੀ ਯੋਗ ਅਗਵਾਈ ਹੇਠ ਪੰਜਾਬ ਸਰਕਾਰ ਵੱਲੋਂ 2 ਕਿਲੋਵਾਟ ਤੱਕ ਲੋਡ ਵਾਲੇ ਖਪਤਕਾਰਾਂ  ਦੇ ਬਕਾਇਆ ਬਿਜਲੀ ਬਿੱਲ ਮੁਆਫ ਕਰਨ ਲਈ ਚਲਾਈ ਸਕੀਮ ਦਰਗਰਮੀ ਨਾਲ ਅਮਲ ਵਿੱਚ ਲਿਆਂਦੀ ਜਾ ਰਹੀ ਹੈ। ਇਸ ਸਕੀਮ ਦੇ ਤਹਿਤ ਅੱਜ ਲੁਧਿਆਣਾ ਪੂਰਬੀ ਸਰਕਲ ਅਧੀਨ ਪੈਂਦੇ ਮੰਡਲ ਦਫਤਰ ਨਗਰ ਕੇਂਦਰੀ ਲੁਧਿਆਣਾ ਵਿੱਚ ਡਾਇਰੈਕਟਰ/ਵੰਡ ਇੰਜੀ: ਡੀ ਪੀ ਐਸ ਗਰੇਵਾਲ, ਮੁੱਖ ਇੰਜੀ: ਭੁਪਿੰਦਰ ਖੋਸਲਾ, ਨਿਗਰਾਨ ਇੰਜੀ: ਜਗਦੇਵ ਸਿੰਘ ਹਾਂਸ ਦੀ ਰਹਿਨੁਮਾਈ ਹੇਠ ਕੈਂਪ ਲਗਾ ਕੇ ਵਿਸ਼ੇਸ਼ ਸ਼ੁਰੂਆਤ ਕੀਤੀ ਗਈ। ਇਸ ਮੌਕੇ ਨਿਗਰਾਨ ਇੰਜੀ: ਜਗਦੇਵ ਸਿੰਘ ਹਾਂਸ ਨੇ ਕਿਹਾ ਕਿ ਜਿਨਾਂ ਲੋਕਾਂ ਦੇ ਬਿਜਲੀ ਦੇ ਬਿੱਲਾਂ ਦੀ ਅਦਾਇਗੀ ਨਾ ਕਰਨ ਕਰਕੇ ਕੁਨੈਕਸ਼ਨ ਕੱਟੇ ਗਏ ਸਨ, ਉਨਾਂ ਦੀ ਚਿਰੋਕਣੀ ਮੰਗ ਨੂੰ ਸਰਕਾਰ ਵੱਲੋਂ ਪੂਰਾ ਕਰਦਿਆਂ ਬਕਾਇਆ ਰਾਸ਼ੀ ਮੁਆਫ਼ ਕੀਤੀ ਜਾਵੇਗੀ ਅਤੇ ਇਹ ਕੁਨੈਕਸ਼ਨ ਦੋਬਾਰਾ ਜੋੜੇ ਜਾਣਗੇ। ਇਸ ਮੌਕੇ ਸੀਨੀਅਰ ਕਾਰਜਕਾਰੀ ਇੰਜੀਨੀਅਰ ਸੁਕਰਨ  ਸਿੰਘ ਗਰੇਵਾਲ, ਐਸ ਡੀ ਓ  ਮਨਦੀਪ ਸਿੰਘ ਅਤੇ ਐਸ ਡੀ ਓ ਭੁਪਿੰਦਰ ਸਿੰਘ ਵੀ ਹਾਜ਼ਰ ਸਨ।

ਅੰਗ ਦਾਨ ਰਜਿਸਟਰੇਸ਼ਨ ਕੈਂਪ ਲਗਾਇਆ ਗਿਆ

1st October 2021 at 3:47 PM

ਦਸ਼ਮੇਸ਼ ਹਿਉਮੈਨਿਟੀ ਟਰੱਸਟ ਅਤੇ PGI ਦੀ ਟੀਮ ਨਾਲ ਲਾਇਆ ਸਾਂਝਾ ਕੈਂਪ 

ਮੋਹਾਲੀ: 1 ਅਕਤੂਬਰ 2021: (ਗੁਰਜੀਤ ਬਿੱਲਾ//ਪੰਜਾਬ ਸਕਰੀਨ)::

ਸਪੋਰਟਸ ਕੰਪਲੈਕਸ ਸੈਕਟਰ-78 ਵਿਖੇ ਪ੍ਬੰਧਕ ਕਮੇਟੀ ਗੁਰੂਦੁਆਰਾ ਸਿੰਘ ਸ਼ਹੀਦਾਂ ਸੋਹਾਣਾ, ਦਸ਼ਮੇਸ਼ ਹਿਉਮੈਨਿਟੀ ਟਰੱਸਟ ਅਤੇ ਪੀ. ਜੀ. ਆਈ. ਦੀ ਟੀਮ ਨਾਲ ਮਿਲ ਕੇ ਮਨੁੱਖਤਾ ਦੀ ਸੇਵਾ ਨੂੰ ਮੁੱਖ ਰੱਖਦੇ ਹੋਏ ਅੰਗ ਦਾਨ ਮਹਾਂਦਾਨ ਰਜਿਸਟਰੇਸ਼ਨ ਕੈਂਪ ਲਗਾਇਆ ਗਿਆ। 

ਬੁਲਾਰੇ ਅਮਨਦੀਪ ਸਿੰਘ ਨੇ ਦਸਿਆ ਕਿ ਇਸ ਉਪਰੰਤ 50+ ਦਾਨੀ ਸਜਣਾਂ ਨੇ ਅੰਗ ਦਾਨ ਮਹਾਂਦਾਨ ਕੈਂਪ ਵਿੱਚ ਆਪਣੀ ਰਜਿਸਟਰੇਸ਼ਨ ਕਰਵਾਈ।

ਇਸ ਮੌਕੇ ਪੰਜਾਬ ਰਾਜ ਮਹਿਲਾ ਕਮੀਸ਼ਨ ਦੇ ਮੁੱਖੀੇ ਮੈਡਮ ਮਨੀਸ਼ਾ ਗੁਲਾਟੀ  ਅਤੇ ਪਰਸ਼ੋਤਮ ਲਾਲ ਖ਼ਲੀਫ਼ਾ ਡਾਇਰੈਕਟਰ ਪੀ.ਆਰ.ਟੀ.ਸੀ. ਮੁੱਖ ਮਹਿਮਾਨ ਵਜੋਂ ਹਾਜ਼ਿਰ ਸਨ। ਮੈਡਮ ਮਨੀਸ਼ਾ ਗੁਲਾਟੀ ਨੇ ਅੰਗ ਦਾਨ ਕਰਨ ਦੀ ਆਪਣੀ ਇੱਛਾ ਜ਼ਾਹਿਰ ਕੀਤੀ ਅਤੇ ਸਭ ਤੋਂ ਪਹਿਲਾਂ ਅੰਗਦਾਨ ਦਾ ਫਾਰਮ ਭਰਕੇ ਇੱਕ ਪ੍ਰੇਰਨਾ ਦਾ ਸਰੋਤ ਬਣੇ।

ਮੈਡਮ ਮਨੀਸ਼ਾ ਗੁਲਾਟੀ ਨੇ ਕਿਹਾ ਕਿ ਦਸ਼ਮੇਸ਼ ਹਿਉਮੈਨਿਟੀ ਟਰੱਸਟ ਦਾ ਮੁੱਖ ਮੰਤਵ ਸ: ਸਰਵਜੀਤ ਸਿੰਘ ਜੀ ਦੀ ਆਗਵਾਈ ਵਿੱਚ ਸਮੂਹ ਮਾਨਵਤਾ ਦੇ ਭਲੇ ਲਈ ਜ਼ਰੂਰਤਮੰਦਾਂ ਨੂੰ ਖੂਨਦਾਨ ਕਰਨਾ, ਪਲੇਟਲੈਟਸ ਦੇਣੇ, ਬੋਨ ਮੈਰੋ ਦੇ ਕੈਂਪ ਲਗਾਉਣੇ , ਸੜਕ ਦੁਰਘਟਨਾਵਾਂ ਵਿੱਚ ਫੌਰੀ ਤੌਰ ਤੇ ਮਦਦ ਪਹੁੰਚਾਉਣੀ, ਘਰੇਲੂ ਲੌੜਵੰਦ ਮਰੀਜਾਂ ਦੀ ਘਰ ਜਾ ਕੇ ਮਲ੍ਹਮ ਪੱਟੀ ਕਰਨੀ, ਅਪਾਹਿਜਾਂ ਨੂੰ ਨਵੀਂ ਜਿੰਦਗੀ ਜਿਉਣ ਦੇ ਯੋਗ ਬਣਾਉਣਾ ਹੈ। 

ਇਸ ਮੋਕੇ ਟਰੱਸਟ ਦੇ ਸਮੂਹ ਮੈਂਬਰ ਅਤੇ ਹੋਰ ਕਈ ਪਤਵੰਤੇ ਸਜੱਣ ਹਾਜ਼ਿਰ ਸਨ। ਕਿਸੇ ਵੀ ਤਰ੍ਹਾਂ ਦੀ ਜਾਣਕਾਰੀ ਅਤੇ ਖੂਨਦਾਨ ਕਰਨ ਲਈ ਟਰੱਸਟ ਦੇ ਸੰਪਰਕ ਨੰਬਰ 9915991990, 9915661660 ਤੇ ਸੰਪਰਕ ਕੀਤਾ ਜਾ ਸਕਦਾ ਹੈ।

ਕਲੱਬਾਂ ਵੱਲੋਂ ਰਲ ਕੇ ਖੁਨਦਾਨ ਕੈਂਪ ਦਾ ਉਪਰਾਲਾ ਕੀਤਾ ਗਿਆ

 ਸਹਿਯੋਗੀਆਂ ਕੋਲੋਂ 73 ਯੂਨਿਟ ਖੁਨ ਇਕੱਤਰ ਹੋਇਆ 

ਮੋਹਾਲੀ: 8 ਸਤੰਬਰ 2021: (ਗੁਰਜੀਤ ਬਿੱਲਾ//ਪੰਜਾਬ ਸਕਰੀਨ)::

ਅੱਜ ਡਿਸਟ੍ਰਿਕ 321-F, ਰੀਜਨ 6 ਦੇ ਪੰਜ ਕਲੱਬ ਲਾਇਨਜ਼ ਕਲੱਬ ਮੁਹਾਲੀ ਐਸ ਏ ਐਸ ਨਗਰ,  ਲਾਇਨਜ ਕਲੱਬ ਚੰਡੀਗੜ੍ਹ ਸੈਂਟਰਲ, ਲਾਇਨਜ ਕਲੱਬ ਚੰਡੀਗੜ੍ਹ ਹੋਸਟ, ਲਾਇਨਜ ਕਲੱਬ ਮੋਹਾਲੀ ਸੁਪਰੀਮ, ਲਾਇਨਜ ਕਲੱਬ ਜੀਰਕਪੁਰ ਗ੍ਰੇਟਰ ਦੇ ਰਿਜਨ ਚੇਅਰਪਰਸਨ ਹਰੀਸ਼ ਗੋਇਲ ਅਤੇ ਜੋਨ ਚੇਅਰਪਰਸਨ ਲਾਇਨ ਜਸਵਿੰਦਰ ਸਿੰਘ ਦੀ ਅਗਵਾਈ ਹੇਠ ਪਿੰਡ ਮੋਲੀ ਬੈਦਵਾਨ, ਸੈਕਟਰ 80 ਦੇ ਗੁਰੂਦਵਾਰਾ ਸਿੰਘ ਸ਼ਹੀਦਾਂ ਵਿੱਖੇ ਪਿੰਡ ਦੇ ਸਰਪੰਚ ਬੀ. ਕੇ. ਗੋਇਲ ਜੀ ਅਤੇ ਗ੍ਰਾਮ ਪੰਚਾਇਤ ਮੋਲੀ ਬੈਦਵਾਨ ਦੇ ਸਹਿਯੋਗ ਨਾਲ। 

ਜਿਸ ਵਿੱਚ ਪੀ. ਜੀ. ਆਈ. ਦੀ ਟੀਮ ਦੇ ਸਹਿਯੋਗ ਨਾਲ 73 ਯੂਨਿਟ ਖੁਨਦਾਨ ਕਰਨ ਵਾਲ਼ਿਆਂ ਦਾ ਸਹਿਯੋਗ ਪ੍ਰਾਪਤ ਹੋਇਆ।

ਇਸ ਮੌਕੇ ਖ਼ਾਸ ਤੋਰ ਤੇ ਵਾਇਸ ਡਿਸਟ੍ਰੀਕ ਗਵਰਨਰ 1, ਐਮ. ਜੇ. ਐਫ. ਲਾਇਨ ਲਲਿਤ ਬਹਿਲ , ਸਾਰੇ ਕਲੱਬਾਂ ਦੇ ਪੀ. ਐਸ. ਟੀ., ਮੈਂਬਰ ਸਾਹਿਬਾਨ, ਪੀ. ਜੀ. ਆਈ. ਤੋਂ ਡਾਕਟਰ ਸਾਹਿਬਾਨ ਦੀ ਟੀਮ ਅਤੇ ਵਿਸ਼ੇਸ਼ ਤੋਰ ਤੇ ਪਿੰਡ ਦੇ ਸਰਪੰਚ ਬਾਲ ਕ੍ਰਿਸ਼ਨ ਗੋਇਲ ਜੀ ਅਤੇ ਉਹਨਾਂ ਦੇ ਸਹਿਯੋਗੀ ਮਨੁੱਖਤਾ ਦੀ ਸੇਵਾ ਲਈ ਉੱਥੇ ਮੌਜੂਦ ਸਨ।

ਲਾਇਨਜ ਕਲੱਬ , ਡੋਨਰਸ ਅਤੇ ਪਿੰਡ ਵਾਸਿਆਂ ਦਾ ਮਾਨ ਵਧਾਉਣ ਅਤੇ ਅਸ਼ੀਰਵਾਦ ਦੇਣ ਲਈ ਮੋਹਾਲੀ ਸ਼ਹਿਰ ਦੇ ਮੇਅਰ  ਸ. ਅਮਰਜੀਤ ਸਿੰਘ ਜੀਤੀ ਸਿਧੂ , ਸੀਨੀਅਰ ਡਿਪਟੀ ਮੇਯਰ ਸ. ਸੋਮਲ ਅਤੇ ਡਿਪਟੀ ਮੇਅਰ ਸ. ਕੁਲਜੀਤ ਸਿੰਘ ਬੇਦੀ ਜੀ ਨੇ ਵਿਸ਼ੇਸ਼ ਤੋਰ ਤੇ ਸ਼ਿਰਕਤ ਕੀਤੀ ।

ਇਸ ਮੌਕੇ  ਸੂਰੀਆ ਕੌਣ ਦੇ ਡਾਇਰੈਕਟਰ ਸ੍ਰੀ ਹਰਪਾਲ ਸਿੰਘ, ਮੁੱਖ ਮਹਿਮਾਨ ਦਾ ਲਾਇਨਜ਼ ਕਲੱਬ ਮੋਹਾਲੀ ਦੀ 31,000/- ਰ: ਦੀ ਮਾਲੀ ਸਹਾਇਤਾ ਕਰਨ ਤੇ ਉਨ੍ਹਾਂ ਦਾ ਵਿਸ਼ੇਸ਼ ਧੰਨਵਾਦ ਕੀਤਾ ਗਿਆ। 

ਪਿੰਡ ਦੇ ਸਰਪੰਚ ਅਤੇ ਕਲੱਬ ਦੇ ਮੈਂਬਰਾਂ ਵੱਲੋਂ ਮਿਲ ਕੇ ਕੈਂਪ ਵਿੱਚ ਖੁਨਦਾਨ ਕਰਨ ਵਾਲ਼ਿਆਂ ਅਤੇ ਸਹਿਯੋਗੀਆਂ ਲਈ ਰਿਫਰੈਸ਼ਮੈਂਟ ਅਤੇ ਲੰਗਰ ਦਾ ਪ੍ਰਬੰਧ ਕੀਤਾ ਗਿਆ। 

ਕਲੱਬ ਦੇ ਪ੍ਰਧਾਨ ਹਰਿੰਦਰ ਪਾਲ ਸਿੰਘ ਹੈਰੀ ਵੱਲੋਂ ਆਈ ਹੋਈ ਮੈਡੀਕਲ ਟੀਮ, ਪਿੰਡ ਦੇ ਸਰਪੰਚ , ਮਹਿਮਾਨਾਂ ਅਤੇ ਕਲੱਬ ਦੇ ਮੈਂਬਰਾਂ ਵੱਲੋਂ ਦਿੱਤੇ ਗਏ ਸਹਿਯੋਗ ਦਾ ਧੰਨਵਾਦ ਕੀਤਾ ਗਿਆ ਅਤੇ ਸਭਨਾਂ ਨੂੰ ਸਨਮਾਨਿਤ ਕਰਕੇ ਸਭਨਾਂ ਦਾ ਮਾਨ ਵੀ ਵਧਾਇਆ ਗਿਆ। ਲਾਇਨਜ਼ ਕਲੱਬ ਮੋਹਾਲੀ ਦੇ ਖਜ਼ਾਨਚੀ ਅਮਨਦੀਪ ਸਿੰਘ ਗੁਲਾਟੀ ਵੀ ਇਸ ਆਯੋਜਨ ਦੀ ਸਫਲਤਾ ਲਈ ਸਰਗਰਮ ਰਹੇ। 

ਕੋਵਿਡ-19 ਮਹਾਂਮਾਰੀ ਨੂੰ ਜੜ੍ਹੋਂ ਖ਼ਤਮ ਕਰਨ ਦੀ ਮੁਹਿੰਮ ਤੇਜ਼

24th April 2021 at 8:18 PM

PYDB ਵੱਲੋਂ ਹੁਣ ਤੱਕ ਸਫਲਤਾਪੂਰਵਕ 24 ਟੀਕਾਕਰਨ ਕੈਂਪ ਲਗਾਏ ਗਏ-ਚੇਅਰਮੈਨ ਸੁਖਵਿੰਦਰ ਸਿੰਘ ਬਿੰਦਰਾ

*ਬੋਰਡ ਵੱਲੋਂ ਅੱਜ ਵੀ ਲੁਧਿਆਣਾ 'ਚ 2 ਕੈਪਾਂ ਦੀ ਕੀਤੀ ਗਈ ਸ਼ੁਰੂਆਤ

*ਚੇਅਰਮੈਨ ਸੁਖਵਿੰਦਰ ਸਿੰਘ ਬਿੰਦਰਾ ਨੇ ਅੱਜ ਕੀਤਾ 2 ਕੈਂਪਾਂ ਦਾ ਉਦਘਾਟਨ

ਲੁਧਿਆਣਾ: 24 ਅਪ੍ਰੈਲ 2021: (ਕਾਰਤਿਕਾ ਸਿੰਘ//ਪੰਜਾਬ ਸਕਰੀਨ)::

ਪੰਜਾਬ ਯੁਵਾ ਵਿਕਾਸ ਬੋਰਡ (ਪੀ.ਵਾਈ.ਡੀ.ਬੀ) ਦੇ ਚੇਅਰਮੈਨ ਸ੍ਰੀ ਸੁਖਵਿੰਦਰ ਸਿੰਘ ਬਿੰਦਰਾ ਨੇ ਅੱਜ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਵਸਨੀਕਾਂ ਨੂੰ ਬਿਹਤਰ ਸਿਹਤ ਸਹੂਲਤਾਂ ਮੁਹੱਈਆ ਕਰਵਾਉਣ ਲਈ ਪੀ.ਵਾਈ.ਡੀ.ਬੀ. ਵੱਲੋਂ ਹੁਣ ਤੱਕ ਸਫਲਤਾਪੂਰਵਕ 24 ਟੀਕਾਕਰਨ ਕੈਂਪ ਲਗਾਏ ਹਨ। ਉਨ੍ਹਾਂ ਦੱਸਿਆ ਕਿ ਉਹ ਸੂਬੇ ਭਰ ਦੇ ਸਾਰੇ ਪੀ.ਵਾਈ.ਡੀ.ਬੀ. ਮੈਂਬਰਾਂ ਅਤੇ ਯੂਥ ਕਲੱਬਾਂ ਨੂੰ ਆਪੋ ਆਪਣੇ ਖੇਤਰਾਂ ਵਿੱਚ ਅਜਿਹੇ ਕੈਂਪ ਲਗਾਉਣ ਲਈ ਪ੍ਰੇਰਿਤ ਕਰ ਰਹੇ ਹਨ ਤਾਂ ਜੋ ਅਸੀਂ ਆਪਣੇ ਸਮਾਜ ਵਿੱਚੋਂ ਕੋਵਿਡ-19 ਮਹਾਂਮਾਰੀ ਨੂੰ ਜੜ੍ਹੋਂ ਖ਼ਤਮ ਕਰ ਸਕੀਏੇ।

ਟੀਕਾਕਰਣ ਮੁਹਿੰਮ ਨੂੰ ਤੇਜ਼ ਕਰ ਕੇ ਕੋਵਿਡ-19 ਮਹਾਂਮਾਰੀ ਦੇ ਵਿਰੁੱਧ ਜੰਗ ਵਿਚ ਸੂਬਾ ਸਰਕਾਰ ਨਾਲ ਮੋਢੇ ਨਾਲ ਮੋਢਾ ਜੋੜ ਕੇ ਕੰਮ ਕਰਦਿਆਂ, ਸ੍ਰੀ ਸੁਖਵਿੰਦਰ ਸਿੰਘ ਬਿੰਦਰਾ ਦੀ ਪ੍ਰਧਾਨਗੀ ਹੇਠ ਪੀ.ਵਾਈ.ਡੀ.ਬੀ. ਹੁਣ ਤੱਕ ਜ਼ਿਲ੍ਹੇ ਵਿਚ ਕੁਲ 24 ਕੋਵਿਡ-19 ਟੀਕਾਕਰਨ ਕੈਂਪ ਲਗਾ ਚੁੱਕਾ ਹੈ।    

ਅੱਜ ਸ੍ਰੀ ਬਿੰਦਰਾ ਨੇ ਸ਼ਹੀਦ ਬਾਬਾ ਦੀਪ ਸਿੰਘ ਗੁਰਦੁਆਰਾ ਸਾਹਿਬ ਅਤੇ ਸਾਹਨੇਵਾਲ ਦੇ ਮੂੰਡੀਆਂ ਖੇਤਰ ਵਿਖੇ ਅਜਿਹੇ 2 ਕੈਂਪਾਂ ਦਾ ਉਦਘਾਟਨ ਕੀਤਾ।

ਸ੍ਰੀ ਸੁਖਵਿੰਦਰ ਸਿੰਘ ਬਿੰਦਰਾ ਨੇ ਦੱਸਿਆ ਕਿ 1 ਮਈ, 2021 ਤੋਂ, ਸਰਕਾਰ ਨੇ 18 ਸਾਲ ਤੋਂ ਵੱਧ ਉਮਰ ਦੇ ਲੋਕਾਂ ਲਈ ਟੀਕਾਕਰਣ ਦੀ ਆਗਿਆ ਦੇ ਦਿੱਤੀ ਹੈ। ਉਨ੍ਹਾਂ ਕਿਹਾ ਕਿ 1 ਮਈ ਤੋਂ ਸੂਬੇ ਦੇ ਸਾਰੇ ਨੌਜਵਾਨਾਂ ਨੂੰ ਟੀਕਾਕਰਨ ਲਈ ਪ੍ਰੇਰਿਤ ਕੀਤਾ ਜਾਵੇਗਾ। ਉਨ੍ਹਾਂ ਕਿਹਾ ਕਿ ਪੀ.ਵਾਈ.ਡੀ.ਬੀ. ਸਾਰੇ ਯੋਗ ਲੋਕਾਂ ਨੂੰ  ਕੋਵਿਡ-19 ਟੀਕੇ ਦੀ ਖੁਰਾਕ ਦਿਵਾਉਣ ਲਈ ਠੋਸ ਯਤਨ ਕਰ ਰਿਹਾ ਹੈ ਅਤੇ ਪੀ.ਵਾਈ.ਡੀ.ਬੀ. ਜਲਦ ਤੋਂ ਜਲਦ ਯੋਗ ਲੋਕਾਂ ਦੀ ਕਵਰੇਜ ਨੂੰ ਯਕੀਨੀ ਬਣਾਉਣ ਯਤਨਸ਼ੀਲ ਹੈ।

ਚੇਅਰਮੈਨ ਨੇ ਕਿਹਾ ਕਿ ਸਿਰਫ ਤੇਜ਼ ਟੀਕਾਕਰਨ ਮੁਹਿੰਮ ਰਾਹੀਂ ਇਸ ਮਹਾਂਮਾਰੀ 'ਤੇ ਕਾਬੂ ਪਾਇਆ ਜਾ ਸਕਦਾ ਹੈ, ਜਿਸ ਦੇ ਨਤੀਜੇ ਵਜੋਂ ਕੋਰੋਨਾ ਦੀ ਪਸਾਰ ਲੜੀ ਨੂੰ ਤੋੜਿਆਂ ਜਾਂਦਾ ਹੈ।

ਉਨ੍ਹਾਂ ਉਦਯੋਗਪਤੀਆਂ ਨੂੰ ਹਮੇਸ਼ਾਂ ਪੀ.ਵਾਈ.ਡੀ.ਬੀ. ਦਾ ਸਮਰਥਨ ਕਰਨ ਲਈ ਧੰਨਵਾਦ ਕੀਤਾ ਅਤੇ ਕੈਪਟਨ ਅਮਰਿੰਦਰ ਸਿੰਘ ਨੇ ਕਈ ਭਲਾਈ ਸਕੀਮਾਂ ਵਿੱਚ ਪੰਜਾਬ ਸਰਕਾਰ ਦੀ ਅਗਵਾਈ ਕੀਤੀ।

ਕੋਵਿਡ ਦੀ ਰੋਕਥਾਮ ਲਈ ਮੁਫ਼ਤ ਟੀਕਾਕਰਨ ਕੈਂਪ ਲਗਾਇਆ ਗਿਆ

 ਲੋੜਵੰਦਾਂ ਨੂੰ ਸਹੂਲਤ ਦੇਣ ਲਈ ਲਾਇਨਜ਼ ਕਲੱਬ ਵੱਲੋਂ ਇੱਕ ਹੋਰ ਉਪਰਾਲਾ 

ਲੁਧਿਆਣਾ: 19 ਅਪ੍ਰੈਲ 2021: (ਕਾਰਤਿਕਾ ਸਿੰਘ//ਪੰਜਾਬ ਸਕਰੀਨ)::

ਕੋਵਿਡ ਦੀ ਰੋਕਥਾਮ ਕਰਨ ਵਾਲੀ ਵੈਕਸੀਨ ਦੇ ਖਿਲਾਫ ਅਫਵਾਹਾਂ ਦਾ ਬਾਜ਼ਾਰ ਲਗਾਤਾਰ ਗਰਮ ਹੈ। ਇਹਨਾਂ ਅਫਵਾਹਾਂ ਕਾਰਨ ਅਜੇ ਵੀ ਬਹੁਤ ਸਾਰੇ ਲੋਕ ਇਸਨੂੰ ਲਗਵਾਉਣ ਤੋਂ ਹਿਚਕਚਾ ਰਹੇ ਹਨ। ਬੇਬੁਨਿਆਦ ਪ੍ਰਚਾਰ ਵਾਲੀ ਇਸ ਧੁੰਦ ਨੂੰ ਚੀਰਦਿਆਂ ਨਵੀਂ ਹਿੰਮਤ ਦਿਖਾ ਰਹੀਆਂ ਹਨ ਲੁਧਿਆਣਾ ਦੀਆਂ ਸਮਾਜਿਕ ਸੰਸਥਾਵਾਂ। ਨਾਂਹ ਪੱਖੀ ਪ੍ਰਚਾਰ ਵਾਲੀ ਇਸ ਤਰਾਂ ਦੀ ਨਾਜ਼ੁਕ ਹਾਲਤ ਵਿੱਚ ਵੀ ਲਾਇਨਜ਼ ਕਲੱਬ ਨੇ ਕੋਵਿਡ ਵੈਕਸੀਨੇਸ਼ਨ ਦਾ ਇੱਕ ਮੁਫ਼ਤ ਕੈਂਪ ਲਾਇਨਜ਼ ਭਵਨ ਵਿੱਚ ਆਯੋਜਿਤ ਕੀਤਾ ਤਾਂ ਕਿ ਲੋਕ ਵੱਧ ਚੜ੍ਹ ਕੇ ਇਸਦਾ ਫਾਇਦਾ ਉਠਾ ਸਕਣ। ਇਹ ਕੈਂਪ ਪੂਰੀ ਤਰ੍ਹਾਂ ਮੁਫ਼ਤ ਸੀ ਅਤੇ ਲੋਕਾਂ ਦਾ ਹੋਂਸਲਾ ਵਧਾਉਣ ਲਈ ਕਲੱਬ ਦੇ  ਬਜ਼ੁਰਗ ਮੈਂਬਰ ਵੀ ਕੈਂਪ ਦੇ ਆਖਿਰ ਤੱਕ ਮੌਜੂਦ ਰਹੇ ਅਤੇ ਲੋਕਾਂ ਦਾ ਹੌਂਸਲਾ ਵਧਾਉਂਦੇ ਰਹੇ। 

ਇਹ ਸਭ ਕੁਝ ਲਾਇਨਜ਼ ਇੰਟਰਨੈਸ਼ਨਲ ਦੇ ਮੰਤਵ ਅਨੁਸਾਰ ਚੱਲਦਿਆਂ ਲਾਇਨਜ਼ ਕਲੱਬ ਊਧਮ ਸਿੰਘ ਨਗਰ ਵਾਲੀ ਟੀਮ ਦੀ ਦੇਖਰੇਖ ਹੇਠ ਹੋਇਆ।  ਲਾਇਨਜ਼ ਭਵਨ ਵਿਖੇ ਲਾਇਨ ਡਾ ਪੀ ਕੇ ਐਸ ਵਰਮਾ ਦੀ ਅਗਵਾਈ ਹੇਠਲੱਗੇ ਇਸ ਕੈਂਪ ਵਿੱਚ ਬਹੁਤ ਸਾਰੇ ਲੋਕ ਪੁੱਜੇ। ਇਹ ਕੈਂਪ ਆਮ ਲੋਕਾਂ ਲਈ ਵੀ ਖੁੱਲਾ ਸੀ। ਇਸ ਮੌਕੇ 45 ਸਾਲ ਤੋਂ ਵੱਧ ਉਮਰ ਦੇ ਲੋਕਾਂ ਨੂੰ ਉਨ੍ਹਾਂ ਦੇ ਆਧਾਰ ਕਾਰਡ ਦੇਖ ਕੇ ਟੀਕਾ ਲਗਾਇਆ ਗਿਆ ਸੀ। ਕੋਵੈਕਸਿਨ ਨੂੰ 182 ਲੋਕਾਂ ਨੂੰ ਪਹਿਲੀ ਖੁਰਾਕ ਅਤੇ 18 ਲੋਕਾਂ ਨੂੰ ਦੂਜੀ ਖੁਰਾਕ ਵਜੋਂ ਦਿੱਤਾ ਗਿਆ ਸੀ। ਇਹ ਕੈਂਪ ਲਾਇਨ ਭਵਨ ਟਰੱਸਟ ਦੀ ਅਗਵਾਈ ਹੇਠ ਲਗਾਇਆ ਗਿਆ। ਇਸ ਮੌਕੇ ਲਾਇਨ ਐਸ ਕੇ ਸੂਦ ਨੇ ਪ੍ਰੋਜੈਕਟ ਚੇਅਰਮੈਨ ਵਜੋਂ ਅਤੇ ਲਾਇਨ ਸੁਸ਼ੀਲ ਗੁਪਤਾ ਨੇ ਸਹਿ ਚੇਅਰਮੈਨ ਵਜੋਂ ਆਪਣਾ ਯੋਗਦਾਨ ਪਾਇਆ। 

ਅਜਿਹੀਆਂ ਸਰਗਰਮੀਆਂ ਅਕਸਰ ਕਰਦੇ ਰਹਿਣ ਵਾਲੇ ਇਸ ਸੰਗਠਨ ਦੇ ਇਸ ਕੈਂਪ ਬਾਰੇ ਸੰਖੇਪ ਜਾਣਕਾਰੀ ਦਿੰਦਿਆਂ ਪ੍ਰਧਾਨ ਲਾਇਨ  ਐਸ ਪੀ ਸ਼ਰਮਾ ਨੇ ਕਿਹਾ ਕਿ ਲਾਇਨਜ਼ ਕਲੱਬ ਵਾਲੇ ਲੋਕ ਸਮਾਜਿਕ ਕੰਮਾਂ ਵਿਚ ਹਮੇਸ਼ਾ ਮੋਹਰੀ ਰਹਿੰਦੇ ਹਨ। ਸਮਾਜ ਦੇ ਕਮਜ਼ੋਰ ਅਤੇ ਦਰਮਿਆਨੇ ਤਬਕੇ ਨਾਲ ਸਬੰਧਤ ਲੋਕਾਂ ਦੀ ਸਹੂਲਤ ਲਈ ਕਲੱਬ ਦੇ ਅਹੁਦੇਦਾਰ ਲਾਇਨ ਸ਼ਨੀਮ ਸੁੰਦਰ ਨੇ ਕਿਹਾ ਕਿ ਮਹਾਂਮਾਰੀ ਦੇ ਸਮੇਂ ਸਾਰਿਆਂ ਦਾ ਸਮਾਜ ਦੀ ਸੇਵਾ ਲਈ ਅੱਗੇ ਆਉਣਾ ਇੱਕ ਮੁਢਲਾ ਫਰਜ਼ ਵੀ ਸੀ। ਲਾਇਨ ਨਕੇਸ਼ ਗਰਗ, ਵੀ.ਡੀ.ਜੀ.-ਆਈ, ਲਾਇਨ ਜੀ ਐਸ ਕਾਲੜਾ, ਲਾਇਨਬੇਲ, ਲਾਇਨ ਦਵਿੰਦਰ ਗੁਪਤਾ ਨੇ ਇਸ ਮੌਕੇ ਜ਼ਿਲ੍ਹਾ ਪ੍ਰਤੀਨਿਧ ਵਜੋਂ ਸ਼ਿਰਕਤ ਕੀਤੀ। ਲਾਇਨਜ਼ ਕਲੱਬ ਦੇ ਸਾਬਕਾ ਪ੍ਰਧਾਨ ਲਾਇਨ ਵਰੁਣ ਚੰਦੋਕ ਨੇ ਕਿਹਾ ਕਿ ਦੂਜੀ ਖੁਰਾਕ 30 ਮਈ 2021 ਨੂੰ ਅਗਲੇ ਹਫਤਿਆਂ ਵਿੱਚ ਛੇਤੀ ਹੀ ਲਗਾਏ ਜਾਣ ਵਾਲੇ ਅਗਲੇ ਕੈਂਪ ਵਿਚ ਲਗਾਈ ਜਾਏਗੀ। 

ਇਸ ਮੌਕੇ ਸ੍ਰੀਮਤੀ ਆਸ਼ਾ ਰਾਣੀ ਦਾ ਜੋਸ਼ ਅਤੇ ਉਤਸ਼ਾਹ ਦੇਖਣ ਵਾਲਾ ਸੀ। ਤਕਰੀਬਨ 84 ਸਾਲ ਦੀ ਉਮਰ ਦਾ ਟੀਕਾ ਲਗਵਾਉਂਦੇ ਸਮੇਂ ਇਹ ਬਜ਼ੁਰਗ ਔਰਤ ਜੋਸ਼ ਨਾਲ ਭਰੀ ਹੋਈ ਸੀ। ਕੈਂਪ ਵਿੱਚ ਆਏ ਲੋਕਾਂ ਨੇ ਇਸ ਅੱਤ ਦੇ ਮੁਸ਼ਕਲ ਸਮੇਂ ਵਿਚ ਕੈਂਪ ਦੇ ਸੁਚਾਰੂ ਰੂਪ ਨਾਲ ਚਲਾਉਣ ਦੀਆਂ ਕੋਸ਼ਿਸ਼ਾਂ ਦੀ ਵੀ ਪ੍ਰਸ਼ੰਸਾ ਕੀਤੀ। ਕੈਂਪ ਵਿੱਚ ਪੁੱਜੇ ਲੋੜਵੰਦਾਂ ਨੂੰ ਟੀਕੇ ਲਗਾਏ ਗਏ ਅਤੇ ਲੋਕਾਂ ਨੂੰ ਕਾਫੀ ਅਤੇ ਸਨੈਕਸ ਵੀ ਪਰੋਸਿਆ ਗਿਆ। 

ਇਸ ਟੀਕਾਕਰਨ ਲਈ ਬਣਦੀ ਸਮਾਜਿਕ ਦੂਰੀ ਵੀ ਬਣਾਈ ਰੱਖੀ ਗਈ ਸੀ ਅਤੇ ਸਾਰੇ ਨਿਯਮਾਂ ਅਤੇ ਪ੍ਰਕ੍ਰਿਆ ਦੀ ਪਾਲਣਾ ਵੀ ਕੀਤੀ ਗਈ। ਲਾਇਨਜ਼ ਕਲੱਬ ਦੇ ਮੈਂਬਰਾਂ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਨੇ ਪੂਰੇ ਜੋਸ਼ ਨਾਲ ਕੈਂਪ ਵਿਚ ਹਿੱਸਾ ਲਿਆ। ਲਾਇਨ ਹਰਗੋਪਾਲ ਨੇ ਕੈਂਪ ਨੂੰ ਵੱਡੀ ਪੱਧਰ ਤੇ  ਸਫਲ ਬਣਾਉਣ ਲਈ ਸਾਰੇ ਸਬੰਧਤ ਸੱਜਣਾਂ ਦਾ ਧੰਨਵਾਦ ਵੀ ਕੀਤਾ।

GCG ਲੁਧਿਆਣਾ:ਕੋਵਿਡ-19 ਸੰਬੰਧੀ ਜਾਗਰੂਕਤਾ ਕੈਂਪ

Friday: 9th October 2020 at 3:23 PM

 ਆਇਰਨ, ਫੋਲਿਕ ਐਸਿਡ ਅਤੇ ਜ਼ਿੰਕ ਦੀਆਂ ਗੋਲੀਆਂ ਵੀ ਵੰਡੀਆਂ ਗਈਆਂ 

ਲੁਧਿਆਣਾ: 9 ਅਕਤੂਬਰ 2020: (ਕਾਰਤਿਕਾ ਸਿੰਘ//ਪੰਜਾਬ ਸਕਰੀਨ)::

ਸਰਕਾਰੀ ਕਾਲਜ ਲੜਕੀਆਂ, ਲੁਧਿਆਣਾ ਵਿਖੇ ਪੰਜਾਬ ਸਿਹਤ ਵਿਭਾਗ ਦੇ ਡਾਕਟਰਾਂ ਦੀ ਟੀਮ ਵੱਲੋਂ ਕੋਵਿਡ-19 ਦੇ ਚਲਦਿਆਂ ਸੁਰੱਖਿਆ ਵਜੋਂ ਡਾ. ਗੁਰਪ੍ਰੀਤ ਕੌਰ, ਕਾਰਜਕਾਰੀ ਪ੍ਰਿੰਸੀਪਲ ਅਤੇ ਡਾ. ਸੁਖਵਿੰਦਰ ਕੌਰ, ਇੰਚਾਰਜ, ਸਟੂਡੈਂਟ ਕਾਉਂਸਲ ਦੀ ਸੁਯੋਗ ਅਗਵਾਈ ਅਧੀਨ ਕੈਂਪ ਲਗਾਇਆ ਗਿਆ। ਇਸ ਕੈਂਪ ਦੌਰਾਨ ਯੂ.ਸੀ.ਐੱਚ.ਸੀ. ਜਵੱਦੀ ਦੇ ਮੈਡੀਕਲ ਅਫਸਰ ਡਾ. ਸੀਮਾ ਕੌਸ਼ਲ ਵੱਲੋਂ ਕਰੋਨਾ ਵਾਇਰਸ ਤੋਂ ਸਟਾਫ ਨੂੰ ਜਾਗਰੂਕ ਕੀਤਾ ਗਿਆ ਤਾਂ ਜੋ ਰਿਕਵਰੀ ਰੇਟ ਨੂੰ ਵਧਾਇਆ ਜਾ ਸਕੇ ਅਤੇ ਕਰੋਨਾ ਕਰਕੇ ਮੌਤ ਦੀ ਦਰ ਨੂੰ ਘਟਾਇਆ ਜਾ ਸਕੇ। ਉਹਨਾਂ ਕੈਂਪ ਵਿੱਚ ਭਾਗ ਲੈਣ ਵਾਲਿਆਂ ਨੂੰ ਖਾਣ-ਪੀਣ ਅਤੇ ਰੋਗ ਪ੍ਰਤੀਰੋਧੀ ਸ਼ਕਤੀ ਵਧਾਉਣ ਬਾਰੇ ਵੀ ਜਾਗਰੂਕ ਕੀਤਾ। ਇਸ ਕੈਂਪ ਦੌਰਾਨ ਆਇਰਨ, ਫੋਲਿਕ ਐਸਿਡ ਅਤੇ ਜ਼ਿੰਕ ਦੀਆਂ ਗੋਲੀਆਂ ਵੀ ਵੰਡੀਆਂ ਗਈਆਂ।

ਮੈਡੀਵੇਜ਼ ਵੱਲੋਂ ਗਰੀਬ ਅਤੇ ਮੱਧਵਰਗੀ ਲੋਕਾਂ ਲਈ ਇੱਕ ਵਾਰ ਫੇਰ ਵਿਸ਼ੇਸ਼ ਮੈਡੀਕਲ ਕੈਂਪ

ਬਰੇਨ ਕੋਆਇਲਿੰਗ ਅਤੇ ਐਂਜੀਉਗਰਾਫੀ ਦੀਆਂ ਸਹੂਲਤਾਂ ਵੀ ਮੁਫ਼ਤ ਦਿੱਤੀਆਂ  

ਲੁਧਿਆਣਾ: 4 ਦਸੰਬਰ 2018: (ਐਮ ਐਸ ਭਾਟੀਆ//ਪੰਜਾਬ ਸਕਰੀਨ)::

ਨੌਜਵਾਨ ਪੁੱਤਰ ਦਾ ਵਿਛੋੜਾ ਇੱਕ ਅਸਹਿ ਦਰਦ ਸੀ। ਜ਼ਿੰਦਗੀ ਦਾ ਇੱਕ ਇੱਕ ਪਲ ਭਾਰੂ ਹੋ ਗਿਆ ਸੀ। ਨਿਰਾਸ਼ਾ ਦਾ ਹਨੇਰਾ ਹਰ ਪਲ ਘਿਰਨ ਲੱਗ ਪਿਆ। ਉਹ ਸਮਾਂ ਸਚਮੁਚ ਹੀ ਬੜਾ ਮੁਸ਼ਕਿਲ ਸਮਾਂ ਸੀ। ਉਸ ਵੇਲੇ ਭਾਊ ਭਗਵਾਨ ਸਿੰਘ ਨੇ ਫੈਸਲਾ ਕੀਤਾ ਕਿ ਉਹ ਇਸ ਦਰਦ ਨੂੰ ਹੀ ਆਪਣੀ ਦਵਾ ਬਣਾਉਣਗੇ। ਉਹਨਾਂ ਪੂਰੇ ਸਮਾਜ ਲਈ ਬਹੁਤ ਸਾਰੇ ਅਜਿਹੇ ਕੰਮ ਅਰੰਭੇ ਜਿਹਨਾਂ ਨਾਲ ਆਮ ਗਰੀਬ ਲੋਕਾਂ ਨੂੰ ਰਾਹਤ ਮਿਲਦੀ ਸੀ। ਕਿਤੇ ਮੈਡੀਕਲ ਕੈਂਪ ਲਗਵਾਏ, ਕਿਤੇ ਹਸਪਤਾਲ ਖੋਹਲੇ ਅਤੇ ਕਿਤੇ ਡਿਸਪੈਂਸਰੀਆਂ ਖੋਹਲੀਆਂ। ਗੁਰਮੇਲ ਮੈਡੀਕਲ ਹਾਲ ਵਾਲੇ ਪਰਿਵਾਰ ਵੱਜੋਂ ਜਾਣੇ ਜਾਂਦੇ ਇਸ ਪਰਿਵਾਰ ਨੇ ਲੁਧਿਆਣਾ ਦੀ ਹਰ ਨੁੱਕਰ ਵਿੱਚ ਰਾਹਤ ਦੇ ਇਸ ਮਿਸ਼ਨ ਨੂੰ ਲਿਜਾਣ ਦਾ ਇਹ ਬੇਹੱਦ ਔਖਾ ਕੰਮ ਅਰੰਭਿਆ। ਅੱਜ ਲੁਧਿਆਣਾ ਦੀ ਫਿਰੋਜ਼ਪੁਰ ਰੋਡ 'ਤੇ ਸਥਿਤ ਮੈਡੀਵੇਜ਼ ਹਸਪਤਾਲ ਵਿੱਚ ਵੀ ਇੱਕ ਵਿਸ਼ੇਸ਼ ਮੈਡੀਕਲ ਕੈਂਪ ਸੀ। 

ਵਿਸ਼ੇਸ਼ ਇਸ ਲਈ ਕਿ ਇਸ ਵਿੱਚ ਬਰੇਨ ਕੋਆਇਲਿੰਗ ਅਤੇ ਐਂਜੀਉਗਰਾਫੀ ਵਰਗੇ ਮਹਿੰਗੇ ਟੈਸਟਾਂ ਦੀਆਂ ਸਹੂਲਤਾਂ ਵੀ ਬਿਲਕੁਲ ਮੁਫ਼ਤ ਦਿੱਤੀਆਂ ਗਈਆਂ ਸਨ। ਇਕੱਲੇ ਐਂਜੀਉਗਰਾਫੀ ਟੈਸਟ ਦੀ ਕੀਮਤ ਹੀ ਬਾਜ਼ਾਰ ਵਿੱਚ ਘਟੋਘੱਟ ਦਸ ਹਜ਼ਾਰ ਰੁਪਏ ਹੈ। ਇਸ ਤਰਾਂ ਬਰੇਨ ਕੋਇਲਿੰਗ ਦੇ ਸਬੰਧ ਵਿੱਚ ਦਾਅਵਾ ਕੀਤਾ ਗਿਆ ਕਿ ਇਹ ਸਹੂਲਤ ਲੁਧਿਆਣਾ ਵਿੱਚ ਕਿਸੇ ਵੀ ਹਸਪਤਾਲ ਕੋਲ ਨਹੀਂ। ਇਸ ਬਾਰੇ ਗੱਲਬਾਤ ਕਰਦਿਆਂ ਡਾਕਟਰ ਸੰਜੀਵ ਰਾਜਪੂਤ ਨੇ ਦੱਸਿਆ ਕਿ ਜੇ ਸਮੇਂ ਸਿਰ ਇਲਾਜ ਹੋ ਜਾਵੇ ਤਾਂ ਮਰੀਜ਼ ਬੜੀ ਜਲਦੀ ਸਿਹਤਮੰਦ ਹੋ ਕੇ ਘਰ ਚਲਾ ਜਾਂਦਾ ਹੈ। ਇਸੇ ਤਰਾਂ ਡਾਕਟਰ ਵੀਨਾ ਜੈਨ ਨੇ ਬਰੈਸਟ ਕੈਂਸਰ ਬਾਰੇ ਦੱਸਿਆ ਕਿ ਲਾਈਫ ਸਟਾਈਲ ਸੁਧਾਰ ਕੇ ਇਸ ਬਿਮਾਰੀ ਤੋਂ ਬਚਿਆ ਜਾ ਸਕਦਾ ਹੈ ਪਰ  ਜੇ ਇਹ ਬਿਮਾਰੀ ਹੋ ਹੀ ਜਾਵੇ ਤਾਂ ਫਿਰ ਸਮੇਂ ਸਿਰ ਇਲਾਜ ਕਰਾਉਣਾ ਬਹੁਤ ਜ਼ਰੂਰੀ ਹੈ। ਇਸਦੇ ਲੱਛਣ ਦਿਖਾਈ ਦੇਂਦਿਆਂ ਹੀ ਤੁਰੰਤ ਡਾਕਟਰ ਨਾਲ ਸੰਪਰਕ ਕਰਨਾ ਚਾਹੀਦਾ ਹੈ। 

ਇਸ ਮੈਡੀਕਲ ਕੈਂਪ ਬਾਰੇ ਜਾਣਕਾਰੀ ਦੇਂਦਿਆਂ ਡਾਕਟਰ ਕਰਮਵੀਰ ਗੋਇਲ ਨੇ ਦੱਸਿਆ ਕਿ ਅੱਜਕਲ ਸਾਵਧਾਨੀ ਵਾਲਾ ਮੌਸਮ ਹੈ ਇਸ ਲਈ ਕਿਸੇ ਵੀ ਬਿਮਾਰੀ ਦਾ ਕੋਈ ਸੰਕੇਤ ਦਿਖਾਈ ਦੇਵੇ ਤਾਂ ਤੁਰੰਤ ਡਾਕਟਰ ਦੀ ਸਲਾਹ ਲੈਣੀ ਚਾਹੀਦੀ ਹੈ। 

ਡਾਕਟਰ ਸਤੀਸ਼ ਜੈਨ ਹੁਰਾਂ ਨੇ ਵੀ ਕੈਂਸਰ ਦੀ ਭਿਆਨਕਤਾ ਅਤੇ ਇਸਦੇ ਖਤਰਿਆਂ ਬਾਰੇ ਅਗਾਹ ਕਰਦਿਆਂ ਕਿਹਾ ਕਿ ਸਮੇਂ ਸਿਰ ਡਾਕਟਰ ਦੀ ਸਲਾਹ ਲੈਣੀ ਬਹੁਤ ਜ਼ਰੂਰੀ ਹੈ। 

ਜ਼ਿੰਦਗੀ ਵਿੱਚ ਬਹੁਤੀਆਂ ਬਿਮਾਰੀਆਂ ਕਿਸੇ ਕੁਦਰਤੀ ਕਰੋਪੀ ਕਰਕੇ ਨਹੀਂ ਬਲਕਿ ਗਲਤ ਲਾਈਫ ਸਟਾਈਲ ਜਾਂ ਗਲਤ ਖਾਣਪਾਣ ਨਾਲ ਹੁੰਦੀਆਂ ਹਨ। ਡਾਈਟੀਸ਼ੀਅਨ ਅਮਨਦੀਪ ਕੌਰ ਨੇ ਦੱਸਿਆ ਕਿ ਜੇ ਲਾਈਫ ਸਟਾਈਲ ਠੀਕ ਹੋਵੇ, ਖਾਣਪੀਣ ਅਤੇ ਪਹਿਰਾਵੇ ਦੇ ਮਾਮਲੇ ਵਿੱਚ ਸੁਚੇਤ ਰਿਹਾ ਜਾਵੇ ਤਾਂ ਬਹੁਤ ਸਾਰੀਆਂ ਬਿਮਾਰੀਆਂ ਤੋਂ ਬਚਿਆ ਜਾ ਸਕਦਾ ਹੈ। 

ਜ਼ਿਕਰਯੋਗ ਹੈ ਕਿ ਇਹ ਹਸਪਤਾਲ ਵੀ ਰਵਿੰਦਰਪਾਲ ਸਿੰਘ ਮਿੰਕੂ ਦੀ ਯਾਦ ਵਿੱਚ ਹੀ ਬਣਾਇਆ ਗਿਆ ਹੈ। ਇਸ ਹਸਪਤਾਲ ਵਿੱਚ ਹਰ ਮੰਗਲਵਾਰ ਮੁਫ਼ਤ ਮੈਡੀਕਲ ਕੈਂਪ ਲੱਗਦਾ ਹੈ। 

ਇਨਸਾਨ ਲਈ ਸਿਰਫ ਇਨਸਾਨੀ ਖੂਨ ਹੀ ਸਹੀ ਇਲਾਜ ਹੈ ਨਾ ਕਿ ਬੱਕਰੇ ਦਾ ਖੂਨ

ਥੈਲਾਸੀਮੀਕ ਬੱਚਿਆਂ ਲਈ PAU ਦੇ ਕਿਸਾਨ ਮੇਲੇ ਵਿੱਚ ਵਿਸ਼ੇਸ਼ ਖੂਨਦਾਨ ਕੈਂਪ

ਲੁਧਿਆਣਾ: 21 ਸਤੰਬਰ 2018: (ਪੰਜਾਬ ਸਕਰੀਨ ਟੀਮ):: Click here to See More Pics on Facebook

ਕਿਸਾਨ ਮੇਲਾ ਲਗਾਤਾਰ ਕਾਰੋਬਾਰੀ ਬੰਦਾ ਜਾ ਰਿਹਾ ਹੈ ਕਿਓਂਕਿ ਕਾਰੋਬਾਰ ਬਿਨਾ ਜ਼ਿੰਦਗੀ ਨਹੀਂ ਚੱਲਦੀ। ਇਸਦੇ ਬਾਵਜੂਦ ਪੀਏਯੂ ਇਸਨੂੰ ਮਿਸ਼ਨਰੀ ਰੱਖਣ ਦੀਆਂ ਕੋਸ਼ਿਸ਼ਾਂ ਵੀ ਪੂਰੇ ਜ਼ੋਰਸ਼ੋਰ ਨਾਲ ਕਰ ਰਹੀ ਹੈ। ਗੱਲ ਖੁਦਕੁਸ਼ੀਆਂ ਰੋਕਣ ਦੀ ਹੋਵੇ, ਚੰਗਾ ਸਾਹਿਤ ਪੜ੍ਹਨ ਦੀ ਜਾਂ ਫਿਰ ਵਹਿਮਾਂ ਭਰਮਾਂ ਅਤੇ ਅਡੰਬਰਾਂ ਦੇ ਜਾਲ ਤੋਂ ਮੁਕਤ ਹੋਣ ਦੀ--ਪੀਏਯੂ ਹਰ ਖੇਤਰ ਵਿੱਚ ਉਸਾਰੂ ਸੁਨੇਹਾ ਦੇ ਰਹੀ ਹੈ। ਪੀਏਯੂ ਤੋਂ ਪ੍ਰੇਰਨਾ ਲੈ ਕੇ ਬਹੁਤ ਸਾਰੀਆਂ ਐਨ ਜੀ ਓਜ਼ ਅਤੇ ਹੋਰ ਸੰਸਥਾਵਾਂ ਵੀ ਇੱਕ ਸਿਹਤਮੰਦ ਸਮਾਜ ਦੀ ਸਿਰਜਣਾ ਲਈ ਕਿਸਾਨ ਮੇਲੇ ਵਿੱਚ ਸਰਗਰਮ ਹੁੰਦੀਆਂ ਹਨ। 

Click here to See More Pics on Facebook

ਅਜਿਹੀ ਹੀ ਇੱਕ ਸੰਸਥਾ ਹੈ ਸੋਸ਼ਲ ਵਰਕਰਜ਼ ਐਸੋਸੀਏਸ਼ਨ ਪੰਜਾਬ। ਇਸ ਵਲੋਂ ਅੱਜ ਵੀ ਪੰਜਾਬ ਯੂਨਵਰਸਿਟੀ ਦੇ ਕਿਸਾਨ ਮੇਲੇ ਦੌਰਾਨ ਥੈਲਾਸੀਮੀਕ ਬੱਚਿਆਂ ਲਈ ਖੂਨਦਾਨ ਕੈਂਪ ਜਾਰੀ ਰੱਖਿਆ ਗਿਆ। ਜ਼ਿਕਰਯੋਗ ਹੈ ਕਿ ਥੈਲਾਸੀਮੀਕ ਬੱਚਿਆਂ ਦੀ ਜ਼ਿੰਦਗੀ ਸਿਰਫ ਖੂਨ 'ਤੇ ਹੀ ਨਿਰਭਰ ਕਰਦੀ ਹੈ ਅਤੇ ਅਜੇ ਤੱਕ ਕੋਈ ਅਜਿਹਾ ਤਰੀਕਾ ਪੂਰੀ ਤਰਾਂ ਸਾਹਮਣੇ ਨਹੀਂ ਆਇਆ ਜਿਸ ਨਾਲ ਨਕਲੀ ਖੂਨ ਬਣਾਇਆ ਜਾ ਸਕੇ। ਸਿਰਫ ਇਨਸਾਨੀ ਖੂਨ ਦਾ ਦਾਨ ਹੀ ਇਹਨਾਂ ਬੱਚਿਆਂ ਨੂੰ  ਨਵੀਂ ਜ਼ਿੰਦਗੀ ਦੇਂਦਾ ਹੈ।ਕਿਸਾਨ ਮੇਲੇ ਵਿੱਚ ਆਉਂਦੇ ਬਹੁਤ ਸਾਰੇ ਜਵਾਨ ਮੁੰਡੇ ਕੁੜੀਆਂ ਇਸ ਪਾਸੇ ਆਕਰਸ਼ਿਤ ਹੋ ਕੇ ਆਪੋ ਆਪਣਾ ਖੂਨ ਦਾਨ ਕਰਦੇ ਹਨ। ਇਸ ਨਾਲ ਉਹਨਾਂ ਦੇ ਖੂਨ ਦੇ ਬਹੁਤ ਸਾਰੇ ਟੈਸਟ ਵੀ ਮੁਫ਼ਤ ਹੋ ਜਾਂਦੇ ਹਨ। 

Click here to See More Pics on Facebook

ਇਸ ਸੰਗਠਨ ਵੱਲੋਂ ਇਹ 28ਵਾਂ  ਖੂਨਦਾਨ ਕੈਂਪ ਚੱਲ ਰਿਹਾ ਹੈ। ਇਹ ਕੈਂਪ ਕਲ ਮੇਲੇ ਦੇ ਪਹਿਲੇ ਦਿਨ ਸ਼ੁਰੂ ਕੀਤਾ ਗਿਆ ਸੀ ਅਤੇ ਭਲਕੇ ਮੇਲੇ ਦੇ ਅਖੀਰਲੇ ਦਿਨ ਵੀ ਜਾਰੀ ਰਹੇਗਾ। ਗੁਰਸ਼ਮਿੰਦਰ ਸਿੰਘ ਅਤੇ ਉਹਨਾਂ ਦੇ ਸਾਥੀਆਂ ਦੀ ਦੇਖ ਰੇਖ ਹੇਠ ਚੱਲ ਰਹੇ ਇਸ ਖੂਨਦਾਨ ਕੈਂਪ ਵਿੱਚ ਲੋਕ ਵੱਧ ਚੜ੍ਹ ਕੇ ਖੂਨਦਾਨ ਲਈ ਅੱਗੇ ਆਏ। ਇਸ ਕੈਂਪ ਵਿੱਚ ਖੂਨਦਾਨ ਕਰਨ ਵਾਲਿਆਂ ਦੇ ਸਾਰੇ ਸਬੰਧਤ ਟੈਸਟ ਬਿਲਕੁਲ ਮੁਫ਼ਤ ਕੀਤੇ ਗਏ ਜਿਹਨਾਂ ਦੀ ਬਾਜ਼ਾਰੀ ਕੀਮਤ ਹਜ਼ਾਰਾਂ ਰੁਪਏ ਬਣਦੀ ਹੈ। ਇਸ ਕੈਂਪ ਦਾ ਉਦਘਾਟਨ ਡਾਕਟਰ ਬਲਬੀਰ ਸਿੰਘ ਸ਼ਾਹ ਅਤੇ ਵੀਰ ਚੱਕਰ ਵਿਜੇਤਾ ਰਿਟਾਇਰਡ ਕਰਨਲ ਹਰਬੰਤ ਸਿੰਘ ਕਾਹਲੋਂ ਹੁਰਾਂ ਨੇ ਸਾਂਝੇ ਤੌਰ ਤੇ ਕੀਤਾ। ਇਹ ਦੋਵੇਂ ਸ਼ਖਸੀਅਤਾਂ ਵੀ ਸਮਾਜ ਭਲਾਈ ਦੇ ਖੇਤਰ ਵਿੱਚ ਨਿਰੰਤਰ ਸਰਗਰਮ ਹਨ।

 Click here to See More Pics on Facebook

ਸੀਐਮਸੀ ਹਸਪਤਾਲ ਲੁਧਿਆਣਾ ਤੋਂ ਆਈ ਡਾਕਟਰ ਜ੍ਯੋਤਿਕਾ ਅਰੋੜਾ ਨੇ ਇਸ ਕੈਂਪ ਬਾਰੇ ਜਾਣਕਾਰੀ ਦੇਂਦਿਆਂ ਦੱਸਿਆ ਕਿ ਥੈਲਾਸੀਮਿਕ ਬੱਚਿਆਂ ਲਈ ਖੂਨ ਦੀ ਲੋੜ ਪੂਰੀ ਕਰਨਾ ਅੱਜ ਦੇ ਆਧੁਨਿਕ ਯੁਗ ਵਿੱਚ ਵੀ ਇੱਕ ਬਹੁਤ ਵੱਡੀ ਚੁਣੌਤੀ ਹੈ। ਉਹਨਾਂ ਕਿਹਾ ਕਿ ਕੈਂਪ ਦੇ ਪ੍ਰਬੰਧਕਾਂ ਨੇ ਲਗਾਤਾਰ ਖੂਨ ਇਕੱਤਰ ਕਰਕੇ ਇਸ ਨੇਕ ਮਕਸਦ ਵਿੱਚ ਬਹੁਤ ਸਹਾਇਤਾ ਕੀਤੀ ਹੈ। ਇਹ ਇੱਕ ਬਹੁਤ ਮਹਾਨ ਉਪਰਾਲਾ ਹੈ ਜਿਹੜਾ ਸਭਨਾਂ ਨੂੰ ਕਰਦੇ ਰਹਿਣਾ ਚਾਹੀਦਾ ਹੈ। ਇਸ ਮਕਸਦ ਲਈ ਸਭ ਨੂੰ ਅੱਗੇ ਆਉਣਾ ਚਾਹੀਦਾ ਹੈ। Click here to See More Pics on Facebook

ਥੈਲਾਸੀਮੀਕ ਬੱਚਿਆਂ ਨੂੰ ਬੱਕਰੇ ਦਾ ਖੂਨ ਦੇਣ ਦੀਆਂ ਯੋਜਨਾਵਾਂ ਬਾਰੇ ਪੁਛੇ ਗਏ ਇਕ ਸੁਆਲ ਦਾ ਜੁਆਬ ਦੇਂਦਿਆਂ ਉਹਨਾਂ ਕਿਹਾ ਕਿ ਆਯੁਰਵੈਦ ਵਾਲੇ ਹੀ ਆਪਣੇ ਇਸ ਸਿਧਾਂਤ ਬਾਰੇ ਚੰਗੀ ਤਰਾਂ ਦਸ ਸਕਦੇ ਹਨ ਜਿੱਥੋਂ ਤੱਕ ਸਾਨੂੰ ਪਤਾ ਹੈ ਉਹ ਇਹੀ ਹੈ ਕਿ ਇਨਸਾਨ ਲਈ ਸਿਰਫ ਇਨਸਾਨੀ ਖੂਨ ਹੀ ਇੱਕੋ ਇੱਕ ਸਹੀ ਇਲਾਜ ਹੈ। ਜ਼ਿਕਰਯੋਗ ਹੈ ਕਿ ਥੈਲਾਸੀਮੀਕ ਬੱਚਿਆਂ ਲਈ ਇੱਕ ਆਯੁਰਵੈਦਿਕ ਹਸਪਤਾਲ ਲੁਧਿਆਣਾ ਵਿੱਚ ਬਣ ਕੇ ਤਿਆਰ ਹੋ ਚੁੱਕਿਆ ਹੈ ਜਿਸ ਵਿੱਚ ਥੈਲਾਸੀਮੀਕ ਬੱਚਿਆਂ ਨੂੰ ਬੱਕਰੇ ਦਾ ਖੂਨ ਦਿੱਤਾ ਜਾਇਆ ਕਰੇਗਾ। ਦੂਸਰੇ ਪਾਸੇ ਐਲੋਪੈਥੀ ਵਾਲੇ ਇਸ ਸਿਧਾਂਤ ਨੂੰ ਮਾਣਤਾ ਨਹੀਂ ਦੇਂਦੇ। 

Click here to See More Pics on Facebook

ਇਸ ਮੌਕੇ ਰਿਟਾਇਰਡ ਕਰਨਲ ਹਰਬੰਤ ਸਿੰਘ ਕਾਹਲੋਂ, ਡਾਕਟਰ ਬਲਬੀਰ ਸਿੰਘ ਸ਼ਾਹ, ਨਵਾਂ ਜ਼ਮਾਨਾ ਦੇ ਪੱਤਰਕਾਰ ਐਮ ਐਸ ਭਾਟੀਆ ਅਤੇ ਪੰਜਾਬ ਸਕਰੀਨ ਦੇ ਸੰਪਾਦਕ ਰੈਕਟਰ ਕਥੂਰੀਆ ਦਾ ਸਨਮਾਨ ਵੀ ਕੀਤਾ ਗਿਆ। ਇਸ ਮੌਕੇ ਵੀ ਕੈਂਪ ਵਿੱਚ ਬਹੁਤ ਭੀੜ ਸੀ। 

Click here to See More Pics on Facebook

ਇਸੇ ਦੌਰਾਨ ਡਾਕਟਰ ਬਲਬੀਰ ਸਿੰਘ ਸ਼ਾਹ ਨੇ ਮੀਡੀਆ ਨਾਲ ਗੈਰ ਰਸਮੀ ਗੱਲਬਾਤ ਦੌਰਾਨ ਕਿਹਾ ਕਿ ਪੰਜਾਬ ਅਜੇ ਵੀ ਸਿਹਤ ਦੇ ਮਾਮਲੇ ਵਿੱਚ ਅੱਗੇ ਹੈ। ਉਹਨਾਂ ਮੇਲੇ ਵਿੱਚ ਤੁਰੇ ਜਾਂਦੇ ਨੌਜਵਾਨ ਵੀ ਦਿਖਾਏ ਜਿਹਨਾਂ ਦੇ ਕੱਦਕਾਠ ਅਜੇ ਵੀ ਬਹੁਤ ਚੰਗੇ ਹਨ। ਉਹਨਾਂ ਮੇਲੇ ਵਿੱਚ ਨਾਮਧਾਰੀਆਂ ਦੇ ਸਟਾਲਾਂ/ਰੇਹੜੀਆਂ ਤੋਂ ਦੁੱਧ ਪੀਂਦੇ ਨੌਜਵਾਨ ਵੀ ਦਿਖਾਏ ਅਤੇ ਕਿਹਾ ਕਿ ਐਵੇਂ ਹੀ ਪੰਜਾਬੀਆਂ ਨੂੰ ਸ਼ਰਾਬੀ ਕਹਿ ਜਾਂ ਨਸ਼ਈ ਕਹਿ  ਕੇ ਬਦਨਾਮ ਨਹੀਂ ਕੀਤਾ ਜਾਣਾ ਚਾਹੀਦਾ। 

Click here to See More Pics on Facebook

ਜ਼ਿਕਰਯੋਗ ਹੈ ਕਿ ਥੈਲਾਸੀਮੀਆ ਬਿਮਾਰੀ ਦੀ ਦਰ  ਨੂੰ ਜ਼ੀਰੋ%  'ਤੇ ਲਿਆਉਣ  ਲਾਇ ਡਾਕਟਰ ਸ਼ਾਹ ਨੇ ਇੱਕ ਯੋਜਨਾ ਬਾਦਲ ਸਰਕਾਰ ਨੂੰ ਵੀ ਭੇਜੀ ਸੀ ਅਤੇ ਬਾਅਦ ਵਿੱਚ ਕੈਪਟਨ ਸਰਕਾਰ ਨੂੰ ਵੀ। ਪਰ ਸਰਕਾਰਾਂ ਇਸ ਪਾਸੇ ਗੰਭੀਰ ਹੋਈਆਂ ਨਜ਼ਰ ਨਹੀਂ ਆਉਂਦੀਆਂ। ਡਾਕਟਰ ਸ਼ਾਹ ਦੀ ਇਸ ਯੋਜਨਾ ਬਾਰੇ ਜਲਦੀ ਹੀ ਇੱਕ ਵੱਖਰੀ ਪੋਸਟ ਵਿੱਚ ਵਿਸਥਾਰ ਨਾਲ ਦੱਸਿਆ ਜਾਏਗਾ। 

Click here to See More Pics on Facebook

ਪੌਦੇ ਲਗਾਉਣ ਮਗਰੋਂ ਖੂਨ ਦਾਨ ਵਿੱਚ ਵੀ LIC ਦਾ ਅਹਿਮ ਯੋਗਦਾਨ

101 ਯੂਨਿਟ ਖੂਨਦਾਨ ਕਰਕੇ  ਦਿੱਤੀ ਕਈਆਂ ਨੂੰ ਨਵੀਂ ਜ਼ਿੰਦਗੀ 

ਲੁਧਿਆਣਾ: 4 ਸਤੰਬਰ 2018: (ਪੰਜਾਬ ਸਕਰੀਨ ਟੀਮ)::

ਭਾਰਤੀ ਜੀਵਨ ਬੀਮਾ ਨਿਗਮ ਦੀ 62ਵੀਂ ਮਾਣਯੋਗ ਵਰ੍ਹੇਗੰਢ ਨੂੰ ਬੜੇ ਹੀ ਜੋਸ਼ੋਖਰੋਸ਼ ਮਨਾਉਂਦਿਆਂ ਹੋਇਆਂ ਅੱਜ ਐਲ ਆਈ ਸੀ ਦੇ ਡਵੀਯਨਲ ਦਫਤਰ ਦੁਗਰੀ ਵਿੱਚ ਖੂਨਦਾਨ ਕੈਂਪ ਲਗਾਇਆ ਗਿਆ। ਇਸ ਮੌਕੇ ਤੇ ਇਸ ਡਵੀਯਨਲ ਦੇ ਸੀਨੀਅਰ ਡਵੀਯਨਲ ਮੈਨੇਜਰ ਐਲ ਸੇ ਪੀਪਲ ਨੇ ਦੱਸਿਆ ਕਿ ਐਲ ਆਈ ਸੀ ਨੇ ਇਹਨਾਂ 62 ਸਾਲਾਂ ਵਿੱਚ ਜੀਵਨ ਬੀਮੇ ਦਾ ਸੁਨੇਹਾ ਘਰ ਘਰ ਪਹੁੰਚਾਉਣ ਅਤੇ ਲੋਕਾਂ ਦਾ ਪੈਸੇ ਲੋਕਾਂ ਦੀ ਭਲਿਆ ਲਈ ਲਗਾਉਣ ਵਿੱਚ ਅਹਿਮ ਭੂਮਿਕਾ ਨਿਭਾਈ ਹੈ। ਉਹਨਾਂ ਕਿਹਾ ਕਿ ਸ਼੍ਰੀ ਪੀਪਲ ਨੇ ਇਹ ਵੀ ਕਿਹਾ ਕਿ ਪਿਛਲੇ 18 ਸਾਲਾਂ ਤੋਂ ਜੀਵਨ ਬੀਮਾ ਦੇ ਖੇਤਰ ਵਿੱਚ ਬਹੁਤ ਸਾਰੀਆਂ ਪ੍ਰਾਈਵੇਟ ਕੰਪਨੀਆਂ ਆਉਣ ਦੇ ਬਾਵਜੂਦ ਵੀ ਐਲ ਆਈ ਸੀ ਨੇ ਚੰਗਾ ਨਾਮਣਾ ਖੱਟਿਆ ਹੈ ਅਤੇ ਆਰਥਿਕ ਖੇਤਰ ਵਿੱਚ ਆਪਣੀ ਉਚਾਈ ਵਾਲੀ ਰਫਤਾਰ ਦਸ ਗਰਾਫ ਕਾਇਮ ਰੱਖਿਆ ਹੈ। ਅੱਜ ਐਲ ਆਈ ਸੀ ਕੋਲ 29 ਕਰੋੜ ਤੋਂ ਵੀ ਵੱਧ ਪਾਲਸੀ ਧਾਰਕ ਹਨ। ,ਇਸਦੇ ਨਾਲ ਹੀ 25 ਲੱਖ ਕਰੋੜ ਤੋਂ ਵੀ ਵੱਧ ਲਾਈਫ ਫ਼ੰਡ ਅਤੇ 28 ਲੱਖ ਕਰੋੜ ਤੋਂ ਵੀ ਜ਼ਿਆਦਾ ਸੰਪਤੀਆਂ ਹਨ। ਐਲ ਆਈ ਸੀ ਵੱਲੋਂ ਪਾਲਸੀਆਂ ਦੇ ਭੁਗਤਾਨ ਅਤੇ ਲੋਕਾਂ ਦੀ ਮੁਸੀਬਤ ਵੇਲੇ ਉਹਨਾਂ ਦੇ ਕੰਮ ਆਉਣ ਵਾਲਾ ਰਿਕਾਰਡ ਵੀ ਬਹੁਤ ਚੰਗਾ ਹੈ। ਇਹਨਾਂ ਸਾਰੇ ਉੱਦਮ ਉਪਰਾਲਿਆਂ ਨੂੰ ਕਾਇਮ ਰੱਖਦਿਆਂ ਐਲ ਆਈ ਸੀ ਨੇ ਅੱਜ ਆਪਣੇ ਖੂਨਦਾਨ ਕੈਂਪ ਦੌਰਾਨ 62 ਯੂਨਿਟਾਂ ਦੇ ਨਿਸ਼ਾਨੇ ਨੂੰ ਪੂਰਾ ਕਰਦਿਆਂ 101 ਯੂਨਿਟ ਖੂਨ ਇਕੱਤਰ ਕਰਕੇ ਸਿਵਲ ਹਸਪਤਾਲ ਲੁਧਿਆਣਾ ਨੂੰ ਦਿੱਤਾ। 

ਇਸ ਖੂਨਦਾਨ ਕੈਂਪ ਵਿੱਚ ਐਲ ਆਈ ਸੀ ਦੇ ਕਰਮਚਾਰੀਆਂ, ਅਧਿਕਾਰੀਆਂ, ਆਮ ਨਾਗਰਿਕਾਂ ਅਤੇ ਹੋਰਨਾਂ ਨੇ ਵੀ ਹਿੱਸਾ ਲਿਆ। 

ਤੰਦਰੁਸਤ ਪੰਜਾਬ ਮੁਹਿੰਮ ਜਾਰੀ

Aug 21, 2018, 9:22 AM

ਦਵਾਈਆਂ ਬਣਾਉਣ ਲਈ ਕੰਮ ਆਉਣ ਵਾਲੇ ਪੌਦੇ ਵੰਡੇ 

ਜਲੰਧਰ: 20 ਅਗਸਤ 2018: (ਰਾਜਪਾਲ ਕੌਰ//ਪੰਜਾਬ ਸਕਰੀਨ)::

ਡਾਇਰੈਕਟਰ ਆਯੂਰਵੇਦ ਡਾ.ਰਾਕੇਸ਼ ਸ਼ਰਮਾ ਦੀਆਂ ਵਿਸ਼ੇਸ਼ ਕੋਸ਼ਿਸ਼ਾਂ ਸਦਕਾ ਜਿਲਾ ਆਯੁਰਵੈਦਿਕ ਅਫਸਰ ਡਾ.ਸੁਰਿੰਦਰ ਕਲਿਆਣ ਦੀ ਯੋਗ ਅਗਵਾਈ ਹੇਠ ਤੰਦਰੁਸਤ ਪੰਜਾਬ ਮੁਹਿੰਮ ਜਾਰੀ ਹੈ। ਇਸ ਮੁਹਿੰਮ ਅਧੀਨ ਹਰਿਆ ਭਰਿਆ ਪੰਜਾਬ ਬਣਾਉਣ ਲਈ ਸੁਪਰਿਟੈਂਡੈਂਟ ਸਵਿਤਾ ਰਾਣੀ ਵਲੋਂ ਜ਼ਿਲੇ ਦੀ ਹਰ ਆਯੁਰਵੈਦਿਕ ਡਿਸਪੈਂਸਰੀ ਅਤੇ ਪੀ.ਐਚ.ਸੀ ਨੂੰ ਪੰਜ ਪੰਜ ਅਜਿਹੇ ਪਾਊਏਡ ਵੰਡੇ ਗਏ ਜਿਹੜੇ ਵੱਖ ਵੱਖ ਕਿਸਮ ਦੀਆਂ ਦਵਾਈਆਂ ਬਣਾਉਣ ਦੇ ਕੰਮ ਆਉਂਦੇ ਹਨ। ਇਸ ਮੌਕੇ ਸਮੂਹ ਜ਼ਿਲਾ ਵਿਭਾਗ ਵਲੋਂ ਸਾਬਕਾ ਪਰਧਾਨਮੰਤਰੀ ਸਵਰਗੀ ਅਟਲ ਬਿਹਾਰੀ ਵਾਜਪਾਈ ਨੂੰ ਸ਼ਰਧਾਂਜਲੀ ਵੀ ਦਿਤੀ ਗਈ। ਜ਼ਿਲਾ ਦਫਤਰ ਵਲੋਂ ਡਾ.ਚੇਤਨ ਮਹਿਤਾ ਅਤੇ ਡਾ.ਸੁਨੀਲ ਕੁਮਾਰ ਦੀ ਅਗੁਵਾਈ ਹੇਠ ਚਰਕ ਸੰਹਿਤਾ ਤੇ ਕੁਇਜ਼ ਕੰਮਪੀਟੀਸ਼ਨ ਵੀ ਕਰਵਾਇਆ ਗਿਆ। ਜਿਸ ਵਿਚ ਮੰਚ ਸੰਚਾਲਨ ਡਾ.ਰੁਪਾਲੀ ਕੋਹਲੀ ਵਲੋਂ ਕੀਤਾ ਗਿਆ। ਇਸ ਵਿਚ ਡਾ.ਨੇਹਾ ਬਜਾਜ ਅਤੇ ਡਾ.ਕਾਮਿਨੀ ਦੀ ਟੀਮ ਜੇਤੂ ਰਹੀ। ਇਸ ਮੌਕੇ ਡਾ.ਮਨੂ, ਡਾ.ਸੁਮਨਪਰੀਤ, ਡਾ.ਅਨੀਤਾ, ਡਾ.ਆਕਾਂਕਸ਼ਾ, ਡਾ.ਰਿਤਿਕਾ, ਡਾ.ਗੁਰਪਰੀਤ, ਡਾ.ਹੇਮੰਤ ਮਲਹੋਤਰਾ, ਡਾ.ਨੀਰਜ, ਡਾ.ਸੁਖਦੇਵ ਅਤੇ ਡਾ.ਰਜਨੀ ਨੂੰ ਵੀ ਵਿਸ਼ੇਸ਼ ਤੌਰ ਤੇ ਭਾਗ ਲੈਣ ਲਈ ਸਨਮਾਨਿਤ ਕੀਤਾ ਗਿਆ। ਵਿਭਾਗ ਵਲੋਂ ਡਾ.ਸੁਮਨ, ਡਾ.ਨੀਟਾ ਅਹੂਜਾ, ਡਾ.ਰਾਜਿੰਦਰ, ਡਾ.ਅਮਿਤ ਸਿੱਧੂ, ਡਾ.ਯੋਗੇਸ਼, ਡਾ.ਪ੍ਰਿਯੰਕਾ, ਕਸਤੂਰੀ ਲਾਲ, ਸੁਨੀਲ ਕੁਮਾਰ ਆਦਿ ਹਾਜਿਰ ਸਨ।

ਜਲੰਧਰ ਦੇ ਪਿੰਡਾਂ 'ਚ ਵੀ ਛੇਤੀ ਹੀ ਪੰਚਕਰਮਾ ਸੈਂਟਰ ਖੋਹਲਣ ਦੀਆਂ ਤਿਆਰੀਆਂ

Aug 18, 2018, 4:08 PM

222 ਮਰੀਜ਼ਾਂ ਦਾ ਫਰੀ ਚੈਕਅੱਪ ਕਰ ਕੇ ਦਵਾਈਆਂ ਤਕਸੀਮ ਕੀਤੀਆਂ

ਜਲੰਧਰ: 18 ਅਗਸਤ 2018: (ਰਾਜਪਾਲ ਕੌਰ//ਪੰਜਾਬ ਸਕਰੀਨ)::

ਆਯੁਰਵੈਦ ਦਾ ਪ੍ਰਭਾਵ ਦਿਨੋ ਦਿਨ ਵੱਧ ਰਿਹਾ ਹੈ। ਛੇਤੀ ਹੀ ਜਲੰਧਰ ਦੇ ਪਿੰਡਾਂ ਵਿੱਚ ਸਰਕਾਰੀ ਤੌਰ ਤੇ ਪੰਚਕਰਮਾ ਸੈਂਟਰ ਖੋਹਲਣ ਦੀਆਂ ਵੀ ਤਿਆਰੀਆਂ ਹਨ। ਆਯੁਰਵੇਦ ਦੀ ਇਲਾਜ ਪ੍ਰਣਾਲੀ ਨਾਲ ਆਮ ਲੋਕਾਂ ਦੇ ਇਲਾਜ ਵਿੱਚ ਵੀ ਤੇਜ਼ੀ ਆ ਰਹੀ ਹੈ। 

ਡਾਇਰੈਕਟਰ ਆਯੂਰਵੇਦ ਡਾ.ਰਾਕੇਸ਼ ਸ਼ਰਮਾ ਦੇ ਹੁਕਮਾਂ ਮੁਤਾਬਿਕ ਅਤੇ ਜਿਲਾ ਆਯੁਰਵੈਦਿਕ ਅਫਸਰ ਡਾ.ਸੁਰਿੰਦਰ ਕਲਿਆਣ ਦੀ ਯੋਗ ਅਗਵਾਈ ਹੇਠ ਭਾਰਤ ਦੀ ਆਜ਼ਾਦੀ ਦੇ ਸ਼ਹੀਦਾਂ ਨੂੰ ਸਮਰਪਿਤ ਫਰੀ ਸ਼ੂਗਰ ਅਤੇ ਜ਼ਨਾਨਾ ਰੋਗਾਂ ਦਾ ਆਯੂਰਵੈਦਿਕ ਕੈਪ ਪੀ.ਐਚ.ਸੀ ਰੰਧਾਵਾ ਮਸੰਦਾਂ ਵਿਖੇ ਲਗਾਇਆ ਗਿਆ। ਕੈਂਪ ਦਾ ਉਦਘਾਟਨ ਐਸ.ਐਮ.ਓ ਕਰਤਾਰਪੁਰ ਡਾ.ਹਰਦੇਵ ਸਿੰਘ ਨੇ ਕੀਤਾ। ਕੈਂਪ ਦੀ ਸ਼ੁਰੂਆਤ ਮੌਕੇ ਪੂਰਵ ਪ੍ਰਧਾਨ ਮੰਤਰੀ ਭਾਰਤ ਰਤਨ ਸਵਰਗੀ ਸ਼੍ਰੀ ਅਟਲ ਬਿਹਾਰੀ ਵਾਜਪਾਈ ਨੂੰ ਸ਼ਰਧਾਂਜਲੀ ਦਿੱਤੀ ਗਈ। ਆਯੁਰਵੈਦਿਕ ਮੈਡੀਕਲ ਅਫਸਰ ਡਾ.ਹੇਮੰਤ ਮਲਹੋਤਰਾ, ਡਾ.ਰੁਪਾਲੀ ਕੋਹਲੀ ਅਤੇ ਉਪਵੈਦ ਅਮਿਤ ਸ਼ਰਮਾ ਦੀ ਟੀਮ ਨੇ 222 ਮਰੀਜ਼ਾਂ ਦਾ ਫਰੀ ਚੈਕਅੱਪ ਕਰ ਕੇ ਦਵਾਈਆਂ ਤਕਸੀਮ ਕੀਤੀਆਂ। ਡਾਬਰ ਇੰਡੀਆ ਦੇ ਸਹਿਯੋਗ ਨਾਲ 72 ਮਰੀਜ਼ਾਂ ਦੀ ਫਰੀ ਸ਼ੂਗਰ ਚੈੱਕ ਕੀਤੀ ਗਈ। ਇਸ ਮੌਕੇ ਸਮਾਜ ਸੇਵੀ ਮੈਡਮ ਰਾਜਪਾਲ ਕੌਰ, ਰਣਜੀਤ ਸਿੰਘ ਖਾਲਸਾ, ਜਰਨੈਲ ਸਿੰਘ, ਡਾ.ਪਰਮਦੀਪ ਵਾਲਿਆ, ਤਰਜਿੰਦਰ ਕੌਰ, ਰਘੁਬੀਰ ਕੌਰ, ਪ੍ਰਭਜੋਤ, ਉਰਮਿਲ ਗਿੱਲ, ਸੁਦਰਸ਼ਨ, ਨੀਤ, ਪਿੰਟੂ, ਮਨਦੀਪ, ਮੰਗੇਂਦਰ ਸਿੰਘ ਅਤੇ ਹੋਰ ਪਿੰਡ ਵਾਸੀ ਮੌਜੂਦ ਸੀ । ਪਿੰਡ ਆਗੂ ਐਨ.ਆਰ.ਆਈ ਰਣਜੀਤ ਸਿੰਘ ਖਾਲਸਾ ਅਤੇ ਜਰਨੈਲ ਸਿੰਘ ਨੇ ਜਾਣਕਾਰੀ ਦਿੰਦੇ ਦੱਸਿਆ ਕਿ ਰੋਜ਼ਾਨਾ ਦੂਰ ਦੂਰ ਤੋਂ 40 ਤੋਂ 50 ਮਰੀਜ ਕੇਵਲ ਆਯੁਰਵੇਦ ਚਿਕਿਤਸਾ ਲਈ ਇਥੇ ਪੂਜਦੇ ਹਨ ਅਤੇ ਜਿਸ ਲਈ ਡਾ.ਹੇਮੰਤ ਮਲਹੋਤਰਾ ਦੇ ਕੰਮ ਨੂੰ ਵੇਖਦੇ ਹੋਏ ਜਿਲਾ ਪਰਸ਼ਾਸਨ ਵਲੋਂ 15 ਅਗਸਤ 2017 ਵਿਚ ਸਨਮਾਨਿਤ ਵੀ ਕੀਤਾ ਗਿਆ ਸੀ। ਸਮੂਹ ਪਿੰਡ ਵਾਸੀਆਂ ਨੇ ਸਰਕਾਰ ਤੋਂ ਇਸ ਹਸਪਤਾਲ ਵਿਚ ਪੰਚਕਰਮਾ ਸੈਂਟਰ ਖੋਲਣ ਲਈ ਵੀ ਬੇਨਤੀ ਕੀਤੀ।

ਯੂਥ ਲੀਡਰਸ਼ਿਪ ਕੈਂਪ ਮਨਾਲੀ: GCG ਦੀਆਂ 7 ਵਿਦਿਆਰਥਣਾਂ ਨੇ ਹਿੱਸਾ ਲਿਆ

Tue, Oct 10, 2017 at 3:40 PM

ਵੱਖੋ ਵੱਖ ਮੁਕਾਬਲਿਆਂ ਵਿੱਚ ਕਈ ਇਨਾਮ ਵੀ ਜਿੱਤੇ

ਲੁਧਿਆਣਾ: 10 ਅਕਤੂਬਰ  2017: (ਪੰਜਾਬ ਸਕਰੀਨ ਬਿਊਰੋ)::

ਲੁਧਿਆਣਾ ਵਿੱਚ ਲੜਕੀਆਂ ਦਾ ਸਰਕਾਰੀ ਕਾਲਜ ਇੱਕ ਅਜਿਹਾ ਵਿਦਿਅਕ ਅਦਾਰਾ ਹੈ ਜਿਹੜਾ ਆਪਣੀਆਂ ਵਿਦਿਆਰਥਣਾਂ ਨੂੰ ਕਿਤਾਬੀ ਪੜ੍ਹਾਈ ਦੇ ਨਾਲ ਨਾਲ ਉਹ ਸਿੱਖਿਆ ਵੀ ਦੇਂਦਾ ਹੈ ਜਿਹੜੀ ਪੜ੍ਹਾਈ ਮੁੱਕਣ ਤੋਂ ਬਾਅਦ ਪੂਰੀ ਜ਼ਿੰਦਗੀ ਉਹਨਾਂ ਦੇ ਕੰਮ ਆਉਂਦੀ ਹੈ। ਖੇਤਰ ਚਾਹੇ ਪੱਤਰਕਾਰੀ ਦਾ ਹੋਵੇ, ਚਾਹੇ ਆਰਟਸ ਦਾ ਤੇ ਚਾਹੇ ਕਿਸੇ ਹੋਰ ਵਿਸ਼ੇ ਦਾ ਪਰ ਇਹ ਕਾਲਜ ਆਪਣੀਆਂ ਵਿਦਿਆਰਥਣਾਂ ਨੂੰ ਪੂਰੀ ਤਰ੍ਹਾਂ ਨਿਪੁੰਨ ਬਣਾਉਂਦਾ ਹੈ। ਵੱਖ ਕੈਂਪਾਂ  ਵਿੱਚ ਭੇਜ ਕੇ ਜਿੱਥੇ ਇਹਨਾਂ ਵਿਦਿਆਰਥਣਾਂ ਨੂੰ ਦੁਨੀਆ ਦੇ ਵਿਸ਼ਾਲ ਗਿਆਨ ਦੀ ਜਾਣਕਾਰੀ ਦਿੱਤੀ ਜਾਂਦੀ ਹੈ ਉੱਥੇ ਵੱਖ ਸੱਭਿਆਚਾਰਾਂ ਵਾਲੇ ਲੋਕਾਂ ਨਾਲ ਵੀ ਮਿਲਾਇਆ ਜਾਂਦਾ ਹੈ। 

ਮਿਤੀ 28 ਸਤੰਬਰ 2017 ਤੋਂ 07 ਅਕਤੂਬਰ 2017 ਤੱਕ ਯੂਥ ਲੀਡਰਸ਼ਿਪ ਕੈਂਪ ਮਨਾਲੀ ਦੇ ਨਾਗਰ ਵਿਖੇ ਲਗਾਇਆ ਗਿਆ।ਸਰਕਾਰੀ ਕਾਲਜ ਲੜਕੀਆਂ, ਲੁਧਿਆਣਾ ਦੀਆਂ 7 ਵਿਦਿਆਰਥਣਾਂ ਨੇ ਇਸ ਕੈਂਪ ਵਿੱਚ ਹਿੱਸਾ ਲਿਆ। ਪੂਰੇ ਪੰਜਾਬ ਦੀਆਂ ਵੱਖ-ਵੱਖ ਜ਼ਿਲ੍ਹਿਆਂ ਵਿੱਚੋਂ 200 ਵਿਦਿਆਰਥਣਾਂ ਇਸ ਵਿੱਚ ਸ਼ਾਮਲ ਹੋਈਆਂ ਸਨ। ਹਾਈਕਿੰਗ, ਟਰੈਕਿੰਗ ਦੇ ਨਾਲ-ਨਾਲ ਸਭਿਆਚਾਰਕ ਸਰਗਰਮੀਆਂ ਵੀ ਇਸ ਕੈਂਪ ਦਾ ਸ਼ਿੰਗਾਰ ਬਣੀਆਂ। ਸਰਕਾਰੀ ਕਾਲਜ ਲੜਕੀਆਂ, ਲੁਧਿਆਣਾ ਵੱਲੋਂ ਜਿੱਤੇ ਇਨਾਮਾਂ ਦਾ ਵੇਰਵਾ ਇਸ ਪ੍ਰਕਾਰ ਹੈ:- 

ਗੀਤ ਗਾਇਨ ਮੁਕਾਬਲੇ : ਸੁਨੈਨਾ ਸ਼ਰਮਾ-ਪਹਿਲਾ ਇਨਾਮ

           ਸ਼ਰੂਤੀ ਗੌਤਮ -ਦੂਜਾ ਇਨਾਮ

          ਸ਼੍ਰਿਆ ਸ਼ਰਮਾ-ਤੀਜਾ ਇਨਾਮ

ਬੈਸਟ ਕਲਚਰਲ ਗਰੁੱਪ: ਸਰਕਾਰੀ ਕਾਲਜ ਲੜਕੀਆਂ, ਲੁਧਿਆਣਾ

ਨ੍ਰਿਤ ਮੁਕਾਬਲੇ:            ਗਰੁੱਪ ਦੂਜਾ ਇਨਾਮ

ਬੈਸਟ ਕੈਂਪਰ ਅਵਾਰਡ:   ਚਾਹਤ ਸ਼ਰਮਾ   

ਹੁਣ ਦੇਖਣਾ ਹੈ ਕਿ ਇਹਨਾਂ ਇਨਾਮਾਂ ਨਾਲ ਕਾਲਜ ਅਤੇ ਸ਼ਹਿਰ ਦੀਆਂ ਹੋਰ ਕਿੰਨੀਆਂ ਕੁ ਵਿਦਿਆਰਥਣਾਂ ਪ੍ਰੇਰਣਾ ਲੈ ਕੇ ਸਫਲਤਾ ਦੇ ਰਾਹਾਂ ਤੇ ਅੱਗੇ ਵਧਦੀਆਂ ਹਨ। 

ਸਫਲ ਸਿਖਿਆਰਥੀ ਚੇਤਨਾ ਕੈਂਪ ਦਾ ਯਾਦਗਾਰੀ ਸਮਾਪਨ

Sat, Jun 24, 2017 at 3:43 PM

ਸਮਾਜ ਦੇ ਭਖ਼ਦੇ ਸੁਆਲਾਂ ’ਤੇ ਛਿੜਿਆ ਗੰਭੀਰ ਸੰਵਾਦ

ਜਲੰਧਰ: 24 ਜੂਨ 2017:(ਪੰਜਾਬ ਸਕਰੀਨ ਬਿਊਰੋ)::

ਦੇਸ਼ ਭਗਤ ਯਾਦਗਾਰ ਹਾਲ ’ਚ ਚੱਲ ਰਹੇ ਸੂਬਾਈ ਸਿਖਿਆਰਥੀ ਚੇਤਨਾ ਕੈਂਪ ਦੇ ਦੂਜੇ ਦਿਨ ‘ਰਾਜ ਅਤੇ ਇਨਕਲਾਬ’ ਵਿਸ਼ੇ ਉਪਰ ਬੋਲਦਿਆਂ ਦਰਸ਼ਨ ਖਟਕੜ ਨੇ ਕਿਹਾ ਕਿ ਰਾਜ ਭਾਗ ਤੇ ਕਾਬਜ਼, ਦੂਜੇ ਮਿਹਨਤਕਸ਼ ਲੋਕਾਂ ਦੀ ਕਮਾਈ ਉਪਰ ਪਲਣ ਵਾਲੀ ਧੜਵੈਲ ਜਮਾਤ ਦੀ ਅਣਸਰਦੀ ਲੋੜ ਹੈ ਕਿ ਉਹ ਅਜੇਹਾ ਹਥਿਆਰਬੰਦ ਤੰਤਰ ਖੜ੍ਹਾ ਕਰੇ ਜਿਸਦੇ ਜ਼ੋਰ ਬਹੁ-ਗਿਣਤੀ ਕਮਾਊ ਲੋਕਾਂ ਨੂੰ ਬੇ-ਹਥਿਆਰੇ ਰੱਖਕੇ, ਗੁਲਾਮ ਬਣਾਕੇ ਰੱਖਿਆ ਜਾ ਸਕੇ।

ਉਹਨਾਂ ਕਿਹਾ ਕਿ ਅਜੇਹੀ ਬੁਨਿਆਦ ਤੇ ਸਿਰਜਿਆ ਰਾਜ ਭਾਗ, ਉਪਰੋਂ ਜਮਹੂਰੀਅਤ ਦਾ ਅਡੰਬਰ ਰਚਦਾ ਹੈ ਅਸਲ ਵਿੱਚ ਇਹ ਪੈਦਾਵਾਰੀ ਸਾਧਨਾ ਤੇ ਕਾਬਜ਼ ਜਮਾਤ ਦਾ ਤਾਨਾਸ਼ਾਹੀ ਰਾਜ ਹੈ।

ਮਾਰਕਸਵਾਦ, ਦਲਿਤ ਸੁਆਲ, ਜ਼ਮੀਨੀ ਮਸਲਾ, ਨਵੇਂ ਲੋਕ ਰਾਜ ’ਚ ਪੁਲਸ, ਫੌਜ, ਪਾਰਟੀ ਜੱਥੇਬੰਦੀ, ਜਨਤਕ ਘੋਲ ਅਤੇ ਖਾੜਕੂ ਕੁਰਬਾਨੀਆਂ ਭਰੇ ਘੋਲਾਂ ਦੀ ਵਿਧੀ ਸਬੰਧੀ ਆਏ ਕਿੰਨੇ ਹੀ ਸੁਆਲਾਂ ਦੇ ਉਹਨਾਂ ਨੇ ਸਾਰਥਕ ਅੰਦਾਜ਼ ’ਚ ਜਵਾਬ ਦਿੱਤੇ।

ਕੈਂਪ ਦੇ ਦੂਜੇ ਸੈਸ਼ਨ ’ਚ ‘‘ਰੂਸੀ ਸਮਾਜਵਾਦੀ, ਇਨਕਲਾਬ ਦੇ ਭਾਰਤੀ ਸਮਾਜ ’ਤੇ ਪ੍ਰਭਾਵ’’ ਵਿਸ਼ੇ ’ਤੇ ਬੋਲਦਿਆਂ ਦੇਸ਼ ਭਗਤ ਯਾਦਗਾਰ ਕਮੇਟੀ ਦੇ ਸਹਾਇਕ ਸਕੱਤਰ ਡਾ. ਪਰਮਿੰਦਰ ਨੇ ਕਿਹਾ ਕਿ ਰੂਸੀ ਸਮਾਜਵਾਦੀ ਇਨਕਲਾਬ, ਦੁਨੀਆਂ ਵਿੱਚ ਹੁਣ ਤੱਕ ਦੀਆਂ ਸਦੀਆਂ ਤੋਂ ਹੁੰਦੀਆਂ ਆ ਰਹੀਆਂ ਸਭਨਾਂ ਤਬਦੀਲੀਆਂ ਨਾਲੋਂ ਬੁਨਿਆਦੀ ਤੌਰ ’ਤੇ ਹੀ ਵੱਖਰਾ ਸੀ।

ਉਹਨਾਂ ਕਿਹਾ ਕਿ ਕੌਮਾਂ ਦੇ ਆਪੇ ਨਿਰਣੇ ਦੇ ਅਧਿਕਾਰ ਦੀ ਗੱਲ ਹੋਵੇ, ਸਾਮਰਾਜੀ ਤਾਕਤਾਂ ਵੱਲੋਂ ਰੂਸੀ ਇਨਕਲਾਬ ਦੇ ਕਿਲ੍ਹੇ ਨੂੰ ਢਹਿ ਢੇਰੀ ਕਰਨ ਲਈ ਕੀਤੇ ਹੱਲਿਆਂ ਦਾ ਮੂੰਹ ਤੋੜਵਾਂ ਜਵਾਬ ਦੇਕੇ, ਨਵੇਂ ਸਮਾਜ, ਨਵੇਂ ਮਨੁੱਖ ਦੀ ਸਿਰਜਣਾ ਕਰਕੇ ਨਵੇਂ ਯੁੱਗ ਦਾ, ਕੌਮਾਂ ਅਤੇ ਲੋਕਾਂ ਦੀ ਮੁਕੰਮਲ ਮੁਕਤੀ ਦੇ ਯੁੱਗ ਦਾ ਸੂਹਾ ਪਰਚਮ ਬੁਲੰਦ ਕੀਤਾ ਸੀ। 

ਡਾ. ਪਰਮਿੰਦਰ ਨੇ ਰੂਸੀ ਇਨਕਲਾਬ ਦੇ ਗ਼ਦਰ ਲਹਿਰ, ਕਿਰਤੀ ਲਹਿਰ, ਨੌਜਵਾਨ ਭਾਰਤ ਸਭਾ ਦੀ ਲਹਿਰ, ਸਾਹਿਤ/ਸਭਿਆਚਾਰ ਉਪਰ ਪਏ ਪ੍ਰਭਾਵ ਦੀ ਲੜੀ ਪੇਸ਼ ਕੀਤੀ।

ਦੇਸ਼ ਭਗਤ ਯਾਦਗਾਰ ਕਮੇਟੀ ਦੇ ਸੀਨੀਅਰ ਟਰੱਸਟੀ ਗੰਧਰਵ ਸੇਨ ਕੋਛੜ ਅਤੇ ਸੁਰਿੰਦਰ ਕੁਮਾਰੀ ਕੋਛੜ ਵੱਲੋਂ ‘ਮਾਰਕਸਵਾਦ ਕੀ ਹੈ?’, ‘ਅਛੂਤ ਦਾ ਸੁਆਲ’, ‘ਮੈਂ ਨਾਸਤਿਕ ਕਿਉਂ?’, ‘ਰਾਜ ਅਤੇ ਇਨਕਲਾਬ ਅਤੇ ਟੱਬਰ, ਨਿੱਜੀ ਜਾਇਦਾਦ ਰਾਜ ਦਾ ਮੁੱਢ’ ਤੋਂ ਇਲਾਵਾ ਜਗਰੂਪ ਦੀ ਤਰਫ਼ੋਂ ਮਾਰਕਸੀ ਵਿਚਾਰ ਪੁਸਤਕਾਂ ਸਿਖਿਆਰਥੀਆਂ ਨੂੰ ਭੇਂਟ ਕੀਤੀਆਂ ਗਈਆਂ।

ਸਿਖਿਆਰਥੀਆਂ ਨੂੰ ਪੁਸਤਕ ਸੈੱਟ ਤੋਂ ਇਲਾਵਾ ਦੇਸ਼ ਭਗਤ ਯਾਦਗਾਰ ਕਮੇਟੀ ਵੱਲੋਂ ਪ੍ਰਮਾਣ-ਪੱਤਰ ਵੀ ਸਨਮਾਨ ਵਜੋਂ ਭੇਂਟ ਕੀਤਾ ਗਿਆ।

ਜ਼ਿਕਰਯੋਗ ਹੈ ਕਿ ਚੇਤਨਾ ਕੈਂਪ ਦੀ ਵਿੱਤੀ ਮਦਦ ਕਰਨ ’ਚ ਕਾਮਰੇਡ ਦਰਸ਼ਨ ਸਿੰਘ ਕੈਨੇਡੀਅਨ, ਹਰਦੀਪ ਸਿੰਘ ਦੂਹੜਾ ਅਤੇ ਪਿ੍ਰੰ. ਵੀ.ਕੇ. ਤਿਵਾੜੀ ਦੀ ਯਾਦ ’ਚ ਕਾਮਰੇਡ ਨੌਨਿਹਾਲ ਸਿੰਘ, ਜਸਬੀਰ ਕੌਰ ਦੂਹੜਾ ਅਤੇ ਸਰਿਤਾ ਤਿਵਾੜੀ ਦੇ ਪਰਿਵਾਰ ਵੱਲੋਂ ਅਹਿਮ ਯੋਗਦਾਨ ਪਾਇਆ ਗਿਆ ਅਤੇ ਅੱਜ ਉਹ ਉਚੇਚੇ ਤੌਰ ’ਤੇ ਕੈਂਪ ਵਿੱਚ ਸ਼ਾਮਲ ਹੋਏ।

ਕੈਂਪ ਵਿੱਚ ਆਏ ਸਿਖਿਆਰਥੀਆਂ ਨੂੰ ਸਨਮਾਨ-ਪੱਤਰ ਅਤੇ ਪੁਸਤਕਾਂ ਦੇ ਸੈੱਟ ਭੇਂਟ ਕਰਨ ਮੌਕੇ ਕਮੇਟੀ ਪ੍ਰਧਾਨ ਗੁਰਮੀਤ ਸਿੰਘ ਢੱਡਾ, ਜਨਰਲ ਸਕੱਤਰ ਗੁਰਮੀਤ ਸਿੰਘ, ਮੀਤ ਪ੍ਰਧਾਨ ਅਜਮੇਰ ਸਿੰਘ, ਸਹਾਇਕ ਸਕੱਤਰ ਡਾ. ਪਰਮਿੰਦਰ, ਖਜ਼ਾਨਚੀ ਡਾ. ਰਘਬੀਰ ਕੌਰ, ਸਭਿਆਚਾਰਕ ਵਿੰਗ ਦੇ ਕਨਵੀਨਰ ਅਮੋਲਕ ਸਿੰਘ, ਰਮਿੰਦਰ ਪਟਿਆਲਾ, ਰਣਜੀਤ ਸਿੰਘ ਔਲਖ, ਬਲਬੀਰ ਕੌਰ ਬੁੰਡਾਲਾ, ਸੀਤਲ ਸਿੰਘ ਸੰਘਾ, ਮਨਜੀਤ ਸਿੰਘ, ਦੇਵਰਾਜ ਨਯੀਅਰ, ਚਰੰਜੀ ਲਾਲ ਕੰਗਣੀਵਾਲ ਹਾਜ਼ਰ ਸਨ।

ਚੇਤਨਾ ਕੈਂਪ ’ਚ ਮੰਚ ਸੰਚਾਲਕ ਦੀ ਭੂਮਿਕਾ ਦੇਸ਼ ਭਗਤ ਯਾਦਗਾਰ ਕਮੇਟੀ ਦੇ ਸਭਿਆਚਾਰਕ ਵਿੰਗ ਦੇ ਕਨਵੀਨਰ ਨੇ ਅਦਾ ਕੀਤੀ।

ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ ਤੋਂ ਡਾ. ਜਸਪਾਲ ਤੋਂ ਇਲਾਵਾ ਡਾ. ਗੁਰਪ੍ਰੀਤ ਸਿੰਘ ਰਟੌਲ ਨੇ ‘ਬਾਗ਼ੀ ਸਰਾਭਾ’ ਨਾਟਕ ਪੜ੍ਹਿਆ ਅਤੇ ਖਾਸ ਕਰਕੇ ਚਿੰਤਕਾਂ, ਬੁੱਧੀਜੀਵੀਆਂ, ਸਿਖਿਆਰਥੀਆਂ ਅੱਗੇ ਪੜ੍ਹਿਆ ਜੋ ਨਾਟਕ ਦੀ ਪੇਸ਼ਕਾਰੀ ਤੋਂ ਪਹਿਲਾਂ ਉਸਦੇ ਵਿਚਾਰਕ, ਇਤਿਹਾਸਕ, ਰਾਜਨੀਤਕ ਅਤੇ ਕਲਾਤਮਕ ਪੱਖਾਂ ਉਪਰ ਖੁੱਲ੍ਹਕੇ ਵਿਚਾਰ-ਮੰਥਨ ਕੀਤਾ ਜਾ ਸਕੇ।

ਚੇਤਨਾ ਕੈਂਪ ਦੇ ਸਿਖਰ ’ਤੇ ਗੰਧਰਵ ਸੇਨ ਕੋਛੜ ਤੋਂ ਇਲਾਵਾ ਕਮੇਟੀ ਦੇ ਪ੍ਰਧਾਨ ਗੁਰਮੀਤ ਸਿੰਘ ਢੱਡਾ ਅਤੇ ਮੀਤ ਪ੍ਰਧਾਨ ਅਜਮੇਰ ਸਿੰਘ ਨੇ ਸਿਖਿਆਰਥੀਆਂ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਕੈਂਪ ਦੀ ਸਫ਼ਲਤਾ ਦਾ ਪ੍ਰਮਾਣ ਇਹ ਹੋਏਗਾ ਕਿ ਭਵਿੱਖ ਵਿੱਚ ਤੁਹਾਡੇ ਜੀਵਨ ਵਿੱਚ ਲੋਕਾਂ ਪ੍ਰਤੀ ਸਮਰਪਣ ਦੀ ਕਿੰਨੀ ਭਾਵਨਾ ਅਤੇ ਅਮਲਦਾਰੀ ਆਉਂਦੀ ਹੈ। ਉਹਨਾਂ ਕਿਹਾ ਕਿ ਸਾਨੂੰ ਆਸ ਹੈ ਕਿ ਕੈਂਪ ਤੁਹਾਡੀ ਜੀਵਨ-ਧਾਰਾ ਨਵੇਂ ਰੁਖ਼ ਅੱਗੇ ਤੋਰੇਗਾ।

ਲਤਾਲਾ ਵਿਖੇ ਮੁਫ਼ਤ ਮੈਡੀਕਲ ਕੈਂਪ ਦਾ 350 ਤੋਂ ਵਧੇਰੇ ਲੋਕਾਂ ਨੇ ਲਾਹਾ ਲਿਆ

Date: 2017-04-09 18:22 GMT+05:30

ਲੋਕਾਂ ਨੂੰ ਵਧੀਆ ਸਿਹਤ ਸਹੂਲਤਾਂ ਦੇਣ ਲਈ ਤਵੱਜੋਂ ਦਿੱਤੀ ਜਾਵੇਗੀ-ਖੰਗੂੜਾ

ਲਤਾਲਾ: 9 ਅਪ੍ਰੈਲ 2017: (ਪੰਜਾਬ ਸਕਰੀਨ ਬਿਊਰੋ)::

ਪਿੰਡ ਲਤਾਲਾ ਵਿਖੇ ਸਮੂਹ ਨਗਰ ਨਿਵਾਸੀਆਂ ਦੇ ਸਹਿਯੋਗ ਨਾਲ ਮੁਫ਼ਤ ਮੈਡੀਕਲ ਕੈਂਪ ਲਗਾਇਆ ਗਿਆ, ਜਿਸ ਵਿੱਚ ਖੂਨ ਜਾਂਚ, ਅੱਖਾਂ ਦੀ ਜਾਂਚ, ਸ਼ੂਗਰ ਜਾਂਚ, ਹੱਡੀਆਂ ਦੀ ਜਾਂਚ, ਈ. ਸੀ. ਜੀ. ਤੋਂ ਇਲਾਵਾ ਮੁਫ਼ਤ ਦਵਾਈਆਂ ਅਤੇ ਐਨਕਾਂ ਦਿੱਤੀਆਂ ਗਈਆਂ। ਕੈਂਪ ਵਿੱਚ ਕਰੀਬ 10 ਪਿੰਡਾਂ ਤੋਂ 350 ਤੋਂ ਵਧੇਰੇ ਲੋਕਾਂ ਨੇ ਸ਼ਮੂਲੀਅਤ ਕਰਕੇ ਲਾਹਾ ਲਿਆ। 

ਕੈਂਪ ਮੌਕੇ ਹਾਜ਼ਰੀਨ ਨੂੰ ਸੰਬੋਧਨ ਕਰਦਿਆਂ ਸੀਨੀਅਰ ਕਾਂਗਰਸੀ ਆਗੂ ਸ੍ਰ. ਜਗਪਾਲ ਸਿੰਘ ਖੰਗੂੜਾ ਨੇ ਕਿਹਾ ਪੰਜਾਬ ਵਿੱਚ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੀ ਅਗਵਾਈ ਵਾਲੀ ਸਰਕਾਰ ਦੀ ਪ੍ਰਮੁੱਖਤਾ ਲੋਕਾਂ ਨੂੰ ਵਧੀਆ ਸਿਹਤ, ਸਿੱਖਿਆ ਸਹੂਲਤਾਂ ਦੇਣ ਦੇ ਨਾਲ-ਨਾਲ ਸੂਬੇ ਦੇ ਬੁਨਿਆਦੀ ਢਾਂਚੇ ਦਾ ਵਿਕਾਸ ਕਰਨ ਨੂੰ ਦਿੱਤੀ ਜਾਵੇਗੀ। ਉਨ•ਾਂ ਕਿਹਾ ਕਿ ਸੂਬੇ ਦੇ ਲੋਕਾਂ ਨੇ ਪਿਛਲੇ 10 ਸਾਲਾਂ ਦੌਰਾਨ ਅਕਾਲੀ ਭਾਜਪਾ ਗਠਜੋੜ ਸਰਕਾਰ ਦੀਆਂ ਵਧੀਕੀਆਂ ਦਾ ਡੱਟ ਕੇ ਮੁਕਾਬਲਾ ਕੀਤਾ ਅਤੇ ਇਸ ਵਾਰ ਪੰਜਾਬ ਵਿੱਚ ਕਾਂਗਰਸ ਪਾਰਟੀ ਨੂੰ ਪੂਰਨ ਬਹੁਮਤ ਦੇ ਕੇ ਪੰਜਾਬ ਦੀ ਵਾਗਡੋਰ ਕੈਪਟਨ ਅਮਰਿੰਦਰ ਸਿੰਘ ਦੇ ਹੱਥ ਵਿੱਚ ਦਿੱਤੀ ਹੈ। ਉਨ•ਾਂ ਕਿਹਾ ਕਿ ਕੈਪਟਨ ਦੀ ਅਗਵਾਈ ਵਿੱਚ ਸਰਕਾਰ ਬਣਨ ਨਾਲ ਪੰਜਾਬ ਦੇ ਹਰੇਕ ਵਰਗ ਦਾ ਵਿਅਕਤੀ ਖੁਸ਼ ਹੈ ਅਤੇ ਜਲਦ ਹੀ ਪੰਜਾਬ ਦੀ ਰੁਕੀ ਵਿਕਾਸ ਦੀ ਗਤੀ ਮੁੜ ਤੋਂ ਸ਼ੁਰੂ ਹੋ ਜਾਵੇਗੀ।

ਕੈਂਪ ਦੌਰਾਨ ਡਾ. ਬੀ. ਐੱਸ. ਸ਼ਾਹ (ਸਾਬਕਾ ਮੈਡੀਕਲ ਸੁਪਰਡੈਂਟ ਡੀ. ਐੱਮ. ਸੀ.), ਡਾ. ਦਿਨੇਸ਼ ਜੈਨ ਡੀ. ਐੱਮ. ਸੀ., ਡਾ. ਆਰ. ਕੇ. ਸ਼ਰਮਾ, ਡਾ. ਮੁਨੀਸ਼ ਗਰਗ, ਡਾ. ਪੁਨੀਤ ਧਵਨ, ਡਾ. ਗੁਰਵਿੰਦਰ ਸਿੰਘ, ਡਾ. ਲਲਿਤ, ਡਾ. ਸਿਮਰਨਜੀਤ ਕੌਰ ਵਿਰਦੀ ਨੇ ਮਰੀਜਾਂ ਦੀ ਜਾਂਚ ਕੀਤੀ ਅਤੇ ਦਵਾਈਆਂ ਦਿੱਤੀਆਂ। ਸਮੂਹ ਨਗਰ ਨਿਵਾਸੀਆਂ ਦੇ ਸਮੂਹ ਹਾਜ਼ਰੀਨ ਅਤੇ ਖਾਸ ਤੌਰ 'ਤੇ ਸ੍ਰ. ਗੁਰਚਰਨ ਸਿੰਘ ਵਿਰਦੀ ਦਾ ਧੰਨਵਾਦ ਕੀਤਾ। 

ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਸਰਪੰਚ ਕੁਲਦੀਪ ਸਿੰਘ, ਮਹਿੰਗਾ ਸਿੰਘ, ਗੁਰਮਿੰਦਰ ਸਿੰਘ, ਕੁਲਦੀਪ ਸਿੰਘ ਵਿਰਦੀ, ਬਲਜੀਤ ਸਿੰਘ, ਕੁਵਿੰਦਰਜੀਤ ਸਿੰਘ, ਗੁਰਚਰਨ ਸਿੰਘ, ਅਮਰਿੰਦਰ ਸਿੰਘ, ਪਰਮਿੰਦਰ ਸਿੰਘ ਖੰਗੂੜਾ, ਗੁਰਭਜਨ ਸਿੰਘ, ਪੱਪੀ, ਬਿੱਟੂ, ਢਿੱਲੋਂ ਅਤੇ ਹੋਰ ਹਾਜ਼ਰ ਸਨ। 

GADVASU ਵੱਲੋਂ ਪਸ਼ੂਆਂ ਦੀ ਸਮੁੱਚੀ ਸਿਹਤ ਵਾਸਤੇ ਪਸ਼ੂ ਭਲਾਈ ਕੈਂਪ

Wed, Feb 15, 2017 at 4:28 PM
ਕੈਂਪ ਵਿਚ 87 ਪਸ਼ੂਆਂ ਦਾ ਇਲਾਜ ਕੀਤਾ ਗਿਆ

ਲੁਧਿਆਣਾ:15-ਫਰਵਰੀ-2017: (ਪੰਜਾਬ ਸਕਰੀਨ ਬਿਊਰੋ):

ਗੁਰੂ ਅੰਗਦ ਦੇਵ ਵੈਟਨਰੀ ਅਤੇ ਐਨੀਮਲ ਸਾਇੰਸਜ਼ ਯੂਨੀਵਰਸਿਟੀ, ਲੁਧਿਆਣਾ ਦੇ ਪਸਾਰ  ਸਿੱਖਿਆ ਨਿਰਦੇਸ਼ਾਲੇ ਵੱਲੋਂ ਪਸ਼ੂ ਸਿਹਤ ਦੀ ਜਾਂਚ ਅਤੇ ਇਲਾਜ ਲਈ ਇਕ ਵਿਸ਼ੇਸ਼ ਕੈਂਪ ਪਿੰਡ ਧਨੇਰ (ਬਰਨਾਲਾ) ਵਿਖੇ ਲਗਾਇਆ ਗਿਆ। ਇਹ ਕੈਂਪ ਭਾਰਤੀ ਖੇਤੀ ਖੋਜ ਪਰਿਸ਼ਦ ਵੱਲੋਂ ਸੌਂਪੇ ਗਏ ਪ੍ਰਾਜੈਕਟ ‘ਪਸ਼ੂਧਨ ਵਿਕਾਸ ਲਈ ਸਮੁੱਚੇ ਯਤਨ: ਕਿਸਾਨਾਂ ਦੇ ਸੰਦਰਭ ਵਿਚ’ ਦੇ ਤਹਿਤ ਫਾਰਮਰ ਫਸਟ ਨਮੂਨੇ ਦੇ ਅਧੀਨ ਲਗਾਇਆ ਗਿਆ।ਯੂਨੀਵਰਸਿਟੀ ਦੇ ਨਿਰਦੇਸ਼ ਪਸਾਰ ਸਿੱਖਿਆ ਡਾ. ਹਰੀਸ਼ ਕੁਮਾਰ ਵਰਮਾ ਅਤੇ ਪ੍ਰਾਜੈਕਟ ਦੇ ਮੁੱਖ ਅਧਿਕਾਰੀ ਨੇ ਦੱਸਿਆ ਕਿ ਇਸ ਪ੍ਰਾਜੈਕਟ ਤਹਿਤ ਪੰਜ ਪਿੰਡਾਂ ਨੂੰ ਚੁਣਿਆ ਗਿਆ ਹੈ। ਜਿਸ ਵਿਚ ਪਸ਼ੂਆਂ ਦੀ ਜਾਂਚ, ਸਿਹਤ ਸੰਭਾਲ, ਪੌਸ਼ਟਿਕ ਜ਼ਰੂਰਤਾਂ ਦੇ ਨਾਲ ਕਿਸਾਨਾਂ ਨੂੰ ਸਿਖਲਾਈ ਦੇਣ ਦਾ ਕਾਰਜ ਕੀਤਾ ਜਾਵੇਗਾ। ਇਸੇ ਲੜੀ ਤਹਿਤ ਇਹ ਪਸ਼ੂ ਭਲਾਈ ਕੈਂਪ ਲਗਾਇਆ ਗਿਆ ਸੀ। ਜਿਸ ਵਿਚ ਪਸ਼ੂਆਂ ਦੇ ਪ੍ਰਜਨਣ, ਅਪਰੇਸ਼ਨ ਅਤੇ ਦਵਾਈਆਂ ਨਾਲ ਹੋਣ ਵਾਲੇ ਇਲਾਜ ਸੰਬੰਧੀ ਮਾਹਿਰਾਂ ਨੇ ਆਪਣੀਆਂ ਸੇਵਾਵਾਂ ਦਿੱਤੀਆਂ। ਕੈਂਪ ਵਿਚ 87 ਪਸ਼ੂਆਂ ਦਾ ਇਲਾਜ ਕੀਤਾ ਗਿਆ। ਜਿਨ੍ਹਾਂ ਵਿਚ ਗਾਂਵਾਂ, ਮੱਝਾਂ, ਬੱਕਰੀਆਂ ਤੇ ਕੁੱਤਿਆਂ ਦੇ ਕੇਸ ਸਨ।ਕਿਸਾਨਾਂ ਨੂੰ ਪਸ਼ੂਆਂ ਦੀ ਪੌਸ਼ਟਿਕ ਖੁਰਾਕ ਅਤੇ ਸਹੀ ਤਰੀਕੇ ਨਾਲ ਚਿੱਚੜ ਮਾਰ ਦਵਾਈਆਂ ਦੀ ਵਰਤੋਂ ਕਰਨ ਸੰਬੰਧੀ ਜਾਗਰੂਕ ਕੀਤਾ ਗਿਆ।ਪਸ਼ੂਆਂ ਦੀ ਵੱਖੋ ਵੱਖਰੀਆਂ ਬਿਮਾਰੀਆਂ  ਜਿਵੇਂ ਕਿ ਲੇਵੇ ਦੀ ਸੋਜ, ਮੂੰਹ-ਖੁਰ ਅਤੇ ਦੂਸਰੀਆਂ ਮੁੱਖ ਬਿਮਾਰੀਆਂ ਬਾਰੇ ਵੀ ਚਾਨਣਾ ਪਾਇਆ ਗਿਆ।

ਪਸਾਰ ਸਿੱਖਿਆ ਵਿਭਾਗ ਦੇ ਮੁਖੀ, ਡਾ. ਅੇਸ ਕੇ ਕਾਂਸਲ ਨੇ ਦੱਸਿਆ ਕਿ ਵੈਟਨਰੀ ਯੂਨੀਵਰਸਿਟੀ ਦਾ ਉਦੇਸ਼ ਹੈ ਕਿ ਪਸ਼ੂ ਪਾਲਕਾਂ ਤੇ ਕਿਸਾਨਾਂ ਦੀ ਹਰ ਸਮੱਸਿਆ ਦਾ ਹਲ ਕੀਤਾ ਜਾਏ ਇਸ ਲਈ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ, ਅਟਾਰੀ ਅਤੇ ਸੀਫੇਟ ਸੰਸਥਾਵਾਂ ਤੋਂ ਵੀ ਪੂਰਣ ਸਹਿਯੋਗ ਇਸ ਕੈਂਪ ਦੌਰਾਨ ਲਿਆ ਗਿਆ।ਕੈਂਪ ਦਾ ਮੁੱਖ ਜ਼ਿੰਮਾ ਡਾ. ਰਾਜੇਸ਼ ਕੁਾਮਰ ਕਸਰੀਜਾ ਨੇ ਸੰਭਾਲਿਆ।ਜਿਨ੍ਹਾਂ ਦੀ ਸੁਚੱਜੀ ਅਗਵਾਈ ਵਿਚ ਮਾਹਿਰਾਂ ਨੇ ਬਹੁਤ ਸ਼ਲਾਘਾਯੋਗ ਕਾਰਜ ਕੀਤਾ।ਪਿੰਡ ਦੇ ਸਰਪੰਚ ਸ. ਜਸਮਿੰਦਰ ਸਿੰਘ ਨੇ ਕਿਹਾ ਕਿ ਇਸ ਸੁਚੱਜੇ ਢੰਗ ਨਾਲ ਮਾਹਿਰਾਂ ਵੱਲੋਂ ਪਸ਼ੂਆਂ ਦੀ ਸਿਹਤ ਸੰਭਾਲ ਲਈ ਕੀਤੇ ਯਤਨ ਕਿਸਾਨਾਂ ਲਈ ਬੜੇ ਫਾਇਦੇਮੰਦ ਸਾਬਿਤ ਹੋਣਗੇ।

ਦੋਰਾਹਾ ਕਾਲਜ ਦੀਆਂ ਲੜਕੀਆਂ ਵੱਲੋਂ ਸਰਗਰਮੀਆਂ ਜਾਰੀ

Thu, Nov 5, 2015 at 2:22 PM

ਐਨ. ਐਸ. ਐਸ. ਕੈਂਪ ਵਿਚ ਯੋਗ ਸਾਧਨਾਂ ਸਬੰਧੀ ਜਾਣਕਾਰੀ

ਦੋਰਾਹਾ: 5 ਨਵੰਬਰ 2015:  (ਪੰਜਾਬ ਸਕਰੀਨ ਬਿਊਰੋ):

ਸਥਾਨਕ ਗੁਰੂ ਨਾਨਕ ਨੈਸ਼ਨਲ ਕਾਲਜ ਵਿਖੇ ਐਨ. ਐਸ. ਐਸ. (ਲੜਕੀਆਂ) ਯੁਨਿਟ ਵੱਲੋਂ ਲਗਾਏ ਗਏ ਕੈਂਪ ਵਿਚ ਯੋਗ ਸਾਧਨਾਂ ਸਬੰਧੀ ਪਸਾਰ ਭਾਸ਼ਣ ਕਰਵਾਏ ਗਏ ਜਿਸ ਵਿਚ ਗੁਰੂ ਨਾਨਕ ਮਾਡਲ ਸੀਨੀਅਰ ਸੈਕੰਡਰੀ ਸਕੂਲ, ਦੋਰਾਹਾ ਤੋਂ ਮੈਡਮ ਸਰਬਜੀਤ ਕੌਰ ਉਚੇਚੇ ਤੌਰ ਤੇ ਪਹੁੰਚੇ।  

ਮੈਡਮ ਸਰਬਜੀਤ ਕੌਰ ਨੇ ਵਿਦਿਆਰਥਣਾਂ ਨੂੰ ਯੋਗ ਸਾਧਨਾਂ ਦੀ ਮਹੱਤਤਾ ਬਾਰੇ ਦੱਸਦਿਆਂ ਕਿਹਾ ਕਿ ਇਹ ਸਰੀਰਕ ਅਤੇ ਮਾਨਸਿਕ ਤੰਦਰੁਸਤੀ ਲਈ ਅਤਿਅੰਤ ਜਰੂਰੀ ਹੈ ਅਤੇ ਵਰਤਮਾਨ ਸਮੇਂ ਵਿਚ ਪਸਰ ਰਹੀਆਂ ਭਿਆਨਕ ਬਿਮਾਰੀਆਂ ਤੋਂ ਬਚਣ ਲਈ ਯੋਗਾ ਕਰਨਾ ਇਨਸਾਨ ਦਾ ਜਰੂਰੀ ਫਰਜ ਬਣ ਚੁੱਕਾ ਹੈ। ਇਨ੍ਹਾਂ ਬਿਮਾਰੀਆਂ ਤੋਂ ਬਚਣ ਲਈ ਮਨੁੱਖ ਨੂੰ ਯੋਗ ਸਿੱਖਿਆ ਤੋਂ ਜਾਣੂ ਹੋਣਾ ਅਤੇ ਉਨ੍ਹਾਂ ਨੂੰ ਸਹੀ ਤਰੀਕੇ ਨਾਲ ਜੀਵਨ ਵਿਚ ਅਪਣਾਉਣਾ ਚਾਹੀਦਾ ਹੈ।  ਇਸੇ ਸਿਧਾਂਤ ਤੇ ਪਹਿਰਾ ਦਿੰਦਿਆਂ ਉਨ੍ਹਾਂ ਨੇ ਵਿਦਿਆਰਥਣਾਂ ਨੂੰ ਯੋਗ ਦੇ ਵੱਖ-ਵੱਖ ਆਸਣ ਕਰਕੇ ਦਿਖਾਏ ਅਤੇ ਇਨ੍ਹਾਂ ਸਬੰਧੀ ਭਰਪੂਰ ਜਾਣਕਾਰੀ ਦਿੱਤੀ। ਵਿਦਿਆਰਥਣਾਂ ਨੇ ਇਸਦਾ ਭਰਪੂਰ ਲਾਭ ਉਠਾਇਆ।

 ਅਖੀਰ ਵਿਚ ਪ੍ਰੋਗਰਾਮ ਅਫਸਰ ਮੈਡਮ ਲਵਲੀਨ ਬੈਂਸ ਨੇ ਬਾਹਰੋਂ ਆਏ ਬੁਲਾਰਿਆਂ ਦਾ ਧੰਨਵਾਦ ਕੀਤਾ ਅਤੇ ਵਿਦਿਆਰਥਣਾਂ ਨੂੰ ਆਪਣੇ ਜੀਵਨ ਵਿਚ ਯੋਗ ਸਿੱਖਿਆ ਨੂੰ ਅਪਣਾਉਣ ਲਈ ਜਰੂਰੀ ਦੱਸਿਆ।

ਆਉਣ ਵਾਲੇ ਦਿਨਾਂ ਵਿੱਚ ਕਿਸਾਨਾਂ ਨੂੰ ਵਧੇਰੇ ਚੌੌਕਸ ਰਹਿਣ ਦੀ ਜ਼ਰੂਰਤ

Sun, Sep 20, 2015 at 10:17 AM

ਡਾ: ਸਤਵੰਤ ਸਿੰਘ ਬਰਾੜ ਵੱਲੋਂ ਕਿਸਾਨ ਸਿਖਲਾਈ ਕੈਂਪ ਵਿੱਚ ਚੇਤਾਵਨੀ 

ਸ੍ਰੀ ਮੁਕਤਸਰ ਸਾਹਿਬ  20 ਸਤੰਬਰ 2015:(ਅਨਿਲ ਪਨਸੇਜਾ//ਪੰਜਾਬ ਸਕਰੀਨ)::

ਜ਼ਿਲਾ ਸ਼੍ਰੀ ਮੁਕਤਸਰ ਸਾਹਿਬ ਵਿੱਚ ਝੋਨਾ ਅਤੇ ਬਾਸਮਤੀ ਦੀ ਫ਼ਸਲ ਦੀ ਮੌੌਜੂਦਾ ਸਥਿਤੀ ਭਾਵੇ ਕਾਫੀ ਤਸੱਲੀਬਖ਼ਸ ਹੈ ਪਰ ਫਿਰ ਵੀ ਆਉਣ ਵਾਲੇ ਦਿਨਾਂ ਵਿੱਚ ਕਿਸਾਨਾਂ ਨੂੰ ਵਧੇਰੇ ਚੌੌਕਸ ਰਹਿਣ ਦੀ ਜ਼ਰੂਰਤ ਹੈ ਤਾਂ ਕਿ ਕੋੋਈ ਵੀ ਕੀੜਾ ਮਕੌੌੜਾ ਜਾਂ ਬਿਮਾਰੀ ਇਸ ਫ਼ਸਲ ਦਾ ਨੁਕਸਾਨ ਨਾ ਕਰ ਸਕੇ। ਇਹ ਸ਼ਬਦ ਖੇਤੀਬਾੜੀ ਵਿਭਾਗ ਪੰਜਾਬ ਦੇ ਸੰਯੁਕਤ ਨਿਰਦੇਸ਼ਕ ਡਾ: ਸਤਵੰਤ ਸਿੰਘ ਬਰਾੜ ਨੇ ਪਿੰਡ ਮੌੜ, ਬਲਾਕ ਸ਼੍ਰੀ ਮੁਕਤਸਰ ਸਾਹਿਬ ਵਿਖੇ ਖੇਤੀਬਾੜੀ ਵਿਭਾਗ ਵਲੋੋਂ ਲਾਏ ਗਏ ਇੱਕ ਵਿਸ਼ਾਲ ਕਿਸਾਨ ਸਿਖਲਾਈ ਕੈਂਂਪ ਵਿਚ ਸਾਂਝੇ ਕੀਤੇ। ਉਨਾਂ ਕਿਹਾ ਕਿ ਆਮ ਤੌੌਰ ਤੇ ਝੋਨੇ/ਬਾਸਮਤੀ ਦੀ ਫ਼ਸਲ ਭਾਵੇਂ ਪੱਕੀ ਫ਼ਸਲ ਮੰਨੀ ਜਾਂਦੀ ਹੈ ਪਰੰਤੂ ਇਸ ਸਮੇਂ ਕੁਝ ਖੇਤਾਂ ਵਿੱਚ ਪੱਤਾ ਲਪੇਟ ਸੁੰਡੀ, ਬੂਟਿਆਂ ਦੇ ਟਿੱਡੇ(ਪਲਾਂਟ ਹੌੌਪਰ) ਅਤੇ ਸ਼ੀਥ ਬਲਾਈਟ/ਰੋੋਟ ਆਦਿ ਦਾ ਹਮਲਾ ਦੇਖਣ ਨੂੰ ਮਿਲਿਆ ਹੈ। ਜਿੰਨਾਂ ਖੇਤਾਂ ਵਿੱਚ ਇਸ ਕੀੜੇ ਦਾ ਹਮਲਾ 10 ਪ੍ਰਤੀਸ਼ਤ ਤੋੋ ਜ਼ਿਆਦਾ ਹੋੋਵੇ ਉਥੇ ਝੋਨੇ/ਬਾਸਮਤੀ ਦੀ ਫ਼ਸਲ ਉਪਰ ਫਲੂਬੈਂਡਾਮਾਈਂਡ(ਫੇਮ)20 ਮਿ:ਲੀ: ਜਾਂ ਟ੍ਰਾਈਜ਼ੋੋਫਾਸ 350 ਮਿ:ਲੀ: ਜਾਂ ਮੋੋਨੋਕਰੋੋਟੋੋਫਾਸ 560 ਮਿ:ਲੀ: ਜਾਂ ਕਲੋੋਰੋੋਪੈਰੀਫਾਸ 1 ਲੀਟਰ ਪ੍ਰਤੀ ਏਕੜ ਦੇ ਹਿਸਾਬ ਨਾਲ ਕੋੋਈ ਇੱਕ ਦਵਾਈ ਲੈ ਕੇ 100 ਤੋੋ 120 ਲੀਟਰ ਪਾਣੀ ਪਾ ਕੇ ਸਪਰੇਅ ਕਰ ਦੇਣਾ ਚਾਹੀਦਾ ਹੈ। ਉਨਾਂ ਅੱਗੇ ਕਿਹਾ ਕਿ ਕੁਝ ਕੁ ਕਿਸਾਨਾਂ ਦੇ ਖੇਤਾਂ ਵਿੱਚ ਚਿੱਟੀ ਪਿੱਠ ਵਾਲੇ ਅਤੇ ਭੂਰੇ ਟਿੱਡੇ ਦਾ ਹਮਲਾ ਹੋੋਇਆ ਹੈ ਜੋ ਝੋੋਨੇ ਦੇ ਤਣੇ ਵਿਚੋੋਂ ਰਸ ਚੂਸ ਕੇ ਖੜੀ ਫ਼ਸਲ ਵਿੱਚ ਸੁੱਕੀਆਂ ਧੋੋੜੀਆਂ ਬਣਾ ਦਿੰਦਾ ਹੈ। ਬਾਅਦ ਵਿਚ ਇਸ ਦਾ ਹਮਲਾ ਪੂਰੇ ਖੇਤ ਵਿਚ ਹੋੋ ਜਾਂਦਾ ਹੈ, ਜਿਸ ਦੀ ਰੋੋਕਥਾਮ ਵਾਸਤੇ ਇਮਿੱਡਾਕਲੋੋਪਰਿਡ 17.8 ਪ੍ਰਤੀਸ਼ਤ(ਕਾਨਫੀਡੋੋਰ) 40 ਮਿ:ਲੀ: ਜਾਂ 800 ਮਿ:ਲੀ: ਕੁਇੰਨਲਫਾਸ ਜਾਂ ਇੱਕ ਲੀਟਰ ਕਲੋੋਰੋੋਪੈਰੀਫਾਸ ਦੀ ਵਰਤੋੋ ਕਰਕੇ 100 ਲੀਟਰ ਪਾਣੀ ਵਿੱਚ ਪਾ ਕੇ ਹਮਲਾ ਹੋੋਣ ਦੀ ਸੂਰਤ ਵਿੱਚ ਤੁਰੰਤ ਸਪਰੇਅ ਕਰ ਦੇਣੀ ਚਾਹੀਦੀ ਹੈ। ਇਨਾਂ ਦਵਾਈਆਂ ਦੇ ਬਿਹਤਰ ਨਤੀਜੇ ਲੈਣ ਵਾਸਤੇ ਫਿਕਸਡ ਨੋੋਜ਼ਲ ਦਾ ਮੂੰਹ ਝੋਨੇ/ਬਾਸਮਤੀ ਦੇ ਮੁੱਢਾਂ ਵਾਲੇ ਪਾਸੇ ਕਰਕੇ ਸਪਰੇਅ ਕਰਨਾ ਚਾਹੀਦਾ ਹੈ। ਉਨਾਂ ਇਹ ਵੀ ਕਿਹਾ ਕਿ ਜਿਥੇ ਕਿਤੇ ਝੋਨੇ/ਬਾਸਮਤੀ ਦੇ ਤਣੇ ਜਾਂ ਪੱਤਿਆਂ ਉੱਤੇ ਸ਼ੀਤ ਬਲਾਈਟ, ਸ਼ੀਤ ਰੋੋਟ, ਭੂਰੇ ਧੱਬਿਆਂ ਦਾ ਰੋੋਗ ਆਦਿ ਦਾ ਹਮਲਾ ਹੋੋਵੇ ਉਥੇ ਪ੍ਰਾਪੀਕੋੋਨਾਜ਼ੋੋਲ(ਟਿਲਟ) ਜਾਂ ਟੈਬੂਕੋੋਨਾਜ਼ੋੋਲ (ਫਾਲੀਕਿਉਰ) ਜਾਂ ਮੌੌਨਸੂਰਨ ਆਦਿ ਉੱਲੀ ਨਾਸ਼ਕ ਦਵਾਈਆਂ ਵਿੱਚੋੋਂ ਕੋਈ ਇੱਕ ਦਵਾਈ 200 ਗ੍ਰਾਮ ਪ੍ਰਤੀ ਏਕੜ ਨੂੰ 200 ਲੀਟਰ ਪਾਣੀ ਵਿੱਚ ਪਾ ਕੇ ਚੰਗੀ ਤਰਾਂ ਛਿੜਕਾਅ ਕਰ ਦੇਣਾ ਚਾਹੀਦਾ ਹੈ, ਤਾਂ ਕਿ ਇਨਾਂ ਬਿਮਾਰੀਆਂ ਦੀ ਪ੍ਰਭਾਵਸ਼ਾਲੀ ਰੋੋਕਥਾਮ ਹੋੋ ਸਕੇ। ਇਸ ਮੌੌਕੇ ਡਾ: ਬੇਅੰਤ ਸਿੰਘ, ਮੁੱਖ ਖੇਤੀਬਾੜੀ ਅਫ਼ਸਰ, ਸ਼੍ਰੀ ਮੁਕਤਸਰ ਸਾਹਿਬ ਨੇ ਕਿਸਾਨਾਂ ਨੂੰ ਸੰਬੋੋਧਨ ਕਰਦਿਆਂ ਕਿਹਾ ਕਿ ਕਈ ਵਾਰ ਝੋਨੇ/ਬਾਸਮਤੀ ਦੇ ਪੱਕਣ ਦੇ ਨੇੜੇ ਸਿੱਟੇ ਕੁਤਰਣ ਵਾਲੇ ਸੁੰਡੀ ਦਾ ਹਮਲਾ ਹੋੋ ਸਕਦਾ ਹੈ ਜੋੋ ਖਾਂਦੀ ਤਾਂ ਘੱਟ ਹੈ ਪਰ ਸਿੱਟੇ ਕੁਤਰ-2 ਕੇ ਬਹੁਤ ਜ਼ਿਆਦਾ ਨੁਕਸਾਨ ਕਰਦੀ ਹੈ, ਇਸ ਨਾ ਮੁਰਾਦ ਸੁੰਡੀ ਦਾ ਹਮਲਾ ਹੋੋਣ ਦੀ ਸੂਰਤ ਵਿਚ 400 ਮਿ:ਲੀ: ਕੁਇੰਨਲਫਾਸ 100 ਲੀਟਰ ਪਾਣੀ ਵਿੱਚ ਪਾ ਕੇ ਛਿੜਕਾਅ ਕਰਨਾ ਚਾਹੀਦਾ ਹੈ। ਉਨਾਂ ਜ਼ਿਲੇ ਦੇ ਨਰਮਾ ਉਤਪਾਦਕਾਂ ਨੂੰ ਢਾਰਸ ਦਿੰਦਿਆਂ ਕਿਹਾ ਕਿ ਇਸ ਵਾਰ ਚਿੱਟੀ ਮੱਖੀ ਦਾ ਹਮਲਾ ਮਹਾਂਮਾਰੀ ਦੇ ਰੂਪ ਵਿੱਚ ਨਰਮੇ ਦੀ ਫ਼ਸਲ ਤੇ ਹੋੋਇਆ ਹੈ ਜਿਸ ਨਾਲ ਨਰਮੇ ਦੀ ਫ਼ਸਲ ਕਾਫੀ ਪ੍ਰਭਾਵਿਤ ਹੋੋਈ ਹੈ, ਪਰੰਤੂ ਇਸ ਔੌਖੀ ਘੜੀ ਵਿੱਚ ਪੰਜਾਬ ਸਰਕਾਰ, ਜ਼ਿਲਾ ਪ੍ਰਸ਼ਾਸ਼ਨ ਅਤੇ ਮਹਿਕਮਾ ਜ਼ਰਾਇਤ ਕਿਸਾਨਾਂ ਨਾਲ ਮੋੋਢੇ ਨਾਲ ਮੋੋਢਾ ਜੋੋੜ ਕੇ ਖੜਾ ਹੈ ਅਤੇ ਇਸ ਨੁਕਸਾਨ ਦੀ ਭਰਪਾਈ ਲਈ ਪੰਜਾਬ ਸਰਕਾਰ ਦੇ ਨਿਰਦੇਸ਼ਾਂ ਅਨੁਸਾਰ ਖੇਤੀਬਾੜੀ ਵਿਭਾਗ ਦੇ ਅਫ਼ਸਰ ਮਾਲ ਵਿਭਾਗ ਦੇ ਨਾਲ ਮਿਲ ਕੇ ਪ੍ਰਭਾਵਿਤ ਖੇਤਾਂ ਦੀ ਗਿਰਦਾਵਰੀ ਕਰਾਉਣਗੇ ਤਾਂ ਜੋੋ ਪ੍ਰਭਾਵਿਤ ਕਿਸਾਨਾਂ ਨੂੰ ਢੁੱਕਵੀਂ ਮਾਲੀ ਇਮਦਾਦ ਮਿਲ ਸਕੇ। ਇਸ ਕੈਂਪ ਤੋੋਂ ਬਾਅਦ ਸੰਯੁਕਤ ਨਿਰਦੇਸ਼ਕ ਖੇਤੀਬਾੜੀ ਵਿਭਾਗ ਨੇ ਸ਼੍ਰੀ ਮੁਕਤਸਰ ਸਾਹਿਬ ਅਤੇ ਮਲੋੋਟ ਬਲਾਕਾਂ ਦੇ ਵੱਖ ਵੱਖ ਪਿੰਡਾਂ ਦੇ ਨਰਮੇ/ਝੋਨੇ/ਬਾਸਮਤੀ ਦੇ ਖੇਤਾਂ ਦਾ ਦੌੌਰਾ ਕੀਤਾ ਅਤੇ ਸਾਉਣੀ ਦੀਆਂ ਖੜੀਆਂ ਫਸਲਾਂ ਦੀ ਮੌੌਜ਼ੂਦਾ ਸਥਿਤੀ ਦਾ ਜਾਇਜ਼ਾ ਲਿਆ ਅਤੇ ਖੇਤੀਬਾੜੀ ਵਿਭਾਗ ਦੇ ਅਧਿਕਾਰੀਆਂ/ਕਰਮਚਾਰੀਆਂ ਨੂੰ ਕਿਸਾਨਾਂ ਨੂੰ ਹੋੋਰ ਤਕਨੀਕੀ ਜਾਣਕਾਰੀ ਮੁਹੱਈਆ ਕਰਾਉਣ ਦੇ ਲੋੋੜੀਂਦੇ ਨਿਰਦੇਸ਼ ਦਿੱਤੇ। ਇਸ ਸਮੇ ਉਨਾਂ ਨਾਲ ਡਾ: ਗੁਰਪ੍ਰੀਤ ਸਿੰਘ, ਡਾ: ਗੁਰਮੀਤ ਸਿੰਘ ਸੋੋਢੀ. ਡਾ: ਹਸਨ ਸਿੰਘ, ਡਾ: ਜਸਵੀਰ ਸਿੰਘ ਗੁੰਮਟੀ, ਡਾ: ਸੁਖਜਿੰਦਰ ਸਿੰਘ, ਡਾ: ਸੰਦੀਪ ਬਹਿਲ ਅਤੇ ਡਾ: ਗਗਨਦੀਪ ਮਾਨ ਆਦਿ ਹਾਜ਼ਰ ਸਨ।

ਅੱਜ ਸਾਰੇ ਪੋਲਿੰਗ ਬੂਥਾਂ 'ਤੇ ਬੈਠਣਗੇ ਬੀ.ਐਲ.ਓ

ਅਧਾਰ ਕਾਰਡਾਂ ਨੂੰ ਵੋਟਰ ਕਾਰਡਾਂ ਨਾਲ ਜੋੜਨ ਦਾ ਹੋਵੇਗਾ ਕੰਮ

ਲੁਧਿਆਣਾ: 9 ਮਈ 2015: (ਅਮਰੀਕ ਸਿੰਘ ਘੁੰਗਰਾਣਾ//ਪੰਜਾਬ ਸਕਰੀਨ):

ਅਧਾਰ ਕਾਰਡਾਂ ਨੂੰ ਵੋਟਰ ਕਾਰਡਾਂ ਨਾਲ ਜੋੜਨ ਸਬੰਧੀ ਭਾਰਤੀ ਚੋਣ ਕਮਿਸ਼ਨ ਦੇ ਨਿਰਦੇਸ਼ਾਂ ਮੁਤਾਬਿਕ 10 ਮਈ ਦਿਨ ਐਤਵਾਰ ਨੂੰ ਸਵੇਰੇ 9 ਤੋਂ ਸ਼ਾਮ 5 ਵਜੇ ਤੱਕ ਪੰਜਾਬ ਦੇ ਸਾਰੇ ਪੋਲਿੰਗ ਬੂਥਾਂ 'ਤੇ ਸਬੰਧਤ ਬੂਥ ਲੈਵਲ ਅਫਸਰ ਬੈਠਣਗੇ। ਜਿਨ੍ਹਾਂ ਲੋਕਾਂ ਦੇ ਅਧਾਰ ਕਾਰਡ ਉਨ੍ਹਾਂ ਦੇ ਵੋਟਰ ਕਾਰਡਾਂ ਨਾਲ ਨਹੀਂ ਜੁੜੇ ਹਨ, ਉਹ ਅਪਣਾ ਅਧਾਰ ਕਾਰਡ ਲੈ ਕੇ ਸਬੰਧਤ ਪੋਲਿੰਗ ਬੂਥ 'ਤੇ ਪਹੁੰਚਣ। ਇਹ ਜਾਣਕਾਰੀ ਦੀ ਬੂਥ ਲੈਵਲ ਆਫਿਸਰਜ਼ ਐਸੋਸੀਏਸ਼ਨ (ਪੰਜਾਬ) ਦੇ ਜਨਰਲ ਸਕੱਤਰ ਅਮਰੀਕ ਸਿੰਘ ਘੁੰਗਰਾਣਾ ਨੇ ਦਿੱਤੀ।

ਇਸ ਮੌਕੇ ਉਨ੍ਹਾਂ ਨੇ ਸਮੂਹ ਵੋਟਰਾਂ ਨੂੰ ਅਪੀਲ ਕੀਤੀ ਕਿ ਉਹ ਬੂਥ ਲੈਵਲ ਅਫਸਰਾਂ ਨੂੰ ਸਹਿਯੋਗ ਦੇਣ। ਇਸ ਨਾਲ ਉਨ੍ਹਾਂ ਦੇ ਅਧਾਰ ਕਾਰਡਾਂ ਨੂੰ ਵੋਟਰ ਕਾਰਡਾਂ ਨਾਲ ਜੋੜਨ ਸਮੇਤ ਵੋਟਰ ਕਾਰਡ ਦੀਆਂ ਗਲਤੀਆਂ ਨੂੰ ਵੀ ਦਰੁਸਤ ਕੀਤਾ ਜਾਵੇਗਾ।