Showing posts with label Awareness. Show all posts
Showing posts with label Awareness. Show all posts

Friday, October 24, 2025

ਸਟੇਟ ਬੈਂਕ ਆਫ਼ ਇੰਡੀਆ ਨੇ ਲਗਾਇਆ ਜਾਗਰੂਕਤਾ ਕੈਂਪ

Emailed on Friday 24th October 2025 at 4:45 PM By PIB Jalandhar Regarding SBI Awareness Camp
ਐਲ ਆਈ ਸੀ ਅਤੇ ਨਿਜੀ ਬੈਂਕਾਂ ਦੇ ਨੁਮਾਇੰਦੇ ਵੀ ਸ਼ਾਮਲ ਹੋਏ 
ਬਠਿੰਡਾ: 24 ਅਕਤੂਬਰ 2025: (ਪੀਆਈਬੀ ਜਲੰਧਰ/ /ਇਨਪੁਟ ਪੰਜਾਬ ਸਕਰੀਨ ਡੈਸਕ)::
ਉਂਝ ਤਾਂ ਆਰਥਿਕਤਾ ਦੀਆਂ ਬਾਰੀਕੀਆਂ ਨੂੰ ਸਮਝਣ ਵਾਲੇ ਲੋਕ ਵੈਸੇ ਵੀ ਬਹੁਤ ਘੱਟ ਗਿਣਤੀ ਵਿੱਚ ਹੁੰਦੇ ਹਨ ਪਰ ਇੱਕ ਵੱਡਾ ਵਰਗ ਉਹਨਾਂ ਲੋਕਾਂ ਦਾ ਵੀ ਹੁੰਦਾ ਹੈ ਜਿਹਨਾਂ ਨੂੰ ਇਹ ਵੀ ਚੇਤੇ ਨਹੀਂ ਰਹਿੰਦਾ ਕਿ ਉਹਨਾਂ ਦੇ ਪੈਸੇ ਆਪਣੇ ਘਰ ਵਿੱਚ ਕਿੰਨੇ ਪਏ ਹਨ ਅਤੇ ਘਰ ਤੋਂ ਬਾਹਰ ਬੈਂਕ ਜਾਂ ਡਾਕਖਾਨਿਆਂ ਵਿੱਚ ਕਿੰਨੇ ਪਏ ਹਨ? ਕਈਆਂ ਨੂੰ ਪੈਸੇ ਕਮਾਉਣ ਦੀ ਦੌੜ ਵਿੱਚ ਇਹ ਸਭ ਕੁਝ ਯਾਦ ਨਹੀਂ ਰਹਿੰਦਾ ਅਤੇ ਕਈਆਂ ਨੂੰ ਮੁਸੀਬਤਾਂ ਨੇ ਇਸ ਤਰ੍ਹਾਂ ਘੇਰ ਲਿਆ ਹੁੰਦਾ ਹੈ ਕਿ ਉਹਨਾਂ ਦੀ ਮੱਤ ਮਾਰੀ ਜਾਂਦੀ ਹੈ। ਬਹੁਤ ਹੀ ਔਖੇ ਹੋ ਕੇ ਕੀਤੀ ਗਈ ਕਮਾਈ ਕਿਥੇ ਰੱਖੀ ਗਈ ਇਸਦਾ ਵੀ ਚੇਤਾ ਭੁੱਲ ਜਾਂਦਾ ਹੈ। ਕਈ ਲੋਕ ਬਾਹਰਲੇ ਦੇਸ਼ਾਂ ਵਿੱਚ ਚਲੇ ਜਾਂਦੇ ਹਨ ਅਤੇ ਕਿਸੇ ਨਾਲ ਕੁਝ ਹੋਰ ਭਾਣਾ ਵਾਪਰ ਜਾਂਦਾ ਹੈ। ਕਈਆਂ ਨੂੰ ਬੈਂਕਿੰਗ ਦੇ ਕੰਮਕਾਜ ਕੁਝ ਔਖੇ ਲੱਗਦੇ ਹਨ ਅਤੇ ਕਈਆਂ ਨੂੰ ਮੌਤ ਜਾਂ ਬਿਮਾਰੀ ਬੈਂਕਾਂ ਤੋਂ ਦੂਰ ਕਰ ਦੇਂਦੀ ਹੈ। 

ਇਸ ਤਰ੍ਹਾਂ ਬੈਂਕਾਂ ਵਿੱਚ ਹੋਲੀ ਹੋਲੀ ਅਜਿਹੀ ਬਹੁਤ ਸਾਰੀ ਰਕਮ ਜਮਾ ਹੁੰਦੀ ਰਹਿੰਦੀ ਹੈ ਜਿਸਦੇ ਸਪਸ਼ਟ ਵਾਲੀ ਵਾਰਸ ਦਾ ਅਤਾਪਤਾ ਫੌਰੀ ਤੌਰ 'ਤੇ ਕੰਪਿਊਟਰ ਦੇਖ ਕੇ ਵੀ ਨਹੀਂ ਲੱਗਦਾ। ਅਜਿਹੀਆਂ ਰਕਮਾਂ ਨੂੰ ਬੈਂਕਾਂ ਵਾਲੇ ਬਹੁਤ ਜ਼ਿੰਮੇਵਾਰੀ ਨਾਲ  ਸੰਭਾਲ ਕੇ ਰਿਜ਼ਰਵ ਬੈਂਕ ਆਫ ਇੰਡੀ ਦੇ ਹਵਾਲੇ ਕਰ ਦੇਂਦੇ ਹਨ। 

ਇਸ ਤੋਂ ਬਾਅਦ ਵੀ ਅਗਲੇਰੀਆਂ ਕਾਰਵਾਈਆਂ ਚੱਲਦੀਆਂ ਰਹਿੰਦੀਆਂ ਹਨ। ਜੇਕਰ ਅਜਿਹੀ ਕਿਸੇ ਰਕਮ ਦਾ ਵਾਲੀ ਵਾਰਸ ਅਚਾਨਕ ਵੀ ਸਾ। ਹਮਣੇ ਆ ਜਾਵੇਤਾਂ ਉਸਨੂੰ ਵੀ ਨਿਰਾਸ਼ ਨਹੀਂ ਹੋਣਾ ਪੈਂਦਾ ਪਰ ਫਿਰ ਵੀ ਤੁਸੀਂ ਇਸ ਨੂੰ  ਤਕਦੀਰ ਦੀਆਂ ਗੱਲਾਂ ਆਖ ਹੀ ਸਕਦੇ ਹੋ। ਮਾਇਆ ਹੱਥ ਵਿੱਚ ਆ ਕੇ ਫਿਰ ਬੇਗਾਨੇ ਹੱਥਾਂ ਵਿੱਚ ਚਲੀ ਜਾਵੇ ਤਾਂ ਇਸਨੂੰ ਵੀ ਮਾਇਆ ਦੀ ਮਾਇਆ ਹੀ ਕਿਹਾ ਜਾ ਸਕਦਾ ਹੈ। 
 
ਇਹਨਾਂ ਹਕੀਕਤਾਂ ਦੇ ਬਾਵਜੂਦ ਬੈਂਕ ਵੀ ਨਹੀਂ ਚਾਹੁੰਦੇ ਕਿ ਤੁਸੀਂ ਆਪਣੀ ਕਿਰਤ ਕਮਾਈ ਨੂੰ ਤਕਦੀਰ ਦੀ ਮਾਰ ਹੇਠ ਆਉਣ ਵਾਲਾ ਭਾਣਾ ਮੰਨ ਲਓ। ਉਹ ਜਤਨਸ਼ੀਲ ਰਹਿੰਦੇ ਹਨ ਕਿ ਤੁਹਾਡੀ ਕਿਰਤ ਕਮਾਈ ਦੇ ਪੈਸੇ ਕਿਸੇ ਨ ਕਿਸੇ ਤਰ੍ਹਾਂ ਤੁਹਾਡੇ ਤੱਕ ਪੁੱਜ ਜਾਣ। ਉਹ ਇਸ ਲਈ ਲਗਾਤਾਰ ਜਤਨਸ਼ੀਲ ਵੀ ਰਹਿੰਦੇ ਹਨ। 

ਕੇਂਦਰੀ ਖ਼ਜ਼ਾਨਾ ਮੰਤਰਾਲੇ ਅਤੇ ਸੂਬਾ ਪੱਧਰੀ ਬੈਂਕਰਜ਼ ਕਮੇਟੀ ਐੱਸਐੱਲਬੀਸੀ ਦੀਆਂ ਇਸ ਸੰਬੰਧ ਵਿੱਚ ਹਦਾਇਤਾਂ ਵੀ ਕਾਫੀ ਸਪਸ਼ਟ ਹਨ। ਇਹਨਾਂ ਹਦਾਇਤਾਂ ਅਨੁਸਾਰ ਹੀ ਬਠਿੰਡਾ ਵਿੱਚ ਲੀਡ ਬੈਂਕ, ਸਟੇਟ ਬੈਂਕ ਆਫ ਇੰਡੀਆ ਬਠਿੰਡਾ ਵੱਲੋਂ ਟੀਚਰਜ਼ ਹੋਮ ਬਠਿੰਡਾ ਵਿੱਚ ਇੱਕ ਜਾਗਰੂਕਤਾ ਕੈਂਪ ਲਗਾਇਆ ਗਿਆ। 

ਇਸ ਕੈਂਪ ਦੌਰਾਨ ਅਜਿਹੀਆਂ ਰਕਮਾਂ ਬਾਰੇ ਵਿਸਥਾਰ ਨਾਲ ਚਰਚਾ ਕੀਤੀ ਗਈ, ਜਿਨ੍ਹਾਂ 'ਤੇ ਕਿਸੇ ਵੱਲੋਂ ਦਾਅਵਾ ਨਹੀਂ ਕੀਤਾ ਜਾ ਰਿਹਾ। ਇਸ ਜਾਗਰੂਕਤਾ ਕੈਂਪ ਦੀ ਪ੍ਰਧਾਨਗੀ ਡਿਪਟੀ ਜਨਰਲ ਮੈਨੇਜਰ ਅਭਿਸ਼ੇਕ ਸ਼ਰਮਾ ਨੇ ਕੀਤੀ। ਹਾਜ਼ਰ ਲੋਕਾਂ ਨੂੰ ਅਜਿਹੀਆਂ ਰਕਮਾਂ ਬਾਰੇ ਉਦਗਮ ਪੋਰਟਲ ਰਾਹੀਂ ਵੀ ਜਾਗਰੂਕ ਕੀਤਾ ਗਿਆ। 

ਇਸ ਮੌਕੇ ਭਾਰਤੀ ਜੀਵਨ ਬੀਮਾ ਨਿਗਮ ਯਾਨੀ ਐੱਲਆਈਸੀ ਅਤੇ ਹੋਰ ਸਰਕਾਰੀ ਤੇ ਨਿੱਜੀ ਬੈਂਕਾਂ ਦੇ ਨੁਮਾਇੰਦਿਆਂ ਨੇ ਵੀ ਇਸ ਕੈਂਪ ਵਿੱਚ ਹਿੱਸਾ ਲਿਆ। ਇਸ ਮੌਕੇ 'ਤੇ ਖੇਤਰੀ ਪ੍ਰਬੰਧਕ ਸ੍ਰੀ ਰੋਹਿਤ ਕੱਕੜ, ਮੁੱਖ ਜ਼ਿਲ੍ਹਾ ਪ੍ਰਬੰਧਕ ਸ੍ਰੀ ਕੁਲਭੂਸ਼ਣ ਬਾਂਸਲ ਅਤੇ ਮੁੱਖ ਪ੍ਰਬੰਧਕ ਸ੍ਰੀ ਜਿੰਮੀ ਮਹਿਤਾ, ਮੁੱਖ ਪ੍ਰਬੰਧਕ ਸ੍ਰੀ ਗੁਰਜੀਤ ਸਿੰਘ ਵੀ ਮੌਜੂਦ ਸਨ।

ਇਸ ਕੈਂਪ ਨਾਲ ਫਾਇਦਾ ਵੀ ਬਹੁਤ ਸਾਰੇ ਲੋਕਾਂ ਨੂੰ ਹੋਇਆ ,ਪੈਸਿਆਂ ਦਾ ਫਾਇਦਾ ਵੀ ਅਤੇ ਪੈਸੇ ਦੀ ਸਾਂਭ ਸੰਭਾਲ ਨਾਲ ਜੁੜੇ ਨਿਯਮਾਂ ਅਤੇ ਕਾਇਦੇ ਕਾਨੂੰਨਾਂ ਦੀ ਕਾਫੀ ਹੱਦ ਤੱਕ ਮਿਲੀ ਜਾਣਕਾਰੀ ਦਾ ਫਾਇਦਾ ਵੀ। 

Sunday, September 26, 2021

ਕ੍ਰਿਸ਼ਚੀਅਨ ਮੈਡੀਕਲ ਕਾਲਜ ਵੱਲੋਂ ਵਿਸ਼ੇਸ਼ ਉਪਰਾਲਾ

Sunday: 26th September 2021 at 04:12 PM WhatsApp

ਬਚਪਨ ਦੇ ਕੈਂਸਰ ਦੀ ਚੇਤਨਾ ਲਈ ਵਾਕ ਐਥਨ ਦਾ ਸਫਲ ਸੰਚਾਲਨ ਕੀਤਾ 


ਲੁਧਿਆਣਾ
: 26 ਸਤੰਬਰ 2021: (ਪ੍ਰਦੀਪ ਸ਼ਰਮਾ ਇਪਟਾ//ਪੰਜਾਬ ਸਕਰੀਨ)::

ਸਤੰਬਰ ਦਾ ਮਹੀਨਾ ਖਾਸ ਮਹੀਨਾ ਹੈ। ਬਦਲਦੇ ਮੌਸਮ ਦਾ ਮਹੀਨਾ। ਝੁਲਸ ਦੇਣ ਵਾਲੀ ਗਰਮੀ ਦੀ ਤਪੋਸ਼ ਤੋਂ ਬਾਅਦ ਸਰਦੀਆਂ ਦੀ ਦਸਤਕ ਦੇਣ ਵਾਲਾ ਮਹੀਨਾ। ਇਸ ਵਿਛਕ ਜਾਗ੍ਰਤੀ ਵੀ ਜ਼ਰੂਰੀ ਹੈ। ਇਹ ਮਹੀਨਾ ਬਚਪਨ ਵਾਲੇ ਕੈਂਸਰ ਪ੍ਰਤੀ ਜਾਗਰੂਕਤਾ ਦਾ ਮਹੀਨਾ ਵੀ ਹੈ। 

ਸਮਾਜ ਵਿੱਚ ਇਸ ਬਾਰੇ ਜਾਗਰੂਕਤਾ ਫੈਲਾਉਣ ਲਈ, ਪੇਡਿਟਰਿਕ ਸਰਜਰੀ ਵਿਭਾਗ ਨੇ ਬਚਪਨ ਦੇ ਕੈਂਸਰ ਜਾਗਰੂਕਤਾ ਸੈਰ ਦਾ ਆਯੋਜਨ ਰੱਖ ਬਾਗ ਤੋਂ ਲੈ ਕੇ ਸੀਐਮਸੀ ਹਸਪਤਾਲ ਤੱਕ ਕੀਤਾ। ਇਸ ਸੈਰ ਅਰਥਾਤ ਵਾਕ ਵਿੱਚ 300 ਮੈਡੀਕਲ ਅਤੇ ਨਰਸਿੰਗ ਵਿਦਿਆਰਥੀਆਂ ਨੇ ਜੋਸ਼ੋ ਖਰੋਸ਼ ਨਾਲ ਭਾਗ ਲਿਆ। ਉਹਨਾਂ ਦੇ ਨਾਲ 50 ਸੀਨੀਅਰ ਡਾਕਟਰ ਅਤੇ ਨਰਸਿੰਗ ਦੇ ਕੋਲਾਜ ਦੇ ਫੈਕਲਟੀ ਵੀ ਇਸ ਵਾਕ ਵਿੱਚ ਸ਼ਾਮਲ ਹੋਏ। ਡਾਕਟਰ ਤ੍ਰਿਜ਼ਾ ਜੀਵਨ, ਪ੍ਰਿੰਸੀਪਲ, ਕਾਲਜ ਆਫ਼ ਨਰਸਿੰਗ, ਡੀਐਮਸੀ ਵੀ ਇਸ ਸਮਾਰੋਹ ਵਿੱਚ ਮੌਜੂਦ ਸਨ ਅਤੇ ਉਹਨਾਂ ਨੇ ਵੀ ਸੈਰ ਵਿੱਚ ਹਿੱਸਾ ਲਿਆ। ਰੱਖ ਬਾਗ ਵਿਖੇ ਇੱਕ ਛੋਟਾ ਸਭਿਆਚਾਰਕ ਪ੍ਰੋਗਰਾਮ ਵੀ ਆਯੋਜਿਤ ਕੀਤਾ ਗਿਆ ਅਤੇ ਬਚਪਨ ਦੇ ਕੈਂਸਰ ਤੋਂ ਬਚਣ ਵਾਲੇ ਬੱਚਿਆਂ ਨੂੰ ਪ੍ਰਸੰਸਾ ਪੱਤਰ ਵੀ ਦਿੱਤੇ ਗਏ। 

ਇਸ ਸੈਰ ਦਾ ਸਵਾਗਤ ਨੇਚਰਜ਼ ਗਰੁੱਪ ਨੇ ਜਗਰਾਉਂ ਪੁਲ, ਫੀਲਡ ਗੰਜ ਮਾਰਕੀਟ ਵਿੱਚ ਰਾਜ ਕਰਿਆਨਾ ਸਟੋਰ ਅਤੇ ਭੂਰੇ ਰੋਡ 'ਤੇ ਕਲਵਰੀ ਚਰਚ ਵਿਖੇ ਵੀ ਕੀਤਾ। ਕਲਵਰੀ ਚਰਚ ਅਤੇ ਹੋਰ ਗੈਰ ਸਰਕਾਰੀ ਸੰਗਠਨਾਂ ਵੱਲੋਂ ਇਸ ਸੈਰ ਵਿੱਚ ਹਿੱਸਾ ਲੈਣ ਵਾਲਿਆਂ ਦੇ ਰਸਤੇ ਵਿੱਚ ਗੁਲਾਬ ਦੀਆਂ ਪੱਤੀਆਂ ਦੀ ਵਰਖਾ ਵੀ ਕੀਤੀ ਗਈ। 

ਡਾ ਵਿਸ਼ਾਲ ਮਾਈਕਲ ਨੇ ਬਚਪਨ ਦੇ ਕੈਂਸਰ ਦੇ ਸ਼ੁਰੂਆਤੀ ਲੱਛਣਾਂ ਬਾਰੇ ਦੱਸਿਆ ਅਤੇ ਇਸ ਗੱਲ ਤੇ ਜ਼ੋਰ ਦਿੱਤਾ ਕਿ ਕਿਸੇ ਵੀ ਬੱਚੇ ਨੂੰ ਬਚਪਨ ਦੇ ਕੈਂਸਰ ਨਾਲ ਨਹੀਂ ਮਰਨਾ ਚਾਹੀਦਾ। ਡਾ: ਵਿਲੀਅਮ ਭੱਟੀ ਨੇ ਦੱਸਿਆ ਕਿ ਮਰੀਜ਼ ਮੁੱਖ ਮੰਤਰੀ ਫੰਡ ਅਤੇ ਪੀਐਮ ਫੰਡ ਦਾ ਲਾਭ ਲੈ ਸਕਦੇ ਹਨ ਅਤੇ ਉਨ੍ਹਾਂ ਨੂੰ ਇਲਾਜ ਦੇ ਖਰਚਿਆਂ ਬਾਰੇ ਚਿੰਤਾ ਨਹੀਂ ਕਰਨੀ ਚਾਹੀਦੀ ਕਿਉਂਕਿ ਬਹੁਤ ਸਾਰੀਆਂ ਗੈਰ ਸਰਕਾਰੀ ਸੰਸਥਾਵਾਂ ਬਚਪਨ ਦੇ ਕੈਂਸਰ ਦੇ ਮਰੀਜ਼ਾਂ ਦੀ ਮਦਦ ਵੀ ਕਰਦੀਆਂ ਹਨ। 

ਬਾਲ ਸਰਜਰੀ ਵਿਭਾਗ ਕੋਲ ਬਚਪਨ ਦੇ ਕੈਂਸਰ ਦੇ ਇਲਾਜ ਲਈ ਸਾਰੀਆਂ ਉੱਨਤ ਸਹੂਲਤਾਂ ਹਨ। ਸੈਰ ਦੇ ਸਾਰੇ ਭਾਗੀਦਾਰਾਂ ਲਈ ਸੀਐਮਸੀ ਵਿਖੇ ਰਿਫਰੈਸ਼ਮੈਂਟ ਅਤੇ ਨਾਸ਼ਤੇ ਦਾ ਪ੍ਰਬੰਧ ਕੀਤਾ ਗਿਆ ਸੀ। ਇਹ ਵਾਕਥੌਨ ਡਾ: ਵਿਸ਼ਾਲ ਮਾਈਕਲ, ਡਾ: ਤਨਵੀ ਗੋਇਲ, ਡਾ: ਨਿਖਿਲ, ਡਾ: ਸਵਾਤੀ ਅਤੇ ਸ਼੍ਰੀ ਵਰੁਣ ਹੈਨਰੀ ਦੇ ਉੱਦਮ ਉਪਰਾਲਿਆਂ ਨਾਲ ਆਯੋਜਿਤ ਕੀਤਾ ਗਿਆ ਸੀ। ਸੀਐਮਸੀ ਹਸਪਤਾਲ ਦੇ ਇਤਿਹਾਸਿਕ ਆਯੋਜਨਾਂ ਵਿੱਚ ਇਹ ਉਪਰਾਲਾ ਵੀ ਸ਼ਾਨ ਨਾਲ ਸ਼ਾਮਲ ਹੋ ਗਿਆ।    

Thursday, August 22, 2019

GCG ਵਿਦਿਆਰਥਣਾਂ ਵੱਲੋਂ ਬਿਮਾਰੀਆਂ ਤੋਂ ਬਚਣ ਦੀ ਚੇਤਨਾ ਮੁਹਿੰਮ

Aug 22, 2019, 2:31 PM
ਜ਼ੁਆਲੋਜੀ ਵਿਭਾਗ ਵੱਲੋਂ ਵਿਸ਼ਵ ਮਾਸਕੀਟੋ ਡੇ ਮਨਾਇਆ
ਲੁਧਿਆਣਾ: 22 ਅਗਸਤ 2019: (ਕਾਰਤਿਕਾ ਸਿੰਘ//ਪੰਜਾਬ ਸਕਰੀਨ)::
ਸਰਕਾਰੀ ਕਾਲਜ ਲੜਕੀਆਂ, ਲੁਧਿਆਣਾ ਵਿੱਚ ਪ੍ਰਿੰਸੀਪਲ ਡਾ. ਮੰਜੂ ਸਾਹਨੀ ਦੀ ਅਗਵਾਈ ਹੇਠ ਜ਼ੁਆਲੋਜੀ ਵਿਭਾਗ ਵੱਲੋਂ ਵਿਸ਼ਵ ਮਾਸਕੀਟੋ ਡੇ ਮਨਾਇਆ ਗਿਆ।ਇਸ ਵਿੱਚ ਬੀ.ਐਸ.ਸੀ. ਭਾਗ ਤੀਜਾ ਮੈਡੀਕਲ ਦੀਆਂ ਵਿਦਿਆਰਥਣਾਂ ਨੇ ਪੋਸਟਰਾਂ ਰਾਹੀਂ ਕਾਲਜ ਦੀਆਂ ਵਿਦਿਆਰਥਣਾਂ ਅਤੇ ਵਿਸ਼ੇਸ਼ ਕਰਕੇ ਹੋਸਟਲ ਦੀਆਂ ਵਿਦਿਆਰਥਣਾਂ ਅਤੇ ਕਰਮਚਾਰੀਆਂ ਨੂੰ ਵੱਖ-ਵੱਖ ਤਰਾਂ ਦੇ ਮੱਛਰਾਂ ਦੀਆਂ ਕਿਸਮਾਂ ਅਤੇ ਉਹਨਾਂ ਤੋਂ ਹੋਣ ਵਾਲੀਆਂ ਬਿਮਾਰੀਆਂ ਤੋਂ ਜਾਣੂ ਕਰਵਾਇਆ। ਵਿਦਿਆਰਥਣਾਂ ਨੇ ਇਹਨਾਂ ਬਿਮਾਰੀਆਂ ਤੋਂ ਬਚਣ ਦੇ ਯੋਗ ਸਾਧਨਾਂ ਬਾਰੇ ਵੀ ਦੱਸਿਆ। ਪ੍ਰਿੰਸੀਪਲ ਡਾ. ਮੰਜੂ ਸਾਹਨੀ ਨੇ ਸਾਇੰਸ ਸੁਸਾਇਟੀ ਦੇ ਇਸ ਉੱਦਮ ਦੀ ਵਿਸ਼ੇਸ਼ ਤੌਰ ਤੇ ਸ਼ਲਾਘਾ ਕੀਤੀ।ਇਸ ਮੌਕੇ ਕਾਲਜ ਦੇ ਵਾਈਸ ਪ੍ਰਿੰਸੀਪਲ ਸ਼੍ਰੀਮਤੀ ਵਰਿੰਦਰਜੀਤ ਕੌਰ ਅਤੇ ਇਸ ਜਾਗਰੂਕਤਾ ਪ੍ਰੋਗਰਾਮ ਦੇ ਇੰਚਾਰਜ ਡਾ. ਮਾਧਵੀ ਵਸ਼ਿਸ਼ਠ ਦੇ ਨਾਲ ਸ਼੍ਰੀਮਤੀ ਕਿਰਪਾਲ ਕੌਰ, ਡਾ. ਅਨੀਤਾ ਜੋਸ਼ੀ, ਸ਼੍ਰੀਮਤੀ ਕਿਰਨ ਗੁਪਤਾ ਅਤੇ ਸ਼੍ਰੀ ਫਲਵਿੰਦਰ ਵਰਮਾ ਵੀ ਹਾਜ਼ਰ ਸਨ।  

Wednesday, October 01, 2014

ਅਸ਼ਲੀਲਤਾ ਦੀ ਹਨੇਰੀ ਰੋਕਣ ਲਈ ਸ਼ੁਰੂ ਹੋਇਆ ਮੈਂ ਬਣੂ ਸੁਪਰ ਸਟਾਰ

ਲੁਧਿਆਣਾ ਵਿੱਚ ਅੱਜ ਆਡੀਸ਼ਨ ਦਾ ਆਖਿਰੀ ਦਿਨ
ਲੁਧਿਆਣਾ:30 ਸਤੰਬਰ 2014: (ਪੰਜਾਬ ਸਕਰੀਨ ਬਿਊਰੋ);
ਪੰਜਾਬੀ ਗਾਇਕੀ ਵਿੱਚ ਲਗਾਤਾਰ ਵਧ ਰਹੇ ਅਸ਼ਲੀਲਤਾ ਰੁਝਾਨ ਨੂੰ ਠੱਲ੍ਹ ਪਾਉਣ ਲਈ ਪੰਜਾਬ ਵਿੱਚ ਇੱਕ ਉਪਰਾਲਾ ਸ਼ੁਰੂ ਹੋਇਆ ਹੈ ਗੀਤ ਗਾਇਨ ਆਡੀਸ਼ਨ ਮੁਕਾਬਲੇ ਦੇ ਰੂਪ ਵਿੱਚ।  "ਮੈਂ ਬਣੂ ਸੁਪਰਸਟਾਰ" ਦੇ  ਬੈਨਰ ਹੇਠ ਚੱਲ ਰਿਹਾ ਇਹ ਮੁਕਾਬਲਾ 30 ਨੂੰ ਲੁਧਿਆਣਾ ਵਿਖੇ ਵੀ ਪਹੁੰਚਿਆ। ਉਘੇ ਚਿੰਤਕ ਅਤੇ ਪ੍ਰਸਿਧ ਲੇਖਕ ਸਤਨਾਮ ਚਾਨਾ ਦੀ ਦੇਖ ਰੇਖ ਹੇਠ ਸ਼ੁਰੂ ਹੋਇਆ ਇਹ ਉੱਦਮ ਪਿੰਡ ਪਿੰਡ ਜਾ ਕੇ ਉਹਨਾਂ ਛੋਟੇ ਵੱਡੇ ਬੱਚਿਆਂ ਨੂੰ ਲਭ ਕੇ ਲਿਆ ਰਿਹਾ ਹੈ ਜਿਹੜੇ ਕਿਸੇ ਨ ਕਿਸੇ ਕਰਨ ਦੁਨੀਆ ਸਾਹਮਣੇ ਆਪਣੀ ਪ੍ਰਤਿਭਾ ਨਹੀਂ ਦਿਖਾ ਸਕੇ। ਅੱਜ ਮੁਕਾਬਲੇ ਦੇ ਪਹਿਲੇ ਦਿਨ ਕਈ ਬੱਚੇ ਬਹੁਤ ਚੰਗੇ ਰਹੇ   ਕਈ ਕਾਫੀ ਕਮਜ਼ੋਰ ਪਰ ਜੱਜਾਂ ਵੱਲੋਂ ਸੁਰਾਂ ਦੀ ਗਲਤੀ ਖੁਦ ਗਾ ਕੇ ਸਮਝਾਈ ਜਾ ਰਹੀ ਸੀ ਤਾਂਕਿ ਕੋਈ ਵੀ ਬਚਚਾ ਨਿਰਾਸ਼ ਨਾ ਹੋਵੇ। ਬੱਚੇ ਦੇ ਉਤਸ਼ਾਹ ਨੂੰ ਕਿਸੇ ਵੀ ਕੀਮਤ ਤੇਕ੍ਮ੍ਜ਼ੋਰ ਨਹੀਂ ਸੀ ਹੋਣ ਦਿੱਤਾ। ਬਹੁਤ ਚੰਗਾ ਗਾਉਣ ਵਾਲਿਆਂ ਨੂੰ  ਜੱਜਾਂ ਨੇ ਨਗਦ ਇਨਾਮ ਦੇ ਕੇ ਵੀ ਸਨਮਾਨਿਤ ਕੀਤਾ। ਹੁਣ ਪਹਿਲੀ ਅਕਤੂਬਰ ਨੂੰ ਇਸਦਾ ਲੁਧਿਆਣਾ ਵਿੱਚ ਦੂਸਰਾ ਅਤੇ ਆਖਿਰੀ ਦਿਨ ਹੈ। ਉਸ ਦਿਨ ਮੁਕਾਬਲਾ ਓਪਨ ਹੋਵੇਗਾ। ਕੋਈ ਵੀ ਭਾਗ ਲੈ ਸਕੇਗਾ--ਕੋਈ ਵੀ ਗਾ ਸਕੇਗਾ। ਅੱਜ ਦੇ ਮੁਕਾਬਲੇ ਦੌਰਾਨ ਮੰਚ ਸੰਚਾਲਨ ਕਰਮਜੀਤ ਗਰੇਵਾਲ ਨੇ ਬਹੁਤ ਹੀ ਖੂਬਸੂਰਤ ਅਤੇ ਯਾਦਗਾਰੀ ਅੰਦਾਜ਼ ਵਿੱਚ ਕੀਤਾ। 

Wednesday, December 11, 2013

Gadvasu: ਏਡਜ਼ ਸਬੰਧੀ ਵਧਾਈ ਜਾਗਰੂਕਤਾ

ਵੈਟਨਰੀ ਯੂਨੀਵਰਸਿਟੀ ਦੇ NSS ਵਲੰਟੀਅਰਾਂ ਨੇ ਕੀਤਾ ਇੱਕ ਹੋਰ ਕਮਾਲ 
ਲੁਧਿਆਣਾ-10-ਦਸੰਬਰ-2013: (ਪੰਜਾਬ ਸਕਰੀਨ ਬਿਊਰੋ):
ਗੁਰੂ ਅੰਗਦ ਦੇਵ ਵੈਟਨਰੀ ਅਤੇ ਐਨੀਮਲ ਸਾਇੰਸਜ਼ ਯੂਨੀਵਰਸਿਟੀ, ਲੁਧਿਆਣਾ  ਦੇ ਫ਼ਿਸ਼ਰੀਜ਼ ਕਾਲਜ ਅਤੇ ਡੇਅਰੀ ਸਾਇੰਸ ਅਤੇ ਤਕਨਾਲੋਜੀ ਕਾਲਜ ਦੇ ਕੌਮੀ ਸੇਵਾ ਯੋਜਨਾ (ਐਨ.ਐਸ. ਐਸ.) ਦੇ ਵਿਦਿਆਰਥੀਆਂ ਨੇ ਵਿਸ਼ਵ ਏਡਜ਼ ਦਿਵਸ ਦੇ ਸਬੰਧ ਵਿੱਚ ਇਕ ਵਿਸ਼ੇਸ਼ ਸੈਮੀਨਾਰ ਕੀਤਾ।ਜਿਸ ਵਿੱਚ ਏਡਜ਼ ਸਬੰਧੀ ਜਾਗਰੂਕਤਾ ਨੂੰ ਪ੍ਰਚਾਰਿਆ ਗਿਆ।ਯੂਨੀਵਰਸਿਟੀ ਦੇ ਐਨ.ਐਸ. ਐਸ. ਸੰਯੋਜਕ ਡਾ. ਸਯੱਦ ਹਸਨ ਨੇ ਦੱਸਿਆ ਕਿ ਸੈਮੀਨਾਰ ਮੌਕੇ ਵਿਦਿਆਰਥੀਆਂ ਨੇ ਏਡਜ਼ ਵਰਗੀ ਭਿਆਨਕ ਬਿਮਾਰੀ ਨਾਲ ਲੜਨ ਦਾ ਅਹਿਦ ਕੀਤਾ ਉੱਥੇ ਨਾਲ ਹੀ ਇਸ ਸਬੰਧੀ ਜਾਗਰੂਕਤਾ ਮਹਿੰਮ ਵੀ ਸ਼ੁਰੂ ਕੀਤੀ।ਇਹ ਸੈਮੀਨਾਰ ਫਲੋਰਾ ਐਂਡ ਫੋਨਾ ਸੋਸਾਇਟੀ ਜੋ ਕਿ ਵਾਤਾਵਰਣ ਸੰਭਾਲ ਲਈ ਕੰਮ ਕਰਦੀ ਹੈ ਉਸਦੇ ਸਹਿਯੋਗ ਨਾਲ ਕੀਤਾ ਗਿਆ।ਸੈਮੀਨਾਰ ਵਿੱਚ ਦੱਸਿਆ ਗਿਆ ਕਿ ਬਿਮਾਰੀ ਕਿਸ ਤਰ੍ਹਾਂ ਹੁੰਦੀ ਹੈ ਕਿਵੇਂ ਵੱਧਦੀ ਹੈ ਤੇ ਕਿਵੇਂ ਇਸ ਤੋਂ ਬਚਿਆ ਜਾ ਸਕਦਾ ਹੈ।ਡਾ. ਹਸਨ ਨੇ ਜਾਣਕਾਰੀ ਦਿੱਤੀ ਕਿ ਸਾਨੂੰ ਜਿੱਥੇ ਸਦਾਚਾਰੀ ਜੀਵਨ ਅਪਨਾਉਣ ਦੀ ਜਰੂਰਤ ਹੈ ਉੱਥੇ ਬਿਮਾਰੀ ਦੇ ਹੋਰ ਕਾਰਣ ਜਿਵੇਂ ਨਸ਼ਿਆਂ ਦੇ ਟੀਕੇ ਲਗਾਉਣੇ, ਅਸ਼ੁੱਧ ਟੀਕਾ ਸਰਿੰਜਾਂ ਦੀ ਵਰਤੋਂ ਕਰਨੀ ਆਦਿ ਕਾਰਣਾਂ ਤੋਂ ਬਚਣਾ ਚਾਹੀਦਾ ਹੈ।ਉਨ੍ਹਾਂ ਆਸ ਪ੍ਰਗਟਾਈ ਕਿ ਸਮਾਜ, ਸਿਹਤ, ਸਿੱਖਿਆ, ਰਾਜਨੀਤੀ, ਧਰਮ ਅਤੇ ਹੋਰ ਕਾਰਜਾਂ ਲਈ ਕੰਮ ਕਰਦੀਆਂ ਸੰਸਥਾਵਾਂ ਨੂੰ ਅੱਗੇ ਆਉਣਾ ਚਾਹੀਦਾ ਹੈ ਤਾਂ ਜੋ ਸਮਾਜ ਨੂੰ ਜਾਗਰੂਕ ਕਰਨ ਦੇ ਨਾਲ ਇਸ ਬਿਮਾਰੀ ਵਿੱਚ ਗ੍ਰਸੇ ਲੋਕਾਂ ਦੀ ਸਿਹਤਯਾਬੀ ਅਤੇ ਚੰਗੇ ਇਲਾਜ ਲਈ ਵੀ ਕੰਮ ਕੀਤਾ ਜਾਏ।ਡਾ.  ਹਸਨ ਨੇ ਐਨ.ਐਸ. ਐਸ. ਵਲੰਟੀਅਰਾਂ ਦੀ ਪ੍ਰਸੰਸਾ ਕੀਤੀ ਕਿ ਜਿੱਥੇ ਉਨ੍ਹਾਂ ਲੁਧਿਆਣਾ, ਜਲੰਧਰ, ਰੋਪੜ, ਅੰਮ੍ਰਿਤਸਰ, ਤਰਨਤਾਰਨ, ਪਟਿਆਲਾ, ਮੋਹਾਲੀ ਅਤੇ ਸੰਗਰੂਰ ਜ਼ਿਲਿਆਂ ਵਿੱਚ ਏਡਜ਼ ਦੇ ਖਿਲਾਫ ਜਾਗਰੂਕਤਾ ਮੁਹਿੰਮ ਚਲਾਈ ਉੱਥੇ ਨਾਲ ਲਗਦੇ ਸੂਬਿਆਂ ਵਿੱਚ ਵੀ ਰੈਲੀਆਂ ਕੱਢ ਕੇ ਲੋਕਾਂ ਨੂੰ ਸਿੱਖਿਅਤ ਕੀਤਾ।ਉਨ੍ਹਾਂ ਕਿਹਾ ਕਿ ਸਾਨੂੰ ਇਨ੍ਹਾਂ ਲੋਕਾਂ ਨਾਲ ਹਮਦਰਦੀ ਵਾਲਾ ਰਵਈਆ ਰੱਖਣਾ ਚਾਹੀਦਾ ਹੈ ਕਿਉਂਕਿ ਇਹ ਬਿਮਾਰੀ ਕਿਸੇ ਸਾਧਾਰਣ ਸੰਪਰਕ ਨਾਲ ਨਹੀਂ ਫੈਲਦੀ ਜਾਂ ਵੱਧਦੀ।ਸਿਹਤਮੰਦ ਸਮਾਜ ਲਈ ਸਿਹਤਮੰਦ ਲੋਕਾਂ ਦਾ ਹੋਣਾ ਬਹੁਤ ਜਰੂਰੀ ਹੈ ਇਸ ਲਈ ਲੋਕਾਂ ਦੀ ਸਿਹਤ ਨੂੰ ਸਮਾਜ ਦੀ ਸਿਹਤ ਮੰਨ ਕੇ ਵਿਚਾਰਨਾ ਚਾਹੀਦਾ ਹੈ।ਡੇਅਰੀ ਸਾਇੰਸ ਕਾਲਜ ਦੇ ਡਾ. ਅਮਿਤ ਕੁਮਾਰ ਅਤੇ ਫਲੋਰਾ ਅਤੇ ਫੋਨਾ ਸੋਸਾਇਟੀ ਦੇ ਨੁਮਾਇੰਦੇ ਵੀ ਇਸ ਮੌਕੇ ਤੇ ਮੌਜੂਦ ਸਨ।