ਵਤਰੁਖ ਫਾਊਂਡੇਸ਼ਨ ਨੇ ਰਾਮਪੁਰ ਵਿਖੇ ਵਣ ਮਹੋਤਸਵ ਮਨਾਇਆ

 From Vatrukh Foundation on 11th July 2025 at 13:58 Regarding Tree Planting//Van Mahotsav 

ਪਿੰਡ ਵਿੱਚ ਲਗਭਗ 500 ਰੁੱਖ ਲਗਾਏ ਗਏ

ਲੁਧਿਆਣਾ: 11 ਜੁਲਾਈ 2025: (ਕਾਰਤਿਕਾ ਕਲਿਆਣੀ ਸਿੰਘ/ /ਪੰਜਾਬ ਸਕਰੀਨ ਡੈਸਕ)::

ਇਹ ਧਰਤੀ ਫੁੱਲਾਂ ,  ਫਲਾਂ ਅਤੇ ਰੁੱਖਾਂ ਨਾਲ ਸ਼ਿੰਗਾਰੀ ਹੋਈ ਹੁੰਦੀ ਸੀ। ਵਿਕਾਸ ਦੇ ਨਾਂਅ ਹੇਠ ਇਹਨਾਂ ਰੁੱਖਾਂ ਨੂੰ ਵੱਢ ਵੱਢ ਕੇ ਮੁਕਾ ਦਿੱਤਾ ਗਿਆ। ਸੀਮਿੰਟ ,  ਕੰਕਰੀਟ ਅਤੇ ਪੱਥਰਾਂ ਦੇ ਜੰਗਲ ਨੇ ਨਾ ਸਿਰਫ ਤਾਪਮਾਨ ਵਧਾਇਆ ਬਲਕਿ ਸਾਹ ਲਾਇ ਜੋਗੀ ਆਕਸੀਜ਼ਨ ਵੀ ਮੁਕਾ ਦਿੱਤੀ। ਕਹਿੰਦੇ ਨੇ ਦਸ ਬਾਰਾਂ ਫੁੱਟ ਦਾ ਨਿੰਮ ਵਾਲਾ ਇੱਕ ਦਰਖਤ ਘਰ ਦੇ ਦਰਵਾਜ਼ੇ ਜਾਨ ਵਿਹੜੇ ਵਿੱਚ ਲੱਗਿਆ ਹੋਵੇ ਤਾਂ ਉਹ ਤਿੰਨ ਏਅਰ ਕੰਡੀਸ਼ਨਰਾਂ ਜਿੰਨੀ ਕੁਦਰਤ ਠੰਡਕ ਦੇਂਦਾ ਹੈ। ਸ਼ਾਇਦ ਇਹੀ ਕਾਰਨ ਹੈ ਕਿ ਹੋਸ਼ਿਆਰਪੂਰ ਅਤੇ ਪਠਾਨਕੋਟ ਵਿੱਚ ਕਈ ਇਲਾਕੇ ਅਜਿਹੇ ਹਨ ਹਿੱਠੇ ਭਰ ਗਰਮੀਆਂ ਵਿੱਚ ਵੀ ਕਦੀ ਪੱਖਾਂ ਤੱਕ ਚਲਾਉਣ ਦੀ ਲੋੜ ਨਹੀਂ  ਪੈਂਦੀ। ਸ਼ੁੱਧ ਆਕਸੀਜ਼ਨ ਨਾਲ ਤਨ ਵੀ ਠੀਕ ਰਹਿੰਦਾ ਹੈ ਅਤੇ ਮਨ ਵੀ। ਜਦੋਂ ਸਰਕਾਰਾਂ ਵੀ ਬਹੁਕੌਮੀ ਕੰਪਨੀਆਂ ਨਾਲ ਰਲ ਕੇ ਦਰਖਤ ਵਧਣ ਲੱਗੀਆਂ ਹੋਈਆਂ ਹਨ ਉਦੋਂ ਇੱਕ ਜੱਥੇਬੰਦੀ ਹਵਾ ਦੇ ਉਲਟ ਚੱਲਣ ਦੀ ਹਿੰਮਤ ਵੀ ਦਿਖਾ ਰਹੀ ਹੈ। ਇਹ ਸੰਸਥਾ ਚੇਤੇ ਕਰ ਰਹੀ ਹੈ ਕਿ ਜੇਕਰ ਹੁਣ ਸਾਡੇ ਆਲੇ ਦੁਆਲੇ ਦੀ ਸ਼ਾਂਤੀ ਗੁਆਚ ਚੁੱਕੀ ਹੈ ਤਾਂ ਇਹ ਸਾਡੇ ਅਜਿਹੇ ਕੁਕਰਮਾਂ ਦਾ ਹੀ ਫਲ ਹੈ। ਸਾਨੂੰ ਕੁਦਰਤ ਦਾ ਵਿਨਾਸ਼ ਰੋਕਣਾ ਪਵੇਗਾ ਵਰਨਣ ਤਬਾਹੀਆਂ ਦਾ ਸਾਹਮਣਾ ਤਾਂ ਹੋਣਾ ਹੀ ਹੈ। 

ਵਤਰੁਖ ਫਾਊਂਡੇਸ਼ਨ ਨੇ ਅੱਜ ਇਸ ਦਿਸ਼ਾ ਵਿੱਚ ਇੱਕ ਨਵਾਂ ਉਪਰਾਲਾ ਵੀ ਕਰ ਕੇ ਦਿਖਾਇਆ। ਅੱਜ ਪਿੰਡ ਰਾਮਪੁਰ, ਜ਼ਿਲ੍ਹਾ ਲੁਧਿਆਣਾ ਵਿਖੇ ਵਣ ਮਹੋਤਸਵ ਮਨਾਇਆ। ਪਿੰਡ ਵਿੱਚ ਲਗਭਗ 500 ਰੁੱਖ ਲਗਾਏ ਗਏ। ਇਸ ਮਕਸਦ ਲਾਇ ਬੜੇ ਉਤਸ਼ਾਹ ਨਾਲ ਸਾਹਮਣੇ ਆਏ ਨਨਕਾਣਾ ਸਾਹਿਬ ਸਕੂਲ ਰਾਮਪੁਰ ਦੇ ਸਕੂਲੀ ਬੱਚਿਆਂ ਨੇ ਪੂਰੇ ਉਤਸ਼ਾਹ ਨਾਲ ਹਿੱਸਾ ਲਿਆ। ਅੱਜ ਰਾਮਪੁਰ ਦਾ ਨਜ਼ਾਰਾ ਦੇਖਣ ਵਾਲਾ ਸੀ। 

ਨਨਕਾਣਾ ਸਾਹਿਬ ਸਕੂਲ ਦੇ ਪ੍ਰਿੰਸੀਪਲ ਜਸਵਿੰਦਰ ਸਿੰਘ ਨੇ ਕਿਹਾ ਕਿ ਸਿਰਫ਼ ਰੁੱਖ ਲਗਾਉਣਾ ਹੀ ਨਹੀਂ, ਸਗੋਂ ਉਨ੍ਹਾਂ ਦੀ ਦੇਖਭਾਲ ਕਰਨਾ ਵੀ ਜ਼ਰੂਰੀ ਹੈ। ਸਰਪੰਚ ਜਸਵੰਤ ਸਿੰਘ ਨੇ ਕਿਹਾ ਕਿ ਰੁੱਖ ਸਮੇਂ ਦੀ ਲੋੜ ਹਨ। ਉਹਨਾਂ ਰੁੱਖਾਂ ਦੀ ਅਹਿਮੀਅਤ ਅਤੇ ਚੌਗਿਰਦੇ ਨੂੰ ਵੱਧ ਰਹੇ ਖਤਰਿਆਂ ਬਾਰੇ ਵੀ ਜਾਣੂੰ ਕਰਵਾਇਆ। 

ਇਸ ਸ਼ੁੱਭ ਮੌਕੇ 'ਤੇ ਵਤਰੁਖ ਫਾਊਂਡੇਸ਼ਨ ਦੀ ਸਮਿਤਾ ਕੌਰ ਨੇ ਕਿਹਾ ਕਿ ਪੰਜਾਬ ਦੇ ਰੁੱਖਾਂ ਵਾਲੇ ਰਕਬੇ ਨੂੰ ਪੰਜਾਬ ਦੇ ਭੂਗੋਲਿਕ ਖੇਤਰ ਦੇ 3.67% ਤੋਂ ਵਧਾ ਕੇ 33% ਕੀਤਾ ਜਾਵੇਗਾ। ਇਸ ਨਾਲ ਧਰਤੀ ਹੇਠਲੇ ਪਾਣੀ ਨੂੰ ਮੁੜ ਸੁਰਜੀਤ ਕਰਨ ਅਤੇ ਸਾਫ਼ ਹਵਾ ਬਣਾਉਣ ਵਿੱਚ ਮਦਦ ਮਿਲੇਗੀ। ਇਸ ਤਰ੍ਹਾਂ ਇਸ ਸੰਗਠਨ ਕੋਲ ਭਵਿੱਖ ਲਈ ਵੀ ਬਹੁਤ ਸਾਰੀਆਂ ਉਸਾਰੂ ਯੋਜਨਾਵਾਂ ਹਨ। ਇਹਨਾਂ ਯੋਜਨਾਵਾਂ ਅਧੀਨ ਹੀ ਪੰਜਾਬ ਦੀਆਂ ਇਸ ਦਿਸ਼ਾ ਨਾਲ ਸਬੰਧਤ ਸਮੱਸਿਆਵਾਂ ਦੂਰ ਕਰਨ ਦੇ ਉਪਰਾਲੇ ਕੀਤੇ ਜਾਣੇ ਹਨ ਜਿਹਨਾਂ ਨਾਪ ਪੰਜਾਬ ਫਿਰ ਬਣ ਸਕੇਗਾ ਪਹਿਲਾਂ ਵਰਗਾ ਪੰਜਾਬ।   

ਇਸ ਮੌਕੇ ਜੰਗਲਾਤ ਵਿਭਾਗ ਤੋਂ ਸ. ਬਲਦੇਵ ਸਿੰਘ, ਗੁਰਮਨੀਤ ਸਿੰਘ ਮਾਂਗਟ, ਸਵਰਨਜੀਤ ਕੌਰ, ਨਵਦੀਪ ਕੌਰ ਅਤੇ ਅਭਿਸ਼ੇਕ ਸ਼ਰਮਾ ਵੀ ਮੌਜੂਦ ਸਨ।ਇਸ ਸਮਾਗਮ ਵਿੱਚ ਪਿੰਡ ਵਾਸੀਆਂ ਨੇ ਉਤਸ਼ਾਹ ਨਾਲ ਹਿੱਸਾ ਲਿਆ।

  यह खबर हिंदी में भी देखिए-पंजाब स्क्रीन हिंदी में 

ਸੰਯੁਕਤ ਕਿਸਾਨ ਮੋਰਚਾ ਵਾਲੇ ਵੱਡੇ ਐਕਸ਼ਨਾਂ ਦੇ ਨਾਲ ਫਿਰ ਮੈਦਾਨ ਵਿੱਚ

Sunday 31st July 2022 at 5:13 PM 

ਅੱਜ ਰੇਲ ਦਾ ਚੱਕਾ ਜਾਮ ਕੀਤਾ--ਸੰਘਰਸ਼ ਹੋਰ ਤਿੱਖਾ ਕਰਨ ਦੀ ਵੀ ਚੇਤਾਵਨੀ 

ਲੁਧਿਆਣਾ: 31 ਜੁਲਾਈ 2022: (ਪੰਜਾਬ ਸਕਰੀਨ ਟੀਮ)::

ਜਿਹਨਾਂ ਨੂੰ ਲੱਗਦਾ ਸੀ ਕਿ ਕਿਸਾਨਾਂ ਨੇ ਦਿੱਲੀ ਵਾਲੇ ਮੋਰਚਾ ਖਤਮ ਕਰਕੇ ਕਾਹਲੀ ਕਾਹਲੀ ਵਿੱਚ ਗਲਤੀ ਕਰ ਲਈ ਹੈ ਉਹਨਾਂ ਸਾਰਿਆਂ ਦੇ ਵਹਿਮ, ਭਰਮ ਅਤੇ ਸ਼ੰਕੇ ਦੂਰ ਕਰਦਿਆਂ ਸੰਯੁਕਤ ਕਿਸਾਨਾਂ ਮੋਰਚਾ ਵਾਲੇ ਫਿਰ ਮੈਦਾਨ ਵਿੱਚ ਆ ਗਏ ਹਨ। ਅੱਜ ਉਹਨਾਂ ਰੇਲ ਦਾ ਚੱਕ ਜਾਮ ਕਰਕੇ ਇੱਕ ਵਾਰ ਫੇਰ ਵੱਡੇ ਐਕਸ਼ਨਾਂ ਦੀ ਸ਼ੁਰੂਆਤ ਕਰ ਦਿੱਤੀ ਹੈ। ਇਹ ਐਕਸ਼ਨ ਕਿ ਥਾਈਂ ਕੀਤੇ ਗਏ।

ਸੰਯੁਕਤ ਕਿਸਾਨ ਮੋਰਚਾ ਪੰਜਾਬ ਦੀਆਂ ਹਲਕਾ ਪਾਇਲ ਵਿਚ ਸਰਗਰਮ ਜੱਥੇਬੰਦੀਆਂ ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਡਕੌਂਦਾ, ਭਾਰਤੀ ਕਿਸਾਨ ਯੂਨੀਅਨ ਪੰਜਾਬ, ਜਮਹੂਰੀ ਕਿਸਾਨ ਸਭਾ, ਆਲ ਇੰਡੀਆ ਕਿਸਾਨ ਸਭਾ (1936) ਨੇ ਦੋਰਾਹਾ ਵਿਖੇ 11 ਵਜੇ ਸਵੇਰ ਤੋਂ ਸ਼ਾਮ 3 ਵਜੇ ਤੱਕ, ਰੇਲ ਦਾ ਚੱਕਾ ਜਾਮ 'ਸ਼ਹੀਦ ਉਧਮ ਸਿੰਘ ਸੁਨਾਮ' ਨੂੰ  ਸਮਰਪੱਤ ਕੀਤਾ। ਜਿਸ ਨੂੰ  ਸੰਬੋਧਨ ਕਰਦੇ ਹੋਏ ਵੱਖ ਵੱਖ ਕਿਸਾਨ ਆਗੂ ਮਨਜੀਤ ਸਿੰਘ ਧਨੇਰ, ਜਸਵੀਰ ਝੱਜ, ਚਮਕੌਰ ਸਿੰਘ ਬਰਮੀ, ਹਰਜੀਤ ਸਿੰਘ ਗਰੇਵਾਲ, ਰਘਵੀਰ ਸਿੰਘ ਬੈਨੀਪਾਲ, ਰਾਜਵੀਰ ਸਿੰਘ ਘੁਡਾਣੀ, ਤਰਲੋਚਨ ਸਿੰਘ ਦੋਰਾਹਾ, ਪ੍ਰੋ. ਅਮਰਪ੍ਰੀਤ ਸਿੰਘ ਬਰਮਾਲੀਪੁਰ, ਪ੍ਰੋ. ਜੈਪਾਲ ਸਿੰਘ, ਸੁਖਦੇਵ ਸਿੰਘ ਲਹਿਲ, ਗੁਰਮੇਲ ਸਿੰਘ ਸਿਆੜ, ਬਲਵਿੰਦਰ ਸਿੰਘ ਨਜ਼ਾਮਪੁਰ, ਤਰਨਜੀਤ ਸਿੰਘ ਕੂਹਲੀ, ਲਖਵੰਤ ਸਿੰਘ ਦੋਬੁਰਜੀ, ਬੁੱਧ ਸਿੰਘ ਬਰਮਾਲੀਪੁਰ, ਕੇਸਰ ਸਿੰਘ, ਗਗਨਦੀਪ ਘੁਡਾਣੀ, ਧਰਮਜੀਤ ਸਿੰਘ ਰਾਮਪੁਰ, ਰਾਜਵੀਰ ਬੇਗੋਵਾਲ, ਹਰਪਾਲ ਸਿੰਘ, ਹਰਜਿੰਦਰ ਸਿੰਘ ਹਨੀ, ਅਧਿਆਪਕ ਆਗੂ ਚਰਨ ਸਿੰਘ ਸਰਾਭਾ, ਪੰਜਾਬੀ ਲਿਖਾਰੀ ਸਭਾ ਰਾਮਪੁਰ ਮੀਤ ਪ੍ਰਧਾਨ ਬਲਦੇਵ ਸਿੰਘ ਝੱਜ, ਪਾਵਰਕਾਮ ਪੈਨਸ਼ਨਰ ਆਗੂ ਤਰਸੇਮ ਸਿੰਘ, ਪ੍ਰਗਤੀਸ਼ੀਲ ਲੇਖਕ ਸੰਘ ਪੰਜਾਬ ਸਕੱਤਰ ਡਾ. ਗੁਲਜ਼ਾਰ ਸਿੰਘ ਪੰਧੇਰ ਤੇ ਤਰਲੋਚਨ ਝਾਂਡੇ ਆਦਿ ਨੇ ਕਿਹਾ ਕਿ ਦਿੱਲੀ ਵਿਖੇ ਧਰਨਾ ਖਤਮ ਕਰਨ ਵੇਲੇ ਸੰਯੁਕਤ ਕਿਸਾਨ ਮੋਰਚੇ ਦੇ ਆਗੁਆਂ ਨਾਲ ਸਰਕਾਰ ਆਪਣੇ ਕੀਤੇ ਵਾਅਦਿਆਂ ਤੋਂ ਮੁੱਕਰ ਗਈ ਹੈ। ਦਿੱਲੀ ਮੋਰਚੇ ਵੇਲੇ ਹੋਏ ਕਿਸਾਨਾਂ ਤੇ ਕੇਸ ਜਿਓ ਦੇ ਤਿਓ ਹਨ। ਲਖੀਮਪੁਰ ਖੀਰੀ ਦੇ ਕਾਤਲਾਂ ਨੂੰ ਸਜ਼ਾ ਤਾਂ ਕੀ ਦੋਣੀ ਸੀ ਅਜੇ ਬੇਕਸੂਰ ਕਿਸਾਨਾਂ ਨੂੰ  ਨਜ਼ਾਇਜ਼ ਕੇਸ ਪਾ ਕੇ ਜੇਲ੍ਹਾਂ ਵਿੱਚ ਡੱਕਿਆ ਹੋਇਆ ਹੈ।  ਪੰਜਾਬ ਸਰਕਾਰ ਨੇ ਪਹਿਲਾਂ ਮੂੰਗੀ ਦਾ ਘੱਟੋ ਘੱਟ ਸਮਰੱਥਨ ਮੁੱਲ ਦਾ ਐਲਾਨ ਕੀਤਾ ਫਿਰ ਖਰੀਦ ਨਹੀਂ ਕੀਤੀ। 

ਇਸੇ ਤਰ੍ਹਾਂ ਜੀਵਨ ਦੇ ਲਈ ਪਾਣੀ ਅਤਿ ਜ਼ਰੂਰੀ ਹੈ। ਪਾਣੀ ਦੀ ਬਰਬਾਦੀ ਨੂੰ  ਕਿਸਾਨਾਂ ਸਿਰ ਮੜ੍ਹ ਕੇ ਕਿਸਾਨ ਬਦਨਾਮ ਕੀਤੇ ਜਾ ਰਹੇ ਹਨ ਜਦ ਕਿ ਫੈਕਟਰੀਆਂ ਦਾ ਕੈਮੀਕਲ ਗ੍ਰਸਤ ਪਾਣੀ ਧਰਤੀ ਦੇ ਪੱਤਣ ਅਤੇ ਨਹਿਰਾਂ ਦਾ ਅੰਮਿ੍ਤ ਜਲ ਦੂਸ਼ਤ ਕਰ ਰਿਹਾ ਹੈ। ਸਰਕਾਰ ਸਾਨੂੰ ਹਰ ਫਸਲ ਤੇ ਐਮ.ਐਸ.ਪੀ. ਤੇ ਖਰੀਦਣ ਦੀ ਸਵਿਧਾਨਿਕ ਗ੍ਰੰਟੀ ਕਰੇ ਅਸੀਂ ਜੀਰੀ ਬੀਜਣੀ ਹੀ ਬੰਦ ਕਰ ਦਿਆਂਗੇ। ਸਰਕਾਰ ਦੀ ਖੇਤੀ ਨੀਤੀ ਨੂੰ  ਲੈ ਕੇ ਬਣਾਈ ਕਮੇਟੀ ਸਿਰਫ ਸਰਕਾਰ ਦੇ ਹੱਥਾਂ ਦੀ ਕਠਪੁੱਤਲੀ ਹੈ। ਜੋ ਸਾਨੂੰ ਬਿੱਲਕੁੱਲ ਮੰਜੂਰ ਨਹੀਂ ਕਿਉਂਕਿ ਇਹ ਸਿਰਫ ਐਮ.ਐਸ.ਪੀ. ਨੂੰ  ਨਿਰਧਾਰਤ ਕਰਨ ਦੀ ਕਮੇਟੀ ਨਹੀਂ ਸਗੋਂ ਇਹ ਖੇਤੀ ਨੀਤੀ ਨੂੰ ਪ੍ਰਭਾਵਤ ਕਰਨ ਦੀ ਸਰਕਾਰ ਦੀ ਚਾਲ ਹੈ। ਅਗਨੀ ਪੱਥ ਵਰਗੇ ਮੁੱਦੇ ਆਪੇ ਉਭਾਰ ਕੇ ਆਪੇ ਪਾਸ ਕਰਕੇ ਭਾਰਤ ਦੀ ਜਵਾਨੀ ਨਾਲ ਮਜ਼ਾਕ ਕੀਤਾ ਜਾ ਰਿਹਾ ਹੈ। ਦੇਸ਼ ਦੀ ਜਵਾਨੀ ਨਸ਼ੇ ਦੇ ਹੜ੍ਹ ਵਿਚ ਗਰਕ ਹੋ ਰਹੀ ਹੈ। 

ਸਿੱਖਿਆ ਅਤੇ ਸਿਹਤ ਸਹੂਲਤਾਂ ਦਾ ਬੇੜਾ ਗਰਕ ਹੋਇਆ ਪਿਆ ਹੈ। ਬੇਰੁਜ਼ਗਾਰ ਨੌਜਵਾਨ ਵਿਦੇਸ਼ਾਂ ਨੂੰ  ਉਡਾਰੀ ਮਾਰ ਰਹੇ ਹਨ ਜਾਂ ਗੈਂਗਸਟਰ ਬਣਨ ਦੇ ਰਾਹ ਪੈ ਰਹੇ ਹਨ। ਪੰਚਾਇਤੀ ਜ਼ਮੀਨਾਂ ਖਾਲੀ ਕਰਵਾਉਣ ਦੇ ਨਾਮ ਤੇ ਗਰੀਬ ਆਬਾਦਕਾਰਾਂ ਦਾ ਉਜਾੜਾ ਕੀਤਾ ਜਾ ਰਿਹਾ ਹੈ। ਅਜਿਹੀਆਂ ਹੋਰ ਅਨੇਕ ਲੋਕ ਵਿਰੋਧੀ ਨੀਤੀਆਂ ਦੇ ਵਿਰੁੱਧ, ਅੱਜ ਦੋਰਾਹਾ ਵਿਖੇ ਰਾਜਧਾਨੀ ਤੇ ਦੇਸ਼ ਦੇ ਮੁੱਖ ਰੇਲ ਮਾਰਗ ਉੱਤੇ 'ਰੇਲ ਦਾ ਚੱਕਾ ਜਾਮ' ਕਰਕੇ ਕਿਸਾਨਾਂ ਨੇ ਅਗਲੇ ਸੰਘਰਸ਼ ਦੀ ਤਿਆਰੀ ਵਿਚ ਸੰਕੇਤਕ ਧਰਨਾ ਦਿੱਤਾ ਹੈ।  

ਤਸਵੀਰ ਵਿੱਚ ਸੰਯੁਕਤ ਕਿਸਾਨ ਮੋਰਚੇ ਵੱਲੋਂ 'ਰੇਲ ਦਾ ਚੱਕਾ ਜਾਮ' ਕਰਕੇ ਰੇਲਵੇ ਲਾਇਨਾਂ ਉੱਤੇ ਦੋਰਾਹਾ ਰੇਲਵੇ ਸਟੇਸ਼ਨ ਵਿਖੇ ਧਰਨਾ ਦੇਣ ਸਮੇਂ ਹਲਕਾ ਪਾਇਲ ਦੀਆਂ ਕਿਸਾਨ ਜੱਥੇਬੰਦੀਆਂ ਦੇ ਹਾਜ਼ਰ ਮੈਂਬਰ ਅਤੇ ਹੋਰ  ਵੀ ਨਜ਼ਰ ਆ ਰਹੇ ਹਨ।  

ਨਿੱਕੀ ਫਿਲਮ ‘ਉਡਣ ਖਟੋਲਾ’ ਕੌਮੀ ਤੇ ਕੌਮਾਂਤਰੀ ਪੱਧਰ 'ਤੇ ਸਿਲੈਕਟ

Wed, Jul 10, 2019 at 4:06 PM

ਕਈ ਮਹੱਤਵਪੂਰਨ ਮੰਚਾਂ 'ਤੇ ਹੋਵੇਗਾ ਇਸ ਫਿਲਮ ਦਾ ਪ੍ਰਦਰਸ਼ਨ

ਕੌਮੀ ਤੇ ਕੌਮਾਂਤਰੀ ਪੱਧਰ ਤੇ ਸਿਲੈਕਟ ਹੋਈ ਪੰਜਾਬੀ ਲਘੂ ਫਿਲਮ ‘ਉਡਣ ਖਟੋਲਾ’ ਦਾ ਪੋਸਟਰ ਅਤੇ ਪਾਖੰਡੀ ਸਾਧ ਦੇ ਡੇਰੇ ਦਾ ਇੱਕ ਦ੍ਰਿਸ਼

ਦੋਰਾਹਾ: 10 ਜੁਲਾਈ 2019: (ਪੰਜਾਬ ਸਕਰੀਨ ਬਿਊਰੋ)::

ਪੰਜਾਬੀ ਲਘੂ ਫਿਲਮ ‘ਉਡਣ ਖਟੋਲਾ’ ਨੂੰ ਕੌਮੀ ਤੇ ਕੌਮਾਂਤਰੀ ਪੱਧਰ ਤੇ ਓਫੀਸ਼ੀਅਲੀ ਸਲੈਕਟ ਕੀਤਾ ਗਿਆ ਹੈ ਜਿਸ ਦੇ ਬਾਰੇ ਰੰਗ ਕਰਮੀ ਮਨੂੰ ਬੁਆਣੀ ਨੇ ਪ੍ਰੈਸ ਨੂੰ ਜਾਣਕਾਰੀ ਦਿੱਤੀ। ਉਹਨਾਂ  ਮੀਡੀਆ ਮੀਤ ਦੌਰਾਨ ਦੱਸਿਆ ਕਿ ਲਘੂ ਫਿਲਮ ‘ਉਡਣ ਖਟੋਲਾ’ ਨੂੰ ਕੌਮਾਂਤਰੀ ਪੱਧਰ ਤੇ ‘ਲਿਫਟ (ਲੰਡਨ ਫਿਲਮ ਫੈਸਟੀਵਲ), ਕੌਮੀ ਪੱਧਰ ਤੇ ਹੈਦਰਾਬਾਦ ਬੰਗਾਲੀ ਫਿਲਮ ਫੈਸਟੀਵਲ ਅਤੇ ‘ਫਸਟ ਟਾਇਮ ਫਿਲਮ ਮੇਕਰ’ ਓਫੀਸ਼ੀਅਲੀ ਸਲੈਕਟ ਕੀਤਾ ਗਿਆ ਹੈ। ਰੰਗ ਕਰਮੀ ਮਨੂੰ ਬੁਆਣੀ ਨੇ ਨਿਰਦੇਸ਼ਨਾ ਕਰਨ, ਕਹਾਣੀ ਤੇ ਸੰਵਾਦ ਲਿਖਣ ਦੇ ਨਾਲ਼, ਨਾਲ਼ ਇਸ ਫਿਲਮ ‘ਚ ਅਦਾਕਾਰੀ ਵੀ ਕੀਤੀ ਹੈ। ਇਹ ਫਿਲਮ ਪਾਖੰਡੀਆਂ ਵੱਲੋਂ ਲੋਕਾਂ ਨੂੰ ਭਰਮਜ਼ਾਲ਼ ਵਿਚ ਫਸਾ ਕੇ  ਉਨ੍ਹਾਂ ਦਾ ਸ਼ੋਸ਼ਣ ਕਰਨ ਦਾ ਪਰਦਾ ਫਾਸ਼ ਕਰਦੀ ਹੈ। ਫਿਲਮ ਵਿਚ 1969 ਵਿਚ ਮਨੁੱਖ ਦੁਆਰਾ ਪਹਿਲੀਵਾਰ ਚੰਦ ਉੱਤੇ ਪਹੁੰਚਣ ਵਾਲ਼ੀ ਵਿਗਿਆਨ ਦੀ ਪ੍ਰਾਪਤੀ ਨੂੰ ਆਧਾਰ ਬਣਾ ਕੇ ਆਮ ਲੋਕਾਂ ਨੂੰ ਜਾਗਰੂਕ ਕਰਨ ਦਾ ਯਤਨ ਕੀਤਾ ਗਿਆ ਹੈ। ਪੋ੍ਰਡਿਉਸਰ ਕੁਲਵਿੰਦਰ ਸਿੰਘ ਮਾਂਗਟ ਤੇ ‘ਡਾਰਕ ਟਾਕੀ’ਜ਼ ਟੀਮ’ ਵੱਲੋਂ ਬਣਾਈ ਇਸ ਫਿਲਮ ਵਿਚ ਜਰਨੈਲ ਮਠਾਣ (ਪਾਲੀਵੁੱਡ ਅਦਾਕੀਰ), ਰੰਗ ਕਰਮੀ ਕੁਲਦੀਪ ਸਿੰਘ ਜੱਗੀ, ਹੈਪੀ ਸਹੋਤਾ, ਹਰਮਨਦੀਪ ਕੌਰ, ਰਾਜਵਿੰਦਰ ਕੌਰ ਆਦਿ ਦੀਆਂ ਮੁੱਖ ਭੂਮਿਕਾਵਾਂ ਹਨ। ਮਨੂੰ ਬੁਆਣੀ ਨੇ ਕਿਹਾ ਕਿ ਪੰਜਾਬੀ ਦੇ ਉੱਘੇ ਲੇਖਕ ਮੇਰੇ ਸਾਹਿਤਕ ਗੁਰੂ ਜਸਵੀਰ ਝੱਜ ਜੀ ਤੋਂ ਪ੍ਰਾਪਤ ਯੋਗ ਰਹਿਨੁਮਾਈ ਕਾਰਨ ਇਹ ਫਿਲਮ ਪੰਜਾਬੀ ਸਭਿਆਚਾਰ, ਬੋਲੀ ਤੇ ਭਾਸ਼ਾ ਦੇ ਮਿਆਰ ਤੇ ਪੂਰੀ ਤਰ੍ਹਾਂ ਖਰ੍ਹੀ ਉੱਤਰਦੀ ਹੈ। ਫਿਲਮ ਨੂੰ ਕੌਮੀ ਤੇ ਕੌਮਾਂਤਰੀ ਪੱਧਰ ਤੇ ਮਿਲ਼ੀ ਕਾਮਬਾਬੀ ਦਾ ਸਿਹਰਾ ਸਮੁੱਚੀ ਟੀਮ ਦੀ ਦਿਨ-ਰਾਤ ਕੀਤੀ ਮਿਹਨਤ ਨੂੰ ਜਾਂਦਾ ਹੈ।                                                                      

ਗੁਰੂ ਨਾਨਕ ਨੈਸ਼ਨਲ ਕਾਲਜ ਦਾ ਨਤੀਜਾ ਰਿਹਾ ਸ਼ਾਨਦਾਰ

Jun 29, 2019, 2:38 PM

BSC ਭਾਗ ਤੀਜਾ ਦੇ ਵਿਦਿਆਰਥੀਆਂ ਨੇ ਖੱਟਿਆ ਨਾਮਣਾ 

ਪੁਜ਼ੀਸ਼ਨਾਂ ਪ੍ਰਾਪਤ ਕਰਨ ਵਾਲੇ ਵਿਦਿਆਰਥੀ

ਦੋਰਾਹਾ/ਲੁਧਿਆਣਾ: 30 ਜੂਨ 2019: (ਰੈਕਟਰ ਕਥੂਰੀਆ):: 

ਬੀਤੇ ਦਿਨੀਂ ਪੰਜਾਬ ਯੂਨੀਵਰਸਿਟੀ, ਚੰਡੀਗੜ੍ਹ ਵੱਲੋਂ ਬੀ.ਐਸ.ਸੀ. ਭਾਗ ਤੀਜਾ (ਸਮੈਸਟਰ ਛੇਵਾ) ਦਾ ਨਤੀਜਾ ਐਲਾਨਿਆ ਗਿਆ ਜਿਸ ਵਿੱਚ ਗੁਰੂ ਨਾਨਕ ਨੈਸ਼ਨਲ ਕਾਲਜ, ਦੋਰਾਹਾ ਦੀ ਵਿਦਿਆਰਥਣ ਅਰਪਿਤਾ ਰਾਵਤ ਨੇ 2000 ਵਿਚੋਂ 1556(77.8%) ਅੰਕ ਪ੍ਰਾਪਤ ਕਰਕੇ ਕਾਲਜ ਵਿਚੋਂ ਪਹਿਲਾ, ਹਰਜੀਤ ਸਿੰਘ ਨੇ 1514 (75.7%) ਅੰਕ ਪ੍ਰਾਪਤ ਕਰਕੇ ਦੂਜਾ ਅਤੇ ਸ਼ਵੇਤਾ ਨੇ 1463 (73.15%) ਅੰਕ ਪ੍ਰਾਪਤ ਕਰਕੇ ਕਾਲਜ ਵਿਚੋਂ ਤੀਜਾ ਸਥਾਨ ਪ੍ਰਾਪਤ ਕੀਤਾ।

        ਕਾਲਜ ਪ੍ਰਿੰਸੀਪਲ ਡਾ. ਨਰਿੰਦਰ ਸਿੰਘ ਸਿੱਧੂ ਨੇ ਦੱਸਿਆ ਕਿ ਇਸ ਸਾਲ ਵੀ ਕਾਲਜ ਦੇ ਨਤੀਜੇ ਸ਼ਾਨਦਾਰ ਰਹੇ। ਵਿਦਿਆਰਥੀਆਂ ਦੀਆਂ ਇਨ੍ਹਾਂ ਮਾਣਮੱਤੀਆਂ ਪ੍ਰਾਪਤੀਆਂ ਲਈ ਕਾਲਜ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਸ੍ਰੀਮਤੀ ਰੂਪ ਬਰਾੜ, ਸਕੱਤਰ  ਸ. ਹਰਪ੍ਰਤਾਪ ਸਿੰਘ ਬਰਾੜ, ਸੀਨੀਅਰ ਵਾਈਸ ਪ੍ਰਧਾਨ ਸ. ਜੋਗੇਸ਼ਵਰ ਸਿੰਘ ਮਾਂਗਟ, ਵਾਈਸ ਪ੍ਰਧਾਨ ਸ. ਜਗਜੀਵਨਪਾਲ ਸਿੰਘ ਗਿੱਲ, ਫਾਈਨੈਂਸ ਸੈਕਟਰੀ ਸ. ਪਵਿੱਤਰਪਾਲ ਸਿੰਘ ਪਾਂਗਲੀ, ਜੋਆਇੰਟ ਸਕੱਤਰ ਸ਼੍ਰੀ ਆਦਰਸ਼ਪਾਲ ਬੈਕਟਰ, ਐਗਜ਼ੈਕਟਿਵ ਐਡਮਿਨੀਸਟਰੇਟਰ ਸ਼੍ਰੀਮਤੀਰੁਪਿੰਦਰ ਬਰਾੜ ਅਤੇ ਕਾਲਜ ਪ੍ਰਿੰਸੀਪਲ ਡਾ. ਨਰਿੰਦਰ ਸਿੰਘ ਸਿੱਧੂ ਨੇ ਵਿਦਿਆਰਥੀਆਂ, ਉਨ੍ਹਾਂ ਦੇ ਮਾਪਿਆਂ ਅਤੇ ਵਿਸ਼ੇਸ਼ ਕਰਕੇ ਅਧਿਆਪਕਾਂ ਨੂੰ ਵਧਾਈ ਦਿੱਤੀ ਜਿੰਨ੍ਹਾਂ ਦੀ ਸਾਂਝੀ ਮਿਹਨਤ ਸਦਕਾ ਸ਼ਾਨਦਾਰ ਨਤੀਜੇ ਪ੍ਰਾਪਤ ਹੋਏ ਜਿਸ ਨਾਲ ਕਾਲਜ ਅਤੇ ਇਲਾਕੇ ਦਾ ਨਾਂ ਰੌਸ਼ਨ ਹੋਇਆ।

ਦੇਸ਼ ਦੇ ਭਵਿੱਖ ਲਈ ਖੱਬੀਆਂ ਤੇ ਜਮਹੂਰੀ ਸ਼ਕਤੀਆਂ ਇੱਕ ਮੁੱਠ ਹੋਣ–MCPI(U)

Mon, Jan 1, 2018 at 3:14 PM

ਫਾਸ਼ੀਵਾਦ ਅਤੇ ਫਿਰਕੂ ਤਾਕਤਾਂ ਦੇ ਟਾਕਰੇ ਲਈ ਏਕਤਾ ਬੇਹੱਦ ਜ਼ਰੂਰੀ 

ਦੋਰਾਹਾ: 1 ਜਨਵਰੀ 2017: (ਪੰਜਾਬ ਸਕਰੀਨ ਬਿਊਰੋ)::

ਮਾਰਕਸਿਸਟ ਕਮਿਊਨਿਸਟ ਪਾਰਟੀ ਆਫ ਇੰਡਿਆ (ਯੂਨਾਈਟਡ), ਪੰਜਾਬ ਦੀ ਸੁਰਿੰਦਰ ਸ਼ਹਿਜ਼ਾਦ ਦੀ ਪ੍ਰਧਾਨਗੀ ਹੇਠ ਹੋਈ ਸੂਬਾ ਕਮੇਟੀ ਦੀ ਮੀਟਿੰਗ ਵਿੱਚ ਐਮ ਸੀ ਪੀ ਆਈ (ਯੂਨਾਈਟਡ) ਦੀ ਕੇਂਦਰੀ ਕਮੇਟੀ ਦੀ ਪੰਜਾਬ ਦੇ ਜਿਲ੍ਹਾ ਸੰਗਰੂਰ ਵਿੱਚ ਹੋ ਰਹੀ ਅਹਿਮ ਮੀਟਿੰਗ ਦੇ ਏਜੰਡੇ ਵਿਸ਼ੇਸ਼ ਕਰਕੇ ਅੱਜ ਦੇਸ਼ ਅੰਦਰ ਬੀ ਜੇ ਪੀ ਅਤੇ ਹਿੰਦੂਤਵਾਵਾਦੀ ਸੰਗਠਨਾਂ ਵੱਲੋਂ ਫੈਲਾਈ ਜਾ ਰਹੀ ਫਿਰਕਾਪ੍ਰਸਤੀ ਤੇ ਫਾਸ਼ੀਵਾਦੀ ਨੀਤੀਆਂ ਅਤੇ ਕਾਂਗਰਸ ਸਰਕਾਰ ਵੱਲੋਂ ਲਾਗੂ ਕੀਤੀਆਂ ਲੋਕ ਵਿਰੋਧੀ ਸਾਮਰਾਜੀ ਵਿਸ਼ਵੀਕਰਨ, ਨਿੱਜੀਕਰਨ ਅਤੇ ਉਦਾਰੀਕਰਨ ਦੀਆਂ ਨੀਤੀਆਂ ਜਿਹਨਾਂ ਨੂੰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਅਗਵਾਈ ਹੇਠ ਬੀ ਜੇ ਪੀ ਦੀ ਸਰਕਾਰ ਬੜੀ ਤੇਜ਼ੀ ਨਾਲ ਲਾਗੂ ਕਰ ਰਹੀ ਹੈ, ਵਿਰੁੱਧ ਸੰਘਰਸ਼ ਵਿੱਢਣ ਲਈ ਦੇਸ਼ ਦੀਆਂ ਖੱਬੀਆਂ ਤੇ ਜਮਹੂਰੀ ਸ਼ਕਤੀਆਂ ਨੂੰ ਇੱਕ ਸਾਂਝੇ ਪਲੈਟ ਫਾਰਮ ਉੱਪਰ ਕਿਸ ਤਰਾਂ ਇਕੱਠਾ ਕੀਤਾ ਜਾ ਸਕੇ ਉੱਪਰ ਗੰਭੀਰ ਵਿਚਾਰ ਚਰਚਾ ਕੀਤੀ ਗਈ।

ਮੀਟਿੰਗ ਦੀ ਕਾਰਵਾਈ ਪਤੱਰਕਾਰਾਂ ਨਾਲ ਸਾਂਝੀ ਕਰਦਿਆਂ ਐਮ ਸੀ ਪੀ ਆਈ (ਯੂਨਾਈਟਡ) ਸੂਬਾ ਸਕੱਤਰ ਪਵਨ ਕੁਮਾਰ ਕੌਸ਼ਲ ਨੇ ਦਸਿਆ ਕਿ ਗਵਾਂਢੀ ਦੇਸ਼ ਨੇਪਾਲ ਅੰਦਰ ਹੁਣੇ ਹੋਈਆਂ ਚੋਣਾ ਵਿੱਚ ਕਮਿਊਨਿਸਟ ਪਾਰਟੀਆਂ ਵਲੋਂ ਇਕੱਠੇ ਹੋਕੇ ਲੜੀਆਂ ਚੋਣਾ ਵਿੱਚ ਪ੍ਰਾਪਤ ਕੀਤੀ ਅਹਿਮ ਜਿੱਤ ਤੋਂ ਸਬਕ ਲੈਦਿਆਂ ਦੇਸ਼ ਦੀ ਖੱਬੀ ਧਿਰ ਨੂੰ ਦੇਸ਼ ਦੇ ਅਤੇ ਮਿਹਨਤਕਸ਼ ਵਰਗ ਦੇ ਹਿਤਾਂ ਨੂੰ ਮੁੱਖ ਰਖਦਿਆਂ ਇੱਕ ਮੁੱਠ ਹੋਣ ਦੀ ਲੋੜ ਤੇ ਜੋਰ ਦਿੱਤਾ ਗਿਆ।

ਪੋਲਿਟ ਬਿਊਰੋ ਮੈਂਬਰ ਕਾਮਰੇਡ ਕੁਲਦੀਪ ਸਿੰਘ ਨੇ ਰਾਸ਼ਟਰੀ ਤੇ ਅੰਤਰ-ਰਾਸ਼ਟਰੀ ਰਿਪੋਰਟ ਪੇਸ਼ ਕਰਦਿਆਂ ਦਸਿਆ ਕਿ ਵਿਸ਼ਵ ਦੇ ਪੂੰਜੀਵਾਦੀ ਦੇਸ਼ ਅੱਜ ਵੀ ੨੦੦੮ ਦੇ ਆਰਥਕ ਸੰਕਟ ਵਿੱਚੋਂ ਨਹੀ ਨਿਕਲ ਸਕੇ ਸਗੌਂ ਹਾਲਤ ਹੋਰ ਭੀ ਗੰਭੀਰ ਹੁੰਦੇ ਜਾ ਰਹੇ ਹਨ।ਅਮਰੀਕਾ ਜੇਰੁਸਲਮ ਨੂੰ ਜ਼ਿਰਾਈਲ ਦੀ ਰਾਜਧਾਨੀ ਐਲਾਨਣ ਦੇ ਮੁੱਦੇ ਉੱਪਰ ਅਲੱਗ-ਥਲੱਗ ਹੋ ਕੇ ਰਹਿ ਗਿਆ ਹੈ।ਉਤਰੀ ਕੋਰੀਆ ਦੇ ਅੰਦਰੂਨੀ ਮਾਮਲਿਆਂ ਵਿੱਚ ਬੇਲੋੜੀ ਦਖਲ ਅੰਦਾਜੀ ਕਾਰਨ ਵੀ ਅਮਰੀਕਾ ਨੂੰ ਮੂੰਹ ਦੀ ਖਾਣੀ ਪਵੇਗੀ।ਅਮਰੀਕਾ ਦੇ ਰਾਸ਼ਟਰਪਤੀ ਟਰੰਪ ਦੀਆਂ ਨੀਤੀ ਦਾ ਉਸਦੇ ਆਪਣੇ ਦੇਸ਼ ਅੰਦਰ ਭਾਰੀ ਵਿਰੋਧ ਹੌ ਰਿਹਾ ਹੈ।

ਪ੍ਰੇਮ ਸਿੰਘ ਭੰਗੂ ਪੋਲਿਟ ਬਿਊਰੋ ਮੈਂਬਰ ਨੇ ਦੇਸ਼ ਦੀ ਅੰਦਰੂਰੀ ਹਾਲਤ ਉੱਪਰ ਚਰਚਾ ਕਰਦਿਆਂ ਦਸਿਆ ਕਿ ਪ੍ਰਧਾਨ ਮੰਤਰੀ ਮੋਦੀ ਦੀ ਅਗਵਾਈ ਹੇਠ ਬੀ ਜੇ ਪੀ ਸਰਕਾਰ ਦਾ ਕੇਵਲ ਇੱਕੋ ਮੁੱਦਾ ਹੈ ਫਿਰਕੂ ਅਦਾਰ ਤੇ ਦੇਸ਼ ਹਿੰਦੂ-ਰਾਸ਼ਟਰ ਬਨਾਉਣਾ ਅਤੇ ਘੱਟ ਗਿਣਤੀ ਫਿਰਕਿਆਂ ਨੂੰ ਜਬਰ ਤੇ ਜੁਲਮ ਨਾਲ ਦਬਾਉਣਾ।ਦੇਸ਼ ਦੀ ਘੱਟ ਗਿਣਤੀ ਵਸੋਂ ਅਸੁਰਖਿਅਤ ਅਤੇ ਡਰ ਦੇ ਮਹੌਲ ਵਿੱਚੋਂ ਦੀ ਗੁਜਰ ਰਹੀ ਹੈ।ਦੇਸ਼ ਦੇ ਵਿਕਾਸ ਦੀ ਦਰ ਘੱਟ ਰਹੀ ਹੈ, ਬੇਰੁਜਗਾਰੀ, ਭੁੱਖ ਮਰੀ ਬਦ- ਅਮਨੀ ਵਧਦੀ ਜਾ ਰਹੀ ਹੈ ਅਤੇ ਅਰਾਜਕਤਾ ਦਾ ਮਹੌਲ ਪੈਦਾ ਹੁੰਦਾ ਜਾ ਰਿਹਾ ਹੈ।

ਸੂਬਾ ਸਕੱਤਰ ਪਵਨ ਕੁਮਾਰ ਕੌਸ਼ਲ ਨੇ ਪੰਜਾਬ ਦੀ ਕਾਂਗਰਸ ਸਰਕਾਰ ਦੀ ਹੁਣ ਤੱਕ ਦੀ ਕਾਰਗੁਜਾਰੀ ਦਾ ਜਿਕਰ ਕਰਦਿਆਂ ਕਿਹਾ ਕਿ ਇਹ ਪੰਜਾਬ ਦੇ ਲੋਕਾਂ ਦੇ ਮੂਹਾਂ ਤੋਂ ਲਹਿੰਦੀ ਜਾ ਰਹੀ ਹੈ।ਹੁਣ ਤੱਕ ਮੰਤਰੀ ਮੰਡਲ ਦਾ ਪੂਰਾ ਗਠਨ ਨਾਂ ਹੋ ਸਕਣਾ ਇਹ ਸੰਕੇਤ ਧਿਦਾ ਹੈ ਕਿ "ਸੱਭ ਕੁੱਝ ਅੱਛਾ ਨਹੀ ਹੈ"। ਚੋਣਾ ਦੋਰਾਨ ਲੋਕਾਂ ਨਾਲ ਕੀਤੇ ਵਾਦਿਆਂ ਵਿਚੋਂ ਕਿਸੇ ਇੱਕ ਨੂੰ ਵੀ ਅਮਲੀ ਜਾਮਾਂ ਨਹੀ ਦੇ ਸਕੀ, ਪੰਜਾਬ ਦਾ ਹਰ ਵਰਗ ਸਰਕਾਰ ਤੋਂ ਦੁੱਖੀ ਹੈ, ਕਿਸਾਨੀ ਦਾ ਕਰਜ ਮੁਆਫੀ ਦਾ ਮੁੱਦਾ ਵਿੱਚੇ ਹੀ ਲਟੱਕਦਾ ਹੈ, ਮਜਦੂਰਾਂ ਦੀਆਂ ਉਜਰਤਾਂ, ਮੁਲਾਜ਼ਮਾਂ ਤੇ ਪੈਨਸ਼ਨਰਾਂ ਦੀਆਂ ਮੰਗਾਂ ਪੁਰੀਆਂ ਕਰਨਾ ਉਥੇ ਦੀਆਂ ਉਥੇ ਹੀ ਲਟੱਕਦੀਆਂ ਹਨ।ਅਮਨ ਕਾਨੂੰ ਦੀ ਸਤਿਥੀ ਬਿਗੜਦੀ ਜਾ ਰਹੀ ਹੈ, ਗੈਂਗਸਟਰ ਸ਼ਰੇਆਮ ਘੁੰਮ  ਰਹੇ ਹਨ।

ਆਪਣੀਆਂ ਨਾਕਾਮੀਆਂ ਉੱਪਰ ਪਰਦਾ ਪਾਉਣ ਅਤੇ ਲੋਕਾਂ ਦੀਆ ਮੁਸ਼ਕਲਾਂ ਹੱਲ ਕਰਨ ਦੀ ਬਜਾਏ ਸਰਕਾਰ ਲੋਕਾਂ ਦੇ ਸੰਘਰਸ਼ਾਂ ਕੁਚਲਣ ਲਈ ਨਵੇਂ ਤੋਂ ਨਵੇਂ ਕਾਲੇ ਕਾਨੂੰਨ ਬਣਾ ਰਹੀ ਹੈ।ਪਿਛਲੀ ਅਕਾਲੀ- ਭਾਜਪਾ ਸਕਾਰ ਨੇ " ਪੰਜਾਬ ਜਨਤਕ ਤੇ ਨਿੱਜੀ ਜਾਇਦਾਦ ਨੁਕਸਾਨ ਰੋਕੂ ਕਾਨੂੰਨ" ਜਿਸਨੂੰ ਲੋਕਾਂ ਦੇ ਸਖਤ ਵਿਰੋਧ ਕਾਰਨ ਸਰਕਾਰ ਲਾਗੂ ਨਹੀ ਕਰ ਸਕੀ ਸੀ ਅਤੇ ਹੁਣ ਉਨ੍ਹਾਂ ਪਦ ਚਿਨ੍ਹਾਂ ਤੇ ਚਲਦਿਆਂ ਕਾਂਗਰਸ ਸਰਕਾਰ ਲੋਕ ਮਾਰੂ "ਪੰਜਾਬ ਕੰਟਰੋਲ ਆਫ ਆਰਗੇਨਾਈਜ਼ਡ ਕਰਾਈਮ ਐਕਟ" (ਪਕੋਕਾ) ਨਾਂ ਦਾ ਕਾਲਾ ਕਾਨੂੰਨ ਲਿਆ ਰਹੀ ਹੈ, ਜਿਸਦਾ ਹਰ ਪਾਸਿਆਂ ਤੋਂ ਵਿਰੋਧ ਹੋ ਰਿਹਾ ਹੈ ਅਤੇ ਇਹ ਕਾਨੂੰਨ ਹਰ ਹਾਲਤ ਵਿੱਚ ਰੱਦ ਕੀਤਾ ਜਾਵੇ।

ਮੀਟਿੰਗ ਵਿੱਚ ਬਠਿੰਡਾ ਥਰਮਲ ਪਲਾਂਟ ਨੂੰ ਬੰਦ ਕਰਨ ਦੀ ਵਿਰੋਧਤਾ ਕੀਤੀ ਗਈ ਅਤੇ ਇਸਨੂੰ ਨਿੱਜੀ ਕੰਪਨੀਆਂ ਨੂੰ ਗਫੇ ਦੇਣ ਹਿੱਤ ਇੱਕ ਡੂੰਘੀ ਸ਼ਾਜਸ਼ ਦਸਿਆ।ਸਰਕਾਰ ਤੋਂ ਸਮਾਜਿਕ ਸੁਰਖਿਆ ਅਧੀਨ ਸਬਸਿਡੀ ਉੱਪਰ ਲੋਕਾਂ ਨੂੰ ਦਿੱਤੇ ਜਾਂਦੇ ਅਨਾਜ ਦੀ ਸਪਲਾਈ ਯਕੀਨੀ ਬਨਾਉਣ, ਖੇਤੀ ਨੂੰ ਪਰਫੁਲਤ ਕਰਨ ਲਈ ਵਿਸ਼ਵ ਵਪਾਰ ਸੰਸਥਾਤ ੋਂ ਬਾਹਰ ਆਉਣ ਦੀ ਮੰਗ ਕੀਤੀ ਅਤੇ ਅਵਾਰਾ ਪਸ਼ੂਆਂ ਤੋਂ ਹੰਦੇ ਖੇਤੀ ਨੁਕਸਾਨ ਤੋਂ ਬਚਾਉਣ ਲਈ ਅਵਾਰਾ ਪਸ਼ੂਆਂ ਦੀ ਸਮਸਿਆ ਹੱਲ ਕਰਨ ਦੀ ਵੀ ਮੰਗ ਕੀਤਗਿਈ।

ਦੋਰਾਹਾ ਵਿੱਚ AISF ਦੀ ਮੀਟਿੰਗ

ਅਦਿੱਤਿਆ ਕਮਲ ਦੀ ਗ਼ਜ਼ਲ ਵੀ ਬਣੀ ਚਰਚਾ ਦਾ ਵਿਸ਼ਾ 

ਦੋਰਾਹਾ: 2 ਜੁਲਾਈ 2017: (ਪੰਜਾਬ ਸਕਰੀਨ ਬਿਊਰੋ)::

ਸੀਪੀਆਈ ਅਤੇ ਇਸ ਨਾਲ ਸਬੰਧਿਤ ਵਿਦਿਆਰਥੀ ਜੱਥੇਬੰਦੀ ਆਪਣੇ ਵੱਕਾਰੀ ਅਧਾਰ ਨੂੰ ਮੁੜ ਬਹਾਲ ਕਰਨ ਲਈ ਲਗਾਤਾਰ ਸਰਗਰਮ ਹੈ। ਕਾਬਿਲੇ ਜ਼ਿਕਰ ਹੈ ਕਿ ਕਿਸੇ ਵੇਲੇ ਪੰਜਾਬ ਵਿੱਚ ਸਿਰਫ ਖੱਬੀਆਂ ਵਿਦਿਆਰਥੀ ਜੱਥੇਬੰਦੀਆਂ ਦੀ ਹੀ ਸਰਦਾਰੀ ਸੀ। ਕੋਈ ਕਾਲਜ ਸਕੂਲ ਇਸ ਦੇ ਪ੍ਰਭਾਵ ਤੋਂ ਨਹੀਂ ਸੀ ਬਚਿਆ। ਪੰਜਾਬ ਦੀ ਹਿੰਸਾ ਅਤੇ ਇਸ ਹਿੰਸਾ ਦੇ ਖਿਲਾਫ ਲਏ  ਸਟੈਂਡ ਨੇ ਇਹਨਾਂ ਜੱਥੇਬੰਦੀਆਂ ਨੂੰ ਬੇਹੱਦ ਕਮਜ਼ੋਰ ਕਰ ਦਿੱਤਾ। 

ਹੁਣ ਇੱਕ ਵਾਰ ਫੇਰ ਇਹ ਜੱਥੇਬੰਦੀਆਂ ਆਪਣੇ ਪੁਰਾਣੇ ਜੋਸ਼ੋ ਖਰੋਸ਼ ਨੂੰ ਆਪਣੀ ਤਾਕਤ ਬਣਾ ਕੇ ਮੈਦਾਨ ਵਿੱਚ ਹਨ। ਮਾਛੀਵਾੜਾ, ਸਿੱਧਵਾਂ ਬੇਟ 3 ਥਾਵਾਂ ਤੇ ਹੋਈਆਂ ਮੀਟਿੰਗਾਂ ਮਗਰੋਂ ਅੱਜ ਦੋਰਾਹਾ ਵਿੱਚ ਵੀ ਆਲ ਇੰਡੀਆ ਸਟੂਡੈਂਟਸ ਫੈਡਰੇਸ਼ਨ ਨੇ ਇੱਕ ਵਿਸ਼ੇਸ਼ ਮੀਟਿੰਗ ਕੀਤੀ। 

ਮੀਟਿੰਗ ਵਿੱਚ ਜਿੱਥੇ ਵਿਦਿਅਕ ਖੇਤਰ ਵਿੱਚ ਆ ਰਹੀਆਂ ਸਮੱਸਿਆਵਾਂ ਦੀ ਗੱਲ ਕੀਤੀ ਗਈ ਉੱਥੇ ਦੇਸ਼ ਵਿੱਚ ਵੱਧ ਰਹੇ ਫਿਰਕਾਪ੍ਰਸਤੀ ਦੇ ਖਤਰੇ ਬਾਰੇ ਵੀ ਸੁਚੇਤ ਕੀਤਾ ਗਿਆ। ਇਸਦੇ ਨਾਲ ਡੂੰਘੀ ਸਾਜ਼ਿਸ਼ ਅਧੀਨ ਫੈਲਾਏ ਜਾ ਰਹੇ ਅੰਧਵਿਸ਼ਵਾਸ ਦੇ ਹਨੇਰੇ ਅਤੇ ਵਹਿਮਾਂ ਭਰਮਾਂ ਦੇ ਧੂੰਏ ਨਾਲ ਅੱਜ ਦੀ ਨੌਜਵਾਨ ਪੀੜ੍ਹੀ ਨੂੰ ਕਮਜ਼ੋਰ ਬਣਾਉਣ ਦਾ ਸਖਤ ਨੋਟਿਸ ਲਿਆ ਗਿਆ। ਇਹਨਾਂ  ਸਾਜ਼ਿਸ਼ਾਂ ਬਾਰੇ ਸੀਨੀਅਰ ਕਮਿਊਨਿਸਟ ਲੀਡਰ ਡਾਕਟਰ ਅਰੁਣ ਮਿੱਤਰਾ ਨੇ ਵਿਸਥਾਰ ਨਾਲ ਦੱਸਿਆ। ਐਮ ਐਸ ਭਾਟੀਆ ਅਤੇ ਸੀਪੀਆਈ ਦੇ ਜ਼ਿਲਾ ਸਕੱਤਰ ਕਾਮਰੇਡ ਕਰਤਾਰ ਸਿੰਘ ਬੁਆਣੀ ਨੇ ਵੀ ਮੌਜੂਦਾ ਸਥਿਤੀ ਦੇ ਖਤਰਿਆਂ ਅਤੇ ਚੁਣੌਤੀਆਂ ਬਾਰੇ ਦੱਸਿਆ।
ਐਮਰਜੈਂਸੀ ਦੇ ਜ਼ਮਾਨੇ ਵਿੱਚ ਜਨਾਬ ਦੁਸ਼ਿਅੰਤ ਕੁਮਾਰ ਤਿਆਗੀ ਹੁਰਾਂ ਦੇ ਸ਼ੇਅਰ ਬਹੁਤ ਮਕਬੂਲ ਹੋਏ ਸਨ।
ਅਬ ਤੋਂ ਇਸ ਤਾਲਾਬ ਕਾ ਪਾਣੀ ਬਦਲ ਦੋ;
ਯੇਹ ਕਮਲ ਕੇ ਫੂਲ ਮੁਰਝਾਨੇ ਲਗੇ ਹੈਂ। 
------
ਦਸਤਕੋਂ ਕਾ ਅਬ ਕਿਵਾੜੋਂ ਪਰ ਅਸਰ ਹੋਗਾ ਜ਼ਰੂਰ,
ਹਰ ਹਥੇਲੀ ਖੂਨ ਸੇ ਤਰ, ਔਰ ਜ਼ਿਆਦਾ ਬੇਕਰਾਰ। 
---------
ਵੀ ਸਹਾਰੇ ਭੀ ਨਹੀਂ, ਅਬ ਜੰਗ ਲੜਨੀ ਹੈ ਤੁਝੇ, 
ਕਟ ਚੁਕੇ ਜੋ ਹਾਥ, ਉਣ ਹਾਥੋਂ ਮੈਂ ਤਲਵਾਰੇਂ ਨ ਦੇਖ। 
------
ਤੁਮਹਾਰੇ ਪਾਂਵ ਕੇ ਨੀਚੇ ਕੋਈ ਜ਼ਮੀਨ ਨਹੀਂ,
ਕਮਾਲ ਯੇਹ ਹੈ ਕਿ ਫਿਰ ਭੀ ਤੁਮ੍ਹੇਂ ਯਕੀਨ ਨਹੀਂ। 
ਕੁਝ ਇਸੇ ਤਰਾਂ ਦਾ ਰੰਗ ਨਜ਼ਰ ਆਇਆ ਅੱਜ ਇਸ ਮੀਟਿੰਗ ਵਿੱਚ ਜਦੋਂ ਜਨਾਬ ਅਦਿੱਤਿਆ ਕਮਲ ਸਾਹਿਬ ਦੀ ਇੱਕ ਗ਼ਜ਼ਲ ਸੁਣਾਈ ਗਈ। 
ਵੋ ਜਬ-ਜਬ ਦੇਸ਼-ਭਕਤੀ ਗੀਤ ਸੁਰ ਮੇਂ ਗੁਨਗੁਨਾਤਾ ਹੈ,
ਅਸਲ ਮੇਂ ਵੋ ਹਮੇਂ ਬੁੱਧੂ, ਗਧਾ, ਉੱਲੂ ਬਨਾਤਾ ਹੈ।
ਇਸ ਗ਼ਜ਼ਲ ਦਾ ਇੱਕ ਵੱਖਰਾ ਜਿਹਾ ਹੀ ਰੰਗ ਸੀ। ਕਿਸੇ ਦਾ ਨਾਮ ਨਹੀਂ ਸੀ ਪਰ ਸਭ ਨੇ ਪਛਾਣ ਲਿਆ ਕਿ ਕਿਸ ਬਾਰੇ ਹੈ ਇਹ ਰਚਨਾ। ਇਸ ਮੀਟਿੰਗ ਵਿੱਚ ਕਾਮਰੇਡ ਅਦਿੱਤਿਆ ਕਮਲ ਦੀ ਗ਼ਜ਼ਲ ਵੀ ਸੁਣਾਈ ਗਈ ਜਿਸ ਨੂੰ ਸਾਰਿਆਂ ਨੇ ਬਹੁਤ ਪਸੰਦ ਕੀਤਾ। 

ਵਿਰਾਸਤੀ ਮੇਲੇ ਵਿਚ ਗੁਰੂ ਨਾਨਕ ਨੈਸ਼ਨਲ ਕਾਲਜ ਦੋਰਾਹਾ ਦੀ ਬੱਲੇ ਬੱਲੇ

Mon, Oct 3, 2016 at 2:41 PM
ਕਾਲਜ ਦੀਆਂ ਟੀਮਾਂ ਨੇ 60 ਆਈਟਮਾਂ ਵਿਚ ਭਾਗ ਲਿਆ ਤੇ 42 ਇਨਾਮ ਜਿੱਤੇ  

ਕਾਲਜ ਪ੍ਰਿੰਸੀਪਲ ਡਾ. ਨਰਿੰਦਰ ਸਿੰਘ ਸਿੱਧੂ ਅਤੇ ਸਟਾਫ ਮੈਂਬਰਜ਼ ਓਵਰਔਲ ਟਰਾਫੀ ਲੈਂਦੇ ਹੋਏ

ਦੋਰਾਹਾ: 5 ਅਕਤੂਬਰ 2016: (ਪੰਜਾਬ ਸਕਰੀਨ ਬਿਊਰੋ):

ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ ਦਾ ਜ਼ੋਨ ‘ਏ’ ਨਾਲ਼ ਸਬੰਧਿਤ ਕਾਲਜਾਂ ਦਾ ਜ਼ੋਨਲ ਯੁਵਕ ਤੇ ਵਿਰਾਸਤੀ ਮੇਲਾ  ਗੋਬਿੰਦਗੜ੍ਹ ਪਬਲਿਕ ਕਾਲਜ, ਅਲੌੜ (ਖੰਨਾ) ਵਿਖੇ ਮਿਤੀ 28-09-2016 ਤੋਂ ਸ਼ੁਰੂ ਹੋ ਕੇ 01-10-2016 ਨੂੰ ਸਮਾਪਤ ਹੋਇਆ। 4 ਰੋਜ਼ਾ ਇਸ ਯੁਵਕ ਤੇ ਵਿਰਾਸਤੀ ਮੇਲੇ ਵਿਚ ਜ਼ੋਨ ‘ਏ’ ਨਾਲ਼ ਸਬੰਧਿਤ 14 ਕਾਲਜਾਂ ਦੇ ਵਿਦਿਆਰਥੀ ਸ਼ਾਮਿਲ ਹੋਏ।
ਸਮਾਗਮ ਸਬੰਧੀ ਹੋਰ ਜਾਣਕਾਰੀ ਦਿੰਦਿਆਂ ਕਾਲਜ ਪ੍ਰਿੰਸੀਪਲ ਡਾ. ਨਰਿੰਦਰ ਸਿੰਘ ਸਿੱਧੂ ਅਤੇ ਕਨਵੀਨਰ ਡਾ. ਐਸ.ਐਸ. ਵਿਰਕ ਨੇ ਦੱਸਿਆ ਕਿ ਇਹ ਸਮਾਗਮ ਪੰਜਾਬ ਯੂਨੀਵਰਸਿਟੀ ਦੇ ਯੁਵਕ ਭਲਾਈ ਵਿਭਾਗ ਦੇ ਸਹਿਯੋਗ ਨਾਲ਼ ਕਰਵਾਇਆ ਗਿਆ। ਇਹ ਸਮਾਗਮ ਮਿਤੀ 28 ਸਤੰਬਰ, 2016 ਤੋਂ ਗੋਬਿੰਦਗੜ੍ਹ ਪਬਲਿਕ ਕਾਲਜ, ਅਲੌੜ (ਖੰਨਾ) ਵਿਖੇ ਆਰੰਭ ਹੋਇਆ ਅਤੇ 1 ਅਕਤੂਬਰ, 2016 ਨੂੰ ਸਮਾਪਤ ਹੋਇਆ।
ਇਸ ਵਿਰਾਸਤੀ ਮੇਲੇ ਵਿਚ ਕਾਲਜ ਦੀਆਂ ਵੱਖ-ਵੱਖ ਟੀਮਾਂ ਨੇ 60 ਆਈਟਮਾਂ ਵਿਚ ਭਾਗ ਲਿਆ ਅਤੇ 42 ਇਨਾਮ ਹਾਸਲ ਕਰਕੇ ਕਾਲਜ ਦਾ ਨਾਮ ਰੌਸ਼ਨ ਕੀਤਾ। ਇਸ ਤੋਂ ਇਲਾਵਾ ਓਵਰਔਲ ਜ਼ੋਨਲ ਟਰਾਫੀ ਵਿਚ ਪਹਿਲਾ ਸਥਾਨ ਹਾਸਲ ਕਰਨ ਦਾ ਮਾਣ ਵੀ ਕਾਲਜ ਨੂੰ ਪ੍ਰਾਪਤ ਹੋਇਆ।
ਇਸ ਵਿਰਾਸਤੀ ਮੇਲੇ ਵਿਚ ਕਾਲਜ ਨੇ ਸ਼ਾਟ ਸਟੋਰੀ ਰਾਈਟਿੰਗ, ਪੀੜ੍ਹੀ ਮੇਕਿੰਗ, ਕਲੀ, ਇੰਡੀਅਨ ਆਰਕੈਸਟਰਾ, ਪਰਕਸ਼ਨ, ਗਰੁੱਪ ਸ਼ਬਦ, ਲੇਖ ਲਿਖਣ, ਵਾਰ, ਈਨੂੰ ਮੇਕਿੰਗ, ਗਜ਼ਲ, ਇਨਸਟੌਲੇਸ਼ਨ, ਗਰੁੱਪ ਡਾਂਸ (ਜਨਰਲ), ਸਕਿੱਟ, ਮੁਹਾਵਰੇਦਾਰ ਵਾਰਤਾਲਾਪ, ਕਰੋਸ਼ੀਆ ਬੁਣਨ, ਦਸੂਤੀ ਕਢਾਈ, ਗਰੁੱਪ ਫੋਕ ਡਾਂਸ (ਲੁੱਡੀ), ਗਰੁੱਪ ਫੋਕ ਆਰਕੈਸਟਰਾ ਵਿਚ ਟੀਮ ਵਿਚ ਪਹਿਲਾ ਸਥਾਲ ਹਾਸਲ ਕੀਤਾ। ਇਸ ਤੋਂ ਇਲਾਵਾ ਵਿਅਕਤੀਗਤ ਪੱਧਰ ਤੇ ਗਰੁੱਪ ਸ਼ਬਦ ਵਿਚ ਨਜ਼ਾਕਤ ਅਲੀ ਨੇ, ਗਰੁੱਪ ਸੌਂਗ ਵਿਚ ਗੁਰਕੀਰਤ ਕੌਰ ਨੇ, ਇੰਡੀਅਨ ਆਰਕੈਸਟਰਾ ਵਿਚ ਗੰਗਾ ਸਿੰਘ ਨੇ, ਨਾਟਕ ਵਿਚ ਸੁਖਕਰਨ ਸਿੰਘ ਨੇ, ਗਿੱਧੇ ਵਿਚ ਗੁਰਮੀਤ ਕੌਰ ਨੇ ਅਤੇ ਲੁੱਡੀ ਵਿਚ ਗੌਰੀ ਨੇ ਪਹਿਲਾ ਸਥਾਨ ਹਾਸਲ ਕੀਤਾ।
ਇਸੇ ਤਰਾਂ ਕਵੀਸ਼ਰੀ, ਗਰੁੱਪ ਸੌਂਗ, ਛਿੱਕੂ ਮੇਕਿੰਗ, ਗੁੱਡੀਆਂ ਪਟੋਲੇ, ਕਵਿਜ਼, ਨਾਨ-ਪਰਕਸ਼ਨ, ਹਿਸਟਰੀਔਨਿਕਸ, ਬਾਗ ਕਢਾਈ, ਪੱਖੀ ਮੇਕਿੰਗ, ਗਿੱਧਾ ਅਤੇ ਫੋਕ ਇਨਸਟਰੂਮੈਂਟ ਵਿਚ ਟੀਮ ਵਿਚ ਦੂਜਾ ਸਥਾਲ ਹਾਸਲ ਕੀਤਾ। ਇਸ ਤੋਂ ਇਲਾਵਾ ਵਿਅਕਤੀਗਤ ਪੱਧਰ ਤੇ ਵਾਰ ਵਿਚ ਆਸ਼ਿਮਾ ਨੰਦਾ ਨੇ ਅਤੇ ਕਵੀਸ਼ਰੀ ਵਿਚ ਅਮਨਦੀਪ ਕੌਰ ਨੇ ਦੂਜਾ ਸਥਾਨ ਹਾਸਲ ਕੀਤਾ।
ਇਸੇ ਤਰਾਂ ਕਲਾਸੀਕਲ ਡਾਂਸ,  ਭੰਗੜਾ, ਮਹਿੰਦੀ ਡਿਜ਼ਾਇਨਿੰਗ, ਐਲੋਕਿਊਸ਼ਨ ਅਤੇ ਭੰਡ ਵਿਚ ਟੀਮ ਵਿਚ ਤੀਜਾ ਸਥਾਨ ਹਾਸਲ ਕੀਤਾ। 
ਅੰਤ ਵਿਚ ਕਾਲਜ ਮੈਨੇਜਿੰਗ ਕਮੇਟੀ ਦੇ ਪ੍ਰਧਾਨ ਸ਼੍ਰੀਮਤੀ ਰੂਪ ਬਰਾੜ, ਸੀਨੀਅਰ ਵਾਈਸ ਪ੍ਰਧਾਨ ਸ. ਜੋਗੇਸ਼ਵਰ ਸਿੰਘ ਮਾਂਗਟ, ਵਾਈਸ ਪ੍ਰਧਾਨ ਸ. ਜਗਜੀਵਨਪਾਲ ਸਿੰਘ ਗਿੱਲ, ਜਨਰਲ ਸਕੱਤਰ ਸ. ਹਰਪ੍ਰਤਾਪ ਸਿੰਘ ਬਰਾੜ, ਫਾਈਨੈਂਸ ਸੈਕਟਰੀ ਸ. ਪਵਿੱਤਰਪਾਲ ਸਿੰਘ ਪਾਂਗਲੀ, ਸਹਾਇਕ ਸਕੱਤਰ ਸ਼੍ਰੀ ਆਦਰਸ਼ਪਾਲ ਬੈਕਟਰ, ਪ੍ਰਿੰਸੀਪਲ ਡਾ. ਨਰਿੰਦਰ ਸਿੰਘ ਸਿੱਧੂ ਨੇ ਇਨ੍ਹਾਂ ਸ਼ਲਾਘਾਯੋਗ ਪ੍ਰਾਪਤੀਆਂ ਲਈ ਕਨਵੀਨਰ ਡਾ. ਸੁਖਵਿੰਦਰ ਸਿੰਘ ਵਿਰਕ, ਸਟਾਫ ਅਤੇ ਵਿਦਿਆਰਥੀਆਂ ਨੂੰ ਵਧਾਈ ਦਿੱਤੀ।

ਸੱਤਾਧਾਰੀ ਪਾਰਟੀਆਂ ਨੂੰ ਹਰਾਉਣ ਲਈ MCPI(U) ਚੁੱਕੇਗੀ ਜ਼ਰੂਰੀ ਕਦਮ

ਹੈਦਰਾਬਾਦ ਵਿਖੇ 1 ਤੋਂ 3 ਅਕਤੂਬਰ ਤੱਕ ਹੋਣੀ ਹੈ ਕੇਂਦਰੀ ਕਮੇਟੀ ਦੀ ਮੀਟਿੰਗ

ਦੋਰਾਹਾ: 19 ਸਤੰਬਰ 2016: (ਪੰਜਾਬ ਸਕਰੀਨ ਬਿਊਰੋ):

ਮਾਰਕਸਵਾਦੀ ਕਮਿਊਨਿਸਟ ਪਾਰਟੀ ਆਫ ਇੰਡੀਆ (ਯੂਨਾਈਟਡ) ਦੀ ਪੰਜਾਬ ਸੂਬਾ ਕਮੇਟੀ ਦੀ ਮੀਟਿੰਗ ਸਾਥੀ ਲੱਖਵਿੰਦਰ ਸਿੰਘ ਬੁਆਣੀ ਦੀ ਪ੍ਰਧਾਨਗੀ ਹੇਠ ਹੋਈ।ਮੀਟਿੰਗ ਵਿੱਚ ਐਮ ਸੀ ਪੀ ਆਈ (ਯੂ) ਦੇ ਕੁੱਲ ਹਿੰਦ ਸਕੱਤਰ ਸਾਥੀ ਮੂਹਮੰਦ ਗਾਊਸ ਵਿਸ਼ੇਸ਼ ਤੌਰ ਤੇ ਸ਼ਾਮਲ ਹੋਏ।ਮੀਟਿੰਗ ਦੇ ਸ਼ੁਰੂ ਵਿੱਚ ਸੀ ਪੀ ਆਈ ਐਮ ਐਲ-ਲਿਬਰੇਸ਼ਨ ਦੇ ਪੋਲਿਟ ਬਿਊਰੋ ਮੈਂਬਰ ਸਾਥੀ ਸਵਪਨ ਮੁਖਰਜੀ ਦੀ ਅਚਾਨਕ ਹੋਈ ਬੇਵਕਤ ਮੌਤ ਉਪੱਰ ਦੋ ਮਿੰਟ ਦਾ ਮੋਨ ਰੱਖਕੇ ਸ਼ੋਕ ਪ੍ਰਗਟ ਕੀਤਾ ਅਤੇ ਉਨ੍ਹਾਂ ਪਰੀਵਾਰ ਨਾਲ ਦੁੱਖ ਸਾਂਝਾ ਕਰਦੇ ਹੋਏ ਸ਼ਰਧਾਂਜਲੀ ਭੇਂਟ ਕੀਤੀ ਗਈ।

ਮੀਟਿੰਗ ਦੀ ਕਾਰਵਾਈ ਪ੍ਰੈਸ ਨਾਲ ਸਾਂਝੀ ਕਰਦਿਆਂ ਐਮ ਸੀ ਪੀ ਆਈ (ਯੂ) ਦੇ ਸੂਬਾ ਸਕੱਤਰ ਪਵਨ ਕੁਮਾਰ ਕੌਸ਼ਲ ਨੇ ਦਸਿਆ ਕਿ ਮੀਟੰਗ ਦੇ ਮੁੱਖ ਏਜੰਡਿਆਂ ਵਿੱਚ ਪਾਰਟੀ ਅਤੇ ਇਸਦੀਆਂ ਜਨਤਕ ਜਥੇਬੰਦੀਆਂ ਦੀ ਮੌਜੂਦਾ ਸਥਿਤੀ ਨੂੰ ਮਜਬੂਤ ਕਰਨ ਅਤੇ ਇਨਕਲਾਬੀ ਲੀਹਾਂ ਉਪੱਰ ਉਸਾਰਨ ਲਈ ਵਿਚਾਰ ਚਰਚਾ ਕੀਤੀ ਗਈ। ਇਸਤੋਂ ਇਲਾਵਾ ਪੰਜਾਬ ਅੰਦਰ ਅਗਲੇ ਸਾਲ ਦੇ ਸ਼ੁਰੂ ਵਿੱਚ ਹੋਣ ਜਾ ਰਹੀਆਂ ਅਸੈਂਬਲੀ ਚੋਣਾ ਨੂੰ ਲੈਕੇ ਮੌਜੂਦਾ ਅਕਾਲੀ ਭਾਜਪਾ ਅਤੇ ਕਾਂਗਰਸ ਦੀਆਂ ਲੋਕ ਮਾਰੂ ਨੀਤੀਆਂ ਵਿਰੁੱਧ ਭਾਰੀ ਰੋਹ ਅਤੇ ਗੁੱਸਾ ਹੋਣ ਦੇ ਬਾਵਜੂਦ ਪੰਜਾਬ ਅੰਦਰ ਇਨ੍ਹਾਂ ਪਾਰਟੀਆਂ ਵਿਰੁੱਧ ਕੋਈ ਲੋਕ ਪੱਖੀ ਸਾਰਥਕ ਬਦਲ ਨੂੰ ਲੈਕੇ ਸਥਿਤੀ ਅਨਿਸਚਿਤ ਬਣੀ ਹੋਈ ਹੈ ਅਤੇ ਅਗੋਂ ਹੋਰ ਗੁੰਝਲਦਾਰ ਬਣਦੀ ਜਾ ਰਹੀ ਹਾਲਤ ਉਪੱਰ ਵੀ ਗੰਭੀਰ ਚਰਚਾ ਕੀਤੀ ਗਈ ਅਤੇ ਇਨ੍ਹਾਂ ਚੋਣਾ ਨੂੰ ਲੈਕੇ ਸੂਬੇ ਅੰਦਰ ਇੱਕ ਲੋਕ ਪੱਖੀ ਖੱਬੇ ਜਮਹੂਰੀ ਮੋਰਚੇ ਦੀ ਸੰਭਾਵਨਾ ਉਪੱਰ ਵੀ ਚਰਚਾ ਕੀਤੀ ਗਈ।

ਐਮ ਸੀ ਪੀ ਆਈ (ਯੂ) ਦੇ ਕੁੱਲ ਹਿੰਦ ਸਕੱਤਰ ਸਾਥੀ ਮੂਹਮੰਦ ਗਾਊਸ ਨੇ ਦੇਸ਼ ਅੰਦਰ ਪਾਰਟੀ ਦੇ ਜਥੇਬੰਦਕ ਢਾਂਚੇ ਬਾਰੇ ਜਾਣਕਾਰੀ ਦਿੱਤੀ ਅਤੇ ਇਸਨੂੰ ਹੋਰ ਮਜਬੂਤ ਕਰਨ ਅਤੇ ਐਮ ਸੀ ਪੀ ਆਈ (ਯੂ) ਦੇ ਅੱਪਡੇਟਡ ਪ੍ਰੋਗਰਾਮ ਅਨੂਸਾਰ ਪਾਰਟੀ ਨੂੰ ਇਨਕਲਾਬੀ ਲੀਹਾਂ ਉਪੱਰ ਉਸਾਰਨ ਲਈ ਸੂਬਾ ਕਮੇਟੀ ਮੈਂਬਰਾਂ ਤੋਂ ਸੁਝਾਅ ਮੰਗੇ ਅਤੇ ਸਾਰੇ ਸਾਥੀਆਂ ਨੇ ਆਪਣੇ ਆਪਣੇ ਵੱਡਮੁੱਲੇ ਸੁਝਾਅ ਦਿੱਤੇ। ਮੀਟਿੰਗ ਵਿੱਚ ਪੋਲਿਟ ਬਿਊਰੋ ਮੈਂਬਰ ਸਰਵ ਸਾਥੀ ਕੁਲਦੀਪ ਸਿੰਘ, ਪ੍ਰੇਮ ਸਿੰਘ ਭੰਗੂ, ਕਿਰਜੀਤ ਸਿੰਘ ਸੇਖੋਂ ਅਤੇ ਸੂਬਾ ਸਕੱਤਰ ਪਵਨ ਕੁਮਾਰ ਕੌਸ਼ਲ ਨੇ ਇਸ ਚਰਚਾ ਵਿੱਚ ਵਿਸ਼ੇਸ਼ ਯੋਗਦਾਨ ਪਾਇਆ। ਮੀਟਿੰਗ ਵਿੱਚ ਇਹ ਭੀ ਫੈਸਲਾ ਕੀਤਾ ਗਿਆ ਕਿ ਸੂਬਾ ਕਮੇਟੀ ਵਲੋਂ ਦਿੱਤੇ ਸੁਝਾਵਾਂ ਨੂੰ ਅਗੋਂ ਵਿਚਾਰਨ ਲਈ ਹੈਦਰਾਬਾਦ ਵਿਖੇ 1,2 ਅਤੇ 3 ਅਕਤੂਬਰ ਨੂੰ ਹੋਣ ਵਾਲੀ ਕੇਂਦਰੀ ਕਮੇਟੀ ਦੀ ਮੀਟਿੰਗ ਵਿੱਚ ਅੰਤਮ ਫੈਸਲੇ ਲਈ ਰਖਿਆ ਜਾਵੇਗਾ ਅਤੇ ਇਹ ਭੀ ਫੈਸਲਾ ਕੀਤਾ ਗਿਆ ਕਿ ਪੰਜਾਬ ਅੰਦਰ ਹੋਣ ਵਾਲੀਆਂ ਚੋਣਾ ਪ੍ਰਤੀ ਸੱਤਾ ਧਾਰੀ ਪਾਰਟੀਆਂ ਨੂੰ ਹਰਾਉਣ ਲਈ ਕਿਸੇ ਸਾਰਥਕ ਬਦਲ ਦੀ ਹਮਾਇਤ ਕਰਨ ਦਾ ਅੰਤਮ ਫੈਸਲਾ ਕੇਂਦਰੀ ਕਮੇਟੀ ਦੇ ਨਿਰਣੇ ਮੁਤਾਬਕ ਲਿਆ ਜਾਵੇਗਾ।

ਇੱਕ ਮਤੇ ਰਾਂਹੀ ਮੀਟਿੰਗ ਨੇ ਅਕਾਲੀ- ਭਾਜਪਾ ਸਰਕਾਰ ਵਲੋਂ ਆਪਣੇ ਸੌੜੇ ਸਿਆਸੀ ਹਿਤਾਂ ਅਤੇ ਸਤ੍ਹਾ ਹਥਿਆਉਣ ਲਈ ਲੋਕਾਂ ਦੀਆਂ ਧਾਰਮਕ ਭਾਵਨਾਵਾਂ ਨੂੰ ਵਰਤਣ ਅਤੇ ਗਊ ਰਖਿਆ ਦੇ ਨਾਂ ਉਪੱਰ ਅਖੌਤੀ ਗਊ ਰਖਿਅਕ ਸੰਗਠਨਾ ਅਤੇ ਇਸਦੇ ਨਾਂ ਉਪੱਰ ਧਾਰਮਕ ਸੰਪਰਦਾਇਕ ਸਦਭਾਵਨਾ ਨੂੰ ਠੇਸ ਪਹੁੰਚਾਉਣ ਦੇ ਯਤਨਾ ਦੀ ਨਿਖੇਧੀ ਕੀਤੀ ਗਈ। 

ਕਾਲਜ ਵਿਦਿਆਰਥੀਆਂ ਨੇ ਰੱਖੜੀਆਂ ਵੇਚ ਕੇ ਕੀਤੀ ਲੋੜਵੰਦਾਂ ਦੀ ਮੱਦਦ

Wed, Aug 17, 2016 at 6:07 PM

ਗੁਰੂਨਾਨਕ ਨੈਸ਼ਨਲ ਕਾਲਜ ਦੋਰਾਹਾ ਦੀ ਪਹਿਲ 

ਦੋਰਾਹਾ: 18 ਅਗਸਤ 2016: (ਪੰਜਾਬ ਸਕਰੀਨ ਬਿਊਰੋ):

ਕਾਲਜ ਦੇ ਵਿਦਿਆਰਥੀ ਰੱਖੜੀਆਂ ਦੀ ਪ੍ਰਦਰਸ਼ਨੀ ਕਰਦੇ ਹੋਏ

ਵਿਕਾਸ ਦੇ ਜਿੰਨੇ ਮਰਜ਼ੀ ਦਾਅਵੇ ਕੀਤੇ ਜਾਣ ਪਾਰ ਹਕੀਕਤ ਵਿੱਚ ਅਮੀਰ ਹੋਰ ਅਮੀਰ ਹੋਇਆ ਅਤੇ ਗਰੀਬ ਹੋਰ ਗਰੀਬ ਹੋਇਆ ਹੈ। ਬਹੁਤ ਸਾਰੇ ਘਰਾਂ ਵਿੱਚ ਅੱਜ ਵੀ ਇਸਦਾ ਪਤਾ ਨਹੀਂ ਹੁੰਦਾ ਕਿ ਸ਼ਾਮ ਨੂੰ ਚੁੱਲ੍ਹਾ ਬਲੇਗਾ ਜਾਂ ਨਹੀਂ? ਰੱਖੜੀ ਦੇ ਤਿਓਹਾਰ ਮੌਕੇ ਬਹੁਤ ਸਾਰੀਆਂ ਭੈਣਾਂ ਰੱਖਦੀ ਲੈਣ ਲੱਗਿਆਂ ਬਾਰ ਬਾਰ ਸੋਚਦਿਆਂ ਹਨ ਕਿ ਕਿਤੇ  ਮਹਿੰਗੀ ਨਾ ਹੋਵੇ। ਭਰਾਵਾਂ ਨੂੰ ਵੀ ਚਿੰਤਾ ਲੱਗੀ ਹੁੰਦੀ ਹੈ ਕਿ ਰੱਖਦੀ ਬੰਨਾ ਕੇ ਭੈਣ ਨੂੰ ਦੇਣਾ ਕਿ ਹੈ? ਪੂੰਜੀਵਾਦ ਦੇ ਗ੍ਰਹਿਣ ਦਾ ਸ਼ਿਕਾਰ ਹੋਏ ਸਾਡੇ ਪਾਵਨ ਪਵਿੱਤਰ ਤਿਓਹਾਰਾਂ 'ਤੇ ਵੀ ਨੂੰ ਵੀ ਪੈਸੇ ਵਾਲਿਆਂ ਦੀ ਨਜ਼ਰ ਲੱਗ ਗਈ ਹੈ। ਇਸ ਨਾਜ਼ੁਕ ਹਾਲਾਤ ਵਿੱਚ ਸਥਾਨਕ ਗੁਰੂ ਨਾਨਕ ਨੈਸ਼ਨਲ ਕਾਲਜ ਦੋਰਾਹਾ ਵਿਖੇ ਪ੍ਰੈੱਸ ਕਲੱਬ ਵਲੋਂ ਵਿਦਿਆਰਥੀਆਂ ਨੇ ਰੱਖੜੀ ਦੇ ਤਿਉਹਾਰ ਦੀ ਮਹਤੱਤਾ ਨੂੰ ਧਿਆਨ ਵਿਚ ਰੱਖਦਿਆਂ ਇੱਕ ਨਵਾਂ ਤਰੀਕਾ ਸੋਚਿਆ।  ਉਹਨਾਂ ਨੇ ਇਸਨੂੰ ਵੱਖਰੇ ਅਤੇ ਵਿਸ਼ੇਸ਼ ਤਰੀਕੇ ਨਾਲ ਮਨਾਇਆ। ਇਹ ਤਰੀਕਾ ਸੀ ਰੱਖੜੀਆਂ ਦੀ ਵਿਕਰੀ ਦਾ। ਆਪਣੇ ਇਰਾਦੇ ਨੂੰ ਪੂਰਾ ਕਰਨ ਲਈ ਇਹਨਾਂ ਵਿਦਿਆਰਥੀਆਂ ਅਤੇ ਵਿਦਿਆਰਥਣਾਂ ਨੇ ਖੁਦ ਕਦਮ ਅੱਗੇ ਵਧਾਏ। 

        ਪ੍ਰੋ. ਲਵਲੀਨ ਬੈਂਸ ਨੇ ਦੱਸਿਆ ਕਿ ਗਰੀਬ ਬੱਚਿਆਂ ਦੀ ਸਹਾਇਤਾ ਕਰਨ ਦੇ ਪ੍ਰਣ ਨੂੰ ਨਿਭਾਉਂਦਿਆਂ ਵਿਦਿਆਰਥੀਆਂ ਨੇ ਭਾਰੀ ਮਾਤਰਾ ਵਿਚ ਰੱਖੜੀਆਂ ਬਣਾਈਆਂ ਅਤੇ ਇਹ ਰੱਖੜੀਆਂ ਘਰੇਲੂ ਵਰਤੋਂ ਵਿਚ ਆਉਣ ਵਾਲੀਆਂ ਵਸਤਾਂ ਨਾਲ ਤਿਆਰ ਕੀਤੀਆਂ ਗਈਆਂ। ਕਾਲਜ ਵਿਚ ਵਿਦਿਆਰਥੀਆਂ ਨੇ ਇਨ੍ਹਾਂ ਦੀ ਪ੍ਰਦਰਸ਼ਨੀ ਲਗਾ ਕੇ ਵੇਚਣ ਦਾ ਉਪਰਾਲਾ ਕੀਤਾ। ਵੇਚਣ ਉਪਰੰਤ ਪ੍ਰਾਪਤ ਪੈਸਿਆਂ ਨਾਲ ਗਰੀਬ, ਅਨਾਥ ਅਤੇ ਲੋੜਵੰਦ ਬੱਚਿਆਂ ਦੀ ਸਹਾਇਤਾ ਕੀਤੀ। ਇਸ ਮੌਕੇ ਤੇ ਵਿਦਿਆਰਥੀਆਂ ਵਿਚ ਭਾਰੀ ਉਤਸ਼ਾਹ ਦੇਖਣ ਨੂੰ ਮਿਲਿਆ।

        ਕਾਲਜ ਪ੍ਰਿੰਸੀਪਲ ਡਾ. ਨਰਿੰਦਰ ਸਿੰਘ ਸਿੱਧੂ ਨੇ ਵਿਦਿਆਰਥੀਆਂ ਦੇ ਇਸ ਉਚੇਚੇ ਕਾਰਜ ਦਾ ਸਵਾਗਤ ਕਰਦਿਆਂ ਉਨ੍ਹਾਂ ਦੀ ਸ਼ਲਾਘਾ ਕੀਤੀ ਅਤੇ ਵਿਦਿਆਰਥੀਆਂ ਨੂੰ ਭਰਪੂਰ ਸਹਿਯੋਗ ਦਿੱਤਾ। ਉਮੀਦ ਹੈ ਇਹਨਾਂ ਵਿਦਿਆਰਥੀਆਂ ਵਾਂਗ ਬਾਕੀ ਦੇ ਲੋਕ ਵੀ ਆਰਥਿਕ ਪੱਖ ਤੋਂ ਕਮਜ਼ੋਰ ਉਹਨਾਂ ਲੋਕਾਂ ਦੀ ਮਦਦ ਲਈ ਅੱਗੇ ਆਉਣਗੇ ਜਿਹਨਾਂ ਨੂੰ ਦੋ ਜੂਨ ਦੀ ਰੋਟੀ ਦੇ ਫਿਕਰ ਨੇ ਸਾਰੇ ਦਿਨ ਤਿਓਹਾਰ ਭੁਲਾ ਦਿਤੇ ਹੋਏ ਹਨ। 

ਸਪੀਕਰ ਅਟਵਾਲ ਵੱਲੋਂ ਕਈ ਦਾਣਾ ਮੰਡੀਆਂ 'ਚ ਕਣਕ ਖਰੀਦ ਪ੍ਰਬੰਧਾਂ ਦਾ ਜਾਇਜ਼ਾ

Date: 2016-04-10 15:53 GMT+05:30
ਦੋਰਾਹਾ ਵਿਖੇ ਕਈ ਵਿਕਾਸ ਕਾਰਜਾਂ ਦਾ ਨੀਂਹ ਪੱਥਰ ਅਤੇ ਗਰਾਂਟਾਂ ਦੇ ਚੈੱਕ ਵੰਡੇ 

ਦੋਰਾਹਾ//ਪਾਇਲ//ਮਲੌਦ, 10 ਅਪ੍ਰੈਲ 2016:(ਪੰਜਾਬ ਸਕਰੀਨ ਬਿਊਰੋ):
ਪੰਜਾਬ ਵਿਧਾਨ ਸਭਾ ਦੇ ਸਪੀਕਰ ਡਾ. ਚਰਨਜੀਤ ਸਿੰਘ ਅਟਵਾਲ ਨੇ ਕਿਸਾਨਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਦਾਣਾ ਮੰਡੀਆਂ ਵਿੱਚ ਸਿਰਫ਼ ਸੁੱਕੇ ਦਾਣੇ ਹੀ ਲੈ ਕੇ ਆਉਣ। ਤਾਂ ਜੋ ਉਨ੍ਹਾਂ ਨੂੰ ਮੰਡੀਆਂ ਵਿੱਚ ਗਿੱਲੀ ਕਣਕ ਹੋਣ ਕਰਕੇ ਬੈਠਣਾ ਨਾ ਪਵੇ। ਅੱਜ ਦੋਰਾਹਾ, ਪਾਇਲ ਅਤੇ ਮਲੌਦ ਦੀਆਂ ਦਾਣਾ ਮੰਡੀਆਂ ਵਿੱਚ ਖਰੀਦ ਕਾਰਜਾਂ ਦਾ ਜਾਇਜ਼ਾ ਲੈਣ ਲਈ ਵਿਸ਼ੇਸ਼ ਤੌਰ ’ਤੇ ਪੁੱਜੇ ਡਾ. ਅਟਵਾਲ ਨੇ ਕਿਹਾ ਕਿ ਪੰਜਾਬ ਸਰਕਾਰ ਵੱਲੋਂ ਸੂਬੇ ਭਰ ਵਿੱਚ ਕਣਕ ਖਰੀਦ ਲਈ ਉੱਚਿਤ ਪ੍ਰਬੰਧ ਕੀਤੇ ਹੋਏ ਹਨ। ਸਾਰੇ ਅਫ਼ਸਰ ਮੰਡੀਆਂ ਵਿੱਚ ਖੁਦ ਜਾ ਕੇ ਖਰੀਦ ਪ੍ਰਬੰਧਾਂ ਨੂੰ ਦੇਖ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਕਿਸੇ ਵੀ ਮੰਡੀ ਵਿੱਚ ਬਾਰਦਾਨੇ ਦੀ ਕਮੀ ਅਤੇ ਲਿਫਟਿੰਗ ਦੀ ਸਮੱਸਿਆ ਨਹੀਂ ਆਉਣ ਦਿੱਤੀ ਜਾਵੇਗੀ ਹੈ।
ਉਨ੍ਹਾਂ ਖਰੀਦ ਏਜੰਸੀਆਂ ਨੂੰ ਕਿਹਾ ਕਿ ਉਹ ਕਣਕ ਦੀ ਆਮਦ ਦੇ ਨਾਲ ਹੀ ਇਸ ਦੀ ਲਿਫਟਿੰਗ ਵੀ ਨਾਲ-ਨਾਲ ਕਰਵਾਉਣ ਨੂੰ ਯਕੀਨੀ ਬਣਾਉਣ। ਡਾ. ਅਟਵਾਲ ਨੇ ਇਸ ਮੌਕੇ ਕਿਸਾਨਾਂ ਦੀਆਂ ਮੁਸ਼ਕਿਲਾਂ ਵੀ ਸੁਣੀਆਂ ਅਤੇ ਉਨ੍ਹਾਂ ਨੂੰ ਅਪੀਲ ਕੀਤੀ ਕਿ ਉਹ ਮੰਡੀਆਂ ਵਿੱਚ ਸਿਰਫ਼ ਸੁੱਕੀ ਕਣਕ ਹੀ ਲੈ ਕੇ ਆਉਣ। ਉਨ੍ਹਾਂ ਮੌਕੇ ’ਤੇ ਕਈ ਢੇਰੀਆਂ ਦਾ ਖੁਦ ਭਾਅ ਲਗਵਾ ਕੇ ਵਿਕਰੀ ਸ਼ੁਰੂ ਕਰਵਾਈ ਅਤੇ ਅਧਿਕਾਰੀਆਂ ਨੂੰ ਹਦਾਇਤ ਕੀਤੀ ਕਿ ਪੰਜਾਬ ਸਰਕਾਰ ਚਾਹੰੁਦੀ ਹੈ ਕਿ ਕਿਸੇ ਵੀ ਕਿਸਾਨ ਨੂੰ ਆਪਣੀ ਪੁੱਤਾਂ ਪਾਲੀ ਫਸਲ ਨੂੰ ਵੇਚਣ ਲਈ ਮੰਡੀਆਂ ਵਿੱਚ ਰੁਲਣਾ ਨਾ ਪਵੇ। ਖਰੀਦ ਕਾਰਜਾਂ ਵਿੱਚ ਜੇਕਰ ਕਿਸੇ ਅਧਿਕਾਰੀ ਜਾਂ ਕਰਮਚਾਰੀ ਕਰਕੇ ਦੇਰੀ ਹੋਈ ਤਾਂ ਉਸਨੂੰ ਬਖ਼ਸ਼ਿਆ ਨਹੀਂ ਜਾਵੇਗਾ ਅਤੇ ਉਸ ਖ਼ਿਲਾਫ਼ ਸਖ਼ਤ ਵਿਭਾਗੀ ਕਾਰਵਾਈ ਕੀਤੀ ਜਾਵੇਗੀ।

ਦੋਰਾਹਾ ਕਾਲਜ ਦੀਆਂ ਲੜਕੀਆਂ ਵੱਲੋਂ ਸਰਗਰਮੀਆਂ ਜਾਰੀ

Thu, Nov 5, 2015 at 2:22 PM

ਐਨ. ਐਸ. ਐਸ. ਕੈਂਪ ਵਿਚ ਯੋਗ ਸਾਧਨਾਂ ਸਬੰਧੀ ਜਾਣਕਾਰੀ

ਦੋਰਾਹਾ: 5 ਨਵੰਬਰ 2015:  (ਪੰਜਾਬ ਸਕਰੀਨ ਬਿਊਰੋ):

ਸਥਾਨਕ ਗੁਰੂ ਨਾਨਕ ਨੈਸ਼ਨਲ ਕਾਲਜ ਵਿਖੇ ਐਨ. ਐਸ. ਐਸ. (ਲੜਕੀਆਂ) ਯੁਨਿਟ ਵੱਲੋਂ ਲਗਾਏ ਗਏ ਕੈਂਪ ਵਿਚ ਯੋਗ ਸਾਧਨਾਂ ਸਬੰਧੀ ਪਸਾਰ ਭਾਸ਼ਣ ਕਰਵਾਏ ਗਏ ਜਿਸ ਵਿਚ ਗੁਰੂ ਨਾਨਕ ਮਾਡਲ ਸੀਨੀਅਰ ਸੈਕੰਡਰੀ ਸਕੂਲ, ਦੋਰਾਹਾ ਤੋਂ ਮੈਡਮ ਸਰਬਜੀਤ ਕੌਰ ਉਚੇਚੇ ਤੌਰ ਤੇ ਪਹੁੰਚੇ।  

ਮੈਡਮ ਸਰਬਜੀਤ ਕੌਰ ਨੇ ਵਿਦਿਆਰਥਣਾਂ ਨੂੰ ਯੋਗ ਸਾਧਨਾਂ ਦੀ ਮਹੱਤਤਾ ਬਾਰੇ ਦੱਸਦਿਆਂ ਕਿਹਾ ਕਿ ਇਹ ਸਰੀਰਕ ਅਤੇ ਮਾਨਸਿਕ ਤੰਦਰੁਸਤੀ ਲਈ ਅਤਿਅੰਤ ਜਰੂਰੀ ਹੈ ਅਤੇ ਵਰਤਮਾਨ ਸਮੇਂ ਵਿਚ ਪਸਰ ਰਹੀਆਂ ਭਿਆਨਕ ਬਿਮਾਰੀਆਂ ਤੋਂ ਬਚਣ ਲਈ ਯੋਗਾ ਕਰਨਾ ਇਨਸਾਨ ਦਾ ਜਰੂਰੀ ਫਰਜ ਬਣ ਚੁੱਕਾ ਹੈ। ਇਨ੍ਹਾਂ ਬਿਮਾਰੀਆਂ ਤੋਂ ਬਚਣ ਲਈ ਮਨੁੱਖ ਨੂੰ ਯੋਗ ਸਿੱਖਿਆ ਤੋਂ ਜਾਣੂ ਹੋਣਾ ਅਤੇ ਉਨ੍ਹਾਂ ਨੂੰ ਸਹੀ ਤਰੀਕੇ ਨਾਲ ਜੀਵਨ ਵਿਚ ਅਪਣਾਉਣਾ ਚਾਹੀਦਾ ਹੈ।  ਇਸੇ ਸਿਧਾਂਤ ਤੇ ਪਹਿਰਾ ਦਿੰਦਿਆਂ ਉਨ੍ਹਾਂ ਨੇ ਵਿਦਿਆਰਥਣਾਂ ਨੂੰ ਯੋਗ ਦੇ ਵੱਖ-ਵੱਖ ਆਸਣ ਕਰਕੇ ਦਿਖਾਏ ਅਤੇ ਇਨ੍ਹਾਂ ਸਬੰਧੀ ਭਰਪੂਰ ਜਾਣਕਾਰੀ ਦਿੱਤੀ। ਵਿਦਿਆਰਥਣਾਂ ਨੇ ਇਸਦਾ ਭਰਪੂਰ ਲਾਭ ਉਠਾਇਆ।

 ਅਖੀਰ ਵਿਚ ਪ੍ਰੋਗਰਾਮ ਅਫਸਰ ਮੈਡਮ ਲਵਲੀਨ ਬੈਂਸ ਨੇ ਬਾਹਰੋਂ ਆਏ ਬੁਲਾਰਿਆਂ ਦਾ ਧੰਨਵਾਦ ਕੀਤਾ ਅਤੇ ਵਿਦਿਆਰਥਣਾਂ ਨੂੰ ਆਪਣੇ ਜੀਵਨ ਵਿਚ ਯੋਗ ਸਿੱਖਿਆ ਨੂੰ ਅਪਣਾਉਣ ਲਈ ਜਰੂਰੀ ਦੱਸਿਆ।

ਹੈਵਨਲੀ ਪੈਲੇਸ ਪਹੁੰਚ ਕੇ ਜਾਗਦੀ ਹੈ ਅੰਤਲੀ ਉਮਰ ਦੀ ਅਸਲੀ ਤਾਕ਼ਤ

ਜਿੱਥੇ ਬੁਢਾਪਾ ਬੇਬਸੀ ਭਰਿਆ ਅੰਤ ਨਹੀਂ ਬਲਕਿ ਇੱਕ ਨਵੀਂ ਸ਼ੁਰੁਆਤ ਬਣਦਾ ਹੈ 

ਦੋਰਾਹਾ (ਲੁਧਿਆਣਾ): 24 ਅਕਤੂਬਰ 2015: (ਰੈਕਟਰ ਕਥੂਰੀਆ):

ਜਦੋਂ ਵਿਅਕਤੀ ਬਜੁਰਗ ਹੁੰਦਾ ਹੈ ਤਾਂ ਬਹੁਤ ਕੁਝ ਉਸਦੇ ਬਾਹਰ ਵਾਪਰਦਾ ਹੈ ਜਿਹੜਾ ਉਸਦੇ ਸਰੀਰ ਤੋਂ ਦੇਖਿਆ ਜਾ ਸਕਦਾ ਹੈ ਪਰ ਬਹੁਤ ਕੁਝ ਉਸਦੇ ਅੰਦਰ ਵੀ ਵਾਪਰਦਾ ਹੈ ਜਿਸਨੂੰ ਦੇਖਣਾ ਆਸਾਨ ਨਹੀਂ ਹੁੰਦਾ। ਇਸ ਅਸੰਭਵ ਵਰਗੇ ਕੰਮ ਨੂੰ ਆਸਾਨ ਬਣਾਇਆ ਜਾਂਦਾ ਹੈ ਦੋਰਾਹਾ ਨੇੜੇ ਸਥਿਤ ਹੈਵਨਲੀ ਪੈਲੇਸ ਵਿੱਚ। ਉਹ ਥਾਂ ਜਿੱਥੇ ਉਮਰ ਦੇ ਆਖਰੀ ਪੜਾਅ ਵਿੱਚ ਜਾ ਕੇ ਹੁੰਦੀ ਹੈ ਇੱਕ ਨਵੀਂ ਸ਼ੁਰੁਆਤ। ਜਦੋਂ ਮਨ ਦਾ ਅਨੁਭਵ ਕੁਝ ਨਵਾਂ ਕਰਨਾ ਲੋਚਦਾ ਹੈ ਪਰ ਸਮਾਜ ਆਖਦਾ ਹੈ ਹੁਣ ਇਹ ਸਠਿਆ ਗਿਆ ਹੈ। ਸੱਤਰਾ-ਬਹੱਤਰਾ ਹੋ ਗਿਆ ਹੈ। ਘਰ ਦੇ ਬੱਚੇ ਆਖਦੇ ਹਨ ਇਹਨਾਂ ਪੁਰਾਣੇ ਲੋਕਾਂ ਨੂੰ ਕੀ ਪਤਾ ਅੱਜ ਦਾ ਯੁਗ ਕੀ ਹੁੰਦਾ ਹੈ।  ਉਦੋਂ ਆਲੀਸ਼ਾਨ ਮਹਿਲਾਂ ਵਰਗੇ ਘਰ ਖਾਣ ਨੂੰ ਆਉਂਦੇ ਹਨ ਜਦੋਂ ਉਹਨਾਂ ਘਰਾਂ ਵਿੱਚ ਸਭ ਕੁਝ ਹੁੰਦਾ ਹੈ ਪਰ ਉਹਨਾਂ ਬਜੁਰਗਾਂ ਨਾਲ ਗੱਲ ਕਰਨ ਵਾਲਾ ਕੋਈ ਨਹੀਂ ਹੁੰਦਾ। ਓਹ ਆਪਣੀਆਂ ਗਲਤੀਆਂ, ਆਪਣੀਆਂ ਪ੍ਰਾਪਤੀਆਂ ਅਤੇ ਅਨੁਭਵਾਂ ਬਾਰੇ ਇਕੱਤਰ ਕੀਤੀ ਦੌਲਤ ਵੰਡਣਾ ਚਾਹੁੰਦੇ ਹਨ ਪਰ ਉਸ ਅਨਮੋਲ ਦੌਲਤ ਨੂੰ ਕਬਾੜ ਸਮਝ ਕੇ ਦੁਰਕਾਰ ਦਿੱਤਾ ਜਾਂਦਾ ਹੈ। ਸਾਰੀ ਉਮਰ ਆਪਣੇ ਬੱਚਿਆਂ ਨੂੰ ਉਂਗਲੀ ਫੜ ਕੇ ਤੁਰਨਾ ਸਿਖਾਉਣ ਵਾਲੇ ਜਦੋਂ ਖੁਦ ਤੁਰਨੋ ਆਰੀ ਹੁੰਦੇ ਨੇ ਤਾਂ ਮਸਾਂ ਕੋਈ ਸਹਾਰਾ ਮਿਲਦਾ ਹੈ ਉਹ ਵੀ ਕਿਸੇ ਸੋਟੀ ਦਾ ਤੇ ਕਿਆ ਵਾਰ ਉਹ ਵੀ ਨਹੀਂ। ਬੇਬਸੀ ਅਤੇ ਮਜਬੂਰੀ ਵਾਲੀ ਇਸ ਅਵਸਥਾ ਨੂੰ ਇੱਕ ਨਵੀਂ ਤਾਕਤ ਵਿੱਚ ਬਦਲਿਆ ਹੈ ਜਨਾਬ ਅਨਿਲ ਮੋਂਗਾ ਨੇ ਦੋਰਾਹਾ ਨੇੜੇ ਹੈਵਨਲੀ ਪੈਲੇਸ ਬਣਾ ਕੇ। ਮੈਂ ਪੈਸੇ ਦੀ ਵਰਤੋਂ ਅਤੇ ਕੁਵਰਤੋਂ ਬੜੇ ਮਾਮਲਿਆਂ ਵਿੱਚ ਦੇਖੀ ਹੈ ਪਰ ਅਜਿਹੀ ਸੁਚੱਜੀ ਵਰਤੋਂ ਸ਼ਾਇਦ ਪਹਿਲੀ ਵਾਰ। 

ਇਥੇ ਪਹੁੰਚ ਕੇ ਪਤਾ ਲੱਗਦਾ ਹੈ ਕਿ ਬੁਢਾਪਾ ਉਹ ਅਵਸਥਾ ਹੈ ਜਿਸ ਵਿੱਚ ਸਾਰੀ ਜ਼ਿੰਦਗੀ ਦੇ ਅਨੁਭਵਾਂ ਦਾ ਨਿਚੋੜ ਜਮਾ ਹੋਇਆ ਹੁੰਦਾ ਹੈ। ਜੇ ਇਹ ਅੰਮ੍ਰਿਤ ਕਿਸੇ ਨੂੰ ਨਸੀਬ ਹੋ ਜਾਵੇ ਤਾਂ ਉਹ ਦੁਨੀਆ ਲਈ ਇੱਕ ਨਵਾਂ ਰਾਹ ਦਸੇਰਾ ਬਣ ਜਾਂਦਾ ਹੈ। ਇਥੇ ਆ ਕੇ ਮਿਲਦਾ ਹੈ ਉਹ ਗੁਰ ਜਿਸ ਨਾਲ ਪਤਾ ਲੱਗਦਾ ਹੈ ਜਦੋਂ ਗੋਡਿਆਂ ਦੀ ਤਾਕਤ, ਮੋਢਿਆਂ ਦੀ ਤਾਕਤ, ਸਰੀਰ ਦੀ ਤਾਕਤ ਜੁਆਬ ਦੇ ਜਾਂਦੀ ਹੈ ਉਦੋਂ ਜ਼ਿੰਦਗੀ ਦੀ ਸਭ ਤੋਂ ਵੱਡੀ ਅਤੇ ਉੱਚੀ ਛਲਾਂਗ ਕਿਵੇਂ ਲਾਈ ਜਾਂਦੀ ਹੈ। 

ਕਿਸੇ ਵੇਲੇ ਪ੍ਰੋਫੈਸਰ ਰਣਧੀਰ ਸਿੰਘ ਚੰਦ ਹੁਰਾਂ ਨੇ ਲਿਖਿਆ ਸੀ--

ਇੱਕ ਬਿੰਦੂ ਫੈਲ ਕੇ ਦਾਇਰੇ ਬਰਾਬਰ ਹੋ ਗਿਆ,

ਤੇਰਾ ਗਮ ਕਤਰੇ ਜਿਹਾ ਸੀ, ਹੁਣ ਸਮੁੰਦਰ ਹੋ ਗਿਆ !

ਇਹ ਆਲੀਸ਼ਾਨ ਰਹਿਣ ਸਹਿਣ ਵਾਲਾ ਕੁਦਰਤ ਮਾਹੌਲ ਦੱਸਦਾ ਹੈ ਕਿ ਇਥੇ ਆਏ ਇੱਕਲੇ ਇੱਕਲੇ ਵਿਅਕਤੀ ਜਾਂ ਜੋੜੇ ਦਾ ਪਰਿਵਾਰ ਹੁਣ ਕਿੰਨਾ ਵੱਡਾ ਹੋ ਗਿਆ ਹੈ। ਇਥੇ ਆ ਕੇ ਪਤਾ ਲੱਗਦਾ ਹੈ ਜਦੋਂ ਲੋਕ ਬੇਬਸੀ ਵਿੱਚ ਮੌਤ ਨੂੰ ਤਰਸਦੇ ਹਨ ਉਦੋਂ ਜ਼ਿੰਦਗੀ ਦੇ ਰੰਗਾਂ ਨੂੰ ਮਾਣਦਿਆਂ ਕਿਸ ਤਰਾਂ ਮੌਤ ਦੀਆਂ ਅੱਖਾਂ ਵਿੱਚ ਅੱਖਾਂ ਪਾ ਕੇ ਉਸ ਵਿੱਚ ਵੀ ਜ਼ਿੰਦਗੀ ਲਭੀ ਜਾਂਦੀ ਹੈ।

  

ਅੱਜ ਜਦੋਂ ਮੈਂ ਇੱਕ ਅਚਾਨਕ ਬਣੇ ਪ੍ਰੋਗਰਾਮ ਦੌਰਾਨ ਇਹਨਾਂ  ਬਜੁਰਗਾਂ ਦੀਆਂ ਰੰਗਾਰੰਗ ਆਈਟਮਾਂ ਦੇਖੀਆਂ ਤਾਂ ਪਤਾ ਲੱਗਿਆ ਕਿ ਅਲ੍ਹੜ ਨਦੀਆਂ ਵਰਗੇ ਜਵਾਨੀ ਦੇ ਜੋਸ਼ ਨੂੰ ਕੀ ਪਤਾ ਕਿ ਇਥੇ ਤਾਂ ਸਮੁੰਦਰਾਂ ਦੀ ਡੂੰਘਾਈ ਹੈ ਅਤੇ ਸਮੁੰਦਰਾਂ ਵਾਲੇ ਜਵਾਰਭਾਟੇ ਵੀ। ਇਹਨਾਂ ਸਮੁੰਦਰਾਂ ਵਿੱਚ ਕਈ ਨਦੀਆਂ ਵਿੱਚ ਕਈ ਨਦੀਆਂ ਸਮਾਈਆਂ ਹੋਈਆਂ ਹਨ। ਇਹਨਾਂ ਸਮੁੰਦਰਾਂ ਵਿੱਚ ਉਤਰਨਾ ਆਸਾਨ ਨਹੀਂ ਬਲਕਿ ਜੇ ਕੋਈ ਸਫਲਤਾ ਨਾਲ ਗੋਤਾ ਲਾ ਲਵੇ ਤਾਂ ਉਸਨੂੰ ਮਿਲ ਸਕਦਾ ਹੈ ਅਨਮੋਲ ਖਜ਼ਾਨਾ।

ਬੇਲਨ ਬ੍ਰਿਗੇਡ ਦੀ ਸੁਪਰੀਮੋ ਅਨੀਤਾ ਸ਼ਰਮਾ ਆਪਣੀ ਟੀਮ ਸਮੇਤ ਉਚੇਚੇ ਤੌਰ ਤੇ ਸਮਾਂ ਕਢ ਕੇ ਇਹਨਾਂ ਬਜੁਰਗਾਂ ਦਾ ਆਸ਼ੀਰਵਾਦ ਲੈਣ ਲਈ ਪੁੱਜੀ ਉਹਨਾਂ ਦੀ ਟੀਮ ਵਿੱਚ ਸ਼ਾਮਿਲ ਦਿਲਜੋਤ ਸ਼ੀਬਾ ਅਤੇ ਕਾਰਤਿਕਾ ਸ਼ੈਲੀ ਵੀ ਉਹਨਾਂ ਦੇ ਨਾਲ ਸਨ।ਉਹਨਾਂ ਇਸ ਸਾਰੇ ਕੰਪਲੈਕਸ ਨੂੰ ਨੇੜਿਓਂ ਹੋ ਕੇ ਦੇਖਿਆ ਅਤੇ ਇਸਦੇ ਸੰਚਾਲਕ ਸ਼੍ਰੀ ਅਨਿਲ ਮੋਂਗਾ ਨੂੰ ਇਸ ਸ਼ਾਨਦਾਰ ਉਪਰਾਲੇ ਲਈ ਵਧਾਈ ਦਿੱਤੀ। ਇਸ ਮੌਕੇ ਆਏ ਹੋਏ ਸਨ ਦੂਰਦਰਸ਼ਨ  ਕੇਂਦਰ ਜਲੰਧਰ ਦੇ ਡਾਇਰੈਕਟਰ ਸ਼੍ਰੀ ਓਮ ਗੌਰੀ ਦੱਤ ਸ਼ਰਮਾ ਜਿਹਨਾਂ ਨੇ ਜੇਤੂਆਂ ਨੂੰ ਸਨਮਾਨਿਤ ਕੀਤਾ ਅਤੇ ਲੰਮੇ ਸਮੇਂ ਤਕ ਉਹਨਾਂ ਨਾਲ ਦਿਲ ਦੀਆਂ ਗੱਲਾਂ ਵੀ ਕੀਤੀਆਂ। ਇਹ ਦਿਲਕਸ਼ ਅਸਥਾਨ 14 ਏਕੜ ਤੋਂ ਵੀ ਵਧ ਇਲਾਕੇ ਵਿੱਚ ਬਣਿਆ ਹੋਇਆ ਹੈ।  ਇਸ ਵਿੱਚ 70 ਹਜ਼ਾਰ ਗਜ ਘਾਹ ਦਾ ਮੈਦਾਨ ਹੈਂ।  ਇਸ ਦੇ 400 ਕਮਰੇ ਫਾਈਵ ਸਟਾਰ ਸਹੂਲਤਾਂ ਨਾਲ ਸੁਸਜਿਤ ਹਨ। ਅੰਦਰ ਆਉਣ ਲਈ ਇੱਕੋ ਵਿਸ਼ਾਲ ਦਰਵਾਜ਼ਾ ਹੈ ਜਿਹੜਾ ਆਪਣੀ ਦਿੱਖ ਤੋਂ ਹੀ ਦੱਸਦਾ ਹੈ ਕੀ ਇਹ ਕੋਈ ਸਾਧਾਰਣ ਥਾਂ ਨਹੀਂ ਬਲਕਿ ਕੋਈ ਮਹਿਲ ਹੈ ਜਿਸ ਵਿੱਚ ਇਨਸਾਨੀਅਤ ਦੀ ਪੂਜਾ ਉਸਦੇ ਸੇਵਾ ਸੰਭਾਲ ਕਰਕੇ ਹੁੰਦੀ ਹੈ।  ਸੁਰੱਖਿਆ ਦੇ ਪੱਖੋਂ ਦਿਨਰਾਤ ਮੁਸਤੈਦ ਗਾਰਡਾਂ ਦੀ ਟੀਮ ਅਤੇ 24 ਘੰਟੇ ਐਕਟਿਵ ਰਹਿਣ ਵਾਲੇ ਕਲੋਜ਼ ਸਰਕਟ ਟੀਵੀ ਵਾਲੇ ਕੈਮਰੇ ਪੂਰੀ ਨਜਰ ਰੱਖਦੇ ਹਨ। ਕੁਲ ਮਿਲਾ ਕੇ ਇੱਕ ਉਹ ਥਾਂ ਜਿੱਥੇ ਜਾ ਕੇ ਉਮਰ ਦੇ ਅੰਤਲੇ ਦੌਰ ਵਿੱਚ ਵਿਅਕਤੀ ਖੁਦ ਨੂੰ ਰਾਜਾ ਜਾਂ ਰਾਣੀ ਵਾਂਗ ਮਹਿਸੂਸ ਕਰਦਾ ਹੈ। ਇਸ ਕੰਪਲੈਕਸ ਵਿੱਚ ਆਡੀਟੋਰੀਅਮ ਹੈ, ਸਿਨੇਮਾ ਹਾਲ ਹੈ, ਖੇਡਾਂ ਵਾਲਾ ਕਲੱਬ ਹੈ, ਰੈਗੂਲਰ ਚੈਕਅਪ ਲਈ ਇੱਕ ਵਿਸ਼ੇਸ਼ ਐਮ ਆਈ ਰੂਮ ਹੈ। ਮੈਡੀਟੇਸ਼ਨ, ਯੋਗਾ ਅਤੇ ਸਤਸੰਗ ਲਈ 10 ਹਜ਼ਾਰ ਵਰਗ ਫੁਟ ਵਿੱਚ ਫੈਲਿਆ ਇੱਕ ਵਿਸ਼ੇਸ਼ ਹਾਲ ਹੈ। ਕਿਸੇ ਦਾ ਬਾਹਰ ਦੀ ਸਿਰ ਲੈਦਿਲ ਕਰੇ ਤਾਂ ਸ਼ਟਲ ਸੇਵਾ ਵੀ ਹੈ ਅਤੇ ਜੇ ਕਿਸੇ ਦੇ ਪਰਿਵਾਰ ਦਾ ਕੋਈ ਮੈਂਬਰ ਮਿਲਣ ਲਈ ਆਉਣਾ ਚਾਹੇ ਤਾਂ ਉਸ ਦੇ ਲਈ ਖਾਸ ਪ੍ਰਬੰਧ ਕੀਤਾ ਜਾਂਦਾ ਹੈ। ਅਖੀਰ ਵਿੱਚ ਏਨਾ ਹੀ ਕਿ ਇਥੇ ਪਹੁੰਚ ਕੇ ਦਿਲ ਕਰਦਾ ਹੈ ਕਦੋਂ ਬਜੁਰਗ ਹੋ ਕੇ ਕਿਵੇਂ ਇਥੇ ਪਹੁੰਚਿਆ ਜਾਵੇ। ਇੱਕ ਸਵਰਗ  ਦਾ ਅਹਿਸਾਸ ਜਿਊਂਦੇ ਜੀਅ ਮਾਣਿਆ ਜਾ ਸਕਦਾ ਹੈ। 

ਗੁਰੂ ਨਾਨਕ ਨੈਸ਼ਨਲ ਕਾਲਜ ਦੋਰਾਹਾ ਦੀ ਫਿਰ ਬੱਲੇ ਬੱਲੇ

ਹਰਸ਼ਦੀਪ ਕੌਰ ਰਹੀ ਯੂਨੀਵਰਸਿਟੀ `ਚੋਂ ਪਹਿਲੇ ਸਥਾਨ ‘ਤੇ
ਦੋਰਾਹਾ:  3 ਸਤੰਬਰ 2015: (ਪੰਜਾਬ ਸਕਰੀਨ ਬਿਊਰੋ):

ਬੀਤੇ ਦਿਨੀਂ ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ ਵੱਲੋਂ ਐਮ. ਏ. (ਸੋਸ਼ੌਲੋਜੀ) ਚੌਥੇ ਸਮੈਸਟਰ ਦੇ ਐਲਾਨੇ ਨਤੀਜਿਆਂ ਵਿਚ ਸਥਾਨਕ ਗੁਰੂ ਨਾਨਕ ਨੈਸ਼ਨਲ ਕਾਲਜ ਦੀ ਵਿਦਿਆਰਥਣ ਹਰਸ਼ਦੀਪ ਕੌਰ ਨੇ ਯੂਨੀਵਰਸਿਟੀ ਵਿਚੋਂ ਪਹਿਲੀ ਪੁਜੀਸ਼ਨ ਪ੍ਰਾਪਤ ਕਰਕੇ ਕਾਲਜ ਦਾ ਨਾਂ ਰੌਸ਼ਨ ਕੀਤਾ ਹੈ।

ਨਤੀਜਿਆਂ ਬਾਰੇ ਜਾਣਕਾਰੀ ਦਿੰਦਿਆਂ ਕਾਲਜ ਪ੍ਰਿੰਸੀਪਲ ਡਾ. ਨਰਿੰਦਰ ਸਿੰਘ ਸਿੱਧੂ ਨੇ ਦੱਸਿਆ ਕਿ ਯੂਨੀਵਰਸਿਟੀ ਵੱਲੋਂ ਬੀਤੇ ਦਿਨੀਂ ਐਮ. ਏ. (ਸੋਸ਼ੌਲੋਜੀ) ਦੇ ਨਤੀਜੇ ਜਾਰੀ ਕੀਤੇ ਗਏ ਹਨ, ਜਿਸ ਵਿਚ ਐਮ. ਏ. (ਸੋਸ਼ੌਲੋਜੀ)  ਸਮੈਸਟਰ ਚੌਥੇ ਵਿਚੋਂ ਹਰਸ਼ਦੀਪ ਕੌਰ ਸਪੁੱਤਰੀ ਸ. ਜਗਦੀਸ਼ ਸਿੰਘ, ਰੋਲ ਨੰ: 62871 ਨੇ (1291/1600) 80.68 ਫ਼ੀਸਦੀ ਅੰਕਾਂ ਨਾਲ ਯੂਨੀਵਰਸਿਟੀ ਵਿਚੋਂ ਪਹਿਲਾ, ਅੰਮ੍ਰਿਤਪਾਲ ਕੌਰ ਸਪੁਤਰੀ ਸ. ਸੁਖਦੇਵ ਸਿੰਘ, ਰੋਲ ਨੰਬਰ 62861 ਨੇ (1134/1600) 70.87 ਫ਼ੀਸਦੀ ਅੰਕਾਂ ਨਾਲ ਕਾਲਜ ਵਿਚੋਂ ਦੂਜਾ ਅਤੇ ਜਸਪ੍ਰੀਤ ਕੌਰ ਸਪੁਤਰੀ ਸ. ਸੁਖਜੀਤ ਸਿੰਘ, ਰੋਲ ਨੰਬਰ 62874 ਨੇ (1131/1600) 70.68 ਫ਼ੀਸਦੀ ਅੰਕਾਂ ਨਾਲ ਕਾਲਜ ਵਿਚੋਂ ਤੀਜਾ ਸਥਾਨ ਹਾਸਲ ਕੀਤਾ।

ਵਿਭਾਗ ਦੇ ਮੁਖੀ ਡਾ. ਗੁਰਜੀਤ ਵਿਰਕ ਸਿੱਧੂ ਨੇ ਦੱਸਿਆ ਕਿ ਇਸ ਕਲਾਸ ਦਾ ਨਤੀਜਾ ਇਸ ਵਾਰ ਵੀ ਸੌ ਫ਼ੀਸਦੀ ਰਿਹਾ। ਵਿਦਿਆਰਥੀਆਂ ਦੀਆਂ ਇਨ੍ਹਾਂ ਮਾਣਮੱਤੀਆਂ ਪ੍ਰਾਪਤੀਆਂ ਲਈ ਕਾਲਜ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਸ੍ਰੀਮਤੀ ਰੂਪ ਬਰਾੜ, ਸਕੱਤਰ ਸ. ਹਰਪ੍ਰਤਾਪ ਬਰਾੜ, ਪ੍ਰਿੰਸੀਪਲ ਡਾ. ਨਰਿੰਦਰ ਸਿੰਘ ਸਿੱਧੂ ਨੇ ਵਿਦਿਆਰਥੀਆਂ, ਉਨ੍ਹਾਂ ਦੇ ਮਾਪਿਆਂ ਅਤੇ ਵਿਸ਼ੇਸ਼ ਕਰਕੇ ਅਧਿਆਪਕਾਂ ਨੂੰ ਵਧਾਈ ਦਿੱਤੀ ਜਿੰਨ੍ਹਾਂ ਦੀ ਸਾਂਝੀ ਮਿਹਨਤ ਸਦਕਾ ਸ਼ਾਨਦਾਰ ਨਤੀਜੇ ਪ੍ਰਾਪਤ ਹੋਏ ਹਨ ਜਿਸ ਨਾਲ ਕਾਲਜ ਅਤੇ ਇਲਾਕੇ ਦਾ ਨਾਂ ਰੌਸ਼ਨ ਹੋਇਆ।

ਗੁਰੂ ਨਾਨਕ ਨੈਸ਼ਨਲ ਕਾਲਜ ਦੋਰਾਹਾ ਨੇ ਵੀ ਯਾਦ ਕੀਤਾ ਡਾਕਟਰ ਕਲਾਮ ਨੂੰ

Fri, Jul 31, 2015 at 3:47 PM

ਕਾਲਜ ਵਿੱਚ ਲਗਾਈ ਡਾ.ਕਲਾਮ ਨੂੰ ਸਮਰਪਿਤ ਪੁਸਤਕ ਪ੍ਰਦਰਸ਼ਨੀ

ਦੋਰਾਹਾ, 31 ਜੁਲਾਈ 2015: (ਪੰਜਾਬ ਸਕਰੀਨ ਬਿਊਰੋ):

ਦੋਰਾਹਾ ਦਾ ਗੁਰੂ ਨਾਨਕ ਨੈਸ਼ਨਲ ਕਾਲਜ ਆਪਣੀਆਂ ਵਿਲੱਖਣ ਸਰਗਰਮੀਆਂ ਕਾਰਣ ਸਥਾਨਕ ਲੋਕਾਂ ਦੇ ਨਾਲ ਨਾਲ ਦੂਰ ਦੁਰਾਡੇ ਰਹਿੰਦੇ ਲੋਕਾਂ ਵਿੱਚ ਵੀ ਕਾਫੀ  ਹੈ। ਸਾਹਿਤ, ਗੀਤ-ਸੰਗੀਤ ਅਤੇ ਸਿਆਸਤ ਦੇ ਨਾਲ ਨਾਲ ਜ਼ਿੰਦਗੀ  ਦੀ ਸਰਬਪੱਖੀ ਜਾਣਕਾਰੀ ਦੇਣ ਵਾਲੇ ਇਸ ਕਾਲਜ ਵਿੱਚ ਇਸ ਵਾਰ ਇੱਕ ਹੋਰ ਸ਼ਾਨਦਾਰ ਉਪਰਾਲਾ ਹੋਇਆ। ਦੋਰਾਹਾ ਦੀ ਜਾਂ ਇਸ ਕਾਲਜ ਦੀ ਲਾਇਬ੍ਰੇਰੀ ਵਿਚ ਭਾਰਤ ਦੇ ਸਾਬਕਾ ਰਾਸ਼ਟਰਪਤੀ ਡਾ. ਏ.ਪੀ.ਜੇ. ਅਬਦੁਲ ਕਲਾਮ ਯਾਦ ਨੂੰ ਤਾਜਾ ਕਰਦਿਆਂ ਕਾਲਜ ਪ੍ਰਿੰਸੀਪਲ ਡਾ. ਨਰਿੰਦਰ ਸਿੰਘ ਸਿੱਧੂ ਦੀ ਸੁਯੋਗ ਅਗਵਾਈ ਹੇਠ ਉਹਨਾਂ ਦੀਆਂ ਪੁਸਤਕਾਂ ਦੀ ਇਕ ਪ੍ਰਦਰਸ਼ਨੀ ਕਾਲਜ ਦੇ ਲਾਇਬ੍ਰੇਰੀ ਸਟਾਫ ਵੱਲੋਂ ਲਗਾਈ ਗਈ। ਇਸ ਦੇ ਆਯੋਜਨ ਲਈ  ਸਟਾਫ਼ ਮੈਂਬਰਾਂ ਸ. ਕੁਲਵੰਤ ਸਿੰਘ, ਸ. ਜਰਨੈਲ ਸਿੰਘ ਅਤੇ ਮੈਡਮ ਸੋਨੀਆ ਵਲੋਂ ਉਚੇਚੀ ਸਰਗਰਮੀ ਨਾਲ ਕੰਮ ਕੀਤਾ ਗਿਆ। ਪ੍ਰਦਰਸ਼ਨੀ ਵਿੱਚ ਵਿਚ ਉਹਨਾਂ ਦੇ ਜੀਵਨ ਅਤੇ ਪ੍ਰਾਪਤੀਆਂ ਨੂੰ ਦਰਸਾਇਆ ਗਿਆ ਹੈ ਜਿਸ ਤੋਂ ਕਿ ਬੱਚੇ ਆਪਣੀ ਜਿੰਦਗੀ ਵਿਚ ਸਹੀ ਸੇਧ ਲੈ ਸਕਣ। ਇਸ ਪ੍ਰਦਰਸ਼ਨੀ ਦਾ ਵਿਦਿਰਥੀਆਂ ਵਲੋਂ ਬਹੁਤ ਹੀ ਲਾਭ ਉਠਾਇਆ ਗਿਆ ਤੇ ਆਪਣੀ ਜਾਣਕਾਰੀ ਵਿਚ ਵਾਧਾ ਕੀਤਾ ਗਿਆ। ਇਸਦੇ ਨਾਲ ਹੀ ਸ਼ਹੀਦ ਊਧਮ ਸਿੰਘ ਦੇ ਸ਼ਹੀਦੀ ਦਿਨ ਨੂੰ ਸਮਰਪਿਤ ਕਿਤਾਬਾਂ ਦੀ ਵੀ ਪ੍ਰਦਰਸ਼ਨੀ ਲਗਾਈ ਗਈ। ਇਸਦੇ ਨਾਲ ਹੀ ਲਾਇਬੇ੍ਰਰੀ ਸਟਾਫ ਵਲੋਂ ਬੱਚਿਆਂ ਨੂੰ ਉਪਰੋਕਤ ਮਹਾਨ ਸ਼ਖਸੀਅਤ ਬਾਰੇ ਚਾਨਣਾ ਪਾਇਆ ਗਿਆ। ਇਸ ਮੌਕੇ ਤੇ ਸ. ਕੁਲਵੰਤ ਸਿੰਘ, ਸ. ਜਰਨੈਲ ਸਿੰਘ, ਮੈਡਮ ਸੋਨੀਆ ਸ਼ਰਮਾ ਤੋਂ ਇਲਾਵਾ ਪ੍ਰੋ ਗੁਰਦੀਪ ਸਿੰਘ ਵੀ ਹਾਜਰ ਸਨ।

ਆਲ ਇੰਡੀਆ ਕਿਸਾਨ ਸਭਾ ਦੀ ਲੁਧਿਆਣਾ ਇਕਾਈ ਨੇ ਦਿੱਤਾ ਧਰਨਾ

ਪ੍ਰਧਾਨਮੰਤਰੀ ਨੂੰ DC ਰਾਹੀਂ  ਭੇਜਿਆ 12 ਮੰਗਾਂ ਵਾਲਾ ਮੰਗ ਪੱਤਰ  

ਲੁਧਿਆਣਾ: 29 ਜੁਲਾਈ 2015: 

(ਰੈਕਟਰ ਕਥੂਰੀਆ//ਪੰਜਾਬ ਸਕਰੀਨ):

ਲਾਲ ਝੰਡੇ ਵਾਲਿਆਂ  ਦੀ ਪਾਰਟੀ ਭਾਵੇਂ ਕੋਈ ਵੀ ਹੋਵੇ ਪਰ ਲੋਕ ਮਸਲਿਆਂ ਨੂੰ ਉਠਾਉਣ ਵਿੱਚ ਆਮ ਤੌਰ ਤੇ ਉਹਨਾਂ ਦਾ ਕੋਈ ਸਾਨੀ ਨਹੀਂ।  ਜਦੋਂ ਲਾਲ ਝੰਡੇ ਹੇਠ ਭੀੜਾਂ ਜੁੜਦੀਆਂ ਸਨ ਉਦੋਂ ਵੀ ਅਤੇ ਹੁਣ ਜਦੋਂ ਲਾਲ ਝੰਡੇ ਦਾ ਪ੍ਰਭਾਵ ਕਾਫੀ ਘਟਿਆ ਮਹਿਸੂਸ ਹੋ ਰਿਹਾ ਹੈ ਉਦੋਂ ਵੀ। ਸ਼ਾਇਦ ਇਹੀ ਲੋਕ ਹਨ ਜਿਹੜੇ ਗਲਤੀਆਂ ਨੂੰ ਜਨਤਕ ਤੌਰ ਤੇ ਮੰਨਣ ਦੀ ਹਿੰਮਤ ਵੀ ਰੱਖਦੇ ਹਨ।  ਅੱਜ ਇਹ ਲੋਕ ਲੁਧਿਆਣਾ ਦੇ ਮਿੰਨੀ ਸਕੱਤਰੇਤ ਵਿੱਚ ਡੀਸੀ  ਦਫਤਰ ਦੇ ਬਾਹਰ ਇਕੱਤਰ ਹੋਏ ਸਨ। 

ਆਲ ਇੰਡੀਆ ਕਿਸਾਨ ਸਭਾ ਦੀ ਲੁਧਿਆਣਾ ਇਕਾਈ ਨੇ ਜ਼ਿਲਾ ਲੁਧਿਆਣਾ ਦੇ ਡਿਪਟੀ  ਕਮਿਸ਼ਨਰ ਦਫਤਰ ਵਿਖੇ ਧਰਨਾ ਦਿੱਤਾ ਅਤੇ ਆਪਣੀਆਂ ਮੰਗਾਂ ਰੱਖੀਆਂ। ਇਹ ਧਰਨਾ ਭਾਵੇਂ ਕਿਸਾਨ ਸੰਗਠਨ ਵੱਲੋਂ ਸੀ ਪਰ ਇਸ ਵਿੱਚ ਆਮ  ਲੋਕਾਂ, ਦਲਿਤਾਂ ਅਤੇ ਮਜਦੂਰਾਂ ਦੀਆਂ ਮੰਗਾਂ ਵੀ ਸ਼ਾਮਿਲ ਕੀਤੀਆਂ ਗਈਆਂ  ਸਨ।  ਉਹਨਾਂ ਸਾਰਿਆਂ  ਦੇ ਹਿੱਤਾਂ ਦੀ ਮੰਗ ਵੀ ਉਠਾਈ ਗਈ ਸੀ।  ਧਰਨੇ ਵਿੱਚ ਕਿਸਾਨਾਂ ਦੀਆਂ ਖੁਦਕੁਸ਼ੀਆਂ ਦੀ ਗੱਲ ਵੀ ਉੱਠੀ ਅਤੇ ਸਵਾਮੀ ਨਾਥਨ ਕਮਿਸ਼ਨ ਦੀਆਂ ਸਿਫਾਰਸ਼ਾਂ ਲਾਗੂ ਕਰਨ ਦੀ ਮੰਗ ਵੀ ਕੀਤੀ ਗਈ।

ਇਸ ਧਰਨੇ ਨੂੰ ਸੰਬੋਧਨ ਕਰਦਿਆਂ ਕਾਮਰੇਡ ਕੁਲਦੀਪ ਸਿੰਘ, ਪਵਨ ਕੌਸ਼ਲ, ਬੁਆਣੀ, ਸੁਖਦੇਵ ਸਿੰਘ ਕਿਲਾ ਰਾਏ ਪੁਰ,ਸੁਰਿੰਦਰ ਸਿੰਘ ਸ਼ਹਿਜ਼ਾਦਾ ਅਤੇ ਬਾਲ ਕ੍ਰਿਸ਼ਨ ਲੁਧਿਆਣਾ ਨੇ ਵੀ ਸੰਬੋਧਨ ਕੀਤਾ। 

ਇਹਨਾਂ ਬੁਲਾਰਿਆਂ ਨੇ ਜੀ ਐਸ ਟੀ (ਆਮ ਵਿਕਰੀ ਟੈਕਸ) ਨੂੰ ਵੀ ਪੂਰੀ ਤਰਾਂ ਰੱਦ ਕੀਤਾ ਅਤੇ ਪੰਜਾਬ ਦੀਆਂ ਸੜਕਾਂ ਤੇ  ਟੋਲ ਟੈਕਸ ਨੂੰ ਵੀ ਤੁਰੰਤ ਬੰਦ ਕਰਨ ਦੀ ਮੰਗ ਕੀਤੀ। ਪੰਜਾਬ ਨੂੰ ਨਸ਼ਾ ਮੁਕਤ ਬਣਾਉਣ ਲਈ  ਇਸ ਗੱਲ 'ਤੇ ਜੋਰ ਦਿੱਤਾ ਗਿਆ ਬਿਨਾ ਕਿਸੇ ਸਿਆਸੀ ਭੇਦਭਾਵ ਦੇ ਨਸ਼ਾ ਸਮਗਲਰਾਂ ਵਿਰੁਧ ਕਾਰਵਾਈ ਕੀਤੀ ਜਾਵੇ। 

ਇਸ ਤਰਾਂ 12 ਮੰਗਾਂ 'ਤੇ ਅਧਾਰਿਤ ਮੰਗ ਪੱਤਰ ਡਿਪਟੀ  ਕਮਿਸ਼ਨਰ ਰਾਹੀਂ ਪ੍ਰਧਾਨ ਮੰਤਰੀ ਨੂੰ ਭੇਜਿਆ ਗਿਆ। ਇਸਦਾ ਕੀ ਅਸਰ ਹੁੰਦਾ ਹੈ ਇਹ ਗੱਲ ਸਮਾਂ ਆਉਣ ਤੇ ਹੀ ਪਤਾ ਲੱਗੇਗੀ ਪਰ ਇੱਕ ਗੱਲ ਸਾਫ਼ ਕਿ ਕਾਮਰੇਡਾਂ ਨੇ

ਆਉਣ ਵਾਲੇ ਇਤਿਹਾਸ ਵਿੱਚ ਇਹ ਗੱਲ ਆਪਣੇ ਨਾਮ ਕਰ ਲਈ ਕਿ ਉਹਨਾਂ ਨੇ ਇਹਨਾਂ ਇਹਨਾਂ ਲੋਕ ਮਸਲਿਆਂ ਬਾਰੇ ਆਪਣੀ ਆਵਾਜ਼ ਬੁਲੰਦ ਕੀਤੀ ਸੀ।

PU Chd: ਐਮ.ਕਾਮ. ਸਮੈਸਟਰ ਤੀਜੇ ਦੇ ਨਤੀਜੇ ਵਿਚ ਦੋਰਾਹਾ ਦੀ ਬੱਲੇ ਬੱਲੇ

Mon, May 18, 2015 at 12:44 PM

ਗੁਰੂ ਨਾਨਕ ਨੈਸ਼ਨਲ ਕਾਲਜ, ਦੋਰਾਹਾ ਦਾ ਐਮ.ਕਾਮ. ਦਾ ਨਤੀਜਾ 100% ਰਿਹਾ

ਦੋਰਾਹਾ, 16 ਮਈ 2015: (ਪੰਜਾਬ ਸਕਰੀਨ ਬਿਊਰੋ):

ਨਤੀਜਿਆਂ ਬਾਰੇ ਜਾਣਕਾਰੀ ਦਿੰਦਿਆਂ ਕਾਲਜ ਪ੍ਰਿੰਸੀਪਲ ਡਾ. ਨਰਿੰਦਰ ਸਿੰਘ ਸਿੱਧੂ ਨੇ ਦੱਸਿਆ ਕਿ ਐਮ.ਕਾਮ. ਸਮੈਸਟਰ ਤੀਜੇ ਦੇ  ਨਤੀਜੇ ਵਿਚੋਂ ਕਾਲਜ ਵਿਦਿਆਰਥੀਆਂ ਨੇ ਸ਼ਾਨਦਾਰ ਪ੍ਰਾਪਤੀਆਂ ਕੀਤੀਆਂ ਹਨ।ਉਨ੍ਹਾਂ ਦੱਸਿਆ ਕਿ ਕਾਲਜ ਦੀ ਵਿਦਿਆਰਥਣ ਕਿਮਸੀ ਸੂਦ ਨੇ 1637/2100 (77.9 ਫੀਸਦੀ) ਅੰਕ ਪ੍ਰਾਪਤ ਕਰਦਿਆਂ ਪੰਜਾਬ ਯੂਨੀਵਰਸਿਟੀ ਅਤੇ ਲੁਧਿਆਣਾ ਜਿਲੇ ਵਿਚੋਂ ਅੱਠਵਾਂ ਸਥਾਨ ਹਾਸਲ ਕੀਤਾ ਅਤੇ ਕਾਲਜ ਵਿਚੋਂ ਪਹਿਲੇ ਸਥਾਨ ਤੇ ਰਹੀ, ਸਨਦੀਪ ਕੌਰ ਨੇ 1584/2100 (75.4 ਫ਼ੀਸਦੀ) ਅੰਕ ਪ੍ਰਾਪਤ ਕਰਦਿਆਂ ਕਾਲਜ ਵਿਚੋਂ ਦੂਜਾ ਅਤੇ ਸੁਖਰਾਜ ਸਿੰਘ ਦਿਓਲ ਨੇ 1487/2100 (70.80 ਫੀਸਦੀ) ਅੰਕ ਪ੍ਰਾਪਤ ਕਰਕੇ ਕਾਲਜ ਵਿਚੋਂ ਤੀਜਾ ਸਥਾਨ ਹਾਸਲ ਕੀਤਾ। ਉਨ੍ਹਾਂ ਹੋਰ ਦੱਸਿਆ ਕਿ ਇਸ ਕਲਾਸ ਦਾ ਨਤੀਜਾ ਇਸ ਵਾਰ ਸੌ ਫ਼ੀਸਦੀ ਰਿਹਾ। ਕਾਲਜ ਦੇ 44 ਵਿਦਿਆਰਥੀਆਂ ਵਿਚੋਂ 4 ਵਿਦਿਆਰਥੀਆਂ ਨੇ 70 ਫੀਸਦੀ ਤੋਂ ਵੱਧ, 16 ਨੇ 65 ਫੀਸਦੀ ਤੋਂ ਵੱਧ ਅਤੇ ਬਾਕੀ ਵਿਦਿਆਰਥੀਆਂ ਨੇ 60 ਫੀਸਦੀ ਤੋਂ ਵੱਧ ਅੰਕ ਲੈ ਕੇ ਇਹ ਪ੍ਰੀਖਿਆ ਪਾਸ ਕੀਤੀ। 

ਇਨ੍ਹਾਂ ਸ਼ਾਨਦਾਰ ਨਤੀਜਿਆਂ ਲਈ ਕਾਲਜ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਸ੍ਰੀਮਤੀ ਰੂਪ ਬਰਾੜ, ਸੀਨੀਅਰ ਵਾਈਸ ਪ੍ਰਧਾਨ             ਸ. ਜੋਗੇਸ਼ਵਰ ਸਿੰਘ ਮਾਂਗਟ, ਸਕੱਤਰ ਸ. ਹਰਪ੍ਰਤਾਪ ਬਰਾੜ, ਖਜਾਨਚੀ ਸ. ਪਵਿੱਤਰਪਾਲ ਸਿੰਘ ਪਾਂਗਲੀ ਅਤੇ ਪ੍ਰਿੰਸੀਪਲ         ਡਾ. ਨਰਿੰਦਰ ਸਿੰਘ ਸਿੱਧੂ ਨੇ ਵਿਦਿਆਰਥੀਆਂ, ਉਨ੍ਹਾਂ  ਦੇ ਮਾਪਿਆਂ ਅਤੇ ਅਧਿਆਪਕਾਂ ਨੂੰ ਵਧਾਈ ਦਿੱਤੀ।

ਗੁਰੂ ਨਾਨਕ ਨੈਸ਼ਨਲ ਕਾਲਜ, ਦੋਰਾਹਾ ਦੀਆਂ ਵਿਦਿਆਰਥਣਾਂ ਨੇ ਜਿੱਤੇ ਤਮਗੇ

Fri, Apr 10, 2015 at 12:54 PM

ਪਾਵਰਲਿਫਟਿੰਗ ਚੈਂਪਿਅਨਸ਼ਿਪ ਵਿੱਚ ਦੋਰਾਹਾ ਦੀਆਂ ਕੁੜੀਆਂ  ਦਾ ਕਮਾਲ

ਦੋਰਾਹਾ: 10 ਅਪ੍ਰੈਲ 2015: (ਪੰਜਾਬ ਸਕਰੀਨ ਬਿਊਰੋ):

Courtesy Photo

ਸਥਾਨਕ ਗੁਰੂ ਨਾਨਕ ਨੈਸ਼ਨਲ ਕਾਲਜ ਦੋਰਾਹਾ ਦੀਆਂ ਵਿਦਿਆਰਥਣਾਂ ਨੇ ਨੈਸ਼ਨਲ ਡੈੱਡਲਿਫਟ ਪਾਵਰਲਿਫਟਿੰਗ ਚੈਂਪਿਅਨਸ਼ਿਪ ਮੁਕਾਬਲੇ ਵਿਚੋਂ ਤਮਗੇ ਜਿੱਤੇ। ਇਹ ਮੁਕਾਬਲਾ 27-03-2015 ਤੋਂ 31-03-2015 ਤੱਕ ਕਪੂਰਥਲਾ ਵਿਖੇ ਹੋਇਆ।
ਕਾਲਜ ਦੇ ਸਰੀਰਕ ਸਿੱਖਿਆ ਵਿਭਾਗ ਦੇ ਮੁਖੀ ਡਾ. ਨਿਰਲੇਪ ਕੌਰ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਨੈਸ਼ਨਲ ਡੈੱਡਲਿਫਟ ਪਾਵਰਲਿਫਟਿੰਗ ਚੈਂਪਿਅਨਸ਼ਿਪ ਮੁਕਾਬਲੇ ਜੋ ਕਿ 27-03-2015 ਤੋਂ 31-03-2015 ਤੱਕ ਕਪੂਰਥਲਾ ਵਿਖੇ ਹੋਏ ਹਨ, ਵਿਚ ਗੁਰੂ ਨਾਨਕ ਨੈਸ਼ਨਲ ਕਾਲਜ, ਦੋਰਾਹਾ ਦੀਆਂ ਪੰਜ ਵਿਦਿਆਰਥਣਾਂ ਨੇ ਭਾਗ ਲਿਆ। ਇਸ ਮੁਕਾਬਲੇ ਵਿਚ ਐਮ.ਏ. (ਪੰਜਾਬੀ) ਦੀ ਵਿਦਿਆਰਥਣ ਗੁਰਦੀਪ ਕੌਰ ਨੇ 57 ਕਿਲੋ ਵਰਗ ‘ਚੋਂ ਚਾਂਦੀ ਦਾ ਤਮਗਾ,  ਬੀ.ਕਾਮ. ਦੀ ਵਿਦਿਆਰਥਣ ਗਗਨਪ੍ਰੀਤ ਕੌਰ ਨੇ 47 ਕਿਲੋ ਵਰਗ ‘ਚੋਂ ਤਾਂਬੇ ਦਾ ਤਮਗਾ, ਬੀ.ਏ. ਦੀ ਵਿਦਿਆਰਥਣ ਸਰਬਪ੍ਰੀਤ ਕੌਰ ਨੇ 63 ਕਿਲੋ ਵਰਗ ‘ਚੋਂ ਕਾਂਸੀ ਦਾ ਤਮਗਾ, ਬੀ.ਐਸ.ਸੀ. ਦੀ ਵਿਦਿਆਰਥਣ ਹਰਮਨਪ੍ਰੀਤ ਕੌਰ ਨੇ 43 ਕਿਲੋ ਵਰਗ ਵਿਚੋਂ ਕਾਂਸੀ ਦਾ ਤਮਗਾ ਅਤੇ ਬੀ.ਕਾਮ. ਦੀ ਵਿਦਿਆਰਥਣ ਨੇ 57 ਕਿਲੋ ਵਰਗ ‘ਚੋਂ  ਕਾਂਸੀ ਦਾ ਤਮਗਾ ਹਾਸਲ ਕੀਤਾ। 
ਕਾਲਜ ਪ੍ਰਿੰਸੀਪਲ ਡਾ. ਨਰਿੰਦਰ ਸਿੰਘ ਸਿੱਧੂ ਨੇ  ਇਨ੍ਹਾਂ ਵਿਦਿਆਰਥਣਾਂ ਦੀਆਂ ਸ਼ਲਾਘਾਯੋਗ ਪ੍ਰਾਪਤੀਆਂ ਸਦਕਾ ਵਿਭਾਗ ਦੇ ਮੁਖੀ ਡਾ. ਨਿਰਲੇਪ ਕੌਰ, ਪੋ੍ਰ. ਕਰਮਜੀਤ ਸਿੰਘ, ਸ਼੍ਰੀ ਰਮੇਸ਼ ਚੰਦ ਅਤੇ ਵਿਦਿਆਰਥਣਾਂ ਦੇ ਮਾਪਿਆਂ ਨੂੰ ਵਧਾਈ ਦਿੱਤੀ। 

ਗੁਰੂ ਨਾਨਕ ਨੈਸ਼ਨਲ ਕਾਲਜ ਵਿਖੇ ਸਲਾਨਾ ਡਿਗਰੀ ਵੰਡ ਸਮਾਰੋਹ ਦਾ ਆਯੋਜਨ

Fri, Mar 27, 2015 at 3:07 PM

366 ਵਿਦਿਆਰਥੀਆਂ ਨੂੰ ਮਿਲੀਆਂ ਡਿਗਰੀਆਂ 

ਦੋਰਾਹਾ: 27 ਮਾਰਚ 2015 (ਪੰਜਾਬ ਸਕਰੀਨ ਬਿਊਰੋ):

ਸਥਾਨਕ ਗੁਰੂ ਨਾਨਕ ਨੈਸ਼ਨਲ ਕਾਲਜ ਦੋਰਾਹਾ ਦੇ ਡਾ. ਈਸ਼ਵਰ ਸਿੰਘ ਯਾਦਗਾਰੀ ਹਾਲ ਵਿਖੇ ਸਲਾਨਾ  ਕਨਵੋਕੇਸ਼ਨ ਅਤੇ ਸਲਾਨਾ ਇਨਾਮ ਵੰਡ ਸਮਾਰੋਹ ਦਾ ਆਯੋਜਨ ਕੀਤਾ ਗਿਆ। ਇਸ ਸਮਾਗਮ ਵਿਚ ਮੁੱਖ ਮਹਿਮਾਨ ਦੇ ਤੌਰ `ਤੇ ਪ੍ਰੋ. (ਡਾ.) ਸਤਬੀਰ ਸਿੰਘ ਗੋਸਲ, ਡਾਇਰੈਕਟਰ ਆਫ ਰਿਸਰਚ (ਰਿਟਾਇਰਡ), ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ, ਲੁਧਿਆਣਾ ਵਿਸ਼ੇਸ਼ ਤੌਰ `ਤੇ ਪਹੁੰਚੇ। ਇਸ ਸਮਾਗਮ ਵਿਚ ਵੱਖ-ਵੱਖ ਕਲਾਸਾਂ ਦੇ ਕੁੱਲ 366 ਵਿਦਿਆਰਥੀਆਂ ਨੂੰ ਡਿਗਰੀਆਂ ਪ੍ਰਦਾਨ ਕੀਤੀਆਂ ਗਈਆਂ।
    ਸਮਾਗਮ ਦੀ ਆਰੰਭਤਾ ਕਾਲਜ ਵਿਦਿਆਰਥੀਆਂ ਵੱਲੋਂ ਗੁਰਬਾਣੀ ਦੇ ਸ਼ਬਦ ਗਾਇਨ ਨਾਲ ਹੋਈ। ਕਾਲਜ ਪ੍ਰਿੰਸੀਪਲ ਡਾ. ਨਰਿੰਦਰ ਸਿੰਘ ਸਿੱਧੂ ਨੇ ਬਾਹਰੋਂ ਆਏ ਮਹਿਮਾਨਾਂ ਅਤੇ ਵਿਦਿਆਰਥੀਆਂ ਦਾ ਸਵਾਗਤ ਕੀਤਾ ਅਤੇ ਡਿਗਰੀਆਂ ਲੈਣ ਵਾਲੇ ਵਿਦਿਆਰਥੀਆਂ ਨੂੰ ਵਧਾਈ ਦਿੱਤੀ ਅਤੇ ਉਨ੍ਹਾਂ ਦੇ ਸੁਨਹਿਰੀ ਭਵਿੱਖ ਦੀ ਕਾਮਨਾ ਕੀਤੀ। ਇਸ ਉਪਰੰਤ ਕਾਲਜ ਪ੍ਰਿੰਸੀਪਲ ਨੇ ਕਾਲਜ ਦੀ ਸਲਾਨਾ ਰਿਪੋਰਟ ਪੜ੍ਹ ਕੇ ਸੁਣਾਈ।
    ਆਪਣੇ ਸੰਬੋਧਨ ਵਿਚ ਮੁੱਖ ਮਹਿਮਾਨ ਪ੍ਰੋ. (ਡਾ.) ਸਤਬੀਰ ਸਿੰਘ ਗੋਸਲ ਨੇ ਡਿਗਰੀਆਂ ਤੇ ਹੋਰ ਸਨਮਾਨ ਪ੍ਰਾਪਤ ਕਰ ਰਹੇ ਵਿਦਿਆਰਥੀਆਂ ਨੂੰ ਵਧਾਈ ਦਿੱਤੀ। ਉਨ੍ਹਾਂ ਵਿਦਿਆਰਥੀਆਂ ਨੂੰ ਅਜੋਕੇ ਦੌਰ ਵਿਚ ਆਪਣੇ ਆਪ ਨੂੰ ਕਾਮਯਾਬ ਬਣਾਉਣ ਲਈ ਆਪਣੀ ਮਰਜੀ ਦੇ ਮੁਤਾਬਿਕ ਵਿਸ਼ਾ ਚੁਣ ਕੇ ਸੁਨਹਿਰਾ ਭਵਿੱਖ ਬਣਾਉਣ ਲਈ ਪ੍ਰੇਰਿਤ ਕੀਤਾ।   
    ਸਮਾਗਮ ਦੌਰਾਨ ਕੁੱਲ 366 ਵਿਦਿਆਰਥੀਆਂ ਨੂੰ ਡਿਗਰੀਆਂ ਪ੍ਰਦਾਨ ਕੀਤੀਆਂ ਗਈਆਂ। ਜਿਨ੍ਹਾਂ ਵਿਚ  ਬੀ. ਐਸ. ਸੀ. ਦੀਆਂ 11, ਬੀ. ਏ. (ਜਨਰਲ )ਦੀਆਂ 114, ਬੀ. ਏ. (ਆਨਰਜ਼ )ਦੀਆਂ 12, ਬੀ. ਬੀ. ਏ. ਦੀਆਂ 15, ਬੀ. ਸੀ. ਏ. ਦੀਆਂ 23, ਬੀ. ਕਾਮ. ਦੀਆਂ 89, ਐਮ. ਏ. ਪੰਜਾਬੀ ਦੀਆਂ 12, ਐਮ. ਏ. ਰਾਜਨੀਤੀ ਸ਼ਾਸ਼ਤਰ ਦੀਆਂ 6, ਐਮ. ਏ. ਸ਼ੋਸ਼ਿਆਲੋਜੀ ਦੀਆਂ 14, ਐਮ. ਐਸ. ਸੀ. ਆਈ ਟੀ. ਦੀਆਂ 7, ਪੀ. ਜੀ. ਡੀ. ਸੀ. ਏ. ਦੀਆਂ 20, ਐਮ. ਕਾਮ ਦੀਆਂ 43 ਡਿਗਰੀਆਂ ਸ਼ਾਮਿਲ ਹਨ।
    ਡਿਗਰੀਆਂ ਤੋਂ ਬਿਨ੍ਹਾਂ ਅਕਾਦਮਿਕ ਸ਼ੈਸ਼ਨ 2014-15 ਵਿਚ ਵੱਖ-ਵੱਖ ਖੇਤਰਾਂ ਵਿਚ ਵਿਸ਼ੇਸ਼ ਪ੍ਰਾਪਤੀਆਂ ਕਰਨ ਵਾਲੇ ਵਿਦਿਆਰਥੀਆਂ ਨੂੰ ਪ੍ਰੋ. (ਡਾ.) ਸਤਬੀਰ ਸਿੰਘ ਗੋਸਲ ਨੇ ਸਨਮਾਨਿਤ ਕੀਤਾ। ਸਲਾਨਾ ਇਮਤਿਹਾਨਾਂ ਵਿਚ ਪਹਿਲੇ, ਦੂਸਰੇ ਅਤੇ ਤੀਸਰੇ ਸਥਾਨ ਤੇ ਰਹਿਣ ਵਾਲੇ ਜੇਤੂ ਵਿਦਿਆਰਥੀਆਂ ਨੂੰ ਕਾਲਜ ਪ੍ਰਧਾਨ ਸ਼੍ਰੀਮਤੀ ਰੂਪ ਬਰਾੜ ਜੀ ਨੇ ਸਨਮਾਨਿਤ ਕੀਤਾ।
    ਅੰਤ ਵਿਚ ਜਨਰਲ ਸਕੱਤਰ ਸ. ਹਰਪ੍ਰਤਾਪ ਸਿੰਘ ਬਰਾੜ ਨੇ ਆਏ ਹੋਏ ਸਾਰੇ ਮਹਿਮਾਨਾਂ ਦਾ ਧੰਨਵਾਦ ਕੀਤਾ ਅਤੇ ਬੱਚਿਆਂ ਨੂੰ ਭਵਿੱਖ ਵਿਚ ਅੱਗੇ ਵਧਣ ਲਈ ਸ਼ੁਭਕਾਮਨਾਵਾਂ ਦਿੱਤੀਆਂ। ਸਮਾਗਮ ਦੌਰਾਨ ਹੋਰਨਾਂ ਤੋਂ ਇਲਾਵਾ ਸ਼੍ਰੀਮਤੀ ਰੂਪ ਬਰਾੜ, ਸ. ਹਰਪ੍ਰਤਾਪ ਸਿੰਘ ਬਰਾੜ, ਸ਼੍ਰੀਮਤੀ ਰੁਪਿੰਦਰ ਬਰਾੜ, ਸ. ਪਵਿੱਤਰਪਾਲ ਸਿੰਘ ਪਾਂਗਲੀ, ਸ. ਜੋਗੇਸ਼ਵਰ ਸਿੰਘ ਮਾਂਗਟ, ਸ. ਜਗਜੀਵਨਪਾਲ ਸਿੰਘ ਗਿੱਲ, ਸ਼੍ਰੀਮਤੀ ਰਾਜ ਰਾਣੀ, ਸ਼੍ਰੀਮਤੀ ਸਤਿੰਦਰ ਕੌਰ ਜਵੰਦਾ, ਸ਼੍ਰੀ ਆਦਰਸ਼ਪਾਲ ਬੈਕਟਰ, ਪ੍ਰਿੰਸੀਪਲ ਡੀ.ਪੀ.ਠਾਕੁਰ ਆਦਿ ਹਾਜ਼ਰ ਸਨ।

ਮਾਇਂਡ ਪਲਸ ਰਿਟ੍ਰੀਟ ਨੇ ਆਰਗੈਨਿਕ ਢੰਗ ਨਾਲ ਮਨਾਇਆ ਹੋਲੀ ਦਾ ਜਸ਼ਨ

Wed, Mar 4, 2015 at 4:05 PM

ਮਨੋਰੋਗ ਕੇਂਦਰ ਦੇ ਮਰੀਜ਼ਾਂ ਨੂੰ ਦੋਰਾਹਾ 'ਚ ਦਿਖਾਈ ਗਈ ਨਵੀਂ ਜ਼ਿੰਦਗੀ ਦੀ ਝਲਕ

ਲੁਧਿਆਣਾ: 4 ਮਾਰਚ, 2015: (ਪੰਜਾਬ ਸਕਰੀਨ ਬਿਊਰੋ): 

 ਭਾਰਤ ਦੇ ਪਹਿਲੇ ਮਨੋਰੋਗ ਅਤੇ ਨਸ਼ਾਮੁਕਤੀ ਕੇਂਦਰ ਮਾਇਂਡ ਪਲਸ ਰਿਟ੍ਰੀਟ ਨੇ ਹੋਲੀ ਦੇ ਰੰਗਾਂ ਨਾਲ ਭਰੇ ਖੁਸ਼ੀ ਦੇ ਤਿਉਹਾਰ ਨੂੰ ਜੈਵਿਕ (ਆਰਗੈਨਿਕ) ਰੰਗਾਂ ਨਾਲ ਮਨਾਇਆ। ਮਰੀਜ਼ਾਂ ਦੀ ਜ਼ਿੰਦਗੀ ਵਿੱਚ ਖੁਸ਼ੀਆਂ ਅਤੇ ਰੰਗ ਭਰ ਦੇਣ ਦੇ ਉਦੇਸ਼ ਨਾਲ ਮਨੋਰੋਗ ਯੂਨਿਟ ਦੇ ਸਟਾਫ ਨਾਲ ਹੋਲੀ ਦਾ ਤਿਓਹਾਰ ਦੋਰਾਹਾ ਵਿਖੇ ਮਨਾਇਆ। ਇਸ ਦੋਰਾਨ ਤਿਓਹਾਰ ਨੂੰ ਵਧੇਰੇ ਖੁਸ਼ੀ ਨਾਲ ਭਰਦੇ ਹੋਏ ਮਰੀਜ਼ਾਂ ਅਤੇ ਓਹਨਾਂ ਦੇ ਮਾਤਾ ਪਿਤਾ ਅਤੇ ਸਟਾਫ ਨੇ ਰੰਗਾਂ ਦੇ ਨਾਲ ਨਾਲ ਗੁਲਾਲ ਅਤੇ ਮਿਠਾਈਆਂ ਵੀ ਵੰਡੀਆਂ। ਸਟਾਫ਼ ਅਤੇ ਮਰੀਜ਼ਾਂ ਨੁੰ ਹੋਲੀ ਦਾ ਭਰਪੂਰ ਆਨੰਦ ਮਿਲੇਆ।

ਡਾ ਕੁਨਾਲ ਕਾਲਾ,  ਮਾਇਂਡ ਪਲ੍ਸ ਰਿਟ੍ਰੀਟ ਦੇ ਮੈਨੇਜਿੰਗ ਡਾਇਰੈਕਟਰ ਨੇ ਮੌਕੇ ਦੀ ਜਾਣਕਾਰੀ ਦੇਂਦੇਆਂ ਕਿਹਾ ਕਿ ਇਹਨਾਂ ਮਰੀਜ਼ਾਂ ਨੂੰ ਕਈ ਸਮਾਜਿਕ ਚੁਣੋਤਿਆਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਇਹ ਵਾਸਤਵ ਵਿੱਚ ਸਮਾਜ ਦੇ ਇਕ ਕਮਜ਼ੋਰ ਗਰੁੱਪ ਨੂੰ ਹੁੰਦੇ ਹਨ ਅਤੇ ਇਹਨਾ ਦੀ ਖਾਸ ਦੇਖਭਾਲ ਦੀ ਲੋੜ ਹੁੰਦੀ ਹੈ। ਰਸਾਇਣਕ ਰੰਗਾਂ ਵਿੱਚ ਲੀਡ, ਪਾਰਾ ਅਤੇ ਕਾਪਰ (ਪਿੱਤਲ) ਸਲ੍ਫੇਟ ਹੁੰਦੇ ਹਨ। ਇਹ ਰਸਾਇਣ ਆਮ ਐਲਰਜੀ ਤੋਂ ਲੈਕੇ ਗੁਰਦੇ ਫੇਲ ਹੋਣ ਦਾ ਕਾਰਣ ਬਣ ਸਕਦੇ ਹਨ।

ਓਹਨਾਂ ਨੇ ਅੱਗੇ ਕਿਹਾ ਕਿ ਮੈਂ ਖੁਸ਼ ਹਾਂ ਕਿ ਅਸੀ ਇਹਨਾਂ ਸਾਰੇ ਮਰੀਜ਼ਾਂ ਨੂੰ ਅਜਿਹਾ ਮੰਚ ਪ੍ਰਦਾਨ ਕਰ ਸਕੇ ਜਦ ਸਾਰੇ ਆਪਣਾ ਦੁੱਖ ਦਰਦ ਭੁਲ ਗਏ। ਇਹ ਯਕੀਨੀ ਤੌਰ 'ਤੇ ਪ੍ਰਸੰਸਾਯੋਗ ਕਦਮ ਹੈ। ਅੱਜ ਕੋਈ ਵੀ ਉੱਤਰੀ ਭਾਰਤ ਵਿੱਚ ਅਜਿਹਾ ਸਥਾਨ ਨਹੀਂ ਹੈ ਜਿਥੇ ਮਨੋਵਿਗਯਾਨਿਕ ਅਤੇ ਨਸ਼ਾਮੁਕਤੀ ਦੇ ਅੰਤਰਰਾਸ਼ਟਰੀ ਸਤਰ ਦੇ ਇਲਾਜ਼ ਗੁਣਵੱਤਾ ਅਤੇ ਗੁਪਤਤਾ ਨੂੰ ਮੁੱਡ ਰੱਖ ਕੇ ਕੀਤੇ ਜਾ ਰਹੇ ਹੋਣ। ਚਾਹੇ ਸਰੀਰਕ ਸਿਹਤ ਸੰਭਾਲ ਲਈ ਮਲਟੀ-ਸ੍ਪੇਸ਼ਲਟੀ ਹਸਪਤਾਲ ਖੁਲ ਚੁਕੇ ਹਨ ਪਰ ਮਨੋਰੋਗ ਚਿਕਿਤਸਾ ਕੇਂਦਰ ਹੁਣ ਤਕ ਮੌਜੂਦ ਨਹੀ ਹੋ ਸਕੇ ਹਨ। ਅਸੀ ਇਸ ਤਰਾਂ ਦੇ ਹੋਰ ਆਯੋਜਨ ਕਰਨੇ ਚਾਹਾਂਗੇ ਜਿਸ ਨਾਲ ਸਾਡੇ ਮਰੀਜ਼ਾਂ ਨੂੰ ਵੱਧ ਉਪਚਾਰ ਮਿਲੇਗਾ ਅਤੇ ਮਾਇਂਡ ਪਲ੍ਸ ਰਿਟ੍ਰੀਟ ਵੀ ਇਹਨਾਂ ਮਰੀਜ਼ਾਂ ਦਾ ਆਪਣੇ ਘਰ ਤੋਂ ਦੂਰ ਇੱਕ ਹੋਰ ਘਰ ਹੈ।