Showing posts with label Astrology. Show all posts
Showing posts with label Astrology. Show all posts

Thursday, December 19, 2024

ਪੱਛਮ ਦੀ ਅੰਨੀ ਨਕਲ ਤੋਂ ਬਾਅਦ ਫਿਰ ਯੋਗ ਸਾਧਨਾ ਅਤੇ ਮੈਡੀਟੇਸ਼ਨ ਵੱਲ ਮੋੜਾ

From Dr. Meena Sharma on Saturday 14th December 2024 at 12:38 Regarding Meditation

🙏ਮੋਹਾਲੀ ਵਿੱਚ ਦੇਖੋ ਮੈਡੀਟੇਸ਼ਨ ਪ੍ਰੋਗਰਾਮ ਅਤੇ ਇਸਦੇ ਜਾਦੂਈ ਅਸਰ 🙏

ਡਾ. ਮੀਨਾ ਸ਼ਰਮਾ ਵੱਲੋਂ ਸਿਹਤਮੰਦ ਜੀਵਨ-ਜਾਚ ਲਈ ਵਿਸ਼ੇਸ਼ ਕੈਂਪ 22 ਨੂੰ 


ਮੋਹਾਲੀ
: 18 ਦਸੰਬਰ 2024: (ਕਾਰਤਿਕਾ ਕਲਿਆਣੀ ਸਿੰਘ//ਪੰਜਾਬ ਸਕਰੀਨ ਡੈਸਕ)::

ਪੱਛਮੀ ਹਵਾਵਾਂ ਦੇ ਵਹਿਣ ਵਿੱਚ ਅੰਨੇਵਾਹ ਵਹਿ ਤੁਰੇ ਸਾਡੇ ਸਮਾਜ ਨੇ ਵੀ ਉਹ ਮੁਸੀਬਤਾਂ ਸਹੇੜੀਆਂ ਜਿਹੜੀਆਂ ਪੱਛਮੀ ਸਭਿਅਤਾ ਵਾਲਿਆਂ ਨੇ ਸਹੇੜੀਆਂ ਹੋਈਆਂ ਸਨ। ਇਹ ਗੱਲ ਕਿਸੇ ਚਮਤਕਾਰ ਤੋਂ ਘੱਟ ਨਹੀਂ ਕਿ ਉਹਨਾਂ ਨੇ ਅੰਨੀ ਐਸ਼ਪ੍ਰਸਤੀ ਵਾਲਾ ਜੀਵਨ ਦੇਖ ਕੇ ਭਾਰਤੀ ਸੱਭਿਆਚਾਰ ਦੀ ਸ਼ਰਨ ਵਿੱਚ ਆਉਣ ਨੂੰ ਪਹਿਲ ਦਿੱਤੀ ਹੈ।  ਏਧਰਲੇ ਲਾਈਫ ਸਟਾਈਲ ਅਤੇ ਓਧਰਲੇ ਲਾਈਫ ਸਟਾਈਲ ਵਿੱਚਲਾ ਅੰਤਰ ਸੰਨ 1970 ਵਿੱਚ ਆਈ ਫਿਲਮ "ਪੂਰਬ ਔਰ ਪਸ਼ਚਿਮ" ਫਿਲਮ ਵਿੱਚ ਵੀ ਬਹੁਤ ਚੰਗੀ ਤਰ੍ਹਾਂ ਦਿਖਾਇਆ ਗਿਆ ਸੀ। ਮਨੋਜ ਕੁਮਾਰ ਵਾਲੀ ਇਸ ਫਿਲਮ ਦੇ ਗੀਤ ਵੀ ਬਹੁਤ ਵਿਸ਼ੇਸ਼ ਸਨ। ਪ੍ਰਾਣ, ਪ੍ਰੇਮਨਾਥ,ਅਸ਼ੋਕ ਕੁਮਾਰ, ਪ੍ਰੇਮ ਚੋਪੜਾ ਅਤੇ ਸਾਇਰਾ ਬਾਨੋ ਨੇ ਵੀ ਆਪੋ ਆਪਣੀਆਂ ਭੂਮਿਕਾਵਾਂ ਵਿੱਚ ਜਾਂ ਪਾਈ ਹੋਈ ਸੀ। ਇਸ ਫਿਲਮ ਨੇ ਉਦੋਂ ਇਕੱਲੇ ਭਾਰਤ ਵਿੱਚ ਹੀ 45 ਮਿਲੀਅਨ ਰੁਪਿਆਂ ਦੀ ਕਮਾਈ ਕੀਤੀ ਸੀ। ਵਿਦੇਸ਼ਾਂ ਵਿਚ ਇਹ ਕਮਾਈ ਹੋਰ ਵੀ ਜ਼ਿਆਦਾ ਸੀ। 

ਇਸ ਤੋਂ ਬਾਅਦ ਸੰਨ 1978  ਵਿੱਚ ਆਈ ਫਿਲਮ "ਦੇਸ ਪਰਦੇਸ" ਵਿੱਚ ਵੀ। ਆਪਣੇ ਦੇਸ਼ ਭਾਰਤ ਨੂੰ ਛੱਡ ਕੇ ਕਿਸੇ ਵੀ ਤਰ੍ਹਾਂ ਵਿਦੇਸ਼ਸਨ ਵੱਲ ਜਾਣ ਦੀ ਦੌੜ ਅਤੇ ਫਿਰ ਉਥੇ ਪਹੁੰਚ ਕੇ ਉਥੋਂ ਦੀਆਂ ਮੁਸ਼ਕਲਾਂ ਦਾ ਬਹੁਤ ਦਿਲਚਸਪ ਵਰਨਣ ਹੈ। ਫਿਲਮ ਦੇ ਗੀਤ ਵੀ ਬਹੁਤ ਹਿੱਟ ਹੋਏ ਸਨ। ਦੇਵਾਨੰਦ,  ਮੁਨੀਮ, ਪ੍ਰਾਣ, ਅਮਜਦ ਖਾਨ, ਗਜਾਨਨ ਜਾਗੀਰਦਾਰ, ਅਜੀਤ, ਪ੍ਰੇਮ ਚੋਪੜਾ, ਏ ਕੇ ਹੰਗਲ, ਇੰਦਰਾਣੀ ਮੁਖਰਜੀ, ਬਿੰਦੂ, ਸ਼੍ਰੀ ਰਾਮ ਲਾਗੂ, ਮਹਿਮੂਦ ਆਦਿ ਸਭਨਾਂ ਨੇ ਹੀ ਬਹੁਤ ਚੰਗਾ ਕੰਮ ਕੀਤਾ ਸੀ। ਇਸ ਫਿਲਮ ਫਰ ਗੀਤ ਵੀ ਬਹੁਤ ਹਿੱਟ ਹੋਏ ਸਨ। 

ਇਸੇ ਤਰ੍ਹਾਂ ਸੰਨ 1997 ਵਿੱਚ ਸੁਭਾਸ਼ ਘਈ ਦੀ ਇੱਕ ਫਿਲਮ ਆਈ ਸੀ-ਪਰਦੇਸ। ਇਸ ਵਿੱਚ ਮਹਿਮਾ ਚੌਧਰੀ, ਸ਼ਾਹਰੁਖ ਖਾਨ, ਅਮਰੀਸ਼ ਪੁਰੀ, ਆਲੋਕ ਨਾਥ, ਅਪੂਰਵ ਅਗਨੀਹੋਤਰੀ ਅਤੇ ਹਿਮਾਨੀ ਸ਼ਿਵਪੁਰੀ ਨੇ ਆਪਣੀ ਅਦਾਕਾਰੀ ਦਾ ਲੋਹਾ ਮਨਵਾਇਆ ਸੀ। ਇਸ ਦੇ ਗੀਤ ਸੰਗੀਤ ਵੀ ਕਮਾਲ ਦਾ ਰਿਹਾ। ਇਸ ਗੀਤ ਸੰਗੀਤ ਵਿੱਚ ਇੱਕ ਕਵਾਲੀ ਵੀ ਸੀ--ਨਹੀਂ ਹੋਨਾ ਥਾਂ --ਨਹੀਂ ਹੋਨਾ ਥਾ ਲੇਕਿਨ ਹੋ ਗਿਆ---ਹੋ ਗਿਆ ਹੈ ਮੁਝੇ ਪਿਆਰ! 

ਰਿਸ਼ਤਿਆਂ ਨਾਤਿਆਂ ਵਿੱਚ ਖੁੱਲ੍ਹ ਕੇ ਸਾਹਮਣੇ ਆ ਰਹੀਆਂ ਸਾਰੀਆਂ ਖਰਾਬੀਆਂ ਉਸ ਫਿਲਮ ਨੇ ਉਦੋਂ ਹੀ ਦਿਖਾ ਦਿੱਤੀਆਂ ਸਨ ਜਿਹੜੀਆਂ ਹੁਣ ਸਾਡੇ ਸਾਹਮਣੇ ਵੱਡੀ ਪੱਧਰ ਤੇ ਆ ਰਹੀਆਂ ਹਨ। ਫਿਲਮ ਮੀਡੀਆ ਨੇ ਸਾਡੇ ਸਮਾਜ ਨੂੰ ਸਮੇਂ ਸਮੇਂ ਬੜੀ ਸ਼ਿੱਦਤ ਨਾਲ ਸੁਚੇਤ ਵੀ ਕੀਤਾ ਪਾਰ ਅਸੀਂ ਨਹੀਂ ਸਮਝੇ।  

ਹੁਣ ਨਾ ਰਿਸ਼ਤੇ ਬਚੇ , ਨਾ ਹੀ ਧੰਨ ਦੌਲਤ ਅਤੇ ਹੀ ਸਿਹਤ ਅਤੇ ਸਕੂਨ। ਨਸ਼ਿਆਂ ਨੇ ਸਾਡੀ ਜ਼ਿੰਦਗੀ ਵਿੱਚ ਬੜੀ ਮਜ਼ਬੂਤੀ ਨਾਲ ਘੁਸਪੈਠ ਕੀਤੀ। ਬੱਚੇ ਅਕਸਰ ਉਦੋਂ ਵਤਨ ਪਹੁੰਚਦੇ ਹਨ ਜਦੋਂ ਮਾਂ ਪਿਓ ਉਹਨਾਂ ਨੂੰ ਮਿਲਣ ਲਈ ਤਰਸਦੇ ਇਸ ਦੁਨੀਆ ਤੋਂ ਹੀ ਤੁਰ ਜਾਂਦੇ ਹਨ। ਡੱਬਾ ਬੰਦ ਭੋਜਨ ਨੇ ਸਾਡੇ ਕੋਲੋਂ ਸਦਾ ਤਾਜ਼ਾ ਭੋਜਨ ਵੀ ਖੋਹ ਲਿਆ ਹੈ। ਮੱਕੀ ਦੀ ਰੋਟੀ ਅਤੇ ਸਰੋਂ ਦਾ ਸਾਗ ਬੜੀ ਦੂਰੀ ਵਾਲੀ ਪਹੁੰਚ ਤੇ ਜਾ ਚੁੱਕੇ ਹਨ। ਬਰਗਰ, ਨੂਡਲ, ਮੈਗੀ ਨੇ ਸਿਹਤ ਦੇ ਮਾਮਲੇ ਵਿੱਚ ਬਹੁਤ ਸਾਰੇ ਵਕਾਰ ਪੈਦਾ ਕਰ ਦਿੱਤੇ ਹਨ। ਨਸ਼ਿਆਂ ਦੀ ਆਦਤ ਨੇ ਸਾਡੀ ਸਾਰੀ ਕੁਦਰਤ ਨੀਂਦ ਖੋਹ ਲਈ  ਹੈ। 

ਝੂਠੇ ਜਿਹੇ ਇਸ ਵਿਕਾਸ ਨੇ ਸਾਡੇ ਕੋਲੋਂ ਸਾਰੇ ਸੱਚੇ ਸੁਖ ਰਾਮ ਖੋਹ ਲਏ ਹਨ। ਪਰਿਵਾਰਾਂ ਸਿਰ ਚੜ੍ਹੇ ਕਰਜ਼ਿਆਂ ਨਣੁ ਲਾਹੁਣ ਲਈ ਵਿਦੇਸ਼ਾਂ ਦੀ ਧਰਤੀ ਤੇ ਜਾਣ ਦੇ ਚਾਅ ਕਿਸੇ ਮ੍ਰਿਗ ਤ੍ਰਿਸ਼ਨਾਂ ਤੋਂ ਘੱਟ ਨਹੀਂ ਸਨ। ਡਾਕਟਰ ਸੁਰਜੀਤ ਪਾਤਰ ਸਾਹਿਬ ਅੱਜ ਫਿਰ  ਆ ਰਹੇ ਹਨ। ਉਹਨਾਂ ਕਈ ਦਹਾਕੇ ਪਹਿਲਾਂ ਲਿਖਿਆ ਸੀ:

ਜੋ ਬਦੇਸਾਂ 'ਚ ਰੁਲਦੇ ਨੇ ਰੋਟੀ ਲਈ; ਉਹ ਜਦੋਂ ਦੇਸ ਪਰਤਣਗੇ ਆਪਣੇ ਕਦੀ!

ਜਾਂ ਤਾਂ ਸੇਕਣਗੇ-ਮਾਂ ਦੇ ਸਿਵੇ ਦੀ ਅਗਨ; ਤੇ ਜਾਂ ਕਬਰਾਂ ਦੇ ਰੁੱਖ ਹੇਠ ਜਾ ਬਹਿਣਗੇ!

ਜਿਹੜੇ ਸਾਨੂੰ ਬੜੇ ਸੁਖੀ ਜਾਪਦੇ ਨੇ ਉਹਨਾਂ ਦੇ ਦੁੱਖਾਂ ਨੂੰ ਦੇਖਣ ਦੀ ਵੀ ਕੋਸ਼ਿਸ਼ ਕਰੋ। ਬਸ ਉਹ ਜ਼ਿਆਦਾ ਬੋਲਦੇ ਵੀ ਨਹੀਂ ਅਤੇ ਸਭਨਾਂ ਦੇ ਸਾਹਮਣੇ ਰੋਂਦੇ ਵੀ ਨਹੀਂ। ਉਹ ਵੀ ਹੁਣ ਤਨ ਮਨ ਦੇ ਸੁੱਖ ਲਈ ਭਾਰਤੀ ਸੰਸਕ੍ਰਿਤੀ ਵੱਲ ਬੜੀਆਂ ਉਮੀਦਾਂ ਨਾਲ ਦੇਖ ਰਹੇ ਨੇ। ਇਹਨਾਂ ਸਭਨਾਂ ਦੇ ਦਿਲਾਂ ਵਿੱਚ ਭਾਰਤ ਵੱਲ ਦੇਖਦਿਆਂ ਹੀ ਆਸ ਦੀ ਕਿਰਨ ਪੈਦਾ ਹੋ ਰਹੀ ਹੈ। ਡਾ. ਮੀਨਾ ਸ਼ਰਮਾ ਨੇ ਅਜਿਹੇ ਸਭਨਾਂ ਦੁਖੀ ਲੋਕਾਂ ਲਈ ਇੱਕ ਦਿਨ ਦੇ ਵਿਸ਼ੇਸ਼ ਮੈਡੀਟੇਸ਼ਨ ਕੈਂਪ ਦਾ ਐਲਾਨ ਕੀਤਾ ਹੈ। 

ਇੱਕ ਦਿਨ ਦਾ ਇਹ ਮੈਡੀਟੇਸ਼ਨ ਪ੍ਰੋਗਰਾਮ ਬਹੁਤ ਕੁਝ ਦੇ ਸਕਦਾ ਹੈ ਪਰ ਕੈਂਪ ਵਿਚ ਪਹੁੰਚਣਾ ਬਹੁਤ ਜ਼ਰੂਰੀ ਹੈ। ਡਾ. ਮੀਨਾ ਸ਼ਰਮਾ ਦੱਸਦੇ ਹਨ-ਮੈਡੀਟੇਸ਼ਨ ਜੀਵਨ ਨੂੰ ਸੰਤੁਲਿਤ ਅਤੇ ਸ਼ਾਂਤੀ ਨਾਲ ਭਰਪੂਰ ਬਣਾਉਣ ਲਈ ਇੱਕ ਸ਼ਕਤੀਸ਼ਾਲੀ ਮਾਧਿਅਮ ਹੈ। ਅੱਜ ਦੇ ਤਣਾਅ ਭਰੇ ਜੀਵਨ ਵਿੱਚ, ਮਾਨਸਿਕ ਸ਼ਾਂਤੀ ਅਤੇ ਅਧਿਆਤਮਿਕ ਸੰਤੁਲਨ ਦੀ ਜ਼ਰੂਰਤ ਪਹਿਲਾਂ ਨਾਲੋਂ ਵੱਧ ਹੈ। ਇਸੇ ਉਦੇਸ਼ ਨੂੰ ਮੁੱਖ ਰੱਖਦੇ ਹੋਏ ਇਹ ਇੱਕ ਰੋਜ਼ਾ ਮੈਡੀਟੇਸ਼ਨ ਪ੍ਰੋਗਰਾਮ ਲਗਾਇਆ ਜਾ ਰਿਹਾ ਹੈ। 

ਕੈਂਪ ਦਾ ਸਥਾਨ ਹੋਵੇਗਾ ਸ਼੍ਰੀ ਵੈਂਕਟੇਸ਼ ਮੰਦਿਰ, ਬਾਂਕੇ ਬਿਹਾਰੀ ਧਾਮ, ਟੀਡੀਆਈ, ਸੈਕਟਰ 74ਏ, ਮੋਹਾਲੀ। ਇਸ ਦੇ ਆਯੋਜਨ ਦੀ ਤਾਰੀਖ ਹੈ  22 ਦਸੰਬਰ 2024 ਅਤੇ ਕੈਂਪ ਦਾ  ਸਮਾਂ ਰਹੇਗਾ  ਸਵੇਰੇ 10 ਵਜੇ ਤੋਂ ਦੁਪਹਿਰ 2 ਵਜੇ ਤੱਕ।  

ਇਸ ਕੈਂਪ ਮੌਕੇ ਜਿਹਨਾਂ ਗੱਲਾਂ ਤੇ ਮੁਖ ਤੌਰ ਤੇ ਧਿਆਨ ਕੇਂਦਰਿਤ ਰਹੇਗਾ ਉਹ ਮੁੱਖ ਗਤੀਵਿਧੀਆਂ ਇਸ ਪ੍ਰਕਾਰ ਹੋਣਗੀਆਂ:

*ਮੈਡੀਟੇਸ਼ਨ ਸੈਸ਼ਨ (Meditation Session): ਦੀ ਜਾਚ ਸਿਖਾਉਣ ਵਾਲੇ ਗੁਰ ਦੇ ਅਧੀਨ ਧਿਆਨ ਨੂੰ ਕੇਂਦਰਿਤ ਕਰਨਾ ਸਿਖਾਇਆ ਜਾਏਗਾ। 

*ਸਾਹ ਲੈਣ ਦੀਆਂ ਤਕਨੀਕਾਂ (breathing  techniques) ਵੀ ਬੜੇ ਉਚੇਚ ਨਾਲ ਸਿਖਾਈਆਂ ਜਾਣਗੀਆਂ। ਸਾਹ ਲੈਣ ਦੇ ਵਿਗਿਆਨਕ ਤਰੀਕੇ ਸਿਖਾਏ ਜਾਣਗੇ। ਜਿਸ ਨੂੰ ਇਹ ਤਰੀਕੇ ਆ ਗਏ ਉਸ ਦੀਆਂ ਬਹੁਤ ਸਾਰੀਆਂ ਸਮੱਸਿਆਵਾਂ ਬਿਨਾ ਕਿਸੇ ਦਵਾਈ ਦੇ ਦੂਰ ਹੋ ਜਾਣਗੀਆਂ।  

*ਮਾਈਂਡਫੁਲਨੈੱਸ ਪ੍ਰੈਕਟਿਸ (mindfulness practice):ਇਸ ਵਿੱਚ ਤਨ ਦੇ ਨਾਲ ਨਾਲ ਮਾਈਂਡ ਦਿਸਣ ਸ਼ਕਤੀਆਂ ਨੂੰ ਜਾਗ੍ਰਿਤ ਕਰ ਕੇ ਸ਼ਖ਼ਸੀਅਤ ਵਿੱਚ ਨਵਾਂ ਨਿਖਾਰ ਲਿਆਂਦਾ ਜਾਏਗਾ। 

👉ਕੈਂਪ ਵਿੱਚ ਜਾਣ ਲਈ ਰਜਿਸਟ੍ਰੇਸ਼ਨ ਅਤੇ ਹੋਰ ਜਾਣਕਾਰੀ ਲਈ ਸੰਪਰਕ ਕਰੋ: ਡਾ: ਮੀਨਾ ਸ਼ਰਮਾ ਨਾਲ ਉਹਨਾਂ ਦਾ ਮੋਬਾਈਲ ਨੰਬਰ ਇਸ ਪ੍ਰਕਾਰ ਹੈ +91 96460-05543

  Acupoint Wellness Center  ਗੋਬਿੰਦ ਐਨਕਲੇਵ ਗ੍ਰੀਨਜ਼ ਸੈਕਟਰ 117, ਮੋਹਾਲੀ

Monday, January 22, 2018

ਜੋਤਿਸ਼ ਦਾ ਕੋਈ ਵਿਗਿਆਨਿਕ ਅਧਾਰ ਨਹੀਂ --ਤਰਕਸ਼ੀਲ

ਜੋਤਿਸ਼ ਇਕ ਤੁੱਕਾ ਸੈਮੀਨਾਰ ਦੌਰਾਨ  ਸਿੱਧ ਕੀਤਾ ਜੋਤਿਸ਼ ਦਾ "ਖੋਖਲਾਪਨ" 
ਲੁਧਿਆਣਾ: 21 ਜਨਵਰੀ 2018: (ਪੰਜਾਬ ਸਕਰੀਨ ਟੀਮ)::
ਤਰਕਸ਼ੀਲ ਸੁਸਾਇਟੀ ਪੰਜਾਬ (ਇਕਾਈ ਲੁਧਿਆਣਾ) ਵੱਲੋਂ "ਜੋਤਿਸ਼ ਇਕ ਤੁੱਕਾ" ਵਿਸ਼ੇ ਤੇ ਕਰਵਾਏ ਸੈਮੀਨਾਰ ਦੌਰਾਨ ਇਹ ਸਿੱਧ ਹੋਇਆ ਕਿ ਜੋਤਿਸ਼ ਦਾ ਕੋਈ ਵੀ ਵਿਗਿਆਨਿਕ ਅਧਾਰ ਨਹੀਂ ਹੈ। ਇਸ ਸੈਮੀਨਾਰ ਵਿੱਚ ਭਾਗ ਲੈਣ ਲਈ ਜੋਤਿਸ਼ੀਆਂ ਨੂੰ ਵੀ ਖੁੱਲਾ ਸੱਦਾ ਦਿੱਤਾ ਗਿਆ ਸੀ ਪਰ ਕੋਈ ਵੀ ਜੋਤਿਸ਼ੀ ਪ੍ਰਬੰਧਕਾਂ ਦੀ ਚੁਣੌਤੀ ਨੂੰ ਸਵੀਕਾਰ ਕਰਨ ਲਈ ਨਹੀਂ ਪੁੱਜਿਆ। ਸੈਮੀਨਾਰ ਦੇ ਮੁੱਖ ਬੁਲਾਰੇ ਮਾਸਟਰ ਸੁਰਜੀਤ ਦੌਧਰ ਨੇ ਗਦਰੀ ਸ਼ਹੀਦ ਬਾਬਾ ਭਾਨ ਸਿੰਘ ਯਾਦਗਾਰ ਸੁਨੇਤ ਵਿਖੇ ਹੋਏ ਇਸ ਸੈਮੀਨਾਰ ਸਮੇਂ ਬੋਲਦਿਆਂ ਕਿਹਾ ਕਿ ਜੋਤਿਸ਼ ਬਾਰੇ ਆਮ ਲੋਕਾਂ ਨੂੰ ਜਾਣਕਾਰੀ ਤਾਂ ਹੈ, ਪਰ ਇਸ ਸਬੰਧੀ ਗਿਆਨ ਨਹੀਂ ਹੈ। ਲੋਕਾਂ ਦੀ ਇਸੇ ਅਗਿਆਨਤਾ ਦਾ ਜੋਤਸ਼ੀ ਰੱਜਕੇ ਲਾਭ ਉਠਾਉਂਦੇ। ਉਹਨਾਂ ਜੋਤਿਸ਼ ਦੀ ਉਤਪਤੀ ਬਾਰੇ ਜਾਣਕਾਰੀ ਦਿੰਦਿਆਂ ਕਿਹਾ ਕਿ ਸਾਡੇ ਸਮਾਜ ਵਿੱਚ ਇਕ ਸਮਾਂ ਪਰਵਚਨ ਮੰਨਣ ਦਾ ਸੀ, ਜਦੋਂ ਲੋਕ ਕਿਸੇ ਮਹਾਂਪੁਰਸ਼ ਵੱਲੋਂ ਕਹੀਆਂ ਗੱਲਾਂ ਨੂੰ ਬਿਨਾ ਸੋਚੇ ਸਮਝੇ ਪਰਵਚਨਾਂ ਦੇ ਰੂਪ ਵਿੱਚ ਮੰਨਦੇ ਸਨ। ਜੋਤਿਸ ਵੀ ਉਸੇ ਵੇਲੇ ਦੀ ਉਪਜ ਹੈ। ਉਹਨਾਂ ਜੋਤਸ਼ੀਆਂ ਵੱਲੋਂ ਤਿਆਰ ਕੀਤੀਆਂ ਜਾਂਦੀਆਂ ਜਨਮ ਪੱਤਰੀਆੰ, ਟੇਵਿਆਂ ਤੇ ਰਾਸ਼ੀਆਂ ਆਦਿ ਬਾਰੇ ਬੋਰਡ ਉੱਪਰ ਲਿਖਕੇ ਸਮਝਾਉਂਦਿਆਂ ਸਪਸ਼ਟ ਕੀਤਾ ਕਿ ਇਹ ਸਭ ਗ਼ੈਰ ਵਿਗਿਆਨਿਕ ਹਨ ਕਿਉਂਕਿ ਇਹ ਵਿਗਿਆਨ ਅਨੁਸਾਰ ਬਣਾਈਆਂ ਹੀ ਨਹੀਂ ਜਾ ਸਕਦੀਆਂ। 
ਹਰ ਇਕ ਜੋਤਿਸ਼ੀ ਦਾ ਇਹਨਾਂ ਨੂੰ ਬਣਾਉਣ ਦਾ ਢੰਗ ਵੀ ਵੱਖੋ ਵੱਖ ਹੈ। ਉਹਨਾਂ ਭਾਰਤ ਵਿਚੋਂ ਪੋਲੀਓ ਦੀ ਬਿਮਾਰੀ ਦੇ ਖ਼ਾਤਮੇ ਦੀ ਉਦਾਹਰਣ ਦਿੰਦਿਆਂ ਕਿਹਾ ਕਿ ਜੋਤਸ਼ੀਆਂ ਇੱਕ ਬੱਚੇ ਦੀ ਇੱਕ  ਵਿੱਚ ਦੋ ਗਰਿਹ ਇਕੱਠੇ ਹੋ ਜਾਣ ਨਾਲ ਉਸ ਬੱਚੇ ਦੀ ਮੌਤ ਪੋਲੀਓ ਬਿਮਾਰੀ ਨਾਲ ਹੋਣੀ ਤਹਿ ਹੋ ਜਾਂਦੀ ਹੈ। ਪਰ ਹੁਣ ਜਦੋਂ ਪੋਲੀਓ ਦੀ ਬਿਮਾਰੀ ਹੀ ਵਿਗਿਆਨ ਨੇ ਦੇਸ਼ 'ਚੋ  ਖਤਮ ਕਰ ਦਿੱਤੀ ਹੈ, ਤਾਂ ਜੋਤਿਸ਼ ਦੀ ਸਚਿਆਈ ਦਾ ਕੀ ਆਧਾਰ ਰਹਿ ਜਾਂਦਾ ਹੈ? ਉਹਨਾਂ ਜੋਤਿਸ਼ੀਆਂ ਵੱਲੋਂ ਮੰਗਲੀਕ ਹੋਣ ਬਾਰੇ ਕੀਤੇ ਜਾਂਦੇ ਬੇਲੋੜੇ ਪ੍ਰਚਾਰ ਨੂੰ ਵੀ ਝੂਠ ਦਾ ਪੁਲੰਦਾ ਕਰਾਰ ਦਿੰਦਿਆਂ ਦੱਸਿਆ ਕਿ ਜੋਤਸ਼ੀਆਂ ਵੱਲੋਂ ਤਹਿਸ਼ੁਦਾ ਗਿਣਤੀ ਮਿਣਤੀ ਅਨੁਸਾਰ ਸਾਡੇ ਦੇਸ਼ ਵਿੱਚ 43.6% ਬੱਚੇ ਮੰਗਲੀਕ ਪੈਦਾ ਹੁੰਦੇ ਹਨ। ਜੋਤਿਸ਼ੀਆਂ ਅਨੁਸਾਰ ਇਹਨਾਂ ਦੀ ਆਪਸ ਵਿੱਚ ਸ਼ਾਦੀ ਕਰਨਾ ਵਰਜਿਤ ਹੈ, ਪਰ ਅਜਿਹੇ ਅਨੇਕਾਂ ਹੀ ਕੇਸ ਹਨ ਜਿੱਥੇ ਕਿਸੇ ਦੇ ਵਿਵਾਹਿਤ ਜੀਵਨ ਵਿੱਚ ਕੋਈ ਸਮੱਸਿਆ ਨਹੀਂ ਆਈ ਤੇ ਅੱਜ ਵੀ ਚੰਗੀ ਜ਼ਿੰਦਗੀ ਜਿਊਂ ਰਹੇ ਹਨ। ਉਹਨਾਂ ਜੋਤਿਸ਼ੀ ਵਰਗ ਨਾਲ ਸੰਵਾਦ ਕਰਨ ਤੇ ਜ਼ੋਰ ਦੇਂਦਿਆਂ ਕਿਹਾ ਕਿ ਤਰਕਸ਼ੀਲ ਸੁਸਾਇਟੀ ਹਮੇਸ਼ਾ ਹੀ ਅਜਿਹੇ ਸੰਵਾਦਾਂ ਲਈ ਉਹਨਾਂ ਨੂੰ ਸੱਦਾ ਦਿੰਦੀ ਆ ਰਹੀ ਹੈ, ਪਰ ਉਹਨਾਂ ਵੱਲੋਂ ਕਦੀ ਵੀ ਕੋਈ ਹੁੰਗਾਰਾ ਨਹੀਂ ਆ ਰਿਹਾ। 
ਸਟੇਜ ਸੰਚਾਲਨ ਕਰਦਿਆਂ ਸੁਸਾਇਟੀ ਦੇ ਜਥੇਬੰਦਕ ਮੁੱਖੀ ਜਸਵੰਤ ਜੀਰਖ ਨੇ ਦੱਸਿਆ ਕਿ ਇਕ ਵਾਰੀ ਲੁਧਿਆਣਾ ਅਤੇ ਇਸ ਦੇ ਆਸ ਪਾਸ ਦੇ ਮਸ਼ਹੂਰ ਜੋਤਿਸ਼ੀਆਂ ਨੂੰ ਰਜਿਸਟਰਡ ਪੱਤਰ ਲਿਖਕੇ ਅਜਿਹੇ ਸੰਵਾਦ ਰਚਣ ਲਈ ਸੱਦਾ ਦਿੱਤਾ ਗਿਆ ਸੀ ਅਤੇ ਜੋਤਿਸ਼ ਨੂੰ  ਵਿਗਿਆਨਿਕ ਤੌਰ ਤੇ ਸਹੀ ਸਿੱਧ ਕਰਨ ਤੇ ਪੰਜ ਲੱਖ ਰੁ. ਨਗਦ ਇਨਾਮ ਜਿੱਤਣ ਦੀ ਪੇਸ਼ਕਸ਼ ਵੀ ਕੀਤੀ ਸੀ। ਪਰ ਇਕ ਵੀ ਜੋਤਸ਼ੀ ਇਹ ਜਿੱਤਣ ਲਈ ਨਹੀਂ ਸੀ ਪਹੁੰਚਿਆ। 
        ਸੈਮੀਨਾਰ ਦੌਰਾਨ ਕਈ ਤਰਾਂ ਦੇ ਸਵਾਲ ਵੀ ਸੁਰਜੀਤ ਦੌਧਰ ਨਾਲ ਸਾਂਝੇ ਕੀਤੇ ਜਿਹਨਾਂ ਕਾਰਣ ਸਾਰਾ ਸਮਾਗਮ ਹੋਰ ਵੀ ਦਿਲਚਸਪ ਬਣਿਆ। ਸੁਬੇਗ ਸਿੰਘ, ਕਰਤਾਰ ਸਿੰਘ ਪੀਏਯੂ, ਰਵੀ ਸੋਈ, ਪ੍ਰਿੰਸੀਪਲ ਹਰਭਜਨ ਸਿੰਘ ਨੇ ਸਵਾਲ ਜਵਾਬ ਸੈਸ਼ਨ ' 'ਚ ਭਾਗ ਲਿਆ। ਸਤੀਸ਼ ਸੱਚਦੇਵਾ , ਦਲਬੀਰ ਕਟਾਣੀ, ਕਰਨਲ ਜੇ ਐਸ ਬਰਾੜ, ਅਜਮੇਰ ਦਾਖਾ, ਐਡਵੋਕੇਟ ਹਰਪ੍ਰੀਤ ਜੀਰਖ ਤੇ ਨਰਿੰਦਰ, ਸੁਖਦੇਵ ਸਿੰਘ ਧਾਲੀਵਾਲ, ਧਰਮਪਾਲ ਸਿੰਘ, ਕੈਪਟਨ ਗੁਰਦੀਪ ਸਿੰਘ, ਕਾ. ਸੁਰਿੰਦਰ, ਸੁਖਦੇਵ ਸਿੰਘ ਜਗਰਾਓੰ, ਬਲਵਿੰਦਰ ਸਿੰਘ, ਰਾਕੇਸ ਆਜਾਦ, ਅਰੁਣ, ਕਰਮਜੀਤ ਕੌਰ, ਕੁਲਦੀਪ ਕੌਰ, ਸਮਤਾ, ਜਗਜੀਤ ਸਿੰਘ, ਦਿਲਬਾਗ ਜੀਰਖ, ਸੁਰਜੀਤ ਸਿੰਘ ਸੁਨੇਤ, ਬਲਰਾਮ ਸੁਨੇਤ ਸਮੇਤ ਬਹੁਤ ਸਾਰੇ ਹੋਰ ਪਤਵੰਤੇ ਇਸ ਸਮੇਂ ਹਾਜ਼ਰ ਸਨ।
ਇਸ ਸਬੰਧੀ ਸੰਵਾਦ ਰਚਣ ਦੇ ਇੱਛੁਕ ਤਰਕਸ਼ੀਲ ਪੱਤਰਕਾਰ ਜਸਵੰਤ ਜੀਰਖ ਹੁਰਾਂ ਨਾਲ ਇਸ ਮੋਬਾਈਲ ਨੰਬਰ 'ਤੇ ਸੰਪਰਕ ਕਰ ਸਕਦੇ ਹਨ:   98151-69825

Saturday, January 20, 2018

ਕੀ ਜੋਤਿਸ਼ ਸ਼ਚਮੁੱਚ ਇੱਕ ਤੁੱਕਾ ਹੈ ਜਾਂ ਪੂਰਾ ਵਿਗਿਆਨ?

ਤਰਕਸ਼ੀਲ ਸੁਸਾਇਟੀ ਵੱਲੋਂ ਜੋਤਿਸ਼ ਦੇ ਵਿਸ਼ੇ 'ਤੇ ਸੈਮੀਨਾਰ 21 ਜਨਵਰੀ ਨੂੰ?
ਲੁਧਿਆਣਾ: 15 ਜਨਵਰੀ 2018: (ਪੰਜਾਬ ਸਕਰੀਨ ਟੀਮ):: 
ਜੋਤਿਸ਼ ਨੂੰ ਅੰਧ ਵਿਸ਼ਵਾਸ ਕਹਿਣ ਵਾਲਿਆਂ ਦੀ ਕਮੀ ਕਦੇ ਵੀ ਨਹੀਂ ਰਹੀ। ਇਸਦੇ ਬਾਵਜੂਦ ਜੋਤਿਸ਼ 'ਤੇ ਵਿਸ਼ਵਾਸ ਕਰਨ ਵਾਲਿਆਂ ਦੀ ਗਿਣਤੀ ਲਗਾਤਾਰ ਵਧਦੀ ਚਲੀ ਜਾ ਰਹੀ ਹੈ। ਵੱਡੀਆਂ ਵੱਡੀਆਂ ਅਖਬਾਰਾਂ ਅਤੇ ਚੈਨਲਾਂ ਉੱਤੇ ਆਉਂਦੇ ਰਾਸ਼ੀਫਲ ਨੂੰ ਪੜ੍ਹਨ ਵਾਲਿਆਂ ਵਿੱਚ ਪੜ੍ਹੇ ਲਿਖੇ ਲੋਕਾਂ ਦੀ ਗਿਣਤੀ ਸਗੋਂ ਜ਼ਿਆਦਾ ਹੁੰਦੀ ਹੈ। ਅੰਗਰੇਜ਼ੀ ਅਖਬਾਰਾਂ ਵਿੱਚ ਛਪਦੇ ਰਾਸ਼ੀਫਲ ਨੂੰ ਉਹ ਲੋਕ ਵੀ ਕਿਸੇ ਨ ਕਿਸੇ ਕੋਲੋਂ ਪੜ੍ਹਾਉਂਦੇ ਹਨ ਜਿਹਨਾਂ ਨੂੰ ਖੁਦ ਚੰਗੀ ਤਰਾਂ ਅੰਗਰੇਜ਼ੀ ਨਹੀਂ ਆਉਂਦੀ ਹੁੰਦੀ। ਜੋਤਿਸ਼ੀਆਂ ਦਾ ਪ੍ਰਭਾਵ ਸਿਆਸਤ ਨਾਲ ਜੁੜੇ ਲੋਕਾਂ ਵਿੱਚ ਵੀ ਕਾਫੀ ਹੈ। ਇਹ ਗੱਲ ਵੱਖਰੀ ਹੈ ਕਿ ਕੁਝ ਲੋਕ ਖੁਲ ਕੇ ਜੋਤਿਸ਼ੀਆਂ ਕੋਲ ਜਾਂਦੇ ਹਨ ਅਤੇ ਕੁਝ ਲੋਕ ਲੁੱਕ ਕੇ। ਲੁਧਿਆਣਾ ਦੇ ਕਰੀਮਪੁਰਾ ਬਾਜ਼ਾਰ ਵਿੱਚ ਇੱਕ ਪ੍ਰਸਿੱਧ ਹਿੰਦੀ ਲੇਖਕ ਰਹਿੰਦੇ ਸਨ ਡਾਕਟਰ ਗਿਆਨ ਸਿੰਘ ਮਾਨ। ਉਹ ਸਰਕਾਰੀ ਕਾਲਜ ਵਿੱਚ ਪ੍ਰਿੰਸੀਪਲ ਵੀ ਰਹੇ। ਉਹਨਾਂ ਦੀਆਂ ਬਹੁਤ ਸਾਰੀਆਂ ਕਿਤਾਬਾਂ ਨੂੰ ਮਾਣ ਸਨਮਾਣ ਵੀ ਮਿਲੇ। ਮੈਨੂੰ ਯਾਦ ਹੈ ਕਿ ਉਹਨਾਂ ਦਾ ਚੁਬਾਰਾ ਉਸ ਵੇਲੇ ਦੇ ਇੱਕ ਪ੍ਰਸਿੱਧ ਅਕਾਲੀ ਲੀਡਰ ਦੇ ਘਰ ਸਾਹਮਣੇ ਹੁੰਦਾ ਸੀ। ਡਾਕਟਰ ਗਿਆਨ ਸਿੰਘ ਮਾਨ ਕੋਲੋਂ ਜੋਤਿਸ਼ ਲਵਾਉਣ ਲਈ ਉਸ ਵੇਲੇ ਦੇ ਮੰਨੇ ਪ੍ਰਮੰਨੇ ਲੀਡਰ ਬੁੱਕਲ ਵਿੱਚ ਮੂੰਹ ਸਿਰ ਬੁੱਕਲ ਵਿੱਚ ਲੁਕੋ ਕੇ ਜਾਇਆ ਕਰਦੇ ਸਨ-ਸਿਰਫ ਆਪਣੇ ਭਵਿੱਖ ਬਾਰੇ ਜਾਨਣ ਅਤੇ ਉਸਦੇ ਉਪਾਅ ਪੁੱਛਣ। ਉਂਗਲੀਆਂ ਦੀਆਂ ਲਕੀਰਾਂ ਨੂੰ ਸਾਰੀ ਦੁਨੀਆ ਵਿੱਚ ਮਾਣਤਾ ਮਿਲੀ ਹੋਈ ਹੈ। ਸਾਰੀ ਫੋਰੈਂਸਿਕ ਸਾਇੰਸ ਇਸ ਨੂੰ ਵਰਤੋਂ ਵਿੱਚ ਲਿਆਉਂਦੀ ਹੈ। ਅਧਾਰ ਕਾਰਡ ਤੱਕ ਇਹਨਾਂ ਨਿਸ਼ਾਨਾਂ ਦੀ ਵਰਤੋਂ ਹੁੰਦੀ ਹੈ। ਇਸ ਲਈ ਸਮਝ ਤੋਂ ਬਾਹਰ ਹੈ ਕਿ ਜੇ ਉਂਗਲੀਆਂ ਦੇ ਨਿਸ਼ਾਨਾਂ ਦੀ ਅਹਿਮੀਅਤ ਹੁੰਦੀ ਹੈ ਤਾਂ ਹੱਥ ਦੇ ਬਾਕੀ ਹਿੱਸੇ ਦੀਆਂ ਲਕੀਰਾਂ ਫਿਜ਼ੂਲ ਕਿਵੇਂ ਹੋ ਸਕਦੀਆਂ ਹਨ?
ਸਮੁੰਦਰ ਦਾ ਜਵਾਰਭਾਟਾ ਵੀ ਅਜਿਹੀ ਪ੍ਰਕਿਰਿਆ ਹੈ ਜਿਸ ਨੂੰ ਵਿਗਿਆਨ ਮੰਨਦਾ ਹੈ। ਜੇ ਚੰਦਰਮਾ ਵਿਸ਼ਾਲ ਸਮੁੰਦਰ ਦੇ ਪਾਣੀ ਉੱਤੇ ਆਪਣਾ ਪ੍ਰਭਾਵ ਪਾ ਸਕਦਾ ਹੈ ਤਾਂ ਇਨਸਾਨ ਦੇ ਪੇਟ ਵਿੱਚ ਮੌਜੂਦ ਪਾਣੀ ਉੱਤੇ ਕਿਓਂ ਨਹੀਂ? ਸ਼ਾਇਦ ਪੂਰਨਮਾਸ਼ੀ ਅਤੇ ਮੱਸਿਆ ਦੇ ਵਰਤਣ ਦਾ ਕਾਰਨ ਇਹੀ ਹੁੰਦਾ ਹੈ। ਜਵਾਰਭਾਟੇ ਸਮੇਂ ਮਨ ਦੀਆਂ ਤਰੰਗਾਂ ਅਤੇ ਦਿਮਾਗੀ ਸੋਚ ਵੀ ਪ੍ਰਭਾਵਿਤ ਹੁੰਦੀ ਹੈ।  ਕਵੀਆਂ ਸ਼ਾਇਰਾਂ ਨੂੰ ਚੰਦਰਮਾਂ ਵਿੱਚ ਆਪਣੀ ਮਹਿਬੂਬ ਨਜ਼ਰ ਆਉਂਦੀ ਹੈ ਅਤੇ ਗਰੀਬ ਨੂੰ ਚੰਨ ਰੋਟੀ ਵਰਗਾ ਲਗਦਾ ਹੈ। ਕੁਲ ਮਿਲਾ ਕੇ ਚੰਦਰਮਾ ਦੀ ਚਾਲ ਵੀ ਵਿਗਿਆਨ ਦੇ ਦਾਇਰੇ ਵਿੱਚ ਆਉਂਦੀ ਹੈ। ਦੱਸਿਆ ਜਾਂਦਾ ਹੈ ਕਿ ਉਹਨਾਂ ਦਿਨਾਂ ਵਿੱਚ ਪਾਗਲਖਾਨਿਆਂ ਵਿਛ੍ਕ ਭਰਤੀ ਹੋਣ ਵਾਲਿਆਂ ਦੀ ਗਿਣਤੀ ਵੱਧ ਜਾਂਦੀ ਹੈ। ਦੁਨੀਆ ਦੇ ਪ੍ਰਸਿੱਧ  ਜੋਤਿਸ਼ੀ ਦੁਨੀਆ ਭਰ ਵਿੱਚ ਵੱਖ ਵੱਖ ਢੰਗ ਤਰੀਕਿਆਂ ਨਾਲ ਆਪੋ ਆਪਣਾ ਨੈਟਵਰਕ ਚਲਾ ਰਹੇ ਹਨ। ਇਹਨਾਂ ਨੂੰ ਮੂੰਹਮੰਗੀਆਂ ਰਕਮਾਂ ਦੇਣ ਵਾਲਿਆਂ ਦੀ ਗਿਣਤੀ ਵੀ ਲਗਾਤਾਰ ਵੱਧ ਰਹੀ ਹੈ। ਅੱਜਕਲ੍ਹ ਇਹ ਸਿਸਟਮ ਆਨਲਾਈਨ ਤਕਨੋਲੋਜੀ ਰਾਹੀਂ ਵੀ ਤੇਜ਼ੀ ਨਾਲ ਚੱਲ ਰਿਹਾ ਹੈ। 
ਹਾਂ ਇਹ ਗੱਲ ਵੱਖਰੀ ਹੈ ਕਿ ਰੋਜ਼ੀ ਰੋਟੀ ਦੇ ਚੱਕਰਾਂ ਨੇ ਇਸ ਖੇਤਰ ਵਿੱਚ ਵੀ ਅਡੰਬਰ ਅਤੇ ਅੰਧ ਵਿਸ਼ਵਾਸ ਚਿੰਤਾਜਨਕ ਹੱਦ ਤੱਕ ਵਧ ਦਿੱਤਾ ਹੈ। ਜੇ ਸੜਕਛਾਪ ਜੋਤਿਸ਼ੀਆਂ ਨੇ ਇਸ ਦੀ ਸਾਖ ਨੂੰ ਸੱਟ  ਮਾਰੀ ਹੈ ਤਾਂ ਇਸ ਕਾਰੋਬਾਰ ਰਾਂਹੀਂ ਵੱਡੇ ਵੱਡੇ ਮਹਿਲ ਮੁਨਾਰੇ ਖੜੇ ਕਰਨ ਵਾਲੇ ਵੀ ਘੱਟ ਨਹੀਂ ਹਨ। ਨੁਕਸਾਨ ਹੋਇਆ ਹੈ ਤਾਂ ਜੋਤਿਸ਼ ਬਾਰੇ ਨਿਰਪੱਖ ਕਿਸਮ ਦੀ ਵਿਗਿਆਨਕ ਜਾਂਚ ਦਾ। ਇਸਨੂੰ ਅੰਨੀ ਸ਼ਰਧਾ ਨਾਲ ਦੇਖਣ ਵਾਲਿਆਂ ਨੇ ਵੀ ਇੱਕ ਤਰਫ ਪਹੁੰਚ ਅਪਣਾਈ ਅਤੇ ਇਸ ਦਾ ਅੰਨਾ ਵਿਰੋਧ ਕਰਨ ਵਾਲਿਆਂ ਨੇ ਵੀ ਇਹੀ ਰਸਤਾ ਅਪਣਾਇਆ। 
ਇਸ ਬਾਰੇ ਵਿਗਿਆਨਕ ਪਹੁੰਚ ਦੇ ਰਸਤੇ ਖੁਲੇ ਰੱਖਦਿਆਂ ਇਸ ਖੇਤਰ ਵਿੱਚ ਹੁੰਦੀ ਆਰਥਿਕ ਲੁੱਟ ਬਾਰੇ ਚੇਤਨਾ ਜਗਾਉਣੀ ਵੀ ਜ਼ਰੂਰੀ ਹੈ। ਬਹੁਤ ਹੀ ਘੱਟ ਰੇਟਾਂ ਤੇ ਮਿਲਣ ਵਾਲੇ ਛੱਲੇ, ਨਗ, ਪੱਥਰ ਅਤੇ ਹੋਰ ਸਾਮਾਨ ਦੁਗਣੇ ਤਿਗਣੇ ਨਹੀਂ ਬਲਕਿ ਕਈ ਕਈ ਗੁਣਾਂ ਮਹਿੰਗੇ ਵੇਚੇ ਜਾਂਦੇ ਹਨ। ਇਸ ਦੇ ਨਾਲ ਮੰਤਰਾਂ ਅਤੇ ਜਾਪੁ ਦੀ ਕੀਮਤ ਵੀ ਸ਼ਾਮਲ ਕਰ ਲਈ ਜਾਂਦੀ ਹੈ। ਇਸ ਖੇਤਰ ਦੇ ਵਧਣ ਫੁੱਲਣ ਦਾ ਕਾਰਨ ਇਸਦੀਆਂ ਖੂਬੀਆਂ ਨਹੀਂ ਬਲਕਿ ਆਮ ਜਨਤਾ ਵਡੇ ਮਨਾਂ ਵਿੱਚ ਆ ਕਮਜ਼ੋਰੀ ਹੈ।  ਕਮਜ਼ੋਰ ਮਨ ਚਮਤਕਾਰਾਂ ਦੀ ਉਡੀਕ ਕਰਦਾ ਹੈ।  ਕ੍ਰਿਸ਼ਮੇ ਭਾਲਦਾ ਹੈ-ਜਿਹੜੇ ਅਕਸਰ ਨਹੀਂ ਹੁੰਦੇ। ਵੱਡੇ ਵੱਡੇ ਲੀਡਰਾਂ ਦੀਆਂ ਤਸਵੀਰਾਂ ਨੂੰ ਅਖਬਾਰਾਂ ਦੇ ਇਸ਼ਤਿਹਾਰਾਂ ਰਾਹੀਂ ਆਮ ਜਨਤਾ ਦੇ ਮਨਾਂ ਉੱਤੇ ਕਬਜ਼ਿਆਂ ਲਈ ਵਰਤਿਆ ਜਾਂਦਾ ਹੈ। ਅਜਿਹੀਆਂ ਤਸਵੀਰਾਂ ਉੱਤੇ ਕਾਨੂੰਨੀ ਪਾਬੰਦੀ ਹੋਣੀ ਚਾਹੀਦੀ ਹੈ। ਪ੍ਰਧਾਨ ਮੰਤਰੀ ਜਾਂ ਰਾਸ਼ਟਰਪਤੀ ਨਾਲ ਤਸਵੀਰਾਂ ਖਿਚਵਾ ਕੇ ਇਹ ਲੋਕ ਆਮ ਜਨਤਾ ਉੱਤੇ ਇਹੀ ਪ੍ਰਭਾਵ ਪਾਉਂਦੇ ਹਨ ਕਿ ਸ਼ਾਇਦ ਉਹਨਾਂ ਦੀ ਭਵਿਖਵਾਣੀ ਜਾਂ ਮੰਤਰਜਾਪ ਕਾਰਨ ਹੀ ਫਲਾਂ ਫਲਾਂ ਵਿਅਕਤੀ ਏਨੇ ਵੱਡੇ ਰੁਤਬੇ ਜਾਂ ਅਹੁਦੇ 'ਤੇ ਪਹੁੰਚਿਆ। ਅੱਜ ਪੜ੍ਹੇ ਲਿਖੇ ਨੌਜਵਾਨ ਮੁੰਡਿਆਂ, ਕੁੜੀਆਂ, ਬੱਚਿਆਂ ਅਤੇ ਬਜੁਰਗਾਂ ਦੀਆਂ ਕਲਾਈਆਂ, ਡੋਲਿਆਂ ਜਾਂ ਗਲਾਂ ਵਿੱਚ ਧਾਗੇ ਤਵੀਤ ਆਮ ਦੇਖੇ ਜਾ ਸਕਦੇ ਹਨ। ਨਿਸ਼ਾਨ ਇਸ ਵਿੱਦਿਆ ਨੂੰ ਨਹੀਂ ਬਲਕਿ ਇਸ ਖੇਤਰ ਵਿਚਲੇ ਅਡੰਬਰੀ ਲੋਕਾਂ ਨੂੰ ਬਣਾਉਣਾ ਜ਼ਰੂਰੀ ਹੈ। 
ਤਰਕਸ਼ੀਲ ਸੁਸਾਇਟੀ ਪੰਜਾਬ (ਇਕਾਈ ਲੁਧਿਆਣਾ) ਵੱਲੋਂ 21 ਜਨਵਰੀ (ਐਤਵਾਰ) ਨੂੰ ਸਵੇਰੇ 11 ਵਜੇ "ਜੋਤਿਸ਼  ਇਕ ਤੁੱਕਾ " ਵਿਸ਼ੇ ਤੇ ਸੈਮੀਨਾਰ ਕਰਵਾਇਆ ਜਾ ਰਿਹਾ ਹੈ। ਗਦਰੀ ਸ਼ਹੀਦ ਬਾਬਾ ਭਾਨ ਸਿੰਘ ਯਾਦਗਾਰ ਸੁਨੇਤ ਵਿਖੇ ਹੋ ਰਹੇ ਇਸ ਸੈਮੀਨਾਰ ਦੇ ਮੁੱਖ ਬੁਲਾਰੇ ਮਾ. ਸੁਰਜੀਤ ਸਿੰਘ ਦੌਧਰ ਜੋਤਿਸ਼ ਦੀ ਉਤਪਤੀ ਅਤੇ ਇਸ ਦੇ ਗ਼ੈਰ ਵਿਗਿਆਨਿਕ ਹੋਣ ਬਾਰੇ ਤੱਥਾਂ ਭਰਪੂਰ ਜਾਣਕਾਰੀ ਦੇਕੇ ਜੋਤਸ਼ੀਆਂ ਦੇ ਢੌਂਗ ਨੂੰ ਨੰਗਾ ਕਰਨਗੇ। ਯਾਦ ਰਹੇ ਕਿ ਤਰਕਸ਼ੀਲ ਸੁਸਾਇਟੀ ਵੱਲੋਂ ਚਲਾਈ ਜਾ ਰਹੀ ਸੈਮੀਨਾਰਾਂ ਦੀ ਲੜੀ ਅਨੁਸਾਰ ਇਹ 7ਵਾਂ ਸੈਮੀਨਾਰ ਹੈ ਜੋ ਕਿ ਬ੍ਰਹਿਮੰਡ ਅਤੇ ਜੀਵ ਦੀ ਉਤਪਤੀ ਵਿਸ਼ੇ ਤੋਂ ਸ਼ੁਰੂ ਕੀਤੀ ਗਈ ਸੀ। ਸੁਸਾਇਟੀ ਦੇ ਜਥੇਬੰਦਕ ਮੁਖੀ ਜਸਵੰਤ ਜੀਰਖ ਅਤੇ ਵਿੱਤ ਮੁਖੀ ਸਤੀਸ਼ ਸੱਚਦੇਵਾ ਨੇ ਪ੍ਰੈਸ ਨੂੰ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਜੋਤਸੀਆਂ ਅਤੇ ਤਾਂਤਰਿਕਾਂ ਆਦਿ ਵੱਲੋਂ ਲੋਕਾਂ ਦੀ ਅਗਿਆਨਤਾ ਦਾ ਲਾਭ ਉਠਾਕੇ ਉਹਨਾਂ ਦੀ ਕਿਸਮਤ ਨੂੰ ਸੁਧਾਰਨ ਦੇ ਉਪਾਵਾਂ ਦੇ ਬਹਾਨੇ ਵੱਡੀ ਪੱਧਰ ਤੇ ਲੁੱਟਿਆ ਜਾਂਦਾ ਹੈ। ਤਰਕਸ਼ੀਲ ਸੁਸਾਇਟੀ ਨੇ ਲੋਕਾਂ ਨੂੰ ਇਸ ਲੁੱਟ ਤੋਂ ਬਚਣ ਲਈ ਉਹਨਾਂ ਨੂੰ ਜੋਤਿਸ਼ ਦੇ ਝੂਠ ਬਾਰੇ ਸਿੱਖਿਅਤ ਕਰਨ ਦੇ ਯਤਨ ਕੀਤੇ ਜਾ ਰਹੇ ਹਨ। ਉਹਨਾਂ ਇਹ ਵੀ ਦੱਸਿਆ ਕਿ ਸੁਸਾਇਟੀ ਨੇ ਹਰ ਤਰਾਂ ਦੇ ਜੋਤਿਸ਼ੀਆਂ/ਤਾਂਤਰਿਕਾਂ ਆਦਿ ਲਈ 5 ਲੱਖ ਰੁ. ਦਾ ਇਨਾਮ ਵੀ ਰੱਖਿਆ ਹੋਇਆ ਹੈ।  ਇਹ ਇਨਾਮ ਉਹਨਾਂ ਨੂੰ ਤਾਂ ਹੀ ਮਿਲੇਗਾ ਜੇਕਰ ਉਹ ਇਸ ਨੂੰ ਵਿਗਿਆਨਿਕ ਤੌਰ ਤੇ ਸਹੀ ਸਿੱਧ ਕਰ ਦਿੰਦੇ ਹਨ। ਪਰ ਅੱਜ ਤੱਕ ਕੋਈ ਵੀ ਜੋਤਸ਼ੀ ਆਦਿ ਇਸ ਨੂੰ ਸਿੱਧ ਨਹੀਂ ਕਰ ਸਕਿਆ। ਉਹਨਾਂ ਹਰ ਅਗਾਂਹਵਧੂ ਵਿਚਾਰ ਰੱਖਣ ਵਾਲੇ ਮਨੁੱਖ ਨੂੰ ਇਸ ਸੈਮੀਨਾਰ ਵਿੱਚ ਪਹੁੰਚਕੇ ਜੋਤਿਸ਼ੀਆਂ ਵੱਲੋਂ ਲਾਏ ਜਾਂਦੇ ਤੁੱਕੇ ਸਮਝਣ ਦੀ ਅਪੀਲ ਕੀਤੀ ਹੈ।
ਚੰਗਾ ਹੋਵੇ ਜੇ ਲੋਕਾਂ ਦੇ ਮਨੋਬਲ ਨੂੰ ਮਜਬੂਤ ਕੀਤਾ ਜਾਵੇ। ਉਹਨਾਂ ਨੂੰ ਬੜੇ ਹੀ ਪ੍ਰੇਮ ਨਾਲ ਸਮਝਾਇਆ ਜਾਵੇ ਕਿ 
ਤਦਬੀਰ ਸੇ ਬਿਗੜੀ ਹੁਈ ਤਕਦੀਰ ਬਣਾ ਲੇ;
ਅਪਨੇ ਪੇ ਭਰੋਸਾ ਹੈ ਤੋ ਏਹ ਦਾਂਵ ਲਗਾ ਲੇ। 
ਇਸ ਸਬੰਧੀ ਹੋਰ ਵੇਰਵੇ ਲਈ ਸੰਪਰਕ ਕੀਤਾ ਜਾ ਸਕਦਾ ਹੈ ਜਸਵੰਤ ਜੀਰਖ ਹੁਰਾਂ ਨਾਲ (98151-69825)