ਲਗਾਤਾਰ ਤਿੰਨ ਪੀੜੀਆਂ ਤੋਂ ਦੀਵਾਲੀ ਦੀਆਂ ਖੁਸ਼ੀਆਂ ਵੇਚਦਾ ਬੱਟ ਪਰਿਵਾਰ

 ਮੁਹੱਬਤ ਹੀ ਇਬਾਦਤ ਹੈ: ਯਹੀ ਪੈਗਾਮ ਹੈ ਅਪਨਾ 

ਲੁਧਿਆਣਾ: 30 ਅਕਤੂਬਰ 2021: (ਪ੍ਰਦੀਪ ਸ਼ਰਮਾ ਇਪਟਾ//ਸੋਨੀਆ ਸ਼ਰਮਾ//ਕਾਰਤਿਕਾ ਸਿੰਘ//ਪੰਜਾਬ ਸਕਰੀਨ)::

ਹੱਡ  ਜਿਨ੍ਹਾਂ ਦੇ ਪ੍ਰੀਤੀਆਂ; ਗਾਉਂਦੇ ਦੀਪਕ ਰਾਗ;

ਬੱਤੀ ਵੱਟਦੇ ਉਮਰ ਦੀ ਤੇ ਬਲਦੇ ਵਾਂਗ ਚਿਰਾਗ!   ---(ਅੰਮ੍ਰਿਤਾ ਪ੍ਰੀਤਮ)

ਉਮਰਾਂ ਲੰਘ ਗਈਆਂ ਹਨ ਇਸ ਬੱਟ ਪਰਿਵਾਰ ਦੀਆਂ ਦੀਵੇ ਬਣਾਉਂਦਿਆਂ ਬਣਾਉਂਦਿਆਂ। ਪੁਸ਼ਤਾਂ ਤੋਂ ਇਹੀ ਕੰਮ ਚੱਲ ਰਿਹਾ ਹੈ। ਹਰ ਦੀਵਾਲੀ ਦੇ ਮੌਕੇ ਇਹਨਾਂ ਦੇ ਬਣਾਏ ਕਲਾਤਮਕ ਦੀਵੇ ਲੋਕ ਬੜੇ ਚਾਅ ਨਾਲ ਖਰੀਦਦੇ ਹਨ। ਮਿੱਟੀ ਨਾਲ ਮਿੱਟੀ ਹੁੰਦਿਆਂ ਇਹਨਾਂ ਦੇ ਮਨਾਂ ਵਿੱਚ ਪ੍ਰਭੂ ਰਾਮ ਹੁੰਦੇ ਹਨ। ਉਹ ਰਾਮ ਜਿਹਨਾਂ ਨੂੰ ਮੰਦਰ ਟੁੱਟਣ ਤੇ ਵੀ ਦੁੱਖ ਹੁੰਦਾ ਹੈ ਤੇ ਮਸਜਿਦ ਟੁੱਟਣ ਤੇ ਵੀ। ਇਹਨਾਂ ਨੇ ਬਾਬਰੀ ਮਸਜਿਦ ਵੀ ਟੁੱਟਦੀ ਦੇਖੀ ਅਤੇ ਅਯੋਧਿਆ ਵਿੱਚ ਰਾਮ ਮੰਦਰ ਬਣਦਾ ਵੀ ਦੇਖਿਆ। ਇਹਨਾਂ ਦੇ ਦਿਲਾਂ ਵਿੱਚ ਕਦੇ ਫਰਕ ਨਾ ਆਇਆ। ਇਹ ਆਖਦੇ ਹਨ ਇਹ ਗੱਲਾਂ ਅਸੀਂ ਸਿਆਸਤਦਾਨਾਂ ਲਈ ਛੱਡ ਰੱਖੀਆਂ ਹਨ। ਸਾਨੂੰ ਤਾਂ ਕਿਰਤ ਕਮਾਈ ਕਰ ਕੇ ਹੀ ਰੋਟੀ ਮਿਲਣੀ ਹੈ। 

ਹਰ ਸਾਲ ਦੀਵਾਲੀ ਮੌਕੇ ਵੇਚਣ ਲਈ ਦੀਵੇ ਬਣਾਉਂਦਿਆਂ ਨਾਂ ਤਾਂ ਇਹਨਾਂ ਦੀ ਆਸਥਾ ਵਿਚ ਕਦੇ ਫਰਕ ਪਿਆ ਤੇ ਨਾ ਹੀ ਸ਼ਰਧਾ ਵਿਚ। ਇਹਨਾਂ ਦੇ ਹੱਥ ਕਾਰ ਵੱਲ ਜੁੜੇ ਹੁੰਦੇ ਹਨ ਤੇ ਮਨ ਰਾਮ ਵੱਲ। ਇਹਨਾਂ ਦੇ ਬਣਾਏ ਦੀਵੇ ਕਲਕੱਤੇ ਤੋਂ ਚੱਲ ਕੇ ਦੂਰ ਦੂਰ ਤੱਕ ਜਾਂਦੇ ਹਨ। ਇਹਨਾਂ ਦੀਆਂ ਹੱਟੀਆਂ ਨਾਲ ਕਾਰੋਬਾਰੀਆਂ ਦੇ ਬੱਚੇ ਹੱਟੀ ਬਹਿਣਾ ਸਿੱਖਦੇ ਹਨ ਤੇ ਇਸ ਰਸਮ ਦੀ ਅਦਾਇਗੀ ਵੀ ਹੁੰਦੀ ਹੈ। ਪਹਿਲਾਂ ਪਹਿਲਾ ਬੱਚਿਆਂ ਨੂੰ ਦਸਤਾਰ ਬਣਦੀ ਵਾਂਗ ਹੀ ਹੱਟੀ ਬਿਠਾਇਆ ਜਾਂਦਾ ਸੀ ਤਾਂ ਦੀਵਾਲੀ ਮੌਕੇ ਇਹੋਜਿਹੀਆਂ ਹੱਟੀਆਂ ਘਰ ਲਿਆਂਦੀਆਂ ਜਾਂਦੀਆਂ ਸਨ। ਪੂਜਾ ਪਾਠ ਵੇਲੇ ਇਹਨਾਂ ਵਿੱਚ ਮਠਿਆਈਆਂ ਸਜਾਈਆਂ ਜਾਂਦੀਆਂ ਸਨ। ਪਰਿਵਾਰ ਦੇ ਲੋਕ ਅਤੇ ਮਹਿਮਾਨ ਪੈਸੇ ਦੇ ਕੇ ਦੁਕਾਨਦਾਰ ਬਣੇ ਬੱਚਿਆਂ ਕੋਲੋਂ ਇਹ ਸਮਾਨ ਖਰੀਦਿਆ ਕਰਦੇ ਸਨ। ਇਸ ਤਰ੍ਹਾਂ ਬੱਚਿਆਂ ਨੂੰ ਕਮਾਈ ਵਾਲੀ ਸੋਚ ਸਿਖਾਈ ਜਾਂਦੀ ਸੀ। ਪੈਸੇ ਕਮਾਉਣਾ ਪਰ ਮਿੱਠਾ ਹੀ ਬੋਲਣਾ ਅਤੇ ਮਿੱਠਾ ਹੀ ਵੇਚਣਾ। ਕੁੜੱਤਣ ਨਹੀਂ ਵੰਡਣੀ। ਫਰਾਡ ਅਤੇ ਧੋਖਾ ਨਹੀਂ ਕਰਨਾ। ਹੁਣ ਤਾਂ ਸਮਾਂ ਹੀ ਬਦਲ ਗਿਆ ਹੈ। ਇਹਨਾਂ ਹੱਟੀਆਂ ਨੂੰ ਬਣਾਉਣ ਵਾਲੇ ਜਦੋਂ ਇਹਨਾਂ ਨੂੰ ਬਣਾਉਂਦੇ ਹਨ ਤਾਂ ਨਾਲ ਹੀ ਨਾਲ ਮਨਾਂ ਵਿਚ ਇਹ ਦੁਆ ਵੀ ਕਰਦੇ ਹਨ ਕਿ ਹੈ ਅੱਲਾ ਹੈ ਖੁਦਾ ਇਹਨਾਂ ਹੱਟੀਆਂ ਤੇ ਬਹਿ ਕੇ ਹੱਟੀ ਸਿੱਖਣ ਵਾਲੇ ਹਮੇਸ਼ਾਂ ਸੱਚੇ ਸੌਦੇ ਹੀ ਕਰਿਆ ਕਰਨ।

ਲਗਾਤਾਰ ਤਿੰਨ ਪੀੜੀਆਂ ਤੋਂ ਦੀਵਾਲੀ ਦੀਆਂ ਖੁਸ਼ੀਆਂ ਵੇਚਦਾ ਆ ਰਿਹਾ ਇਹ ਬੱਟ ਪਰਿਵਾਰ ਬੜੀਆਂ ਆਸਾਂ ਉਮੀਦਾਂ ਨਾਲ ਦੀਵਾਲੀ ਦੀ ਉਡੀਕ ਕਰਦਾ ਹੈ। ਮਹਿੰਗਾਈ ਦਾ ਜ਼ਮਾਨਾ ਹੈ। ਲੋਕਾਂ ਕੋਲ ਨਾਂ ਤਾਂ ਦੀਵੇ ਖਰੀਦਣ ਵਾਲਾ ਉਹ ਪੁਰਾਣਾ ਚਾਅ ਬਚਿਆ ਹੈ ਤੇ ਨਾਂ ਹੀ ਦੀਵੇ ਖਰੀਦਣ ਜੋਗੇ ਪੈਸੇ। ਚੀਨ ਦੀਆਂ ਬਣੀਆਂ ਸਸਤੀਆਂ ਲੜੀਆਂ ਨੇ ਵੀ ਇਸ ਕਾਰੋਬਾਰ ਤੇ ਤੇ ਸੱਟ ਮਾਰੀ ਹੈ। ਦੀਵੇ ਜਗਾਉਣ ਲਈ ਸਮਾਂ ਵੀ ਚਾਹੀਦਾ ਹੁੰਦਾ ਹੈ। ਸਵਿੱਚ ਆਨ ਆਫ ਕਰਕੇ ਇਹਨਾਂ ਨੂੰ ਲੜੀਆਂ ਵਾਂਗ ਜਗਾਇਆ ਬੁਝਾਇਆ ਨਹੀਂ ਜਾ ਸਕਦਾ। ਇਹ ਦੀਵੇ ਤੇਲ ਵੀ ਮੰਗਦੇ ਹਨ ਜੋ ਕਿ ਹੁਣ ਬਹੁਤ ਮਹਿੰਗਾ ਹੋ ਗਿਆ ਹੈ। ਲੋਕ ਰਸੋਈ ਦਾ ਤੇਲ ਬੜੀ ਮੁਸ਼ਕਲ ਲੈਂਦੇ ਹਨ ਦੀਵਿਆਂ ਲਈ ਤੇਲ ਕਿੱਥੋਂ ਲਿਆਉਣ? ਮਹਿੰਗਾਈ ਅਤੇ ਕਾਰਪੋਰੇਟੀ ਯੁਗ ਨੇ ਇਹਨਾਂ ਦੀ ਰੋਜ਼ੀ ਰੋਟੀ ਤੇ ਵੀ ਲੱਤ ਮਾਰੀ ਹੈ। ਅੱਛੇ ਦਿਨਾਂ ਵਾਲੀ ਇਹ ਨਵੀਂ ਤਰੱਕੀ ਇਹਨਾਂ ਨੂੰ ਵੀ ਰਾਸ ਨਹੀਂ ਆਈ। 

ਇਹ  ਬੱਟ ਪਰਿਵਾਰ ਲਗਾਤਾਰ ਤਿੰਨ ਪੀੜੀਆਂ ਤੋਂ ਦੀਵਾਲੀ ਦੇ ਦੀਵੇ ਲਕਸ਼ਮੀ ਗਣੇਸ਼ ਦੀਆ ਮਿੱਟੀ ਦੀਆਂ ਖੂਬਸੂਰਤ ਮੁਰਤੀਆਂ ਬਣਾ ਕੇ ਵੇਚਣ ਦਾ ਕੰਮ ਕਰ ਰਿਹਾ ਹੈ। ਜਿਸ ਅਦਬ ਦੇ ਨਾਲ਼ ਇਹ ਪਰਿਵਾਰ ਮੁਰਤੀਆਂ ਨੂੰ ਰੱਖਦਾ ਹੈ ਉਹ ਬੜਾ ਹੀ ਕਾਬਲਿਤਾਰੀਫ ਹੈ ਮਹਿੰਗਾਈ ਦੀ ਮਾਰ ਇਸ ਕਾਰੋਬਾਰ ਤੇ ਵੀ ਪਈ ਹੈ। ਮਹਿੰਗਾਈ  ਕਾਰਣ ਗਾਹਕ ਵੀ ਘੱਟ ਹੈ। ਪਰ ਬੱਟ ਪਰਿਵਾਰ ਬੜੇ ਹੀ ਮੁਸਕਰਾਹਟ ਭਰੇ ਢੰਗ ਨਾਲ ਦੀਵਾਲੀ ਦਾ ਸਮਾਨ ਵੇਚਦਾ ਹੈ। 

ਸਾਡਾ ਵੀ ਫਰਜ਼ ਹੈ ਕਿ ਅਸੀ ਸਦਭਾਵਨਾ ਨਾਲ ਬੱਟ ਪਰਿਵਾਰ ਦਾ ਸਾਥ ਦੇਈਏ। ਜੇ ਮਹਿੰਗਾਈ ਅਤੇ ਕਾਰਪੋਰੇਟੀ ਮਾਰ ਇਸੇ ਤਰ੍ਹਾਂ ਜਾਰੀ ਰਹੀ ਤਾਂ ਆਉਣ ਵਾਲੇ ਸੇਂ ਵਿੱਚ ਇਹਨਾਂ ਨਦੀਵੀਆਂ ਨੂੰ ਦੇਖਣ ਲਈ ਮਿਊਜ਼ੀਅਮ ਜਾਣਾ ਪਿਆ ਕਰੇਗਾ। ਉਹ ਦਿਨ ਕਦੇ ਨਾ ਆਉਣ ਇਸ ਲਈ ਹੁਣੇ ਤੋਂ ਸਭਨਾਂ ਨੂੰ ਕੋਸ਼ਿਸ਼ ਕਰਨੀ ਪਏਗੀ। ਅੱਛੇ ਦਿਨਾਂ ਵਾਲੀਂ ਸਿਆਸਤਾਂ ਛੱਡ ਕੇ ਇਹਨਾਂ ਸਾਰੇ ਕਿਰਤੀਆਂ ਨਾਲ ਦੱਤ ਕੇ ਖੜੋਣਾ ਪਏਗਾ। 

      ਮੁਹੱਬਤ ਹੀ ਇਬਾਦਤ ਹੈ: ਯਹੀ ਪੈਗਾਮ ਹੈ ਅਪਨਾ!

      ਮੁਹੱਬਤ ਰੌਸ਼ਨੀ ਸੇ ਇਕ ਨਹੀਂ ਸੌ ਬਾਰ ਕਰਤੇ ਹੈਂ!

      ਜੋ ਨਫਰਤ ਹੀ ਫੈਲਾਤੇ ਹੈਂ: ਅੰਧੇਰੇ ਸੇ ਭਰੇ ਹੈਂ ਵੋ;

      ਉਨਹੇਂ ਭੀ ਰੌਸ਼ਨੀ ਮਿਲ ਜਾਏ, ਦੁਆ ਸੌ ਬਾਰ ਕਰਤੇ ਹੈਂ! ---(ਰੈਕਟਰ ਕਥੂਰੀਆ)

                                         

ਲਾਕਡਾਊਨ ਅਤੇ ਮਹਿੰਗਾਈ ਦੀ ਮਾਰ ਬਕਰੀਦ ਤੇ ਵੀ ਬੁਰੀ ਤਰ੍ਹਾਂ ਪਈ

Tuesday 20th July 2021 at 11:43 AM

 ਬਕਰੀਦ ਲਈ ਬੱਕਰੇ ਖਰੀਦਣੇ ਵੀ ਮੁਸ਼ਕਲ ਹੋਏ-ਵਪਾਰੀਆਂ ਵਿੱਚ ਨਿਰਾਸ਼ਾ 

ਲੁਧਿਆਣਾ: 20 ਜੁਲਾਈ 2021: (ਪ੍ਰਦੀਪ ਸ਼ਰਮਾ//ਇਨਪੁਟ-ਪੰਜਾਬ ਸਕਰੀਨ ਡੈਸਕ)::

ਬਕਰੀਦ ਦਾ ਤਿਉਹਾਰ ਇਕ ਅੱਧ ਦਿਨ ਵਿੱਚ ਆਉਣ ਵਾਲਾ ਹੈ। ਇਹ ਤਿਉਹਾਰ ਕੁਰਬਾਨੀ ਦਾ ਤਿਉਹਾਰ ਹੈ  ਯਾਨੀ ਉਹ ਚੀਜ਼ ਜੋ ਤੁਹਾਨੂੰ ਬਹੁਤ ਸੋਹਣੀ ਲੱਗਦੀ ਹੈ ਤੁਹਾਡੇ ਦਿਲ ਦੇ ਬਹੁਤ ਕਰੀਬ ਹੋਵੇ ਉਸ ਚੀਜ਼ ਨੂੰ ਉਸ ਖ਼ੁਦਾ ਦੇ ਚਰਨਾਂ ਵਿਚ ਅਰਪਿਤ ਕਰ ਦੇਣਾ।ਉਸ ਦੀ ਕੁਰਬਾਨੀ  ਦੇ ਦੇਣ ਦਾ ਰਿਵਾਜ ਹੈ ਜਿਸ ਨਾਲ ਯਾਦ ਆਉਂਦਾ ਹੈ  ਫਿਲਮ ਕੁਰਬਾਨੀ ਦਾ ਗੀਤ-ਅੱਲ੍ਹਾ ਕੋ ਪਿਆਰੀ ਹੈ ਕੁਰਬਾਨੀ--- ਆਪਣੇ ਜ਼ਮਾਨੇ ਵਿਚ ਇਹ ਗੀਤ ਬਹੁਤ ਹਿੱਟ ਹੋਇਆ ਸੀ।  

ਇਸ ਦਿਨ ਲੋਕ ਇਸ ਤਿਉਹਾਰ ਤੋਂ ਪਹਿਲਾਂ ਬੱਕਰਾ ਖਰੀਦ ਕੇ ਲਿਆਉਂਦੇ ਹਨ। ਕੁਝ ਦਿਨ ਉਸ ਦੀ ਚੰਗੀ ਸੇਵਾ ਕੀਤੀ ਜਾਂਦੀ ਹੈ  ਅਤੇ ਇਸ ਪਵਿੱਤਰ ਤਿਉਹਾਰ ਤੇ ਉਸ ਦੀ ਕੁਰਬਾਨੀ ਉਸ ਖ਼ੁਦਾ ਨੂੰ ਦੇ ਦਿੱਤੀ ਜਾਂਦੀ ਹੈ। ਇਸ ਵਾਰ ਵੀ ਇਸਦੀ ਚਹਿਲ ਪਹਿਲ ਰਹੀ। ਬੱਕਰੇ ਪਾਲੇ ਗਏ, ਸਜਾਏ ਗਏ ਅਤੇ ਵਿਕਣ ਲਈ ਮੰਡੀ ਵਿਚ ਲਿਆਂਦੇ ਗਏ। ਇਹਨਾਂ ਦੀਆਂ ਕੀਮਤਾਂ ਹਰ ਵਾਰ ਦੀ ਤਰ੍ਹਾਂ ਇਸ ਵਾਰ ਵੀ ਬਹੁਤ ਸਨ ਪਰ ਐਤਕੀਂ ਕੀਮਤਾਂ ਏਡਾ ਕਰਨ ਵਾਲਿਆਂ ਦਾ ਖੀਸਾ ਖਾਲੀ ਸੀ। ਲਾਕਡਾਊਨ ਦੀ ਮਾਰ ਇਸ ਮਾਮਲੇ ਵਿਚ ਵੀ ਬਹੁਤ ਪਈ। ਹਰ ਆਮ ਵਿਅਕਤੀ ਲਈ ਇਸ ਵਾਰ ਕੁਰਬਾਨੀ ਦੇਣਾ ਸੌਖਾ ਨਹੀਂ ਰਿਹਾ। 

ਬੱਕਰ ਮੰਡੀ ਲੁਧਿਆਣਾ ਵਿਖੇ ਖੂਬ ਰੌਣਕ ਉੱਥੇ ਦੇਖਣ ਨੂੰ ਮਿਲੀ। ਜਦੋਂ ਮੀਡੀਆ ਨੇ ਉੱਥੋਂ ਦਾ ਦੌਰਾ ਕੀਤਾ ਤਾਂ ਵੰਨ ਸੁਵੰਨੇ ਬੱਕਰੇ ਉਥੇ ਵਿਕ ਰਹੇ ਸਨ।  ਪਰਿਵਾਰਾਂ ਦੇ ਪਰਿਵਾਰ ਉੱਥੇ ਆਉਂਦੇ ਅਤੇ ਉਸ ਖੂਬਸੂਰਤ ਜੀਵ ਨੂੰ ਪਸੰਦ ਕਰਦੇ। ਉਸ ਤੋਂ ਬਾਅਦ ਉਸਦਾ ਰੇਟ ਤੈਅ ਹੁੰਦਾ। ਇਹਨਾਂ ਬੱਕਰੀਆਂ ਦੀ ਵਿਕਰੀ ਲਈ ਇਥੇ ਆਏ ਵਪਾਰੀਆਂ ਨੇ ਦੱਸਿਆ ਕਿ ਇਹ ਬੱਕਰੇ ਹਿਮਾਚਲ ਤੋਂ ਜਾਂ ਯੂ ਪੀ ਤੋਂ ਲਿਆ ਕੇ ਇੱਥੇ ਵੇਚੇ ਜਾਂਦੇ ਹਨ। ਪਰ ਲਾਕਡਾਊਨ ਦੀ ਮਾਰ ਇਸ ਤਿਉਹਾਰ ਦੀ ਖਰੀਦੋ ਫਰੋਖਤ ਤੇ ਵੀ ਲਗਾਤਾਰ ਸ਼ਿੱਦਤ ਨਾਲ ਪੈ ਰਹੀ ਹੈ।  ਖਰੀਦਣ ਵਾਲਿਆਂ ਨੂੰ ਸ਼ਿਕਾਇਤ ਹੈ ਕਿ ਬੱਕਰੇ ਮਹਿੰਗੇ ਬਹੁਤ ਹਨ। ਦੂਜੇ ਪਾਸੇ ਵੇਚਣ ਵਾਲੇ ਵਪਾਰੀਆਂ ਦਾ ਕਹਿਣਾ ਹੈ ਕਿ ਲੋਕ ਖਰੀਦਣ ਵਾਸਤੇ ਤਾਂ ਆਉਂਦੇ ਹਨ ਪਰ ਵਾਜਬ ਮੁੱਲ ਨਹੀਂ ਭਰਦੇ। ਇਹ ਗੱਲ ਬੱਕਰੀਆਂ ਨੂੰ ਵੇਚਣ ਵਾਲੇ ਵੀ ਮੰਨਦੇ ਹਨ ਕਿ ਐਤਕੀਂ  ਲਾਕਡਾਊਨ ਦੇ ਕਾਰਨ ਉਨ੍ਹਾਂ ਦੇ ਕੰਮਕਾਜ ਪਹਿਲਾਂ ਤੋਂ ਹੀ ਠੱਪ ਰਹੇ ਜਿਸ ਕਰਕੇ ਉਨ੍ਹਾਂ ਕੋਲ ਪੈਸੇ ਹੀ ਨਹੀਂ ਹਨ ਪਰ ਤਿਉਹਾਰ ਵੀ ਮਨਾਉਣਾ ਹੈ ਇਸ ਕਰਕੇ ਬੱਕਰਿਆਂ ਦਾ ਮੁੱਲ ਬਹੁਤ ਘੱਟ ਪੈ ਰਿਹਾ ਹੈ। ਹੁਣ ਦੇਖਣਾ ਹੈ ਕਿ ਅਸਮਾਨਾਂ ਛੂੰਹਦੀ ਮਹਿੰਗਾਈ ਅਤੇ ਤਿਓਹਾਰਾਂ ਦੇ ਰੀਤੀ ਰਿਵਾਜਾਂ ਦਾ ਆਪਸੀ ਸੁਰਤਾਲ ਕਿਵੇਂ ਮਿਲੇਗਾ। ਕਿ ਹੋਲੀ ਹੋਲੀ ਤਿਓਹਾਰਾਂ ਦਾ ਜਜ਼ਬਾ, ਉਤਸ਼ਾਹ ਅਤੇ ਰੌਣਕ ਘਟ ਜਾਣਗੇ?

ਜ਼ਿਕਰਯੋਗ ਹੈ ਕਿ ਕੁਰਬਾਨੀ ਅਰਥਾਤ ਬਲੀ ਦਾ ਰਿਵਾਜ ਹਿੰਦੂ ਧਰਮ ਵਿੱਚ ਵੀ ਹੈ। ਕਈ ਥਾਂਵਾਂ ਤੇ ਨਿਸਚਿਤ ਦਿਨਾਂ ਦੇ ਹਿਸਾਬ ਨਾਲ ਬਲੀ ਦਿੱਤੀ ਜਾਂਦੀ ਹੈ। ਕਈ ਹੋਰ ਕਬੀਲਿਆਂ ਵਿੱਚ ਵੀ ਬਲੀ ਦਾ ਵਿਧੀ ਵਿਧਾਨ ਹੈ।

ਕੁਰਬਾਨੀ ਦੇ ਜਜ਼ਬੇ ਦੀ ਯਾਦ ਤਾਜ਼ਾ ਕਰਾਉਣ ਵਾਲੇ ਇਸ ਤਿਓਹਾਰ ਦੇ ਮੌਕੇ ਤੇ ਆਖਿਰ ਵਿੱਚ ਕਰਦੇ ਹਾਂ ਕੁਰਨਬਾਣੀ ਦੀ ਗੱਲ--- ਇੱਕ ਸੱਚੇ ਦੇਸ਼ ਭਗਤ ਦੀ ਗੱਲ--ਇੱਕ ਸੱਚੇ ਮੁਸਲਮਾਨ ਦੀ ਗੱਲ:

ਆਜ਼ਾਦੀ ਕੀ ਕਭੀ ਸ਼ਾਮ ਨਹੀਂ ਹੋਨੇ ਦੇਂਗੇ!

ਸ਼ਹੀਦੋਂ ਕੀ ਕੁਰਬਾਨੀ ਕੋ ਬਦਨਾਮ ਨਹੀਂ ਹੋਨੇ ਦੇਂਗੇ!

ਬਚੀ ਹੋ ਜੋ ਇਕ ਬੂੰਦ ਭੀ ਲਹੂ ਕੀ;

ਤਬ ਤਕ ਭਾਰਤ ਮਾਤਾ ਕਾ ਆਂਚਲ ਨਿਲਾਮ ਨਹੀਂ ਹੋਣੇ ਦੇਂਗੇ !

ਸਲੇਮ ਟਾਬਰੀ ਲੁਧਿਆਣਾ ਵਿਖੇ ਵੀ ਮਨਾਇਆ ਯੋਗ ਦਿਵਸ

ਘਰ ਘਰ ਪਹੁੰਚਿਆ ਅੰਤਰਰਾਸ਼ਟਰੀ ਯੋਗ ਦਿਵਸ ਦਾ ਸੁਨੇਹਾ 

ਲੁਧਿਆਣਾ: 21 ਜੂਨ 2021: (ਪ੍ਰਦੀਪ ਸ਼ਰਮਾ ਇਪਟਾ//ਲੁਧਿਆਣਾ ਸਕਰੀਨ):: 

ਇੰਟਰਨੈਸ਼ਨਲ ਯੋਗ ਦਿਵਸ ਦੇ ਮੌਕੇ ਤੇ ਲੁਧਿਆਣਾ ਵਿੱਚ ਵੀ ਕਈ ਪ੍ਰੋਗਰਾਮ ਹੋਏ। ਇਹਨਾਂ ਵਿੱਚੋਂ ਹੀ ਇੱਕ ਯਾਦਗਾਰੀ ਪ੍ਰੋਗਰਾਮ ਸੀ ਅਰਬਨ ਪ੍ਰਾਇਮਰੀ ਹੈਲਥ ਸੈਂਟਰ ਸਲੇਮ ਟਾਬਰੀ ਵਿਖੇ ਇਥੇ ਯੋਗ ਦਿਵਸ ਮਨਾਉਂਦਿਆਂ ਯੋਗ ਸਾਧਨਾ ਕਰਵਾਈ ਗਈ ਜਿਸ ਵਿੱਚ ਮੈਡੀਕਲ ਅਫਸਰ ਅਤੇ ਇੰਚਾਰਜ ਡਾਕਟਰ ਅਮਰੀਕ ਸਿੰਘ ਸਿੱਧੂ ਸਰਗਰਮੀ ਨਾਲ ਸਾਰੇ ਪ੍ਰੋਗਰਾਮ ਦੀ ਅਗਵਾਈ ਕਰਦੇ ਰਹੇ। ਉਹਨਾਂ ਦੇ ਨਾਲ ਮੈਡਮ ਜਸਪ੍ਰੀਤ ਕੌਰ, ਮੈਡਮ ਨਵਜੋਤ ਕੌਰ, ਰਮਨੀਤ ਕੌਰ, ਗੁਰਮੀਤ ਕੌਰ, ਪ੍ਰੀਤਿ, ਗੁਰਸਿਮਰਨ ਕੌਰ ਅਤੇ ਹੋਰਨਾਂ ਨੇ ਵੀ ਸਰਗਰਮ ਸ਼ਮੂਲੀਅਤ ਕੀਤੀ। ਜ਼ਿਕਰ ਯੋਗ ਹੈ ਕਿ ਅਜਿਹੇ ਆਯੋਜਨਾਂ ਲਾਇ ਸਿਵਲ ਸਰਜਨ ਮੈਡਮ ਕਿਰਨ ਆਹਲੂਵਾਲੀਆ ਨੇ ਵੀ ਹਦਾਇਤਾਂ ਦਿੱਤੀਆਂ ਹੋਈਆਂ ਸਨ। ਇਹ ਗੱਲ ਭਾਰਤ ਦੀ ਬਹੁਤ ਵੱਡੀ ਜਿੱਤ ਹੈ ਕਿ ਦੁਨੀਆ ਭਰ ਵਿੱਚ ਭਾਰਤ ਦੇ ਪ੍ਰਸ੍ਤਾਵ ਮਗਰੋਂ ਹੀ ਕੌਮਾਂਤਰੀ ਯੋਗ ਦਿਵਸ 21 ਜੂਨ ਨੂੰ ਮਨਾਇਆ ਜਾਂਦਾ ਹੈ। 

ਪੋਸਟ ਮੈਟ੍ਰਿਕ ਸਕਾਲਰਸ਼ਿਪ ਘੁਟਾਲੇ ਮਾਮਲੇ ਵਿੱਚ "ਆਪ" ਵੱਲੋਂ ਜਿੱਤ ਦਾ ਦਾਅਵਾ

  ਭਗਵੰਤ ਮਾਨ ਨੇ ਕਿਹਾ-ਕੈਪਟਨ ਨੇ ਸਾਡੇ ਸੰਘਰਸ਼ ਸਾਹਮਣੇ ਗੋਡੇ ਟੇਕੇ 

*ਭਗਵੰਤ ਮਾਨ ਨੇ ਸਰਬਜੀਤ ਕੌਰ ਮਾਣੂੰਕੇ, ਮਨਵਿੰਦਰ ਸਿੰਘ ਗਿਆਸਪੁਰਾ ਨੂੰ ਜੂਸ ਪਿਲਾ ਕੇ ਭੁੱਖ ਹੜਤਾਲ ਖਤਮ ਕਰਵਾਈ

*ਜੇ ਕੈਪਟਨ ਅਮਰਿੰਦਰ ਸਿੰਘ ਭ੍ਰਿਸਟ ਮੰਤਰੀ ਸਾਧੂ ਸਿੰਘ ਧਰਮਸੋਤ ਨੂੰ ਬਰਖਾਸਤ ਨਹੀਂ ਕਰਦੇ ਤਾਂ ਆਪ ਪੰਜਾਬ ਭਰ ਵਿੱਚ ਸ਼ੁਰੂ ਕਰੇਗੀ ਜਨ ਅੰਦੋਲਨ

ਲੁਧਿਆਣਾ: 19 ਜੂਨ 2021 (ਪ੍ਰਦੀਪ ਸ਼ਰਮਾ//ਲੁਧਿਆਣਾ ਸਕਰੀਨ)::

ਗਰਮੀ ਭਾਵੇਂ ਸਿਖਰਾਂ 'ਤੇ ਹੈ ਅਤੇ ਹਾੜ੍ਹ ਦਾ ਮਹੀਨਾ ਵੀ ਸ਼ੁਰੂ ਹੈ  ਵਿੱਚ ਤੇਜ਼ੀ ਆਈ ਹੈ ਚੋਣਾਂ  ਸੀਜ਼ਨ ਵਿੱਚ। ਪੰਜਾਬ ਸਰਕਾਰ ਵੱਲੋਂ ਕੀਤੇ ਗਏ ਇੱਕ ਐਲਾਨ ਤੇ ਪ੍ਰਤੀਕਰਮ ਕਰਦਿਆਂ ਆਮ ਆਦਮੀ ਪਾਰਟੀ (ਆਪ) ਪੰਜਾਬ ਦੇ ਪ੍ਰਧਾਨ ਅਤੇ ਸੰਸਦ ਮੈਂਬਰ ਭਗਵੰਤ ਮਾਨ ਨੇ ਕਿਹਾ ਕਿ ਅਸਲ ਵਿੱਚ ਸਰਕਾਰ  ਸਾਡੀ ਜਿੱਤ ਹੈ। ਆਪ ਦੇ ਯੋਧਿਆਂ ਵੱਲੋਂ ਰੱਖੇ ਮਰਨ ਵਰਤ ਕਾਰਨ ਹੀ ਸਰਕਾਰ ਉੱਤੇ ਇਸ ਮਕਸਦ ਲਈ ਦਬਾਅ ਬਣਿਆ ਅਤੇ ਸਰਕਾਰ ਨੂੰ ਦਲਿਤ ਵਿਦਿਆਰਥੀਆਂ ਦੀ ਪੋਸਟ ਮੈਟ੍ਰਿਕ ਸਕਾਲਰਸ਼ਿਪ (ਵਜੀਫਾ) ਰਾਸ਼ੀ  ਜਾਰੀ ਕਰਨ ਲਈ ਮਜਬੂਰ ਹੋਣਾ ਪਿਆ ਹੈ। ਇਸ ਫੈਸਲੇ ਨੂੰ ਆਮ ਆਦਮੀ ਪਾਰਟੀ ਦੀ ਜਿੱਤ ਕਰਾਰ ਦਿੰਦਿਆਂ ਮਾਨ ਨੇ ਕਿਹਾ ਕਿ ਕੈਪਟਨ ਅਮਰਿੰਦਰ ਸਿੰਘ ਨੇ ਆਪ ਯੋਧਿਆਂ ਦੇ ਸੰਘਰਸ਼ ਅੱਗੇ ਗੋਡੇ ਟੇਕੇ ਹਨ।

ਕਾਂਗਰਸ ਸਰਕਾਰ ਵੱਲੋਂ ਦਲਿਤ ਵਿਦਿਆਰਥੀਆਂ ਦੀ ਪੋਸਟ ਮੈਟ੍ਰਿਕ ਸਕਾਲਰਸਪਿ ਵਿੱਚ ਕੀਤੇ ਘੁਟਾਲੇ ਦੇ ਖਿਲਾਫ ਧਰਨੇ 'ਤੇ ਬੈਠੇ ਪੰਜਾਬ ਵਿਧਾਨ ਸਭਾ 'ਚ ਵਿਰੋਧੀ ਧਿਰ ਦੀ ਉਪ ਨੇਤਾ ਸਰਬਜੀਤ ਕੌਰ ਮਾਣੂੰਕੇ ਅਤੇ ਮਨਵਿੰਦਰ ਸਿੰਘ ਗਿਆਸਪੁਰਾ ਅਤੇ ਹੋਰ ਆਗੂਆਂ ਦੀ ਭੁੱਖ ਹੜਤਾਲ ਖਤਮ ਕਰਾਉਣ ਲਈ ਸੂਬਾ ਪ੍ਰਧਾਨ ਭਗਵੰਤ ਮਾਨ ਅੱਜ ਲੁਧਿਆਣਾ ਵਿਖੇ ਪਹੁੰਚੇ ਸਨ। 

ਇਸ ਸਮੇਂ ਮਾਨ ਨੇ ਬੀਬਾ ਸਰਬਜੀਤ ਕੌਰ ਮਾਣੂੰਕੇ ਅਤੇ ਮਨਵਿੰਦਰ ਸਿੰਘ ਗਿਆਸਪੁਰਾ ਸਮੇਤ ਭੁੱਖ ਹੜਤਾਲ 'ਤੇ ਬੈਠੇ ਆਗੂਆਂ ਨੂੰ ਜੂਸ ਪਿਲਾ ਕੇ ਭੁੱਖ ਹੜਤਾਲ ਖਤਮ ਕਰਵਾਈ। ਮਾਨ ਨੇ ਕਿਹਾ ਕਿ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਹੁਣ ਆਪਣੇ ਭ੍ਰਿਸ਼ਟਾਚਾਰੀ ਮੰਤਰੀ ਸਾਧੂ ਸਿੰਘ ਧਰਮਸੋਤ ਨੂੰ ਤੁਰੰਤ ਬਰਖਾਸਤ ਕਰਨ, ਜਿਸ ਨੇ ਇਸ ਸਕਾਲਰਸ਼ਿਪ 'ਚ  64 ਕਰੋੜ ਰੁਪਏ ਦਾ ਗਬਨ ਕਰ ਕੇ ਦਲਿਤ ਵਿਦਿਆਰਥੀਆਂ ਦੇ ਭਵਿੱਖ ਨਾਲ ਖਿਲਵਾੜ ਕੀਤਾ ਹੈ। 

ਉਨ੍ਹਾਂ ਕਿਹਾ ਕਿ ਜੇ ਕੈਪਟਨ ਅਮਰਿੰਦਰ ਸਿੰਘ ਭ੍ਰਿਸ਼ਟ ਮੰਤਰੀ ਸਾਧੂ ਸਿੰਘ ਧਰਮਸੋਤ ਨੂੰ ਬਰਖਾਸਤ ਨਹੀਂ ਕਰਦੇ ਤਾਂ ਆਮ ਆਦਮੀ ਪਾਰਟੀ ਪੰਜਾਬ ਭਰ ਵਿੱਚ ਇੱਕ ਵੱਡਾ ਜਨ ਅੰਦੋਲਨ ਸੁਰੂ ਕਰੇਗੀ। ਮਾਨ ਨੇ ਕਿਹਾ ਪੰਜਾਬ ਸਰਕਾਰ ਦੀ ਨੀਅਤ ਮਾੜੀ ਹੈ, ਜਦੋਂ ਕਿ ਦਿੱਲੀ ਦੀ ਕੇਜਰੀਵਾਲ ਸਰਕਾਰ ਦੀ ਨੀਅਤ ਲੋਕ ਪੱਖੀ ਕਿਉਂਕਿ ਦਿੱਲੀ ਸਰਕਾਰ ਪ੍ਰਾਈਵੇਟ ਕੰਪਨੀਆਂ ਤੋਂ ਬਿਜਲੀ ਖਰੀਦ ਕੇ ਲੋਕਾਂ ਮੁਫਤ ਵਿੱਚ ਦੇ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਕਾਂਗਰਸ, ਅਕਾਲੀ ਦਲ ਬਾਦਲ ਅਤੇ ਭਾਰਤੀ ਜਨਤਾ ਪਾਰਟੀ ਦੀਆਂ ਸਰਕਾਰਾਂ ਨੇ ਲੋਕ ਵਿਰੋਧੀ ਫੈਸਲੇ ਕੀਤੇ ਹਨ ਅਤੇ ਪੰਜਾਬ ਦੇ ਲੋਕ 2022 ਦੀਆਂ ਚੋਣਾਂ ਵਿੱਚ ਆਪਣੇ ਪੈਰਾਂ ਦੀਆਂ ਅੱਡੀਆਂ ਮਾਰ ਕੇ ਇਨਾਂ ਪਾਰਟੀਆਂ ਨੂੰ ਸਬਕ ਸਿਖਾਉਣਗੇ।

ਭਗਵੰਤ ਮਾਨ ਨੇ ਕਿਹਾ ਕਿ ਵਜੀਫਾ ਰਾਸ਼ੀ ਜਾਰੀ ਕਰਨ ਦੇ ਫੈਸਲੇ ਤੋਂ ਸਿੱਧ ਹੋਇਆ ਹੈ ਕਿ ਕੈਪਟਨ ਅਮਰਿੰਦਰ ਸਿੰਘ ਦੀ ਅਗਵਾਈ ਵਾਲੀ ਕਾਂਗਰਸ ਸਰਕਾਰ ਹੁਣ ਤੱਕ ਝੂਠ ਬੋਲ ਰਹੀ ਸੀ ਕਿ ਸਿਰਫ ਕੇਂਦਰ ਸਰਕਾਰ ਦੀ ਹੀ ਬਕਾਇਆ ਰਕਮ ਰਹਿੰਦੀ ਹੈ। ਜਦਕਿ ਹੁਣ ਸਰਕਾਰ ਨੇ ਆਪਣੇ ਹਿੱਸੇ ਦਾ 40 ਪ੍ਰਤੀਸ਼ਤ ਪੈਸਾ ਕਾਲਜਾਂ ਨੂੰ ਦੇਣਾ ਮੰਨਿਆ ਹੈ, ਜੋ ਕਰੀਬ 200 ਕਰੋੜ ਰੁਪਏ ਬਣਦਾ ਹੈ। 

ਲੜੀਵਾਰ ਭੁੱਖ ਹੜਤਾਲ ਕਰਨ ਵਾਲੇ ਬੀਬਾ ਸਰਬਜੀਤ ਕੌਰ ਮਾਣੂੰਕੇ, ਮਨਵਿੰਦਰ ਸਿੰਘ ਗਿਆਸਪੁਰਾ, ਜ਼ਿਲਾ ਪ੍ਰਧਾਨ ਐਸ.ਸੀ ਵਿੰਗ ਧਰਮਿੰਦਰ ਸਿੰਘ ਫੌਜੀ, ਅਮਿਤ ਸਰਮਾ ਲਾਡੀ, ਅਮਨਚੈਨ,ਜੀਵਨ ਸਿੰਘ ਸੰਗੋਵਾਲ, ਜਗਦੀਪ ਸੈਣੀ ਅਤੇ ਸੁਖਜੀਵਨ ਮੋਹੀ ਸਮੇਤ  ਵਰਕਰਾਂ ਦਾ ਧੰਨਵਾਦ ਕਰਦਿਆਂ ਭਗਵੰਤ ਮਾਨ ਨੇ ਕਿਹਾ ਕਿ ਆਮ ਆਦਮੀ ਪਾਰਟੀ ਪੰਜਾਬ ਦੇ ਲੋਕਾਂ ਦੀ ਸੇਵਾ ਚੌਕੀਦਾਰ ਬਣ ਕੇ ਕਰ ਰਹੀ ਹੈ ਅਤੇ ਭਵਿੱਖ ਵਿਚ ਵੀ ਕਾਂਗਰਸ ਸਰਕਾਰ ਦੇ ਗ਼ਲਤ ਕੰਮਾਂ ਉੱਤੇ ਤਿੱਖੀ ਨਜ਼ਰ ਰੱਖਦੀ ਰਹੇਗੀ ਅਤੇ ਲੋਕਾਂ ਦੇ ਹੱਕਾਂ 'ਤੇ ਡਾਕਾ ਨਹੀਂ ਮਾਰਨ ਦੇਵੇਗੀ। ਇਸ ਸਮੇਂ ਪੰਜਾਬ ਵਿਧਾਨ ਸਭਾ ਵਿੱਚ ਵਿਰੋਧੀ ਧਿਰ ਦੇ ਆਗੂ ਹਰਪਾਲ ਸਿੰਘ ਚੀਮਾ, ਵਿਧਾਇਕ ਪ੍ਰਿੰਸੀਪਲ ਬੁੱਧਰਾਮ, ਵਿਧਾਇਕ ਜੈ ਕਿਸ਼ਨ ਸਿੰਘ ਰੋੜੀ, ਵਿਧਾਇਕ ਜਗਤਾਰ ਸਿੰਘ ਜੱਗਾ ਹਿੱਸੋਵਾਲ, ਸੂਬਾ ਪ੍ਰਧਾਨ ਐਸ.ਸੀ ਵਿੰਗ ਲਾਲ ਚੰਦ ਕਟਾਰੂਚੱਕ, ਜ਼ਿਲਾ ਪ੍ਰਧਾਨ ਸੁਰੇਸ਼ ਗੋਇਲ, ਗੁਰਲਾਲ ਘਨੌਰ, ਸੂਬਾ ਸਕੱਤਰ ਅਮਨਦੀਪ ਸਿੰਘ ਮੋਹੀ ਸਮੇਤ ਅਨੇਕਾਂ ਵਰਕਰ ਹਾਜ਼ਰ ਸਨ।

ਹੁਣ ਦੇਖਣਾ ਹੈ ਕਿ ਆਮ ਆਦਮੀ ਪਾਰਟੀ ਦੇ ਇਸ  ਦਾਅਵੇ ਬਾਰੇ ਕਾਂਗਰਸ ਪਾਰਟੀ ਅਤੇ ਹੋਰ ਸਿਆਸੀ ਵਰਕਰ ਕੀ ਰੁੱਖ ਅਖਤਿਆਰ ਕਰਦੇ ਹਨ! (ਇਨਪੁਟ:ਪੰਜਾਬ ਸਕਰੀਨ ਡੈਸਕ)

Covid: ਇਨਸਾਨੀਅਤ ਦੀ ਭਾਵਨਾ ਵਾਲਿਆਂ ਨੇ ਸੰਭਾਲੀ ਅਸਲੀ ਜ਼ਿੰਮੇਵਾਰੀ

ਧਾਰਮਿਕ ਸੰਗਠਨਾਂ ਨੇ ਕਾਇਮ ਕੀਤੇ ਸੇਵਾ ਅਤੇ ਸਹਾਇਤਾ ਦੇ ਨਵੇਂ ਰਿਕਾਰਡ 

ਲੁਧਿਆਣਾ: 12 ਜੂਨ 2021: (ਪ੍ਰਦੀਪ ਸ਼ਰਮਾ//ਇਨਪੁਟ:ਲੁਧਿਆਣਾ ਸਕਰੀਨ ਡੈਸਕ ਟੀਮ):: 

ਕੋਵਿਡ-19 ਨੇ ਜਿਹੜਾ ਮਾਹੌਲ ਸਿਰਜਿਆ ਉਸਨੇ ਬਹੁਤ ਕੁਝ ਬਦਲ ਦਿੱਤਾ ਹੈ। ਸਾਡੇ ਰੀਤੀ  ਸਭ ਕੁਝ ਬਦਲ ਦਿੱਤਾ ਹੈ। ਹੁਣ ਉਹ ਪਹਿਲਾਂ ਵਾਲਿਆਂ ਗੱਲਾਂ ਹੀ ਨਹੀਂ ਰਹੀਆਂ। ਪਹਿਲਾਂ ਵਾਲੇ ਮਿਲਣ ਗਿਲਣ ਅਤੇ ਖ਼ਲੂਸ ਹੁਣ ਸ਼ਾਇਦ ਕਦੇ ਦੋਬਾਰਾ ਨਾ ਆਉਣ। ਇਸਦੇ ਦੂਜੇ ਪਾਸੇ ਵਪਾਰਕ ਸੋਚ ਵਾਲੇ, ਮੁਨਾਫ਼ਾਖੋਰੀ ਦੀ ਸੋਚ ਵਾਲੇ ਅਨਸਰਾਂ ਨੇ ਇਸ ਦਰਦ ਭਰੇ  ਦੌਰ ਦਾ ਵੀ ਫਾਇਦਾ ਉਠਾਇਆ।  ਰੋਜ਼ ਦੇ ਖਾਣਪੀਣ ਵਾਲਿਆਂ ਵਸਤਾਂ ਦੇ ਨਾਲ ਨਾਲ ਜ਼ਿੰਦਗੀਉ ਬਚਾਉਣ ਵਾਲਿਆਂ ਦਵਾਈਆਂ ਵੀ ਬਾਜ਼ਾਰਾਂ ਵਿੱਚ ਗਾਇਬ ਕਰ ਦਿੱਤੀਆਂ ਅਤੇ ਫਿਰ ਉਹਨਾਂ ਦੇ ਭਾਅ ਅਸਮਾਨੀਂ ਚੜ੍ਹਾਅ ਦਿੱਤੇ। ਮੁਨਾਫਾਖੋਰੀ ਅਤੇ ਕਾਲਾਬਜ਼ਾਰੀ ਦੇ ਇਸ ਸ਼ਰਮਨਾਕ ਦੌਰ ਵਿੱਚ ਵਖਤਾਂ ਮਾਰੇ ਲੋਕਾਂ ਨੂੰ ਬਚਾਇਆ ਸਿਰਫ ਉਹਨਾਂ ਨੇ ਜਿਹਨਾਂ ਵਿੱਚ ਇਨਸਾਨੀਅਤ ਦੀ ਭਾਵਨਾ ਬਾਕੀ ਸੀ। ਇਸ ਕੰਮ ਲਈ ਚੰਗੇ ਨੇਕ ਇਨਸਾਨ ਜ਼ਾਤੀ ਤੌਰ ਤੇ ਵੀ ਅੱਗੇ ਆਏ ਅਤੇ ਧਾਰਮਿਕ ਸੰਗਠਨਾਂ ਨੇ ਵੀ ਮੋਰਚਾ ਸੰਭਾਲਿਆ। ਅੱਜ ਅਜਿਹੇ ਕੁਝ ਲੋਕਾਂ ਨਾਲ ਮੁਲਾਕਾਤ ਹੋਣਾ ਬਹੁਤ ਵੱਡੀ ਪ੍ਰਾਪਤੀ  ਹੈ। 

ਅੱਜ ਦੇ ਦੌਰੇ ਦੌਰਾਨ ਜੱਸੀਆਂ ਰੋਡ ਉਤੇ ਮੌਜੂਦ ਸਬਜ਼ੀ ਮੰਡੀ ਇਲਾਕੇ ਵਿੱਚ  ਇਕ ਪਰਿਵਾਰ ਵੱਲੋਂ ਆਪਣਾ ਘਰ ਹੀ ਟੀਕਾਕਰਨ ਸੈਂਟਰ ਦੇ ਰੂਪ ਵਿਚ ਸਮਰਪਿਤ ਕਰ ਦਿੱਤਾ ਗਿਆ। ਦੇਖੋ ਇਸ ਭਾਵਨਾ ਦਾ ਕਮਾਲ। ਇਸ ਪਰਿਵਾਰ ਨੇ ਬਹੁਤ ਸਰਗਰਮੀ ਨਾਲ ਯੋਗਦਾਨ ਦਿੱਤਾ। 

ਇਥੇ ਹੀ ਮਿਲੇ ਨੋਡਲ ਅਫਸਰ ਡਾ ਅਮਰੀਕ ਸਿੰਘ। ਉਹਨਾਂ ਨੇ ਦੱਸਿਆ ਕਿ ਵੱਧ ਤੋਂ ਵੱਧ ਲਾਭਪਾਤਰੀਆਂ ਨੂੰ ਟੀਕਾ ਲੱਗਣ ਦਾ ਅਨੁਮਾਨ ਹੈ  ਬੜੇ ਹੀ ਸੁਚੱਜੇ ਢੰਗ ਦੇ ਨਾਲ ਇੱਕ ਐੱਨਜੀਓ ਦੇ ਸਹਿਯੋਗ ਦੇ ਨਾਲ ਟੀਕਾਕਰਨ ਚੱਲ ਰਿਹਾ ਹੈ ਅਤੇ ਮੈਡੀਕਲ ਟੀਮ ਦੇ ਸਾਰੇ ਮੈਂਬਰ ਸਾਹਿਬਾਨ ਬੜੇ ਹੀ ਸੁਚੱਜੇ ਢੰਗ ਦੇ ਨਾਲ ਇਸ ਮੁਹਿੰਮ ਦੇ ਵਿੱਚ ਯੋਗਦਾਨ ਪਾ ਰਹੇ ਹਨ। ਕੈਂਪ ਜਿਥੇ ਵੀ ਲੱਗੇ ਇਸ ਕਿਸਮ ਦੀਆਂ ਲੋਕ ਭਲਾਈ ਵਾਲਿਆਂ ਟੀਮਾਂ ਖੁਦ-ਬ-ਖੁਦ ਸਬੰਧਤ ਥਾਂ ਤੇ ਕਿਸੇ ਫਰਿਸ਼ਤੇ ਵਾਂਗ ਪਹੁੰਚ ਜਾਂਦੀਆਂ ਹਨ। 

ਰਾਧਾਸਵਾਮੀ ਸਤਿਸੰਗ ਘਰ ਨੂਰਵਾਲਾ ਰੋਡ ਤੇ ਲੱਗੇ ਟੀਕਾਕਰਨ ਕੈਂਪ ਦਾ ਦ੍ਰਿਸ਼ ਵੀ  ਟੁੰਬਣ ਵਾਲਾ ਸੀ। ਅੱਖਾਂ ਵਿੱਚ ਖੁਸ਼ੀ ਦੇ ਹੰਝੂ ਆ ਜਾਂਦੇ ਰਹੇ। ਏਨੀ  ਅਸੀਂ ਢੰਗ ਰਹਿ ਗਏ। 

ਮਨੁੱਖੀ ਸੇਵਾ ਦੀ ਮਿਸਾਲ ਬਣੇ ਟੀਕਾਕਰਨ ਕੇਂਦਰਾਂ ਦਾ ਦੌਰਾ ਕਰਦਿਆਂ ਰਾਧਾਸਵਾਮੀ ਸਤਿਸੰਗ ਘਰ ਨੂਰਵਾਲਾ ਰੋਡ ਜਿੱਥੇ ਹਰ ਰੋਜ਼ ਕੋਰੋਨਾ ਵਰਗੀ ਭਿਆਨਕ ਬਿਮਾਰੀ ਦੇ ਬਚਾਅ ਵਾਸਤੇ ਟੀਕਾਕਰਨ ਹੋ ਰਿਹਾ ਹੈ ਵਿਖੇ ਵੀ ਅਜਿਹੇ ਹੀ ਦ੍ਰਿਸ਼ ਮਿਲੇ।ਰਾਧਾਸਵਾਮੀ ਸਤਿਸੰਗ ਘਰ ਨੂਰਵਾਲਾ ਦੇ ਸੈਂਟਰ ਵਿੱਚ ਬੜਾ ਅਨੁਸ਼ਾਸਨਵਾਲਾ ਮਾਹੌਲ ਸੀ। ਮਨੁੱਖੀ ਸੇਵਾ ਭਾਵਨਾ ਨੂੰ ਸਮਰਪਿਤ ਧਾਰਮਿਕ ਮਾਹੌਲ ਵੀ ਦੇਖਣ ਨੂੰ ਮਿਲਿਆ  ਜਿਸ ਵਿੱਚ  ਬਹੁਤ ਹੀ  ਤਰਤੀਬਵਾਰ ਢੰਗ ਨਾਲ ਟੋਕਨ ਜਾਰੀ ਕੀਤੇ ਜਾ ਰਹੇ ਸਨ। ਲਾਭਪਾਤਰੀਆਂ ਦੇ ਸਾਈਕਲਾਂ ਅਤੇ ਮੋਟਰਸਾਈਕਲਾਂ ਦੀ ਸੇਵਾ ਸੰਭਾਲ ਵੀ ਬੜੇ ਸੁਚੱਜੇ ਢੰਗ ਨਾਲ ਹੋ ਰਹੀ ਸੀ। ਟੀਕਾਕਰਨ ਤੋਂ ਪਹਿਲਾਂ ਸਰੀਰਕ ਮੁਆਇਨਾ, ਆਧਾਰ ਕਾਰਡ ਰਜਿਸਟ੍ਰੇਸ਼ਨ, ਲਾਭਪਾਤਰੀਆਂ ਨੂੰ ਟੀਕਾਕਰਨ ਉਪਰੰਤ ਨਾਸ਼ਤਾ ਕਰਵਾਉਣਾ, ਦਵਾਈ ਦੇਣਾ ਅਤੇ ਹੋਰ ਸਾਰੇ ਸਬੰਧਰ ਫਰਜ਼ ਪੂਰੇ ਕਰਨਾ-ਸਭ ਕੁਝ ਬੜੀ ਸਹਿਜਤਾ ਨਾਲ ਚੱਲ ਰਿਹਾ ਸੀ। ਨਾ ਕੋਇਉ ਘਬਰਾਹਟ, ਨਾ ਕੋਈ ਬੁਖਲਾਹਟ। ਸਭ ਕੁਝ ਬੜਾ ਸਹਿਜ ਸੀ।  ਇਸ ਤੋਂ ਬਾਅਦ ਲਾਭਪਾਤਰੀਆਂ ਨੂੰ ਸਰਟੀਫਿਕੇਟ ਜਾਰੀ ਕਰਨ ਦੀ ਪ੍ਰੀਕਿਰਿਆ ਵੀ ਸੇਵਾਦਾਰ ਬੜੀ ਹੀ ਨਿਮਰਤਾ ਤੇ ਹਸਮੁੱਖ ਸੁਭਾਅ ਦੇ ਨਾਲ ਨਿਭਾਈ ਜਾ ਰਹੀ ਸੀ। ਰੱਬੀ ਬਾਣੀ ਦਾ ਚਲਦਾ ਮਿੱਠਾ ਮਿੱਠਾ ਸ਼ਬਦ ਕੀਰਤਨ ਮਾਹੌਲ ਨੂੰ ਪੂਰੀ ਤਰ੍ਹਾਂ ਆਲੌਕਿਕ ਬਣਾ ਰਿਹਾ ਸੀ। 

ਟੀਕਾਕਰਨ ਮੁਹਿੰਮ ਹਰ ਕੈਂਪ ਵਿੱਚ ਬੜੇ ਹੀ ਚੰਗੇ ਢੰਗ ਨਾਲ ਚੱਲ ਰਹੀ ਸੀ। ਨੋਡਲ ਅਫਸਰ ਡਾ ਅਮਰੀਕ ਸਿੰਘ ਮੁਤਾਬਿਕ ਅੱਜ ਇਸ ਸੈਂਟਰ ਵਿਚ ਤਕਰੀਬਨ  ਪੰਜ ਸੌ ਲਾਭਪਾਤਰੀਆਂ ਨੂੰ ਟੀਕਾਕਰਨ ਕੀਤਾ ਗਿਆ।  ਅੱਜ ਦੇ ਕੈਂਪ ਵਿਚ 18 ਤੋਂ 35 ਅਤੇ 45 ਸਾਲ ਦੀ ਉਮਰ ਤੋਂ ਉੱਪਰ ਵਾਲਿਆਂ ਨੂੰ ਵੀ ਬੜੀ ਚੰਗੀ ਤਰ੍ਹਾਂ ਸਹੀ ਵਿਵਸਥਾ ਵਿੱਚ ਬਿਠਾਇਆ ਗਿਆ ਸੀ।  ਇਕ ਸਵਾਲ ਉੱਠਦਾ ਹੈ ਕਿ ਇਕ ਪਾਸੇ ਕਈ ਸਵਾਰਥੀ ਲੋਕ ਦਵਾਈਆਂ ਦੀ ਕਾਲਾ ਬਾਜ਼ਾਰੀ ਕਰਦੇ ਵੇਖੇ ਜਾਂਦੇ ਹਨ  ਪਰ ਦੂਜੇ ਪਾਸੇ ਨਿਸ਼ਕਾਮ ਮਨੁੱਖੀ ਸੇਵਾ ਵਿਚ ਲੱਗੇ ਸੇਵਾਦਾਰਾਂ ਵੱਲੋਂ ਵਡਮੁੱਲੀ ਸੇਵਾ ਨਿਭਾਈ ਜਾਂਦੀ ਹੈ। ਜਿੱਥੇ ਸਰਕਾਰੀ ਅਫ਼ਸਰ ਐਤਵਾਰ ਛੁੱਟੀ ਹੋਣ ਕਾਰਨ ਹਫਤੇ ਭਰ ਦੀ ਥਕਾਵਟ ਉਤਾਰਦੇ ਦੇਖੇ ਜਾਂਦੇ ਹਨ  ਉੱਥੇ ਬੜੀ ਹੈਰਾਨੀ ਹੋਈ ਕਿ ਨੋਡਲ ਅਫਸਰ ਡਾ ਅਮਰੀਕ ਸਿੰਘ ਵਰੇ ਲੋਕ ਆਰਾਮ ਦੀ ਪ੍ਰਵਾਹ ਕੀਤੇ ਬਗੈਰ  ਸਵੇਰੇ ਸਾਢੇ ਅੱਠ ਵਜੇ ਹੀ ਬੜੇ ਉਤਸ਼ਾਹ ਨਾਲ ਅਤੇ ਯੋਗ ਢੰਗ ਨਾਲ ਡਿਊਟੀ ਨਿਭਾਉਂਦੇ ਦੇਖੇ ਗਏ  ਅਤੇ ਉਨ੍ਹਾਂ ਦੀ ਸਾਰੀ ਮੈਡੀਕਲ ਟੀਮ ਦਾ ਉਤਸ਼ਾਹ ਵੀ ਦੇਖਣ ਵਾਲਾ ਸੀ। 

ਸਾਨੂੰ ਲਾਕ ਡਾਊਨ ਨੇ ਮਾਰਿਐ-ਆਮ ਮਜ਼ਦੂਰਾਂ ਦੀ ਆਵਾਜ਼

 ਪਤਾ ਨਹੀਂ ਇਸ ਸਿਸਟਮ ਨੂੰ ਅੱਗ ਕਦੋਂ ਲੱਗਣੀ ਹੈ? 

ਲੁਧਿਆਣਾ: 22 ਜੂਨ 2020: (ਐਮ ਐਸ ਭਾਟੀਆ//ਪ੍ਰਦੀਪ ਸ਼ਰਮਾ//ਪੰਜਾਬ ਸਕਰੀਨ)::

ਲਾਕਡਾਊਨ  ਦਾ ਸ਼ਿਕਾਰ ਮਜ਼ਦੂਰ 

ਪ੍ਰਦੀਪ ਸ਼ਰਮਾ ਨੇ ਫੋਟੋ ਕਲਿੱਕ  ਕੀਤੀਆਂ 

ਹਫਤੇ ਦੇ ਦੋ ਦਿਨ ਸ਼ਨੀਵਾਰ ਅਤੇ ਐਤਵਾਰ ਨੂੰ ਅਜੇ ਵੀ ਲਾਕ ਡਾਊਨ ਦਾ ਡੰਡਾ ਪੂਰੀ ਸਖਤੀ ਨਾਲ ਚੱਲਦਾ ਹੈ ਪਰ ਫਿਰ ਵੀ ਇਸਦਾ ਡਰ ਨਾ ਤਾਂ ਫੁਕਰਾਗਿਰੀ ਕਰਨ ਵਾਲੀ ਮੁੰਡੀਰ ਮੰਨਦੀ ਹੈ ਤੇ ਨਾ ਹੀ ਕਹਿੰਦੇ ਕਹਾਉਂਦੇ ਰਸੂਖਦਾਰ ਲੋਕ। ਅਜਿਹੇ ਲੋਕ ਅੱਧੀ ਰਾਤ ਨੂੰ ਵੀ ਸੜਕਾਂ ਤੇ ਦੇਖੇ ਜਾ ਸਕਦੇ ਹਨ। ਫਰਾਟੇ ਨਾਲ ਅੰਨੇਵਾਹ ਤੇਜ਼ ਸਪੀਡ ਵਿੱਚ ਵਿਚਰਦਿਆਂ ਇਹਨਾਂ ਨੂੰ ਕੋਈ ਨਹੀਂ ਰੋਕਦਾ।

 ਅਜਿਹੇ ਲੋਕਾਂ ਦੇ ਨਾਲ ਨਾਲ ਇੱਕ ਵਰਗ ਉਹਨਾਂ ਗਰੀਬ ਮਜ਼ਦੂਰਾਂ ਦਾ ਵੀ ਹੈ ਜਿਹਨਾਂ ਨੂੰ ਸਮਝ ਨਹੀਂ ਆਉਂਦਾ ਕਿ ਹੁਣ ਅਸੀਂ ਕੀ ਕਰੀਏ। ਮਾਲਕਾਂ ਨੇ ਕੰਮ ਤੋਂ ਕੱਢ ਦਿੱਤਾ ਅਤੇ ਭੁੱਖ ਨੇ ਘਰੋਂ ਬੇਘਰ ਕਰ ਦਿੱਤਾ। ਟੱਬਰਾਂ ਦੇ ਟੱਬਰ ਰੁਲ ਗਏ। ਪਰਿਵਾਰ ਦਾ ਕੋਈ ਮੈਂਬਰ ਕਿਤੇ ਤੇ ਕੋਈ ਕਿਤੇ ਵਿੱਛੜ ਗਿਆ। ਵਿਕਾਸ ਦੇ ਦਾਅਵਿਆਂ ਦੀ ਕੂਕ ਵਿੱਚ ਨਾ ਉਹਨਾਂ ਦੀਆਂ ਆਹਾਂ ਕਿਸੇ ਨੇ ਸੁਣੀਆਂ ਅਤੇ ਨਾ ਹੀ ਹੰਝੂ ਦੇਖੇ। ਜਰਾ ਜਿਹੀ ਹਮਦਰਦੀ ਵਾਲੀ ਗੱਲ ਕਰੋ ਤਾਂ ਫਿਸ ਪੈਂਦੇ ਹਨ। ਰੋਂਦਿਆਂ ਰੋਂਦਿਆਂ ਦੱਸਦੇ ਹਨ,"ਪਹਿਲਾਂ ਨੋਟਬੰਦੀ ਨੇ ਅਜਿਹੇ ਦਿਨ ਦਿਖਾਏ ਸਨ ਹੁਣ ਲਾਕ ਡਾਊਨ ਨੇ ਭਿਖਾਰੀਆਂ ਵਰਗੀ ਹਾਲਤ ਕਰ ਦਿੱਤੀ ਹੈ। 

ਘੰਟਾਘਰ ਅਤੇ ਜਲੰਧਰ ਬਾਈਪਾਸ ਨੂੰ ਜੋੜਣ ਵਾਲੀ ਸੜਕ ਦੇ ਦੋਹੀਂ ਪਾਸੇ ਇਹਨਾਂ ਮਜਬੂਰਾਂ ਨੂੰ ਦੇਖਿਆ ਜਾ ਸਕਦਾ ਹੈ। ਇਹਨਾਂ ਦੀ ਫੋਟੋ ਖਿੱਚਦਿਆਂ ਪੱਤਰਕਾਰ ਪ੍ਰਦੀਪ ਸ਼ਰਮਾ ਨੇ ਇੱਕ ਮਜ਼ਦੂਰ ਨੂੰ  ਪੁੱਛਿਆ ਇਥੇ ਕਿਓਂ ਬੈਠੇ ਹੋ? ਉਸਨੇ ਜੁਆਬੀ ਸੁਆਲ ਕੀਤਾ ਹੋਰ ਕਿੱਥੇ ਜਾਈਏ? ਥੱਕ ਗਏ ਤਾਂ ਇਥੇ ਬੈਠੇ ਗਏ! ਕਿ ਹੁਣ ਇਹ ਵੀ ਗੁਨਾਹ ਹੋ ਗਿਐ? ਰਿਪੋਰਟਰ ਨੇ ਅਗਲਾ ਸੁਆਲ ਕੀਤਾ ਪੁਲਿਸ ਕੋਲੋਂ ਡਰ ਨਹੀਂ ਲੱਗਦਾ? ਜੁਆਬ ਵਿੱਚ ਮਜ਼ਦੂਰ ਪੁੱਛਣ ਲੱਗਾ ਕਾਹਦਾ ਡਰ? ਜੇ ਪੁਲਿਸ ਫੜੇਗੀ ਤਾਂ ਵੀ ਚੰਗਾ ਹੀ ਹੈ ਘਟੋਘਟ ਰੋਟੀ ਤਾਂ ਦੇਏਗੀ!

ਮਾਸਕ ਦੀ ਗੱਲ ਤੇ ਵੀ ਅਜੀਬ ਜਿਹਾ ਪ੍ਰਤੀਕਰਮ ਸੀ-ਕਹਿਣ ਲੱਗਾ ਕਿੱਥੋਂ ਖ੍ਰੀਦੀਏ? ਸਾਡੇ ਕੋਲ ਜ਼ਹਿਰ ਖਾਣ ਨੂੰ ਪੈਸੇ ਨਹੀਂ। ਰਿਪੋਰਟਰ ਨੇ ਫਿਰ ਸਮਝਾਇਆ ਜੇ ਕੋਰੋਨਾ ਹੋ ਗਿਆ ਤਾਂ? ਸੁਣ ਕੇ ਉਹ ਮਜ਼ਦੂਰ ਮੁਸਕਰਾ ਪਿਆ। ਕਹਿਣ ਲੱਗਾ ਸਾਡੇ ਗਰੀਬਾਂ ਕੋਲ ਕੋਰੋਨਾ ਨੇ ਵੀ ਨਹੀਂ ਆਉਣਾ। ਜੇ ਆ ਗਿਆ ਤਾਂ ਅਜਿਹੀ ਜ਼ਿੰਦਗੀ ਤੋਂ ਮੁਕਤੀ ਮਿਲੂਗੀ। 

ਲਾਕ ਡਾਊਨ ਦੇ ਸਤਾਏ ਅਜਿਹੇ ਕਿੰਨੇ ਹੀ ਲੋਕਾਂ ਨੂੰ ਸੜਕਾਂ ਦੇ ਕਿਨਾਰੇ ਬੈਠਿਆਂ ਦੇਖਿਆ ਜਾ ਸਕਦਾ ਹੈ। ਬਸ ਇੱਕ ਢੰਗ ਦੀ ਰੋਟੀ ਹੀ ਹੁਣ ਇਹਨਾਂ ਦੀ ਮੰਜ਼ਲ ਬਣ ਗਈ ਹੈ। ਲਾਕ ਡਾਊਨ ਨੇ ਇਹਨਾਂ ਦੀ ਜ਼ਿੰਦਗੀ ਨੂੰ ਵੀ ਲੀਹੋਂ ਲਾਹ ਦਿੱਤਾ ਹੈ। ਨਾ ਪਿੰਡ ਬਚਿਆ, ਨਾ ਪਰਿਵਾਰ ਨਾ ਹੀ ਕੰਮਕਾਰ। ਸਾਹਾਂ ਦੀ ਚਲਦੀ ਡੋਰ ਵੀ ਹੁਣ ਤਾਂ ਬੋਝ ਬਣ ਗਈ ਹੈ। 

ਇਹਨਾਂ ਕੋਲ ਸਿਰ ਲੁਕਾਉਣ ਲਈ ਕੋਈ ਸਾਂਝਾ ਮਾਂਝਾ ਕਮਰਾ ਵੀ ਨਹੀਂ ਬਚਿਆ। ਸੜਕਾਂ ਕਿਨਾਰੇ ਬੈਠਣਾ ਜਾਂ ਬਿਨਾ ਕੁਝ ਸੋਚੇ ਤੁਰਦੇ ਜਾਣਾ ਇਹਨਾਂ  ਦੀ ਤਕਦੀਰ ਬਣ ਗਈ ਹੈ। ਸੜਕ ਕਿਨਾਰੇ ਬੈਠਿਆਂ ਨੂੰ ਤਾਂ ਕੋਈ "ਦਾਨੀ ਸੰਸਥਾ" ਦੋ ਫੁਲਕੇ ਤੇ ਦਾਲ ਸਬਜ਼ੀ ਵੀ ਫੜਾ ਦੇਂਦੀ ਹੈ ਹੋਰ ਕਿਸੇ ਥਾਂ ਤਾਂ ਇਹ ਵੀ ਨਹੀਂ ਕੋਈ ਉਮੀਦ ਨਹੀਂ। ਇਸਦੇ ਨਾਲ ਹੀ ਦਿਲਚਸਪ ਗੱਲ ਇਹ ਕਿ ਇਹਨਾਂ ਦੇ ਨਾਵਾਂ ਤੇ ਆਇਆ ਰਾਸ਼ਨ ਵੱਡੇ ਵੱਡੇ ਲੋਕਾਂ ਨੇ ਆਪਣੇ ਗੁਦਾਮਾਂ ਵਿੱਚ ਲੁਕਵਾ ਲਿਆ ਹੈ। ਪਤਾ ਨਹੀਂ ਇਸ ਦੇਸ਼ ਦੇ ਸਿਸਟਮ ਨੂੰ ਅੱਗ ਕਦੋਂ ਲੱਗਣੀ ਹੈ!

(ਫੋਟੋ:ਪ੍ਰਦੀਪ ਸ਼ਰਮਾ//ਸ਼ਬਦ:ਰੈਕਟਰ ਕਥੂਰੀਆ)

ਆਮ ਲੋਕਾਂ ਦੀ ਪਹੁੰਚ ਤੋਂ ਦੂਰ ਤਾਂ ਨਹੀਂ ਕੀਤਾ ਜਾ ਰਿਹਾ ਲੁਧਿਆਣਾ ਦਾ ਰੱਖ ਬਾਗ?

ਚੰਗਾ ਹੋਵੇ ਜੇ ਪ੍ਰਬੰਧਾਂ ਵਿੱਚ ਆਮ ਲੋਕਾਂ ਨੂੰ ਵੀ ਭਾਈਵਾਲ ਬਣਾਇਆ ਜਾਵੇ 

ਲੁਧਿਆਣਾ: 6 ਜੂਨ 2019: (ਪ੍ਰਦੀਪ ਸ਼ਰਮਾ//ਪੰਜਾਬ ਸਕਰੀਨ)::  

ਦੇਸ਼ ਭਰ ਵਿੱਚ ਪਬਲਿਕ ਪ੍ਰਾਪਰਟੀਆਂ ਨੂੰ ਸਾਂਭ ਸੰਭਾਲ ਲਈ ਜ਼ਰੂਰੀ ਦੱਸ ਕੇ ਨਿਜੀ ਸੰਸਥਾਨਾਂ ਦੇ ਹਵਾਲੇ ਕਰਨ ਦਾ ਜਿਹਡ਼ਾ ਰੁਝਾਣ ਜ਼ੋਰ ਫਡ਼ ਰਿਹਾ ਹੈ ਉਸ ਦਾ ਅਸਰ ਲੁਧਿਆਣਾ ਵਿੱਚ ਵੀ ਦੇਖਿਆ ਜਾ ਸਕਦਾ ਹੈ। ਇਥੋਂ ਦੀ ਪ੍ਰਸਿੱਧ ਪਬਲਿਕ ਪ੍ਰਾਪਰਟੀ ਰੱਖਬਾਗ ਹੁੰਦਾ ਸੀ ਜਿਸਨੂੰ ਪਿਛਲੇ ਕੁਝ ਅਰਸੇ ਤੋਂ ਇੱਕ ਨਿਜੀ ਫਰਮ ਦੇ ਹਵਾਲੇ ਕਰ ਦਿੱਤਾ ਗਿਆ ਹੈ। ਨਿਜੀ ਫਾਰਮ ਦੇ ਕੰਟਰੋਲ ਹੇਠ ਆਉਣ ਨਾਲ  ਖੂਬਸੂਰਤੀ ਵੀ ਵਧੀ ਹੈ ਅਤੇ ਰੱਖ ਰਖਾਵ ਵੀ ਸੁਧਰਿਆ ਹੈ। ਇਹੁਹੀ ਬਾਗ ਹੈ ਜਿੱਥੇ ਬਹੁਤ ਸਾਲਾਂ ਤੱਕ ਸਫਾਈ ਦਾ ਨਾਮੋ ਨਿਸ਼ਾਨ ਨਹੀਂ ਸੀ ਹੁੰਦਾ। ਫਿਰ ਹੋਲੀ ਹੋਲੀ ਯੋਗ ਸਾਧਨਾ ਕਰਾਉਣ ਵਾਲੇ ਗਰੁੱਪ ਇਥੇ ਆਉਣ ਲੱਗੇ। ਉਹਨਾਂ ਨੇ ਇਥੋਂ ਦੀ ਸਾਫ ਸਫਾਈ ਆਪਣੇ ਤੌਰ ਤੇ ਸ਼ੁਰੂ ਕੀਤੀ। ਪਰ ਉਹ ਵੀ ਅਕਸਰ ਆਪਣੀ ਆਪਣੀ ਵਰਤੋਂ ਵਾਲਾ ਇਲਾਕਾ ਹੀ ਸਾਫ ਕਰਦੇ ਸਨ ਅਤੇ ਬਾਕੀ ਛੱਡ ਦੇਂਦੇ ਸਨ। ਫਿਰ ਮੈਡੀਟੇਸ਼ਨ ਵਾਲੇ ਸੰਗਠਨਾਂ ਨੇ ਵੀ ਇਸ ਬੈਗ ਵੱਲ ਕਦਮ ਵਧਾਏ। ਇਸ ਨਾਲ ਕੁਝ ਹੋਰ ਤਰੱਕੀ ਹੋਈ। ਇਸਤੋਂ ਬਾਅਦ ਗੀਤ ਸੰਗੀਤ ਨਾਲ ਸਬੰਧਤ ਗਰੁੱਪ ਵੀ ਆਉਣ ਲੱਗੇ। ਆਖਿਰ ਇਸ ਨੂੰ ਰੈਗੂਲਰ ਰੱਖਰਖਾਵ ਲਈ ਇੱਕ ਬਹੁਤ ਵੱਡੀ ਫਰਮ ਦੇ ਹਵਾਲੇ ਕਰ ਦਿੱਤਾ ਗਿਆ। ਇਸ ਫਾਰਮ ਵੱਲੋਂ ਕੰਟਰੋਲ ਸੰਭਾਲੇ ਜਾਣ ਮਗਰੋਂ ਸੁਧਾਰ ਵਿੱਚ ਹੋਰ ਵੀ ਤੇਜ਼ੀ ਆਈ। ਇਸਦੇ ਨਾਲ ਹੀ ਕੁਝ ਸਮੱਸਿਆਵਾਂ ਵੀ ਖੜੀਆਂ ਹੋਣ ਲੱਗ ਪਈਆਂ। 

ਜ਼ਿਕਰਯੋਗ ਹੈ ਕਿ ਇਹ ਉਹ ਬਾਗ ਹੈ ਜਿੱਥੇ ਦਰਮਿਆਨੇ ਤਬਕੇ ਦੇ ਮੱਧ ਵਰਗੀ ਲੋਕ ਆਪਣੇ ਬੱਚਿਆਂ ਨੂੰ ਘੁਮਾਉਣ ਲਈ ਲੈ ਆਉਂਦੇ ਹਨ। ਆਪਣੇ ਮੋਬਾਈਲ ਜਾਂ ਹੋਰ ਨਿੱਕੇ ਕੈਮਰਿਆਂ ਨਾਲ ਆਪਣੇ ਬੱਚਿਆਂ ਦੀਆਂ ਫੋਟੋ ਖਿੱਚਦੇ ਹਨ ਅਤੇ ਕੁਝ ਸਕੂਨ ਦੇ ਪਲ ਇਥੇ ਗੁਜ਼ਾਰਨ ਮਗਰੋਂ ਫਿਰ ਜ਼ਿੰਮੇਵਾਰੀਆਂ ਵਾਲੀ ਗੰਭੀਰ ਦੁਨੀਆ ਵਿੱਚ ਪਰਤ ਜਾਂਦੇ ਹਨ। ਜਦੋਂ ਤੋਂ ਰੱਖ ਬਾਗ ਨੂੰ ਇੱਕ ਨਿਜੀ ਫਰਮ ਦੇ ਹਵਾਲੇ ਕੀਤਾ ਗਿਆ ਹੈ ਉਦੋਂ ਤੋਂ ਇਸ ਲਗਾਤਾਰ "ਨਿਜੀ ਪ੍ਰਾਪਰਟੀ" ਬਣਾਉਣ ਦੀਆਂ ਕੋਸ਼ਿਸ਼ ਕੀਤੀਆਂ ਜਾ ਰਹੀਆਂ ਮਹਿਸੂਸ ਹੋਣ ਲੱਗ ਪਈਆਂ ਹਨ। ਇਹੀ ਸਿਲਸਿਲਾ ਜਾਰੀ ਰਿਹਾ ਤਾਂ ਇਹ ਬਾਗ ਵੀ ਸਿਰਫ ਅਮੀਰਾਂ ਦੇ ਆਉਣ ਜਾਣ ਵਾਲੀ ਥਾਂ ਹੀ ਰਹਿ ਜਾਵੇਗਾ। ਇਥੇ ਹੁਣ ਵੀ ਬਾਗ ਦੇ ਅੰਦਰ ਤਾਇਨਾਤ ਸੁਰੱਖਿਆ ਕਰਮਚਾਰੀ ਕਿਸੇ ਨੂੰ ਆਪਣੀ ਜਾਂ ਆਪਣੇ ਬੱਚਿਆਂ ਦੀ ਤਸਵੀਰ ਨਹੀਂ ਖਿੱਚਣ ਦੇਂਦੇ। ਦੂਜੇ ਪਾਸੇ ਖੁਦ ਇਹ ਫਰਮ ਬਾਗ ਦੇ ਅੰਦਰ ਹੀ ਆਪਣੀਆਂ ਸਾਰੀਆਂ ਵਪਾਰਿਕ ਸਰਗਰਮੀਆਂ ਚਲਾਉਂਦੀ ਹੈ। 

ਇਸੇ ਦੌਰਾਨ ਗ਼ੈਰ ਸਰਕਾਰੀ ਸੰਸਥਾ "ਸੋਸ਼ਲ ਰਿਫੌਰਮਜ਼" ਦੇ ਪ੍ਰਧਾਨ ਰਾਜੇਸ਼ ਗੁਪਤਾ ਨੇ ਦੋਸ਼ ਲਗਾਇਆ ਕਿ ਰੱਖਬਾਗ ਦੀ ਸਾਂਭ ਸੰਭਾਲ ਕਰ ਰਹੀ ਏਜੰਸੀ ਵਲੋਂ ਨਗਰ ਨਿਗਮ ਨਾਲ ਕੀਤੇ ਇਕਰਾਰਨਾਮੇ ਦੀਆਂ ਕੁਝ ਸ਼ਰਤਾਂ ਦਾ ਲਗਾਤਾਰ ਉਲੰਘਣ ਕੀਤਾ ਜਾ ਰਿਹਾ ਹੈ, ਜਿਸ ਵੱਲ ਪ੍ਰਸ਼ਾਸਨ ਵਲੋਂ ਬਿਲਕੁਲ ਹੀ ਧਿਆਨ ਨਹੀਂ ਦਿੱਤਾ ਜਾ ਰਿਹਾ। ਸ੍ਰੀ ਗੁਪਤਾ ਨੇ ਦੱਸਿਆ ਕਿ ਸੂਚਨਾ ਅਧਿਕਾਰ ਐਕਟ 2005 ਤਹਿਤ ਮੰਗੀ ਜਾਣਕਾਰੀ ਦੇ ਜਵਾਬ 'ਚ ਨਗਰ ਨਿਗਮ ਵਲੋਂ ਕੰਪਨੀ ਨਾਲ ਹੋਏ ਇਕਰਾਰਨਾਮੇ ਦੀ ਕਾਪੀ ਮੁਹੱਈਆ ਕਰਾਈ ਗਈ ਹੈ, ਉਸ ਵਿਚ ਲਿਖਿਆ ਹੈ ਕਿ ਕੰਪਨੀ ਰੱਖਬਾਗ ਦੇ ਐਾਟਰੀ ਸਥਾਨ 'ਤੇ 6 ਗੁਣਾ 3 ਦਾ ਬੋਰਡ ਲਾ ਸਕੇਗੀ, ਪ੍ਰੰਤੂ ਰੱਖਬਾਗ ਅੰਦਰ ਕਈ ਜਗ੍ਹਾ ਬੋਰਡ ਲੱਗੇ ਹਨ। ਇਹਨਾਂ ਬੋਰਡਾਂ ਨੂੰ ਦੇਖ ਕੇ ਲੱਗਦਾ ਹੈ ਕਿ ਜਿਵੇਂ ਇਹ ਬਾਗ ਸਥਾਪਿਤ ਹੀ ਇਸ ਫਾਰਮ ਦੇ ਬਜ਼ੁਰਗਾਂ ਨੇ ਕੀਤਾ ਸੀ। ਇਕਰਾਰਨਾਮੇ ਦੀਆਂ ਸ਼ਰਤਾਂ ਅਨੁਸਾਰ ਰੱਖਬਾਗ ਅੰਦਰ ਵਪਾਰਕ ਸਰਗਰਮੀ ਨਹੀਂ ਕੀਤੀ ਜਾ ਸਕੇਗੀ, ਪ੍ਰੰਤੂ ਕੰਪਨੀ ਵਲੋਂ ਅੰਦਰ ਇਕ ਦੁਕਾਨ ਖੋਲ੍ਹੀ ਹੋਈ ਹੈ, ਜਿੱਥੇ ਸਾਈਕਲ ਕਿਰਾਏ 'ਤੇ ਦਿੱਤੇ ਜਾਂਦੇ ਹਨ। ਉਨ੍ਹਾਂ ਦੱਸਿਆ ਕਿ ਝੂਲਿਆਂ ਤੋਂ ਵੀ ਕਿਰਾਇਆ ਵਸੂਲਿਆ ਜਾ ਰਿਹਾ ਹੈ। ਇਹ ਕਿਰਾਇਆ ਏਨਾ ਜ਼ਿਆਦਾ ਹੈ ਕਿ ਹੁਣ ਆਮ ਵਿਅਕਤੀ ਦੀ ਜੇਬ ਤੋਂ ਬਾਹਰ ਦੀ ਗੱਲ ਹੋ ਗਿਆ ਹੈ। ਉਨ੍ਹਾਂ ਮੰਗ ਕੀਤੀ ਕਿ ਕੰਪਨੀ ਨਾਲ ਹੋਏ ਇਕਰਾਰਨਾਮੇ ਦੀਆਂ ਸ਼ਰਤਾਂ ਪੂਰਨ ਤੌਰ 'ਤੇ ਲਾਗੂ ਕੀਤੀਆਂ ਜਾਣ। ਇਸ ਸਬੰਧੀ ਸੰਪਰਕ ਕਰਨ ਤੇ ਕਮਿਸ਼ਨਰ ਸ੍ਰੀਮਤੀ ਕਵਲਪ੍ਰੀਤ ਕੌਰ ਬਰਾਡ਼ ਨੇ ਦੱਸਿਆ ਕਿ ਇਕਰਾਰਨਾਮੇ ਦੀ ਘੋਖ ਕਰਕੇ ਲੁਡ਼ੀਂਦੀ ਕਾਰਵਾਈ ਕੀਤੀ ਜਾਵੇਗੀ। ਜ਼ਿਕਰਯੋਗ ਹੈ ਕਿ ਇਸ ਫਰਮ ਦੀ ਪਹੁੰਚ ਉੱਪਰ ਤੱਕ ਹੈ।                                   (ਤਸਵੀਰਾਂ-ਪੰਜਾਬ ਸਕਰੀਨ)

ਲੁਧਿਆਣਾ ਦੇ ਨਾਲੀ ਮੁਹੱਲਾ//ਦਮੋਰੀਆ ਪੁਲ ਇਲਾਕੇ 'ਚ ਫਾਇਰਿੰਗ

ਇਲਾਕੇ ਵਿੱਚ ਸਨਸਨੀ-ਜ਼ਖਮੀ ਜਿੰਮੀ ਹਸਪਤਾਲ ਵਿੱਚ

ਲੁਧਿਆਣਾ: 24 ਦਸੰਬਰ 2018:(ਪ੍ਰਦੀਪ ਸ਼ਰਮਾ//ਪੰਜਾਬ ਸਕਰੀਨ)::

ਅਮਨ ਕਾਨੂੰਨ ਦੀ ਵਿਗੜ ਰਹੀ ਸਥਿਤੀ ਦਿਨੋ ਦਿਨ ਨਾਜ਼ੁਕ ਹੁੰਦੀ ਜਾ ਰਹੀ ਹੈ। ਅੱਜ ਲੁਧਿਆਣਾ ਦੇ ਬੇਹੱਦ ਸੰਘਣੇ ਇਲਾਕੇ ਨਾਲਿ ਮੋਹੱਲਾ ਵਿੱਚ ਵੀ ਗੋਲੀਆਂ ਚੱਲੀਆਂ। ਇਹ ਇਲਾਕਾ ਦਮੋਰੀਆ ਪੁਲ ਦੇ ਐਨ ਨਾਲ ਲੱਗਦਾ ਹੈ। ਸਿਵਲ ਲਾਈਨਜ਼ ਵਰਗੇ ਪੋਸ਼ ਇਲਾਕੇ ਵੀ ਇਥੋਂ ਬਹੁਤ ਨੇੜੇ ਹਨ

ਮੁਢਲੀਆਂ ਰਿਪੋਰਟਾਂ ਮੁਤਾਬਿਕ ਲੁਧਿਆਣਾ ਦੇ ਦਮੋਰੀਆ ਪੁਲ ਦੇ ਨੇੜੇ ਛੋਟਾ ਲੱਲਾ ਨਾਮੀ ਗੈਂਗਸਟਰ ਵੱਲੋਂ 30 ਸਾਲਾਂ ਜਿੰਮੀ ਨਾਂਅ 'ਤੇ ਨੌਜਵਾਨ 'ਤੇ ਦਿਨ ਦਿਹਾਡ਼ੇ ਚਾਰ ਗੋਲੀਆਂ ਚਲਾਈਆਂ ਗਈਆਂ। ਜਿਹਨਾਂ 'ਚੋਂ ਇੱਕ ਗੋਲੀ ਜਿੰਮੀ ਦੀ ਗਰਦਨ ਅਤੇ ਠੋਡੀ ਨੂੰ ਛੂੰਹਦੀ ਹੋਈ ਚਲੀ ਗਈ। ਜ਼ਖਮੀ ਹਾਲਤ 'ਚ ਜਿੰਮੀ ਨੂੰ ਡੀ.ਐਮ.ਸੀ ਦਾਖਲ ਕਰਵਾਇਆ ਗਿਆ ਹੈ। ਪੁਲਿਸ ਵੱਲੋਂ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਗੋਲੀ ਨਾਲ ਜ਼ਖਮੀ ਹੋਏ ਜਿੰਮੀ ਐਡ ਪਰਿਵਾਰਿਕ ਸੂਤਰਾਂ ਨੇ ਦੱਸਿਆ ਕਿ ਮਾਮਲਾ 22 ਹਜ਼ਾਰ ਰੁਪਏ ਦੀ ਖੋਹ ਤੋਂ ਵਿਗੜਿਆ। ਇਸਨੂੰ ਰੋਕਣ 'ਤੇ ਜਦੋਂ ਜਿੰਮੀ ਨੇ ਸਬੰਧਿਤ ਗੈਂਗਸਟਰ ਨੂੰ ਰੋਕਿਆ ਤਾਂ ਉਸਨੇ ਕਿਹਾ ਕਿ ਮੈਂ ਤੁਹਾਡੇ ਦਮੋਰੀਆ ਪੁਲ ਹੀ ਆਉਂਦਾ ਹਾਂ ਅਤੇ ਉੱਥੇ ਆ ਕੇ ਗੱਲ ਕਰਦੇ ਹਾਂ। ਗੋਲੀ ਨਸਲ ਜਖਮੀ ਹੋਏ ਜਿੰਮੀ ਦੇ ਮਾਮਾ ਨੇ ਦੱਸਿਆ ਕਿ ਜਿਊਂ ਹੀ ਮੇਰਾ ਭਾਣਜਾ ਉੱਥੇ ਪਹੁੰਚਿਆ ਤਾਂ ਉਹਨਾਂ ਨੇ ਗੋਲੀਆਂ ਚਲਾਉਣੀਆਂ  ਸ਼ੁਰੂ ਕਰ ਦਿੱਤੀਆਂ। ਜਦੋਂ ਸਾਡੀ ਟੀਮ ਨੇ ਘਟਨਾ ਵਾਲੀ ਥਾਂ 'ਤੇ ਦੇਖਿਆ ਤਾਂ ਉੱਥੇ ਸੋਢੇ ਵਾਲਿਆਂ ਖਾਲੀ ਬੋਤਲਾਂ ਵੀ ਨਜ਼ਰ ਆਈਆਂ। ਦਮੋਰੀਆ ਪੁਲ ਵਾਲੀ ਸੜਕ ਤੇ ਬਹੁਤ ਸਾਰਾ ਕਚ ਵੀ ਖਿਲਰਿਆ ਮਿਲਿਆ। 

ਜਿਸ ਲੜਕੇ ਤੋਂ ਪੈਸੇ ਖੋਹਣ ਦੀ ਘਟਨਾ ਵਾਪਰੀ ਦਸੀ ਜਾਂਦੀ ਹੈ ਉਸਦਾ ਨਾਮ ਮੋਹਨ ਹੈ। ਮੋਹਨ ਨੇ ਇਸਦੀ ਸ਼ਿਕਟ ਜਿੰਮੀ ਕੋਲ ਕੀਤੀ ਸੀ। ਭਾਰਤੀ ਜਨਤਾ ਪਾਰਟੀ ਐਸ ਸੀ ਮੋਰਚਾ ਪੰਜਾਬ ਦੇ ਸਕੱਤਰ ਵਰਿੰਦਰਪਾਲ ਗਾਗਟ ਨੇ ਇਸ ਘਟਨਾ ਦੀ ਤਿੱਖੀ ਨਿਖੇਧੀ ਕਰਦਿਆਂ ਕਿਹਾ ਕਿ ਅਮਨ ਕਾਨੂੰਨ ਦੀ ਹਾਲਤ ਦਿਨੋਦਿਨ ਵਿਗੜਦੀ ਜਾ ਰਹੀ ਹੈ। ਗੁੰਡਿਆਂ ਅਤੇ ਗੈਂਗਸਟਰਾਂ ਨੂੰ ਨੱਥ ਪਾਉਣ ਵਿੱਚ ਸਰਕਾਰ ਨਾਕਾਮ ਰਹੀ ਹੈ। ਜ਼ਿਕਰਯੋਗ ਹੈ  ਕਿ ਇਹ ਪਰਿਵਾਰ ਡਾਕਟਰ ਅੰਬੇਡਕਰ ਵਿਚਾਰ ਮੰਚ ਸੰਗਠਨ ਨਾਲ ਜੁੜਿਆ ਹੋਇਆ ਹੈ। ਹੁਣ ਦੇਖਣਾ ਹੈ ਕਿ ਇਸ ਮਾਮਲੇ ਵਿੱਚ ਪੁਲਿਸ ਕੀ ਕਾਰਵਾਈ ਕਰਦੀ ਹੈ। 

"ਪਰਵਾਜ਼" ਨੇ ਕੀਤੀ ਵਾਤਾਵਰਣ ਬਚਾਉਣ ਲਈ ਵਿਸ਼ੇਸ਼ ਪਹਿਲ

ਐਕਸਟੈਨਸ਼ਨ ਲਾਇਬਰੇਰੀ ਦੀਆਂ ਕੰਧਾਂ 'ਤੇ ਲਗਾਏ 500 ਪੌਦੇ

ਲੁਧਿਆਣਾ: 5 ਜੂਨ 2018: (ਗੁਰਦੇਵ ਸਿੰਘ//ਪੰਜਾਬ ਸਕਰੀਨ)::

ਅੱਜਕਲ ਵਾਤਾਵਰਣ ਦੀ ਸੁਰੱਖਿਆ ਦਾ ਪਰਚਾਰ ਤਾਂ ਬਹੁਤ ਜ਼ਿਆਦਾ ਹੁੰਦਾ ਹੈ ਪਰ ਅਸਲ ਵਿੱਚ ਸਮੱਸਿਆ ਗੰਭੀਰ ਹੁੰਦੀ ਜਾ ਰਹੀ ਹੈ।ਇਸ ਗੱਲ ਦਾ ਨੋਟਿਸ ਲਿਆ ਇਥੋਂ ਦੀ ਇੱਕ ਐਨ ਜੀ ਓ ਸੰਸਥਾ "ਪਰਵਾਜ਼" ਨੇ। ਬਹੁਤ ਹੀ ਸਮਰਪਿਤ ਭਾਵਨਾਵਾਂ ਵਾਲੇ ਪਰਿਵਾਰਾਂ ਵੱਲੋਂ ਚਲਾਈ ਜਾਂਦੀ ਇਹ ਸੰਸਥਾ ਅਕਸਰ ਕੁਝ ਨ ਕੁਝ ਕਰਦੀ ਰਹਿੰਦੀ ਹੈ। 

ਇਸ ਮਾਮਲੇ ਵਿੱਚ ਵੀ "ਪਰਵਾਜ਼" ਬੜੇ ਜੋਸ਼ੋ ਖਰੋਸ਼ ਨਾਲ ਅੱਗੇ ਆਈ ਹੈ। "ਪਰਵਾਜ਼" ਨੇ "ਇੰਡੀਅਨ ਨੈਸ਼ਨਲ ਬਾਰ ਐਸੋਸੀਏਸ਼ਨ" ਦੇ ਸਰਗਰਮ ਸਹਿਯੋਗ ਨਾਲ ਪੰਜਾਬ ਯੂਨੀਵਰਸਿਟੀ ਦੇ ਖੇਤਰੀ ਸੈਂਟਰ ਵਿੱਚ ਕੰਧਾਂ ਨਾਲ ਲਟਕਦੇ ਬਾਗ ਵਾਲੇ ਰੁਝਾਨ ਨੂੰ ਹੋਰ ਉਤਸ਼ਾਹਿਤ ਕਰਦਿਆਂ ਇੱਕ ਹੋਰ ਕਦਮ ਵਧਾਇਆ। ਐਕਸਟੈਨਸ਼ਨ ਲਾਇਬਰੇਰੀ ਵੱਜੋਂ ਜਾਣੇ ਜਾਂਦੇ ਇਸ ਖੇਤਰੀ ਸੈਂਟਰ ਵਿੱਚ "ਪਰਵਾਜ਼" ਨੇ ਹਰ ਪਾਸੇ ਹਰਿਆਵਲ ਹੀ ਹਰਿਆਵਲ ਕਰ ਦਿੱਤੀ।  

ਇਸ ਮਕਸਦ ਲਈ ਇਸ ਸੰਗਠਨ ਨੂੰ ਪਰੇਰਨਾ ਅਤੇ ਅਗਵਾਈ ਦਿੱਤੀ ਇਨਕਮ ਟੈਕਸ ਵਿਭਾਗ ਦੇ ਐਡੀਸ਼ਨਲ ਕਮਿਸ਼ਨਰ ਰੋਹਿਤ ਮਹਿਰਾ ਨੇ। ਇਸ ਮੁਹਿੰਮ ਦੇ ਆਰੰਭਿਕ ਦੌਰ ਵਿੱਚ 500 ਪੌਦੇ ਲਗਾਏ ਗਏ। ਇਸ ਮੌਕੇ ਤੇ ਆਈ ਆਰ ਐਸ ਅਫਸਰ ਰੋਹਿਤ ਮਹਿਰਾ ਹੁਰਾਂ ਦੇ ਨਾਲ ਉਹਨਾਂ ਦੀ ਧਰਮਪਤਨੀ ਗੀਤਾਂਜਲੀ ਮਹਿਰਾ ਵੀ ਸੀ। ਜ਼ਿਕਰਯੋਗ ਹੈ ਕਿ "ਪਰਵਾਜ਼" ਦੀ ਸਥਾਪਨਾ ਅਨਾਦੀ ਕਾਂਤ ਨੇ ਕੀਤੀ ਸੀ। ਉਹਨਾਂ ਨੂੰ ਦਿੱਤਾ ਈਸ਼ਾ ਧਵਨ ਨੇ। ਉਮੀਦ ਕਰਨੀ ਚਾਹੀਦੀ ਹੈ ਕਿ ਇਹ ਮੁਹਿੰਮ ਹੋਰਨਾਂ ਨੂੰ ਵੀ ਇਸ ਪਾਸੇ ਆਕਰਸ਼ਿਤ ਕਰੇਗੀ। ਸ਼ਾਇਦ ਇਸ ਤਰਾਂ ਦੇ ਉਪਰਾਲੇ ਲੂ ਨਾਲ ਤਪਦੇ ਵਾਤਾਵਰਣ  ਨੂੰ ਕੁਝ ਠੰਡਕ ਅਤੇ ਸਕੂਨ ਦੇ ਸਕਣ। 

ਰੱਖਿਆ ਮੰਤਰੀ ਸੀਤਾਰਮਣ ਨੇ ਗਿਣਾਈਆਂ ਬੀਜੇਪੀ ਸਰਕਾਰ ਦੀਆਂ ਪ੍ਰਾਪਤੀਆਂ

ਲੁਧਿਆਣਾ ਵਿੱਚ ਗਰਮਜੋਸ਼ੀ ਨਾਲ ਸਵਾਗਤ-ਥਾਂ ਥਾਂ ਲੱਗੇ ਹੋਰਡਿੰਗਜ਼ 

ਲੁਧਿਆਣਾ: 1 ਜੂਨ 2018: (ਪਰਦੀਪ ਸ਼ਰਮਾ// ਪੰਜਾਬ ਸਕਰੀਨ):: 

ਅੱਜ ਲੁਧਿਆਣਾ ਵਿੱਚ ਵਿਸ਼ੇਸ਼ ਚਹਿਲ ਪਹਿਲ ਸੀ। ਸੁਰੱਖਿਆ ਕਾਰਨਾਂ ਕਰਕੇ ਥਾਂ ਥਾਂ ਤੇ ਲੱਗੇ ਨਾਕਿਆਂ ਦੇ ਬਾਵਜੂਦ ਵੀ ਉਤਸਵ ਵਰਗਾ ਮਾਹੌਲ ਸੀ। ਹਰ ਪਾਸੇ ਇੱਕ ਰੌਣਕ ਜਿਹੀ ਮਹਿਸੂਸ ਹੁੰਦੀ ਸੀ। ਅਸਲ ਵਿੱਚ ਰੱਖਿਆ ਮੰਤਰੀ ਨਿਰਮਲਾ ਸੀਤਾਰਮਨ ਅੱਜ ਲੁਧਿਆਣਾ ਵਿੱਚ ਸਨ। ਆਪਣੀ ਇਸ ਲੀਡਰ ਦੀ ਲੁਧਿਆਣਾ ਫੇਰੀ ਦਾ ਫਾਇਦਾ ਉਠਾਉਂਦਿਆਂ ਭਾਰਤੀ ਜਨਤਾ ਪਾਰਟੀ ਦੇ ਵੱਖ ਵੱਖ ਆਗੂਆਂ ਨੇ ਵੱਡੇ ਵੱਡੇ ਬੋਰਡ ਅਤੇ ਹੋਰਡਿੰਗਜ਼ ਫਿਰੋਜ਼ਪੁਰ ਰੋਡ ਵਾਲੀ ਸੜਕ ਦੇ ਦੋਹੀਂ ਪਾਸੇ ਲਗਾਏ ਹੋਏ ਸਨ। ਇਸ ਤਰਾਂ ਲੱਗਦਾ ਸੀ ਜਿਵੇਂ ਕੋਈ ਚੋਣ ਮੁਹਿੰਮ ਵੱਡੀ ਪੱਧਰ 'ਤੇ ਸ਼ੁਰੂ ਹੋ ਗਈ ਹੋਵੇ। ਜ਼ਿਮਨੀ ਚੋਣਾਂ ਦੇ ਭਾਜਪਾ ਵਿਰੋਧੀ ਨਤੀਜਿਆਂ ਦੇ ਬਾਵਜੂਦ ਭਾਰਤੀ ਜਨਤਾ ਪਾਰਟੀ ਦਾ ਇਹ ਉਤਸ਼ਾਹ ਨਿਸਚੇ ਹੀ ਪਾਰਟੀ ਦੀ ਹਿੰਮਤ ਦਾ ਸ਼ਕਤੀਸ਼ਾਲੀ ਪਰਦਰਸ਼ਨ ਵੀ ਸੀ।  ਬੀਜੇਪੀ ਵਿਰੋਧੀ ਸੋਚ ਦੇ ਕੁਝ ਬੁਧੀਜੀਵੀ ਇਸ ਦੀ ਆਲੋਚਨਾ ਕਰਦੇ ਵੀ ਸੁਣੇ ਗਏ ਪਰ ਭਾਰਤੀ ਜਨਤਾ ਪਾਰਟੀ ਦੇ ਪ੍ਰਬੰਧਕ ਇਸ ਪੱਖੋਂ ਪੂਰੀ ਤਰਾਂ ਨਿਰਲੇਪ ਰਹਿੰਦਿਆਂ ਆਪਣੀ ਡਿਊਟੀ ਵਿੱਚ ਮਗਨ ਸਨ। 

ਲੁਧਿਆਣਾ ਦੇ "ਮਹਾਰਾਜਾ ਰਿਜੈਂਸੀ" ਵਿੱਚ ਹੋਏ ਪੱਤਰਕਾਰ ਸੰਮੇਲਨ ਦੌਰਾਨ ਕੇਂਦਰੀ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਵੀ ਆਪਣੀ ਸਰਕਾਰ ਦੇ ਕਾਰਜਕਾਲ ਦੌਰਾਨ ਹੋਏ ਵਿਕਾਸ ਕਾਰਜਾਂ ਦੀ ਵਿਸਥਾਰ ਨਾਲ ਚਰਚਾ ਕੀਤੀ। ਇਸ ਸਬੰਧੀ ਮੀਡੀਆ ਨੂੰ ਵੱਖ ਵੱਖ ਖੇਤਰਾਂ ਦੇ ਵਿਕਾਸ ਦਾ ਵੇਰਵਾ ਵੀ ਦਿੱਤਾ ਗਿਆ। ਛਪੇ ਹੋਏ ਪੈਂਫਲਿਟ ਅਤੇ ਹੋਰ ਪ੍ਰਚਾਰ ਸਮਗਰੀ ਵੀ ਵੰਡੀ ਗਈ। 

ਬੀਜੀਪੀ ਦੇ ਇਤਿਹਾਸ ਵਿੱਚ ਕੁਲ ਮਿਲਾ ਕੇ ਇਹ ਇੱਕ ਯਾਦਗਾਰੀ ਫੇਰੀ ਸੀ। ਬੀਜੇਪੀ ਵਿਰੋਧੀ ਪਾਰਟੀਆਂ ਇਸਦਾ ਕੋਈ ਜੁਆਬ ਦੇ ਸਕਣਗੀਆਂ ਜਾਂ ਨਹੀਂ ਇਹ ਗੱਲ ਸਮਾਂ ਆਉਣ ਤੇ ਹੀ ਪਤਾ ਲੱਗੇਗੀ ਕਿਓਂਕਿ ਪੰਜਾਬ ਦੀ ਕਾਂਗਰਸ ਸਰਕਾਰ ਅਜੇ ਤੱਕ ਪੰਜਾਬ ਦੇ ਲੋਕਾਂ ਦੀਆਂ ਆਸਾਂ ਉਮੀਦਾਂ 'ਤੇ ਪੂਰੀ ਨਹੀਂ ਉਤਰ ਸਕੀ। ਅਜਿਹੀ ਹਾਲਤ ਵਿੱਚ ਭਾਜਪਾ ਵੱਲੋਂ ਆਪਣੀਆਂ ਪ੍ਰਾਪਤੀਆਂ ਗਿਣਵਾਉਣ ਲਈ ਏਨੇ ਮਹੱਤਵਪੂਰਨ ਪ੍ਰੋਫ਼ਾਈਲ ਵਰਗੀ ਮੰਤਰੀ ਨੂੰ ਭੇਜਿਆ ਜਾਣਾ ਕਾਂਗਰਸ ਅਤੇ ਹੋਰ ਵਿਰੋਧੀ ਪਾਰਟੀਆਂ ਉੱਤੇ ਕਿਸੇ ਸਿਆਸੀ ਬੰਬਬਾਰੀ ਤੋਂ ਘੱਟ ਨਹੀਂ। ਇਸ ਪ੍ਰੈਸ ਕਾਨਫਰੰਸ ਮੌਕੇ ਭਾਜਪਾ ਸਰਕਾਰ ਦੀਆਂ ਪ੍ਰਾਪਤੀਆਂ ਬਾਰੇ ਨਿੱਕੀਆਂ ਨਿੱਕੀਆਂ ਫ਼ਿਲਮਾਂ ਦੇ ਕਲਿੱਪ ਜਿਹੇ ਵੀ ਦਿਖਾਏ ਗਏ ਜੋ ਕਿ ਬਹੁਤ ਹੀ ਪ੍ਰਭਾਵਸ਼ਾਲੀ ਸਨ। ਭਾਜਪਾ ਆਗੂ ਅਤੇ ਵਰਕਰ ਆਪਣੀ ਇਸ ਲੀਡਰ ਦੇ ਸਵਾਗਤ ਵਿੱਚ ਵੱਧ ਚੜ੍ਹ ਕੇ ਪੁੱਜੇ ਹੋਏ ਸਨ। 
ਇਸ ਸਾਦੇ ਜਿਹੇ ਆਯੋਜਨ ਨਾਲ ਜਿਥੇ ਭਾਜਪਾ ਨੇ ਲੁਧਿਆਣਾ ਅਤੇ ਪੰਜਾਬ ਵਿਚ ਆਪਣੀ ਸਥਿਤੀ ਦਾ ਅੰਦਾਜ਼ਾ ਲਗਾ  ਲਿਆ ਹੈ ਉੱਥੇ ਮੀਡੀਆ ਨਾਲ ਵੀ ਆਪਣੇ ਸਬੰਧਾਂ ਨੂੰ "ਹੋਰ ਮਜ਼ਬੂਤ" ਬਣਾਇਆ ਹੈ।  ਰੱਖਿਆ ਮੰਤਰੀ ਨੇ ਇਸ ਆਉਣ ਵਾਲੀ ਚੋਣ ਜੰਗ ਵਿੱਚ ਇੱਕ ਫੌਜੀ ਜਰਨੈਲ ਵਾਂਗ ਆਪਣੀ ਪਾਰਟੀ ਦੇ ਸਿਪਾਹੀਆਂ ਦੀ ਪਿੱਠ ਥਾਪੜੀ ਹੈ ਅਤੇ ਉਹਨਾਂ ਦਾ ਮਨੋਬਲ ਵਧਾਇਆ ਹੈ। ਅਜਿਹਾ ਕਰਨਾ ਹਰ ਸਿਆਸੀ ਲੀਡਰ ਦਾ ਫਰਜ਼ ਵੀ ਬਣਦਾ ਹੈ ਅਤੇ ਅਧਿਕਾਰ ਵੀ। ਇਸ ਬਾਰੇ ਕਿੰਤੂ ਪ੍ਰੰਤੂ ਕਰਨ ਵਾਲਿਆਂ ਨੂੰ ਵੀ ਆਪਣਾ ਪੱਖ ਇਸੇ ਉਤਸ਼ਾਹ ਨਾਲ ਲੋਕਾਂ ਸਾਹਮਣੇ ਰੱਖਣਾ ਚਾਹੀਦਾ ਹੈ। ਹੁਣ ਜੇ ਇਹਨਾਂ ਪਾਰਟੀਆਂ ਕੋਲ ਲੁੜੀਂਦਾ ਜੋਸ਼ ਅਤੇ ਉਤਸ਼ਾਹ ਹੀ ਨਹੀਂ ਬਚਿਆ ਤਾਂ ਇਸ ਵਿੱਚ ਬੀਜੇਪੀ ਦਾ ਕਿ ਕਸੂਰ? ਇਸ ਆਯੋਜਨ ਨਾਲ ਇਹ ਗੱਲ ਸਾਫ ਜ਼ਾਹਿਰ ਹੈ ਕਿ ਭਾਰਤੀ ਜਨਤਾ ਪਾਰਟੀ ਅਤੇ ਇਸਦੇ ਸਹਿਯੋਗੀਆਂ ਕੋਲ ਬਾਕੀਆਂ ਪਾਰਟੀਆਂ ਨਾਲੋਂ ਜ਼ਿਆਦਾ ਚੰਗੀ ਟੀਮ ਮੌਜੂਦ ਹੈ। ਇਹ ਟੀਮ 2019 ਲਈ ਭਾਰਤੀ ਜਨਤਾ ਪਾਰਟੀ ਦੇ ਰਸਤਿਆਂ ਨੂੰ ਹੋਰ ਆਸਾਨ ਕਰ ਸਕਦੀ ਹੈ। 

ਲੁਧਿਆਣਾ ਅਗਨੀਕਾਂਡ: ਜਮਹੂਰੀ ਅਧਿਕਾਰ ਸਭਾ ਵੱਲੋਂ ਜਾਂਚ ਰਿਪੋਰਟ ਜਾਰੀ

ਜਾਂਚ ਰਿਪੋਰਟ ਵਿੱਚ ਕਈ ਅਹਿਮ ਖੁਲਾਸੇ 

ਲੁਧਿਆਣਾ: 15 ਦਸੰਬਰ (ਪੰਜਾਬ ਸਕਰੀਨ ਬਿਊਰੋ):: More Pics on Facebook Please

ਜਮਹੂਰੀ ਅਧਿਕਾਰ ਸਭਾ ਪੰਜਾਬ (ਜ਼ਿਲ੍ਹਾ ਲੁਧਿਆਣਾ) ਵੱਲੋਂ ਸਥਾਨਕ ਸੂਫ਼ੀਆਂ ਚੌਕ, ਮੁਸ਼ਤਾਕਗੰਜ ਵਿਖੇ ਅਮਰਸਨ ਪਲਾਸਟਿਕ ਫ਼ੈਕਟਰੀ (ਗੋਲਾ ਫ਼ੈਕਟਰੀ) ਵਿੱਚ ਭਿਆਨਕ ਅੱਗ ਲੱਗਣ ਦੀ ਘਟਨਾ ਬਾਰੇ ਜਾਂਚ ਕੀਤੀ ਗਈ ਸੀ। ਜਾਂਚ ਕਮੇਟੀ ਮੈਂਬਰ ਪ੍ਰੋ. ਜਗਮੋਹਣ ਸਿੰਘ, ਜਸਵੰਤ ਜੀਰਖ, ਸਤੀਸ਼ ਸੱਚਦੇਵਾ, ਰੈਕਟਰ ਕਥੂਰੀਆ, ਪ੍ਰਦੀਪ ਸ਼ਰਮਾ ਅਤੇ ਐਡਵੋਕੇਟ ਹਰਪ੍ਰੀਤ ਜੀਰਖ ਵੱਲੋਂ ਅੱਜ ਉਸ ਜਾਂਚ ਰਿਪੋਰਟ ਦਾ ਪਹਿਲਾ ਭਾਗ ਜਾਰੀ ਕੀਤਾ ਗਿਆ। ਜਾਂਚ ਕਮੇਟੀ ਨੇ ਇਹ ਰਿਪੋਰਟ ਖੁਦ ਮੌਕੇ ਤੇ ਜਾ ਕੇ ਅਤੇ ਲੋਕਾਂ ਦੇ ਵਿਚਾਰ ਸੁਣਨ ਮਗਰੋਂ  ਤਿਆਰ ਕੀਤੀ ਗਈ। ਇਸਦਾ ਕੰਮ ਅਜੇਡ ਵੀ ਲਗਾਤਾਰ ਜਾਰੀ ਹੈ। ਛੇਤੀ ਹੀ ਇਸਦੇ ਬਾਕੀ ਅੱਪਡੇਟ ਵੀ ਸਾਹਮਣੇ ਲਿਆਂਦੇ ਜਾਣਗੇ। More Pics on Facebook Please

ਸਾਮਾਨ ਕੱਢਣ ਦੀ ਜਲਦਬਾਜ਼ੀ ਕਾਰਨ ਹੋਈਆਂ ਮੌਤਾਂ? 

ਇਸ ਰਿਪੋਰਟ ਵਿੱਚ ਸਪਸ਼ਟ ਕੀਤਾ ਹੈ ਕਿ ਅੱਗ ਬਾਰੇ ਸਵੇਰੇ 6.10 ਵਜੇ ਫ਼ੈਕਟਰੀ ਦੀ ਉੱਪਰਲੀ ਮੰਜ਼ਲ ਵਿਚੋਂ ਧੂਆੰ ਨਿਕਲਣ ਤੇ ਪਤਾ ਲੱਗਾ। ਫਾਇਰ ਬ੍ਰਗੇਡ 7.15 ਵਜੇ ਦੇ ਕਰੀਬ ਪੁਜਾ ਜਿਸ ਨੇ 10.07 ਵਜੇ ਤੱਕ ਅੱਗ ਉੱਪਰ ਕਾਬੂ ਪਾ ਲਿਆ ਸੀ। ਇਸ ਬਾਅਦ ਜਦੋਂ ਸ੍ਰੀ ਲਕਸ਼ਮਣ ਦਰਾਵੜ ਆਪਣੇ ਸਹਿਯੋਗੀਆਂ ਸਮੇਤ ਉਥੇ ਪੁੱਜੇ ਤਾਂ ਉਹਨਾਂ ਅੱਗ ਬੁਝਾਊ ਅਮਲੇ ਦੇ ਕੰਮ ਵਿੱਚ ਦਖ਼ਲ ਅੰਦਾਜੀ ਕਰਦਿਆਂ ਫ਼ੈਕਟਰੀ ਅੰਦਰੋਂ ਸਮਾਨ ਕੱਢਣ ਲਈ ਜਲਦਬਾਜੀ ਕੀਤੀ। ਉਹ ਆਪਣੇ ਨਾਲ ਹੋਰਾਂ ਨੂੰ ਵੀ ਨਾਲ ਲੈਕੇ ਸਮਾਨ ਕੱਢਣ ਲਈ ਫ਼ੈਕਟਰੀ ਅੰਦਰ ਚਲੇ ਗਏ ਤੇ ਇਸੇ ਦੌਰਾਨ ਸਾਰੀ ਫ਼ੈਕਟਰੀ ਢਹਿਢੇਰੀ ਹੋ ਗਈ ਤੇ ਸਾਰੇ ਹੀ ਮਲਬੇ ਹੇਠ ਦੱਬਣ ਕਾਰਣ ਮਾਰੇ ਗਏ। More Pics on Facebook Please

ਲਕਸ਼ਮਣ ਦਰਾਵੜ ਅਤੇ ਫੈਕਟਰੀ ਮਾਲਕ ਦਰਮਿਆਨ ਕਹਾ-ਸੁਣੀ ਵੀ ਹੋਈ ਸੀ?

ਜਾਂਚ ਦੌਰਾਨ ਪਾਇਆ ਗਿਆ ਕਿ ਲਕਸ਼ਮਣ ਦਰਾਵੜ ਇਸ ਘਟਨਾ ਤੋਂ ਇਕ ਦਿਨ ਪਹਿਲਾਂ ਵੀ ਆਪਣੇ ਦੋ ਸਾਥੀਆਂ ਸਮੇਤ ਫ਼ੈਕਟਰੀ 'ਚ ਆਏ ਸਨ। ਉਸ ਸਮੇਂ ਉਹਨਾਂ ਇਥੇ ਚਾਹ ਪੀਂਦਿਆਂ ਉੱਚੀ ਆਵਾਜ 'ਚ ਗੱਲਾਂ ਵੀ ਕੀਤੀਆਂ ਜੋ ਪੈਸੇ ਦੇ ਲੈਣ ਦੇਣ ਬਾਰੇ ਸਨ। ਇਹ ਵੀ ਪਤਾ ਲਗਾ ਕਿ ਇਥੇ ਰਾਜ ਕਰਦੀਆਂ ਸਿਆਸੀ ਪਾਰਟੀਆਂ ਦੇ ਲੀਡਰਾਂ ਦੀ ਵੀ ਕਾਫ਼ੀ ਆਵਾਜਾਈ ਰਹਿੰਦੀ ਸੀ। ਲੋਕਾਂ ਨੇ ਇਸ ਫ਼ੈਕਟਰੀ ਨੂੰ ਇਸ ਰਿਹਾਇਸ਼ੀ ਇਲਾਕੇ ਵਿਚੋਂ ਬਾਹਰ ਕਢਾਉਣ ਲਈ ਵੀ ਚਾਰਾ ਜੋਈ ਕੀਤੀ ਸੀ ,ਪਰ ਕੋਈ ਵਿਭਾਗੀ ਕਾਰਵਾਈ ਨਹੀਂ ਹੋਈ।  More Pics on Facebook Please

ਜਦੋਂ ਅੱਗ ਲੱਗੀ ਉਦੋਂ ਬਿਜਲੀ ਬੰਦ ਸੀ 

ਜਾਂਚ ਦੌਰਾਨ ਇਹ ਗੱਲ ਵੀ ਸਾਹਮਣੇ ਆਈ ਕਿ ਅੱਗ ਲੱਗਣ ਸਮੇਂ ਫੈਕਟਰੀ ਬੰਦ ਸੀ ਤੇ ਉਸ ਵੇਲੇ ਬਿਜਲੀ ਵੀ ਬੰਦ ਸੀ। ਇਸ ਕਰਕੇ ਅੱਗ ਲੱਗਣ ਦੇ ਕਾਰਣਾਂ ਨੂੰ ਪੜਤਾਲਣ ਦੀ ਲੋੜ ਹੈ। ਪਰ ਇਲਾਕੇ ਦੇ ਸਿਆਸੀ ਲੀਡਰ ਇਸ ਨੂੰ ਕੁਦਰਤੀ ਹਾਦਸਾ ਦਸ ਰਹੇ ਹਨ। ਉਹਨਾਂ ਅਨੁਸਾਰ ਜੋ ਲੋਕ ਬਚ ਗਏ ਹਨ, ਉਹ ਪਰਮਾਤਮਾ ਨੇ ਹੀ ਬਚਾ ਲਏ ਹਨ। ਕਿਸੇ ਨੂੰ ਇਹ ਵੀ ਪਤਾ ਨਹੀਂ ਸੀ ਕਿ ਫ਼ੈਕਟਰੀ ਅੰਦਰ ਕਿਹੜੇ-ਕਿਹੜੇ ਜਲਣਸ਼ੀਲ ਕੈਮੀਕਲ ਕਿੰਨੀ ਕਿੰਨੀ ਮਾਤਰਾ 'ਚ ਪਏ ਹਨ। ਨਾ ਹੀ ਕਿਸੇ ਅਧਿਕਾਰੀ ਨੇ ਫ਼ੈਕਟਰੀ ਮਾਲਕ ਤੋਂ ਇਹ ਪੁੱਛਣ ਦੀ ਲੋੜ ਸਮਝੀ ਹੈ। ਇਸ ਕਰਕੇ ਅੱਗ ਬਝਾਊ ਅਮਲੇ ਨੂੰ ਵੀ ਇਸ ਸਬੰਧੀ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ। ਫ਼ੈਕਟਰੀ ਦੀ ਹੇਠਲੀ ਮੰਜ਼ਲ ਦੀ ਸੀਮਿੰਟ ਦੀ ਬਜਾਏ ਗਾਰੇ ਨਾਲ ਚੁਣਾਈ ਕਰੇ ਹੋਣ ਬਾਰੇ ਵੀ ਜਾਂਚ ਕਮੇਟੀ ਨੂੰ ਪਤਾ ਲੱਗਾ।  More Pics on Facebook Please

ਪ੍ਰਸ਼ਾਸਨ ਦਾ ਜ਼ਿਆਦਾ ਜ਼ੋਰ ਗੋਲਾ ਫ਼ੈਕਟਰੀ ਦਾ ਸਮਾਨ ਸਾਂਭਣ 'ਚ ਹੀ ਲੱਗਾ 

ਮੌਕੇ ਤੇ ਮਲਬੇ ਹੇਠ ਦੱਬੇ ਮੁਲਾਜ਼ਮਾਂ ਦੇ ਪਰਿਵਾਰਕ ਮੈਂਬਰਾਂ ਨੂੰ ਇਸ ਗੱਲ ਦਾ ਵੀ ਗਿਲਾ ਸੀ ਕਿ ਭਾਵੇਂ ਇਸ ਕੰਮ ਵਿੱਚ ਮਦਦ ਕਰਨ ਲਈ ਮਿਲਟਰੀ ਵੀ ਬੁਲਾਈ ਗਈ , ਪਰ ਉਸ ਤੋਂ ਕੋਈ ਕੰਮ ਲਏ ਬਿਨਾ ਹੀ ਵਾਪਸ ਭੇਜ ਦਿੱਤਾ ਗਿਆ। ਪਤਾ ਨਹੀਂ ਇਹ ਕਿਸ ਦੇ ਹੁਕਮ ਨਾਲ ਵਾਪਸ ਭੇਜੀ ਗਈ। ਉਹਨਾਂ ਇਹ ਵੀ ਦੱਸਿਆ ਕਿ ਲਕਸ਼ਮਣ ਦਰਾਵੜ ਦਾ ਮਿਰਤਕ ਸਰੀਰ ਮਿਲਣ ਬਾਅਦ ਪਹਿਲਾਂ ਦੀ ਤਰਾਂ ਵਾਲੀ ਤੇਜ਼ੀ, ਮਲਬਾ ਹਟਾਉਣ ਵਿੱਚ  ਨਹੀਂ ਵਰਤੀ ਗਈ। ਵਾਰਸਾਂ ਨੇ ਇਹ ਦੁੱਖ ਵੀ ਜ਼ਾਹਰ ਕੀਤਾ ਕਿ ਪ੍ਰਸ਼ਾਸਨ ਦਾ ਜ਼ਿਆਦਾ ਜ਼ੋਰ ਗੋਲਾ ਫ਼ੈਕਟਰੀ ਦਾ ਸਮਾਨ ਸਾਂਭਣ 'ਚ ਹੀ ਲੱਗਾ ਹੋਇਆ ਸੀ ਜਿਸ ਦੀ ਪੁਸ਼ਟੀ ਉਥੇ ਪਈ ਇਕ ਮਹਿੰਗੀ ਮਸ਼ੀਨ ਚੁੱਕ ਕੇ ਲੈ ਜਾਣ ਤੋਂ ਵੀ ਹੋਈ। More Pics on Facebook Please

ਫਾਇਰ ਬ੍ਰਿਗੇਡ ਜਵਾਨਾਂ ਨੇ ਸਾਧਨਾਂ ਦੀ ਕਮੀ ਦੇ ਬਾਵਜੂਦ ਦਿਖਾਈ ਬਹਾਦਰੀ 

ਜਾਂਚ ਰਿਪੋਰਟ ਵਿੱਚ ਸਪਸ਼ਟ ਕੀਤਾ ਗਿਆ ਹੈ ਕਿ  ਫਾਇਰ ਬ੍ਰਗੇਡ ਦੇ ਮੁਲਾਜ਼ਮਾਂ ਕੋਲ ਅਜਿਹੀ ਘਟਨਾ ਨਾਲ ਨਜਿੱਠਣ ਲਈ ਲੋੜੀਂਦੇ ਸਾਧਨਾਂ ਦੀ ਕਮੀ ਦੇ ਬਾਵਜੂਦ ਵੀ ਉਹਨਾਂ ਆਪਣੀਆਂ ਜਾਨਾਂ ਨੂੰ ਖ਼ਤਰੇ 'ਚ ਪਾਕੇ ਪੂਰੀ ਮਿਹਨਤ ਨਾਲ ਕੰਮ ਕੀਤਾ। ਉਹ ਆਪਣੇ ਸਰੀਰ ਦੁਆਲੇ ਗਿੱਲੀਆਂ ਬੋਰੀਆਂ ਲਪੇਟਕੇ ਕੰਮ ਚਲਾ ਰਹੇ ਸਨ। ਸਰਕਾਰ ਅਤੇ ਪ੍ਰਸ਼ਾਸਨ ਵੱਲੋਂ ਮਸ਼ੀਨਾਂ ਤਾਂ ਖਰੀਦ ਲਈਆਂ ਜਾਂਦੀਆਂ ਹਨ ਪਰ ਹੋਰ ਸਾਜ਼ੋ-ਸਮਾਨ ਦੀ ਪੂਰਤੀ ਵੱਲ ਕੋਈ ਧਿਆਨ ਨਹੀਂ ਦਿੱਤਾ ਜਾਂਦਾ। ਇਹ ਘਟਨਾ 20 ਨਵੰਬਰ ਨੂੰ ਵਾਪਰੀ ਪਰ ਐਫ ਆਈ ਆਰ 22 ਨਵੰਬਰ ਨੂੰ ਲਿਖਾਉਣੀ ਵੀ ਪ੍ਰਸ਼ਾਸਨ ਦੀ ਲਾਪਰਵਾਹੀ ਜ਼ਾਹਰ ਕਰਦੀ ਹੈ।

More Pics on Facebook Please

ਡਾਗ ਸੁਕਐਡ ਦੀ ਅਣਹੋਂਦ   

ਰਿਪੋਰਟ ਵਿੱਚ ਇਹ ਵੀ ਪਾਇਆ ਗਿਆ ਕਿ ਫਾਇਰ ਬ੍ਰਗੇਡ ਦਾ ਪੂਰੀ ਤਰਾਂ ਵਿਗਿਆਨਕ ਤੌਰ ਤੇ ਲੈਸ ਨਾ ਹੋਣਾ, ਸੁਰੱਖਿਆ ਕਵਚ ਦੀ ਅਣਹੋਂਦ ਅਤੇ ਕੈਮੀਕਲ ਵਾਲੀ ਅੱਗ ਬੁਝਾਉਣ ਲਈ ਉਚਿੱਤ ਪ੍ਰਬੰਧ ਦੀ ਕਮੀ ਸੀ। ਮਲਬੇ ਵਿੱਚ ਫਸੇ ਲੋਕਾਂ ਨੂੰ ਲੱਭਣ ਲਈ ਡਾਗ ਸੁਕਐਡ ਦੀ ਅਣਹੋਂਦ ਪਾਈ ਗਈ। ਉਦਯੋਗਿਕ ਬਿਲਡਿੰਗ ਉਸਾਰੀ, ਲੇਬਰ ਅਤੇ ਪ੍ਰਦੂਸਨ ਵਿਭਾਗਾਂ ਵੱਲੋਂ ਨਿਯਮਾਂ ਦੀ ਪਾਲਣਾ ਕਰਨ ਵਿੱਚ ਵਰਤੀ ਕੁਤਾਹੀ ਲਈ ਇਹਨਾਂ ਵਿਭਾਗਾਂ ਦੇ ਜ਼ੁੰਮੇਵਾਰ ਅਧਿਕਾਰੀ ਵੀ ਇਸ ਘਟਨਾ ਲਈ ਬਰਾਬਰ ਦੇ ਜ਼ੁੰਮੇਵਾਰ ਹਨ।  More Pics on Facebook Please

ਮਾਣਯੋਗ ਹਾਈ ਕੋਰਟ ਦੇ ਜੱਜ ਦੀ ਨਿਗਰਾਨੀ ਹੇਠ ਐਸ ਆਈ ਟੀ ਦੀ ਮੰਗ 

ਜਾਂਚ ਕਮੇਟੀ ਮੰਗ ਕਰਦੀ ਹੈ ਕਿ ਇਸ ਵੱਡੇ ਹਾਦਸੇ ਦੀਆਂ ਖਾਮੀਆਂ ਦੀ ਮਾਣਯੋਗ ਹਾਈ ਕੋਰਟ ਦੇ ਜੱਜ ਦੀ ਨਿਗਰਾਨੀ ਹੇਠ ਸਪੈਸ਼ਲ ਇਨਵੈਸਟੀਗੇਸਨ ਟੀਮ ਤੋਂ ਜਾਂਚ ਕਰਵਾਈ ਜਾਵੇ ਤਾਂ ਕਿ ਠੀਕ ਸਿੱਟੇ ਕੱਢਕੇ ਲੋਕਾਂ ਅਤੇ ਮਜ਼ਦੂਰਾਂ ਦੀ ਸੁਰੱਖਿਆ ਲਈ ਜ਼ਰੂਰੀ ਆਦੇਸ਼  ਜਾਰੀ ਹੋ ਸਕਣ ਤੇ ਹੋਰ ਸਬੰਧਤ ਅਦਾਰਿਆਂ 'ਤੇ ਵੀ ਲਾਗੂ ਕੀਤੇ ਜਾਣ। 

More Pics on Facebook Please

ਸ਼ਹੀਦ ਹੋਏ ਫਾਇਰਮੈਂ ਜਵਾਨਾਂ ਨੂੰ ਸੈਨਿਕਾਂ ਵਾਂਗ ਸਨਮਾਨ ਦੇਣ ਦੀ ਮੰਗ                     

9 ਫਾਇਰਮੈਨਾਂ ਦੀ ਡਿਊਟੀ ਦੌਰਾਨ ਲੋਕਾਂ ਦੀ ਸੁਰੱਖਿਆ ਕਰਦੇ ਹੋਏ ਮੌਤ ਹੋਈ, ਉਹਨਾਂ ਨੂੰ ਦੇਸ਼ ਦੀ ਸੁਰੱਖਿਆ ਕਰਨ ਵਾਲੇ ਸੈਨਿਕਾਂ ਦੇ ਬਰਾਬਰ ਰੱਖਦੇ ਹੋਏ ਸਨਮਾਨ ਦਿੱਤਾ ਜਾਣਾ ਚਾਹੀਦਾ ਹੈ। ਮਲਬੇ ਹੇਠ ਦੱਬੇ ਹੋਰ ਮਜ਼ਦੂਰਾਂ ਨੂੰ ਵੀ ਇਸੇ ਪੱਧਰ ਤੇ ਮੁਆਵਜਾ ਦਿੱਤਾ ਜਾਵੇ। 

ਮਲਬਾ ਹਟਾਉਣ ਲਈ ਹੋਇਆ ਖਰਚਾ ਫੈਕਟਰੀ ਮਾਲਕ ਪਾਸੋਂ ਵਸੂਲਣ ਦੀ ਮੰਗ 

ਮਲਬਾ ਹਟਾਉਣ ਲਈ ਹੋਇਆ ਕੁਲ ਖ਼ਰਚਾ ਫ਼ੈਕਟਰੀ ਮਾਲਕ ਪਾਸੋਂ ਵਸੂਲਿਆ ਜਾਵੇ। ਆਸਪਾਸ ਦੇ ਨੁਕਸਾਨੇ ਗਏ ਘਰਾਂ ਦੇ ਮਾਲਕਾਂ ਨੂੰ ਹੋਏ ਨੁਕਸਾਨ ਦੀ ਫ਼ੈਕਟਰੀ ਮਾਲਕ ਤੋਂ ਭਰਪਾਈ ਕਰਵਾਈ ਜਾਵੇ। ਖ਼ਤਰਨਾਕ ਉਦਯੋਗ ਰਿਹਾਇਸ਼ੀ ਇਲਾਕੇ ਵਿੱਚ ਨਾ ਲੱਗਣ ਨੂੰ ਯਕੀਨੀ ਬਣਾਇਆ ਜਾਵੇ। ਫ਼ੈਕਟਰੀ ਮਾਲਕ ਸਮੇਤ ਹੋਰ ਸਬੰਧਤ ਵਿਭਾਗਾਂ ਦੇ ਜ਼ੁੰਮੇਵਾਰ ਅਧਿਕਾਰੀਆਂ ਜਿਨ੍ਹਾਂ ਨੇ ਅਣਗਹਿਲੀ ਵਰਤੀ ਹੈ ਦੇ ਖ਼ਿਲਾਫ਼ ਬਣਦੀ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇ।

ਲੁਧਿਆਣਾ ਦੀ ਪੰਜਾਬ ਇਪਟਾ ਮੀਟਿੰਗ ਵਿੱਚ ਲਏ ਗਏ ਅਹਿਮ ਫੈਸਲੇ

ਇਪਟਾ ਦੇ ਕਪੂਰਥਲਾ ਸਮਾਗਮ ਦੀ ਤਿਆਰੀ ਬਾਰੇ ਹੋਈਆਂ ਵਿਚਾਰਾਂ 

ਲੁਧਿਆਣਾ: 8 ਅਕਤੂਬਰ 2017: (ਪ੍ਰਦੀਪ ਸ਼ਰਮਾ ਇਪਟਾ//ਪੰਜਾਬ ਸਕਰੀਨ):: 

ਅੱਜ ਇਥੇ ਪੰਜਾਬੀ ਭਵਨ ਵਿੱਚ ਇੰਡੀਅਨ ਪੀਪਲਜ਼ ਥਿਏਟਰ ਐਸੋਸੀਏਸ਼ਨ (ਇਪਟਾ) ਪੰਜਾਬ ਦੀ ਇੱਕ ਵਿਸ਼ੇਸ਼ ਮੀਟਿੰਗ ਹੋਈ। ਇਸ ਮੀਟਿੰਗ ਵਿੱਚ ਫੈਸਲਾ ਕੀਤਾ ਗਿਆ ਕਿ ਪਹਿਲੀ ਅਤੇ ਦੋ ਦਸੰਬਰ ਨੂੰ ਕਰਾਇਆ ਜਾਣ ਵਾਲਾ ਸਮਾਗਮ ਉੱਘੇ ਰੰਗਕਰਮੀ ਰਾਜਿੰਦਰ ਸਿੰਘ ਭੋਗਲ ਦੀ ਨਿੱਘੀ ਯਾਦ ਨੂੰ ਸਮਰਪਿਤ ਹੋਵੇਗਾ। ਇਸ ਮਕਸਦ ਲਈ ਗਿਆਰਾਂ ਮੈਂਬਰੀ ਪ੍ਰੋਗਰਾਮ ਕਮੇਟੀ ਵੀ ਬਣਾਈ ਗਈ। ਇਸਦੇ ਨਾਲ ਹੀ ਕਈ ਹੋਰ ਮਾਮਲੇ ਵੀ ਵਿਚਾਰੇ ਗਏ। ਅਗਲੇ ਸਾਲ 2018 ਵਿੱਚ ਪਟਨਾ ਵਿਖੇ ਹੋਣ ਵਾਲੇ 75 ਸਾਲ ਕੌਮੀ ਸਮਾਗਮ ਦੀ ਤਿਆਰੀ ਵਾਸਤੇ ਵੀ ਵਿਚਾਰਾਂ ਹੋਈਆਂ। ਇਸ ਤਿਆਰੀ ਬਾਰੇ ਹੋਰ  ਵਿਚਾਰਾਂ ਕਰਨ ਲਈ ਕੌਮੀ ਕਾਰਜਕਾਰਨੀ ਦੇ ਸਾਰੇ ਮੈਂਬਰ ਵੀ ਪਹਿਲੀ ਅਤੇ ਦੋ ਦਸੰਬਰ ਦੇ ਸਮਾਗਮਾਂ ਵਿੱਚ ਸ਼ਾਮਲ ਹੋਣਗੇ। ਕਾਬਿਲੇ ਜ਼ਿਕਰ ਹੈ ਕਿ ਇਹ ਸਮਾਗਮ ਰੇਲ ਕੋਚ ਫੈਕਟਰੀ  ਕਪੂਰਥਲਾ ਵਿੱਚ ਹੋਣੇ ਹਨ।  For More Pics on Facebook please click here 

ਇਪਟਾ ਦਾ ਇਤਿਹਾਸ ਬਹੁਤ ਹੀ ਫਖਰਯੋਗ ਹੈ। ਇਸ ਦੇ ਨਾਲ ਬੜੇ ਵੱਡੇ ਵੱਡੇ ਕਲਾਕਾਰ ਜੁੜੇ ਰਹੇ ਹਨ। ਲੋਕ ਹਿਤੈਸ਼ੀ, ਸਾਫ-ਸੁਥਰੇ ਅਤੇ ਨਿਰੋਏ ਸਭਿਆਚਾਰ ਦੇ ਵਿਕਾਸ, ਪ੍ਰਚਾਰ ਅਤੇ ਪ੍ਰਸਾਰ ਲਈ ਯਤਨਸ਼ੀਲ ਇਪਟਾ ਜੋ 73 ਸਾਲ ਪਹਿਲਾਂ 25 ਮਈ 1943 ਨੂੰ ਹੌਂਦ ਵਿਚ ਆਈ।ਇਸ ਦੇ ਪਹਿਲੇ ਪ੍ਰਧਾਨ ਐਚ. ਐਮ. ਜੋਸ਼ੀ ਸਨ।ਇਪਟਾ ਨੇ ਆਪਣੀ ਸਥਾਪਨਾਂ ਮੌਕੇ ਹੀ ਐਲਾਨ ਕਰ ਦਿਤਾ ਸੀ ਕਿ ਕਲਾ ਸਿਰਫ਼ ਕਲਾ ਨਹੀਂ ਬਲਕਿ ਲੋਕਾਂ ਲਈ ਹੈ।ਭਾਂਵੇ ਬੰਗਾਲ ਦਾ ਹਿਰਦਾ ਹਿਲਾਊ ਅਕਾਲ ਹੋਵੇ, ਅਜ਼ਾਦੀ ਦੀ ਲੜਾਈ ਜਾਂ ਕਿਸਾਨਾਂ-ਮਜ਼ਦੂਰਾਂ ਦਾ ਸੰਘਰਸ਼ ਹੋਵੇ। ਇਪਟਾ ਨੇ ਹਮੇਸ਼ਾਂ ਹੀ ਆਪਣੀ ਜ਼ੁੰਮੇਵਾਰੀ ਇਮਾਨਦਾਰੀ ਅਤੇ ਗੰਭੀਰਤਾ ਨਾਲ ਨਿਭਾਈ।ਹਿੰਦੀ ਫਿਲਮੀਆਂ ਦੇ ਸਿਰਮੌਰ ਹਸਤਾਖਰ ਪ੍ਰਿਥਵੀ ਰਾਜ ਕਪੂਰ, ਬਲਰਾਜ ਸਾਹਨੀ, ਨਰਗਿਸ ਦੱਤ, ਸ਼ਬਾਨਾ ਆਜ਼ਮੀ, ਏ.ਕੇ. ਹੰਗਲ, ਉਤਪਲਦੱਤ, ਦੁਰਗਾ ਖੋਟੇ, ਕੈਫ਼ੀ ਆਜ਼ਮੀ, ਸੰਜੀਵ ਕੁਮਾਰ, ਹੇਮੰਤ ਕੁਮਾਰ, ਮਨਾ ਡੇ, ਸਾਹਿਰ ਲੁਧਿਆਣਵੀ, ਮੁਲਕ ਰਾਜ ਆਨੰਦ, ਭੀਸ਼ਮ ਸਾਹਨੀ ਆਦਿ ਅਣਗਿਤ ਅੰਤਰਰਾਸ਼ਟਰੀ ਅਤੇ ਰਾਸ਼ਟਰੀ ਪ੍ਰਸਿੱਧੀ ਦੇ ਫਨਕਾਰ ਇਪਟਾ ਨਾਲ ਜੁੜੇ।

ਇਪਟਾ ਦਾ ਮੁੱਢ ਪੰਜਾਬ ਵਿਚ 1950 ਨੂੰ ਤੇਰਾ ਸਿੰਘ ਚੰਨ ਨੇ ਸੁਰਿੰਦਰ ਕੌਰ (ਲੋਕ-ਗਾਇਕਾ),ਜਗਦੀਸ਼ ਫਰਿਆਦੀ, ਨਿਰੰਜਣ ਸਿੰਘ ਮਾਨ, ਹਰਨਾਮ ਸਿੰਘ ਨਰੂਲਾ, ਜੋਗਿੰਦਰ ਬਾਹਰਲਾ, ਸ਼ੀਲਾ ਦੀਦੀ, ਹੁਕਮ ਚੰਦ ਖਲੀਲੀ,ਓਰਮਿਲਾ ਆਨੰਦ, ਅਮਰਜੀਤ ਗੁਰਦਾਸ ਪੁਰੀ,ਪ੍ਰੀਤ ਮਾਨ, ਗੁਰਚਰਨ ਬੋਪਾਰਾਏ, ਸਵਰਣ ਸੰਧੂ, ਡਾ. ਪ੍ਰਿਥੀਪਾਲ ਸਿੰਘ ਮੈਣੀ, ਦਲਬੀਰ ਕੌਰ,ਕੇ.ਐਸ. ਸੂਰੀ, ਡਾ. ਇਕਬਾਲ ਕੌਰ, ਓਮਾ ਗੁਰਬਖਸ਼ ਸਿੰਘ, ਨਰਿੰਦਰ ਕੌਰ, ਓਰਮਿਲਾ ਆਨੰਦ, ਡਾ.ਹਰਸ਼ਰਨ ਸਿੰਘ ਅਤੇ ਉਨਾਂ ਦੀ ਭੈਣ ਸੁਰਜੀਤ ਹੋਰਾਂ ਦੇ ਸਰਗਰਮ ਸਹਿਯੋਗ ਨਾਲ ਬੰਨਿਆਂ। ਇਸ ਸਭਿਆਚਾਰਕ ਟੋਲੀ ਨੇ ਨਾਟਕਾਂ, ਨਾਟ-ਗੀਤਾਂ ਅਤੇ ਓਪੇਰਿਆਂ ਦੇ ਥਾਂ ਥਾਂ ਮੰਚਣਾਂ ਰਾਹੀਂ ਪੰਜਾਬ ਦੇ ਸਭਿਆਚਾਰ ਵਿਚ ਇਕ ਸਿਫਤੀ ਅਤੇ ਇਨਕਾਲਬੀ ਤਬਦੀਲੀ ਲਿਆਂਦੀ। ਜਿੱਥੇ ਕਿਤੇ ਵੀ ਇਹ ਟੋਲੀ ਆਪਣਾ ਪ੍ਰੋਗਰਾਮ ਕਰਨ ਜਾਂਦੀ ਲੋਕਾਂ ਦਾ ਹਜੂਮ ਉਮੜ ਕੇ ਆ ਜਾਂਦਾ।ਇਪਟਾ ਦੇ ਮੁੱਢਲੇ ਦੌਰ ਵਿਚ ਇਪਟਾ ਦੀਆਂ ਗਤੀਵਿਧੀਆਂ ਦਾ ਗੜ ਅਤੇ ਲੇਖਕਾਂ, ਬੁੱਧੀਜੀਵੀਆਂ ਅਤੇ ਕਲਾਕਾਰਾਂ ਦਾ ਮੱਕਾ ਹਿੰਦ-ਪਾਕਿ ਦੀ ਬਰੂਹਾਂ ’ਤੇ ਸਰਦਾਰ ਗੁਰਬਖਸ਼ ਸਿੰਘ ਪ੍ਰੀਤ ਲੜੀ ਦੇ ਸੁਹਿਰਦ ਅਤੇ ਗੰਭੀਰ ਯਤਨਾਂ ਨਾਲ ਵੱਸੇ ਪ੍ਰੀਤ ਨਗਰ ਵਿਖੇ ਉਨਾਂ ਦੇ ਘਰ ਦੇ ਦਰ ਇਪਟਾ ਦੇ ਸਿਰੜੀ ਅਤੇ ਸਿਦਕੀ ਕਾਰਕੁੰਨਾ ਲਈ ਨਾਟਕੀ ਸਭਿਆਚਾਰਕ ਗਤੀਵਿਧੀਆਂ ਦੀ ਰਹਿਰਸਲ ਵਾਸਤੇ ਖੁੱਲਾ ਰਹਿੰਦਾ ਸੀ।ਇਪਟਾ ਦੀਆਂ ਨਰੋਈਆਂ ਅਤੇ ਲੋਕਾਈ ਦੀ ਬਾਤ ਪਾਉਂਦੀਆਂ ਸਭਿਆਚਰਾਕ ਸਰਗਰਮੀਆਂ ਤਕਰੀਬਨ ਲਗਾਤਾਰ ਚੱਲੀਆਂ ਪਰ ਪੰਜਾਬ ਵਿਚ ਕਾਲੇ ਦੌਰ ਦੌਰਾਨ ਇਸ ਦੀ ਰਫਤਾਰ ਕੁੱਝ ਮੱਠੀ ਹੋ ਗਈ।

ਇਪਟਾ ਨੇ ਮੁੜ ਕਰਵਟ ਲਈ 2003 ਵਿਚ ਕੈਫੀ ਆਜ਼ਮੀ ਨੂੰ ਸਮਰਪਿਤ ਚਾਰ ਰੋਜ਼ਾ ਲੋਕ-ਹਿਤੈਸ਼ੀ ਸਭਿਆਚਾਰਕ ਸ਼ਾਮਾਂ ਦਾ ਆਯੋਜਨ ਟੈਗੌਰ ਥੀਏਟਰ ਚੰਡੀਗੜ੍ਹ ਵਿਖੇ  ਕਰਵਾਇਆ। ਜਿਸ ਵਿਚ ਬਹੁ ਭਾਸ਼ੀ ਮੁਸ਼ਾਇਰਾ, ਕਲਾਸੀਕਲ ਨ੍ਰਿਤ ਤੇ ਗਾਇਨ, ਨਾਟਕਾਂ ਅਤੇ ਪੰਜਾਬੀ ਲੋਕ ਗਾਇਕੀ ਦਾ ਆਯੋਜਨ ਕੀਤਾ ਗਿਆ।ਜਿਸ ਦੀ ਪ੍ਰਧਾਨਗੀ ਸਰਵਰਸ੍ਰੀ ਸੰਤੋਖ ਸਿੰਘ ਧੀਰ, ਤੇਰਾ ਸਿੰਘ ਚੰਨ, ਸੁਰਿੰਦਰ ਕੌਰ, ਐਮ. ਐਲ. ਕੌਸਰ (ਲੋਕ ਗਾਇਕਾ) ਜਗਜੀਤ ਆਨੰਦ ਅਤੇ ਉਰਮਿਲਾ ਆਨੰਦ ਨੇ ਕੀਤੀ। ਇਸ ਵਿਚ ਢਾਈ ਸੋ ਦੇ ਕਰੀਬ ਫਨਕਾਰਾਂ ਨੇ ਆਪਣੇ ਆਪਣੇ ਫ਼ਨ ਦਾ ਮੁਜ਼ਾਹਰਾ ਕੀਤਾ।

ਸੰਨ 2005 ਵਿਚ ਇਪਟਾ ਨੇ ਕੈਫੀ ਆਜ਼ਮੀ ਨੂੰ ਸਮਰਪਿਤ ਚਾਰ ਰੋਜ਼ਾ ਲੋਕ-ਹਿਤੈਸ਼ੀ ਸਭਿਆਚਾਰਕ ਸ਼ਾਮਾਂ ਦਾ ਆਯੋਜਨ ਟੈਗੌਰ ਥੀਏਟਰ ਚੰਡੀਗੜ੍ਹ ਵਿਖੇ  ਕਰਵਾ ਕੇ ਰਫਤਾਰ ਫੜੀ।ਇਪਟਾ ਦੀ ਮੁੱਢਲੀ ਮੈਂਬਰ ਪੰਜਾਬ ਦੀ ਕੋਇਲ ਸ਼੍ਰੀਮਤੀ ਸੁਰਿੰਦਰ ਕੌਰ ਅਤੇ ਉਨ੍ਹਾਂ ਦੀ ਧੀ ਸ਼੍ਰੀਮਤੀ ਡੋਲੀ ਗੁਲੇਰੀਆ ਨੇ ਪੰਜਾਬੀ ਲੋਕ ਗਾਇਕੀ ਦੇ ਦੀਦਾਰ ਕਰਵਾਏ।

ਟੈਗੌਰ ਥੀਏਟਰ ਚੰਡੀਗੜ੍ਹ ਵਿਖੇ ਹੀ 2005 ਵਿਚ ਹੀ ਨਵੰਬਰ ਮਹੀਨੇ ਇਪਟਾ ਪੰਜਾਬ ਨੇ ਕੈਫੀ ਆਜ਼ਮੀ ਫਾਉਡੇਸ਼ਨ ਦੇ ਸਹਿਯੋਗ ਨਾਲ ਇਕ ਰੋਜ਼ਾ ਸਭਿਆਚਾਰਕ ਸ਼ਾਮ ਦਾ ਆਯੋਜਨ ਇਪਟਾ ਦਾ ਬਾਨੀ ਮੈਂਬਰ ਜਗਦੀਸ਼ ਫਰਿਆਦੀ, ਹਰਨਾਮ ਸਿੰਘ ਨਰੂਲਾ, ਸ਼੍ਰੀਮਤੀ ਸੁਰਿੰਦਰ ਕੌਰ, ਸ਼ੀਲ਼ਾ ਦੀਦੀ ਅਤੇ ਗੁਰਸ਼ਰਨ ਭਾਅ ਜੀ, ਡਾ. ਹਰਚਰਨ ਸਿੰਘ ਅਤੇ  ਸੋਭਾ ਕੋਸਰ ਦੀ ਪ੍ਰਧਾਨਗੀ ਹੇਠ ਕੀਤੀ।ਸਾਲ 2005 ਨੂੰ ਲਖਨਊ (ਯੂ.ਪੀ.) ਵਿਖੇ 12ਵੀਂ ਕੌਮੀ ਕਾਨਫਰੰਸ ਵਿਖੇ, ਤ੍ਰਿਚੂਰ (ਕੇਰਲਾ) ਵਿਖੇ ਸਾਲ 2006 ਨੂੰ ਡਬਲਊ.ਵਾਈ.ਪੀ.ਐਸ.ਟੀ. ਅਧੀਨ ਸਭਿਆਚਾਰਕ ਸ਼ਾਮਾਂ ਵਿਚ, 2007 ਨੂੰ ਆਗਰਾ ਵਿਖੇ ਸ਼ਹੀਦ ਭਗਤ ਸਿੰਘ ਨੂੰ ਸਪਰਿਪਤ ਸਮਾਗਮ ਵਿਚ ਅਤੇ ਸਾਲ 2007 ਨੂੰ ਹੈਦਰਾਬਾਦ (ਆਂਧਰਾ ਪ੍ਰਦੇਸ਼) ਵਿਖੇ ਹੋਈ ਨੈਸ਼ਨਲ ਵਰਕਸ਼ਾਪ ਵਿਚ ਇਪਟਾ ਪੰਜਾਬ ਦੇ ਕਾਰਕੁੰਨਾਂ ਨੇ ਭਰਵੀ ਸ਼ਿਰਕਤ ਕੀਤੀ।  For More Pics on Facebook please click here 

        ਇਪਟਾ ਦੀ ਰਾਸ਼ਟਰੀ ਕਾਨਫੰਰਸ ਜੋ 2012 ਵਿਚ 13ਵਾਂ ਤਿੰਨ ਰੋਜ਼ਾ ਰਾਸ਼ਟਰੀ ਸਭਿਆਚਾਰਕ ਮਹਾਂ-ਉਤਸਵ (ਜੋ ਭਿਲਾਈ, ਛੱਤੀਸਗੜ੍ਹ ਵਿਖੇ ਹੋਇਆ) ਜਿਸ ਵਿਚ ਭਾਰਤ ਭਰ ਤੋਂ 22 ਰਾਜਾਂ ਅਤੇ ਕੇਂਦਰ ਪ੍ਰਸ਼ਾਸ਼ਿਤ ਰਾਜਾਂ ਦੇ 2500 ਦੇ ਕਰੀਬ ਇਪਟਾ ਦੀ ਸੋਚ ਨਾਲ ਸਹਿਮਤ ਕਲਾਕਾਰ ਸ਼ਾਮਿਲ ਹੋਏ। ਇਸ ਮੌਕੇ ਇਪਟਾ ਪੰਜਾਬ ਦੇ 80 ਦੇ ਕਰੀਬ ਕਾਰਕੁਨਾਂ ਦੇ ਸ਼ਿਰਕਤ ਕਰਕੇ ਆਪਣੇ ਫਨ ਦਾ ਮੁਜ਼ਾਹਾ ਕੀਤਾ।ਸਾਲ 2013 ਵਿਚ 23 ਮਾਰਚ ਦੇ ਸ਼ਹੀਦਾਂ ਨੂੰ ਸਮਰਪਿਤ ਝਾਰਖੰਡ ਦੇ ਸ਼ਹਿਰ ਡਾਲਟਨਗੰਜ ਵਿਖੇ ਜੋ ਸਮਾਗਮ ਹੋਇਆ ਉਸ ਵਿਚ ਇਪਟਾ ਪੰਜਾਬ ਦੇ ਕਾਰਕੁਨਾਂ ਨੇ  ਨਾਟਕਾਂ, ਕੋਰੀਓਗਾਫੀਆਂ ਤੇ ਓਪੇਰਿਆਂ ਰਾਹੀਂ ਹਾਜ਼ਰੀ ਲਗਵਾਈ।

         ਸਤੰਬਰ 2013 ਵਿਚ ਇਪਟਾ, ਪੰਜਾਬ ਵੱਲੋਂ ਉਲੀਕੇ ਗਦਰ ਦੀ ਸ਼ਤਾਬਦੀ ਨੂੰ ਸਮਰਪਿਤ ਦੋ ਰੋਜ਼ਾ ਉਤਰ ਖੇਤਰੀ ਲੋਕ-ਹਿਤੈਸ਼ੀ ਉਤਸਵ ਦਾ ਅਯੋਜਨ ਸਤਿਗੂਰੁ ਜਗਜੀਤ ਸਿੰਘ ਜੀ ਦੇ ਅਸ਼ੀਰਵਾਦ ਤੇ ਇਪਟਾ ਆਰ.ਸੀ.ਐਫ. ਦੇ ਸਹਿਯੋਗ ਨਾਲ ਕੀਤਾ ਜਿਸ ਵਿਚ ਉਤਰ ਖੇਤਰ ਦੀਆਂ ਇਪਟਾ ਇਕਾਈਆਂ ਨੇ ਆਪਣੀਆਂ ਨਾਟ ਅਤੇ ਸਭਿਆਚਾਰਕ ਮੰਡਲੀਆ ਸਮੇਤ ਸ਼ਿਰਕਤ ਕੀਤੀ।ਦਸੰਬਰ 2013 ਇਪਟਾ ਵਿਚ ਦੇ ਬਾਨੀਆਂ ਵਿਚ ਸ਼ੁਮਾਰ ਫਿਲਮਾਂ ਅਤੇ ਰੰਗਮੰਚ ਦੇ ਮਹਾਨ ਅਭਿਨੇਤਾ ਪ੍ਰਿਥਵੀਰਾਜ ਕਪੂਰ ਨੂੰ ਸਮਰਪਿਤ ਉਨਾਂ ਦੇ ਜੱਦੀ ਪਿੰਡ ਲਸਾੜਾ (ਫਿਲੋਰ) ਵਿਖੇ ਇਕ ਰੋਜ਼ਾ ਲੋਕ-ਹਿਤੈਸ਼ੀ ਉਤਸਵ ਪ੍ਰਗਤੀ ਕਲਾ ਕੇਂਦਰ ਲਾਂਡਰਾ ਦੇ ਸਹਿਯੋਗ ਨਾਲ ਕਰਵਾਇਆ।ਜਿਸ ਵਿਚ ਪੰਜਾਬ ਦੀਆਂ ਇਪਟਾ ਇਕਾਈਆ ਆਪਣੀਆ ਨਾਟ ਅਤੇ ਸਭਿਆਚਾਰਕ ਮੰਡਲੀਆ ਸਮੇਤ ਸ਼ਾਮਿਲ ਹੋਇਆਂ।2014 ਵਿਚ ਇਪਟਾ ਦੀ ਮਾਲਵਾਂ ਇਕਾਈ ਨੇ ਮੋਗਾ ਵਿਖੇ ਰੰਗਕਰਮੀ ਅਤੇ ਫਿਲਮ ਅਦਾਕਾਰ ਸੈਮੂਅਲ ਜੌਨ ਨਾਲ ਮਿਲਣੀ ਦਾ ਪ੍ਰਬੰਧ ਕੀਤਾ, ਦੁਆਬਾ ਇਕਾਈ ਨੇ ਫਿਲੋਰ ਵਿਖੇ ਪੰਜਾਬ ਭਰ ਵਿਚ ਪੰਜਾਬੀ ਕਾਮੁਕ, ਲੱਚਰ, ਅਸ਼ਲੀਲ, ਹਿੰਸਕ ਅਤੇ ਨਸ਼ਿਆਂ ਨੂੰ ਉਤਸ਼ਾਹਿਤ ਕਰਦੇ ਕੁੱਝ ਟੀ.ਵੀ. ਚੈਨਲਾਂ, ਗੀਤਕਾਰਾਂ, ਗਾਇਕਾਂ ਅਤੇ ਮਿਊਜ਼ਕ ਕੰਪਨੀਆਂ ਗੀਤਾਂ ਤੋਂ ਸੁਚੇਤ ਕਰਨ ਲਈ ਵਿਚਾਰ-ਚਰਚਾ ਕਰਵਾਈ।2015 ਵਿਚ ਇਪਟਾ ਦੀ ਮਾਝਾ ਇਕਾਈ ਨੇ ਲੋਕ-ਹਿਤੈਸ਼ੀ ਉਤਸਵ ਦਾ ਅਯੋਜਨ ਪਿੰਡ ਰੂਪੋਵਾਲ ਵਿਖੇ ਕਰਵਾਈਆ।ਇਪਟਾ ਦੀਆਂ ਰਾਸ਼ਟਰੀ ਕਾਰਜਕਾਰਨੀ ਦੀ ਇਕੱਤਰਤਾਵਾਂ ਜੋ 2014 ਵਿਚ ਜੈਪੁਰ ਅਤੇ 2015 ਵਿਚ ਲਖਨਊ ਵਿਖੇ ਹੋਈਆਂ ਵਿਚ ਪ੍ਰਧਾਨ ਅਤੇ ਜਨਰਲ ਸਕੱਤਰ ਨੇ ਸ਼ਿਰਕਤ ਕੀਤੀ।ਸਭ ਸੂਬਿਆਂ ਦੇ ਜਨਰਲ ਸੱਕਤਰਾਂ ਨੇ ਆਪੋ-ਆਪਣੇ ਰਾਜਾਂ ਦੀਆ ਇਪਟਾ ਇਕਾਈਆਂ ਦੀ ਰਿਪੋਰਟ ਪੇਸ਼ ਕਰਨ ਦੇ ਨਾਲ ਨਾਲ ਇਪਟਾ ਦੀ ਕਾਰਜਸ਼ੈਲੀ ਵਿਚ ਸੁਧਾਰ ਲਿਆਉਣ ਲਈ ਸੁਝਾਅ ਦਿੱਤੇ। ਇਪਟਾ ਪੰਜਾਬ ਦੇ ਜਨਰਲ ਸੱਕਤਰ ਨੇ ਪੰਜਾਬ ਇਕਾਈ ਦੀ ਰਿਪੋਰਟ ਪੇਸ਼ ਕਰਦੇ ਕਿਹਾ ਕਿ ਜਦ ਇਪਟਾ ਹੌਂਦ ਵਿਚ ਆਈ ਸੀ ਉਦੋ ਵੀ ਮੁਸ਼ਕਲਾਂ ਸਨ ਪਰ ਅੱਜ ਚਣੌਤੀਆਂ ਪਹਿਲਾਂ ਨਾਲੋਂ ਗੰਭੀਰ ਹਨ। ਉਨ੍ਹਾਂ ਵਿਚੋ ਇਕ ਹੈ ਸਭਿਆਚਾਰਕ ਪ੍ਰਦੂਸ਼ਣ। ਕੁੱਝ ਚੈਨਲ ਆਪਣੇ ਨਿੱਜੀ ਅਤੇ ਆਰਥਿਕ ਸੁਆਰਥਾਂ ਦੀ ਖਾਤਿਰ ਅਮੀਰ ਭਾਰਤੀ ਵਿਰਸੇੇ ਤੇ ਸਭਿਆਚਾਰ ਦੀਆਂ ਧੱਜੀਆਂ ਉਡਾ ਰਹੇ ਹਨ। ਆਉਣ ਵਾਲੀਆ ਨਸਲਾਂ ਨੂੰ ਗਿਣੀ-ਮਿਥੀ ਸਾਜਿਸ਼ ਤਾਹਿਤ ਜ਼ਹਿਨੀ ਅਤੇ ਮਾਨਿਸਕ ਤੌਰ ’ਤੇ ਬਿਮਾਰ ਕਰ ਰਹੇ ਹਨ।ਸਭਿਆਚਾਰਕ ਪ੍ਰਦੂਸ਼ਣ ਵਿਰੁੱਧ ਇਪਟਾ ਵੱਲੋਂ ਰਾਸ਼ਟਰੀ ਪੱਧਰ ’ਤੇ ਅਵਾਜ਼ ਉਠਾਉਣ ਦਾ ਪੇਸ਼ ਕੀਤਾ ਗਿਆ ਮਤਾ ਸਰਬਸੰਮਤੀ ਨਾਲ ਪਾਸ ਹੋਇਆ।

 ਨਵੰਬਰ 2015 ਨੂੰ ਰਾਜ ਪੱਧਰੀ ਲੋਕ-ਹਿਤੈਸ਼ੀ ਸਭਿਆਚਾਰਕ ਸ਼ਾਮ ਦੇ ਅਯੋਜਨ ਪ੍ਰੀਤ ਨਗਰ ਵਿਖੇ ਸਤਿਗੂਰੁ ਊਦੈ ਪ੍ਰਤਾਪ ਸਿੰਘ ਜੀ ਦੇ ਅਸ਼ੀਰਵਾਦ ਕਰਵਾਇਆ ਗਿਆ। ਜਿਸ ਵਿਚ ਇਪਟਾ,ਪੰਜਾਬ ਦੇ ਮੁੱਢਲੇ ਕਾਰਕੁੰਨਾ ਅਮਰਜੀਤ ਗੁਰਦਾਸਪੁਰੀ, ਸਵਰਣ ਸੰਧੂ, ਕੰਵਲਜੀਤ ਸੂਰੀ, ਪ੍ਰੀਤ ਮਾਨ, ਓਮਾ ਗੁਰਬਖਸ਼ ਸਿੰਘ, ਹਿਰਦੈਪਾਲ ਸਿੰਘ ਵੱਲੋਂ ਬਾਤਾਂ ਇਪਟਾ ਦੀਆਂ ਅਧੀਨ ਸੰਵਾਦ ਰਚਾਉਣ ਤੋਂ ਇਲਾਵਾ ਇਪਟਾ ਦੀ ਸੋਚ ਨੂੰ ਪ੍ਰਣਾਇਆਂ ਹੋਇਆਂ ਇਪਟਾ ਨਾਲ ਸਬੰਧਤ ਨਾਟ ਅਤੇ ਸਭਿਆਚਰਾਕ ਮੰਡਲੀਆਂ ਵੱਲੋਂ ਨਾਟਕ ਤੇ ਨੁਕੜ ਨਾਟਕ, ਕੋਰੀਓਗਾਰਫੀਆਂ ਅਤੇ ਲੋਕ ਗਾਇਕੀ ਦੀਆਂ ਪੇਸ਼ਕਾਰੀ ਕਰਨ ਤੋਂ ਇਲਾਵਾ ਇਪਟਾ ਦੇ ਇਤਿਹਾਸ ਅਤੇ ਮੌਜੂਦਾ ਸਰਗਰਮੀਆਂ ਨੂੰ ਸਮੇਟਦੀ ਪੁਸਤਕ ਨਾਟ-ਕਰਮੀ ਅਤੇ ਸ਼੍ਰੋਮਣੀ ਨਾਟਕਕਾਰ ਕੇਵਲ ਧਾਲੀਵਾਲ ਵੱਲੋਂ ਸੰਪਾਦਿਤ ਪੁਸਤਕ ਯਾਦਾਂ ਇਪਟਾ ਦੀਆਂ ਲੋਕ ਅਰਪਣ ਵੀ ਕੀਤੀ ਗਈ।ਇਹ ਪੁਸਤਕ ਪੰਜਾਬ ਸੰਗੀਤ ਨਾਟਕ ਅਕਾਦਮੀ ਦੁਆਰਾ ਛਪਵਾਈ। ਮਾਰਚ 2016 ਵਿਚ ਇਪਟਾ ਦੀ ਮਾਝਾ ਇਕਾਈ ਵੱਲੋਂ ਰੂਪੋਵਾਲ ਵਿਖੇ 23 ਮਾਰਚ ਦੇ ਸ਼ਹੀਦਾਂ ਦੀ ਯਾਦ ਵਿਚ ਨਾਟ-ਕਰਮੀ ਕਾਮਰੇਡ ਸ਼ਹੀਦ ਮੰਗਤ ਸਿੰਘ ਰੂਪੋਵਾਲੀ ਦੀ ਯਾਦ ਵਿਚ ਲੋਕ-ਹਿਤੈਸ਼ੀ ਸਭਿਆਚਾਰਕ ਸਮਾਗਮ ਦਾ ਅਯੋਜਨ ਕੀਤਾ ਗਿਆ।ਇਪਟਾ ਪੰਜਾਬ ਦੀ ਚੰਡੀਗੜ੍ਹ ਵਿਖੇ 17 ਸਤੰਬਰ 2016 ਸ਼ਨੀਚਰਵਾਰ ਨੂੰ  ਸੂਬਾ ਕਾਨਫਰੰਸ ਦੇ ਅਯੋਜਨ ਕੀਤਾ। ਇਸਦੇ ਨਾਲ ਹੀ 23 ਮਾਰਚ ਦੇ ਸ਼ਹੀਦਾਂ ਦੀ ਯਾਦ ਵਿਚ ਨਾਟ-ਕਰਮੀ ਕਾਮਰੇਡ ਸ਼ਹੀਦ ਮੰਗਤ ਸਿੰਘ ਰੂਪੋਵਾਲੀ ਦੀ ਯਾਦ ਵਿਚ ਲੋਕ-ਹਿਤੈਸ਼ੀ ਸਭਿਆਚਾਰਕ ਸਮਾਗਮ ਦਾ ਅਯੋਜਨ ਤੋਂ ਇਲਾਵਾ ਇਪਟਾ ਦੀ 75 ਵੀਂ ਵਰ੍ਹੇਗੰਢ ਨੂੰ ਸਮਰਪਿਤ ਇਪਟਾ, ਪੰਜਾਬ ਵੱਲੋਂ ਅਜ਼ਾਦ ਰੰਗਮੰਚ ਦੇ ਸਹਿਯੋਗ ਨਾਲ ਫਗਵਾੜਾ ਵਿਖੇ, ਇਪਟਾ ਦੀ 75 ਵੀਂ ਵਰ੍ਹੇਗੰਢ ਨੂੰ ਹੀ ਸਮਰਪਿਤ ਰੰਗਮੰਚ ਦੀ ਬਰੀਕੀਆਂ ਦੀ ਸਖਲਾਈ ਦੇ ਲਈ ਕਾਰਜਸ਼ਾਲਾਂ ਦਾ ਦੀਨਾ ਨਗਰ, ਆਰ.ਸੀ.ਐਫ. ਕਪੂਰਥਲਾ ਅਤੇ ਮੋਗਾ ਵਿਖੇ ਨੋਰਾ ਰਿਚਰਡ, ਰੋਜ਼ਗਾਰ ਪ੍ਰਪਾਤੀ ਮੰਚ, ਕਪੂਰਥਲਾਂ ਤੋਂ ਲੋਕ ਕਲਾ ਮੰਚ ਅਤੇ ਇਪਟਾ ਆਰ.ਸੀ.ਐਫ ਦੇ ਸਹਿਯੋਗ ਨਾਲ ਪ੍ਰਬੰਧ ਕੀਤਾ।

ਇਸ ਮੌਕੇ ਇਪਟਾ ਪੰਜਾਬ ਇਕ ਪੰਜਾਬ ਪੱਧਰ ਦਾ ਸੋਵੀਨਾਰ ਕੱਢ ਰਹੀ ਹੈ।

IPTA Punjab:ਅਹਿਮ ਇਕੱਤਰਤਾ 8 ਅਕਤੂਬਰ ਨੂੰ ਲੁਧਿਆਣਾ ਵਿੱਚ

For More Pics on Facebook please click here 

IPTA Punjab:ਅਹਿਮ ਇਕੱਤਰਤਾ 8 ਅਕਤੂਬਰ ਨੂੰ ਲੁਧਿਆਣਾ ਵਿੱਚ

ਦਸੰਬਰ ਦੀ ਕੌਮੀ ਕਾਰਜਕਾਰਨੀ ਮੀਟਿੰਗ ਬਾਰੇ ਹੋਣਗੀਆਂ ਅਹਿਮ ਵਿਚਾਰਾਂ 

ਲੁਧਿਆਣਾ: 7 ਅਕਤੂਬਰ 2017: (ਪੰਜਾਬ ਸਕਰੀਨ ਬਿਊਰੋ):: 

ਲੋਕ-ਪੱਖੀ ਵਿਚਾਰਾਂ ਉੱਤੇ ਲਗਾਤਾਰ ਹੋ ਰਹੇ ਫਾਸ਼ੀ ਅਤੇ ਫਿਰਕੂ ਹਮਲਿਆਂ ਤੋਂ ਬਾਅਦ ਖਦਸ਼ਾ ਸੀ ਕਿ ਸ਼ਾਇਦ ਇਪਟਾ ਬਿਲਕੁਲ ਹੀ ਖਤਮ ਹੋ ਜਾਏਗੀ ਪਰ ਇਪਟਾ ਪਹਿਲਾਂ ਨਾਲੋਂ ਜ਼ਿਆਦਾ ਮਜ਼ਬੂਤ ਹੋ ਕੇ ਸਾਹਮਣੇ ਆ ਰਹੀ ਹੈ। ਦੇਸ਼ ਦੇ ਬਾਕੀ ਹਿੱਸਿਆਂ ਵਾਂਗ ਪੰਜਾਬ ਵਿੱਚੋਂ ਵੀ ਇਪਟਾ ਨੂੰ ਪਹਿਲਾਂ ਨਾਲੋਂ ਜ਼ਿਆਦਾ ਹੁੰਗਾਰਾ ਮਿਲ ਰਿਹਾ ਹੈ। ਇਸਦੀ ਕੌਮੀ ਕਾਰਜਕਾਰਨੀ ਦੀ ਦੋ ਦਿਨਾਂ ਮੀਟਿੰਗ ਜਿੱਥੇ ਦਸੰਬਰ-2017 ਦੇ ਪਹਿਲੇ ਹਫਤੇ ਕਪੂਰਥਲਾ ਵਿਖੇ ਹੋਣੀ ਹੈ ਉੱਥੇ ਇਸਦੀ ਤਿਆਰੀ ਕਮੇਟੀ ਦੀ ਮੀਟਿੰਗ 8 ਅਕਤੂਬਰ 2017 ਨੂੰ ਲੁਧਿਆਣਾ ਵਿੱਚ ਰੱਖੀ ਗਈ ਹੈ। 

ਇਪਟਾ ਦੇ ਸਰਗਰਮ ਕਾਰਕੁੰਨ ਸੰਜੀਵਨ ਸਿੰਘ, ਇੰਦਰਜੀਤ ਸਿੰਘ ਰੂਪੋਵਾਲੀ ਅਤੇ ਪ੍ਰਦੀਪ ਸ਼ਰਮਾ ਤੋਂ ਮਿਲੇ ਵੇਰਵਿਆਂ ਮੁਤਾਬਿਕ  ਇਪਟਾ, ਪੰਜਾਬ ਦੀ ਕਾਰਜਕਾਰਨੀ ਦੀ ਅਹਿਮ ਇਕੱਤਰਤਾ ਲੁਧਿਆਣਾ ਵਿਖੇ 8 ਅਕਤੂਬਰ 2017, ਐਤਵਾਰ ਨੂੰ ਸਵੇਰੇ 11.00 ਵਜੇ ਪੰਜਾਬੀ ਭਵਨ ਵਿੱਚ ਹੋਣੀ ਹੈ। ਪਹਿਲਾਂ ਇਹ ਮੀਟਿੰਗ ਕਰਨੈਲ ਸਿੰਘ ਈਸੜੂ ਭਵਨ, ਇੰਦਰਾ ਨਗਰ, ਬਸਤੀ ਅਬਦੁੱਲਾ ਪੁਰ, ਲੁਧਿਆਣਾ ਵਿਖੇ ਹੋਣੀ ਸੀ ਪਰ ਬਾਅਦ ਵਿੱਚ ਪ੍ਰਬੰਧਕੀ ਕਾਰਨਾਂ ਕਰਕੇ ਇਸਦਾ ਸਥਾਨ ਪੰਜਾਬੀ ਭਵਨ ਵਿੱਚ ਕਰ ਦਿੱਤਾ ਗਿਆ। ਕਾਰਜਕਾਰਨੀ ਦੀ ਇਸ ਵਿਸ਼ੇਸ਼ ਮੀਟਿੰਗ ਵਿਚ 1-2 ਦਸੰਬਰ,2017 ਆਰ.ਸੀ.ਐਫ. ਕਪੂਰਥਲਾ ਵਿਖੇ ਹੋ ਰਹੀ ਦੇਸ਼ ਭਰ ਦੀਆਂ ਇਪਟਾ ਇਕਾਈ ਦੇ ਪ੍ਰਧਾਨ, ਜਨਰਲ ਸੱਕਤਰਾਂ ਦੀ ਸ਼ਮੂਲੀਅਤ ਵਾਲੀ ਦੋ ਰੋਜਾ ਰਾਸ਼ਟਰੀ ਕਾਰਜਕਾਰਨੀ ਦੀ ਇਕੱਤਰਤਾ ਅਤੇ ਲੋਕ-ਹਿਤੈਸ਼ੀ ਸਭਿਆਚਾਰਕ ਸ਼ਾਮ ਦੇ ਅਯੋਜਨ ਬਾਰੇ ਵਿਚਾਰ ਵਿਟਾਂਦਰਾ ਹੋਵੇਗਾ।

ਇਹ ਜਾਣਕਾਰੀ ਦਿੰਦੇ ਇਪਟਾ ਪੰਜਾਬ ਦੇ ਪ੍ਰਧਾਨ ਇੰਦਰਜੀਤ ਰੂਪੋਵਾਲੀ ਅਤੇ ਜਨਰਲ ਸੱਕਤਰ ਸੰਜੀਵਨ ਸਿੰਘ ਨੇ ਦਿੰਦੇ ਕਿਹਾ ਕਿ ਅਗਸਤ ਮਹੀਨੇ ਪਟਨਾ (ਬਿਹਾਰ) ਵਿਖੇ ਇਪਟਾ ਦੀ ਰਾਸ਼ਟਰੀ ਕਾਰਜਕਾਰਨੀ ਦੀ ਇਕੱਤਰਤਾ ਵਿਚ ਇਪਟਾ ਦੀਆਂ ਰਾਸ਼ਟਰ ਪੱਧਰ ਦੀ ਸਰਗਰੀਆਂ ਵਿਚ ਤੇਜ਼ੀ ਲਿਆਉਣ ਲਈ ਪੰਜਾਬ ਸਮੇਤ ਦੇਸ਼ ਦੇ ਹੋਰਨਾਂ ਪ੍ਰਾਂਤਾ ਵਿਚ ਵੀ ਰਾਸ਼ਟਰੀ ਕਾਰਜਾਰਨੀਆਂ ਦੀ ਮੀਟਿੰਗਾਂ ਕਰਨ ਦੇ ਫੈਸਲੇ ਤੋਂ ਇਲਾਵਾ ਇਪਟਾ ਦੀ 75 ਵੀਂ ਵਰ੍ਹੇ ਗੰਢ ਇਪਟਾ ਦੀਆਂ ਸੂਬਾ ਇਕਾਈਆਂ ਵੱਲੋਂ ਸੂਬਾ ਪੱਧਰੀ ਅਤੇ ਪਟਨਾ (ਬਿਹਾਰ) ਵਿਖੇ ਰਾਸ਼ਟਰੀ ਪੱਧਰੀ  ਸਮਾਰੋਹ ਅਕੂਤਬਰ 2018 ਵਿਚ ਅਯੋਜਿਤ ਕਰਨ ਬਾਰੇ ਰੂਪ-ਰੇਖਾ ਉਲੀਕਣ ਤੋਂ ਇਲਾਵਾ ਇਪਟਾ ਦੀਆਂ ਪਬਲੀਕੇਸ਼ਨਾਂ ਦੇ ਐਡੀਟਰਾਂ ਬਾਰੇ ਫੈਸਲਾ, ਸਾਰੇ ਦੇਸ਼ ਵਿਚ ਕਿਸਾਨੀ ਮਸਲਿਆਂ ਬਾਰੇ ਸਭਿਆਚਾਰਕ ਯਾਤਰਾਵਾਂ, ਯੁਵਕ ਅਤੇ ਲੋਕ ਮੇਲਿਆਂ ਦੇ ਅਯੋਜਨਾਂ ਅਤੇ ਹੋਰ ਜੱਥੇਬੰਦਕ ਮਸਲੇ ਵਿਚਾਰੇ ਦਾ ਵੀ ਫੈਸਲਾ ਕੀਤਾ ਗਿਆ।

ਭਾਰਤ ਸਰਕਾਰ ਟ੍ਰੰਪ ਨੂੰ ਸਖ਼ਤ ਜੁਆਬ ਦੇਵੇ-BJGV ਜੱਥਾ

ਟ੍ਰੰਪ ਦੇ ਭਾਰਤ ਵਿਰੋਧੀ ਬਿਆਨ ਦੀ ਕੀਤੀ ਸਖਤ ਆਲੋਚਨਾ 

ਮੌਸਮ ਤਬਦੀਲੀ ਬਾਰੇ ਪੈਰਿਸ ਸਮਝੌਤੇ ਚੋਂ ਬਾਹਰ ਨਿਕਲਣ ਦੀ ਵੀ ਆਲੋਚਨਾ   

ਲੁਧਿਆਣਾ: 4 ਜੂਨ 2017: (ਪੰਜਾਬ ਸਕਰੀਨ ਬਿਊਰੋ)::

ਵਾਤਾਵਰਨ ਬਾਰੇਲਗਾਤਾਰ ਸੁਚੇਤ ਰਹਿ ਕੇ ਕੰਮ ਕਰਨ ਵਾਲੇ ਸੰਗਠਨ ਭਾਰਤ ਜਨ ਗਿਆਨ ਵਿਗਿਆਨ ਜੱਥਾ ਨੇ ਸੰਸਾਰ ਵਾਤਾਵਰਨ ਨੂੰ ਦਰਪੇਸ਼ ਖਤਰਿਆਂ ਦਾ ਇੱਕ ਵਾਰ ਫੇਰ ਗੰਭੀਰ ਨੋਟਿਸ ਲਿਆ ਹੈ। ਪੈਰਿਸ ਸਮਝੌਤੇ ਚੋਂ ਬਾਹਰ ਆਉਣ ਵਾਲੇ ਅਮਰੀਕਾ ਦੀ ਇਸ ਸੰਗਠਨ ਨੇ ਸਖਤ ਨਿਖੇਧ ਕੀਤੀ ਹੈ ਅਤੇ ਪ੍ਰਧਾਨ ਮੋਦੀ ਨੂੰ ਵੀ ਇਸ ਮੁੱਦੇ ਤੇ ਸਖਤ ਰੁੱਖ ਅਪਨਾਉਣ ਦੀ ਅਪੀਲ ਕੀਤੀ ਹੈ। ਇਸ ਬਾਰੇ ਇੱਕ ਵਿਸ਼ੇਸ਼ ਮੀਟਿੰਗ ਵਿੱਚ ਵਿਸਥਾਰ ਨਾਲ ਚਰਚਾ ਕੀਤੀ ਗਈ। 

ਭਾਰਤ ਜਨ ਗਿਆਨ ਵਿਗਿਆਨ ਜੱਥਾ ਨੇ ਅਮਰੀਕੀ ਰਾਸ਼ਟਰਪਤੀ ਡੌਨਲਡ ਟ੍ਰੰਪ ਦੇ ਜਲਵਾਯੂ ਤਬਦੀਲੀ ਬਾਰੇ ਪੈਰਿਸ ਸੰਧੀ ਤੋਂ ਬਾਹਰ ਹੋਣ ਦੇ ਐਲਾਨ ਦੀ ਨਿਖੇਧੀ ਕਰਦਿਆਂ ਇਸ ਬਾਰੇ ਮੁੜ ਵਿਚਾਰਨ ਦੀ ਅਪੀਲ ਕੀਤੀ ਹੈ। ਟ੍ਰੰਪ ਦਾ ਇਹ ਕਹਿਣਾ ਕਿ ਭਾਰਤ ਨੂੰ ਕੇਵਲ ਡਾਲਰ ਬਟੋਰਨ ਦੀ ਪਈ ਹੈ, ਬਾਰੇ  ਭਾਰਤੀ ਪਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਢਿੱਲ ਮੁੱਲ ਬਿਆਨ ਤੇ ਹੈਰਾਨੀ ਪਰਗਟ ਕਰਦਿਆਂ ਜੱਥਾ ਨੇ ਕਿਹਾ ਕਿ ਵਾਤਾਵਰਣ ਵਿੱਚ ਤੇਜੀ ਨਾਲ ਆ ਰਹੇ ਨਿਘਾਰ ਦੇ ਕਾਰਨ ਸਭ ਤੋਂ ਵੱਧ ਮਾੜਾ ਅਸਰ ਤਾਂ ਵਿਕਾਸਸ਼ੀਲ ਦੇਸ਼ਾਂ ਤੇ ਹੀ ਪਏਗਾ। ਇਸ ਲਈ ਸਾਡੀ ਸਰਕਾਰ ਨੂੰ ਇਸ ਬਾਬਤ ਸਾਫ਼ ਰਵਈਆ ਅਪਨਾਉਣਾ ਚਾਹੀਦਾ ਹੈ। ਅੱਜ ਇੱਥੇ ਸ਼੍ਰੀ ਰਣਜੀਤ ਸਿੰਘ ਦੀ ਪਰਧਾਨਗੀ ਹੇਠ ਹੋਈ ਮੀਟਿੰਗ ਵਿੱਚ ਕਿਹਾ ਗਿਆ ਕਿ ਪੈਰਿਸ ਸਮਝੌਤੇ ਦਾ ਮਕਸਦ ਧਰਤੀ ਤੇ ਵੱਧ ਰਹੇ ਕਾਰਬਨ ਨੂੰ ਘਟਾਉਣਾ ਹੈ ਜਿਸਦੇ ਵਧਣ ਕਰਕੇ ਧਰਤੀ ਦੇ ਤਾਪਮਾਨ ਵਿੱਚ ਵਾਧਾ ਹੋਇਆ ਹੈ ਤੇ ਮੌਸਮਾਂ ਵਿੱਚ ਤਬਦੀਲੀ ਹੋਈ ਹੈ। ਇਸ ਕਾਰਬਨ ਨੂੰ ਵਧਾਉਣ ਦੀ ਕਿਰਿਆ ਵਿੱਚ ਸਭ ਤੋਂ ਵੱਧ ਅਪਰਾਧ ਅਮਰੀਕਾ ਤੇ ਹੋਰ ਵਿਕਸਤ ਦੇਸ਼ਾਂ ਦਾ ਹੈ। ਇਸ ਲਈ ਪੈਰਿਸ ਸੰਧੀ ਮੁਤਾਬਿਕ ਅਮਰੀਕਾ ਨੂੰ ਇਸ ਬਾਰੇ ਆਉਣ ਵਾਲੇ ਸਮੇਂ ਵਿੱਚ ਖਰਚਾ ਦੇਣਾ ਪੈਣਾ ਸੀ।  ਜੇ ਕੋਈ ਠੋਸ ਕਦਮ ਨਾਂ ਚੁੱਕੇ ਗਏ ਤਾਂ ਭਵਿੱਖ ਬੜਾ ਖਰਾਬ ਹੋਵੇਗਾ।  ਇਸ ਮੀਟਿੰਗ ਵਿੱਚ ਡਾ: ਅਰੁਣ ਮਿੱਤਰਾ, ਐਮ ਐਸ ਭਾਟੀਆ, ਡਾ: ਰਜਿੰਦਰ ਪਾਲ, ਡਾ: ਗੁਰਪ੍ਰੀਤ ਰਤਨ, ਇੰਦਰਜੀਤ ਸਿੰਘ ਸੋਢੀ, ਰੈਕਟਰ ਕਥੂਰੀਆ, ਪਰਦੀਪ ਸ਼ਰਮਾ ਆਦਿ ਨੇ ਬਹਿਸ ਵਿੰਚ ਹਿੱਸ ਲਿਆ।

ਲੱਚਰ, ਹਿੰਸਕ ਅਤੇ ਨਸ਼ਿਆਂ ਵਾਲੀ ਗਾਇਕੀ ਨੂੰ ਠੱਲ ਪਾਉਣ ਲਈ ਇਪਟਾ ਸਰਗਰਮ

Wed, Mar 29, 2017 at 6:42 PM

ਪੰਜਾਬ ਸਰਕਾਰ ਸਮੇਤ ਸਾਰੀਆਂ ਸਿਆਸੀ ਧਿਰਾਂ ਨਾਲ ਹੋਏਗਾ ਰਾਬਤਾ

ਲੁਧਿਆਣਾ/ਚੰਡੀਗੜ੍ਹ: 29 ਮਾਰਚ 2017: (ਸੰਜੀਵਨ ਸਿੰਘ//ਪੰਜਾਬ ਸਕਰੀਨ):: 

ਲੋਕ ਪੱਖੀ ਕਲਾ ਨੂੰ ਸਮਰਪਿਤ ਵੱਕਾਰੀ ਸੰਸਥਾ  ਇੰਡੀਅਨ  ਪੀਪਲਜ਼ ਥਿਏਟਰ ਐਸੋਸੀਏਸ਼ਨ (ਇਪਟਾ) ਨੇ ਲੋਕਾਂ ਨੂੰ ਖੋਖਲਾ ਕਰ ਰਹੀ ਗਾਇਕੀ ਦੇ ਖਿਲਾਫ ਆਰ ਪਾਰ ਦੀ ਜੰਗ ਦਾ ਐਲਾਨ ਕੀਤਾ ਹੈ।  ਇਸ ਮਕਸਦ ਲਈ ਜਿੱਥੇ ਸਾਰੀਆਂ ਸਿਆਸੀ ਧਿਰਾਂ ਨਾਲ ਰਾਬਤਾ ਸਥਾਪਿਤ ਕੀਤਾ ਜਾਏਗਾ ਉੱਥੇ ਕਲਾ ਦੇ ਮੈਦਾਨ ਅੰਦਰ ਵੀ ਲੋਕ ਪੱਖੀ ਪ੍ਰੋਗਰਾਮਾਂ ਦੀ ਹਨੇਰੀ ਲਿਆਂਦੀ ਜਾਏਗੀ। ਇਪਟਾ, ਪੰਜਾਬ ਦੀਆਂ ਚਾਰੇ ਇਕਾਈਆ ਵੱਲੋਂ ਲੱਚਰ, ਹਿੰਸਕ ਅਤੇ ਨਸ਼ਿਆਂ ਨੂੰ ਉਤਸ਼ਾਹਿਤ ਕਰਦੀ ਗਾਇਕੀ ਨੂੰ ਠੱਲ ਪਾਉਣ ਲਈ ਲੋਕ-ਹਿਤੈਸ਼ੀ ਸਭਿਆਚਾਰਕ ਸਰਗਰਮੀਆਂ ਤੇਜ਼ ਕੀਤੀਆਂ ਜਾਣਗੀਆਂ।  

   ਲੱਚਰ, ਹਿੰਸਕ ਅਤੇ ਨਸ਼ਿਆਂ ਨੂੰ ਉਤਸ਼ਾਹਿਤ ਕਰਦੀ ਗਾਇਕੀ ਦਾ ਅਸਰਦਾਇਕ ਤਰੀਕੇ ਨਾਲ ਮੁਕਾਬਲਾ ਕਰਨ ਲਈ ਇਪਟਾ, ਪੰਜਾਬ ਦੀਆਂ ਮਾਝਾ, ਮਾਲਵਾ, ਦੁਆਬਾ ਅਤੇ ਪੁਆਧ ਇਕਾਈਆਂ ਵੱਲੋਂ ਇਹ ਇੱਕ ਇਤਿਹਾਸਿਕ ਕਦਮ ਹੋਵੇਗਾ। ਲੋਕ-ਹਿਤੈਸ਼ੀ, ਸੁਥਰੀ ਅਤੇ ਨਿਰੋਈ ਗਾਇਕੀ ਸਭਿਆਚਾਰਕ ਸਰਗਰਮੀਆਂ ਤੇਜ਼ ਕਰਨ, ਬੇਹੁੱਦਾ ਅਤੇ ਭੱਦੀ ਗਾਇਕੀ ਨੂੰ ਠੱਲ ਪਾਉਂਣ ਕੈਪਟਨ ਸਰਕਾਰ,  ਵਿਰੋਧੀ ਧਿਰ ਸਮੇਤ ਸਾਰੀਆਂਰਾਜਨੀਤੀਕ ਧਿਰਾਂ ਨਾਲ ਰਾਬਤਾ ਕਰਨਾ ਇੱਕ ਠੋਸ ਕਦਮ ਹੈ ਜਿਸਤੋਂ ਚੰਗੇ ਨਤੀਜਿਆਂ ਦੀ ਉਮੀਦ ਹੈ। ਇਸਦੇ ਨਾਲ ਹੀ ਲੱਚਰ, ਹਿੰਸਕ ਅਤੇ ਨਸ਼ਿਆਂ ਨੂੰ ਉਤਸ਼ਾਹਿਤ ਕਰਦੀ ਗਾਇਕੀ ਵਿਰੁੱਧ ਕਾਨੂੰਨੀ ਚਾਰਾਜੋਈ ਕਰਨ ਦੇ ਸਾਰੇ ਅਧਿਕਾਰ ਪ੍ਰਧਾਨ ਇੰਦਰਜੀਤ ਰੂਪੋਵਾਲੀ ਤੇ ਜਨਰਲ ਸਕੱਤਰ ਸੰਜੀਵਨ ਸਿੰਘ ਨੂੰ ਦਿੱਤੇ ਗਏ। ਅਜਿਹੇ ਕਈ ਅਹਿਮ ਅਤੇ ਹੋਰ ਜੱਥੇਬੰਦਕ ਫੈਸਲੇ ਇਪਟਾ ਪੰਜਾਬ ਦੀ ਹੋਈ ਅਹਿਮ ਕਾਜਕਾਰਨੀ ਵਿਚ ਲਏ ਗਏ। ਇਸ ਇਕੱਤਰਤਾ ਵਿਚ ਇਪਟਾ, ਪੰਜਾਬ ਦੇ ਅਹੁੱਦੇਦਾਰ ਅਤੇ ਕਾਰਕੁੰਨ ਦੀਨਾ ਨਗਰ (ਪਠਾਨਕੋਟ) ਤੋਂ ਡਾ. ਸੁਰੇਸ਼ ਮਹਿਤਾ, ਮੋਰਿੰਡਾ ਤੋਂ ਰਾਬਿੰਦਰ ਸਿੰਘ ਰੱਬੀ, ਰੋਪੜ ਤੋਂ ਅਮਨ ਭੋਗਲ, ਕਪੂਰਥਲਾਂ ਤੋਂ ਇੰਦਰਜੀਤ ਰੂਪੋਵਾਲੀ, ਮੁਹਾਲੀ ਤੋਂ ਸੰਜੀਵਨ ਸਿੰਘ, ਲੁਧਿਆਣਾਂ ਤੋਂ ਪ੍ਰਦੀਪ ਸ਼ਰਮਾ, ਅੰਮ੍ਰਿਤਸਰ ਸਾਹਿਬ ਤੋਂ ਬਲਬੀਰ ਮੂਦਲ, ਫਿਲੋਰ ਤੋਂ ਗਮਨੂੰ ਬਾਂਸਲ ਅਤੇ ਮੋਗੇ ਤੋਂ ਅਮਰਜੀਤ ਮੋਹੀ ਸ਼ਾਮਿਲ ਹੋਏ।

ਇਪਟਾ ਦਾ ਮੰਨਣਾ ਹੈ ਕਿ ਨਿੱਤ ਦਿਨ ਵਿਆਹ ਸ਼ਾਦੀਆਂ ਵਿਚ ਸ਼ਰੇਆਮ ਗੋਲੀਆਂ ਚੱਲਾ ਕੇ ਕਤਲ ਕਰਨ, ਬਲਾਤਕਾਰ, ਗੁੰਡਾਗਰਦੀ ਦੀਆਂ ਵਾਪਰ ਰਹੀਆਂ ਮੰਦਭਾਗੀਆਂ ਘਟਨਾਵਾਂ ਲਈ ਲੱਚਰ, ਹਿੰਸਕ ਅਤੇ ਨਸ਼ਿਆਂ ਨੂੰ ਉਤਸ਼ਾਹਿਤ ਕਰਦੀ ਗਾਇਕੀ ਹੀ ਜ਼ੁੰਮੇਵਾਰ ਹੈ। ਹੋਰਨਾਂ ਪ੍ਰਦੂਸ਼ਣਾਂ ਵਾਂਗ ਹੀ ਸਭਿਆਚਾਰਕ ਪ੍ਰਦੂਸ਼ਨ ਵੀ ਮਨੁੱਖ ਅਤੇ ਸਮਾਜ ਲਈ ਨੁਕਾਸਾਨ ਦੇਹ ਹੈ। ਜੇ ਹਾਲੇ ਵੀ ਪੰਜਾਬੀ ਸਭਿਆਚਾਰ ਅਤੇ ਵਿਰਸੇ ਨੂੰ ਲੱਚਰ, ਅਸ਼ਲੀਲ ਅਤੇ ਹਿੰਸਕ ਗਾਇਕੀ ਰਾਹੀਂ ਵਿਗਾੜਣ ਦੇ ਹੋ ਰਹੇ ਯਤਨਾਂ ਪ੍ਰਤੀ ਗੰਭੀਰਤਾ ਨਾਲ ਨਾ ਸੋਚਿਆ ਤਾਂ ਅਸੀਂ ਸਭ ਪੰਜਾਬ, ਪੰਜਾਬੀ ਅਤੇ ਪੰਜਾਬੀਅਤ ਦੇ ਸੱਭ ਤੋਂ ਵੱਡੇ ਗੁਨਾਹਗਾਰ ਹੋਵਾਂਗੇ। ਇਸ ਇਨਸਾਨੀਅਤ ਵਿਰੋਧੀ ਵੱਗ ਰਹੀ ਹਵਾ ਨੂੰ ਠੱਲ ਪਾਉਂਣਾ  ਕੱਲੇ-ਕਾਰੇ ਵਿਆਕਤੀ ਜਾਂ ਸੰਸਥਾਂ ਦੇ ਵਿਰੋਧ ਨਾਲ ਠੱਲ ਨਹੀਂ ਪੈਣੀ ਸਗੋਂ ਸਭ ਨੂੰ ਇਕ-ਮੁੱਠ ਅਤੇ ਇਕ ਜੁੱਟ ਹੋਕੇ ਆਪਣਾ ਵਿਰੋਧ ਬੁਲੰਦ ਆਵਾਜ਼ ਵਿਚ ਪ੍ਰਗਟ ਕਰਨਾ ਹੋਵੇਗਾ। ਹੁਣ ਦੇਖਣਾ ਇਹ ਹੈ ਕਿ ਇਪਟਾ ਦੇ ਇਸ ਕਦਮ ਨੂੰ ਹੋਰ ਕਿਹੜੀਆਂ ਕਿਹੜੀਆਂ ਸੰਸਥਾਵਾਂ ਇਸ ਨੇਕ ਮਕਸਦ ਲਈ ਹੁੰਗਾਰਾ ਭਰਦੀਆਂ ਹਨ। ਇਸ ਲੋਕ ਪੱਖੀ ਐਕਸ਼ਨ ਦੇ ਨਾਲ ਹੀ ਇਪਟਾ ਇੱਕ ਵਾਰ ਫੇਰ ਮੂਹਰਲੀਆਂ ਸਫ਼ਾਂ ਵਿੱਚ ਆ ਜਾਵੇਗੀ। 

ਕਿੰਨਾ ਕੁ ਸਹੀ ਹੈ R O ਵਾਲਾ ਪਾਣੀ?ਕਿੰਨੀ ਮਹਿੰਗੀ ਪੈਂਦੀ ਹੈ ਇੱਕ ਇੱਕ ਬੂੰਦ?

ਵਰਲਡ ਵਾਟਰ ਡੇ: ਕੈਂਪ ਵਿੱਚ ਅਜੇ ਵੀ ਜਾਰੀ ਹੈ ਗੰਦੇ ਪਾਣੀ ਦੀ ਸਪਲਾਈ

ਲੁਧਿਆਣਾ: 21 ਮਾਰਚ 2017: (ਪ੍ਰਦੀਪ ਸ਼ਰਮਾ//ਪੰਜਾਬ ਸਕਰੀਨ ਟੀਮ)::

ਡਾਕਟਰ ਮਹਿੰਦਰ ਕੌਰ ਗਰੇਵਾਲ

ਵਰਲਡ ਵਾਟਰ ਡੇ ਮਨਾਉਣ ਦੀਆਂ ਤਿਆਰੀਆਂ ਇਸ ਵਾਰ ਵੀ ਕਈ ਸੰਗਠਨਾਂ ਨੇ ਕੀਤੀਆਂ ਲੱਗਦੀਆਂ ਹਨ। ਇਸ ਵਾਰ ਵੀ ਵੱਖ ਵੱਖ ਥਾਈਂ ਕਈ ਸਮਾਗਮ ਹੋਣਗੇ, ਵਿਚਾਰਾਂ ਹੋਣਗੀਆਂ ਅਤੇ ਅਗਲੇ ਦਿਨ ਫਿਰ ਉਹੀ ਕੁਝ ਸ਼ੁਰੂ ਹੋ ਜਾਏਗਾ ਜਿਸ ਕਰਕੇ ਪਾਣੀ ਖਤਰੇ ਵਿੱਚ ਹੈ। ਅੱਜ ਪੰਜਾਬ ਸਕਰੀਨ ਦੀ ਟੀਮ ਨੇ ਪੀਣ ਵਾਲੇ ਪਾਣੀ ਦੇ ਮਸਲੇ ਨੂੰ ਲੈ ਕੇ  ਕਈ ਮੋਹਤਬਰ ਸ਼ਖਸੀਅਤਾਂ ਨਾਲ ਗੱਲਬਾਤ ਕੀਤੀ। ਇਸ ਗੱਲਬਾਤ ਦੌਰਾਨ ਇੱਕ ਕੌੜੀ ਹਕੀਕਤ ਇਹ ਵੀ ਉਭਰ ਕੇ ਸਾਹਮਣੇ ਆਈ ਕਿ ਨਾ ਤਾਂ ਪਾਣੀ ਨੂੰ ਬਚਾਉਣ ਵਾਲੇ ਪਾਸੇ ਠੋਸ ਕਦਮ ਚੁੱਕੇ ਜਾ ਰਹੇ ਹਨ ਅਤੇ ਨਾ ਹੀ ਪਾਣੀ ਦੀ ਸ਼ੁੱਧਤਾ ਵਾਲੇ ਪਾਸੇ ਕੋਈ ਯਕੀਨੀ ਕਾਰਵਾਈ ਹੋ ਰਹੀ ਹੈ। ਲੋਕ ਲੈ ਦੇ ਕੇ  ਸਿਰਫ ਆਰ ਓ ਵਾਲੇ ਪਾਣੀ 'ਤੇ ਨਿਰਭਰ ਹਨ ਪਾਰ ਮਾਹਰਾਂ ਦਾ ਕਹਿਣਾ ਹੈ ਕਿ ਇਹ ਪਾਣੀ ਵੀ ਪੂਰੀ ਤਰਾਂ ਪੌਸ਼ਟਿਕ ਅਤੇ ਸ਼ੁੱਧ ਨਹੀਂ ਹੁੰਦਾ। ਇਸ ਨਾਲ ਉਲਟਾ ਕਈ ਤਰਾਂ ਦੀਆਂ ਸਮੱਸਿਆਵਾਂ ਖੜੀਆਂ ਹੋ ਜਾਂਦੀਆਂ ਹਨ। ਇਸੇ ਦੌਰਾਨ ਅਸੀਂ ਲੁਧਿਆਣਾ ਦੇ ਕੇਂਦਰੀ ਇਲਾਕੇ ਜਵਾਹਰ ਨਗਰ ਕੈਂਪ ਦਾ ਵੀ ਦੌਰਾ ਕੀਤਾ ਜਿੱਥੇ ਲੋਕ ਪਿਛਲੇ ਦੋ ਮਹੀਨਿਆਂ ਤੋਂ ਗੰਦਾ ਪਾਣੀ ਪੀਣ ਲਈ ਮਜਬੂਰ ਹਨ।  ਲੜਕੀਆਂ ਦੇ ਸਰਕਾਰੀ ਕਾਲਜ ਦੀ ਪ੍ਰਿੰਸੀਪਲ ਡਾਕਟਰ ਮਹਿੰਦਰ ਕੌਰ ਗਰੇਵਾਲ ਨੇ ਇਸ ਸਬੰਧ ਵਿੱਚ ਉਚੇਚਾ ਸਮਾਂ ਕੱਢ ਕੇ ਪੰਜਾਬ ਸਕਰੀਨ ਨਾਲ ਗੱਲਬਾਤ ਕੀਤੀ। ਉਹਨਾਂ ਆਰ ਓ ਵਾਲੇ ਸਿਸਟਮ ਨਾਲ ਵਿਅਰਥ ਜਾਂਦੇ ਪਾਣੀ ਨੂੰ ਬਚਾਉਣ ਵਾਸਤੇ ਕਿਸੇ ਤਕਨੀਕ ਨੂੰ ਲੱਭੇ ਜਾਣ ਤੇ ਵੀ ਜ਼ੋਰ ਦਿੱਤਾ। ਉਹਨਾਂ ਆਸ ਪ੍ਰਗਟਾਈ ਕਿ ਵਿਗਿਆਨ ਦੇ ਵਿਦਿਆਰਥੀ ਇਸ ਪਾਸੇ ਜ਼ਰੂਰ ਧਿਆਨ ਦੇਣਗੇ ਅਤੇ ਸ਼ੁੱਧ ਪਾਣੀ ਨੂੰ ਬਚਾਉਣ ਲਈ ਕੋਈ ਅਜਿਹਾ ਰਸਤਾ ਜ਼ਰੂਰ ਲੱਭਣਗੇ ਜਿਸ ਨਾਲ ਪਾਣੀ ਵਿਅਰਥ ਨਾ ਜਾਵੇ। For More Pics Please Click Here

ਪ੍ਰੋਫੈਸਰ ਅੰਮ੍ਰਿਤਪਾਲ ਸਿੰਘ

ਚੇਤੇ ਰਹੇ ਕਿ 22 ਮਾਰਚ ਦੇ ਦਿਨ ਨੂੰ ਵਰਲਡ ਵਾਟਰ ਡੇ ਵੱਜੋਂ 1992 ਵਿੱਚ ਐਲਾਨ ਸੰਯੁਕਤ ਰਾਸ਼ਟਰ ਸੰਘ ਵੱਲੋਂ ਐਲਾਨਿਆ ਗਿਆ ਸੀ ਅਤੇ ਪਹਿਲਾ ਵਰਲਡ ਵਾਟਰ ਡੇ  22 ਮਾਰਚ 1993 ਨੂੰ ਮਨਾਇਆ ਗਿਆ ਸੀ। ਰਿਓ ਡੇ ਜਨੇਰਿਓ ਵਿੱਚ ਵਾਤਾਵਰਨ ਅਤੇ ਵਿਕਾਸ ਸਬੰਧੀ ਹੋਏ ਸੰਮੇਲਨ ਦੌਰਾਨ ਏਜੰਡਾ ਨੰਬਰ 21 ਰਾਹੀਂ 22 ਮਾਰਚ ਦੇ ਦਿਨ ਨੂੰ ਪਾਣੀ ਦੀ ਸਾਂਭ ਸੰਭਾਲ ਅਤੇ ਗੁਣਵਤਾ ਨੂੰ ਕਾਇਮ ਰੱਖ ਦੇ ਮਕਸਦ ਨਾਲ ਐਲਾਨਿਆ ਗਿਆ। ਬਹੁਤ ਸਾਰੇ ਪ੍ਰੋਗਰਾਮ ਵੀ ਹੋਏ। ਦੁਨੀਆ ਭਰ ਵਿੱਚ ਇਹਨਾਂ ਦੀ ਚਰਚਾ ਵੀ ਹੋਈ ਲੇਕਿਨ ਹਾਲਤ ਹੋਰ ਵਧੇਰੇ ਨਿੱਘਰਦੀ ਚਲੀ ਗਈ।  ਗੌਰਮਿੰਟ ਕਾਲਜ ਫ਼ਾਰ ਗਰਲਜ਼  ਦੇ ਵਾਤਾਵਰਣ ਨਾਲ ਸਬੰਧਤ ਵਿਭਾਗ ਦੇ ਬਹੁ ਚਰਚਿਤ ਲੇਖਕ ਅਤੇ ਪ੍ਰੋਫੈਸਰ ਅੰਮ੍ਰਿਤਪਾਲ ਸਿੰਘ ਨੇ ਵੀ ਇਸ ਸਾਰੇ ਮਾਮਲੇ ਬਾਰੇ ਵਿਸਥਾਰ ਨਾਲ ਚਾਨਣਾ ਪਾਇਆ। ਉਹਨਾਂ ਆਰ ਓ ਵਾਲੇ ਪਾਣੀ ਦੀ ਸ਼ੁੱਧਤਾ ਅਤੇ ਗੁਣਵਤਾ ਬਾਰੇ ਵੀ ਸੁਆਲ ਉਠਾਏ। ਇਸ ਬਾਰੇ ਉਹਨਾਂ ਕਿ ਤੱਥ ਅਤੇ ਅੰਕੜੇ ਵੀ ਪੇਸ਼ ਕੀਤੇ। ਉਹਨਾਂ ਦੇ ਵਿਚਾਰਾਂ ਨਾਲ ਆਰ ਓ ਐਡ ਪਾਣੀ ਬਾਰੇ ਗੰਭੀਰ ਚਿੰਤਾ ਪੈਦਾ ਹੁੰਦੀ ਹੈ। ਉਹਨਾਂ ਕਿਹਾ ਕਿ ਜੇ ਸਰਕਾਰ ਚਾਹੇ ਤਾਂ ਇਸ ਬਾਰੇ ਹੋਰ ਵੇਰਵੇ ਅਤੇ ਹਕੀਕਤਾਂ ਵੀ ਸਾਹਮਣੇ ਲਿਆਉਣ ਲਈ ਤਿਆਰ ਹਨ ਤਾਂ ਕਿ ਸਮਾਜ ਦਾ ਕੁਝ ਭਲਾ ਹੋ ਸਕੇ। ਉਹਨਾਂ ਸਮਾਜ ਦੇ ਸਮੂਹ ਵਰਗਾਂ ਨੂੰ ਵੀ ਸੱਦਾ ਦਿੱਤਾ ਕਿ ਉਹ ਇਸ ਪਾਸੇ ਸਰਗਰਮ ਹੋ ਕੇ ਅੱਗੇ ਆਉਣ ਨਹੀਂ ਤਾਂ ਭਵਿੱਖ ਦਾ ਜੀਵਨ ਖਤਰੇ ਵਿੱਚ ਹੈ। For More Pics Please Click Here

ਜ਼ਿਕਰਯੋਗ ਹੈ ਕਿ ਇੱਕ ਪਾਸੇ ਤਾਂ ਪਾਣੀ ਨੂੰ ਮੁੜ ਪੀਣ ਯੋਗ ਬਣਾਉਣ ਲਈ ਬਹੁਤ ਸਾਰੀਆਂ ਤਕਨੀਕੀ ਕਾਢਾਂ ਕੱਢੀਆਂ ਗਈਆਂ। ਬਹੁਤ ਸਾਰੇ ਪ੍ਰੋਜੈਕਟ ਬਣਾਏ ਗਏ। ਬਹੁਤ ਸਾਰੇ ਪਲਾਂਟ ਸ਼ੁਰੂ ਕੀਤੇ ਗਏ ਪਰ ਅਮਲੀ ਜ਼ਿੰਦਗੀ ਵਿੱਚ ਬੜਾ ਕੁਝ ਹੋਰ ਵੀ ਬਣਾਇਆ ਜਿਸ ਦੇ ਮਕਸਦ ਦੀ ਕਿਸੇ ਨੂੰ ਸਮਝ ਨਹੀਂ ਆ ਸਕੀ। ਇਸ ਬਾਰੇ ਹੋਰ ਵੇਰਵਾ ਕਿਸੇ ਅਗਲੀ ਪੋਸਟ ਵਿੱਚ ਜਲਦੀ ਹੀ ਤੁਹਾਡੇ ਸਾਹਮਣੇ ਲਿਆਂਦਾ ਜਾਏਗਾ।
For More Pics Please Click Here

ਕੌਂਸਲਰ ਕਪਿਲ ਕੁਮਾਰ ਸੋਨੂੰ

ਲੁਧਿਆਣਾ ਵਿੱਚ ਕਰੋੜਾਂ ਰੁਪਏ ਦੀ ਲਾਗਤ ਨਾਲ ਇੱਕ ਅਜਿਹਾ ਪਲਾਂਟ ਸਥਾਪਿਤ ਕੀਤਾ ਗਿਆ ਹੈ ਜਿਹੜਾ ਬੁੱਢੇ ਨਾਲੇ ਦੇ ਬਦਬੂ ਮਾਰਦੇ ਕਾਲੇ ਰੰਗ ਦੇ ਤੇਜ਼ਾਬੀ ਜਿਹੇ ਪਾਣੀ  ਨੂੰ ਸ਼ੁੱਧ ਕਰਨ ਦਾ ਕੰਮ ਕਰਦਾ ਹੈ। ਤੁਸੀਂ ਹੈਰਾਨ ਹੋ ਜਾਓਗੇ ਕਿ ਏਨੇ ਵੱਡੇ ਬਜਟ ਨਾਲ ਤਿਆਰ ਪਲਾਂਟ ਵਿਛਕਾਂ ਸ਼ੁੱਧ ਕੀਤੇ ਗਏ ਪਾਣੀ ਨੂੰ ਦੋਬਾਰਾ ਬੁੱਢੇ ਦਰਿਆ ਦੇਕਾਲੇ ਪ੍ਰਦੂਸ਼ਿਤ ਪਾਣੀ ਵਿੱਚ ਭੇਜ ਦਿੱਤਾ ਜਾਂਦਾ ਹੈ। ਨਾ ਉਸ ਪਾਣੀ ਨੂੰ ਪੀਣ ਯੋਗ ਨੂੰ ਲਈ ਕੁਝ ਹੋਰ ਮੇਹਨਤ ਕੀਤੀ ਜਾਂਦੀ ਹੈ ਅਤੇ ਨਾ ਹੀ ਉਸ ਪਾਣੀ ਨੂੰ ਸਿੰਜਾਈ ਵਰਗੇ ਕੰਮਾਂ ਲਈ ਵਰਤਿਆ ਜਾਂਦਾ ਹੈ। ਆਖਿਰ ਕੀ ਮਕਸਦ ਹੈ ਸਾਫ ਕੀਤੇ ਗਏ ਪਾਣੀ ਨੂੰ ਮੁੜ ਪ੍ਰਦੂਸ਼ਿਤ ਪਾਣੀ ਵਿੱਚ ਮਿਲਾਉਣ ਦਾ? ਸਬੰਧਿਤ ਅਧਿਕਾਰੀਆਂ ਨਾਲ ਗੱਲ ਕੀਤੀ ਗਈ ਤਾਂ ਉਹ ਖਚਰਾ ਜਿਹਾ ਹਾਸਾ ਹੱਸਦਿਆਂ ਬੋਲੇ ਕਿ ਇਸ ਤਰਾਂ ਅਸੀਂ ਹਰ ਰੋਜ਼ ਸਾਫ ਪਾਣੀ ਗੰਦੇ ਨਾਲੇ ਵਿੱਚ ਪਾ ਕੇ ਉਸਦੇ ਗੰਦੇ ਪਾਣੀ ਨੂੰ ਹੀ ਬਦਲ ਦਿਆਂਗੇ। ਹੈ ਨਾ ਕਮਾਲ ਦੀ ਸਕੀਮ?
For More Pics Please Click Here
ਪੰਜਾਬ ਸਕਰੀਨ ਦੀ ਟੀਮ ਨੇ ਜਵਾਹਰ ਨਗਰ ਕੈਂਪ ਦਾ ਵੀ ਦੌਰਾ ਕੀਤਾ ਜਿੱਥੇ ਪਿਛਲੇ ਦਿਨੀ ਸੀਵਰੇਜ ਵਾਲਾ ਗੰਦਾ ਪਾਣੀ ਸਪਲਾਈ ਹੁੰਦਾ ਰਿਹਾ ਸੀ। ਜਾਦਾਂ ਇਲਾਕੇ ਦੇ ਲੋਕਾਂ ਨਾਲ ਗੱਲਬਾਤ ਕੀਤੀ ਗਈ ਤਾਂ ਲੋਕ ਬਹੁਤ ਡਰੇ ਹੋਏ ਸਨ। ਉਹ ਸਾਰੇ ਉਂਝ ਤਾਂ ਸਭ ਕੁਝ ਦੱਸ ਰਹੇ ਸਨ ਪਾਰ ਕੈਮਰੇ ਸਾਹਮਣੇ ਬੋਲਣ ਤੋਂ ਝਿਜਕ ਰਹੇ ਸਨ। ਇਸਦੇ ਬਾਵਜੂਦ ਸਾਡੀ ਟੀਮ ਲੋਕਾਂ ਨੂੰ ਹੰਸਲਾ ਦੇਂਦੀ ਰਹੀ। ਆਖਿਰ ਇਲਾਕੇ ਦੇ ਕੌਂਸਲਰ ਕਪਿਲ ਕੁਮਾਰ ਸੋਨੂੰ ਨੇ ਵੀ ਲੋਕਾਂ ਨੂੰ ਹਿੰਮਤ ਦਿੱਤੀ ਅਤੇ ਲੋਕ ਬੋਲਣ ਲਈ ਤਿਆਰ ਹੋਏ ,ਇੱਕ ਪਰਿਵਾਰ ਦੁਪਹਿਰ ਨੂੰ ਭਰੇ ਗਏ ਇਸ ਗੰਦੇ ਪਾਣੀ ਦੀ ਇੱਕ ਬੋਤਲ ਲੈ ਕੇ ਮੀਡੀਆ ਸਾਹਮਣੇ ਆਇਆ। ਲੋਕਾਂ ਨੇ ਆਪਣੀਆਂ ਦੁਕਾਨਾਂ ਵਿੱਚ ਭਰੇ ਇਸ ਗੰਦੇ ਪਾਣੀ ਦੀਆਂ ਬਾਲਟੀਆਂ ਵੀ ਦਿਖਾਈਆਂ। ਕੌਂਸਲਰ ਸੋਨੂੰ ਨੇ ਕਿਹਾ ਕਿ ਗੰਦੇ ਪਾਣੀ ਦੀ ਸਪਲਾਈ ਦਾ ਇਹ ਸਿਲਸਲਾ ਘਟੋਘਟ ਪਿਛਲੇ ਦੋ ਮਹੀਨਿਆਂ ਤੋਂ ਜਾਰੀ ਹੈ।  ਇਸ ਸਬੰਧੀ ਕੰਮ ਜਾਰੀ ਹੈ ਪਰ ਇਹ ਕਦੋਂ ਮੁਕੰਮਲ ਹੋਵੇਗਾ ਇਸਦਾ ਕੁਝ ਨਹੀਂ ਪਤਾ। ਸੰਕਟ ਦੀ ਘੜੀ ਵਿੱਚ ਇਸ ਇਲਾਕੇ ਦੇ ਲੋਕਾਂ ਲਈ ਸਾਨੂੰ ਪੀਣ ਵਾਲੇ ਦੀ ਸਪਲਾਈ ਦਾ ਕੋਈ ਟੈੰਕਰ ਖੜਾ ਨਜ਼ਰ ਨਹੀਂ ਆਇਆ। ਲੋਕ ਸੜਕ ਪਾਰ ਕਰਕੇ ਕਿਸੇ ਨ ਕਿਸੇ ਵਾਕਫ਼ ਦੇ ਘਰੋਂ ਪਾਣੀ ਲਿਆ ਰਹੇ ਸਨ। 

ਕਰਾਈਮ ਫਰੀ ਇੰਡੀਆ ਦੇ ਡਾਕਟਰ ਭਾਰਤ

ਏਸੇ ਤਰਾਂ ਇੱਕ ਹੋਰ ਥਾਂ ਹੈ ਜਿੱਥੇ ਵਿਕਰੀ ਯੋਗ ਮੀਟ ਬਣਾਉਣ ਦੇ ਮਕਸਦ ਨਾਲ ਹਜ਼ਾਰਾਂ ਪਸ਼ੂਆਂ ਦੀ ਹੱਤਿਆ ਕੀਤੀ ਜਾਂਦੀ ਹੈ। ਇਸ ਮਕਸਦ ਲਈ ਮਜ਼ਹਬੀ ਨਿਯਮਾਂ ਦਾ ਉਚੇਚਾ ਧਿਆਨ ਰੱਖਿਆ ਜਾਂਦਾ ਹੈ। ਹਲਾਲ ਅਤੇ ਝਟਕੇ ਵਾਸਤੇ ਵੱਖੋ ਵੱਖਰੇ ਸੈਕਸ਼ਨ ਬਣਾਏ ਗਏ ਹਨ ਪਰ ਇਹਨਾਂ ਤੋਂ ਨਿਕਲਦਾ ਖੂਨ ਫਿਰ ਬੁੱਢੇ ਦਰਿਆ ਵਿੱਚ ਸੁੱਟ ਦਿੱਤਾ ਜਾਂਦਾ ਹੈ। ਇਸ ਥਾਂ 'ਤੇ ਦਿਖਾਵੇ ਲਈ ਲਗਾਏ ਗਏ ਯੰਤਰਾਂ ਨੂੰ ਦੇਖਦਿਆਂ ਸਾਰ ਹੀ ਸਮਝ ਆ ਜਾਂਦਾ ਹੈ ਕਿ ਇਹਨਾਂ ਨੂੰ ਕਈ ਮਹੀਨਿਆਂ ਤੋਂ ਚਲਾਇਆ ਹੀ ਨਹੀਂ ਗਿਆ ਹੋਣਾ।
ਜਦੋਂ ਇਸ ਬਾਰੇ ਕਰਾਈਮ ਫਰੀ ਇੰਡੀਆ ਦੇ ਡਾਕਟਰ ਭਾਰਤ ਨਾਲ ਗੱਲ ਕੀਤੀ ਗਈ ਤਾਂ ਉਹਨਾਂ ਸਨਸਨੀਖੇਜ਼ ਖੁਲਾਸਾ ਕੀਤਾ ਕਿ ਪਾਣੀ ਯੂਰੇਨੀਅਮ ਵੀ ਹੈ ਜਿਸ ਨਾਲ ਪੰਜਾਬ ਦੀ ਸਾਰੀ ਜਵਾਨੀ ਤਬਾਹ ਹੋ ਰਹੀ ਹੈ। ਉਹਨਾਂ ਦੱਸਿਆ ਕਿ ਇਸ ਬਾਰੇ ਉਹਨਾਂ ਕਈ  ਵਾਰ ਉੱਚ ਅਧਿਕਾਰੀਆਂ ਨੂੰ ਵੀ ਸੂਚਿਤ ਕੀਤੇ ਪਰ ਸੁਧਾਰ ਵਾਲੇ ਪਾਸੇ ਕੋਈ ਠੋਸ ਕਦਮ ਨਹੀਂ ਚੁੱਕਿਆ ਗਿਆ।
  For More Pics Please Click Here

ਇਹ ਸਭ ਕੁਝ ਸਾਡੀਆਂ ਗਲਤ ਯੋਜਨਾਵਾਂ ਅਤੇ ਆਲਸ ਕਾਰਨ ਹੋ ਰਿਹਾ ਹੈ ਜਾਂ ਪੂੰਜੀਵਾਦੀ ਸਿਸਟਮ ਦੇ ਇਸ਼ਾਰੇ ਉੱਤੇ ਕੁਦਰਤੀ ਪਾਣੀ ਨੂੰ ਖਤਮ ਕੀਤਾ ਜਾ ਰਿਹਾ ਤਾਂ ਕਿ ਬੋਤਲਾਂ, ਡੱਬੀਆਂ, ਅਤੇ ਵੱਡੇ ਵੱਡੇ ਜਾਰਾਂ ਵਾਲੇ ਪਾਣੀ ਦੀ ਵਿਕਰੀ ਵਧਾਉਣ ਲਈ ਹੋਰ ਵੱਡੀ ਮੰਡੀ ਤਿਆਰ ਕੀਤੀ ਜਾ ਸਕੇ? ਅਜਿਹੇ ਕਈ ਸੁਆਲ ਹਨ ਜਿਹਨਾਂ ਦੀ ਚਰਚਾ ਅਸੀਂ ਵਰਲਡ ਵਾਟਰ ਡੇ ਤੋਂ ਬਾਅਦ ਵੀ ਜਾਰੀ ਰੱਖਾਂਗੇ। For More Pics Please Click Here

ਇਪਟਾ ਪੰਜਾਬ ਦੀ ਕਾਰਜਕਾਰਨੀ ਮੀਟਿੰਗ ਲੁਧਿਆਣਾ ਵਿੱਚ 19 ਮਾਰਚ ਨੂੰ

Thu, Mar 16, 2017 at 1:50 PM

ਇਪਟਾ ਨੂੰ ਫਿਰ ਮਜ਼ਬੂਤ ਕਰਨ ਦੀ ਮੁਹਿੰਮ ਵਿੱਚ ਆ ਸਕਦੀ ਹੈ ਚਮਤਕਾਰੀ ਤੇਜ਼ੀ

ਚੰਡੀਗੜ੍ਹ//ਲੁਧਿਆਣਾ: 16 ਮਾਰਚ 2017: (ਪੰਜਾਬ ਸਕਰੀਨ ਬਿਊਰੋ)::

ਸ਼ਾਨਾਂਮੱਤੇ ਇਤਿਹਾਸ ਵਾਲੀ ਲੋਕ ਪੱਖੀ ਸੰਸਥਾ ਇੰਡੀਅਨ ਪੀਪਲਜ਼ ਥੀਏਟਰ ਐਸੋਸੀਏਸ਼ਨ ਇੱਕ ਵਾਰ ਫੇਰ ਨਵੇਂ ਸਿਰੇ ਤੋਂ ਨਵੇਂ ਜੋਸ਼ ਅਤੇ ਨਵੇਂ ਉਤਸ਼ਾਹ ਨਾਲ ਲੋਕਾਂ ਸਾਹਮਣੇ ਆਉਣ ਦੀ ਤਿਆਰੀ ਵਿੱਚ ਹੈ। ਦਹਿਸ਼ਤਗਰਦੀ ਦੇ ਕਾਲੇ ਦੌਰ, ਵਿਰੋਧੀਆਂ ਦੀਆਂ ਚਾਲਾਂ ਅਤੇ ਸਿਆਸੀ ਉਦਾਸੀਨਤਾ ਦਾ ਸ਼ਿਕਾਰ ਹੋ ਕੇ ਕਮਜ਼ੋਰ ਹੋਈ ਇਪਟਾ ਦੇ ਪ੍ਰਤੀਬੱਧ ਮੈਂਬਰ ਇਸ ਨੂੰ ਇੱਕ ਵਾਰ ਫੇਰ ਪੁਰਾਣੇ ਜੋਸ਼ੋਖਰੋਸ਼ ਵਿੱਚ ਸੁਰਜੀਤ ਕਰਨ ਦੀ ਕੋਸ਼ਿਸ਼ ਵਿੱਚ ਹਨ। ਇਸ ਮਕਸਦ ਲਈ ਜੱਥੇਬੰਦਕ ਕਮਜ਼ੋਰੀਆਂ ਅਤੇ ਵਿਰੋਧੀਆਂ ਦੇ ਹਮਲਿਆਂ ਖਾਸ ਕਰਕੇ ਆਰ ਐਸ ਐਸ ਹਮਾਇਤੀਆਂ ਵੱਲੋਂ ਇੰਦੌਰ ਵਿਚ ਹੋਏ ਹਮਲੇ ਦੀਆਂ ਘਟਨਾਵਾਂ ਨੂੰ ਬਹੁਤ ਡੂੰਘਾਈ ਨਾਲ ਵਿਚਾਰਿਆ ਗਿਆ ਹੈ। ਜ਼ਿਕਰਯੋਗ ਹੈ ਕਿ ਇੰਦੌਰ  ਵਿਖੇ ਇਪਟਾ ਸੰਮੇਲਨ ਉੱਤੇ ਹੋਏ ਹਮਲੇ ਦੀ ਦੇਸ਼ ਭਰ ਵਿੱਚ ਕਾਫੀ ਨਿੰਦਾ ਹੋਈ ਸੀ ਪਰ ਕਾਰਨ ਕਈ  ਹੋਰ ਵੀ ਹਨ। ਕਿਸੇ ਵੇਲੇ ਲੋਕ ਕਲਾਕਾਰਾਂ ਦੀ ਸਿਰਮੌਰ ਮੰਨੀ ਜਾਂਦੀ ਸੰਸਥਾ ਨੂੰ ਸ਼ਾਇਦ ਕਿਸੇ ਦੀ ਨਜ਼ਰ ਲੱਗ ਗਈ। ਖੱਬੀਆਂ ਧਿਰਾਂ ਨਾਲ ਸਬੰਧਿਤ ਇਪਟਾ ਦਾ ਬਹੁਤ ਸਾਰਾ ਕੇਡਰ ਰਵਾਇਤੀ ਖੱਬੀਆਂ ਪਾਰਟੀਆਂ ਨੂੰ ਛੱਡ ਕੇ ਕਈ  ਹੋਰਨਾਂ ਪਾਸਿਆਂ ਵੱਲ ਤੁਰ ਪਿਆ। ਕਈ ਹੋਰ ਡੂੰਘੀਆਂ ਸਾਜ਼ਿਸ਼ਾਂ ਕਾਰਨ ਵੀ ਇਪਟਾ ਕਮਜ਼ੋਰ ਹੋਈ। ਚੇਤੇ ਰਹੇ ਕਿ ਇਸ ਸੰਸਥਾ ਨਾਲ ਜਨਾਬ ਸ਼ਹਿਰ ਲੁਧਿਆਣਵੀ, ਕੈਫ਼ੀ ਆਜ਼ਮੀ, ਸ਼ਬਾਨਾ ਆਜ਼ਮੀ, ਜਾਵੇਦ ਅਖਤਰ ਵਰਗੀਆਂ ਸ਼ਖਸੀਅਤਾਂ ਜੁੜੀਆਂ ਰਹੀਆਂ ਹਨ। ਇਸ ਫਖਰਯੋਗ ਇਤਿਹਾਸ ਦੇ ਬਾਵਜੂਦ ਨਵੀਂ ਪੀੜ੍ਹੀ ਦੇ ਕਲਾਕਾਰਾਂ ਵਿੱਚੋਂ ਬਹੁਤ ਘੱਟ ਲੋਕ ਹਨ ਜਿਹੜੇ ਇਪਟਾ ਨੂੰ ਜਾਣਦੇ ਹਨ। ਅਜਿਹੀ ਨਾਜ਼ੁਕ ਸਥਿਤੀ ਵਿੱਚ ਇਪਟਾ ਦੀ ਗੱਲ ਕਰਨਾ ਕਿਸੇ ਗੰਭੀਰ ਚੁਣੌਤੀ ਨੂੰ ਕਬੂਲ ਕਰਨ ਵਾਂਗ ਹੈ। 

ਪਰ ਖੁਸ਼ੀ ਦੀ ਗੱਲ ਹੈ ਕਿ ਕੁਝ ਸਾਥੀਆਂ ਨੇ ਇਸ ਚੈਲੈਂਜ ਨੂੰ ਸਵੀਕਾਰ ਕਰਕੇ ਕਦਮ ਅਗਾਂਹ ਵਧਾਏ ਹਨ। ਲੁਧਿਆਣਾ ਵਿੱਚ ਹੋਣ ਵਾਲੀ ਇਪਟਾ ਦੀ ਮੀਟਿੰਗ ਇਸੇ ਮੁਹਿੰਮ ਦੀ ਹੀ ਇੱਕ ਕੜੀ ਹੈ। ਇਪਟਾ, ਪੰਜਾਬ ਦੇ ਜਨਰਲ ਸਕੱਤਰ ਸੰਜੀਵਨ ਸਿੰਘ ਨੇ ਇੱਕ ਪ੍ਰੈਸ ਬਿਆਨ ਰਾਹੀਂ ਦੱਸਿਆ ਹੈ ਕਿ ਇਸ ਖਾਸ ਮੀਟਿੰਗ ਵਿੱਚ ਕਈ  ਅਹਿਮ ਮੁੱਦੇ ਵਿਚਾਰੇ ਜਾਣੇ ਹਨ। 

ਇਪਟਾ, ਪੰਜਾਬ ਦੀ ਕਾਰਜਕਾਰਨੀ ਦੀ ਅਹਿਮ ਇਕੱਤਰਤਾ ਲੁਧਿਆਣਾ ਵਿਖੇ 19 ਮਾਰਚ ਨੂੰ ਸਵੇਰੇ 10.30 ਵਜੇ, ਸੀ ਪੀ ਆਈ ਦਫਤਰ, ਕਰਨੈਲ ਸਿੰਘ ਈਸੜੂ ਭਵਨ, (ਸਾਹਮਣੇ ਗੇਟ ਨੰ.4, ਫੋਰਚੂਨ ਕਲਾਸਿਕ ਹੋਟਲ) ਇੰਦਰਾ ਨਗਰ, ਬਸਤੀ ਅਬਦੁੱਲਾ ਪੁਰ, ਲੁਧਿਆਣਾ ਵਿਖੇ ਹੋ ਰਹੀ ਹੈ। ਇਸ ਇਕੱਤਰਤਾ ਵਿਚ ਬੀਤੇ ਵਰ੍ਹੇ ਅਕਤੂਬਰ ਮਹੀਨੇਂ ਇੰਦੋਰ (ਮੱਧ-ਪ੍ਰਦੇਸ) ਵਿਖੇ ਹੋਈ ਇਪਟਾ ਦਾ ਤਿੰਨ ਰੋਜ਼ਾ ਰਾਸ਼ਟਰੀ ਸਭਿਆਚਾਰਕ ਅਤੇ 14 ਵੀਂ ਰਾਸ਼ਟਰੀ ਕਾਨਫਰੰਸ ਬਾਰੇ ਵਿਚਾਰ-ਚਰਚਾ ਤੋਂ ਇਲਾਵਾ ਇਪਟਾ ਦੀਆਂ ਪੰਜਾਬ ਭਰ ਵਿਚ ਲੋਕ-ਹਿਤੈਸ਼ੀ ਸਭਿਆਚਾਰਕ ਸਰਗਰਮੀਆਂ ਅਤੇ ਹੋੋਰ ਭਵਿਖੀ ਯੋਜਨਾਵਾਂ ਉਲੀਕਣ ਬਾਰੇ ਵਿਚਰਾ-ਵਿਟਾਂਦਰਾ ਕੀਤੀ ਜਾਵੇਗਾ।ਇਹ ਜਾਣਕਾਰੀ ਇਪਟਾ ਪੰਜਾਬ ਦੇ ਪ੍ਰਧਾਨ ਇੰਦਰਜੀਤ ਰੂਪੋਵਾਲੀ ਅਤੇ ਜਨਰਲ ਸੱਕਤਰ ਸੰਜੀਵਨ ਸਿੰਘ ਨੇ ਦਿੰਦੇ ਦੱਸਿਆ ਕਿ ਇਸ ਮੌਕੇ ਇਪਟਾ, ਪੰਜਾਬ ਦੇ ਅਹੁੱਦੇਦਾਰ, ਕਾਰਜਕਾਰਨੀ ਮੈਂਬਰਾ ਤੋਂ ਇਲਾਵਾ ਇਪਟਾ ਨਾਲ ਜੁੜੀਆਂ ਪੰਜਾਬ ਭਰ ਦੀਆਂ ਨਾਟ ਅਤੇ ਸਭਿਆਚਾਰਕ ਮੰਡਲੀਆਂ ਦੇ ਪ੍ਰਤੀਨਿਧ ਵੀ ਸ਼ਿਰਕਤ ਕਰਨਗੇ। ਹੁਣ ਦੇਖਣਾ ਹੈ ਕਿ ਇਹਨਾਂ ਕੋਸ਼ਿਸ਼ਾਂ ਨੂੰ ਕਿੰਨੀ ਕੁ ਸਫਲਤਾ ਮਿਲਦੀ ਹੈ ਕਿਓਂਕਿ ਬਹੁਤ ਸਾਰੇ ਮੈਂਬਰ ਵਿਚਾਰਧਾਰਾ ਪ੍ਰਤੀ ਪ੍ਰਤੀਬੱਧ ਰਹਿੰਦਿਆਂ ਹੋਇਆਂ ਵੀ ਕਿਸੇ ਇੱਕ ਸਿਆਸੀ ਪਾਰਟੀ ਦੀ ਜਕੜ ਤੋਂ ਮੁਕਤ ਹੋਣਾ ਚਾਹੁੰਦੇ ਹਨ। ਇਹਨਾਂ ਦੀ ਕੋਸ਼ਿਸ਼ ਹੈ ਕਿ ਲੋਕ ਪੱਖੀ ਕਲਾਕਾਰ ਭਾਵੇਂ ਕਿਸੇ ਵੀ ਧਿਰ ਵਿੱਚ ਹੋਣ ਉਹਨਾਂ ਨੂੰ ਇਪਟਾ ਵਿੱਚ ਸਰਗਰਮ ਹੋਣ ਦੀ ਖੁੱਲ੍ਹ ਹੋਣੀ ਚਾਹੀਦੀ ਹੈ ਅਤੇ ਗੈਰ ਕਲਾਕਾਰ ਲੋਕ ਕਿਸੇ ਵੀ ਤਰਾਂ ਇਪਟਾ ਦੇ ਕਰਤਾ ਧਰਤਾ ਬਣਾਉਣ ਦੀਆਂ ਕੋਸ਼ਿਸ਼ਾਂ ਬੰਦ ਹੋਣੀਆਂ ਚਾਹੀਦੀਆਂ ਹਨ। ਇਹ ਲੋਕ ਚਾਹੁੰਦੇ ਹਨ ਕਿ ਲੋਕਾਂ ਲਈ ਕੰਮ ਕਰਦੇ ਲੋਕ ਕਲਾਕਾਰਾਂ ਦੀ ਇਹ ਸੰਸਥਾ ਸ਼ੁੱਧ ਤੌਰ ਤੇ ਲੋਕ ਕਲਾਕਾਰਾਂ ਰਾਹੀਂ ਹੀ ਸੰਚਾਲਿਤ ਹੋਵੇ। ਇਹ ਲੋਕ ਇਪਟਾ ਨੂੰ ਕਿਸੇ ਵੀ ਸਿਆਸੀ ਪਾਰਟੀ ਦੀ ਕਾਰਬਨ ਕਾਪੀ ਵੱਜੋਂ ਨਹੀਂ ਦੇਖਣਾ ਚਾਹੁੰਦੇ। ਇਪਟਾ ਨੂੰ ਇੱਕ ਵਾਰ ਫੇਰ ਲੋਕਾਂ ਦੀ ਸੰਸਥਾ ਬਣਾਉਣ ਲਈ ਕੁਝ ਕੌੜੇ ਘੁੱਟ ਭਰਨੇ ਜ਼ਰੂਰੀ ਹੋ ਸਕਦੇ ਹਨ। ਕੁਝ ਸਖਤ ਫੈਸਲੇ ਲੈ ਕੇ ਹੀ ਇਪਟਾ ਨੂੰ ਆਤਮ ਨਿਰਭਰ, ਮਜ਼ਬੂਤ ਅਤੇ ਸੁਤੰਤਰ ਦਿੱਖ ਵਾਲੀ ਸੰਸਥਾ ਬਣਾਇਆ ਜਾ ਸਕਦਾ ਹੈ। ਇਸ ਸਬੰਧੀ ਗੱਲ ਕਰਦਿਆਂ ਇਹ ਵੀ ਜ਼ਿਕਰਯੋਗ ਹੈ ਕਿ ਪਲਸ ਮੰਚ ਅਤੇ ਕਈ ਹੋਰ ਸੰਗਠਨ ਪਹਿਲਾਂ ਹੀ ਆਪਣੇ ਢੰਗ ਤਰੀਕਿਆਂ ਨਾਲ ਲੋਕ ਕਲਾ ਵਾਲੀ ਭਾਵਨਾ ਅਧੀਨ ਕੰਮ ਕਰ ਰਹੇ ਹਨ  ਹੁਣ ਇਪਟਾ ਨਾਲ ਸਿਧੇ ਤੌਰ ਤੇ ਸਬੰਧਿਤ ਨਹੀਂ ਹਨ। ਇਸ ਤਰਾਂ ਪ੍ਰਗਤੀਸ਼ੀਲ ਕਲਾਕਾਕਾਰਨ ਦੀ ਇੱਕਮੁੱਠ ਸ਼ਕਤੀ ਹੁਣ ਕਈ ਨਾਵਾਂ ਵਾਲਿਆਂ ਸੰਸਥਾਵਾਂ ਵਿੱਚ ਵੱਖ ਵੱਖ ਹੋ ਕੇ ਕੰਮ ਕਰ ਰਹੀ ਹੈ। ਇਪਟਾ ਦੇ ਪ੍ਰਤਿਬੱਧ ਕਲਾਕਾਰ ਇਹਨਾਂ ਸਾਰੇ ਕਲਾਕਾਰਾਂ ਨੂੰ ਇਪਟਾ ਦੇ ਝੰਡੇ ਹੇਠ ਲਿਆਉਣਾ ਚਾਹੁੰਦੇ ਹਨ। ਜੇ ਅਜਿਹਾ ਹੋਣ ਵਿੱਚ ਨਾਕਾਮੀ ਰਹੀ ਤਾਂ ਗੈਰ ਪ੍ਰਗਤੀਸ਼ੀਲ ਅਤੇ ਗੈਰ ਕਮਿਊਨਿਸਟ ਸ਼ਕਤੀਆਂ ਇਪਟਾ ਨੂੰ ਨਿਗਲਣ ਦੀ ਤਿਆਰੀ ਵਿੱਚ ਲੱਗਦੀਆਂ ਹਨ। 

                                                            

ਐਫ ਐਮ ਗੋਲਡ ਨੇ ਲਗਾਏ ਰੇਡੀਓ ਤਰੰਗਾਂ ਨੂੰ ਤੇਜ਼ ਰਫ਼ਤਾਰੀ ਆਵਾਜ਼ ਦੇ ਪਹੀਏ

ਵਿਸ਼ਵ ਰੇਡੀਓ ਦਿਵਸ ਦੇ ਮੌਕੇ ਉੱਤੇ ਇੱਕ ਖਾਸ ਮੁਲਾਕਾਤ ਦੇ ਕੁਝ ਅੰਸ਼ 

ਲੁਧਿਆਣਾ::13 ਫਰਵਰੀ 2017: (ਰੈਕਟਰ ਕਥੂਰੀਆ//ਪੰਜਾਬ ਸਕਰੀਨ)::  Please click here for more photos

ਤਰੰਗਾਂ ਨੂੰ ਆਵਾਜ਼ ਦੇ ਪਹੀਏ ਲਗਾ ਕੇ ਦਿਲ ਤੱਕ ਉਤਰ ਜਾਣਾ ਇਹ ਕ੍ਰਿਸ਼ਮਾ ਤਾਂ ਕੋਈ ਰੇਡੀਓ ਕੋਲੋਂ ਸਿੱਖੇ। ਇਹ ਜਾਦੂ ਐਫ ਐਮ ਰੇਡੀਓ ਦੀ ਸ਼ੁਰੂਆਤ ਨਾਲ ਤਕਰੀਬਨ ਤਕਰੀਬਨ ਹੁਣ ਘਰ ਘਰ ਪਹੁੰਚ ਚੁੱਕਿਆ ਹੈ। ਕੋਈ ਵੇਲਾ ਸੀ ਜਦੋਂ ਕਾਰਾਂ ਵਿੱਚ ਸਟੀਰੀਓ ਲਗਾਇਆ ਜਾਂਦਾ ਸੀ। ਜਦੋਂ ਤੋਂ ਐਫ ਐਮ ਆਇਆ ਉਦੋਂ ਤੋਂ ਹਰ ਕਰ ਬਸ ਵਿੱਚ ਵੰਨ ਸੁਵੰਨੇ ਗੀਤਾਂ ਦੇ ਨਾਲ ਨਾਲ ਜ਼ਰੂਰੀ ਸੂਚਨਾਵਾਂ ਵੀ ਨਾਲੋਂ ਨਾਲ ਪਤਾ ਲੱਗਦੀਆਂ ਰਹਿੰਦੀਆਂ ਹਨ। ਫੋਨ 'ਤੇ ਹੁੰਦੀ ਗੱਲਬਾਤ ਦੂਰ ਦੁਰਾਡੇ ਜਾ ਕੇ ਵੀ ਸਭਨਾਂ ਨੂੰ ਇੱਕ ਪਰਿਵਾਰ ਵਾਂਗ ਆਪਸ ਵਿੱਚ ਜੋੜੀ ਰੱਖਦੀ ਹੈ। ਅਮਰੀਕਾ ਵਿੱਚ ਇਸਦੀ ਸ਼ੁਰੂਆਤ ਬਹੁਤ ਪਹਿਲਾਂ ਹੋ ਚੁੱਕੀ ਸੀ। ਭਾਰਤ ਵਿੱਚ ਪਹਿਲਾ ਐਫ ਐਮ ਰੇਡੀਓ 23 ਜੁਲਾਈ 1977 ਨੂੰ ਸ਼ੁਰੂ ਹੋਇਆ। ਛੇਤੀ ਹੀ ਚੇੱਨਈ ਵਿੱਚ ਹੋਈ ਇਹ ਸ਼ੁਰੂਆਤ ਦਿੱਲੀ, ਮੁੰਬਈ ਅਤੇ ਕਲਕੱਤਾ ਤੱਕ ਵੀ ਪਹੁੰਚ ਗਈ। ਬੈਂਗਲੌਰ, ਹੈਦਰਾਬਾਦ, ਲਖਨਊ ਅਤੇ ਜੈਪੁਰ ਵਿੱਚ ਵੀ ਇਹ ਛੇਤੀ ਹੀ ਹਰਮਨ ਪਿਆਰਾ ਹੋ ਗਿਆ। ਸੰਨ 1993 ਵਿੱਚ ਅਹਿਮਦਾਬਾਦ ਵਿਖੇ ਸ਼ੁਰੂ ਹੋਈ ਰੇਡੀਓ ਮਿਰਚੀ ਬਹੁਤ ਹੀ ਹਰਮਨ ਪਿਆਰਾ ਹੋਇਆ। ਛੇਤੀ ਹੀ ਆਲ ਇੰਡੀਆ ਰੇਡੀਓ ਨੇ ਇਸ ਉਡਾਣ ਨੂੰ ਖੰਭ ਦਿੱਤੇ। ਰੇਡੀਓ ਰੇਨਬੌ, ਰੇਡੀਓ ਮਿਰਚੀ, ਰੇਡੀਓ ਫੀਵਰ, ਵਨ ਐਫ ਐਮ, ਬਿਗ ਐਫ ਐਮ, ਰੈੱਡ ਐਫ ਐਮ, ਹਿੱਟ ਐਫ ਐਮ ਅਤੇ ਐਫ ਐਮ ਗੋਲਡ ਇਸ ਸਿਲਸਿਲੇ ਨੂੰ ਸਿਖਰਾਂ 'ਤੇ ਲੈ ਗਏ।ਲੁਧਿਆਣਾ ਲਈ ਉਹ ਬੜਾ ਭਾਗਾਂ ਭਰਿਆ ਦਿਨ ਸੀ ਜਦੋਂ ਇਥੇ ਐਫ ਐਮ ਗੋਲਡ ਦੀ ਸ਼ੁਰੂਆਤ ਹੋਈ। ਭਾਵੇਂ ਲੋਕਾਂ ਸਾਹਮਣੇ ਇਹ ਰੇਡੀਓ ਸਟੇਸ਼ਨ ਅਤੇਇਸਦਾ ਪ੍ਰਸਾਰਣ ਲੋਕਾਂ ਸਾਹਮਣੇ 16 ਅਗਸਤ 2013 ਨੂੰ ਆਇਆ ਪਰ ਇਸਦੀ ਸ਼ੁਰੂਆਤ ਬੇਹੱਦ ਨਾਜ਼ੁਕ ਜਹੇ ਹਾਲਤਾਂ ਵਿੱਚ ਹੋਈ। ਬਹੁਤ ਹੀ ਛੋਟੀ ਜਿਹੀ ਥਾਂ, ਬਰਸਾਤ ਅਤੇ ਗਰਮੀ ਵਾਲਾ ਮੌਸਮ ਅਤੇ ਗਿਣਤੀ ਦਾ ਸਟਾਫ ਪਰ ਬਹੁਤ ਹੀ ਮੇਹਨਤੀ ਅਤੇ ਲਗਨ ਵਾਲਾ। ਇਸ ਸਟਾਫ ਨੇ ਐਫ ਐਮ ਗੋਲਡ ਲੁਧਿਆਣਾ ਨੂੰ ਜਿਹਨਾਂ ਬੁਲੰਦੀਆਂ ਉੱਤੇ ਪਹੁੰਚਾਇਆ ਉਹ ਤੁਹਾਡੇ ਸਭਨਾਂ  ਦੇ ਸਾਹਮਣੇ ਹੈ।
Please click here for more photos

ਛੇਵੇਂ ਵਿਸ਼ਵ ਰੇਡੀਓ ਦਿਵਸ ਦੇ ਮੌਕੇ ਉੱਤੇ ਅਸੀਂ ਐਫ ਐਮ ਗੋਲਡ ਲੁਧਿਆਣਾ ਦੇ ਇਸ ਸਟਾਫ ਨਾਲ ਇੱਕ ਸੰਖੇਪ ਜਿਹੀ ਮੁਲਾਕਾਤ ਕੀਤੀ ਅਤੇ ਇਸ ਦੀ ਸਫਲਤਾ ਬਾਰੇ ਪੁੱਛਿਆ। ਇਸ ਮੁਲਾਕਾਤ ਦੌਰਾਨ ਸਾਡੀ ਟੀਮ ਨੂੰ ਸਟੇਸ਼ਨ ਡਾਇਰੈਕਟਰ ਨਵਦੀਪ ਸਿੰਘ ਅਤੇ ਆਰ ਜੇ ਰਿਨੀ ਸ਼ਰਮਾ ਸਮੇਤ ਕਈ ਹੋਰ ਮੈਂਬਰਾਂ ਨੇ ਆਪਣੇ ਕੀਮਤੀ ਸਮੇਂ ਵਿੱਚੋਂ ਉਚੇਚਾ ਵਕ਼ਤ ਕੱਢ ਕੇ ਇਸ ਬਾਰੇ ਗੱਲਬਾਤ ਕੀਤੀ। ਇਸਦਾ ਵੇਰਵਾ ਤੁਸੀਂ ਇਸ ਖਬਰ ਨਾਲ ਦਿੱਤੀ ਜਾ ਰਹੀ ਵੀਡੀਓ ਵਿੱਚ ਵੀ ਦੇਖ ਸਕਦੇ ਹੋ।  ਪੰਜਾਬ ਸਕਰੀਨ ਵੱਲੋਂ ਗੱਲਬਾਤ ਕੀਤੀ ਇਪਟਾ ਵਾਲੇ ਪ੍ਰਦੀਪ ਸ਼ਰਮਾ ਹੁਰਾਂ ਨੇ। Please click here for more photos