Saturday, March 26, 2022
ਸਮਾਜ ਦਾ ਸੰਤਾਪ ਮਿਟਾਉਣ ਵਿੱਚ ਕਿੰਨਾ ਕੁ ਕਾਮਯਾਬ ਰਹੇਗਾ ਨਾਮਧਾਰੀ ਉਪਰਾਲਾ?
Wednesday, March 23, 2022
ਨਾਮਧਾਰੀ ਪੰਥ ਵੱਲੋਂ ਭਾਰਤੀਆ ਧਰਮ ਏਕਤਾ ਸਮੇਲਨ 27 ਮਾਰਚ ਨੂੰ
23rd March 2022 at 6:01 PM
ਬਟਾਲਾ ਸਥਿਤ ਕਾਲਨੋਰ ਵਿੱਖੇ ਸ਼ਾਮਲ ਹੋਣਗੇ ਸਮੂਹ ਧਰਮਾਂ ਦੇ ਪ੍ਰਤੀਨਿਧੀ
ਠਾਕੁਰ ਦਲੀਪ ਸਿੰਘ ਜੀ ਦੀ ਪ੍ਰੇਰਣਾ ਨਾਲ ਪੁੱਜਣਗੇ ਹਿੰਦੂ, ਸਿੱਖ,ਜੈਨ ਅਤੇ ਬੋਧ ਸੰਪ੍ਰਦਾ ਦੇ ਪ੍ਰਤੀਨਿਧੀSaturday, March 19, 2022
ਆਖ਼ਿਰੀ ਸਾਹਾਂ ਤੀਕ ਸਤਿਗੁਰਾਂ ਨੂੰ ਸਮਰਪਿਤ ਰਹੇ ਬਚਿੱਤਰ ਸਿੰਘ ਭੁਰਜੀ
ਸੰਘਰਸ਼ਾਂ ਦੀ ਜਿੰਦਜਾਨ ਸਨ ਬਚਿੱਤਰ ਸਿੰਘ ਭੁਰਜੀ
ਉਸ ਪ੍ਰੈਸ ਕਾਨਫਰੰਸ ਵਿੱਚ ਉਹਨਾਂ ਪੱਤਰਕਾਰਾਂ ਵੱਲੋਂ ਪੁਛੇ ਇੱਕ ਇੱਕ ਤਿੱਖੇ ਸੁਆਲ ਦਾ ਜੁਆਬ ਬੜੇ ਹੀ ਠਰੰਮੇ ਨਾਲ ਦਿੱਤਾ। ਆਪਣੇ ਵਿਚਾਰਾਂ ਨੂੰ ਪ੍ਰਗਟ ਕਰਦਿਆਂ ਨਾ ਤਾਂ ਕਦੇ ਗੁੱਸਾ ਦਿਖਾਇਆ ਅਤੇ ਨਾ ਹੀ ਕਿਸੇ ਕਿਸਮ ਦੀ ਲਚਕ ਲਈ। ਉਹਨਾਂ ਆਪਣੇ ਵਿਰੋਧੀਆਂ ਨੂੰ ਵੀ ਕਦੇ ਵਿਰੋਧੀ ਨਹੀਂ ਆਖਿਆ। ਬਾਰ ਬਾਰ ਇਸਸੇ ਗ੍ਲ੍ਲਕ |ਤੇ ਯੋਰ ਦਿੱਤਾ ਕੀ ਸਰਕਾਰ ਅਤੇ ਪੁਲਿਸ ਨਿਰਪੱਖਤਾ ਨਾਲ ਕੰਮ ਕਰੇ ਸਭ ਕੁਝ ਝੱਟ ਸਾਹਮਣੇ ਆ ਜਾਵੇਗਾ।
ਇੱਕ ਵਾਰ ਕਿਸੇ ਕੇਸ ਦੇ ਸਿਲਸਲੇ ਵਿੱਚ ਪੁਲਿਸ ਵਾਲੇ ਉਹਨਾਂ ਦੇ ਘਰ ਆ ਗਏ। ਭੁਰਜੀ ਸਾਹਿਬ ਘਰ ਦੇ ਦਰਵਾਜ਼ੇ ਦੇ ਬਾਹਰ ਕੁਰਸੀ ਡਾਹ ਕੇ ਬੈਠੇ ਸਨ। ਪੁਲਿਸ ਵਾਲਿਆਂ ਦੀ ਟੀਮ ਨਵੀਂ ਸੀ ਸੋ ਉਹਨਾਂ ਨੂੰ ਘਰ ਦੀ ਪਛਾਣ ਵੀ ਨਹੀਂ ਸੀ। ਉਹਨਾਂ ਭੁਰਜੀ ਸਾਹਿਬ ਦੇ ਘਰ ਦੀ ਨਿਸ਼ਾਨੀ ਪੂਛੀ ਤਾਂ ਭੁਰਜੀ ਸਾਹਿਬ ਝੱਟ ਬੋਲੇ ਮੈਂ ਹੀ ਹਾਂ ਬਚਿੱਤਰ ਸਿੰਘ ਭੁਰਜੀ ਅਤੇ ਇਹ ਮੇਰਾ ਹੀ ਘਰ ਹੈ।
ਪੁਲਿਸ ਵਾਲਿਆਂ ਨੇ ਦੱਸਿਆ ਅਸੀਂ ਤਾਂ ਤੁਹਾਨੂੰ ਨਾਲ ਲਿਜਾਣ ਆਏ ਹਨ। ਭੁਰਜੀ ਸਾਹਿਬ ਬੋਲੇ ਚਾਹ ਪਾਣੀ ਪਿਓ। ਏਨੇ ਵਿਚ ਮੈਂ ਉੱਪਰਲੇ ਚੁਬਾਰਿਆਂ ਆਪਣਾ ਕਛਹਿਰਾ ਪ੍ਰਣਾ ਮੰਗਵਾ ਲਵਾਂ ਫਿਰ ਚੱਲਦੇ ਹਾਂ। ਜਦੋਂ ਕਛਹਿਰਾ ਪ੍ਰਣਾ ਤੋਲਿਆ ਆ ਗਿਆ ਤਾਂ ਭੁਰਜੀ ਸਾਹਿਬ ਬੋਲੇ ਹੁਣ ਮੈਨੂੰ ਹੱਥਕੜੀ ਲਾਓ ਤੇ ਲੈ ਚੱਲੋ। ਪੁਲਿਸ ਵਾਲੇ ਕਹਿਣ ਲੱਗੇ ਬ੍ਯੁਰ੍ਗੋ ਏਹਦੀ ਕੋਈ ਲੋੜ ਨਹੀਂ ਤੁਆਸਿਨ ਵੈਸੇ ਹੀ ਆ ਜਾਓ।
ਭੁਰਜੀ ਸਾਹਿਬ ਅੜ ਗਏ ਤੇ ਬੋਲੇ ਬਿਨਾ ਹੱਥਕੜੀ ਦੇ ਮੈਂ ਨਹੀਂ ਬਹਿੰਦਾ ਤੁਹਾਡੀ ਜੀਪ ਵਿੱਚ। ਜੇ ਤੁਹਾਡੇ ਕਿਸੇ ਸਿਆਸੀ ਆਕਾ ਨੇ ਫੋਨ ਤੇ ਇਸ਼ਾਰਾ ਕਰ ਦਿੱਤਾ ਤਾਂ ਤੁਹਾਨੂੰ ਉਸਦਾ ਵੀ ਹੁਕਮ ਵਜਾਉਣਾ ਪੈਣਾ ਹੈ। ਇਸ ਲਈ ਮੈਨੂੰ ਬੇਸ਼ਕ ਲੈ ਚੱਲੋ ਪਰ ਸਹੀ ਤਰੀਕੇ ਨਾਲ।
ਪੁਲਿਸ ਵਾਲੇ ਵੀ ਹੱਸਦੇ ਹੱਸਦੇ ਉਹਨਾਂ ਨੂੰ ਛੱਡ ਗਏ। ਕਹਿਣ ਲੱਗੇ ਲਓ ਬਜ਼ੁਰਗੋ ਤੁਹਾਨੂੰ ਨਹੀਂ ਲੈ ਕੇ ਜਾਣਾ ਹੁਣ। ਉਹਨਾਂ ਇੱਕ ਚਰਚਿਤ ਕਤਲ ਕੇਸ ਬਾਰੇ ਕੁਝ ਸੁਆਲ ਪੁਛੇ ਜਿਹਨਾਂ ਦੇ ਜੁਆਬ ਭੁਰਜੀ ਸਾਹਿਬ ਨੇ ਝੱਟ ਦੇ ਦਿੱਤੇ। ਉਲਟਾ ਜੁਆਬੀ ਸੁਆਲ ਵੀ ਕਰ ਦਿੱਤੇ।
ਹਰ ਇੱਕ ਨੂੰ ਆਪਣਾ ਮਿੱਤਰ ਬਣਾ ਲੈਣ ਵਾਲੇ ਭੁਰਜੀ ਸਾਹਿਬ ਨੂੰ ਹਰ ਕਿਸੇ ਦਾ ਪਰਿਵਾਰਿਕ ਦੁੱਖ ਸੁੱਖ ਵੀ ਪਤਾ ਹੁੰਦਾ ਅਤੇ ਉਹ ਉਸਨੂੰ ਦੂਰ ਕਰਨ ਲਈ ਜਤਨਸ਼ੀਲ ਵੀ ਰਹਿੰਦੇ। ਬਹੁਤ ਸਾਰੇ ਕਿੱਸੇ-ਬਹੁਤ ਸਾਰੇ ਨਾਮ ਯਾਦ ਆ ਰਹੇ ਹਨ ਪਰ ਭੁਰਜੀ ਸਾਹਿਬ ਨੇ ਵਾਅਦਾ ਲਿਆ ਸੀ ਇਹਨਾਂ ਦੀ ਕਦੇ ਚਰਚਾ ਨਹੀਂ ਕਰਨੀ। ਜੋ ਜੋ ਠਾਕੁਰ ਜੀ ਦਾ ਹੁਕਮ ਹੈ ਉਹੀ ਹੋ ਰਿਹਾ ਹੈ। ਮੈਂ ਕੁਝ ਨਹੀਂ ਕਰਦਾ।
ਅੱਜ ਉਹ ਜਿਸਮਾਨੀ ਤੌਰ ਤੇ ਸਾਡੇ ਦਰਮਿਆਨ ਨਹੀਂ ਹਨ ਪਰ ਉਹਨਾਂ ਦੀਆਂ ਯਾਦਾਂ, ਉਹਨਾਂ ਦੇ ਵਿਚਾਰ, ਉਹਨਾਂ ਦਾ ਅੰਦਾਜ਼ ਸਾਨੂੰ ਅਹਿਸਾਸ ਕਰਾਉਂਦਾ ਰਹੇਗਾ ਕਿ ਉਹ ਸਾਡੇ ਆਲੇ ਦੁਆਲੇ ਹੀ ਹਨ। ਸਾਡੇ ਨੇੜੇ ਤੇੜੇ। ਸਾਡੇ ਆਸ ਪਾਸ। ਹੁਣੇ ਕਿਸੇ ਪਾਸਿਓਂ ਆਵਾਜ਼ ਮਾਰਨਗੇ। ਹੁਣੇ ਕਿਸੇ ਪਾਸਿਉਂ ਅਚਾਨਕ ਆ ਜਾਣਗੇ ਤੇ ਫਤਹਿ ਬੁਲਾਉਣਗੇ। ਸਾਬੂਣੁ ਸਭਨਾਂ ਨੰ ਹੀ ਲੰਮੇ ਸਮੇਂ ਤੱਕ ਇਹ ਯਕੀਨ ਨਹੀਂ ਆਉਣਾ ਕਿ ਉਹ ਆਖ਼ਿਰੀ ਫਤਹਿ ਬੁਲਾ ਕੇ ਬਹੁਤ ਦੂਰ ਚਲੇ ਗਏ ਹਨ। ਸੱਚਖੰਡ ਵਾਲੀ ਦੁਨੀਆ ਵਿੱਚ। ਉਹਨਾਂ ਦੀਆਂ ਯਾਦਾਂ ਨਾਲ ਬਹੁਤ ਸਾਰੀਆਂ ਗੱਲਾਂ ਜੁੜੀਆਂ ਹੋਈਆਂ ਹਨ ਜਿਹੜੀਆਂ ਫਿਰ ਕਦੇ ਕਰਾਂਗੇ।
Sunday, January 09, 2022
ਮਹਿਲਾ ਸੇਵਾ ਵੈਲਫੇਅਰ ਸੋਸਾਇਟੀ ਨੇ ਗਰੀਬ ਪਰਿਵਾਰ ਦਾ ਮਕਾਨ ਬਣਵਾਇਆ
8th January 2022 at 5:01 PM
ਗਰੀਬੀ ਕਾਰਨ ਸਰਪੰਚ ਨੇ ਵੀ ਪਰਿਵਾਰ ਦਾ ਫੋਨ ਚੁੱਕਣਾ ਬੰਦ ਕਰ ਦਿੱਤਾ ਸੀ
Wednesday, November 17, 2021
ਸਿੱਖ ਪੰਥ ਨੂੰ ਪ੍ਰਫੁੱਲਿਤ ਕਰਨ ਦੇ ਉਪਾਅ//ਠਾਕੁਰ ਦਲੀਪ ਸਿੰਘ
17th November 2021 at 10:39 AM
ਕੇਸ, ਦਾਹੜੀ, ਪੰਜ ਕਕਾਰ ਆਦਿ ਬਾਹਰਲੇ ਸਰੂਪ ਨਾਲ "ਸਿੱਖੀ" ਨਹੀਂ
ਜਲੰਧਰ//ਲੁਧਿਆਣਾ: 17 ਨਵੰਬਰ 2021: (ਪੰਜਾਬ ਸਕਰੀਨ ਡੈਸਕ)::
ਸਿੱਖ ਪੰਥ" ਘੱਟ ਰਿਹਾ ਹੈ: ਪੰਥ ਨੂੰ ਘਟਣ ਤੋਂ ਰੋਕਣ ਲਈ ਅਤੇ ਪੰਥ ਵਧਾਉਣ ਵਾਸਤੇ, ਹਰ ਸਿੱਖ ਨੂੰ; ਹੇਠ ਲਿਖੇ ਨੁਕਤਿਆਂ ਉੱਤੇ ਵਿਚਾਰ ਕਰਨਾ ਚਾਹੀਦਾ ਹੈ।
ਇਹਨਾਂ ਨੁਕਤਿਆਂ ਦਾ ਗੁਰਦੁਆਰਾ ਚੋਣਾਂ ਨਾਲ ਕੋਈ ਸੰਬੰਧ ਨਹੀਂ। (ਗੁਰਦੁਆਰਾ ਚੋਣਾਂ ਤਾਂ ਹੋਣੀਆਂ ਹੀ ਨਹੀਂ ਚਾਹੀਦੀਆਂ ਕਿਉਂਕਿ, ਉਹ ਸਿੱਖ ਪੰਥ ਲਈ ਅਤਿ ਹਾਨੀਕਾਰਕ ਹਨ)। ਇਹ ਕੇਵਲ ਸਿੱਖੀ ਨੂੰ ਪ੍ਰਫੁੱਲਿਤ ਕਰਨ ਸੰਬੰਧੀ ਵਿਚਾਰਾਂ ਹਨ ਅਤੇ ਅੰਮ੍ਰਿਤਧਾਰੀ ਸਿੱਖਾਂ ਨੂੰ ਸਨਿਮਰ ਬੇਨਤੀ ਹੈ ਕਿ ਭਾਵੇਂ "ਅੰਮ੍ਰਿਤਧਾਰੀ ਖਾਲਸੇ" ਹੋਣਾ ਬਹੁਤ ਚੰਗੀ ਗੱਲ ਹੈ ਪਰ "ਸਿੱਖ" ਹੋਣ ਵਾਸਤੇ ਅੰਮ੍ਰਿਤਧਾਰੀ ਖਾਲਸੇ ਹੋਣਾ ਜਰੂਰੀ ਨਹੀਂ। ਕਿਉਂਕਿ, ਗੁਰੂ ਸਾਹਿਬ ਜੀ ਵਲੋਂ ਆਪਣੀ ਬਾਣੀ ਵਿਚ ਕਿਤੇ ਵੀ ਅਜਿਹਾ ਨਹੀਂ ਲਿਖਿਆ।
ਅਸੀਂ ਸਾਰੇ "ਅੰਮ੍ਰਿਤਧਾਰੀ ਖ਼ਾਲਸੇ": ਆਪਣੇ ਆਪ ਨੂੰ ਹੀ "ਸਿੱਖ ਪੰਥ" ਮੰਨਦੇ ਹਾਂ। ਅਸੀਂ ਅੰਮ੍ਰਿਤਧਾਰੀਆਂ ਨੇ ਇਹ ਸਮਝ ਲਿਆ ਹੈ ਕਿ ਸਿਰਫ ਅੰਮ੍ਰਿਤਧਾਰੀ ਹੀ ਸਿੱਖ ਹਨ ਬਾਕੀ ਸਿੱਖ ਸੰਪਰਦਾਵਾਂ ਦੇ ਸ਼ਰਧਾਲੂ: ਸਿੱਖ ਨਹੀਂ ਹਨ। ਜਦਕਿ ਬਾਣੀ ਅਨੁਸਾਰ, ਸਿੱਖੀ ਸ਼ਰਧਾ ਨਾਲ ਹੈ; "ਮੇਰੇ ਪ੍ਰਭਿ ਸਰਧਾ ਭਗਤਿ ਮਨਿ ਭਾਵੈ" "ਸਤਿਗੁਰ ਕੀ ਨਿਤ ਸਰਧਾ ਲਾਗੀ"। (ਅੰਗ 982) ਕੇਸ, ਦਾਹੜੀ, ਪੰਜ ਕਕਾਰ ਆਦਿ ਬਾਹਰਲੇ ਸਰੂਪ ਨਾਲ "ਸਿੱਖੀ" ਨਹੀਂ। ਸਤਿਗੁਰੂ ਨਾਨਕ ਦੇਵ ਜੀ ਦੇ ਬਚਨਾਂ ਅਨੁਸਾਰ : "ਨਾ ਸਤਿ ਮੂੰਡ ਮੁਡਾਈ, ਕੇਸੀ ਨਾ ਸਤਿ" (ਅੰਗ-952) "ਛੋਡਹੁ ਵੇਸੁ ਭੇਖ ਚਤੁਰਾਈ" (ਅੰਗ-598)।
ਇਸੇ ਤਰ੍ਹਾਂ ਸਤਿਗੁਰੂ ਗੋਬਿੰਦ ਸਿੰਘ ਜੀ ਦਾ ਬਚਨ ਹੈ: "ਕੇਸ ਧਰੇ ਨ ਮਿਲੇ ਹਰਿ ਪਿਆਰੇ" ਪੰਨਾ ਨੰ-35 (ਸ੍ਰੀ ਦਸਮ ਗ੍ਰੰਥ ਸਾਹਿਬ)। ਗੁਰਦੁਆਰਾ ਐਕਟ ਵਿਚ ਲਿਖੀ ਹੋਈ ਸਿੱਖ ਦੀ ਪਰਿਭਾਸ਼ਾ ਕੇਵਲ ਗੁਰਦੁਆਰਿਆਂ ਦੀਆਂ ਚੋਣਾਂ ਵਾਸਤੇ ਹੈ। ਸਿੱਖ ਦੀ ਉਸ ਪਰਿਭਾਸ਼ਾ ਦਾ, ਸਿੱਖੀ ਨਾਲ ਕੋਈ ਸੰਬੰਧ ਨਹੀਂ। ਕਿਉਂਕਿ, ਇਹ ਪਰਿਭਾਸ਼ਾ ਗੋਰਿਆਂ ਨੇ ਬਣਾਈ ਸੀ, ਕਿਸੇ ਗੁਰੂ ਸਾਹਿਬਾਨ ਦੀ ਲਿਖੀ ਹੋਈ ਨਹੀਂ। ਕਿਉਂਕਿ, ਗੁਰਦੁਆਰਾ ਐਕਟ ਗੋਰਿਆਂ ਨੇ ਬਣਾਇਆ ਸੀ, ਉਸ ਵਿਚ ਹੀ ਸਿੱਖ ਦੀ ਪਰਿਭਾਸ਼ਾ ਵੀ ਲਿਖੀ ਸੀ, ਜਿਸ ਨੂੰ ਅਸਾਂ ਭੁਲੇਖੇ ਵਿਚ ਹੀ ਸਹੀ ਤੇ ਸੱਚੀ ਮੰਨ ਲਿਆ ਹੈ।
ਇਸ ਲਈ ਅੰਮ੍ਰਿਤਧਾਰੀ ਸਿੱਖਾਂ ਨੂੰ: ਬਾਕੀ ਸਾਰੇ ਗੁਰੂ ਕੇ ਸ਼ਰਧਾਲੂ ਨਾਨਕ ਪੰਥੀਆਂ ( ਜਿਵੇਂ ਉਦਾਸੀ, ਨਿਰਮਲੇ, ਨਾਮਧਾਰੀ, ਨੀਲਧਾਰੀ, ਨਿਹੰਗ, ਸਿਕਲੀਗਰ, ਸਿੰਧੀ, ਲਾਮੇ, ਵਣਜਾਰੇ ਆਦਿ) ਨੂੰ "ਸਿੱਖ" ਪ੍ਰਵਾਨ ਕਰ ਲੈਣਾ ਚਾਹੀਦਾ ਹੈ। ਉਹ ਜਿਸ ਸਰੂਪ ਅਤੇ ਜਿਸ ਵਿਸਵਾਸ਼ ਵਿਚ ਵੀ ਸਤਿਗੁਰੂ ਨਾਨਕ ਦੇਵ ਜੀ ਨੂੰ ਮੰਨਦੇ ਹਨ, ਉਸੇ ਤਰ੍ਹਾਂ ਹੀ, ਬਿਨਾਂ ਉਹਨਾਂ ਦੇ ਵਿਸਵਾਸ਼ ਅਤੇ ਪਰੰਪਰਾਵਾਂ ਬਦਲਣ ਤੋਂ ਹੀ: ਉਹਨਾਂ ਨੂੰ "ਸਿੱਖ" ਪ੍ਰਵਾਨ ਕਰ ਲੈਣਾ ਚਾਹੀਦਾ ਹੈ। ਕਿਉਂਕਿ, "ਸਿੱਖ ਪੰਥ" "ਗੁਰੂ ਨਾਨਕ ਨਾਮ ਲੇਵਾ ਪੰਥ" ਹੈ ਅਤੇ ਗੁਰੂ ਨਾਨਕ ਨਾਮ ਲੇਵਾ; ਕੋਈ ਵੀ, ਕਿਸੇ ਵੀ ਰੂਪ ਵਿਚ ਹੈ ਜਾਂ ਕਿਸੇ ਵੀ ਤਰ੍ਹਾਂ ਉਹ ਸਤਿਗੁਰੂ ਨਾਨਕ ਦੇਵ ਜੀ ਨੂੰ ਮੰਨਦਾ ਅਤੇ ਸ਼ਰਧਾ ਰੱਖਦਾ ਹੈ ਜਾਂ /ਅਤੇ ਉਸਦਾ ਬਾਹਰਲਾ ਸਰੂਪ, ਪਰੰਪਰਾਵਾਂ ਆਦਿ ਕਿਸੇ ਵੀ ਤਰ੍ਹਾਂ ਦੀਆਂ ਹਨ, ਉਹਨਾਂ ਸਾਰਿਆਂ ਸਮੇਤ ਹੀ: ਉਹਨਾਂ ਨੂੰ ਸਿੱਖ ਪ੍ਰਵਾਨ ਕਰਨ ਦੀ ਲੋੜ ਹੈ। ਸਾਨੂੰ ਆਪਣੀਆਂ ਪਰੰਪਰਾਵਾਂ ਅਤੇ ਵਿਸਵਾਸ਼, ਉਹਨਾਂ ਉੱਤੇ ਠੋਸਣੇ ਨਹੀਂ ਚਾਹੀਦੇ। ਕਿਉਂਕਿ, ਪਰੰਪਰਾਵਾਂ ਤਾਂ ਸਾਡੀਆਂ ਅੰਮ੍ਰਿਤਧਾਰੀ ਸੰਪਰਦਾਵਾਂ ਦੀਆਂ ਵੀ ਆਪਸ ਵਿਚ ਨਹੀਂ ਮਿਲਦੀਆਂ। ਫਿਰ ਬਾਕੀ ਦੀਆਂ ਸੰਪਰਦਾਵਾਂ ਦੀ ਵੀ ਆਪਣੀ-ਆਪਣੀ ਸੁਤੰਤਰ ਹੋਂਦ ਹੈ ਅਤੇ ਆਪਣੀਆਂ-ਆਪਣੀਆਂ ਪ੍ਰੰਪਰਾਵਾਂ ਅਤੇ ਵਿਸ਼ਵਾਸ ਹਨ। ਇਸ ਕਰਕੇ ਆਪਣੇ-ਆਪਣੇ ਥਾਂ ਉਹ ਸਭ ਠੀਕ ਹਨ, ਸਾਨੂੰ ਉਹਨਾਂ ਨੂੰ ਗਲਤ ਕਹਿਣ ਦਾ ਕੋਈ ਹੱਕ ਨਹੀਂ।
ਕਿਸੇ ਵੀ ਸਤਿਗੁਰੂ ਜੀ ਨੇ ਆਪਣੀ ਬਾਣੀ ਵਿਚ ਕਿਤੇ ਵੀ ਇਹ ਨਹੀਂ ਲਿਖਿਆ ਕਿ ਸਿੱਖੀ ਕਿਸੇ ਵਿਸ਼ੇਸ਼ ਬਾਹਰਲੇ ਸਰੂਪ ਜਾਂ ਕੇਸ਼ ਦਾਹੜੀ ਨਾਲ ਹੈ। ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਵਿਚ ਤਾਂ ਇਹ ਵੀ ਲਿਖਿਆ ਹੈ: "ਜੋਗੁ ਨ ਭਗਵੀ ਕਪੜੀ"।(ਅੰਗ-1421) "ਭਾਵੈ ਲਾਂਬੇ ਕੇਸ ਕਰੁ ਭਾਵੈ ਘਰਰਿ ਮੁਡਾਇ" (ਅੰਗ - 1365)। ਵਿਚਾਰਨ ਦੀ ਲੋੜ ਹੈ; ਕੀ ਆਪਣੇ ਆਪ ਨੂੰ ਅੰਮ੍ਰਿਤਧਾਰੀ ਖਾਲਸੇ ਦੱਸ ਕੇ, ਚੋਣ ਪ੍ਰਣਾਲੀ ਰਾਹੀਂ ਪੰਥ ਪਾੜ ਕੇ: ਗੋਲਕਾਂ ਲੁੱਟਣ ਵਾਲੇ ਹੀ ਅਸਲੀ "ਸਿੱਖ" ਹਨ ? ਜਾਂ, ਇਸ ਕਰਕੇ ਉਹ ਅਸਲੀ "ਸਿੱਖ" ਹਨ ਕਿਉਂਕਿ ਉਹਨਾਂ ਦਾ ਵੱਡਿਆਂ ਗੁਰਦੁਆਰਿਆਂ ਉੱਤੇ ਕਬਜਾ ਹੈ ? ਬਾਕੀ ਦੇ ਗੁਰੂ ਕੇ ਸ਼ਰਧਾਲੂ ਸਿੱਖ ਕਿਉਂ ਨਹੀਂ ਹਨ ?
ਸਿੱਖ ਵੀਰੋ ਵਿਚਾਰ ਕਰੋ! ਕੀ ਅਸੀਂ, ਆਪਣਾ ਸਿੱਖ ਪੰਥ ਵਧਾਉਣ ਲਈ, ਸਾਰੇ "ਗੁਰੂ ਕੇ ਸ਼ਰਧਾਲੂ ਨਾਨਕ ਪੰਥੀਆਂ" ਨੂੰ: "ਅੰਮ੍ਰਿਤਧਾਰੀ" ਪੰਜ ਕਕਾਰੀ ਖ਼ਾਲਸੇ ਬਣਾ ਸਕਦੇ ਹਾਂ? ਅੱਜ ਤਾਂ ਸਾਡੇ ਆਪਣੇ ਬੱਚੇ ਹੀ ਕੇਸ ਰੱਖਣ, ਪੰਜ ਕਕਾਰ ਜਾਂ ਖਾਲਸਾ ਪੰਥ ਦੇ ਐਸੇ ਬਾਹਰਲੇ ਚਿਨ੍ਹ, ਧਾਰਨ ਕਰਨ ਲਈ ਤਿਆਰ ਨਹੀਂ ਹਨ। ਸਾਨੂੰ ਆਪਣਾ "ਸਿੱਖ ਪੰਥ" ਘਟਣ ਤੋਂ ਰੋਕਣ ਲਈ ਅਤੇ ਪੰਥ ਵਧਾਉਣ ਵਾਸਤੇ; ਕੱਟੜ ਸੰਕੀਰਣ ਸੋਚ ਦੀ ਨਹੀਂ, ਵਿਸ਼ਾਲ ਸੋਚ ਦੀ ਲੋੜ ਹੈ। ਸਾਡੇ ਗੁਰੂ ਸਾਹਿਬਾਨਾਂ ਉੱਪਰ ਸ਼ਰਧਾ ਰੱਖਣ ਵਾਲੀਆਂ ਬਹੁਤ ਸਾਰੀਆਂ "ਗੁਰੂ ਨਾਨਕ ਨਾਮ ਲੇਵਾ ਸੰਪ੍ਰਦਾਵਾਂ" ਹਨ ਜੋ ਕਿ "ਅੰਮ੍ਰਿਤਧਾਰੀ ਖ਼ਾਲਸੇ" ਨਹੀਂ ਹਨ। ਸਾਨੂੰ ਉਨ੍ਹਾਂ ਸਾਰੇ ਗੁਰੂ ਕੇ ਸ਼ਰਧਾਲੂਆਂ ਅਤੇ ਗੁਰੂ ਨਾਨਕ ਨਾਮ ਲੇਵਾ ਸੰਪਰਦਾਵਾਂ ਨਾਲ ਆਪਸੀ ਵਿਤਕਰੇ ਛੱਡ ਕੇ, ਉਹਨਾਂ ਨੂੰ ਪ੍ਰੇਮ ਸਹਿਤ ਸਿੱਖ ਪ੍ਰਵਾਨ ਕਰਕੇ: ਆਪਸ ਵਿਚ ਇਕੱਠੇ ਹੋ ਜਾਣਾ ਚਾਹੀਦਾ ਹੈ। ਗੁਰੂ ਜੀ ਦਾ ਹੁਕਮ ਹੈ : "ਹੋਇ ਇਕਤ੍ਰ ਮਿਲਹੁ ਮੇਰੇ ਭਾਈ" (ਅੰਗ -1185) ਸਾਰੀਆਂ ਗੁਰੂ ਨਾਨਕ ਨਾਮ ਲੇਵਾ ਸੰਪਰਦਾਵਾਂ ਨਾਲ ਮਿਲ ਕੇ ਹੀ ਪੰਥ ਵਧ ਸਕਦਾ ਹੈ।
ਸਿੱਖ ਵੀਰੋ ! ਸਿੱਖ ਪੰਥ: ਸਿਰਫ਼ "ਅੰਮ੍ਰਿਤਧਾਰੀ ਖ਼ਾਲਸੇ" ਹੀ ਨਹੀਂ; ਜਦਕਿ "ਅੰਮ੍ਰਿਤਧਾਰੀ ਖ਼ਾਲਸੇ" (ਖ਼ਾਲਸਾ ਪੰਥ) ਤਾਂ ਸਮੁੱਚੇ ਸਿੱਖ ਪੰਥ ਦਾ ਇੱਕ ਸ੍ਰੇਸ਼ਟ ਅੰਗ ਹਨ। ਹਰ ਇੱਕ ਮਨੁੱਖ ਵਿਚ ਸਤਿਗੁਰੂ ਗੋਬਿੰਦ ਸਿੰਘ ਜੀ ਦੇ ਦਰਸ਼ਨ ਕਰਨ ਵਾਲੇ ਬ੍ਰਹਮਗਿਆਨੀ ਭਾਈ ਘਨਈਆ ਜੀ, ਗੁਰੂ ਕੇ ਮਹਾਨ ਆਸ਼ਿਕ ਭਾਈ ਨੰਦਲਾਲ ਜੀ, ਸੋਨੇ ਦੀਆਂ ਮੁਹਰਾਂ ਵਿਛਾ ਕੇ ਸਾਹਿਬਜਾਦਿਆਂ ਦੇ ਸਸਕਾਰ ਲਈ ਜਮੀਨ ਖਰੀਦਣ ਵਾਲੇ ਦੀਵਾਨ ਟੋਡਰਮੱਲ ਜੀ ਆਦਿ ਸਿੱਖ; ਦਸਵੇਂ ਪਾਤਸ਼ਾਹ ਜੀ ਦੇ ਸਮੇਂ ਵੀ 'ਅੰਮ੍ਰਿਤਧਾਰੀ' ਨਹੀਂ ਸਨ: ਪਰ, ਗੁਰੂ ਜੀ ਨੇ ਉਹਨਾਂ ਨੂੰ ਅੰਮ੍ਰਿਤਪਾਨ ਨਾ ਕਰਨ ਕਰਕੇ, ਪੰਥ ਵਿਚੋਂ ਕੱਢਿਆ ਨਹੀਂ ਅਤੇ ਉਹ ਵੀ ਗੁਰੂ ਜੀ ਦੇ ਪਿਆਰੇ ਮਹਾਨ ਸਿੱਖ ਸਨ।
ਵਿਚਾਰਨਯੋਗ ਹੈ ਕਿ ਸਤਿਗੁਰੂ ਗੋਬਿੰਦ ਸਿੰਘ ਜੀ ਨੂੰ ਮਾਛੀਵਾੜੇ ਤੋਂ ਵਰ੍ਹਦੀਆਂ ਗੋਲੀਆਂ ਵਿਚੋਂ "ਉੱਚ ਦਾ ਪੀਰ" ਰੂਪ ਵਿਚ ਚੁੱਕ ਕੇ ਲੈ ਜਾਣ ਵਾਲੇ ਗੁਰੂ ਕੇ ਸ਼ਰਧਾਲੂ: ਗਨੀ ਖਾਂ, ਨਬੀ ਖਾਂ, ਉਹ ਵੀ ਤਾਂ ਮਹਾਨ ਸਿੱਖ (ਮੁਰੀਦ) ਹੀ ਸਨ। ਸਰਹੰਦ ਵਿਚ ਛੋਟੇ ਸਾਹਿਬਜਾਦਿਆਂ ਨੂੰ ਚੋਰੀ ਦੁੱਧ ਪਿਆਉਣ ਵਾਲੇ ਮੋਤੀ ਰਾਮ ਮਹਿਰਾ; "ਜਿਨ੍ਹਾਂ ਦਾ ਸਾਰਾ ਪਰਿਵਾਰ ਵੇਲਣੇ ਰਾਹੀਂ ਪੀੜਿਆ ਗਿਆ ਸੀ": ਉਹ ਵੀ ਅੰਮ੍ਰਿਤਧਾਰੀ ਤਾਂ ਨਹੀਂ ਸਨ ਪਰ, ਗੁਰੂ ਕੇ "ਮਹਾਨ ਸ਼ਰਧਾਲੂ ਸਿੱਖ" ਤਾਂ ਸਨ। ਜੇ ਉਪਰ ਲਿਖੇ ਸਾਰੇ ਨਾਮ: ਦਸਵੇਂ ਪਾਤਸ਼ਾਹ ਜੀ ਵੇਲੇ ਵੀ ਪ੍ਰਵਾਨਿਤ ਮਹਾਨ ਸਿੱਖ ਸਨ। ਫਿਰ, ਅੰਮ੍ਰਿਤ ਨਾ ਛਕਣ ਵਾਲੇ ਬਾਕੀ ਗੁਰੂ ਨਾਨਕ ਨਾਮ ਲੇਵਾ: "ਸਿੱਖ" ਕਿਉਂ ਨਹੀਂ ਹੋ ਸਕਦੇ ? ਸਤਿਗੁਰੂ ਗੋਬਿੰਦ ਸਿੰਘ ਜੀ ਨੇ ਤਾਂ ਕਿਤੇ ਵੀ ਆਪਣੀ ਬਾਣੀ ਵਿਚ ਅਜਿਹਾ ਨਹੀਂ ਲਿਖਿਆ: " ਜਿਹੜਾ ਕੇਸ ਨਾ ਰੱਖੇ ਅਤੇ ਅੰਮ੍ਰਿਤ ਨਾ ਛਕੇ, ਉਹ ਸਿੱਖ ਨਹੀਂ ਹੈ"। ਇਸ ਕਰਕੇ, ਸਾਨੂੰ ਆਪਣਾ ਸਿੱਖ ਪੰਥ ਵਧਾਉਣ ਵਾਸਤੇ, ਹਰ ਇੱਕ ਨੂੰ ਅੰਮ੍ਰਿਤਧਾਰੀ-ਕੇਸਾਧਾਰੀ ਬਣਾਉਣ ਦੀ ਕੱਟੜ ਸੰਕੀਰਣ ਸੋਚ ਛੱਡ ਕੇ; ਪੰਥ ਪ੍ਰਫੁੱਲਿਤ ਕਰਨ ਵਾਲੀ ਵਿਸ਼ਾਲ ਸੋਚ ਅਪਣਾ ਕੇ ਸਾਰੇ ਗੁਰੂ ਨਾਨਕ ਨਾਮ ਲੇਵਾ ਨੂੰ ਇਕੱਠੇ ਹੋ ਜਾਣਾ ਚਾਹੀਦਾ ਹੈ। ਸਤਿਗੁਰੂ ਨਾਨਕ ਦੇਵ ਜੀ ਦੇ ਸ਼ਰਧਾਲੂਆਂ ਦੀ ਰੰਗ-ਬਿਰੰਗੀ ਫੁਲਵਾੜੀ ਨੂੰ, ਉਸੇ ਤਰ੍ਹਾਂ ਹੀ ਰੰਗ-ਬਿਰੰਗੀ ਰੱਖ ਕੇ ਹੀ ਪ੍ਰਫੁੱਲਿਤ ਕਰਨਾ ਚਾਹੀਦਾ ਹੈ। ਆਪਾਂ ਨੂੰ ਯਤਨ ਕਰਕੇ ਸਾਰੇ ਸੰਸਾਰ ਨੂੰ ਧੰਨ ਸਤਿਗੁਰੂ ਨਾਨਕ ਆਖਣ ਲਾਉਣਾ ਚਾਹੀਦਾ ਹੈ। ਅਤੇ, ਸਾਰੀ ਸ੍ਰਿਸ਼ਟੀ ਨੂੰ ਸਤਿਗੁਰੂ ਨਾਨਕ ਦੇਵ ਜੀ ਦੇ ਸ਼ਰਧਾਲੂ ਬਣਾ ਕੇ ਉਹਨਾਂ ਦੇ ਚਰਣੀ ਲਾਉਣਾ ਚਾਹੀਦਾ ਹੈ ਤਾਕਿ ਸਾਰਿਆਂ ਦਾ ਪਾਰ ਉਤਾਰਾ ਹੋ ਸਕੇ ਅਤੇ ਗੁਰੂ ਦੇ ਚਰਣੀ ਲੱਗ ਕੇ ਸਾਰੀ ਸ੍ਰਿਸ਼ਟੀ ਉਹਨਾਂ ਦੀ ਸਿੱਖਿਆਵਾਂ ਨੂੰ ਅਪਣਾ ਕੇ: ਸੁਖੀ ਵਸੇ। --ਠਾਕੁਰ ਦਲੀਪ ਸਿੰਘ
ਉਪਰੋਕਤ ਵਿਚਾਰਾਂ ਸੰਬੰਧੀ ਆਪਣੇ ਵਿਚਾਰ (ਦਲੀਲ ਸਹਿਤ) ਬੇਝਿਝਕ ਹੋ ਕੇ ਹੇਠ ਲਿਖੇ ਨੰਬਰਾਂ ਅਤੇ ਈਮੇਲ ਰਾਹੀਂ ਭੇਜ ਸਕਦੇ ਹੋ ਜੀ :-
ਸੰਪਰਕ ਨੰਬਰ ਆਈ ਈਮੇਲ ਪਤੇ ਇਸ ਪ੍ਰਕਾਰ ਹਨ:
ਰਾਜਪਾਲ ਕੌਰ +919023150008
ਈ.ਮੇਲ:-rajpal16773@gmail.com
ਰਤਨਦੀਪ ਸਿੰਘ +919650066108
ਈ.ਮੇਲ:- ratandeeps5@gmail.com
Friday, November 05, 2021
ਬੜੀ ਹੀ ਸ਼ਰਧਾ ਨਾਲ ਭਗਵਾਨ ਵਿਸ਼ਵਕਰਮਾ ਜੀ ਦਾ ਦਿਵਸ ਮਨਾਇਆ
ਭੁਰਜੀ ਪਰਿਵਾਰ ਨੇ ਕੀਤੀ ਕਿਰਤ ਦਿਵਸ ਮੌਕੇ ਪੂਜਾ ਅਰਚਨਾ
![]() |
ਬਚਿੱਤਰ ਸਿੰਘ ਭੁਰਜੀ ਪਰਿਵਾਰ ਸਮੇਤ ਭਗਵਾਨ ਬਾਬਾ ਵਿਸ਼ਵਕਰਮਾ ਜੀ ਦੀ ਪੂਜਾ ਕਰਦੇ ਹੋਏ |
Tuesday, October 19, 2021
ਮਹਿੰਗੇ ਲੰਗਰਾਂ ਦੀ ਥਾਂ ਗਰੀਬ ਬੱਚੀਆਂ ਨੂੰ ਆਤਮਨਿਰਭਰ ਬਣਾਉਣ ਤੇ ਪੈਸਾ ਲਗਾਓ
Monday 18th October 2021 at 3:18 PM
ਸਤਿਗੁਰੂ ਦਲੀਪ ਸਿੰਘ ਵੱਲੋਂ ਆਰਥਿਕ ਮੁੱਦਿਆਂ ਨੂੰ ਪਹਿਲ ਦੇਣ ਦੇ ਹੁਕਮ
ਜੀਵਨ ਨਗਰ: 18 ਅਕਤੂਬਰ 2021:(ਨਾਮਧਾਰੀ ਟੀਮ//ਰੂਹਾਨੀ ਰਿਪੋਰਟ ਟੀਮ//ਪੰਜਾਬ ਸਕਰੀਨ ਡੈਸਕ)::
ਜਪੁ ਪ੍ਰਯੋਗ ਤੋਂ ਬਾਅਦ ਅੱਸੂ ਦਾ ਮੇਲਾ ਵੀ ਮੁੱਕ ਗਿਆ ਹੈ। ਇਸ ਸਬੰਧੀ ਐਤਕੀਂ ਵੀ ਸ੍ਰੀ ਜੀਵਨ ਨਗਰ ਵਿਖੇ ਵਿਸ਼ੇਸ਼ ਅਧਿਆਤਮਕ ਆਯੋਜਨ ਹੋਏ। ਇਸ ਵਾਰ ਵੀ ਠਾਕੁਰ ਦਲੀਪ ਸਿੰਘ ਹੁਰਾਂ ਨੇ ਆਪਣੇ ਕ੍ਰਾਂਤੀਕਾਰੀ ਪ੍ਰਵਚਨਾਂ ਨੂੰ ਜਾਰੀ ਰੱਖਦਿਆਂ ਕਿਹਾ ਕਿ ਮਹਿੰਗੇ ਲੰਗਰਾਂ ਦੀ ਥਾਂ ਗਰੀਬ ਬੱਚਿਆਂ ਨੂੰ ਪੜ੍ਹਾਉਣ ਵਾਲੇ ਪਾਸੇ ਜ਼ੋਰ ਦਿਓ। ਮਹਿੰਗੇ ਲੰਗਰਾਂ ਵਾਲੀ ਮਾਇਆ ਬਚਾ ਕੇ ਵੀ ਇਸ ਪਾਸੇ ਖਰਚ ਕਰੋ। ਜ਼ਿਕਰਯੋਗ ਹੈ ਕਿ ਹਿੰਦੂਤਵੀ ਸੰਗਠਨਾਂ ਵੱਲੋਂ ਈਸਾਈਆਂ ਦਾ ਅੰਨਾ ਵਿਰੋਧ ਕੀਤਾ ਜਾਂਦਾ ਹੈ ਅਤੇ ਦੋਸ਼ ਲਾਇਆ ਜਾਂਦਾ ਹੈ ਕਿ ਉਹਨਾਂ ਵੱਲੋਂ ਧਰਮ ਪ੍ਰੀਵਰਤਨ ਕਰਾਇਆ ਜਾ ਰਿਹਾ ਹੈ। ਇਸ ਮਕਸਦ ਨੂੰ ਲੈ ਕੇ ਤਿੱਖੇ ਟਕਰਾਓ ਵਾਲੀਆਂ ਸੰਭਾਵਨਾਵਾਂ ਵੀ ਬਣਦੀਆਂ ਰਹੀਆਂ ਹਨ। ਬਜਰੰਗ ਦਲ ਵਾਲਿਆਂ ਨੇ ਆਪਣੇ ਇੱਕ ਕੱਟੜ ਆਗੂ ਦਾਰਾ ਸਿੰਘ ਦੀ ਅਗਵਾਈ ਹੇਠ ਆਸਟ੍ਰੇਲੀਆ ਤੋਂ ਭਾਰਤ ਆ ਕੇ ਪ੍ਰਚਾਰ ਕਰ ਰਹੇ ਈਸਾਈ ਮਿਸ਼ਨਰੀ ਪ੍ਰਚਾਰਕ ਗ੍ਰਾਹਮ ਸਟੇਨਜ਼ ਨੂੰ ਉੜੀਸਾ ਵਿਚ ਜਿਓਂਦਿਆਂ ਸਾਡੀ ਦਿੱਤਾ ਗਿਆ ਸੀ। ਉਸ ਵੇਲੇ ਉਸਦੇ ਨਾਲ ਉਸਦੇ ਦੋ ਬੇਟੇ ਵੀ ਸਨ ਜਿਹਨਾਂ ਵਿੱਚੋਂ ਫਿਲਿਪ ਦੀ ਉਮਰ 10 ਸਾਲ ਦੀ ਸੀ ਅਤੇ ਛੋਟੇ ਤਿਮੋਠੀ ਦੀ ਉਮਰ ਛੇ ਸਾਲਾਂ ਦੀ ਸੀ। ਹਰਾਹਮ ਸਟੇਨਜ਼ 1965 ਤੋਂ ਉੜੀਸਾ ਵਿੱਚ ਆਪਣੇ ਮਿਸ਼ਨ ਦਾ ਪ੍ਰਚਾਰ ਚਲਾ ਰਿਹਾ ਸੀ। ਇਸ ਈਸਾਈ ਪਰਿਵਾਰ ਨੂੰ ਜਿਊਂਦਿਆਂ ਸਾੜਨ ਵਾਲੇ ਦਾਰਾ ਸਿੰਘ ਨੂੰ ਸੰਨ 2003 ਵਿੱਚ ਉਮਰ ਕੈਦ ਦੀ ਸਜ਼ਾ ਸੁਣਾਈ ਗਈ ਸੀ।
ਈਸਾਈ ਸੰਗਠਨ ਅਕਸਰ ਗਰੀਬ ਬਸਤੀਆਂ ਵਿੱਚ ਜਾ ਕੇ ਇਹਨਾਂ ਦੀਆਂ ਮੁਢਲੀਆਂ ਲੋੜਾਂ ਨੂੰ ਪੂਰੀਆਂ ਕਰਦੇ ਹਨ। ਇਲਾਜ, ਸਿਹਤ, ਸਿੱਖਿਆ ਅਤੇ ਪੜ੍ਹਾਈ ਵਾਲੇ ਪਾਸੇ ਈਸਾਈਆਂ ਨੇ ਕਾਫੀ ਕੰਮ ਕੀਤਾ ਹੈ। ਇਸ ਤੋਂ ਪ੍ਰਭਾਵਿਤ ਹੋ ਕੇ ਸ਼ਾਇਦ ਕੁਝ ਲੋਕ ਈਸਾਈ ਧਰਮ ਵੀ ਅਪਨਾ ਲੈਂਦੇ ਹੋਣਗੇ। ਪ੍ਰਚਾਰ ਜੋ ਮਰਜ਼ੀ ਹੁੰਦਾ ਰਹੇ ਪਰ ਅਮਲੀ ਤੌਰ ਤੇ ਸਭ ਤੋਂ ਵੱਡਾ ਧਰਮ ਆਪਣੇ ਅਤੇ ਆਪਣੇ ਪਰਿਵਾਰ ਲਈ ਰੋਜ਼ੀ ਰੋਟੀ ਕਮਾਉਣਾ ਹੀ ਹੁੰਦਾ ਹੈ। ਇਹਨਾਂ ਆਰਥਿਕ ਲੋੜਾਂ ਨੂੰ ਪੂਰੀਆਂ ਕਰਨ ਲਈ ਹਿੰਦੂਤਵੀ ਸੰਗਠਨਾਂ ਨੇ ਖੁਦ ਅਜਿਹੇ ਉਪਰਾਲੇ ਕਦੇ ਵੀ ਵੱਡੀ ਪੱਧਰ ਤੇ ਨਹੀਂ ਕੀਤੇ ਜਦਕਿ ਮੰਦਰਾਂ ਵਿਚ ਵੀ ਫ਼ੰਡ ਦੀ ਕਮੀ ਕੋਈ ਨਹੀਂ। ਇਹਨਾਂ ਈਸਾਈ ਵਿਰੋਧੀ ਸੰਗਠਨਾਂ ਨੇ ਆਰਥਿਕ ਲੋੜਾਂ ਨੂੰ ਨਜ਼ਰਅੰਦਾਜ਼ ਕਰ ਕੇ ਸਿਰਫ ਅੰਨਾ ਵਿਰੋਧ ਹੀ ਕੀਤਾ। ਦੇਸ਼ ਅਤੇ ਸੂਬੇ ਦੀਆਂ ਸਰਕਾਰਾਂ ਵੀ ਆਰਥਿਕ ਮਸਲਿਆਂ ਨੂੰ ਨਜ਼ਰਅੰਦਾਜ਼ ਹੀ ਕਰਦੀਆਂ ਆਈਆਂ। ਆਰਥਿਕ ਮਜਬੂਰੀਆਂ ਮਾਰੇ ਲੋਕਾਂ ਵਿੱਚ ਨਾ ਸਿਰਫ ਧਰਮ ਪਰਿਵਰਤਨ ਬਲਕਿ ਹੋਰ ਬਹੁਤ ਸਾਰੀਆਂ ਬੁਰਾਈਆਂ ਵੀ ਜਨਮ ਲੈਂਦੀਆਂ ਹਨ।
ਨਾਮਧਾਰੀਆਂ ਨੇ ਇਸ ਹਕੀਕਤ ਨੂੰ ਪਛਾਣਿਆ। ਸਰਬੱਤ ਦਾ ਭਲਾ ਵਾਲੀ ਸੋਚ ਨੂੰ ਸਿਰਫ ਜੈਕਾਰਿਆਂ ਤੱਕ ਸੀਮਿਤ ਨਹੀਂ ਰੱਖਿਆ ਬਲਕਿ ਆਮ ਯਿਨਦਗੀ ਅਤੇ ਆਮ ਲੋਕਾਂ ਤੱਕ ਵੀ ਲੈ ਕੇ ਗਏ। ਨਾਮਧਾਰੀਆਂ ਦੀ ਇੱਕ ਵੱਡੀ ਗਿਣਤੀ ਦੀ ਅਗਵਾਈ ਕਰਨ ਵਾਲੇ ਠਾਕੁਰ ਦਲੀਪ ਸਿੰਘ ਹੁਰਾਂ ਨੇ ਇਹਨਾਂ ਉਪਰਾਲਿਆਂ ਦਾ ਅੰਨਾ ਵਿਰੋਧ ਕਰਨ ਦੀ ਥਾਂ ਖੁਦ ਇਹਨਾਂ ਉੱਦਮਾਂ ਉਪਰਾਲਿਆਂ ਨੂੰ ਆਪਣਾ ਲਿਆ। ਇਸ ਪਾਸੇ ਸਰਗਰਮੀ ਨਾਲ ਧਿਆਨ ਦਿੱਤਾ। ਉਹਨਾਂ ਹਰ ਖੇਤਰ ਦੀਆਂ ਝੁੱਗੀਆਂ ਝੌਂਪੜੀਆਂ ਵਿੱਚ ਆਪਣੇ ਪੈਰੋਕਾਰਾਂ ਨੂੰ ਭੇਜਿਆ। ਇਹਨਾਂ ਝੁੱਗੀਆਂ ਅਤੇ ਕੱਚੇ ਮਕਾਨਾਂ ਵਿੱਚ ਰਹਿੰਦੇ ਗਰੀਬ ਲੋਕਾਂ ਦੀਆਂ ਮੁਢਲੀਆਂ ਲੋੜਾਂ ਨੂੰ ਪੂਰਾ ਕਰਨ ਵਾਲੇ ਪਾਸੇ ਧਿਆਨ ਦਿੱਤਾ। ਲੁਧਿਆਣਾ ਵਿੱਚ ਹਰਪ੍ਰੀਤ ਕੌਰ ਪ੍ਰੀਤ, ਜਲੰਧਰ ਵਿੱਚ ਰਾਜਪਾਲ ਕੌਰ ਅਤੇ ਪਟਿਆਲਾ ਵਿੱਚ ਕੁਲਦੀਪ ਕੌਰ ਨੇ ਇਸ ਪਾਸੇ ਬਹੁਤ ਹੀ ਰਿਕਾਰਡਤੋੜ ਕੰਮ ਕੀਤਾ। ਔਰਤਾਂ ਅਤੇ ਬੱਚਿਆਂ ਨੂੰ ਉਚੇਚ ਨਾਲ ਏਧਰ ਜੋੜਿਆ।
ਇਹਨਾਂ ਨਾਮਧਾਰੀਆਂ ਨੇ ਆਪਣੇ ਪਰਿਵਾਰਿਕ ਮੈਂਬਰਾਂ ਕੋਲੋਂ ਫ਼ੰਡ ਲੈ ਕੇ ਛੋਟੇ ਛੋਟੇ ਸਕੂਲ ਚਲਾਏ। ਦਿਨ ਤਿਓਹਾਰਾਂ ਤੇ ਇਹਨਾਂ ਗਰੀਬ ਬੱਚਿਆਂ ਨੂੰ ਮਠਿਆਈਆਂ ਅਤੇ ਹੋਰ ਸਬੰਧਤ ਚੀਜ਼ਾਂ ਵੰਡੀਆਂ। ਇਸਦੇ ਨਾਲ ਹੀ ਪੜ੍ਹਨ ਲਿਖਣ ਦੀ ਚੇਟਕ ਵੀ ਲਾਈ। ਛੋਟੇ ਛੋਟੇ ਬੱਚਿਆਂ ਨੂੰ ਸਾਫ ਸੁਥਰੇ ਕੱਪੜੇ ਅਤੇ ਬੂਟ ਜੁਰਾਬਾਂ ਲੈ ਕੇ ਦਿੱਤੀਆਂ। ਠਾਕੁਰ ਦਲੀਪ ਸਿੰਘ ਦੇ ਵਿਰੋਧੀ ਜੋ ਮਰਜ਼ੀ ਸਮਝੀ ਜਾਣ ਪਰ ਇਹਨਾਂ ਗਰੀਬ ਬਸਤੀਆਂ ਵਿੱਚੋਂ ਨਾਮਧਾਰੀ ਸਿੱਖਾਂ ਦੀ ਇੱਕ ਵੱਡੀ ਜਮਾਤ ਤਿਆਰ ਹੋ ਰਹੀ ਹੈ ਜਿਹੜੀ ਠਾਕੁਰ ਦਲੀਪ ਸਿੰਘ ਨੂੰ ਆਪਣਾ ਸਤਿਗੁਰੂ ਮੰਨਦੀ ਹੈ। ਆਪਣਾ ਰੱਬ ਮੰਨਦੀ ਹੈ। ਛੇਤੀ ਹੀ ਇਹਨਾਂ ਨਵੇਂ ਸਜੇ ਨਾਮਧਾਰੀਆਂ ਦੀ ਵਡੀ ਗਿਣਤੀ ਤੁਹਾਨੂੰ ਆਪਣੀਆਂ ਗਲੀਆਂ ਮੁਹੱਲਿਆਂ ਅਤੇ ਸੜਕਾਂ ਤੇ ਨਜ਼ਰ ਆਏਗੀ। ਇਹਨਾਂ ਨੂੰ ਆਪਣੇ ਸਿੱਖ ਸਜਾਉਣ ਲਈ ਇਹਨਾਂ ਨਾਮਧਾਰੀਆਂ ਨੇ ਯਰਾ ਵੀ ਸਖਤੀ ਨਹੀਂ ਵਰਤੀ। ਪੂਰੇ ਪਿਆਰ ਨਾਪ ਇਹਨਾਂ ਨੂੰ ਆਪਣੇ ਪਰਿਵਾਰ ਵਾਂਗ ਅਪਣਾਇਆ। ਜਿਹੜੇ ਸਕੂਲ ਖੋਲ੍ਹੇ ਗਏ ਉਹਨਾਂ ਸਕੂਲਾਂ ਵਿਚ ਇਹਨਾਂ ਨੂੰ ਪੜ੍ਹਿਆ ਵੀ ਗਿਆ। ਬਿਨਾ ਕਿਸੇ ਸਰਕਾਰੀ ਮਦਦ ਦੇ ਨਾਮਧਾਰੀਆਂ ਨੇ ਬਹੁਤ ਹੀ ਵੱਡਾ ਕੰਮ ਕਰ ਦਿਖਲਾਇਆ। ਦਿਲਚਸਪ ਗੱਲ ਹੈ ਕਿ ਜਿਵੇਂ ਸੂਰਜ ਰੋਜ਼ ਨਿਕਲਦਾ ਹੈ ਪਰ ਢੋਲ ਢਮੱਕੇ ਵਜਾ ਕੇ ਕੋਈ ਸ਼ੋਰ ਨਹੀਂ ਮਚਾਉਂਦਾ, ਚੰਦਰਮਾ ਵੀ ਰੋਜ਼ ਨਿਕਲਦਾ ਹੈ ਪਰ ਕੋਈ ਸ਼ੋਰ ਸ਼ਰਾਬ ਨਹੀਂ ਕਰਦਾ, ਤਾਰੇ ਵੀ ਰੋਜ਼ ਅਸਮਾਨ ਤੇ ਨਜ਼ਰ ਆਉਂਦੇ ਹਨ ਪਰ ਰੌਲਾ ਰੱਪਾ ਕੋਈ ਨੀ ਪਾਉਂਦੇ ਉਸੇ ਤਰ੍ਹਾਂ ਕੁਦਰਤ ਨਾਲ ਇੱਕ ਮਿੱਕ ਹੋਏ ਇਹ ਨਾਮਧਾਰੀ ਦਿਲ ਹੀ ਦਿਲ ਵਿੱਚ ਨਾਮ ਜਪਦੇ ਹੋਏ ਸਰਬੱਤ ਦੇ ਭਲੇ ਵਾਲੇ ਸਿੱਖੀ ਅਸੂਲ ਨੂੰ ਲਾਗੂ ਕਰਦੇ ਜਾ ਰਹੇ ਹਨ। ਇਹੀ ਸੁਨੇਹਾ ਅੱਜਕਲ੍ਹ ਨਾਮਧਾਰੀ ਸਮਾਗਮਾਂ ਵਿਚ ਨਜ਼ਰ ਆਉਂਦਾ ਹੈ।
ਨਾਮਧਾਰੀ ਸਿੱਖਾਂ ਦੇ ਪਾਵਨ ਅਤੇ ਇਤਿਹਾਸਕ ਸਥਾਨ ਗੁਰੂਦੁਆਰਾ ਸ਼੍ਰੀ ਜੀਵਨ ਨਗਰ (ਸਿਰਸਾ) ਵਿਖੇ ਅੱਜ ਅੱਸੂ ਦਾ ਮੇਲਾ ਬਹੁਤ ਹੀ ਮਹਾਨ ਸੰਦੇਸ਼ ਦਿੰਦਾ ਸੰਪੰਨ ਹੋਇਆ। ਸਤਿਗੁਰੂ ਦਲੀਪ ਸਿੰਘ ਜੀ ਦੀ ਆਗਿਆ ਨਾਲ ਸਾਰੇ ਸਮਾਗਮ ਦੇ ਪ੍ਰਬੰਧਨ ਅਤੇ ਸੇਵਾ ਵਿਚ ਬੀਬੀਆਂ ਨੇ ਭਰਪੂਰ ਯੋਗਦਾਨ ਪਾਇਆ। ਜ਼ਿਕਰਯੋਗ ਹੈ ਕਿ ਨਾਮਧਾਰੀ ਮੁਖੀ ਸਤਿਗੁਰੂ ਦਲੀਪ ਸਿੰਘ ਜੀ ਹਮੇਸ਼ਾ ਇਸਤਰੀ ਜਾਤੀ ਦੇ ਸ਼ਕਤੀਕਰਨ ਦੀ ਗੱਲ ਤਾਂ ਕਰਦੇ ਹੀ ਹਨ ਨਾਲ ਹੀ ਉਹਨਾਂ ਨੂੰ ਧਾਰਮਿਕ ਸਮਾਗਮਾਂ ਵਿਚ, ਜਿੱਥੇ ਅਜੇ ਤਕ ਪੁਰਸ਼ਾਂ ਦੀ ਹੀ ਮੁੱਖ ਭੂਮਿਕਾ ਰਹੀ ਹੈ, ਉੱਥੇ ਵੀ ਇਸਤਰੀਆਂ ਦੀ ਸ਼ਮੂਲੀਅਤ ਨੂੰ ਮੰਜੂਰੀ ਦਿੱਤੀ ਹੈ। ਜਿਵੇਂ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਭੋਗ ਦੇ ਸ਼ਲੋਕ ਪੜ੍ਹਨ ਦੇ ਨਾਲ-ਨਾਲ ਅਖੰਡ ਪਾਠਾਂ ਦੀ ਸੇਵਾ ਨਿਭਾਉਣ, ਅੰਮ੍ਰਿਤ ਛਕਾਉਣ, ਆਨੰਦ ਕਾਰਜ ਆਦਿ ਦੀਆਂ ਸਾਰੀਆਂ ਰਸਮਾਂ ਨਿਭਾਉਣ, ਹਵਨ ਕਰਨ, ਵਿਸ਼ਾਲ ਸਮਾਗਮ ਦੀ ਅਰਦਾਸ ਕਰਨ ਅਜਿਹੇ ਸਾਰੇ ਸ਼ੁਭ ਕਾਰਜਾਂ ਦੀ ਹੱਕਦਾਰ ਸਤਿਗੁਰੂ ਦਲੀਪ ਸਿੰਘ ਜੀ ਦੀ ਆਗਿਆ ਨਾਲ ਨਾਮਧਾਰੀ ਇਸਤਰੀਆਂ ਵੀ ਬਣੀਆਂ ਹਨ, ਜੋ ਕਿ ਸਾਡੇ ਸਮਾਜ ਵਾਸਤੇ ਬੜੇ ਮਾਣ ਵਾਲੀ ਅਤੇ ਸਾਰਿਆਂ ਨੂੰ ਸੇਧ ਦੇਣ ਵਾਲੀ ਗੱਲ ਹੈ।
ਆਰਥਿਕ ਪੱਖੋਂ ਕਮਜ਼ੋਰ ਤਬਕਿਆਂ ਵੱਲ ਇਹਨਾਂ ਨਾਮਧਾਰੀਆਂ ਨੇ ਨਜ਼ਰ ਮਾਰੀ ਤਾਂ ਬਹੁਤ ਹੀ ਨੇੜੇ ਜਾ ਕੇ ਦੇਖਿਆ ਕਿ ਇਹਨਾਂ ਲੋਕਾਂ ਦੇ ਕੰਮਕਾਜ ਬਹੁਤ ਹੀ ਥੋਹੜੇ ਥੋਹੜੇ ਪੈਸਿਆਂ ਕਾਰਨ ਅਟਕੇ ਹੋਏ ਸਨ ਜਿਹੜੇ ਨਾਮਧਾਰੀ ਸਿੰਘਾਂ ਨੇ ਸਮੇਂ ਸਿਰ ਪੁੱਜ ਕੇ ਪੂਰੇ ਕਰਵਾਏ। ਗਰੀਬ ਬੱਚਿਆਂ ਦੇ ਵਿਆਹ ਵੀ ਇਹਨਾਂ ਕੰਮਾਂ ਵਿੱਚ ਸ਼ਾਮਲ ਹਨ। ਲੋਕਾਂ ਨੂੰ ਕੱਚੇ ਘਰਾਂ ਦੀ ਬਜਾਏ ਪੱਕੇ ਘਰ ਬਣਾ ਕੇ ਦੇਣ ਵਾਲੇ ਵੱਡੇ ਮਿਸਾਲੀ ਕੰਮ ਵੀ ਇਹਨਾਂ ਉੱਦਮਾਂ ਵਿਚ ਸ਼ਾਮਲ ਹਨ। ਇਸਦੇ ਨਾਲ ਨਾਲ ਇਹਨਾਂ ਪਰਿਵਾਰਾਂ ਨੂੰ ਰੋਜ਼ੀ ਰੋਟੀ ਕਮਾਉਣ ਵਾਲੇ ਕੰਮ ਧੰਦੇ ਵੀ ਸ਼ੁਰੂ ਕਰਵਾਏ ਗਏ। ਇਹਨਾਂ ਨੂੰ ਆਪਣੇ ਪੈਰਾਂ ਤੇ ਵੀ ਖੜੇ ਕੀਤਾ। ਜਿਹੜਾ ਕੰਮ ਆਜ਼ਾਦੀ ਤੋਂ ਤੁਰੰਤ ਬਾਅਦ ਸਰਕਾਰਾਂ ਨੂੰ ਕਰਨਾ ਚਾਹੀਦਾ ਸੀ ਉਹ ਕੰਮ ਠਾਕੁਰ ਦਲੀਪ ਸਿੰਘ ਦੇ ਨਾਮਧਾਰੀ ਸਿੰਘਾਂ ਵੱਲੋਂ ਲਗਾਤਾਰ ਕੀਤਾ ਜਾ ਰਿਹਾ ਹੈ। ਇਹ ਸਾਰੇ ਉਪਰਾਲੇ ਕਈ ਸਾਲਾਂ ਤੋਂ ਜਾਰੀ ਹਨ। ਫਿਰ ਵੀ ਠਾਕੁਰ ਦਲੀਪ ਸਿੰਘ ਹੁਰਾਂ ਨੂੰ ਇਹ ਘੱਟ ਲੱਗਦੇ ਹਨ ਕਿਓਂਕਿ ਉਹਨਾਂ ਨੂੰ ਪਤਾ ਹੈ ਕਿ ਸਮੱਸਿਆ ਬਹੁਤ ਵੱਡੀ ਹੈ। ਇਹਨਾਂ ਲੋੜਵੰਦਾਂ ਦੀ ਗਿਣਤੀ ਵੀ ਬਹੁਤ ਵੱਡੀ ਹੈ। ਇਹ ਸਮੱਸਿਆ ਦਹਾਕਿਆਂ ਤੋਂ ਨਾ ਸਿਰਫ ਚਲੀ ਆ ਰਹੀ ਹੈ ਬਲਕਿ ਗੰਭੀਰ ਵੀ ਹੁੰਦੀ ਆਈ ਹੈ। ਜੇ ਸਰਕਾਰਾਂ ਕੋਈ ਸਕੀਮ ਬਣਾਉਂਦੀਆਂ ਵੀ ਸਨ ਤਾਂ ਉਹਨਾਂ ਦਾ ਫਾਇਦਾ ਵੀ ਰਸਤੇ ਵਿਚ ਆਉਂਦੇ ਦਲਾਲ ਅਤੇ ਵੱਡੇ ਅਮੀਰ ਖੁਦ ਹੀ ਲੈ ਜਾਂਦੇ ਸਨ। ਇਹਨਾਂ ਲੋਕਾਂ ਦੀ ਹਾਲਤ ਨਹੀਂ ਸੀ ਸੁਧਰਦੀ।
ਇਸ ਲਈ ਅੱਸੂ ਦੇ ਮੇਲੇ ਦੌਰਾਨ ਵੀ ਠਾਕੁਰ ਦਲੀਪ ਸਿੰਘ ਜੀ ਨੇ ਇਸ ਮੁੱਦੇ ਤੇ ਜ਼ੋਰ ਦਿੱਤਾ। ਇਸ ਮੇਲੇ ਦੌਰਾਨ ਜਿੱਥੇ ਗੁਰਬਾਣੀ ਦੇ ਪਾਠਾਂ ਦਾ ਪ੍ਰਵਾਹ ਚੱਲਿਆ, ਕਥਾ ਕੀਰਤਨ ਅਤੇ ਕਵੀ ਦਰਬਾਰ ਸਜਾਏ ਗਏ। ਇਸ ਦੇ ਨਾਲ ਹੀ ਸਤਿਗੁਰੂ ਦਲੀਪ ਸਿੰਘ ਜੀ ਨੇ ਆਪਣੇ ਪ੍ਰਵਚਨਾਂ ਰਾਹੀਂ ਜਿੱਥੇ ਆਪਣੇ ਪ੍ਰਭੂ ਸਤਿਗੁਰੂ ਨਾਲ ਜੁੜਨ ਦੀਆਂ ਵਿਚਾਰਾਂ ਕੀਤੀਆਂ, ਉੱਥੇ ਹੀ ਪਰਿਵਾਰ, ਸਮਾਜ ਅਤੇ ਦੇਸ਼ ਨੂੰ ਹਰ ਪੱਖੋਂ ਸੁਖੀ-ਸੰਪੰਨ ਅਤੇ ਉੱਨਤ ਕਰਨ ਵਾਲੀਆਂ ਵਿਚਾਰਾਂ ਨੂੰ ਅਮਲੀ ਰੂਪ ਦੇਣ ਦਾ ਜਤਨ ਕੀਤਾ ਗਿਆ।
ਇਸ ਮੌਕੇ ਸਤਿਗੁਰੂ ਦਲੀਪ ਸਿੰਘ ਜੀ ਨੇ ਵਿਦੇਸ਼ ਵਿਚ ਹੋਣ ਦੇ ਬਾਵਜੂਦ ਲਾਈਵ ਵੀਡੀਓ ਕਾਨਫਰੈਂਸ ਰਾਹੀਂ ਸਮੁੱਚੇ ਸਮਾਜ ਦਾ ਜੀਵਨ ਸੁਖੀ ਕਰਨ ਚੰਗੀ ਜੀਵਨ ਜਾਚ ਦੀ ਸਿੱਖਿਆ ਦੇਣ ਵਾਲੇ ਅਨਮੋਲ ਪ੍ਰਵਚਨ ਦਿੱਤੇ। ਆਪ ਜੀ ਦੁਆਰਾ ਕੁਝ ਨਵੀਆਂ ਲੀਹਾਂ ਵੀ ਪਾਈਆਂ ਜਾ ਰਹੀਆਂ ਹਨ ਕਿਉਂਕਿ ਆਪ ਜੀ ਅਨੁਸਾਰ ਪਰਿਵਰਤਨ ਕੁਦਰਤ ਦਾ ਨਿਯਮ ਹੈ। ਜਿਵੇਂ ਕਿ ਪ੍ਰੰਪਰਾ ਅਨੁਸਾਰ ਪਹਿਲਾਂ ਪਤੀ ਨੂੰ ਹੀ ਪਰਮੇਸ਼ਰ ਕਿਹਾ ਜਾਂਦਾ ਸੀ ਪਰ ਆਪ ਜੀ ਨੇ ਦੱਸਿਆ ਕਿ ਕੇਵਲ ਪਤੀ ਹੀ ਨਹੀਂ, ਪਤਨੀ ਵੀ ਪਰਮੇਸ਼ਰ ਅਤੇ ਦੇਵੀ ਦਾ ਰੂਪ ਹੈ। ਜਿਸ ਦਾ ਪ੍ਰਤੱਖ ਪ੍ਰਮਾਣ ਇਸ ਸਮਾਗਮ ਵਿਚ ਵੀ ਅਮਲੀ ਰੂਪ ਵਿਚ ਵੇਖਣ ਨੂੰ ਮਿਲਿਆ। ਅੱਜ ਸਾਰੇ ਮਹਿਲਾ ਸ਼ਕਤੀਕਰਨ ਦੀ ਗੱਲ ਕਰਦੇ ਹਨ ਅਤੇ ਉਹਨਾਂ ਨੂੰ ਉੱਚਾ ਸਥਾਨ ਦੇਣ ਦੀ ਗੱਲ ਕਰਦੇ ਹਾਂ ਪਰ ਇਹ ਸਭ ਕਥਨੀ ਵਿਚ ਹੀ ਰਹਿ ਜਾਂਦਾ ਹੈ। ਪਰ ਸਤਿਗੁਰੂ ਦਲੀਪ ਸਿੰਘ ਜੀ ਨੇ ਇਸਤਰੀਆਂ ਨੂੰ ਰਾਜਨੀਤਿਕ, ਧਾਰਮਿਕ ਅਤੇ ਸਮਾਜਿਕ ਹਰ ਖੇਤਰ ਵਿਚ ਅੱਗੇ ਲਿਆਉਣ ਦੀ ਗੱਲ ਕੀਤੀ ਹੈ ਅਤੇ ਇਹ ਵੀ ਕਿਹਾ ਕਿ ਕਿਸੇ ਵੀ ਨਾਮਧਾਰੀ ਬੱਚੀ ਨੂੰ ਪੜ੍ਹਾਈ ਪੱਖੋਂ ਪਿਛੇ ਨਹੀਂ ਰਹਿਣ ਦਿੱਤਾ ਜਾਵੇਗਾ।
ਇਸ ਪ੍ਰਕਾਰ ਆਪ ਜੀ ਧਰਮ ਅਨੁਸਾਰ ਆਪਣਾ ਅਤੇ ਆਪਣੇ ਸਮਾਜ ਦਾ ਜੀਵਨ ਕਿਵੇਂ ਸੁਖੀ ਕਰਨਾ ਹੈ, ਇਸ ਬਾਰੇ ਵੀ ਮਾਰਗਦਰਸ਼ਨ ਕੀਤਾ, ਨਵੀਂ ਪੀੜ੍ਹੀ ਨੂੰ ਸੰਦੇਸ਼ ਦਿੱਤਾ ਕਿ ਮੋਬਾਈਲ, ਇੰਟਰਨੈੱਟ ਜਿਹੀਆਂ ਆਧੁਨਿਕ ਤਕਨੀਕਾਂ ਦੇ ਗੁਲਾਮ ਨਾ ਬਣੋ, ਉਹਨਾਂ ਦੀ ਸਹੀ ਵਰਤੋਂ ਕਰੋ, ਤਾਕਿ ਮਾਨਸਿਕ ਅਤੇ ਸਰੀਰਕ ਰੂਪ ਨਾਲ ਇੱਕ ਸਵਸਥ ਸਮਾਜ ਤਿਆਰ ਹੋ ਸਕੇ। ਇਸ ਮੌਕੇ ਆਪ ਜੀ ਦੀ ਧਰਮਪਤਨੀ ਬੀਬੀ ਗੁਰਮੀਤ ਕੌਰ ਜੀ ਨੇ ਉਚੇਚਾ ਦਰਸ਼ਨ ਦੇ ਕੇ ਸੰਗਤ ਨੂੰ ਨਿਹਾਲ ਕੀਤਾ, ਉਹਨਾਂ ਦੇ ਦੁੱਖ-ਦਰਦ ਸੁਣੇ ਅਤੇ ਆਪਣਾ ਅਸ਼ੀਰਵਾਦ ਦਿੱਤਾ।
ਇਸ ਮਹਾਨ ਅਵਸਰ 'ਤੇ ਖਾਸ ਤੌਰ ਤੇ ਸੰਤ ਬ੍ਰਹਮ ਦਾਸ ਜੀ ਸੰਘਰ, ਸਾਧਾਂ ਡੇਰਾ ਭੁੰਮਣ ਸ਼ਾਹ ਜੀ, ਸੰਤ ਤੇਜਾ ਸਿੰਘ ਜੀ ਨਿਰਮਲੇ ਖੁੱਡੇ ਵਾਲੇ, ਸਵਾਮੀ ਵਾਗੀਸ਼ ਸ਼ਾਸ਼ਤਰੀ ਜੀ ਅਤੇ ਗੁਰਦੁਆਰਾ ਸ੍ਰੀ ਜੀਵਨ ਨਗਰ ਕਮੇਟੀ ਦੇ ਪ੍ਰਧਾਨ ਸੁਖਦੇਵ ਸਿੰਘ ਜੀ, ਸੂਬਾ ਬਲਜੀਤ ਸਿੰਘ ਜੀ, ਵਕੀਲ ਨਰਿੰਦਰ ਸਿੰਘ, ਜਸਪਾਲ ਸਿੰਘ, ਅੰਗਰੇਜ ਸਿੰਘ, ਅਜੀਤ ਸਿੰਘ ਸੰਤਾਵਾਲੀ, ਮੁਖਤਿਆਰ ਸਿੰਘ, ਮੋਹਨ ਸਿੰਘ ਝੱਬਰ , ਦੇਵ ਸਿੰਘ, ਹਰਭੇਜ ਸਿੰਘ, ਪ੍ਰਿੰਸੀਪਲ ਰਣਬੀਰ ਸਿੰਘ, ਪ੍ਰਿੰਸੀਪਲ ਹਰਮਨਪ੍ਰੀਤ ਸਿੰਘ, ਪਲਵਿੰਦਰ ਸਿੰਘ ਕੁੱਕੀ, ਸਰਬਜੀਤ ਸਿੰਘ ਭਿੰਡਰ, ਨਵਤੇਜ ਸਿੰਘ, ਬੀਬੀ ਸੰਦੀਪ ਕੌਰ, ਭਗਵੰਤ ਕੌਰ, ਗੁਰਵੰਤ ਕੌਰ, ਰੁਪਿੰਦਰ ਕੌਰ, ਰਣਜੀਤ ਕੌਰ, ਦਲਜੀਤ ਕੌਰ, ਜਸਵੀਰ ਕੌਰ, ਪਰਮਜੀਤ ਕੌਰ, ਗੁਰਪ੍ਰੀਤ ਕੌਰ, ਕੁਲਦੀਪ ਕੌਰ, ਮਨਪ੍ਰੀਤ ਕੌਰ, ਮਨਜੀਤ ਕੌਰ , ਸਤਨਾਮ ਕੌਰ, ਬਲਵਿੰਦਰ ਕੌਰ, ਰਾਜਪਾਲ ਕੌਰ ਅਤੇ ਵਿਸ਼ਾਲ ਸੰਗਤ ਹਾਜ਼ਰ ਰਹੀ।
ਨਾਮਧਾਰੀ ਟੀਮ ਵਿੱਚ ਜਾਣਕਾਰੀ ਮੁਹਈਆ ਕਰਾਉਣ ਵਾਲਿਆਂ ਵਿਚ ਸ਼ਾਮਲ ਰਹੇ ਰਾਜਪਾਲ ਕੌਰ//ਗੁਰਮੀਤ ਸੱਗੂ//ਅਰਵਿੰਦਰ ਸਿੰਘ ਲਾਡੀ/ਕੁਲਦੀਪ ਕੌਰ //ਹਰਪ੍ਰੀਤ ਕੌਰ ਪ੍ਰੀਤ। ਰੂਹਾਨੀ ਰਿਪੋਰਟ Online ਦੀ ਟੀਮ ਨੇ ਇਹਨਾਂ ਜਾਣਕਾਰੀਆਂ ਦੀ ਪੁਸ਼ਟੀ ਵੀ ਕੀਤੀ। ਪੰਜਾਬ ਸਕਰੀਨ ਡੈਸਕ ਨੇ ਇਹਨਾਂ ਲੰਮੀਆਂ ਜਾਣਕਾਰੀਆਂ ਵਿੱਚੋਂ ਸੰਖੇਪ ਜਿਹਾ ਵੇਰਵਾ ਇਸ ਲਿਖਤ ਵਿਚ ਤੁਹਾਡੇ ਸਾਹਮਣੇ ਰੱਖਿਆ।
Tuesday, October 05, 2021
ਸਿੱਖਾਂ ਦਾ ਦਾਨ ਕੇਵਲ ਸਿੱਖਾਂ ਨੂੰ
4th October 2021 at 2:50 PM
ਡਾ. ਸਰਬਜਿੰਦਰ ਸਿੰਘ ਵੱਲੋਂ ਠਾਕੁਰ ਦਲੀਪ ਸਿੰਘ ਜੀ ਦੇ ਵਿਚਾਰਾਂ ਦੀ ਪ੍ਰੋੜਤਾ
Saturday, August 07, 2021
ਠਾਕੁਰ ਦਲੀਪ ਸਿੰਘ ਜੀ ਦੇ ਪ੍ਰਕਾਸ਼ ਪੁਰਬ ਮੌਕੇ ਹੋਏ ਵਿਸ਼ੇਸ਼ ਆਯੋਜਨ
ਦੇਸ਼ ਅਤੇ ਦੁਨੀਆ ਦੇ ਕਈ ਹਿੱਸਿਆਂ ਵਿੱਚ ਹੋਏ ਖਾਸ ਪ੍ਰੋਗਰਾਮ
ਨਾਮਧਾਰੀ ਸੰਗਤਾਂ ਨੇ ਹਰ ਥਾਂ ਆਰਥਿਕ ਪੱਖੋਂ ਕਮਜ਼ੋਰ ਵਰਗਾਂ ਦੀ ਮਦਦ ਲਈ ਉਚੇਚ ਨਾਲ ਪਹੁੰਚ ਕੀਤੀ
ਸ੍ਰੀ ਜੀਵਨ ਨਗਰ//ਚੰਡੀਗੜ੍ਹ//ਮੋਹਾਲੀ//ਲੁਧਿਆਣਾ//ਜਲੰਧਰ: 7 ਅਗਸਤ 2021::(ਪੰਜਾਬ ਸਕਰੀਨ ਬਿਊਰੋ)::
ਨਾਮਧਾਰੀ ਪ੍ਰਮੁੱਖ ਠਾਕੁਰ ਦਲੀਪ ਸਿੰਘ ਜੀ ਦਾ ਪ੍ਰਕਾਸ਼ ਪੁਰਬ ਬੜੀ ਹੀ ਸ਼ਰਧਾ ਅਤੇ ਸਤਿਕਾਰ ਨਾਲ ਦੇਸ਼ ਅਤੇ ਦੁਨੀਆ ਦੇ ਬਹੁਤ ਸਾਰੇ ਹਿੱਸਿਆਂ ਵਿੱਚ ਮਨਾਇਆ ਗਿਆ। ਇਸ ਪ੍ਰਕਾਸ਼ ਪੁਰਬ ਨੂੰ ਮਨਾਉਣ ਦਾ ਢੰਗ ਤਰੀਕਾ ਵੀ ਬੜਾ ਹੀ ਵੱਖਰਾ ਜਿਹਾ ਸੀ। ਨਾ ਕੋਈ ਢੋਲ ਢਮੱਕਾ ਤੇ ਨਾ ਹੀ ਕੇਕ ਕੱਟਣ ਦੀ ਕੋਈ ਰਸਮ। ਸਿਰਫ ਭਜਨ ਬੰਦਗੀ ਨਾਲ ਸ਼ੁਰੂਆਤ ਕੀਤੀ ਗਈ। ਬੜੀ ਹੀ ਮਰਿਯਾਦਾ ਅਤੇ ਸਤਿਕਾਰ ਨਾਲ ਨਿੱਤਨੇਮ ਹੋਏ। ਕੀਰਤਨ ਵੀ ਕੀਤੇ ਗਏ। ਇਹ ਸਭ ਕੁਝ ਬਹੁਤੀ ਥਾਂਈ ਸਵੇਰੇ ਸਵੇਰੇ ਤੜਕਸਾਰ ਕੀਤਾ ਗਿਆ। ਕਈਆਂ ਥਾਂਵਾਂ ਤੇ ਸ਼ਾਮ ਨੂੰ ਵੀ ਵਿਸ਼ੇਸ਼ ਆਯੋਜਨ ਹੋਏ। ਨਿੱਤਨੇਮ ਮਗਰੋਂ ਬੜੇ ਹੀ ਅਦਬ ਨਾਲ ਕੜਾਹ ਪ੍ਰਸ਼ਾਦ ਵਰਤਾਇਆ ਗਿਆ। ਸ਼ਾਮਲ ਹੋਣ ਲਈ ਪੁੱਜੀ ਸੰਗਤ ਦੀ ਪੰਗਤ ਵਿੱਚ ਗੁਰੂ ਕਾ ਲੰਗਰ ਵੀ ਅਤੁੱਟ ਵਰਤਿਆ ਅਤੇ ਆਰਥਿਕ ਪੱਖੋਂ ਕਮਜ਼ੋਰ ਕਲੋਨੀਆਂ ਦੇ ਲੋਕਾਂ ਤੱਕ ਵੀ ਲਿਜਾਇਆ ਗਿਆ। ਲੱਡੂ ਤਾਂ ਵੱਡੀ ਪੱਧਰ ਤੇ ਵੰਡੇ ਗਏ।
ਸ੍ਰੀ ਜੀਵਨ ਨਗਰ: ਸ੍ਰੀ ਜੀਵਨ ਨਗਰ ਦੀ ਪਾਵਨ ਅਤੇ ਇਤਿਹਾਸਿਕ ਸਥਾਨ ਤੇ ਨਾਮਧਾਰੀ ਸੰਗਤ ਨੇ ਆਪਣੇ ਪਿਆਰੇ ਸਤਿਗੁਰੂ ਦਲੀਪ ਸਿੰਘ ਜੀ ਦਾ ਜਨਮ ਦਿਹਾੜਾ ਬੜੇ ਖੁਸ਼ੀਆਂ ਅਤੇ ਚਾਵਾਂ ਨਾਲ ਮਨਾਇਆ। ਇਸ ਮੌਕੇ ਸਾਰਾ ਨਗਰ ਲੜੀਆਂ ਨਾਲ ਜਗਮਗਾ ਰਿਹਾ ਸੀ ਅਤੇ ਲੋਕਾਂ ਵਿਚ ਬਹੁਤ ਖੁਸ਼ੀ ਦੀ ਲਹਿਰ ਸੀ. ਇਸ ਦੇ ਨਾਲ ਹੀ ਦੇਸ਼ -ਵਿਦੇਸ਼ ਵਿਚ ਰਹਿਣ ਵਾਲੀ ਸਾਰੀ ਸੰਗਤ ਵਿਚ ਬਹੁਤ ਖੁਸ਼ੀ, ਪ੍ਰੇਮ ਅਤੇ ਉਤਸ਼ਾਹ ਦੀ ਭਾਵਨਾ ਨਜਰ ਆ ਰਹੀ ਸੀ ਅਤੇ ਸਭ ਨੇ ਆਪਣੇ ਆਪਣੇ ਢੰਗ ਨਾਲ ਸਤਿਗੁਰੂ ਜੀ ਦੇ ਆਦੇਸ਼ ਨੂੰ ਧਿਆਨ ਵਿਚ ਰੱਖਦੇ ਹੋਏ ਪ੍ਰਕਾਸ਼ ਦਿਵਸ ਮਨਾਇਆ। ਕਿਉਂਕਿ ਸਤਿਗੁਰੂ ਦਲੀਪ ਸਿੰਘ ਜੀ ਸੰਗਤ ਨੂੰ ਆਪਣਾ ਪੈਸਾ ਵਾਧੂ ਖਰਚ ਨਾ ਕਰਕੇ ਗਰੀਬਾਂ ਦੀਆਂ ਲੋੜਾਂ ਪੂਰੀਆਂ ਕਰਨ ਦਾ ਹੁਕਮ ਅਤੇ ਪ੍ਰੇਰਣਾ ਦਿੰਦੇ ਹਨ। ਆਪ ਜੀ ਦੇ ਇਸੇ ਬਚਨ ਨੂੰ ਧਿਆਨ ਵਿਚ ਰੱਖਦੇ ਹੋਏ ਵੱਖ ਵੱਖ ਥਾਵਾਂ ਤੇ ਸੰਗਤ ਨੇ ਝੁੱਗੀਆਂ ਵਿਚ ਰਹਿਣ ਵਾਲਿਆਂ ਕੋਲ ਜਾ ਕੇ ਉਹਨਾਂ ਨੂੰ ਪਦਾਰਥ ਛਕਾ ਕੇ ਖੁਸ਼ੀਆਂ ਪ੍ਰਾਪਤ ਕੀਤੀਆਂ।ਸ੍ਰੀ ਜੀਵਨ ਨਗਰ ਵਿਚ ਹੋਏ ਵੱਡੇ ਸਮਾਗਮ ਦੌਰਾਨ ਜਿੱਥੇ ਗੁਰਬਾਣੀ ਦੇ ਪਾਠ, ਸ਼ਬਦ, ਕਵੀ ਦਰਬਾਰ, ਕਥਾ ਕੀਰਤਨ ਅਤੇ ਗਤਕਾ ਪ੍ਰਦਰਸ਼ਨ ਆਦਿ ਵਿਖਾਇਆ ਗਿਆ ਉੱਥੇ ਗਰੀਬਾਂ ਨੂੰ ਵੀ ਸਤਿਕਾਰ ਨਾਲ ਲੰਗਰ ਛਕਾਇਆ ਗਿਆ। ਇਸ ਮੌਕੇ ਜਥੇਦਾਰ ਜੋਗਿੰਦਰ ਸਿੰਘ ਮੁਕਤਾ ਜੀ, ਬਾਬਾ ਸਰਵਪ੍ਰੀਤ ਸਿੰਘ, ਜਥੇਦਾਰ ਗੁਰਜੀਤ ਸਿੰਘ ਜੀ ਨੇ ਕੀਰਤਨ ਰਾਹੀਂ ਸੰਗਤ ਨੂੰ ਨਿਹਾਲ ਕੀਤਾ ਉੱਥੇ ਹੀ ਅਤਰ ਕੌਰ, ਕੇਸਰ ਕੌਰ ਬੱਚੀਆਂ ਦੇ ਜਥੇ ਨੇ ਮਨੋਹਰ ਕੀਰਤਨ ਅਤੇ ਪੰਜਾਬ ਸਿੰਘ ਪੰਜਾਬ ਅਤੇ ਹੀਰਾ ਸਿੰਘ ਦੇ ਕਵੀਸ਼ਰੀ ਜਥੇ ਨੇ ਆਪਣੀ ਸੁਰੀਲੀ ਆਵਾਜ਼ ਨਾਲ ਸਭ ਦਾ ਮਨ ਮੋਹ ਲਿਆ। ਇਸ ਮੌਕੇ ਨਿਹੰਗ ਸਿੰਘਾਂ ਦੇ ਜਥੇ ਵਲੋਂ ਗਤਕਾ ਪ੍ਰਦਰਸ਼ਨ ਵੀ ਕੀਤਾ ਗਿਆ। ਇਸ ਸਮਾਗਮ ਦਾ ਪ੍ਰਬੰਧਨ ਮੁੱਖ ਰੂਪ ਨਾਲ ਪ੍ਰਧਾਨ ਸੁਖਦੇਵ ਸਿੰਘ, ਵਕੀਲ ਨਰਿੰਦਰ ਸਿੰਘ, ਅਜੀਤ ਸਿੰਘ ਸੰਤਾਂਵਾਲੀ, ਜਸਵੰਤ ਸਿੰਘ, ਮੋਹਨ ਸਿੰਘ ਝੱਬਰ, ਸੂਬਾ ਬਲਜੀਤ ਸਿੰਘ, ਰਘੁਬੀਰ ਸਿੰਘ ਸੱਗੂ , ਅੰਗਰੇਜ ਸਿੰਘ, ਨਰਿੰਦਰ ਸਿੰਘ, ਗੁਰਨਾਮ ਸਿੰਘ, ਗੁਰਭੇਜ ਸਿੰਘ, ਮੁਖਤਿਆਰ ਸਿੰਘ ਹਰਭੇਜ ਸਿੰਘ, ਦੇਵ ਸਿੰਘ ਅਤੇ ਨਾਮਧਾਰੀ ਗੁਰਦਵਾਰਾ ਸਮਿਤੀ ਦੇ ਹੋਰ ਸੇਵਾਦਾਰਾਂ ਨੇ ਕੀਤਾ ਅਤੇ ਆਈਆਂ ਹੋਈਆਂ ਪ੍ਰਮੁੱਖ ਸਖਸ਼ੀਅਤਾਂ ਨੂੰ ਸਨਮਾਨਿਤ ਵੀ ਕੀਤਾ ਗਿਆ।
ਮੋਹਾਲੀ: ਮੋਹਾਲੀ ਵਿੱਚ ਮੁਖ ਸਮਾਗਮ ਸੰਤ ਤੇਜਿੰਦਰ ਸਿੰਘ ਨਾਮਧਾਰੀ ਦੀ ਰਿਹਾਇਸ਼ਗਾਹ ਤੇ ਹੋਇਆ। ਤੜਕੇ ਤੜਕੇ ਛੇ ਵਜੇ ਨਿੱਤਨੇਮ ਦੇ ਮੁਤਾਬਿਕ ਪੂਜਾਪਾਠ ਸ਼ੁਰੂ ਕਰ ਦਿੱਤਾ ਗਿਆ। ਮਹਿੰਗਾਈ, ਬੇਰੋਜ਼ਗਾਰੀ, ਗਰੀਬੀ ਅਤੇ ਹੋਰ ਸਮੱਸਿਆਵਾਂ ਦੀ ਅਗਨੀ ਵਿੱਚ ਸੜ ਰਹੀ ਲੋਕਾਈ ਨੂੰ ਰਾਹਤ ਦੇਣ ਦੀਆਂ ਅਰਦਾਸਾਂ ਅਰਜੋਈਆਂ ਵੀ ਕੀਤੀਆਂ ਗਈਆਂ। ਹਰ ਘਰ ਵਿਚ ਹਰ ਬੱਚੇ ਨੂੰ ਵਿੱਦਿਆ, ਭੋਜਨ ਅਤੇ ਕੱਪੜੇ ਦੇਣ ਦੇ ਨਾਲ ਨਾਲ ਸਭਨਾਂ ਨੂੰ ਆਤਮਨਿਰਭਰ ਬਣਾਉਣ ਦੇ ਉਪਰਾਲਿਆਂ ਵਿੱਚ ਵੀ ਤੇਜ਼ੀ ਲਿਆਉਣ ਦੇ ਸੰਕਲਪ ਦੁਹਰਾਏ ਗਏ। ਕਾਬਿਲੇ ਜ਼ਿਕਰਯੋਗ ਹੈ ਕਿ ਠਾਕੁਰ ਜੀ ਦੀ ਸੰਗਤ ਬਹੁਤ ਸਾਰੀਆਂ ਥਾਂਵਾਂ ਤੇ ਇਸ ਮਕਸਦ ਲਈ ਸਕੂਲ ਚਲਾ ਰਹੀ ਹੈ। ਗਰੀਬੀ ਕਾਰਨ ਪਿਛੜੇ ਹੋਏ ਲੋਕਾਂ ਲਈ ਸੰਗਤ ਉਚੇਚ ਨਾਲ ਝੁੱਗੀਆਂ ਝੌਂਪੜੀਆਂ ਵਿਚ ਫੇਰੀ ਮਾਰਦੀ ਹੈ। ਨਿੱਤ ਵਰਤੋਂ ਦੀ ਲੋੜ ਦੀਆਂ ਜ਼ਰੂਰੀ ਚੀਜ਼ਾਂ ਵੰਡੀਆਂ ਜਾਂਦੀਆਂ ਹਨ।
ਇਸਦਾ ਇੱਕ ਫਾਇਦਾ ਇਹ ਵੀ ਹੋਇਆ ਕਿ ਸੰਗਤ ਦੇ ਸਾਫ ਸੁਥਰੇ ਲਿਬਾਸ ਅਤੇ ਮਿੱਠੇ ਸੁਭਾਅ ਨੂੰ ਦੇਖ ਕੇ ਬਹੁਤ ਸਾਰੇ ਪਰਿਵਾਰ ਆਪਣੇ ਬੱਚਿਆਂ ਸਮੇਤ ਸਿੰਘ ਸੱਜਣ ਲੱਗ ਪਏ ਹਨ। ਇਸ ਮੁਹਿੰਮ ਵਿੱਚ ਮੋਹਾਲੀ ਤੋਂ ਮੁੱਖ ਸੰਚਾਲਨ ਕਰਦੇ ਹਨ ਸੰਤ ਤੇਜਿੰਦਰ ਸਿੰਘ, ਜਲੰਧਰ ਵਿੱਚ ਪ੍ਰਿੰਸੀਪਲ ਰਾਜਪਾਲ ਕੌਰ ਅਤੇ ਲੁਧਿਆਣਾ ਵਿੱਚ ਸੰਤ ਨਵਤੇਜ ਸਿੰਘ ਹੁਰਾਂ ਦੀ ਪ੍ਰੇਰਨਾ ਨਾਲ ਅਰਵਿੰਦਰ ਸਿੰਘ ਲਾਡੀ, ਹਰਵਿੰਦਰ ਸਿੰਘ ਅਤੇ ਹਰਪ੍ਰੀਤ ਕੌਰ ਪ੍ਰੀਤ ਨਿਰੰਤਰ ਸਰਗਰਮ ਰਹਿੰਦੇ ਹਨ।
ਦਿਲਚਸਪ ਗੱਲ ਹੈ ਕਿ ਇਸ ਵਾਰ ਵੀ ਪ੍ਰਕਾਸ਼ ਪੁਰਬ ਮਨਾਉਣ ਦੇ ਸਾਰੇ ਆਯੋਜਨ ਬਿਨਾ ਕਿਸੇ ਸ਼ੋਰ ਸ਼ਰਾਬੇ ਦੇ ਪੂਰੀ ਤਰ੍ਹਾਂ ਭਾਰਤੀ ਸੰਸਕ੍ਰਿਤੀ ਦਾ ਖਿਆਲ ਰੱਖਦਿਆਂ ਹੋਏ। ਪੱਛਮੀ ਹਵਾਵਾਂ ਦੀ ਕਿਸੇ ਵੀ ਤਰ੍ਹਾਂ ਦੀ ਤੜਕ ਭੜਕ ਤੋਂ ਪੂਰਬ ਦੀ ਇਸ ਸਭਿਅਤਾ ਨੂੰ ਬਚਾ ਕੇ ਰੱਖਿਆ ਗਿਆ। ਜ਼ਿਕਰਯੋਗ ਹੈ ਕਿ ਨਾਮਧਾਰੀ ਵਰਗ ਆਧੁਨਿਕ ਤਕਨੀਕ, ਆਧੁਨਿਕ ਵਿਗਿਆਨ ਅਤੇ ਆਧੁਨਿਕ ਤਰੱਕੀਆਂ ਦੇ ਸਭਨਾਂ ਲਾਹੇਵੰਦੇ ਹਿੱਸਿਆਂ ਦਾ ਸਤਿਕਾਰ ਕਰਦਾ ਹੋਇਆ ਸਿੱਖੀ ਦੀ ਸਭਿਅਤਾ ਨਾਲ ਵੀ ਜੁੜਿਆ ਰਹਿੰਦਾ ਹੈ। ਗੁਰੂ ਘਰ ਦੀ ਸਿੱਖਿਆ ਨਾਲ ਖੁਦ ਨੂੰ ਜੋੜੀ ਰੱਖਦਾ ਹੈ ਨਾਮਧਾਰੀ ਵਰਗ। ਮੋਹਾਲੀ ਵਾਲੇ ਸਮਾਗਮ ਵਿੱਚ ਸੰਤ ਤੇਜਿੰਦਰ ਸਿੰਘ ਨਾਮਧਾਰੀ ਹੁਰਾਂ ਦੇ ਨਾਲ ਨਾਲ ਪ੍ਰਗਟ ਸਿੰਘ, ਰਤਨ ਸਿੰਘ, ਮੋਹਰ ਸਿੰਘ, ਜਸਵਿੰਦਰ ਸਿੰਘ, ਸੰਦੀਪ, ਮਦਨ ਸਿੰਘ, ਦਲਜੀਤ ਸਿੰਘ ਅਤੇ ਬਹੁਤ ਸਾਰੇ ਹੋਰ ਨਾਮਧਾਰੀ ਵੀ ਪੂਰੀ ਤਰ੍ਹਾਂ ਸਰਗਰਮ ਰਹੇ। ਲੁਧਿਆਣਾ ਵਿੱਚ ਹਰਪ੍ਰੀਤ ਕੌਰ ਪ੍ਰੀਤ ਦੀ ਟੀਮ ਨੇ ਬਹੁਤ ਵਧੀਆ ਕਾਰਗੁਜ਼ਾਰੀ ਦਿਖਾਈ। ਜਲੰਧਰ ਵਿੱਚ ਪ੍ਰਿੰਸੀਪਲ ਰਾਜਪਾਲ ਕੌਰ ਹੁਰਾਂ ਦੀ ਟੀਮ ਇਸ ਵਾਰ ਵੀ ਪੂਰੀ ਤਰ੍ਹਾਂ ਸਰਗਰਮ ਰਹੀ। ਸਿਰਸੇ ਅਤੇ ਜੀਵਨ ਨਗਰ ਸਮੇਤ ਹੋਰ ਵੀ ਬਹੁਤ ਸਾਰੀਆਂ ਥਾਂਵਾਂ ਤੇ ਸਮਾਗਮ ਹੋਏ।
ਠਾਕੁਰ ਦਲੀਪ ਸਿੰਘ ਜੀ ਦੇ ਪ੍ਰਕਾਸ਼ ਪੁਰਬ ਮੌਕੇ ਹੋਏ ਵਿਸ਼ੇਸ਼ ਆਯੋਜਨ
Friday, April 03, 2020
ਕੋਰੋਨਾ ਦੇ ਟਾਕਰੇ ਲਈ ਠਾਕੁਰ ਦਲੀਪ ਸਿੰਘ ਦੀ ਸੰਗਤ ਵੀ ਸਰਗਰਮ
Saturday, December 07, 2019
ਭਲਾਈ ਦੇ ਕੰਮਾਂ ਵਿੱਚ ਨਾਮਧਾਰੀ ਈਸਾਈਆਂ ਨੂੰ ਵੀ ਪਿੱਛੇ ਛੱਡਣ ਲੱਗੇ
![]() |
| ਗੁਰਦੀਪ ਸਿੰਘ ਗੋਸ਼ਾ ਅਤੇ ਨਾਮਧਾਰੀ ਆਗੂ ਨਵਤੇਜ ਸਿੰਘ ਬੱਚਿਆਂ ਨੂੰ ਬੂਟ-ਜੁਰਾਬਾਂ ਪਾਉਂਦੇ ਹੋਏ |
Wednesday, November 27, 2019
ਨਾਮਧਾਰੀ ਮੁਖੀ ਠਾਕੁਰ ਦਲੀਪ ਸਿੰਘ ਵੱਲੋਂ ਸਿੱਖ ਬੁੱਧੀਜੀਵੀਆਂ ਨੂੰ ਸੱਦਾ
Sunday, August 25, 2019
ਨਾਮਧਾਰੀਆਂ ਨੇ ਇਸ ਵਾਰ ਵੀ ਸ਼ਰਧਾ ਨਾਲ ਮਨਾਈ ਜਨਮ ਅਸ਼ਟਮੀ
Saturday, June 15, 2019
ਕਿਸ ਪਤਾਲ ਜਾਂ ਅਸਮਾਨ ਵਿੱਚ ਜਾ ਲੁੱਕੇ ਮਾਤਾ ਚੰਦ ਕੌਰ ਦੇ ਕਾਤਲ?
![]() |
| ਕੇਸਰੀ ਟੀ ਵੀ ਵੱਲੋਂ ਦਿਖਾਈ ਗਈ ਵੀਡੀਓ ਦੀ ਮੁੱਖ ਤਸਵੀਰ |
![]() |
| ਸੁਰੱਖਿਆ ਗਾਰਡ ਕੇਸਰ ਸਿੰਘ ਲਾਡੀ ਜੋ ਉਸ ਦਿਨ ਛੁੱਟੀ 'ਤੇ ਸੀ |
![]() |
| ਦਿ ਟ੍ਰਿਬਿਊਨ ਅਖਬਾਰ ਵੱਲੋਂ ਦਿਖਾਇਆ ਗਿਆ ਸਕੈਚ |















