32ਵਾਂ ਮਹਾਨ ਸੰਤ ਸਮਾਗਮ ਪਿੰਡ ਰਣੀਆ ਤਪੋਬਨ ਕੁਟੀਆ ਵਿਖੇ 1 ਤੋਂ

Thu, Sep 25, 2014 at 7:11 PM

ਮੁਫ਼ਤ ਚੈਕਅੱਪ ਕੈਂਪ 3 ਅਕਤੂਬਰ ਨੂੰ ਸਵੇਰੇ 8 ਵਜੇ ਤੋਂ 1 ਵਜੇ ਤੱਕ 

ਲੁਧਿਆਣਾ: 25 ਸਤੰਬਰ 2014: (ਸੱਤਪਾਲ ਸੋਨੀ):

ਪਰਮ ਸੰਤ ਸੁਆਮੀ ਦੀਪਤਾ ਨੰਦ ਅਤੇ ਪਰਮ ਸੰਤ ਸੁਆਮੀ ਲਛਮਣ ਦਾਸ ਦੀ ਪਾਵਣ ਯਾਦ ਨੂੰ ਸਮਰਪਿਤ 32ਵਾਂ ਮਹਾਨ ਸੰਤ ਸਮਾਗਮ ਤਪੋਬਨ ਕੁਟੀਆ ਪਿੰਡ ਰਣੀਆ ਵਿਖੇ 1 ਤੋਂ 3 ਅਕਤੂਬਰ ਤੱਕ ਸੰਗਤਾਂ ਦੀ ਸ਼ਰਧਾ ਅਤੇ ਸਤਿਕਾਰ ਨਾਲ ਮਨਾਇਆ ਜਾ ਰਿਹਾ ਹੈ। ਤਪੋਬਨ ਕੁਟੀਆ ਪਿੰਡ ਰਣੀਆ ਦੇ ਮੁੱਖ ਸੇਵਾਦਾਰ ਮਹੰਤ ਸੁਆਮੀ ਰਾਮੇਸ਼ਵਰਾ ਨੰਦ ਜੀ ਨੇ ਦੱਸਿਆ ਕਿ 1 ਅਕਤੂਬਰ ਨੂੰ ਆਖੰਡ ਪਾਠਾਂ ਦੀ ਲੜੀ ਸ਼ੁਰੂ ਹੋਵੇਗੀ ਜਦਕਿ 2 ਅਕਤੂਬਰ ਨੂੰ ਸਵੇਰੇ 10 ਵਜੇ ਤੋਂ ਸ਼ਾਮ 7 ਵਜੇ ਤੱਕ ਹਵਨ ਯੱਗ ਅਤੇ ਰੈਣ ਸਬਾਈ ਕੀਰਤਨ ਹੋਵੇਗੀ ਜਦਕਿ 3 ਅਕਤੂਬਰ ਨੂੰ ਆਖੰਡ ਪਾਠਾਂ ਦੇ ਭੋਗ ਪੈਣ ਉਪਰੰਤ ਮਹਾਨ ਕੀਰਤਨ ਦਰਬਾਰ ਅਤੇ ਸੰਤ ਪ੍ਰਵਚਨ ਸਮਾਗਮ ਹੋਵੇਗਾ। ਇਸ ਮੌਕੇ ਭਾਰਤ ਭਰ ਵਿੱਚੋਂ ਉੱਘੇ ਸਾਧੂ ਸੰਤਾਂ ਤੋਂ ਇਲਾਵਾ ਮਹਾਨ ਕੀਰਤਨੀਏ ਜੱਥੇ ਰਾਗੀ ਢਾਡੀ ਸਿੰਘਾਂ ਦੇ ਜਥੇ ਸੰਗਤਾਂ ਨੂੰ ਗੁਰੂ ਦੇ ਜਸ ਨਾਲ ਨਿਹਾਲ ਕਰਨਗੇ। ਤਪੋਬਨ ਕੁਟੀਆ ਦੇ ਮੁੱਖ ਪ੍ਰਬੰਧਕ ਭੈਣ ਭੁਪਿੰਦਰ ਸਿੰਘ, ਸੁਆਮੀ ਪ੍ਰਰਮਾਨੰਦ ਅਤੇ ਰਵਿੰਦਰ ਸਿੰਘ ਬੱਗਾ ਨੇ ਦੱਸਿਆ ਕਿ ਇਸ ਮੌਕੇ ਸ੍ਰੀ ਐਮ.ਸੀ.ਹਸਪਤਾਲ ਲੁਧਿਆਣਾ ਵੱਲੋਂ ਦੰਦਾ ਦਾ ਮੁਫ਼ਤ ਚੈਕਅੱਪ ਕੈਂਪ 3 ਅਕਤੂਬਰ ਨੂੰ ਸਵੇਰੇ 8 ਵਜੇ ਤੋਂ 1 ਵਜੇ ਤੱਕ ਲਗਾਇਆ ਜਾਵੇਗਾ ਜਦਕਿ 2 ਅਤੇ 3 ਅਕਤੂਬਰ ਨੂੰ ਜਨਰਲ ਮੈਡੀਕਲ ਕੈਂਪ ਲਗਾਇਆ ਜਾਵੇਗਾ ਜਿਸ ਵਿੱਚ ਜੋੜਾਂ ਦੇ ਦਰਦ, ਸ਼ੂਗਰ, ਪੀਲੀਆ, ਨੱਕ, ਅੱਖਾਂ ਦੀਆਂ ਬੀਮਾਰੀਆਂ, ਸਾਹ ਦਮੇਂ ਦੇ ਮਰੀਜਾਂ ਦਾ ਮੁਆਇਨਾ ਕੀਤਾ ਜਾਵੇਗਾ। ਇਸ ਮੌਕੇ ਉੱਘੇ ਡਾ. ਬੀ.ਐਸ. ਅਹੂਜਾ, ਡਾ. ਸਤਿੰਦਰ ਕੌਰ, ਡਾ. ਰੇਖਾ ਅਤੇ ਮੈਡੀਕਲ ਸਾਇੰਸ ਐਂਡ ਰਿਸਰਚ ਇੰਸਟੀਚਿਊਟ ਲੁਧਿਆਣਾ ਦੇ ਪ੍ਰਿੰਸੀਪਲ ਡਾ. ਜੋਨ ਫੈਡਰਿਕ ਮਰੀਜਾਂ ਦੀਆਂ ਵੱਖ-ਵੱਖ ਬਿਮਾਰੀਆਂ ਦਾ ਮੁਆਇਨਾ ਕਰਨਗੇ ਅਤੇ ਮਰੀਜਾਂ ਨੂੰ ਮੁਫ਼ਤ ਦਵਾਈਆਂ ਵੀ ਦਿੱਤੀਆਂ ਜਾਣਗੀਆਂ। ਤਿੰਨੇ ਦਿਨ ਗੁਰੂ ਘਰ ਦੀਆਂ ਸੰਗਤਾਂ ਵੱਲੋਂ ਗੁਰੂ ਦਾ ਅਤੁੱਟ ਲੰਗਰ ਵਰਤਾਇਆ ਜਾਵੇਗਾ। 

ਭਾਈ ਘਨਈਆ ਜੀ ਦੀ ਸੋਚ ਨੂੰ ਸਮਰਪਿਤ 115ਵਾਂ ਮਹਾਨ ਖੂਨਦਾਨ ਕੈਂਪ

ਭਾਈ ਘਨਈਆ ਜੀ ਮਿਸ਼ਨ ਸੇਵਾ ਸੁਸਾਇਟੀ ਵੱਲੋਂ ਕੀਤਾ ਗਿਆ ਵਿਸ਼ੇਸ਼ ਆਯੋਜਨ 
ਹਜਾਰਾਂ ਲੋਕਾਂ ਕੀਤਾ ਖੂਨਦਾਨ-ਮੇਅਰ ਸਾਹਿਬ ਨੇ ਕੀਤੀ ਨਵੀਂ ਮਿਸਾਲ ਕਾਇਮ

ਲੁਧਿਆਣਾ: 21 ਸਤਬੰਰ 2014:(ਸਤ ਪਾਲ ਸੋਨੀ//ਪੰਜਾਬ ਸਕਰੀਨ):

ਭਾਈ ਘਨਈਆ ਜੀ ਮਿਸ਼ਨ ਸੇਵਾ ਸੁਸਾਇਟੀ ਵੱਲੋਂ ਅੱਜ ਸਥਾਨਿਕ ਅੰਬੈਸੀ ਪੈਲੇਸ ਵਿੱਚ ਭਾਈ ਘਨਈਆ ਜੀ ਦੀ ਸੋਚ ਨੂੰ ਸਮਰਪਿਤ ਲਗਾਏ ਗਏ ਮਹਾਨ ਖੂਨਦਾਨ ਕੈਂਪ ਵਿੱਚ ਮਨੁੱਖਤਾ ਨੂੰ ਪਿਆਰ ਕਰਨ ਵਾਲੇ ਲੋਕਾਂ ਨੇ ਵੱਡੀ ਗਿਣਤੀ ਵਿੱਚ ਖੂਨਦਾਨ ਦੇਕੇ ਭਾਈ ਘਨਈਆ ਜੀ ਦੀ ਸੋਚ ਨੂੰ ਅਪਨਾਉਣ ਦਾ ਸਾਰਥਕ ਯਤਨ ਕੀਤਾ। ਨਾਨਕਸਰ ਸੰਪਰਦਾਇ ਦੇ ਸੰਤ ਜਸਵੰਤ ਸਿੰਘ ਸਮਰਾਲਾ ਚੌਕ ਵੱਲੋਂ ਕੀਤੀ ਅਰਦਾਸ ਨਾਲ ਸ਼ੁਰੂ ਹੋਇਆ ਖੂਨਦਾਨ ਕੈਂਪ ਦਾ ਉਦਘਾਟਨ ਵਿਧਾਇਕ ਮਨਪ੍ਰੀਤ ਸਿੰਘ ਇਯਾਲੀ ਨੇ ਕੀਤਾ। ਇਸ ਕੈਂਪ ਵਿੱਚ ਵੱਖ-ਵੱਖ ਹਸਪਤਾਲਾਂ ਦੀਆਂ 8 ਮੈਡੀਕਲ ਟੀਮਾਂ ਨੇ ਖੂਨਦਾਨੀਆਂ ਪਾਸੋਂ ਖੂਨ ਇੱਕਠਾ ਕੀਤਾ। ਇਸ ਕੈਂਪ ਦੀ ਸਰਪ੍ਰਸਤੀ ਕਰਨ ਵਾਲੇ ਮਹੰਤ ਕਾਹਨ ਸਿੰਘ ਜੀ ਟਿਕਾਣਾ ਭਾਈ ਜਗਤਾ ਜੀ ਗੋਨਿਆਣਾ ਮੰਡੀ ਵਾਲਿਆਂ ਨੇ ਕਿਹਾ ਕਿ ਅਜੋਕੇ ਸਮੇਂ ਵਿੱਚ ਇਸ ਤਰਾਂ ਦੇ ਕੈਂਪ ਲਗਾ ਮਨੁੱਖਤਾ ਦੀ ਸੇਵਾ ਕਰਨਾ ਗੁਰੂ ਨਾਨਕ ਦੇ ਅਨੁਆਈ ਅਤੇ ਭਾਈ ਘਨਈਆ ਜੀ ਦੀ ਸੋਚ 'ਤੇ ਪਹਿਰਾ ਦੇਣ ਵਾਲੇ ਲੋਕਾਂ ਦੇ ਜਿੰਮੇ ਆਇਆ ਹੈ। ਇਸ ਖੂਨਦਾਨ ਕੈਂਪ ਵਿੱਚ ਮਹਾਨਗਰ ਦੇ ਮੇਅਰ ਦੇ 2 ਸਾਲ ਪੂਰੇ ਹੋਣ ਜਾ ਰਹੇ ਹਨ ਉਨ੍ਹਾਂ ਨੇ ਇਸ ਮੌਕੇ ਖੂਨਦਾਨ ਦੇ ਕੇ ਨਵੀਂ ਮਿਸਾਲ ਕਾਇਮ ਕੀਤੀ। ਇਸ ਖੂਨਦਾਨ ਕੈਂਪ ਵਿੱਚ ਸੁਪਰੀਡੈਂਟ ਦੇ ਸੀਨੀਅਰ ਵਕੀਲ ਹਰਵਿੰਦਰ ਸਿੰਘ ਫੂਲਕਾ, ਐਮ.ਐਲ.ਏ ਭਾਰਤ ਭੂਸ਼ਣ ਆਸ਼ੂ, ਲੁਧਿਆਣਾ ਦੇ ਸ਼ਹਿਰੀ ਪ੍ਰਧਾਨ ਮਦਨ ਲਾਲ ਬੱਗਾ, ਹਰਭਜਨ ਸਿੰਘ ਡੰਗ, ਸੀਨੀਅਰ ਬੀ.ਜੀ.ਪੀ ਨੇਤਾ ਰਜਿੰਦਰ ਭੰਡਾਰੀ, ਕਾਂਗਰਸੀ ਆਗੂ ਕੁਲਵੰਤ ਸਿੰਘ ਸਿੱਧੂ, ਬੀਬੀ ਸੁਰਿੰਦਰ ਕੌਰ ਦਿਆਲ ਐਸ.ਐਸ.ਬੋਰਡ, ਕੰਵਲਇੰਦਰ ਸਿੰਘ ਠੇਕੇਦਾਰ ਮੈਂਬਰ, ਐਸ.ਜੀ.ਪੀ.ਸੀ ਜਤਿੰਦਰਪਾਲ ਸਿੰਘ ਸਲੂਜਾ ਅਕਾਲੀ ਆਗੂ, ਗੁਰਿੰਦਰਪਾਲ ਸਿੰਘ ਪੱਪੂ, ਚਰਨਜੀਤ ਸਿੰਘ ਮੈਂਬਰ ਐਸ.ਜੀ.ਪੀ.ਸੀ ਮੈਂਬਰਾਂ ਨੇ ਸ਼ਿਰਕਤ ਕੀਤੀ। ਇਸ ਦੀ ਜਿੰਨੀ ਵੀ ਪ੍ਰਸੰਸਾ ਕੀਤੀ ਜਾਵੇ ਥੋਹੜੀ ਹੈ ਵਿਧਾਇਕ ਮਨਪ੍ਰੀਤ ਸਿੰਘ ਇਯਾਲੀ ਨੇ ਇਸ ਸਮੇਂ ਸੰਬੋਧਨ ਕਰਦਿਆਂ ਕਿਹਾ ਕਿ ਭਾਈ ਘਨਈਆ ਜੀ ਵੱਲੋਂ ਪਾਈ ਪਿਰਤ ਜੋ 1704 ਵਿੱਚ ਆਨੰਦਪੁਰ ਸਾਹਿਬ ਦੀ ਧਰਤੀ 'ਤੇ ਮਨੁੱਖਤਾ ਦੀ ਖਾਤਰ ਹੋਏ ਜੰਗ ਯੁੱਧ ਵਿੱਚ ਆਪਣੇ ਪਰਾਏ ਨੂੰ ਪਾਸੇ ਛੱਡ ਜਖਮੀ ਅਤੇ ਪਿਆਸੇ ਮਨੁੱਖਾ ਨੂੰ ਪਾਣੀ ਪਿਲਾ ਅਤੇ ਜਖਮਾਂ 'ਤੇ ਮਰਹਮ ਲਗਾ ਸੇਵਾ ਨਿਭਾਈ ਸੀ ਜਿਸ ਤੋਂ ਸੇਧ ਲੈ ਕੇ 155 ਸਾਲ ਬਾਅਦ ਸੰਸਾਰ ਪੱਧਰ ਦੀ ਮਨੁੱਖਤਾ ਦੀ ਸੇਵਾ ਕਰਨ ਵਾਲੀ ਰੈਡਕਰਾਸ ਸੁਸਾਇਟੀ ਹੌਦ ਵਿੱਚ ਆਈ ਸੀ। ਅੱਜ ਉਸੇ ਸੋਚ ਨੂੰ ਸਮਰਪਿਤ ਹੋ ਇਹ ਸੁਸਾਇਟੀ ਮਨੁੱਖਤਾ ਦੀ ਸੇਵਾ ਖਾਤਰ ਅਜਿਹੇ ਕੈਂਪ ਲਗਾ ਭਾਈ ਘਨਈਆ ਜੀ ਦੀ ਸੋਚ ਨੂੰ ਅੱਗੇ ਵਧਾ ਰਹੀ ਹੈ ਜਿਸ ਲਈ ਇਹ ਸੁਸਾਇਟੀ ਵਧਾਈ ਦੀ ਪਾਤਰ ਹੈ। ਇਸ ਸੁਸਾਇਟੀ ਦੇ ਮੁੱਖ ਸੇਵਾਦਾਰ ਤਰਨਜੀਤ ਸਿੰਘ ਨਿਮਾਣਾ ਨੇ ਕਿਹਾ ਕਿ ਸਰਬੱਤ ਦੇ ਭਲੇ ਨੂੰ ਅਮਲੀਯਾਮਾ ਪਹਿਨਾਉਣ ਵਾਲੀ ਸਖਸ਼ੀਅਤ ਭਾਈ ਘਨਈਆ ਜੀ ਦੀ ਮਨੁੱਖਤਾ ਲਈ ਕੀਤੀ ਸੇਵਾ ਦੀ ਕਾਰਜਸ਼ੈਲੀ ਤੋਂ ਪ੍ਰਭਾਵਿਤ ਹੋ ਇਸ ਸੁਸਾਇਟੀ ਨੇ ਮਨੁੱਖਤਾ ਦੀ ਸੇਵਾ ਲਈ ਇਹ ਸਮਾਜਿਕ ਸੇਵਾ ਦੇ ਕੰਮ ਕਰਨੇ ਆਰੰਭੇ ਹਨ ਜੋ ਨਿਰੰਤਰ ਜਾਰੀ ਹਨ ਭਾਵੇਂ ਸੰਸਾਰ ਪੱਧਰ 'ਤੇ ਮਨੁੱਖੀ ਹੱਕਾਂ ਦੀ ਗੱਲ ਕਰਨ ਵਾਲੀ ਰੈਡਕਰਾਸ ਸੁਸਾਇਟੀ ਦਾ ਨਾਂ ਤਾਂ ਮਨੁੱਖਤਾ ਦੀ ਸੇਵਾ ਲਈ ਲਿਆ ਜਾਂਦਾ ਹੈ ਪਰ ਇਸ ਸੁਸਾਇਟੀ ਦੇ ਬਾਨੀ ਦਸਮ ਪਿਤਾ ਗੁਰੂ ਗੋਬਿੰਦ ਸਿੰਘ ਸਾਹਿਬ ਜੀ ਦੇ ਅਨਿਨ ਸੇਵਕ ਭਾਈ ਘਨਈਆ ਜੀ ਦਾ ਨਾਂ ਸੰਸਾਰ ਪੱਧਰ 'ਤੇ ਮਨੁੱਖਤਾ ਪ੍ਰਤੀ ਦਿੱਤੀ ਵੱਡਮੁੱਲੀ ਦੇਣ ਅਤੇ ਸੇਵਾ ਦੇ ਸਿਧਾਂਤ ਨੂੰ ਸਾਰੇ ਸੰਸਾਰ ਵਿੱਚ ਪ੍ਰਚਾਰਨ ਲਈ ਇਹ ਸੁਸਾਇਟੀ ਯਤਨਸ਼ੀਲ ਹੈ। ਇਸ ਮੋਕੇ ਬਲਜੀਤ ਸਿੰਘ ਛੱਤਵਾਲ, ਪਰਵਿੰਦਰ ਸਿੰਘ ਗਿੰਦਰਾ ਨੇ ਦੱਸਿਆ ਕਿ ਅਜਿਹੇ ਕੈਂਪ ਆਉਣ ਵਾਲੇ  ਸਮੇਂ ਵਿੱਚ ਵੀ ਮਨੁੱਖਤਾ ਦੀ ਭਲਾਈ ਲਈ ਲਗਾਏ ਜਾਂਦੇ ਰਹਿਣਗੇ। ਇਸ ਮੌਕੇ ਵੱਖ-ਵੱਖ ਹਸਪਤਾਲਾਂ ਦੀਆਂ 8 ਟੀਮਾਂ ਜਿਨ੍ਹਾਂ ਵਿੱਚ ਡੀ.ਐਮ.ਸੀ, ਸੀ.ਐਮ.ਸੀ, ਸਿਵਲ ਹਸਪਤਾਲ, ਰੈਡ ਕਰਾਸ ਸੁਸਾਇਟੀ, ਗੁਰੂ ਤੇਗ ਬਹਾਦਰ ਹਸਪਤਾਲ, ਕ੍ਰਿਸ਼ਨਾ ਹਸਪਤਾਲ, ਦੀਪ ਹਸਪਤਾਲ ਅਤੇ ਐਸ.ਜੀ.ਪੀ.ਸੀ ਦੇ ਪ੍ਰਬੰਧ ਹੇਠ ਚੱਲ ਰਹੇ ਗੁਰੂ ਰਾਮਦਾਸ ਹਸਪਤਾਲ ਅੰਮ੍ਰਿਤਸਰ ਦੀਆਂ ਟੀਮਾਂ ਨੇ ਖੂਨਦਾਨੀਆਂ ਪਾਸੋਂ ਖੂਨ ਇੱਕਠਾ ਕੀਤਾ ਅਤੇ 1080 ਯੂਨਿਟ ਖੂਨ ਦੁੱਖੀ ਦੁਖਿਆਰਿਆਂ ਲਈ ਇਸ ਕੈਂਪ ਵਿੱਚ ਇੱਕਠਾ ਹੋਇਆ। ਇਸ ਖੂਨਦਾਨ ਕੈਂਪ ਵਿੱਚ ਬੀਬੀਆਂ ਦੇ ਵਿੱਚ ਉਤਸ਼ਾਹ ਦੇਖਣ ਨੂੰ ਮਿਲਿਆ ਅਤੇ ਵੱਡੀ ਗਿਣਤੀ ਵਿੱਚ ਬੀਬੀ ਸੁਖਵਿੰਦਰ ਕੌਰ ਸੁੱਖੀ ਦੀ ਅਗਵਾਈ ਵਿੱਚ ਬੀਬੀਆਂ ਨੇ ਖੂਨ ਦਾਨ ਕਰ ਨਵੀਂ ਪ੍ਰਿਤ ਪਾਈ। ਇਸ ਮੌਕੇ ਕੁਲਦੀਪ ਸਿੰਘ ਲਾਂਬਾਂ, ਜਗਜੀਤ ਸਿੰਘ ਅਹੂਜਾ, ਹਰਪਾਲ ਸਿੰਘ ਨਿਮਾਣਾ, ਪ੍ਰੋ: ਗੁਰਮੀਤ ਸਿੰਘ, ਇੰਦਰਪਾਲ ਸਿੰਘ ਬਿੰਦਰਾ, ਜਸਵਿੰਦਰ ਸਿੰਘ ਧਾਲੀਵਾਲ, ਕੁਲਜੀਤ ਸਿੰਘ ਖੁਰਾਣਾ, ਗੁਰਇੰਦਰ ਸਿੰਘ ਸੋਨੂੰ, ਰਮਨਦੀਪ ਸਿੰਘ, ਸਰਬਜੀਤ ਸਿੰਘ ਰਾਜਪਾਲ, ਸੁਖਮਿੰਦਰ ਸਿੰਘ ਕੈਰੋਂ, ਇੰਦਰਜੀਤ ਸਿੰਘ ਡਿੰਪਲ, ਪਰਵਿੰਦਰ ਸਿੰਘ ਬੱਤਰਾ ਐਡਵੋਕੇਟ, ਅੰਮ੍ਰਿਤਪਾਲ ਸਿੰਘ ਡੀ.ਸੈਂਟ, ਚੰਨਪ੍ਰੀਤ ਸਿੰਘ ਐਡਵੋਕੇਟ, ਭੁਪਿੰਦਰ ਸਿੰਘ ਲਾਲੀ, ਚਰਨਜੀਤ ਸਿੰਘ ਚੰਨਾ, ਜਸਵਿੰਦਰ ਕੁਮਾਰ ਗੁੰਬਰ, ਰੁਪਿੰਦਰ ਸਿੰਘ ਗੁਜਰਾਲ, ਭੁਪਿੰਦਰ ਸਿੰਘ ਬੋਬੀ, ਗੁਰਸਾਹਿਬ ਸਿੰਘ, ਜਸਕਰਨ ਸਿੰਘ, ਬਲਜਿੰਦਰ ਸਿੰਘ ਗੋਲੂ ਦਾਖਾ, ਬਲਬੀਰ ਸਿੰਘ ਦਾਖਾ, ਮਨਜੀਤ ਸਿੰਘ ਬੁਟਾਰੀ, ਦਲਵਿੰਦਰ ਸਿੰਘ ਆਸ਼ੂ, ਦਵਿੰਦਰ ਸਿਘ ਮਾਨ ਆਦਿ ਹਾਜਰ ਸਨ। 

ਕੈਪਸ਼ਨ- ਭਾਈ ਘਨਈਆ ਜੀ ਮਿਸ਼ਨ ਸੁਸਾਇਟੀ ਵੱਲੋਂ 115ਵਾਂ ਖੂਨਦਾਨ ਕੈਂਪ ਮੌਕੇ ਸ਼ਾਮਿਲ ਮਹੰਤ ਕਾਹਨ ਸਿੰਘ, ਵਿਧਾਇਕ ਮਨਪ੍ਰੀਤ ਸਿੰਘ ਇਯਾਲੀ, ਸੰਸਥਾ ਦੇ ਮੁੱਖ ਸੇਵਾਦਾਰ ਤਰਨਜੀਤ ਸਿੰਘ ਨਿਮਾਣਾ ਅਤੇ ਹੋਰ ਦਿਖਾਈ ਦੇ ਰਹੇ ਹਨ।

10 ਪੇਟੀਆਂ ਠੇਕਾ ਸ਼ਰਾਬ ਸਮੇਤ ਦੋਸ਼ੀ ਕਾਬੂ

Sat, Sep 20, 2014 at 7:30 PM

ਅਹਿਮਦਗੜ੍ਹ ਤੋਂ ਸਸਤੇ ਭਾਅ ਖਰੀਦ ਕੇ ਲੁਧਿਆਣਾ 'ਚ ਮਹਿੰਗੀ ਵੇਚਦੇ ਸਨ 

ਲੁਧਿਆਣਾ, 20 ਸਤੰਬਰ 2014: (ਸਤ ਪਾਲ ਸੋਨੀ//ਪੰਜਾਬ ਸਕਰੀਨ):

ਲੋਕ ਰੋਜ਼ ਤੌਬਾ ਕਰਦੇ ਹਨ ਕਿ ਬਸ ਅੱਜ ਆਖਿਰੀ ਪੈਗ ਤੇ ਕਲ੍ਹ ਤੋਂ ਬਿਲਕੁਲ ਨਹੀਂ ਪੀਣੀ ਪਰ ਥਾਂ ਥਾਂ ਖੁਲ੍ਹੇ ਠੇਕੇ ਦੇਖ ਕੇ ਮਨ  ਫਿਰ ਡੋਲ ਜਾਂਦਾ ਹੈ। ਠੇਕੇ ਤੇ ਮਿਲਦੀ ਹੈ ਮਹਿੰਗੀ ਸ਼ਰਾਬ ਇਸ ਲਈ ਲੋਕ ਭਾਲਦੇ ਹਨ ਅਜਿਹੇ ਅੱਡੇ ਜਿੱਥੇ ਟੈਕਸ ਚੋਰੀ ਵਾਲੀ ਸ਼ਰਾਬ ਸਸਤੇ ਭਾਅ ਮਿਲ ਜਾਵੇ। ਇਸ ਸਸਤੀ ਸ਼ਰਾਬ ਚੱਕਰ ਵਿੱਚ ਕਈ ਵਾਰ ਕਈ ਲੋਕ ਜਾਨ ਤੋਂ ਵੀ ਹੱਥ ਧੋ ਬੈਠੇ ਸਸਤੀ ਪੀਣ ਦੇ ਚਸਕੇ ਤੋਂ ਬਾਜ ਨਹੀਂ ਆਏ। ਇਸਦਾ ਫਾਇਦਾ ਉਠਾਉਂਦੇ ਹਨ ਸ਼ਰਾਬ ਦੇ ਸਮਗਲਰ। ਜਿਹੜੇ ਸਸਤੀ ਖਰੀਦੀ ਹਨ ਅਤੇ ਫਿਰ ਕੁਝ ਮਹਿੰਗੀ ਵੇਚ ਦੇਂਦੇ ਹਨ ਪਰ ਠੇਕੇ ਨਾਲੋਂ ਇਸਦਾ ਰੇਟ ਵੀ ਕਾਫੀ ਘੱਟ ਹੁੰਦਾ ਹੈ। ਇਸ ਲਈ ਇਸ ਦੀ ਵਿਕਰੀ ਕਾਫੀ ਹੁੰਦੀ ਹੈ। ਚਲਦੇ ਫਿਰਦੇ ਠੇਕੇ ਅਰਥਾਤ ਇਸ ਸ਼ਰਾਬ ਦੇ ਸਮਗਲਰ ਇਸਦੀ ਸਪਲਾਈ ਘਰੋਘਰੀ ਖੁਦ ਕਰ ਦੇਂਦੇ ਹਨ। ਇਹਨਾਂ ਸਮਗਲਰਾਂ ਨੂੰ ਆਪਣੇ ਗਾਹਕਾਂ ਦਾ ਪਤਾ ਹੁੰਦਾ ਹੈ ਇਸ ਲਈ ਨਵੇਂ ਜਾਂ ਬੇਗਾਨੇ ਬੰਦੇ ਨੂੰ ਤਾਂ ਇਹ ਇਸਦੀ ਭਿਣਕ ਵੀ ਨਹੀਂ ਲੱਗਣ ਦੇਂਦੇ ਪਰ ਸੀ.ਆਈ.ਏ 2 ਦੇ ਇੰਚਾਰਜ਼ ਸਬ-ਇੰਸਪੈਕਟਰ ਰਜੇਸ਼ ਕੁਮਾਰ ਦੀ ਅਗਵਾਈ ਹੇਠ ਏ.ਐਸ.ਆਈ ਪਾਖਰ ਸਿੰਘ ਸਮੇਤ ਪੁਲਿਸ ਪਾਰਟੀ ਨੇ ਟੀ ਪੁਆਇੰਟ ਨਾਮਧਾਰੀ ਸਮਾਰਕ,ਨਜਦੀਕ ਸਿਵਲ ਹਸਪਤਾਲ ਨਾਕਾਬੰਦੀ ਦੌਰਾਨ ਸ਼ੱਕ ਦੀ ਬਿਨਾਹ 'ਤੇ ਕਾਲੇ ਰੰਗ ਦੀ ਸੈਂਟਰੋ ਕਾਰ ਨੰ: ਪਬ-10-BR -6863 ਨੂੰ ਕਾਬੂ ਕਰ ਹੀ ਲਿਆ। ਕਾਰ ਦੀ ਤਲਾਸ਼ੀ ਲੈਣ ਤੇ ਕਾਰ ਵਿੱਚੋਂ 10 ਪੇਟੀਆਂ ਸ਼ਰਾਬ ਠੇਕਾ ਦੇਸੀ (ਰਸਭਰੀ) ਬਰਾਮਦ ਕੀਤੀ । 

ਪੁੱਛ-ਗਿੱਛ ਦੌਰਾਨ ਕਾਰ 'ਦ ਸਵਾਰ ਵਿਅਕਤੀਆਂ ਨੇ ਆਪਣਾ ਨਾਮ  ਸੁਨੀਲ ਕੁਮਾਰ ਉਰਫ ਸੋਨੂੰ  ਵਾਸੀ ਫੀਲਡ ਗੰਜ, ਲੁਧਿਆਣਾ ਅਤੇ ਅਸ਼ਵਨੀ ਕੁਮਾਰ ਉਰਫ ਗੰਜਾ ਵਾਸੀ  ਜੰਮੂ ਕਲੋਨੀ ਦਸਿਆ। ਸਬ-ਇੰਸਪੈਕਟਰ ਰਜੇਸ਼ ਕੁਮਾਰ ਨੇ ਦਸਿਆ ਕਿ ਦੋਸ਼ੀਆਂ ਦੇ ਖਿਲਾਫ ਐਕਸਾਈਜ਼ ਐਕਟ ਦੇ ਅਧੀਨ ਥਾਨਾ ਡਵੀਜ਼ਨ ਨੰ: 2 ਕਿਸੇ ਨੂੰ ਇਹ ਭਿਣਕ ਤੱਕ ਨਾਹਿੰਨ ਲੱਗਣ ਦੇਂਦੇ।  ਵਿੱਖੇ ਮੁੱਕਦਮਾ ਦਰਜ਼ ਰਜਿਸਟਰ ਕੀਤਾ ਗਿਆ ਹੈ। ਪੁੱਛ-ਗਿੱਛ ਦੌਰਾਨ ਦੋਸ਼ੀਆਂ ਨੇ ਦਸਿਆ ਕਿ ਉਹ ਇਹ ਸ਼ਰਾਬ ਅਹਿਮਦਗੜ੍ਹ ਤੋਂ ਸਸਤੇ ਭਾਅ 'ਤੇ ਖਰੀਦਕੇ ਲੁਧਿਆਣਾ 'ਚ ਮਹਿੰਗੇ ਭਾਅ ਵੇਚਣ ਜਾ ਰਹੇ ਸਨ। ਸੁਨੀਲ ਕੁਮਾਰ ਉਰਫ ਸੋਨੂੰ ਦੀ ਆਈਸ ਫੈਕਟਰੀ ਹੈ ਅਤੇ ਅਸ਼ਵਨੀ ਕੁਮਾਰ ਨਜਾਇਜ਼ ਸ਼ਰਾਬ ਵੇਚਣ ਦਾ ਧੰਦਾ ਕਰਦਾ ਹੈ ਜਿਸ ਦੇ ਖਿਲਾਫ ਵੱਖ-ਵੱਖ ਥਾਣਿਆਂ 'ਚ ਮੁੱਕਦਮੇ ਦਰਜ਼ ਹਨ।  

25 ਗਰਾਮ ਹੈਰੋਇਨ ਸਮੇਤ ਆਰੋਪੀ ਕਾਬੂ

 Sat, Sep 6, 2014 at 5:53 PM

ਪੁਲਿਸ ਰਿਮਾਂਡ ਦੌਰਾਨ ਮਿਲੇਗੀ ਹੋਰ ਜਾਣਕਾਰੀ 

ਲੁਧਿਆਣਾ 6 ਸਤੰਬਰ 2014: (ਸਤ ਪਾਲ ਸੋਨੀ//ਪੰਜਾਬ ਸਕਰੀਨ):

ਸੀ.ਆਈ.ਏ 2 ਦੇ ਇੰਚਾਰਜ ਸਬ-ਇੰਸਪੈਕਟਰ ਰਜੇਸ਼ ਕੁਮਾਰ ਦੀ ਅਗਵਾਈ ਹੇਠ ਏ.ਐਸ.ਆਈ ਪਾਖਰ ਸਿੰਘ ਸਮੇਤ ਪੁਲਿਸ ਪਾਰਟੀ ਨੇ  ਸ਼ਿੰਗਾਰ ਸਿਨੇਮਾ ਰੋਡ ਵਿੱਖੇ ਨਾਕਾਬੰਦੀ ਦੌਰਾਨ ਸ਼ੱਕ ਦੀ ਬਿਨਾਹ 'ਤੇ ਇਕ ਨੌਜਵਾਨ ਨੂੰ ਕਾਬੂ ਕੀਤਾ। ਤਲਾਸ਼ੀ ਦੌਰਾਨ ਆਰੋਪੀ ਦੇ ਕਬਜ਼ੇ ' ਚੋਂ 25 ਗਰਾਮ ਹੈਰੋਇਨ ਬਰਾਮਦ ਕੀਤੀ ਗਈ। ਪੁੱਛ-ਗਿੱਛ ਦੌਰਾਨ ਆਰੋਪੀ ਨੇ ਆਪਣਾ ਨਾਮ ਅਸ਼ੋਕ ਕੁਮਾਰ ਉਰਫ ਸੋਕਾ ਵਾਸੀ ਅੰਬਦੇਕਰ ਨਗਰ, ਬਾਬਾ ਥਾਨ ਸਿੰਘ ਚੌਂਕ ਦਸਿਆ। ਆਰੋਪੀ ਦੇ ਖਿਲਾਫ ਥਾਨਾ ਡਵੀਜ਼ਨ ਨੰ: ੩ ਵਿੱਖੇ ਐਨ.ਡੀ.ਪੀ.ਐਸ ਐਕਟ ਦੇ ਅਧੀਨ ਮੁੱਕਦਮਾ ਦਰਜ਼ ਰਜਿਸਟਰ ਕੀਤਾ ਗਿਆ ਹੈ। ਆਰੋਪੀ ਨੂੰ ਅੱਜ ਅਦਾਲਤ 'ਚ ਪੇਸ਼ ਕਰਕੇ ਪੁਲਿਸ  ਰਿਮਾਂਡ ਹਾਸਿਲ ਕਰਕੇ ਪਤਾ ਲਗਾਇਆ ਜਾਵੇਗਾ ਕਿ ਆਰੋਪੀ ਇਹ ਹੈਰੋਇਨ ਕਿਥੋਂ ਲੈਕੇ ਆਇਆ ਸੀ, ਕਿਸ ਨੂੰ ਵੇਚਣੀ ਸੀ ਅਤੇ ਉਸ ਦੇ ਨਾਲ ਇਸ ਗੈਰ ਕਾਨੂੰਨੀ ਧੰਦੇ 'ਚ ਹੋਰ ਕੌਣ-ਕੌਣ ਸ਼ਾਮਿਲ ਹੈ। ਹੁਣ ਦੇਖਣਾ ਇਹ ਹੈ ਪੁਲਿਸ ਦੀ ਇਸ ਸਖਤੀ ਨਾਲ ਪੰਜਾਬ ਕਿੰਨੀ ਜਲਦੀ ਨਸ਼ਾ ਮੁਕਤ ਹੋ ਕੇ ਆਪਣੇ ਪੁਰਾਣੇ ਰੰਗੀਨ ਜਲਵਿਆਂ ਦੀ ਗੱਲ ਕਰਦਾ ਹੈ?

ਮਾਸੀ ਨੇ ਹੀ ਅਗਵਾ ਕੀਤਾ ਸੀ ਰਿਸ਼ਮ

Sat, Jun 7, 2014 at 6:56 PM

ਪ੍ਰਾਪਰਟੀ ਦੇ ਝਗੜੇ ਕਾਰਨ ਕੀਤਾ ਗਿਆ ਸੀ 11 ਸਾਲਾ ਲੜਕੇ ਰਿਸ਼ਮ ਨੂੰ ਅਗਵਾ

ਲੁਧਿਆਣਾ: 7 ਜੂਨ 2014: (ਸਤਪਾਲ ਸੋਨੀ//ਪੰਜਾਬ ਸਕਰੀਨ):

ਦੋਸਤ ਨਾਲ ਖੇਡਣ ਗਏ 11 ਸਾਲਾ ਲੜਕੇ ਰਿਸ਼ਮ ਨੂੰ ਪ੍ਰਾਪਰਟੀ ਦੇ ਝਗੜੇ ਕਾਰਨ ਰਿਸ਼ਤੇ ਵਿੱਚ ਲਗਦੀ ਉਸ ਦੀ ਮਾਸੀ ਨੇ ਹੀ ਅਗਵਾ ਕੀਤਾ ਸੀ , ਇਸ ਦਾ ਖੁਲਾਸਾ ਇੰਸਪੈਕਟਰ ਸਰਬਜੀਤ ਸਿੰਘ ਮੁੱਖ ਅਫਸਰ ਥਾਨਾ ਡਾਬਾ ਪੁਲਿਸ ਵਲੋਂ ਰਿਸ਼ਮ ਨੂੰ ਅਗਵਾ ਕਰਨ ਵਾਲੀ ਅਮਰਜੀਤ ਕੌਰ ਵਾਸੀ ਪਿੰਡ ਮੰਨਸੂਰਦੇਵਾ ਥਾਨਾ ਜ਼ੀਰਾ, ਜਿਲਾ ਫਿਰੋਜਪੁੱਰ ਪਾਸੋਂ ਰਿਸ਼ਮ ਨੂੰ ਬਰਾਮਦ ਕਰਨ ਦੇ ਬਾਅਦ ਪ੍ਰੈਸ ਵਾਰਤਾ ਦੌਰਾਨ ਕੀਤਾ ।ਇੰਸਪੈਕਟਰ ਸਰਬਜੀਤ ਸਿੰਘ ਨੇ ਦਸਿਆ ਕਿ ਪਿੱਛਲੇ ਦਿਨੀਂ ਪਰਦੀਪ ਕੁਮਾਰ ਨੇ ਆਪਣੇ ਲੜਕੇ ਰਿਸ਼ਮ ਦੇ ਗੁੰਮ ਹੋਣ ਦੀ ਸ਼ਿਕਾਇਤ ਥਾਨਾ ਡਾਬਾ ਵਿੱਖੇੇ ਦਰਜ ਕਰਵਾਈ ਸੀ ਜਿਸ ਦੀ ਪੁੱਛ-ਗਿਛ ਦੌਰਾਨ ਪਰਦੀਪ ਕੁਮਾਰ ਨੇ ਦਸਿਆ ਕਿ ਉਸ ਦਾ ਰਿਸ਼ਤੇਦਾਰੀ ‘ਚ ਲਗਦੀ ਸਾਲੀ ਅਮਰਜੀਤ ਕੌਰ ਵਾਸੀ ਪਿੰਡ ਮੰਨਸੂਰਦੇਵਾ ਥਾਨਾ ਜ਼ੀਰਾ, ਜਿਲਾ ਫਿਰੋਜਪੁੱਰ ਨਾਲ ਪ੍ਰਾਪਰਟੀ ਦਾ ਝਗੜਾ ਚੱਲ ਰਿਹਾ ਹੈ । ਪੁਲਿਸ ਵਲੋਂ ਸ਼ਿਕਾਇਤ ‘ਤੇ ਕਾਰਵਾਈ ਕਰਦਿਆਂ ਹੋਇਆਂ ਅਮਰਜੀਤ ਕੌਰ ਅਤੇ ਉਸ ਦੇ ਲੜਕੇ ਕਰਨਵੀਰ ਸਿੰਘ ਉਰਫ ਕਾਲੇ ਦੀਆਂ ਫੋਨ ਲੋਕੇਸ਼ਨਾਂ ਦੇ ਆਧਾਰ ‘ਤੇ ਅਮਰਜੀਤ ਕੌਰ ਵਾਸੀ ਪਿੰਡ ਮੰਨਸੂਰਦੇਵਾ ਥਾਨਾ ਜ਼ੀਰਾ,ਜਿਲਾ ਫਿਰੋਜਪੁੱਰ ਪਾਸੋਂ ਰਿਸ਼ਮ ਨੂੰ ਬਰਾਮਦ ਕਰ ਲਿਆ ਗਿਆ ਹੈ । ਦੋਸ਼ਣ ਅਮਰਜੀਤ ਕੌਰ ਨੂੰ ਮੌਕੇ 'ਤੇ ਗ੍ਰਿਫਤਾਰ ਕਰ ਲਿਆ ਗਿਆ ਹੈ ਜਦ ਕਿ ਉਸ ਦਾ ਲੜਕਾ ਕਰਨਵੀਰ ਸਿੰਘ ਉਰਫ ਕਾਲਾ ਮੌਕੇ ਤੋਂ ਫਰਾਰ ਹੋਣ ‘ਚ ਕਾਮਯਾਬ ਹੋ ਗਿਆ । ਦੋਸ਼ਣ ਅਮਰਜੀਤ ਕੌਰ ਨੇ ਪੁੱਛ-ਗਿੱਛ ਦੌਰਾਨ ਦਸਿਆ ਕਿ ਉਸ ਨੇ ਪਰਦੀਪ ਕੁਮਾਰ ‘ ਤੇ ਦਬਾਅ ਬਣਾਉਣ ਦੇ ਲਈ ਆਪਣੇ ਲੜਕੇ ਕਰਨਵੀਰ ਸਿੰਘ ਉਰਫ ਕਾਲੇ ਪਾਸੋਂ ਰਿਸ਼ਮ ਨੂੰ ਅਗਵਾ ਕਰਵਾਇਆ ਸੀ ।

'ਸੁਪਨੇ' ਐਲਬਮ ਦੇ ਗੀਤ ਇੱਕ ਮੀਲ ਪੱਥਰ ਸਥਾਪਿਤ ਹੋਣਗੇ : ਮਾਹੀ ਮਾਨ

Wed, May 28, 2014 at 5:23 PM
ਪੰਜਾਬੀ ਸੱਭਿਆਚਾਰ ਅਮੀਰੀ 'ਚ ਕਰਨਗੇ ਹੋਰ ਵਾਧਾ -ਮਾਹੀ ਦਾ ਸਨਮਾਣ 15 ਨੂੰ  

ਲੁਧਿਆਣਾ: 28 ਮਈ 2014:
(ਸਤਪਾਲ ਸੋਨੀ//ਪੰਜਾਬ ਸਕਰੀਨ) :
ਹਰਜੀਤ ਹਰਮਨ ਨੂੰ ਸਫਲਤਾ ਦਾ ਸਿਰਨਾਵਾਂ ਬਣਾਉਣ ਵਾਲੇ ਗੀਤਕਾਰ ਪਰਗਟ ਸਿੰਘ ਦੀ ਅਗਲੀ ਖੋਜ ਗੁਰਨੂਰ ਤੇ  ਮਾਹੀ ਮਾਨ ਦੀ ਸੰਗੀਤਕ ਐਲਬਮ 'ਸੁਪਨੇ' ਟਾਈਟਲ ਨਾਲ ਅਗਲੇ ਦਿਨ ਵੱਡੇ ਪੱਧਰ 'ਤੇ ਰਿਲੀਜ਼ ਹੋ ਰਹੀ ਹੈ। ਇਸ ਸਬੰਧੀ ਗਾਇਕਾ ਮਾਹੀ ਮਾਨ ਨੇ ਦਸਿਆ ਕਿ ਜੁਆਏ-ਅਤੁੱਲ ਦੇ ਸੰਗੀਤ ਨਾਲ ਸ਼ਿੰਗਾਰੀ ਇਸ ਐਲਬਮ ਦੇ ਗੀਤ ਐਨੇ ਕੁ ਵਧੀਆ ਹਨ ਕਿ ਇਹ ਐਲਬਮ ਸੰਗੀਤਕ ਖੇਤਰ ਵਿਚ ਇਤਿਹਾਸ ਸਿਰਜ ਸਕਦੀ ਹੈ। ਉਸ ਨੇ ਦਸਿਆ ਕਿ ਇਸ ਐਲਬਮ ਵਿਚ ਪਰਗਟ ਸਿੰਘ ਤੋਂ ਇਲਾਵਾ ਸ਼ਮਸ਼ੇਰ ਸੰਧੂ ਅਤੇ ਗੁਰਵਿੰਦਰ ਬਰਾੜ ਦੇ ਲਿਖੇ ਗੀਤ ਵੀ ਸ਼ਾਮਿਲ ਹਨ। ਇਕ ਸਵਾਲ ਦੇ ਜਵਾਬ ਵਿਚ ਉਸ ਨੇ ਆਖਿਆ ਕਿ ਮੈਂ ਵਿਸ਼ਵਾਸ ਨਾਲ ਆਖ ਸਕਦੀ ਹਾਂ ਕਿ ਇਸ ਐਲਬਮ ਨਾਲ ਸੰਗੀਤ ਖੇਤਰ ਵਿਚ ਲੰਬੇ ਸਮੇਂ ਤੋਂ ਰੜਕ ਰਹੀ ਮੁਕੰਮਲ ਗਾਇਕ ਜੋੜੀ ਦੀ ਘਾਟ ਸਹਿਜੇ ਹੀ ਪੂਰੀ ਹੋ ਜਾਵੇਗੀ। ਉਸ ਨੇ ਦਸਿਆ ਕਿ ਉਹ ਸੰਗੀਤ ਦੇ ਖੇਤਰ ਵਿਚ ਪੱਕੇ ਪੈਰੀਂ ਆਉਣਾ ਚਾਹੁੰਦੀ ਸੀ ਤੇ ਇਸ ਕਰਕੇ ਉਸ ਨੇ ਸਾਲਾਂ ਬੱਧੀ ਮਿਹਨਤ ਕਰਕੇ ਲੋਕਾਂ ਦੇ ਦਿਲਾਂ 'ਤੇ ਦਸਤਕ ਦੇਣ ਦਾ ਉਪਰਾਲਾ ਕੀਤਾ ਹੈ। ਉਸ ਨੇ ਦਸਿਆ ਕਿ 'ਸੁਪਨੇ' ਐਲਬਮ ਦੇ ਦੋ ਵੀਡੀਓ 'ਮੰਮੀ ਕਰਦੀ ਆ ਵੇਟ' ਅਤੇ 'ਚਲਦੀਆਂ ਪੌੜੀਆਂ ਬਿਜਲੀ 'ਤੇ' ਦੇ ਸੰਗੀਤਕ ਵੀਡੀਓ ਸਭ ਤੋਂ ਪਹਿਲਾਂ ਚੈਨਲਾਂ ਦਾ ਸ਼ਿੰਗਾਰ ਬਣ ਰਹੇ ਹਨ ਅਤੇ ਬਾਕੀ ਛੇ ਗੀਤਾਂ ਦੇ ਵੀਡੀਓ ਵੀ ਇਕ-ਇਕ ਕਰਕੇ ਚਲਾਏ ਜਾਣਗੇ। ਉਸ ਨੇ ਇਸ ਐਲਬਮ ਦੀ ਮੁਕੰਮਲਤਾ ਲਈ ਆਪਣੇ ਉਸਤਾਦ ਰਵੀ ਸ਼ਰਮਾ ਦਾ ਉਚੇਚੇ ਤੌਰ 'ਤੇ ਧੰਨਵਾਦ ਕੀਤਾ। ਇਸ ਮੌਕੇ 15 ਜੂਨ ਨੂੰ ਉਲੰਪੀਅਨ ਪ੍ਰਿਥੀਪਾਲ ਸਿੰਘ ਹਾਕੀ ਫੈਸਟੀਵਲ ਦੇ ਫਾਈਨਲ ਸਮਾਰੋਹ 'ਤੇ ਜਰਖੜ ਸਟੈਡੀਅਮ ਵਿਖੇ ਗਾਇਕਾ ਮਾਹੀ ਮਾਨ ਦਾ ਵਿਸ਼ੇਸ਼ ਸਨਮਾਨ ਹੋਵੇਗਾ। ਇਸ ਨਵੀਂ ਐਲਬਮ ਨਾਲ ਮਾਹੀ ਦੇ ਗੀਤਾਂ ਨੂੰ ਪਸੰਦ ਕਰਨ ਵਾਲੇ ਸੰਗੀਤ ਪ੍ਰੇਮੀਆਂ ਵਿੱਚ  ਬਹੁਤ ਹੀ ਖੁਸ਼ੀ ਪਾਈ ਜਾ ਰਹੀ ਹੈ।

ਏਸ਼ੀਅਨ ਤੇ ਲਾਇਨਜ਼ ਕਲੱਬ ਨੇ ਯਾਦ ਕੀਤਾ ਤਲਤ ਮਹਿਮੂਦ ਨੂੰ

Fri, May 9, 2014 at 6:29 PM
VRTC  ਵਿਖੇ ਕੀਤਾ ਗਿਆ ਵਿਸ਼ੇਸ਼ ਆਯੋਜਨ 

ਲੁਧਿਆਣਾ 9 ਮਈ (ਸਤਪਾਲ ਸੋਨੀ//ਪੰਜਾਬ ਸਕਰੀਨ): 
ਬਲੈਕ ਐਂਡ ਵਾਈਟ ਪਰਦੇ ਤੇ 1945 ਤੋਂ 1958 ਤੱਕ ਐਕਟਰ ਤੇ ਗਾਇਕ ਦੇ ਤੌਰ ਤੇ ਆਪਣਾ ਨਾਮ ਚਮਕਾਉਣ ਵਾਲੇ ਅਤੇ 8 ਹਜ਼ਾਰ ਤੋਂ ਜ਼ਿਆਦਾ ਗੀਤ ਗਾਉਣ ਵਾਲੇ ਸੁਰ ਸਮਰਾਟ ਪਦਮ ਭੂਸ਼ਣ ਤਲਤ ਮਹਿਮੂਦ ਨੂੰ ਉਹਨਾਂ ਦੀ 16ਵੀਂ ਬਰਸੀ ਤੇ ਏਸ਼ੀਅਨ ਕਲੱਬ ਇੰਟਰਨੈਸ਼ਨਲ ਤੇ ਲਾਇਨਜ਼ ਕਲੱਬ ਜ਼ਿਲ੍ਹਾ 321 ਐਫ ਨੇ ਯਾਦ ਕੀਤਾ। ਉਹਨਾਂ ਦੀ ਯਾਦ ਵਿੱਚ ਏਸ਼ੀਅਨ ਕਲੱਬ ਦੇ ਪ੍ਰਬੰਧ ਨਿਰਦੇਸ਼ਕ ਜੋਤਿਸ਼ਾ ਅਚਾਰੀਆ ਸੁਖਮਿੰਦਰ ਅਤੇ ਲਾਇਨਜ਼ ਕਲੱਬ ਦੇ ਰਿਜ਼ਨਲ ਚੇਅਰਮੈਨ ਨਵਜੀਤ ਸਿੰਘ ਦੀ ਅਗਵਾਈ ਹੇਠ ਨੇਤਰਹੀਣ ਅਤੇ ਅੰਗਹੀਣ ਬੱਚਿਆਂ ਦੀ ਸੰਸਥਾ, ਹੰਬੜਾਂ ਰੋਡ ਵਿਖੇ ਵੋਕੇਸ਼ਨ ਰੀਹੈਬਲੀਟੇਸ਼ਨ ਟ੍ਰੇਨਿੰਗ ਸੈਂਟਰ ਵਿੱਚ ਉਹਨਾਂ ਦੇ ਗੀਤਾਂ ਉੱਤੇ ਅਧਾਰਿਤ ਇੱਕ ਪ੍ਰੋਗਰਾਮ ਦਾ ਆਯੋਜਨ ਕੀਤਾ ਗਿਆ। ਇਸ ਵਿੱਚ ਵੀ.ਆਰ.ਟੀ.ਸੀ. ਵੱਲੋਂ ਅਧਿਆਪਕਾ ਸੋਨੀਆਂ ਨੇ ਜਿੱਥੇ ਨੇਤਰਹੀਣ ਬੱਚਿਆਂ ਦਾ ਨਿਰਦੇਸ਼ਨ ਕੀਤਾ, ਉੱਤੇ ਆਪ ਵੀ "ਜਾਏਂ ਤੋਂ ਜਾਏਂ ਕਹਾਂ" ਗੀਤ ਪੇਸ਼ ਕੀਤਾ। ਇਹ ਹੀ ਨਹੀਂ, ਬਸੰਤ ਨੇ "ਜਲਤੇ ਹੇਂ ਜਿਸ ਕੇ ਲੀਏ' 'ਤਸਵੀਰ ਬਨਾਤਾ ਹੂੰ ਤੇਰੀ ਤਸਵੀਰ ਨਹੀਂ ਬਣਤੀ', ਜੈਆ ਨੇ 'ਸ਼ਾਮੇ ਗਮ ਕੀ ਕਸਮ ਆਜ ਗਮਗੀਂ ਹੈ ਹਮ', ਮਨੀ ਸ਼ਰਮਾਂ ਨੇ 'ਫਿਰ ਵੋਹੀ ਸ਼ਾਮ' ਇਸ਼ੀਤਾ ਨੇ 'ਮੇਰਾ ਕਰਾਰ ਲੇਜਾ' ਗੀਤਾਂ ਨਾਲ ਜਿੱਥੇ ਆਪਣੇ ਸੁਰਾਂ ਦਾ ਜਾਦੂ ਜਗਾ ਦਿੱਤਾ ਉੱਥੇ ਉਹਨਾਂ ਨੂੰ 3 ਹਜ਼ਾਰ ਰੁਪਏ ਦਾ ਨਗਦ ਇਨਾਮ ਵੀ ਦਿੱਤਾ ਗਿਆ। ਏਸ਼ੀਅਨ ਕਲੱਬ ਵੱਲੋਂ ਸੁਖਮਿੰਦਰ ਨੇ 'ਤੁਝੇ ਅਪਨੇ ਪਾਸ ਬੁਲਾਤੀ ਹੈ ਤੇਰੀ ਦੁਨੀਆਂ', 'ਰਾਤ ਨੇ ਕਿਆ ਕਿਆ ਖਾਬ ਦਿਖਾਏ' ਗੀਤ ਗਾਏ ਅਤੇ ਅਸ਼ੋਕ ਧੀਰ ਤੇ ਕੋਮਲ ਵਰਮਾਂ ਨਾਲ 'ਇਤਨਾ ਨਾ ਮੁਝ ਸੇ ਤੂੰ ਪਿਆਰ ਬੜਾ' ਗੀਤਾ ਗਾਇਆ, ਕੋਮਲ ਵਰਮਾਂ ਨੇ 'ਮੇਰੀ ਯਾਦ ਮੇਂ ਤੁਮ ਨਾ ਆਸੂੰ ਬਹਾਨਾ', ਰਕੇਸ਼ ਕਪੂਰ ਨੇ 'ਸੀਨੇ ਮੇਂ ਸੁਲਗਤੇ ਹੇਂ ਆਰਮਾਨ' ਗੀਤਾਂ ਨਾਲ ਵਾਹ-ਵਾਹੀ ਹਾਸਲ ਕੀਤੀ, ਜਦ ਕਿ ਅਰਵਿੰਦ ਰਾਜੂ ਨੇ ਵੱਖ-ਵੱਖ ਕਲਾਕਾਰਾਂ ਦੀਆਂ ਅਵਾਜ਼ਾਂ ਨਾਲ ਦਰਸ਼ਨਾਂ ਦੀਆਂ ਕਿਲਕਾਰੀਆਂ ਗੁੰਜਾ ਦਿੱਤੀਆਂ । ਲਾਇਨਜ਼ ਕਲੱਬ ਵੱਲੋਂ ਨਵਜੀਤ ਸਿੰਘ ਚੰਦੋਕ ਨੇ 'ਪਲ-ਪਲ ਦਿਲ ਕੇ ਪਾਸ', ਵਿਨੈ ਸੂਦ ਨੇ 'ਫਿਰ ਵੋਹੀ ਸ਼ਾਮ' ਗੀਤ ਸੁਣਾਏ ਤੇ ਅਮਰਜੀਤ ਅਰੋੜਾ ਨੇ 'ਹਾਸ-ਰਸ' ਪੇਸ਼ ਕੀਤਾ । ਇਸ ਮੌਕੇ ਤੇ ਪੰਡਿਤ ਰਾਜਨ ਸ਼ਰਮਾਂ ਨੇ 'ਮੇਂ ਯੇਹ ਸੋਚ ਕਰ ਉਸ ਕੇ ਦਰ ਸੇ ਉਠਾ ਥਾ' ਗੀਤ ਤੇ ਸ਼ਾਮਲ ਲਾਲ ਗੁਪਤਾ ਨੇ ਜ਼ਿੰਦਗੀ ਦੀਆਂ ਸਚਾਈਆਂ ਪੇਸ਼ ਕੀਤੀਆਂ । ਨੇਤਰਹੀਣ ਅਤੇ ਅੰਗਹੀਣ ਬੱਚਿਆਂ ਦੀ ਪੜ੍ਹਾਈ ਦੇ ਲਈ ਅਕਾਂਕਸ਼ਾ ਤੇ ਮੁਸਕਾਨ ਨੇ ਉਹਨਾਂ ਨੂੰ ਕੰਪਿਊਟਰ ਭੇਂਟ ਕਰਨ ਲਈ ਭੇਜਿਆ । ਰਾਕੇਸ਼ ਕਪੂਰ ਨੇ ਸਕੂਲ ਨੂੰ 21 ਹਜ਼ਾਰ ਰੁਪਏ ਤੇ ਵੀ.ਕੇ. ਸੂਦ ਨੇ 1100/- ਰੁਪਏ ਭੇਂਟ ਕੀਤੇ। ਜੋਤਿਸ਼ਾ ਅਚਾਰੀਆਂ ਸੁਖਮਿੰਦਰ, ਨਵਜੀਤ ਸਿੰਘ, ਗਰੀਸ਼ ਗੁਪਤਾ, ਅਸ਼ੋਕ ਧੀਰ, ਲਾਇਨਜ਼ ਕਲੱਬ ਦੇ ਹੋਣ ਵਾਲੇ ਗਵਰਨਰ ਯੋਗੇਸ਼ ਸੋਨੀ, ਪਰਮਜੀਤ ਕੌਰ, ਚੇਤਨਾ ਸ਼ਰਮਾਂ, ਸ਼ਲਿੰਦਰ ਵੱਲੋਂ ਨਗਦ ਰਾਸ਼ੀ ਦੇ ਨਾਲ ਨਾਲ ਫ਼ਲ, ਮਿਠਾਈਆਂ, ਬੇਲ-ਪੂਰੀ, ਮਿਲਕ ਬਰੰਮੀ ਤੇ ਜੂਸ ਬੱਚਿਆਂ ਨੂੰ ਦਿੱਤੇ ਗਏ । ਇਸ ਮੌਕੇ ਤੇ ਰਵਿੰਦਰ ਸਿੰਘ ਸੈਣੀ, ਰੀਆ, ਰਾਜ਼ਨ ਗੁਲਾਟੀ, ਮਨਕੀਰਤ ਕੌਰ, ਰੋਹਿਤ ਸੋਨਕਰ, ਡਾ. ਏ.ਐਸ. ਜੱਸੀ, ਪ੍ਰਮੋਦ ਦਾਦਾ, ਭਾਰਤ ਗੁਪਤਾ, ਡਾ. ਅਨਿਲ ਸ਼ਰਮਾਂ, ਡਿੰਪਲ, ਮੀਨਾ ਨਾਗੀ, ਪ੍ਰੇਮ ਖੁਰਾਨਾ ਸਮੇਤ ਵੱਡੀ ਗਿਣਤੀ ਵਿੱਚ ਸ਼ਹਿਰ ਦੇ ਮੰਨੇ-ਪ੍ਰਮੰਨੇ ਲੋਕ ਹਾਜ਼ਰ ਸਨ। 

ਅੱਜ ਜਨਮਦਿਨ 'ਤੇ ਵਿਸ਼ੇਸ਼

Sun, Apr 13, 2014 at 7:12 PM
ਰਬੀ ਰੂਹ ਦੇ ਮਾਲਕ ਸੰਤ ਬਲਵੰਤ ਸਿੰਘ ਸਿੱਧਸਰ ਸਿਹੋੜਾ ਸਾਹਿਬ ਵਾਲੇ

ਲੁਧਿਆਣਾ, 13 ਅਪ੍ਰੈੱਲ (ਸਤਪਾਲ ਸੋਨੀ//ਪੰਜਾਬ ਸਕਰੀਨ): 
13 ਅਪ੍ਰੈੱਲ ਵਿਸਾਖੀ ਵਾਲੇ ਦਿਨ 1938 ਨੂੰ ਸੰਤ ਬਲਵੰਤ ਸਿੰਘ ਸਿੱਧਸਰ ਸਿਹੋੜਾ ਸਾਹਿਬ ਵਾਲਿਆਂ ਨੇ ਪਿਤਾ ਸਾਧੂ ਸਿੰਘ ਦੇ ਘਰ ਮਾਤਾ ਹਰਨਾਮ ਕੌਰ ਦੀ ਕੁੱਖ ਨੂੰ ਭਾਗ ਲਾਏ। ਆਪ ਜੀ ਦੀ ਜਨਮ ਭੂਮੀ ਸਿਹੋੜਾ ਸਾਹਿਬ ਹੈ। ਆਪ ਸ਼ੁਰੂ ਤੋਂ ਹੀ ਧਾਰਮਿਕ ਬਿਰਤੀ ਵਾਲੇ ਪੂਰਨ ਮਨੁੱਖ ਦੇ ਤੌਰ 'ਤੇ ਵਿਚਰਦੇ ਸਨ ਅਤੇ ਧਾਰਮਿਕ ਰੁੱਚੀਆਂ ਦਾ ਮਾਲਕ ਸਨ। ਸੰਤ ਮਹਾਂਪੁਰਖਾਂ ਦੀ ਸੰਗਤ ਕਰਨਾ ਆਪ ਦੀ ਰੋਜ਼-ਮੱਰਾ ਦੀ ਜ਼ਿੰਦਗੀ ਦਾ ਹੱਸਾ ਸੀ। ਸਿੱਖ ਧਰਮ ਦਾ ਪ੍ਰਚਾਰ ਆਪ ਵੱਲੋਂ ਵੱਡੇ ਪੱਧਰ 'ਤੇ ਕੀਤਾ ਗਿਆ। ਸੰਤ ਬਾਬਾ ਬਲਵੰਤ ਸਿੰਘ ਜੀ ਵੱਲੋਂ 21 ਕਾਲਜਾਂ ਦਾ ਨਿਰਮਾਣ ਕਰਵਾਇਆ ਗਿਆ। ਕਈ ਹਜ਼ਾਰ ਨਿਸ਼ਾਨ ਸਾਹਿਬ ਆਪ ਜੀ ਦੀ ਸਰਪ੍ਰਸਤੀ ਹੇਠ ਬਣਵਾਏ ਗਏ। ਕਿੰਨੀਆਂ ਹੀ ਗੁਰਦੁਆਰਾ ਸਾਹਿਬ ਦੀਆਂ ਆਲੀਸ਼ਾਨ ਇਮਾਰਤਾਂ ਬਣਾਉਣ ਦਾ ਸੁਭਾਗ ਸਿਰਫ਼ ਤੇ ਸਿਰਫ਼ ਸੰਤ ਬਾਬਾ ਬਲਵੰਤ ਸਿੰਘ ਜੀ ਨੂੰ ਹੀ ਪ੍ਰਾਪਤ ਹੋਇਆ ਹੈ। ਕਿੱਡੀ ਵੱਡੀ ਗੱਲ ਹੈ ਕਿ ਇਨ੍ਹਾਂ ਮਹਾਂਪੁਰਖਾਂ ਵੱਲੋਂ ਵੱਡੇ-ਵੱਡੇ ਕਾਰਜ ਕਰਨ ਦੇ ਨਾਲ-ਨਾਲ ਲੱਗਭੱਗ 25 ਲੱਖ ਪ੍ਰਾਣੀਆਂ ਨੂੰ ਅੰਮ੍ਰਿਤ ਛਕਾ ਕੇ ਗੁਰੂ ਦੇ ਜਹਾਜੇ ਚੜ੍ਹਾਇਆ ਗਿਆ ਤੇ ਚੜ੍ਹਾਇਆ ਜਾ ਰਿਹਾ ਹੈ। ਜੋ ਕੁਝ ਸ਼੍ਰੋਮਣੀ ਕਮੇਟੀ ਨਹੀਂ ਕਰ ਸਕੀ, ਉਹ ਸੰਤ ਬਾਬਾ ਬਲਵੰਤ ਸਿੰਘ ਜੀ ਕਰ ਰਹੇ ਹਨ। ਪੰਜਾਬ ਦੇ ਨਾਲ-ਨਾਲ ਹੋਰ ਸੂਬਿਆਂ ਦੇ ਅੰਦਰ ਵੀ ਸਿੱਖੀ ਦਾ ਝੰਡਾ ਬੁਲੰਦ ਰੱਖਣ ਦੀ ਕੋਸ਼ਿਸ਼ ਹਰ ਸਮੇਂ ਇਨ੍ਹਾਂ ਮਹਾਂਪੁਰਖਾਂ ਦੀ ਰੂਹ ਦਾ ਹਿੱਸਾ ਹੈ। ਕਿੰਨੇ ਹੀ ਸੂਬਿਆਂ ਅੰਦਰ ਸੰਤ ਬਾਬਾ ਬਲਵੰਤ ਸਿੰਘ ਜੀ ਵੱਲੋਂ ਗੁਰਦੁਆਰਾ ਸਾਹਿਬ ਦੀ ਉਸਾਰੀ ਕਰਵਾਈ ਗਈ ਅਤੇ ਕਾਲਜਾਂ ਦੀ ਸਥਾਪਨਾ ਕੀਤੀ ਗਈ ਅਤੇ ਸੰਗਤਾਂ ਦੇ ਰਹਿਣ ਲਈ ਮੁਫ਼ਤ ਰੈਣ-ਬਸੇਰੇ ਸ਼ੁਰੂ ਕਰਵਾਏ ਗਏ। ਹਰਿਆਣਾ ਦੇ ਕੁਰੂਕਸ਼ੇਤਰ ਜ਼ਿਲੇ ਅੰਦਰ ਸਰਬ-ਧਰਮ ਪੀਠ ਬਣਵਾਇਆ। ਹੋਰਾਂ ਧਰਮਾਂ ਦੇ ਸਤਿਕਾਰ ਦੀ ਇਸ ਤੋਂ ਵੱਡੀ ਮਿਸਾਲ ਹੋਰ ਕੀ ਹੋਵੇਗੀ। ਸੰਤ ਬਾਬਾ ਬਲਵੰਤ ਸਿੰਘ ਜੀ ਸਿੱਧਸਰ ਸਿਹੋੜਾ ਸਾਹਿਬ ਵਾਲਿਆਂ ਦੇ ਹਜ਼ੂਰੀ ਸੇਵਕ ਸ. ਮਨਜੀਤ ਸਿੰਘ ਗਰੇਵਾਲ ਦੱਸਦੇ ਨੇ ਕਿ ਜਦੋਂ ਆਪ ਜੀ ਕੀਰਤਨ ਕਰਦੇ ਹਨ ਤਾਂ ਸਾਰੇ ਵਰਗਾਂ ਦੇ ਲੋਕ ਇਨ੍ਹਾਂ ਦੇ ਕੀਰਤਨ ਦਾ ਆਨੰਦ ਮਾਣਦੇ ਹਨ। ਪਤਾ ਨਹੀਂ ਕਿੰਨੀਆਂ ਬੰਜਰ ਪਈਆਂ ਜ਼ਮੀਨਾਂ ਅਤੇ ਜੰਗਲ ਸੰਤ ਮਹਾਂਪੁਰਖਾਂ ਵੱਲੋਂ ਆਬਾਦ ਕੀਤੇ ਗਏ ਹਨ। ਅੱਜ ਹਜ਼ਾਰਾਂ ਦੀ ਗਿਣਤੀ ਵਿੱਚ ਸੰਗਤ ਹਰ ਰੋਜ਼ ਸਿੱਧਸਰ ਸਾਹਿਬ ਦੀ ਪਵਿੱਤਰ ਧਰਤੀ 'ਤੇ ਨਤਮਸਤਕ ਹੁੰਦੀ ਹੈ। ਭਾਵੇਂ ਆਪ ਵੱਲੋਂ ਸ਼ਹੀਦਾ ਦੀ ਧਰਤੀ ਸ੍ਰੀ ਫ਼ਤਹਿਗੜ ਸਾਹਿਬ ਵਿਖੇ ਸੰਗਤਾਂ ਦੇ ਨਾਲ ਵਚਨ ਬਿਲਾਸ ਕੀਤੇ ਜਾਂਦੇ ਨੇ ਤੇ ਗੁਰਬਾਣੀ ਰਾਹੀਂ ਸੰਗਤ ਦੇ ਜੀਵਨ ਸਫ਼ਲ ਕਰਨ ਦੀ ਕਾਮਨਾ ਕੀਤੀ ਜਾਂਦੀ ਹੈ।ਆਓ ਸਾਰੇ 14 ਅਪ੍ਰੈਲ ਵਾਲੇ ਦਿਨ ਸ੍ਰੀ ਸਿੱਧਸਰ ਸਾਹਿਬ ਸਿਹੋੜਾ ਦੀ ਪਵਿੱਤਰ ਧਰਤੀ 'ਤੇ ਮਹਾਂਪੁਰਖਾਂ ਦਾ ਜਨਮ ਦਿਨ ਮਨਾਈਏ ਅਤੇ ਆਪਣਾ ਜੀਵਨ ਲੇਖੇ ਲਾਈਏ ਅਤੇ ਉਹਨਾਂ ਦੇ ਅਣਮੁੱਲੇ ਵਿਚਾਰ ਸਰਵਣ ਕਰ ਸਕੀਏ। ਇਹੀ ਹਰ ਮਨੁੱਖ ਦੀ ਸੋਚ ਹੋਣੀ ਚਾਹੀਦੀ ਹੈ।

ਡੇਢ ਕਿਲੋ ਅਫੀਮ ਅਤੇ ਇਨੋਵਾ ਕਾਰ ਸਮੇਤ 2 ਦੋਸ਼ੀ ਕਾਬੂ

Sat, Apr 12, 2014 at 7:43 PM
ਰਾਜਸਥਾਨ ਤੋਂ ਸਸਤੇ ਭਾਅ ਲਿਆ ਕੇ ਪਰਚੂਨ ਵਿੱਚ ਮਹਿੰਗੇ ਭਾਅ ਵੇਚਦੇ ਸਨ

ਲੁਧਿਆਣਾ: 12 ਅਪ੍ਰੈਲ 2014: (ਰੈਕਟਰ ਕਥੂਰੀਆ// ਸਤਪਾਲ ਸੋਨੀ//ਪੰਜਾਬ ਸਕਰੀਨ//ਬਿਊਰੋ ਰਿਪੋਰਟਸ):

ਧਾਰਮਿਕ ਪ੍ਰਚਾਰ ਵਿੱਚ ਅਕਸਰ ਆਖਦੇ ਹਨ-ਸਤਿ ਸੰਗਤ ਮਿਲੇ ਸੋ ਤਰਿਆ। ਜਦੋਂ ਕੁਸੱਤ ਵਾਲੀ ਸੰਗਤ ਮਿਲ ਜੇ ਤਾਂ ਬੰਦਾ ਅੱਜ ਵੀ ਡੁੱਬਿਆ ਤੇ ਕਲ੍ਹ ਵੀ। ਇਹ ਗੱਲ ਇੱਕ ਵਾਰ ਫੇਰ ਸਾਬਿਤ ਹੋਈ ਹੈ ਅਫੀਮ ਦੇ ਦੋ ਸਮਗਲਰਾਂ ਦੀ ਗਿਰਫਤਾਰੀ ਨਾਲ। ਮਾੜੀ ਸੰਗਤ ਵਿੱਚ ਪੈ ਕੇ ਪਹਿਲਾਂ ਅਫੀਮ ਵਰਗੇ ਮਹਿੰਗੇ ਨਸ਼ੇ ਦੇ ਆਦਿ ਬਣੇ ਅਤੇ ਫੇਰ ਇਸਦੇ ਧੰਦੇ ਵਿੱਚ ਆ ਗਏ। ਮੋਟਾ ਮੁਨਾਫਾ ਅਤੇ ਨਸ਼ੇ ਦਾ ਸੁਆਦ ਤਾਂ ਦੇਖਿਆ ਪਰ ਇਹ ਭੁੱਲ ਗਏ ਕਿ ਇਸ ਵਿੱਚ ਖਤਰਾ ਵੀ ਮੋਟਾ ਹੈ।  ਰਾਜਸਥਾਨ ਤੋਂ ਸਸਤੀ ਅਫੀਮ ਲਿਆਉਣੀ ਤੇ ਪੰਜਾਬ ਵਿੱਚ ਪਰਚੂਨ ਅਫੀਮਚੀਆਂ ਨੂੰ ਮਹਿੰਗੇ ਹਿਸਾਬ ਨਾਲ ਵੇਚ ਦੇਣੀ। ਹਰ ਵਾਰ ਮੋਟਾ ਪੈਸਾ ਬਚ ਜਾਣਾ ਤੇ ਆਪਣਾ ਨਸ਼ਾ ਇੱਕ ਤਰ੍ਹਾਂ ਨਾਲ ਮੁਫਤੋ ਮੁਫਤੀ ਪੂਰਾ ਹੋ ਜਾਣਾ। ਇੱਕ ਦਿਨ ਇਹੀ ਧੰਦਾ ਸਲਾਖਾਂ ਪਿੱਛੇ ਲੈ ਜਾਵੇਗਾ ਇਹ ਸ਼ਾਇਦ ਉਹਨਾਂ ਸੋਚਿਆ ਨਹੀਂ ਹੋਣਾ ਜਾਂ ਫੇਰ ਨਸ਼ੇ ਦੀ ਲੋਰ ਵਿੱਚ ਭੁੱਲ ਗਏ ਹੋਣੇ ਹਨ।

ਹੁੱਕੇ  ਨਾਲ ਅਫ਼ੀਮ ਦਾ ਨਸ਼ਾ ਕਰਨ ਵਾਲੇ ਇਹਨਾਂ ਨਸ਼ੇੜੀਆਂ ਦੀ ਫੋਟੋ  ਵੀਹਵੀਂ ਸਦੀ ਦੇ ਮੁਢ 'ਚ ਜਾਵਾ 'ਚ ਖਿੱਚੀ ਗਈ  

ਏ.ਐਸ.ਆਈ ਜਸਪਾਲ ਸਿੰਘ ਅਤੇ ਪੁਲਿਸ ਪਾਰਟੀ ਵਲੋਂ ਪਾਹਵਾ ਹਸਪਤਾਲ ਦੇ ਨਜਦੀਕ ਕੀਤੀ ਨਾਕਾਬੰਦੀ ਦੌਰਾਨ ਜਦੋਂ ਇੱਕ ਇਨੋਵਾ ਕਾਰ ਨੰ: ਪੀ.ਬੀ-02 ਏ.ਡਬਲਿਊ 9057 ਨੂੰ ਤਲਾਸ਼ੀ ਲਈ ਰੋਕਿਆ ਗਿਆ ਤਾਂ ਇਹ ਕਨੂੰਨ ਦੇ ਸ਼ਿਕੰਜੇ ਵਿੱਚ ਫਸ ਗਏ। ਤਲਾਸ਼ੀ  ਦੌਰਾਨ ਕਾਰ ਚਾਲਕ ਸੁਨੀਲ ਕੁਮਾਰ ਵਾਸੀ ਗੁਰੁ ਨਾਨਕ ਕਲੋਨੀ, ਥਾਨਾ ਦੁੱਗਰੀ ਦੇ ਕਬਜੇ ਵਿੱਚ 1 ਕਿਲੋ ਅਫੀਮ ਅਤੇ ਹਰਪ੍ਰੀਤ ਸਿੰਘ ਉਰਫ ਸੋਨੂੰ ਵਾਸੀ ਸਟਾਰ ਰੋਡ, ਲੋਹਾਰਾ ਥਾਨਾ ਡਾਬਾ ਦੇ ਕਬਜੇ ਵਿੱਚੋਂ 500 ਗਰਾਮ ਅਫੀਮ ਬਰਾਮਦ ਹੋਈ ।
 ਐਂਟੀ ਨਾਰਕੋਟਿਕਸ ਸੈੱਲ ਦੇ ਇੰਚਾਰਜ਼ ਸਬ ਇੰਸਪੈਕਟਰ ਹਰਬੰਸ ਸਿੰਘ ਨੇ ਦਸਿਆ ਕਿ ਬਰਾਮਦ ਹੋਈ ਡੇਢ ਕਿਲੋ ਅਫੀਮ ਦੀ ਮਾਰਕੀਟ ਕੀਮਤ ਸਵਾ ਲੱਖ ਰੁਪਏ ਹੈ । ਦੋਸ਼ੀਆਂ ਦੇ ਖਿਲਾਫ ਐਨ.ਡੀ.ਪੀ.ਐਸ ਐਕਟ ਦੇ ਅਧੀਨ ਥਾਨਾ ਸ਼ਿਮਲਾਪੁੱਰੀ ਵਿੱਖੇ ਮੁੱਕਦਮਾ ਦਰਜ ਰਜਿਸਟਰ ਕੀਤਾ ਗਿਆ ਹੈ । ਮੁੱਢਲੀ ਪੁੱਛ-ਗਿੱਛ ਦੌਰਾਨ ਆਰੋਪੀ  ਸੁਨੀਲ ਕੁਮਾਰ ਨੇ ਦਸਿਆ ਕਿ ਉਹ ਇਨੋਵਾ ਕਾਰ ਦਾ ਮਾਲਿਕ ਹੈ ਅਤੇ ਟੈਕਸੀ ਚਲਾਉਂਦਾ ਹੈ । ਆਰੋਪੀ ਹਰਪ੍ਰੀਤ ਸਿੰਘ ਉਰਫ ਸੋਨੂੰ ਸਾਹਨੇਵਾਲ ਅਲਟਰਾ ਟੈਕਨੋਲਜੀ ਕੰਪਨੀ ਵਿੱਚ ਡਰਾਈਵਰ ਹੈ । ਦੋਸ਼ੀ ਖੁਦ ਨਸ਼ੇ ਕਰਨ  ਦੇ ਆਦੀ ਹਨ । ਪੁੱਛ-ਗਿੱਛ ਦੌਰਾਨ ਦੋਸ਼ੀਆਂ ਨੇ ਦਸਿਆ ਕਿ ਉਹ ਆਪਣੇ ਸਾਥੀਆਂ ਹਰਪ੍ਰੀਤ ਸਿੰਘ ਸਰਾਂਓ ਅਤੇ ਦਲਵੀਰ ਸਿੰਘ ਵਾਸੀ ਗੁਰੁ ਨਾਨਕ ਕਲੋਨੀ, ਗਿੱਲ ਰੋਡ ਲੁਧਿਆਣਾ ਨੇ ਨਾਲ ਮਿੱਲਕੇ ਰਾਜਸਥਾਨ ਤੋਂ ਸਸਤੇ ਭਾਅ ‘ਤੇ ਖਰੀਦ ਕੇ ਦੁੱਗਣੇ ਮੁਨਾਫੇ ਨਾਲ ਪ੍ਰਚੂਨ 'ਤੇ ਮਹਿੰਗੇ  ਭਾਅ ਵੇਚਦੇ ਸਨ । ਦੋਸ਼ੀ ਪਿੱਛਲੇ ਤਿੰਨ ਸਾਲਾਂ ਤੋਂ ਗੈਰ ਕਾਨੂੰਨੀ ਤੌਰ’ਤੇ ਅਫੀਮ ਵੇਚਣ ਦਾ ਧੰਦਾ ਕਰ ਰਹੇ ਸਨ। ਦੋਸ਼ੀਆਂ ਨੂੰ ਅੱਜ ਅਦਾਲਤ ਵਿੱਚ ਪੇਸ਼ ਕਰਕੇ ਰਿਮਾਂਡ ਹਾਸਿਲ ਕਰਕੇ ਦੋਸ਼ੀਆਂ ਦੇ ਹੋਰ ਸਾਥੀਆਂ ਅਤੇ ਗਾਹਕਾਂ ਬਾਰੇ ਪਤਾ ਲਗਾਇਆ ਜਾਵੇਗਾ ਅਤੇ ਹੋਰ ਵੀ ਅਹਿਮ ਖੁਲਾਸੇ ਹੋਣ ਦੀ ਸੰਭਾਵਨਾ ਹੈ।

ਦੂਜੀ ਅਫੀਮ ਜੰਗ ਦੇ ਦੌਰਾਨ ਗੁਆਂਗਜਾਉ (ਕੈਂਟਨ)

ਇਹ ਤਾਂ ਖੈਰ ਪੁਲਿਸ ਦੀ ਬਹਾਦਰੀ ਅਤੇ ਨੈਟ ਵਰਕ ਦਾ ਕਮਾਲ ਹੈ ਕਿ ਏਹੋ ਜਹੇ ਲੋਕ ਬਹੁਤੀ ਦੇਰ ਪੁਲਿਸ ਤੋਂ ਨਹੀਂ ਲੁਕਦੇ।  ਇੱਕ ਨ ਇੱਕ ਦਿਨ ਕਾਨੂੰਨ ਦੇ ਲੰਮੇ ਹੱਥ ਉਹਨਾਂ ਤੱਕ ਪੁੱਜ ਹੀ ਜਾਂਦੇ ਹਨ। ਪਰ ਦੇਖਣਾ ਇਹ ਹੈ ਸਿਆਸੀ ਅਤੇ ਸਮਾਜਿਕ ਧਿਰਾਂ ਇਹਨਾਂ ਨਸ਼ਿਆਂ ਦੀ ਲਾਹਨਤ ਨੂੰ ਵ੍ਘਾਹ ਸੁੱਟਣ ਲਈ ਕੀ ਕਰਦਿਆਂ ਹਨ! ਇਹ ਇੱਕਲੇ ਪੁਲਿਸ ਦੇ ਸਿਰ ਨਹੀਂ ਸੁੱਟਿਆ ਜਾਣਾ ਚਾਹੀਦਾ। ਚੀਨ ਸਾਥੋਂ ਦੋ ਸਾਲ ਮਗਰੋਂ ਆਜ਼ਾਦ ਹੋਈ---ਉਥੋਂ ਦੀ ਹਾਲਤ ਵੀ ਬੇਹੱਦ ਮਾੜੀ ਸੀ ਅਤੇ ਸਾਮਰਾਜੀਆਂ ਨੇ ਉਥੋਂ ਦੇ ਹਰ ਬੰਦੇ ਨੂੰ ਅਫੀਮਚੀ ਬਣਾ ਕੇ ਰੱਖ ਦਿੱਤਾ ਸੀ। ਹੁਣ ਉਥੇ ਅਫੀਮਚੀ ਲਭਣਾ ਅਸੰਭਵ ਨਹੀਂ ਤਾਂ ਬੇਹੱਦ ਔਖਾ ਜ਼ਰੁਰ ਹੈ।
ਵਿਕਿਪੀਡਿਆ ਦੇ ਮੁਤਾਬਿਕ ਉਂਨੀਵੀਂ ਸਦੀ ਦੇ ਮੱਧ ਵਿੱਚ ਚੀਨ ਅਤੇ ਮੁੱਖ ਤੌਰ ਤੇ ਬ੍ਰਿਟੇਨ ਦੇ ਵਿੱਚ ਲਡ਼ੇ ਗਏ ਦੋ ਯੁੱਧਾਂ ਨੂੰ ਅਫੀਮ ਯੁੱਧ ਕਹਿੰਦੇ ਹਨ। ਇਹ ਲੰਬੇ ਸਮੇਂ ਤੋਂ ਚੀਨ (ਚਿੰਗ ਰਾਜਵੰਸ਼) ਅਤੇ ਬ੍ਰਿਟੇਨ ਦੇ ਵਿੱਚ ਚੱਲ ਰਹੇ ਵਪਾਰਕ ਵਿਵਾਦਾਂ ਦੇ ਚਰਮਾ ਅਵਸਥਾ ਵਿੱਚ ਪਹੁੰਚਣ ਦੇ ਕਾਰਨ ਹੋਏ। ਪਹਿਲਾ ਯੁੱਧ 1839 ਤੋਂ 1842 ਤੱਕ ਚਲਿਆ ਅਤੇ ਦੂਜਾ 1856 ਤੋਂ 1860 ਤੱਕ। ਦੂਜੀ ਵਾਰ ਫਰਾਂਸ ਵੀ ਬ੍ਰਿਟੇਨ ਦੇ ਨਾਲ ਸੀ। ਦੋਨ੍ਹੋਂ ਹੀ ਯੁੱਧਾਂ ਵਿੱਚ ਚੀਨ ਦੀ ਹਾਰ ਹੋਈ ਅਤੇ ਚੀਨੀ ਸ਼ਾਸਨ ਨੂੰ ਅਫੀਮ ਦਾ ਗੈਰਕਾਨੂੰਨੀ ਵਪਾਰ ਸਹਿਣਾ ਪਿਆ। ਚੀਨ ਨੂੰ ਨਾਂਜਿੰਗ ਦੀ ਸੰਧੀ ਅਤੇ ਤੀਯਾਂਜਿਨ ਦੀ ਸੰਧੀ ਕਰਨੀ ਪਈ।ਉੱਥੇ ਇਹ ਕ੍ਰਿਸ਼ਮਾ ਸਿਰਫ ਪੁਲਿਸ ਆਸਰੇ ਨਹੀਂ ਸਿਆਸੀ ਪਹਿਲਕਦਮੀ ਨਾਲ ਅਤੇ ਰਾਜ ਸੱਤਾ ਤੇ ਬੈਠੀਆਂ ਧਿਰਾਂ ਦੀ ਪਹਿਲਕਦਮੀ ਨਾਲ ਸੰਭਵ ਹੋਇਆ ਸੀ। ਜੇ ਸਾਡੇ ਇਥੇ ਨਸ਼ੇ ਨਹੀਂ ਮੁੱਕ ਰਹੇ ਤਾਂ ਸੋਚਣਾ ਪੈਣਾ ਹੈ ਕਿ ਕਮਜ਼ੋਰੀ ਕਿੱਥੋਂ ਚੱਲ ਰਹੀ ਹੈ। ਘਰ ਘਰ ਅਫੀਮ ਉਗਾਉਣ ਅਤੇ ਇਸਦਾ ਕਾਰੋਬਾਰ ਕਰਨ ਦੀਆਂ ਸਲਾਹਾਂ ਸਿਆਸੀ ਧਿਰਾਂ ਹੀ ਦੇਂਦੀਆਂ ਰਹੀਆਂ ਹਨ।

ਚੋਣਾਂ ਸਿਰ 'ਤੇ:ਲੁਧਿਆਣਾ 'ਚ ਬਰਾਮਦ ਹੋਈ 25 ਪੇਟੀਆਂ ਠੇਕਾ ਸ਼ਰਾਬ

ਦੋਸ਼ੀਆਂ ਨੇ ਦੱਸਿਆ-ਮੋਟਾ ਮੁਨਾਫਾ ਹੁੰਦਾ ਹੈ

ਲੁਧਿਆਣਾ: 31 ਮਾਰਚ (ਸਤਪਾਲ ਸੋਨੀ//ਪੰਜਾਬ ਸਕਰੀਨ ):

ਬੈਸਟ ਪ੍ਰਾਈਜ਼ ਮਾਲ ਦੇ ਸਾਹਮਣੇ ਜੀ.ਟੀ.ਰੋਡ ਤੇ ਏ.ਐਸ.ਆਈ ਤਰਸੇਮ ਸਿੰਘ ਸਮੇਤ ਪੁਲਿਸ ਪਾਰਟੀ ਵਲੋਂ ਚੋਣਾਂ  ਦੌਰਾਨ ਕੀਤੀ ਗਈ ਸਪੈਸ਼ਲ ਨਾਕਾਬੰਦੀ ਦੌਰਾਨ ਕਾਰ ਨੰ: ਪੀ.ਬੀ.03 ਏ.ਈ.ਟੈਮਪਰੇਰੀ 1583 ਕਾਰ ਸਵਾਰ ਸਤੀਸ਼ ਕੁਮਾਰ ਉਰਫ ਸਨੀ ਉਮਰ 24 ਸਾਲ ਵਾਸੀ ਸੁਰਾਜ ਗੰਜ ਡਵੀਜ਼ਨ ਨੰ: 5 ਜਲੰਧਰ ਅਤੇ ਜਤਿੰਦਰ ਸਿੰਘ ਉਰਫ ਗੈਰੀ ਉਮਰ 26 ਸਾਲ ਵਾਸੀ ਦਸ਼ਮੇਸ਼ ਨਗਰ ਲਾਡੋਵਾਲੀ ਰੋਡ,ਜਲੰਧਰ ਨੂੰ ਰੋਕ ਕੇ ਤਲਾਸ਼ੀ ਲੈਣ ਤੇ ਕਾਰ ਵਿੱਚੋਂ 25 ਪੇਟੀਆਂ ਠੇਕਾ ਸ਼ਰਾਬ ਅੰਗਰੇਜ਼ੀ ਵੱਖ-ਵੱਖ ਮਾਰਕਾ ਬਰਾਮਦ ਕੀਤੀ  ਗਈ ।
ਸਬ  ਇੰਸਪੈਕਟਰ ਹਰਬੰਸ ਸਿੰਘ ਇੰਚਾਰਜ਼ ਨਾਰਕੋਟਿਕਸ ਸੈੱਲ ਨੇ ਦਸਿਆ ਕਿ ਦੋਸ਼ੀਆਂ ਦੇ ਖਿਲਾਫ ਥਾਨਾ ਸਲੇਮ ਟਾਬਰੀ,ਲੁਧਿਆਣਾ ਵਿੱਖੇ ਮੁੱਕਦਮਾ ਦਰਜ਼ ਰਜਿਸਟਰ ਕੀਤਾ ਗਿਆ ਹੈ । ਸਤੀਸ਼ ਕੁਮਾਰ ਉਰਫ ਸਨੀ ਦੀ ਜਲੰਧਰ ਵਿੱਚ ਬੇਕਰੀ ਦੀ ਦੁਕਾਨ ਹੈ ਅਤੇ  ਜਤਿੰਦਰ ਸਿੰਘ ਉਰਫ ਗੈਰੀ ਦੀ  ਦਸ਼ਮੇਸ਼ ਦਸ਼ਮੇਸ਼ ਨਗਰ ਲਾਡੋਵਾਲੀ ਰੋਡ,ਜਲੰਧਰ ਵਿੱਖੇ ਨੈਟਵਰਕਿੰਗ ਟ੍ਰੇਡਿੰਗ ਕੰਪਨੀ  ਹੈ । ਦੋਸ਼ੀਆਂ ਨੇ ਦਸਿਆ ਕਿ ਕਾਰੋਬਾਰ ਵਿੱਚ ਮੰਦੀ ਕਾਰਨ ਉਹ ਨਾਜਾਇਜ਼ ਸ਼ਰਾਬ ਵੇਚਣ ਦੇ ਧੰਦੇ ‘ਚ ਸ਼ਾਮਿਲ ਹੋ ਗਏ । ਪੁਛ-ਗਿੱਛ ਦੌਰਾਨ ਦੋਸ਼ੀਆਂ ਨੇ ਦਸਿੱਆ ਕਿ ਲੁਧਿਆਣਾ ਤੋਂ ਉਹ ਸਸਤੇ ਭਾਅ ‘ਤੇ ਸ਼ਰਾਬ ਲਿਜਾਕੇ ਜਲੰਧਰ ਵਿੱਖੇ ਆਪਣੇ ਗ੍ਰਾਹਕਾਂ ਨੂੰ ਮਹਿੰਗੇ ਵੇਚਦੇ ਸਨ । ਦੋਸ਼ੀਆਂ ਨੇ ਦਸਿਆ ਕਿ ਪ੍ਰਚੂਨ ‘ਚ ਵੱਖ-ਵੱਖ ਗ੍ਰਾਹਕਾਂ ਨੂੰ ਮਹਿੰਗੇ ਭਾਅ ਸ਼ਰਾਬ ਵੇਚਕੇ ਮੋਟਾ ਮੁਨਾਫਾ ਹੋ ਜਾਂਦਾ ਸੀ । ਦੋਸ਼ੀਆਂ ਨੂੰ ਅੱਜ ਅਦਾਲਤ ਵਿੱਚ ਪੇਸ਼ ਕਰਕੇ ਰਿਮਾਂਡ ਹਾਸਿਲ ਕਰਕੇ ਇਹ ਪਤਾ ਲਗਾਇਆ ਜਾਵੇਗਾ ਕਿ ਦੋਸ਼ੀ ਨਾਜਾਇਜ਼ ਸ਼ਰਾਬ ਕਿਸ ਪਾਸੋਂ ਖਰੀਦਦੇ ਸਨ ਅਤੇ ਕਿਸ ਕਿਸ ਨੂੰ ਵੇਚਦੇ ਸਨ ।

ਜੈਨ ਹੈਲਥ ਸੈਂਟਰ ਵਲੋਂ 7ਵਾਂ ਮੁਫਤ ਚੈਕ ਅੱਪ ਕੈਂਪ

 ਜਰੂਰਤਮੰਦ ਮਰੀਜ਼ਾਂ ਨੂੰ  ਵੰਡੀਆਂ ਗਈਆਂ ਮੁੱਫਤ ਦਵਾਈਆਂ

ਲੁਧਿਆਣਾ: 23 ਫਰਵਰੀ 2014: (ਸਤਪਾਲ ਸੋਨੀ//ਪੰਜਾਬ ਸਕਰੀਨ): 

ਜੈਨ ਹੈਲਥ ਸੈਂਟਰ ਵਲੋਂ 7ਵਾਂ ਮੁਫਤ ਚੈਕ ਅੱਪ ਕੈਂਪ ਬਸੰਤ ਵਿਹਾਰ . ਨੂਰਵਾਲਾ ਰੋਡ, ਨਜਦੀਕ ਸਬਜੀ ਮੰਡੀ ਵਿੱਖੇ ਡਾ: ਰਾਹੁਲ ਜੈਨ ਦੀ ਅਗਵਾਈ ਵਿੱਚ ਲਗਾਇਆ ਗਿਆ। ਅੱਜ ਦੇ ਇਸ ਕੈਂਪ ਵਿੱਚ ਸ਼ੂਗਰ, ਬੱਲਡ ,ਕਲਸਟਰੋਲ ,ਨਿਊਰੋਪੈਥੀ ਆਦਿ ਦੀ ਮੁੱਫਤ ਜਾਂਚ ਕੀਤੀ ਗਈ। ਜਰੂਰਤਮੰਦ ਮਰੀਜ਼ਾਂ ਨੂੰ ਮੁੱਫਤ ਦਵਾਈਆਂ ਵੀ ਵੰਡੀਆਂ ਗਈਆਂ । ਅੱਜ ਦੇ ਇਸ ਕੈਂਪ ਦਾ ਬਹੁਤ ਸਾਰੇ ਮਰੀਜ਼ਾਂ ਨੇ ਲਾਭ ਉਠਾਇਆ। ਇਸ ਮੌਕੇ ਡਾ: ਰਾਹੁਲ ਜੈਨ ਨੇ ਕਿਹਾ ਕਿ ਉਹ ਜਰੂਰਤਮੰਦ ਮਰੀਜ਼ਾਂ ਦੀ ਸਹਾਇਤਾ ਲਈ ਹਮੇਸ਼ਾ ਹੀ ਉਪਲੱਬਧ ਹਨ ਅਤੇ ਉਹ ਭਵਿੱਖ ਵਿੱਚ ਵੀ ਜਰੂਰਤਮੰਦ ਮਰੀਜ਼ਾ ਦੇ ਲਈ ਮੁਫੱਤ ਚੈਕ ਅੱਪ ਕੈਂਪ ਲਗਾਉਂਦੇ ਰਹਿਣਗੇ । ਇਸ ਮੌਕੇ ਉਨ੍ਹਾਂ ਦੇ ਨਾਲ ਡਾ: ਗੂੰਜਨ ਜੈਨ , ਡਾ: ਰਮਨਦੀਪ , ਦੀਪਕ , ਸ਼੍ਰੀ ਅਵਿਨਾਸ਼ ਜੈਨ ,ਅਨਮੋਲ ਸਗੱੜ , ਪਾਰੂਲ ਜੈਨ ਅਤੇ ਆਸ਼ੀਸ਼ ਆਦਿ ਹਾਜ਼ਿਰ ਸਨ । ਇਸ ਕੈਂਪ ਦੇ ਆਯੋਜਨ ਵਿੱਚ ਕਈ ਸਮਾਜਿਕ ਅਤੇ ਧਾਰਮਿਕ ਸੰਗਠਨਾਂ ਨੇ ਆਪਣਾ ਸਰਗਰਮ ਸਹਿਯੋਗ ਦਿੱਤਾ। ਡਾਕਟਰ ਰਾਹੁਲ ਜਿਨ ਨੇ ਦੱਸਿਆ ਕਿ ਆਯੁਰਵੈਦ ਨੇ ਉਹਨਾਂ ਲੋਕਾਂ ਲੈ ਇੱਕ ਨਵੇਂ ਜੀਵਨ ਦਾ ਸੁਨੇਹਾ ਦਿੱਤਾ ਹੈ ਜਿਹੜੇ ਅੰਗ੍ਰੇਜ਼ੀ ਦਵਾਈਆਂ ਦੇ ਸਾਈਡ ਇਫੈਕਟਸ ਤੋਂ ਤੰਗ ਆ ਕੇ ਦਵਾਈਆਂ ਅਤੇ ਇਲਾਜ ਵਿੱਚ ਭਰੋਸਾ ਹੀ ਛੱਡ ਬੈਠਦੇ ਹਨ ਅਤੇ ਨਿਰਾਸ਼ ਹੋ ਜਾਂਦੇ ਹਨ। ਉਹਨਾਂ ਸਪਸ਼ਟ ਕੀਤਾ ਕਿ ਉਹ ਲੋੜ ਪੈਣ ਤੇ ਐਲੋਪੈਥੀ ਦੀ ਸਹਾਇਤਾ ਵੀ ਲੈਂਦੇ ਹਨ ਕਿਓਂਕਿ ਉਹਨਾਂ ਦਾ ਅਸਲੀ ਮਕਸਦ ਮਰੀਜ਼ ਨੂੰ ਠੀਕ ਕਰਨਾ ਹੁੰਦਾ ਹੈ। ਉਹਨਾਂ ਦੱਸਿਆ ਕਿ ਅੱਜ ਦੇ ਕੈਂਪ ਵਿੱਚ ਵੀ ਹੱਡੀਆਂ ਦੀ ਕਮਜ਼ੋਰੀ, ਸ਼ੂਗਰ, ਬੈਕ-ਪੇਨ, ਸਰਵਾਈਕਲ ਪੇਨ ਵਰਗੀਆਂ ਬਿਮਾਰੀਆਂ ਦੇ ਮਰੀਜ਼ ਜ਼ਿਆਦਾ ਨਜਰ ਆਏ। ਉਹਨਾਂ ਕਿਹਾ ਕਿ ਆਯੁਰਵੈਦ ਕੋਲ ਤੰਦਰੁਸਤੀ ਵਾਲੀ ਲੰਮੀ ਉਮਰ ਦਾ ਰਾਜ਼ ਮੌਜੂਦ ਹੈ। ਜੋਸ਼ੋ ਖਰੋਸ਼ ਨਾਲ ਅੱਜ ਸਵੇਰੇ ਸ਼ੁਰੂ ਹੋਇਆ ਕੈਂਪ ਬਾਅਦ ਦੁਪਹਿਰ ਤੱਕ ਜਾਰੀ ਰਹੇਗਾ। 

ਯੂਥ ਅਕਾਲੀ ਦਲ ਨੇ ਫੂਕਿਆ ਰਾਹੁਲ ਗਾਂਧੀ ਦਾ ਪੁਤਲਾ

ਰਾਹੁਲ ਗਾਂਧੀ ਸਿੱਖਾਂ ਦੇ ਕਤਲੇਆਮ ਵਿੱਚ ਸ਼ਾਮਲ ਕਾਂਗਰਸੀਆਂ ਦੇ ਨਾਂ ਜੱਗ ਜ਼ਾਹਿਰ ਕਰੇ: ਇਆਲੀ

ਨਿਆਂ ਵਿੱਚ ਦੇਰੀ ਲਈ ਕਾਂਗਰਸ ਜ਼ਿੰਮੇਵਾਰ

ਯੂਥ ਅਕਾਲੀ ਦਲ ਦੇ ਮੀਤ ਪ੍ਰਧਾਨ ਸ੍ਰੀ ਮਨਪ੍ਰੀਤ ਸਿੰਘ ਇਆਲੀ ਅਤੇ ਹੋਰ ਯੂਥ ਅਕਾਲੀ ਦਲ ਵਰਕਰ ਲੁਧਿਆਣਾ ਦੇ ਮਿੰਨੀ ਸਕੱਤਰੇਤ ਵਿਖੇ ਰਾਹੁਲ ਗਾਂਧੀ ਦਾ ਪੁਤਲਾ ਫੂਕਦੇ ਹੋਏ

ਅਕਾਲੀਆਂ ਵੱਲੋਂ ਰਾਹੁਲ ਗਾਂਧੀ ਦੇ ਖਿਲਾਫ਼ ਅੰਮ੍ਰਿਤਸਰ ਵਿੱਚ ਹੋਏ ਰੋਸ ਮੁਜ਼ਾਹਰੇ ਦੀ ਇੱਕ ਝਲਕ 

ਅੰਮ੍ਰਿਤਸਰ//ਲੁਧਿਆਣਾ: 30 ਜਨਵਰੀ 2014: (ਸਤਪਾਲ ਸੋਨੀ//ਪੰਜਾਬ ਸਕਰੀਨ):
ਕਾਂਗਰਸ ਪਾਰਟੀ ਦੇ ਸੀਨੀਅਰ ਆਗੂ ਰਾਹੁਲ ਗਾਂਧੀ ਵੱਲੋਂ ਦਿੱਤੇ ਬਿਆਨ ਮਗਰੋਂ ਦਿੱਲੀ ਤੋਂ ਬਾਅਦ ਹੁਣ ਪੰਜਾਬ ਵਿੱਚ ਵੀ ਸਿੱਖ ਸਿਆਸਤ ਗਰਮਾ ਗਈ ਹੈ। ਧਰਨਿਆਂ ਮੁਜ਼ਾਹਰਿਆਂ ਦਾ ਸਿਲਸਿਲਾ ਲਗਾਤਾਰ ਤੇਜ਼ ਹੋ ਰਿਹਾ ਹੈ। ਇਸੇ ਸੰਬੰਧ ਵਿੱਚ ਅੱਜ ਅੰਮ੍ਰਿਤਸਰ ਅਤੇ ਲੁਧਿਆਣਾ ਵਿੱਚ ਵੀ ਜ਼ਬਰਦਸਤ ਰੋਸ ਮੁਜ਼ਾਹਰੇ ਹੋਏ। ਦੋਹਾਂ ਥਾਵਾਂ ਤੇ ਹੀ ਯੂਥ ਅਕਾਲੀ ਵਰਕਰਾਂ ਨੇ ਵਧ ਚੜ੍ਹ ਕੇ ਭਾਗ ਲਿਆ।  ਕਾਂਗਰਸ ਦੇ ਖਿਲਾਫ਼ ਕੀਤੀ ਗਈ ਜਬਰਦਸਤ ਨਾਅਰੇਬਾਜੀ ਦੌਰਾਨ ਬਾਰ ਬਾਰ ਇਸ ਗੱਲ ਤੇ ਜੋਰ ਦਿੱਤਾ ਗਿਆ ਕਿ ਇਸ ਅਣਮਨੁੱਖੀ ਕਾਰੇ ਦੀ ਜ਼ਿਨ੍ਮੇਵਾਈ ਕਬੂਲ ਕਰਨ ਮਗਰੋਂ ਹੁਣ ਸ਼ਾਮਿਲ ਹੋਏ ਕਾਂਗਰਸੀਆਂ ਦੇ ਨਾਮ ਵੀ ਦੱਸੇ ਜਾਣੇ ਚਾਹੀਦੇ ਹਨ ਅਤੇ ਦੋਸ਼ੀਆਂ ਦੇ ਖਿਲਾਫ਼ ਐਕਸ਼ਨ ਵੀ ਲਿਆ ਜਾਣਾ ਚਾਹੀਦਾ ਹੈ।  ਪੰਜਾਬ ਯੂਥ ਅਕਾਲੀ ਦਲ ਦੇ ਆਗੂਆਂ ਅਤੇ ਵਰਕਰਾਂ ਨੇ ਲੁਧਿਆਣਾ ਵਿੱਚ ਡੀ.ਸੀ. ਦਫ਼ਤਰ ਦੇ ਸਾਹਮਣੇ ਧਰਨਾ ਦੇ ਕੇ ਰਾਹੁਲ ਗਾਂਧੀ ਨੂੰ ਸਿੱਖ ਕਤਲੇਆਮ ਵਿੱਚ ਸ਼ਾਮਲ ਕਾਂਗਰਸੀ ਆਗੂਆਂ ਦੇ ਨਾਂ ਜੱਗ ਜ਼ਾਹਿਰ ਕਰਨ ਲਈ ਕਿਹਾ। ਸੈਂਕੜਿਆਂ ਦੀ ਗਿਣਤੀ ਵਿੱਚ ਇਕੱਠੇ ਹੋਏ ਯੂਥ ਅਕਾਲੀ ਆਗੂਆਂ ਨੇ ਕਾਂਗਰਸ ਪ੍ਰਧਾਨ ਦਾ ਪੁਤਲਾ ਸਾੜਿਆ। 

ਧਰਨੇ ਦੀ ਪ੍ਰਧਾਨਗੀ ਕਰਦਿਆਂ ਯੂਥ ਅਕਾਲੀ ਦਲ ਦੇ ਸੀਨੀਅਰ ਮੀਤ ਪ੍ਰਾਨ ਸ੍ਰੀ ਮਨਪ੍ਰੀਤ ਸਿੰਘ ਇਆਲੀ ਨੇ ਕਿਹਾ ਕਿ ਰਾਹੁਲ ਗਾਂਧੀ 1984 ਦੇ ਸਿੱਖ ਦੰਗਿਆਂ ਵਿੱਚ ਸ਼ਾਮਲ ਕਾਂਗਰਸੀਆਂ ਦੇ ਨਾਵਾਂ ਦਾ ਖੁਲਾਸਾ ਕਰੇ। ਉਨਾਂ ਕਿਹਾ ਕਿ ਕਾਂਗਰਸ ਸਿੱਖ ਦੰਗਿਆਂ ਦੇ ਦੋਸ਼ੀਆਂ ਨੂੰ ਸਜ਼ਾਵਾਂ ਦੇਣ ਦੀ ਥਾਂ ਉਨਾਂ ਨੂੰ ਉਚ ਅਹੁਦਿਆਂ ’ਤੇ ਲਗਾ ਕੇ ਸਨਮਾਨਤ ਕਰ ਰਹੀ ਹੈ। ਕਾਂਗਰਸ ਪਾਰਟੀ ’ਤੇ ਵਰਦਿਆਂ ਯੂਥ ਅਕਾਲੀ ਦਲ ਦੇ ਸੀਨੀਅਰ ਮੀਤ ਪ੍ਰਧਾਨ ਸ੍ਰੀ ਇੰਦਰ ਮੋਹਨ ਸਿੰਘ ਕਾਦੀਆਂ ਨੇ ਕਿਹਾ ਕਿ ਕਾਂਗਰਸੀਆਂ ਨੇ ਸਿੱਖਾਂ ’ਤੇ ਯੋਜਨਾਬੱਧ ਤਰੀਕੇ ਨਾਲ ਹਮਲਾ ਕੀਤਾ। 

ਸ਼ੋ੍ਰਮਣੀ ਅਕਾਲੀ ਦਲ ਦੇ ਆਗੂ ਹਰਪ੍ਰੀਤ ਸਿੰਘ ਗਰਚਾ ਨੇ ਕਿਹਾ ਕਿ ਗਾਂਧੀ ਪਰਿਵਾਰ ਸਿੱਖ ਕਤਲੇਆਮ ਦੇ ਪੀੜਤਾਂ ਨੂੰ ਨਿਆਂ ਦਿਵਾਉਣ ਵਿੱਚ ਜਾਣਬੁੱਝ ਕੇ ਦੇਰੀ ਕਰ ਰਿਹਾ ਹੈ। ਉਨਾਂ ਕਿਹਾ ਕਿ ਉਸ ਸਮੇਂ ਦੇ ਪ੍ਰਧਾਨ ਮੰਤਰੀ ਰਾਜੀਵ ਗਾਂਧੀ ਨੇ ਅਸਲੀ ਦੋਸ਼ੀਆਂ ਨੂੰ ਬਚਾਉਣ ਦੀ ਕੋਸ਼ਿਸ਼ ਕੀਤੀ। ਇਸ ਦੌਰਾਨ ਉਨਾਂ ਨੇ ਕਾਂਗਰਸੀ ਆਗੂ ਐਚ.ਕੇ.ਐਲ. ਭਗਤ ਜਿਨਾਂ ਨੂੰ ਚਸ਼ਮਦੀਦਾਂ ਨੇ ਦੇਖ ਵੀ ਲਿਆ ਸੀ, ਨੂੰ ਵੀ ਰਾਜੀਵ ਗਾਂਧੀ ਨੇ ਉਚ ਅਹੁਦੇ ਨਾਲ ਸਨਮਾਨਤ ਕੀਤਾ। ਇਸ ਮੌਕੇ ਸ਼ਾਮਲ ਪ੍ਰਮੁੱਖ ਸ਼ਖ਼ਸੀਅਤਾਂ ਵਿੱਚ ਸ੍ਰੀ ਇੰਦਰ ਇਕਬਾਲ ਸਿੰਘ ਅਟਵਾਲ, ਜਗਜੀਵਨ ਸਿੰਘ ਖੀਰਨੀਆਂ, ਭੁਪਿੰਦਰ ਸਿੰਘ ਚੀਮਾ, (ਸਾਰੇ ਸ਼ਰੋਮਣੀ ਯੂਥ ਅਕਾਲੀ ਦਲ ਦੇ ਮੀਤ ਪ੍ਰਧਾਨ), ਯੂਥ ਅਕਾਲੀ ਦਲ ਦਿਹਾਤੀ ਦੇ ਪ੍ਰਧਾਨ ਸ੍ਰੀ ਕਮਲਜੀਤ ਸਿੰਘ ਮੱਲਾ, ਯੂਥ ਅਕਾਲੀ ਦਲ  ਖੰਨਾ ਦੇ ਪ੍ਰਧਾਨ ਸ੍ਰੀ ਯਾਦਵਿੰਦਰ ਸਿੰਘ ਯਾਦੂ, ਪ੍ਰਭਜੋਤ ਸਿੰਘ ਧਾਲੀਵਾਲ, ਮੀਤਪਾਲ ਸਿੰਘ ਦੁੱਗਰੀ, ਰਵਿੰਦਰਪਾਲ ਸਿੰਘ ਮਿੰਕੂ, ਗੁਰਦੀਪ ਸਿੰਘ ਗੋਸ਼ਾ, ਗੁਰਪ੍ਰੀਤ ਸਿੰਘ ਬੱਬਲ, ਕੰਵਲਜੀਤ ਸਿੰਘ ਦੂਆ, ਸੁਰਿੰਦਰ ਸਿੰਘ ਗਰੇਵਾਲ, ਤਰਸੇਮ ਸਿੰਘ ਭਿੰਡਰ, ਹਰਪ੍ਰੀਤ ਸਿੰਘ ਸ਼ਿਵਾਲਿਕ, ਗੁਰਪ੍ਰੀਤ ਸਿੰਘ ਆਲਮਗੀਰ, ਗੁਰਿੰਦਰਪਾਲ ਸਿੰਘ ਪੱਪੂ, ਸੋਹਣ ਸਿੰਘ ਗੋਗਾ, ਜਸਪ੍ਰੀਤ ਸਿੰਘ ਕਾਕਾ, ਬਲਵਿੰਦਰ ਸਿੰਘ ਭੁੱਲਰ, ਕੁਲਦੀਪ ਸਿੰਘ ਢਿੱਲੋਂ, ਕੰਵਲਪ੍ਰੀਤ ਸਿੰਘ ਬੰਟੀ, ਪਰਮਜੀਤ ਸਿੰਘ ਪੰਮਾ ਆਦਿ ਮੌਜੂਦ ਸਨ। 

ਨਵੰਬਰ-84 ਦੀਆਂ ਹੌਲਨਾਕ ਘਟਨਾਵਾਂ ਬਾਰੇ ਪੰਜਾਬ ਸਕਰੀਨ 'ਚ ਛਪੀਆਂ ਕੁਝ ਚੋਣਵੀਆਂ ਖਬਰਾਂ 

ਕੇਦਰ ਸਰਕਾਰ ਸਾਰੇ ਦੇਸ਼ ਵਿੱਚ ਇੱਕੋ ਜਿਹਾ ਸਲੇਬਸ ਲਾਗੂ ਕਰੇ-ਅਟਵਾਲ

Wed, Jan 22, 2014 at 5:51 PM
ਸਾਰਿਆ ਸੂਬਿਆਂ ਵਿੱਚ ਸਿਖਿਆ ਦੇ ਮਿਆਰ ਨੂੰ ਉੱਚਾ ਚੁੱਕਣ ਲਈ ਅਜਿਹਾ ਕਰਨਾ ਜ਼ਰੂਰੀ 
ਮਾਈ ਭਾਗੋ ਸਕੀਮ ਤਹਿਤ 89 ਲੜਕੀਆਂ ਨੂੰ ਸਾਈਕਲਾਂ ਦੀ ਕੀਤੀ ਵੰਡ

ਲੁਧਿਆਣਾ, 22 ਜਨਵਰੀ 2014: (ਸਤਪਾਲ ਸੋਨੀ//ਪੰਜਾਬ ਸਕਰੀਨ):

ਪੰਜਾਬ ਵਿਧਾਨ ਸਭਾ ਦੇ ਸਪੀਕਰ ਡਾ.ਚਰਨਜੀਤ ਸਿੰਘ ਅਟਵਾਲ ਨੇ ਕਿਹਾ ਕਿ ਕੇਦਰ ਸਰਕਾਰ ਨੂੰ ਚਾਹੀਦਾ ਹੈ ਕਿ ਉਹ ਸਾਰਿਆ ਸੂਬਿਆਂ ਵਿੱਚ ਸਿਖਿਆ ਦੇ ਮਿਆਰ ਨੂੰ ਉੱਚਾ ਚੁੱਕਣ ਲਈ ਇੱਕੋ ਜਿਹਾ ਸਲੇਬਸ ਸਾਰੇ ਦੇਸ਼ ਵਿੱਚ ਲਾਗੂ ਕਰਨ ਤਾਂ ਹੀ ਅਸੀ ਅਧੁਨਿਕ ਯੁੱਗ ਦਾ ਮੁਕਾਬਲਾ ਕਰ ਸਕਦੇ ਹਨ। ਡਾ. ਅਟਵਾਲ ਅੱਜ ਕਾਰਗਲ ਦੇ ਸਹੀਦ ਸੁਖਚੈਨਦੀਪ ਸਿੰਘ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਘੁਡਾਣੀ ਕਲਾਂ ਵਿਖੇ ਪੰਜਾਬ ਸਰਕਾਰ ਵੱਲੋ ਲੜਕੀਆਂ ਨੂੰ ਮਾਈ ਭਾਗੋ ਸਕੀਮ ਤਹਿਤ 89 ਸਾਈਕਲ ਵੰਡਣ ਉਪਰੰਤ ਭਾਰੀ ਇਕੱਠ ਨੂੰ ਸੰਬੋਧਨ ਕਰ ਰਹੇ ਸਨ।
 ਡਾ. ਅਟਵਾਲ ਨੇ ਕੇਂਦਰ ਸਰਕਾਰ ਦੀ ਸਿੱਖਿਆ ਨੀਤੀ ਦੀ ਅਲੋਚਣਾ ਕਰਦਿਆ ਕਿਹਾ ਕਿ ਕੇਂਦਰ ਸਰਕਾਰ ਵੱਲੋਂ 9ਵੀਂ ਕਲਾਸ ਤੱਕ ਜੋ ਬੱਚਿਆਂ ਨੂੰ ਫੇਲ੍ਹ ਨਾ ਕਰਨ ਦੀ ਜੋ ਨੀਤੀ ਸ਼ੁਰੂ ਕੀਤੀ ਗਈ ਹੈ ਉਸ ਨਾਲ ਅੱਜ ਦੇ ਮੁਕਾਬਲੇ ਦੇ ਯੁੱਗ ਵਿੱਚ ਬਹੁਤ ਪਿੱਛੇ ਰਹਿ ਜਾਵਾਂਗੇ।ਉਹਨਾਂ ਕਿਹਾ ਕਿ ਅੱਜ ਦੇ ਅਧੁਨਿਕ ਮੁਕਾਬਲੇ ਦੇ ਯੁੱਗ ਵਿੱਚ ਸਿੱਖਿਆ ਦਾ ਵਿਸ਼ੇਸ਼ ਮਹੱਤਵ ਹੈ ਅਤੇ ਲੜਕੀਆਂ ਦੀ ਸਿੱਖਿਆ ਵਿੱਚ ਕਿਸੇ ਕਿਸਮ ਦੀ ਆਉਣ-ਜਾਣ ਵਿੱਚ ਮੁਸ਼ਕਲ ਪੇਸ਼ ਨਾ ਆਵੇ ਇਸੇ ਕਰਕੇ ਮੁੱਖ ਮੰਤਰੀ ਪੰਜਾਬ ਸ. ਪਰਕਾਸ਼ ਸਿੰਘ ਬਾਦਲ ਅਤੇ ਉਪ ਮੁੱਖ ਮੰਤਰੀ ਸੁਖਬੀਰ ਸਿੰਘ ਬਾਦਲ ਦੀ ਸੋਚ ਸਦਕਾ ਸਰਕਾਰ ਵੱਲੋਂ ਮਾਈ ਭਾਗੋ ਸਕੀਮ ਦੀ ਸ਼ੁਰੂਆਤ ਕਰਨ ਵਾਲਾ ਪੰਜਾਬ ਦੇਸ਼ ਦਾ ਪਹਿਲਾ ਸੂਬਾ ਹੈ, ਜਿਸ ਵਿੱਚ ਲੜਕੀਆ ਦੀ ਸਿੱਖਿਆ ਵੱਲ ਵਿਸ਼ੇਸ਼ ਧਿਆਨ ਦਿੱਤਾ ਜਾ ਰਿਹਾ ਹੈ।
 ਸ. ਅਟਵਾਲ ਨੇ ਕਿਹਾ ਕਿ ਸ਼੍ਰੋਮਣੀ ਅਕਾਲੀ ਦਲ-ਭਾਜਪਾ ਸਰਕਾਰ ਵੱਲੋਂ ਸਰਕਾਰੀ ਸਕੂਲਾਂ ਵਿੱਚ ਪੜ੍ਹਨ ਵਾਲੇ ਬੱਚਿਆਂ ਲਈ ਡਾ. ਹਰਗੋਬਿੰਦ ਖੁਰਾਣਾ ਵਜ਼ੀਫ਼ਾ ਸਕੀਮ ਅਧੀਨ 80 ਫੀਸਦੀ ਤੋਂ ਵੱਧ ਨੰਬਰ ਲੈਣ ਵਾਲੇ ਬੱਚਿਆਂ ਲਈ 30 ਹਜ਼ਾਰ ਰੁਪਏ ਸਾਲਾਨਾ ਦੇਣ ਅਤੇ ਆਪਣੀ ਕਿਸਮ ਦਾ ਨਿਵੇਕਲੇ ਵਿਸ਼ੇਸ਼ ਰਿਹਾਇਸ਼ੀ ਸਕੂਲ ਖੋਹਲੇ ਜਾ ਰਹੇ ਹਨ, ਜਿੱਥੇ ਇਹਨਾਂ ਬੱਚਿਆਂ ਦੀ ਰਿਹਾਇਸ਼ ਅਤੇ ਮੁਫ਼ਤ ਪੜ੍ਹਾਈ ਕਰਵਾਈ ਜਾਵੇਗੀ ਤਾ ਇਹ ਬੱਚੇ ਵਧੀਆ ਸਿੱਖਿਆ ਹਾਸਲ ਕਰਕੇ ਆਪਣੇ ਮਾਤਾ-ਪਿਤਾ, ਰਾਜ ਅਤੇ ਦੇਸ਼ ਦਾ ਨਾਂ ਰੌਸ਼ਨ ਕਰ ਸਕਣ।
        ਸ. ਅਟਵਾਲ ਨੇ ਕਿਹਾ ਕਿ ਸਹੀਦ ਸੁਖਚੈਨਦੀਪ ਸਿੰਘ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਘੁਡਾਣੀ ਕਲਾਂ ਦੇ ਵਿਕਾਸ ਕਾਰਜਾ ਲਈ ਆਉਣ ਵਾਲੇ ਵਿੱਤੀ ਵਰ•ੇ ਵਿੱਚ ਗਰਾਂਟ ਦੇ ਕਿ ਸਕੂਲ ਦੇ ਵਿਕਾਸ ਦੇ ਕੰਮ ਕਰਵਾਏ ਜਾਣਗੇ।ਇਸ ਮੋਕੇ ਉਹਨਾ ਪਿੰਡ ਘੁਡਾਣੀ ਕਲਾਂ ਦੇ ਵੱਖ-ਵੱਖ ਵਿਕਾਸ ਕਾਰਜਾ ਲਈ 4.50 ਲੱਖ ਦੀ ਗਰਾਂਟ ਦੇਣ ਦਾ ਐਲਾਨ ਕੀਤਾ।ਇਸ ਮੌਕੇ ਪਿੰਡ ਦੀ ਗਰਾਮ ਪੰਚਾਇਤ ਅਤੇ ਨਗਰ ਨਿਵਾਸੀਆ ਵੱਲੋ ਡਾ.ਅਟਵਾਲ ਦਾ ਸਨਮਾਨ ਵੀ ਕੀਤਾ ਗਿਆ। 
            ਇਸ ਮੌਕੇ ਤੇ ਸਕੂਲ ਦੇ ਪ੍ਰਿੰਸੀਪਲ  ਸ੍ਰ. ਮੇਜਰ ਸਿੰਘ  ਵੱਲੋਂ ਸ. ਅਟਵਾਲ ਦਾ ਸਕੂਲ ਵਿੱਚ ਪਹੁੰਚਣ ਤੇ ਨਿੱਘਾ ਸਵਾਗਤ ਅਤੇ ਧੰਨਵਾਦ ਕੀਤਾ। ਉਹਨਾਂ ਹੀ ਕਿਹਾ ਕਿ ਇਸ ਸਕੂਲ ਨੇ ਸਿੱਖਿਆ, ਖੇਡਾ ਅਤੇ ਸੱਭਿਆਚਾਰ ਦੇ ਖੇਤਰ ਵਿੱਚ ਕਾਫੀ ਮੱਲਾਂ ਮਾਰੀਆ ਹਨ, ਉੱਥੇ ਹੀ ਇਸ ਸਕੂਲ ਦੇ ਇੱਕ ਵਿਦਿਆਰਥੀ ਵੱਲੋਂ 80 ਫੀਸਦੀ ਤੋਂ ਵਧੇਰੇ ਨੰਬਰ ਲੈ ਕੇ ਡਾ. ਹਰਗੋਬਿੰਦ ਖੁਰਾਣਾ ਵਜ਼ੀਫ਼ਾ ਸਕੀਮ ਦਾ ਲਾਭ ਪ੍ਰਾਪਤ ਕੀਤਾ ਹੈ।
 ਇਸ ਮੌਕੇ ਹੋਰਨਾ ਤੋਂ ਇਲਾਵਾ ਸ੍ਰ.ਰਘਬੀਰ ਸਿੰਘ ਸਹਾਰਨ ਮਾਜਰਾ ਮੈਬਰ ਐਸ.ਜੀ.ਪੀ.ਸੀ, ਸ੍ਰੀ ਬਿਕਰਮਜੀਤ ਸਿੰਘ ਚੀਮਾ ਜ਼ਿਲਾ ਪ੍ਰਧਾਨ ਭਾਜਪਾ, ਸ੍ਰ. ਹਰਿੰਦਰਪਾਲ ਸਿੰਘ ਹਨੀ ਸਾਬਕਾ ਚੇਅਰਮੈਨ ਬਲਾਕ ਸੰਮਤੀ, ਸ੍ਰੀ ਦੇਵੀ ਪ੍ਰਸ਼ਾਦ ਸਾਹੀ ਜ਼ਿਲਾ ਮੀਤ ਪ੍ਰਧਾਨ ਭਾਜਪਾ, ਸ੍ਰੀ ਗੁਰਮੁਖ ਸਿੰਘ ਗੋਗਾ ਸਰਪੰਚ ਘੁਡਾਣੀ ਕਲਾਂ, ਬਲਵੰਤ ਸਿੰਘ ਘਲੋਟੀ ਸਾਬਕਾ ਜ਼ਿਲਾ ਪ੍ਰੀਸਦ ਮੈਬਰ, ਸਰਪੰਚ ਹਰਜੀਤ ਸਿੰਘ ਘਲੋਟੀ, ਸ੍ਰੀ ਕੇਸਰ ਸਿੰਘ ਪ੍ਰਧਾਨ ਟਰੱਕ ਯੂਨੀਅਨ ਦੋਰਾਹਾ,ਸ੍ਰ. ਕੇਵਲ ਸਿੰਘ ਸੇਖੋ, ਮਨਜੀਤ ਸਿੰਘ ਘੁਡਾਣੀ, ਪਰਵਿੰਦਰਜੀਤ ਸਿੰਘ , ਗੁਰਪ੍ਰੀਤ ਸਿੰਘ, ਜਗਜੀਤ ਸਿੰਘ,
ਰਾਮ ਸਿੰਘ,ਬਲਵੀਰ ਸਿੰਘ,ਤਰਸੇਮ ਵਰਮਾ, ਬਲਦੇਵ ਸਿੰਘ, ਅਵਤਾਰ ਸਿੰਘ ਅਤੇ ਵੱਡੀ ਗਿਣਤੀ ਵਿੱਚ ਪਿੰਡ ਵਾਸੀ ਹਾਜਰ ਸਨ।
      ---------

ਫੋਟੋ ਕੈਪਸਨ ਨੰਬਰ 1 -: ਪੰਜਾਬ ਵਿਧਾਨ ਸਭਾ ਦੇ ਸਪੀਕਰ ਡਾ.ਚਰਨਜੀਤ ਸਿੰਘ ਅਟਵਾਲ, ਸਹੀਦ ਸੁਖਚੈਨਦੀਪ ਸਿੰਘ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਘੁਡਾਣੀ ਕਲਾਂ ਵਿਖੇ ਲੜਕੀਆਂ ਨੂੰ ਮਾਈ ਭਾਗੋ ਸਕੀਮ ਤਹਿਤ  ਸਾਈਕਲ ਵੰਡਦੇ ਹੋਏ।.

ਫੋਟੋ ਕੈਪਸਨ ਨੰਬਰ 2 -: ਪਿੰਡ ਘੁਡਾਣੀ ਕਲਾਂ ਦੀ ਗਰਾਮ ਪੰਚਾਇਤ ਅਤੇ ਨਗਰ ਨਿਵਾਸੀਆ ਵੱਲੋ ਸਹੀਦ ਸੁਖਚੈਨਦੀਪ ਸਿੰਘ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਪੁੰਹੁਚਣ ਤੇ ਪੰਜਾਬ ਵਿਧਾਨ ਸਭਾ ਦੇ ਸਪੀਕਰ ਡਾ.ਚਰਨਜੀਤ ਸਿੰਘ ਅਟਵਾਲ ਨੂੰ ਸਨਮਾਨਿਤ ਕਰਦੇ ਹੋਏ।  

ਮੁੱਖ ਮੰਤਰੀ ਲੁਧਿਆਣਾ ਵਿਖੇ ਲਹਿਰਾਉਣਗੇ ਤਿਰੰਗਾ

Mon, Jan 20, 2014 at 6:47 PM
ਡਿਪਟੀ ਕਮਿਸ਼ਨਰ ਵੱਲੋਂ ਗਣਤੰਤਰਤਾ ਦਿਵਸ ਸਬੰਧੀ ਤਿਆਰੀਆਂ ਦਾ ਜਾਇਜਾ

ਲੁਧਿਆਣਾ: 20 ਜਨਵਰੀ 2014: (ਸਤਪਾਲ ਸੋਨੀ//ਪੰਜਾਬ ਸਕਰੀਨ)::

''26 ਜਨਵਰੀ ਨੂੰ ਸਥਾਨਕ ਸਰਕਾਰੀ ਕਾਲਜ (ਲੜਕੇ) ਦੇ ਖੇਡ ਮੈਦਾਨ 'ਚ ਗਣਤੰਤਰਤਾ ਦਿਵਸ ਮੌਕੇ ਕਰਵਾਏ ਜਾਣ ਵਾਲੇ ਜ਼ਿਲਾ ਪੱਧਰੀ ਸਮਾਗਮ ਮੌਕੇ ਪੰਜਾਬ ਦੇ ਮੁੱਖ ਮੰਤਰੀ ਸ੍ਰ. ਪਰਕਾਸ਼ ਸਿੰਘ ਬਾਦਲ ਵੱਲੋਂ ਦੇਸ਼ ਦਾ ਕੌਮੀ ਝੰਡਾ ਤਿਰੰਗਾ ਲਹਿਰਾਇਆ ਜਾਵੇਗਾ।'' ਇਨ੍ਹਾਂ ਵਿਚਾਰਾਂ ਦਾ ਪ੍ਰਗਟਾਵਾ ਡਿਪਟੀ ਕਮਿਸ਼ਨਰ ਸ੍ਰੀ ਰਜਤ ਅਗਰਵਾਲ ਕੀਤਾ। ਉਹ ਅੱਜ ਖੇਡ ਮੈਦਾਨ ਵਿਖੇ ਗਣਤੰਤਰਤਾ ਦਿਵਸ ਮੌਕੇ ਕਰਵਾਏ ਜਾਣ ਵਾਲੇ ਜ਼ਿਲਾ ਪੱਧਰੀ ਸਮਾਰੋਹ ਸਬੰਧੀ ਕੀਤੇ ਜਾ ਰਹੇ ਪ੍ਰਬੰਧਾਂ ਦਾ ਜਾਇਜ਼ਾ ਲੈਣ ਲਈ ਵੱਖ-ਵੱਖ ਵਿਭਾਗਾਂ ਦੇ ਜ਼ਿਲਾ ਅਧਿਕਾਰੀਆਂ ਨਾਲ ਮੀਟਿੰਗ ਕਰ ਰਹੇ ਸਨ। ਇਸ ਮੌਕੇ ਜ਼ਿਲਾ ਅਧਿਕਾਰੀਆਂ ਨੂੰ ਗਣਤੰਤਰਤਾ ਦਿਵਸ ਕੌਮੀ ਭਾਵਨਾ ਨਾਲ ਮਨਾਉਣ ਦੀ ਪ੍ਰੇਰਣਾ ਕਰਦਿਆਂ ਡਿਪਟੀ ਕਮਿਸ਼ਨਰ ਨੇ ਕਿਹਾ ਕਿ ਸਾਨੂੰ ਆਪਣੇ ਮਨਾਂ 'ਚ ਕੌਮੀਅਤ ਦੀ ਭਾਵਨਾ ਪ੍ਰਪੱਕ ਕਰਕੇ ਕੌਮੀ ਦਿਹਾੜੇ ਮਾਣ ਨਾਲ ਮਨਾਉਣੇ ਚਾਹੀਦੇ ਹਨ। ਸ੍ਰੀ ਅਗਰਵਾਲ ਨੇ ਜ਼ਿਲਾ ਨਿਵਾਸੀਆਂ ਨੂੰ ਪੁਰਜ਼ੋਰ ਅਪੀਲ ਕੀਤੀ ਕਿ ਉਹ ਗਣਤੰਤਰਤਾ ਦਿਵਸ ਦੇ ਇਸ ਮਹੱਤਵਪੂਰਨ ਸਮਾਗਮ 'ਚ ਆਪਣੀ ਭਰਵੀਂ ਸ਼ਮੂਲੀਅਤ ਯਕੀਨੀ ਬਣਾਉਣ। 
ਵਧੀਕ ਡਿਪਟੀ ਕਮਿਸ਼ਨਰ (ਜ) ਸ੍ਰੀਮਤੀ ਨੀਰੂ ਕਤਿਆਲ ਨੇ ਪ੍ਰਬੰਧਾਂ ਬਾਰੇ ਜਾਣਕਾਰੀ ਦਿੰਦਿਆਂ ਵੱਖ-ਵੱਖ ਵਿਭਾਗਾਂ ਨੂੰ ਜ਼ਿਲਾ ਦੀਆਂ ਜਿੰਮੇਵਾਰੀਆਂ ਤੋਂ ਜਾਣੂ ਕਰਵਾਇਆ। ਜ਼ਿਲਾ ਕਿਹਾ ਕਿ ਇਸ ਸਮਾਗਮ ਸਬੰਧੀ ਸਾਰੇ ਪ੍ਰਬੰਧ ਸੁਚਾਰੂ ਅਤੇ ਖੂਬਸੂਰਤ ਢੰਗ ਨਾਲ ਨੇਪਰੇ ਚਾੜੇ ਜਾਣਗੇ। ਵਧੀਕ ਡਿਪਟੀ ਕਮਿਸ਼ਨਰ (ਵਿਕਾਸ) ਸ. ਬਲਦੇਵ ਸਿੰਘ ਨੇ ਦੱਸਿਆ ਕਿ ਇਸ ਸਮਾਗਮ ਦੌਰਾਨ ਕੱਢੀਆਂ ਜਾਣ ਵਾਲੀਆਂ ਵੱਖ ਵੱਖ ਵਿਭਾਗਾਂ ਦੀਆਂ ਵਿਕਾਸ ਨੂੰ ਦਰਸਾਉਂਦੀਆਂ ਝਾਕੀਆਂ ਵੀ ਤਿਆਰ ਕੀਤੀਆਂ ਜਾ ਰਹੀਆਂ ਹਨ। ਏ. ਡੀ. ਸੀ. ਪੀ. (ਹੈੱਡਕੁਆਰਟਰ) ਸ੍ਰ. ਸੁਖਪਾਲ ਸਿੰਘ ਬਰਾੜ ਨੇ ਸੁਰੱਖਿਆ ਪ੍ਰਬੰਧਾਂ, ਕੌਮੀ ਝੰਡਾ ਲਹਿਰਾਉਣ ਤੇ ਪਰੇਡ ਦੀ ਰਿਹਰਸਲ ਲਈ ਲੋੜੀਂਦੇ ਪ੍ਰਬੰਧ ਕਰਨ ਦਾ ਭਰੋਸਾ ਦਿੱਤਾ।  
ਉਪ ਜ਼ਿਲਾ ਸਿੱਖਿਆ ਅਫ਼ਸਰ ਨੇ ਸਕੂਲੀ ਬੱਚਿਆਂ ਦਾ ਸੱਭਿਆਚਾਰਕ ਪ੍ਰੋਗਰਾਮ, ਭੰਗੜੇ ਤੇ ਗਿੱਧੇ ਦੀਆਂ ਵਧੀਆ ਟੀਮਾਂ ਤਿਆਰ ਕਰਨ ਦਾ ਭਰੋਸਾ ਦਿੰਦਿਆਂ ਦੱਸਿਆ ਕਿ ਸੱਭਿਆਚਾਰਕ ਪ੍ਰੋਗਰਾਮ ਯਾਦਗਾਰੀ ਹੋਵੇਗਾ। ਇਸ ਦੌਰਾਨ ਸਮਾਗਮ ਮੌਕੇ ਆਜ਼ਾਦੀ ਘੁਲਾਟੀਏ ਤੇ ਉਨ੍ਹਾਂ ਦੇ ਪਰਿਵਾਰਾਂ, ਮੁੱਖ ਮਹਿਮਾਨ, ਪਤਵੰਤਿਆਂ, ਪ੍ਰੈਸ ਅਤੇ ਆਮ ਲੋਕਾਂ ਦੇ ਬੈਠਣ ਦੇ ਪੁਖ਼ਤਾ ਪ੍ਰਬੰਧ ਕਰਨ ਅਤੇ ਵਿਧਵਾਵਾਂ ਨੂੰ ਸਿਲਾਈ ਮਸ਼ੀਨਾਂ ਤੇ ਅੰਗਹੀਣਾਂ ਨੂੰ ਟਰਾਈਸਾਈਕਲ ਦੇਣ ਸਬੰਧੀ ਵਿਚਾਰ ਵਟਾਂਦਰਾ ਕੀਤਾ ਗਿਆ। ਮੀਟਿੰਗ ਦੌਰਾਨ ਐੱਸ. ਡੀ. ਐੱਮ. ਸ੍ਰ. ਕੁਲਜੀਤਪਾਲ ਸਿੰਘ ਮਾਹੀ, ਐੱਸ. ਡੀ. ਐੱਮ. ਸ੍ਰੀ ਅਜੇ ਸੂਦ, ਸਿਵਲ ਸਰਜਨ ਡਾ. ਸੁਭਾਸ਼ ਬੱਤਾ ਸਮੇਤ ਹੋਰ ਵਿਭਾਗਾਂ ਦੇ ਅਧਿਕਾਰੀ ਵੀ ਹਾਜ਼ਰ ਸਨ।

ਜਰਖੜ ਅਕੈਡਮੀ ਨੇ SGPC ਨੂੰ 4-1 ਨਾਲ ਹਰਾ ਕੇ ਜਗਤਾਰ ਹਾਕੀ ਕੱਪ ਜਿੱਤਿਆ

Sun, Jan 19, 2014 at 8:17 PM
ਮਿਲਖਾ ਸਿੰਘ ਨੇ ਕੀਤਾ ਆਪਣੇ ਆਦਮ ਕੱਦ ਬੁੱਤ ਦਾ ਉਦਘਾਟਨ

ਲੁਧਿਆਣਾ: 19 ਜਨਵਰੀ 2014: (ਸਤਪਾਲ ਸੋਨੀ//ਪੰਜਾਬ ਸਕਰੀਨ):

ਅੱਜ ਕੋਕਾ ਕੋਲਾ ਜਰਖੜ ਫੈਸਟੀਵਲ ਨੇ ਪੇਂਡੂ ਖੇਡਾਂ ਦੀ ਦੁਨੀਆਂ 'ਚ ਇਤਿਹਾਸ ਰੱਚ ਦਿੱਤਾ, ਜਦੋਂ ਪਾਕਿਸਤਾਨ ਪੰਜਾਬ ਅਤੇ ਅਫਗਾਨਿਸਤਾਨ ਦੀਆਂ ਹਾਕੀ ਟੀਮਾਂ ਨੇ ਪੇਂਡੂ ਖੇਡਾਂ 'ਚ ਆਪਣੇ ਖੇਡ ਹੁਨਰ ਦੀ ਕਲਾਕਾਰੀ ਨਾਲ ਹਜ਼ਾਰਾਂ ਦਰਸ਼ਕਾਂ ਦਾ ਮਨ ਮੋਹਿਆ। ਜਰਖੜ ਖੇਡ ਮੁਕਾਬਲੇ ਇੱਕ ਪੇਂਡੂ ਖੇਡ ਮੁਕਾਬਲੇ ਹੀ ਨਹੀਂ ਸਗੋਂ ਭਾਰਤ, ਪਾਕਿਸਤਾਨ ਅਤੇ ਅਫਗਾਨਿਸਤਾਨ ਦੀਆਂ ਖੇਡਾਂ ਹੋ ਨਿਬੜੀਆਂ, ਜਦਕਿ ਪਦਮ ਸ਼੍ਰੀ ਉਡਣਾ ਸਿੱਖ ਮਿਲਖਾ ਸਿੰਘ ਦੀ ਆਮਦ ਨੇ ਖੇਡਾਂ ਦੀ ਸ਼ਾਨ ਨੂੰ ਹੋਰ ਵੀ ਚਾਰ ਚੰਨ ਲਾ ਦਿੱਤੇ। ਜਿਉਂ ਹੀ ਮਿਲਖਾ ਸਿੰਘ ਸਟੇਡੀਅਮ ਵਿੱਚ ਐਂਟਰ ਹੋਏ ਹਜ਼ਾਰਾਂ ਦਰਸ਼ਕਾਂ ਦਾ ਹਜੂਮ ਤਾੜੀਆਂ ਨਾਲ ਮਿਲਖਾ ਸਿੰਘ ਦੇ ਸਵਾਗਤ 'ਚ ਗੂੰਜ ਉਠਿੱਆ। ਇਸ ਮੌਕੇ ਸ੍ਰ: ਮਿਲਖਾ ਸਿੰਘ ਨੇ ਆਖਿਆ ਕਿ ਮੈਨੂੰ ਇਹ ਦੁੱਖ ਹੈ ਕਿ 55 ਸਾਲ 'ਚ ਇਹ ਮੁਲਕ ਇੱਕ ਹੋਰ ਮਿਲਖਾ ਸਿੰਘ ਪੈਦਾ ਨਹੀਂ ਕਰ ਸਕਿਆ ਪਰ ਜੋ ਪਿਰਤ ਜਰਖੜ ਸਟੇਡੀਅਮ 'ਚ ਬੁੱਤ ਲਾਉਣ ਦੀ ਪਈ ਹੈ ਉਹ ਯਕੀਨਨ ਭਵਿੱਖ 'ਚ ਮਿਲਖਾ ਸਿੰਘ ਅਤੇ ਧਿਆਨ ਚੰਦ ਵਰਗੇ ਖਿਡਾਰੀ ਪੈਦਾ ਕਰੇਗੀ। ਇਸ ਤੋਂ ਇਲਾਵਾ ਓਲੰਪੀਅਨ ਮਨਦੀਪ ਕੌਰ, ਫਿਲਮ ਕਲਾਕਾਰ ਕਰਤਾਰ ਚੀਮਾ ਅਤੇ ਖੇਡ ਪ੍ਰਮੋਟਰ ਕੁੱਕੂ ਵਾਲੀਆ ਦਿੱਲੀ ਦਾ ਵੀ ਵੱਖ-ਵੱਖ ਐਵਾਰਡਾਂ ਨਾਲ ਖੁੱਲੀਆਂ ਜਿਪਸੀਆਂ 'ਚ ਹੋਇਆ ਸਨਮਾਨ ਦਰਸ਼ਕਾਂ ਦੇ ਦਿਲਾਂ 'ਤੇ ਅਮਿੱਟ ਯਾਦ ਛੱਡ ਗਿਆ। ਇਸ ਮੌਕੇ ਮਿਲਖਾ ਸਿੰਘ ਨੇ ਆਪਣੇ ਆਦਮ ਕੱਦ ਬੁੱਤ ਦਾ ਉਦਘਾਟਨ ਕੀਤਾ। ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਮੈਨੂੰ ਜਰਖੜ ਸਪੋਰਟਸ ਕਲੱਬ ਨੇ ਬੜਾ ਮਾਣ ਦਿੱਤਾ ਹੈ। ਉਨ੍ਹਾਂ ਨੇ ਆਪਣੇ ਭਾਸ਼ਣ 'ਚ ਕਿਹਾ ਕਿ ਮੇਰਾ ਇੱਥੇ ਆਉਣਾ ਤਾਂ ਹੀ ਸਫਲ ਹੋਵੇਗਾ ਜੇਕਰ ਜਰਖੜ ਸਟੇਡੀਅਮ ਵਿੱਚੋਂ ਕੋਈ ਮਿਲਖਾ ਸਿੰਘ ਪੈਦਾ ਹੋਵੇ। ਨਾਲ ਹੀ ਉਨ੍ਹਾਂ ਇਹ ਵੀ ਕਿਹਾ ਕਿ ਜਰਖੜ ਸਟੇਡੀਅਮ 'ਚ ਐਥਲੈਟਿਕਸ ਦਾ ਟ੍ਰੈਕ ਬਣਾਇਆ ਜਾਵੇ ਤਾਂ ਕਿ ਵਧੀਆ ਐਥਲੀਟ ਪੈਦਾ ਹੋ ਸਕਣ।
ਅੱਜ ਐਥਲੈਟਿਕ ਕਬੱਡੀ ਅਤੇ ਪਾਕਿਸਤਾਨ ਦਾ ਪ੍ਰਦਰਸ਼ਨੀ ਮੈਚ ਦਰਸ਼ਕਾਂ ਦਾ ਮੁੱਖ ਖਿੱਚ ਦਾ ਕੇਂਦਰ ਰਿਹਾ। ਅੱਜ ਵੱਖ-ਵੱਖ ਫਾਈਨਲ ਮੁਕਾਬਲਿਆਂ 'ਚ ਹਾਕੀ ਲੜਕੀਆਂ ਦੇ ਵਰਗ 'ਚ ਚੜ੍ਹਦੇ ਪੰਜਾਬ ਭਾਰਤ ਨੇ ਲਹਿੰਦੇ ਪੰਜਾਬ ਪਾਕਿਸਤਾਨ ਨੂੰ 1-0 ਨਾਲ ਹਰਾਇਆ। ਜਦਕਿ ਪ੍ਰਬਲ ਟੀ.ਐਮ.ਟੀ. ਸਰੀਆ ਮਾਤਾ ਸਾਹਿਬ ਕੌਰ ਗੋਲਡ ਕੱਪ ਹਾਕੀ ਦੇ ਫਾਈਨਲ 'ਚ ਪੰਜਾਬ ਪਾਵਰ ਕਾਰਪੋਰੇਸ਼ਨ ਪਟਿਆਲਾ ਨੇ ਬੀ.ਐਸ.ਐਫ.ਜਲੰਧਰ ਨੂੰ 4-0 ਨਾਲ ਹਰਾਇਆ। ਹਾਕੀ ਲੜਕੀਆਂ 'ਚ ਸ਼ਾਹਬਾਦ ਮਾਰਕੰਡਾ ਨੇ ਕੁਰਕੂਸ਼ੇਤਰ ਨੂੰ 3-1 ਨਾਲ ਹਰਾ ਕੇ ਸੁਰਿੰਦਰ ਸਿੰਘ ਕਾਹਲੋਂ ਹਾਕੀ ਕੱਪ ਜਿਤਿੱਆਿ। ਹਾਕੀ ਅੰਡਰ 17 ਵਿੱਚ ਜਰਖੜ ਅਕੈਡਮੀ ਨੇ ਸ਼੍ਰੋਮਣੀ ਪ੍ਰਬੰਧਕ ਕਮੇਟੀ ਅੰਮ੍ਰਿਤਸਰ ਨੂੰ 4-1 ਨਾਲ ਹਰਾ ਕੇ ਜਗਤਾਰ ਹਾਕੀ ਕੱਪ ਜਿੱਤਿਆ। ਕਬੱਡੀ ਇੱਕ ਪਿੰਡ ਓਪਨ ਵਿੱਚ ਯੋਧਾਂ ਨੇ ਰਸੂਲਪੁਰ ਨੂੰ ਹਰਾ ਕੇ ਪਿਆਰਾ ਸਿੰਘ ਕਬੱਡੀ ਕੱਪ ਜਿੱਤਿਆ। ਹੈਂਡਬਾਲ 'ਚ ਰੋਪੜ ਨੇ ਲੁਧਿਆਣਾ ਹਰਾਇਆ। ਬਾਸਕਟਬਾਲ 'ਚ ਲੁਧਿਆਣਾ ਅਕੈਡਮੀ ਨੇ ਪਟਿਆਲਾ ਨੂੰ ਹਰਾਇਆ। ਜਦਕਿ ਬਾਸਕਟਬਾਲ ਲੜਕੀਆਂ 'ਚ ਲੁਧਿਆਣਾ ਨੇ ਜਲੰਧਰ ਨੂੰ ਹਰਾਇਆ। ਕੁਸ਼ਤੀਆਂ 'ਚ ਜਸਦੀਪ ਸਿੰਘ ਮੰਡੋਰ ਨੇ ਗੁਰਪ੍ਰੀਤ ਪਟਿਆਲਾ ਨੂੰ ਝੰਡੀ ਦੀ ਕੁਸ਼ਤੀ ਜਿੱਤੀ, ਜਦਕਿ ਬਾਲ ਕੇਸਰੀ ਨਰਿੰਦਰ ਸਿੰਘ ਨਾਭਾ ਪਹਿਲੇ ਨੰਬਰ ਤੇ ਅਮਨਦੀਪ ਸਿੰਘ ਪਟਿਆਲਾ ਦੂਜੇ ਨੰਬਰ ਤੇ ਰਿਹਾ। ਇਸ ਮੌਕੇ ਸ਼ਰਨਜੀਤ ਸਿੰਘ ਢਿੱਲੋਂ ਕੈਬਨਿਟ ਮੰਤਰੀ ਪੰਜਾਬ ਸਰਕਾਰ ਵੀ ਵਿਸ਼ੇਸ਼ ਮਹਿਮਾਨ ਵੱਜੋਂ ਪਹੁੰਚੇ। ਉਨ੍ਹਾਂ ਨੇ ਜਰਖੜ ਖੇਡਾਂ ਦੇ ਪ੍ਰਬੰਧਾਂ ਲਈ 2 ਲੱਖ ਰੁਪਏ ਦੀ ਗ੍ਰਾਂਟ ਦੇਣ ਦਾ ਵਾਅਦਾ ਕੀਤਾ। ਇਸ ਤੋਂ ਇਲਾਵਾ ਸੀਨੀਅਰ ਅਕਾਲੀ ਆਗੂ ਮਨਜੀਤ ਸਿੰਘ ਬਰਕੰਦੀ, ਵਿਧਾਇਕ ਦਰਸ਼ਨ ਸਿੰਘ ਸ਼ਿਵਾਲਿਕ, ਚੀਫ ਇੰਜੀਨੀਅਰ ਰਛਪਾਲ ਸਿੰਘ, ਚੇਅਰਮੈਨ ਨਰਿੰਦਰਪਾਲ ਸਿੰਘ ਸਿੱਧੂ, ਐਡਵੋਕੇਟ ਹਰਕਮਲ ਸਿੰਘ, ਪਾਕਿਸਤਾਨ ਹਾਕੀ ਦੇ ਓਲੰਪੀਅਨ ਗੁਲਰੇਜ ਅਖਤਰ, ਸ਼੍ਰੀਮਤੀ ਰਾਹਤ ਖਾਨ ਸਕੱਤਰ ਪੰਜਾਬ ਹਾਕੀ ਪਾਕਿਸਤਾਨ, ਅਬਦੁੱਲਾਨੂਰਸਤਾਨੀ ਵਾਈਸ ਪ੍ਰਧਾਨ ਅਫਗਾਨਿਸਤਾਨ ਹਾਕੀ, ਅਸ਼ਫਾਖ ਖਾਨ ਚੀਫ ਕੋਚ ਅਫਗਾਨਿਸਤਾਨ ਹਾਕੀ, ਭਾਰਤੀ ਕੁਸ਼ਤੀ ਟੀਮ ਦੇ ਚੀਫ ਕੋਚ ਪੀ. ਆਰ ਸੋਂਧੀ, ਬਰਜਿੰਦਰ ਸਿੰਘ ਲਤਾਲਾ, ਮਨਜੀਤ ਸਿੰਘ ਚਾਹਲ, ਜੋਗਿੰਦਰ ਸਿੰਘ ਗਰੇਵਾਲ ਕਨਗੋ, ਰਣਜੀਤ ਸਿੰਘ ਦੁਲੇਅ, ਪਰਮਜੀਤ ਸਿੰਘ ਨੀਟੂ, ਦੁਪਿੰਦਰ ਸਿੰਘ ਡਿੰਪੀ, ਹਰਪਿੰਦਰ ਸਿੰਘ ਗੱਗੀ, ਜਗਦੀਪ ਸਿੰਘ ਕਾਹਲੋਂ, ਇੰਸਪੈਕਟਰ ਬਲਵੀਰ ਸਿੰਘ, ਮੁੱਖ ਪ੍ਰਬੰਧਕ ਜਗਰੂਪ ਸਿੰਘ ਜਰਖੜ ਅਤੇ ਬਾਈ ਸੁਰਜੀਤ ਸਿੰਘ ਸਾਹਨੇਵਾਲ ਆਦਿ ਹੋਰ ਖੇਡ ਪ੍ਰਬੰਧਕ ਵੱਡੀ ਗਿਣਤੀ 'ਚ ਸ਼ਾਮਲ ਸਨ। ਅੰਤ 'ਚ ਸੂਫੀ ਗਾਇਕ ਕਨਵਰ ਗਰੇਵਾਲ ਨੇ ਆਪਣੀ ਗਾਇਕੀ ਨਾਲ ਲੋਕਾਂ ਨੂੰ ਲੰਬਾ ਸਮਾਂ ਕੀਲ ਕੇ ਰੱਖਿਆ। ਕਲੱਬ ਦੇ ਚੇਅਰਮੈਨ ਨਰਿੰਦਰਪਾਲ ਸਿੰਘ ਸਿੱਧੂ ਨੇ ਅਗਲੇ ਵਰ੍ਹੇ ਜਰਖੜ ਖੇਡਾਂ ਨੂੰ ਹੋਰ ਅੰਤਰ ਰਾਸ਼ਟਰੀ ਮੁਕਾਮ ਦਿੱਤਾ ਜਾਵੇਗਾ।

ਵੱਖਵਾਦੀ ਅਨਸਰਾਂ ਵਿਰੁੱਧ ਇਕਜੁੱਟ ਹੋਵੋ-ਤਿਵਾੜੀ

Sun, Jan 19, 2014 at 5:34 PM
ਪੰਜਾਬ 'ਚ ਸਿਆਸੀ ਵਾਤਾਵਰਨ ਕਾਂਗਰਸ ਦੇ ਹੱਕ 'ਚ ਹੋਣ ਦਾ ਦਾਅਵਾ 

ਲੁਧਿਆਣਾ:19 ਜਨਵਰੀ 2014: (ਸਤਪਾਲ ਸੋਨੀ//ਪੰਜਾਬ ਸਰਕਾਰ):: 

ਸੂਚਨਾ ਤੇ ਪ੍ਰਸਾਰਨ ਮੰਤਰੀ ਸ੍ਰੀ ਮਨੀਸ਼ ਤਿਵਾੜੀ ਨੇ ਪਾਰਟੀ ਦੇ ਸਾਰੇ ਨੇਤਾਵਾਂ ਤੇ ਕਾਰਜਕਰਤਾਵਾਂ ਨੂੰ ਫਿਰਕੂ ਤੇ ਵੱਖਵਾਦੀ ਤਾਕਤਾਂ ਦਾ ਇਕਜੁੱਟ ਹੋ ਕੇ ਟਾਕਰਾ ਕਰਨ ਲਈ ਕਿਹਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਪੰਜਾਬ 'ਚ ਸਿਆਸੀ ਵਾਤਾਵਰਨ ਕਾਂਗਰਸ ਦੇ ਹੱਕ 'ਚ ਹੈ, ਕਿਉਂਕਿ ਅਕਾਲੀ-ਭਾਜਪਾ ਗਠਜੋੜ ਦੇ 7 ਸਾਲਾਂ ਦੇ ਰਾਜ ਵਿਚ ਲੋਕ ਤੰਗ ਆ ਚੁੱਕੇ ਹਨ। 
ਲੁਧਿਆਣਾ ਲੋਕ ਸਭਾ ਹਲਕੇ ਦੇ ਦੌਰੇ ਦੌਰਾਨ ਇਕ ਸਮਾਰੋਹ ਨੂੰ ਸੰਬੋਧਨ ਕਰਦਿਆਂ ਸ੍ਰੀ ਤਿਵਾੜੀ ਨੇ ਕਿਹਾ ਕਿ ਅਕਾਲੀ ਭਾਜਪਾ ਗਠਜੋੜ ਨੇ ਝੂਠੇ ਵਾਅਦੇ ਕੀਤੇ ਹਨ ਤੇ ਹਕੀਕਤ 'ਚ ਕੁਝ ਵੀ ਨਹੀਂ ਕੀਤਾ। ਉਨ੍ਹਾਂ ਨੇ ਲੋਕਾਂ ਨੂੰ ਆਖਿਆ ਕਿ ਉਹ ਅਕਾਲੀਆਂ ਤੋਂ ਇਸਦਾ ਹਿਸਾਬ ਮੰਗਣ ਕਿ ਉਨ੍ਹਾਂ ਨੇ ਕੀ-ਕੀ ਦਾਅਵੇ ਕੀਤੇ ਸਨ ਤੇ ਅਸਲ 'ਚ ਉਨ੍ਹਾਂ ਨੇ ਕੀ ਕੀਤਾ ਹੈ? 
ਉਨ੍ਹਾਂ ਨੇ ਕਿਹਾ ਕਿ ਅਕਾਲੀ-ਭਾਜਪਾ ਗਠਜੋੜ ਨੇ ਇਕੋ ਹੀ ਮੀਲ ਪੱਥਰ ਕਾਇਮ ਕੀਤਾ ਹੈ ਕਿ ਰਾਜ ਨੂੰ ਕਰਜੇ ਹੇਠ ਦਬਾ ਦਿੱਤਾ ਹੈ ਤੇ ਪੰਜਾਬ ਹੁਣ ਕੰਗਾਲੀ ਵੱਲ ਵੱਧ ਰਿਹਾ ਹੈ। ਸ੍ਰੀ ਤਿਵਾੜੀ ਨੇ ਕਿਹਾ ਕਿ ਲੋਕ ਯੂ.ਪੀ.ਏ ਸਰਕਾਰ ਦੀਆਂ 10 ਸਾਲਾਂ 'ਚ ਮਹਾਨ ਪ੍ਰਾਪਤੀਆਂ ਤੋਂ ਚੰਗੀ ਤਰ੍ਹਾਂ ਜਾਣੂ ਹਨ ਤੇ ਕੇਂਦਰ ਸਰਕਾਰ ਨੇ ਰਾਸ਼ਟਰ ਨੂੰ ਇਕ ਨਵਾਂ ਰੂਪ ਦਿੱਤਾ ਹੈ। 
ਸ੍ਰੀ ਤਿਵਾੜੀ ਨੇ ਪਾਰਟੀ ਕਾਰਜਕਰਤਾਵਾਂ ਨੂੰ ਕਿਹਾ ਕਿ ਆਉਂਦੀਆਂ ਲੋਕ ਸਭਾ ਚੋਣਾਂ ਉਨ੍ਹਾਂ ਨੂੰ ਸਰਕਾਰ ਵਿਰੁੱਧ ਆਪਣੀ ਨਰਾਜ਼ਗੀ ਜਾਹਿਰ ਕਰਨ ਦਾ ਇਕ ਮੌਕਾ ਦੇਣਗੀਆਂ ਤੇ ਅਕਾਲੀ ਇਹ ਨਾ ਸਮਝਣ ਕਿ ਇਹ ਵੋਟਾਂ ਉਨ੍ਹਾਂ ਦੀਆਂ ਪੱਕੀਆਂ ਹਨ। ਉਨ੍ਹਾਂ ਨੇ ਕਿਹਾ ਕਿ ਲੋਕ ਸਭਾ ਚੋਣਾਂ 'ਚ ਕਾਂਗਰਸ ਪਾਰਟੀ ਦੀ ਜਿੱਤ ਰਾਜ ਸਰਕਾਰ ਲਈ ਇਕ ਚੇਤਾਵਨੀ ਹੋਵੇਗੀ ਤੇ ਉਨ੍ਹਾਂ ਨੂੰ ਲੋਕ ਭਲਾਈ ਵੱਲ ਧਿਆਨ ਦੇਣਾ ਹੀ ਪਵੇਗਾ।
ਸ੍ਰੀ ਤਿਵਾੜੀ ਨੇ ਲੋਕਾਂ ਨੂੰ ਦੇਸ਼ 'ਚ ਸਿਰ ਚੁੱਕ ਰਹੀਆਂ ਵੱਖਵਾਦੀ ਤੇ ਫੁੱਟਪਾਊ ਤਾਕਤਾਂ ਵਿਰੁੱਧ ਸੁਚੇਤ ਕੀਤਾ। ਉਨ੍ਹਾਂ ਨੇ ਪਾਰਟੀ ਕਾਰਜਕਰਤਾਵਾਂ ਨੂੰ ਕਿਹਾ ਕਿ ਉਹ ਲੋਕਾਂ ਨੂੰ ਇਨ੍ਹਾਂ ਅਨਸਰਾਂ ਵਿਰੁੱਧ ਜਾਗਰੂਕ ਕਰਨ ਕਿ ਅਜਿਹੇ ਅਨਸਰਾਂ ਦਾ ਸੱਤਾ 'ਚ ਆਉਣਾ ਦੇਸ਼ ਦੇ ਹਿੱਤ ਵਿਚ ਨਹੀਂ ਹੋਵੇਗਾ। 

ਜੋਨੀ ਡੂਮਰਾ ਵਲੋਂ ਇਲਾਕੇ ਦੀਆਂ ਸਮੱਸਿਆਵਾਂ ਤੋਂ ਕੌਂਸਲਰ ਨੂੰ ਜਾਣੂ ਕਰਵਾਇਆ ਗਿਆ

Sun, Jan 19, 2014 at 7:00 PM
ਜੇ ਸਮੱਸਿਆਵਾਂ ਨੂੰ ਛੇਤੀ ਹੱਲ ਨਾ ਕੀਤਾ ਗਿਆ ਤਾਂ ਰੋਸ ਵਖਾਵੇ

ਲੁਧਿਆਣਾ: 19 ਜਨਵਰੀ 2014: (ਸਤਪਾਲ ਸੋਨੀ//ਪੰਜਾਬ ਸਕਰੀਨ):

ਸਥਾਨਕ ਮਹਾਂਵੀਰ ਜੈਨ ਕਲੋਨੀ ਵਿਖੇ ਭਾਰਤੀਯ ਵਾਲਮੀਕਿ ਧਰਮ ਸਮਾਜ (ਰਜਿ.) ਭਾਵਾਧਸ ਦੇ ਯੂਥ ਵਿੰਗ ਦੇ ਪ੍ਰਧਾਨ ਵੀਰ ਜੋਨੀ ਡੂਮਰਾ ਵਲੋਂ ਇਲਾਕਾ ਦੀਆਂ ਮੁੱਢਲੀਆਂ ਸਮੱਸਿਆ ਸੰਬੰਧੀ ਇਲਾਕਾ ਕੌਂਸਲਰ ਮਹਾਰਾਜ ਸਿੰਘ ਰਾਜੀ ਨੂੰ ਜਾਣੂ ਕਰਵਾਇਆ ਗਿਆ। ਇਸ ਸੰਬੰਧੀ ਜੋਨੀ ਡੂਮਰਾ ਨੇ ਦੱਸਿਆ ਕਿ ਆਏ ਲੋਕਾਂ ਨੂੰ ਪਾਣੀ, ਸੀਵਰੇਜ ਆਦਿ ਜਿਹੀਆਂ ਸਮੱਸਿਆਵਾਂ ਤੋਂ ਜੂਝਣਾ ਪੈਂਦਾ ਹੈ ਜਿਸ ਕਰਕੇ ਲੋਕਾਂ ਨੂੰ ਕਾਫੀ ਦਿੱਕਤ ਆਉਂਦੀ ਹੈ।ਉਨ੍ਹਾਂ ਦੱਸਿਆ ਕਿ ਹਰ ਵਾਰੀ ਇਲਾਕਾ ਕੌਂਸਲਰ ਵਲੋਂ ਉਨ੍ਹਾਂ ਨੂੰ ਲਾਰਾ ਲਗਾ ਦਿੱਤਾ ਜਾਂਦਾ ਹੈ ਕਿ ਥੋੜ੍ਹੇ ਹੀ ਦਿਨਾਂ ਤੱਕ ਉਨ੍ਹਾਂ ਦੀਆਂ ਸਮੱਸਿਆਵਾਂ ਦਾ ਹੱਲ ਹੋ ਜਾਵੇਗਾ। ਉਨ੍ਹਾਂ ਕਿਹਾ ਕਿ ਜੇਕਰ ਉਨ੍ਹਾਂ ਦੇ ਇਲਾਕੇ ਦੀਆਂ ਸਮੱਸਿਆਵਾਂ ਨੂੰ ਛੇਤੀ ਹੱਲ ਨਾ ਕੀਤਾ ਗਿਆ ਤਾਂ ਉਹ ਆਪਣੀਆਂ ਮੰਗਾਂ ਸੰਬੰਧੀ ਰੋਸ਼ ਪ੍ਰਦਰਸ਼ਨ ਕਰਨਗੇ ਤਾਂ ਜੋ ਇਲਾਕਾ ਕੌਂਸਲਰ ਨੂੰ ਉਨ੍ਹਾਂ ਦੀਆਂ ਸਮੱਸਿਆਵਾਂ ਦਾ ਪਤਾ ਲੱਗ ਸਕੇ।  ਇਸ ਮੌਕੇ ਸੰਜੀਵ ਕੁਮਾਰ ਬਿੱਟੂ ਪ੍ਰਧਾਨ, ਸੁਰਿੰਦਰ ਗੋਗਲਾ, ਸੰਦੀਪ, ਸੰਜੂ ਡੂਮਰਾ, ਸੰਜੂ, ਵਜੀਰ, ਰਾਜੇਸ਼ ਸਰਪੰਚ, ਰਿੰਕੂ ਬਾਬਾ, ਸੋਨੂੰ ਬੱਲੀ, ਸਿੰਘਮ, ਜੈਵੀਰ, ਰਮੇਸ਼, ਸੁੱਖੀ, ਲੰਬੀ ਬਾਲਾ, ਜੱਸੀ ਮੰਜੂ ਆਦਿ ਹਾਜ਼ਰ ਸਨ।

ਕਾਮਰੇਡਾਂ ਵੱਲੋਂ 27 ਫਰਵਰੀ ਨੂੰ ਜੇਲ ਭਰੋ ਅੰਦੋਲਨ

Sat, Jan 18, 2014 at 6:43 PM
25 ਜਨਵਰੀ 2014 ਨੂੰ CPI ਅਤੇ CPM ਦੀ ਸਾਂਝੀ ਰੈਲੀ
ਲੁਧਿਆਣਾ:18 ਜਨਵਰੀ 2014: (ਰੈਕਟਰ ਕਥੂਰੀਆ//ਸਤਪਾਲ ਸੋਨੀ//ਪੰਜਾਬ ਸਕਰੀਨ):

ਸੀ.ਪੀ.ਆਈ.(ਐਮ) ਜ਼ਿਲਾ ਕਮੇਟੀ ਲੁਧਿਆਣਾ ਦੀ ਮੀਟਿੰਗ ਕਾਮਰੇਡ ਭਜਨ ਸਿੰਘ ਸਮਰਾਲਾ ਦੀ ਪ੍ਰਧਾਨਗੀ ਹੇਠ ਹੋਈ । ਮੀਟਿੰਗ ਨੂੰ ਸੰਬੋਧਨ ਕਰਦੇ ਹੋਏ ਕਾ: ਚਰਨ ਸਿੰਘ ਵਿਰਦੀ ਵਲੋਂ ਲੋਕ ਸਭਾ ਹਲਕਾ ਲੁਧਿਆਣਾ ਤੋਂ ਪਾਰਟੀ ਉਮੀਦਵਾਰ ਕਾ: ਸੁਖਵਿੰਦਰ ਸਿੰਘ ਸੇਖੋਂ ਦੀ ਚੋਣ ਮੁਹਿੰਮ ਨੂੰ ਸੁਚਾਰੂ ਢੰਗ ਨਾਲ ਚਲਾਉਣ ਦਾ ਸੱਦਾ ਦਿੰਦੇ ਹੋਏ ਕਿਹਾ ਕਿ ਦੇਸ ਅੰਦਰ ਪਾਰਲੀਮੈਂਟ ਚੋਣਾਂ, ਗੈਰ ਕਾਂਗਰਸ, ਗੈਰ ਭਾਜਪਾ, ਧਰਮ ਨਿਰਪੱਖ ਤੇ ਜਮਹੂਰੀ ਸ਼ਕਤੀਆਂ ਨੂੰ ਇਕੱਠੀਆਂ ਕਰਕੇ ਲੜੀਆਂ ਜਾਣਗੀਆਂ ਅਤੇ ਚੋਣਾਂ ਨੇਤਾ ਦੇ ਨਾਂਅ ਤੇ ਨਹੀਂ ਜੀਤੀਆਂ ਜਾ ਸਕਦੀਆਂ । ਚੋਣਾਂ ਨੀਤੀਆਂ ਦੇ ਮੁੱਦੇ ਤੇ ਲੜੀਆਂ ਜਾਣਗੀਆਂ । ਮਹਿੰਗਾਈ, ਭ੍ਰਿਸ਼ਟਾਚਾਰ, ਬੇਰੁਜਗਾਰੀ ਅਤੇ ਸਿਹਤ ਸਹੂਲਤਾਂ ਦੇ ਅਹਿਮ ਮੁੱਦਿਆਂ ਤੇ ਚੋਣਾਂ ਲੜੀਆਂ ਜਾਣਗੀਆਂ । ਸਾਥੀ ਵਿਰਦੀ ਹੋਰਾਂ ਨੇ ਕਿਹਾ ਕਿ ਇਹ ਚੋਣਾਂ, ਪੰਜਾਬ ਅੰਦਰ ਸਾਂਝੇ ਮੋਰਚੇ ਵੱਲੋਂ ਸਾਂਝੇ ਤੌਰ ਤੇ ਲੜੀਆਂ ਜਾਣਗੀਆਂ । ਮੀਟਿੰਗ ਨੂੰ ਸੰਬੋਧਨ ਕਰਦੇ ਹੋਏ ਸੂਬਾ ਸਕੱਤਰੇਤ ਮੈਂਬਰ ਅਤੇ ਲੋਕ ਸਭਾ ਸੀਟ ਦੇ ਇੰਚਾਰਜ ਕਾਮਰੇਡ ਵਿਜੇ ਮਿਸ਼ਰਾ ਨੇ ਕਿਹਾ ਕਿ ਲੋਕ ਸਭਾ ਚੋਣ ਪ੍ਰਚਾਰ 'ਚ ਹੁਣ ਤੋਂ ਜੁੱਟ ਜਾਣ ਦਾ ਸੱਦਾ ਦਿੱਤਾ ਹੈ ਅਤੇ ਪੰਜਾਬ ਤੇ ਕੇਂਦਰ ਸਰਕਾਰ ਦੀਆਂ ਮਜ਼ਦੂਰ ਵਿਰੋਧੀ ਅਤੇ ਆਮ ਲੋਕ ਵਿਰੋਧੀ ਨੀਤੀਆਂ ਵਿਰੁੱਧ ਜੋਰਦਾਰ ਮੁਹਿੰਮ ਛੇੜਣ ਦਾ ਸੱਦਾ ਦਿੱਤਾ ਗਿਆ ।
ਮੀਟਿੰਗ ਦੇ ਫੈਸਲਿਆਂ ਦੀ ਜਾਣਕਾਰੀ ਦਿੰਦਿਆਂ ਹੋਇਆਂ ਪਾਰਟੀ ਦੇ ਜ਼ਿਲਾ ਸਕੱਤਰ ਕਾਮਰੇਡ ਅਮਰਜੀਤ ਮੱਟੂ ਨੇ ਦੱਸਿਆ ਕਿ 21 ਜਨਵਰੀ ਤੋਂ 27 ਜਨਵਰੀ ਤੱਕ ਜ਼ਿਲੇ 'ਚ ਜੱਥਾ ਮਾਰਚ ਕੀਤਾ ਜਾਵੇਗਾ । ਇਹ ਜੱਥਾ ਮਾਰਚ ਲੋਕ ਸਭਾ ਸੀਟ ਲੁਧਿਆਣਾ ਦੇ ਏਰੀਏ ਵਿੱਚ ਹੀ ਕੀਤਾ ਜਾਵੇਗਾ, 25 ਜਨਵਰੀ 2014 ਨੂੰ ਸੀ.ਪੀ.ਆਈ. ਨਾਲ ਸਾਂਝੀ ਰੈਲੀ ਕੀਤੀ ਜਾਵੇਗੀ । ਇਹ ਰੈਲੀ ਚਤਰ ਸਿੰਘ ਪਾਰਕ ਵਿੱਚ ਹੋਵੇਗੀ ਅਤੇ ਡੀ.ਸੀ. ਦਫਤਰ ਤੱਕ ਮਾਰਚ ਕੀਤਾ ਜਾਵੇਗਾ ।
27 ਫਰਵਰੀ ਨੂੰ ਜੇਲ ਭਰੋ ਅੰਦੋਲਨ ਕੀਤਾ ਜਾਵੇਗਾ ਅਤੇ 15 ਫਰਵਰੀ ਤੱਕ ਵਲੰਟੀਅਰ ਭਰਤੀ ਕਰਨ ਦਾ ਕੰਮ ਮੁਕੰੰਮਲ ਕੀਤਾ ਜਾਵੇਗਾ । ਮੀਟਿੰਗ ਵਿੱਚ ਫੈਸਲਾ ਕੀਤਾ ਗਿਆ ਕਿ ਮੈਂਬਰਸ਼ਿਪ ਨਵੀਨੀਕਰਨ ਦਾ ਕੰਮ ਮੁਕੰਮਲ ਕਰਕੇ ਜ਼ਿਲੇ ਕੋਲ ਜਮਾਂ ਕਰਵਾਉਣ ਵਾਸਤੇ 28 ਫਰਵਰੀ 2014 ਤੱਕ ਦਾ ਸਮਾਂ ਨਿਸ਼ਚਿਤ ਕੀਤਾ ਗਿਆ ਹੈ । 
4 ਫਰਵਰੀ ਨੂੰ ਗਦਰ ਪਾਰਟੀ ਸ਼ਤਾਬਦੀ ਸਬੰਧੀ ਜੋ ਚੰਡੀਗੜ੍ਹ ਵਿਖੇ ਵੱਡਾ ਇਕੱਠ ਕਰਕੇ ਮਨਾਇਆ ਜਾਣਾ ਹੈ ਉਸ ਵਿੱਚ ਜ਼ਿਲੇ ਤੋਂ ਵੱਡੀ ਗਿਣਤੀ ਵਿੱਚ ਸਾਥੀ ਸ਼ਾਮਿਲ ਹੋਣਗੇ ਅਤੇ ਇਸ ਸਮਾਰੋਹ ਨੂੰ ਕਾਮਰੇਡ ਸੀਤਾ ਰਾਮ ਯੈਚੂਰੀ ਪੋਲਿਟਬਿਓਰੋ ਦੇ ਮੈਂਬਰ ਸੀ.ਪੀ.ਆਈ.(ਐਮ) ਸੰਬੋਧਨ ਕਰਨਗੇ ਅਤੇ ਸਾਥੀ ਮੱਟੂ ਨੇ ਦੱਸਿਆ ਕਿ ਸਰਕਾਰ ਗੈਸ ਸੈਲੰਡਰ ਦੀਆਂ ਵਧਾਈਆਂ ਕੀਮਤਾਂ ਵਾਪਸ ਲਵੇ, ਡੀਜ਼ਲ ਪ੍ਰੈਟੋਲ ਦੀਆਂ ਕੀਮਤਾਂ ਦਾ ਵਾਧਾ ਵਾਪਸ ਲੈਣ ਸਬੰਧੀ ਮਤੇ ਪਾਸ ਕਰਕੇ ਮੰਗ ਕੀਤੀ ਕਿ ਲੋਕਾਂ ਤੇ ਵਾਧੂ ਬੋਝ ਪਾਇਆ ਗਿਆ ਹੈ ਅਤੇ ਹੋਰ ਮਤੇ ਰਾਹੀਂ ਮੰਗ ਕੀਤੀ ਗਈ ਕਿ ਪੰਜਾਬ ਅੰਦਰ ਨਸ਼ਿਆਂ ਦੇ ਤਸਕਰਾਂ ਦੀ ਪੜਤਾਲ ਦੌਰਾਨ ਪੰਜਾਬ ਦੇ ਕਈ ਵਜੀਰਾ ਦੇ ਨਾਮ ਆ ਰਹੇ ਹਨ । ਇਹ ਸਾਰੇ ਮਾਮਲੇ ਦੀ ਸੀ.ਬੀ.ਆਈ ਜਾਂਚ ਦੀ ਮੰਗ ਕੀਤੀ ਗਈ । ਭ੍ਰਿਸ਼ਟਾਚਾਰ ਵਿਰੁੱਧ ਲੜਨ ਅਤੇ ਰੇਤ ਬਜ਼ਰੀ ਦੀ ਕਾਲਾ ਬਜਾਰੀ ਵਿਰੁੱਧ ਲੜਨ ਦਾ ਵੀ ਫੈਸਲਾ ਕੀਤਾ ਗਿਆ। 

ਸੀ.ਪੀ.ਐਮ.ਵੱਲੋਂ ਪੰਜਾਬ ਦੀਆਂ 4 ਲੋਕ ਸਭਾ ਸੀਟਾਂ ਲੜਨ ਦਾ ਐਲਾਨ

700/- ਹਿਸਾਬ ਨਾਲ ਖਰੀਦ ਕੇ 2 ਹਜ਼ਾਰ ਰੁਪਏ ਕਿੱਲੋ ਦੇ ਹਿਸਾਬ ਵਿਕਦੀ ਹੈ ਭੁੱਕੀ

Sat, Jan 18, 2014 at 6:21 PM
ਸਾਬਕਾ ਫੋਜੀ 48 ਕਿਲੋ ਚੂਰਾ ਭੂਕੀ ਸਮੇਤ ਕਾਬੂ 

ਲੁਧਿਆਣਾ, 18 ਜਨਵਰੀ  2014: (ਸਤਪਾਲ ਸੋਨੀ//ਪੰਜਾਬ ਸਕਰੀਨ):

ਅੱਜ ਦੁਪਿਹਰ ਇਕ ਛੋਟਾ ਹਾਥੀ ਨੰ: ਪੀ.ਬੀ.10 ਈ.ਜੀ.ਟੀ-2790 ਡੇਹਲੋਂ ਤੋਂ ਲੁਧਿਆਣਾ ਵੱਲ ਆ ਰਿਹਾ ਸੀ ਚਾਲਕ ਨੇ ਖਾਨਪੁਰ ਪੁੱਲ ‘ਤੇ ਨਾਕਾ ਲਗਿਆ ਦੇਖਕੇ ਛੋਟੇ ਹਾਥੀ ਨੂੰ ਪਿੱਛੇ ਹੀ ਰੋਕ ਕੇ ਭਜਾਉਣ ਦੀ ਕੋਸ਼ਿਸ਼ ਕੀਤੀ। ਸ਼ੱਕ ਹੋਣ ਦੀ ਸੂਰਤ ਵਿੱਚ ਏ.ਐਸ.ਆਈ ਨਰਿੰਦਰ ਕੁਮਾਰ ਅਤੇ ਸਾਥੀ ਮੁਲਾਜਿਮਾਂ ਨਾਲ ਪਿੱਛਾ ਕਰਕੇ ਉਸ ਨੂੰ ਕਾਬੂ ਕਰ ਲਿਆ। ਤਲਾਸ਼ੀ ਦੌਰਾਨ ਚਾਲਕ ਦੇ ਨਾਲ ਵਾਲੀ ਸੀਟ ਤੋਂ 2 ਥੈਲਿਆਂ ਵਿੱਚੋਂ 48 ਕਿਲੋ ਚੂਰਾ ਭੂਕੀ ਬਰਾਮਦ ਕੀਤੀ ਗਈ । ਆਰੋਪੀ ਦੇ ਖਿਲਾਫ ਐਨ.ਪੀ.ਅੇਸ.ਐਕਟ ਦੇ ਅਧੀਨ ਥਾਨਾ ਡੇਹਲੋਂ ਵਿੱਖੇ ਮੱਕਦਮਾ ਦਰਜ ਕੀਤਾ ਗਿਆ ਹੈ।  ਮੁੱਢਲੀ ਪੁੱਛ-ਗਿੱਛ ਦੌਰਾਨ ਦੋਸ਼ੀ ਨੇ ਆਪਣਾ ਨਾਮ ਹਰਜਿੰਦਰ ਸਿੰਘ ਉਰਫ ਬਿੱਲੂ ਵਾਸੀ ਪਿੰਡ ਬਿਲਾਸਪੁਰ ਥਾਨਾ ਦੋਰਾਹਾ ਦਸਿਆ ।ਦੋਸ਼ੀ ਨੇ ਦਸਿਆ ਕਿ ਉਹ 24 ਸਾਲ ਪਹਿਲਾਂ ਫੌਜ ਵਿਚੋਂ ਰਿਟਾਇਰ ਹੋਕੇ ਆਇਆ ਸੀ ਅਤੇ ਪਿੰਡ ਵਿੱਚ ਖੇਤੀ ਬਾੜੀ ਕਰਨ ਲਗਿਆ । ਜਿਸ ਦੌਰਾਨ ਉਸ ਨੂੰ ਨਸ਼ੇ ਦੀ ਆਦਤ ਲਗ ਗਈ । ਨਸ਼ੇ ਦਾ ਆਦੀ ਹੋਣ ਕਾਰਨ ਉਸ ਨੇ ਭੂਕੀ ਵੇਚਣ ਦਾ ਨਜਾਇਜ਼ ਧੰਦਾ ਸ਼ੁਰੂ ਕਰ ਦਿੱਤਾ । ਪੁੱਛ-ਗਿੱਛ ਦੌਰਾਨ ਦੋਸ਼ੀ ਨੇ ਦਸਿਆ ਕਿ ਉਹ ਮੱਧ-ਪ੍ਰਦੇਸ਼ ਤੋਂ ਇਹ ਨਸ਼ਾ ਬਿੰਦਰ ਨਾਮਕ ਟਰੱਕ ਡਰਾਈਵਰ ਤੋਂ 700/- ਰੁਪਏ ਪ੍ਰਤੀ ਕਿਲੋ ਦੇ ਹਿਸਾਬ ਖਰੀਦਕੇ 2000/- ਰੁਪਏ ਪ੍ਰਤੀ ਕਿਲੋ ਦੇ ਹਿਸਾਬ ਨਾਲ ਆਪਣੇ ਪ੍ਰਚੂਨ ਦੇ ਗ੍ਰਾਹਕਾਂ ਨੂੰ ਵੇਚਦਾ ਹੈ। ਦੋਸ਼ੀ ਨੂੰ ਅੱਜ ਮਾਨਯੋਗ ਅਦਾਲਤ ਵਿੱਚ ਪੇਸ਼ ਕਰਕੇ ਉਸਦਾ ਰਿਮਾਂਡ ਹਾਸਿਲ ਕਰਕੇ ਇਹ ਪਤਾ ਲਗਾਇਆ ਜਾਵੇਗਾ ਕਿ ਦੋਸ਼ੀ ਦੇ ਨਾਲ ਇਸ ਗੈਰ ਕਾਨੂੰਨੀ ਧੰਦੇ ਵਿੱਚ ਕਿਹੜੇ-ਕਿਹੜੇ ਲੋਕ ਸ਼ਾਮਿਲ ਹਨ ਅਤੇ ਦੋਸ਼ੀ ਇਹ ਭੂਕੀ ਕਿਹੜੇ ਕਿਹੜੇ ਵਿਅਕਤੀਆਂ ਨੂੰ ਵੇਚਦਾ ਸੀ। 

ਸੀ.ਪੀ.ਐਮ.ਵੱਲੋਂ ਪੰਜਾਬ ਦੀਆਂ 4 ਲੋਕ ਸਭਾ ਸੀਟਾਂ ਲੜਨ ਦਾ ਐਲਾਨ

ਲੁਧਿਆਣਾ ਤੋਂ ਕਾਮਰੇਡ ਸੁਖਵਿੰਦਰ ਸਿੰਘ ਸੇਖੋਂ ਹੋਣਗੇ ਪਾਰਟੀ ਉਮੀਦਵਾਰ

ਲੁਧਿਆਣਾ: 17 ਜਨਵਰੀ 2014: (ਰੈਕਟਰ ਕਥੂਰੀਆ//ਸਤਪਾਲ ਸੋਨੀ//ਪੰਜਾਬ ਸਕਰੀਨ):

ਹਿੰਦ ਕਮਿਊਨਿਸਟ ਪਾਰਟੀ (ਮਾਰਕਸਵਾਦੀ) ਦੇ ਸੂਬਾ ਸਕੱਤਰ ਕਾਮਰੇਡ ਚਰਨ ਸਿੰਘ ਵਿਰਦੀ ਅਤੇ ਸੂਬਾ ਸਕੱਤਰੇਤ ਮੈਂਬਰ ਕਾਮਰੇਡ ਵਿਜੇ ਮਿਸ਼ਰਾ ਨੇ ਅੱਜ ਇੱਥੇ ਸੀ.ਪੀ.ਐਮ.ਦੇ ਜ਼ਿਲਾ ਹੈਡਕੁਆਟਰ ਵਿਖੇ ਪ੍ਰੈਸ ਕਾਨਫਰੰਸ ਦੌਰਾਨ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਐਲਾਨ ਕੀਤਾ ਕਿ 2014 ਦੀਆਂ ਲੋਕ ਸਭਾ ਚੋਣਾਂ ਸੀ.ਪੀ.ਐਮ. ਹਮਖਿਆਲੀ ਪਾਰਟੀਆਂ ਸੀ.ਪੀ.ਆਈ., ਪੀਪਲਜ਼ ਪਾਰਟੀ ਆਫ ਪੰਜਾਬ ਅਤੇ ਸ਼੍ਰੋਮਣੀ ਅਕਾਲੀ ਦਲ ਲੋਂਗੋਵਾਲ ਨਾਲ ਮਿਲਕੇ ਲੜੀਆਂ ਜਾਣਗੀਆਂ ।
ਕਾਮਰੇਡ ਵਿਰਦੀ ਅਤੇ ਕਾਮਰੇਡ ਮਿਸ਼ਰਾ ਨੇ ਸੀ.ਪੀ.ਐਮ. ਦੀ ਜ਼ਿਲਾ ਕਮੇਟੀ ਦੀ ਮੀਟਿੰਗ ਨੂੰ ਸੰਬੋਧਨ ਕਰਨ ਤੋਂ ਪਹਿਲਾਂ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਇਹ ਵੀ ਐਲਾਨ ਕੀਤਾ ਕਿ ਲੋਕ ਸਭਾ ਚੋਣਾਂ 'ਚ ਸੀ.ਪੀ.ਐਮ. ਪੰਜਾਬ ਦੀਆਂ ਚਾਰ ਲੋਕ ਸਭਾ ਸੀਟਾਂ ਲੁਧਿਆਣਾ, ਅਨੰਦਪੁਰ ਸਾਹਿਬ, ਸੰਗਰੂਰ ਅਤੇ ਜਲੰਧਰ ਤੋਂ ਚੋਣ ਲੜੇਗੀ। ਪਾਰਟੀ ਉਮੀਦਵਾਰਾਂ ਦੇ ਨਾਵਾਂ ਬਾਰੇ ਪੁੱਛੇ ਜਾਣ ਤੇ ਕਾਮਰੇਡ ਵਿਰਦੀ ਨੇ ਦੱਸਿਆ ਕਿ ਲੁਧਿਆਣਾ ਤੋ ਕਾਮਰੇਡ ਸੁਖਵਿੰਦਰ ਸਿੰਘ ਸੇਖੋਂ, ਅਨੰਦਪੁਰ ਸਾਹਿਬ ਤੋ ਬਲਬੀਰ ਸਿੰਘ ਜਾਂਡਲਾ, ਸੰਗਰੂਰ ਤੋਂ ਪ੍ਰਿੰਸੀਪਲ ਜੋਗਿੰਦਰ ਸਿੰਘ ਔਲਖ ਹੋਣਗੇ । ਜਦਕਿ ਜਲੰਧਰ ਤੋਂ ਉਮੀਦਵਾਰ ਦੇ ਨਾਮ ਬਾਰੇ ਵਿਚਾਰ ਕੀਤਾ ਜਾ ਰਿਹਾ ਹੈ । 
ਕਾਮਰੇਡ ਚਰਨ ਸਿੰਘ ਵਿਰਦੀ ਅਤੇ ਕਾਮਰੇਡ ਵਿਜੇ ਮਿਸ਼ਰਾ ਨੇ ਪੱਤਰਕਾਰਾਂ ਦੇ ਸਵਾਲਾਂ ਦੇ ਜਵਾਬ ਦਿੰਦਿਆਂ ਕਿਹਾ ਕਿ ਅੱਜ ਕਿਸੇ ਵਿਸ਼ੇਸ਼ ਵਿਅਕਤੀ ਨੂੰ ਬਦਲਣ ਨਾਲ ਨਾ ਤਾਂ ਦੇਸ਼ ਅਤੇ ਦੇਸ਼ ਵਾਸੀਆਂ ਦਾ ਕੋਈ ਭਲਾ ਹੋ ਸਕਦਾ ਹੈ। ਲੋੜ ਹੈ ਸਾਮਰਾਜ ਪੱਖੀ ਨੀਤੀਆਂ ਨੂੰ ਬਦਲਣ ਦੀ। ਕਿਉਂਕਿ ਅੱਜ ਦੇਸ਼ ਭਰ ਅੰਦਰ ਮਹਿੰਗਾਈ, ਬੇਰੁਜਗਾਰੀ ਤੇ ਭ੍ਰਿਸ਼ਟਾਚਾਰ ਦਾ ਬੋਲਬਾਲਾ ਹੈ । ਜਿਸ ਨਾਲ ਦੇਸ਼ ਦਾ ਸਮੁੱਚਾ ਪ੍ਰਸ਼ਾਸ਼ਨਿਕ ਸਿਸਟਮ ਹੀ ਕੁਰਪਸ਼ਨ ਦੀ ਮਾਰ ਹੇਠਾਂ ਆ ਚੁੱਕਾ ਹੈ । ਉਨ੍ਹਾਂ ਕਿਹਾ ਕਿ ਪੰਜਾਬ ਅੰਦਰ ਕਿਰਤ ਕਾਨੂੰਨਾਂ ਦੀਆਂ ਸ਼ਰੇਆਮ ਧੱਜੀਆਂ ਉਡਾਈਆਂ ਜਾ ਰਹੀਆਂ ਹਨ । ਸਨਅਤੀ ਕਾਮੇ ਘਟੋ ਘੱਟ ਉਜਰਤ 10 ਹਜ਼ਾਰ ਰੁਪਏ ਮਹੀਨੇ ਦੀ ਮੰਗ ਕਰ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਸੀ.ਪੀ.ਐਮ.ਸਮੇਤ ਸਾਂਝਾ ਮੋਰਚਾ ਪੰਜਾਬ ਅੰਦਰ ਲੋਕ ਸਭਾ ਦੀਆਂ ਚੋਣਾਂ ਆਮ ਪਬਲਿਕ ਨਾਲ ਜੁੜੇ ਲੋਕ ਮੁੱਦਿਆਂ ਨੂੰ ਲੈ ਕੇ ਲੜੇਗਾ । 
ਸੀ.ਪੀ.ਐਮ. ਦੇ ਸੂਬਾ ਸਕੱਤਰ ਕਾਮਰੇਡ ਚਰਨ ਸਿੰਘ ਵਿਰਦੀ ਨੇ ਕਿਹਾ ਕਿ ਦੇਸ਼ ਦੀ ਕੇਂਦਰੀ ਸੱਤਾ 'ਤੇ ਨਾ ਕਾਂਗਰਸ ਅਤੇ ਨਾ ਹੀ ਭਾਜਪਾ ਦੀ ਸਰਕਾਰ ਬਣੇਗੀ । ਬਲਕਿ ਇਕ ਅਜਿਹੀ ਸਰਕਾਰ ਹੋਂਦ 'ਚ ਆਵੇਗੀ, ਜੋ ਕਿ ਲੋਕਾਂ ਦੇ ਹਿੱਤਾਂ ਦੀ ਰਾਖੀ ਕਰਨ ਵਾਲੀ ਸਰਕਾਰ ਹੋਵੇਗੀ । ਕਿਉਂਕਿ ਦੇਸ਼ ਭਰ ਦੇ ਲੋਕ ਸਰਮਾਏਦਾਰੀ ਦੀ ਝੌਲੀ ਚੁੱਕਣ ਦਾ ਪਿਛਲੇ ਕਈ ਦਹਾਕਿਆਂ ਤੋਂ ਕੰਮ ਕਰਦੀਆਂ ਆ ਰਹੀਆਂ ਕਾਂਗਰਸ ਤੇ ਭਾਜਪਾ ਦੀਆਂ ਨੀਤੀਆਂ ਤੋਂ ਇਸ ਹੱਦ ਤੱਕ ਦੁਖੀ ਆ ਚੁੱਕੇ ਹਨ ਕਿ ਬਦਲਾਅ ਚਾਹੁੰਦੇ ਹਨ । 
ਸੀ.ਪੀ.ਐਮ. ਦੇ ਸੂਬਾ ਸਕੱਤਰੇਤ ਮੈਂਬਰ ਕਾਮਰੇਡ ਵਿਜੇ ਮਿਸ਼ਰਾ ਨੇ ਕਿਹਾ ਕਿ ਪੰਜਾਬ ਅੰਦਰ ਇਸ ਸਮੇਂ ਲੈਂਡ, ਰੇਤ ਤੇ ਡਰੱਗ ਮਾਫੀਏ ਦਾ ਸਾਮਰਾਜ ਹੈ ਜਿਸਨੇ ਭ੍ਰਿਸ਼ਟਾਚਾਰ ਨੂੰ ਸ਼ਿਖਰਾਂ 'ਤੇ ਪਹੁੰਚਾ ਦਿੱਤਾ ਹੈ । ਨਾ ਤਾਂ ਸਕੂਲਾਂ 'ਚ ਅਧਿਆਪਕ ਹਨ ਅਤੇ ਨਾ ਹੀ ਸਕੂਲਾਂ ਦੀਆਂ ਵਧੀਆ ਬਿਲਡਿੰਗਾਂ । ਬਿਜਲੀ ਤੇ ਗੈਸ ਦੀਆਂ ਬੇਹਿਸਾਬਾ ਵਧੀਆਂ ਦਰਾਂ ਨੇ ਹਰ ਇਕ  ਦਾ ਬਜਟ ਹੀ ਹਿਲਾ ਕੇ ਰੱਖ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਸੀ.ਪੀ.ਐਮ. ਪੰਜਾਬ ਨੂੰ ਨਸ਼ਾ ਮੁਕਤ ਬਣਾਉਣ ਸਮੇਤ ਬੁਨਿਆਦੀ ਮਸੱਲਿਆਂ ਨੂੰ ਲੈ ਕੇ ਵਿਸ਼ੇਸ਼ ਮੁਹਿੰਮ ਚਲਾਏਗੀ। ਇਸ ਮੌਕੇ ਕਾਮਰੇਡ ਸੁਖਵਿੰਦਰ ਸੇਖੋਂ, ਜ਼ਿਲਾ ਸਕੱਤਰ ਅਮਰਜੀਤ ਮੱਟੂ ਅਤੇ ਜਗਦੀਸ਼ ਚੰਦ ਵੀ ਮੌਜੂਦ ਸਨ ।