Showing posts with label ਪੰਜਾਬ ਸਰਕਾਰ. Show all posts
Showing posts with label ਪੰਜਾਬ ਸਰਕਾਰ. Show all posts

Wednesday, January 22, 2014

ਕੇਦਰ ਸਰਕਾਰ ਸਾਰੇ ਦੇਸ਼ ਵਿੱਚ ਇੱਕੋ ਜਿਹਾ ਸਲੇਬਸ ਲਾਗੂ ਕਰੇ-ਅਟਵਾਲ

Wed, Jan 22, 2014 at 5:51 PM
ਸਾਰਿਆ ਸੂਬਿਆਂ ਵਿੱਚ ਸਿਖਿਆ ਦੇ ਮਿਆਰ ਨੂੰ ਉੱਚਾ ਚੁੱਕਣ ਲਈ ਅਜਿਹਾ ਕਰਨਾ ਜ਼ਰੂਰੀ 
ਮਾਈ ਭਾਗੋ ਸਕੀਮ ਤਹਿਤ 89 ਲੜਕੀਆਂ ਨੂੰ ਸਾਈਕਲਾਂ ਦੀ ਕੀਤੀ ਵੰਡ
ਲੁਧਿਆਣਾ, 22 ਜਨਵਰੀ 2014: (ਸਤਪਾਲ ਸੋਨੀ//ਪੰਜਾਬ ਸਕਰੀਨ):
ਪੰਜਾਬ ਵਿਧਾਨ ਸਭਾ ਦੇ ਸਪੀਕਰ ਡਾ.ਚਰਨਜੀਤ ਸਿੰਘ ਅਟਵਾਲ ਨੇ ਕਿਹਾ ਕਿ ਕੇਦਰ ਸਰਕਾਰ ਨੂੰ ਚਾਹੀਦਾ ਹੈ ਕਿ ਉਹ ਸਾਰਿਆ ਸੂਬਿਆਂ ਵਿੱਚ ਸਿਖਿਆ ਦੇ ਮਿਆਰ ਨੂੰ ਉੱਚਾ ਚੁੱਕਣ ਲਈ ਇੱਕੋ ਜਿਹਾ ਸਲੇਬਸ ਸਾਰੇ ਦੇਸ਼ ਵਿੱਚ ਲਾਗੂ ਕਰਨ ਤਾਂ ਹੀ ਅਸੀ ਅਧੁਨਿਕ ਯੁੱਗ ਦਾ ਮੁਕਾਬਲਾ ਕਰ ਸਕਦੇ ਹਨ। ਡਾ. ਅਟਵਾਲ ਅੱਜ ਕਾਰਗਲ ਦੇ ਸਹੀਦ ਸੁਖਚੈਨਦੀਪ ਸਿੰਘ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਘੁਡਾਣੀ ਕਲਾਂ ਵਿਖੇ ਪੰਜਾਬ ਸਰਕਾਰ ਵੱਲੋ ਲੜਕੀਆਂ ਨੂੰ ਮਾਈ ਭਾਗੋ ਸਕੀਮ ਤਹਿਤ 89 ਸਾਈਕਲ ਵੰਡਣ ਉਪਰੰਤ ਭਾਰੀ ਇਕੱਠ ਨੂੰ ਸੰਬੋਧਨ ਕਰ ਰਹੇ ਸਨ।
 ਡਾ. ਅਟਵਾਲ ਨੇ ਕੇਂਦਰ ਸਰਕਾਰ ਦੀ ਸਿੱਖਿਆ ਨੀਤੀ ਦੀ ਅਲੋਚਣਾ ਕਰਦਿਆ ਕਿਹਾ ਕਿ ਕੇਂਦਰ ਸਰਕਾਰ ਵੱਲੋਂ 9ਵੀਂ ਕਲਾਸ ਤੱਕ ਜੋ ਬੱਚਿਆਂ ਨੂੰ ਫੇਲ੍ਹ ਨਾ ਕਰਨ ਦੀ ਜੋ ਨੀਤੀ ਸ਼ੁਰੂ ਕੀਤੀ ਗਈ ਹੈ ਉਸ ਨਾਲ ਅੱਜ ਦੇ ਮੁਕਾਬਲੇ ਦੇ ਯੁੱਗ ਵਿੱਚ ਬਹੁਤ ਪਿੱਛੇ ਰਹਿ ਜਾਵਾਂਗੇ।ਉਹਨਾਂ ਕਿਹਾ ਕਿ ਅੱਜ ਦੇ ਅਧੁਨਿਕ ਮੁਕਾਬਲੇ ਦੇ ਯੁੱਗ ਵਿੱਚ ਸਿੱਖਿਆ ਦਾ ਵਿਸ਼ੇਸ਼ ਮਹੱਤਵ ਹੈ ਅਤੇ ਲੜਕੀਆਂ ਦੀ ਸਿੱਖਿਆ ਵਿੱਚ ਕਿਸੇ ਕਿਸਮ ਦੀ ਆਉਣ-ਜਾਣ ਵਿੱਚ ਮੁਸ਼ਕਲ ਪੇਸ਼ ਨਾ ਆਵੇ ਇਸੇ ਕਰਕੇ ਮੁੱਖ ਮੰਤਰੀ ਪੰਜਾਬ ਸ. ਪਰਕਾਸ਼ ਸਿੰਘ ਬਾਦਲ ਅਤੇ ਉਪ ਮੁੱਖ ਮੰਤਰੀ ਸੁਖਬੀਰ ਸਿੰਘ ਬਾਦਲ ਦੀ ਸੋਚ ਸਦਕਾ ਸਰਕਾਰ ਵੱਲੋਂ ਮਾਈ ਭਾਗੋ ਸਕੀਮ ਦੀ ਸ਼ੁਰੂਆਤ ਕਰਨ ਵਾਲਾ ਪੰਜਾਬ ਦੇਸ਼ ਦਾ ਪਹਿਲਾ ਸੂਬਾ ਹੈ, ਜਿਸ ਵਿੱਚ ਲੜਕੀਆ ਦੀ ਸਿੱਖਿਆ ਵੱਲ ਵਿਸ਼ੇਸ਼ ਧਿਆਨ ਦਿੱਤਾ ਜਾ ਰਿਹਾ ਹੈ।
 ਸ. ਅਟਵਾਲ ਨੇ ਕਿਹਾ ਕਿ ਸ਼੍ਰੋਮਣੀ ਅਕਾਲੀ ਦਲ-ਭਾਜਪਾ ਸਰਕਾਰ ਵੱਲੋਂ ਸਰਕਾਰੀ ਸਕੂਲਾਂ ਵਿੱਚ ਪੜ੍ਹਨ ਵਾਲੇ ਬੱਚਿਆਂ ਲਈ ਡਾ. ਹਰਗੋਬਿੰਦ ਖੁਰਾਣਾ ਵਜ਼ੀਫ਼ਾ ਸਕੀਮ ਅਧੀਨ 80 ਫੀਸਦੀ ਤੋਂ ਵੱਧ ਨੰਬਰ ਲੈਣ ਵਾਲੇ ਬੱਚਿਆਂ ਲਈ 30 ਹਜ਼ਾਰ ਰੁਪਏ ਸਾਲਾਨਾ ਦੇਣ ਅਤੇ ਆਪਣੀ ਕਿਸਮ ਦਾ ਨਿਵੇਕਲੇ ਵਿਸ਼ੇਸ਼ ਰਿਹਾਇਸ਼ੀ ਸਕੂਲ ਖੋਹਲੇ ਜਾ ਰਹੇ ਹਨ, ਜਿੱਥੇ ਇਹਨਾਂ ਬੱਚਿਆਂ ਦੀ ਰਿਹਾਇਸ਼ ਅਤੇ ਮੁਫ਼ਤ ਪੜ੍ਹਾਈ ਕਰਵਾਈ ਜਾਵੇਗੀ ਤਾ ਇਹ ਬੱਚੇ ਵਧੀਆ ਸਿੱਖਿਆ ਹਾਸਲ ਕਰਕੇ ਆਪਣੇ ਮਾਤਾ-ਪਿਤਾ, ਰਾਜ ਅਤੇ ਦੇਸ਼ ਦਾ ਨਾਂ ਰੌਸ਼ਨ ਕਰ ਸਕਣ।
        ਸ. ਅਟਵਾਲ ਨੇ ਕਿਹਾ ਕਿ ਸਹੀਦ ਸੁਖਚੈਨਦੀਪ ਸਿੰਘ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਘੁਡਾਣੀ ਕਲਾਂ ਦੇ ਵਿਕਾਸ ਕਾਰਜਾ ਲਈ ਆਉਣ ਵਾਲੇ ਵਿੱਤੀ ਵਰ•ੇ ਵਿੱਚ ਗਰਾਂਟ ਦੇ ਕਿ ਸਕੂਲ ਦੇ ਵਿਕਾਸ ਦੇ ਕੰਮ ਕਰਵਾਏ ਜਾਣਗੇ।ਇਸ ਮੋਕੇ ਉਹਨਾ ਪਿੰਡ ਘੁਡਾਣੀ ਕਲਾਂ ਦੇ ਵੱਖ-ਵੱਖ ਵਿਕਾਸ ਕਾਰਜਾ ਲਈ 4.50 ਲੱਖ ਦੀ ਗਰਾਂਟ ਦੇਣ ਦਾ ਐਲਾਨ ਕੀਤਾ।ਇਸ ਮੌਕੇ ਪਿੰਡ ਦੀ ਗਰਾਮ ਪੰਚਾਇਤ ਅਤੇ ਨਗਰ ਨਿਵਾਸੀਆ ਵੱਲੋ ਡਾ.ਅਟਵਾਲ ਦਾ ਸਨਮਾਨ ਵੀ ਕੀਤਾ ਗਿਆ। 
            ਇਸ ਮੌਕੇ ਤੇ ਸਕੂਲ ਦੇ ਪ੍ਰਿੰਸੀਪਲ  ਸ੍ਰ. ਮੇਜਰ ਸਿੰਘ  ਵੱਲੋਂ ਸ. ਅਟਵਾਲ ਦਾ ਸਕੂਲ ਵਿੱਚ ਪਹੁੰਚਣ ਤੇ ਨਿੱਘਾ ਸਵਾਗਤ ਅਤੇ ਧੰਨਵਾਦ ਕੀਤਾ। ਉਹਨਾਂ ਹੀ ਕਿਹਾ ਕਿ ਇਸ ਸਕੂਲ ਨੇ ਸਿੱਖਿਆ, ਖੇਡਾ ਅਤੇ ਸੱਭਿਆਚਾਰ ਦੇ ਖੇਤਰ ਵਿੱਚ ਕਾਫੀ ਮੱਲਾਂ ਮਾਰੀਆ ਹਨ, ਉੱਥੇ ਹੀ ਇਸ ਸਕੂਲ ਦੇ ਇੱਕ ਵਿਦਿਆਰਥੀ ਵੱਲੋਂ 80 ਫੀਸਦੀ ਤੋਂ ਵਧੇਰੇ ਨੰਬਰ ਲੈ ਕੇ ਡਾ. ਹਰਗੋਬਿੰਦ ਖੁਰਾਣਾ ਵਜ਼ੀਫ਼ਾ ਸਕੀਮ ਦਾ ਲਾਭ ਪ੍ਰਾਪਤ ਕੀਤਾ ਹੈ।
 ਇਸ ਮੌਕੇ ਹੋਰਨਾ ਤੋਂ ਇਲਾਵਾ ਸ੍ਰ.ਰਘਬੀਰ ਸਿੰਘ ਸਹਾਰਨ ਮਾਜਰਾ ਮੈਬਰ ਐਸ.ਜੀ.ਪੀ.ਸੀ, ਸ੍ਰੀ ਬਿਕਰਮਜੀਤ ਸਿੰਘ ਚੀਮਾ ਜ਼ਿਲਾ ਪ੍ਰਧਾਨ ਭਾਜਪਾ, ਸ੍ਰ. ਹਰਿੰਦਰਪਾਲ ਸਿੰਘ ਹਨੀ ਸਾਬਕਾ ਚੇਅਰਮੈਨ ਬਲਾਕ ਸੰਮਤੀ, ਸ੍ਰੀ ਦੇਵੀ ਪ੍ਰਸ਼ਾਦ ਸਾਹੀ ਜ਼ਿਲਾ ਮੀਤ ਪ੍ਰਧਾਨ ਭਾਜਪਾ, ਸ੍ਰੀ ਗੁਰਮੁਖ ਸਿੰਘ ਗੋਗਾ ਸਰਪੰਚ ਘੁਡਾਣੀ ਕਲਾਂ, ਬਲਵੰਤ ਸਿੰਘ ਘਲੋਟੀ ਸਾਬਕਾ ਜ਼ਿਲਾ ਪ੍ਰੀਸਦ ਮੈਬਰ, ਸਰਪੰਚ ਹਰਜੀਤ ਸਿੰਘ ਘਲੋਟੀ, ਸ੍ਰੀ ਕੇਸਰ ਸਿੰਘ ਪ੍ਰਧਾਨ ਟਰੱਕ ਯੂਨੀਅਨ ਦੋਰਾਹਾ,ਸ੍ਰ. ਕੇਵਲ ਸਿੰਘ ਸੇਖੋ, ਮਨਜੀਤ ਸਿੰਘ ਘੁਡਾਣੀ, ਪਰਵਿੰਦਰਜੀਤ ਸਿੰਘ , ਗੁਰਪ੍ਰੀਤ ਸਿੰਘ, ਜਗਜੀਤ ਸਿੰਘ,
ਰਾਮ ਸਿੰਘ,ਬਲਵੀਰ ਸਿੰਘ,ਤਰਸੇਮ ਵਰਮਾ, ਬਲਦੇਵ ਸਿੰਘ, ਅਵਤਾਰ ਸਿੰਘ ਅਤੇ ਵੱਡੀ ਗਿਣਤੀ ਵਿੱਚ ਪਿੰਡ ਵਾਸੀ ਹਾਜਰ ਸਨ।
      ---------

ਫੋਟੋ ਕੈਪਸਨ ਨੰਬਰ 1 -: ਪੰਜਾਬ ਵਿਧਾਨ ਸਭਾ ਦੇ ਸਪੀਕਰ ਡਾ.ਚਰਨਜੀਤ ਸਿੰਘ ਅਟਵਾਲ, ਸਹੀਦ ਸੁਖਚੈਨਦੀਪ ਸਿੰਘ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਘੁਡਾਣੀ ਕਲਾਂ ਵਿਖੇ ਲੜਕੀਆਂ ਨੂੰ ਮਾਈ ਭਾਗੋ ਸਕੀਮ ਤਹਿਤ  ਸਾਈਕਲ ਵੰਡਦੇ ਹੋਏ।.

ਫੋਟੋ ਕੈਪਸਨ ਨੰਬਰ 2 -: ਪਿੰਡ ਘੁਡਾਣੀ ਕਲਾਂ ਦੀ ਗਰਾਮ ਪੰਚਾਇਤ ਅਤੇ ਨਗਰ ਨਿਵਾਸੀਆ ਵੱਲੋ ਸਹੀਦ ਸੁਖਚੈਨਦੀਪ ਸਿੰਘ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਪੁੰਹੁਚਣ ਤੇ ਪੰਜਾਬ ਵਿਧਾਨ ਸਭਾ ਦੇ ਸਪੀਕਰ ਡਾ.ਚਰਨਜੀਤ ਸਿੰਘ ਅਟਵਾਲ ਨੂੰ ਸਨਮਾਨਿਤ ਕਰਦੇ ਹੋਏ।  

Tuesday, January 07, 2014

18ਵੇਂ ਨੈਸ਼ਨਲ ਯੂਥ ਫੈਸਟੀਵਲ ਦਾ ਉਦਘਾਟਨ ਸਮਾਰੋਹ 12 ਜਨਵਰੀ ਨੂੰ

Tue, Jan 7, 2014 at 7:52 PM
ਪੀ.ਏ.ਯੂ ਲੁਧਿਆਣਾ ਵਿੱਚ ਹੋਵੇਗਾ ਸਮਾਗਮ--ਅਸ਼ੋਕ ਗੁਪਤਾ
ਪ੍ਰਸ਼ਾਸ਼ਨ ਵੱਲੋਂ ਕੀਤੇ ਪ੍ਰਬੰਧਾਂ ਦਾ ਲਿਆ ਗਿਆ ਜਾਇਜ਼ਾ
ਲੁਧਿਆਣਾ, 7 ਜਨਵਰੀ (ਸਤਪਾਲ ਸੋਨੀ//ਪੰਜਾਬ ਸਕਰੀਨ):
ਭਾਰਤ ਦੇ ਖੇਡਾਂ ਅਤੇ ਯੁਵਕ ਮਾਮਲਿਆਂ ਬਾਰੇ ਮੰਤਰਾਲੇ ਵੱਲੋਂ ਪੰਜਾਬ ਸਰਕਾਰ ਦੇ ਸਹਿਯੋਗ ਨਾਲ ਕਰਵਾਏ ਜਾਣ ਵਾਲੇ 18ਵੇਂ ਨੈਸ਼ਨਲ ਯੂਥ ਫੈਸਟੀਵਲ ਦੀ ਮੇਜ਼ਬਾਨੀ ਕਰਨ ਦਾ ਮਾਣ ਐਤਕੀਂ ਸ਼ਹਿਰ ਲੁਧਿਆਣਾ (ਪੰਜਾਬ) ਨੂੰ ਮਿਲਿਆ ਹੈ। ਇਸ ਫੈਸਟੀਵਲ ਦਾ ਆਯੋਜਨ ਮਿਤੀ 12 ਤੋਂ 16 ਜਨਵਰੀ ਤੱਕ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਵਿਖੇ ਕੀਤਾ ਜਾ ਰਿਹਾ ਹੈ, ਜਿਸ ਵਿੱਚ ਦੇਸ਼ ਦੇ 35 ਸੂਬਿਆਂ ਤੇ ਕੇਂਦਰੀ ਸਾਸ਼ਤ ਪ੍ਰਦੇਸ਼ਾਂ ਦੇ ਕਰੀਬ 5000 ਨੌਜਵਾਨ ਲੜਕੇ ਤੇ ਲੜਕੀਆਂ ਹਿੱਸਾ ਲੈਣਗੇ ਅਤੇ ਆਪੋ-ਆਪਣੇ ਅਮੀਰ ਸੱਭਿਆਚਾਰਾਂ ਦੀਆਂ ਪੇਸ਼ਕਾਰੀਆਂ ਪੇਸ਼ ਕਰਨਗੇ। ਦੇਸ਼ ਦੇ ਬਹੁ-ਵੱਕਾਰੀ ਇਸ ਫੈਸਟੀਵਲ ਨੂੰ ਸਫ਼ਲਤਾ ਪੂਰਵਕ ਨੇਪਰੇ ਚਾੜਨ ਲਈ ਪੰਜਾਬ ਸਰਕਾਰ ਦੇ ਨਿਰਦੇਸ਼ਾਂ 'ਤੇ ਜ਼ਿਲਾ ਪ੍ਰਸਾਸ਼ਨ ਵੱਲੋਂ ਵੱਖ-ਵੱਖ ਪ੍ਰਬੰਧਕੀ ਕਮੇਟੀਆਂ ਦਾ ਗਠਨ ਕੀਤਾ ਗਿਆ ਹੈ। ਇਹਨਾਂ ਵੱਲੋਂ ਕੀਤੇ ਜਾ ਰਹੇ ਕਾਰਜਾਂ ਦੀਆਂ ਤਿਆਰੀਆਂ ਦੇ ਪ੍ਰਬੰਧਾਂ ਦਾ ਜਾਇਜ਼ਾਂ ਲੈਣ ਲਈ ਅੱਜ ਸਰਕਟ ਹਾਊਸ ਲੁਧਿਆਣਾ ਵਿਖੇ ਸ੍ਰੀ ਅਸ਼ੋਕ ਗੁਪਤਾ ਸਕੱਤਰ ਯੂਵਕ ਸੇਵਾਵਾਂ ਅਤੇ ਸਪੋਰਟਸ ਨੇ ਜਿਲਾ ਪ੍ਰਸ਼ਾਸ਼ਨ ਦੇ ਉੱਚ ਅਧਿਕਾਰੀਆਂ ਨਾਲ ਵਿਸਥਾਰ ਨਾਲ ਮੀਟਿੰਗ ਕੀਤੀ ਗਈ।ਇਸ ਮੌਕੇ ਉਹਨਾਂ ਸਾਰੇ ਪ੍ਰਸ਼ਾਨਿਕ ਅਧਿਕਾਰੀਆਂ ਨੂੰ ਕਿਹਾ ਕਿ ਵੱਖ-ਵੱਖ ਸੂਬਿਆਂ ਤੋਂ ਆਉਣ ਵਾਲੇ ਨੌਜਵਾਨਾਂ ਲਈ ਪੰਜਾਬ ਸਰਕਾਰ ਵੱਲੋਂ ਜਿੱਥੇ ਪੁਖਤਾ ਪ੍ਰਬੰਧ ਕੀਤੇ ਗਏ ਹਨ, ਉੱਥੇ ਸਾਨੂੰ ਸਾਰਿਆਂ ਨੂੰ ਇਸ ਫੈਸਟੀਵਲ ਨੂੰ ਸਫ਼ਲ ਬਨਾਉਣ ਲਈ ਸਮੇ-ਸਮੇ ਤੇ ਸਾਰੇ ਹੀ ਪ੍ਰਬੰਧ ਮੁਕੰਮਲ ਕਰ ਲਏ ਜਾਣ । ਉਹਨਾਂ ਸਬੰਧਤ ਸਾਰੇ ਅਧਿਕਾਰੀਆਂ ਨੂੰ ਕਿਹਾ ਕਿ ਉਹ ਆਪਣੀ-ਆਪਣੀ ਡਿਊਟੀ ਨੂੰ ਤਨਦੇਹੀ ਨਾਲ ਨਿਭਾਉਣ ਅਤੇ  ਜੇਕਰ ਜਿੱਥੇ ਕੋਈ ਕਮੀ ਪੇਸ਼ੀ ਸਾਹਮਣੇ ਆਉਂਦੀ ਹੈ, ਉਹ ਡਿਪਟੀ ਕਮਿਸ਼ਨਰ ਨਾਲ ਸਿੱਧਾ ਰਾਬਤਾ ਕਰਨ। ਉਹਨਾਂ ਦੱਸਿਆ ਕਿ ਇਸ ਫੈਸਟੀਵਲ ਵਿੱਚ ਲੱਗਭੱਗ 4500 ਤੋਂ ਲੈ ਕੇ 5000 ਤੱਕ ਨੌਜਵਾਨ ਭਾਗ ਲੈਣਗੇ। ਉਹਨਾਂ ਕਿਹਾ ਕਿ ਲੁਧਿਆਣਾ ਲਈ ਇਹ ਬੜੀ ਮਾਣ ਵਾਲੀ ਗੱਲ ਹੈ ਕਿ ਏਡੇ ਵੱਡੇ ਰਾਸ਼ਟਰੀ ਸਮਾਰੋਹ ਦਾ ਆਯੋਜਨ ਕਰਨ ਦਾ ਮੌਕਾ ਮਿਲਿਆ ਹੈ। ਉਨ੍ਹਾਂ ਦੱਸਿਆ ਕਿ ਸਾਰੇ ਸਮਾਗਮ ਦੇ ਪ੍ਰਬੰਧਾਂ ਨੂੰ ਨੇਪਰੇ ਚਾੜਨ ਲਈ 13 ਕਮੇਟੀਆਂ ਦਾ ਗਠਨ ਕੀਤਾ ਗਿਆ ਹੈ। ਜਿਨ੍ਹਾਂ ਦੇ ਇੰਚਾਰਜ਼ ਸੀਨੀਅਰ ਅਫ਼ਸਰਾਂ ਨੂੰ ਲਗਾਇਆ ਗਿਆ ਹੈ। ਸਾਰੇ ਇੰਚਾਰਜ਼ ਆਪਣੀ-ਆਪਣੀ ਕਮੇਟੀ ਦੇ ਪ੍ਰਬੰਧਾਂ ਨੂੰ ਸਿਰੇ ਚਾੜਨ ਅਤੇ ਸਾਰੀ ਵਿਵਸਥਾ ਨੂੰ ਸੁਚਾਰੂ ਤਰੀਕੇ ਨਾਲ ਚਲਾਉਣ ਲਈ ਪੂਰੀ ਤਰ੍ਹਾਂ ਜਿੰਮੇਵਾਰ ਹੋਣਗੇ।
ਇਸ ਮੌਕੇ ਡਿਪਟੀ ਕਮਿਸ਼ਨਰ ਸ੍ਰੀ ਰਜਤ ਅਗਰਵਾਲ ਨੇ ਮੀਟਿੰਗ ਵਿੱਚ ਦੱਸਿਆ ਕਿ ਬਾਹਰ ਤੋਂ ਆਉਣ ਵਾਲੇ ਸਾਰੇ ਮਹਿਮਾਨਾਂ ਲਈ ਖਾਣ-ਪੀਣ, ਰਹਿਣ, ਆਵਜਾਈ ਅਤੇ ਹੋਰ ਪੁਖਤਾ ਪ੍ਰਬੰਧ ਜਿਲਾ ਪ੍ਰਸ਼ਾਸ਼ਨ ਵੱਲੋਂ ਮੁਕੰਮਲ ਕਰ ਲਏ ਗਏ ਹਨ।ਸ੍ਰੀ ਅਗਰਵਾਲ ਨੂੰ ਦੱਸਿਆ ਗਿਆ ਕਿ ਫੈਸਟੀਵਲ ਦੇ ਪੰਜੇ ਦਿਨ ਜਿਥੇ ਨੌਜਵਾਨ ਆਪਣੇ-ਆਪਣੇ ਰਾਜਾਂ ਨਾਲ ਸੰਬੰਧਤ ਵੰਨਗੀਆਂ ਪੇਸ਼ ਕਰਨਗੇ, ਉਥੇ ਰੋਜ਼ਾਨਾ ਸ਼ਾਮ ਨੂੰ ਸੱਭਿਆਚਾਰਕ ਪ੍ਰੋਗਰਾਮ ਪੇਸ਼ ਕੀਤਾ ਜਾਇਆ ਕਰੇਗਾ, ਜਿਸ ਵਿੱਚ ਵੱਖ-ਵੱਖ ਦਿਨ ਪ੍ਰਸਿੱਧ ਪਿੱਠਵਰਤੀ ਫਿਲਮ ਗਾਇਕ ਸੋਨੂੰ ਨਿਗਮ, ਪੰਜਾਬੀ ਗਾਇਕ ਤੇ ਫਿਲਮੀ ਅਦਾਕਾਰ ਗਿੱਪੀ ਗਰੇਵਾਲ ਤੇ ਹੋਰ ਕਲਾਕਾਰ ਦਰਸ਼ਕਾਂ ਦਾ ਖੁਲ੍ਹੇ ਡੁਲ੍ਹੇ ਪੰਡਾਲ ਵਿੱਚ ਮਨੋਰੰਜਨ ਕਰਨਗੇ। ਫੈਸਟੀਵਲ ਦੇ ਉਦਘਾਟਨੀ ਅਤੇ ਸਮਾਪਤੀ ਸਮਾਰੋਹ 'ਤੇ ਦੇਸ਼ ਦੀਆਂ ਪ੍ਰਮੁੱਖ ਰਾਜਸੀ, ਸਮਾਜਿਕ ਅਤੇ ਹੋਰ ਸਖ਼ਸ਼ੀਅਤਾਂ ਸ਼ਿਰਕਤ ਕਰਨਗੀਆਂ। ਮੀਟਿੰਗ ਵਿੱਚ ਹੋਰਨਾਂ ਤੋਂ ਇਲਾਵਾ ਨਗਰ ਨਿਗਮ ਦੇ ਕਮਿਸ਼ਨਰ ਸ੍ਰੀ ਰਾਹੁਲ ਤਿਵਾੜੀ, ਸ੍ਰੀ ਪ੍ਰੇਮ ਚੰਦ ਅਰੋੜਾ ਲੋਕਲ ਬਾਡੀ, ਵਧੀਕ ਡਿਪਟੀ ਕਮਿਸ਼ਨਰ (ਜ) ਸ੍ਰੀਮਤੀ ਨੀਰੂ ਕਤਿਆਲ ਗੁਪਤਾ, ਸ੍ਰੀ ਘਣਸ਼ਾਮ ਥੋਰੀ ਐਸ.ਡੀ.ਐਮ ਪਾਇਲ, ਸ੍ਰ. ਕੁਲਜੀਤਪਾਲ ਸਿੰਘ ਮਾਹੀ ਐੱਸ. ਡੀ. ਐੱਮ. (ਪੱਛਮੀ), ਜ਼ਿਲ•ਾ ਟਰਾਂਸਪੋਰਟ ਅਫ਼ਸਰ ਸ੍ਰੀ ਅਨਿਲ ਗਰਗ ਅਤੇ ਹੋਰ ਜਿਲੇ ਦੇ ਉੱਚ ਅਧਿਕਾਰੀ ਵੱਡੀ ਗਿਣਤੀ ਵਿੱਚ ਹਾਜ਼ਰ ਸਨ। 

Monday, December 02, 2013

ਉਭਰਦੇ ਗਾਇਕਾਂ ਨੇ ਛੇੜੀਆਂ ਸੰਗੀਤਕ ਸੁਰਾਂ

ਇਸ਼ਮੀਤ ਸੰਗੀਤ ਅਕਾਦਮੀ ਵੱਲੋਂ ਸੰਗੀਤਕ ਸ਼ਾਮ ਦਾ ਆਯੋਜਨ
ਲੁਧਿਆਣਾ, 1 ਦਸੰਬਰ 2013: (ਰੈਕਟਰ ਕਥੂਰੀਆ//ਪੰਜਾਬ ਸਕਰੀਨ): ਜ਼ਿਲ੍ਹਾ ਪ੍ਰਸਾਸ਼ਨ ਦੇ ਵਿਸ਼ੇਸ਼ ਉਪਰਾਲੇ ਸਦਕਾ ਇਸ਼ਮੀਤ ਸੰਗੀਤਕ ਅਕਾਦਮੀ, ਲੁਧਿਆਣਾ ਵੱਲੋਂ ਸ਼ੁਰੂ ਕੀਤੀ ਗਈ ਸੰਗੀਤਕ ਸ਼ਾਮਾਂ ਦੀ ਲੜੀ ਤਹਿਤ ਅੱਜ ਸਥਾਨਕ ਨਹਿਰੂ ਰੋਜ਼ ਗਾਰਡਨ ਵਿਖੇ ਸੰਗੀਤਕ ਸ਼ਾਮ ਦਾ ਆਯੋਜਨ ਕੀਤਾ ਗਿਆ, ਜਿਸ ਵਿੱਚ ਨਵੇਂਂ ਉਭਰਦੇ ਗਾਇਕ ਤੇ ਗਾਇਕਾਵਾਂ ਨੇ ਸੰਗੀਤ ਦੀਆਂ ਸੁਰਾਂ ਛੇੜ ਕੇ ਭਾਰਤੀ ਸੰਗੀਤ ਦੇ ਅਮੀਰ ਭਵਿੱਖ ਦੇ ਦਰਸ਼ਨ ਕਰਵਾ ਦਿੱਤੇ।
ਅਕਾਦਮੀ ਦੇ ਡਾਇਰੈਕਟਰ ਅਤੇ ਸੰਗੀਤ ਨੂੰ ਪਿਆਰ ਕਰਨ ਵਾਲੇ ਸ੍ਰ. ਚਰਨ ਕਮਲ ਸਿੰਘ ਦੀ ਰਹਿਨੁਮਾਈ ਹੇਠ ਕਰਵਾਈ ਗਈ ਇਸ ਸੰਗੀਤਕ ਸ਼ਾਮ ਦੀ ਸ਼ੁਰੂਆਤ ਉਭਰਦੇ ਗਾਇਕ ਸਤਵਿੰਦਰ ਸਿੰਘ ਨੇ ਪ੍ਰਸਿੱਧ ਫਿਲਮੀ ਗੀਤ ''ਮੈਂ ਸ਼ਾਇਰ ਤੋ ਨਹੀਂ'' ਨਾਲ ਕੀਤੀ, ਜਿਸ ਨੂੰ ਉਥੇ ਮੌਜੂਦ ਦਰਸ਼ਕਾਂ ਭਰਪੂਰ ਸਰਾਹਿਆ। ਸਤਵਿੰਦਰ ਨੇ ਆਪਣਾ ਦੂਜਾ ਗੀਤ ''ਰੋਤੇ ਹੁਏ ਆਤੇ ਹੈਂ ਸਭ'' ਗਾ ਕੇ ਸਾਰਿਆਂ ਨੂੰ ਜ਼ਿੰਦਗੀ ਨੂੰ ਹੌਂਸਲੇ ਨਾਲ ਜੀਣ ਦਾ ਸੰਦੇਸ਼ ਦਿੱਤਾ। ਇਸ ਤੋਂ ਬਾਅਦ ਗਾਇਕਾ ਨਿਧੀ ਭੱਟ ਨੇ ''ਦਿਲ ਤੋਂ ਪਾਗਲ ਹੈ'' ਨਾਲ ਅਤੇ ਸ਼ਿਵਮ ਨਾਲ ਰਲ ਕੇ ''ਸੂਰਜ ਹੁਆ ਮੱਧਮ'' ਨਾਲ ਭਰਪੂਰ ਹਾਜ਼ਰੀ ਲਗਵਾਈ। ਸ਼ਿਵਮ ਨੇ ਇਕੱਲਿਆਂ ਦੋ ਗੀਤ ''ਅਬ ਮੁਝੇ ਰਾਤ ਦਿਨ'' ਅਤੇ ''ਅਭੀ ਅਭੀ ਤੋ ਮਿਲੇ ਹੋ'' ਨਾਲ ਹਾਜ਼ਰੀ ਲਗਵਾਈ। ਇਸ ਤੋਂ ਇਲਾਵਾ ਗਾਇਕ ਵਿਕਾਸ ਸ਼ਰਮਾ ਨੇ ''ਤੁਮ ਹੀ ਹੋ'' ਨਾਲ ਅਤੇ ਗੁਰਲੀਨ ਨੇ ''ਆਓ ਨਾ'' ਅਤੇ ''ਇੱਕ ਤਾਰਾ'' ਨਾਲ ਦਰਸ਼ਕਾਂ ਦਾ ਚੰਗਾ ਸਮਾਂ ਬੰਨ੍ਹਿਆ।
ਸੰਗੀਤਕ ਸ਼ਾਮ ਦਾ ਆਨੰਦ ਮਾਣਨ ਲਈ ਇਕੱਤਰ ਹੋਏ 200 ਤੋਂ ਵਧੇਰੇ ਦਰਸ਼ਕਾਂ ਨੇ ਜਿੱਥੇ ਲਾਜਵਾਬ ਸੰਗੀਤ ਨਾਲ ਪੂਰੇ ਹਫ਼ਤੇ ਹੀ ਥਕਾਨ ਉਤਾਰੀ ਉਥੇ ਜ਼ਿਲ੍ਹਾ ਪ੍ਰਸਾਸ਼ਨ ਵੱਲੋਂ ਸ਼ੁਰੂ ਕਰਵਾਈ ਗਈ ਇਸ ਨਵੀਂ ਪਹਿਲ ਦੀ ਭਰਪੂਰ ਪ੍ਰਸੰਸਾ ਵੀ ਕੀਤੀ। ਆਪਣੀਆਂ ਪੇਸ਼ਕਾਰੀਆਂ ਦੇਣ ਵਾਲੇ ਇਸ਼ਮੀਤ ਸੰਗੀਤ ਅਕਾਦਮੀ ਦੇ ਬੱਚਿਆਂ ਦੀ ਹੌਸਲਾ ਅਫ਼ਜਾਈ ਕਰਦਿਆਂ ਸ੍ਰ. ਚਰਨ ਕਮਲ ਸਿੰਘ ਨੇ ਕਿਹਾ ਕਿ ਇਹ ਸੰਗੀਤਕ ਸ਼ਾਮ ਹਰ ਐਤਵਾਰ ਇਸੇ ਤਰ੍ਹਾਂ ਨਹਿਰੂ ਰੋਜ਼ ਗਾਰਡਨ ਵਿੱਚ ਸ਼ਾਮ ਨੂੰ 5 ਵਜੇ ਤੋਂ ਲੈ ਕੇ 6 ਵਜੇ ਤੱਕ ਸਜਦੀ ਰਿਹਾ ਕਰੇਗੀ। ਇਸ ਤਰ੍ਹਾਂ ਇਹ ਸ਼ਾਮ ਅਗਲੇ ਐਤਵਾਰ ਦੁਬਾਰਾ ਜੁੜਨ ਦੇ ਵਾਅਦੇ ਨਾਲ ਸਮਾਪਤ ਹੋਈ।  


ਅਜੇ ਤੱਕ ਨਹੀਂ ਰੱਖਿਆ ਗਿਆ ਇਸ਼ਮੀਤ ਦੇ ਨਾਮ ਵਾਲੀ ਸੜਕ ਦਾ ਨੀਂਹ ਪੱਥਰ

Monday, March 04, 2013

ਬਲਦੇਵ ਸਿੰਘ ਖੱਟੜਾ ਯਾਦਗਾਰੀ ਦੂਜਾ ਕਬੱਡੀ ਕੱਪ

ਸ਼੍ਰੋਮਣੀ ਕਮੇਟੀ ਦੀ ਕਬੱਡੀ ਟੀਮ ਨੇ ਲਗਾਤਾਰ ਦੂਜੇ ਸਾਲ ਜਿੱਤਿਆ ਕਬੱਡੀ ਕੱਪ
ਖੰਨਾ, 3 ਮਾਰਚ:(ਪੰਜਾਬ ਸਕਰੀਨ// ਰੈਕਟਰ ਕਥੂਰੀਆ//ਐਸ ਕੇ ਗੋਗਨਾ): ਸ਼੍ਰੋਮਣੀ ਕਮੇਟੀ ਦੀ ਟੀਮ ਬਾਬਾ ਜ਼ੋਰਾਵਰ ਸਿੰਘ ਫਤਹਿ ਸਿੰਘ ਕਬੱਡੀ ਅਕੈਡਮੀ ਫਤਹਿਗੜ੍ਹ ਸਾਹਿਬ ਨੇ ਰੋਮਾਂਚਕ ਫਾਈਨਲ ਮੁਕਾਬਲੇ ਵਿੱਚ ਬਾਬਾ ਲਖਬੀਰ ਸਿੰਘ ਕਬੱਡੀ ਅਕੈਡਮੀ ਘਰਿਆਲਾ ਨੂੰ 45-19 ਨਾਲ ਹਰਾ ਕੇ ਸ. ਬਲਦੇਵ ਸਿੰਘ ਖੱਟੜਾ ਯਾਦਗਾਰੀ ਦੂਜੇ ਕਬੱਡੀ ਕੱਪ 'ਤੇ ਕਬਜ਼ਾ ਜਮਾਉਂਦਿਆ 1 ਲੱਖ ਰੁਪਏ ਦਾ ਪਹਿਲਾ ਇਨਾਮ ਜਿੱਤਿਆ। ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਸਕੱਤਰ ਸ.ਦਲਮੇਘ ਸਿੰਘ ਖੱਟੜਾ ਦੀ ਅਗਵਾਈ ਵਿੱਚ ਹਰਮਨ ਖੱਟੜਾ ਕਬੱਡੀ ਸਪੋਰਟਸ ਕਲੱਬ ਖੱਟੜਾ ਵੱਲੋਂ ਪਿੰਡ ਖੱਟੜਾ ਵਿਖੇ ਕਰਵਾਏ ਗਏ ਲਗਾਤਾਰ ਦੂਜੇ ਸਾਲ ਕਬੱਡੀ ਕੱਪ ਵਿੱਚ ਦਰਸ਼ਕਾਂ ਦੇ ਭਾਰੀ ਇਕੱਠ ਦੌਰਾਨ ਕਬੱਡੀ ਦੇ ਫਸਵੇਂ ਮੁਕਾਬਲੇ ਦੇਖਣ ਨੂੰ ਮਿਲੇ। ਅੱਜ ਦੇ ਮੈਚਾਂ ਦੌਰਾਨ ਮੀਰੀ ਪੀਰੀ ਅਕੈਡਮੀ ਛੇਹਰਟਾ ਵੱਲੋਂ ਆਈਆਂ ਅਮਰੀਕੀ ਬੱਚਿਆਂ ਅਤੇ ਮਾਤਾ ਸਾਹਿਬ ਕੌਰ ਗਰਲਜ਼ ਕਾਲਜ ਗਹਿਲਾ (ਬਰਨਾਲਾ) ਦੀਆਂ ਵਿਦਿਆਰਥਣਾਂ ਨੇ ਗੱਤਕੇ ਦੇ ਹੈਰਤ ਅੰਗੇਜ਼ ਕਰਤੱਬ ਦਿਖਾਏ।

ਸਮਾਪਤੀ ਮੌਕੇ ਇਨਾਮਾਂ ਦੀ ਵੰਡ ਪੰਜਾਬ ਦੇ ਮੁੱਖ ਮੰਤਰੀ ਦੇ ਸਲਾਹਕਾਰ ਸ. ਮਹੇਸ਼ਇੰਦਰ ਸਿੰਘ ਗਰੇਵਾਲ ਅਤੇ ਹਲਕਾ ਖੰਨਾ ਦੇ ਇੰਚਾਰਜ  ਸ. ਰਣਜੀਤ ਸਿੰਘ ਤਲਵੰਡੀ ਨੇ ਕੀਤੀ। ਸ਼੍ਰੋਮਣੀ ਕਮੇਟੀ ਦੀ ਜੇਤੂ ਟੀਮ ਨੇ 1 ਲੱਖ ਰੁਪਏ ਅਤੇ ਉਪ ਜੇਤੂ ਘਰਿਆਲਾ ਟੀਮ ਨੂੰ 75 ਹਜ਼ਾਰ ਰੁਪਏ ਦਾ ਨਗਦ ਇਨਾਮ ਅਤੇ ਟਰਾਫੀ ਦਿੱਤੀ। ਸ. ਲਖਬੀਰ ਸਿੰਘ ਕਲਾਲਮਾਜਰਾ ਵੱਲੋਂ ਆਪਣੇ ਸਵਰਗੀ ਪੁੱਤਰ ਕਾਕਾ ਸਰਬਜੀਤ ਸਿੰਘ ਕਾਲੀਰਾਓ ਦੀ ਯਾਦ ਵਿੱਚ ਸਰਵੋਤਮ ਰੇਡਰ ਗੁਰਮੀਤ ਸਿੰਘ ਮੰਡੀਆ ਅਤੇ ਸਰਵੋਤਮ ਜਾਫੀ ਸਾਂਝੇ ਤੌਰ ਗੁਰਪ੍ਰੀਤ ਗੋਪੀ ਮਾਣਕੀ ਤੇ ਸੱਤੂ ਖਡੂਰ ਸਾਹਿਬ ਨੂੰ 11-11 ਹਜ਼ਾਰ ਰੁਪਏ ਦਾ ਵਿਸ਼ੇਸ਼ ਇਨਾਮ ਦਿੱਤਾ।

ਸ. ਦਲਮੇਘ ਸਿੰਘ ਖੱਟੜਾ ਨੇ ਅੰਤ ਵਿੱਚ ਟੂਰਨਾਮੈਂਟ ਵਿੱਚ ਪਹੁੰਚੇ ਖਿਡਾਰੀਆਂ, ਪਿੰਡ ਵਾਸੀਆਂ, ਦਰਸ਼ਕਾਂ ਅਤੇ ਵਿਸ਼ੇਸ਼ ਮਹਿਮਾਨਾਂ ਦਾ ਧੰਨਵਾਦ ਕੀਤਾ। ਉਨ੍ਹਾਂ ਪਹਿਲੀ ਵਾਰ ਕਬੱਡੀ ਖੇਡ ਮੇਲਿਆਂ ਦੇ ਇਤਿਹਾਸ ਵਿੱਚ ਬਤੌਰ ਵਿਸ਼ੇਸ਼ ਮਹਿਮਾਨ ਆਏ ਕੈਨੇਡੀਅਨ ਹਾਈ ਕਮਿਸ਼ਨ ਦੇ ਕਮਿਸ਼ਨਰ
ਮਿਸਟਰ ਸਕੌਟ ਸਲੈਸਰ ਦਾ ਵਿਸ਼ੇਸ਼ ਧੰਨਵਾਦ ਕੀਤਾ। ਉਨ੍ਹਾਂ ਸਿੱਖਿਆ ਮੰਤਰੀ ਸ. ਸਿਕੰਦਰ ਸਿੰਘ ਮਲੂਕਾ ਵੱਲੋਂ ਖੇਡ ਕਲੱਬ ਨੂੰ ਦਿੱਤੇ 2 ਲੱਖ ਰੁਪਏ ਪਿੰਡ ਖੱਟੜਾ ਦੇ ਵਿਕਾਸ ਕੰਮਾਂ 'ਤੇ ਖਰਚਣ ਕਰਨ ਦਾ ਵੀ ਐਲਾਨ ਕੀਤੀ। ਉਨ੍ਹਾਂ ਸਵਰਗੀ ਭਰਾ ਸ. ਬਲਦੇਵ ਸਿੰਘ ਖੱਟੜਾ ਨੂੰ ਯਾਦ ਕਰਦਿਆਂ ਕਿਹਾ
ਕਿ ਇਹ ਉਨ੍ਹਾਂ ਦਾ ਸੁਪਨਾ ਸੀ ਕਿ ਨੌਜਵਾਨੀ ਨੂੰ ਖੇਡਾਂ ਦੇ ਰਾਹ ਪਾਇਆ ਜਾਵੇ ਤਾਂ ਜੋ ਨਸ਼ਿਆਂ ਨੂੰ ਠੱਲ੍ਹ ਪੈ ਸਕੇ।

ਸੈਮੀ ਫਾਈਨਲ ਮੈਚਾਂ ਦੌਰਾਨ ਪੰਜਾਬ ਦੇ ਸਿੱਖਿਆ ਮੰਤਰੀ ਸ. ਸਿਕੰਦਰ ਸਿੰਘ ਮਲੂਕਾ, ਕੈਨੇਡੀਅਨ ਹਾਈ ਕਮਿਸ਼ਨ ਦੇ ਕਮਿਸ਼ਨਰ ਮਿਸਟਰ ਸਕੌਟ ਸਲੈਸਰ, ਸੰਧੂ ਗਰੁੱਪ ਮੁੰਬਈ ਦੇ ਸ. ਕੰਵਰਜੀਤ ਸਿੰਘ ਸੰਧੂ, ਹਰਪ੍ਰੀਤ ਸਿੰਘ ਮਿਨਹਾਸ ਤੇ ਪਟਿਆਲਾ ਜ਼ੋਨ ਦੇ ਆਈ.ਜੀ. ਸ. ਪਰਮਜੀਤ ਸਿੰਘ ਗਿੱਲ
ਵਿਸ਼ੇਸ਼ ਮਹਿਮਾਨ ਵਜੋਂ ਪੁੱਜੇ। ਇਸ ਤੋਂ ਪਹਿਲਾਂ ਸਵੇਰੇ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਜਥੇਦਾਰ ਅਵਤਾਰ ਸਿੰਘ ਨੇ ਬਲਦੇਵ ਸਿੰਘ ਖੱਟੜਾ ਯਾਦਗਾਰੀ ਦੂਜੇ ਕਬੱਡੀ ਕੱਪ ਦਾ ਰਸਮੀ ਉਦਘਾਟਨ ਕੀਤਾ।

ਫਾਈਨਲ ਵਿੱਚ ਪਹੁੰਚਣ ਵਾਲੀਆਂ ਦੋਵੇਂ ਟੀਮਾਂ ਨੇ ਸੈਮੀ ਫਾਈਨਲ ਦੇ ਫਸਵੇਂ ਮੁਕਾਬਲਿਆਂ ਵਿੱਚ ਜਿੱਤ ਹਾਸਲ ਕੀਤੀ। ਪਹਿਲੇ ਸੈਮੀ ਫਾਈਨਲ ਵਿੱਚ ਸ਼੍ਰੋਮਣੀ ਕਮੇਟੀ ਦੀ ਟੀਮ ਬਾਬਾ ਜ਼ੋਰਾਵਰ ਸਿੰਘ ਫਤਹਿ ਸਿੰਘ ਕਬੱਡੀ ਅਕੈਡਮੀ ਫਤਹਿਗੜ੍ਹ ਸਾਹਿਬ ਨੇ ਮਲੂਕਾ ਕਬੱਡੀ ਅਕੈਡਮੀ ਬਠਿੰਡਾ ਨੂੰ 41-12 ਅਤੇ ਦੂਜੇ ਸੈਮੀ ਫਾਈਨਲ ਵਿੱਚ ਬਾਬਾ ਲਖਬੀਰ ਸਿੰਘ ਕਬੱਡੀ ਅਕੈਡਮੀ ਘਰਿਆਲਾ ਨੇ ਮੀਰੀ ਪੀਰੀ ਸ਼ਹਿਨਸ਼ਾਹ ਯੂ.ਕੇ. ਕਬੱਡੀ ਕਲੱਬ ਬਠਿੰਡਾ ਨੂੰ 32-30 ਨਾਲ ਹਰਾ ਕੇ ਫਾਈਨਲ ਦੀ ਟਿਕਟ ਕਟਾਈ ਸੀ।

ਦਿਨ ਦੇ ਪਹਿਲੇ ਕੁਆਰਟਰ ਫਾਈਨਲ ਮੈਚ ਵਿੱਚ ਮਲੂਕਾ ਕਬੱਡੀ ਅਕੈਡਮੀ ਬਠਿੰਡਾ ਨੇ ਫਸਵੇਂ ਮੁਕਾਬਲੇ ਵਿੱਚ ਅਲੰਕਾਰ ਟੋਨੀ ਕਲੱਬ ਕੁੱਬੇ ਨੂੰ 32-31 ਨਾਲ ਹਰਾਇਆ। ਦੂਜੇ ਕੁਆਰਟਰ ਫਾਈਨਲ ਵਿੱਚ ਬਾਬਾ ਲਖਬੀਰ ਸਿੰਘ ਕਬੱਡੀ ਅਕੈਡਮੀ ਘਰਿਆਲਾ ਨੇ ਮਾਧੋਪੁਰ ਕਬੱਡੀ ਅਕੈਡਮੀ ਨੂੰ
29-27, ਤੀਜੇ ਕੁਆਰਟਰ ਫਾਈਨਲ ਵਿੱਚ ਸ਼੍ਰੋਮਣੀ ਕਮੇਟੀ ਦੀ ਟੀਮ ਬਾਬਾ ਜ਼ੋਰਾਵਰ ਸਿੰਘ ਫਤਹਿ ਸਿੰਘ ਕਬੱਡੀ ਅਕੈਡਮੀ ਫਤਹਿਗੜ੍ਹ ਸਾਹਿਬ ਨੇ ਭਾਈ ਲਹਿਣਾ ਜੀ ਕਬੱਡੀ ਅਕੈਡਮੀ ਸਰਾਏ ਨਾਗਾ (ਮੁਕਤਸਰ) ਨੂੰ 39-25 ਅਤੇ ਚੌਥੇ ਕੁਆਰਟਰ ਫਾਈਨਲ ਵਿੱਚ ਮੀਰੀ ਪੀਰੀ ਸ਼ਹਿਨਸ਼ਾਹ ਯੂ.ਕੇ.
ਕਬੱਡੀ ਕਲੱਬ ਬਠਿੰਡਾ ਨੇ ਸ਼ਹੀਦ ਭਗਤ ਸਿੰਘ ਕਬੱਡੀ ਅਕੈਡਮੀ ਬਰਨਾਲਾ ਨੂੰ 38-25 ਨਾਲ ਹਰਾਇਆ।

ਇਸ ਮੌਕੇ ਮਾਰਕੀਟ ਕਮੇਟੀ ਖੰਨਾ ਦੇ ਚੇਅਰਮੈਨ ਸ. ਲਖਬੀਰ ਸਿੰਘ ਕਲਾਲਮਾਜਰਾ, ਆਈ.ਪੀ.ਐਸ. ਅਧਿਕਾਰੀ ਰਣਬੀਰ ਸਿੰਘ ਖੱਟੜਾ, ਫਤਹਿਗੜ੍ਹ ਸਾਹਿਬ ਦੇ ਐਸ.ਐਸ.ਪੀ. ਸ. ਹਰਦਿਆਲ ਸਿੰਘ ਮਾਨ, ਮਾਨਸਾ ਦੇ ਐਸ.ਐਸ.ਪੀ. ਡਾ.ਨਰਿੰਦਰ ਭਾਰਗਵ, ਸੰਤ ਬਾਬਾ ਮਾਨ ਸਿੰਘ ਪਿਹੋਵਾ ਵਾਲੇ, ਸ਼੍ਰੋਮਣੀ ਕਮੇਟੀ ਦੇ ਅੰਤ੍ਰਿਗ ਕਮੇਟੀ ਮੈਂਬਰ ਸ. ਕਰਨੈਲ ਸਿੰਘ ਪੰਜੌਲੀ, ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਵਿਸ਼ਵ ਸਿੱਖ ਯੂਨੀਵਰਸਿਟੀ ਦੇ ਉਪ ਕੁਲਪਤੀ ਡਾ. ਗੁਰਮੋਹਨ ਸਿੰਘ ਵਾਲੀਆ, ਸ਼੍ਰੋਮਣੀ ਕਮੇਟੀ ਦੇ ਡਾਇਰੈਕਟਰ ਸਿੱਖਿਆ ਡਾ. ਧਰਮਿੰਦਰ ਸਿੰਘ ਉੱਭਾ ਆਦਿ ਹਾਜ਼ਰ ਸਨ।

Wednesday, August 08, 2012

ਮੁੱਖ ਮੰਤਰੀ ਅਮਰੀਕਾ ਯਾਤਰਾ ਦੇ ਦੌਰਾਨ ਗੁਰਦੁਆਰਾ ਵਿਖੇ ਜਾਣਗੇ


ਦੁਖੀ ਪਰਿਵਾਰਾਂ ਨਾਲ ਦੁੱਖ ਸਾਂਝਾ ਕਰਨਗੇ-ਸ੍ਰ.ਸੁਖਬੀਰ ਸਿੰਘ ਬਾਦਲ 
*ਸਾਹਨੇਵਾਲ ਏਅਰਪੋਰਟ ਦਾ ਮੋਹਾਲੀ ਏਅਰਪੋਰਟ ਦੀ ਤਰਜ਼ ਤੇ ਕੀਤਾ ਜਾਵੇਗਾ ਵਿਸਥਾਰ
*ਸ੍ਰ. ਬਾਦਲ ਨੇ 470 ਕਰੋੜ ਰੁਪਏ ਦੀ ਲਾਗਤ ਨਾਲ ਲੁਧਿਆਣਾ-ਤਲਵੰਡੀ ਪ੍ਰੋਜੈਕਟ ਦੀ ਕੀਤੀ ਸੁਰੂਆਤ 

ਲੁਧਿਆਣਾ, 7 ਅਗਸਤ 2012(ਰੈਕਟਰ ਕਥੂਰੀਆ )  ਪੰਜਾਬ ਦੇ ਉਪ ਮੁੱਖ ਮੰਤਰੀ  ਸ੍ਰ. ਸੁਖਬੀਰ ਸਿੰਘ ਬਾਦਲ  ਨੇ ਕਿਹਾ ਕਿ ਪੰਜਾਬ ਦੇ ਮੁੱਖ ਮੰਤਰੀ ਸ੍ਰ. ਪਰਕਾਸ਼ ਸਿੰਘ ਬਾਦਲ ਆਪਣੀ ਅਮਰੀਕਾ ਯਾਤਰਾ ਦੇ ਦੌਰਾਨ ਅਮਰੀਕਾ ਦੇ ਦੱਖਣੀ ਵਿਸਕਾਸਨ ਦੇ ਓਕ ਗਰੀਕ ਸ਼ਹਿਰ ਵਿੱਚ ਸਥਿਤ ਗੁਰਦੁਆਰਾ ਵਿਖੇ ਜਾਣਗੇ ਅਤੇ ਦੁੱਖੀ ਪਰਿਵਾਰਾਂ ਨਾਲ ਦੁੱਖ ਸਾਂਝਾ ਕਰਨਗੇ।
 ਸ੍ਰ. ਬਾਦਲ ਅੱਜ ਭਨੋਹੜ ਵਿਖੇ 470 ਕਰੋੜ ਰੁਪਏ ਦੀ ਲਾਗਤ ਨਾਲ ਬਣ ਰਹੀ ਲੁਧਿਆਣਾ-ਤਲਵੰਡੀ ਭਾਈ 4 ਮਾਰਗੀ ਸੜਕ ਦਾ ਨਿਰੀਖਣ ਕਰਨ ਉਪਰੰਤ ਸਮਾਗਮ ਨੂੰ ਸੰਬੋਧਨ ਕਰਦਿਆ ਦਿੱਤੀ।
 ਸ੍ਰ. ਬਾਦਲ ਨੇ ਅਮਰੀਕਾ ਦੇ ਗੁਰਦੁਆਰੇ ਵਿੱਚ ਨਿਰਦੋਸ਼ ਸਿੱਖਾਂ ਤੇ ਹਮਲੇ ਦੀ ਜਂੋਰਦਾਰ ਨਿਖੇਧੀ ਕਰਦਿਆ ਕਿਹਾ ਕਿ ਇਹ ਸਮੁੱਚੀ ਮਾਨਵਤਾ ਲਈ ਕਲੰਕ ਹੈ। ਉਹਨਾਂ ਹੈਰਾਨੀ ਪ੍ਰਗਟ ਕੀਤੀ ਕਿ ਸਭ ਤੋ ਵੱਡੇ ਲੋਕਤੰਤਰੀ ਅਮਰੀਕਾ ਵਰਗੇ ਦੇਸ਼ ਵਿੱਚ ਸਿੱਖਾਂ ਨੂੰ ਨਿਸ਼ਾਨਾ ਬਣਾਇਆ ਗਿਆ ਹੈ। ਉਹਨਾਂ ਕਿਹਾ ਕਿ ਪੰਜਾਬ ਸਰਕਾਰ ਵੱਲੋਂ ਪਹਿਲਾਂ ਹੀ ਅਮਰੀਕਾ ਦੇ ਉੱਚ ਅਧਿਕਾਰੀਆਂ ਨੂੰ ਇਸ ਘਟਨਾ ਦੀ ਜਾਣਕਾਰੀ ਦਿੱਤੀ ਗਈ ਹੈ। ਉਹਨਾਂ ਕਿਹਾ ਕਿ ਮੁੱਖ ਮੰਤਰੀ ਪੰਜਾਬ ਇਸ ਦੁੱਖ ਦੀ ਘੜੀ ਵਿੱਚ ਪੀੜਤ ਪਰਿਵਾਰਾਂ ਨੂੰ ਮਿਲ ਕੇ ਉਹਨਾਂ ਨਾਲ ਦੁੱਖ ਸਾਂਝਾ ਕਰਨਗੇ। ਉਹਨਾਂ ਕਿਹਾ ਕਿ ਮੁੱਖ ਮੰਤਰੀ ਪੰਜਾਬ ਆਪਣੀ ਯਾਤਰਾ ਦੌਰਾਨ ਅਮਰੀਕਾ ਦੇ ਉਚ ਅਧਿਕਾਰੀਆਂ ਮਿਲਣਗੇ ਅਤੇ ਉਹਨਾਂ ਤੇ ਘਟਨਾ ਦੀ ਜਾਂਚ ਕਰਨ ਲਈ ਕਹਿਣਗੇ।
 470 ਕਰੋੜ ਰੁਪਏ ਦੀ ਲਾਗਤ ਨਾਲ ਬਣ ਰਹੀ ਲੁਧਿਆਣਾ-ਤਲਵੰਡੀ ਰੋਡ ਦੇ ਪ੍ਰੋਜੈਕਟ ਬਾਰੇ ਜਾਣਕਾਰੀ ਦਿੰਦਿਆ ਸ੍ਰ. ਬਾਦਲ ਨੇ ਕਿਹਾ ਕਿ ਇਹ ਇੱਕ ਬਹੁਤ ਹੀ ਮਹੱਤਵਪੂਰਨ ਪ੍ਰੋਜੈਕਟ ਹੈ ਜਿਸ ਦੇ ਬਣਨ ਨਾਲ ਟਰੈਫਿਕ ਦੀ ਸਮੱਸਿਆ ਵੱਡੀ ਪੱਧਰ ਤੇ ਹੱਲ ਹੋਵੇਗੀ। ਉਹਨਾਂ ਕਿਹਾ ਕਿ ਇਹ ਸੜਕ ਬਿਲਟ ਉਪਰੇਟ ਅਤੇ ਟਰਾਂਸਫਰ ਦੇ ਅਧਾਰ ਤੇ ਐਸਲ ਟੋਲਵੇਅ ਕੰਪਨੀ ਵੱਲੋਂ ਬਣਾਈ ਜਾ ਰਹੀ ਹੈ। ਉਹਨਾਂ ਕਿਹਾ ਕਿ ਇਸ ਸੜਕ ਤੇ ਮੁੱਲਾਂਪੁਰ, ਜਗਰਾਓ ਅਤੇ ਮੋਗਾ ਸ਼ਹਿਰੀ ਖੇਤਰਾਂ ਵਿੱਚ ਐਲੀਵੇਟਿਡ ਰੋਡ ਬਣਾਈਆਂ ਜਾਣਗੀਆਂ।
 ਸ੍ਰ. ਬਾਦਲ ਨੇ ਕਿਹਾ ਕਿ ਪੰਜਾਬ ਸਰਕਾਰ ਨੇ ਸਾਹਨੇਵਾਲ ਏਅਰਪੋਰਟ ਦਾ ਮੋਹਾਲੀ ਏਅਰਪੋਰਟ ਦੀ ਤਰਜ਼ ਤੇ ਵਿਸਥਾਰ ਕਰਨ ਅਤੇ ਮਾਡਰਨ ਬਣਾਉਣ ਲਈ ਹਰੀ ਝੰਡੀ ਦੇ ਦਿੱਤੀ ਹੈ। ਉਹਨਾਂ ਕਿਹਾ ਕਿ ਇਸ ਏਅਰਪੋਰਟ ਦੇ ਵਿਸਥਾਰ ਤੋ ਬਾਅਦ 320 ਬੋਇੰਗ ਵਰਗੇ ਵੱਡੇ ਜਹਾਜ਼ ਵੀ ਉਡਾਣ ਭਰ ਸਕਣਗੇ।
 ਸ੍ਰ. ਬਾਦਲ ਨੇ ਕਿਹਾ ਕਿ ਪੰਜਾਬ ਸਰਕਾਰ ਵੱਲੋਂ ਰਾਜ ਦੇ ਸਾਰੇ ਵੱਡੇ ਸ਼ਹਿਰਾਂ ਨੂੰ 4 ਅਤੇ 6 ਮਾਰਗੀ ਸੜਕਾਂ ਨਾਲ ਜਂੋੜਨ ਲਈ 10 ਹਜ਼ਾਰ ਕਰੋੜ ਰੁਪਏ ਖਰਚ ਕੀਤੇ ਜਾਣਗੇ। ਉਹਨਾਂ ਕਿਹਾ ਕਿ ਪੰਜਾਬ ਸਰਕਾਰ ਪਹਿਲਾਂ ਹੀ ਲੁਧਿਆਣਾ-ਚੰਡੀਗੜ੍ਹ-ਜਲੰਧਰ, ਅੰਮ੍ਰਿਤਸਰ-ਜੀਰਾ-ਫਿਰੋਜ਼ਪੁਰ-ਬਠਿੰਡਾ ਸੜਕ ਨੂੰ ਪਹਿਲਾਂ ਹੀ ਮੰਨਜੂਰੀ ਦਿੱਤੀ ਜਾ ਚੁੱਕੀ ਹੈ। ਉਹਨਾਂ ਕਿਹਾ ਕਿ ਰਾਜ ਵਿੱਚ 432 ਕਰੋੜ ਰੁਪਏ ਦੀ ਲਾਗਤ ਨਾਲ 39 ਆਰ.ਓ.ਬੀ. ਅਤੇ 7 ਆਰ.ਯੂ.ਬੀ ਬਣਾਏ ਗਏ ਹਨ ਅਤੇ ਇਸ ਨਾਲ ਪੰਜਾਬ ਦੇਸ਼ ਦਾ ਪਹਿਲਾਂ ਸੂਬਾ ਬਣ ਗਿਆ ਹੈ, ਜਿਸ ਨੇ ਪਿਛਲੇ 5 ਸਾਲਾਂ ਦੌਰਾਨ ਸਭ ਤੋ ਵੱਧ ਆਰ.ਓ.ਬੀ. ਦੀ ਉਸਾਰੀ ਕੀਤੀ ਹੈ।  
 ਪ੍ਰਵਾਸੀ ਭਰਤੀਆਂ ਨੂੰ ਵੱਡੀ ਪੱਧਰ ਤੇ ਸਹੂਲਤਾਂ ਦੇਣ ਸਬੰਧੀ ਸ੍ਰ. ਬਾਦਲ ਨੇ ਕਿਹਾ ਕਿ ਪੰਜਾਬ ਸਰਕਾਰ ਬਾਹਰਲੇ ਮੁਲਕਾਂ ਵਿੱਚ ਵੱਸਦੇ ਸਮੂਹ ਪੰਜਾਬੀ ਪ੍ਰਵਾਸੀ ਭਾਰਤੀਆਂ ਨੂੰ ਖਾਸ ਸ਼ਨਾਖਤ ਤੇ ਕਈ ਤਰ੍ਹਾਂ ਦੀਆਂ ਸਹੂਲਤਾਂ ਪ੍ਰਦਾਨ ਕਰਨ ਲਈ ਇੱਕ ਪ੍ਰਵਾਸੀ ਭਾਰਤੀ ਕਾਰਡ (ਐਨ.ਆਰ.ਆਈ.) ਕਾਰਡ ਸੁਰੂ ਕਰਨ ਦੇ ਫੈਸਲਾ ਕੀਤਾ ਹੈ। ਉਹਨਾਂ ਕਿਹਾ ਕਿ ਪ੍ਰਵਾਸੀ ਭਾਰਤੀ ਇਹ ਕਾਰਡ ਹਾਸਿਲ ਕਰਨ ਲਈ ਪ੍ਰਵਾਸੀ ਭਾਰਤੀ ਮਾਮਲਿਆਂ ਬਾਰੇ ਵਿਭਾਗ ਦੀ ਵੈਬਸਾਈਟ ਤੇ ਆਪਣਾ ਬਿਨੈ-ਪੱਤਰ ਦੇ ਸਕਣਗੇ। ਉਹਨਾਂ ਕਿਹਾ ਕਿ ਇਹ ਕਾਰਡ ਪ੍ਰਵਾਸੀ ਭਾਰਤੀਆਂ ਨੂੰ ਸਰਕਾਰੀ ਮੰਤਵ ਲਈ ਸ਼ਨਾਖਤ ਦੇਣ ਤੋ ਇਲਾਵਾ ਮਿਆਰੀ ਡਾਕਟਰੀ ਸਹੂਲਤਾਂ ਦੇ ਨਾਲ-ਨਾਲ ਪੰਜਾਬ ਵਿੱਚ ਖਰੀਦਦਾਰੀ ਤੇ ਆਕਰਸ਼ਕ ਰਿਆਇਤ ਦੀ ਵਿਵਸਥਾ ਵੀ ਕਰੇਗਾ। ਉਹਨਾਂ ਕਿਹਾ ਕਿ ਪ੍ਰਵਾਸੀ ਭਾਰਆਨ-ਲਾਈਨ ਤੇ ਹੀ ਆਪਣੀ ਸ਼ਿਦਰਜ਼ ਕਰਵਾ ਸਕਦੇ ਹਨ ਅਤੇ ਉਹਨਾਂ ਨੂੰ ਨਿਰਧਾਰਤ ਸਮੇਂ ਅੰਦਰ ਸ਼ਿਕਾਇਤ ਤੇ ਹੋਈ ਕਾਰਵਾਈ ਬਾਰੇ ਜਾਣੂ ਕਰਵਾਇਆ ਜਾਵੇਗਾ।
 ਸ੍ਰ. ਬਾਦਲ ਨੇ ਕਿਹਾ ਕਿ ਕਰ ਤੇ ਆਬਕਾਰੀ ਵਿਭਾਗ ਨੂੰ ਨੂੰ ਇਸ ਸਾਲ ਦੇ ਦਸੰਬਰ ਤੱਕ ਪੂਰੀ ਤਰ੍ਹਾਂ ਕੰਪਿਊਟਰਾਈਜ਼ ਕਰ ਦਿੱਤਾ ਜਾਵੇਗਾ ਅਤੇ ਇਹ ਵਿਭਾਗ ਕਾਗਜ਼ ਮੁਕਤ ਵਾਲਾ ਰਾਜ ਦਾ ਪਹਿਲਾਂ ਵਿਭਾਗ ਬਣ ਜਾਵੇਗਾ।
 ਇਸ ਮੌਕੇ ਤੇ ਹੋਰਨਾਂ ਤੋ ਇਲਾਵਾ ਸ੍ਰ. ਮਨਪ੍ਰੀਤ ਸਿੰਘ ਇਆਲੀ ਅਤੇ ਸ੍ਰ. ਦਰਸ਼ਨ ਸਿੰਘ ਸ਼ਿਵਾਲਿਕ(ਦੋਵੇ ਐਮ.ਐਲ.ਏ), ਸ੍ਰ. ਮਹੇਸ਼ਇੰਦਰ ਸਿੰਘ ਗਰੇਵਾਲ ਸਲਾਹਕਾਰ ਮੁੱਖ ਮੰਤਰੀ ਪੰਜਾਬ, ਸ੍ਰ. ਅਮਰੀਕ ਸਿੰਘ ਆਲੀਵਾਲ ਚੇਅਰਮੈਨ ਪੰਜਾਬ ਐਗਰੋ ਇੰਡਸਟਰੀ, ਸ੍ਰੀ ਰਾਹੁਲ ਤਿਵਾੜੀ ਡਿਪਟੀ ਕਮਿਸ਼ਨਰ ਤੋ ਇਲਾਵਾ ਵੱਡੀ ਗਿਣਤੀ ਵਿੱਚ ਵਰਕਰ ਹਾਸਨ।  

Wednesday, December 14, 2011

ਪੰਜਾਬ ਸਰਕਾਰ ਵੱਲੋਂ ਇੱਕ ਅਹਿਮ ਉਪਰਾਲਾ

ਅਨਾਜ ਮੰਡੀਆਂ ਵਿੱਚ ਕੰਮ ਕਰਦੇ ਮਜ਼ਦੂਰਾਂ ਨੂੰ ਵੱਡੀ ਰਾਹਤ
ਫਸਲਾਂ ਦੀ ਸਫਾਈ ਲਈ ਖਪਤ ਹੁੰਦੇ ਡੀਜ਼ਲ ਅਤੇ ਬਿਜਲੀ ਦੇ ਖਰਚੇ ਤੋਂ ਮੁਕਤੀ 
ਹੁਣ ਪੰਜਾਬ ਮੰਡੀ ਬੋਰਡ ਅਤੇ ਆੜ੍ਹਤੀਆਂ ਕੋਲੋਂ ਲਿਆ ਜਾਵੇਗਾ ਖਰਚਾ
ਅੰਮ੍ਰਿਤਸਰ//13 ਦਸੰਬਰ//ਗਜਿੰਦਰ ਸਿੰਘ ਕਿੰਗ

ਪੰਜਾਬ ਸਰਕਾਰ ਨੇ ਸੂਬੇ ਦੀਆਂ ਅਨਾਜ ਮੰਡੀਆਂ ਵਿੱਚ ਕੰਮ ਕਰਨ ਵਾਲੇ ਮਜ਼ਦੂਰਾਂ ਨੂੰ ਵੱਡੀ ਰਾਹਤ ਦਿੰਦੇ ਹੋਏ ਅਹਿਮ ਫੈਸਲਾ ਲੈਂਦਿਆਂ ਫਸਲਾਂ ਦੇ ਖਰੀਦ ਸੀਜ਼ਨ ਦੌਰਾਨ ਫਸਲਾਂ ਦੀ ਸਫਾਈ ਲਈ ਖਪਤ ਹੁੰਦੀ ਬਿਜਲੀ ਅਤੇ ਡੀਜ਼ਲ ਦਾ ਖਰਚਾ ਮਜ਼ਦੂਰਾਂ ਤੋਂ ਲੈਣ ਦੀ ਬਜਾਏ ਹੁਣ ਪੰਜਾਬ ਰਾਜ ਮੰਡੀ ਬੋਰਡ ਅਤੇ ਆੜ੍ਹਤੀਆਂ ਵੱਲੋਂ ਸਾਂਝੇ ਰੂਪ ਵਿੱਚ ਸਹਿਣ ਕੀਤਾ ਜਾਵੇਗਾ।
     ਇਹ ਫੈਸਲਾ ਪੰਜਾਬ ਦੇ ਮੁੱਖ ਮੰਤਰੀ ਸ. ਪਰਕਾਸ਼ ਸਿੰਘ ਬਾਦਲ ਨੇ ਅੱਜ ਇੱਥੇ ਸਰਕਟ ਹਾਊਸ ਵਿੱਚ ਅਨਾਜ ਮੰਡੀ ਮਜ਼ਦੂਰ ਸੰਘ, ਪੰਜਾਬ ਦੇ ਪ੍ਰਧਾਨ ਸ੍ਰੀ ਧਰਮਪਾਲ ਡਾਬਲਾ ਦੀ ਅਗਵਾਈ ਵਿੱਚ ਮਿਲੇ ਇਕ ਵਫ਼ਦ ਵੱਲੋਂ ਉਠਾਈ ਮੰਗ ਮਗਰੋਂ ਲਿਆ।
     ਪੰਜਾਬ ਆੜ੍ਹਤੀ ਐਸੋਸੀਏਸ਼ਨ ਦੇ ਪ੍ਰਧਾਨ ਅਤੇ ਪੰਜਾਬ ਮੰਡੀ ਬੋਰਡ ਦੇ ਉਪ ਚੇਅਰਮੈਨ ਰਵਿੰਦਰ ਸਿੰਘ ਚੀਮਾ ਨੇ ਮੁੱਖ ਮੰਤਰੀ ਨੂੰ ਜਾਣੂੰ ਕਰਵਾਇਆ ਕਿ ਇਸ ਰਕਮ ਦੀ ਵਸੂਲੀ ਮਜ਼ਦੂਰ ਕੋਲੋਂ ਕਰਨ ਕਾਰਨ ਇਸ ਵਰਗ ਨੂੰ ਆਪਣੇ ਰੋਜ਼ਮੱਰਾ ਦੇ ਖਰਚਿਆਂ ਨੂੰ ਚਲਾਉਣ ਵਿੱਚ ਔਕੜਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਵਫ਼ਦ ਨੇ ਮੁੱਖ ਮੰਤਰੀ ਨੂੰ ਜ਼ੋਰ ਦੇ ਕੇ ਆਖਿਆ ਕਿ ਉਹ ਇਸ ਸਮੱਸਿਆ ਦਾ ਤੁਰੰਤ ਨਿਪਟਾਰਾ ਕਰਨ ਤਾਂ ਜੋ ਮਜ਼ਦੂਰਾਂ ਨੂੰ ਦਰਪੇਸ਼ ਸਮੱਸਿਆਵਾਂ ਤੋਂ ਕੁਝ ਰਾਹਤ ਦਿੱਤੀ ਜਾ ਸਕੇ।
     ਮਜ਼ਦੂਰਾਂ ਵੱਲੋਂ ਉਠਾਈ ਇਸ ਮੰਗ 'ਤੇ ਹੁੰਗਾਰਾ ਭਰਦਿਆਂ, ਸ. ਬਾਦਲ ਨੇ ਕਿਹਾ ਕਿ ਭਵਿੱਖ ਵਿੱਚ ਉਕਤ ਖਰਚ ਦਾ 33 ਫੀਸਦੀ ਹਿੱਸਾ ਪੰਜਾਬ ਰਾਜ ਮੰਡੀ ਬੋਰਡ ਵੱਲੋਂ ਅਤੇ ਬਾਕੀ ਰਹਿੰਦਾ 67 ਫੀਸਦੀ ਸਬੰਧਤ ਮੰਡੀਆਂ ਦੇ ਆੜ੍ਹਤੀਆਂ ਵੱਲੋਂ ਅਦਾ ਕੀਤਾ ਜਾਵੇਗਾ। ਇਸੇ ਤਰ੍ਹਾਂ ਵਫ਼ਦ ਦੀ ਇਕ ਹੋਰ ਮੰਗ ਨੂੰ ਮੰਨਦੇ ਹੋਏ ਮੁੱਖ ਮੰਤਰੀ ਨੇ ਕਿਹਾ ਕਿ ਸੂਬੇ ਭਰ ਦੇ ਮੁੱਖ ਯਾਰਡਾਂ ਵਿੱਚ ਇਨ੍ਹਾਂ ਮਜ਼ਦੂਰਾਂ ਲਈ ਆਰਾਮ ਘਰ ਬਣਾਏ ਜਾਣਗੇ ਤਾਂ ਜੋ ਸਖ਼ਤ ਮੁਸ਼ੱਕਤ ਤੋਂ ਬਾਅਦ ਮਜ਼ਦੂਰ ਇਨ੍ਹਾਂ ਵਿੱਚ ਆਰਾਮ ਕਰ ਸਕਣ।
     ਸ. ਬਾਦਲ ਨੇ ਪੰਜਾਬ ਰਾਜ ਮੰਡੀ ਬੋਰਡ ਦੇ ਸਕੱਤਰ ਡਾ. ਕਰਮਜੀਤ ਸਿੰਘ ਸਰਾਂ ਨੂੰ ਹਦਾਇਤ ਦਿੱਤੀ ਕਿ ਇਨ੍ਹਾਂ ਉਕਤ ਫੈਸਲਿਆਂ ਨੂੰ ਲਾਗੂ ਕਰਵਾਉਣ ਲਈ ਤੁਰੰਤ ਲੋੜੀਂਦੇ ਕਦਮ ਚੁੱਕੇ ਜਾਣ।
     ਮੀਟਿੰਗ ਵਿੱਚ ਹਾਜ਼ਰ ਪ੍ਰਮੁੱਖ ਵਿਅਕਤੀਆਂ ਵਿੱਚ ਮੁੱਖ ਮੰਤਰੀ ਦੇ ਵਿਸ਼ੇਸ਼ ਪ੍ਰਮੁੱਖ ਸਕੱਤਰ ਕਾਹਨ ਸਿੰਘ ਪਨੂੰ ਅਤੇ ਪੇਡਾ ਦੇ ਚੇਅਰਮੈਨ ਭਾਈ ਮਨਜੀਤ ਸਿੰਘ ਵੀ ਹਾਜ਼ਰ ਸਨ।

Tuesday, December 13, 2011

ਸੁਖਬੀਰ ਸਿੰਘ ਬਾਦਲ ਵੱਲੋਂ ਪੌਡ ਪ੍ਰਾਜੈਕਟ ਦਾ ਨੀਂਹ ਪੱਥਰ

ਹੀਥਰੋ ਹਵਾਈ ਅੱਡੇ ਵਾਂਗ ਅੰਮ੍ਰਿਤਸਰ 'ਚ ਵੀ ਚੱਲਣਗੇ ਪੌਡ        
ਅੰਮ੍ਰਿਤਸਰ//12 ਦਸੰਬਰ//ਗਜਿੰਦਰ ਸਿੰਘ ਕਿੰਗ

''ਅੰਮ੍ਰਿਤਸਰ ਭਾਰਤ ਦਾ ਪਹਿਲਾ ਅਜਿਹਾ ਸ਼ਹਿਰ ਹੋਵੇਗਾ ਜਿਸ ਵਿੱਚ ਪਰਸਨਲ ਰੈਪਿਡ ਟਰਾਂਜਿਟ (ਪੀ:ਆਰ:ਟੀ) ਸਿਸਟਮ ਸ਼ੁਰੂ ਹੋ ਜਾਵੇਗੀ ਇਸ ਤਹਿਤ ਚੱਲਣ ਵਾਲੇ 4 ਤੋਂ 6 ਸੀਟਾਂ ਵਾਲੇ ਵਾਹਨ ਬੈਟਰੀ ਨਾਲ ਚੱਲਣਗੇ ਅਤੇ ਇਨ੍ਹਾਂ ਦਾ ਕੋਈ ਪ੍ਰਦੂਸ਼ਣ ਨਹੀਂ ਹੋਵੇਗਾ।'' ਉਕਤ ਵਿਚਾਰਾਂ ਦਾ ਪ੍ਰਗਟਾਵਾ ਪੰਜਾਬ ਦੇ ਉਪ ਮੁੱਖ ਮੰਤਰੀ ਸੁਖਬੀਰ ਸਿੰਘ ਬਾਦਲ ਨੇ ਹਾਲ ਗੇਟ ਅੰਮ੍ਰਿਤਸਰ ਵਿਖੇ ਪੌਡ ਪ੍ਰਾਜੈਕਟ ਦਾ ਨੀਂਹ ਪੱਥਰ ਰੱਖਣ ਤੋਂ ਬਾਅਦ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕੀਤਾ। ਉਨ੍ਹਾਂ ਕਿਹਾ ਕਿ ਪਬਲਿਕ ਪ੍ਰਾਈਵੇਟ ਭਾਈਵਾਲੀ ਤਹਿਤ ਸ਼ੁਰੂ ਕੀਤੇ ਜਾ ਰਹੇ ਇਸ ਪ੍ਰਾਜੈਕਟ ਨੂੰ ਪ੍ਰਵਾਨਗੀ ਦਿੱਤੀ ਜਾ ਚੁੱਕੀ ਹੈ ਅਤੇ ਕੁਝ ਹੀ ਦਿਨਾਂ ਵਿੱਚ ''ਅਲਟਰਾ ਪੀ:ਆਰ:ਟੀ ਸਿਸਟਮ'' ਇਸ ਲਈ ਕੰਮ ਸ਼ੁਰੂ ਕਰ ਦੇਵੇਗੀ। ਉਨ੍ਹਾਂ ਕਿਹਾ ਕਿ ਲੰਦਨ ਦੇ ਹੀਥਰੋ ਹਵਾਈ ਅੱਡੇ ਦੀ ਤਰਜ ਉਤੇ ਅੰਮ੍ਰਿਤਸਰ ਵਿੱਚ ਇਹ ਸੇਵਾ ਸ਼ੁਰੂ ਕੀਤੀ ਜਾ ਰਹੀ ਹੈ ਅਤੇ ਅੰਮ੍ਰਿਤਸਰ ਭਾਰਤ ਦਾ ਪਹਿਲਾ ਸ਼ਹਿਰ ਹੈ ਜਿਥੇ ਇਹ ਬੈਟਰੀ ਨਾਲ ਵਾਹਨ ਚੱਲਣਗੇ। ਪੌਡ ਬਾਰੇ ਜਾਣਕਾਰੀ ਦਿੰਦਿਆਂ ਉਨ੍ਹਾਂ ਕਿਹਾ ਕਿ ਇਹ ਦੁਕਾਨਾਂ ਅਤੇ ਆਮ ਇਮਾਰਤਾਂ ਨਾਲੋਂ ਉਚੀ ਬਣਾਈ ਪਟੜੀ ਉਤੇ ਚੱਲਣਗੇ। ਇਸ ਨਾਲ ਨਾ ਤਾਂ ਸੜਕ ਉਤੇ ਜਾਮ ਲੱਗੇਗਾ, ਨਾ ਦੁਕਾਨਦਾਰਾਂ ਨੂੰ ਤੰਗੀ ਹੋਵੇਗੀ, ਨਾ ਅਵਾਜ ਆਵੇਗੀ ਅਤੇ ਨਾ ਹੀ ਪ੍ਰਦੂਸ਼ਣ ਹੋਵੇਗਾ। ਉਨ੍ਹਾਂ ਕਿਹਾ ਕਿ ਅਗਲੇ ਡੇਢ ਕੁ ਸਾਲ ਵਿੱਚ ਇਹ ਪ੍ਰਾਜੈਕਟ ਸ਼ੁਰੂ ਹੋ ਜਾਵੇਗਾ। ਉਨ੍ਹਾਂ ਦੱਸਿਆ ਕਿ ਸ੍ਰੀ ਹਰਿਮੰਦਰ ਸਾਹਿਬ ਤੋਂ ਬੱਸ ਸਟੈਂਡ ਅੰਮ੍ਰਿਤਸਰ ਅਤੇ ਰੇਲਵੇ ਸਟੇਸ਼ਨ ਅੰਮ੍ਰਿਤਸਰ ਤੱਕ ਚੱਲਣ ਵਾਲੀਆਂ ਇਨ੍ਹਾਂ ਨਿੱਜੀ ਟੈਕਸੀਆਂ ਦਾ ਕੋਈ ਡਰਾਈਵਰ ਨਹੀਂ ਹੋਵੇਗਾ ਅਤੇ ਇਹ ਸਵੈਚਾਲਤ ਵਾਹਨ ਰਸਤੇ ਵਿੱਚ ਬਣਾਏ ਸਟੇਸ਼ਨਾਂ ਉਤੇ ਰੁਕਦੇ ਹੋਏ ਆਪਣੀ ਮੰਜ਼ਿਲ ਤੇ ਪਹੁੰਚਣਗੇ। ਉਨ੍ਹਾਂ ਕਿਹਾ ਕਿ ਇਸ ਦਾ ਕਿਰਾਇਆ ਵੀ ਆਟੋ ਜਾਂ ਆਮ ਟੈਕਸੀ ਵਾਂਗ ਹੋਵੇਗਾ ਜਿਸ ਨੂੰ ਹਰ ਨਾਗਰਿਕ ਦੇ ਸਕਣ ਦੀ ਪਹੁੰਚ ਰੱਖਦਾ ਹੈ। ਉਨ੍ਹਾਂ ਕਿਹਾ ਕਿ ਪੌਡ ਦੇ ਸਟੇਸ਼ਨ ਸ੍ਰੀ ਦਰਬਾਰ ਸਾਹਿਬ ਤੋਂ ਗਲਿਆਰਾ ਪਾਰਕਿੰਗ, ਹਾਲ ਬਾਜ਼ਾਰ, ਤਿਕੌਣੀ ਪਾਰਕਿੰਗ ਅਤੇ ਰੇਲਵੇ ਸਟੇਸ਼ਨ ਵਿਖੇ ਹੋਣਗੇ, ਜਦ ਕਿ ਦੂਸਰੇ ਰਸਤੇ ਵਿੱਚ ਜਗਤ ਜੋਤੀ ਸਕੂਲ ਅਤੇ ਬੱਸ ਸਟੈਂਡ ਸਟੇਸ਼ਨ ਹੋਣਗੇ। ਉਨ੍ਹਾਂ ਕਿਹਾ ਕਿ 300 ਕਰੋੜ ਰੁਪਏ ਅੰਦਾਜਨ ਲਾਗਤ ਵਾਲਾ ਇਹ ਪ੍ਰਾਜੈਕਟ ਆਵਾਜਾਈ ਦਾ ਅਤਿ ਆਧੁਨਿਕ ਸਾਧਨ ਹੈ । ਉਨ੍ਹਾਂ ਕਿਹਾ ਕਿ ਸ਼੍ਰੀ ਹਰਿਮੰਦਰ ਸਾਹਿਬ ਆਉਣ ਵਾਲੀ  ਸੰਗਤ ਅਤੇ ਹਾਲ ਬਾਜਾਰ ਵਿੱਚ ਵੱਧਦੀ ਭੀੜ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਇਹ ਪ੍ਰਾਜੈਕਟ ਸੋਚਿਆ ਗਿਆ ਸੀ ਅਤੇ ਕਈ ਕਮੇਟੀਆਂ ਦੀ ਰਿਪੋਰਟ ਤੋਂ ਬਾਅਦ ਪੌਡ ਸਿਸਟਮ ਲਾਗੂ ਕੀਤਾ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਹਰ ਰੋਜ਼ 75000 ਦੇ ਕਰੀਬ ਲੋਕ ਇਸ ਵਿੱਚ ਸਫਰ ਕਰ ਸਕਣਗੇ। ਉਨ੍ਹਾਂ ਕਿਹਾ ਕਿ ਸ੍ਰੀ ਹਰਿਮੰਦਰ ਸਾਹਿਬ ਵਿੱਚ ਇਸ ਵੇਲੇ ਲੱਗਭੱਗ ਹਰ ਰੋਜ ਇਕ ਲੱਖ ਸ਼ਰਧਾਲੂ ਦਰਸ਼ਨਾ ਲਈ ਆਉਂਦੇ ਹਨ ਅਤੇ ਪੌਡ ਪ੍ਰਣਾਲੀ ਚਾਲੂ ਹੋ ਜਾਣ ਨਾਲ ਇਸ ਸੰਗਤ ਦੀ ਗਿਣਤੀ ਵਿੱਚ ਦੁਗਣਾ ਵਾਧਾ ਹੋਵੇਗਾ, ਜਿਸ ਨਾਲ ਅੰਮ੍ਰਿਤਸਰ ਨੂੰ ਵਪਾਰਕ ਤੌਰ ਤੇ ਵੀ ਮਦਦ ਮਿਲੇਗੀ। ਇਸ ਮੌਕੇ ਦੁਕਾਨਦਾਰਾਂ ਵੱਲੋਂ ਪ੍ਰਗਟਾਏ ਗਏ ਕਾਰੋਬਾਰ ਪ੍ਰਭਾਵਤ ਹੋਣ ਦੇ ਖਦਸ਼ੇ ਦਾ ਉਤਰ ਦਿੰਦਿਆਂ ਉਪ ਮੁੱਖ ਮੰਤਰੀ ਨੇ ਕਿਹਾ ਕਿ ਭਾਰਤ ਵਿੱਚ ਪੌਡ ਕੇਵਲ ਤੇ ਕੇਵਲ ਅੰਮ੍ਰਿਤਸਰ ਵਿੱਚ ਹੋਣਗੇ। ਸੋ, ਇਸ ਨੂੰ ਦੇਖਣ ਅਤੇ ਚੜ੍ਹਣ ਵਾਲਿਆਂ ਦੀ ਖਿੱਚ ਕਾਰਨ ਸੈਲਾਨੀਆਂ ਦੀ ਗਿਣਤੀ ਕਈ ਗੁਣਾ ਵਧੇਗੀ।  ਹਾਲਗੇਟ ਵਿੱਚ ਇਸ ਦਾ ਮੁੱਖ ਸਟੇਸ਼ਨ ਹੋਵੇਗਾ ਜਿਥੋ ਲੋਕ ਇਸ ਵਿੱਚ ਉਤਰ ਅਤੇ ਚੜ ਸਕਣਗੇ। ਇਸ ਤਰ੍ਹਾਂ ਕਾਰੋਬਾਰ ਘਟਣ ਦੀ ਬਜਾਏ ਕਈ ਗੁਣਾ ਵਧੇਗਾ, ਦੂਸਰਾ ਇਹ ਦੁਕਾਨਾਂ ਨਾਲੋਂ ਉਪਰ ਬਣਿਆ ਹੋਣ ਕਾਰਨ ਕਾਰੋਬਾਰ ਵਿੱਚ ਕੋਈ ਅੜਿੱਕਾ ਨਹੀਂ ਬਣੇਗਾ। ਸਿਟੀ ਬੱਸ ਸੇਵਾ ਦੀ ਗੱਲ ਕਰਦਿਆਂ ਉਨ੍ਹਾਂ ਕਿਹਾ ਕਿ ਬੱਸ ਕੰਪਨੀਆਂ ਕੋਲ ਬੱਸਾਂ ਦੇ ਆਰਡਰ ਪੈਡਿੰਗ ਪਏ ਹੋਣ ਕਾਰਨ ਇਸ ਪ੍ਰਾਜੈਕਟ ਵਿੱਚ ਦੇਰੀ ਹੋਈ ਹੈ। ਆਉਂਦੇ ਕੁਝ ਦਿਨਾਂ ਵਿੱਚ ਲੁਧਿਆਣੇ ਬੱਸਾਂ ਪਹੁੰਚ ਰਹੀਆਂ ਹਨ ਅਤੇ ਜਲਦੀ ਹੀ ਅੰਮ੍ਰਿਤਸਰ ਵਿੱਚ ਪਹੁੰਚ ਜਾਣਗੀਆਂ, ਜਿਸ ਨਾਲ ਸਿਟੀ ਬੱਸ ਸੇਵਾ ਸ਼ੁਰੂ ਹੋ ਜਾਵੇਗੀ। ਇਸ ਮੌਕੇ ਸੰਸਦ ਮੈਂਬਰ  ਨਵਜੋਤ ਸਿੰਘ ਸਿੱਧੂ , ਮੁੱਖ ਪਾਰਲੀਮਾਨੀ ਸਕੱਤਰ ਇਦਰਬੀਰ ਸਿੰਘ ਬੁਲਾਰੀਆ, ਇੰਜੀਨੀਅਰ ਸ਼ਵੇਤ ਮਲਿਕ ਮੇਅਰ, ਡਾ: ਬਲਦੇਵ ਰਾਜ ਚਾਵਲਾ ਚੇਅਰਮੈਨ ਸੀਵਰੇਜ ਬੋਰਡ,  ਅਲਟਰਾ ਪੀ:ਆਰ:ਟੀ ਸਿਸਟਮ ਦੇ  ਐਮ.ਡੀ ਰਾਣੂ ਦਾਸ ਅਤੇ ਕੰਪਨੀ ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ ਐਲਨ ਮੂਰ ਆਦਿ ਵੀ ਹਾਜਰ ਸਨ।

Tuesday, November 22, 2011

ਕੀ ਇਹ ਹੈ ਮੁੰਡੇ ਕੁਡ਼ੀਆਂ ਦੀ ਬਰਾਬਰੀ ?

ਕੁੜੀਆਂ ਨੂੰ ਸਿਰਫ ਪੱਚੀ ਲੱਖ ਤੇ  ਮੁੰਡਿਆਂ ਨੂੰ ਦੋ ਕਰੋਡ਼
ਕੀ ਇਹ ਹੈ ਸਰਕਾਰ ਦਾ ਨੰਨੀ ਛਾਂਅ ਨਾਲ ਵਤੀਰਾ???
ਉਘੇ ਕਲਮਕਾਰ ਅਮਰਦੀਪ ਗਿੱਲ ਵੱਲੋਂ ਸਰਕਾਰ ਨੂੰ ਸੁਆਲ? 
ਪਿਛਲੇ ਕੁਝ ਦਹਾਕਿਆਂ ਦੌਰਾਨ ਪੰਜਾਬ ਦੇ ਕਲਚਰ ਨੂੰ ਬਦਲਣ ਦੀ ਸਾਜਿਸ਼ ਕਾਫੀ ਹੱਦ ਤੱਕ ਸਫਲ ਰਹੀ ਹੈ. ਅਫਸੋਸ ਹੈ ਕੀ ਇਸ ਵਿੱਚ ਬਾਹਰਲੇ ਸੂਬਿਆਂ ਤੋਂ ਕੰਮ ਕਰਨ ਲਈ ਪੰਜਾਬ ਆਏ ਮਜਦੂਰਾਂ ਦਾ ਹੇਠ ਨਹੀਂ ਬਲਕਿ ਨਸ਼ਿਆਂ ਦੀ ਸੌਦਾਗਰੀ ਕਰਦੇ ਉਹਨਾਂ ਲੋਕਾਂ ਦਾ ਹੇਠ ਜਿਆਦਾ ਹੈ ਜਿਹੜੇ ਆਪਣੇ ਆਪ ਨੂੰ ਪੰਜਾਬੀ ਅਤੇ ਪੰਥਕ ਅਖਵਾਉਂਦੇ ਨਹੀਂ ਥੱਕਦੇ. ਹਨ ਇਹ ਗੱਲ ਜਰੂਰ ਹੈ ਕਿ ਸ਼ਰਾਬ, ਭੁੱਕੀ ਅਤੇ ਅਫੀਮ ਦੇ ਜਾਇਜ਼ ਨਜਾਇਜ਼ ਧੰਦਿਆਂ ਨਾਲ ਸਿਗਰਟਾਂ, ਬੀੜੀਆਂ ਅਤੇ ਜਰਦੇ-ਚੂਨੇ ਦਾ ਕਾਰੋਬਾਰ ਵੀ ਖੂਬ ਜੋਰ ਫੜ੍ਹ ਗਿਆ. ਹੁਰੂ ਕਿ ਸਿੱਖੀ ਤੋਂ ਬੇਮੁਖ ਹੋਏ ਨੌਜਵਾਨਾਂ ਨੂੰ ਵੀ ਮਿੰਟ ਕੁ ਬਾਅਦ ਇਸਦੀ ਪੁੜੀ ਖੋਹਲ ਕੇ ਮੂੰਹ ਵਿੱਚ ਪਾਉਂਦਿਆਂ ਦੇਖਿਆ ਜਾਣ ਲੱਗ ਪਿਆ. ਜਦੋਂ ਕਬੱਡੀ ਦੀ ਸ਼ਾਨੋ ਸ਼ੌਕਤ ਨੂੰ ਸੁਰਜੀਤ ਕਰਨ ਦੇ ਉਪਰਾਲੇ ਸ਼ੁਰੂ ਹੋਏ ਤਾਂ ਜਾਪਿਆ ਸੀ ਕਿ ਨਸ਼ਿਆਂ ਨਾਲ ਖੋਖਲੇ ਹੋਏ ਪੰਜਾਬੀ ਗਭਰੂ ਇੱਕ ਵਾਰ ਫੇਰ ਪੰਜਾਬ ਦੇ ਰਾਂਗਲੇ ਸਭਿਆਚਾਰ ਵਾਲੇ ਸੰਗੀਤ ਦੀਆਂ ਸੁਰਾਂ ਛੇੜਨਗੇ.ਟੀਵੀ ਤੋਂ  ਇਹਨਾਂ ਦਿਨਾਂ ਵਿੱਚ ਕਬੱਡੀ ਮੈਚਾਂ ਦੇ ਸਿਧੇ ਪ੍ਰਸਾਰਣ ਦੌਰਾਨ ਉਹਨਾਂ ਲੋਕਾਂ ਨੂੰ ਵੀ ਟੀਵੀ ਅੱਗੇ ਟਿਕਟਿਕੀ ਲਈ ਦੇਖਿਆ ਗਿਆ ਜਿਹੜੇ ਕ੍ਰਿਕਟ ਦੇ ਸ਼ੋਰ ਤੋਂ ਤੰਗ ਆ ਕੇ ਟੀਵੀ ਦੇਖਣਾ ਹੀ ਛੱਡ ਗਏ ਸਨ. ਬੜੇ ਅਰਸੇ ਮਗਰੋਂ ਦੇਖਿਆ ਕਿ ਰਾਤ ਰਾਤ ਭਰ ਖੁਲਦੇ ਵੱਡੇ ਵੱਡੇ ਸ਼ੋਅ ਰੂਮਾਂ ਜਿੱਡੇ ਸ਼ਰਾਬ ਦੇ ਠੇਕਿਆਂ ਨੂੰ ਛੱਡ ਕੇ ਕਬੱਡੀ ਮੈਚ ਦੇਖਣ ਲਈ ਉਪਰਾਲੇ ਕਰ ਰਹੇ ਸਨ. ਕਬੱਡੀ ਵਿੱਚ ਕੁੜੀਆਂ ਦੀ ਸ਼ਮੂਲੀਅਤ ਨੇ ਪੰਜਾਬ ਦੇ ਮਾਰਸ਼ਲ ਜਜ਼ਬੇ ਨੂੰ ਵੀ ਇੱਕ ਵਾਰ ਫੇਰ ਸੁਰਜੀਤ ਕੀਤਾ.ਸਿਹਤ ਅਤੇ ਜੁੱਸੇ ਨਾਲ ਇਸ਼ਕ ਵਰਗੀ ਲਗਨ ਨੂੰ ਵੀ ਇੱਕ ਵਾਰ ਫੇਰ ਹੁਲਾਰਾ ਮਿਲਿਆ. ਇਹ ਸਭ ਕੁਝ ਦੇਖ ਕੇ ਇਹਨਾਂ ਮੈਚਾਂ ਵਿਚਲੀ ਰਾਜਨੀਤੀ ਅਤੇ ਹੋਰ ਤ੍ਰੂਤੀਆਂ ਵੀ ਨਜਰ ਅੰਦਾਜ਼ ਕਰਨ ਦਾ ਮਨ ਬਣਿਆ ਜਿਸ ਨੂੰ ਬਦਲਣਾ ਪਿਆ ਲੋਕਾਂ ਦੀ ਗੱਲ ਪੂਰੀ ਨਿਡਰਤਾ ਨਾਲ ਕਰਨ ਵਾਲੇ ਹਰਮਨ ਪਿਆਰੇ ਗੀਤਕਾਰ  ਅਮਰਦੀਪ ਸਿੰਘ ਗਿੱਲ ਹੁਰਾਂ ਦੀ ਇੱਕ ਛੋਟੀ ਜਿਹੀ ਲਿਖਤ ਤੋਂ ਬਾਅਦ. ਇਸ ਲਿਖਤ ਅਤੇ ਇਸ ਬਾਰੇ ਫੇਸਬੁਕ 'ਤੇ ਪੁੱਜੇ ਵਿਚਾਰਾਂ ਨੂੰ ਵੀ ਹੂ-ਬ-ਹੂ ਪ੍ਰਕਾਸ਼ਿਤ ਕੀਤਾ ਜਾ ਰਿਹਾ ਹੈ.--ਰੈਕਟਰ ਕਥੂਰੀਆ 
ਕੁਡ਼ੀਆਂ ਵਿਚਾਰੀਆਂ ਆਟੋ 'ਚ !-ਨੁਕਤਾ ਉਠਾਇਆ ਅਮਰਦੀਪ ਸਿੰਘ ਗਿੱਲ ਨੇ 
ਸਾਡੀਆਂ ਧੀਆਂ ਭੈਣਾਂ ਨੇ ਵਰਲਡ ਕਬੱਡੀ ਕੱਪ ਜਿੱਤਿਆ , ਸਰਕਾਰ ਨੇ ਉਨਾਂ ਨਾਲ ਇਹ ਸਲੂਕ ਕੀਤਾ ਕਿ ਪਹਿਲਾਂ ਤਾਂ ਸਿਰਫ ਪੱਚੀ ਲੱਖ ਦਾ ਇਨਾਮ ਦੇ ਕੇ ਹੀ ਸਾਰ ਦਿੱਤਾ , ਮੁੰਡਿਆਂ ਨੂੰ ਦੋ ਕਰੋਡ਼ ...ਸੋਚੋ ! ਫੇਰ ਉਨਾਂ ਨੂੰ ਕੋਈ ਸਰਕਾਰੀ ਵਾਹਨ ਘਰ ਤੱਕ ਛੱਡਣ ਨਹੀਂ ਗਿਆ , ਫੋਟੋ ਵੇਖੋ ਕੁਡ਼ੀਆਂ ਵਿਚਾਰੀਆਂ ਆਟੋ 'ਚ ਚਡ਼ ਕੇ ਗਈਆਂ ...ਇਹ ਹੈ ਮੁੰਡੇ ਕੁਡ਼ੀਆਂ ਦੀ ਬਰਾਬਰੀ ? ਇਹ ਹੈ ਸਰਕਾਰ ਦੀ ਨੰਨੀ ਛਾਂਅ ? ਸਵੈ-ਪ੍ਰਸੰਸ਼ਾ ਕਰਦੇ ਬਾਦਲ ਸਟੇਡੀਅਮ ਦੇ ਅੰਦਰ ਜੋ ਦਮਗਜ਼ੇ ਮਾਰ ਰਹੇ ਸਨ...ਸਭ ਡਰਾਮਾ ਹੀ ਸੀ ???

  • 21 shares

    • Binder Pal Fateh ਬਾਦਲਾਂ ਦੀ ਕਰਤੂਤ !
      about an hour ago ·  ·  2

    • Dhillon Inderjit badal sahab sirf galla naal ni raj hunde.............
      about an hour ago · 

    • Vishav Singh ehna ne khud nu test karca ke munda jamaya ehe karnge nani chah.
      about an hour ago · 

    • Nirvair Singh SHAMEFULL.............
      about an hour ago · 

    • Parminder Rangila bahut dukh di gal hai
      about an hour ago ·  ·  1

    • Sukh Bhullar ehnu kenhde kotha usareya tarkhaan viserea ..gill saab eh ohi kurrian di team hai jd takk tv te dikhake wah wah khattni c tan ehna di gaddi agge escort gypsy chaldi c ...ptc te nautanki bnd hoyi tan kise ne saar nhi lyi ...shame on badals
      about an hour ago ·  ·  1

    • Amardeep Sidhu bhaji ehna ne kabaddi ton ki laina...eh te apni balle balle karaun lai & lokan da dhiyan hor paase laun lai kita sab....sala kabaddi te shahrukh khan ton ki karauna c...mainu samjh ni aaunda...

      shaukat ali kyo ni bulaya ? arif lohar kyo ni ? jatt brothers kyo ni ? agar dooro e saddna c kise nu ?

      about an hour ago ·  ·  1

    • Randhir S. Shergill Badal sarkar di kartoot,
      Koi door nahi
      Bas february ch paine ne joot....

      about an hour ago ·  ·  1

    • Jalandhar Live aj newspaper ch parhi eh news ... lahnat hai ehda diya sarkara te jehre sirf lok dikhawe tak seemat ne .. this was so shamefull ...
      about an hour ago ·  ·  2

    • Preet So Sweet janta da cash te badal di aish...
      about an hour ago · 

    • Ree Gamee Badal Sarkar....... lootereyan di sarkaar..... dhee atte puttan cha farak rakhan vali sarkaar ..
      about an hour ago · 

    • JiNd KaUr Badal di phen... Ohnu sale nu sare Punjab ch chitti ghoddi nal banke Khadissana main Punjab aa ke.
      about an hour ago ·  ·  4

    • JiNd KaUr Ehnu sale nu eho jahi khenchi pave taddaf taddaf ke marre eh..
      about an hour ago ·  ·  4

    • Rajbir Singh Dicky Ehi ta hai Badal da Kabbadi at International level
      about an hour ago ·  ·  1

    • Jagdeep Ankhi badal sarkar nu ta bass apni photo e yad rehndi aa harek chij te laun lai.......chahe cycle hon ya fr ambulnce hove......
      about an hour ago · 

    • JiNd KaUr Ehdi Mautt vi international level te Dekhan vali honi je kisse Jiggre vale de hath aa giya.
      about an hour ago · 

    • JiNd KaUr Gill Saab aa fotu pake te Sachi tusi khoon garam kar ditta.
      about an hour ago ·  ·  4

    • Amardeep Singh Gill khoon har dum garam he chahida ..je anakh naal jeona hai taa..
      about an hour ago ·  ·  4

    • JiNd KaUr O te hai e aa Gill Saab. Anakh vala khoon te always Garam rehnda. Par jado 21 saddi ch aa ke vi aa kuj Kudiyan nal hunda Dekhan nu Mille te khoon ubaal khanda aa.
      about an hour ago · 

    • Patarkarmanch Tanda check the news related this story in dainik bhaskar front page
      about an hour ago ·  ·  1

    • Patarkarmanch Tanda amardeep bhaji story te sachaii nu nashar karn wale nu bhi shabash de dio
      about an hour ago ·  ·  1

    • Amardeep Singh Gill bilkul bhaji.....mainu photo milia dainik bhaskar ton....salaaam
      about an hour ago ·  ·  2

    • JiNd KaUr Ehdi Mautt aei hun hor kuj Nhi. Te o Bibi Harsimran Kaur Sali Nanni Shaa vali peepni vajondi pehle te ohdi gutt fadke gumave.
      about an hour ago · 

    • Amardeep Singh Gill hor kise paper ne eh news nahi lai
      about an hour ago · 

    • Preet Rajpal ess ton te laggda ,.,.b daramma hi cc,.,.:((
      about an hour ago · 

    • Grewal Satwant sharam-e-sakaar
      about an hour ago · 

    • Balli Sandhu Drama jia drama...jisde kol v jis stadium ch mic aaeea sab ne badal saab badal saab kita te fer wadda badal chhote di te chhotta badal wadde di tareef he karee gye...changa uprala c par sab kuj changa nai c
      57 minutes ago · 

    • Hardeep Saini eh sarkari, leader votes layi keh dinde ne par karde kujh nahi... kabaddi cup karwa ke vote lene da bahana e sarra eh..
      55 minutes ago · 

    • Jagdeep JD Pandori Gill Sahib Ji you know better than us....just kursi je kursi for Kabaddi kabaddi..
      54 minutes ago · 

    • Rajinder Bains very sad
      53 minutes ago · 

    • Parm Gondara So sad 22! Badal da ta kamm ae gapp marna
      38 minutes ago · 

    • Gursagar Deep Singh Sidhu edan he a g moonh te kujh hor pith pichhe kujh hor.........hun tan lokan nu akal aun naal he ena da bistra gol hau ohna chir ni kujh ho sakda..............
      26 minutes ago · 

    • Sukhminder Singh je assin dheeyan di izzat nehi kar sakde taan saade sab daawe bekaar ne.... world cup koi chotta sanman nehi, jis nu faran wale nu sarak te rulna pawe.... really shameful.... desh nu enni uchhi shan den walyan nu bekadri den walyan de khilaf kaarwai honi chahidi hai, te khidariyan toan maafi mangni chahidi hai....
      24 minutes ago · 

    • Gurpreet Gopy Singh bapu ji capt v sacha hi rola rounda ehna 200 crore kabaadi day naaam tay hazzam kar lea
      24 minutes ago · 

    • Mokhtar Singh Chhina veer ji mn valoondhariaa giaa eh dekh ke.
      23 minutes ago · 

    • Bakshi Thanewal bhaji fer ve rabb da shukar hai ke apo apne ghar thik thaak pahunch gaian.. kite nikke badal ne magar motarcycal wale chor nahi laa ditte je jao troffy khoo ke bhaj jawo.. ajjkal chenian te parsh te mob. amm he khoyee jaa rahe ne ...
      22 minutes ago · 

    • Deep Shayar sara sar dhakka hai
      16 minutes ago · 

    • Sardar Sohi lahnnat ,baut sharam di gall aa,punjab deean dheean KABADDI CUP JITT KE ah ruldian ne sadak te shame shame.
      4 minutes ago ·