ਖੇਡਾਂ ਵਤਨ ਪੰਜਾਬ ਦੀਆਂ 2022 ਜ਼ੋਰਸ਼ੋਰ ਨਾਲ ਜਾਰੀ

13th September 2022 at 7:28 PM

ਦੂਸਰੇ ਦਿਨ ਦੇ ਖੇਡ ਮੁਕਾਬਲਿਆਂ 'ਚ ਅੰਡਰ-14 (ਲੜਕੇ/ਲੜਕੀਆਂ) ਦੇ ਰੋਮਾਂਚਕ ਮੁਕਾਬਲੇ ਹੋਏ 

22 ਸਤੰਬਰ ਤੱਕ ਕਰਵਾਏ ਜਾਣਗੇ ਜ਼ਿਲ੍ਹਾ ਪੱਧਰੀ ਖੇਡ ਮੁਕਾਬਲੇ-ਜ਼ਿਲ੍ਹਾ ਖੇਡ ਅਫ਼ਸਰ ਰਵਿੰਦਰ ਸਿੰਘ

ਲੁਧਿਆਣਾ: 13 ਸਤੰਬਰ 2022: (ਕਾਰਤਿਕਾ ਸਿੰਘ//ਪੰਜਾਬ ਸਕਰੀਨ)::

ਖੇਡਾਂ ਨਾਲ ਹੀ ਮਿਲਦੀਆਂ ਹਨ ਤੰਦਰੁਸਤੀ ਵਾਲੀ ਜ਼ਿੰਦਗੀ ਦੀਆਂ ਅਸਲੀ ਬਰਕਤਾਂ। ਖੇਡਾਂ ਨਾਲ ਹੀ ਆਉਂਦਾ ਹੈ ਕੁਦਰਤੁ ਜਵਾਨੀ ਵਾਲਾ ਅਸਲੀ ਨਸ਼ਾ। ਖੇਡਾਂ ਨਾਲ ਹੀ ਜਾਗਦਾ ਹੈ ਏਕਤਾ ਅਤੇ ਭਾਈਚਾਰੇ ਵਾਲਾ ਜਾਦੂ। ਖੇਡਾਂ ਦੀਆਂ ਖੂਬੀਆਂ ਅਨੇਕ ਹਨ। ਇਸ ਲਈ ਤਿਆਰ ਹੋ ਜਾਓ ਖੇਡਾਂ ਵਾਲੇ ਜਾਦੂ ਦੇਖਣ ਲਈ। 'ਖੇਡਾਂ ਵਤਨ ਪੰਜਾਬ ਦੀਆਂ' ਤਹਿਤ ਜ਼ਿਲ੍ਹੇ ਵਿੱਚ 12 ਤੋਂ 22 ਸਤੰਬਰ ਤੱਕ ਵੱਖ-ਵੱਖ ਖੇਡਾਂ ਦੇ ਜ਼ਿਲ੍ਹਾ ਪੱਧਰੀ ਮੁਕਾਬਲੇ ਕਰਵਾਏ ਜਾਣਗੇ।

ਜ਼ਿਲ੍ਹਾ ਖੇਡ ਅਫ਼ਸਰ ਸ੍ਰੀ ਰਵਿੰਦਰ ਸਿੰਘ ਵੱਲੋਂ ਇਸ ਸਬੰਧੀ ਵਿਸਥਾਰ ਨਾਲ ਦੱਸਿਆ ਗਿਆ ਕਿ ਇਸ ਮੈਗਾ ਖੇਡ ਮੇਲੇ 'ਖੇਡਾਂ ਵਤਨ ਪੰਜਾਬ ਦੀਆ' ਦਾ ਰਸਮੀ ਉਦਘਾਟਨ ਮੁੱਖ ਮੰਤਰੀ ਪੰਜਾਬ ਸ. ਭਗਵੰਤ ਮਾਨ ਵੱਲੋਂ 29 ਅਗਸਤ ਨੂੰ ਜਲੰਧਰ ਤੋਂ ਕੀਤਾ ਗਿਆ ਸੀ। ਉਨ੍ਹਾਂ ਅੱਗੇ ਦੱਸਿਆ ਕਿ ਜ਼ਿਲ੍ਹਾਂ ਪੱਧਰੀ ਖੇਡ ਮੁਕਾਬਲਿਆਂ ਤਹਿਤ ਅੰਡਰ-14 (ਲੜਕੇ-ਲੜਕੀਆਂ) ਦੇ ਮੈਚ 12 ਤੋਂ 14 ਸਤੰਬਰ ਤੱਕ ਤੱਕ ਹੋਣਗੇ।

ਅੱਜ ਦੇ ਮੁਕਾਬਲਿਆਂ ਦੇ ਨਤੀਜੇ ਸਾਂਝੇ ਕਰਦਿਆਂ ਜ਼ਿਲ੍ਹਾ ਖੇਡ ਅਫ਼ਸਰ ਨੇ ਦੱਸਿਆ ਕਿ ਰੋਲਰ ਸਕੇਟਿੰਗ (ਲੜਕੇ) 'ਚ ਏਡਨ ਫਿਲਿਪ ਅਤੇ ਖੁਸ਼ਦੀਪ ਕੌਰ (ਲੜਕੀਆਂ) ਨੇ ਪਹਿਲਾ ਸਥਾਨ ਹਾਸਲ ਕੀਤਾ। ਇਨਲਾਈਨ 2000 ਮੀਟਰ (ਲੜਕੇ) 'ਚ ਅਮਿਤਜੋਤਵੀਰ ਸਿੰਘ ਅਤੇ ਸੁਖਮਨ ਕੌਰ ਸੋਨੀ (ਲੜਕੀਆਂ) ਨੇ ਬਾਜੀ ਮਾਰੀ। ਇਸ ਤੋਂ ਇਲਾਵਾ ਇਨਲਾਈਨ ਵਨ ਲੈਪ (ਲੜਕੇ) 'ਚ ਕੇਸ਼ਿਵਮ ਥਾਪਰ ਅਤੇ ਸੁਖਮਨ ਕੌਰ ਸੋਨੀ (ਲੜਕੀਆਂ) ਅੱਵਲ ਰਹੇ।

ਉਨ੍ਹਾਂ ਅੱਗੇ ਦੱਸਿਆ ਕਿ ਐਥਲੈਟਿਕਸ: ਲਾਂਗ ਜੰਪ (ਲੜਕੇ) 'ਚ ਜਗਰਾਉਂ ਤੋਂ ਮਹਿਤਾਬ ਸਿੰਘ, ਲਾਂਗ ਜੰਪ (ਲੜਕੀਆਂ) 'ਚ ਦੋਰਾਹਾ ਤੋਂ ਜਸਮੀਨ ਕੌਰ ਪਹਿਲੇ ਸਥਾਨ 'ਤੇ ਰਹੀ। 200 ਮੀਟਰ ਦੌੜ (ਲੜਕੇ) 'ਚ ਜਸਕਰਣ ਸਿੰਘ ਅਤੇ ਲੜਕੀਆਂ 'ਚ ਖੁਸ਼ੀ ਤਿਆਗੀ ਨੇ ਬਾਜੀ ਮਾਰੀ। ਸਾਫਟਬਾਲ ਮੁਕਾਬਲਿਆਂ (ਲੜਕੇ) 'ਚ ਗੁਰੂ ਨਾਨਕ ਮਾਡਲ ਸਕੂਲ ਢੋਲੇਵਾਲ ਦੀ ਟੀਮ ਜਦਕਿ ਲੜਕੀਆਂ 'ਚ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲੀ (ਲੜਕੀਆਂ) ਮੱਲ੍ਹਾ ਦੀ ਟੀਮ ਜੇਤੂ ਰਹੀ। ਹੈਂਡਬਾਲ (ਲੜਕੇ) ਦੇ ਮੁਕਾਬਲਿਆਂ 'ਚ ਬੀ.ਵੀ.ਐਮ. ਸਕੂਲ, ਕਿਚਲੂ ਨਗਰ ਦੀ ਟੀਮ ਪਹਿਲੇ ਨੰਬਰ 'ਤੇ ਰਹੀ। ਸਵਿਮਿੰਗ, 100 ਮੀਟਰ ਫਰੀ ਸਟਾਈਲ (ਲੜਕੇ) ਦੇ ਮੁਕਾਬਲਿਆਂ ਵਿੱਚ ਆਦਿੱਤਿਆ ਤ੍ਰੇਹਨ ਨੇ ਪਹਿਲਾ ਸਥਾਨ ਹਾਸਲ ਕੀਤਾ ਜਦਕਿ ਲੜਕੀਆਂ ਵਿੱਚ ਰਾਈਸ਼ਾ ਸੈਂਣੀ ਜੇਤੂ ਰਹੀ।

ਇਸ ਤੋਂ ਇਲਾਵਾ 50 ਮੀਟਰ ਬੈਕ ਸਟ੍ਰੋਕ (ਲੜਕੇ) ' ਔਜਸ ਮੰਡ, ਲੜਕੀਆਂ 'ਚ ਗੁਰਨਾਜ ਕੌਰ ਪਹਿਲੇ ਸਥਾਨ 'ਤੇ ਰਹੀ। 50 ਮੀਟਰ ਬ੍ਰੇਸਟ ਸਟ੍ਰੋਕ 'ਚ ਆਦਿੱਤਿਆ ਤ੍ਰੇਹਨ ਅਤੇ 50 ਮੀਟਰ ਫਰੀ ਸਟਾਈਲ 'ਚ ਨਮਨ ਸ਼ਰਮਾ ਅਤੇ ਲੜਕੀਆਂ 'ਚ ਅਨੁਸ਼ਕਾ ਸ਼ਰਮਾ ਪਹਿਲੇ ਸਥਾਨ 'ਤੇ ਰਹੀ। ਇਸ ਤੋਂ ਇਲਾਵਾ 100 ਮੀਟਰ ਬ੍ਰੇਸਟ ਸਟ੍ਰੋਕ (ਲੜਕੀਆਂ) 'ਚ ਵੀ ਅਨੁਸ਼ਕਾ ਸ਼ਰਮਾ ਪਹਿਲੇ ਸਥਾਨ 'ਤੇ ਰਹੀ।

ਜੁਡੋ ਦੇ ਮੁਕਾਬਲਿਆਂ 'ਚ 28 ਕਿਲੋ ਭਾਰ ਵਰਗ (ਲੜਕੀਆਂ) 'ਚ ਸਰਕਾਰੀ ਸਕੂਲ ਮਾਧੋਪੁਰੀ ਦੀ ਮਾਨਸੀ ਪਹਿਲੇ ਸਥਾਨ 'ਤੇ ਰਹੀ ਜਦਕਿ 32 ਕਿਲੋ ਭਾਰ ਵਰਗ (ਲੜਕੀਆਂ) 'ਚ ਜੇ.ਪੀ. ਸਕੂਲ ਦੀ ਨਿਮਰਤਾ ਨੇ ਬਾਜੀ ਮਾਰੀ। 36 ਕਿਲੋ ਭਾਰ ਵਰਗ (ਲੜਕੀਆਂ) 'ਚ ਸਰਕਾਰੀ ਸਕੂਲ ਗਿੱਲ ਦੀ ਮੀਨੂ, 40 ਕਿਲੋ ਭਾਰ ਵਰਗ (ਲੜਕੀਆਂ) 'ਚ ਇੰਡੋ-ਕੇਨੇਡੀਅਨ ਸਕੂਲ ਦੀ ਮਾਨਵੀ ਪਹਿਲੇ ਸਥਾਨ 'ਤੇ ਰਹੀ।

ਜ਼ਿਲ੍ਹਾ ਖੇਡ ਅਫ਼ਸਰ ਨੇ ਅੱਗੇ ਦੱਸਿਆ ਕਿ ਦੱਸਿਆ ਕਿ ਪੈਰਾ-ਸਪੋਰਟਸ ਦੇ ਜ਼ਿਲ੍ਹਾ ਪੱਧਰੀ ਮੈਚ 21 ਤੋਂ 22 ਸਤੰਬਰ ਤੱਕ ਗੁਰੂ ਨਾਨਕ ਸਟੇਡੀਅਮ ਵਿੱਚ ਹੋਣਗੇ। ਵਾਲੀਬਾਲ, ਅਥਲੈਟਿਕਸ, ਫੁੱਟਬਾਲ, ਖੋ-ਖੋ, ਕਬੱਡੀ (ਨੈਸ਼ਨਲ ਅਤੇ ਸਰਕਲ ਸਟਾਈਲ), ਰੱਸਾਕਸ਼ੀ, ਹੈਂਡਬਾਲ, ਸਾਫਟਬਾਲ, ਹਾਕੀ, ਸਕੇਟਿੰਗ, ਬਾਸਕਟਬਾਲ, ਕੁਸ਼ਤੀ, ਤੈਰਾਕੀ, ਮੁੱਕੇਬਾਜ਼ੀ, ਟੇਬਲ ਟੈਨਿਸ, ਲਾਅਨ ਟੈਨਿਸ, ਵੇਟਲਿਫਟਿੰਗ, ਪਾਵਰਲਿਫਟਿੰਗ ਅਤੇ ਸ਼ੂਟਿੰਗ ਦੇ ਮੁਕਾਬਲੇ  5 ਤੋਂ 6 ਸਤੰਬਰ ਤੱਕ ਕਰਵਾਏ ਜਾਣਗੇ।

ਉਨ੍ਹਾਂ ਦੱਸਿਆ ਕਿ ਇਹ ਖੇਡ ਮੁਕਾਬਲੇ ਗੁਰੂ ਨਾਨਕ ਸਟੇਡੀਅਮ, ਬਹੁ-ਮੰਤਵੀ ਹਾਲ, ਸ਼ਾਸਤਰੀ ਬੈਡਮਿੰਟਨ ਹਾਲ, ਸਰਕਾਰੀ ਕਾਲਜ (ਲੜਕੀਆਂ), ਐਮ.ਸੀ. ਸਵੀਮਿੰਗ ਪੂਲ, ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਲੁਧਿਆਣਾ, ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਦੇ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ (ਲੜਕੀਆਂ) ਵਿਖੇ, ਸੈਕਰਡ ਸੋਲ ਕਾਨਵੈਂਟ ਸਕੂਲ ਧਾਂਦਰਾ ਰੋਡ, ਲਈਅਰ ਵੈਲੀ, ਨਰੇਸ਼ ਚੰਦਰ ਸਟੇਡੀਅਮ ਅਤੇ ਕਿਸ਼ੋਰੀ ਲਾਲ ਜੇਠੀ ਸੀਨੀਅਰ ਸੈਕੰਡਰੀ ਸਕੂਲ ਖੰਨਾ ਵਿਖੇ ਹੋਣਗੇ।

ਉਨ੍ਹਾਂ ਕਿਹਾ ਕਿ ਸੂਬੇ ਵਿੱਚ ਮਾਣਯੋਗ ਮੁੱਖ ਮੰਤਰੀ ਸ. ਭਗਵੰਤ ਮਾਨ ਦੀ ਅਗਵਾਈ ਵਾਲੀ ਪੰਜਾਬ ਸਰਕਾਰ ਪੰਜਾਬ ਸੂਬੇ ਨੂੰ ਖੇਡਾਂ ਦੇ ਖੇਤਰ ਵਿੱਚ ਦੇਸ਼ ਦਾ ਮੋਹਰੀ ਸੂਬਾ ਬਣਾਉਣ ਲਈ ਯਤਨਸ਼ੀਲ ਹੈ।

ਸਮਾਜਿਕ ਚੇਤਨਾ ਅਤੇ ਜਨ ਸਰੋਕਾਰਾਂ ਨਾਲ ਜੁੜੇ  ਹੋਏ ਬਲਾਗ ਮੀਡੀਆ ਨੂੰ ਜਾਰੀ ਰੱਖਣ ਵਿੱਚ ਸਹਿਯੋਗੀ ਬਣੋ। ਜੋ ਵੀ ਰਕਮ ਤੁਸੀਂ ਹਰ ਰੋਜ਼, ਹਰ ਹਫਤੇ, ਹਰ ਮਹੀਨੇ ਜਾਂ ਕਦੇ ਕਦਾਈਂ ਇਸ ਸ਼ੁਭ ਕੰਮ ਲਈ ਕੱਢ ਸਕਦੇ ਹੋ ਉਹ ਜ਼ਰੂਰ ਕੱਢੋ। ਹੇਠਲੇ ਬਟਨ 'ਤੇ ਕਲਿੱਕ ਕਰ ਕੇ ਤੁਸੀਂ ਸਹਿਜੇ ਹੀ ਅਜਿਹਾ ਕਰ ਸਕਦੇ ਹੋ। 

ਨਰੋਇਸ ਸੋਹੀ ਨੇ ਜਿੱਤਿਆ 100 ਮਿਟਰ ‘ਚ’ ਪਹਿਲਾ ਸਥਾਨ

2nd September 2022 at 3:14 PM 

ਖੇਡਾਂ ਵਤਨ ਪੰਜਾਬ ਦੀਆਂ ਦੇ ਉਤਸ਼ਾਹ ਨਾਲ ਕਈ ਹੀਰੇ ਆਏ ਸਾਹਮਣੇ 

ਲੁਧਿਆਣਾ: 2 ਸਤੰਬਰ 2022: (ਖੇਲ ਸਕਰੀਨ//ਪੰਜਾਬ ਸਕਰੀਨ ਬਿਊਰੋ)::

ਪੰਜਾਬ ਸਰਕਾਰ ਵੱਲੋਂ ਕਾਰਵਾਈਆਂ ਜਾ ਰਹੀਆਂ ਖੇਡਾਂ ਵਤਨ ਪੰਜਾਬ ਦੇ ਅਥਲੈਟਿਕਸ ਦੇ ਮੁਕਾਬਲਿਆਂ ਵਿੱਚ ਨਰੋਇਸ ਸੋਹੀ ਜੋ ਕਿ ਬੀ.ਸੀ.ਐਮ. ਸਕੂਲ ਦੁਗਰੀ ਵਿੱਚ ਪੜਦੀ ਹੈ ਨੇ 14 ਸਾਲ ਤੋਂ ਹੇਠਾਂ ਦੀ ਸ਼੍ਰੇਣੀ ਵਿੱਚ 100 ਮੀਟਰ ਰੇਸ ਵਿੱਚ ਪਹਿਲਾ ਅਤੇ 200 ਮੀਟਰ ਵਿੱਚ ਦੂਜਾ ਸਥਾਨ ਪ੍ਰਪਤ ਕੀਤਾ। ਨਰੋਇਸ ਆਪਣੇ ਕੌਚ ਸੰਜੀਵ ਸ਼ਰਮਾ ਕੋਲ ਪ੍ਰੇਕਟਿਸ ਕਰਦੀ ਹੈ। ਇੱਥੇ ਇਹ ਜ਼ਿਕਰਯੋਗ ਹੈ ਕਿ ਕੋਚ ਸੰਜੀਵ  ਦੇ ਹੋਰ ਵੀ ਸਿਖਿਆਰਥੀ ਹਨ ਜਿਵੇਂ ਕਿ ਆਰਵ ਸ਼ਰਮਾ, ਗੁਰਫਤੇ ਸਿੰਘ ਅਤੇ ਖੁਸ਼ੀ ਆਦਿ ਨੇ ਵੀ ਇਨਾਂ  ਮੁਕਬਲਿਆਂ ਵਿੱਚ ਭਾਗ ਲਿਆਜਿਨ੍ਹਾਂ ਵਿੱਚ ਕਿ ਖੁਸ਼ੀ ਨੇ ਵੀ 200 ਮੀਟਰ ਵਿੱਚ ਪਹਿਲਾ ਸਥਾਨ ਹਾਸਲ ਕੀਤਾ। 

ਪਿੰਡ ਡੱਡੂ ਮਾਜਰਾ ਵਿਖੇ ਵਿਸ਼ਾਲ ਕੁਸ਼ਤੀ ਦੰਗਲ 18 ਅਗਸਤ ਨੂੰ

Friday 12th August 2022 at 11:19 AM

ਨਗਰ ਖੇੜਾ ਕੁਸ਼ਤੀ ਦੰਗਲ ਕਮੇਟੀ ਵਲੋਂ ਪਲੇਠੀ ਝੰਡੀ ਦੀ ਕੁਸ਼ਤੀ ਦਾ ਪੋਸਟਰ ਰਲੀਜ਼

ਚੰਡੀਗੜ੍ਹ: 16 ਅਗਸਤ 2022: (ਗੁਰਜੀਤ ਬਿੱਲਾ/ਪੰਜਾਬ ਸਕਰੀਨ):: 

ਬ੍ਰਹਮ ਗਿਆਨੀ ਸੰਤ ਬਾਬਾ ਅਜੀਤ ਸਿੰਘ ਜੀ ਹੰਸਾਲੀ ਵਾਲਿਆਂ ਦੀ ਰਹਿਨੁਮਾਈ ਹੇਠ ਨਗਰ ਖੇੜਾ ਕੁਸ਼ਤੀ ਦੰਗਲ ਕਮੇਟੀ, ਪਿੰਡ ਡੱਡੂ ਮਾਜਰਾ ਯੂ.ਟੀ. ਚੰਡੀਗੜ੍ਹ ਅਤੇ ਸਮੂਹ ਨਗਰ ਨਿਵਾਸੀਆਂ ਵਲੋਂ ਪਲੇਠਾ ਵਿਸ਼ਾਲ ਕੁਸ਼ਤੀ ਦੰਗਲ ਮਿਤੀ 18 ਅਗਸਤ 2022, ਦਿਨ ਵੀਰਵਾਰ ਨੂੰ ਪਿੰਡ ਦੇ ਦਰੋਣਾਚਾਰੀਆ ਖੇਡ ਸਟੇਡੀਅਮ ਵਿਖੇ ਕਰਵਾਇਆ ਜਾ ਰਿਹਾ ਹੈ। ਇਸ ਦੌਰਾਨ ਨਗਰ ਖੇੜਾ ਕੁਸ਼ਤੀ ਦੰਗਲ ਕਮੇਟੀ ਵਲੋਂ ਪਲੇਠੀ ਝੰਡੀ ਦੀ ਕੁਸ਼ਤੀ ਦਾ ਪੋਸਟਰ ਰਲੀਜ਼ ਕੀਤਾ ਗਿਆ।

ਨਗਰ ਖੇੜਾ ਕੁਸ਼ਤੀ ਦੰਗਲ ਕਮੇਟੀ, ਪਿੰਡ ਡੱਡੂ ਮਾਜਰਾ ਦੇ ਪ੍ਰਧਾਨ ਕੁਲਦੀਪ ਸਿੰਘ ਸੈਣੀ ਅਤੇ ਜਸਬੀਰ ਸਿੰਘ ਬਿੱਲਾ ਨੇ ਦੱਸਿਆ ਕਿ ਇਸ ਕੁਸ਼ਤੀ ਦੰਗਲ ਦੀ ਖਾਸੀਅਤ ਇਹ ਹੈ ਕਿ ਕਮੇਟੀ ਵਲੋਂ ਆਪਣੀ ਪਲੇਠੀ "ਝੰਡੀ ਦੀ ਕੁਸ਼ਤੀ" ਦਾ ਇਨਾਮ 2.11 ਲੱਖ ਰੁਪਏ ਰੱਖਿਆ ਗਿਆ ਹੈ। ਉਹਨਾਂ ਅੱਗੇ ਦੱਸਿਆ ਕਿ ਇਸ ਕੁਸ਼ਤੀ ਦੰਗਲ ਵਿੱਚ ਦੇਸ਼ ਦੇ ਚੋਟੀ ਦੇ ਪਹਿਲਵਾਨ ਸਿਕੰਦਰ ਸ਼ੇਖ ਅਤੇ ਉਮੇਸ਼ ਮਥੁਰਾ ਵਿਚਕਾਰ ਮੁਕਾਬਲਾ ਮੁੱਖ ਖਿੱਚ ਦਾ ਕੇਂਦਰ ਹੋਵੇਗਾ। ਇਸ ਤੋਂ ਇਲਾਕੇ ਦੇ ਹੋਰ ਮਸ਼ਹੂਰ ਪਹਿਲਵਾਨ ਆਪਣੀ ਖੇਡ ਦਾ ਮੁਜ਼ਾਹਰਾ ਕਰਨਗੇ।

ਇਸ ਦੌਰਾਨ ਨਗਰ ਖੇੜਾ ਕੁਸ਼ਤੀ ਦੰਗਲ ਕਮੇਟੀ ਦੇ ਸਮੂਹ ਕਮੇਟੀ ਮੈਂਬਰਾਂ ਨੇ ਦੱਸਿਆ ਕਿ ਮਿਤੀ 18.8.2022 ਨੂੰ ਨਗਰ ਖੇੜੇ 'ਤੇ ਹਵਨ ਅਤੇ ਪੂਜਾ ਸਵੇਰੇ 9 ਵਜੇ ਤੋਂ ਸ਼ੁਰੂ ਹੋ ਕੇ 10 ਵਜੇ ਤੱਕ ਹੋਵੇਗੀ। ਇਸ ਉਪਰੰਤ ਭੰਡਾਰਾ ਦੁਪਹਿਰ 12 ਵਜੇ ਆਰੰਭ ਹੋਵੇਗਾ। ਉਹਨਾਂ ਅੱਗੇ ਦੱਸਿਆ ਕਿ ਨਗਰ ਖੇੜੇ ਤੋਂ ਦੁਪਹਿਰ 2 ਵਜੇ ਝੰਡੀ ਕੱਢੀ ਜਾਵੇਗੀ। ਇਸ ਮੌਕੇ ਉਹਨਾਂ ਸਮੂਹ ਇਲਾਕਾ ਨਿਵਾਸੀਆਂ ਸਮੇਤ ਪੰਜਾਬ ਅਤੇ ਦੇਸ਼ ਭਰ ਦੇ ਕੁਸ਼ਤੀ ਪ੍ਰੇਮੀਆਂ ਨੂੰ ਇਸ ਕੁਸ਼ਤੀ ਦੰਗਲ ਵਿਚ ਵੱਧ ਤੋਂ ਵੱਧ ਸ਼ਮੂਲੀਅਤ ਕਰਨ ਦੀ ਅਪੀਲ ਕੀਤੀ। ਉਹਨਾਂ ਕਿਹਾ ਕਿ ਹੋਰ ਧੁਰੇ ਜਾਣਕਾਰੀ ਲਈ ਮੋਬਾਇਲ ਨੰਬਰ: 9417418354 ਅਤੇ 9814037697 'ਤੇ ਸੰਪਰਕ ਕੀਤਾ ਜਾ ਸਕਦਾ ਹੈ।

ਇਸ ਮੌਕੇ ਪਿੰਡ ਦੀ ਨਾਮਵਰ ਸਖਸ਼ੀਅਤ ਦਲਵਿੰਦਰ ਸਿੰਘ ਸੈਣੀ, ਐਡਵੋਕੇਟ ਅਮਰਦੀਪ ਸਿੰਘ, ਇਲਾਕਾ ਕੌਂਸਲਰ ਕੁਲਦੀਪ ਟੀਟਾ ਸਮੇਤ ਹੋਰ ਮੈਂਬਰ ਹਾਜ਼ਰ ਸਨ।

ਆਤਮ ਹੱਤਿਆ ਕਰਨ ਵਾਲੇ ਜਿੰਮ ਟ੍ਰੇਨਰ ਦੇ ਪਰਿਵਾਰ ਦੀ ਸਾਰ ਲਈ

8th June 2021 at 6:01 PM

ਸੁਖਵਿੰਦਰ ਸਿੰਘ ਬਿੰਦਰਾ ਨੇ ਫੜੀ ਬਾਂਹ-ਸਰਕਾਰ ਵੱਲੋਂ ਹਰ ਮਦਦ ਦਾ ਭਰੋਸਾ 

ਲੁਧਿਆਣਾ: 08 ਜੂਨ 2021: (ਕਾਰਤਿਕਾ ਸਿੰਘ//ਪੰਜਾਬ ਸਕਰੀਨ):: 

ਕੋਰੋਨਾ ਦੀ ਮਾਰ ਤੋਂ ਬਚਾਉਣ ਲਈ ਲੱਗੇ ਲਾਕ ਡਾਊਨ ਦੀ ਮਾਰ ਨੇ ਲੋਕਾਂ ਦੀ ਆਰਥਿਕਤਾ ਤਬਾਹ ਕਰ ਦਿੱਤੀ ਅਤੇ ਤਬਾਹ ਹੋਈ ਅਰਥਿੱਕਤਾ ਨੇ ਮੱਧਵਰਗੀ ਲੋਕਾਂ ਜਿਊਣਾ ਦੂਭਰ ਕਰ ਦਿੱਤਾ। ਜਦੋਂ ਖਰਚੇ ਤਾਂ ਜਾਰੀ ਰਹਿਣ ਪਰ ਆਮਦਨ ਦੇ ਜ਼ਰੀਏ ਬੰਦ ਹੋ ਜਾਣ ਤਾਂ ਘਰਾਂ ਵਿਚਲੀ ਨਿੱਕੀ ਮੋਤੀ ਗੱਲ ਤੇ ਹੁੰਦੀ ਬਹਿਸ ਵੀ ਜਾਨਲੇਵਾ ਮਾਹੌਲ ਬਣਾ ਦੇਂਦੀ ਹੈ। ਅਸੀਂ ਅਸਲੀ ਗੱਲ ਦਾ ਪਤਾ ਲਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਾਂ ਪਰ ਇਸ ਨਾਲ ਉਸਨੇ ਵਾਪਿਸ ਨਹੀਂ ਮੁੜ ਆਉਣਾ। ਬਰਿੰਦਰ ਕੋਹਲੀ ਫਿਟਨੈਸ ਟ੍ਰੇਨਰ ਸੀ ਅਤੇ ਹੁਣ ਉਹ ਨਹੀਂ ਰਿਹਾ। ਉਸਨੇ ਆਤਮ ਹੱਤਿਆ ਕਰ ਲਈ। 

ਜ਼ਿਰਯੋਗ ਹੈ ਕਿ ਇਕ ਨੌਜਵਾਨ ਫਿੱਟਨੈਸ ਟ੍ਰੇਨਰ ਬਰਿੰਦਰ ਕੋਹਲੀ ਜਿਸਦੀ ਉਮਰ ਅਜੇ 3 ਸਾਲ ਦੀ ਹੀ ਸੀ ਉਸਨੇ ਬੀਤੇ ਦਿਨੀਂ ਆਤਮ ਹੱਤਿਆ ਕਰ ਲਈ। ਉਸਦੇ ਦੇ ਪਰਿਵਾਰ ਲਈ ਮੱਦਦ ਦਾ ਹੱਥ ਵਧਾਉਂਦੇ ਹੋਏ, ਪੰਜਾਬ ਯੁਵਾ ਵਿਕਾਸ ਬੋਰਡ (ਪੀ.ਵਾਈ.ਡੀ.ਬੀ.) ਦੇ ਚੇਅਰਮੈਨ ਸ੍ਰੀ ਸੁਖਵਿੰਦਰ ਸਿੰਘ ਬਿੰਦਰਾ ਵੱਲੋਂ ਅੱਜ ਉਨ੍ਹਾਂ ਦੇ ਪਰਿਵਾਰ ਨੂੰ ਹਰ ਸੰਭਵ ਸਹਿਯੋਗ ਦਾ ਭਰੋਸਾ ਦਿੱਤਾ ਅਤੇ ਕਿਹਾ ਕਿ ਉਸਦੇ ਇੱਕ ਪਰਿਵਾਰਿਕ ਮੈਂਬਰ ਨੂੰ ਜਲਦ ਨੌਕਰੀ ਦੇਣ ਦਾ ਮਾਮਲਾ ਵੀ ਸਰਕਾਰ ਕੋਲ ਰੱਖਿਆ ਜਾਵੇਗਾ।

ਪੀੜਤ ਦੇ ਘਰ 25000 ਰੁਪਏ ਦੀ ਵਿੱਤੀ ਸਹਾਇਤਾ ਦਿੰਦਿਆਂ ਸ੍ਰੀ ਬਿੰਦਰਾ ਨੇ ਕਿਹਾ ਕਿ ਉਹ ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੂੰ ਟ੍ਰੇਨਰ ਦੇ 7 ਸਾਲ ਦੇ ਬੇਟੇ ਨੂੰ ਹੋਰ ਵਿੱਤੀ ਸਹਾਇਤਾ ਅਤੇ ਮੁਫਤ ਸਿੱਖਿਆ ਪ੍ਰਦਾਨ ਕਰਨ ਲਈ ਵੀ ਲਿਖਣਗੇ।

ਉਨ੍ਹਾਂ ਅੱਗੇ ਕਿਹਾ ਕਿ ਉਨ੍ਹਾਂ ਜਲਦ ਜਿੰਮ ਖੋਲ੍ਹਣ ਦਾ ਮਾਮਲਾ ਮੁੱਖ ਮੰਤਰੀ ਦੇ ਧਿਆਨ ਵਿਚ ਲਿਆਂਦਾ ਹੈ ਕਿਉਂਕਿ ਕੋਵਿਡ ਦੀ ਸਥਿਤੀ ਢਲਾਣ ਵੱਲ ਜਾ ਰਹੀ ਹੈ ਤਾਂ ਜੋ ਜਿੰਮ ਦੇ ਮਾਲਕ/ਟ੍ਰੇਨਰ ਆਪਣੇ ਪਰਿਵਾਰ ਦਾ ਗੁਜਰ ਬਸਰ ਕਰ ਸਕਣ। 

ਸ੍ਰੀ ਬਿੰਦਰਾ ਨੇ ਅੱਗੇ ਕਿਹਾ ਕਿ ਪੰਜਾਬ ਸਰਕਾਰ ਪੰਜਾਬ ਸੂਬੇ ਨੂੰ ਖੇਡਾਂ ਦੀ ਹੱਬ ਬਣਾਉਣ ਲਈ ਯਤਨਸ਼ੀਲ ਹੈ ਅਤੇ ਜਿੰਮ ਇਸ ਦਿਸ਼ਾ ਵਿਚ ਅਹਿਮ ਭੂਮਿਕਾ ਅਦਾ ਕਰਦੇ ਹਨ।

ਉਨ੍ਹਾਂ ਕਿਹਾ ਕਿ ਨੌਜਵਾਨਾਂ ਦੇ ਸਰਵਪੱਖੀ ਵਿਕਾਸ ਨੂੰ ਯਕੀਨੀ ਬਣਾਉਣ ਲਈ ਹਰ ਯਤਨ ਕੀਤੇ ਜਾ ਰਹੇ ਹਨ।

ਉਨ੍ਹਾਂ ਦੱਸਿਆ ਕਿ ਨੌਜਵਾਨਾਂ ਨੂੰ ਵਿਸ਼ੇਸ਼ ਗੁਣਾਂ ਨਾਲ ਨਿਵਾਜਿਆ ਜਾਂਦਾ ਹੈ ਅਤੇ ਉਨ੍ਹਾਂ ਵਿਚੋਂ ਇਕ ਇਹ ਹੈ ਕਿ ਉਹ ਖੇਡ ਦੌਰਾਨ ਟੀਮ ਦੀ ਭਾਵਨਾ ਪੈਦਾ ਕਰਦੇ ਹਨ, ਜੋ ਉਨ੍ਹਾਂ ਦੀ ਜ਼ਿੰਦਗੀ ਵਿਚ ਉੱਤਮ ਬਣਨ ਵਿਚ ਸਹਿਯੋਗ  ਕਰ ਸਕਦੀ ਹੈ।

ਅਜਿਹੀਆਂ ਘਟਨਾਵਾਂ ਦੇ ਖਦਸ਼ੇ ਕਾਰਨ ਜਿੰਮ ਵਾਲਿਆਂ ਨੇ ਬਹੁਤ ਵਾਰ ਸਰਕਾਰ ਨੂੰ ਬੇਨਤੀਆਂ ਵੀ ਕੀਤੀਆਂ। ਅੰਦੋਲਨ ਵੀ ਕੀਤੇ। ਧਰਨੇ ਵੀ ਦਿੱਤੇ ਪਰ ਉਹਨਾਂ ਨੂੰ ਰਾਹਤ ਨਾ ਮਿਲੀ। ਉਹਨਾਂ ਨੂੰ ਬਿਲਡਿੰਗਾਂ ਦੇ ਕਿਰਾਏ ਵੀ ਪੈਂਦੇ ਰਹੇ, ਬਿਜਲੀਆਂ ਦੇ ਬਿਲ ਵੀ ਆਉਂਦੇ ਰਹੇ ਅਤੇ ਹੋਰ ਕਈ ਤਰ੍ਹਾਂ ਦੇ ਖਰਚੇ ਵੀ ਉਠਾਉਣੇ ਪਏ।  ਜਿਹਨਾਂ ਕੋਲ ਦੋ ਦੋ ਜਿੰਮ ਸਨ ਉਹਨਾਂ ਵਿੱਚ ਕਈਆਂ ਨੂੰ ਇੱਕ ਇੱਕ ਜਿੰਮ ਬੰਦ ਵੀ ਕਰਨਾ ਪਿਆ ਅਤੇ ਜਿੰਮ ਵਾਲੀਆਂ ਮਸ਼ੀਨਾਂ ਚੁਥਾਈ ਤੋਂ ਵੀ ਘੱਟ ਰੇਟਾਂ ਤੇ ਵੇਚਣੀਆਂ ਪਈਆਂ ਤਾਂ ਕਿ ਗੁਜ਼ਾਰਾ ਚੱਲ ਸਕੇ। 

ਮੈਡਮ ਕੋਮਲ ਸ਼ਰਮਾ ਅਤੇ ਉਹਨਾਂ ਦੇ ਪਤੀ ਵਿਨੇ ਸ਼ਰਮਾ ਨੇ ਦੱਸਿਆ ਕਿ ਇਸ ਇੰਡਸਟਰੀ ਨਾਲ ਜੁੜੇ ਬਹੁਤ ਸਾਰੇ ਲੋਕ ਇਸ ਦੌਰ ਵਿੱਚ ਤਬਾਹ ਹੋ ਚੁੱਕੇ ਹਨ। ਉਹ ਕਰਜ਼ਿਆਂ ਦੇ ਭਾਰ ਹੇਠਾਂ ਏਨਾ ਦੱਬ ਚੁੱਕੇ ਹਨ ਕਿ ਦੁਬਾਰਾ ਉਭਰਨਾ ਸੌਖਾ ਨਹੀਂ ਰਿਹਾ। ਅਜਿਹੇ ਦੌਰ ਵਿੱਚ ਬਰਿੰਦਰ ਕੋਹਲੀ ਦੀ ਖ਼ੁਦਕੁਸ਼ੀ ਬਹੁਤ ਕੁਝ ਦੱਸਦੀ ਹੈ। ਲੋੜ ਹੈ ਇਸ ਇੰਡਸਟਰੀ ਨਾਲ ਜੁੜੇ ਹਰ ਪਰਿਵਾਰ ਨੂੰ ਇੱਕ ਵਾਰ ਫੇਰ ਪੈਰਾਂ ਸਰ ਕਰਨ ਦੀ ਲੋੜ ਹੈ। ਬਰਿੰਦਰ ਕੋਹਲੀ ਦੀ ਖ਼ੁਦਕੁਸ਼ੀ ਵਰਗੀਆਂ ਘਟਨਾਵਾਂ ਰੋਕਣ ਲਈ ਇਸ ਪਾਸੇ ਧਿਆਨ ਦਿੱਤਾ ਜਾਣਾ ਜ਼ਰੂਰੀ ਹੈ। 

ਲਾਕਡਾਊਨ ਦੀ ਮਾਰ ਹੇਠ ਆਈ ਜਿੰਮ ਅਤੇ ਫਿਟਨੈਸ ਇੰਡਸਟਰੀ ਨੂੰ ਬਚਾਉਣ ਲਈ ਮੈਡਮ ਕੋਮਲ ਸ਼ਰਮਾ, ਵਿਨੇ ਸ਼ਰਮਾ ਦੇ ਨਾਲ ਨਾਲ ਆਸ਼ੂ ਸੱਗੜ, ਕੁਨਾਲ ਬਜਾਜ ਅਤੇ ਵਿੱਕੀ ਨੇ ਵੀ ਸੰਘਰਸ਼ਾਂ ਵਿੱਚ ਹਿੱਸਾ ਪਾਇਆ। ਇਹਨਾਂ ਸਾਰੀਆਂ ਕੋਸ਼ਿਸ਼ਾਂ ਦੇ ਬਾਵਜੂਦ ਬਰਿੰਦਰ ਕੋਹਲੀ ਆਤਮ ਹੱਤਿਆ ਕਰ ਗਿਆ। ਸਰਕਾਰ ਨੂੰ ਹੁਣ ਤਾਂ ਇਸ ਇੰਡਸਟਰੀ ਦੇ  ਬਚਾਓ ਲਈ  ਚਾਹੀਦਾ ਹੈ!

ਪਮਾਲ ਵਿਖੇ ਫੁੱਟਬਾਲ ਟੂਰਨਾਮੈਟ ਦੇ ਜੇਤੂਆਂ ਨੂੰ ਵੀ ਸਪੋਰਟਸ ਕਿੱਟਾਂ ਵੰਡੀਆਂ

20th March 2021 at 6:33 PM

 ਨੌਜਵਾਨਾਂ ਨੂੰ  ਵਿਸ਼ੇਸ਼ ਲਾਭ ਮਿਲੇਗਾ ਸਪੋਰਟਸ ਕਿੱਟਾਂ ਤੋਂ-ਐਸ ਐਸ ਬਿੰਦਰਾ 

ਚੰਡੀਗੜ੍ਹ//ਲੁਧਿਆਣਾ: 20 ਮਾਰਚ 2021: (ਕਾਰਤਿਕਾ ਸਿੰਘ//ਪੰਜਾਬ ਸਕਰੀਨ):: 

ਜਦੋਂ ਸਿਆਸੀ ਅਤੇ ਸਮਾਜਿਕ ਹਲਕਿਆਂ ਵਿੱਚ ਨਸ਼ਿਆਂ  ਵਾਲੇ ਮੁੱਦੇ ਨੂੰ ਲੈ ਕੇ ਬਿਆਨਬਾਜ਼ੀਆਂ ਗਰਮ ਸਨ ਉਦੋਂ ਪੰਜਾਬ ਦੇ ਮੰਚ ਤੇ ਸਾਹਮਣੇ ਆਏ ਸੁਖਵਿੰਦਰ ਸਿੰਘ ਬਿੰਦਰਾ ਅਤੇ ਉਹਨਾਂ ਨੇ ਬਿਆਨਬਾਜ਼ੀਆਂ ਤੋਂ ਦੂਰ ਰਹਿੰਦਿਆਂ ਠੋਸ ਕਦਮ ਪੁੱਟ ਕੇ ਸ਼ੁਰੂ ਕੀਤਾ ਆਪਣਾ ਮਿਸ਼ਨ। ਉਹਨਾਂ ਸਪੋਰਟਸ ਕਿੱਟਾਂ ਵੰਡਣ ਦੀ ਇੱਕ ਮੁਹਿੰਮ ਚਲਾਈ। ਪੰਜਾਬ ਯੂਥ ਵਿਕਾਸ ਬੋਰਡ ਦੇ ਚੇਅਰਮੈਨ ਸੁਖਵਿੰਦਰ ਸਿੰਘ ਬਿੰਦਰਾ ਨੇ ਕਿਸੇ ਨੂੰ ਵੀ ਮੰਦਾ ਚੰਗਾ ਆਖੇ ਬਿਨਾ ਨੌਜਵਾਨਾਂ ਦੇ ਹੱਥਾਂ ਵਿਚ ਸਪੋਰਟਸ ਕਿੱਟਾਂ ਫੜਾ ਦਿੱਤੀਆਂ। ਇਹਨਾਂ ਸਪੋਰਟਸ ਕਿੱਟਾਂ ਦੇ ਜਾਦੂ ਨੇ ਨੌਜਵਾਨੀ ਦੇ ਹੱਥਾਂ ਚੋਣ ਨਸ਼ਿਆਂ ਵਾਲਿਆਂ ਚੀਜ਼ਾਂ ਸੁੱਟਵਾ ਦਿੱਤੀਆਂ। ਖੇਡਣ ਮੌਲਣ ਦਾ ਚਾਅ ਇੱਕ ਵਾਰ ਫਿਰ ਜਨੂਨ ਬਣਨ ਵਾਲੇ ਪਾਸੇ ਤੁਰਿਆ ਅਤੇ ਪੰਜਾਬ ਨੇ ਨਵੀਂ ਅੰਗੜਾਈ ਲੈਣੀ ਸ਼ੁਰੂ ਕਰ ਦਿੱਤੀ।  

ਅੱਜ ਪਿੰਡ ਪਮਾਲ ਵਿੱਚ ਵੀ ਸਪੋਰਟਸ ਕਿੱਟਾਂ ਵੰਡੀਆਂ ਗਈਆਂ। ਸ਼੍ਰੀ ਬਿੰਦਰਾ ਨੇ ਦੱਸਿਆ ਕਿ ਪੰਜਾਬ ਯੂਥ ਵਿਕਾਸ ਬੋਰਡ ਵੱਲੋਂ ਵੰਡੀਆਂ ਜਾ ਰਹੀਆਂ ਸਪੋਰਟਸ ਕਿੱਟਾਂ ਮੁੱਖ ਤੌਰ 'ਤੇ ਰਾਜ ਦੇ ਪੇਂਡੂ ਖੇਤਰਾਂ ਵਿੱਚ ਵਸਦੇ ਵੱਡੀ ਗਿਣਤੀ ਵਿੱਚ ਨੌਜਵਾਨਾਂ ਨੂੰ ਫਾਇਦਾ ਦੇਣਗੀਆਂ। ਇਹ ਗੱਲ ਅੱਜ ਉਨ੍ਹਾਂ ਪਿੰਡ ਪਮਾਲ ਵਿਖੇ ਮੁੱਖ ਮਹਿਮਾਨ ਵਜੋਂ ਇੱਕ ਫੁੱਟਬਾਲ ਟੂਰਨਾਮੈਂਟ ਵਿੱਚ ਸ਼ਾਮਲ ਹੁੰਦੇ ਹੋਏ ਕਹੀ। ਇਸ ਟੂਰਨਾਮੈਂਟ ਵਿੱਚ ਸ਼ਾਮਿਲ ਨੌਜਵਾਨਾਂ ਦੇ ਚਿਹਰਿਆਂ ਤੋਂ ਸਾਫ ਪੜ੍ਹਿਆ ਜਾ ਸਕਦਾ ਸੀ ਕਿ ਉਹਨਾਂ ਨੇ ਹੁਣ ਨਸ਼ਿਆਂ ਤੋਂ ਮੁਕਤੀ ਲੈਣ ਵਾਲੇ ਪਾਸੇ ਪੁਲਾਂਘਾਂ ਪੁੱਟਣੀਆਂ ਸ਼ੁਰੂ ਕਰ ਦਿੱਤੀਆਂ ਹਨ।  ਇਸ ਨਾਲ ਉਤਸ਼ਾਹਿਤ ਹੋਏ ਸੁਖਵਿੰਦਰ ਸਿੰਘ ਬਿੰਦ੍ਰਾ ਨੇ ਪੰਜਾਬ ਦੇ ਤੂਫ਼ਾਨੀ ਦੌਰੇ ਸ਼ੁਰੂ ਕੀਤੇ। ਸ਼ਾਇਦ ਹੀ ਪਿੰਡ ਜਾਂ ਕੋਈ ਨੁੱਕਰ ਬੱਚੀ ਹੋਵੇ ਜਿੱਥੇ ਸ਼੍ਰੀ ਬਿੰਦ੍ਰਾ ਦੇ ਉੱਦਮ ਸਦਕਾ ਸਪੋਰਟਸ ਕਿੱਟਾਂ ਨਾ ਪਹੁੰਚੀਆਂ ਹੋਣ। ਇਹਨਾਂ ਸਪੋਰਟਸ ਕਿੱਟਾਂ ਨੇ ਨੌਜਵਾਨਾਂ ਦੀ ਇੱਕ ਅਜਿਹੀ ਨਵੀਂ ਪੀੜ੍ਹੀ ਤਿਆਰ ਕਰਨੀ ਹੈ ਜਿਸਨੇ ਨਵਾਂ ਨਰੋਆ ਸਮਾਜ ਸਿਰਜਣ ਵਿੱਚ ਨਿਭਾਉਣੀ ਹੈ। 

ਪਮਾਲ ਪਿੰਡ ਵਾਲੇ ਟੂਰਨਾਮੈਂਟ ਮੌਕੇ ਸੰਬੋਧਨ ਕਰਦਿਆਂ ਚੇਅਰਮੈਨ ਸ਼੍ਰੀ ਬਿੰਦਰਾ ਪੰਜਾਬ ਸਰਕਾਰ ਦੀਆਂ ਨੀਤੀਆਂ  ਬਾਰ ਦੱਸਣਾ ਵੀ ਨਹੀਂ ਭੁੱਲੇ। ਉਹਨਾਂ ਨੇ ਕਿਹਾ ਕਿ ਕੈਪਟਨ ਅਮਰਿੰਦਰ ਸਿੰਘ ਦੀ ਅਗਵਾਈ ਵਾਲੀ ਪੰਜਾਬ ਸਰਕਾਰ ਨੌਜਵਾਨਾਂ ਵਿੱਚ ਖੇਡਾਂ ਨੂੰ ਉਤਸ਼ਾਹਤ ਕਰਨ ਲਈ ਵਚਨਬੱਧ ਹੈ ਅਤੇ ਇਸ ਲਈ ਕਈ ਯੋਜਨਾਵਾਂ ਸ਼ੁਰੂ ਕੀਤੀਆਂ ਗਈਆਂ ਹਨ। ਇਹਨਾਂ ਨੀਤੀਆਂ ਦਾ ਅਸਰ ਵੀ ਨਜ਼ਰ ਆਉਣਾ ਸ਼ੁਰੂ ਹੋ ਗਿਆ ਹੈ। ਇਸ ਮੌਕੇ ਉਨ੍ਹਾਂ ਵੱਲੋਂ ਇਸ ਟੂਰਨਾਮੈਂਟ ਦੇ ਜੇਤੂਆਂ ਨੂੰ ਸਪੋਰਟਸ ਕਿੱਟਾਂ ਵੀ ਵੰਡੀਆਂ ਗਈਆਂ।

ਉਨ੍ਹਾਂ ਕਿਹਾ ਕਿ ਇਹ ਬੜੇ ਮਾਣ ਵਾਲੀ ਗੱਲ ਹੈ ਕਿ ਰਾਜ ਦੇ ਵੱਖ-ਵੱਖ ਹਿੱਸਿਆਂ ਵਿੱਚ ਇਸ ਤਰ੍ਹਾਂ ਦੇ ਟੂਰਨਾਮੈਂਟ ਆਯੋਜਿਤ ਕੀਤੇ ਜਾ ਰਹੇ ਹਨ। ਜ਼ਿਕਰਯੋਗ ਹੈ ਕਿ ਅੱਜ ਪਮਾਲ ਪਿੰਡ ਵਾਲੇ ਇਸ ਵਿਸ਼ੇਸ਼ ਟੂਰਨਾਮੈਂਟ ਵਿੱਚ 32 ਪਿੰਡਾਂ ਦੀਆਂ ਟੀਮਾਂ ਨੇ ਭਾਗ ਲਿਆ। ਖੇਡਾਂ ਵਿੱਚ 32 ਪਿੰਡਾਂ ਦੀਆਂ ਟੀਮਾਂ ਦੇ ਸ਼ਾਮਲ ਹੋਈਂ ਤੋਂ ਸਹਿਜੇ ਹੀ ਅੰਦਾਜ਼ਾ ਲਾਇਆ ਜਾ ਸਕਦਾ ਹੈ ਕਿ ਖੇਡਾਂ  ਕਿੰਨੀ ਵੱਡੀ ਪੱਧਰ ਤੇ ਪ੍ਰਸਾਰਿਤ ਹੋ ਰਿਹਾ ਹੈ। ਸ਼੍ਰੀ ਬਿੰਦਰਾ ਨੇ ਇਸ ਸਮਾਗਮ ਦੇ ਆਯੋਜਨ ਲਈ ਯੁਵਕ ਸੇਵਾਵਾਂ ਕਲੱਬ, ਪਿੰਡ ਪਮਾਲ ਦੇ ਯਤਨਾਂ ਦੀ ਵੀ ਸ਼ਲਾਘਾ ਕੀਤੀ। ਉਮੀਦ ਕੀਤੀ ਜਾਣੀ ਚਾਹੀਦੀ ਹੈ ਕਿ ਇਹ ਸਪੋਰਟਸ ਕਿੱਟਾਂ ਸਮਾਜ ਦੇ ਸਭਨਾਂ ਵਰਗਾਂ ਤੱਕ ਪਹੁੰਚਣਗੀਆਂ। 

ਮਿਸ਼ਨ 'ਯੂਥ ਆਫ ਪੰਜਾਬ' ਅਧੀਨ ਖੇਡ ਕਿੱਟਾਂ ਵੰਡ ਦੀ ਸੁਰੂਆਤ

Tuesday: 23rd February 2021 at 8:18 PM

  ਲੁਧਿਆਣਾ ਵਿਖੇ ਦੂਜੇ ਪੜਾਅ ਤਹਿਤ ਹੋਇਆ ਵਿਸ਼ੇਸ਼ ਆਯੋਜਨ 

*ਮੁੱਖ ਮੰਤਰੀ ਦੇ ਸੀਨੀਅਰ ਸਲਾਹਕਾਰ ਲੈਫਟੀਨੈਂਟ ਜਨਰਲ ਟੀ.ਐਸ. ਸ਼ੇਰਗਿੱਲ ਵੱਲੋਂ 200 ਯੂਥ ਕਲੱਬਾਂ ਵਿੱਚ ਵੰਡੀਆਂ ਸਪੋਰਟਸ ਕਿੱਟਾਂ

*ਪੰਜਾਬ ਸੂਬਾ ਖੇਡਾਂ ਦੇ ਖੇਤਰ ਵਿੱਚ ਮੋਹਰੀ ਰੋਲ ਅਦਾ ਕਰੇਗਾ-ਸ਼ੇਰਗਿੱਲ

*ਅਗਲੇ ਪੜਾਅ 'ਚ ਸੂਬੇ ਦੇ ਸਾਰੇ 13000 ਰਜਿਸਟਰਡ ਯੂਥ ਕਲੱਬਾਂ ਨੂੰ ਸਪੋਰਟਸ ਕਿੱਟਾਂ ਮੁਹਈਆ ਕਰਵਾਈਆਂ ਜਾਣਗੀਆਂ 

ਲੁਧਿਆਣਾ: 23 ਫਰਵਰੀ 2021: (ਕਾਰਤਿਕਾ ਸਿੰਘ//ਪੰਜਾਬ ਸਕਰੀਨ)::

ਪੇਂਡੂ ਖੇਤਰਾਂ ਵਿੱਚ ਖੇਡਾਂ ਨੂੰ ਉਤਸ਼ਾਹਤ ਕਰਦਿਆਂ ਸੂਬੇ ਨੂੰ ਦੇਸ਼ ਦਾ ਸਪੋਰਟਸ ਪਾਵਰ ਹਾਊਸ ਬਣਾਉਣ ਲਈ, ਮੁੱਖ ਮੰਤਰੀ ਦੇ ਸੀਨੀਅਰ ਸਲਾਹਕਾਰ ਲੈਫਟੀਨੈਂਟ ਜਨਰਲ ਸ੍ਰੀ ਟੀ.ਐਸ. ਸ਼ੇਰਗਿੱਲ ਵੱਲੋਂ 'ਯੂਥ ਆਫ ਪੰਜਾਬ' ਮਿਸ਼ਨ ਤਹਿਤ ਦੂਜੇ ਪੜਾਅ ਦੀ ਸੁਰੂਆਤ ਕਰਦਿਆਂ ਅੱਜ ਲੁਧਿਆਣਾ ਵਿਖੇ 200 ਯੂਥ ਕਲੱਬਾਂ ਵਿੱਚ ਸਪੋਰਟਸ ਕਿੱਟਾਂ ਵੰਡੀਆਂ।

ਮਿਸ਼ਨ ਦਾ ਉਦੇਸ਼ ਦਿਹਾਤੀ ਖੇਤਰਾਂ ਦੇ ਨੌਜਵਾਨਾਂ ਨੂੰ ਖੇਡਾਂ ਲਈ ਉਤਸ਼ਾਹਿਤ ਕਰਦਿਆਂ ਉਨ੍ਹਾਂ ਦੀ ਅਸੀਮ ਊਰਜ਼ਾ ਨੂੰ ਸਹੀ ਦਿਸ਼ਾ ਪ੍ਰਦਾਨ ਕਰਨੀ ਹੈ। 

ਮੁੱਖ ਮੰਤਰੀ ਦੇ ਸੀਨੀਅਰ ਸਲਾਹਕਾਰ ਲੈਫਟੀਨੈਂਟ ਜਨਰਲ ਸ੍ਰੀ ਟੀ. ਐਸ. ਸ਼ੇਰਗਿੱਲ ਵੱਲੋਂ ਅੱਜ ਸਥਾਨਕ ਗੁਰੂ ਨਾਨਕ ਭਵਨ ਵਿਖੇ ਯੂਥ ਕਲੱਬਾਂ ਦੇ ਨੁਮਾਇੰਦਿਆਂ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਇਹ ਕਿੱਟਾਂ ਪੇਂਡੂ ਖੇਤਰਾਂ ਵਿੱਚ ਖੇਡਾਂ ਅਤੇ ਹੋਰ ਸਮਾਜਿਕ ਗਤੀਵਿਧੀਆਂ ਨੂੰ ਉਤਸ਼ਾਹਤ ਕਰਨ ਵਿੱਚ ਅਹਿਮ ਭੂਮਿਕਾ ਨਿਭਾਉਣਗੀਆਂ।

ਉਨ੍ਹਾਂ ਕਿਹਾ ਕਿ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੀ ਅਗਵਾਈ ਵਾਲੀ ਸੂਬਾ ਸਰਕਾਰ ਖੇਡਾਂ ਦਾ ਪੱਧਰ ਉੱਚਾ ਚੁੱਕਣ ਲਈ ਹਮੇਸ਼ਾਂ ਪੱਬਾਂ ਭਾਰ ਰਹੀ ਹੈ ਅਤੇ ਭਵਿੱਖ ਵਿੱਚ ਵੀ ਪੰਜਾਬ ਸੂਬਾ ਖੇਡਾਂ ਦੇ ਖੇਤਰ ਵਿੱਚ ਮੋਹਰੀ ਰੋਲ ਅਦਾ ਕਰੇਗਾ ਅਤੇ ਕਿੱਟਾਂ ਦੀ ਵੰਡ ਹੇਠਲੇ ਪੱਧਰ 'ਤੇ ਖੇਡਾਂ ਵਿਚ ਕ੍ਰਾਂਤੀ ਲਿਆਉਣ ਲਈ ਉਤਪ੍ਰੇਰਕ ਸਾਬਤ ਹੋਵੇਗੀ।

ਸੀਨੀਅਰ ਸਲਾਹਕਾਰ ਵੱਲੋਂ ਪੰਜਾਬ ਯੂਥ ਵਿਕਾਸ ਬੋਰਡ (ਪੀ.ਵਾਈ.ਡੀ.ਬੀ.) ਦੇ ਚੇਅਰਮੈਨ ਸ੍ਰੀ ਸੁਖਵਿੰਦਰ ਸਿੰਘ ਬਿੰਦਰਾ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਖੇਡਾਂ ਨੌਜਵਾਨਾਂ ਨੂੰ ਨਸ਼ਿਆਂ ਤੋਂ ਦੂਰ ਰੱਖਣਗੀਆਂ ਅਤੇ ਨੌਜਵਾਨ ਸਮਾਜ ਲਈ ਆਪਣਾ ਅਹਿਮ ਯੋਗਦਾਨ ਪਾਉਣ ਦੇ ਕਾਬਿਲ ਬਣਨਗੇ।

ਉਨ੍ਹਾਂ ਕਿਹਾ ਕਿ ਆਉਣ ਵਾਲੇ ਪੜਾਵਾਂ ਵਿੱਚ ਸੂਬੇ ਦੇ ਸਾਰੇ 13000 ਰਜਿਸਟਰਡ ਯੂਥ ਕਲੱਬਾਂ ਨੂੰ ਸਪੋਰਟਸ ਕਿੱਟਾਂ ਮੁਹੱਈਆ ਕਰਵਾਈਆਂ ਜਾਣਗੀਆਂ।

ਅੱਜ ਦੇ ਸਮਾਗਮ ਵਿੱਚ ਜ਼ਿਲ੍ਹਾ ਲੁਧਿਆਣਾ ਦੇ 200 ਯੂਥ ਕਲੱਬਾਂ, ਸਕੂਲਾਂ ਅਤੇ ਕਾਲਜਾਂ ਨੂੰ ਸਪੋਰਟਸ ਕਿੱਟਾਂ ਪ੍ਰਦਾਨ ਕੀਤੀਆਂ ਗਈਆਂ। ਅਜਿਹੇ ਸਮਾਗਮ 26 ਫਰਵਰੀ ਨੂੰ ਜਲੰਧਰ ਵਿਖੇ, 3 ਮਾਰਚ ਨੂੰ ਅੰਮ੍ਰਿਤਸਰ ਵਿਖੇ ਅਤੇ 6 ਮਾਰਚ, 2021 ਨੂੰ ਮੁਹਾਲੀ ਵਿਖੇ ਆਯੋਜਿਤ ਕੀਤੇ ਜਾਣਗੇ।

ਇਸ ਮੌਕੇ ਪੀ.ਵਾਈ.ਡੀ.ਬੀ. ਦੇ ਚੇਅਰਮੈਨ ਸ੍ਰੀ ਸੁਖਵਿੰਦਰ ਸਿੰਘ ਬਿੰਦਰਾ ਨੇ ਕਿੱਟਾਂ ਦੇ ਸਪਾਂਸਰਾਂ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਉਨ੍ਹਾਂ ਨੇ ਖੇਡਾਂ ਨੂੰ ਮੁੜ ਸੁਰਜੀਤ ਕਰਨ ਦੇ ਮਕਸਦ ਨਾਲ ਇੱਕ ਮਹਾਨ ਲਹਿਰ ਦੀ ਨੀਂਹ ਰੱਖੀ ਹੈ।

ਉਨ੍ਹਾਂ ਕਿਹਾ ਕਿ ਆਉਣ ਵਾਲੇ ਦਿਨਾਂ ਵਿੱਚ ਜਲੰਧਰ ਅਤੇ ਅੰਮ੍ਰਿਤਸਰ ਜ਼ਿਲ੍ਹਿਆਂ ਵਿੱਚ ਵੀ ਇਸੇ ਤਰ੍ਹਾਂ ਦੇ ਸਮਾਗਮ ਆਯੋਜਿਤ ਕੀਤੇ ਜਾਣਗੇ।

ਇਸ ਤੋਂ ਪਹਿਲਾਂ ਡਿਪਟੀ ਕਮਿਸ਼ਨਰ ਸ੍ਰੀ ਵਰਿੰਦਰ ਕੁਮਾਰ ਸ਼ਰਮਾ ਵੱਲੋਂ ਮੁੱਖ ਮਹਿਮਾਨ ਅਤੇ ਹੋਰ ਪਤਵੰਤਿਆਂ ਦਾ ਸਵਾਗਤ ਕੀਤਾ। ਉਨ੍ਹਾਂ ਇਕੱਠ ਨੂੰ ਪੀ.ਵਾਈ.ਡੀ.ਬੀ. ਵੱਲੋਂ ਚੁੱਕੇ ਕਦਮਾਂ ਬਾਰੇ ਵੀ ਦੱਸਿਆ।

ਮੁੱਖ ਮਹਿਮਾਨ ਵੱਲੋਂ ਹਾਈਵੇ ਇੰਡਸਟਰੀਜ਼ ਤੋਂ ਸ੍ਰੀ ਅਨਮੋਲ ਮੁੰਜਾਲ, ਸ੍ਰੀ ਉਮੇਸ਼ ਮੁੰਜਾਲ, ਏਵਨ ਸਾਈਕਲ ਤੋਂ ਸ. ਓਂਕਾਰ ਸਿੰਘ ਪਾਹਵਾ, ਹੀਰੋ ਈਕੋਟੈਕ ਤੋਂ ਸ੍ਰੀ ਵਿਜੇ ਮੁੰਜਾਲ ਅਤੇ ਸ੍ਰੀ ਗੌਰਵ ਮੁੰਜਾਲ, ਕੰਗਾਰੂ ਇੰਡਸਟਰੀ ਤੋਂ ਸ੍ਰੀ ਅਮਰੀਸ਼ ਜੈਨ, ਸੀ.ਆਈ.ਸੀ.ਯੂ. ਤੋਂ ਸ.ਉਪਕਾਰ ਸਿੰਘ ਆਹੂਜਾ ਅਤੇ ਕੇ.ਜੇ. ਫੋਰਜਿੰਗ ਤੋਂ ਸ੍ਰੀ ਗੋਪੀ ਕੋਠਾਰੀ ਅਤੇ ਸ੍ਰੀ ਅਮਿਤ ਕੋਠਾਰੀ ਨੂੰ ਸਨਮਾਨਿਤ ਕੀਤਾ ਗਿਆ।

ਇਸ ਮੌਕੇ ਪ੍ਰਮੁੱਖ ਸ਼ਖਸ਼ੀਅਤਾਂ ਵਿੱਚ ਪੀ.ਐਮ.ਆਈ.ਡੀ.ਬੀ. ਦੇ ਚੇਅਰਮੈਨ ਸ.ਅਮਰਜੀਤ ਸਿੰਘ ਟਿੱਕਾ, ਪੀ.ਐਸ.ਆਈ.ਡੀ.ਸੀ. ਦੇ ਚੇਅਰਮੈਨ ਸ੍ਰੀ ਕੇ.ਕੇ. ਬਾਵਾ, ਮੇਅਰ ਸ੍ਰੀ ਬਲਕਾਰ ਸਿੰਘ ਸੰਧੂ, ਕੌਂਸਲਰ ਸ੍ਰੀਮਤੀ ਮਮਤਾ ਆਸ਼ੂ, ਸ. ਹਰਕਰਨ ਸਿੰਘ ਵੈਦ, ਸ੍ਰੀਮਤੀ ਰਾਸ਼ੀ ਅਗਰਵਾਲ, ਡਿਪਟੀ ਕਮਿਸ਼ਨਰ ਸ੍ਰੀ ਵਰਿੰਦਰ ਕੁਮਾਰ ਸ਼ਰਮਾ, ਵਧੀਕ ਡਿਪਟੀ ਕਮਿਸ਼ਨਰ(ਵਿਕਾਸ) ਸ੍ਰੀ ਸੰਦੀਪ ਕੁਮਾਰ, ਲੈਫਟੀਨੈਂਟ ਜਨਰਲ ਸ਼ੇਰਗਿੱਲ ਦੇ ਓ.ਐਸ.ਡੀ. ਸ. ਕਰਨਵੀਰ ਸਿੰਘ, ਸ.ਸਤਿੰਦਰ ਸਿੰਘ ਹੈਰੀ ਆਹਲੂਵਾਲੀਆ, ਸ੍ਰੀ ਨਿਤਿਨ ਟੰਡਨ, ਸ੍ਰੀ ਰੋਹਿਤ ਸ਼ਰਮਾ, ਸ੍ਰੀ ਨਿਤਿਨ ਅਰੋੜਾ, ਸ੍ਰੀ ਦੇਵ ਅਗਰਵਾਲ, ਸ. ਮਨਦੀਪ ਸਾਹਨੇਵਾਲ ਤੋਂ ਇਲਾਵਾ ਕਈ ਹੋਰ ਸ਼ਾਮਲ ਸਨ।

ਪੰਜਾਬ ਚ ਖੇਡ ਸਭਿਆਚਾਰ ਹੀ ਚੜਦੀ ਜਵਾਨੀ ਨੂੰ ਬਚਾਅ ਸਕਦੈ- ਹਰਜਿੰਦਰ ਥਿੰਦ

Mar 19, 2019, 4:50 PM
ਹਰਜਿੰਦਰ ਥਿੰਦ ਕੈਨੇਡਾ 'ਚ ਮੀਡੀਆ ਦਾ ਥੰਮ ਹੈ

ਲੁਧਿਆਣਾ: 19 ਮਾਰਚ 2019: (ਪੰਜਾਬ ਸਕਰੀਨ ਬਿਊਰੋ)::

ਕੈਨੇਡਾ ਦੇ ਸਿਰਕੱਢ ਮੀਡੀਆ ਕਰਮੀ ਤੇ ਲੁਧਿਆਣਾ ਜ਼ਿਲਾ ਦੇ ਇਨਕਲਾਬੀ ਪਿੰਡ ਰਛੀਨ ਦੇ ਜੰਮਪਲ ਹਰਜਿੰਦਰ ਸਿੰਘ ਥਿੰਦ ਨੇ ਬੀਤੀ ਸ਼ਾਮ ਲੁਧਿਆਣਾ ਦੇ ਬਿਸਤਰੋ ਰੈਸਟੋਰੈਂਟ ਚ ਚੋਣਵੇਂ ਖਿਡਾਰੀਆਂ, ਲਿਖਾਰੀਆਂ, ਸਮਾਜਿਕ ਕਾਰਕੁਨਾਂ, ਸਿਰਕੱਢ ਪਰਵਾਸੀ ਪੰਜਾਬੀਆਂ ਤੇ ਲੋਕ ਗਾਇਕਾਂ ਦੇ ਭਰਵੇਂ ਇਕੱਠ ਨਾਲ ਵਿਚਾਰ ਵਟਾਂਦਰਾ ਕਰਦਿਆਂ ਕਿਹਾ ਹੈ ਕਿ ਪੰਜਾਬ ਨੂੰ ਨਸ਼ਿਆਂ ਦੇ ਚੁੰਗਲ ਚੋਂ ਕੱਢਣ ਲਈ ਖੇਡ ਸਭਿਆਚਾਰ ਦੀ ਉਸਾਰੀ ਬਹੁਤ ਜ਼ਰੂਰੀ  ਹੈ। ਉਹਨਾਂ ਕਿਹਾ ਕਿ ਨਸ਼ਾ ਵੇਚਣ ਵਾਲੇ ਲੋਕ ਦਾਨਵੀਰ ਬਣ ਕੇ ਖੇਡ ਮੇਲਿਆਂ ਦੀ ਸਰਦਾਰੀ ਨਾ ਕਰਨ ਅਤੇ ਨਾ ਹੀ ਖਿਡਾਰੀਆਂ ਨੂੰ ਵੰਨ ਸੁਵੰਨੇ ਨਸ਼ੇ ਕਰਕੇ ਖੇਡਣ ਦੀ ਇਜ਼ਾਜਤ ਦਿੱਤੀ ਜਾਵੇ। ਸ: ਥਿੰਦ ਸਰੀ(ਕੈਨੇਡਾ) ਦੇ ਰੇਡੀਓ ਰੈੱਡ ਐੱਮ ਤੇ ਟੀ ਵੀ ਚੈਨਲ ਦੇਸ ਪਰਦੇਸ ਦੇ ਪਰਮੁੱਖ ਪੇਸ਼ਕਾਰ ਹਨ।

ਸ: ਥਿੰਦ ਨੇ ਗੌਰਮਿੰਟ ਕਾਲਿਜ ਲੁਧਿਆਣਾ ਪੜ੍ਹਨ ਵੇਲੇ ਦੀਆਂ ਯਾਦਾਂ ਮਿੱਤਰਾਂ ਨਾਲ ਸਾਂਝੀਆਂ ਕਰਦਿਆਂ ਕਿਹਾ ਕਿ 1974-75 ਚ ਮੁਕਾਬਲੇਬਾਜ਼ੀ ਖੇਡ ਮੈਦਾਨ ਜਾਂ ਇਨਾਮ ਜਿੱਤਣ ਦੀ ਹੁੰਦੀ ਸੀ ਪਰ ਹੁਣ ਹਾਲਾਤ ਫ਼ਿਕਰਮੰਦੀ ਵਾਲੇ ਹਨ। 

ਭਾਰਤੀ ਵਾਲੀਬਾਲ ਟੀਮ ਦੇ ਚਾਰ ਸਾਲ ਕਪਤਾਨ ਰਹੇ ਅਰਜੁਨਾ ਐਵਾਰਡੀ ਖਿਡਾਰੀ ਸੁਖਪਾਲ ਸਿੰਘ ਪਾਲੀ ਬਰਾੜ ਨੇ ਕਿਹਾ ਕਿ ਇਸ ਗੱਲ ਚ ਕੋਈ ਏਹਲਾ ਨਹੀਂ ਕਿ ਉਲੰਪਿਕ ਚਾਰਟਰ ਤੋਂ ਬਾਹਰਲੀਆਂ ਖੇਡਾਂ ਚ ਬਹੁਤ ਕੁਝ ਇਤਰਾਜ਼ਯੋਗ ਹੋ ਰਿਹੈ ਪਰ ਇਸ ਨੂੰ ਹੁਣ ਵੀ ਸਹੀ ਨੀਤੀ ਨਿਰਧਾਰਨ ਤੇ ਸਾਫ਼ ਨੀਅਤ ਨਾਲ ਰਾਹ ਸਿਰ ਲਿਆਂਦਾ ਜਾ ਸਕਦਾ ਹੈ। 

ਭਾਰਤੀ ਪ੍ਰਸ਼ਾਸਨਿਕ ਸੇਵਾ ਦੇ ਉੱਚ ਅਧਿਕਾਰੀ ਰਹੇ ਸ: ਇਕਬਾਲ ਸਿੰਘ ਸਿੱਧੂ ਆਈ ਏ ਐੱਸ ਨੇ ਕਿਹਾ ਕਿ ਪਰਵਾਸੀ ਪੰਜਾਬੀ ਵਿਕਸਤ ਮੁਲਕਾਂ ਦੀਆਂ ਮਿਸਾਲਾਂ ਦੱਸ ਕੇ ਪੰਜਾਬ ਨੂੰ ਬੁਰਾਈ ਮੁਕਤ ਕਰ ਸਕਦੇ ਹਨ। 

 ਹਰਜਿੰਦਰ ਥਿੰਦ ਦੇ ਸਹਿਪਾਠੀ ਤੇ ਲਾਸ ਐਂਜਲਸ ਤੋਂ ਆਏ ਸਮਾਜਿਕ ਕਾਰਕੁਨ ਗੈਰੀ ਗਰੇਵਾਲ ਤੇ ਗੁਰਸ਼ਰਨ ਸਿੰਘ ਨੱਤ ਨੇ ਕਿਹਾ ਕਿ ਪੰਜਾਬ ਦੀਆਂ ਵਿਰਾਸਤੀ ਖੇਡਾਂ ਵਿੱਚੋਂ ਬੈਲ ਗੱਡੀਆਂ ਦੀ ਦੌੜ ਨੂੰ ਪੰਜ ਸਾਲਾਂ ਬਾਅਦ ਮੁੜ ਸੁਰਜੀਤ ਕਰਨ ਲਈ ਉਹ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਜੀ ਤੇ ਵਿਧਾਨ ਸਭਾ ਦਾ ਸ਼ੁਕਰਾਨਾ ਕਰਨ ਆਏ ਹਨ ਕਿਉਂਕਿ ਉਹਨਾਂ ਨੇ ਹੀ ਇਸ ਕਾਰਜ ਨੂੰ ਸਿਰੇ ਚਾੜਨ ਦਾ ਇਕਰਾਰ ਮੁੱਖ ਮੰਤਰੀ ਬਣਨ ਤੋਂ ਪਹਿਲਾਂ ਹੀ ਅਮਰੀਕਾ ਚ ਕੈਪਟਨ ਸਾਹਿਬ ਤੋਂ ਲੈ ਲਿਆ ਸੀ। 

ਲੁਧਿਆਣਾ ਜ਼ਿਲਾ ਦੇ ਪਿੰਡ ਫੱਲੇਵਾਲ ਦੇ ਜੰਮਪਲ ਸ਼੍ਰੀ ਗੈਰੀ ਗਰੇਵਾਲ ਨੇ  ਕਿਹਾ ਕਿ ਸ਼ੱਕੀ ਕਿਰਦਾਰ ਵਾਲੇ ਸਿਆਸਤਦਾਨਾਂ ਤੇ ਕਾਰਕੁਨਾਂ ਨੂੰ ਪਰਵਾਸੀ ਪੰਜਾਬੀ ਹੁਣ ਪਛਾਨਣ ਲੱਗ ਪਏ ਹਨ। 

 ਟੋਰੰਟੋ ਤੋਂ ਆਏ ਪੰਜਾਬੀ ਲੇਖਕ ਤੇ ਕੈਨੇਡਾ ਚ ਪੰਜਾਬੀ ਮੀਡੀਆ ਜਗਤ ਦੇ ਮੋਢੀ ਇਕਬਾਲ ਮਾਹਲ ਤੇ ਡਾ: ਭਾਗ ਸਿੰਘ ਚਾਹਲ ਨੇ ਆਪਣੇ ਪੁਰਾਣੇ ਸੱਜਣ ਹਰਜਿੰਦਰ ਥਿੰਦ ਨੂੰ ਸ਼ਬਦ ਭੰਡਾਰੀ, ਸਲੀਕੇਵਾਨ ਸੁਚੇਤ ਮੀਡੀਆ ਕਰਮੀ ਕਹਿ ਕੇ ਵਡਿਆਇਆ। 

ਪੰਜਾਬੀ ਸਾਹਿੱਤਕਾਰ ਸਤੀਸ਼ ਗੁਲਾਟੀ ਤੇ ਸਹਿਜਪ੍ਰੀਤ ਮਾਂਗਟ ਨੇ ਵੀ ਹਰਜਿੰਦਰ ਥਿੰਦ ਦੀ ਪੰਜਾਬੀ ਭਾਸ਼ਾ ਤੇ ਸੰਚਾਰ ਨੂੰ ਦੇਣ ਦੀ ਸ਼ਲਾਘਾ ਕੀਤੀ।

ਪੰਜਾਬੀ ਸਾਹਿੱਤ ਅਕਾਡਮੀ ਦੇ ਸਾਬਕਾ ਪ੍ਰਧਾਨ ਗੁਰਭਜਨ ਗਿੱਲ ਨੇ ਕਿਹਾ ਕਿ ਪੰਜਾਬ ਸਰਕਾਰ ਨੂੰ ਖੇਡ ਮੈਡਲਾਂ ਲਈ ਅਲੱਗ ਕੇ ਖੇਡ ਸਭਿਆਚਾਰ ਲਈ ਵੱਖ ਨੀਤੀ ਬਣਾਉਣੀ ਚਾਹੀਦੀ ਹੈ। ਵਿਸ਼ੇਸ਼ ਮੁਹਾਰਤ ਵਾਲੇ ਕੋਚਿੰਗ ਕੇਂਦਰ ਸ਼ਹਿਰਾਂ ਚ ਹੋਸਟਲ ਸਹੂਲਤਾਂ ਸਮੇਤ ਉਸਾਰਨੇ ਪੈਣਗੇ ਜਦ ਕਿ ਖੇਡ ਸਭਿਆਚਾਰ ਲਈ ਸਾਬਕਾ ਸੈਨਿਕ ਪੁਰਾਣੇ ਖਿਡਾਰੀ ਤੇ ਖੇਡ ਅਧਿਆਪਕ ਇਸ ਕੰਮ ਤੇ ਲਾਉਣੇ ਪੈਣਗੇ। 

ਉੱਘੇ ਹਾਕੀ ਖਿਡਾਰੀ ਤੇ ਖੇਡ ਪ੍ਰਬੰਧਕ ਜਗਬੀਰ ਸਿੰਘ ਗਰੇਵਾਲ ਨੇ ਸਮਾਂ ਬੱਧ ਨਤੀਜਾ ਆਧਾਰਿਤ ਖੇਡ ਨੀਤੀ ਦੀ ਵਕਾਲਤ ਕੀਤੀ।

ਉੱਘੇ ਲੋਕ ਗਾਇਕ ਸੁਰਿੰਦਰ ਸ਼ਿੰਦਾ, ਜਸਵੰਤ ਸੰਦੀਲਾ ਤੇ ਮ ਸ ਸੇਠੀ ਨੇ ਪਿਆਰੇ ਮਿੱਤਰ ਹਰਜਿੰਦਰ ਥਿੰਦ ਦੇ ਸਵਾਗਤ ਤੇ ਮਾਣ ਵਿੱਚ ਗੀਤਾਂ ਦੀ ਝੜੀ ਲਾ ਦਿੱਤੀ। ਨਗਰ ਨਿਗਮ ਲੁਧਿਆਣਾ ਦੇ ਕੌਸਲਰ ਬਲਜਿੰਦਰ ਸਿੰਘ ਬੰਟੀ, ਜੱਗੀ ਸਾਹਿਬਆਣਾ, ਰੁਪਿੰਦਰ ਸਿੰਘ ਚਾਹਲ ਵੀ ਇਸ ਮੌਕੇ ਹਾਜ਼ਰ ਸਨ। ਬਿਸਤਰੋ ਦੇ ਮੈਨੇਜਿੰਗ ਡਾਇਰੈਕਟਰ  ਬ੍ਰਿਗੇਡੀਅਰ ਸੁਰਿੰਦਰ ਸਿੰਘ ਗਿੱਲ ਨੇ ਧੰਨਵਾਦੀ ਸ਼ਬਦ ਬੋਲਦਿਆਂ ਕਿਹਾ ਕਿ ਹਰਜਿੰਦਰ ਥਿੰਦ ਦੇ ਸਵਾਗਤ ਚ ਏਨੇ ਖੇਤਰਾਂ ਦੇ ਸਿਰਕੱਢ ਵਿਅਕਤੀਆਂ ਦਾ ਜੁੜਨਾ ਸੁਭਾਗਾ ਹੈ। ਉਹਨਾਂ ਕਿਹਾ ਕਿ ਮੈਨੂੰ ਇਸ ਗੱਲ ਦਾ ਮਾਣ ਹੈ ਕਿ ਹਰਜਿੰਦਰ ਥਿੰਦ ਮੇਰਾ ਨਿੱਕਾ ਵੀਰ ਤੇ ਕੈਨੇਡਾ ਚ ਮੀਡੀਆ ਦਾ ਥੰਮ ਹੈ।

ਜਲੰਧਰ ਸਕੂਲ ਦੇ ਵਿਦਿਆਰਥੀਆਂ ਨੇ ਸਟੇਟ-ਕੁੰਗ-ਫੂ ਵਿੱਚ ਵੀ ਪਾਈਆਂ ਧੁੰਮਾਂ

ਮਾਰਸ਼ਲ ਆਰਟਸ ਨੂੰ ਹਰ ਘਰ ਤੱਕ ਪਹੁੰਚਾਉਣ ਦਾ ਸੰਕਲਪ 

ਜਲੰਧਰ: 3 ਨਵੰਬਰ 2018: (ਰਾਜਪਾਲ ਕੌਰ//ਪੰਜਾਬ ਸਕਰੀਨ)::

ਜਲੰਧਰ ਵਿੱਦਿਅਕ ਸੋਸਾਇਟੀ ਵਲੋਂ ਚੱਲ ਰਹੇ ਜਲੰਧਰ ਸਕੂਲ ਗਦਾਈਪੁਰ ਦੇ ਵਿੱਦਿਆਰਥੀਆਂ ਦੇ ਸਰਵਪੱਖੀ ਵਿਕਾਸ ਲਈ ਕੀਤੇ ਜਾ ਰਹੇ ਜਤਨਾਂ ਦੇ ਸਿੱਟੇ ਵਜੋਂ ਬੱਚੇ ਕਾਮਯਾਬੀ ਦੀ ਮੰਜਿਲ ਵੱਲ ਲਗਾਤਾਰ ਵੱਧ ਰਹੇ ਹਨ। ਇਕ ਛੋਟੇ ਜਿਹੇ ਪਿੰਡ ਵਿੱਚ ਰਹਿਣ ਵਾਲੇ ਸਾਧਾਰਨ ਜਿਹੇ ਪਰਿਵਾਰਾਂ ਦੇ ਬੱਚੇ ਖਾਸ ਕਰਕੇ ਲੜਕੀਆਂ ਮਾਰਸ਼ਲ-ਆਰਟ ਦੀ ਹਰ ਕਲਾ ਨੂੰ ਕਰਨ ਵਿੱਚ ਮਾਹਿਰ ਹੋ ਗਏ ਹਨ।  ਹੁਣ ਸਟੇਟ ਲੈਵਲ ਤੱਕ ਪਹੁੰਚ ਕੇ ਆਪਣੀ ਪ੍ਰਤਿਭਾ ਵਿਖਾ ਕੇ ਗੋਲ੍ਡ, ਸਿਲਵਰ ਅਤੇ ਕਾਂਸੇ ਵਾਲੇ ਤਮਗੇ ਅਤੇ ਸਰਟੀਫ਼ਿਕੇਟ ਹਾਸਿਲ ਕੀਤੇ ਹਨ। ਇਹਨਾਂ ਨੂੰ ਕੋਚਿੰਗ ਦੇਣ ਵਾਲੇ ਅਤੇ ਅਭਿਆਸ ਕਰਾਉਣ ਵਾਲੇ ਪ੍ਰਵੀਨ ਅਤੇ ਮੋਹੰਮਦ ਹੈਦਰ ਨੇ ਇਹਨਾਂ ਨੂੰ ਜਿੱਤ ਹਾਸਿਲ ਕਰਾਉਣ ਵਿੱਚ ਆਪਣੀ ਸਰਗਰਮ ਭੂਮਿਕਾ ਨਿਭਾਈ। ਇਹਨਾਂ ਕੋਚ ਅਧਿਆਪਕਾਂ ਦੀ ਮਿਹਨਤ ਸਦਕਾ ਜਲੰਧਰ ਸਕੂਲ ਗਦਾਈਪੁਰ ਦੇ ਦੱਸ ਬੱਚਿਆਂ ਨੇ ਸਟੇਟ ਲੈਵਲ ਤੇ ਜਿੱਤ ਪ੍ਰਾਪਤ ਕੀਤੀ। ਇਹਨਾਂ ਵਿੱਚ ਲਾਵਣਿਆ ਨਾਮ ਦੀ ਵਿਦਿਆਰਥਣ ਤਿੰਨ ਮੁਕਾਬਲਿਆਂ ਤੋਂ ਬਾਅਦ ਪਹਿਲੇ ਦਰਜੇ ਤੇ ਰਹੀ। ਇਸ ਦੇ ਨਾਲ ਹੀ ਹਰਸ਼, ਨਿਤਿਸ਼, ਚੁਟਨ, ਚੰਦਨ ਅਤੇ ਆਦਿਤਿਆ ਨੇ ਸਿਲਵਰ ਮੈਡਲ ਜਿੱਤੇ। ਵਰੁਣ, ਭੂਮਿਕਾ, ਆਸਿਫ਼ ਅਤੇ ਅਮਨ ਨੇ ਕਾਂਸੇ ਵਾਲੇ ਮੈਡਲ ਹਾਸਿਲ ਕੀਤੇ। ਅੱਜ ਸਕੂਲ ਵਿਖੇ ਜੇਤੂ ਬੱਚਿਆਂ ਨੂੰ ਸਾਰੇ ਸਟਾਫ ਵਲੋਂ ਵਧਾਈ ਦਿੱਤੀ ਗਈ ਅਤੇ ਮੁੱਖ-ਅਧਿਆਪਕਾ ਵਲੋਂ ਬੱਚਿਆਂ ਨੂੰ ਜੀਵਨ ਦੇ ਹਰ ਖੇਤਰ ਵਿੱਚ ਅੱਗੇ ਵੱਧ ਕੇ ਜਿੱਤ ਹਾਸਿਲ ਕਰਨ ਦੀ ਪ੍ਰੇਰਣਾ ਦਿੱਤੀ। ਇਸ ਮੌਕੇ ਮੈਡਮ ਮੀਨਾਕਸ਼ੀ, ਜਸਵੀਰ ਕੌਰ, ਸੰਦੀਪ ਕੌਰ, ਸੋਨਮ, ਸੇਸਾ ਸ੍ਰੇਸਠਾ, ਸੰਗੀਤਾ, ਮੀਨਾ ਕੁਮਾਰੀ, ਰਾਧਾ, ਨੀਲਮ ਪਾਲ ਅਤੇ ਸ਼ਿਵਾਨੀ ਵੀ ਮੌਜੂਦ ਰਹੇ।  

GCG ਲੁਧਿਆਣਾ ਵਿਖੇ ਅੰਗਰੇਜ਼ੀ ਸਾਹਿਤਕ ਸੋਸਾਇਟੀ

Mon, Mar 12, 2018 at 1:24 PM

ਬੀ ਏ ਦੀਆਂ ਵਿਦਿਆਰਥਣਾਂ ਨੇ ਦਿਖਾਏ ਕਲਮ ਅਤੇ ਗਾਇਕੀ ਦੇ ਕਮਾਲ 

ਲੁਧਿਆਣਾ: 13 ਮਾਰਚ 2018: (ਪੰਜਾਬ ਸਕਰੀਨ ਬਿਊਰੋ)::

ਸਰਕਾਰੀ ਕਾਲਜ ਲੜਕੀਆਂ, ਲੁਧਿਆਣਾ ਵਿਖੇ ਅੰਗਰੇਜ਼ੀ ਸਾਹਿਤਕ ਸੋਸਾਇਟੀ ਕਰਵਾਈ ਗਈ। ਜਿਸ ਵਿੱਚ ਸੰਸਥਾ ਦੇ ਕਾਰਜਕਾਰੀ ਪਿਰਿੰਸੀਪਲ ਮੈਡਮ ਸ਼ਰਨਜੀਤ ਕੌਰ ਨੇ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ। ਅੰਗਰੇਜ਼ੀ ਵਿਭਾਗ ਦੇ ਮੈਡਮ ਪਰੀਤ ਦਮਨ ਨੇ ਆਏ ਮਹਿਮਾਨਾਂ ਨੂੰ ਜੀ ਆਇਆ ਆਖਿਆ। ਇਸ ਮੌਕੇ ਤੇ ਵਿਦਿਆਰਥਣਾਂ ਦੀ ਬੋਲਣ ਪਰਤਿਭਾ ਨੂੰ ਜਾਚਣ ਲਈ ਇੱਕ ਗਰੇਟ ਓਰੇਸ਼ਨਜ਼ ਨਾਂ ਦਾ ਮੁਕਾਬਲਾ ਵੀ ਕਰਵਾਇਆ ਗਿਆ।ਇਸ ਮੌਕੇ ਤੇ ਕਾਮਰਸ ਵਿਭਾਗ ਦੇ ਮੈਡਮ ਸਰਿਤਾ ਅਤੇ ਹੋਮਸਾਇੰਸ ਵਿਭਾਗ ਦੇ ਡਾ. ਜਸਪਰੀਤ ਕੌਰ ਨੇ ਜੱਜ ਦੀ ਭੂਮਿਕਾ ਨਿਭਾਈ। ਮੁਕਾਬਲੇ ਵਿੱਚ ਕੁੱਲ 26 ਵਿਦਿਆਰਥਣਾਂ ਨੇ ਭਾਗ ਲਿਆ। ਵਿਦਿਆਰਥਣਾਂ ਨੇ ਸਵਾਮੀ ਵਿਵੇਕਾ ਨੰਦ, ਚਾਰਲੀ ਚੈਪਲਨ, ਮਿਸ਼ੇਲ ਓਬਾਮਾ, ਪ੍ਰਿਅੰਕਾ ਚੋਪੜਾ ਅਤੇ ਲਕਸ਼ਮੀ ਨਾਰਾਇਣ ਤਿਰਪਾਠੀ ਦੀ ਐਕਟਿੰਗ ਕੀਤੀ। ਬੀ.ਏ. ਭਾਗ ਪਹਿਲਾ ਦੀ ਅੰਜਲੀ ਨੇ ਸਮਾਗਮ ਵਿੱਚ ਆਪਣੀ ਸਵੈ-ਰਚਿਤ ਕਵਿਤਾ ਪੇਸ਼ ਕੀਤੀ। ਬੀ.ਏ ਭਾਗ ਪਹਿਲਾ ਦੀ ਨਿਤੀਕਾ ਅਤੇ ਬੀ.ਏ ਭਾਗ ਤੀਜਾ ਦੀ ਸੁਨੈਨਾ ਨੇ ਗੀਤ ਪੇਸ਼ ਕੀਤਾ। ਗਰੇਟ ਓਰੇਸ਼ਨਜ਼ ਮੁਕਾਬਲੇ ਦੇ ਨਤੀਜੇ ਇਸ ਪ੍ਰ੍ਕਾਰ ਹਨ:-

ਪਹਿਲਾ ਇਨਾਮ: ਚੰਦਨਾ, ਬੀ.ਏ. ਭਾਗ ਦੂਜਾ, ਅੰਕਿਤਾ ਬੀ.ਏ. ਭਾਗ ਪਹਿਲਾ ਅਤੇ ਪੂਜਾ, ਬੀ.ਏ. ਭਾਗ ਤੀਜਾ

ਦੂਜਾ ਇਨਾਮ  :ਜਪਨੀਤ,ਬੀ.ਏ. ਭਾਗ ਦੂਜਾ,ਰੀਆ, ਬੀ.ਏ.ਭਾਗ ਪਹਿਲਾ ਅਤੇ ਵਿਨਸੀ,ਬੀ.ਐਸ.ਸੀ ਭਾਗ ਪਹਿਲਾ।

ਤੀਜਾ ਇਨਾਮ:- ਗੀਤਿਕਾ, ਬੀ.ਏ.ਭਾਗ ਤੀਜਾ, ਅਨਮੋਲ, ਬੀ.ਏ.ਭਾਗ ਪਹਿਲਾ, ਦੇਵਨੂਰ, ਬੀ.ਏ.ਭਾਗ ਪਹਿਲਾ

ਸਮਾਗਮ ਦੇ ਅੰਤ ਤੇ ਮੈਡਮ ਗੁਰਜਿੰਦਰ ਕੌਰ ਨੇ ਆਏ ਹੋਏ ਮਹਿਮਾਨਾਂ ਦਾ ਧੰਨਵਾਦ ਕੀਤਾ।

  

                                                

ਪਿੰਗਲਵਾੜਾ ਸਕੂਲਾਂ ਦੀਆਂ 8ਵੀਆਂ ਯੂਨੀਫਾਈਡ ਖੇਡਾਂ: ਇੱਕ ਰਿਪੋਰਟ

ਪਿੰਗਲਵਾੜਾ 'ਚ ਸਾਹਮਣੇ ਆਉਂਦੀਆਂ ਹਨ ਸਪੈਸ਼ਲ ਬੱਚਿਆਂ ਦੀਆਂ ਖੂਬੀਆਂ

ਅੰਮ੍ਰਿਤਸਰ:: 11 ਫਰਵਰੀ 2017: (ਪੰਜਾਬ ਸਕਰੀਨ ਬਿਊਰੋ)::

ਪਿੰਗਲਵਾੜਾ ਇੱਕ ਅਜਿਹਾ ਸੰਸਥਾਨ ਹੈ ਜਿਹੜਾ ਜ਼ਿੰਦਗੀ ਦੀ ਆਸ ਉਮੀਦ ਛੱਡ ਚੁੱਕੇ ਨਿਰਾਸ਼ ਲੋਕਾਂ ਨੂੰ ਵੀ ਨਵੀਂ ਜ਼ਿੰਦਗੀ ਦੀਆਂ ਉਮੰਗਾਂ ਵਾਲੀ ਪ੍ਰੇਰਨਾ ਅਤੇ ਸ਼ਕਤੀ ਨਾਲ ਸੁਸੱਜਿਤ ਕਰਕੇ ਜ਼ਿੰਦਗੀ ਦੀ ਜੰਗ ਵਿੱਚ ਭੇਜਦਾ ਹੈ। ਇਸਦੇ ਬਾਨੀ ਭਗਤ ਪੂਰਨ ਸਿੰਘ ਨੇ ਆਖ਼ਿਰੀ ਸਾਹਾਂ ਤੀਕ ਸਾਬਿਤ ਕੀਤਾ ਕਿ ਜ਼ਿੰਦਗੀ ਹਰ ਕਦਮ ਇੱਕ ਨਈ  ਜੰਗ ਹੈ। ਉਹਨਾਂ ਦੇ ਅਕਾਲ ਚਲਾਣੇ ਮਗਰੋਂ ਵੀ ਉਹਨਾਂ ਦੀ ਇਹ ਪ੍ਰੇਰਕ ਸ਼ਕਤੀ ਪੂਰੀ ਤਰਾਂ ਸਰਗਰਮ ਹੈ। ਭਗਤ ਜੀ ਦੀ ਗੈਰ ਹਾਜ਼ਰੀ ਵਿੱਚ ਉਹਨਾਂ ਦੀ ਮੌਜੂਦਗੀ ਹੋਰ ਵਧੇਰੇ ਮਜ਼ਬੂਤ ਹੋਈ ਮਹਿਸੂਸ ਹੁੰਦੀ ਹੈ।  ਇਸਦਾ ਅਹਿਸਾਸ ਹੋਇਆ ਮਾਨਾਂਵਾਲਾ ਵਿਖੇ ਹੋਈਆਂ ਖੇਡਾਂ ਦੌਰਾਨ। 

ਪਿੰਗਲਵਾੜਾ ਸਕੂਲਾਂ ਦੀਆਂ 8ਵੀਆਂ ਯੂਨੀਫਾਈਡ ਖੇਡਾਂ ਦਾ ਉਦਘਾਟਨ ਅੱਜ ਪਿੰਗਲਵਾੜਾ ਮਾਨਾਂਵਾਲਾ ਕੰਪਲੈਕਸ ਵਿਖੇ ਹੋਇਆ। ਭਗਤ ਪੂਰਨ ਸਿੰਘ ਆਦਰਸ਼ ਸੀ. ਸੈ. ਸਕੂਲ, ਭਗਤ ਪੂਰਨ ਸਿੰਘ ਸਕੂਲ ਫਾਰ ਡੈੱਫ, ਭਗਤ ਪੂਰਨ ਸਿੰਘ ਸਪੈਸ਼ਲ ਸਕੂਲ, ਮਾਨਾਂਵਾਲਾ ਦੇ ਬੱਚਿਆਂ ਦੀਆਂ 8ਵੀਆਂ ਯੂਨੀਫਾਈਡ ਖੇਡਾਂ ਪ੍ਰਵਾਸੀ ਭਾਰਤੀ ਦੁਬਈ ਨਿਵਾਸੀ ਸ੍ਰੀ ਚੰਦਰ ਸ਼ੇਖਰ ਕੋਹਲੀ ਅਤੇ ਪਿੰਗਲਵਾੜਾ ਸੰਸਥਾ ਦੇ ਸਾਂਝੇ ਸਹਿਯੋਗ ਨਾਲ ਕਰਵਾਈਆਂ ਗਈਆਂ।

ਇੰਨ੍ਹਾਂ ਖੇਡਾਂ ਦੀ ਸ਼ੁਰੂਆਤ ਸ੍ਰੀ ਐੱਸ. ਕੇ. ਸ਼ਰਮਾ (ਰਿਟਾਇਡ ਡੀ. ਜੀ. ਪੀ.) ਨੇ ਮੁੱਖ ਮਹਿਮਾਨਾਂ ਵਜੋਂ ਸ਼ਾਮਿਲ ਹੋ ਕੇ ਕੀਤੀ। ਮੁੱਖ ਮਹਿਮਾਨ ਨੇ ਬੱਚਿਆਂ ਦੇ ਮਾਰਚ ਪਾਸਟ ਤੋਂ ਸਲਾਮੀ ਲੈ ਕੇ  ਅਤੇ ਗੁਬਾਰੇ ਛੱਡਣ ਦੀ ਰਸਮ ਨਾਲ ਖੇਡ ਸਮਾਰੋਹ ਦਾ ਉਦਘਾਟਨ ਕੀਤਾ। ਇਸ ਮੌਕੇ ਪ੍ਰਿੰਸੀਪਲ ਸ੍ਰ: ਗੁਰਦੇਵ ਸਿੰਘ ਨੇ ਆਏ ਹੋਏ ਮਹਿਮਾਨਾਂ ਨੂੰ ਜੀ ਆਇਆਂ ਆਖਦੇ ਹੋਏ ਇੰਨ੍ਹਾਂ ਖੇਡਾਂ ਦੀ ਵਿਸ਼ੇਸ਼ਤਾ ਬਾਰੇ ਦੱਸਿਆ। ਇਸ ਮੌਕੇ ਇੰਨ੍ਹਾਂ ਖੇਡਾਂ ਨੂੰ ਹਰ ਸਾਲ ਕਰਵਾਉਂਦੇ ਸ੍ਰੀ ਚੰਦਰ ਸ਼ੇਖਰ ਕੋਹਲੀ ਨੇ ਦੱਸਿਆ ਕਿ ਉਹ ਇਹ ਖੇਡਾਂ ਹਰ ਸਾਲ ਆਪਣੇ ਪਿਤਾ ਸ੍ਰੀ ਪ੍ਰੇਮ ਕੋਹਲੀ ਅਤੇ ਮਾਤਾ ਸ਼ਾਂਤੀ ਨੂੰ ਸਮਰਪਿਤ ਕਰਦੇ ਹੋਏ ਪਿੰਗਲਵਾੜਾ ਦੇ ਬੱਚਿਆਂ ਵਿਚ ਕਰਵਾਉਂਦੇ ਹਨ ਅਤੇ ਇੰਨ੍ਹਾਂ ਖੇਡਾਂ ਦਾ ਮਕਸਦ ਹੈ ਕਿ ਬੱਚਿਆਂ ਵਿਚ ਕਿਸੇ ਵੀ ਪ੍ਰਕਾਰ ਦੀ ਹੀਣ ਭਾਵਨਾ ਨੂੰ ਖ਼ਤਮ ਕਰਕੇ ਉਨ੍ਹਾਂ ਨੂੰ ਸਮਾਜ ਵਿਚ ਬਰਾਬਰ ਤੌਰ ਤੇ ਵਿਚਰਨ ਦਾ ਉਤਸ਼ਾਹ ਪੈਦਾ ਕਰਨਾ ਹੈ। ਇਸ ਮੌਕੇ ਮੁੱਖ ਮਹਿਮਾਨ ਨੇ ਆਪਣੇ ਸੰਬੋਧਨ ਵਿਚ ਕਿਹਾ ਕਿ ਅਜਿਹੀਆਂ ਖੇਡਾਂ ਨਾਲ ਬੱਚਿਆਂ ਵਿਚ ਇਕ ਨਵਾਂ ਉਤਸ਼ਾਹ ਪੈਦਾ ਹੁੰਦਾ ਹੈ ਅਤੇ ਉਨ੍ਹਾਂ ਨੇ ਕਿਹਾ ਕਿ ਸਾਨੂੰ ਅਜਿਹੇ ਸਪੈਸ਼ਲ ਬੱਚਿਆਂ ਨੂੰ ਵੀ ਕਿਸੇ ਨਾਲੋਂ ਘੱਟ ਨਹੀਂ ਸਮਝਣਾ ਚਾਹੀਦਾ। 

ਡਾ: ਇੰਦਰਜੀਤ ਕੌਰ ਨੇ ਸ੍ਰੀ ਕੋਹਲੀ ਜੀ ਦੇ ਇਸ ਉਪਰਾਲੇ ਦੀ ਤਾਰੀਫ਼ ਕਰਦੇ ਹੋਏ ਕਿਹਾ ਕਿ ਇੰਨ੍ਹਾਂ ਖੇਡਾਂ ਨਾਲ ਜਦੋਂ ਸਾਰੇ ਬੱਚੇ ਇਕੱਠੇ ਮੈਦਾਨ ਵਿਚ ਖੇਡਦੇ ਹਨ ਤਾਂ ਇੱਕ ਵੱਖਰਾ ਹੀ ਨਜ਼ਾਰਾ ਪੇਸ਼ ਹੁੰਦਾ ਹੈ। ਇਸ ਮੌਕੇ ਬੱਚਿਆਂ ਵੱਲੋਂ ਰੰਗਾਰੰਗ ਪ੍ਰੋਗਰਾਮ ਅਤੇ ਗਿੱਧਾ ਆਈਟਮ ਵੀ ਪੇਸ਼ ਕੀਤੀਆਂ ਗਈਆਂ।  ਇਸ ਮੌਕੇ ਡਾ: ਇੰਦਰਜੀਤ ਕੌਰ, ਸ੍ਰ: ਮੁਖਤਾਰ ਸਿੰਘ ਗੁਰਾਇਆ, ਡਾ: ਜਗਦੀਪਕ ਸਿੰਘ, ਮਾਸਟਰ ਰਾਜਬੀਰ ਸਿੰਘ, ਮਿਸਜ਼ ਪ੍ਰੀਤਇੰਦਰ ਕੌਰ, ਡਾ: ਇੰਦਰਜੀਤ ਕੌਰ ਰੇਨੂੰ, ਕਰਨਲ ਦਰਸ਼ਨ ਸਿੰਘ ਬਾਵਾ, ਸ੍ਰ: ਜੈ ਸਿੰਘ, ਸ੍ਰ: ਆਰ.ਪੀ. ਸਿੰਘ, ਸ੍ਰੀ ਤਿਲਕ ਰਾਜ, ਪ੍ਰਿੰਸੀਪਲ ਗੁਰਦੇਵ ਸਿੰਘ, ਪ੍ਰਿੰਸੀਪਲ ਪਦਮਨੀ ਸ੍ਰੀਵਾਸਤਵ, ਪ੍ਰਿੰਸੀਪਲ ਦਲਜੀਤ ਕੌਰ, ਸ੍ਰੀ ਯੋਗੇਸ਼ ਸੂਰੀ, ਮਿਸਜ਼ ਨਰਿੰਦਰ ਕੌਰ ਕੋਹਲੀ, ਮਿ: ਬਿੱਲਾ ਕੋਹਲੀ, ਮਿ: ਸ਼ਾਮ ਕੋਹਲੀ ਅਤੇ ਅਤੇ ਉਨ੍ਹਾਂ ਦਾ ਪਰਿਵਾਰ, ਮਿ: ਵਿਸ਼ਾਲ ਕੋਹਲੀ, ਸ੍ਰ: ਅਮਰੀਕ ਸਿੰਘ, ਮਿਸਜ਼ ਆਸ਼ਾ ਸੈਣੀ, ਸ੍ਰ: ਮਨੋਹਰ ਸਿੰਘ ਸੈਣੀ, ਮਿ: ਜਗਦੀਸ਼ ਬੰਸਲ, ਸ੍ਰੀ ਜੋਗਿੰਦਰ ਪਾਲ ਢੀਂਗਰਾ ਆਦਿ ਹਾਜ਼ਰ ਸਨ। ਪ੍ਰੋਗਰਾਮ ਦੇ ਅੰਤ ਵਿਚ ਡਾ: ਇੰਦਰਜੀਤ ਕੌਰ ਜੀ ਨੇ ਆਏ ਹੋਏ ਮਹਿਮਾਨਾਂ ਦਾ ਧੰਨਵਾਦ ਕੀਤਾ। ਇਸ ਮੌਕੇ ਟਰਾਈ ਸਾਈਕਲ 25 ਮੀਟਰ ਰੇਸ ਵਿੱਚ ਚੇਤਨ ਨੇ ਪਹਿਲਾ, ਕਾਕੂ ਨੇ ਪਹਿਲਾ, ਪੰਕਜ ਨੇ ਦੂਜਾ, ਬਨਾਨਾ ਈਟਿੰਗ ਵਿਚ ਸਚਿਨ ਨੇ ਪਹਿਲਾ, ਗਗਨ ਅਤੇ ਪਿਊਸ਼ ਨੇ ਦੂਜਾ, ਰਾਸ਼ੀ ਨੇ ਤੀਸਰਾ ਸਥਾਨ ਹਾਸਿਲ ਕੀਤਾ। ਉਮੀਦ ਕਰਨੀ ਚਾਹੀਦੀ ਹੈ ਕਿ ਅਜਿਹੇ ਖੇਡ ਮੁਕਾਬਲੇ ਜਿੱਥੇ ਨਸ਼ਿਆਂ ਵਿੱਚ ਗਲਤਾਨ ਜਵਾਨੀ ਨੂੰ ਇੱਕ ਨਵੀਂ ਸੇਧ ਦੇਣਗੇ ਉੱਥੇ ਸਿਆਸੀ ਝਗੜਿਆਂ ਵਿੱਚ ਉਲਝੇ ਲੋਕਾਂ ਨੂੰ ਵੀ ਖੇਡ ਭਾਵਨਾ ਦੀ ਅਹਿਮੀਅਤ ਦੱਸਣ ਵਿੱਚ ਸਫਲ ਹੋਣਗੇ। 

  

ਇੱਕ ਇੱਕ ਵੋਟਰ ਨਾਲ ਪਰਿਵਾਰਿਕ ਮੈਂਬਰਾਂ ਵਾਂਗ ਮਿਲ ਰਹੀ ਸਤਵਿੰਦਰ ਬਿੱਟੀ

ਸੰਗੀਤਕ ਅੰਦਾਜ਼ ਦੇ ਨਾਲ ਨਾਲ ਤੱਥਾਂ ਅਤੇ ਅੰਕੜਿਆਂ ਦਾ ਵੀ ਹਵਾਲਾ

ਲੁਧਿਆਣਾ: 1 ਫ਼ਰਵਰੀ 2017: (ਪੰਜਾਬ ਸਕਰੀਨ ਬਿਊਰੋ): For more pics please click here

ਵਿਧਾਨ ਸਭਾ ਹਲਕਾ ਸਾਹਨੇਵਾਲ ਤੋਂ ਕਾਂਗਰਸੀ ਉਮੀਦਵਾਰ ਸਤਵਿੰਦਰ ਕੌਰ ਬਿੱਟੀ ਦੀ ਪ੍ਰਚਾਰ ਮੁਹਿੰਮ ਸਿਖਰਾਂ ਉੱਤੇ ਹੈ। ਲੋਕ ਥਾਂ ਥਾਂ ਸਵਾਗਤ ਕਰ ਰਹੇ ਹਨ ਅਤੇ ਬੜੀ ਹੀ ਗਰਮਜੋਸ਼ੀ ਨਾਲ। ਮੈਡਮ ਬਿੱਟੀ ਨੂੰ ਆਪਣੇ ਗੀਤਾਂ ਅਤੇ ਸ਼ਬਦਾਂ ਦੇ ਨਾਲ ਨਾਲ ਅਕਾਲੀ-ਭਾਜਪਾ ਰਾਜ ਦੌਰਾਨ ਹੋਈਆਂ ਵਧੀਕੀਆਂ ਦਾ ਵੇਰਵਾ ਵੀ ਯਾਦ ਹੈ ਅਤੇ ਉਹ ਤੱਥਾਂ ਅਤੇ ਅੰਕੜਿਆਂ ਨਾਲ। ਕਿਸ ਕਿਸ 'ਤੇ ਪਰਚਾ ਹੋਇਆ  ਇਹ ਸਭ ਬਿੱਟੀ ਮੈਡਮ ਨੂੰ ਜ਼ੁਬਾਨੀ ਯਾਦ ਹਨ।  ਕੈਪਟਨ ਦੇ ਅੰਦਾਜ਼ ਵਾਲੀ ਸੁਰ ਵਿੱਚ ਉਹਨਾਂ  ਕਿਹਾ ਕਿ ਪਿਛਲੇ ਸਮੇਂ ਦੌਰਾਨ ਕਾਂਗਰਸੀਆਂ ਨਾਲ ਜਿੰਨ੍ਹੀਆਂ ਵੀ ਵਧੀਕੀਆਂ ਹੋਈਆਂ ਹਨ, ਦਾ ਸਰਕਾਰ ਬਣਦਿਆਂ ਸਾਰ ਹੀ ਬਦਲਾ ਲਿਆ ਜਾਵੇਗਾ ਅਤੇ ਜਿਹੜੇ ਵੀ ਵਿਅਕਤੀਆਂ ਨੇ ਅਜਿਹਾ ਕੀਤਾ ਹੈ, ਉਨ੍ਹਾਂ ਨੂੰ ਸਖ਼ਤ ਸਜਾ ਦੁਆਈ ਜਾਵੇਗੀ। ਕੌਂਸਲਰ ਪਾਲ ਸਿੰਘ ਗਰੇਵਾਲ ਦੀਆਂ ਖਰੀਆਂ ਖਰੀਆਂ ਮਾਹੌਲ ਨੂੰ ਹੋਰ ਗਰਮ ਰਹੀਆਂ ਸਨ। ਕੌਂਸਲਰ ਪਤੀ ਬਲਵਿੰਦਰ ਸਿੰਘ ਲਾਲੀ ਗਰੇਵਾਲ ਵਲੋਂ ਅਤੇ ਉਹਨਾਂ ਦੇ ਹੀ ਹੋਰਨਾਂ ਸਾਥੀਆਂ ਵੱਲੋਂ ਕਲੀਆਵਾਲ ਤੇ ਜਮਾਲਪੁਰ ਦੀ ਸਰਪੰਚ ਕਲੋਨੀ ਵਿਖੇ ਚੋਣ ਮੀਟਿੰਗਾਂ ਨੂੰ ਸੰਬੋਧਨ ਕਰਦਿਆਂ ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਨੂੰ ਬੜਾ ਹੀ ਦੁੱਖ ਹੋ ਰਿਹਾ ਹੈ ਕਿ ਪਿਛਲੇ ਸਮੇਂ ਦੌਰਾਨ ਹਲਕਾ ਸਾਹਨੇਵਾਲ ਦੇ ਵਿਚ ਅਮਨ-ਸ਼ਾਂਤੀ ਦੇ ਨਾਲ ਵਿਕਾਸ ਹੋਣ ਦੀ ਬਜਾਏ ਮੰਤਰੀ ਨੇ ਲੋਕਾਂ 'ਤੇ ਝੁੂਠੇ ਪਰਚੇ ਕਰਨ ਦੀ ਸਿਆਸਤ ਕੀਤੀ ਹੈ, ਜਿਸ ਕਰਕੇ ਅੱਜ ਹਲਕੇ ਦੇ ਲੋਕ ਆਪਣੇ 'ਤੇ ਪਏ ਝੁੂਠੇ ਪਰਚਿਆਂ ਦਾ ਬਦਲਾ ਲੈਣ ਲਈ ਪੱਬਾਂ ਭਾਰ ਹੋਏ ਪਏ ਹਨ। ਮੈਡਮ ਬਿੱਟੀ ਨੇ ਕਿਹਾ ਕਿ ਮੈਂ ਸਿਆਸਤ ਵਿਚ ਪ੍ਰਵੇਸ਼ ਪੈਸੇ ਕਮਾਉਣ ਦੀ ਬਜਾਏ ਸਿਰਫ਼ ਲੋਕਾਂ ਦੀ ਸੇਵਾ ਕਰਨ ਦੇ ਲਈ ਹੀ ਕੀਤਾ ਹੈ। ਉਹਨਾਂ ਯਾਦ ਕਰਾਇਆ ਕਿ ਮੇਰੀ ਪੜ੍ਹਾਈ ਤਾਂ ਵਜ਼ੀਫ਼ਿਆਂ ਨਾਲ ਹੋਈ ਜਿਸ ਤੇ ਮੇਰਾ ਖਰਚਾ ਨਹੀਂ ਆਇਆ ਪਾਰ ਬਾਕੀ ਧੀਆਂ ਦੀ ਪੜ੍ਹਾਈ ਬਾਰੇ ਕੀ ਹੋਇਆ ਹੈ ਹੁਣ ਤੱਕ ਇਸ ਰਾਜ ਵਿੱਚ?    For more pics please click here

ਚੋਣਾਂ ਵਿੱਚ ਉਤਰੀ ਆਮ ਆਦਮੀ ਪਾਰਟੀ ਦਾ ਵੀ ਉਹਨਾਂ ਖੁੱਲ੍ਹ ਕੇ ਜ਼ਿਕਰ ਕੀਤਾ। ਉਨ੍ਹਾਂ ਕਿਹਾ ਕਿ ਆਮ ਆਦਮੀ ਹੋਣ ਦਾ ਰੌਲਾ ਪਾਉਣ ਵਾਲਿਆਂ ਨੇ ਟਿਕਟਾਂ ਪੈਸੇ ਲੈ ਕੇ ਵੰਡੀਆਂ ਹਨ ਅਤੇ ਪੈਸੇ ਦੇ ਕੇ ਟਿਕਟਾਂ ਲੈਣ ਵਾਲੇ ਜਿੱਤਣ ਤੋਂ ਬਾਅਦ 100 ਫੀਸਦੀ ਭ੍ਰਿਸ਼ਟਾਚਾਰ ਕਰਨਗੇ ਹੀ ਕਰਨਗੇ। ਉਨ੍ਹਾਂ ਕਿਹਾ ਕਿ ਹਲਕਾ ਸਾਹਨੇਵਾਲ ਤੋਂ ਆਪ ਦੇ ਉਮੀਦਵਾਰ ਤੇ ਉਨ੍ਹਾਂ ਦੇ ਪਰਿਵਾਰ ਦਾ ਕਿਰਦਾਰ ਸਾਰਿਆਂ ਨੂੰ ਪਤਾ ਹੀ ਹੈ।   For more pics please click here

ਲੋਕਾਂ ਦਾ ਇਕੱਠ ਸਖਤ ਸਰਦੀ ਦੇ ਬਾਵਜੂਦ ਬੜਾ ਭਰਵਾਂ ਸੀ। ਇਲਾਕੇ ਦੇ ਨਾਲ ਨਾਲ ਲੋਕ ਦੂਰ ਦੁਰਾਡਿਓਂ  ਵੀ ਪੁੱਜੇ ਹੋਏ ਸਨ। ਇਸ ਮੌਕੇ ਤੇ ਕੌਂਸਲਰ ਗਰੇਵਾਲ ਨੇ ਕਿਹਾ ਕਿ ਜਮਾਲਪੁਰ ਸਫੈਦਿਆਂ ਵਿਚ ਡਰੀਮ ਪਾਰਕ ਬਣਾਉਣ ਦੇ ਨਾਮ 'ਤੇ ਮੰਤਰੀ ਨੇ ਵੱਡਾ ਘਪਲਾ ਕੀਤਾ ਹੈ, ਜਿਸ ਦੀ ਵੋਟਾਂ ਤੋਂ ਬਾਅਦ ਕਾਂਗਰਸ ਸਰਕਾਰ ਬਣਨ 'ਤੇ ਉਹ ਪੜਤਾਲ ਜ਼ਰੂਰ ਕਰਵਾਉਣਗੇ। ਉਹਨਾਂ ਮੰਤਰੀ ਅਤੇ ਉੱਪ ਮੁੱਖ ਮੰਤਰੀ ਦੇ ਸੰਬੰਧਾਂ ਬਾਰੇ ਵੀ ਕਾਫੀ ਕੁਝ ਕਿਹਾ ਅਤੇ ਸੁਆਲ ਕੀਤਾ ਕਿ ਆਖਿਰ ਕਿ ਕਾਰਨ ਹੈ ਮੰਤਰੀ ਜੋ ਵੀ ਕਹਿੰਦਾ ਹੈ ਉਸ ਉੱਤੇ ਝੱਟ ਦਸਖਤ ਕਰ ਦਿੱਤੇ ਜਾਂਦੇ ਹਨ? ਇਸ ਮੌਕੇ ਤੇ ਨਸ਼ਿਆਂ ਦੇ ਖਿਲਾਫ ਬੇਲਣ ਬ੍ਰਿਗੇਡ ਦੀ ਬਸ ਯਾਤਰਾ ਵੀ ਉਧਰ ਹੀ ਕਿਤੇ ਆ ਨਿਕਲੀ। ਹਾਲਾਤ ਇੱਕ ਵਾਰੀ ਤਾਂ ਨਾਜ਼ੁਕ ਜਿਹੀ ਬਣਦੇ ਦਿਖੇ ਪਰ ਮੈਡਮ ਬਿੱਟੀ ਨੇ ਬੇਲਣ ਬ੍ਰਿਗੇਡ ਦੀਆਂ ਮੈਂਬਰਾਂ ਨੂੰ ਬੜੀ ਹੀ ਗਰਮਜੋਸ਼ੀ ਨਾਲ ਜੀ ਆਇਆਂ ਆਖਿਆ ਅਤੇ ਨਸ਼ੇ ਦੇ ਖਿਲਾਫ ਜੰਗ ਵਿੱਚ ਸਰਗਰਮ ਸਹਿਯੋਗ ਦਾ ਆਪਣਾ ਭਰੋਸਾ ਵੀ ਦੁਹਰਾਇਆ। ਇਸ ਮੌਕੇ ਜਸਪਾਲ ਸਿੰਘ ਗਰੇਵਾਲ, ਪ੍ਰਿਤਪਾਲ ਸਿੰਘ ਗਰੇਵਾਲ, ਰਮਨੀਤ ਸਿੰਘ ਗਿੱਲ, ਸ਼ਿੰਗਰਾ ਸਿੰਘ ਮੰਗਲੀ,ਰਵਿੰਦਰ ਸਿੰਘ ਸੋਨੂੰ, ਗੁਰਦੀਪ ਸਿੰਘ ਦਿਓਲ, ਹਰਿੰਦਰ ਸਿੰਘ ਘਈ, ਸਤਨਾਮ ਸਿੰਘ ਸੱਤਾ ਆਦਿ ਹਾਜ਼ਰ ਸਨ। ਕਾਂਗਰਸੀ ਵਰਕਰਾਂ ਖਿਲਾਫ ਹੋਏ ਪਰਚਿਆਂ ਦੀ ਜ਼ੋਰਦਾਰ ਚਰਚਾ ਦੌਰਾਨ ਅਤੇ ਇਹਨਾਂ ਪਰਚਿਆਂ ਦਾ ਹਿਸਾਬ ਕਿਤਾਬ ਕਰਨ ਦੀਆਂ ਗੱਲਾਂ ਵੀ ਬਹੁਤ ਹੋਈਆਂ ਪਰ ਦੇਖਣਾ ਇਹ ਹੈ ਕਿ ਗੈਰ ਕਾਂਗਰਸੀ ਵਰਕਰ ਆਪਣੀਆਂ ਵਧੀਕੀਆਂ ਦਾ ਬਦਲਾ ਅਤੇ ਇਨਸਾਫ ਲੈਣ ਲਈ ਕਿੱਧਰ ਜਾਣਗੇ?  ਸਿਆਸਤ ਅਤੇ ਗੁੱਟਬੰਦੀਆਂ ਤੋਂ  ਉੱਠ ਕੇ ਸਭਨਾਂ ਲਈ ਇਨਸਾਫ ਅਤੇ ਮੁਢਲੀਆਂ ਸਹੂਲਤਾਂ  ਵਾਲਾ ਸਿਸਟਮ ਇਹਨਾਂ ਚੋਣਾਂ ਦੇ ਨਤੀਜਿਆਂ ਮਗਰੋਂ ਬਣ ਸਕੇਗਾ?   For more pics please click here

ਸ੍ਰੀ ਮੁਕਤਸਰ ਸਾਹਿਬ ਵਿਖੇ ਲੜਕੀਆਂ ਦੀ ਪਿੰਕ ਮੈਰਾਥਾਨ ਜਾਗਰੂਕ ਰੈਲੀ

Sat, Mar 12, 2016 at 1:12 PM

ਲੜਕੀਆਂ ਕਿਸੇ ਵੀ ਖੇਤਰ ਵਿੱਚ ਲੜਕਿਆਂ ਦੇ ਮੁਕਾਬਲੇ ਘੱਟ ਨਹੀਂ-- DC

ਸ੍ਰੀ ਮੁਕਤਸਰ ਸਾਹਿਬ, 12 ਮਾਰਚ 2016:: (ਪੰਜਾਬ ਸਕਰੀਨ ਬਿਊਰੋ):

ਲੜਕੀਆਂ ਨੂੰ ਖੇਡਾ ਪ੍ਰਤੀ ਉਤਸਾਹਿਤ ਕਰਨ ਅਤੇ ਮਾਤਾ ਪਿਤਾ ਨੂੰ ਲੜਕੀਆਂ ਪ੍ਰਤੀ ਸੁਚਾਰੂ ਸੋਚ ਅਪਨਾਉਣ ਦਾ ਸੁਨੇਹਾ ਦੇ ਲਈ ਸ੍ਰੀ ਮੁਕਤਸਰ ਸਾਹਿਬ ਵਿਖੇ ਲੜਕੀਆਂ ਦੀ ਪਿੰਕ ਮੈਰਾਥਾਨ ਜਾਗਰੂਕ ਦੌੜ ਦਾ ਆਯੋਜਨ ਕੀਤਾ ਜਿਸ ਨੂੰ ਡਾ. ਸੁਮੀਤ ਜਾਰੰਗਲ ਡਿਪਟੀ ਕਮਿਸ਼ਨਰ ਸ੍ਰੀ ਮੁਕਤਸਰ ਸਾਹਿਬ ਨੇ ਰੈਡ ਕਰਾਸ ਭਵਨ ਸ੍ਰੀ ਮੁਕਤਸਰ ਸਾਹਿਬ ਤੋਂ ਝੰਡੀ ਦੇ ਕੇ ਰਵਾਨਾ ਕੀਤਾ। ਇਸ ਮੌਕੇ ਤੇ ਸ੍ਰੀ ਕੁਲਦੀਪ ਸਿੰਘ ਚਾਹਲ ਐਸ.ਐਸ.ਪੀ., ਸ੍ਰੀ ਕੁਲਜੀਤਪਾਲ ਸਿੰਘ ਮਾਹੀ ਐਡੀਸ਼ਨਲ ਡਿਪਟੀ ਕਮਿਸ਼ਨਰ ਜਨਰਲ, ਸ੍ਰੀ ਕੁਲਵੰਤ ਸਿੰਘ ਐਡੀਸ਼ਨਲ  ਡਿਪਟੀ ਕਮਿਸ਼ਨਰ ਵਿਕਾਸ, ਮੈਡਮ ਸਾਕਸ਼ੀ ਸਾਹਨੀ ਪ੍ਰੋਜੈਕਟ ਇੰਚਾਰਜ ਕਮ ਏ.ਸੀ.ਯੂ.ਟੀ, ਡਾ.ਸ਼ਿਵਾਨੀ ਨਾਗਪਾਲ ਜਿਲਾ ਬਲਾ ਸੁਰੱਖਿਆ ਅਫਸਰ ਤੋਂ ਇਲਾਵਾ ਸ੍ਰੀ ਮੁਕਤਸਰ ਸਾਹਿਬ ਜਿਲੇ ਦੇ ਵੱਖ-ਵੱਖ  ਸਕੂਲਾਂ  ਕਾਲਜਾਂ ਦੀਆਂ ਵਿਦਿਆਰਥਣਾ ਮੌਜੂਦ ਸਨ। 

ਇਸ ਮੌਕੇ ਤੇ ਆਪਣੇ ਵਿਚਾਰ ਪ੍ਰਗਟ ਕਰਦਿਆਂ ਕਿਹਾ ਕਿ ਸ੍ਰੀ ਮੁਕਸਤਰ ਸਾਹਿਬ ਜਿਲੇ ਵਿੱਚ ਲੜਕੀਆਂ ਦੀ ਘੱਟ ਰਹੀ ਗਿਣਤੀ ਨੂੰ ਬਚਾਉਣ ਲਈ ਜਿਲਾ ਪ੍ਰਸ਼ਾਸਨ ਵਲੋਂ ਬੇਟੀ ਬਚਾਓ - ਬੇਟੀ ਪੜਾਓ ਤਹਿਤ  ਸਪੈਸ਼ਲ ਵੋਮੈਨ ਵੀਕ ਡੇ ਮਨਾਇਆ ਗਿਆ ਹੈ। ਉਹਨਾਂ ਅੱਗੇ ਕਿਹਾ ਕਿ ਅੱਜ ਦੀਆਂ ਲੜਕੀਆਂ ਲੜਕਿਆਂ ਨਾਲੋਂ ਕਿਸੇ ਵੀ ਖੇਤਰ ਭਾਵ ਪੜਾਈ ਲਿਖਾਈ ਅਤੇ ਨੌਕਰੀ ਪੇਸ਼ਾਂ ਵਿੱਚ ਘੱਟ ਨਹੀਂ ਹਨ ਅਤੇ ਜੀਵਨ ਦੇ ਹਰ ਖੇਤਰ ਵਿੱਚ ਤਰੱਕੀ ਦੀਆਂ ਮੰਜ਼ਿਲਾਂ ਨੂੰ ਛੂਹ ਰਹੀਆਂ ਹਨ  ਅਤੇ ਆਪਣੇ ਮਾਤਾ ਪਿਤਾ ਦਾ ਨਾਮ ਰੋਸ਼ਨ ਕਰ ਰਹੀਆਂ ਹਨ। ਉਹਨਾਂ ਅੱਗੇ ਕਿਹਾ ਕਿ ਇਸ ਪਿੰਕ ਮੈਰਾਥਾਨ ਜਾਗਰੂਕ ਰੈਲੀ ਦਾ ਮੁੱਖ ਮਕਸਦ ਨਾਰੀ ਸ਼ਕਤੀ ਨੂੰ ਮਜਬੂਤ ਬਨਾਉਣ  ਅਤੇ ਮਾਪਿਆਂ ਦੀ ਸੋਚ ਨੂੰ ਲੜਕੀਆਂ ਪ੍ਰਤੀ ਬਦਲਣ ਲਈ ਆਯੋਜਿਤ ਕੀਤੀ ਗਈ ਹੈ ਤਾਂ ਜੋ ਲੜਕੀਆਂ ਦੇ ਮਾਤਾ ਪਿਤਾ ਉਹਨਾਂ ਨਾਲ ਕਿਸੇ ਵੀ ਤਰਾਂ ਮਤਭੇਦ ਨਾ ਕਰਨ ਅਤੇ ਲੜਕੀਆਂ ਨੂੰ ਵੀ ਆਪਣੇ ਪੁੱਤਰਾਂ ਦੀ ਤਰਾਂ ਪੂਰਾ ਮਾਣ ਸਤਿਕਾਰ ਦੇ ਸਕਣ।  ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕਿ ਸ੍ਰੀ ਮੁਕਤਸਰ ਸਾਹਿਬ ਜਿਲੇ ਦੇ ਉਹਨਾਂ 20 ਪਿੰਡਾਂ ਵਿੱਚ ਜਿੱਥੇ ਲੜਕੀਆਂ ਦੀ ਗਿਣਤੀ ਲੜਕਿਆਂ ਦੇ ਮੁਕਾਬਲੇ ਸਭ ਤੋਂ ਘੱਟ ਹੈ ਅਤੇ ਜਿਹਨਾਂ ਦੇ ਇੱਕ ਜਾਂ ਦੋ ਲੜਕੀਆਂ ਹਨ, ਜਿਲਾ ਪ੍ਰਸ਼ਾਸਨ ਵਲੋਂ ਉਹਨਾਂ ਦੇ ਮਾਪਿਆ ਨੂੰ ਪਿੰਕ ਕਾਰਡ ਬਣਾ ਕੇ ਦਿੱਤੇ ਜਾਂ ਰਹੇ ਹਨ ਤਾਂ ਜੋ ਉਹਨਾਂ ਨੂੰ ਸਰਕਾਰੀ ਦਫਤਰਾਂ ਖਾਸ ਕਰਕੇ ਡਿਪਟੀ ਕਮਿਸ਼ਨਰ ਦਫਤਰ,ਐਸ.ਐਸ.ਪੀ. ਅਤੇ ਐਸ.ਡੀ.ਐਮਜ਼ ਦਫਤਰਾਂ ਵਿੱਚ ਸਰਕਾਰੀ ਕੰਮ ਕਰਵਾਉਣ ਸਮੇਂ ਕੋਈ ਪ੍ਰੇਸ਼ਾਨੀ ਨਾ ਆਵੇੇ। 

ਇਸ ਮੌਕੇ ਤੇ ਡਿਪਟੀ ਕਮਿਸ਼ਨਰ ਨੇ ਮੈਰਾਥਾਨ ਦੌੜ ਵਿੱਚ ਭਾਗ ਲੈਣ ਵਾਲੀਆਂ ਲੜਕੀਆਂ ਨੂੰ ਵਧਾਈ ਦਿੱਤੀ ਅਤੇ ਇਸ ਰੈਲੀ ਵਿੱਚ ਪਹਿਲੇ,ਦੂਜੇ ਅਤੇ ਤੀਸਰੇ ਸਥਾਨ ਤੇ ਆਉਣ ਵਾਲੀਆਂ ਲੜਕੀਆਂ ਅਮਨਦੀਪ ਕੌਰ, ਦਿਵਜੋਤ ਕੌਰ ਅਤੇ ਅਮਰੀਤ ਕੌਰ ਨੂੰ ਕਰਮਵਾਰ ਪੰਜ ਹਜ਼ਾਰ ਰੁਪਏ, ਤਿੰਨ ਹਜ਼ਾਰ ਰੁਪਏ ਅਤੇ ਦੋ ਹਜ਼ਾਰ ਰੁਪਏ ਦਾ ਨਕਦ ਇਨਾਮ ਦਿੱਤਾ ਗਿਆ। ਇਸ ਤੋਂ ਇਲਾਵਾ ਚੋਥੇ ਤੋਂ ਦਸਵੇਂ ਸਥਾਨ ਤੱਕ ਦੀਆਂ ਲੜਕੀਆਂ ਨੂੂੰ ਮੱਗ ਦਿੱਤੇ ਗਏ। ਇਸ ਰੈਲੀ ਵਿੱਚ ਸਿਮਰਨਜੀਤ ਕੌਰ, ਰਮਨਦੀਪ ਕੌਰ ਅਤੇ ਮਹਿੰਦਰ ਕੌਰ ਔਰਤਾਂ ਨੇ ਵੀ ਭਾਗ ਲਿਆਂ । 

ਇਸ ਮੌਕੇ ਤੇ ਆਪਣੇ ਵਿਚਾਰ ਪ੍ਰਗਟ ਕਰਦਿਆਂ ਮੈਡਮ ਸ਼ਾਕਸੀ ਸਾਹਨੀ ਨੇ ਲੜਕੀਆਂ ਨੂੰ ਵਧਾਈ ਦਿੱਤੀ ਕਿ ਜਿਹਨਾਂ ਨੇ ਪੈਂਦੇ ਮੀਂਹ ਵਿੱਚ ਭਾਗ ਲਿਆਂ ਅਤੇ ਰੈਲੀ ਨੂੰ ਕਾਮਯਾਬ ਕੀਤਾ। ਉਹਨਾਂ ਸਟੇਟ ਬੈਂਕ ਆਫ ਇੰਡੀਆਂ ਦੀ ਇਨਸੋਰੈਂਸ ਕੰਪਨੀ  ਅਤੇ ਵੱਖ-ਵੱਖ ਵਿਭਾਗਾਂ ਦਾ ਵੀ ਉਚੇਚੇ ਤੌਰ ਤੇ ਧੰਨਵਾਦ ਜਿਹਨਾਂ ਨੇ ਇਸ ਮੈਰਾਥਾਨ ਦੌੜ ਸਫਲਤਾਂ ਪੂਰਵਕ ਨੇਪਰੇ ਚੜਾਉਣ ਲਈ ਜਿਲਾ ਪ੍ਰਸ਼ਾਸਨ ਨੂੰ ਪੂਰਾ ਸਹਿਯੋਗ ਦਿੱਤਾ । ਇਸ ਰੈਲੀ ਵਿੱਚ ਖਾਸ਼ ਖਿੱਚ ਦਾ ਕੇਂਦਰ ਇਹ ਸੀ ਕਿ ਰੈਲੀ ਵਿੱਚ ਪੈਂਦੇ ਮੀਂਹ ਵਿੱਚ ਲੜਕੀਆਂ ਜਿਲਾ ਰੈਡ ਕਰਾਸ ਭਵਨ ਤੋਂ ਵਾਇਆ ਕੋਟਕਪੂਰਾ ਰੋਡ ਤੋਂ ਗੁਰੂ ਗੋਬਿੰਦ ਸਿੰਘ ਖੇਡ ਸਟੇਡੀਅਮ ਤੱਕ ਪਹੁੰਚੀਆਂ ਅਤੇ ਆਪਣੀ ਮੰਜਿਲ ਨੂੰ ਸਰ ਕੀਤਾ ਅਤੇ ਜਿੱਥੇ ਉਹਨਾਂ ਨੂੰ ਉਚੇਚੇ ਤੌਰ ਤੇ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਤੇ ਜਿਲਾ ਖੇਡ ਅਫਸਰ ਸ੍ਰੀ ਸੁਨੀਲ ਕੁਮਾਰ, ਡਾ. ਨਰੇਸ਼ ਪਰੂਥੀ ਕੋਆਰਡੀਨੇਟਰ ਸਮਾਜ ਸੇਵੀ ਸੰਸਥਾਵਾਂ ਵੀ ਹਾਜ਼ਰ ਸਨ। 

ਨਸ਼ਿਆਂ ਅਤੇ ਜੁਰਮਾਂ ਨੂੰ ਇੱਕ ਹੋਰ ਚੁਨੌਤੀ ਗ੍ਰੇਟ ਖਲੀ

ਦਲਦਲ ਵਿੱਚ ਗਰਕਦੀ ਜਵਾਨੀ ਨੂੰ ਬਚਾਉਣ ਦਾ ਇੱਕ ਹੋਰ ਉਪਰਾਲਾ 

ਲੁਧਿਆਣਾ: 15 ਨਵੰਬਰ 2015: (ਪੰਜਾਬ ਸਕਰੀਨ ਬਿਊਰੋ): 

ਨਸ਼ਿਆਂ ਅਤੇ ਜੁਰਮਾਂ ਦੀ ਦਲਦਲ ਵਿੱਚ ਡੁੱਬੇ ਪੰਜਾਬ ਨੂੰ ਬਚਾਉਣ ਦੀ ਇੱਕ ਪਹਿਲ ਗ੍ਰੇਟ ਖਲੀ ਵੱਲੋਂ ਵੀ ਸਰਗਰਮੀ ਨਾਲ ਕੀਤੀ ਜਾ ਰਹੀ ਹੈ। ਇਸ ਕੋਸ਼ਿਸ਼ ਨੂੰ ਸਫਲ ਬਣਾਉਣ ਦਾ ਉਪਰਾਲਾ ਲੁਧਿਆਣਾ ਦੇ ਕੁਝ ਜਾਗਰੂਕ ਨੌਜਵਾਨਾਂ ਨੇ ਵੀ ਕੀਤਾ। ਐਂਟੀ ਕ੍ਰਾਈਮ ਐਸੋਸੀਏਸ਼ਨ ਵੱਲੋਂ ਸਥਾਨਕ ਸਰਕਟ ਹਾਊਸ ਵਿਖੇ ਪ੍ਰਧਾਨ ਮਨਜੀਤ ਸਿੰਘ ਭੋਲਾ ਦੀ ਅਗਵਾਈ ਹੇਠ ਸਮਾਗਮ ਕਰਵਾਇਆ ਗਿਆ, ਜਿਸ ਵਿਚ ਮਹਾਂਨਗਰ ਲੁਧਿਆਣਾ ਦੇ ਦੌਰੇ 'ਤੇ ਪੁੱਜੇ ਦਲੀਪ ਸਿੰਘ ਬਾਣਾ ਉਰਫ਼ ਗ੍ਰੇਟ ਖਲੀ ਨੂੰ 'ਐਸੋਸੀਏਸ਼ਨ ਵੱਲੋਂ 'ਮਾਣ ਪੰਜਾਬ ਦਾ' ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ ਗਿਆ।  ਸਮਾਗਮ ਦੌਰਾਨ ਗ੍ਰੇਟ ਖਲੀ ਨੇ ਨੌਜਵਾਨਾਂ ਨੂੰ ਨਸ਼ਿਆਂ ਵਾਲੇ ਪਾਸਿਉਂ ਹੱਟ ਕੇ ਉਨ੍ਹਾਂ ਵਾਂਗ ਖੇਡਾਂ ਵਿਚ ਆਪਣੇ ਆਪ ਨੂੰ ਖੇਡਾਂ ਵਾਲੇ ਪਾਸੇ ਲਗਾਉਣ ਦੀ ਅਪੀਲ ਕੀਤੀ। ਉਨ੍ਹਾਂ ਕਿਹਾ ਕਿ ਉਹ ਐਸੋਸੀਏਸ਼ਨ ਦੇ ਸਮੂਹ ਆਹੁਦੇਦਾਰਾਂ ਦੇ ਧੰਨਵਾਦੀ ਹਨ, ਜਿੰਨ੍ਹਾਂ ਨੇ ਅੱਜ ਉਨ੍ਹਾਂ ਨੂੰ ਵਿਸ਼ੇਸ਼ ਤੌਰ 'ਤੇ ਸਨਮਾਨਿਤ ਕੀਤਾ ਹੈ। ਸਮਾਗਮ ਦੌਰਾਨ ਪ੍ਰਧਾਨ ਮਨਜੀਤ ਸਿੰਘ ਭੋਲਾ, ਗੁਰਮੀਤ ਸਿੰਘ ਟਿੰਕਾ, ਬਲਜੀਤ ਸਿੰਘ ਮਾਲੜਾ, ਦਰਸ਼ਨ ਸਿੰਘ ਰਾਹਲ, ਕੰਵਲਜੀਤ ਸਿੰਘ ਦੂਆ, ਅਜਮੇਰ ਸਿੰਘ ਮਾਨ ਡਾਬਾ, ਨਛੱਤਰ ਸਿੰਘ ਨੇ ਗ੍ਰੇਟ ਖਲੀ ਨੂੰ 'ਮਾਣ ਪੰਜਾਬ ਦਾ' ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ। ਇਸ ਮੌਕੇ ਤੇਜਿੰਦਰ ਸਿੰਘ, ਸਿਮਰਜੀਤ ਸਿੰਘ ਗਿੱਲ, ਪਿ੍ੰਸ ਸ਼ਰਮਾ, ਮਨਜੀਤ ਸਿੰਘ ਲਾਲੀ, ਤਰਜੀਤ ਸਿੰਘ, ਸ਼ੁਭਮ ਉਪੱਲ, ਰੋਹਿਤ ਕੁਮਾਰ, ਅਜਮੇਰ ਸਿੰਘ, ਜਤਿੰਦਰ ਸਿੰਘ, ਸਿਮਰਨਜੀਤ ਸਿੰਘ ਅਟਵਾਲ, ਇਸ਼ਪ੍ਰੀਤ ਸਿੰਘ ਆਦਿ ਹਾਜਰ ਸਨ।ਉਮੀਦ ਹੈ ਇਹ ਪ੍ਰੇਰਣਾ ਹੁਣ ਬਾਕੀ ਦੇ ਜ਼ਿਲਿਆਂ ਵਿੱਚ ਵੀ ਆਪਣਾ ਰੰਗ ਦਿਖਾਏਗੀ। 

ਜਦੋਂ ਇਹ ਅਹਿਮ ਐਲਾਨ ਕਰਨ ਲਈ ਗ੍ਰੇਟ ਖਲੀ ਲੁਧਿਆਣਾ ਪੁੱਜਿਆ ਤਾਂ ਖਲੀ ਦੇ ਚਾਹੁਣ ਵਾਲੀਆਂ ਵੱਲੋਂ ਉਸਦਾ ਸਵਾਗਤ ਬੜੇ ਜੋਰ ਸ਼ੋਰ ਨਾਲ ਕੀਤਾ ਗਿਆ। ਇਸ ਫੇਰੀ ਦੌਰਾਨ ਗ੍ਰੇਟ ਖਲੀ ਨੇ  ਨੌਕਰੀ ਅਤੇ ਰੋਜ਼ਗਾਰ ਦੇ ਮੁੱਦੇ ਦੀ ਵੀ ਗੱਲ ਕੀਤੀ। ਆਰਥਿਕ ਸਥਿਤੀ ਦੀ ਮਜ਼ਬੂਤੀ ਹੀ ਆਕਰਸ਼ਕ ਕਰੇਗੀ ਨੌਜਵਾਨਾਂ ਨੂੰ ਇੱਕ ਨਵੀਂ ਜਿੰਦਗੀ ਲਈ। ਦੇਖੋ ਇਸ ਵੀਡੀਓ ਨੂੰ। 

ਕਰਾਟੇ ਸਿਖਾ ਕੇ ਕੁੜੀਆਂ ਨੂੰ ਦੱਸੇ ਆਤਮ ਰੱਖਿਆ ਦੇ ਗੁਰ

ਨਸ਼ਿਆਂ ਖਿਲਾਫ਼ ਮੁਹਿੰਮ ਛੇੜਨ ਵਾਲੇ ਬੇਲਨ ਬ੍ਰਿਗੇਡ ਵੱਲੋਂ ਹੁਣ ਨਵਾਂ ਮਿਸ਼ਨ 

ਆਸ਼ਿਆਰਾ ਕਰਾਟੇ ਫੇਡਰੇਸ਼ਨ ਦੀ ਟੀਮ ਨੇ ਦਿੱਤੀ ਜੂਡੋ ਕਰਾਟੇ ਦੇ ਗੁਰਾਂ ਦੀ ਸਿਖਲਾਈ 

ਲੁਧਿਆਣਾ: 4 ਅਕਤੂਬਰ 2015: (ਪੰਜਾਬ ਸਕਰੀਨ ਬਿਊਰੋ):

ਸਮਾਜ ਵਿੱਚ ਅੱਜ ਵੀ ਸਭ ਤੋਂ ਵਧ ਭੈੜੀ ਹਾਲਤ ਹੈ ਕੁੜੀਆਂ ਅਤੇ ਕਮਜ਼ੋਰਾਂ ਦੀ। ਬੇਲਨ ਬ੍ਰਿਗੇਡ ਨਾਮ ਦੀ ਸਮਾਜਿਕ ਸੰਸਥਾ ਨੇ ਇਸ ਹਕੀਕਤ ਨੂੰ ਸਮਝਦਿਆਂ ਸਮਾਜ ਵਿੱਚ ਸ਼ਕਤੀ ਦਾ ਸੰਚਾਰ ਕਰਨ ਲਈ ਕੁਝ ਨਵੇਂ ਟੀਚੇ ਮਿੱਠੇ ਹਨ। ਬੇਲਨ ਬ੍ਰਿਗੇਡ ਦੀ ਪ੍ਰਮੁਖ ਅਨੀਤਾ ਸ਼ਰਮਾ ਨੇ ਦੱਸਿਆ ਕਿ ਮੁਢਲੇ ਤੌਰ ਤੇ ਮੈਂ ਇੱਕ ਆਰਕੀਟੈਕਟ ਹਾਂ।  ਤੋਂ ਲੱਗ ਰਿਹਾ ਸੀ ਕਿ ਸਮਾਜ ਦਾ ਢਾਂਚਾ ਨਾਵੇੰ ਸਿਰਿਓਂ ਉਸਾਰਨ ਵਾਲਾ ਹੈ। ਇਸ ਮਕਸਦ ਲਈ ਉਹਨਾਂ ਦੀ ਟੀਮ ਨੇ ਆਪਣੇ ਰੁਝੇਵਿਆਂ ਵਿੱਚ ਉਚੇਚਾ ਸਮਾਂ ਕਢ ਕੇ ਸਮਾਜ ਦੀ ਨਵੀਂ ਉਸਾਰੀ ਲਈ ਲਾਉਣ ਦਾ ਫੈਸਲਾ ਕੀਤਾ ਹੈ। ਇਸ ਉਦੇਸ਼ ਦੀ ਪ੍ਰਾਪਤੀ ਲੈ ਚੁਣਿਆ ਗਿਆ ਹੈ ਸਭ ਤੋਂ ਪਹਿਲਾਂ ਕੁੜੀਆਂ ਨੂੰ ਕਿਓਂਕਿ ਕੁੜੀਆਂ ਨੂੰ ਕਮਜ਼ੋਰ ਸਮਝ ਕੇ ਦਬਾਇਆ ਜਾਂਦਾ ਹੈ ਅਤੇ ਜਿਸ ਸਮਾਜ ਦੀ ਨਾਰੀ ਸ਼ਕਤੀ ਕਮਜ਼ੋਰ ਅਤੇ ਬੇਬਸ ਹੋਵੇਗੀ ਉਸਦਾ ਕੋਈ ਕੁਝ ਨਹੀਂ ਸੰਵਾਰ ਸਕਦਾ। ਕੁੜੀਆਂ ਨੂੰ ਸ਼ਕਤੀ ਦੇਣ ਲਈ ਉਹਨਾਂ ਨੂੰ ਵਿਦਿਅਕ ਪੱਖੋਂ ਵੀ ਤਕੜਾ ਕੀਤਾ ਜਾਵੇਗਾ,  ਸਿਹਤ ਅਤੇ ਜਿਸਮਾਨੀ ਪੱਖ ਤੋਂ ਵੀ ਅਤੇ ਰੋਜ਼ਗਾਰ ਦੇ ਪੱਖ ਤੋਂ ਵੀ। ਆਪਣੇ ਇਸ  ਮਿਸ਼ਨ ਦੀ ਪਹਿਲਕਦਮੀ ਕਰਦਿਆਂ ਬ੍ਰਿਗੇਡ ਦੀ ਮੁਖੀ ਅਨੀਤਾ ਸ਼ਰਮਾ ਨੇ ਜੂਡੋ ਕਰਾਟੇ ਦੀ ਸਿਖਲਾਈ ਦੇਣ ਵਾਲੀਆਂ ਟੀਮਾਂ, ਪੜ੍ਹਾਈ ਲਿਖਾਈ ਸਿਖਾਉਣ ਵਾਲੀਆਂ ਟੀਮਾਂ ਅਤੇ ਸਵੈ ਨਿਰਭਰਤਾ ਲਈ ਰੋਜ਼ਗ਼ਾਰ ਦੇਣ ਵਾਲੀਆਂ ਟੀਮਾਂ ਤਿਆਰ ਕਰਨੀਆਂ ਸ਼ੁਰੂ ਕਰ ਦਿੱਤੀਆਂ ਹਨ। 

ਦੇਵਕੀ ਦੇਵੀ ਜੈਨ ਮੈਮੋਰੀਅਲ ਕਾਲਜ ਫਾਰ ਵੂਮੇਨ,  ਲੁਧਿਆਣਾ ਵਿੱਚ ਅਸ਼ਿਆਰਾ ਕਰਾਟੇ ਫੇਡਰੇਸ਼ਨ  ਦੇ ਸਹਿਯੋਗ ਨਾਲ ਬੇਲਟ ਸਿਖਲਾਈ ਕਾਰਵਾਈ ਗਈ। ਇਸ ਵਿਸ਼ੇਸ਼ ਕੈਂਪ ਵਿੱਚ ਪ੍ਰਸਿਧ ਹੱਸਤੀਆਂ ਵੀ ਪੁੱਜੀਆਂ। ਮੁੱਖ ਮਹਿਮਾਨ ਸਨ ਬੀ ਜੇ ਪੀ  ਦੇ ਨੇਤਾ ਅਮਿਤ ਗੋਸਾਈ, ਵਿਜੈ ਕੁਮਾਰ ਅਗਨੀਹੋਤਰੀ, ਪ੍ਰਧਾਨ ਕੇਵਲ ਚੰਦ ਗਰਗ, ਦੇਵਕੀ ਦੇਵੀ ਜੈਨ ਕਾਲਜ ਦੇ ਚੇਅਰਮੇਨ ਹੀਰਾ ਲਾਲ ਜੀ ਜੈਨ, ਪ੍ਰਧਾਨ ਕੇਦਾਰਨਾਥ ਨਾਥ ਜੈਨ,  ਸਕੱਤਰ ਸ਼੍ਰੀ ਵਿਪਿਨ ਜੈਨ,  ਮੈਨੇਜਰ ਸੁਰਿੰਦਰ ਕੁਮਾਰ  ਜੈਨ, ਕਾਲਜ ਪ੍ਰਿੰਸੀਪਲ ਡਾ ਸਰਿਤਾ ਬਹਿਲ, ਸਪੋਰਟਸ ਡਾਇਰੇਕਟਰ ਕੁਲਦੀਪ ਕੌਰ ਅਤੇ ਕੋਚ ਪੰਕਜ ਸਾਹਨੀ ਦੇ ਨਾਲ ਨਾਲ ਖੁਦ ਅਨੀਤਾ ਸ਼ਰਮਾ ਵੀ ਸ਼ਾਮਿਲ ਹੋਏ।  

ਇਸ ਮੌਕੇ ਉੱਤੇ ਬੇਲਨ ਬ੍ਰਿਗੇਡ ਦੀ ਕੌਮੀ ਪ੍ਰਧਾਨ ਅਨੀਤਾ ਸ਼ਰਮਾ ਨੇ ਕਿਹਾ ਕਿ ਅੱਜ ਸਮਾਂ ਦੀ ਜ਼ਰੂਰਤ ਹੈ ਕਿ ਸਾਰੀਆਂ  ਲੜਕੀਆਂ ਕਰਾਟੇ ਦੀ ਟ੍ਰੇਨਿੰਗ ਲੈਣ ਅਤੇ ਆਪਣੀ ਸੁਰੱਖਿਆ ਆਪਣੇ ਆਪ ਕਰਨ ਦੇ ਕਾਬਲ ਬਣ ਕੇ ਦਿਖਾਉਣ। ਅਤੇ ਉਨ੍ਹਾਂ ਨੇ ਕਿਹਾ ਨੌਜਵਾਨ ਵਰਗ ਜਿਆਦਾ ਤੋਂ ਜਿਆਦਾ ਖੇਡਾਂ ਵਿੱਚ ਭਾਗ ਲਵੇ ਅਤੇ ਨਸ਼ਿਆਂ ਤੋਂ ਦੂਰ ਰਹੇ।   

ਆਸ਼ਿਆਰਾ ਕਰਾਟੇ ਫੇਡਰੇਸ਼ਨ ਵੱਲੋਂ ਖਿਡਾਰੀਆਂ ਅਤੇ ਖਿਡਾਰਨਾਂ ਦੀ ਚੋਣ ਵੀ ਕੀਤੀ ਗਈ ਜੋ ਦਾਰਜਲਿੰਗ ਵਿੱਚ ਦਸੰਬਰ ਮਹੀਨੇ ਹੋਣ ਵਾਲੇ ਨੇਸ਼ਨਲ ਕੈਂਪ ਵਿੱਚ ਭਾਗ ਲੈਣਗੇ।

ਇਸ ਕੈਂਪ ਦੀ ਸਫਲਤਾ ਲਈ ਕਾਲਜ ਦੀ ਸਪੋਰਟਸ ਹੈੱਡ ਮੈਡਮ ਕੁਲਦੀਪ ਕੌਰ ਨੇ ਸੰਡੇ ਹੋਣ ਦੇ ਬਾਵਜੂਦ ਸਰਗਰਮੀ ਨਾਲ ਹਿੱਸਾ ਲਿਆ। 

  

ਚੁਣੇ ਗਏ ਖਿਡਾਰੀਆਂ ਨੂੰ ਮਿਲੇਗਾ ਬਰਤਾਨੀਆ ਜਾਣ ਦਾ ਮੌਕਾ

ਖੇਡ ਸੈਰ ਸਪਾਟਾ ਕੰਪਨੀ ਲਾਂਚ ਕਰੇਗੀ ਪ੍ਰੀਮੀਅਰ ਐਕਸਪਲੋਰ ਕੱਪ

ਕੋਲਕਾਤਾ: ਭਾਰਤ ’ਚ ਨੌਜਵਾਨ ਫੁਟਬਾਲ ਪ੍ਰਤਿਭਾਵਾਂ ਦੇ ਵਿਕਾਸ ਲੲੀ ਬਰਤਾਨੀਆ ਸਥਿਤ ਖੇਡ ਸੈਰ ਸਪਾਟਾ ਕੰਪਨੀ ਪ੍ਰੀਮੀਅਰ ਐਕਸਪਲੋਰ ਨੇ ‘ਪ੍ਰੀਮੀਅਰ ਐਕਸਪਲੋਰ ਕੱਪ’ ਲਾਂਚ ਕਰਨ ਲੲੀ ਮਾਨਚੈਸਟਰ ਯੂਨਾੲੀਟਿਡ ਸੌਕਰ ਸਕੂਲ ਨਾਲ ਹੱਥ ਮਿਲਾਇਆ ਹੈ। ਪ੍ਰਬੰਧਕਾਂ ਨੇ ਅੱਜ ਦੱਸਿਆ ਕਿ ਬਰਤਾਨੀਆ ’ਚ ਜੁਲਾੲੀ 2016 ’ਚ ਹੋਣ ਵਾਲੇ ਅੱਠ ਦਿਨਾਂ ਮੁਕਾਬਲੇ ਵਿੱਚ ਦਿੱਲੀ, ਮੁੰਬੲੀ, ਬੰਗਲੌਰ ਤੇ ਕੋਲਕਾਤਾ ਦੇ ਸਿਖ਼ਰਲੇ 10 ਸਕੂਲਾਂ ਦੇ ਅੰਡਰ-16 ਖਿਡਾਰੀ ਹਿੱਸਾ ਲੈਣਗੇ। ਪ੍ਰੀਮੀਅਰ ਐਕਸਪਲੋਰ ਦੇ ਸੰਸਥਾਪਕ ਤੇ ਨਿਰਦੇਸ਼ਕ ਪੀਟਰ ਵਾਟਸ ਨੇ ਕਿਹਾ ਕਿ ੳੁਹ ਦੇਸ਼ ’ਚ ਫੁਟਬਾਲ ਪ੍ਰਤਿਭਾ ਦਾ ਵਿਕਾਸ ਕਰਨਾ ਚਾਹੁੰਦੇ ਹਨ। ਖੇਤਰੀ ਟਰਾਇਲ ਇਸ ਸਾਲ ਨਵੰਬਰ ’ਚ ਸ਼ੁਰੂ ਹੋਣਗੇ। ਇਨ੍ਹਾਂ ਟਰਾਇਲਜ਼ ਤੋਂ ਪ੍ਰੀਮੀਅਰ ਐਕਸਪਲੋਰ ਕੱਪ ’ਚ ਸ਼ਹਿਰ ਦੀ ਨੁਮਾਇੰਦਗੀ ਕਰਨ ਲੲੀ 16 ਖਿਡਾਰੀ ਚੁਣੇ ਜਾਣਗੇ ਅਤੇ ਇਸ ਤੋਂ ਬਾਅਦ ਇਨ੍ਹਾਂ ਨੂੰ ਬਰਤਾਨੀਆ ਜਾਣ ਦਾ ਮੌਕਾ ਮਿਲੇਗਾ।

ਗੋਲਡ ਮੈਡਲਿਸਟ ਸਮ੍ਰਿਤੀ ਅਤੇ ਤਾਨੀਆ ਨੇ ਜਿੱਤੀ ਬਲ਼ੈਕ ਬੈਲਟ

 Sun, Jul 19, 2015 at 5:41 PM

ਧਿਆਣਾ ਦੇ ਕੁੰਗਫੂ ਕੈੰਪ ਵਿੱਚ ਦਿਖਾਏ ਕਮਾਲ     

ਲੁਧਿਆਣਾ: 19 ਜੁਲਾਈ 2015: (ਪੰਜਾਬ ਸਕਰੀਨ ਬਿਊਰੋ):

ਅੱਜ ਸਰਾਭਾ ਨਗਰ ਸਥਾਨਕ ਲਈਅਰ ਵੈਲੀ ਸਥਿਤ (ਡਰੈਗਨ) ਟਾਈਗਰ ਟੈਕਨੀਕ ਚਾਈਨੀਜ਼ ਮਾਰਸ਼ਲ ਆਰਟ (ਕੁਨਫੂ) ਫੈਡਰੇਸ਼ਨ ਇੰਡੀਆ (ਰਜਿ.) ਵਲੌਂ ਕੁੰਗਫੂ  ਕਰਾਟੇ ਦੇ ਟਰੇਨਿੰਗ ਕੈਂਪ ਦਾ ਆਯੋਜਨ ਕੀਤਾ ਗਿਆ।ਜਿਸ ਵਿਚ ਸਟੇਟ ਦੇ ਕਾਫੀ ਬੱਚਿਆਂ ਨੇ ਭਾਗ ਲਿਆ।ਇਸ ਪ੍ਰਤੀਯੋਗਤਾ ਵਿਚ ਸਾਡੇ ਚਾਰ ਸਾਲ ਲਗਾਤਾਰ ਮਿਹਨਤ ਕਰਨ ਵਾਲੀਆਂ ਗੋਲਡ ਮੈਡਲਿਸਟ ਸਮਰਿਤੀ ਅਤੇ ਤਾਨਿਆ ਨੂੰ ਬਲੈਕ ਬੈਲਟ ਦੇ ਕਿ ਸਨਮਾਨ ਕੀਤਾ ਗਿਆ।ਇਸ ਵਿਚ 11 ਬੱਚਿਆ ਨੂੰ ਯੈਲੋ ਬੈਲਟ, 1 ਬੱਚੇ ਨੂੰ ਗਰੀਨ ਬੈਲਟ,3 ਬਚਿਆ ਨੂੰ ਬਰਾਊਨ ਬੈਲਟ,1 ਬੱਚੇ ਨੂੰ ਬਲਿਊ ਬੈਲਟ,1 ਬੱਚੇ ਨੂੰ ਅੋਰਂੈਜ  ਬੈਲਟ ਦਿੱਤੀ ਗਈ।ਜਿਸ ਵਿਚ ਸਮਰਾਟ ਜੇਤਲੀ,ਆਇਯੂਸ਼ ਜੇਤਲੀ,ਸਿਮੀਰਤੀ,ਤਾਨਿਆ ਸਿੰਘ,ਕੁਮਕੁਮ,ਨੂੰ ਅੱਜ ਦੀ ਪ੍ਰਤੀਯੋਗਤਾ ਵਿਚ ਬਲੈਕ ਬੈਲਟ ਦਿੱਤੀ ਗਈ।  ਇਸ ਸੰਬੰਧੀ ਬੱਚਿਆਂ ਦੇ ਕੋਚ ਚਾਲ ਸਹਿਦੇਵ ਨੇ ਪੱਤਰਕਾਰਾਂ ਨੂੰ ਜਾਣਕਾਰੀ ਦਿੰਦਿਆ ਦੱਸਿਆ ਕਿ ਉਹ ਬੱਚਿਆਂ ਨੂੰ ਆਪਣੀ ਆਤਮ ਰੱਖਿਆਂ ਵਾਸਤੇ ਇਸ ਤਰ੍ਹਾਂ ਦੀ ਟਰੇਨਿੰਗ ਦਿੰਦੇ ਹਨ।ਤਾਂ ਜੋ ਕਿ ਉਹਨ੍ਹਾਂ ਨੂੰ ਕਿਸੇ ਵੀ ਮੁਸੀਬਤ ਦਾ ਸਾਹਮਣਾ ਨਾ ਕਰਨਾ ਪਵੇ।ਇਸ ਨਾਲ ਬੱਚੇ ਸਿਹਤ ਪੱਖੋਂ ਵੀ ਤੰਦਰੁਸਤ ਰਹਿੰਦੇ ਹਨ।ਇਸ ਪ੍ਰਤੀਯੋਗਤਾ ਵਿਚ ਬੱਚਿਆ ਨੂੰ ਵਿਸ਼ੇਸ ਟਰੇਨਿੰਗ ਦਿੱਤੀ ਜਾਂਦੀ ਹੈ।ਪਿਛਲੇ ਦਿਨੀ ਪਠਾਨਕੋਟ ਸ਼ਹਿਰ ਵਿਚ ਹੋਈ ਨੈਸ਼ਨਲ ਚੈਪੀਅਨਸ਼ੀਪ ਵਿਚ 11 ਰਾਜਾਂ ਦੇ 25 ਸ਼ਹਿਰਾਂ ਦੀਆਂ ਟੀਮਾਂ ਨੇ ਭਾਗ ਲਿਆ।ਇਸ ਪ੍ਰਤੀਯੋਗਤਾ ‘ਚ ਜਿੱਤਣ ਵਾਲੀਆਂ ਲੁਧਿਆਣਾ ਸ਼ਹਿਰ ਦੇ ਬਾਬਾ ਈਸ਼ਰ ਸਿੰਘ ਪਬਲਿਕ ਸਕੂਲ ਦੀਆਂ 2 ਵਿਦਿਆਰਥਣਾਂ 10 ਵੀਂ ਕਲਾਸ ‘ਚ ਪੜ੍ਹਣ ਵਾਲੀ 15 ਸਾਲ ਦੀ ਸਮਰੀਤੀ ਅਤੇ 5 ਵੀਂ ਕਲਾਸ ‘ਚ ਪੜ੍ਹਣ ਵਾਲੀ 10 ਸਾਲ ਦੀ ਵਿਦਿਆਰਥਣ ਤਾਨਿਆ ਨੇ ਗੋਲਡ ਮੈਡਲ ਜਿੱਤ ਕਿ ਆਪਣਾ ਅਤੇ ਆਪਣੇ ਸਕੂਲ ਦਾ ਨਾਮ ਰੋਸ਼ਨ ਕੀਤਾਂ।

  ਗੋਲਡ ਮੈਡਲਿਸਟ ਸਮ੍ਰਿਤੀ  ਅਤੇ ਤਾਨੀਆ ਨੇ ਜਿੱਤੀ ਬਲ਼ੈਕ ਬੈਲਟ

ਖੇਡ ਢਾਂਚੇ ਨੂੰ ਮਜ਼ਬੂਤ ਕਰਨ ਲਈ ਖਰਚੇ 200 ਕਰੋੜ ਰੁਪਏ

ਮਨਪ੍ਰੀਤ ਸਿੰਘ ਇਯਾਲੀ ਨੇ ਗਿਣਾਈਆਂ ਅਕਾਲੀ ਭਾਜਪਾ ਸਰਕਾਰ ਦੀਆਂ ਪ੍ਰਾਪਤੀਆ
ਰਿਸ਼ੀ ਨਗਰ ਵਿਖੇ ਨਵੀਂ ਕ੍ਰਿਕਟ ਅਕਾਦਮੀ ਦਾ ਉਦਘਾਟਨ 
*ਦੇਸ਼ ਅਤੇ ਪੰਜਾਬ ਦਾ ਨਾਮ ਅੰਤਰਰਾਸ਼ਟਰੀ ਪੱਧਰ 'ਤੇ ਰੌਸ਼ਨ ਕਰਨ ਵਾਲੇ ਖਿਡਾਰੀਆਂ ਨੂੰ ਨੌਕਰੀ
*ਨੌਕਰੀ ਦੇਣ ਲਈ ਲਾਗੂ ਕੀਤੀ ਜਾਵੇਗੀ ਵਿਸ਼ੇਸ਼ ਨੀਤੀ

ਲੁਧਿਆਣਾ: 18 ਮਈ 2015 (ਪੰਜਾਬ ਸਕਰੀਨ ਬਿਊਰੋ):

ਪੰਜਾਬ ਦੀ ਅਕਾਲੀ ਭਾਜਪਾ ਸਰਕਾਰ ਵੱਲੋਂ ਰਾਜ ਵਿੱਚ ਸਮੁੱਚੇ ਖੇਡ ਢਾਂਚੇ ਨੂੰ ਮਜ਼ਬੂਤ ਕਰਨ ਲਈ 200 ਕਰੋਡ਼ ਰੁਪਏ ਖਰਚੇ ਗਏ ਹਨ। ਖੇਡਾਂ ਲਈ ਹੁਣ ਵਿਸ਼ੇਸ਼ ਫੰਡ ਕਾਇਮ ਕੀਤਾ ਗਿਆ ਹੈ, ਜਿਸ ਤਹਿਤ ਸਾਲਾਨਾ 90 ਕਰੋੜ ਰੁਪਏ ਖਰਚ ਕੀਤੇ ਜਾਣਗੇ। ਅੰਤਰਰਾਸ਼ਟਰੀ ਮੁਕਾਬਲਿਆਂ ਵਿੱਚ ਦੇਸ਼ ਅਤੇ ਪੰਜਾਬ ਦਾ ਨਾਮ ਰੌਸ਼ਨ ਕਰਨ ਵਾਲੇ ਖ਼ਿਡਾਰੀਆਂ ਨੂੰ ਨੌਕਰੀਆਂ ਦੇਣ ਲਈ ਪੰਜਾਬ ਸਰਕਾਰ ਵੱਲੋਂ ਨਵੀਂ ਨੀਤੀ ਲਿਆਂਦੀ ਜਾ ਰਹੀ ਹੈ। ਇਨ੍ਹਾਂ ਵਿਚਾਰਾਂ ਦਾ ਪ੍ਰਗਟਾਵਾ ਹਲਕਾ ਦਾਖਾ ਦੇ ਵਿਧਾਇਕ ਸ੍ਰ. ਮਨਪ੍ਰੀਤ ਸਿੰਘ ਇਯਾਲੀ ਨੇ ਸਥਾਨਕ ਰਿਸ਼ੀ ਨਗਰ ਵਿਖੇ ਨਵੀਂ ਕ੍ਰਿਕਟ ਅਕਾਦਮੀ ਦਾ ਉਦਘਾਟਨ ਕਰਦਿਆਂ ਕੀਤਾ। 
ਉਨ੍ਹਾਂ ਕਿਹਾ ਕਿ ਪੰਜਾਬ ਸਰਕਾਰ ਵੱਲੋਂ ਰਾਜ ਵਿੱਚ ਖੇਡਾਂ ਨੂੰ ਉਤਸ਼ਾਹਿਤ ਕਰਨ ਲਈ ਸਾਲ 2010 ਵਿੱਚ ਰਾਜ ਦੀ ਪਹਿਲੀ ਖੇਡ ਨੀਤੀ ਲਾਗੂ ਕੀਤੀ ਗਈ ਸੀ। ਸਰਕਾਰ ਵੱਲੋਂ ਰਾਜ ਵਿੱਚ ਸਮੁੱਚੇ ਖੇਡ ਢਾਂਚੇ ਨੂੰ ਮਜ਼ਬੂਤ ਕਰਨ ਲਈ 200 ਕਰੋੜ ਰੁਪਏ ਖਰਚੇ ਗਏ ਹਨ। ਖੇਡਾਂ ਲਈ ਹੁਣ ਵਿਸ਼ੇਸ਼ ਫੰਡ ਕਾਇਮ ਕੀਤਾ ਗਿਆ ਹੈ, ਜਿਸ ਤਹਿਤ ਸਾਲਾਨਾ 90 ਕਰੋੜ ਰੁਪਏ ਖਰਚ ਕੀਤੇ ਜਾਣਗੇ। ਅੰਤਰਰਾਸ਼ਟਰੀ ਮੁਕਾਬਲਿਆਂ ਵਿੱਚ ਦੇਸ਼ ਅਤੇ ਪੰਜਾਬ ਦਾ ਨਾਮ ਰੌਸ਼ਨ ਕਰਨ ਵਾਲੇ ਖ਼ਿਡਾਰੀਆਂ ਨੂੰ ਨੌਕਰੀਆਂ ਦੇਣ ਲਈ ਪੰਜਾਬ ਸਰਕਾਰ ਵੱਲੋਂ ਨਵੀਂ ਨੀਤੀ ਲਿਆਂਦੀ ਜਾ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਹਾਕੀ ਖੇਡ ਦੀ ਸਰਦਾਰੀ ਬਹਾਲ ਕਰਨ ਵਾਸਤੇ ਮੁਹਾਲੀ, ਬਠਿੰਡਾ, ਫਰੀਦਕੋਟ, ਲੁਧਿਆਣਾ, ਜਲੰਧਰ ਅਤੇ ਸ੍ਰੀ ਅੰਮ੍ਰਿਤਸਰ ਸਾਹਿਬ ਵਿਖੇ ਆਧੁਨਿਕ ਸਹੂਲਤਾਂ ਵਾਲੇ ਹਾਕੀ ਸਟੇਡੀਅਮ ਸਥਾਪਤ ਕੀਤੇ ਗਏ ਹਨ। ਕਰੀਬ 60 ਕਰੋੜ ਰੁਪਏ ਖਰਚ ਕਰਕੇ 10 ਬਹੁਮੰਤਵੀ ਸਟੇਡੀਅਮਾਂ ਦਾ ਨਿਰਮਾਣ ਕੀਤਾ ਗਿਆ ਹੈ। ਉਨ੍ਹਾਂ  ਦੱਸਿਆ ਕਿ ਹੁਣ ਤੱਕ ਪੰਜਾਬ ਦਾ ਨਾਮ ਰੌਸ਼ਨ ਕਰਨ ਵਾਲੇ ਵੱਖ-ਵੱਖ ਖਿਡਾਰੀਆਂ ਨੂੰ ਲੱਖਾਂ ਰੁਪਏ ਦੇ ਵਿਅਕਤੀਗਤ ਅਤੇ ਟੀਮ ਇਨਾਮ ਦੇ ਕੇ ਨਿਵਾਜਿਆ ਜਾ ਚੁੱੱਕਾ ਹੈ। 

ਖੇਡਾਂ ਦੀ ਮਹੱਤਤਾ ਪਛਾਣਦਿਆਂ ਪੰਜਾਬ ਸਰਕਾਰ ਨੇ ਸੂਬੇ ਵਿੱਚ ਖੇਡ ਸੱਭਿਆਚਾਰ ਪੈਦਾ ਕਰਨ ਤੇ ਖੇਡਾਂ ਲਈ ਲੋਂਡ਼ੀਦਾ ਢਾਂਚਾ ਉਸਾਰਨ ਲਈ ਬਹੁਤ ਵੱਡੇ ਕਦਮ ਪੁੱਟੇ ਹਨ। ਅਕਾਲੀ-ਭਾਜਪਾ ਸਰਕਾਰ ਨੇ ਕਬੱਡੀ ਨੂੰ ਕੌਮਾਂਤਰੀ ਪਛਾਣ ਦੇਣ ਲਈ ਹੁਣ ਤੱਕ ਪੰਜ ਵਿਸ਼ਵ ਕਬੱਡੀ ਕੱਪ ਕਰਵਾਏ ਹਨ, ਜਿਨ੍ਹਾਂ ਰਾਹੀਂ ਖਿਡਾਰੀਆਂ ਨੂੰ ਨੌਕਰੀਆਂ ਤੇ ਕਰੋਡ਼ਾਂ ਰੁਪਏ ਦੇ ਇਨਾਮ ਦਿੱਤੇ ਗਏ ਹਨ। ਉਨ੍ਹਾਂ ਕਿਹਾ ਕਿ ਸਾਡੀ ਸਰਕਾਰ ਨੇ ਮਾਂ ਖੇਡ ਕਬੱਡੀ ਨੂੰ ਵੱਡਾ ਮਾਣ ਦਿੰਦਿਆਂ ਕਬੱਡੀ ਨੂੰ ਮਾਨਤਾ ਦੇ ਕੇ ਗਰੇਡਿੰਗ ਵਾਲੀਆਂ ਖੇਡਾਂ ਦੀ ਸੂਚੀ ਵਿੱਚ ਸ਼ਾਮਿਲ ਕੀਤਾ ਹੈ। ਸੂਬੇ ਵਿੱਚ ਬਹੁਤ ਛੇਤੀ ਵਿਸ਼ਵ ਪੱਧਰ ਦਾ ਸਟੇਟ ਆਫ਼ ਦਾ ਆਰਟ ਪੰਜਾਬ ਸਟੇਟ ਇੰਸਟੀਚਿਊਟ ਆਫ਼ ਸਪੋਰਟਸ ਸਥਾਪਤ ਕੀਤਾ ਜਾ ਰਿਹਾ ਹੈ। ਇਸ ਸੰਸਥਾ ਦਾ ਹੈੱਡਕੁਆਰਟਰ ਮੋਹਾਲੀ ਵਿਖੇ ਬਣਾਇਆ ਜਾ ਰਿਹਾ ਰਿਹਾ ਹੈ। ਜਿਸ ਵਿੱਚ ਕੁਝ ਚੋਣਵੀਆਂ ਖੇਡਾਂ ਦੇ ਸੈਂਟਰ ਆਫ਼ ਐਕਸੀਲੈਂਸ ਸਥਾਪਤ ਕੀਤੇ ਜਾਣਗੇ। ਇਸ ਦਾ ਉਦੇਸ਼ ਸੂਬੇ ਵਿੱਚ ਵੱਖ-ਵੱਖ ਖੇਡਾਂ ਲਈ ਉੱਚ ਕੋਟੀ ਦੇ ਖਿਡਾਰੀਆਂ ਦਾ ਇੱਕ ਵੱਡਾ ਪੂਲ ਤਿਆਰ ਕਰਨਾ ਹੈ ਤਾਂ ਜੋ ਉਨ੍ਹਾਂ ਨੂੰ ਕੌਮਾਂਤਰੀ ਖੇਡ ਮੁਕਾਬਲਿਆਂ ਲਈ ਸਿਖ਼ਲਾਈ ਦਿੱਤੀ ਜਾ ਸਕੇ। ਇਨ੍ਹਾਂ ਖਿਡਾਰੀਆਂ ਨੂੰ ਵਧੀਆ ਹੋਸਟਲਾਂ ਵਿੱਚ ਰੱਖਿਆ ਜਾਵੇਗਾ ਅਤੇ ਮਨਪਸੰਦ ਵਿਦਿਅਕ ਸੰਸਥਾਵਾਂ ਵਿੱਚ ਪਡ਼ਨ ਦੀ ਇਜਾਜ਼ਤ ਹੋਵੇਗੀ। ਉਨ੍ਹਾਂ ਸਤਲੁੱਜ ਕ੍ਰਿਕਟ ਅਕਾਦਮੀ ਵੱਲੋਂ ਸ਼ਹਿਰ ਵਿੱਚ ਆਪਣੀ ਨਵੀਂ ਬਰਾਂਚ ਖੋਹਲਣ 'ਤੇ ਵਧਾਈ ਦਿੱਤੀ ਅਤੇ ਉਮੀਦ ਜਤਾਈ ਕਿ ਅਕਾਦਮੀ ਵੱਲੋਂ ਭਵਿੱਖ ਵਿੱਚ ਦੇਸ਼ ਦੀ ਖੇਡਾਂ ਵਿੱਚ ਅਗਵਾਈ ਕਰਨ ਵਾਲੇ ਖਿਡਾਰੀ ਪੈਦਾ ਕੀਤੇ ਜਾਣਗੇ।

SGPC ਨੇ ਕਰਵਾਇਆ ਕਬੱਡੀ ਟੂਰਨਾਮੈਂਟ

Tue, Mar 31, 2015 at 4:08 PM

ਆਯੋਜਨ  ਮਰਹੂਮ ਕਬੱਡੀ ਖਿਡਾਰੀ ਬਿਕਰਮਜੀਤ ਸਿੰਘ ਜੰਗੀ ਦੀ ਸਲਾਨਾ ਯਾਦ ‘ਚ 

ਟੀਮ ਨੇ ਜੇਤੂ ਟਰਾਫ਼ੀ ਜੰਗੀ ਬੇਰੀ ਦੇ ਪਿਤਾ ਨੂੰ ਸੌਂਪੀ 

ਅੰਮ੍ਰਿਤਸਰ : 31 ਮਾਰਚ 2015: (ਕੁਲਵਿੰਦਰ ਸਿੰਘ ‘ਰਮਦਾਸ’//SGPC//ਪੰਜਾਬ ਸਕਰੀਨ):

ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀ ਕਬੱਡੀ ਟੀਮ ਦੇ ਖਿਡਾਰੀ ਮਰਹੂਮ ਬਿਕਰਮਜੀਤ ਸਿੰਘ ਜੰਗੀ ਬੇਰੀ ਜੋ ਪਿਛਲੇ ਸਮੇਂ ‘ਚ ਇੰਗਲੈਂਡ ਦੀ ਧਰਤੀ ਤੇ ਸ਼ੋ੍ਰਮਣੀ ਕਮੇਟੀ ਦੀ ਟੀਮ ਨਾਲ ਖੇਡਣ ਗਿਆ ਸੀ। ਜਿੰਮ ‘ਚ ਕਸਰਤ ਕਰਦੇ ਸਮੇਂ ਅਚਾਨਕ ਦਿਲ ਦੀ ਧੜਕਣ ਬੰਦ ਹੋ ਜਾਣ ਕਰਕੇ ਅਕਾਲ ਚਲਾਣਾ ਕਰ ਗਿਆ, ਉਸਦੀ ਸਲਾਨਾ ਯਾਦ ‘ਚ ਉਨ੍ਹਾਂ ਦੇ ਜੱਦੀ ਪਿੰਡ ਬੇਰੀ ਨਜਦੀਕ ਹਰਚੋਵਾਲ (ਗੁਰਦਾਸਪੁਰ) ਵਿਖੇ ਸ਼੍ਰੌਮਣੀ ਕਮੇਟੀ ਵੱਲੋਂ ਕਬੱਡੀ ਟੂਰਨਾਮੈਂਟ ਕਰਵਾਇਆ ਗਿਆ। ਜਿਸ ਵਿੱਚ ਪੰਜਾਬ ਕਬੱਡੀ ਐਸੋਸੀਏਸ਼ਨ ਦੀਆਂ ਟੋਨੀ ਅਲੰਕਾਰ ਅਕੈਡਮੀ ਕੁੱਬੇ, ਮਾਧੋਪੁਰ ਕਬੱਡੀ ਅਕੈਡਮੀ ਸਰਹੱਦ, ਯੂ ਕੇ ਅਕੈਡਮੀ ਬਠਿੰਡਾ ਸ਼ਹੀਦ ਜਸਵੰਤ ਸਿੰਘ ਖਾਲੜਾ ਅਕੈਡਮੀ ਤੇ ਸ਼ੋ੍ਰਮਣੀ ਕਮੇਟੀ ਦੀ ਕਬੱਡੀ ਟੀਮ ਸਮੇਤ ਕੁੱਲ 8 ਟੀਮਾਂ ਨੇ ਹਿੱਸਾ ਲਿਆ। ਜਿਨ੍ਹਾਂ ਵਿਚੋਂ ਸ਼ੋ੍ਰਮਣੀ ਕਮੇਟੀ ਅਤੇ ਸ਼ਹੀਦ ਜਸਵੰਤ ਸਿੰਘ ਖਾਲੜਾ ਦੀਆਂ ਕਬੱਡੀ ਟੀਮਾਂ ਦਰਮਿਆਨ ਫਾਈਨਲ ਮੈਚ ਹੋਇਆ। ਕੋਚ ਮੇਜਰ ਸਿੰਘ ਦੀ ਅਗਵਾਈ ‘ਚ ਸ਼ੋ੍ਰਮਣੀ ਕਮੇਟੀ ਦੀ ਕਬੱਡੀ ਟੀਮ ਨੇ ਵਿਰੋਧੀ ਟੀਮ ਨੂੰ ਹਰਾ ਕੇ 61 ਹਜ਼ਾਰ ਰੁਪਏ ਦਾ ਖਿਤਾਬੀ ਮੈਚ ਜਿੱਤ ਲਿਆ।
 ਇਸ ਮੌਕੇ ਸ਼ੋ੍ਰਮਣੀ ਕਮੇਟੀ ਦੇ ਸਕੱਤਰ ਸ੍ਰ: ਦਲਮੇਘ ਸਿੰਘ ਖਟੜਾ ਵੱਲੋਂ ਸ੍ਰ: ਗੁਲਜ਼ਾਰ ਸਿੰਘ ਚੀਫ਼ ਗੁਰਦੁਆਰਾ ਇੰਸਪੈਕਟਰ ਤੇ ਸ੍ਰ: ਸਤਨਾਮ ਸਿੰਘ ਐਡੀ: ਚੀਫ਼ ਗੁਰਦੁਆਰਾ ਇੰਸਪੈਕਟਰ ਨੇ ਸ਼ੋ੍ਰਮਣੀ ਕਮੇਟੀ ਦੀ ਜੇਤੂ ਟੀਮ ਨੂੰ 61 ਹਜ਼ਾਰ, ਦੂਜੇ ਨੰਬਰ ਤੇ ਰਹਿਣ ਵਾਲੀ ਸ਼ਹੀਦ ਜਸਵੰਤ ਸਿੰਘ ਖਾਲੜਾ ਕਬੱਡੀ ਟੀਮ ਨੂੰ 51 ਹਜ਼ਾਰ ਰੁਪਏ ਦੀ ਨਗਦ ਰਾਸ਼ੀ ਦੇ ਕੇ ਸਨਮਾਨਿਤ ਕੀਤਾ। ਸ਼ੋ੍ਰਮਣੀ ਕਮੇਟੀ ਦੀ ਕਬੱਡੀ ਟੀਮ ਨੇ ਜੇਤੂ ਟਰਾਫ਼ੀ ਹੋਣਹਾਰ ਖਿਡਾਰੀ ਬਿਕਰਮਜੀਤ ਸਿੰਘ ਜੰਗੀ ਬੇਰੀ ਨੂੰ ਸਮਰਪਿਤ ਕਰਦਿਆਂ ਉਸ ਦੇ ਪਿਤਾ ਸ੍ਰ: ਮਨਜੀਤ ਸਿੰਘ ਦੇ ਹਵਾਲੇ ਕੀਤੀ

ਗੁਰੂ ਨਾਨਕ ਸਟੇਡੀਅਮ ਵਿੱਚ ਹੋਈਆਂ SBP ਦੀਆਂ ਜ਼ੋਨਲ ਖੇਡਾਂ

8 ਜ਼ਿਲਿਆਂ ਤੋਂ ਆਏ ਸਟੇਟ ਬੈਂਕ ਆਫ਼ ਪਟਿਆਲਾ ਦੇ ਮੁਲਾਜ਼ਮ

ਲੁਧਿਆਣਾ: 8 ਨਵੰਬਰ 2015: (ਰੈਕਟਰ ਕਥੂਰੀਆ//ਪੰਜਾਬ ਸਕਰੀਨ):

ਅੱਜ ਏਥੋਂ ਦੇ ਗੁਰੂ ਨਾਨਕ ਸਟੇਡੀਅਮ ਵਿੱਚ ਇੱਕ ਮੇਲੇ ਵਰਗਾ ਮਾਹੌਲ ਸੀ। ਇਥੇ ਇੱਕਠੇ ਹੋਏ ਸਨ ਸਟੇਟ ਬੈਂਕ ਆਫ਼ ਪਟਿਆਲਾ ਦੇ ਮੁਲਾਜ਼ਮ ਅਤੇ ਉਹਨਾਂ ਦੇ ਸਾਰੇ ਪਰਿਵਾਰਿਕ ਮੈਂਬਰ। ਬੱਚੇ ਵੀ ਖੇਡਾਂ ਵਿੱਚ ਮਗਨ ਸਨ ਅਤੇ ਬੱਚੇ ਵੀ। ਸ਼ਾਇਦ ਦੱਸ ਰਹੇ ਸਨ ਕਿ ਜਦੋਂ ਬਹੁਤ ਸਾਰੇ ਲੋਕ ਨਸ਼ਿਆਂ ਪਿੱਛੇ ਪਾਗਲ ਹਨ---ਜਦੋਂ ਬਹੁਤ ਸਾਰੇ ਲੋਕ ਫਿਰਕੂ ਜਨੂੰਨ ਦਾ ਸ਼ਿਕਾਰ ਹੋ ਕੇ ਖੂਨ ਵਹਾਉਣ ਦੀਆਂ ਗੱਲਾਂ ਕਰ ਰਹੇ ਹਨ ਉਦੋਂ ਬੈਂਕ ਵਾਲਿਆਂ ਦੇ ਪਰਿਵਾਰ ਸਿਹਤ ਅਤੇ ਭਾਈਚਾਰੇ ਨੂੰ ਉਤਸ਼ਾਹਿਤ ਕਰਨ ਵਿੱਚ ਮਗਨ ਹਨ। ਇਹ ਗਿਣਤੀ ਵੀ ਕਾਫੀ ਸੀ।  ਹਰ ਸਾਲ ਹੋਣ ਵਾਲੀਆਂ ਇਹਨਾਂ ਜ਼ੋਨਲ ਖੇਡਾਂ ਵਿੱਚ ਇਸ ਵਾਰ ਇਥੇ 8 ਜ਼ਿਲਿਆਂ ਦੇ ਬੈਂਕ ਪਰਿਵਾਰ ਆਏ ਸਨ।
ਜਦੋਂ ਦੁਨੀਆ ਭਰ ਵਿੱਚ ਚ ਸੱਤਾ ਦੀ ਕੁਰਸੀ ਲਈ ਹਰ ਹਰਬੇ ਵਾਲੀ ਜੰਗ ਚਲ ਰਹੀ ਹੈ ਉਦੋਂ ਇਹਨਾਂ ਮੁਲਾਜਮਾਂ ਨੇ ਬੜੇ ਹੀ ਪਿਆਰ ਨਾਲ ਸੰਗੀਤਕ ਕੁਰਸੀ ਵਾਲਾ ਖੇਡ ਖੇਡ ਕੇ ਸੰਕੇਤ ਦਿੱਤਾ ਕਿ ਕੁਰਸੀ ਦਾ ਤਬਾਦਲਾ ਵੀ ਬੜੇ ਹੀ ਪਿਆਰ ਅਤੇ ਸੰਗੀਤ ਨਾਲ ਹੋਣਾ ਚਾਹੀਦਾ ਹੈ ਸਾਜ਼ਿਸ਼ਾਂ, ਨਫਰਤਾਂ ਅਤੇ ਧਮਕੀਆਂ ਨਾਲ ਨਹੀਂ। ਇਹਨਾਂ ਮੁਕਾਬਲਿਆਂ ਵਿੱਚ ਬੱਚੇ ਵੀ ਸ਼ਾਮਲ ਹੋਏ ਨੌਜਵਾਨ ਵੀ ਅਤੇ ਵੱਡੀ ਉਮਰ ਵਾਲੇ ਮੁਲਾਜ਼ਮ ਵੀ।

57 ਸਾਲਾਂ ਦੀ ਬੈਂਕ ਮੁਲਾਜ਼ਮ ਰਵਿੰਦਰ ਮਹਾਜਨ ਨੇ ਜਿੱਤ ਪ੍ਰਾਪਤ ਕਰਕੇ ਦੱਸਿਆ ਕਿ ਅੱਗੇ ਵਧਣਾ ਹੋਵੇ ਤਾਂ ਉਮਰ ਕਦੇ ਰੁਕਾਵਟ ਨਹੀਂ ਬਣਦੀ। ਘਰ ਪਰਿਵਾਰ ਦੇ  ਨਾਲ ਨਾਲ ਦਫਤਰੀ ਕੰਮ ਕਾਜ ਨੂੰ ਦੇਖਣ ਵਾਲੀ ਰਵਿੰਦਰ ਮਹਾਜਨ ਨੇ ਇਹ ਵੀ ਸਾਬਿਤ ਕੀਤਾ ਕਿ ਹਿੰਮਤ ਕਰੇ ਇਨਸਾਨ ਤੋ ਕਿਆ ਕਾਮ ਹੈ ਮੁਸ਼ਕਿਲ। ਸਾਰੀਆਂ ਡਿਊਟੀਆਂ ਪੂਰੀਆਂ ਕਰਦਿਆਂ ਖੇਡਾਂ ਅਤੇ ਸੋਸ਼ਲ ਕੰਮਾਂ ਲਈ ਵੀ ਵਕ਼ਤ ਕਢਿਆ ਜਾ ਸਕਦਾ ਹੈ।
ਇਸੇ ਤਰਾਂ ਨੌਜਵਾਨਾਂ ਨੇ ਇਹਨਾਂ ਖੇਡਾਂ ਵਿੱਚ ਸਰਗਰਮੀ ਨਾਲ ਭਾਗ ਲੈ ਕੇ ਦੱਸਿਆ ਨਸ਼ਾ ਸਿਰਫ ਸ਼ਰਾਬਾਂ ਦਾ ਨਹੀਂ ਹੁੰਦਾ ਖੇਡਾਂ ਦਾ ਵੀ ਹੁੰਦਾ ਹੈਂ, ਸੰਗੀਤ ਦਾ ਵੀ ਹੁੰਦਾ ਹੈ ਅਤੇ ਆਪਣੇ ਜਿਸਮ ਨੂੰ ਸੁਡੌਲ ਬਣਾਉਣ ਦਾ ਵੀ ਹੁੰਦਾ ਹੈ। ਇਹਨਾਂ ਖੇਡਾਂ ਵਿੱਚ ਬੱਚੇ ਵੀ ਸਰਗਰਮ ਸਨ। ਸ਼ਾਇਦ ਦੱਸ ਰਹੇ ਸਨ ਕਿ ਬੈਂਕ ਪਰਿਵਾਰਾਂ ਦੇ ਮਾਹੌਲ ਵਿੱਚ ਉਹਨਾਂ ਨੇ ਹੁਣੇ ਤੋਂ ਹੀ ਚੰਗੀਆਂ ਆਦਤਾਂ ਅਤੇ ਚੰਗੀ ਸਿਹਤ ਨੂੰ ਵੀ ਪੈਸੇ ਵਾਂਗ ਬਚਾਉਣਾ ਸਿੱਖ ਲਿਆ ਹੈ।

ਬੈਂਕ ਵਾਲਿਆਂ ਦਾ ਕੋਈ ਆਯੋਜਨ ਹੋਵੇ ਅਤੇ ਇਸ ਵਿੱਚ ਗਤਕਾ ਨਾ ਹੋਵੇ ਇਹ ਕਿਵੇਂ ਹੋ ਸਕਦਾ ਹੈ? ਇਸ ਵਾਰ ਵੀ ਇਸ ਵਿੱਚ ਬਾਬਾ ਦੀਪ ਸਿੰਘ ਗਤਕਾ ਕਲੱਬ ਪਟਿਆਲਾ ਦੀ ਟੀਮ ਉਚੇਚੇ ਤੌਰ ਤੇ ਆਈ ਹੋਈ ਸੀ। ਇਸ ਗਤਕੇ ਰਾਹੀਂ ਬੈਂਕ ਵਾਲੇ ਜਿੱਥੇ ਵਿਰਸੇ ਅਤੇ ਧਰਮ ਦੀ ਸੰਭਾਲ ਦਾ ਇਸ਼ਾਰਾ ਦੇ ਰਹੇ ਸਨ ਉੱਥੇ ਇਹ ਵੀ ਦੱਸ ਰਹੇ ਸਨ ਕਿ ਲੋੜ ਪਈ ਤਾਂ ਅਸੀਂ ਦੇਸ਼ ਅਤੇ ਲੋਕਾਂ ਦੀ ਰਾਖੀ ਲਈ ਮਰ ਮਿਟਣਾ ਵੀ ਜਾਣਦੇ ਹਾਂ।

ਜਰਖੜ ਖੇਡ ਅਕਾਦਮੀ ਵੱਲੋਂ ਅਥਲੀਟ ਮਨਦੀਪ ਕੌਰ ਦਾ ਸਨਮਾਨ

Sat, Oct 25, 2014 at 5:37 PM

29ਵੀਂਆਂ ਜਰਖ਼ੜ ਖੇਡਾਂ ਦਾ ਬਰਾਂਡ ਅੰਬੈਸਡਰ ਬਣਾਉਣ ਦਾ ਐਲਾਨ
ਪੰਜਾਬ ਦੀਆਂ ਲੜਕੀਆਂ ਨੂੰ ਖੇਡਾਂ ਵੱਲ ਉਤਸ਼ਾਹਿਤ ਕਰਨ ਦੀ ਲੋੜ-ਮਨਦੀਪ ਕੌਰ

ਲੁਧਿਆਣਾ: 25 ਅਕਤੂਬਰ 2014: (ਪੰਜਾਬ ਸਕਰੀਨ ਬਿਊਰੋ):

ਏਸ਼ੀਆਈ ਖੇਡਾਂ ਵਿੱਚ ਲਗਾਤਾਰ ਤੀਜੀ ਵਾਰ ਸੋਨ ਤਮਗਾ ਜੇਤੂ ਖ਼ਿਡਾਰਨ ਉਲੰਪੀਅਨ ਮਨਦੀਪ ਕੌਰ ਦਾ ਅੱਜ ਸਥਾਨਕ ਸਰਕਟ ਹਾਊਸ ਵਿਖੇ ਮਾਤਾ ਸਾਹਿਬ ਕੌਰ ਹਾਕੀ ਅਕਾਦਮੀ ਜਰਖ਼ੜ ਵੱਲੋਂ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ। ਇਸ ਮੌਕੇ ਮਨਦੀਪ ਕੌਰ ਨੂੰ ਜੇਤੂ ਅਵਾਰਡ ਅਤੇ 31 ਹਜ਼ਾਰ ਰੁਪਏ ਦੀ ਨਗਦ ਰਾਸ਼ੀ ਭੇਂਟ ਕਰਦਿਆਂ ਅਗਲੇ ਸਾਲ ਹੋਣ ਵਾਲੇ 29ਵੇਂ ਜਰਖੜ ਖੇਡ ਮੇਲੇ ਦਾ ਬਰਾਂਡ ਅੰਬੈਸਡਰ ਬਣਾਉਣ ਦਾ ਐਲਾਨ ਕੀਤਾ।

ਇਸ ਮੌਕੇ ਰੱਖੇ ਗਏ ਸੰਖੇਪ ਅਤੇ ਪ੍ਰਭਾਵਸ਼ਾਲੀ ਸਮਾਗਮ ਨੂੰ ਸੰਬੋਧਨ ਕਰਦਿਆਂ ਮਨਦੀਪ ਕੌਰ ਨੇ ਆਖਿਆ ਕਿ ਜਿਸ ਸਿੱਖਿਆ ਦੇ ਖੇਤਰ ਵਿੱਚ ਪੰਜਾਬ ਦੀਆਂ ਲੜਕੀਆਂ ਨੇ ਮੁੰਡਿਆਂ ਨਾਲੋਂ ਸਰਬੋਤਮ ਸਾਬਿਤ ਕੀਤਾ ਹੈ, ਹੁਣ ਖੇਡਾਂ ਦੇ ਖੇਤਰ ਵਿੱਚ ਵੀ ਪੰਜਾਬ ਦੀਆਂ ਲੜਕੀਆਂ ਨਾ ਸਿਰਫ਼ ਕੌਮੀ ਪੱਧਰ 'ਤੇ ਸਗੋਂ ਅੰਤਰਰਾਸ਼ਟਰੀ ਪੱਧਰ 'ਤੇ ਆਪਣਾ ਵਡਮੁੱਲਾ ਯੋਗਦਾਨ ਪਾ ਰਹੀਆਂ ਹਨ, ਜਿਸ ਦੀ ਤਾਜ਼ਾ ਉਦਾਹਰਨ ਹੁਣੇ-ਹੁਣੇ ਸਮਾਪਤ ਹੋਈਆਂ ਏਸ਼ੀਆਈ ਖੇਡਾਂ ਅਤੇ ਰਾਸ਼ਟਰਮੰਡਲ ਖੇਡਾਂ ਹਨ, ਜਿਸ ਵਿੱਚ ਜਿੱਥੇ ਮੈਨੂੰ ਤੀਜੀ ਵਾਰ ਸੋਨ ਤਮਗਾ ਜਿੱਤਣ ਦਾ ਮਾਣ ਹਾਸਿਲ ਹੋਇਆ ਹੈ, ਉਥੇ ਨਿਸ਼ਾਨੇਬਾਜ਼ ਹਿਨਾ ਸਿੱਧੂ, ਹਾਕੀ ਸਟਾਰ ਅਮਨਦੀਪ ਕੌਰ, ਅਥਲੀਟ ਸੁਖਬੀਰ ਕੌਰ, ਨਿਸ਼ਾਨੇਬਾਜ਼ ਮਲਾਇਕਾ ਗੋਇਲ ਆਦਿ ਖ਼ਿਡਾਰਨਾਂ ਨੇ ਵੀ ਪੰਜਾਬ ਦਾ ਨਾਮ ਪੂਰੀ ਦੁਨੀਆ ਵਿੱਚ ਰੌਸ਼ਨ ਕੀਤਾ ਹੈ।

ਇਸ ਤੋਂ ਇਲਾਵਾ ਮਰਦਾਂ ਦੇ ਵਰਗ ਵਿੱਚ ਭਾਰਤੀ ਹਾਕੀ ਟੀਮ ਨੇ ਪੂਰੇ 16 ਸਾਲ ਬਾਅਦ ਸੋਨ ਤਮਗਾ ਜਿੱਤ ਕੇ ਹਾਕੀ ਦੇ ਸੁਨਹਿਰੀ ਯੁੱਗ ਦੀ ਵਾਪਸੀ ਕੀਤੀ ਹੈ, ਜਿਸ ਵਿੱਚ 7 ਖਿਡਾਰੀ ਪੰਜਾਬ ਨਾਲ ਸੰਬੰਧਤ ਸਨ। ਉਨ੍ਹਾਂ ਆਖਿਆ ਕਿ ਖਿਡਾਰੀਆਂ ਨੇ ਆਪਣਾ ਫਰਜ਼ ਨਿਭਾਅ ਦਿੱਤਾ ਹੈ, ਹੁਣ ਪੰਜਾਬ ਸਰਕਾਰ ਦਾ ਫਰਜ਼ ਬਣਦਾ ਹੈ ਕਿ ਉਹ ਜੇਤੂ ਖਿਡਾਰੀਆਂ ਨੂੰ ਬਣਦਾ ਮਾਣ ਸਤਿਕਾਰ ਅਤੇ ਉਨ੍ਹਾਂ ਦੇ ਮੁਕਾਮ ਮੁਤਾਬਿਕ ਨੌਕਰੀ ਦੇਵੇ। ਮਨਦੀਪ ਕੌਰ ਨੇ ਆਖਿਆ ਕਿ ਮਾਪਿਆਂ ਤੇ ਅਧਿਆਪਕਾਂ ਨੂੰ ਪੜਾਈ ਦੇ ਨਾਲ-ਨਾਲ ਲੜਕੀਆਂ ਨੂੰ ਖੇਡਾਂ ਵੱਲ ਵੀ ਉਤਸ਼ਾਹਿਤ ਕਰਨਾ ਚਾਹੀਦਾ ਹੈ। 

ਇਸ ਮੌਕੇ ਮੁੱਖ ਮਹਿਮਾਨ ਵਜੋਂ ਪੁੱਜੇ ਵਿਧਾਇਕ ਸ੍ਰ. ਮਨਪ੍ਰੀਤ ਸਿੰਘ ਇਯਾਲੀ ਨੇ ਪੰਜਾਬ ਸਰਕਾਰ ਦੀ ਤਰਫੋਂ ਮਨਦੀਪ ਕੌਰ ਅਤੇ ਏਸ਼ੀਆਈ ਖੇਡਾਂ ਦੇ ਹੋਰ ਜੇਤੂ ਖਿਡਾਰੀਆਂ ਨੂੰ ਵਿਸ਼ਵਾਸ਼ ਦਿਵਾਇਆ ਕਿ ਸਰਕਾਰ ਉਨ੍ਹਾਂ ਨੂੰ ਬਣਦਾ ਮਾਣ ਸਤਿਕਾਰ ਦਿਵਾਏਗੀ। ਉਨ੍ਹਾਂ ਮਾਤਾ ਸਾਹਿਬ ਕੌਰ ਹਾਕੀ ਅਕਾਦਮੀ ਅਤੇ ਜਰਖੜ ਖੇਡਾਂ ਦੇ ਪ੍ਰਬੰਧਕਾਂ ਦੇ ਇਸ ਉਪਰਾਲੇ ਦੀ ਸ਼ਲਾਘਾ ਕਰਦਿਆਂ ਆਖਿਆ ਕਿ ਉਹ ਖੁਦ ਇਸ ਕਲੱਬ ਨਾਲ ਪਿਛਲੇ 20 ਸਾਲਾਂ ਤੋਂ ਜੁੜੇ ਹੋਏ ਹਨ। ਪੰਜਾਬ ਦੇ ਖੇਡ ਸੱਭਿਆਚਾਰ ਅਤੇ ਖਾਸ ਕਰਕੇ ਹਾਕੀ ਨੂੰ ਪ੍ਰਫੁੱਲਿਤ ਕਰਨ ਲਈ ਜਰਖ਼ੜ ਅਕਾਦਮੀ ਆਪਣਾ ਚੋਖਾ ਯੋਗਦਾਨ ਪਾ ਰਹੀ ਹੈ। ਮਨਦੀਪ ਕੌਰ ਦਾ ਜਰਖ਼ੜ ਖੇਡਾਂ ਦਾ ਬਰਾਂਡ ਅੰਬੈਸਡਰ ਬਣਨ ਨਾਲ ਸਾਡੇ ਸਾਰਿਆਂ ਲਈ ਇੱਕ ਮਾਣ ਵਾਲੀ ਗੱਲ ਹੈ। 

ਇਸ ਮੌਕੇ ਊਰਜਾ ਨਿਗਮ ਦੇ ਚੀਫ਼ ਇੰਜੀਨੀਅਰ ਸ੍ਰ. ਰਛਪਾਲ ਸਿੰਘ ਨੇ ਵੀ ਮਨਦੀਪ ਕੌਰ ਨੂੰ ਏਸ਼ੀਆਈ ਖੇਡਾਂ ਵਿੱਚ ਲਗਾਤਾਰ ਤੀਜਾ ਸੋਨ ਤਮਗਾ ਜਿੱਤ ਕੇ ਪੰਜਾਬ ਦੀ ਅਥਲੈਟਿਕਸ 'ਚ ਸੋਨ ਚਿੜੀ ਦਾ ਖ਼ਿਤਾਬ ਜਿੱਤਣ 'ਤੇ ਵਧਾਈ ਦਿੰਦਿਆਂ ਆਖਿਆ ਕਿ ਅਜਿਹੀਆਂ ਖਿਡਾਰਨਾਂ ਦੀਆਂ ਪ੍ਰਾਪਤੀਆਂ ਨਾਲ ਹਰ ਪੰਜਾਬੀ ਦਾ ਸਿਰ ਮਾਣ ਨਾਲ ਉੱਚਾ ਹੁੰਦਾ ਹੈ। ਇਸ ਮੌਕੇ ਉਲੰਪੀਅਨ ਮਨਦੀਪ ਕੌਰ ਅਤੇ ਆਏ ਹੋਰ ਮਹਿਮਾਨਾਂ ਨੂੰ ਅਕਾਦਮੀ ਦੇ ਡਾਇਰੈਕਟਰ ਸ੍ਰ. ਜਗਰੂਪ ਸਿੰਘ ਜਰਖੜ ਨੇ ਸਵਾਗਤ ਕਰਦਿਆਂ ਆਖਿਆ ਕਿ ਜਰਖ਼ੜ ਖੇਡਾਂ ਦੇ ਫਾਈਨਲ ਸਮਾਰੋਹ 'ਤੇ ਏਸ਼ੀਆਈ ਖੇਡਾਂ ਦੇ ਜੇਤੂ ਹਾਕੀ ਖ਼ਿਡਾਰੀਆਂ ਅਤੇ ਹੋਰਨਾਂ ਦਾ ਵਿਸ਼ੇਸ਼ ਅਵਾਰਡਾਂ ਨਾਲ ਸਨਮਾਨ ਕੀਤਾ ਜਾਵੇਗਾ। 

ਇਸ ਮੌਕੇ ਜਰਖੜ ਅਕਾਦਮੀ ਦੇ ਪ੍ਰਧਾਨ ਸ੍ਰ. ਜੋਗਿੰਦਰ ਸਿੰਘ ਗਰੇਵਾਲ, ਕਲੱਬ ਦੇ ਪ੍ਰਧਾਨ ਐਡਵੋਕੇਟ ਹਰਕਮਲ ਸਿੰਘ, ਸਰਪੰਚ ਦਪਿੰਦਰ ਸਿੰਘ, ਸ੍ਰ. ਹਰਦਿਆਲ ਸਿੰਘ ਅਮਨ, ਚੇਅਰਮੈਨ ਸ੍ਰ. ਸੁਰਿੰਦਰ ਸਿੰਘ ਖੰਨਾ, ਸ੍ਰ. ਰੌਬਿਨ ਸਿੰਘ ਸਿੱਧੂ, ਸ੍ਰ. ਪਰਮਜੀਤ ਸਿੰਘ ਨੀਟੂ, ਸ੍ਰ. ਬਲਜਿੰਦਰ ਸਿੰਘ ਥਰੀਕੇ, ਸ੍ਰ. ਸ਼ਰਨਜੀਤ ਸਿੰਘ ਥਰੀਕੇ, ਸ੍ਰ. ਸੰਦੀਪ ਸਿੰਘ ਪੰਧੇਰ, ਸ੍ਰ. ਤਜਿੰਦਰ ਸਿੰਘ, ਸ੍ਰ. ਸ਼ਿੰਗਾਰਾ ਸਿੰਘ ਜਰਖ਼ੜ, ਸ੍ਰ. ਜਗਦੀਪ ਸਿੰਘ ਬੁਲਾਰਾ, ਸਰਪੰਚ ਬਲਵਿੰਦਰ ਸਿੰਘ ਮਹਿਮੂਦਪੁਰਾ, ਮੁੱਖ ਕੋਚ ਸ੍ਰ. ਹਰਮਿੰਦਰਪਾਲ ਸਿੰਘ, ਸ੍ਰ. ਜਗਦੀਪ ਸਿੰਘ ਕਾਹਲੋਂ, ਸ੍ਰ. ਤਾਰਾ ਸਿੰਘ ਸੰਧੂ, ਸ੍ਰੀ ਪ੍ਰਵੀਨ ਠਾਕੁਰ, ਸ੍ਰ. ਮਨਮਿੰਦਰ ਸਿੰਘ ਹੈਪੀ, ਸ੍ਰ. ਰਣਜੀਤ ਸਿੰਘ ਦੁਲੇਂਅ, ਸ੍ਰ. ਬਲਵਿੰਦਰ ਸਿੰਘ ਬੋਪਾਰਾਏ, ਸ੍ਰ. ਜਸਵੀਰ ਸਿੰਘ ਖਾਨਪੁਰ, ਖੇਡ ਪ੍ਰੇਮੀ ਅਤੇ ਹੋਰ ਪ੍ਰਮੁੱਖ ਸਖ਼ਸ਼ੀਅਤਾਂ ਹਾਜ਼ਰ ਸਨ।