Showing posts with label Guru Nanak Bhawan. Show all posts
Showing posts with label Guru Nanak Bhawan. Show all posts

Friday, August 01, 2025

ਪੀ ਏ ਯੂ ਦੇ ਮਾਈਕ੍ਰੋਬਾਇਓਲੋਜੀ ਵਿਭਾਗ ਵੱਲੋਂ ਵਰਕਸ਼ਾਪ ਅਤੇ ਪ੍ਰਦਰਸ਼ਨੀ

Received on Friday1st Aug 2025 at 4:14 PM From PAU Ludhiana

ਗੁਰੂ ਨਾਨਕ ਦੇਵ ਭਵਨ, ਲੁਧਿਆਣਾ ਵਿਖੇ ਆਯੋਜਿਤ ਹਰਬਲ ਗਾਰਡਨ ਅਧਿਆਪਕ ਵਰਕਸ਼ਾਪ +++++++++++++++++++++++++++++++++++++++++++++++++++++++++++++++ 


ਲੁਧਿਆਣਾ: 1 ਅਗਸਤ 2025: (ਮੀਡੀਆ ਲਿੰਕ ਰਵਿੰਦਰ//ਪੰਜਾਬ ਸਕਰੀਨ ਡੈਸਕ)::

ਪੀ ਏ ਯੂ ਦੇ ਮਾਈਕਰੋਬਾਇਓਲੋਜੀ ਵਿਗਿਆਨ ਵਿਭਾਗ ਨੇ ਹਾਲ ਹੀ ਵਿੱਚ ਗੁਰੂ ਨਾਨਕ ਦੇਵ ਭਵਨ, ਲੁਧਿਆਣਾ ਵਿਖੇ ਆਯੋਜਿਤ ਹਰਬਲ ਗਾਰਡਨ ਅਧਿਆਪਕ ਵਰਕਸ਼ਾਪ ਵਿੱਚ ਬਾਇਓਐਨਜ਼ਾਈਮ, ਜੀਵਾਣੂੰ ਖਾਦਾਂ, ਪਾਣੀ ਪਰਖ ਕਿੱਟਾਂ ਅਤੇ ਖੁੰਬਾਂ ਦੀ ਕਾਸ਼ਤ ਬਾਰੇ ਇੱਕ ਪ੍ਰਦਰਸ਼ਨੀ ਲਗਾਈ। ਇਸ ਵਰਕਸ਼ਾਪ ਵਿੱਚ ਕੁੱਲ 925 ਭਾਗੀਦਾਰਾਂ ਨੇ ਹਿੱਸਾ ਲਿਆ।  ਵਿਗਿਆਨ ਵਿਭਾਗ ਦੀ ਮੁਖੀ ਡਾ. (ਸ਼੍ਰੀਮਤੀ) ਉਰਮਿਲਾ ਗੁਪਤਾ ਨੇ ਫੈਕਲਟੀ ਮੈਂਬਰਾਂ ਅਤੇ ਵਿਦਿਆਰਥੀਆਂ ਦੇ ਨਾਲ ਇਸ ਵਰਕਸ਼ਾਪ ਵਿੱਚ ਸ਼ਿਰਕਤ ਕੀਤੀ ਅਤੇ ਲੋਕਾਂ ਨੂੰ ਪੀਏਯੂ ਦੁਆਰਾ ਵਿਕਸਤ ਬਾਇਓਐਨਜ਼ਾਈਮ, ਬਾਇਓਫਰਟੀਲਾਈਜ਼ਰ, ਵਾਟਰ ਟੈਸਟਿੰਗ ਕਿੱਟਾਂ ਅਤੇ ਸਾਲ ਭਰ ਮਸ਼ਰੂਮ ਦੀ ਕਾਸ਼ਤ ਤਕਨਾਲੋਜੀ ਦੇ ਫਾਇਦਿਆਂ ਬਾਰੇ ਜਾਣੂ ਕਰਵਾਇਆ।
 
ਪੀ ਏ ਯੂ ਦੇ ਵਾਈਸ ਚਾਂਸਲਰ ਡਾ. ਸਤਿਬੀਰ ਸਿੰਘ ਗੋਸਲ, ਨਿਰਦੇਸ਼ਕ ਖੋਜ ਡਾ. ਅਜਮੇਰ ਸਿੰਘ ਢੱਟ, ਨਿਰਦੇਸ਼ਕ ਪਸਾਰ ਸਿੱਖਿਆ ਡਾ. ਮੱਖਣ ਸਿੰਘ ਭੁੱਲਰ ਅਤੇ ਡਾ. ਕਿਰਨ ਬੈਂਸ, ਡੀਨ, ਕਾਲਜ ਆਫ਼ ਬੇਸਿਕ ਸਾਇੰਸਜ਼ ਐਂਡ ਹਿਊਮੈਨਟੀਜ਼ ਨੇ ਵਿਭਾਗ ਦੇ ਇਸ ਉਪਰਾਲੇ ਦੀ ਸ਼ਲਾਘਾ ਕੀਤੀ।

Tuesday, February 23, 2021

ਮਿਸ਼ਨ 'ਯੂਥ ਆਫ ਪੰਜਾਬ' ਅਧੀਨ ਖੇਡ ਕਿੱਟਾਂ ਵੰਡ ਦੀ ਸੁਰੂਆਤ

Tuesday: 23rd February 2021 at 8:18 PM

  ਲੁਧਿਆਣਾ ਵਿਖੇ ਦੂਜੇ ਪੜਾਅ ਤਹਿਤ ਹੋਇਆ ਵਿਸ਼ੇਸ਼ ਆਯੋਜਨ 


*ਮੁੱਖ ਮੰਤਰੀ ਦੇ ਸੀਨੀਅਰ ਸਲਾਹਕਾਰ ਲੈਫਟੀਨੈਂਟ ਜਨਰਲ ਟੀ.ਐਸ. ਸ਼ੇਰਗਿੱਲ ਵੱਲੋਂ 200 ਯੂਥ ਕਲੱਬਾਂ ਵਿੱਚ ਵੰਡੀਆਂ ਸਪੋਰਟਸ ਕਿੱਟਾਂ
*ਪੰਜਾਬ ਸੂਬਾ ਖੇਡਾਂ ਦੇ ਖੇਤਰ ਵਿੱਚ ਮੋਹਰੀ ਰੋਲ ਅਦਾ ਕਰੇਗਾ-ਸ਼ੇਰਗਿੱਲ
*ਅਗਲੇ ਪੜਾਅ 'ਚ ਸੂਬੇ ਦੇ ਸਾਰੇ 13000 ਰਜਿਸਟਰਡ ਯੂਥ ਕਲੱਬਾਂ ਨੂੰ ਸਪੋਰਟਸ ਕਿੱਟਾਂ ਮੁਹਈਆ ਕਰਵਾਈਆਂ ਜਾਣਗੀਆਂ 


ਲੁਧਿਆਣਾ
: 23 ਫਰਵਰੀ 2021: (ਕਾਰਤਿਕਾ ਸਿੰਘ//ਪੰਜਾਬ ਸਕਰੀਨ)::
ਪੇਂਡੂ ਖੇਤਰਾਂ ਵਿੱਚ ਖੇਡਾਂ ਨੂੰ ਉਤਸ਼ਾਹਤ ਕਰਦਿਆਂ ਸੂਬੇ ਨੂੰ ਦੇਸ਼ ਦਾ ਸਪੋਰਟਸ ਪਾਵਰ ਹਾਊਸ ਬਣਾਉਣ ਲਈ, ਮੁੱਖ ਮੰਤਰੀ ਦੇ ਸੀਨੀਅਰ ਸਲਾਹਕਾਰ ਲੈਫਟੀਨੈਂਟ ਜਨਰਲ ਸ੍ਰੀ ਟੀ.ਐਸ. ਸ਼ੇਰਗਿੱਲ ਵੱਲੋਂ 'ਯੂਥ ਆਫ ਪੰਜਾਬ' ਮਿਸ਼ਨ ਤਹਿਤ ਦੂਜੇ ਪੜਾਅ ਦੀ ਸੁਰੂਆਤ ਕਰਦਿਆਂ ਅੱਜ ਲੁਧਿਆਣਾ ਵਿਖੇ 200 ਯੂਥ ਕਲੱਬਾਂ ਵਿੱਚ ਸਪੋਰਟਸ ਕਿੱਟਾਂ ਵੰਡੀਆਂ।
ਮਿਸ਼ਨ ਦਾ ਉਦੇਸ਼ ਦਿਹਾਤੀ ਖੇਤਰਾਂ ਦੇ ਨੌਜਵਾਨਾਂ ਨੂੰ ਖੇਡਾਂ ਲਈ ਉਤਸ਼ਾਹਿਤ ਕਰਦਿਆਂ ਉਨ੍ਹਾਂ ਦੀ ਅਸੀਮ ਊਰਜ਼ਾ ਨੂੰ ਸਹੀ ਦਿਸ਼ਾ ਪ੍ਰਦਾਨ ਕਰਨੀ ਹੈ। 
ਮੁੱਖ ਮੰਤਰੀ ਦੇ ਸੀਨੀਅਰ ਸਲਾਹਕਾਰ ਲੈਫਟੀਨੈਂਟ ਜਨਰਲ ਸ੍ਰੀ ਟੀ. ਐਸ. ਸ਼ੇਰਗਿੱਲ ਵੱਲੋਂ ਅੱਜ ਸਥਾਨਕ ਗੁਰੂ ਨਾਨਕ ਭਵਨ ਵਿਖੇ ਯੂਥ ਕਲੱਬਾਂ ਦੇ ਨੁਮਾਇੰਦਿਆਂ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਇਹ ਕਿੱਟਾਂ ਪੇਂਡੂ ਖੇਤਰਾਂ ਵਿੱਚ ਖੇਡਾਂ ਅਤੇ ਹੋਰ ਸਮਾਜਿਕ ਗਤੀਵਿਧੀਆਂ ਨੂੰ ਉਤਸ਼ਾਹਤ ਕਰਨ ਵਿੱਚ ਅਹਿਮ ਭੂਮਿਕਾ ਨਿਭਾਉਣਗੀਆਂ।
ਉਨ੍ਹਾਂ ਕਿਹਾ ਕਿ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੀ ਅਗਵਾਈ ਵਾਲੀ ਸੂਬਾ ਸਰਕਾਰ ਖੇਡਾਂ ਦਾ ਪੱਧਰ ਉੱਚਾ ਚੁੱਕਣ ਲਈ ਹਮੇਸ਼ਾਂ ਪੱਬਾਂ ਭਾਰ ਰਹੀ ਹੈ ਅਤੇ ਭਵਿੱਖ ਵਿੱਚ ਵੀ ਪੰਜਾਬ ਸੂਬਾ ਖੇਡਾਂ ਦੇ ਖੇਤਰ ਵਿੱਚ ਮੋਹਰੀ ਰੋਲ ਅਦਾ ਕਰੇਗਾ ਅਤੇ ਕਿੱਟਾਂ ਦੀ ਵੰਡ ਹੇਠਲੇ ਪੱਧਰ 'ਤੇ ਖੇਡਾਂ ਵਿਚ ਕ੍ਰਾਂਤੀ ਲਿਆਉਣ ਲਈ ਉਤਪ੍ਰੇਰਕ ਸਾਬਤ ਹੋਵੇਗੀ।
ਸੀਨੀਅਰ ਸਲਾਹਕਾਰ ਵੱਲੋਂ ਪੰਜਾਬ ਯੂਥ ਵਿਕਾਸ ਬੋਰਡ (ਪੀ.ਵਾਈ.ਡੀ.ਬੀ.) ਦੇ ਚੇਅਰਮੈਨ ਸ੍ਰੀ ਸੁਖਵਿੰਦਰ ਸਿੰਘ ਬਿੰਦਰਾ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਖੇਡਾਂ ਨੌਜਵਾਨਾਂ ਨੂੰ ਨਸ਼ਿਆਂ ਤੋਂ ਦੂਰ ਰੱਖਣਗੀਆਂ ਅਤੇ ਨੌਜਵਾਨ ਸਮਾਜ ਲਈ ਆਪਣਾ ਅਹਿਮ ਯੋਗਦਾਨ ਪਾਉਣ ਦੇ ਕਾਬਿਲ ਬਣਨਗੇ।
ਉਨ੍ਹਾਂ ਕਿਹਾ ਕਿ ਆਉਣ ਵਾਲੇ ਪੜਾਵਾਂ ਵਿੱਚ ਸੂਬੇ ਦੇ ਸਾਰੇ 13000 ਰਜਿਸਟਰਡ ਯੂਥ ਕਲੱਬਾਂ ਨੂੰ ਸਪੋਰਟਸ ਕਿੱਟਾਂ ਮੁਹੱਈਆ ਕਰਵਾਈਆਂ ਜਾਣਗੀਆਂ।
ਅੱਜ ਦੇ ਸਮਾਗਮ ਵਿੱਚ ਜ਼ਿਲ੍ਹਾ ਲੁਧਿਆਣਾ ਦੇ 200 ਯੂਥ ਕਲੱਬਾਂ, ਸਕੂਲਾਂ ਅਤੇ ਕਾਲਜਾਂ ਨੂੰ ਸਪੋਰਟਸ ਕਿੱਟਾਂ ਪ੍ਰਦਾਨ ਕੀਤੀਆਂ ਗਈਆਂ। ਅਜਿਹੇ ਸਮਾਗਮ 26 ਫਰਵਰੀ ਨੂੰ ਜਲੰਧਰ ਵਿਖੇ, 3 ਮਾਰਚ ਨੂੰ ਅੰਮ੍ਰਿਤਸਰ ਵਿਖੇ ਅਤੇ 6 ਮਾਰਚ, 2021 ਨੂੰ ਮੁਹਾਲੀ ਵਿਖੇ ਆਯੋਜਿਤ ਕੀਤੇ ਜਾਣਗੇ।
ਇਸ ਮੌਕੇ ਪੀ.ਵਾਈ.ਡੀ.ਬੀ. ਦੇ ਚੇਅਰਮੈਨ ਸ੍ਰੀ ਸੁਖਵਿੰਦਰ ਸਿੰਘ ਬਿੰਦਰਾ ਨੇ ਕਿੱਟਾਂ ਦੇ ਸਪਾਂਸਰਾਂ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਉਨ੍ਹਾਂ ਨੇ ਖੇਡਾਂ ਨੂੰ ਮੁੜ ਸੁਰਜੀਤ ਕਰਨ ਦੇ ਮਕਸਦ ਨਾਲ ਇੱਕ ਮਹਾਨ ਲਹਿਰ ਦੀ ਨੀਂਹ ਰੱਖੀ ਹੈ।
ਉਨ੍ਹਾਂ ਕਿਹਾ ਕਿ ਆਉਣ ਵਾਲੇ ਦਿਨਾਂ ਵਿੱਚ ਜਲੰਧਰ ਅਤੇ ਅੰਮ੍ਰਿਤਸਰ ਜ਼ਿਲ੍ਹਿਆਂ ਵਿੱਚ ਵੀ ਇਸੇ ਤਰ੍ਹਾਂ ਦੇ ਸਮਾਗਮ ਆਯੋਜਿਤ ਕੀਤੇ ਜਾਣਗੇ।
ਇਸ ਤੋਂ ਪਹਿਲਾਂ ਡਿਪਟੀ ਕਮਿਸ਼ਨਰ ਸ੍ਰੀ ਵਰਿੰਦਰ ਕੁਮਾਰ ਸ਼ਰਮਾ ਵੱਲੋਂ ਮੁੱਖ ਮਹਿਮਾਨ ਅਤੇ ਹੋਰ ਪਤਵੰਤਿਆਂ ਦਾ ਸਵਾਗਤ ਕੀਤਾ। ਉਨ੍ਹਾਂ ਇਕੱਠ ਨੂੰ ਪੀ.ਵਾਈ.ਡੀ.ਬੀ. ਵੱਲੋਂ ਚੁੱਕੇ ਕਦਮਾਂ ਬਾਰੇ ਵੀ ਦੱਸਿਆ।
ਮੁੱਖ ਮਹਿਮਾਨ ਵੱਲੋਂ ਹਾਈਵੇ ਇੰਡਸਟਰੀਜ਼ ਤੋਂ ਸ੍ਰੀ ਅਨਮੋਲ ਮੁੰਜਾਲ, ਸ੍ਰੀ ਉਮੇਸ਼ ਮੁੰਜਾਲ, ਏਵਨ ਸਾਈਕਲ ਤੋਂ ਸ. ਓਂਕਾਰ ਸਿੰਘ ਪਾਹਵਾ, ਹੀਰੋ ਈਕੋਟੈਕ ਤੋਂ ਸ੍ਰੀ ਵਿਜੇ ਮੁੰਜਾਲ ਅਤੇ ਸ੍ਰੀ ਗੌਰਵ ਮੁੰਜਾਲ, ਕੰਗਾਰੂ ਇੰਡਸਟਰੀ ਤੋਂ ਸ੍ਰੀ ਅਮਰੀਸ਼ ਜੈਨ, ਸੀ.ਆਈ.ਸੀ.ਯੂ. ਤੋਂ ਸ.ਉਪਕਾਰ ਸਿੰਘ ਆਹੂਜਾ ਅਤੇ ਕੇ.ਜੇ. ਫੋਰਜਿੰਗ ਤੋਂ ਸ੍ਰੀ ਗੋਪੀ ਕੋਠਾਰੀ ਅਤੇ ਸ੍ਰੀ ਅਮਿਤ ਕੋਠਾਰੀ ਨੂੰ ਸਨਮਾਨਿਤ ਕੀਤਾ ਗਿਆ।
ਇਸ ਮੌਕੇ ਪ੍ਰਮੁੱਖ ਸ਼ਖਸ਼ੀਅਤਾਂ ਵਿੱਚ ਪੀ.ਐਮ.ਆਈ.ਡੀ.ਬੀ. ਦੇ ਚੇਅਰਮੈਨ ਸ.ਅਮਰਜੀਤ ਸਿੰਘ ਟਿੱਕਾ, ਪੀ.ਐਸ.ਆਈ.ਡੀ.ਸੀ. ਦੇ ਚੇਅਰਮੈਨ ਸ੍ਰੀ ਕੇ.ਕੇ. ਬਾਵਾ, ਮੇਅਰ ਸ੍ਰੀ ਬਲਕਾਰ ਸਿੰਘ ਸੰਧੂ, ਕੌਂਸਲਰ ਸ੍ਰੀਮਤੀ ਮਮਤਾ ਆਸ਼ੂ, ਸ. ਹਰਕਰਨ ਸਿੰਘ ਵੈਦ, ਸ੍ਰੀਮਤੀ ਰਾਸ਼ੀ ਅਗਰਵਾਲ, ਡਿਪਟੀ ਕਮਿਸ਼ਨਰ ਸ੍ਰੀ ਵਰਿੰਦਰ ਕੁਮਾਰ ਸ਼ਰਮਾ, ਵਧੀਕ ਡਿਪਟੀ ਕਮਿਸ਼ਨਰ(ਵਿਕਾਸ) ਸ੍ਰੀ ਸੰਦੀਪ ਕੁਮਾਰ, ਲੈਫਟੀਨੈਂਟ ਜਨਰਲ ਸ਼ੇਰਗਿੱਲ ਦੇ ਓ.ਐਸ.ਡੀ. ਸ. ਕਰਨਵੀਰ ਸਿੰਘ, ਸ.ਸਤਿੰਦਰ ਸਿੰਘ ਹੈਰੀ ਆਹਲੂਵਾਲੀਆ, ਸ੍ਰੀ ਨਿਤਿਨ ਟੰਡਨ, ਸ੍ਰੀ ਰੋਹਿਤ ਸ਼ਰਮਾ, ਸ੍ਰੀ ਨਿਤਿਨ ਅਰੋੜਾ, ਸ੍ਰੀ ਦੇਵ ਅਗਰਵਾਲ, ਸ. ਮਨਦੀਪ ਸਾਹਨੇਵਾਲ ਤੋਂ ਇਲਾਵਾ ਕਈ ਹੋਰ ਸ਼ਾਮਲ ਸਨ।

Saturday, August 24, 2019

ਲੁਧਿਆਣਾ ਵਿਖੇ ਜਲਿਆਂ ਵਾਲਾ ਬਾਗ ਸਾਕਾ ਸ਼ਤਾਬਦੀ ਬਾਰੇ ਪ੍ਰਦਰਸ਼ਨੀ ਸ਼ੁਰੂ

Aug 24, 2019, 5:02 PM
ਡਿਪਟੀ ਕਮਿਸ਼ਨਰ ਪ੍ਰਦੀਪ ਕੁਮਾਰ ਅਗਰਵਾਲ ਨੇ ਕੀਤਾ ਉਦਘਾਟਨ
ਲੁਧਿਆਣਾ: 24 ਅਗਸਤ 2019: (ਪੰਜਾਬ ਸਕਰੀਨ ਬਿਊਰੋ)::
ਡਿਪਟੀ ਕਮਿਸ਼ਨਰ ਪ੍ਰਦੀਪ ਕੁਮਾਰ ਅਗਰਵਾਲ ਨੇ ਅੱਜ ਸਥਾਨਕ ਗੁਰੂ ਨਾਨਕ ਭਵਨ ਵਿਖੇ 3 ਸਤੰਬਰ ਤੱਕ ਚੱਲਣ ਵਾਲੀ ਜਲਿਆਂ ਵਾਲਾ ਬਾਗ ਸਾਕਾ ਸ਼ਤਾਬਦੀ ਪ੍ਰਦਰਸ਼ਨੀ ਦਾ ਉਦਘਾਟਨ ਕੀਤਾ ਅਤੇ ਕਿਹਾ ਕਿ ਆਉਣ ਵਾਲੀਆ ਪੀੜੀਆਂ ਨੂੰ ਭਾਰਤੀ ਆਜ਼ਾਦੀ ਅੰਦਲੋਨ ਦੇ ਇਸ ਅਹਿਮ ਸਫੇ ਬਾਰੇ ਜਾਣੂ ਕਰਵਾਉਣਾ ਅਤੇ ਉਨਾਂ ਦੇ ਵਿਚ ਦੇਸ਼ ਭਗਤੀ ਦੀ ਭਾਵਨਾ ਪੈਦਾ ਕਰਨਾ ਸਮੇਂ ਦੀ ਲੋੜ ਹੈ।
ਡਿਪਟੀ ਕਮਿਸ਼ਨਰ ਨੇ ਕਿਹਾ ਕਿ ਪੰਜਾਬ ਦੇ ਸੱਭਿਆਚਾਰਕ ਮਾਮਲਿਆਂ ਬਾਰੇ ਵਿਭਾਗ ਵਲੋਂ ਪਾਰਟੀਸ਼ਨ ਮਿਊਜੀਅਮ ਅੰਮ੍ਰਿਤਸਰ ਦੇ ਸਹਿਯੋਗ ਨਾਲ ਜਲਿਆਂ  ਵਾਲਾ ਬਾਗ ਸਾਕੇ ਦੇ 100 ਵਰ•ੇ ਪੂਰੇ ਹੋਣ 'ਤੇ ਇਹ ਪ੍ਰਦਰਸ਼ਨੀ ਲਗਾਈ ਗਈ ਹੈ। ਉਹਨਾਂ ਕਿਹਾ ਕਿ ਇਹ ਸਾਡਾ ਫਰਜ਼ ਬਣਦਾ ਹੈ ਕਿ ਸਾਡੇ ਆਜ਼ਾਦੀ ਗੁਲਾਟੀਆਂ ਦੀ ਸ਼ਾਨਦਾਰ ਵਿਰਾਸਤ ਬਾਰੇ ਨੌਜਵਾਨ ਵਰਗ ਨੂੰ ਜਾਣੂ ਕਰਵਾਇਆ ਜਾਵੇ।
ਉਹਨਾਂ ਕਿਹਾ ਕਿ ਇਹ ਪ੍ਰਦਰਸ਼ਨੀ ਨੌਜਵਾਨਾਂ ਨੂੰ ਸਾਡੇ ਆਜ਼ਾਦੀ ਗੁਲਾਟੀਆਂ ਦੀ ਜ਼ਿੰਦਗੀ ਨੂੰ ਨੇੜੇ ਤੋਂ ਦੱਸੇਗੀ ਅਤੇ ਉਹਨਾਂ  ਦੇ ਦਰਸਾਏ ਰਸਤੇ 'ਤੇ ਚੱਲਣ ਲਈ ਪ੍ਰੇਰੇਗੀ। ਉਹਨਾਂ ਕਿਹਾ ਕਿ ਇਸ ਪ੍ਰਦਰਸ਼ਨੀ ਵਿਚ ਘਿਨਾਉਣੇ ਗੋਲੀ ਕਾਂਡ ਨਾਲ ਸਬੰਧਤ ਅਖਬਾਰਾਂ, ਰਿਪੋਰਟਾਂ ਅਤੇ ਫੋਟੋਆਂ ਨੂੰ ਪ੍ਰਦਰਸ਼ਿਤ ਕੀਤਾ ਗਿਆ ਹੈ। ਉਹਨਾਂ ਕਿਹਾ ਕਿ ਸਾਰਾ ਦੇਸ਼ ਜਲਿਆਂ ਵਾਲਾ ਬਾਗ ਦੇ ਸ਼ਹੀਦਾਂ ਨੂੰ ਸਦਾ ਸਮਰਪਿਤ ਰਹੇਗਾ ਕਿਉਂਕਿ ਉਹਨਾਂ ਦੀ ਬਦੌਲਤ ਹੀ ਅਸੀ ਅੱਜ ਆਜ਼ਾਦੀ ਦਾ ਨਿੱਘ ਮਾਣ ਰਹੇ ਹਨ।
ਉਹਨਾਂ ਕਿਹਾ ਕਿ ਜਲਿਆਂ ਵਾਲਾ ਬਾਗ ਸਾਕਾ ਭਾਰਤੀ ਆਜ਼ਾਦੀ ਅੰਦੋਲਨ ਦਾ ਇੱਕ ਅਹਿਮ ਮੋੜ ਸੀ, ਜਿਸ ਉਪਰੰਤ ਭਾਰਤ ਆਜ਼ਾਦੀ ਦੀ ਰਾਹ 'ਤੇ ਤੁਰ ਪਿਆ ਸੀ। ਉਹਨਾਂ ਕਿਹਾ ਕਿ 13 ਅਪ੍ਰੈਲ, 1919 ਨੂੰ ਵਿਸਾਖੀ ਵਾਲੇ ਦਿਨ ਅੰਗ੍ਰੇਜ਼ ਜਨਰਲ ਡਾਇਰ ਵਲੋਂ ਨਿਰਦੋਸ਼ ਲੋਕਾਂ 'ਤੇ ਗੋਲੀ ਚਲਾ ਕੇ ਹਜ਼ਾਰ ਦੇ ਕਰੀਬ ਬੇਗੁਨਾਹ ਲੋਕ ਸ਼ਹੀਦ ਕਰ ਦਿੱਤੇ ਗਏ ਸਨ। ਉਹਨਾਂ ਕਿਹਾ ਕਿ ਅੰਗ੍ਰੇਜ਼ ਹਾਕਮਾਂ ਦਾ ਇਹ ਅਣਮਨੁੱਖੀ ਕਾਰਾ ਅੰਗ੍ਰੇਜ਼ ਸਾਮਰਾਜਵਾਦ ਦੇ ਤਾਬੁਤ ਵਿਚ ਆਖਰੀ ਕਿੱਲ ਸਾਬਤ ਹੋਇਆ ਅਤੇ ਇਸ ਉਪਰੰਤ 15 ਅਗਸਤ 1947 ਨੂੰ ਸਾਡਾ ਮੁਲਕ ਅੰਗ੍ਰੇਜਾਂ ਦੀ ਜ਼ੰਜ਼ੀਰ ਤੋਂ ਮੁਕਤ ਹੋ ਗਿਆ।
ਉਹਨਾਂ ਕਿਹਾ ਕਿ ਸਾਨੂੰ ਸਾਰਿਆਂ ਨੂੰ ਇਸ ਪ੍ਰਦਰਸ਼ਨੀ ਵਿਚ ਵੱਧ ਚੜ ਕੇ ਹਿੱਸਾ ਲੈਣਾ ਚਾਹੀਦਾ ਹੈ ਅਤੇ ਆਪਣੇ ਬੱਚਿਆਂ ਨੂੰ ਜਲਿਆਂ ਵਾਲਾ ਬਾਗ ਸਾਕੇ ਦੀ ਅਹਿਮੀਅਤ ਬਾਰੇ ਦੱਸਣਾ ਚਾਹੀਦਾ ਹੈ।ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਜ਼ਿਲਾ ਸਿੱਖਿਆ ਅਫਸਰ (ਸੈਕੰ. ਸਿੱਖਿਆ) ਸ੍ਰੀਮਤੀ ਸਵਰਨਜੀਤ ਕੌਰ ਅਤੇ ਹੋਰ ਵੀ ਹਾਜ਼ਰ ਸਨ।

Friday, April 26, 2019

ਪਹਿਲਾ ਵਿਵੇਕ ਸੁਰ ਸਨਮਾਨ 27 ਅਪਰੈਲ ਦੇ ਜੀਵੇ ਪੰਜਾਬ ਪ੍ਰੋਗਾਮ ਵਿੱਚ

Apr 26, 2019, 4:55 PM
ਵਿਵੇਕ ਦੀ ਯਾਦ ਵਿੱਚ ਪਹਿਲਾ ਪੁਰਸਕਾਰ ਮਨਰਾਜ ਪਾਤਰ ਨੂੰ
ਲੁਧਿਆਣਾ: 26 ਅਪ੍ਰੈਲ 2019: (ਪੰਜਾਬ ਸਕਰੀਨ ਬਿਊਰੋ)::
ਪਹਿਲਾ ਵਿਵੇਕ ਸੁਰ ਸਨਮਾਨ-2018 ਗੁਰੂ ਨਾਨਕ ਭਵਨ ਵਿਖੇ 27 ਅਪਰੈਲ ਨੂੰ ਜੀਵੇ ਪੰਜਾਬ ਪ੍ਰੋਗਰਾਮ ਵਿਚ ਨੌਜਵਾਨ ਗਾਇਕ ਮਨਰਾਜ ਪਾਤਰ ਨੂੰ ਦਿੱਤਾ ਜਾ ਰਿਹਾ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਸ਼੍ਰੀ ਜਸਵੰਤ ਜ਼ਫ਼ਰ ਨੇ ਦੱਸਿਆ ਕਿ ਵਿਵੇਕ ਸਿੰਘ ਪੰਧੇਰ ਜੋ ਵੈਨਕੂਵਰ ਵਿਖੇ ਇੰਜਨੀਅਰਿੰਗ ਦੀ ਪੜ੍ਹਾਈ ਦੇ ਨਾਲ ਨਾਲ ਗਾਇਕੀ, ਸੰਗੀਤ, ਫੋਟੋਕਾਰੀ, ਫਿਲਮਸਾਜ਼ੀ ਆਦਿ ਕਲਾਵਾਂ ਦਾ ਸ਼ੌਕ ਰੱਖਦਾ ਸੀ ਅਤੇ 2015 ਵਿਚ ਜਿਸ ਦੇ ਚਲਾਣਾ ਕਰਨ ਉਪਰੰਤ ਉਸ ਦੇ ਸਰੀਰ ਦੇ ਬਹੁਤ ਸਾਰੇ ਅੰਗ ਵੱਖ ਵੱਖ ਲੋੜਵੰਦਾਂ ਨੂੰ ਲਗਾਏ ਗਏ ਸਨ, ਦੀ ਯਾਦ ਵਿਚ ਪਿਛਲੇ ਸਾਲ ਇਹ ਸਨਮਾਨ ਸਥਾਪਤ ਕੀਤਾ ਗਿਆ ਸੀ। ਹਰ ਸਾਲ ਇਕ ਮਿਆਰੀ ਗੀਤ ਨੂੰ ਸਭ ਤੋਂ ਵਧੀਆ ਗਾਉਣ ਵਾਲੇ ਗਾਇਕ ਨੂੰ ਇਹ ਸਨਮਾਨ ਦਿੱਤਾ ਜਾਣਾ ਹੈ। 2018 ਵਿਚ ਪਹਿਲੀ ਵਾਰ ਸਰੀ ਨਿਵਾਸੀ ਬਲਦੇਵ ਸਿੰਘ ਬਾਠ ਦਾ ਗੀਤ 'ਮਸਤੀ ਦੀ ਬਸਤੀ' ਇਸ ਪ੍ਰਤੀਯੋਗਤਾ ਲਈ ਰੱਖਿਆ ਗਿਆ ਸੀ। ਇਸ ਗੀਤ ਨੂੰ ਪੰਜ ਨੌਜਵਾਨ ਗਾਇਕਾਂ ਮਨਰਾਜ ਪਾਤਰ, ਤਨਵੀਰ ਸੰਧੂ, ਵਿਜੇ ਯਮਲਾ, ਕਰਮਜੀਤ ਗਰੇਵਾਲ ਅਤੇ ਟਿਮੀ ਗਿੱਲ ਨੇ ਆਪੋ ਆਪਣੇ ਅੰਦਾਜ਼ ਵਿਚ ਵੱਖ-ਵੱਖ ਮਾਧਿਅਮਾਂ ਰਾਹੀਂ ਗਾਇਆ ਸੀ। ਤਿੰਨ ਜੱਜਾਂ, ਗਾਇਨ ਅਚਾਰੀਆ ਭਾਈ ਬਲਦੀਪ ਸਿੰਘ, ਪ੍ਰਸਿੱਧ ਸੰਗੀਤ ਨਿਰਦੇਸ਼ਕ ਤੇਜਵੰਤ ਕਿੱਟੂ ਅਤੇ ਪ੍ਰਸਿੱਧ ਦਾਨਿਸ਼ਵਰ ਅਤੇ ਪ੍ਰਬੁੱਧ ਸੰਗੀਤ ਸਰੋਤੇ ਡਾ. ਸਰਦਾਰਾ ਸਿੰਘ ਜੌਹਲ ਦੇ ਸਾਂਝੇ ਮੁਲਾਂਕਣ ਅਨੁਸਾਰ ਇਹ ਪੁਰਸਕਾਰ ਮਨਰਾਜ ਪਾਤਰ ਨੂੰ ਦਿੱਤੇ ਜਾਣ ਦਾ ਫੈਸਲਾ ਕੀਤਾ ਗਿਆ। ਮਨਰਾਜ ਪਾਤਰ ਪੰਜਾਬੀ ਦੇ ਹਰਮਨ ਪਿਆਰੇ ਕਵੀ ਡਾ. ਸੁਰਜੀਤ ਪਾਤਰ ਦਾ ਸਪੁੱਤਰ ਹੈ ਅਤੇ ਉਸ ਨੇ ਅੱਜ ਜੀਵੇ ਪੰਜਾਬ ਪ੍ਰੋਗਰਾਮ ਵਿਚ ਪਹਿਲੀ ਵਾਰ ਆਪਣੀ ਚੰਗੇਰੀ ਗਾਇਨ ਕਲਾ ਲੈ ਕੇ ਸਰੋਤਿਆਂ ਸਨਮੁਖ ਪੇਸ਼ ਹੋਣਾ ਹੈ। ਇਸ ਦੌਰਾਨ ਉਹ ਪੁਰਸਕਾਰ ਪ੍ਰਤੀਯੋਗਤਾ ਲਈ ਰੱਖਿਆ ਗਿਆ ਗੀਤ 'ਮਸਤੀ ਦੀ ਬਸਤੀ' ਵੀ ਪੇਸ਼ ਕਰੇਗਾ। ਪ੍ਰੋਗਰਾਮ ਦੌਰਾਨ ਉਸ ਨੂੰ ਇਕਵੰਜਾ ਹਜ਼ਾਰ ਰੁਪਏ ਨਕਦ ਅਤੇ ਵਿਸ਼ੇਸ਼ ਪੁਰਸਕਾਰ ਚਿੰਨ੍ਹ ਦਿੱਤਾ ਜਾਵੇਗਾ। ਇਸ ਪ੍ਰਤੀਯੋਗਤਾ ਵਿਚ ਨਾਮਜ਼ਦ ਹੋਏ ਦੂਸਰੇ ਗਾਇਕ ਤਨਵੀਰ ਸੰਧੂ ਨੇ ਵੀ ਇਸ ਪ੍ਰੋਗਰਾਮ ਵਿਚ ਆਪਣੀ ਗਾਇਨ ਅਤੇ ਸੰਗੀਤ ਕਲਾ ਪੇਸ਼ ਕਰਨੀ ਹੈ। ਉਸ ਨੂੰ ਇੱਕੀ ਹਜ਼ਾਰ ਰੁਪਏ ਦਾ ਵਿਸ਼ੇਸ਼ ਇਨਾਮ ਦਿੱਤਾ ਜਾਣਾ ਹੈ। ਪੁਰਸਕਾਰ ਲਈ ਨਾਮਜ਼ਦ ਹੋਏ ਬਾਕੀ ਨੌਜਵਾਨ ਗਾਇਕਾਂ ਨੂੰ ਅਗਲੇ ਦਿਨਾਂ ਵਿਚ ਹੋਣ ਵਾਲੇ ਕਿਸੇ ਹੋਰ ਪ੍ਰੋਗਰਾਮ ਵਿਚ ਇਹ ਵਿਸ਼ੇਸ਼ ਇਨਾਮ ਦਿੱਤੇ ਜਾਣਗੇ। ਜਸਵੰਤ ਜ਼ਫ਼ਰ ਨੇ ਕਿਹਾ ਕਿ ਜਿਸ ਉਦੇਸ਼ ਅਤੇ ਭਾਵਨਾ ਨਾਲ ਜੀਵੇ ਪੰਜਾਬ ਲਹਿਰ ਅੱਗੇ ਵੱਧ ਰਹੀ ਹੈ ਵਿਵੇਕ ਸੁਰ ਸਨਮਾਨ ਪ੍ਰਦਾਨ ਕਰਨ ਲਈ ਬਹੁਤ ਢੁੱਕਵਾਂ ਮੰਚ ਹੈ। 
ਜੀਵੇ ਪੰਜਾਬ ਦੀ ਪ੍ਰਬੰਧਕੀ ਟੀਮ ਦੇ ਮੈਂਬਰ ਅਤੇ ਸੰਚਾਲਕ ਸ਼੍ਰੀ ਕੁਮਾਰ ਸੌਰਵ ਨੇ ਦੱਸਿਆ ਕਿ ਹੋਰਨਾਂ ਤੋਂ ਇਲਾਵਾ ਮਨਜਿੰਦਰ ਸਿੰਘ, ਅਰਪਨ ਸੰਧੂ, ਅਮਨ ਧਾਲੀਵਾਲ, ਪ੍ਰਭ ਜੋਬਨ ਅਤੇ ਗਗਨਜੀਤ ਆਪਣੀ ਬਿਹਤਰੀਨ ਗਾਇਕੀ ਪੇਸ਼ ਕਰਨਗੇ। ਉਹਨਾਂ ਦੱਸਿਆ ਕਿ ਬੁੱਢਾ ਦਰਿਆ ਦੀ ਪੁਨਰ ਸੁਰਜੀਤੀ ਦੀ ਮੁਹਿੰਮ ਨੂੰ ਸਮਰਪਿਤ ਇਹ ਪ੍ਰੋਗਰਾਮ ਗੁਰੂ ਨਾਨਕ ਭਵਨ ਦੇ ਮੁੱਖ ਆਡੀਟੋਰੀਅਮ ਵਿਚ ਸ਼ਾਮੀਂ ਠੀਕ ਛੇ ਵਜੇ ਸ਼ੁਰੂ ਹੋਵੇਗਾ ਅਤੇ ਲਗਪਗ ਢਾਈ ਘੰਟੇ ਚੱਲੇਗਾ। ਉਹਨਾਂ ਦਰਸ਼ਕਾਂ ਨੂੰ ਬੇਨਤੀ ਕੀਤੀ ਕਿ ਉੁਹ ਸਮਾਂ ਰਹਿੰਦੇ ਪਹੁੰਚ ਕੇ ਪਹਿਲਾਂ ਤੋਂ ਅਲਾਟ ਕੀਤੇ ਨੰਬਰਾਂ ਵਾਲੀਆਂ ਆਪਣੀਆਂ ਸੀਟਾਂ 'ਤੇ ਬੈਠਣ ਦੀ ਕ੍ਰਿਪਾਲਤਾ ਕਰਨ। ਦਰਸ਼ਕਾਂ ਸਰੋਤਿਆਂ ਵਲੋਂ ਪ੍ਰੋਗਰਾਮ ਦੌਰਾਨ ਤਸਵੀਰਾਂ ਖਿੱਚਣ ਜਾਂ ਵੀਡੀਓ ਰਿਕਾਰਡਿੰਗ ਦੀ ਮਨਾਹੀ ਹੈ।

Sunday, August 14, 2016

ਟੁੱਟ ਰਹੇ ਘਰਾਂ ਨੂੰ ਬਚਾਉਣ ਦਾ ਸਫਲ ਸੁਨੇਹਾ ਫਿਲਮ ਨੰਨ੍ਹਾ ਫਰਿਸ਼ਤਾ

 ਪ੍ਰਸਿੱਧ ਸ਼ਖਸੀਅਤਾਂ ਨੇ ਕੀਤੀ ਸਪੈਸ਼ਲ ਸ਼ੋਅ ਵਿੱਚ ਉਚੇਚੀ ਸ਼ਿਰਕਤ 
ਲੁਧਿਆਣਾ: 13 ਅਗਸਤ 2016: (ਪੰਜਾਬ ਸਕਰੀਨ ਬਿਊਰੋ):
ਪੂੰਜੀਵਾਦ ਦੇ ਬੁਰਾਈਆਂ ਭਰੇ ਸਿਸਟਮ ਨਾਲ ਤਕਰੀਬਨ ਹਰ ਕਿਸੇ ਦੇ ਮਨ ਅੰਦਰ ਸਿਰਫ ਮੁਨਾਫ਼ਾ ਅਤੇ ਮੁਨਾਫ਼ਾ-ਬਸ ਇਹੀ ਭਾਰੂ ਹੋ ਗਿਆ।  ਪੈਸਾ ਹੀ ਦੀਨ ਅਤੇ ਪੈਸਾ ਹੀ ਭਗਵਾਨ ਹੋ ਗਿਆ। ਇਸ ਸਵਾਰਥਾਂ ਭਰੀ ਸੋਚ ਨੇ ਬਹੁਤ ਸਾਰੀਆਂ ਤਬਾਹੀਆਂ ਲਿਆਂਦੀਆਂ ਜਿਹਨਾਂ ਨੇ ਪ੍ਰੇਮ, ਪਿਆਰ, ਰਿਸ਼ਤੇ ਨਾਤੇ, ਜਜ਼ਬਾਤ ਅਤੇ ਭਾਵੁਕਤਾ ਸਭ ਕੁਝ ਖਤਮ ਕਰ ਦਿੱਤਾ। ਇਸ ਨਾਲ ਘਰਾਂ ਦੇ ਘਰ ਟੁੱਟੇ। ਪਰਿਵਾਰ ਵੰਡੇ ਗਏ-ਸਮਾਜ ਵੰਡੇ ਗਏ। ਇਹਨਾਂ ਟੁੱਟ ਰਹੇ ਪਰਿਵਾਰਾਂ ਦਾ ਦਰਦ ਹੋਰ ਤਾਂ ਕਿਸੇ ਤੱਕ ਨਾ ਪਹੁੰਚਿਆ ਪਰ ਘਰਾਂ ਵਿਚਲੇ ਨੰਨ੍ਹੇਂ ਮੁੰਨੇ ਬੱਚਿਆਂ ਨੇ ਬੜੀ ਸ਼ਿੱਦਤ ਨਾਲ ਇਸ ਨੂੰ ਮਹਿਸੂਸ ਕੀਤਾ। ਇਸ ਸ਼ਿੱਦਤ ਨੇ ਹੀ ਕੀਤੀ ਟੁੱਟ ਰਹੇ ਘਰਾਂ ਅਤੇ ਪਰਿਵਾਰਾਂ ਨੂੰ  ਬਚਾਉਣ ਦੀ ਚਮਤਕਾਰੀ ਪਹਿਲ।  ਇਹ ਸਭ ਕੁਝ ਦਰਸਾਇਆ ਗਿਆ ਹੈ ਫਿਲਮ ਨੰਨ੍ਹਾ ਫਰਿਸ਼ਤਾ ਵਿੱਚ। 
ਇੱਕ ਨੰਨ੍ਹਾ ਫਰਿਸ਼ਤਾ ਫਿਲਮ ਆਈ ਸੀ ਸਨ 1969 ਵਿੱਚ  ਵਿੱਚ ਸੀ।  ਵਿਜੇ ਇੰਟਰਨੈਸ਼ਨਲ ਦੀ ਇਸ ਫਿਲਮ ਵਿੱਚ ਬਹੁਤ ਹੀ ਯਾਦਗਾਰੀ ਕੰਮ ਕੀਤਾ ਸੀ---ਪ੍ਰਾਣ, ਅਜੀਤ, ਅਨਵਰ ਹੁਸੈਨ, ਬਲਰਾਜ ਸਾਹਨੀ, ਜਾਨੀ ਵਾਕਰ, ਕੁਕਰੀ, ਪਦਮਿਨੀ, ਬੇਬੀ ਰਾਣੀ ਅਤੇ ਕਈ ਹੋਰ ਕਲਾਕਾਰਾਂ ਨੇ। ਉਸ ਫਿਲਮ ਵਿੱਚ ਵੀ ਜਿਹੜੇ ਸੁਨੇਹੇ ਸਨ ਉਹਨਾਂ ਵਿੱਚ ਇੱਕ ਇਹ ਵੀ ਸੀ। ਦਹਾਕਿਆਂ ਪਹਿਲਾਂ ਆਈ ਇਹ ਫਿਲਮ ਲੋਕਾਂ ਨੂੰ ਭੁੱਲ ਭਲਾ ਗਈ ਅਤੇ ਸਮਾਜ ਨੇ ਜਿਹੜੀ ਤਰੱਕੀ ਕੀਤੀ ਉਸ ਵਿੱਚ ਪਰਿਵਾਰਾਂ ਦੇ ਝਗੜੇ ਅਤੇ ਵਖਰੇਵੇਂ ਵੱਧ ਗਏ। ਪੂੰਜੀਵਾਦ ਦੀਆਂ ਬੁਰਾਈਆਂ ਦੇ ਸਿੱਟੇ ਵੱਜੋਂ ਬਾਕੀ ਬਚਿਆ ਸਿਰਫ ਸਵਾਰਥ ਅਤੇ ਪੈਸੇ ਦਾ ਲਾਲਚ। ਹਰ ਰਿਸ਼ਤਾ, ਹਰ ਜਜ਼ਬਾਤ, ਹਰ ਅਹਿਸਾਸ ਖਰੀਦਣ ਦੀ ਸ਼ਰਮਨਾਕ ਕੋਸ਼ਿਸ਼ ਕੀਤੀ ਇਸ ਸਿਸਟਮ ਨੇ। ਇਹਨਾਂ ਨਵੇਂ ਹਾਲਾਤਾਂ ਨੂੰ ਮੁਖ ਰੱਖ ਕੇ ਹੀ ਬਣਾਈ ਗਈ ਨਵੀਂ ਫਿਲਮ ਨੰਨ੍ਹਾ ਫਰਿਸ਼ਤਾ। ਨਿਰਮਾਤਾ ਅਮਨ ਸੈਣੀ ਅਤੇ ਪੂਨਮ ਸ਼ਰਮਾ ਦੀ ਇਸ ਫਿਲਮ ਦੇ ਡਾਇਲਾਗ, ਸਕਰੀਨ ਪਲੇ ਅਤੇ ਨਿਰਦੇਸ਼ਨ ਦੀ ਜ਼ਿੰਮੇਵਾਰੀ ਨਿਭਾਈ ਹੈ ਭਗਵੰਤ ਸਿੰਘ ਕੰਗ ਨੇ। ਕਹਾਣੀ ਲਿਖਣ ਦੇ ਨਾਲ ਨਾਲ ਪਲੇ ਬੈਕ ਗੀਤ ਗਾਇਆ ਹੈ ਅਸ਼ੋਕ ਧੀਰ ਨੇ। ਰੋਹਣ ਸੈਣੀ ਨੇ ਨੰਨ੍ਹੇ ਫਰਿਸ਼ਤੇ ਦਾ ਰੋਲ ਬਹੁਤ ਹੀ ਖੂਬਸੂਰਤੀ ਨਾਲ  ਨਿਭਾਇਆ ਹੈ। ਸ਼ਾਇਦ ਬਾਕੀ ਸਭਨਾਂ ਤੋਂ ਜ਼ਿਆਦਾ ਜਾਨਦਾਰ। ਫਿਲਮ ਵਿੱਚ ਜਨਾਬ ਦਰਸ਼ਨ ਅਰੋੜਾ ਹੁਰਾਂ ਦੀ ਅਗਵਾਈ ਵਾਲੀ ਸਿਟੀਜ਼ਨ ਕੌਂਸਿਲ ਦੀ ਭੂਮਿਕਾ ਦਰਸਾ ਕੇ ਸਮਾਜਿਕ ਸੰਗਠਨਾਂ ਨੂੰ ਕੁਝ ਸਿਹਤਮੰਦ ਕੰਮ ਕਰਨ ਦਾ ਸ਼ਾਨਦਾਰ ਸੁਨੇਹਾ ਵੀ ਦਿੱਤਾ ਗਿਆ ਹੈ। ਜਗਦੀਪ ਸੰਧੂ, ਸਾਨੀਆ ਸਿੰਘ, ਸਿਦਕਪ੍ਰੀਤ ਅਤੇ ਏ ਪੀ ਮਲਿਕ ਨੇ ਵੀ ਯਾਦਗਾਰੀ ਭੂਮਿਕਾ ਨਿਭਾਈ। ਮੰਚ ਸੰਚਾਲਨ ਪ੍ਰਸਿੱਧ ਐਂਕਰ ਕਮਲੇਸ਼ ਗੁਪਤਾ ਨੇ ਆਪਣੇ ਜਾਣੇ ਪਛਾਣੇ ਸ਼ਾਇਰਾਨਾ ਅੰਦਾਜ਼ ਨਾਲ ਕੀਤਾ ਜਿਸਦਾ ਅਸਰ ਹਰ ਵਾਰ ਜਾਦੂਈ ਹੁੰਦਾ ਹੈ।  

Friday, November 06, 2015

ਸਾਨੂੰ ਦੇਵੀ ਨਾ ਬਣਾਓ--ਸਾਨੂੰ ਇਨਸਾਨ ਬਣ ਕੇ ਹੀ ਜੀ ਲੈਣ ਦਿਓ--ਲਕਸ਼ਮੀ ਕਾਂਤਾ ਚਾਵਲਾ

ਜੇ ਕੱਪੜੇ ਲਾਹੁਣਾ ਹੀ ਬੋਲਡ ਹੋਣ ਦੀ ਨਿਸ਼ਾਨੀ ਤਾਂ ਗਾਵਾਂ ਮਝਾਂ ਸਭ ਤੋਂ ਵਧ ਬੋਲਡ 
ਲੁਧਿਆਣਾ: 5 ਨਵੰਬਰ 2015: (ਪੰਜਾਬ ਸਕਰੀਨ ਬਿਊਰੋ):
ਸਵਾਰਥਾਂ, ਲਾਲਚਾਂ ਅਤੇ ਅਹੁਦਿਆਂ ਦੀ ਲਾਲਸਾ ਵਿੱਚ ਗ੍ਰਸੀ ਅੱਜ ਦੀ ਸਿਆਸਤ ਵਿੱਚ ਸਿਧਾਂਤ ਦੀ  ਵਿਰਲਾ  ਹੈ।  ਇਹਨਾਂ ਵਿਰਲਿਆਂ ਵਿੱਚੋਂ ਇੱਕ ਹੈ ਸ਼੍ਰੀਮਤੀ ਲਕਸ਼ਮੀ ਕਾਂਤਾ ਚਾਵਲਾ। ਲੁਧਿਆਣਾ ਦੇ ਗੁਰੂਨਾਨਕ ਭਵਨ ਵਿੱਚ ਬੀਜੇਪੀ ਦੇ ਵਿਦਿਆਰਥੀ ਵਿੰਗ ਅਖਿੱਲ ਭਾਰਤੀਯ ਵਿਦਿਆਰਥੀ ਪਰੀਸ਼ਦ ਵੱਲੋਂ ਆਯੋਜਿਤ ਇੱਕ ਵਿਸ਼ੇਸ਼ ਸਮਾਗਮ ਵਿੱਚ ਪੁੱਜੀ ਸ਼੍ਰੀਮਤੀ ਲਕਸ਼ਮੀ ਕਾਂਤਾ ਚਾਵਲਾ ਨੇ ਪੂਰੇ ਸਮਾਜ ਨੂੰ ਬੜੀ ਨਿਡਰਤਾ ਨਾਲ ਖਰੀਆਂ ਖਰੀਆਂ ਸੁਣਾਈਆਂ।  ਉਹਨਾਂ ਪੱਛਮੀ ਰੁਝਾਣ 'ਤੇ ਚੋਟ ਲਾਉਂਦਿਆਂ ਸਾਫ਼ ਸਾਫ਼ ਆਖਿਆ ਕਿ ਜੇ ਕੱਪੜੇ ਲਾਹ ਕੇ ਘੁੰਮਣਾ ਹੀ ਬੋਲਡ ਹੋਣ ਦੀ ਨਿਸ਼ਾਨੀ ਹੈ ਤਾਂ ਮਝਾਂ ਸਭ ਤੋਂ ਵਧ ਬੋਲਡ ਹਨ। 
ਸਾਬਕਾ ਮੰਤਰੀ ਤੇ ਭਾਜਪਾ ਆਗੂ ਸ੍ਰੀਮਤੀ ਲਕਸ਼ਮੀ ਕਾਂਤਾ ਚਾਵਲਾ ਨੇ ਕਿਹਾ ਹੈ ਕਿ ਲੜਕੀਆਂ ਨੂੰ ਸਮਾਜ ਦੀ ਤਰੱਕੀ ਲਈ ਆਪਣੀ ਜ਼ਿੰਮੇਵਾਰੀ ਸੰਭਾਲਣੀ ਚਾਹੀਦੀ ਹੈ ਤਾਂ ਜੋ ਉਹ ਸਨਮਾਨਯੋਗ ਸਥਾਨ ਹਾਸਲ ਕਰ ਸਕਣ।  ਸ੍ਰੀਮਤੀ ਚਾਵਲਾ ਅੱਜ ਅਖਿਲ ਭਾਰਤੀਆ ਵਿਦਿਆਰਥੀ ਪ੍ਰੀਸ਼ਦ ਵੱਲੋਂ ਗੁਰੂ ਨਾਨਕ ਭਵਨ ਵਿਖੇ ਕਰਵਾਈ ਵਿਦਿਆਰਥੀ ਸੰਮੇਲਨ ਮੌਕੇ ਸੰਬੋਧਨ ਕਰ ਰਹੇ ਸਨ। ਸੰਮੇਲਨ ਦੇ ਮੁੱਖ ਬੁਲਾਰੇ ਵੱਜੋਂ ਮਮਤਾ ਯਾਦਵ ਨੇ ਵੱਖ-ਵੱਖ ਵਿਸ਼ਿਆਂ ਬਾਰੇ ਬੋਲਦਿਆਂ ਲੜਕੀਆਂ ਨੂੰ ਕਿੱਤਾਕਾਰੀ, ਸਿੱਖਿਆ ਹਾਸਿਲ ਕਰਕੇ ਆਪਣੇ ਪੈਰਾਂ ਉਪਰ ਖੜ੍ਹੇ ਹੋਣ। ਉੱਘੀ ਸਿੱਖਿਆ ਸ਼ਾਸ਼ਤਰੀ ਡਾ: ਮਦਨਜੀਤ ਕੌਰ ਸਹੋਤਾ ਨੇ ਲੜਕੀਆਂ ਨੂੰ ਚੌਕਸ ਰਹਿੰਦਿਆਂ ਸਵੈ ਰੱਖਿਆ ਲਈ ਜਾਗਰੂਕ ਹੋਣ ਦਾ ਸੱਦਾ ਦਿੱਤਾ। ਸ੍ਰੀਮਤੀ ਮਿਰਦੁਲਾ ਜੈਨ ਨੇ ਸਮਾਜ ਸੇਵੀ ਸੰਗਠਨਾਂ ਨੂੰ ਲੜਕੀਆਂ ਦੀ ਸਿੱਖਿਆ ਲਈ ਯਤਨ ਕਰਨ ਦੀ ਲੋੜ 'ਤੇ ਜ਼ੋਰ ਦਿੱਤਾ। ਸ੍ਰੀਮਤੀ ਅੰਮਿ੍ਤ ਕੌਰ ਗਿੱਲ ਆਈ ਏ ਐਸ ਨੇ ਵੀ ਆਪਣੇ ਵਿਚਾਰ ਰੱਖੇ। ਜਥੇਬੰਦੀ ਦੀ ਸੂਬਾ ਪ੍ਰਧਾਨ ਰੀਚਾ ਧੀਮਾਨ ਨੇ ਆਏ ਪਤਵੰਤਿਆਂ ਦਾ ਸਵਾਗਤ ਕੀਤਾ। ਸੰਮੇਲਨ ਦੌਰਾਨ ਡਾ: ਸੋਨੀਆ ਚਾਵਲਾ ਅਤੇ ਸਾਧਵੀ ਦੀਪਕਾ ਭਾਰਤੀ ਨੇ ਮੁੱਖ ਤੌਰ 'ਤੇ '21ਵੀਂ ਸਦੀ 'ਚ ਔਰਤਾਂ ਸਾਹਮਣੇ ਚੁਣੌਤੀਆਂ' ਤੇ 'ਮਹਿਲਾ ਸੁਰੱਖਿਆ ਤੇ ਸ਼ਕਸ਼ਤੀਕਰਨ' ਉਪਰ ਆਪਣੇ ਵਿਚਾਰ ਰੱਖੇ। ਇਸ ਸਮੇਂ ਮਨਜੋਤ ਕੌਰ, ਸਤਿੰਦਰ ਕੌਰ ਪੰਨੂੰ ਅਤੇ ਸਾਕਸ਼ੀ ਨੂੰ ਵੱਖ ਵੱਖ ਖੇਤਰਾਂ ਵਿਚ ਮਾਣਮੱਤੀਆਂ ਪ੍ਰਾਪਤੀਆਂ ਕਰਨ ਬਦਲੇ ਸਨਮਾਨਿਤ ਵੀ ਕੀਤਾ ਗਿਆ।

ਇਸ ਮੌਕੇ ਪੱਛਮੀ ਜੀਵਨ ਸ਼ੈਲੀ ਨੂੰ ਨਿਸ਼ਾਨਾ ਬਣਾਉਣ ਦੇ ਨਾਲ ਨਾਲ ਸ਼੍ਰੀਮਤੀ ਲਕਸ਼ਮੀ ਕਾਂਤਾ ਚਾਵਲਾ ਨੇ ਭਾਰਤੀ ਲਾਈਫ ਸਟਾਇਲ ਵਿਚਲੇ ਆਡੰਬਰ ਅਤੇ ਪਾਖੰਡ ਦੀ ਵੀ ਖਬਰ ਲਈ।  ਉਹਨਾਂ ਕਿਹਾ,"ਸਾਨੂੰ ਦੇਵੀ ਨਾ ਬਣਾਓ----ਸਾਨੂੰ ਇਨਸਾਨ ਬਣ ਕੇ ਹੀ ਜੀ ਲੈਣ ਦਿਓ।"

Sunday, July 05, 2015

ਐਸਿਡ ਅਟੈਕ ਦਾ ਸ਼ਿਕਾਰ ਹੋਈਆਂ ਕੁੜੀਆਂ ਆਈਆਂ ਸਟੇਜ ਉੱਤੇ

ਸਭ ਦੇ ਸਾਹਮਣੇ ਸਾਬਿਤ ਕੀਤਾ--ਹਮ ਕਿਸੀ ਸੇ ਕਮ ਨਹੀਂ 
ਲੁਧਿਆਣਾ: 4 ਜੁਲਾਈ 2015: (ਰੈਕਟਰ ਕਥੂਰੀਆ//ਪੰਜਾਬ ਸਕਰੀਨ):
ਬੀਤੀ ਸ਼ਾਮ ਏਥੋਂ ਦੇ ਗੁਰੂਨਾਨਕ ਭਵਨ ਵਿੱਚ ਇੱਕ ਖਾਸ ਪ੍ਰੋਗਰਾਮ ਸੀ ਉਹਨਾਂ ਦੇ ਖਿਲਾਫ਼ ਜਿਹਨਾਂ ਨੇ ਕਈਆਂ ਦੀ ਜਿੰਦਗੀ ਮਿੰਟਾਂ ਸਕਿੰਟਾਂ ਵਿੱਚ ਬੇਰੰਗ ਕਰ।  ਦੇਵੀ ਦੇ 9 ਰੂਪਾਂ ਦੀ ਪੂਜਾ ਕਰਨ ਵਾਲੇ ਇਸ ਸਮਾਜ ਚੋਂ ਹੀ ਪੈਦਾ ਹੋਏ ਕੁਝ ਦਰਿੰਦਿਆਂ ਨੇ ਆਪਣੇ ਝੂਠੇ ਪਿਆਰ ਦੀ ਕਾਮਨਾ ਪੂਰੀ ਨਾ ਹੋਣ 'ਤੇ ਕਿੰਨੀਆਂ ਹੀ ਮੁਟਿਆਰਾਂ ਦੇ ਚੇਹਰੇ ਝੁਲਸ ਦਿੱਤੇ ਸਨ ਤਾਂਕਿ ਓਹ ਕਿਤੇ ਵੀ ਮੂੰਹ ਦਿਖਾਉਣ ਜੋਗੀਆਂ ਨਾ ਰਹਿਣ। ਜਿਹੜਾ ਕੰਮ ਰਾਵਣ ਨੇ ਵੀ ਨਹੀਂ ਸੀ ਕੀਤਾ ਉਹ ਸ਼ਰਮਨਾਕ ਦਰਿੰਦਗੀ ਹਰ ਸਾਲ ਰਾਵਣ ਸਾੜਨ ਵਾਲੇ ਸਮਾਜ ਚੋਂ ਉਪਜੇ ਹੰਕਾਰੀ ਕ੍ਰੋਧੀਆਂ ਨੇ ਦਿਖਾਈ। 
ਫੋਰਟਿਸ ਹਸਪਤਾਲ ਵੱਲੋਂ ਕਰਾਇਆ ਗਿਆ ਪ੍ਰੋਗਰਾਮ ਉਹਨਾਂ ਕਲਮੂਂਹੇ ਹੈਵਾਨਾਂ ਦੇ ਮੂੰਹਾਂ 'ਤੇ ਇੱਕ ਚਪੇੜ ਸੀ ਜਿਹਨਾਂ ਨੇ ਪੜ੍ਹੀਆਂ ਲਿਖੀਆਂ ਕੁੜੀਆਂ ਨੂੰ ਗੁੰਮਨਾਮੀ ਦੇ ਹਨੇਰਿਆਂ ਵਿੱਚ ਸੁੱਟ ਦਿੱਤਾ ਸੀ। ਫੋਰਟਿਸ ਹਸਪਤਾਲ ਦੀ ਟੀਮ ਨੇ ਇਹਨਾਂ ਕੁੜੀਆਂ ਨੂੰ ਲਭਿਆ, ਉਹਨਾਂ ਦਾ ਇਲਾਜ ਕੀਤਾ ਅਤੇ ਉਹਨਾਂ ਵਿੱਚ ਇੱਕ ਨਵਾਂ ਆਤਮ ਵਿਸ਼ਵਾਸ ਪੈਦਾ ਕਰਕੇ ਉਹਨਾਂ ਨੂੰ ਇੱਕ ਵਾਰ ਫੇਰ ਸਮਾਜ ਦੇ ਸਾਹਮਣੇ ਲਿਆਂਦਾ। ਮਜ਼ੇਦਾਰ ਗੱਲ ਸੀ ਕਿ ਐਸਿਡ ਅਟੈਕ ਦਾ ਸ਼ਿਕਾਰ ਹੋਣ ਦੇ ਬਾਵਜੂਦ ਇਹਨਾਂ ਕੁੜੀਆਂ ਨੇ ਸ੍ਟੇਜ 'ਤੇ ਆ ਕੇ ਦੱਸਿਆ ਕਿ ਹਮ ਕਿਸੀ ਸੇ ਕਮ ਨਹੀਂ।
ਇਹਨਾਂ ਦਾ ਹੋਂਸਲਾ ਵਧਾਉਣ ਲਈ ਸ਼ਹਿਰ ਦੇ ਮੋਹਤਬਰ ਲੋਕ ਆਖਿਰ ਤੱਕ ਬੈਠੇ ਰਹੇ। ਉਹਨਾਂ ਨੇ ਇਹਨਾਂ ਕੁੜੀਆਂ ਦੀਆਂ ਬਣਾਈਆਂ ਚੀਜ਼ਾਂ ਵੀ ਖਰੀਦੀਆਂ ਅਤੇ ਇਹਨਾਂ ਵੱਲੋਂ ਪੇਸ਼ ਆਈਟਮਾਂ ਦੀ ਵੀ ਪ੍ਰਸੰਸਾ ਕੀਤੀ। ਮੀਡੀਆ ਵੀ ਆਖਿਰੀ ਪਲਾਂ ਤੀਕ ਇਸਦੀ ਕਵਰੇਜ ਵਿੱਚ ਰੁਝਿਆ ਰਿਹਾ। 

Sunday, April 19, 2015

ਇਸ਼ਮੀਤ ਅਕੈਡਮੀ ਵੱਲੋਂ ਨਵਾਂ ਉਪਰਾਲਾ-ਸਿੰਗਿੰਗ ਚੈਂਪੀਅਨ-2015

ਮੇਅਰ ਵੱਲੋਂ ਰੋਜ਼ ਗਾਰਡਨ ਤੱਕ ਹਰ ਐਤਵਾਰ ਫ੍ਰੀ ਬਸ ਚਲਾਉਣ ਦਾ ਐਲਾਨ
ਲੁਧਿਆਣਾ: 18 ਅਪ੍ਰੈਲ 2015: (ਰੈਕਟਰ ਕਥੂਰੀਆ//ਪੰਜਾਬ ਸਕਰੀਨ):  
ਵਾਇਸ ਆਫ਼ ਇੰਡੀਆ ਇਸ਼ਮੀਤ ਸਿੰਘ ਦੀ ਯਾਦ ਵਿੱਚ ਬਣੀ ਇਸ਼ਮੀਤ ਅਕੈਡਮੀ ਨੇ ਅੱਜ ਫਿਰ ਇੱਕ ਸ਼ਾਨਦਾਰ ਪ੍ਰੋਗਰਾਮ ਦਾ ਆਯੋਜਨ ਕੀਤਾ। ਇਸ਼ਮੀਤ ਦੇ ਸਾਡੇ ਸਾਰਿਆਂ ਦਰਮਿਆਨ ਹੋਣ ਦਾ ਤੀਬਰ ਅਹਿਸਾਸ ਅੱਜ  ਫੇਰ ਹੋਇਆ ਗੁਰੂਨਾਨਕ ਭਵਨ ਵਿਖੇ ਹੋਏ ਇੱਕ ਵਿਸ਼ੇਸ਼ ਯਾਦਗਾਰੀ ਆਯੋਜਨ ਮੌਕੇ। "ਸਿੰਗਿੰਗ ਚੈਂਪੀਅਨ-2015" ਦੇ ਇਸ ਯਾਦਗਾਰੀ ਆਯੋਜਨ ਵਿੱਚ ਬਹੁਤ ਸਾਰੀਆਂ ਪ੍ਰਮੁਖ ਸ਼ਖਸੀਅਤਾਂ ਅਤੇ ਪ੍ਰਤਿਭਾਸ਼ਾਲੀ ਕਲਾਕਾਰਾਂ  ਨੇ ਸ਼ਿਰਕਤ ਕੀਤੀ। ਇਸ ਸਮਾਗਮ ਨੇ ਸੰਗੀਤ ਦੇ ਜਾਦੂ ਨਾਲ ਸਮਾਜ ਵਿੱਚ ਇੱਕ ਨਵੀਂ ਕ੍ਰਾਂਤੀ ਦਾ ਸੁਨੇਹਾ ਵੀ ਦਿੱਤਾ। ਇਸ ਮੌਕੇ ਕਈ ਅਹਿਮ ਐਲਾਨ ਵੀ ਕੀਤੇ ਗਏ। ਇਹਨਾਂ ਐਲਾਨਾਂ ਵਿੱਚ ਰੋਜ਼ ਗਾਰਡਨ ਵਿਖੇ ਸੰਗੀਤ ਨਾਈਟ ਦੀ ਮੁੜ ਸ਼ੁਰੁਆਤ ਦਾ ਅਹਿਮ ਐਲਾਨ ਵੀ ਸ਼ਾਮਲ ਹੈ ਅਤੇ ਹਰ ਵਾਰ ਇਸ ਸੰਗੀਤ ਨਾਈਟ ਲਈ  ਰੋਜ਼ ਗਾਰਡਨ ਤੱਕ ਫਰੀ ਸਿਟੀ ਬਸ ਚਲਾਉਣ ਦਾ ਐਲਾਨ ਵੀ। ਇਹ ਐਲਾਨ ਮੇਅਰ ਹਰਚਰਨਜੀਤ ਸਿੰਘ ਗੋਲ੍ਹਵੜੀਆ ਨੇ ਆਪਣੇ ਜਜ਼ਬਾਤੀ ਭਾਸ਼ਣ ਦੌਰਾਨ ਕੀਤਾ। ਉਹਨਾਂ ਸਪਸ਼ਟ ਕੀਤਾ ਕਿ ਇਸ ਬਾਰੇ ਅਕੈਡਮੀ ਦੇ ਮੁਖੀ ਡਾਕਟਰ ਚਰਨ ਕਮਲ ਸਿੰਘ ਨੂੰ ਪਹਿਲਾਂ ਹੀ ਸੂਚਿਤ ਕੀਤਾ  ਚੁੱਕਿਆ ਹੈ। 
ਡਿਪਟੀ  ਕਮਿਸ਼ਨਰ  ਰੱਜਤ ਅੱਗਰਵਾਲ ਨੇ ਕਲਾਕਾਰਾਂ ਦੇ ਦਿਲਾਂ ਅਤੇ ਉਹਨਾਂ ਦੀਆਂ ਮੁਸ਼ਕਿਲਾਂ ਦੀ ਗੱਲ ਕਰਦਿਆਂ ਇਸ਼ਮੀਤ ਅਕੈਡਮੀ ਵਰਗੀਆਂ ਸੰਸਥਾਵਾਂ ਦੇ ਉਸਾਰੂ ਰੋਲ ਦੀ ਚਰਚਾ ਵੀ ਕੀਤੀ ਅਤੇ ਯਾਦ ਕਰਾਇਆ ਕਿ ਅਜਿਹੇ ਮੰਚ ਹੀ ਕਲਾਕਾਰਾਂ ਨੂੰ ਉੱਚੀਆਂ ਉਡਾਨਾਂ  ਪ੍ਰਦਾਨ ਕਰਦੇ ਹਨ।
ਅਕੈਡਮੀ ਨੇ ਇਸ ਆਯੋਜਨ ਦੌਰਾਨ ਸਾਬਿਤ ਕੀਤਾ ਕਿ ਅਸੀਂ ਸਿਰਫ ਗੀਤ ਸੰਗੀਤ ਹੀ ਨਹੀਂ ਡਾੰਸ ਵੀ ਸਿਖਾਉਂਦੇ ਹਾਂ। ਇਸ ਦੀ ਪੁਸ਼ਟੀ ਉਸ ਪਰਫਾਰਮੈਂਸ ਨਾਲ ਕੀਤੀ ਗਈ ਜਿਸ ਦੀ ਮੁੱਖ ਕਲਾਕਾਰਾ ਨੇ ਸਾਰੀ ਆਡੀਐਂਸ ਨੂੰ ਅਚੰਭੇ ਵਿੱਚ ਪਾ ਦਿੱਤਾ।  ਕਰੀਬ ਵੀਹਾਂ ਬਾਈਆਂ ਸਾਲਾਂ ਦੀ ਇਸ ਕਲਾਕਾਰਾ ਬਾਰੇ ਜਦੋਂ ਸਟੇਜ  ਤੋਂ ਦੱਸਿਆ ਗਿਆ ਕਿ ਉਸਦੇ ਘਰ ਉਸਦੀ ਇੱਕ ਔਲਾਦ 22 ਸਾਲਾਂ ਅਤੇ ਦੂਸਰੀ 19 ਸਾਲਾਂ ਦੀ ਹੈ ਤਾਂ ਸਾਰੇ ਹੈਰਾਨ ਰਹਿ ਗਏ।
ਮੰਚ ਸਕੱਤਰ ਹਰ ਆਈਟਮ ਦੇ ਨਾਲ ਨਾਲ ਜਾਣਕਾਰੀ ਵਿੱਚ ਵਾਧਾ ਵੀ ਕਰ ਰਹੀ ਸੀ ਅਤੇ ਆਪਣੇ ਸੰਗੀਤਮਈ  ਕਾਵਿਕ ਅੰਦਾਜ਼ ਨਾਲ ਪ੍ਰੋਗਰਾਮਾਂ ਦੀ ਪੇਸ਼ਕਾਰੀ ਨੂੰ ਲਿੰਕ ਵੀ ਕਰ ਰਹੀ ਸੀ। ਇਸ ਮੁਕਾਬਲੇ ਵਿੱਚ ਭਾਗ ਲੈ ਰਹੀ ਤਨਿਸ਼ਕ ਨੇ ਜਦੋਂ ਗਾਇਆ। ਐਵੇਂ ਰੁੱਸਿਆ ਨਾ ਕਰ ਮੇਰੀ ਜਾਨ ਸੱਜਣਾ--ਇੱਕ ਦਿਨ ਛੱਡ ਜਾਣਾ ਏ ਜਹਾਂ ਸੱਜਣਾ......ਇਸ ਗੀਤ ਨੇ ਸਾਰੇ ਹਾਲ ਨੂੰ ਮੰਤਰ ਮੁਘਧ ਕਰ ਦਿੱਤਾ।
ਕੁਲ ਮਿਲਾ ਕੇ ਇਹ ਇੱਕ ਯਾਦਗਾਰੀ ਸਮਾਗਮ ਸੀ। ਸਾਰੇ ਦਾ ਸਾਰਾ ਹਾਲ ਕਈ ਕਈ ਵਾਰ ਝੂਮਿਆ ਪਰ ਪੋਰੀ ਤਰਾਂ ਸਭਿਅਕ ਰਹਿੰਦਿਆਂ। ਹਰ ਇੱਕ ਆਈਟਮ  ਸਲੀਕੇ ਨਾਲ ਪੇਸ਼ ਕੀਤੀ ਗਈ। ਮੇਅਰ ਹਰਚਰਨਜੀਤ ਸਿੰਘ ਗੋਲ੍ਹਵੜੀਆਦੀ ਇਹ ਗੱਲ ਹਾਲ ਦੀ ਹਰ ਸੀਟ 'ਤੇ ਸਚ ਪ੍ਰਤੀਤ ਹੋ ਰਹੀ ਸੀ ਕਿ ਇਸ਼ਮੀਤ ਕਿਧਰੇ ਨਹੀਂ ਗਿਆ--ਉਹ ਇਥੇ ਹੀ ਹੈ--ਸਾਡੇ ਦਰਮਿਆਨ ਹੀ ਕਿਤੇ  ਤੁਰਿਆ ਫਿਰਦੈ। ਇਸ਼ਮੀਤ ਦੀ ਮੌਜੂਦਗੀ ਦਾ ਅਹਿਸਾਸ ਕਰਾਉਣ ਵਾਲੇ ਇਸ ਆਯੋਜਨ ਮੌਕੇ ਮੇਅਰ ਸਾਹਿਬ ਨੇ ਇਸ਼ਮੀਤ ਦੇ ਪਿਤਾ ਗੁਰਪਿੰਦਰ ਸਿੰਘ ਅਤੇ ਚਾਚਾ ਡਾਕਟਰ ਚਰਨ ਕਮਲ ਸਿੰਘ ਨੂੰ ਇਸ ਗੱਲ ਲਈ ਬਾਕਾਇਦਾ ਵਧਾਈ ਦਿੱਤੀ ਕਿ ਉਹਨਾਂ ਨੇ ਇਸ਼ਮੀਤ ਦੇ ਸੁਆਸਾਂ ਨੂੰ ਇਸ ਕਲਾਤਮਕ ਅੰਦਾਜ਼ ਨਾਲ ਅਜੇ ਵੀ ਚਲਦਿਆਂ ਰੱਖਿਆ ਹੈ।