Showing posts with label Punjab University. Show all posts
Showing posts with label Punjab University. Show all posts

Wednesday, August 23, 2023

ਕਿਓਂ ਵੱਧ ਰਹੀ ਹੈ ਸਾਡੇ ਸਮਾਜ ਵਿਚ ਅਧਿਆਪਕਾਂ ਦੀ ਬੇਕਦਰੀ

Wednesday: 23rd August 2023 at 21.40

ਸਾਰੇ ਪੰਜਾਬ ਦੇ ਅਧਿਆਪਕਾਂ ਦੀਆਂ ਨਜ਼ਰਾਂ 26 ਅਗਸਤ ਦੀ ਮੀਟਿੰਗ 'ਤੇ

ਫਿਰੋਜ਼ਪੁਰ: 23 ਅਗਸਤ 2023: (ਐਜੂਕੇਸ਼ਨ ਸਕਰੀਨ ਡੈਸਕ):: 

ਅੱਜ ਲੁਧਿਆਣਾ ਦੇ ਬੱਦੋਵਾਲ ਵਿੱਚ ਇੱਕ ਸਰਕਾਰੀ ਸਕੂਲ ਦੇ ਸਟਾਫ ਰੂਮ ਦੀ ਛੱਤ ਡਿਗ ਪੈਣ ਕਾਰਨ ਪੰਜ ਅਧਿਆਪਕਾਵਾਂ ਉਸਦੇ ਮਲਬੇ ਹੇਠ ਆ ਗਈਆਂ। ਇੱਕ ਅਧਿਆਪਕ ਰਵਿੰਦਰ ਕੌਰ ਦੀ ਤਾਂ ਮੌਤ ਹੋ ਗਈ ਅਤੇ ਬਾਕੀ ਚਾਰ ਅਧਿਆਪਕਾਵਾਂ ਜ਼ਖਮੀ ਹੋ ਗਈਆਂ। ਦੇਸ਼ ਦੇ ਭਵਿੱਖ ਪੜ੍ਹਾਉਣ ਲਈ ਗਈਆਂ ਇਹਨਾਂ ਅਧਿਆਪਕਾਵਾਂ ਨੂੰ ਨਹੀਂ ਸੀ ਪਤਾ ਕਿ ਇਸ ਫਰਜ਼ ਨੂੰ ਪੂਰਾ ਕਰਦਿਆਂ ਉਹਨਾਂ ਦੀ ਆਪਣੀ ਜਾਨ ਤੇ ਵੀ ਬਣ ਆਉਣੀ ਹੈ। ਲੁਧਿਆਣਾ ਦੀ ਇਹ ਸਥਿਤੀ ਦੇਖ ਕੇ ਤੁਸੀਂ ਇਹ ਨਾ ਸਮਝ ਲੈਣਾ ਜਿਹੜੇ ਅਜਿਹੇ ਹਾਦਸਿਆਂ ਦੇ ਸ਼ਿਕਾਰ ਨਹੀਂ ਹੁੰਦੇ ਉਹ ਸ਼ਾਇਦ ਬਹੁਤ ਖੁਸ਼ਹਾਲ ਹੋਣਗੇ। 

ਬੱਦੋਵਾਲ ਵਾਲੀ ਮੰਦਭਾਗੀ ਖਬਰ ਦੇ ਨਾਲ ਹੀ ਇੱਕ ਖਬਰ ਫਿਰੋਜ਼ਪੁਰ ਤੋਂ ਆਈ ਹੈ ਜਿਹੜੀ ਚਿੰਤਾ ਨੂੰ ਹੋਰ ਵੀ ਵਧਾ ਰਹੀ ਹੈ। ਤਿੰਨ ਅਧਿਆਪਕਾਂ ਨੂੰ ਫਿਰੋਜ਼ਪੁਰ ਦੇ ਇੱਕ ਕਾਲਜ ਨੇ ਸਾਰੇ ਨਿਯਮ ਛਿੱਕੇ 'ਤੇ ਤੰਗ ਕੇ ਨੌਕਰਿਓਂ ਫਾਰਗ ਕਰ ਦਿੱਤਾ ਹੈ। ਇਹ ਕੁਝ ਕਰ ਦਿਖਾਇਆ ਹੈ ਇੱਕ ਬੇਹੱਦ ਪੁਰਾਣੇ ਕਾਲਜ ਨੇ। ਫਿਰੋਜ਼ਪੁਰ ਦੇ ਆਰ.ਐਸ.ਡੀ.ਕਾਲਜ ਵੱਲੋਂ ਨਾਜਾਇਜ਼ ਢੰਗ ਨਾਲ ਬਰਖ਼ਾਸਤ ਕੀਤੇ ਗਏ ਤਿੰਨ ਅਧਿਆਪਕਾਂ ਨੇ ਹੁਣ ਯੂਨੀਵਰਸਿਟੀ ਦੇ ਸਿੰਡੀਕੇਟ ਮੈਂਬਰਾਂ ਨੂੰ ਇੱਕ ਖੁਲ੍ਹ ਖਤ ਵੀ ਲਿਖਿਆ ਹੈ। ਪੰਜਾਬ ਯੂਨੀਵਰਸਿਟੀ ਦੇ ਸਿੰਡੀਕੇਟ ਮੈਂਬਰਾਂ ਦੇ ਨਾਂ ਆਉਣੇ ਇਸ ਖੁਲ੍ਹੇ ਵਿਚ ਚਿਨਾ ਅਧਿਆਪਕਾਂ ਨੇ ਪੂਰਾ ਵੇਰਵਾ ਵੀ ਦਿੱਤਾ ਹੈ। 

ਜਿਹਨਾਂ ਸਿੰਡੀਕੇਟ ਮੈਂਬਰਾਂ ਨੂੰ ਇਹ ਪੱਤਰ ਲਿਖਿਆ ਗਿਆ ਹੈ ਉਹਨਾਂ ਦੇ ਨਾਮ ਹਨ-ਪ੍ਰੋ.ਦੇਵਿੰਦਰ ਸਿੰਘ, ਪ੍ਰੋ.ਦਿਨੇਸ਼ ਕੁਮਾਰ, ਪ੍ਰੋ.ਗੁਰਮੀਤ ਸਿੰਘ, ਪ੍ਰੋ. ਮੁਕੇਸ਼ ਅਰੋੜਾ, ਡਾ.ਕਿਰਨਦੀਪ ਕੌਰ, ਪ੍ਰੋ.ਜਗਤਾਰ ਸਿੰਘ, ਪ੍ਰੋ. ਜਤਿੰਦਰ ਗਰੋਵਰ, ਪ੍ਰੋ. ਹਰਪ੍ਰੀਤ ਦੁਆ, ਪ੍ਰੋ.ਪਰਵੀਨ ਗੋਇਲ, ਡਾ.ਆਰ ਐਸ ਝਾਂਝੀ, ਸ਼੍ਰੀ ਲਾਜਵੰਤ ਸਿੰਘ ਵਿਰਕ, ਪ੍ਰੋ.ਸ਼ਮਿੰਦਰ ਸੰਧੂ, ਸ਼੍ਰੀ ਸੰਦੀਪ ਸਿੰਘ, ਸ਼੍ਰੀ ਵਰਿੰਦਰ ਸਿੰਘ। 

ਪੰਜਾਬ ਯੂਨੀਵਰਸਿਟੀ,ਚੰਡੀਗੜ੍ਹ ਦੇ ਇਹਨਾਂ ਸਿੰਡੀਕੇਟ ਮੈਂਬਰਾਂ ਦੀ 26 ਅਗਸਤ ਨੂੰ ਇੱਕ ਮੀਟਿੰਗ ਵੀ ਹੋਣੀ ਹੈ। ਇਸ ਮੀਟਿੰਗ ਵਿਚ ਨੌਕਰਿਓਂ ਕੱਢੇ ਗਏ ਅਧਿਆਪਕਾਂ ਦੀ ਇਹ ਚਿੱਠੀ ਕੀ ਰੰਗ ਦਿਖਾਉਂਦੀ ਹੈ ਇਸਦਾ ਪਤਾ ਤਾਂ ਮੀਟਿੰਗ ਮਗਰੋਂ ਲੱਗ ਹੀ ਜਾਣਾ ਹੈ ਪਰ ਫਿਲਹਾਲ ਤੁਸੀਂ ਵੀ ਪੜ੍ਹ ਲਓ ਇਹਨਾਂ ਤਿੰਨਾਂ ਅਧਿਆਪਕਾਂ ਦੀ ਇਹ ਚਿੱਠੀ। 

ਚਿੱਠੀ ਦੀ ਨਕਲ 

ਸ਼੍ਰੀਮਾਨ ਜੀ,

ਤੁਹਾਡੇ ਧਿਆਨ ਵਿੱਚ ਲਿਆਉਣਾ ਚਾਹੁੰਦੇ ਹਾਂ ਕਿ ਆਰ ਐਸ ਡੀ ਕਾਲਜ, ਫ਼ਿਰੋਜ਼ਪੁਰ ਦੀ ਮੈਨੇਜਮੈਂਟ ਨੇ 31.07.2023 ਨੂੰ ਸਾਨੂੰ ਸੀਨੀਅਰ ਤਿੰਨ ਅਧਿਆਪਕਾਂ ਨੂੰ (ਕੁਲਦੀਪ ਸਿੰਘ, ਮਨਜੀਤ ਕੌਰ, ਲਕਸ਼ਮਿੰਦਰ ਭੋਰੀਵਾਲ) ਨੂੰ ਯੂਨੀਵਰਸਿਟੀ ਕਲੰਡਰ ਅਤੇ ਪੰਜਾਬ ਸਰਕਾਰ ਦੇ Security of Service Act, 1974 ਦੇ ਨਿਯਮਾਂ ਦੀਆਂ ਧੱਜੀਆ ਉਡਾਉਂਦੇ ਹੋਏ ਸਾਨੂੰ ਨੌਕਰੀ ਤੋਂ ਰਲੀਵ ਕਰ ਦਿੱਤਾ। ਇਸਦੇ ਰੋਸ ਵਿੱਚ ਅਸੀਂ ਪਿਛਲੇ 19 ਦਿਨਾਂ ਤੋਂ ਫ਼ਿਰੋਜ਼ਪੁਰ ਵਿੱਚ ਅਣਮਿੱਥੇ ਸਮੇਂ ਦਾ ਦਿਨ ਰਾਤ ਦਾ ਧਰਨਾ ਲਾਇਆ ਹੋਇਆ ਹੈ ਜਿਸ ਵਿੱਚ ਪੰਜਾਬ ਭਰ ਤੋਂ ਮੁਲਾਜ਼ਮ ਅਤੇ ਕਿਸਾਨ ਜੱਥੇਬੰਦੀਆਂ ਅਤੇ ਫ਼ਿਰੋਜ਼ਪੁਰ ਸ਼ਹਿਰ ਦੀਆਂ ਤਕਰੀਬਨ ਸਭ ਸਭ ਸੰਸਥਾਵਾਂ ਸਾਨੂੰ ਪੂਰਾ ਸਮੱਰਥਨ ਦੇ ਰਹੀਆਂ ਹਨ।

ਸ਼੍ਰੀਮਾਨ ਜੀ, ਪੰਜਾਬ ਯੂਨੀਵਰਸਿਟੀ ਨੇ ਅਗਲੇ  ਹੀ ਦਿਨ (1.08.2023) ਸਾਡੀ ਸ਼ਿਕਾਇਤ ਤੇ ਕਾਲਜ ਨੂੰ ਪੱਤਰ ਕੱਢਿਆ ਜਿਸ ਵਿੱਚ ਲਿਖਿਆ ਕਿ ਕਾਲਜ ਨੇ ਅਧਿਆਪਕਾਂ ਨੂੰ ਗ੍ਲਤ ਰਲ਼ੀਵ ਕੀਤਾ ਹੈ ਅਤੇ ਇਹਨਾਂ ਅਧਿਆਪਕਾਂ ਨੂੰ ਤੁਰੰਤ ਰੀ ਜੋਆਇਨ ਕਰਵਾ ਕੇ ਯੂਨੀਵਰਸਿਟੀ ਨੂੰ ਰਿਪੋਰਟ ਭੇਜੀ ਜਾਵੇ । ਇਸ ਦੇ ਬਾਵਯੂਦ ਕਾਲਜ ਮੈਨੇਜਮੈਂਟ ਵੱਲੋਂ ਸਾਨੂੰ ਜੋਆਇਨ ਨਹੀਂ ਕਰਵਾਇਆ ਗਿਆ ਅਤੇ ਕਿਹਾ ਗਿਆ ਕਿ ਅਸੀਂ ਯੂਨੀਵਰਸਿਟੀ ਦੀ ਕੋਈ ਪ੍ਰਵਾਹ ਨਹੀਂ ਕਰਦੇ । ਉਸ ਤੋਂ ਬਾਦ ਯੂਨੀਵਰਸਿਟੀ ਨੇ 10 ਅਗਸਤ ਨੂੰ ਕਾਲਜ ਵਿੱਚ ਇਸ ਮੁੱਦੇ ਤੇ ਜਾਂਚ ਲਈ ਤਿੰਨ ਮੈਂਬਰੀ ਟੀਮ ਵੀ ਭੇਜੀ ਜਿਸਨੇ ਆਪਣੀ ਰਿਪੋਰਟ ਯੂਨੀਵਰਸਿਟੀ ਨੂੰ ਸੌਂਪ ਦਿੱਤੀ ਹੈ।

ਸ਼੍ਰੀਮਾਨ ਜੀ, ਤੁਹਾਨੂੰ ਬੇਨਤੀ ਹੈ ਕਿ ਆਰ ਐਸ ਡੀ ਕਾਲਜ ਫ਼ਿਰੋਜ਼ਪੁਰ ਜਿਹੜਾ ਕਿ ਯੂਨੀਵਰਸਿਟੀ ਕਲੰਡਰ ਦੀ ਪਾਲਣਾ ਨਹੀਂ ਕਰ ਰਿਹਾ ਜੋ ਕਿ ਐੱਫੀਲਿਏਸ਼ਨ ਲੈਣ ਵਾਲੇ ਹਰੇਕ ਕਾਲਜ ਲਈ ਲਾਜ਼ਮੀ ਹੈ, ਉਸਨੂੰ ਯੂਨੀਵਰਸਿਟੀ ਕਲੰਡਰ ਦੀ ਧਾਰਾ 11.1 ਦੇ ਅਧੀਨ ਡਿਸਐੱਫੀਲਿਏਟ ਕਰਨ ਦਾ ਪੱਤਰ ਯੂਨੀਵਰਸਿਟੀ ਵੱਲੋਂ ਭੇਜਿਆ ਜਾਵੇ ਤੇ ਤੁਸੀਂ ਸਾਰੇ ਮੈਂਬਰ 26 ਅਗਸਤ 2023 ਨੂੰ ਹੋਣ ਵਾਲੀ ਸਿੰਡੀਕੇਟ ਦੀ ਮੀਟਿੰਗ ਵਿੱਚ ਇਸਦਾ ਸਮੱਰਥਨ ਕਰੋ।

ਸਾਰੇ ਪੰਜਾਬ ਦੇ ਅਧਿਆਪਕਾਂ ਦੀਆਂ ਨਜ਼ਰਾਂ 26 ਅਗਸਤ ਨੂੰ ਹੋਣ ਵਾਲੀ ਇਸ ਮੀਟਿੰਗ ਤੇ ਬੱਝੀ ਹੋਈ ਹੈ ਕਿਉਂਕਿ ਤੁਹਾਡੇ ਸਾਰਿਆਂ ਵੱਲੋਂ ਲਿਆ ਗਿਆ ਕਰੜਾ ਅਤੇ ਨਿਆਂ ਪੂਰਨ ਫ਼ੈਸਲਾ ਪੰਜਾਬ ਯੂਨੀਵਰਸਿਟੀ ਦੇ ਕੈਲੰਡਰ ਨੂੰ ਨਾ ਮੰਨਣ ਵਾਲੀਆਂ ਮੈਨੇਜਮੈਂਟਾਂ ਲਈ ਸਖ਼ਤ ਸੰਦੇਸ਼ ਦੇਵੇਗਾ।

ਸਤਿਕਾਰ ਸਹਿਤ

ਕੁਲਦੀਪ ਸਿੰਘ (ਅਸਿਸਟੈਂਟ ਪ੍ਰੋਫ਼ੈਸਰ)

ਮਨਜੀਤ ਕੌਰ (ਅਸਿਸਟੈਂਟ ਪ੍ਰੋਫ਼ੈਸਰ)

ਲਕਸ਼ਮਿੰਦਰ ਭੋਰੀਵਾਲ (ਅਸਿਸਟੈਂਟ ਪ੍ਰੋਫ਼ੈਸਰ)

ਇਸ ਮਾਮਲੇ ਨੂੰ ਲੈ ਕੇ ਬਹੁਤ ਸਾਰੀਆਂ ਜਨਤਕ ਜੱਥੇਬੰਦੀਆਂ ਖੁਲ੍ਹ ਕੇ ਇਹਨਾਂ ਅਧਿਆਪਕਾਂ ਦੇ ਨਾਲ ਆਈਆਂ ਹਨ ਅਤੇ ਸੜਕਾਂ ਤੇ ਵੀ ਇਹਨਾਂ ਦੇ ਹੱਕ ਵਿੱਚ ਨਿਕਲੀਆਂ ਹਨ-ਇਥੇ ਕਲਿੱਕ ਕਰ ਕੇ ਪੜ੍ਹ ਸਕਦੇ ਹੋ ਪੂਰੀ ਖਬਰ 

ਸਮਾਜਿਕ ਚੇਤਨਾ ਅਤੇ ਜਨ ਸਰੋਕਾਰਾਂ ਨਾਲ ਜੁੜੇ  ਹੋਏ ਬਲਾਗ ਮੀਡੀਆ ਨੂੰ ਜਾਰੀ ਰੱਖਣ ਵਿੱਚ ਸਹਿਯੋਗੀ ਬਣੋ। ਜੋ ਵੀ ਰਕਮ ਤੁਸੀਂ ਹਰ ਰੋਜ਼, ਹਰ ਹਫਤੇ, ਹਰ ਮਹੀਨੇ ਜਾਂ ਕਦੇ ਕਦਾਈਂ ਇਸ ਸ਼ੁਭ ਕੰਮ ਲਈ ਕੱਢ ਸਕਦੇ ਹੋ ਉਹ ਜ਼ਰੂਰ ਕੱਢੋ। ਹੇਠਲੇ ਬਟਨ 'ਤੇ ਕਲਿੱਕ ਕਰ ਕੇ ਤੁਸੀਂ ਸਹਿਜੇ ਹੀ ਅਜਿਹਾ ਕਰ ਸਕਦੇ ਹੋ।

Thursday, July 22, 2021

PU ਸੈਨੇਟ ਚੋਣਾਂ: ਡਾ. ਰਾਬਿੰਦਰ ਨਾਥ ਸ਼ਰਮਾ ਦੀ ਹਮਾਇਤ ਦਾ ਐਲਾਨ

 ਸੈਨੇਟ ਚੋਣਾਂ ਵਿਚ ਵੀ ਛਾਏ ਹੋਏ ਹਨ ਸੰਘਰਸ਼ਾਂ ਵਾਲੇ ਮੁੱਦੇ 


ਚੰਡੀਗੜ੍ਹ
: 22 ਜੁਲਾਈ 2021: (ਪੰਜਾਬ ਸਕਰੀਨ ਬਿਊਰੋ)::

ਅੱਜ ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ ਦੀਆਂ ਸੈਨੇਟ ਚੋਣਾਂ ਵਿਚ ਡਾ. ਰਾਬਿੰਦਰ ਨਾਥ ਸ਼ਰਮਾ ਦੀ ਹਮਾਇਤ ਕਰਨ ਲਈ ਜਨਕ ਰਾਜ ਸਿੰਘ ਦੀ ਪ੍ਰਧਾਨਗੀ ਵਿਚ ਮੀਟਿੰਗ ਸੱਦੀ ਗਈ। 

ਡਾ. ਰਾਬਿੰਦਰ ਨਾਥ ਸ਼ਰਮਾ 18 ਅਗਸਤ 2021 ਨੂੰ ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ ਦੀਆਂ ਸੈਨੇਟ ਚੋਣਾਂ ਵਿਚ ਗਰੈਜੂਏਟ ਹਲਕੇ ਲਈ ਹੋ ਰਹੀਆਂ ਚੋਣਾਂ ਵਿਚ ਇਕ ਉਮੀਦਵਾਰ ਹਨ। ਉਹ 1992 ਤੋਂ 6 ਵਾਰ ਸੈਨੇਟ ਤੇ ਸਿੰਡੀਕੇਟ ਦੇ ਮੈਂਬਰ ਰਹੇ ਅਤੇ ਯੂਨੀਵਰਸਿਟੀ ਅਧਿਆਪਕਾਂ, ਮੁਲਾਜ਼ਮਾਂ ਤੇ ਵਿਦਿਆਰਥੀਆਂ ਦੀਆਂ ਮੰਗਾਂ ਲਈ ਸਦਾ ਲੜਦੇ ਰਹੇ ਹਨ। ਯਾਦ ਰਹੇ ਕਿ ਇਸ ਸਮੇਂ ਪੰਜਾਬ ਯੂਨੀਵਰਸਿਟੀ ਸੈਨੇਟ ਚੋਣਾਂ ਡਾ. ਸ਼ਰਮਾ ਅਤੇ ਉਨ੍ਹਾਂ ਦੇ ਹਮਖਿਆਲੀ ਸਾਥੀਆਂ ਦੀ ਪਹਿਲ ਕਦਮੀ ਨਾਲ ਮਾਨਯੋਗ ਹਾਈ ਕੋਰਟ ਦੇ ਹੁਕਮਾਂ ਦੀ ਪਾਲਣਾ ਕਰਦੇ ਹੋ ਰਹੀਆਂ ਹਨ। ਡਾ. ਸ਼ਰਮਾਂ ਕਾਰਪੋਰੇਟ ਘਰਾਣਿਆਂ ਤੇ ਪਰਾਈਵੇਟ ਅਦਾਰਿਆਂ ਦੀ ਹਮਾਇਤੀ ਨਵੀਂ ਸਿੱਖਿਆ ਨੀਤੀ ਦੇ ਸਖ਼ਤ ਵਿਰੋਧੀ ਹਨ। ਮੀਟਿੰਗ ਵਿਚ ਸਮਾਜਿਕ, ਵਿਦਿਅਕ, ਸਾਹਿਤਕ ਅਤੇ ਸਮਾਜ ਸੇਵੀ ਸੰਸਥਾਵਾਂ ਦੇ ਨੁਮਾਇੰਦੇ, ਵਕੀਲ, ਰੰਗਕਰਮੀ, ਮੁਲਾਜ਼ਮ ਅਤੇ ਰਾਜਨੀਤਿਕ ਜਥੇਬੰਦੀਆਂ ਦੇ ਨੁਮਾਇੰਦਿਆਂ ਵਿਚੋਂ ਡਾ. ਸੁਖਦੇਵ ਸਿੰਘ ਸਿਰਸਾ, ਪਿਆਰਾ ਲਾਲ ਗਰਗ, ਓ. ਪੀ ਊਮਟ, ਡਾ. ਲਾਭ ਸਿੰਘ ਖੀਵਾ, ਬਲਵਿੰਦਰ ਸਿੰਘ ਜੰਮੂ, ਕਰਮ ਸਿੰਘ ਵਕੀਲ, ਸੱਜਣ ਸਿੰਘ, ਕੰਵਲਜੀਤ ਸਿੰਘ, ਬੀ. ਐਸ ਸੈਣੀ, ਸਰਦਾਰਾ ਸਿੰਘ ਚੀਮਾ, ਪ੍ਰੋ. ਜਗਤਾਰ ਸਿੰਘ ਗਿੱਲ, ਖੁਸ਼ਹਾਲ ਸਿੰਘ ਨਾਗਾ ਬੇਜ਼ਾਰ, ਹਰਚੰਦ ਸਿੰਘ ਬਾਠ, ਰਾਜ ਕੁਮਾਰ, ਹਰਦੀਪ ਸਿੰਘ, ਪ੍ਰੀਤਮ ਸਿੰਘ ਹੁੰਦਲ, ਜਸਪਾਲ ਸਿੰਘ ਦੱਪਰ, ਦਲਜੀਤ ਸਿੰਘ, ਕੁੰਦਰ ਸਿੰਘ, ਬਲਦੇਵ ਸਿੰਘ, ਬਲਵੀਰ ਸਿੰਘ ਮੁਸਾਫਿਰ, ਕੁਲਦੀਪ ਸਿੰਘ, ਗੋਪਾਲ ਦੱਤ ਜੋਸ਼ੀ, ਰਮਿੰਦਰਪਾਲ ਸਿੰਘ, ਪ੍ਰਲਾਦ ਸਿੰਘ ਅਤੇ ਲਾਲ ਜੀ ਲਾਲੀ ਸ਼ਾਮਲ ਹੋਏ। ਹਾਜ਼ਰੀਨ ਨੇ ਕਿਸਾਨ ਸੰਘਰਸ਼ ਦੌਰਾਨ ਹੋਏ ਸ਼ਹੀਦਾਂ ਨੂੰ ਸ਼ਰਧਾਂਜਲੀ ਭੇਟ ਕੀਤੀ ਅਤੇ ਕਿਸਾਨ ਸੰਘਰਸ਼ ਦੀ ਹਮਾਇਤ ਦਾ ਅੈਲਾਨ ਕਰਦੇ ਹੋਏ ਮੋਦੀ ਸਰਕਾਰ ਵੱਲੋਂ ਕਿਸਾਨਾਂ ਖਿਲਾਫ਼ ਅਪਣਾਏ ਅੜੀਅਲ ਅਤੇ ਨਾ-ਪੱਖੀ ਰਵਈਏ ਦੀ ਨਿਖੇਧੀ ਕੀਤੀ। ਮੀਟਿੰਗ ਵਿਚ ਸ਼ਾਮਿਲ ਸਾਥੀਆਂ ਨੇ ਡਾ. ਰਾਬਿੰਦਰ ਨਾਥ ਸ਼ਰਮਾ ਨੂੰ ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ ਦੀਆਂ ਸੈਨੇਟ ਚੋਣਾਂ ਵਿਚ ਗਰੈਜੂਏਟ ਹਲਕੇ ਤੋਂ ਮਦਦ ਕਰਦੇ ਹੋਏ ਜਿਤਾਉਣ ਦਾ ਅਹਿਦ ਕੀਤਾ। 

ਡਾ. ਰਾਬਿੰਦਰ ਨਾਥ ਸ਼ਰਮਾ ਨੇ ਆਏ ਸਾਥੀਆਂ ਦਾ ਧੰਨਵਾਦ ਕੀਤਾ। ਉਨ੍ਹਾਂ ਕਿਹਾ ਕਿ ਮੌਜੂਦਾ ਸਮਾਂ ਜਮਹੂਰੀਅਤ, ਧਾਰਮਿਕ-ਨਿਰਪੱਖਤਾ ਅਤੇ ਸਾਂਝੀਵਾਲਤਾ ਲਈ ਖਤਰਿਆਂ ਭਰਿਆ ਹੈ। ਦੇਸ਼ ਵਿਚ ਵਿਦਿਅਕ ਅਦਾਰਿਆਂ ਨੂੰ ਕਾਰਪੋਰੇਟ ਘਰਾਣੇ ਹਥਿਆਉਣ ਉਤੇ ਉਤਾਰੂ ਹਨ। ਦੇਸ਼ ਦੀ ਭਾਜਪਾ ਸਰਕਾਰ ਪੰਜਾਬ ਯੂਨੀਵਰਸਿਟੀ ਦੇ ਜਮਹੂਰੀ ਢਾਂਚੇ ਨੂੰ ਖਤਮ ਕਰਨਾ ਚਾਹੁੰਦੀ ਹੈ। ਵਿਦਿਆਰਥੀਆਂ ਅਤੇ ਆਮ ਜਨਤਾ ਦੇ ਹੱਕਾਂ ਦੀ ਰਾਖੀ ਲਈ ਅੱਜ ਯੂਨੀਵਰਸਿਟੀ ਦੀ ਸੈਨੇਟ ਨੂੰ ਬਚਾਉਣਾ ਬਹੁਤ ਜ਼ਰੂਰੀ ਹੈ। ਲੋਕ ਪੱਖੀ ਸੋਚ ਵਾਲੇ ਸੈਨੇਟ ਮੈਂਬਰਾਂ ਦੀ ਪੰਜਾਬ ਯੂਨੀਵਰਸਿਟੀ ਨੂੰ ਸਖ਼ਤ ਲੋੜ ਹੈ। ਅਜਿਹੇ ਮੌਕੇ ਵਿਦਿਆਰਥੀਆਂ, ਮਾਪਿਆਂ ਅਤੇ ਯੂਨੀਵਰਸਿਟੀ ਮੁਲਾਜ਼ਮਾਂ ਦੇ ਹੱਕਾਂ ਦੀ ਰਾਖੀ ਕਰਨੀ ਮੇਰਾ ਫਰਜ਼ ਹੈ ਜੋ ਮੈਂ ਪੂਰੀ ਤਨਦੇਹੀ ਨਾਲ ਨਿਭਾਵਾਂਗਾ। 

ਅੰਤ ਵਿਚ ਸਾਥੀ ਰਾਜ ਕੁਮਾਰ ਨੇ ਮੀਟਿੰਗ ਵਿਚ ਸ਼ਾਮਿਲ ਸਾਥੀਆਂ ਦਾ ਮੀਟਿੰਗ ਨੂੰ ਸਫਲ ਬਣਾਉਣ ਲਈ ਧੰਨਵਾਦ ਕੀਤਾ।   

ਇਸ ਮੁਹਿੰਮ ਨਾਲ ਜੁੜਨ ਦੇ ਚਾਹਵਾਨ ਸੰਪਰਕ ਕਰ ਸਕਦੇ ਹਨ ਕਰਮ ਸਿੰਘ ਵਕੀਲ ਹੁਰਾਂ ਨਾਲ ਉਹਨਾਂ ਦੇ ਮੋਬਾਈਲ ਨੰਬਰ  98143-44446 ਤੇ ਗੱਲ ਕਰਕੇ। 

Thursday, April 20, 2017

PU: ਰੈਵਨਿਊ ਵਧਾਉਣ ਦੇ ਕਈ ਹੋਰ ਤਰੀਕੇ ਵੀ ਸਨ

ਸੈਨੇਟ ਮੈਂਬਰ ਕਾਮਰੇਡ ਨਰੇਸ਼ ਗੌੜ ਨੇ ਕੀਤੇ ਕਈ ਅਹਿਮ ਖੁਲਾਸੇ
ਲੁਧਿਆਣਾ: 20 ਅਪ੍ਰੈਲ 2017: (ਪੰਜਾਬ ਸਕਰੀਨ ਬਿਊਰੋ)::  For more pics please click here 
ਪੰਜਾਬ ਦੇ ਮੋਗਾ ਵਿਦਿਆਰਥੀ ਅੰਦੋਲਨ ਦੀ ਯਾਦ ਤਾਜ਼ਾ ਕਰਾਉਣ ਵਾਲਾ ਵਿਦਿਆਰਥੀ ਅੰਦੋਲਨ ਇੱਕ ਅਜਿਹਾ ਪ੍ਰਤੀਕਰਮ ਸੀ ਜਿਹੜਾ ਹੋਣਾ ਹੀ ਸੀ। ਫੀਸਾਂ ਵਧਾਉਣ ਦੇ ਮਾਮਲੇ ਵਿੱਚ ਕੀ ਕੀ ਹੋਇਆ ਇਸਦਾ ਖੁਲਾਸਾ ਅੱਜ ਪੰਜਾਬ ਯੂਨਵਰਸਿਟੀ ਦੇ ਸੈਨੇਟ ਮੈਂਬਰ ਨਰੇਸ਼ ਗੌੜ ਨੇ ਬਾਕਾਇਦਾ ਇੱਕ ਪ੍ਰੈਸ ਕਾਨਫਰੰਸ ਕਰਕੇ ਕੀਤਾ। ਕਾਮਰੇਡ  ਨਰੇਸ਼ ਗੌੜ ਨੇ ਫੀਸਾਂ ਵਧਾਉਣ ਦੇ ਮਾਮਲੇ ਵਿੱਚ ਕਈ ਖੁਲਾਸੇ ਕੀਤੇ। ਉਹਨਾਂ ਦੱਸਿਆ ਕਿ ਰੈਵਨਿਊ ਵਧਾਉਣ ਦੇ ਕਈ ਢੰਗ ਤਰੀਕੇ ਲੱਭੇ ਜਾ ਸਕਦੇ ਸਨ ਪਰ ਫੀਸਾਂ ਵਧਾਉਣ ਵਾਲਾ ਇਹ ਰਸਤਾ ਪੂਰੀ ਤਰਾਂ ਗਲਤ ਸੀ। ਕਾਬਿਲ-ਏ-ਜ਼ਿਕਰ ਹੈ ਕਿ ਕਾਮਰੇਡ ਗੌੜ ਨੇ ਯੂਨੀਵਰਸਿਟੀ ਨੂੰ ਕਰੋੜਾਂ ਰੁਪਏ ਦੀ ਆਮਦਨ ਵਧਾਉਣ ਦੇ ਰਸਤੇ ਸੁਝਾਏ ਸਨ ਪਰ ਯੂਨੀਵਰਸਿਟੀ ਨੇ ਸਾਰੇ ਸੁਝਾਅ ਨਜ਼ਰ ਅੰਦਾਜ਼ ਕਰਕੇ ਫੀਸਾਂ ਵਧਾਉਣ ਵਾਲਾ ਰਸਤਾ ਚੁਣਿਆ ਜਿਸ ਦਾ ਵਿਦਿਆਰਥੀ ਵਰਗ ਨੇ ਤਿੱਖਾ ਵਿਰੋਧ ਵੀ ਕੀਤਾ।   For more pics please click here 
ਉਹਨਾਂ ਦੱਸਿਆ ਕਿ ਫੀਸਾਂ ਨੂੰ ਬਾਕਾਇਦਾ ਸੋਚੀ ਸਮਝੀ ਚਾਲ ਅਧੀਨ ਵਧਾਇਆ ਗਿਆ। ਜਿਸ ਕਮੇਟੀ ਵਿੱਚ ਮੈਂ ਸੀ ਉਸਨੇ ਸਿਰਫ ਢਾਈ ਫ਼ੀਸਦੀ ਫੀਸਾਂ ਵਧਾਈਆਂ ਪਰ ਬਾਕੀਆਂ ਨੇ ਤਾਂ ਅਸਮਾਨ ਛੂਹ ਲਿਆ। ਕਾਮਰੇਡ ਨਰੇਸ਼ ਗੌੜ  ਨੇ ਅੱਜ ਮੀਡੀਆ ਦੇ ਸੁਆਲਾਂ ਦਾ ਜੁਆਬ ਦੇਂਦਿਆਂ ਇਸ ਸਾਰੇ ਘਟਨਾਕ੍ਰਮ ਦਾ ਪਿਛੋਕੜ ਪੂਰੇ ਵਿਸਥਾਰ ਨਾਲ ਦੱਸਿਆ। ਉਹਨਾਂ ਇਹ ਵੀ ਕਿਹਾ ਕਿ ਯੂਨੀਵਰਸਿਟੀ ਦਾ ਆਮਦਨ  ਕਈ ਹੋਰ ਵਸੀਲਿਆਂ ਰਾਹੀਂ ਵੀ ਵਧਾਈ ਜਾ ਸਕਦੀ ਸੀ ਪਰ ਸਾਰਾ ਜ਼ੋਰ ਫੀਸਾਂ ਵਧਾਉਣ 'ਤੇ ਦਿੱਤਾ ਗਿਆ। ਅੱਜ ਦੀ ਪ੍ਰੈਸ ਕਾਨਫਰੰਸ ਵਿੱਚ ਪੂਰੇ ਮਾਮਲੇ ਦਾ ਪਰਦਾਫਾਸ਼ ਕੀਤਾ ਗਿਆ।
For more pics please click here 
ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ ਵਿਖੇ ਫੀਸਾਂ ਵਧਾਉਣ ਤੇ ਵਿਦਿਆਰਥੀਆਂ ਵਲੋਂ ਕੀਤੇ ਵਿਰੋਧ ਤੇ ਉਹਨਾਂ ਉੱਪਰ ਲਾਠੀ ਚਾਰਜ ਤੇ ਦੇਸ਼ ਧਰੋਹ ਦੇ ਕੇਸ ਦਰਜ ਕਰਨ ਬਾਬਤ ਵਿਆਖਿਆ ਕਰਦੇ ਅੱਜ ਇੱਥੇ ਇੱਕ ਪ੍ਰੈਸ ਕਾਨਫਰੰਸ ਨੂੰ ਸੰਬੋਧਨ ਕਰਦਿਆਂ ਸੈਨੇਟ ਮੈਂਬਰ ਨਰੇਸ਼ ਗੌੜ ਨੇ ਕਿਹਾ ਕਿ ਇਹ ਅਤੀ ਨਿਖੇਧੀਯੋਗ ਵਰਤਾਰਾ ਹੈ ਕਿਓਂਕਿ ਯੂਨੀਵਰਸਿਟੀ ਦੇ ਕਿਸੇ ਵੀ ਫੈਸਲੇ ਦਾ ਵਿਰੋਧ ਕਰਨ ਦਾ ਵਿਦਿਆਰਥੀਆਂ ਨੂੰ ਹੱਕ ਹੈ  ਤੇ ਖਾਸ ਤੌਰ ਤੇ ਜਦੋਂ ਕਿ ਇਹ ਫੀਸਾਂ ਤੇ ਉਹਨਾਂ ਦੇ ਭੱਵਿਖ ਦੇ ਨਾਲ ਜੁੜਿਆ ਹੋਇਆ ਹੋਇਆ ਹੋਵੇ। ਫੀਸਾਂ ਬਾਰੇ ਗੱਲ ਸਿੰਡੀਕੇਟ ਵਿੱਚ ਪੇਸ ਹੋਈ ਸੀ ਜਿਸਦਾ ਕਿ ਵਿਰੋਧ ਡਾ: ਰਵਿੰਦਰ ਸਰਮਾ ਨੇ ਕੀਤਾ ਤੇ ਉਹਨਾਂ ਦੇ ਦਬਾਅ ਪਾਉਣ ਤੇ ਇਹ ਮਸਲਾ ਸੈਨੇਟ ਵਿੱਚ ਲਿਆਂਦਾ ਗਿਆ। ਇੱਥੇ ਵੀ ਡਾ: ਰਵਿੰਦਰ ਤੋਂ ਇਲਾਵਾ ਡਾ: ਅਮੀਰ ਸੁਲਤਾਨਾ, ਡਾ: ਚਮਨ ਲਾਲ, ਨਰੇਸ ਗੌੜ ਤੇ ਕੁਨ ਹੋਰ ਨੇ ਇਸਦਾ ਡੱਟ ਕੇ ਵਿਰੋਧ ਕੀਤਾ।  ਪਰ ਦੁੱਖ ਦੀ ਗੱਲ੍ਹ ਹੈ ਕਿ ਬਹੁਤ ਸਾਰੇ ਮੈਂਬਰਾਂ ਨੇ ਫੀਸਾਂ ਵਧਉਣ ਦੇ ਹੱਕ ਵਿੱਚ ਵੋਟ ਪਾਈ।   ਅਸਲ ਵਿੱਚ ਤਾਂ ਯੂਨੀਵਰਸਿਟੀ ਕੋਲ ਫੰਡਾਂ ਦੀ ਕਮੀ ਦੇ ਕਾਰਨ ਕੇਂਦਰ ਸਰਕਾਰ ਨੂੰ ਪਹੁੰਚ ਕੀਤੀ ਗਈ ਸੀ ਕਿ ਉਹ ਪੈਸਾ ਦੇਵੇ। ਪਰ ਸਰਕਾਰ ਨੇ ਕਿਹਾ ਕਿ ਯੂਨੀਵਰਸਿਟੀ ਆਪਣਾ ਪੈਸ ਆਪ ਇੱਕਠਾ ਕਰੇ ਤੇ ਇਸ ਲਈ ਸੋਮੇ ਆਪ ਹੀ ਪੈਦਾ ਕਰੇ। ਹੁਣ ਤੱਕ ਕੇਂਦਰ ਸਰਕਾਰ ਹੀ ਵੱਡਾ ਹਿੱਸਾ ਦਿੰਦੀ ਆਈ ਹੈ ਜਿਸਦੇ ਕਾਰਨ ਗਰੀਬ ਵਿਦਿਆਰਥੀਆਂ ਨੂੰ ਸਸਤੀ ਵਿਦਿਆ ਮਿਲਦੀ ਰਹੀ ਹੈ। ਯੂਨੀਵਰਸਿਟੀ ਕੋਲ ਨਵੇਂ ਕੋਰਸ ਸੁਰੂ ਕਰਕੇ ਅਤੇ ਖਰਚੇ ਘਟਾ ਕੇ ਆਪਣੇ ਸੋਮੇ ਵਧਾਉਣ ਦੇ ਤਰੀਕੇ ਹਨ, ਪਰ ਸਰਕਾਰ ਤੇ ਯੂਲੀਵਰਸਿਟੀ ਦੇ ਅਧਿਕਾਰੀਆਂ ਦੀ ਇਹ ਮਨਸਾ ਨਹੀਂ ਜਾਪਦੀ। ਅਸੀ ਹੁਣ ਇਹਨਾਂ ਮਸਲਿਆਂ ਤੇ ਇੱਕ ਸਪੈਸਲ ਮੀਟਿੰਗ ਦੀ ਮੰਗ ਕੀਤੀ ਹੈ। ਪਰ ਹੁਣ ਜਿਵੇੰ ਕਿ ਸਰਕਾਰ ਦੀ ਨੀਤੀ ਵਿਦਿਆ ਤੇ ਸਿਹਤ ਨੂੰ ਖਰੀਦੋ ਫਰੋਖਤ ਦੀ ਹੋ ਗਈ ਹੈ ਇਸ ਲਈ ਵਾਰ ਵਾਰ ਪਹੁੰਚ ਕਰਨ ਤੇ ਸਾਰੀਆਂ ਦਲੀਲਾਂ ਦੇਣ ਤੇ ਵੀ ਸਰਕਾਰ ਦੇ ਸਿਰ ਤੇ ਜੂੰ ਨਹੀਂ ਰੇਂਗੀ। ਪਰ ਅਸੀ ਫੀਸਾਂ ਨੂੰ 10 ਤੋ11 ਗੁਣਾ ਤੱਕ ਵਧਾਉਣ ਦਾ ਵਿਰੋਧ ਕੀਤਾ ਕਿਉ ਕਿ ਇਸਦੇ ਕਾਰਨ ਘੱਟ ਆਮਦਨ ਵਾਲੇ ਵਿਦਿਆਰਥੀ ਸਿਖਿਆ ਪ੍ਰਾਪਤ ਨਹੀਂ ਕਰ ਸਕਣਗੇ। ਸਰਕਾਰ ਨੂੰ ਸਿੱਖਿਆ ਨੀਤੀ ਸਪਸਟ ਕਰਨੀ ਪਵੇਗੀ। ਇਸ ਮੌਕੇ ਤੇ ਡਾ: ਅਰੁਣ ਮਿੱਤਰਾ , ਕਨਵੀਨਰ ਸੋਸਲ ਥਿੰਕਰਜ ਫੋਰਮ ਜਿਲਾ ਲੁਧਿਆਣਾ ਨੇ ਕਿਹਾ ਕਿ ਜਦੋਂ ਸਰਕਾਰ ਲਗਾਤਾਰ ਟੈਕਸ ਵਧਾਈ ਜਾ ਰਹੀ ਹੈ ਤਾਂ ਇਹ ਪੈਸਾ ਸਿੱਖਿਆ ਤੇ ਸਿਹਤ ਤੇ ਹੋਰ ਸਮਾਜ ਭਲਾਈ ਕੰਮਾਂ ਤੇ ਖਰਚ ਕਿੳੰ ਖਰਚ ਨਹੀਂ ਕੀਤਾਾ ਜਾਂਦਾ ਤੇ ਲਗਾਤਾਰ ਗਰੀਬ ਲੋਕਾਂ ਨੂੰ ਇਹਨਾਂ ਸਕੀਮਾਂ ਤੋਂ ਬਾਹਰ ਧੱਕਿਆ ਜਾ ਰਿਹਾ ਹੈ। ਉਹਨਾਂ ਇਹ ਵੀ ਕਿਹਾ ਕਿ ਬਾਕੀ ਸੈਨੇਟ ਮੈਂਬਰ ਇਸ ਗੱਲ ਨੂੰ ਸਪਸਟ ਕਰਨ ਕਿ ਉਹਨਾਂ ਨੈ ਫੀਸਾਂ ਵਧਬਉਣ ਦਾ ਵਿਰੋਧ ਕਿੳੰ ਨਹੀਂ ਕੀਤਾ।   ਮੀਡੀਆਂ ਨਾਲ ਗੱਲਬਾਤ ਦੌਰਾਨ ਉਹਨਾਂ ਇਹ ਵੀ ਸਪਸ਼ਟ ਕੀਤਾ ਕਿ ਅਸੀਂ ਵਿਦਿਆਰਥੀਆਂ ਦੇ ਵਿਦੀਆਂ ਪ੍ਰਾਪਤ ਕਰਨ ਦੇ ਅਧਿਕਾਰ 'ਤੇ ਡਾਕਾ ਨਹੀਂ ਪੈਣ ਦਿਆਂਗੇ। ਜੇ ਲੋੜ ਪਈ ਤਾਂ ਅੰਦੋਲਨ ਤੇਜ਼ ਕੀਤਾ ਜਾਏਗਾ ਅਤੇ ਵਿੱਦਿਆ ਪ੍ਰਾਪਤੀ ਦੇ ਅਧਿਕਾਰ ਦੀ ਰਾਖੀ ਕੀਤੀ ਜਾਏਗੀ।
For more pics please click here 


Monday, April 17, 2017

ਪੰਜਾਬ ਯੂਨੀਵਰਸਿਟੀ:ਲਲਕਾਰ ਦੇ ਤਿੰਨ ਵਿਦਿਆਰਥੀ ਆਗੂਆਂ ਦੀ ਗ੍ਰਿਫਤਾਰੀ

Sun, Apr 16, 2017 at 5:33 PM
ਹੋਰ ਤਿੱਖਾ ਹੋ ਸਕਦਾ ਹੈ ਵਿਦਿਆਰਥੀ ਸੰਘਰਸ਼ 
ਚੰਡੀਗੜ੍ਹ//ਲੁਧਿਆਣਾ: 16 ਅਪ੍ਰੈਲ 2017: (ਅਵਤਾਰ ਅਰਸ਼//ਪੰਜਾਬ ਸਕਰੀਨ):: 
ਪੰਜਾਬ ਯੂਨੀਵਰਸਿਟੀ ਵਿੱਚ ਵਿਦਿਆਰਥੀਆਂ ਉੱਤੇ ਲਾਠੀਚਾਰਜ ਮਗਰੋਂ ਪੈਦਾ ਹੋਇਆ ਵਿਵਾਦ ਰੁਕਦਾ ਨਜ਼ਰ ਨਹੀਂ ਆ ਰਿਹਾ। ਪੰਜਾਬ ਯੂਨੀਵਰਸਿਟੀ ਵਿੱਚ ਪ੍ਰੈਸ ਕਾਨਫਰੰਸ ਦੇ ਤੁਰੰਤ ਬਾਅਦ ਤਿੰਨ ਵਿਦਿਆਰਥੀਆਂ ਨੂੰ ਗ੍ਰਿਫਤਾਰ ਕੀਤੇ ਜਾਣ ਮਗਰੋਂ ਸੋਸ਼ਲ ਮੀਡੀਆ ਉੱਤੇ ਇਸਦਾ ਵੇਰਵਾ ਨਸ਼ਰ ਕਰ ਦਿੱਤਾ ਗਿਆ। ਤਸਵੀਰਾਂ ਅਤੇ ਸ਼ਬਦਾਂ ਦੇ ਨਾਲ ਨਾਲ ਇਹਨਾਂ ਗ੍ਰਿਫਤਾਰੀਆਂ ਦੀ ਵੀਡੀਓ ਵੀ ਫੇਸਬੁੱਕ 'ਤੇ ਪੈ ਗਈ। ਗ੍ਰਿਫਤਾਰ ਕੀਤੇ ਗਏ ਤਿੰਨ ਵਿਦਿਆਰਥੀ ਪੰਜਾਬ ਸਟੂਡੈਂਟਸ ਯੂਨੀਅਨ (ਲਲਕਾਰ) ਨਾਲ ਸਬੰਧਤ ਹਨ। 
ਫੀਸਾਂ ਦੇ ਵਾਧੇ ਵਿਰੁੱਧ ਸ਼ੁਰੂ ਹੋਏ ਪੰਜਾਬ ਯੂਨੀਵਰਿਸਟੀ ਦੇ ਵਿਦਿਆਰਥੀ ਸੰਘਰਸ਼ ਨੂੰ ਦਬਾਉਣ ਲਈ ਪੁਲਿਸ ਦਾ ਜਬਰ ਅਜੇ ਰੁਕਿਆ ਨਹੀਂ ਹੈ।  ਗ੍ਰਿਫਤਾਰ ਕੀਤੇ ਵਿਦਿਆਰਥੀਆਂ ਦੇ ਸਾਥੀਆਂ ਨੇ ਗ੍ਰਿਫਤਾਰੀ ਤੋਂ ਤੁਰੰਤ ਬਾਅਦ ਸੋਸ਼ਲ ਮੀਡੀਆ ਰਾਹੀਂ ਦੱਸਿਆ ਕਿ ਹੁਣੇ ਹੁਣੇ ਸੂਚਨਾ ਮਿਲ਼ੀ ਹੈ ਕਿ ਪੰਜਾਬ ਯੂਨੀਵਰਸਿਟੀ ਵਿੱਚ ਇੱਕ ਪ੍ਰੈਸ ਕਾਨਫਰੰਸ ਸਮਾਪਤ ਹੋਣ ਮਗਰੋਂ ਪੁਲਿਸ ਨੇ ਪੰਜਾਬ ਸੂਟਡੈਂਟਸ ਯੂਨੀਅਨ (ਲਲਕਾਰ) ਦੇ ਤਿੰਨ ਆਗੂਆਂ ਮਾਨਵ, ਅਮਨਦੀਪ ਤੇ ਅਮਨ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। 

ਜ਼ਿਕਰਯੋਗ ਹੈ ਸਾਥੀ ਅਮਨਦੀਪ ਕੱਲ ਹੀ ਜ਼ਮਾਨਤ 'ਤੇ ਰਿਹਾਅ ਹੋਇਆ ਹੈ ਤੇ ਅਮਨ (ਕੁੜੀ) ਨਾਲ਼ ਪਹਿਲਾਂ ਵੀ 6 ਅਪ੍ਰੈਲ ਵਾਲ਼ੇ ਮੁਜ਼ਾਹਰੇ ਦੇ ਦਿਨ ਪੁਲਿਸ ਨੇ ਬਦਸਲੂਕੀ ਕਰਦਿਆਂ ਉਸਦੇ ਕੱਪੜੇ ਪਾੜ ਦਿੱਤੇ ਸਨ।
ਇਸ ਸੂਚਨਾ ਦੇ ਨਾਲ ਹੀ ਵਿਦਿਆਰਥੀ ਕਾਰਕੁੰਨਾਂ ਨੇ ਇਹ ਵੀ ਕਿਹਾ ਕਿ ਇਸ ਧੱਕੇਸ਼ਾਹੀ ਦੇ ਬਾਵਜੂਦ ਇਹ ਸੰਘਰਸ਼ ਜਾਰੀ ਰਹੇਗਾ। ਅੰਤ ਵਿੱਚ ਦਿੱਤੇ ਨਾਅਰਿਆਂ ਵਿਦਿਆਰਥੀ ਏਕਤਾ ਜ਼ਿੰਦਾਬਾਦ ਅਤੇ ਪੁਲਿਸ ਦੀ ਗੁੰਡਾਗਰਦੀ ਮੁਰਦਾਬਾਦ।
ਨਵੀਂ ਸੂਚਨਾ ਮੁਤਾਬਕ ਅਮਨਦੀਪ (ਮੁੰਡੇ) ਨੂੰ ਪੁਲਿਸ ਨੇ ਛੱਡ ਦਿੱਤਾ ਹੈ ਤੇ ਬਾਕੀ ਦੋਵਾਂ ਨੂੰ ਨਾਲ਼ ਲੈ ਗਈ ਹੈ। ਹੁਣ ਦੇਖਣਾ ਹੈ ਕਿ ਵਿਦਿਆਰਥੀ ਅੰਦੋਲਨ ਕਿ ਰੁੱਖ ਅਖਤਿਆਰ ਕਰਦਾ ਹੈ। 

Sunday, April 16, 2017

ਪੰਜਾਬ ਯੂਨੀਵਰਸਿਟੀ ਦੇ ਵਿਦਿਆਰਥੀਆਂ ਉੱਪਰ ਲਾਠੀਚਾਰਜ ਵਿਰੁੱਧ ਰੋਹ ਤਿੱਖਾ

ਲਾਠੀਚਾਰਜ ਦੀ ਗੁੰਡਾਗਰਦੀ ਵਿਰੁੱਧ ਸੰਘਰਸ਼ ਤੇਜ਼ ਕਰਨ ਦੀ ਵੀ ਚੇਤਾਵਨੀ
ਲੁਧਿਆਣਾ: 16 ਅਪ੍ਰੈਲ 2017: (ਪੰਜਾਬ ਸਕਰੀਨ)::  For more pics please click here
ਮੁਫ਼ਤ ਬਿਜਲੀ, ਮੁਫ਼ਤ ਪਾਣੀ, ਮੁਫ਼ਤ ਆਟਾ ਦਾਲ ਅਤੇ ਚੋਣਾਂ ਆਉਣ ਤੇ ਮੁਫ਼ਤ ਦਾਰੂ ਦੀਆਂ ਖ਼ੈਰਾਤਾਂ ਦੇਣ ਵਾਲਾ ਸਿਸਟਮ ਵੇਹਲੜਾਂ ਦਾ ਸਮਾਜ ਬਣਾਉਣ ਲਈ ਤਿਆਰ ਹੈ, ਅਹਿਸਾਨਾਂ ਹੇਠ ਦਬਾਅ ਕੇ ਲੋਕਾਂ ਦਾ ਸ਼ੋਸ਼ਣ ਜਾਰੀ ਰੱਖਣ ਲਈ ਤਿਆਰ ਹੈ ਪਰ ਪੜ੍ਹਾਈ ਲਿਖਾਈ ਮਗਰੋਂ ਆਪਣੇ ਪੈਰਾਂ 'ਤੇ ਖੜੋਣ ਵਾਲਾ ਆਤਮ ਨਿਰਭਰ ਸਮਾਜ ਬਣਾਉਣ ਲਈ ਤਿਆਰ ਨਹੀਂ। ਵਿੱਦਿਆ ਦੀ ਰੌਸ਼ਨੀ ਨਾਲ ਵਿਗਿਆਨਕ ਸੂਝਬੂਝ ਵਾਲੀ ਦੁਨੀਆ ਬਣਾਉਣ ਵਾਲੀ ਨੌਜਵਾਨ ਪੀੜ੍ਹੀ ਨੂੰ ਇਥੇ ਫੀਸਾਂ ਵਿੱਚ ਵਾਧੇ ਵਿਰੁੱਧ ਆਵਾਜ਼ ਉਠਾਉਣ ਤੇ ਲਾਠੀਆਂ ਖਾਣੀਆਂ ਪੈਂਦੀਆਂ ਹਨ। ਪੰਜਾਬ ਯੂਨੀਵਰਸਿਟੀ ਵਿੱਚ ਫੀਸਾਂ ਦੇ ਵਾਧੇ ਵਿਰੁੱਧ ਰੋਸ ਪ੍ਰਗਟ ਕਰ ਰਹੇ ਵਿਦਿਆਰਥੀਆਂ ਉੱਪਰ ਹੋਏ ਲਾਠੀਚਾਰਜ ਨੇ ਸਿਸਟਮ ਨੂੰ ਬੇਨਕਾਬ ਕਰ ਦਿੱਤਾ ਹੈ। ਸਰਕਾਰ ਕੋਈ ਵੀ ਹੋਵੇ ਉਸਦਾ ਲੋਕ ਹੱਕਾਂ ਨਾਲ ਸਲੂਕ ਹਮੇਸ਼ਾ ਇੱਕੋ ਜਿਹਾ ਰਹਿੰਦਾ ਹੈ।  For more pics please click here
ਚੰਡੀਗੜ੍ਹ ਵਿਖੇ ਫ਼ੀਸਾਂ ਵਿੱਚ ਕੀਤੇ ਬੇਤਹਾਸ਼ਾ ਦੱਸ ਗੁਣਾ ਤੱਕ ਵਾਧੇ ਦੇ ਵਿਰੋਧ ਵਿੱਚ ਪਰਦਰਸ਼ਨ ਕਰ ਰਹੇ ਵਿਦਿਆਰਥੀਆਂ ਤੇ ਪੁਲਸ ਵਲੋਂ ਲਾਠੀਚਾਰਜ ਕਰਨਾ ਤੇ ਉਹਨਾਂ ਉੱਪਰ ਦੇਸ਼ ਧਰੋਹ ਦਾ ਕੇਸ ਦਰਜ ਕਰਨਾ (ਭਾਵੇਂ ਇਸਨੂੰ ਬਾਅਦ ਵਿੱਚ ਵਾਪਸ ਲੈ ਲਿਆ ਗਿਆ) ਨਿੰਦਣਯੋਗ ਘਟਨਾ ਹੈ। ਇਹ ਇੱਕ ਪਾਸੇ ਤਾਂ ਸਧਾਰਨ ਪਰੀਵਾਰਾਂ ਤੋਂ ਆਏ ਵਿਦਿਆਰਥੀਆਂ  ਨੂੰ ਇੱਨੀਆਂ ਜ਼ਿਆਦਾ ਫ਼ੀਸਾਂ ਨਾ ਦੇ ਸਕਣ ਕਰਕੇ ਵਿਦਿਆ ਤੋਂ ਵਾਂਝੇ ਰੱਖਣਾ ਹੈ ਤੇ ਦੂਜੇ ਪਾਸੇ ਵਿਚਾਰ ਪਰਗਟ ਕਰਨ ਦੇ ਸਾਡੇ ਮੌਲਿਕ ਅਧਿਕਾਰ ਨੂੰ ਸੱਟ ਮਾਰਨਾ ਹੈ। ਇਹ ਗੱਲ੍ਹ ਅੱਜ ਬੱਸ ਸਟੈਂਡ ਲੁਧਿਆਣਾ ਦੇ ਬਾਹਰ ਆਲ ਇੰਡੀਆ ਸਟੂਡੈਂਟਸ ਫ਼ੈਡਰੇਸ਼ਨ ਅਤੇ ਆਲ ਇੰਡੀਆ ਯੂਥ ਫ਼ੈਡਰੇਸ਼ਨ ਵਲੋਂ ਅਬਦੁਲਾਪੁਰ ਬਸਤੀ ਤੋਂ ਲੈ ਕੇ ਬੱਸ ਅੱਡੇ ਤੱਕ ਜਲੂਸ ਕੱਢਣ ਉਪਰੰਤ ਇੱਕ ਰੈਲੀ ਵਿੱਚ ਬੋਲਦਿਆਂ ਵੱਖ ਵੱਖ ਬੁਲਾਰਿਆਂ ਨੇ ਕਹੀ। ਬੁਲਾਰਿਆਂ ਨੇ ਕਿਹਾ ਕਿ ਇਹ ਦੁੱਖ ਦੀ ਗੱਲ ਹੈ ਕਿ ਸਰਕਾਰਾਂ ਵਲੋਂ ਵਿਦਿਆ ਨੂੰ ਇੱਕ ਜ਼ਰੂਰੀ ਅਧਿਕਾਰ ਵਜੋਂ ਨਾਂ ਮੰਨ ਕੇ ਇਸਨੂੰ ਇੱਕ ਖ਼ਰੀਦੋ ਫ਼ਰੋਖ਼ਤ ਵਾਲੀ ਚੀਜ਼ ਬਣਾ ਕੇ ਰੱਖ ਦਿੱਤਾ ਗਿਆ ਹੈ। ਇਹੋ ਕਾਰਨ ਹੈ ਕਿ ਸਰਕਾਰੀ ਸਕੂਲ ਜਾਂ ਕਾਲਜ ਤਾਂ ਅਨੇਕਾਂ ਸਾਲਾਂ ਤੋਂ ਨਵੇਂ ਨਹੀਂ ਖੋਲੇ ਜਾ ਰਹੇ ਬਲਕਿ ਨਿਜੀ ਖੇਤਰ ਵਿੱਚ ਯੂਨੀਵਰਸਿਟੀਆਂ ਹੁਣ ਵੀ ਖੋਲੀਆਂ ਜਾ ਰਹੀਆਂ ਹਨ ਜਿਹਨਾਂ ਵਿਚੋਂ ਬਹੁਤ ਸਾਰੀਆਂ ਤਾਂ ਫਰਾਡ ਨਿਕਲਦੀਆਂ ਹਨ। ਇਸ ਕਿਸਮ ਦੇ ਅਨੇਕਾਂ ਅਦਾਰਿਆਂ ਵਿੱਚ ਰਾਜਨੇਤਾਵਾਂ ਤੇ ਧਨੀ ਲੋਕਾਂ ਦੀਆਂ ਮੈਨੇਜਮੈਂਟਾਂ ਹੁੰਦੀਆਂ ਹਨ ਜਿਸ ਕਰਕੇ ਇਹਨਾਂ ਵਿਰੁਧ ਕੋਈ ਕਾਰਵਾਈ ਨਹੀਂ ਹੁੰਦੀ ਤੇ  ਰੌਲਾ ਪੈਣ ਤੇ ਅੰਤ ਵਿੱਚ ਵਿਦਿਆਰਥੀਆਂ ਦਾ ਹੀ ਨੁਕਸਾਨ ਹੁੰਦਾ ਹੈ। ਅਨੇਕਾਂ ਸਕੂਲਾਂ ਵਿੱਚ ਨਰਸਰੀ ਜਮਾਤ ਤੋਂ ਲੈ ਕੇ ਫ਼ੀਸਾਂ, ਬਿਲਡਿੰਗ ਫ਼ੰਡ ਤੇ ਕਈ ਹੋਰ ਫ਼ੰਡਾਂ ਦੇ ਨਾਮ ਤੇ ਲੁੱਟ ਮਚਾਈ ਜਾ ਰਹੀ ਹੈ। ਲੁਧਿਆਣਾ ਤੇ ਪੰਜਾਬ ਹੀ ਨਹੀਂ ਸਾਰੇ ਦੇਸ਼ਾਂ ਵਿੱਚ ਇਸਦੇ ਖ਼ਿਲਾਫ਼ ਰੋਹ ਵੱਧ ਰਿਹਾ ਹੈ। ਉੱਚ ਸਿਖਿਆ ਕੇਂਦਰਾਂ-ਮੈਡੀਕਲ, ਇਜਨੀਅਰਿੰਗ  ਕਾਲਜ ਤੇ ਯੂਨੀਵਰਸਿਟੀਆਂ ਵਿੱਚ ਤਾਂ ਅੱਨ੍ਹੀਂ ਲੁੱਟ ਮਚੀ ਹੋਈ ਹੈ। ਭਾਵੇਂ ਸਰਕਾਰ ਨੇ ਸਿਖਿਆ ਦਾ ਅਧਿਕਾਰ ਦਾ ਕਾਨੂੰਨ ਬਣਾ ਦਿੱਤਾ ਹੈ ਪਰ ਇਸਤੇ ਕੋਈ ਅਮਲੀ ਜਾਮਾਂ ਨਹੀਂ ਪਹਿਨਾਇਆ ਜਾ ਰਿਹਾ। ਜੇਕਰ ਵਿਦਿਆਰਥੀ ਜਾਂ ਉਹਨਾਂ ਦੇ ਮਾਪੇ ਇਸ  ਬਾਬਤ ਅਵਾਜ਼ ਚੁੱਕਦੇ ਹਨ ਤਾਂ ਉਹਨਾਂ ਦੀ ਕੁੱਟਮਾਰ ਕੀਤੀ ਜਾਂਦੀ ਹੈ ਤੇ ਝੂਠੇ ਦੇਸ਼ਧਰੋਹ ਦੇ ਮੁੱਕਦਮੇ ਬਣਾਏ ਜਾਂਦੇ ਹਨ। ਇੰਝ ਪਹਿਲਾਂ ਜਵਾਹਰ ਲਾਲ ਨਹਿਰੂ ਯੂਨੀਵਰਸਿਟੀ ਦਿੱਲੀ ਵਿੱਚ ਕੀਤਾ ਗਿਆ  ਤੇ ਹੁਣ ਚੰਡੀਗੜ੍ਹ ਵਿਖੇ। ਸਿੱਖਿਆ ਦੇਣ ਵਿੱਚ ਅਸਫ਼ਲ ਹੋਣ ਤੇ  ਸਰਕਾਰਾਂ ਵਲੋਂ ਲੋਕਾਂ ਨੂੰ ਬੇਮਤਲਬੇ ਮਸਲਿਆਂ ਵਿੱਚ ਉਲਝਾ ਲਿਆ ਜਾਂਦਾ ਹੈ। ਆਪਣੀ ਜੁੰਮੇਵਾਰੀ ਨਿਭਾਉਣ ਦੀ ਬਜਾਏ ਸਰਕਾਰ ਸਿੱਖਿਆ ਅਤੇ ਸਿਹੰ ਨਿਜੀ ਖੇਤਰ ਦੀ ਝੋਲੀ ਵਿੱਚ ਪਾਉਣ ਤੇ ਤੁਲੀ ਹੋਈ ਹੈ। ਇਸ ਲਈ ਅਸੀ ਮੰਗ ਕਰਦੇ ਹਾਂ ਕਿ: For more pics please click here
1. ਚੰਡੀਗੜ੍ਹ ਵਿੱਚ ਵਿਦਿਆਰਥੀਆਂ ਤੇ ਬਣਾਏ ਕੇਸ ਫ਼ੌਰਨ ਵਾਪਸ ਲਏ ਜਾਣ।
2. ਫ਼ੀਸਾਂ ਵਿੱਚ ਕੀਤਾ ਵਾਧਾ ਵਾਪਸ ਲਿਆ ਜਾਵੇ।
3. ਫ਼ੀਸਾਂ ਤੇ ਸਿਖਿਆ ਨਾਲ ਸਬੰਧਤ ਹੋਰ ਮਾਮਲਿਆਂ ਵਿੱਚ ਵਿਦਅਰਥੀਆਂ ਦੀ ਰਾਏ ਲਈ ਜਾਵੇ।
4. ਸਕੂਲਾਂ ਤੇ ਕਾਲਜਾਂ ਵਿੱਚ ਬਿਲਡਿੰਗ ਤੇ ਹੋਰ ਫ਼ੰਡਾਂ ਦੇ ਨਾਂ ਤੇ ਲੁੱਟ ਬੰਦ ਕੀਤੀ ਜਾਵੇ।
5. ਸਰਕਾਰੀ ਸਕੂਲਾਂ ਨੂੰ ਅਪਗ੍ਰੇਡ ਕੀਤਾ ਜਾਵੇ।
6. ਸਰਕਾਰ ਉੱਚ ਸਿਖਿਆ ਤੱਕ ਘਟ ਆਮਦਨ ਵਾਲੇ ਵਿਦਿਆਰਥੀਆਂ ਨੂੰ ਸਸਤੀ ਸਿਖਿਆ ਯਕੀਨੀ ਬਣਾਏ।
7. ਨਿਜੀ ਸਕੂਲਾਂ ਨੂੰ ਕਾਨੂੰਨੀ ਤੌਰ ਤੇ ਗਰੀਬ ਵਿਦਿਆਰਥੀਆਂ ਨੂੰ ਘੱਟ ਫ਼ੀਸਾਂ ਤੇ ਦਾਖ਼ਲੇ ਦੇਣਾ ਯਕੀਨੀ ਬਣਾਇਆ ਜਾਵੇ। 
8. ਸਕੂਲਾਂ ਵਿੱਚ ਪੜ੍ਹਾਈ ਦੇ ਲਈ ਸੁੱਚਜਾ ਵਾਤਾਵਰਣ ਯਕੀਨੀ ਬਣਇਆ ਜਾਵੇ ਤੇ ਟੇ੍ਰੰਡ ਅਧਿਆਪਕ ਲਗਾਏ ਜਾਣ।  
9. ਵਿਦਿਆ ਦੇ ਨਿਜੀਕਰਨ ਦੀ ਬਜਾਏ ਸਰਕਾਰ ਵਿਦਿਆ ਦੇਣ ਦੀ ਆਪਣੀ ਜੁੰਮੇਵਾਰੀ ਨੂੰ ਨਿਭਾਏ। 
ਬੁਲਾਰਿਆਂ ਨੇ ਦੱਸਿਆ ਕਿ ਉਹ ਸਿਖਿਆ ਦੇ ਹੱਕ ਦੇ  ਇਸ ਅੰਦੋਲਨ ਨੂੰ ਫੈਲਾਉਣ ਦੇ ਲਈ ਕਾਲਜਾਂ ਤੇ ਸਕੂਲਾਂ ਵਿੱਚ ਦਸਖ਼ਤੀ ਮੁੰਹਿਮ ਚਲਾਉਣਗੇ ਤੇ ਥਾਂ ਪਰ ਥਾਂ ਤੇ ਰੈਲੀਆਂ ਕਰਨਗੇ। 
ਇਸ ਮੌਕੇ ਤੇ ਸੰਬੋਧਨ ਕਰਨ ਵਾਲਿਆਂ ਵਿੱਚ ਹਨ ਦੀਪਕ ਕੁਮਾਰ ਮਾਛੀਵਾੜਾ, ਅਜੈ ਕੁਮਾਰ, ਸੁਲਤਾਨਾ ਮਲਿਕ, ਰਾਮ ਪਰਤਾਪ, ਰਾਮ ਰੀਤ, ਮਨਪ੍ਰੀਤ ਕੌਰ, ਰਣਧੀਰ ਸਿੰਘ, ਸਵਰੂਪ ਸਿੰਘ, ਐਮ ਐਸ ਭਾਟੀਆ, ਚਰਨ ਸਰਾਭਾ, ਡਾ: ਅਰੁਣ ਮਿੱਤਰਾ, ਅਨੋਦ ਕੁਮਾਰ, ਰਾਮਾਧਾਰ ਸਿੰਘ।   For more pics please click here
ਇਸ ਸਬੰਧੀ ਨੌਜਵਾਨ ਆਗੂ ਦੀਪਕ ਕੁਮਾਰ ਨਾਲ ਸੰਪਰਕ ਕਰਨ ਲਈ ਨੰਬਰ ਹੈ: ਮੋ: 9653230040, 7009655429
For more pics please click here


Saturday, April 15, 2017

ਪੰਜਾਬ ਯੂਨੀਵਰਸਿਟੀ ਕੈਂਪਸ 'ਚ ਬੇਰਹਿਮ ਪੁਲਿਸ ਲਾਠੀਚਾਰਜ

 ਦਰਜਨਾਂ ਵਿਦਿਆਰਥੀ ਜਖ਼ਮੀ
66 ਵਿਦਿਆਰਥੀਆਂ ‘ਤੇ ਤੋੜਫੋੜ, ਦੰਗਾ ਅਤੇ ਦੇਸ਼ਧ੍ਰੋਹ ਦਾ ਝੂਠਾ ਇਲਜ਼ਾਮ
ਅਮੀਰ-ਪ੍ਰਸਤ ਨਵੀਂ ਲੁਟੇਰੀ ਸਿੱਖਿਆ ਨੀਤੀ ਨੂੰ ਥੋਪਣ ਵਿਰੁੱਧ ਕੈਂਪਸ ‘ਚ ਜਬਰਦਸਤ ਰੋਸ ਅਤੇ ਟਾਕਰਾ
ਵਰਕਰਜ਼ ਸੋਸ਼ਲਿਸਟ ਪਾਰਟੀ, ਰਿਪੋਰਟਰ/  11.4.2017
ਅੱਜ ਪੰਜਾਬ ਯੂਨੀਵਰਸਿਟੀ ਕੈਂਪਸ 'ਚ ਪੁਲਿਸ ਦੁਆਰਾ ਬੇਰਹਿਮ ਲਾਠੀਚਾਰਜ ਦਾ ਰਾਹ ਚੁਣਨ ਮਗਰੋਂ ਦਰਜਨਾਂ ਵਿਦਿਆਰਥੀ ਜਖ਼ਮੀ ਹੋ ਗਏ, ਕੁਝ ਦੇ ਬੁੱਲ ਬੁਰੀ ਤਰ੍ਹਾਂ ਕੱਟੇ ਗਏ ਹਨ।
ਕੈਂਪਸ 'ਚ ਪੁਲਿਸ ਦੁਆਰਾ ਪਾਣੀ ਦੀਆਂ ਬੁਛਾੜਾਂ ਅਤੇ ਆਂਸੂ ਗੈਸ ਦੀ ਵਰਤੋਂ ਦੀ ਅਗਲੀ ਕੜੀ ਵਜੋਂ ਲਾਠੀਚਾਰਜ ਕੀਤਾ ਗਿਆ। ਪੁਲਿਸ ਦੁਆਰਾ ਕੀਤੀ ਗਈ ਹਿੰਸਾ ਦੀ ਵਰਤੋਂ ਪੂਰੀ ਤਰ੍ਹਾਂ ਨਾਲ਼ ਅਣਐਲਾਨੀ ਅਤੇ ਵਿਦਿਆਰਥੀਆਂ ਦੁਆਰਾ ਕੀਤੇ ਜਾ ਰਹੇ ਸ਼ਾਂਤੀਪੂਰਨ ਪ੍ਰਦਰਸ਼ਨ ਦੇ ਜਵਾਬ ਵਿੱਚ ਸੀ।
ਵਿਦਿਆਰਥੀ ਕੈਂਪਸ 'ਚ ਮੌਜੂਦਾ ਫੀਸਾਂ ਦੇ 11 ਗੁਣਾ ਤੱਕ ਅਭੂਤਪੂਰਵ ਫੀਸਾਂ ਦੇ ਵਾਧੇ, 2000 ਤੋਂ 82000 ਤੱਕ, ਵਿਰੁੱਧ ਪ੍ਰਦਰਸ਼ਨ ਕਰ ਰਹੇ ਸਨ।
ਇਸ ਅਕਾਸ਼ੀ ਵਾਧੇ 'ਤੇ ਪਾਣੀ ਪਾਉਣ ਲਈ ਯੂਨੀਵਰਸਿਟੀ ਅਥਾਰਿਟੀ ਨੇ ਝੂਠ ਬੋਲਿਆ ਕਿ ਫੀਸਾਂ ਦਾ ਵਾਧਾ ਸਿਰਫ਼ 12.5 ਪ੍ਰਤੀਸ਼ਤ ਹੈ। ਉਹਨਾਂ ਅਨੁਸਾਰ ਸਿਰਫ਼ ਟਿਊਸ਼ਨ ਫੀਸ 'ਚ ਔਸਤ ਵਾਧਾ ਕੀਤਾ ਗਿਆ ਹੈ।
ਫੀਸਾਂ 'ਚ ਵਾਧਾ ਅਭੂਤਪੂਰਵ ਅਤੇ ਤੀਬਰ ਹੈ। ਉਦਾਹਰਨ ਵਜੋਂ, ਬੀ. ਫਾਰਮਾ ਕੋਰਸ ਦੀ ਫੀਸ ਰੁਪਏ 5080 ਸਲਾਨਾ ਤੋਂ ਲੈ ਕੇ ਰੁਪਏ 50000 ਤੱਕ, ਮਾਸਟਰ ਆਫ ਜਰਨਲਿਜ਼ਮ ਦੀ ਰੁਪਏ 5290 ਤੋਂ ਲੈ ਕੇ ਰੁਪਏ 30,000 ਤੱਕ ਅਤੇ ਡੈਂਟਲ ਕੋਰਸ ਦੀ ਰੁਪਏ 86,400 ਤੋਂ ਰੁਪਏ 1.50 ਲੱਖ ਤੱਕ ਵਧੀ ਹੈ।
ਯੂਨੀਵਰਸਿਟੀ ਦੀ ਸੀਨੇਟ ਫੀਸ ਵਾਧੇ ਦੇ ਪ੍ਰਸਤਾਵ ਨੂੰ ਪਾਸ ਕਰਨ ਜਾ ਰਹੀ ਹੈ ਇਹ ਖਬਰ ਦੇ ਕੈਂਪਸ 'ਚ ਫੈਲ ਜਾਣ ਨਾਲ਼ ਵਿਦਿਆਰਥੀਆਂ ਦਾ ਪ੍ਰਦਰਸ਼ਨ ਮੂਹਰੇ ਆਇਆ। ਵਿਦਿਆਰਥੀ ਕੈਂਪਸ 'ਚ ਇੱਕ ਹੜਤਾਲ ਕਰਨ ਲਈ ਪ੍ਰਦਰਸ਼ਨ ਲਈ ਆਏ।
ਪੁਲਿਸ ਨੇ ਕੈਂਪਸ 'ਚ ਨਜਿੱਠਣ ਅਤੇ ਵਿਦਿਆਰਥੀਆਂ ਦੇ ਪ੍ਰਦਰਸ਼ਨ ਨੂੰ ਹਿੰਸਾ ਨਾਲ਼ ਦਬਾਉਣ ਦੀ ਪੂਰੀ ਤਿਆਰੀ ਕਰ ਲਈ ਸੀ। ਪਾਣੀ ਦੀਆਂ ਬੁਛਾੜਾਂ, ਆਂਸੂ ਗੈਸ ਦੇ ਗੋਲੇ ਅਤੇ ਲਾਠੀ ਚਲਾਉਣ ਵਾਲੀਆਂ ਕੰਪਨੀਆਂ ਵੀਸੀ ਦਫ਼ਤਰ ਕੋਲ ਵਿਦਿਆਰਥੀਆਂ ਦੀ ਉਡੀਕ ਕਰ ਰਹੀਆਂ ਸਨ। ਜਿਵੇਂ ਹੀ ਵਿਦਿਆਰਥੀਆਂ ਨੇ ਫੀਸ ਵਾਧੇ ਵਿਰੁੱਧ ਉਹਨਾਂ ਦੀ ਸ਼ਿਕਾਇਤ ਵੀਸੀ ਦੁਆਰਾ ਸੁਣਨ ਲਈ ਮੰਗ ਕੀਤੀ ਅਤੇ ਕਿਉਂਕਿ ਵੀਸੀ ਨੇ ਉਹਨਾਂ ਨੂੰ ਮਿਲਣ ਤੋਂ ਇਨਕਾਰ ਕਰ ਦਿੱਤਾ ਸੀ, ਵੀਸੀ ਦਫ਼ਤਰ ਵਾਲੇ ਰਾਹ ਦੇ ਅੰਦਰ ਵੜਨ ਦੀ ਕੋਸ਼ਿਸ਼ ਕੀਤੀ, ਪੁਲਿਸ ਨੇ ਹਿੰਸਾ ਫੈਲਾਈ। ਪੁਲਿਸ ਦੁਆਰਾ ਅਪਣਾਇਆ ਗਿਆ ਤਰੀਕਾ ਸਪਸ਼ਟ ਦਿਖਾਉਂਦਾ ਹੈ ਕਿ ਇਹ ਸਭ ਕੁਝ ਪੂਰਵਨਿਰਧਾਰਿਤ ਅਤੇ ਇਸ ਤੋਂ ਪਹਿਲਾਂ ਵਧੀਆ ਤਰਾਂ ਵਿਉਂਤਿਆ ਹੋਇਆ ਸੀ।
ਸੀਨੇਟ ਦਾ ਫੈਸਲਾ ਸਾਰੀਆਂ ਯੂਨੀਵਰਸਿਟੀਆਂ ਨੂੰ ਸਰਕਾਰ ਦੁਆਰਾ ਸਾਰੀਆਂ ਗਰਾਂਟਾਂ ਵਾਪਸ ਲੈਣ ਦੇ ਸੰਕੇਤ ਦਿੱਤੇ ਜਾਣ ਅਤੇ ਮੰਗ ਕੀਤੇ ਜਾਣ ਕਿ ਯੂਨੀਵਰਸਿਟੀਆਂ ਨੂੰ ਜ਼ਰੂਰ ਹੀ ਆਤਮ-ਨਿਰਭਰ ਹੋਣਾ ਚਾਹੀਦਾ ਹੈ, ਦੀਆਂ ਯੂਜੀਸੀ ਦੀਆਂ ਹਿਦਾਇਤਾਂ ਮਗਰੋਂ ਆਇਆ ਹੈ।  ਯੂਜੀਸੀ, ਇਕ ਬਾਡੀ ਜਿਸਨੂੰ ਸਭ ਤੋਂ ਪਹਿਲਾਂ ਯੂਨੀਵਰਸਿਟੀਆਂ ਨੂੰ ਗ੍ਰਾਂਟ ਦਾ ਫੈਸਲਾ ਕਰਨ ਅਤੇ ਦਿੱਤੇ ਜਾਣ ਲਈ ਬਣਾਇਆ ਗਿਆ ਸੀ, ਕੇਂਦਰ ਸਰਕਾਰ ਦੁਆਰਾ ਪਬਲਿਕ ਸੈਕਟਰ 'ਚ ਸਾਰੇ ਸਮਾਜਿਕ ਕੋਸ਼ਾਂ, ਖਾਸ ਤੌਰ 'ਤੇ ਸਿਹਤ ਅਤੇ ਵਿੱਦਿਆ ਤੋਂ ਹੱਥ ਖਿੱਚਣ ਦੇ ਸੰਕੇਤ ਪੂਰੀ ਨੀਤੀ ਦੇ ਉਲਟ, ਜ਼ਾਹਿਰਾ ਤੌਰ 'ਤੇ ਆਪਾ-ਵਿਰੋਧ ਦਾ ਕਾਰਜ ਹਨ।
ਪਿਛਲੇ ਬਜਟ ਨੇ ਸਿੱਖਿਆ ਲਈ 16.54 ਪ੍ਰਤੀਸ਼ਤ ਕੱਟ ਦਾ ਪ੍ਰਸਤਾਵ ਰੱਖਿਆ ਸੀ। ਜਦੋਂ ਕਿ ਸਕੂਲ ਐਜੂਕੇਸ਼ਨ ਸੈਕਟਰ ਨੇ ਰੁਪਏ 42,219.50 ਦੀ ਲਾਗਤ 2015-16 ਲਈ ਦਿਖਾਈ ਸੀ, ਉੱਚ ਸਿੱਖਿਆ ਸੈਕਟਰ ਨੇ 26,855 ਕਰੋੜ ਹਾਸਿਲ ਕੀਤੇ ਸਨ।
ਪੂਰਵਰਤੀ ਸਰਕਾਰਾਂ ਦੀ ਬੇਰੁਖੀ ਕਰਕੇ ਯੂਨੀਵਰਸਿਟੀ ਲੰਮੇ ਸਮੇਂ ਤੋਂ ਵਿੱਤੀ ਘਾਟ ਅਧੀਨ ਰੇਂਗ ਰਹੀ ਹੈ, ਜੋ ਨਾ ਸਿਰਫ਼ ਬਹੁਤ ਘੱਟ ਬਜ਼ਟ ਦੀ ਸਪੁਰਦਗੀ ਨੂੰ ਸ਼ਾਮਿਲ ਕਰਦੀ ਹੈ, ਸਗੋਂ ਇਸਨੂੰ ਵੀ ਅਸਥਿਰ ਅਦਾਇਗੀਆਂ ਨਾਲ਼ ਵੀ। ਪਿਛਲੇ ਕਈ ਮਹੀਨਿਆਂ ਤੋਂ, ਇੱਥੋਂ ਤੱਕ ਕਿ ਟੀਚਿੰਗ ਅਤੇ ਨਾਨ-ਟੀਚਿੰਗ ਕਰਮਚਾਰੀਆਂ ਦੀਆਂ ਲਗਾਤਾਰ ਤਨਖਾਹਾਂ ਇਹਨਾਂ ਕਾਰਨਾਂ ਕਰਕੇ ਦਿੱਤੀਆਂ ਨਹੀਂ ਜਾ ਸਕੀਆਂ ਹਨ।
ਪੰਜਾਬ ਯੂਨੀਵਰਸਿਟੀ ਚੰਡੀਗੜ, ਇੱਕ ਕੇਂਦਰ ਸ਼ਾਸਿਤ ਪ੍ਰਦੇਸ਼ 'ਚ ਸਥਾਪਿਤ ਹੈ, ਇੱਕ ਵੱਡੀ ਕੇਂਦਰੀ ਯੂਨੀਵਰਸਿਟੀ ਹੈ ਭਾਵੇਂ ਨੋਟੀਫਾਇਡ ਨਹੀਂ ਹੈ। ਇਸਦਾ ਸਲਾਨਾ ਘਾਟਾ 546 ਕਰੋੜ ਦੇ ਲਗਭਗ ਹੈ, 40 ਪ੍ਰਤੀਸ਼ਤ ਪੰਜਾਬ ਸਰਕਾਰ ਦੁਆਰਾ ਅਤੇ 60 ਪ੍ਰਤੀਸ਼ਤ ਐਮਐਚਆਰਡੀ ਜ਼ਰੀਏ ਕੇਂਦਰ ਸਰਕਾਰ ਦੁਆਰਾ ਵਿੱਤਪੋਸ਼ਿਤ ਕੀਤਾ ਜਾਂਦਾ ਹੈ।
ਵਿੱਦਿਅਕ ਸੈਕਟਰ 'ਚ, ਖਾਸ ਤੌਰ 'ਤੇ ਉੱਚ ਸਿੱਖਿਆ 'ਚ, ਸਰਕਾਰ ਦੁਆਰਾ ਸਾਰੀਆਂ ਗਰਾਂਟਾਂ ਅਤੇ ਸਬਸਿਡੀਆਂ ਨੂੰ ਵਾਪਸ ਲੈਣਾ, ਨਿਜ਼ੀ ਸੈਕਟਰ ਨੂੰ ਉੱਭਾਰਨ ਲਈ ਦੁਰਭਾਵਨਾਪੂਰਨ ਡਿਜਾਈਨ ਦਾ ਆਗਾਜ਼ ਹੈ। ਦੋਨੋਂ, ਵੱਡੇ ਨਿਵੇਸ਼ਕਾਂ, ਦੇਸ਼ੀ ਅਤੇ ਵਿਦੇਸ਼ੀ, ਵਿਦਿਅਕ ਸੈਕਟਰ ਨੂੰ ਦੇਸ਼ 'ਚ 7 ਕਰੋੜ ਮਹਤਵਅਕਾਂਖਿਆਵੀ ਵਿਦਿਆਰਥੀਆਂ ਨਾਲ਼ ਸਭ ਤੋਂ ਵੱਧ ਮੁਨਾਫ਼ੇ ਵਾਲੇ ਸੈਕਟਰਾਂ ਵਜੋਂ ਦੇਖ ਰਹੇ ਹਨ। ਨਿਜ਼ੀ ਸੰਸਥਾਵਾਂ ਨੂੰ ਵੱਡਾ ਹੁੰਗਾਰਾ ਮਿਲੇਗਾ ਜੇਕਰ ਸਰਕਾਰ ਦੁਆਰਾ ਵਿੱਤਪੋਸ਼ਿਤ ਵਿਦਿਆ ਰੋਕ ਦਿੱਤੀ ਜਾਏ।
ਜੇਕਰ ਸਰਕਾਰ ਇਹ ਦਲੀਲ ਦਿੰਦੀ ਹੈ ਕਿ ਮਾਨਤਾ ਹਾਸਿਲ ਕਾਲਜਾਂ 'ਤੇ ਫੀਸ ਦਾ ਕੋਈ ਅਸਰ ਨਹੀਂ ਪਏਗਾ, ਇਸਦਾ ਕਾਰਨ ਸਾਫ਼ ਹੈ ਕਿ ਇਹਨਾਂ ਦੇ ਕਾਲਜਾਂ ਦੀ ਫੀਸ ਸੰਰਚਨਾ ਪਹਿਲਾਂ ਤੋਂ ਬਹੁਤ ਉੱਚੀ ਹੈ। ਇਹ ਪਹਿਲਾਂ ਹੀ ਸਵੈ-ਵਿੱਤਪੋਸ਼ਿਤ ਦੀਆਂ ਸੰਸਥਾਵਾਂ ਵਜੋਂ ਕੰਮ ਕਰ ਰਹੇ ਹਨ।
ਕੇਂਦਰ ਸਰਕਾਰ ਦੀ ਕਾਰਪੋਰੇਟ ਪੱਖੀ ਅਤੇ ਨਿਵੇਸ਼ਕ ਪੱਖੀ ਨੀਤੀਆਂ, ਵਿਦਿਅਕ ਸੈਕਟਰ 'ਚ ਪਬਲਿਕ ਖਰਚਿਆਂ ਨੂੰ ਵਾਪਸ ਖਿੱਚ ਰਹੀ ਹੈ, ਇਹ ਵਿਸ਼ਵ ਵਪਾਰ ਸੰਸਥਾ ਦੇ ਨਿਰਦੇਸ਼ਾਂ ਦੀ ਪਾਲਣਾ 'ਚ ਹੋ ਰਿਹਾ ਹੈ ਜੋ ਅਧੀਨ ਸਰਕਾਰਾਂ 'ਤੇ  ਇੱਕ ਨਿਸ਼ਚਿਤ ਸਮੇਂ ਅੰਦਰ ਪਬਲਿਕ ਸੈਕਟਰ 'ਚ ਸਾਰੀਆਂ ਗਰਾਂਟਾਂ ਅਤੇ ਸਬਸਿਡੀਆਂ ਨੂੰ ਖਤਮ ਕਰਨ ਦੇਣਾ ਲਾਜ਼ਮੀ ਬਣਾਉਂਦੇ ਹਨ। ਇਹ ਵਿਸ਼ਵ ਵਾਪਰ ਸੰਸਥਾ ਜਿਹੇ ਸੰਸਾਰ ਵਪਾਰ ਸਮਝੌਤਿਆਂ ਜ਼ਰੀਏ ਚੱਲਣ ਵਾਲੀ ਨਵੀਂ ਸੰਸਾਰ ਵਿਵਸਥਾ ਦੀ ਅਨੁਰੂਪਤਾ 'ਚ ਹਨ, ਜੋ ਮੈਂਬਰ ਰਾਜਾਂ ਦੁਆਰਾ ਸਾਰੀਆਂ ਕੌਮੀ ਹੱਦਾਂ, ਸਬਸਿਡੀਆਂ, ਸਮਾਜਿਕ ਸੈਕਟਰ ਦੀ ਪਬਲਿਕ ਫੰਡਿਗ ਵਗੈਰਾ ਨੂੰ ਤਿਆਗਦਾ ਹੈ ਅਤੇ ਇਸਦੇ ਉਲਟ ਉਹਨਾਂ ਨੂੰ ਮੁਨਾਫ਼ੇ ਲਈ ਪੂੰਜੀ ਦੀ ਵਿਸ਼ਵ ਲੁੱਟ ਲਈ ਖੋਲ੍ਹਦਾ ਹੈ।
ਸਰਬਜਨਿਕ ਸੰਸਥਾਵਾਂ ਦੇ 'ਸਵੈ-ਵਿੱਤਪੋਸ਼ਣ' ਦਾ ਸੰਕਲਪ, ਸਰਕਾਰ ਦੀ ਵਿਲਾਸਿਤਾ ਜਾਂ ਚੋਣ ਨਹੀਂ ਹੈ। ਇਹ ਉਹਨਾਂ 'ਤੇ ਹੁਣ ਤੱਕ ਦੇ ਸਭ ਤੋਂ ਤੀਬਰ ਆਰਥਿਕ ਸੰਕਟ ਦੁਆਰਾ ਹੈ ਜਿਸਨੂੰ ਇਹ ਸਰਕਾਰਾਂ ਲੋਕਾਂ ਤੋਂ ਲੁਕਾਉਣ ਦੀ ਕੋਸ਼ਿਸ਼ 'ਚ ਉਤਾਵਲੀਆਂ ਹਨ। ਵਿਸ਼ਵ ਕਰਜਿਆਂ ਦੀ ਮੁੜ ਅਦਾਇਗੀ 'ਚ ਬਹੁਤ ਵੱਧ ਵਾਧਾ ਅਤੇ ਰੱਖਿਆ ਅਤੇ ਸੁਰੱਖਿਆ 'ਤੇ ਕੁੰਡਲਾਕਾਰ ਖਰਚੇ, ਨੌਕਰਸ਼ਾਹੀ ਦੀ ਵਿਲਾਸਿਤਾ 'ਚ ਹੁਣ ਤੱਕ ਦਾ ਸਭ ਤੋਂ ਵੱਧ ਵਾਧਾ ਸੰਕਟ ਨੂੰ ਚਰਮ ਤੱਕ ਪੁਹੰਚਾਉਂਦਾ ਹੈ। ਸੰਕਟ ਦੀ ਸਾਰੀ ਕੀਮਤ ਲੋਕਾਂ ਨੂੰ ਨਿਚੋੜ ਕੇ ਉਹਨਾਂ ਦੀ ਜੇਬ ਤੋਂ ਵਸੂਲੀ ਜਾਏਗੀ।
ਸਰਬਜਨਿਕ ਵਿਦਿਆ ਦੇ ਲੋੜੀਂਦੇ ਘੱਟੋ-ਘੱਟ ਮਿਆਰਾਂ ਨੂੰ ਸੰਤੁਸ਼ਟ ਕਰਨ ਦੇ ਮਕਸਦ 'ਚ ਘੱਟੋ ਘੱਟ ਬਜਟ ਦਾ 6 ਤੋਂ 7 ਪ੍ਰਤੀਸ਼ਤ ਸਿੱਖਿਆ ਨੂੰ ਦਿੱਤਾ ਜਾਣਾ ਚਾਹੀਦਾ ਹੈ। ਫਿਰ ਵੀ ਅਸਲੀ ਸਪੁਰਦਗੀ 4 ਪ੍ਰਤੀਸ਼ਤ ਤੋਂ ਅਗਾਂਹ ਨਹੀਂ ਜਾਂਦੀ, ਜਦੋਂ ਕਿ ਖਰਚੇ ਇਸਤੋਂ ਹੇਠਾਂ ਰਹਿੰਦੇ ਹਨ। ਇਸ ਸਪੁਰਦਗੀ ਅਤੇ ਸਰਬਜਨਿਕ ਸਿੱਖਿਆ 'ਤੇ ਖਰਚੇ ਵਧਾਉਣ ਦੀ ਬਜਾਏ, ਵੱਡ-ਬੁਰਜੁਆ ਸਰਕਾਰਾਂ ਇਸਨੂੰ ਸਾਲ ਦਰ ਸਾਲ ਹੌਲ਼ੀ-ਹੌਲੀ ਸਾਫ਼ ਕਰਨ ਦਾ ਸੁਝਾਅ ਦਿੰਦੀਆਂ ਹਨ।
ਕੇਂਦਰ ਸਰਕਾਰ ਦਾ ਗਿਣਿਆ ਮਿੱਥਿਆ ਅਜੇਂਡਾ ਵਿਦਿਆ ਦਾ ਨਿਜ਼ੀਕਰਨ ਅਤੇ ਵਪਾਰੀਕਰਨ ਕਰਨਾ ਹੈ। ਸਿੱਖਿਆ ਦਾ ਵਪਾਰੀਕਰਨ, ਸਾਰੇ ਪਬਲਿਕ ਸੈਕਟਰ ਅਤੇ ਜਨਕਲਿਅਣ ਸੇਵਾਵਾਂ ਨੂੰ ਵੱਡੇ ਵਪਾਰ ਦੇ ਮੁਨਾਫ਼ਾ ਕੇਂਦਰਿਤ ਮੁੰਹਿਮ ਦੇ ਅਧੀਨ ਕਰਨ ਦਾ ਸਰਕਾਰ ਦਾ ਇੱਕ ਮੁੰਕਮਲ ਤੌਰ 'ਤੇ ਕਾਰਪੋਰੇਟ ਪੱਖੀ ਅਜੇਂਡਾ ਹੈ।
ਨਿਜੀ ਯੂਨੀਵਰਸਿਟੀਆਂ ਅਤੇ ਸਵੈ-ਵਿੱਤਪੋਸ਼ਿਤ ਕਾਲਜ ਅਧਿਆਪਕਾਂ ਦੀ ਸ਼ੋਸ਼ਣ ਦਾ ਘਰ ਅਤੇ ਵਿਦਿਆਰਥੀਆਂ ਦੀ ਲੁੱਟ ਅਤੇ ਭ੍ਰਿਸ਼ਟਾਚਾਰ ਅਤੇ ਕਦਾਚਾਰ ਦੀਆਂ ਸਾਰੀਆਂ ਕਿਸਮਾਂ ਦਾ ਵੱਡਾ ਕੇਂਦਰ ਬਣ ਚੁੱਕੇ ਹਨ। ਇੱਥੇ ਅਕੇਡਮਿਕ ਸਟੈਂਡਰਡ ਨੂੰ ਬਣਾਈ ਰੱਖਣ ਦਾ ਕੋਈ ਪੈਮਾਨਾ ਨਹੀਂ ਹੈ, ਜੋ ਅਧਿਆਪਕਾਂ ਦੀ ਨਿਯੁਕਤੀ ਸ਼ਾਮਿਲ ਕਰਦਾ ਹੋਵੇ। ਉਸੇ ਵਿਭਾਗ ਤੋਂ ਅਣਘੜ ਅਧਿਆਪਕ ਠੇਕੇ 'ਤੇ ਅਧਿਆਪਨ ਲਈ, ਬਿਨਾਂ ਨੌਕਰੀ ਦੀ ਸੁਰੱਖਿਆ ਦੇ ਅਥਾਹ ਲੁੱਟ ਅਧੀਨ, ਨਿਯੁਕਤ ਕੀਤੇ ਜਾਂਦੇ ਹਨ। ਇਹ ਸੰਸਥਾਵਾਂ ਵਿਦਿਆਰਥੀਆਂ ਦੀ ਅਥਾਹ ਲੁੱਟ ਹੇਠ ਚਲਦੀਆਂ ਹਨ ਜੋ ਉਹਨਾਂ ਕੁਝ ਕੁ ਦੇ ਖਜਾਨਿਆਂ 'ਚ ਸੂਪਰ-ਮੁਨਾਫ਼ੇ ਦੇ ਰੂਪ 'ਚ ਚਲਾ ਜਾਂਦਾ ਹੈ, ਜੋ ਇਹਨਾਂ ਦੇ ਮਾਲਕ ਹਨ।
ਸਾਰੇ ਵਿਦਿਅਕ ਸੈਕਟਰ ਦਾ ਇੱਕ ਗਿਣਨਯੋਗ ਹਿੱਸਾ ਪਹਿਲਾਂ ਤੋਂ ਹੀ ਅਜਿਹੀਆਂ ਨਿਜ਼ੀ ਯੂਨੀਵਰਸਿਟੀਆਂ ਅਤੇ ਕਾਲਜਾਂ ਦੁਆਰਾ ਕਬਜ਼ਾ ਲਿਆ ਹੈ। ਇਹਨਾਂ 'ਚੋਂ ਜੋ ਬਚੇ ਹਨ, ਸਰਕਾਰ ਅਤੇ ਉਹਨਾਂ ਅਧੀਨ ਅਥਾਰਿਟੀਆਂ ਦੁਆਰਾ ਗਿਣੇ ਮਿਥੇ ਤਰੀਕੇ ਨਾਲ਼ ਢੇਰੀ ਕੀਤੇ ਜਾ ਰਹੇ ਹਨ।
ਇਸ ਸਭ 'ਚ, ਸਰਕਾਰ ਦੁਆਰਾ ਸਮਾਜਿਕ ਖਰਚਿਆਂ ਨੂੰ ਵਾਪਸ ਲੈਣਾ, ਸੰਸਾਰ ਬੈਂਕ ਅਤੇ ਆਈਐਮਐਫ ਦੁਆਰਾ ਨਿਰਦੇਸ਼ਿਤ ਕੀਤੇ ਗਏ ਕਿਫ਼ਾਇਤੀ ਪ੍ਰੋਗ੍ਰਾਮ ਦਾ ਹਿੱਸਾ ਹੈ। ਪੰਜਾਬ ਯੂਨੀਵਰਸਿਟੀ ਇੱਕਲੀ ਕਿਫ਼ਾਇਤ ਦਾ ਕੁਹਾੜੀ ਨਹੀਂ ਝੱਲ ਰਹੀ। ਜੇਐਨਯੂ ਅਤੇ ਵਰਧਾ 'ਚ ਭੀਸ਼ਣ ਸੀਟਾਂ ਦੀ ਕਟੌਤੀ ਕਰਦੇ ਹੋਏ ਅਲਾਹਬਾਦਬਾਦ ਯੂਨੀਵਰਸਿਟੀ 'ਚ ਵੀ ਫੀਸਾਂ 3 ਗੁਣਾ ਵਧਾਉਣ ਦਾ ਪ੍ਰਸਤਾਵ ਹੈ। ਦਿੱਲੀ ਯੂਨੀਵਰਸਿਟੀ ਦੇ ਕਾਲਜ਼ਾਂ ਦਾ ਨਿਜ਼ੀਕਰਨ ਚੱਲ ਰਿਹਾ ਹੈ ਜਦੋਂ ਕਿ ਜਾਧਵਪੂਰ ਯੂਨੀਵਰਸਿਟੀ ਦੀ ਫੈਲੋਸ਼ਿਪ ਖੋਹ ਦਿੱਤੀ ਗਈ ਹੈ।
ਇਹ ਸਾਜਿਸ਼ ਹੈ ਜਿਸ ਵਿਰੁੱਧ ਪੰਜਾਬ ਯੂਨੀਵਰਸਿਟੀ ਦੇ ਵਿਦਿਆਰਥੀ ਸੰਘਰਸ਼ ਅਤੇ ਟਾਕਰਾ ਕਰਨ ਲਈ ਮਜ਼ਬੂਰ ਹੋਏ ਹਨ।

ਪੁਲਿਸ ਨੇ ਸਿਆਸੀ ਆਕਾਵਾਂ ਨੂੰ ਖੁਸ਼ ਕਰਨ ਦੇ ਉਤਸਾਹ 'ਚ, 66 ਵਿਦਿਆਰਥੀਆਂ 'ਤੇ ਪੀਨਲ ਕੋਡ ਅਧੀਨ ਹੋਰ ਦੂਜੇ ਅਪਰਾਧ ਜੋ ਦੰਗਾ ਭੜਕਾਉਣਾ ਅਤੇ ਪਰਾਪਰਟੀ ਦੀ ਤਬਾਹੀ ਨੂੰ ਸ਼ਾਮਿਲ ਕਰਦੇ ਹਨ, ਦੇ ਨਾਲ਼-ਨਾਲ਼ 'ਦੇਸ਼-ਧਰੋਹ' ਲਈ ਵੀ ਨਾਮਜ਼ਦ ਕੀਤਾ ਹੈ। ਰੌਲਾ ਪੈਣ ਮਗਰੋਂ ਆਪਣੀ ਸ਼ਰਮ ਦੇ ਮਾਰੇ ਅਤੇ ਮੁੰਹ ਚੁਰਾਉਂਦੇ ਹੋਏ ਬਾਅਦ 'ਚ, ਪੁਲਿਸ ਨੇ ਦਾਅਵਾ ਕੀਤਾ ਕਿ ਦੇਸ਼ ਧਰੋਹ ਅਧੀਨ ਧਾਰਾ ਹਟਾ ਦਿੱਤੀ ਜਾਏਗੀ ਜੇਕਰ ਕੋਈ ਗਵਾਹ ਨਾ ਮਿਲਿਆ ਤਾਂ।
ਉਤਸ਼ਾਹ ਜਿਸ ਨਾਲ਼ ਸਰਕਾਰ ਨੇ ਵਿਦਿਆ ਦੇ ਵਪਾਰੀਕਰਨ ਦੀ ਇਸਦੀ ਨੀਤੀ ਲਈ ਵਿਦਿਆਰਥੀਆਂ ਦੇ ਵਿਰੋਧ ਨੂੰ ਦਬਾਉਣ ਦੀ ਕੋਸ਼ਿਸ਼ ਕੀਤੀ, ਖੁਦ ਬੋਲਦਾ ਹੈ। ਇਹ ਬਿਨਾ ਕਿਸੇ ਸ਼ੱਕ ਦੇ ਦਿਖਾਉਂਦਾ ਹੈ ਕਿ ਮੁਨਾਫ਼ਾਖੋਰਾਂ ਦਾ ਸਹਿਯੋਗ ਕਰਨ ਅਤੇ ਪਬਲਿਕ ਸੈਕਟਰ ਅਤੇ ਪਬਲਿਕ ਖਰਚੇ ਜਿੰਨਾ ਵੀ ਬਚਿਆ ਹੈ ਉਸਨੂੰ ਤਬਾਹ ਕਰਨ ਲਈ, ਵਪਾਰ ਪੱਖੀ ਸਰਕਾਰਾਂ ਕੋਈ ਵੀ ਕਸਰ ਬਾਕੀ ਨਹੀਂ ਛੱਡਣਗੀਆਂ।
ਵਿਦਿਆਰਥੀਆਂ 'ਤੇ ਹਿੰਸਾ ਦਾ ਇਲਜ਼ਾਮ ਲਗਾਉਂਦੇ ਹੋਏ, ਯੂ.ਟੀ. ਚੰਡੀਗੜ ਦਾ ਪੁਲਿਸ ਸੂਪਰਡੈਂਟ, ਈਸ਼ ਸਿੰਘਲ ਸਫ਼ੇਦ ਝੂਠ ਬੋਲਦਾ ਹੈ ਕਿ ਵਿਦਿਆਰਥੀਆਂ ਨੇ ਪਹਿਲਾਂ ਪੁਲਿਸ 'ਤੇ ਹਮਲਾ ਕੀਤਾ। ਸਿੰਘਲ ਨੇ ਦਾਅਵਾ ਕੀਤਾ ''ਵਿਦਿਆਰਥੀਆਂ ਦੇ ਹਿੰਸਕ ਹੋਣ ਮਗਰੋਂ ਅਸੀਂ ਤਾਕਤ ਦਾ ਸਹਾਰਾ ਲਿਆ''।  ਪਰ, ਵੀਡੀਓ ਸਾਫ਼ ਦਿਖਾ ਰਹੀ ਹੈ ਕਿ ਇੱਥੋਂ ਤੱਕ ਮਾਮੂਲੀ ਉਕਸਾਵੇ ਤੋਂ ਬਿਨਾ ਸਿਰਫ਼ ਵਿਦਿਆਰਥੀਆਂ ਦੇ ਵੀਸੀ ਨੂੰ ਮਿਲਣ ਲਈ ਜੋਰ ਪਾਉਣ ਅਤੇ ਉਸਦੇ ਦਫ਼ਤਰ 'ਚ ਵੜਨ ਦੀ ਕੋਸ਼ਿਸ਼ ਕਰਨ ਮਗਰੋਂ ਪੁਲਿਸ ਹਮਲਾਵਰ ਸੀ।
ਇੱਥੋਂ ਤੱਕ ਕਿ ਵਿਦਿਆਰਥੀਆਂ ਦੇ ਖਿੰਡਪੁੰਡ ਜਾਣ ਮਗਰੋਂ ਵੀ, ਪੁਲਿਸ ਵਾਲੇ ਵੀਡਿਓ 'ਚ ਕਹਿੰਦੇ ਸੁਣ ਗਏ ਹਨ ਕਿ ''ਸਬਕ ਸਿਖਾਉਣ ਲਈ ਉਹਨਾਂ 'ਚੋਂ ਘੱਟੋ-ਘੱਟ ਕੋਈ ਤਾਂ ਫੜਿਆ ਜਾਣਾ ਚਾਹੀਦਾ ਹੈ''। ਪੁਲਿਸ ਨੇ ਅਸਲ 'ਚ ਹੀ ਕੁਝ ਵਿਦਿਆਰਥੀਆਂ ਨੂੰ ਬੇਰਹਿਮੀ ਨਾਲ਼ ਹਮਲਾ ਕਰਕੇ ਉਹ ਸਬਕ ਸਿਖਾਇਆ।
ਉਹ ਜੋ ਪੁਲਿਸ ਦੁਆਰਾ ਫੜੇ ਗਏ ਉਹ ਹਨ ਜਿਹਨਾਂ ਨੇ ਕੈਂਪਸ 'ਚ ਗੁਰਦੁਆਰੇ ਅੰਦਰ ਸ਼ਰਣ ਲੈਣ ਦੀ ਕੋਸ਼ਿਸ਼ ਕੀਤੀ। ਪੁਲਿਸ ਨੇ ਉਹਨਾਂ ਨੂੰ ਘੇਰ ਲਿਆ ਅਤੇ ਮਜ਼ਬੂਰ ਕੀਤਾ ਕਿ ਉਹ ਬਾਹਰ ਆਉਣ ਅਤੇ ਤਦ ਉਹਨਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ, ਉਹਨਾਂ ਨੂੰ ਕੁੱਟਿਆ ਅਤੇ ਉਹਨਾਂ 'ਤੇ ਦੰਗੇ ਭੜਕਾਉਣ ਦੇ ਝੂਠੇ ਕੇਸ ਦਰਜ ਕੀਤੇ।
ਅੱਗੇ ਹੋਰ ਝੂਠ ਜੋੜਦੇ ਹੋਏ, ਈਸ਼ ਨੇ ਦਾਅਵਾ ਕੀਤਾ, ''ਪੁਲਿਸ ਵਾਹਨਾਂ ਨੂੰ ਨੁਕਸਾਨ ਪਹੁੰਚਾਇਆ ਗਿਆ ਸੀ ਅਤੇ ਪੰਜ-ਛੇ ਪੁਲਿਸ ਦਫ਼ਤਰੀਆਂ ਨੂੰ ਗੰਭੀਰ ਚੋਟਾਂ ਆਈਆਂ ਹਨ''। ਇਹ ਸਾਰਾ ਕੁਝ ਪੁਲਿਸ ਦੁਆਰਾ ਬਣਾਇਆ ਗਿਆ ਸੀ ਜਿਸ 'ਚ ਜ਼ਰਾ ਵੀ ਸੱਚ ਨਹੀਂ ਹੈ।
ਪੁਲਿਸ ਦਾ ਰੂਪ ਦੱਸਦੇ ਹੋਏ, ਕਾਰਪੋਰੇਟ ਮੀਡੀਆ ਨੇ ਵਿਦਿਆਰਥੀਆਂ ਨੂੰ ਹਿੰਸਾ ਲਈ ਦੋਸ਼ ਦਿੱਤਾ। ਅਖਬਾਰ ਅਤੇ ਮੀਡੀਆ ਇੱਕ ਹੀ ਅਵਾਜ 'ਚ ਸਰਕਾਰ ਦੀ ਲੋਟੂ ਵਿਦਿਆ ਪਾਲਿਸੀ ਖਿਲਾਫ਼ ਵਿਦਿਆਰਥੀਆਂ ਦਾ ਬਚਾਅ ਕਰਨ ਦੀ ਬਜਾਏ ਪੁਲਿਸ ਦੁਆਰਾ ਵਿਦਿਆਰਥੀ ਦੇ ਵਿਰੋਧ ਦੇ ਜ਼ਬਰ ਨੂੰ ਸਹੀ ਠਹਿਰਾਉਣ ਲਈ ਚੀਕੇ। ਪੀਟੀਆਈ, ਯੂਐਨਆਈ, ਬਿਜਨੈਸ ਸਟੈਂਡਰਡ, ਟਾਈਮਜ਼ ਆਫ ਇੰਡੀਆ, ਐਨਡੀਟੀਵੀ, ਜੀ ਟੀਵੀ ਅਤੇ ਸਾਰਿਆਂ ਨੇ ਇੱਕ ਅਵਾਜ 'ਚ ਸਰਕਾਰ ਅਤੇ ਪੁਲਿਸ ਦਾ ਸਮਰਥਨ ਕੀਤਾ। ਉਹਨਾਂ ਨੇ ਪੁਲਿਸ ਦੇ ਉਤੇਜਕ ਅਤੇ ਹਿੰਸਕ ਰੋਲ ਨੂੰ ਦਬਾਉਂਦੇ ਹੋਏ ਸੰਪਾਦਿਤ ਕੀਤੀਆਂ ਅਤੇ ਛੇੜਛਾੜ ਕੀਤੀਆਂ ਘਟਨਾਵਾਂ ਦੀ ਵੀਡੀਓਜ਼ ਵਿਖਾਈਆਂ।
ਹੋਰ ਵੀ ਵੱਧ ਦਿਲਚਸਪ ਹੈ ਕਿ ਦਫ਼ਤਰੀ ਸਟੂਡੈਂਟਸ ਕਾਉਂਸਿਲ, ਪੰਜਾਬ ਯੂਨੀਵਰਸਿਟੀ ਕੈਂਪਸ ਸਟੂਡੈਂਟਸ ਕਾਉਂਸਿਲ, ਪੀਯੂਸੀਐਸਸੀ, ਅਤੇ ਇਸਦੇ ਆਗੂ ਯੂਨੀਵਰਸਿਟੀ ਦੀਆਂ ਅਥਾਰਿਟੀਆਂ ਨਾਲ਼ ਆਤਮ-ਸੰਤੁਸ਼ਟ ਹੁੰਦੇ ਹੋਏ ਬੇਨਕਾਬ ਹੋਏ। ਡੀਨ ਆਫਰ ਇੰਸਟਰਕਸ਼ਨਜ਼ ਏਟ ਯੂਨੀਵਰਸਿਟੀ, ਦੇ ਸੀਨੇਟ ਨੂੰ ਕਹਿਣ ਮਗਰੋਂ ਕਿ ਵਿਦਿਆਰਥੀ ਯੂਨੀਅਨ ਨੂੰ ਭਰੋਸੇ 'ਚ ਲਿਆ ਗਿਆ ਹੈ। ਮਗਰੋਂ, ਫੀਸਾਂ 'ਚ ਵਾਧੇ ਨੂੰ ਜਾਇਜ ਠਹਿਰਾਉਂਦੇ ਹੋਏ ਪੀਯੂਸੀਐਸਸੀ ਪ੍ਰਧਾਨ ਨਿਸ਼ਾਂਤ ਕੌਸ਼ਲ ਨੇ ਦਾਅਵਾ ਕੀਤਾ ਕਿ ''ਬਾਡੀ ਸੁਨਿਸ਼ਚਿਤ ਕਰੇਗੀ ਕਿ ਵਿਦਿਆਰਥੀਆਂ ਨੂੰ ਕਾਫ਼ੀ ਸਕੋਲਰਸ਼ਿਪਾਂ ਅਤੇ ਫ੍ਰੀਸ਼ਿਪਾਂ ਦਿੱਤੀਆਂ ਜਾਣ ਤਾਂ ਕਿ ਕੋਈ ਵੀ ਮੇਧਾਵੀ ਵਿਦਿਆਰਥੀ ਆਪਣੀ ਆਰਥਿਕ ਪਿਛੋਕੜ ਕਰਕੇ ਨੂੰ ਵਾਂਝਾ ਨਾ ਰਹਿ ਜਾਵੇ।
ਇਹ ਆਪਣੇ ਆਪ 'ਚ ਵਿਦਿਆਰਥੀਆਂ ਨਾਲ਼ ਧੋਖਾ ਹੈ। ਸਕੋਲਰਸ਼ਿਪਾਂ ਅਤੇ ਫ੍ਰੀਸ਼ਿਪਾਂ ਟਿਊਸ਼ਨ ਫੀਸ 'ਚ ਸਿਰਫ਼ 50 ਪ੍ਰਤੀਸ਼ਤ ਤੱਕ ਛੋਟ ਤੱਕ ਸੀਮਤ ਹਨ ਜਦੋਂ ਕਿ ਵਾਧਾ ਟਿਊਸ਼ਨ ਫੀਸ ਤੋਂ ਵੀ ਕਿਤੇ ਵੱਧ ਹੋਇਆ ਹੈ।
ਦਫ਼ਤਰੀ ਕਾਉਂਸਿਲ 'ਚ ਪੁਜੀਸ਼ਨਾਂ ਹਾਸਿਲ ਕਰੀ ਬੈਠੇ ਉਹਨਾਂ ਦੇ ਆਪਣੇ ਆਗੂਆਂ ਦੁਆਰਾ ਵਿਦਿਆਰਥੀਆਂ ਨਾਲ਼ ਗੱਦਾਰੀ ਕੋਈ ਹੈਰਾਨੀ ਵਾਲੀ ਗੱਲ ਨਹੀਂ ਹੈ। ਕਾਉਂਸਿਲ ਦੇ ਆਕੇ ਹਰ ਕਿਤੇ ਵੀ ਅਥਾਰਿਟੀਆਂ ਨਾਲ਼ ਗੁੱਟਬੰਦੀ 'ਚ ਹਨ ਅਤੇ ਸਾਰੀਆਂ ਦੁਰਭਾਵਨਾਪੂਰਨ ਮੁੰਹਿਮਾਂ ਲਈ ਉਹਨਾਂ ਦੇ ਟਰੋਜਨ ਹਾਰਸ ਬਣ ਚੁੱਕੇ ਹਨ। ਸਧਾਰਨ ਕਾਰਕੁੰਨਾਂ ਨੂੰ ਚਾਹੀਦਾ ਹੈ ਕਿ ਇਹਨਾਂ ਝੂਠੇ ਆਗੂਆਂ ਨੂੰ ਖਦੇੜ ਬਾਹਰ ਕਰਨ ਅਤੇ ਜਿਹਨਾਂ ਜਥੇਬੰਦੀਆਂ ਦੀ ਉਹ ਨੁਮਾਇੰਦਗੀ ਕਰਦੇ ਹਨ ਉਹਨਾਂ ਦੇ ਪਰਖਚੇ ਉਡਾ ਦੇਣ। ਸਾਨੂੰ ਇਸ ਕੂੜੇ ਤੋਂ ਜਿੰਨਾ ਜਲਦੀ ਹੋ ਸਕੇ ਛੁਟਕਾਰਾ ਹਾਸਿਲ ਕਰਨਾ ਚਾਹੀਦਾ ਹੈ।
ਯੂਨੀਵਰਸਿਟੀਆਂ ਦੇ ਸਾਰੇ ਘਾਟੇ ਵੱਡੇ ਸਰਕਾਰੀ ਖਜਾਨਿਆਂ 'ਚੋਂ ਦਿੱਤੇ ਜਾਣੇ ਚਾਹੀਦੇ ਹਨ ਜੋ ਕੇਂਦਰ ਅਤੇ ਰਾਜ ਸਰਕਾਰਾਂ ਲੋਕਾਂ ਤੋਂ ਸਿੱਧੇ ਅਤੇ ਅਸਿੱਧੇ ਟੈਕਸਾਂ ਰਾਹੀਂ ਵਸੂਲਦੀਆਂ ਹਨ। ਸਰਕਾਰਾਂ ਨੂੰ ਵੱਡੇ ਟੈਕਸ ਅਦਾ ਕਰਨ ਮਗਰੋਂ ਜਨਕਲਿਆਣ ਸੇਵਾਵਾਂ ਨੂੰ ਸਵੈ-ਵਿੱਤਪੋਸ਼ਿਤ ਕਰਨ ਦੇ ਸੰਕਲਪ ਦਾ ਪੂਰਜ਼ੋਰ ਵਿਰੋਧ ਕੀਤਾ ਜਾਣਾ ਚਾਹੀਦਾ ਹੈ। ਨਾ ਸਿਰਫ਼ ਵਿਦਿਆ ਅਤੇ ਸਿਹਤ ਲਈ ਫੀਸਾਂ ਅਤੇ ਖਰਚੇ ਵਧਾਏ ਨਹੀਂ ਜਾਣੇ ਚਾਹੀਦੇ ਸਗੋਂ ਇਹਨਾਂ ਨੂੰ ਤੁਰੰਤ ਬੰਦ ਕਰ ਦੇਣਾ ਚਾਹੀਦਾ ਹੈ। ਬਿਨਾ ਕਿਸੇ ਅਦਾਇਗੀ ਦੇ ਹਰੇਕ ਨਾਗਰਿਕ ਨੂੰ ਮੁਫ਼ਤ ਵਿੱਦਿਆ ਅਤੇ ਮੁਫ਼ਤ ਸਿਹਤ ਸੇਵਾਵਾਂ ਮੌਜੂਦ ਕਰਵਾਉਣੀਆਂ ਚਾਹੀਦੀਆਂ ਹਨ।
ਇਹ ਕਹਿਣ ਦੀ ਲੋੜ ਨਹੀਂ ਹੈ ਕਿ ਨਿੱਘਰੀ ਹੋਈ ਸਰਮਾਏਦਾਰੀ ਅਤੇ ਸੰਕਟ ਲੋਕਾਂ ਨੂੰ ਇੱਥੋਂ ਤੱਕ ਕਿ ਇਹ ਨਿਗੂਣਾ ਵੀ ਨਹੀਂ ਦੇ ਸਕਦੇ। ਭਾਰਤ ਵਰਗੇ ਪਿਛੜੇ ਪੂੰਜੀਵਾਦੀ ਮੁਲਕ ਅੰਦਰ, ਇਸਦੇ ਅੱਗੇ ਜਿਉਂਦੇ ਰਹਿਣ ਦਾ ਨਤੀਜਾ ਸਾਰੇ 'ਚੋਂ ਬਹੁਗਿਣਤੀ ਲਈ ਤਬਾਹਕੁੰਨ ਹੋਣ ਜਾ ਰਿਹਾ ਹੈ। ਬਿਨਾ ਦੇਰੀ ਦੇ, ਸਾਨੂੰ ਹੇਠਾਂ ਤੋਂ ਇੱਕ ਇਨਕਲਾਬ ਜ਼ਰੀਏ ਸਰਮਾਏਦਾਰੀ ਨੂੰ ਲੰਘ ਕੇ ਸਮਾਜਵਾਦ 'ਚ ਪ੍ਰਵੇਸ਼ ਕਰਨਾ ਹੈ। ਇਹ ਸਰਮਾਏਦਾਰੀ ਲੁੱਟ, ਸ਼ੋਸ਼ਣ ਅਤੇ ਬਰਬਰਤਾ ਦੇ ਅੰਤ ਦਾ ਇੱਕੋ ਇੱਕ ਤਰੀਕਾ ਹੈ। 

Thursday, September 03, 2015

ਗੁਰੂ ਨਾਨਕ ਨੈਸ਼ਨਲ ਕਾਲਜ ਦੋਰਾਹਾ ਦੀ ਫਿਰ ਬੱਲੇ ਬੱਲੇ

ਹਰਸ਼ਦੀਪ ਕੌਰ ਰਹੀ ਯੂਨੀਵਰਸਿਟੀ `ਚੋਂ ਪਹਿਲੇ ਸਥਾਨ ‘ਤੇ
ਦੋਰਾਹਾ:  3 ਸਤੰਬਰ 2015: (ਪੰਜਾਬ ਸਕਰੀਨ ਬਿਊਰੋ):
ਬੀਤੇ ਦਿਨੀਂ ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ ਵੱਲੋਂ ਐਮ. ਏ. (ਸੋਸ਼ੌਲੋਜੀ) ਚੌਥੇ ਸਮੈਸਟਰ ਦੇ ਐਲਾਨੇ ਨਤੀਜਿਆਂ ਵਿਚ ਸਥਾਨਕ ਗੁਰੂ ਨਾਨਕ ਨੈਸ਼ਨਲ ਕਾਲਜ ਦੀ ਵਿਦਿਆਰਥਣ ਹਰਸ਼ਦੀਪ ਕੌਰ ਨੇ ਯੂਨੀਵਰਸਿਟੀ ਵਿਚੋਂ ਪਹਿਲੀ ਪੁਜੀਸ਼ਨ ਪ੍ਰਾਪਤ ਕਰਕੇ ਕਾਲਜ ਦਾ ਨਾਂ ਰੌਸ਼ਨ ਕੀਤਾ ਹੈ।
ਨਤੀਜਿਆਂ ਬਾਰੇ ਜਾਣਕਾਰੀ ਦਿੰਦਿਆਂ ਕਾਲਜ ਪ੍ਰਿੰਸੀਪਲ ਡਾ. ਨਰਿੰਦਰ ਸਿੰਘ ਸਿੱਧੂ ਨੇ ਦੱਸਿਆ ਕਿ ਯੂਨੀਵਰਸਿਟੀ ਵੱਲੋਂ ਬੀਤੇ ਦਿਨੀਂ ਐਮ. ਏ. (ਸੋਸ਼ੌਲੋਜੀ) ਦੇ ਨਤੀਜੇ ਜਾਰੀ ਕੀਤੇ ਗਏ ਹਨ, ਜਿਸ ਵਿਚ ਐਮ. ਏ. (ਸੋਸ਼ੌਲੋਜੀ)  ਸਮੈਸਟਰ ਚੌਥੇ ਵਿਚੋਂ ਹਰਸ਼ਦੀਪ ਕੌਰ ਸਪੁੱਤਰੀ ਸ. ਜਗਦੀਸ਼ ਸਿੰਘ, ਰੋਲ ਨੰ: 62871 ਨੇ (1291/1600) 80.68 ਫ਼ੀਸਦੀ ਅੰਕਾਂ ਨਾਲ ਯੂਨੀਵਰਸਿਟੀ ਵਿਚੋਂ ਪਹਿਲਾ, ਅੰਮ੍ਰਿਤਪਾਲ ਕੌਰ ਸਪੁਤਰੀ ਸ. ਸੁਖਦੇਵ ਸਿੰਘ, ਰੋਲ ਨੰਬਰ 62861 ਨੇ (1134/1600) 70.87 ਫ਼ੀਸਦੀ ਅੰਕਾਂ ਨਾਲ ਕਾਲਜ ਵਿਚੋਂ ਦੂਜਾ ਅਤੇ ਜਸਪ੍ਰੀਤ ਕੌਰ ਸਪੁਤਰੀ ਸ. ਸੁਖਜੀਤ ਸਿੰਘ, ਰੋਲ ਨੰਬਰ 62874 ਨੇ (1131/1600) 70.68 ਫ਼ੀਸਦੀ ਅੰਕਾਂ ਨਾਲ ਕਾਲਜ ਵਿਚੋਂ ਤੀਜਾ ਸਥਾਨ ਹਾਸਲ ਕੀਤਾ।
ਵਿਭਾਗ ਦੇ ਮੁਖੀ ਡਾ. ਗੁਰਜੀਤ ਵਿਰਕ ਸਿੱਧੂ ਨੇ ਦੱਸਿਆ ਕਿ ਇਸ ਕਲਾਸ ਦਾ ਨਤੀਜਾ ਇਸ ਵਾਰ ਵੀ ਸੌ ਫ਼ੀਸਦੀ ਰਿਹਾ। ਵਿਦਿਆਰਥੀਆਂ ਦੀਆਂ ਇਨ੍ਹਾਂ ਮਾਣਮੱਤੀਆਂ ਪ੍ਰਾਪਤੀਆਂ ਲਈ ਕਾਲਜ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਸ੍ਰੀਮਤੀ ਰੂਪ ਬਰਾੜ, ਸਕੱਤਰ ਸ. ਹਰਪ੍ਰਤਾਪ ਬਰਾੜ, ਪ੍ਰਿੰਸੀਪਲ ਡਾ. ਨਰਿੰਦਰ ਸਿੰਘ ਸਿੱਧੂ ਨੇ ਵਿਦਿਆਰਥੀਆਂ, ਉਨ੍ਹਾਂ ਦੇ ਮਾਪਿਆਂ ਅਤੇ ਵਿਸ਼ੇਸ਼ ਕਰਕੇ ਅਧਿਆਪਕਾਂ ਨੂੰ ਵਧਾਈ ਦਿੱਤੀ ਜਿੰਨ੍ਹਾਂ ਦੀ ਸਾਂਝੀ ਮਿਹਨਤ ਸਦਕਾ ਸ਼ਾਨਦਾਰ ਨਤੀਜੇ ਪ੍ਰਾਪਤ ਹੋਏ ਹਨ ਜਿਸ ਨਾਲ ਕਾਲਜ ਅਤੇ ਇਲਾਕੇ ਦਾ ਨਾਂ ਰੌਸ਼ਨ ਹੋਇਆ।

Saturday, January 25, 2014

ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ ਵਿਖੇ ਕਹਾਣੀ ਸੰਵਾਦ 29 ਜਨਵਰੀ ਨੂੰ

Sat, Jan 25, 2014 at 11:43 AM
ਗੁਲਜ਼ਾਰ ਸਿੰਘ ਸੰਧੂ ਅਤੇ ਮੋਹਨ ਭੰਡਾਰੀ ਹੋਣਗੇ ਸਮਾਗਮ ਦੇ ਮੁੱਖ ਮਹਿਮਾਨ
ਲੁਧਿਆਣਾ : 25 ਜਨਵਰੀ (ਰੈਕਟਰ ਕਥੂਰੀਆ//ਪੰਜਾਬ ਸਕਰੀਨ):
ਪੰਜਾਬੀ ਸਾਹਿਤ ਅਕਾਡਮੀ, ਲੁਧਿਆਣਾ ਵੱਲੋਂ ਪੰਜਾਬੀ ਅਧਿਐਨ ਸਕੂਲ, ਪੰਜਾਬ ਯੂਨੀਵਰਸਿਟੀ, ਚੰਡੀਗੜ੍ਹ ਦੇ ਸਹਿਯੋਗ ਨਾਲ  29 ਜਨਵਰੀ,2014 ਨੂੰ ਸਵੇਰੇ 10.30 ਵਜੇ ਇੰਗਲਿਸ਼ ਆਡੀਟੋਰੀਅਮ ਵਿਖੇ ਕਹਾਣੀ ਸੰਵਾਦ ਆਯੋਜਿਤ ਕੀਤਾ ਜਾ ਰਿਹਾ ਹੈ। ਪੰਜਾਬੀ ਸਾਹਿਤ ਅਕਾਦਮੀ ਦੇ ਪ੍ਰੈਸ ਸਕੱਤਰ (ਡਾ.) ਗੁਲਜ਼ਾਰ ਸਿੰਘ ਪੰਧੇਰ ਵੱਲੋਂ ਜਾਰੀ ਇੱਕ ਪ੍ਰੈਸ ਨੋਟ ਦੇ ਮੁਤਾਬਿਕ ਅਕਾਡਮੀ ਦੇ ਜਨਰਲ ਸਕੱਤਰ ਡਾ. ਸੁਖਦੇਵ ਸਿੰਘ ਸਿਰਸਾ ਨੇ ਦਸਿਆ ਕਿ ਇਸ ਸੈਮੀਨਾਰ ਦਾ ਉਦਘਾਟਨ ਪ੍ਰੋਫ਼ੈਸਰ ਅਰੁਣ ਕੁਮਾਰ ਗਰੋਵਰ, ਵਾਈਸ-ਚਾਂਸਲਰ, ਪੰਜਾਬ ਯੂਨੀਵਰਸਿਟੀ, ਚੰਡੀਗੜ੍ਹ ਕਰਨਗੇ ਜਦਕਿ ਪ੍ਰਸਿੱਧ ਅਰਥ-ਸ਼ਾਸਤਰੀ ਪਦਮ-ਭੂਸ਼ਣ ਪ੍ਰੋਫ਼ੈਸਰ ਐਸ.ਐਸ. ਜੌਹਲ, ਚਾਂਸਲਰ, ਸੈਂਟਰਲ ਯੂਨੀਵਰਸਿਟੀ ਆਫ਼ ਪੰਜਾਬ, ਬਠਿੰਡਾ ਕਹਾਣੀ ਸੰਵਾਦ ਦੀ ਪ੍ਰਧਾਨਗੀ ਕਰਨਗੇ। ਉਨ੍ਹਾਂ ਦਸਿਆ ਕਿ ਪੰਜਾਬੀ ਸਾਹਿਤ ਅਕਾਡਮੀ, ਲੁਧਿਆਣਾ ਦੇ ਪ੍ਰਧਾਨ ਪ੍ਰੋ. ਗੁਰਭਜਨ ਸਿੰਘ ਗਿੱਲ ਕਹਾਣੀ ਸੰਵਾਦ ਦੇ ਵਿਸ਼ੇਸ਼ ਮਹਿਮਾਨ ਹੋਣਗੇ ਜਦਕਿ ਸਾਹਿਤ ਅਕਾਡਮੀ ਪੁਰਸਕਾਰ ਵਿਜੇਤਾ ਪ੍ਰਸਿੱਧ ਪੰਜਾਬੀ ਕਥਾਕਾਰ ਪ੍ਰੋ. ਗੁਲਜ਼ਾਰ ਸਿੰਘ ਸੰਧੂ ਅਤੇ ਸ੍ਰੀ ਮੋਹਨ ਭੰਡਾਰੀ ਇਸ ਸਮਾਗਮ ਦੇ ਮੁੱਖ ਮਹਿਮਾਨ ਹੋਣਗੇ।
'ਮੇਰੀ ਕਹਾਣੀ ਤੇ ਸਿਰਜਣ ਪ੍ਰਕਿਰਿਆ' ਵਿਸ਼ੇ ਬਾਰੇ ਸੰਵਾਦ ਪ੍ਰਸਿੱਧ ਕਥਾਕਾਰ ਸ੍ਰੀ ਗੁਰਦੇਵ ਸਿੰਘ ਰੁਪਾਣਾ, ਸ੍ਰੀ ਗੁਰਪਾਲ ਲਿੱਟ ਅਤੇ ਸ੍ਰੀ ਅਜਮੇਰ ਸਿੱਧੂ ਚਰਚਾ ਕਰਨਗੇ। ਉਨ੍ਹਾਂ ਦਸਿਆ ਕਿ ਅਕਾਡਮੀ ਦੇ ਸੀਨੀਅਰ ਮੀਤ ਪ੍ਰਧਾਨ  ਡਾ. ਅਨੂਪ ਸਿੰਘ ਬਟਾਲਾ ਅਤੇ ਇਸ ਸਮਾਗਮ ਦੀ ਕਨਵੀਨਰ ਤੇ ਪ੍ਰਸਿੱਧ ਕਹਾਣੀ ਲੇਖਿਕਾ ਡਾ. ਸ਼ਰਨਜੀਤ ਕੌਰ ਸੈਮੀਨਾਰ ਦੀ ਚਰਚਾ ਦਾ ਆਰੰਭ ਕਰਨਗੇ।
ਸਮੂਹ ਪੰਜਾਬੀ ਹਿਤੈਸ਼ੀਆਂ ਨੂੰ ਇਸ ਸੈਮੀਨਾਰ ਵਿਚ ਪਹੁੰਚਣ ਦਾ ਹਾਰਦਿਕ ਸੱਦਾ ਹੈ।