Showing posts with label Dera Dispute. Show all posts
Showing posts with label Dera Dispute. Show all posts

Friday, July 16, 2021

ਰਾਮ ਰਹੀਮ ਦਾ ਨਾਮ ਬੇ ਅਦਬੀ ਕੇਸਾਂ ਚੋਂ ਹਟਾਉੁਣ ਦੀ ਸਾਜ਼ਿਸ਼?

 Friday 16th July 2021 at 6:55 PM

ਸਿੱਖ ਫੈਡਰੇਸ਼ਨ ਯੂਕੇ  ਵੱਲੋਂ ਭਾਰਤ ਸਰਕਾਰ ਦੀ ਨੀਅਤ ਤੇ ਸ਼ੱਕ ਦਾ ਪ੍ਰਗਟਾਵਾ 

ਨਵੀਂ ਦਿੱਲੀ: 16 ਜੁਲਾਈ 2021: (ਮਨਪ੍ਰੀਤ ਸਿੰਘ ਖਾਲਸਾ//ਪੰਜਾਬ ਸਕਰੀਨ):: 

ਸਿੱਖ ਫੈਡਰੇਸ਼ਨ ਭਾਰਤ ਸਰਕਾਰ ਨਾਲ ਨਾਰਾਜ਼ ਜਾਪਦੀ ਹੈ। ਮੁੱਦਾ ਬੇਅਦਬੀ ਦੇ ਮਾਮਲਿਆਂ ਵਿੱਚ ਡੇਰਾ ਮੁਖੀ ਦੇ ਨਾਮ ਨੂੰ ਹਟਾਏ ਜਾਣ ਦੇ ਖਦਸ਼ੇ ਦਾ ਹੈ। ਇਸ ਖਦਸ਼ੇ ਕਾਰਨ ਸਿੱਖ ਫੈਡਰੇਸ਼ਨ ਨੇ ਇੱਕ ਤਿੱਖਾ ਬਿਆਨ ਵੀ ਦਿੱਤਾ ਹੈ। 

ਇਸ ਸੰਗਠਨ ਨੇ ਕਿਹਾ ਹੈ ਕਿ ਹਿੰਦੁਸਤਾਨ ਦੀ ਮੌਜੂਦਾ ਸਰਕਾਰ ਨੂੰ ਸਿੱਖ ਇਤਿਹਾਸ ਪੜ ਲੈਣਾ ਚਾਹੀਦਾ ਹੈ ਕਿ ਸਿੱਖ ਕੌਮ ਇੱਕ ਮਾਰਸ਼ਲ ਕੌਮ ਵਜੋ ਵਿਸ਼ਵ ਭਰ ਚ ਜਾਣੀ ਜਾਂਦੀ ਹੈ। ਅੱਜ ਪੂਰੀ ਦੁਨੀਆਂ ਦੇ ਕੋਨੇ ਕੋਨੇ ਚ ਵਸਦਾ ਹਰ ਸਿੱਖ ਉੱਥੋਂ ਦੇ ਕਾਨੂੰਨਾਂ ਦੀ ਪਾਲਣਾ ਕਰਦਾ ਹੈ ਜਿੱਥੇ ਵੀ ਉਹ ਰਹਿ ਰਿਹਾ ਹੈ। ਸਿੱਖ ਫੈਡਰੇਸ਼ਨ ਦੇ ਸਮੂਹ ਆਗੂਆਂ ਨੇ ਕਿਹਾ ਕਿ ਇਸੇ ਤਰਾਂ ਹੀ ਭਾਰਤ ਚ ਰਹਿਣ ਵਾਲਾ ਹਰ ਸਿੱਖ ਵੀ ਕਾਨੂੰਨ ਦੀ ਪਾਲਣਾ ਕਰਦਾ ਹੈ ਤੇ ਆਪਣੇ ਰਵਾਇਤੀ ਢੰਗ ਤੋਂ ਹੱਟ ਕੇ ਕਾਨੂੰਨੀ ਤਰੀਕੇ ਨਾਲ ਸਿੱਖ ਕੌਮ ਦੇ ਦੋਸ਼ੀਆਂ ਖ਼ਿਲਾਫ਼ ਕਾਰਵਾਈ ਕਰ ਰਿਹਾ ਹੈ। ਪਰ ਬਹੁਤ ਲੰਬੇ ਸਮੇਂ ਤੋਂ ਭਾਰਤੀ ਹਕੂਮਤ ਸਿੱਖ ਕੌਮ ਦੇ ਦੋਸ਼ੀਆਂ ਨੂੰ ਮਨਮਰਜ਼ੀ ਦੇ ਅਧਾਰ ਤੇ ਮਾਫ਼ ਕਰਦੀ ਆ ਰਹੀ ਹੈ। 

ਉਨ੍ਹਾਂ ਕਿਹਾ ਕਿ ਪਤਾ ਲੱਗਾ ਹੈ ਸਿੱਖ ਕੌਮ ਦੇ ਵੱਡੇ ਗੁਨਹਗਾਰ ਸਿਰਸੇ ਵਾਲੇ ਰਾਮ ਰਹੀਮ ਦਾ ਨਾਮ ਬੇਅਦਬੀ ਕੇਸਾਂ ਚੋ ਕੱਢ ਕੇ ਉਸਨੂੰ ਕਲੀਨ ਚਿਟ ਦਿੱਤੀ ਜਾ ਰਹੀ ਹੈ । ਜਦੋਂ ਕਿ ਪਹਿਲੀਆਂ ਸਾਰੀਆਂ ਜਾਂਚ ਕਮੇਟੀਆਂ ਦੀਆਂ ਰਿਪੋਰਟਾਂ ਤੋਂ ਇਹ ਸਾਬਤ ਹੋ ਚੁੱਕਾ ਹੈ ਕਿ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਬੇਅਦਬੀ ਸਿਰਸੇ ਡੇਰੇ ਵਾਲੇ ਰਾਮ ਰਹੀਮਦੇ ਇਸ਼ਾਰੇ ਤੇ ਹੋਈ ਹੈ। ਨਵੀਂ ਜਾਂਚ ਕਮੇਟੀ ਪਤਾ ਨਹੀਂ ਕਿਸ ਅਧਾਰ ਤੇ ਸਿਰਸਾ ਡੇਰਾ ਮੁਖੀ ਦਾ ਨਾਮ ਜਾਂਚ ਵਿੱਚੋਂ ਹਟਾ ਰਹੀ ਹੈ। ਸਰਕਾਰ ਦੀਆਂ ਇਹਨਾਂ ਕੋਝੀਆਂ ਚਾਲਾਂ ਕਾਰਨ ਪੂਰੀ  ਸਿੱਖ ਕੌਮ ਚ ਭਾਰੀ ਰੋਹ ਵਿੱਚ ਹੈ। 

ਅੱਜ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਅਦਬ ਸਤਿਕਾਰ ਦੇ ਮਸਲੇ ਤੇ ਪੂਰੀ ਦੁਨੀਆਂ ਚ ਵਸਦੀ ਸਿੱਖ ਕੌਮ ਇਕ ਮੁੱਠ ਹੋ ਰਹੀ ਹੈ ।ਪੰਜਾਬ ਦੀ ਮੌਜੂਦਾ ਕੈਪਟਨ ਸਰਕਾਰ ਨੂੰ ਸੁਚੇਤ ਹੋਣਾ ਚਾਹੀਦਾ ਹੈ ਅਤੇ ਵੋਟਾਂ ਦੀ ਗੰਦੀ ਰਾਜਨੀਤੀ ਨੂੰ ਇਕ ਪਾਸੇ ਕਰਕੇ ਬੇਅਦਬੀ ਦੇ ਦੋਸ਼ੀਆਂ ਨੂੰ ਸਖ਼ਤ ਸਜ਼ਾਵਾਂ ਦਿਵਾਉਣੀਆਂ ਚਾਹੀਦੀਆਂ ਹਨ। 

ਸਰਕਾਰ ਨੂੰ ਚਾਹੀਦਾ ਹੈ ਸਹੀ ਤਰੀਕੇ ਨਾਲ ਦੋਸ਼ੀਆਂ ਨੂੰ ਸਖ਼ਤ ਤੋਂ ਸਖ਼ਤ ਸਜ਼ਾਵਾਂ ਦਿੱਤੀਆਂ ਜਾਣ ਤੇ ਸਿੱਖ ਕੌਮ ਨੂੰ ਆਪਣੇ ਰਵਾਇਤੀ ਢੰਗ ਤਰੀਕਿਆਂ ਵੱਲ ਪਰਤਣ ਲਈ ਮਜਬੂਰ ਨਾ ਕੀਤਾ ਜਾਵੇ ।

Friday, May 21, 2021

ਜੀਕੇ, ਸਰਨਾ ਅਤੇ ਰਾਜਾ ਵੱਲੋਂ ਰਾਮ ਰਹੀਮ ਦੀ ਪੈਰੋਲ 'ਤੇ ਤਿੱਖਾ ਪ੍ਰਤੀਕਰਮ

21st May 2021 at 7:31 PM

ਰਾਮ ਰਹੀਮ ਦੀ ਪੈਰੋਲ ਰੱਦ ਕਰਕੇ ਸਿਆਸੀ ਸਿੱਖ ਕੈਦੀਆਂ ਨੂੰ ਰਿਹਾ ਕਰੋ 

ਨਵੀਂ ਦਿੱਲੀ: 21 ਮਈ 2021: (ਮਨਪ੍ਰੀਤ ਸਿੰਘ ਖਾਲਸਾ//ਪੰਜਾਬ ਸਕਰੀਨ):

ਸਿੱਖ ਕੌਮ ਦੇ ਸਿਆਸੀ ਕੈਦੀ ਭਾਈ ਜਗਤਾਰ ਸਿੰਘ ਹਵਾਰਾ, ਭਾਈ ਪਰਮਜੀਤ ਸਿੰਘ ਭਿਓਰਾ ਅਤੇ ਭਾਈ ਬਲਵੰਤ ਸਿੰਘ ਰਾਜੋਆਣਾ  ਦੀ ਰਿਹਾਈ ਅਤੇ ਪੈਰੋਲ ਵਰਗੇ ਮਾਮਲਿਆਂ ਵਿੱਚ ਕੀਤੇ ਜਾ ਰਹੇ ਵਤੀਰੇ ਦਾ ਮਾਮਲਾ  ਡੇਰਾ ਮੁਖੀ ਨੂੰ ਪੈਰੋਲ ਦਿੱਤੇ ਜਾਣ ਮਗਰੋਂ ਇੱਕ ਵਾਰ ਫੇਰ ਖੜਾ ਹੋ ਗਿਆ ਹੈ। ਸਿੱਖ ਆਗੂਆਂ ਨੇ ਇਸ ਗੱਲ ਦਾ ਗੰਭੀਰ ਨੋਟਿਸ ਲਿਆ ਹੈ ਕਿ ਸਿੱਖ ਸਿਆਸੀ ਕੈਦੀਆਂ ਦੀਆਂ ਬਣਦੀਆਂ ਸਜ਼ਾਵਾਂ ਕਦੋਂ ਦੀਆਂ ਪੂਰੀਆਂ ਹੋ ਚੁੱਕਣ ਦੇ ਬਾਵਜੂਦ ਵੀ ਉਹਨਾਂ ਨੂੰ  ਤੇ ਨਾ ਹੀ ਪੈਰੋਲ ਦਿੱਤੀ ਜਾਂਦੀ ਹੈ ਪਰ ਡੇਰਾ ਮੁਖੀ ਨੂੰ ਇਹ ਸਹੂਲਤ ਫਟਾਫਟ ਦੇ ਦਿੱਤੀ ਗਈ ਹੈ। ਜ਼ਿਕਰਯੋਗ ਹੈ ਕਿ ਜਿਹਨਾਂ ਜਿਹਨਾਂ ਨੂੰ ਵੀ ਸਿੱਖ ਆਗੂ ਆਪਣੇ ਸਿਆਸੀ ਕੈਦੀ ਆਖਦੇ ਹਨ ਓਹ ਸਰਕਾਰ ਦੀਆਂ ਨਜ਼ਰਾਂ ਵਿੱਚ "ਬੜੇ ਹੀ ਖਤਰਨਾਕ ਅੱਤਵਾਦੀ" ਹਨ। ਇਹਨਾਂ ਨੂੰ "ਹੋਰ ਸਖਤ ਸਜ਼ਾਵਾਂ" ਦੇਣ ਲਈ ਪੰਜਾਬ ਵਿੱਚ ਸਰਗਰਮ ਹਿੰਦੂਤਵੀ ਬ੍ਰਾਂਡ ਵਾਲੀ ਭਾਵਨਾ ਨਾਲ ਸਰਗਰਮ ਕਈ ਵੱਖ ਵੱਖ ਸੰਗਠਨ ਵੀ ਦਬਾਅ ਬਣਾਈ ਰੱਖਦੇ ਹਨ। 

ਡੇਰਾ ਸੱਚਾ ਸੌਦਾ ਦੇ ਮੁਖੀ ਬਾਬਾ ਰਾਮ ਰਹੀਮ ਨੂੰ ਐਮਰਜੈਂਸੀ ਪੈਰੋਲ ਦਿੱਤੇ ਜਾਣ ਦਾ ਸਿੱਖ ਕੌਮ ਅੰਦਰ ਵਿਰੋਧ ਹੋ ਰਿਹਾ ਹੈ। ਰਾਮ ਰਹੀਮ ਇਸ ਸਮੇਂ ਸੰਗੀਨ ਧਾਰਾਵਾਂ ਹੇਠ ਜੇਲ੍ਹ ਅੰਦਰ ਬੰਦ ਸੀ। ਮਨਜੀਤ ਸਿੰਘ ਜੀਕੇ, ਪਰਮਜੀਤ ਸਿੰਘ ਸਰਨਾ, ਅਖੰਡ ਕੀਰਤਨੀ ਜੱਥੇ ਦੇ ਭਾਈ ਅਰਵਿੰਦਰ ਸਿੰਘ ਰਾਜਾ ਅਤੇ ਹੋਰ ਸਿੱਖ ਚਿੰਤਕਾਂ ਨੇ ਇਸ ਤੇ ਚਿੰਤਾ ਜ਼ਾਹਿਰ ਕਰਦਿਆਂ ਬਾਬਾ ਰਾਮ ਰਹੀਮ ਨੂੰ ਐਮਰਜੈਂਸੀ ਪੈਰੋਲ ਦਿੱਤੇ ਜਾਣ ਦਾ ਵਿਰੋਧ ਕਰਦਿਆਂ ਸਰਕਾਰ ਦੇ ਫੈਸਲੇ ਦੀ ਸਖਤ ਨਿਖੇਧੀ ਕੀਤੀ ਹੈ।  

ਉਨ੍ਹਾਂ ਕਿਹਾ ਕਿ ਸਾਧਵੀ ਦੇ ਜਿਨਸੀ ਸ਼ੋਸ਼ਣ ਅਤੇ ਕਤਲ ਦੇ ਦੋਸ਼ੀ ਰਾਮ ਰਹੀਮ ਵਰਗੇ ਖੌਫ਼ਨਾਕ ਕੈਦੀ ਨੂੰ ਪੈਰੋਲ ਦੇਣਾ ਨਿੰਦਣਯੋਗ ਹੈ। ਸਰਕਾਰ 'ਤੇ ਮਿਲੀਭੁਗਤ ਦਾ ਦੋਸ਼ ਲਾਉਂਦਿਆਂ ਉਨ੍ਹਾਂ ਕਿਹਾ ਕਿ ਇਹ ਖੇਡ ਸਰਕਾਰ ਦੀ ਮਿਲੀਭੁਗਤ ਨਾਲ ਖੇਡੀ ਗਈ ਹੈ। 

ਇਨ੍ਹਾਂ ਆਗੂਆਂ ਨੇ ਕਿਹਾ ਕਿ ਸਿੱਖ ਕੌਮ ਦੇ ਸਿਆਸੀ ਕੈਦੀ ਭਾਈ ਜਗਤਾਰ ਸਿੰਘ ਹਵਾਰਾ, ਭਾਈ ਪਰਮਜੀਤ ਸਿੰਘ ਭਿਓਰਾ ਅਤੇ ਭਾਈ ਬਲਵੰਤ ਸਿੰਘ ਰਾਜੋਆਣਾ ਆਪਣੀ ਬਣਦੀ ਸਜ਼ਾ ਤੋਂ ਵੀ ਵੱਧ ਜੇਲ੍ਹ ਕੱਟ ਚੁੱਕੇ ਹਨ ਤੇ ਇਨ੍ਹਾਂ ਨੂੰ ਇਕ ਦਿਨ ਦੀ ਵੀ ਪੈਰੋਲ ਨਹੀਂ ਦਿੱਤੀ ਗਈ ਹੈ ਸਾਡੀ ਸਰਕਾਰ ਤੋਂ ਮੰਗ ਹੈ ਕਿ ਰਾਮ ਰਹੀਮ ਦੀ ਪੈਰੋਲ ਤੁਰੰਤ ਰੱਦ ਕਰਕੇ ਸਿਆਸੀ ਸਿੱਖ ਕੈਦੀਆਂ ਨੂੰ ਰਿਹਾ ਕੀਤਾ ਜਾਏ।

Wednesday, August 30, 2017

Dera:ਮੰਨੇ ਪ੍ਰਮੰਨੇ ਖਾੜਕੂ ਗੁਰਜੰਟ ਸਿੰਘ ਰਾਜਸਥਾਨੀ ਨਾਲ ਵੀ ਸੀ ਨੇੜਤਾ?

Tue, Aug 29, 2017 at 4:15 PM
ਉੱਘੇ ਕਾਲਮਨਵੀਸ ਕੁਲਵੰਤ ਸਿੰਘ 'ਢੇਸੀ' ਵੱਲੋਂ ਕਈ ਅਹਿਮ ਖੁਲਾਸੇ 
AK 7 ਦੀ ਨੋਕ ਤੇ ਦੁਆਈ ਗਈ ਸੀ ਰਾਮ ਰਹੀਮ ਨੂੰ ਗੱਦੀ?
ਪੰਦਰਾਂ ਸਾਲ ਦੀ ਲੰਬੀ ਜੱਦੋ ਜਹਿਦ ਮਗਰੋਂ ਸੌਦਾ ਸਾਧ ਗੁਰਮੀਤ ਰਾਮ ਰਹੀਮ ਸਿੰਘ ਇੰਸਾਂ ਕਾਨੂੰਨ ਦੇ ਪੰਜੇ ਵਿਚ ਮਸੀਂ ਹੀ ਫਸਿਆ ਹੈ। ਇਹ ਸਾਧ ਆਪਣੇ ਆਪ ਵਿਚ ਏਨਾ ਖੂੰਖਾਰ ਹੋ ਗਿਆ ਸੀ ਕਿ ਇਸ ਨੂੰ ਅਦਾਲਤੀ ਕਟਹਿਰੇ ਵਿਚ ਖੜ੍ਹੇ ਕਰਨ ਲਈ ਹਰਿਆਣੇ ਦੀ ਸਰਕਾਰ ਦੇ ਸਾਹ ਔਖੇ ਹੋਏ ਪਏ ਸਨ। 
25 ਅਗਸਤ ਨੂੰ ਪੰਚਕੂਲਾ ਦੀ ਸੀ ਬੀ ਆਈ ਅਦਾਲਤ ਵਿਚ ਸਾਧ ਦਾ ਫੈਸਲਾ ਹੋਣਾ ਸੀ ਜਿਸ ਸਬੰਧੀ ਉਸ ਦੇ ਹਿਮਾਇਤੀਆਂ ਵਲੋਂ ਸ਼ਰੇਆਮ ਧਮਕੀਆਂ ਆ ਰਹੀਆਂ ਸਨ ਕਿ ਜੇਕਰ ਫੈਸਲਾ ਉਹਨਾਂ ਦੇ ਪਿਤਾ ਦੇ ਖਿਲਾਫ ਆਇਆ ਤਾਂ ਉਹ ਭਾਰਤ ਨੂੰ ਦੁਨੀਆਂ? ਦੇ ਨਕਸ਼ੇ ਤੋਂ ਮਿਟਾ ਦੇਣਗੇ। ਇਹਨਾਂ ਧਮਕੀਆਂ ਦੇ ਹੁੰਦਿਆਂ ਹੋਇਆਂ ਵੀ ਹਰਿਆਣਾ ਸਰਕਾਰ ਸਥਿਤੀ ਨੂੰ ਕਾਬੂ ਕਰਨ ਵਿਚ ਨਿਪੁੰਸਕ ਰਹੀ ਅਤੇ ਡੇੜ ਲੱਖ ਡੇਰਾ ਸਮਰਥਕ ਪੰਚਕੂਲਾ ਦੇ ਸੈਕਟਰ 3 ਵਿਚ ਜਮ੍ਹਾ ਹੋ ਗਏ ਜੋ ਕਿ ਅਦਾਲਤੀ ਫੈਸਲਾ ਆਉਂਦੇ ਸਾਰ ਹੀ ਹਿੰਸਾ ਤੇ ਉਤਰ ਆਏ।  ਪੁਲਸ ਅਤੇ ਪ੍ਰਸ਼ਾਸਨ ਦੀ ਨਿਲਾਇਕੀ ਕਾਰਨ ਹੀ ਇਹ ਸਭ ਹੋਇਆ ਹੈ ਪਰ ਹਰਿਆਣਾ ਦੀ ਮਨੋਹਰ ਲਾਲ ਖੱਟੜ ਸਰਕਾਰ ਨੂੰ ਕੋਈ ਖਤਰਾ ਨਹੀਂ ਹੈ ਕਿਓਂਕਿ ਕੇਂਦਰ ਵਿਚ ਭਾਜਪਾ ਬੈਠੀ ਹੈ ਅਤੇ ਵਿਰੋਧੀ ਧਿਰ ਵਿਚ ਏਨੀ ਹਿੰਮਤ ਨਹੀਂ ਹੈ ਕਿ ਹਰਿਆਣਾ ਦੀ ਭਾਜਪਾ ਦੀ ਖਟਾਰਾ ਸਰਕਾਰ ਨੂੰ ਚਣੌਤੀ ਦੇ ਸਕਣ।  
ਇਸ ਸਥਿਤੀ ਨੂੰ ਕਾਬੂ ਕਰਨ ਲਈ ਨੀਮ ਫੌਜੀ ਬਲਾਂ ਦੀਆਂ 150 ਕੰਪਨੀਆਂ ਦੀ ਮੰਗ ਕੀਤੀ ਗਈ ਸੀ। ਭਾਵੇਂ ਕਿ ਪੰਚਕੂਲਾ ਅਤੇ ਸਰਸਾ ਵਿਚ ਧਾਰਾ 144 ਲਾਉਣ ਦੀਆਂ ਖਬਰਾਂ ਸਨ ਪਰ ਪੁਲਸ ਅਤੇ ਪ੍ਰਸ਼ਾਸਨ ਡੇਰਾ ਸਮਰਥਕਾਂ ਨੂੰ ਕਾਬੂ ਕਰਨ ਜਾਂ ਖਿੰਡਾਉਣ ਵਿਚ ਬਿਲਕੁਲ ਫਿਹਲ ਰਹੇ। ਸਾਧ ਵਾਲੇ ਦੇ ਖਿਲਾਫ ਅਦਾਲਤੀ ਫੈਸਲਾ ਆਉਂਦੇ ਸਾਰ ਹੀ ਡੇਰਾ ਸਮਰਥਕਾਂ ਨੇ ਸਰੇਆਮ ਪੱਥਰ ਬਾਜੀ ਕੀਤੀ ਜਿਸ ਵਿਚ ਮੀਡੀਆ ਕਰਮੀਆਂ ਨੂੰ ਵੀ ਜ਼ਖਮੀ ਕਰ ਦਿੱਤਾ। ਸਰਕਾਰੀ ਵਾਹਨਾ, ਇਮਾਰਤਾਂ, ਰੇਲ ਗੱਡੀਆਂ ਅਤੇ ਰੇਲਵੇ ਸਟੇਸ਼ਨਾਂ ਨੂੰ ਅੱਗਾਂ ਲਾਉਣੀਆਂ ਸ਼ੁਰੂ ਕਰ ਦਿੱਤੀਆਂ ਜਿਸ ਕਾਰਨ ਕ੍ਰੋੜਾਂ ਦਾ ਨੁਕਸਾਨ ਹੋਇਆ ਅਤੇ ਇਹ ਸਤਰਾਂ ਲਿਖਣ ਵੇਲੇ ਤਕ 39 ਦੀ ਗਿਣਤੀ ਤਕ ਵਿਅਕਤੀਆਂ ਦੇ ਮਾਰੇ ਜਾਣ ਅਤੇ 250 ਦੇ ਕਰੀਬ ਜ਼ਖਮੀ ਹੋ ਜਾਣ ਦੀਆਂ ਖਬਰਾਂ ਹਨ। ਲਗਾਤਾਰ ਤਿੰਨ ਦਿਨ ਬੱਸ ਅਤੇ ਰੇਲ ਸੇਵਾਵਾਂ ਬੰਦ ਰਹੀਆਂ ਅਤੇ ਸਕੂਲ, ਕਾਲਜ ਅਤੇ ਹੋਰ ਸਰਕਾਰੀ ਅਦਾਰੇ ਬੰਦ ਰਹੇ। ਪੰਚ ਕੂਲਾ ਦੀ ਅਦਾਲਤ ਨੇ ਸੌਦੇ ਵਾਲੇ ਨੂੰ ਦੋਸ਼ੀ ਸਾਬਤ ਕੀਤਾ ਅਤੇ ਸੋਮਵਾਰ ਨੂੰ ਸਜਾ ਸੁਣਾ ਦੇਣ ਦਾ ਫੈਸਲਾ ਕੀਤਾ। ਜਿਸ ਵੇਲੇ ਪੰਚਕੂਲਾ ਦੀ ਅਦਾਲਤ ਵਿਚ ਸੌਦੇ ਵਾਲੇ ਨੂੰ ਫੈਸਲਾ ਸੁਣਾਇਆ ਜਾਣਾ ਸੀ ਉਸ ਵੇਲੇ ਉਸ ਦੇ ਹੱਥ ਜੁੜੇ ਹੋਏ ਸਨ ਅਤੇ ਮਾਨਯੋਗ ਜੱਜ ਜਗਦੀਪ ਸਿੰਘ ਨੇ ਉਸ ਨੂੰ ਦੋਸ਼ੀ ਕਰਾਰ ਦਿੱਤਾ ਤਾਂ ਉਸ ਦੀਆਂ ਅੱਖਾਂ ਵਿਚ ਹੰਝੂ ਆ ਗਏ ਅਤੇ ਆਪਣੇ ਵਕੀਲ ਦੇ ਮੋਢੇ ਤੇ ਹੱਥ ਧਰ ਕੇ ਬੈਂਚ ਤੇ ਬਹਿ ਗਿਆ। ਉਪਰੰਤ ਉਹ ਅਪਣੀ ਮੂੰਹ ਬੋਲੀ (ਵਿਵਾਦਤ) ਬੇਟੀ ਹਨੀਪ੍ਰੀਤ ਇੰਸਾ ਨਾਲ ਹੈਲੀਕਾਪਟਰ ਰਾਹੀਂ ਰੋਹਤਕ ਲਈ ਰਵਾਨਾ ਹੋਇਆ । ਤੋਂ ਉਪਰੰਤ ਸੌਦੇ ਵਾਲੇ ਨੂੰ ਰੋਹਤਕ ਦੀ ਜਿਹਲ ਵਿਚ ਬੰਦ ਕਰ ਦਿੱਤਾ ਗਿਆ। ਇਸ ਜਿਹਲ ਵਿਚ ਪਹਿਲੀ ਰਾਤ 5 ਵਜੇ ਤਕ ਸਾਧ ਨੂੰ ਨੀਂਦ ਨਹੀਂ ਆਈ ਕਿਓਂਕਿ ਉਸ ਨੂੰ ਵਿਸ਼ੇਸ਼ ਰਿਆਇਤਾਂ ਨਹੀਂ ਮਿਲੀਆਂ। 
ਰੋਹਤਕ ਜਿਹਲ ਦੀ ਸੀ ਬੀ ਆਈ ਦੀ ਵਿਸ਼ੇਸ਼ ਅਦਾਲਤ ਵਿਚ ਵੀ ਮਾਨਯੋਗ ਜੱਜ ਜਗਦੀਪ ਸਿੰਘ ਲੋਹਾਨ ਨੇ ਸੌਦੇ ਵਾਲੇ ਨੂੰ ਜਬਰਜਨਾਹ ਦੇ ਮਾਮਲੇ ਵਿਚ ਦੋਹਾਂ ਕੇਸਾਂ ਵਿਚ ਵੱਧ ਤੋਂ ਵੱਧ ਦਸ ਦਸ ਸਾਲ ਦੀ ਸਜਾ ਦਿੱਤੀ। ਇਹ ਫੈਸਲਾ ਸੁਣਦੇ ਸਾਰ ਸੌਦੇ ਵਾਲੇ ਦਾ ਪਿਸ਼ਾਬ ਨਿਕਲ ਗਿਆ ਦੱਸਿਆ ਜਾਂਦਾ ਹੈ ਪਰ ਉਸ ਨੂੰ ਜੱਜ ਵਾਲਾ ਪਾਖਾਨਾ ਵਰਤਣ ਦੀ ਇਜਾਜ਼ਤ ਨਾ ਮਿਲੀ ਅਤੇ ਉਸ ਨੂੰ ਸਧਾਰਨ ਪਾਖਾਨੇ ਵਿਚ ਹੀ ਜਾਣਾ ਪਿਆ। ਸੀ ਬੀ ਆਈ ਦੇ ਵਕੀਲ ਐਚ ਪੀ ਐਸ ਵਰਮਾ ਤੇ ਵੀ ਸਾਧ ਨੇ ਹਮਲਾ ਕਰਵਾਉਣ ਦੀ ਕੋਸ਼ਿਸ਼ ਕੀਤੀ ਸੀ ਅਤੇ ਉਸ ਨੂੰ ਵੀ ਵਿਸ਼ੇਸ਼ ਸੁਰੱਖਿਆ ਦਿੱਤੀ ਗਈ। ਵਕੀਲ ਵਰਮਾ ਮੁਤਾਬਕ 12 ਦਸੰਬਰ 2002 ਸਾਧ ਖਿਲਾਫ ਐਫ ਆਈ ਆਰ ਹੋਈ ਅਤੇ ਉਸ ਤੋਂ ਬਾਅਦ ਸਾਧਵੀਆਂ ਦੀ ਭਾਲ ਸ਼ੁਰੂ ਹੋਈ ਜਿਹਨਾ ਨੂੰ ਮੁਸ਼ਕਲ ਨਾਲ ਲੱਭਿਆ ਗਿਆ। ਇੱਕ ਸਾਧਵੀ ਨੂੰ ਖਾਨਪੁਰ ਕੋਲਿਆਂ (ਕੁਰੂਕਸ਼ੇਤਰ) ਤੋਂ ਲੱਭਿਆ ਗਿਆ ਜਿਸ ਨਾਲ ਸਾਧ ਨੇ ਦੋ ਵਾਰ ਬਲਾਤਕਾਰ ਕੀਤਾ ਸੀ ਅਤੇ ਦੂਸਰੀ ਸਾਧਵੀ ਫਤਿਹਾਬਾਦ ਦੀ ਸੀ ਜਿਸ ਨਾਲ ਸਾਧ ਨ ਇੱਕ ਵਾਰ ਬਲਾਤਕਾਰ ਕੀਤਾ ਸੀ। ਸਾਧ ਨੂੰ ਦੋਹਾਂ ਕੇਸਾਂ ਵਿਚ 10-10 ਸਾਲ ਦੀ ਸਜਾ ਸੁਣਾਈ ਗਈ ਹੈ ਅਤੇ ਇਹ ਸਜਾਵਾਂ ਇਕੱਠੀਆਂ ਨਹੀਂ ਚਲਣੀਆ। ਇਸੇ ਦੋਸ਼ ਵਿਚ ਉਸ ਨੂੰ 15-15 ਲੱਖ ਰੁਪਏ ਦਾ ਜੁਰਮਾਨਾ ਵੀ ਹੋਇਆ ਹੈ ਜਿਸ ਵਿਚੋਂ 14-14 ਲੱਖ ਰੁਪਇਆ ਪੀੜਤ ਲੜਕੀਆਂ ਨੂੰ ਮਿਲੇਗਾ। ਇਹ ਖਬਰ ਮਿਲਦਿਆਂ ਹੀ ਦੁਨੀਆਂ ਭਰ ਵਿਚ ਬੈਠੇ ਇਨਸਾਫ ਪਸੰਦ ਲੋਕਾਂ ਵਿਚ ਖੁਸ਼ੀ ਦੀ ਲਹਿਰ ਦੌੜ ਗਈ। ਇਹ ਵੀ ਕਿਹਾ ਜਾਂਦਾ ਹੈ ਕਿ ਸੌਦੇ ਵਾਲੇ ਨੂੰ ਜਿਹਲ ਵਿਚ ਕੋਈ ਵੀ ਵਸ਼ੇਸ਼ ਰਿਆਇਤਾਂ ਨਹੀਂ ਦਿੱਤੀਆਂ ਜਾਣਗੀਆਂ ਭਾਵੇਂ ਕਿ ਸਾਧ ਦੇ ਵਕੀਲ ਸਜਾ ਵਿਚ ਰਹਿਮ ਦੀ ਅਪੀਲ ਦੇ ਬਿਆਨ ਦੇ ਰਹੇ ਹਨ। ਇਸ ਦੇ ਨਾਲ ਹੀ ਦੋਸ਼ੀ ਸਾਧ ਵਲੋਂ ਕਰਵਾਏ ਗਏ ਕਤਲਾਂ ਦੇ ਕੇਸਾਂ ਦੇ ਫੈਸਲੇ ਵੀ ਛੇਤੀ ਹੀ ਆਉਣ ਵਾਲੇ ਹਨ।
ਡੇਰੇ ਦਾ ਪਿਛੋਕੜ
ਡੇਰਾ ਸੱਚਾ ਸੌਦਾ ਦੀ ਸਥਾਪਨਾ ਸ਼ਾਹ ਮਸਤਾਨ ਨਾਮ ਦੇ ਵਿਅਕਤੀ ਕੀਤੀ ਜਿਸ ਨੇ ਸੰਨ 1947 ਮਗਰੋਂ ਬਲੋਚਸਤਾਨ ਤੋਂ ਆ ਕੇ ਪਿੰਡ ਬੇਗੂ ਜਿਲਾ ਸਿਰਸਾ ਵਿਚ ਡੇਰਾ ਲਾ ਲਿਆ । ਇਹ ਡੇਰਾ ਹਰਿਆਣਾ ਵਿਚ ਹੈ ਅਤੇ ਪੰਜਾਬ ਅਤੇ ਰਾਜਸਥਾਨ ਨਾਲ ਇਸ ਦੀਆਂ ਸਰਹੱਦਾਂ ਲੱਗਦੀਆਂ ਹਨ।ਸ਼ਾਹ ਮਸਤਾਨ ਨੰਗੇ ਪੈਰੀਂ ਤੁਰਿਆ ਫਿਰਨ ਵਾਲਾ ਇੱਕ ਰਮਤਾ ਸਾਧੂ ਹੀ ਸੀ। ਫਿਰ ਹਰਬੰਸ ਸਿੰਘ ਸਿੱਧੂ ਨਾਮ ਦੇ ਵਿਅਕਤੀ ਨੇ ਸ਼ਾਹ ਮਸਤਾਨ ਨਾਲ ਨੇੜਤਾ ਕਰਕੇ ਡੇਰੇ ਤੇ ਕਬਜਾ ਕਰ ਲਿਆ ਅਤੇ ਆਪਣਾ ਨਾਮ ਸ਼ਾਹ ਸਤਨਾਮ ਪ੍ਰਚਾਰਨ ਲੱਗ ਪਿਆ। ਇਹ ਬੰਦਾ ਇੱਕ ਚੰਗਾ ਬੁਲਾਰਾ, ਪੜਿਆ ਅਤੇ ਚੁਸਤ ਚਲਾਕ ਹੋਣ ਕਾਰਨ ਉਸ ਨੇ ਡੇਰੇ ਦਾ ਪ੍ਰਸਾਰ ਕਰਨਾ ਸ਼ੁਰੂ ਕਰ ਦਿੱਤਾ। ਜਿਵੇਂ ਕਿ ਡੇਰੇ ਦੇ ਸਾਧੂਆਂ ਦੇ ਸਬੰਧ ਵਿਚ ਹੁੰਦਾ ਹੀ ਹੈ ਇਸ ਸ਼ਾਹ ਮਸਤਾਨ ਦੇ ਕ੍ਰਿਸ਼ਮਿਆਂ ਅਤੇ ਔਰਤਾਂ ਨਾਲ ਨਜਾਇਜ ਸਬੰਧਾਂ ਦੀਆਂ ਕਹਾਣੀਆਂ ਫੈਲਦੀਆਂ ਚਲੇ ਗਈਆਂ। ਚੁਰਾਸੀ ਦੀ ਸਿੱਖ ਖਾੜਕੂ ਲਹਿਰ ਵੇਲੇ ਇਹ ਡੇਰਾ ਬਹੁਤ ਫੈਲ ਚੁੱਕਿਆ ਸੀ। ਗੁਰਜੰਟ ਸਿੰਘ ਖਾਲਸਤਾਨੀ ਨਾਮ ਦੇ ਖਾੜਕੂ ਦਾ ਇਥੇ ਆਉਣਾ ਜਾਣਾ ਰਹਿੰਦਾ ਸੀ। ਗੁਰਮੀਤ ਸਿੰਘ (ਸੌਦਾ ਸਾਧ) ਅਤੇ ਗੁਰਜੰਟ ਸਿੰਘ ਦੀ ਆਪਸ ਵਿਚ ਬਹੁਤ ਨੇੜਤਾ ਸੀ ਅਤੇ ਇਸ ਨੇੜਤਾ ਦਾ ਸਿੱਟਾ ਗੁਰਮੀਤ ਨੂੰ ਸ਼ਾਹ ਮਸਤਾਨ ਦੀ ਗੱਦੀ ਤੇ ਬਿਠਾਉਣ ਦਾ ਕਾਰਨ ਬਣ ਗਿਆ। ਇਹ ਕਾਰਵਾਈ ਸੰਤਾਲੀ ਦੀ ਨੋਕ ਤੇ ਹੋਈ ਦੱਸੀ ਜਾਂਦੀ ਹੈ। ਹੁਣ ਦਸਵੀਂ ਫਿਹਲ ਸਾਧ ਏਨਾ ਤਾਕਤਵਰ ਹੋ ਗਿਆ ਕਿ ਉਹ ਗੁਰੂ ਗੋਬਿੰਦ ਸਿੰਘ ਜੀ ਦੀ ਨਕਲ ਲਾਉਣ ਅਤੇ ਸਿੱਖਾਂ ਨਾਲ ਸਿੱਧੇ ਮੁਕਾਬਲੇ ਤੇ ਆ ਗਿਆ ਤੇ ਖੁਦ ਨੂੰ ਹਜੂਰ ਮਹਾਂਰਾਜ ਗੁਰਮੀਤ ਰਾਮ ਰਹੀਮ ਇੰਸਾਂ ਕਹਾਉਣ ਲੱਗਾ। 
ਸੌਦੇ ਸਾਧ ਸਬੰਧੀ ਵਿਵਾਦ ਅਤੇ ਦੋਸ਼
1. 1998 ਵਿਚ ਡੇਰੇ ਦੀ ਜੀਪ ਥੱਲੇ ਬੱਚਾ ਆ ਗਿਆ ਅਤੇ ਪਤਰਕਾਰਾਂ ਨਾਲ ਵਿਵਾਦ ਹੋ ਗਿਆ
2. ਸੰਨ 2002 ਵਿਚ ਯੌਨ ਸ਼ੋਸ਼ਣ ਬਾਰੇ ਇੱਕ ਗੁਮਨਾਮ ਲੜਕੀ ਵਲੋਂ ਪ੍ਰਧਾਨ ਮੰਤਰੀ ਨੂੰ ਚਿੱਠੀ ਲਿਖੀ ਗਈ—ਡੇਰੇ ਦੇ ਨਜ਼ਦੀਕੀ ਰਣਜੀਤ ਸਿੰਘ ਦਾ ਕਤਲ ਕਰਵਾ ਦਿੱਤਾ ਗਿਆ—ਡੇਰੇ ਨੂੰ ਸ਼ੱਕ ਸੀ ਕਿ ਇਹ ਚਿੱਠੀ ਉਸ ਨੇ ਆਪਣੀ ਭੈਣ ਤੋਂ ਲਿਖਵਾਈ ਸੀ—ਸੀ ਬੀ ਆਈ ਦੀ ਜਾਂਚ ਸ਼ੁਰੂ।
3. 24 ਅਕਤੂਬਰ 2002 ਨੂੰ ਡੇਰੇ ਦੇ ਅਲੋਚਕ ‘ਪੂਰਾ ਸੱਚ’ ਅਕਬਾਰ ਦੇ ਸੰਪਾਦਕ ਰਾਮਚੰਦਰ ਛਤਰਪਤੀ ਦੀ ਉਸ ਦੇ ਘਰ ਦੇ ਬਾਹਰ ਗੋਲੀਆਂ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ। ਛਤਰਪਤੀ ਨੇ ਇੱਕ ਪੀੜਤ ਕੁੜੀ ਦੀ ਉਹ ਚਿੱਠੀ ਛਾਪ ਦਿੱਤੀ ਸੀ ਜਿਸ ਵਿਚ ਸੌਦਾ ਸਾਧ ਵਲੋਂ ਕੀਤੇ ਯੌਨ ਸ਼ੋਸਣ ਦਾ ਜਿਕਰ ਹੈ। ਮੁਢਲੇ ਰੂਪ ਵਿਚ ਦਰਜ ਐਫ ਆਈ ਆਰ ਵਿਚ ਪੁਲਸ ਨੇ ਸੌਦਾ ਸਾਧ ਦਾ ਨਾਮ ਤਕ ਦਰਜ ਨਹੀਂ ਸੀ ਕੀਤਾ। 10 ਨਵੰਬਰ 2003 ਨੂੰ ਹਾਈਕੋਰਟ ਨੇ ਸੀ ਬੀ ਆਈ ਨੂੰ ਐਫ ਆਈ ਆਰ ਦਰਜ ਕਰਨ ਦੇ ਹੁਕਮ ਦੇ ਦਿੱਤੇ।
4. ਮਈ 2007 ਬਠਿੰਡਾ ਦੇ ਸਲਾਬਤਪੁਰਾ ਡੇਰੇ ਵਿਚ ਸੌਦੇ ਵਾਲੇ ਨੇ ਗੁਰੂ ਗੋਬਿੰਦ ਸਿੰਘ ਜੀ ਦੀ ਨਕਲ ਕੀਤੀ ਅਤੇ ਪੰਜਾਬ ਵਿਚ ਸਿੱਖਾਂ ਅਤੇ ਡੇਰਾ ਪ੍ਰੇਮੀਆਂ ਦਰਮਿਆਨ ਟਕਰਾਅ  ਵਧਿਆ।
5. 7 ਮਈ 2007 ਨੂੰ ਸੁਨਾਮ ਵਿਚ ਪ੍ਰਦਰਸ਼ਨ ਕਰ ਰਹੇ ਸਿੱਖਾਂ ਤੇ ਡੇਰਾ ਪ੍ਰੇਮੀ ਨੇ ਗੋਲੀਆਂ ਚਲਾਈਆਂ, ਸਿੱਖ ਨੌਜਵਾਨ ਕਮਲਜੀਤ ਸਿੰਘ ਦੀ ਮੌਤ ਹੋ ਗਈ। ਸੌਦੇ ਵਾਲੇ ਦੇ ਪੰਜਾਬ ਜਾਣ ਤੇ ਪਾਬੰਦੀ ਲੱਗ ਗਈ। 18 ਜੂਨ 2007 ਨੂੰ ਰਜਿੰਦਰ ਸਿੰਘ ਸਿੱਧੂ ਦੀ ਅਰਜੀ ਤੇ ਡੇਰਾ ਮੁਖੀ ਖਿਲਾਫ ਵਰੰਟ ਜਾਰੀ ਕਰ ਦਿੱਤੇ ਗਏ । ਪੰਜਾਬ ਵਿਚ ਡੇਰਾ ਪ੍ਰੇਮੀ ਹਿੰਸਕ ਵਿਖਾਵਿਆਂ ਤੇ ਉੱਤਰ ਆਏ।
6. ਪਾਬੰਦੀ ਦੇ ਬਾਵਜੂਦ ਵੀ ਅੱਕਾਂ ਵਾਲੀ ਪਿੰਡ ਵਿਚ 16 ਜੁਲਾਈ 2007 ਨੂੰ ਸੌਦੇ ਵਾਲੇ ਨੇ ਨਾਮ ਚਰਚਾ ਰੱਖ ਦਿੱਤੀ। ਦੋਹਾਂ ਧਿਰਾਂ ਵਲੋਂ ਪੱਥਰਬਾਜੀ ਹੋਈ। ਸਾਧ ਨੂੰ ਨਾਮ ਚਰਚਾ ਛੱਡ ਕੇ ਦੌੜਨਾ ਪਿਆ। 24 ਜੁਲਾਈ 2007 ਨੂੰ ਇੱਕ ਡੇਰਾ ਪਰੇਮੀ ਨੇ ਆਪਣੀ ਬੰਦੂਕ ਨਾਲ ਫਾਇਰ ਕੀਤੇ ਜਿਸ ਵਿਚ 3 ਪੁਲਿਸ ਵਾਲਿਆਂ ਸਮੇਤ 7 ਵਿਅਕਤੀ ਜ਼ਖਮੀ ਹੋ ਗਏ।
7. 31 ਜੁਲਾਈ 2007 ਨੂੰ ਸੀ ਬੀ ਆਈ ਨੇ ਡੇਰਾ ਮੁਖੀ ਨੂੰ ਕਤਲ ਅਤੇ ਸਾਧਵੀ ਯੌਨ ਸ਼ੋਸ਼ਣ ਦੇ ਮਾਮਲੇ ਵਿਚ ਪ੍ਰਮੁਖ ਦੋਸ਼ੀ ਸਾਬਤ ਕਰਦਿਆਂ ਅਦਾਲਤ ਵਿਚ ਚਲਾਣ ਪੇਸ਼ ਕਰ ਦਿੱਤਾ। ਡੇਰਾ ਮੁਖੀ ਨੂੰ 31  ਅਗਸਤ ਤਕ ਅਦਾਲਤ ਵਿਚ ਪੇਸ਼ ਹੋਣ ਲਈ ਕਿਹਾ ਗਿਆ। ਇਸ ਦਰਮਿਆਨ ਸੀ ਬੀ ਆਈ ਦੇ ਜੱਜ ਨੂੰ ਵੀ ਧਮਕੀ ਦੀ ਚਿੱਠੀ ਮਿਲੀ ਅਤੇ ਉਸ ਨੂੰ ਸੁਰੱਖਿਆ ਮੰਗਣੀ ਪਈ।
8. ਸੰਨ 2010 ਵਿਚ ਡੇਰੇ ਦੇ ਸਾਬਕਾ ਸਾਧੂ ਰਾਮ ਕੁਮਾਰ ਬਿਸ਼ਨੋਈ ਨੇ ਹਾਈਕੋਰਟ ਵਿਚ ਅਰਜੀ ਪਾ ਕੇ ਡੇਰੇ ਦੇ ਸਾਬਕਾ ਮੈਨੇਜਰ ਫਕੀਰ ਚੰਦ ਦੇ ਗੁਮਸ਼ੁਦਾ ਹੋਣ ਬਾਰੇ ਜਾਂਚ ਦੀ ਮੰਗ ਕੀਤੀ। ਫਕੀਰ ਚੰਦ ਨੇ ਸੌਦੇ ਵਾਲੇ ਤੇ ਦੋਸ਼ ਲਾਇਆ ਕਿ ਉਸ ਨੇ ਫਕੀਰ ਚੰਦ ਨੂੰ ਕਤਲ ਕਰਵਾ ਦਿੱਤਾ ਹੈ। ਇਸ ਮਾਮਲੇ ਵਿਚ ਸੀ ਬੀ ਆਈ ਨੂੰ ਉੱਚ ਅਦਾਲਤ ਵਲੋਂ ਜਾਂਚ ਦੇ ਆਦੇਸ਼ ਹੋਣ ਤੇ ਡੇਰਾ ਪ੍ਰੇਮੀਆਂ ਨੇ ਪੰਜਾਬ, ਰਾਜਸਥਾਨ ਅਤੇ ਹਰਿਆਣਾ ਵਿਚ ਸਰਕਾਰੀ ਜਾਇਦਾਦ ਨੂੰ ਨੁਕਸਾਨ ਪਹੁੰਚਾਇਆ ਅਤੇ ਬੱਸਾਂ ਨੂੰ ਅੱਗਾਂ ਲਾਈਆਂ । ਸਬੂਤਾਂ ਦੀ ਘਾਟ ਕਾਰਨ ਸੀ ਬੀ ਆਈ ਨੇ ਫਾਈਲ ਬੰਦ ਕਰ ਦਿੱਤੀ ਜਿਸ ਨੂੰ ਬਿਸ਼ਨੋਈ ਨੇ ਉੱਚ ਅਦਾਲਤ ਵਿਚ ਚਣੌਤੀ ਦਿੱਤੀ ਹੋਈ ਹੈ।
9. ਦਸੰਬਰ 2012 ਨੂੰ ਸਿੱਖਾਂ ਅਤੇ ਡੇਰਾ ਪ੍ਰੇਮੀਆਂ ਦਰਮਿਆਨ ਵਿਚ ਖੜਕ ਪਈ ਜਦੋਂ ਡੇਰਾ ਪ੍ਰੇਮੀਆਂ ਤੇ ਇੱਕ ਗੁਰਦਵਾਰੇ ਤੇ ਧਾਵਾ ਬੋਲਣ ਅਤੇ ਸਿੱਖਾਂ ਦੀਆਂ ਗੱਡੀਆਂ ਨੂੰ ਸਾੜਨ ਦੇ ਦੋਸ਼ ਲੱਗੇ। ਹਾਲਾਤ ਤੇ ਕਾਬੂ ਪਾਉਣ ਲਈ ਕਰਫਿਊ ਲਾਉਣਾ ਪਿਆ ਅਤੇ ਡੇਰਾ ਪ੍ਰੇਮੀਆਂ ਤੇ ਕੇਸ ਦਰਜ ਹੋਇਆ।
10. 17 ਜੁਲਾਈ 2012 ਨੂੰ ਫਤਹਾਬਾਦ ਜਿਲੇ ਦੇ ਹੰਸਰਾਜ ਨੇ ਹਾਈਕੋਰਟ ਵਿਚ ਅਰਜੀ ਪਾ ਕੇ ਸੌਦੇ ਵਾਲੇ ਵਲੋਂ 400 ਸਾਧੂਆਂ ਨੂੰ ਨਿਪੁੰਸਕ ਬਨਾਉਣ ਦਾ ਦੋਸ਼ ਲਾਇਆ। ਇਸ ਮਗਰੋਂ ਪੜਤਾਲ ਦੇ ਹੁਕਮ ਹੋਏ ਅਤੇ ਡੇਰੇ ਦੇ ਸਾਧੂਆਂ ਨੇ ਮੰਨਿਆ ਕਿ ਉਹ ਨਿਪੁੰਸਕ ਹਨ ਅਤੇ ਉਹਨਾਂ ਆਪਣੀ ਮਰਜੀ ਨਾਲ ਅਪ੍ਰੇਸ਼ਨ ਕਰਵਾਇਆ ਹੈ। ਹੰਸਰਾਜ ਨੇ ਖੁਲਾਸਾ ਕੀਤਾ ਕਿ ਛਤਰਪਤੀ ਹੱਤਿਆ ਕਾਂਡ ਦੇ ਅਰੋਪੀ ਨਿਰਮਲ ਅਤੇ ਕੁਲਦੀਪ ਵੀ ਡੇਰੇ ਦੇ ਨਿਪੁੰਸਕ ਸਾਧੂ ਹਨ।
11. ਆਪਣੀ ਫਿਲਮ ਐਮ ਐਸ ਜੀ (ਮਸਿੰਜਰ ਆਫ ਗਾਡ) ਅਤੇ ਨਿੱਜੀ ਫੌਜ ਸਬੰਧੀ ਵੀ ਸੌਦੇ ਵਾਲਾ ਚਰਚਾ ਵਿਚ ਹੈ। ਇਸ ਫਿਲਮ ਵਿਚ ਉਹ ਸੁਪਰ ਬਾਬਾ ਬਣ ਕੇ ਸਮਾਜਕ ਬੁਰਾਈਆਂ ਰੋਕਦਾ ਹੈ ਪਰ ਇਹ ਫਿਲਮ ਦਰਸ਼ਕਾਂ ਨੂੰ ਬਿਲਕੁਲ ਪਸੰਦ ਨਹੀਂ ਆਈ ਅਤੇ ਹੁਣ ਉਹ ਇਸ ਦਾ ਦੂਜਾ ਹਿੱਸਾ ਬਣਾ ਰਿਹਾ ਹੈ ਜੋ ਕਿ ਜਨਵਰੀ ਵਿਚ ਰਲੀਜ਼ ਕੀਤਾ ਜਾਣਾ ਸੀ। ਇਹਨਾ ਫਿਲਮਾਂ ਵਿਚ ਉਹ ਲੇਖਕ,ਨਾਇਕ, ਨਿਰਦੇਸ਼ਕ, ਸੰਗੀਤਕਾਰ ਅਤੇ ਗੀਤਕਾਰ ਖੁਦ ਹੀ ਹੈ। ਇਸ ਦੀ ਫਿਲਮ ਨੂੰ ਮਨਜੂਰੀ ਮਿਲਣ ਮਗਰੋਂ ਸੈਂਟਰਲ ਬੋਰਡ ਆਫ ਫਿਲਮ ਸਰਟੀਫਿਕੇਸ਼ਨ ਦੀ ਮੁਖੀ ਲੀਲਾ ਸੇਮਸਨ ਨੇ ਆਪਣੇ ਪਦ ਤੋਂ ਅਸਤੀਫਾ ਦੇ ਦਿੱਤਾ ਸੀ ਅਤੇ ਉਸ ਨੇ ਬੋਰਡ ਵਿਚ ਕੁਰੱਪਸ਼ਨ ਦੇ ਦੋਸ਼ ਲਾਏ ਸਨ। 
ਡੇਰੇ ਵਾਲਾ ਐਲਾਨੀਆਂ ਤੌਰ ਤੇ ਮੋਦੀ ਦਾ ਹਿਮਾਇਤੀ ਹੈ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਹਰਿਆਣਾ ਦੇ ਮੁਖ ਮੰਤਰੀ ਮਨੋਹਰ ਲਾਲ ਖਟੜ ਮੁਤਾਬਕ ਇਹ ਸਾਧ ਲੋਕ ਹਿਤੇਸ਼ੀ ਕੰਮ ਕਰਦਾ ਹੈ। ਹਰਿਆਣਾ ਦੇ ਖੇਡ ਮੰਤਰੀ ਅਨਿਲ ਵਿਜ ਨਾਲ ਸਾਧ ਦੇ ਨੇੜਲੇ ਸਬੰਧ ਹਨ। ਉਸ ਨੇ ਡੇਰੇ ਨੂੰ 51 ਲੱਖ ਰੁਪਏ ਫੰਡ ਵੀ ਦਿੱਤਾ ਸੀ। ਹਿਮਾਚਲ ਪ੍ਰਦੇਸ਼ ਦੇ ਹਮੀਰ ਪੁਰ ਤੋਂ ਬੀ ਜੇ ਪੀ ਸਾਂਸਦ ਅਨੁਰਾਗ ਠਾਕੁਰ ਦੇ ਵੀ ਡੇਰੇ ਵਾਲੇ ਨਾਲ ਨਜ਼ਦੀਕੀ ਸਬੰਧ ਹਨ ਜੋ ਕਿ ਸਵੱਛ ਭਾਰਤ ਦੇ ਮੁੱਦੇ ਤੇ ਸਾਧ ਦਾ ਭਗਤ ਹੈ। ਜਿਕਰ ਯੋਗ ਹੈ ਕਿ ਸੀ ਬੀ ਅਦਾਲਤ ਨੇ ਡੇਰਾ ਸਿਰਸਾ ਸਮੇਤ ਸਾਧ ਦੀਆਂ ਸਾਰੀਆਂ ਜਾਇਦਾਤਾਂ ਜ਼ਬਤ ਕਰਨ ਦੇ ਹੁਕਮ ਦੇ ਰੱਖੇ ਹਨ।
ਸਭ ਸਰਕਾਰਾਂ ਵਲੋਂ ਸਮਰਥਨ
ਜਿਸ ਵੇਲੇ ਡੇਰਾ ਸਾਧ ਦਾ ਮੁੱਦਾ ਉੱਠਿਆ ਉਦੋਂ ਹਰਿਆਣੇ ਵਿਚ ਚੌਟਾਲਿਆਂ ਦੀ ਇੰਡੀਅਨ ਨੈਸ਼ਨਲ ਲੋਕਦਲ (ਇਨੈਲੋ) ਦੀ ਸਰਕਾਰ ਸੀ । ਚੌਟਾਲਿਆਂ ਨੇ ਸੌਦੇ ਵਾਲੇ ਦਾ ਖੁਲ੍ਹ ਕੇ ਸਮਰਥਨ ਕੀਤਾ ਅਤੇ ਸੰਪਾਦਕ ਛਤਰਪਤੀ ਦਾ ਆਖਰੀ ਬਿਆਨ ਤਕ ਨਾ ਹੋਣ ਦਿੱਤਾ ਅਤੇ ਸੀ ਬੀ ਆਈ ਜਾਂਚ ਵਿਚ ਰੋੜੇ ਅਟਕਾਏ। 2009 ਵਿਚ ਕਾਂਗਰਸ ਦੀ ਹੁੱਡਾ ਸਰਕਾਰ ਵਿਚ ਸਾਧ ਨੂੰ ਵੀ ਆਈ ਪੀ ਰਿਸੈਪਸ਼ਨ ਪ੍ਰਾਪਤ ਸੀ। ਇਹ ਹੀ ਹਾਲ 2014  ਵਿਚ ਬੀ ਜੇ ਪੀ ਦੀ ਸਰਕਾਰ ਦਾ ਸੀ। ਇਹ ਵੀ ਅੰਦਾਜੇ ਲਾਏ ਜਾ ਰਹੇ ਹਨ ਕਿ ਰਾਜਨੀਤੀ ਵਿਚ ਦੂਹਰੀ ਖੇਡ ਖੇਡਣ ਦਾ ਕਾਰਨ ਹੀ ਆਖਰ ਸਾਧ ਦੇ ਫੰਦੇ ਦਾ ਕਾਰਨ ਬਣ ਗਿਆ ਕਿਓਂਕਿ ਸਾਧ ਦੇ ਪ੍ਰਭਾਵ ਹੇਠਲੇ ਇਲਾਕਿਆਂ ਵਿਚ ਇਨੈਲੋ ਜਿੱਤੀ ਸੀ।
ਬਾਦਲਾਂ ਅਤੇ ਜਥੇਦਾਰਾਂ ਵਲੋਂ ਸਾਧ ਦੀ ਹਿਮਾਇਤ
 ਇਹਨੀ ਦਿਨੀ ਸੋਸ਼ਲ ਸਾਈਟਾਂ ਤੇ ਪ੍ਰਕਾਸ਼ ਸਿੰਘ ਬਾਦਲ, ਸੁਖਬੀਰ ਬਾਦਲ ਅਤੇ ਹਰਸਿਮਰਤ ਕੌਰ ਬਾਦਲ ਨੂੰ ਸੌਦੇ ਵਾਲੇ ਦੀ ਤਾਬਿਆ ਬੈਠੇ ਦਿਖਾਇਆ ਗਿਆ ਹੈ। ਬਾਦਲਾਂ ਦੇ ਦਬਾਅ ਕਰਕੇ ਹੀ ਜਥੇਦਾਰ ਅਕਾਲ ਤਖਤ ਨੇ ਸੌਦਾ ਸਾਧ ਨੂੰ ਕਲੀਨ ਚਿੱਟ ਦਿੱਤੀ ਸੀ। ਕਿਹਾ ਜਾਂਦਾ ਹੈ ਕਿ ਅਕਾਲ ਤਖਤ ਸਾਹਿਬ ਦੇ ਜਥੇਦਾਰ ਗੁਰਬਚਨ ਸਿੰਘ ਦਾ ਅਜ ਕਲ ਪੰਜ ਤਾਰਾ ਹੋਟਲ ਬਣ ਰਿਹਾ ਹੈ । ਹੁਣ ਜਦੋਂ ਸੌਦਾ ਸਾਧ ਨੂੰ ਅਦਾਲਤ ਨੇ ਜਬਰਜਨਾਹ ਦੇ ਮਾਮਲੇ ਵਿਚ ਵੀਹ ਸਾਲ ਜਿਹਲ ਦੀ ਸਜਾ ਸੁਣਾ ਦਿੱਤੀ ਹੈ ਤਾਂ ਇਹਨਾ ਜਥੇਦਾਰਾਂ ਦਾ ਇਖਲਾਕੀ ਫਰਜ ਬਣਦਾ ਹੈ ਕਿ ਉਹ ਵੀ ਅਸਤੀਫਾ ਦੇ ਜਾਣ। ਵੈਸੇ ਵੀ ਇਹ ਪੁਜਾਰੀ ਮੁੱਦਤ ਤੋਂ ਸਿੱਖ ਸੰਗਤਾਂ ਦੇ ਮਨੋ ਲਹਿ ਚੁੱਕੇ ਹਨ। ਅੱਜਕਲ ਪੰਥ ਵਿਚ ਬਰਸੀਆਂ ਮਨਾਉਣ ਦਾ ਮੌਸਮ ਹੈ ਅਤੇ ਨਾਮ ਨਿਹਾਦ ‘ਪੰਥਕ ਬੁਲਾਰਿਆਂ’ ਦੇ ‘ਮਾਂਹਪੁਰਖ’ ‘ਮਹਾਪੁਰਖ’ ਕਰਦਿਆਂ ਦੇ ਤਾਲੂ ਸੁੱਕੇ ਪਏ ਹਨ ਪਰ ਕਿਸੇ ਇੱਕ ਵੀ ਬੁਲਾਰੇ ਨੇ ਵਿਕਾਊ ਸਰਕਾਰਾਂ, ਵਿਕਾਊ ਜਥੇਦਾਰਾਂ ਅਤੇ ਗੁਰੂ ਗੋਬਿੰਦ ਸਿੰਘ ਜੀ ਦੀ ਨਕਲ ਲਾਉਣ ਵਾਲੇ ਪੰਥ ਦੀ ਹਿਕ ਦੇ ਨਾਸੂਰ ਸੌਦੇ ਵਾਲੇ ਦਾ ਜਿਕਰ ਤਕ ਨਹੀਂ ਕੀਤਾ।ਗੁਰੂ ਗ੍ਰੰਥ ਸਾਹਿਬ ਦੀ ਸੰਪੂਰਨਤਾ ਪੁਰਬਾਂ ਤੇ ਕਿਰਾਏ ਭਾੜੇ ਦੇ ਪ੍ਰਚਾਰਕਾਂ ਦੇ ਮੂੰਹੋਂ ਏਨਾ ਵੀ ਨਿਕਲਦਾ ਕਿ ਸਿੱਖਾਂ ਦੇ ਹਾਜ਼ਰ ਨਾਜ਼ਰ ਗੁਰੂ ਕੇਵਲ ਅਤੇ ਕੇਵਲ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਹੀ ਹਨ ਅਤੇ ਸਿੱਖ ਪੰਥ ਨੂੰ ਪ੍ਰਵਾਣਤ ਪੰਥਕ ਰਹਿਤ ਮਰਿਯਾਦਾ ਦੇ ਅਨੁਸਾਸ਼ਨ ਵਿਚ ਰਹਿ ਕੇ ਇੱਕਜੁੱਟ ਹੋਣਾ ਚਾਹੀਦਾ ਹੈ। ਸਿੱਖ ਪੰਥ ਵਿਚ ਡੇਰਾ ਵਾਦ ਅਤੇ ਬਾਬਾ ਵਾਦ ਦੀ ਚੜ੍ਹਤ ਨੇ ਹੀ ਇਹਨਾ ਬਾਬਿਆਂ ਦੇ ਹੌਸਲੇ ਵਧਾਏ ਹਨ। ਕਈ ਬਾਬੇ ਤਾਂ ਬੀਬੀਆਂ ਨੂੰ ਪੈਰਾਂ ਦਾ ਪਾਣੀ ਪਿਲਾਉਂਦੇ ਅਤੇ ਘੁੱਟ ਘੁੱਟ ਕੇ ਹਿੱਕੀਂ ਲਾਉਂਦੇ ਵੀ ਦੇਖੇ ਜਾ ਸਕਦੇ ਹਨ। ਇਹਨਾ ਕਾਰਵਾਈਆਂ ਨੇ ਦੋਸ਼ੀ ਸਾਧਾਂ ਦੇ ਹੌਸਲੇ ਵਧਾਏ ਹਨ ਅਤੇ ਸਿੱਖੀ ਦੇ ਪਹਿਰੇਦਾਰ ਜਥੇਦਾਰ ਨੂੰ ਉਹ ਟਿੱਚ ਜਾਣਦੇ ਹਨ ਜਦ ਕਿ ਸਰਕਾਰਾਂ ਉਹਨਾ ਦੇ ਪੈਰੀਂ ਪੈਂਦੀਆਂ ਹਨ।

Sunday, August 27, 2017

ਜਮਹੂਰੀ ਅਧਿਕਾਰ ਸਭਾ ਨੇ ਕੀਤੀ ਫੈਸਲੇ ਮਗਰੋਂ ਭੜਕੀ ਹਿੰਸਾ ਦੀ ਤਿੱਖੀ ਨਿਖੇਧੀ

Sun, Aug 27, 2017 at 11:18 AM
ਸੀਬੀਆਈ ਅਦਾਲਤ ਦੇ ਫੈਸਲੇ ਦਾ ਕੀਤਾ ਸਵਾਗਤ 
ਲੁਧਿਆਣਾ: 27 ਅਗਸਤ, 2017: (ਸਤੀਸ਼ ਸਚਦੇਵਾ//ਪੰਜਾਬ ਸਕਰੀਨ)::
ਅੱਜ ਇਥੇ ਪ੍ਰੈੱਸ ਬਿਆਨ ਜਾਰੀ ਕਰਦਿਆਂ ਜਮਹੂਰੀ ਅਧਿਕਾਰ ਸਭਾ ਪੰਜਾਬ ਦੇ ਸੂਬਾ ਪ੍ਰਧਾਨ ਪ੍ਰੋਫੈਸਰ ਏ.ਕੇ.ਮਲੇਰੀ ਅਤੇ  ਸੂਬਾ ਜਨਰਲ ਸਕੱਤਰ ਪ੍ਰੋਫੈਸਰ ਜਗਮੋਹਣ ਸਿੰਘ ਨੇ ਕਿਹਾ ਕਿ ਸਭਾ 25 ਅਗਸਤ ਨੂੰ 'ਡੇਰਾ ਸੱਚਾ ਸੌਦਾ' ਦੇ ਮੁਖੀ ਗੁਰਮੀਤ ਰਾਮ ਰਹੀਮ ਸਿੰਘ ਦੇ ਮਾਮਲੇ ਵਿਚ ਸੀ.ਬੀ.ਆਈ. ਦੀ ਅਦਾਲਤ ਵਲੋਂ ਦਿੱਤੇ ਫ਼ੈਸਲੇ ਦਾ ਸਵਾਗਤ ਕਰਦੀ ਹੈ ਅਤੇ ਪੀੜਤ ਪਰਿਵਾਰਾਂ ਸਮੇਤ ਉਨ੍ਹਾਂ ਸਮੂਹ ਤਾਕਤਾਂ ਦੀ ਤਾਰੀਫ਼ ਕਰਦੀ ਹੈ ਜਿਨ੍ਹਾਂ ਨੇ ਡੇਰਾ ਮੁਖੀ ਉੱਪਰ ਇਨ੍ਹਾਂ ਸੰਗੀਨ ਜੁਰਮਾਂ ਦੇ ਇਲਜ਼ਾਮਾਂ ਨੂੰ ਲੈਕੇ ਤਹੱਮਲ ਨਾਲ ਕਾਨੂੰਨੀ ਲੜਾਈ ਲੜਦੇ ਹੋਏ ਉਚਿਤ ਅਦਾਲਤੀ ਪ੍ਰਕਿਰਿਆ ਰਾਹੀਂ ਸੱਚ ਦਾ ਨਿਤਾਰਾ ਕਰਵਾਇਆ ਅਤੇ ਨਿਆਂ ਦੇ ਤਰਕਸੰਗਤ ਅੰਤ ਤਕ ਹੌਸਲੇ ਨਾਲ ਸੰਘਰਸ਼ ਜਾਰੀ ਰੱਖਿਆ।  ਹੈ ਅਤੇ ਡੇਰੇ ਅੰਦਰ ਜਿਨਸੀ ਸ਼ੋਸ਼ਣ ਤੋਂ ਪੀੜਤ ਸਾਧਵੀਆਂ ਨੂੰ ਨਿਆਂ ਮਿਲਿਆ ਹੈ। ਉਨ੍ਹਾਂ ਕਿਹਾ ਕਿ ਡੇਰੇ ਦੇ ਪੈਰੋਕਾਰਾਂ ਨੂੰ ਇਸ ਸਚਾਈ ਤੋਂ ਅੱਖਾਂ ਬੰਦ ਨਹੀਂ ਕਰਨੀਆਂ ਚਾਹੀਦੀਆਂ ਕਿ ਕਾਨੂੰਨ ਸਾਰਿਆਂ ਉੱਪਰ ਬਰਾਬਰ ਲਾਗੂ ਹੁੰਦਾ ਹੈ। ਕੋਈ ਵੀ ਸੱਭਿਅਕ ਸਮਾਜ ਧਾਰਮਿਕ ਡੇਰਿਆਂ ਦੇ ਨਾਂ 'ਤੇ ਔਰਤਾਂ ਦੇ ਸ਼ੋਸ਼ਣ ਅਤੇ ਵਿਰੋਧ ਕਰਨ ਵਾਲਿਆਂ ਦੀ ਜ਼ੁਬਾਨਬੰਦੀ ਕਰਨ ਲਈ ਉਨ੍ਹਾਂ ਦੇ ਕਤਲਾਂ ਅਤੇ ਧਮਕੀਆਂ ਦੀ ਇਜਾਜ਼ਤ ਨਹੀਂ ਦੇ ਸਕਦਾ। ਉਨ੍ਹਾਂ ਨੂੰ ਇਹ ਸਚਾਈ ਵੀ ਸਮਝਣੀ ਚਾਹੀਦੀ ਹੈ ਕਿ ਹਾਕਮ ਜਮਾਤੀ ਪਾਰਟੀਆਂ ਆਪਣੇ ਸੌੜੇ ਸਿਆਸੀ ਮੁਫ਼ਾਦਾਂ ਲਈ ਡੇਰਿਆਂ ਦੇ ਨਾਂ ਹੇਠ ਜੁਰਮਾਂ ਬਾਰੇ ਮੌਕਾਪ੍ਰਸਤ ਚੁੱਪ ਧਾਰ ਰੱਖਦੀਆਂ ਹਨ ਪਰ ਸੱਤਾ ਦੇ ਗਲਿਆਰਿਆਂ ਵਿਚ ਪਹੁੰਚ ਰਸੂਖ਼ਵਾਨ ਮੁਜਰਿਮਾਂ ਦਾ ਹਮੇਸ਼ਾ ਸਾਥ ਨਹੀਂ ਦੇਵੇਗੀ। ਡੇਰੇ ਦੀਆਂ ਸਾਧਵੀਆਂ ਨਾਲ ਜਬਰਜਨਾਹ, ਜਿਸ ਵਿਚ ਅਦਾਲਤੀ ਫ਼ੈਸਲਾ ਆ ਚੁੱਕਾ ਹੈ, 'ਪੂਰਾ ਸੱਚ' ਅਖ਼ਬਾਰ ਦੇ ਸੰਪਾਦਕ ਰਾਮਚੰਦਰ ਛਤਰਪਤੀ ਅਤੇ ਡੇਰੇ ਦੇ ਸਾਬਕਾ ਪ੍ਰਬੰਧਕੀ ਮੈਂਬਰ ਰਣਜੀਤ ਸਿੰਘ ਦੇ ਕਤਲ ਅਤੇ ਡੇਰੇ ਦੇ ਚਾਰ ਸੌ ਸੇਵਾਦਾਰਾਂ ਨੂੰ ਨਪੁੰਸਕ ਬਣਾਉਣ ਦੇ ਸੰਗੀਨ ਇਲਜ਼ਾਮ ਮਾਮੂਲੀ ਜੁਰਮ ਨਹੀਂ ਹਨ। ਉਨ੍ਹਾਂ ਕਿਹਾ ਕਿ ਡੇਰੇ ਦੇ ਪੈਰੋਕਾਰਾਂ ਨੂੰ ਅਦਾਲਤੀ ਫ਼ੈਸਲੇ ਵਿਰੁੱਧ ਸ਼ਾਂਤਮਈ ਰੋਸ ਪ੍ਰਗਟਾਉਣ ਅਤੇ ਉਚਿਤ ਅਦਾਲਤੀ ਪ੍ਰਕਿਰਿਆ ਅਪਣਾਉਂਦੇ ਹੋਏ ਉੱਪਰਲੀ ਅਦਾਲਤ ਵਿਚ ਫ਼ੈਸਲੇ ਨੂੰ ਚੁਣੌਤੀ ਦੇਣ ਦਾ ਜਮਹੂਰੀ ਹੱਕ ਹੈ ਪਰ ਫ਼ੈਸਲੇ ਤੋਂ ਭੜਕੀ ਹਿੰਸਾ, ਮੀਡੀਆ ਉੱਪਰ ਬੇਤਹਾਸ਼ਾ ਹਮਲੇ ਅਤੇ ਸਰਕਾਰੀ ਤੇ ਨਿੱਜੀ ਜਾਇਦਾਦਾਂ ਦੀ ਸਾੜਫੂਕ ਪੂਰੀ ਤਰ੍ਹਾਂ ਅਣਉਚਿਤ ਅਤੇ ਨਹੱਕ ਹੈ। ਉਹ ਵਿਰੋਧ ਦੇ ਹੱਕ ਦੀ ਭਰਪੂਰ ਵਰਤੋਂ ਕਰਨ ਪਰ ਇਸ ਨਾਂ ਹੇਠ ਭਾਈਚਾਰਕ ਸਾਂਝ ਨੂੰ ਨੁਕਸਾਨ ਪਹੁੰਚਾਉਣ ਤੋਂ ਗੁਰੇਜ਼ ਕਰਨ ਅਤੇ ਸਮਾਜਿਕ ਸਦਭਾਵਨਾ ਬਣਾਈ ਰੱਖਣ ਵਿਚ ਸਹਿਯੋਗ ਦੇਣ। ਉਨ੍ਹਾਂ ਕਿਹਾ ਕਿ ਮੀਡੀਆ ਉੱਪਰ ਬਹੁਤ ਹੀ ਖ਼ਤਰਨਾਕ ਤਰੀਕੇ ਨਾਲ ਹਮਲੇ ਸਰਕਾਰੀ ਮਿਲੀ ਭੁਗਤ ਨਾਲ ਹੋ ਰਹੇ ਹਨ ਕਿਉਂਕਿ ਹਰਿਆਣਾ ਸਰਕਾਰ ਨਹੀਂ ਚਾਹੁੰਦੀ ਕਿ ਸਾੜਫੂਕ ਅਤੇ ਹਿੰਸਾ ਦੇ ਤੱਥ ਮੀਡੀਆ ਦੁਆਰਾ ਰਿਕਾਰਡ ਕੀਤੇ ਜਾਣ। 

Friday, August 25, 2017

ਇੱਕ ਗੁੰਮਨਾਮ ਚਿੱਠੀ ਤੋਂ ਲੱਭਿਆ ਸੀਬੀਆਈ ਨੇ ਸਾਰਾ ਵੇਰਵਾ

5 ਸਾਲਾਂ 'ਚ ਸਬੂਤ ਤੇ ਗਵਾਹ ਲੱਭੇ, 9 ਸਾਲ ਟ੍ਰਾਇਲ, ਹੁਣ ਫੈਸਲੇ ਦੀ ਘੜੀ
ਚੰਡੀਗੜ੍ਹ: 25 ਅਗਸਤ 2017: (ਅਮਨਦੀਪ ਬੇਦੀ ਦੀ ਫੇਸਬੁੱਕ ਪ੍ਰੋਫ਼ਾਈਲ ਤੋਂ ਧੰਨਵਾਦ ਸਹਿਤ):: 
ਸਾਧਵੀ ਯੌਨ ਸ਼ੋਸ਼ਣ ਮਾਮਲੇ ਦੀ ਜਾਂਚ ਕਰਨਾ ਸੀ. ਬੀ. ਆਈ. ਲਈ ਬਹੁਤ ਹੀ ਮੁਸ਼ਕਿਲ ਕੰਮ ਸੀ, ਨਾ ਸਬੂਤ ਤੇ ਨਾ ਹੀ ਗਵਾਹ। ਸੀ. ਬੀ. ਆਈ. ਕੋਲ ਜੇਕਰ ਕੁੱਝ ਸੀ ਸਿਰਫ਼ ਇਕ ਗੁੰਮਨਾਮ ਚਿੱਠੀ। ਇਸੇ ਚਿੱਠੀ ਦੇ ਸਹਾਰੇ ਹੀ ਸੀ. ਬੀ. ਆਈ ਨੇ ਸਾਲ 2002 ਵਿਚ ਆਪਣੀ ਜਾਂਚ ਪ੍ਰਕਿਰਿਆ ਸ਼ੁਰੂ ਕੀਤੀ ਸੀ, ਜੋ 5 ਸਾਲ ਦੀ ਲੰਬੀ ਮੁਸ਼ੱਕਤ ਤੋਂ ਬਾਅਦ 30 ਜੁਲਾਈ, 2007 ਨੂੰ ਪੂਰੀ ਹੋ ਸਕੀ। ਸੀ. ਬੀ. ਆਈ. ਨੇ ਪੰਜ ਸਾਲਾਂ ਵਿਚ ਗਵਾਹ ਲੱਭੇ। ਜਾਂਚ ਦਾ ਜ਼ਿੰਮਾ ਸੀ. ਬੀ. ਆਈ. ਦੇ ਵੱਡੇ ਅਫ਼ਸਰ ਡੀ. ਆਈ. ਜੀ. ਐੱਮ. ਨਰਾਇਣ ਤੇ ਡੀ. ਐੱਸ. ਪੀ. ਸਤੀਸ਼ ਡਾਗਰ ਨੂੰ ਸੌਂਪਿਆ ਗਿਆ ਸੀ। ਦੋਵਾਂ ਅਫ਼ਸਰਾਂ ਨੇ 30 ਜੁਲਾਈ 2007 ਨੂੰ ਅੰਬਾਲਾ ਵਿਚ ਵਿਸ਼ੇਸ਼ ਸੀ. ਬੀ. ਆਈ. ਜੱਜ ਦੇ ਨਿਵਾਸ 'ਤੇ ਚਾਰਜਸ਼ੀਟ ਦਾਇਰ ਕੀਤੀ ਸੀ। ਅਗਲੇ ਹੀ ਸਾਲ 2008 ਵਿਚ ਅੰਬਾਲਾ ਵਿਚ ਸੀ. ਬੀ. ਆਈ. ਅਦਾਲਤ ਵਿਚ ਡੇਰਾ ਮੁਖੀ ਦੇ ਖਿਲਾਫ਼ ਦੋਸ਼ ਤੈਅ ਕੀਤਾ ਗਿਆ ਸੀ। ਉਸ ਤੋਂ ਬਾਅਦ 9 ਸਾਲ ਤੱਕ ਟ੍ਰਾਇਲ ਦੀ ਪ੍ਰਕਿਰਿਆ ਚੱਲਦੀ ਰਹੀ, 52 ਵੱਖ-ਵੱਖ ਗਵਾਹਾਂ ਨੇ ਬਿਆਨ ਦਿੱਤੇ। 15 ਪ੍ਰੋਸੀਕਿਊਸ਼ਨ ਤੇ 37 ਡਿਫੈਂਸ ਦੇ ਗਵਾਹ ਇਸ ਲਿਸਟ ਵਿਚ ਸ਼ਾਮਲ ਸਨ। ਹੁਣ 25 ਅਗਸਤ ਨੂੰ ਫੈਸਲਾ ਆਉਣਾ ਹੈ। 
ਡੇਰਾ ਮੁਖੀ 'ਤੇ ਯੌਨ ਸ਼ੋਸ਼ਣ ਦਾ ਦੋਸ਼ ਲਾਉਣ ਵਾਲੀ ਮੁਖ ਸਾਧਵੀ ਨੇ ਅਦਾਲਤ ਵਿਚ ਅਹਿਮ ਬਿਆਨ ਦਿੱਤਾ ਹੈ। ਸੀ. ਬੀ. ਆਈ. ਦੀ ਚਾਰਜਸ਼ੀਟ ਅਨੁਸਾਰ ਮੁਖ ਸਾਧਵੀ ਕੁਰੂਕਸ਼ੇਤਰ ਤੇ ਖਾਨਪੁਰ ਕੌਲੀਆਂ ਨਿਵਾਸੀ ਰਣਜੀਤ ਸਿੰਘ ਦੀ ਭੈਣ ਹੈ। ਰਣਜੀਤ ਸਿੰਘ ਦੀ 10 ਜੁਲਾਈ, 2002 ਨੂੰ ਗੋਲੀ ਮਾਰ ਦੇ ਹੱਤਿਆ ਕਰ ਦਿੱਤੀ ਗਈ ਸੀ। ਇਸ ਮਾਮਲੇ ਵਿਚ ਵੀ ਡੇਰੇ ਦੇ ਲੋਕਾਂ 'ਤੇ ਹੀ ਹੱਤਿਆ ਦਾ ਦੋਸ਼ ਹੈ। ਰਣਜੀਤ ਲੰਬੇ ਸਮੇਂ ਤੋਂ ਡੇਰੇ ਦਾ ਭਗਤ ਸੀ ਤੇ ਉਹ ਪਰਿਵਾਰ ਸਮੇਤ ਡੇਰੇ ਵਿਚ ਹੀ ਰਹਿੰਦਾ ਸੀ। ਚਾਰਜਸ਼ੀਟ ਅਨੁਸਾਰ ਰਣਜੀਤ ਸਿੰਘ ਇਕ ਸਾਲ ਪਹਿਲਾਂ ਆਪਣੀ ਸਾਧਵੀ ਭੈਣ ਤੇ ਬੇਟੀਆਂ ਨਾਲ ਡੇਰਾ ਛੱਡ ਕੇ ਜਾ ਚੁੱਕਿਆ ਸੀ। ਸਾਧਵੀ ਨੇ ਦੱਸਿਆ ਕਿ ਉਹ 1999 ਵਿਚ ਡੇਰੇ 'ਚ ਆਈ ਸੀ, ਉਹ ਨਵੇਂ ਡੇਰੇ ਵਿਚ ਰਹਿੰਦੀ ਸੀ ਤੇ ਸਾਲ 2001 ਤੱਕ ਡੇਰੇ ਵਿਚ ਰਹੀ। ਇਸੇ ਦੌਰਾਨ ਅਕਤੂਬਰ ਵਿਚ ਉਸ ਦਾ ਵਿਆਹ ਹੋ ਗਿਆ। ਸਾਧਵੀ ਨੇ ਦੱਸਿਆ ਕਿ ਪੁਰਾਣੇ ਡੇਰੇ ਵਿਚ ਜਿਥੇ ਡੇਰਾ ਮੁਖੀ ਗੁਫ਼ਾ ਵਿਚ ਰਹਿੰਦੇ ਸਨ, ਉਥੇ ਸਾਧਵੀਆਂ ਦੀ ਸੰਤਰੀ ਡਿਊਟੀ ਲੱਗਦੀ ਸੀ। ਜਦ ਉਹ ਗੁਫ਼ਾ ਦੇ ਗੇਟ 'ਤੇ ਸੰਤਰੀ ਡਿਊਟੀ 'ਤੇ ਸੀ ਤਾਂ ਉਸ ਨੇ ਦੇਖਿਆ ਕਿ ਦੋ ਸਾਧਵੀਆਂ ਦੇਰ ਰਾਤ ਡੇਰੇ ਵੱਲ ਜਾ ਰਹੀਆਂ ਸਨ। ਕੁੱਝ ਸਮੇਂ ਬਾਅਦ ਇਕ ਨੇ ਡੇਰਾ ਪ੍ਰਮੁੱਖ ਨੂੰ ਗਾਲ੍ਹਾਂ ਕੱਢਦਿਆਂ ਡੇਰਾ ਛੱਡ ਦਿੱਤਾ। ਮੁੱਖ ਸਾਧਵੀ ਨੇ ਦੱਸਿਆ ਕਿ ਉਸ ਨੇ ਇਕ ਹੋਰ ਸਾਧਵੀ ਨੂੰ ਗੁਫ਼ਾ ਤੋਂ ਬਾਹਰ ਆਉਂਦਿਆਂ ਦੇਖਿਆ ਤੇ ਉਹ ਰੋ ਰਹੀ ਸੀ। ਉਸ ਦੇ ਅਗਲੇ ਦਿਨ ਉਸ ਦੇ ਪਰਿਵਾਰ ਵਾਲੇ ਡੇਰੇ ਵਿਚ ਆਏ ਤੇ ਫਿਰ ਇਕ ਸਾਧਵੀ ਨੇ ਡੇਰਾ ਮੁਖੀ ਨੂੰ ਰਾਕਸ਼ਸ਼ ਦੱਸਦਿਆਂ ਡੇਰਾ ਛੱਡ ਦਿੱਤਾ। ਇਸੇ ਤਰ੍ਹਾਂ ਇਕ ਹੋਰ ਸਾਧਵੀ ਨੇ ਵੀ ਬਾਬਾ ਦੇ ਵਿਵਹਾਰ ਨੂੰ ਗਲਤ ਦੱਸਦਿਆਂ ਡੇਰਾ ਛੱਡ ਦਿੱਤਾ ਸੀ। ਚਾਰਜਸ਼ੀਟ ਮੁਤਾਬਿਕ ਮੁੱਖ ਸਾਧਵੀ ਨਾਲ ਦੋ ਵਾਰ ਜਬਰ-ਜ਼ਨਾਹ ਕੀਤਾ ਗਿਆ। ਉਸ ਨੇ ਦੱਸਿਆ ਕਿ ਉਹ ਆਪਣੀ ਗੱਲ ਇਸ ਲਈ ਕਿਸੇ ਨੂੰ ਨਹੀਂ ਦੱਸ ਸਕਦੀ ਸੀ, ਕਿਉਂਕਿ ਡੇਰੇ ਦਾ ਰਾਜਨੀਤੀ ਤੇ ਪ੍ਰਸ਼ਾਸਨ 'ਤੇ ਦਬਾਅ ਸੀ ਤੇ ਉਸ ਦੇ ਪਰਿਵਾਰ ਨੂੰ ਜਾਨੋਂ ਮਾਰਨ ਦੀ ਧਮਕੀ ਵੀ ਦਿੱਤੀ ਗਈ ਸੀ। 
ਬਾਬਾ ਨੇ ਦੇਰ ਰਾਤ ਬੁਲਾਇਆ ਸੀ ਆਪਣੀ ਗੁਫਾ 'ਚ...
ਸੀ. ਬੀ. ਆਈ. ਦੀ ਚਾਰਜਸ਼ੀਟ ਮੁਤਾਬਿਕ ਫਤਹਿਬਾਦ ਦੀ ਰਹਿਣ ਵਾਲੀ ਸਾਧਵੀ ਨੇ ਦੱਸਿਆ ਕਿ ਉਸ ਨੇ ਜੁਲਾਈ, 1998 ਵਿਚ ਡੇਰਾ ਜੁਆਇਨ ਕੀਤਾ ਸੀ ਤੇ ਉਸ ਦਾ ਕੰਮ ਉਥੇ ਬੱਚਿਆਂ ਨੂੰ ਪੜ੍ਹਾਉਣ ਦਾ ਸੀ। ਛੇ ਮਹੀਨੇ ਬਾਅਦ ਉਸ ਦੀ ਭੈਣ ਵੀ ਡੇਰੇ ਵਿਚ ਆ ਗਈ ਤੇ ਉਹ ਵੀ ਸਾਧਵੀ ਬਣ ਗਈ। ਚਾਰਜਸ਼ੀਟ ਅਨੁਸਾਰ ਇਨ੍ਹਾਂ ਦੋਵਾਂ ਸਾਧਵੀਆਂ ਦੀ ਡਿਊਟੀ ਵੀ ਸੰਤਰੀ ਦੇ ਤੌਰ 'ਤੇ ਡੇਰੇ ਦੇ ਬਾਹਰ ਲੱਗਦੀ ਸੀ। ਸਤੰਬਰ, 1999 ਵਿਚ ਉਸ ਦੀ ਰਾਤ ਨੂੰ 8 ਵਜੇ ਤੋਂ 12 ਵਜੇ ਤੱਕ ਸੰਤਰੀ ਦੇ ਤੌਰ 'ਤੇ ਗੁਫ਼ਾ ਦੇ ਬਾਹਰ ਡਿਊਟੀ ਸੀ ਤੇ ਰਾਤ ਦੇ ਕਰੀਬ ਦਸ ਵਜੇ ਬਾਬਾ ਨੇ ਉਸ ਨੂੰ ਗੁਫ਼ਾ ਵਿਚ ਬੁਲਾਇਆ। ਇਸ ਦੌਰਾਨ ਗੁਫ਼ਾ ਵਿਚ ਬਾਬਾ ਤੋਂ ਇਲਾਵਾ ਕੋਈ ਹੋਰ ਨਹੀਂ ਸੀ। ਬਾਬਾ ਨੇ ਕਿਹਾ ਉਸ ਨੂੰ ਕੁੱਝ ਕੰਮ ਹੈ ਤੇ ਉਹ ਗੁਫ਼ਾ ਦੇ ਅੰਦਰ ਚਲੀ ਗਈ। ਇਸ ਦੌਰਾਨ ਬਾਬਾ ਨੇ ਉਸ ਨੂੰ ਬੈੱਡ 'ਤੇ ਬੈਠਣ ਲਈ ਕਿਹਾ, ਉਹ ਝਿਜਕਦੀ ਹੋਈ ਥੱਲੇ ਫਰਸ਼ 'ਤੇ ਬੈਠਣ ਲੱਗੀ ਤਾਂ ਬਾਬਾ ਨੇ ਕਿਹਾ ਕਿ ਤੁਸੀਂ ਬੈੱਡ 'ਤੇ ਬੈਠੋ ਤੇ ਉਸ ਤੋਂ ਡੇਰੇ ਅਤੇ ਉਸ ਦੇ ਜੀਵਨ ਦੇ ਬਾਰੇ 'ਚ ਪੁੱੁਛਣ ਲੱਗਾ। ਸਾਧਵੀ ਅਨੁਸਾਰ ਉਸ ਨਾਲ ਗਲਤ ਕੰਮ ਕੀਤਾ ਗਿਆ ਤੇ ਉਸ ਨੇ ਖੁਦ ਨੂੰ ਬਚਾਉਣ ਦੀ ਕੋਸ਼ਿਸ਼ ਕੀਤੀ ਸੀ।
ਸੀ. ਬੀ. ਆਈ. ਦੀ ਅਦਾਲਤ ਵਿਚ ਹੋਈ 28 ਲੋਕਾਂ ਦੀ ਗਵਾਹੀ 
ਸੀ. ਬੀ. ਆਈ. ਨੇ ਆਪਣੀ ਚਾਰਜਸ਼ੀਟ ਵਿਚ 28 ਗਵਾਹਾਂ ਤੇ 17 ਮਹੱਤਵਪੂਰਨ ਦਸਤਾਵੇਜ਼ ਸ਼ਾਮਲ ਕੀਤੇ ਹਨ। ਇਨ੍ਹਾਂ ਸਾਰੇ ਗਵਾਹਾਂ ਦੀ ਸੀ. ਬੀ. ਆਈ. ਅਦਾਲਤ ਵਿਚ ਗਵਾਹੀ ਹੋਈ ਤੇ ਸਾਰੇ ਸਬੂਤਾਂ ਨੂੰ ਅਦਾਲਤ ਵਿਚ ਪੇਸ਼ ਕੀਤਾ ਗਿਆ। ਗਵਾਹਾਂ ਦੀ ਲਿਸਟ ਵਿਚ ਹਾਈਕੋਰਟ ਦੇ ਡਿਸਪੈਚ ਕਲਰਕ ਰਮੇਸ਼ ਚੰਦ ਤੇ ਮੁਖ ਸਾਧਵੀ ਤੇ ਇਕ ਹੋਰ ਸਾਧਵੀ ਤੋਂ ਲੈ ਕੇ ਡੇਰਾ ਪ੍ਰਮੁੱਖ ਦੇ ਡਰਾਈਵਰ ਖੱਟਾ ਸਿੰਘ ਸ਼ਾਮਲ ਸਨ। ਇਸ ਤੋਂ ਇਲਾਵਾ ਸੀ. ਬੀ. ਆਈ. ਦੇ ਜਾਂਚ ਅਧਿਕਾਰੀਆਂ ਤੇ ਅੰਬਾਲਾ ਤੇ ਚੰਡੀਗੜ੍ਹ ਸੀ. ਬੀ. ਆਈ. ਦੇ ਜੱਜ ਦੀ ਵੀ ਗਵਾਹੀ ਹੋਈ ਹੈ। 
ਦਸਤਾਵੇਜ਼ਾਂ ਵਿਚ 3 ਡੇਰਾ ਸਮਰਥਕਾਂ ਦੀ ਪਾਲੀਗ੍ਰਾਫ਼ੀ ਰਿਪੋਰਟ ਸ਼ਾਮਲ 
ਸੀ. ਬੀ. ਆਈ. ਦੀ ਚਾਰਜਸ਼ੀਟ ਵਿਚ ਸ਼ਾਮਲ ਕੀਤੇ ਗਏ 17 ਦਸਤਾਵੇਜ਼ਾਂ ਵਿਚ ਡੇਰੇ ਦੇ ਪ੍ਰਬੰਧਕ ਸਮੇਤ 3 ਮੁੱਖ ਵਰਕਰਾਂ ਦੀ ਪਾਲੀਗ੍ਰਾਫ਼ੀ ਟੈਸਟ ਦੀ ਰਿਪੋਰਟ ਕਾਫ਼ੀ ਅਹਿਮ ਹੈ। ਸੀ. ਬੀ. ਆਈ. ਨੇ ਜਾਂਚ ਦੌਰਾਨ ਸਾਲ 2005 ਵਿਚ ਡੇਰਾ ਪ੍ਰਬੰਧਕ ਕ੍ਰਿਸ਼ਨ ਲਾਲ, ਇੰਦਰਸੇਨ ਤੇ ਅਵਤਾਰ ਦਾ ਸੀ. ਐੱਫ. ਐੱਸ. ਐੱਲ. ਨਵੀਂ ਦਿੱਲੀ ਵਿਚ ਪਾਲੀਗ੍ਰਾਫ਼ੀ ਟੈਸਟ ਕਰਵਾਇਆ ਸੀ, ਜਿਸ ਵਿਚ ਉਨ੍ਹਾਂ ਨੇ ਡੇਰੇ ਨਾਲ ਸਬੰਧਤ ਕਈ ਗੱਲਾਂ ਨੂੰ ਮੰਨਿਆ ਸੀ। ਇਸ ਤੋਂ ਇਲਾਵਾ ਡੇਰਾ ਸੱਚਾ ਸੌਦਾ ਸਥਿਤ ਗਰਲਜ਼ ਕਾਲਜ ਦਾ ਨਕਸ਼ਾ, ਪਰਮਜੀਤ ਦਾ 164 ਦਾ ਬਿਆਨ, ਸਾਧਵੀ ਸਰਜੀਵਨ ਦਾ 164 ਦਾ ਬਿਆਨ, ਡੇਰਾ ਮੁਖੀ ਦੇ ਡਰਾਈਵਰ ਖੱਟਾ ਸਿੰਘ ਦਾ 164 ਦਾ ਬਿਆਨ ਤੇ ਡੇਰਾ ਛੱਡਣ ਵਾਲੀਆਂ ਸਾਧਵੀਆਂ ਦੀ ਸੂਚੀ ਵੀ ਚਾਰਜਸ਼ੀਟ ਵਿਚ ਸ਼ਾਮਲ ਕੀਤੀ ਗਈ। 
ਸੀ. ਬੀ. ਆਈ. ਦੀ ਜਾਂਚ ਵਿਚ ਮਿਲੇ ਪੁਖਤਾ ਸਬੂਤਾਂ ਤੇ ਤੱਥਾਂ ਨੂੰ ਅਦਾਲਤ ਦੇ ਸਾਹਮਣੇ ਰੱਖਿਆ ਜਾ ਚੁੱਕਿਆ ਹੈ। ਅਦਾਲਤ ਵਿਚ ਸਾਧਵੀਆਂ ਦੇ ਬਿਆਨ ਹੋਏ ਹਨ। ਸਾਨੂੰ ਭਰੋਸਾ ਹੈ ਕਿ ਸਬੂਤਾਂ ਤੇ ਗਵਾਹਾਂ ਦੇ ਬਿਆਨਾਂ ਦੇ ਆਧਾਰ 'ਤੇ ਸਾਧਵੀਆਂ ਨੂੰ ਨਿਆਂ ਮਿਲੇਗਾ। 
-ਐੱਚ. ਪੀ. ਐੱਸ. ਵਰਮਾ, ਸੀ. ਬੀ. ਆਈ. ਵਕੀਲ। (Friday 25th August 2017 at 1:51 PM)

Thursday, February 09, 2017

ਡੇਰੇ ਦਾ ਸਮੱਰਥਨ ਹੀ ਸ਼੍ਰੋਮਣੀ ਅਕਾਲੀ ਦਲ ਨੂੰ ਸ਼ਰਮਨਾਕ ਹਾਰ ਤੋਂ ਬਚਾਏਗਾ

ਬਿਨ ਮੰਗਿਆਂ ਕੁਝ ਨਹੀਂ ਮਿਲਦਾ: ਰਾਮ ਸਿੰਘ
ਚੰਡੀਗੜ੍ਹ: 8 ਫਰਵਰੀ 2017: (ਪੰਜਾਬ ਸਕਰੀਨ ਬਿਊਰੋ): 
ਸਿਆਸੀ ਲਾਭ ਲਈ ਧਰਮ ਦੀ ਦੁਰਵਰਤੋਂ ਦੇ ਨਤੀਜੇ ਲਗਾਤਾਰ ਸਾਹਮਣੇ ਆ ਰਹੇ ਹਨ। ਇਸਦੇ ਬਾਵਜੂਦ ਸਿਆਸਤ ਅਤੇ ਧਰਮ ਦਾ ਗੈਰ ਸਿਧਾਂਤਕ ਗਠਜੋੜ ਜਾਰੀ ਹੈ। ਡੇਰਾ ਸੱਚਾ ਸੌਦਾ ਸਿਰਸਾ ਦੀ ਹਮਾਇਤ ਦੇ ਮਾਮਲੇ ਵਿੱਚ ਵੋਟਾਂ ਪੈਣ ਦਾ ਕੰਮ ਪੁੱਗਣ ਮਗਰੋਂ ਬਣਾਈ ਗਈ ਜਾਂਚ ਕਮੇਟੀ ਸ਼ਾਇਦ ਇੱਕ ਡਰਾਮੇ ਤੋਂ ਵੱਧ ਕੁਝ ਨਹੀਂ। ਇਸੇ ਦੌਰਾਨ ਡੇਰੇ ਦੇ ਸਿਆਸੀ ਵਿੰਗ ਨੇ ਆਪਣੀ ਸਥਿਤੀ ਅਤੇ ਸਟੈਂਡ ਸਪਸ਼ਟ ਕਰਦਿਆਂ ਉਹਨਾਂ ਲੋਕਾਂ ਨੂੰ ਸੰਕਟ ਵਿੱਚ ਪਾ ਦਿੱਤਾ ਹੈ ਜਿਹੜੇ ਆਪਣੇ ਆਪ ਨੂੰ ਪਥਨਕ ਅਖਵਾਉਂਦੇ ਨਹੀਂ ਥੱਕਦੇ।  
ਵਿਧਾਨ ਸਭਾ ਚੋਣਾਂ ਵਿੱਚ ਡੇਰਾ ਸੱਚਾ ਸੌਦਾ ਸਿਰਸਾ ਦਾ ਸਮੱਰਥਨ ਲੈਣ ਦੇ ਮਾਮਲੇ ਵਿੱਚ ਸ਼੍ਰੋਮਣੀ ਅਕਾਲੀ ਦਲ ਲਗਾਤਾਰ ਘਿਰਦਾ ਜਾ ਰਿਹਾ ਹੈ। ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਬਾਦਲ ਤੇ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਦਾਅਵਾ ਕਰ ਰਹੇ ਹਨ ਕਿ ਉਨ੍ਹਾਂ ਡੇਰੇ ਤੋਂ ਕੋਈ ਹਮਾਇਤ ਨਹੀਂ ਮੰਗੀ ਸਗੋਂ ਡੇਰੇ ਨੇ ਖੁਦ ਹੀ ਹਮਾਇਤ ਕੀਤੀ ਹੈ। ਦੂਜੇ ਪਾਸੇ ਡੇਰੇ ਦੇ ਸਿਆਸੀ ਵਿੰਗ ਨੇ ਦਾਅਵਾ ਕੀਤਾ ਹੈ ਕਿ ਐਤਕੀਂ ਡੇਰੇ ਦਾ ਸਮੱਰਥਨ ਹੀ ਸ਼੍ਰੋਮਣੀ ਅਕਾਲੀ ਦਲ ਨੂੰ ਸ਼ਰਮਨਾਕ ਹਾਰ ਤੋਂ ਬਚਾਏਗਾ। ਉਨ੍ਹਾਂ ਇਹ ਵੀ ਕਿਹਾ ਹੈ ਕਿ ਅਕਾਲੀ ਦਲ ਦੇ ਮੰਗਣ 'ਤੇ ਹੀ ਹਮਾਇਤ ਕੀਤੀ ਗਈ ਹੈ। ਹੁਣ ਇਸ ਮਾਮਲੇ ਦੀ ਜਾਂਚ ਕਰ ਰਹੀ 3 ਮੈਂਬਰੀ ਕਮੇਟੀ 'ਤੇ ਹੀ ਸਭ ਦੀਆਂ ਨਜ਼ਰਾਂ ਹਨ। ਜ਼ਿਕਰਯੋਗ ਹੈ ਕਿ ਜਦੋਂ ਡੇਰੇ ਜਾਣ ਵਾਲੇ ਸਾਰੇ ਸਿੱਖ ਉਮੀਦਵਾਰਾਂ ਦਾ ਜ਼ਬਰਦਸਤ ਵਿਰੋਧ ਹੋ ਰਿਹਾ ਸੀ ਤਾਂ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਨੇ ਕਿਹਾ ਸੀ ਉਨ੍ਹਾਂ ਨੇ ਡੇਰਾ ਸਿਰਸਾ ਤੋਂ ਸਿਆਸੀ ਹਮਾਇਤ ਨਹੀਂ ਮੰਗੀ। ਬਾਦਲ ਦੇ ਇਸ ਬਿਆਨ ਤੋਂ ਬਾਅਦ ਡੇਰੇ ਦੇ ਸਿਆਸੀ ਵਿੰਗ ਨੇ ਬਾਦਲ ਦੇ ਹਮਾਇਤ ਨਾ ਮੰਗਣ ਵਾਲੇ ਬਿਆਨ ਨਾਲ ਅਸਹਿਮਤੀ ਜਤਾਈ ਹੈ। ਡੇਰੇ ਦੇ ਸਿਆਸੀ ਵਿੰਗ ਦੇ ਚੇਅਰਮੈਨ ਰਾਮ ਸਿੰਘ ਨੇ ਕਿਹਾ ਹੈ ਕਿ ਬਿਨਾਂ ਮੰਗਿਆਂ ਕੁਝ ਨਹੀਂ ਮਿਲਦਾ।ਰਾਮ ਸਿੰਘ ਨੇ ਬਠਿੰਡਾ ਵਿੱਚ ਗੱਲਬਾਤ ਦੌਰਾਨ ਦਾਅਵਾ ਕੀਤਾ ਕਿ ਪੰਜਾਬ ਚੋਣਾਂ ਵਿੱਚ ਡੇਰਾ ਸਿਰਸਾ ਦੇ ਪੈਰੋਕਾਰਾਂ ਨੇ ਡਟ ਕੇ ਸ਼੍ਰੋਮਣੀ ਅਕਾਲੀ ਦਲ ਦੇ ਉਮੀਦਵਾਰਾਂ ਦੀ ਹਮਾਇਤ ਵਿੱਚ ਵੋਟਾਂ ਪਾਈਆਂ ਹਨ।
ਇਨ੍ਹਾਂ ਵੋਟਾਂ ਕਰਕੇ ਹੀ ਅਕਾਲੀ ਦਲ ਦੇ ਉਮੀਦਵਾਰ ਨਮੋਸ਼ੀਜਨਕ ਹਾਰ ਤੋਂ ਬਚਣਗੇ।ਉਨ੍ਹਾਂ ਦਾਅਵਾ ਕੀਤਾ ਕਿ ਸਿਆਸੀ ਵਿੰਗ ਦੀ ਅਪੀਲ ਮਗਰੋਂ 80 ਫੀਸਦੀ ਡੇਰਾ ਪੈਰੋਕਾਰਾਂ ਨੇ ਅਕਾਲੀ ਉਮੀਦਵਾਰਾਂ ਨੂੰ ਵੋਟਾਂ ਪਾਈਆਂ ਹਨ। ਉਨ੍ਹਾਂ ਅਕਾਲੀ ਦਲ ਤੋਂ ਇਲਾਵਾ ਕਾਂਗਰਸ ਅਤੇ ਆਪ ਉਮੀਦਵਾਰਾਂ ਵੱਲੋਂ ਡੇਰੇ ਤੋਂ ਹਮਾਇਤ ਮੰਗੇ ਜਾਣ ਦੀ ਗੱਲ ਕਬੂਲੀ, ਪਰ ਡੇਰੇ ਨੇ ਸਿਰਫ ਅਕਾਲੀ ਦਲ ਦੀ ਹਮਾਇਤ ਦਾ ਐਲਾਨ ਕੀਤਾ ਸੀ।

Tuesday, February 07, 2017

ਅੰਮ੍ਰਿਤਧਾਰੀ ਸਿੰਘ ਅਜੇਹੀਆਂ ਕਮੀਨੀਆਂ ਹਰਕਤਾਂ ਕਦੀ ਨਹੀਂ ਕਰ ਸਕਦੇ

Tue, Feb 7, 2017 at 7:47 PM
ਸੰਪਰਦਾਇਕ ਮਰਿਯਾਦਾ ਦਾ ਮੁੱਦਾ ਤੇਲ ਦੇ ਕੜਾਹੇ ਵਿਚ ਉਬਲਿਆ
ਦੋ ਗ੍ਰੰਥਾਂ ਦੇ ਪ੍ਰਕਾਸ਼ ਦਾ ਅੜਿੱਕਾ ਜਾਰੀ
ਇੱਕ ਹੋਰ ਸਿਰਦਰਦੀ ਖੜ੍ਹੀ ਹੋ ਗਈ
ਯੂ ਕੇ ਵਿਚ ਪਿਛਲੇ ਕੁਝ ਅਰਸੇ ਤੋਂ ਪੰਥਕ ਰਹਿਤ ਮਰਿਯਾਦਾ ਤੇ ਵੱਖ ਵੱਖ ਪੱਖੋਂ ਹਮਲੇ ਹੋ ਰਹੇ ਹਨ। ਪੰਥ ਦਰਦੀਆਂ ਨੂੰ ਜਾਣਕਾਰੀ ਹੋਵੇਗੀ ਕਿ ਪੰਥਕ ਸਿੱਖ ਰਹਿਤ ਸਬੰਧੀ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਬਰਾਬਰ ਦਸਮ ਗ੍ਰੰਥ ਦੇ ਪ੍ਰਕਾਸ਼ ਸਬੰਧੀ ਪਿਛਲੀ ਦਿਨੀਂ ਟੀ ਵੀ ਤੇ ਬਹੁਤ ਪ੍ਰਚਾਰ ਕੀਤਾ ਗਿਆ। ਹੁਣ ਜਦ ਕਿ ਸੰਗਤ ਇਸ ਮੁੱਦੇ ਸਬੰਧੀ ਚੇਤੰਨ ਹੋ ਗਈ ਤਾਂ ਰਾਗ ਮਾਲਾ ਦਾ ਮੁੱਦਾ ਚੁੱਕ ਲਿਆ ਗਿਆ ਹੈ। ਇਤਹਾਸ ਗਵਾਹ ਹੈ ਕਿ ਜਦੋਂ ਤੋਂ ਸਿੱਖ ਰਹਿਤ ਮਰਿਯਾਦਾ ਹੋਂਦ ਵਿਚ ਆਈ ਹੈ, ਅੱਜ ਵਰਗਾ ਵਾਦ  ਵਿਵਾਦ ਕਦੀ ਵੀ ਨਹੀਂ ਸੀ ਹੋਇਆ। ਅਨੇਕਾਂ ਸੰਪਰਦਾਵਾਂ ਅਤੇ ਨਿਹੰਗਾਂ ਦੀਆਂ ਛਾਉਣੀਆਂ ਵਿਚ ਆਪੋ ਆਪਣੀ ਮਰਿਯਾਦਾ ਹੋਣ ਦੇ ਬਾਵਜੂਦ ਵੀ ਉਹਨਾ ਨੇ ਬਾਕੀ ਪੰਥ ਤੇ ਆਪਣੀ ਮਰਿਯਾਦਾ ਠੋਸਣ ਦੀ ਰੁਚੀ ਕਦੀ ਵੀ ਨਹੀਂ ਸੀ ਵਿਖਾਈ। ਪਰ ਹੁਣ ਸੰਪਰਦਾਇਕ ਧੌਂਸ ਜਾਂ ਪੰਥ ਵਿਰੋਧੀ ਏਜੰਡੇ ਤਹਿਤ  ਸੰਗਤ ਦੇ ਗੁਰਦੁਆਰਿਆਂ ਵਿਚ ਵੱਖ ਵੱਖ ਸੰਪਰਦਾਵਾਂ ਆਪੋ ਆਪਣੇ ਏਜੰਡੇ ਤੇ ਕੰਮ ਕਰ ਰਹੀਆਂ ਸਨ।
ਐਸਾ ਹੀ ਇੱਕ ਮਾਮਲਾ ਯੂ ਕੇ ਦੇ ਇੱਕ ਬਾਬੇ ਨੇ ਅਚਾਨਕ ਹੀ ਭਖਾ ਦਿੱਤਾ। ਜਿਸ ਕਥਾ ਕਾਰਨ ਮਾਮਲਾ ਭਖਿਆ ਉਸ ਵਿਚ ਬਾਬੇ ਨੇ ਕਿਹਾ ਸੀ ਕੀ ਉਹ ਇੱਕ ਅਖੰਡ ਕੀਰਤਨੀ ਪਰਿਵਾਰ ਦੇ ਘਰ ਗਏ ਤਾਂ ਪਤਾ ਲੱਗਾ ਕਿ ਪਰਿਵਾਰ ਦਾ ਮਨ ਨਹੀਂ ਟਿਕਦਾ ਤਾਂ ਪਤਾ ਲੱਗਾ ਕਿ ਪਰਿਵਾਰ ਰਾਗ ਮਾਲਾ ਨਹੀਂ ਪੜ੍ਹਦਾ ਇਸ ਕਰਕੇ ਘਰ ਵਿਚ ਭੂਤਾਂ ਦਾ ਪਹਿਰਾ ਹੈ। ਇਸ ਸਬੰਧੀ ਅਖੰਡ ਕੀਰਤਨੀ ਜਥੇ ਦੇ ਸਿੰਘ ਜਦੋਂ ਬਾਬੇ ਨਾਲ ਗੱਲ ਕਰਨ ਗਏ ਕਿ ਪੰਥਕ ਮਰਿਯਾਦਾ ਵਿਚ ਰਾਗ ਮਾਲਾ ਪੜ੍ਹਨ ਦੀ ਛੋਟ ਹੈ ਤਾਂ ਬਾਬਾ ਜੀ ਨਰਾਜ਼ ਹੋ ਗਏ ਤੇ ਫਿਰ ਇੱਕ ਇਸ਼ਤਿਹਾਰ ਸੋਸ਼ਲ ਸਾਈਟਾਂ ਤੇ ਪੜ੍ਹਨ ਨੂੰ ਮਿਲਿਆ ਕਿ ਬਾਬਾ ਜੀ ਤੇਲ ਦੇ ਉਬਲਦੇ ਕੜਾਹੇ ਵਿਚ ਬੈਠ ਕੇ ਇਹ ਸਾਬਤ ਕਰਨਗੇ ਕਿ ਰਾਗ ਮਾਲਾ ਬਾਣੀ ਹੈ ਤੇ ਉਹਨਾ ਦਾਅਵਾ ਕੀਤਾ ਕਿ ਇੰਝ ਕਰਨ ਨਾਲ ਉਹਨਾ ਦਾ ਸ਼ਰੀਰ ਨਹੀਂ ਸੜਨਾ। ਮਾਮਲਾ ਗਰਮ ਦੇਖ ਕੇ ਕਿਸੇ ਸ਼ਰਾਰਤੀ ਨੇ ਇੱਕ ਹੋਰ ਪੋਸਟ ਸੋਸ਼ਲ ਸਾਈਟਾਂ ਤੇ ਪਾਈ ਕਿ ਅਖੰਡ ਕੀਰਤਨੀ ਜਥੇ ਦੇ ਸਿੰਘ ਅਤੇ ਪੰਥ ਪ੍ਰਵਾਣਤ ਸਿੱਖ ਰਹਿਤ ਮਰਿਯਾਦਾ ਤੇ ਪਹਿਰਾ ਦੇ ਰਹੇ ਸਿੰਘ ਇਸ ਬਾਬੇ ਦੀ ਕਰਾਮਾਤ ਦੇ ਖਿਲਾਫ ਡਰਬੀ ਗੁਰਦਵਾਰੇ ਦੀਆਂ ਛੱਤਾਂ ਤੇ ਚੜ੍ਹ ਕੇ ਛਾਲਾਂ ਮਾਰ ਦੇਣਗੇ। ਸਾਡੀ ਆਪਣੀ ਸੋਚ ਮੁਤਾਬਕ ਗੁਰੂ ਦੇ ਅੰਮ੍ਰਿਤਧਾਰੀ ਸਿੰਘ ਅਜੇਹੀਆਂ ਕਮੀਨੀਆਂ ਹਰਕਤਾਂ ਕਦੀ ਨਹੀਂ ਕਰ ਸਕਦੇ ਇਹ ਜਰੂਰ ਕਿਸੇ ਤੀਸਰੀ ਧਿਰ ਦੀ ਸਾਜਸ਼ ਹੈ ਜੋ ਕਿ ਸਿੱਖਾਂ ਨੂੰ  ਰਹਿਤ ਮਰਿਯਾਦਾ ਦੇ ਮੁੱਦੇ ਤੇ ਇੱਕ ਦੂਜੇ ਦੇ ਗਲ ਪਾਉਣ ਦਾ ਕੰਮ ਕਰ ਰਹੀ ਹੈ।
ਜਿਥੋਂ ਤਕ ਰਾਗਮਾਲਾ ਦਾ ਸਬੰਧ ਹੈ ਇਹ ਗੁਰੂ ਗ੍ਰੰਥ ਸਾਹਿਬ ਦੇ ਅਖੀਰਲੇ ਪੰਨੇ ਤੇ ਅੰਕਤ ਹੈ। ਵਿਦਵਾਨਾਂ ਦੀ ਖੋਜ ਮੁਤਾਬਕ ਰਾਗ ਮਾਲਾ ਅਕਬਰ ਦਾਸਸ਼ਾਹ ਦੇ ਮੁਸਲਮਾਨ ਦਰਬਾਰੀ ਕਵੀ ‘ਆਲਮ’ ਦੀ ਰਚਨਾ ਹੈ ਜੋ ਕਿ ਸੰਨ 1553 ਵਿਚ ਲਿਖੀ ਗਈ ਜਿਸ ਦੇ 353 ਛੰਦ ਹਨ। ਇਸ ਰਚਨਾ ਦੇ ਛੰਦ ਨੰਬਰ 63 ਤੋਂ 72 ਤਕ ਦਾ ਕੁਝ ਹਿੱਸਾ ਗੁਰੂ ਗ੍ਰੰਥ ਸਾਹਿਬ ਵਿਚ ਦਰਜ ਹੈ। ਇਸ ਸਬੰਧੀ ਸ਼੍ਰੋਮਣੀ ਕਮੇਟੀ ਨੇ ਇੱਕ ਖੋਜ ਭਰਪੂਰ ਪੁਸਤਕ ‘ਰਾਗ ਮਾਲਾ ਨਿਰਣਯ’ ਰਚਿਤ ਸ਼ਮਸ਼ੇਰ ਸਿੰਘ ਅਸ਼ੋਕ ਪ੍ਰਕਾਸ਼ਤ ਕੀਤੀ ਸੀ ਜਿਸ ਵਿਚ ਰਾਗ ਮਾਲਾ ਦੇ ਸਰੋਤ ਬਾਰੇ ਦੱਸਿਆ ਗਿਆ । ਪਰ ਕਿਓਂਕਿ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਬਹੁਤੇ ਸਰੂਪਾਂ ਵਿਚ ਰਾਗ ਮਾਲਾ ਦਰਜ ਹੈ ਇਸ ਕਰਕੇ ਇਸ ਦੇ ਹੱਕ ਵਿਚ ਖੜ੍ਹਾ ਧੜਾ ਇਸੇ ਦਲੀਲ ਤੇ ਰਾਗ ਮਾਲਾ ਨੂੰ ਗੁਰਬਾਣੀ ਪ੍ਰਚਾਰਦਾ ਹੈ। ਪੰਥ ਵਿਚ ਇਸ ਸਬੰਧੀ ਸਥਾਨਕ ਰੀਤੀ ਅਨੁਸਾਰ ਰਾਗ ਮਾਲਾ ਪੜ੍ਹਨ ਜਾਂ ਨਾ ਪੜ੍ਹਨ ਦੀ ਛੋਟ ਦਿੱਤੀ ਹੋਈ ਹੈ। ਰਾਗ ਮਾਲਾ ਦੇ ਸਬੰਧ ਵਿਚ ਇਹ ਗੱਲ ਨੋਟ ਕਰਨ ਵਾਲੀ ਹੈ ਕਿ ਦਮਦਮੀ ਟਕਸਾਲ ਦੇ ਸੰਤ ਗੁਰਬਚਨ ਸਿੰਘ ਦੇ ਸਮੇਂ ਵਿਚ ਰਾਗ ਮਾਲਾ ਸਬੰਧੀ ਵਿਤਕਰਾ ਹੋਣ ਦੇ ਬਾਵਜੂਦ ਵੀ ਅਖੰਡ ਕੀਰਤਨੀ ਜਥੇ ਅਤੇ ਟਕਸਾਲ ਦੇ ਸਿੰਘਾਂ ਦਾ ਬਹੁਤ ਪਿਆਰ ਸੀ। ਸੰਤ ਜਰਨੈਲ ਸਿੰਘ ਭਿੰਡਰਾਂਵਾਲੇ ਖੁਦ ਰਾਗਮਾਲਾ ਦੇ ਹੱਕ ਵਿਚ ਹੋਣ ਦੇ ਬਾਵਜੂਦ ਵੀ ਮਰਿਯਾਦਾ ਦੇ ਸਬੰਧ ਵਿਚ ਉਹ ਹਮੇਸ਼ਾਂ ਪੰਥ ਦੀ ਤਾਬਿਆ ਰਹੇ ਅਤੇ ਜਦੋਂ ਮਰਿਯਾਦਾ ਦੇ ਉਲਟ ਉਹਨਾ ਦੇ ਭਤੀਜੇ ਨੇ ਸ੍ਰੀ ਅਕਾਲ ਤਖਤ ਸਾਹਿਬ ਤੇ ਰਾਗ ਮਾਲਾ ਪੜ੍ਹੀ ਤਾਂ ਸੰਤਾਂ ਨੇ ਉਸ ਨੂੰ ਸਜ਼ਾ ਦਿੱਤੀ ਸੀ। ਪਰ ਹੁਣ ਇਹ ਮੁੱਦਾ ਗੁਰਬਾਣੀ ਦੇ ਬਹਾਨੇ ਆਪਣੀ ਧੌਂਸ ਲਈ ਲੜਨ ਦਾ ਬਣ ਗਿਆ ਹੈ। ਬਾਬਾ ਦਾਦੂਵਾਲ ਨੇ ਇਸ ਸਬੰਧੀ ਬਿਆਨ ਰਿਕਾਰਡ ਕਰਵਾਇਆ ਹੈ ਕਿ ਪੰਥਕ ਰਹਿਤ ਮਰਿਯਾਦਾ ਸਬੰਧੀ ਰਾਗ ਮਾਲਾ ਦੀ ਛੋਟ ਹੈ ਅਤੇ ਇਸ ਮਸਲੇ ਨੂੰ ਉਛਾਲਣ ਵਾਲੇ ਜੇ ਨਾ ਬਾਜ ਆਏ ਤਾਂ ਇਹ ਮਾਮਲਾ ਸ੍ਰੀ ਆਕਲ ਤਖਤ ਸੇ ਸਪੁਰਦ ਕੀਤਾ ਜਾਵੇਗਾ ਜਿਥੇ ਕਿ ਪੰਥ ਪ੍ਰਵਾਣਤ ਰਹਿਤ ਮਰਿਯਾਦਾ ਮੁਤਾਬਕ ਫੈਸਲਾ ਕੀਤਾ ਜਾਵੇਗਾ।
ਯੂ ਕੇ ਵਿਚ ਅਖੰਡ ਕੀਰਤਨੀ ਜਥੇ ਦੇ ਸਿੰਘ ਅਤੇ ਪੰਥਕ ਵਿਦਵਾਨ ਵਿਚਾਰ ਗੋਸ਼ਟੀ ਰਾਹੀਂ ਪੰਥ ਪ੍ਰਵਾਣਤ ਸਿੱਖ ਰਹਿਤ ਮਰਿਯਾਦਾ ਸਬੰਧੀ ਸੰਗਤਾਂ ਨੂੰ ਲਾਮ ਬੰਦ ਕਰ ਰਹੇ ਹਨ ਜਦ ਕਿ ਪੰਥਕ ਰਹਿਤ ਮਰਿਯਾਦਾ ਦੀ ਥਾਂ ਆਪਣੀ ਸੰਪਰਦਾ ਦੀ ਮਰਿਯਾਦਾ ਸਥਾਪਤ ਕਰਨ ਵਾਲੇ ਆਪੋ ਆਪਣੇ ਤਰੀਕਿਆਂ ਨਾਲ ਇਸ ਦਾ ਵਿਰੋਧ ਕਰ ਰਹੇ ਹਨ । ਸੰਪਰਦਾਇਕ ਮਰਿਯਾਦਾ ਦੇ ਹਾਮੀ ਇਹ ਦਲੀਲ ਦਿੰਦੇ ਹਨ ਕਿ ਕਿਓਂਕਿ ਭਾਈ ਰਣਧੀਰ ਸਿੰਘ ਅਤੇ ਸੰਤ ਜਰਨੈਲ ਸਿੰਘ ਭਿੰਡਰਾਂ ਵਾਲੇ ਦਸਮ ਦਾ ਪਾਠ ਕਰਦੇ ਸਨ ਇਸ ਕਰਕੇ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਬਰਾਬਰ ਦਸਮ ਦਾ ਪ੍ਰਕਾਸ਼ ਜਰੂਰੀ ਹੈ ਜਦ ਕਿ ਭਾਈ ਸਾਹਿਬ ਜਾਂ ਸੰਤਾਂ ਨੇ ਕਦੀ ਵੀ ਆਪੋ ਆਪਣੇ ਜਥਿਆਂ ਦੀ ਮਰਿਯਾਦਾ ਨੂੰ ਪੰਥ ਤੇ ਨਹੀਂ ਸੀ ਥੋਪਿਆ। ਅਸੀਂ ਸੰਗਤਾਂ ਨੂੰ ਚੇਤੰਨ ਕੀਤਾ ਸੀ ਕਿ ਜੇਕਰ ਗੁਰਦੁਆਰਾ ਕਮੇਟੀਆਂ ਪੰਥਕ ਰਹਿਤ ਮਰਿਯਾਦਾ ਦੇ ਮੁੱਦੇ ਤੇ ਇੱਕ ਮੁੱਠ ਅਤੇ ਇੱਕ ਜੁੱਟ ਨਾ ਹੋਈਆਂ ਤਾ ਆਉਣ ਵਾਲੇ ਦਿਨਾਂ ਵਿਚ ਗੁਰਦਵਾਰਿਆਂ ਦਾ ਮਹੌਲ ਵਿਗੜਨ ਦੇ ਆਸਾਰ ਹਨ। ਫੈਸਲਾ ਪੰਥ ਨੇ ਕਰਨਾ ਹੈ। 
ਅਕਾਲੀਆਂ ਨੇ ਜਾਂਦੇ ਜਾਂਦੇ ਕੜੀ ਘੋਲ ਦਿੱਤੀ: ਬਿੱਲੀ ਥੈਲਿਓਂ ਬਾਹਰ
ਕੁਰਸੀ ਦਾ ਜਾਦੂ ਜਦੋਂ ਸਿਰ ਚੜ੍ਹ ਕੇ ਬੋਲਦਾ ਹੈ ਤਾਂ ਇਹ ਬੰਦੇ ਦੀ ਮੱਤ ਮਾਰ ਦਿੰਦਾ ਹੈ। ਐਸਾ ਹੀ ਪ੍ਰਦਰਸ਼ਨ ਹੋਇਆ ਸਾਬੋ ਕੀ ਤਲਵੰਡੀ ਤੋਂ ਅਕਾਲੀਆਂ ਦੇ ਉਮੀਦਵਾਰ ਜੀਤ ਮੁਹਿੰਦਰ ਸਿੱਧੂ ਦੇ ਉਸ ਲੈਕਚਰ ਦਰਮਿਆਨ ਜਦ ਉਸ ਨੇ ਏਥੋਂ ਤਕ ਕਹਿ ਦਿੱਤਾ ਕਿ ਉਹ ਵਾਅਦਾ ਕਰਦਾ ਹੈ ਕਿ ਜੇਕਰ ਡੇਰੇ ਵਾਲੇ ਉਸ ਨੂੰ ਵੋਟਾਂ ਦੇਣ ਤਾਂ ਉਹ ਉਹਨਾ ਦਾ ਨਾਮ ਚਰਚਾ ਪੰਜਾਬ ਵਿਚ ਕਰਵਾਏਗਾ। ਉਸ ਦੇ ਇਸ ਬਿਆਨ ਤੇ ਡੇਰੇ ਦੇ ਪ੍ਰੇਮੀਆਂ ਨੇ ਤਾੜੀਆਂ ਮਾਰੀਆਂ ਤੇ ਹੂਟਿੰਗ ਵੀ ਕੀਤੀ। ਸੋ ਇਹ ਉਹੀ ਡੇਰਾ ਹੈ ਜਿਸ ਦੇ ਮੁਖੀ ਗੁਰਮੀਤ ਰਾਮ ਰਹੀਮ ਸਿੰਘ ਨੇ ਦਸਮ ਪਾਤਸ਼ਾਹ ਦੀ ਨਕਲ ਕਰਕੇ ਪੰਥ ਵਿਚ ਇੱਕ ਐਸੀ ਅੱਗ ਬਾਲ ਦਿੱਤੀ ਜਿਸ ਵਿਚ ਕਈ ਸ਼ਹੀਦੀਆਂ ਹੋਈਆਂ ਅਤੇ ਸੌ ਤੋਂ ਵੱਧ ਗੁਰੂ ਗ੍ਰੰਥ ਸਾਹਿਬ ਜੀ ਦੀਆਂ ਬੇਅਦਬੀ ਦੀਆਂ ਘਟਨਾਵਾਂ ਹੋਈਆਂ। ਇਹ ਡੇਰਾ ਹੁਣ ਖੁਲ੍ਹ ਕੇ ਬਾਦਲਾਂ ਦੀ ਹਿਮਾਇਤ ਤੇ ਆ ਖੜ੍ਹਾ ਹੋਇਆ ਹੈ ਅਤੇ ਹੁਣ ਚੋਣਾਂ ਦੇ ਨਤੀਜਿਆਂ ਮਗਰੋਂ ਹੀ ਪਤਾ ਲੱਗੇਗਾ ਕਿ ਪੰਜਾਬ ਦੇ ਲੋਕਾਂ ਨੇ ਏਨੇ ਵੱਡੇ ਅਨਰਥ ਖਿਲਾਫ ਆਪਣਾ ਮਤ ਦਿੱਤਾ ਹੈ ਜਾਂ ਕਿ ਧਰਮ ਦਾ ਮੁੱਦਾ ਹੁਣ ਉਹਨਾ ਲਈ ਕੋਈ ਮਹੱਤਵ ਨਹੀਂ ਰੱਖਦਾ।
ਇਸ ਧਾਰਮਕ ਅਨਰਥ ਸਬੰਧੀ ਜਥੇਦਾਰ ਗੁਰਮੁਖ ਸਿੰਘ ਦਮਦਮਾ ਸਾਹਿਬ ਦੇ ਬਿਆਨ ਪੜ੍ਹਨ ਨੂੰ ਮਿਲੇ ਹਨ। ਉਹਨਾ ਕਿਹਾ ਕਿ ਬਾਦਲਾਂ ਨੇ ਪੰਥਕ ਰਵਾਇਤ ਨੂੰ ਖਤਮ ਕਰ ਦਿੱਤਾ ਹੈ। ਇਹ ਵੀ ਕਿਹਾ ਕਿ ਸੌਦੇ ਦੇ ਪ੍ਰੇਮੀਆਂ ਨੇ ਬਾਦਲਾਂ ਨੂੰ ਵੋਟ ਤਾਂ ਨਹੀਂ ਪਉਣੀ ਪਰ ਹਮਾਇਤ ਦਾ ਐਲਾਨ ਕਰਕੇ ਉਹ ਅਕਾਲੀਆਂ ਨੂੰ ਖਤਮ ਕਰਨ ਦੀ ਸਾਜਿਸ਼ ਨੂੰ ਸਰਅੰਜਾਮ ਦੇ ਰਹੇ ਹਨ। ਜਥੇਦਾਰ ਜੀ ਨੇ ਇਹ ਮੁੱਦਾ ਅਕਾਲ ਤਖਤ ਤੇ ਚੁੱਕਣ ਦੀ ਗੱਲ ਵੀ ਕੀਤੀ ਹੈ ਪਰ ਦੇਖਣਾ ਇਹ ਹੈ ਕਿ ਬਦਲੇ ਹੋਏ ਹਾਲਾਤਾਂ ਵਿਚ ਜਥੇਦਾਰ ਜੀ ਆਪਣੇ ਪੈਂਤੜੇ ਤੇ ਖਰੇ ਉਤਰਦੇ ਵੀ ਹਨ ਜਾਂ ਨਹੀਂ। ਜਥੇਦਾਰ ਜੀ ਤੋਂ ਅਗਲਾ ਨਾਮ ਭਾਈ ਕਮਲਜੀਤ ਸਿੰਘ ਵਨਚਿੜੀ ਦਮਦਮੀ ਟਕਸਾਲ ਵਾਲਿਆਂ ਦੇ ਬਿਆਨ ਸੁਣਨ ਨੂੰ ਮਿਲੇ ਹਨ ਜਿਹਨਾ ਨੇ ਅਕਾਲੀਆਂ ਨੂੰ ਕਰਤੂਤ ਪਸ਼ੂ ਕੀ ਮਾਨਸ ਜਾਤ ਕਹਿ ਕੇ ਝਾੜ ਪਾਈ ਹੈ। ਉਹਨਾਂ ਨੇ ਟਕਸਾਲੀ ਆਗੂਆਂ ਨੂੰ ਵੀ ਕਿਹਾ ਹੈ ਕਿ ਉਹ ਕੀ ਸੋਚ ਕੇ ਬਾਦਲਾਂ ਦਾ ਸਮਰਥਨ ਕਰ ਰਹੇ ਹਨ ਜੋ ਕਿ ਸਿੰਘਾਂ ਨੂੰ ਅੱਤਵਾਦੀ ਵੀ ਕਹਿੰਦੇ ਹਨ ਅਤੇ ਯਾਦਗਾਰਾਂ ਵੀ ਬਣਾ ਰਹੇ ਹਨ। ਭਾਈ ਵਨਚਿੜੀ ਨੇ ਜਥੇਦਾਰ ਸ੍ਰੀ ਅਕਾਲ ਤਖਤ ਸਬੰਧੀ ਵੀ ਇਤਰਾਜ਼ ਕੀਤਾ ਹੈ ਕਿ ਹੁਣ ਉਸ ਦੀ ਜੁਬਾਨ ਨੂੰ ਕੀ ਤੋਤਲਾ ਪੈ ਗਿਆ ਹੈ? ਉਹ ਲੋਕ ਜੋ ਕਿ ਆਏ ਦਿਨ ਪੰਥਕ ਰਹਿਤ ਮਰਿਯਾਦਾ ਸਬੰਧੀ ਟਿੰਡ ਵਿਚ ਕਾਨਾ ਪਾਈ ਰੱਖਦੇ ਹਨ ਉਹਨਾ ਦੀ ਜ਼ੁਬਾਨ ਇਹ ਸਭ ਅਨਰਥ ਦੇਖ ਕੇ ਤਾਲੂ ਨਾਲ ਲੱਗੀ ਹੋਈੌ ਹੈ। ਡੇਰਾ ਸਿਰਸਾ ਸਬੰਧੀ ਸ੍ਰੀ ਅਕਾਲ ਤਖਤ ਸਾਹਿਬ ਤੋਂ ਜਾਰੀ ਹੁਕਮਨਾਮੇ ਦੀ ਉਲੰਘਣਾਂ ਕਰਨ ਵਾਲੇ ਅਕਾਲੀਆਂ ਖਿਲਾਫ ਜਾਂਚ ਕਰਨ ਲਈ ਪ੍ਰੋ: ਬਡੂੰਗਰ ਨੇ ਤਿੰਨ ਮੈਂਬਰੀ ਕਮੇਟੀ ਦਾ ਗਠਨ ਕੀਤਾ ਹੈ ਪਰ ਇਸ ਨੂੰ ਈਦੋਂ ਬਾਅਦ ਤੰਬਾ ਫੂਕਣ ਵਾਲੀ ਗੱਲ ਕਿਹਾ ਗਿਆ ਹੈ। ਚੇਤੇ ਰਹੇ ਕਿ ਜੀਤ ਮੁਹਿੰਦਰ ਸਿੱਧੂ ਨਾਲ ਇਸ ਸਟੇਜ ਤੇ ਬਠਿੰਡਾ ਅਤੇ ਮਾਨਸਾ ਹਲਕਿਆਂ ਦੇ 9 ਉਮੀਦਵਾਰ ਵੀ ਹਾਜ਼ਰ ਸਨ।
ਕੁਝ ਝੜਪਾਂ ਮਗਰੋਂ ਚੋਣਾ ਖਤਮ
ਪੰਜਾਬ ਵਿਧਾਨ ਸਾਹਿਬ ਦੀਆਂ 2017 ਦੀਆਂ ਚੋਣਾਂ ਆਮ ਆਦਮੀ ਵਲੋਂ ਤੀਜੀ ਧਿਰ ਬਣਨ ਨਾਲ ਵੱਖਰੇ ਅੰਦਾਜ਼ ਵਿਚ ਸੰਪੂਰਨ ਹੋ ਗਈਆਂ । ਪੰਜਾਬ ਦੇ ਪੇਂਡੂ ਖੇਤਰਾਂ ਵਿਚ 90% ਮਤਦਾਨ ਹੋਇਆ ਜਦ ਕਿ ਸ਼ਹਿਰਾਂ ਵਿਚ 60 ਫੀ ਸਦੀ ਭੁਗਤਾਨ ਨਾਲ ਔਸਤ 78.6 ਦਾ ਮਤਦਾਨ ਹੋਇਆ। ਮਜੀਠਾ ਕਿੱਲਿਆਂ ਵਾਲੀ ਅਤੇ ਕੁਝ ਇੱਕ ਹੋਰ ਥਾਵਾਂ ਤੇ ਝੜਪਾਂ ਵੀ ਹੋਈਆਂ ਜਦ ਕਿ ਦੋ ਥਾਵਾਂ ਤੇ ਫਾਇਰਿੰਗ ਵੀ ਹੋਈ। ਸ੍ਰੀ ਅਕਾਲ ਤਖਤ ਦੇ ਜਥੇਦਾਰ ਵੋਟਾਂ ਮੁੱਕਣ ਮਗਰੋਂ ਮਸੀਂ ਹੀ ਲੱਭੇ ਅਤੇ ਉਹਨਾ ਨੇ ਮਲਵੀ ਜੀਭੇ ਡੇਰਾ ਸਿਰਸਾ ਜਾਣ ਵਾਲੇ ਅਕਾਲੀਆਂ ਵਿਰੁਧ ਕਾਰਵਾਈ ਦੀ ਗੱਲ ਕੀਤੀ। ਜਿਹਨਾ ਜ਼ਿਲਿਆਂ ਵਿਚ ਮਸ਼ੀਨਾਂ ਦੀ ਖਰਾਬੀ ਕਾਰਨ 9 ਫਰਵਰੀ ਨੂੰ ਦੁਬਾਰਾ ਚੋਣਾਂ ਹੋਣਗੀਆਂ ਉਹਨਾ ਵਿਚ ਅਮਮ੍ਰਤਸਰ, ਮਜੀਠਾ , ਮੋਗਾ, ਮੁਕਤਸਰ, ਸਰਦੂਲਗੜ੍ਹ ਅਤੇ ਸੰਗਰੂਰ ਦੇ ਨਾਮ ਸ਼ਾਮਲ ਹਨ।

Wednesday, August 17, 2016

ਅਖੇ ਡੇਰਿਆਂ ਤੇ ਨਾ ਜਾਉ.......ਕਿਉਂ ਨਾ ਜਾਣ ???

Sunday, Aug 14, 2016 at 4:43 PM
ਸਾਇਦ ਆਪਣੀ ਕਥਾ ਵਿੱਚ ਕਈ ਵਾਰ ਕੂਕਿਆ ਨੂੰ ਮਾੜਾ ਚੰਗਾ ਵੀ ਬੋਲਿਆ ਹੋਣਾ
ਕਿਉਂ ਨਾ ਜਾਣ ?? ਕਦੇ ਕਾਰਣ ਲੱਭਣ ਦੀ ਕੋਸਿਸ ਕੀਤੀ ????? ਅਕਸਰ ਜਦੋਂ ਵੀ ਅੱਜ ਕੱਲ ਕੋਈ ਕਥਾਵਾਚਕਾ, ਵਿਦਵਾਨਾ ਨੂੰ ਸੁਣਦਾ, ਸਭ ਦੀ ਇਹੀ ਰੱਟ ਲਾਈ ਹੁੰਦੀ ਹੈ ਕਿ ਸਾਡੇ ਲੋਕ ਡੇਰਿਆਂ ਤੇ ਜਾਂਦੇ ਆ,ਅਨਪੜ ਲੋਕ ,ਵਹਿਮਾ ਭਰਮਾਂ ਵਿੱਚ ਫਸੇ ਨੇ, ਸਮਾਧਾ ਤੇ ਜਾਂ ਕੇ ਪਾਠ ਕਰਦੇ ਨੇ, ਸਰਸੇ ਜਾਂਦੇ ਆ, ਨਾਮਧਾਰੀਆਂ ਦੇ ਜਾਂਦੇ ਆ, ਫੇਸਬੁੱਕੀ ਵਿਦਵਾਨ ਵੀ ਬਾਹਲੇ ਉੱਭਰੇ ਨੇ ਇਸ ਕੰਮ 'ਚ,,,,....ਮੈ ਸੋਚੀ ਜਾਵਾਂ ਵੀ ਯਰ ਇਹ ਲੋਕ ਪਾਗਲ ਤਾ ਨੀ ਹੋ ਸਕਦੇ ਜਿਹੜੇ ਜਾਂਦੇ ਨੇ ...ਅੈਡਾ ਡਮਾਕ ਵੀ ਕਿੱਦਾਂ ਹਿੱਲ ਜਾਂਦਾ ਹੋਣਾ ਵੀ ਪਤਾ ਨਾ ਲੱਗੇ ਬਾਬੇ ਬਲਾਤਕਾਰੀ ਨੇ ਫੇਰ ਵੀ ਭੱਜਦੇ ਨੇ....ਲੋਕ ਬੜੇ ਸਿਆਣੇ ਨੇ ...ਸਟੇਜਾ ਤੇ ਚਿੱਟੇ ਕੱਪੜੇ ਪਾ ਕੇ ਬਹਿ ਕੇ ਘੜੀ ਦੇਖ ਦੇਖ ਕੇ ਘੰਟੇ ਦੀ ਕਥਾਵਾ ਸੁਣਾਉਣ ਵਾਲਿਉ ਕਦੇ ਸਟੇਜ ਤੋਂ ਉੱਤਰ ਕੇ ਪੁੱਛ ਕੇ ਦੇਖੋ ਲੋਕਾ ਨੂੰ ਕਿ ਕਿਉਂ ਜਾਂਦੇ ਨੇ ਲੋਕ ਡੇਰਿਆਂ ਤੇ ...ਮੇਰੀ ਗੱਲ ਨੂੰ ਡੇਰਿਆ ਦੇ ਪੱਖ ਵਿੱਚ ਨਾ ਲੈਣਾ ਪਰ ਮੈ ਕਾਰਣ ਲੱਭਣ ਦੀ ਕੋਸਿਸ ਕੀਤੀ ਆ.......ਪਿਛਲੇ ਦਿਨੀ ਇੱਕ ਮਾਤਾ ਦਾ ਫੋਨ ਆਇਆ ਵੀ ਮੁੰਡੇ ਦੀਆ਼ ਕਿਡਨੀਆਂ ਖਰਾਬ ਹੋ ਗਈਆਂ ਸਾਡੀ ਮਦਦ ਕਰਿਉ ...ਜਦੋਂ ਮੈ ਸਿੱਧਵਾ ਬੇਟ ਕੋਲ ਪੈਂਦੇ ਪਿੰਡ ਗੋਰਸੀਅਾ਼ ਮੁਹੰਮਦ ਪਿੰਡ ਗਿਆ ਉਹਨਾਂ ਦੇ ਘਰ ...ਕੁਦਰਤੀ ਮੁੰਡਾ ਘਰੇ ਨੇ ..ਸਰਪੰਚ ਵੀ ਅਾ ਗਿਆ ਸੀ ਤੇ ਹੋਰ ਪੰਚਾਇਤ ਮੈਂਬਰ...ਮੈਂ ਮਾਤਾ ਨੂੰ ਕਿਹਾ ਕਿ ਮੁੰਡਾ ਕਿੱਥੇ ਆ ...ਕਹਿੰਦੀ ਪੁੱਤ ਉਹ ਤਾ ਸਰਸੇ ਗਿਆ ਹੋਇਆ ...ਮੈ ਕਿਹਾ ਮਾਤਾ ਕੋਈ ਰਿਸਤੇਦਾਰੀ ਆ ? ,,ਕਹਿੰਦੀ ਨਹੀ ਪੁੱਤ ਸਰਸੇ ਆਲੇ ਬਾਬੇ ਕੋਲ ਗਿਆ .ਸੁਣਿਆ ਕਹਿੰਦੇ ਇਲਾਜ ਕਰਾ ਦਿੰਦਾ ...ਕੁੱਝ ਦਿਨਾ ਬਾਅਦ ਫੋਨ ਕੀਤਾ ਮਾਤਾ ਕਹਿੰਦੀ ਸਾਡੇ ਇਲਾਜ ਲਈ ਸਰਸੇ ਆਲੇ ਮਹਾਰਾਜ ਨੇ ਜੁੰਮੇਦਾਰੀ ਲੈ ਲਈ ...ਸਾਡੀ ਟੈਨਸਨ ਮੁੱਕੀ ...ਅਸੀ ਦਰ ਦਰ ਧੱਕੇ ਖਾਂਦੇ ਸੀ ਹੁਣ ਉਹੀ ਲਾਉ ਜਿਹੜੇ 10-15 ਲੱਖ ਲੱਗਣਗੇ .....ਦੱਸੋ ਅਗਲੇ ਸਰਸੇ ਕਿਉ ਨਾ ਜਾਣ ????
ਦੂਸਰੀ ਗੱਲ ਮੈ ਇਸਾਈ ਵੀਰਾ ਦੀ ਦੱਸਦਾ ਕਿਉਂਕਿ ਸੀ.ਅੈਮ.ਸੀ. ਜਦੋਂ ਜਾਨੇ ਆ ਤਾ ਪਾਸਟਰ ਮਿਲਦੇ ਰਹਿੰਦੇ ਨੇ ...ਅਗਲਿਆ ਨੇ ਡਿਊਟੀਆਂ ਲਾਈਆਂ ਹੋਈਆਂ ਸਲੱਮ ਏਰੀਏ ਚੋ ਗਰੀਬ ਲੋਕਾਂ ਦੀ ਮਦਦ ਕਰਨ ਵਾਸਤੇ ..ਇਲਾਜ ਕਰਾਉਣ ਤੋਂ ਪਹਿਲਾਂ ਕਹਿੰਦੇ ਨੇ ਜੇ ਇਸਾਈ ਬਣ ਜਾਂਵੇਗਾ ਤਾਂ ਇਲਾਜ ਫਰੀ ਆ ....ਤੀਸਰੀ ਗੱਲ ਮੈਂ ਕੂਕਿਆ ਦੀ ਦੱਸਦਾ ਪਿਛਲੇ ਦਿਨੀ ਇੱਕ ਕੂਕੇ ਦਾ ਭੈਣੀ ਸਾਹਿਬ ਤੋ਼ ਸੀ ਉਸਦਾ ਲੀਵਰ ਬਦਲੀ ਕੀਤਾ ਅਗਲਿਆ ਨੇ ਪੰਜਾਹ ਲੱਖ ਲਾ ਦਿੱਤਾ ਅਾਪਣੇ ਇਸਟ ਦੀ ਖਾਤਰ ...ਮਰੀਜ ਨੇ ਇੱਕ ਰੁਪਇਆ ਨੀ ਦਿੱਤਾ ਸਭ ਕੁੱਝ ਫਰੀ ਕੀਤਾ ...ਕਿਉਂ ਨਾ ਜਾਣ ਲੋਕੀ ਭੈਣੀ ਸਾਹਿਬ ??? ਇਹ ਗੱਲ ਮੈਨੂੰ ਅੱਜ ਪਤਾ ਲੱਗੀ ਕਿਉੰਕਿ ਵੀਰ ਹਰਪ੍ਰੀਤ ਸਿੰਘ ਭਾਮੀਆ ਦੇ ਬੱਚੇ ਦਾ ਹਾਲ ਚਾਲ ਪਤਾ ਲੈਣ ਗਏ ਸੀ ...ਵੀਰ ਹੁਣਾ ਦੀ ਮਦਦ ਵਾਰੇ ਕਈ ਵਾਰ ਬੇਨਤੀ ਕਰ ਚੁੱਕਾ ਹਾਂ ..ਅਸੀ ਗੱਲਾਂ ਕਰਦੇ ਸੀ ਬੈਠੇ ਕਿ ਯਾਰ 50 ਲੱਖ ਥੋੜਾ ਨੀ ਹੁੰਦਾ ਅਾਪਾ ਤੋਂ ਤਾਂ 2 ਲੱਖ ਨੀ ਕੱਠਾ ਹੁੰਦਾ ਬਿਲ ਭਰਨ ਲਈ ...ਵੀਰ ਜਿਹੜਾ ਮਿਸ਼ਨਰੀ ਕਾਲਜ ਤੋਂ ਪੜਿਆ, ਸਾਇਦ ਆਪਣੀ ਕਥਾ ਵਿੱਚ ਕਈ ਵਾਰ ਕੂਕਿਆ ਨੂੰ ਮਾੜਾ ਚੰਗਾ ਵੀ ਬੋਲਿਆ ਹੋਣਾ ..ਕਹਿੰਦਾ ਭਾਜੀ ਮੇਰਾ ਇੱਕ ਦੋਸਤ ਹੈਗਾ ਜਿਹੜਾ ਕਹਿੰਦਾ ਸੀ ਭੈਣੀ ਸਾਹਿਬ ਬਾਬਿਆ ਦੇ ਪੈਰ ਫੜ ਆਉਣੇ ਅਾ ਆਪਾ ਸਾਇਦ ਪੈਸੇ ਘੱਟ ਹੀ ਕਰ ਦੇਣ...ਹੁਣ ਇਹੀ ਚਾਰਾ ਬਚਿਆ ਆਪਣੇ ਕੋਲ ...ਮੈ ਕਿਹਾ ਮੈਨੂੰ ਵੀ ਲੈ ਜਾਵੀ ਨਾਲ ਆਪਾ ਬੇਨਤੀ ਕਰ ਆਵਾਗੇਂ ...ਜਾਣਕਾਰੀ ਲਈ ਦੱਸ ਦਵਾਂ 40% ਕੂਕਿਆ ਨੂੰ ਇਥੇ ਸਹੂਲਤ ਮਿਲਦੀ ਆ ਅਪੋਲੋ ਵਿੱਚ ...ਬੜਾ ਫਰਕ ਹੁੰਦਾ ਸਟੇਜਾਂ ਤੇ ਬੋਲਣਾ ਤੇ ਹਕੀਕਤ ਵਿੱਚ ਜਿਉਣਾ ...ਕੋਈ ਬਾਂਹ ਨੀ ਫੜਦਾ ...ਚੱਕ ਕੇ ਮੂੰਹ ਫੜ ਕੇ ਹੱਥ ਵਿੱਚ ਕਿਰਪਾਨਾ ਕਮੇਟੀਆਂ ਜਿਹੜੀਆ ਪਾਠੀਆਂ ਨੂੰ ਕੁੱਟਣ ਜਾਂਦੀਆਂ ਕਦੇ ਕਾਰਨ ਲੱਭਿਉ ਕੇ ਪਾਠੀ ਸਮਾਧਾ ਤੇ ਪਾਠ ਕਿਉ਼ ਕਰਦੇ ...500 ਰੁਪਏ ਦੀ ਖਾਤਰ ਅਗਲਾ ਪਾਠ ਕਰਦਾ ...ਜਦੋਂ ਕੁੱਟਣ ਜਾਵੋਂ ਤਾ 500-1000 ਰੁਪਏ ਜੇਬ ਵਿੱਚ ਪਾ ਕੇ ਜਾਇਉ ਕਰੋ ਵੀ ਲੈ ਜਵਾਕ ਦੀ ਫੀਸ ਭਰਦੀ ....ਡਮਾਕ ਤੋਂ ਕੰਮ ਲਿਆ ਕਰੋ ਡਮਾਕ ਤੋਂ ...ਗ੍ਰੰਥੀ ਸਿੰਘਾ ਦੇ ਬੱਚੇ ਲੈ ਲਊ ਗੋਦ .ਇੱਕ ਮਹੀਨੇ ਦੇ ਅੰਦਰ ਦੇਖ ਲਿਉ ਕੋਈ ਨੀ ਕਰਦਾ ਕਿਸੇ ਸਮਾਧ ਤੇ ਪਾਠ..ਪੁੱਠੀਆਂ ਮੱਤਾ ਆਲਿਆ ਨੂੰ ਸਮਝਾਏ ਕੌਣ ?..ਕਰਕੇ ਕੱਠ ਡੂਡ ਡੂਡ ਲੱਖ ਦਾ ਮੱਤਾ ਦਈਂ ਜਾਣੀਆ ਵੀ ਓਹ ਮਾੜਾ ਫਿਲਾਨਾ ਮਾੜਾ ....ਕਹੋ ਡੂਡ ਲੱਖ ਸੰਗਤ ਨੂੰ ਵੀ ਅਾਪਾ ਚੰਗਾ ਹਸਪਤਾਲ ਖੋਲ਼ੀਏ ਜਿਥੇ ਇਲਾਜ ਫਰੀ ਹੋਵੇ ....ਫੜ੍ਹਾਂ ਹੀ ਮਾਰਨੀਆਂ ਆਉਂਦੀਆ ...ਖੋਲ਼ੋ ਸਕੂਲ ਚੱਜ ਦੇ ਬਿਨਾ ਫੀਸ ਤੋਂ ....ਸਟੇਜਾਂ ਤੋਂ ਉੱਤਰ ਕੇ ਗਰਾਊਂਡ ਤੇ ਆਉ ਜਾ ਫੇਰ ਫੇਸਬੁੱਕਾ ਫੋਨਾਂ ਤੋਂ ਬਾਹਰ ਨਿਕਲ ਕੇ ਦੇਖੋ ਵੀ ਡੇਰਿਆ ਨੇ ਕਿਉ ਕਮਜੋਰ ਕੀਤਾ ਮਨੁੱਖਤਾ ਨੂੰ.....ਮਾਰ ਕੇ ਚਿੱਟੇ ਕੁੜਤੇ ਪਜਾਮੇ ਨੂੰ ਪਰਿੱਸ ਥਾਂ ਥਾਂ ਬੋਲਣ ਨਾਲੋਂ, ਕੰਮ ਆਲੇ ਕੱਪੜੇ ਪਾ ਕੇ ਸਾਮ ਨੂੰ ਪਿੰਡ ਪਿੰਡ ਜਾਇਆ ਕਰੋ ....
ਨੋਟ- ਇਹ ਪੋਸਟ ਦਿਮਾਗ ਵਰਤਣ ਵਾਲੇ ਲੋਕਾਂ ਲਈ ਹੀ ਹੈ...
ਗੁਰੂ ਨਾਨਕ ਨੈਸ਼ਨਲ ਕਾਲਜ ਦੋਰਾਹਾ ਦੀ ਵਾਲ ਤੋਂ 
Copied

Wednesday, September 30, 2015

ਡੇਰਾ ਮੁਖੀ ਨੂੰ ਮੁਆਫੀ ਦੇ ਖਿਲਾਫ਼ PAU ਵਿਦਿਆਰਥੀ ਰਹੇ ਹੜਤਾਲ 'ਤੇ

Wed, Sep 30, 2015 at 3:33 PM
ਖੇਤੀਬਾੜੀ ਯੂਨੀਵਰਸਿਟੀ ਵਿੱਚ ਕਲਾਸਾਂ  ਰਹੀਆਂ ਸੁੰਨਸਾਨ 
ਲੁਧਿਆਣਾ: 30 ਸਤੰਬਰ 2015:  (ਪੰਜਾਬ ਸਕਰੀਨ ਬਿਊਰੋ):
ਡੇਰਾ ਸੱਚਾ ਸੌਦਾ ਸਿਰਸਾ ਦੇ ਮੁਖੀ  ਗੁਰਮੀਤ ਰਾਮ ਰਹੀਮ ਨੂੰ ਮੁਆਫ ਕੀਤੇ ਜਾਣ ਦੇ ਤੌਰ ਤਰੀਕੇ ਦੇ  ਵਿਰੁਧ ਵਿਦਿਆਰਥੀ ਵਰਗ ਵੀ ਕਾਫੀ ਨਾਰਾਜ਼। ਹੈ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ (ਪੀਏਯੂ) ਦੇ ਵਿਦਿਆਰਥੀਆਂ ਨੇ ਅੱਜ ਪੂਰੀ ਤਰਾਂ ਸ਼ਾਂਤ ਰਹਿੰਦਿਆਂ ਆਪਣੀਆਂ ਕਲਾਸਾਂ ਚੋਣ ਗੈਰ ਹਾਜਿਰ ਰਹਿ ਕੇ ਆਪਣੇ ਰੋਸ  ਦਾ ਪ੍ਰਗਟਾਵਾ ਕੀਤਾ।  ਉਹਨਾਂ ਕਲਾਸਾਂ ਦਾ ਬਾਈਕਾਟ ਕੀਤਾ ਅਤੇ ਗੁਰਦੁਆਰਾ ਸਾਹਿਬ  ਵਿਖੇ ਇਕੱਤਰ  ਸਰਬੱਤ ਦੇ ਭਲੇ ਦੀ ਅਰਦਾਸ ਕੀਤੀ। ਪੰਜਾਬ ਨੂੰ ਲੰਮੇ ਸਮੇਂ ਤੱਕ ਖੂਨ ਵਿੱਚ ਡੁਬੋਈ ਰੱਖਣ ਵਾਲੀ ਸ਼ਰਮਨਾਕ ਸਿਆਸਤ ਨੂੰ ਫਿਰ ਉਭਾਰਨ ਦੀ ਖਤਰਨਾਕ ਸਾਜਿਸ਼ ਦੇ ਖਿਲਾਫ਼ ਵਿਦਿਆਰਥੀ ਵਰਗ ਦਾ  ਇਹ ਅਨੁਸ਼ਾਸਿਤ ਵਿਰੋਧ ਇੱਕ ਅਜਿਹੀ ਯੁਵਾ ਸ਼ਕਤੀ ਦੇ ਪ੍ਰਤੀਕ ਵੱਜੋਂ ਸਾਹਮਣੇ ਆਇਆ ਹੈ ਜਿਸਦੇ ਸਾਹਮਣੇ ਸਥਾਪਿਤ ਸਿਆਸੀ ਧਿਰਾਂ ਬੌਨੀਆਂ ਹੋਈਆਂ ਲੱਗ ਰਹੀਆਂ ਹਨ। 
ਅੱਜ ਪੰਜਾਬ ਖੇਤੀਬਾੜੀ ਯੂਨਿਵਰਸਿਟੀ ਲੁਧਿਆਣਾ ਦੇ ਵਿਦਿਆਰਥੀਆਂ ਵੱਲੋਂ ਅਕਾਲ ਤਖ਼ਤ ਦੇ ਲਏ ਡੇਰਾ ਸੱਚਾ ਸੌਦਾ ਮੁੱਖੀ ਨੂੰ ਦਿੱਤੀ ਗਈ ਮੁਆਫੀ ਦੇ ਫੈਸਲੇ ਦੇ ਤਰੀਕੇ ਦੇ ਵਿਰੋਧ ਵਿੱਚ ਰੋਸ ਮੁਜਾਹਰਾ ਕੀਤਾ ਗਿਆ। ਜਿਸ ਦੌਰਾਨ ਵਿਦਿਆਰਥੀਆਂ ਵੱਲੋਂ ਸਵੇਰੇ 9 ਵਜੇ ਤੋ ਬਾਅਦ ਦੁਪਿਹਰ 2 ਵਜੇ ਤਕ ਕਲਾਸਾਂ ਦਾ ਬਾਈਕਾਟ ਕੀਤਾ ਗਿਆ ਅਤੇ ਇਸਦੀ ਥਾਂ ਪੀਏਯੂ ਦੇ ਗੁਰਦਵਾਰਾ ਸਾਹਿਬ ਵਿਖੇ ਕੀਰਤਨ ਸਮਾਗਮ ਕੀਤਾ ਗਿਆ। ਇਸ ਮੌਕੇ ਸਰਬਤ ਦੇ ਭਲੇ ਦੀ ਅਰਦਾਸ ਵੀ ਕੀਤੀ ਗਈ। ਹਾਲਾਕਿਂ ਵਿਦਿਆਰਥੀਆਂ ਵੱਲੋਂ ਸੰਪੂਰਨ ਤੌਰ ਉੱਪਰ ਸ਼ਾਂਤਮਈ ਢੰਗ ਅਪਨਾਇਆ ਗਿਆ ਅਤੇ ਕਿਸੇ ਵੀ ਪ੍ਰਕਾਰ ਦੀ ਨਾਅਰੇਬਾਜੀ ਜਾਂ ਹਿੰਸਾ ਤੋ ਗੁਰੇਜ਼ ਕੀਤਾ ਗਿਆ ਫਿਰ ਵੀ ਪੁਲਿਸ ਨੇ ਇਸ ਇਲਾਕੇ ਨੂੰ ਆਪਣੀ ਛਾਉਣੀ ਬਣਾਇਆ ਹੋਇਆ ਸੀ। |
ਇੱਕ ਵਿਦਿਆਰਥੀ ਨੇ ਗੱਲ ਬਾਤ ਕਰਦਿਆ ਦੱਸਿਆ," ਅਸੀਂ ਅਕਾਲ ਤਖ਼ਤ ਵੱਲੋਂ ਲਏ ਡੇਰਾ ਸੱਚਾ ਸੌਦਾ ਮੁੱਖੀ ਨੂੰ ਮੁਆਫੀ ਦੇ ਤਰੀਕੇ ਦੇ ਫੈਸਲੇ ਤੋ ਬਹੁਤ ਨਿਰਾਸ਼ ਹਾਂ ਜਿਸ ਦੇ ਚੱਲਦਿਆਂ 29 ਸਾਲ ਦੇ ਇੱਕ ਲੰਬੇ ਸਮੇ ਬਾਅਦ ਸਰਬਤ ਖਾਲਸਾ ਦੀ ਫੌਰੀ ਮੀਟਿੰਗ ਬੁਲਾਈ ਜਾ ਰਹੀ ਹੈ  ਕਿਉਂਕਿ ਸਰਬਤ ਖਾਲਸਾ ਦੀ ਅਖੀਰਲੀ ਮੀਟਿੰਗ 26 ਜਨਵਰੀ 1986 ਨੂੰ ਬੁਲਾਈ ਗਈ ਸੀ।"
ਇੱਕ ਵਿਦਿਆਰਥਣ ਨੇ ਵਿਚਾਰ ਪੇਸ਼ ਕਰਦਿਆ ਕਿਹਾ," ਗਿਆਨੀ ਜੈਲ ਸਿੰਘ ਉਸ ਸਮੇਂ ਦੇ ਰਾਸ਼ਟਰਪਤੀ, ਸੁਰਜੀਤ ਸਿੰਘ ਬਰਨਾਲਾ ਸਾਬਕਾ ਮੁੱਖ ਮੰਤਰੀ ਅਤੇ ਪਿਛੇ ਜਿਹੇ ਬਿਕਰਮਜੀਤ ਸਿੰਘ ਮਜੀਠੀਆ ਕੈਬਨਿਟ ਮੰਤਰੀ ਪੰਜਾਬ ਨੇ ਅਕਾਲ ਤਖ਼ਤ ਤੋ ਮੁਆਫੀ ਮੰਗੀ ਅਤੇ ਲੱਗੀ ਤਨਖਾਹ ਨੂੰ ਖਿੜੇ ਮਾਥੇ ਸਵੀਕਾਰ ਕੀਤਾ"
ਖਾਲੀ ਪਏ ਕਲਾਸ ਰੂਮ ਅਤੇ ਲੈਕਚਰ ਹਾਲ ਤੋ ਵਿਦਿਆਰਥੀਆਂ ਦਾ ਰੋਸ ਸਾਫ਼ ਜ਼ਾਹਿਰ ਹੋ ਰਿਹਾ ਸੀ। ਦੂਜੇ  ਪਾਸੇ  ਵਿਦਿਆਰਥੀ ਗੁਰਦਵਾਰਾ ਸਾਹਿਬ ਵਿਖੇ ਹੁੰਮ ਹੁੰਮਾ ਕੇ ਭੀੜਾ ਬੰਨਕੇ ਪੁੱਜੇ। 
ਇੱਕ ਹੋਰ ਵਿਦਿਆਰਥੀ ਨੇ ਵੀ ਗੱਲ ਰਖਦਿਆ ਕਿਹਾ," ਅਸੀਂ ਸਾਰੇ ਅਕਾਲ ਪੁਰਖ ਵਿੱਚ ਸਿਰੜ ਵਿਸ਼ਵਾਸ ਰਖਦੇ ਹਾਂ ਇਸੇ ਲਈ ਮੁਜਾਹਰੇ ਦੀ ਰੂਪ ਰੇਖਾ ਸ਼ਾਂਤਮਈ ਰੱਖੀ ਗਈ ਹੈ। ਕਿਸੇ ਵੀ ਪ੍ਰਕਾਰ ਦੀ ਹਿੰਸਾ ਜਾ ਨਾਅਰੇਬਾਜੀ ਨਹੀ ਕੀਤੀ ਗਈ। ਇਸਦੇ ਬਾਵਜੂਦ ਪੁਲਿਸ ਅਤੇ ਐਂਟੀ ਰਾਇਟ ਟਾਸਕ ਫੋਰਸ ਵੱਡੀ ਗਿਣਤੀ ਵਿੱਚ ਪੀਏਯੂ ਪਹੁੰਚੀ ਅਤੇ ਗੁਰਦਵਾਰਾ ਸਾਹਿਬ ਦੇ ਅੱਗੇ ਇੱਕ ਛਾਉਣੀ ਦਾ ਰੂਪ ਅਖਤਿਆਰ ਕਰ ਲਿਆ। ਓਹਨਾ ਕੁਝ ਵਿਦਿਆਰਥੀਆਂ ਨੂੰ ਪਰੇਸ਼ਾਨ ਕਰਨ ਦੀ ਵੀ ਕੋਸ਼ਿਸ਼ ਕੀਤੀ ਜੋ ਬਹੁਤ ਹੀ ਸ਼ਰਮਨਾਕ ਹਰਕਤ ਹੈ। 

Sunday, September 20, 2015

ਫਿਲਮ ਦਾ ਮਾਮਲਾ ਬਣਿਆ ਅੰਦੋਲਨ ਦਾ ਹਥਿਆਰ

ਡੇਰਾ ਪ੍ਰੇਮੀਆਂ ਨੇ ਬਾਰਿਸ਼ ਦੇ ਬਾਵਜੂਦ ਕੀਤਾ ਕਈ ਥਾਈਂ ਸ਼ਕਤੀ ਦਾ ਵਖਾਵਾ 
ਲੁਧਿਆਣਾ: 20 ਸਤੰਬਰ 2015: (ਪੰਜਾਬ ਸਕਰੀਨ ਬਿਊਰੋ): 
ਡੇਰਾ ਸੱਚਾ ਸੌਦਾ ਸਿਰਸਾ ਦੇ ਪ੍ਰੇਮੀਆਂ ਦਾ ਅੰਦੋਲਨ ਬੜੀ ਤੇਜ਼ੀ ਨਾਲ ਫੈਲ ਰਿਹਾ ਹੈ। ਸਰਕਾਰ ਬੜੀ ਬੇਬਸ ਜਿਹੀ ਨਜ਼ਰ ਆ ਰਹੀ ਹੈ। ਆਵਾਜਾਈ ਠੱਪ ਕਰਨਾ ਇਹਨਾਂ ਸ਼ਰਧਾਲੂਆਂ ਲਈ  ਆਮ ਜਿਹੀ ਗੱਲ ਹੈ।  
ਐਮ.ਐਸ.ਜੀ. 2 ਫ਼ਿਲਮ ਦੀ ਰਿਲੀਜ਼ ਦੀ ਮੰਗ ਨੂੰ ਲੈ ਕੇ ਪੰਜਾਬ 'ਚ ਡੇਰਾ ਸਿਰਸਾ ਸਮਰਥਕਾਂ ਨੇ ਆਪਣਾ ਸੰਘਰਸ਼ ਹੁਣ ਬਠਿੰਡਾ ਮੁਕਤਸਰ ਤੋਂ ਬਾਅਦ ਪੰਜਾਬ ਦੇ ਦੂਸਰੇ ਹਿੱਸਿਆਂ 'ਚ ਵੀ ਫੈਲਾ ਦਿੱਤਾ ਹੈ। ਅੱਜ ਵੀ 200 ਦੇ ਕਰੀਬ ਡੇਰਾ ਸਮਰਥਕਾਂ ਨੇ ਭਾਰੀ ਬਾਰਸ਼ ਦੇ ਬਾਵਜੂਦ ਸੰਗਰੂਰ ਰੇਲਵੇ ਸਟੇਸ਼ਨ 'ਤੇ ਬੈਠ ਕੇ ਫਿਰੋਜ਼ਪੁਰ-ਹਿਸਾਰ ਪੈਸੇਂਜਰ ਟਰੇਨ ਨੂੰ ਰੋਕ ਲਿਆ। ਇਸੇ ਤਰ੍ਹਾਂ  ਦਿੱਲੀ-ਲੁਧਿਆਣਾ ਰੇਲ ਟਰੈਕ 'ਤੇ ਬੈਠ ਕੇ ਅਨਿਸ਼ਚਿਤ ਸਮੇਂ ਲਈ ਰੂਟ ਨੂੰ ਠੱਪ ਕਰ ਦਿੱਤਾ। ਡੇਰਾ ਸਮਰਥਕ ਲਗਾਤਾਰ ਪੰਜਾਬ ਸਰਕਾਰ ਦੇ ਖਿਲਾਫ ਨਾਅਰੇਬਾਜ਼ੀ ਕਰ ਰਹੇ ਹਨ ਤੇ ਪੰਜਾਬ 'ਚ ਫ਼ਿਲਮ ਨੂੰ ਰਿਲੀਜ਼ ਕਰਨ ਦੀ ਮੰਗ ਕਰ ਰਹੇ ਹਨ। ਦੂਜੇ ਪਾਸੇ, ਡੇਰਾ ਸਿਰਸਾ ਮੁਖੀ ਦੀ ਐਮ.ਐਸ.ਜੀ. 2 ਫਿਲਮ ਨੂੰ ਪੰਜਾਬ 'ਚ ਰਿਲੀਜ਼ ਨਾ ਕਰਨ ਤੋਂ ਨਿਰਾਸ਼ ਡੇਰਾ ਸਮਰਥਕਾਂ ਨੇ ਅੱਜ ਫਿਰੋਜ਼ਪੁਰ-ਫਾਜਿਲਕਾ ਰੇਲ ਮਾਰਗ ਨੂੰ ਬਲਾਕ ਕਰ ਦਿੱਤਾ ਹੈ। ਜਿਸ ਕਾਰਨ ਯਾਤਰੀਆਂ ਨੂੰ ਭਾਰੀ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਮਹਿੰਗਾਈ, ਕਿਸਾਨਾਂ ਦੀਆਂ ਖੁਦਕੁਸ਼ੀਆਂ, ਲੜਕੀਆਂ ਨਾਲ ਨਿੱਤ ਦਿਹਾੜੇ ਹੋ ਰਹੇ ਬਲਾਤਕਾਰਾਂ ਦੇ ਖਿਲਾਫ਼ ਹੋ ਰਹੇ ਖੱਬੇ ਪੱਖੀ ਸੰਘਰਸ਼ਾਂ ਨੂੰ ਡੇਰਾ ਪ੍ਰੇਮੀਆਂ ਦੇ ਇਸ ਫਿਲਮ ਦਿਖਾਓ ਅੰਦੋਲਨ ਨੇ ਕਾਫੀ ਸੱਤ ਮਾਰੀ ਹੈ।  ਇਸ ਨਾਲ ਲੋਕਾਂ ਦਾ ਧੀਆਂ ਵੀ ਵੰਡਿਆ ਗਿਆ ਹੈ ਜਿਸਦਾ ਫਾਇਦਾ ਆਖਿਰ ਲੋਕ ਦੁਸ਼ਮਨਾਂ ਨੂੰ ਜਾਣਾ ਹੈ। ਹੁਣ ਦੇਖਣਾ ਹੈ ਕਿ ਸਰਕਾਰ ਆਪਣੇ ਵੋਟ ਬੈਂਕ ਦੀ ਚਿੰਤਾ ਕਰਦੀ ਹੈ ਜਾਂ ਫਿਰ ਰਾਜ ਧਰਮ ਨਿਭਾ ਕੇ ਉਹਨਾਂ ਆਮ ਲੋਕਾਂ ਨੂੰ ਰਾਹਤ ਪ੍ਰਦਾਨ ਕਰਦੀ ਹੈ ਜਿਹਨਾਂ ਨੇ ਨਾ ਫਿਲਮਾਂ ਤੋਂ ਕੁਝ ਲੈਣਾ ਦੇਣਾ ਹੈ ਅਤੇ ਨਾ ਹੀ ਸਿਆਸਤ ਤੋਂ।
ਗਿੱਦੜਬਾਹਾ: ਡੇਰਾ ਪ੍ਰੇਮੀਆਂ ਨੇ ਪੰਜਾਬ ਦੇ ਕਈ ਹਿੱਸਿਆਂ ਵਿਚ੍ਚ ਆਪਣੇ ਗੁੱਸੇ ਦਾ ਪ੍ਰਗਟਾਵਾ ਕੀਤਾ। ਸ੍ਰੀ ਗੰਗਾਨਗਰ-ਚੰਡੀਗੜ੍ਹ ਰਾਸ਼ਟਰੀ ਰਾਜ ਮਾਰਗ ਨੰਬਰ 15 'ਤੇ ਗਿੱਦੜਬਾਹਾ ਵਿਖੇ ਜ਼ਿਲ੍ਹਾ ਸ੍ਰੀ ਮੁਕਤਸਰ ਸਾਹਿਬ, ਲੰਬੀ, ਮਲੋਟ ਤੇ ਗਿੱਦੜਬਾਹਾ ਦੇ ਡੇਰਾ ਪ੍ਰੇਮੀਆਂ ਨੇ ਡੇਰਾ ਸਿਰਸਾ ਮੁਖੀ ਵੱਲੋਂ ਬਣਾਈ ਗਈ ਫ਼ਿਲਮ ਐਮ.ਐਸ. ਜੀ. 2 'ਤੇ ਪੰਜਾਬ 'ਚ ਪਾਬੰਦੀ ਦੇ ਚੱਲਦਿਆਂ ਸਵੇਰੇ 4 ਵਜੇ ਤੋਂ ਅਣਮਿਥੇ ਸਮੇਂ ਲਈ ਸੜਕੀ ਆਵਾਜਾਈ ਠੱਪ ਕੀਤੀ। ਇਸ ਨਾਲ ਸਾਰਾ ਆਮ ਜਨਜੀਵਨ ਠੱਪ ਰਿਹਾ।  ਇਸ ਮੌਕੇ ਡੇਰਾ ਪ੍ਰੇਮੀਆਂ ਨੇ ਪੰਜਾਬ ਸਰਕਾਰ ਤੇ ਪੁਲਿਸ ਪ੍ਰਸ਼ਾਸਨ ਵਿਰੁੱਧ ਤਿੱਖੀ ਨਾਅਰੇਬਾਜ਼ੀ ਵੀ ਕੀਤੀ। ਵ੍ਖਾਵਾਕਾਰੀਆਂ ਦੇ ਇੱਕ ਆਗੂ  ਹਰਚਰਨ ਸਿੰਘ ਇੰਸਾਂ ਨੇ ਕਿਹਾ ਕਿ ਸੈਂਸਰ ਬੋਰਡ ਵੱਲੋਂ ਫ਼ਿਲਮ ਨੂੰ ਚਲਾਉਣ ਲਈ ਮਨਜ਼ੂਰੀ ਦਿੱਤੀ ਹੋਈ ਹੈ ਪਰ ਪੰਜਾਬ ਸਰਕਾਰ ਦੋਹਰੀ ਨੀਤੀ ਅਪਣਾ ਰਹੀ ਹੈ। ਇਸ ਨੀਤੀ ਦੇ ਤਹਿਤ ਪ੍ਰੇਮੀਆਂ ਨੂੰ ਤਾਂ ਫ਼ਿਲਮ ਚੱਲਣ ਬਾਰੇ ਕਹਿ ਰਹੀ ਹੈ ਤੇ ਦੂਜੇ ਪਾਸੇ ਪ੍ਰਸ਼ਾਸਨ ਵੱਲੋਂ ਸਿਨੇਮਾ ਮਾਲਕਾਂ ਨੂੰ ਡਰਾ ਧਮਕਾ ਕੇ ਫ਼ਿਲਮ ਨਾ ਚਲਾਉਣ ਦੇ ਜ਼ੁਬਾਨੀ ਆਦੇਸ਼ ਦੇ ਰਹੀ ਹੈ। ਇਸ ਮੌਕੇ ਨਰਿੰਦਰਪਾਲ ਸਿੰਘ ਸਿੱਧੂ ਐਸ. ਪੀ. ਨੇ ਆਖਿਆ ਕਿ ਪੰਜਾਬ ਸਰਕਾਰ ਵੱਲੋਂ ਫ਼ਿਲਮ 'ਤੇ ਕੋਈ ਪਾਬੰਦੀ ਨਹੀਂ ਹੈ ਤੇ ਨਾ ਹੀ ਸਿਨੇਮਾ ਮਾਲਕਾਂ ਨੂੰ ਫ਼ਿਲਮ ਨਾ ਚਲਾਉਣ ਦੇ ਹੁਕਮ ਜਾਰੀ ਕੀਤੇ ਹਨ। ਧਰਨੇ ਦੌਰਾਨ ਐਸ.ਪੀ. ਨਰਿੰਦਰਪਾਲ ਸਿੰਘ ਸਿੱਧੂ, ਨਰਿੰਦਰ ਸਿੰਘ ਅੰਡਰ ਟ੍ਰੇਨਿੰਗ ਡੀ.ਐਸ.ਪੀ.ਤੇ ਐਸ.ਐਚ.ਓ ਗਿੱਦੜਬਾਹਾ, ਤਹਿਸੀਲਦਾਰ ਸੁਖਵੀਰ ਸਿੰਘ ਬਰਾੜ ਮੌਕੇ ਤੇ ਇਸ ਮਸਲੇ ਨੂੰ ਸੁਲਝਾਉਣ 'ਚ ਲੱਗੇ ਹੋਏ ਸਨ। ਇਸ ਮੌਕੇ ਵੱਡੀ ਗਿਣਤੀ 'ਚ ਡੇਰਾ ਪ੍ਰੇਮੀ ਹਾਜ਼ਰ ਸਨ। ਹੁਣ ਦੇਖਣਾ ਹੈ ਕਿ ਫਿਲਮ ਦਾ ਇਹ ਵਿਵਾਦ ਕੀ ਰੁੱਖ ਅਖਤਿਆਰ ਕਰਦਾ ਹੈ। 

Monday, August 11, 2014

ਅਕਾਲ ਚਲਾਣੇ ਤੋਂ ਬਾਅਦ ਸਤਿਗੁਰੂ ਜਗਜੀਤ ਸਿੰਘ ਜੀ ਦੀ ਦੇਹ ਦੇ ਅਪਮਾਨ ਦਾ ਦੋਸ਼

ਨਾਮਧਾਰੀ ਭੁੱਖ ਹੜਤਾਲ 11ਵੇਂ ਦਿਨ ਵਿੱਚ ਦਾਖਿਲ
ਸੰਤ ਗੁਰਮੁਖ ਸਿੰਘ ਦਮਦਮਾ ਸਾਹਿਬ ਨੇ ਕੀਤਾ ਕਈ ਗੱਲਾਂ ਦਾ ਖੁਲਾਸਾ
ਲੁਧਿਆਣਾ: 11 ਅਗਸਤ 2014: (ਰੈਕਟਰ ਕਥੂਰੀਆ//ਪੰਜਾਬ ਸਕਰੀਨ):
ਵਿਦੇਸ਼ੀ ਟੀਵੀ ਚੈਨਲ ਵਾਲੇ 
ਸੰਤ ਗੁਰਮੁਖ ਸਿੰਘ 
ਅੱਜ ਐਨ ਮੌਕੇ ਤੇ ਆਪਣੀ ਰਣਨੀਤੀ ਨੂੰ ਬਦਲਦਿਆਂ ਜਿੱਥੇ 11 ਦੀ ਬਜਾਏ ਸੱਤ ਨਾਮਧਾਰੀ ਮੈਂਬਰਾਂ ਨੂੰ ਭੁੱਖ ਹੜਤਾਲ 'ਤੇ ਬਿਠਾਇਆ ਗਿਆ ਉੱਥੇ ਭਾਸ਼ਣਾਂ ਦੀ ਸੁਰ ਵੀ ਤਿੱਖੀ ਕੀਤੀ ਗਈ। ਇਕ ਅਗਸਤ ਤੋਂ ਲਗਾਤਾਰ ਚੱੱਲ ਰਹੀ ਨਾਮਧਾਰੀ ਭੁੱਖ ਹੜਤਾਲ ਅੱਜ ਗਿਆਰਵੇਂ ਦਿਨ ਵਿੱਚ ਦਾਖਿਲ ਹੋਣ ਤੇ  ਭੁਖ ਹੜਤਾਲੀਆਂ ਦਾ ਦੂਜਾ ਜਥਾ {ਸੱਤ ਮੈਬਰੀਂ) ਜੋ ਭੁੱਖ ਹੜਤਾਲ ਤੇ ਪਿਛਲੇ ਪੰਜ ਦਿਨਾਂ ਤੋਂ ਬੈਠਾ ਸੀ, ਉਹਨਾਂ ਨੂੰ ਅੱਜ ਜੂਸ ਪਿਲਾ ਕੇ ਉਠਾ ਦਿਤਾ ਗਿਆ। ਇਹਨਾਂ ਨੂੰ ਜੂਸ ਪਿਲਾਉਣ ਦੀ ਰਸਮ ਬੀਬੀ ਚਰਨਜੀਤ ਕੌਰ, ਬਬੀ ਪਰਮਜੀਤ ਕੌਰ, ਸੰਤ ਗੁਰਜੀਤ ਸਿੰਘ, ਸੰਤ ਮਨਜੀਤ ਸਿੰਘ ਅਤੇ ਸੰਤ ਹਰਦੀਪ ਸਿੰਘ ਨੇ ਅਦਾ ਕੀਤੀ । ਇਸੇ ਲੜੀ ਨੂੰ ਅੱਗੇ ਵਧਾਉਂਦਿਆਂ ਹੋਇਆਂ ਅੱਜ ਅਗਲੇ ਪੰਜ ਦਿਨ ਲਈ ਸੱਤ ਮੈਂਬਰੀ ਨਵਾਂ ਜਥਾ ਭੁਖ ਹੜਤਾਲ ਤੇ ਬੈਠ ਗਿਆ ਹੈ ਜਿਨਾਂ ਦੇ ਨਾਂ ਇਸ ਪ੍ਰਕਾਰ ਹਨ। ਸੰਤ ਪ੍ਰੀਤਮ ਸਿੰਘ ਜੀ (ਗੁਰਦਾਸਪੁਰ), ਸੰਤ ਹਰਭੇਜ ਸਿੰਘ ਜੀ (ਮੱਧ ਪ੍ਰਦੇਸ਼),ਸੰਤ ਛਿੰਦਰ ਸਿੰਘ ਜੀ (ਸੰਗਰੂਰ), ਸੰਤ ਜਗੀਰ ਸਿੰਘ ਜੀ (ਗੁਰਦਾਸਪੁਰ), ਸੰਤ ਜਸਪਾਲ ਸਿੰਘ (ਕਲਾਨੌਰ),ਬੀਬੀ ਦਲਜੀਤ ਕੌਰ (ਅਮ੍ਰਿਤਸਰ),ਬੀਬੀ ਰਜਵੰਤ ਕੌਰ (ਮਾਛੀਆਂ ਖੁਰਦ) ਜੋ ਕਿ ਜੈ ਕਾਰਿਆਂ ਦੀ ਗੂੰਜ ਵਿਚ ਬੈਠੇ। ਇਹ ਦ੍ਰਿਸ਼ ਆਪਣੇ ਆਪ ਚ ਵਿਲਖਣ ਸੀ, ਸੰਗਤਾਂ ਭਾਰੀ ਗਿਣਤੀ ਵਿਚ ਪੂਰੇ ਉਤਸ਼ਾਹ ਦੇ ਨਾਲ ਹਿਸਾ ਲੈ ਰਹੀਆਂ ਹਨ।
ਇਸ ਦੌਰਾਨ ਬਾਬਾ ਛਿੰਦਾ ਸਿੰਘ ਜੀ ਮੁਹਾਵੇ ਵਾਲਿਆਂ ਦਾ ਜਥਾ ਵੀ ਭੁੱਖ ਹੜਤਾਲ ਵਿੱਚ ਸ਼ਾਮਿਲ ਹੋਇਆ।ਇਹਨਾਂ ਤੋਂ ਇਲਾਵਾ ਵੱਖੋ-ਵੱਖਰੇ ਇਲਾਕਿਆਂ ਜਿਵੇਂ ਕਿ ਬਟਾਲਾ, ਅੰਮ੍ਰਿਤਸਰ, ਭੁਲੱੱਥ, ਪਟਿਆਲਾ, ਜੀਵਨ ਨਗਰ ( ਸਿਰਸਾ ), ਮੰਡੀ ( ਹਿਮਾਚਲ ) ਆਦਿ  ਸੰਗਤਾਂ ਨੇ ਵੀ ਆਪਣੀ ਹਾਜ਼ਰੀ ਭਰੀ। ਇਸ ਮੌਕੇ ਬੁਲਾਰਿਆਂ ਨੇ ਨਾਮਧਾਰੀ ਪੰਥ  ਲਈ ਜੂਝ ਰਹੀ ਸੰਗਤ ਨਾਲ ਵਿਚਾਰ ਸਾਂਝੇ ਕੀਤੇ।
ਅੱਜ ਇਥੇ ਸੂਬਾ ਦਰਸ਼ਨ ਸਿੰਘ ਰਾਏਸਰ ਪ੍ਰਧਾਨ, ਨਾਮਧਾਰੀ ਪੰਥਕ ਏਕਤਾ ਐਕਸ਼ਨ ਕਮੇਟੀ ਨੇ ਦੱਸਿਆ ਕਿ ਹੁਣ ਤੱੱਕ ਨਾ ਤਾ ਪ੍ਰਸ਼ਾਸਨ ਅਤੇ ਨਾ ਹੀ ਭੈਣੀ ਸਾਹਿਬ ਵਾਲਿਆਂ ਨੇ ਏਕਤਾ ਵਾਸਤੇ ਕੋਈ ਉਦਮ ਕੀਤਾ ਹੈ।ਇਸ ਗੱਲ ਨੂੰ ਵੇਖਦਿਆਂ ਹੋਇਆਂ ਕਮੇਟੀ ਵੱਲੋਂ ਇਹ ਫੈਸਲਾ ਲਿਆ ਗਿਆ ਕਿ ਜੇਕਰ ਅਗਲੇ ਪੰਜ ਦਿਨਾਂ ਦੇ ਅੰਦਰ ਪ੍ਰਸ਼ਾਸਨ ਨੇ ਗੱਲਬਾਤ ਵਾਸਤੇ ਕੋਈ ਉਦਮ ਨਾ ਕੀਤਾ ਤਾਂ ਐਕਸ਼ਨ ਕਮੇਟੀ ਸਖਤ ਰੁਖ ਅਪਨਾਏਗੀ ਜਿਸਦਾ ਖੁਲਾਸਾ ਅੱਜ ਤੋਂ ਪੰਜ ਦਿਨਾਂ ਬਾਅਦ ਕੀਤਾ ਜਾਵੇਗਾ। ਗੱਲਬਾਤ ਦਾ ਢੰਗ ਪ੍ਰਸ਼ਾਸਨ ਨੂੰ ਸੋਚਣਾ ਅਤੇ ਲੱਭਣਾ ਪਵੇਗਾ।
ਉਹਨਾਂ ਦੁਹਰਾਇਆ ਕਿ ਭੈਣੀ ਸਾਹਿਬ ਦੇ ਪੁਜਾਰੀ ਧੜੇ ਨੂੰ ਅਸੀ ਬੇਨਤੀ ਕਰਦੇ ਹਾਂ ਕੇ ਜਿਹੜਾ ਇਹ ਸਰਕਾਰ ਜਾਂ ਪ੍ਰਸ਼ਾਸ਼ਨ ਕੋਲ ਰੌਲਾ ਪਾਉਂਦੇ ਹਨ ਕਿ ਇਹ ਭੈਣੀ ਸਾਹਿਬ ਤੇ ਕਬਜਾ ਕਰਨ ਦੇ ਚਾਹਵਾਨ ਹਨ, ਅਸੀ ਇਹਨਾਂ ਨੂੰ ਸ਼ੱਪਸਟ ਕਰ ਦੇਣਾ ਚਾਹੁੰਦੇ ਹਾਂ ਕਿ ਕਬਜ਼ਾ ਤਾਂ ਜਦ ਚਾਹੇ , ਅਸੀ ਕਰ ਸਕਦੇ ਹਾਂ । ਤੁਸੀ ਸਦਾ ਭੈਣੀ ਸਾਹਿਬ ਤਾਂ ਬੈਠੇ ਨਹੀਂ ਰਹਿੰਦੇ, ਇਹ ਗੱਲ ਸਭ ਨੂੰ ਪਤਾ ਹੈ ਕਿ ਅੱਜ ਤੱਕ ਕਬਜ਼ੇ ਕੌਣ ਕਰਦਾ ਆਇਆ ਹੈ। ਕਬਜਿਆਂ ਵਾਲਾ ਕੰਮ ਤੁਹਾਨੂੰ ਮੁਬਾਰਕ ਹੋਵੇ। ਅਸੀ ਇਹ ਕੰਮ ਨਾ ਕਦੇ ਕੀਤਾ ਹੈ ਨਾ ਹੀ  ਕਰਨਾ ਚਾਹੁੰਦੇ ਹਾਂ। ਸਾਡੀ ਤਾਂ ਇਕੋ ਇਕ ਸੋਚਣੀ ਹੈ ਕਿ ਨਾਮਧਾਰੀ ਪੰਥ ਇਕ ਹੋਵੇ । ਜਿਹੜੇ ਘਰ ਘਰ ਲੜਾਈ ਝਗੜੇ ਪਏ ਹੋਏ ਹਨ ਨਾਮਧਾਰੀ ਪੰਥ ਦੇ ਦੋ ਫਾੜ ਹੋਣ ਕਰਕੇ, ਉਹ ਸਾਰੇ ਖਤਮ ਹੋ ਜਾਣ ਅਤੇ ਨਾਮਧਾਰੀ ਪੰਥ ਸੁਖੀ ਵਸੇ। ਜਿਹੜਾ ਸਮਾਂ ਜਾਂ ਪੈਸੇ ਨਾਮਧਾਰੀ ਪੰਥ ਦੇ ਲੜਾਈ ਝਗੜੇ ਤੇ ਲਗ ਰਿਹਾ ਹੈ, ਉਹੀ ਪੈਸਾ ਤੇ ਸਮਾਂ ਨਾਮਧਾਰੀ ਪੰਥ ਦੀ ਤਰੱਕੀ ਵਾਸਤੇ ਲਗੇ।ਇਹੋ ਸਾਡਾ ਮਨੋਰਥ ਹੈ।

ਇਸੇ ਦੌਰਾਨ ਸੰਤ ਗੁਰਮੁਖ ਸਿੰਘ ਦਮਦਮਾ ਸਾਹਿਬ ਨੇ ਮੰਚ ਤੋਂ ਬਹੁਤ ਸਾਰੀਆਂ ਗੱਲਾਂ ਦਾ ਖੁਲਾਸਾ ਕੀਤਾ।  ਉਹਨਾਂ ਦੱਸਿਆ ਕਿ ਪੁਜਾਰੀ ਧੜੇ ਨੇ ਦੋ ਦਿਨਾਂ ਤੱਕ ਤਾਂ ਅਕਾਲ ਚਲਾਨੀ ਦੀ ਖਬਰ ਬਾਹਰ ਹੀ ਨਹੀਂ ਆਉਂਣ ਦਿੱਤੀ।  ਜਦੋਂ ਖਬਰ ਬਾਹਰ ਆਈ ਤਾਂ ਦੇਸ਼ ਵਿਦੇਸ਼ ਦੀ ਸੰਗਤ ਨੂੰ ਆਖਿਰੀ ਦਰਸ਼ਨ ਦਾ ਮੌਕਾ ਵੀ ਨਹੀਂ ਦਿੱਤਾ ਗਿਆ। ਅੰਤਿਮ ਸੰਸਕਾਰ ਵੇਲੇ ਸਤਿਗੁਰਾਂ ਦੀ ਦੇਹ ਨੂੰ 

ਬੜੀ ਕਾਹਲ ਕਾਹਲ ਵਿੱਚ ਮੰਜੇ ਤੋਂ ਘਸੀਟ ਕੇ ਇਸ ਤਰਾਂ ਕਰ ਵਿੱਚ ਲਿਆਂਦਾ ਗਿਆ ਜਿਵੇਂ ਕਿਸੇ ਚੀਜ਼ ਨੂੰ ਸੁੱਟਣਾ ਹੁੰਦਾ ਹੈ। ਉਹਨਾਂ ਅਕਾਲ ਚਲਾਣੇ ਮਗਰੋਂ ਸ਼ਰਾਬ ਪੀਣ ਅਤੇ ਮੀਟ ਖਾਣ ਵਰਗੀਆਂ ਗੱਲਾਂ ਦੇ ਗੰਭੀਰ ਦੋਸ਼ ਵੀ ਲਾਏ। ਇਸਦੇ ਨਾਲ ਹੀ ਉਹਨਾਂ ਕਿਹਾ ਕਿ ਨਾਮਧਾਰੀਆਂ ਦੀ ਉੱਚੀ ਸੁੱਚੀ ਰਹਿਣੀ ਬਹਿਣੀ ਦੀ ਪ੍ਰਸੰਸਾ ਸ੍ਰੀ ਹਰਿਮੰਦਰ ਸਾਹਿਬ ਵਿਖੇ ਵੀ ਹੁੰਦੀ ਹੈ।ਸਾਡਾ ਅਤੇ ਅਕਾਲੀ ਭਰਾਵਾਂ ਦਾ ਕੋਈ ਜਿਆਦਾ ਫਰਕ ਵੀ ਨਹੀਂ।  ਸਾਡੇ ਵਿੱਚ ਸਾਢੇ 99% ਗੱਲਾਂ ਸਾਂਝੀਆਂ ਹਨ।  ਸਿਰਫ ਇੱਕ ਵਖਰੇਵਾਂ ਹੈ ਕਿ ਓਹ ਆਦਿ ਗ੍ਰੰਥ ਸਾਹਿਬ ਨੂੰ ਗੁਰੂ ਮੰਨਦੇ ਹਨ ਅਤੇ ਅਸੀਂ ਗ੍ਰੰਥ ਸਾਹਿਬ ਵਿੱਚ ਲਿਖੀ ਇੱਕ ਇੱਕ ਗੱਲ ਉੱਤੇ ਪੂਰੀ ਦਿੜਤਾ ਨਾਲ ਅਮਲ ਕਰਦੇ ਹਾਂ। ਇਸ ਲਈ ਇਸ ਵਿਵਾਦ ਨੂੰ ਖਤਮ ਕਰਨ ਵਿੱਚ ਅਕਾਲੀ ਭਰਾਵਾਂ ਨੂੰ ਵੀ ਅੱਗੇ ਆਉਣਾ ਚਾਹੀਦਾ ਹੈ। 

ਸੰਗਤ ਵਿੱਚ ਭੁਖ ਹੜਤਾਲ ਦੇ ਸਮਰਥਨ ਵਾਸਤੇ ਉਤਸ਼ਾਹ ਦਿਨੋ-ਦਿਨ ਵੱਧ ਰਿਹਾ ਹੈ। ਇਸ ਮੌਕੇ ਸੂਬਾ ਦਰਸ਼ਨ ਸਿੰਘ ਰਾਏਸਰ,  ਬਲਵਿੰਦਰ ਸਿੰਘ ਡੁਗਰੀ, ਡਾ. ਸੁਖਦੇਵ ਸਿੰਘ ਮਹਿਸਮਪੁਰ, ਜਸਵਿੰਦਰ ਸਿੰਘ ਬਿਲੂ , ਗੁਰਮੇਲ ਸਿੰਘ ਬਰਾੜ, ਸੂਬਾ ਅਮਰੀਕ ਸਿੰਘ, ਨਵਤੇਜ ਸਿੰਘ ਲੁਧਿਆਣਾ, ਹਰਭਜਨ ਸਿੰਘ ਫੋਰਮੈਨ, ਹਰਵਿੰਦਰ ਸਿੰਘ ਗੱਗੀ, ਪਲਵਿੰਦਰ ਸਿੰਘ ਕੁੱਕੀ, ਅਰਵਿੰਦਰ ਸਿੰਘ ਲਾਡੀ, ਸ਼ੇਰ ਸਿੰਘ ਬਰ੍ਹੀਲਾ, ਬਲਜਿਮਦਰ ਸਿੰਘ ਕਿਲਾ ਦੇਸਾ ਸਿੰਘ , ਸਰਪੰਚ ਮੇਵਾ ਸਿੰਘ, ਜਗਤ ਸਿੰਘ ਬਟਾਲਾ ,ਬਸੰਤ ਸਿੰਘ, ਗੁਰਦੀਪ ਸਿੰਘ, ਗੁਰਦੀਪ ਸਿੰਘ ਦਸੂਆ, ਹਰਬੰਸ ਸਿੰਘ ਮਾਛੀਵਾੜਾ, ਬੀਬੀ ਰਾਜਪਾਲ ਕੋਰ, ਬੀਬੀ ਸਤਨਾਮ ਕੌਰ, ਬੀਬੀ ਭੰਗਵਤ ਕੌਰ  ਆਦਿ ਹਾਜ਼ਰ ਸਨ। ਇਸ ਸਾਰੇ ਸਮੇਂ ਦੌਰਾਨ ਸ਼ਬਦ ਕੀਰਤਨ ਬਾਕਾਇਦਾ ਜਾਰੀ ਰਹਿੰਦਾ ਹੈ। 

Tuesday, February 07, 2012

ਡੇਰਾ ਮੁਖੀ ਖ਼ਿਲਾਫ਼ ਕੇਸਾਂ ਤੋਂ ਸ਼੍ਰੋਮਣੀ ਕਮੇਟੀ ਨੇ ਪਾਸਾ ਵੱਟਿਆ

ਮੁਦਈ ਪਲਿਓਂ ਪੈਸੇ ਖਰਚ ਕੇ ਲਡ਼ ਰਿਹਾ ਹੈ ਕੇਸ
ਨਿੱਜੀ ਪੱਤਰ ਪ੍ਰੇਰਕ
ਬਠਿੰਡਾ,6 ਫਰਵਰੀ

ਡੇਰਾ ਮੁਖੀ ਖਿਲਾਫ ਕੇਸ ਲਡ਼ਨ ਵਾਲਾ ਮੁਦਈ ਰਜਿੰਦਰ ਸਿੰਘ ਸਿੱਧੂ
ਸ਼੍ਰੋਮਣੀ ਕਮੇਟੀ ਨੇ ਡੇਰਾ ਮੁਖੀ ਖਿਲਾਫ ਚੱਲਦੇ ਕੇਸਾਂ ’ਚ ਚੁੱਪ ਵੱਟ ਲਈ ਹੈ ਜਦੋਂ ਕਿ ਅਹਿਮ ਕੇਸ ਦਾ ਮੁਦਈ ਇਕੱਲਾ ਹੀ ਲਡ਼ਾਈ ਲਡ਼ ਰਿਹਾ ਹੈ। ਲੋਕ ਸਭਾ ਚੋਣਾਂ ਤੋਂ ਮਗਰੋਂ ਸ਼੍ਰੋਮਣੀ ਕਮੇਟੀ ਨੇ ਮੁਦਈ ਦੀ ਮੱਦਦ ਕਰਨ ਦੀ ਥਾਂ ਉਸ ਦੀ ਕਦੇ ਸਾਰ ਵੀ ਨਹੀਂ ਲਈ। ਮੁਦਈ ਰਜਿੰਦਰ ਸਿੰਘ ਸਿੱਧੂ ਦਾ ਕਹਿਣਾ ਹੈ ਕਿ ਸ਼੍ਰੋਮਣੀ ਕਮੇਟੀ ਆਪਣੇ ਕੀਤੇ ਵਾਅਦੇ ਤੋਂ ਭੱਜ ਗਈ ਹੈ ਜਿਸ ਕਰਕੇ ਉਸ ਨੂੰ ਸਾਰਾ ਖਰਚਾ ਪੱਲਿਓਂ ਕਰਨਾ ਪਿਆ ਹੈ। ਦੱਸਣਯੋਗ ਹੈ ਕਿ ਜਦੋਂ ਡੇਰਾ ਵਿਵਾਦ ਉਠਿਆ ਸੀ ਤਾਂ ਸ਼੍ਰੋਮਣੀ ਕਮੇਟੀ ਨੇ ਐਲਾਨ ਕੀਤਾ ਸੀ ਕਿ ਸ਼੍ਰੋਮਣੀ ਕਮੇਟੀ ਡੇਰਾ ਮੁਖੀ ਖਿਲਾਫ ਹਰ ਤਰ੍ਹਾਂ ਦੀ ਕਾਨੂੰਨੀ ਲਡ਼ਾਈ ਲਡ਼ੇਗੀ। ਸੂਚਨਾ ਦੇ ਅਧਿਕਾਰ ਤਹਿਤ ਸ਼੍ਰੋਮਣੀ ਕਮੇਟੀ ਨੇ ਦੱਸਿਆ ਹੈ ਕਿ ਸ਼੍ਰੋਮਣੀ ਕਮੇਟੀ ਨੇ ਡੇਰਾ ਮੁਖੀ ਦੇ ਕੇਸ ਦੀ ਪੈਰਵਾਈ ਅਤੇ ਵਕੀਲਾਂ ਦੀ ਫੀਸ ’ਤੇ 1.32 ਲੱਖ ਰੁਪਏ ਖਰਚ ਕੀਤੇ ਹਨ। ਦੂਸਰੀ ਤਰਫ ਮੁਦਈ ਰਜਿੰਦਰ ਸਿੰਘ ਸਿੱਧੂ ਦਾ ਕਹਿਣਾ ਸੀ ਕਿ ਉਸ ਨੂੰ ਸ਼੍ਰੋਮਣੀ ਕਮੇਟੀ ਨੇ ਵਕੀਲਾਂ ਨੂੰ ਫੀਸ ਦੇਣ ਵਾਸਤੇ ਹੁਣ ਤੱਕ ਸਿਰਫ 35 ਹਜ਼ਾਰ ਰੁਪਏ ਦਿੱਤੇ ਹਨ ਜਦਕਿ ਉਸ ਨੇ  75 ਹਜ਼ਾਰ ਰੁਪਏ ਦਾ ਬਿੱਲ ਦਿੱਤਾ ਸੀ। ਮੁਦਈ ਆਖਦਾ ਹੈ ਕਿ ਜਦੋਂ ਹਾਈ ਕੋਰਟ ਵਿੱਚ ਮਾਮਲਾ ਸੀ ਤਾਂ ਉਦੋਂ ਦੋ ਤਿੰਨ ਪੇਸ਼ੀਆਂ ’ਤੇ ਹੀ ਸ਼੍ਰੋਮਣੀ ਕਮੇਟੀ ਦਾ ਵਕੀਲ ਪੇਸ਼ ਹੋਇਆ ਸੀ। ਬਾਕੀ ਲਡ਼ਾਈ ਉਸ ਨੇ ਪ੍ਰਾਈਵੇਟ ਵਕੀਲਾਂ ਦੀ ਮਦਦ ਨਾਲ ਲਡ਼ੀ ਹੈ।
ਦੱਸਣਯੋਗ ਹੈ ਕਿ ਡੇਰਾ ਮੁਖੀ ਖਿਲਾਫ ਬਠਿੰਡਾ ਦੇ ਗੁਰਦੁਆਰਾ ਸਿੰਘ ਸਭਾ ਦੇ ਪ੍ਰਧਾਨ ਅਤੇ ਨਗਰ ਕੌਂਸਲਰ ਰਜਿੰਦਰ ਸਿੰਘ ਸਿੱਧੂ ਵੱਲੋਂ ਧਾਰਾ 295 ਏ ਦਾ ਬਠਿੰਡਾ ਕੋਤਵਾਲੀ ਵਿੱਚ ਪੁਲੀਸ ਕੇਸ ਦਰਜ ਕਰਾਇਆ ਗਿਆ ਸੀ। ਉਦੋਂ ਉਸ ਨੂੰ ਪੁਲੀਸ ਸੁਰੱਖਿਆ ਵੀ ਦਿੱਤੀ ਗਈ ਸੀ ਜੋ ਉਸ ਨੇ ਵਾਪਸ ਕਰਕੇ ਸਿਰਫ ਇੱਕ ਸਿਪਾਹੀ ਰੱਖ ਲਿਆ ਸੀ। ਇਹ ਮਾਮਲਾ ਕਾਫੀ ਦੇਰ ਹਾਈ ਕੋਰਟ ਵਿੱਚ ਚੱਲਦਾ ਰਿਹਾ ਹੈ। ਮੁਦਈ ਰਜਿੰਦਰ ਸਿੱਧੂ ਦਾ ਕਹਿਣਾ ਸੀ ਕਿ ਉਹ ਖੁਦ ਬਠਿੰਡਾ ਤੋਂ ਕੋਤਵਾਲੀ ਪੁਲੀਸ ਨੂੰ ਨਾਲ ਲੈ ਕੇ ਚੰਡੀਗਡ਼੍ਹ ਤਰੀਕਾਂ ’ਤੇ ਜਾਂਦਾ ਰਿਹਾ। ਪੱਲਿਓਂ ਤੇਲ ਫੂਕਦਾ ਰਿਹਾ ਹੈ ਅਤੇ ਪੱਲਿਓਂ ਹੀ ਪੁਲੀਸ ਟੀਮ ਨੂੰ ਰੋਟੀ ਖਵਾਉਂਦਾ ਸੀ। ਉਸ ਨੇ ਦੱਸਿਆ ਕਿ ਉਸ ਨੂੰ ਸ਼੍ਰੋਮਣੀ ਕਮੇਟੀ ਨੇ ਸਿਰਫ 35 ਹਜ਼ਾਰ ਰੁਪਏ ਦਿੱਤੇ ਸਨ ਜੋ ਕਿ ਉਸ ਨੇ ਹਾਈ ਕੋਰਟ ਅਤੇ ਬਠਿੰਡਾ ਦੇ ਵਕੀਲਾਂ ਨੂੰ ਫੀਸ ਦੇ ਦਿੱਤੀ ਸੀ। ਉਸ ਨੇ ਦੱਸਿਆ ਉਸ ਨੇ ਸਿੱਖ ਪੰਥ ਦੀ ਤਰਫੋਂ ਇਹ ਕੇਸ ਲਡ਼ਿਆ ਹੈ ਅਤੇ ਇੱਕ ਦਫਾ ਉਸ ਨੇ ਸ਼੍ਰੋਮਣੀ ਕਮੇਟੀ ਤੋਂ ਕੇਸ ਦੀ ਪੈਰਵਾਈ ਲਈ ਗੱਡੀ ਦੀ ਮੰਗ ਕੀਤੀ ਸੀ ਜੋ ਕਿ ਦਿੱਤੀ ਨਹੀਂ ਗਈ। ਉਸ ਨੇ ਦੱਸਿਆ ਕਿ ਲੋਕ ਸਭਾ ਚੋਣਾਂ ਮਗਰੋਂ ਤਾਂ ਸ਼੍ਰੋਮਣੀ ਕਮੇਟੀ ਨੇ ਕਦੇ ਉਸ ਨਾਲ ਇਸ ਕੇਸ ਸਬੰਧੀ ਕੋਈ ਗੱਲਬਾਤ ਵੀ ਨਹੀਂ ਕੀਤੀ। ਉਸ ਦਾ ਕਹਿਣਾ ਸੀ ਕਿ ਸ਼੍ਰੋਮਣੀ ਕਮੇਟੀ ਏਨੀ ਰਾਸ਼ੀ ਕਿਥੇ ਖਰਚ ਕੀਤੀ ਹੈ, ਸਮਝੋ ਬਾਹਰ ਹੈ।
ਮੁਦਈ ਰਜਿੰਦਰ ਸਿੱਧੂ ਦਾ ਕਹਿਣਾ ਸੀ ਕਿ ਉਸ ਨੇ ਇਹ ਫੈਸਲਾ ਕਰ ਲਿਆ ਹੈ ਕਿ ਉਹ ਸ਼੍ਰੋਮਣੀ ਕਮੇਟੀ ਤੋਂ ਭੀਖ ਨਹੀਂ ਮੰਗੇਗਾ। ਉਨ੍ਹਾਂ ਆਖਿਆ ਕਿ ਸ਼੍ਰੋਮਣੀ ਕਮੇਟੀ ਨੂੰ ਖੁਦ ਚਾਹੀਦਾ ਸੀ ਕਿ ਉਹ ਡੇਰਾ ਮੁਖੀ ਖਿਲਾਫ਼ ਦਰਜ ਕੇਸ ਦੀ ਪੈਰਵਾਈ ਕਰਦੀ ਪ੍ਰੰਤੂ  ਕਮੇਟੀ ਨੇ ਇਸ ਕੇਸ ਵੱਲ ਕੋਈ ਧਿਆਨ ਹੀ ਨਹੀਂ ਦਿੱਤਾ। ਉਨ੍ਹਾਂ ਇਹ ਵੀ ਦੱਸਿਆ ਕਿ ਹੋਰ ਕਿਸੇ ਧਾਰਮਿਕ ਜਥੇਬੰਦੀ ਨੇ ਡੇਰਾ ਮੁਖੀ ਵਾਲੇ ਕੇਸ ਵਿੱਚ ਉਸ ਦਾ ਸਹਿਯੋਗ ਨਹੀਂ ਕੀਤਾ ਅਤੇ ਕਿਸੇ ਨੇ ਹਾਅ ਦਾ ਨਾਅਰਾ ਵੀ ਨਹੀਂ ਮਾਰਿਆ। ਦੱਸਣਯੋਗ ਹੈ ਡੇਰਾ ਮੁਖੀ  ਦੇ ਕੇਸ ਦਾ ਮੁਦਈ ਰਜਿੰਦਰ ਸਿੰਘ ਸਿੱੱਧੂੁ ਅੱਜ ਕੱਲ ਇਸ ਕਰਕੇ ਚਰਚਾ ਹੈ ਕਿ ਉਸ ਨੇ ਪਹਿਲਾਂ ਤਾਂ ਡੇਰਾ ਮੁਖੀ ਖਿਲਾਫ ਦਰਜ ਕੇਸ ਨੂੰ ਕੈਂਸਲ ਕਰਨ ਵਾਸਤੇ ਪੁਲੀਸ ਨੂੰ ਹਲਫੀਆ ਬਿਆਨ ਦੇ ਦਿੱਤਾ ਅਤੇ ਮਗਰੋਂ ਹੁਣ ਉਹ ਹਲਫੀਆ ਬਿਆਨ ਤੋਂ ਹੀ ਮੁਕਰ ਗਿਆ ਹੈ।
ਮਾਮਲਾ ਇਕੱਲੇ ਮੁਦਈ ਦਾ ਨਹੀਂ ਬਲਕਿ ਸਿੱਖ ਕੌਮ ਦਾ:ਨੰਦਗਡ਼੍ਹ
ਤਖਤ ਦਮਦਮਾ ਸਾਹਿਬ ਦੇ ਜਥੇਦਾਰ ਗਿਆਨੀ ਬਲਵੰਤ ਸਿੰਘ ਨੰਦਗਡ਼੍ਹ ਦਾ ਕਹਿਣਾ ਸੀ ਕਿ ਸ਼੍ਰੋਮਣੀ ਕਮੇਟੀ ਨੂੰ ਮੁਦਈ ਰਜਿੰਦਰ ਸਿੰਘ ਸਿੱਧੂ ਦੀ ਡੇਰਾ ਮੁਖੀ ਖਿਲਾਫ ਚੱਲ ਰਹੇ ਕੇਸ ਦੇ ਸਬੰਧ ਵਿੱਚ ਹਰ ਤਰ੍ਹਾਂ ਦੀ ਮਦਦ ਕਰਨੀ ਚਾਹੀਦੀ ਸੀ ਕਿਉਂਕਿ ਇਹ ਮਾਮਲਾ ਇਕੱਲੇ ਮੁਦਈ ਦਾ ਨਹੀਂ ਬਲਕਿ ਸਿੱਖ ਕੌਮ ਦਾ ਹੈ। ਉਨ੍ਹਾਂ ਆਖਿਆ ਕਿ ਸ਼੍ਰੋਮਣੀ ਕਮੇਟੀ ਨੂੰ ਲੋਡ਼ ਪੈਣ ’ਤੇ ਆਪਣੀ ਟਾਸਕ ਫੋਰਸ ਵੀ ਮੁਦਈ ਨਾਲ ਭੇਜਣੀ ਚਾਹੀਦੀ ਸੀ। ਉਨ੍ਹਾਂ ਆਖਿਆ ਕਿ ਅਸਲ ਵਿੱਚ ਇਹ ਕੇਸ ਸ਼੍ਰੋਮਣੀ ਕਮੇਟੀ ਸਾਰਾ ਖਰਚ ਕਰਕੇ ਖੁਦ ਲਡ਼ਦੀ। 
ਰੋਜ਼ਾਨਾ ਪੰਜਾਬੀ ਟ੍ਰਿਬਿਊਨ 'ਚ ਪ੍ਰਕਾਸ਼ਿਤ ਇਸ ਖਬਰ ਦੇ ਨਾਲ ਹੀ ਇੱਕ ਹੋਰ ਖਬਰ ਦਾ ਜ਼ਿਕਰ ਵੀ ਜ਼ਰੂਰੀ ਹੈ ਜਿਸਨੂੰ 6  ਹਿੰਦੀ ਦੀ ਪ੍ਰਸਿਧ ਅਖਬਾਰ ਪੰਜਾਬ ਕੇਸਰੀ ਜਲੰਧਰ ਨੇ 6 ਫਰਵਰੀ ਵਾਲੇ ਅੰਕ ਵਿੱਚ ਪ੍ਰਕਾਸ਼ਿਤ ਕੀਤਾ ਹੈ। ਇਸ ਖਬਰ ਮੁਤਾਬਿਕ ਜਥੇਦਾਰ ਬਲਵਤ ਸਿੰਘ ਨੰਦਗੜ੍ਹ ਨੇ ਕਿਹਾ ਹੈ ਕਿ ਜੇ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ, ਉਪ ਮੁੱਖ ਮੰਤਰੀ ਸੁਖਬੀਰ ਸਿੰਘ ਬਾਦਲ ਜਾਂ ਕਿਸੇ ਵੀ ਹੋਰ ਸਿੱਖ ਦਾ ਡੇਰੇ ਵਿੱਚ ਜਾਣਾ  ਸਾਬਿਤ ਹੋਇਆ ਤਾਂ ਉਹਨਾਂ ਨੂੰ ਵੀ ਤਖ਼ਤ ਸਾਹਿਬ  ਵਿਖੇ ਪਹੁੰਚਣ ਟ੍ਰ ਕਦੇ ਕੋਈ ਸਿਰੋਪਾ ਨਹੀਂ ਦਿੱਤਾ ਜਾਏਗਾ। ਜਥੇਦਾਰ ਨੰਦਗੜ੍ਹ ਨੇ ਇਹ ਵੀ ਸਪਸ਼ਟ ਕੀਤਾ ਕਿ ਰਾਜਿੰਦਰ ਸਿੰਘ ਸਿਧੂ ਵੱਲੋਂ ਇਸ ਮਾਮਲੇ ਤੇ ਲਿਆ ਗਿਆ ਸਟੈਂਡ ਸ਼ਲਾਘਾਯੋਗ ਹੈ ਅਤੇ ਸਿੱਖ ਕੌਮ ਪੂਰੀ ਤਰ੍ਹਾਂ ਰਾਜਿੰਦਰ ਸਿੰਘ ਸਿਧੂ ਦੇ ਨਾਲ ਹੈ। ਉਹਨਾਂ ਨੇ ਸਿਆਸੀ ਪਾਰਟੀਆਂ ਵਿੱਚ ਡੇਰਿਆਂ ਦੇ ਲਗਾਤਾਰ ਵਧ ਰਹੇ  ਦਬਦਬੇ ਨੂੰ ਖਤਮ ਕਰਨ ਲਈ ਮੁਹਿੰਮ ਚਲਾਉਣ ਦੀ ਗੱਲ ਵੀ ਕਹੀ ਹੈ ਕਿ ਏਕ ਨੂਰ ਖਾਲਸਾ ਫੌਜ ਪੰਜਾਬ ਵੱਲੋਂ ਸਿੱਖ ਵੋਟਰਾਂ ਨੂੰ ਇੱਕ ਜੁੱਟ ਕਰਨ ਲਈ ਚਲਾਈ ਜਾਏਗੀ। ਚੇਤੇ ਰਹੇ ਕਿ ਪਿਛਲੇ ਦਿਨੀਂ ਸ਼੍ਰੋਮਣੀ ਖਾਲਸਾ ਪੰਚਾਇਤ ਅਤੇ ਕੁਝ ਹੋਰ ਜਥੇਬੰਦੀਆਂ ਨੇ ਵੀ ਉਹਨਾਂ ਲੀਡਰਾਂ ਵਿਰੁਧ ਕਾਰਵਾਈ ਦੀ ਮੰਗ ਕੀਤੀ ਸੀ ਜਿਹੜੇ ਚੋਣਾਂ ਦੇ ਮੌਸਮ ਦੌਰਾਨ ਵੋਟਾਂ ਮੰਗਣ ਲਈ ਡੇਰੇ ਦੇ ਦਰਬਾਰ ਵਿੱਚ ਹਾਜਰ ਹੋਏ ਸਨ। ਇਸ ਮਾਮਲੇ ਤੇ ਜਥੇਦਾਰ ਨੇ ਇੱਕ ਵਾਰ ਫੇਰ ਸਪਸ਼ਟ ਕੀਤਾ ਹੈ ਕਿ ਵੋਟਾਂ ਮੰਗਣ ਲਈ ਡੇਰਾ ਸਿਰਸਾ ਵਿਖੇ ਗਏ ਅਕਾਲੀ ਲੀਡਰਾਂ ਵਿਰੁਧ ਕਾਰਵਾਈ ਕਰਨ ਦੇ ਮਾਮਲੇ ਵਿੱਚ ਸ਼੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਜਥੇਦਾਰ ਹੀ ਸੁਪਰੀਮ  ਪਾਵਰ ਹਨ। ਇਸ ਖਬਰ ਦੀ ਤਸਵੀਰ ਵੀ ਨਾਲ ਹੀ ਪ੍ਰਕਾਸ਼ਿਤ ਕੀਤੀ ਗਈ ਹੈ ਜਿਸਤੇ ਕਲਿੱਕ ਕਰਕੇ ਤੁਸੀਂ ਇਸ ਨੂੰ ਵੱਡਿਆਂ ਕਰਕੇ ਵੀ ਪੜ੍ਹ ਸਕਦੇ ਹੋ। ਇਹਨਾਂ ਬਿਆਨ ਬਾਜੀਆਂ ਦੇ ਵਿੱਚ ਇਹ ਮਸਲਾ ਅਜੇ ਵੀ ਕਾਇਮ ਹੈ ਕਿ  ਇਨਾ ਕਿਸੇ ਠੋਸ ਮਦਦ ਦੇ ਅਜਿਹੇ ਕੇਸ ਇੱਕਲਿਆਂ ਕਿੰਨੀ ਕੁ ਦੇਰ ਲੜੇ ਜਾ ਸਕਦੇ ਹਨ ? ਅਜਿਹਾ ਅਕਸਰ ਹੁੰਦਾ ਰਿਹਾ ਹੈ ਕਿ ਲੀਡਰ ਤਾਂ ਭੜਕਾਊ ਤਕਰੀਰਾਂ ਮਗਰੋਂ ਕੁਰਸੀਆਂ ਤੇ ਪੁੱਜ ਜਾਂਦੇ ਹਨ ਤੇ ਆਮ ਲੋਕ ਸੰਘਰਸ਼ਾਂ ਦੇ ਰਾਹ ਪੈ ਆਪਣੀ ਪੂਰੀ ਜਿੰਦਗੀ ਰੋਲ ਬੈਠਦੇ ਹਨ।