Showing posts with label Hunger Strike. Show all posts
Showing posts with label Hunger Strike. Show all posts

Tuesday, April 16, 2024

ਚੰਡੀਗੜ੍ਹ ਪੰਜਾਬੀ ਮੰਚ ਦੀ ਭੁਖ ਹੜਤਾਲ ਵਾਲੇ ਧਰਨੇ ਨੂੰ ਮਿਲਿਆ ਸਿਆਸੀ ਹੁੰਗਾਰਾ

Tuesday 16th April 2024 at 19:39

4 ਸਿਆਸੀ ਪ੍ਰਤੀਨਿਧਾਂ ਵੱਲੋਂ ਪੰਜਾਬੀ ਦੇ ਹੱਕ ਵਿੱਚ "ਸਹਿਯੋਗ ਦਾ ਵਾਅਦਾ" 


ਚੰਡੀਗੜ੍ਹ
: 16 ਅਪ੍ਰੈਲ 2024: (ਰੈਕਟਰ ਕਥੂਰੀਆ//ਪੰਜਾਬ ਸਕਰੀਨ ਡੈਸਕ)::

ਮਾਂ ਬੋਲੀ ਪੰਜਾਬੀ ਦੇ ਹੱਕ ਵਿੱਚ ਸੰਘਰਸ਼ ਕਰ ਰਹੇ ਚੰਡੀਗੜ੍ਹ ਪੰਜਾਬੀ ਮੰਚ ਨੇ ਇਸ ਵਾਰ ਚੋਣਾਂ ਦੇ ਮੌਸਮ ਦਾ ਲਾਹਾ ਲੈਣ ਦੀ ਕੋਸ਼ਿਸ਼ ਵਿੱਚ ਇੱਕ ਧਰਨਾ ਵੀ ਲਾਇਆ ਅਤੇ ਭੁੱਖ ਹੜਤਾਲ ਵੀ ਕੀਤੀ। ਇਹ ਸਾਰਾ ਐਕਸ਼ਨ ਹਮੇਸ਼ਾਂ ਵਾਂਗ ਐਤਕੀਂ ਵੀ ਬਹੁਤ ਹੀ ਸ਼ਾਂਤਮਈ ਅਤੇ ਅਨੁਸ਼ਾਸਨ ਭਰਿਆ ਸੀ। ਸੈਕਟਰ 17 ਦੇ ਇਲਾਕੇ ਵਿੱਚ ਇੱਕ ਥਾਂ ਭੀੜ ਭੜੱਕੇ ਵਾਲੇ ਬ੍ਰਿਜ ਮਾਰਕੀਟ ਵੱਜੋਂ ਵੀ ਜਾਣੀ ਜਾਂਦੀ ਹੈ। ਇਸ ਥਾਂ ਧੁੱਪਾਂ ਅਤੇ ਹਵਾਵਾਂ ਬੜਾ ਖੁੱਲ੍ਹ ਕੇ ਸਾਥ ਦੇਂਦੀਆਂ ਹਨ। ਇਥੇ ਸਵੇਰੇ ਅੱਠ ਵਜੇ ਹੀ ਧਰਨਾ ਵੀ ਸ਼ੁਰੂ ਕਰ ਦਿੱਤਾ ਗਿਆ ਸੀ ਅਤੇ ਭੁੱਖ ਹੜਤਾਲ ਵੀ। ਮਾਂ ਬੋਲੀ ਪੰਜਾਬੀ ਨੂੰ ਯੂ.ਟੀ. ਚੰਡੀਗੜ੍ਹ ਵਿੱਚ ਮਾਣ ਸਨਮਾਨ ਦਿਵਾਉਣ ਦੀ ਮੰਗ 'ਤੇ ਜ਼ੋਰ ਦੇਣ ਲਈ ਪਹਿਲਾਂ ਵੀ ਅਜਿਹੇ ਐਕਸ਼ਨ ਇਸ ਸੰਗਠਨ ਵੱਲੋਂ ਕੀਤੇ ਜਾ ਚੁੱਕੇ ਹਨ। ਸਰਕਾਰ ਅਤੇ ਉਨ੍ਹਾਂ 'ਤੇ ਅਸਰ ਤਾਂ ਭਾਵੇਂ ਕਦੇ ਨਹੀਂ ਹੋਇਆ ਪਰ ਇਹਨਾਂ ਸਰਗਰਮੀਆਂ ਨੂੰ ਲਗਾਤਾਰ ਕਿਸੇ ਨ ਕਿਸੇ ਬਹਾਨੇ ਸੰਚਾਲਿਤ ਕਰਨ ਵਾਲੇ ਇੱਕ ਇਤਿਹਾਸ ਜ਼ਰੂਰੁ ਰਚ ਰਹੇ ਹਨ ਕਿ ਕੱਲ੍ਹ ਨੂੰ ਸੱਤਾ ਅਤੇ ਸਿਆਸਤ ਵਾਲੇ ਆਪਣੀਆਂ ਸਾਜ਼ਿਸ਼ਾਂ ਨੂੰ ਜਾਇਜ਼ ਠਹਿਰਾਉਣ ਲਈ ਕਦੇ ਵੀ ਇਹ ਨਾ ਕਹਿਣ ਸਾਡੇ ਕੋਲ ਤਾਂ ਕਦੇ ਕਿਸੇ ਚੰਡੀਗੜ੍ਹ ਵਾਸੀ ਨੇ ਕੋਈ ਗੱਲ ਹੀ ਸਾਹਮਣੇ ਨਹੀਂ ਲਿਆਂਦੀ। ਚੰਡੀਗੜ੍ਹ ਪੰਜਾਬੀ ਮੰਚ ਬਾਰ ਬਾਰ ਇਹ ਇਤਿਹਾਸ ਰਚ ਰਿਹਾ ਹੈ ਕਿ ਅਸੀਂ ਬਾਰ ਬਾਰ ਇਸ ਸਾਜ਼ਿਸ਼ੀ ਬੇਇਨਸਾਫ਼ੀ ਦੇ ਖਿਲਾਫ ਆਵਾਜ਼ ਉਠਾਈ। 

ਅੱਜ ਵੀ ਚੰਡੀਗੜ੍ਹ ਪੰਜਾਬੀ ਮੰਚ ਵੱਲੋਂ ਧਰਨਾ ਪ੍ਰਦਰਸ਼ਨ ਅਤੇ ਭੁੱਖ ਹੜਤਾਲ ਦਾ ਐਕਸ਼ਨ ਪੂਰੀ ਤਰ੍ਹਾਂ ਸਫਲ ਰਿਹਾ। ਕਾਂਗਰਸ, ਸ਼੍ਰੋਮਣੀ ਅਕਾਲੀ ਦਲ, ਆਮ ਆਦਮੀ ਪਾਰਟੀ ਅਤੇ ਭਾਰਤੀ ਜਨਤਾ ਪਾਰਟੀ ਦੇ ਆਗੂਆਂ ਨੇ ਪਹੁੰਚ ਕੇ ਆਪੋ ਆਪਣੇ ਵਿਚਾਰ ਪੇਸ਼ ਕੀਤੇ। ਚੰਡੀਗੜ੍ਹ ਪੰਜਾਬੀ ਮੰਚ ਦੀ ਭੁਖ ਹੜਤਾਲ ਵਾਲੇ ਧਰਨੇ ਨੂੰ ਜਿਹੜਾ ਸਿਆਸੀ ਹੁੰਗਾਰਾ ਅੱਜ ਮਿਲਿਆ ਉਸਦੀ ਅਹਿਮੀਅਤ ਆਉਣ ਵਾਲੇ ਸਮੇਂ ਵਿੱਚ ਹੋਰ ਵਧੇਗੀ। 

ਯੂ.ਟੀ. ਚੰਡੀਗੜ੍ਹ ਪ੍ਰਸ਼ਾਸਨ ਵਿੱਚ ਇਥੋਂ ਦੀ ਮਾਂ ਬੋਲੀ ਪੰਜਾਬੀ ਨੂੰ ਪਹਿਲੀ ਅਤੇ ਪ੍ਰਸ਼ਾਸਕੀ ਭਾਸ਼ਾ ਦਾ ਦਰਜਾ ਦਿਵਾਉਣ ਦੀ ਮੰਗ ਨੂੰ ਲੋਕ ਸਭਾ ਚੋਣਾਂ ਵਿੱਚ ਮੁੱਦਾ ਬਣਾਉਣ ਦੇ ਲਈ ਅੱਜ ਚੰਡੀਗੜ੍ਹ ਪੰਜਾਬੀ ਮੰਚ ਵੱਲੋਂ ਸੈਕਟਰ 17 ਵਿਖੇ ਪੁਲ਼ ਹੇਠਾਂ ਧਰਨਾ ਪ੍ਰਦਰਸ਼ਨ ਅਤੇ ਭੁੱਖ ਹੜਤਾਲ ਕੀਤੀ ਗਈ। ਧਰਨੇ ਵਿੱਚ ਪੇਂਡੂ ਸੰਘਰਸ਼ ਕਮੇਟੀ ਚੰਡੀਗੜ੍ਹ, ਤਰਕਸ਼ੀਲ ਸੋਸਾਇਟੀ ਸਮੇਤ ਲੇਖਕ ਸਭਾਵਾਂ ਅਤੇ ਕਿਸਾਨ ਆਗੂਆਂ ਨੇ ਵੀ ਸ਼ਿਰਕਤ ਕੀਤੀ ਅਤੇ ਯੂ.ਟੀ. ਪ੍ਰਸ਼ਾਸਨ ਖਿਲਾਫ਼ ਜ਼ੋਰਦਾਰ ਨਾਅਰੇਬਾਜ਼ੀ ਕਰਦਿਆਂ ਪੰਜਾਬੀ ਭਾਸ਼ਾ ਨੂੰ ਪਹਿਲੀ ਅਤੇ ਪ੍ਰਸ਼ਾਸਕੀ ਭਾਸ਼ਾ ਦਾ ਦਰਜਾ ਦਿਵਾਉਣ ਦੀ ਮੰਗ ਰੱਖੀ।

ਮੰਚ ਦੇ ਪ੍ਰਧਾਨ ਸੁਖਜੀਤ ਸਿੰਘ ਸੁੱਖਾ ਹੱਲੋਮਾਜਰਾ, ਜਨਰਲ ਸਕੱਤਰ ਕਾਮਰੇਡ ਦੇਵੀ ਦਿਆਲ ਸ਼ਰਮਾ, ਗੁਰਪ੍ਰੀਤ ਸਿੰਘ ਸੋਮਲ ਅਤੇ ਸ਼ਰਨਜੀਤ ਸਿੰਘ ਬੈਦਵਾਨ ਰਾਏਪੁਰ ਕਲਾਂ ਦੀ ਅਗਵਾਈ ਹੇਠ ਦਿੱਤੇ ਗਏ ਇਸ ਧਰਨੇ ਵਿੱਚ ਕਾਂਗਰਸ ਪਾਰਟੀ ਵੱਲੋਂ ਲੋਕ ਸਭਾ ਦੀ ਚੋਣ ਲੜ ਰਹੇ ਸਾਬਕਾ ਮੈਂਬਰ ਪਾਰਲੀਮੈਂਟ ਮਨੀਸ਼ ਤਿਵਾੜੀ, ਸ਼੍ਰੋਮਣੀ ਅਕਾਲੀ ਦਲ ਚੰਡੀਗੜ੍ਹ ਦੇ ਪ੍ਰਧਾਨ ਹਰਦੀਪ ਸਿੰਘ ਬੁਟੇਰਲਾ, ਆਮ ਆਦਮੀ ਪਾਰਟੀ ਤੋਂ ਚੰਡੀਗੜ੍ਹ ਨਗਰ ਨਿਗਮ ਦੇ ਮੇਅਰ ਕੁਲਦੀਪ ਕੁਮਾਰ ਢਿਲੋਡ, ਭਾਰਤੀ ਜਨਤਾ ਪਾਰਟੀ ਤੋਂ ਬੁਲਾਰੇ ਗੁਰਪ੍ਰੀਤ ਸਿੰਘ ਢਿੱਲੋਂ ਨੇ ਪਹੁੰਚ ਕੇ ਪੰਜਾਬੀ ਭਾਸ਼ਾ ਪ੍ਰਤੀ ਆਪੋ ਆਪਣੀਆਂ ਪਾਰਟੀਆਂ ਦੇ ਏਜੰਡੇ ਪੇਸ਼ ਕੀਤੇ।

ਮੰਚ ਦੇ ਅਹੁਦੇਦਾਰਾਂ ਨੇ ਆਪੋ ਆਪਣੇ ਸੰਬੋਧਨਾਂ ਵਿੱਚ ਕਿਹਾ ਕਿ ਸਿਆਸੀ ਪਾਰਟੀਆਂ ਤੋਂ ਮੰਗ ਹੈ ਕਿ ਉਹ ਆਪਣੇ ਚੋਣ ਮੈਨੀਫੈਸਟੋ ਵਿੱਚ ਇਹ ਗੱਲ ਸ਼ਾਮਿਲ ਕਰਨ ਕਿ ਚੋਣ ਜਿੱਤਣ ਉਪਰੰਤ ਉਨ੍ਹਾਂ ਦੀ ਪਾਰਟੀ ਚੰਡੀਗੜ੍ਹ ਵਿੱਚ ਮਾਂ ਬੋਲੀ ਪੰਜਾਬੀ ਨੂੰ ਪਹਿਲੀ ਅਤੇ ਪ੍ਰਸ਼ਾਸਕੀ ਭਾਸ਼ਾ ਦਾ ਦਰਜਾ ਦਿਵਾਉਣਗੇ ਅਤੇ ਪੰਜਾਬੀ ਭਾਸ਼ਾ ਦੇ ਇਸ ਮੁੱਦੇ ਨੂੰ ਸੰਸਦ ਵਿੱਚ ਰੱਖਣਗੇ।

ਉਕਤ ਮੰਗ ਮੁਤਾਬਕ ਭਾਵੇਂ ਕਿ ਇਨ੍ਹਾਂ ਪਾਰਟੀਆਂ ਦੇ ਆਗੂਆਂ ਨੇ ਭਾਸ਼ਾ ਪ੍ਰਤੀ ਆਪਣੀ ਸੁਹਿਰਦਤਾ ਦਿਖਾਉਣ ਦੇ ਭਰੋਸੇ ਦਿੱਤੇ ਪ੍ਰੰਤੂ ਮੰਚ ਦੀ ਅਸਲ ਮੰਗ ਮੁਤਾਬਕ ਸਿਰਫ਼ ਅਕਾਲੀ ਦਲ ਪ੍ਰਧਾਨ ਹਰਦੀਪ ਬੁਟੇਰਲਾ ਨੇ ਪੰਜਾਬੀ ਭਾਸ਼ਾ ਦਾ ਮੁੱਦਾ ਆਪਣੇ ਚੋਣ ਮੈਨੀਫੈਸਟੋ ਵਿੱਚ ਸ਼ਾਮਿਲ ਕਰਨ ਦਾ ਐਲਾਨ ਕੀਤਾ।

ਅੱਜ ਦੇ ਧਰਨੇ ਵਿੱਚ ਬਾਬਾ ਸਾਧੂ ਸਿੰਘ ਸਾਰੰਗਪੁਰ, ਬਾਬਾ ਗੁਰਦਿਆਲ ਸਿੰਘ ਖੁੱਡਾ ਅਲੀਸ਼ੇਰ, ਸਿਰੀ ਰਾਮ ਅਰਸ਼, ਵਿਸ਼ਵ ਪੰਜਾਬੀ ਪ੍ਰਚਾਰ ਸਭਾ ਤੋਂ ਪ੍ਰਿੰਸੀਪਲ ਬਹਾਦਰ ਸਿੰਘ ਗੋਸਲ, ਪੱਤਰਕਾਰ ਤਰਲੋਚਨ ਸਿੰਘ, ਕੇਂਦਰੀ ਪੰਜਾਬੀ ਲੇਖਕ ਸਭਾ ਤੋਂ ਡਾ. ਸੁਖਦੇਵ ਸਿੰਘ ਸਿਰਸਾ, ਨੰਬਰਦਾਰ ਦਲਜੀਤ ਸਿੰਘ ਪਲਸੌਰਾ, ਗੁਰਪ੍ਰੀਤ ਸਿੰਘ ਬਡਹੇੜੀ, ਅਵਤਾਰ ਸਿੰਘ ਮਨੀਮਾਜਰਾ, ਗੁਰਨਾਮ ਸਿੰਘ ਸਿੱਧੂ, ਸੀ.ਟੀ.ਯੂ. ਰਿਟਾਇਰਡ ਵਰਕਰਜ਼ ਯੂਨੀਅਨ ਤੋਂ ਰਣਜੀਤ ਸਿੰਘ ਹੰਸ, ਭੁਪਿੰਦਰ ਸਿੰਘ, ਕਾਮਰੇਡ ਰਾਜ ਕੁਮਾਰ, ਪ੍ਰਲਾਦ ਸਿੰਘ, ਗੁਰਦੁਆਰਾ ਸੰਗਠਨ ਤੋਂ ਤਾਰਾ ਸਿੰਘ, ਮਲਕੀਤ ਸਿੰਘ ਨਾਗਰਾ ਆਦਿ ਵੀ ਹਾਜ਼ਰ ਸਨ।

ਨਿਸਚਿਤ ਸਮਾਂ ਸੀਮਾ ਚਾਰ ਵਜੇ ਸ਼ਾਮ ਦੀ ਸੀ ਪਰ ਪੰਜਾਬੀ ਸੰਗਤਾਂ ਤਾਂ ਪਹਿਲਾਂ ਹੀ ਉੱਠਣੀਆਂ ਸ਼ੁਰੂ ਹੋ ਗਈਆਂ ਸਨ। ਇਥੇ ਪੁੱਜੇ ਲੀਡਰ ਵੀ ਆਪੋ ਆਪਣਾ ਭਾਸ਼ਣ ਦੇਂਦੇ ਅਤੇ ਤੁਰਦੇ ਬਣਦੇ ਰਹੇ। 

ਮੰਚ ਨੇ ਖੁਦ ਤਾਂ ਪਾਣੀ ਤੋਂ ਬਿਨਾ ਕੋਈ ਪ੍ਰਬੰਧ ਕੀਤਾ ਹੀ ਨਹੀਂ ਸੀ ਪਰ ਸਿਆਸੀ ਧਿਰਾਂ ਨਾਲ ਜੁੜੇ ਆਗੂਆਂ ਨੇ ਵੀ ਸਵੇਰ ਤੋਂ ਭੁੱਖ ਹੜਤਾਲ 'ਤੇ ਬੈਠੇ ਇਹਨਾਂ ਸਾਰੇ ਬੁਧੀਜੀਵੀਆਂ ਦਾ ਇਹ ਵਰਤ ਖੁਲਵਾਉਣ ਲਈ ਜੂਸ ਪਿਆਉਣ ਵਰਗਾ ਕੋਈ ਰਸਮੀ ਉਪਰਾਲਾ ਵੀ ਨਹੀਂ ਸੀ ਕੀਤਾ ਜਦਕਿ ਇਹ ਕੋਸ਼ਿਸ਼ ਸਭਨਾਂ ਸਿਆਸੀ ਆਗੂਆਂ ਵਲੂੰ ਸਾਂਝੇ ਤੌਰ ਤੇ ਕਰਨੀ ਬਣਦੀ ਸੀ। 

ਕਾਮਰੇਡ ਰਾਜਕੁਮਾਰ ਨੇ ਧਰਨੇ ਵਿੱਚ ਸ਼ਾਮਿਲ ਕੁਝ ਸਾਥੀਆਂ ਨੂੰ ਇਸ ਭੁੱਖ ਹੜਤਾਲ ਮਗਰੋਂ ਬਿਸਕੁਟਾਂ ਦੇ ਨਾਲ ਬਹੁਤ ਹੀ ਸੁਆਦ ਚਾਹ ਵੀ ਪਿਆਈ ਅਤੇ ਇਸ ਸਾਰੇ ਐਕਸ਼ਨ ਬਾਰੇ ਪੜਚੋਲ ਵੀ ਕੀਤੀ। ਰਹਿ ਗਈਆਂ ਕਮੀਆਂ ਨੂੰ ਵੀ ਪੂਰੀ ਨਿਰਪੱਖਤਾ ਨਾਲ ਵਿਚਾਰਿਆ ਗਿਆ। ਹੁਣ ਦੇਖਣਾ ਹੈ ਕਿ ਸਿਆਸੀ ਲੋਕ ਇਥੇ ਕੀਤੀ ਵਾਅਦਿਆਂ ਨੂੰ ਨਿਭਾਉਣ ਲਈ ਕਿੰਨੇ ਕੁ ਸੁਹਿਰਦ ਸਾਬਿਤ ਹੁੰਦੇ ਹਨ। 

Saturday, April 13, 2024

ਚੋਣਾਂ ਮੌਕੇ ਚੰਡੀਗੜ੍ਹ ਪੰਜਾਬੀ ਮੰਚ ਵੱਲੋਂ ਇੱਕ ਵਾਰ ਫੇਰ ਜ਼ੋਰਦਾਰ ਪੈਂਤੜਾ

Saturday 13th April 2024 at 18:05 KSJPTB 
ਸਿਆਸੀ ਪਾਰਟੀਆਂ ਨੂੰ ਪੰਜਾਬੀ ਭਾਸ਼ਾ ਪ੍ਰਤੀ ਸਟੈਂਡ ਸਪੱਸ਼ਟ ਕਰਨ ਦਾ ਸੱਦਾ

ਚੰਡੀਗੜ੍ਹ: 13 ਅਪ੍ਰੈਲ 2024: (ਕਾਰਤਿਕਾ ਕਲਿਆਣੀ ਸਿੰਘ ਇਨਪੁੱਟ-ਸਾਹਿਤ ਸਕਰੀਨ ਡੈਸਕ)::

ਪੰਜਾਬ ਦੇ ਪਿੰਡਾਂ ਨੂੰ ਉਜਾੜ ਕੇ ਬਣਾਏ ਗਏ ਚੰਡੀਗੜ੍ਹ ਵਿੱਚੋਂ ਪੰਜਾਬੀ ਨੂੰ ਅਲੋਪ ਕਰਨ ਦੀਆਂ ਸਾਜ਼ਿਸ਼ਾਂ ਲਗਾਤਾਰ ਜਾਰੀ ਹਨ। ਹੁਣ ਨਾ ਸਰੀਫ਼ ਚੰਡੀਗੜ੍ਹ ਦੇ ਸਰਕਾਰੀ ਦਫਤਰਾਂ ਦੇ ਕੰਮਕਾਜ ਵਿੱਚ ਪੰਜਾਬੀ ਲਾਪਤਾ ਵਰਗੀ ਹੈ ਬਲਕਿ ਚੰਡੀਗੜ੍ਹ ਵਿੱਚ ਪੰਜਾਬੀਆਂ ਦੀ ਗਿਣਤੀ ਵੀ ਲਗਾਤਾਰ ਘਟਦੀ ਜਾ ਰਹੀ ਹੈ। ਇਹ ਸਭ ਲੰਮੇ ਸਮੇਂ ਤੋਂ ਚਲੀਆਂ ਆ ਰਹੀਆਂ ਸਾਜ਼ਿਸ਼ਾਂ ਦਾ ਹੀ ਨਤੀਜਾ ਹੈ। ਇਸ ਹਨੇਰਗਰਦੀ ਦੇ ਖਿਲਾਫ "ਚੰਡੀਗੜ੍ਹ ਪੰਜਾਬੀ ਵਿਕਾਸ ਮੰਚ" ਲਗਾਤਾਰ ਸਰਗਰਮ ਹੈ। ਇਹਨਾਂ ਸਰਗਰਮੀਂਆਂ ਵਿੱਚ ਧਰਨੇ ਅਤੇ ਮਾਰਚ ਸ਼ਾਮਿਲ ਰਹਿੰਦੇ ਹਨ। ਆਮ ਲੋਕਾਂ ਤੱਕ ਇਹ ਚੇਤਨਾ ਕਿੰਨੀ ਕੁ ਪਹੁੰਚਦੀ ਹੈ ਇਹ ਤਾਂ ਸਮੇਂ ਨੇ ਦਸਣਾ ਹੈ ਪਰ ਚੰਡੀਗੜ੍ਹ ਪ੍ਰਸ਼ਾਸਨ ਦੇ ਅਧਿਕਾਰੀਆਂ 'ਤੇ ਇਹਨਾਂ ਸਰਗਰਮੀਆਂ ਦਾ ਕੋਈ ਅਸਰ ਹੁੰਦਾ ਨਜ਼ਰ ਨਹੀਂ ਆਉਂਦਾ। ਸ਼ਾਇਦ ਇਸੇ ਲਈ ਮੀ ਸੁੱਤੇ ਨੂੰ ਤਾਂ ਜਗਾਇਆ ਜਾ ਸਕਦਾ ਹੈ ਪਰ ਮਚਲੇ ਨੂੰ ਨਹੀਂ। 

ਇਹਨਾਂ ਮਚਲਿਆਂ ਨੂੰ ਜਗਾਉਣ ਲਈ ਇਸ ਵਾਰ ਚੰਡੀਗੜ੍ਹ ਪੰਜਾਬੀ ਮੰਚ ਦੇ ਸੂਝਵਾਨ ਅਹੁਦੇਦਾਰਾਂ ਅਤੇ ਨੀਤੀਵਾਨਾਂ ਨੇ ਇੱਕ ਵਾਰ ਫੇਰ ਜ਼ੋਰਦਾਰ ਪੈਂਤੜਾ ਲਿਆ ਹੈ। ਇਸ ਪੈਂਦੇ ਅਧੀਨ ਚੋਣਾਂ ਦੇ ਮੌਕੇ 'ਤੇ ਸਿਆਸੀ ਧਿਰਾਂ ਦੇ ਉਮੀਦਵਾਰਾਂ ਦੀ ਇਸ ਕਮਜ਼ੋਰੀ ਨੂੰ ਅਧਾਰ ਬਣਾਇਆ ਜਾ ਰਿਹਾ ਹੈ ਕਿ ਇਹ ਉਮੀਦਵਾਰ ਵੋਟਾਂ ਮੰਗਣ ਦੀ ਗੱਲ ਤਾਣਾ ਕਰਨਗੇ ਹੀ। ਚੰਡੀਗੜ੍ਹ ਪੰਜਾਬੀ ਮੰਚ ਉਹਨਾਂ ਉਮੀਦਵਾਰਾਂ ਨੂੰ ਵੋਟਾਂ ਪਾਉਣ ਦੀ ਸਿਫਾਰਿਸ਼ ਕਰੇਗਾ ਜਿਹੜੇ ਚੰਡੀਗੜ੍ਹ ਦੇ ਸਰਕਾਰੀ ਕੰਮਕਾਜ ਵਿੱਚ ਵਿੱਚ ਪੰਜਾਬੀ ਲਾਗੂ ਕਰਵਾਉਣ ਲਾਇ ਮੰਚ ਦਾ ਸਰਗਰਮ ਸਾਥ ਦੇਣਗੇ। 

ਲੋਕ ਸਭਾ ਚੋਣਾਂ ਦੀ ਪ੍ਰਕਿਰਿਆ ਵਿੱਚ ਜਿੱਥੇ ਸਾਰੀਆਂ ਸਿਆਸੀ ਪਾਰਟੀਆਂ ਆਪੋ ਆਪਣੇ ਢੰਗ ਨਾਲ ਲੋਕ ਮਸਲੇ ਹੱਲ ਕਰਨ ਲਈ ਆਪਣੇ ਏਜੰਡੇ ਤੈਅ ਕਰ ਰਹੇ ਹਨ, ਉਥੇ ਹੀ ਚੰਡੀਗੜ੍ਹ ਪੰਜਾਬੀ ਮੰਚ ਨੇ ਵੀ ਸਾਰੀਆਂ ਸਿਆਸੀ ਪਾਰਟੀਆਂ ਨੂੰ ਇੱਕ ਮੰਚ ’ਤੇ ਲਿਆ ਕੇ ਪੰਜਾਬੀ ਭਾਸ਼ਾ ਪ੍ਰਤੀ ਉਨ੍ਹਾਂ ਨੂੰ ਆਪਣਾ ਸਟੈਂਡ ਸਪੱਸ਼ਟ ਕਰਨ ਦਾ ਸੱਦਾ ਦਿੱਤਾ ਹੈ।

ਚੰਡੀਗੜ੍ਹ ਪੰਜਾਬੀ ਮੰਚ ਦੇ ਪ੍ਰਧਾਨ ਸੁਖਜੀਤ ਸਿੰਘ ਸੁੱਖਾ ਹੱਲੋਮਾਜਰਾ, ਜਨਰਲ ਸਕੱਤਰ ਕਾਮਰੇਡ ਦੇਵੀ ਦਿਆਲ ਸ਼ਰਮਾ, ਕੈਸ਼ੀਅਰ ਸ਼ਰਨਜੀਤ ਸਿੰਘ ਬੈਦਵਾਨ ਰਾਏਪੁਰ ਕਲਾਂ ਅਤੇ ਤਰਕਸ਼ੀਲ ਸੋਸਾਇਟੀ ਤੋਂ ਜੋਗਾ ਸਿੰਘ ਨੇ ਇੱਕ ਮੀਟਿੰਗ ਉਪਰੰਤ ਪੱਤਰਕਾਰਾਂ ਨੂੰ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਸਾਰੀਆਂ ਰਾਜਨੀਤਕ ਪਾਰਟੀਆਂ ਨੂੰ ਮੰਚ ਵੱਲੋਂ ਸੱਦਾ ਪੱਤਰ ਭੇਜੇ ਜਾ ਚੁੱਕੇ ਹਨ। ਮੰਚ ਵੱਲੋਂ 16 ਅਪ੍ਰੈਲ ਨੂੰ ਸਵੇਰੇ 8 ਵਜੇ ਤੋਂ ਸ਼ਾਮ 4 ਵਜੇ ਤੱਕ ਸੈਕਟਰ 17 ਸਥਿਤ ਪੁਲ਼ ਹੇਠਾਂ ਧਰਨਾ ਦਿੱਤਾ ਜਾ ਰਿਹਾ ਹੈ ਅਤੇ ਭੁੱਖ ਹੜਤਾਲ ਕੀਤੀ ਜਾ ਰਹੀ ਹੈ। ਰਾਜਨੀਤਕ ਪਾਰਟੀਆਂ ਦੇ ਆਗੂਆਂ ਨੂੰ ਦੁਪਹਿਰ 12 ਵਜੇ ਤੋਂ 2 ਵਜੇ ਤੱਕ ਦਾ ਸਮਾਂ ਦਿੱਤਾ ਗਿਆ ਹੈ ਜਿਸ ਵਿੱਚ ਪਹੁੰਚ ਕੇ ਉਹ ਪੰਜਾਬੀ ਭਾਸ਼ਾ ਪ੍ਰਤੀ ਆਪਣਾ ਸਟੈਂਡ ਸਪੱਸ਼ਟ ਕਰਨਗੇ।

ਉਨ੍ਹਾਂ ਕਿਹਾ ਕਿ ਸਿਆਸੀ ਪਾਰਟੀਆਂ ਤੋਂ ਮੰਗ ਕੀਤੀ ਜਾਵੇਗੀ ਕਿ ਉਹ ਆਪਣੇ ਚੋਣ ਮੈਨੀਫੈਸਟੋ ਵਿੱਚ ਇਹ ਗੱਲ ਸ਼ਾਮਿਲ ਕਰਨ ਕਿ ਚੋਣ ਜਿੱਤਣ ਉਪਰੰਤ ਉਨ੍ਹਾਂ ਦੀ ਪਾਰਟੀ ਚੰਡੀਗੜ੍ਹ ਵਿੱਚ ਮਾਂ ਬੋਲੀ ਪੰਜਾਬੀ ਨੂੰ ਪਹਿਲੀ ਅਤੇ ਪ੍ਰਸ਼ਾਸਕੀ ਭਾਸ਼ਾ ਦਾ ਦਰਜਾ ਦਿਵਾਉਣਗੇ ਅਤੇ ਪੰਜਾਬੀ ਭਾਸ਼ਾ ਦੇ ਇਸ ਮੁੱਦੇ ਨੂੰ ਸੰਸਦ ਵਿੱਚ ਰੱਖਣਗੇ।

ਹੁਣ ਦੇਖਣਾ ਹੈ ਕਿ ਚੰਡੀਗੜ੍ਹ ਪੰਜਾਬੀ ਮੰਚ ਦੇ ਇਸ ਐਲਾਨ ਨੂੰ ਚੋਣਾਂ ਦੇ ਇਸ ਮੌਸਮ ਦੌਰਾਨ ਕਿੰਨਾ ਕੁ ਹੁੰਗਾਰਾ ਮਿਲਦਾ ਹੈ। ਇਹਨਾਂ ਦਾ ਸਾਥ ਦੇਣ ਲਈ ਇਹਨਾਂ ਦੀ ਭੁੱਖ ਹੜਤਾਲ ਵਾਲੇ ਧਰਨੇ ਵਿੱਚ ਕੌਣ ਕੌਣ ਪਹੁੰਚਦਾ ਹੈ? ਪੰਜਾਬੀ ਦੇ ਮਨ ਸਨਮਾਨ ਲਈ ਸ਼ਹੀਦ ਹੋਣ ਵਾਲੇ ਪ੍ਰਮੁੱਖ ਲੇਖਕ ਅਤੇ ਮੈਂਬਰ ਪਾਰਲੀਮੈਂਟ ਵਿਸ਼ਵਾਨਾਥ ਤਿਵਾੜੀ ਦੀ ਸ਼ਹਾਦਤ ਨੂੰ ਸਲਾਮ ਕਰਨ ਦੀ ਭਾਵਨਾ ਨਾਲ ਕੌਣ ਕੌਣ ਇਸ ਧਰਨੇ ਵਿੱਚ ਪਹੁੰਚਦਾ ਹੈ।

ਇੱਕ ਵਾਰ ਫੇਰ ਯਾਦ ਦੁਆ ਦੇਈਏ ਕਿ 16 ਅਪ੍ਰੈਲ ਨੂੰ ਸਵੇਰੇ 8 ਵਜੇ ਤੋਂ ਸ਼ਾਮ 4 ਵਜੇ ਤੱਕ ਸੈਕਟਰ 17 ਸਥਿਤ ਪੁਲ਼ ਹੇਠਾਂ ਧਰਨਾ ਦਿੱਤਾ ਜਾ ਰਿਹਾ ਹੈ ਅਤੇ ਭੁੱਖ ਹੜਤਾਲ ਕੀਤੀ ਜਾ ਰਹੀ ਹੈ। ਰਾਜਨੀਤਕ ਪਾਰਟੀਆਂ ਦੇ ਆਗੂਆਂ ਨੂੰ ਦੁਪਹਿਰ 12 ਵਜੇ ਤੋਂ 2 ਵਜੇ ਤੱਕ ਦਾ ਸਮਾਂ ਦਿੱਤਾ ਗਿਆ

Tuesday, July 24, 2018

Ludhiana BSNL ਮੁਲਾਜ਼ਮਾਂ ਦੀ ਤਿੰਨ ਰੋਜ਼ਾ ਭੁੱਖ ਹੜਤਾਲ ਸ਼ੁਰੂ

26 ਜੁਲਾਈ ਤੱਕ ਚੱਲੇਗੀ ਭੁੱਖ ਹੜਤਾਲ
ਲੁਧਿਆਣਾ: 24 ਜੁਲਾਈ 2018: (ਪੰਜਾਬ ਸਕਰੀਨ ਬਿਊਰੋ)::
ਭਾਰਤ ਸੰਚਾਰ ਨਿਗਮ ਲਿਮਟਿਡ ਨਾਲ ਸਬੰਧਤ ਵੱਖ ਵੱਖ ਜਥੇਬੰਦੀਆਂ ਵੱਲੋਂ ਮੰਗਾਂ ਦੇ ਹੱਕ ਵਿੱਚ ਸ਼ੁਰੂ ਕੀਤੀ ਤਿੰਨ ਰੋਜ਼ਾ ਭੁੱਖ ਹੜਤਾਲ ਅੱਜ ਤੋਂ ਸ਼ੁਰੂ ਹੋ ਗਈ ਹੈ, ਜੋ 26 ਜੁਲਾਈ ਤੱਕ ਚੱਲੇਗੀ। ਭਾਰਤ ਸੰਚਾਰ ਨਿਗਮ ਲਿਮਟਿਡ ਦੇ ਮੁਲਾਜ਼ਮ ਕਈ ਵਾਰ ਸੰਘਰਸ਼ ਕਰ ਚੁੱਕੇ ਹਨ। 
ਹੁਣ ਨਵੇਂ ਸੰਘਰਸ਼ ਲਈ ਇਹਨਾਂ ਦਾ ਅੱਜ ਪਹਿਲਾ ਦਿਨ ਸੀ। ਅੱਜ ਪਹਿਲੇ ਦਿਨ ਮੁਲਾਜ਼ਮਾਂ ਦੇ 20 ਮੈਂਬਰੀ ਜਥੇ ਨੇ ਭਾਰਤ ਨਗਰ ਚੌਕ ਸਥਿਤ ਜਨਰਲ ਮੈਨੇਜਰ ਦਫ਼ਤਰ ਦੇ ਬਾਹਰ ਭੁੱਖ ਹੜਤਾਲ ਸ਼ੁਰੂ ਕੀਤੀ। ਇਸ ਮੌਕੇ ਵੱਖ ਵੱਖ ਜਥੇਬੰਦੀਆਂ ਨਾਲ ਸਬੰਧਿਤ ਆਗੂਆਂ ਨੇ ਸੰਬੋਧਨ ਕਰਦਿਆਂ ਸਰਕਾਰ ਤੋਂ ਮੰਗ ਕੀਤੀ ਕਿ ਉਹ 1 ਜਨਵਰੀ 2017 ਤੋਂ ਪੈਂਡਿੰਗ ਪਈ ਤਨਖਾਹ ਸਕੇਲਾਂ ਸੋਧਣ ਦੀ ਮੰਗ ਨੂੰ ਤੁਰੰਤ ਪੂਰਾ ਕਰੇ। ਉਨ੍ਹਾਂ ਇਹ ਵੀ ਮੰਗ ਕੀਤੀ ਕਿ ਚਾਰ ਜੀ ਸਪੈਕਟ੍ਰਮ ਭਾਰਤ ਸੰਚਾਰ ਨਿਗਮ ਲਿਮਟਿਡ ਨੂੰ ਵੀ ਅਲਾਟ ਕੀਤਾ ਜਾਵੇ ਕਿਉਂਕਿ ਅਜਿਹਾ ਨਾ ਹੋਣ ਕਾਰਨ ਬੀਐੱਸਐੱਨਐੱਲ ਨੂੰ ਘਾਟਾ ਪੈ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਬੀਐੱਸਐੱਨਐੱਲ ਦੇ ਸੇਵਾ ਮੁਕਤ ਮੁਲਾਜ਼ਮਾਂ ਨੂੰ ਕੇਂਦਰ ਸਰਕਾਰ ਦੇ ਮੁਲਾਜ਼ਮਾਂ ਵਾਂਗ ਪੈਨਸ਼ਨ ਦਿੱਤੀ ਜਾਵੇ। ਪੈਨਸ਼ਨ ਸੋਧਾਂ ਵੀ 1 ਜਨਵਰੀ 2017 ਤੋਂ ਬਕਾਇਆ ਹਨ।
ਇਕੱਠ ਨੂੰ ਸੰਬੋਧਨ ਕਰਦਿਆਂ ਅੱਜ ਮੁਲਾਜ਼ਮ ਆਗੂ ਜਸਵੀਰ ਸਿੰਘ, ਗੁਰਪ੍ਰੀਤ ਸਿੰਘ, ਕਾਮਰੇਡ ਸੁਰਜੀਤ ਸਿੰਘ, ਹਰਿੰਦਰ ਸਿੰਘ, ਕਮਲਜੀਤ ਸਿੰਘ ਸ਼ੰਕਰ, ਕਾਮਰੇਡ ਅਵਤਾਰ ਸਿੰਘ ਝਾਂਡੇ, ਦਰਸ਼ਨ ਸਿੰਘ, ਕਾਮਰੇਡ ਰਜਿੰਦਰ ਸਿੰਘ, ਸਿਕੰਦਰ ਸਿੰਘ, ਵਿਜੇ ਰੈਨਾ, ਨੰਦ ਕਿਸ਼ੋਰ ਸਮੇਤ ਕਈ ਆਗੂ ਭੁੱਖ ਹੜਤਾਲ ’ਤੇ ਬੈਠੇ। ਉਨ੍ਹਾਂ ਸਰਕਾਰ ਨੂੰ ਚਿਤਾਵਨੀ ਦਿੱਤੀ ਕਿ ਜੇ ਕੇਂਦਰ ਸਰਕਾਰ ਨੇ ਉਨ੍ਹਾਂ ਦੀਆਂ ਮੰਗਾਂ ਪੂਰੀਆਂ ਨਾ ਕੀਤੀਆਂ ਤਾਂ ਉਹ ਸੰਘਰਸ਼ ਹੋਰ ਤੇਜ਼ ਕਰਨਗੇ।

Wednesday, November 09, 2016

Sri Anandpur Sahib: ਜਾਰੀ ਹੈ ਫਾਰਗ ਸਿੱਖਿਆ ਮੁਲਾਜ਼ਮਾਂ ਵੱਲੋਂ ਸੰਘਰਸ਼

ਗੁਰਜੀਤ ਕੌਰ ਦੀ ਥਾਂ ਤੇ ਗੁਰਦੀਪ ਕੌਰ ਨੂੰ ਮਰਨ ਵਰਤ 'ਤੇ ਬਿਠਾਇਆ 
ਪ੍ਰਸ਼ਾਸਨ ਨੇ ਗੁਰਜੀਤ ਕੌਰ ਨੂੰ ਜਬਰੀ ਚੁੱਕ ਕੇ ਹਸਪਤਾਲ ਦਾਖਲ ਕਰਾਇਆ 
ਸ੍ਰੀ ਆਨੰਦਪੁਰ ਸਾਹਿਬ: 8 ਨਵੰਬਰ (ਪੰਜਾਬ ਸਕਰੀਨ ਬਿਊਰੋ): 
ਸਿਰਫ ਇੱਕ ਭੇਦਭਰੀ  ਫਾਰਗ ਕੀਤੇ  ਸਿੱਖਿਆ ਮੁਲਾਜ਼ਮਾਂ ਦਾ ਸੰਘਰਸ਼  ਹੈ। ਉਹਨਾਂ ਦਾ ਕਹਿਣਾ ਹੈ ਕਿ ਸ੍ਰੀ ਆਨੰਦਪੁਰ ਸਾਹਿਬ ਦੀ ਪਾਵਨ ਧਰਤੀ 'ਤੇ ਸਾਡਾ ਇਹ ਹੱਕ-ਸੱਚ ਅਤੇ ਇਨਸਾਫ ਦਾ ਸੰਘਰਸ਼ ਜਿੱਤ ਹੋਣ ਤੱਕ ਜਾਰੀ ਰਹੇਗਾ। ਉਹਨਾਂ ਦਾ ਦਰਦ ਸਿਰਫ  ਕੱਢਣ ਤੱਕ ਸੀਮਿਤ ਨਹੀਂ। ਉਹਨਾਂ ਦਾ ਸੁਆਲ ਹੈ ਕਿ ਸਿਰਫ਼ ਸਾਨੂੰ  ਕੱਢਿਆ ਗਿਆ? ਇਹ  ਇਸ ਪਾਵਨ ਧਰਤੀ ਦੇ ਮੁਲਾਜ਼ਮਾਂ ਨਾਲ ਕਿਓਂ? ਪਹਿਲਾਂ ਭੁੱਖ ਹੜਤਾਲ ਅਤੇ ਫਿਰ ਪਹਿਲੀ ਨਵੰਬਰ ਤੋਂ ਮਰਨ ਵਰਤ ਤੇ ਬੈਠੀ ਗੁਰਜੀਤ ਕੌਰ ਨੇ  ਲਈ ਅਰਦਾਸ ਕਰਕੇ  ਸੰਘਰਸ਼ ਆਰੰਭਿਆ।  ਜਦੋਂ ਸ਼ਾਮ ਮੰਗਲਵਾਰ 8 ਨਵੰਬਰ ਨੂੰ ਡਾਕਟਰਾਂ ਨੇ ਦੱਸਿਆ ਕਿ ਉਸਦੀ ਕਿਡਨੀ ਨੂੰ ਨਾ ਪੂਰਾ ਹੋ ਸਕਣ ਵਾਲਾ ਨੁਕਸਾਨ ਪਹੁੰਚ ਸੱਕਦਾ ਹੈ ਤਾਂ ਗੁਰਜੀਤ ਕੌਰ ਨੂੰ ਮਨਾਉਣ ਲਈ ਉਸਦੇ ਬਹੁਤ ਸਾਰੇ ਸਾਥੀ ਅਤੇ ਹਮਾਇਤੀ ਆਗੂ ਵੀ ਆਏ ਕਿ ਉਹ ਘਟੋਘੱਟ ਪਾਣੀ ਤਾਂ ਪੀਵੇ! ਪਰ ਗੁਰਜੀਤ ਕੌਰ ਅਡੋਲ ਰਹੀ। ਜਦੋਂ ਅੱਜ ਸ਼ਾਮ ਵੇਲੇ ਉਸਨੂੰ ਉਸਦੇ ਸਾਥੀਆਂ ਅਤੇ ਹਮਾਇਤੀਆਂ ਨੇ ਵੀ ਇਸ ਗੱਲ ਲਈ ਜ਼ੋਰ ਪਾਇਆ ਤਾਂ ਉਹ ਕਹਿਣ ਲੱਗੀ ਪਹਿਲਾਂ ਪਾਠ ਪੂਰਾ ਕਰ ਲਵਾਂ ਫਿਰ ਸੋਚਾਂਗੀ।  ਜਦੋਂ ਕੋਈ ਫੈਸਲਾ ਨਾ ਹੋਇਆ ਤਾਂ ਪ੍ਰਸ਼ਾਸਨ ਨੇ ਦੇਰ ਰਾਤ ਨੂੰ ਅਚਾਨਕ ਐਕਸ਼ਨ ਲੈਂਦਿਆਂ ਗੁਰਜੀਤ ਕੌਰ ਨੂੰ ਮਰਨਵਰਤ ਵਾਲੀ ਥਾਂ ਤੋਂ ਚੁੱਕ ਲਿਆ ਅਤੇ ਹਸਪਤਾਲ ਦਾਖਲ ਕਰਵਾ ਦਿੱਤਾ। ਸੰਘਰਸ਼ ਕਰ ਰਹੀ ਕਮੇਟੀ ਨੇ ਇਸ ਐਕਸ਼ਨ ਦਾ ਤਿੱਖਾ ਵਿਰੋਧ ਵੀ ਕੀਤਾ ਅਤੇ ਛੇਤੀ ਹੀ ਗੁਰਜੀਤ ਕੌਰ ਦੀ ਥਾਂ ਤੇ ਗੁਰਦੀਪ ਕੌਰ ਨੂੰ ਮਰਨਵਰਤ ਤੇ  ਬਿਠਾ ਦਿੱਤਾ। 
ਜ਼ਿਕਰਯੋਗ ਹੈ ਕਿ ਦੇਰ ਰਾਤ ਭਾਰੀ ਪੁਲਿਸ ਫੋਰਸ ਵਲੋਂ ਮਰਨ ਵਰਤ 'ਤੇ ਬੈਠੀ ਗੁਰਜੀਤ ਕੌਰ ਨੂੰ ਜਬਰੀ ਚੁੱਕ ਕੇ ਭਾਈ ਜੈਤਾ ਜੀ ਸਿਵਲ ਹਸਪਤਾਲ ਵਿਖੇ ਭਰਤੀ ਕਰਵਾ ਦਿੱਤਾ ਗਿਆ ਜਦੋਂ ਕਿ ਫਾਰਗ ਸਿੱਖਿਆ ਕਰਮੀਆਂ ਵਲੋਂ ਪੰਜਾਬ ਸਰਕਾਰ ਖਿਲਾਫ ਜੰਮ ਕੇ ਨਾਅਰੇਬਾਜ਼ੀ ਕੀਤੀ ਗਈ ਤੇ ਗੁਰਦੀਪ ਕੌਰ ਵਾਸੀ ਉਪਰਲਾ ਬੱਢਲ ਨੂੰ ਮਰਨ ਵਰਤ ਤੇ ਉਸ ਦੀ ਥਾਂ 'ਤੇ ਬਿਠਾ ਦਿੱਤਾ ਗਿਆ। ਗੁਰਜੀਤ ਕੌਰ ਨੂੰ ਤੁਰੰਤ ਗੁਲੂਕੋਸ ਲਗਾਇਆ ਗਿਆ ਤਾਂਕਿ ਉਸਦੀ ਜਾਂ ਬਚਾਈ ਜਾ ਸਕੇ। ਐਸਡੀਐਮ ਅਤੇ ਹੋਰ ਅਧਿਕਾਰੀ ਕਾਫੀ ਦੇਰ ਤੋਂ ਗੁਰਜੀਤ ਕੌਰ ਦੀ ਜਾਂ ਬਚਾਉਣ ਲਈ ਸਰਗਰਮ ਸਨ। ਉਹਨਾਂ ਨੇ ਸਿੱਖਿਆ ਮੰਤਰੀ ਡਾਕਟਰ ਦਲਜੀਤ ਸਿੰਘ ਚੀਮਾ ਨਾਲ ਵੀ ਅੰਦੋਲਨਕਾਰੀ ਕਰਮਚਾਰੀਆਂ ਦੇ ਆਗੂਆਂ ਦੀ ਮੁਲਾਕਾਤ ਕਰਾਉਣ ਦਾ ਉਪਰਾਲਾ ਕੀਤਾ। ਜ਼ਿੰਮੇਵਾਰ ਸੂਤਰਾਂ ਅਨੁਸਾਰ ਇਹ ਮੁਲਾਕਾਤ ਕੁਝ ਕੁ ਤਲਖ਼ੀਆਂ ਮਗਰੋਂ ਬੜੇ ਸੁਖਾਵੇਂ ਮਾਹੌਲ ਵਿੱਚ ਖਤਮ ਹੋਈ। ਓਧਰ ਦੇਰ ਸ਼ਾਮ ਚੰਡੀਗੜ੍ਹ ਵਿਖੇ ਹੋਈ ਬੈਠਕ ਤੋਂ ਬਾਅਦ ਜਦੋਂ ਸਿੱਖਿਆ ਮੰਤਰੀ ਡਾ: ਦਲਜੀਤ ਸਿੰਘ ਚੀਮਾ ਦੇ ਨਾਲ ਸੰਪਰਕ ਕੀਤਾ ਗਿਆ ਤਾਂ ਉਨ੍ਹਾਂ ਕਿਹਾ ਕਿ ਬਿਨਾਂ ਕਾਨੂੰਨੀ ਰਾਏ ਦੇ ਇਨ੍ਹਾਂ ਨੂੰ ਵਿਚਾਰਨਾ ਸੰਭਵ ਨਹੀਂ ਹੈ ਜੋ ਵੀ ਰਾਏ ਐਡਵੋਕੇਟ ਜਨਰਲ ਪੰਜਾਬ ਵੱਲੋਂ ਦਿੱਤੀ ਜਾਂਦੀ ਹੈ ਉਸੇ ਅਨੁਸਾਰ ਇਨ੍ਹਾਂ ਫਾਰਗ ਸਿੱਖਿਆ ਕਰਮੀਆਂ ਨੂੰ ਵਿਭਾਗ ਵਿੱਚ ਲੈਣ ਦੀ ਕਾਰਵਾਈ ਨੂੰ ਅਮਲ ਵਿੱਚ ਲਿਆਂਦਾ ਜਾਵੇਗਾ। ਓਧਰ ਮਰਨ ਵਰਤ ਤੇ ਬੈਠੇ ਅਧਿਆਪਕਾਂ ਦਾ ਕਹਿਣਾ ਹੈ ਕਿ ਜਦੋਂ ਤੱਕ ਸਾਡੇ ਨਾਲ ਇਨਸਾਫ ਨਹੀਂ ਹੋ ਜਾਂਦਾ ਉਦੋਂ ਤੱਕ ਸਾਡਾ ਸੰਘਰਸ਼ ਇਸੇ ਤਰ੍ਹਾਂ ਜਾਰੀ ਰਹੇਗਾ। ਕੁਝ ਕਾਨੂੰਨੀ ਨੁਕਤੇ ਇਸ ਮਾਮਲੇ ਵਿੱਚ ਅੜਿੱਕਾ ਬਣੇ ਹੋਏ ਹਨ। ਡਾਕਟਰ ਚੀਮਾ ਇਹਨਾਂ ਨੂੰ ਭਾਲ ਕਰਾਉਣਾ ਚਾਹੁੰਦੇ ਹਨ ਪਰ ਕਾਨੂੰਨੀ ਅਤੇ ਪਾਰਦਰਸ਼ੀ ਢੰਗ ਨਾਲ। 
ਪਰ ਇਹ ਸੁਆਲ ਗੰਭੀਰ ਹੈ ਕਿ ਕਾਨੂੰਨ ਦਾ ਡੰਡਾ ਸਿਰਫ ਸ੍ਰੀ ਆਨੰਦਪੁਰ ਸਾਹਿਬ ਨਾਲ ਸਬੰਧਿਤ ਮੁਲਾਜ਼ਮਾਂ ਦੇ ਖਿਲਾਫ ਹੀ ਕਿਓਂ? ਕੀ ਮੁਲਾਜ਼ਮਾਂ ਦੀ ਨੌਕਰੀ ਦਾ ਫੈਸਲਾ ਸਿਰਫ ਟੈਲੀਫੋਨ  ਕਰੇਗਾ? ਜ਼ਿਕਰਯੋਗ ਹੈ ਕਿ ਇਹਨਾਂ ਸਾਰਿਆਂ  ਨੂੰ ਸਿਰਫ ਇੱਕ ਟੈਲੀਫੋਨ ਕਾਲ ਮਗਰੋਂ ਕੱਢ ਦਿੱਤਾ ਗਿਆ।  ਸਬੰਧਿਤ ਅਧਿਕਾਰੀ ਨਾਲ ਇਹਨਾਂ ਮੁਲਾਜ਼ਮਾਂ ਨੇ ਗੱਲ ਕੀਤੀ ਤਾਂ ਉਸਦਾ ਕਹਿਣਾ ਸੀ ਕਿ ਉਸਨੇ  ਨਹੀਂ ਕੀਤੀ। ਕਿ ਸਰਕਾਰ ਦੇ ਵਿੱਚ ਬੈਠੇ ਕੁਝ ਸਰਕਾਰ  ਲੋਕ ਜਾਣਬੁਝ ਕੇ ਤਾਂ ਸਰਕਾਰ ਨੂੰ ਬਦਨਾਮ ਨਹੀਂ ਕਰ ਰਹੇ?
ਕਿ ਰਾਜ ਹੈ ਉਸ ਟੈਲੀਫੋਨ ਕਾਲ ਦਾ?

Friday, August 26, 2016

GADVASU ਵੱਲੋਂ ਹੜਤਾਲੀ ਕਾਮਿਆਂ ਦੇ "ਗੁਮਰਾਹਕੁਨ" ਬਿਆਨਾਂ ਦੀ ਆਲੋਚਨਾ

Fri, Aug 26, 2016 at 5:43 PM
ਗੁਮਰਾਹਕੁਨ ਬਿਆਨ ਕਾਮਿਆਂ ਦੇ ਹਿੱਤਾਂ ਨੂੰ ਨੁਕਸਾਨ ਪਹੁੰਚਾ ਰਹੇ ਹਨ
ਲੁਧਿਆਣਾ:26 ਅਗਸਤ 2016: (ਪੰਜਾਬ ਸਕਰੀਨ ਬਿਊਰੋ):
ਗੁਰੂ ਅੰਗਦ ਦੇਵ ਵੈਟਨਰੀ ਅਤੇ ਐਨੀਮਲ ਸਾਇੰਸਜ਼ ਯੂਨੀਵਰਸਿਟੀ, ਲੁਧਿਆਣਾ ਨੇ ਸਦਾ ਮੁਲਾਜ਼ਮਾਂ ਦੀ ਭਲਾਈ ਅਤੇ ਫਾਇਦੇ ਹਿੱਤ ਕੰਮ ਕੀਤਾ ਹੈ। ਇਹ ਵਿਚਾਰ ਵੈਟਨਰੀ ਯੂਨੀਵਰਸਿਟੀ ਦੇ ਰਜਿਸਟਰਾਰ, ਡਾ. ਸੁਸ਼ੀਲ ਪ੍ਰਭਾਕਰ ਨੇ ਠੇਕੇ ’ਤੇ ਕੰਮ ਕਰਦੇ ਦਿਹਾੜੀਦਾਰ ਕਾਮਿਆਂ ਵੱਲੋਂ ਕੀਤੀ ਜਾ ਰਹੀ ਹੜਤਾਲ ਦੇ ਸੰਬੰਧ ਵਿਚ ਜਾਣਕਾਰੀ ਦਿੰਦਿਆਂ ਜ਼ਾਹਿਰ ਕੀਤੇ। ਉਨ੍ਹਾਂ ਕਿਹਾ ਕਿ ਅਸੀਂ ਪ੍ਰਾਵੀਡੈਂਟ ਫੰਡ ਅਤੇ ਈ ਐਸ ਆਈ ਸਕੀਮਾਂ ਸੰਬੰਧੀ ਕਾਰਵਾਈ ਕੀਤੀ ਹੋਈ ਹੈ। ਹੁਣ ਤੱਕ ਜਿਹੜੇ ਕਾਮਿਆਂ ਦੇ ਕੰਟਰੈਕਟ ਪੂਰੇ ਹੋ ਚੁੱਕੇ ਸਨ ਯੂਨੀਵਰਸਿਟੀ ਵੱਲੋਂ ਉਨ੍ਹਾਂ ਦੇ ਨਵੇਂ ਕੰਟਰੈਕਟ ਇਸ ਨਵੀਂ ਸਕੀਮ ਦੇ ਤਹਿਤ ਜਾਰੀ ਕੀਤੇ ਗਏ ਹਨ। ਬਿਆਨ ਮੁਤਾਬਿਕ 256 ਕਾਮਿਆਂ ਨੂੰ ਇਹ ਪੱਤਰ ਜਾਰੀ ਹੋ ਚੁੱਕੇ ਹਨ।ਇਹ ਸਕੀਮ 1 ਅਗਸਤ, 2016 ਤੋਂ ਉਨ੍ਹਾਂ ਦੀਆਂ ਸੇਵਾਵਾਂ ’ਤੇ ਲਾਗੂ ਹੈ।ਇਸ ਦੇ ਨਾਲ ਹੀ ਉਨ੍ਹਾਂ ਇਹ ਵੀ ਦੱਸਿਆ ਕਿ ਅੱਗੇ ਤੋਂ ਜਿਹੜੇ ਵੀ ਕਿਰਤੀ ਦਾ ਕੰਟਰੈਕਟ ਨਵਿਆਇਆ ਜਾਵੇਗਾ ਉਨ੍ਹਾਂ ਨੂੰ ਇਸੇ ਸਕੀਮ ਦੇ ਤਹਿਤ ਹੀ ਅਗਲਾ ਕੰਟਰੈਕਟ ਦਿੱਤਾ ਜਾਵੇਗਾ। ਜਿਹੜੇ ਕਾਮੇ ਪੁਰਾਣੇ ਕੰਟਰੈਕਟ ਦੀਆਂ ਸ਼ਰਤਾਂ ਅਧੀਨ ਕੰਮ ਕਰ ਰਹੇ ਹਨ ਉਹ ਵੀ ਇਸ ਨਵੇਂ ਪ੍ਰਬੰਧ ਸੰਬੰਧੀ ਆਪਣੀ ਰਜ਼ਾਮੰਦੀ ਦੇ ਕੇ ਇਸ ਸਕੀਮ ਵਿਚ ਆ ਸਕਦੇ ਹਨ।ਯੂਨੀਵਰਸਿਟੀ ਨੂੰ ਠੇਕੇ ’ਤੇ ਕੰਮ ਕਰਦੇ 70 ਤੋਂ ਵਧੇਰੇ ਹੋਰ ਅਜਿਹੇ ਕਾਮਿਆਂ ਦੀ ਵੀ ਇਸ ਸਕੀਮ ਵਿਚ ਸ਼ਾਮਿਲ ਕਰਨ ਸੰਬੰਧੀ ਬੇਨਤੀ ਪ੍ਰਾਪਤ ਹੋਈ ਹੈ, ਜਿਨ੍ਹਾਂ ਦਾ ਕਿ ਇਸ ਸਕੀਮ ਦੇ ਲਾਗੂ ਹੋਣ ਤੋਂ ਪਹਿਲਾਂ ਕੰਟਰੈਕਟ ਨਵਿਆਇਆ ਗਿਆ ਸੀ।
ਡਾ. ਪ੍ਰਭਾਕਰ ਨੇ ਕਿਹਾ ਕਿ ਕੁਝ ਸਵੈ-ਥਾਪੇ ਯੂਨੀਅਨ ਨੇਤਾ ਬੜੇ ਗ਼ਲਤ, ਭਰਮਪਾਊ ਅਤੇ ਝੂਠੇ ਬਿਆਨ ਪ੍ਰੈਸ ਵਿਚ ਇਨ੍ਹਾਂ ਸਕੀਮਾਂ ਦੇ ਨਾ ਲਾਗੂ ਹੋਣ ਬਾਰੇ ਦੇ ਰਹੇ ਹਨ।ਉਨ੍ਹਾਂ ਕਿਹਾ ਕਿ ਇਸ ਤਰ੍ਹਾਂ ਦੇ ਗੁਮਰਾਹਕੁਨ ਬਿਆਨ ਕਾਮਿਆਂ ਦੇ ਹਿੱਤਾਂ ਨੂੰ ਨੁਕਸਾਨ ਪਹੁੰਚਾ ਰਹੇ ਹਨ।  

Monday, April 25, 2016

ਸਿੱਖਿਆ ਦੇ ਅਧਿਕਾਰ ਦਾ ਅੰਦੋਲਨ ਹੋਇਆ ਹੋਰ ਤੇਜ਼

ਸਮਾਨਤਾ ਮਿਸ਼ਨ ਅਤੇ ਬੇਲਨ ਬ੍ਰਿਗੇਡ ਨੇ ਕੀਤੀ ਭੁੱਖ ਹੜਤਾਲ
ਲੁਧਿਆਣਾ: 25 ਅਪ੍ਰੈਲ 2016: (ਪੰਜਾਬ ਸਕਰੀਨ ਬਿਊਰੋ):
ਸਾਡੇ ਲੋਕਤੰਤਰ ਦੀ ਇੱਕ ਖਾਸੀਅਤ ਨਾਅਰੇਬਾਜ਼ੀ ਵੀ ਹੈ। ਚੋਣਾਂ ਵੇਲੇ ਨਵੇਂ ਨਵੇਂ ਨਾਅਰੇ ਘੜੇ ਅਤੇ ਲਾਏ ਜਾਂਦੇ ਹਨ। ਚੋਣਾਂ ਲੰਘਦਿਆਂ ਹੀ ਜਦੋਂ ਨਾਅਰੇ ਲਾਉਣ ਵਾਲੇ ਹੀ ਇਹਨਾਂ ਨੂੰ ਭੁੱਲ ਭੁਲਾ ਜਾਂਦੇ ਹਨ ਤਾਂ ਲੋਕ ਇਹਨਾਂ ਨਾਅਰਿਆਂ ਨੂੰ ਯਾਦ ਕਰਾਉਣ ਲਈ ਨਵੇਂ ਜੁਆਬੀ ਨਾਅਰੇ ਘੜ ਕੇ ਲਾਉਣ ਲੱਗ ਜਾਂਦੇ ਹਨ। ਕੁਝ ਅਜਿਹਾ ਹੀ ਮਹਿਸੂਸ ਹੋਇਆ ਅੱਜ ਲੁਧਿਆਣਾ ਦੇ ਮਿੰਨੀ ਸਕੱਤਰੇਤ ਵਿੱਚ ਜਿੱਥੇ ਬੇਲਨ ਬ੍ਰਿਗੇਡ ਅਤੇ ਸਮਾਨਤਾ ਮਿਸ਼ਨ ਵੱਲੋਂ ਇੱਕ ਦਿਨ ਦੀ ਭੁੱਖ ਹੜਤਾਲ ਰੱਖੀ ਗਈ ਅਤੇ ਧਰਨਾ ਵੀ ਦਿੱਤਾ ਗਿਆ। ਇਸਦੀ ਅਗਵਾਈ ਕਰਨ ਵਾਲਿਆਂ  ਵਿੱਚ ਮਾਸਟਰ ਜਸਦੇਵ ਸਿੰਘ ਲਲਤੋਂ,  ਅਨੀਤਾ ਸ਼ਰਮਾ ਅਤੇ ਕੁੰਵਰ ਰੰਜਨ ਸਿੰਘ ਵੀ ਸਰਗਰਮ ਸਨ। ਇਸ ਮੌਕੇ ਬੁਰੇ ਦਿਨ ਆਉਣ ਦੇ ਨਾਅਰੇ ਵੀ ਜੋਰ ਸ਼ੋਰ ਨਾਲ ਲੱਗੇ।  
ਸਿੱਖਿਆ ਦੇ ਜ਼ਰੂਰੀ ਅਤੇ ਮੁਢਲੇ ਅਧਿਕਾਰ ਦੀ ਰਾਖੀ ਲਈ ਇਹਨਾਂ ਸੰਗਠਨਾਂ ਦਾ ਸੰਘਰਸ਼ ਕਈ ਦਿਨਾਂ ਤੋਂ ਚੱਲ ਰਿਹਾ ਹੈ। ਸਕੂਲਾਂ ਦੇ ਪ੍ਰਬੰਧਕਾਂ ਅਤੇ ਪ੍ਰਸ਼ਾਸਨਿਕ ਅਧਿਕਾਰੀਆਂ ਨਾਲ ਇਹਨਾਂ ਦੀਆਂ ਮੁਲਾਕਾਤਾਂ ਹੋ ਚੁੱਕੀਆਂ ਹਨ ਪਰ ਗੱਲ ਕਿਸੇ ਸਿਰੇ ਲੱਗਦੀ ਨਜ਼ਰ ਨਹੀਂ ਆਉਂਦੀ। ਇੰਝ ਲੱਗਦਾ ਹੈ ਕਿ ਸਿੱਖਿਆ ਸਿਰਫ ਅਮੀਰ ਲੋਕਾਂ ਲਈ ਰਾਖਵੀਂ ਕਰਨ ਦੀ ਕੋਈ ਗੰਭੀਰ ਸਾਜ਼ਿਸ਼ ਸਿਰੇ ਚੜ੍ਹਾਈ ਜਾ ਰਹੀ ਹੈ। ਜੇ ਇਹ ਸਾਜਿਸ਼ ਸਫਲ ਹੁੰਦੀ ਹੈ ਤਾਂ ਗਰੀਬ ਵਰਗ ਹਮੇਸ਼ਾਂ ਲਈ ਗਰੀਬ ਰਹੀ ਜਾਵੇਗਾ ਜਾਂ ਫਿਰ ਜੁਰਮਾਂ ਦੀ ਹਨੇਰੀ ਸੁਰੰਗ ਵਿੱਚ ਪਹੁੰਚ ਜਾਵੇਗਾ ਜਿੱਥੋਂ ਵਾਪਿਸੀ ਨਹੀਂ ਹੁੰਦੀ। 
"ਸਮਾਨਤਾ ਮਿਸ਼ਨ" ਅਤੇ "ਬੇਲਨ ਬ੍ਰਿਗੇਡ" ਜਿਹੇ ਸੰਗਠਨ ਸੰਭਾਵਤ ਖਦਸ਼ਿਆਂ ਕਾਰਣ ਹੀ ਸਿੱਖਿਆ ਦੇ ਅਧਿਕਾਰ ਨੂੰ ਹਰ ਇੱਕ ਵਿਅਕਤੀ ਤੱਕ ਲਿਜਾਣਾ ਚਾਹੁੰਦੇ ਹਨ। ਪਰ ਅਸਮਾਨ ਛੂਹ ਰਹੀਆਂ ਮਹਿੰਗੀਆਂ ਫੀਸਾਂ, ਮਹਿੰਗੀਆਂ ਕਿਤਾਬਾਂ, ਤਰਾਂ ਤਰਾਂ ਦੇ ਫੰਡ ਅਤੇ ਹੋਰ ਖਰਚੇ ਇਸ ਨੇਕ ਇਰਾਦੇ ਨੂੰ ਪੂਰਾ ਕਰਨ ਦੇ ਮਕਸਦ ਨਾਲ ਤੁਰੇ ਕਾਫ਼ਿਲੇ ਦੇ ਰਸਤੇ ਵਿੱਚ ਰੁਕਾਵਟ ਬਣੇ ਹੋਏ ਹਨ। ਸਕੂਲਾਂ ਵਾਲਿਆਂ  ਦੀਆਂ ਮਨਮਰਜ਼ੀਆਂ ਅਤੇ ਪ੍ਰਸ਼ਾਸਨ ਦਾ ਢਿੱਲਮਠ ਵਾਲਾ ਰਵਈਆ ਇਸ ਸੰਘਰਸ਼ ਨੂੰ ਨਾਜ਼ੁਕ ਮੋੜ ਵੱਲ  ਲੈ ਕੇ ਜਾ ਰਹੇ ਹਨ? ਸਿੱਖਿਆ ਦੇ ਨਿਜੀਕਰਣ ਦੀ ਮੰਗ ਜੋਰ ਫੜ ਰਹੀ ਹੈ। ਲੋਕਾਂ ਕੋਲੋਂ ਫੰਡ ਵਸੂਲ ਕਰਕੇ ਅਮੀਰ ਬਣੇ ਲੋਕਾਂ ਦੀਆਂ ਸੰਪਤੀਆਂ ਦੀ ਜਾਂਚ ਪੜਤਾਲ ਕਰਨ ਅਤੇ ਇਹਨਾਂ ਨੂੰ ਜ਼ਬਤ ਕਰਨ ਦੀ ਮੰਗ ਵੀ  ਉਠ ਰਹੀ ਹੈ। ਇਸੇ  ਆਪ ਨੂੰ ਕਿਸੇ ਨ ਕਿਸੇ ਲੀਡਰ ਜਾਂ ਅਧਿਕਾਰੀ ਦਾ  ਦੱਸਣ ਬੰਦਾ ਦੱਸਣ ਵਾਲਿਆਂ ਦੀ ਭੀੜ ਵੀ ਇਹਨਾਂ ਅੰਦੋਲਨਕਾਰੀਆਂ ਦੁਆਲੇ ਲਗਾਤਾਰ ਵਧ ਰਹੀ ਹੈ।  ਹੁਣ ਦੇਖਣਾ ਹੈ ਕਿ ਇਹ ਸੰਘਰਸ਼ ਵਿਚੋਲੀਏ ਅਤੇ ਦਲਾਲਾਂ ਤੋਂ  ਬਚਦਾ ਹੋਇਆ ਕਿੰਨੀ ਕੁ  ਜਲਦੀ ਸਫਲ ਹੁੰਦਾ ਹੈ। 

Friday, August 29, 2014

ਨਾਮਧਾਰੀ ਪੰਥਕ ਏਕਤਾ ਐਕਸ਼ਨ ਕਮੇਟੀ ਵੱਲੋਂ ਖਰੀਆਂ ਖਰੀਆਂ

Fri, Aug 29, 2014 at 4:12 PM
ਹਿੰਸਾ ਰੋਕਣ ਲਈ ਕੀਤੀ ਇੱਕ ਹੋਰ ਪਹਿਲਕਦਮੀ 
ਭੈਣੀ ਸਾਹਿਬ ਵਿਖੇ ਰੱਖੀ ਜਾਣ ਵਾਲੀ ਭੁੱਖ ਹੜਤਾਲ ਦਾ ਸਮਾਂ ਤੇ ਸਥਾਨ ਬਦਲਿਆ 
ਲੁਧਿਆਣਾ: 29 ਅਗਸਤ 2014: (ਰੈਕਟਰ ਕਥੂਰੀਆ//ਪੰਜਾਬ ਸਕਰੀਨ):
ਪੰਜਾਬ ਸਰਕਾਰ ਅਤੇ ਭੈਣੀ ਸਾਹਿਬ ਦੇ ਮੌਜੂਦਾ ਪ੍ਰਬੰਧਕਾਂ ਨੂੰ ਲੰਮੇ ਹਥੀਂ ਲੈਂਦਿਆਂ ਅੱਜ ਨਾਮਧਾਰੀ ਪੰਥਕ ਏਕਤਾ ਐਕਸ਼ਨ ਕਮੇਟੀ ਨੇ ਮੀਡੀਆ ਸਾਹਮਣੇ ਕਈ ਅਹਿਮ ਐਲਾਨ ਕੀਤੇ ਅਤੇ ਵਿਰੋਧੀ ਧਿਰ ਨੂੰ ਖੁੱਲ੍ਹੀ ਬਹਿਸ ਦਾ ਚੈਲੰਜ ਵੀ ਦਿੱਤਾ। ਇਸਦੇ ਨਾਲ ਹੀ ਇਸ ਕਮੇਟੀ ਨੇ ਏਕਤਾ ਖਿਲਾਫ਼ ਰਚੀਆਂ ਜਾ ਰਹੀਆਂ ਸਾਜਿਸ਼ਾਂ ਨੂੰ ਨਾਕਾਮ ਕਰਦਿਆਂ ਇੱਕ ਵਾਰ ਫੇਰ ਪਹਿਲਕਦਮੀ ਦਿਖਾਈ ਅਤੇ ਅਤੇ ਭੈਣੀ ਸਾਹਿਬ ਜਾ ਕੇ ਕੀਤੀ ਜਾਣ ਵਾਲੀ ਆਪਣੀ ਐਲਾਨੀ ਹੋਈ ਭੁੱਖ ਹੜਤਾਲ ਨੂੰ ਵਾਪਿਸ ਲੈ ਲਿਆ। ਇਸ ਐਲਾਨ ਤੋਂ ਪਹਿਲਾਂ ਇਸ ਏਕਤਾ ਕਮੇਟੀ ਦੀ ਮੀਟਿੰਗ ਲੁਧਿਆਣਾ ਵਿਖੇ ਹੋਈ ਸੀ ਜਿਸ ਵਿੱਚ ਪਿਛਲੇ ਕੁਛ ਦਿਨਾਂ ਤੋਂ ਡੇਰਾ ਭੈਣੀ ਸਾਹਿਬ ਵਾਲਿਆਂ ਵੱਲੋਂ ਭੈਣੀ ਸਾਹਿਬ ਪਿੰਡ ਵਿੱਚ ਰਹਿ ਰਹੇ ਪਿੰਡ ਵਾਸੀਆਂ (ਜਿਹਨਾਂ ਦਾ ਡੇਰੇ ਨਾਲ ਕੋਈ ਸੰਬੰਧ ਨਹੀਂ) ਉਪਰ ਕੀਤੇ ਜਾ ਰਹੇ ਅਤਿਆਚਾਰ ਦੀ ਸਖਤ ਸ਼ਬਦਾਂ ਵਿੱਚ ਨਿਖੇਧੀ ਕੀਤੀ ਗਈ।
ਕਮੇਟੀ ਦੇ ਆਗੂਆਂ ਨੇ ਦੱਸਿਆ ਕਿ ਨਾਮਧਾਰੀ ਪੰਥ ਦੀ ਏਕਤਾ ਰੋਕਣ ਲਈ ਡੇਰਾ ਭੈਣੀ ਸਾਹਿਬ ਵਾਲਿਆਂ ਨੇ ਡੇਰੇ ਤੋਂ ਬਾਹਰ ਭੈਣੀ ਸਾਹਿਬ ਵਿੱਚ ਰਹਿਣ ਵਾਲੇ ਏਕਤਾ ਚਾਹੁਣ ਵਾਲੇ ਸ਼ਰਧਾਲੂ ਸਿੱਖਾਂ ਨੂੰ ਮਾਰਨਾ ਕੁੱਟਣਾ ਸ਼ੁਰੂ ਕਰ ਦਿੱਤਾ ਹੈ। ਉਹਨਾਂ ਦਾ ਕਸੂਰ ਇੰਨਾ ਹੀ ਹੈ ਕਿ ਉਹ ਏਕਤਾ ਚਾਹੁੰਦੇ ਹਨ। ਉਹ ਡੇਰੇ ਵਾਲਿਆਂ ਨਾਲ ਵੀ ਕਦੇ ਕੋਈ ਲੜਾਈ ਝਗੜਾ ਨਹੀਂ ਕਰਦੇ। ਇਸ ਮੌਕੇ ਤੇ ਜਸਵਿੰਦਰ ਸਿੰਘ ਨੇ ਦੱਸਿਆ ਕਿ ਜਿਸ ਵੈਦ ਗੁਰਦੇਵ ਸਿੰਘ ਦੀ ਬੁਰੀ ਤਰਾਂ ਮਾਰਕੁੱਟ ਕੀਤੀ ਗਈ ਉਸਨੇ ਕਾਫੀ ਸਮਾਂ ਪਹਿਲਾਂ ਹੀ ਆਪਣੀ ਸਾਰੀ ਜਾਇਦਾਦ ਭੈਣੀ ਸਾਹਿਬ ਨੂੰ ਦਾਨ ਦਿੱਤੀ ਹੋਈ ਹੈ।
ਕਮੇਟੀ ਨੇ ਮੀਡੀਆ ਸਾਹਮਣੇ ਸਪਸ਼ਟ ਕੀਤਾ ਕਿ ਡੇਰੇ ਵਾਲੇ ਏਕਤਾ ਰੋਕਣ ਲਈ ਲੜਾਈ ਵਧਾਉਣਾ ਚਾਹੁੰਦੇ ਹਨ ਜਿਸ ਕਰਕੇ ਉਹ ਪੰਥ ਹਿਤੈਸ਼ੀਆਂ ਨੂੰ ਲੜਾਈ ਦੇ ਰਸਤੇ ਵੱਲ ਤੋਰਨਾ ਚਾਹੁੰਦੇ ਹਨ। ਪੰਜਾਬ ਸਰਕਾਰ ਅਤੇ ਪ੍ਰਸ਼ਾਸਨ ਡੇਰਾ ਭੈਣੀ ਸਾਹਿਬ ਵਾਲਿਆਂ ਦਾ ਅਤਿਆਚਾਰ ਕਰਨ ਵਿੱਚ ਪੂਰਾ ਸਾਥ ਦੇ ਰਿਹਾ ਹੈ। ਇਸ ਮੌਕੇ ਤੇ ਮੌਜੂਦ ਕਮੇਟੀ ਦੇ ਜਨਰਲ ਸਕੱਤਰ ਹਰਵਿੰਦਰ ਸਿੰਘ ਅਤੇ ਪ੍ਰਧਾਨ ਨਵਤੇਜ ਸਿੰਘ ਨੇ ਦੱਸਿਆ ਇਸ ਮਕਸਦ ਲਈ ਹੀ ਕਈ ਡੂੰਘੀਆਂ ਸਾਜਿਸ਼ਾਂ ਰਚੀਆਂ ਗਈਆਂ ਹਨ ਜਿਹਨਾਂ ਵਿੱਚ ਸੋਸ਼ਲ ਮੀਡੀਆ ਦੀ ਦੁਰਵਰਤੋਂ ਵੀ ਸ਼ਾਮਿਲ ਹੈ। ਇਸ ਨਾਪਾਕ ਇਰਾਦੇ ਨਾਲ ਹੀ ਨਾਮਧਾਰੀ ਰੈਜੀਮੈਂਟ ਅਤੇ ਕਈ ਹੋਰ ਨਾਵਾਂ ਵਾਲੀਆਂ ਜਾਅਲੀ ਆਈ ਡੀਆਂ ਬਣਾ ਕੇ ਸਾਡੇ ਸੰਘਰਸ਼ ਅਤੇ ਏਕਤਾ ਦੀਆਂ ਕੋਸ਼ਿਸ਼ਾਂ ਨੂੰ ਤਾਰਪੀਡੋ ਕਰਨ ਦੀਆਂ ਘਟੀਆਂ ਹਰਕਤਾਂ ਵੀ ਕੀਤੀਆਂ ਜਾ ਰਹੀਆਂ ਹਨ। ਕਦੇ ਕਿਹਾ ਜਾਂਦਾ ਹੈ ਅਸੀਂ ਭੈਣੀ ਸਾਹਿਬ 'ਤੇ ਹਮਲਾ ਕਰਨਾ ਹੈ, ਕਦੇ ਕਿਹਾ ਜਾਂਦਾ ਹੈ ਅਸੀਂ ਉੱਥੇ ਜਾ ਕੇ ਮੌਤ ਵੰਡਣੀ ਹੈ ਅਤੇ ਕਦੇ ਕਿਹਾ ਜਾਂਦਾ ਹੈ ਅਸੀਂ ਫਤਹਿ ਨਿਸ਼ਾਨ ਝੁਲਾਉਣੇ ਹਨ। 
ਦੂਸਰੇ ਪਾਸੇ, ਜਿਹਨਾਂ ਨੂੰ ਕੁੱਟਿਆ ਜਾ ਰਿਹਾ ਹੈ ਉਹਨਾਂ ਨੂੰ ਬਚਾਉਣ ਦਾ ਸਰਕਾਰ ਨਾਟਕ ਕਰ ਰਹੀ ਹੈ। ਜਿਸ ਕਰਕੇ ਸੌ ਤੋਂ ਵੱਧ ਪੁਲਿਸ ਵਾਲੇ ਭੈਣੀ ਸਾਹਿਬ ਵਿੱਚ ਅਮਨ ਸ਼ਾਂਤੀ ਬਹਾਲ ਕਰਨ ਦੇ ਨਾਂ ਤੇ ਲਗਾਏ ਗਏ ਹਨ। ਜੇਕਰ ਪੰਜਾਬ ਸਰਕਾਰ ਦੀ ਸ਼ਹਿ ਨਾ ਹੋਵੇ ਤਾਂ ਡੇਰਾ ਭੈਣੀ ਸਾਹਿਬ ਵਾਲੇ ਕਿਸੇ ਨੂੰ ਕੁੱਟਣਾ ਤਾਂ ਕੀ, ਉਏ ਵੀ ਨਹੀਂ ਕਹਿ ਸਕਦੇ।ਹੁਣ ਵੀ ਜੇ ਦੋ ਬੰਦਿਆਂ , ਸਰਬਜੀਤ ਸਿੰਘ ਸਰਪੰਚ ਅਤੇ ਕੇਸਰ ਸਿੰਘ ਲਾਡੀ, ਨੂੰ ਫੜਕੇ ਅੰਦਰ ਕਰ ਦਿੱਤਾ ਜਾਵੇ, ਤਾਂ ਹੁਣੇ ਹੀ ਭੈਣੀ ਸਾਹਿਬ ਵਿੱਚ ਸ਼ਾਂਤੀ ਹੋ ਜਾਵੇਗੀ।ਫੇਰ ਉਥੇ ਇਕ ਵੀ ਪੁਲਿਸ ਵਾਲੇ ਦੀ ਲੋੜ ਨਹੀਂ ਪਵੇਗੀ। ਉਹਨਾਂ ਫਿਰ ਕਿਹਾ ਕਿ ਅਸੀਂ ਤਾਂ ਪ੍ਰਸ਼ਾਸਨ ਤੋਂ ਆਗਿਆ ਲੈਕੇ ਜਾਣਾ ਸੀ, ਭੁਖ ਹੜਤਾਲ ਕਰਨੀ ਸੀ।
ਪਰ ਪੰਜਾਬ ਸਰਕਾਰ ਅਮਨ ਸ਼ਾਂਤੀ ਨਹੀਂ ਚਾਹੁੰਦੀ ਅਤੇ ਸ਼ਾਂਤੀ ਬਹਾਲ ਕਰਨ ਦਾ ਨਾਟਕ ਕਰ ਰਹੀ ਹੈ।ਪ੍ਰਸ਼ਾਸਨ ਨੂੰ ਇਸ ਨਾਟਕਬਾਜ਼ੀ / ਲੜਾਈ ਨਾਲ ਕਾਫੀ ਆਮਦਨ ਵੀ ਹੈ, ਇਸ ਕਰਕੇ ਡੇਰਾ ਭੈਣੀ ਸਾਹਿਬ ਵਾਲੇ ਦੋਸ਼ੀਆਂ ਨੂੰ ਫੜਦੇ ਨਹੀਂ ਪਰ ਪੁਲਿਸ ਵਾਲਿਆਂ ਨੂੰ ਵਖਤ ਜ਼ਰੂਰ ਪਾਇਆ ਹੋਇਆ।ਇਸ ਦਾ ਪ੍ਰਤੱਖ ਪ੍ਰਮਾਣ ਹੈ: ਪ੍ਰਸ਼ਾਸਨ ਵੱਲੋਂ ਲੁਧਿਆਣੇ ਵਿੱਚ ਨਾਮਧਾਰੀਆਂ ਨੂੰ ਹੀ ਨਾਮਧਾਰੀਆਂ ਦੇ ਖੂਹ ਤੋਂ ਪਾਣੀ ਨਾ ਲੈਣ ਦੇਣਾ ਅਤੇ ਭੈਣੀ ਸਾਹਿਬ ਵਿੱਚ 26 ਅਗਸਤ 2014 ਨੂੰ ਆਪ ਕੋਲ ਖਲੋ ਕੇ ਸ਼ਾਂਤੀ ਪਸੰਦ ਸਿੱਖਾਂ ਉਤੇ ਹਜ਼ੂਮ ਤੋਂ ਹਮਲਾ ਕਰਵਾਉਣਾ, ਜਿਵੇਂ ਦਿੱਲੀ ਵਿੱਚ 1984 ਵਿੱਚ ਕਾਂਗਰਸ ਸਰਕਾਰ ਨੇ ਕਰਵਾਇਆ ਸੀ।
ਇਸਦਾ ਪ੍ਰਤੱਖ ਸਬੂਤ ਹੈ ਕਿ ਦਸ ਦਿਨ ਹੋ ਗਏ ਹਨ, 19 ਅਗਸਤ ਨੂੰ ਡੇਰਾ ਭੈਣੀ ਸਾਹਿਬ ਵਾਲਿਆਂ ਨੇ ਇਕ ਸਾਧਾਰਨ ਸਿੱਖ ਨੂੰ ਬਿਨਾਂ ਕਾਰਨ ਕੁੱਟਿਆ ਸੀ ਪਰ ਪਰਚਾ ਦਰਜ ਹੋਣ ਦੇ ਬਾਵਜੂਦ ਪੁਲਿਸ ਨੇ ਅੱਜ ਤੱਕ ਕਿਸੇ ਨੂੰ ਨਹੀਂ ਫੜਿਆ।ਉਸ ਤੋਂ ਬਾਅਦ ਵੀ ਕਈਆਂ ਨੂੰ ਕੁੱਟ ਚੁੱਕੇ ਹਨ ਪਰ ਪੁਲਿਸ ਮੂਕ ਦਰਸ਼ਕ ਬਣੀ ਹੋਈ ਹੈ। ਦੂਸਰਾ ਪ੍ਰਤੱਖ ਸਬੂਤ ਇਹ ਹੈ ਕਿ ਸੰਗਤ ਨੇ ਬੜੀ ਵਾਰੀ ਬਾਦਲ ਸਾਹਿਬ ਨੂੰ ਪੰਥ ਵਿੱਚ ਏਕਤਾ ਕਰਾਉਣ ਲਈ ਬੇਨਤੀ ਕੀਤੀ ਹੈ ਪਰ ਉਹਨਾਂ ਨੇ ਹਰ ਵਾਰੀ ਇਹ ਕਹਿਕੇ ਟਾਲ ਦਿੱਤਾ ਕਿ ਅਸੀਂ ਧਾਰਮਿਕ ਮਾਮਲੇ ਵਿੱਚ ਦਖਲ ਕਿਵੇਂ ਦੇ ਸਕਦੇ ਹਾਂ।
ਬਾਦਲ ਸਾਹਿਬ ਪੰਥ ਵਿੱਚ ਲੜਾਈਆਂ ਕਰਵਾਉਣ ਲਈ ਤਾਂ ਦਖਲ ਦੇ ਸਕਦੇ ਹਨ ਪਰ ਏਕਤਾ ਕਰਾਉਣ ਲਈ ਦਖਲ ਨਹੀਂ ਦੇ ਸਕਦੇ। ਉਹ ਪੰਥ ਪਾੜਨ ਵਾਲਿਆਂ ਦੀ ਹਰ ਤਰਾਂ ਨਾਲ ਮਦਦ ਕਰਦੇ ਹਨ ਅਤੇ ਉਹਨਾਂ ਦੀ ਸੁਰੱਖਿਆ ਵਾਸਤੇ ਪੁਲਿਸ ਵੀ ਲਗਾਉਂਦੇ ਹਨ ਜਿਸ ਨਾਲ ਡੇਰੇ ਵਾਲਿਆਂ ਨੂੰ ਏਕਤਾ ਰੋਕਣ ਲਈ ਤੇ ਸਿੱਖਾਂ ਤੇ ਅਤਿਆਚਾਰ ਕਰਨ ਲਈ ਸ਼ਹਿ ਮਿਲਦੀ ਹੈ।
ਅਸੀਂ ਸਪਸ਼ਟ ਕਰਦੇ ਹਾਂ : ਗੁਰਦਵਾਰਾ ਭੈਣੀ ਸਾਹਿਬ ਜਾਂ ਕਿਸੇ ਵੀ ਗੁਰਦਆਰੇ ਤੇ ਕਬਜ਼ਾ ਕਰਨ ਦਾ ਅਸਾਡਾ ਕੋਈ ਵਿਚਾਰ ਨਹੀਂ।
ਅਸੀਂ ਭੈਣੀ ਸਾਹਿਬ ਵਿਖੇ ਏਕਤਾ ਕਰਾਉਣ ਲਈ ਭੁੱਖ ਹੜਤਾਲ ਕਰਨੀ ਸੀ ਨਾ ਕਿ ਲੜਾਈ ਵਧਾਉਣ ਲਈ, ਜੋ ਡੇਰਾ ਭੈਣੀ ਸਾਹਿਬ ਵਾਲੇ ਕਰਨਾ ਚਾਹੁੰਦੇ ਹਨ। ਡੇਰੇ ਉਤੇ ਕਾਬਜ਼ ਧੜਾ ਅਸਾਨੂੰ ਏਕਤਾ, ਸ਼ਾਂਤੀ ਦੇ ਮਾਰਗ ਤੋਂ ਭਟਕਾ ਕੇ ਲੜਾਈ ਦੇ ਰਾਹ ਤੋਰਨਾ ਚਾਹੁੰਦਾ ਹੈ। ਜੋ ਅਸੀਂ ਨਹੀਂ ਤੁਰਨਾ। 
ਪ੍ਰਸ਼ਾਸਨ ਤੋਂ ਤਨਾਅ ਘਟਾਉਣ ਲਈ ਅਤੇ ਜਿਹੜੇ ਪੁਲਿਸ ਵਾਲੇ ਬਿਨਾਂ ਕਾਰਨ ਤੋਂ ਡੇਰਾ ਭੈਣੀ ਸਾਹਿਬ ਵਿੱਚ ਤਾਇਨਾਤ ਹਨ, ਉਹਨਾਂ ਨੂੰ ਸੌਖਿਆਂ ਕਰਨ ਵਾਸਤੇ ਅਸੀਂ ਅਗਲੇ ਮਹੀਨੇ ਭੈਣੀ ਸਾਹਿਬ ਵਿਖੇ ਐਲਾਨ ਕੀਤੀ ਭੁਖ ਹੜਤਾਲ ਦਾ ਸਥਾਨ ਬਦਲ ਰਹੇ ਹਾਂ। ਭੁਖ ਹੜਤਾਲ ਦੇ ਨਵੇਂ ਸਥਾਨ ਅਤੇ ਤਾਰੀਖ ਬਾਰੇ ਸੰਗਤਾਂ ਨੂੰ ਜਲਦ ਹੀ ਸੂਚਿਤ ਕਰ ਦਿੱਤਾ ਜਾਵੇਗਾ।
ਇਸ ਮੌਕੇ ਸੂਬਾ ਦਰਸ਼ਨ ਸਿੰਘ ਰਾਏਸਰ, ਸੂਬਾ ਅਮਰੀਕ ਸਿੰਘ, ਜਸਵਿੰਦਰ ਸਿੰਘ ਲੁਧਿਆਣਾ, ਨਵਤੇਜ ਸਿੰਘ ਲੁਧਿਆਣਾ, ਹਰਵਿੰਦਰ ਸਿੰਘ ਲੁਧਿਆਣਾ, ਬਸੰਤ ਸਿੰਘ, ਰਜਵੰਤ ਸਿੰਘ, ਗੁਰਦੀਪ ਸਿੰਘ ਆਦਿ ਹਾਜ਼ਰ ਸਨ।

Wednesday, August 27, 2014

ਨਾਮਧਾਰੀ ਗੁੱਟ ਆਖਿਰੀ ਲੜਾਈ ਦੀ ਤਿਆਰੀ ਵਿੱਚ

ਅੱਸੂ ਦੇ ਮੇਲੇ ਵਿੱਚ ਹੋ ਸਕਦਾ ਹੈ ਖੂਨੀ ਟਕਰਾਓ
ਭੁੱਖ ਹੜਤਾਲ ਦੇ ਆਖਿਰੀ ਦਿਨ ਸੰਗਤ ਨੂੰ ਸੰਬੋਧਨ ਕਰਦਿਆਂ ਠਾਕੁਰ ਦਲੀਪ ਸਿੰਘ 
ਲੁਧਿਆਣਾ: 27 ਅਗਸਤ 2014: (ਪੰਜਾਬ ਸਕਰੀਨ ਬਿਊਰੋ):
ਨਾਮਧਾਰੀ ਸੰਪਰਦਾ ਵਿੱਚ ਡੂੰਘਾ ਹੁੰਦਾ ਜਾ ਰਿਹਾ ਵਿਵਾਦ ਅੱਸੂ ਮਹੀਨੇ ਵਿੱਚ ਵਿੱਚ ਇੱਕ ਨਵਾਂ ਖੂਨੀ ਅਧਿਆਇ ਜੋੜ ਸਕਦਾ ਹੈ। 22 ਦਿਨ ਲੰਮੀ ਲੜੀਵਾਰ ਭੁੱਖ ਹੜਤਾਲ ਤੋਂ ਬਾਅਦ ਆਪਣਾ ਸ਼ਕਤੀ ਪ੍ਰਦਰਸ਼ਨ ਕਰਨ ਤੋਂ ਬਾਅਦ ਹੁਣ ਪੰਥਕ ਏਕਤਾ ਦੀ ਗੱਲ ਕਰਨ ਵਾਲਾ ਧੜਾ ਹਥਿਆਰ ਚੁੱਕਣ ਦੀ ਤਿਆਰੀ ਵਿੱਚ ਲੱਗਦਾ ਹੈ। ਫੇਸਬੁਕ ਤੇ ਬਣੇ ਨਾਮਧਾਰੀ ਰੈਜੀਮੈਂਟ ਵਾਲੇ ਪ੍ਰੋਫਾਈਲ ਵਿੱਚ ਇਸਦਾ ਸਪਸ਼ਟ ਇਸ਼ਾਰਾ ਦਿੱਤਾ ਗਿਆ ਹੈ।
ਇਸ ਪੋਸਟ ਵਿੱਚ ਕਿਹਾ ਗਿਆ ਹੈ,"ਸਾਧ ਸੰਗਤ ਜੀ ਹੁਣ ਆਖਿਰੀ ਲੜਾਈ ਹੋਣੀ ਹੈ। 

ਅਗਲੀ ਭੁੱਖ ਹੜਤਾਲ ਮਸੰਦਾਂ ਦੀਆਂ ਲਾਸ਼ਾਂ ਉੱਤੇ ਹੋਵੇਗੀ। 

ਹੁਣ ਅੱਸੂ ਦੇ ਮੇਲੇ 'ਤੇ ਇਹਨਾਂ ਦੇ ਘਰ ਜਾ ਕੇ, ਇਹਨਾਂ ਨੂੰ ਮੌਤ ਬਖਸ਼ਾਂਗੇ।"

ਅਖੀਰ ਵਿੱਚ ਕਿਹਾ ਗਿਆ ਹੈ----

ਜੈ ਰਣ ਚੰਡੀ।
ਧੰਨ ਅਕਾਲ ਪੁਰਖ ਪਾਤਸ਼ਾਹ ਦਿਲੀਪ
ਇਹ ਲਿਖਤ ਫੇਸਬੁਕ 'ਤੇ ਸਵੇਰੇ 8:45 ਵਜੇ ਪੋਸਟ ਕੀਤੀ ਗਈ।
Namdhari Regiment
Saadh sangat ji, hun aakhri ladaai honi hai.

Agli bhukh hartaal masanda di laasha utte hovegi.

Hun assu de mele te, ena de ghar ja k, ena nu maut bakshange.
Jai ran chandi.
.
Dhan akalpurakh patshah DILIP
 — with Rajwant Singh and 49 others.
LikeLike ·  · 
  • Rector Kathuria

Friday, August 22, 2014

ਪੰਥਕ ਏਕਤਾ ਲਈ ਚਲ ਰਿਹਾ ਲੁਧਿਆਣਾ ਦਾ ਨਾਮਧਾਰੀ ਅੰਦੋਲਨ ਖਤਮ

ਭੁੱਖ ਹੜਤਾਲ ਠਾਕੁਰ ਦਲੀਪ ਸਿੰਘ ਜੀ ਦੇ ਆਦੇਸ਼ ਨਾਲ ਸਮਾਪਤ
ਅਗਲੀ ਸ਼ਾਂਤਮਈ ਭੁੱਖ ਹੜਤਾਲ ਅਸੂ ਦੇ ਮੇਲੇ ਸਮੇਂ ਸ੍ਰੀ ਭੈਣੀ ਸਾਹਿਬ ਵਿਚ
ਲੁਧਿਆਣਾ: 22 ਅਗਸਤ 2014: (*ਸੂਬਾ ਦਰਸ਼ਨ ਸਿੰਘ ਰਾਏਸਰ): 
ਨਾਮਧਾਰੀ ਪੰਥਕ ਏਕਤਾ ਲਈ ਇਕ ਅਗਸਤ ਤੋਂ ਸ਼ੁਰੂ ਹੋਈ ਭੁਖ ਹੜਤਾਲ ਅੱਜ 22ਵੇਂ ਦਿਨ ਠਾਕੁਰ ਦਲੀਪ ਸਿੰਘ ਜੀ ਦੇ ਆਦੇਸ਼ ਅਨੁਸਾਰ ਸਮਾਪਤ ਕਰ ਦਿੱਤੀ ਗਈ। ਵਰਨਣਯੋਗ ਹੈ ਕਿ ਸ੍ਰ.: ਬਚਿੱਤਰ ਸਿੰਘ ਭੁਰਜੀ ਜੀ (68 ਸਾਲ) ਨੇ ਜੋ ਮਰਨ ਵਰਤ ਸ਼ੁਰੂ ਕੀਤਾ ਸੀ, ਉਹ ਵੀ 7ਵੇਂ ਦਿਨ ਵਿਚ ਦਾਖਲ ਹੋ ਗਿਆ ਸੀ। ਭੁਰਜੀ ਜੀ ਅਜੇ ਵੀ ਅਡੋਲ ਹਨ। ਤਕਰੀਬਨ 250 ਮੈਂਬਰ ਜੋ ਭੁਖ ਹੜਤਾਲ ਤੇ ਬੈਠੇ ਸਨ, ਉਹਨਾਂ ਨੂੰ ਜੂਸ ਪਿਲਾਕੇ ਭੁਖ ਹੜਤਾਲ ਸਮਾਪਤ ਕੀਤੀ ਗਈ। ਪੰਥਕ ਏਕਤਾ ਦੇ ਹੱਕ ਵਿੱਚ ਪੰਥ ਹਿਤੈਸ਼ੀ ਸੰਗਤ ਨੇ ਵੱਧ ਚੜ ਕੇ ਅੱਜ ਪੰਥਕ ਏਕਤਾ ਸਮਾਗਮ ਵਿੱਚ ਹਿੱਸਾ ਲਿਆ। ਇਸ ਦੌਰਾਨ ਠਾਕੁਰ ਦਲੀਪ ਸਿੰਘ ਜੀ ਨੇ ਵੀ ਦਰਸ਼ਨ ਦਿੱਤੇ ਅਤੇ ਸੰਗਤਾਂ ਨੂੰ ਉਤਸ਼ਾਹਿਤ ਕਰਨ ਲਈ ਪ੍ਰਵਚਨ ਕੀਤੇ।
ਕਈ ਲੋਕ ਸਾਨੂੰ ਪੁੱਛਦੇ ਹਨ ਕਿ ਤੁਸੀਂ ਏਕਤਾ ਕਿਉਂ ਚਾਹੁੰਦੇ ਹੋ? ਇਸਦਾ ਉਤਰ ਦਿੰਦਿਆ ਹੋਇਆਂ ਠਾਕੁਰ ਦਲੀਪ ਸਿੰਘ ਜੀ ਨੇ ਕਿਹਾ ਕਿ ਅਸੀਂ ਏਕਤਾ ਹੇਠ ਲਿਖੇ ਕਾਰਨਾਂ ਕਰਕੇ ਚਾਹੁੰਦੇ ਹਾਂ।
1. ਏਕਤਾ ਨਾ ਹੋਣ ਕਰਕੇ ਪੰਥ ਦੇ ਕਈ ਧੜੇ ਬਣਦੇ ਜਾ ਰਹੇ ਹਨ। ਧੜਿਆਂ ਦੀ ਲੜਾਈ ਕਾਰਨ ਲੋਕਾਂ ਦੀ ਸ਼ਰਧਾ ਘਟਕੇ ਪੰਥ ਦੀ ਗਿਣਤੀ ਘੱਟਦੀ ਜਾ ਰਹੀ ਹੈ। 
2.ਭੈਣੀ ਸਾਹਿਬ ਵਾਲੇ ਆਪਣੇ ਸੇਵਕਾਂ ਨੂੰ ਬਾਕੀ ਸੰਗਤ ਨਾਲ ਮਿਲਵਰਤਨ ਕਰਨ ਤੋਂ ਮਨਾ੍ਹ ਕਰਦੇ ਹਨ ਅਤੇ ਇਸ ਕਰਕੇ ਆਪਸ ਵਿਚ ਲੜਾਈਆਂ ਪੈ ਕੇ ਤਲਾਕ ਹੋਣੇ ਸ਼ੁਰੂ ਹੋ ਗਏ ਹਨ ਕਿaਂਕਿ ਕੋਈ ਕਿਸੇ ਨੂੰ ਮੰਨਦਾ ਹੈ ਤੇ ਕੋਈ ਕਿਸੇ ਨੂੰ । 
3. ਜਿਹੜਾ ਅਨਮੋਲ ਸਮਾਂ ਅਤੇ ਪੈਸਾ ਆਪਸੀ ਲੜਾਈ ਕਰਕੇ ਅੱਜ ਵਕੀਲਾਂ, ਡਾਕਟਰਾਂ, ਪੁਲਿਸ, ਮੰਤਰੀਆਂ ਜਾਂ ਸਰਕਾਰਾਂ ਨੂੰ ਦਿਤਾ ਜਾ ਰਿਹਾ , ਇਹੋ ਪੈਸਾ ਅਤੇ ਸਮਾਂ ਜੇਕਰ ਪੰਥ ਦੇ ਉਸਾਰੂ ਕੰਮਾਂ ਵਿੱਚ ਲੱਗੇ ਤਾਂ ਪੰਥ ਤਰੱਕੀ ਕਰ ਸਕਦਾ ਹੈ।
ਸੋਚਣ ਦੀ ਲੋੜ ਹੈ ਜਿੰਨ੍ਹੇ ਬੰਦੇ ਅਸੀਂ ਆਪਸ ਵਿੱੱਚ ਲੜਣ ਤੇ ਲੱਗੇ ਹੋਏ ਹਾਂ , ਜੇ ਇਹ ਸਾਰੇ ਸਤਿਗੁਰੂ ਨਾਨਕ ਦੇਵ ਜੀ ਦੇ ਸਿੱਖ ਪੰਥ ਦਾ ਪ੍ਰਚਾਰ ਕਰਨ ਵਾਸਤੇ ਤੁਰ ਪੈਣ ਤਾਂ ਉਹਦੇ ਨਾਲ ਪੰਥ ਕਿੰਨਾ ਵੱਧ ਸਕਦਾ ਹੈ। ਅਸੀਂ ਇਹ ਲੜਾਈ ਸਿਰਫ ਨਾਮਧਾਰੀ ਪੰਥ ਵਿਚ ਹੀ ਨਹੀਂ ਮੁਕਾaਣੀ ਚਾਹੁੰਦੇ ਬਲਕਿ ਸਮੁੱਚੇ ਸਿੱਖ ਪੰਥ ਦੀ ਮੁਕਾaਣੀ ਚਾਹੁੰਦੇ ਹਾਂ। ਅੱਜ ਹਰਿਆਣੇ ਵਿਚ ਗੁਰਦੁਆਰਾ ਕਮੇਟੀ ਬਨਣ ਕਰਕੇ ਜਿਹੜੀ ਨਵੀਂ ਲੜਾਈ ਸ਼ੁਰੂ ਹੋ ਗਈ ਹੈ,  ਉਸ ਨਵੀਂ ਲੜਾਈ ਕਾਰਨ ਪੰਥ ਦਾ ਬਹੁਤ ਜਿਆਦਾ ਪੈਸਾ ਅਤੇ ਸਮਾਂ ਲਗ ਰਿਹਾ ਹੈ। ਇਸੇ ਤਰ੍ਹਾਂ ਹੋਰ ਵੀ ਸਿੱਖਾਂ  ਵਿੱੱਚ ਧੜੇ-ਬਾਜੀ ਹੋਣ ਕਰਕੇ ਬਹੁਤ ਸਮਾਂ ਅਤੇ ਅਨੰਤ ਪੈਸਾ ਬਰਬਾਦ ਹੋ ਰਿਹਾ ਹੈ। ਜੇ ਇਹੋ ਸਮਾਂ ਅਤੇ ਪੈਸਾ ਸਤਿਗੁਰੂ ਨਾਨਕ ਦੇਵ ਜੀ ਦੇ ਸਿੱਖ ਪੰਥ ਦੇ ਪ੍ਰਚਾਰ ਤੇ ਲੱਗੇ ਤਾਂ ਰਾਤੋ ਰਾਤ ਹੀ ਪਲਟਾ ਆ ਜਾਵੇਗਾ।

ਜਿਸ ਤਰ੍ਹਾਂ ਸੰਗਤ  ਵਿਆਹ ਦੀਆਂ ਪਾਰਟੀਆਂ ਦੌਰਾਨ ਵੱਖੋ-ਵੱਖਰੇ ਧੜਿਆਂ ਨਾਲ ਸੰਬੰਧਤ ਹੋਣ ਦੇ ਬਾਵਜੂਦ ਇਕੱਠੇ ਹੋਕੇ ਬੈਠਦੀ ਹੈ , ਇਸੇ ਤਰਾਂ ਠਾਕੁਰ ਉਦੈ ਸਿੰਘ ਜੀ ਨੂੰ ਗੁਰੂ ਮੰਨੇ ਬਗੈਰ ਸੰਗਤ ਦੀਵਾਨ ਅਤੇ ਸਮਾਗਮਾਂ ਵਿੱਚ ਇਕੱਠੇ ਬੈਠ ਸਕਦੀ ਹੈ।
ਸਾਰੇ ਸਿੱਖ ਪੰਥ ਨੂੰ ਸੋਚਣ ਦੀ ਲੋੜ ਹੈ ਕਿ ਪੰਜਾਬ ਸਾਡੇ ਸਾਰੇ ਗੁਰੂ ਸਹਿਬਾਨਾਂ ਦਾ ਘਰ ਹੈ। ਇਸ ਪੰਜਾਬ ਵਿਚ ਬਾਹਰੋ ਆ ਕੇ ਸਿਖਾਂ ਦੇ ਵਿਰੋਧੀ ਪੰਥ ਕਿੰਨੇ ਛਾ ਗਏ ਹਨ। ਸਿੱਖ ਪੰਥ ਦੀ ਗਿਣਤੀ ਕਿੰਨੀ ਘੱਟ ਗਈ ਹੈ।
ਸਾਡੀ ਇਸ ਭੁਖ ਹੜਤਾਲ ਦਾ ਕਿਸੇ ਦੀ ਗੱਦੀ ਜਾਂ ਜਾਇਦਾਦ ਨਾਲ ਕੋਈ ਮਤਲਬ ਨਹੀਂ , ਸਿਰਫ ਪੰਥ ਦੀ ਏਕਤਾ ਕਰਵਾਕੇ ਪੰਥ ਦੀ ਚੜਦੀਕਲਾਂ ਚਾਹੁੰਦੇ ਹਾਂ ।
ਠਾਕੁਰ ਦਲੀਪ ਸਿੰਘ ਜੀ ਨੇ ਕਿਹਾ ਕਿ ਪਿਛਲੇ ਦਿਨੀਂ ਭੁਖ ਹੜਤਾਲ ਤੇ ਬੈਠੀ ਸੰਗਤ ਵਿਚ ਕਈ ਸਰੀਰਾਂ ਨੇ ਜੋਸ਼ ਵਿਚ ਆਕੇ ਕੁਝ ਸੱਜਣਾਂ ਨੂੰ ਅਪਸ਼ਬਦ (ਮੁਰਦਾਬਾਦ ਆਦਿ) ਬੋਲੇ ਸਨ ਜੋ ਕਿ ਸਿੱਖੀ ਮਰਿਯਾਦਾ ਅਨੁਸਾਰ ਗਲਤ ਹੈ। ਸਤਿਗੁਰੂ ਨਾਨਕ ਦੇਵ ਜੀ ਦਾ ਹੁਕਮ ਹੈ "ਨਾਨਕ ਫਿਕਾ ਬੋਲਿਆ ਤਨ ਮਨ ਫਿਕਾ ਹੋਏ", ਉਹ ਅਪਸ਼ਬਦ ਭਾਵੇਂ ਮੁਖ ਮੰਤਰੀ ਬਾਦਲ ਸਾਹਿਬ, ਡੀ.ਸੀ. ਸਾਹਿਬ, ਚਪੜਾਸੀ ਜਾਂ ਕਿਸੇ ਭੈਣੀ ਸਾਹਿਬ ਵਾਲੇ ਪੁਜਾਰੀ ਨੂੰ ਵੀ ਬੋਲੇ ਗਏ ਨੇ, ਉਹਨਾਂ ਸਾਰਿਆਂ ਤੋਂ ਅਸੀਂ ਹੱਥ ਜੋੜ ਕੇ ਖਿਮਾਂ ਮੰਗਦੇ ਹਾਂ।ਅਸੀਂ ਸਤਿਗੁਰੂ ਨਾਨਕ ਦੇਵ ਜੀ ਦੇ ਹੁਕਮ ਅਨੁਸਾਰ ਸਭ ਵਾਸਤੇ ਮਿਠਾ ਬੋਲਣਾ  ਚਾਹੁੰਦੇ ਹਾਂ। 
ਮੇਲੇ ਵਿੱਚ ਆਈ ਪੰਥ ਹਿਤੈਸ਼ੀ ਸੰਗਤ ਸਾਰਿਆਂ ਨੂੰ ਪੁੱਛਦੀ ਹੈ "ਕੀ ਆਪਸੀ ਲੜਾਈ ਕਰਨਾ ਚੰਗੀ ਗਲ ਹੈ? ਇਸੇ ਤਰ੍ਹਾਂ ਅਸੀਂ ਪ੍ਰਸ਼ਾਸਨ ਨੂੰ ਪੁਛਦੀ ਹੈ "ਕੀ ਏਕਤਾ ਮਾੜੀ ਗੱਲ੍ਹ ਹੈ? ਜੇ ਏਕਤਾ ਚੰਗੀ ਗਲ ਹੈ ਤਾਂ ਤੁਸੀ ਏਕਤਾ ਵਿਰੋਧੀਆਂ ਦਾ ਪੱਖ ਕਰਕੇ ਏਕਤਾ ਚਾਹੁਣ ਵਾਲਿਆਂ ਨੂੰ ਤੰਗ ਕਿਉਂ ਕਰਦੇ ਹੋ? ਅਸਲੀਅਤ ਕੀ ਹੈ, ਇਹ ਤੁਹਾਨੂੰ ਵੀ ਪਤਾ ਹੈ ।ਇੱਥੇ ਕਿਸੇ ਦੀ ਜਾਇਦਾਦ ਜਾਂ ਗੁਰਦੁਆਰੇ ਤੇ ਕਬਜਾ ਕਰਨ ਵਾਲੀ ਕੋਈ ਗੱਲ ਹੈ ਹੀ ਨਹੀਂ।ਇਸੇ ਲਈ ਦੂਰ ਹੋਕੇ ਬੈਠੇ ਹਾਂ।
ਭੁਖ ਹੜਤਾਲ ਐਕਸ਼ਨ ਕਮੇਟੀ ਦੇ ਪ੍ਰਧਾਨ ਸੂਬਾ ਦਰਸ਼ਨ ਨੇ ਠਾਕੁਰ ਦਲੀਪ ਸਿੰਘ ਜੀ ਨੂੰ ਬੇਨਤੀ ਕੀਤੀ ਕਿ ਸਾਡੀ ਇੰਨੇ ਦਿਨਾਂ ਦੀ ਭੁਖ ਹੜਤਾਲ ਹੋਣ ਤੇ ਮਰਨ ਵਰਤ ਰੱਖਣ ਤੇ ਵੀ ਭੈਣੀ ਸਾਹਿਬ ਦੇ ਪੁਜਾਰੀ ਧੜੇ ਵਿਚੋਂ ਅਜੇ ਤੱਕ ਗੱਲਬਾਤ ਕਰਨ ਲਈ ਸਾਡੇ ਕੋਲ ਕੋਈ ਨਹੀਂ ਆਇਆ ਸਗੋਂ ਸ੍ਰੀ ਮਾਤਾ ਜੀ ਸਮੇਤ ਸਾਰੇ ਥਾਈਲੈਂਡ ਚਲੇ ਗਏ ਹਨ ।ਇਸ ਕਰਕੇ ਸਾਨੂੰ ਭੁਖ ਹੜਤਾਲ ਲੁਧਿਆਣੇ ਤੋਂ ਚੁੱਕ ਕੇ ਭੈਣੀ ਸਾਹਿਬ ਦੇ ਗੁਰਦੁਆਰੇ ਦੇ ਬੂਹੇ ਅੱਗੇ ਕਰਨੀ ਪੈਣੀ ਹੈ ਤਾਂ ਜੋ ਭੈਣੀ ਸਾਹਿਬ ਵਾਲੇ ਬਾਹਰ ਜਾ ਹੀ ਨਾ ਸਕਣ।ਅਸੀਂ ਭੁਖ ਹੜਤਾਲ ਭੈਣੀ ਸਾਹਿਬ ਤੋਂ ਦੂਰ ਇਸ ਕਰਕੇ ਕੀਤੀ ਸੀ ਤਾਂ ਜੋ ਭੈਣੀ ਸਾਹਿਬ ਅਤੇ ਪ੍ਰਸ਼ਾਸਨ ਨੂੰ ਇਹ ਡਰ ਅਤੇ ਭੁਲੇਖਾ ਨਾ ਰਹੇ ਕਿ ਅਸੀਂ ਕਬਜ਼ਾ ਕਰਨਾ ਚਾਹੁੰਦੇ ਹਾਂ ਪਰ ਉਸ ਭਲਾਈ ਦਾ ਅਸਰ ਭੈਣੀ ਸਾਹਿਬ ਦੇ ਪੁਜਾਰੀ ਧੜੇ ਅਤੇ ਪ੍ਰਸ਼ਾਸਨ ਤੇ ਨਹੀਂ ਹੋਇਆ। ਇਸਦੇ ਉੱਤਰ ਵਿਚ ਠਾਕੁਰ ਦਲੀਪ ਸਿੰਘ ਜੀ ਨੇ ਹੁਕਮ ਕੀਤਾ  "ਭੈਣੀ ਸਾਹਿਬ ਵਾਲੇ ਬੈਠੀ ਹੋਈ ਨਿੱਹਥੀ ਸੰਗਤ ਨਾਲ ਜਿਸ ਤਰ੍ਹਾਂ ਦਾ ਵਤੀਰਾ ਕਰਦੇ ਹਨ, ਉਹ ਸਭ ਨੂੰ ਪਤਾ ਹੈ। ਇਸ ਲਈ ਪ੍ਰਸ਼ਾਸਨ ਨੂੰ ਬੇਨਤੀ ਕਰਕੇ ਪੁਲਿਸ ਸੁਰੱਖਿਆ ਲੈਕੇ ਹੀ ਇਹ ਕੰਮ ਕੀਤਾ ਜਾਵੇ। ਤੁਹਾਡੀ ਬੇਨਤੀ ਨੂੰ ਸਵੀਕਾਰ ਕਰਦਿਆਂ ਹੋਇਆਂ ਇਹ ਭੁਖ ਹੜਤਾਲ ਮੈਂ ਇਥੇ ਹੀ ਸਮਾਪਤ ਕਰਨ ਦਾ ਆਦੇਸ਼ ਦਿੰਦਾ ਹਾਂ।ਹੁਣ ਅਸੀਂ ਭੁਖ ਹੜਤਾਲ ਪੂਰਨ ਸ਼ਾਂਤਮਈ ਰਹਿਕੇ ਭੈਣੀ ਸਾਹਿਬ ਵਿੱਚ ਅੱਸੂ ਦੇ ਮੇਲੇ ਸਮੇਂ ਕਰਾਂਗੇ ਅਤੇ ਭੁਖ ਹੜਤਾਲ ਵਿੱਚ ਸ਼ਾਮਲ ਹੋਣ ਵਾਲੀ ਸਾਰੀ ਸੰਗਤ ਨੂੰ ਸਤਿਗੁਰੂ ਨਾਨਕ ਦੇਵ ਜੀ ਦੀਆਂ ਖੁਸ਼ੀਆਂ ਮਿਲਣਗੀਆਂ ਕਿਉਂਕਿ ਸਤਿਗੁਰੂ ਨਾਨਕ ਦੇਵ ਜੀ ਦੇ ਹੁਕਮ ਅਨੁਸਾਰ ਹੀ ਸੰਗਤ ਨੇ ਇਹ ਪਰਉਪਕਾਰ ਵਾਲਾ ਕੰਮ ਕੀਤਾ ਹੈ"। 
ਅਸੀਂ ਮੀਡੀਆ ਦਾ ਵੀ ਧੰਨਵਾਦ ਕਰਦੇ ਹਾਂ। ਮੀਡੀਆ ਨੂੰ ਚਾਹੀਦਾ ਹੈ ਕਿ ਠਾਕੁਰ ਉਦੈ ਸਿੰਘ ਜੀ ਅਤੇ ਸੰਤ ਜਗਤਾਰ ਸਿੰਘ ਜੀ ਨੂੰ ਪੁੱਛੇ ਕਿ ਉਨਾਂ ਨੂੰ ਏਕਤਾ ਕਿਉਂ ਨਹੀਂ ਚੰਗੀ ਲੱਗਦੀ? ਉਹ ਗੱਲ ਕਰਨ ਕਿਉਂ ਨਹੀਂ ਆਏ? ਏਕਤਾ ਦੀਆਂ ਸ਼ਰਤਾਂ ਤਾਂ ਬਾਅਦ ਵਿੱਚ ਵੀ ਘੜੀਆਂ ਜਾ ਸਕਦੀਆਂ ਸਨ। ਉਹ ਭੁਖੀ ਤਿਆਹੀ ਸੰਗਤ ਨੂੰ ਪਾਣੀ ਪਿਲਾਉਣ ਕਿਉਂ ਨਹੀਂ ਆਏ ਅਤੇ ਥਾਈਲੈਂਡ ਕਿਉਂ ਚਲੇ ਗਏ?

*ਸੂਬਾ ਦਰਸ਼ਨ ਸਿੰਘ ਰਾਏਸਰ ਨਾਮਧਾਰੀ ਅੰਦੋਲਨ ਦੀ ਐਕਸ਼ਨ ਕਮੇਟੀ ਦੇ ਪ੍ਰਧਾਨ ਹਨ। 

ਮੇਰਾ ਪ੍ਰੈਸ ਨੋਟ ਨਾਲ ਕੋਈ ਸਬੰਧ ਨਹੀਂ-ਅਜੀਤ ਸਿੰਘ ਲਾਇਲ

ਨਾਮਧਾਰੀ ਪੰਥਕ ਏਕਤਾ ਦੀਆਂ ਕੋਸ਼ਿਸ਼ਾਂ ਫਿਰ ਨਾਕਾਮ ਹੋਈਆਂ 
ਨਿਰਾਸ਼ਾ ਦੇ ਬਾਵਜੂਦ ਸੰਗਤਾਂ ਵਿੱਚ ਭੁੱਖ ਹੜਤਾਲ ਲਈ ਲਗਾਤਾਰ ਵਧ ਰਿਹਾ ਉਤਸ਼ਾਹ-102 ਸਾਲ ਦੀ ਬਿਰਧ ਮਾਤਾ ਭੁੱਖ ਹੜਤਾਲ 'ਤੇ 
ਲੁਧਿਆਣਾ: 22 ਅਗਸਤ 2014: (ਪੰਜਾਬ ਸਕਰੀਨ ਬਿਊਰੋ):
ਵਿਸ਼ਵ ਪੰਜਾਬੀ ਕਵੀ ਸਭਾ ਦੇ ਪ੍ਰਧਾਨ ਜੋਗਿੰਦਰ ਸਿੰਘ ਕੰਗ ਅਤੇ ਨਾਮਧਾਰੀ ਦਰਬਾਰ ਸ੍ਰੀ ਭੈਣੀ ਸਾਹਿਬ ਦੇ ਸਕੱਤਰ ਅਜੀਤ ਸਿੰਘ ਲਾਇਲ ਹੁਰਾਂ ਦੇ ਦਸਖਤਾਂ ਵਾਲਾ ਇੱਕ ਪ੍ਰੈਸ ਨੋਟ ਜਦੋਂ ਕਲ੍ਹ 21 ਅਗਸਤ ਦੀ ਸ਼ਾਮ ਨੂੰ ਜਾਰੀ ਹੋਇਆ ਤਾਂ ਪੰਥਕ ਏਕਤਾ ਦੀ ਮੰਗ ਨੂੰ ਲੈ ਕੇ ਭੁੱਖ ਹੜਤਾਲ ਤੇ ਬੈਠੀ ਸੰਗਤ ਵਿੱਚ ਕਾਫੀ ਉਤਸ਼ਾਹ ਸੀ। ਪੰਜਾਬ ਸਕਰੀਨ ਨੂੰ ਇਸ ਪ੍ਰੈਸ ਨੋਟ ਦੀ ਕਾਪੀ ਇਸ ਐਕਸ਼ਨ ਕਮੇਟੀ ਦੇ ਜਿੰਮੇਵਾਰ ਆਗੂਆਂ ਨੇ ਖੁਦ ਆਪਣੇ ਹੱਥੀਂ ਦਿੱਤੀ। ਦਸਖਤ ਅਸਲੀ ਹਨ ਜਾਂ ਜਾਅਲੀ ਇਸਦਾ ਪਤਾ ਤਾਂ ਹੁਣ ਕਿਸੇ ਜਾਂਚ ਨਾਲ ਹੀ ਲੱਗ ਸਕਦਾ ਹੈ ਪਰ ਅਜੀਤ ਸਿੰਘ ਲਾਇਲ ਹੁਰਾਂ ਨੇ ਕਿਹਾ ਹੈ ਕਿ ਇਸ ਪ੍ਰੈਸ ਨੋਟ ਨਾਲ ਉਹਨਾਂ ਦਾ ਕੋਈ ਸਬੰਧ ਨਹੀਂ। ਉਹਨਾਂ ਕਿਹਾ,"ਓਪਰੋਤਕ ਪੈ੍ਸ ਨੋਟ ਨਾਲ ਮੇਰਾ ਕੋਈ ਸੰਬੰਧ ਨਹੀਂ ਹੈ,ਇਹ ਕਿਸੇ ਸ਼ਰਾਰਤੀ ਦਿਮਾਗ ਦੀ ਸ਼ਰਾਰਤ ਹੈ। ਸਤਿਗੁਰੂ ਉਦੇ ਸਿੰਘ ਜੀ ਦੀ ਕਿਰਪਾ ਨਾਲ ਨਾਮਧਾਰੀ ਸਮਾਜ਼ ਵਿਚ ਕੋਈ ਦੁਫੇੜ ਨਹੀਂ. ਦੁਫੇੜ ਹੈ ਤਾਂ ਸ਼ਰਾਰਤੀ ਸੋਚ ਵਿਚ ਹੋਏਗੀ...ਜਿਨਾਂ ਦਾ ਧਰਮ ਨਾਲ ਕੋਈ ਦੂਰ ਦਾ ਵੀ ਸੰਬੰਧ ਨਹੀਂ....ਨਿਜੀ-ਮੁਫਾਦਾਂ ਦੀ ਪੂਰਤੀ ਲਈ ਹੀ ਤਰਾਂ ਤਰਾਂ ਦੇ ਅਡੰਬਰ ਰਚਣੇ ਪੈਂਦੇ ਹਨ............................"
 ਇਸ ਪੋਸਟ ਦੀ ਹੂਬਹੂ ਨਕਲ ਹੇਠਾਂ ਦਿੱਤੀ ਜਾ ਰਹੀ ਹੈ।  ਇਸ ਲਿਖਤ ਨੂੰ ਅੱਜ ਸ਼ੁੱਕਰਵਾਰ 22 ਅਗਸਤ 2014 ਨੂੰ ਸਵੇਰੇ 7:49 ਵਜੇ ਪੋਸਟ ਕੀਤਾ ਗਿਆ। ਦੂਜੇ ਪਾਸੇ ਭੁੱਖ ਹੜਤਾਲ ਤੇ ਬੈਠੀ ਸੰਗਤ ਦੇ ਆਗੂਆਂ ਦਾ ਕਹਿਣਾ ਹੈ ਕਿ ਉਹਨਾਂ ਕੋਲ ਕੰਗ ਸਾਹਿਬ ਦੀ ਰਿਕਾਰਡਿੰਗ ਵੀ ਮੌਜੂਦ ਹੈ। ਉਹ ਖੁਦ ਦੀਵਾਨ ਵਿੱਚ ਆ ਕੇ ਇਹ ਐਲਾਨ ਕਰਕੇ ਗਏ। ਹੁਣ ਦੇਖਣਾ ਹੈ ਕਿ ਨਾਮਧਾਰੀ ਵਿਵਾਦ ਕੀ ਰੁੱਖ ਅਖਤਿਆਰ ਕਰਦਾ ਹੈ।
  • Ajit Lyall ਓਪਰੋਤਕ ਪੈ੍ਸ ਨੋਟ ਨਾਲ ਮੇਰਾ ਕੋਈ ਸੰਬੰਧ ਨਹੀਂ ਹੈ,ਇਹ ਕਿਸੇ ਸ਼ਰਾਰਤੀ ਦਿਮਾਗ ਦੀ ਸ਼ਰਾਰਤ ਹੈ।ਸਤਿਗੁਰੂ ਉਦੇ ਸਿੰਘ ਜੀ ਦੀ ਕਿਰਪਾ ਨਾਲ ਨਾਮਧਾਰੀ ਸਮਾਜ਼ ਵਿਚ ਕੋਈ ਦੁਫੇੜ ਨਹੀਂ .ਦੁਫੇੜ ਹੈ ਤਾਂ ਸ਼ਰਾਰਤੀ ਸੋਚ ਵਿਚ ਹੋਏਗੀ...ਜਿਨਾਂ ਦਾ ਧਰਮ ਨਾਲ ਕੋਈ ਦੂਰ ਦਾ ਵੀ ਸੰਬੰਧ ਨਹੀਂ....ਨਿਜੀ-ਮੁਫਾਦਾਂ ਦੀ ਪੂਰਤੀ ਲਈ ਹੀ ਤਰਾਂ ਤਰਾਂ ਦੇ ਅਡੰਬਰ ਰਚਣੇ ਪੈਂਦੇ ਹਨ............................
    2 hours ago · Like · 2
  • Namdhari Panth ajit lyall ji savere kih k sam nu mukar jana .koi akalmandi di gal nahi hai ji
    2 hours ago · Like · 1
  • Namdhari Panth nale savere whithe ban ke sam nu red ban lani koi akalmandi di gal nahi hai ji