ਪੰਜਾਬੀ ਦੇ ਦੁਸ਼ਮਣਾਂ ਨਾਲ ਲਗਾਤਾਰ ਸੰਘਰਸ਼ ਜਾਰੀ ਹੈ-ਪੰਜਾਬੀ ਹਿਤੈਸ਼ੀਆਂ ਦਾ

ਕੋਈ ਵੀ ਜਬਰਨ ਕਰ ਨਹੀਂ ਸਕਦਾ, ਵਿੰਗਾ ਵਾਲ ਪੰਜਾਬੀ ਦਾ

ਲੁਧਿਆਣਾ: 14 ਅਕਤੂਬਰ 2023: (ਰੈਕਟਰ ਕਥੂਰੀਆ//ਪੰਜਾਬ ਸਕਰੀਨ ਡੈਸਕ)::

ਪੰਜਾਬ ਅਤੇ ਪੰਜਾਬੀ ਨਾਲ ਦੁਸ਼ਮਣੀਆਂ ਕਮਾਉਣ ਦੀਆਂ ਸਾਜ਼ਿਸ਼ਾਂ ਤਾਂ ਕਈ ਵਾਰ ਹੋਈਆਂ ਪਰ ਇਸ ਸਭ ਕੁਝ ਦੇ ਬਾਵਜੂਦ ਪੰਜਾਬੀ ਨੂੰ ਖਤਰਿਆਂ ਵਾਲੀਆਂ ਕੋਸ਼ਿਸ਼ਾਂ ਕਾਫੀ ਹੱਦ ਤੱਕ ਨਾਕਾਮ ਰਹੀਆਂ। ਓਨਾ ਨੁਕਸਾਨ ਨਹੀਂ ਹੋ ਸਕਿਆ ਜਿੰਨਾ ਕੁ ਦੁਸ਼ਮਣਾਂ ਨੇ ਚਿਤਵਿਆ ਸੀ। ਇਹਨਾਂ ਨਫਰਤਾਂ ਨੂੰ ਯਾਦ ਕਰੀਏ ਤਾਂ ਯਾਦ ਆ ਰਹੀਆਂ ਨੇ ਉਸਤਾਦ ਦਾਮਨ ਹੁਰਾਂ ਦੀਆਂ ਸਤਰਾਂ:

ਮੈਨੂੰ ਇੰਜ ਲਗਦਾ, ਲੋਕੀਂ ਆਖਦੇ ਨੇ

ਤੂੰ ਪੁੱਤਰਾ ਆਪਣੀ ਮਾਂ ਛੱਡਦੇ

ਇਸੇ ਮੌਕੇ ਬਾਬਾ ਨਜਮੀ ਹੁਰਾਂ ਦੀ ਗੱਲ ਵੀ ਜ਼ਰੂਰੀ ਜਾਪਦੀ ਹੈ। ਉਹ ਬੜੀ ਡੂੰਘੀ ਗੱਲ ਕਰਦਿਆਂ ਆਖਦੇ ਨੇ: 

ਮਨ ਦਾ ਮਾਸ ਖਵਾ ਦੇਂਦਾ ਏ, ਜਿਹੜਾ ਏਹਨੂੰ ਪਿਆਰ ਕਰੇ;

ਕੋਈ ਵੀ ਜਬਰਨ ਕਰ ਨਹੀਂ ਸਕਦਾ, ਵਿੰਗਾ ਵਾਲ ਪੰਜਾਬੀ ਦਾ।

ਦੋਵੇਂ ਗੱਲਾਂ ਹਕੀਕਤ ਨੇ। ਇਹ ਵੀ ਸੱਚ ਹੀ ਜਾਪਦੈ ਕਿ ਪੰਜਾਬੀ ਦੇ ਖਿਲਾਫ਼ ਸਾਜ਼ਿਸ਼ਾਂ ਰਚਦਿਆਂ ਸਵਾਰਥੀ ਕਿਸਮ ਦੇ ਲੋਕ ਕੁਝ ਇਹੀ ਭਾਵਨਾ ਦਰਸਾਉਂਦੇ ਰਹੇ ਕਿ ਤੂੰ ਪੁੱਤਰ ਆਪਣੀ ਮਾਂ ਛੱਡ ਦੇ! ਜਦੋਂ ਪੰਜਾਬੀ ਸੂਬੇ ਵੇਲੇ ਹਿੰਦੀ ਪੰਜਾਬੀ ਭਾਸ਼ਾ ਦਾ ਅਨੁਪਾਤ ਦੇਖਿਆ ਜਾ ਰਿਹਾ ਸੀ ਤਾਂ ਉਦੋਂ ਹੋਏ ਸਰਵੇਖਣਾਂ ਦੌਰਾਨ ਲੋਕ ਪੰਜਾਬੀ ਵਿਚ ਬੋਲਦਿਆਂ ਅੱਖ ਰਹੇ ਸਨ ਕਿ ਤੂੰ ਲਿਖ ਸਾਡੀ ਮਨ ਬੋਲੀ ਹਿੰਦੀ ਏ।ਉਹਨਾਂ ਨੂੰ ਹਿੰਦੀ ਬੋਲਣੀ ਵੀ ਨਹੀਂ ਸੀ ਆਉਂਦੀ ਪਰ ਉਹ ਲਿਖਵਾਉਂਦੇ ਰਹੇ ਕਿ ਹਿੰਦੀ ਸਾਡੀ ਮਾਤ ਭਾਸ਼ਾ ਹੈ। ਮਕਸਦ ਤਾਂ ਪੰਜਾਬ ਵਿਚ ਪੰਜਾਬੀ ਬੋਲਦੇ ਲੋਕਾਂ ਦਾ ਨੁਪਾਤ ਘਟਾਉਣਾ ਸੀ।  ਨਿਸਚੇ ਹੀ ਇਹ ਲੋਕ ਨਾ ਤਾਂ ਪੰਜਾਬੀ ਦੇ ਸੱਕੇ ਨਿਕਲੇ ਅਤੇ ਨਾ ਹੀ ਹਿੰਦੀ ਦੇ ਕਦੇ ਨਿਕਲਣਗੇ। ਸਾਜ਼ਿਸ਼ੀ ਸਿਆਸਤ ਦਾ ਸ਼ਿਕਾਰ ਹੋਏ ਇਹਨਾਂ ਲੋਕਾਂ ਨੂੰ ਕਦੇ ਵੀ ਪਤਾ ਨਾ ਲੱਗਿਆ ਕਿ ਉਹ ਆਪਣੀ ਮਾਂ  ਬੋਲੀ ਨਾਲ ਕਿੰਨਾ ਵੱਡਾ ਧ੍ਰੋਹ ਕਮਾ ਗਏ। ਅੰਧ ਭਗਤਾਂ ਦਾ ਉਹ ਵਰਗ ਅੱਜ ਵੀ ਮੌਜੂਦ ਹੈ। 

ਪਰ ਦੂਜੇ ਪਾਸੇ ਪੰਜਾਬੀ ਨਾਲ ਪਿਆਰ ਦਰਸਾਉਣ ਵਾਲੇ ਵੀ ਖੁੱਲ੍ਹ ਕੇ ਨਿੱਤਰਦੇ ਰਹੇ। ਪ੍ਰਸਿੱਧ ਵਿਦਵਾਨ ਅਤੇ ਸੰਸਦ ਮੈਂਬਰ ਵਿਸ਼ਵਾਨਾਥ ਤਿਵਾੜੀ ਆਪਣੀ ਟੀਮ ਦੇ ਨਾਲ ਖੁਦ ਹੱਥਾਂ ਵਿਚ ਟੇਪ ਰਿਕਾਰਡਰ ਲੈ ਕੇ ਚੰਡੀਗੜ੍ਹ ਦੇ ਗਲੀ ਮੋਹਲਿਆਂ ਵਿਚ ਘੁੰਮਦੇ ਰਹੇ ਕਿ ਮਾਂ ਬੋਲੀ ਬੋਲਣ ਵਾਲਿਆਂ ਦੀ ਸਹੀ ਗਿਣਤੀ ਦਾ ਪਤਾ ਲੱਗ ਸਕੇ। ਨਿਸਚੇ ਹੀ ਉਹਨਾਂ ਦੇ ਇਸ ਉਪਰਾਲੇ ਤੋਂ ਉਹਨਾਂ  ਲੋਕਾਂ ਨੂੰ ਸਭ ਤੋਂ ਵੱਧ ਤਕਲੀਫ ਹੋਈ ਜਿਹੜੇ ਪੰਜਾਬੀ ਵਿਚ ਗੱਲ ਕਰਦਿਆਂ ਹਿੰਦੀ ਦੇ ਹੱਕ ਵਿੱਚ ਵੋਟ ਪਾ ਰਹੇ ਸਨ। 

ਟੇਪ ਰਿਕਾਰਡਰ ਵਾਲੇ ਢੰਗ ਤਰੀਕੇ ਨਾਲ ਉਹਨਾਂ ਲੋਕਾਂ ਦਾ ਸਾਰਾ ਪਾਜ ਖੁੱਲ੍ਹ ਰਿਹਾ ਸੀ। ਵਿਸ਼ਵਾਨਾਥ ਤਿਵਾੜੀ ਸੱਚੇ ਪੰਜਾਬੀ ਸਪੂਤ ਹੋਣ ਦਾ ਫਰਜ਼ ਆਧੁਨਿਕ ਤਕਨੀਕ ਨੂੰ ਨਾਲ ਲੈ ਕੇ ਬੜੇ ਹੀ ਸ਼ਾਂਤਮਈ ਢੰਗ ਨਾਲ ਨਿਭਾ ਰਹੇ ਸਨ। ਉਹਨਾਂ ਦਾ ਇਹ ਉਪਰਾਲਾ ਪੰਜਾਬੀ ਵਿਰੋਧੀ ਸਿਆਸਤ ਦਾ ਹਿੱਸਾ ਬਣੇ ਹੋਏ ਲੋਕਾਂ ਲਈ ਬੇਹੱਦ ਦਿੱਕਤ ਵਾਲੀ ਗੱਲ ਸੀ। ਤਿਵਾੜੀ ਸਾਹਿਬ ਨੂੰ ਉਹਨਾਂ ਦੇ ਸਿਆਸੀ ਸਮਰਥਕਾਂ ਨੇ ਵੀ ਬੜਾ ਸਮਝਾਇਆ ਗਿਆ ਪਰ ਗੱਲ ਨਾ ਬਣੀ। ਹੁਣ ਉਹਨਾਂ ਦਾ ਬੇਟਾ  ਮਨੀਸ਼ ਤਿਵਾੜੀ ਸ੍ਰੀ ਆਨੰਦਪੁਰ ਸਾਹਿਬ ਤੋਂ ਕਾਂਗਰਸ ਪਾਰਟੀ ਦਾ ਸੰਸਦ ਮੈਂਬਰ ਹੈ। ਉਹੀ ਮਨੀਸ਼ ਤਿਵਾੜੀ ਜਿਹਨਾਂ ਨੇ ਲੁਧਿਆਣਾ ਵਿਚ ਆਕਾਸ਼ਵਾਣੀ ਦਾ ਕੇਂਦਰ ਖੁਲ੍ਹਵਾ ਕੇ ਐਫ ਐਮ ਗੋਲਡ ਸ਼ੁਰੂ ਕਰਵਾਇਆ ਸੀ। ਆਪਣੇ ਪਿਤਾ ਦੀ ਸ਼ਹਾਦਤ ਦਾ ਦਰਦ ਅੱਜ ਵੀ ਉਹਨਾਂ ਦੀਆਂ ਗੱਲਾਂ ਵਿਚ ਮਹਿਸੂਸ ਕੀਤਾ ਜਾ ਸਕਦਾ ਹੈ। ਦਰਦਾਂ ਦਾ ਸ਼ਿਕਾਰ ਬਣਾਏ ਗਏ ਲੋਕਾਂ ਨੂੰ ਅਤੀਤ ਏਨੀ ਜਲਦੀ  ਭੁੱਲਦਾ ਵੀ ਕਿਥੇ ਹੈ।ਜਜ਼ਬਾਤਾਂ  ਅਤੇ ਭਾਵਨਾਵਾਂ ਨਾਲ ਹੀ ਪੈਦਾ ਹੁੰਦਾ ਹੈ ਅਸਲੀ ਜ਼ਿੰਦਗੀ ਵਾਲਾ ਅਹਿਸਾਸ।  

ਇਸੇ ਦੌਰਾਨ ਅੱਤਵਾਦ ਦਾ ਸਿਲਸਿਲਾ ਲਗਾਤਾਰ ਤੇਜ਼ ਹੁੰਦਾ ਗਿਆ। ਇੱਕ ਦਿਨ ਅਚਾਨਕ ਤਿੰਨ ਅਪ੍ਰੈਲ 1984 ਵਾਲੇ ਦਿਨ ਉਸ ਸ਼ਾਇਰ ਵਿਸ਼ਵਾਨਾਥ ਤਿਵਾੜੀ ਨੂੰ ਗੋਲੀਆਂ ਦਾ ਨਿਸ਼ਾਨਾ ਬਣਾ ਦਿੱਤਾ ਗਿਆ। ਜਿਹੜੇ ਲੋਕ ਸੰਤ ਜਰਨੈਲ ਸਿੰਘ ਭਿੰਡਰਾਂਵਾਲਿਆਂ ਵਾਲੇ ਕੈਂਪ ਦੇ ਨੇੜੇ ਸਨ ਉਹ ਦੱਸਦੇ ਹਨ ਇਹ ਖਬਰ ਸੁਣ ਕੇ ਸੰਤ ਭਿੰਡਰਾਂਵਾਲੇ ਬੇਹੱਦ ਨਿਰਾਸ਼ ਹੋਏ। ਉਹਨਾਂ ਗੁੱਸੇ ਵਿਚ ਆਖਿਆ ਹੁਣ ਇਹ ਕਾਰਾ ਕਿਸਨੇ ਕੀਤਾ ਹੈ? ਪਰ ਦੂਜੇ ਪਾਸੇ ਚਰਚਾ ਇਹ ਵੀ ਰਹੀ ਕਿ ਇਹ ਕਤਲ ਸੰਤ ਭਿੰਡਰਾਂਵਾਲਿਆਂ ਦੀ ਸੱਜੀ ਬਾਂਹ ਵੱਜੋਂ ਜਾਣੇ ਜਾਂਦੇ ਸੁਰਿੰਦਰ ਸਿੰਘ ਸੋਢੀ ਨੇ ਕੀਤਾ ਜਾਂ ਕਰਵਾਇਆ ਸੀ।

ਉਸ ਵੇਲੇ ਗੋਲੀ ਦੀ ਸਿਆਸਤ ਹੀ ਭਾਰੂ ਸੀ ਅਤੇ 03 ਅਪ੍ਰੈਲ 1984 ਨੂੰ ਉਸ ਮਹਾਨ ਲੇਖਕ ਅਤੇ ਪੰਜਾਬੀ ਹਿਤੈਸ਼ੀ ਵੀ ਐਨ ਤਿਵਾੜੀ ਨੂੰ ਸ਼ਹੀਦ ਕਰ ਦਿੱਤਾ ਗਿਆ। ਇਤਿਹਾਸ ਵਿਚ ਇੱਕ ਹੋਰ ਕਾਲਾ ਵਰਕਾ ਦਰਜ ਹੋ ਗਿਆ। ਖਿੜਿਆ ਫੁਲ ਗੁਲਾਬ ਦਾ-ਚੰਡੀਗੜ੍ਹ ਪੰਜਾਬ ਦਾ---ਬਸ ਇਹ ਨਾਅਰਾ ਬਣ ਕੇ ਹੀ  ਰਹਿ ਗਿਆ। ਪੰਜਾਬ ਦੇ ਹੱਕਾਂ ਦਾ ਮਾਮਲਾ ਹੋਰ ਪਿੱਛੜ ਗਿਆ। ਚੰਡੀਗੜ੍ਹ ਅੱਜ ਤਕ ਪੰਜਾਬ ਨੂੰ ਨਹੀਂ ਮਿਲਿਆ।  

ਬਹੁਤ ਸਾਰੇ ਕਤਲ ਅਤੇ ਬਸਾਂ ਵਿਚੋਂ ਕੱਢ ਕੇ ਬਹੁਤ ਸਾਰੇ ਲੋਕਾਂ ਨੂੰ ਮਾਰੇ ਜਾਣ ਵਾਲੀਆਂ ਜਿਹੜੀਆਂ ਵਾਰਦਾਤਾਂ ਉਹਨਾਂ ਵੇਲਿਆਂ ਦੌਰਾਨ ਵਾਪਰੀਆਂ ਉਹ ਸਾਰੀਆਂ ਹੀ ਘਟਨਾਵਾਂ ਅੱਜ ਵੀ ਉੱਚ ਪੱਧਰੀ ਸੁਤੰਤਰ ਜਾਂਚ ਦੀ ਮੰਗ ਕਰਦੀਆਂ ਹਨ ਜਿਹੜੀ ਸ਼ਾਇਦ ਕਦੇ ਨਹੀਂ ਹੋਣੀ। ਅਸੀਂ ਬਹੁਤ ਕੁਝ ਗੁਆ ਲਿਆ। ਸਾਡੇ ਬਹੁਤ ਸਾਰੇ ਬੁਧੀਜੀਵੀ ਅਤੇ ਨੇਕ ਇਨਸਾਨ ਸਾਡੇ ਕੋਲੋਂ ਖੋਹ ਲੈ ਗਏ।  ਸਾਡੇ ਜੋ ਪੱਲੇ ਪਿਆ ਉਹ ਅਫਸੋਸ ਹੀ ਸੀ। ਨਹੀਂਓ ਲੱਭਣੇ ਲਾਲ ਗੁਆਚੇ--ਮਿੱਟੀ ਨਾ ਫਰੋਲ ਜੋਗੀਆ। 

ਇੱਕ ਹੋਰ ਸੰਵੇਦਨਸ਼ੀਲ ਸ਼ਾਇਰ ਅਨੂਪ ਸਿੰਘ ਵਿਰਕ ਹੁਰਾਂ ਹੀ ਲਿਖਿਆ ਸੀ--

ਪਿੱਪਲ ਦਿਆ ਪੱਤਿਆ ਵੇ ਦਸ ਦਈਂ ਹਵਾਂਵਾਂ ਨੂੰ!

ਪੁਤ ਰੋਹੀਏਂ ਰੁਲ ਗਏ  ਨੇ ਨਈਂ ਲਭਣੇ ਮਾਂਵਾਂ ਨੂੰ!

ਉਸ ਬੇਰਹਿਮੀਆਂ ਭਰੇ ਦੌਰ ਬਾਰੇ ਪ੍ਰਸਿੱਧ ਸ਼ਾਇਰ ਭੂਸ਼ਨ ਹੁਰਾਂ ਨੇ ਅੰਮ੍ਰਿਤਾ ਪ੍ਰੀਤਮ ਹੁਰਾਂ ਨੂੰ ਲਿਖੀ ਇੱਕ ਕਾਵਿਕ ਚਿੱਠੀ ਵਿਚ ਲਿਖਿਆ ਸੀ:

ਮੌਸਮਾਂ ‘ਚ ਠੰਡ ਏ ਤੇ ਦਿਲਾਂ ਵਿੱਚ ਅੱਗ ਏ

ਬੰਦੇ ਦੀ ਪਛਾਣ ਏਥੇ ਬੱਸ ਦਾੜ੍ਹੀ-ਪੱਗ ਏ

ਚੰਦਰਾ ਗੁਆਂਢ, ਘਰ ਵਾਲਾ ਲਾਈ-ਲੱਗ ਏ

ਅੱਖਰਾਂ ‘ਚ ਅੱਥਰੂ ਨੇ, ਖ਼ਬਰਾਂ ‘ਚ ਖੂਨ ਏ

ਕੁੱਕੜਾਂ ਦੇ ਖੁੱਡਿਆਂ ‘ਚ ਦੁਬਕਿਆ ਕਨੂੰਨ ਏ

ਦਿਲਾਂ ‘ਚ ਕੀਨੇ-ਸਾੜੇ, ਸਿਰਾਂ ‘ਚ ਜਨੂੰਨ ਏ

ਉਸ ਦੌਰ ਦੌਰਾਨ ਵਾਪਰੀ ਹਿੰਸਾ ਨੇ ਪੰਜਾਬ ਦੇ ਮਾਹੌਲ ਨੂੰ ਬੁਰੀ ਤਰ੍ਹਾਂ ਬਦਲ ਦਿੱਤਾ। ਗਲੀਆਂ ਵਿਚ ਘਰਾਂ ਮੂਹਰੇ ਮੰਜੀਆਂ ਡਾਹ ਕੇ ਬਹਿਣਾ ਜਾਂ ਸੌਣਾ ਹੁਣ ਗਏ ਗੁਜ਼ਰੇ ਜ਼ਮਾਨੇ ਦੀਆਂ ਗੱਲਾਂ ਹੋ ਗਈਆਂ ਹਨ। ਗੁਆਂਢੀ ਨੂੰ ਗੁਆਂਢੀ ਨਾਲ ਪਹਿਲਾਂ ਵਰਗਾ ਪ੍ਰੇਮ ਪਿਆਰ ਨਹੀਂ ਰਿਹਾ। ਇਤਬਾਰ ਵੀ ਨਹੀਂ ਰਿਹਾ। ਦੁੱਖ ਸੁੱਖ ਸਾਂਝਾ ਕਰਨ ਦੀ ਉਹ ਆਦਤ ਅਤੇ ਰਵਾਇਤ ਵੀ ਨਹੀਂ ਰਹੀ।  

ਹਨੇਰੀਆਂ, ਤੁਫ਼ਾਨਾਂ ਅਤੇ ਬੇਵਿਸ਼ਵਾਸੀਆਂ ਦੇ ਇਸ ਸੂਖਮ ਖਤਰਿਆਂ ਨਾਲ ਭਰੇ ਦੌਰ ਵਿੱਚ ਵੀ ਜਿਹੜੇ ਕੁਝ ਕੁ ਸ਼ੁਭ ਚਿੰਤਕ ਸਰਗਰਮ ਹਨ ਉਹਨਾਂ ਵਿੱਚ ਸਾਹਿਬਜ਼ਾਦਾ ਅਜੀਤ ਸਿੰਘ ਨਗਰ ਦੇ ਜ਼ਿਲ੍ਹਾ ਭਾਸ਼ਾ ਅਫਸਰ ਡਾ. ਦਵਿੰਦਰ ਸਿੰਘ ਬੋਹਾ ਵੀ ਸਰਗਰਮ ਹਨ। ਉਹਨਾਂ ਦੇ ਉਪਰਾਲਿਆਂ ਵਿੱਚ ਕੋਈ ਕਸਰ ਬਾਕੀ ਨਹੀਂ। ਇਸ ਸੰਬੰਧੀ ਪੂਰੀ ਖਬਰ ਨੂੰ ਤੁਸੀਂ ਪੜ੍ਹ ਸਕਦੇ ਹੋ ਇਥੇ ਕਲਿੱਕ ਕਰ ਕੇ।  

ਸਮਾਜਿਕ ਚੇਤਨਾ ਅਤੇ ਜਨ ਸਰੋਕਾਰਾਂ ਨਾਲ ਜੁੜੇ  ਹੋਏ ਬਲਾਗ ਮੀਡੀਆ ਨੂੰ ਜਾਰੀ ਰੱਖਣ ਵਿੱਚ ਸਹਿਯੋਗੀ ਬਣੋ। ਜੋ ਵੀ ਰਕਮ ਤੁਸੀਂ ਹਰ ਰੋਜ਼, ਹਰ ਹਫਤੇ, ਹਰ ਮਹੀਨੇ ਜਾਂ ਕਦੇ ਕਦਾਈਂ ਇਸ ਸ਼ੁਭ ਕੰਮ ਲਈ ਕੱਢ ਸਕਦੇ ਹੋ ਉਹ ਜ਼ਰੂਰ ਕੱਢੋ। ਹੇਠਲੇ ਬਟਨ 'ਤੇ ਕਲਿੱਕ ਕਰ ਕੇ ਤੁਸੀਂ ਸਹਿਜੇ ਹੀ ਅਜਿਹਾ ਕਰ ਸਕਦੇ ਹੋ।

ਅਰਬ ਦੇ ਮਾਰੂਥਲ ਦਾ ਸ਼ੇਰ ਓਮਰ-ਮੁਖ਼ਤਾਰ- ਜਿਹੜਾ ਅੱਜ ਵੀ ਦੇਦਾ ਹੈ ਪ੍ਰੇਰਣਾ

 ਪੱਤਰਕਾਰ ਐਮ ਐਸ ਭਾਟੀਆ ਸਾਹਮਣੇ ਲਿਆਏ ਹਨ ਜਿਹੇ ਸ਼ਬਦਾਂ ਵਿੱਚ ਇੱਕ ਲੰਮੀ ਕਹਾਣੀ ਦਾ ਸਾਰ 

ਅਸੀਂ ਸਾਰੇ ਹੀ ਇਸ ਜ਼ਿੰਦਗੀ ਵਿੱਚ ਬਹੁਤ ਸਾਰੀਆਂ ਥਾਂਵਾਂ ਘੁੰਮਦੇ ਹਾਂ ਅਤੇ ਬਹੁਤ ਸਾਰੀਆਂ ਫ਼ਿਲਮਾਂ ਵਗੈਰਾ ਵੀ ਦੇਖਦੇ ਹਾਂ ਪਾਰ ਸ਼ਾਇਦ ਇਹਨਾਂ  ਹੀ ਭੁੱਲ ਜਾਂਦੇ ਹਾਂ। ਸਾਥੀ ਐਮ ਐਸ ਭਾਟੀਆ ਦੀ ਦੋ ਕੁ ਮਹੀਨੇ ਪਹਿਲਾਂ ਬਾਈਪਾਸ ਸਰਜਰੀ ਹੋਈ ਹੈ। ਡਾਕਟਰਾਂ ਨੇ ਖੇਚਲ ਤੋਂ ਸਖਤੀ ਨਾਲ ਮਨਾ ਕੀਤਾ ਹੈ। ਇਸ ਦੌਰਾਨ ਸਾਥੀ ਭਾਟੀਆ ਹੁਰਾਂ ਨੇ ਕੁਝ ਖਬਰਾਂ ਵੀ ਦੇਖੀਆਂ ਅਤੇ ਕੁਝ ਕੁ ਫ਼ਿਲਮਾਂ ਵੀ। ਇਹਨਾਂ ਵਿੱਚੋਂ ਇੱਕ ਫਿਲਮ ਉਮਰ ਮੁਖਤਾਰ ਬਾਰੇ ਵੀ ਸੀ ਜੋ ਅੱਜ ਵੀ ਦੁਨੀਆ ਭਰ ਦੇ ਲੋਕ ਇਨਕਲਾਬੀਆਂ ਦਾ ਪ੍ਰੇਰਨਾ ਸਰੋਤ ਹੈ।  ਫਿਲਮ ਨੂੰ ਆਪਣੇ ਸ਼ਬਦਾਂ ਵਿਚ ਵੱਧ ਤੋਂ ਵੱਧ ਲੋਕਾਂ ਤੱਕ ਪਹੁੰਚਾਉਣ ਲਈ ਭਾਟੀਆ ਜੀ ਨੇ ਇਕੱਕ ਲਿਖਤ ਵੀ ਲਿਖੀ। ਉਮਰ ਮੁਖਤਾਰ ਬਾਰੇ ਸਾਥੀ ਭਾਟੀਆ ਦਾ ਇਹ ਲੇਖ ਪੜ੍ਹ ਕੇ ਦੇਖੋ। ਜ਼ਿਕਰਯੋਗ ਹੈ ਕਿ 16 ਸਤੰਬਰ ਨੂੰ  ਲਿਬੀਆ ਦੇ ਇਸ ਮਹਾਨ ਹੀਰੋ ਦਾ  ਸ਼ਹੀਦੀ ਦਿਨ ਵੀ ਹੈ। ਉਹ ਸ਼ਹੀਦੀ ਜਿਸ ਨੂੰ ਦੁਸ਼ਮਣ ਫੌਜਾਂ ਦੇ ਜਰਨੈਲ ਨੇ ਵੀ ਸਲਾਮ ਕੀਤਾ ਸੀ। -ਰੈਕਟਰ ਕਥੂਰੀਆ 

ਇਟਲੀ ਦੇ ਫਾਸ਼ੀਵਾਦ ਵਿਰੁੱਧ  ਆਪਣੇ ਦੇਸ਼ ਲਈ 20 ਸਾਲ  ਤੱਕ ਲੜਨ ਵਾਲੇ ਜੁਝਾਰੂ ਦੇ ਆਖ਼ਰੀ ਲਫ਼ਜ਼ ਸਨ।"ਮੇਰੀ ਉਮਰ ਮੈਨੂੰ ਫਾਂਸੀ ਦੇਣ ਵਾਲੇ ਤੋਂ ਲੰਬੀ ਹੋਵੇਗੀ। ਮੇਰੇ ਤੋਂ ਅਗਲੀ ਪੀੜ੍ਹੀ ਅਤੇ ਉਸ ਤੋਂ ਅਗਲੀਆਂ ਪੀੜ੍ਹੀਆਂ ਇਸ ਸੰਘਰਸ਼ ਨੂੰ ਜਾਰੀ ਰੱਖਣਗੀਆਂ"। ਮੌਤ ਦੀ ਸਜ਼ਾ ਸੁਣਾਏ ਜਾਣ ਤੋਂ ਬਾਅਦ     

ਓਮਰ ਅਲ-ਮੁਖਤਾਰ ਮੁਹੰਮਦ ਬਿਨ ਫਰਹਾਤ ਅਲ-ਮਨੀਫੀ ਨੇ ਇਹ ਸ਼ਬਦ ਕਹੇ ਜਿਸ ਨੂੰ ਮਾਰੂਥਲ ਦਾ ਸ਼ੇਰ ਕਿਹਾ ਜਾਂਦਾ ਹੈ। ਉਹ ਲੀਬੀਆ ਤੇ ਇਤਾਲਵੀ ਬਸਤੀਵਾਦ ਦੇ ਵਿਰੁੱਧ, ਸੇਨੁਸਿਸਟ ਦੇ ਵਿਰੁੱਧ ਲੜ ਰਹੇ ਸਾਈਰੇਨਿਕਾ  ਦਾ ਆਗੂ ਸੀ।

ਓਮਰ- ਮੁਖਤਾਰ ਦਾ ਜਨਮ 20 ਅਗਸਤ 1858, ਨੂੰ  ਹੋਇਆ। ਓਮਰ ਅਲ-ਮੁਖਤਾਰ  ਨੇ ਸੀਰੀਨੇਕਾ ਵਿੱਚ ਬਸਤੀਵਾਦੀ ਵਿਰੋਧੀ ਜੰਗ ਦੀ 1911 ਤੋਂ 1931 ਤੱਕ ਅਗਵਾਈ ਕੀਤੀ। ਉਹ  ਲੀਬੀਆ ਦਾ ਰਾਸ਼ਟਰੀ ਨਾਇਕ ਅਤੇ ਪ੍ਰਬੰਧਕੀ ਅਤੇ ਫੌਜੀ ਕਾਰਜਾਂ ਵਾਲੀ ਇੱਕ ਧਾਰਮਿਕ ਸੰਸਥਾ ਸੇਨੁਸੀ ਦਾ ਮੈਂਬਰ ਸੀ। 

ਓਮਰ ਅਲ-ਮੁਖਤਾਰ ਬਾਰੇ ਬਹੁਤ ਘੱਟ ਜਾਣਿਆ ਜਾਂਦਾ ਹੈ। ਜੀਵਨ ਦੇ ਆਖਰੀ ਦਹਾਕੇ ਤੱਕ ਉਹ ਸੀਰੀਨੇਕਾ ਵਿੱਚ ਸੇਨੁਸਿਸਟ ਵਿਰੋਧ ਦਾ ਨਿਰਵਿਵਾਦ ਨੇਤਾ ਬਣ ਗਿਆ ਸੀ।  ਉਸਨੇ ਇੱਕ ਸੇਨੁਸਿਸਟ ਜ਼ਾਵੀਆ ਵਿੱਚ ਪੜ੍ਹਾਇਆ । ਪਰ ਪਹਿਲੇ ਵਿਸ਼ਵ ਯੁੱਧ ਦੌਰਾਨ ਇਟਾਲੀਅਨਾਂ ਅਤੇ ਸਹਿਯੋਗੀਆਂ ਦੇ ਵਿਰੁੱਧ ਫੌਜੀ ਕਾਰਵਾਈਆਂ ਵਿੱਚ ਵੀ ਹਿੱਸਾ ਲਿਆ।

ਜਦੋਂ 1923 ਦੀ ਬਸੰਤ ਵਿੱਚ ਇਟਾਲੀਅਨਾਂ ਨੇ ਖੁੱਲ੍ਹੇਆਮ ਸੇਨੁਸੀ ਉੱਤੇ ਹਮਲਾ ਕੀਤਾ (ਅਪਰੈਲ ਦੇ ਅੰਤ ਵਿੱਚ ਮੌਜੂਦਾ ਸਮਝੌਤਿਆਂ ਦੀ ਉਲੰਘਣਾ ਕਰਦੇ ਹੋਏ ) ਓਮਰ ਵਿਰੋਧ ਨੂੰ ਸੰਗਠਿਤ ਕਰਨ ਅਤੇ ਤਾਲਮੇਲ ਕਰਨ ਵਿੱਚ ਸਭ ਤੋਂ ਯੋਗ ਅਤੇ ਸਰਗਰਮ ਸ਼ਖਸੀਅਤਾਂ ਵਿੱਚੋਂ ਇੱਕ ਸੀ। ਸੇਨੁਸੀ ਦੇ ਨੁਮਾਇੰਦੇ ਵਜੋਂ ਆਪਣੀ ਹੈਸੀਅਤ ਵਿੱਚ ਉਸਨੇ ਗੁਰੀਲਾ ਫੌਜਾਂ ਦੀ ਕਮਾਨ ਸੰਭਾਲ ਲਈ ਸੀ ਜੋ ਅਕਸਰ ਨਿਯਮਤ ਇਤਾਲਵੀ ਫੌਜਾਂ ਨੂੰ ਹੈਰਾਨ ਕਰਦੇ ਅਤੇ ਉਲਝਾ ਦਿੰਦੇ ਸਨ।

ਇਤਾਲਵੀ ਗਵਰਨਰ ਮੋਮਬੇਲੀ 1924 ਵਿੱਚ ਗੇਬਲ ਅਖਦਰ ਦੇ ਪਹਾੜੀ ਖੇਤਰ ਵਿੱਚ ਇੱਕ ਗੁਰੀਲਾ ਵਿਰੋਧੀ  ਫੋਰਸ ਨੂੰ ਸਰਗਰਮ ਕਰਨ ਵਿੱਚ ਸਫਲ ਹੋ ਗਿਆ ਜਿਸਨੇ ਅਪ੍ਰੈਲ 1925 ਵਿੱਚ ਬਾਗੀਆਂ ਨੂੰ ਸਖ਼ਤ ਹਾਰ ਦਿੱਤੀ। ਓਮਰ ਨੇ ਆਪਣੇ ਦਾਅ ਪੇਚ ਬਦਲੇ ਅਤੇ  ਮਿਸਰ ਤੋਂ ਲਗਾਤਾਰ ਮਦਦ ਲਈ।

ਮਾਰਚ 1927 ਵਿੱਚ  ਤਤਕਾਲੀ ਗਵਰਨਰ ਤੇਰੁਜ਼ੀ ਦੇ ਅਧੀਨ ਮੁੜ ਜ਼ੁਲਮ  ਹੋਣ ਦੇ ਬਾਵਜੂਦ, ਓਮਰ ਨੇ ਰਹੀਬਾ ਵਿਖੇ ਇੱਕ ਇਤਾਲਵੀ ਫੌਜੀ ਬਲ ਨੂੰ ਸ਼ਿਕਸ਼ਤ ਦੇ ਕੇ ਹੈਰਾਨ ਕਰ ਦਿੱਤਾ। ਗੇਬਲ ਦੇ ਵੱਖ-ਵੱਖ ਇਲਾਕਿਆਂ ਵਿੱਚ ਲਗਾਤਾਰ ਝੜਪਾਂ ਤੋਂ ਬਾਅਦ, ਓਮਰ ਨੂੰ ਪਿੱਛੇ ਹਟਣ ਲਈ ਮਜਬੂਰ ਕੀਤਾ ਗਿਆ। 1927 ਅਤੇ 1928 ਦੇ ਵਿਚਕਾਰ ਓਮਰ ਨੇ ਸੇਨੁਸਾਈਟ ਫੌਜਾਂ ਨੂੰ ਪੂਰੀ ਤਰ੍ਹਾਂ ਪੁਨਰਗਠਿਤ ਕੀਤਾ, ਜਿਨ੍ਹਾਂ ਦਾ ਇਟਾਲੀਅਨਾਂ ਦੁਆਰਾ ਲਗਾਤਾਰ ਪਿੱਛਾ ਕੀਤਾ ਜਾ ਰਿਹਾ ਸੀ। ਇੱਥੋਂ ਤੱਕ ਕਿ ਜਨਰਲ ਤੇਰੂਜ਼ੀ ਨੇ ਓਮਰ ਦੇ "ਬੇਮਿਸਾਲ ਲਗਨ ਅਤੇ ਮਜ਼ਬੂਤ ​​ਇੱਛਾ ਸ਼ਕਤੀ" ਦੇ ਗੁਣਾਂ ਨੂੰ ਮਾਨਤਾ ਦਿੱਤੀ।

ਲੀਬੀਆ ਦਾ ਨਵਾਂ ਗਵਰਨਰ ਪੀਟਰੋ ਬਡੋਗਲਿਓ (ਜਨਵਰੀ 1929), ਵਿਆਪਕ ਗੱਲਬਾਤ ਤੋਂ ਬਾਅਦ ਓਮਰ ਨਾਲ ਪਿਛਲੇ ਇਟਾਲੋ-ਸੇਨੁਸਾਈਟ ਸਮਝੌਤੇ ਵਾਂਗ ਸਮਝੌਤਾ ਕਰਨ ਵਿੱਚ ਸਫਲ ਹੋ ਗਿਆ। 

ਅਕਤੂਬਰ 1929 ਦੇ ਅੰਤ ਵਿੱਚ ਓਮਰ ਨੇ ਸਮਝੌਤਾ ਤੋੜ ਦਿੱਤਾ  ਅਤੇ ਮਾਰਚ 1930 ਤੋਂ ਫੌਜੀ ਕਮਾਂਡਰ ਜਨਰਲ ਰੋਡੋਲਫੋ ਗ੍ਰਾਜ਼ੀਆਨੀ ਦੇ ਨਾਲ ਅੰਤਮ ਟਕਰਾਅ ਲਈ ਆਪਣੇ ਆਪ ਨੂੰ ਤਿਆਰ ਕਰਦੇ ਹੋਏ, ਲੀਬੀਆ ਦੀਆਂ ਫੌਜਾਂ ਵਿੱਚ ਜੰਗ ਦੀ ਤਿਆਰੀ ਲਈ ਏਕਤਾ ਨੂੰ ਮੁੜ ਸਥਾਪਿਤ ਕੀਤਾ। ਜੂਨ ਵਿਚ ਓਮਰ ਦੇ ਖ਼ਿਲਾਫ਼ ਅਸਫ਼ਲ ਰਹਿਣ ਤੋਂ ਬਾਅਦ  ਗ੍ਰੇਜ਼ੀਆਨੀ ਨੇ ਇੱਕ ਮਜ਼ਬੂਤ ​​ਯੋਜਨਾ ਬਣਾ ਕੇ ਸ਼ੁਰੂ ਕੀਤੀ। ਯੋਜਨਾ ਗੇਬਲ ਦੀ ਆਬਾਦੀ ( ਜੋ ਲਗਭਗ 100,000 ਸੀ) ਨੂੰ ਤੱਟ 'ਤੇ ਨਜ਼ਰਬੰਦੀ ਕੈਂਪਾਂ ਵਿੱਚ ਤਬਦੀਲ ਕਰਨ ਅਤੇ  ਤੱਟ ਤੋਂ ਮਿਸਰ ਦੀ ਸਰਹੱਦ ਨੂੰ ਬੰਦ ਕਰਨ ਦੀ ਸੀ, ਇਸ ਤਰ੍ਹਾਂ ਲੜਾਕਿਆਂ ਨੂੰ ਕਿਸੇ ਵੀ ਵਿਦੇਸ਼ੀ ਮਦਦ ਨੂੰ ਰੋਕਣਾ ਅਤੇ ਆਬਾਦੀ ਦੀ ਏਕਤਾ ਨੂੰ ਤੋੜਨਾ ਸੀ।

1931 ਦੇ ਸ਼ੁਰੂਆਤ ਤੋਂ ਗ੍ਰਾਜ਼ੀਆਨੀ ਦੁਆਰਾ ਚੁੱਕੇ ਗਏ ਕਦਮਾਂ ਨੇ ਸੇਨੁਸਿਸਟ ਦੇ  ਵਿਰੁੱਧ  ਆਪਣਾ ਪ੍ਰਭਾਵ ਪਾਇਆ। ਬਾਗੀਆਂ ਨੂੰ ਮਦਦ ਅਤੇ ਮਜ਼ਬੂਤੀ ਤੋਂ ਵਾਂਝੇ ਰੱਖਿਆ ਗਿਆ ਸੀ, ਜਾਸੂਸੀ ਕੀਤੀ ਗਈ ਸੀ, ਇਤਾਲਵੀ ਹਵਾਈ  ਜਹਾਜ਼ਾਂ ਦੁਆਰਾ ਮਾਰਿਆ ਗਿਆ ਸੀ ਅਤੇ ਸਥਾਨਕ ਮੁਖਬਰਾਂ ਦੁਆਰਾ ਸਹਾਇਤਾ ਪ੍ਰਾਪਤ ਇਤਾਲਵੀ ਫੌਜਾਂ ਦੁਆਰਾ ਪਿੱਛਾ ਕੀਤਾ ਗਿਆ ਸੀ। ਔਕੜਾਂ ਅਤੇ ਵਧਦੇ ਜੋਖਮਾਂ ਦੇ ਬਾਵਜੂਦ, ਓਮਰ ਨੇ ਹਿੰਮਤ ਨਾਲ ਲੜਾਈ ਜਾਰੀ ਰੱਖੀ, ਪਰ 11 ਸਤੰਬਰ, 1931 ਨੂੰ ਜ਼ੋਂਟਾ ਦੇ ਨੇੜੇ ਉਸ 'ਤੇ ਹਮਲਾ ਕੀਤਾ ਅਤੇ ਬੰਦੀ ਬਣਾ ਲਿਆ ਗਿਆ। ਮਾਣ ਅਤੇ ਸ਼ਾਂਤੀ ਨਾਲ ਉਸਨੇ ਤੁਰੰਤ ਸਥਿਤੀ ਦਾ ਸਾਮ੍ਹਣਾ ਕੀਤਾ ਅਤੇ ਆਪਣੀ ਮੌਤ ਦੀ ਸਜ਼ਾ ਨੂੰ ਇਹਨਾਂ ਸ਼ਬਦਾਂ ਨਾਲ ਸਵੀਕਾਰ ਕੀਤਾ: "ਅਸੀਂ ਪਰਮੇਸ਼ੁਰ ਤੋਂ ਆਏ ਹਾਂ ਅਤੇ ਸਾਨੂੰ ਪਰਮੇਸ਼ੁਰ ਵੱਲ ਵਾਪਸ ਜਾਣਾ ਚਾਹੀਦਾ ਹੈ।" 16 ਸਤੰਬਰ ਨੂੰ ਸੋਲੂਕ ਦੇ ਤਸ਼ੱਦਦ ਕੈਂਪ ਵਿਚ ਇਸ ਲੜਾਕੂ ਦੀ ਫਾਂਸੀ- ਨੇ ਅਰਬ ਸੰਸਾਰ ਵਿਚ ਬਹੁਤ ਗੁੱਸਾ ਪੈਦਾ ਕੀਤਾ।

ਓਮਰ ਦੇ  ਵਿਰੋਧੀ ਜਨਰਲ ਗ੍ਰਾਜ਼ੀਆਨੀ ਨੇ ਉਸ ਬਾਰੇ ਕਿਹਾ ਸੀ: "ਮੱਧਮ ਕੱਦ ਵਾਲਾ, ਪਤਲਾ, ਚਿੱਟੇ ਵਾਲ, ਦਾੜ੍ਹੀ ਅਤੇ ਮੁੱਛਾਂ ਵਾਲਾ  ਉਮਰ ਇੱਕ ਤੇਜ਼ ਅਤੇ ਜੀਵੰਤ ਬੁੱਧੀ ਨਾਲ ਨਿਵਾਜਿਆ, ਗਿਆਨਵਾਨ , ਧਾਰਮਿਕ ਮਾਮਲਿਆਂ ਵਿੱਚ,  ਇੱਕ ਊਰਜਾਵਾਨ ਅਤੇ ਉਤਸ਼ਾਹੀ ਚਰਿੱਤਰ ਵਾਲਾ , ਨਿਰਸੁਆਰਥ, ਸਮਝੌਤਾਹੀਨ ਅਤੇ ਮਹੱਤਵਪੂਰਨ ਸੇਨੁਸਿਸਟ ਸ਼ਖਸੀਅਤ ਸੀ।" 

ਲੇਖਕ ਏ. ਡੇਲ ਬੋਕਾ ਨੇ ਉਸ ਬਾਰੇ ਕਿਹਾ ਹੈ "ਓਮਰ ਨਾ ਸਿਰਫ ਧਾਰਮਿਕ ਵਿਸ਼ਵਾਸ ਦੀ ਇੱਕ ਉਦਾਹਰਣ ਹੈ, ਇੱਕ ਹੰਢਿਆ ਹੋਇਆ ਲੜਾਕੂ ਹੈ, ਬਲਕਿ ਉਸ ਸੰਪੂਰਣ ਫੌਜੀ-ਰਾਜਨੀਤਿਕ ਸੰਗਠਨ ਦਾ ਨਿਰਮਾਤਾ ਵੀ ਹੈ, ਜਿਸ ਨੇ ਦਸ ਸਾਲਾਂ ਤੱਕ ਚਾਰ ਗਵਰਨਰਾਂ  ਦੀ ਅਗਵਾਈ ਵਿੱਚ ਕੰਮ ਕਰ ਰਹੀਆਂ  ਫੌਜਾਂ ਦਾ ਮੁਕਾਬਲਾ ਕੀਤਾ ।" ਇਹ ਮੁਕਾਬਲਾ ਹਰ ਵਾਰ ਬਹਾਦਰੀ ਅਤੇ ਹਿੰਮਤ ਦੇ ਨਵੇਂ ਇਤਿਹਾਸ ਸਿਰਜਦਾ ਰਿਹਾ। ਇਹਨਾਂ ਮੁਕਾਬਲਿਆਂ ਨੇ ਅਸੂਲੀ ਜੰਗ ਦੇ ਮਾਮਲਿਆਂ ਵਿਚ ਇੱਕ ਨਵਾਂ ਇਤਿਹਾਸ ਰਚਿਆ। ਇਹ ਸ਼ਾਇਦ ਅਸਲੀ ਜੇਹਾਦ ਹੀ ਸੀ। ਇੱਕ ਪਾਸੇ ਆਧੁਨਿਕ ਹਥਿਆਰ, ਵੱਡੇ ਵੱਡੇ ਟੈਂਕ, ਵੱਡੀਆਂ ਵੱਡੀਆਂ ਬਖਤਰਬੰਦ ਗੱਡੀਆਂ, ਸੈਂਕੜੇ ਗੋਲੀਆਂ ਉਗਲਦੀਆਂ ਮਸ਼ੀਨ ਗੰਨਾਂ, ਟਿੱਡੀ ਦਲ ਵਾਂਗ ਛਾਈ ਹੋਈ ਦੁਸ਼ਮਣ ਦੀ ਫੌਜ ਅਤੇ ਦੂਜੇ ਪਾਸੇ ਸਿਰਫ ਲੋਕਾਂ ਦੇ ਲਈ ਲੜਨ ਦਾ ਪਾਕ ਪਵਿੱਤਰ ਜਜ਼ਬਾ, ਲੜੋ ਜਾਂ ਮਰੋ ਦਾ ਜਨੂੰਨ, ਗਿਣਤੀ ਦੇ ਜਾਂਬਾਜ਼ ਸਿਪਾਹੀ ਅਤੇ ਗਿਣਿਆ ਚੁਣਿਆ ਗੋਲੀ ਸਿੱਕਾ। ਇਸਦੇ ਬਾਵਜੂਦ ਬਹਾਦਰ ਵਿਚ ਕੋਈ ਕਸਰ ਨਹੀਂ। ਏਨੀ ਜ਼ਬਰਦਸਤ ਟੱਕਰ ਕਿ ਦੁਨੀਆ ਹੈਰਾਨ ਰਹਿ ਗਈ। 

ਲੇਖਕ ਐਮ ਐਸ ਭਾਟੀਆ 

ਉਮਰ ਮੁਖਤਾਰ ਬਾਰੇ ਬਣੀ ਫਿਲਮ ਵਿੱਚ ਜਦੋਂ ਅਖੀਰ ਵਿਚ ਉਮਰ ਮੁਖਤਾਰ ਨੂੰ ਫਾਂਸੀ ਦਿੱਤੀ ਜਾਣ ਲੱਗਦੀ ਹੈ ਤਾਂ ਉਹ ਬਹਾਦਰ ਯੋਧਾ ਉਮਰ ਮੁਖਤਾਰ ਫਾਂਸੀ ਦੇ ਤਖਤੇ ਤੇ ਖੜੋ ਕੇ ਵੀ ਆਬ-ਏ-ਹੈਯਾਤ ਦਾ ਪਿਆਲਾ ਪੀਂਦਾ ਮਹਿਸੂਸ ਹੁੰਦਾ ਹੈ ,ਚਿਹਰੇ 'ਤੇ ਕੋਈ ਸ਼ਿਕਨ ਤੱਕ ਵੀ ਨਹੀਂ। ਸਿਰਫ ਆਪਣੀ ਐਨਕ ਲਾਹ ਕਾ ਆਪਣੇ ਹੱਥਾਂ ਵਿੱਚ ਫੜ ਲੈਂਦਾ ਹੈ। ਉਹ ਹੱਥ ਛੇਤੀ ਹੀ ਪਿਛੇ ਬੰਨ ਹਨ। ਫਾਂਸੀ ਵਾਲਾ ਤਖਤ ਡਿੱਗਦਿਆਂ ਹੀ ਸ਼ਹਾਦਤ ਦਾ ਜਾਮ ਗਟਾਗਟ ਪੀ ਲਿਆ ਜਾਂਦਾ ਹੈ। ਉਹ ਐਨਕ ਹੇਠਾਂ ਡਿੱਗ ਪੈਂਦੀ ਹੈ ਫਾਂਸੀ ਵਾਲੇ ਪਲੇਟਫਾਰਮ 'ਤੇ। ਜਦੋਂ ਸੋਗਵਾਰ ਭੀੜ ਉਸ ਮ੍ਰਿਤਕ ਦੇਹ ਨੂੰ ਲਿਜਾ ਰਹੀ ਗੱਡੀ ਦੇ ਮਗਰ ਮਗਰ ਤੁਰਦੀ ਹੈ ਤਾਂ ਉਸ ਵਿਚ ਔਰਤਾਂ ਵੀ ਹਨ ਅਤੇ ਬੱਚੇ ਵੀ। ਇੱਕ ਬੱਚ ਫਟਾਫਟ ਫਾਂਸੀ ਵਾਲੇ ਪਲੇਟਫਾਰਮ 'ਤੇ ਜਾ ਕੇ ਉਹ ਐਨਕ ਚੁੱਕ ਲੈਂਦਾ ਹੈ ਅਤੇ ਵਾਪਿਸ ਦੌੜਾ ਪੈਂਦਾ ਹੈ। ਇਹ ਦੇਖ ਕੇ ਉਸ ਬਹਾਦਰ ਬੱਚੇ ਦੀ ਮਾਂ ਉਸ ਬੱਚੇ ਨੂੰ ਕੱਸ ਕੇ ਗੱਲ ਨਾਲ ਲੈ ਲੈਂਦੀ ਹੈ। ਮਹਿਸੂਸ ਹੁੰਦਾ ਹੈ ਉਮਰ ਮੁਖਤਾਰ ਇਸ ਨਵੀਂ ਜਨਰੇਸ਼ਨ ਵਿੱਚ ਆ ਕੇ ਫਿਰ ਜ਼ਿੰਦਾ ਹੋ ਗਿਆ ਹੈ। ਯਾਦ ਆਉਂਦੀਆਂ ਹਨ ਉਹ ਸਤਰਾਂ 

ਸ਼ਹੀਦ ਕੀ ਜੋ ਮੌਤ ਹੈ--ਵੋਹ ਕੌਮ ਕੀ ਹਯਾਤ ਹੈ

ਪੀੜ੍ਹੀ ਦਰ ਪੀੜ੍ਹੀ ਜਨਮ ਲੈਂਦਾ ਆ ਰਿਹਾ ਉਮਰ ਮੁਖਤਾਰ ਅੱਜ ਵੀ ਸਾਡੇ ਦਰਮਿਆਨ ਮੌਜੂਦ ਹੈ। ਸਾਡੇ ਆਲੇ ਦੁਆਲੇ ਹੈ। ਸਾਡੇ ਨੇੜੇ ਤੇੜੇ ਹੈ। ਫਿਰ ਵੀ ਪਛਾਣ ਤਾਂ ਆਪਾਂ ਹੀ ਕਰਨੀ ਹੈ ਕੌਣ ਹੈ ਅੱਜ ਦਾ ਉਮਰ ਮੁਖਤਾਰ? ਕਿਸ ਕਿਸ ਰੂਪ ਵਿੱਚ ਹੈ? ਕਿੱਥੇ ਕਿੱਥੇ ਲੜ ਰਿਹਾ ਹੈ ਜੰਗ? ਫਾਸ਼ੀਵਾਦ ਦੇ ਖਿਲਾਫ ਜੰਗ ਅੱਜ ਵੀ ਜਾਰੀ ਹੈ। ਅੰਤਿਮ ਜਿੱਤ ਤੱਕ ਜਾਰੀ ਵੀ ਰਹਿਣੀ ਹੈ। 

ਓਮਰ ਦੀ ਯਾਦ ਹਮੇਸ਼ਾਂ ਹੱਕ ਹਲਾਲ ਦੀ ਗੱਲ ਕਰਨ ਵਾਲਿਆਂ ਦੇ ਦਿਲਾਂ ਵਿਚ ਵਿੱਚ ਨਾਇਕ ਬਣ ਕੇ ਜ਼ਿੰਦਾ ਰਹੇਗੀ। ਲੋਕਾਂ ਅਤੇ ਖਾਸ ਕਰ ਕੇ ਕਿਰਤੀਆਂ ਦੇ ਖਿਲਾਫ ਦਮਨ ਚੱਕਰ ਚਲਾਉਣ ਵਾਲਿਆਂ ਦੇ ਦਿਲਾਂ ਵਿਚ ਖੌਫ ਬਣ ਕੇ ਛਾਈ ਰਹੇਗੀ। ਉਹ ਭਾਵੇਂ ਅਰਬ ਅਤੇ ਇਸਲਾਮਿਕ ਸੰਸਾਰ ਵਿੱਚ ਉਹ ਜਾਂਬਾਜੀ ਦਾ ਪ੍ਰਤੀਕ ਹੈ ਤਾਂ ਇਹ ਪ੍ਰਤੀਕ ਅੱਜ ਸਾਰੀ ਦੁਨੀਆ ਵਿੱਚ ਹਰਮਨ ਪਿਆਰਾ ਹੈ। ਸੁਤੰਤਰ ਅਤੇ ਕ੍ਰਾਂਤੀਕਾਰੀ ਲੀਬੀਆ ਨੇ ਉਸਨੂੰ ਆਪਣਾ ਰਾਸ਼ਟਰੀ ਨਾਇਕ ਐਲਾਨਿਆ ਅਸਲ ਵਿੱਚ ਉਹ ਉਹਨਾਂ ਸਾਰਿਆਂ ਦੇ ਨਾਇਕ ਹੈ ਜਿਹੜੇ ਹੁਣ ਵੀ ਕਹਿੰਦੇ ਹਨ-ਅਸੀਂ ਲੜਾਂਗੇ ਸਾਥੀ।ਆਓ ਚੇਤੇ ਕਰੀਏ ਪਾਸ਼ ਦੀਆਂ ਉਹੀ ਸਤਰਾਂ---ਅੱਜ ਵੀ ਉਹ ਸਤਰਾਂ ਪ੍ਰਸੰਗਿਕ ਹਨ ਅਤੇ ਉਮਰ ਮੁਖਤਾਰ ਦੀ ਯਾਦ ਦੁਆਉਂਦੀਆਂ ਹਨ।  ਸਾਨੂੰ ਸਭਨਾਂ ਨੂੰ ਲੋੜ ਹੈ ਅੱਜ ਵੀ ਉਮਰ ਮੁਖਤਾਰ ਵਰਗੇ ਲੀਡਰਾਂ ਦੀ। ਉਹੋ ਜਿਹੇ ਜਜ਼ਬੇ ਦੀ। ਉਹੋ ਜਿਹੀ ਹਿੰਮਤ ਦੀ। ਅੱਜ ਫਿਰ ਆਖਣਾ ਹੀ ਪਏਗਾ: ਅਸੀਂ ਲੜਾਂਗੇ ਸਾਥੀ!

ਅਸੀਂ ਲੜਾਂਗੇ ਜਦ ਤੱਕ

ਦੁਨੀਆਂ 'ਚ ਲੜਨ ਦੀ ਲੋੜ ਬਾਕੀ ਹੈ....

ਜਦੋਂ ਬੰਦੂਕ ਨਾ ਹੋਈ, ਓਦੋਂ ਤਲਵਾਰ ਹੋਵੇਗੀ

ਜਦੋਂ ਤਲਵਾਰ ਨਾ ਹੋਈ, ਲੜਨ ਦੀ ਲਗਨ ਹੋਵੇਗੀ

ਲੜਨ ਦੀ ਜਾਚ ਨਾ ਹੋਈ, ਲੜਨ ਦੀ ਲੋੜ ਹੋਵੇਗੀ

ਤੇ ਅਸੀਂ ਲੜਾਂਗੇ ਸਾਥੀ....

ਅਸੀਂ ਲੜਾਂਗੇ

ਕਿ ਲੜਨ ਬਾਝੋਂ ਕੁੱਝ ਵੀ ਨਹੀਂ ਮਿਲਦਾ

ਅਸੀਂ ਲੜਾਂਗੇ

ਕਿ ਹਾਲੇ ਤੱਕ ਲੜੇ ਕਿਉਂ ਨਹੀਂ

ਅਸੀਂ ਲੜਾਂਗੇ

ਆਪਣੀ ਸਜ਼ਾ ਕਬੂਲਣ ਲਈ

ਲੜ ਕੇ ਮਰ ਚੁੱਕਿਆਂ ਦੀ ਯਾਦ ਜ਼ਿੰਦਾ ਰੱਖਣ ਲਈ

ਅਸੀਂ ਲੜਾਂਗੇ ਸਾਥੀ.... 

ਮਨਿੰਦਰ ਭਾਟੀਆ  :9988491002

ਸਮਾਜਿਕ ਚੇਤਨਾ ਅਤੇ ਜਨ ਸਰੋਕਾਰਾਂ ਨਾਲ ਜੁੜੇ  ਹੋਏ ਬਲਾਗ ਮੀਡੀਆ ਨੂੰ ਜਾਰੀ ਰੱਖਣ ਵਿੱਚ ਸਹਿਯੋਗੀ ਬਣੋ। ਜੋ ਵੀ ਰਕਮ ਤੁਸੀਂ ਹਰ ਰੋਜ਼, ਹਰ ਹਫਤੇ, ਹਰ ਮਹੀਨੇ ਜਾਂ ਕਦੇ ਕਦਾਈਂ ਇਸ ਸ਼ੁਭ ਕੰਮ ਲਈ ਕੱਢ ਸਕਦੇ ਹੋ ਉਹ ਜ਼ਰੂਰ ਕੱਢੋ। ਹੇਠਲੇ ਬਟਨ 'ਤੇ ਕਲਿੱਕ ਕਰ ਕੇ ਤੁਸੀਂ ਸਹਿਜੇ ਹੀ ਅਜਿਹਾ ਕਰ ਸਕਦੇ ਹੋ। 

ਹਨੇਰਿਆਂ ਨਾਲ ਲੋਕ ਸ਼ਕਤੀ ਆਸਰੇ ਜੰਗ ਕਰਨ ਨਿਕਲੀ ਕੁਲਦੀਪ ਕੌਰ ਖਾਲਸਾ

MLA ਰੁਪਿੰਦਰ ਰੂਬੀ ਦੇ ਸਾਥ ਨਾਲ ਮਿਲਿਆ ਹੋਰ ਹੌਂਸਲਾ 

ਲੁਧਿਆਣਾ: 12 ਸਤੰਬਰ 2017: (ਪੰਜਾਬ ਸਕਰੀਨ ਬਿਊਰੋ):: 

ਜ਼ਿੰਦਗੀ ਉਂਝ ਵੀ ਲੰਘ ਸਕਦੀ ਸੀ। ਹੋਰਨਾਂ ਬਹੁਤ ਸਾਰਿਆਂ ਵਾਂਗ ਸੈਰ ਸਪਾਟੇ ਕਰਦਿਆਂ। ਵੱਖ ਵੱਖ ਥਾਵਾਂ ਦੇ ਮਸ਼ਹੂਰ ਅਤੇ ਲਜ਼ੀਜ਼ ਖਾਣੇ ਖਾਂਦਿਆਂ ਜਾਂ ਫਿਰ ਕਿਸੇ ਨ ਕਿਸੇ ਵੱਡੇ ਮਾਲ ਵਿੱਚ ਜਾ ਕੇ ਫ਼ਿਲਮਾਂ ਦੇਖਦਿਆਂ। ਚਾਰ ਦਿਨ ਦੀ ਜ਼ਿੰਦਗੀ ਦਾ ਹਰ ਮਜ਼ਾ ਕੋਈ ਆਨੰਦ ਦੇਵੇ ਜਾਂ ਨਾ ਦੇਵੇ ਪਰ ਉਸਨੂੰ ਹਰ ਕੋਈ ਬੋਚ ਲੈਣਾ ਚਾਹੁੰਦਾ ਹੈ। 

ਪਰ ਕੁਝ ਲੋਕ ਬਹੁਤ ਹੀ ਵੱਖਰੀ ਕਿਸਮ ਦੇ ਹੁੰਦੇ ਹਨ। ਦੁਨੀਆਦਾਰੀ ਦੇ ਰੰਗ ਰੂਪ ਉਹਨਾਂ ਨੂੰ ਨਹੀਂ ਸਹਾਉਂਦੇ। ਖਾਣਾ ਪੀਣਾ ਮੌਜ ਮਸਤੀ ਉਹਨਾਂ ਲਈ ਬਿਲਕੁਲ ਹੀ ਬੋਰਿੰਗ ਜਿਹੀ ਗੱਲ ਹੁੰਦੀ ਹੈ। ਦਿਨ ਰਾਤ ਜੇ ਕਿਸੇ ਪਾਸੇ ਧਿਆਨ ਜਾਂਦਾ ਹੈ ਤਾਂ ਉਹ ਦੁਨੀਆ ਦੇ ਦਰਦਾਂ ਮਾਰੇ ਲੋਕਾਂ ਵੱਲ। ਉਹਨਾਂ ਦੀਆਂ ਮੁਸ਼ਕਿਲਾਂ ਵੱਲ। ਇਹ ਦਰਦ ਹੀ ਅਜਿਹੇ ਲੋਕਾਂ ਨੂੰ ਚੇਨ ਨਹੀਂਪ ਕੌਰ  ਲੈਣ ਦੇਂਦਾ। ਅਜਿਹੇ ਲੋਕਾਂ ਵਿੱਚੋਂ ਹੀ ਇੱਕ ਹੈ-ਕੁਲਦੀਪ ਕੌਰ। ਕਈ ਵਾਰ ਨਾਂ ਦੇ ਨਾਲ ਖਾਲਸਾ ਵੀ ਹੁੰਦਾ ਹੈ। ਉਹ ਨਾਮ ਦੇਖ ਕੇ ਲੱਗਦਾ ਹੈ ਕਿ ਕੋਈ ਕੱਟੜ ਸਿੰਘਣੀ ਹੋਣੀ ਹੈ ਪਰ ਅਜਿਹਾ ਕੁਝ ਵੀ ਨਹੀਂ ਹੈ।  ਸਰਬੱਤ ਦਾ ਭਲਾ ਮੰਗਣ ਵਾਲੀ ਕੁਲਦੀਪ ਕੌਰ ਇੱਕ ਬਹੁਤ ਹੀ ਸੰਵੇਦਸ਼ੀਲ ਇਸਤਰੀ ਹੈ। ਉਹ ਦੁਖੀ ਹੈ ਸਮਾਜ ਵਿੱਚ ਆ ਰਹੇ ਨਿਘਾਰਾਂ ਤੋਂ। ਕਈ  ਵਾਰ ਉਹ ਬਹੁਤ ਹੀ ਪ੍ਰੇਸ਼ਾਨ ਵੀ ਹੁੰਦੀ ਹੈ ਕਿ ਗੁਰੂਆਂ ਪੀਰਾਂ ਅਤੇ ਪੈਗੰਬਰਾਂ ਨੇ ਸਾਨੂੰ ਕੀ ਸਿਖਾਇਆ ਸੀ ਅਤੇ ਅਸੀਂ ਕੀ ਬਣ ਗਏ ਹਾਂ?

ਜੇ ਕਿਤੇ ਕਿਸੇ ਦਾ ਕਤਲ ਹੁੰਦਾ ਹੈ ਤਾਂ ਵੀ ਉਸਦਾ ਦਿਲ ਹਲੂਣਿਆ ਜਾਂਦਾ ਹੈ। ਜੇ ਕਿਸੇ ਨੂੰ ਕੋਈ ਕੁੱਟਮਾਰ ਕਰਦਾ ਹੈ ਤਾਂ ਵੀ ਉਹ ਪੁੱਛਦੀ ਹੈ--ਇਹ ਭਲਾ ਇਨਸਾਨਾਂ ਵਾਲਿਆਂ ਗੱਲਾਂ ਨੇ? ਜੇ ਕਿਸੇ ਨੂੰ ਦਾਜ ਕਾਰਨ ਤੰਗ ਕੀਤਾ ਜਾਂਦਾ ਹੈ ਤਾਂ ਉਹ ਉੱਥੇ ਵੀ ਪਹੁੰਚ ਜਾਂਦੀ ਹੈ। ਲੱਗਦਾਤਾ  ਹੈ ਪ੍ਰਮਾਤਮਾ ਨੇ ਉਸ ਅੰਦਰ ਬਹੁਤ ਹੀ ਸੰਵੇਦਨਸ਼ੀਲ ਦਿਲ ਟਿਕਾਇਆ ਹੈ। 

ਇਹਨਾਂ ਸਾਰੀਆਂ ਮੁਸ਼ਕਿਲਾਂ ਨਾਲ ਲੜਨ ਲਈ ਉਸਨੇ ਪਹਿਲਾਂ ਤਾਂ ਬਹੁਤ ਕੁਝ ਇਕੱਲੇ ਇਕੱਲੇ ਕੀਤਾ ਪਰ ਬਾਅਦ ਵਿੱਚ ਮਹਿਸੂਸ ਹੋਇਆ ਕਿ ਜੱਥੇਬੰਦਕ ਸੰਘਰਸ਼ ਬਿਨਾ ਕੋਈ ਚਾਰ ਨਹੀਂ। ਫਿਰ ਮਹਿਲਾ ਸੇਵਾ ਵੈਲਫੇਅਰ ਸੋਸਾਇਟੀ ਬਣਾਈ।  ਨਸ਼ਿਆਂ ਵਰਗੀਆਂ ਬੁਰਾਈਆਂ ਦੇ ਖਿਲਾਫ ਜੰਗ ਦਾ ਬਿਗਲ ਵਜਾਇਆ। ਪਹਿਲਾਂ ਆਪਣੇ ਗ੍ਰਹਿ ਜ਼ਿਲੇ ਪਟਿਆਲਾ ਵਿੱਚ ਲੋਕਾਂ ਨੂੰ ਆਪਣੇ ਨਾਲ ਜੋੜਿਆ। ਬਹੁਤ ਸਾਰੇ ਲੋਕ ਕੁਲਦੀਪ ਕੌਰ ਦਾ ਕੰਮ ਦੇਖ ਕੇ ਜੁੜਨ ਲੱਗ ਪਏ। ਛੇਤੀ ਹੀ ਪਟਿਆਲਾ ਤੋਂ ਬਾਹਰ ਵੀ ਉਸਦੀ ਇਹਨਾਂ ਕੋਸ਼ਿਸ਼ਾਂ ਦੀ ਚਰਚਾ ਹੋਣ ਲੱਗੀ। ਇਸੇ ਦੌਰਾਨ ਕੁਲਦੀਪ ਕੌਰ ਖਾਲਸਾ ਨੂੰ ਸ਼ਿੱਦਤ ਨਾਲ ਹਲੂਣਿਆ ਕਿਸਾਨਾਂ ਦੀਆਂ ਆਤਮ ਹੱਤਿਆਵਾਂ ਨੇ ਅਤੇ ਸਮਾਜ ਵਿੱਚ  ਔਰਤਾਂ ਨਾਲ ਵੱਧ ਰਹੀਆਂ ਵਧੀਕੀਆਂ ਨੇ। ਇਸ ਦਰਦ ਨੇ ਮਹਿਲਾ ਸੇਵਾ ਵੈਲਫੇਅਰ ਸੋਸਾਇਟੀ ਦਾ ਦਾਇਰਾ ਵੀ ਵਧ ਦਿੱਤਾ।  ਕੁਲਦੀਪ ਕੌਰ ਪਿੰਡ ਪਿੰਡ ਜਾਨ ਦੀ ਮੁਹਿੰਮ ਆਰੰਭੀ। ਬਿਨਾ ਕਿਸੇ ਰੌਲੇ ਰੱਪੇ ਜਾਂ ਸ਼ੋਰ ਸ਼ਰਾਬੇ ਦੇ ਆਪਣੀ ਮੁਹਿੰਮ ਨੂੰ ਸਿਆਸਤ ਤੋਂ ਪੂਰੀ ਤਰ੍ਹਾਂ ਬਚਾ ਕੇ ਰੱਖਿਆ ਤਾਂ ਕਿ ਕਿਸੇ ਵੀ ਗੱਲ ਦੇ ਗਲਤ ਅਰਥ ਨਾ ਨਿਕਲਣ। ਆਪਣੀ ਪਹੁੰਚ ਨੂੰ ਸਿਰਫ ਅਤੇ ਸਿਰਫ ਮਨੁੱਖੀ ਰਿਸ਼ਤਿਆਂ ਅਤੇ ਇਨਸਾਨੀਅਤ ਵਾਲੀ ਸੋਚ ਨਾਲ ਜੋੜ ਕੇ ਕਰਜ਼ਿਆਂ ਮਾਰੇ ਲੋਕ ਨਾਲ ਸੰਪਰਕ ਕੀਤਾ।  ਖੁਦਕੁਸ਼ੀਆਂ ਦੇ ਕਾਰਨਾਂ ਦਾ ਪਤਾ ਲਗਾਇਆ। ਮਹਿਸੂਸ ਹੋਇਆ ਕਿ ਸਾਡੇ ਸਮਾਜ ਨੂੰ ਵਿਖਾਵਿਆਂ ਅਤੇ ਸ਼ਰੀਕਿਆਂ ਨਾਲ ਮੁਕਾਬਲਿਆਂ ਨੇ ਮਾਰ ਲਿਆ ਹੈ। ਇਸਦੇ ਨਾਲ ਹੀ ਕੁਲਦੀਪ ਕੌਰ ਨੇ ਅਰੰਭੀ ਸਾਦਗੀ ਭਰਿਆ ਜੀਵਨ ਜਿਊਣ ਦੀ ਮੁਹਿੰਮ। ਹੁਣ ਉਸਦਾ ਸੁਨੇਹਾ ਸਾਰਿਆਂ ਲਈ ਇਹੀ ਕਿ ਨਸ਼ਿਆਂ ਤੋਂ ਦੂਰ ਰਹੋ ਅਤੇ ਸਾਦਗੀ ਦਾ ਪੱਲਾ ਨਾ ਛੱਡੋ। ਕਰਜ਼ੇ ਚੁੱਕ ਕੇ ਕੀਤੇ ਵਿਆਹ ਅਤੇ ਮਹਿੰਗੇ ਭੋਗ ਸਾਨੂੰ ਕਿਸੇ ਪਾਸੇ ਜੋਗਾ ਨਹੀਂ ਛੱਡਣਗੇ। ਪੂੰਜੀਵਾਦ ਦੇ ਜਾਲ ਤੋਂ ਬਚ ਕੇ ਸਤਿਗੁਰੂ ਨਾਨਕ ਦੇਵ ਜੀ ਦੇ ਸੁਨੇਹੇ ਵਾਲਾ ਜੀਵਨ ਅਪਣਾਈਏ। ਸਸਦਗੀ ਨਾਲ ਰਹੀਏ। ਕਿਰਤ ਕਰੀਏ ਅਤੇ ਵੰਡ ਕੇ ਛਕੀਏ। 

ਇਸ ਮੁਹਿੰਮ ਨੇ ਬਠਿੰਡਾ ਦੀ ਐਮ ਐਲ ਏ ਰੁਪਿੰਦਰ ਕੌਰ ਰੂਬੀ ਨੂੰ ਵੀ ਪ੍ਰਭਾਵਿਤ ਕੀਤਾ। ਐਮ ਐਲ ਏ ਮੈਡਮ ਰੂਬੀ ਦਾ ਸਾਥ ਮਿਲਣ ਤੇ ਕੁਲਦੀਪ ਕੌਰ ਦੇ ਹੋਂਸਲੇ ਹੋਰ ਬੁਲੰਦ ਹੋਏ ਹਨ। ਹੁਣ ਦੇਖਣਾ ਹੈ ਕਿ ਨਾਰੀ ਸ਼ਕਤੀ ਦਾ ਇਹ ਏਕਾ ਸਾਡੇ ਸਮਾਜ ਨੂੰ ਕਿੰਨੀ ਜਲਦੀ ਬਦਲਣ ਵਿੱਚ ਸਫਲ ਹੁੰਦਾ ਹੈ। ਲੜਾਈ ਲੰਮੀ ਹੈ ਇਸ ਲਈ ਸਾਰਿਆਂ ਨੂੰ ਇਸ ਮੁਹਿੰਮ ਨਾਲ ਜੁੜਨਾ ਜ਼ਰੂਰੀ ਹੈ। ਸੰਘਣੇ ਹਨੇਰੇ ਵਾਲੇ ਇਸ ਮਾਹੌਲ ਵਿੱਚ ਇਸ ਜ਼ਬਰਦਸਤ ਸ਼ੁਰੂਆਤ ਨਾਲ ਆਸ ਬੱਝਦੀ ਹੈ ਕਿ 

ਰਾਤ ਭਰ ਕਾ ਹੈ ਮਹਿਮਾਂ ਅੰਧੇਰਾ;

ਕਿਸ ਕੇ ਰੋਕੇ ਰੁਕਾ ਹੈ ਸਵੇਰਾ !

Sri Anandpur Sahib: ਜਾਰੀ ਹੈ ਫਾਰਗ ਸਿੱਖਿਆ ਮੁਲਾਜ਼ਮਾਂ ਵੱਲੋਂ ਸੰਘਰਸ਼

ਗੁਰਜੀਤ ਕੌਰ ਦੀ ਥਾਂ ਤੇ ਗੁਰਦੀਪ ਕੌਰ ਨੂੰ ਮਰਨ ਵਰਤ 'ਤੇ ਬਿਠਾਇਆ 

ਪ੍ਰਸ਼ਾਸਨ ਨੇ ਗੁਰਜੀਤ ਕੌਰ ਨੂੰ ਜਬਰੀ ਚੁੱਕ ਕੇ ਹਸਪਤਾਲ ਦਾਖਲ ਕਰਾਇਆ 

ਸ੍ਰੀ ਆਨੰਦਪੁਰ ਸਾਹਿਬ: 8 ਨਵੰਬਰ (ਪੰਜਾਬ ਸਕਰੀਨ ਬਿਊਰੋ): 

ਸਿਰਫ ਇੱਕ ਭੇਦਭਰੀ  ਫਾਰਗ ਕੀਤੇ  ਸਿੱਖਿਆ ਮੁਲਾਜ਼ਮਾਂ ਦਾ ਸੰਘਰਸ਼  ਹੈ। ਉਹਨਾਂ ਦਾ ਕਹਿਣਾ ਹੈ ਕਿ ਸ੍ਰੀ ਆਨੰਦਪੁਰ ਸਾਹਿਬ ਦੀ ਪਾਵਨ ਧਰਤੀ 'ਤੇ ਸਾਡਾ ਇਹ ਹੱਕ-ਸੱਚ ਅਤੇ ਇਨਸਾਫ ਦਾ ਸੰਘਰਸ਼ ਜਿੱਤ ਹੋਣ ਤੱਕ ਜਾਰੀ ਰਹੇਗਾ। ਉਹਨਾਂ ਦਾ ਦਰਦ ਸਿਰਫ  ਕੱਢਣ ਤੱਕ ਸੀਮਿਤ ਨਹੀਂ। ਉਹਨਾਂ ਦਾ ਸੁਆਲ ਹੈ ਕਿ ਸਿਰਫ਼ ਸਾਨੂੰ  ਕੱਢਿਆ ਗਿਆ? ਇਹ  ਇਸ ਪਾਵਨ ਧਰਤੀ ਦੇ ਮੁਲਾਜ਼ਮਾਂ ਨਾਲ ਕਿਓਂ? ਪਹਿਲਾਂ ਭੁੱਖ ਹੜਤਾਲ ਅਤੇ ਫਿਰ ਪਹਿਲੀ ਨਵੰਬਰ ਤੋਂ ਮਰਨ ਵਰਤ ਤੇ ਬੈਠੀ ਗੁਰਜੀਤ ਕੌਰ ਨੇ  ਲਈ ਅਰਦਾਸ ਕਰਕੇ  ਸੰਘਰਸ਼ ਆਰੰਭਿਆ।  ਜਦੋਂ ਸ਼ਾਮ ਮੰਗਲਵਾਰ 8 ਨਵੰਬਰ ਨੂੰ ਡਾਕਟਰਾਂ ਨੇ ਦੱਸਿਆ ਕਿ ਉਸਦੀ ਕਿਡਨੀ ਨੂੰ ਨਾ ਪੂਰਾ ਹੋ ਸਕਣ ਵਾਲਾ ਨੁਕਸਾਨ ਪਹੁੰਚ ਸੱਕਦਾ ਹੈ ਤਾਂ ਗੁਰਜੀਤ ਕੌਰ ਨੂੰ ਮਨਾਉਣ ਲਈ ਉਸਦੇ ਬਹੁਤ ਸਾਰੇ ਸਾਥੀ ਅਤੇ ਹਮਾਇਤੀ ਆਗੂ ਵੀ ਆਏ ਕਿ ਉਹ ਘਟੋਘੱਟ ਪਾਣੀ ਤਾਂ ਪੀਵੇ! ਪਰ ਗੁਰਜੀਤ ਕੌਰ ਅਡੋਲ ਰਹੀ। ਜਦੋਂ ਅੱਜ ਸ਼ਾਮ ਵੇਲੇ ਉਸਨੂੰ ਉਸਦੇ ਸਾਥੀਆਂ ਅਤੇ ਹਮਾਇਤੀਆਂ ਨੇ ਵੀ ਇਸ ਗੱਲ ਲਈ ਜ਼ੋਰ ਪਾਇਆ ਤਾਂ ਉਹ ਕਹਿਣ ਲੱਗੀ ਪਹਿਲਾਂ ਪਾਠ ਪੂਰਾ ਕਰ ਲਵਾਂ ਫਿਰ ਸੋਚਾਂਗੀ।  ਜਦੋਂ ਕੋਈ ਫੈਸਲਾ ਨਾ ਹੋਇਆ ਤਾਂ ਪ੍ਰਸ਼ਾਸਨ ਨੇ ਦੇਰ ਰਾਤ ਨੂੰ ਅਚਾਨਕ ਐਕਸ਼ਨ ਲੈਂਦਿਆਂ ਗੁਰਜੀਤ ਕੌਰ ਨੂੰ ਮਰਨਵਰਤ ਵਾਲੀ ਥਾਂ ਤੋਂ ਚੁੱਕ ਲਿਆ ਅਤੇ ਹਸਪਤਾਲ ਦਾਖਲ ਕਰਵਾ ਦਿੱਤਾ। ਸੰਘਰਸ਼ ਕਰ ਰਹੀ ਕਮੇਟੀ ਨੇ ਇਸ ਐਕਸ਼ਨ ਦਾ ਤਿੱਖਾ ਵਿਰੋਧ ਵੀ ਕੀਤਾ ਅਤੇ ਛੇਤੀ ਹੀ ਗੁਰਜੀਤ ਕੌਰ ਦੀ ਥਾਂ ਤੇ ਗੁਰਦੀਪ ਕੌਰ ਨੂੰ ਮਰਨਵਰਤ ਤੇ  ਬਿਠਾ ਦਿੱਤਾ। 

ਜ਼ਿਕਰਯੋਗ ਹੈ ਕਿ ਦੇਰ ਰਾਤ ਭਾਰੀ ਪੁਲਿਸ ਫੋਰਸ ਵਲੋਂ ਮਰਨ ਵਰਤ 'ਤੇ ਬੈਠੀ ਗੁਰਜੀਤ ਕੌਰ ਨੂੰ ਜਬਰੀ ਚੁੱਕ ਕੇ ਭਾਈ ਜੈਤਾ ਜੀ ਸਿਵਲ ਹਸਪਤਾਲ ਵਿਖੇ ਭਰਤੀ ਕਰਵਾ ਦਿੱਤਾ ਗਿਆ ਜਦੋਂ ਕਿ ਫਾਰਗ ਸਿੱਖਿਆ ਕਰਮੀਆਂ ਵਲੋਂ ਪੰਜਾਬ ਸਰਕਾਰ ਖਿਲਾਫ ਜੰਮ ਕੇ ਨਾਅਰੇਬਾਜ਼ੀ ਕੀਤੀ ਗਈ ਤੇ ਗੁਰਦੀਪ ਕੌਰ ਵਾਸੀ ਉਪਰਲਾ ਬੱਢਲ ਨੂੰ ਮਰਨ ਵਰਤ ਤੇ ਉਸ ਦੀ ਥਾਂ 'ਤੇ ਬਿਠਾ ਦਿੱਤਾ ਗਿਆ। ਗੁਰਜੀਤ ਕੌਰ ਨੂੰ ਤੁਰੰਤ ਗੁਲੂਕੋਸ ਲਗਾਇਆ ਗਿਆ ਤਾਂਕਿ ਉਸਦੀ ਜਾਂ ਬਚਾਈ ਜਾ ਸਕੇ। ਐਸਡੀਐਮ ਅਤੇ ਹੋਰ ਅਧਿਕਾਰੀ ਕਾਫੀ ਦੇਰ ਤੋਂ ਗੁਰਜੀਤ ਕੌਰ ਦੀ ਜਾਂ ਬਚਾਉਣ ਲਈ ਸਰਗਰਮ ਸਨ। ਉਹਨਾਂ ਨੇ ਸਿੱਖਿਆ ਮੰਤਰੀ ਡਾਕਟਰ ਦਲਜੀਤ ਸਿੰਘ ਚੀਮਾ ਨਾਲ ਵੀ ਅੰਦੋਲਨਕਾਰੀ ਕਰਮਚਾਰੀਆਂ ਦੇ ਆਗੂਆਂ ਦੀ ਮੁਲਾਕਾਤ ਕਰਾਉਣ ਦਾ ਉਪਰਾਲਾ ਕੀਤਾ। ਜ਼ਿੰਮੇਵਾਰ ਸੂਤਰਾਂ ਅਨੁਸਾਰ ਇਹ ਮੁਲਾਕਾਤ ਕੁਝ ਕੁ ਤਲਖ਼ੀਆਂ ਮਗਰੋਂ ਬੜੇ ਸੁਖਾਵੇਂ ਮਾਹੌਲ ਵਿੱਚ ਖਤਮ ਹੋਈ। ਓਧਰ ਦੇਰ ਸ਼ਾਮ ਚੰਡੀਗੜ੍ਹ ਵਿਖੇ ਹੋਈ ਬੈਠਕ ਤੋਂ ਬਾਅਦ ਜਦੋਂ ਸਿੱਖਿਆ ਮੰਤਰੀ ਡਾ: ਦਲਜੀਤ ਸਿੰਘ ਚੀਮਾ ਦੇ ਨਾਲ ਸੰਪਰਕ ਕੀਤਾ ਗਿਆ ਤਾਂ ਉਨ੍ਹਾਂ ਕਿਹਾ ਕਿ ਬਿਨਾਂ ਕਾਨੂੰਨੀ ਰਾਏ ਦੇ ਇਨ੍ਹਾਂ ਨੂੰ ਵਿਚਾਰਨਾ ਸੰਭਵ ਨਹੀਂ ਹੈ ਜੋ ਵੀ ਰਾਏ ਐਡਵੋਕੇਟ ਜਨਰਲ ਪੰਜਾਬ ਵੱਲੋਂ ਦਿੱਤੀ ਜਾਂਦੀ ਹੈ ਉਸੇ ਅਨੁਸਾਰ ਇਨ੍ਹਾਂ ਫਾਰਗ ਸਿੱਖਿਆ ਕਰਮੀਆਂ ਨੂੰ ਵਿਭਾਗ ਵਿੱਚ ਲੈਣ ਦੀ ਕਾਰਵਾਈ ਨੂੰ ਅਮਲ ਵਿੱਚ ਲਿਆਂਦਾ ਜਾਵੇਗਾ। ਓਧਰ ਮਰਨ ਵਰਤ ਤੇ ਬੈਠੇ ਅਧਿਆਪਕਾਂ ਦਾ ਕਹਿਣਾ ਹੈ ਕਿ ਜਦੋਂ ਤੱਕ ਸਾਡੇ ਨਾਲ ਇਨਸਾਫ ਨਹੀਂ ਹੋ ਜਾਂਦਾ ਉਦੋਂ ਤੱਕ ਸਾਡਾ ਸੰਘਰਸ਼ ਇਸੇ ਤਰ੍ਹਾਂ ਜਾਰੀ ਰਹੇਗਾ। ਕੁਝ ਕਾਨੂੰਨੀ ਨੁਕਤੇ ਇਸ ਮਾਮਲੇ ਵਿੱਚ ਅੜਿੱਕਾ ਬਣੇ ਹੋਏ ਹਨ। ਡਾਕਟਰ ਚੀਮਾ ਇਹਨਾਂ ਨੂੰ ਭਾਲ ਕਰਾਉਣਾ ਚਾਹੁੰਦੇ ਹਨ ਪਰ ਕਾਨੂੰਨੀ ਅਤੇ ਪਾਰਦਰਸ਼ੀ ਢੰਗ ਨਾਲ। 

ਪਰ ਇਹ ਸੁਆਲ ਗੰਭੀਰ ਹੈ ਕਿ ਕਾਨੂੰਨ ਦਾ ਡੰਡਾ ਸਿਰਫ ਸ੍ਰੀ ਆਨੰਦਪੁਰ ਸਾਹਿਬ ਨਾਲ ਸਬੰਧਿਤ ਮੁਲਾਜ਼ਮਾਂ ਦੇ ਖਿਲਾਫ ਹੀ ਕਿਓਂ? ਕੀ ਮੁਲਾਜ਼ਮਾਂ ਦੀ ਨੌਕਰੀ ਦਾ ਫੈਸਲਾ ਸਿਰਫ ਟੈਲੀਫੋਨ  ਕਰੇਗਾ? ਜ਼ਿਕਰਯੋਗ ਹੈ ਕਿ ਇਹਨਾਂ ਸਾਰਿਆਂ  ਨੂੰ ਸਿਰਫ ਇੱਕ ਟੈਲੀਫੋਨ ਕਾਲ ਮਗਰੋਂ ਕੱਢ ਦਿੱਤਾ ਗਿਆ।  ਸਬੰਧਿਤ ਅਧਿਕਾਰੀ ਨਾਲ ਇਹਨਾਂ ਮੁਲਾਜ਼ਮਾਂ ਨੇ ਗੱਲ ਕੀਤੀ ਤਾਂ ਉਸਦਾ ਕਹਿਣਾ ਸੀ ਕਿ ਉਸਨੇ  ਨਹੀਂ ਕੀਤੀ। ਕਿ ਸਰਕਾਰ ਦੇ ਵਿੱਚ ਬੈਠੇ ਕੁਝ ਸਰਕਾਰ  ਲੋਕ ਜਾਣਬੁਝ ਕੇ ਤਾਂ ਸਰਕਾਰ ਨੂੰ ਬਦਨਾਮ ਨਹੀਂ ਕਰ ਰਹੇ?
ਕਿ ਰਾਜ ਹੈ ਉਸ ਟੈਲੀਫੋਨ ਕਾਲ ਦਾ?

ਕਾਰਖਾਨਾ ਮਾਲਕ ਵਲੋਂ ਮੁਨਾਫੇ ਖਾਤਰ ਦੋ ਹੋਰ ਹਤਿਆਵਾਂ--ਹੌਜ਼ਰੀ ਕਾਮਗਾਰ ਯੂਨੀਅਨ

Sun, Aug 30, 2015 at 6:58 PM

"ਅਯਾਸ਼ ਮਾਲਕ ਸਮਝਦੇ ਹਨ ਮਜਦੂਰਾਂ ਨੂੰ ਮਸ਼ੀਨਾਂ ਦੇ ਪੁਰਜ਼ੇ"

ਲੁਧਿਆਣਾ: 30 ਮਈ 2015: (ਪੰਜਾਬ ਸਕਰੀਨ ਬਿਊਰੋ): 

ਬੁਆਇਲਰ ਫਟਣ ਨਾਲ ਆਪਣੀ ਜਾਨ ਗਵਾਉਣ ਵਾਲੇ ਮਜ਼ਦੂਰਾਂ ਦੇ ਪਰਿਵਾਰ ਕਈ ਦਿਨਾਂ ਤੋਂ ਸੜਕਾਂ ਤੇ ਰੁਲ ਰਹੇ ਹਨ , ਕਦੇ ਫੈਕਟਰੀ ਅਤੇ ਕਦੇ ਥਾਣੇ ਦੇ ਗੇੜੇ ਕਢਦਿਆਂ ਉਹਨਾਂ ਦਾ ਬੁਰਾ ਹਾਲ ਹੋ ਗਿਆ। ਭੁੱਖੇ ਪਿਆਸੇ ਮਜ਼ਦੂਰ ਇੱਕ ਦੂਜੇ ਹੋਂਸਲਾ ਦੇਂਦੇ ਹੋਏ ਹੁਣ ਸੰਘਰਸ਼ ਦੇ ਰਾਹ ਤੁਰ ਪਏ ਹਨ।  ਉਹਨਾਂ ਨੂੰ ਇਹ ਰਾਹ ਹੀ ਚੁਨਣਾ ਪਿਆ ਕਿਓਂਕਿ ਮਾਲਕਾਂ ਦੀਆਂ ਧਮਕੀਆਂ ਸਾਹਮਣੇ ਹੋਰ ਕੋਈ ਰਸਤਾ ਹੀ ਨਹੀਂ ਸੀ। 

ਅੱਜ ਟੈਕਸਟਾਈਲ-ਹੌਜ਼ਰੀ ਕਾਮਗਾਰ ਯੂਨੀਅਨ ਦੀ ਅਗਵਾਈ ਵਿੱਚ ਸੈਕੜੇ  ਮਜ਼ਦੂਰਾਂ ਨੇ ਮੇਹਰਬਾਨ ਪੁਲੀਸ ਚੌਂਕੀ ਥਾਣੇ ਦਾ ਘਿਰਾਉ ਕਰਕੇ ਜ਼ੋਰਦਾਰ ਮੁਜ਼ਾਹਰਾ ਕੀਤਾ। ਭਾਰਤੀ ਡਾਈਂਗ, ਮੇਹਰਬਾਨ, ਲੁਧਿਆ" ਵਿੱਚ ਕੁਝ ਦਿਨ ਪਹਿਲਾਂ ਡਾਈਂਗ ਮਸ਼ੀਨ ਵਿੱਚ ਧਮਾਕਾ ਹੋਣ ਨਾਲ਼ ਦੋ ਮਜ਼ਦੂਰਾਂ, ਨਿਰੰਜਨ (22) ਅਤੇ ਸੁਰੇਸ਼ (45) ਦੀ ਮੌਤ ਹੋ ਗਈ ਸੀ। ਮਜਦੂਰਾਂ ਨੇ ਉਸ ਫੈਕਟਰੀ ਦੇ ਗੇਟ ਤੇ ਵੀ ਧਰਨਾ ਲਾਇਆ। ਮਜ਼ਦੂਰਾਂ ਨੇ ਮੰਗ ਕੀਤੀ ਕਿ ਦੋਸ਼ੀ ਕਾਰਖਾਨਾ ਮਾਲਕ ਨੂੰ ਸਖ਼ਤ ਤੋਂ ਸਖ਼ਤ ਸਜਾ ਦਿੱਤਾ ਜਾਵੇ ਅਤੇ ਪੀੜਤ ਪਰਿਵਾਰਾਂ ਨੂੰ ਬਿਨਾ ਕਿਸੇ ਦੇਰੀ ਦੇ ਮੁਆਵਜਾ ਦਿੱਤਾ ਜਾਵੇ।

    ਇਸ ਦੌਰਾਨ ਮੁਜਾਹਰੇ ਨੂੰ ਸੰਬੋਧਨ ਕਰਦੇ ਹੋਏ ਮਜ਼ਦੂਰ ਆਗੂ ਲਖਵਿੰਦਰ ਨੇ ਕਿਹਾ ਕਿ ਇਹ  ਮਾਮਲਾ ਸਿਰਫ਼ ਇੱਕ ਕਾਰਖਾਨੇ ਦਾ ਨਹੀਂ ਹੈ। ਸਾਰੇ ਹੀ ਕਾਰਖਾਨਿਆਂ ਵਿੱਚ ਮਜ਼ਦੂਰਾਂ ਦੀ ਹਾਦਸਿਆਂ ਅਤੇ ਬਿਮਾਰੀਆਂ ਤੋਂ ਸੁਰੱਖਿਆ ਦੇ ਪ੍ਰਬੰਧਾਂ ਦੀਆਂ ਧੱਜੀਆਂ ਉਡਾਈਆਂ ਜਾ ਰਹੀਆਂ ਹਨ। ਇਸ ਘਟਨਾ ਨੂੰ ਵੀ ਸਿਰਫ ਹਾਦਸਾ ਨਹੀ ਕਿਹਾ ਜਾ ਸਕਦਾ। ਇਹ ਮੁਨਾਫ਼ੇ ਖਾਤਰ ਹੋਈਆਂ ਹਤਿਆਵਾਂ ਹਨ। ਮਾਲਕਾਂ ਨੂੰ ਸਿਰਫ ਆਪਣੇ ਮੁਨਾਫ਼ੇ ਦੀ ਫ਼ਿਕਰ ਹੈ। ਆਪਣੀਆਂ ਸਹੂਲਤਾਂ, ਅੱਯਾਸ਼ੀ ਤੇ ਧਿਆਨ ਦੇਣ ਵਾਲੇ ਮਾਲਕ ਮਜ਼ਦੂਰਾਂ ਨੂੰ ਮਸ਼ੀਨਾਂ ਦੇ ਪੁਰਜੇ ਸਮਝਦੇ ਹਨ। ਕਿਰਤ ਵਿਭਾਗ, ਪੁਲੀਸ ਪ੍ਰਸ਼ਾਸ਼ਨ, ਸਰਕਾਰ ਕਾਰਖਾਨਾ ਮਾਲਕਾਂ ਦਾ ਹੀ ਸਾਥ ਦਿੰਦੇ ਹਨ। ਸਰਮਾਏਦਾਰਾਂ ਪ੍ਰਬੰਧ ਮਜ਼ਦੂਰਾਂ ਦੀਆਂ ਜਿੰਦਗੀਆਂ ਨਾਲ ਖੇਡ ਰਿਹਾ ਹੈ। ਉਹਨਾਂ ਸਰਕਾਰ ਤੋਂ ਮੰਗ ਕੀਤੀ ਕਿ ਕਾਰਖਾਨਿਆਂ ਵਿਚ ਹਾਦਸਿਆ ਤੋਂ ਬਚਾਅ ਸਬੰਧੀ ਸਖ਼ਤ ਤੋਂ ਸਖ਼ਤ ਕਾਨੂੰਨ ਬਣਾਏ ਜਾਣ, ਇਹਨਾਂ ਦੀ ਉਲੰਗਣਾ ਕਰਨ ਵਾਲੇ ਮਾਲਕਾਂ ਨੂੰ ਸਖ਼ਤ ਜੇਲ ਤੋ ਲੈਕੇ ਫਾਸ਼ੀ ਦੀ ਸਜਾ ਦੇ ਕਾਨੂੰਨ ਬਣਾਏ ਅਤੇ ਲਾਗੂ ਕੀਤੇ ਜਾਣ। ਮੁਜਾਹਰੇ ਨੂੰ ਮਜ਼ਦੂਰ ਆਗੂਆਂ ਲਖਵਿੰਦਰ, ਮਹੇਸ਼, ਪ੍ਰੇਮਨਾਥ ਆਦਿ ਨੇ ਸੰਬੋਧਨ ਕੀਤਾ। ਕੱਲ ਵੀ ਮਜ਼ਦੂਰਾਂ ਨੇ ਪੁਲੀਸ ਚੌਂਕੀ ਤੇ ਜ਼ੋਰਦਾਰ ਮੁਜ਼ਾਹਰਾ ਕੀਤਾ ਸੀ। ਕੱਲ ਵਾਂਗ ਅੱਜ ਵੀ ਪੁਲੀਸ ਨੇ ਮੁਜ਼ਾਹਰੇ ਨੂੰ ਖਿੰਡਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਮਜ਼ਦੂਰ ਡਟੇ ਰਹੇ।

ਹੋਰ ਵੇਰਵੇ ਜਾਂ ਇਸ ਸੰਘਰਸ਼ ਵਿੱਚ ਸ਼ਾਮਲ ਹੋਣ ਲਈ ਸੰਪਰਕ ਕਰੋ:-ਲਖਵਿੰਦਰ 9646150249

ਐਵੇਂ ਭਰਮ ਹੈ ਸਾਡਿਆਂ ਕਾਤਲਾਂ ਨੂੰ ਅਸੀਂ ਹੋਵਾਂਗੇ ਦੋ ਜਾਂ ਚਾਰ ਲੋਕੋ,

Thu, Feb 26, 2015 at 4:03 PM

ਕਤਲ ਕੀਤਿਆਂ ਤੋਂ ਵੀ ਕਦੇ ਮੁੱਕਣੀ ਨਹੀਂ ਏਨੀ ਲੰਮੀ ਹੈ ਸਾਡੀ ਕਤਾਰ ਲੋਕੋ

ਦੇਸ਼ ਭਗਤ ਯਾਦਗਾਰ ਕਮੇਟੀ ਦੇ ਬੋਰਡ ਆਫ ਟਰੱਸਟ ਨੇ ਉਲੀਕਿਆ ਤਿਮਾਹੀ ਸਮਾਗਮਾਂ ਦਾ  ਖ਼ਾਕਾ 

ਜਲੰਧਰ: 26 ਫਰਵਰੀ 2015:: (ਪੰਜਾਬ ਸਕਰੀਨ ਬਿਊਰੋ): 

ਦੇਸ਼, ਕੌਮ ਅਤੇ ਸਮੂਹ ਲੋਕਾਂ ਦੇ ਭਲੇ ਲਈ ਜਾਨਾਂ ਕੁਰਬਾਨ ਵਾਲਿਆਂ ਦੀ ਗਿਣਤੀ ਸਚਮੁਚ ਏਨੀ ਲੰਮੀ ਹੈ ਕਿ ਕੈਲੰਡਰ ਦਾ ਹਰ ਦਿਨ ਸ਼ਹੀਦੀ ਦਿਨ ਜਾਂ ਜਨਮ ਦਿਹਾੜੇ ਵੱਜੋਂ ਮਨਾਇਆ ਜਾ ਸਕਦਾ ਹੈ। ਕੋਨੇ ਕੋਨੇ, ਚੱਪੇ ਚੱਪੇ ਸ਼ਹੀਦਾਂ ਦੀਆਂ ਨਿਸ਼ਾਨੀਆਂ ਹਨ।   ਸਾਰੇ  ਸ਼ਹੀਦਾਂ ਅਤੇ ਉਹਨਾਂ ਦੀਆਂ ਨਿਸ਼ਾਨੀਆਂ ਨੂੰ ਸੰਭਾਲਣ ਦਾ ਬੇਹੱਦ ਬਿਖੜਾ ਕੰਮ ਕਰ ਰਹੀ ਹੈ ਦੇਸ਼ ਭਗਤ ਯਾਦਗਾਰ ਕਮੇਟੀ ਜਲੰਧਰ। ਇਸਦੇ ਨਾਲ ਹੀ ਇਹ ਕਮੇਟੀ ਸ਼ਹੀਦਾਂ ਦੇ ਸੁਪਨਿਆਂ ਅਤੇ ਵਿਚਾਰਾਂ ਨੂੰ ਵੀ ਆਮ ਲੋਕਾਂ ਤੱਕ ਲਿਜਾਣ ਲੈ ਪ੍ਰਤਿਬਧ ਹੈ। ਏਸ ਮੁਹਿੰਮ ਅਧੀਨ ਹੀ ਆਜ਼ਾਦੀ ਸੰਗਰਾਮ ਅੰਦਰ ਵਿਲੱਖਣ ਭੂਮਿਕਾ ਅਦਾ ਕਰਨ ਵਾਲੀਆਂ ਘਟਨਾਵਾਂ, ਨਾਇਕਾਂ ਅਤੇ ਸ਼ਹਾਦਤਾਂ ਪਾਉਣ ਵਾਲੀਆਂ ਸਖਸ਼ੀਅਤਾਂ ਦੀ ਗੌਰਵਮਈ ਭੂਮਿਕਾ ਨੂੰ ਅਜੋਕੇ ਸਰੋਕਾਰਾਂ ਨਾਲ ਜੋੜਕੇ ਵਿਚਾਰਨ ਅਤੇ ਨਵੇਂ ਰਾਹ ਤਲਾਸ਼ਕੇ ਉਹਨਾਂ ਦੇ ਆਦਰਸ਼ਾਂ ਦੀ ਪੂਰਤੀ ਲਈ ਜਨ-ਜਾਗਰਤੀ ਪੈਦਾ ਕਰਨ ਲਈ ਦੇਸ਼ ਭਗਤ ਯਾਦਗਾਰ ਕਮੇਟੀ ਨੇ ਅਗਲੇ ਮਹੀਨਿਆਂ ਦੇ ਸਮਾਗਮਾਂ ਦਾ ਖਾਕਾ ਉਲੀਕਣ ਲਈ ਅੱਜ ਬੋਰਡ ਆਫ਼ ਟਰੱਸਟ ਦੀ ਬੁਲਾਈ ਮੀਟਿੰਗ 'ਚ ਅਹਿਮ ਫੈਸਲੇ ਲਏ।

ਕਮੇਟੀ ਦੇ ਪ੍ਰਧਾਨ ਦਰਬਾਰਾ ਸਿੰਘ ਢਿੱਲੋਂ ਦੀ ਪ੍ਰਧਾਨਗੀ 'ਚ ਹੋਈ ਮੀਟਿੰਗ ਦੀ ਕਾਰਵਾਈ ਪ੍ਰੈਸ ਨਾਲ ਸਾਂਝੀ ਕਰਦਿਆਂ ਜਨਰਲ ਸਕੱਤਰ ਡਾ. ਰਘਬੀਰ ਕੌਰ ਅਤੇ ਸਭਿਆਚਾਰਕ ਵਿੰਗ ਦੇ ਕਨਵੀਨਰ ਅਮੋਲਕ ਸਿੰਘ ਨੇ ਦੱਸਿਆ ਕਿ ਕਮੇਟੀ ਦੇ ਪ੍ਰਤੀਨਿੱਧ ਪਹਿਲੀ ਮਾਰਚ ਮਾਈ ਭਾਗੋ ਗਰਲਜ਼ ਕਾਲਜ ਰੱਲਾ (ਮਾਨਸਾ) ਵਿਖੇ ਪ੍ਰੋ. ਅਜਮੇਰ ਸਿੰਘ ਔਲਖ ਦੇ ਸਨਮਾਨ ਸਮਾਗਮ, 4 ਮਾਰਚ ਹਰਨਾਮ ਸਿੰਘ ਟੁੰਡੀਲਾਟ ਦੀ ਯਾਦ 'ਚ ਕੋਟਲਾ ਨੌਧ ਸਿੰਘ (ਹੁਸ਼ਿਆਰਪੁਰ), 16 ਮਾਰਚ ਸ਼ਹੀਦ ਭਾਈ ਬਲਵੰਤ ਸਿੰਘ, ਸ਼ਹੀਦ ਰੰਗਾ ਸਿੰਘ ਦੀ ਯਾਦ 'ਚ ਖੁਰਦਪੁਰ (ਜਲੰਧਰ), 25 ਮਾਰਚ ਸਾਕਾ ਫੇਰੂ ਸ਼ਹਿਰ ਦੇ ਸ਼ਹੀਦਾਂ ਦੀ ਯਾਦ 'ਚ ਲਾਲ ਸਿੰਘ ਸਾਹਿਬਆਣਾ ਦੇ ਪਿੰਡ ਸਾਹਿਬਆਣਾ (ਲੁਧਿਆਣਾ) ਅਤੇ 27 ਮਾਰਚ ਕਾਂਸ਼ੀ ਰਾਮ ਮੜੌਲੀ ਭਾਗੋ ਮਾਜਰਾ (ਰੋਪੜ) ਦੀ ਯਾਦ 'ਚ ਹੋ ਰਹੇ ਸਮਾਗਮਾਂ 'ਚ ਸ਼ਿਰਕਤ ਕਰਨਗੇ।

ਮਾਰਚ ਮਹੀਨੇ ਔਰਤ ਦਿਹਾੜਾ, ਸਾਕਾ ਫੇਰੂ ਸ਼ਹਿਰ, ਸ਼ਹੀਦ ਭਗਤ ਸਿੰਘ, ਰਾਜਗੁਰੂ, ਸੁਖਦੇਵ ਸਮੇਤ ਇਸ ਮਹੀਨੇ ਨਾਲ ਜੁੜੇ ਇਤਿਹਾਸ ਅਤੇ ਵਿਸ਼ਵ ਰੰਗ ਮੰਚ ਦਿਹਾੜੇ ਨੂੰ ਸਮਰਪਤ ਇੱਕ ਸਾਂਝਾ ਯਾਦਗਾਰੀ ਸਮਾਗਮ 28 ਮਾਰਚ ਨੂੰ ਹੋਏਗਾ।  ਇਸ ਸਮਾਗਮ ਦੇ ਪਹਿਲੇ ਸੈਸ਼ਨ 'ਚ ਮੰਨੇ ਪਰਮੰਨੇ ਵਿਦਵਾਨ ਲੇਖਕ, ਉੱਘੇ ਨਾਟਕਕਾਰ ਡਾ. ਸਵਰਾਜਬੀਰ 'ਲੋਕਾਂ ਉਪਰ ਬੋਲੇ ਮਾਰੂ ਸਭਿਆਚਾਰਕ ਹੱਲੇ' ਬਾਰੇ ਮੁੱਖ ਵਕਤਾ ਵਜੋਂ ਵਿਚਾਰ ਪੇਸ਼ ਕਰਨਗੇ।  ਦੂਜੇ ਸੈਸ਼ਨ 'ਚ ਪ੍ਰਭਾਵਸ਼ਾਲੀ ਨਾਟਕ ਹੋਏਗਾ।

ਗ਼ਦਰ ਪਾਰਟੀ ਸਥਾਪਨਾ ਦਿਵਸ 21 ਅਪ੍ਰੈਲ ਨੂੰ ਮਨਾਇਆ ਜਾਏਗਾ।  ਇਸ ਦਿਨ ਝੰਡਾ ਲਹਿਰਾਉਣ ਦੀ ਰਸਮ ਉਪਰੰਤ 'ਸਾਮਰਾਜੀ ਚੌਤਰਫ਼ਾ ਹੱਲਾ ਅਤੇ ਪ੍ਰਤੀਰੋਧ' ਵਿਸ਼ੇ ਉਪਰ ਚੋਟੀ ਦੇ ਵਿਦਵਾਨ ਵਿਚਾਰ-ਚਰਚਾ ਕਰਨਗੇ।

ਸਿੰਗਾਪੁਰ ਬਗ਼ਾਵਤ ਅਤੇ ਸੂਫੀ ਅੰਬਾ ਪ੍ਰਸ਼ਾਦ ਸਬੰਧੀ ਵਿਚਾਰ-ਚਰਚਾ 22 ਨੂੰ

ਚਿਰੰਜੀ ਲਾਲ ਕੰਗਣੀਵਾਲ ਅਤੇ ਡਾ. ਪਰਮਿੰਦਰ ਸਿੰਘ ਸੂਫੀ ਹੋਣਗੇ ਮੁੱਖ ਬੁਲਾਰੇ

Courtesy photo

ਜਲੰਧਰ: 14 ਫਰਵਰੀ 2014: (ਪੰਜਾਬ ਸਕਰੀਨ ਬਿਊਰੋ):
ਆਜ਼ਾਦੀ ਸੰਗਰਾਮ ਵਿੱਚ ਅਥਾਹ ਕੁਰਬਾਨੀਆਂ ਕਰਨ ਵਾਲੀਆਂ ਘਟਨਾਵਾਂ ਵਿੱਚ ਅਹਿਮ ਸਥਾਨ ਰੱਖਣ ਵਾਲੀਆਂ ਦੋ ਇਤਿਹਾਸਕ ਘਟਨਾਵਾਂ ਸਿੰਗਾਪੁਰ ਦੇ ਫੌਜੀਆਂ ਦੀ ਬਗਾਵਤ ਅਤੇ ਸੂਫੀ ਅੰਬਾ ਪ੍ਰਸ਼ਾਦ ਦੀ ਸ਼ਹਾਦਤ ਸਬੰਧੀ ਵਿਚਾਰ ਚਰਚਾ ਸਥਾਨਕ ਦੇਸ਼ ਭਗਤ ਯਾਦਗਾਰ ਹਾਲ ਵਿਖੇ 22 ਫਰਵਰੀ ਦਿਨ ਐਤਵਾਰ ਸਵੇਰੇ 11 ਵਜੇ ਕੀਤੀ ਜਾ ਰਹੀ ਹੈ। ਸ਼ਹਾਦਤਾਂ ਦੀ ਸ਼ਤਾਬਦੀ (1915-2015) ਦੀ ਲੜੀ ਵਜੋਂ ਹੋ ਰਹੀ ਇਸ ਵਿਚਾਰ-ਚਰਚਾ ਵਿੱਚ ਦੇਸ਼ ਭਗਤ ਯਾਦਗਾਰ ਕਮੇਟੀ ਦੇ ਮੈਂਬਰ ਚਿਰੰਜੀ ਲਾਲ ਕੰਗਣੀਵਾਲ ਸਿੰਗਾਪੁਰਾ ਦੀ ਬਗਾਵਤ ਸਬੰਧੀ ਅਤੇ ਕਮੇਟੀ ਦੇ ਮੈਂਬਰ ਡਾ. ਪਰਮਿੰਦਰ ਸਿੰਘ ਸੂਫੀ ਅੰਬਾ ਪ੍ਰਸ਼ਾਦ ਦੀ ਸ਼ਹਾਦਤ ਬਾਰੇ ਮੁੱਖ ਵਕਤਾ ਹੋਣਗੇ।
ਦੇਸ਼ ਭਗਤ ਯਾਦਗਾਰ ਕਮੇਟੀ ਦੇ ਪ੍ਰਧਾਨ ਦਰਬਾਰਾ ਸਿੰਘ ਢਿੱਲੋ, ਜਨਰਲ ਸਕੱਤਰ ਡਾ. ਰਘਵੀਰ ਕੌਰ ਅਤੇ ਸਭਿਆਚਾਰਕ ਵਿੰਗ ਦੇ ਕਨਵੀਨਰ ਅਮੋਲਕ ਸਿੰਘ ਨੇ ਇਸ ਸਬੰਧੀ ਪ੍ਰੈਸ ਨੂੰ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਇਹ ਵਿਚਾਰ-ਚਰਚਾ ਸਾਲ ਭਰ ਹਰ ਮਹੀਨੇ ਸ਼ਹਾਦਤਾਂ ਦੀ ਮਨਾਈ ਜਾ ਰਹੀ ਸ਼ਤਾਬਦੀ ਦੀ ਕੜੀ ਵਜੋਂ ਹੋਵੇਗੀ ਅਤੇ ਜਿਸਦੀ ਸਿਖਰ ਹੋਵੇਗਾ 1 ਨਵੰਬਰ ਨੂੰ ਹੋਣ ਵਾਲਾ ਮੇਲਾ ਗ਼ਦਰੀ ਬਾਬਿਆਂ ਦਾ।

ਖੁਦਕੁਸ਼ੀਆਂ ਬਾਰੇ ਸਰਕਾਰੀ ਨੀਤੀ ਮਹਿਜ਼ ਛਲਾਵਾ

ਬੀ ਕੇ ਯੂ (ਉਗਰਾਹਾਂ) ਤੇ ਖ਼ੇਤ ਮਜ਼ਦੂਰ ਜੱਥੇਬੰਦੀ ਵੱਲੋਂ ਸੰਘਰਸ਼ ਤੇ ਕਾਨੂੰਨੀ ਚਾਰਾਜੋਈ 

Courtesy Photo

Courtesy Photo

ਖੁਦਕੁਸ਼ੀਆਂ ਦੇ ਮਾਮਲੇ ਵਿੱਚ ਪੀੜਤਾਂ ਨੂੰ ਰਾਹਤ ਦੇਣ ਲਈ ਪੰਜਾਬ ਦੀ ਅਕਾਲੀ ਭਾਜਪਾ ਸਰਕਾਰ ਵੱਲੋਂ ਨਿਰਧਾਰਿਤ ਨੀਤੀ ਨੂੰ ਪੀੜਤਾਂ, ਕਿਸਾਨਾਂ ਤੇ ਖ਼ੇਤ ਮਜ਼ਦੂਰਾ ਨਾਲ ਛਲਾਵਾ ਕਰਾਰ ਦਿੰਦਿਆਂ ਭਾਰਤੀ ਕਿਸਾਨ ਯੂਨੀਅਨ (ਉਗਰਾਹਾਂ) ਅਤੇ ਪੰਜਾਬ ਖੇਤ ਮਜਦੂਰ ਯੂਨੀਅਨ ਨੇਂ ਇਸ ਵਿੱਚ ਬੁਨਿਆਦੀ ਤਬਦੀਲੀਆਂ ਕੀਤੇ ਜਾਣ ਦੀ ਮੰਗ ਕੀਤੀ ਹੈ।
ਦੋਹਾਂ ਜੱਥੇਬੰਦੀਆਂ ਦੇ ਜਨਰਲ ਸਕੱਤਰਾਂ ਸੁਖਦੇਵ ਸਿੰਘ ਕੋਕਰੀਕਲਾਂ ਅਤੇ ਲਛਮਣ ਸਿੰਘ ਸੇਵੇਵਾਲਾ ਨੇ ਜਾਰੀ ਕੀਤੇ ਪ੍ਰੇਸ ਬਿਆਨ ਰਾਹੀਂ ਕਿਹਾ ਕਿ ਇਸ ਨੀਤੀ ਤੈਹਤ ਆਰਥਿਕ ਤੰਗੀਆਂ ਕਾਰਨ ਖੁਦਕੁਸ਼ੀਆਂ ਕਰਨ ਵਾਲੇ ਖੇਤ ਮਜ਼ਦੂਰਾਂ ਤੇ ਬੇਜ਼ਮੀਨੇ ਕਿਸਾਨਾਂ ਨੂੰ ਇਸ ਵਿੱਚੌਂ ਪੂਰੀ ਤਰਾਂ ਬਾਹਰ ਕੱਢ ਦਿਤਾ ਹੈ, ਜਦੋਂ ਕਿ ਕਰਜ਼ਿਆਂ ਕਾਰਨ ਹੋਈਆਂ ਖੁਦਕੁਸ਼ੀਆਂ ਵਾਲੇ ਪੀੜਤ ਪਰਿਵਾਰਾਂ ਨੂੰ ਨੌਕਰੀ ਦੇਣ ਤੇ ਕਰਜ਼ੇ ਖ਼ਤਮ ਕਰਨ ਤੋਂ ਵੀ ਪੱਲਾ ਝਾੜ ਦਿੱਤਾ ਹੈ ਅਤੇ 5 ਲੱਖ ਰੁਪੈ ਦਾ ਮੁਆਵਜ਼ਾ ਦੇਣ ਦੀ ਥਾਂ ਸਿਰਫ ਦੋ ਲੱਖ ਰੁਪੈ ਦੀ ਮਦ ਪਾਸ ਕੀਤੀ ਗਈ ਹੈ; ਉਸ ਵਿੱਚ ਵੀ ਪੀੜਤਾਂ ਨੂੰ ਸਿਰਫ਼ 50 ਹਜ਼ਾਰ ਰੁਪੈ ਹੀ ਨਗਦ ਦਿੱਤੇ ਜਾਣਗੇੋ ਅਤੇ ਬਾਕੀ ਦੇ ਡੇਢ ਲੱਖ ਰੁਪੈ ਬੈਂਕ ਖ਼ਾਤੇ ਵਿੱਚ ਜਮਾ ਕਰਨ ਦੀ ਨੀਤੀ ਬਣਾ ਦਿੱਤੀ ਗਈ ਹੈ। ਜੋ ਪੀੜਤਾਂ ਨਾਲ ਬੇਇਨਸਾਫ਼ੀ ਹੈ। ਕਿਸਾਨ ਮਜ਼ਦੂਰ ਆਗੂਆਂ ਨੇ ਕਿਹਾ ਹੈ ਕਿ ਕੁਝ ਪੀੜਤਾਂ ਨੂੰ ਖੇਤੀ ਮੋਟਰਾਂ ਦੇ ਕੁਨੈਕਸ਼ਨ ਫੌਰੀ ਦੇਣ ਦੀ ਤਜ਼ਵੀਜ਼ ਰੱਖੀ ਗਈ ਹੈ। ਪਰ ਬੇਜ਼ਮੀਨੇ ਕਿਸਾਨਾਂ ਤੇ ਖੇਤ ਮਜ਼ਦੂਰਾਂ ਨੂੰ ਇਸਦਾ ਕੋਈ ਵੀ ਲਾਭ ਨਹੀ ਹੋਵੇਗਾ।
ਉਹਨਾਂ ਮੰਗ ਕੀਤੀ ਕਿ ਖੁਦਕੁਸ਼ੀ ਪੀੜਤਾਂ ਨੂੰ ਇਨਸਾਫ਼ ਦੇਣ ਲਈ ਜ਼ਰੂਰੀਹੈ ਕਿ ਕਰਜ਼ਿਆਂ ਦੇ ਨਾਲ ਨਾਲ ਆਰਥਿਕ ਤੰਗੀਆਂ ਕਾਰਨ ਹੋਈਆਂ ਖੁਦਕੁਸ਼ੀਆਂ ਵਾਲੇ ਪੀੜਤਾਂ ਨੂੰ ਵੀ ਇਸ ਵਿੱਚ ਸ਼ਾਮਲ ਕੀਤਾ ਜਾਵੇ, ਸਾਰੇ ਪੀੜਤਾਂ ਨੂੰ 5 ਲੱਖ ਰੁਪੈ ਮੁਆਵਜ਼ਾ ਤੇ ਸਰਕਾਰੀ ਨੌਕਰੀ ਦਿੱਤੀ ਜਾਵੇ, ਉਹਨਾਂ ਦੇ ਸਾਰੇ ਕਰਜੇ ਖ਼ਤਮ ਕੀਤੇ ਜਾਣ, ਖੁਦਕੁਸ਼ੀਆਂ ਦੇ ਵਰਤਾਰੇ ਨੂੰ ਮੁਕੰਮਲ ਤੌਰ ਤੇ ਠੱਲ ਪਾਉਣ ਲਈ ਸੂਦਖੋਰਾਂ ਤੇ ਬੈਂਕ ਦੀ ਅੰਨੀ ਲੁੱਟ ਨੂੰ ਨੱਥ ਮਾਰਦਾ ਕਿਸਾਨ ਮਜ਼ਦੂਰ ਪੱਖੀ ਕਰਜ਼ਾ ਕਨੂੰਨ ਬਣਾਇਆ ਤੇ ਲਾਗੂ ਕੀਤਾ ਜਾਵੇ ਅਤੇ ਤਿੱਖੇ ਜ਼ਮੀਨੀ ਸੁਧਾਰ ਲਾਗੂ ਕਰਕੇ ਵਾਧੂ ਨਿਕਲਦੀਆਂ ਜ਼ਮੀਨਾਂ ਦੀ ਖੇਤ ਮਜ਼ਦੂਰ ਤੇ ਬੇਜ਼ਮੀਨੇ ਕਿਸਾਨਾਂ ਵਿੱਚ ਵੰਡ ਕੀਤੀ ਜਾਵੇ, ਖੇਤੀ ਲਾਗਤਾਂ ਘਟਾਉਣ ਲਈ ਰੇਹ, ਸਪਰੇ, ਬੀਜਾਂ, ਖੇਤੀ ਮਸ਼ੀਨਰੀ ਆਦ ਖੇਤਰਾਂ ਚ ਲਗੇ ਸਨਅੱਤਕਾਰਾਂ ਦੇ ਸੁਪਰ ਮੁਨਾਫਿਆਂ ਤੇ ਰੋਕ ਲਾਈ ਜਾਵੇ, ਕਿਸਾਨਾਂ ਅਤੇ ਖੇਤ ਮਜਦੂਰਾਂ ਦੀ ਅੰਨੀ੍ ਲੁੱਟ ਬੰਦ ਕੀਤੀ ਜਾਵੇ, ਬੇਘਰਿਆਂ ਲਈ ਘਰਾਂ ਦਾ ਪ੍ਰਬੰਧ ਕੀਤਾ ਜਾਵੇ, ਖੇਤੀ ਅਧਾਰਿਤ ਰੁਜ਼ਗਾਰ ਮੁਖੀ ਸਨਅੱਤਾਂ ਲਾਈਆਂ ਜਾਣ, ਖੇਤੀ ਜਿਨਸਾਂ ਦੇ ਲਾਹੇਵੰਦ ਭਾਅ ਦਿੱਤੇ ਜਾਣ ਤੇ ਸਰਕਾਰੀ ਖ਼ਰੀਦ ਯਕੀਨੀ ਬਣਾਈ ਜਾਵੇ ਖੇਤੀ ਦੀ ਤਰੱਕੀ ਲਈ ਵੱਖਰੇ ਬੱਜਟਾਂ ਦਾ ਪ੍ਰਬੰਧ ਕੀਤਾ ਜਾਵੇ |
ਉਹਨਾ ਐਲਾਨ ਕੀਤਾ ਕਿ ਸਰਕਾਰ ਵੱਲੋਂ ਤਹਿ ਕੀਤੀ ਵਿਤਕਰੇ ਭਰਪੂਰ ਤੇ ਰੋਸ ਪੂਰਨ ਨੀਤੀ ਵਿਰੁੱਧ ਸੰਘਰਸ਼ ਛੇੜਨ ਦੇ ਨਾਲ ਨਾਲ ਇਸਨੂੰ ਕਨੂੰਨੀ ਪੱਖੋਂ ਵੀ ਚਣੌਤੀ ਦਿੱਤੀ ਜਾਵੇਗੀ ।
(February 12, 2015)
ਜਾਰੀ ਕਰਤਾ ਸੁਖਦੇਵ ਸਿੰਘ ਕੋਕਰੀ ਕਲਾਂ//ਲਛਮਣ ਸਿੰਘ ਸੇਵੇਵਾਲਾ

94174 66038 ਅਤੇ 94170-79170

ਅਸੀਂ ਦੇਸ਼ ਦੀ ਸੁਰਖਿਆ ਲਈ ਖੂਨ ਦਾ ਆਖ਼ਰੀ ਕਤਰਾ ਵੀ ਬਹਾ ਦੇਵਾਂਗੇ

Mon, Dec 29, 2014 at 2:03 PM

ਪਾਰਟੀ ਦੇ 85ਵੇਂ ਸਥਾਪਨਾ ਦਿਵਸ 'ਤੇ ਸ਼ਾਹੀ ਇਮਾਮ ਪੰਜਾਬ ਦਾ ਐਲਾਨ

ਲੁਧਿਆਣਾ, 29 ਦਸੰਬਰ 2014: (ਪੰਜਾਬ ਸਕਰੀਨ ਬਿਊਰੋ):

ਭਾਰਤ ਦੇ ਸੁਤੰਤਰਤਾ ਸੰਗਰਾਮ 'ਚ ਵੱਧ ਚੜ੍ਹ ਕੇ ਸ਼ਹਾਦਤਾਂ ਦੇਣ ਵਾਲੀ ਪਾਰਟੀ ਮਜਲਿਸ ਅਹਿਰਾਰ ਇਸਲਾਮ ਹਿੰਦ ਦੇ 85ਵੇਂ ਸਥਾਪਨਾ ਦਿਵਸ ਮੌਕੇ 'ਤੇ ਬੀਤੀ ਰਾਤ ਗਿਲ ਰੋਡ ਵਿਖੇ ਜਲਸਾ ਸੀਰਤੁਨ ਨਬੀ ਦਾ ਆਯੋਜਨ ਕੀਤਾ ਗਿਆ, ਜਿਸ ਵਿਚ ਕੜਾਕੇ ਦੀ ਸਰਦੀ ਦੇ ਬਾਵਜੂਦ ਹਜ਼ਾਰਾਂ ਮੁਸਲਮਾਨ ਸ਼ਾਮਲ ਹੋਏ। ਸਮਾਗਮ ਦੀ ਪ੍ਰਧਾਨਗੀ ਪਾਰਟੀ ਦੇ ਕੌਮੀ ਪ੍ਰਧਾਨ ਅਤੇ ਪੰਜਾਬ ਦੇ ਸ਼ਾਹੀ ਇਮਾਮ ਮੌਲਾਨਾ ਹਬੀਬ ਉਰ ਰਹਿਮਾਨ ਸਾਨੀ ਲੁਧਿਆਣਵੀ ਨੇ ਕੀਤੀ। ਜਦਕਿ ਬਿਹਾਰ ਤੋਂ ਪ੍ਰਸਿੱਧ ਮੁਸਲਿਮ ਵਿਦਵਾਨ ਮੌਲਾਨਾ ਮੁਫ਼ਤੀ ਮਤੀ ਉਰ ਰਹਿਮਾਨ ਕਾਸਮੀ, ਲੁਧਿਆਣਾ ਨਗਰ ਨਿਗਮ ਦੇ ਮੇਅਰ ਹਰਚਰਨ ਸਿੰਘ ਗੋਹਲਵੜੀਆ, ਨਾਇਬ ਸ਼ਾਹੀ ਇਮਾਮ ਮੌਲਾਨਾ ਮੁਹੱਮਦ ਉਸਮਾਨ ਰਹਿਮਾਨੀ, ਸਰਦਾਰ ਪੰਛੀ, ਸ਼ਾਇਰ ਮੁਜਮਿੱਲ ਮੀਆਂ 

ਨੇ ਜਲਸੇ ਨੂੰ ਸੰਬੋਧਨ ਕੀਤਾ। ਇਸ ਮੌਕੇ 'ਤੇ ਸ਼ਾਹੀ ਇਮਾਮ ਪੰਜਾਬ ਨੇ ਕਿਹਾ ਕਿ ਇਸ ਪਾਰਟੀ ਦੀ ਸਥਾਪਨਾ ਭਾਰਤ ਦੇ ਪ੍ਰਸਿੱਧ ਆਜ਼ਾਦੀ ਘੁਲਾਟੀਏ ਰਈਸ ਉਲ ਅਹਿਰਾਰ ਮੌਲਾਨਾ ਹਬੀਬ ਉਰ ਰਹਿਮਾਨ ਲੁਧਿਆਣਵੀ, ਸੈਯਦ ਉਲ ਅਹਿਰਾਰ, ਸੈਯਦ ਅਤਾਉਲੱਾਹ ਸ਼ਾਹ ਬੁਖਾਰੀ, ਚੌਧਰੀ ਅਫ਼ਜਲ ਹਕ ਨੇ 29 ਦਸੰਬਰ 1929 ਈ. ਨੂੰ ਲਾਹੌਰ ਦੇ ਹਬੀਬ ਹਾਲ 'ਚ ਕੀਤੀ ਸੀ। ਅਹਿਰਾਰ ਪਾਰਟੀ ਦੀ ਸਥਾਪਨਾ ਇਸ ਲਈ ਕੀਤੀ ਗਈ ਸੀ ਕਿ ਅਸੀਂ ਦੇਸ਼ ਵਿਚ ਉਸ ਸਮੇਂ ਮੌਜੂਦ ਜਾਲਿਮ ਅੰਗਰੇਜ਼ ਸਰਕਾਰ ਨੂੰ ਦੇਸ਼ ਤੋਂ ਉਖਾੜ ਫੇਂਕੇਂ ਅਤੇ ਅਹਿਰਾਰ ਪਾਰਟੀ ਦੇ ਵਰਕਰਾਂ ਨੇ ਆਪਣੇ ਇਸ ਫਰਜ਼ ਨੂੰ ਚੰਗੀ ਤਰ੍ਹਾਂ  ਨਿਭਾਇਆ। ਇਕ-ਦੋ ਨਹੀਂ ਬਲਕਿ ਹਜ਼ਾਰਾਂ ਅਹਿਰਾਰੀ ਵਰਕਰਾਂ ਨੇ ਜੰਗ-ਏ-ਆਜ਼ਾਦੀ 'ਚ ਜੇਲੇਂ ਕੱਟੀਆਂ ਹਨ। 

ਸ਼ਾਹੀ ਇਮਾਮ ਨੇ ਕਿਹ ਕਿ ਜੇਕਰ ਅੱਜ ਵੀ ਜ਼ਰੂਰਤ ਪਈ ਤਾਂ ਅਸੀਂ ਦੇਸ਼ ਦੀ ਸੁਰਖਿਆ ਲਈ ਖੂਨ ਦਾ ਆਖਰੀ ਕਤਰਾ ਵੀ ਬਹਾ ਦੇਵਾਂਗੇ। ਉਨ੍ਹਾਂ ਕਿਹਾ ਕਿ ਅਹਿਰਾਰ ਕਿਸੇ ਇਤਿਹਾਸਕਾਰ ਦੀ ਮੁਹਤਾਜ ਨਹੀਂ ਹੈ, ਅਸੀਂ ਆਪਣਾ ਇਤਿਹਾਸ ਆਪਣੇ ਖੂਨ ਨਾਲ ਲਿਖਦੇ ਹਾਂ। ਉਨ੍ਹਾਂ ਕਿਹਾ ਕਿ ਅੱਜ ਵੀ ਅਹਿਰਾਰੀ ਦੇਸ਼ ਦੀ ਏਕਤਾ ਅਤੇ ਅਖੰਡਤਾ ਲਈ ਕੰਮ ਕਰ ਰਹੇ ਹਨ। ਸ਼ਾਹੀ ਇਮਾਮ ਮੌਲਾਨਾ ਹਬੀਬ ਨੇ ਕਿਹਾ ਕਿ ਅੰਗਰੇਜ਼ ਤਾਂ ਭਾਰਤ ਛੱਡ ਗਏ, ਲੇਕਿਨ ਉਸਦੇ ਕਈ 'ਟੋਢੀ' ਅੱਜ ਵੀ ਦੇਸ਼ ਵਿਚ ਮੌਜੂਦ ਹਨ, ਜਿਨ੍ਹਾਂ ਨੂੰ ਅਸੀਂ ਬੇਨਕਾਬ ਕਰਦੇ ਰਹਾਂਗੇ। ਇਸ ਮੌਕੇ 'ਤੇ ਪੈਗੰਬਰੇ ਇਸਲਾਮ ਹਜ਼ਰਤ ਮੁਹੱਮਦ ਸੱਲਲਾਹੁਅਲੈਹੀ ਵਸੱਲਮ ਦੀ ਜੀਵਨੀ 'ਤੇ ਰੌਸ਼ਨੀ ਪਾਉਂਦੇ ਹੋਏ ਸ਼ਾਹੀ ਇਮਾਮ ਨੇ ਕਿਹਾ ਕਿ ਪਿਆਰੇ ਨਬੀ ਨੇ ਇੰਸਾਨੀਅਤ ਨੂੰ ਗੁਲਾਮੀ ਤੋਂ ਆਜ਼ਾਦੀ ਦਿਲਾਅ ਕੇ ਦੁਨੀਆ ਭਰ ਦੇ ਇੰਸਾਨਾਂ ਨੂੰ ਬਰਾਬਰੀ ਦਾ ਦਰਜ਼ਾ ਦਿੱਤਾ। ਉਨ੍ਹਾਂ ਕਿਹਾ ਕਿ ਅੱਜ ਜ਼ਰੂਰਤ ਇਸ ਗੱਲ ਦੀ ਹੈ ਕਿ ਹਰ ਖ਼ਾਸ ਅਤੇ ਆਮ ਤੱਕ ਪੈਗੰਬਰੇ ਇਸਲਾਮ ਹਜ਼ਰਤ ਮੁਹੱਮਦ ਸੱਲਲਾਹੁਅਲੈਹੀ ਵਸੱਲਮ ਦਾ ਪੈਗਾਮ ਪਹੁੰਚਾਇਆ ਜਾਏ ਤਾਂ ਜੋ ਆਪਸ ਦੀਆਂ ਨਫ਼ਰਤਾਂ, ਮੁਹੱਬਤਾਂ 'ਚ ਬਦਲ ਜਾਣ। ਇਸ ਮੌਕੇ 'ਤੇ ਮੇਅਰ ਹਰਚਰਨ ਸਿੰਘ ਗੋਹਲਵੜੀਆ ਨੇ ਕਿਹਾ ਕਿ ਜੰਗ-ਏ-ਆਜ਼ਾਦੀ 'ਚ ਅਹਿਰਾਰੀਆਂ ਦਾ ਯੋਗਦਾਨ ਸ਼ਲਾਘਾਯੋਗ ਹੈ। ਦੇਸ਼ ਦੇ ਲਈ ਅਜਿਹਾ ਜੱਜਬਾ ਅਤੇ ਲੱਗਨ ਹਰ ਇਕ ਭਾਰਤੀ 'ਚ ਹੋਣੀ ਚਾਹੀਦੀ ਹੈ। ਉਨ੍ਹਾਂ ਕਿਹਾ ਕਿ ਸਾਨੂੰ ਮਾਣ ਹੈ ਕਿ ਲੁਧਿਆਣਾ ਸ਼ਹਿਰ ਤੋਂ ਜੰਗ-ਏ-ਆਜ਼ਾਦੀ ਦੀ ਪ੍ਰਸਿੱਧ ਪਾਰਟੀ ਮਜਲਿਸ ਅਹਿਰਾਰ ਨੂੰ ਮੌਲਾਨਾ ਹਬੀਬ ਉਰ ਰਹਿਮਾਨ ਲੁਧਿਆਣਵੀ ਨੇ 1929 ਈ: ਵਿਚ ਬਣਾਇਆ ਸੀ। ਇਸ ਸਮੇਂ ਬਾਹਰ ਤੋਂ ਆਏ ਹੋਏ ਸ਼ਾਇਰ ਮੁਹੱਮਦ ਮੁਜਮਿੱਲ ਮੀਆਂ, ਹੱਸਾਨ ਨਸੀਰਾਵਾਦੀ, ਸਰਦਾਰ ਪੰਛੀ, ਕਾਰੀ ਮੋਹਤਰਮ ਨੇ ਆਪਣਾ ਨਾਤੀਆ ਕਲਾਮ ਪੇਸ਼ ਕੀਤਾ। ਸਮਾਗਮ ਵਿਚ ਚੇਅਰਮੈਨ ਮਜਹਰ ਆਲਮ, ਪ੍ਰਧਾਨ ਸਿਕੰਦਰ ਆਲਮ, ਜਨਰਲ ਸਕੱਤਰ ਹਿਫਜੁਰ ਰਹਿਮਾਨ (ਬਬਲੂ), ਮੁਜੀਬ ਉਰ ਰਹਿਮਾਨ (ਡਬਲੂ) ਮੁਰਾਦਪੁਰਾ ਯੂਨਿਟ, ਮੁਹੱਮਦ ਸ਼ਹਿਨਬਾਜ, ਅਕਰਮ ਅਲੀ, ਮੁਹੱਮਦ ਸਰਫਰਾਜ, ਅੰਜੂਮ ਅਸਗਰ, ਸ਼ਾਹੀ ਇਮਾਮ ਦੇ ਮੁੱਖ ਸਕੱਤਰ ਮੁਹੱਮਦ ਮੁਸਤਕੀਮ ਅਹਿਰਾਰੀ ਆਦਿ ਨੇ ਆਏ ਹੋਏ ਮਹਿਮਾਨਾਂ ਦਾ ਸ਼ੁੱਕਰੀਆ ਅਦਾ ਕੀਤਾ।

29 ਦਸੰਬਰ ਨੂੰ ਅਹਿਰਾਰ ਪਾਰਟੀ ਦੇ 85ਵੇਂ ਸਥਾਪਨਾ ਦਿਵਸ 'ਤੇ ਵਿਸ਼ੇਸ਼

ਭਾਰਤ ਦੀ ਜੰਗੇ ਆਜ਼ਾਦੀ ਅਤੇ ਮਜਲਿਸ ਅਹਿਰਾਰ ਇਸਲਾਮ ਪਾਰਟੀ

1857 ਈ. ਦੀ ਜੰਗੇ ਆਜ਼ਾਦੀ ਦੀ ਨਾਕਾਮੀ ਤੋਂ ਬਾਅਦ ਅੰਗਰੇਂਜ਼ ਸਰਕਾਰ ਨੇ ਬੜੀ ਸਖ਼ਤੀ ਦੇ ਨਾਲ ਆਜ਼ਾਦੀ ਦੀ ਸ਼ਮਾ ਨੂੰ ਠੰਡਾ ਕਰ ਦਿੱਤਾ ਸੀ, ਲੇਕਿ ਸ਼ਮਾ-ਏ-ਆਜ਼ਾਦੀ ਦੇ ਸ਼ੋਲੇ ਬੁੱਝਨ ਦੀ ਬਜਾਏ ਰਾਖ ਦੇ ਹੇਠ ਸੁਲਗਦੇ ਰਹੇ ਅਤੇ ਆਖਿਰਕਾਰ ਉਨਾਂ ਸ਼ੋਲਿਆਂ ਨੇ ਦੱਬੀ ਹੋਈ ਅੱਗ ਨੂੰ ਫਿਰ ਤੋਂ ਭੜਕਾ ਦਿੱਤਾ। ਦੇਸ਼ ਭਰ ਵਿਚ ਵੱਖ ਵੱਖ ਪਾਰਟੀਆਂ ਅਤੇ ਵੱਖ ਵੱਖ ਧਰਮਾਂ ਦੇ ਲੋਕਾਂ ਨੇ ਗੁਲਾਮੀ ਦੀ ਜੰਜੀਰ ਤੋੜਨ ਦਾ ਇਰਾਦਾ ਕਰਦੇ ਹੋਏ ਮੈਦਾਨ ਵਿਚ ਕਦਮ ਰੱਖਾ। ਜੰਗੇ ਆਜ਼ਾਦੀ ਦੇ ਪਰਵਾਨਿਆਂ ਦੀ ਅਜਿਹੀ ਇਕ ਪਾਰਟੀ ਦਾ ਨਾਮ ਹੈ ''ਮਜਲਿਸ ਅਹਿਰਾਰ ਇਸਲਾਮ ਹਿੰਦ''। ਅਹਿਰਾਰ ਪਾਰਟੀ ਦੀ ਸਥਾਪਨਾ 29 ਦਸੰਬਰ 1929 ਵਿਚ ਪ੍ਰਸਿੱਧ ਆਜ਼ਾਦੀ ਘੁਲਾਈਏ ਰਈਸ-ਉਲ-ਅਹਿਰਾਰ ਮੌਲਾਨਾ ਹਬੀਬ-ਉਰ-ਰਹਿਮਾਨ ਲੁਧਿਆਣਵੀ ਅਤੇ ਉਨ੍ਹਾਂ ਦੇ ਸਾਥੀ ਸੱਯਦ ਅਤਾਉਲਾਹ ਸ਼ਾਹ ਬੁਖਾਰੀ, ਚੌਧਰੀ ਅਫ਼ਜਲ ਹਕ, ਹੱਸਾਮੁਦੀਨ ਆਦਿ ਨੇ ਕੀਤੀ। ਮਜਲਿਸ ਅਹਿਰਾਰ ਇਸਲਾਮ ਹਿੰਦ ਨੇ ਆਜ਼ਾਦੀ ਦੀ ਲੜਾਈ ਵਿਚ ਅਨੇਕਾਂ ਸ਼ਹੀਦੀਆਂ ਦਿੱਤੀਆਂ। ਪ੍ਰਸਿੱਧ ਇਤਿਹਾਸਕਾਰ ਮਾਸਟਰ ਤਾਰਾ ਸਿੰਘ ਜੀ ਨੇ ਆਪਣੀ ਕਿਤਾਬ ''ਹਿੱਸਟਰੀ ਫਰੀਡਮ ਮੂਵਮੇਂਟ ਇਨ ਇੰਡੀਆ'' ਦੇ ਪੰਨਾਂ ਨੰ: 282 'ਤੇ ਅਹਿਰਾਰ ਪਾਰਟੀ ਦਾ ਜ਼ਿਕਰ ਕਰਦੇ ਹੋਏ ਲਿਖਿਆ ਹੈ, '' ਮਜਲਿਸ ਅਹਿਰਾਰ ਇਸਲਾਮ ਹਿੰਦ ਦੇ ਨੇਤਾਵਾਂ ਵਿਸ਼ੇਸ਼ ਕਰ ਰਈਸ-ਉਲ-ਅਹਿਰਾਰ ਮੌਲਾਨਾ ਹਬੀਬ-ਉਰ-ਰਹਿਮਾਨ ਲੁਧਿਆਣਵੀ ਨੇ ਅੰਗਰੇਜ ਸਰਕਾਰ ਖਿਲਾਫ ਬਗਾਵਤ ਦਾ ਆਗਾਜ਼ ਕਰਦੇ ਹੋਏ ਸਭ ਤੋਂ ਪਹਿਲਾਂ ਬਿਨਾਂ ਕਿਸੇ ਸ਼ਰਤ 'ਤੇ ਦੇਸ਼ ਨੂੰ ਆਜ਼ਾਦ ਕਰਾਉਣ ਦਾ ਫੈਸਲਾ ਕੀਤਾ।'' ਜ਼ਿਕਰਯੋਗ ਹੈ ਕਿ ਮਜਲਿਸ ਅਹਿਰਾਰ ਇਸਲਾਮ ਹਿੰਦ ਚਾਹੇ ਆਜ਼ਾਦੀ ਸੰਗਰਾਮ ਵਿਚ ਮੁਸਲਮਾਨਾਂ ਦੀ ਪਾਰਟੀ ਦੇ ਤੌਰ 'ਤੇ ਜਾਣੀ ਜਾਂਦੀ ਸੀ, ਲੇਕਿਨ ਅਹਿਰਾਰ ਦੇ ਨੇਤਾਵਾਂ ਨੇ ਦੇਸ਼ ਦੀ ਆਜ਼ਾਦੀ ਦੀ ਲੜਾਈ ਵਿਚ ਸਾਰੇ ਧਰਮਾਂ ਦੇ ਨੇਤਾਵਾਂ ਦੇ ਨਾਲ ਮਿਲ ਕੇ ਕੰਮ ਕੀਤਾ। ਮਜਲਿਸ ਅਹਿਰਾਰ ਇਸਲਾਮ ਹਿੰਦ ਨੇ ਆਪਣੀ ਸਥਾਪਨਾ ਦੇ ਸਿਰਫ਼ ਦੋ ਸਾਲ ਵਿਚ ਹੀ ਅੰਗਰੇਜ਼ ਸਰਕਾਰ ਨਾਲ ਆਪਣਾ ਵਜੂਦ ਮਨਵਾ ਲਿਆ। ਅਹਿਰਾਰ ਦਾ ਮਤਲੱਬ ਹੈ ਹੁਰ-ਯਾਨਿ ਆਜ਼ਾਦੀ ਯਾਨਿ ਆਜ਼ਾਦ ਲੋਕਾਂ ਦੀ ਆਜ਼ਾਦ ਪਾਰਟੀ। ਜਿਸੇ ਸਿਵਾਏ ਆਜ਼ਾਦੀ ਦੇ ਕੋਈ ਸ਼ਰਤ ਮੰਜੂਰ ਨਾ ਸੀ। 1929 ਦਾ ਦੌਰ ਸੀ ਆਜ਼ਾਦੀ ਦੀ ਲੜਾਈ ਵਿਚ ਅਹਿਰਾਰ ਪਾਰਟੀ ਦੇ ਕਾਰਜਕਰਤਾਵਾਂ ਨੇ ਖੁੱਲਮ-ਖੁੱਲਾ ਅੰਗਰੇਜ਼ਾਂ ਦਾ ਵਿਰੋਧ ਸ਼ੁਰੂ ਕਰ ਦਿੱਤਾ। ਅਹਿਰਾਰ ਦੇ ਸੰਸਥਾਪਕ ਰਈਸ-ਉਲ-ਅਹਿਰਾਰ ਮੌਲਾਨਾ ਹਬੀਬ-ਉਰ-ਰਹਿਮਾਨ ਲੁਧਿਆਣਵੀ ਨੂੰ ਅੰਗਰੇਜ਼ ਸਰਕਾਰ ਨੇ ਗ੍ਰਿਫ਼ਤਾਰ ਕਰ ਲਿਆ ਅਤੇ ਜਦੋਂ ਆਪ ਨੂੰ ਅਦਾਲਤ ਵਿਚ ਪੇਸ਼ ਕੀਤਾ ਗਿਆ ਤਾਂ ਮੌਲਾਨਾ ਲੁਧਿਆਣਵੀ ਨੇ ਬੜੀ ਹਿੰਮਤ ਦਾ ਪ੍ਰਦਰਸ਼ਨ ਕਰਦੇ ਹੋਏ ਕਿਹਾ ਅੰਗਰੇਜ਼ ਸਰਕਾਰ ਜਾਲਿਮ ਹੈ ਅਤੇ ਜੁਲਮ ਦੇ ਖਿਲਾਫ ਜੇਕਰ ਲੜਨਾ ਜੁਰਮ ਹੈ ਤਾਂ ਮੈਂ ਆਪਣਾ ਜੁਰਮ ਕਬੂਲ ਕਰਦਾ ਹਾਂ। 1929 ਈ: ਤੋਂ ਲੈਕੇ ਹੁਣ ਤੱਕ ਅਹਿਰਾਰ ਪਾਰਟੀ ਨੇ ਜਿੱਨੇ ਵੀ ਅੰਦੋਲਨ ਚਲਾਏ, ਉਨ੍ਹਾਂ ਵਿਚ ਅਹਿਰਾਰ ਦੇ ਹਜ਼ਾਰਾਂ ਕਾਰਜਕਰਤਾ ਗਿਫ਼ਤਾਰ ਹੋਏ ਅਤੇ ਸ਼ਹੀਦ ਵੀ ਹੋਏ। ਸਿਵਲ ਨਾਫਰਮਾਨੀ ਦੇ ਅੰਦੋਲਨ ਵਿਚ ਅਹਿਰਾਰ ਪਾਰਟੀ ਨੇ ਵੱਧ ਚੜ੍ਹ ਕੇ ਹਿੱਸਾ ਲਿਆ। ਦੇਸ਼ ਭਰ ਵਿਚ 70 ਹਜ਼ਾਰ ਵਰਕਰ ਗ੍ਰਿਫ਼ਤਾਰ ਹੋਏ। ਸੰਨ 1931 ਈ: ਵਿਚ ਜਦੋਂ ਮਹਾਰਾਜਾ ਕਸ਼ਮੀਰ ਨੇ ਯੂਨੀਅਨ ਜੈਕ ਉਤਰਵਾ ਦਿੱਤਾ ਅਤੇ ਫਿਰ ਅੰਗਰੇਜ਼ ਨੇ ਕਸ਼ਮੀਰੀ ਜਨਤਾ ਨੂੰ ਗੁੰਮਰਾਹ ਕਰਨ ਦੀ ਕੋਸ਼ਿਸ ਕੀਤੀ ਤਾਂ ਅਹਿਰਾਰ ਪਾਰਟੀ ਦੇ ਹਜ਼ਾਰਾਂ ਕਾਰਜਕਰਤਾ ਕਸ਼ਮੀਰ ਪਹੁੰਚ ਗਏ। ਜੇਲ੍ਹਾਂ ਭਰ ਦਿੱਤੀਆਂ ਗਈਆਂ ਆਖਿਰਕਾਰ ਅਹਿਰਾਰ ਦੀ ਮੰਗ ਮੰਜੂਰੀ ਹੋਈ ਅਤੇ ਕਸ਼ਮੀਰ ਵਿਚ ਇਕ ਜਿੰਮੇਦਾਰ ਸਰਕਾਰ ਦੀ ਮੰਗ ਮਨ ਲਈ ਗਈ। 1939 ਈ: ਵਿਚ ਦੂਜੇ ਵਿਸ਼ਵ ਯੁੱੱਧ ਦੀ ਸ਼ੁਰੂਆਤ ਹੋਈ ਅਤੇ ਅੰਗਰੇਜ਼ ਨੇ ਦੇਸ਼ ਭਰ ਵਿਚ ਫੌਜ਼ੀ ਭਰਤੀ ਸ਼ੁਰੂ ਕਰ ਦਿੱਤੀ ਤਾਂ ਮਜਲਿਸ ਅਹਿਰਾਰ ਇਸਲਾਮ ਹਿੰਦ ਨੇ ਨਾ ਸਿਰਫ਼ ਅੰਗਰੇਜ ਫੌਜ ਵਿਚ ਭਰਤੀ ਦਾ ਬਾਅਕਾਟ ਦਾ ਐਲਾਨ ਕੀਤਾ, ਬਲਕਿ ਅੰਗਰੇਜ਼ ਸਰਕਾਰ ਦੇ ਖ਼ਿਲਾਫ ਅੰਦੋਲਨ ਸ਼ੁਰੂ ਕਰ ਦਿੱਤਾ। ਸੀਨੀਅਰ ਅਹਿਰਾਰੀ ਨੇਤਾਵਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ, ਲੇਕਿਨ ਅਹਿਰਾਰ ਪਾਰਟੀ ਦਾ ਇਹ ਅੰਦੋਲਨ ਕਮਜ਼ੋਰ ਨਾ ਹੋ ਸਕਿਆ। ਇਸ ਅੰਦੋਲਨ ਵਿਚ ਪੰਜਾਬ ਤੋਂ ਅਹਿਰਾਰ ਦੇ ਤਿੰਨ ਹਜ਼ਾਰ ਵਰਕਰ ਅਤੇ 45 ਨੇਤਾ, ਸੂਬਾ ਸਰਹੰਦ ਵਿਚ ਇਕ ਹਜ਼ਾਰ ਵਰਕਰ 10 ਨੇਤਾ, ਯੂਪੀ ਵਿਚ ਪੰਜ ਹਜ਼ਾਰ ਵਰਕਰ, ਬੰਗਾਲ ਵਿਚ ਪੰਜ ਹਜਾਰ ਵਰਕਰ, ਮੁੰਬਈ ਵਿਚ ਇਕ ਹਜ਼ਾਰ ਵਰਕਰ ਅਤੇ ਬਿਹਾਰ ਵਿਚ ਦੋ ਹਜ਼ਾਰ ਵਰਕਰ ਅਤੇ ਅਨੇਕਾਂ ਨੇਤਾ ਗ੍ਰਿਫ਼ਤਾਰ ਹੋਏ ਅਤੇ ਉਨ•ਾਂ ਨੂੰ ਇਸ ਜੁਰਮ ਵਿਚ ਸਜਾ ਵੀ ਦਿੱਤੀ ਗਈ। ਰਈਸ-ਉਲ-ਅਹਿਰਾਰ ਮੌਲਾਨਾ ਹਬੀਬ-ਉਰ-ਰਹਿਮਾਨ ਲੁਧਿਆਣਵੀ ਨੂੰ ਕਈ ਮੌਕਿਆਂ 'ਤੇ ਆਪਣੇ ਭਾਸ਼ਣ ਦੇ ਦੌਰਾਨ ਇਹ ਕਹਿੰਦੇ ਹੋਏ ਸੁਣਿਆ ਗਿਆ ਕਿ ''ਮੇਰੇ ਕੋਲ 50 ਹਜ਼ਾਰ ਵਰਕਰ ਹਨ ਜਿਹੜੇ ਦੇਸ਼ ਦੀ ਕਿਸੇ ਵੀ ਸਿਆਸੀ ਪਾਰਟੀ ਨਾਲ ਵੱਡੀ ਤਾਕਤ ਹੈ''। ਅੰਗਰੇਜ਼ ਸਰਕਾਰ ਦੇ ਅਨੁਮਾਨ ਦੇ ਅਨੁਸਾਰ ਸਾਰੇ ਅਹਿਰਾਰੀ ਨੇਤਾਵਾਂ ਨੇ 10-10 ਸਾਲ ਦਾ ਸਮਾਂ ਦੇਸ਼ ਦੀ ਆਜ਼ਾਦੀ ਦੇ ਲਈ ਅੰਗਰੇਜ਼ਾਂ ਦੀਆਂ ਜੇਲਾਂ ਵਿਚ ਗੁਜ਼ਾਰਿਆ, ਜਦੋਂ ਅੰਗਰੇਜ਼ ਨੇ ਰੇਲਵੇ ਸਟੇਸ਼ਨਾਂ 'ਤੇ ਹਿੰਦੂ ਪਾਣੀ ਅਤੇ ਮੁਸਲਮਾਨ ਪਾਣੀ ਦੀ ਆਵਾਜ਼ ਲਗਵਾਉਣੀ ਸ਼ੁਰੂ ਕੀਤੀ ਤਾਂ ਅਹਿਰਾਰ ਪਾਰਟੀ ਨੇ ਇਸ ਸਾਜਿਸ਼ ਨੂੰ ਭਾਂਪਿਆ ਅਤੇ ਇਕ ਪਾਣੀ ਪੀਣ ਦਾ ਐਲਾਨ ਕਰ ਦਿੱਤਾ ਅਤੇ 1947 ਈ: ਵਿਚ ਦੇਸ਼ ਆਜ਼ਾਦ ਹੋ ਗਿਆ, ਲੇਕਿਨ ਅਹਿਰਾਰ ਦੇ ਵਿਰੋਧ ਦੇ ਬਾਵਜੂਦ ਪਾਕਿਸਤਾਨ ਬਣਿਆ ਤਾਂ ਦੇਸ਼ ਦੀ ਆਜ਼ਾਦੀ ਦਾ ਇਕ ਹਿੱਸਾ ਫਸਾਦ ਦੀ ਭੇਂਟ ਚੜ੍ਹ ਗਿਆ। ਆਜ਼ਾਦੀ ਦੀਆਂ ਖੁਸ਼ੀਆਂ ਵਿਚ ਇਕ ਵੱਡਾ ਸਦਮਾ ਅਹਿਰਾਰ ਪਾਰਟੀ ਦੇ ਨੇਤਾਵਾਂ ਨੂੰ ਸਹਿਣ ਕਰਨਾ ਪਿਆ ਕਿਉਂਕਿ ਜਿਆਦਾਤਰ ਅਹਿਰਾਰ ਪਾਰਟੀ ਦੇ ਨੇਤਾ ਪੰਜਾਬ ਨਾਲ ਸੰੰਬੰਧ ਰੱਖਦੇ ਸੀ। ਵੰਡ ਦੇ ਬਾਅਦ ਰਈਸ-ਉਲ-ਅਹਿਰਾਰ ਮੌਲਾਨਾ ਹਬੀਬ-ਉਰ-ਰਹਿਮਾਨ ਲੁਧਿਆਣਵੀ ਦਿੱਲੀ ਵਿਖੇ ਰਹਿਣ ਲੱਗੇ। ਪੰਡਿਤ ਜਵਾਹਰ ਲਾਲ ਨਹਿਰੂ ਜੀ ਨੇ ਮੌਲਾਨਾ ਹਬੀਬ-ਉਰ-ਰਹਿਮਾਨ ਲੁਧਿਆਣਵੀ ਨੂੰ ਮੰਤਰੀ ਮੰਡਲ ਵਿਚ ਆਉਣ ਦੀ ਪੇਸ਼ਕਸ਼ ਕੀਤੀ, ਲੇਕਿਨ ਮੌਲਾਨਾ ਨੇ ਇਹ ਕਹਿ ਕੇ ਇਨਕਾਰ ਕਰ ਦਿੱਤਾ ਕਿ ਅਹਿਰਾਰ ਆਜ਼ਾਦੀ ਦੀ ਕੀਮਤ ਨਹੀਂ ਲੈਂਦੇ, ਸਾਰੀ ਜ਼ਿੰਦਗੀ ਅਹਿਰਾਰ ਦੇ ਸੰਸਥਾਪਕ ਨਾਲ ਪੰਡਿਤ ਜਵਾਹਰ ਲਾਲ ਨਹਿਰੂ ਜੀ ਮਸ਼ਵਿਰਾ ਲੈਂਦੇ ਰਹੇ। 1956 ਈ: ਵਿਚ ਰਈਸ-ਉਲ-ਅਹਿਰਾਰ ਮੌਲਾਨਾ ਹਬੀਬ-ਉਰ-ਰਹਿਮਾਨ ਲੁਧਿਆਣਵੀ ਦਾ ਦਿੱਲੀ ਵਿਖੇ ਦਿਹਾਂਤ ਹੋ ਗਿਆ। ਦਿੱਲੀ ਦੇ ਜਾਮਾ ਮਸਜਿਦ ਦੇ ਕੱਬਰੀਸਤਾਨ ਵਿਚ ਮੌਲਾਨਾ ਲੁਧਿਆਣਵੀ ਨੂੰ ਦਫ਼ਨ ਕੀਤਾ ਗਿਆ, ਜਿਸ ਤੋਂ ਬਾਅਦ ਅਹਿਰਾਰ ਦੇਸ਼ ਦੀ ਸਿਆਸਤ ਨਾਲ ਰੂਪੋਸ਼ ਹੋਣ ਲੱਗੀ। ਅਜਿਹੇ ਵਿਚ ਅਹਿਰਾਰ ਦੇ ਸੰਸਥਾਪਕ ਮੌਲਾਨਾ ਲੁਧਿਆਣਵੀ ਦੇ ਪੋਤਰੇ ਮੁਫ਼ਤੀ-ਏ-ਆਜਮ ਪੰਜਾਬ ਮੌਲਾਨਾ ਮੁਹੰਮਦ ਅਹਿਮਦ ਰਹਿਮਾਨੀ ਦੇ ਸੁਪੱਤਰ ਪੰਜਾਬ ਦੇ ਸ਼ਾਹੀ ਇਮਾਮ ਮੌਲਾਨਾ ਹਬੀਬ-ਉਰ-ਰਹਿਮਾਨ ਸਾਨੀ ਲੁਧਿਆਣਵੀ ਨੇ ਅਹਿਰਾਰ ਪਾਰਟੀ ਦੀ ਕਮਾਨ ਸੰਭਾਲੀ। ਆਪਣੇ ਦਾਦਾ ਦੇ ਹਮਨਾਮ ਸ਼ਾਹੀ ਇਮਾਮ ਪੰਜਾਬ ਨੇ ਅਹਿਰਾਰ ਪਾਰਟੀ ਨੂੰ ਤੇਜ਼ੀ ਨਾਲ ਫੈਲਾਉਣਾ ਸ਼ੁਰੂ ਕਰ ਦਿੱਤਾ, ਜਿਸਦਾ ਨਤੀਜਾ ਹੈ ਕਿ ਅੱਜ ਅਹਿਰਾਰ ਪਾਰਟੀ ਦੇਸ਼ ਦੇ ਅਨੇਕਾਂ ਹਿੱਸਿਆਂ ਵਿਚ ਦੋਬਾਰਾ ਆਪਣਾ ਵਜੂਦ ਕਾਇਮ ਕਰ ਚੁੱਕੀ ਹੈ, ਜਿਸਦਾ ਕੰਮ ਦੇਸ਼ ਦੇ ਗੱਦਾਰਾਂ ਨੂੰ ਬੇਨਕਾਬ ਕਰਨਾ ਹੈ। ਅੱਜ ਅਹਿਰਾਰ ਪਾਰਟੀ ਨੂੰ ਸਥਾਪਿਤ ਹੋਏ 85 ਵਰ੍ਹੇ ਪੂਰੇ ਹੋ ਚੁੱਕੇ ਹਨ।                                                                                                                          -ਮੁਸਤਕੀਮ ਅਹਿਰਾਰੀ

ਫੀਲਡ ਵਰਕਰ ਵੀ ਸੰਘਰਸ਼ ਦੇ ਰਾਹ

ਡੀਸੀ ਦਫਤਰ ਸਾਹਮਣੇ ਦਿੱਤਾ ਧਰਨਾ 

ਲੁਧਿਆਣਾ: 22 ਸਤੰਬਰ 2014: (ਪੰਜਾਬ ਸਕਰੀਨ ਬਿਊਰੋ):
ਪੰਜਾਬ ਫੀਲਡ ਐਂਡ ਵਰਕਸ਼ਾਪ ਵਰਕਰਜ਼ ਯੂਨੀਅਨ ਵੱਲੋਂ ਅੱਜ ਆਪਣੀਆਂ ਮੰਗਾਂ ਨੂੰ ਲੈ ਕੇ ਡੀਸੀ ਦਫਤਰ ਸਾਹਮਣੇ ਧਰਨਾ ਦਿੱਤਾ ਗਿਇਆ ਅਤੇ ਜ਼ੋਰਦਾਰ ਨਾਅਰੇ ਬਾਜ਼ੀ ਵੀ ਕੀਤੀ ਗਈ। ਇਸ ਤੋਂ ਪਹਿਲਾਂ ਨਗਰ ਸੁਧਾਰ ਟਰਸਟ ਅੱਗੇ ਵੀ ਧਰਨਾ ਦਿੱਤਾ ਗਿਆ ਅਤੇ  ਹੜਤਾਲ ਸ਼ੁਰੂ ਕੀਤੀ ਗਈ। ਇਸ ਮੌਕੇ ਜਾਰੀ ਪ੍ਰੈਸ ਨੋਟ ਵਿੱਚ ਦੋਸ਼ ਲਗਾਇਆ ਗਿਆ ਕਿ ਸੀਵਰੇਜ ਬੋਰਡ ਅਤੇ ਨਗਰ ਸੁਧਾਰ ਟਰੱਸਟ ਦੇਅਧਿਕਰਿਅਨ ਦੀ ਆਪਸੀ ਲੜਾਈ ਵਿੱਚ ਫੀਲਡ ਵਾਲੇ ਮੁਲਾਜ਼ਮ ਬੁਰੀ ਤਰਾਂ ਪ੍ਰਭਾਵਿਤ ਹੋ ਰਹੇ ਹਨ। ਬੁਲਾਰਿਆਂ ਨੇ ਵੀ ਮੰਗ ਕੀਤੀ ਕਿ ਵਰਕਰਾਂ ਨੂੰ ਉਹਨਾਂ ਦੀ ਛੇ ਮਹੀਨਿਆਂ ਤੋਂ ਰੁਕੀ ਹੋਈ ਤਨਖਾਹ ਦੁਆਈ ਜਾਵੇ ਅਤੇ ਬਾਕੀ ਮੰਗਾਂ ਵੀ ਪੂਰੀਆਂ ਕਾਰਵਾਈਆਂ ਜਾਣ।  

ਹੁਣ ਮਗਨਰੇਗਾ ਮੁਲਾਜਮਾਂ ਦਾ ਅਗਲਾ ਨਿਸ਼ਾਨਾ ਮੋਹਾਲੀ

ਸੋਮਵਾਰ ਤੋਂ ਘੇਰਿਆ ਜਾਏਗਾ ਵਿਕਾਸ ਭਵਨ

ਲੁਧਿਆਣਾ: 19 ਸਤੰਬਰ 2014: (ਪੰਜਾਬ ਸਕਰੀਨ ਬਿਊਰੋ):

ਬੀਤੇ ਦੋ ਹਫਤੇ ਤੋਂ ਪੂਰੇ ਰਾਜ ਭਰ 'ਚ ਕਲਮ ਛੋੜ ਹੜਤਾਲ 'ਤੇ ਬੈਠੇ ਮਗਨਰੇਗਾ ਕੰਟਰੈਕਟ ਕਰਮਚਾਰੀਆਂ ਨੇ ਆਪਣੇ ਅੰਦੋਲਨ ਨੂੰ ਹੋਰ ਤੇਜ਼ ਕਰਨ ਦਾ ਫੈਸਲਾ ਕੀਤਾ ਹੈ। ਸੰਘਰਸ਼ ਨਵੀਂ ਰਣਨੀਤੀ ਨੂੰ ਧਿਆਨ ਵਿੱਚ ਰੱਖਦਿਆਂ ਮਗਨਰੇਗਾ ਕਰਮਚਾਰੀਆਂ ਨੇ ਲੁਧਿਆਣਾ ਦੀ ਮਿੰਨੀ ਸਕੱਤਰੇਤ ਸਾਹਮਣੇ ਲਾਇਆ ਭੁੱਖ ਹੜਤਾਲ ਵਾਲਾ ਟੈਂਟ ਚੁੱਕ ਲਿਆ। ਦਰਅਸਲ ਇਹਨਾਂ ਮੁਲਾਜ਼ਮਾਂ ਦਾ ਗੁੱਸਾ ਉਸ ਸਮੇਂ ਸੱਤਵੇਂ ਆਸਮਾਨ ਨੂੰ ਛੂਹਣ ਲੱਗਾ ਜਦ ਲਗਾਤਾਰ ਪੰਜਵੇਂ ਦਿਨ ਤੱਕ ਜ਼ਿਲਾ ਪੱਧਰੀ ਹੜਤਾਲ 'ਤੇ ਮਿੰਨੀ ਸਕੱਤਰੇਤ ਦੇ ਬਾਹਰ ਬੈਠੇ ਕਰਮਚਾਰੀਆਂ ਦੀ ਕਿਸੇ ਵੀ ਅਧਿਕਾਰੀ ਨੇ ਗੱਲ ਤਕ ਨਹੀਂ ਪੁੱਛੀ। ਇੰਝ ਲੱਗਦਾ ਹੈ ਜਿਵੇਂ ਸਰਕਾਰ ਅਜੇ ਵੀ ਉਸ ਨੀਤੀ 'ਤੇ ਹੀ ਚੱਲ ਰਹੀ ਹੈ ਕਿ ਸਰਕਾਰਾਂ ਉੱਪਰ ਧਰਨਿਆਂ//ਰੈਲੀਆਂ ਦਾ ਕੋਈ ਅਸਰ ਨਹੀਂ ਹੁੰਦਾ। ਇਸ ਰਵਈਏ ਤੋਂ ਨਿਰਾਸ਼ ਅਤੇ ਨਾਰਾਜ਼ ਹੋਏ ਕਰਮਚਾਰੀਆਂ ਨੇ ਰਾਜ ਦੇ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਦਾ ਪੁਤਲਾ ਫੂਕ ਕੇ ਆਪਣੇ ਦਿਲ ਦਾ ਗੁਬਾਰ ਕੱਢਿਆ। ਇਸ ਸੰਬੰਧ 'ਚ ਗੱਲਬਾਤ ਕਰਦੇ ਹੋਏ ਯੂਨੀਅਨ ਦੇ ਜ਼ਿਲਾ ਪ੍ਰਧਾਨ ਸੰਦੀਪ ਸਿੰਘ, ਉਪ ਪ੍ਰਧਾਨ ਗੁਰਪ੍ਰੀਤ ਸਿੰਘ ਨੇ ਦੱਸਿਆ ਕਿ ਪਿਛਲੇ ਕਰੀਬ ਦੋ ਹਫਤੇ ਤੋਂ ਲਗਾਤਾਰ ਰਾਜ ਭਰ 'ਚ ਛਿੜੇ ਅੰਦੋਲਨ ਦੇ ਬਾਵਜੂਦ ਸਰਕਾਰ ਦੇ ਕੰਨ 'ਤੇ ਜੂੰ ਤਕ ਨਹੀਂ ਸਰਕੀ, ਜਿਸ ਕਰਕੇ ਹੁਣ ਮਗਨਰੇਗਾ ਕੰਟਰੈਕਟ ਕਰਮਚਾਰੀ ਯੂਨੀਅਨ ਸਰਕਾਰ ਤੋਂ ਆਰ-ਪਾਰ ਲੜਾਈ ਦੇ ਲਈ 22 ਸਤੰਬਰ ਨੂੰ ਵਿਕਾਸ ਭਵਨ ਮੋਹਾਲੀ ਨੂੰ ਘੇਰਨ ਦੀ ਰਣਨੀਤੀ 'ਤੇ  ਕੰਮ ਕਰੇਗੀ। ਇਹ ਸੰਘਰਸ਼ ਮੋਹਾਲੀ ਜਾ ਕੇ ਹੋਰ ਤਿੱਖਾ ਰੂਪ ਵੀ ਲੈ ਸਕਦਾ ਹੈ। 

ਇਸ ਮੌਕੇ ਯੂਨੀਅਨ ਦੇ ਮੁੱਖ ਬੁਲਾਰੇ ਤੇ ਜਨਰਲ ਸਕੱਤਰ ਜਸਬੀਰ ਸਿੰਘ ਨੇ ਸ਼ਬਦਾਂ ਦੇ ਅਤਿ ਤਿੱਖੇ ਬਾਣ ਛੱਡਦੇ ਹੋਏ ਦੋਸ਼ ਲਗਾਏ ਕਿ ਅੱਜ ਕਲ ਦੀ ਪੜ੍ਹੀ-ਲਿਖੀ ਨੌਜਵਾਨ ਪੀੜ੍ਹੀ ਨੂੰ ਆਪਣੀ ਗੱਲ ਸਰਕਾਰ ਤਕ ਪਹੁੰਚਾਉਣ ਦੇ ਲਈ ਸਾਰੀ-ਸਾਰੀ ਰਾਤ ਸੜਕਾਂ 'ਤੇ ਭਟਕਣ ਦੇ ਲਈ ਮਜਬੂਰ ਹੋਣਾ ਪੈ ਰਿਹਾ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਇਸ ਸੰਬੰਧ 'ਚ ਯੂਨੀਅਨ ਨੇ ਇਕ ਮੰਗ ਪੱਤਰ ਕੈਬਨਿਟ ਮੰਤਰੀ ਸ਼ਰਨਜੀਤ ਸਿੰਘ ਢਿੱਲੋਂ ਨੂੰ ਵੀ ਸੌਂਪਿਆ ਹੈ। ਰੋਹ ਵਿੱਚ ਆਏ ਮਗਨਰੇਗਾ ਮੁਲਾਜਮ ਜਦੋਂ ਭਾਰਤ ਨਗਰ ਵੱਲ ਮਾਰਚ ਕਰਦੇ ਤੁਰੇ ਤਾਂ ਹੱਕੀ ਬੱਕੀ ਪੁਲਿਸ ਨੇ ਤੁਰੰਤ ਸਾਰਾ ਇਲਾਕਾ ਘੇਰ ਲਿਆ ਅਤੇ ਇੱਕ ਵਾਰ ਤਾਂ ਮਿੰਨੀ ਸਕੱਤਰੇਤ ਪੁਲਸ ਛਾਉਣੀ 'ਚ ਬਦਲ ਗਿਆ। ਆਪਣੀਆਂ ਲਟਕ ਰਹੀਆਂ ਮੰਗਾਂ ਨੂੰ ਲੈ ਕੇ ਜਦ ਵੱਡੀ ਗਿਣਤੀ 'ਚ ਮਿੰਨੀ ਸਕੱਤਰੇਤ 'ਚ ਇਕੱਠੇ ਹੋਏ ਯੂਨੀਅਨ ਦੇ ਕਰਮਚਾਰੀਆਂ ਦੇ ਪ੍ਰਦਰਸ਼ਨ ਦੇ ਲਈ ਭਾਰਤ ਨਗਰ ਚੌਕ ਦੇ ਲਈ ਪੈਦਲ ਕੂਚ ਕਰਨ ਦੀ ਘੋਸ਼ਣਾ ਕੀਤੀ ਤਾਂ ਮੌਕੇ 'ਤੇ ਮੌਜੂਦ ਪੁਲਸ ਵਿਭਾਗ ਦੇ ਸਾਹ ਫੁੱਲ ਗਏਸ ਇੱਕ ਦਮ ਹਰਕਤ ਵਿੱਚ ਆਈ ਤੇ ਦੇਖਦੇ ਹੀ ਦੇਖਦੇ ਮਿੰਨੀ ਸਕੱਤਰੇਤ ਕੰਪਲੈਕਸ ਪੁਲਸ ਛਾਉਣੀ 'ਚ ਬਦਲ ਗਿਆ। ਜੇਕਰ ਸੂਤਰਾਂ ਤੋਂ ਮਿਲੇ ਹਵਾਲੇ 'ਤੇ ਯਕੀਨ ਕੀਤਾ ਜਾਵੇ ਤਾਂ ਪੁਲਸ ਪ੍ਰਸ਼ਾਸਨ ਨੂੰ ਖਬਰ ਮਿਲੀ ਸੀ ਕਿ ਵੱਡੀ ਗਿਣਤੀ 'ਚ ਇਕੱਠੇ ਹੋਏ ਯੂਨੀਅਨ ਦੇ ਮੁਲਾਜ਼ਮ ਭਾਰਤ ਨਗਰ ਚੌਕ 'ਚ ਧਰਨਾ ਪ੍ਰਦਰਸ਼ਨ ਕਰ ਸਕਦੇ ਹਨ।  ਜੇ ਕਿਤੇ ਅਜਿਹਾ ਹੋ ਜਾਦਾ ਤਾਂ  ਪੂਰੇ ਸ਼ਹਿਰ ਦੀ ਟ੍ਰੈਫਿਕ ਵਿਵਸਥਾ ਚਰਮਰਾ ਜਾਣੀ ਸੀ ਪਰ ਗਨੀਮਤ ਇਹ ਰਹੀ ਕਿ ਯੂਨੀਅਨ ਵਲੋਂ ਸ਼ਾਂਤੀ ਪੂਰਨ ਢੰਗ ਤਰੀਕਾ ਕਾਇਮ ਰੱਖਦਿਆਂ ਪੈਦਲ ਮਾਰਚ ਦੇ ਬਾਅਦ ਮਿੰਨੀ ਸਕੱਤਰੇਤ 'ਚ ਹੀ ਧਰਨਾ ਦਿੱਤਾ ਗਿਆ। ਇਸ ਧਰਨੇ ਦੇ ਸਮਾਪਨ 'ਤੇ ਯੂਨੀਅਨ ਦੇ ਬੁਲਾਰੇ ਨੇ ਦੱਸਿਆ ਕਿ ਹੁਣ ਮੋਹਾਲੀ ਵਿੱਚ ਸੰਘਰਸ਼ ਦਾ ਅਗਲਾ ਰੂਪ ਦਿਖਾਇਆ ਜਾਏਗਾ। 

ਅਜਨਾਲਾ ਖੂਹ: 23 ਅਗਸਤ ਨੂੰ ਸਵੇਰੇ ਤੁਰੇਗਾ ਇਤਿਹਾਸਿਕ ਕਾਫ਼ਿਲਾ

Mon, Aug 11, 2014 at 1:59 PM 
ਹਰਿ ਕੀ ਪੌੜੀ ਹਰਿਦੁਆਰ ਵਿਖੇ 24 ਅਗਸਤ ਨੂੰ ਹੋਵੇਗਾ ਵਿਸ਼ੇਸ਼ ਸਮਾਗਮ 

ਸ਼ਾਂਤੀਕੁੰਜ ਆਸ਼ਰਮ ਹਰਿਦੁਆਰ ਦੇ ਅਧਿਕਾਰੀਆਂ ਨਾਲ ਅਸਥੀਆਂ ਦੇ ਜਲਪ੍ਰਵਾਹ ਸੰਬੰਧੀ ਗਲਬਾਤ ਕਰਦੇ ਹੋਏ ਇਤਿਹਾਸਕਾਰ ਸ਼੍ਰੀ ਸੁਰਿੰਦਰ ਕੋਛੜ

*ਕੌਮੀ ਵਿਦ੍ਰੋਹ ਦੇ ਸੈਨਿਕਾਂ ਨੂੰ 24 ਅਗਸਤ ਵਾਲੇ ਦਿਨ ਮਿਲੇਗੀ ਗੰਗਾ ਵਿਚ ਮੁਕਤੀ--ਕੋਛੜ

*ਸੈਨਿਕਾਂ ਦੀਆਂ ਅਸਥੀਆਂ ਨੂੰ ਜਲਪ੍ਰਵਾਹ ਤੋਂ ਪਹਿਲਾਂ ਦਵਾਂਗੇ ਸ਼ਰਧਾਂਜ਼ਲੀ-ਸ਼੍ਰੀ ਗੰਗਾ ਸਭਾ

*ਸ਼ਾਂਤੀਕੁੰਜ ਦੇ ਪ੍ਰਮੁਖ ਵਿਦਵਾਨ ਪ੍ਰੋਹਿਤਾਂ ਵੱਲੋਂ ਕਰਾਇਆ ਜਾਵੇਗਾ ਤਰਪਣ-ਡਾ਼ ਪਾਂਡੇਯ

ਇਤਿਹਾਸਕਾਰ ਕੋਛੜ ਨੇ ਸੈਨਿਕਾਂ ਦੀਆਂ ਅਸਥੀਆਂ ਨੂੰ ਗੰਗਾ ਵਿਚ ਪ੍ਰਵਾਹ ਕਰਨ ਹਿਤ ਕੀਤੀ ਸ਼੍ਰੀ ਗੰਗਾ ਸਭਾ, ਪਤੰਜਲੀ ਯੋਗ ਪੀਠ, ਦੇਵ ਸੰਸਕ੍ਰਿਤ ਯੂਨੀਵਰਸਿਟੀ ਸਹਿਤ ਦੋ ਦਰਜਨ ਤੋਂ ਵਧੇਰੇ ਪ੍ਰਮੁਖ ਵਿਦਵਾਨ ਸੰਤਾਂ ਨਾਲ ਹਰਿਦੁਆਰ ਵਿਚ ਮੀਟਿਂਗ

ਅੰਮ੍ਰਿਤਸਰ: 11 ਅਗਸਤ 2014: (ਪੰਜਾਬ ਸਕਰੀਨ ਬਿਊਰੋ): ਸੰਨ 1857 ਦੇ ਰਾਸ਼ਟਰੀ ਵਿਦ੍ਰੋਹ ਵਿਚ ਸ਼ਹੀਦ ਹੋਏ ਹਿੰਦੁਸਤਾਨੀ ਸੈਨਿਕਾਂ ਦੀਆਂ ਅਸਥੀਆਂ ਨੂੰ 24 ਅਗਸਤ ਨੂੰ ਹਰਿਦੁਆਰ ਪਵਿਤਰ ਗੰਗਾ ਵਿਚ ਸੰਪੂਰਨ ਧਾਰਮਿਕ ਵਿਧੀ ਅਤੇ ਸਨਮਾਨ ਸਹਿਤ ਜਲਪ੍ਰਵਾਹ ਕਰ ਦਿਤਾ ਜਾਵੇਗਾ।ਇਹ ਜਾਣਕਾਰੀ ਇਤਿਹਾਸਕਾਰ ਤੇ ਖੋਜਕਰਤਾ ਸ਼੍ਰੀ ਸੁਰਿੰਦਰ ਕੋਛੜ ਨੇ ਅਜਨਾਲਾ ਦੇ ਖੂਹ ਵਿਚੋਂ 157 ਵਰ੍ਹਿਆਂ ਬਾਅਦ ਕਢਵਾਈਆਂ ਹਿੰਦੁਸਤਾਨੀ ਸੈਨਿਕਾਂ ਦੀਆਂ ਅਸਥੀਆਂ ਨੂੰ ਹਰਿਦੁਆਰ ਗੰਗਾ ਵਿਚ ਜਲਪ੍ਰਵਾਹ ਕਰਨ ਹਿਤ ਸ਼੍ਰੀ ਗੰਗਾ ਸਭਾ ਰਜਿਸਟਰਡ, ਪਤੰਜ਼ਲੀ ਯੋਗ ਪੀਠ, ਦੇਵ ਸੰਸਕ੍ਰਿਤ ਯੂਨੀਵਰਸਿਟੀ, ਸ਼ਾਂਤੀ ਕੁੰਜ ਆਸ਼ਰਮ, ਸ਼ਿਵਾਯਤਨ ਆਸ਼ਰਮ, ਸ਼੍ਰੀ ਲੋਕੇਸ਼ਧਾਮ ਆਸ਼ਰਮ, ਤ੍ਰਿਪੁਰਾ ਯੋਗ ਆਸ਼ਰਮ ਸਹਿਤ ਦੋ ਦਰਜ਼ਨ ਤੋਂ ਜ਼ਿਆਦਾ ਵਿਦਵਾਨ ਸੰਤਾਂ ਨਾਲ ਮੀਟਿੰਗ ਕਰਨ ਦੇ ਬਾਅਦ ਅਜ ਦੁਪਿਹਰ ਅੰਮ੍ਰਿਤਸਰ ਪਰਤਣ ਤੇ ਦਿਤੀ।

ਦੇਵ ਸੰਸਕ੍ਰਿਤ ਯੂਨੀਵਰਸਿਟੀ ਦੇ ਕੁਲਪਤੀ ਡਾ਼ ਪ੍ਰਣਵ ਪਾਂਡੇਯ ਨਾਲ ਸਾਮੁਹਿਕ ਤਰਪਣ ਸੰਬੰਧੀ ਗਲਬਾਤ ਕਰਦੇ ਹੋਏ ਸ਼੍ਰੀ ਸੁਰਿੰਦਰ ਕੋਛੜ

ਸ਼੍ਰੀ ਕੋਛੜ ਨੇ ਦਸਿਆ ਕਿ ਰਾਸ਼ਟਰੀ ਵਿਦ੍ਰੋਹ ਵਿਚ ਸ਼ਹੀਦ ਹੋਏ ਹਿੰਦੁਸਤਾਨੀ ਸੈਨਿਕਾਂ ਦੀਆਂ ਅਸਥੀਆਂ ਨੂੰ ਜਲਪ੍ਰਵਾਹ ਕਰਨ ਲਈ 23 ਅਗਸਤ ਨੂੰ ਸਵੇਰੇ 6 ਵਜੇ ਅਜਨਾਲਾ ਤੋਂ ਭਾਰੀ ਜੁਲੂਸ ਦੇ ਰੂਪ ਵਿਚ ਗੁਰਦੁਆਰਾ ਸ਼ਹੀਦ ਗੰਜ ਕਮੇਟੀ ਵਲੋਂ ਹਰਿਦੁਆਰ ਲੈ ਜਾਇਆ ਜਾਵੇਗਾ। ਅਗਲੇ ਦਿਨ 24 ਅਗਸਤ ਨੂੰ ਦੇਵ ਸੰਸਕ੍ਰਿਤ ਯੂਨੀਵਰਸਿਟੀ ਦੇ ਕੁਲਪਤੀ ਅਤੇ ਅਖਿਲ ਵਿਸ਼ਵ ਗਾਯਤਰੀ ਪਰਿਵਾਰ ਦੇ ਪ੍ਰਮੁਖ ਡਾ਼ ਪ੍ਰਣਵ ਪਾਂਡੇਯ ਦੇ ਦਿਸ਼ਾ^ਨਿਰਦੇਸ਼ ਹੇਠ ਸਵੇਰੇ 7 ਵਜੇ ਤੋਂ ਸਾਢੇ ਅਠ ਵਜੇ ਤਕ ਗਾਯਤਰੀ ਤੀਰਥ ਵਿਚ ਸ਼ਹੀਦ ਸੈਨਿਕਾਂ ਦੀ ਆਤਮਿਕ ਸ਼ਾਂਤੀ ਲਈ ਆਸ਼ਰਮ ਦੇ ਪ੍ਰਮੁਖ ਵਿਦਵਾਨ ਪ੍ਰੋਹਿਤਾਂ ਦੁਆਰਾ ਤਰਪਣ ਕਰਾਇਆ ਜਾਵੇਗਾ। ਇਸ ਦੇ ਬਾਅਦ ਸਨਮਾਨ ਸਹਿਤ ਅਸਥੀਆਂ ਨੂੰ ਆਸ਼ਰਮ ਦੇੇ ਆਗੂਆਂ ਸਹਿਤ ਅਚਾਰਿਆ ਸਵਾਮੀ ਸ਼ੰਕਰਾਨੰਦ ਪਰਵਤ, ਸਵਾਮੀ ਨਬਿੰਦੁਪੂਰੀ, ਸਵਾਮੀ ਦਯਾਨੰਦ, ਸਵਾਮੀ ਹਿਰਦੇਨੰਦ ਆਦਿ 50 ਤੋਂ ਵਧੇਰੇ ਵਿਦਵਾਨ ਸੰਤਾਂ ਅਤੇ ਹਜ਼ਾਰਾਂ ਨਾਗਰਿਕਾਂ ਦੀ ਹਾਜ਼ਰੀ ਵਿਚ ਕਨਖਲ ਲੈ ਜਾਇਆ ਜਾਵੇਗਾ।

ਸ਼੍ਰੀ ਗੰਗਾ ਸਭਾ ਦੇ ਕਾਰਜਕਾਰੀ ਪ੍ਰਧਾਨ ਸ਼੍ਰੀ ਪ੍ਰਸ਼ੋਤਮ ਸ਼ਰਮਾ ਰਾਸ਼ਟਰੀ ਵਿਦ੍ਰੋਹ 'ਚ ਸ਼ਹੀਦ ਹੋਏ ਹਿੰਦੁਸਤਾਨੀ ਸੈਨਿਕਾਂ ਦੀਆਂ ਅਸਥੀਆਂ ਨੂੰ ਗੰਗਾ ਵਿਚ ਪ੍ਰਵਾਹ ਕਰਨ ਸੰਬੰਧੀ ਇਤਿਹਾਸਕਾਰ ਸ਼੍ਰੀ ਸੁਰਿੰਦਰ ਕੋਛੜ ਨਾਲ ਵਿਚਾਰ^ਵਟਾਂਦਰਾ ਕਰਦੇ ਹੋਏ।

ਸ਼੍ਰੀ ਕੋਛੜ ਨੇ ਦਸਿਆ ਕਿ ਸ਼੍ਰੀ ਗੰਗਾ ਸਭਾ ਦੇ ਕਾਰਜਕਾਰੀ ਪ੍ਰਧਾਨ ਸ਼੍ਰੀ ਪ੍ਰਸ਼ੋਤਮ ਸ਼ਰਮਾ ਨਾਲ ਹੋਈ ਮੀਟਿੰਗ ਵਿਚ ਸ਼੍ਰੀ ਸ਼ਰਮਾ ਨੇ ਉਹਨਾਂ ਨੂੰ ਕਿਹਾ ਕਿ ਰਾਸ਼ਟਰੀ ਵਿਦ੍ਰੋਹ ਵਿਚ ਸ਼ਹੀਦ ਹੋਏ ਹਿੰਦੁਸਤਾਨੀ ਸੈਨਿਕਾਂ ਦੀਆਂ ਅਸਥੀਆਂ ਨੂੰ ਸਾਮੂਹਿਕ ਤੌਰ 'ਤੇ ਗੰਗਾ ਵਿਚ ਜਲਪ੍ਰਵਾਹ ਕਰਨਾ ਅਤੇ ਉਪਰੋਕਤ ਸਮਾਰੋਹ ਵਿਚ ਸ਼ਾਮਲ ਹੋਣਾ ਪੂਰੇ ਉਤਰਾਖੰਡ ਸੂਬੇ ਦੇ ਲੋਕਾਂ ਲਈ ਮਾਣ ਦੀ ਗਲ ਹੈ।ਉਹਨਾਂ ਕਿਹਾ ਕਿ ਅਸਥੀਆਂ ਨੂੰ ਜਲਪ੍ਰਵਾਹ ਤੋਂ ਪਹਿਲਾਂ ਸ਼੍ਰੀ ਗੰਗਾ ਸਭਾ ਦੇ ਅਧਿਕਾਰੀ ਅਤੇ ਹਰਿਦੁਆਰ ਦੇ ਆਮ ਨਾਗਰਿਕ ਹਰ ਕੀ ਪੌੜੀ ਵਿਖੇ ਸ਼ਰਧਾਂਜਲੀ ਭੇਟ ਕਰਨਗੇ।

ਪਤੰਜਲੀ ਯੋਗ ਪੀਠ ਦੇ ਸ਼੍ਰੀ ਬਾਲ ਕਿਸ਼ਨ ਨੂੰ ਅਜਨਾਲਾ ਵਿਚ ਸੰਨ 1857 'ਚ ਹੋਏ ਖੂਨੀ ਸਾਕੇ ਦੇ ਸੰਬੰਧ ਵਿਚ ਜਾਣਕਾਰੀ ਦਿੰਦੇ ਹੋਏ ਸ਼੍ਰੀ ਸੁਰਿੰਦਰ ਕੋਛੜ

ਅਜਨਾਲਾ ਦੇ ਉਪਰੋਕਤ ਖੂਹ ਦੀ ਖੋਜ ਕਰਕੇ ਉਸ ਵਿਚੋਂ ਸ਼ਹੀਦ ਸੈਨੀਕਾਂ ਦੀਆਂ ਅਸਥੀਆਂ ਕਢਵਾਉਣ ਵਿਚ ਪ੍ਰਮੁਖ ਭੂਮਿਕਾ ਨਿਭਾਉਣ ਵਾਲੇ ਇਤਿਹਾਸਕਾਰ ਸ਼੍ਰੀ ਕੋਛੜ ਨੇ ਪਤੰਜਲੀ ਯੋਗ ਪੀਠ ਦੇ ਪ੍ਰਮੁਖ ਸਵਾਮੀ ਰਾਮਦੇਵ ਦੇ ਸਾਥੀ ਸ਼੍ਰੀ ਬਾਲ ਕਿਸ਼ਨ, ਪਤੰਜਲੀ ਮਠ ਦੇ ਸਵਾਮੀ ਅਚਾਰਿਆ ਸ਼ੰਕਰਾਨੰਦ ਪਰਵਤ, ਸਵਾਮੀ ਨਬਿੰਦੁਪੂਰੀ, ਸਵਾਮੀ ਸ਼ਾਰਦਾਨੰਦ, ਸਵਾਮੀ ਦਰਸ਼ਨਾਨੰਦ, ਸਵਾਮੀ ਦਯਾਨੰਦ, ਸਵਾਮੀ ਹਿਰਦੇਨੰਦ ਆਦਿ ਨਾਲ ਮੁਲਾਕਾਤ ਕਰਕੇ ਉਨ੍ਹਾਂ ਨੂੰ ਅਜਨਾਲੇ ਦੇ ਉਪਰੋਕਤ ਸ਼ਹੀਦੀ ਖੂਹ ਦੇ ਸੰਬੰਧ ਵਿਚ ਪ੍ਰਕਾਸ਼ਿਤ ਲਿਟਰੇਚਰ ਭੇਟ ਕਰਦਿਆਂ ਦਸਿਆ ਕਿ ਹਿੰਦੁਸਤਾਨੀ ਸੈਨਿਕਾਂ ਦੀਆਂ ਪਿੰਜਰਾਂ ਵਿਚ ਤਬਦੀਲ ਹੋ ਚੁਕੀਆਂ ਲਾਸ਼ਾਂ ਨਾਲ ਭਰੇ ਖੂਹ ਦੇ ਬਿਲਕੁਲ ਉਪਰ ਪਿਛਲੇ 42 ਵਰ੍ਹਿਆਂ ਤੋਂ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦਾ ਪ੍ਰਕਾਸ਼ ਕੀਤਾ ਜਾ ਰਿਹਾ ਸੀ। ਆਪਣੀ ਖੋਜ ਦੇ ਆਧਾਰ ਤੇ ਉਪਰੋਕਤ ਸਚਾਈ ਜਾਣ ਲੈਣ ਤੋਂ ਬਾਅਦ ਉਹਨਾਂ ਗੁਰਦੁਆਰੇ ਦੀ ਮੌਜੂਦਾ ਕਮੇਟੀ ਦੇ ਲੋਕਾਂ ਦੇ ਸਹਿਯੋਗ ਨਾਲ ਖੂਹ ਦੇ ਉਪਰੋਂ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦਾ ਪ੍ਰਕਾਸ਼ ਹੋਰ ਸਥਾਨ ਤੇ ਤਬਦੀਲ ਕਰਵਾ ਕੇ ਖੂਹ ਵਿਚ ਪਿਛਲੇ 157 ਸਾਲਾਂ ਤੋਂ ਦਫ਼ਨ ਪਿੰਜਰਾਂ ਨੂੰ ਸਨਮਾਨ ਸਹਿਤ ਬਾਹਰ ਕਢਵਾ ਲਿਆ। ਉਪਰੋਕਤ ਸੰਤਾਂ ਨੇ ਕਿਹਾ ਕਿ ਇਤਿਹਾਸਕਾਰ ਸ਼੍ਰੀ ਕੋਛੜ ਨੇ ਆਪਣਾ ਇਨਸਾਨੀ ਫ਼ਰਜ਼ ਨਿਭਾਉਂਦੇ ਹੋਏ ਜਿਥੇ ਮਨੁਖੀ ਲਾਸ਼ਾਂ ਨਾਲ ਭਰੇ ਖੂਹ ਦੇ ਉਪਰੋਂ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦਾ ਪ੍ਰਕਾਸ਼ ਕਿਸੇ ਹੋਰ ਸਥਾਨ ਤੇ ਤਬਦੀਲ ਕਰਵਾ ਕੇ ਸ਼ਲਾਂਘਾਯੋਗ ਕੰਮ ਕੀਤਾ ਹੈ ਅਤੇ ਇਸ ਕਾਰਜ ਲਈ ਉਹਨਾਂ ਨੂੰ ਰਾਸ਼ਟਰੀ ਪਧਰ ਤੇ ਸਨਮਾਨਿਤ ਕੀਤਾ ਜਾਣਾ ਬਣਦਾ ਹੈ, ਉਥੇ ਹੀ ਖੂਹ ਦੇ ਉਪਰ 42 ਵਰ੍ਹੇ ਪਹਿਲਾਂ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦਾ ਪ੍ਰਕਾਸ਼ ਕਰਕੇ ਗੁਰਦੁਆਰਾ ਕਾਇਮ ਕਰਨ ਵਾਲੇ ਲੋਕਾਂ ਨੂੰ ਸਿੱਖ ਪੰਥ ਦਰਾ ਸਖਤ ਸਜ਼ਾ ਦਿਤੀ ਜਾਣੀ ਚਾਹੀਦੀ ਹੈ। ਉਪਰੋਕਤ ਸੰਤਾਂ ਨੇ ਸਪਸ਼ਟ ਤੌਰ ਤੇ ਕਿਹਾ ਕਿ ਮਨੁਖੀ ਲਾਸ਼ਾਂ ਦੇ ਉਪਰ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦਾ ਪ੍ਰਕਾਸ਼ ਕਰਕੇ ਨਾ ਸਿਰਫ਼ ਸਿਖ ਮਰਿਆਦਾ ਦੀਆਂ ਧਜੀਆਂ ਉਡਾਈਆਂ ਗਈਆਂ ਹਨ, ਸਗੋਂ ਇਸ ਨਾਲ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਤੇ ਸੰਪੂਰਨ ਆਸਥਾ ਰਖਣ ਵਾਲੇ ਸਭ ਧਰਮਾਂ ਦੇ ਲੋਕਾਂ ਦੀਆਂ ਧਾਰਮਿਕ ਭਾਵਨਾਵਾਂ ਦਾ ਵੀ ਘਾਣ ਹੋਇਆ ਹੈ।

ਲੁਧਿਆਣਾ ਵਿੱਚ ਨਾਮਧਾਰੀ ਵਿਵਾਦ ਹੋਰ ਭਖਿਆ

11 ਅਗਸਤ ਨੂੰ ਬੈਠਣਗੇ 11 ਨਾਮਧਾਰੀ ਭੁੱਖ ਹੜਤਾਲ ਦੀ ਅਗਲੀ ਲੜੀ ਵੱਜੋਂ 

ਲੁਧਿਆਣਾ:10 ਅਗਸਤ 2014: (ਰੈਕਟਰ ਕਥੂਰੀਆ//ਪੰਜਾਬ ਸਕਰੀਨ):

ਸੰਤ ਸੰਤੋਖ ਸਿੰਘ 95 ਸਾਲ ਦੀ ਉਮਰ ਵਿੱਚ ਵੀ ਜੋਸ਼ 

ਬਹੁਤ  ਹੀ ਸਬਰ, ਸੰਤੋਖ ਅਤੇ ਸ਼ਾਂਤੀ ਨਾਲ ਪਹਿਲੀ ਅਗਸਤ ਤੋਂ ਚੱਲ ਰਹੀ ਤੋਂ ਲਗਾਤਾਰ ਚੱੱਲ ਰਹੀ ਨਾਮਧਾਰੀ ਭੁੱਖ ਹੜਤਾਲ ਅੱਜ ਦਸਵੇਂ ਦਿਨ ਵਿੱਚ ਸ਼ਾਮਲ ਹੋ ਗਈ ਹੈ। ਇਥੇ ਇਹ ਦੱਸਣਾ ਜ਼ਰੂਰੀ ਹੈ ਕਿ ਭੁੱਖ ਹੜਤਾਲ ਤੇ ਬੈਠੇ ਸਰੀਰਾਂ ਦੀ ਸਿਹਤ ਕਾਫੀ ਠੀਕ ਹੈ ਅਤੇ ਉਹਨਾਂ ਦਾ ਮਨੋਬਲ ਵੀ ਕਾਇਮ ਹੈ। ਸਟੇਜ ਤੋਂ ਹੁੰਦੇ ਕਥਾ-ਕੀਰਤਨ ਅਤੇ ਵਿਆਖਿਆ ਨਾਲ ਉਹਨਾਂ ਦੇ ਚਿਹਰਿਆਂ 'ਤੇ ਇੱਕ ਨਵਾਂ ਜਾਹੋ ਜਲਾਲ ਆ ਜਾਂਦਾ ਹੈ। ਸ਼ਾਇਦ ਇਹੀ ਕਾਰਣ ਹੈ ਕਿ ਕਲ੍ਹ 11 ਅਗਸਤ ਨੂੰ ਭੁੱਖ ਹੜਤਾਲ 'ਤੇ ਬੈਠਣ ਵਾਲਿਆਂ ਵਿੱਚ ਸਮਾਣਾ ਤੋਂ ਆਏ ਬਹੁਤ ਹੀ ਬਿਰਧ ਸੰਤ ਸੰਤੋਖ ਸਿੰਘ ਵੀ ਸ਼ਾਮਿਲ ਹੋਣਗੇ ਜਿਹਨਾਂ ਦੀ ਉਮਰ ਇਸ ਸਮੇਂ 95 ਸਾਲਾਂ ਦੀ ਹੈਦੇ ਬਹੁਤ ਰੋਕਣ ਦੇ ਬਾਵਜੂਦ ਵੀ ਉਹ ਇਸ ਭੁੱਖ ਹੜਤਾਲ ਲਈ ਬਜਿੱਦ ਹਨ। ਇਸੇ ਤਰਾਂ ਜਲੰਧਰ ਤੋਂ ਬਹੁਤ ਹੀ ਬਿਰਧ ਮਹਿਲਾ ਮਾਤਾ ਸਵਰਨ ਕੌਰ ਪਰਸੋੰ ਸ਼ੁੱਕਰਵਾਰ ਨੂੰ ਸੰਗਤ ਵਿੱਚ ਆਏ ਸਨ। ਉਹ ਵੀ ਭੁੱਖ ਹੜਤਾਲ ਦੀ ਜ਼ਿੱਦ ਕਰ ਰਹੇ ਸਨ। ਹੁਣ  ਸੋਮਵਾਰ 11 ਅਗਸਤ ਨੂੰ ਸੰਤ ਸੰਤੋਖ ਸਿੰਘ ਦੇ ਨਾਲ ਸੰਤ ਸੁਆਮੀ ਜੀ (ਗੁਰਦਾਸਪੁਰ), ਸੰਤ ਛਿੰਦਰ ਸਿੰਘ (ਪਿੰਡ ਝੱਲ), ਬੀਬੀ ਰਾਜਿੰਦਰ ਕੌਰ ਕਟਾਣੀ, ਸੰਤ ਨਿਰਮਲ ਸਿੰਘ (ਸ਼ਾਹਪੁਰ), ਬੀਬੀ ਰਾਜਿੰਦਰ ਕੌਰ (ਸ੍ਰੀ ਭੈਣੀ ਸਾਹਿਬ), ਬੀਬੀ ਰਜਵੰਤ ਕੌਰ (ਮਾਛੀਆਂ ਖੁਰਦ), ਬੀਬੀ ਦਲਜੀਤ ਕੌਰ (ਅੰਮ੍ਰਿਤਸਰ), ਹਰਭੇਜ ਸਿੰਘ ਸ਼ਿਵਪੁਰੀ (MP), ਸੰਤ ਸਵਿੰਦਰ ਸਿੰਘ (ਬਟਾਲਾ) ਅਤੇ ਬੀਬੀ ਬਲਜਿੰਦਰ ਕੌਰ ((ਬਟਾਲਾ)
ਐਕਸ਼ਨ ਕਮੇਟੀ ਨੇ ਦੱਸਿਆ ਕਿ ਇਸ ਸੰਘਰਸ਼ ਵਿੱਚ ਸ਼ਾਮਿਲ ਹੋਣ ਲਈ ਹੁਣ ਤਾਂ ਭੈਣੀ ਸਾਹਿਬ ਦੀ ਸੰਗਤ ਵੀ ਆਉਣ ਲੱਗ ਪਈ ਹੈ। ਕਮੇਟੀ ਦੇ ਬੁਲਾਰੇ ਨੇ ਮੀਡੀਆ ਨੂੰ ਦੱਸਿਆ ਕਿ ਇਸ ਮਕਸਦ ਲੈ ਕਈ ਨਾਮ ਵੀ ਸਾਡੇ ਕੋਲ ਪੁੱਜ ਚੁੱਕੇ ਹਨ। 
ਸ੍ਰੀ ਭੈਣੀ ਸਾਹਿਬ ਤੋਂ ਵੀ ਜੱਥੇ ਆਉਣ ਦਾ ਦਾਅਵਾ 
ਦਿਲਚਸਪ ਗੱਲ ਹੈ ਕੀ ਜਿੱਥੇ ਭੁੱਖ ਹੜਤਾਲ ਵਿੱਚ ਬੈਠਣ ਲੈ ਲੋਕ ਸ੍ਰੀ ਭੈਣੀ ਸਾਹਿਬ ਤੋਂ ਪੁੱਜਣ ਲੱਗ ਪਾਏ ਹਨ ਉਸੀ ਤਰਾਂ ਕਥਾ ਕੀਰਤਨ ਦੇ ਮਾਮਲੇ ਵਿੱਚ ਵੀ ਹੋ ਰਿਹਾ ਹੈ। ਅੱਜ ਸਟੇਜ ਤੋਂ ਕਥਾ ਕੀਰਤਨ ਕਰਨ ਵਾਲੇ ਜੱਥੇਦਾਰ ਗੁਰਦੀਪ ਸਿੰਘ ਵੀ ਸ੍ਰੀ ਭੈਣੀ ਸਾਹਿਬ ਤੋਂ ਆਏ ਹਨ। 
ਅੱਜ ਨਾਮਧਾਰੀ ਪੰਥਕ ਏਕਤਾ ਐਕਸ਼ਨ ਕਮੇਟੀ ਦੀ ਇਕ ਵਿਸ਼ੇਸ਼ ਇਕੱਤਰਤਾ ਹੋਈ ਜਿਸ ਵਿੱਚ ਪਿਛਲੇ ਦਿਨਾਂ ਦੌਰਾਨ ਹੋਈਆਂ ਸਰਗਰਮੀਆਂ ਦੀ ਪੜਚੋਲ ਕੀਤੀ ਗਈ ਅਤੇ ਆਓੁਣ ਵਾਲੇ ਸਮੇਂ ਦੀ ਰੂਪ-ਰੇਖਾ ਬਾਰੇ ਵੀ ਵਿਚਾਰ ਕੀਤਾ ਗਿਆ।
ਇਸ ਇਤਰਤਾ ਵਿਚ ਐਕਸ਼ਨ ਕਮੇਟੀ ਦੇ ਪ੍ਰਧਾਨ ਸੂਬਾ ਦਰਸ਼ਨ ਸਿੰਘ ਜੀ ਨੇ ਦੱਸਿਆ ਕਿ ਸਾਡਾ ਸੰਘਰਸ਼ ਪੰਥ ਅਤੇ ਨੂੰ ਜੋੜਨ ਲਈ ਹੈ ਪੰਥ ਨੂੰ ਇਕ ਕਰਕੇ ਪ੍ਰਫੁਲਿਤ ਕਰਨ ਲਈ ਹੈ। ਸਾਡੀ ਭੁੱਖ ਹੜਤਾਲ ਕੇਵਲ ਏਕਤਾ ਲਈ ਹੈ ਕਿਸੇ ਤੋਂ ਜਾਇਦਾਦ ਗੁਰਦੁਆਰਾ ਖੋਹਣ ਲਈ ਨਹੀਂ ਹੈ।

ਅਸੀਂ ਨਾ ਕਦੇ ਕਬਜ਼ੇ ਕੀਤੇ ਹਨ ਤੇ ਨਾ ਹੀ ਕਰਨੇ ਹਨ 
ਭੈਣੀ ਸਾਹਿਬ ਦੇ ਪੁਜਾਰੀ ਧੜੇ ਨੂੰ ਅਸੀ ਬੇਨਤੀ ਕਰਦੇ ਹਾਂ ਕੇ ਜਿਹੜਾ ਇਹ ਸਰਕਾਰ ਜਾਂ ਪ੍ਰਸ਼ਾਸ਼ਨ ਕੋਲ ਰੋਲਾ ਪਾਉਂਦੇ ਹਨ ਕਿ ਇਹ ਭੈਣੀ ਸਾਹਿਬ ਤੇ ਕਬਜਾ ਕਰਨ ਦੇ ਚਾਹਵਾਨ ਹਨ, ਅਸੀ ਇਹਨਾਂ ਨੂੰ ਸ਼ੱਪਸਟ ਕਰ ਦੇਣਾ ਚਾਹੁੰਦੇ ਹਾਂ ਕੇ ਕਬਜਾ ਤਾਂ ਜਦ ਚਾਹੇ ਅਸੀ ਕਰ ਸਕਦੇ ਹਾਂ ਤੁਸੀ ਸਦਾ ਨਹੀਂ ਭੈਣੀ ਸਾਹਿਬ ਬੈਠੇ ਰਹਿੰਦੇ, ਇਹ ਗੱਲ ਸਭ ਨੂੰ ਪਤਾ ਹੈ ਕਿ ਅੱਜ ਤੱਕ ਕਬਜੇ ਕੋਣ ਕਰਦਾ ਆਇਆ ਹੈ। ਕਬਜਿਆਂ ਵਾਲਾ ਕੰਮ ਤੁਹਾਨੂੰ ਮੁਬਾਰਕ ਹੋਵੇ। ਅਸੀ ਇਹ ਕੰਮ ਨਾ ਕਦੇ ਕੀਤਾ ਹੈ ਨਾ ਹੀ  ਕਰਨਾ ਚਾਹੁੰਦੇ ਹਾਂ। ਸਾਡੀ ਤਾਂ ਇਕੋ ਇਕ ਸੋਚਣੀ ਹੈ ਕੇ ਨਾਮਧਾਰੀ ਪੰਥ ਇਕ ਹੋਵੇ ਇਸ ਵਿਚ ਦੁਬਿਦਾ ਨਾ ਹੋਵੇ ਜਿਹੜੇ ਘਰ ਘਰ ਲੜਾਈ ਝਗੜੇ ਪਏ ਹੋਏ ਹਨ ਨਾਮਧਾਰੀ ਪੰਥ ਦੇ ਦੋ ਫਾੜ ਹੋਣ ਕਰਕੇ ਉਹ ਜੋ ਝਗੜੇ ਪਏ ਹੋਏ ਹਨ ਉਹ  ਵੀ ਸਾਰੇ ਖਤਮ ਹੋ ਜਾਣ ਅਤੇ ਨਾਮਧਾਰੀ ਪੰਥ ਸੁਖੀ ਵਸੇ। ਜਿਹੜਾ ਸਮਾਂ ਜਾਂ ਪੈਸੇ ਨਾਮਧਾਰੀ ਪੰਥ ਦੇ ਲੜਾਈ ਝਗੜੇ ਤੇ ਲਗ ਰਹੇ ਹਨ ਉਹੀ ਪੈਸਾ ਤੇ ਸਮਾਂ ਨਾਮਧਾਰੀ ਪੰਥ ਦੀ ਤਰੱਕੀ ਵਾਸਤੇ ਲਗੇ ਅਤੇ ਸਾਰਾ ਨਾਮਧਾਰੀ ਪੰਥ ਸੁਖੀ ਵਸੇ
ਅੱਜ ਸੂਬਾ ਭਗਤ ਸਿੰਘ ਮੱਦੀਪੁਰ ਜੀ ਨੇ ਸੰਗਤਾਂ ਨੂੰ ਸੰਬੋਧਨ ਕੀਤਾ ਅਤੇ ਪ੍ਰਸ਼ਾਸਨ ਤੇ ਭੈਣੀ ਸਾਹਿਬ ਵਾਲਿਆਂ ਨੂੰ ਪੰਥਕ ਏਕਤਾ ਜਲਦ ਤੋਂ ਜਲਦ ਕਰਾਓਨ ਦੀ ਅਪੀਲ ਕੀਤੀ ਤਾਂ ਜੋ ਨਾਮਧਾਰੀ ਪੰਥ ਵਿੱਚ ਪੈਦਾ ਹੋਏ ਵਿਵਾਦ ਨੂੰ ਸੁਲਝਾਇਆ ਜਾ ਸਕੇ।
ਖੂਹ ਦੇ ਪਾਣੀ ਦਾ ਸੰਕਟ ਜਾਰੀ  
ਨਾਮਧਾਰੀ ਮਰਿਯਾਦਾ ਵਿੱਚ ਬਹੁਤ ਹੀ ਜ਼ਰੂਰੀ ਮੰਨੇ ਜਾਂਦੇ  ਖੂਹ ਦੇ ਪਾਣੀ ਦਾ ਸੰਕਟ ਜਾਰੀ ਹੈ। ਕਦੇ ਇਹ ਪਾਣੀ ਜਲੰਧਰ ਤੋਂ ਮੰਗਵਾਇਆ ਜਾਂਦਾ ਹੈ ਅਤੇ ਕਦੇ ਕਿਤਿਓਂ। ਅੱਜ ਇਹ ਪਾਣੀ ਦੋਰਾਹਾ ਨਾਲ ਲੱਗ ਦੇ ਸਾਹਿਤਕਾਰਾਂ ਦੇ ਪਿੰਡ ਰਾਮਪੁਰ ਵਿੱਚ ਸਥਿਤ ਡੇਰਾ ਬਾਬਾ ਸਰਵਨ ਦਾਸ ਦੇ ਡੇਰਿਓਂ ਲਿਆਂਦਾ ਗਿਆ। ਪਾਣੀ ਦੇ ਇਸ ਸੰਕਟ ਨੇ ਜਿੱਥੇ ਹੜਤਾਲੀ ਨਾਮਧਾਰੀਆਂ ਲਈ ਔਖ ਪੈਦਾ ਕੀਤੀ ਹੈ ਉੱਥੇ ਪ੍ਰਸ਼ਾਸਨ ਅਤੇ ਸ੍ਰੀ ਭੈਣੀ ਸਾਹਿਬ ਦੇ ਪ੍ਰਬੰਧਕਾਂ 'ਤੇ ਵੀ ਸੁਆਲ ਖੜੇ ਕੀਤੇ ਹਨ।

ਸੰਗਤਾਂ ਵਿੱਚ ਉਤਸ਼ਾਹ
ਇਹਨਾਂ ਸਾਰੀਆਂ ਔਕੜਾਂ ਦੇ ਬਾਵਜੂਦ ਸੰਗਤ ਵਿੱਚ ਭੁਖ ਹੜਤਾਲ ਦੇ ਸਮਰਥਨ ਵਾਸਤੇ ਉਤਸ਼ਾਹ ਦਿਨੋ-ਦਿਨ ਵੱਧ ਰਿਹਾ ਹੈ। ਇਸ ਮੌਕੇ ਸੂਬਾ ਦਰਸ਼ਨ ਸਿੰਘ ਰਾਏਸਰ,  ਬਲਵਿੰਦਰ ਸਿੰਘ ਡੁਗਰੀ, ਡਾ. ਸੁਖਦੇਵ ਸਿੰਘ ਅੰਮ੍ਰਿਤਸਰ, ਜਸਵਿੰਦਰ ਸਿੰਘ ਬਿਲੂ ਲੁਧਿਆਣਾ, ਗੁਰਮੇਲ ਸਿੰਘ ਬਰਾੜ, ਸੂਬਾ ਅਮਰੀਕ ਸਿੰਘ, ਨਵਤੇਜ ਸਿੰਘ ਲੁਧਿਆਣਾ, ਹਰਭਜਨ ਸਿੰਘ ਫੋਰਮੈਨ, ਪਲਵਿੰਦਰ ਸਿੰਘ ਕੁੱਕੀ, ਅਰਵਿੰਦਰ ਸਿੰਘ ਲਾਡੀ, ਬਸੰਤ ਸਿੰਘ, ਗੁਰਦੀਪ ਸਿੰਘ, ਗੁਰਦੀਪ ਸਿੰਘ ਦਸੂਆ, ਹਰਬੰਸ ਸਿੰਘ ਮਾਛੀਵਾੜਾ, ਬੀਬੀ ਰਾਜਪਾਲ ਕੋਰ, ਬੀਬੀ ਸਤਨਾਮ ਕੌਰ, ਬੀਬੀ ਭੰਗਵਤ ਕੌਰ  ਆਦਿ ਹਾਜ਼ਰ ਸਨ। ਲੋਕ ਮਰਨ ਵਰਤ ਲਈ ਵੀ ਆਪਣੇ ਨਾਮ ਲਿਖਵਾ ਰਹੇ ਹਨ। 

ਨਾਮਧਾਰੀ ਵਿਵਾਦ--16 ਅਗਸਤ ਤੱਕ ਸਮਝੌਤੇ ਦਾ ਕਿਆਸ

ਨਾਮਧਾਰੀ ਬੀਬੀਆਂ ਵਿੱਚ ਵੀ ਲਗਾਤਾਰ ਵਧ ਰਿਹਾ ਹੈ ਜੋਸ਼

ਲੁਧਿਆਣਾ: 9 ਅਗਸਤ 2014: (ਰੈਕਟਰ ਕਥੂਰੀਆ//ਪੰਜਾਬ ਸਕਰੀਨ):

ਨਾਮਧਾਰੀ ਵਿਵਾਦ ਭਾਵੇਂ ਲਗਾਤਾਰ ਡੂੰਘਾ ਹੁੰਦਾ ਜਾ ਰਿਹਾ ਹੈ ਪਰ ਅੰਦਰਖਾਤੇ ਦੋਹਾਂ ਧਿਰਾਂ ਵਿਚਕਾਰ ਸਮਝੌਤੇ ਦੀਆਂ ਕੋਸ਼ਿਸ਼ਾਂ ਜਾਰੀ ਹਨ। ਹੋ ਸਕਦਾ ਹੈ 16 ਅਗਸਤ ਨੂੰ ਸਮਝੌਤੇ ਦਾ ਐਲਾਨ ਕਰ ਦਿੱਤਾ ਜਾਵੇ।  ਕਾਬਿਲੇ ਜ਼ਿਕਰ ਹੈ ਕਿ ਨਾਮਧਾਰੀ ਭੁੱਖ ਹੜਤਾਲ ਲਗਾਤਾਰ ਜਾਰੀ ਹੈ ਅਤੇ ਪ੍ਰਬੰਧਕ ਪਹਿਲਾਂ ਹੀ ਕਹਿ ਚੁੱਕੇ ਹਨ ਕਿ ਇਹ ਸਿਲਸਿਲਾ 26 ਸਤੰਬਰ ਤੱਕ ਚੱਲੇਗਾ ਅਤੇ 26 ਜਾਂ 27 ਸਤੰਬਰ ਨੂੰ ਹੀ ਅਗਲੀ ਰਣਨੀਤੀ ਐਲਾਨੀ ਜਾਵੇਗੀ। ਇਸੇ ਦੌਰਾਨ ਮੰਚ ਤੋਂ ਬੋਲਦਿਆਂ ਠਾਕੁਰ ਦਲੀਪ ਸਿੰਘ ਨੂੰ ਗੁਰੂ ਮੰਨਣ ਵਾਲੇ ਨਾਮਧਾਰੀ ਧੜੇ ਦੇ ਸੀਨੀਅਰ ਆਗੂ ਸੂਬਾ ਦਰਸ਼ਨ ਸਿੰਘ ਰਾਏਸਰੀਆ ਜਿੱਥੇ ਭੈਣੀ ਸਾਹਿਬ ਵਾਲਿਆਂ ਵੱਲੋਂ ਸ਼ਾਂਤੀ ਮਾਰਚ ਕਢੇ ਜਾਣ ਦੀਆਂ ਖਬਰਾਂ ਦਾ ਸਵਾਗਤ ਕੀਤਾ ਅਤੇ ਇਸਨੂੰ ਚੰਗੀ ਗੱਲ ਆਖਿਆ ਪਰ ਨਾਲ ਹੀ ਸੁਆਲ ਕੀਤਾ ਕਿ ਅਸੀਂ ਵੀ ਤਾਂ ਸ਼ਾਂਤੀ, ਏਕਤਾ ਅਤੇ ਸਾਂਝੇ ਵਿਕਾਸ ਲਈ  ਹੀ ਭੁੱਖ ਹੜਤਾਲ ਤੇ ਬੈਠੇ ਹਾਂ। ਉਹਨਾਂ ਸਪਸ਼ਟ ਕੀਤਾ ਕਿ ਮੀਡੀਆ ਵਿੱਚ ਆਈਆਂ ਸਰਬੱਤ ਖਾਲਸਾ ਬੁਲਾਉਣ ਦੀਆਂ ਖਬਰਾਂ ਸਹੀ ਨਹੀਂ ਹਨ। ਅਸੀਂ ਸਰਬੱਤ ਖਾਲਸਾ ਦੀ ਨਹੀਂ ਬਲਕਿ ਨਾਮਧਾਰੀ ਸਰਬੱਤ ਖਾਲਸਾ ਦੀ ਗੱਲ ਕੀਤੀ ਸੀ। ਅਸੀਂ ਕਿਸੇ ਦੀ ਕੋਈ ਜਾਇਦਾਦ ਨਹੀਂ ਲੈਣੀ, ਅਸੀਂ ਕਿਸੇ ਥਾਂ ਤੇ ਕਬਜਾ ਨਹੀਂ ਕਰਨਾ ਅਸੀਂ ਸਿਰਫ ਦਰਸ਼ਨ ਦੀਦਾਰਿਆਂ ਦੇ ਪਿਆਸੇ ਹਾਂ। ਨਾਮਧਾਰੀ ਦਰਬਾਰ ਦੇ ਭੰਵਰੇ ਇਸ ਸ਼ਮ੍ਹਾ ਤੋਂ ਦੂਰ ਨਹੀਂ ਰਹਿਣਾ ਚਾਹੁੰਦੇ।

ਉਹਨਾਂ ਕਿਹਾ ਕਿ ਸਾਡੇ ਨਿਸ਼ਾਨੇ ਅਤੇ ਇਰਾਦੇ ਬੜੇ ਸਪਸ਼ਟ ਹਨ. ਪੁਜਾਰੀ ਧੜਾ ਆਪਣੇ ਬਾਰੇ ਪੁਨਰ ਵਿਚਾਰ ਕਰੇ। ਪਾਣੀ ਦੇਣ ਤੋਂ ਤਾਂ ਕਿਸੇ ਦੁਸ਼ਮਣ ਨੂੰ ਵੀ ਨਾਂਹ ਨਹੀਂ ਕਰਨੀ ਚਾਹੀਦੀ। ਰੈਡਕ੍ਰਾਸ ਬਹੁਤ ਮਗਰੋਂ ਦੀਆਂ ਗੱਲਾਂ ਹਨ ਭਾਈ ਘਣਈਆ ਦੀ ਮਿਸਾਲ ਗੁਰੂ ਗੋਬਿੰਦ ਸਿੰਘ ਸੱਚੇ ਪਾਤਸ਼ਾਹ ਨੇ ਬਹੁਤ ਪਹਿਲਾਂ ਸਥਾਪਤ ਕਰ ਦਿੱਤੀ ਸੀ।  ਵਲੀ ਕੰਧਾਰੀ ਦਾ ਹੰਕਾਰ ਗੁਰੂਨਾਨਕ ਦੇਵ ਜੀ ਮਹਾਰਾਜ ਨੇ ਤੋੜ ਦਿੱਤਾ ਸੀ ਅਤੇ ਪਾਣੀ ਨੂੰ ਆਜ਼ਾਦ ਕਰਾਇਆ ਸੀ। ਹੁਣ ਪਾਣੀ ਦੇਣ ਤੋਂ ਨਾਂਹ ਕਰਨ ਵਾਲੇ, ਨਾਮਧਾਰੀ ਸ਼ੁਧਤਾ ਵਾਲੀ ਮਰਿਯਾਦਾ ਨੂੰ ਕਾਇਮ ਰੱਖਣ ਵਿੱਚ ਰੁਕਾਵਟਾਂ ਪਾਉਣ ਵਾਲੇ ਪੁਜਾਰੀ ਕਿਹੜੇ ਸ਼ਾਂਤੀ ਮਾਰਚਾਂ ਦੀ ਗੱਲ ਕਰਦੇ ਹਨ?
ਇਸੇ ਦੌਰਾਨ ਨਾਮਧਾਰੀ ਭੁੱਖ ਹੜਤਾਲ ਅਤੇ ਧਰਨਾ ਨੌਵੇਂ ਦਿਨ ਵੀ ਜਾਰੀ ਰਿਹਾ।  ਸੰਗਤ ਦੇ ਘਟ ਜਾਨ ਬਾਰੇ ਪੁੱਛੇ ਜਾਣ ਤੇ ਸੂਬਾ ਦਰਸ਼ਨ ਸਿੰਘ ਰਾਏਸਰੀਆ ਨੇ ਕਿਹਾ ਕਿ ਕੁਝ ਸੰਗਤਾਂ ਪ੍ਰਸ਼ਾਦਾ ਛਕਣ ਗਾਈਆਂ ਹਨ, ਕੁਝ ਸੰਗਤਾਂ ਆਰਾਮ ਕਰ ਰਹੀਆਂ ਹਨ ਅਤੇ ਬਹੁਤ ਸਾਰੀ ਸੰਗਤ ਨੂੰ ਅਸੀਂ ਵਾਪਿਸ ਭੇਜ ਦਿੱਤਾ ਹੈ। ਜਦੋਂ ਵੀ ਐਕਸ਼ਨ ਕਮੇਟੀ ਵੱਲੋਂ ਇੱਕ ਆਵਾਜ਼ ਦਿੱਤੀ ਜਾਵੇਗੀ ਉਦੋਂ ਸਾਰੀ ਸੰਗਤ ਸਾਰੇ ਕੰਮ ਛੱਡ ਕੇ ਅਗਲੇ ਪ੍ਰੋਗਰਾਮ ਮੁਤਾਬਿਕ ਇਕੱਠੀ ਹੋ ਜਾਵੇਗੀ। ਸੰਗਤਾਂ ਦਾ ਜੋਸ਼ ਲਗਾਤਾਰ ਵਧ ਰਿਹਾ ਹੈ।
ਇੱਕ ਹੋਰ ਸੁਆਲ ਦਾ ਜੁਆਬ ਦੇਂਦਿਆਂ ਉਹਨਾਂ ਕਿਹਾ ਕਿ ਅਸੀਂ ਭੁੱਖ ਹੜਤਾਲ ਦਾ ਇਹ ਗਾਂਧੀਵਾਦੀ ਤਰੀਕਾ ਮਜਬੂਰੀ  ਵਿੱਚ ਅਪਣਾਇਆ ਤਾਂਕਿ ਪੰਥਕ ਏਕਤਾ ਸ਼ਾਂਤਮਈ ਢੰਗ ਤਰੀਕੇ ਨਾਲ ਹੋ ਸਕੇ। ਗਰਮੀ ਦੇ ਇਸ ਸਖਤ ਮੌਸਮ ਵਿੱਚ ਜਿਹੜੇ ਨਾਮਧਾਰੀ ਸਿੰਘ ਭੁੱਖ ਹੜਤਾਲਾਂ ਤੇ ਬੈਠ ਰਹੇ ਹਨ ਉਹਨਾਂ ਦੀ ਉਮਰ ਦੇਖੋ ਪਰ ਉਹਨਾਂ ਦੇ ਜਜ਼ਬਿਆਂ ਸਾਹਮਣੇ ਅਸੀਂ ਨਾਂਹ ਨਹੀਂ ਕਰ ਸਕਦੇ। ਕਾਬਿਲੇ ਜ਼ਿਕਰ ਹੈ ਕਿ ਕਈਆਂ ਨੂੰ ਸ਼ੂਗਰ ਵਰਗੀਆਂ ਬਿਮਾਰੀਆਂ ਵੀ ਹਨ. ਅਜਿਹੀ ਹਾਲਤ ਵਿੱਚ ਭੁੱਖ ਹੜਤਾਲ ਉਹਨਾਂ ਦੀ ਜਿੰਦਗੀ ਲੈ ਖਤਰਨਾਕ ਹੋ ਸਕਦੀ ਹੈ ਪਰ ਫਿਰ ਵੀ ਓਹ ਸਾਰੇ ਨਾਮ ਬਾਣੀ ਵਿੱਚ ਰੱਤੇ ਹੋਏ ਹਨ ਅਤੇ ਚੜ੍ਹਦੀਕਲਾ ਵਿੱਚ ਰਹਿੰਦੇ ਹਨ। ਇਹਨਾਂ ਦੇ ਅੰਦਰ ਪੰਥਕ ਏਕਤਾ ਦਾ ਨੇਕ ਨਿਸ਼ਾਨਾ ਅਤੇ ਨਾਮਧਾਰੀ ਗੁਰਧਾਮਾਂ ਦੇ ਦਰਸ਼ਨ ਦੀਦਾਰਿਆਂ ਦੀ ਖੁਲ੍ਹ ਲੈਣ ਦੀ ਚਾਹਤ ਇਹਨਾਂ ਦੇ ਚਿਹਰਿਆਂ ਤੇ ਇੱਕ ਨਵੀਂ ਚਮਕ ਬਰਕਰਾਰ ਰੱਖਦੀ ਹੈ।