ਭਾਜਪਾ ਸਰਕਾਰ ਕੰਗਨਾ ਬਾਰੇ ਆਪਣੀ ਸਥਿਤੀ ਸਾਫ ਕਰੇ-ਸੀ ਪੀ ਆਈ

 12th November 2021 at 3:42 PM

ਆਜ਼ਾਦੀ ਦਾ ਅਪਮਾਨ ਕਰਨ ਵਾਲੀ ਕੰਗਨਾ ਰਣੌਤ ਦੀਆਂ ਤਿੱਖੀਆਂ ਨਿੱਖੇਧੀਆਂ ਜਾਰੀ 

ਲੁਧਿਆਣਾ: 12 ਨਵੰਬਰ 2021: (ਐਮ ਐਸ ਭਾਟੀਆ//ਪੰਜਾਬ ਸਕਰੀਨ)::

ਭਾਰਤੀ ਕਮਿਊਨਿਸਟ ਪਾਰਟੀ ਜਿਲ੍ਹਾ ਲੁਧਿਆਣਾ  ਨੇ ਜ਼ੋਰਦਾਰ ਢੰਗ ਨਾਲ ਮੰਗ ਕੀਤੀ ਹੈ ਕਿ ਕੰਗਨਾ ਰਣੌਤ ਵੱਲੋਂ ਦਿੱਤੇ ਗਏ ਬਿਆਨ ਕਿ ਆਜ਼ਾਦੀ ਭੀਖ ਵਿੱਚ ਮਿਲੀ ਹੈ ਬਾਰੇ ਭਾਜਪਾ ਆਪਣੀ ਸਥਿਤੀ  ਸਪਸ਼ਟ ਕਰੇ। ਇਹ ਬੜੇ ਦੁੱਖ ਦੀ ਗੱਲ ਹੈ ਕਿ ਇਸ ਬਿਆਨ ਦੇ ਉੱਪਰ ਪ੍ਰਧਾਨਮੰਤਰੀ ਨੇ ਚੁੱਪੀ ਸਾਧ ਲਈ ਹੈ, ਇਸ ਤੋਂ ਇਹ ਸਾਫ਼ ਜ਼ਾਹਿਰ ਹੈ ਕਿ ਉਹ ਇਸ ਦੇ ਬਿਆਨ ਨਾਲ ਸਹਿਮਤ ਹਨ। 

ਸੀਪੀਆਈ ਆਗੂਆਂ ਨੇ ਕਿਹਾ ਕਿ ਇਹ ਸੱਚਾਈ ਹੈ  ਕਿ ਆਜ਼ਾਦੀ ਦੇ ਸੰਘਰਸ਼ ਵਿਚ ਰਾਸ਼ਟਰੀ ਸਵੈਮ ਸੇਵਕ ਯਾ ਜਨਸੰਘ ਅੰਗਰੇਜ਼ਾਂ ਦੇ ਨਾਲ ਰਲੇ ਹੋਏ ਸਨ,  ਇਸ ਲਈ ਇਹਨਾਂ ਅੰਗਰੇਜ਼ ਪ੍ਰਸਤ ਅਨਸਰਾਂ ਨੂੰ ਅੱਜ  ਆਜ਼ਾਦੀ ਦੇ ਸੰਘਰਸ਼ ਦੀ ਅਹਿਮੀਅਤ ਦਾ  ਅਹਿਸਾਸ ਹੀ ਨਹੀਂ ਹੈ। 

ਕਮਿਊਨਿਸਟ ਲੀਡਰਾਂ ਨੇ ਕਿਹਾ ਕਿ ਕੰਗਨਾ ਰਣੌਤ ਦੇ ਬਿਆਨ ਨੇ ਭਗਤ ਸਿੰਘ,  ਕਰਤਾਰ ਸਿੰਘ ਸਰਾਭਾ ਤੋਂ ਇਲਾਵਾ ਹਜ਼ਾਰਾਂ ਆਜ਼ਾਦੀ ਘੁਲਾਟੀਆਂ-ਜਿਨ੍ਹਾਂ ਨੇ  ਆਪਣੀਆਂ ਕੁਰਬਾਨੀਆਂ ਦਿੱਤੀਆਂ ਉਹਨਾਂ ਸਾਰਿਆਂ  ਦਾ ਕੋਝਾ ਮਜ਼ਾਕ ਉਡਾਇਆ ਹੈ। ਉਸ ਤੋਂ ਪਦਮਸ੍ਰੀ ਫੌਰਨ ਵਾਪਿਸ ਲੈ ਕੇ ਦੇਸ਼ ਧ੍ਰੋਹ ਦਾ ਮੁਕੱਦਮਾ ਚਲਾ ਕੇ ਜੇਲ੍ਹ ਵਿੱਚ ਸੁੱਟਣਾ ਚਾਹੀਦਾ ਹੈ। ਬਿਆਨ ਜਾਰੀ ਕਰਨ ਵਾਲਿਆਂ ਵਿੱਚ ਸ਼ਾਮਲ ਹਨ ਜ਼ਿਲਾ ਸਕੱਤਰ-ਕਾਮਰੇਡ ਡੀ ਪੀ ਮੌੜ ਅਤੇ ਉਹਨਾਂ ਦੇ ਸਰਗਰਮ ਸਾਥੀ ਡਾ ਅਰੁਣ ਮਿੱਤਰਾ, ਚਮਕੌਰ ਸਿੰਘ, ਐਮ ਐਸ ਭਾਟੀਆ ਅਤੇ ਰਮੇਸ਼ ਰਤਨ। ਕੰਗਣਾਂ ਰਣੌਤ ਦੇ ਬਿਆਨ ਨੇ ਭਾਜਪਾ ਦੇ ਵਰਕਰਾਂ ਅਤੇ ਆਗੂਆਂ ਨੂੰ ਵੀ ਪਸੋਪੇਸ਼ ਵਿੱਚ ਪਾ ਦਿੱਤਾ ਹੈ। ਭਾਜਪਾ ਸਮਰਥਕਾਂ ਵੱਲੋਂ ਤਿਰੰਗਾ ਯਾਤਰਾਵਾਂ, ਰਾਸ਼ਟਰਵਾਦ ਅਤੇ ਦੇਸ਼ ਭਗਤੀ  ਦੇ ਪਾਖੰਡ ਕੰਗਣਾਂ ਦੇ ਇੱਕੋ ਬਿਆਨ ਨੇ ਬੁਰੀ ਤਰ੍ਹਾਂ ਨੰਗੇ ਕਰ ਦਿੱਤੇ ਹਨ।  

ਮਾਲਦੀਵ ਵਿੱਚ ਮੀਡੀਆ 'ਤੇ ਹਮਲੇ ਜਾਰੀ

ਪੱਤਰਕਾਰ ਮਨੀ ਸ਼ਰਮਾ ਅਤੇ ਆਤਿਸ਼ ਪਟੇਲ ਗ੍ਰਿਫਤਾਰ 

ਨਵੀਂ ਦਿੱਲੀ: 10 ਫਰਵਰੀ 2018: (ਪੰਜਾਬ ਸਕਰੀਨ//ਇੰਟ.):: 

23 ਅਪ੍ਰੈਲ 2017 ਨੂੰ ਕਤਲ ਕੀਤੇ ਗਏ ਬਲੋਗਰ ਦੀ ਫੋਟੋ 

ਮੀਡੀਆ ਲਗਾਤਾਰ ਖਤਰਿਆਂ ਵਿੱਚ ਘਿਰਿਆ ਹੋਇਆ ਹੈ। ਪੂਰੀ ਦੁਨੀਆ ਵਿੱਚ ਰਿਪੋਰਟਿੰਗ ਹੁਣ ਹੋਰ ਖਤਰਾ ਭਰੀ ਹੋ ਗਈ ਹੈ। ਨਵੀਂ ਖਬਰ ਆਈ ਹੈ ਮਾਲਦੀਵ ਤੋਂ। ਮਾਲਦੀਵ ਸੰਕਟ 'ਚ ਦੋ ਭਾਰਤੀ ਪੱਤਰਕਾਰਾਂ ਨੂੰ ਵੀ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ। ਇਹ ਦੋਨੋਂ ਪੱਤਰਕਾਰ ਸਮਾਚਾਰ ਏਜੰਸੀ ਏ ਐੱਫ ਪੀ 'ਚ ਕੰਮ ਕਰਦੇ ਹਨ। 

ਇੱਕ ਰਿਪੋਰਟ ਮੁਤਾਬਕ ਅੰਮ੍ਰਿਤਸਰ ਦੇ ਮਨੀ ਸ਼ਰਮਾ ਅਤੇ ਲੰਡਨ 'ਚ ਰਹਿਣ ਵਾਲੇ ਭਾਰਤੀ ਮੂਲ ਦੇ ਪੱਤਰਕਾਰ ਆਤਿਸ਼ ਰਾਵਜੀ ਪਟੇਲ ਨੂੰ ਮਾਲਦੀਵ ਦੇ ਰਾਸ਼ਟਰੀ ਸੁਰੱਖਿਆ ਕਾਨੂੰਨ ਅਧੀਨ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ। ਪ੍ਰੈੱਸ 'ਤੇ ਹੋਏ ਇਸ ਹਮਲੇ ਬਾਰੇ ਮਾਲਦੀਵ ਦੇ ਸੰਸਦ ਮੈਂਬਰ ਅਲੀ ਜ਼ਹੀਰ ਨੇ ਕਿਹਾ ਹੈ ਕਿ ਹੁਣ ਇੱਥੇ ਪ੍ਰੈੱਸ ਦੀ ਆਜ਼ਾਦੀ ਨਹੀਂ ਬਚੀ। ਪਿਛਲੀ ਰਾਤ ਇੱਕ ਟੀ ਵੀ ਚੈਨਲ ਨੂੰ ਵੀ ਬੰਦ ਕਰ ਦਿੱਤਾ ਗਿਆ ਹੈ। ਅਸੀਂ ਫੌਰੀ ਤੌਰ 'ਤੇ ਇਨ੍ਹਾਂ ਦੀ ਰਿਹਾਈ ਅਤੇ ਦੇਸ਼ ਵਿੱਚ ਜਮਹੂਰੀਅਤ ਦੀ ਬਹਾਲੀ ਦੀ ਮੰਗ ਕਰਦੇ ਹਾਂ। 

ਦਰਅਸਲ ਮਾਲਦੀਵ ਸੁਪਰੀਮ ਕੋਰਟ ਨੇ ਆਪੋਜ਼ੀਸ਼ਨ ਦੇ 9 ਆਗੂਆਂ ਨੂੰ ਰਿਹਾਅ ਕਰਨ ਦਾ ਹੁਕਮ ਦਿੱਤਾ ਸੀ। ਰਾਸ਼ਟਰਪਤੀ ਯਾਮੀਨ ਦੀ ਸਰਕਾਰ ਨੇ ਇਸ ਹੁਕਮ ਨੂੰ ਮੰਨਣ ਤੋਂ ਇਨਕਾਰ ਕਰਦਿਆਂ ਐਮਰਜੈਂਸੀ ਦਾ ਐਲਾਨ ਕਰ ਦਿੱਤਾ। ਚੀਫ ਜਸਟਿਸ ਅਬਦੁੱਲਾ ਸਈਦ ਅਤੇ ਇੱਕ ਹੋਰ ਜੱਜ ਅਲੀ ਹਮੀਦ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ। ਬਾਅਦ 'ਚ ਸਰਕਾਰ ਦੇ ਦਬਾਅ ਹੇਠ ਸੁਪਰੀਮ ਕੋਰਟ ਨੂੰ ਆਪਣਾ ਫੈਸਲਾ ਬਦਲਣਾ ਪਿਆ। ਭਾਰਤ ਤੇ ਚੀਨ ਦੋਹਾਂ ਦੇ ਲਿਹਾਜ਼ ਨਾਲ ਮਾਲਦੀਵ ਸੰਕਟ ਕਾਫੀ ਅਹਿਮ ਹੈ। ਦੋਵੇਂ ਦੇਸ਼ ਬਰੀਕੀ ਨਾਲ ਇਸ ਘਟਨਾਕ੍ਰਮ 'ਤੇ ਨਜ਼ਰ ਰੱਖ ਰਹੇ ਹਨ।

ਇਸੇ ਦੌਰਾਨ ਚੀਨ ਨੇ ਕਿਹਾ ਹੈ ਕਿ ਉਹ ਮਾਲਦੀਵ ਵਿੱਚ ਜਾਰੀ ਸਿਆਸੀ ਸੰਕਟ ਨੂੰ ਸੁਝਲਾਉਣ ਲਈ ਭਾਰਤ ਦੇ ਸੰਪਰਕ 'ਚ ਹੈ। ਚੀਨ ਨੇ ਕਿਹਾ ਕਿ ਉਹ ਇਸ ਮਾਮਲੇ ਵਿੱਚ ਭਾਰਤ ਨਾਲ ਕਿਸੇ ਤਰ੍ਹਾਂ ਦਾ ਟਕਰਾਅ ਨਹੀਂ ਚਾਹੁੰਦਾ। 

ਚੀਨ ਦੇ ਅਧਿਕਾਰਤ ਸੂਤਰਾਂ ਨੇ ਕਿਹਾ ਕਿ ਉਹ ਪਹਿਲਾਂ ਹੀ ਕਹਿ ਚੁੱਕੇ ਹਨ ਕਿ ਮਾਲਦੀਵ ਆਪਣੇ ਅੰਦਰੂਨੀ ਸੰਕਟ ਨੂੰ ਸੁਝਲਾਉਣ ਦੇ ਸਮੱਰਥ ਹੈ ਅਤੇ ਕਿਸੇ ਵੀ ਬਾਹਰੀ ਧਿਰ ਨੂੰ ਦਖਲ ਨਹੀਂ ਦੇਣਾ ਚਾਹੀਦਾ। ਇਸੇ ਦਰਮਿਆਨ ਚੀਨ ਨੇ ਨਵੀਂ ਦਿੱਲੀ ਨਾਲ ਵੀ ਇਸ ਮਾਮਲੇ ਦੇ ਹੱਲ ਲਈ ਸੰਪਰਕ ਕੀਤਾ ਹੈ। ਮਾਲਦੀਵ ਦੇ ਸੰਕਟ ਦੇ ਹੱਲ ਲਈ ਭਾਰਤ ਦੀਆਂ ਵਿਸ਼ੇਸ਼ ਫੋਰਸਾਂ ਨੂੰ ਤਿਆਰ ਹੋਣ ਦੀਆਂ ਖਬਰਾਂ ਤੋਂ ਬਾਅਦ ਚੀਨ ਨੇ ਕਿਸੇ ਬਾਹਰੀ ਦਖਲ ਨਾ ਦਿੱਤੇ ਜਾਣ ਦੀ ਗੱਲ ਆਖੀ ਹੈ। 

ਚੀਨੀ ਸੂਤਰਾਂ ਨੇ ਕਿਹਾ ਕਿ ਮਾਲਦੀਵ ਸੰਕਟ ਨੂੰ ਚੀਨ-ਭਾਰਤ ਨਾਲ ਟਕਰਾਅ ਦਾ ਕੋਈ ਮਸਲਾ ਨਹੀਂ ਬਣਾਇਆ ਜਾਣਾ ਚਾਹੀਦਾ। ਪਿਛਲੇ ਸਾਲ ਭੂਟਾਨ, ਭਾਰਤ ਅਤੇ ਚੀਨ ਦੀ ਸਰਹੱਦ 'ਤੇ ਸਥਿਤ ਡੋਕਲਾਮ ਪਠਾਰ ਨੂੰ ਲੈ ਕੇ ਦੋਵਾਂ ਦੇਸ਼ਾਂ ਦੀਆਂ ਫੌਜਾਂ ਆਹਮੋ-ਸਾਹਮਣੇ ਆ ਗਈਆਂ ਸਨ। ਇਸ ਤੋਂ ਇਲਾਵਾ ਪਾਕਿਸਤਾਨ ਸਥਿਤ ਖਤਰਨਾਕ ਅੱਤਵਾਦੀ ਮਸੂਦ ਅਜ਼ਹਰ ਨੂੰ ਕੌਮਾਂਤਰੀ ਅੱਤਵਾਦੀ ਐਲਾਨ ਕਰਵਾਉਣ ਦੇ ਭਾਰਤ ਦੀਆਂ ਕੋਸ਼ਿਸ਼ਾਂ ਵਿੱਚ ਚੀਨ ਵੱਲੋਂ ਲੱਤ ਅੜਾਏ ਜਾਣ ਕਾਰਨ ਦੋਹਾਂ ਦੇਸ਼ਾਂ ਦੇ ਸੰਬੰਧ ਤਣਾਅਪੂਰਨ ਹੋ ਗਏ ਸਨ। 

ਮਾਲਦੀਵ ਸੰਕਟ ਬਾਰੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਵਿਚਾਲੇ ਹੋਈ ਗੱਲਬਾਤ ਬਾਰੇ ਪੁੱਛੇ ਗਏ ਸਵਾਲ 'ਤੇ ਚੀਨੀ ਵਿਦੇਸ਼ ਮੰਤਾਲੇ ਦੇ ਬੁਲਾਰੇ ਨੇ ਕਿਹਾ ਕਿ ਕਿਸੇ ਬਾਹਰੀ ਧਿਰ ਨੂੰ ਇਸ ਮਾਮਲੇ ਵਿੱਚ ਦਖਲ ਨਹੀਂ ਦੇਣਾ ਚਾਹੀਦਾ। ਉਹਨਾਂ ਕਿਹਾ ਕਿ ਕੌਮਾਂਤਰੀ ਭਾਈਚਾਰੇ ਨੂੰ ਮਾਲਦੀਵ ਦੀ ਪ੍ਰਭੂਸੱਤਾ ਅਤੇ ਅਜ਼ਾਦੀ ਦਾ ਸਨਮਾਨ ਕਰਨਾ ਚਾਹੀਦਾ ਹੈ। ਉਹਨਾਂ ਕਿਹਾ ਕਿ ਮਾਲਦੀਵ ਦੀ ਮੌਜੂਦਾ ਸਥਿਤੀ ਉਸ ਦਾ ਅੰਦਰੂਨੀ ਮਾਮਲਾ ਹੈ ਅਤੇ ਗੱਲਬਾਤ ਰਾਹੀਂ ਸਾਰੀਆਂ ਸੰਬੰਧਤ ਧਿਰਾਂ ਨੂੰ ਇਸ ਮਸਲੇ ਦਾ ਸਹੀ ਢੰਗ ਨਾਲ ਹੱਲ ਕਰਨਾ ਚਾਹੀਦਾ ਹੈ। 

ਇਸੇ ਦੌਰਾਨ ਮਾਲਦੀਵ ਦੇ ਰਾਸ਼ਟਰਪਤੀ ਅਬਦੁਲਾ ਯਾਮੀਨ ਨੇ ਦੇਸ਼ ਦੇ ਖਜ਼ਾਨਾ ਮੰਤਰੀ ਮੁਹੰਮਦ ਸਈਦ ਨੂੰ ਆਪਣੇ ਵਿਸ਼ੇਸ਼ ਦੂਤ ਦੇ ਤੌਰ 'ਤੇ ਚੀਨ ਭੇਜਿਆ ਹੈ।

Protest 5 ਅਕਤੂਬਰ ਨੂੰ: ਗੌਰੀ ਲੰਕੇਸ਼ ਦੇ ਲਹੂ ਦੀ ਲੋਅ ਸਾਡਾ ਰਾਹ ਰੁਸ਼ਨਾਏਗੀ

ਪੀਪਲਜ਼ ਮੀਡੀਆ ਲਿੰਕ ਵੀ ਸ਼ਾਮਲ ਹੋਵੇਗਾ CPI ਦੇ  ਰੋਸ ਮਾਰਚ ਵਿੱਚ 

ਲੁਧਿਆਣਾ: 4 ਅਕਤੂਬਰ 2017: (ਪੰਜਾਬ ਸਕਰੀਨ ਬਿਊਰੋ):: 

ਇੱਕ ਮਹੀਨਾ ਹੋ ਗਿਆ ਹੈ ਲੋਕਾਂ ਦੀ ਹਰਮਨ ਪਿਆਰੀ ਕੰਨੜ ਪੱਤਰਕਾਰ ਗੌਰੀ ਲੰਕੇਸ਼ ਦੇ ਕਤਲ ਨੂੰ।  ਉਸ ਤੋਂ ਬਾਅਦ ਮੋਹਾਲੀ ਵਿੱਚ ਪੱਤਰਕਾਰ ਕੇ ਜੇ ਸਿੰਘ ਅਤੇ ਤ੍ਰਿਪੁਰਾ ਵਿੱਚ ਪੱਤਰਕਾਰ ਸ਼ਾਂਤਨੂੰ ਭੌਮਿਕ ਨੂੰ ਵੀ ਕਤਲ ਕਰ ਦਿੱਤਾ ਗਿਆ। ਇਸ ਸਭ ਦੇ ਬਾਵਜੂਦ ਇਸ ਨਾਜ਼ੁਕ ਹਾਲਾਤ ਨੇ ਸਾਡੇ ਦਿਲ ਨੂੰ ਕੋਈ ਹਲੂਣਾ ਨਹੀਂ ਦਿੱਤਾ।  ਸਾਡੀ ਅੰਤਰ ਆਤਮਾ ਨਹੀਂ ਜਾਗੀ। ਸਾਨੂੰ ਕਦੇ ਮਹਿਸੂਸ ਨਹੀਂ ਹੋਇਆ ਕਿ ਅਚਾਨਕ ਕਿਸੇ ਦਿਨ ਸਾਡੀ ਵਾਰੀ ਵੀ ਆ ਸਕਦੀ ਹੈ ਜਾਂ ਸਾਡੇ ਵਿੱਚੋਂ ਹੀ ਕਿਸੇ ਹੋਰ ਦੀ ਵੀ। ਅਸੀਂ ਕਦੇ ਨਹੀਂ ਸੋਚਿਆ ਕਿ ਆਖਿਰ ਅਜੇ ਤੱਕ ਕਿਓਂ ਨਹੀਂ ਫੜੇ ਗਏ ਗੌਰੀ ਲੰਕੇਸ਼ ਦੇ ਕਾਤਲ। ਅਸੀਂ ਚੱਜ ਨਾਲ ਆਪਣੇ ਇਹਨਾਂ ਜਾਂਬਾਜ਼ ਪੱਤਰਕਾਰਾਂ ਦੇ ਕਤਲ ਦਾ ਸੋਗ ਵੀ ਨਹੀਂ ਮਨਾਇਆ। ਸ਼ਾਇਦ ਅਸੀਂ, ਖਾਸ ਕਰਕੇ ਲੁਧਿਆਣਾ ਦੇ ਜਮਹੂਰੀ ਲੋਕ ਅਤੇ ਕਲਮਕਾਰ, ਬੁਰੀ ਤਰ੍ਹਾਂ ਡਰ ਗਏ ਹਾਂ। ਇਸ ਵਿੱਚ ਕੋਈ ਹੈਰਾਨੀ ਵਾਲੀ ਗੱਲ ਵੀ ਨਹੀਂ। ਜ਼ੁਬਾਨਬੰਦੀ ਦੇ ਦੌਰ ਵਿੱਚ ਅਜਿਹਾ ਅਕਸਰ ਹੁੰਦਾ ਹੈ। ਸ਼ਾਇਦ ਅਸੀਂ ਵੀ ਇਸ ਦੌਰ ਦੀ ਦਹਿਸ਼ਤ ਦਾ ਸ਼ਿਕਾਰ ਹਾਂ। ਸ਼ਾਇਦ ਅਸੀਂ ਵੀ ਆਪਣੇ ਕਤਲ ਹੋਣ ਦੀ ਉਡੀਕ ਕਰ ਰਹੇ ਹਾਂ।   ਦੇਖ ਲੈਣਾ--ਸਾਡੇ ਕਤਲ ਤੇ ਵੀ ਜਾਂ ਤਾਂ ਬੋਲਣ ਵਾਲਾ ਕੋਈ ਬਚਿਆ ਨਹੀਂ ਹੋਵੇਗਾ ਜਾਂ ਫੇਰ ਕੋਈ ਬੋਲੇਗਾ ਹੀ ਨਹੀਂ। ਕਿਤੇ ਅਜਿਹਾ ਤਾਂ ਨਹੀਂ ਕਿ ਸਾਡੇ ਆਲੇ ਦੁਆਲੇ, ਸਾਡੀ ਸੋਚ, ਸਾਡੀ ਕਲਮ, ਸਾਡੀ ਆਜ਼ਾਦੀ 'ਤੇ ਗੌਰੀ ਦੇ ਕਾਤਲਾਂ ਨੇ ਕਬਜ਼ਾ ਤਾਂ ਨਹੀਂ ਕਰ ਲਿਆ? ਗੌਰੀ ਲੰਕੇਸ਼ ਦੇ ਕਤਲ 'ਤੇ ਖੁਸ਼ੀਆਂ ਮਨਾਉਣ ਵਾਲੇ  ਕਿਤੇ ਸਾਨੂੰ ਅੱਖਾਂ ਤਾਂ ਨਹੀਂ ਦਿਖਾਉਣ ਲੱਗ ਪਏ? 

ਜਿਹਨਾਂ ਨੇ ਅਜੇ ਤੱਕ ਗੌਰੀ ਲੰਕੇਸ਼ ਦੇ ਕਤਲ ਬਾਰੇ ਆਪਣੀ ਖਾਮੋਸ਼ੀ ਨਹੀਂ ਤੋੜੀ ਸ਼ਾਇਦ ਸਮਾਂ ਉਹਨਾਂ ਨੂੰ ਕਦੇ ਵੀ ਮਾਫ ਨਾ ਕਰੇ। ਸ਼ਾਇਦ ਉਹ ਵਿਚਾਰੇ ਨਹੀਂ ਜਾਣਦੇ ਕਿ ਗੌਰੀ ਦੀ ਕੁਰਬਾਨੀ ਕਿੰਨੀ ਅਰਥਪੂਰਨ ਹੈ, ਕਿੰਨੀ ਮਹੱਤਵਪੂਰਨ ਹੈ। ਸ਼ਾਇਦ ਸਾਡੇ ਵਿੱਚੋਂ ਬਹੁਤ ਸਾਰੇ ਨਹੀਂ ਜਾਣਦੇ ਕਿ ਅੱਜ ਦੇ ਕਾਰਪੋਰੇਟ ਮੀਡੀਆ ਵਾਲੇ ਕਾਰੋਬਾਰੀ ਦੌਰ ਵਿੱਚ ਗੌਰੀ ਸਾਨੂੰ ਕਿੰਨੇ ਹੀ ਰਸਤੇ ਦਿਖਾ ਗਈ ਹੈ, ਕਿੰਨੇ ਹੀ ਅਨਮੋਲ ਸਬਕ ਦੇ ਗਈ ਹੈ, ਜਿਹਨਾਂ 'ਤੇ ਚੱਲ ਕੇ ਹੀ ਅਸੀਂ ਆਪਣੀ ਕਲਮੀ ਆਜ਼ਾਦੀ ਨੂੰ ਵੀ ਬਚਾ ਸਕਦੇ ਹਾਂ ਅਤੇ ਕਿਰਤ ਕਮਾਈ ਵਾਲੀ ਜ਼ਿੰਦਗੀ ਵੀ ਸਿਰ ਚੁੱਕ ਕੇ ਗੁਜ਼ਾਰ ਸਕਦੇ ਹਾਂ। 

ਗੌਰੀ ਕੋਲ ਨੌਕਰੀਆਂ ਦੀ ਕੋਈ ਕਮੀ ਨਹੀਂ ਸੀ ਪਰ ਉਸਨੇ ਆਪਣਾ ਪਰਚਾ ਕੱਢਣ ਦਾ ਰਾਹ ਚੁਣਿਆ। ਉਸਨੂੰ ਪਤਾ ਸੀ ਇਸ਼ਤਿਹਾਰਾਂ ਬਿਨਾ ਇਹ ਪਰਚੇ ਨਹੀਂ ਚੱਲਦੇ ਪਰ ਉਸਨੇ ਬਿਨਾ ਇਸ਼ਤਿਹਾਰਾਂ ਦੇ ਇਹ ਪਰਚਾ ਘਰ ਘਰ ਪਹੁੰਚਾ ਕੇ ਦਿਖਾਇਆ। ਉਸਨੂੰ ਇਹ ਵੀ ਪਤਾ ਸੀ ਕਿ ਆਜ਼ਾਦੀ ਦੇ ਰਸਤੇ 'ਤੇ ਚੱਲਦਿਆਂ ਬਹੁਤ ਸਾਰੀਆਂ ਚੁਣੌਤੀਆਂ ਆਉਣਗੀਆਂ। ਗੌਰੀ ਨੇ ਹਮਖਿਆਲ ਲੋਕਾਂ ਦੀ ਇੱਕ ਟੀਮ ਬਣਾਈ। ਇਸ ਟੀਮ ਦੇ ਮੈਂਬਰਾਂ ਦੀ ਗਿਣਤੀ ਸਿਰਫ 50 ਸੀ। ਪਰ ਇਸ ਟੀਮ ਨੇ ਆਪਣੇ ਰਸਤੇ ਵਿੱਚ ਆਈ ਕਿਸੇ ਵੀ ਰੁਕਾਵਟ ਨੂੰ ਟਿਕਣ ਨਾ ਦਿੱਤਾ। ਆਖਿਰ ਗੌਰੀ ਨੇ ਜਿਹਨਾਂ ਵਿਚਾਰਾਂ ਦਾ ਪ੍ਰਗਟਾਵਾ ਕੀਤਾ। ਉਹਨਾਂ ਤੋਂ ਦੁਸ਼ਮਣ ਹੋਰ ਬੁਖਲਾ ਗਏ।  ਗੌਰੀ ਦਾ ਪਰਚਾ ਬੰਦ ਕਰਾਉਣ ਲਈ ਨਾ ਤਾਂ ਇਸ਼ਤਿਹਾਰ ਬੰਦ ਕਰਨ ਦਾ ਰੋਅਬ ਦਿਤਾ  ਜਾ ਸਕਦਾ ਸੀ ਅਤੇ ਨਾ ਹੀ ਕੋਈ ਹੋਰ ਧਮਕੀ। ਗੌਰੀ ਦੀ ਆਵਾਜ਼ ਲਗਾਤਾਰ ਹਰਮਨ ਪਿਆਰ ਹੋ ਰਹੀ ਸੀ। ਇਸ ਆਵਾਜ਼ 'ਤੇ ਸੈਂਸਰ ਲਾਉਣ ਲਈ ਆਖੀਰ ਗੋਲੀ ਦਾ ਸਹਾਰਾ ਲਿਆ ਗਿਆ। ਦੇਵੀ ਦੇ 9 ਰੂਪਾਂ ਦੀ ਪੂਜਾ ਕਰਨ ਵਾਲੇ ਦੇਸ਼ ਵਿੱਚ ਇੱਕ ਨਿਹੱਥੀ ਪੱਤਰਕਾਰ ਨੂੰ ਉਸਦੇ ਘਰ ਜਾ ਕੇ ਗੋਲੀਆਂ ਨਾਲ  ਭੁੰਨ ਦਿੱਤਾ ਗਿਆ। ਫਿਰ ਇਸ ਦੀਆਂ ਖੁਸ਼ੀਆਂ ਮਨਾਈਆਂ ਗਈਆਂ।  ਸੋਸ਼ਲ ਮੀਡੀਆ ਉੱਤੇ ਇਸ ਕਤਲ ਦੀ ਖੁਸ਼ੀ ਵਾਲੀ ਇੱਕ ਮੁਹਿੰਮ ਚਲਾਈ ਗਈ ਪਰ ਸਰਕਾਰ ਨੂੰ ਐਸ ਆਈ ਟੀ ਬਣਾ ਕੇ ਵੀ ਅਜੇ ਤੱਕ ਕਾਤਲ ਨਹੀਂ ਲੱਭੇ। 

ਅਸੀਂ ਸਾਰੇ ਇਸ ਸਭ ਕੁਝ ਨੂੰ ਦੇਖ ਰਹੇ ਹਾਂ। ਨੋਟ ਵੀ ਕਰ ਰਹੇ ਹਾਂ।  ਅਸੀਂ ਸਾਰੇ ਪੂਰੀ ਗੰਭੀਰਤਾ ਨਾਲ ਕਹਿਣਾ ਚਾਹੁੰਦੇ ਹਾਂ ਕਿ ਇਸ ਮਚਲੇਪਨ ਦੇ ਨਤੀਜੇ ਚੰਗੇ ਨਹੀਂ ਨਿਕਲਣਗੇ। ਹੁਣ ਘਰ ਘਰ ਗੌਰੀ ਲੰਕੇਸ਼ ਦਾ ਜਨਮ ਹੋਣ ਵਾਲਾ ਹੈ। ਜ਼ੁਬਾਨਬੰਦੀ ਦਾ ਇਹ ਖਤਰਨਾਕ ਦੌਰ ਸਾਨੂੰ ਹੋਰ ਤਕੜਿਆਂ ਕਰ ਰਿਹਾ ਹੈ। ਅਸੀਂ ਸਭਨਾਂ ਨੂੰ ਸੱਦਾ ਦੇਂਦੇ ਹਾਂ---

ਬੋਲ, ਕਿ ਲਬ ਆਜ਼ਾਦ ਹੈਂ ਤੇਰੇ

ਬੋਲ, ਜ਼ਬਾਂ ਅਬ ਤਕ ਤੇਰੀ ਹੈ

ਤੇਰਾ ਸੁਤਵਾਂ ਜਿਸਮ ਹੈ ਤੇਰਾ

ਬੋਲ, ਕਿ ਜਾਂ ਅਬ ਤਕ ਤੇਰੀ ਹੈ

ਗੌਰੀ ਲੰਕੇਸ਼ ਦੇ ਲਹੂ ਨੂੰ ਸਲਾਮੀ ਦੇਣ ਲਈ ਅਸੀਂ ਸਾਰੇ 5 ਅਕਤੂਬਰ 2017 ਨੂੰ ਰੇਲਵੇ ਸਟੇਸ਼ਨ 'ਤੇ ਸੀਪੀਆਈ ਵੱਲੋਂ ਕੀਤੇ ਜਾ ਰਹੇ ਰੋਸ ਵਿਖਾਵੇ ਅਤੇ ਰੋਸ ਮਾਰਚ ਵਿੱਚ ਸ਼ਾਮਲ ਹੋਵਾਂਗੇ। ਅਸੀਂ ਸਭਨਾਂ ਨੂੰ ਸੱਦਾ ਦੇਂਦੇ ਹਾਂ ਕਿ ਉਹ ਇਸ ਇਕੱਤਰਤਾ ਅਤੇ ਮਾਰਚ ਵਿੱਚ ਸ਼ਾਮਲ ਹੋਣ। ਗੌਰੀ  ਦੇ ਲਹੂ ਦੀ ਲੋਅ ਸਾਡਾ ਰਾਹ ਰੁਸ਼ਨਾਏਗੀ। ਜ਼ੁਬਾਨਬੰਦੀ ਦੇ ਇਸ ਦੌਰ ਵਿੱਚ ਗੌਰੀ ਦੀ ਕੁਰਬਾਨੀ ਸਾਨੂੰ ਨਵੀਂ ਹਿੰਮਤ ਦੇਵੇਗੀ। 

ਦ ਪੀਪਲਜ਼ ਮੀਡੀਆ ਲਿੰਕ, ਲੋਕ ਮੀਡੀਆ ਮੰਚ, ਜਨ ਮੀਡੀਆ ਮੰਚ, ਪੰਜਾਬ ਸਕਰੀਨ, 

ਸਤੀਸ਼ ਸਚਦੇਵਾ, ਪ੍ਰਦੀਪ ਸ਼ਰਮਾ, ਗੁਰਮੇਲ ਮੈਡਲੇ, ਰੈਕਟਰ ਕਥੂਰੀਆ, ਪਰਮਜੀਤ ਔਜਲਾ, ਪਰਮਿੰਦਰ ਕੌਰ, ਦਿਲਜੋਤ ਕੌਰ 

ਬੇਲਨ ਬ੍ਰਿਗੇਡ ਦੇ ਨਾਲ ਹੁਣ ਈ-ਰਿਕਸ਼ਾ "ਬ੍ਰਿਗੇਡ"

Tue, Aug 9, 2016 at 12:30 PM

ਪਹਿਲੀ ਮਹਿਲਾ ਈ ਰਿਕਸ਼ਾ ਡਰਾਈਵਰ ਯੂਨੀਅਨ ਦਾ ਗਠਨ

ਲੁਧਿਆਣਾ : 9 ਅਗਸਤ 2016 :: (ਪੰਜਾਬ ਸਕਰੀਨ ਬਿਊਰੋ):

ਜਦੋਂ ਲੁਧਿਆਣਾ ਸਮੇਤ ਸਾਰਾ ਦੇਸ਼ ਅੱਜ 9 ਅਗਸਤ ਨੂੰ ਭਾਰਤ ਛੱਡੋ ਅੰਦੋਲਨ ਦਿਵਸ ਦੀ ਯਾਦ ਵਿੱਚ ਥਾਂ ਥਾਂ ਤਰਾਂ ਦੇ ਆਯੋਜਨ ਕਰ ਰਿਹਾ ਸੀ ਉਸ ਵੇਲੇ ਮੰਨੀ ਪ੍ਰਮੰਨੀ ਆਰਕੀਟੈਕਟ ਅਨੀਤਾ ਸ਼ਰਮਾ ਸਮਾਜ ਨੂੰ ਇੱਕ ਨਵੈਂ ਸਿਹਤਮੰਦ ਨਕਸ਼ੇ ਮੁਤਾਬਕ ਢਾਲਣ ਦੇ ਉਪਰਾਲਿਆਂ ਵਿੱਚ ਸਰਗਰਮ ਸੀ। ਜ਼ਿਕਰਯੋਗ ਹੈ ਕਿ 9 ਅਗਸਤ ਦੇਸ਼ ਦੀ ਜਨਤਾ ਦੀ ਉਸ ਇੱਛਾ ਦੇ ਪ੍ਰਗਟਾਵੇ ਦਾ ਦਿਨ ਹੈ ਜਿਸ ਅਧੀਨ ਦੇਸ਼ ਦੀ ਜਨਤਾ ਨੇ ਇਹ ਗੱਲ ਪੱਕੀ ਧਾਰ ਲਈ ਸੀ ਕਿ ਸਾਨੂੰ ਆਜ਼ਾਦੀ ਚਾਹੀਦੀ ਹੈ ਅਤੇ ਅਸੀਂ ਆਜ਼ਾਦੀ ਲਾਇ ਕੇ ਰਹਾਂਗੇ। ਇਸ ਭਾਵਨਾ ਨੂੰ ਅੱਜ ਦੇ ਪ੍ਰਸੰਗ ਵਿੱਚ ਅੱਗੇ ਵਧਾਉਂਦਿਆਂ ਬੇਲਨ ਬ੍ਰਿਗੇਡ ਨੇ ਚੁੱਕਿਆ ਨਵਾਂ ਕਦਮ। ਇਸ ਮੌਕੇ ਤੇ ਨਾਅਰਾ ਦਿੱਤਾ ਗਿਆ-ਸਾਨੂੰ ਆਜ਼ਾਦੀ ਚਾਹੀਦੀ ਹੈ--ਨਾਰੀ ਸਸ਼ਕਤੀਕਰਨ ਦੇ ਨਾਅਰਿਆਂ ਨੂੰ ਖੋਖਲਾ ਬਣਾਉਣ ਵਾਲੇ ਧੋਖੇਬਾਜ਼ਾਂ ਤੋਂ। ਸਾਨੂੰ ਆਜ਼ਾਦੀ ਚਾਹੀਦੀ ਹੈ ਨਾਰੀ ਦਾ ਸ਼ੋਸ਼ਣ ਵਾਲਿਆਂ ਤੋਂ। ਸਾਨੂੰ ਆਜ਼ਾਦੀ ਚਾਹੀਦੀ ਹੈ ਨਾਰੀ ਨਾਲ ਵਿਸ਼ਵਾਸਘਾਤ ਕਰਨ ਵਾਲਿਆਂ ਤੋਂ। ਇਸ ਮਕਸਦ ਲਈ ਜਿਹੜੇ ਉਪਰਾਲੇ ਉਲੀਕੇ ਗਏ ਹਨ-ਇਹਨਾਂ ਵਿੱਚੋਂ ਇੱਕ ਉਪਰਾਲਾ ਹੈਂ ਔਰਤਾਂ ਦੀ ਈ-ਰਿਕਸ਼ਾ ਯੂਨੀਅਨ ਬਣਾਉਣ ਦਾ। 

ਜ਼ਿਕਰਯੋਗ ਹੈ ਕਿ ਸ਼ਹਿਰ ਵਿੱਚ ਸ਼ੁਰੂ ਕੀਤੀ ਗਈ ਈ ਰਿਕਸ਼ਾ ਜੋ ਮਹਿਲਾਵਾਂ ਦੁਆਰਾ  ਚਲਾਈ ਜਾ ਰਹੀ ਹੈ ਅਤੇ ਇਸ ਈ ਰਿਕਸ਼ਾ ਵਿੱਚ ਮਹਿਲਾਵਾਂ  ਸਵਾਰੀਆਂ ਹੀ ਬੈਠਦੀਆਂ ਹਨ ।   ਦੋ ਸਾਲ ਪਹਿਲਾਂ ਸਮਾਜਿਕ  ਸੰਸਥਾ ਬੇਲਨ  ਬਿ੍ਰਗੇਡ ਨੇ ਇੱਕ  ਪ੍ਰਾਈਵੇਟ  ਆਟੋ ਕੰਪਨੀ  ਦੇ ਨਾਲ ਮਿਲਕੇ ਲੁਧਿਆਣਾ ਲਈ ਇਹ ਯੋਜਨਾ ਤਿਆਰ ਕੀਤੀ ਗਈ  ਸੀ ਅਤੇ  ਫਿਰ ਅਗਸਤ ਮਹੀਨੇ ਵਿੱਚ ਲੁਧਿਆਣਾ ਪ੍ਰਸ਼ਾਸਨ  ਦੇ ਸਹਿਯੋਗ ਨਾਲ ਮਹਿਲਾਵਾ ਨੇ ਸ਼ਹਿਰ ਵਿੱਚ ਈ ਰਿਕਸ਼ਾ ਚਲਾਨੀ ਸ਼ਰੂ ਕੀਤੀ ।  ਔਰਤਾਂ ਦੀ ਸਵੈਨਿਰਭਰਤਾ ਖਿਲਾਫ ਸਾਜ਼ਿਸ਼ਾਂ ਰਚਣ ਵਾਲਿਆਂ ਖਿਲਾਫ ਜੰਗ ਦਾ ਬਿਗਲ। ...ਲੈ ਕੇ ਰਹਾਂਗੇ ਆਜ਼ਾਦੀ 
ਇਸ ਪ੍ਰੋਜੇਕਟ  ਦੇ ਬਾਰੇ ਵਿੱਚ ਜਾਣਕਾਰੀ ਦਿੰਦੇ ਹੋਏ ਬੇਲਨ ਬਿ੍ਰਗੇਡ ਦੀ ਪ੍ਰਧਾਨ ਅਨੀਤਾ ਸ਼ਰਮਾ  ਜੋ ਖ਼ੁਦ  ਆਰਕੀਟੇਕਟ ਅਤੇ ਇੰਜੀਨੀਅਰ  ਹਣ  ਉਹਨਾਂ  ਨੇ ਦੱਸਿਆ ਕਿ ਮਹਿਲਾਵਾਂ ਦਾ ਮਨੋਬਲ ਵਧਾਉਣ ਲਈ ਉਨ੍ਹਾਂਨੇ ਖ਼ੁਦ ਪਹਿਲਾਂ ਆਟੋ ਰਿਕਸ਼ਾ ਚਲਾਣ ਦੀ ਟ੍ਰੇਨਿੰਗ ਲਈ ਤਾਂਕਿ ਹੋਰ ਮਹਿਲਾਵਾਂ  ਵੀ ਲੋਕ ਸ਼ਰਮ ਤਿਆਗ ਕਰ ਇਸ ਪੁਰਖ ਪ੍ਰਧਾਨ ਕੰਮ ਵਿੱਚ ਅੱਗੇ ਆਣ  ਅਤੇ ਜਿਸਦੇ ਨਾਲ  ਸਮਾਜ ਵਿੱਚ ਮਹਿਲਾਵਾਂ ਦੇ ਪ੍ਰਤੀ ਵੱਧਦੀ ਅਸਮਾਜਿਕ ਸੁਰੱਖਿਆ ਨੂੰ ਦੂਰ ਕੀਤਾ ਜਾ ਸਕੇ ।  
ਔਰਤਾਂ ਦੀ ਸ਼ਕਤੀ ਅਤੇ ਏਕਤਾ ਨੂੰ ਵਧਾਉਣ  ਲਈ ਅੱਜ ਲੁਧਿਆਣਾ  ਵਿੱਚ ਬੇਲਨ  ਬਿ੍ਰਗੇਡ  ਈ ਰਿਕਸ਼ਾ ਯੂਨੀਅਨ ਦਾ ਗਠਨ ਕੀਤਾ ਗਿਆ  ਜਿਸ ਵਿੱਚ ਅਨੀਤਾ ਸ਼ਰਮਾ  ਪ੍ਰਧਾਨ ,  ਸੀਨੀਅਰ ਪ੍ਰਧਾਨ ਸੰਜਨਾ ਸਿੰਘ  ,  ਉਪਪ੍ਰਧਾਨ ਨੇਹਾ ਕਿਰਨ ,  ਸਕੱਤਰ ਕੈਸ਼ਿਅਰ ਸ਼ਸ਼ੀ ਸਿੰਘ  ,  ਪ੍ਰੋਪੋਗੰਡਾ ਸੇਕਰੇਟਰੀ ਮਾਇਆ ,   ਕਾਂਤਾ ਚੰਪਾ ਰੀਟਾ ਮੀਨਾ  ਅਤੇ ਪਰਵੀਨ ਨੂੰ ਕਾਰਜਕਾਰੀ ਕਮੇਟੀ ਵਿੱਚ ਲਿਆ ਗਿਆ ।  
ਇਸ ਮੌਕੇ ਉੱਤੇ ਯੂਨੀਅਨ ਦੀ ਪ੍ਰਧਾਨ ਅਨੀਤਾ ਸ਼ਰਮਾ  ਨੇ ਕਿਹਾ ਕਿ  ਉਨ੍ਹਾਂ ਦਾ ਸਪਣਾ ਸੀ ਕਿ ਔਰਤਾਂ ਪੁਰਖ ਪ੍ਰਧਾਨ ਸਮਾਜ ਵਿੱਚ ਹਰ ਕੰਮ ਵਿੱਚ ਪੁਰਸ਼ਾਂ  ਦੇ ਬਰਾਬਰ ਹਿੱਸਾ ਲੈਣ ਗਈਆਂ  ਉਦੋਂ ਨਾਰੀ ਸਸ਼ਕਤੀਕਰਣ ਹੋਵੇਗਾ ਉਨ੍ਹਾਂਨੇ ਕਿਹਾ ਕਿ ਨਾਰੀ ਜਦੋਂ ਤੱਕ ਆਪਣੇ ਪੈਰਾਂ ਉੱਤੇ ਆਪਣੇ ਆਪ ਸਟੈਂਡ ਨਹੀਂ ਕਰੇਗੀ ਤੱਦ ਤੱਕ ਸਮਾਜ ਵਿੱਚ ਨਾਰੀ ਦਾ ਰੁਤਬਾ ਨਹੀਂ ਵਧੇਗਾ ।   ਮਹਿਲਾਵਾਂ   ਦੇ ਕਾਰਜ ਵਿੱਚ ਪੁਰਸ਼ਾਂ  ਦੀ ਦਖਲਅੰਦਾਜ਼ੀ ਨਹੀਂ ਹੋਣੀ ਚਾਹੀਦੀ ਹੈ ਅਤੇ ਮਹਿਲਾਵਾਂ ਆਪਣੇ ਕਾਰਜ ਦਾ ਆਪਣੇ ਆਪ ਫ਼ੈਸਲਾ ਕਰਣ  ਕੀ ਠੀਕ ਹੈ ਅਤੇ ਕੀ ਗਲਤ ਹੈ  ਇਸਲਈ ਈ ਰਿਕਸ਼ਾ ਵਿੱਚ ਪੁਰਸ਼ਾਂ  ਦੀ ਦਖਲਅੰਦਾਜ਼ੀ ਰੋਕਣ ,  ਮਹਿਲਾਵਾਂ  ਨੂੰ ਈ ਰਿਕਸ਼ਾ ਚਲਾਣ ਵਿੱਚ ਆਉਣ ਵਾਲੀ ਪਰੇਸ਼ਾਨੀਆਂ   ਨੂੰ ਰੋਕਣ ਲਈ ਮਹਿਲਾ ਈ ਰਿਕਸ਼ਾ ਯੂਨੀਅਨ ਦਾ ਗਠਨ ਕੀਤਾ ਗਿਆ ਹੈ ।ਬੇਲਨ  ਬਿ੍ਰਗੇਡ ਈ ਰਿਕਸ਼ਾ ਯੂਨੀਅਨ ਮਹਿਲਾਵਾਂ  ਨੂੰ ਈ ਰਿਕਸ਼ਾ ਚਲਾਣ ਲਈ ਲੁਧਿਆਣਾ  ਵਿੱਚ  ਫਰੀ ਟ੍ਰੇਨਿੰਗ ਦੇਣਗੀਆਂ ਜੋ ਮਹਿਲਾਵਾਂ ਈ ਰਿਕਸ਼ਾ ਸੀਖਨਾ ਚਾਹੁੰਦੀਆਂ ਹਨ  ਉਹ ਇਸ ਹੇਲਪਲਾਈਨ ਨੰਬਰ 9814370369 ਉੱਤੇ ਫ਼ੋਨ ਕਰੇ ।        

ਅਨੀਤਾ ਸ਼ਰਮਾ, ਉਹਨਾਂ  ਦੀ ਸਹਿਯੋਗੀ ਸੰਜਨਾ ਅਤੇ ਹੋਰ ਔਰਤਾਂ ਨੇ ਸਪਸ਼ਟ ਕੀਤਾ ਹੈ ਕਿ ਅਸੀਂ ਆਪਣੇ ਕੰਮ ਵਿੱਚ ਪੁਰਸ਼ਾਂ ਦੀ ਸਾਜ਼ਿਸ਼ੀ ਦਖਲ ਅੰਦਾਜ਼ੀ ਸਹਿਣ ਨਹੀਂ ਕਰਨੀ। ਉਹਨਾਂ ਕਿਹਾ ਕਿ ਘੜੰਮ ਚੌਧਰੀ ਬਣ ਕੇ ਗੱਲ ਗੱਲ ਤੇ ਰੋਅਬ ਪਾਉਂਦੇ ਪੁਰਸ਼ ਲੀਡਰਾਂ ਨੂੰ ਸਾਡੀ ਹੱਥ ਜੋੜ ਕੇ ਸਨਿਮਰ ਬੇਨਤੀ ਹੈ ਕਿ ਉਹ  ਸਸ਼ਕਤੀਕਰਨ ਦੇ ਸੁਪਨੇ ਨੂੰ ਸਾਕਾਰ ਹੋ ਲੈਣ ਦੇਣ। ਇਸ ਇਤਿਹਾਸਿਕ ਪ੍ਰੋਜੈਕਟ ਦੀ ਪਿੱਠ ਵਿੱਚ ਛੁਰਾ ਨਾ ਮਾਰਨ। ਜੇ ਉਹਨਾਂ ਨੂੰ ਸਾਡੀ ਇਹ ਸਨਿਮਰ ਬੇਨਤੀ ਸਮਝ ਨਾ ਆਈ ਤਾਂ ਅਸੀਂ ਆਪਣੇ ਬੇਲਨ  ਮਤਲਬ ਵੇਲਣਾ ਚੁੱਕਣ ਤੋਂ ਵੀ  ਹਟਣਾ। ਮਾਂ ਦੁਰਗਾ ਦੀ ਪੂਜਾ ਸਾਨੂੰ ਆਪਣੇ ਅਧਿਕਾਰਾਂ ਦੀ ਜੰਗ ਲਈ  ਲਗਾਤਾਰ ਸ਼ਕਤੀ ਦੇਂਦੀ ਹੈ।

ਉਹਨਾਂ ਇਸ ਮੌਕੇ ਇੱਕ ਸ਼ੇਅਰ ਵੀ ਸੁਣਾਇਆ--
ਜਬ ਚਮਨ ਕੋ ਲਹੂ ਕੀ ਜ਼ਰੂਰਤ ਪੜੀ ,
ਸਬਸੇ ਪਹਿਲੇ  ਗਰਦਨ ਹਮਾਰੀ ਕਟੀ;
ਫਿਰ ਭੀ ਕਹਿਤੇ ਹੈਂ ਹਮਸੇ ਯੇ ਅਹਿਲ-ਏ-ਚਮਨ,
ਏ ਚਮਨ ਹੈ ਹਮਾਰਾ; ਤੁਮ੍ਹਾਰਾ ਨਹੀਂ।   

ਵਿਸ਼ਾਲ ਨਈਅਰ ਨੇ ਫਿਰ ਬੁਲੰਦ ਕੀਤੀ ਸ਼ਹੀਦਾਂ ਨੂੰ ਬਣਦਾ ਦਰਜਾ ਦੇਣ ਦੀ ਆਵਾਜ਼

ਮੁੱਖ ਮੰਤਰੀ ਬਾਦਲ ਨਾਲ ਕੀਤੀ ਮੁਲਾਕਾਤ

ਚੰਡੀਗੜ੍ਹ: 12 ਸਤੰਬਰ 2015: (ਪੰਜਾਬ ਸਕਰੀਨ ਬਿਊਰੋ):

ਮੀਡੀਆ ਕਿੰਗ ਅਵਿਨਾਸ਼ ਚੋਪੜਾ ਹੁਰਾਂ ਨਾਲ ਵਿਸ਼ਾਲ ਨਈਅਰ 

ਪੰਜਾਬ ਦੀ ਧਰਤੀ ਦਾ ਸਿਰ ਆਪਣੀਆਂ ਜਾਨਾਂ ਦੀ ਕੁਰਬਾਨੀ ਨਾਲ ਉੱਚਾ ਕਰਨ ਵਾਲੇ ਅਮਰ ਸ਼ਹੀਦਾਂ ਨੂੰ ਉਨ੍ਹਾਂ ਦਾ ਬਣਦਾ ਮਾਣ ਸਨਮਾਣ ਦਵਾਉਣ ਲਈ ਵਿਸ਼ਾਲ ਨਈਅਰ ਘਟੋਘੱਟ ਛੇ ਕੁ ਸਾਲਾਂ ਤੋਂ ਸਰਗਰਮ ਹੈ। ਰਿਸ਼ਤੇ ਵਿੱਚ ਸ਼ਹੀਦ ਸੁਖਦੇਵ ਥਾਪਰ ਨੂੰ ਆਪਣਾ ਨਾਨਕਾ ਵੰਸ਼ ਦੱਸਣ ਵਾਲੇ ਵਿਸ਼ਾਲ ਨੇ ਕਈ ਵਾਰ ਭਰੇ ਮਨ ਨਾਲ ਇਸ ਦਰਦ ਨੂੰ ਸਾਂਝਿਆਂ ਕੀਤਾ। ਕਈ ਵਾਰ ਮੁਹਿੰਮਾਂ ਚਲਾਈਆਂ, ਕਈ ਵਾਰ ਪ੍ਰੈਸ ਬਿਆਨ ਛਪਵਾਏ ਪਰ ਸਰਕਾਰਾਂ ਵੀ ਬੇਅਸਰ ਰਹੀਆਂ ਅਤੇ ਲੋਕ ਵੀ। ਵਿਕਾਸ ਦੇ ਖੋਖਲੇ ਦਾਅਵਿਆਂ ਆਏ ਦਿਨ ਜਾਰੀ ਹੁੰਦੇ ਅਜੀਬੋ ਗਰੀਬ ਫੁਰਮਾਨਾਂ ਦੇ ਮਕੜਜਾਲ ਵਿੱਚ ਉਲਝੇ ਲੋਕਾਂ ਨੂੰ ਜਦੋਂ ਰੋਜ਼ੀ ਰੋਟੀ ਕਮਾਉਣ ਤੋਂ ਹੀ ਫੁਰਸਤ ਨਾ ਮਿਲਦੀ ਹੋਵੇ ਤਾਂ ਉਹਨਾਂ ਸ਼ਹੀਦਾਂ ਦੇ ਸੁਪਨਿਆਂ ਬਾਰੇ ਕੀ ਸੋਚਣਾ ਸੀ। ਇਸ ਨਿਰਾਸ਼ਾ ਦੇ ਬਾਵਜੂਦ ਵਿਸ਼ਾਲ ਦੀ ਤੜਪ ਜਾਰੀ ਰਹੀ। ਉਹ ਇਸ ਮੰਗ 'ਤੇ ਡਟਿਆ ਰਿਹਾ ਕਿ ਸ਼ਹੀਦ ਭਗਤ ਸਿੰਘ, ਰਾਜਗੁਰੂ ਤੇ ਸੁਖਦੇਵ ਦੀ ਫਾਂਸੀ ਦੀ ਜਾਂਚ ਹੋਣੀ ਚਾਹੀਦੀ ਹੈ ਤੇ ਉਨ੍ਹਾਂ ਨੂੰ ਕੌਮੀ ਪੱਧਰ ‘ਤੇ ਸ਼ਹੀਦਾਂ ਦਾ ਦਰਜਾ ਵੀ ਦਿੱਤਾ ਜਾਣਾ ਚਾਹੀਦਾ ਹੈ। ਸ਼ਹੀਦ ਸੁਖਦੇਵ ਦੇ ਦੋਹਤੇ ਵਿਸ਼ਾਲ ਨੇ ਪੰਜਾਬ ਦੇ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਨਾਲ ਮੁਲਾਕਾਤ ਕਰਕੇ ਅੱਜ ਇਹ ਮੰਗ ਕੀਤੀ ਹੈ। ਉਹਨਾਂ ਸ਼ਹੀਦਾਂ ਦੇ ਪਰਿਵਾਰਾਂ ਅਤੇ ਸ਼ਹੀਦਾਂ ਦੇ ਸੁਨੇਹਿਆਂ ਨਾਲ ਸਬੰਧਿਤ ਮਸਲਿਆਂ ਬਾਰੇ ਵੀ ਕਈ ਗੱਲਾਂ ਕੀਤੀਆਂ। 

ਸ਼ਹੀਦਾਂ ਨਾਲ ਸਬੰਧਤ ਸਾਹਿਤ ਦੀ ਘਾਟ ਅਤੇ ਫਿਰ ਉਸਦੇ ਦਫਤਰੀ ਅਲਮਾਰੀਆਂ ਵਿੱਚ ਰੁਲਦੇ ਰਹਿਣ ਦੀ ਗੱਲ ਵੀ ਉਹਨਾਂ ਗੰਭੀਰਤਾ ਨਾਲ ਉਠਾਈ। ਉਨ੍ਹਾਂ ਕਿਹਾ ਕਿ ‘ਇਨ੍ਹਾਂ ਤਿੰਨਾਂ ਮਹਾਨ ਸ਼ਹੀਦਾਂ ਬਾਰੇ ਬੱਚਿਆਂ ਨੂੰ ਵੱਧ ਤੋਂ ਵੱਧ ਪੜ੍ਹਾਇਆ ਜਾਣਾ ਚਾਹੀਦਾ ਹੈ ਤਾਂ ਕਿ ਬੱਚੇ ਸ਼ਹੀਦਾਂ ਬਾਰੇ ਵੱਧ ਤੋਂ ਵੱਧ ਜਾਣ ਸਕਣ। ਉਨ੍ਹਾਂ ਸਰਕਾਰ ਤੋਂ ਸ਼ਹੀਦਾਂ ਦਾ ਵਿਰਸਾ ਸੰਭਾਲਣ ਦੀ ਮੰਗ ਵੀ ਕੀਤੀ ਹੈ ਤਾਂ ਕਿ ਪੰਜਾਬ ਦਾ ਭਵਿੱਖ ਆਪਣੇ ਵਾਰਿਸਾਂ ਦੀ ਵਿਚਾਰਧਾਰਾ ਨਾਲ ਜੁੜ ਸਕੇ। ਉਨ੍ਹਾਂ ਕਿਹਾ ਕਿ ਸ਼ਹੀਦਾਂ ਨਾਲ ਜੁੜੀਆਂ ਥਾਵਾਂ ਨੂੰ ਵੀ ਵਿਰਾਸਤੀ ਥਾਵਾਂ ਦਾ ਦਰਜਾ ਮਿਲਣਾ ਚਾਹੀਦਾ ਹੈ। ਜਿਕਰਯੋਗ ਹੈ ਕਿ ਅਜਿਹੀਆਂ ਕਈ ਥਾਵਾਂ ਖਸਤਾਹਾਲ ਰਹੀਆਂ ਹਨ। 

ਵਿਸ਼ਾਲ ਨਈਅਰ ਨੇ ਮੰਗ ਕੀਤੀ ਕਿ ਸੁਤੰਤਰਤਾ ਸੈਨਾਨੀਆਂ ਨੂੰ ਫਿਲਹਾਲ ਸਿਰਫ਼ ਇਕ ਫੀਸਦੀ ਰਾਖਵਾਂਕਰਨ ਮਿਲਦਾ ਹੈ ਤੇ ਇਸ ਨੂੰ ਵਧਾ ਕੇ 4 ਫੀਸਦੀ ਕਰਨਾ ਚਾਹੀਦਾ ਹੈ। ਉਨ੍ਹਾਂ ਕਿਹਾ ਕਿ ਇਸ ਨਾਲ ਹੀ ਸੁਤੰਤਰਤਾ ਸੈਨਾਨੀਆਂ ਦੇ ਪਰਿਵਾਰਾਂ ਦੀ ਹਾਲਤ ਠੀਕ ਹੋ ਸਕਦੀ ਹੈ। ਹੁਣ ਦੇਖਣਾ ਹੈ ਕਿ ਇਸ ਬਾਰੇ ਕੀਤੇ ਗਏ ਵਾਅਦੇ ਕਿੰਨੀ ਛੇਤੀ ਪੂਰੇ ਹੁੰਦੇ ਹਨ। 

ਦੇਸ਼ ਦੀਆਂ ਜਮਹੂਰੀ ਸੰਸਥਾਵਾਂ ਦਬਾਅ ਹੇਠ ਹਨ--ਰਾਸ਼ਟਰਪਤੀ ਪ੍ਰਣਵ ਮੁਖਰਜੀ

14-ਅਗਸਤ-2015 19:23 IST
ਆਜ਼ਾਦੀ ਦਿਵਸ ਦੀ ਪੂਰਵ ਸੰਧਿਆ ਮੌਕੇ ਰਾਸ਼ਟਰਪਤੀ ਵੱਲੋਂ ਦਿਲ ਟੁੰਬਵਾਂ  ਭਾਸ਼ਣ 
ਇਹੀ ਸਮਾਂ ਹੈ ਜਦੋਂ ਲੋਕ ਅਤੇ ਉਹਨਾਂ ਦੀਆਂ ਪਾਰਟੀਆਂ ਗੰਭੀਰ ਚਿੰਤਨ ਕਰਨ 

ਨਵੀਂ ਦਿੱਲੀ: 14 ਅਗਸਤ 2015: (PIB):

ਪੰਜਾਬ ਸਕਰੀਨ ਹਿੰਦੀ ਵੀ ਦੇਖੋ 

ਪੰਜਾਬ ਸਕਰੀਨ ਹਿੰਦੀ ਵੀ ਦੇਖੋ 

ਰਾਸ਼ਟਰਪਤੀ ਸ੍ਰੀ ਪ੍ਰਣਾਬ ਮੁਖਰਜੀ ਵੱਲੋਂ ਆਜ਼ਾਦੀ ਦਿਵਸ ਦੀ ਪੂਰਵ ਸੰਧਿਆ ਮੌਕੇ ਦਿੱਤਾ ਗਿਆ ਭਾਸ਼ਣ ਇਸ ਵਾਰ ਵੀ ਦਿਲਾਂ ਨੂੰ ਟੁੰਬਣ ਵਾਲਾ ਰਿਹਾ। ਉਹਨਾਂ ਯਾਦ ਕਰਾਇਆ ਕਿ 15 ਅਗਸਤ 1947 ਨੂੰ ਅਸੀਂ ਰਾਜਨੀਤਿਕ ਆਜ਼ਾਦੀ ਹਾਸਿਲ ਕੀਤੀ ਸੀ।  ਇਹ ਬੜਾ ਹੀ ਖੁਸ਼ੀਆਂ ਬਰੀਆ ਸਮਾਂ ਸੀ ਪਰ ਨਾਲ ਹੀ ਇਹ ਸਮਾਂ ਅਜਿਹੀ ਦਰਦ ਅਤੇ ਖੂਨ ਨਾਲ ਵੀ ਭਰਿਆ ਹੋਇਆ ਸੀ ਜਿਸਦੀ ਕਲਪਨਾ ਵੀ ਨਹੀਂ ਕੀਤੀ ਜਾ ਸਕਦੀ। ਉਹਨਾਂ ਖਿਡਾਰੀਆਂ ਦੇ ਨਾਲ ਨਾਲ ਨੋਬਲ ਪੁਰਸਕਾਰ ਜੇਤੂ ਕੈਲਾਸ਼ ਸਤਿਆਰਥੀ ਨੂੰ ਵੀ ਵਧਾਈ ਦਿੱਤੀ। ਆਪਣੇ ਭਾਸ਼ਣ ਦੌਰਾਨ ਉਹਨਾਂ ਮਹਾਤਮਾ ਗਾਂਧੀ ਅਤੇ ਡਾਕਟਰ ਅੰਬੇਦਕਰ ਦੀਆਂ ਟੂਕਾਂ ਦੇ ਹਵਾਲੇ ਵੀ ਦਿੱਤੇ। 

ਰਾਸ਼ਟਰਪਤੀ ਸ੍ਰੀ ਪ੍ਰਣਾਬ ਮੁਖਰਜੀ ਨੇ ਅੱਜ 69ਵੇਂ ਆਜ਼ਾਦੀ ਦਿਵਸ ਦੀ ਪੂਰਵ ਸੰਧਿਆ ਦੇ ਮੌਕੇ ਦੇਸ਼ ਵਾਸੀਆਂ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਸੰਸਦ ਵਿਚਾਰ-ਚਰਚਾ ਦੀ ਥਾਂ ਯੁੱਧ ਦਾ ਅਖਾੜਾ ਬਣ ਗਈ ਹੈ ਅਤੇ ਇਸ ਮੁੱਦੇ 'ਤੇ ਸਿਆਸੀ ਪਾਰਟੀਆਂ ਅਤੇ ਲੋਕਾਂ ਨੂੰ ਸਵੈ-ਚਿੰਤਨ ਕਰਕੇ ਸੁਧਾਰ ਲਿਆਉਣ ਵੱਲ ਕਦਮ ਚੁੱਕਣੇ ਚਾਹੀਦੇ ਹਨ ਤਾਂ ਜੋ ਦੇਸ਼ ਵਿਚ ਲੋਕਤੰਤਰ ਨੂੰ ਮਜ਼ਬੂਤ ਕੀਤਾ ਜਾ ਸਕੇ। ਅਜਿਹਾ ਕਰਨਾ ਸਮੇਂ ਦੀ ਮੁੱਖ ਲੋੜ ਹੈ। ਲੋਕਤੰਤਰੀ ਪ੍ਰਣਾਲੀ ਵਿਚ ਸੁਧਾਰ ਸਾਡੇ ਅੰਦਰੋਂ ਪੈਦਾ ਹੋਣਾ ਚਾਹੀਦਾ ਹੈ। ਮੌਨਸੂਨ ਇਜਲਾਸ ਦੌਰਾਨ ਹੋਈ ਜ਼ੋਰਦਾਰ ਬਹਿਸਬਾਜ਼ੀ ਦੇ ਸੰਦਰਭ ਵਿਚ ਰਾਸ਼ਟਰਪਤੀ ਸ੍ਰੀ ਮੁਖਰਜੀ ਨੇ ਕਿਹਾ, 'ਜੇਕਰ ਸਾਡੀਆਂ ਲੋਕਤੰਤਰੀ ਸੰਸਥਾਵਾਂ ਦਬਾਅ ਵਿਚ ਹਨ ਤਾਂ ਇਹੋ ਸਮਾਂ ਹੈ ਕਿ ਲੋਕ ਤੇ ਪਾਰਟੀਆਂ ਗੰਭੀਰ ਹੋ ਕੇ ਸੋਚਣ।' ਉਨ੍ਹਾਂ ਸੰਸਦ ਅਤੇ ਸਿਆਸਤ ਵਿਚ ਝਗੜਾਲੂ ਪ੍ਰਵਿਰਤੀ ਹਾਵੀ ਹੋਣ 'ਤੇ ਚਿੰਤਾ ਦਾ ਪ੍ਰਗਟਾਵਾ ਕਰਦਿਆਂ ਕਿਹਾ, ''ਸਾਡੇ ਲੋਕਤੰਤਰ ਦੀਆਂ ਜੜ੍ਹਾਂ ਭਾਵੇਂ ਡੂੰਘੀਆਂ ਹਨ ਪਰ ਇਸ ਦੇ ਪੱਤੇ ਹੁਣ ਮੁਰਝਾਉਣ ਲੱਗੇ ਹਨ। ਹੁਣ ਨਵੀਨੀਕਰਨ ਦਾ ਸਮਾਂ ਆ ਗਿਆ ਹੈ। ਜੇਕਰ ਅਸੀਂ ਹੁਣ ਕਦਮ ਨਹੀਂ ਚੁੱਕਦੇ ਤਾਂ ਕੀ ਸੱਤ ਦਹਾਕੇ ਬਾਅਦ ਸਾਡੇ ਉਤਰਾਧਿਕਾਰੀ ਸਾਨੂੰ ਉਨ੍ਹੇ ਹੀ ਸਨਮਾਨ ਤੇ ਖੁਸ਼ੀ ਨਾਲ ਯਾਦ ਕਰਨਗੇ ਜਿਵੇਂ ਅਸੀਂ 1947 ਵਿਚ ਭਾਰਤ ਵਾਸੀਆਂ ਦੇ ਸੁਪਨੇ ਸਾਕਾਰ ਕਰਨ ਵਾਲਿਆਂ ਨੂੰ ਯਾਦ ਕਰਦੇ ਹਾਂ। ਭਾਵੇਂ ਜਵਾਬ ਸਹਿਜ ਨਾ ਹੋਵੇ ਪਰ ਸਵਾਲ ਤਾਂ ਪੁੱਛਣਾ ਹੀ ਹੋਵੇਗਾ।'' 
ਰਾਸ਼ਟਰਪਤੀ ਨੇ ਕਿਹਾ ਕਿ ਚੰਗੀ ਤੋਂ ਚੰਗੀ ਵਿਰਾਸਤ ਦੇ ਬਚਾਓ ਲਈ ਲਗਾਤਾਰ ਦੇਖਭਾਲ ਜ਼ਰੂਰੀ ਹੁੰਦੀ ਹੈ। ਲੋਕਤੰਤਰ ਦੀਆਂ ਸਾਡੀਆਂ ਸੰਸਥਾਵਾਂ ਦਬਾਅ ਵਿਚ ਹਨ। ਸੰਸਦ ਵਿਚਾਰ-ਵਟਾਂਦਰਾ ਦੀ ਬਜਾਏ ਟਕਰਾਅ ਦੇ ਅਖਾੜੇ ਵਿਚ ਬਦਲ ਚੁੱਕੀ ਹੈ, ਜੋ ਦਰੁਸਤ ਨਹੀਂ। ਇਸ ਸਮੇਂ, ਸੰਵਿਧਾਨ ਦੀ ਖਰੜਾ ਕਮੇਟੀ ਦੇ ਚੇਅਰਮੈਨ ਡਾ: ਬੀ. ਆਰ. ਅੰਬੇਡਕਰ ਦੇ ਉਸ ਬਿਆਨ ਦਾ ਹਵਾਲਾ ਦੇਣਾ ਲਾਹੇਵੰਦ ਹੋਵੇਗਾ, ਜੋ ਉਨ੍ਹਾਂ ਨੇ ਨਵੰਬਰ, 1949 ਵਿਚ ਸੰਵਿਧਾਨ ਸਭਾ ਵਿਚ ਆਪਣੇ ਭਾਸ਼ਣ ਵਿਚ ਦਿੱਤਾ ਸੀ:
'ਕਿਸੇ ਸੰਵਿਧਾਨ ਦਾ ਸੰਚਾਲਨ ਪੂਰੀ ਤਰ੍ਹਾਂ ਸੰਵਿਧਾਨ ਦੇ ਸੁਭਾਅ ਉਤੇ ਨਿਰਭਰ ਨਹੀਂ ਹੁੰਦਾ।  ਸੰਵਿਧਾਨ ਸਿਰਫ ਰਾਜ ਦੇ ਕਾਨੰੂਨ, ਕਾਰਜਪਾਲਿਕਾ ਅਤੇ ਨਿਆਂ ਪਾਲਿਕਾ ਵਰਗੇ ਅੰਗਾਂ ਨੰੂ ਹੀ ਪ੍ਰਦਾਨ ਕਰ ਸਕਦਾ ਹੈ। 
ਅਰਥ ਵਿਵਸਥਾ ਤੋਂ ਉਮੀਦਾਂ
ਸਾਡੀ ਅਰਥ-ਵਿਵਸਥਾ ਭਵਿੱਖ ਲਈ ਬਹੁਤ ਆਸ਼ਾਵਾਂ ਰੱਖਦੀ ਹੈ। 'ਭਾਰਤ ਗਾਥਾ' ਦੇ ਨਵੇਂ ਅਧਿਆਏ ਅਜੇ ਲਿਖੇ ਜਾਣੇ ਹਨ 'ਆਰਥਿਕ ਸੁਧਾਰ' ਉਤੇ ਕੰਮ ਚਲ ਰਿਹਾ ਹੈ। ਪਿਛਲੇ ਦਹਾਕੇ ਦੌਰਾਨ ਸਾਡੀ ਉਪਲਬੱਧੀ ਸ਼ਲਾਘਾਯੋਗ ਰਹੀ ਹੈ ਅਤੇ ਇਹ ਬਹੁਤ ਜ਼ਿਆਦਾ ਖੁਸ਼ੀ ਦੀ ਗੱਲ ਹੈ ਕਿ ਕੁਝ ਗਿਰਾਵਟ ਦੇ ਬਾਅਦ ਅਸੀਂ 2014-15 ਵਿਚ 7.3 ਫੀਸਦੀ ਦੀ ਵਿਕਾਸ ਦਰ ਵਾਪਸ ਪ੍ਰਾਪਤ ਕਰ ਲਈ ਹੈ | ਪਰ ਇਸ ਨਾਲ ਪਹਿਲਾਂ ਕਿ ਇਸ ਵਿਕਾਸ ਦਾ ਲਾਭ ਸਭ ਤੋਂ ਅਮੀਰ ਲੋਕਾਂ ਦੇ ਬੈਂਕ ਖ਼ਾਤਿਆਂ ਵਿਚ ਪਹੁੰਚੇ, ਉਸ ਨੂੰ ਗਰੀਬ ਤੋਂ ਗਰੀਬ ਵਿਅਕਤੀ ਤੱਕ ਪਹੁੰਚਾਉਣਾ ਚਾਹੀਦਾ ਹੈ। 
ਮਨੁੱਖ ਅਤੇ ਕੁਦਰਤ ਵਿਚਾਲੇ ਰਸਮੀ ਸਬੰਧਾਂ ਨੂੰ ਸੁਰੱਖਿਅਤ ਰੱਖਣਾ ਹੋਵੇਗਾ। ਚੰਗੀ ਕੁਦਰਤ ਅਪਵਿੱਤਰ ਕੀਤੇ ਜਾਣ ਉਤੇ ਆਪ ਦਾ ਨਾਸ਼ ਕਰਨ ਵਾਲੀ ਸ਼ਕਤੀ ਵਿਚ ਬਦਲ ਸਕਦੀ ਹੈ, ਜਿਸ ਦੇ ਨਤੀਜੇ ਵਜੋਂ ਵੱਡੇ ਪੈਮਾਨੇ ਉਤੇ ਜਾਨਮਾਲ ਦੀ ਹਾਨੀ ਹੁੰਦੀ ਹੈ।  ਇਸ ਸਮੇਂ, ਜਦ ਮੈਂ ਤੁਹਾਨੂੰ ਸੰਬੋਧਨ ਕਰ ਰਿਹਾ ਹਾਂ, ਦੇਸ਼ ਦੇ ਬਹੁਤ ਸਾਰੇ ਹਿੱਸੇ ਵੱਡੀ ਮੁਸ਼ਕਿਲ ਨਾਲ ਹੜ੍ਹ ਦੀ ਮਾਰ ਹੇਠ ਹਨ। ਸਾਨੂੰ ਪੀੜਤਾਂ ਲਈ ਤਤਕਾਲ ਰਾਹਤ ਦੇ ਨਾਲ ਹੀ ਪਾਣੀ ਦੀ ਘਾਟ ਅਤੇ ਸਿਰਜਣਾ ਦੋਹਾਂ ਦੇ ਪ੍ਰਬੰਧਨ ਦੀ ਲੰਬੀ ਮਿਆਦ ਵਾਲਾ ਹੱਲ ਲੱਭਣਾ ਹੋਵੇਗਾ। 
ਭਾਰਤ ਗੁਆਂਢੀ ਦੇਸ਼ਾਂ ਨਾਲ ਸਹਿਯੋਗ ਦਾ ਇੱਛੁਕ
ਰਾਸ਼ਟਰਪਤੀ ਪ੍ਰਣਾਬ ਮੁਖਰਜੀ ਨੇ ਕਿਹਾ ਕਿ ਭਾਰਤੀ ਉਪ ਮਹਾਦੀਪ ਦੇ ਸਾਂਝੇ ਭਵਿੱਖ ਨੂੰ ਪਛਾਣਦੇ ਹੋਏ ਸਾਨੂੰ ਸੰਪਰਕ ਨੂੰ ਮਜ਼ਬੂਤ ਕਰਨਾ ਹੋਵੇਗਾ, ਸੰਸਥਾਗਤ ਸਮਰੱਥਾ ਵਧਾਉਣੀ ਹੋਵੇਗੀ ਅਤੇ ਖੇਤਰੀ ਸਹਿਯੋਗ ਦੇ ਵਿਸਥਾਰ ਲਈ ਆਪਸੀ ਭਰੋਸੇ ਨੂੰ ਵਧਾਉਣਾ ਹੋਵੇਗਾ। ਜਿੱਥੇ ਅਸੀਂ ਵਿਸ਼ਵ ਭਰ ਵਿਚ ਆਪਣੇ ਹਿਤਾਂ ਨੰੂ ਅੱਗੇ ਵਧਾਉਣ ਦੀ ਦਿਸ਼ਾ ਵਿਚ ਪ੍ਰਗਤੀ ਕਰ ਰਹੇ ਹਾਂ, ਉਥੇ ਭਾਰਤ ਆਪਣੇ ਨੇੜਲੇ ਗੁਆਂਢ ਵਿਚ ਸਦਭਾਵਨਾ ਅਤੇ ਖੁਸ਼ਹਾਲੀ ਵਧਾਉਣ ਲਈ ਵੀ ਵਧ-ਚੜ੍ਹ ਕੇ ਕੰਮ ਕਰ ਰਿਹਾ ਹੈ। ਇਹ ਖੁਸ਼ੀ ਦੀ ਗੱਲ ਹੈ ਕਿ ਬੰਗਲਾਦੇਸ਼ ਨਾਲ ਲੰਬੇ ਸਮੇਂ ਤੋਂ ਲੰਬਿਤ ਸੀਮਾ ਵਿਵਾਦ ਦਾ ਆਖਰ ਨਿਪਟਾਰਾ ਕਰ ਦਿੱਤਾ ਗਿਆ ਹੈ। 
ਅੱਤਵਾਦ ਸਹਿਣ ਨਹੀਂ
ਰਾਸ਼ਟਰਪਤੀ ਨੇ ਇਹ ਵੀ ਸਪੱਸ਼ਟ ਕੀਤਾ ਕਿ ਅਸੀਂ ਮਿੱਤਰਤਾ ਵਿਚ ਆਪਣਾ ਹੱਥ ਮਰਜ਼ੀ ਨਾਲ ਅੱਗੇ ਵਧਾਉਂਦੇ ਹਾਂ ਪਰ ਅਸੀਂ ਜਾਣਬੁੱਝ ਕੇ ਕੀਤੀਆਂ ਜਾ ਰਹੀਆਂ ਉਕਸਾਉਣ ਦੀਆਂ ਹਰਕਤਾਂ ਅਤੇ ਵਿਗੜਦੇ ਸੁਰੱਖਿਆ ਵਾਤਾਵਰਨ ਪ੍ਰਤੀ ਅੱਖਾਂ ਨਹੀਂ ਮੀਟ ਸਕਦੇ। ਭਾਰਤ, ਸੀਮਾ ਪਾਰ ਤੋਂ ਸੰਚਾਲਿਤ ਹੋਣ ਵਾਲੇ ਵਹਿਸ਼ੀ ਅੱਤਵਾਦ ਸਮੂਹਾਂ ਦਾ ਨਿਸ਼ਾਨਾ ਬਣਿਆ ਹੋਇਆ ਹੈ। ਹਿੰਸਾ ਦੀ ਭਾਸ਼ਾ ਅਤੇ ਬੁਰਾਈ ਦੀ ਰਾਹ ਦੇ ਇਲਾਵਾ ਇਨ੍ਹਾਂ ਅੱਤਵਾਦੀਆਂ ਦਾ ਨਾ ਤਾਂ ਕੋਈ ਧਰਮ ਹੈ ਅਤੇ ਨਾ ਹੀ ਉਹ ਕਿਸੇ ਵਿਚਾਰਧਾਰਾ ਨੂੰ ਮੰਨਦੇ ਹਨ। ਸਾਡੇ ਗੁਆਂਢੀਆਂ ਨੂੰ ਇਹ ਯਕੀਨੀ ਬਣਾਉਣਾ ਚਾਹੀਦਾ ਹੈ ਕਿ ਉਨ੍ਹਾਂ ਦੇ ਭੂ-ਭਾਗ ਦਾ ਉਪਯੋਗ ਭਾਰਤ ਪ੍ਰਤੀ ਦੁਸ਼ਮਣੀ ਰੱਖਣ ਵਾਲੀਆਂ ਤਾਕਤਾਂ ਨਾ ਕਰ ਸਕਣ। ਸਾਡੀ ਨੀਤੀ ਅੱਤਵਾਦ ਨੂੰ ਬਿਲਕੁਲ ਵੀ ਸਹਿਣ ਨਹੀਂ ਕਰਨ ਦੀ ਬਣੀ ਰਹੇਗੀ। ਸਾਡੀ ਸਰਹੱਦ ਵਿਚ ਘੁਸਪੈਠ ਅਤੇ ਅਸ਼ਾਂਤੀ ਫੈਲਾਉਣ ਦੇ ਯਤਨਾਂ ਨਾਲ ਸਖ਼ਤੀ ਨਾਲ ਨਿਪਟਿਆ ਜਾਵੇਗਾ। 
ਮੈਂ ਉਨ੍ਹਾਂ ਸ਼ਹੀਦਾਂ ਨੂੰ ਸ਼ਰਧਾਂਜਲੀ ਦਿੰਦਾ ਹਾਂ ਜਿਨ੍ਹਾਂ ਨੇ ਦੇਸ਼ ਦੀ ਰੱਖਿਆ ਲਈ ਆਪਣੇ ਜੀਵਨ ਦੀ ਕੁਰਬਾਨੀ ਦਿੱਤੀ। ਮੈਂ ਆਪਣੇ ਸੁਰੱਖਿਆ ਬਲਾਂ ਦੇ ਹੌਸਲੇ ਅਤੇ ਬੀਰਤਾ ਨੂੰ ਪ੍ਰਣਾਮ ਕਰਦਾ ਹਾਂ ਜੋ ਸਾਡੇ ਦੇਸ਼ ਦੀ ਖੇਤਰੀ ਅਖੰਡਤਾ ਦੀ ਰੱਖਿਆ ਅਤੇ ਸਾਡੀ ਜਨਤਾ ਦੀ ਹਿਫਾਜ਼ਤ ਲਈ ਲਗਾਤਾਰ ਚੌਕਸੀ ਬਣਾਏ ਰੱਖਦੇ ਹਨ। ਮੈਂ, ਖ਼ਾਸ ਕਰਕੇ ਉਨ੍ਹਾਂ ਬਹਾਦਰ ਨਾਗਰਿਕਾਂ ਦੀ ਵੀ ਸ਼ਲਾਘਾ ਕਰਦਾ ਹਾਂ, ਜਿਨ੍ਹਾਂ ਨੇ ਆਪਣੇ ਜੀਵਨ ਦੀ ਪ੍ਰਵਾਹ ਨਾ ਕਰਦੇ ਹੋਏ ਬਹਾਦਰੀ ਦੇ ਨਾਲ ਇਕ ਖਤਰਨਾਕ ਅੱਤਵਾਦੀ ਨੰੂ ਫੜ ਲਿਆ। ਭਾਰਤ 130 ਕਰੋੜ ਨਾਗਰਿਕਾਂ, 122 ਭਾਸ਼ਾਵਾਂ, 1600 ਬੋਲੀਆਂ ਅਤੇ 7 ਧਰਮਾਂ ਦਾ ਇਕ ਗੁੰਝਲਦਾਰ ਦੇਸ਼ ਹੈ। 
ਰਾਸ਼ਟਰਪਤੀ ਨੇ ਦੇਸ਼-ਵਾਸੀਆਂ ਨੂੰ ਅਤੇ ਵਿਸ਼ਵ ਭਰ ਦੇ ਸਾਰੇ ਪ੍ਰਵਾਸੀ ਭਾਰਤੀਆਂ ਨੰੂ ਨਿੱਘੀਆਂ ਵਧਾਈਆਂ ਦਿੱਤੀਆਂ। ਉਨ੍ਹਾਂ ਕਿਹਾ ਕਿ ਮੈਂ ਆਪਣੀਆਂ ਹਥਿਆਰਬੰਦ ਫੌਜਾਂ ਅਤੇ ਅੰਦਰੁੂਨੀ ਸੁਰੱਖਿਆ ਬਲਾਂ ਦੇ ਮੈਂਬਰਾਂ ਨੂੰ ਖ਼ਾਸ ਤੌਰ ਉਤੇ ਵਧਾਈ ਦਿੰਦਾ ਹਾਂ। ਮੈਂ ਆਪਣੇ ਉਨ੍ਹਾਂ ਸਾਰੇ ਖਿਡਾਰੀਆਂ ਨੂੰ ਵਧਾਈ ਦਿੰਦਾ ਹਾਂ, ਜਿਨ੍ਹਾਂ ਦੇਸ਼-ਵਿਦੇਸ਼ਾਂ ਵਿਚ ਵੱਖ-ਵੱਖ ਮੁਕਾਬਲਿਆਂ ਵਿਚ ਹਿੱਸਾ ਲਿਆ ਅਤੇ ਪੁਰਸਕਾਰ ਜਿੱਤੇ। ਮੈਂ, 2014 ਲਈ ਨੋਬਲ ਸ਼ਾਂਤੀ ਪੁਰਸਕਾਰ ਜੇਤੂ ਸ੍ਰੀ ਕੈਲਾਸ਼ ਸਤਿਆਰਥੀ ਨੂੰ ਵਧਾਈ ਦਿੰਦਾ ਹਾਂ, ਜਿਨ੍ਹਾਂ ਨੇ ਦੇਸ਼ ਦਾ ਨਾਂਅ ਰੌਸ਼ਨ ਕੀਤਾ। 

ਜੋਸ਼ੋ ਖਰੋਸ਼ ਨਾਲ ਮਨਾਈ ਗਈ ਬਾਬਾ ਗੁਰਮੁਖ ਸਿੰਘ ਲਲਤੋਂ ਦੀ ਬਰਸੀ

ਬੁੱਤ ਤੋੜਣ ਵਾਲਿਆਂ ਨੂੰ ਬੁਲਾਰਿਆਂ ਵੱਲੋਂ ਸਖਤ ਚੇਤਾਵਨੀ 

ਬੇਅਦਬੀ ਕਰਨ ਵਾਲਿਆਂ ਵਿਰੁਧ ਦੇਸ਼ ਧ੍ਰੋਹ ਦੀ ਧਾਰਾ ਲਾਗੂ ਕਰਾਉਣ ਦੀ ਮੰਗ ਦਾ ਮਤਾ ਵੀ ਪਾਸ 

ਲੁਧਿਆਣਾ: 15 ਮਾਰਚ 2015: (ਰੈਕਟਰ ਕਥੂਰੀਆ//ਪੰਜਾਬ ਸਕਰੀਨ):

ਲੋਕ ਦੋਖੀ ਅਨਸਰਾਂ ਦੀਆਂ ਸਾਜ਼ਿਸ਼ਾਂ ਨੂੰ ਬੁਰੀ ਤਰਾਂ ਨਾਕਾਮ ਕਰਦਿਆਂ ਅੱਜ ਗਦਰੀ ਬਾਬਿਆਂ ਦੇ  ਪੈਰੋਕਾਰਾਂ ਨੇ ਬੜੇ ਹੀ ਜੋਸ਼ੋ ਖਰੋਸ਼ ਨਾਲ ਬਾਬਾ ਗੁਰਮੁਖ ਸਿੰਘ ਲਲਤੋਂ ਦੀ ਬਰਸੀ ਮਨਾਈ। ਇਸ ਮੌਕੇ ਖੇਡੇ ਗਏ  ਨਾਟਕ, ਪੇਸ਼ ਕੀਤੀ ਗਏ  ਗੀਤ ਸੰਗੀਤ ਅਤੇ ਭਾਸ਼ਣਾਂ ਰਾਹੀਂ ਸਪਸ਼ਟ ਚੇਤਾਵਨੀ ਦਿੱਤੀ ਗਈ ਕਿ ਜੇ ਕਾਨੂੰਨ ਨੇ ਬੁੱਤ ਤੋੜਨ ਵਾਲਿਆਂ ਨੂੰ ਸਜ਼ਾ ਨਾ ਦਿੱਤੀ ਤਾਂ ਦੇਸ਼ ਭਗਤਾਂ ਦੇ ਵਾਰਸ ਖੁਦ ਵੀ ਉਹਨਾਂ ਨੂੰ ਸਜ਼ਾ ਦੇਣਾ ਜਾਣਦੇ ਹਨ। ਚੇਤੇ ਰਹੇ ਕਿ ਬਾਬਾ ਜੀ ਦੇ ਬੁੱਤ ਉੱਪਰ ਤਿੰਨ ਚਾਰ ਵਾਰ ਹਮਲੇ ਹੋ ਚੁੱਕੇ ਹਨ ਪਰ  ਦੋਸ਼ੀਆਂ ਖਿਲਾਫ਼ ਬਣਦੀ ਕਾਰਵਾਈ ਨਹੀਂ ਕੀਤੀ ਗਈ। ਇਸ ਸਬੰਧੀ ਬਣੀ ਕਮੇਟੀ ਦੇ ਮੁਤਾਬਿਕ ਪੁਲਿਸ ਨੇ ਇਸ ਮਾਮਲੇ ਵਿੱਚ ਸਤਬੀਰ ਗੈਂਗ ਦੇ ਮੈਂਬਰ ਕਈ ਦਿਨ ਪਹਿਲਾਂ ਹੀ ਕਾਬੂ ਕੀਤੇ ਹਨ ਪਰ ਇਸ ਬਾਰੇ ਅਜੇ ਤੱਕ ਅਧਿਕਾਰਕ ਸੂਚਨਾ ਨਹੀਂ ਕਿ ਸਤਬੀਰ ਗਿਰੋਹ ਦੇ ਇਹਨਾਂ ਮੈਂਬਰਾਂ ਨੇ ਇਹ ਬੁੱਤ ਕਿਓਂ ਤੋੜਿਆ? ਬਰਸੀ ਮੌਕੇ ਇਕੱਤਰ ਸਮਾਗਮ ਵਿੱਚ ਮਤਾ ਪਾਸ ਕਰਕੇ ਉਹਨਾਂ ਖਿਲਾਫ਼ ਦੇਸ਼ ਧ੍ਰੋਹ ਦੀ ਧਾਰਾ ਲਾਗੂ ਕਰਨ ਅਤੇ ਉਹਨਾਂ ਦੀ ਪਿਠ ਥਾਪੜਨ  ਵਾਲੇ ਸਾਜ਼ਿਸ਼ੀਆਂ ਨੂੰ ਵੀ ਬੇਨਕਾਬ ਕਰਕੇ ਬਣਦੀ ਕਾਰਵਾਈ ਦੀ ਮੰਗ ਕੀਤੀ ਗਈ।

ਇਸ ਸਮਾਗਮ ਵਿੱਚ ਭਾਗ ਲੈਣ ਲਈ ਲੋਕ ਵੱਖ ਵੱਖ ਇਲਾਕਿਆਂ ਵਿੱਚੋਂ ਕਾਫ਼ਿਲੇ ਬਣਾ ਕੇ ਆਏ। ਲੁਧਿਆਣਾ ਤੋਂ ਕਾਮਰੇਡ ਗੁਰਨਾਮ   ਸਿਧੂ ਅਤੇ ਕਾਮਰੇਡ ਰਮੇਸ਼ ਰਤਨ ਦੀ ਅਗਵਾਈ ਹੇਠ ਵਿਸ਼ਾਲ ਕਾਫ਼ਿਲਾ ਪਿੰਡਾਂ ਵਿੱਚੋਂ ਦੀ ਹੁੰਦਾ ਹੋਇਆ ਲਲਤੋਂ ਖੁਰਦ ਪਹੁੰਚਿਆ। 

ਲੋਕਾਂ ਨੇ ਬੜੀ ਸ਼ਰਧਾ ਨਾਲ ਬਾਬਾ ਜੀ ਨੂੰ ਆਪਣੀ ਅਕੀਦਤ ਦੇ ਫੁੱਲ ਭੇਂਟ ਕੀਤੇ ਅਤੇ ਜੋਸ਼ੀਲੀ ਨਾਅਰੇਬਾਜ਼ੀ ਨਾਲ ਦੱਸਿਆ ਕਿ ਉਹ ਬੁੱਤ ਦੀ ਬੇਅਦਬੀ ਕਰਨ ਵਾਲਿਆਂ ਨੂੰ ਸਜ਼ਾਵਾਂ  ਦੁਆਏ ਬਿਨਾ ਚੈਨ ਨਾਲ ਨਹੀਂ ਬੈਠਣਗੇ। ਦਿੱਲੀ ਤੋਂ ਆਈ ਇਨਕ਼ਲਾਬੀ ਸ਼ਾਇਰਾ  ਰੁਪਿੰਦਰ ਕੌਰ ਨੇ ਵੀ ਆਪਣੀ ਇੱਕ ਛੋਟੀ ਜਿਹੀ ਕਵਿਤਾ ਰਾਹੀਂ ਸਮੁੱਚੀ ਇਸਤਰੀ ਜਾਤੀ ਅਤੇ ਖਾਸ ਕਰਕੇ ਅੱਜ ਦੀਆਂ ਮੁਟਿਆਰਾਂ ਨੂੰ ਹਲੂਣਾ ਦੇਂਦਿਆਂ ਕਿਹਾ ਕਿ ਓਹ ਸਵੈ ਨਿਰਭਰ ਬਣਨ ਅਤੇ ਏਨਾ ਮਜਬੂਤ ਹੋ ਕੇ ਵਿਚਰਣ ਕਿ ਉਹਨਾਂ ਵੱਲ ਅੱਖ ਚੁੱਕਣ ਵਾਲਾ ਹਰ ਹਨੇਰਾ ਵੀ ਦਹਿਲ ਜਾਵੇ।

ਇਸ ਮੌਕੇ ਤੇ ਇੰਕ਼ਲਾਬੀ ਕੇਂਦਰ ਪੰਜਾਬ ਦੇ ਬੁਲਾਰੇ ਹਰਦੇਵ ਮੁੱਲਾਂਪੁਰੀ ਨੇ ਬੜੇ ਸਖਤ ਪਰ ਜਜ਼ਬਾਤੀ ਬੋਲਾਂ ਵਿੱਚ ਜਿੱਥੇ ਬਾਬਾ ਜੀ ਨੂੰ ਸ਼ਰਧਾ ਦੇ ਫੁੱਲ ਭੇਂਟ ਕੀਤੇ ਉੱਥੇ ਅੱਜ ਦੇ ਹਾਲਾਤ ਅਤੇ  ਕਾਨੂੰਨ ਦੀ ਹਾਲਤ ਬਾਰੇ ਵੀ ਡੂੰਘੀ ਚਿਤਾ ਪ੍ਰਗਟ ਕੀਤੀ। ਉਹਨਾਂ ਦੱਸਿਆ ਕਿ ਅੱਜ ਆਮ ਜਨਤਾ ਖਾਸ ਕਰਕੇ ਕੁੜੀਆਂ ਨਾਲ ਕੀ ਕੀ ਵਾਪਰ ਰਿਹਾ ਹੈ। ਹਰਦੇਵ ਮੁੱਲਾਂਪੁਰੀ ਨੇ ਬੜੇ ਹੀ ਥੋਹੜੇ ਸ਼ਬਦਾਂ ਵਿੱਚ ਅੱਜ ਦੇ ਭਿਆਨਕ ਹਾਲਾਤ ਦੀ ਤਸਵੀਰ ਖਿੱਚੀ।

ਦੇਸ਼ ਭਗਤ ਯਾਦਗਾਰ ਕਮੇਟੀ ਜਲੰਧਰ ਵੱਲੋਂ ਉਚੇਚੇ ਤੌਰ ਤੇ ਪੁੱਜੇ ਕਾਮਰੇਡ ਅਮੋਲਕ ਸਿੰਘ ਨੇ  ਪਛਾਣੇ ਹਰਮਨ  ਵਿੱਚ ਅੱਜ ਦੇ ਹਾਲਾਤ ਦੀ ਚਰਚਾ ਕਰਦਿਆਂ ਬੜੇ ਹੀ ਸਿਧੇ ਸਾਧੇ ਸ਼ਬਦਾਂ ਵਿੱਚ ਅਨਸਰਾਂ ਦੀਆਂ ਸਾਜ਼ਿਸ਼ਾਂ ਅਤੇ ਖਤਰਨਾਕ ਚਾਲਾਂ ਨੂੰ ਬੇਨਕਾਬ ਕੀਤਾ। 

 ਦੇਸ਼ਭਗਤ ਪਰਿਵਾਰ ਦੇ ਸਰਗਰਮ ਮੈਂਬਰ ਕਾਮਰੇਡ ਸੁਰਿੰਦਰ ਸਿੰਘ ਜਲਾਲਦੀਵਾਲ ਨੇ ਇਸ ਵਾਰ ਵੀ ਸ਼ਹੀਦਾਂ ਨੂੰ ਯਾਦ ਕਰਦਿਆਂ ਇਕੱਤਰਤਾ ਨੂੰ ਟੁੰਬਿਆ ਕਿ ਜ਼ਰਾ ਸੋਚੋ ਕਿ ਦੇਸ਼ ਭਗਤ ਗਦਰੀ ਬਾਬਿਆਂ ਨੇ ਆਪਣੇ ਜਿਸਮਾਂ ਤੇ ਜ਼ੁਲਮੋ-ਤਸ਼ੱਦਦ ਦਾ ਉਹ ਭਿਆਨਕ ਦੌਰ ਕਿਵੇਂ ਹੰਡਾਇਆ ਹੋਵੇਗਾ ਜਿਸ ਬਾਰੇ ਸੁਣਦਿਆਂ ਸੋਚਦਿਆਂ ਵੀ ਰੌਂਗਟੇ ਖੜੇ ਹੋ ਜਾਂਦੇ ਹਨ।

ਇਸ ਮੌਕੇ ਚੰਡੀਗੜ੍ਹ ਤੋਂ ਆਏ ਬੀਬੀ ਦਲਬੀਰ ਕੌਰ ਨੇ ਜਿੱਥੇ ਬਾਬਾ ਜੀ ਨਾਲ ਬੀਤੇ ਪਲਾਂ ਨੂੰ ਚੇਤੇ ਕੀਤਾ ਉੱਥੇ ਬਾਬਾ ਜੀ ਦੇ ਵਿਚਾਰਾਂ ਦੀ ਰੌਸ਼ਨੀ ਵਿੱਚ ਲੋਕਾਂ ਨੂੰ ਸੱਦਾ ਦਿੱਤਾ ਕਿ ਓਹ ਆਪਣੇ ਹੁਨਰ ਨੂੰ ਵਿਕਸਿਤ ਕਰਨ, ਆਪਣੀ ਇਮਾਨਦਾਰੀ ਨੂੰ ਰੋਜ਼ ਪਰਖਣ  ਅਤੇ ਹਰ ਕੰਮ ਨੂੰ ਪੂਰੀ ਜ਼ਿੰਮੇਦਾਰੀ ਨਾਲ ਨੇਪਰੇ ਚਾੜ੍ਹਨ। ਅਸੀਂ ਜਿੱਥੇ ਰਹਿ  ਰਹੇ ਹਾਂ ਉਸ ਧਰਤੀ ਨੂੰ, ਉੱਥੋਂ ਦੇ ਬਸ਼ਿੰਦਿਆਂ ਨੂੰ ਹੋਰ ਅੱਗੇ ਲਿਜਾਣਾ ਸਦਾ ਫਰਜ਼ ਬਣਦਾ  ਹੈ। ਕਾਬਿਲੇ  ਜ਼ਿਕਰ ਹੈ ਕਿ ਬੀਬੀ ਦਲਬੀਰ ਕੌਰ ਮਹਾਨ ਦੇਸ਼ ਭਗਤ ਬਾਬਾ ਗੁਰਮੁਖ ਸਿੰਘ ਜੀ ਦੀ ਭਤੀਜੀ ਹਨ। ਵੱਲੋਂ ਸੱਦਾ

ਮਾਸਟਰ ਜਸਦੇਵ ਸਿੰਘ ਲਲਤੋਂ ਦਾ ਲਿਖਿਆ ਨਾਟਕ ਬੁੱਤ ਬੋਲ ਪਿਆ ਹਲੂਣਾ ਦੇਣ ਵਾਲਾ ਸਟੇਜ ਡਰਾਮਾ ਸੀ ਜਿਸ ਵਿੱਚ ਉਹਨਾਂ ਸਾਰੇ ਲੋਕਾਂ ਦੇ ਦਿਲਾਂ ਦੀ ਆਵਾਜ਼ ਸਮਾਈ ਹੋਈ ਸੀ ਜਿਹੜੇ ਬਾਬਾ ਜੀ ਦੇ ਬੁੱਤ ਨੂੰ ਤੋੜੇ ਜਾਣ  ਦੀ ਘਟਨਾ ਤੋਂ ਬੇਹੱਦ

ਦੁਖੀ ਹੋਏ ਹਨ। 

ਉਜਾਗਰ ਸਿੰਘ ਬੱਦੋਵਾਲ ਨੇ ਮਤੇ ਪੜ੍ਹਦਿਆਂ ਬੜੇ ਸੰਖੇਪ ਵਿੱਚ ਇਸ ਸਾਰੇ ਘਟਨਾਕ੍ਰਮ ਦੀ ਜਾਣਕਾਰੀ ਦੁਹਰਾਈ।

  

ਐਵੇਂ ਭਰਮ ਹੈ ਸਾਡਿਆਂ ਕਾਤਲਾਂ ਨੂੰ ਅਸੀਂ ਹੋਵਾਂਗੇ ਦੋ ਜਾਂ ਚਾਰ ਲੋਕੋ,

Thu, Feb 26, 2015 at 4:03 PM

ਕਤਲ ਕੀਤਿਆਂ ਤੋਂ ਵੀ ਕਦੇ ਮੁੱਕਣੀ ਨਹੀਂ ਏਨੀ ਲੰਮੀ ਹੈ ਸਾਡੀ ਕਤਾਰ ਲੋਕੋ

ਦੇਸ਼ ਭਗਤ ਯਾਦਗਾਰ ਕਮੇਟੀ ਦੇ ਬੋਰਡ ਆਫ ਟਰੱਸਟ ਨੇ ਉਲੀਕਿਆ ਤਿਮਾਹੀ ਸਮਾਗਮਾਂ ਦਾ  ਖ਼ਾਕਾ 

ਜਲੰਧਰ: 26 ਫਰਵਰੀ 2015:: (ਪੰਜਾਬ ਸਕਰੀਨ ਬਿਊਰੋ): 

ਦੇਸ਼, ਕੌਮ ਅਤੇ ਸਮੂਹ ਲੋਕਾਂ ਦੇ ਭਲੇ ਲਈ ਜਾਨਾਂ ਕੁਰਬਾਨ ਵਾਲਿਆਂ ਦੀ ਗਿਣਤੀ ਸਚਮੁਚ ਏਨੀ ਲੰਮੀ ਹੈ ਕਿ ਕੈਲੰਡਰ ਦਾ ਹਰ ਦਿਨ ਸ਼ਹੀਦੀ ਦਿਨ ਜਾਂ ਜਨਮ ਦਿਹਾੜੇ ਵੱਜੋਂ ਮਨਾਇਆ ਜਾ ਸਕਦਾ ਹੈ। ਕੋਨੇ ਕੋਨੇ, ਚੱਪੇ ਚੱਪੇ ਸ਼ਹੀਦਾਂ ਦੀਆਂ ਨਿਸ਼ਾਨੀਆਂ ਹਨ।   ਸਾਰੇ  ਸ਼ਹੀਦਾਂ ਅਤੇ ਉਹਨਾਂ ਦੀਆਂ ਨਿਸ਼ਾਨੀਆਂ ਨੂੰ ਸੰਭਾਲਣ ਦਾ ਬੇਹੱਦ ਬਿਖੜਾ ਕੰਮ ਕਰ ਰਹੀ ਹੈ ਦੇਸ਼ ਭਗਤ ਯਾਦਗਾਰ ਕਮੇਟੀ ਜਲੰਧਰ। ਇਸਦੇ ਨਾਲ ਹੀ ਇਹ ਕਮੇਟੀ ਸ਼ਹੀਦਾਂ ਦੇ ਸੁਪਨਿਆਂ ਅਤੇ ਵਿਚਾਰਾਂ ਨੂੰ ਵੀ ਆਮ ਲੋਕਾਂ ਤੱਕ ਲਿਜਾਣ ਲੈ ਪ੍ਰਤਿਬਧ ਹੈ। ਏਸ ਮੁਹਿੰਮ ਅਧੀਨ ਹੀ ਆਜ਼ਾਦੀ ਸੰਗਰਾਮ ਅੰਦਰ ਵਿਲੱਖਣ ਭੂਮਿਕਾ ਅਦਾ ਕਰਨ ਵਾਲੀਆਂ ਘਟਨਾਵਾਂ, ਨਾਇਕਾਂ ਅਤੇ ਸ਼ਹਾਦਤਾਂ ਪਾਉਣ ਵਾਲੀਆਂ ਸਖਸ਼ੀਅਤਾਂ ਦੀ ਗੌਰਵਮਈ ਭੂਮਿਕਾ ਨੂੰ ਅਜੋਕੇ ਸਰੋਕਾਰਾਂ ਨਾਲ ਜੋੜਕੇ ਵਿਚਾਰਨ ਅਤੇ ਨਵੇਂ ਰਾਹ ਤਲਾਸ਼ਕੇ ਉਹਨਾਂ ਦੇ ਆਦਰਸ਼ਾਂ ਦੀ ਪੂਰਤੀ ਲਈ ਜਨ-ਜਾਗਰਤੀ ਪੈਦਾ ਕਰਨ ਲਈ ਦੇਸ਼ ਭਗਤ ਯਾਦਗਾਰ ਕਮੇਟੀ ਨੇ ਅਗਲੇ ਮਹੀਨਿਆਂ ਦੇ ਸਮਾਗਮਾਂ ਦਾ ਖਾਕਾ ਉਲੀਕਣ ਲਈ ਅੱਜ ਬੋਰਡ ਆਫ਼ ਟਰੱਸਟ ਦੀ ਬੁਲਾਈ ਮੀਟਿੰਗ 'ਚ ਅਹਿਮ ਫੈਸਲੇ ਲਏ।

ਕਮੇਟੀ ਦੇ ਪ੍ਰਧਾਨ ਦਰਬਾਰਾ ਸਿੰਘ ਢਿੱਲੋਂ ਦੀ ਪ੍ਰਧਾਨਗੀ 'ਚ ਹੋਈ ਮੀਟਿੰਗ ਦੀ ਕਾਰਵਾਈ ਪ੍ਰੈਸ ਨਾਲ ਸਾਂਝੀ ਕਰਦਿਆਂ ਜਨਰਲ ਸਕੱਤਰ ਡਾ. ਰਘਬੀਰ ਕੌਰ ਅਤੇ ਸਭਿਆਚਾਰਕ ਵਿੰਗ ਦੇ ਕਨਵੀਨਰ ਅਮੋਲਕ ਸਿੰਘ ਨੇ ਦੱਸਿਆ ਕਿ ਕਮੇਟੀ ਦੇ ਪ੍ਰਤੀਨਿੱਧ ਪਹਿਲੀ ਮਾਰਚ ਮਾਈ ਭਾਗੋ ਗਰਲਜ਼ ਕਾਲਜ ਰੱਲਾ (ਮਾਨਸਾ) ਵਿਖੇ ਪ੍ਰੋ. ਅਜਮੇਰ ਸਿੰਘ ਔਲਖ ਦੇ ਸਨਮਾਨ ਸਮਾਗਮ, 4 ਮਾਰਚ ਹਰਨਾਮ ਸਿੰਘ ਟੁੰਡੀਲਾਟ ਦੀ ਯਾਦ 'ਚ ਕੋਟਲਾ ਨੌਧ ਸਿੰਘ (ਹੁਸ਼ਿਆਰਪੁਰ), 16 ਮਾਰਚ ਸ਼ਹੀਦ ਭਾਈ ਬਲਵੰਤ ਸਿੰਘ, ਸ਼ਹੀਦ ਰੰਗਾ ਸਿੰਘ ਦੀ ਯਾਦ 'ਚ ਖੁਰਦਪੁਰ (ਜਲੰਧਰ), 25 ਮਾਰਚ ਸਾਕਾ ਫੇਰੂ ਸ਼ਹਿਰ ਦੇ ਸ਼ਹੀਦਾਂ ਦੀ ਯਾਦ 'ਚ ਲਾਲ ਸਿੰਘ ਸਾਹਿਬਆਣਾ ਦੇ ਪਿੰਡ ਸਾਹਿਬਆਣਾ (ਲੁਧਿਆਣਾ) ਅਤੇ 27 ਮਾਰਚ ਕਾਂਸ਼ੀ ਰਾਮ ਮੜੌਲੀ ਭਾਗੋ ਮਾਜਰਾ (ਰੋਪੜ) ਦੀ ਯਾਦ 'ਚ ਹੋ ਰਹੇ ਸਮਾਗਮਾਂ 'ਚ ਸ਼ਿਰਕਤ ਕਰਨਗੇ।

ਮਾਰਚ ਮਹੀਨੇ ਔਰਤ ਦਿਹਾੜਾ, ਸਾਕਾ ਫੇਰੂ ਸ਼ਹਿਰ, ਸ਼ਹੀਦ ਭਗਤ ਸਿੰਘ, ਰਾਜਗੁਰੂ, ਸੁਖਦੇਵ ਸਮੇਤ ਇਸ ਮਹੀਨੇ ਨਾਲ ਜੁੜੇ ਇਤਿਹਾਸ ਅਤੇ ਵਿਸ਼ਵ ਰੰਗ ਮੰਚ ਦਿਹਾੜੇ ਨੂੰ ਸਮਰਪਤ ਇੱਕ ਸਾਂਝਾ ਯਾਦਗਾਰੀ ਸਮਾਗਮ 28 ਮਾਰਚ ਨੂੰ ਹੋਏਗਾ।  ਇਸ ਸਮਾਗਮ ਦੇ ਪਹਿਲੇ ਸੈਸ਼ਨ 'ਚ ਮੰਨੇ ਪਰਮੰਨੇ ਵਿਦਵਾਨ ਲੇਖਕ, ਉੱਘੇ ਨਾਟਕਕਾਰ ਡਾ. ਸਵਰਾਜਬੀਰ 'ਲੋਕਾਂ ਉਪਰ ਬੋਲੇ ਮਾਰੂ ਸਭਿਆਚਾਰਕ ਹੱਲੇ' ਬਾਰੇ ਮੁੱਖ ਵਕਤਾ ਵਜੋਂ ਵਿਚਾਰ ਪੇਸ਼ ਕਰਨਗੇ।  ਦੂਜੇ ਸੈਸ਼ਨ 'ਚ ਪ੍ਰਭਾਵਸ਼ਾਲੀ ਨਾਟਕ ਹੋਏਗਾ।

ਗ਼ਦਰ ਪਾਰਟੀ ਸਥਾਪਨਾ ਦਿਵਸ 21 ਅਪ੍ਰੈਲ ਨੂੰ ਮਨਾਇਆ ਜਾਏਗਾ।  ਇਸ ਦਿਨ ਝੰਡਾ ਲਹਿਰਾਉਣ ਦੀ ਰਸਮ ਉਪਰੰਤ 'ਸਾਮਰਾਜੀ ਚੌਤਰਫ਼ਾ ਹੱਲਾ ਅਤੇ ਪ੍ਰਤੀਰੋਧ' ਵਿਸ਼ੇ ਉਪਰ ਚੋਟੀ ਦੇ ਵਿਦਵਾਨ ਵਿਚਾਰ-ਚਰਚਾ ਕਰਨਗੇ।

ਅਜੋਕੇ ਭਖਦੇ ਸਰੋਕਾਰਾਂ ਨੂੰ ਮੁਖਾਤਬ ਹੋਏਗਾ ਦੇਸ਼ ਭਗਤ ਯਾਦਗਾਰ ਦਾ ਸੈਮੀਨਾਰ

 Fri, Feb 20, 2015 at 3:24 PM

ਸਿੰਘਾਪੁਰ ਬਗ਼ਾਵਤ ਅਤੇ ਸੂਫੀ ਅੰਬਾ ਪ੍ਰਸ਼ਾਦ ਸਬੰਧੀ ਹੋਏਗੀ ਵਿਚਾਰ-ਚਰਚਾ

ਜਲੰਧਰ:20 ਫਰਵਰੀ 2015:: (ਰੈਕਟਰ ਕਥੂਰੀਆ//ਪੰਜਾਬ ਸਕਰੀਨ):

ਆਜ਼ਾਦੀ ਸੰਗਰਾਮ ਵਿੱਚ ਅਥਾਹ ਕੁਰਬਾਨੀਆਂ ਕਰਨ ਵਾਲੀਆਂ ਘਟਨਾਵਾਂ ਵਿੱਚ ਅਹਿਮ ਸਥਾਨ ਰੱਖਣ ਵਾਲੀਆਂ ਦੋ ਇਤਿਹਾਸਕ ਘਟਨਾਵਾਂ ਸਿੰਘਾਪੁਰ ਦੇ ਫੌਜੀਆਂ ਦੀ ਬਗਾਵਤ ਅਤੇ ਸੂਫੀ ਅੰਬਾ ਪ੍ਰਸ਼ਾਦ ਦੀ ਸ਼ਹਾਦਤ ਸਬੰਧੀ ਵਿਚਾਰ ਚਰਚਾ ਸਥਾਨਕ ਦੇਸ਼ ਭਗਤ ਯਾਦਗਾਰ ਹਾਲ ਵਿਖੇ 22 ਫਰਵਰੀ ਦਿਨ ਐਤਵਾਰ ਸਵੇਰੇ 11 ਵਜੇ ਹੋ ਰਹੀ ਵਿਚਾਰ-ਚਰਚਾ ਦੀਆਂ ਤਿਆਰੀਆਂ ਨੂੰ ਅੱਜ ਅੰਤਿਮ ਛੋਹਾਂ ਦਿੱਤੀਆਂ ਗਈਆਂ।  ਇਸ ਵਿਚਾਰ-ਚਰਚਾ 'ਚ ਇਤਿਹਾਸਕ ਪਿਛੋਕੜ ਦੀ ਮਹੱਤਤਾ ਨੂੰ ਅਜੋਕੇ ਭਖਦੇ ਸਰੋਕਾਰਾਂ ਨਾਲ ਜੋੜ ਕੇ ਵਿਚਾਰਿਆ ਜਾਏਗਾ।
ਸ਼ਹਾਦਤਾਂ ਦੀ ਸ਼ਤਾਬਦੀ (1915-2015) ਦੀ ਲੜੀ ਵਜੋਂ ਹੋ ਰਹੀ ਇਸ ਵਿਚਾਰ-ਚਰਚਾ ਵਿੱਚ ਦੇਸ਼ ਭਗਤ ਯਾਦਗਾਰ ਕਮੇਟੀ ਦੇ ਮੈਂਬਰ ਚਿਰੰਜੀ ਲਾਲ ਕੰਗਣੀਵਾਲ ਸਿੰਘਾਪੁਰਾ ਦੀ ਬਗਾਵਤ ਸਬੰਧੀ ਅਤੇ ਕਮੇਟੀ ਦੇ ਮੈਂਬਰ ਡਾ. ਪਰਮਿੰਦਰ ਸਿੰਘ ਸੂਫੀ ਅੰਬਾ ਪ੍ਰਸ਼ਾਦ ਦੀ ਸ਼ਹਾਦਤ ਬਾਰੇ ਮੁੱਖ ਵਕਤਾ ਹੋਣਗੇ।
ਸਥਾਨਕ ਦੇਸ਼ ਭਗਤ ਯਾਦਗਾਰ ਹਾਲ 'ਚ ਹੋਣ ਵਾਲੀ ਇਸ ਵਿਚਾਰ-ਚਰਚਾ ਤੋਂ ਇਲਾਵਾ ਇਤਿਹਾਸਕ ਘਟਨਾਵਾਂ ਅਤੇ ਨਾਇਕਾਂ ਨੂੰ ਸਮਰਪਤ ਸ਼ਹਾਦਤਾਂ ਦੀ ਸ਼ਤਾਬਦੀ (1915-2015) ਪੰਜਾਬ ਦੇ ਹੋਰਨਾਂ ਖੇਤਰਾਂ ਤੋਂ ਇਲਾਵਾ ਬਦੇਸ਼ਾਂ ਦੇ ਵੱਖ-ਵੱਖ ਸ਼ਹਿਰਾਂ ਵਿੱਚ ਵੀ ਮਨਾਈ ਜਾ ਰਹੀ ਹੈ।
ਦੇਸ਼ ਭਗਤ ਯਾਦਗਾਰ ਕਮੇਟੀ ਦੇ ਪ੍ਰਧਾਨ ਦਰਬਾਰਾ ਸਿੰਘ ਢਿੱਲੋ, ਜਨਰਲ ਸਕੱਤਰ ਡਾ. ਰਘਵੀਰ ਕੌਰ ਅਤੇ ਸਭਿਆਚਾਰਕ ਵਿੰਗ ਦੇ ਕਨਵੀਨਰ ਅਮੋਲਕ ਸਿੰਘ ਨੇ ਇਸ ਸਬੰਧੀ ਪ੍ਰੈਸ ਨੂੰ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਇਹ ਵਿਚਾਰ-ਚਰਚਾ ਸਾਲ ਭਰ ਹਰ ਮਹੀਨੇ ਸ਼ਹਾਦਤਾਂ ਦੀ ਮਨਾਈ ਜਾ ਰਹੀ ਸ਼ਤਾਬਦੀ ਦੀ ਕੜੀ ਵਜੋਂ ਹੋਵੇਗੀ ਅਤੇ ਜਿਸਦੀ ਸਿਖਰ ਹੋਵੇਗਾ 1 ਨਵੰਬਰ ਨੂੰ ਹੋਣ ਵਾਲਾ ਮੇਲਾ ਗ਼ਦਰੀ ਬਾਬਿਆਂ ਦਾ।
ਹੋਰ ਵਿਸਥਾਰ ਲਈ-ਅਮੋਲਕ ਸਿੰਘ: ਜੋ ਸਭਿਆਚਾਰਕ ਵਿੰਗ ਦੇ ਕਨਵੀਨਰ ਹਨ ਅਤੇ ਮੋਬਾਈਲ ਨੰਬਰ ਹੈ:94170 76735

ਸਿੰਗਾਪੁਰ ਬਗ਼ਾਵਤ ਅਤੇ ਸੂਫੀ ਅੰਬਾ ਪ੍ਰਸ਼ਾਦ ਸਬੰਧੀ ਵਿਚਾਰ-ਚਰਚਾ 22 ਨੂੰ

ਚਿਰੰਜੀ ਲਾਲ ਕੰਗਣੀਵਾਲ ਅਤੇ ਡਾ. ਪਰਮਿੰਦਰ ਸਿੰਘ ਸੂਫੀ ਹੋਣਗੇ ਮੁੱਖ ਬੁਲਾਰੇ

Courtesy photo

ਜਲੰਧਰ: 14 ਫਰਵਰੀ 2014: (ਪੰਜਾਬ ਸਕਰੀਨ ਬਿਊਰੋ):
ਆਜ਼ਾਦੀ ਸੰਗਰਾਮ ਵਿੱਚ ਅਥਾਹ ਕੁਰਬਾਨੀਆਂ ਕਰਨ ਵਾਲੀਆਂ ਘਟਨਾਵਾਂ ਵਿੱਚ ਅਹਿਮ ਸਥਾਨ ਰੱਖਣ ਵਾਲੀਆਂ ਦੋ ਇਤਿਹਾਸਕ ਘਟਨਾਵਾਂ ਸਿੰਗਾਪੁਰ ਦੇ ਫੌਜੀਆਂ ਦੀ ਬਗਾਵਤ ਅਤੇ ਸੂਫੀ ਅੰਬਾ ਪ੍ਰਸ਼ਾਦ ਦੀ ਸ਼ਹਾਦਤ ਸਬੰਧੀ ਵਿਚਾਰ ਚਰਚਾ ਸਥਾਨਕ ਦੇਸ਼ ਭਗਤ ਯਾਦਗਾਰ ਹਾਲ ਵਿਖੇ 22 ਫਰਵਰੀ ਦਿਨ ਐਤਵਾਰ ਸਵੇਰੇ 11 ਵਜੇ ਕੀਤੀ ਜਾ ਰਹੀ ਹੈ। ਸ਼ਹਾਦਤਾਂ ਦੀ ਸ਼ਤਾਬਦੀ (1915-2015) ਦੀ ਲੜੀ ਵਜੋਂ ਹੋ ਰਹੀ ਇਸ ਵਿਚਾਰ-ਚਰਚਾ ਵਿੱਚ ਦੇਸ਼ ਭਗਤ ਯਾਦਗਾਰ ਕਮੇਟੀ ਦੇ ਮੈਂਬਰ ਚਿਰੰਜੀ ਲਾਲ ਕੰਗਣੀਵਾਲ ਸਿੰਗਾਪੁਰਾ ਦੀ ਬਗਾਵਤ ਸਬੰਧੀ ਅਤੇ ਕਮੇਟੀ ਦੇ ਮੈਂਬਰ ਡਾ. ਪਰਮਿੰਦਰ ਸਿੰਘ ਸੂਫੀ ਅੰਬਾ ਪ੍ਰਸ਼ਾਦ ਦੀ ਸ਼ਹਾਦਤ ਬਾਰੇ ਮੁੱਖ ਵਕਤਾ ਹੋਣਗੇ।
ਦੇਸ਼ ਭਗਤ ਯਾਦਗਾਰ ਕਮੇਟੀ ਦੇ ਪ੍ਰਧਾਨ ਦਰਬਾਰਾ ਸਿੰਘ ਢਿੱਲੋ, ਜਨਰਲ ਸਕੱਤਰ ਡਾ. ਰਘਵੀਰ ਕੌਰ ਅਤੇ ਸਭਿਆਚਾਰਕ ਵਿੰਗ ਦੇ ਕਨਵੀਨਰ ਅਮੋਲਕ ਸਿੰਘ ਨੇ ਇਸ ਸਬੰਧੀ ਪ੍ਰੈਸ ਨੂੰ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਇਹ ਵਿਚਾਰ-ਚਰਚਾ ਸਾਲ ਭਰ ਹਰ ਮਹੀਨੇ ਸ਼ਹਾਦਤਾਂ ਦੀ ਮਨਾਈ ਜਾ ਰਹੀ ਸ਼ਤਾਬਦੀ ਦੀ ਕੜੀ ਵਜੋਂ ਹੋਵੇਗੀ ਅਤੇ ਜਿਸਦੀ ਸਿਖਰ ਹੋਵੇਗਾ 1 ਨਵੰਬਰ ਨੂੰ ਹੋਣ ਵਾਲਾ ਮੇਲਾ ਗ਼ਦਰੀ ਬਾਬਿਆਂ ਦਾ।

ਅਸੀਂ ਦੇਸ਼ ਦੀ ਸੁਰਖਿਆ ਲਈ ਖੂਨ ਦਾ ਆਖ਼ਰੀ ਕਤਰਾ ਵੀ ਬਹਾ ਦੇਵਾਂਗੇ

Mon, Dec 29, 2014 at 2:03 PM

ਪਾਰਟੀ ਦੇ 85ਵੇਂ ਸਥਾਪਨਾ ਦਿਵਸ 'ਤੇ ਸ਼ਾਹੀ ਇਮਾਮ ਪੰਜਾਬ ਦਾ ਐਲਾਨ

ਲੁਧਿਆਣਾ, 29 ਦਸੰਬਰ 2014: (ਪੰਜਾਬ ਸਕਰੀਨ ਬਿਊਰੋ):

ਭਾਰਤ ਦੇ ਸੁਤੰਤਰਤਾ ਸੰਗਰਾਮ 'ਚ ਵੱਧ ਚੜ੍ਹ ਕੇ ਸ਼ਹਾਦਤਾਂ ਦੇਣ ਵਾਲੀ ਪਾਰਟੀ ਮਜਲਿਸ ਅਹਿਰਾਰ ਇਸਲਾਮ ਹਿੰਦ ਦੇ 85ਵੇਂ ਸਥਾਪਨਾ ਦਿਵਸ ਮੌਕੇ 'ਤੇ ਬੀਤੀ ਰਾਤ ਗਿਲ ਰੋਡ ਵਿਖੇ ਜਲਸਾ ਸੀਰਤੁਨ ਨਬੀ ਦਾ ਆਯੋਜਨ ਕੀਤਾ ਗਿਆ, ਜਿਸ ਵਿਚ ਕੜਾਕੇ ਦੀ ਸਰਦੀ ਦੇ ਬਾਵਜੂਦ ਹਜ਼ਾਰਾਂ ਮੁਸਲਮਾਨ ਸ਼ਾਮਲ ਹੋਏ। ਸਮਾਗਮ ਦੀ ਪ੍ਰਧਾਨਗੀ ਪਾਰਟੀ ਦੇ ਕੌਮੀ ਪ੍ਰਧਾਨ ਅਤੇ ਪੰਜਾਬ ਦੇ ਸ਼ਾਹੀ ਇਮਾਮ ਮੌਲਾਨਾ ਹਬੀਬ ਉਰ ਰਹਿਮਾਨ ਸਾਨੀ ਲੁਧਿਆਣਵੀ ਨੇ ਕੀਤੀ। ਜਦਕਿ ਬਿਹਾਰ ਤੋਂ ਪ੍ਰਸਿੱਧ ਮੁਸਲਿਮ ਵਿਦਵਾਨ ਮੌਲਾਨਾ ਮੁਫ਼ਤੀ ਮਤੀ ਉਰ ਰਹਿਮਾਨ ਕਾਸਮੀ, ਲੁਧਿਆਣਾ ਨਗਰ ਨਿਗਮ ਦੇ ਮੇਅਰ ਹਰਚਰਨ ਸਿੰਘ ਗੋਹਲਵੜੀਆ, ਨਾਇਬ ਸ਼ਾਹੀ ਇਮਾਮ ਮੌਲਾਨਾ ਮੁਹੱਮਦ ਉਸਮਾਨ ਰਹਿਮਾਨੀ, ਸਰਦਾਰ ਪੰਛੀ, ਸ਼ਾਇਰ ਮੁਜਮਿੱਲ ਮੀਆਂ 

ਨੇ ਜਲਸੇ ਨੂੰ ਸੰਬੋਧਨ ਕੀਤਾ। ਇਸ ਮੌਕੇ 'ਤੇ ਸ਼ਾਹੀ ਇਮਾਮ ਪੰਜਾਬ ਨੇ ਕਿਹਾ ਕਿ ਇਸ ਪਾਰਟੀ ਦੀ ਸਥਾਪਨਾ ਭਾਰਤ ਦੇ ਪ੍ਰਸਿੱਧ ਆਜ਼ਾਦੀ ਘੁਲਾਟੀਏ ਰਈਸ ਉਲ ਅਹਿਰਾਰ ਮੌਲਾਨਾ ਹਬੀਬ ਉਰ ਰਹਿਮਾਨ ਲੁਧਿਆਣਵੀ, ਸੈਯਦ ਉਲ ਅਹਿਰਾਰ, ਸੈਯਦ ਅਤਾਉਲੱਾਹ ਸ਼ਾਹ ਬੁਖਾਰੀ, ਚੌਧਰੀ ਅਫ਼ਜਲ ਹਕ ਨੇ 29 ਦਸੰਬਰ 1929 ਈ. ਨੂੰ ਲਾਹੌਰ ਦੇ ਹਬੀਬ ਹਾਲ 'ਚ ਕੀਤੀ ਸੀ। ਅਹਿਰਾਰ ਪਾਰਟੀ ਦੀ ਸਥਾਪਨਾ ਇਸ ਲਈ ਕੀਤੀ ਗਈ ਸੀ ਕਿ ਅਸੀਂ ਦੇਸ਼ ਵਿਚ ਉਸ ਸਮੇਂ ਮੌਜੂਦ ਜਾਲਿਮ ਅੰਗਰੇਜ਼ ਸਰਕਾਰ ਨੂੰ ਦੇਸ਼ ਤੋਂ ਉਖਾੜ ਫੇਂਕੇਂ ਅਤੇ ਅਹਿਰਾਰ ਪਾਰਟੀ ਦੇ ਵਰਕਰਾਂ ਨੇ ਆਪਣੇ ਇਸ ਫਰਜ਼ ਨੂੰ ਚੰਗੀ ਤਰ੍ਹਾਂ  ਨਿਭਾਇਆ। ਇਕ-ਦੋ ਨਹੀਂ ਬਲਕਿ ਹਜ਼ਾਰਾਂ ਅਹਿਰਾਰੀ ਵਰਕਰਾਂ ਨੇ ਜੰਗ-ਏ-ਆਜ਼ਾਦੀ 'ਚ ਜੇਲੇਂ ਕੱਟੀਆਂ ਹਨ। 

ਸ਼ਾਹੀ ਇਮਾਮ ਨੇ ਕਿਹ ਕਿ ਜੇਕਰ ਅੱਜ ਵੀ ਜ਼ਰੂਰਤ ਪਈ ਤਾਂ ਅਸੀਂ ਦੇਸ਼ ਦੀ ਸੁਰਖਿਆ ਲਈ ਖੂਨ ਦਾ ਆਖਰੀ ਕਤਰਾ ਵੀ ਬਹਾ ਦੇਵਾਂਗੇ। ਉਨ੍ਹਾਂ ਕਿਹਾ ਕਿ ਅਹਿਰਾਰ ਕਿਸੇ ਇਤਿਹਾਸਕਾਰ ਦੀ ਮੁਹਤਾਜ ਨਹੀਂ ਹੈ, ਅਸੀਂ ਆਪਣਾ ਇਤਿਹਾਸ ਆਪਣੇ ਖੂਨ ਨਾਲ ਲਿਖਦੇ ਹਾਂ। ਉਨ੍ਹਾਂ ਕਿਹਾ ਕਿ ਅੱਜ ਵੀ ਅਹਿਰਾਰੀ ਦੇਸ਼ ਦੀ ਏਕਤਾ ਅਤੇ ਅਖੰਡਤਾ ਲਈ ਕੰਮ ਕਰ ਰਹੇ ਹਨ। ਸ਼ਾਹੀ ਇਮਾਮ ਮੌਲਾਨਾ ਹਬੀਬ ਨੇ ਕਿਹਾ ਕਿ ਅੰਗਰੇਜ਼ ਤਾਂ ਭਾਰਤ ਛੱਡ ਗਏ, ਲੇਕਿਨ ਉਸਦੇ ਕਈ 'ਟੋਢੀ' ਅੱਜ ਵੀ ਦੇਸ਼ ਵਿਚ ਮੌਜੂਦ ਹਨ, ਜਿਨ੍ਹਾਂ ਨੂੰ ਅਸੀਂ ਬੇਨਕਾਬ ਕਰਦੇ ਰਹਾਂਗੇ। ਇਸ ਮੌਕੇ 'ਤੇ ਪੈਗੰਬਰੇ ਇਸਲਾਮ ਹਜ਼ਰਤ ਮੁਹੱਮਦ ਸੱਲਲਾਹੁਅਲੈਹੀ ਵਸੱਲਮ ਦੀ ਜੀਵਨੀ 'ਤੇ ਰੌਸ਼ਨੀ ਪਾਉਂਦੇ ਹੋਏ ਸ਼ਾਹੀ ਇਮਾਮ ਨੇ ਕਿਹਾ ਕਿ ਪਿਆਰੇ ਨਬੀ ਨੇ ਇੰਸਾਨੀਅਤ ਨੂੰ ਗੁਲਾਮੀ ਤੋਂ ਆਜ਼ਾਦੀ ਦਿਲਾਅ ਕੇ ਦੁਨੀਆ ਭਰ ਦੇ ਇੰਸਾਨਾਂ ਨੂੰ ਬਰਾਬਰੀ ਦਾ ਦਰਜ਼ਾ ਦਿੱਤਾ। ਉਨ੍ਹਾਂ ਕਿਹਾ ਕਿ ਅੱਜ ਜ਼ਰੂਰਤ ਇਸ ਗੱਲ ਦੀ ਹੈ ਕਿ ਹਰ ਖ਼ਾਸ ਅਤੇ ਆਮ ਤੱਕ ਪੈਗੰਬਰੇ ਇਸਲਾਮ ਹਜ਼ਰਤ ਮੁਹੱਮਦ ਸੱਲਲਾਹੁਅਲੈਹੀ ਵਸੱਲਮ ਦਾ ਪੈਗਾਮ ਪਹੁੰਚਾਇਆ ਜਾਏ ਤਾਂ ਜੋ ਆਪਸ ਦੀਆਂ ਨਫ਼ਰਤਾਂ, ਮੁਹੱਬਤਾਂ 'ਚ ਬਦਲ ਜਾਣ। ਇਸ ਮੌਕੇ 'ਤੇ ਮੇਅਰ ਹਰਚਰਨ ਸਿੰਘ ਗੋਹਲਵੜੀਆ ਨੇ ਕਿਹਾ ਕਿ ਜੰਗ-ਏ-ਆਜ਼ਾਦੀ 'ਚ ਅਹਿਰਾਰੀਆਂ ਦਾ ਯੋਗਦਾਨ ਸ਼ਲਾਘਾਯੋਗ ਹੈ। ਦੇਸ਼ ਦੇ ਲਈ ਅਜਿਹਾ ਜੱਜਬਾ ਅਤੇ ਲੱਗਨ ਹਰ ਇਕ ਭਾਰਤੀ 'ਚ ਹੋਣੀ ਚਾਹੀਦੀ ਹੈ। ਉਨ੍ਹਾਂ ਕਿਹਾ ਕਿ ਸਾਨੂੰ ਮਾਣ ਹੈ ਕਿ ਲੁਧਿਆਣਾ ਸ਼ਹਿਰ ਤੋਂ ਜੰਗ-ਏ-ਆਜ਼ਾਦੀ ਦੀ ਪ੍ਰਸਿੱਧ ਪਾਰਟੀ ਮਜਲਿਸ ਅਹਿਰਾਰ ਨੂੰ ਮੌਲਾਨਾ ਹਬੀਬ ਉਰ ਰਹਿਮਾਨ ਲੁਧਿਆਣਵੀ ਨੇ 1929 ਈ: ਵਿਚ ਬਣਾਇਆ ਸੀ। ਇਸ ਸਮੇਂ ਬਾਹਰ ਤੋਂ ਆਏ ਹੋਏ ਸ਼ਾਇਰ ਮੁਹੱਮਦ ਮੁਜਮਿੱਲ ਮੀਆਂ, ਹੱਸਾਨ ਨਸੀਰਾਵਾਦੀ, ਸਰਦਾਰ ਪੰਛੀ, ਕਾਰੀ ਮੋਹਤਰਮ ਨੇ ਆਪਣਾ ਨਾਤੀਆ ਕਲਾਮ ਪੇਸ਼ ਕੀਤਾ। ਸਮਾਗਮ ਵਿਚ ਚੇਅਰਮੈਨ ਮਜਹਰ ਆਲਮ, ਪ੍ਰਧਾਨ ਸਿਕੰਦਰ ਆਲਮ, ਜਨਰਲ ਸਕੱਤਰ ਹਿਫਜੁਰ ਰਹਿਮਾਨ (ਬਬਲੂ), ਮੁਜੀਬ ਉਰ ਰਹਿਮਾਨ (ਡਬਲੂ) ਮੁਰਾਦਪੁਰਾ ਯੂਨਿਟ, ਮੁਹੱਮਦ ਸ਼ਹਿਨਬਾਜ, ਅਕਰਮ ਅਲੀ, ਮੁਹੱਮਦ ਸਰਫਰਾਜ, ਅੰਜੂਮ ਅਸਗਰ, ਸ਼ਾਹੀ ਇਮਾਮ ਦੇ ਮੁੱਖ ਸਕੱਤਰ ਮੁਹੱਮਦ ਮੁਸਤਕੀਮ ਅਹਿਰਾਰੀ ਆਦਿ ਨੇ ਆਏ ਹੋਏ ਮਹਿਮਾਨਾਂ ਦਾ ਸ਼ੁੱਕਰੀਆ ਅਦਾ ਕੀਤਾ।

29 ਦਸੰਬਰ ਨੂੰ ਅਹਿਰਾਰ ਪਾਰਟੀ ਦੇ 85ਵੇਂ ਸਥਾਪਨਾ ਦਿਵਸ 'ਤੇ ਵਿਸ਼ੇਸ਼

ਭਾਰਤ ਦੀ ਜੰਗੇ ਆਜ਼ਾਦੀ ਅਤੇ ਮਜਲਿਸ ਅਹਿਰਾਰ ਇਸਲਾਮ ਪਾਰਟੀ

1857 ਈ. ਦੀ ਜੰਗੇ ਆਜ਼ਾਦੀ ਦੀ ਨਾਕਾਮੀ ਤੋਂ ਬਾਅਦ ਅੰਗਰੇਂਜ਼ ਸਰਕਾਰ ਨੇ ਬੜੀ ਸਖ਼ਤੀ ਦੇ ਨਾਲ ਆਜ਼ਾਦੀ ਦੀ ਸ਼ਮਾ ਨੂੰ ਠੰਡਾ ਕਰ ਦਿੱਤਾ ਸੀ, ਲੇਕਿ ਸ਼ਮਾ-ਏ-ਆਜ਼ਾਦੀ ਦੇ ਸ਼ੋਲੇ ਬੁੱਝਨ ਦੀ ਬਜਾਏ ਰਾਖ ਦੇ ਹੇਠ ਸੁਲਗਦੇ ਰਹੇ ਅਤੇ ਆਖਿਰਕਾਰ ਉਨਾਂ ਸ਼ੋਲਿਆਂ ਨੇ ਦੱਬੀ ਹੋਈ ਅੱਗ ਨੂੰ ਫਿਰ ਤੋਂ ਭੜਕਾ ਦਿੱਤਾ। ਦੇਸ਼ ਭਰ ਵਿਚ ਵੱਖ ਵੱਖ ਪਾਰਟੀਆਂ ਅਤੇ ਵੱਖ ਵੱਖ ਧਰਮਾਂ ਦੇ ਲੋਕਾਂ ਨੇ ਗੁਲਾਮੀ ਦੀ ਜੰਜੀਰ ਤੋੜਨ ਦਾ ਇਰਾਦਾ ਕਰਦੇ ਹੋਏ ਮੈਦਾਨ ਵਿਚ ਕਦਮ ਰੱਖਾ। ਜੰਗੇ ਆਜ਼ਾਦੀ ਦੇ ਪਰਵਾਨਿਆਂ ਦੀ ਅਜਿਹੀ ਇਕ ਪਾਰਟੀ ਦਾ ਨਾਮ ਹੈ ''ਮਜਲਿਸ ਅਹਿਰਾਰ ਇਸਲਾਮ ਹਿੰਦ''। ਅਹਿਰਾਰ ਪਾਰਟੀ ਦੀ ਸਥਾਪਨਾ 29 ਦਸੰਬਰ 1929 ਵਿਚ ਪ੍ਰਸਿੱਧ ਆਜ਼ਾਦੀ ਘੁਲਾਈਏ ਰਈਸ-ਉਲ-ਅਹਿਰਾਰ ਮੌਲਾਨਾ ਹਬੀਬ-ਉਰ-ਰਹਿਮਾਨ ਲੁਧਿਆਣਵੀ ਅਤੇ ਉਨ੍ਹਾਂ ਦੇ ਸਾਥੀ ਸੱਯਦ ਅਤਾਉਲਾਹ ਸ਼ਾਹ ਬੁਖਾਰੀ, ਚੌਧਰੀ ਅਫ਼ਜਲ ਹਕ, ਹੱਸਾਮੁਦੀਨ ਆਦਿ ਨੇ ਕੀਤੀ। ਮਜਲਿਸ ਅਹਿਰਾਰ ਇਸਲਾਮ ਹਿੰਦ ਨੇ ਆਜ਼ਾਦੀ ਦੀ ਲੜਾਈ ਵਿਚ ਅਨੇਕਾਂ ਸ਼ਹੀਦੀਆਂ ਦਿੱਤੀਆਂ। ਪ੍ਰਸਿੱਧ ਇਤਿਹਾਸਕਾਰ ਮਾਸਟਰ ਤਾਰਾ ਸਿੰਘ ਜੀ ਨੇ ਆਪਣੀ ਕਿਤਾਬ ''ਹਿੱਸਟਰੀ ਫਰੀਡਮ ਮੂਵਮੇਂਟ ਇਨ ਇੰਡੀਆ'' ਦੇ ਪੰਨਾਂ ਨੰ: 282 'ਤੇ ਅਹਿਰਾਰ ਪਾਰਟੀ ਦਾ ਜ਼ਿਕਰ ਕਰਦੇ ਹੋਏ ਲਿਖਿਆ ਹੈ, '' ਮਜਲਿਸ ਅਹਿਰਾਰ ਇਸਲਾਮ ਹਿੰਦ ਦੇ ਨੇਤਾਵਾਂ ਵਿਸ਼ੇਸ਼ ਕਰ ਰਈਸ-ਉਲ-ਅਹਿਰਾਰ ਮੌਲਾਨਾ ਹਬੀਬ-ਉਰ-ਰਹਿਮਾਨ ਲੁਧਿਆਣਵੀ ਨੇ ਅੰਗਰੇਜ ਸਰਕਾਰ ਖਿਲਾਫ ਬਗਾਵਤ ਦਾ ਆਗਾਜ਼ ਕਰਦੇ ਹੋਏ ਸਭ ਤੋਂ ਪਹਿਲਾਂ ਬਿਨਾਂ ਕਿਸੇ ਸ਼ਰਤ 'ਤੇ ਦੇਸ਼ ਨੂੰ ਆਜ਼ਾਦ ਕਰਾਉਣ ਦਾ ਫੈਸਲਾ ਕੀਤਾ।'' ਜ਼ਿਕਰਯੋਗ ਹੈ ਕਿ ਮਜਲਿਸ ਅਹਿਰਾਰ ਇਸਲਾਮ ਹਿੰਦ ਚਾਹੇ ਆਜ਼ਾਦੀ ਸੰਗਰਾਮ ਵਿਚ ਮੁਸਲਮਾਨਾਂ ਦੀ ਪਾਰਟੀ ਦੇ ਤੌਰ 'ਤੇ ਜਾਣੀ ਜਾਂਦੀ ਸੀ, ਲੇਕਿਨ ਅਹਿਰਾਰ ਦੇ ਨੇਤਾਵਾਂ ਨੇ ਦੇਸ਼ ਦੀ ਆਜ਼ਾਦੀ ਦੀ ਲੜਾਈ ਵਿਚ ਸਾਰੇ ਧਰਮਾਂ ਦੇ ਨੇਤਾਵਾਂ ਦੇ ਨਾਲ ਮਿਲ ਕੇ ਕੰਮ ਕੀਤਾ। ਮਜਲਿਸ ਅਹਿਰਾਰ ਇਸਲਾਮ ਹਿੰਦ ਨੇ ਆਪਣੀ ਸਥਾਪਨਾ ਦੇ ਸਿਰਫ਼ ਦੋ ਸਾਲ ਵਿਚ ਹੀ ਅੰਗਰੇਜ਼ ਸਰਕਾਰ ਨਾਲ ਆਪਣਾ ਵਜੂਦ ਮਨਵਾ ਲਿਆ। ਅਹਿਰਾਰ ਦਾ ਮਤਲੱਬ ਹੈ ਹੁਰ-ਯਾਨਿ ਆਜ਼ਾਦੀ ਯਾਨਿ ਆਜ਼ਾਦ ਲੋਕਾਂ ਦੀ ਆਜ਼ਾਦ ਪਾਰਟੀ। ਜਿਸੇ ਸਿਵਾਏ ਆਜ਼ਾਦੀ ਦੇ ਕੋਈ ਸ਼ਰਤ ਮੰਜੂਰ ਨਾ ਸੀ। 1929 ਦਾ ਦੌਰ ਸੀ ਆਜ਼ਾਦੀ ਦੀ ਲੜਾਈ ਵਿਚ ਅਹਿਰਾਰ ਪਾਰਟੀ ਦੇ ਕਾਰਜਕਰਤਾਵਾਂ ਨੇ ਖੁੱਲਮ-ਖੁੱਲਾ ਅੰਗਰੇਜ਼ਾਂ ਦਾ ਵਿਰੋਧ ਸ਼ੁਰੂ ਕਰ ਦਿੱਤਾ। ਅਹਿਰਾਰ ਦੇ ਸੰਸਥਾਪਕ ਰਈਸ-ਉਲ-ਅਹਿਰਾਰ ਮੌਲਾਨਾ ਹਬੀਬ-ਉਰ-ਰਹਿਮਾਨ ਲੁਧਿਆਣਵੀ ਨੂੰ ਅੰਗਰੇਜ਼ ਸਰਕਾਰ ਨੇ ਗ੍ਰਿਫ਼ਤਾਰ ਕਰ ਲਿਆ ਅਤੇ ਜਦੋਂ ਆਪ ਨੂੰ ਅਦਾਲਤ ਵਿਚ ਪੇਸ਼ ਕੀਤਾ ਗਿਆ ਤਾਂ ਮੌਲਾਨਾ ਲੁਧਿਆਣਵੀ ਨੇ ਬੜੀ ਹਿੰਮਤ ਦਾ ਪ੍ਰਦਰਸ਼ਨ ਕਰਦੇ ਹੋਏ ਕਿਹਾ ਅੰਗਰੇਜ਼ ਸਰਕਾਰ ਜਾਲਿਮ ਹੈ ਅਤੇ ਜੁਲਮ ਦੇ ਖਿਲਾਫ ਜੇਕਰ ਲੜਨਾ ਜੁਰਮ ਹੈ ਤਾਂ ਮੈਂ ਆਪਣਾ ਜੁਰਮ ਕਬੂਲ ਕਰਦਾ ਹਾਂ। 1929 ਈ: ਤੋਂ ਲੈਕੇ ਹੁਣ ਤੱਕ ਅਹਿਰਾਰ ਪਾਰਟੀ ਨੇ ਜਿੱਨੇ ਵੀ ਅੰਦੋਲਨ ਚਲਾਏ, ਉਨ੍ਹਾਂ ਵਿਚ ਅਹਿਰਾਰ ਦੇ ਹਜ਼ਾਰਾਂ ਕਾਰਜਕਰਤਾ ਗਿਫ਼ਤਾਰ ਹੋਏ ਅਤੇ ਸ਼ਹੀਦ ਵੀ ਹੋਏ। ਸਿਵਲ ਨਾਫਰਮਾਨੀ ਦੇ ਅੰਦੋਲਨ ਵਿਚ ਅਹਿਰਾਰ ਪਾਰਟੀ ਨੇ ਵੱਧ ਚੜ੍ਹ ਕੇ ਹਿੱਸਾ ਲਿਆ। ਦੇਸ਼ ਭਰ ਵਿਚ 70 ਹਜ਼ਾਰ ਵਰਕਰ ਗ੍ਰਿਫ਼ਤਾਰ ਹੋਏ। ਸੰਨ 1931 ਈ: ਵਿਚ ਜਦੋਂ ਮਹਾਰਾਜਾ ਕਸ਼ਮੀਰ ਨੇ ਯੂਨੀਅਨ ਜੈਕ ਉਤਰਵਾ ਦਿੱਤਾ ਅਤੇ ਫਿਰ ਅੰਗਰੇਜ਼ ਨੇ ਕਸ਼ਮੀਰੀ ਜਨਤਾ ਨੂੰ ਗੁੰਮਰਾਹ ਕਰਨ ਦੀ ਕੋਸ਼ਿਸ ਕੀਤੀ ਤਾਂ ਅਹਿਰਾਰ ਪਾਰਟੀ ਦੇ ਹਜ਼ਾਰਾਂ ਕਾਰਜਕਰਤਾ ਕਸ਼ਮੀਰ ਪਹੁੰਚ ਗਏ। ਜੇਲ੍ਹਾਂ ਭਰ ਦਿੱਤੀਆਂ ਗਈਆਂ ਆਖਿਰਕਾਰ ਅਹਿਰਾਰ ਦੀ ਮੰਗ ਮੰਜੂਰੀ ਹੋਈ ਅਤੇ ਕਸ਼ਮੀਰ ਵਿਚ ਇਕ ਜਿੰਮੇਦਾਰ ਸਰਕਾਰ ਦੀ ਮੰਗ ਮਨ ਲਈ ਗਈ। 1939 ਈ: ਵਿਚ ਦੂਜੇ ਵਿਸ਼ਵ ਯੁੱੱਧ ਦੀ ਸ਼ੁਰੂਆਤ ਹੋਈ ਅਤੇ ਅੰਗਰੇਜ਼ ਨੇ ਦੇਸ਼ ਭਰ ਵਿਚ ਫੌਜ਼ੀ ਭਰਤੀ ਸ਼ੁਰੂ ਕਰ ਦਿੱਤੀ ਤਾਂ ਮਜਲਿਸ ਅਹਿਰਾਰ ਇਸਲਾਮ ਹਿੰਦ ਨੇ ਨਾ ਸਿਰਫ਼ ਅੰਗਰੇਜ ਫੌਜ ਵਿਚ ਭਰਤੀ ਦਾ ਬਾਅਕਾਟ ਦਾ ਐਲਾਨ ਕੀਤਾ, ਬਲਕਿ ਅੰਗਰੇਜ਼ ਸਰਕਾਰ ਦੇ ਖ਼ਿਲਾਫ ਅੰਦੋਲਨ ਸ਼ੁਰੂ ਕਰ ਦਿੱਤਾ। ਸੀਨੀਅਰ ਅਹਿਰਾਰੀ ਨੇਤਾਵਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ, ਲੇਕਿਨ ਅਹਿਰਾਰ ਪਾਰਟੀ ਦਾ ਇਹ ਅੰਦੋਲਨ ਕਮਜ਼ੋਰ ਨਾ ਹੋ ਸਕਿਆ। ਇਸ ਅੰਦੋਲਨ ਵਿਚ ਪੰਜਾਬ ਤੋਂ ਅਹਿਰਾਰ ਦੇ ਤਿੰਨ ਹਜ਼ਾਰ ਵਰਕਰ ਅਤੇ 45 ਨੇਤਾ, ਸੂਬਾ ਸਰਹੰਦ ਵਿਚ ਇਕ ਹਜ਼ਾਰ ਵਰਕਰ 10 ਨੇਤਾ, ਯੂਪੀ ਵਿਚ ਪੰਜ ਹਜ਼ਾਰ ਵਰਕਰ, ਬੰਗਾਲ ਵਿਚ ਪੰਜ ਹਜਾਰ ਵਰਕਰ, ਮੁੰਬਈ ਵਿਚ ਇਕ ਹਜ਼ਾਰ ਵਰਕਰ ਅਤੇ ਬਿਹਾਰ ਵਿਚ ਦੋ ਹਜ਼ਾਰ ਵਰਕਰ ਅਤੇ ਅਨੇਕਾਂ ਨੇਤਾ ਗ੍ਰਿਫ਼ਤਾਰ ਹੋਏ ਅਤੇ ਉਨ•ਾਂ ਨੂੰ ਇਸ ਜੁਰਮ ਵਿਚ ਸਜਾ ਵੀ ਦਿੱਤੀ ਗਈ। ਰਈਸ-ਉਲ-ਅਹਿਰਾਰ ਮੌਲਾਨਾ ਹਬੀਬ-ਉਰ-ਰਹਿਮਾਨ ਲੁਧਿਆਣਵੀ ਨੂੰ ਕਈ ਮੌਕਿਆਂ 'ਤੇ ਆਪਣੇ ਭਾਸ਼ਣ ਦੇ ਦੌਰਾਨ ਇਹ ਕਹਿੰਦੇ ਹੋਏ ਸੁਣਿਆ ਗਿਆ ਕਿ ''ਮੇਰੇ ਕੋਲ 50 ਹਜ਼ਾਰ ਵਰਕਰ ਹਨ ਜਿਹੜੇ ਦੇਸ਼ ਦੀ ਕਿਸੇ ਵੀ ਸਿਆਸੀ ਪਾਰਟੀ ਨਾਲ ਵੱਡੀ ਤਾਕਤ ਹੈ''। ਅੰਗਰੇਜ਼ ਸਰਕਾਰ ਦੇ ਅਨੁਮਾਨ ਦੇ ਅਨੁਸਾਰ ਸਾਰੇ ਅਹਿਰਾਰੀ ਨੇਤਾਵਾਂ ਨੇ 10-10 ਸਾਲ ਦਾ ਸਮਾਂ ਦੇਸ਼ ਦੀ ਆਜ਼ਾਦੀ ਦੇ ਲਈ ਅੰਗਰੇਜ਼ਾਂ ਦੀਆਂ ਜੇਲਾਂ ਵਿਚ ਗੁਜ਼ਾਰਿਆ, ਜਦੋਂ ਅੰਗਰੇਜ਼ ਨੇ ਰੇਲਵੇ ਸਟੇਸ਼ਨਾਂ 'ਤੇ ਹਿੰਦੂ ਪਾਣੀ ਅਤੇ ਮੁਸਲਮਾਨ ਪਾਣੀ ਦੀ ਆਵਾਜ਼ ਲਗਵਾਉਣੀ ਸ਼ੁਰੂ ਕੀਤੀ ਤਾਂ ਅਹਿਰਾਰ ਪਾਰਟੀ ਨੇ ਇਸ ਸਾਜਿਸ਼ ਨੂੰ ਭਾਂਪਿਆ ਅਤੇ ਇਕ ਪਾਣੀ ਪੀਣ ਦਾ ਐਲਾਨ ਕਰ ਦਿੱਤਾ ਅਤੇ 1947 ਈ: ਵਿਚ ਦੇਸ਼ ਆਜ਼ਾਦ ਹੋ ਗਿਆ, ਲੇਕਿਨ ਅਹਿਰਾਰ ਦੇ ਵਿਰੋਧ ਦੇ ਬਾਵਜੂਦ ਪਾਕਿਸਤਾਨ ਬਣਿਆ ਤਾਂ ਦੇਸ਼ ਦੀ ਆਜ਼ਾਦੀ ਦਾ ਇਕ ਹਿੱਸਾ ਫਸਾਦ ਦੀ ਭੇਂਟ ਚੜ੍ਹ ਗਿਆ। ਆਜ਼ਾਦੀ ਦੀਆਂ ਖੁਸ਼ੀਆਂ ਵਿਚ ਇਕ ਵੱਡਾ ਸਦਮਾ ਅਹਿਰਾਰ ਪਾਰਟੀ ਦੇ ਨੇਤਾਵਾਂ ਨੂੰ ਸਹਿਣ ਕਰਨਾ ਪਿਆ ਕਿਉਂਕਿ ਜਿਆਦਾਤਰ ਅਹਿਰਾਰ ਪਾਰਟੀ ਦੇ ਨੇਤਾ ਪੰਜਾਬ ਨਾਲ ਸੰੰਬੰਧ ਰੱਖਦੇ ਸੀ। ਵੰਡ ਦੇ ਬਾਅਦ ਰਈਸ-ਉਲ-ਅਹਿਰਾਰ ਮੌਲਾਨਾ ਹਬੀਬ-ਉਰ-ਰਹਿਮਾਨ ਲੁਧਿਆਣਵੀ ਦਿੱਲੀ ਵਿਖੇ ਰਹਿਣ ਲੱਗੇ। ਪੰਡਿਤ ਜਵਾਹਰ ਲਾਲ ਨਹਿਰੂ ਜੀ ਨੇ ਮੌਲਾਨਾ ਹਬੀਬ-ਉਰ-ਰਹਿਮਾਨ ਲੁਧਿਆਣਵੀ ਨੂੰ ਮੰਤਰੀ ਮੰਡਲ ਵਿਚ ਆਉਣ ਦੀ ਪੇਸ਼ਕਸ਼ ਕੀਤੀ, ਲੇਕਿਨ ਮੌਲਾਨਾ ਨੇ ਇਹ ਕਹਿ ਕੇ ਇਨਕਾਰ ਕਰ ਦਿੱਤਾ ਕਿ ਅਹਿਰਾਰ ਆਜ਼ਾਦੀ ਦੀ ਕੀਮਤ ਨਹੀਂ ਲੈਂਦੇ, ਸਾਰੀ ਜ਼ਿੰਦਗੀ ਅਹਿਰਾਰ ਦੇ ਸੰਸਥਾਪਕ ਨਾਲ ਪੰਡਿਤ ਜਵਾਹਰ ਲਾਲ ਨਹਿਰੂ ਜੀ ਮਸ਼ਵਿਰਾ ਲੈਂਦੇ ਰਹੇ। 1956 ਈ: ਵਿਚ ਰਈਸ-ਉਲ-ਅਹਿਰਾਰ ਮੌਲਾਨਾ ਹਬੀਬ-ਉਰ-ਰਹਿਮਾਨ ਲੁਧਿਆਣਵੀ ਦਾ ਦਿੱਲੀ ਵਿਖੇ ਦਿਹਾਂਤ ਹੋ ਗਿਆ। ਦਿੱਲੀ ਦੇ ਜਾਮਾ ਮਸਜਿਦ ਦੇ ਕੱਬਰੀਸਤਾਨ ਵਿਚ ਮੌਲਾਨਾ ਲੁਧਿਆਣਵੀ ਨੂੰ ਦਫ਼ਨ ਕੀਤਾ ਗਿਆ, ਜਿਸ ਤੋਂ ਬਾਅਦ ਅਹਿਰਾਰ ਦੇਸ਼ ਦੀ ਸਿਆਸਤ ਨਾਲ ਰੂਪੋਸ਼ ਹੋਣ ਲੱਗੀ। ਅਜਿਹੇ ਵਿਚ ਅਹਿਰਾਰ ਦੇ ਸੰਸਥਾਪਕ ਮੌਲਾਨਾ ਲੁਧਿਆਣਵੀ ਦੇ ਪੋਤਰੇ ਮੁਫ਼ਤੀ-ਏ-ਆਜਮ ਪੰਜਾਬ ਮੌਲਾਨਾ ਮੁਹੰਮਦ ਅਹਿਮਦ ਰਹਿਮਾਨੀ ਦੇ ਸੁਪੱਤਰ ਪੰਜਾਬ ਦੇ ਸ਼ਾਹੀ ਇਮਾਮ ਮੌਲਾਨਾ ਹਬੀਬ-ਉਰ-ਰਹਿਮਾਨ ਸਾਨੀ ਲੁਧਿਆਣਵੀ ਨੇ ਅਹਿਰਾਰ ਪਾਰਟੀ ਦੀ ਕਮਾਨ ਸੰਭਾਲੀ। ਆਪਣੇ ਦਾਦਾ ਦੇ ਹਮਨਾਮ ਸ਼ਾਹੀ ਇਮਾਮ ਪੰਜਾਬ ਨੇ ਅਹਿਰਾਰ ਪਾਰਟੀ ਨੂੰ ਤੇਜ਼ੀ ਨਾਲ ਫੈਲਾਉਣਾ ਸ਼ੁਰੂ ਕਰ ਦਿੱਤਾ, ਜਿਸਦਾ ਨਤੀਜਾ ਹੈ ਕਿ ਅੱਜ ਅਹਿਰਾਰ ਪਾਰਟੀ ਦੇਸ਼ ਦੇ ਅਨੇਕਾਂ ਹਿੱਸਿਆਂ ਵਿਚ ਦੋਬਾਰਾ ਆਪਣਾ ਵਜੂਦ ਕਾਇਮ ਕਰ ਚੁੱਕੀ ਹੈ, ਜਿਸਦਾ ਕੰਮ ਦੇਸ਼ ਦੇ ਗੱਦਾਰਾਂ ਨੂੰ ਬੇਨਕਾਬ ਕਰਨਾ ਹੈ। ਅੱਜ ਅਹਿਰਾਰ ਪਾਰਟੀ ਨੂੰ ਸਥਾਪਿਤ ਹੋਏ 85 ਵਰ੍ਹੇ ਪੂਰੇ ਹੋ ਚੁੱਕੇ ਹਨ।                                                                                                                          -ਮੁਸਤਕੀਮ ਅਹਿਰਾਰੀ

ਬਾਬਾ ਗੁਰਮੁਖ ਸਿੰਘ ਦੇ ਬੁੱਤ ਦੀ ਭੰਨਤੋੜ ਇੱਕ ਚੁਨੌਤੀ

ਸਮੂਹ ਦੇਸ਼ ਭਗਤਾਂ ਲਈ ਇੱਕ ਵੰਗਾਰ-ਸਮੂਹ ਹਲਕਿਆਂ ਵੱਲੋਂ ਤਿੱਖੀ ਨਿਖੇਧੀ 

ਲੁਧਿਆਣਾ: 7 ਅਕਤੂਬਰ 2014: (ਪੰਜਾਬ ਸਕਰੀਨ ਬਿਊਰੋ):

ਪਿੰਡ ਲਲਤੋਂ ਕਲਾਂ ਤੋਂ ਇੱਕ ਹਿਰਦੇ ਵੇਧਕ ਖਬਰ ਆਈ ਹੈ। ਦੇਸ਼ ਦੀ ਆਜ਼ਾਦੀ ਅਤੇ ਆਜ਼ਾਦੀ ਤੋਂ ਬਾਅਦ ਦੇਸ਼ ਭਗਤਾਂ ਦੇ ਸੁਪਨਿਆਂ ਦਾ ਭਾਰਤ ਸਿਰਜਣ ਲਈ ਆਪਣੇ ਆਖਿਰੀ ਸਾਹਾਂ ਤੀਕ ਸੰਘਰਸ਼ਸ਼ੀਲ ਰਹਿਣ ਵਾਲੇ ਮਹਾਨ ਦੇਸ਼ ਭਗਤ ਗਦਰੀ ਬਾਬੇ ਬਾਬਾ ਗੁਰਮੁਖ ਸਿੰਘ ਲਲਤੋਂ ਦੇ ਬੁੱਤ ਦੀ ਬੇਹੁਰਮਤੀ ਕੀਤੀ ਗਈ ਹੈ। ਕਿਸੇ ਸ਼ਰਾਰਤੀ ਅਨਸਰ ਨੇ ਇਸ ਮਹਾਨ ਸ਼ਖਸੀਅਤ ਦੇ ਬੁੱਤ ਦੀ ਭੰਨਤੋੜ ਕੀਤੀ ਹੈ। ਇਹ ਨਿੰਦਣਯੋਗ ਕਾਰਾ ਅਸਲ ਵਿੱਚ ਸਮੂਹ ਦੇਸ਼ ਭਗਤ ਸ਼ਕਤੀਆਂ ਲਈ ਇੱਕ ਚੁਨੌਤੀ ਹੈ। ਇੱਕ ਚੈਲੰਜ ਹੈ। ਇਸਦੇ ਨਾਲ ਹੀ ਇਹ ਘਿਨਾਉਣੀ ਹਰਕਤ ਇਲਾਕੇ ਦੀਆਂ ਖੁਫੀਆਂ ਏਜੰਸੀਆਂ ਅਤੇ ਸੁਰੱਖਿਆ ਫੋਰਸਾਂ ਪ੍ਰਤੀ ਵੀ ਇੱਕ ਸੁਆਲ ਹੈ। ਇਹ ਕਮੀਨਗੀ ਦੀ ਹੱਦ ਹੈ। ਲੋਕ ਆਪਣੇ ਨਾਇਕਾਂ ਦੇ ਬੁੱਤ ਲਾਉਣੇ ਵੀ ਜਾਂਦੇ ਹਨ, ਉਹਨਾਂ ਦੀ ਸਾਂਭ ਸੰਭਾਲ ਵੀ ਕਰ ਸਕਦੇ ਹਨ ਅਤੇ ਉਹਨਾਂ ਦੀ ਬੇਹੁਰਮਤੀ ਕਰਨ ਵਾਲਿਆਂ ਨੂੰ ਤਕੜਾ ਜੁਆਬ ਦੇਣ ਦੀ ਵੀ ਸਮਰਥਾ ਰੱਖਦੇ ਹਨ। ਪੁਲਿਸ ਤੁਰੰਤ ਅਜਿਹੇ ਅਨਸਰਾਂ ਦਾ ਪਤਾ ਲਾ ਕੇ ਉਹਨਾਂ ਨੂੰ ਕਾਨੂੰਨ ਦੇ ਸ਼ਿਕੰਜੇ ਵਿੱਚ ਲਿਆਵੇ। ਇਸ ਮਾਮਲੇ ਵਿੱਚ ਕੀਤੀ ਗਈ ਕਿਸੇ ਵੀ ਢਿੱਲ ਨੂੰ ਲੋਕ ਕਦਾਚਿੱਤ ਬਰਦਾਸ਼ਤ ਨਹੀਂ ਕਰਨਗੇ। 

ਇਸੇ ਦੌਰਾਨ ਸੀਪੀਆਈ ਦੇ ਸੀਨੀਅਰ ਆਗੂ, ਕਾਮਰੇਡ ਕਰਤਾਰ ਸਿੰਘ ਬੁਆਣੀ, ਡਾਕਟਰ ਅਰੁਣ ਮਿੱਤਰਾ, ਕਾਮਰੇਡ ਗੁਰਨਾਮ ਸਿਧੂ, ਜੀਤ ਕੁਮਾਰੀ ਅਤੇ ਕਈ ਹੋਰਨਾਂ ਨੇ ਇਸ ਦੀ ਸਖਤ ਸ਼ਬਦਾਂ ਵਿੱਚ ਨਿਖੇਧੀ ਕੀਤੀ ਹੈ। 

ਗਦਰੀ ਬਾਬਾ ਗੁਰਮੁਖ ਸਿੰਘ ਯਾਦਗਾਰੀ ਕਮੇਟੀ ਲਲਤੋਂ ਖੁਰਦ ਦੇ ਆਗੂਆਂ ਦੀ ਮੀਟਿੰਗ ਪਰਮਿੰਦਰ ਸਿੰਘ ਪਿੰਦੀ ਦੀ ਪ੍ਰਧਾਨਗੀ ਹੇਠ ਹੋਈ। ਕਮੇਟੀ ਦੇ ਸਕੱਤਰ ਮਾਸਟਰ ਜਸਦੇਵ ਸਿੰਘ ਲਲਤੋਂ ਨੇ ਦੱਸਿਆ ਕਿ ਗਦਰੀ ਬਾਬਾ ਲਲਤੋਂ ਦੇ ਬੁੱਤ ‘ਤੇ ਹਮਲੇ ਦੌਰਾਨ ਉਨ੍ਹਾਂ ਦੇ ਦੋਵੇਂ ਹੱਥਾਂ, ਇਕ ਬਾਂਹ ਤੇ ਚਿਹਰੇ ਦੇ ਭੰਨਤੋੜ ਕੀਤੀ ਗਈ। ਉਨ੍ਹਾਂ ਕਿਹਾ ਕਿ ਸ਼ਰਾਰਤੀਆਂ ਨੇ ਇਹ ਘਿਨਾਉਣਾ ਕਾਰਾ ਪਿਛਲੇ ਦਿਨੀਂ ਕਾਮਾਗਾਟਾ ਮਾਰੂ ਸ਼ਤਾਬਦੀ ਦੇ ਸੰਬੰਧ ‘ਚ ਲਲਤੋਂ ਖੁਰਦ ਵਿਖੇ ਹੋਏ ਸਮਾਗਮ ਤੋਂ ਘਬਰਾ ਕੇ ਬੁਖਲਾਹਟ ‘ਚ ਆ ਕੇ ਕੀਤਾ ਹੈ। ਉਨ੍ਹਾਂ ਦੱਸਿਆ ਕਿ ਇਸ ਸੰਬੰਧ ਵਿੱਚ ਪੁਲਸ ਚੌਕੀ ਲਲਤੋਂ ਵਿਖੇ ਰਿਪੋਰਟ ਵੀ ਦਰਜ ਕਰਵਾਈ ਗਈ ਹੈ।

ਬਾਬਾ ਗੁਰਮੁਖ ਸਿੰਘ ਜੀ ਦੇ ਬੁੱਤ ਉੱਪਰ ਕੀਤੇ ਗਾਏ ਇਸ ਹਮਲੇ ਨਾਲ ਇੱਕ ਗੱਲ ਫਿਰ ਸਾਬਿਤ ਹੋ ਗਈ ਹੈ ਕਿ ਉਹਨਾਂ ਦੇ ਵਿਚਾਰਾਂ ਤੋਂ ਇਹ ਦੇਸ਼ਧ੍ਰੋਹੀ ਅਤੇ ਲੋਕ ਵਿਰੋਧੀ ਅਨਸਰ ਅੱਜ ਵੀ ਭੈਅਭੀਤ ਹਨ। ਅੱਜ ਵੀ ਬਾਬਾ ਗੁਰਮੁਖ ਸਿੰਘ ਨੂੰ ਯਾਦ ਕੀਤੇ ਜਾਣ ਤੇ ਉਹਨਾਂ ਨੂੰ ਘਬਰਾਹਟ ਹੁਣ ਦੀ ਹੈ। ਬੁੱਤ ਦੀ ਭੰਨਤੋੜ ਉਹਨਾਂ ਦੀ ਬੁਖਲਾਹਟ ਦਾ ਹੀ ਨਤੀਜਾ ਹੈ। 

ਬਾਬਾ ਗੁਰਮੁਖ ਸਿੰਘ ਲਲਤੋਂ ਦੇ ਬੁੱਤ ਉਪ੍ਪ੍ਰਟ ਇਹ ਤੀਜਾ ਚੌਥਾ ਹਮਲਾ ਹੈ।  ਅਫਸੋਸ ਦੀ ਗੱਲ ਹੈ ਕਿ ਏਨੇ ਹਮਲਿਆਂ ਦੇ ਬਾਵਜੂਦ ਬੁੱਤ ਦੇ ਮਾਣ ਸਨਮਾਣ ਨੂੰ ਗੰਭੀਰਤਾ ਨਾਲ ਨਹੀਂ ਲਿਆ ਗਿਆ। ਮੁਢਲੀਆਂ ਰਿਪੋਰਟਾਂ ਮੁਤਾਬਿਕ ਪ੍ਰੇਰਣਾ ਦਾ ਸਰੋਤ ਬਣੇ ਬਾਬਾ ਜੀ ਦੇ ਇਸ ਬੁੱਤ ਦੇ ਦੋਵੇਂ ਹੱਥ ਤੇ ਇੱਕ ਬਾਂਹ ਤੋੜਨ ਤੋਂ ਇਲਾਵਾ ਉਨ੍ਹਾਂ ਦੇ ਚਿਹਰੇ ਤੇ ਵੀ ਕਾਫੀ ਸੱਟਾ ਮਾਰੀਆਂ ਗਈਆਂ ਹਨ। ਇੰਝ ਲੱਗਦਾ ਹੈ ਜਿਵੇਂ ਕੋਈ ਆਪਣਾ ਜੱਦੀ ਪੁਸ਼ਤੀ ਵੈਰ ਕਢ ਰਿਹਾ ਹੋਵੇ। ਜਿਕਰਯੋਗ ਹੈ ਕਿ 2005 ਵੀ ਅਜਿਹਾ ਕੁਝ ਵਾਪਰਿਆ ਸੀ ਜਦੋਂ ਕੁਝ ਅਜਿਹੇ ਹੀ ਸਰਾਰਤੀ ਅਨਸਰਾਂ ਨੇ ਬਾਬਾ ਜੀ ਦੇ ਬੁੱਤ ਤੇ ਲੱਗੇ ਗਦਰ ਪਾਰਟੀ ਦੇ ਝੰੰਡੇ ਪਾੜ ਦਿੱਤੇ ਸਨ। ਫਿਰ ਸੰਨ 2009 ਵਿੱਚ ਵੀ ਬੁੱਤ ਤੇ ਇਸੇ ਤਰ੍ਹਾਂ ਹੀ ਹਮਲਾ ਕਰਕੇ ਬੁੱਤ ਦੀ ਭੰਨਤੋੜ ਕੀਤੀ ਸੀ। ਹੁਣ ਕੱਲ੍ਹ ਰਾਤ ਹਮਲਾ ਕਰਕੇ ਬੁੱਤ ਦੀ ਬੁਰੀ ਤਰ੍ਹਾਂ ਨਾਲ ਭੰਨਤੋੜ ਕੀਤੀ ਗਈ ਹੈ। ਕਮੇਟੀ ਮੈਂਬਰਾਂ ਨੇ ਅੱਗੇ ਦੱਸਿਆ ਕਿ ਇਸ ਮੰਦਭਾਗੀ ਘਟਨਾ ਦੀ ਸਰਪੰਚ ਮਹਿੰਦਰ ਸਿੰਘ ਬਿੱਲੂ, ਪੰਚ ਹਰਭਜਨ ਸਿੰਘ , ਮਲਕੀਤ ਸਿੰਘ, ਗਿੰਦਰ ਸਿੰਘ, ਹਰਜੀਤ ਕੌਰ ਅਤੇ ਸਮੂਹ ਗ੍ਰਾਮ ਪੰਚਾਇਤ ਲਲਤੋਂ ਖੁਰਦ ਨੂੰ ਸੂਚਨਾ ਦੇਣ ਉਪਰੰਤ ਪੁਲਸ ਚੌਂਕੀ ਲਲਤੋਂ ਕਲਾਂ ਨੂੰ ਵੀ ਸੂਚਿਤ ਕਰਕੇ ਦੋਸੀਆਂ ਖਿਲਾਫ ਰਿਪੋਰਟ ਦਰਜ ਕਰਵਾਈ ਗਈ। ਜਲਦੀ ਹੀ ਦੋਸੀਆਂ ਵਿਰੁੱਧ ਕਾਰਵਾਈ ਲਈ ਤਿੱਖਾਂ ਸੰਘਰਸ ਵਿੱਢਣ ਲਈ ਤਿਆਰੀ ਕੀਤੀ ਜਾਵੇਗੀ। ਦੇਸ਼ ਭਗਤ ਯਾਦਗਾਰੀ ਕਮੇਟੀ ਦੇ ਫਾਊਂਡਰ ਜਨਰਲ ਸਕੱਤਰ ਅਤੇ ਦੇਸ਼ ਭਗਤ ਯਾਦਗਾਰ ਹਾਲ ਦੇ ਸੰਸਥਾਪਕ ਬਾਬਾ ਗੁਰਮੁਖ ਸਿੰਘ ਨੇ ਕਾਮਾਗਾਟਾ ਮਾਰੂ ਵਾਲਾ ਸਾਰਾ ਵਰਤਾਰਾ ਅੱਖੀਂ ਦੇਖਿਆ ਸੀ।ਉਹਨਾਂ ਸ਼ਹੀਦ ਕਰਤਾਰ ਸਿੰਘ ਸਰਾਭਾ ਦੇ ਨਾਲ ਕੰਮ ਕੀਤਾ ਸੀ। ਅੱਜ ਉਹਨਾਂ ਦੇ ਬੁੱਤ ਦਾ ਨਿਰਾਦਰ ਅਸਲ ਵਿੱਚ ਸ਼ਹੀਦ ਭਗਤ ਸਿੰਘ ਕਰਤਾਰ ਸਿੰਘ ਸਰਾਭਾ ਅਤੇ ਅਤੇ ਹੋਰ ਸਮੂਹ ਆਜ਼ਾਦੀ ਘੁਲਾਟੀਆਂ ਲਈ ਇੱਕ ਵੰਗਾਰ ਹੈ। 

"ਅਸਲ ਵਿੱਚ ਊਧਮ ਸਿੰਘ ਨੇ ਜਨਰਲ ਉਡਵਾਇਰ ਨੂੰ ਸਭ ਦੇ ਸਾਹਮਣੇ ਸਜ਼ਾ ਦੇਣੀ ਸੀ"

ਪ੍ਰੋਫੈਸਰ ਜਗਮੋਹਣ ਸਿੰਘ ਨੇ ਇਸ ਵਾਰ ਵੀ ਕੀਤੇ ਕਈ ਅਹਿਮ ਖੁਲਾਸੇ 

ਲੁਧਿਆਣਾ: 16 ਅਗਸਤ 2014: (ਰੈਕਟਰ ਕਥੂਰੀਆ//ਪੰਜਾਬ ਸਕਰੀਨ):

ਜੇ ਅਮਰ ਸ਼ਹੀਦ ਊਧਮ ਸਿੰਘ ਨੇ ਸਿਰਫ ਜਨਰਲ ਉਡਵਾਇਰ ਨੂੰ ਮਾਰਨਾ ਹੀ ਹੁੰਦਾ ਤਾਂ ਉਹ ਅਜਿਹਾ ਬਹੁਤ ਪਹਿਲਾਂ ਕਰ ਸਕਦੇ ਸਨ ਕਿਓਂਕਿ ਸਾਡੇ ਇਸ ਕੌਮੀ ਹੀਰੇ ਨੇ ਉਸ ਫਾਰਮ ਹਾਊਸ ਵਿੱਚ ਕਾਫੀ ਦੇਰ ਕੰਮ ਕੀਤਾ ਜਿੱਥੇ ਉਹ ਜ਼ਾਲਿਮ ਜਨਰਲ ਉਡਵਾਇਰ ਅਕਸਰ ਆਉਂਦਾ ਜਾਂਦਾ ਸੀ। ਪਰ ਸ਼ਹੀਦ ਊਧਮ ਸਿੰਘ ਦਾ ਸੰਕਲਪ ਕੇਵਲ ਉਸ ਨੂੰ ਮਾਰਨਾ ਨਹੀਂ ਬਲਕਿ ਸਜ਼ਾ ਦੇਣਾ ਸੀ। ਉਹਨਾਂ ਬੇਦੋਸ਼ੇ ਲੋਕਾਂ ਦੇ ਕਤਲਾਂ ਦੀ ਸਜ਼ਾ ਜਿਹੜੇ ਉਸਦੇ ਹੁਕਮਾਂ 'ਤੇ ਜਲਿਆਂ ਵਾਲੇ ਬਾਗ ਵਿੱਚ ਕੀਤੀ ਗੈੰਨੇਵ੍ਵਾਹ ਫਾਇਰਿੰਗ ਵਿੱਚ ਹੋਏ ਸਨ। ਇਸ ਲਈ ਸਾਡੇ ਇਸ ਅਮਰ ਸ਼ਹੀਦ ਨੇ ਲੰਮੇ ਸਮੇਂ ਤੱਕ ਉਸ ਉਚਿਤ ਥਾਂ ਦੀ ਉਡੀਕ ਕੀਤੀ ਜਿੱਥੇ ਜਨਰਲ ਉਡਵਾਇਰ ਨੂੰ ਸਾਰੀ ਜਨਤਾ ਦੇ ਸਾਹਮਣੇ ਸਜ਼ਾ ਦਿੱਤੀ ਜਾ ਸਕਦੀ ਸੀ। ਇਹ ਖੁਲਾਸਾ ਸ਼ਹੀਦ ਭਗਤ ਸਿੰਘ ਹੁਰਾਂ ਦੇ ਭਾਣਜੇ ਪ੍ਰੋਫੈਸਰ ਜਗਮੋਹਨ ਸਿੰਘ ਹੁਰਾਂ ਨੇ ਕੀਤਾ। ਉਹ ਚਾਂਦ ਕਲੋਨੀ ਰਿਸ਼ੀ ਨਗਰ ਵਿੱਚ ਹੋਏ ਇੱਕ ਸਮਾਗਮ ਵਿੱਚ ਬੋਲ ਰਹੇ ਸਨ। ਇਹ ਸਮਾਗਮ ਤੇਜਾ ਸਿੰਘ ਸੁਤੰਤਰ ਮੁਹੱਲਾ ਸੁਧਾਰ ਕਮੇਟੀ ਵੱਲੋਂ ਕਰਵਾਇਆ ਗਿਆ ਸੀ। ਪ੍ਰੋਫੈਸਰ ਜਗਮੋਹਨ ਸਿੰਘ ਨੇ ਕਿਹਾ ਕਿ ਸ਼ਹੀਦ ਊਧਮ ਸਿੰਘ ਨੇ ਆਪਣਾ ਨਾਮ ਮੁਹੰਮਦ ਸਿੰਘ ਆਜ਼ਾਦ ਰੱਖਿਆ ਸੀ ਅਤੇ ਨਾਲ ਹੀ ਸਪਸ਼ਟ ਕੀਤਾ ਸੀ ਕੀ ਜਿਹੜਾ ਉਸਦੇ ਇਸ ਨਾਮ ਨਾਲ ਛੇੜਛਾੜ ਕਰੇਗਾ ਉਹ ਉਸ ਨਾਲ ਬੇਇੰਸਾਫੀ ਅਤੇ ਗੱਦਾਰੀ ਕਰ ਰਿਹਾ ਹੋਵੇਗਾ। ਇਸ ਲਈ ਅਸੀਂ ਇਸ ਸੁਨੇਹੇ ਨੂੰ ਸਮਝੀਏ ਅਤੇ ਉਸ ਮਹਾਨ ਸ਼ਹੀਦ ਨੂੰ ਜਾਤਾਂ ਪਾਤਾਂ ਅਤੇ ਧਰਮਾਂ ਦੇ ਸੌੜੇ ਦਾਇਰਿਆਂ ਵਿੱਚ ਕੈਦ ਨਾ ਕਰੀਏ। ਉਹਨਾਂ ਯਾਦ ਕਰਾਇਆ ਕਿ ਅਸੀਂ ਇਹੀ ਗੱਦਾਰੀ ਪਹਿਲਾਂ ਆਪਣੇ ਪਿਆਰੇ ਤਿਰੰਗੇ ਨਾਲ ਵੀ ਕਰ ਚੁੱਕੇ ਹਾਂ। ਇਸ ਝੰਡੇ ਦੇ ਤਿੰਨੇ ਰੰਗ ਤਿੰਨ ਮਨੁੱਖੀ ਗੁਣਾਂ ਦੇ ਪ੍ਰਤੀਕ ਸਨ ਜਿਹਨਾਂ ਦੀ ਵਿਆਖਿਆ ਗਦਰ ਪਾਰਟੀ ਦੇ ਆਗੂਆਂ ਨੇ ਕੀਤੀ ਸੀ ਅਤੇ ਇਹ ਸਭ ਕੁਝ ਰਿਕਾਰਡ ਵਿੱਚ ਮੌਜੂਦ ਹੈ ਪਰ ਮਗਰੋਂ ਇਹਨਾਂ ਰੰਗਾਂ  ਨੂੰ  ਧਰਮਾਂ ਦੇ ਪ੍ਰਤੀਕ ਬਣਾ ਕੇ ਪੇਸ਼ ਕਰ ਦਿੱਤਾ ਗਿਆ।  ਇਹ ਤਿਰੰਗੇ ਨਾਲ ਗੱਦਾਰੀ ਸੀ। ਉਹਨਾਂ ਯਾਦ ਕਰਾਇਆ ਕਿ ਜਲਿਆਂ ਵਾਲੇ ਬਾਗ ਵਿੱਚ ਗੋਲੀ ਚਲਾਉਣ ਦਾ ਹੁਕਮ ਦੇਣ ਵਾਲਾ ਜਨਰਲ ਉਡਵਾਇਰ ਕੋਈ ਪਾਗਲ ਨਹੀਂ ਸੀ ਜਿਸਨੇ ਅਚਾਨਕ ਗੋਲੀ ਚਲਾਉਣ ਦਾ ਹੁਕਮ ਦੇ ਦਿੱਤਾ।  ਅਸਲ ਵਿੱਚ ਉਹ ਬਹੁਤ ਦੂਰ ਦੀ ਸੋਚ ਰਿਹਾ ਸੀ। ਉਡਵਾਇਰ ਨੇ ਬਹੁਤ ਪਹਿਲਾਂ ਭਾਂਪ ਲਿਆ ਸੀ ਕੀ ਜਦ ਜਦ ਵੀ ਲੋਕਾਂ ਵਿੱਚ ਏਕਤਾ ਹੋਈ ਹੈ ਉਸਨੇ ਵੱਡੇ ਵੱਡੇ ਰਾਜਭਾਗਾਂ ਨੂੰ ਗੱਦੀ ਤੋਂ ਥੱਲੇ ਸੁੱਟਣ ਵਿੱਚ ਕਦੇ ਦੇਰ ਨਹੀਂ ਲਾਈ। ਹੁਣ ਵੀ  ਉਸਨੇ ਦੇਖਿਆ ਸੀ ਕਿ ਕੁਝ ਸਮਾਂ ਪਹਿਲਾਂ ਹੀ ਲੋਕਾਂ ਨੇ ਈਦ ਅਤੇ ਦੀਵਾਲੀ ਦੀਆਂ ਖੁਸ਼ੀਆਂ ਇਕੱਠੇ ਹੋ ਕੇ ਮਨਾਈਆਂ ਸਨ।  ਇਹ ਏਕਾ ਅੰਗ੍ਰੇਜ਼ਾਂ ਲਈ ਖਤਰਾ ਸੀ। ਪੂਰਾ ਬ੍ਰਿਟਿਸ਼ ਸਾਮਰਾਜ ਇਸ ਖਤਰੇ ਨੂੰ ਭਾਂਪ ਕੇ ਕੰਬ ਉੱਠਿਆ ਸੀ। ਜਲਿਆਂ ਵਾਲੇ ਬਾਗ ਵਿੱਚ ਚਲਾਈ ਗਈ ਗੋਲੀ ਅਸਲ ਵਿੱਚ ਇਸ ਏਕਤਾ ਵਾਲੇ ਖਤਰੇ ਕਾਰਣ ਪੈਦਾ ਹੋਈ ਘਬਰਾਹਟ ਦਾ ਹੀ ਨਤੀਜਾ ਸੀ। ਉਹਨਾਂ ਅਫਸੋਸ ਪ੍ਰਗਟ ਕੀਤਾ ਕਿ ਅਸੀਂ ਅੱਜ ਫੇਰ ਉਸ ਏਕਤਾ ਨੂੰ ਹੀ ਬਾਰ ਬਾਰ ਨਿਸ਼ਾਨਾ ਬਣਾ ਰਹੇ ਹਾਂ।

ਇਸ ਮੌਕੇ ਸੀਪੀਆਈ ਜ਼ਿਲਾ ਲੁਧਿਆਣਾ ਦੇ ਸਹਾਇਕ ਡਾਕਟਰ ਅਰੁਣ ਮਿੱਤਰਾ ਨੇ ਵੀ ਸੰਖੇਪ ਜਹੇ ਸ਼ਬਦਾਂ ਵਿੱਚ ਬਹੁਤ ਕੁਝ ਆਖਿਆ। ਲੋਕਾਂ ਨੂੰ ਵਾਤਾਵਰਨ ਦੀ ਸੰਭਾਲ ਲਈ ਪੌਦੇ ਵੰਡੇ ਗਏ ਅਤੇ ਰੰਗਾਰੰਗ ਪ੍ਰੋਗਰਾਮਾਂ ਦੌਰਾਨ ਤਿਰੰਗਾ ਵੀ ਲਹਿਰਾਇਆ ਗਿਆ। ਨਸ਼ਿਆਂ ਦੇ ਮਾਮਲੇ ਵਿੱਚ ਲੀਡਰਾਂ ਦੇ ਕਰੂਪ ਚਿਹਰਿਆਂ ਨੂੰ ਬੜੀ ਸਾਦਗੀ ਨਾਲ ਪੇਸ਼ ਸਕਿੱਟ ਰਾਹੀਂ ਬੇਨਕਾਬ ਕੀਤਾ ਗਿਆ।
   ਪ੍ਰਿੰਸੀਪਲ ਕੁਸਮ ਲਤਾ ਨੇ ਸਮਾਜ ਵਿੱਚ ਫੈਲੀ ਕੁਰੱਪਸ਼ਨ ਬਾਰੇ ਵਿਸਥਾਰ ਨਾਲ ਦੱਸਿਆ ਅਤੇ ਅੱਜ ਦੇ ਹਾਲਾਤ ਬਾਰੇ ਵਿਗਿਆਨਕ ਪਹਿਲੂਆਂ ਨਾਲ ਗੱਲ ਕੀਤੀ। ਉਹਨਾਂ ਕਿਹਾ ਕਿ ਮੈਂ ਇਹਨਾਂ ਪੇੜ-ਪੌਦਿਆਂ ਨੂੰ ਦਰਵੇਸ਼ ਆਖਦੀ ਹਾਂ ਕਿਓਂਕਿ ਇਹਨਾਂ ਨੇ ਬਿਨਾ ਕਿਸੇ ਵਿਤਕਰੇ ਦੇ ਸਾਨੂੰ ਜ਼ਿੰਦਗੀ ਦੇਣ ਵਾਲੀ ਆਕਸੀਜਨ ਦਾ ਲੰਗਰ ਲਗਾਇਆ ਹੋਇਆ ਹੈ। ਇਸ ਲਈ ਇਹਨਾਂ ਦੀ ਸਾਂਭ ਸੰਭਾਲ ਸਾਡਾ ਸਾਰਿਆਂ ਦਾ ਜਰੂਰੀ ਫਰਜ਼ ਹੈ। ਕੁਸੁਮਲਤਾ ਨੇ ਆਪਣੇ ਸ਼ਾਇਰਾਨਾ ਅੰਦਾਜ਼ ਵਾਲੇ ਭਾਸ਼ਣ ਨਾਲ ਕਾਫੀ ਦੇਰ ਤੱਕ ਸਰੋਤਿਆਂ ਨੂੰ ਬੰਨੀ ਰੱਖਿਆ। ਬਹੁਤ ਸਾਰੀਆਂ ਡੂੰਘੀਆਂ ਗੱਲਾਂ ਬੜੀ ਸਾਦਗੀ ਨਾਲ ਕੀਤੀਆਂ।

ਏਸ ਖੁਸ਼ੀ ਵਾਲੇ ਮਾਹੌਲ ਵਿੱਚ ਉਸ ਵੇਲੇ ਮਾਯੂਸੀ ਛਾ ਗਈ ਜਦੋਂ ਉਘੀ ਲੇਖਿਕਾ ਗੁਰਚਰਨ ਕੌਰ ਕੋਚਰ ਨੇ ਸ਼ਹੀਦਾਂ ਬਾਰੇ ਬੜੇ ਹੀ ਸੌਖੇ ਜਹੇ ਸੁਆਲ ਪੁਛੇ ਪਰ ਇਹਨਾਂ ਦਾ ਸੁਆਲ ਬਹੁਤ ਸਾਰੀਆਂ ਨੂੰ ਨਹੀਂ ਸੀ ਆਉਂਦਾ।  ਸ਼ਹੀਦ ਭਗਤ ਸਿੰਘ ਦਾ ਜਨਮ ਕਦੋਂ ਅਤੇ ਕਿਸ ਥਾਂ ਹੋਇਆ? ਸੁੱਖਦੇਵ ਥਾਪਰ ਦਾ ਜਨਮ ਕਦੋਂ ਅਤੇ ਕਿੱਥੇ ਹੋਇਆ? ਰਾਜਗੁਰੂ ਦਾ ਪੂਰਾ ਨਾਮ ਕੀ ਸੀ? ਏਹੋਜਾਹੇ ਕਈ ਸੁਆਲ ਸਨ ਜਿਹਨਾਂ ਦੇ ਜੁਆਬ ਲਈ 25 ਸਾਲ ਤੱਕ ਦੀ ਉਮਰ ਵਾਲੀ ਹੱਦ ਰੱਖੀ ਗਈ ਸੀ ਪਰ ਕੋਈ ਵੀ ਇਸਦਾ ਸਹੀ ਜੁਆਬ ਨਹੀਂ ਦੇ ਸਕਿਆ। ਇਹ ਇੱਕ ਸਬੂਤ ਸੀ ਕਿ ਸਦਾ ਵਿਦਿਅਕ ਸਿਸਟਮ ਅਤੇ ਸਮਾਜਿਕ ਤਾਣਾਬਾਣਾ ਕਿਸ ਤਬਾਹੀ ਵੱਲ ਜਾ ਰਿਹਾ ਹੈ?

ਅਬ ਕਿਸਕਾ ਜਸ਼ਨ ਮਨਾਤੇ ਹੋ ਉਸ ਦੇਸ ਕਾ ਜੋ ਤਕਸੀਮ ਹੁਆ

ਮਾਣਯੋਗ Renu Nayyar ਦੀ ਵਾਲ ਤੋਂ 

ਦੋਹਾਂ ਦੇਸ਼ਾਂ ਦੇ ਆਜ਼ਾਦੀ ਦਿਵਸ ਨੂੰ ਯਾਦ ਕਰਦਿਆਂ 

                                                                                                    ਅਬ ਕਿਸਕਾ ਜਸ਼ਨ ਮਨਾਤੇ ਹੋ

ਉਸ ਦੇਸ ਕਾ ਜੋ ਤਕਸੀਮ ਹੁਆ
ਅਬ ਕਿਸਕਾ ਗੀਤ ਸੁਨਾਤੇ ਹੋ
ਉਸ ਤਨ-ਮਨ ਕਾ ਜੋ ਦੋ-ਨੀਮ ਹੁਆ

ਉਸ ਖ਼ਵਾਬ ਕਾ ਜੋ ਰੇਜ਼ਾ-ਰੇਜ਼ਾ
ਇਨ ਆਂਖੋਂ ਕੀ ਤਕਦੀਰ ਹੁਆ
ਉਸ ਨਾਮ ਕਾ ਜੋ ਟੁਕੜੇ-ਟੁਕੜੇ
ਗਲੀਯੋਂ ਮੇਂ ਬੇ-ਤੌਕੀਰ ਹੁਆ

ਉਸ ਪਰਚਮ ਕਾ ਜਿਸਕੀ ਹੁਰਮਤ
ਬਾਜ਼ਾਰੋਂ ਮੇਂ ਨੀਲਾਮ ਹੁਈ
ਉਸ ਮਿੱਟੀ ਕਾ ਜਿਸਕੀ ਹੁਰਮਤ
ਮੰਸੂਬ ਅਦੂ ਕੇ ਨਾਮ ਹੁਈ

ਉਸ ਜੰਗ ਕਾ ਜੋ ਤੁਮ ਹਾਰ ਚੁਕੇ

ਉਸ ਰਸਮ ਕਾ ਜੋ ਜਾਰੀ ਭੀ ਨਹੀਂ
ਉਸ ਜ਼ਖ਼ਮ ਕਾ ਜੋ ਸੀਨੇ ਪੇ ਨ ਥਾ
ਉਸ ਜਾਨ ਕਾ ਜੋ ਵਾਰੀ ਭੀ ਨਹੀਂ

Courtesy:Beena Sarwar

ਉਸ ਖ਼ੂਨ ਕਾ ਜੋ ਬਦ-ਕਿਸਮਤ ਥਾ
ਰਾਹੋਂ ਮੇਂ ਬਹਾ ਯਾ ਤਨ ਮੇਂ ਰਹਾ
ਉਸ ਫੂਲ ਕਾ ਜੋ ਬੇ-ਕੀਮਤ ਥਾ
ਆਂਗਨ ਮੇਂ ਖਿਲਾ ਯਾ ਬਨ ਮੇਂ ਰਹਾ

ਉਸ ਮਸ਼ਰਿਕ ਕਾ ਜਿਸਕਾ ਤੁਮਨੇ
ਨੇਜ਼ੇ ਕੀ ਅਨੀ ਮਰਹਮ ਸਮਝਾ
ਉਸ ਮਗ਼ਰਿਬ ਕਾ ਜਿਸਕੋ ਤੁਮਨੇ
ਜਿਤਨਾ ਭੀ ਲੂਟਾ ਕਮ ਸਮਝਾ

ਉਨ ਮਾਸੂਮੋਂ ਕਾ ਜਿਨਕੇ ਲਹੂ
ਸੇ ਤੁਮਨੇ ਫ਼ਰੋਜ਼ਾਂ ਰਾਤੇਂ ਕੀਂ
ਯਾ ਉਨ ਮਜ਼ਲੂਮੋਂ ਕਾ ਜਿਨਸੇ
ਖ਼ੰਜਰ ਕੀ ਜ਼ਬਾਂ ਮੇਂ ਬਾਤੇਂ ਕੀਂ

ਉਸ ਮਰੀਯਮ ਕਾ ਜਿਸਕੀ ਇੱਫ਼ਤ
ਲੁਟਤੀ ਹੈ ਭਰੇ ਬਾਜ਼ਾਰੋਂ ਮੇਂ
ਉਸ ਈਸਾ ਕਾ ਜੋ ਕਾਤਿਲ ਹੈ
ਔਰ ਸ਼ਾਮਿਲ ਹੈ ਗ਼ਮ-ਖ਼ਵਾਰੋਂ ਮੇਂ


ਉਨ ਨੌਹਾਗਰੋਂ ਕਾ ਜਿਨਨੇ ਹਮੇਂ
ਖ਼ੁਦ ਕਤਲ ਕੀਯਾ ਖ਼ੁਦ ਰੋਤੇ ਹੈਂ
ਐਸੇ ਭੀ ਕਹੀਂ ਦਮ-ਸਾਜ਼ ਹੁਏ
ਐਸੇ ਜੱਲਾਦ ਭੀ ਹੋਤੇ ਹੈਂ

 Renu Nayyar

ਉਨ ਭੂਖੇ ਨੰਗੇ ਢਾਚੋਂ ਕਾ
ਜੋ ਰਕਸ ਸਰੇ-ਬਾਜ਼ਾਰ ਕਰੇਂ
ਯਾ ਉਨ ਜ਼ਾਲਿਮ ਕੱਜ਼ਾਕੋਂ ਕਾ
ਜੋ ਭੇਸ ਬਦਲਕਰ ਵਾਰ ਕਰੇਂ

ਯਾ ਉਨ ਝੂਠੇ ਇਕਰਾਰੋਂ ਕਾ
ਜੋ ਆਜ ਤਲਕ ਈਫ਼ਾ ਨ ਹੁਏ
ਯਾ ਉਨ ਬੇਬਸ ਲਾਚਾਰੋਂ ਕਾ
ਜੋ ਔਰ ਭੀ ਦੁਖ ਕਾ ਨਿਸ਼ਾਨਾ ਹੁਏ

ਉਸ ਸ਼ਾਹੀ ਕਾ ਜੋ ਦਸਤ-ਬ-ਦਸਤ
ਆਈ ਹੈ ਤੁਮਹਾਰੇ ਹਿੱਸੇ ਮੇਂ
ਕਯੂੰ ਨੰਗੇ-ਵਤਨ ਕੀ ਬਾਤ ਕਰੋ
ਕਯਾ ਰੱਖਾ ਹੈ ਇਸ ਕਿੱਸੇ ਮੇਂ

ਆਂਖੋਂ ਮੇਂ ਛੁਪਾਏ ਅਸਕੋਂ ਕੋ
ਹੋਠੋਂ ਪੇ ਵਫ਼ਾ ਕੇ ਬੋਲ ਲੀਯੇ
ਇਸ ਜਸ਼ਨ ਮੇਂ ਮੈਂ ਭੀ ਸ਼ਾਮਿਲ ਹੂੰ
ਨੌਹੋਂ ਸੇ ਭਰਾ ਕਸ਼ਕੋਲ ਲੀਯੇ

(ਦੋ-ਨੀਮ=ਦੋ ਟੁਕੜੇ, ਬੇ-ਤੌਕੀਰ=
ਬੇਇੱਜ਼ਤ, ਅਦੂ=ਵੈਰੀ, ਮਸ਼ਰਿਕ=ਪੂਰਬ,
ਬੰਗਲਾਦੇਸ਼, ਅਨੀ=ਨੋਕ, ਮਗ਼ਰਿਬ=ਪੱਛਮ,
ਇੱਫ਼ਤ=ਇੱਜ਼ਤ, ਨੌਹਾਗਰ=ਸ਼ੋਕਗੀਤ ਲੇਖਕ,

ਈਫ਼ਾ=ਪੂਰੇ)

               ---ਅਹਿਮਦ ਫ਼ਰਾਜ਼

ਅਜਨਾਲਾ ਖੂਹ: 23 ਅਗਸਤ ਨੂੰ ਸਵੇਰੇ ਤੁਰੇਗਾ ਇਤਿਹਾਸਿਕ ਕਾਫ਼ਿਲਾ

Mon, Aug 11, 2014 at 1:59 PM 
ਹਰਿ ਕੀ ਪੌੜੀ ਹਰਿਦੁਆਰ ਵਿਖੇ 24 ਅਗਸਤ ਨੂੰ ਹੋਵੇਗਾ ਵਿਸ਼ੇਸ਼ ਸਮਾਗਮ 

ਸ਼ਾਂਤੀਕੁੰਜ ਆਸ਼ਰਮ ਹਰਿਦੁਆਰ ਦੇ ਅਧਿਕਾਰੀਆਂ ਨਾਲ ਅਸਥੀਆਂ ਦੇ ਜਲਪ੍ਰਵਾਹ ਸੰਬੰਧੀ ਗਲਬਾਤ ਕਰਦੇ ਹੋਏ ਇਤਿਹਾਸਕਾਰ ਸ਼੍ਰੀ ਸੁਰਿੰਦਰ ਕੋਛੜ

*ਕੌਮੀ ਵਿਦ੍ਰੋਹ ਦੇ ਸੈਨਿਕਾਂ ਨੂੰ 24 ਅਗਸਤ ਵਾਲੇ ਦਿਨ ਮਿਲੇਗੀ ਗੰਗਾ ਵਿਚ ਮੁਕਤੀ--ਕੋਛੜ

*ਸੈਨਿਕਾਂ ਦੀਆਂ ਅਸਥੀਆਂ ਨੂੰ ਜਲਪ੍ਰਵਾਹ ਤੋਂ ਪਹਿਲਾਂ ਦਵਾਂਗੇ ਸ਼ਰਧਾਂਜ਼ਲੀ-ਸ਼੍ਰੀ ਗੰਗਾ ਸਭਾ

*ਸ਼ਾਂਤੀਕੁੰਜ ਦੇ ਪ੍ਰਮੁਖ ਵਿਦਵਾਨ ਪ੍ਰੋਹਿਤਾਂ ਵੱਲੋਂ ਕਰਾਇਆ ਜਾਵੇਗਾ ਤਰਪਣ-ਡਾ਼ ਪਾਂਡੇਯ

ਇਤਿਹਾਸਕਾਰ ਕੋਛੜ ਨੇ ਸੈਨਿਕਾਂ ਦੀਆਂ ਅਸਥੀਆਂ ਨੂੰ ਗੰਗਾ ਵਿਚ ਪ੍ਰਵਾਹ ਕਰਨ ਹਿਤ ਕੀਤੀ ਸ਼੍ਰੀ ਗੰਗਾ ਸਭਾ, ਪਤੰਜਲੀ ਯੋਗ ਪੀਠ, ਦੇਵ ਸੰਸਕ੍ਰਿਤ ਯੂਨੀਵਰਸਿਟੀ ਸਹਿਤ ਦੋ ਦਰਜਨ ਤੋਂ ਵਧੇਰੇ ਪ੍ਰਮੁਖ ਵਿਦਵਾਨ ਸੰਤਾਂ ਨਾਲ ਹਰਿਦੁਆਰ ਵਿਚ ਮੀਟਿਂਗ

ਅੰਮ੍ਰਿਤਸਰ: 11 ਅਗਸਤ 2014: (ਪੰਜਾਬ ਸਕਰੀਨ ਬਿਊਰੋ): ਸੰਨ 1857 ਦੇ ਰਾਸ਼ਟਰੀ ਵਿਦ੍ਰੋਹ ਵਿਚ ਸ਼ਹੀਦ ਹੋਏ ਹਿੰਦੁਸਤਾਨੀ ਸੈਨਿਕਾਂ ਦੀਆਂ ਅਸਥੀਆਂ ਨੂੰ 24 ਅਗਸਤ ਨੂੰ ਹਰਿਦੁਆਰ ਪਵਿਤਰ ਗੰਗਾ ਵਿਚ ਸੰਪੂਰਨ ਧਾਰਮਿਕ ਵਿਧੀ ਅਤੇ ਸਨਮਾਨ ਸਹਿਤ ਜਲਪ੍ਰਵਾਹ ਕਰ ਦਿਤਾ ਜਾਵੇਗਾ।ਇਹ ਜਾਣਕਾਰੀ ਇਤਿਹਾਸਕਾਰ ਤੇ ਖੋਜਕਰਤਾ ਸ਼੍ਰੀ ਸੁਰਿੰਦਰ ਕੋਛੜ ਨੇ ਅਜਨਾਲਾ ਦੇ ਖੂਹ ਵਿਚੋਂ 157 ਵਰ੍ਹਿਆਂ ਬਾਅਦ ਕਢਵਾਈਆਂ ਹਿੰਦੁਸਤਾਨੀ ਸੈਨਿਕਾਂ ਦੀਆਂ ਅਸਥੀਆਂ ਨੂੰ ਹਰਿਦੁਆਰ ਗੰਗਾ ਵਿਚ ਜਲਪ੍ਰਵਾਹ ਕਰਨ ਹਿਤ ਸ਼੍ਰੀ ਗੰਗਾ ਸਭਾ ਰਜਿਸਟਰਡ, ਪਤੰਜ਼ਲੀ ਯੋਗ ਪੀਠ, ਦੇਵ ਸੰਸਕ੍ਰਿਤ ਯੂਨੀਵਰਸਿਟੀ, ਸ਼ਾਂਤੀ ਕੁੰਜ ਆਸ਼ਰਮ, ਸ਼ਿਵਾਯਤਨ ਆਸ਼ਰਮ, ਸ਼੍ਰੀ ਲੋਕੇਸ਼ਧਾਮ ਆਸ਼ਰਮ, ਤ੍ਰਿਪੁਰਾ ਯੋਗ ਆਸ਼ਰਮ ਸਹਿਤ ਦੋ ਦਰਜ਼ਨ ਤੋਂ ਜ਼ਿਆਦਾ ਵਿਦਵਾਨ ਸੰਤਾਂ ਨਾਲ ਮੀਟਿੰਗ ਕਰਨ ਦੇ ਬਾਅਦ ਅਜ ਦੁਪਿਹਰ ਅੰਮ੍ਰਿਤਸਰ ਪਰਤਣ ਤੇ ਦਿਤੀ।

ਦੇਵ ਸੰਸਕ੍ਰਿਤ ਯੂਨੀਵਰਸਿਟੀ ਦੇ ਕੁਲਪਤੀ ਡਾ਼ ਪ੍ਰਣਵ ਪਾਂਡੇਯ ਨਾਲ ਸਾਮੁਹਿਕ ਤਰਪਣ ਸੰਬੰਧੀ ਗਲਬਾਤ ਕਰਦੇ ਹੋਏ ਸ਼੍ਰੀ ਸੁਰਿੰਦਰ ਕੋਛੜ

ਸ਼੍ਰੀ ਕੋਛੜ ਨੇ ਦਸਿਆ ਕਿ ਰਾਸ਼ਟਰੀ ਵਿਦ੍ਰੋਹ ਵਿਚ ਸ਼ਹੀਦ ਹੋਏ ਹਿੰਦੁਸਤਾਨੀ ਸੈਨਿਕਾਂ ਦੀਆਂ ਅਸਥੀਆਂ ਨੂੰ ਜਲਪ੍ਰਵਾਹ ਕਰਨ ਲਈ 23 ਅਗਸਤ ਨੂੰ ਸਵੇਰੇ 6 ਵਜੇ ਅਜਨਾਲਾ ਤੋਂ ਭਾਰੀ ਜੁਲੂਸ ਦੇ ਰੂਪ ਵਿਚ ਗੁਰਦੁਆਰਾ ਸ਼ਹੀਦ ਗੰਜ ਕਮੇਟੀ ਵਲੋਂ ਹਰਿਦੁਆਰ ਲੈ ਜਾਇਆ ਜਾਵੇਗਾ। ਅਗਲੇ ਦਿਨ 24 ਅਗਸਤ ਨੂੰ ਦੇਵ ਸੰਸਕ੍ਰਿਤ ਯੂਨੀਵਰਸਿਟੀ ਦੇ ਕੁਲਪਤੀ ਅਤੇ ਅਖਿਲ ਵਿਸ਼ਵ ਗਾਯਤਰੀ ਪਰਿਵਾਰ ਦੇ ਪ੍ਰਮੁਖ ਡਾ਼ ਪ੍ਰਣਵ ਪਾਂਡੇਯ ਦੇ ਦਿਸ਼ਾ^ਨਿਰਦੇਸ਼ ਹੇਠ ਸਵੇਰੇ 7 ਵਜੇ ਤੋਂ ਸਾਢੇ ਅਠ ਵਜੇ ਤਕ ਗਾਯਤਰੀ ਤੀਰਥ ਵਿਚ ਸ਼ਹੀਦ ਸੈਨਿਕਾਂ ਦੀ ਆਤਮਿਕ ਸ਼ਾਂਤੀ ਲਈ ਆਸ਼ਰਮ ਦੇ ਪ੍ਰਮੁਖ ਵਿਦਵਾਨ ਪ੍ਰੋਹਿਤਾਂ ਦੁਆਰਾ ਤਰਪਣ ਕਰਾਇਆ ਜਾਵੇਗਾ। ਇਸ ਦੇ ਬਾਅਦ ਸਨਮਾਨ ਸਹਿਤ ਅਸਥੀਆਂ ਨੂੰ ਆਸ਼ਰਮ ਦੇੇ ਆਗੂਆਂ ਸਹਿਤ ਅਚਾਰਿਆ ਸਵਾਮੀ ਸ਼ੰਕਰਾਨੰਦ ਪਰਵਤ, ਸਵਾਮੀ ਨਬਿੰਦੁਪੂਰੀ, ਸਵਾਮੀ ਦਯਾਨੰਦ, ਸਵਾਮੀ ਹਿਰਦੇਨੰਦ ਆਦਿ 50 ਤੋਂ ਵਧੇਰੇ ਵਿਦਵਾਨ ਸੰਤਾਂ ਅਤੇ ਹਜ਼ਾਰਾਂ ਨਾਗਰਿਕਾਂ ਦੀ ਹਾਜ਼ਰੀ ਵਿਚ ਕਨਖਲ ਲੈ ਜਾਇਆ ਜਾਵੇਗਾ।

ਸ਼੍ਰੀ ਗੰਗਾ ਸਭਾ ਦੇ ਕਾਰਜਕਾਰੀ ਪ੍ਰਧਾਨ ਸ਼੍ਰੀ ਪ੍ਰਸ਼ੋਤਮ ਸ਼ਰਮਾ ਰਾਸ਼ਟਰੀ ਵਿਦ੍ਰੋਹ 'ਚ ਸ਼ਹੀਦ ਹੋਏ ਹਿੰਦੁਸਤਾਨੀ ਸੈਨਿਕਾਂ ਦੀਆਂ ਅਸਥੀਆਂ ਨੂੰ ਗੰਗਾ ਵਿਚ ਪ੍ਰਵਾਹ ਕਰਨ ਸੰਬੰਧੀ ਇਤਿਹਾਸਕਾਰ ਸ਼੍ਰੀ ਸੁਰਿੰਦਰ ਕੋਛੜ ਨਾਲ ਵਿਚਾਰ^ਵਟਾਂਦਰਾ ਕਰਦੇ ਹੋਏ।

ਸ਼੍ਰੀ ਕੋਛੜ ਨੇ ਦਸਿਆ ਕਿ ਸ਼੍ਰੀ ਗੰਗਾ ਸਭਾ ਦੇ ਕਾਰਜਕਾਰੀ ਪ੍ਰਧਾਨ ਸ਼੍ਰੀ ਪ੍ਰਸ਼ੋਤਮ ਸ਼ਰਮਾ ਨਾਲ ਹੋਈ ਮੀਟਿੰਗ ਵਿਚ ਸ਼੍ਰੀ ਸ਼ਰਮਾ ਨੇ ਉਹਨਾਂ ਨੂੰ ਕਿਹਾ ਕਿ ਰਾਸ਼ਟਰੀ ਵਿਦ੍ਰੋਹ ਵਿਚ ਸ਼ਹੀਦ ਹੋਏ ਹਿੰਦੁਸਤਾਨੀ ਸੈਨਿਕਾਂ ਦੀਆਂ ਅਸਥੀਆਂ ਨੂੰ ਸਾਮੂਹਿਕ ਤੌਰ 'ਤੇ ਗੰਗਾ ਵਿਚ ਜਲਪ੍ਰਵਾਹ ਕਰਨਾ ਅਤੇ ਉਪਰੋਕਤ ਸਮਾਰੋਹ ਵਿਚ ਸ਼ਾਮਲ ਹੋਣਾ ਪੂਰੇ ਉਤਰਾਖੰਡ ਸੂਬੇ ਦੇ ਲੋਕਾਂ ਲਈ ਮਾਣ ਦੀ ਗਲ ਹੈ।ਉਹਨਾਂ ਕਿਹਾ ਕਿ ਅਸਥੀਆਂ ਨੂੰ ਜਲਪ੍ਰਵਾਹ ਤੋਂ ਪਹਿਲਾਂ ਸ਼੍ਰੀ ਗੰਗਾ ਸਭਾ ਦੇ ਅਧਿਕਾਰੀ ਅਤੇ ਹਰਿਦੁਆਰ ਦੇ ਆਮ ਨਾਗਰਿਕ ਹਰ ਕੀ ਪੌੜੀ ਵਿਖੇ ਸ਼ਰਧਾਂਜਲੀ ਭੇਟ ਕਰਨਗੇ।

ਪਤੰਜਲੀ ਯੋਗ ਪੀਠ ਦੇ ਸ਼੍ਰੀ ਬਾਲ ਕਿਸ਼ਨ ਨੂੰ ਅਜਨਾਲਾ ਵਿਚ ਸੰਨ 1857 'ਚ ਹੋਏ ਖੂਨੀ ਸਾਕੇ ਦੇ ਸੰਬੰਧ ਵਿਚ ਜਾਣਕਾਰੀ ਦਿੰਦੇ ਹੋਏ ਸ਼੍ਰੀ ਸੁਰਿੰਦਰ ਕੋਛੜ

ਅਜਨਾਲਾ ਦੇ ਉਪਰੋਕਤ ਖੂਹ ਦੀ ਖੋਜ ਕਰਕੇ ਉਸ ਵਿਚੋਂ ਸ਼ਹੀਦ ਸੈਨੀਕਾਂ ਦੀਆਂ ਅਸਥੀਆਂ ਕਢਵਾਉਣ ਵਿਚ ਪ੍ਰਮੁਖ ਭੂਮਿਕਾ ਨਿਭਾਉਣ ਵਾਲੇ ਇਤਿਹਾਸਕਾਰ ਸ਼੍ਰੀ ਕੋਛੜ ਨੇ ਪਤੰਜਲੀ ਯੋਗ ਪੀਠ ਦੇ ਪ੍ਰਮੁਖ ਸਵਾਮੀ ਰਾਮਦੇਵ ਦੇ ਸਾਥੀ ਸ਼੍ਰੀ ਬਾਲ ਕਿਸ਼ਨ, ਪਤੰਜਲੀ ਮਠ ਦੇ ਸਵਾਮੀ ਅਚਾਰਿਆ ਸ਼ੰਕਰਾਨੰਦ ਪਰਵਤ, ਸਵਾਮੀ ਨਬਿੰਦੁਪੂਰੀ, ਸਵਾਮੀ ਸ਼ਾਰਦਾਨੰਦ, ਸਵਾਮੀ ਦਰਸ਼ਨਾਨੰਦ, ਸਵਾਮੀ ਦਯਾਨੰਦ, ਸਵਾਮੀ ਹਿਰਦੇਨੰਦ ਆਦਿ ਨਾਲ ਮੁਲਾਕਾਤ ਕਰਕੇ ਉਨ੍ਹਾਂ ਨੂੰ ਅਜਨਾਲੇ ਦੇ ਉਪਰੋਕਤ ਸ਼ਹੀਦੀ ਖੂਹ ਦੇ ਸੰਬੰਧ ਵਿਚ ਪ੍ਰਕਾਸ਼ਿਤ ਲਿਟਰੇਚਰ ਭੇਟ ਕਰਦਿਆਂ ਦਸਿਆ ਕਿ ਹਿੰਦੁਸਤਾਨੀ ਸੈਨਿਕਾਂ ਦੀਆਂ ਪਿੰਜਰਾਂ ਵਿਚ ਤਬਦੀਲ ਹੋ ਚੁਕੀਆਂ ਲਾਸ਼ਾਂ ਨਾਲ ਭਰੇ ਖੂਹ ਦੇ ਬਿਲਕੁਲ ਉਪਰ ਪਿਛਲੇ 42 ਵਰ੍ਹਿਆਂ ਤੋਂ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦਾ ਪ੍ਰਕਾਸ਼ ਕੀਤਾ ਜਾ ਰਿਹਾ ਸੀ। ਆਪਣੀ ਖੋਜ ਦੇ ਆਧਾਰ ਤੇ ਉਪਰੋਕਤ ਸਚਾਈ ਜਾਣ ਲੈਣ ਤੋਂ ਬਾਅਦ ਉਹਨਾਂ ਗੁਰਦੁਆਰੇ ਦੀ ਮੌਜੂਦਾ ਕਮੇਟੀ ਦੇ ਲੋਕਾਂ ਦੇ ਸਹਿਯੋਗ ਨਾਲ ਖੂਹ ਦੇ ਉਪਰੋਂ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦਾ ਪ੍ਰਕਾਸ਼ ਹੋਰ ਸਥਾਨ ਤੇ ਤਬਦੀਲ ਕਰਵਾ ਕੇ ਖੂਹ ਵਿਚ ਪਿਛਲੇ 157 ਸਾਲਾਂ ਤੋਂ ਦਫ਼ਨ ਪਿੰਜਰਾਂ ਨੂੰ ਸਨਮਾਨ ਸਹਿਤ ਬਾਹਰ ਕਢਵਾ ਲਿਆ। ਉਪਰੋਕਤ ਸੰਤਾਂ ਨੇ ਕਿਹਾ ਕਿ ਇਤਿਹਾਸਕਾਰ ਸ਼੍ਰੀ ਕੋਛੜ ਨੇ ਆਪਣਾ ਇਨਸਾਨੀ ਫ਼ਰਜ਼ ਨਿਭਾਉਂਦੇ ਹੋਏ ਜਿਥੇ ਮਨੁਖੀ ਲਾਸ਼ਾਂ ਨਾਲ ਭਰੇ ਖੂਹ ਦੇ ਉਪਰੋਂ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦਾ ਪ੍ਰਕਾਸ਼ ਕਿਸੇ ਹੋਰ ਸਥਾਨ ਤੇ ਤਬਦੀਲ ਕਰਵਾ ਕੇ ਸ਼ਲਾਂਘਾਯੋਗ ਕੰਮ ਕੀਤਾ ਹੈ ਅਤੇ ਇਸ ਕਾਰਜ ਲਈ ਉਹਨਾਂ ਨੂੰ ਰਾਸ਼ਟਰੀ ਪਧਰ ਤੇ ਸਨਮਾਨਿਤ ਕੀਤਾ ਜਾਣਾ ਬਣਦਾ ਹੈ, ਉਥੇ ਹੀ ਖੂਹ ਦੇ ਉਪਰ 42 ਵਰ੍ਹੇ ਪਹਿਲਾਂ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦਾ ਪ੍ਰਕਾਸ਼ ਕਰਕੇ ਗੁਰਦੁਆਰਾ ਕਾਇਮ ਕਰਨ ਵਾਲੇ ਲੋਕਾਂ ਨੂੰ ਸਿੱਖ ਪੰਥ ਦਰਾ ਸਖਤ ਸਜ਼ਾ ਦਿਤੀ ਜਾਣੀ ਚਾਹੀਦੀ ਹੈ। ਉਪਰੋਕਤ ਸੰਤਾਂ ਨੇ ਸਪਸ਼ਟ ਤੌਰ ਤੇ ਕਿਹਾ ਕਿ ਮਨੁਖੀ ਲਾਸ਼ਾਂ ਦੇ ਉਪਰ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦਾ ਪ੍ਰਕਾਸ਼ ਕਰਕੇ ਨਾ ਸਿਰਫ਼ ਸਿਖ ਮਰਿਆਦਾ ਦੀਆਂ ਧਜੀਆਂ ਉਡਾਈਆਂ ਗਈਆਂ ਹਨ, ਸਗੋਂ ਇਸ ਨਾਲ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਤੇ ਸੰਪੂਰਨ ਆਸਥਾ ਰਖਣ ਵਾਲੇ ਸਭ ਧਰਮਾਂ ਦੇ ਲੋਕਾਂ ਦੀਆਂ ਧਾਰਮਿਕ ਭਾਵਨਾਵਾਂ ਦਾ ਵੀ ਘਾਣ ਹੋਇਆ ਹੈ।