Showing posts with label INTUC. Show all posts
Showing posts with label INTUC. Show all posts

Saturday, January 28, 2023

ਭਾਰਤ ਜੋੜੋ ਯਾਤਰਾ ਨੇ ਕਾਂਗਰਸ ਨਾਲ ਜੋੜਿਆ ਆਮ ਲੋਕਾਂ ਦੇ ਦਿਲਾਂ ਨੂੰ

ਲੁਧਿਆਣਾ ਵਿੱਚ ਸਰਬਜੀਤ ਸਰਹਾਲੀ ਅਤੇ ਹੋਰਾਂ ਨੇ ਵੀ ਖੁਸ਼ੀਆਂ ਮਨਾਈਆਂ 

ਲੁਧਿਆਣਾ:27 ਜਨਵਰੀ 2023: (ਕਾਰਤਿਕਾ ਸਿੰਘ//ਪੰਜਾਬ ਸਕਰੀਨ ਡੈਸਕ)::

ਕਾਂਗਰਸ ਪਾਰਟੀ ਦੇ ਸੀਨੀਅਰ ਆਗੂ ਰਾਹੁਲ ਗਾਂਧੀ ਦੀ ਭਾਰਤ ਜੋੜੋ ਯਾਤਰਾ ਸਿਆਸੀ ਵਿਰੋਧੀਆਂ ਦੀ ਨਜ਼ਰ ਵਿੱਚ ਭਾਵੇਂ ਕੁਝ ਵੀ ਹੋਵੇ ਪਰ ਇਸ ਯਾਤਰਾ ਨੇ ਉਹਨਾਂ ਲੋਕਾਂ ਨੂੰ ਵੀ ਜਜ਼ਬਾਤੀ ਤੌਰ 'ਤੇ ਕਾਂਗਰਸ ਪਾਰਟੀ ਨਾਲ ਜੋੜਿਆ ਹੈ ਜਿਹੜੇ ਇਸ ਯਾਤਰਾ ਤੋਂ ਪਹਿਲਾਂ ਨਾ ਤਾਂ ਕਾਂਗਰਸ ਪਾਰਟੀ ਦੇ ਨੇੜੇ ਸਨ ਅਤੇ ਨਾ ਹੀ ਰਾਹੁਲ ਗਾਂਧੀ ਜਾਂ ਕਿਸੇ ਹੋਰ ਪਰਿਵਾਰਿਕ ਮੈਂਬਰ ਦੇ। ਰਾਹੁਲ ਗਾਂਧੀ ਦੀ ਭਾਰਤ ਜੋੜੋ ਯਾਤਰਾ ਦੇਸ਼ ਭਰ ਵਿੱਚ ਜਜ਼ਬਾਤਾਂ ਦੀ ਇੱਕ ਹਨੇਰੀ ਲੈ ਕੇ ਆਈ। ਲੋਕਾਂ ਦੇ ਦਿਲਾਂ ਤੱਕ ਇਹਨਾਂ ਭਾਵਨਾਵਾਂ ਨੇ ਵੀ ਦਸਤਕ ਵੀ ਦਿੱਤੀ। ਲੋਕ ਇਸ ਯਾਤਰਾ ਦੌਰਾਨ ਰਾਹੁਲ ਗਾਂਧੀ ਨੂੰ ਪਲ ਭਰ ਲਈ ਨੇੜਿਓਂ ਦੇਖਣ ਵਾਸਤੇ ਸੜਕਾਂ 'ਤੇ ਨਿਕਲੇ। ਰਾਹੁਲ ਗਾਂਧੀ ਨਾਲ ਇੱਕ ਦੋ ਪਲਾਂ ਦੀ ਮਿਲਣੀ ਉਹਨਾਂ ਨੂੰ ਜੀਵਨ ਭਰ ਦੀ ਪ੍ਰਾਪਤੀ ਜਾਪਣ ਲੱਗੀ। ਰਾਹੁਲ ਦਾ ਜਾਦੂ ਇਸ ਯਾਤਰਾ ਦੌਰ ਸਿਰ ਚੜ੍ਹ ਕੇ ਬੋਲਿਆ। 

ਥਾਂ ਥਾਂ ਸਵਾਗਤ ਸਮਾਗਮ ਵੀ ਹੋਏ ਅਤੇ ਬਹੁਤ ਸਾਰੇ ਵੱਡੀ ਉਮਰ ਦੇ ਬੁਧੀਜੀਵੀ ਵੀ ਇਸ ਯਾਤਰਾ ਦੌਰਾਨ ਰਾਹੁਲ ਗਾਂਧੀ ਨਾਲ ਆ ਕੇ ਮਿਲੇ। ਗੌਹਰ  ਰਜ਼ਾ ਵਰਗੇ ਪ੍ਰਸਿੱਧ ਸ਼ਾਇਰਾਂ ਨੇ ਵੀ ਖੁੱਲ੍ਹ ਕੇ ਰਾਹੁਲ ਗਾਂਧੀ ਨੂੰ ਜੀ ਆਇਆਂ ਆਖਿਆ। ਇਹ ਇੱਕ ਸਿਆਸੀ ਯਾਤਰਾ ਘੱਟ ਪਰ ਮੋਹੱਬਤ ਦੇ ਪੈਗਾਮ ਵਾਲੀ ਯਾਤਰਾ ਜ਼ਿਆਦਾ ਬਣ ਕੇ ਸਾਹਮਣੇ ਆਈ। ਮੀਡੀਆ ਵੀ ਪ੍ਰਭਾਵਿਤ ਹੋਇਆ। ਸ਼ਿਆਮ ਮੀਰਾ ਸਿੰਘ ਵਰਗੇ ਬੇਬਾਕ ਅਤੇ ਦਲੇਰ ਪੱਤਰਕਾਰ ਵੀ ਰਾਹੁਲ ਗਾਂਧੀ ਦੇ ਨਾਲ ਆਪਣੇ ਦਿਲ ਦੀ ਖੁਸ਼ੀ ਲਈ ਤੁਰੇ। ਇਹ ਇੱਕ ਅਜਿਹਾ ਆਯੋਜਨ ਸੀ ਜਿਸ ਵਿੱਚ ਮੀਡੀਆ ਜਜ਼ਬਾਤਾਂ ਅਤੇ ਮੋਹੱਬਤ ਦਾ ਖਿੱਚਿਆ ਹੋਇਆ ਆਇਆ। ਮੀਡੀਆ ਨਾਲ ਇਹਨਾਂ ਗੈਰ ਰਸਮੀ ਮੁਲਾਕਾਤਾਂ ਵਿੱਚ ਹੋਇਆ ਥੋੜ੍ਹ ਚਿਰੀਆਂ ਮੁਲਾਕਾਤਾਂ ਦੀਆਂ ਗੱਲਾਂ ਨੇ ਦੂਰ ਤਕ ਅਸਰ ਪਾਉਣ ਵਾਲੇ ਸੁਨੇਹੇ ਦਿੱਤੇ। ਇਹ ਰਿਪੋਰਟਿੰਗ ਦਿਲਾਂ ਵਿੱਚੋਂ ਨਿਕਲੀ ਸੀ। 

ਇਸ ਯਾਤਰਾ ਦੇ ਸਫਲਤਾ ਨਾਲ ਮੁਕੰਮਲ ਹੋਣ 'ਤੇ ਲੁਧਿਆਣਾ ਵਿੱਚ ਵੀ ਖੁਸ਼ੀਆਂ ਮਨਾਈਆਂ ਗਈਆਂ। ਇੰਟਕ ਦੇ ਨਾਲ ਆਖ਼ਿਰੀ ਸਾਹਾਂ ਤੀਕ ਜੁੜੇ ਰਹੇ ਕਾਂਗਰਸ ਪਾਰਟੀ ਦੇ ਲੀਡਰ ਜੋਗਿੰਦਰ ਸਿੰਘ ਸਰਹਾਲੀ ਦੇ ਬੇਟੇ ਸਰਬਜੀਤ ਸਰਹਾਲੀ ਨੇ ਵੀ ਇਸ ਯਾਤਰਾ ਦੇ ਪੂਰੀਆਂ ਹੋਣ 'ਤੇ ਖੁਸ਼ੀ ਦਾ ਇਜ਼ਹਾਰ ਕੀਤਾ। ਉਹਨਾਂ ਦੱਸਿਆ ਕਿ ਲੁਧਿਆਣਾ ਦਾ ਸਮਾਗਮ ਵੀ ਇਸ ਮਕਸਦ ਲਈ ਬਹੁਤ ਸਫਲ ਰਿਹਾ। 

ਅੱਜ  ਸ੍ਰੀ ਰਾਹੁਲ ਗਾਂਧੀ  ਵੱਲੋਂ ਕੰਨਿਆ ਕੁਮਾਰੀ ਤੋਂ ਸ਼ੁਰੂ ਕੀਤੀ ਭਾਰਤ ਜੋੜੋ ਯਾਤਰਾ ਦੇ ਕਸ਼ਮੀਰ ਵਿਚ ਸੰਪੂਰਨ ਹੋਣ ਤੇ ਕਾਂਗਰਸ ਪਾਰਟੀ ਹਾਈਕਮਾਂਡ ਵੱਲੋ ਜਾਰੀ ਹੁਕਮਾਂ ਦੀ ਪਾਲਣਾ ਕਰਦੇ ਹੋਏ ਬਲਾਕ ਪ੍ਰਧਾਨ ਸਰਬਜੀਤ ਸਿੰਘ ਸਰਹਾਲੀ ਅਤੇ ਉਹਨਾਂ ਦੀ ਸਮੁੱਚੀ ਟੀਮ ਬਲਾਕ ਸੈਂਟਰਲ-2 ਵੱਲੋ ਇੰਡਸਟਰੀਅਲ ਏਰੀਆ ਏ, ਲੁਧਿਆਣਾ ਵਿੱਚ ਝੰਡਾ ਲਹਿਰਾਊਨ ਦਾ ਪ੍ਰੋਗਰਾਮ ਕੀਤਾ ਗਿਆ।ਹਲਕਾ ਇੰਚਾਰਜ ਸ੍ਰੀ ਸੁਰਿੰਦਰ ਕੁਮਾਰ ਡਾਬਰ ਜੀ ਵਲੋ ਝੰਡਾ ਲਹਿਰਾਇਆ ਗਿਆ। ਜ਼ਿਲ੍ਹਾ ਕਾਂਗਰਸ ਕਮੇਟੀ ਦੇ ਸਾਬਕਾ ਪ੍ਰਧਾਨ ਸ੍ਰੀ ਅਸ਼ਵਨੀ ਸ਼ਰਮਾ ਜੀ ਵੀ ਨਾਲ ਹੀ ਸਨ। ਉਹਨਾਂ ਨੇ ਬਰਸਾਤ ਦੇ ਮੌਸਮ ਵਿੱਚ ਵੀ ਕਾਂਗਰਸ ਪਾਰਟੀ ਦੇ ਵਰਕਰਾਂ ਦਾ ਭਾਰੀ ਇਕੱਠ ਹੋਣ 'ਤੇ ਇਹਨਾਂ ਸਾਰੇ ਵਰਕਰਾਂ ਦਾ ਧੰਨਵਾਦ ਕੀਤਾ।

ਅੱਜ੍ਹ ਦੇ ਪ੍ਰੋਗਰਾਮ ਵਿੱਚ ਕੌਂਸਲਰ ਗੁਰਦੀਪ ਸਿੰਘ ਨੀਟੂ, ਇਕਬਾਲ ਡੀਕੋ, ਰਾਜਾ ਘਾਇਲ, ਗੁਰਮੂੱਖ ਸਿੰਘ ਬਾਂਸਲ, ਗੁਲਜਾਰੀ ਲਾਲ ਕਾਂਗਰਸ ਲੀਡਰ, ਕੈਪਟਨ ਟਿੱਟੂ, ਸੰਤੋਸ ਰਾਨੀ, ਪਿੰਕੀ ਅਰੋੜਾ, ਕੁਲਦੀਪ ਸਿੰਘ, ਦਿਗੰਬਰ ਸਿੰਘ, ਨਵਜੋਤ ਸਿੰਘ ਅਤੇ ਐਡਵੋਕੇਟ ਜੇ ਐਸ ਸਰਹਾਲੀ ਅਤੇ ਹੋਰਾ ਨੇ ਹਿਸਾ ਲਿਆ।

Sunday, November 07, 2021

ਠੇਕੇਦਾਰੀ ਸਿਸਟਮ ਖਤਮ ਕਰਕੇ ਪੱਲੇਦਾਰਾਂ ਨੂੰ ਸਿਧੀਆਂ ਅਦਾਇਗੀਆਂ ਕਰੋ

ਲੁਧਿਆਣਾ ਵਿੱਚ ਹੋਈ ਪੱਲੇਦਾਰ ਸੰਘਟਰਸ਼ ਕਮੇਟੀ ਪੰਜਾਬ ਦੀ ਮੀਟਿੰਗ 


ਲੁਧਿਆਣਾ
: 7 ਨਵੰਬਰ 2021: (ਐਮ ਐਸ ਭਾਟੀਆ//ਪੰਜਾਬ ਸਕਰੀਨ)::

ਪੱਲੇਦਾਰ ਸੰਘਰਸ਼ ਕਮੇਟੀ ਪੰਜਾਬ ਆਪਣੀਆਂ ਮੰਗਾਂ ਨੂੰ ਲੈ ਕੇ ਫਿਰ ਸਰਗਰਮ ਹੈ। ਪੰਜਾਬ ਦੀਆਂ ਪ੍ਰਮੁੱਖ ਪੱਲੇਦਾਰ ਮਜ਼ਦੂਰ ਯੂਨੀਅਨਾਂ ਨੇ ਇੱਕ ਸਾਂਝੀ ਮੀਟਿੰਗ ਸ਼ਹੀਦ ਕਰਨੈਲ ਸਿੰਘ ਈਸੜੂ ਭਵਨ ਸਥਿਤ ਸੀਪੀਆਈ ਦਫਤਰ ਲੁਧਿਆਣਾ ਵਿੱਚ ਹੋਈ। ਇਸ ਮੀਟਿੰਗ ਵਿਚ ਕਈ ਅਹਿਮ ਨੁਕਤੇ ਵਿਚਾਰੇ ਗਏ। ਮੀਟਿੰਗ ਦੀ ਪ੍ਰਧਾਨਗੀ ਮਾਲੇਰਕੋਟਲਾ ਦੇ ਪੱਲੇਦਾਰ ਆਗੂ ਖੁਸ਼ੀ ਮੋਹੰਮਦ ਨੇ ਕੀਤੀ। 

ਮੀਟਿੰਗ ਵਿੱਚ  ਪੰਜਾਬ ਪੱਲੇਦਾਰ ਯੂਨੀਅਨ ਏਟਕ, ਗੱਲਾਂ ਮਜ਼ਦੂਰ ਯੂਨੀਅਨ ਪੰਜਾਬ, ਐਫ ਸੀ ਆਈ ਅਤੇ ਪੰਜਾਬ ਫ਼ੂਡ ਏਜੰਸੀਜ਼ ਪੱਲੇਦਾਰ ਆਜ਼ਾਦ ਯੂਨੀਅਨ, ਫ਼ੂਡ ਗ੍ਰੇਨ ਐਂਡ ਅਲਾਈਡ ਵਰਕਟਜ਼ ਯੂਨੀਅਨ, ਪੰਜਾਬ ਪ੍ਰਦੇਸ਼ ਪੱਲੇਦਾਰ ਮਜ਼ਦੂਰ ਯੂਨੀਅਨ-ਇੰਟਕ ਸਮੇਤ ਕਈ ਪ੍ਰਮੁੱਖ ਯੂਨੀਅਨਾਂ ਦੀ ਮੀਟਿੰਗ ਹੋਈ। ਮੀਟਿੰਗ ਵਿੱਚ ਪੱਲੇਦਾਰ ਮਜ਼ਦੂਰਾਂ ਦੀਆਂ ਮੰਗਾਂ ਬਾਰੇ ਏਕਤਾ ਬਣਾ ਕੇ ਸੰਘਰਸ਼ਾਂ ਨੂੰ ਹੋਰ ਤਿੱਖਿਆਂ ਕਰਨ ਦਾ ਫੈਸਲਾ ਵੀ ਕੀਤਾ ਗਿਆ। 

ਮੀਟਿੰਗ ਵਿੱਚ ਸੂਬਾ ਪ੍ਰਧਾਨ ਤੋਂ ਇਲਾਵਾ ਹਰਦੇਵ ਸਿੰਘ ਗੋਲਡੀ-ਅੰਮ੍ਰਿਤਸਰ, ਅਮਰ ਸਿੰਘ ਭੱਟੀਆਂ-ਜਨਰਲ ਸਕੱਤਰ-ਏਟਕ, ਸ਼ਮਸ਼ੇਰ ਸਿੰਘ ਮੀਤ ਪ੍ਰਧਾਨ, ਅਵਤਾਰ ਸਿੰਘ-ਪ੍ਰਧਾਨ ਪੰਜਾਬ (ਇੰਟਕ), ਗੁਰਬਖਸ਼ ਸਿੰਘ ਮੀਤ ਪ੍ਰਧਾਨ, ਕਰਮ ਦਿਓਲ ਅਹਿਮਦਗੜ੍ਹ-ਸੂਬਾ ਪ੍ਰਧਾਨ (ਆਜ਼ਾਦ ਯੂਨੀਅਨ), ਰਾਮਪਾਲ ਮੂਨਕ-ਜਨਰਲ ਸਕੱਤਰ (ਆਜ਼ਾਦ ਯੂਨੀਅਨ), ਸਾਹਿਬ ਸਿੰਘ ਮੀਤ ਸਕੱਤਰ, ਜਰਨੈਲ ਸਿੰਘ ਜੈਲਾ- ਸੰਗਰੂਰ ਇੰਟਕ, ਮੋਹਨ ਸਿੰਘ ਮੰਜੋਲੀ--ਚੇਅਰਮੈਨ ਅਸੰਗਠਿਤ (ਇੰਟਕ), ਸੁਖਦੇਵ ਸਿੰਘ ਰੋਪੜ ਐਕਟਿੰਗ ਪ੍ਰਧਾਨ-ਪੰਜਾਬ ਇੰਟਕ ਆਦਿ ਸਾਰਿਆਂ ਸਾਥੀਆਂ ਨੇ ਪੰਜਾਬ ਸਰਕਾਰ ਤੋਂ ਮੰਗ ਕੀਤੀ ਕਿ ਪੰਜਾਬ ਦੀਆਂ ਫ਼ੂਡ ਏਜੰਸੀਆਂ ਵਿੱਚੋਂ ਠੇਕੇਦਾਰੀਆਂ ਵਾਲਾ ਸਿਸਟਮ ਖਤਮ ਕਰਕੇ ਪੱਲੇਦਾਰ ਮਜ਼ਦੂਰਾਂ ਨੂੰ ਸਿੱਧੀ ਅਦਾਇਗੀ ਕੀਤੀ ਜਾਵੇ। 

ਚੇਤੇ ਰਹੇ ਕਿ ਚੋਣਾਂ ਤੋਂ ਪਹਿਲਾਂ ਮਿਤੀ 9 ਸਤੰਬਰ 2016 ਨੂੰ ਕਾਂਗਰਸ ਪਾਰਟੀ ਨੇ ਐਲਾਨ ਕੀਤਾ ਸੀ ਕਿ ਪੰਜਾਬ ਵਿਚ ਕਾਂਗਰਸ ਪਾਰਟੀ ਦੀ ਸਰਕਾਰ ਬਣਨ ਤੇ ਠੇਕੇਦਾਰੀ ਸਿਸਟਮ ਖਤਮ ਕਰ ਕੇ ਪੱਲੇਦਾਰਾਂ ਨੂੰ ਸਿਧਿ ਅਦਾਇਗੀ ਦਿੱਤੀ ਜਾਇਆ ਕਰੇਗੀ ਪਰ ਸਰਕਾਰ ਬਣਨ ਤੋਂ ਬਾਅਦ ਠੇਕੇਦਾਰੀ ਸਿਸਟਮ ਹੋਰ ਵੀ ਮਜ਼ਬੂਤ ਹੋਇਆ ਹੈ। 

ਇਸ ਮੌਕੇ ਬੂਟਾ ਸਿੰਘ ਰਾਏਕੋਟ, ਸੱਜਣ ਸਿੰਘ ਰਾਏਕੋਟ, ਕੁਲਦੀਪ ਸਿੰਘ ਝਬਾਲ, ਸਤਨਾਮ ਸਿੰਘ ਪ੍ਰਧਾਨ, ਸਰਵਜੀਤ ਸਿੰਘ ਮਲੇਰਕੋਟਲਾ, ਗੁਰਮੀਤ ਸਿੰਘ ਖੰਨਾ, ਮੁਹੰਮਦ ਰਫੀ ਮਲੇਰਕੋਟਲਾ, ਬਲਜੀਤ ਸਿੰਘ ਜਗਰਾਓਂ, ਦੇਸਾ ਸਿੰਘ ਮੁਕਤਸਰ, ਲਾਡੀ ਸਿੰਘ ਮੁਕਤਸਰ, ਜਰਨੈਲ ਸਿੰਘ ਜੈਲੀ-ਮੂਨਕ, ਯਾਦਵਿੰਦਰ ਸਿੰਘ, ਕਰਮਜੀਤ ਸਿੰਘ ਬਲੂਰ, ਜਗਦੇਵ ਸਿੰਘ ਪ੍ਰਧਾਨ-ਦਿੜਬਾ, ਸੁਨੀਲ ਸਿੰਘ ਸਮੇਤ ਕਈ ਸਾਥੀ ਸ਼ਾਮਲ ਹੋਏ। 

ਠੇਕੇਦਾਰੀ ਸਿਸਟਮ ਖਤਮ ਕਰਕੇ ਪੱਲੇਦਾਰਾਂ ਨੂੰ ਸਿਧੀਆਂ ਅਦਾਇਗੀਆਂ ਕਰੋ 

Wednesday, January 09, 2019

ਟਰੇਡ ਯੂਨੀਅਨਾਂ ਵੱਲੋਂ ਦੋ ਦਿਨਾਂ ਹੜਤਾਲ ਦੇ ਦੂਸਰੇ ਦਿਨ ਵੀ ਮੋਦੀ ਵਿਰੁਧ ਭੜਾਸ

ਚਾਰ ਟਰੇਡ ਯੂਨੀਅਨ ਆਗੂਆਂ ਖਿਲਾਫ਼ ਟ੍ਰੈਫਿਕ ਜਾਮ ਕਰਨ ਦਾ ਪਰਚਾ ਦਰਜ 
ਲੁਧਿਆਣਾ:9 ਜਨਵਰੀ 2018:(ਐਮ ਐਸ ਭਾਟੀਆ)::
ਕੇਂਦਰੀ ਟਰੇਡ ਯੂਨੀਅਨਾਂ ਦੇ ਸੱਦੇ ਤੇ 12 ਸੂਤਰੀ ਪਰੋਗਰਾਮ ਨੂੰ ਲੈਕੇ ਕੌਮੀ ਪੱਧਰ ਦੀ ਹੜਤਾਲ ਦੇ ਤਹਿਤ ਅੱਜ ਇੱਥੇ ਇੰਡੀਅਨ ਨੇਸ਼ਨਲ ਟਰੇਡ ਯੂਨੀਅਨ ਕਾਂਗਰਸ (ਇੰਟਕ) , ਆਲ ਇੰਡੀਆ ਟਰੇਡ ਯੂਨੀਅਨ ਕਾਂਗਰਸ (ਏਟਕ), ਸੈਂਟਰ ਆਫ਼ ਇੰਡੀਅਨ ਟਰੇਡ ਯੂਨੀਅਨਜ਼ (ਸੀਟੂ), ਅਤੇ ਸੈਂਟਰਲ ਟਰੇਡ ਯੂਨੀਅਨ (ਸੀ ਟੀ ਯੂ) ਨਾਂਅ  ਦੀਆਂ ਚਾਰ ਪਰਮੁਖ ਟਰੇਡ ਯੂਨੀਅਨਾਂ ਵਲੋਂ ਅੱਜ ਦੂਜੇ ਦਿਨ ਵੀ ਹੜਤਾਲ ਰੱਖੀ ਗਈ। ਅੱਜ ਵੀ ਅਪ੍ਬੇ ਭਾਸ਼ਣਾਂ ਵਿੱਚ ਟਰੇਡ ਯੂਨੀਅਨ ਬੁਲਾਰਿਆਂ ਨੇ ਦੋਸ਼ ਲਾਇਆ ਕਿ ਮੋਦੀ ਸਰਕਾਰ ਵਲੋਂ ਅਪਣਾਈ ਗਈ ਮਜ਼ਦੂਰ ਵਿਰੋਧੀ ਤੇ ਕਾਰਪੋਰੇਟ ਪੱਖੀ ਆਰਥਿਕ ਨੀਤੀਆਂ ਜਿਹਨਾਂ ਨੇ ਦੇਸ਼ ਦੇ ਅਰਥਚਾਰੇ ਤੇ ਕਾਮਿਆਂ ਦੇ ਜੀਵਨ ਦੀ ਹਾਲਤ ਨੂੰ ਬੁਰੀ ਤਰਾਂ ਪਰਭਾਵਿਤ ਕੀਤਾ ਹੈ। ਇਹਨਾਂ ਪੂੰਜੀਵਾਦੀ ਨੀਤੀਆਂ ਦੇ ਵਿਰੋਧ ਵਿੱਚ ਅੱਜ ਇੱਥੇ ਹੜਤਾਲ ਕਰਕੇ ਬੱਸ ਅੱਡੇ ਦੇ ਬਾਹਰ ਤੋ ਲੈਕੇ ਮਿਨੀ ਸਕੇਤਰੇਤ ਤੱਕ ਜੋਸ਼ੀਲਾ ਵਖਾਵਾ ਅਤੇ ਮਾਰਚ ਵੀ ਕੀਤਾ ਗਿਆ। ਟਰੇਡ ਯੂਨੀਅਨਾਂ ਦੇ ਇਸ ਐਕਸ਼ਨ ਵਿੱਚ  ਕਾਮਿਆਂ ਨੇ ਆਪਣੀਆਂ ਮੰਗਾਂ ਦੇ ਲਈ ਬੈਨਰ ਤੇ ਤਖਤੀਆਂ ਚੱਕੀਆਂ ਹੋਈਆਂ ਸਨ ਤੇ ਨਾਅਰੇ ਮਾਰਦੇ ਹੋਏ ਸਰਕਾਰ ਦੀ ਕਾਰਪੋਰੇਟ ਪੱਖੀ  ਤੇ ਮਜਦੂਰ ਵਿਰੋਧੀ ਨੀਤੀਆਂ ਦਾ ਵਿਰੋਧ ਕਰ ਰਹੇ ਸਨ। 
ਉਹਨਾਂ ਵਲੋ ਕੀਤੀਆਂ ਜਾ ਰਹੀਆਂ ਮਗਾਂ ਹਨ: 
1. ਘੱਟੋਘੱਟ ਉਜਰਤ 18000 ਰੁਪਏ ਮਹੀਨਾਂ ਦਿੱਤੀ ਜਾਏ,
2. ਕੱਚੇ ਮੁਲਾਜ਼ਮਾਂ ਨੂੰ ਪੱਕਾ ਕੀਤਾ ਜਾਵੇ, 
3. ਠੇਕੇਦਾਰੀ ਪਰਬੰਧ ਅਤੇ ਆਊਟ ਸੋਰਸਿੰਗ ਤੇ ਰੋਕ ਲਾਈ ਜਾਵੇ, 
4. ਬਰਾਬਰ ਕੰਮ ਬਦਲੇ ਬਰਾਬਰ ਉਜਰਤ ਦਿੱਤੀ ਜਾਵੇ,
5. ਜਨਤਕ ਖੇਤਰ ਦੇ ਅਦਾਰਿਆਂ ਦਾ ਨਿਜੀਕਰਨ ਬੰਦ ਕੀਤਾ ਜਾਵੇ, 
6. ਕਿਰਤ ਕਾਨੂੰਨਾਂ ਵਿੱਚ ਕਾਰਪੋਰੇਟ ਪੱਖੀ ਸੁਧਾਰ ਬੰਦ ਕੀਤੇ ਜਾਣ,
7. ਨਵਉਦਾਰਵਾਦੀ ਨੀਤੀਆਂ ਬੰਦ ਕੀਤੀਆਂ ਜਾਣ, 
8. ਟਰੇਡ ਯੂਨੀਅਨ ਐਕਟ ਵਿੱਚ ਬਦਲਾੳ ਵਾਪਸ ਲਏ ਜਾਣ,
9. ਨਵੀਂ ਪੈਨਸ਼ਨ ਸਕੀਮ ਖਤਮ ਕਰਕੇ 1 ਜਨਵਰੀ 2004 ਤੋਂ ਪਹਿਲਾਂ ਵਾਲੀ ਪੁਰਾਣੀ ਪੈਨਸ਼ਨ ਸਕੀਮ ਸੀ ਉਹੀ ਲਾਗੂ ਕੀਤੀ ਜਾਏ, 
10. ਕਿਸਾਨਾਂ ਦੇ ਨਾਲ ਖੇਤ ਮਜ਼ਦੂਰਾਂ ਦੇ ਵੀ ਸਾਰੇ ਕਰਜ਼ੇ ਮਾਫ਼ ਕੀਤੇ ਜਾਣ,
11. ਮਨਰੇਗਾ ਕਾਨੂੰਨ ਅਨੁਸਾਰ 200 ਦਿਨ ਦਾ ਕੰਮ 600 ਰੁਪਏ ਦਿਹਾੜੀ ਦੇ ਹਿਸਾਬ ਨਾਲ ਦਿੱਤਾ ਜਾਏ, 
12. ਹਰ ਇੱਕ ਨੂੰ 60 ਸਾਲ ਦੀ ਉਮਰ ਤੋਂ ਬਾਅਦ 6000 ਰੁਪਏ ਮਹੀਨਾ ਪੈਨਸ਼ਨ ਦਿੱਤੀ ਜਾਏ,
13. ਬੇਘਰੇ ਲੋਕਾਂ ਨੂੰ 10-10 ਮਰਲੇ ਦੇ ਪਲਾਟ ਦਿੱਤੇ ਜਾਣ, ਸਭ ਲਈ  ਸਿਹਤ ਤੇ ਸਿੱਖਿਆ ਯਕੀਨੀ ਬਣਾਉਣ ਲਈ ਇਹਨਾਂ ਤੇ ਬਜਟ ਦਾ 6-6 ਪ੍ਰਤੀਸ਼ਤ ਖਰਚ ਕੀਤਾ ਜਾਏ,
14. ਸਵਾਮੀਨਾਥਨ ਕਮਿਸ਼ਨ ਦੀਆਂ ਸਿਫ਼ਾਰਿਸ਼ਾਂ ਅਤੇ ਜ਼ਮੀਨੀ ਸੁਧਾਰਾਂ ਨੂੰ ਲਾਗੂ ਕੀਤਾ ਜਾਏ, ਜ਼ਰੂਰੀ ਵਸਤਾਂ ਦੀਆਂ ਕੀਮਤਾਂ ਵਿੱਚ ਵਾਧੇ ਤੇ ਨੱਥ ਪਾਈ ਜਾਏ, ਆਂਗਨਵਾੜੀ, ਆਸ਼ਾ ਤੇ ਮਿਡ ਡੇ ਮੀਲ ਵਰਕਰਾਂ ਅਤੇ ਪੇਂਡੂ ਚੌਕੀਦਾਰਾਂ ਸਮੇਤ ਸਕੀਮ ਵਰਕਰਾਂ ਨੂੰ ਘੱਟੋਘੱਟ ਉਜਰਤਾਂ ਦੇ ਕਾਨੂੰਨ ਦੇ ਘੇਰੇ ਹੇਠ ਲਿਆਂਦਾ ਜਾਏ, 
15. ਮਨਰੇਗਾ ਦਾ ਬਜਟ ਵਧਾਇਆ ਜਾਵੇ; ਉਸਾਰੀ ਮਜ਼ਦੂਰਾਂ ਨੂੰ ਵਿੱਤੀ ਸਹੂਲਤਾਂ ਦੇਣ ਲਈ ਬਲਾਕ ਪੱਧਰ ਤੇ ਕਿਰਤ ਭਲਾਈ ਕੇਂਦਰ ਖੋਲੇ ਜਾਣ।
ਜਿਹਨਾਂ ਨੇ ਰੈਲੀ ਨੂੰ ਸੰਬੋਧਨ ਕੀਤਾ ਉਹ ਹਨ ਕਾਮਰੇਡ  ਡੀ ਪੀ ਮੌੜ, ਕਾਮਰੇਡ ਗੁਰਜੀਤ ਸਿੰਘ ਜਗਪਾਲ,  ਕਾਮਰੇਡ ਜਗਦੀਸ ਚੰਦ, ਕਾਮਰੇਡ ਪਰਮਜੀਤ ਸਿੰਘ, ਕਾਮਰੇਡ ਰਮੇਸ ਰਤਨ, ਕਾਮਰੇਡ ਗੁਰਨਾਮ ਸਿੱਧੂ, ਕਾਮਰੇਡ ਸਰਬਜੀਤ ਸਿੰਘ ਸਰਹਾਲੀ, ਕਾਮਰੇਡ ਐਮ ਐਸ ਭਾਟੀਆ, ਕਾਮਰੇਡ ਗੁਰਮੇਲ ਸਿੰਘ ਮੈਲਡੇ, ਕਾਮਰੇਡ ਹਨੁਮਾਨ ਪਰਸਾਦ ਦੂਬੇ, ਕਾਮਰੇਡ ਬਲਦੇਵ ਮੌਦਗਿਲ, ਕਾਮਰੇਡ ਤਿਲਕ ਰਾਜ ਡੋਗਰਾ, ਕਾਮਰੇਡ ਵਿਜੈ ਕੁਮਾਰ, ਕਾਮਰੇਡ ਹਰਬੰਸ ਸਿੰਘ, ਕਾਮਰੇਡ ਪਰਵੀਨ ਮੌਦਗਿਲ,  ਕਾਮਰੇਡ ਰਘਬੀਰ ਬੈਨੀਪਾਲ, ਕਾਮਰੇਡ ਚਮਕੌਰ ਸਿੰਘ,  ਕਾਮਰੇਡ ਬਲਜੀਤ ਸਿੰਘ ਸਾਹੀ, ਕਾਮਰੇਡ ਕਾਮੇਸ਼ਵਰ ਯਾਦਵ, ਕਾਮਰੇਡ ਰਾਮ ਪਰਤਾਪ, ਕਾਮਰੇਡ ਸਰੋਜ ਕੁਮਾਰ, ਕਾਮਰੇਡ ਰਾਜਵਿੰਦਰ ਸਿੰਘ, ਕਾਮਰੇਡ ਸਮਰ ਬਹਾਦਰ, ਕਾਮਰੇਡ ਜੀਤ ਕੌਰ ਦਾਦ ਆਦਿ।  
ਇਸੇ ਦੌਰਾਨ ਲੁਧਿਆਣਾ ਪੁਲਿਸ ਨੇ ਟਰੈਫਕ ਜਾਮ ਕਰਨ ਦੇ ਮੁੱਦੇ ਨੂੰ ਲੈ ਕੇ ਚਾਰ ਟਰੇਡ ਯੂਨੀਅਨ ਆਗੂਆਂ ਦੇ ਖਿਲਾਫ਼ ਪਰਚਾ ਦਰਜ ਕਰ ਲਿਆ ਹੈ। ਇਹ ਆਗੂ ਹਨ: ਕਾਮਰੇਡ ਡੀ ਪੀ ਮੌੜ, ਕਾਮਰੇਡ ਜਤਿੰਦਰ ਸਿੰਘ, ਕਾਮਰੇਡ ਸਵਰਨ ਸਿੰਘ ਅਤੇ ਕਾਮਰੇਡ ਸਤਨਾਮ ਸਿੰਘ। 

Friday, July 21, 2017

MCL: ਲੁਧਿਆਣਾ ਦੇ ਮੇਅਰ ਵੱਲੋਂ ਸਰਕਾਰ ਦੇ ਹੁਕਮ ਲਾਗੂ ਕਰਾਉਣ ਦਾ ਭਰੋਸਾ

ਭਰੋਸਾ ਲਾਗੂ ਨਾ ਹੋਇਆ ਤਾਂ ਨਿਗਮ ਮੁਲਾਜ਼ਮ ਕਰਨਗੇ ਲੜੀਵਾਰ ਭੁੱਖ ਹੜਤਾਲ
ਲੁਧਿਆਣਾ: 20 ਜੁਲਾਈ 2017: (ਪੰਜਾਬ ਸਕਰੀਨ ਬਿਊਰੋ)::  Click for More Pics on Facebook  
ਨਿਸਚੇ ਹੀ ਇਹ ਸੰਘਰਸ਼ਾਂ ਦੀ ਜਿੱਤ ਸੀ ਕਿ ਨਗਰ ਨਿਗਮ ਦੇ ਸਫਾਈ ਵਰਗੇ ਕੰਮਾਂ ਵਿੱਚ ਕਈ ਕਈ ਸਾਲਾਂ ਤੋਂ ਲੱਗੇ ਮੁਲਾਜ਼ਮਾਂ ਨੂੰ ਪੱਕੇ ਕਰਨ ਦਾ ਐਲਾਨ ਕਰ ਦਿੱਤਾ ਗਿਆ। ਸੰਘਰਸ਼ਾਂ ਮਗਰੋਂ ਮਿਲੀ ਇਸ ਇਤਿਹਾਸਿਕ ਜਿੱਤ ਦੇ ਬਾਵਜੂਦ ਸਾਡੇ ਸਿਸਟਮ ਵਿਚਲੀਆਂ ਖਰਾਬੀਆਂ ਨੇ ਆਪਣਾ ਰੰਗ ਦਿਖਾਇਆ।  ਇਹ ਜਾਣਕਾਰੀ ਮੁਲਾਜ਼ਮ ਲੀਡਰਾਂ ਦੇ ਹੱਥਾਂ ਵਿੱਚ ਪਹੁੰਚਣ ਤੋਂ ਕੁਝ ਕੁ ਦੇਰ ਮਗਰੋਂ ਹੀ ਵਿਧਾਨ ਸਭਾ ਚੋਣਾਂ ਦਾ ਐਲਾਨ ਹੋ ਗਿਆ ਅਤੇ ਇਸਦੇ ਨਾਲ ਹੀ ਕੋਡ ਆਫ ਕੰਡਕਟ ਨੇ ਬਹੁਤ ਸਾਰੇ ਕੰਮਾਂ ਨੂੰ ਲਾਗੂ ਕਰਨ ਤੇ ਰੋਕ ਲਾ ਦਿੱਤੀ। Click for More Pics on Facebook  
ਚੋਣਾਂ ਹੋਣ ਮਗਰੋਂ ਨਤੀਜੇ ਆਏ ਅਤੇ ਨਵੀਂ ਸਰਕਾਰ ਨੇ ਕੰਮਕਾਜ ਵੀ ਸੰਭਾਲ ਲਿਆ। ਇਸਦੇ ਨਾਲ ਹੀ ਸ਼ੁਰੂ ਹੋਇਆ ਰੁਕੇ ਕੰਮਾਂ ਨੂੰ ਸਿਰੇ ਲਾਉਣ ਦਾ ਸਿਲਸਿਲਾ। ਜਲੰਧਰ ਨਗਰ ਨਿਗਮ ਨੇ 180 ਕੱਚੇ ਕਰਮਚਾਰੀਆਂ ਨੂੰ ਪੱਕੇ ਕਰ ਦਿੱਤਾ। ਪਠਾਨਕੋਟ, ਮੰਡੀ ਗੋਬਿੰਦਗੜ੍ਹ ਅਤੇ ਕਈ ਹੋਰਨਾਂ ਨਗਰ ਕੌਂਸਲਾਂ ਨੇ ਵੀ ਇਸ ਮਕਸਦ ਦੇ ਮਤੇ ਪਾ ਦਿੱਤੇ। ਜਦੋਂ ਵਾਰੀ ਲੁਧਿਆਣਾ ਦੀ ਆਈ ਤਾਂ ਨਤੀਜਾ ਜ਼ੀਰੋ। ਹਾਰ ਕੇ ਮੁਲਾਜ਼ਮਾਂ ਨੇ ਧਰਨਿਆਂ ਦਾ ਸਿਲਸਿਲਾ ਫਿਰ ਸ਼ੁਰੂ ਕਰ ਦਿੱਤਾ।  ਧਰਨਾ ਲੱਗਿਆ ਦੇਖ ਕੇ ਕਾਂਗਰਸ ਦੇ ਐਮ ਐਲ ਏ ਰਾਕੇਸ਼ ਪਾਂਡੇ ਧਰਨੇ ਵਿੱਚ ਪੁੱਜੇ।  ਉਹਨਾਂ ਨੇ ਸਬੰਧਿਤ ਮੰਤਰੀ ਨਵਜੋਤ ਸਿੰਘ ਸਿੱਧੂ ਨੂੰ ਤੁਰੰਤ ਫੋਨ ਕਰਕੇ ਮਿਲਣ ਦਾ ਸਮਾਂ ਲਿਆ ਅਤੇ ਨਿਸਚਿਤ ਦਿਨ ਨੂੰ ਨਿਸਚਿਤ ਸਮੇਂ ਤੇ ਚੰਡੀਗੜ੍ਹ ਉਹਨਾਂ ਦੇ ਦਫਤਰ ਵੀ ਜਾ ਪੁੱਜੇ। ਇਸ ਮੌਕੇ ਐਮ ਐਲੇ ਰਾਕੇਸ਼ ਪਾਂਡੇ  ਦੇ ਨਾਲ ਨਾਲ ਕਾਂਗਰਸ ਦੇ ਆਗੂ ਪਵਨ ਦੀਵਾਨ ਅਤੇ ਦੀਪਕ ਹੰਸ ਵੀ ਮੌਜੂਦ ਸਨ।
ਮੁਲਾਜ਼ਮ ਆਗੂਆਂ ਨੇ ਚੰਡੀਗੜ੍ਹ ਤੋਂ ਪਰਤ ਕੇ ਦੱਸਿਆ ਕਿ ਸਰਦਾਰ ਸਿੱਧੂ ਨੇ ਉਹਨਾਂ ਦੀ ਗੱਲ ਪੂਰੇ ਵਿਸਥਾਰ ਨਾਲ ਨਹੀਂ ਸੁਣੀ।  ਉਹਨਾਂ ਇਹ ਜ਼ਰੂਰ ਕਿਹਾ ਕਿ ਜੇ ਸਾਰੇ ਐਮ ਐਲ ਏ ਇਕੱਠੇ ਹੋ ਕੇ ਇਸ ਮਕਸਦ ਲਈ ਆਉਣ ਤਾਂ ਉਹ ਚਾਰ ਅਗਸਤ ਨੂੰ ਇਸ ਕੰਮ ਦਾ ਉਚੇਚਾ ਮਤਾ ਜ਼ਰੂਰ ਪੁਆ ਦੇਣਗੇ। ਸੁਆਲ ਉੱਠਦਾ ਹੈ ਕਿ ਕਿ ਲੁਧਿਆਣਾ ਦੇ ਸਾਰੇ 12 ਵਿਧਾਇਕਾਂ ਨੂੰ ਇਕੱਤਰ ਕਰਕੇ ਚੰਡੀਗੜ੍ਹ ਲਿਜਾਣਾ ਟਰੇਡ ਯੂਨੀਅਨਾਂ ਲੀਡਰਾਂ ਦਾ ਕੰਮ ਹੈ? ਕਿ ਸਰਕਾਰ ਵੱਲੋਂ ਜਾਰੀ ਹੁਕਮਾਂ ਨੂੰ ਲਾਗੂ ਕਰਾਉਣ ਲਈ ਵੀ ਹੁਣ ਸੰਘਰਸ਼ਾਂ ਦੀ ਲੋੜ ਪਵੇਗੀ? ਨਿਰਾਸ਼ ਹੋਏ ਮੁਲਾਜ਼ਮ ਆਗੂ ਲੁਧਿਆਣਾ ਪਰਤ ਆਏ। ਉਹਨਾਂ ਨੂੰ ਹੈਰਾਨੀ ਹੋਈ ਜਦੋਂ ਉਹਨਾਂ ਅਗਲੇ ਦਿਨ ਅਖਬਾਰਾਂ ਵਿੱਚ ਖਬਰ ਪੜ੍ਹੀ ਕਿ ਧਰਨਿਆਂ ਦਾ ਸਿਲਸਿਲਾ ਖਤਮ ਅਤੇ ਮੰਗਾਂ ਮਨਜ਼ੂਰ ਹੋ ਗਈਆਂ ਹਨ। ਇਹ ਦੇਖ ਕੇ ਗੈਰ ਕਾਂਗਰਸੀ ਆਗੂ ਹੋਰ ਗੁੱਸੇ ਵਿੱਚ ਆ ਗਏ। 
ਕੁਝ ਕੁ ਦਿਨਾਂ ਦੇ ਵਕਫ਼ੇ ਮਗਰੋਂ ਅੱਜ ਫੇਰ ਇਹਨਾਂ ਮੁਲਾਜ਼ਮਾਂ ਨੇ ਇਸ ਮੰਗ ਨੂੰ ਲੈ ਕੇ ਨਗਰ ਨਿਗਮ ਜ਼ੋਨ ਏ ਦੇ ਦਫਤਰ ਸਾਹਮਣੇ ਧਰਨਾ ਦਿੱਤਾ। ਇਸ ਧਰਨੇ ਦੀ ਖਾਸੀਅਤ ਇਹ ਸੀ ਕਿ ਸਾਰੇ ਲੀਡਰ ਆਪਣੀ ਪਾਰਟੀ ਪਾਲਿਸੀ ਨੂੰ ਛੱਡ ਕੇ ਸਿਰਫ ਮਜ਼ਦੂਰ ਲੀਡਰ ਬਣ ਕੇ ਸਾਹਮਣੇ ਆਏ। Click for More Pics on Facebook  
ਭਾਰਤੀ ਮਜ਼ਦੂਰ ਸੰਘ (ਬੀ ਜੇ ਪੀ) ਨਾਲ ਸਬੰਧਿਤ ਲੀਡਰ ਭਾਗੀਰਥ ਪਾਲੀਵਾਲ ਨੇ ਬੜੇ ਹੀ ਸਪਸ਼ਟ ਸ਼ਬਦਾਂ ਵਿੱਚ ਕਿਹਾ ਕਿ ਕਾਂਗਰਸ ਹੋਵੇ ਜਾਂ ਅਕਾਲੀ ਭਾਜਪਾ ਸਰਕਾਰ--ਇਹਨਾਂ ਨੇ ਮਜ਼ਦੂਰਾਂ ਦੇ ਭਲੇ ਲਈ ਗੱਲਾਂ ਜ਼ਿਆਦਾ ਕੀਤੀਆਂ ਹਨ ਅਤੇ ਕੰਮ ਬਹੁਤ ਹੀ ਘੱਟ। Click for More Pics on Facebook  
ਇਸੇ ਤਰ੍ਹਾਂ ਇੰਟਕ ਨਾਲ ਸਬੰਧਿਤ ਗੁਰਜੀਤ ਜਗਪਾਲ ਨੇ ਕਿਹਾ ਕਿ ਭਾਵੇਂ ਸਰਕਾਰ ਸਾਡੀ ਪਾਰਟੀ ਕਾਂਗਰਸ ਦੀ ਹੈ ਪਾਰ ਜੇ ਸਾਡੀਆਂ ਹੱਕੀ ਮੰਗਾਂ ਨਾ ਮੰਨਿਆਂ ਗਈਆਂ ਤਾਂ ਧਰਨੇ ਵਾਲੀਆਂ  ਇਹ ਦਰੀਆਂ ਇਸੇ ਤਰਾਂ ਵਿਛੀਆਂ ਰਹਿਣਗੀਆਂ ਅਤੇ ਸੰਘਰਸ਼ ਹੋਰ ਤਿੱਖਾ ਕੀਤਾ ਜਾਏਗਾ। Click for More Pics on Facebook  
ਖੱਬੇਪੱਖੀ ਮਜ਼ਦੂਰ ਜੱਥੇਬੰਦੀ ਏਟਕ ਨਾਲ ਸਬੰਧਤ ਮਜ਼ਦੂਰ ਲੀਡਰ ਕਾਮਰੇਡ ਵਿਜੇ ਕੁਮਾਰ ਨੇ ਦੁਹਰਾਇਆ ਕਿ ਅਸੀਂ ਆਪਣੇ ਸੰਘਰਸ਼ਾਂ ਨਾਲ ਆਪਣੀਆਂ ਮੰਗਾਂ ਮਨਵਾ ਕੇ ਰਹਾਂਗੇ। ਕੋਈ ਵੀ ਸ਼ਕਤੀ ਸਾਡੇ ਰਸਤੇ ਵਿੱਚ ਨਹੀਂ ਆ ਸਕਦੀ। ਅਸੀਂ ਸੰਘਰਸ਼ਾਂ ਦੇ ਸਰ ਤੇ ਹੀ ਹਮੇਸ਼ਾਂ ਜਿੱਤਾਂ ਹਾਸਲ ਕੀਤੀਆਂ ਹਨ ਅਤੇ ਹੁਣ ਵੀ ਅਸੀਂ ਸੰਘਰਸ਼ ਦੇ ਜ਼ੋਰ ਨਾਲ ਹੀ ਆਪਣੇ ਹੱਕ ਲੈਣੇ ਹਨ। 
ਧਰਨੇ ਮਗਰੋਂ ਇਹਨਾਂ ਸਾਰੀਆਂ ਪੰਜਾਂ ਜੱਥੇਬੰਦੀਆਂ ਦਾ ਇੱਕ ਸਾਂਝਾ ਵਫਦ ਮੇਅਰ ਹਰਚਰਨ ਸਿੰਘ ਗੋਹਲਵੜੀਆ ਨੂੰ ਵੀ ਮਿਲਿਆ। ਮੇਅਰ ਗੋਹਲਵੜੀਆ ਨੇ ਇਹਨਾਂ ਜੱਥੇਬੰਦੀਆਂ ਨੂੰ ਭਰੋਸਾ ਦਿੱਤਾ ਕਿਉਂ ਸਰਕਾਰ ਦੇ ਹੁਕਮਾਂ ਨੂੰ ਲਾਗੂ ਕਰਵਾਉਣ ਦੀ ਪੂਰੀ ਕੋਸ਼ਿਸ਼ ਕਰਨਗੇ , ਉਹਨਾਂ ਸਬੰਧਿਤ ਮੰਗ ਪੱਤਰ ਉੱਤੇ ਲੁੜੀਂਦੀ ਟਿੱਪਣੀ ਨਾਲ ਇਹ ਮੰਗ ਪੱਤਰ ਸਬੰਧਤ ਵਿਭਾਗੀ ਅਮਲੇ ਨੂੰ ਵੀ ਤੁਰੰਤ ਭੇਜ ਦਿੱਤਾ। ਇਸ ਤੋਂ ਬਾਅਦ ਇਹ ਵਫਦ ਸਹਾਇਕ ਕਮਿਸ਼ਨਰ ਨੂੰ ਵੀ ਮਿਲਿਆ।  
ਇਸਤੋਂ ਬਾਅਦ ਇਹਨਾਂ ਜੱਥੇਬੰਦੀਆਂ ਨੇ ਇਹਨਾਂ ਅਧਿਕਾਰੀਆਂ ਦਾ ਧੰਨਵਾਦ ਵੀ ਕੀਤਾ ਪਾਰ ਨਾਲ ਹੀ ਚੇਤਾਵਨੀ ਦਾ ਨੋਟਿਸ ਵੀ ਦਿੱਤਾ ਕਿ ਜੇ ਇਹਨਾਂ ਭਰੋਸਿਆਂ ਨੂੰ ਅਮਲ ਵਿੱਚ ਨਾ ਲਿਆਂਦਾ ਗਿਆ ਤਾਂ ਅਸੀਂ ਸੰਘਰਸ਼ ਨੂੰ ਹੋਰ ਤਿੱਖਾ ਕਰਦਿਆਂ ਇਸੇ ਥਾਂ ਤੇ ਲੜੀਵਾਰ ਭੁੱਖ ਹੜਤਾਲ ਵੀ ਕਰਾਂਗੇ। ਹੁਣ ਦੇਖਣਾ ਹੈ ਕਿ ਇਹਨਾਂ ਕਰਮਚਾਰੀਆਂ ਨੂੰ ਪੱਕੇ ਹੋਣ ਦੀ ਖੁਸ਼ੀ ਮਿਲਦੀ ਹੈ ਜਾਂ ਇੱਕ ਵਾਰ ਫੇਰ ਸੰਘਰਸ਼ਾਂ ਦੇ ਰਸਤੇ ਪੈਣ ਦਾ ਫੈਸਲਾ? 

Wednesday, May 03, 2017

INTUC: ਪਰਮਿੰਦਰ ਪੱਪੂ ਨੂੰ ਹਟਾਇਆ ਮਾਲਵਾ ਜ਼ੋਨ ਦੇ ਪ੍ਰਧਾਨ ਵਾਲੇ ਅਹੁਦੇ ਤੋਂ

ਨਵੀਂ ਨਿਯੁਕਤੀ ਵੱਜੋਂ ਪੰਜਾਬ ਇਕਾਈ ਦੇ ਸੱਕਤਰ ਦਾ ਅਹੁਦਾ ਦਿੱਤਾ 
ਲੁਧਿਆਣਾ: 3 ਮਈ 2017: (ਪੰਜਾਬ ਸਕਰੀਨ ਬਿਊਰੋ):: 
ਲੁਧਿਆਣਾ ਵਿੱਚ ਮਈ ਦਿਵਸ ਮਨਾਉਣ ਦਾ ਸੁਪਨਾ ਇੰਟਕ ਦੇ ਦਿਨੇਸ਼ ਸੁੰਦਰਿਆਲ ਗਰੁੱਪ ਵੱਲੋਂ ਬੜੇ ਚਾਵਾਂ ਨਾਲ ਦੇਖਿਆ ਗਿਆ ਸੀ। ਇਸ ਸੁਪਨੇ ਨੂੰ ਕਿਸ ਕਿਸ ਨੇ ਤੋੜਿਆ ਇਹ ਇੱਕ ਲੰਮੀ ਕਹਾਣੀ ਹੈ। ਅਸੀਂ ਇਸ ਬਾਰੇ ਕੁਝ ਨਹੀਂ ਕਹਿਣਾ ਪਰ ਇਸ ਸਮਾਗਮ ਮਗਰੋਂ ਪਰਮਿੰਦਰ ਪੱਪੂ ਨੂੰ ਮਾਲਵਾ ਜ਼ੋਨ ਦੇ ਪ੍ਰਧਾਨ ਵਾਲੇ ਅਹੁਦੇ ਤੋਂ ਹਟਾਉਣ ਦੀ ਖਬਰ ਆਈ ਹੈ। ਸ਼੍ਰੀ ਪੱਪੂ ਪਹਿਲਾਂ ਆਮ ਆਦਮੀ ਪਾਰਟੀ ਨਾਲ ਵੀ ਜੁੜੇ ਰਹੇ ਹਨ ਅਤੇ ਅੱਜਕਲ ਕਾਂਗਰਸ ਸਮਰਥਕ ਮਜ਼ਦੂਰ ਸੰਗਠਨ ਇੰਟਕ ਨਾਲ ਸਬੰਧਿਤ ਹਨ। ਇਹਨਾਂ ਨੂੰ ਮਹੀਨਾ ਕੁ ਪਹਿਲਾਂ ਹੀ ਜ਼ੀਰਕਪੁਰ ਵਿਖੇ ਮਾਲਵਾ ਜ਼ੋਨ ਦਾ ਪ੍ਰਧਾਨ ਬਣਾਇਆ ਗਿਆ ਸੀ। ਮਾਲਵਾ ਜ਼ੋਨ ਦੇ ਅੱਠਾਂ ਜ਼ਿਲਿਆਂ ਵਿੱਚ ਇੰਟਕ ਦੀ ਇਤਿਹਾਸਿਕ ਕਾਰਗੁਜ਼ਾਰੀ ਬਾਰੇ ਉਹਨਾਂ ਨੇ ਵੀ ਕਈ  ਸੁਪਨੇ ਦੇਖੇ ਸਨ। ਆਖਿਰ ਅਚਾਨਕ ਅਜਿਹਾ ਕੀ ਹੋਇਆ ਕਿ ਉਹਨਾਂ ਨੂੰ ਮਾਲਵਾ ਜ਼ੋਨ ਦੇ ਪ੍ਰਧਾਨ ਪਦ ਤੋਂ ਹਟਾ ਦਿੱਤਾ ਗਿਆ।
May Day:'इंटक" के मंच से हुआ वृद्ध स्वतंत्रता सेनानी का अपमान
ਇੰਟਕ ਦੇ ਦਿਨੇਸ਼ ਸ਼ਰਮਾ ਸੁਦਰਿਆਲ ਗਰੁੱਪ ਨੇ ਲੁਧਿਆਣਾ ਦੇ ਰਹਿਣ ਵਾਲੇ ਪਰਮਿੰਦਰ ਪੱਪੂ ਨੂੰ ਮਾਲਵਾ ਜ਼ੋਨ ਦੇ ਪ੍ਰਧਾਨ ਵਾਲੇ ਅਹੁਦੇ ਤੋਂ ਹਟਾ ਕੇ ਪੰਜਾਬ ਇਕਾਈ ਦਾ ਸਕੱਤਰ ਬਣਾ ਦਿੱਤਾ ਹੈ। ਭਰੋਸੇਯੋਗ ਸੂਤਰਾਂ ਮੁਤਾਬਿਕ ਇਸ ਮਕਸਦ ਦਾ ਹੁਕਮ ਇੱਕ ਵਿਸ਼ੇਸ਼ ਚਿੱਠੀ ਰਾਹੀਂ ਸਾਰੇ ਸਬੰਧਿਤ ਯੂਨਿਟਾਂ ਅਤੇ ਵਿਅਕਤੀਆਂ ਨੂੰ ਜਾਰੀ ਕਰ ਦਿੱਤਾ ਗਿਆ ਹੈ। ਇਹ ਹੁਕਮ ਤੁਰੰਤ ਲਾਗੂ ਸਮਝਿਆ ਜਾਵੇਗਾ। ਇੰਟਕ ਦੀ ਪੰਜਾਬੀ ਇਕਾਈ ਦੇ ਪ੍ਰਧਾਨ ਅਸ਼ਵਨੀ ਸ਼ਰਮਾ ਵੱਲੋਂ ਜਾਰੀ ਇਸ ਹੁਕਮ ਵਾਲੀ ਚਿੱਠੀ ਵਿੱਚ ਇਹ ਵੀ ਕਿਹਾ ਗਿਆ ਹੈ ਕਿ ਇਹ ਆਦੇਸ਼ ਪਰਮਿੰਦਰ ਪੱਪੂ ਹੁਰਾਂ ਦੀ "ਵਫ਼ਾਦਾਰੀ, ਲਗਨ ਅਤੇ ਸੇਵਾਵਾਂ" ਨੂੰ ਮੱਦੇ ਨਜ਼ਰ ਰੱਖਦਿਆਂ ਕੀਤਾ ਗਿਆ ਹੈ।
 May Day:'इंटक" के मंच से हुआ वृद्ध स्वतंत्रता सेनानी का अपमान
ਚੇਤੇ ਰਹੇ ਕਿ ਲੁਧਿਆਣਾ ਦੀ ਬਹਾਦਰ ਕੇ ਰੋਡ ਵਿਖੇ ਹੋਇਆ ਮਈ ਦਿਵਸ ਸਮਾਗਮ ਬੁਰੀ ਤਰ੍ਹਾਂ ਫਲਾਪ ਰਿਹਾ ਸੀ ਅਤੇ ਇਸ ਨਾਕਾਮੀ ਦਾ ਸਾਰਾ ਭਾਂਡਾ ਪੱਪੂ ਸਿਰ ਭੰਨਿਆ ਗਿਆ ਹੈ। ਇਸ ਸਮਾਗਮ ਵਿੱਚ ਕਿਸ ਨੇ ਸਮਾਗਮ ਨੂੰ ਹਾਈਜੈਕ ਕੀਤਾ ਅਤੇ ਕਿਸ ਨੇ ਖਰਾਬ ਕੀਤਾ ਇਹ ਗੱਲ ਅਜੇ ਵੀ  ਇਕ ਭੇਦ ਬਣੀ ਹੋਈ ਹੈ। ਭਰੋਸੇਯੋਗ ਸੂਤਰਾਂ ਨੇ ਦੱਸਿਆ ਹੈ ਕਿ ਉਹਨਾਂ ਨੂੰ ਇੰਟੈਲੀਜੈਂਸ ਨੇ ਸਮਾਗਮ ਤੋਂ ਪਹਿਲਾਂ ਹੀ ਸੂਚਨਾ ਦੇ ਦਿੱਤੀ ਸੀ ਕਿ ਇਸ ਸਮਾਗਮ ਨੂੰ  ਨਾਕਾਮ ਬਣਾਉਣ ਲਈ ਗੜਬੜ ਕਰਨ ਵਾਲੇ ਵਿਅਕਤੀ ਸਮਾਗਮ ਵਿੱਚ ਪਹੁੰਚ ਚੁੱਕੇ ਹਨ।
 May Day:'इंटक" के मंच से हुआ वृद्ध स्वतंत्रता सेनानी का अपमान
ਪ੍ਰਬੰਧਕਾਂ ਵੱਲੋਂ ਇਸ ਸੂਚਨਾ ਨੂੰ ਮੱਦੇ ਨਜ਼ਰ ਰੱਖਦੇ ਹੋਏ  ਬਾਕਾਇਦਾ ਬਾਊਂਸਰ ਟਾਈਪ ਵਿਅਕਤੀਆਂ ਦਾ ਪ੍ਰਬੰਧ  ਕਰ ਲਿਆ ਗਿਆ ਸੀ ਜਿਹਨਾਂ ਨੇ ਗੜਬੜ ਕਰਨ ਵਾਲਿਆਂ ਨੰ ਬਿਨਾ ਮਾਰ ਕੁੱਟ ਕੀਤੇ ਸਮਾਗਮ ਚੋਂ  ਚੁੱਕ ਕੇ ਗੱਡੀ ਵਿੱਚ ਸੁੱਟਣਾ ਸੀ ਅਤੇ ਪੁਲਿਸ ਦੇ ਹਵਾਲੇ ਕਰਨਾ ਸੀ। ਇਸਦੇ ਬਾਵਜੂਦ ਸਮਾਗਮ ਫਲਾਪ ਹੋਇਆ ਕਿਓਂਕਿ ਕਈ ਹੋਰ ਕਮੀਆਂ ਵੀ ਸਨ। ਸਮਾਗਮ ਕੋ ਤੋਂ ਅਪਨੋਂ ਨੇ ਲੁਟਾ --ਗ਼ੈਰੋਂ ਮੈਂ ਕਹਾਂ ਦਮ ਥਾਂ...! 
May Day:'इंटक" के मंच से हुआ वृद्ध स्वतंत्रता सेनानी का अपमान
ਸਮਾਗਮ ਸ਼ੁਰੂ ਹੋਣ ਦਾ ਸਮਾਂ ਪਹਿਲੀ ਮਈ  ਵਾਲੇ ਦਿਨ ਸ਼ਾਮ ਨੂੰ ਚਾਰ ਵਜੇ ਸੀ ਪਰ ਸਮਾਗਮ ਵਾਲੀ ਸਟੇਜ ਤੋਂ ਸਾਊਂਡ ਸ਼ੁਰੂ ਹੋਈ 4:35 ਵਜੇ ਸ਼ਾਮ ਨੂੰ। ਪੇਮੈਂਟ ਕਰਨ ਦੇ ਬਾਵਜੂਦ ਜਨਰੇਟਰ ਵਿੱਚ ਤੇਲ ਤੱਕ ਨਹੀਂ ਪੁਆਇਆ ਗਿਆ। ਸਿੰਗਰ ਨੇ ਭੀੜ ਨੂੰ ਆਕਰਸ਼ਿਤ ਕਰਨਾ ਅਤੇ ਬੁਲਾਰਿਆਂ ਦੇ ਆਉਣ ਤੱਕ ਪੰਡਾਲ ਵਿੱਚ ਸੀਟਾਂ ਤੇ ਬਿਠਾ ਕੇ ਰੱਖਣਾ ਸੀ ਪਰ ਸਿੰਗਰ ਕਿਸ ਦੇ ਕਹਿਣ ਤੇ ਸਟੇਜ ਸਕੱਤਰ ਦਾ ਫਰਜ਼ ਨਿਭਾਉਣ ਲਗ ਪਿਆ? ਇੱਕ  ਸੁਤੰਤਰਤਾ ਸੈਨਾਨੀ ਦਾ ਪਤਾ ਲੱਗਦਿਆਂ  ਹੀ ਉਸਨੂੰ ਸਨਮਾਨਿਤ ਕਰਨ ਦਾ ਐਲਾਨ ਕੀਤਾ ਗਿਆ ਲੇਕਿਨ ਸਟੇਜ ਤੋਂ ਰੌਸ਼ਨੀ ਬੰਦ ਕਰ ਦਿੱਤੀਆਂ ਗਈ। ਇਸ ਅਪਮਾਨ ਨੂੰ ਦੇਖ ਕੇ ਹੀ ਉਸ ਬਜ਼ੁਰਗ ਬਾਬੇ ਨੇ ਕਿਹਾ--ਚੋਰ ਉਚੱਕਾ ਚੌਧਰੀ-ਗੁੰਡੀ ਰੰਨ ਪ੍ਰਧਾਨ। ਹਨੇਰੇ ਵਿੱਚ ਹੀ ਉਸ ਬਾਬੇ ਦਾ ਰਸਮੀ ਜਿਹਾ ਸਨਮਾਨ ਕਰਕੇ ਬੁੱਤਾ ਸਾਰਿਆ ਗਿਆ।
May Day:'इंटक" के मंच से हुआ वृद्ध स्वतंत्रता सेनानी का अपमान
ਕੌਣ ਸੰਨ ਉਹ ਲੋਕ ਜਿਹਨਾਂ ਨੇ ਬਜ਼ੁਰਗ ਸੁਤੰਤਰਤਾ ਸੈਨਾਨੀ ਦਾ ਪੱਤਾ ਲੱਗਣ ਦੇ ਬਾਵਾਜੂਦ ਵੀ ਉਸ ਨੂੰ ਸਟੇਜ ਤੇ ਨਾ ਬੁਲਾਉਣ ਦੀ ਅੜੀ ਨਹੀਂ ਛੱਡੀ।  ਚੇਤੇ ਰਹੇ ਕਿ ਇਸ ਬਜ਼ੁਰਗ ਵਿਅਕਤੀ ਬਾਰੇ ਮਾਸਟਰ ਫ਼ਿਰੋਜ਼, ਕਰਨ ਬੇਦੀ ਅਤੇ ਅਨੀਤਾ ਸ਼ਰਮਾ ਨੇ ਵੀ ਬਾਰ ਬਾਰ ਪ੍ਰਬੰਧਕਾਂ ਨੂੰ ਕਿਹਾ। 
ਆਖਿਰ ਕੀ ਕਾਰਨ ਸੀ ਕਿ ਊਸ਼ਾ ਮਲਹੋਤਰਾ ਅਤੇ ਸ਼ਾਰਦਾ ਸ਼ਰਮਾ ਸਮੇਤ ਕਈ ਮਹਿਲਾ ਲੀਡਰਾਂ ਨੇ ਸਮਾਗਮ ਦਾ ਬਾਈਕਾਟ ਕੀਤਾ ਅਤੇ ਵਿੱਚੇ ਹੀ ਛੱਡ ਕੇ ਚਲੇ ਗਈ। 
ਕੌਣ ਸੰਨ  ਉਹ ਲੋਕ ਜਿਹਨਾਂ ਨੇ ਐਡਵਾਂਸ ਪੇਮੈਂਟ ਦੇ ਬਾਵਜੂਦ ਨਾ ਟੈਂਟ ਵਾਲਿਆਂ ਨੂੰ ਪੇਮੈਂਟ ਕੀਤੀ ਅਤੇ ਨਾ ਹੀ ਸਾਊਂਡ ਵਾਲਿਆਂ ਨੂੰ?  May Day:'इंटक" के मंच से हुआ वृद्ध स्वतंत्रता सेनानी का अपमान
ਕੌਣ ਸਨ ਉਹ ਲੋਕ ਜਿਹਨਾਂ ਨੇ ਇੰਟਕ ਦੀ ਨਵ ਨਿਯੁਕਤ ਮਹਿਲਾ ਵਿੰਗ ਦੀ ਪ੍ਰਧਾਨ ਅਨੀਤਾ ਸ਼ਰਮਾ ਨੂੰ ਕਾਫੀ ਦੇਰ ਤੱਕ ਹੇਠਾਂ ਸਰੋਤਿਆਂ ਵਿੱਚ ਬੈਠਾਈ ਰੱਖਿਆ। ਕੀ ਹੁਣ ਸਮਾਗਮ ਲੰਘ ਜਾਣ  ਮਗਰੋਂ ਵੀ ਕਿਧਰੇ ਉਸ ਬਜ਼ੁਰਗ ਸੁਤੰਰਤਾ ਸੈਨਾਨੀ ਬਾਬਾ ਰਮਤੇ ਸ਼ਾਹ ਦੀ ਕੋਈ ਬਦਦੁਆ ਤਾਂ ਕੰਮ ਨਹੀਂ ਕਰ ਰਹੀ?
May Day:'इंटक" के मंच से हुआ वृद्ध स्वतंत्रता सेनानी का अपमान

Monday, April 10, 2017

ਕਾਂਗਰਸ ਸਮਰਥਕ ਮਜ਼ਦੂਰ ਯੂਨੀਅਨਾਂ ਦੀ ਸਰਗਰਮੀ ਹੋਈ ਹੋਰ ਤੇਜ਼

ਮੰਗਾਂ ਦੇ ਨਾਲ ਨਾਲ ਲੋਕ-ਅਧਾਰ ਹੋਰ ਮਜ਼ਬੂਰ ਬਣਾਉਣ ਦੇ ਵੀ ਉਪਰਾਲੇ 
ਲੁਧਿਆਣਾ: 10 ਅਪ੍ਰੈਲ 2017:  (ਪੰਜਾਬ ਸਕਰੀਨ ਟੀਮ):: 
ਦੇਸ਼ ਭਰ ਵਿੱਚ ਚੱਲੀ ਮੋਦੀ ਮੁਹਿੰਮ ਵਾਲੀ ਭਾਜਪਾ ਦੀ ਹਨੇਰੀ ਨੂੰ ਪੰਜਾਬ ਵਿੱਚ ਠੱਲ੍ਹ ਪਾਉਣ ਵਾਲੀ ਕਾਂਗਰਸ ਪਾਰਟੀ ਸੱਤਾ ਪ੍ਰਾਪਤੀ ਤੋਂ ਬਾਅਦ ਲਗਾਤਾਰ ਸਰਗਰਮ ਹੈ। ਪਿਛਲੀਆਂ ਗਲਤੀਆਂ ਤੋਂ ਸਬਕ ਸਿੱਖਦਿਆਂ ਪੰਜਾਬ ਵਿਚਲੀ ਕਾਂਗਰਸ ਹਾਈ ਕਮਾਨ ਇਸ ਵਾਰ ਜਿੱਥੇ ਪੰਜਾਬ ਦੇ  ਹਰ ਧੜੇ ਅਤੇ  ਵਰਗ ਨੂੰ ਆਪਣੇ ਨਾਲ ਜੋੜਨ ਲਈ ਸਰਗਰਮ ਹੈ ਉੱਥੇ ਪਾਰਟੀ ਵਿਚਲੇ ਨਾਰਾਜ਼ ਮੈਂਬਰਾਂ ਨੂੰ ਵੀ ਆਪਣੇ ਨਾਲ ਲਿਆ ਰਹੀ ਹੈ। ਭਾਵੇਂ ਅਜੇ ਵੀ ਸਾਰੇ ਧੜੇ ਇੱਕ ਜੁੱਟ ਹੋ ਕੇ ਇੱਕ ਮੰਚ 'ਤੇ ਆਉਂਦੇ ਨਜ਼ਰ ਨਹੀਂ ਆ ਰਹੇ ਪਰ ਇਸ ਏਕਤਾ ਨੂੰ ਸਿਰੇ ਚਾੜ੍ਹਨ ਲਈ ਘਰਾਂ ਵਿੱਚ ਬੈਠੇ ਬਜ਼ੁਰਗ ਅਤੇ ਨਿਰਾਸ਼ ਆਗੂਆਂ ਨੂੰ ਵੀ ਉਚੇਚ ਨਾਲ ਮੈਦਾਨ ਵਿੱਚ ਲਿਆਂਦਾ ਜਾ ਰਿਹਾ ਹੈ। ਉਹਨਾਂ ਨੂੰ ਮਾਣ ਸਨਮਾਣ ਦਿੱਤਾ ਜਾ ਰਿਹਾ ਹੈ। ਕਿਸੇ ਵੇਲੇ ਵਿਰੋਧ ਵਿੱਚ ਖੜੇ ਧੜਿਆਂ ਅਤੇ ਵਿਅਕਤੀਆਂ ਨੂੰ ਵੀ ਨਾਲ ਜੋੜਨ ਦੇ ਉਪਰਾਲੇ ਜਾਰੀ ਹਨ। ਇਸ ਗੱਲ ਦਾ ਅਹਿਸਾਸ ਅੱਜ ਮਾਤਾ ਰਾਣੀ ਚੋਂਕ ਨੇੜੇ ਨਗਰ ਨਿਗਮ ਜ਼ੋਨ ਦੇ ਕੰਪਲੈਕਸ ਵਿੱਚ ਹੋਈ ਇੱਕ ਵਰਕਰਜ਼ ਰੈਲੀ ਵਿੱਚ ਹੋਇਆ।
ਇਸ ਇਕੱਠ ਵਿੱਚ ਕਾਂਗਰਸ ਪਾਰਟੀ ਦੇ ਖੜਕੇ ਦੜਕੇ ਵਾਲੇ ਆਗੂ ਭਾਰਤ ਭੂਸ਼ਨ ਆਸ਼ੂ, ਨਵੇਂ ਚੁਣੇ ਗਏ ਐਮ ਐਲ ਏ ਸੰਜੀਵ ਤਲਵਾੜ, ਪੁਰਾਣੇ ਆਗੂ ਅਮਰਜੀਤ ਸਿੰਘ ਟਿੱਕਾ, ਲੰਮੇ ਅਰਸੇ ਤੋਂ ਸਰਗਰਮ ਇਸਤਰੀ ਆਗੂ ਲੀਨਾ ਟਪਾਰੀਆ ਅਤੇ ਤਕਰੀਬਨ 82 ਸਾਲਾਂ ਦੀ ਉਮਰ ਦੇ ਤਰਸੇਮ ਲਾਲ ਸਮੇਤ ਕਈ ਆਗੂ ਮੌਜੂਦ ਸਨ। ਨਗਰ ਨਿਗਮ ਵਰਕਰਾਂ ਦੇ ਸਰਗਰਮ ਆਗੂ ਕਰਮਚੰਦ ਗਾਗਟ ਸਾਰੇ ਆਯੋਜਨ ਨੂੰ ਸਫਲ ਬਣਾਉਣ ਲਈ ਸਰਗਰਮ ਸਨ। ਬਲਵੰਤ ਭਗਾਨੀਆ, ਅਰੁਣ ਮਲਹੋਤਰਾ, ਰਾਜੀਵ ਗਾਗਤ, ਵਰਿੰਦਰ ਗਾਗਟ, ਅਨਿਲ ਬੱਗਾ, ਬ੍ਰਿਜ ਪਾਲ, ਬਲਬੀਰ ਸੋਂਧੀ, ਰਮੇਸ਼ ਕੁਮਾਰ ਟਹਿਲ ਸਿੰਘ ਵੀ ਮੌਜੂਦ ਰਹੇ। ਨਿਸਚੇ ਹੀ ਇਹ ਸਰਗਰਮੀਆਂ ਸਿਰਫ ਕੌਂਸਲਰ ਚੋਣਾਂ ਜਿੱਤਣ ਲਈ ਨਹੀਂ ਬਲਕਿ ਦੂਰ ਦੇ ਹੋਰ ਨਿਸ਼ਾਨੇ ਪੂਰੇ ਕਰਨ ਲਈ ਵੀ ਹਨ।
ਇਸ ਰੈਲੀ ਵਿੱਚ ਜਿੱਥੇ ਕਾਂਗਰਸ ਪਾਰਟੀ ਦੀ ਸਰਕਾਰ ਆਉਣ ਤੇ ਖੁਸ਼ੀਆਂ ਦਾ ਇਜ਼ਹਾਰ ਕੀਤਾ ਗਿਆ ਉੱਥੇ ਨਵੀਆਂ ਚੁਣੌਤੀਆਂ ਦੀ ਵੀ ਚਰਚਾ ਹੋਈ। ਅਗਲੇ ਨਿਸ਼ਾਨਿਆਂ ਅਤੇ ਅਗਲੀਆਂ ਮੰਜ਼ਲਾਂ ਬਾਰੇ ਵੀ ਇਸ਼ਾਰੇ ਹੋਏ।  ਰਸਤਿਆਂ ਦੀਆਂ ਔਖਿਆਈਆਂ ਅਤੇ ਇਰਾਦਿਆਂ ਦੀ ਦ੍ਰਿੜਤਾ ਬਾਰੇ ਵੀ ਗੱਲਾਂ ਹੋਈਆਂ।
ਇਸ ਵੇਲੇ  ਖਤਰੇ ਭਰੀਆਂ ਹਾਲਤਾਂ ਦੇ ਸ਼ਿਕਾਰ ਸਫਾਈ ਕਰਮਚਾਰੀਆਂ ਅਤੇ ਸੀਵਰਮੈਨ ਵੱਜੋਂ ਕੰਮ ਕਰਦੇ ਮੁਲਾਜ਼ਮਾਂ ਦੀਆਂ ਮੰਗਾਂ ਦਾ ਮੁੱਦਾ ਵੀ ਉਠਾਇਆ ਗਿਆ। ਕਾਬਿਲ-ਏ-ਜ਼ਿਕਰ ਹੈ ਕਿ ਬਹੁਤ ਸਾਰੇ  ਸੀਵਰਮੈਨ ਸੀਵਰੇਜ ਦਾ ਕੰਮ ਕਰਦਿਆਂ ਮੌਤ ਦਾ ਸ਼ਿਕਾਰ ਹੋ ਚੁੱਕੇ ਹਨ ਅਤੇ ਬਹੁਤ ਸਾਰੇ ਗੰਭੀਰ ਬਿਮਾਰੀਆਂ ਦਾ ਸ਼ਿਕਾਰ ਹੋਏ ਹਨ। ਵੱਖ ਵੱਖ ਮਜ਼ਦੂਰ ਯੂਨੀਅਨਾਂ ਇਹਨਾਂ ਮਸਲਿਆਂ ਨੂੰ ਅਕਸਰ ਉਠਾਉਂਦੀਆਂ ਵੀ ਰਹੀਆਂ ਹਨ। ਇਸਦੇ ਬਾਵਜੂਦ ਇਹਨਾਂ ਖਤਰਿਆਂ ਭਰੇ ਕੰਮਾਂ ਨੂੰ ਰੋਕਣ ਲਈ ਕੋਈ ਅਸਰਦਾਇਕ ਕਦਮ ਨਹੀਂ ਉਠਾਏ ਜਾ ਸਕੇ। ਇਸ ਲਈ ਇਹ ਕੰਮ ਹੁਣ ਕਾਂਗਰਸ ਪਾਰਟੀ ਸਮਰਥਕ ਯੂਨੀਅਨਾਂ ਲਈ ਇੱਕ ਗੰਭੀਰ ਚੁਣੌਤੀ ਵੀ ਹੈ।
ਇਸਦੇ ਨਾਲ ਨਾਲ ਅੱਜ ਦੀ ਰੈਲੀ ਵਿੱਚ ਵੱਖ ਵੱਖ ਵਰਗਾਂ ਦੇ ਰਿਟਾਇਰ ਹੋਏ ਮੁਲਾਜ਼ਮਾਂ ਲਈ ਪੈਨਸ਼ਨ ਸਕੀਮਾਂ ਦੀ ਵੀ ਮੰਗ ਕੀਤੀ ਗਈ। ਹੁਣ ਦੇਖਣਾ ਹੈ ਕਿ ਅਜਿਹੀਆਂ ਰੈਲੀਆਂ ਦੇ ਆਯੋਜਨ ਸੱਚਮੁੱਚ ਇਹਨਾਂ ਮੁਲਾਜ਼ਮਾਂ ਲਈ ਕੋਈ ਪ੍ਰਾਪਤੀ ਕਰਾਉਣ ਵਿੱਚ ਸਫਲ ਰਹਿੰਦੇ ਹਨ ਜਾਂ ਫਿਰ ਸਿਰਫ ਕੌਸਲਰ ਚੋਣਾਂ ਦਾ ਪ੍ਰਚਾਰ ਮਾਤਰ ਬਣ ਕੇ ਰਹਿ ਜਾਂਦੇ ਹਨ। ਇਸਦੇ ਨਾਲ ਹੀ ਇਹ ਗੱਲ ਵੀ ਕਿ ਹਾਲ ਹੀ ਵਿੱਚ ਇੰਟਕ ਦੇ ਇੱਕ ਧੜੇ ਵੱਲੋਂ ਸ਼ਾਮਿਲ ਕੀਤੇ ਗਏ ਮਾਸਟਰ ਫ਼ਿਰੋਜ਼ ਅਤੇ ਅਨੀਤਾ ਸ਼ਰਮਾ ਇਸ ਮੌਕੇ ਮੌਜੂਦ ਨਹੀਂ ਸਨ।



Saturday, April 01, 2017

ਪੰਜਾਬ ਨਾਲ ਕਾਂਗਰਸ ਦਾ ਹਰ ਵਾਅਦਾ ਪੂਰਾ ਹੋਏਗਾ-ਇੰਟਕ ਆਗੂ ਦਿਨੇਸ਼ ਸ਼ਰਮਾ

ਟਰਾਂਸਪੋਰਟ ਮਾਫੀਆ ਉੱਤੇ ਵੀ ਕੱਸਾਂਗੇ ਸ਼ਿਕੰਜਾ-ਦੀਪਇੰਦਰ ਸਿੰਘ ਢਿੱਲੋਂ 
ਜ਼ੀਰਕਪੁਰ  (ਚੰਡੀਗੜ੍ਹ): 1 ਅਪ੍ਰੈਲ 2017: (ਪੰਜਾਬ ਸਕਰੀਨ ਬਿਊਰੋ):: ਕਾਂਗਰਸ ਦੇ ਲੀਡਰਾਂ ਆਪਣੇ ਰਵਈਏ  ਅਤੇ ਕਾਰਜਸ਼ੈਲੀ ਵਿੱਚ ਨਵੀਂਆਂ ਤਬਦੀਲੀਆਂ ਦਾ ਸਿਲਸਿਲਾ ਸ਼ੁਰੂ ਕਰਦਿਆਂ ਕਈ ਠੋਸ ਕਦਮ ਪੁੱਟਣੇ ਸ਼ੁਰੂ ਕੀਤੇ ਹਨ। ਕਾਂਗਰਸ ਦੇ ਮਜ਼ਦੂਰ ਵਿੰਗ ਇੰਡੀਅਨ ਨੈਸ਼ਨਲ ਟਰੇਡ ਯੂਨੀਅਨ ਕਾਂਗਰਸ (ਇੰਟਕ) ਨੇ ਆਪਣੀ ਜੱਥੇਬੰਦੀ ਨੂੰ ਨਵਾਂ ਜੀਵਨ ਦੇਣ ਦੇ ਮਕਸਦ ਨਾਲ ਜਿੱਥੇ ਕੁਝ ਫੇਰਬਦਲ ਕੀਤੇ ਹਨ ਉੱਥੇ ਕੁਝ ਨਵੀਆਂ ਨਿਯੁਕਤੀਆਂ ਵੀ ਕੀਤੀਆਂ ਹਨ। ਇਸ ਮੌਕੇ ਇੰਟਕ ਦੇ ਲੀਡਰਾਂ ਨੇ ਕਿਹਾ ਕਿ ਪੰਜਾਬ ਦੇ ਲੋਕਾਂ ਨਾਲ ਜਿਹੜੇ ਵਾਅਦੇ ਕੀਤੇ ਗਏ ਹਨ ਉਹ ਸਾਰੇ ਵਾਅਦੇ ਪੂਰੇ ਕੀਤੇ ਜਾਣਗੇ। 
ਇੰਟਕ ਦੇ ਕੌਮੀ ਪ੍ਰਧਾਨ ਦਿਨੇਸ਼ ਸ਼ਰਮਾ ਨੇ ਕਿਹਾ ਕਿ ਪੰਜਾਬ ਦੇ ਪਾਣੀ ਅਤੇ ਪੰਜਾਬ ਦੀ ਜਵਾਨੀ ਨੂੰ ਹਰ ਹੀਲੇ ਬਚਾਇਆ ਜਾਏਗਾ। ਇੱਕ ਪ੍ਰੈਸ ਕਾਨਫਰੰਸ ਦੌਰਾਨ ਉਹਨਾਂ ਕਿਹਾ ਕਿ ਭਾਜਪਾ ਨੇ ਮੰਦਰ ਤਾਂ ਨਹੀਂ ਬਣਾਉਣਾ ਪਰ ਰਾਮ ਮੰਦਿਰ  ਦੇ ਨਾਮ 'ਤੇ ਮਾਰ ਕੱਟ ਦੀ ਸਾਜ਼ਿਸ਼ ਜ਼ਰੂਰ ਤਿਆਰ ਹੈ ਜਿਸਨੂੰ ਅਸੀਂ ਕਿਸੇ ਵੀ ਤਰਾਂ ਸਫਲ ਨਹੀਂ ਹੋਣ ਦਿਆਂਗੇ। ਕਾਂਗਰਸ ਦੇ ਸੀਨੀਅਰ ਆਗੂ ਅਤੇ ਕੈਪਟਨ ਅਮਰਿੰਦਰ ਸਿੰਘ ਦੇ ਨਜ਼ਦੀਕੀ ਵੱਜੋਂ ਜਾਣੇ ਜਾਂਦੇ ਦੀਪਇੰਦਰ ਸਿੰਘ ਢਿੱਲੋਂ ਨੇ ਕਿਹਾ ਕਿ ਟਰਾਂਸਪੋਰਟ ਮਾਫੀਆ ਉੱਤੇ ਵੀ ਸ਼ਿਕੰਜਾ ਕੱਸਿਆ ਜਾਏਗਾ ਅਤੇ ਇਸ ਮਾਫੀਆ ਨੂੰ ਜਲਦੀ ਹੀ ਤੋੜਿਆ ਜਾਏਗਾ।
ਨੌਜਵਾਨ ਆਗੂ ਕਰਨ ਬੇਦੀ ਨੂੰ ਪੰਜਾਬ ਇੰਟਕ ਦਾ ਸਕੱਤਰ ਬਣਾਇਆ ਗਿਆ ਹੈ। ਬੇਲਣ ਬ੍ਰਿਗੇਡ ਮੁਖੀ ਅਨੀਤਾ ਸ਼ਰਮਾ ਨੂੰ ਇੰਟਕ ਦੀ ਮਹਿਲਾ ਵਿੰਗ ਦਾ ਸੂਬਾਈ ਪ੍ਰਧਾਨ ਬਣਾਇਆ ਗਿਆ ਹੈ। ਕਿਸੇ ਵੇਲੇ ਆਮ ਆਦਮੀ ਪਾਰਟੀ ਨੂੰ ਪੰਜਾਬ ਵਿਛਕ ਸਥਾਪਿਤ ਕਰਨ ਲਈ ਜ਼ੋਰ ਲਾਉਣ ਵਾਲੇ ਪਰਮਿੰਦਰ ਪੱਪੂ ਨੂੰ ਮਾਲਵਾ ਜ਼ੋਨ ਦਾ ਪ੍ਰਧਾਨ ਬਣਾਇਆ ਗਿਆ ਹੈ। ਉਹਨਾਂ ਅਧੀਨ ਹੁਣ ਅੱਠ ਜ਼ਿਲੇ ਹੋਣਗੇ। ਇਸੇ ਤਰਾਂ ਕੁਝ ਹੋਰ ਨਿਯੁਕਤੀਆਂ ਦਾ ਐਲਾਨ ਅੱਜ ਜ਼ੀਰਕਪੁਰ ਵਿੱਚ ਹੋਈ ਇੱਕ ਖਾਸ ਇਕੱਤਰਤਾ ਵਿੱਚ ਕੀਤਾ ਗਿਆ। 
ਇਸ ਨਿਯੁਕਤੀ ਮਗਰੋਂ ਉਤਸ਼ਾਹਿਤ ਨਜ਼ਰ ਆਈ ਅਨੀਤਾ ਸ਼ਰਮਾ ਨੇ ਕਿਹਾ ਕਿ ਏਨੀ ਵੱਡੀ ਪਾਰਟੀ ਦਾ ਸਾਥ ਮਿਲਣਾ ਅਸਲ ਵਿੱਚ ਬੇਲਣ ਬ੍ਰਿਗੇਡ ਦੀਆਂ ਨੀਤੀਆਂ ਅਤੇ ਸੰਘਰਸ਼ ਦਾ ਹੀ  ਚੰਗਾ ਸਿੱਟਾ ਹੈ। ਉਹਨਾਂ ਕਿਹਾ ਕਿ ਹੁਣ ਪੰਜਾਬ ਭਰ ਵਿੱਚ ਮਜ਼ਦੂਰਾਂ ਨੂੰ ਉਹਨਾਂ ਦੀ ਹੱਕ ਹਲਾਲ ਵਾਲੀ ਪੂਰੀ ਕਮਾਈ ਅਤੇ ਹਰ ਬਣਦਾ  ਹੱਕ ਦਵਾਉਣ ਦੇ ਉਪਰਾਲੇ ਟੀਜ਼ ਕੀਤੇ ਜਾਣਗੇ। ਕਿਰਤੀਆਂ ਦੀ ਮੇਹਨਤ ਦੀ ਕਮਾਈ ਨੂੰ ਹੁਣ ਨਸ਼ਿਆਂ ਦੇ ਸੌਦਾਗਰਾਂ ਦੇ ਮੂੰਹ ਵਿੱਚ ਨਹੀਂ ਜਾਣ ਦਿੱਤਾ ਜਾਏਗਾ।

ਆਪਣੇ ਸੰਬੋਧਨ ਦੌਰਾਨ ਰਾਸ਼ਟਰੀ ਪ੍ਰਧਾਨ ਦਿਨੇਸ਼ ਸ਼ਰਮਾ ਨੇ ਕਿਹਾ ਕਿ ਉਨਾਂ ਦੀ ਯੁਨੀਅਨ ਸਮੂਚੇ ਭਾਰਤ ਅੰਦਰ ਮਜਦੂਰ ਵਰਗ ਨੂੰ ਆ ਰਹੀਆਂ ਮੁਸ਼ਕਲਾਂ ਨੂੰ ਦੂਰ ਕਰਨ ਲਈ ਲੜਾਈ ਲੜ ਰਹੀ ਹੈ ਅਤੇ ਜਿਥੇ ਵੀ ਮਜਦੂਰ ਨਾਲ ਕੋਈ ਜਾਅਦਤੀ ਹੁੰਦੀ ਹੈ ਤਾਂ ਯੁਨੀਅਨ ਦੇ ਅਹੁਦੇਦਾਰ ਹਰ ਵੇਲੇ ਉਨਾਂ ਦੇ ਨਾਲ ਮੋਢੇ ਨਾਲ ਮੋਢਾ ਲਾ ਕੇ ਖੜੇ ਹੁੰਦੇ ਹਨ। ਉਨਾਂ ਦੱਸਿਆ ਕਿ ਅੱਜ ਇਥੇ ਆਉਣ ਦਾ ਮਕੱਸਦ ਪੰਜਾਬ ਦੇ ਅੰਦਰ ਇੰਟਕ ਨੂੰ ਮਜਬੂਤ ਕਰਨਾ ਹੈ, ਜਿਸਦੇ ਚਲਦਿਆਂ ਕਰਨ ਬੇਦੀ ਦੀ ਕਾਬਲਿਯਤ ਨੂੰ ਦੇਖਦੇ ਹੋਏ ਇੰਟਕ ਪੰਜਾਬ ਦਾ ਬਤੌਰ ਸੂਬਾ ਸਕੱਤਰ ਵਜੋਂ ਨਿਯੁਕਤ ਕੀਤਾ ਗਿਆ ਹੈ। ਉਨਾਂ ਕਿਹਾ ਕਿ ਪੰਜਾਬ ਸੀ.ਐਮ. ਕੈਪਟਨ ਅਮਰਿੰਦਰ ਸਿੰਘ ਦੀ ਅਗੁਵਾਈ ਹੇਠ ਬਣੀ ਨਵੀਂ ਸਰਕਾਰ ਨੂੰ ਮੁਬਾਰਕਬਾਦ ਦਿੱਤੀ ਤੇ ਸੂਬੇ ਅੰਦਰ ਮਜਦੂਰ ਵਰਗ ਦੀਆਂ ਮੁਸ਼ਕਲਾਂ ਨੂੰ ਹੱਲ ਕਰਨ ਦੇ ਲਈ ਇੰਟਕ ਦੇ ਅਹੁਦੇਦਾਰ ਹਰ ਸਮੇਂ ਤਿਆਰ ਹਨ। 
ਦੂਜੇ ਪਾਸੇ, ਨਵੀਂ ਜਿੰਮੇਵਾਰੀ ਤੋਂ ਬਾਅਦ ਕਰਨ ਬੇਦੀ ਨੇ ਮੀਡੀਆ ਨਾਲ ਗੱਲਬਾਤ ਦੌਰਾਨ ਕਿਹਾ ਕਿ ਇਸ ਜਿੰਮੇਵਾਰੀ ਲਈ ਯੁਨੀਅਨ ਦੇ ਪ੍ਰਧਾਨ ਦਿਨੇਸ਼ ਸ਼ਰਮਾ ਦਾ ਧੰਨਵਾਦ ਕਰਦੇ ਹਨ ਪੰਜਾਬ ਅੰਦਰ ਮਜਦੂਰ ਵਰਗ ਨੂੰ ਆ ਰਹੀਆਂ ਮੁਸ਼ਕਲਾਂ ਨੂੰ ਹੱਲ ਕਰਨ ਲਈ ਹਰ ਸਮੇਂ ਤਿਆਰ ਰਹਿਣਗੇ। ਇਸ ਮੌਕੇ ਕਾਂਗਰਸ ਪਾਰਟੀ ਦੇ ਜਨਰਲ ਸਕੱਤਰ ਦੀਪਇੰਦਰ ਸਿੰਘ ਢਿਲੋਂ, ਮੋਹਾਲੀ ਦੇ ਵਾਈਸ ਪ੍ਰੇਸੀਡੇਂਟ ਸਚਿਨ ਸ਼ਰਮਾ, ਸੰਜੀਵ ਗਰਗ ਤੋਂ ਇਲਾਵਾ ਹੋਰ ਨੇਤਾ ਮੌਜੂਦ ਸਨ।

ਇੰਟਕ ਦੀ ਇਸ ਮੀਟਿੰਗ ਵਿੱਚ ਮਜ਼ਦੂਰਾਂ ਨੂੰ ਉਹਨਾਂ ਦੇ ਹੱਕ ਦਵਾਉਣ ਦਾ ਸੰਕਲਪ ਵੀ ਦੁਹਰਾਇਆ ਗਿਆ। ਇਸ ਮੌਕੇ 'ਤੇ ਇੰਟਕ ਦੇ ਕੌਮੀ ਪ੍ਰਧਾਨ ਦਿਨੇਸ਼ ਸ਼ਰਮਾ,  ਸੀਨੀਅਰ ਕਾਂਗਰਸ ਆਗੂ ਦੀਪਇੰਦਰ ਸਿੰਘ ਢਿੱਲੋਂ, ਸਚਿਨ ਸ਼ਰਮਾ, ਪ੍ਰਦੀਪ ਅੱਗਰਵਾਲ ਅਤੇ ਸੰਜੀਵ ਸ਼ਰਮਾ ਸਮੇਤ ਕਈ ਹੋਰ ਆਗੂ ਅਤੇ ਵਰਕਰ ਵੀ ਮੌਜੂਦ ਸਨ।   ਹੁਣ ਦੇਖਣਾ ਹੈ ਕਿ ਇੰਟਕ ਵੱਲੋਂ ਮਜ਼ਦੂਰਾਂ ਦੀ ਭਲਾਈ ਦੇ ਦਾਅਵਿਆਂ ਦਾ ਸੱਚ ਮਜ਼ਦੂਰਾਂ ਦੀ ਜ਼ਿੰਦਗੀ ਵਿੱਚ ਕਦੋਂ ਤੱਕ ਪਹੁੰਚਦਾ ਹੈ। 

Thursday, September 01, 2016

2 ਸਿਤੰਬਰ ਨੂੰ ਹੋਣ ਵਾਲੀ ਦੇਸ਼ ਵਿਆਪੀ ਹੜਤਾਲ ਦੀਆਂ ਤਿਆਰੀਆਂ ਮੁਕੰਮਲ

ਅਜੇ ਤੱਕ ਕੋਈ ਐਲਾਨ ਨਹੀਂ ਪਰ ਰੇਲਵੇ ਮੁਲਾਜ਼ਿਮ ਹੋ ਸਕਦੇ ਨੇ ਅਚਾਨਕ ਸ਼ਾਮਲ 
ਲੁਧਿਆਣਾ: 1 ਸਤੰਬਰ 2016: (ਪੰਜਾਬ ਸਕਰੀਨ ਬਿਊਰੋ): 
2 ਸਿਤੰਬਰ ਨੂੰ ਹੋਣ ਵਾਲੀ ਦੇਸ਼ ਵਿਆਪੀ ਹੜਤਾਲ ਲੁਧਿਆਣਾ ਵਿੱਚ ਵੀ ਲਾਮਿਸਾਲ ਹੋਵੇਗੀ। ਇਹ ਗੱਲ ਏਟਕ, ਸੀਟੂ, ਇੰਟਕ, ਸੀਟੀਯੂ, ਅਤੇ ਹੋਰ ਜੱਥੇਬੰਦੀਆਂ ਨਾਲ ਸਬੰਧਤ ਮਜ਼ਦੂਰ ਅਤੇ ਮੁਲਾਜ਼ਮ ਆਗੂਆਂ ਨੇ ਅੱਜ ਇੱਥੇ ਬੋਲਦਿਆਂ ਪ੍ਰੈਸ ਕਾਨਫ਼੍ਰੰਸ ਵਿੱਚ ਕਹੀ। ਇਸ ਮੌਕੇ ਤੇ ਬੋਲਦਿਆਂ ਡੀ ਪੀ ਮੌੜ-ਏਟਕ, ਕਾ ਜਗਦੀਸ਼ ਚੰਦ-ਸੀਟੂ, ਸ: ਗੁਰਜੀਤ ਸਿੰਘ ਜਗਪਾਲ - ਇੰਟਕ, ਸ: ਪਰਮਜੀਤ ਸਿੰਘ - ਸੀ ਟੀ ਯੂ, ਨੇ ਕਿਹਾ ਕਿ ਲੁਧਿਆਣਾਂ ਵਿੱਚ ਬੈਂਕ, ਐਲ ਆਈ ਸੀ, ਬੀ ਐਸ ਐਨ ਐਲ, ਰੋਡਵੇਜ਼ ਬਿਜਲੀ ਬੋਰਡ, ਸਾਈਕਲ ਉਦਯਗ, ਹਜ਼ਰੀ, ਟੈਕਸਟਾਈਲ, ਅਤੇ ਹਰ ਉਦਯਗਾਂ ਵਿੰਚ ਕਾਮੇ ਮੁਕੰਮਲ ਹੜਤਾਲ ਕਰਕੇੇ ਬੱਸ ਅੱਡੇ ਤੇ ਇੱਕਠੇ ਹਣ ਗੇ ਜਿੱਥੇ ਇੱਕ ਵਿਸ਼ਾਲ ਰੈਲੀ ਕੀਤੀ ਜਾਏਗੀ। ਇਹ ਹੜਤਾਲ ਮੋਦੀ ਸਰਕਾਰ ਦੀਆਂ ਲਕ ਵਿਰੋਧੀ ਆਰਥਿਕ ਤੇ ਸਨਅਤੀ ਨੀਤੀਆਂ ਕਾਰਨ ਹੋ ਰਹੀ ਤਬਾਹੀ ਨਾਲ ਮਜ਼ਦੂਰਾਂ ਨਾਲ ਮਜ਼ਦੂਰਾਂ ਮੁਲਾਜ਼ਮਾਂ ਦੀ ਜ਼ਿੰਦਗੀ ਤੇ ਪਾਏ ਜਾ ਰਹੇ ਮਾੜੇ ਅਸਰ ਦੇ ਵਿਰੁੱਧ ਕੀਤੀ ਜਾ ਰਹੀ ਹੈ। ਦੇਸ਼ ਭਰ ਦੇ ਕਾਮੇ ਮੰਗ ਕਰਦੇ ਹਨ  ਕਿ ਵਧ ਰਹੀਆਂ ਕੀਮਤਾਂ ਨੂੰ ਨੱਥ ਪਾਈ ਜਾਵੇ, ਕਿਰਤ ਕਾਨੂੰਨਾਂ ਦੀ ਉਲੰਘਣਾ ਬੰਦ ਕੀਤੀ ਜਾਵੇ, ਸਾਰੇ ਕਾਮਿਆਂ ਦੇ ਲਈ ਡਾਕਟਰੀ ਇਲਾਜ, ਪੈਨਸ਼ਨ, ਗਰੈਚੁਟੀ, ਪ੍ਰਾਵੀਡੈੰਟ ਫ਼ੰਡ ਅਤੇ ਬੋਨਸ ਯਕੀਨੀ ਬਣਾਇਆ ਜਾਵੇ। ਕਿਰਤ ਕਾਨੂੰਨਾਂ ਵਿੱਚ ਮਜ਼ਦੂਰ ਵਿਰੋਧੀ ਸੋਧਾਂ ਬੰਦ ਕੀਤੀਆਂ ਜਾਣ। ਸਾਰੇ ਕੱਚੇ ਮੁਲਾਜ਼ਮ ਪੱਕੇ ਕੀਤੇ ਜਾਣ, ਐਨ ਆਰ ਐਚ ਐਮ ਕਾਮਿਆਂ ਨੂੰ ਵੀ ਪੱਕਾ ਕੀਤਾ ਜਾਵੇ, 1/1/2004 ਤੋਂ ਲਾਗੂ ਨਵੀਂ ਪੈਨਸ਼ਨ ਸਕੀਮ ਬੰਦ ਕਰਕੇੇ ਪੁਰਾਣੀ ਹੀ ਲਾਗੂ ਕੀਤੀ ਜਾਵੇ। ਸਰਕਾਰੀ ਅਦਾਰਿਆਂ ਦਾ ਨਿਜੀਕਰਨ ਬੰਦ ਕੀਤਾ ਜਾਏ। ਇਸ ਮੌਕੇ ਬੋਲਦਿਆਂ  ਕਾਮਰੇਡ  ਨਰੇਸ਼ ਗੌੜ, ਚਰਨ ਸਰਾਭਾ ਐਸ ਕੇ ਤਿਵਾੜੀ ਗੁਰਨਾਮ ਸਿੱਧੂ, ਡਾ ਅਰੁਣ ਮਿੱਤਰਾ, ਸੂਭਾਸ਼ ਰਾਨੀ- ਆਂਗਨਵਾੜੀ, ਗੁਰਮੇਲ ਮੈਡਲੇ, ਤਰਸੇਮ ਜੋਧਾਂ ਨੇ ਅੱਗੇ ਮੰਗ ਕੀਤੀ ਕਿ ਗੈਰ ਹੁਨਰਮੰਦ ਕਾਮਿਆਂ ਲਈ ਘੱਟੋ ਘੱਟ ਉਜਰਤ 18,000 ਰੁਪਏ, ਅਰਧ ਹੁਨਰਮੰਦ ਲਈ 23,000 ਰੁਪਏ ਅਤੇ ਹੁਨਰਮੰਦ ਕਾਮਿਆਂ ਦੇ ਲਈ 26,000 ਰੁਪਏ ਤੈਅ ਕੀਤੀ ਜਾਏ। ਇਹ ਮੰਗ ਭਾਰਤੀ ਲੇਬਰ ਕਾਨਫ਼੍ਰੰਸ ਦੇ ਅਨੁਸਾਰ ਹੈ ਜਿਸਦੇ ਮੁਤਾਬਿਕ ਗੈਰ ਹੁਨਰਮੰਦ ਮਜ਼ਦੂਰ ਨੂੰ 23,000 ਰੁਪਏ ਦੇਣ ਦੀ ਗੱਲ ਕਹੀ ਗਈ ਸੀ ਤੇ ਸੁਪਰੀਮ ਕੋਰਟ ਨੇ ਇਸਦੇ ਵਿੱਚ 25% ਦਾ ਵਾਧਾ ਕਰਨ ਬਾਰੇ ਕਿਹਾ। ਪਰ ਅਸੀ ਤਾਂ ਕੇਵਲ 18,000 ਰੁਪਏ ਹੀ ਮੰਗ ਰਹੇ ਹਾਂ। ਪਰ ਸਰਕਾਰ ਲੇਬਰ ਕਾਨਫ਼੍ਰੰਸ ਦੀਆਂ ਇਹਨਾਂ ਮੰਨੀਆਂ ਗੱਲਾਂ ਤੋਂ ਭੱਜ ਰਹੀ ਹੈ। ਇਸਤੋਂ ਇਲਾਵਾ ਸਿਹਤ ਖੋਜ ਸੰਸਥਾ ਇੰਡੀਅਨ ਕੌਂਸਲ ਫ਼ਾਰ ਮੈਡੀਕਲ ਰਿਸਰਚ ਦੇ ਮੁਤਾਬਿਕ ਹਰ ਰੋਜ਼ ਇੱਕ ਬੰਦੇ ਨੂੰ ਜੀਣ ਦੇ ਲਈ 2100 ਕੈਲੋਰੀਆਂ ਦੀ ਲੋੜ ਹੈ ਜਿਹੜੀਆਂ ਕਿ ਅੱਜ ਦੀ ਮਹਿੰਗਾਈ ਵਿੱਚ ਇੱਨੀ ਥੋੜੀਆਂ ਤਨਖ਼ਾਵਾਂ ਦੇ ਨਾਲ ਪੂਰੀ ਨਹੀਂ ਹੁੰਦੀ। ਬੁਲਾਰਿਆਂ ਨੇ ਸਰਕਾਰ ਦੇ ਭੁਲੇਖਾ ਪਾਊ ਬਿਆਨ ਕਿ ਘੱਟੋਘੱਟ ਉਜਰਤ 350 ਰੁਪਏ ਕਰ ਦਿੱਤੀ ਗਈ ਹੈ ਦਾ ਪਰਦਾਫ਼ਾਸ਼ ਕਰਦਿਆਂ ਕਿਹਾ ਕਿ ਇਹ ਤਾਂ ਕੇਵਲ ਕੇਂਦਰ ਨਾਲ ਜੁੜੇ ਚੰਦ ਅਦਾਰਿਆਂ ਵਿੱਚ ਲੱਗੇ ਠੇਕੇ ਦੇ ਮੁਲਾਜ਼ਿਮਾਂ ਲਈ ਹੋਏਗਾ ਨਾਂ ਕਿ ਸਾਰੇ 45 ਕਰੋੜ ਮਜ਼ਦੂਰਾਂ ਦੇ ਲਈ। ਉਹਨਾਂ ਨੇ ਅੱਗੇ ਪਰਦਾਫ਼ਾਸ਼ ਕਰਦਿਆਂ ਕਿਹਾ ਕਿ ਅਸਲ ਵਿੱਚ ਵਿੱਤ ਮੰਤਰੀ ਅਰੁਣ ਜੇਤਲੀ ਸਲਾਹਕਾਰ ਬੋਰਡ ਦੀ 29 ਅਗਸਤ ਦੀ ਮੀਟਿੰਗ ਨੂੰ ਵਿੱਚ ਵਿਚਾਲੇ ਛੱਡ ਕੇ ਚਲੇ ਗਏ ਅਤੇ ਬਾਹਰ ਜਾ ਕੇ ਬਾਅਦ ਵਿੱਚ 350 ਰੁਪਏ ਦਾ ਭੁਲੇਖਾ ਪਾਊ ਬਿਆਨ ਜਾਰੀ ਕਰ ਦਿੱਤਾ। ਆਗੂਆਂ ਵੱਲੋਂ ਪੰਜਾਬ ਦੇ ਸਮੁੱਚੇ ਕਿਰਤੀਆਂ, ਰਾਜਨੀਤਿਕ ਪਾਰਟੀਆਂ ਅਤੇ ਲੋਕ ਹਿਤੈਸ਼ੀ ਸੰਗਠਨਾਂ ਨੂੰ ਅਪੀਲ ਕੀਤੀ ਕਿ 2 ਸਤੰਬਰ ਦੀ ਹੜਤਾਲ ਨੂੰ ਕਾਮਯਾਬ ਕਰਨ ਲਈ ਆਪਣਾ ਵੱਧ ਤੋਂ ਵੱਧ ਯੋਗਦਾਨ ਪਾਉਣ। ਬੁਲਾਰਿਆਂ ਨੇ ਮੰਗ ਕੀਤੀ ਕਿ ਕਿਰਤ ਕਾਨੂੰਨ ਪੂਰੀ ਤਰਾਂ ਲਾਗੂ ਕੀਤੇ ਜਾਣ। ਉਹਨਾਂ ਅੱਗੇ ਮੰਗ ਕੀਤੀ ਕਿ ਆਸ਼ਾ, ਆਂਗਨਵਾੜੀ ਅਤੇ ਮਿੱਡ ਡੇ ਮੀਲ ਵਿੱਚ ਕੰਮ ਕਰ ਰਹੀਆਂ ਇਸਤਰੀ ਮੁਲਾਜ਼ਮਾਂ ਨੂੰ ਵੀ ਪੱਕਾ ਕੀਤਾ ਜਾਵੇ। ਹੋਰਨਾਂ ਤੋਂ  ਪ੍ਰੈਸ ਕਾਨਫਰੰਸ ਦੌਰਾਨ ਕਾਮਰੇਡ ਦੇਵਰਾਜ, ਕਾਮਰੇਡ ਬਲਦੇਵ ਕ੍ਰਿਸ਼ਨ ਮੋਦਗਿਲ, ਐਮ ਐਸ ਭਾਟੀਆ, ਕਾਮਰੇਡ ਮਨਜੀਤ ਸਿੰਘ, ਕਾਮਰੇਡ ਰਾਮਰੀਤ ਯਾਦਵ, ਕਾਮਰੇਡ ਰਾਕੇਸ਼, ਕਾਮਰੇਡ ਦਲਜੀਤ ਸਿੰਘ, ਕਾਮਰੇਡ ਵਿਜੇ ਕੁਮਾਰ, ਸਰਬਜੀਤ ਸਿੰਘ ਸਰਹਾਲੀ, ਕਾਮਰੇਡ ਸੁਖਵਿੰਦਰ ਸੁੱਖੀ, ਕਾਮਰੇਡ ਗੁਰਨਾਮ ਸਿੱਧੂ, ਕਾਮਰੇਡ ਵਿਜੇ ਕੁਮਾਰ,, ਚਮਕੌਰ ਸਿੰਘ, ਕਾਮਰੇਡ ਰਾਮ ਚੰਦਰ ਯਾਦਵ, ਬਲਜੀਤ ਸਿੰਘ ਸਾਹੀ, ਰਮਨਦੀਪ ਕੌਰ, ਬਲਰਾਮ ਸਿੰਘ, ਸਮਰ ਬਹਾਦਰ, ਤਿਲਕਰਾਜ ਡੋਗਰਾ ਅਤੇ ਕਈ ਹੋਰ ਵੀ ਮੌਜੂਦ ਰਹੇ।  

Tuesday, August 09, 2016

ਲਾਲ ਝੰਡਿਆਂ ਨਾਲ ਲਾਲੋ ਲਾਲ ਰਹੀ ਨਵੀਂ ਕਚਹਿਰੀ

ਅੰਦਾਜ਼ਾ ਲਾਓ ਕਿੰਨੀ ਜ਼ਬਰਦਸਤ ਹੋਵੇਗੀ ਦੋ ਸਤੰਬਰ ਦੀ ਹੜਤਾਲ
ਲੁਧਿਆਣਾ 9 ਅਗਸਤ 2016: (ਪੰਜਾਬ ਸਕਰੀਨ ਬਿਊਰੋ):: 
ਅੱਜ ਮਿੰਨੀ ਸਕੱਤਰੇਤ ਲਾਲ  ਲਾਲੋ ਲਾਲ ਸੀ।  ਹਰ ਪਾਸੇ ਮਜ਼ਦੂਰ ਵਰਗ ਦਾ ਬੋਲਬਾਲਾ ਸੀ।  ਹਰ ਪਾਸੇ ਮਜ਼ਦੂਰ ਹੱਕਾਂ ਦੇ ਨਾਅਰੇ ਗੂੰਜ ਰਹੇ ਸਨ। ਨਵੀਂ ਕਚਹਿਰੀ ਵਿੱਚ ਤਿਲ ਸੁੱਟਣ ਨੂੰ ਵੀ ਥਾਂ ਨਹੀਂ ਸੀ। ਭਾਵੈਂ ਲਾਲ ਝੰਡੇ ਵਾਲੇ ਬਾਰ ਬਾਰ ਆਵਾਜਾਈ ਦਾ ਰਸਤਾ ਦੇ ਰਹੇ ਸਨ ਪਰ ਫਿਰ ਵੀ ਆਵਾਜਾਈ ਬਾਰ ਬਾਰ ਠੱਪ ਹੋ ਰਹੀ ਸੀ।  ਔਰਤਾਂ ਵੀ ਵੱਡੀ ਗਿਣਤੀ ਵਿੱਚ ਸ਼ਾਮਲ ਸਨ। ਇਹ ਸੱਤਿਆਗ੍ਰਹਿ ਇੱਕ ਟਰੇਲਰ ਸੀ ਜੋ  ਸੀ ਕਿ ਕਿੰਨੀ ਜ਼ਬਰਦਸਤ ਹੋਵੇਗੀ ਦੋ ਸਤੰਬਰ ਦੀ ਹੜਤਾਲ। 
ਕੇੰਦਰੀ ਟਰੇਡ ਯੂਨੀਅਨਾਂ ਅਤੇ ਆਜ਼ਾਦ ਫੈਡਰੇਸ਼ਨਾਂ  ਦੇ ਸੱਦੇ ਤੇ 2 ਸਤੰਬਰ ਨੂੰ ਮੋਦੀ ਸਰਕਾਰ ਦੀਆਂ ਕਾਰਪੋਰੇਟ ਪੱਖੀ ਅਤੇ ਮਜ਼ਦੂਰ ਵਿਰੋਧੀ ਨੀਤੀਆਂ ਦੇ ਖਿਲਾਫ਼ ਦੇਸ਼ ਵਿਆਪੀ ਹੜਤਾਲ ਦੀ ਲੜੀ ਵਜੋਂ ਲੁਧਿਆਣਾ ਜ਼ਿਲੇ ਦੀਆਂ ਏਟਕ, ਸੀਟੂ, ਇੱਟਕ ਅਤੇ ਸੀਟੀਯੂ ਨਾਲ ਸੰਬੰਧਤ ਕਾਮਿਆਂ ਦੀਆਂ ਯੂਨੀਅਨਾਂ ਅਤੇ ਐਸੋਸੀਏਸ਼ਨਾਂ ਨੇ ਮਿੰਨੀ ਸਕੱਤਰੇਤ ਵਿਖੇ ਸਤਿਆਗ੍ਰਹਿ ਕੀਤਾ ਤੇ ਆਪਣੇ ਆਪ ਨੂੰ ਗ੍ਰਿਫਤਾਰੀ ਲਈ ਪੇਸ਼ ਕੀਤਾ।  ਇਸ ਵਿੱਚ ਵੱਡੀ ਗਿਣਤੀ ਵਿੱਚ ਸਨਅੱਤੀ ਮਜ਼ਦੂਰ, ਉਸਾਰੀ ਮਜ਼ਦੂਰ, ਹੌਜ਼ਰੀ ਮਜ਼ਦੂਰ, ਰੋਡਵੇਜ਼, ਬੈਂਕ, ਬਿਜਲੀ ਕਾਮੇ, ਆਸ਼ਾ ਵਰਕਰ, ਨਗਰ ਨਿਗਮ ਦੇ ਮੁਲਾਜ਼ਮ, ਦਰਜਾ ਚਾਰ, ਅਤੇ ਕਈ ਹੋਰ ਗੈਰ ਜੱਥੇਬੰਦ ਖੇਤਰਾਂ ਦੇ ਨੁਮਾਇੰਦੇ ਅਤੇ ਆਗੂ ਸ਼ਾਮਿਲ ਹੋਏ। ਇਸਦੀ ਅਗਵਾਈ ਕਾ ਡੀ ਪੀ ਮੌੜ, ਗੁਰਨਾਮ ਸਿੰਘ ਸਿੱਧੂ -ਏਟਕ, ਸ: ਗੁਰਜੀਤ ਸਿੰਘ ਜਗਪਾਲ, ਸੁਰੇਸ਼ ਸੂਦ, - ਇੰਟਕ, ਕਾ: ਪਰਮਜੀਤ ਸਿੰਘ, ਗੁਰਦੀਪ ਕਲਸੀ-ਸੀਟੂ ਤੇ ਕਾ ਜਗਦੀਸ਼ ਚੰਦ, ਦੇਵਰਾਜ -ਸੀਟੂ,  ਨੇ ਕੀਤੀ।
ਇਸ ਮੌਕੇ ਤੇ ਬੋਲਦਿਆਂ ਕਾ ਕੇਵਲ ਸਿੰਘ ਬਨਵੈਤ-ਏਟਕ  ਪੰਜਾਬ, ਕਾ ਸਮਰ ਬਹਾਦਰ - ਸੀਟੂ ਪੰਜਾਬ, ਸ਼੍ਰੀ ਸਰਬਜੀਤ ਸਰਹਾਲੀ, ਐਸ ਕੇ ਤਿਵਾੜੀ, ਤਰਸੇਮ ਸਿੰਘ - ਇੰਟਕ,  ਕਾ ਤਸੀਲਦਾਰ ਸਿੰਘ- ਸੀ ਟੀ ਯੂ ਨੇ ਕਿਹਾ ਕਿ ਸਰਕਾਰ ਵਲੋਂ ਲਗਾਤਾਰ ਲਏ ਜਾ ਰਹੇ ਫ਼ੈਸਲੇ ਸਰਕਾਰ ਦੀਆਂ ਆਰਥਿਕ ਨੀਤੀਆਂ ਵਿੱਚ ਸੱਜੇਪੱਖੀ ਬਦਲਾਅ ਨੂੰ ਸਾਫ਼ ਦਰਸਾਂਦੇ ਹਨ। ਸਰਕਾਰ ਕੋਮਾਂਤ੍ਰੀ ਵਿੱਤੀ ਸੰਸਥਾਵਾਂ ਦੀਆਂ ਹਿਦਾਇਤਾਂ ਅਨੁਸਾਰ ਫ਼ੈਸਲੇ ਲੈ ਰਹੀ ਹੈ। ਉਹਨਾਂ ਕਿਹਾ  ਬੈਂਕਾਂ, ਬੀਮਾ, ਖੁਦਰਾ ਵਪਾਰ ਵਿੱਚ ਖੁਲ੍ਹੀ ਵਿਦੇਸ਼ੀ ਆਮਦ ਦੀ ਨਿਖੇਧੀ ਕਰਦਿਆਂ ਕਿਹਾ ਕਿ ਇਸ ਨਾਲ ਮੁਲਾਜ਼ਮਾਂ ਦੀ ਹਾਲਤ ਹੋਰ ਵਿਗੜੇਗੀ ਅਤੇ ਛੋਟੇ ਖੇਤਰ ਤੇ ਮਾੜਾ ਅਸਰ ਪਏਗਾ। ਵੱਧ ਰਹੀਆਂ ਕੀਮਤਾਂ ਆਮ ਆਦਮੀ ਦੀ ਜ਼ਿੰਦਗੀ ਨੂੰ ਦੂਭਰ ਬਣਾ ਰਹੀਆਂ ਹਨ ਅਤੇ ਖੇਤੀ ਵਿੱਚ ਸੰਕਟ ਡੂੰਘਾ ਹੁੰਦਾ ਜਾ ਰਿਹਾ ਹੈ ਜਂੋ ਕਿ ਕਿਸਾਨਾਂ ਵਲੋਂ ਵੱਡੀ ਗਿਣਤੀ ਵਿੱਚ ਕਰਜ਼ਈ ਹੋ ਕੇ ਆਤਮ ਹੱਤਿਆਵਾਂ ਕਰਨ ਤੋਂ ਸਾਫ਼ ਨਜ਼ਰ ਆਉਂਦਾ ਹੈ। ਸਰਕਾਰ ਇੰਡੀਅਨ ਲੇਬਰ ਕਾਨਫ਼੍ਰੰਸ ਵਿੱਚ ਕੀਤੇ ਵਾਅਦਿਆਂ ਤੋਂ ਪਿੱਛੇ ਹੱਟ ਰਹੀ ਹੈ। ਉਹਨਾਂ ਕਿਹਾ ਕਿ ਦੇਸ਼ ਭਰ ਦੇ ਕਾਮੇ ਮੰਗ ਕਰਦੇ ਹਨ  ਕਿ ਵਧ ਰਹੀਆਂ ਕੀਮਤਾਂ ਨੂੰ ਨੱਥ ਪਾਈ ਜਾਵੇ, ਕਿਰਤ ਕਾਨੂੰਨਾਂ ਦੀ ਉਲੰਘਣਾ ਬੰਦ ਕੀਤੀ ਜਾਵੇ, ਸਾਰੇ ਕਾਮਿਆਂ ਦੇ ਲਈ ਡਾਕਟਰੀ ਇਲਾਜ, ਪੈਨਸ਼ਨ, ਗਰੈਚੁਟੀ, ਪ੍ਰਾਵੀਡੈੰਟ ਫ਼ੰਡ ਅਤੇ ਬੋਨਸ ਯਕੀਨੀ ਬਣਾਇਆ ਜਾਵੇ। ਕਿਰਤ ਕਾਨੂੰਨਾਂ ਵਿੱਚ ਮਜ਼ਦੂਰ ਵਿਰੋਧੀ ਸੋਧਾਂ ਬੰਦ ਕੀਤੀਆਂ ਜਾਣ। ਸਾਰੇ ਕੱਚੇ ਮੁਲਾਜ਼ਮ ਪੱਕੇ ਕੀਤੇ ਜਾਣ, ਐਨ ਆਰ ਐਚ ਐਮ ਕਾਮਿਆਂ ਨੂੰ ਵੀ ਪੱਕਾ ਕੀਤਾ ਜਾਵੇ, ੧।੧।੨੦੦੪ ਤੋਂ ਲਾਗੂ ਨਵੀਂ ਪੈਨਸ਼ਨ ਸਕੀਮ ਬੰਦ ਕਰਕੇੇ ਪੁਰਾਣੀ ਹੀ ਲਾਗੂ ਕੀਤੀ ਜਾਵੇ ਅਤੇ ਸਰਕਾਰੀ ਅਦਾਰਿਆਂ ਦਾ ਨਿਜੀਕਰਨ ਬੰਦ ਕੀਤਾ ਜਾਏ। ਇਸ ਮੌਕੇ ਬੋਲਦਿਆਂ ਬੁਲਾਰਿਆਂ ਨੇ ਕਿਹਾ ਕਿ ਗੈਰ ਹੁਨਰਮੰਦ ਕਾਮਿਆਂ ਲਈ ਘੱਟੋ ਘੱਟ ਉਜਰਤ ੧੮੦੦੦ ਰੁਪਏ ਤੈਅ ਕੀਤੀ ਜਾਏ। ਇਹ ਮੰਗ ਭਾਰਤੀ ਲੇਬਰ ਕਾਨਫ਼੍ਰੰਸ ਦੇ ਅਨੁਸਾਰ ਹੈ ਜਿਸਦੇ ਮੁਤਾਬਿਕ ਗੈਰ ਹੁਨਰਮੰਦ ਮਜ਼ਦੂਰ ਨੂੰ ੨੦੦੦੦ ਰੁਪਏ ਦੇਣ ਦੀ ਗੱਲ ਕਹੀ ਗਈ ਸੀ ਤੇ ਸੁਪਰੀਮ ਕੋਰਟ ਨੇ ਇਸਦੇ ਵਿੱਚ ੨੫¿ ਦਾ ਵਾਧਾ ਕਰਨ ਬਾਰੇ ਕਿਹਾ, ਪਰ ਅਸੀ ਤਾਂ ਕੇਵਲ ੧੮੦੦੦ ਰੁਪਏ ਹੀ ਮੰਗ ਰਹੇ ਹਾਂ। ਸਰਕਾਰ ੪੪ਵੀਂ ਅਤੇ ੪੬ਵੀਂ ਲੇਬਰ ਕਾਨਫ਼੍ਰੰਸ ਦੀਆਂ ਇਹਨਾਂ ਮੰਨੀਆਂ ਗੱਲਾਂ ਤੋਂ ਭੱਜ ਰਹੀ ਹੈ। ਬੁਲਾਰਿਆਂ ਨੇ ਕਿਹਾ ਕਿ ਲੇਬਰ ਕਾਨੂੰਨ ਪੂਰੀ ਤਰਾਂ ਲਾਗੂ ਕੀਤੇ ਜਾਣ: ਆਸ਼ਾ, ਆਂਗਨਵਾੜੀ ਅਤੇ ਮਿੱਡ ਡੇ ਮੀਲ ਵਿੱਚ ਕੰਮ ਕਰ ਰਹੀਆਂ ਇਸਤਰੀ ਮੁਲਾਜ਼ਮਾਂ ਨੂੰ ਵੀ ਪੱਕਾ ਕੀਤਾ ਜਾਵੇ।
ਇਸ ਮੌਕੇ ਤੇ ਖੱਬੀਆਂ ਪਾਰਟੀਆਂ ਦੇ ਵਲੋਂ ਕਾ: ਕਰਤਾਰ ਸਿੰਘ ਬੁਆਣੀ ਸੀ ਪੀ ਆਈ, ਕਾ: ਅਮਰਜੀਤ ਮੱਟੂ ਸੀ ਪੀ ਆਈ (ਐਮ), ਕਾ: ਅਚਰਵਾਲ ਸੀ ਪੀ ਐਮ ਪੰਜਾਬ, ਕਾ: ਜਗਤਾਰ ਸਿੰਘ ਚਕੋਹੀ ਸੀ ਪੀ ਐਮ ਪੰਜਾਬ ਨੇ ਸੰਬੋਧਨ ਕੀਤਾ।
ਉਪਰੋਕਤ ਤੋਂ ਇਲਾਵਾ ਸਤਿਆਗ੍ਰਹਿ ਦੀ ਅਗਵਾਈ ਕਰਨ ਵਾਲਿਆਂ ਵਿੱਚ ਸ਼ਾਮਲ ਸਨ ਕਾ: ਬਲਰਾਮ ਸਿੰਘ, ਬਲਜੀਤ ਸਿੰਘ ਸ਼ਾਹੀ, ਸੁਬੇਗ ਸਿੰਘ, ਮਨਜੀਤ ਸਿੰਘ, ਗੁਰਨਾਮ ਗਿੱਲ, ਕਾਮੇਸ਼ਵਰ ਯਾਦਵ,, ਵੀਰ ਬਹਾਦਰ, ਕਾ: ਘਨਸ਼ਾਮ, ਤਿਲਕ ਰਾਜ ਡੋਗਰਾ, ਟਾਈਗਰ ਸਿੰਘ, ਸਮਰ ਬਹਾਦੁਰ, ਫ਼ਿਰੋਜ਼ ਮਾਸਟਰ, ਸਿਦੇਸ਼ਵਰ ਤਿਵਾੜੀ, ਅਜੀਤ ਕੁਮਾਰ, ਵਿਜੈ ਕੁਮਾਰ, ਅਵਦੇਸ਼ ਪਾਂਡੇ, ਟੁਨ ਟੁਨ ਯਾਦਵ, ਰਾਮ ਚੰਦਰ। 

Thursday, March 10, 2016

ਲੁਧਿਆਣਾ ਵਿੱਚ ਵੀ ਟਰੇਡ ਯੂਨੀਅਨਾਂ ਵੱਲੋਂ ਜ਼ੋਰਦਾਰ ਰੋਸ ਵਖਾਵਾ

ਸਰਕਾਰ ਲੋਕਾਂ ਦੇ ਗੁੱਸੇ ਤੋਂ ਸਬਕ ਸਿੱਖੇ-ਮਜ਼ਦੂਰ ਆਗੂ
ਲੁਧਿਆਣਾ: 10 ਮਾਰਚ 2016:  (ਪੰਜਾਬ ਸਕਰੀਨ ਬਿਊਰੋ):
ਸਰਕਾਰ ਲੋਕਾਂ ਦੇ ਗੁੱਸੇ ਤੋਂ ਸਬਕ ਸਿੱਖੇ; ਇਹ ਗੱਲ ਸਮੂਹ ਕੌਮੀ ਟਰੇਡ ਯੂਨੀਅਨਾਂ ਦੇ ਸੱਦੇ 'ਤੇ ਇਕੱਤਰ ਹੋਏ ਮਜ਼ਦੂਰਾਂ ਵੱਲੋਂ ਲੁਧਿਆਣਾ ਵੀ ਹਚ ਵੀ ਖੁਲ੍ਹ ਕੇ ਕਹੀ ਗਈ। ਅੱਜ ਸ਼ਹੀਦ ਕਰਤਾਰ ਸਿੰਘ ਪਾਰਕ ਭਾਈ ਬਾਲਾ ਚੌਕ 'ਤੇ ਹੋਈ ਇੱਕ ਵਿਸ਼ਾਲ ਰੈਲੀ ਨੂੰ ਸੰਬੋਧਨ ਕਰਦਿਆਂ ਮਜ਼ਦੂਰ ਆਗੂਆਂ ਨੇ ਵਿਕਾਸ ਦੇ ਦਾਅਵਿਆਂ ਦਾ ਖੋਖਲਾਪਨ ਦੱਸਦਿਆਂ ਸਾਕਾਰ ਨੂੰ ਖਰੀਆਂ ਖਰੀਆਂ ਸੁਣਾਈਆਂ। 
11 ਟਰੇਡ ਯੂਨੀਅਨਾਂ ਵੱਲੋਂ ਦਿੱਤੇ ਗਏ ਦੇਸ਼ ਵਿਆਪੀ ਸੱਦੇ 'ਤੇ ਹੋਈ ਇਸ ਵਿਸ਼ਾਲ ਰੋਸ ਰੈਲੀ ਅਤੇ ਪ੍ਰਦਰਸ਼ਨ ਵਿੱਚ ਏਟਕ, ਸੀਟੂ, ਇੰਟਕ, ਸੀ ਟੀ ਯੂ ਅਤੇ ਹੋਰ ਜਥੇਬੰਦੀਆਂ ਨਾਲ ਸੰਬੰਧਤ ਕਾਮੇ ਸ਼ਾਮਲ ਹੋਏ ਤੇ ਸ਼ਹੀਦ ਕਰਤਾਰ ਸਿੰਘ ਸਰਾਭਾ ਪਾਰਕ ਵਿੱਚ ਰੈਲੀ ਕੀਤੀ, ਜਿਸ ਦੀ ਪ੍ਰਧਾਨਗੀ ਕਾ. ਉਮ ਪ੍ਰਕਾਸ਼ ਮਹਿਤਾ-ਏਟਕ, ਕਾ. ਜਗਦੀਸ਼ ਚੰਦ-ਸੀਟੂ, ਸ. ਗੁਰਜੀਤ ਸਿੰਘ ਜਗਪਾਲ-ਇੰਟਕ ਤੇ ਸ. ਪਰਮਜੀਤ ਸਿੰਘ-ਸੀ ਟੀ ਯੂ ਨੇ ਕੀਤੀ। ਕੜਕਦੀ ਧੁੱਪ ਵਿਹ੍ਚ ਵੀ ਲੋਕ ਲਗਾਤਾਰ ਆਪਣੇ ਮਹਿਬੂਬ ਆਗੂਆਂ ਨੂੰ ਸੁਣਦੇ ਰਹੇ। 
ਇਸ ਮੌਕੇ ਬੋਲਦਿਆਂ ਕਾ. ਬੰਤ ਸਿੰਘ ਬਰਾੜ ਪ੍ਰਧਾਨ ਏਟਕ ਪੰਜਾਬ, ਕਾ. ਦੇਵ ਰਾਜ ਸੀਟੂ, ਸਵਰਣ ਸਿੰਘ ਇੰਟਕ, ਸ. ਪਰਮਜੀਤ ਸਿੰਘ ਸੀ ਟੀ ਯੂ, ਡੀ ਪੀ ਮੋੜ ਏਟਕ ਨੇ ਕਿਹਾ ਕਿ ਸਰਕਾਰ ਵੱਲੋਂ ਲਗਾਤਾਰ ਲਏ ਜਾ ਰਹੇ ਫ਼ੈਸਲੇ ਆਰਥਿਕ ਨੀਤੀਆਂ ਵਿੱਚ ਸੱਜੇ ਪੱਖੀ ਬਦਲਾਅ ਨੂੰ ਸਾਫ਼ ਦਰਸਾਂਦੇ ਹਨ। ਸਰਕਾਰ ਕੌਮਾਂਤਰੀ ਵਿੱਤੀ ਸੰਸਥਾਵਾਂ ਦੀਆਂ ਹਦਾਇਤਾਂ ਅਨੁਸਾਰ ਫ਼ੈਸਲੇ ਲੈ ਰਹੀ ਹੈ। ਵੱਧ ਰਹੀਆਂ ਕੀਮਤਾਂ ਆਮ ਆਦਮੀ ਦੀ ਜ਼ਿੰਦਗੀ ਨੂੰ ਦੁਭੱਰ ਬਣਾ ਰਹੀਆਂ ਹਨ। ਖੇਤੀ ਵਿੱਚ ਸੰਕਟ ਡੂੰਘਾ ਹੁੰਦਾ ਜਾ ਰਿਹਾ ਹੈ, ਜੋ ਕਿ ਕਿਸਾਨਾਂ ਵੱਲੋਂ ਵੱਡੀ ਗਿਣਤੀ ਵਿੱਚ ਕਰਜ਼ਈ ਹੋ ਕੇ ਆਤਮ ਹੱਤਿਆਵਾਂ ਕਰਨ ਤੋਂ ਸਾਫ਼ ਨਜ਼ਰ ਆਉਂਦਾ ਹੈ। ਇੱਕ ਰਿਪੋਰਟ ਮੁਤਾਬਕ 100 ਪਰਵਾਰਾਂ ਦੇ ਕੋਲ 22 ਲੱਖ ਕਰੋੜ ਰੁਪਏ ਦਾ ਧਨ ਹੈ, ਜਦੋਂ ਕਿ 70 ਪ੍ਰਤੀਸ਼ਤ ਅਬਾਦੀ ਹਰ ਰੋਜ਼ 16 ਰੁਪਏ 60 ਪੈਸੇ ਤੇ ਗੁਜ਼ਾਰਾ ਕਰਦੀ ਹੈ। ਮੋਦੀ ਸਰਕਾਰ ਦੌਰਾਨ ਨੌਕਰੀਆਂ ਵਿੱਚ ਕਮੀ ਆਉਣ ਦੇ ਕਾਰਨ ਬੇਰੁਜ਼ਗਾਰੀ 10 ਕਰੋੜ ਦਾ ਆਂਕੜਾ ਪਾਰ ਕਰ ਗਈ ਹੈ। ਜਦੋਂ ਇੱਕ ਪਾਸੇ ਅਮੀਰਾਂ ਦੇ ਕੋਲ ਧਨ ਲਗਾਤਾਰ ਵੱਧ ਰਿਹਾ ਹੈ, ਪਰ ਦੂਜੇ ਪਾਸੇ 30 ਪ੍ਰਤੀਸ਼ਤ ਅਬਾਦੀ ਦੋ ਵਕਤ ਦੀ ਰੋਟੀ ਵੀ ਨਹੀਂ ਖਾ ਸਕਦੀ ਤੇ ਦੇਸ਼ ਦੀ 85 ਪ੍ਰਤੀਸ਼ਤ ਅਬਾਦੀ ਸਿਹਤ ਸੇਵਾਵਾਂ, ਪੀਣ ਨੂੰ ਸਾਫ਼ ਪਾਣੀ, ਚੰਗੀ ਸਿੱਖਿਆ ਅਤੇ ਕਈ ਹੋਰ ਜ਼ਰੂਰੀ ਲੋੜਾਂ ਤੋਂ ਵਾਂਝੀ ਹੈ, ਪ੍ਰੰਤੂ ਦੇਸ਼ ਦਾ ਪ੍ਰਧਾਨ ਮੰਤਰੀ ਖੁੱਲ੍ਹੇ ਆਮ ਕਾਰਪੋਰੇਟ ਜਗਤ ਦੀ ਹਮਾਇਤ ਕਰ ਰਿਹਾ ਹੈ। ਅਸੁਰੱਖਿਆ ਵੱਧ ਰਹੀ ਹੈ। ਦੂਜੇ ਪਾਸੇ ਸਰਕਾਰ ਸਾਰੇ ਕਿੱਤੇ ਠੇਕੇਦਾਰਾਂ ਨੂੰ ਸੌਂਪ ਰਹੀ ਹੈ, ਲੇਬਰ ਵੀ ਠੇਕੇਦਾਰਾਂ ਦੇ ਰਹਿਮੋ-ਕਰਮ 'ਤੇ ਛੱਡ ਦਿੱਤੀ ਗਈ ਹੈ। ਯੂਨੀਅਨ ਬਣਾਉਣ ਦੇ ਅਧਿਕਾਰ 'ਤੇ ਸੱਟ ਮਾਰੀ ਜਾ ਰਹੀ ਹੈ ਅਤੇ ਕਾਨੂੰਨ ਵਿੱਚ ਬਦਲਾਅ ਕਰਕੇ ਯੂਨੀਅਨ ਬਣਾਉਣ ਤੋਂ ਰੋਕਣ ਦੇ ਲਈ ਮਜ਼ਦੂਰਾਂ ਨੂੰ ਡਰਾਇਆ-ਧਮਕਾਇਆ ਜਾ ਰਿਹਾ ਹੈ। ਦੇਸ਼ ਦੇ ਕੌਮੀ ਸੋਮੇ ਕੌਮਾਂਤਰੀ ਅਤੇ ਕੌਮੀ ਕਾਰਪੋਰੇਟਾਂ ਨੂੰ ਕੌਡੀਆਂ ਦੇ ਭਾਅ ਦਿੱਤੇ ਜਾ ਰਹੇ ਹਨ। ਇਸ ਕਾਰਨ ਸਰਕਾਰੀ ਖ਼ਜ਼ਾਨੇ 'ਤੇ ਦੇਸ਼ ਦੀ ਸੰਪਤੀ ਨੂੰ ਅਥਾਹ ਨੁਕਸਾਨ ਹੋ ਰਿਹਾ ਹੈ।
ਦੇਸ਼ ਭਰ ਦੇ ਕਾਮੇ ਮੰਗ ਕਰਦੇ ਹਨ ਕਿ ਵਧ ਰਹੀਆਂ ਕੀਮਤਾਂ ਨੂੰ ਨੱਥ ਪਾਈ ਜਾਵੇ, ਕਿਰਤ ਕਾਨੂੰਨਾਂ ਦੀ ਉਲੰਘਣਾ ਬੰਦ ਕੀਤੀ ਜਾਵੇ, ਸਾਰੇ ਕਾਮਿਆਂ ਦੇ ਲਈ ਡਾਕਟਰੀ ਇਲਾਜ, ਪੈਨਸ਼ਨ, ਗਰੈਚੁਟੀ, ਪ੍ਰਾਵੀਡੈਂਟ ਫ਼ੰਡ ਅਤੇ ਬੋਨਸ ਯਕੀਨੀ ਬਣਾਇਆ ਜਾਵੇ। ਕਿਰਤ ਕਾਨੂੰਨਾਂ ਵਿੱਚ ਮਜ਼ਦੂਰ ਵਿਰੋਧੀ ਸੋਧਾਂ ਬੰਦ ਕੀਤੀਆਂ ਜਾਣ। ਸਾਰੇ ਕੱਚੇ ਮੁਲਾਜ਼ਮ ਪੱਕੇ ਕੀਤੇ ਜਾਣ, ਐਨ ਆਰ ਐਚ ਐਮ ਕਾਮਿਆਂ ਨੂੰ ਵੀ ਪੱਕਾ ਕੀਤਾ ਜਾਵੇ, 1-1-2004 ਤੋਂ ਲਾਗੂ ਨਵੀਂ ਪੈਨਸ਼ਨ ਸਕੀਮ ਬੰਦ ਕਰਕੇ ਪੁਰਾਣੀ ਹੀ ਲਾਗੂ ਕੀਤੀ ਜਾਵੇ। ਸਰਕਾਰੀ ਅਦਾਰਿਆਂ ਦਾ ਨਿੱਜੀਕਰਨ ਬੰਦ ਕੀਤਾ ਜਾਏ। ਇਸ ਮੌਕੇ ਬੋਲਦਿਆਂ ਕਾ. ਚਰਨ ਸਰਾਭਾ, ਐਸ ਕੇ ਤਿਵਾੜੀ, ਗੁਰਨਾਮ ਸਿੱਧੂ, ਡਾ. ਅਰੁਣ ਮਿੱਤਰਾ, ਸਮਰ ਬਹਾਦੁਰ ਨੇ ਅੱਗੇ ਮੰਗ ਕੀਤੀ ਕਿ ਗੈਰ ਹੁਨਰਮੰਦ ਕਾਮਿਆਂ ਲਈ ਘੱਟੋ-ਘੱਟ ਉਜਰਤ 15000 ਰੁਪਏ, ਅਰਧ ਹੁਨਰਮੰਦ ਲਈ 20000 ਰੁਪਏ ਅਤੇ ਹੁਨਰਮੰਦ ਕਾਮਿਆਂ ਦੇ ਲਈ ਘੱਟੋ-ਘੱਟ ਉਜਰਤ 25000 ਰੁਪਏ ਤੈਅ ਕੀਤੀ ਜਾਏ। ਇਹ ਮੰਗ ਭਾਰਤੀ ਲੇਬਰ ਕਾਨਫ਼ਰੰਸ ਦੇ ਅਨੁਸਾਰ ਹੈ, ਜਿਸ ਦੇ ਮੁਤਾਬਕ ਗੈਰ ਹੁਨਰਮੰਦ ਮਜ਼ਦੂਰ ਨੂੰ 20000 ਰੁਪਏ ਦੇਣ ਦੀ ਗੱਲ ਕਹੀ ਗਈ ਸੀ ਤੇ ਸੁਪਰੀਮ ਕੋਰਟ ਨੇ ਇਸ ਦੇ ਵਿੱਚ 25 ਪ੍ਰਤੀਸ਼ਤ ਦਾ ਵਾਧਾ ਕਰਨ ਬਾਰੇ ਕਿਹਾ, ਪਰ ਅਸੀਂ ਤਾਂ ਕੇਵਲ 15000 ਰੁਪਏ ਦੀ ਮੰਗ ਕਰ ਰਹੇ ਹਾਂ।
ਬੁਲਾਰਿਆਂ ਨੇ ਸਰਕਾਰ ਵੱਲੋਂ ਈ ਪੀ ਐਫ਼ 'ਤੇ ਟੈਕਸ ਲਗਾਉਣ ਦੀ ਚਾਲ ਦੀ ਨਿਖੇਧੀ ਕੀਤੀ। ਉਨ੍ਹਾਂ ਕਿਹਾ ਕਿ ਦੇਸ਼ ਭਰ ਵਿੱਚ ਵਿਰੋਧ ਦੇ ਕਾਰਨ ਹੀ ਇਸ ਨੂੰ ਵਾਪਸ ਲਿਆ ਗਿਆ ਹੈ। ਇਸ ਤੋਂ ਸਰਕਾਰ ਦੀ ਮਜ਼ਦੂਰ ਵਿਰੋਧੀ ਮਨਸ਼ਾ ਤਾਂ ਸਾਫ਼ ਦਿਖਦੀ ਦਿੰਦੀ ਹੈ। ਇਸੇ ਤਰ੍ਹਾਂ ਹੀ ਬਹੁਤ ਵਿਰੋਧ ਦੇ ਬਾਅਦ ਕਿਸਾਨ ਵਿਰੋਧੀ ਜ਼ਮੀਨ ਹੜੱਪੂ ਬਿੱਲ ਵੀ ਸਰਕਾਰ ਨੂੰ ਵਾਪਸ ਲੈਣਾ ਪਿਆ।
ਇਸ ਰੈਲੀ ਵਿੱਚ ਹੋਰਨਾਂ ਤੋਂ ਇਲਾਵਾ ਸਨਅਤੀ ਮਜ਼ਦੂਰ, ਉਸਾਰੀ ਮਜ਼ਦੂਰ, ਹੌਜ਼ਰੀ ਮਜ਼ਦੂਰ, ਰੋਡਵੇਜ਼ ਕਾਮੇ, ਬੈਂਕ, ਬਿਜਲੀ, ਆਸ਼ਾ ਵਰਕਰ, ਨਗਰ ਨਿਗਮ ਦੇ ਮੁਲਾਜ਼ਮ, ਬੀ ਐਸ ਐਨ ਐਲ ਕਾਮੇ, ਪੀ ਐਸ ਐਫ਼, ਦਰਜਾ ਚਾਰ, ਪਬਲਿਕ ਹੈਲਥ ਕਾਮੇ ਅਤੇ ਕਈ ਹੋਰ ਗੈਰ ਜਥੇਬੰਦ ਖੇਤਰਾਂ ਦੇ ਨੁਮਾਇੰਦੇ ਅਤੇ ਆਗੂ ਸ਼ਾਮਲ ਹੋਏ। ਉਪਰੋਕਤ ਤੋਂ ਇਲਾਵਾ ਰੈਲੀ ਨੂੰ ਸੰਬੋਧਨ ਕਰਨ ਵਾਲਿਆਂ ਵਿੱਚ ਦਲਜੀਤ ਸ਼ਾਹੀ, ਸੁਦੇਸ਼ਵਰ ਤਿਵਾੜੀ, ਸੁਬੇਗਾ ਸਿੰਘ, ਮਨਜੀਤ ਸਿੰਘ, ਗੁਰਨਾਮ ਗਿੱਲ, ਵਿਜੈ ਕੁਮਾਰ, ਕੇਵਲ ਸਿੰਘ ਬਨਵੈਤ, ਲੱਡੂ ਸ਼ਾਹ, ਕਾਮੇਸ਼ਵਰ ਯਾਦਵ, ਰਮੇਸ਼ ਰਤਨ, ਮਨਜੀਤ ਸਿੰਘ ਰੋਡਵੇਜ਼, ਸ੍ਰੀ ਗੁਰਬਖਸ਼ ਰਾਏ, ਰਾਜਾ ਰਾਮ, ਗੁਰਦੀਪ ਸਿੰਘ ਕਲਸੀ, ਕਾ. ਘਨਸ਼ਾਮ ਸ਼ਾਮਲ ਸਨ।  ਪਾਰਕ ਵਿੱਚ ਵਿਸ਼ਾਲ ਰੋਸ ਰੈਲੀ ਮਗਰੋਂ ਇਹਨਾਂ ਸਾਰੇ ਵਰਕਰਾਂ ਨੇ ਦੇਸੀ ਦਫਤਰ ਤਕ ਰੋਸ ਮਾਰਚ ਵੀ ਕੀਤਾ। 

Sunday, November 29, 2015

ਇੰਟਕ ਵੱਲੋਂ ਨਵੇਂ ਕਿਰਤੀ ਸੰਘਰਸ਼ਾਂ ਦੀ ਤਿਆਰੀ

ਐਲਾਨ ਕਿਸੇ ਵੀ ਵੇਲੇ ਸੰਭਵ: ਲੁਧਿਆਣਾ ਮੀਟਿੰਗ 'ਚ ਲਏ ਕਈ ਅਹਿਮ ਫੈਸਲੇ  
ਲੁਧਿਆਣਾ: 28 ਨਵੰਬਰ 2015: (ਰੈਕਟਰ ਕਥੂਰੀਆ//ਪੰਜਾਬ ਸਕਰੀਨ):
ਟ੍ਰੇਡ ਯੂਨੀਅਨ ਮੀਟਿੰਗਾਂ ਹੋਣਾ ਇੱਕ ਆਮ ਗੱਲ ਹੈ ਪਰ ਇਹ ਇੱਕ ਵੱਡੀ ਖਬਰ ਸੀ। ਕੈਪਟਨ ਅਮਰਿੰਦਰ ਸਿੰਘ ਨੂੰ ਪੰਜਾਬ ਕਾਂਗਰਸ ਦਾ ਪ੍ਰਧਾਨ ਨਿਯੁਕਤ ਕੀਤੇ ਜਾਣ ਤੋਂ ਬਾਅਦ ਹੋਈਆਂ ਸਰਗਰਮੀਆਂ ਵਿੱਚ ਇੱਕ ਵੱਡੀ ਸਰਗਰਮੀ। ਕਾਂਗਰਸ ਪਾਰਟੀ ਨਾਲ ਸਬੰਧਤ ਟ੍ਰੇਡ ਯੂਨੀਅਨ ਇੰਟਕ (ਇੰਡੀਅਨ ਨੈਸ਼ਨਲ ਟ੍ਰੇਡ ਯੂਨੀਅਨ ਕਾਂਗਰਸ) ਦੀ ਸੂਬਾਈ ਮੀਟਿੰਗ ਲੁਧਿਆਣਾ ਵਿੱਚ ਕਾਮਰੇਡਾਂ ਦੇ ਸੀਪੀਆਈ ਦਫਤਰ ਵਿੱਚ ਰੱਖੀ ਗਈ। 
ਮਨਮੋਹਨ ਸਿੰਘ ਸਰਕਾਰ ਤੋਂ ਬਾਅਦ ਆਈ ਮੋਦੀ ਸਰਕਾਰ ਦੌਰਾਨ ਜਾਰੀ ਕਿਰਤ ਕਾਨੂੰਨਾਂ ਦੀਆਂ ਸੋਧਾਂ ਅਤੇ ਨਵੀਆਂ ਸਖਤੀਆਂ ਲਗਾਤਾਰ ਕਿਰਤੀ ਜਮਾਤ ਦੇ ਹੱਕਾਂ ਉੱਪਰ ਛਾਪੇ ਵਾਂਗ ਸਾਹਮਣੇ ਆ ਰਹੀਆਂ ਹਨ। ਇਹੀ ਕਾਰਨ ਹੈ ਕਿ ਕੁਝ ਮਹੀਨੇ ਪਹਿਲਾਂ ਜਦੋਂ ਦੇਸ਼ ਵਿਆਪੀ ਹੜਤਾਲ ਦਾ ਐਲਾਨ ਹੋਇਆ ਤਾਂ ਇਸਦਾ ਸੱਦਾ ਦੇਣ ਵਾਲੀਆਂ ਤਕਰੀਬਨ 12 ਪ੍ਰਮੁਖ ਟ੍ਰੇਡ ਯੂਨੀਅਨਾਂ ਵਿੱਚ ਭਾਰਤੀ ਜਨਤਾ ਪਾਰਟੀ ਨਾਲ ਸਬੰਧਤ ਭਾਰਤੀ ਮਜਦੂਰ ਸੰਘ ਵੀ ਸ਼ਾਮਲ ਸੀ। ਇਹ ਗੱਲ ਵੱਖਰੀ ਹੈ ਕਿ ਐਨ ਮੌਕੇ ਤੇ ਆ ਕੇ ਬੀ ਐਮ ਐਸ ਨੇ ਇਸ ਹੜਤਾਲ ਤੋਂ ਕਿਨਾਰਾ ਕਰ ਲਿਆ ਸੀ। ਇਸ ਸਾਰੇ ਵਰਤਾਰੇ ਨਾਲ ਦੋ ਗੱਲਾਂ ਉਭਰ ਕੇ ਸਾਹਮਣੇ ਆਈਆਂ ਸਨ ਕਿ ਮਜ਼ਦੂਰਾਂ ਦੇ ਹੱਕਾਂ ਤੇ ਵਧ ਰਹੇ ਸਰਕਾਰੀ ਦਬਾਅ ਦੇ ਸਿੱਟੇ ਵੱਜੋਂ ਕੱਸੇ ਹ ਰਹੇ ਪੂੰਜੀਪਤੀ ਸ਼ਿਕੰਜੇ ਕਰਨ ਟ੍ਰੇਡ ਯੂਨੀਅਨ ਵਰਗ ਜਾਂ ਤੇ ਸੰਘਰਸ਼ ਦੇ ਰਸਤੇ ਪਵੇਗਾ ਅਤੇ ਜਾਂ ਫਿਰ ਨਮੋਸ਼ੀ ਦਾ ਮਾਰਿਆ ਮਜਦੂਰਾਂ ਤੋਂ ਅੱਖਾਂ ਚੁਰਾ ਲਵੇਗਾ। ਸੰਘਰਸ਼ਾਂ ਦੇ ਮਾਮਲੇ ਵਿੱਚ ਖੱਬੀਆਂ ਟ੍ਰੇਡ ਯੂਨੀਅਨਾਂ ਹੀ ਨਿੱਤਰ ਕੇ ਸਾਹਮਣੇ ਆਈਆਂ।  ਬਾਕੀ ਕਿਸੇ ਨ ਕਿਸੇ ਕਾਰਣ ਦੁਚਿੱਤੀ ਵਿੱਚ ਘਿਰੀਆਂ ਰਹਿ ਗਈਆਂ। ਉਹਨਾਂ ਸੰਘਰਸ਼ ਤੋਂ ਭਗੋੜੇ ਹੋਣ ਵਾਲਿਆਂ ਵਿੱਚ ਆਪਣਾ ਨਾਮ ਲਿਖਵਾ ਲਿਆ। ਇਸ ਸਾਰੇ ਨਾਜ਼ੁਕ ਹਾਲਾਤ ਵਿੱਚ ਇੰਟਕ ਦੀ 28 ਨਵੰਬਰ ਵਾਲੀ ਲੁਧਿਆਣਾ ਮੀਟਿੰਗ ਇਸ ਦੁਚਿੱਤੀ ਚੋਂ  ਬਾਹਰ ਨਿਕਲ ਕੇ ਸੰਘਰਸ਼ਾਂ ਦਾ ਬਿਗਲ ਵਜਾਉਣ ਵਾਲੀ ਮੀਟਿੰਗ ਲੱਗਦੀ ਸੀ। ਦੁਚਿੱਤੀ ਚੋਂ  ਬਾਹਰ ਨਿਕਲ ਕੇ ਇੱਕ ਪਾਸੇ ਹੋਣ ਦਾ ਐਲਾਨ।  ਮਜਦੂਰ ਹੱਕਾਂ ਦੇ ਕੁਰੂਕਸ਼ੇਤਰ ਵਿੱਚ ਜਾਬਰਾਂ ਅਤੇ ਲੁਟੇਰਿਆਂ ਦੇ ਖਿਲਾਫ਼ ਕਿਰਤੀ ਜਮਾਤ ਦੇ ਹੱਕ  ਵਿੱਚ ਖੜੇ ਹੋਣ ਦਾ ਐਲਾਨ। 
ਇੰਟਕ ਦੇ ਸੂਬਾਈ ਪ੍ਰਧਾਨ ਡਾਕਟਰ ਸੁਭਾਸ਼ ਸ਼ਰਮਾ ਅਤੇ ਕਾਮਰੇਡ ਸਵਰਨ ਸਿੰਘ ਦੇ ਨਾਲ ਨਾਲ ਕੁਰਬਾਨੀਆਂ ਅਤੇ ਸੰਘਰਸ਼ਾਂ ਦੇ ਇਤਿਹਾਸ ਵਾਲੇ ਪਰਿਵਾਰ ਵੀ ਇਸ ਮੀਟਿੰਗ ਵਿੱਚ ਸ਼ਾਮਲ ਸਨ।  ਇੱਕ ਇੱਕ ਨੁਕਤਾ ਵਿਚਾਰਿਆ ਜਾ ਰਿਹਾ ਸੀ। ਇੱਕ ਇੱਕ ਮੁੱਦੇ 'ਤੇ ਗੱਲ ਹੋ ਰਹੀ ਸੀ। ਵਿਚਾਰਧਾਰਕ ਵਿਰੋਧ ਅਤੇ ਸੰਸੇ ਬੜੇ ਹੀ ਪਿਆਰ ਭਰੇ ਸੰਤੁਲਿਤ ਅੰਦਾਜ਼ ਵਿੱਚ ਸਾਹਮਣੇ ਆ ਰਹੇ ਸਨ। ਹਰ ਭਰਮ ਭੁਲੇਖਾ ਦੂਰ ਕੀਤਾ ਜਾ ਰਿਹਾ ਸੀ।

ਇੰਟਕ ਦੇ ਸੂਬਾਈ ਜਨਰਲ ਸਕੱਤਰ ਕਾਮਰੇਡ ਸਵਰਨ ਸਿੰਘ ਨੇ ਪੰਜਾਬ ਸਕਰੀਨ ਨਾਲ ਗੈਰ  ਗੱਲਬਾਤ ਦੌਰਾਨ ਕਿਹਾ ਕਿ ਸਾਡੇ ਦਰਮਿਆਨ ਕੋਈ ਗੁੱਟਬੰਦੀ ਨਹੀਂ। ਮਜਦੂਰ ਜਮਾਤ ਦਾ ਹਿੱਤ ਸਾਡੇ ਲਈ ਹਮੇਸ਼ਾਂ ਸਭ ਤੋਂ ਪਹਿਲਾਂ ਰਿਹਾ ਹੈ ਅਤੇ ਭਵਿੱਖ ਵਿੱਚ ਵੀ ਰਹੇਗਾ। ਕਿਰਤੀ ਕਾਨੂੰਨਾਂ ਦੇ ਦਮਨ ਨੂੰ ਅਸੀਂ ਪਹਿਲਾਂ ਕਦੇ ਸਹਿਣ ਕੀਤਾ ਅਤੇ  ਨਾ ਹੀ ਹੁਣ ਸਹਿਣ ਕਰਾਂਗੇ।
ਟ੍ਰੇਡ ਯੂਨੀਅਨ  ਵਿਰਾਸਤ ਵਾਲੇ ਸਰਬਜੀਤ ਸਿੰਘ ਸਰਹਾਲੀ ਨੇ ਪੰਜਾਬ ਸਕਰੀਨ ਕਰਦਿਆਂ ਕਿ ਅਸੀਂ ਮਜ਼ਦੂਰ  ਸਾਜ਼ਿਸ਼ਾਂ ਨੂੰ ਕਾਮਯਾਬ ਨਹੀਂ ਦਿਆਂਗੇ। ਇੰਟਕ ਨੇ ਪਹਿਲਾਂ  ਜੱਦੋਜਹਿਦਾਂ ਕੀਤੀਆਂ  ਭਵਿੱਖ  ਇਤਿਹਾਸ ਰਚੇ ਜਾਣਗੇ। ਚੇਤੇ ਰਹੇ ਕਿ ਸਰਬਜੀਤ ਸਰਹਾਲੀ ਦੇ ਪਿਤਾ ਸਵਰਗੀ ਜੋਗਿੰਦਰ ਸਿੰਘ ਸਰਹਾਲੀ ਮਜ਼ਦੂਰਾਂ ਦੇ ਹਿਤ ਦੀ ਗੱਲ ਕਰਦਿਆਂ ਆਪਣੇ ਦੋਸਤ ਫੈਕਟਰੀ ਮਾਲਕਾਂ ਜਾਂ ਪਾਰਟੀ ਨਾਲ ਸਬੰਧਤ ਆਗੂਆਂ ਦਾ ਵੀ ਲਿਹਾਜ਼ ਨਹੀਂ ਸਨ ਕਰਿਆ ਕਰਦੇ। ਉਹ ਆਪਣੇ ਆਖਿਰੀ ਸਾਹਾਂ ਤੀਕ ਇੰਟਕ ਦੇ ਸਰਗਰਮ ਯੋਧੇ ਵੱਜੋਂ ਸਰਗਰਮ ਰਹੇ।  
ਬਹੁਤ ਸਾਰੇ ਵਰਕਰਾਂ ਅਤੇ ਆਗੂਆਂ ਨੇ ਨੋਟ ਬੁੱਕਾਂ ਫੜੀਆਂ ਹੋਇਆ ਸਨ। ਇੱਕ ਇੱਕ ਨੁਕਤੇ ਅਤੇ ਮੁੱਦੇ ਤੇ ਹੋਈ ਚਰਚਾ ਸੰਭਾਲੀ ਜਾ ਰਹੀ ਸੀ। ਨਾਮ ਪਤੇ ਅਤੇ ਵਿਚਾਰ ਨੋਟ ਕੀਤੇ ਜਾ ਰਹੇ ਸਨ। ਸਿਰਫ ਕੈਮਰੇ ਦੀ ਲਿਸ਼ਕੋਰ ਹੀ ਉਹਨਾਂ ਦਾ ਧਿਆਨ ਭੰਗ ਕਰਦੀ ਸੀ। ਕਰੀਬ 11 ਵਜੇ ਸਵੇਰੇ ਸ਼ੁਰੂ ਹੋਈ ਮੀਟਿੰਗ ਡੇੜ ਵਜੇ ਤੱਕ ਚੱਲਣੀ ਸੀ ਪਰ ਬਾਅਦ ਦੁਪਹਿਰ ਤਿੰਨ ਵਜੇ ਤਕ ਵੀ ਜਾਰੀ ਸੀ। ਦਫਤਰ ਵਿੱਚ ਤਿਆਰ ਕਰਾਏ ਗਏ ਲੋਕ ਲੰਗਰ ਦੀਆਂ ਮਹਿਕਾਂ ਦੇ ਬਾਵਜੂਦ ਕਿਸੇ ਨੂੰ ਭੁੱਖ ਨੇ ਪਰੇਸ਼ਾਨ ਨਹੀਂ ਸੀ ਕੀਤਾ।  ਕਿਸੇ ਨੂੰ ਪਿਆਸ ਨਹੀਂ ਸੀ ਲੱਗੀ। ਨਸ ਇੱਕੋ ਇੱਕ ਚਿੰਤਨ ਮਨਨ ਕਿ ਕਿਵੇਂ ਕਰਨੀ ਹੈ ਕਿਰਤੀ ਜਮਾਤ ਦੀ ਰਾਖੀ। ਸਰਕਾਰ ਦੇ ਚੰਗੇ ਕਦਮਾਂ ਦੀ ਵੀ ਚਰਚਾ ਹੋਈ ਅਤੇ "ਖਤਰਨਾਕ ਇਰਾਦਿਆਂ" ਦੀ ਵੀ। ਮੀਟਿੰਗ ਵਿੱਚ ਵੱਖ ਸਹਿਰਾਂ ਤੋਂ ਆਏ ਬਹੁਤ ਸਾਰੇ ਬੁਲਾਰੇ ਬੋਲੇ ਸਾਰਿਆਂ ਨੂੰ ਸਾਰਿਆਂ ਨੇ ਬੜੇ ਧਿਆਨ ਨਾਲ ਸੁਣਿਆ। ਨਵੀਂ ਪੀੜ੍ਹੀ ਦੇ ਬੁਲਾਰੇ ਵੀ ਕਈ ਸਨ ਜਿਹਨਾਂ ਨੂੰ ਬਜ਼ੁਰਗਾਂ  ਨੇ ਮੌਕੇ ਤੇ ਹੀ ਹੱਲਾਸ਼ੇਰੀ ਦੇ ਕੇ ਉਹਨਾਂ ਦੇ ਵਿਚਾਰਾਂ ਨਾਲ ਸਹਿਮਤੀ ਪ੍ਰਗਟਾਈ। ਸੰਤੁਲਿਤ ਅਤੇ ਵਿਚਾਰਧਾਰਕ ਵਿਰੋਧ ਖੁਦ ਕਾਂਗਰਸ ਪਾਰਟੀ ਦੇ ਲੀਡਰਾਂ ਦਾ ਵੀ ਹੋਇਆ। ਸਾਬਕਾ ਕੇਂਦਰੀ ਮੰਤਰੀ ਬੂਟਾ ਸਿੰਘ ਦੀਆਂ ਸੇਵਾਵਾਂ ਨੂੰ ਵੀ ਯਾਦ ਕੀਤਾ ਗਿਆ ਅਤੇ ਮੌਜੂਦਾ ਆਗੂਆਂ ਦੇ ਰੋਲ ਦੀ ਵੀ ਚਰਚਾ ਹੋਈ। ਅੰਦਰਲੀ ਗੁੱਟਬੰਦੀ ਨੂੰ ਖਤਮ ਕਰਨ ਲਈ ਬਾਰ ਬਾਰ ਜੋਰ ਦਿੱਤਾ ਗਿਆ। ਕੁਲ ਮਿਲਾ ਕੇ ਇਹ ਇੱਕ ਨਵੇਂ ਸੰਘਰਸ਼ਸ਼ੀਲ ਯੁਗ ਦੀ ਸ਼ੁਰੂਆਤ ਦਾ ਐਲਾਨ ਸੀ।  ਲੱਗਦਾ ਸੀ ਸ਼ਾਇਰ ਦੁਸ਼ਿਅੰਤ ਦੀਆਂ ਸਤਰਾਂ ਇੱਕ ਵਾਰ ਫੇਰ ਖੁਦ ਨੂੰ ਦੁਹਰਾ ਰਹੀਆਂ ਸਨ। 
ਮੇਰੇ ਸੀਨੇ ਮੇਂ ਨਹੀਂ ਤੋ ਤੇਰੇ ਸੀਨੇ ਮੇੰ ਸਹੀ 
ਹੋ ਕਹੀਂ ਭੀ ਆਗ ਲੇਕਿਨ ਆਗ ਜਲਨੀ ਚਾਹੀਏ। 
ਸਿਰਫ ਹੰਗਾਮਾ ਖੜਾ ਕਰਨਾ ਮੇਰਾ ਮਕਸਦ ਨਹੀਂ,
ਮੇਰਾ ਮਕਸਦ ਤੋ ਹੈ ਯੇਹ ਸੂਰਤ ਬਦਲਨੀ ਚਾਹੀਏ। 
ਇਸ ਮੌਕੇ ਵਿਕਾਸ ਜੇਟਲੀ -ਰੇਲਵੇ (ਜਲੰਧਰ), ਮੰਗਤ ਖਾਨ ਪ੍ਰਧਾਨ-ਪੰਜਾਬ ਰੋਡਵੇਜ਼ (ਚੰਡੀਗੜ੍ਹ), ਆਰ ਕੇ ਪਰਮਾਰ (ਨੰਗਲ), ਸੁਖਦੇਵ ਸਿੰਘ (ਰੋਪੜ), ਸੁਰਿੰਦਰ ਸ਼ਰਮਾ (ਅੰਮ੍ਰਿਤਸਰ), ਪ੍ਰੀਤਮ ਬਰਾੜ (ਬਠਿੰਡਾ), ਗੋਬਿੰਦ ਸਿੰਘ ਦਾਬੜਾ (ਸ੍ਰੀ ਮੁਕਤਸਰ ਸਾਹਿਬ),  ਸੋਹਣ ਲਾਲ ਬਾਵਾ (ਜਲੰਧਰ), ਸੁਖਦੇਵ ਸਿੰਘ (ਫਿਰੋਜਪੁਰ), ਧਰਮਿੰਦਰ ਸਿੰਘ ਪ੍ਰਧਾਨ (ਪਟਿਆਲਾ), ਕਰਮਚੰਦ ਚੰਡਾਲੀਆ  (ਮੀਤ ਪ੍ਰਧਾਨ), ਬਲਬੀਰ ਸਿੰਘ ਸੰਧੂ (ਜਨਰਲ ਸਕੱਤਰ), ਸਵਰਨ ਸਿੰਘ (ਜਨਰਲ ਸਕੱਤਰ), ਦਵਿੰਦਰ ਸਿੰਘ ਜੋੜਾ (ਜਨਰਲ ਸਕੱਤਰ), ਮੰਗਤ ਖਾਂ (ਕੈਸ਼ੀਅਰ), ਵਜੇ ਧੀਰ ਪ੍ਰਧਾਨ (ਮੋਗਾ), ਸੰਗ੍ਰਾਮ ਸਿੰਘ (PWD), ਬਲਦੇਵ ਰਾਜ ਬੱਤਾ ਪ੍ਰਧਾਨ (PRTC) ਸਮੇਤ ਬਹੁਤ ਸਾਰੇ ਹੋਰ ਇੰਟਕ ਵਰਕਰ ਅਤੇ ਆਗੂ ਵੀ ਮੌਜੂਦ ਸਨ।