Showing posts with label Kanhaiya Kumar. Show all posts
Showing posts with label Kanhaiya Kumar. Show all posts

Thursday, August 02, 2018

ਕਨ੍ਹਈਆ ਕੁਮਾਰ ਵਲੋਂ ਵਿਦਿਆਰਥੀਆਂ ਅਤੇ ਨੌਜਵਾਨਾਂ ਨੂੰ ਅੱਗੇ ਆਉਣ ਦਾ ਸੱਦਾ

Thu, Aug 2, 2018 at 3:56 PM
ਲੋਕਤੰਤਰ, ਸੰਵਿਧਾਨ ਅਤੇ  ਧਰਮ ਨਿਰਪੱਖਤਾ ਦੀ ਰਾਖੀ ਲਈ ਅੱਗੇ ਆਉਣ  
ਲੁਧਿਆਣਾ: 2 ਅਗਸਤ 2018:(ਪੰਜਾਬ ਸਕਰੀਨ ਬਿਊਰੋ)::
ਕੱਨ੍ਹਈਆ ਕੁਮਾਰ ਅੱਜ ਲੁਧਿਆਣਾ ਵਿੱਚ ਸੀ। ਇੱਕ ਵੱਡੇ ਸਮਾਗਮ ਵਿੱਚ ਸ਼ਾਮਲ ਹੋਣ ਲਈ। ਇਸ ਸਮਾਗਮ ਵਿੱਚ ਸ਼ਾਮਲ ਹੋਣ ਤੋਂ ਪਹਿਲਾਂ ਕੱਨ੍ਹਈਆ ਕੁਮਾਰ ਨੇ ਆਲ ਇੰਡੀਆ ਸਟੂਡੈਂਟਸ ਫੈਡਰੇਸ਼ਨ ਦੇ ਆਗੂਆਂ ਅਤੇ ਕਾਰਕੁੰਨਾਂ ਨਾਲ ਮੁਲਾਕਾਤ ਕੀਤੀ। ਇਸ ਮੁਲਾਕਾਤ ਦੌਰਾਨ ਕੱਨ੍ਹਈਆ ਕੁਮਾਰ ਨੇ ਜਿੱਥੇ ਨੌਜਵਾਨਾਂ ਅਤੇ ਵਿਦਿਆਰਥੀਆਂ ਵੱਲੋਂ ਪੁਛੇ ਸੁਆਲਾਂ ਦੇ ਜੁਆਬ ਦਿੱਤੇ  ਉੱਥੇ ਉਹਨਾਂ ਨੂੰ ਦੇਸ਼ ਦੀ ਮੌਜੂਦਾ ਸਥਿਤੀ ਵਿੱਚ ਪੈਦਾ ਹੋਏ ਭੰਬਲਭੂਸੇ ਚੋਣ ਬਾਹਰ ਨਿਕਲਣ ਦੇ ਗੁਰ ਵੀ ਦੱਸੇ। ਫਿਰਕੂ ਪਾਰਟੀਆਂ ਦੇ ਅਤੀਤ ਅਤੇ ਸਮੇਂ ਸਮੇਂ ਬਦਲਦੇ ਉਹਨਾਂ ਦੇ ਰੰਗਾਂ ਦੀ ਵੀ ਗੱਲ ਕੀਤੀ। ਉਹਨਾਂ ਪ੍ਰਧਾਨ ਮੰਤਰੀ ਮੋਦੀ ਅਤੇ ਸੂਬਾ ਸਰਕਾਰ ਬਾਰੇ ਪੁਛੇ ਗਏ ਸੁਆਲਾਂ ਦੇ ਜੁਆਬ ਵੀ ਦਿੱਤੇ। 
ਅੱਜ ਇੱਥੇ ਲੁਧਿਆਣਾ ਫ਼ੇਰੀ ਦੌਰਾਨ ਕੱਨ੍ਹਈਆ ਕੁਮਾਰ ਨੇ ਏ ਆਏ ਐਸ ਐਫ਼  ਦੇ ਅਹੁਦੇਦਾਰਾਂ ਅਤੇ ਸਰਗਰਮ ਮੈਂਬਰਾਂ ਨੂੰ ਸੰਬੋਧਨ ਕਰਦਿਆਂ ਵਿਦਿਆਰਥੀਆਂ ਅਤੇ ਨੌਜਵਾਨਾਂ ਨੂੰ ਲੋਕਤੰਤਰ, ਸੰਵਿਧਾਨ ਅਤੇ ਧਰਮ ਨਿਰਪੱਖਤਾ ਦੀ ਰਾਖੀ ਲਈ ਅੱਗੇ ਆਉਣ ਦਾ ਸੱਦਾ ਦਿੱਤਾ। ਉਹਨਾਂ ਨੇ ਮੋਦੀ ਸਰਕਾਰ ਦੇ ਪਿਛਲੇ ਚਾਰ ਸਾਲ ਦੇ ਕਾਰਜਕਾਲ ਦੌਰਾਨ ਵਿੱਦਿਆ ਅਤੇ ਰੁਜ਼ਗਾਰ ਦੀ ਬਦਹਾਲੀ ਦੀ ਵਿਆਖਿਆ ਕਰਦਿਆਂ ਕਿਹਾ ਕਿ ਨਰਿੰਦਰ ਮੋਦੀ ਨੇ ਹਰ ਸਾਲ 2 ਕਰੋੜ ਨੌਕਰੀਆਂ ਦੇਣ ਦਾ ਵਾਅਦਾ ਕੀਤਾ ਸੀ ਪਰ ਇਹ ਤਾਂ ਹੁਣ ਜੁਮਲਾ ਸਾਬਤ ਹੋ ਚੁੱਕਿਆ ਹੈ। ਵਿੱਦਿਆ ਸਧਾਰਣ ਪਰਿਵਾਰਾਂ ਦੇ ਬੱਚਿਆਂ ਦੀ ਪਹੁੰਚ ਤੋਂ ਬਾਹਰ ਹੋ ਗਈ ਹੈ। ਇਹ ਸਰਕਾਰ ਨਹੀਂ ਚਾਹੁੰਦੀ ਕਿ ਗਰੀਬ ਪਰਿਵਾਰਾਂ ਦੇ ਬੱਚੇ ਪੜ੍ਹਨ; ਇੱਸੇ ਕਰਕੇ ਗਰੀਬ ਵਿਦਿਆਰਥੀਆਂ ਨੂੰ ਵਜ਼ੀਫ਼ੇ ਖਤਮ ਕੀਤੇ ਜਾ ਰਹੇ ਹਨ, ਯੂਨੀਵਰਸਿਟੀ ਗ੍ਰਾਂਟਸ ਕਮੀਸ਼ਨ ਨੂੰ ਨਾਕਾਰਾ ਕਰ ਦਿੱਤਾ ਗਿਆ ਹੈ ਤੇ ਹਰ ਵਿਦਿੱਅਕ ਅਦਾਰੇ ਵਿੱਚ ਆਰ ਐਸ ਐਸ ਦੀ ਵਿਚਾਰਧਾਰਾ ਵਾਲੇ ਲੋਕਾਂ ਨੂੰ ਊੱਚ ਅਹੁਦਿਆਂ ਤੇ ਥਾਪ ਦਿੱਤਾ ਗਿਆ ਹੈ। ਹਰਪ ਪਾਸੇ ਅਸਫ਼ਲ ਹੋਣ ਤੋਂ ਲੋਕਾਂ ਵਿੰਚ ਕੱਟੇ ਜਾਣ ਦੇ ਬਾਅਦ ਇਹ ਹੁਣ ਫਿਰਕੂ ਲੀਹਾਂ ਤੇ ਸਮਾਜ ਨੂੰ ਵੰਡਣ ਲੱਗੇ ਹਨ ਅਤੇ ਗਊ ਹੱਤਿਆ ਦੇ ਨਾਮ ਥੱਲੇ ਭੀੜਾਂ ਵਲੋਂ ਇਨਸਾਨਾ ਦੀ ਹੱਤਿਆਵਾਂ ਦਾ ਮਾਹੌਲ ਬਣਾ ਰਹੇ ਹਨ ਅਤੇ ਹੱਤਿਅਰਿਆਂ ਨੂੰ ਸ਼ਹਿ ਦੇ ਰਹੇ ਹਨ। ਸੰਵਿਧਾਨ ਦੀਆਂ ਇਹਨਾਂ ਵਲੋਂ ਧੱਜੀਆਂ ਉਡਾਈਆਂ ਜਾ ਰਹੀਆਂ ਹਨ। ਕੱਨ੍ਹਈਆ ਕੁਮਾਰ ਅੱਜ ਇੱਥੇ ਇਨੀਏਸ਼ਟਰਜ਼ ਆਫ਼ ਚੇਂਜ ਨਾਮ ਦੀ ਸੰਸਥਾ ਵਲੋਂ ਕਰਵਾਏ ਜਾ ਰਹੇ ਸਮਾਗਮ ਵਿੱਚ ਬੁਲਾਰੇ ਤੌਰ ਤੇ  ਆਏ ਹੋਏ ਹਨ।     

Saturday, July 15, 2017

"ਬਨੇਗਾ" ਦੀ ਪ੍ਰਾਪਤੀ ਲਈ ਕੰਨਿਆਕੁਮਾਰੀ ਤੋਂ ਲੌਂਗ ਮਾਰਚ ਸ਼ੁਰੂ

60 ਦਿਨਾਂ ਦਾ ਸਫਰ ਕਰਕੇ 12 ਸਤੰਬਰ ਨੂੰ ਪੁੱਜੇਗਾ ਹੁਸੈਨੀਵਾਲਾ 
ਗਾਂਧੀ ਬੀਚ (ਕੇਰਲ): 15 ਜੁਲਾਈ 2017: (ਪੰਜਾਬ ਸਕਰੀਨ ਬਿਊਰੋ)::
ਲਾਲ ਝੰਡੇ ਨੂੰ ਪਰਣਾਈ ਨੌਜਵਾਨੀ ਦਾ ਤੂਫ਼ਾਨ ਕੰਨਿਆਕੁਮਾਰੀ ਤੋਂ ਸ਼ੁਰੂ ਹੋ ਗਿਆ ਹੈ ਅਤੇ ਤੇਜ਼ੀ ਨਾਲ ਹੁਸੈਨੀਵਾਲਾ ਵੱਲ ਵੱਧ ਰਿਹਾ ਹੈ। ਨੌਜਵਾਨੀ ਦੇ ਇਸ ਉਭਾਰ ਨਾਲ ਉਮੀਦ ਬਣੀ ਹੈ ਕਿ ਦੇਸ਼ ਨੂੰ ਤੋੜਨ ਦੇ ਮਨਸੂਬਿਆਂ ਵਿੱਚ ਲੱਗੀਆਂ ਲੋਕ ਵਿਰੋਧੀ ਸ਼ਕਤੀਆਂ ਇੱਕ ਵਾਰ ਫੇਰ ਮੂੰਹ ਦੀ ਖਾਣਗੀਆਂ।  ਸਰਬ ਭਾਰਤ ਨੌਜਵਾਨ ਸਭਾ ਅਤੇ ਆਲ ਇੰਡੀਆ ਸਟੂਡੈਂਟਸ ਫੈਡਰੇਸ਼ਨ ਵੱਲੋਂ ਕੰਨਿਆਕੁਮਾਰੀ ਤੋਂ ਹੁਸੈਨੀਵਾਲਾ ਤੱਕ ਹਰ ਇੱਕ ਲਈ ਰੁਜ਼ਗਾਰ ਦੀ ਗਰੰਟੀ ਕਰਦੇ 'ਭਗਤ ਸਿੰਘ ਕੌਮੀ ਰੁਜ਼ਗਾਰ ਗਰੰਟੀ ਐਕਟ' (ਬਨੇਗਾ) ਦੀ ਪ੍ਰਾਪਤੀ ਲਈ ਨੌਜਵਾਨਾਂ ਵਿੱਚ ਲਾਮਬੰਦੀ ਲਈ ਕੀਤੇ ਜਾ ਰਹੇ 'ਲੌਂਗ ਮਾਰਚ' ਦੀ ਅੱਜ ਕੰਨਿਆਕੁਮਾਰੀ (ਗਾਂਧੀ ਬੀਚ) ਤੋਂ ਸ਼ੁਰੂਆਤ ਕੀਤੀ ਗਈ, ਜਿਸ ਦਾ ਉਦਘਾਟਨ ਕਾਮਰੇਡ ਸੁਧਾਕਰ ਰੈਡੀ ਨੇ ਜਥੇਬੰਦੀ ਦੇ ਝੰਡਿਆਂ ਦੀ ਸਲਾਮੀ ਨਾਲ ਕੀਤਾ। 
ਹਮ ਲੇ ਕੇ ਰਹੇਂਗੇ ਆਜ਼ਾਦੀ ਦੇ ਹਰਮਨ ਪਿਆਰੇ ਗੀਤ ਦੀ ਗੂੰਜ ਹਰ ਪਾਸੇ ਗੂੰਜ ਰਹੀ ਸੀ। ਦੇਸ਼ ਦੀ ਲੁੱਟ ਖਸੁੱਟ ਕਰਨ ਵਾਲੇ ਅਨਸਰਾਂ ਨੂੰ ਖੁਲ੍ਹੀ ਚੁਣੌਤੀ ਬਣ ਕੇ ਉਭਰਿਆ ਇਹ ਲੌਂਗ ਮਾਰਚ। ਫਿਰਕਾਪ੍ਰਸਤਾਂ ਲਈ  ਚੇਤਾਵਨੀ ਬਣ ਕੇ ਸਾਹਮਣੇ ਆਇਆ ਹੈ ਇਹ ਲੌਂਗ ਮਾਰਚ। 
ਇਸ ਸਮੇਂ ਵਿਦਿਆਰਥੀਆਂ ਤੇ ਨੌਜਵਾਨ ਜਥੇਬੰਦੀਆਂ ਦੇ ਰਾਸ਼ਟਰੀ ਇੰਚਾਰਜ ਕਾਮਰੇਡ ਬਨੋਏ ਵਿਸ਼ਵਮ ਨੇ ਸੰਬੋਧਨ ਕਰਦਿਆਂ ਕਿਹਾ ਕਿ ਨੌਜਵਾਨ ਦੇਸ਼ ਦੀ ਤਰੱਕੀ ਦਾ ਅਧਾਰ ਹਨ, ਜਿਸ ਦੇਸ਼ ਦੇ ਨੌਜਵਾਨ ਬੇਰੁਜ਼ਗਾਰ ਹਨ, ਉਹ ਦੇਸ਼ ਤਰੱਕੀ ਕਿਵੇਂ ਕਰ ਸਕਦਾ ਹੈ। ਉਹਨਾ ਨੌਜਵਾਨਾਂ/ ਵਿਦਿਆਰਥੀਆਂ ਨੂੰ ਵਧਾਈ ਦਿੱਤੀ ਤੇ ਕਿਹਾ ਕਿ ਉਹ ਦੇਸ਼ ਦਾ ਨਿਜ਼ਾਮ ਬਦਲਣ ਵਿੱਚ ਮੋਹਰੀ ਭੂਮਿਕਾ ਨਿਭਾਉਣਗੇ। ਇਸ ਸਮੇਂ ਕੇਰਲਾ ਦੇ ਮੰਤਰੀ ਅਤੇ ਵਫਟੂ ਦੇ ਸਾਬਕਾ ਆਗੂ ਨੇ ਸੰਬੋਧਨ ਕਰਦਿਆਂ ਕਿਹਾ ਕਿ ਦੇਸ਼ ਨੂੰ ਇਕ ਇਨਕਲਾਬ ਦੀ ਲੋੜ ਹੈ ਤੇ ਉਹ ਇਨਕਲਾਬ ਨੌਜਵਾਨਾਂ ਤੋਂ ਬਿਨਾਂ ਕੋਈ ਨਹੀਂ ਕਰ ਸਕਦਾ। ਦੇਸ਼ ਦੀ  ਵਿੱਚ ਘਰ ਕਰ ਚੁੱਕੀ ਨਿਰਾਸ਼ਾ ਦੇ ਹਨੇਰੇ ਨੂੰ ਇਸ ਲੌਂਗ ਮਾਰਚ ਨੇ ਸੂਰਜ ਦੀਆਂ ਕਿਰਨਾਂ ਵਾਂਗ ਚੀਰ ਸੁੱਟਿਆ। ਭਾਣਾ ਮੰਨਣ ਵਾਲੀ ਮਾਨਸਿਕਤਾ ਨੂੰ ਨਵੇਂ ਉਤਸ਼ਾਹ ਨਾਲ ਭਰਦੀਆਂ ਇਸ ਲੌਂਗ ਮਾਰਚ ਨੇ ਯਕੀਨ ਦੁਆਇਆ ਕਿ ਇਸ ਗਲੇ ਸਾਡੇ ਨਿਜ਼ਾਮ ਨੂੰ ਆਪਾਂ ਹੁਣ ਬਦਲ ਕੇ ਰਹਿਣਾ ਹੈ। 
ਇਸ ਮਾਰਚ ਨੂੰ ਜੇ ਐੱਨ ਯੂ ਵਿਦਿਆਰਥੀ ਯੂਨੀਅਨ ਦੇ ਸਾਬਕਾ ਪ੍ਰਧਾਨ ਤੇ ਏ ਆਈ ਐੱਸ ਐੱਫ ਦੇ ਆਗੂ ਕਨ੍ਹਈਆ ਕੁਮਾਰ ਨੇ ਸੰਬੋਧਨ ਕਰਦਿਆਂ ਕਿਹਾ ਕਿ ਦੇਸ਼ ਵਿੱਚ ਸਿਰਫ ਇਕ ਹੀ ਬਹੁ-ਗਿਣਤੀ ਹੈ ਤੇ ਉਹ ਬਹੁ-ਗਿਣਤੀ ਕਰੋੜਾਂ ਬੇਰੁਜ਼ਗਾਰ ਨੌਜਵਾਨਾਂ ਦੀ ਹੈ। ਉਹ ਕਰੋੜਾਂ ਬੇਰੁਜ਼ਗਾਰ ਨੌਜਾਵਾਨ 'ਭਗਤ ਸਿੰਘ ਕੌਮੀ ਰੁਜ਼ਗਾਰ ਗਰੰਟੀ ਐਕਟ' ਦੀ ਅਵਾਜ਼ ਨੂੰ ਦੇਸ਼ ਵਿੱਚ ਬੁਲੰਦ ਕਰਨਗੇ। ਉਹਨਾ ਕਿਹਾ ਕਿ ਇਹ ਕਾਨੂੰਨ ਹਰ ਇਕ ਲਈ ਉਸ ਦੀ ਯੋਗਤਾ ਅਨੁਸਾਰ ਕੰਮ ਅਤੇ ਕੰਮ ਅਨੁਸਾਰ ਤਨਖਾਹ ਦੀ ਗਰੰਟੀ ਕਰੇਗਾ। ਇਸ ਤਹਿਤ ਅਣ-ਸਿੱਖਿਅਤ ਨੂੰ 20,000/- ਰੁਪਏ, ਅਰਧ-ਸਿੱਖਿਅਤ ਨੂੰ 25,000/- ਰੁਪਏ, ਸਿੱਖਿਅਤ ਨੂੰ 30,000/- ਰੁਪਏ ਅਤੇ ਉੱਚ ਸਿਖਿਅਤ ਨੂੰ 35,000/- ਰੁਪਏ ਪ੍ਰਤੀ ਮਹੀਨਾ ਤਨਖਾਹ ਦੀ ਗਰੰਟੀ ਹੋਵੇਗੀ। ਕਨ੍ਹਈਆ ਕੁਮਾਰ ਦੀ ਮੌਜੂਦਗੀ ਨਾਲ ਸਭਨਾਂ ਦਾ ਉਤਸ਼ਾਹ ਵਧਿਆ ਹੋਇਆ ਸੀ। ਆਮ ਜਨਤਾ 'ਤੇ ਵਧੇ ਹੋਏ ਦਬਾਅ ਦੀ ਘੁਟਣ ਵਿੱਚ ਇਹ ਲੌਂਗ ਮਾਰਚ ਕਿਸੇ ਤਾਜ਼ ਹਵਾ ਦੇ ਬੁਲ੍ਹੇ ਵਾਂਗ ਆਇਆ ਹੈ। 
ਇਸ ਮੌਕੇ ਏ ਆਈ ਐੱਸ ਐੱਫ ਦੇ ਕੌਮੀ ਖਜ਼ਾਨਚੀ ਅਤੇ ਪੰਜਾਬ ਇਕਾਈ ਦੇ ਸੂਬਾ ਪ੍ਰਧਾਨ ਵਿੱਕੀ ਮਹੇਸਰੀ ਨੇ ਕਿਹਾ ਕਿ ਜਦੋਂ ਦੇਸ਼ ਲੁੱਟਣ ਵਾਲੇ ਲੋਕਾਂ ਦਾ ਬਣ ਰਿਹਾ ਹੋਵੇ, ਉਦੋਂ ਨੌਜਵਾਨਾਂ ਨੂੰ ਲਾਮਬੰਦ ਹੋਣਾ ਸਮੇਂ ਦੀ ਮੁੱਖ ਲੋੜ ਹੁੰਦੀ ਹੈ। ਉਹਨਾਂ ਕਿਹਾ ਕਿ ਅਜਿਹੇ ਸਮੇਂ ਹਰ-ਇੱਕ ਲਈ ਵਿਗਿਆਨਕ, ਮੁਫਤ ਅਤੇ ਲਾਜ਼ਮੀ ਤੇ ਬਰਾਬਰ ਸਿੱਖਿਆ ਦੇ ਅਧਿਕਾਰ ਲਈ ਦੇਸ਼ ਵਿੱਚ ਅਵਾਜ਼ ਕਿਉਂ ਨਾ ਬੁਲੰਦ ਹੋਵੇ। ਇਹ ਲੌਂਗ ਮਾਰਚ ਇਸ ਦੀ ਪ੍ਰਾਪਤੀ ਦੀ ਇਕ ਸ਼ੁਰੂਆਤ ਹੈ, ਜਿਸ ਨੂੰ ਇਹ 60 ਦਿਨਾਂ ਦਾ ਮਾਰਚ ਪ੍ਰਾਪਤ ਕਰਕੇ ਰਹੇਗਾ। 
ਇਸ ਸਮੇਂ ਜਥੇਬੰਦੀਆਂ ਦੇ ਪ੍ਰਧਾਨ ਤੇ ਸਕੱਤਰਾਂ ਨੇ ਸੰਬੋਧਨ ਕਰਦਿਆਂ ਆਸ ਪ੍ਰਗਟਾਈ ਕਿ ਇਹ ਮਾਰਚ ਦੇਸ਼ ਦੇ ਨੌਜਵਾਨਾਂ ਨੂੰ ਆਪਣੇ ਨਾਲ ਲੈ ਕੇ ਇਕ ਅਜਿਹੀ ਲਾਮਬੰਦੀ ਕਰੇਗਾ, ਜੋ ਦੇਸ਼ ਨੂੰ ਸਭ ਤਰ੍ਹਾਂ ਦੀਆਂ ਬੁਰਾਈਆਂ ਤੋਂ ਬਚਾਉਣ ਲਈ ਮੋਹਰੀ ਭੂਮਿਕਾ ਅਦਾ ਕਰੇਗੀ।
ਇਸ ਪ੍ਰਕਾਰ ਕੰਨਿਆਕੁਮਾਰੀ ਦੀ ਧਰਤੀ ਤੋਂ ਸਮੁੰਦਰੀ ਹਵਾਵਾਂ ਵਿੱਚ ਲਹਿਰਾਉਂਦੇ ਝੰਡਿਆਂ ਦੀ ਸ਼ੂਕ ਅਤੇ ਇਨਕਲਾਬੀ ਨਾਅਰਿਆਂ ਦੀ ਅਵਾਜ਼ ਵਿੱਚ ਇਸ ਮਾਰਚ ਦੀ ਸ਼ੁਰੂਆਤ ਹੋਈ, ਜੋ 60 ਦਿਨਾਂ ਦਾ ਸਫਰ ਕਰਕੇ ਪੰਜਾਬ ਦੀ ਧਰਤੀ 'ਤੇ ਇਤਿਹਾਸਕ ਸਥਾਨ ਹੁਸੈਨੀਵਾਲਾ ਵਿਖੇ 12 ਸਤੰਬਰ ਨੂੰ ਸਮਾਪਤ ਹੋਵੇਗਾ।

Sunday, March 19, 2017

ਰਾਸ਼ਟਰਵਾਦ ਦੇ ਨਾਮ ਹੇਠ ਹੋ ਰਹੇ ਕਾਰਿਆਂ ਨੂੰ ਬੇਨਕਾਬ ਕੀਤਾ ਸੈਮੀਨਾਰ ਵਿੱਚ

ਪ੍ਰੋਫੈਸਰ ਜਗਮੋਹਨ ਸਿੰਘ ਨੇ ਬਣਾਇਆ ਜਾਅਲੀ ਦੇਸ਼ਭਗਤਾਂ ਨੂੰ ਨਿਸ਼ਾਨਾ 
ਲੁਧਿਆਣਾ: 18 ਮਾਰਚ 2017: (ਪ੍ਰਦੀਪ ਸ਼ਰਮਾ//ਵੀ ਕੇ ਬੱਤਰਾ//ਪੰਜਾਬ ਸਕਰੀਨ ):: 
ਰਾਸ਼ਟਰਵਾਦ ਦੇ ਬਹਾਨੇ ਨਾਲ ਜੋ ਜੋ ਕੀਤਾ ਜਾ ਰਿਹਾ ਹੈ ਉਸਨੂੰ ਬੇਨਕਾਬ ਕੀਤਾ ਗਿਆ ਅੱਜ ਲੁਧਿਆਣਾ ਵਿੱਚ ਹੋਏ ਇੱਕ ਸੈਮੀਨਾਰ ਦੌਰਾਨ। ਇਹ ਸੈਮੀਨਾਰ ਸੀਪੀਆਈ ਵੱਲੋਂ  ਬਾਕਾਇਦਾ ਆਪਣੇ ਜ਼ਿਲਾ ਦਫਤਰ ਵਿੱਚ ਕੀਤਾ ਗਿਆ ਸੀ ਅਤੇ ਇਸਦੇ ਮੁੱਖ ਬੁਲਾਰੇ ਸਨ ਸ਼ਹੀਦ ਭਗਤ ਸਿੰਘ ਦੇ ਭਾਣਜੇ ਪ੍ਰੋਫੈਸਰ ਜਗਮੋਹਨ ਸਿੰਘ। 
ਜਿਹਨਾਂ ਉਦੇਸ਼ਾਂ ਲਈ ਸ਼ਹੀਦਾਂ ਨੇ ਆਪਣੇ ਜੀਵਨ ਦਾ ਬਲਿਦਾਨ ਦਿੱਤਾ ਅੱਜ ਉਹਨਾਂ ਵਿਚਾਰਾਂ ਨੂੰ ਸੱਤਾ ਤੇ ਕਾਬਿਜ਼ ਲੋਕਾਂ  ਵਲੋਂ ਤੋੜ ਮਰੋੜ ਕੇ ਪੇਸ਼ ਕੀਤਾ ਜਾ ਰਿਹਾ ਹੈ। ਸ਼ਹੀਦ ਭਗਤ ਸਿੰਘ, ਰਾਜਗੁਰੂ ਅਤੇ ਸੁਖਦੇਵ ਦੇ  87ਵੇਂ ਸ਼ਹੀਦੀ ਦਿਨ ਤੇ ਉਹਨਾਂ ਨੂੰ ਯਾਦ ਕਰਨ ਲਈ  ਦੇਸ਼ ਪਰੇਮ ਅਤੇ ਸਮਾਜਿਕ ਪਰੀਵਰਤਨ ਬਾਰੇ ਸ਼ਹੀਦ ਭਗਤ ਸਿਘ ਦੇ ਵਿਚਾਰ ਵਿਸ਼ੇ ਤੇ ਭਾਰਤੀ ਕਮਿਉਨਿਸਟ ਪਾਰਟੀ ਲੁਧਿਆਣਾ ਵਲੋਂ ਕਾ: ਚਰਨ ਸਰਾਭਾ ਅਤੇ ਕਾ: ਗੁਰਨਾਮ ਗਿੱਲ ਦੀ ਪਰਧਾਨਗੀ ਹੇਠ ਆਯੋਜਿਤ ਇੱਕ ਵਿਚਾਰ ਗੋਸ਼ਟੀ ਵਿੱਚ ਪ੍ਰਮੁੱਖ ਬੁਲਾਰੇ ਵਜੋਂ ਬੋਲਦਿਆਂ ਪ੍ਰੋ: ਜਗਮੋਹਨ ਸਿੰਘ ਨੇ ਇਹ ਗੱਲ ਕਹੀ  ਕਿ ਜਿਹਨਾਂ ਨੇ ਅਜ਼ਾਦੀ ਸੰਗ੍ਰਾਮ ਵਿੱਚ ਕੋਈ ਹਿੱਸਾ ਨਹੀਂ ਪਾਇਆ ਅੱਜ ਉਹ ਆਪਣੇ ਆਪ ਨੂੰ ਦੇਸ਼ ਭਗਤ  ਦੱਸ ਰਹੇ ਹਨ  ਅਤੇ ਸ਼ਹੀਦਾਂ ਦੇ ਵਾਰਸਾਂ ਨੂੰ ਦੇਸ਼ ਧਰੋਹੀ ਕਰਾਰ ਦੇ ਰਹੇ ਹਨ। ਇਹਨਾਂ ਨੇ ਦੇਸ਼ ਭਗਤੀ ਨੂੰ ਸੌੜੇ ਰਾਸ਼ਟਰਵਾਦ ਨਾਲ ਜੋੜ ਕੇ ਰੱਖ ਦਿੱਤਾ ਹੈ ਜਿਸਦੇ ਕਿ ਭਗਤ ਸਿੰਘ ਘੋਰ ਵਿਰੋਧੀ ਸਨ।  ਭਗਤ ਸਿੰਘ ਦੇ ਵਿਚਾਰਾਂ ਮੁਤਾਬਕ ਭਾਰਤ ਵਿੱਚ ਰਹਿ ਰਹੇ ਹਰ ਧਰਮ, ਜਾਤ ਅਤੇ ਅਕੀਦੇ ਦੇ ਲੋਕ ਬਰਾਬਰ ਦੇ ਅਧਿਕਾਰਾਂ ਅਤੇ ਸਮਾਜੀ ਤੇ ਆਰਥਿਕ ਨਿਆਂ ਦੇ ਹੱਕਦਾਰ ਹਨ। ਪਰ ਮੌਜੂਦਾ ਕੇਂਦਰ ਤੇ ਕਾਬਜ਼ ਹਾਕਮਾਂ ਨੇ ਕਦੇ ਵੀ ਇਹ ਗੱਲ ਪ੍ਰਵਾਨ ਨਹੀਂ ਕੀਤੀ ਤੇ ਲਗਾਤਾਰ ਭਾਰਤ ਨੂੰ ਹਿੰਦੂ ਰਾਸ਼ਟਰ ਦੀ ਪਰਿਭਾਸ਼ਾ ਦੇਣ ਵਿੱਚ ਲੱਗੇ ਰਹੇ। ਇਹੋ ਕਾਰਨ ਹੈ ਕਿ ਜਦੋਂ ਲੱਖਾਂ ਲੋਕ ਬਰਤਾਨਵੀ ਸਾਮਰਾਜ ਦੇ ਖ਼ਿਲਾਫ਼ ਸੰਘਰਸ਼ ਕਰ ਰਹੇ ਸਨ, ਇਹਨਾਂ ਦੇ ਇੱਕ ਵੀ ਵਿਅਕਤੀ ਨੇ ਦੇਸ਼ ਦੀ ਅਜ਼ਾਦੀ ਵਿੱਚ ਕੋਈ ਹਿੱਸਾ ਨਹੀਂ ਪਾਇਆ। ਭਾਰਤ ਦੀ ਅਜ਼ਾਦੀ ਦੀ ਲਹਿਰ, ਜੋ ਕਿ ਪਹਿਲਾਂ ਤੋ ਹੀ ਚਲ ਰਹੀ ਸੀ,  ਉਹ  ਸੰਨ 1857 ਵਿੱਚ ਭਾਰਤ ਦੇ ਪਹਿਲੇ ਸੁਤੰਤਰਤਾ ਸੰਗਰਾਮ ਵਜੋ ਇੱਕ ਮੁਠ ਹੋ ਗਈ। ਇਸ ਉਪਰੰਤ ਲਗਾਤਾਰ ਚੱਲੇ ਸੁਤੰਤਰਤਾ ਸੰਘਰਸ਼ ਵਿੱਚ  ਹਰ ਧਰਮ, ਜਾਤ, ਖੇਤਰ ਤੇ ਵਰਗ ਦੇ ਲੋਕਾਂ ਨੇ ਵੱਧ ਚੜ੍ਹ ਕੇ ਹਿੱਸਾ ਪਾਇਆ।  ਉਹਨਾਂ ਸਭ ਦਾ ਇੱਕੋ ਇੱਕ ਨਿਸ਼ਾਨਾ ਸੀ ਕਿ ਬਰਤਾਨਵੀ ਸਾਮਰਾਜ ਨੂੰ ਇੱਥੋਂ ਕੱਢਣਾ ਤੇ ਖ਼ੁਦਮੁਖ਼ਤਾਰ, ਲੋਕਤੰਤਰਿਕ ਅਤੇ ਧਰਮ ਨਿਰਪੱਖ ਭਾਰਤ ਦੀ ਸਿਰਜਣਾ ਕਰਨਾ।  ਇਸ ਸੰਗਰਾਮ ਵਿੱਚ ਹਜ਼ਾਰਾਂ ਲੋਕਾਂ ਨੇ ਅਥਾਹ ਕੁਰਬਾਨੀਆਂ ਦਿੱਤੀਆਂ।  ਪਰ ਅੱਜ ਆਰ ਐਸ ਐਸ ਤੇ ਇਸਦੇ ਸਹਿਯੋਗੀ ਜਿਹੜੇ ਲੋਕ ਦੇਸ਼ ਭਗਤ ਹੋਣ ਦਾ ਦਾਅਵਾ ਕਰਦੇ ਹਨ  ਉਹਨਾਂ ਨੇ ਇਸ ਲੰਮੇ ਚੱਲੇ ਸੁਤੰਤਰਤਾ ਸੰਗਰਾਮ ਵਿੱਚ ਅੰਗ੍ਰੇਜੀ ਸਾਮਰਾਜ ਦੇ ਵਿਰੁੱਧ ਇਕ ਵੀ ਨਾਅਰਾ ਨਹੀ ਮਾਰਿਆ ਸਗੋ ਅੰਗੇ੍ਰਜੀ ਸਰਕਾਰ ਦੀ ਮੁਖਬਰੀ ਕੀਤੀ ਤੇ ਅਨੇਕਾਂ ਸੁਤੰਤਰਤਾ ਸੰਗਰਾਮੀਆਂ ਨੂੰ ਫੜਵਾਇਆ। ਇਹੋ ਕਾਰਨ ਹੈ ਕਿ ਗਾਂਧੀ ਦੇ ਕਾਤਲ ਗੌਡਸੇ ਦੇ ਨਾਮ ਤੇ ਮੰਦਰ ਬਣਾਏ ਜਾ ਰਹੇ ਹਨ। ਪੋ੍ਰ: ਜਗਮੋਹਨ ਨੇ ਕਿਹਾ ਕਿ ਦਾਮੋਦਰ ਸਾਵਰਕਰ, ਜਿਸਦੀ ਇਹ ਲੋਕ ਬਹੁਤ ਵਡਿਆਈ ਕਰਦੇ ਹਨ ਅੰਡੇਮਾਨ ਜੇਲ੍ਹ ਵਿਚੋਂ ਇਹ ਮਾਫੀ ਮੰਗ ਕੇ ਬਾਹਰ ਆਇਆ ਸੀ ਕਿ ਉਹ ਬਰਤਾਨਵੀ ਸਰਕਾਰ ਦੇ ਨਾਲ ਸਹਿਯੋਗ ਕਰੇਗਾ।  ਉਸਨੇ ਸਭ ਤੋਂ ਪਹਿਲਾਂ ਇਹ ਸਿਧਾਂਤ ਦਿੱਤਾ ਕਿ ਹਿੰਦੂ ਤੇ ਮੁਸਲਮਾਨ ਦੋ ਵੱਖ ਵੱਖ ਕੌਮਾਂ ਹਨ। ਇਸ ਸਿਧਾਂਤ ਨੇ ਦੋ ਰਾਸ਼ਟਰ ਦੇ ਵਿਚਾਰ ਨੂੰ ਜਨਮ ਦਿੱਤਾ ਤੇ ਭਾਰਤ ਦੀ ਵੰਡ ਹੋਈ। ਜਦੋਂ ਕਿ ਪਾਕਿਸਤਾਨ ਇੱਕ ਇਸਲਾਮੀ ਦੇਸ਼ ਦੇ ਤੌਰ ਤੇ ਬਣਿਆ ਪਰ ਭਾਰਤ ਇੰਨਕਲਾਬੀਆਂ, ਗਾਂਧੀ , ਨਹਿਰੂ ਅਤੇ ਕਮਿਉਨਿਸਟਾਂ ਦੀ ਦੂਰਦਰਸ਼ਿਤਾ ਦੇ ਨਤੀਜੇ ਵਜੋ ਇੱਕ ਧਰਮ ਨਿਰਪੱਖ ਦੇਸ਼ ਦੇ ਤੌਰ ਤੇ ਵਿਕਸਿਤ ਹੋਇਆ। ਇਹੀ ਕਾਰਨ ਸੀ ਕਿ ਅਜ਼ਾਦੀ ਉਪਰੰਤ ਪਹਿਲੀਆਂ ਆਮ ਚੋਣਾਂ ਵਿੱਚ ਇਹਨਾਂ ਫ਼ਿਰਕੂ ਸ਼ਕਤੀਆਂ ਦੀ ਬੁਰੀ ਤਰਾਂ ਹਾਰ ਹੋਈ ਸੀ ਪਰ ਇਹ ਚਿੰਤਾ ਦਾ ਵਿਸ਼ਾ ਹੈ ਕਿ ਇਹ ਹੁਣ ਸੱਤਾ ਤੇ ਕਾਬਿਜ਼ ਹਨ। ਸਾਡੀ ਵਿਭਿੰਨਤਾ, ਆਰਥਿਕ, ਸਭਿਆਚਾਰਕ ਤੇ ਸਮਾਜਿਕ ਇੱਕਮੁਠਤਾ ਹੀ ਸਾਡੇ ਰਾਸ਼ਟਰ ਦਾ ਅਧਾਰ ਬਣਿਆ।  ਪਰ ਇਹ ਸਾਫ਼ ਹੈ ਕਿ ਅਜ਼ਾਦੀ ਤੋ ਬਾਅਦ ਸਾਡੇ ਦੇਸ਼ ਨੇ ਪੰੂਜੀਪਤੀ ਵਿਕਾਸ ਦਾ ਜੋ ਰਾਹ ਅਪਣਾਇਆ ਉਸਦੇ ਕਾਰਨ ਸਮਾਜ ਵਿੱਚ ਨਾਬਰਾਬਰੀ, ਆਰਥਿਕ ਪਾੜਾ, ਅਸੰਤੁਲਿਤ  ਇਲਾਕਾਈ ਵਿਕਾਸ ਹੋਣਾ ਸੁਭਾਵਿਕ ਹੀ ਸੀ।  ਇਸਦੇ ਨਤੀਜੇ ਵਜੋ ਬਹੁਤ ਸਾਰੇ ਸਮਾਜਿਕ ਤੇ ਆਰਥਿਕ ਮਸਲੇ ਪੈਦਾ ਹੋਏ ਜੋ ਕਿ ਇਸ ਪ੍ਰਬੰਧ  ਵਲੋ ਹੱਲ  ਨਹੀ ਹੋ ਸਕੇ। ਪਰ ਅਜ਼ਾਦੀ ਤੋ ਤੁਰੰਤ ਬਾਅਦ ਦੇ ਸਮੇ ਵਿੱਚ ਸਮਾਜਵਾਦੀ ਦਿਸ਼ਾ ਦੀਆਂ ਗੱਲਾਂ ਕੀਤੀਆਂ ਗਈਆਂ। ਸਮੂਚੇ ਤੌਰ ਤੇ ਕਾਬਿਜ਼ ਪੂੰਜੀਵਾਦੀ ਪ੍ਰਬੰਧ ਵਿੱਚ ਇਹ ਹੋਣਾ ਸੰਭਵ ਨਹੀ ਸੀ। ਪਰ ਦੇਸ਼ ਦੇ ਕੁਝ ਸੋਮਿਆਂ ਦੇ ਰਾਸ਼ਟ੍ਰੀਕਰਨ ਕਰਨ ਵਰਗੇ ਐਸੇ ਕਦਮ ਚੁੱਕੇ ਗਏ ਜਿਹਨਾਂ ਨੇ  ਅਜਾਰੇਦਾਰੀ ਨੂੰ ਕੁਝ ਹੱਦ ਤੱਕ ਠੱਲ੍ਹ ਪਾਈ। ਇਸੇ ਸਮੇ ਵਿੱਚ ਹੀ ਰਾਜਿਆਂ ਦੇ ਭੱਤੇ ਬੰਦ ਕੀਤੇ ਗਏ।  ਇਹ ਗੱਲ ਦੱਸਣੀ ਜ਼ਰੂਰੀ ਹੈ ਕਿ ਭਾਵੇਂ ਬੈਂਕਾਂ ਦਾ ਕੌਮੀਕਰਣ ਹੋਵੇ, ਖਾਨਾ ਦਾ ਕੌਮੀਕਰਣ ਹੋਵੇ ਜਾਂ ਰਾਜਿਆਂ ਦੇ ਭੱਤੇ ਬੰਦ ਕਰਨ ਦਾ ਸੁਆਲ ਹੋਵੇ ਆਰ ਐਸ ਐਸ ਨੇ ਇਹਨਾਂ ਦਾ ਵਿਰੋਧ ਕੀਤਾ। ਸੰਬੋਧਨ ਕਰਦਿਆਂ  ਪਾਰਟੀ ਦੇ ਜ਼ਿਲ੍ਹਾ ਸਕੱਤਰ ਕਾ: ਕਰਤਾਰ ਸਿੰਘ ਬੁਆਣੀ ਨੇ ਕਿਹਾ ਕਿ ਅਜੋਕੇ ਹਾਲਾਤ 1930ਵੇ ਦੇ ਜਰਮਨੀ ਦੀਆਂ ਘਟਨਾਵਾਂ ਯਾਦ ਦਿਲਾਉੰਦੇ ਹਨ ਜਦੋ ਜਰਮਨੀ ਦੇ ਕਾਰਪੋਰੇਟ ਖੇਤਰ ਨੇ ਹਿਟਲਰ ਨੂੰ ਖੜਾ ਕੀਤਾ ਅਤੇ ਜਰਮਨ ਕੌਮ ਦੇ ਸਰਵ ਉੱਚ ਆਰਿਅਨ ਕੌਮ ਹੋਣ ਦਾ ਨਾਅਰਾ ਦਿੱਤਾ ਅਤੇ  ਬਨਾਵਟੀ ਜਰਮਨ ਕੌਮਵਾਦ ਨੂੰ ਉਭਾਰਿਆ।  ਇਹ ਅਸਲ ਵਿੱਚ ਜਰਮਨ ਕਾਰਪੋਰੇਟ ਖੇਤਰ ਦੀ ਦੁਨੀਆਂ ਦੇ ਅਰਥਚਾਰੇ ਤੇ ਗ਼ਲਬਾ ਪਾਉਣ ਦੀ ਖ਼ਾਹਿਸ਼ ਸੀ।  ਅੱਜ ਉਸੇ ਕਿਸਮ ਦੀਆਂ ਘਟਨਾਵਾਂ ਸਾਡੇ ਦੇਸ਼ ਵਿੱਚ ਘਟ ਰਹੀਆਂ ਹਨ। ਇੱਕੋ ਵਿਅਕਤੀ ਨੂੰ ਉਭਾਰਿਆ ਜਾ ਰਿਹਾ ਹੈ ਤੇ ਪ੍ਰਚਾਰਿਆ ਜਾ ਰਿਹਾ ਹੈ ਕਿ ਉਹ ਹੀ ਦੇਸ਼ ਨੂੰ ਤਰੱਕੀ ਦੇ ਰਾਹ ਤੇ ਲਿਜਾ ਕੇ ਭਾਰਤ ਨੰੂ ਦੁਨੀਆਂ ਦੀ ਮਹਾਨ ਸ਼ਕਤੀ ਬਣਾ ਦੇਵੇਗਾ।  ਇਸ ਲਈ ਇੱਕੋ ਕਿਸਮ ਦੇ ਸਭਿਆਚਾਰ ਨੂੰ ਪ੍ਰਫ਼ੁਲਿੱਤ ਕਰਕੇ ਥੋਪਿਆ ਅਤੇ ਦੂਸਰੇ ਵਿਚਾਰਾਂ ਨੂੰ ਦਬਾਇਆ ਜਾ ਰਿਹਾ ਹੈ। ਪਾਰਟੀ ਦੇ ਜ਼ਿਲ੍ਹਾ ਸਹਾਇਕ ਸਕੱਤਰ ਡਾ: ਅਰੁਣ ਮਿੱਤਰਾ ਨੇ ਕਿਹਾ ਕਿ ਇਹ ਬੜੀ ਗੰਭੀਰ ਗੱਲ ਹੈ ਕਿ ਜਿਹੜੇ ਸੱਤਾ ਵਿੱਚ ਬੈਠੇ ਇਹਨਾਂ ਕੱਟੜਪੰਥੀ ਹਿੰਦੂਤਵ ਵਾਦੀਆਂ ਨਾਲ ਸਹਿਮਤ ਨਾਂ ਹੋਣ ਉਹਨਾਂ ਨੂੰ ਡਰਾਇਆ ਧਮਕਾਇਆ ਜਾ ਰਿਹਾ ਹੈ ਤੇ ਜਾਨੋ ਵੀ ਮਾਰਿਆ ਜਾ ਰਿਹਾ ਹੈ। ਪਿਛਲੇ ਸਮੇ ਦਭੋਲਕਰ, ਪੰਸਰੇ ਅਤੇ ਕੁਲਬਰਗੀ ਦੀਆਂ ਹੱਤਿਆਵਾਂ ਇਸਦੀਆਂ ਜਿਊਦੀਆਂ ਜਾਗਦੀਆਂ ਮਿਸਾਲਾਂ ਹਨ। ਜਿਹੜੇ ਤਰਕਸ਼ੀਲ ਤੇ ਵਿਗਿਆਨਿਕ ਸੋਚ ਰਖਦੇ ਹਨ ਉਹਨਾਂ ਨੂੰ ਜ਼ਲੀਲ ਕੀਤਾ ਜਾ ਰਿਹਾ ਹੈ। ਊਨਾਂ ਵਿਖੇ ਦਲਿਤਾਂ ਦੇ ਨਾਲ ਕੁੱਟਮਕਾਰ ਤੇ ਦਾਦਰੀ ਵਿਖੇ ਅਖ਼ਲਾਕ ਦਾ ਕਤਲ ਅਤੀ ਘਿਨੌਣੀਆਂ ਘਟਨਾਵਾਂ ਹਨ। ਹਿਟਲਰ ਦੇ ਪ੍ਰਚਾਰ ਸਕੱਤਰ ਗੋਏਬੈਲ ਦੇ ਸਿਧਾਂਤ ਕਿ ਇੱਕ ਝੂਠ ਨੰੂ ਵਾਰ ਵਾਰ ਬੋਲੋ ਤਾਂ ਉਹ ਸੱਚ ਬਣ ਜਾਂਦਾ ਹੈ, ਨੂੰ ਲਾਗੂ ਕੀਤਾ ਜਾ ਰਿਹਾ ਹੈ। ਇਸ ਲਈ ਆਪਾਂ ਦੇਖ ਸਕਦੇ ਹਾਂ ਕਿ 15 ਲੱਖ  ਜਾਂ ਵਿਦੇਸ਼ੀ ਬੈਂਕਾਂ ਤੋਂ ਪੈਸੇ ਲਿਆਣ ਤੋਂ ਲੈਕੇ ਨੋਟਬੰਦੀ ਤੱਕ ਲਗਾਤਾਰ ਝੂਠ ਬੋਲਿਆ ਜਾ ਰਿਹਾ ਹੈ ਤੇ ਪਰਚਾਰ ਤੰਤਰ ਰਾਹੀਂ ਇਸਨੂੰ ਸੱਚ ਬਣਾ ਕੇ ਪੇਸ਼ ਕੀਤਾ ਜਾ ਰਿਹਾ ਹੈ।  ਜਵਾਹਰ ਲਾਲ ਨਹਿਰੂ ਯੂਨੀਵਰਸਿਟੀ ਦੇ ਚੁਣੇ ਹੋਏ ਵਿਦਿਆਰਥੀ ਯੁਨੀਅਨ ਦੇ ਪ੍ਰਧਾਨ   ਕਨ੍ਹਈਆਂ ਕੁਮਾਰ ਨੂੰ ਦੇਸ਼ ਧਰੋਹ ਦੇ ਕੇਸ ਵਿੱਚ ਫਸਾਉਣ ਦੇ ਲਈ ਘਟਨਾਵਾਂ ਦੇ ਤੱਥਾਂ ਨੰੂ ਝੂਠੀ ਵੀਡੀਓ ਫ਼ਿਲਮ  ਬਣਾ ਕੇ ਕੁਝ ਚੈਨਲਾਂ ਦੀ ਮਦਦ ਨਾਲ ਤੋੜ ਮਰੇੜ ਕੇ ਇੰਝ ਪੇਸ਼ ਕੀਤਾ ਗਿਆ ਜਿਵੇ ਕਿ ਉਹ ਦੋਸ਼ੀ ਹੈ। ਇਹ ਝੂਠ ਹੁਣ ਸ੍ਹਾਮਣੇ ਆਗਿਆ ਹੈ ਕਿਉੰਕਿ ਪੁਲਿਸ ਵਲੋਂ ਤਿਆਰ ਚਾਰਜਸ਼ੀਟ ਵਿੱਚ ਕਨ੍ਹਈਆ ਦਾ ਨਾਮ ਨਹੀਂ ਹੈ ਅਤੇ ਹੁਣੇ ਜਿਹੇ ਦੇਸ਼ ਦੇ ਸ਼ਹੀਦ ਦੀ ਬੇਟੀ ਗੁਰਮੇਹਰ ਕੌਰ ਨੂੰ ਵੀ ਨਹੀਂ ਬਖ਼ਸ਼ਿਆ ਗਿਆ।  ਘਟ ਗਿਣਤੀਆਂ ਤੇ ਹਮਲੇ ਕੀਤੇ ਜਾ ਰਹੇ ਹਨ ਤੇ ਇਹਨਾਂ ਕਤਲਾਂ ਨੂੰ ਗਊ ਦੇ ਮਾਂਸ ਦਾ ਬਹਾਨਾ ਲਗਾ ਕੇ ਸਹੀ ਠਹਿਰਾਇਆ ਜਾ ਰਿਹਾ ਹੈ। ਪਰ ਭਾਰਤ  ਜਰਮਨੀ ਨਹੀ ਹੈ। ਸਾਡੇ ਦੇਸ਼ ਦੇ ਉਸ ਨਾਲੋ ਬਹੁਤ ਸਾਰੇ ਵਖਰੇਵੇ ਹਨ।  ਸਾਡੇ ਇੱਥੇ ਬਹੁਪੱਖੀ ਸਭਿਆਚਾਰ ਹੈ। ਦੂਜੇ ਸਭਿਆਚਾਰਾਂ ਦੇ ਲੋਕ ਵੀ ਹੁਣ ਹਰ ਤਰਾਂ ਦੀ ਜ਼ਿਆਦਤੀ ਦੇ ਵਿਰੁੱਧ ਲਗਾਤਾਰ ਅਵਾਜ਼ ਬੁਲੰਦ ਕਰ ਰਹੇ ਹਨ। ਇਸਤੋ ਵੀ ਵੱਡੀ ਗੱਲ ਇਹ ਹੈ ਕਿ ਸਾਡੇ ਅਜ਼ਾਦੀ ਦੇ ਸੰਗਰਾਮ ਦੇ ਦੌਰਾਨ ਸਾਮਰਾਜ ਵਿਰੋਧੀ ਵਿਚਾਰਧਾਰਾ ਸਾਡੇ ਅੰਦਰ ਘਰ ਕਰ ਗਈ ਹੈ। ਪਾਰਟੀ ਦੇ ਜ਼ਿਲ੍ਹਾ ਸਹਾਇਕ ਸਕੱਤਰ ਕਾਮਰੇਡ ਡੀ ਪੀ ਮੌੜ ਨੇ ਕਿਹਾ ਕਿ ਲੰਮੇਂ ਸਮੇਂ ਵਿੱਚ ਆਰ ਐਸ ਐਸ ਅਤੇ ਇਸਦੇ ਸਹਿਯੋਗੀਆਂ ਦੇ ਭਾਰਤ ਵਿੱਚ ਇੱਕ ਕਟੜਪੰਥੀ ਤੇ ਇੱਕਸਾਰਤਾ ਵਾਲੇ ਸਭਿਆਚਾਰ ਨੂੰ ਥੋਪਣ ਦੇ ਅਤੇ ਆਪਣੀ ਇੱਛਾ ਅਨੁਸਾਰ ਕਿਸੇ ਨੂੰ ਵੀ ਦੇਸ਼ ਭਗਤ ਯਾ ਦੇਸ ਧਰੋਹੀ ਕਰਾਰ ਦੇਣ ਦੇ ਮਨਸੂਬੇ ਕਦੇ ਕਾਮਯਾਬ ਨਹੀੰ ਹੋਣਗੇ। ਪਰ ਅਵੇਸਲੇ ਹੋਣ ਦਾ ਸਮਾਂ ਨਹੀ ਅਤੇ ਇਹਨਾਂ ਕੱਟੜਪੰਥੀਆਂ ਅਤੇ ਰੂੜ੍ਹੀਵਾਦੀਆਂ ਨੂੰ  ਘਟਾ ਕੇ ਨਹੀ ਦੇਖਿਆ ਜਾਣਾ ਚਾਹੀਦਾ। ਇਹਨਾਂ ਦੇ ਖਿਲਾਫ਼ ਸਾਰੇ ਦੇਸ਼ ਭਗਤ ਤੇ ਅਗਾਂਹਵਧੂ ਲੋਕਾਂ ਵਲੋ ਲਗਾਤਾਰ ਵਿਸ਼ਾਲ ਵਿਚਾਰਧਾਰਕ, ਰਾਜਨੀਤਿਕ ਤੇ ਸਮਾਜਿਕ ਸੰਘਰਸ਼ ਜਾਰੀ ਰੱਖਣਾ ਸਮੇ ਦੀ ਲੋੜ ਹੈ।  ਭਾ ਕ ਪਾ ਦੇ ਸ਼ਹਿਰੀ ਸਕੱਤਰ ਕਾਮਰੇਡ ਰਮੇਸ਼ ਰਤਨ ਨੇ ਕਿਹਾ ਕਿ ਅੱਜ ਸੰਘਰਸ਼ ਦਾ ਸਮਾਂ ਹੈ ਤੇ ਇੱਕ ਵਿਸ਼ਾਲ ਏਕੇ ਦੇ ਨਾਲ ਹੀ ਇਹਨਾਂ ਅੱਤ ਦੀਆਂ ਪਿਛਾਂਹ ਖਿੱਚੂ ਸ਼ਕਤੀਆਂ ਨੂੰ ਰੋਕਿਆ ਜਾ ਸਕਦਾ ਹੈ।  
ਇਸ ਮੌਕੇ ਤੇ ਕਨ੍ਹਈਆ ਕੁਮਾਰ ਵਲੋਂ ਲਿਖੀ ਕਿਤਾਬ ਬਿਹਾਰ ਤੋਂ ਤਿਹਾੜ ਤੱਕ ਵੀ ਰਿਲੀਜ਼ ਕੀਤੀ ਗਈ। ਇਸਦੀਆਂ ਕਾਪੀਆਂ ਪ੍ਰਬੰਧਕਾਂ ਨੇ ਕੁਝ ਚੋਣਵੇਂ ਮੀਡੀਆ ਵਾਲਿਆਂ ਨੂੰ ਹੀ ਦਿੱਤੀਆਂ ਉਹ ਵੀ ਪਰਦੇ ਨਾਲ।        
ਇਸ ਪ੍ਰੋਗਰਾਮ ਨੂੰ ਸੰਬੋਧਨ ਕਰਨ ਵਾਲਿਆਂ ਵਿੱਚ ਸ਼ਾਮਿਲ ਸਨ ਕਾਮਰੇਡ  ਗੁਰਨਾਮ ਸਿੱਧੂ, ਕਾਮਰੇਡ, ਡਾ: ਗੁਲਜ਼ਾਰ ਪੰਧੇਰ, ਕਾਮਰੇਡ, ਕੇਵਲ ਬਨਵੈਤ, ਕਾਮਰੇਡ ਚਮਕੌਰ ਸਿੰਘ, ਕਾਮਰੇਡ ਕਾਮੇਸ਼ਵਰ, ਕਾਮਰੇਡ ਲਲਿਤ ਕੁਮਾਰ ਅਤੇ ਕਈ  ਹੋਰ ਵੀ।   ਬੁਲਾਰਿਆਂ ਨੇ ਬਹੁਤ ਕੁਝ ਸਰੋਤਿਆਂ ਸਾਹਮਣੇ ਰੱਖਿਆ ਪਰ ਲੱਗਦਾ ਸੀ ਕਿ ਜਿਵੇਂ ਇਹਨਾਂ ਸਰੋਤਿਆਂ ਨੂੰ ਇਸ ਵਿਸ਼ੇ ਵਿੱਚ ਕੋਈ ਦਿਲਚਸਪੀ ਨਹੀਂ ਸੀ। ਕੋਈ ਉਬਾਸੀਆਂ ਲੈ ਰਿਹਾ ਸੀ, ਕੋਈ ਸੋ ਰਿਹਾ ਸੀ, ਕੋਈ ਮੋਬਾਈਲ 'ਤੇ ਵਟਸਐਪ ਦੇਖ ਰਿਹਾ ਸੀ...। ਅਜਿਹੀਆਂ ਕਮੀਆਂ ਦੇ ਬਾਵਜੂਦ ਇਹ ਇੱਕ ਸਫਲ ਪ੍ਰੋਗਰਾਮ ਸੀ ਜਿਸ ਨੇ ਸ਼ਹੀਦ ਭਗਤ ਸਿੰਘ, ਰਾਜਗੁਰੂ ਅਤੇ ਸੁਖਦੇਵ ਦੇ ਸ਼ਹੀਦੀ ਦਿਹਾੜੇ ਨੂੰ ਰਵਾਇਤੀ ਅੰਦਾਜ਼ ਨਾਲੋਂ ਹਟ ਕੇ ਮਨਾਇਆ ਅਤੇ ਸ਼ਸ਼ੀਦਾਂ ਦੇ ਵਿਚਾਰਾਂ ਨੂੰ ਲੋਕਾਂ ਤੱਕ ਲਿਜਾਣ ਦਾ ਇੱਕ ਠੋਸ ਉਪਰਾਲਾ ਕੀਤਾ। 

Tuesday, October 25, 2016

ਜੇ ਕਨ੍ਹਈਆ ਦੇ ਆਉਣ ਦਾ ਸਭ ਨੂੰ ਪਤਾ ਹੁੰਦਾ ਤਾਂ ਕਿੰਝ ਕੰਟਰੋਲ ਹੁੰਦੀ ਭੀੜ?

ਬਹੁਤ ਲੋਕ ਨਹੀਂ ਦੇਖ ਸਕੇ ਕਨ੍ਹਈਆ ਦੀ ਇੱਕ ਝਲਕ ਪਤਾ ਨਾ ਲੱਗਣ ਕਾਰਨ 
ਲੁਧਿਆਣਾ: 25 ਅਕਤੂਬਰ 2016: (ਰੈਕਟਰ ਕਥੂਰੀਆ//ਪੰਜਾਬ ਸਕਰੀਨ):
ਕਨ੍ਹਈਆ ਕੁਮਾਰ ਦੇ ਆਉਣ ਦੀਆਂ ਖਬਰਾਂ ਜਦੋਂ  ਮੀਡੀਆ ਵਿੱਚ ਆਉਣ ਲੱਗੀਆਂ ਤਾਂ ਬਹੁਤ ਸਾਰੇ ਲੋਕਾਂ ਦੇ ਫੋਨ ਆਏ ਜਿਹਨਾਂ ਪੁੱਛਿਆ ਕਿ ਕਨ੍ਹਈਆ ਕਦੋਂ ਆਇਆ ਸੀ? ਕਿੱਥੇ ਆਇਆ ਸੀ? ਇਹ ਸਾਰੇ ਜਾਗਰੂਕ ਲੋਕ ਸਨ ਪਰ ਇਤਫ਼ਾਕ ਨਾਲ ਅਜਿਹੇ ਕਿਸੇ ਵਟਸਐਪ ਗਰੁੱਪ ਨਾਲ ਨਹੀਂ ਸਨ ਜੁੜੇ ਹੋਏ ਜਿਹਨਾਂ ਵਿੱਚ ਕਨ੍ਹਈਆ ਕੁਮਾਰ ਦੇ ਆਉਣ ਦਾ ਸੱਦਾ ਦਿੱਤਾ ਗਿਆ ਸੀ। ਫੋਨ ਕਰਨ ਵਾਲੇ ਮੁੰਡਿਆਂ ਕੁੜੀਆਂ ਵਿੱਚ ਨੌਜਵਾਨ ਸ਼ਕਤੀ ਜ਼ਿਆਦਾ ਸੀ। ਮੈਂ ਇੱਕ ਤਰਾਂ ਨਾਲ ਖਿਝ ਕੇ ਆਖਿਆ ਆਖਿਰ ਤੁਹਾਨੂੰ ਕਿਓਂ ਨਹੀਂ ਪਤਾ ਲੱਗਿਆ ਏਨੀ ਵੱਡੀ ਇਵੈਂਟ  ਦਾ? ਉਹਨਾਂ ਉਲਟਾ ਗਿਲਾ ਕੀਤਾ ਕਿਹੋ ਜਿਹੇ ਆਯੋਜਕ, ਕਿਹੋ ਜਿਹੇ ਪ੍ਰਬੰਧਕ ਅਤੇ ਕਿਹੋ ਜਿਹੀ ਸਮਰਥਕ ਜਿਹਨਾਂ ਨੇ ਇੱਕ ਵੀ ਹੋਰਡਿੰਗ ਨਾ ਤਾਂ ਲੁਧਿਆਣਾ ਵਿੱਚ ਲਾਇਆ ਅਤੇ ਨਾ ਹੀ ਪੰਜਾਬ ਵਿੱਚ ਕਿਸੇ ਹੋਰ ਥਾਂ। ਮੈਨੂੰ ਆਪਣੀ ਗਲਤੀ ਦਾ ਅਹਿਸਾਸ ਹੋਇਆ ਕਿ ਆਖਿਰ ਵਟਸਐਪ ਤੇ ਦੱਸਣਾ ਹੀ ਤਾਂ ਕਾਫੀ ਨਹੀਂ ਹੁੰਦਾ। ਇਸਦੇ ਬਾਵਜੂਦ ਮੈਂ ਆਪਣੇ ਮਨ ਦੀ ਗੱਲ ਲੁਕਾਉਂਦਿਆਂ  ਆਖਿਆ ਮੈਡਮ ਸਾਰੀਆਂ ਕੋਲ ਏਨੇ ਪੈਸੇ ਨਹੀਂ ਹੁੰਦੇ ਕਿ ਉਹ ਵੱਡੇ ਵੱਡੇ ਹੋਰਡਿੰਗਜ਼ ਲਗਾ ਸਕਣ ਜਾਂ ਇਸ਼ਤਿਹਾਰ ਛਪ ਕੇ ਕੰਧਾਂ ਭਰ ਸਕਣ।  ਜਵਾਬ ਹੈਰਾਨੀ ਵਾਲਾ ਸੀ। ਉਹ ਆਖਣ ਲੱਗੀ ਇੱਕ ਵਾਰ ਵੀ ਜੇ ਕਿਸੇ ਕਾਲਜ ਵਿੱਚ ਕੋਈ ਇੱਕ ਵੀ ਪ੍ਰਬੰਧਕ ਜਾ ਕੇ ਇਹ ਦੱਸ ਦੇਂਦਾ ਤਾਂ ਪੈਸਿਆਂ ਦਾ ਤਾਂ ਢੇਰ ਲੱਗ ਜਾਣਾ ਸੀ। ਮੈਂ ਆਪਣਾ ਖਹਿੜਾ ਛੁਡਾਉਣ ਲਈ ਇੱਕ ਪ੍ਰਬੰਧਕ ਦਾ ਨੰਬਰ ਦੇਂਦਿਆਂ ਆਖਿਆ ਤੁਸੀਂ ਇਸ ਵਿਅਕਤੀ ਨਾਲ ਗੱਲ ਕਰ ਲਓ  ਤਾਂ ਕਿ ਭਵਿੱਖ ਵਿੱਚ ਤੁਹਾਨੂੰ ਇਸ ਤਰਾਂ ਦੀ ਹਰ ਜਾਣਕਾਰੀ ਮਿਲ ਸਕੇ। ਗੱਲ ਆਈ ਗਈ ਹੋ ਗਈ ਪਾਰ ਮੈਂ ਸੋਚਦਾ ਰਿਹਾ ਜੇ ਸ਼ਹਿਰ ਦੇ ਸਾਰੇ ਪ੍ਰਮੁੱਖ ਮਾਰਗਾਂ ਅਤੇ ਐਂਟਰੀ ਵਾਲੇ ਰਸਤਿਆਂ ਉੱਤੇ ਹੋਰਡਿੰਗਜ਼ ਲੱਗੇ ਹੁੰਦੇ ਤਾਂ ਪੰਜਾਬੀ ਭਵਨ ਦਾ ਸਮੁੱਚਾ ਕੰਪਲੈਕਸ ਛੋਟਾ ਮਹਿਸੂਸ ਹੋਣਾ ਸੀ।  ਏਨੀ ਭੀੜ ਨੂੰ ਸੰਭਾਲਣਾ ਕਿਸ ਨੇ ਸੀ? ਇਸਦੇ ਨਾਲ ਨਾਲ ਕਨ੍ਹਈਆ ਦੀ ਸੁਰੱਖਿਆ ਦਾ ਪ੍ਰਬੰਧ ਵੀ ਔਖਾ ਹੋ ਜਾਣਾ ਸੀ।  ਕਨ੍ਹਈਆ ਕੁਮਾਰ ਕਿਸੇ ਬੁਲੇਟ ਪਰੂਫ  ਸ਼ੀਸ਼ੇ ਵਿੱਚ ਖੜੋ ਕੇ ਭਾਸ਼ਣ ਦੇਣ ਵਾਲਾ ਵੀ ਨਹੀਂ ਸੀ। ਉਸਨੇ ਲੋਕਾਂ ਦਰਮਿਆਨ ਅਤੇ ਲੋਕਾਂ ਦੇ ਨੇੜੇ ਹੋ ਕੇ ਲੋਕਾਂ ਨਾਲ ਦੁੱਖ ਸੁੱਖ ਸਾਂਝੇ ਕਰਨੇ ਸਨ। ਉਸਦਾ ਇਹੀ ਅੰਦਾਜ਼ ਉਸਨੂੰ ਹਰਮਨ ਪਿਆਰਾ ਵੀ ਬਣਾ ਰਿਹਾ ਹੈ। ਕੁਲ ਮਿਲਾ ਕੇ ਇੱਕ ਗੱਲ ਸਾਫ ਸੀ ਕਿ ਕਨ੍ਹਈਆ ਕੁਮਾਰ ਨੂੰ ਇੱਕ ਝਲਕ ਦੇਖਣ ਅਤੇ ਉਸ ਨਾਲ ਸੈਲਫੀ ਖਿਚਾਉਣ ਵਾਲੇ ਚਾਹਵਾਨਾਂ ਦੀ ਗਿਣਤੀ ਲੁਧਿਆਣਾ ਵਿੱਚ ਵੀ ਬਹੁਤ ਵੱਡੀ ਜੋ ਕਿ ਸੰਕੇਤ ਹੈ ਇਸ ਗੱਲ ਦਾ ਕਿ ਜੇ ਏ ਆਈ ਐਸ ਐਫ ਅਤੇ ਸੀ ਪੀ ਆਈ ਇਸ ਮਾਹੌਲ ਅਤੇ ਊਰਜਾ ਦਾ ਸਮੇਂ ਸਿਰ ਫਾਇਦਾ ਲੈਣ ਵਿੱਚ ਸਫਲ ਰਹੀ ਤਾਂ ਆਉਣ ਵਾਲਾ ਸਮਾਂ ਇੱਕ ਵਾਰ ਫੇਰ ਲਾਲ ਝੰਡੇ ਵਾਲੀ ਵਿਦਿਆਰਥੀ ਸ਼ਕਤੀ ਦਾ ਹੀ ਹੋਵੇਗਾ।

ਧਮਕੀਆਂ ਦੇ ਬਾਵਜੂਦ ਸਫਲ ਰਿਹਾ ਕਨ੍ਹਈਆ ਕੁਮਾਰ ਵਾਲਾ ਸੈਮੀਨਾਰ

Sunday, October 23, 2016

ਧਮਕੀਆਂ ਦੇ ਬਾਵਜੂਦ ਸਫਲ ਰਿਹਾ ਕਨ੍ਹਈਆ ਕੁਮਾਰ ਵਾਲਾ ਸੈਮੀਨਾਰ

ਵਿੱਦਿਆ ਸੈਮੀਨਾਰ ਵਿੱਚ ਕਨ੍ਹਈਆ ਕੁਮਾਰ ਨੇ ਕੀਤੇ ਮੋਦੀ ਨੂੰ ਤਿੱਖੇ ਸੁਆਲ
ਚੋਣ ਮੁੱਦਿਆਂ ਨੂੰ ਲਾਗੂ ਨਾ ਕੀਤਾ ਤਾਂ ਸੜਕਾਂ ਤੇ ਉਤਰ ਕੇ ਲਾਗੂ ਕਰਾਵਾਂਗੇ
ਸਭ ਲਈ ਰੁਜ਼ਗਾਰ ਵਾਲੀ ਸਿੱਖਿਆ ਵਾਸਤੇ ਜੂਝਣਾ ਲੋੜਾਂ ਦੀ ਲੋੜ ਬਣ ਗਿਆ ਹੈ-ਕਨੱਈਆ ਕੁਮਾਰ
ਪੰਜਾਬੀ ਸਾਹਿਤ ਅਕਾਡਮੀ ਲੁਧਿਆਣਾ ਵੱਲੋਂ ਸਿੱਖਿਆ ਸੈਮੀਨਾਰ

ਲੁਧਿਆਣਾ: 23 ਅਕਤੂਬਰ 2016: (ਰੈਕਟਰ ਕਥੂਰੀਆ//ਪੰਜਾਬ ਸਕਰੀਨ):
ਧਮਕੀਆਂ ਦੇ ਬਾਵਜੂਦ ਅੱਜ  ਕਨ੍ਹਈਆ ਕੁਮਾਰ ਵਾਲਾ ਸੈਮੀਨਾਰ ਪੂਰੀ ਤਰਾਂ ਸਫਲ ਰਿਹਾ। ਸ਼ਾਇਦ ਪਹਿਲਾ ਮੌਕਾ ਸੀ ਕਿ ਪ੍ਰੋਗਰਾਮ ਸ਼ੁਰੂ ਹੋਣ ਤੋਂ ਪਹਿਲਾਂ ਹੀ ਹਾਲ ਖਚਾਖਚ ਭਰ ਗਿਆ। ਪ੍ਰੋਗਰਾਮ ਰੋਕਣ ਦੀਆਂ ਧਮਕੀਆਂ ਦੇ ਮੱਦੇ ਨਜ਼ਰ ਪੁਲਿਸ ਨੇ ਹੁੱਲੜਬਾਜ਼ਾਂ ਨੂੰ ਰੋਕਣ ਲਈ ਸਖਤ ਸੁਰੱਖਿਆ ਪ੍ਰਬੰਧ ਕੀਤੇ ਹੋਏ ਸਨ। ਫਿਰੋਜ਼ਪੁਰ ਰੋਡ ਤੋਂ ਪੰਜਾਬੀ ਭਵਨ ਅਤੇ ਗੁਰੂਨਾਨਕ ਭਵਨ ਵੱਲ ਆਉਂਦਾ ਰਸਤਾ ਹੀ "ਸੀਲ" ਕਰ ਦਿੱਤਾ ਗਿਆ ਸੀ। ਆਯੋਜਕਾਂ ਦੀ ਮਰਜ਼ੀ ਬਿਨਾ ਕਿਸੇ ਨੂੰ ਅੰਦਰ ਨਹੀਂ ਸੀ ਆਉਣ ਦਿੱਤਾ ਜਾ ਰਿਹਾ। ਪੰਜਾਬੀ ਭਵਨ ਦੇ ਗੇਟ ਅਤੇ ਫਿਰ ਸੈਮੀਨਾਰ ਦੇ ਗੇਟ ਤੇ ਵੀ ਭਾਰੀ ਪੁਲਿਸ ਫੋਰਸ ਸੀ। ਪੰਜਾਬੀ ਭਵਨ ਇੱਕ ਤਰਾਂ ਨਾਲ ਪੁਲਿਸ ਛਾਉਣੀ ਬਣਿਆ ਹੋਇਆ ਸੀ।

कन्हैया ने दी जाह्नवी को शुभकामनाएं और विरोध करने वालों को धन्यवाद

ਪੰਜਾਬੀ ਭਵਨ ਵਿੱਚ ਕਨ੍ਹਈਆ ਕੁਮਾਰ ਦੇ ਸਵਾਗਤ ਲਈ ਅੱਜ ਜਿੱਥੇ ਖੱਬੇ ਪੱਖੀ ਵਿਦਿਆਰਥੀ ਅਤੇ ਸੈਮੀਨਾਰ ਦੇ ਆਯੋਜਕ ਪੂਰੀ ਤਰਾਂ ਤਿਆਰ ਸਨ ਉੱਥੇ ਪ੍ਰੋਗਰਾਮ ਨੂੰ ਰੋਕੇ ਜਾਣ  ਦੀਆਂ ਧਮਕੀਆਂ ਕਾਰਨ ਮਾਹੌਲ ਵਿੱਚ ਕੁਝ ਖਿਚਾਅ ਵੀ ਸੀ।  ਭਾਰੀ ਪੁਲਿਸ ਫੋਰਸ ਅਤੇ ਖੱਬੇ ਵਾਲੰਟੀਅਰਾਂ ਨੇ ਕਿਸੇ ਵੀ ਸੰਭਾਵਤ ਹਮਲੇ ਨੂੰ ਰੋਕਣ ਲਈ ਡਿਊਟੀਆਂ ਸੰਭਾਲੀਆਂ ਹੋਈਆਂ ਸਨ। ਆਯੋਜਕਾਂ ਦੀ ਦੂਰ ਅੰਦੇਸ਼ੀ ਅਤੇ ਸੂਝਬੂਝ ਨਾਲ ਕਨ੍ਹਈਆ ਕੁਮਾਰ ਨੂੰ ਨਿਸਚਿਤ ਸਮੇਂ ਤੋਂ ਪਹਿਲਾਂ ਹੀ ਪੰਜਾਬੀ ਭਵਨ ਵਿੱਚ ਲੈ ਆਂਦਾ ਗਿਆ ਜਿਸ ਨਾਲ ਵਿਰੋਧ ਕਰਨ ਵਾਲੇ ਹੱਥ ਮਲਦੇ ਰਹਿ ਗਏ।  ਕਨ੍ਹਈਆ ਕੁਮਾਰ ਨੇ ਪ੍ਰੋਗਰਾਮ ਤੋਂ ਪਹਿਲਾਂ ਮੀਡੀਆ ਨਾਲ ਗੱਲ ਕਰਦਿਆਂ ਸਪਸ਼ਟ ਕੀਤਾ ਕਿ ਉਹ ਦੇਸ਼ ਦੇ ਖਿਲਾਫ ਕਦੇ ਵੀ ਨਹੀਂ ਸਨ ਬਲਕਿ ਉਹਨਾਂ ਨੇਤਾਵਾਂ ਦੇ ਖਿਲਾਫ ਹਨ ਜਿਹੜੇ ਦੇਸ਼ ਨਾਲ ਗੱਦਾਰੀ ਕਰਦੇ ਹਨ। ਉਹਨਾਂ ਸਾਫ ਕਿਹਾ ਨੇ ਕਿ ਦੇਸ਼ ਦੇ ਲੋਕਾਂ ਬਿਨਾ ਦੇਸ਼ ਦੀ ਗੱਲ ਨਹੀਂ ਕੀਤੀ ਜਾ ਸਕਦੀ।    
कन्हैया ने दी जाह्नवी को शुभकामनाएं और विरोध करने वालों को धन्यवाद

ਪੰਜਾਬੀ ਭਵਨ ਲੁਧਿਆਣਾ ਵਿਖੇ ਸਿੱਖਿਆ ਸੈਮੀਨਾਰ ਨੂੰ ਸੰਬੋਧਨ ਕਰਦਿਆਂ ਜਵਾਹਰ ਲਾਲ ਨਹਿਰੂ ਯੂਨੀਵਰਸਿਟੀ ਦਿੱਲੀ ਦੇ ਸਾਬਕਾ ਪ੍ਰਧਾਨ ਅਤੇ ਵਿਦਿਆਰਥੀ ਆਗੂ ਕਨੱਈਆ ਕੁਮਾਰ ਨੇ ਆਖਿਆ ਕਿ ਸਿੱਖਿਆ ਪ੍ਰਬੰਧ ਵਿਚ ਤਬਦੀਲੀ ਵਾਸਤੇ ਸੰਘਰਸ਼ ਲੋੜਾਂ ਦੀ ਲੋੜ ਬਣ ਗਿਆ ਹੈ। ਅਜਿਹੀ ਤਬਦੀਲੀ ਜਿਸ ਵਿਚ ਸਮਾਜ ਦੇ ਹਰ ਵਰਗ ਦੇ ਬੱਚੇ ਲਈ ਪ੍ਰਾਇਮਰੀ ਸਕੂਲ ਤੋਂ ਲੈ ਕੇ ਉੱਚ ਵਿਦਿਆ ਤਕ ਮੁਕੰਮਲ ਸਿਖਿਆ ਦਿੱਤੀ ਜਾ ਸਕੇ। ਉਹਨਾਂ ਮਹਿੰਗੀ ਵਿਦਿਆ ਅਤੇ ਘਟਦੇ ਰੁਜ਼ਗਾਰ ਵਿਸ਼ੇ 'ਤੇ ਬੋਲਦਿਆਂ ਅੱਗੇ ਆਖਿਆ ਕਿ ਮੌਜੂਦਾ ਸਰਕਾਰ ਦੀਆਂ ਨੀਤੀਆਂ ਨਾਲ ਸਿੱਖਿਆ ਏਨੀ ਮਹਿੰਗੀ ਹੋ ਗਈ ਹੈ ਕਿ ਆਮ ਆਦਮੀ ਦੀ ਪਹੁੰਚ ਤੋਂ ਦੂਰ ਹੋ ਗਈ ਹੈ। ਮੁੱਢਲੀ ਸਿੱਖਿਆ ਤੋਂ ਲੈ ਕੇ ਉੱਚ ਵਿਦਿਆ ਤਕ ਸ਼ਖ਼ਸੀਅਤ ਉਸਾਰੀ ਵਾਲੀ ਸਿੱਖਿਆ ਇਕ ਸੁਪਨਾ ਹੋ ਕੇ ਰਹਿ ਗਈ ਹੈ। ਸਿੱਖਿਆ ਪ੍ਰਬੰਧ ਵਿਚੋਂ ਵਿਗਿਆਨਕ ਨਜ਼ਰੀਆ, ਧਰਮ ਨਿਰਪੱਖ ਅਤੇ ਲੋਕਤੰਤਰੀ ਕਦਰਾਂ ਕੀਮਤਾਂ ਦੀ ਥਾਂ ਤੇ ਨਸਲਪ੍ਰਸਤ ਅਤੇ ਫਿਰਕਾਪ੍ਰਸਤ ਵਿਚਾਰ ਫਿਟ ਕੀਤੇ ਜਾ ਰਹੇ ਹਨ। ਸੰਚਾਰ ਮਾਧਿਅਮਾਂ ਰਾਹੀਂ ਇਹ ਫੈਲਾਇਆ ਜਾ ਰਿਹਾ ਹੈ ਕਿ ਇਹ ਸਾਰਾ ਕੁਝ ਭਾਰਤੀ ਸੰਸਕ੍ਰਿਤੀ ਅਤੇ ਰਹੁ ਰੀਤਾਂ ਨੂੰ ਮੁੜ ਸਥਾਪਤ ਕਰਨ ਲਈ ਕੀਤਾ ਜਾ ਰਿਹਾ ਹੈ। ਉਸ ਨੇ ਹੋਰ ਕਿਹਾ ਕਿ ਸਿੱਖਿਆ ਦੇ ਲੋਕਤੰਤਰੀ ਤੱਤ ਨੂੰ ਖਤਮ ਕਰਨਾ ਘਿਨਾਉਣੀ ਸਾਜ਼ਿਸ਼ ਹੈ ਅਤੇ ਕਿਸੇ ਵੀ ਵੱਖਰੇ ਵਿਚਾਰ ਨੂੰ ਦੇਸ ਵਿਰੋਧੀ ਗਰਦਾਨਿਆ ਜਾ ਰਿਹਾ ਹੈ। ਉਸਨੇ ਜੇ.ਐਨ.ਯੂ. ਅਤੇ ਕੇਂਦਰੀ ਯੂਨੀਵਰਸਿਟੀ ਹੈਦਰਾਬਾਦ ਅਤੇ ਕਈ ਹੋਰ ਵਿਦਿਅਕ ਅਦਾਰਿਆਂ ਦੇ ਹਵਾਲੇ ਨਾਲ ਕਿਹਾ ਕਿ ਇਹ ਬੜੀ ਚਲਾਕੀ ਨਾਲ ਹੋ ਰਿਹਾ ਹੈ ਕਿ ਉਚ ਵਿਦਿਆ ਕਾਰਪੋਰੇਟ ਜਗਤ ਨੂੰ ਸੌਂਪ ਦਿੱਤੀ ਜਾਵੇ। ਨਤੀਜੇ ਵਜੋਂ ਗਰੀਬ ਲੋਕਾਂ ਦੀ ਪਹੁੰਚ ਤੋਂ ਉੱਚ ਸਿਖਿਆ ਬਿਲਕੁਲ ਦੂਰ ਹੋ ਗਈ ਹੈ। ਦੇਸ਼ ਭਗਤੀ ਦਾ ਸਮੁੱਚਾ ਸੰਕਲਪ ਹੀ ਇਸ ਤਰਾਂ ਬਦਲਿਆ ਜਾ ਰਿਹਾ ਹੈ ਕਿ ਰਾਜ ਕਰਦੀ ਪਾਰਟੀ ਦੇ ਹਿੰਦੂਤਵ ਦੇ ਏਜੰਡੇ ਦੇ ਫਿਟ ਬੈਠੇ। ਕਿਸੇ ਨੂੰ ਵੀ ਦੇਸ਼ ਧ੍ਰੋਹੀ ਗਰਦਾਨ ਕੇ ਉਹਦੇ ਪਿੱਛੇ ਸਰਕਾਰੀ ਸ਼ਹਿ ਪ੍ਰਾਪਤ ਗਊ ਰੱਕਸ਼ਕ ਗੁੰਡਿਆਂ ਦੀ ਤਰਾਂ ਲਗਾ ਦਿੱਤੇ ਜਾਂਦੇ ਹਨ। ਸਿੱਖਿਆ ਪ੍ਰਬੰਧ ਲੋਕਾਂ ਦੀ ਲੋੜਾਂ ਦੀ ਥਾਂ ਤੇ ਮੰਡੀ ਦੀਆਂ ਲੋੜਾਂ ਅਨੁਸਾਰ ਢਾਲਿਆ ਜਾ ਰਿਹਾ ਹੈ। ਬਿਨਾਂ ਕਿਸੇ ਯੋਜਨਾ ਤੋਂ ਅਜਿਹੇ ਪ੍ਰਬੰਧ ਕਾਰਨ ਰੁਜ਼ਗਾਰ ਘਟ ਰਹੇ ਹਨ ਅਤੇ ਬੇਰੁਜ਼ਗਾਰੀ ਅਤੇ ਅਰਧ ਬੇਰੁਜ਼ਗਾਰੀ ਵਧ ਰਹੀ ਹੈ। ਇਸ ਗੱਲ ਨੇ ਸਮੁੱਚੇ ਵਿਦਿਆਰਥੀਆਂ ਅਤੇ ਉਹਨਾਂ ਦੇ ਮਾਪਿਆਂ ਵਿਚ ਵੱਡੀ ਚਿੰਤਾ ਖੜੀ ਕਰ ਦਿੱਤੀ ਹੈ। ਉਹ ਬੱਚਿਆਂ ਨੂੰ ਲੰਮਾਂ ਸਮਾਂ ਮਹਿੰਗੀ ਵਿਦਿਆ ਪੜ੍ਹਾ ਕੇ ਵੀ ਰੁਜ਼ਗਾਰ ਯਾਫ਼ਤਾ ਨਹੀਂ ਬਣਾ ਸਕੇ। ਇਹ ਸ਼ਬਦ ਪੰਜਾਬੀ ਭਵਨ ਲੁਧਿਆਣਾ ਵਿਖੇ ਪੰਜਾਬੀ ਸਾਹਿਤ ਅਕਾਡਮੀ ਲੁਧਿਆਣਾ ਅਤੇ ਸੋਸ਼ਨ ਥਿੰਕਰਜ਼ ਫ਼ੋਰਮ ਵੱਲੋਂ ਕਰਵਾਏ ਗਏ ਸੈਮੀਨਾਰ ਮਹਿੰਗੀ ਵਿੱਦਿਆ ਘੱਟਦੇ ਰੁਜ਼ਗਾਰ ਮੌਕੇ ਆਖੇ।
कन्हैया ने दी जाह्नवी को शुभकामनाएं और विरोध करने वालों को धन्यवाद

ਇਥੇ ਹੀ ਪੰਜਾਬ ਐਜੂਕੇਸ਼ਨਿਸਟਸ ਫੋਰਮ ਦੇ ਚੇਅਰਮੈਨ ਪ੍ਰੋ. ਤਰਸੇਮ ਬਾਹੀਆ ਨੇ 2016 ਦੀ ਸਿੱਖਿਆ ਨੀਤੀ ਤੇ ਵਿਸਤਰਿਤ ਭਾਸ਼ਨ ਦਿੱਤਾ। ਉਹਨਾਂ ਦੱਸਿਆ ਕਿ ਇਸ ਨੀਤੀ ਕਾਰਨ ਜਿਥੇ ਵਿਦਿਆ ਗਰੀਬ ਅਤੇ ਮੱਧ ਵਰਗ ਤੋਂ ਖੋਹੀ ਜਾ ਰਹੀ ਹੈ ਉਥੇ ਹੁਨਰ ਵਿਕਾਸ ਦੇ ਬਚਾਨੇ ਨਾਲ ਸਕੂਲ ਛੱਡ ਜਾਣ ਵਾਲੇ ਬੱਚਿਆਂ ਦੀ ਗਿਣਤੀ ਵਧ ਰਹੀ ਹੈ। ਇਹ ਨੀਤੀ ਖੁਲ੍ਹੇ ਤੌਰ ਤੇ ਸਿਖਿਆ ਵਿਚ ਨਿੱਜੀ ਖੇਤਰ ਨੂੰ ਮੁਨਾਫ਼ੇ ਦੇ ਮੰਤਵ ਨਾਲ ਆਉਣ ਲਈ ਸੱਦਾ ਦੇ ਰਹੀ ਹੈ। ਇਹ ਨੀਤੀ ਅਟੱਲ ਬਿਹਾਰੀ ਵਾਜਪਾਈ ਸਰਕਾਰ ਸਮੇਂ ਬਿਰਲਾ ਅੰਬਾਨੀ ਕਮੇਟੀ ਵੱਲੋਂ ਦੇਸ਼ ਲਈ ਵਿਚਾਰੀ ਗਈ ਸੀ। ਉਸ ਕਮੇਟੀ ਵਿਚ ਕੋਈ ਵੀ ਸਿੱਖਿਆ ਖੇਤਰ ਦੀ ਸ਼ਖ਼ਸੀਅਤ ਮੈਂਬਰ ਨਹੀਂ ਸੀ। ਇਹ ਕਮੇਟੀ ਸਮੁੱਚੇ ਤੌਰ ਤੇ ਕੁਠਾਰੀ ਕਮੇਟੀ ਦੀ ਰਿਪੋਰਟ ਨੂੰ ਉਲਟਾਉਂਦੀ ਹੈ ਜਿਸ ਨੇ ਆਮ ਸਕੂਲ ਪ੍ਰਬੰਧ ਅਤੇ ਏਰੀਆ ਸਕੂਲਾਂ ਦੀ ਸਿਫ਼ਾਰਸ਼ ਦੇ ਨਾਲ ਨਾਲ ਮੁੱਢਲੀ ਤੋਂ ਉੱਚ ਵਿੱਦਿਆ ਤਕ ਮੁਫ਼ਤ ਸਿੱਖਿਆ ਸਿਫ਼ਾਰਸ਼ ਕੀਤੀ ਸੀ।
ਅਮਰਜੀਤ ਕੌਰ, ਕੌਮੀ ਸਕੱਤਰ ਆਲ ਇੰਡੀਆ ਟ੍ਰੇਡ ਯੂਨੀਅਨ ਕੌਂਸਲ ਨੇ ਚੇਤੰਨ ਕੀਤਾ ਕਿ ਸਰਕਾਰ ਵੱਲੋਂ ਵਿੱਦਿਅਕ ਪ੍ਰਬੰਧ ਨੂੰ ਫ਼ਿਰਕੂ ਦਿਸ਼ਾ ਦੇ ਕੇ ਨਵੇਂ ਗੰਭੀਰ ਖਤਰੇ ਖੜੇ ਕੀਤੇ ਜਾ ਰਹੇ ਹਨ। ਵਿਗਿਆਨ ਨੂੰ ਮਿਥਿਆਲੋਜੀ ਨਾਲ ਤੁਲਨਾ ਦੇ ਕੇ ਸਾਡੀ ਪੁਰਾਣੀ ਬਹੁ-ਸੱਭਿਆਚਾਰਕ ਅਖੰਡਤਾ ਨੂੰ ਚੁਣੌਤੀ ਦਿੱਤੀ ਜਾ ਰਹੀ ਹੈ। ਉਹਨਾਂ ਲੇਬਰ ਬਿਓਰੋ ਦੀ ਰਿਪੋਰਟ ਦੇ ਹਵਾਲੇ ਨਾਲ ਕਿਹਾ ਕਿ ਸਰਕਾਰ ਵੱਲੋਂ ਸੱਚਮੁਚ ਮੰਨਿਆ ਗਿਆ ਹੈ ਕਿ ਨਵ ਉਦਾਰਵਾਦੀ ਨੀਤੀਆਂ ਦੇ ਆਉਣ ਅਤੇ ਕਾਰਪੋਰੇਟ ਜਗਤ ਨਾਲ ਭਿਆਲੀ ਪਾਉਣ ਤੋਂ ਬਾਅਦ ਰੁਜ਼ਗਾਰ ਦੇ ਮੌਕੇ ਘਟ ਗਏ ਹਨ। ਇਹ ਰਫ਼ਤਾਰ ਮੌਜੂਦਾ ਸਰਕਾਰ ਆਉਣ ਤੋਂ ਬਾਅਦ ਹੋਰ ਤੇਜ਼ ਹੋਈ ਹੈ। ਇਹ 80ਵਿਆਂ ਵਿਚ ਅਪਣਾਇਆ ਸਿਹਤ ਤੇ ਸਿੱਖਿਆ ਦੇ ਹੱਕ ਨੂੰ ਪੁੱਠਾ ਗੇੜਾ ਦੇ ਕੇ ਇਹਨਾਂ ਦੋਹਾਂ ਚੀਜ਼ਾਂ ਨੂੰ ਖ੍ਰੀਦਿਆ ਜਾਣ ਜੋਗਾ ਬਣਾਇਆ ਜਾ ਰਿਹਾ ਹੈ। 

ਪੰਜਾਬੀ ਸਾਹਿਤ ਅਕਾਡਮੀ ਲੁਧਿਆਣਾ ਦੇ ਪ੍ਰਧਾਨ ਡਾ. ਸੁਖਦੇਵ ਸਿੰਘ ਸਿਰਸਾ ਨੇ ਅੰਤ ਵਿਚ ਧੰਨਵਾਦ ਕਰਦਿਆਂ ਆਖਿਆ ਕਿ ਕਿਸੇ ਦੇਸ਼ ਦੇ ਲੋਕਤਾਂਤਰਿਕ ਢਾਂਚੇ ਨੂੰ ਬਰਬਾਦ ਕਰਨ ਲਈ ਉਥੋਂ ਦੇ ਵਿੱਦਿਅਕ ਢਾਂਚੇ ਨੂੰ ਫ਼ਿਰਕੂ ਲੀਹਾਂ 'ਤੇ ਢਾਲ ਦਿੱਤਾ ਜਾਵੇ। ਇਹੀ ਕੰਮ ਅੰਗਰੇਜ਼ ਆਪਣੇ ਰਾਜ ਸਮੇਂ ਪਾੜੋ ਤੇ ਰਾਜ ਕਰੋ ਦੀ ਨੀਤੀ ਨੂੰ ਸਫ਼ਲ ਬਣਾਉਣ ਲਈ ਕਰਦੇ ਰਹੇ ਹਨ। ਇਹ ਕਾਰਪੋਰੇਟ ਜਗਤ ਅਤੇ ਰਾਜ ਸੱਤਾ ਦਾ ਕੋਈ ਸਾਂਝਾ ਗੁਪਤ ਏਜੰਡਾ ਜਾਪਦਾ ਹੈ। ਅਕਾਡਮੀ ਦੇ ਜਨਰਲ ਸਕੱਤਰ ਡਾ. ਸੁਰਜੀਤ ਸਿੰਘ ਨੇ ਸਵਾਗਤੀ ਸ਼ਬਦ ਕਹਿੰਦਿਆਂ ਕਿਹਾ ਕਿ ਸਿੱਖਿਆ ਦਾ ਮਸਲਾ ਮਨੁੱਖੀ ਸਾਧਨਾਂ ਦੇ ਵਿਕਾਸ ਲਈ ਅਤੇ ਭਰਪੂਰ ਰੁਜ਼ਗਾਰ ਵਾਲੇ ਸਮਾਜ ਲਈ ਅਤਿ ਮੁੱਢਲਾ ਮਸਲਾ ਹੈ। ਇਸ ਨੂੰ ਤਾਂ ਸਗੋਂ ਪਹਿਲਾਂ ਤੋਂ ਵੀ ਵਧੇਰੇ ਵਿਗਿਆਨਕ ਅਤੇ ਲੋਕਤੰਤਰੀ ਲੀਹਾਂ ਤੇ ਢਾਲਣ ਦੀ ਲੋੜ ਹੈ। ਸੋਸ਼ਲ ਥਿੰਕਰਜ਼ ਫ਼ੋਰਮ ਦੇ ਕਨਵੀਨਰ ਡਾ. ਅਰੁਣ ਮਿੱਤਰਾ  ਨੇ ਵਿਸ਼ੇ ਦੀ ਗੰਭੀਰਤਾ ਅਤੇ ਸਾਰਥਿਕਤਾ ਦੇ ਨਾਲ ਸਿਹਤ ਦੇ ਅਧਿਕਾਰ ਨੂੰ ਜੋੜਦਿਆਂ ਜਾਣ ਪਛਾਣ ਕਰਵਾਈ ਅਤੇ ਕਿਹਾ ਕਿ ਇਹਨਾਂ ਮਸਲਿਆਂ ਨੂੰ ਲੈ ਕੇ ਆਉਣ ਵਾਲੀਆਂ ਚੋਣਾਂ ਵਿਚ ਗੰਭੀਰ ਚਰਚਾ ਹੋਣੀ ਚਾਹੀਦੀ ਹੈ।
कन्हैया ने दी जाह्नवी को शुभकामनाएं और विरोध करने वालों को धन्यवाद
ਇਸ ਮੌਕੇ ਨਵਲ ਛਿੱਬੜ ਐਡਵੋਕੇਟ, ਅਮਨਦੀਪ ਸਿੰਘ, ਡਾ. ਕੁਲਦੀਪ ਸਿੰਘ, ਪ੍ਰੋ. ਜੈ ਪਾਲ ਸਿੰਘ, ਅਵਤਾਰ ਛਿੱਬੜ, ਜਗਦੀਸ਼ ਰਾਏ ਬੌਬੀ,  ਡਾ. ਰਜਿੰਦਰਪਾਲ ਔਲਖ, ਪ੍ਰੌ: ਜਗਮੋਹਨ  ਸਿੰਘ, ਪ੍ਰੌ ਗੁਰਭਜਨ ਗਿੱਲ, ਪ੍ਰੌ: ਜਸਵੰਤ ਜ਼ਫ਼ਰ, ਗੁਰਨਾਮ ਸਿੱਧੂ, ਰੀਨਾ ਕੁਮਾਰੀ, ਡਾ. ਗੁਰਪ੍ਰੀਤ ਰਤਨ, ਡੀ.ਪੀ.ਮੌੜ, ਰਮੇਸ਼ ਰਤਨ, ਕਰਤਾਰ ਬੁਆਣੀ, ਪ੍ਰਮੁੱਖ ਵਕੀਲ ਅਤੇ ਦਲਿਤ ਆਗੂ ਨਰਿੰਦਰ ਆਧਿਆ,  ਵਿਜੇ ਕੁਮਾਰ, ਮਨਜੀਤ ਸਿੰਘ ਰੋਡਵੇਜ, ਸੁਲਤਾਨਾ ਮਲਿਕ,  ਗੁਰਨਾਮ ਸਿੰਘ ਸਿਧਵਾਂ, ਚਰਨ ਸਰਾਭਾ, ਕੁਲਦੀਪ ਸਿੰਘ ਬਿੰਦਰ, ਗੁਲਜ਼ਾਰ ਗੋਰੀਆ, ਸ੍ਰੀਮਤੀ ਜੀਤ ਕੁਮਾਰੀ, ਪ੍ਰੌ: ਏ ਕੇ ਮਲੇਰੀ, ਇੰਦਰਜੀਤ ਸਿੰਘ ਸੋਢੀ,  ਗੁਰਨਾਮ ਗਿੱਲ, ਸ੍ਰੀਮਤੀ ਕੁਸਮ ਲਤਾ, ਪਰਮਜੀਤ ਸਿੰਘ ਐਡਵੋਕੇਟ, ਦਵਿੰਦਰ ਵਾਹੀ ਐਡਵੋਕੇਟ, ਦੀਪਕ ਕੁਮਾਰ, ਸੁਰਿੰਦਰ ਸਿੰਘ ਜਲਾਲਦੀਵਾਲ, ਰਣਧੀਰ ਸਿੰਘ ਧੀਰਾ ਸਮੇਤ ਕਈ ਆਗੂ ਅਤੇ ਵਰਕਰ ਮੌਜੂਦ ਰਹੇ।  ਕਨ੍ਹਈਆ ਕੁਮਾਰ ਦੀ ਇਸ ਫੇਰੀ ਨਾਲ ਖੱਬੇ ਪੱਖੀ ਨੌਜਵਾਨਾਂ ਅਤੇ ਵਿਦਿਆਰਥੀਆਂ ਵਿੱਚ ਜੋਸ਼ ਅਤੇਉਤਸ਼ਾਹ ਦੀ ਇੱਕ ਨਵੀਂ ਲਹਿਰ ਪੈਦਾ ਹੋਈ ਜਿਸ ਨਾਲ ਇੱਕ ਵਾਰ ਫਿਰ ਆਸ ਬੱਝੀ ਹੈ ਕਿ ਪੰਜਾਬ ਵਿੱਚ ਖੱਬੀਆਂ ਵਿਦਿਆਰਥੀ ਧਿਰਾਂ ਦੀ ਪੁਰਾਣੀ ਸ਼ਾਨੋ ਸ਼ੌਕਤ ਭਾਲ ਹੋਣ ਵਿੱਚ ਤੇਜ਼ੀ ਆਏਗੀ।

कन्हैया ने दी जाह्नवी को शुभकामनाएं और विरोध करने वालों को धन्यवाद


Saturday, October 22, 2016

ਲੁਧਿਆਣਾ ਵਿੱਚ ਕਨ੍ਹੱਈਆ ਕੁਮਾਰ ਦੇ ਵਿਰੋਧ ਦੀ ਧਮਕੀ ਦਾ ਲਿਆ ਗੰਭੀਰ ਨੋਟਿਸ

Sat, Oct 22, 2016 at 5:22 PM
ਪਦਮਸ੍ਰੀ ਡਾ. ਸੁਰਜੀਤ ਪਾਤਰ  ਅਤੇ ਸਾਬਕਾ ਮੰਤਰੀ ਦਾਖਾ ਵੱਲੋਂ ਵੀ ਨਿਖੇਧੀ 
ਲੁਧਿਆਣਾ: 22 ਅਕਤੂਬਰ  2016: (ਪੰਜਾਬ ਸਕਰੀਨ ਬਿਊਰੋ):
ਵਿਦਿਆਰਥੀ ਆਗੂ ਕਨ੍ਹੱਈਆ ਕੁਮਾਰ ਦੇ  ਲੁਧਿਆਣਾ  ਆਉਣ ਤੇ ਕੁਝ ਵਕੀਲਾਂ ਅਤੇ ਕੱਟੜ ਹਿੰਦੂ ਜੱਥੇਬੰਦੀਆਂ ਵੱਲੋਂ  ਵਿਰੋਧ ਦੀ ਖਬਰ ਸੁਣ ਕੇ ਲੁਧਿਆਣੇ ਦੀਆਂ ਅਗਾਂਹਵਧੂ ਅਤੇ ਚਿੰਤਨ ਮੰਥਨ ਕਰਨ ਵਾਲੀਆਂ ਸੰਸਥਾਵਾਂ ਨੇ ਘੋਰ ਚਿੰਤਾ ਪ੍ਰਗਟ ਕੀਤੀ ਹੈ। ਇਸ ਮਾਮਲੇੇ ਵਿੱਚ ਹੋਰਨਾਂ ਤੋਂ ਇਲਾਵਾ ਪਦਮਸ੍ਰੀ ਡਾ. ਸੁਰਜੀਤ ਪਾਤਰ  ਅਤੇ ਸਾਬਕਾ ਮੰਤਰੀ ਪੰਜਾਬ ਸ਼੍ਰੀ ਮਲਕੀਤ ਸਿੰਘ ਦਾਖਾ ਨੇ ਵੀ ਨਿੰਦਾ ਕੀਤੀ ਹੈ। ਸੰਬੰਧਿਤ ਜਥੇਬੰਦੀਆਂ ਨੇ ਜ਼ਿਲ੍ਹਾ ਲੁਧਿਆਣਾ ਪ੍ਰਸਾਸ਼ਨ ਨੂੰ ਅਪੀਲ ਕੀਤੀ ਹੈ ਕਿ ਉਨ੍ਹਾਂ ਦਾ ਆਪਣਾ ਫਰਜ਼ ਬਣਦਾ ਹੈ ਕਿ ਅਮਨ ਕਾਨੂੰਨ ਦੀ ਸਥਿਤੀ ਨੂੰ ਕਾਇਮ ਰੱਖਿਆ ਜਾਵੇ।  

ਪੰਜਾਬੀ ਸਾਹਿਤ ਅਕਾਡਮੀ ਲੁਧਿਆਣਾ ਅਤੇ ਸੋਸ਼ਲ ਥਿੰਕਰਜ਼ ਫ਼ੋਰਮ ਵੱਲੋਂ ਪੰਜਾਬੀ ਭਵਨ ਲੁਧਿਆਣਾ ਵਿਖੇ ਸਿੱਖਿਆ ਸੈਮੀਨਾਰ ਕਰਵਾਇਆ ਜਾ ਰਿਹਾ ਹੈ। ਪੰਜਾਬੀ ਸਾਹਿਤ ਅਕਾਡਮੀ ਲੁਧਿਆਣਾ ਦੇ ਪ੍ਰਧਾਨ ਡਾ. ਸੁਖਦੇਵ ਸਿੰਘ ਸਿਰਸਾ, ਸੀਨੀਅਰ ਮੀਤ ਪ੍ਰਧਾਨ ਡਾ. ਅਨੂਪ ਸਿੰਘ ਅਤੇ ਜਨਰਲ ਸਕੱਤਰ ਡਾ. ਸੁਰਜੀਤ ਸਿੰਘ, ਸਮਾਗਮ ਦੇ ਕਨਵੀਨਰ ਡਾ. ਗੁਲਜ਼ਾਰ ਸਿੰਘ ਪੰਧੇਰ ਸਮੇਤ ਸੋਸ਼ਲ ਥਿੰਕਰਜ਼ ਫ਼ੋਰਮ ਦੇ ਕਨਵੀਨਰ ਡਾ. ਅਰੁਣ ਮਿੱਤਰਾ ਅਤੇ ਸਹਿ ਕਨਵੀਨਰ ਐਮ.ਐਸ.ਭਾਟੀਆ ਨੇ ਪੰਜਾਬੀ ਭਵਨ ਵਿਚ ਵਿਦਿਆਰਥੀ ਆਗੂ ਕਨ੍ਹੱਈਆ ਕੁਮਾਰ ਦੇ ਆਉਣ ਤੇ ਦਿੱਤੀਆਂ ਧਮਕੀਆਂ ਦੀ ਨਿਖੇਧੀ ਕੀਤੀ ਹੈ।

ਉਪਰੋਕਤ ਸੰਸਥਾਵਾਂ ਵੱਲੋਂ ਸਿੱਖਿਆ ਦੇ ਬੜੇ ਗੰਭੀਰ ਵਿਸ਼ੇ ਮਹਿੰਗੀ ਵਿੱਦਿਆ-ਘਟਦੇ ਰੁਜ਼ਗਾਰ ਵਿਸ਼ੇ ’ਤੇ ਸੈਮੀਨਾਰ ਕਰਵਾਇਆ ਜਾ ਰਿਹਾ ਹੈ ਜਿਸ ਵਿਚ ਹੋਰਨਾਂ ਵਿਦਵਾਨਾਂ ਤੋਂ ਇਲਾਵਾ ਕਨ੍ਹੱਈਆ ਕੁਮਾਰ ਨੂੰ ਇਸ ਵਿਸ਼ੇ ’ਤੇ ਵਿਦਿਆਰਥੀਆਂ ਦਾ ਪੱਖ ਰੱਖਣ ਲਈ ਬੁਲਾਇਆ ਗਿਆ ਹੈ। ਉਸ ਨੂੰ ਕਿਸੇੇ ਵੀ ਅਦਾਲਤ ਨੇ ਅਜੇ ਤੱਕ ਦੋਸ਼ੀ ਨਹੀਂ ਠਹਿਰਾਇਆ ਜੋ ਅਖੌਤੀ ਤੌਰ ’ਤੇ ਉਸ ਉਪਰ ਦੋਸ਼ ਲੱਗ ਰਹੇ ਸਨ ਕਿ ਉਸ ਨੇ ਦੇਸ਼ ਵਿਰੋਧੀ ਨਾਹਰੇ ਲਗਾਏ ਹਨ। ਉਹ ਵੀ ਸਾਬਤ ਹੋ ਚੁੱਕਾ ਹੈ ਕਿ ਸੰਬੰਧਿਤ ਵੀਡੀਓ ਦੀ ਛੇੜ ਛਾੜ ਕਰਕੇ ਇਹ ਕੰਮ ਕੀਤਾ ਗਿਆ ਸੀ। ਸੋ ਇਕ ਲੋਕਤੰਤਰੀ ਦੇਸ਼ ਵਿਚ ਸਿੱਖਿਆ ਵਰਗੇ ਵਿਸ਼ੇ ’ਤੇ ਜੇਕਰ ਕੋਈ ਆਪਣੇ ਵਿਚਾਰ ਦੇਣ ਲਈ ਆਉਦਾ ਹੈ ਤਾਂ ਉਸ ਨੂੰ ਰੋਕਣਾ ਅਤੇ ਧਮਕੀਆਂ ਦੇਣਾ ਜਿੱਥੇ ਗੈਰਲੋਕਤੰਤਰੀ ਹੈ, ਉੱਥੇ ਸਭਿਅਕ ਸਮਾਜ ਨੂੰ ਸ਼ੋਭਾ ਨਹੀਂ ਦਿੰਦਾ। ਪੰਜਾਬੀ ਸਾਹਿਤ ਅਕਾਡਮੀ ਲੁਧਿਆਣਾ ਦਾ ਮੰਤਵ ਭਾਸ਼ਾ, ਸਾਹਿਤ ਅਤੇ ਸਭਿਆਚਾਰ ਬਾਰੇ ਕੰਮ ਕਰਨਾ ਹੈ। ਭਾਸ਼ਾ ਦਾ ਸਿੱਖਿਆ ਨਾਲ ਗੂੜਾ ਸੰਬੰਧ ਹੈ ਅਤੇ ਇਸ ਸੰਬੰਧੀ ਜਿੰਨੀ ਵੀ ਚਰਚਾ ਹੋ ਸਕੇ ਥੋੜ੍ਹੀ ਹੈ। ਅੱਜ ਇਸ ਬਾਬਤ ਇੱਕ ਪ੍ਰੈਸ ਕਾਨਫ਼ੰਸ ਪੰਜਾਬੀ ਭਵਨ ਲੁਧਿਆਣਾ ਵਿਖੇ ਕੀਤੀ ਗਈ ਜਿਸਨੂੰ ਜਾਇੰਟ ਕੌਂਸਲ ਆਫ਼ ਟ੍ਰੇਡ ਯੂਨੀਅਨ ਦੇ ਜਨਰਲ ਸਕੱਤਰ ਕਾ: ਡੀ ਪੀ ਮੌੜ, ਜਿਲ੍ਹਾ ਬਾਰ ਐਸੋਸੀਏਸ਼ਨ ਦੇ ਸਾਬਕਾ ਪ੍ਰਧਾਨ ਐਡਵੋਕੇਟ ਨਵਲ ਛਿੱਬੜ, ਪ੍ਰਮੁੱਖ ਵਕੀਲ ਅਤੇ ਦਲਿਤ ਆਗੂ ਨਰਿੰਦਰ ਆਧਿਆ, ਐਡਵੋਕੇਟ ਗੁਰਚਰਨਜੀਤ, ਵਰਿੰਦਰ ਕੌਫ਼ੀ, ਏਟਕ ਆਗੂ ਗੁਰਨਾਮ ਸਿੱਧੂ, ਨੌਜਵਾਨ ਆਗੂ ਕੁਲਦੀਪ ਸਿੰਘ ਬਿੰਦਰ , ਪੰਜਾਬ ਸੀਵਰਮੈਨ ਇੰਪਲਾਈਜ਼ ਯੂਨੀਅਨ-ਏਟਕ ਦੇ ਪ੍ਰਧਾਨ  ਵਿਜੈ ਕੁਮਾਰ, ਡਿਸਪੋਜ਼ਲ ਵਰਕਰਜ਼ ਯੂਨੀਅਨ  ਨਗਰ ਨਿਗਮ ਲੁਧਿਆਣਾ ਦੇ ਪ੍ਰਧਾਨ ਮਹੀਪਾਲ, ਭਾਰਤ ਜਨ ਗਿਆਨ ਵਿਗਿਆਨ ਜੱਥਾ ਦੇ ਸਕੱਤਰ ਡਾ: ਰਾਜਿੰਦਰ ਪਾਲ ਸਿੰਘ ਔਲਖ, ਏਟਕ ਯੂਨੀਅਨ ਆਗੂ ਟਾਈਗਰ ਸਿੰਘ, ਲੱਡੂ ਸ਼ਾਹ, ਰਾਮ ਚੰਦਰ ਯਾਦਵ, ਬਿਜਲੀ ਮੁਲਾਜ਼ਮ ਆਗੂ ਐਸ ਪੀ ਸਿੰਘ, ਰਣਧੀਰ ਸਿੰਘ ਧੀਰਾ ਆਦਿ ਨੇ ਸੰਬੋਧਨ ਕੀਤਾ।
ਕਿਸੇ ਵੀ ਵੇਰਵੇ ਜਾਂ ਕਵਰੇਜ ਕਰਨ ਵਿੱਚ ਆਉਂਦੀ ਮੁਸ਼ਕਿਲ ਦੂਰ ਕਰਨ ਦੀ ਸਹਾਇਤਾ ਲਈ ਸੰਪਰਕ ਕਰ ਸਕਦੇ ਹੋ:
ਪੰਜਾਬੀ ਸਾਹਿਤ ਅਕਾਡਮੀ ਦੇ ਪ੍ਰੈੱਸ ਸਕੱਤਰ ਡਾ. ਗੁਲਜ਼ਾਰ ਸਿੰਘ ਪੰਧੇਰ ਨਾਲ 94647-62825 ਜਾਂ ਫੇਰ ਕਿਸੇ ਹੰਗਾਮੀ ਹਾਲਤ ਵਿੱਚ ਸੋਸ਼ਲ ਥਿੰਕਰਜ਼ ਫ਼ੋਰਮ ਦੇ ਕਨਵੀਨਰ ਡਾ. ਅਰੁਣ ਮਿੱਤਰਾ ਨਾਲ 9417000360 'ਤੇ ਸੰਪਰਕ ਕੀਤਾ ਜਾ ਸਕਦਾ ਹੈ। 

Thursday, October 20, 2016

ਵਿਦਿਆਰਥੀ ਆਗੂ ਕਨ੍ਹਈਆ ਕੁਮਾਰ 23 ਨੂੰ ਲੁਧਿਆਣਾ ਵਿੱਚ

Thu, Oct 20, 2016 at 11:35 AM
ਪੰਜਾਬੀ ਸਾਹਿਤ ਅਕਾਡਮੀ ਲੁਧਿਆਣਾ ਵੱਲੋਂ ਹੋਵੇਗਾ ਵਿਸ਼ੇਸ਼ ਸੈਮੀਨਾਰ 
ਮਹਿੰਗੀ ਵਿੱਦਿਆ-ਘਟਦੇ ਰੁਜ਼ਗਾਰ ਵਿਸ਼ੇ ’ਤੇ ਸਿੱਖਿਆ ਸੈਮੀਨਾਰ
ਆਯੋਜਨ ਸਾਂਝ: ਸੋਸ਼ਲ ਥਿੰਕਰਜ਼ ਫ਼ੋਰਮ ਲੁਧਿਆਣਾ
ਲੁਧਿਆਣਾ : 19 ਅਕਤੂਬਰ  2016: (ਪੰਜਾਬ ਸਕਰੀਨ ਬਿਊਰੋ):
ਪੰਜਾਬੀ ਸਾਹਿਤ ਅਕਾਡਮੀ ਲੁਧਿਆਣਾ ਅਤੇ ਸੋਸ਼ਲ ਥਿੰਕਰਜ਼ ਫ਼ੋਰਮ ਲੁਧਿਆਣਾ ਵੱਲੋਂ 23 ਅਕਤੂਬਰ ਬਾਅਦ ਦੁਪਹਿਰ 1.30 ਵਜੇ ‘ਮਹਿੰਗੀ ਵਿੱਦਿਆ-ਘਟਦੇ ਰੁਜ਼ਗਾਰ’ ਵਿਸ਼ੇ ’ਤੇ ਸਿੱਖਿਆ ਸੈਮੀਨਾਰ ਪੰਜਾਬੀ ਭਵਨ ਲੁਧਿਆਣਾ ਵਿਖੇ ਕਰਵਾਇਆ ਜਾ ਰਿਹਾ ਹੈ। ਪੰਜਾਬੀ ਸਾਹਿਤ ਅਕਾਡਮੀ ਲੁਧਿਆਣਾ ਦੇ ਪ੍ਰਧਾਨ ਡਾ. ਸੁਖਦੇਵ ਸਿੰਘ, ਸੀਨੀਅਰ ਮੀਤ ਪ੍ਰਧਾਨ ਡਾ. ਅਨੂਪ ਸਿੰਘ ਅਤੇ ਜਨਰਲ ਸਕੱਤਰ ਡਾ. ਸੁਰਜੀਤ ਸਿੰਘ ਨੇ ਦਸਿਆ ਕਿ ਅਜੋਕੇ ਸਮਿਆਂ ਵਿਚ ਸਿੱਖਿਆ ਦਾ ਵਪਾਰੀਕਰਣ ਅਤੇ ਭਗਵਾਕਰਣ ਵਿਸ਼ੇਸ਼ ਕਿਸਮ ਦੇ ਮਸਲੇ ਖੜ੍ਹੇ ਕਰ ਰਿਹਾ ਹੈ। ਸੋ ਸਾਡੀ ਸਮੁੱਚੀ ਸਿੱਖਿਆ ਪ੍ਰਣਾਲੀ ਤੇ ਚਿੰਤਨ ਮੰਥਨ ਹੋਣਾ ਅਤਿ ਜ਼ਰੂਰੀ ਹੋ ਗਿਆ ਹੈ। ਇਸ ਮੰਤਵ ਲਈ ਵਿਸ਼ੇਸ਼ ਤੌਰ ’ਤੇ ਨਵੀਂ ਸਿੱਖਿਆ ਨੀਤੀ ਸੰਬੰਧੀ ਵਿਚਾਰ ਕਰਨ ਲਈ ਚੇਅਰਮੈਨ ਪੰਜਾਬ ਐਜ਼ੂਕੇਸ਼ਨਿਸਟ ਫ਼ੋਰਮ ਪ੍ਰੋ. ਤਰਸੇਮ ਬਾਹੀਆ ਜੀ ਨੂੰ ਬੁਲਾਇਆ ਗਿਆ ਹੈ। ਤੇ ਇਸੇ ਸੰਦਰਭ ਵਿਚ ਵਿਦਿਆਰਥੀਆਂ ‘ਜੋ ਕਿ ਵਿੱਦਿਆ ਪ੍ਰਬੰਧ ਤੋਂ ਸਭ ਤੋਂ ਵੱਧ ਪ੍ਰਭਾਵਿਤ ਹੋ ਰਹੇ ਹਨ।’ ਦਾ ਪੱਖ ਪੇਸ਼ ਕਰਨ ਲਈ ਏ.ਆਈ.ਐਸ.ਐਫ਼. ਆਗੂ ਪ੍ਰਧਾਨ ਜੇ.ਐਨ.ਯੂ., ਕਨ੍ਹਈਆ ਕੁਮਾਰ ਨੂੰ ਵਿਸ਼ੇਸ਼ ਤੌਰ ਤੇ ਬੁਲਾਇਆ ਗਿਆ ਹੈ। ਇਸ ਸਮਾਗਮ ਵਿਚ ਅਕਾਡਮੀ ਦੇ ਜਨਰਲ ਸਕੱਤਰ ਡਾ. ਸੁਰਜੀਤ ਸਿੰਘ ਸੁਆਗਤੀ ਸ਼ਬਦ ਕਹਿਣਗੇ। ਸੋਸ਼ਲ ਥਿੰਕਰਜ਼ ਫ਼ੋਰਮ ਦੇ ਕਨਵੀਨਰ ਡਾ. ਅਰੁਣ ਮਿੱਤਰਾ ਵਿਸ਼ੇ ਦਾ ਸੰਦਰਭ ਸਾਂਝਾ ਕਰਨਗੇ। 
ਉਪਰੰਤ ਸਮੁੱਚੀ ਵਿਚਾਰ ਚਰਚਾ ਤੋਂ ਬਾਅਦ ਦਿੱਲੀ ਤੋਂ ਆਏ ਕੌਮੀ ਪੱਧਰ ਦੇ ਆਗੂ ਅਮਰਜੀਤ ਕੌਰ ਦਰਪੇਸ਼ ਚੁਣੌਤੀਆਂ ਬਾਰੇ ਆਪਣੇ ਸੁਝਾਅ ਸਾਂਝੇੇ ਕਰਨਗੇ। ਅੰਤ ਵਿਚ ਅਕਾਡਮੀ ਦੇ ਪ੍ਰਧਾਨ ਡਾ. ਸੁਖਦੇਵ ਸਿੰਘ ਸਿਰਸਾ ਚਰਚਾ ਦਾ ਤੱਤਸਾਰ ਸਾਂਝਾ ਕਰਨਗੇ ਅਤੇ ਇਸ ਮਹੱਤਵਪੂਰਨ ਸੈਮੀਨਾਰ ਵਿਚ ਸ਼ਮੂਲੀਅਤ ਕਰਨ ਵਾਲੀਆਂ ਸ਼ਖ਼ਸੀਅਤਾਂ ਅਤੇ ਧਿਰਾਂ ਦਾ ਧੰਨਵਾਦ ਕਰਨਗੇ। ਅਕਾਡਮੀ ਦੇ ਮੀਤ ਪ੍ਰਧਾਨ ਸ੍ਰੀ ਤ੍ਰੈਲੋਚਨ ਲੋਚੀ, ਸਕੱਤਰ ਡਾ. ਗੁਲਜ਼ਾਰ ਸਿੰਘ ਪੰਧੇਰ, ਸ੍ਰੀ ਮਨਜਿੰਦਰ ਸਿੰਘ ਧਨੋਆ ਅਤੇ ਸ. ਭੁਪਿੰਦਰ ਸਿੰਘ ਸੰਧੂ ਅਤੇ ਸੋਸ਼ਲ ਥਿੰਕਰਜ਼ ਦਾ ਸਹਿ ਕਨਵੀਨਰ ਐਮ.ਐਸ.ਭਾਟੀਆ ਨੇ ਸਮੂਹ ਸਾਹਿਤ ਪ੍ਰੇਮੀ, ਸਿੱਖਿਆ ਪ੍ਰੇਮੀ ਅਤੇ ਚਿੰਤਨ ਮੰਥਨ ਦੇ ਸ਼ੌਕੀਨ ਲੋਕਾਂ ਨੂੰ ਇਸ ਸਮਾਗਮ ਵਿਚ ਵਧ ਚੜ੍ਹ ਕੇ ਸ਼ਮੂਲੀਅਤ ਕਰਨ ਦਾ ਸੱਦਾ ਦਿੱਤਾ ਹੈ।

Tuesday, April 26, 2016

ਡਾ.ਬਿੰਦਰ ਨੇ ਕੀਤਾ ਕਨ੍ਹਈਆ ਨੂੰ ਹੋਏ ਜੁਰਮਾਨੇ ਦੀ ਰਕਮ ਦੇਣ ਦਾ ਐਲਾਨ

ਦਮਨਕਾਰੀ ਕਦਮਾਂ ਨਾਲ ਹੋਰ ਵਧ ਰਿਹਾ ਹੈ ਕਨ੍ਹਈਆ ਕੁਮਾਰ ਦਾ ਆਧਾਰ 
ਨਵੀਂ ਦਿੱਲੀ: 25 ਅਪ੍ਰੈਲ 2016: (ਪੰਜਾਬ ਸਕਰੀਨ ਬਿਊਰੋ): 
ਕਿਸੇ ਵੇਲੇ ਕਿਸੇ ਸ਼ਾਇਰ ਨੇ ਲਿਖਿਆ ਸੀ:
ਇੱਕ ਬਿੰਦੂ ਫੈਲ ਕੇ ਦਾਇਰੇ ਬਰਾਬਰ ਹੋ ਗਿਆ 
ਤੇਰਾ ਗਮ ਕਤਰੇ ਜਿਹਾ ਸੀ ਹੁਣ ਸਮੁੰਦਰ ਹੋ ਗਿਆ। 
ਕਨ੍ਹਈਆ ਕੁਮਾਰ ਦੇ ਮਾਮਲੇ ਵਿੱਚ ਇਹ ਸ਼ੇਅਰ ਇੱਕ ਵਾਰ ਫੇਰ ਆਪਣਾ ਰੰਗ ਦਿਖਾ ਰਿਹਾ ਹੈ।  ਦੇਸ਼ ਧ੍ਰੋਹ ਵਰਗੇ ਦੋਸ਼ ਦਾ ਸਾਹਮਣਾ ਕਰ ਰਹੇ ਕਨ੍ਹਈਆ ਕੁਮਾਰ ਦਾ ਅਧਾਰ ਲਗਾਤਾਰ ਵਧ ਰਿਹਾ ਹੈ। ਜੇ ਕੋਈ ਸਾਜਿਸ਼ੀ ਉਸ ਦੇ ਗਲੇ ਨੂੰ ਘੁੱਟਣ ਦੀ ਕੋਸ਼ਿਸ਼ ਕਰਦਾ ਹੈ ਤਾਂ ਉਸ ਨੂੰ ਦਬੋਚਣ ਵਾਸਤੇ ਬਾਜ਼ ਵਾਲੀ ਅੱਖ ਰੱਖ ਰਹੇ ਸਾਥੀ ਝੱਟ ਹਰਕਤ ਵਿੱਚ ਆ ਜਾਂਦੇ ਹਨ। ਕਨ੍ਹਈਆ ਕੁਮਾਰ ਦੇ ਵਧ ਰਹੇ ਲੋਕ ਪਿਆਰ ਨੂੰ ਲੈ ਕੇ ਉਸਦੇ ਦੁਸ਼ਮਣ ਚਿੰਤਿਤ ਹਨ। ਹੁਣ ਜਦੋਂ ਉਸਦੇ ਖਿਲਾਫ਼ ਜੁਰਮਾਨੇ ਦੀ ਖਬਰ ਆਈ ਤਾਂ ਉਸਦਾ ਪ੍ਰਤੀਕਰਮ ਲੁਧਿਆਣਾ ਵਿੱਚ ਵੀ ਦੇਖਿਆ ਗਿਆ।  ਲੁਧਿਆਣਾ ਦੇ ਅਗਾਂਹਵਧੂ ਨੌਜਵਾਨ ਡਾਕਟਰ ਕੁਲਦੀਪ ਬਿੰਦਰ ਨੇ ਦਸ ਹਜ਼ਾਰ ਰੁਪੇ ਦੀ ਇਹ ਰਕਮ ਆਪਣੇ ਸਾਥੀਆਂ ਕੋਲੋਂ ਇਕੱਤਰ  ਕਰਕੇ ਦੇਣ ਦਾ ਐਲਾਨ ਕੀਤਾ ਹੈ। ਇਹ ਜਾਣਕਾਰੀ ਉਹਨਾਂ ਇਹ ਐਲਾਨ ਦੀ ਖਬਰ ਆਉਂਦਿਆਂ  ਸਾਰ "ਪੰਜਾਬ ਸਕਰੀਨ" ਨੂੰ ਫੋਨ ਕਰਕੇ ਦਿੱਤੀ। 
ਡਾ ਕੁਲਦੀਪ ਬਿੰਦਰ 
ਜ਼ਿਕਰਯੋਗ  ਹੈ ਕਿ ਦੇਸ਼ਧ੍ਰੋਹ ਦੇ ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਜਵਾਹਰ ਲਾਲ ਨਹਿਰੂ ਯੂਨੀਵਰਸਿਟੀ ਫੈਡਰੇਸ਼ਨ ਦੇ ਪ੍ਰਧਾਨ ਕਨ੍ਹਈਆ ਕੁਮਾਰ ਨੂੰ ਅਨੁਸ਼ਾਸਨਹੀਣਤਾ ਦੇ ਮਾਮਲੇ 'ਚ ਯੂਨੀਵਰਸਿਟੀ ਪ੍ਰਸ਼ਾਸਨ ਨੇ 10 ਹਜ਼ਾਰ ਰੁਪਏ ਦਾ ਜੁਰਮਾਨਾ ਕੀਤਾ ਹੈ। ਇਸ ਦੇ ਨਾਲ ਹੀ ਇਕ ਹੋਰ ਵਿਦਿਆਰਥੀ ਉਮਰ ਖਾਲਿਦ ਨੂੰ ਇਕ ਸਮੈਸਟਰ ਲਈ ਮੁਅੱਤਲ ਕਰ ਦਿੱਤਾ ਗਿਆ ਹੈ ਅਤੇ ਨਾਲ ਹੀ 20 ਹਜ਼ਾਰ ਰੁਪਏ ਦਾ ਜੁਰਮਾਨਾ ਵੀ ਲਗਾਇਆ ਗਿਆ ਹੈ। ਜੇ ਐੱਨ ਯੂ ਦੀ ਪੰਜ ਮੈਂਬਰੀ ਉਚ ਪੱਧਰੀ ਜਾਂਚ ਕਮੇਟੀ ਨੇ ਇਸ ਤੋਂ ਇਲਾਵਾ ਰਾਮਾ ਨਾਗਾ ਨੂੰ ਵੀ 20 ਹਜ਼ਾਰ ਰੁਪਏ ਦਾ ਜੁਰਮਾਨਾ ਕੀਤਾ ਹੈ। 
ਇਸ ਤੋਂ ਇਲਾਵਾ ਆਸ਼ੂਤੋਸ਼ ਕੁਮਾਰ ਨੂੰ ਇਕ ਸਾਲ ਲਈ ਹੋਸਟਲ 'ਚੋਂ ਕੱਢ ਦਿੱਤਾ ਗਿਆ ਹੈ ਅਤੇ ਨਾਲ ਹੀ ਉਸ ਨੂੰ 20 ਹਜ਼ਾਰ ਰੁਪਏ ਦਾ ਜੁਰਮਾਨਾ ਕੀਤਾ ਗਿਆ ਹੈ। ਇਕ ਹੋਰ ਵਿਦਿਆਰਥੀ ਅਨੀਬਰਨ ਭੱਟਾਚਾਰੀਆ ਨੂੰ 15 ਜੁਲਾਈ ਤੱਕ ਅਤੇ ਮੁਜੀਬ ਗੱਟੂ ਨੂੰ ਦੋ ਸਮੈਸਟਰਾਂ ਲਈ ਕੱਢ ਦਿੱਤਾ ਗਿਆ ਹੈ। ਫੈਸਲੇ ਮੁਤਾਬਿਕ ਭੱਟਾਚਾਰੀਆ ਦੇ ਅਗਲੇ ਪੰਜ ਸਾਲ ਤੱਕ ਜੇ ਐੱਨ ਯੂ 'ਚ ਕਿਸੇ ਵੀ ਤਰ੍ਹਾਂ ਦੀ ਪੜਵਾਈ ਕਰਨ ਦੀ ਰੋਕ ਲਗਾ ਦਿੱਤੀ ਗਈ ਹੈ।
ਕਾਬਿਲੇ ਜ਼ਿਕਰ ਹੈ ਕਿ ਪੜ੍ਹਾਈ ਦੇ ਦਿਨਾਂ ਵਿੱਚ ਡਾ. ਬਿੰਦਰ ਨੂੰ ਵੀ ਅਜਿਹੀਆਂ ਕਈ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪਿਆ ਹੈ। ਇਹਨਾਂ ਦਾ ਜ਼ਿਕਰ ਉਹਨਾਂ ਹਾਲ ਹੀ ਵਿੱਚ ਹੋਏ ਇੱਕ  ਸੈਮੀਨਾਰ ਦੌਰਾਨ ਵੀ ਕੀਤਾ ਸੀ। 

Monday, April 25, 2016

ਕਨੱਈਆ ਕੁਮਾਰ ਤੇ ਜਹਾਜ਼ ਵਿੱਚ ਹਮਲਾ

ਗਲਾ ਘੁੱਟਣ ਦੀ ਕੀਤੀ ਕੋਸ਼ਿਸ਼-ਸਾਥੀਆਂ ਨੇ ਆ ਕੇ ਬਚਾਇਆ 
ਮੁੰਬਈ//ਲੁਧਿਆਣਾ: 24 ਅਪ੍ਰੈਲ 2016: (ਪੰਜਾਬ ਸਕਰੀਨ ਬਿਊਰੋ): 
ਜਵਾਹਰ ਲਾਲ ਨਹਿਰੂ ਸਟੂਡੈਂਟਸ ਯੂਨੀਅਨ ਦੇ ਪ੍ਰਧਾਨ ਕਨੱਈਆ ਕੁਮਾਰ 'ਤੇ ਫੇਰ ਹਮਲਾ ਹੋਇਆ ਹੈ। ਐਤਵਾਰ ਨੂੰ ਮੁੰਬਈ ਤੋਂ ਪੁਣੇ ਦੀ ਇੱਕ ਫਲਾਈਟ 'ਚ ਇੱਕ ਸ਼ਖਸ ਨੇ ਕਨੱਈਆ ਕੁਮਾਰ ਦਾ ਗਲਾ ਦਬਾਉਣ ਦੀ ਕੋਸ਼ਿਸ਼ ਕੀਤੀ। ਕਨੱਈਆ ਨੇ ਹਮਲਾਵਰ ਨੂੰ ਭਾਜਪਾ ਹਮਾਇਤੀ ਦੱਸਿਆ ਅਤੇ ਨਾਲ ਹੀ ਏਅਰਲਾਈਨ 'ਤੇ ਹਮਲਾਵਰ ਵਿਰੁੱਧ ਕਾਰਵਾਈ ਨਾ ਕਰਨ ਦਾ ਦੋਸ਼ ਲਾਇਆ। ਦੂਜੇ ਪਾਸੇ ਏਅਰਲਾਈਨ ਨੇ ਕਨੱਈਆ ਕੁਮਾਰ ਦੇ ਦੋਸ਼ਾਂ ਦਾ ਖੰਡਨ ਕੀਤਾ ਹੈ।  ਵਿਸਥਾਰ ਸਾਹਿਤ ਅੱਜ ਸੀਪੀਆਈ ਆਗੂ ਕਾਮਰੇਡ ਅਮਰਜੀਤ ਕੌਰ ਨੇ ਇੱਕ ਸੈਮੀਨਾਰ ਦੌਰਾਨ ਦਿੱਤੀ। 
ਇਸ ਤੋਂ ਇਲਾਵਾ ਕਨੱਈਆ ਨੇ ਵੀ ਟਵਿਟਰ ਰਾਹੀਂ ਇਸ ਘਟਨਾ ਬਾਰੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਇਸ ਵਾਰ ਜਹਾਜ਼ ਅੰਦਰ ਇੱਕ ਵਿਅਕਤੀ ਨੇ ਮੇਰਾ ਗਲਾ ਦਬਾਉਣ ਦੀ ਕੋਸ਼ਿਸ਼ ਕੀਤੀ ਅਤੇ ਘਟਨਾ ਮਗਰੋਂ ਜੈੱਟ ਏਅਰਵੇਜ਼ ਦੇ ਸਟਾਫ਼ ਨੇ ਉਸ ਵਿਅਕਤੀ ਵਿਰੁੱਧ ਕਾਰਵਾਈ ਕਰਨ ਤੋਂ ਇਨਕਾਰ ਕਰ ਦਿੱਤਾ, ਜਿਸ ਨੇ ਮੇਰੇ 'ਤੇ ਹਮਲਾ ਕੀਤਾ ਸੀ। ਕਨੱ੍ਹਈਆ ਨੇ ਕਿਹਾ ਕਿ ਹਮਲਾਵਰ ਦਾ ਪੂਰਾ ਨਾਂਅ ਮਾਨਸ ਦਾਸ ਅਤੇ ਉਹ ਟੀ ਸੀ ਐੱਸ 'ਚ ਮੁਲਾਜ਼ਮ ਹੋਣ ਦੇ ਨਾਲ-ਨਾਲ ਭਾਰਤੀ ਜਨਤਾ ਪਾਰਟੀ ਦਾ ਹਮਾਇਤੀ ਹੈ। ਇਸ ਦੇ ਨਾਲ ਹੀ ਕਨੱ੍ਹਈਆ ਨੇ ਸੁਆਲ ਕੀਤਾ ਕਿ ਕੀ ਹਮਲਾ ਹੀ ਵਿਰੋਧ ਦੀ ਆਵਾਜ਼ ਨੂੰ ਦਬਾਉਣ ਦਾ ਇਕੋ-ਇੱਕ ਤਰੀਕਾ ਹੈ। ਉਧਰ ਜੈੱਟ ਏਅਰਵੇਜ਼ ਨੇ ਇਸ ਬਾਰੇ ਪੁੱਛਣ 'ਤੇ ਕਿਹਾ ਕਿ ਮੁੰਬਈ ਤੋਂ ਪੁਣੇ ਦੀ ਫਲਾਈਟ ਦੌਰਾਨ ਕੁਝ ਲੋਕਾਂ ਨੂੰ ਸੁਰੱਖਿਆ ਕਰਕੇ ਜਹਾਜ਼ ਤੋਂ ਲਾਹ ਦਿੱਤਾ ਗਿਆ, ਕਿਉਂਕਿ ਜੈੱਟ ਲਈ ਅਮਲੇ ਅਤੇ ਮੁਸਾਫ਼ਰਾਂ ਦੀ ਸੁਰੱਖਿਆ ਸਭ ਤੋਂ ਪਹਿਲਾਂ ਹੈ।