Showing posts with label Moga. Show all posts
Showing posts with label Moga. Show all posts

Thursday, August 08, 2019

ਨਕਸਲੀ ਕਾਮਰੇਡ ਲਿੰਗੇ ਦੇ ਝੂਠੇ ਮੁਕਾਬਲੇ ਵਿਰੁੱਧ ਪੰਜਾਬ ਵਿੱਚ ਵੀ ਰੋਸ

Aug 8, 2019, 5:11 PM
ਮੋਗਾ ਵਿੱਚ ਵੀ ਭਾਰੀ ਰੋਹ ਭਰੀ ਰੈਲੀ ਅਤੇ ਰੋਸ ਵਖਾਵਾ
ਮੋਗਾ: 8 ਅਗਸਤ 2019: (ਪੰਜਾਬ ਸਕਰੀਨ ਬਿਊਰੋ):: 
ਤਿਲੰਗਾਨਾ ਪੁਲੀਸ ਵੱਲੋਂ ਪਿਛਲੇ ਦਿਨੀਂ ਸੀਪੀਆਈ ਐਮਐਲ ਨਿਊ ਡੈਮੋਕਰੇਸੀ ਦੇ ਸੂਬਾ ਕਮੇਟੀ ਮੈਂਬਰ ਅਤੇ ਆਦਿਵਾਸੀਆਂ ਦੇ ਹਰਮਨਪਿਆਰੇ ਆਗੂ ਕਾਮਰੇਡ ਲਿੰਗਾਨਾ ਨੂੰ ਝੂਠੇ ਪੁਲਿਸ ਮੁਕਾਬਲੇ ਵਿੱਚ ਕਤਲ ਕੀਤੇ ਜਾਣ ਦਾ ਦੋਸ਼ ਲਾਇਆ ਪੰਜਾਬ ਸਟੂਡੈਂਟਸ ਯੂਨੀਅਨ, ਨੌਜਵਾਨ ਭਾਰਤ ਸਭਾ ਅਤੇ ਹੋਰਨਾਂ ਸੰਗਠਨਾਂ ਨੇ। ਇਸ ਝੂਠੇ ਮੁਕਾਬਲੇ ਦੇ ਖਿਲਾਫ ਸੂਬੇ ਭਰ ਚ ਰੋਸ ਮੁਜ਼ਾਹਰੇ ਕਰਕੇ ਡਿਪਟੀ ਕਮਿਸ਼ਨਰਾਂ ਰਾਹੀਂ ਭਾਰਤ ਦੇ ਰਾਸ਼ਟਰਪਤੀ ਦੇ ਨਾਂ ਮੰਗ ਪੱਤਰ ਦਿੱਤੇ ਜਾਣ ਦਾ ਫੈਸਲਾ ਵੀ ਐਲਾਨਿਆ ਗਿਆ ਸੀ। ਇਹਨਾਂ ਰੋਸ ਵਖਾਵਿਆਂ ਦੇ ਸੱਦੇ ਤਹਿਤ ਅੱਜ ਦਾਣਾ ਮੰਡੀ ਮੋਗਾ ਵਿਖੇ ਵੀ ਰੈਲੀ ਕੀਤੀ ਗਈ। ਇਹ ਰੈਲੀ ਕਰਕੇ ਡੀ.ਸੀ.ਦਫ਼ਤਰ ਮੋਗਾ ਤੱਕ ਰੋਸ ਮੁਜ਼ਾਹਰਾ ਵੀ ਜੱਥੇਬੰਦ ਕੀਤਾ ਗਿਆ। ਇਸਦੇ ਨਾਲ ਹੀ ਪ੍ਰਸ਼ਾਸਨ ਰਾਹੀਂ ਮੰਗ ਪੱਤਰ ਦਿੱਤਾ  ਗਿਆ। ਇਹਨਾਂ ਰੋਸ ਵਖਾਵਿਆਂ ਵਿੱਚ ਸ਼ਾਮਲ ਹੋਏ ਵਰਕਰਾਂ ਵਿੱਚ ਅਥਾਹ ਜੋਸ਼ ਸੀ। 
ਕਾਮਰੇਡ ਲਿੰਗਾਨਾ ਨੂੰ 31 ਜੁਲਾਈ ਬੁਧਵਾਰ ਵਾਲੇ ਦਿਨ ਜੰਗਲਾਂ ਵਿੱਚ ਲਿਜਾ ਕੇ ਮੁਕਾਬਲਾ ਬਣਾਇਆ ਗਿਆ। ਕਾਮਰੇਡ ਲਿੰਗਣਾ ਦੀ ਉਮਰ 40-45 ਸਾਲ ਦੀ ਸੀ ਅਤੇ ਉਸਦਾ ਮੁਕਾਬਲਾ ਉਸਦੇ ਪਿੰਡ ਨੇੜਲੀ ਹੀ ਕਿਸੇ ਥਾਂ 'ਤੇ ਬਣਾਇਆ ਗਿਆ। ਉਸ ਵੇਲੇ ਇੱਕ ਹੋਰ ਨਕਸਲੀ ਗਰੁੱਪ ਸੀਪੀਆਈ (ਮਾਓਇਸਟ) ਵੱਲੋਂ ਸ਼ਹੀਦੀ ਹਫਤੇ ਦਾ ਸੱਦਾ ਵੀ ਚੱਲ ਰਿਹਾ ਸੀ। ਪੁਲਿਸ ਨੇ ਆਪਣੀ ਉਹੀ ਚਿਰਾਂ ਪੁਰਾਣੀ ਕਹਾਣੀ ਘੜੀ ਕਿ ਦਸ ਪੰਦਰਾਂ ਨਕਸਲੀਆਂ ਨੇ ਅਚਾਨਕ ਹੀ ਸੁਰੱਖਿਆ ਦਸਤਿਆਂ 'ਤੇ ਗੋਲੀ ਚਲਾਈ ਅਤੇ ਜੁਆਬੀ ਫਾਇਰਿੰਗ ਵਿੱਚ ਕਾਮਰੇਡ ਲਿੰਗਾਨਾ ਮਾਰੀਆ ਗਿਆ। ਦੋ ਹੋਰ ਨਕਸਲੀ ਗ੍ਰਿਫਤਾਰ ਕਰ ਲੈ ਗਏ ਜਦਕਿ ਬਾਕੀ ਦੇ ਫਰਾਰ ਹੋ ਗਏ। ਮਾਰੀਆ ਗਿਆ ਨਕਸਲੀ ਕਾਮਰੇਡ ਲਿੰਗਾਨਾ ਪਾਬੰਦੀਸ਼ੁਦਾ ਨਕਸਲੀ ਸੰਗਠਨ ਸੀਪੀਆਈ (ਐਮ ਐਲ) ਨਿਊ ਡੈਮੋਕਰੇਸੀ ਦਾ ਸੂਬਾ ਸਕੱਤਰ ਅਤੇ ਏਰੀਆ ਕਮਾਂਡਰ ਵੀ ਸੀ। ਇਸ ਮੁਕਾਬਲੇ ਤੋਂ ਬਾਅਦ ਇਲਾਕੇ ਵਿੱਚ ਤਿੱਖਾ ਵਿਰੋਧ ਵੀ ਹੋਇਆ। 
ਇਹਨਾਂ ਸੰਗਠਨਾਂ ਨੇ ਕਿਹਾ ਕਿ ਭਾਰਤੀ ਹਕੂਮਤ ਵਿਕਾਸ ਦੇ ਮਾਡਲ ਦੇ ਨਾਮ ਤੇ ਬਹੁਕੌਮੀ ਕੰਪਨੀਆਂ ਵੱਲੋਂ ਦੇਸ਼ ਦੇ ਜਲ ਜੰਗਲ ਜ਼ਮੀਨ ਦੀ ਕੀਤੀ ਜਾ ਰਹੀ ਲੁੱਟ ਅਤੇ ਭਾਰਤੀ ਫੌਜ ਦਾ ਵਿਰੋਧ ਕਰ ਰਹੇ ਆਦਿਵਾਸੀਆਂ ਨੂੰ ਅੰਨਾ ਤਸ਼ੱਦਦ ਕਰਕੇ ਮਾਰਨ ਦੇ ਖਿਲਾਫ ਚੱਲ ਰਹੇ ਸੰਘਰਸ਼ ਦੀ ਅਗਵਾਈ ਕਰ ਰਹੇ ਕਾਮਰੇਡ ਲਿੰਗਾਨਾ ਨੂੰ ਪੁਲਿਸ ਨੇ ਕੋਹ ਕੋਹ ਕੇ ਮਾਰਿਆ ਹੈ। 
ਸੀਪੀਆਈ ਐਮਐਲ ਨਿਊ ਡੈਮੋਕਰੇਸੀ ਦੇ ਆਗੂ ਭਰਪੂਰ ਸਿੰਘ ਰਾਮਾ ਨੇ ਸੰਬੋਧਨ ਕਰਦਿਆਂ ਕਿਹਾ ਕਿ ਸਾਮਰਾਜੀ ਸਾਡੇ ਮੁਲਕ ਦੇ ਜੰਗਲੀ ਇਲਾਕਿਆਂ ਦੀ ਧਰਤੀ ਹੇਠਲੇ ਖਣਿਜਾਂ ਦੀ ਲੁੱਟ ਕਰ ਰਿਹਾ ਹੈ। ਇਸ ਦੀ ਲੁੱਟ ਨੂੰ ਬਾਦਸਤੂਰ ਜਾਰੀ ਰੱਖਣ ਲਈ ਸੀ.ਆਰ.ਪੀ.ਐਫ., ਨੀਮ ਫ਼ੌਜੀ ਬਲ ਜੰਗਲੀ ਇਲਾਕਿਆਂ ’ਚ ਤੈਨਾਤ ਕਰਕੇ ਆਦਿਵਾਸੀਆਂ ਨੂੰ ਉਨ੍ਹਾਂ ਦੇ ਘਰਾਂ ਤੋਂ ਉਜਾੜਿਆਜਾ ਰਿਹਾ ਹੈ।   
ਅੱਜ ਦੇ ਰੋਸ ਮੁਜ਼ਾਹਰੇ ’ਚ ਸ਼ਾਮਲ ਨੌਜਵਾਨ ਭਾਰਤ ਸਭਾ ਦੇ ਆਗੂ ਕਰਮਜੀਤ ਕੋਟਕਪੂਰਾ, ਪੰਜਾਬ ਸਟੂਡੈਂਟਸ ਯੂਨੀਅਨ ਦੇ ਜ਼ਿਲ੍ਹਾ ਪ੍ਰਧਾਨ ਮੋਹਨ ਸਿੰਘ ਔਲਖ, ਕਿਰਤੀ ਕਿਸਾਨ ਯੂਨੀਅਨ ਦੇ ਜ਼ਿਲ੍ਹਾ ਆਗੂ ਪ੍ਰਗਟ ਸਿੰਘ ਸਾਫੂਵਾਲਾ ਨੇ ਸੰਬੋਧਨ ਕਰਦਿਆਂ ਕਿਹਾ ਕੇ ਆਦਿਵਾਸੀ ਖੇਤਰਾਂ ਦੇ ਆਦਿਵਾਸੀਆਂ ਤੇ ਉਨ੍ਹਾਂ ਦੇ ਆਗੂਆਂ ਨੂੰ ਪੁਲਿਸ ਮੁਕਾਬਲਿਆਂ ਰਾਹੀਂ ਮਾਰਨਾ ਆਮ ਗੱਲ ਬਣ ਗਈ ਹੈ ਇਸ ਨੂੰ ਬੰਦ ਕੀਤਾ ਜਾਵੇ, ਮਿਹਨਤ ਨਾਲ ਆਬਾਦੀ ਜ਼ਮੀਨ ਚੋਂ ਆਦਿਵਾਸੀਆਂ ਨੂੰ ਜਬਰ ਤਸ਼ੱਦਦ ਨਾਲ ਉਜਾੜਨਾ ਬੰਦ ਕੀਤਾ ਜਾਵੇ, ਆਦਿਵਾਸੀਆਂ ਨੂੰ ਜ਼ਮੀਨ ਦੇ ਮਾਲਕੀ ਹੱਕ ਦਿੱਤੇ ਜਾਣ ।
ਰੋਸ ਮੁਜ਼ਾਹਰੇ ਵਿੱਚ ਲੋਕ ਸੰਗਰਾਮ ਮੰਚ ਦੇ ਆਗੂ ਤਾਰਾ ਸਿੰਘ, ਜਮਹੂਰੀ ਅਧਿਕਾਰ ਸਭਾ ਦੇ ਆਗੂ ਦਰਸ਼ਨ ਸਿੰਘ ਤੂਰ, ਪੇਂਡੂ ਮਜ਼ਦੂਰ ਯੂਨੀਅਨ ਦੇ ਜ਼ਿਲ੍ਹਾ ਸਕੱਤਰ ਮੰਗਾ ਸਿੰਘ ਵੈਰੋਕੇ ਨੇ ਵੀ ਸੰਬੋਧਨ ਕੀਤਾ। ਇਸਤੋਂ ਇਲਾਵਾ ਕਿਰਤੀ ਕਿਸਾਨ ਯੂਨੀਅਨ ਦੇ ਬੂਟਾ ਸਿੰਘ ਤਖਾਣਵੱਧ, ਛਿੰਦਰ ਕੌਰ ਰੋਡੇ, ਪੀਐੱਸਯੂ ਦੀ ਆਗੂ ਜਗਵੀਰ ਕੌਰ, ਨੌਜਵਾਨ ਭਾਰਤ ਸਭਾ ਦੇ ਇਲਾਕਾ ਕਮੇਟੀ ਮੈਂਬਰ ਰਾਜਿੰਦਰ ਸਿੰਘ ਰਾਜੇਆਣਾ ਵੀ ਹਾਜ਼ਰ ਸਨ।

Saturday, July 15, 2017

ਪੰਜਾਬ ਵਿੱਚ 90 ਲੱਖ ਅਤੇ ਦੇਸ਼ ਵਿੱਚ 40 ਕਰੋੜ ਤੋਂ ਵਧੇਰੇ ਬੇਰੁਜ਼ਗਾਰ-AISF

ਇਹਨਾਂ ਬੇਰੁਜ਼ਗਾਰਾਂ ਦੀ ਵਰਤੋਂ  ਨਸ਼ਿਆਂ, ਲੁੱਟਾਂਖੋਹਾਂ ਅਤੇ ਕਤਲੋਗਾਰਤ ਲਈ?
ਢੁੱਡੀਕੇ (ਮੋਗਾ): 15 ਜੁਲਾਈ 2017: (ਪੰਜਾਬ ਸਕਰੀਨ ਬਿਊਰੋ):: 
ਖੱਬੀ ਵਿਚਾਰਧਾਰਾ ਨਾਲ ਸਬੰਧਿਤਜਿਸ ਨੌਜਵਾਨੀ ਨੂੰ ਦੁਸ਼ਮਣਾਂ ਨੇ ਗਏ ਗੁਜ਼ਰੇ ਜ਼ਮਾਨੇ ਦੀ ਗੱਲ ਸਮਝ ਲਿਆ ਸੀ ਉਹ ਹੁਣ ਫੇਰ ਮੈਦਾਨ ਵਿੱਚ ਹੈ। ਜੇ ਕੰਨਿਆਕੁਮਾਰੀ ਤੋਂ ਲੌਂਗ ਮਾਰਚ ਸ਼ੁਰੂ ਹੋਇਆ ਹੈ ਤਾਂ ਉਸਦੇ ਸਵਾਗਤ ਦੀਆਂ ਤਿਆਰੀਆਂ ਵੀ ਪੰਜਾਬ ਵਿੱਚ ਜ਼ੋਰਸ਼ੋਰ ਨਾਲ ਜਾਰੀ ਹਨ। ਸ਼ਹੀਦ ਭਗਤ ਸਿੰਘ ਦੇ ਵਿਚਾਰਾਂ ਨੇ ਉੱਤਰ ਭਾਰਤ ਅਤੇ ਦੱਖਣੀ ਭਾਰਤ ਦੇ ਮੁੰਡੇ ਕੁੜੀਆਂ ਨੂੰ ਸੰਘਰਸ਼ਾਂ ਦੇ ਇੱਕ ਮਜ਼ਬੂਤ ਪੁਲ ਵਾਂਗ ਜੋੜ ਦਿੱਤਾ ਹੈ।  ਇਹ ਸਰਗਰਮੀਆਂ ਪੰਜਾਬ ਭਰ ਵਿੱਚ ਨਜ਼ਰ ਆਉਣ ਵਾਲੀਆਂ ਹਨ। ਨਸ਼ਿਆਂ ਵਿੱਚ ਡੋਬ ਦਿੱਤੇ ਗਏ ਪੰਜਾਬ ਨੂੰ ਇੱਕ ਨਵੀਂ ਚੇਤਨਾ ਨਾਲ ਜਗਾ ਰਿਹਾ ਹੈ ਇਹ ਜੱਥਾ ਮਾਰਚ। 
ਅੱਜ ਇਸਦੀ ਚੜ੍ਹਤ ਢੁੱਡੀਕੇ ਵਿਖੇ ਨਜ਼ਰ ਆਈ। ਲਾਲਾ ਲਾਜਪਤ ਰਾਏ ਅਤੇ ਗ਼ਦਰੀ ਬਾਬਿਆਂ ਦੀ ਜਨਮ ਭੂਮੀ ਇਤਿਹਾਸਕ ਪਿੰਡ ਢੁੱਡੀਕੇ ਤੋਂ ਬੇਰੁਜ਼ਗਾਰੀ ਦੇ ਹੱਲ ਲਈ ਭਗਤ ਸਿੰਘ ਦੇ ਨਾਂਅ 'ਤੇ ਭਗਤ ਸਿੰਘ ਕੌਮੀ ਰੁਜ਼ਗਾਰ ਗਰੰਟੀ ਕਾਨੂੰਨ 'ਬਨੇਗਾ' ਸਥਾਪਤ ਕਰਵਾਉਣ ਲਈ ਨੌਜਵਾਨਾਂ-ਵਿਦਿਆਰਥੀਆਂ ਦੇ ਸੂਬਾ ਪੱਧਰੀ ਇੱਕ ਜਥਾ ਮਾਰਚ ਦੀ ਸ਼ੁਰੂਆਤ ਕੀਤੀ। ਬੇਰੁਜ਼ਗਾਰ ਗਰੰਟੀ ਕਾਨੂੰਨ (ਬਨੇਗਾ) ਸਥਾਪਤ ਕਰਵਾਉਣ ਲਈ ਨੌਜਵਾਨਾਂ-ਵਿਦਿਆਰਥੀਆਂ ਦੇ ਸੂਬਾ ਪੱਧਰੀ ਇੱਕ ਜਥਾ ਮਾਰਚ ਦੀ ਸ਼ੁਰੂਆਤ ਕੀਤੀ। ਸਰਵ ਭਾਰਤ ਨੌਜਵਾਨ ਸਭਾ ਅਤੇ ਆਲ ਇੰਡੀਆ ਸਟੂਡੈਂਟਸ ਫੈਡਰੇਸ਼ਨ ਵੱਲੋਂ ਇਹ ਜਥਾ ਜਿੱਥੇ ਰੁਜ਼ਗਾਰ ਹਾਸਲ ਕਰਨ ਲਈ ਨੌਜਵਾਨਾਂ ਨੂੰ ਸੁਨੇਹਾ ਦੇਵੇਗਾ, ਉਥੇ ਵਿੱਦਿਆ, ਫਿਰਕੂ ਤਣਾਅ ਅਤੇ ਜ਼ਿੰਦਗੀ ਦੀਆਂ ਮੁੱਢਲੀਆਂ ਲੋੜਾਂ ਦੀ ਪ੍ਰਾਪਤੀ ਦਾ ਸੱਦਾ ਦੇਵੇਗਾ। ਫਿਰਕੂ ਨਾਅਰਿਆਂ ਵੱਲ ਧੱਕਣ ਦੀ ਖਤਰਨਾਕ ਸਾਜ਼ਿਸ਼ ਨੂੰ ਨਾਕਾਮ ਬਣਾਉਂਦਿਆਂ ਇਸ ਜੱਥਾ ਮਾਰਚ ਨੇ ਜ਼ਿੰਦਗੀ ਦੇ ਅਸਲੀ ਮਸਲਿਆਂ ਦੀ ਗੱਲ ਕੀਤੀ। 
ਆਰੰਭ ਜ਼ਬਰਦਸਤ ਸੀ। ਅੱਜ ਸ਼ੁਰੂਆਤ ਵੇਲੇ ਨੌਜਵਾਨਾਂ ਅਤੇ ਵਿਦਿਆਰਥੀਆਂ ਨੂੰ ਸੰਬੋਧਨ ਕਰਦਿਆਂ ਸਰਵ ਭਾਰਤ ਨੌਜਵਾਨ ਸਭਾ ਦੇ ਸੂਬਾ ਪ੍ਰਧਾਨ ਪਰਮਜੀਤ ਢਾਬਾਂ ਅਤੇ ਆਲ ਇੰਡੀਆ ਸਟੂਡੈਂਟਸ ਫੈਡਰੇਸ਼ਨ ਦੇ ਪੰਜਾਬ ਪ੍ਰਧਾਨ ਚਰਨਜੀਤ ਛਾਂਗਾਰਾਏ ਨੇ ਕਿਹਾ ਕਿ ਅੱਜ ਦੇ ਦਿਨ ਦੋਹਾਂ ਜਥੇਬੰਦੀਆਂ ਵੱਲੋਂ ਦੇਸ਼ ਵਿਆਪੀ ਲੰਮਾ ਮਾਰਚ ਕੰਨਿਆ ਕੁਮਾਰੀ (ਤਾਮਿਲਨਾਡੂ) ਤੋਂ ਸ਼ੁਰੂ ਕੀਤਾ ਜਾ ਰਿਹਾ ਹੈ, ਜੋ ਲਗਾਤਾਰ ਦੋ ਮਹੀਨੇ ਵੱਖ-ਵੱਖ ਸੂਬਿਆਂ ਵਿੱਚੋਂ ਹੁੰਦਾ ਹੋਇਆ 9 ਸਤੰਬਰ ਨੂੰ ਪੰਜਾਬ ਵਿੱਚ ਪ੍ਰਵੇਸ਼ ਕਰੇਗਾ। ਯਾਦ ਰਹੇ ਕਿ 9 ਸਤੰਬਰ 1981 ਨੂੰ ਹਿੰਦ ਸਮਾਚਾਰ ਪੱਤਰ ਸਮੂਹ ਦੇ ਸੰਸਥਾਪਕ ਲਾਲਾ ਜਗਤ ਨਾਰਾਇਣ  ਦੀ ਹੱਤਿਆ ਕਰ ਦਿੱਤੀਆਂ ਗਈ ਸੀ। ਪੰਜਾਬ ਵਿੱਚ ਦਾਖਲ ਹੋਣ ਮਗਰੋਂ ਇਸ ਸਮਾਗਮ ਦਾ ਸਿਖਰਲਾ ਸਮਾਗਮ ਪੰਜਾਬ ਦੇ ਇਤਿਹਾਸਕ ਸਥਾਨ ਹੁਸੈਨੀਵਾਲਾ ਵਿਖੇ 12 ਸਤੰਬਰ ਨੂੰ ਹੋਵੇਗਾ। ਦੇਸ਼ ਦੇ ਨੌਜਵਾਨਾਂ ਨੂੰ ਸ਼ਸ਼ੀਦ ਭਗਤ ਸਿੰਘ ਦੇ ਵਿਚਾਰਾਂ ਨਾਲ ਇੱਕ ਲੜੀ ਵਿੱਚ ਪਰੋਂਦਾ ਹੋਇਆ ਇਹ ਲੌਂਗ ਮਾਰਚ ਪੂਰੇ ਦੇਸ਼ ਦੀ ਨੌਜਵਾਨੀ ਨੂੰ ਇੱਕ ਨਵੀਂ ਦਿਸ਼ਾ ਦੇਵੇਗਾ। ਉਨ੍ਹਾ ਕਿਹਾ ਕਿ ਅੱਜ ਜਦੋਂ ਦੇਸ਼ ਵਿਆਪੀ ਮਾਰਚ ਕੰਨਿਆ ਕੁਮਾਰੀ ਤੋਂ ਸ਼ੁਰੂ ਹੋ ਰਿਹਾ ਹੈ ਤਾਂ ਹਰੇਕ ਸੂਬੇ ਅੰਦਰ ਵੀ ਰਾਜ ਪੱਧਰੀ ਮੁਹਿੰਮਾਂ ਸ਼ੁਰੂ ਕੀਤੀਆਂ ਜਾ ਰਹੀਆਂ। ਖੱਬੀ ਧਿਰ ਦੀਆਂ ਨੌਜਵਾਨ ਜੱਥੇਬੰਦੀਆਂ ਵੱਲੋਂ ਸ਼ਾਇਦ ਏਨਾ ਵੱਡਾ ਅਯੋਜ ਪਹਿਲੀ ਵਾਰ ਕੀਤਾ ਜਾ ਰਿਹਾ ਹੈ। ਪੂਰਾ ਦੇਸ਼ ਇਸ ਲੌਂਗ ਮਾਰਚ ਦੇ ਰੰਗ ਵਿੱਚ ਰੰਗਿਆ ਗਿਆ ਹੈ। 
ਚੋਣ ਜੁਮਲਿਆਂ ਰਾਹੀਂ ਸਿਆਸਤ ਨੂੰ ਗੈਰ ਜ਼ੁੰਮੇਵਾਰ ਬਣਾ ਦੇਣ ਵਾਲੇ ਇਸ ਸ਼ਰਮਨਾਕ ਦੌਰ ਵਿੱਚ ਇਨ੍ਹਾਂ ਆਗੂਆਂ ਨੇ ਯਾਦ ਕਰਾਇਆ ਕਿ ਪੰਜਾਬ ਵਿੱਚ ਸਰਕਾਰ ਬਣਾਉਣ ਵਾਲਿਆਂ ਨੇ ਹਰ ਘਰ ਵਿੱਚ ਨੌਕਰੀ ਦਾ ਵਾਅਦਾ ਕੀਤਾ ਸੀ। ਇਸ ਤਰ੍ਹਾਂ ਦੇਸ਼ ਦੇ ਪ੍ਰਧਾਨ ਮੰਤਰੀ ਨੇ ਹਰ ਸਾਲ ਜੋ ਦੋ ਕਰੋੜ ਰੁਜ਼ਗਾਰ, ਪਰ ਸਰਕਾਰਾਂ, ਰੁਜ਼ਗਾਰ ਦੇਣ ਦੀ ਥਾਂ, ਰੁਜ਼ਗਾਰ ਦੇ ਖੇਤਰਾਂ ਟਰਾਂਸਪੋਰਟ ਵਿਭਾਗ, ਵਿੱਦਿਆ, ਬਿਜਲੀ ਬੋਰਡ, ਸਿਹਤ ਆਦਿ ਨੂੰ ਹੀ ਉਜਾੜਨ ਦੇ ਰਾਹ ਹਨ ਤਾਂ ਰੁਜ਼ਗਾਰ ਕਿੱਥੋਂ ਪੈਦਾ ਹੋਵੇਗਾ। ਸਰਕਾਰ ਇਨ੍ਹਾਂ ਅਹਿਮ ਮੁੱਦਿਆਂ ਤੋਂ ਯੋਜਨਾਬੱਧ ਤਰੀਕੇ ਨਾਲ ਲੋਕਾਂ ਦਾ ਧਿਆਨ ਹਟਾਉਣ ਲਈ ਜਾਤਾਂ, ਫਿਰਕਿਆਂ, ਇਲਾਕਿਆਂ ਵਿਚਾਲੇ ਆਪਸੀ ਤਣਾਅ, ਟਕਰਾਅ ਵਧਾ ਰਹੀਆਂ ਹਨ, ਤਾਂ ਜੋ ਲੋਕਾਂ ਦੀ ਕੀਮਤ 'ਤੇ ਹਕੂਮਤਾਂ ਸੁਰੱਖਿਅਤ ਰਹਿ ਸਕਣ। ਇਸ ਲੌਂਗ ਮਾਰਚ ਨੇ ਇਹ ਸਾਜ਼ਿਸ਼ਾਂ ਸੁੱਕੇ ਪੱਤਿਆਂ ਦੇ ਢੇਰ ਵਾਂਗ ਉੜਾ ਦੇਣੀਆਂ ਹਨ। 
ਨੌਜਵਾਨ ਆਗੂਆਂ ਵਿੱਚ ਹੁਣ ਇੱਕ ਨਵੀਂ ਸਰਗਰਮੀ ਹੈ। ਇਸ ਮੌਕੇ ਨੌਜਵਾਨ ਸਭਾ ਦੀ ਸੂਬਾਈ ਖਜ਼ਾਨਚੀ ਨਰਿੰਦਰ ਕੌਰ ਸੋਹਲ ਅਤੇ ਏ ਆਈ ਐੱਸ ਐੱਫ ਦੇ ਸੂਬਾ ਸਹਾਇਕ ਸਕੱਤਰ ਸੁਖਦੇਵ ਧਰਮੂਵਾਲਾ ਨੇ ਕਿਹਾ ਕਿ ਪੰਜਾਬ ਵਿੱਚ 90 ਲੱਖ ਅਤੇ ਦੇਸ਼ ਵਿੱਚ 40 ਕਰੋੜ ਤੋਂ ਵਧੇਰੇ ਬੇਰੁਜ਼ਗਾਰਾਂ ਨੂੰ ਨਸ਼ਿਆਂ, ਲੁੱਟਾਂਖੋਹਾਂ ਅਤੇ ਕਤਲੋਗਾਰਤ ਲਈ ਇਸਤੇਮਾਲ ਕੀਤਾ ਜਾ ਰਿਹਾ ਹੈ। ਵਿਦਿਆਰਥੀਆਂ ਨੂੰ ਵਿੱਦਿਆ ਦੇਣ ਦੀ ਬਜਾਏ ਕਾਲਜਾਂ, ਯੂਨੀਵਰਸਿਟੀਆਂ 'ਤੇ ਹਮਲੇ ਕਰਕੇ ਉਨ੍ਹਾ ਨੂੰ ਦੇਸ਼ ਧ੍ਰੋਹੀ ਸਾਬਤ ਕਰਨ ਦੀਆਂ ਚਾਲਾਂ ਚੱਲੀਆਂ ਜਾ ਰਹੀਆਂ ਹਨ। ਜੱਥਾ ਮਾਰਚ ਅਤੇ ਲੌਂਗ ਮਾਰਚ ਰਾਹੀਂ ਇਹਨਾਂ ਸਾਰੀਆਂ ਸਾਜ਼ਿਸ਼ਾਂ ਨੂੰ ਲੋਕਾਂ ਸਾਹਮਣੇ ਬੇਨਕਾਬ ਕੀਤਾ ਜਾ ਰਿਹਾ ਹੈ। 
ਇਹਨਾਂ ਨੌਜਵਾਨ ਅਤੇ ਵਿਦਿਆਰਥੀ ਆਗੂਆਂ ਨੇ ਕਿਹਾ ਕਿ ਸੂਬਾ ਪੱਧਰੀ ਇਹ ਜਥਾ ਅਤੇ ਦੇਸ਼ ਵਿਆਪੀ ਲੰਮਾ ਮਾਰਚ 'ਭਗਤ ਸਿੰਘ ਕੌਮੀ ਰੁਜ਼ਗਾਰ ਗਰੰਟੀ ਕਾਨੂੰਨ' ਜਿਸ ਤਹਿਤ ਅਣ ਸਿੱਖਿਅਤ ਲਈ 20 ਹਜ਼ਾਰ, ਅਰਧ ਸਿੱਖਿਅਤ ਲਈ 25 ਹਜ਼ਾਰ, ਸਿੱਖਿਅਤ ਲਈ 30 ਹਜ਼ਾਰ ਅਤੇ ਉੱਚ ਸਿੱਖਿਅਤ ਲਈ 35 ਹਜ਼ਾਰ ਪ੍ਰਤੀ ਮਹੀਨਾ ਤਨਖਾਹ ਦੀ ਗਰੰਟੀ ਦੇਵੇ ਜਾਂ ਇਸ ਦਰਜਾ ਵਾਰ ਤਨਖਾਹ ਦਾ ਅੱਧ ਕੇਂਦਰ ਰੁਜ਼ਗਾਰ ਨਹੀਂ ਦਿੱਤਾ ਜਾ ਰਿਹਾ ਤਾਂ ਰੁਜ਼ਗਾਰ ਇੰਤਜ਼ਾਰ ਭੱਤਾ ਦੇਣ ਦੀ ਗਰੰਟੀ ਕਰਦਾ ਇਹ ਕਾਨੂੰਨ ਪਾਰਲੀਮੈਂਟ ਵਿੱਚ ਪਾਸ ਕਰਵਾਉਣ, ਸਭ ਨੂੰ ਮੁਫਤ, ਲਾਜ਼ਮੀ ਅਤੇ ਵਿਗਿਆਨਕ ਵਿੱਦਿਆ, ਦੱਬੇ ਕੁਚਲਿਆਂ, ਆਦਿਵਾਸੀਆਂ ਅਤੇ ਘੱਟ ਗਿਣਤੀ ਫਿਰਕਿਆਂ ਦੀ ਰਖਵਾਲੀ, ਨੌਜਵਾਨਾਂ ਅਤੇ ਵਿਦਿਆਰਥੀਆਂ ਵੱਲੋਂ ਸ਼ੁਰੂ ਕੀਤੀ ਇਸ ਮੁਹਿੰਮ ਦੇ ਮੁੱਖ ਮੁੱਦੇ ਹਨ। ਇਸ ਮੌਕੇ ਇਨ੍ਹਾਂ ਮੁੱਦਿਆਂ ਦੀ ਪ੍ਰਾਪਤੀ ਵਾਸਤੇ ਸਭਾ ਨੌਜਵਾਨਾਂ, ਵਿਦਿਆਰਥੀਆਂ ਅਤੇ ਬੁੱਧੀਜੀਵੀ ਹਲਕਿਆਂ ਨੂੰ ਇਸ ਮੁਹਿੰਮ ਵਿੱਚ ਸ਼ਾਮਲ ਹੋਣ ਦਾ ਸੱਦਾ ਦਿੱਤਾ ਗਿਆ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਸਰਵ ਭਾਰਤ ਨੌਜਵਾਨ ਸਭਾ ਦੇ ਜ਼ਿਲ੍ਹਾ ਸਕੱਤਰ ਮੰਗਤ ਰਾਏ, ਪ੍ਰਧਾਨ ਇਕਬਾਲ ਤਖਾਣਬੱਧ, ਹਰਭਜਨ ਛੱਪੜੀਵਾਲਾ, ਰਾਜ ਟਾਹਲੀਵਾਲਾ, ਕੁਲਵੰਤ ਬੱਧਣੀ, ਸਵਰਾਜ ਢੁੱਡੀਕੇ, ਹਰਭਜਨ ਬਲਾਸਪੁਰ, ਸਤੀਸ਼ ਛੱਪੜੀਵਾਲਾ, ਸਤਨਾਮ ਧੂੜਕੋਟ, ਗੁਰਮੀਤ ਚੂਹੜਚੱਕ, ਬਲਜੀਤ ਤਖਾਣਬੱਧ, ਅਮਰੀਕ ਖੁਖਰਾਣਾ, ਅਵਤਾਰ ਸਿੰਘ ਮਮਦੋਟ ਤੇ ਜਸਵਿੰਦਰ ਮਸਤਾ ਗੱਟੀ ਹਾਜ਼ਰ ਸਨ ਅਤੇ ਨਰੇਗਾ ਰੁਜ਼ਗਾਰ ਪ੍ਰਾਪਤੀ ਮਜ਼ਦੂਰ ਯੂਨੀਅਨ ਦੇ ਸੂਬਾ ਸਕੱਤਰ ਸਾਥੀ ਜਗਸੀਰ ਖੋਸਾ ਨੇ ਜਥੇ ਲਈ ਵਿਸ਼ੇਸ਼ ਸਹਿਯੋਗ ਦਿੱਤਾ। ਕੁਲ ਮਿਲਾ ਕੇ ਇਹ ਜੱਥਾ ਮਾਰਚ ਅਤੇ ਲੌਂਗ ਮਾਰਚ ਦੇਸ਼ ਦੀ ਨੌਜਵਾਨੀ ਨੂੰ ਇੱਕ ਨਵਾਂ ਰੰਗ ਰੋਪ ਦੇਵੇਗਾ ਜਿਹੜਾ ਨਸ਼ਿਆਂ ਅਤੇ ਗੁੰਡਾ ਗਿਰੋਹਾਂ ਦੇ ਭੈੜੇ ਰੁਝਾਨਾਂ ਤੋਂ ਮੁਕਤ ਇੱਕ ਨਵਾਂ ਸਮਾਜ ਸਿਰਜੇਗਾ।  ਸ਼ਹੀਦ ਭਗਤ ਸਿੰਘ ਦੇ ਸੁਪਨਿਆਂ ਵਾਲਾ ਸੰਸਾਰ।  

Saturday, November 07, 2015

ਪੰਜਾਬ ਵਿੱਚ ਫਿਰ ਬਣ ਰਹੇ ਹਨ ਅੱਸੀਵਿਆਂ ਦੇ ਮੁਢ ਵਰਗੇ ਹਾਲਾਤ

ਮੱਲਕੇ 'ਚ ਹੋਈ ਬੇਅਦਬੀ ਸੰਬੰਧੀ ਫਿਰ ਮਿਲਿਆ ਧਮਕੀ ਭਰਿਆ ਪੱਤਰ
ਮੋਗਾ: 6  ਨਵੰਬਰ 2015: (ਪੰਜਾਬ ਸਕਰੀਨ ਬਿਊਰੋ): 
ਪੰਜਾਬ ਵਿਚਲੇ ਹਾਲਾਤ ਫਿਰ ਅੱਸੀਵਿਆਂ ਦੇ ਸ਼ੁਰੂ ਵਰਗੇ ਬਣ ਰਹੇ ਹਨ।  ਧਾਰਮਿਕ ਟਕਰਾਓ, ਬੇਅਦਬੀ,  ਬਿਆਨਬਾਜ਼ੀ ਕੱਟੜਤਾ ਅਤੇ ਧਮਕੀਆਂ ਦਾ ਸਿਲਸਿਲਾ ਫਿਰ ਸ਼ੁਰੂ ਹੈ। ਬਾਰੂਦ ਦੇ ਢੇਰ ' ਬੈਠੇ ਪੰਜਾਬ  ਦਿਹਾੜੇ ਲਾਂਬੂ ਲਾਉਣ ਦੇ ਸਾਜ਼ਿਸ਼ੀ ਕਾਰੇ ਕੀਤੇ ਹਨ। ਬੀਤੇ ਦਿਨੀਂ ਮੋਗਾ ਜ਼ਿਲ੍ਹੇ ਦੇ ਪਿੰਡ ਮੱਲ ਕੇ 'ਚ ਸ਼ਰਾਰਤੀ ਅਨਸਰਾਂ ਵੱਲੋਂ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੇ ਪਾਵਨ ਅੰਗ ਗਲੀਆਂ 'ਚ ਖਿਲਾਰ ਕੇ ਬੇਅਦਬੀ ਕੀਤੀ ਗਈ ਸੀ ਤੇ ਅਗਲੇ ਦਿਨ ਸਮਾਲਸਰ ਦੇ ਡੇਰਾ ਬਾਬਾ ਕੋਲ ਦਾਸ ਵਿੱਚ ਪ੍ਰਕਾਸ਼ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੇ ਅੱਗੇ ਧਮਕੀਆਂ ਭਰਿਆ ਪੱਤਰ ਰੱਖ ਦਿੱਤਾ ਗਿਆ ਸੀ। ਅੱਜ ਦੂਜੇ ਦਿਨ ਫਿਰ ਧਮਕੀ ਭਰਿਆ ਪੱਤਰ, ਜਿਸ ਵਿੱਚ ਇਕ ਨਿੱਜੀ ਸਕੂਲ ਦੇ ਪ੍ਰਿੰਸੀਪਲ ਨੂੰ ਗ੍ਰਿਫਤਾਰ ਕਰਨ 'ਤੇ ਪਿੰਡ ਮੱਲਕੇ ਜਿਹੀ ਬੇਅਦਬੀ ਕਰਨ ਦੀ ਪ੍ਰਸ਼ਾਸਨ ਨੂੰ ਚੇਤਾਵਨੀ ਦਿੱਤੀ ਗਈ ਸੀ। ਇਹ ਪੱਤਰ ਅੱਜ ਸਵੇਰ ਸਮੇਂ ਗੁਰਦੁਆਰਾ ਸਾਹਿਬ ਸੱਚਖੰਡ ਦੇ ਗ੍ਰੰਥੀ ਮਨਪ੍ਰੀਤ ਸਿੰਘ ਨੂੰ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੇ ਪਿਛਲੇ ਪਾਸੇ ਪਏ ਸਾਊਂਡ ਸੈੱਟ ਦੇ ਕੋਲ ਪਿਆ ਮਿਲਿਆ ਹੈ। ਗ੍ਰੰਥੀ ਵੱਲੋਂ ਇਸ ਖ਼ਤ ਨੂੰ ਪੜ੍ਹਨ ਉਪਰੰਤ ਗੁਰਦੁਆਰਾ ਸਾਹਿਬ ਦੇ ਪ੍ਰਧਾਨ ਜਗਤਾਰ ਸਿੰਘ ਤਾਰੀ ਨੂੰ ਸੂਚਿਤ ਕੀਤਾ ਗਿਆ।
ਇਸ ਮੌਕੇ ਪੁੱਜੇ ਥਾਣਾ ਮੁਖੀ ਸਮਾਲਸਰ ਗੁਰਪਿਆਰ ਸਿੰਘ ਨੇ ਧਮਕੀ ਭਰਿਆ ਪੱਤਰ ਤੇ ਸੀ.ਸੀ.ਟੀ.ਵੀ ਕੈਮਰੇ ਦੀ ਫੁਟੇਜ਼ ਆਪਣੇ ਕਬਜ਼ੇ 'ਚ ਲੈ ਲਈ। ਇਸ ਉਪਰੰਤ ਥਾਣਾ ਸਮਾਲਸਰ ਵਿਖੇ ਪੁੱਜੇ ਫਿਰੋਜ਼ਪੁਰ ਰੇਂ ਸ਼ੁਰੂ ਹੈਜ ਦੇ ਡੀ.ਆਈ.ਜੀ ਅਮਰ ਸਿੰਘ ਚਾਹਲ, ਐੱਸ.ਐੱਸ.ਪੀ ਮੁਖਵਿੰਦਰ ਸਿੰਘ ਭੁੱਲਰ, ਡੀ.ਐੱਸ.ਪੀ ਬਾਘਾਪੁਰਾਣਾ ਜਸਪਾਲ ਸਿੰਘ ਨੇ ਮੌਕੇ 'ਤੇ ਪੁੱਜ ਕੇ ਬਾਰੀਕੀ ਨਾਲ ਜਾਂਚ ਸ਼ੁਰੂ ਕਰ ਦਿੱਤੀ। ਜਦੋਂ ਇਸ ਧਮਕੀ ਭਰੇ ਪੱਤਰਾਂ ਸੰਬੰਧੀ ਡੀ.ਐੱਸ.ਪੀ ਜਸਪਾਲ ਸਿੰਘ ਬਾਘਾਪੁਰਾਣਾ ਨਾਲ ਸੰਪਰਕ ਕੀਤਾ ਤਾਂ ਉਨ੍ਹਾਂ ਕਿਹਾ ਕਿ ਸ਼ਰਾਰਤੀ ਅਨਸਰਾਂ ਦੀ ਸੀ.ਸੀ.ਟੀ.ਵੀ ਕੈਮਰੇ 'ਚ ਜੋ ਫੁਟੇਜ਼ ਮਿਲੀ ਹੈ, ਉਸਦੇ ਪੋਸਟਰ ਬਣਾ ਕੇ ਪਿੰਡਾਂ ਤੇ ਸ਼ਹਿਰਾਂ 'ਚ ਲਗਾਏ ਜਾ ਰਹੇ ਹਨ ਤੇ ਕੇਬਲ ਟੀ.ਵੀ ਉਪਰ ਇਹ ਫੁਟੇਜ਼ ਚਲਾਈ ਜਾ ਰਹੀ ਹੈ।ਹੁਣ ਦੇਖਣਾ ਹੈ ਕਿ ਕਿੰਨੀ ਜਲਦੀ ਪਕੜ ਆਉਂਦੇ ਹਨ ਸਾਜ਼ਿਸ਼ਾਂ ਪਿੱਛੇ ਲੁਕੇ ਅਸਲੀ ਮੁਜਰਮ?

Thursday, November 05, 2015

ਨਵੰਬਰ-84 ਵਾਲੀ ਕਾਂਗਰਸ ਵੰਡਾਏਗੀ ਬਹਿਬਲ ਕਲਾਂ ਵਿੱਚ ਸਿੱਖਾਂ ਦਾ ਦੁੱਖ

ਰਾਹੁਲ ਗਾਂਧੀ ਕਰਨਗੇ ਪਿੰਡਾਂ ਵਿੱਚ ਪੈਦਲ ਮਾਰਚ 
ਫ਼ਰੀਦਕੋਟ: 4 ਨਵੰਬਰ 2015: (ਪੰਜਾਬ ਸਕਰੀਨ ਬਿਊਰੋ): 
ਆਖਿਰ ਕਾਂਗਰਸ ਪਾਰਟੀ ਦੀ ਲੀਡਰਸ਼ਿਪ ਨੂੰ ਵੀ ਪੰਜਾਬ ਦਾ ਖਿਆਲ ਆ ਹੀ ਗਿਆ ਹੈ। ਕਾਂਗਰਸ ਹੈ ਕਮਾਨ ਲੋਕਾਂ  ਵਾਪਰ  ਘਟਨਾਵਾਂ ਦਾ ਦੁੱਖ ਵੰਡਾਉਣ ਲੈ ਸਰਗਰਮ ਹੋਈ ਲੱਗਦੀ ਹੈ। ਆਲ ਇੰਡੀਆ ਕਾਂਗਰਸ ਪਾਰਟੀ ਦੇ ਸੀਨੀਅਰ ਮੀਤ ਪ੍ਰਧਾਨ ਸ੍ਰੀ ਰਾਹੁਲ ਗਾਂਧੀ 5 ਨਵੰਬਰ ਨੂੰ ਫ਼ਰੀਦਕੋਟ ਜ਼ਿਲ੍ਹੇ ਵਿਚ ਦੌਰਾ ਕਰ ਰਹੇ ਹਨ। ਉਹ ਇਸ ਦੌਰਾਨ ਬਹਿਬਲ ਕਾਂਡ ਵਿਚ ਗੋਲੀ ਦਾ ਸ਼ਿਕਾਰ ਹੋਏ ਗੁਰਜੀਤ ਸਿੰਘ ਅਤੇ ਕ੍ਰਿਸ਼ਨ ਭਗਵਾਨ ਸਿੰਘ ਦੇ ਪਰਿਵਾਰਾਂ ਨੂੰ ਮਿਲਣਗੇ ਅਤੇ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਹੋਈ ਬੇਅਦਬੀ ਸਬੰਧੀ ਜਾਣਕਾਰੀ ਹਾਸਲ ਕਰਨਗੇ। ਅੱਜ ਇੱਥੇ ਇਹ ਜਾਣਕਾਰੀ ਦਿੰਦਿਆਂ ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਸ: ਪ੍ਰਤਾਪ ਸਿੰਘ ਬਾਜਵਾ ਨੇ ਦੱਸਿਆ ਕਿ ਸ੍ਰੀ ਰਾਹੁਲ ਗਾਂਧੀ ਸਵੇਰੇ 7:30 ਵਜੇ ਪਿੰਡ ਸਰਾਂਵਾਂ ਵਿਚ ਗੋਲੀਕਾਂਡ ਵਿਚ ਸ਼ਹੀਦ ਹੋਏ ਗੁਰਜੀਤ ਸਿੰਘ ਦੇ ਪਰਿਵਾਰ ਨਾਲ ਦੁੱਖ ਸਾਂਝਾ ਕਰਨਗੇ ਅਤੇ ਦੁਪਹਿਰ 12 ਵਜੇ ਪਿੰਡ ਬਹਿਬਲ ਕਲਾਂ (ਨਿਆਮੀਵਾਲਾ) ਵਿਖੇ ਭਾਈ ਕ੍ਰਿਸ਼ਨ ਭਗਵਾਨ ਸਿੰਘ ਦੇ ਪਰਿਵਾਰ ਨੂੰ ਮਿਲਣਗੇ। ਇਸ ਤੋਂ ਇਲਾਵਾ ਰਾਹੁਲ ਪਿੰਡ ਗੁਰੂਸਰ ਅਤੇ ਬਹਿਬਲ ਕਲਾਂ ਵਿਚ ਆਮ ਲੋਕਾਂ ਨੂੰ ਮਿਲ ਕੇ ਮੌਜੂਦਾ ਹਾਲਤਾਂ ਬਾਰੇ ਜਾਣਕਾਰੀ ਪ੍ਰਾਪਤ ਕਰਨਗੇ। ਸ: ਬਾਜਵਾ ਨੇ ਅੱਗੇ ਦੱਸਿਆ ਕਿ ਸ੍ਰੀ ਰਾਹੁਲ ਗਾਂਧੀ ਵੀਰਵਾਰ ਦੀ ਰਾਤ ਬਠਿੰਡਾ ਵਿਖੇ ਰੁਕਣਗੇ ਅਤੇ ਅਗਲੇ ਦਿਨ ਸਵੇਰੇ 7:30 ਵਜੇ ਬਠਿੰਡਾ ਜ਼ਿਲ੍ਹੇ ਦੇ ਪਿੰਡ ਭੁਖਿਆਂਵਾਲੀ (ਤਲਵੰਡੀ ਸਾਬੋ) ਵਿਚ ਖੁਦਕੁਸ਼ੀ ਕਰ ਚੁੱਕੇ ਕਿਸਾਨ ਜਗਦੀਪ ਸਿੰਘ ਦੇ ਪਰਿਵਾਰ ਨੂੰ ਮਿਲਣਗੇ। ਇਸ ਤੋਂ ਬਾਅਦ ਰਾਹੁਲ ਗਾਂਧੀ ਪਿੰਡ ਮੱਲ ਵਾਲ ਅਤੇ ਮਾਨਵਾਲਾ ਦੇ ਲੋਕਾਂ ਨੂੰ ਮਿਲਣਗੇ। ਸ: ਬਾਜਵਾ ਅਨੁਸਾਰ ਰਾਹੁਲ ਨਰਮਾ ਪੱਟੀ ਦੇ ਕਿਸਾਨਾਂ ਦੇ ਖੇਤ ਵੀ ਵੇਖਣ ਜਾਣਗੇ ਅਤੇ ਖ਼ਰਾਬੇ ਸਬੰਧੀ ਜਾਣਕਾਰੀ ਲੈਣਗੇ। ਇਸ ਮੌਕੇ ਫ਼ਰੀਦਕੋਟ ਦੇ ਹਲਕਾ ਇੰਚਾਰਜ ਧਨਜੀਤ ਸਿੰਘ ਧਨੀ, ਮਹਾਸ਼ਾ ਲਖਵੰਤ ਸਿੰਘ ਬਰਾੜ, ਜਗਦਰਸ਼ਨ ਕੌਰ, ਬੁੱਧ ਸਿੰਘ ਢਿੱਲੋਂ, ਅਭੈ ਪ੍ਰਤਾਪ ਸਿੰਘ ਸੇਖੋਂ, ਜਸਵਿੰਦਰ ਸਿੰਘ ਸਿਖਾਂਵਾਲਾ, ਡਿੰਪਲ, ਜੱਸਾ ਠਾੜੇ, ਵਿਨੋਦ ਮੈਣੀ ਅਤੇ ਅਮਿੱਤ ਜੁਗਨੂੰ ਆਦਿ ਕਾਂਗਰਸੀ ਆਗੂ ਹਾਜ਼ਰ ਸਨ। ਕਾਂਗਰਸ ਵਰਕਰਾਂ ਵਿੱਚ ਇਸ ਐਲਾਨ ਤੋਂ ਬਾਅਦ ਖੁਸ਼ੀ ਦੀ ਲਹਿਰ ਹੈ।ਪਿੰਡਾਂ ਦਾ  ਦੌਰਾ ਅਤੇ ਪੈਦਲ ਮਾਰਚ
ਇਸ ਮੌਕੇ ਪੈਦਲ ਮਾਰਚ ਰਾਹੀਂ ਜੋੜਿਆ ਜਾਏਗਾ ਲੋਕਾਂ ਨਾਲ ਸੰਪਰਕ। ਆਲ ਇੰਡੀਆ ਕਾਂਗਰਸ ਕਮੇਟੀ ਦੇ ਸੀਨੀਅਰ ਮੀਤ ਪ੍ਰਧਾਨ ਸ੍ਰੀ ਰਾਹੁਲ ਗਾਂਧੀ ਜਿਹੜੇ ਆਪਣੇ ਦੌਰੇ ਦੌਰਾਨ ਬਹਿਬਲ ਕਲਾਂ ਗੋਲੀ ਕਾਂਡ ਦੇ ਮ੍ਰਿਤਕ ਗੁਰਜੀਤ ਸਿੰਘ ਤੇ ਕ੍ਰਿਸ਼ਨ ਭਗਵਾਨ ਸਿੰਘ ਦੇ ਪਿੰਡਾਂ ਦਾ ਦੌਰਾ ਕਰਨਗੇ। ਉਹ ਦੋਨਾਂ ਪਰਿਵਾਰਾਂ ਨਾਲ ਦੁੱਖ ਪ੍ਰਗਟ ਕਰਨਗੇ। ਉਹ ਪਿੰਡ ਸਰਾਂਵਾਂ ਤੋਂ ਪਿੰਡ ਬਹਿਬਲ ਖੁਰਦ ਤੱਕ ਪੈਦਲ ਮਾਰਚ ਕਰਨਗੇ। ਇਸੇ ਦੌਰਾਨ ਉਹ ਪਿੰਡਾਂ ਦੇ ਮੌਜੂਦਾ ਹਾਲਾਤ ਬਾਰੇ ਜਾਣਕਾਰੀ ਲੈਣਗੇ। ਹੁਣ ਦੇਖਣਾ ਇਹ ਹੈ ਕਿ ਨਵੰਬਰ-84 ਵਾਲੀ ਕਤਲਾਮ ਦੀ ਜ਼ਿੰਮੇਵਾਰ ਇਸ ਮਾਮਲੇ ਤੇਸਿਖ੍ਖ੍ਜ੍ਗਤ ਦੇ ਨੇੜੇ ਹੋਣ ਵਿੱਚ ਕਿੰਨਾ ਕੁ ਕਾਮਯਾਬ ਰਹਿੰਦੀ ਹੈ?

Wednesday, May 06, 2015

ਮੋਗਾ ਅੰਦੋਲਨ ਨੂੰ ਸਿਧੇ ਟਕਰਾਓ ਵੱਲ ਲਿਜਾ ਰਹੀ ਟ੍ਰਾਂਸਪੋਰਟਰਾਂ ਦੀ ਆਕੜ

ਗੰਭੀਰ ਸਿੱਟੇ ਨਿਕਲ ਸਕਦੇ ਹਨ ਵਿਦਿਆਰਥੀ ਵਰਗ ਨਾਲ ਟੱਕਰ ਦੇ 
ਲੁਧਿਆਣਾ:: 6 ਮਈ 2015: (ਪੰਜਾਬ ਸਕਰੀਨ ਬਿਊਰੋ):
ਦਮਨ ਅਤੇ ਸਾਜਿਸ਼ੀ ਚਾਲਾਂ ਦੇ ਬਾਵਜੂਦ ਮੋਗਾ ਅੰਦੋਲਨ ਭਖ ਰਿਹਾ ਹੈ। ਪੁਰਾਣੇ ਲੋਕਾਂ ਨੂੰ ਮੋਗਾ ਰੀਗਲ ਕਾਂਡ ਅੰਦੋਲਨ ਵਾਲੇ ਦਿਨ ਮੁੜ ਤਾਜ਼ਾ ਹੁੰਦੇ ਨਜਰ ਆ ਰਹੇ ਹਨ। ਮੋਗਾ ਕਾਂਡ ਦੇ ਖਿਲਾਫ਼ ਪੰਜਾਬ ਦੇ ਸਾਰੇ ਜ਼ਿਲਿਆਂ ਅਤੇ ਸਬ ਡਵੀਯਨਲ ਕੇਂਦਰਾਂ ਤੇ ਰੋਸ ਵਖਾਵੇ ਹੋਏ ਹਨ। ਫਰੀਦਕੋਟ ਵਿੱਚ ਪੰਜਾਬ ਸਟੂਡੈਂਟਸ ਯੂਨੀਅਨ ਅਤੇ ਨੌਜਵਾਨ ਭਾਰਤ ਸਭਾ ਵੱਲੋਂ ਪਹਿਲਾਂ ਤੋਂ ਐਲਾਨੇ ਪ੍ਰੋਗਰਾਮ ਤਹਿਤ ਮੋਗਾ ਬੱਸ ਕਾਂਡ ਖਿਲਾਫ਼ ਨਹਿਰੂ ਸਟੇਡੀਅਮ ਵਿਖੇ ਰੋਸ ਮੁਜ਼ਾਹਰਾ ਕੀਤਾ ਗਿਆ। ਇਸ ਜੋਸ਼ੀਲੇ ਰੋਸ ਮੁਜ਼ਾਹਰੇ ਉਪਰੰਤ ਜਦੋਂ ਸ਼ਹਿਰ ਵਿੱਚ ਰੋਸ ਰੈਲੀ ਕਢੀ ਕੱਢੀ ਜਾ ਰਹੀ ਸੀ ਉਦੋਂ ਨਿਊ ਦੀਪ ਟਰਾਂਸਪੋਰਟ ਕੰਪਨੀ ਅਤੇ ਪੀ.ਐੱਸ.ਯੂ. ਦੇ ਆਗੂਆਂ ਵਿੱਚ ਟਕਰਾਅ ਹੋ ਗਿਆ। ਪੀ.ਐੱਸ.ਯੂ. ਦਾ ਕਾਫ਼ਲਾ ਨਹਿਰੂ ਸਟੇਡੀਅਮ ਤੋਂ ਬੱਸ ਅੱਡੇ ਵੱਲ ਆ ਰਿਹਾ ਸੀ ਤਾਂ ਪੁਲਸ ਨੇ ਨਿਊ ਦੀਪ ਟਰਾਂਸਪੋਰਟ ਕੰਪਨੀ ਦੀਆਂ ਬੱਸਾਂ ਨੂੰ ਹੋਰ ਰਸਤੇ ਤੋਂ ਦੂਜੇ ਟ੍ਰੈਫਿਕ ਸਮੇਤ ਡਾਈਵਰਟ ਕਰਦੇ ਹੋਏ ਤੁਰੰਤ ਸ਼ਹਿਰ ਤੋਂ ਬਾਹਰ ਜਾਣ ਲਈ ਆਦੇਸ਼ ਦਿੱਤੇ, ਪਰ ਨਿਊ ਦੀਪ ਟਰਾਂਸਪੋਰਟ ਕੰਪਨੀ ਦੇ ਕਰਿੰਦਿਆਂ ਨੇ ਪੁਲਸ ਦੀਆਂ ਹਦਾਇਤਾਂ ਮੰਨਣ ਦੀ ਥਾਂ ਬੱਸ ਨੂੰ ਪੀ.ਐੱਸ.ਯੂ ਦੇ ਆ ਰਹੇ ਕਾਫ਼ਲੇ ਦੇ ਅੱਗੇ ਲਾ ਦਿੱਤਾ। 
ਇਹ ਇੱਕ ਤਰਾਂ ਨਾਲ ਉਕਸਾਹਟ ਭਰੀ ਕਾਰਵਾਈ ਸੀ। ਇਸ ਭੜਕਾਊ ਕਦਮ ਮਗਰੋਂ ਹੀ ਵਿਦਿਆਰਥੀਆਂ ਨੇ ਦੋਸ਼ ਲਾਇਆ ਕਿ ਨਿਊ ਦੀਪ ਬੱਸ ਨੇ ਉਹਨਾਂ ਨੂੰ ਕਥਿਤ ਤੌਰ 'ਤੇ ਕੁਚਲਣ ਦੀ ਕੋਸ਼ਿਸ਼ ਕੀਤੀ। ਗੁੱਸੇ ਵਿੱਚ ਆਏ ਵਿਦਿਆਰਥੀਆਂ ਨੇ ਨਿਊ ਦੀਪ ਬੱਸ ਨੂੰ ਬੁਰੀ ਤਰ੍ਹਾਂ ਭੰਨ ਦਿੱਤਾ। ਘਟਨਾ ਤੋਂ ਦੋ ਮਿੰਟ ਬਾਅਦ ਮੌਕੇ 'ਤੇ ਪੁੱਜੀ ਪੁਲਸ ਨੇ ਪੀ.ਐੱਸ.ਯੂ  ਆਗੂਆਂ ਦੇ ਨਾਲ-ਨਾਲ ਰਾਹਗੀਰਾਂ ਅਤੇ ਬ੍ਰਿਜਿੰਦਰਾ ਕਾਲਜ ਦੇ ਕੁਝ ਵਿਦਿਆਰਥੀਆਂ ਨੂੰ ਬੁਰੀ ਤਰ੍ਹਾਂ ਕੁੱਟਿਆ। ਇਸ ਦੌਰਾਨ ਪੁਲਸ ਵੱਲੋਂ ਆਸੇ-ਪਾਸੇ ਖੜੇ ਔਰਤਾਂ ਅਤੇ ਬੱਚਿਆਂ ਦੀ ਵੀ ਖਿੱਚ ਧੂਹ ਕੀਤੀ ਗਈ। ਪੀ.ਐੱਸ.ਯੂ ਦੇ ਆਗੂਆਂ ਨੇ ਮੌਕੇ ਤੋਂ ਭੱਜਣ ਦੀ ਥਾਂ ਪੁਲਸ ਦੇ ਲਾਠੀਚਾਰਜ ਦਾ ਸਾਹਮਣਾ ਕੀਤਾ। ਦਸ ਮਿੰਟ ਦੇ ਲਾਠੀਚਾਰਜ ਤੋਂ ਬਾਅਦ ਪੁਲਸ ਨੇ ਦੋ ਲੜਕੀਆਂ ਸਮੇਤ 14 ਵਿਦਿਆਰਥੀਆਂ ਨੂੰ ਹਿਰਾਸਤ ਵਿੱਚ ਲੈ ਲਿਆ। ਘਟਨਾ ਤੋਂ ਤੁਰੰਤ ਬਾਅਦ ਡੀ.ਆਈ.ਜੀ. ਵੀ ਮੌਕੇ 'ਤੇ ਪੁੱਜ ਗਿਆ। ਪੁਲਸ ਨੇ ਇਸ ਮਾਮਲੇ ਵਿੱਚ 14 ਵਿਦਿਆਰਥੀਆਂ 'ਤੇ ਇਰਾਦਾ ਕਤਲ ਦਾ ਪਰਚਾ ਦਰਜ ਕਰ ਲਿਆ ਹੈ। ਗ੍ਰਿਫ਼ਤਾਰ ਨੌਜਵਾਨਾਂ ਵਿੱਚ ਪੀ.ਐੱਸ.ਯੂ ਦੀ ਆਗੂ ਹਰਦੀਪ ਕੌਰ ਕੋਟਲਾ, ਅਮਰਨਾਥ, ਕੇਸ਼ਵ, ਕੁਲਦੀਪ ਝੰਬੇਲਵਾਲੀ, ਜਗਜੀਤ ਸਿੰਘ, ਗੁਰਵਿੰਦਰ ਸਿੰਘ ਅਤੇ ਮੰਗਾ ਸਿੰਘ ਅਜ਼ਾਦ ਪ੍ਰਮੁੱਖ ਤੌਰ 'ਤੇ ਸ਼ਾਮਲ ਹਨ। ਪੁਲਸ ਨੇ ਦੀਪ ਟਰਾਂਸਪੋਰਟ ਕੰਪਨੀ ਦੀ ਬੱਸ ਨੂੰ ਥਾਣੇ ਲਾ ਦਿੱਤਾ ਹੈ। ਐੱਸ.ਐੱਸ.ਪੀ. ਨੇ ਇਸ ਗੱਲ ਦੀ ਪੁਸ਼ਟੀ ਕੀਤੀ ਹੈ ਕਿ ਹਿਰਾਸਤ ਵਿੱਚ ਲਏ ਨੌਜਵਾਨਾਂ ਵਿੱਚ ਇੱਕ ਛੇਵੀਂ ਜਮਾਤ ਦਾ ਵਿਦਿਆਰਥੀ ਵੀ ਸ਼ਾਮਲ ਹੈ। 
ਦੂਜੇ ਪਾਸੇ ਅਗਵਾ ਕਾਂਡ ਵਿਰੋਧੀ ਐਕਸ਼ਨ ਕਮੇਟੀ ਨੇ ਦੋਸ਼ ਲਾਇਆ ਕਿ ਪੁਲਸ ਨੇ ਦੀਪ ਟਰਾਂਸਪੋਰਟ ਕੰਪਨੀ ਦੇ ਮਾਲਕਾਂ ਦੇ ਦਬਾਅ ਹੇਠ ਥਾਣੇ ਵਿੱਚ ਵਿਦਿਆਰਥੀ ਆਗੂਆਂ ਦੀ ਬੁਰੀ ਤਰ੍ਹਾਂ ਕੁੱਟਮਾਰ ਕੀਤੀ। ਪੀ.ਐੱਸ.ਯੂ. ਦੇ ਸੂਬਾ ਜਨਰਲ ਸਕੱਤਰ ਰਜਿੰਦਰ ਸਿੰਘ ਅਤੇ ਜ਼ੋਨਲ ਸਕੱਤਰ ਗਗਨ ਸੰਗਰਾਮੀ ਨੇ ਕਿਹਾ ਕਿ ਦੀਪ ਬੱਸ ਦੇ ਕਰਿੰਦਿਆਂ ਨੇ ਵਿਦਿਆਰਥੀਆਂ ਨਾਲ ਜਾਣ-ਬੁੱਝ ਕੇ ਦੁਰਵਿਹਾਰ ਕੀਤਾ। ਉਹਨਾਂ ਕਿਹਾ ਕਿ ਵਿਦਿਆਰਥੀਆਂ ਦਾ ਪ੍ਰਦਰਸ਼ਨ ਸ਼ਾਂਤਮਈ ਸੀ, ਪਰੰਤੂ ਪੁਲਸ ਅਤੇ ਟਰਾਂਸਪੋਰਟਰਾਂ ਦੀ ਮਿਲੀਭੁਗਤ ਕਾਰਨ ਹਾਲਾਤ ਵਿਗੜ ਗਏ। ਉਹਨਾਂ ਕਿਹਾ ਕਿ ਅਕਾਲੀ ਦਲ ਨਾਲ ਜੁੜੀਆਂ ਟਰਾਂਸਪੋਰਟ ਕੰਪਨੀਆਂ ਖਿਲਾਫ਼ ਉਹਨਾਂ ਦਾ ਸੰਘਰਸ਼ ਲਗਾਤਾਰ ਜਾਰੀ ਰਹੇਗਾ। ਦੱਸਣਯੋਗ ਹੈ ਕਿ ਦੀਪ ਟਰਾਂਸਪੋਰਟ ਕੰਪਨੀ ਅਕਾਲੀ ਦਲ ਦੇ ਆਗੂ ਹਰਦੀਪ ਸਿੰਘ ਡਿੰਪੀ ਢਿੱਲੋਂ ਦੀ ਹੈ, ਜੋ ਗਿੱਦੜਬਾਹਾ ਵਿਧਾਨ ਸਭਾ ਹਲਕੇ ਦਾ ਇੰਚਾਰਜ ਵੀ ਹੈ। ਬੱਸਾਂ ਦੀ ਭੰਨ-ਤੋੜ ਤੋਂ ਬਾਅਦ ਮੌਕੇ 'ਤੇ ਪੁੱਜੇ ਉਚ ਪੁਲਸ ਅਧਿਕਾਰੀਆਂ ਨੇ ਦੀਪ ਬੱਸ ਦੇ ਕਰਿੰਦਿਆਂ ਨੂੰ ਉਲਾਂਭਾ ਦਿੱਤਾ ਕਿ ਪੰਜਾਬ 'ਚ ਏਨੀਆਂ ਵੱਡੀਆਂ ਘਟਨਾਵਾਂ ਦੇ ਬਾਵਜੂਦ ਟਰਾਂਸਪੋਰਟਰਾਂ ਦੀ ਆਕੜ ਨਹੀਂ ਗਈ, ਜਿਸ ਕਰਕੇ ਅੱਜ ਫਿਰ ਹਾਦਸਾ ਵਾਪਰ ਗਿਆ। ਪੁਲਸ ਅਧਿਕਾਰੀਆਂ ਨੇ ਟਰਾਂਸਪੋਰਟਰਾਂ 'ਤੇ ਮਾਹੌਲ ਨੂੰ ਖਰਾਬ ਕਰਨ ਦੇ ਦੋਸ਼ ਵੀ ਲਾਏ। ਨਿਊ ਦੀਪ ਟਰਾਂਸਪੋਰਟ ਕੰਪਨੀ ਦੇ ਮੈਨੇਜਰ ਸਰਬਜੀਤ ਸਿੰਘ ਨੇ ਕਿਹਾ ਕਿ ਉਹਨਾਂ ਦੀਆਂ ਬੱਸਾਂ ਉੱਪਰ ਹਮਲਾ ਸਿਰਫ਼ ਇਸੇ ਕਰਕੇ ਹੋਇਆ ਹੈ, ਕਿਉਂਕਿ ਉਹਨਾਂ ਦਾ ਸੰਬੰਧ ਬਾਦਲ ਪਰਵਾਰ ਨਾਲ ਜੁੜਦਾ ਹੈ।
ਫਰੀਦਕੋਟ ਵਿੱਚ ਪੁਲਿਸ ਐਕਸ਼ਨ ਦੀ ਤਿੱਖੀ ਨਿਖੇਧੀ  
ਲੁਧਿਆਣਾ:ਇਸੇ ਦੌਰਾਨ ਕਾਰਖਾਨਾ ਮਜ਼ਦੂਰ ਯੂਨੀਅਨ, ਪੰਜਾਬ ਵੱਲੋਂ ਔਰਬਿਟ ਬਸ ਕਾਂਡ ਖਿਲਾਫ਼ ਮੁਜਾਹਰਾ ਕਰ ਰਹੇ ਨੌਜਵਾਨਾਂ-ਵਿਦਿਆਰਥੀਆਂ ਉੱਤੇ ਲਾਠੀਚਾਰਜ, ਝੂਠੇ ਪਰਚਿਆਂ ਤੇ ਗ੍ਰਿਫਤਾਰੀਆਂ ਦੀ ਸਖਤ ਨਿਖੇਧੀ ਕੀਤੀ ਗਈ। ਯੂਨੀਅਨ ਦੇ ਪ੍ਰਧਾਨ ਲਖਵਿੰਦਰ ਵੱਲੋਂ  ਮਜ਼ਦੂਰ, ਨੌਜਵਾਨ, ਵਿਦਿਆਰਥੀ ਜੱਥੇਬੰਦੀਆਂ ਵੱਲੋਂ ਅੱਜ ਫਰੀਦਕੋਟ ਵਿਖੇ ਨੌਜਵਾਨਾਂ-ਵਿਦਿਆਰਥੀਆਂ ਵੱਲੋਂ ਔਰਬਿਟ ਬਸ ਕਾਂਡ ਖਿਲਾਫ਼ ਕੀਤੇ ਜਾ ਰਹੇ ਮੁਜਾਹਰੇ ਉੱਤੇ ਪੁਲਸ ਵੱਲੋਂ ਹੋਏ ਲਾਠੀਚਾਰਜ, ਇਰਾਦਾ ਕਤਲ ਜਿਹੀਆਂ ਗੰਭੀਰ ਧਾਰਾਵਾਂ ਲਾ ਕੇ ਦਰਜਨ ਤੋਂ ਵਧੇਰੇ ਬੇਗੁਨਾਹ ਨੌਜਵਾਨਾਂ-ਵਿਦਿਆਰਥੀਆਂ ਨੂੰ ਗ੍ਰਿਫਤਾਰ ਕਰਨ ਦੀ ਨੌਜਵਾਨ ਭਾਰਤ ਸਭਾ, ਪੰਜਾਬ ਸਟੂਡੈਂਟਸ ਯੂਨੀਅਨ (ਲਲਕਾਰ), ਕਾਰਖਾਨਾ ਮਜ਼ਦੂਰ ਯੂਨੀਅਨ, ਪੰਜਾਬ, ਟੈਕਸਟਾਈਲ-ਹੌਜ਼ਰੀ ਕਾਮਗਾਰ ਯੂਨੀਅਨ, ਪੰਜਾਬ ਤੇ ਬਿਗੁਲ ਮਜ਼ਦੂਰ ਦਸਤਾ ਸਖਤ ਨਿਖੇਧੀ ਕਰਦੇ ਹਨ । 
ਨੌਜਵਾਨ ਭਾਰਤ ਸਭਾ ਅਤੇ ਪੰਜਾਬ ਸਟੂਡੈਂਟਸ ਯੂਨੀਅਨ ਦੀ ਅਗਵਾਈ ਵਿੱਚ ਮੁਜਾਹਰਾ ਕਰ ਰਹੇ ਨੌਜਵਾਨ-ਵਿਦਿਆਰਥੀ ਮੰਗ ਕਰ ਰਹੇ ਸਨ ਕਿ ਔਰਬਿਟ ਬਸ ਕੰਪਨੀ ਦੇ ਮਾਲਕਾਂ ਉੱਤੇ ਅਪਰਾਧਿਕ ਧਾਰਾਵਾਂ ਤਹਿਤ ਪਰਚਾ ਦਰਜ ਹੋਵੇ, ਪੰਜਾਬ ਦਾ ਗ੍ਰਹਿ ਮੰਤਰੀ ਸੁਖਬੀਰ ਬਾਦਲ ਜੋ ਔਰਬਿਟ ਬਸ ਕੰਪਨੀ ਦਾ ਮਾਲਕ ਵੀ ਹੈ, ਆਪਣੇ ਅਹੁਦੇ ਤੋਂ ਅਸਤੀਫਾ ਦੇਵੇ, ਔਰਬਿਟ ਬਸ ਕੰਪਨੀ ਦੇ ਸਾਰੇ ਰੂਟ ਰੱਦ ਕਰਕੇ ਇਹ ਰੂਟ ਪੰਜਾਬ ਰੋਡਵੇਜ ਨੂੰ ਦਿੱਤੇ ਜਾਣ, ਸਟਾਫ਼ ਦੇ ਨਾਂ ਉੱਤੇ ਪ੍ਰਾਈਵੇਟ ਬਸ ਕੰਪਨੀਆਂ ਗੁੰਡੇ-ਬਦਮਾਸ਼ ਭਰਤੀ ਕਰਨਾ ਬੰਦ ਕਰਨ, ਆਦਿ। ਜੱਥੇਬੰਦੀਆਂ ਦੇ ਆਗੂਆਂ ਦੇ ਘਰਾਂ ਉੱਤੇ ਪੁਲੀਸ ਛਾਪੇਮਾਰੀ ਕਰ ਰਹੀ ਹੈ, ਜਿਸ ਨਾਲ਼ ਹੋਰ ਵੀ ਗ੍ਰਿਫਤਾਰੀਆਂ ਹੋਣ ਦਾ ਖਦਸ਼ਾ ਹੈ।
ਪੂਰੀ ਤਰ੍ਹਾਂ ਜਾਇਜ ਮੰਗਾਂ ਉੱਤੇ ਵਿਰੋਧ ਮੁਜਾਹਰਾ ਕਰ ਰਹੇ ਨੌਜਵਾਨਾਂ-ਵਿਦਿਆਰਥੀਆਂ ਉੱਤੇ ਪੁਲੀਸ ਵੱਲੋਂ ਹੋਏ ਲਾਠੀਚਾਰਜ, ਝੂਠੇ ਦੋਸ਼ ਲਾ ਕੇ ਉਹਨਾਂ ਨੂੰ ਗ੍ਰਿਫਤਾਰ ਕਰਨ ਦੀ ਘਟਨਾ ਨੇ ਪੰਜਾਬ ਦੀ ਅਕਾਲੀ-ਭਾਜਪਾ ਸਰਕਾਰ ਦੇ ਘੋਰ ਲੋਕ ਵਿਰੋਧੀ, ਔਰਤ ਵਿਰੋਧੀ, ਨੌਜਵਾਨ-ਵਿਦਿਆਰਥੀ ਵਿਰੋਧੀ ਕਿਰਦਾਰ ਨੂੰ ਹੋਰ ਨੰਗਾ ਕੀਤਾ ਹੈ। ਜੇਕਰ ਪੰਜਾਬ ਦੀ ਗੁੰਡਾ ਸਰਕਾਰ ਤੇ ਪੁਲੀਸ ਇਹ ਸੋਚਦੇ ਹਨ ਕਿ ਲੋਕਾਂ ਉੱਤੇ ਜ਼ਬਰ ਢਾਹ ਕੇ ਉਹ ਲੋਕ ਅਵਾਜ਼ ਨੂੰ ਕੁਚਲ ਦੇਣਗੇ ਤਾਂ ਇਹ ਉਹਨਾਂ ਦੀ ਗਲਤਫਹਿਮੀ ਹੀ ਹੈ। ਔਰਬਿਟ ਬਸ ਕੰਪਨੀ ਦੇ ਮਾਲਕ ਬਾਦਲ ਪਰਿਵਾਰ, ਪੰਜਾਬ ਵਿੱਚ ਵਧਦੀ ਜਾ ਰਹੀ ਸਿਆਸੀ ਸ਼ਹਿ ਪ੍ਰਾਪਤ ਗੁੰਡਾਗਰਦੀ, ਔਰਤ ਉੱਤੇ ਵੱਧਦੇ ਜੋਰ-ਜੁਲਮ, ਸਰਕਾਰ ਦੀਆਂ ਲੋਕ ਵਿਰੋਧੀ ਨੀਤੀਆਂ ਖਿਲਾਫ਼ ਲੋਕਾਂ ਦਾ ਘੋਲ਼ ਹਰ ਹਾਲਤ ਵਿੱਚ ਜਾਰੀ ਰਹੇਗਾ।
 ਅਸੀਂ ਇਸ ਪ੍ਰੈਸ ਬਿਆਨ ਰਾਹੀਂ ਪੰਜਾਬ ਸਰਕਾਰ ਤੋਂ ਇਹ ਜੋਰਦਾਰ ਮੰਗ ਕਰਦੇ ਹਾਂ ਕਿ ਫਰੀਦਕੋਟ ਵਿੱਚ ਗ੍ਰਿਫਤਾਰ ਕੀਤੇ ਨੌਜਵਾਨਾਂ-ਵਿਦਿਆਰਥੀਆਂ ਨੂੰ ਤਰੁੰਤ ਰਿਹਾ ਕੀਤਾ ਜਾਵੇ, ਝੂਠੇ ਪਰਚੇ ਰੱਦ ਹੋਣ, ਲਾਠੀਚਾਰਜ ਕਰਨ ਵਾਲੇ ਅਤੇ ਝੂਠੇ ਪਰਚੇ ਦਰਜ ਕਰਨ ਵਾਲੇ ਪੁਲਿਸ ਅਫ਼ਸਰਾਂ ਨੂੰ ਤੁਰੰਤ ਬਰਖਾਸਤ ਕੀਤਾ ਜਾਵੇ। ਅਸੀਂ ਮੰਗ ਕਰਦੇ ਹਾਂ ਕਿ ਔਰਬਿਟ ਬਸ ਕੰਪਨੀ ਦੇ ਮਾਲਕਾਂ ਉੱਤੇ ਅਪਰਾਧਿਕ ਧਾਰਾਵਾਂ ਤਹਿਤ ਪਰਚਾ ਦਰਜ ਹੋਵੇ, ਪੰਜਾਬ ਦਾ ਗ੍ਰਹਿ ਮੰਤਰੀ ਸੁਖਬੀਰ ਬਾਦਲ ਜੋ ਔਰਬਿਟ ਬਸ ਕੰਪਨੀ ਦਾ ਮਾਲਕ ਵੀ ਹੈ, ਆਪਣੇ ਅਹੁਦੇ ਤੋਂ ਅਸਤੀਫਾ ਦੇਵੇ, ਔਰਬਿਟ ਬਸ ਕੰਪਨੀ ਦੇ ਸਾਰੇ ਰੂਟ ਰੱਦ ਕਰਕੇ ਇਹ ਰੂਟ ਪੰਜਾਬ ਰੋਡਵੇਜ ਨੂੰ ਦਿੱਤੇ ਜਾਣ, ਸਟਾਫ਼ ਦੇ ਨਾਂ ਉੱਤੇ ਪ੍ਰਾਈਵੇਟ ਬਸ ਕੰਪਨੀਆਂ ਗੁੰਡੇ-ਬਦਮਾਸ਼ ਭਰਤੀ ਕਰਨਾ ਬੰਦ ਕਰਨ, ਪ੍ਰਾਈਵੇਟ ਬਸਾਂ ਵੱਲੋਂ ਹੌਰਨਾਂ, ਗੀਤਾਂ, ਫਿਲਮਾਂ ਰਾਹੀਂ ਹੁੰਦੇ ਕੰਨ-ਪਾੜੂ ਸ਼ੋਰ-ਸ਼ਰਾਬੇ ਨੂੰ ਬੰਦ ਕੀਤਾ ਜਾਵੇ, ਔਰਤਾਂ ਦੀ ਸੁਰੱਖਿਆ ਲਈ ਢੁੱਕਵੇਂ ਕਦਮ ਚੁੱਕੇ ਜਾਣ। 
ਪੰਜਾਬ ਵਿੱਚ ਵਧਦੀ ਜਾ ਰਹੀ ਹਰ ਤਰਾਂ ਦੀ ਗੁੰਡਾਗਰਦੀ, ਲੁੱਟ-ਖਸੁੱਟ, ਬੇਇਨਸਾਫੀ, ਧੱਕੇਸ਼ਾਹੀ, ਸਰਕਾਰੀ-ਗੈਰ ਸਰਕਾਰੀ ਜ਼ਬਰ ਖਿਲਾਫ਼ ਸਭਨਾਂ ਦੱਬੇ-ਕੁਚਲੇ ਤਬਕਿਆਂ, ਔਰਤਾਂ, ਨੌਜਵਾਨਾਂ, ਵਿਦਿਆਰਥੀਆਂ ਨੂੰ ਅੱਗੇ ਆਉਣਾ ਚਾਹੀਦਾ ਹੈ। ਔਰਬਿਟ ਕਾਂਡ ਦੇ ਅਸਲ ਦੋਸ਼ੀਆਂ ਨੂੰ ਸਜਾ ਕਰਾਉਣ ਲਈ ਲੜੀ ਜਾ ਰਹੀ ਇਸ ਲੜਾਈ ਦਾ ਵਡੇਰਾ ਮਹੱਤਵ ਹੈ। ਇਸ ਲਈ ਅਸੀਂ ਸਭਨਾਂ ਇਨਸਾਫ਼ ਲੋਕਾਂ ਨੂੰ ਇਸ ਘੋਲ਼ ਵਿੱਚ ਸ਼ਾਮਲ ਦਾ ਸੱਦਾ ਦਿੰਦੇ ਹਾਂ। ਆਉਣ ਵਾਲੀ 12 ਮਈ ਨੂੰ ਪੰਜਾਬ ਦੇ ਸਭਨਾਂ ਜਿਲਾ ਕੇਂਦਰਾਂ ਉੱਤੇ ਮਜ਼ਦੂਰਾਂ, ਕਿਸਾਨਾਂ, ਨੌਜਵਾਨਾਂ, ਵਿਦਿਆਰਥੀਆਂ, ਔਰਤਾਂ, ਅਧਿਆਪਕਾਂ, ਸਰਕਾਰੀ ਮੁਲਾਜਮਾਂ ਦੀਆਂ ਜਨਤਕ ਜੱਥੇਬੰਦੀਆਂ ਵੱਲੋਂ ਗਠਿਤ ‘ਔਰਬਿਟ ਬਸ ਕਾਂਡ ਵਿਰੋਧੀ ਐਕਸ਼ਨ ਕਮੇਟੀ, ਪੰਜਾਬ’ ਵੱਲੋਂ ਮੁਜਾਹਰੇ ਕੀਤੇ ਜਾ ਰਹੇ ਹਨ। ਇਸ ਸਬੰਧੀ 8 ਮਾਰਚ ਨੂੰ ਸਵੇਰੇ ਗਿਆਰਾਂ ਵਜੇ ਪੰਜਾਬ ਦੇ ਸਾਰੇ ਜਿਲ੍ਹਿਆਂ ਵਿੱਚ ਜਨਤਕ ਜੱਥੇਬੰਦੀਆਂ ਦੀਆਂ ਮੀਟਿੰਗਾਂ ਵੀ ਰੱਖੀਆਂ ਗਈ ਹਨ। ਪੰਜਾਬ ਸਰਕਾਰ, ਪੁਲੀਸ-ਪ੍ਰਸ਼ਾਸਨ ਭਾਂਵੇਂ ਕਿੰਨਾ ਵੀ ਜੋਰ-ਜ਼ਬਰ ਦਾ ਰਾਹ ਅਪਣਾ ਲੈਣ ਔਰਬਿਟ ਬਸ ਕਾਂਡ ਖਿਲਾਫ਼ ਇਹ ਹੱਕੀ ਘੋਲ਼ ਜਾਰੀ ਰਹੇਗਾ।

Monday, May 04, 2015

ਮੋਗਾ ਕਾਂਡ ਨੂੰ ਲੈ ਕੇ ਸੋਸ਼ਲ ਮੀਡੀਆ ਤੇ ਨਵੀਂ ਮੁਹਿੰਮ

10 ਮਈ ਵਾਲੇ ਦਿਨ ਸਾਰਿਆਂ ਨੂੰ ਸ਼ਾਮੀ 8 ਵਜੇ ਬੱਤੀ ਬੁਝਾਉਣ ਦਾ ਸੱਦਾ 
ਲੁਧਿਆਣਾ:4 ਮਈ 2015: (ਪੰਜਾਬ ਸਕਰੀਨ ਬਿਓਰੋ): 
ਮੋਗਾ ਕਾਂਡ ਵਿੱਚ ਮਾਮਲੇ ਨੂੰ ਰਫ਼ਾਦਫ਼ਾ ਕਰਨ ਦੀਆਂ ਕੋਸ਼ਿਸ਼ਾਂ ਨਾਕਾਮ ਹੁੰਦੀਆਂ ਨਜਰ ਆ ਰਹੀਆਂ ਹਨ। ਮੋਗਾ ਦੇ ਰੀਗਲ ਸਿਨੇਮਾ ਕਾਂਡ ਸਮੇਂ ਸ਼ਾਨਾਂਮੱਤਾ ਇਤਿਹਾਸਿਕ ਸੰਘਰਸ਼ ਕਰਨ ਵਾਲੇ ਲੋਕ ਇੱਕ ਵਾਰ ਫੇਰ ਨਵੇਂ ਸੰਘਰਸ਼ਾਂ ਲਈ ਤਿਆਰ ਹੁੰਦੇ ਨਜ਼ਰ ਆ ਰਹੇ ਹਨ। ਥੋਹੜੀ ਦੇਰ ਪਹਿਲਾਂ ਵਾਟਸਐਪ ਅਤੇ ਇਨਬੋਕਸ ਵਿੱਚ ਆਏ ਸੁਨੇਹਿਆਂ ਤੋਂ ਮਹਿਸੂਸ ਹੁੰਦਾ ਹੈ ਕਿ ਸੋਸ਼ਲ ਮੀਡੀਆ ਦੇ ਆਸਰੇ ਇੱਕ ਨਵਾਂ ਅੰਦੋਲਨ ਤਿਆਰ ਹੋ ਰਿਹਾ ਹੈ। ਭਾਰੀ ਪੁਲਿਸ ਫੋਰਸ ਦੀ ਮੌਜੂਦਗੀ ਵਿੱਚ ਰਾਤ ਨੂੰ 9 ਵਜੇ ਅਰਸ਼ਦੀਪ ਦੇ ਜਬਰੀ ਅੰਤਿਮ ਸੰਸਕਾਰ ਨਾਲ ਲੋਕਾਂ ਵਿੱਚ ਰੋਹ ਹੋਰ ਤਿੱਖਾ ਹੋਇਆ ਹੈ। ਸੁਨੇਹਿਆਂ ਵਿੱਚ ਕਿਹਾ ਗਿਆ ਹੈ ਕਿ  ਇਹ ਅੰਤਿਮ ਸੰਸਕਾਰ ਪਿੰਡ ਵਾਲਿਆਂ  ਅਤੇ ਪਰਿਵਾਰ ਵਾਲਿਆਂ  ਤੋਂ ਚੋਰੀ ਪੁਲਿਸ ਫੋਰਸ ਦੀ ਮੌਜੂਦਗੀ ਵਿੱਚ ਕੀਤਾ ਗਿਆ। ਲੋਕਾਂ ਨੇ ਇਹ ਸੁਆਲ ਵੀ ਕੀਤਾ ਹੈ ਕਿ ਜੇ ਕਸੂਰ ਨਿਜੀ ਬਸ ਕੰਪਨੀ ਦਾ ਹੈ ਤਾਂ ਉਸਦੀ ਗਲਤੀ ਦਾ ਖਮਿਆਜਾ ਅਤੇ ਮੁਆਵਜ਼ਾ ਪੰਜਾਬ ਸਰਕਾਰ ਦੇ ਖਜ਼ਾਨੇ ਵਿੱਚੋਂ ਕਿਓਂ? ਇਹ ਰਕਮ ਵੀ ਉਸ ਕੰਪਨੀ ਦੇ ਖਾਤੇ ਵਿੱਚੋਂ ਹਰਜਾਨੇ ਦੇ ਤੌਰ ਤੇ ਭਰੀ ਜਾਣੀ ਚਾਹੀਦੀ ਹੈ। ਬਹੁਤ ਸਾਰੇ ਸਰਗਰਮ ਗਰੁੱਪਾਂ ਵਿੱਚ ਆਏ ਇਹਨਾਂ ਸੁਨੇਹਿਆਂ ਵਿੱਚ ਸਵਰਾਜ ਮੁਹਿੰਮ ਵੱਲੋਂ ਨਵੇਂ ਕਦਮ ਦਾ ਸੱਦਾ ਦੇਂਦਿਆਂ ਕਿਹਾ ਗਿਆ ਹੈ: 
ਬੱਸ ਹੋਰ ਮੋਗਾ ਨਹੀਂ
ਸਮੂਹ ਪੰਜਾਿਬਆਂ ਨੂੰ ਅਪੀਲ ਕੀਤੀ ਜਾਂਦੀ ਹੈ ਕੇ 10 ਮਈ ਐਤਵਾਰ ਨੂੰ "ਪੰਜਾਬ ਦੀ ਧੀ" ਅਰਸ਼ਦੀਪ ਦੇ ਭੋਗ ਵਾਲੀ ਸ਼ਾਮ 8 ਵਜੇ 10 ਮਿੰਟਾਂ ਲਈ ਬੱਤੀ ਬੁਝਾ ਕੇ ਅਰਸ਼ਦੀਪ ਨੂੰ ਸ਼ਰਧਾਂਜਲੀ ਦੇਈਏ ਅਤੇ ਔਰਤ ਦੇ ਸਨਮਾਨ ਦੇ ਲਈ ਸੰਕਲਪ ਕਰੀਏ।  
ਵੱਲੋਂ: ਸਵਰਾਜ ਲਹਿਰ ਪੰਜਾਬ 

Sunday, May 03, 2015

ਸੋਸ਼ਲ ਮੀਡੀਆ 'ਤੇ ਲਗਾਤਾਰ ਜਾਰੀ ਹੈ ਮੋਗਾ ਕਾਂਡ ਵਿਰੁਧ ਰੋਹ ਦੀ ਲਹਿਰ

[5/3/2015, 22:10] Harbhinder Singh: (ਮੋਘਾ ਕਾਂਡ- 
ਵਟਸਐਪ ਦੇ ਗਰੁੱਪ ਸਿੱਖ ਵਰਲਡ ਵਿੱਚ ਪੋਸਟ ਹੋਈ ਨਜ਼ਮ 
ਸਚ ਬੋਲਣ ਦੇ ਮਾਮਲੇ ਵਿੱਚ ਰਵਾਇਤੀ ਮੀਡੀਆ ਨੂੰ ਨਵੀਆਂ ਚੁਨੌਤੀਆਂ ਦੇਂਦਾ ਸੋਸ਼ਲ ਮੀਡੀਆ ਲਗਾਤਾਰ ਹਰਮਨ ਪਿਆਰਾ ਹੋ ਰਿਹਾ ਹੈ। ਇਸ ਨੇ ਨਵੀਆਂ ਕਲਮਾਂ ਅਤੇ ਨਵੇਂ ਅੰਦਾਜ਼ ਪੈਦਾ ਕੀਤੇ ਹਨ। ਵਟਸਐਪ ਨੇ ਇਸ ਵਿੱਚ ਇੱਕ ਨਵੀਂ ਜਾਨ ਪਾਈ ਹੈ। ਮੋਗਾ ਵਿੱਚ ਜਿਸਤਰਾਂ 13 ਸਾਲਾਂ ਦੀ ਇੱਕ  ਕੁੜੀ ਨੂੰ ਆਪਣੀ ਜਾਨ ਗਵਾਉਣੀ ਪਈ ਹੈ ਉਸ ਨੇ ਪੰਜਾਬ ਵਿੱਚ ਆ ਰਹੇ ਨਿਘਾਰਾਂ ਦਾ ਕਰੂਪ ਚੇਹਰਾ ਅੱਖਾਂ ਅੱਗੇ ਲਿਆਂਦਾ ਹੈ। ਇਸ ਘਟਨਾ ਤੋਂ  ਬਾਅਦ ਬਹੁਤ ਕੁਝ ਕਿਹਾ ਜਾ ਚੁੱਕਿਆ ਹੈ। ਨਿਰਲੱਜ ਹੋਏ ਲੀਡਰਾਂ ਨੇ ਇਸਨੂੰ ਰੱਬੀ ਭਾਣਾ ਆਖਣ ਤੋਂ ਵੀ ਗੁਰੇਜ਼ ਨਹੀਂ ਕੀਤਾ। ਵਟਸਐਪ 'ਤੇ ਸਰਗਰਮ ਇੱਕ ਗਰੁੱਪ ਸਿੱਖ ਵਰਲਡ ਵਿੱਚ ਗਰੁੱਪ ਦੇ ਐਡਮਿਨ ਹਰਭਿੰਦਰ ਸਿੰਘ ਨੇ ਇੱਕ ਨਜ਼ਮ ਪੋਸਟ ਕੀਤੀ ਹੈ। ਲਓ ਤੁਸੀਂ ਵੀ ਪੜ੍ਹੋ। ਤੁਹਾਡੇ ਵਿਚਾਰਾਂ ਦੀ ਉਡੀਕ ਬਣੀ ਰਹੇਗੀ। 
ਧੀ ਦੀ ਮਾਂ ਨੂੰ ਆਵਾਜ
1.
ਕੁੱਤਿਆਂ ਦਾ ਵੱਗ,
ਦੂਜੀ ਭੀੜ ਲਾਈਲੱਗ..
ਮੈਂ ਚੁੰਨੀਆਂ ਤੋਂ ਹੁੰਦੀਆਂ ਨੇ ਇੱਥੇ ਲੀਰਾਂ ਦੇਖੀਆਂ..
ਮੈਂ ਮਰਨ ਤੋਂ ਪਹਿਲਾਂ,
ਬੱਸ ਵਿੱਚ ਬੇਵੱਸ,
ਮਰੀਆਂ ਉਹ ਅੱਖੀ ਸੀ ਜਮੀਰਾਂ ਦੇਖੀਆਂ..
2.
ਪਹਿਲਾਂ ਕੁੱਖ ਚੋ ਬਚਾਕੇ,
ਫਿਰ ਜੱਗ ਤੋਂ ਬਚਾਕੇ..
ਮਾਂ ਕਿਥੇ ਕਿਥੇ ਮੈਨੂ ਤੂੰ ਨਾਲ ਰੱਖ ਲੈਦੀ.
ਮੇਰੀ ਚੁੰਨੀ ਤੇ ਤੂੰ ਦਾਗ,
ਮੇਰੇ ਚਿਹਰੇ ਤੇ ਤੇਜਾਬ,
ਮਾਂ ਕਿੱਥੇ ਕਿੱਥੇ ਮੇਰਾ ਤੂੰ ਖਿਆਲ ਰੱਖ ਲੈਦੀ.
ਮੇਰੇ ਫਿਕਰਾਂ ਚ ਮਾਏ,
ਤੇਰੇ ਮੱਥੇ ਉਤੇ ਪਈਆਂ ਮੈਂ ਉਹ ਲਕੀਰਾਂ ਦੇਖੀਆਂ..
ਮੈਂ ਮਰਨ ਤੋਂ....
3.
ਮੇਰੀ ਉਮਰ ਨਿਆਣੀ,
ਤੇ 'ਤੂੰ ਉਮਰੋ ਸਿਆਣੀ..
ਅੰਨੇ ਹਵਸ ਦੇ ਭੁੱਖੇ ਉਹ ਭੈੜਾ ਤੱਕਦੇ ਰਹੇ. 
ਲੋਕਾਂ ਦੀ ਜੁਬਾਨ,
ਕਿਉ ਹੋਈ ਬੇਜੁਬਾਨ..
ਜਦ ਜਾਣ ਜਾਣ ਉਹ ਤਾਅਨੇ ਕੱਸਦੇ ਰਹੇ..
ਇੰਝ ਲੱਗਦਾ ਏ ਸਾਇਦ,
ਉਹਨਾਂ ਆਪਣੇ ਘਰਾਂ ਚ ਨਾ ਜਵਾਨ "ਹੀਰਾਂ" ਦੇਖੀਆਂ..
ਮੈ ਮਰਨ..
4.
ਇੱਕ ਲੀਡਰੀ ਦੀ ਸੈਹ..
ਦੂਜਾ ਗੁੰਡਿਆਂ ਦਾ ਭੈਅ..
ਜਦ ਤੱਕ ਦੋਵੇਂ 'ਕੱਠੇ ਇਹਨਾਂ ਪੱਤ ਲੁੱਟਣੀ..
ਚਲ ਛੱਡ ,
ਲੋਕੀਂ ਰਹਿੰਦੇ ਜਿੱਥੇ ਰਹਿਣ,
ਇੰਝ ਆਖਕੇ ਕਦੇ ਨਾ ਇਹ ਬਾਤ ਮੁੱਕਣੀ.
ਉਹਤੋਂ ਰੱਖਣੀ ਕੀ 'ਮੀਦ
ਜੀਹਨੇ ਨੰਨੀ ਛਾਂ ਦੇ ਨਾਹਰੇ ਦੇਕੇ ਤਸਵੀਰਾਂ ਵੇਚੀਆਂ..
ਮੈਂ ਮਰਨ ਤੋਂ ਪਹਿਲਾਂ,
ਬੱਸ ਵਿੱਚ ਬੇਵੱਸ,
ਮਰੀਆਂ ਉਹ ਅੱਖੀ ਸੀ ਜਮੀਰਾਂ ਦੇਖੀਆਂ..