Showing posts with label Faridkot. Show all posts
Showing posts with label Faridkot. Show all posts

Tuesday, November 30, 2021

ਪੰਜਾਬ ਬਚਾਓ ਸੰਯੁਕਤ ਮੋਰਚੇ ਦੀ ਰੈਲੀ 'ਚ ਰਾਜੇਵਾਲ ਦੀ ਮੌਜੂਦਗੀ

ਇਸ ਮੌਜੂਦਗੀ ਨੇ ਚਰਚਾ ਛੇੜੀ, ਭਵਿਖੀ ਰਾਜਸੀ ਸਮੀਕਰਨ ਦਾ ਸੰਕੇਤ 


ਫ਼ਰੀਦਕੋਟ/ਸੁਰਿੰਦਰ ਮਚਾਕੀ/ਪੰਜਾਬ ਸਕਰੀਨ:

ਸੂਬੇ ਦੀਆਂ 40 ਤੋ ਵਧ ਪ੍ਰਮੁੱਖ ਮੁਲਾਜ਼ਮਾਂ, ਮਜ਼ਦੂਰਾਂ ਤੇ ਕਿਸਾਨਾਂ  ਦੀਆਂ ਜਨਤਕ ਜਥੇਬੰਦੀਆਂ ਦੇ ਸਾਂਝੇ ਮੰਚ  ਵੱਲੋ ਐਤਵਾਰ ਲੁਧਿਆਣੇ ' ਕਾਰਪੋਰੇਟ ਭਜਾਓ  ,ਦੇਸ਼ ਬਚਾਓ, ਪੰਜਾਬ ਬਚਾਓ ' ਬੈਨਰ ਹੇਠ ਕੀਤੀ ਰੈਲੀ ਨੇ ਸੂਬੇ ਦੇ ਟੁੱਟਦੇ ਬਣਦੇ ਰਾਜਨੀਤਕ ਸਮੀਕਰਨਾਂ ਵਿੱਚ ਨਿਵੇਕਲੀ ਚਰਚਾ ਛੇੜ ਦਿੱਤੀ ਹੈ । ਖੱਬੀ ਸਿਆਸਤ ਨਾਲ ਸਬੰਧਤ ਹਜ਼ਾਰਾਂ ਦੇ ਇਸ ਇਕੱਠ ਦੇ ਮੰਚ 'ਤੇ ਸੰਯੁਕਤ ਕਿਸਾਨ ਮੋਰਚਾ ਆਗੂ ਅਤੇ ਭਾਰਤੀ ਕਿਸਾਨ ਯੂਨੀਅਨ( ਰਾਜੇਵਾਲ) ਦੇ ਪ੍ਰਧਾਨ ਬਲਬੀਰ ਸਿੰਘ ਰਾਜੇਵਾਲ ਦੀ ਤਕਰੀਰ ਜਿਸ ਵਿੱਚ ਉਸਨੇ ਕਾਮਰੇਡਾਂ ਦੀ ਭਰਵੀ ਤਾਰੀਫ਼ ਕਰਦਿਆ ਆਪਣੇ ਆਪ ਨੂੰ ਅੱਧਾ ਕਾਮਰੇਡ ਦੱਸਿਆ ਤੇ ਕਿਸਾਨ ਅੰਦੋਲਨ ਦੀ ਪਹਿਲੀ ਜਿੱਤ ਲਈ ਕਾਮਰੇਡਾਂ ਦੀ ਸ਼ਮੂਲੀਅਤ ਤੇ ਭੂਮਿਕਾ ਨੂੰ ਵਡਿਆਇਆ। ਵਿਧਾਨ ਸਭਾ ਚੋਣਾਂ ਦੀਆਂ ਸਰਗਰਮੀਆਂ ਜਦੋ ਤੇਜ਼ੀ ਨਾਲ ਸਿਖ਼ਰਾਂ ਨੂੰ ਵਧ ਰਹੀ ਹੈ ਉਦੋ ਕੀਤੇ ਇਸ ਵੱਡੇ ਇਕੱਠ ਤੇ ਇਸ ਨਾਲ ਜੁੜੀ ਰਾਜੇਵਾਲ ਦੀ ਸਾਂਝ ਨੂੰ ਰਾਜਨੀਤਕ ਵਿਸ਼ਲੇਸ਼ਕ  ਮੁੱਖ ਧਾਰਾ ਦੀਆਂ ਸਿਆਸੀ ਸਰਗਰਮੀਆਂ ਵਿੱਚ ਵੱਖਰੀ ਸਿਆਸੀ ਸਮੀਕਰਨ ਤੇ ਸਰਗਰਮੀ ਦੇ ਦਾਖ਼ਲੇ ਵਜੋ ਦੇਖ ਰਹੇ ਹਨ। ਜ਼ਿਕਰਯੋਗ ਹੈ ਹਾਕਮ ਕਾਂਗਰਸ ਪਾਰਟੀ , ਸ਼੍ਰੋਮਣੀ ਆਕਾਲੀ ਦਲ -ਬਸਪਾ ਗਠਜੋੜ ਤੇ ਆਮ ਆਦਮੀ ਪਾਰਟੀ ਦੇ ਚੋਣ ਰਣਨੀਤੀਕਾਰਾਂ ਦੀਆਂ ਨਜ਼ਰਾਂ ਪੰਜਾਬ ਵਿਧਾਨ ਸਭਾ ਚੋਣਾਂ ਬਾਰੇ ਕਿਸਾਨ ਧਿਰਾਂ ਦੇ ਭਵਿੱਖੀ ਪੈਤੜੇ ਵੱਲ ਲੱਗੀਆਂ ਹੋਈਆਂ ਹਨ। ਕਿਸਾਨ ਸੰਘਰਸ਼ ਵਿੱਚ ਸ਼ਾਮਲ 32 ਧਿਰਾਂ ਦੀ ਰਾਇ ਵੀ ਇਸ ਮੁੱਦੇ 'ਤੇ ਵੰਡਵੀ ਹੈ। ਪਾਰਲੀਮੈਨੀ ਤੇ ਚੋਣ ਰਾਜਨੀਤੀ ਨੂੰ ਨਕਾਰਨ ਵਾਲੀਆਂ ਕਿਸਾਨ ਧਿਰਾਂ ਤੋ ਬਿਨਾਂ ਬਾਕੀ ਧਿਰਾਂ ਇਸ ਰਾਜਨੀਤੀ ਨਾਲ ਜੁੜੀਆਂ ਹੋਈਆਂ ਹਨ। ਇਸ ਮੁੱਦੇ 'ਤੇ ਗੰਭੀਰ ਚਿੰਤਨ ਮੰਥਨ ਕਰ ਰਹੀਆਂ ਹਨ । ਇਹ ਵੀ ਚਰਚਾ ਹੈ ਕਿ ਇਸ ਮੰਥਨ 'ਚ ਰਾਜੇਵਾਲ ਦੀ ਅਹਿਮ ਭੂਮਿਕਾ ਹੈ। ਉਨ੍ਹਾਂ ਦੀ ਇਸ ਰੈਲੀ ਦੇ  ਮੰਚ ਦੀ ਮੌਜੂਦਗੀ ਕਿਸੇ ਸੰਭਾਵਤ ਪੈਤੜੇ ਦਾ ਇਸ਼ਾਰਾ ਵੀ ਸਮਝਿਆ ਜਾ ਸਕਦਾ/ਰਿਹਾ। ਰੈਲੀ ਦੇ ਜਥੇਬੰਦਕ ' ਪੰਜਾਬ ਬਚਾਓ ਸੰਯੁਕਤ ਮੋਰਚਾ ' ਵੱਲੋ ਕਿਸੇ ਭਵਿੱਖੀ ਸੰਘਰਸ਼ੀ ਪ੍ਰੋਗਰਾਮ ਦਾ    ਇਸ ਮੌਕੇ ਐਲਾਨ ਜਿਸ ਦੀ ਇੱਥੇ ਪਹੁੰਚੇ ਹਜ਼ਾਰਾਂ ਵਰਕਰਾਂ ਤੇ ਆਗੂਆਂ ਨੂੰ ਵੱਡੀ ਉਮੀਦ ਵੀ ਸੀ ,  ਐਲਾਨ ਨਾ  ਕਰਨਾ ਵੀ ਇਸੇ ਵੱਲ ਹੀ ਇਸ਼ਾਰਾ ਸਮਝਿਆ ਜਾ ਸਕਦਾ/ ਰਿਹਾ ਹੈ।  ਬੀ ਕੇ ਯੂ ਹਰਿਆਣਾ (ਚੰਡੂਨੀ) ਦੇ ਪ੍ਰਧਾਨ ਗੁਰਨਾਮ ਸਿੰਘ ਚੰਡੂਨੀ ਤਾਂ ਪਹਿਲਾ ਹੀ ਆਪਣੇ ਐਲਾਨੇ ਪੰਜਾਬ ਮਿਸ਼ਨ ਤਹਿਤ ਰਾਜਸੀ ਪਾਰਟੀ ਬਣਾ ਕੇ ਪੰਜਾਬ ਦੀਆਂ 117 ਸੀਟਾਂ 'ਤੇ ਚੋਣ ਲੜਨ ਦੀ ਮੁਹਿੰਮ 'ਤੇ ਚੜ੍ਹੇ ਹੋਏ ਹਨ। ਸੰਕੇਤ ਤਾਂ ਇਹ ਵੀ ਹਨ ਕਿ ਖੇਤੀ ਕਾਨੂੰਨ ਵਾਪਸ ਲੈਣ ਬਾਰੇ ਸੰਸਦ ਵਲੋ ਬਿਲ ਪਾਸ ਹੋਣ ਅਤੇ ਐਮ ਐਸ ਪੀ ਬਾਰੇ ਐਸ ਕੇ ਐਮ ਦੀ ਤਸੱਲੀ ਮੁਤਾਬਕ ਕੋਈ ਕਮੇਟੀ ਬਣਦੀ ਹੈ ਤਾਂ 32 ਕਿਸਾਨ ਯੂਨੀਅਨਾਂ ਪੰਜਾਬ ਵੱਲ ਸੰਘਰਸ਼ੀ ਮੁਹਾਰ ਮੋੜਨਗੀਆਂ ,  ਕਿਸਾਨੀ ਵਾਅਦਿਆਂ ਦੇ ਮੁੱਦੇ 'ਤੇ ਪੰਜਾਬ ਸਰਕਾਰ ਨੂੰ ਘੇਰਨਗੀਆਂ । 

ਰਾਜੇਵਾਲ ਨੇ ਇਥੇ ਬੋਲਦਿਆ ਆਖਿਆ ਕਿ ਜਦੋਂ ਤੋਂ ਨਰਿੰਦਰ ਮੋਦੀ ਮੁਲਕ  ਦਾ ਪ੍ਰਧਾਨ ਮੰਤਰੀ ਬਣਿਆ ਹੈ, ਉਦੋਂ ਤੋਂ ਦੇਸ਼ ਵਿੱਚ ਪੂੰਜੀਵਾਦ ਭਾਰੂ ਹੋ ਗਿਆ। ਪ੍ਰਧਾਨ ਮੰਤਰੀ ਮੋਦੀ ਸਾਰਾ ਮੁਲਕ  ਪੂੰਜੀਪਤੀਆਂ ਨੂੰ ਦੇਣਾ ਚਾਹੁੰਦੇ ਹਨ। ਇਸ ਕਰ ਕੇ ਅੰਦੋਲਨ ਦੀ ਜਿੱਤ ਤੋਂ ਬਾਅਦ ਹੁਣ ਪਿੰਡ-ਪਿੰਡ, ਸ਼ਹਿਰ-ਸ਼ਹਿਰ ਘਰਾਂ ਵਿੱਚ, ਦੁਕਾਨਾਂ ’ਤੇ, ਫੈਕਟਰੀਆਂ ਵਿੱਚ ਪੂੰਜੀਪਤੀਆਂ ਦੇ ਬਾਈਕਾਟ ਦੀ ਮੁਹਿੰਮ ਸ਼ੁਰੂ ਕੀਤੀ ਜਾਵੇ ਤਾਂ ਕਿ ਪੂੰਜੀਪਤੀਆਂ ਨੂੰ ਵੀ ਪਤਾ ਲੱਗੇ ਕਿ ਉਨ੍ਹਾਂ ਦਾ ਪੇਚਾ ਕਿੱਥੇ ਪਿਆ ਹੈ। ਰਾਜੇਵਾਲ ਨੇ ਕਿਹਾ ਕਿ ਇਹ ਮਿੱਥ ਬਣ ਗਈ ਸੀ ਕਿ ਜਿੱਥੇ ਮੋਦੀ ਹੈ ਉੱਥੇ ਸਭ ਕੁਝ ਸੰਭਵ ਹੈ ਪਰ ਕਿਸਾਨਾਂ-ਮਜ਼ਦੂਰਾਂ ਦਾ ਏਕਾ ਮੋਦੀ ਨੂੰ ਹਰਾਉਣ ਵਿੱਚ ਸਫ਼ਲ ਹੋਇਆ ਹੈ। ਉਨ੍ਹਾਂ ਕਿਹਾ ਕਿ ਇਸ ਰੈਲੀ ਵਿੱਚ ਸਾਰੇ ਜਾਗਰੂਕ ਦਿਮਾਗ ਬੈਠੇ ਹਨ, ਇਸ ਲਈ ਮਹਿੰਗਾਈ, ਗਰੀਬੀ ਅਤੇ ਬੇਰੁਜ਼ਗਾਰੀ ਦੂਰ ਕਰਨ ਲਈ ਸਿਸਟਮ ਨੂੰ ਬਦਲਣ ਦੀ ਲੋੜ ਹੈ। ਪ ਇਸ ਮੌਕੇ ਉਨ੍ਹਾਂ ਕਿਸਾਨ-ਮਜ਼ਦੂਰ ਸੰਘਰਸ਼ ਦੀ ਜਿੱਤ ਲਈ ਸਾਰੀਆਂ ਹਮਾਇਤੀ ਜਥੇਬੰਦੀਆਂ ਨੂੰ ਵਧਾਈ ਦਿੱਤੀ।

ਬੁਲਾਰਿਆਂ ਨੇ ਇਸ ਗੱਲ ’ਤੇ ਜ਼ੋਰ ਦਿੱਤਾ ਕਿ ਫੋਕੇ ਵਾਅਦਿਆਂ ਦੇ ਆਸਰੇ ਸੱਤਾ ਪ੍ਰਾਪਤੀ ਕਰਨ ਵਾਲਿਆਂ ਤੋਂ ਲੋਕ ਭਲਾਈ ਦੀ ਆਸ ਨਹੀਂ ਕੀਤੀ ਜਾ ਸਕਦੀ। ਘੱਟ ਗਿਣਤੀ ਲੋਕਾਂ ਨੂੰ ਨਿਸ਼ਾਨਾ ਬਣਾ ਕਿ ਮਨੂੰਵਾਦੀ ਸੋਚ ਨੂੰ ਫਿਰ ਤੋਂ ਉਭਾਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਉਨ੍ਹਾਂ ਨੇ ਸੂਬੇ ਦੀ ਕਾਂਗਰਸ ’ਤੇ ਵੀ ਨਿਸ਼ਾਨਾ ਸੇਧਦਿਆਂ ਕਿਹਾ ਕਿ ਲੋਕਾਂ ਨੂੰ ਤਰ੍ਹਾਂ-ਤਰ੍ਹਾਂ ਦੇ ਲਾਲਚ ਦੇ ਕੇ ਕਾਂਗਰਸ ਦੁਬਾਰਾ ਸੱਤਾ ਹਥਿਆਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ। ਮਹਾਂਰੈਲੀ ਵਿੱਚ ਸਨਅਤੀ ਕਾਮਿਆਂ, ਖੇਤ ਮਜ਼ਦੂਰਾਂ, ਬੇਰੁਜ਼ਗਾਰਾਂ ਤੇ ਸਕੀਮ ਵਰਕਰਾਂ ਦੇ ਸੰਘਰਸ਼ਾਂ ਦੀ ਹਮਾਇਤ ਦੇ ਮਤੇ ਵੀ ਪਾਸ ਕੀਤੇ ਗਏ। ਇਸ ਮੌਕੇ ਬੀਐੱਸਐੱਫ ਨੂੰ ਵੱਧ ਅਧਿਕਾਰ ਦੇਣ ਵਾਲਾ ਨੋਟੀਫਿਕੇਸ਼ਨ ਰੱਦ ਕਰਨ ਦੀ ਵੀ ਮੰਗ ਵੀ ਕੀਤੀ।ਰੈਲੀ ਨੂੰ ਬੰਤ ਬਰਾੜ, ਭੁਪਿੰਦਰ ਸਾਂਬਰ, ਮੰਗਤ ਰਾਮ ਪਾਸਲਾ ਵਿਜੈ ਮਿਸ਼ਰਾ , ਰੁਲਦੂ ਸਿੰਘ ਮਾਨਸਾ  ਰਾਜਵਿੰਦਰ ਰਾਣਾ ਗੁਰਮੀਤ ਸਿੰਘ ਬਖਤਪੁਰ ,  ਕਿਰਨਜੀਤ ਸਿੰਘ ਸੇਖੋਂ, ਨਿਰਮਲ ਧਾਲੀਵਾਲ, ਕੁਲਵੰਤ ਸਿੰਘ ਸੰਧੂ, ਭਗਵੰਤ ਸਿੰਘ ਸਮਾਓਂ ਤੇ ਗੁਰਨਾਮ ਸਿੰਘ ਬੌਲਦ ਕਲਾਂ ਸਣੇ ਹੋਰ ਵੀ ਕਈ ਆਗੂਆਂ ਨੇ ਸੰਬੋਧਨ ਕੀਤਾ।

Tuesday, August 11, 2020

ਵਾਇਰੋਲੋਜੀ ਸੈਂਟਰ ਨਾਲ ਪੰਜਾਬ ਬਣ ਸਕਦਾ ਹੈ ਦੂਜਾ ਵੂਹਾਨ

 ਡਾਕਟਰ ਜੀਵਨਜੋਤ ਕੌਰ ਨੇ ਪ੍ਰਗਟਾਏ ਕਈ ਗੰਭੀਰ ਖਦਸ਼ੇ 
ਲੁਧਿਆਣਾ: 11 ਅਗਸਤ 2020: (ਐਮ ਐਸ ਭਾਟੀਆ//ਪੰਜਾਬ ਸਕਰੀਨ)::
ਕੇਂਦਰ ਸਰਕਾਰ ਨੇ ਪੰਜਾਬ ਵਿੱਚ ਨੈਸ਼ਨਲ ਇੰਸਟੀਚਿਊਟ ਆਫ ਵਾਇਰੋਲੋਜੀ ਸੈਂਟਰ (ਵਾਇਰਸ-ਵਿਗਿਆਨ ਦਾ ਕੇਂਦਰ) ਦੀ ਸਥਾਪਨਾ ਕਰਨ ਲਈ ਭਾਵੇਂ ਸਿਧਾਂਤਕ ਪ੍ਰਵਾਨਗੀ ਦੇ ਦਿੱਤੀ ਹੈ ਅਤੇ ਮੁੱਖ ਮੰਤਰੀ ਨੇ ਇਸਦਾ ਸੁਆਗਤ ਵੀ ਕਰ ਦਿੱਤਾ ਹੈ ਪਰ ਇਸਦੇ ਨਾਲ ਹੀ ਇਸਦਾ ਵਿਰੋਧ ਵੀ ਸ਼ੁਰੂ ਹੋ ਗਿਆ ਹੈ। ਪੰਜਾਬ ਦੇ ਹਿੱਤਾਂ ਲਈ  ਦਹਾਕਿਆਂ ਤੋਂ ਸਰਗਰਮ ਬੁੱਧੀਜੀਵੀ ਡਾਕਟਰ ਜੀਵਨਜੋਤ ਕੌਰ (ਫਰੀਦਕੋਟ) ਨੇ ਇਸਦੀ ਕਾਇਮੀ ਤੇ ਕਈ ਖਦਸ਼ੇ ਜ਼ਾਹਰ ਕੀਤੇ ਹਨ। ਜ਼ਿਕਰਯੋਗ ਹੈ ਕਿ ਪੰਜਾਬ ਤੋਂ ਪਹਿਲਾਂ ਪੂਨੇ ਵਿੱਚ ਵੀ ਹੈ ਅਜਿਹਾ ਸੈਂਟਰ। 
ਉਹਨਾਂ ਅੱਜ ਇੱਕ ਟੈਲੀਫ਼ੋਨਿਕ ਮੁਲਾਕਾਤ ਦੌਰਾਨ ਕਿਹਾ ਕਿ ਇਸ ਵਾਇਰੋਲੋਜੀ ਲੈਬ ਰਾਹੀਂ ਪੰਜਾਬ ਦੂਜਾ ਵੂਹਾਨ ਬਣ ਸਕਦਾ ਹੈ। ਜ਼ਿਕਰਯੋਗ ਹੈ ਕਿ ਕੈਪਟਨ ਅਮਰਿੰਦਰ ਸਿੰਘ ਨੇ ਕੋਵਿਡ-19 ਮਹਾਮਾਰੀ ਦੇ ਮੱਦੇਨਜ਼ਰ ਕੁਝ ਹਫ਼ਤੇ ਪਹਿਲਾਂ ਕੇਂਦਰ ਕੋਲ ਅਜਿਹੀ ਸੰਸਥਾ ਦਾ ਪ੍ਰਸਤਾਵ ਰੱਖਿਆ ਸੀ। ਮੁੱਖ ਮੰਤਰੀ ਨੇ ਇਸ ਸੰਸਥਾ ਨੂੰ ਮਨਜ਼ੂਰੀ ਮਿਲਣ ਦਾ ਸਵਾਗਤ ਕਰਦਿਆਂ ਕਿਹਾ ਸੀ ਕਿ ਇਹ ਸੰਸਥਾ ਵਾਇਰੋਲੋਜੀ ਦੇ ਖੇਤਰ ਵਿੱਚ ਖੋਜ ਦੇ ਕੰਮ ਨੂੰ ਹੋਰ ਤੀਬਰਤਾ ਨਾਲ ਅੱਗੇ ਲਿਜਾਣ ਵਿੱਚ ਸਹਾਈ ਹੋਵੇਗੀ ਅਤੇ ਭਵਿੱਖ ਵਿੱਚ ਭਾਰਤ ਨੂੰ ਵਾਇਰਸ ਦਾ ਛੇਤੀ ਤੋਂ ਛੇਤੀ ਪਤਾ ਲਾਉਣ ਦੇ ਵੀ ਸਮਰੱਥ ਬਣਾਏਗੀ। ਦੂਜੇ ਪਾਸੇ ਡਾਕਟਰ ਜੀਵਨਜੋਤ ਕੌਰ ਨੇ ਕਿਹਾ ਹੈ ਕਿ ਮੈਂ ਡਾਕਟਰ ਹੋਣ ਦੇ ਨਾਤੇ ਪੰਜਾਬ ਵਿੱਚ ਵਾਇਰੋਲੋਜੀ ਲੈਬ ਤੇ ਖੋਜ ਕੇਂਦਰ ਖੋਲਣ ਦੇ ਖਿਲਾਫ ਹਾਂ ਕਿਓਕਿ ਕੇਂਦਰ ਦੀ ਸਰਕਾਰ ਵੀ ਪ੍ਰਾਜੈਕਟ ਨਾਲ ਜੁੜੀ ਹੋਊ। ਕੇਂਦਰ ਦੀ ਗੰਧਲੀ ਸਿਆਸਤ ਦੇ ਚਲਦਿਆਂ ਇਸ ਨੂੰ ਕਦੇ ਵੀ ਬਾਇਓਲੋਜੀਕਲ ਵਾਰ ਦੇ ਰੂਪ ਵਿੱਚ ਘੱਟ ਗਿਣਤੀਆਂ ਲਈ ਵਰਤਿਆ ਜਾ ਸਕੇਗਾ। 
ਡਾਕਟਰ ਜੀਵਨਜੋਤ ਕੌਰ ਨੇ ਸਪਸ਼ਟ ਕੀਤਾ ਕਿ ਪੰਜਾਬ ਦੀ ਵੱਸੋਂ ਸੰਘਣੀ ਹੈ। ਪੰਜਾਬ ਦੀ ਜ਼ਮੀਨ ਉਪਜਾਊ ਹੈ। ਜੰਗਲ ਪਹਿਲਾਂ ਹੀ ਘੱਟ ਹਨ। ਪੱਚੀ ਏਕੜ ਜ਼ਮੀਨ ਇਸ ਕੰਮ ਲਈ ਨਹੀਂ ਦੇਣੀ ਚਾਹੀਦੀ।
ਉਹਨਾਂ ਇਹ ਵੀ ਕਿਹਾ ਕਿ ਲੋਕਾਂ ਵੱਲੋਂ ਮੰਗੇ ਜਾ ਰਹੇ ਸਨਅਤੀ ਪ੍ਰਾਜੈਕਟ ਤਾਂ ਮਨਜੂਰ ਹੋਣ ਲਈ ਸਾਲਾਂ ਬੱਧੀ ਲਟਕਦੇ ਰਹਿੰਦੇ ਜਿਵੇਂ ਰਾਜਪੁਰਾ ਨੂੰ ਚੰਡੀਗੜ੍ਹ ਨਾਲ ਜੋੜਨ ਵਾਲੀ ਰੇਲਵੇ ਲਾਈਨ ਜਿਸ ਨੂੰ ਡਾਕਟਰ ਗਾਂਧੀ ਦੇ ਉੱਦਮ ਸਦਕਾ ਇੰਨੀ ਔਖੀ ਮਨਜੂਰੀ ਮਿਲੀ ਅਤੇ ਅਜੇ ਵੀ ਮਾਮਲਾ ਮਹਿਕਮਿਆਂ ਵਿਚਾਰ ਲਟਕ ਰਿਹਾ ਹੈ ਅਤੇ ਕੰਮ ਸ਼ੁਰੂ ਨਹੀਂ ਹੋਇਆ। ਕੋਲਡ ਸਟੋਰ/ਚੈਨ ਬਣਾਉਣ ਦੀ ਮੰਗ ਤੇ ਗੌਰ ਨਹੀਂ ਹੋ ਰਿਹਾ ਜਿਸ ਨਾਲ ਰੋਜ਼ਗਾਰ ਵੀ ਮਿਲਦਾ ਤੇ ਕਿਸਾਨਾਂ ਦੀ ਫਸਲ ਵੀ ਬਰਬਾਦ ਹੋਣੋ ਬਚਦੀ। ਇਹ ਪ੍ਰਾਜੈਕਟ ਮਹਿੰਗੇ ਵੀ ਨਹੀਂ ਤੇ ਲਾਹੇਵੰਦ ਵੀ ਹਨ। ਸਤਲੁਜ ਦਰਿਆ ਵਿੱਚੋਂ ਰੇਤਾ ਕੱਢਣ ਦਾ ਪ੍ਰਾਜੈਕਟ ਮਨਜੂਰ ਨਹੀਂ ਹੋ ਰਿਹਾ ਅਤੇ ਤਲ ਉੱਚਾ ਹੋਣ ਕਾਰਨ ਬਰਸਾਤ ਸਮੇਂ ਨੇੜਲੇ ਇਲਾਕਿਆਂ ਵਿੱਚ ਹੜ੍ਹ ਆ ਜਾਂਦਾ ਤੇ ਨੁਕਸਾਨ ਕਰਦਾ। ਇਸੇ ਤਰ੍ਹਾਂ ਬਠਿੰਡਾ ਦਾ ਥਰਮਲ ਪਲਾਂਟ ਪਰਾਲੀ ਤੇ ਚਲਾਉਣ ਲਈ ਮਨਜੂਰੀ ਲਟਕੀ ਪਈ ਹੈ। ਦੂਜੇ ਪਾਸੇ ਇਸ ਪ੍ਰਾਜੈਕਟ ਦੀ ਮਨਜੂਰੀ ਜੋ ਪੰਜਾਬੀਆਂ ਦੇ ਹਿੱਤਾਂ ਵਿੱਚ ਹੀ ਨਹੀਂ, ਦੀ ਮਨਜੂਰੀ ਝੱਟ ਮਿਲ ਗਈ ਹੈ। ਅੱਜ ਦੀ ਖਬਰ ਤੋਂ ਪਤਾ ਲੱਗਾ ਕਿ ਕੈਪਟਨ ਅਮਰਿੰਦਰ ਸਿੰਘ ਨੇ ਪੰਜਾਬ ਵਿੱਚ ਵਾਇਰੋਲੋਜੀ ਲੈਬ ਅਤੇ ਖੋਜ ਸੈਂਟਰ ਸਥਾਪਤ ਕਰਨ ਲਈ ਬੇਨਤੀ ਕੀਤੀ ਸੀ ਜਿਸ ਦੀ 150 ਕਰੋੜ ਦੇ ਬੱਜਟ ਨਾਲ ਕੇਂਦਰ ਨੇ ਮਨਜੂਰੀ ਦੇ ਦਿੱਤੀ ਹੈ। ਇਸ ਲਈ 25 ਏਕੜ ਜਮੀਨ ਦੀ ਨਿਸ਼ਾਨਦੇਹੀ ਕਰਨ ਨੂੰ ਕਿਹਾ ਹੈ। ਸੋਚੋ ਤੇ ਵਿਚਾਰੋ। ਆਓ ਰਲ ਕੇ ਪੰਜਾਬ ਨੂੰ ਦੂਜਾ ਵੂਹਾਨ ਬਣਾਉਣ ਤੋਂ ਬਚਾਈਏ
ਯਾਦ ਰੱਖਣਾ ਇੰਨਾਂ ਪਹਿਲਾਂ ਵੀ ਵੇਲਾ ਵਿਹਾ ਚੁੱਕੇ ਰੇਡੀਏਸ਼ਨ ਛੱਡ ਨੁਕਸਾਨ ਕਰਨ ਵਾਲੇ ਅਟੋਮਿਕ ਐਨਰਜੀ ਪ੍ਰਾਜੈਕਟ ਲਾਉਣ ਲਈ ਪੰਜਾਬ ਚੁਣਿਆ ਸੀ ਜੋ ਲੋਕਾਂ ਦੀ ਜਾਗਰੂਕਤਾ ਤੇ ਵਿਰੋਧ ਕਾਰਨ ਸਿਰੇ ਨਹੀਂ ਚੜਿਆ ਅਤੇ ਪੰਜਾਬ ਬਚ ਗਿਆ। ਆਓ ਫਿਰ ਪੰਜਾਬ ਬਚਾਈਏ। ਗੁਰੂ ਦੀ ਸਿਖਿਆ ਅਨੁਸਾਰ ਕੁਦਰਤ ਨਾਲ ਜਿਓਣ, ਆਪਣੀ ਸਰੀਰਕ ਸਮਰੱਥਾ ਵਧਾਉਣ ਤੇ ਸਿਹਤਮੰਦ ਜੀਵਨ ਜਿਓਣ ਦੀ ਜੁਗਤ ਸਿਖੀਏ।
ਡਾਕਟਰ ਜੀਵਨਜੋਤ ਕੌਰ ਨੇ ਸੱਦਾ ਦਿੱਤਾ ਕਿ ਪੰਜਾਬ ਵਿਚ ਵਾਇਰੋਲੋਜੀ ਲੈਬ ਤੇ ਖੋਜ ਕੇਂਦਰ ਦੀ ਸਥਾਪਨਾ ਦਾ ਵਿਰੋਧ ਕਰੋ। ਇਸਦਾ ਵਿਰੋਧ ਕਰਨ ਲਈ ਮੈਦਾਨ ਵਿੱਚ ਖੁਦ ਵੀ ਨਿੱਤਰੋ ਅਤੇ ਹੋਰਨਾਂ ਨੂੰ ਵੀ ਲਾਮਬੰਦ ਕਰੋ। 
ਚੇਤੇ ਰਹੇ ਭਾਰਤ ਸਰਕਾਰ ਦੇ ਸਿਹਤ ਖੋਜ ਮੰਤਰਾਲੇ ਦੇ ਸਕੱਤਰ-ਕਮ-ਭਾਰਤੀ ਮੈਡੀਕਲ ਖੋਜ ਕੌਂਸਲ ਦੇ ਡਾਇਰੈਕਟਰ ਜਨਰਲ ਪ੍ਰੋਫੈਸਰ (ਡਾਕਟਰ) ਬਲਰਾਮ ਭਾਰਗਵ ਨੇ ਸੂਬੇ ਦੇ ਮੁੱਖ ਸਕੱਤਰ ਨੂੰ ਸਿਧਾਂਤਕ ਮਨਜ਼ੂਰੀ ਦਾ ਪੱਤਰ ਦਿੱਤਾ। ਉਨ੍ਹਾਂ ਨੇ ਸੂਬਾ ਸਰਕਾਰ ਨੂੰ ਲਗਪਗ 25 ਏਕੜ ਜ਼ਮੀਨ ਦੀ ਸ਼ਨਾਖ਼ਤ ਕਰਨ ਦੀ ਅਪੀਲ ਕੀਤੀ ਹੈ ਤਾਂ ਕਿ ਮੈਡੀਕਲ ਖੋਜ ਕੌਂਸਲ ਛੇਤੀ ਤੋਂ ਛੇਤੀ ਇਸ ਅਹਿਮ ਪ੍ਰਾਜੈਕਟ ਦੀ ਸਥਾਪਨਾ ਕਰ ਸਕੇ।
ਬੀਐੱਸਐੱਲ-3 ਫੈਸਿਲਟੀ ਨਾਲ ਇਹ ਕੇਂਦਰ ਸਥਾਪਤ ਕਰਨ ਲਈ ਲਗਪਗ 400 ਕਰੋੜ ਰੁਪਏ ਅਤੇ ਬੀਐੱਸਐੱਲ-4 ਫੈਸਿਲਟੀ ਲਈ ਹੋਰ 150 ਕਰੋੜ ਰੁਪਏ ਦੀ ਜ਼ਰੂਰਤ ਹੋਵੇਗੀ। ਕੋਵਿਡ-19 ਦੌਰਾਨ ਮੁਲਕ ਦੀ ਅਣਕਿਆਸੀ ਸੰਕਟਕਾਲੀਨ ਸਥਿਤੀ ਦਾ ਜ਼ਿਕਰ ਕਰਦਿਆਂ ਮੁੱਖ ਮੰਤਰੀ ਨੇ ਉਮੀਦ ਜ਼ਾਹਰ ਕੀਤੀ ਕਿ ਇਹ ਕੇਂਦਰ ਵਾਇਰੋਲੋਜੀ ਦੀ ਖੋਜ ਤੇ ਜਾਂਚ ਦੇ ਨਾਲ-ਨਾਲ ਇਸ ਖੇਤਰ ਵਿੱਚ ਸਮਰੱਥਾ ਨਿਰਮਾਣ ਲਈ ਕਾਰਗਰ ਸਿੱਧ ਹੋਵੇਗਾ। ਬਾਇਓਲੋਜੀਕਲ ਵਾਰ ਦੇ ਸੰਭਾਵੀ ਖਤਰਿਆਂ ਅਤੇ ਇਸਨੂੰ ਕਿਰਤੀ ਵਰਗ ਦੇ ਨਾਲ ਨਾਲਘੱਟ ਗਿਣਤੀਆਂ ਦੇ ਖਿਲਾਫ ਵਰਤੇ ਜਾਣ ਦੇ ਖਦਸ਼ਿਆਂ ਨੇ ਇਸ ਸਾਰੇ ਮਾਮਲੇ ਨੂੰ ਬੇਹੱਦ ਗੰਭੀਰ ਬਣਾ ਦਿੱਤਾ ਹੈ। 

Friday, March 10, 2017

ਕਿਸਾਨਾਂ ਸਿਰ ਚੜ੍ਹੇ ਲਗਭਗ 80 ਹਜਾਰ ਕਰੋੜ ਰੁਪਏ ਦੇ ਕਰਜੇ ਪ੍ਰਤੀ ਚਿੰਤਾ ਪ੍ਰਗਟਾਈ

Fri, Mar 10, 2017 at 4:16 PM
ਪੀਏਯੂ ਦੇ ਫਰੀਦਕੋਟ ਵਿਖੇ ਕਿਸਾਨ ਮੇਲੇ ਤੇ ਹੁੰਮਹੁਮਾ ਕੇ ਪਹੁੰਚੇ ਕਿਸਾਨ
ਲੁਧਿਆਣਾ: 10 ਮਾਰਚ 2017: (ਪੰਜਾਬ ਸਕਰੀਨ ਬਿਊਰੋ)::  

ਪੰਜਾਬ ਐਗਰੀਕਲਚਰਲ ਯੂਨੀਵਰਸਿਟੀ ਦੇ ਨਿਰਦੇਸਕ ਪਸਾਰ ਸਿਖਿਆ ਵੱਲੋਂ ਪੀਏਯੂ ਦੇ ਬੀਜ ਬੀਜੋ, ਸਹਾਇਕ ਧੰਦੇ ਅਪਣਾਓ । ਮੰਡੀਕਰਨ ਸੁਚਜਾ ਕਰੋ, ਲੇਖਾ ਜੋਖਾ ਲਾਉ  ਦੇ ਉਦੇਸ਼ ਨਾਲ ਪੰਜਾਬ ਭਰ ਵਿਚ ਕਿਸਾਨ ਮੇਲੇ ਲਗਾਏ ਜਾ ਰਹੇ ਹਨ। ਇਸੇ ਲੜੀ ਨੂੰ ਜਾਰੀ ਰਖਦਿਆਂ ਖੇਤਰੀ ਖੋਜ ਕੇਂਦਰ, ਫਰੀਦਕੋਟ ਵਿਖੇ ਕਿਸਾਨ ਦਿਵਸ ਮਨਾਇਆ ਗਿਆ । ਇਸ ਕਿਸਾਨ ਦਿਵਸ ਵਿਚ ਮੁਖ ਮਹਿਮਾਨ ਵਜੋਂ ਸਿਰਕਤ ਕਰਦਿਆਂ ਅਗਾਂਹਵਧੂ ਕਿਸਾਨ ਅਤੇ ਸਾਬਕਾ ਮੈਂਬਰ ਪੀਏਯੂ ਪ੍ਰਬੰਧਕੀ ਬੋਰਡ ਸ੍ਰੀ ਜੰਗ ਬਹਾਦਰ ਸਿੰਘ ਸੰਘਾ ਨੇ ਕਿਹਾ ਕਿ ਪੰਜਾਬ ਖੇਤੀਬਾੜੀ ਪ੍ਰਧਾਨ ਸੂਬਾ ਹੈ । ਇਥੋਂ ਦੇ ਕਿਸਾਨ ਅਤੇ ਖੇਤੀ ਮਾਹਿਰ ਆਪਣੀ ਅਣਥਕ ਮਿਹਨਤ ਸਦਕਾ ਦੇਸ ਦੇ ਅੰਨ ਭੰਡਾਰ ਨੂੰ ਭਰਪੂਰ ਕਰਨ ਵਿਚ ਅਹਿਮ ਯੋਗਦਾਨ ਪਾ ਰਹੇ ਹਨ । ਪੀਏਯੂ ਮਾਹਿਰਾਂ ਵਲੋਂ ਵਿਕਸਿਤ ਕੀਤੀਆਂ ਜਾ ਰਹੀਆਂ ਉਤਪਾਦਨ ਅਤੇ ਸੁਰੱਖਿਅਤ ਤਕਨਾਲੋਜੀਆਂ ਨੂੰ ਅਪਨਾਉਣ ਤੇ ਜੋਰ ਦਿੰਦਿਆਂ ਉਨ•ਾਂ ਕਿਹਾ ਕਿ ਇਸ ਨਾਲ ਕਿਸਾਨ ਆਪਣੇ ਖੇਤੀ ਖਰਚਿਆਂ ਨੂੰ ਘਟਾ ਕੇ ਆਮਦਨ ਵਿਚ ਵਾਧਾ ਕਰ ਸਕਣਗੇ । ਬਾਗਬਾਨੀ ਨੂੰ ਉਤਸਾਹਿਤ ਕਰਦਿਆਂ ਉਨ•ਾਂ ਕਿਹਾ ਕਿ ਵਧ ਤੋਂ ਵਧ ਫਲ ਅਤੇ ਸਬਜੀਆਂ ਪੈਦਾ ਕਰਨ ਨਾਲ ਜਿਥੇ ਮਨੁੱਖੀ ਸਿਹਤ ਵਿਚ ਪੌਸ਼ਟਿਕਤਾ ਦਾ ਵਾਧਾ ਹੋਵੇਗਾ ਉਥੇ ਖੇਤੀ ਆਮਦਨ ਵੀ ਵਧੇਗੀ ਅਤੇ ਖੇਤੀ ਵੰਨ ਸਵੰਨਤਾ ਨੂੰ ਵੀ ਹੁਲਾਰਾ ਮਿਲ ਸਕੇਗਾ । ਰਸਾਇਣਾਂ ਦੇ ਅੰਧਾਧੁੰਦ ਛਿੜਕਾਅ ਨਾਲ ਵਾਤਾਵਰਣ ਅਤੇ ਮਨੁੱਖੀ ਸਿਹਤ ਤੇ ਹੋ ਰਹੇ ਨੁਕਸਾਨਾਂ ਪ੍ਰਤੀ ਚਿੰਤਾ ਪ੍ਰਗਟ ਕਰਦਿਆਂ ਉਨ•ਾਂ ਇਹਨਾਂ ਦੀ ਲੋੜ ਅਨੁਸਾਰ ਅਤੇ ਮਾਹਿਰਾਂ ਦੀਆਂ ਸਿਫਾਰਸਾਂ ਮੁਤਾਬਿਕ ਵਰਤੋਂ ਕਰਨ ਲਈ ਕਿਹਾ । ਉਨ•ਾਂ ਕਿਹਾ ਕਿ ਖੇਤੀ ਖਸਮਾਂ ਸੇਤੀ ਦੇ ਅਖਾਣ ਮੁਤਾਬਿਕ ਚਲਦਿਆਂ ਸਾਨੂੰ ਸੰਯੁਕਤ ਪਰਿਵਾਰਾਂ ਵਿਚ ਰਹਿ ਕੇ ਹਥੀਂ ਕਿਰਤ ਕਰਨ ਦੀ ਲੋੜ ਹੈ ।
ਇਸ ਮੌਕੇ ਕਿਸਾਨ ਦਿਵਸ ਦੀ ਪ੍ਰਧਾਨਗੀ ਕਰਦਿਆਂ ਡਾ:ਅਸੋਕ ਕੁਮਾਰ, ਨਿਰਦੇਸਕ ਖੋਜ,  ਪੀਏਯੂ ਨੇ ਖੋਜ ਪ੍ਰਾਪਤੀਆਂ ਦਾ ਜਿਕਰ ਕਰਦਿਆਂ ਦੱਸਿਆ ਕਿ ਖੇਤੀ ਨੂੰ ਦਰਪੇਸ਼ ਨਵੀਆਂ ਚੁਣੋਤੀਆਂ ਦਾ ਸਾਹਮਣਾ ਕਰਨ ਲਈ ਮਾਹਿਰਾਂ ਵਲੋਂ ਅਗਾਂਹਵਧੂ ਉਤਪਾਦਨ ਅਤੇ ਸੁਰੱਖਿਅਤ ਤਕਨਾਲੋਜੀਆਂ ਵਿਕਸਿਤ ਕੀਤੀਆਂ ਜਾ ਰਹੀਆਂ ਹਨ । ਕੁਦਰਤੀ ਸੋਮਿਆਂ ਦੀ ਸਾਂਭ ਸੰਭਾਲ ਤੇ ਵਿਸੇਸ ਜ਼ੋਰ ਦਿੱਤਾ ਜਾ ਰਿਹਾ ਹੈ । ਉਹਨਾਂ ਦੱਸਿਆ ਕਿ ਵਾਤਾਵਰਨਕ ਤਬਦੀਲੀ ਕਾਰਨ ਹਵਾ ਵਿਚ ਨਮੀ ਵਧ ਰਹੀ ਹੈ, ਜਹਿਰੀਲੀਆਂ ਗੈਸਾਂ ਪੈਦਾ ਹੋ ਰਹੀਆਂ ਹਨ ਜਿਸ ਕਰਕੇ ਗਰਮੀ, ਸਰਦੀ ਅਤੇ ਸੋਕੇ ਆਦਿਪ੍ਰਤੀ ਸਹਿਣਸ਼ੀਲਤਾ ਰੱਖਣ ਵਾਲੀਆਂ ਕਿਸਮਾਂ ਵਿਕਸਿਤ ਕੀਤੀਆਂ ਜਾ ਰਹੀਆਂ ਹਨ । ਉਨ•ਾਂ ਨੇ ਇਸ ਮੌਕੇ ਪੀਏਯੂ ਵਲੋਂ ਵਿਕਸਿਤ ਕੀਤੀਆਂ ਬਾਸਮਤੀ 4, ਬਾਸਮਤੀ 5 ਅਤੇ ਗੰਨੇ ਦੀਆਂ ਸੀ ਓ ਪੀਬੀ 92, ਸੀ ਓ ਪੀਬੀ 93 ਅਤੇ ਸੀ ਓ ਪੀਬੀ 94 ਤੋਂ ਇਲਾਵਾ ਹੋਰ ਕਈ ਕਿਸਮਾਂ ਅਤੇ ਉਹਨਾਂ ਦੀਆਂ ਵਿਸੇਸਤਾਵਾਂ ਬਾਰੇ ਜਾਣਕਾਰੀ ਦਿਤੀ । 
ਇਸ ਮੌਕੇ ਡਾ: ਗੁਰਮੀਤ ਸਿੰਘ ਬੁੱਟਰ, ਐਡੀਸਨਲ ਡਾਇਰੈਕਟਰ ਪਸਾਰ ਸਿੱਖਿਆ ਨੇ ਕਿਸਾਨ ਦਿਵਸ ਵਿਚ ਸ਼ਿਰਕਤ ਕਰ ਰਹੇ ਪਤਵੰਤਿਆਂ ਅਤੇ ਕਿਸਾਨਾਂ ਦਾ ਨਿੱਘਾ ਸਵਾਗਤ ਕੀਤਾ । ਕਿਸਾਨਾਂ ਦੇ ਸਿਰ ਚੜ੍ਹੇ ਲਗਭਗ 80 ਹਜਾਰ ਕਰੋੜ ਰੁਪਏ ਦੇ ਕਰਜੇ ਪ੍ਰਤੀ ਚਿੰਤਾ ਪ੍ਰਗਟ ਕਰਦਿਆਂ ਉਨ•ਾਂ ਕਿਹਾ ਕਿ ਭਾਵੇਂ ਸਾਡੇ ਕਿਸਾਨ ਸਖਤ ਮਿਹਨਤ ਕਰਕੇ ਫਸਲਾਂ ਦਾ ਉਤਪਾਦਨ ਕਰ ਰਹੇ ਹਨ ਲੇਕਿਨ ਨਿਤਾਪ੍ਰਤੀ ਵਧ ਰਹੇ ਕਰਜੇ ਦੇ ਬੋਝ ਤੋਂ ਮੁਕਤ ਹੋਣ ਲਈ ਸਾਨੂੰ ਖੇਤੀ ਖਰਚੇ ਘਟਾਉਣੇ ਪੈਣਗੇ ਅਤੇ ਸਹਾਇਕ ਧੰਦੇ ਅਪਨਾਉਣੇ ਪੈਣਗੇ । ਪੰਜਾਬ ਦੇ 148 ਬਲਾਕਾਂ ਵਿਚੋਂ 110 ਬਲਾਕਾਂ ਵਿਚ ਧਰਤੀ ਹੇਠਲੇ ਪਾਣੀ ਦੇ ਡਿਗ ਰਹੇ ਪੱਧਰ ਤੇ ਚਿੰਤਾ ਪ੍ਰਗਟ ਕਰਦਿਆਂ ਉਨ•ਾਂ ਕਿਹਾ ਕਿ ਸਾਨੂੰ ਝੋਨੇ ਹੇਠੋਂ ਰਕਬਾ ਘਟਾ ਕੇ ਖੇਤੀ ਵੰਨ ਸੁਵੰਨਤਾ ਅਪਨਾਉਣ ਦੀ ਲੋੜ ਹੈ । ਫਸਲਾਂ ਦੀ ਰਹਿੰਦ ਖੂੰਹਦ ਨੂੰ ਅੱਗ ਨਾ ਲਾਉਣ ਦੀ ਤਾਕੀਦ ਕਰਦਿਆਂ ਉਨ•ਾਂ ਇਸ ਨੂੰ ਖੇਤ ਵਿਚ ਹੀ ਵਾਹੁੰਣ ਦੀ ਸਿਫਾਰਸ਼ ਕੀਤੀ । ਖੇਤੀ ਸਾਹਿਤ ਨੂੰ ਪੜ• ਕੇ ਵਿਗਿਆਨਕ ਲੀਹਾਂ ਤੇ ਖੇਤੀਕਰਨ ਤੇ ਜ਼ੋਰ ਦਿੰਦਿਆਂ ਉਨ•ਾਂ ਨੇ ਪੀਏਯੂ  ਵਲੋਂ ਛਪਦੇ ਮਹੀਨਾ ਵਾਰ ਮੈਗਜ਼ੀਨ 'ਚੰਗੀ ਖੇਤੀ' ਅਤੇ 'ਪ੍ਰੋਗਰੈਸਿਵ ਫਾਰਮਿੰਗ' ਦੇ ਜੀਵਨ ਮੈਂਬਰ ਬਣਨ ਲਈ ਕਿਹਾ ।
ਇਸ ਮੌਕੇ ਡਾ:ਪੰਕਜ ਰਾਠੌਰ, ਡਾਇਰੈਕਟਰ, ਖੇਤਰੀ ਖੋਜ ਕੇਂਦਰ, ਫਰੀਦਕੋਟ ਨੇ ਕਿਸਾਨ ਦਿਵਸ ਵਿਚ ਸ਼ਿਰਕਤ ਕਰ ਰਹੇ ਪਤਵੰਤਿਆਂ ਤੇ ਕਿਸਾਨਾਂ ਦਾ ਧੰਨਵਾਦ ਕੀਤਾ । ਯੂਨੀਵਰਸਿਟੀ ਦੇ ਵੱਖੋ ਵੱਖ ਵਿਭਾਗਾਂ ਵੱਲੋਂ ਖੇਤ ਪ੍ਰਦਰਸਨੀਆਂ ਅਤੇ ਨੁਮਾਇਸਾਂ ਲਗਾ ਕੇ ਕਿਸਾਨ ਦਿਵਸ ਵਿਚ ਸਿਰਕਤ ਕਰ ਰਹੇ ਕਿਸਾਨਾਂ ਨੂੰ ਪੀਏਯੂ ਵੱਲੋਂ ਵਿਕਸਤ ਕੀਤੀਆਂ ਨਵੀਆਂ ਤਕਨਾਲੋਜੀਆਂ ਬਾਰੇ ਜਾਣੂੰ ਕਰਵਾਇਆ ਗਿਆ। ਕਿਸਾਨਾਂ ਨੇ ਖੇਤੀ ਸਾਹਿਤ, ਬੀਜ, ਫਲਦਾਰ ਬੂਟੇ ਅਤੇ ਹੋਰ ਸਾਜੋ ਸਾਮਾਨ ਦੀ ਖਰੀਦੋ ਫਰੋਖਤ ਕੀਤੀ, ਖੇਤੀ ਨੂੰ ਦਰਪੇਸ ਸਮਸਿਆਵਾਂ ਮਾਹਿਰਾਂ ਨਾਲ ਸਾਂਝੀਆਂ ਕੀਤੀਆਂ ਜਿਨ•ਾਂ ਦੇ ਮਾਹਿਰਾਂ ਵਲੋਂ ਸੁਯੋਗ ਹੱਲ ਸੁਝਾਏ ਗਏ।

Thursday, September 15, 2016

ਖ਼ੁਦਕੁਸ਼ੀ ਤੋਂ ਸੰਘਰਸ਼ਾਂ ਅਤੇ ਸਫਲਤਾ ਵੱਲ ਲਿਆਉਂਦੇ ਕਿਸਾਨ ਮੇਲੇ

ਕਿਰਤ ਅਤੇ ਮਨੁੱਖੀ ਰਿਸ਼ਤਿਆਂ ਵਿੱਚ ਨੇੜਤਾ ਲਿਆਉਣ ਵਾਲੇ ਆਯੋਜਨ 
ਲੁਧਿਆਣਾ: 14 ਸਤੰਬਰ 2016; (ਕਾਰਤਿਕਾ ਸਿੰਘ//ਪੰਜਾਬ ਸਕਰੀਨ):
ਕਿਸਾਨ ਮੇਲਾ ਅਸਲ ਵਿੱਚ ਇੱਕ ਪਰਿਵਾਰ ਵਾਂਗ ਮਹਿਸੂਸ  ਹੁੰਦਾ ਹੈ ਉਹਨਾਂ ਸਾਰੀਆਂ ਪਰਿਵਾਰਿਕ ਰਵਾਇਤਾਂ ਨੂੰ ਯਾਦ ਕਰਾਉਂਦਾ ਹੋਇਆ ਜਿਹੜੀਆਂ ਵਿਕਾਸ ਦੀ ਤੇਜ਼ ਰਫ਼ਤਾਰੀ ਵਿੱਚ ਸਾਨੂੰ ਅਕਸਰ  ਭੁੱਲ ਭੁਲਾ ਜਾਂਦੀਆਂ ਹਨ। ਇਥੇ ਆਉਣ ਵਾਲੇ ਕਿਸਾਨ ਅਤੇ ਪੀ ਏ ਯੂ ਤੋਂ ਸਿਖਲਾਈ ਲੈ ਕੇ ਆਪਣੇ ਪੈਰਾਂ 'ਤੇ ਖੜੇ ਹੋਏ ਲੋਕ ਆਪਣੇ ਘਰਾਂ ਵਿੱਚ-ਆਪਣੇ ਸੀਮਿਤ ਸਾਧਨਾਂ ਨਾਲ ਬਣਾਈਆਂ ਵੱਖ ਵੱਖ ਤਰਾਂ ਦੀਆਂ ਚੀਜ਼ਾਂ ਲੈ ਕੇ ਜਦੋਂ ਕਿਸਾਨ ਮੇਲੇ ਵਿੱਚ ਆਪੋ ਆਪਣੇ ਸਟਾਲ 'ਤੇ ਮਿਲਦੇ ਹਨ ਤਾਂ ਓਹ ਆਪਣੇ ਬਣਾਏ ਉਤਪਾਦਨ ਅਤੇ ਆਪਣੀ ਨਿੱਕੀ ਜਿਹੀ ਕੰਪਨੀ ਦੇ ਖੁਦ ਹੀ ਮਾਲਕ ਹੁੰਦੇ ਹਨ। ਖੁਦ ਹੀ ਐਮਡੀ ਅਤੇ ਖੁਦ ਹੀ ਸੀਈਓ। ਉਹ ਆਪਣੀ ਕੰਪਨੀ ਦੇ ਚਪੜਾਸੀ ਵੀ ਖੁਦ ਹੀ ਹੁੰਦੇ ਹਨ। ਇਸ ਲਈ ਉਹਨਾਂ ਦੀਆਂ ਚੀਜ਼ਾਂ ਵਿੱਚ ਸ਼ੁੱਧਤਾ ਆਮ ਤੌਰ ਤੇ ਜ਼ਿਆਦਾ ਹੁੰਦੀ ਹੈ। ਇਹਨਾਂ ਨੂੰ ਪਤਾ ਹੁੰਦਾ ਹੈ ਕਿ ਕੋਈ ਗਲਤ ਚੀਜ਼ ਨਹੀਂ ਦੇਣੀ ਕਿਓਂਕਿ ਆਪਣੇ ਕਿਸਾਨ ਭੈਣਾਂ ਭਰਾਵਾਂ ਨਾਲ ਮੁਲਾਕਾਤ ਬਹੁਤ ਛੇਤੀ ਹੀ ਦੋਬਾਰਾ ਹੋ ਜਾਣੀ ਹੈ। ਲਾਗਲੇ ਪਿੰਡ ਵਿੱਚ, ਅਗਲੇ ਕਿਸਾਨ ਮੇਲੇ ਮੌਕੇ ਜਾਂ ਫਿਰ ਪੀਏਯੂ ਵਿੱਚ। ਇਹਨਾਂ ਉਤਪਾਦਨਾਂ ਦੀ ਸਫਲਤਾ ਲਈ ਅਕਸਰ ਸਾਰਾ ਪਰਿਵਾਰ ਜਤਨਸ਼ੀਲ ਹੁੰਦਾ ਹੈ।
ਇਹਨਾਂ ਦੇ ਨਿੱਕੇ ਵੱਡੇ ਸੁਪਨੇ ਇਹਨਾਂ ਦੀ ਆਮਦਨ ਨਾਲ ਜੁੜੇ ਹੁੰਦੇ ਹਨ। ਇਹਨਾਂ ਨੇ ਕੋਈ ਮਹਿਲ ਨਹੀਂ ਪਾਉਣੇ ਹੁੰਦੇ, ਆਲੀਸ਼ਾਨ ਹਵੇਲੀਆਂ ਵੀ ਨਹੀਂ ਬਣਾਉਣੀਆਂ ਹੁੰਦੀਆਂ,  ਸਿਰਫ ਆਪਣੀ ਲਾਗਤ ਅਤੇ ਥੋਹੜਾ ਬਹੁਤ ਮੁਨਾਫ਼ਾ ਕਮਾਉਣਾ ਹੁੰਦਾ ਹੈ ਜਿਹੜਾ ਕਿ ਇਹਨਾਂ ਦਾ ਹੱਕ ਵੀ ਬਣਦਾ ਹੈ। ਇਹਨਾਂ ਨੇ ਵੱਡੀਆਂ ਅਖਵਾਉਣ ਵਾਲੀਆਂ ਫਰਮਾਂ ਵਾਂਗ ਮਾਰਚ  ਮਹੀਨੇ ਵਿੱਚ ਬਣਾਈ ਚੀਜ਼ ਦੇ ਲੇਬਲ ਉੱਤੇ ਛੇ ਛੇ ਮਹੀਨੇ ਦੀ ਅਕਤੂਬਰ ਮਹੀਨੇ ਵਾਲੀ ਐਡਵਾਂਸ ਤਾਰੀਖ ਵੀ ਨਹੀਂ ਪਾਉਣੀ ਹੁੰਦੀ। ਇਹਨਾਂ ਮੇਲਿਆਂ ਵਿੱਚ ਆਚਾਰ, ਮੁਰੱਬੇ, ਸ਼ਹਿਦ, ਹਲਦੀ, ਰਸੋਈ 'ਚ ਵਰਤੇ ਜਾਂਦੇ ਮਸਾਲੇ, ਡੱਬਾਬੰਦ ਜੂਸ, ਘਰੇਲੂ ਦਵਾਈਆਂ ਵੱਜੋਂ ਵਰਤੇ ਜਾ ਸਕਣ ਵਾਲੇ ਦੇਸੀ ਚੂਰਨ ਅਤੇ ਹੋਰ ਬਹੁਤ ਕੁਝ ਹੁੰਦਾ ਹੈ। ਇਹਨਾਂ ਉਤਪਾਦਨਾਂ ਦਾ ਰੰਗ ਦੇਖ ਕੇ ਹੀ ਇਹਨਾਂ ਦੀ ਤਾਜ਼ਗੀ ਦਾ ਪਤਾ ਲੱਗਦਾ ਹੈ। ਸੁਆਦ ਚਖਾਉਣ ਲਈ ਵਿਬਕਾਇਦਾ ਅਲੱਗ ਪ੍ਰਬੰਧ ਹੁੰਦਾ ਹੈ। 
ਕਿਸਾਨ ਮੇਲਿਆਂ ਵਿੱਚ ਆਪਣੇ ਉਤਪਾਦਨ ਲਿਆਉਂਦੇ ਕਿਸਾਨਾਂ ਖਾਸ ਕਰਕੇ ਔਰਤਾਂ ਅਤੇ ਕੁੜੀਆਂ ਦੀ ਸਫਲਤਾ ਪਿਛੇ ਪੀਏਯੂ ਦੀ ਦੂਰ ਅੰਦੇਸ਼ੀ ਵਾਲੀ ਇੱਕ ਸੋਚ ਉੱਤੇ ਆਧਾਰਿਤ ਯੋਜਨਾ ਕੰਮ ਕਰ ਰਹੀ ਹੈ। ਖੁਦਕੁਸ਼ੀਆਂ ਕਰ ਰਹੇ ਕਿਸਾਨ ਵਰਗ ਦੀ ਆਰਥਿਕ ਕਮਜ਼ੋਰੀ ਨੂੰ ਜੜ੍ਹੋਂ ਪੁੱਟ ਰਹੀ ਹੈ। ਇਸ ਮਕਸਦ ਲਈ ਸਮਰਪਿਤ ਸ਼ਖਸੀਅਤਾਂ ਵਿੱਚੋਂ ਇੱਕ ਨਾਮ ਮੈਡਮ ਪਰਮਪਾਲ ਕੌਰ ਸਹੋਤਾ ਦਾ ਵੀ ਹੈ। ਪੀਏਯੂ ਦੇ ਮਾਈਕਰੋ ਬਾਇਓਲੋਜੀ ਵਿਭਾਗ ਦੀ ਪ੍ਰੋਫੈਸਰ ਅਤੇ ਮੁਖੀ ਮੈਡਮ ਸਹੋਤਾ ਆਪਣੇ ਦਫਤਰ ਵਿੱਚ ਬੜੇ ਹੀ ਰਿਜ਼ਰਵ ਸੁਭਾਅ ਵਾਲੀ ਪ੍ਰੋਫੈਸਰ ਹੁੰਦੀ ਹੈ ਮੇਲੇ ਵਿੱਚ ਪਹੁੰਚਦਿਆਂ ਹੀ ਨਜ਼ਰ ਆਉਣ ਲੱਗਦਾ ਹੈ ਉਹਨਾਂ ਦੇ ਸਫਲ ਕਾਰੋਬਾਰੀ ਵਾਲਾ ਸਰੂਪ। ਪੀਏਯੂ ਦੇ ਉਤਪਾਦਨਾਂ ਨੂੰ ਵੱਧ ਤੋਂ ਵੱਧ ਵੇਚਣਾ ਅਤੇ ਉਹ ਵੀ ਝੂਠ ਮਾਰੇ ਬਿਨਾ। ਕਿਹੜੇ ਬੀਜ ਨਾਲ ਕਿੰਨਾ ਕੁ ਵੱਧ ਝਾੜ ਮਿਲੇਗਾ, ਕਿਸ ਚੀਜ਼ ਨਾਲ ਕਿਸਾਨ ਨੂੰ ਕੀ ਕੀ ਫਾਇਦਾ ਹੋਵੇਗਾ ਇਹ ਸਭ ਉਹਨਾਂ ਨੂੰ ਜ਼ੁਬਾਨੀ ਯਾਦ ਹੁੰਦਾ ਹੈ। 
ਕਿਸਾਨ ਮੇਲਿਆਂ ਦੌਰਾਨ ਪੀਏਯੂ ਦੀਆਂ ਸਿਫਾਰਸ਼ਾਂ ਅਤੇ ਉਤਪਾਦਨਾਂ ਨੂੰ ਵੱਧ ਤੋਂ ਵੱਧ ਲੋਕਾਂ ਤੱਕ ਪਹੁੰਚਾਉਣਾ ਹੀ ਉਹਨਾਂ ਦਾ ਇੱਕੋ ਇੱਕ ਮਕਸਦ ਹੁੰਦਾ ਹੈ।  ਫਰੀਦਕੋਟ ਵਾਲੇ ਕਿਸਾਨ ਮੇਲੇ ਇੱਕ ਦਿਲਚਸਪ ਗੱਲ ਸੀ ਨੌਜਵਾਨ ਵਰਗ ਦਾ ਮੇਲੇ ਵਿੱਚ ਵੱਧ ਚੜ੍ਹ ਕੇ ਆਉਣਾ। ਇਹਨਾਂ ਮੁੰਡੇ ਕੁੜੀਆਂ ਦੇ ਸੁਆਲ ਬਹੁਤ ਡੂੰਘੇ ਹੁੰਦੇ। ਜੁਆਬ ਸੁਣਨ ਲੱਗਿਆਂ ਇਹ ਪੂਰੇ ਧਿਆਨ ਨਾਲ ਪੂਰਾ ਵੇਰਵਾ ਪੁੱਛਦੇ।  

Wednesday, May 06, 2015

ਮੋਗਾ ਅੰਦੋਲਨ ਨੂੰ ਸਿਧੇ ਟਕਰਾਓ ਵੱਲ ਲਿਜਾ ਰਹੀ ਟ੍ਰਾਂਸਪੋਰਟਰਾਂ ਦੀ ਆਕੜ

ਗੰਭੀਰ ਸਿੱਟੇ ਨਿਕਲ ਸਕਦੇ ਹਨ ਵਿਦਿਆਰਥੀ ਵਰਗ ਨਾਲ ਟੱਕਰ ਦੇ 
ਲੁਧਿਆਣਾ:: 6 ਮਈ 2015: (ਪੰਜਾਬ ਸਕਰੀਨ ਬਿਊਰੋ):
ਦਮਨ ਅਤੇ ਸਾਜਿਸ਼ੀ ਚਾਲਾਂ ਦੇ ਬਾਵਜੂਦ ਮੋਗਾ ਅੰਦੋਲਨ ਭਖ ਰਿਹਾ ਹੈ। ਪੁਰਾਣੇ ਲੋਕਾਂ ਨੂੰ ਮੋਗਾ ਰੀਗਲ ਕਾਂਡ ਅੰਦੋਲਨ ਵਾਲੇ ਦਿਨ ਮੁੜ ਤਾਜ਼ਾ ਹੁੰਦੇ ਨਜਰ ਆ ਰਹੇ ਹਨ। ਮੋਗਾ ਕਾਂਡ ਦੇ ਖਿਲਾਫ਼ ਪੰਜਾਬ ਦੇ ਸਾਰੇ ਜ਼ਿਲਿਆਂ ਅਤੇ ਸਬ ਡਵੀਯਨਲ ਕੇਂਦਰਾਂ ਤੇ ਰੋਸ ਵਖਾਵੇ ਹੋਏ ਹਨ। ਫਰੀਦਕੋਟ ਵਿੱਚ ਪੰਜਾਬ ਸਟੂਡੈਂਟਸ ਯੂਨੀਅਨ ਅਤੇ ਨੌਜਵਾਨ ਭਾਰਤ ਸਭਾ ਵੱਲੋਂ ਪਹਿਲਾਂ ਤੋਂ ਐਲਾਨੇ ਪ੍ਰੋਗਰਾਮ ਤਹਿਤ ਮੋਗਾ ਬੱਸ ਕਾਂਡ ਖਿਲਾਫ਼ ਨਹਿਰੂ ਸਟੇਡੀਅਮ ਵਿਖੇ ਰੋਸ ਮੁਜ਼ਾਹਰਾ ਕੀਤਾ ਗਿਆ। ਇਸ ਜੋਸ਼ੀਲੇ ਰੋਸ ਮੁਜ਼ਾਹਰੇ ਉਪਰੰਤ ਜਦੋਂ ਸ਼ਹਿਰ ਵਿੱਚ ਰੋਸ ਰੈਲੀ ਕਢੀ ਕੱਢੀ ਜਾ ਰਹੀ ਸੀ ਉਦੋਂ ਨਿਊ ਦੀਪ ਟਰਾਂਸਪੋਰਟ ਕੰਪਨੀ ਅਤੇ ਪੀ.ਐੱਸ.ਯੂ. ਦੇ ਆਗੂਆਂ ਵਿੱਚ ਟਕਰਾਅ ਹੋ ਗਿਆ। ਪੀ.ਐੱਸ.ਯੂ. ਦਾ ਕਾਫ਼ਲਾ ਨਹਿਰੂ ਸਟੇਡੀਅਮ ਤੋਂ ਬੱਸ ਅੱਡੇ ਵੱਲ ਆ ਰਿਹਾ ਸੀ ਤਾਂ ਪੁਲਸ ਨੇ ਨਿਊ ਦੀਪ ਟਰਾਂਸਪੋਰਟ ਕੰਪਨੀ ਦੀਆਂ ਬੱਸਾਂ ਨੂੰ ਹੋਰ ਰਸਤੇ ਤੋਂ ਦੂਜੇ ਟ੍ਰੈਫਿਕ ਸਮੇਤ ਡਾਈਵਰਟ ਕਰਦੇ ਹੋਏ ਤੁਰੰਤ ਸ਼ਹਿਰ ਤੋਂ ਬਾਹਰ ਜਾਣ ਲਈ ਆਦੇਸ਼ ਦਿੱਤੇ, ਪਰ ਨਿਊ ਦੀਪ ਟਰਾਂਸਪੋਰਟ ਕੰਪਨੀ ਦੇ ਕਰਿੰਦਿਆਂ ਨੇ ਪੁਲਸ ਦੀਆਂ ਹਦਾਇਤਾਂ ਮੰਨਣ ਦੀ ਥਾਂ ਬੱਸ ਨੂੰ ਪੀ.ਐੱਸ.ਯੂ ਦੇ ਆ ਰਹੇ ਕਾਫ਼ਲੇ ਦੇ ਅੱਗੇ ਲਾ ਦਿੱਤਾ। 
ਇਹ ਇੱਕ ਤਰਾਂ ਨਾਲ ਉਕਸਾਹਟ ਭਰੀ ਕਾਰਵਾਈ ਸੀ। ਇਸ ਭੜਕਾਊ ਕਦਮ ਮਗਰੋਂ ਹੀ ਵਿਦਿਆਰਥੀਆਂ ਨੇ ਦੋਸ਼ ਲਾਇਆ ਕਿ ਨਿਊ ਦੀਪ ਬੱਸ ਨੇ ਉਹਨਾਂ ਨੂੰ ਕਥਿਤ ਤੌਰ 'ਤੇ ਕੁਚਲਣ ਦੀ ਕੋਸ਼ਿਸ਼ ਕੀਤੀ। ਗੁੱਸੇ ਵਿੱਚ ਆਏ ਵਿਦਿਆਰਥੀਆਂ ਨੇ ਨਿਊ ਦੀਪ ਬੱਸ ਨੂੰ ਬੁਰੀ ਤਰ੍ਹਾਂ ਭੰਨ ਦਿੱਤਾ। ਘਟਨਾ ਤੋਂ ਦੋ ਮਿੰਟ ਬਾਅਦ ਮੌਕੇ 'ਤੇ ਪੁੱਜੀ ਪੁਲਸ ਨੇ ਪੀ.ਐੱਸ.ਯੂ  ਆਗੂਆਂ ਦੇ ਨਾਲ-ਨਾਲ ਰਾਹਗੀਰਾਂ ਅਤੇ ਬ੍ਰਿਜਿੰਦਰਾ ਕਾਲਜ ਦੇ ਕੁਝ ਵਿਦਿਆਰਥੀਆਂ ਨੂੰ ਬੁਰੀ ਤਰ੍ਹਾਂ ਕੁੱਟਿਆ। ਇਸ ਦੌਰਾਨ ਪੁਲਸ ਵੱਲੋਂ ਆਸੇ-ਪਾਸੇ ਖੜੇ ਔਰਤਾਂ ਅਤੇ ਬੱਚਿਆਂ ਦੀ ਵੀ ਖਿੱਚ ਧੂਹ ਕੀਤੀ ਗਈ। ਪੀ.ਐੱਸ.ਯੂ ਦੇ ਆਗੂਆਂ ਨੇ ਮੌਕੇ ਤੋਂ ਭੱਜਣ ਦੀ ਥਾਂ ਪੁਲਸ ਦੇ ਲਾਠੀਚਾਰਜ ਦਾ ਸਾਹਮਣਾ ਕੀਤਾ। ਦਸ ਮਿੰਟ ਦੇ ਲਾਠੀਚਾਰਜ ਤੋਂ ਬਾਅਦ ਪੁਲਸ ਨੇ ਦੋ ਲੜਕੀਆਂ ਸਮੇਤ 14 ਵਿਦਿਆਰਥੀਆਂ ਨੂੰ ਹਿਰਾਸਤ ਵਿੱਚ ਲੈ ਲਿਆ। ਘਟਨਾ ਤੋਂ ਤੁਰੰਤ ਬਾਅਦ ਡੀ.ਆਈ.ਜੀ. ਵੀ ਮੌਕੇ 'ਤੇ ਪੁੱਜ ਗਿਆ। ਪੁਲਸ ਨੇ ਇਸ ਮਾਮਲੇ ਵਿੱਚ 14 ਵਿਦਿਆਰਥੀਆਂ 'ਤੇ ਇਰਾਦਾ ਕਤਲ ਦਾ ਪਰਚਾ ਦਰਜ ਕਰ ਲਿਆ ਹੈ। ਗ੍ਰਿਫ਼ਤਾਰ ਨੌਜਵਾਨਾਂ ਵਿੱਚ ਪੀ.ਐੱਸ.ਯੂ ਦੀ ਆਗੂ ਹਰਦੀਪ ਕੌਰ ਕੋਟਲਾ, ਅਮਰਨਾਥ, ਕੇਸ਼ਵ, ਕੁਲਦੀਪ ਝੰਬੇਲਵਾਲੀ, ਜਗਜੀਤ ਸਿੰਘ, ਗੁਰਵਿੰਦਰ ਸਿੰਘ ਅਤੇ ਮੰਗਾ ਸਿੰਘ ਅਜ਼ਾਦ ਪ੍ਰਮੁੱਖ ਤੌਰ 'ਤੇ ਸ਼ਾਮਲ ਹਨ। ਪੁਲਸ ਨੇ ਦੀਪ ਟਰਾਂਸਪੋਰਟ ਕੰਪਨੀ ਦੀ ਬੱਸ ਨੂੰ ਥਾਣੇ ਲਾ ਦਿੱਤਾ ਹੈ। ਐੱਸ.ਐੱਸ.ਪੀ. ਨੇ ਇਸ ਗੱਲ ਦੀ ਪੁਸ਼ਟੀ ਕੀਤੀ ਹੈ ਕਿ ਹਿਰਾਸਤ ਵਿੱਚ ਲਏ ਨੌਜਵਾਨਾਂ ਵਿੱਚ ਇੱਕ ਛੇਵੀਂ ਜਮਾਤ ਦਾ ਵਿਦਿਆਰਥੀ ਵੀ ਸ਼ਾਮਲ ਹੈ। 
ਦੂਜੇ ਪਾਸੇ ਅਗਵਾ ਕਾਂਡ ਵਿਰੋਧੀ ਐਕਸ਼ਨ ਕਮੇਟੀ ਨੇ ਦੋਸ਼ ਲਾਇਆ ਕਿ ਪੁਲਸ ਨੇ ਦੀਪ ਟਰਾਂਸਪੋਰਟ ਕੰਪਨੀ ਦੇ ਮਾਲਕਾਂ ਦੇ ਦਬਾਅ ਹੇਠ ਥਾਣੇ ਵਿੱਚ ਵਿਦਿਆਰਥੀ ਆਗੂਆਂ ਦੀ ਬੁਰੀ ਤਰ੍ਹਾਂ ਕੁੱਟਮਾਰ ਕੀਤੀ। ਪੀ.ਐੱਸ.ਯੂ. ਦੇ ਸੂਬਾ ਜਨਰਲ ਸਕੱਤਰ ਰਜਿੰਦਰ ਸਿੰਘ ਅਤੇ ਜ਼ੋਨਲ ਸਕੱਤਰ ਗਗਨ ਸੰਗਰਾਮੀ ਨੇ ਕਿਹਾ ਕਿ ਦੀਪ ਬੱਸ ਦੇ ਕਰਿੰਦਿਆਂ ਨੇ ਵਿਦਿਆਰਥੀਆਂ ਨਾਲ ਜਾਣ-ਬੁੱਝ ਕੇ ਦੁਰਵਿਹਾਰ ਕੀਤਾ। ਉਹਨਾਂ ਕਿਹਾ ਕਿ ਵਿਦਿਆਰਥੀਆਂ ਦਾ ਪ੍ਰਦਰਸ਼ਨ ਸ਼ਾਂਤਮਈ ਸੀ, ਪਰੰਤੂ ਪੁਲਸ ਅਤੇ ਟਰਾਂਸਪੋਰਟਰਾਂ ਦੀ ਮਿਲੀਭੁਗਤ ਕਾਰਨ ਹਾਲਾਤ ਵਿਗੜ ਗਏ। ਉਹਨਾਂ ਕਿਹਾ ਕਿ ਅਕਾਲੀ ਦਲ ਨਾਲ ਜੁੜੀਆਂ ਟਰਾਂਸਪੋਰਟ ਕੰਪਨੀਆਂ ਖਿਲਾਫ਼ ਉਹਨਾਂ ਦਾ ਸੰਘਰਸ਼ ਲਗਾਤਾਰ ਜਾਰੀ ਰਹੇਗਾ। ਦੱਸਣਯੋਗ ਹੈ ਕਿ ਦੀਪ ਟਰਾਂਸਪੋਰਟ ਕੰਪਨੀ ਅਕਾਲੀ ਦਲ ਦੇ ਆਗੂ ਹਰਦੀਪ ਸਿੰਘ ਡਿੰਪੀ ਢਿੱਲੋਂ ਦੀ ਹੈ, ਜੋ ਗਿੱਦੜਬਾਹਾ ਵਿਧਾਨ ਸਭਾ ਹਲਕੇ ਦਾ ਇੰਚਾਰਜ ਵੀ ਹੈ। ਬੱਸਾਂ ਦੀ ਭੰਨ-ਤੋੜ ਤੋਂ ਬਾਅਦ ਮੌਕੇ 'ਤੇ ਪੁੱਜੇ ਉਚ ਪੁਲਸ ਅਧਿਕਾਰੀਆਂ ਨੇ ਦੀਪ ਬੱਸ ਦੇ ਕਰਿੰਦਿਆਂ ਨੂੰ ਉਲਾਂਭਾ ਦਿੱਤਾ ਕਿ ਪੰਜਾਬ 'ਚ ਏਨੀਆਂ ਵੱਡੀਆਂ ਘਟਨਾਵਾਂ ਦੇ ਬਾਵਜੂਦ ਟਰਾਂਸਪੋਰਟਰਾਂ ਦੀ ਆਕੜ ਨਹੀਂ ਗਈ, ਜਿਸ ਕਰਕੇ ਅੱਜ ਫਿਰ ਹਾਦਸਾ ਵਾਪਰ ਗਿਆ। ਪੁਲਸ ਅਧਿਕਾਰੀਆਂ ਨੇ ਟਰਾਂਸਪੋਰਟਰਾਂ 'ਤੇ ਮਾਹੌਲ ਨੂੰ ਖਰਾਬ ਕਰਨ ਦੇ ਦੋਸ਼ ਵੀ ਲਾਏ। ਨਿਊ ਦੀਪ ਟਰਾਂਸਪੋਰਟ ਕੰਪਨੀ ਦੇ ਮੈਨੇਜਰ ਸਰਬਜੀਤ ਸਿੰਘ ਨੇ ਕਿਹਾ ਕਿ ਉਹਨਾਂ ਦੀਆਂ ਬੱਸਾਂ ਉੱਪਰ ਹਮਲਾ ਸਿਰਫ਼ ਇਸੇ ਕਰਕੇ ਹੋਇਆ ਹੈ, ਕਿਉਂਕਿ ਉਹਨਾਂ ਦਾ ਸੰਬੰਧ ਬਾਦਲ ਪਰਵਾਰ ਨਾਲ ਜੁੜਦਾ ਹੈ।
ਫਰੀਦਕੋਟ ਵਿੱਚ ਪੁਲਿਸ ਐਕਸ਼ਨ ਦੀ ਤਿੱਖੀ ਨਿਖੇਧੀ  
ਲੁਧਿਆਣਾ:ਇਸੇ ਦੌਰਾਨ ਕਾਰਖਾਨਾ ਮਜ਼ਦੂਰ ਯੂਨੀਅਨ, ਪੰਜਾਬ ਵੱਲੋਂ ਔਰਬਿਟ ਬਸ ਕਾਂਡ ਖਿਲਾਫ਼ ਮੁਜਾਹਰਾ ਕਰ ਰਹੇ ਨੌਜਵਾਨਾਂ-ਵਿਦਿਆਰਥੀਆਂ ਉੱਤੇ ਲਾਠੀਚਾਰਜ, ਝੂਠੇ ਪਰਚਿਆਂ ਤੇ ਗ੍ਰਿਫਤਾਰੀਆਂ ਦੀ ਸਖਤ ਨਿਖੇਧੀ ਕੀਤੀ ਗਈ। ਯੂਨੀਅਨ ਦੇ ਪ੍ਰਧਾਨ ਲਖਵਿੰਦਰ ਵੱਲੋਂ  ਮਜ਼ਦੂਰ, ਨੌਜਵਾਨ, ਵਿਦਿਆਰਥੀ ਜੱਥੇਬੰਦੀਆਂ ਵੱਲੋਂ ਅੱਜ ਫਰੀਦਕੋਟ ਵਿਖੇ ਨੌਜਵਾਨਾਂ-ਵਿਦਿਆਰਥੀਆਂ ਵੱਲੋਂ ਔਰਬਿਟ ਬਸ ਕਾਂਡ ਖਿਲਾਫ਼ ਕੀਤੇ ਜਾ ਰਹੇ ਮੁਜਾਹਰੇ ਉੱਤੇ ਪੁਲਸ ਵੱਲੋਂ ਹੋਏ ਲਾਠੀਚਾਰਜ, ਇਰਾਦਾ ਕਤਲ ਜਿਹੀਆਂ ਗੰਭੀਰ ਧਾਰਾਵਾਂ ਲਾ ਕੇ ਦਰਜਨ ਤੋਂ ਵਧੇਰੇ ਬੇਗੁਨਾਹ ਨੌਜਵਾਨਾਂ-ਵਿਦਿਆਰਥੀਆਂ ਨੂੰ ਗ੍ਰਿਫਤਾਰ ਕਰਨ ਦੀ ਨੌਜਵਾਨ ਭਾਰਤ ਸਭਾ, ਪੰਜਾਬ ਸਟੂਡੈਂਟਸ ਯੂਨੀਅਨ (ਲਲਕਾਰ), ਕਾਰਖਾਨਾ ਮਜ਼ਦੂਰ ਯੂਨੀਅਨ, ਪੰਜਾਬ, ਟੈਕਸਟਾਈਲ-ਹੌਜ਼ਰੀ ਕਾਮਗਾਰ ਯੂਨੀਅਨ, ਪੰਜਾਬ ਤੇ ਬਿਗੁਲ ਮਜ਼ਦੂਰ ਦਸਤਾ ਸਖਤ ਨਿਖੇਧੀ ਕਰਦੇ ਹਨ । 
ਨੌਜਵਾਨ ਭਾਰਤ ਸਭਾ ਅਤੇ ਪੰਜਾਬ ਸਟੂਡੈਂਟਸ ਯੂਨੀਅਨ ਦੀ ਅਗਵਾਈ ਵਿੱਚ ਮੁਜਾਹਰਾ ਕਰ ਰਹੇ ਨੌਜਵਾਨ-ਵਿਦਿਆਰਥੀ ਮੰਗ ਕਰ ਰਹੇ ਸਨ ਕਿ ਔਰਬਿਟ ਬਸ ਕੰਪਨੀ ਦੇ ਮਾਲਕਾਂ ਉੱਤੇ ਅਪਰਾਧਿਕ ਧਾਰਾਵਾਂ ਤਹਿਤ ਪਰਚਾ ਦਰਜ ਹੋਵੇ, ਪੰਜਾਬ ਦਾ ਗ੍ਰਹਿ ਮੰਤਰੀ ਸੁਖਬੀਰ ਬਾਦਲ ਜੋ ਔਰਬਿਟ ਬਸ ਕੰਪਨੀ ਦਾ ਮਾਲਕ ਵੀ ਹੈ, ਆਪਣੇ ਅਹੁਦੇ ਤੋਂ ਅਸਤੀਫਾ ਦੇਵੇ, ਔਰਬਿਟ ਬਸ ਕੰਪਨੀ ਦੇ ਸਾਰੇ ਰੂਟ ਰੱਦ ਕਰਕੇ ਇਹ ਰੂਟ ਪੰਜਾਬ ਰੋਡਵੇਜ ਨੂੰ ਦਿੱਤੇ ਜਾਣ, ਸਟਾਫ਼ ਦੇ ਨਾਂ ਉੱਤੇ ਪ੍ਰਾਈਵੇਟ ਬਸ ਕੰਪਨੀਆਂ ਗੁੰਡੇ-ਬਦਮਾਸ਼ ਭਰਤੀ ਕਰਨਾ ਬੰਦ ਕਰਨ, ਆਦਿ। ਜੱਥੇਬੰਦੀਆਂ ਦੇ ਆਗੂਆਂ ਦੇ ਘਰਾਂ ਉੱਤੇ ਪੁਲੀਸ ਛਾਪੇਮਾਰੀ ਕਰ ਰਹੀ ਹੈ, ਜਿਸ ਨਾਲ਼ ਹੋਰ ਵੀ ਗ੍ਰਿਫਤਾਰੀਆਂ ਹੋਣ ਦਾ ਖਦਸ਼ਾ ਹੈ।
ਪੂਰੀ ਤਰ੍ਹਾਂ ਜਾਇਜ ਮੰਗਾਂ ਉੱਤੇ ਵਿਰੋਧ ਮੁਜਾਹਰਾ ਕਰ ਰਹੇ ਨੌਜਵਾਨਾਂ-ਵਿਦਿਆਰਥੀਆਂ ਉੱਤੇ ਪੁਲੀਸ ਵੱਲੋਂ ਹੋਏ ਲਾਠੀਚਾਰਜ, ਝੂਠੇ ਦੋਸ਼ ਲਾ ਕੇ ਉਹਨਾਂ ਨੂੰ ਗ੍ਰਿਫਤਾਰ ਕਰਨ ਦੀ ਘਟਨਾ ਨੇ ਪੰਜਾਬ ਦੀ ਅਕਾਲੀ-ਭਾਜਪਾ ਸਰਕਾਰ ਦੇ ਘੋਰ ਲੋਕ ਵਿਰੋਧੀ, ਔਰਤ ਵਿਰੋਧੀ, ਨੌਜਵਾਨ-ਵਿਦਿਆਰਥੀ ਵਿਰੋਧੀ ਕਿਰਦਾਰ ਨੂੰ ਹੋਰ ਨੰਗਾ ਕੀਤਾ ਹੈ। ਜੇਕਰ ਪੰਜਾਬ ਦੀ ਗੁੰਡਾ ਸਰਕਾਰ ਤੇ ਪੁਲੀਸ ਇਹ ਸੋਚਦੇ ਹਨ ਕਿ ਲੋਕਾਂ ਉੱਤੇ ਜ਼ਬਰ ਢਾਹ ਕੇ ਉਹ ਲੋਕ ਅਵਾਜ਼ ਨੂੰ ਕੁਚਲ ਦੇਣਗੇ ਤਾਂ ਇਹ ਉਹਨਾਂ ਦੀ ਗਲਤਫਹਿਮੀ ਹੀ ਹੈ। ਔਰਬਿਟ ਬਸ ਕੰਪਨੀ ਦੇ ਮਾਲਕ ਬਾਦਲ ਪਰਿਵਾਰ, ਪੰਜਾਬ ਵਿੱਚ ਵਧਦੀ ਜਾ ਰਹੀ ਸਿਆਸੀ ਸ਼ਹਿ ਪ੍ਰਾਪਤ ਗੁੰਡਾਗਰਦੀ, ਔਰਤ ਉੱਤੇ ਵੱਧਦੇ ਜੋਰ-ਜੁਲਮ, ਸਰਕਾਰ ਦੀਆਂ ਲੋਕ ਵਿਰੋਧੀ ਨੀਤੀਆਂ ਖਿਲਾਫ਼ ਲੋਕਾਂ ਦਾ ਘੋਲ਼ ਹਰ ਹਾਲਤ ਵਿੱਚ ਜਾਰੀ ਰਹੇਗਾ।
 ਅਸੀਂ ਇਸ ਪ੍ਰੈਸ ਬਿਆਨ ਰਾਹੀਂ ਪੰਜਾਬ ਸਰਕਾਰ ਤੋਂ ਇਹ ਜੋਰਦਾਰ ਮੰਗ ਕਰਦੇ ਹਾਂ ਕਿ ਫਰੀਦਕੋਟ ਵਿੱਚ ਗ੍ਰਿਫਤਾਰ ਕੀਤੇ ਨੌਜਵਾਨਾਂ-ਵਿਦਿਆਰਥੀਆਂ ਨੂੰ ਤਰੁੰਤ ਰਿਹਾ ਕੀਤਾ ਜਾਵੇ, ਝੂਠੇ ਪਰਚੇ ਰੱਦ ਹੋਣ, ਲਾਠੀਚਾਰਜ ਕਰਨ ਵਾਲੇ ਅਤੇ ਝੂਠੇ ਪਰਚੇ ਦਰਜ ਕਰਨ ਵਾਲੇ ਪੁਲਿਸ ਅਫ਼ਸਰਾਂ ਨੂੰ ਤੁਰੰਤ ਬਰਖਾਸਤ ਕੀਤਾ ਜਾਵੇ। ਅਸੀਂ ਮੰਗ ਕਰਦੇ ਹਾਂ ਕਿ ਔਰਬਿਟ ਬਸ ਕੰਪਨੀ ਦੇ ਮਾਲਕਾਂ ਉੱਤੇ ਅਪਰਾਧਿਕ ਧਾਰਾਵਾਂ ਤਹਿਤ ਪਰਚਾ ਦਰਜ ਹੋਵੇ, ਪੰਜਾਬ ਦਾ ਗ੍ਰਹਿ ਮੰਤਰੀ ਸੁਖਬੀਰ ਬਾਦਲ ਜੋ ਔਰਬਿਟ ਬਸ ਕੰਪਨੀ ਦਾ ਮਾਲਕ ਵੀ ਹੈ, ਆਪਣੇ ਅਹੁਦੇ ਤੋਂ ਅਸਤੀਫਾ ਦੇਵੇ, ਔਰਬਿਟ ਬਸ ਕੰਪਨੀ ਦੇ ਸਾਰੇ ਰੂਟ ਰੱਦ ਕਰਕੇ ਇਹ ਰੂਟ ਪੰਜਾਬ ਰੋਡਵੇਜ ਨੂੰ ਦਿੱਤੇ ਜਾਣ, ਸਟਾਫ਼ ਦੇ ਨਾਂ ਉੱਤੇ ਪ੍ਰਾਈਵੇਟ ਬਸ ਕੰਪਨੀਆਂ ਗੁੰਡੇ-ਬਦਮਾਸ਼ ਭਰਤੀ ਕਰਨਾ ਬੰਦ ਕਰਨ, ਪ੍ਰਾਈਵੇਟ ਬਸਾਂ ਵੱਲੋਂ ਹੌਰਨਾਂ, ਗੀਤਾਂ, ਫਿਲਮਾਂ ਰਾਹੀਂ ਹੁੰਦੇ ਕੰਨ-ਪਾੜੂ ਸ਼ੋਰ-ਸ਼ਰਾਬੇ ਨੂੰ ਬੰਦ ਕੀਤਾ ਜਾਵੇ, ਔਰਤਾਂ ਦੀ ਸੁਰੱਖਿਆ ਲਈ ਢੁੱਕਵੇਂ ਕਦਮ ਚੁੱਕੇ ਜਾਣ। 
ਪੰਜਾਬ ਵਿੱਚ ਵਧਦੀ ਜਾ ਰਹੀ ਹਰ ਤਰਾਂ ਦੀ ਗੁੰਡਾਗਰਦੀ, ਲੁੱਟ-ਖਸੁੱਟ, ਬੇਇਨਸਾਫੀ, ਧੱਕੇਸ਼ਾਹੀ, ਸਰਕਾਰੀ-ਗੈਰ ਸਰਕਾਰੀ ਜ਼ਬਰ ਖਿਲਾਫ਼ ਸਭਨਾਂ ਦੱਬੇ-ਕੁਚਲੇ ਤਬਕਿਆਂ, ਔਰਤਾਂ, ਨੌਜਵਾਨਾਂ, ਵਿਦਿਆਰਥੀਆਂ ਨੂੰ ਅੱਗੇ ਆਉਣਾ ਚਾਹੀਦਾ ਹੈ। ਔਰਬਿਟ ਕਾਂਡ ਦੇ ਅਸਲ ਦੋਸ਼ੀਆਂ ਨੂੰ ਸਜਾ ਕਰਾਉਣ ਲਈ ਲੜੀ ਜਾ ਰਹੀ ਇਸ ਲੜਾਈ ਦਾ ਵਡੇਰਾ ਮਹੱਤਵ ਹੈ। ਇਸ ਲਈ ਅਸੀਂ ਸਭਨਾਂ ਇਨਸਾਫ਼ ਲੋਕਾਂ ਨੂੰ ਇਸ ਘੋਲ਼ ਵਿੱਚ ਸ਼ਾਮਲ ਦਾ ਸੱਦਾ ਦਿੰਦੇ ਹਾਂ। ਆਉਣ ਵਾਲੀ 12 ਮਈ ਨੂੰ ਪੰਜਾਬ ਦੇ ਸਭਨਾਂ ਜਿਲਾ ਕੇਂਦਰਾਂ ਉੱਤੇ ਮਜ਼ਦੂਰਾਂ, ਕਿਸਾਨਾਂ, ਨੌਜਵਾਨਾਂ, ਵਿਦਿਆਰਥੀਆਂ, ਔਰਤਾਂ, ਅਧਿਆਪਕਾਂ, ਸਰਕਾਰੀ ਮੁਲਾਜਮਾਂ ਦੀਆਂ ਜਨਤਕ ਜੱਥੇਬੰਦੀਆਂ ਵੱਲੋਂ ਗਠਿਤ ‘ਔਰਬਿਟ ਬਸ ਕਾਂਡ ਵਿਰੋਧੀ ਐਕਸ਼ਨ ਕਮੇਟੀ, ਪੰਜਾਬ’ ਵੱਲੋਂ ਮੁਜਾਹਰੇ ਕੀਤੇ ਜਾ ਰਹੇ ਹਨ। ਇਸ ਸਬੰਧੀ 8 ਮਾਰਚ ਨੂੰ ਸਵੇਰੇ ਗਿਆਰਾਂ ਵਜੇ ਪੰਜਾਬ ਦੇ ਸਾਰੇ ਜਿਲ੍ਹਿਆਂ ਵਿੱਚ ਜਨਤਕ ਜੱਥੇਬੰਦੀਆਂ ਦੀਆਂ ਮੀਟਿੰਗਾਂ ਵੀ ਰੱਖੀਆਂ ਗਈ ਹਨ। ਪੰਜਾਬ ਸਰਕਾਰ, ਪੁਲੀਸ-ਪ੍ਰਸ਼ਾਸਨ ਭਾਂਵੇਂ ਕਿੰਨਾ ਵੀ ਜੋਰ-ਜ਼ਬਰ ਦਾ ਰਾਹ ਅਪਣਾ ਲੈਣ ਔਰਬਿਟ ਬਸ ਕਾਂਡ ਖਿਲਾਫ਼ ਇਹ ਹੱਕੀ ਘੋਲ਼ ਜਾਰੀ ਰਹੇਗਾ।

Wednesday, May 29, 2013

ਫਰੀਦਕੋਟ ਅਗਵਾ ਕਾਂਡ:ਦੋਸ਼ੀ ਨਿਸ਼ਾਨ ਸਿੰਘ ਅਤੇ ਹੋਰਾਂ ਨੂੰ ਸਜ਼ਾਵਾਂ


ਲੋਕਾਂ ਦੇ ਇੱਕਮੁੱਠ ਸੰਘਰਸ਼ ਦੀ ਵੱਡੀ ਜਿੱਤ 
28 ਮਈ, ਲੁਧਿਆਣਾ। ਕਾਰਖ਼ਾਨਾ ਮਜ਼ਦੂਰ ਯੂਨੀਅਨ, ਪੰਜਾਬ ਦੇ ਸੰਚਾਲਕ ਲਖਵਿੰਦਰ, ਟੈਕਸਟਾਈਲ-ਹੌਜ਼ਰੀ ਕਾਮਗਾਰ ਯੂਨੀਅਨ, ਪੰਜਾਬ ਦੇ ਪ੍ਧਾਨ ਰਾਜਵਿਦਰ, ਨੌਜਵਾਨ ਭਾਰਤ ਸਭਾ ਦੇ ਸੂਬਾ ਕਨਵੀਨਰ ਛਿੰਦਰਪਾਲ ਅਤੇ ਇਸਤਰੀ ਮੁਕਤੀ ਲੀਗ ਦੀ ਆਗੂ ਨਮਿਤਾ ਨੇ ਅਦਾਲਤ ਵਲੋਂ ਫ਼ਰੀਦਕੋਟ ਅਗਵਾ ਅਤੇ ਬਲਾਤਕਾਰ ਕਾਂਡ ਦੇ ਦੋਸ਼ੀ ਨਿਸ਼ਾਨ ਸਿੰਘ ਨੂੰ ਉਮਰ ਕੈਦ ਅਤੇ ਨੌਂ ਹੋਰ ਦੋਸ਼ੀਆਂ ਨੂੰ 7-7 ਸਾਲ ਕੈਦ ਦੀ ਸਜ਼ਾ ਸੁਣਾਏ ਜਾਣ ਦੇ ਅਦਾਲਤੀ ਫੈਸਲੇ ਦਾ ਸੁਆਗਤ ਕਰਦੇ ਹੋਏ ਇਸਨੂੰ ਲੋਕ ਸ਼ੰਘਰਸ਼ਾਂ ਦੀ ਜਿੱਤ ਕਰਾਰ ਦਿੱਤਾ ਹੈ। ਉਹਨਾਂ ਪੀੜਤਾਂ ਨੂੰ ਇਨਸਾਫ਼ ਦਵਾਉਣ ਲਈ ਸੰਘਰਸ਼ ਕਰਨ ਵਾਲ਼ੀਆਂ ਸਾਰੀਆਂ ਵਿਦਿਆਰਥੀਆਂ, ਨੌਜਵਾਨਾਂ, ਮਜ਼ਦੂਰਾਂ-ਕਿਸਾਨਾਂ, ਬੁੱਧੀਜੀਵੀਆਂ ਦੀਆਂ ਜੱਥੇਬੰਦੀਆਂ ਨੂੰ ਵਧਾਈ ਦਿੱਤੀ ਹੈ। ਨਿਸ਼ਾਨ ਸਿੰਘ ਅਤੇ ਹੋਰਨਾਂ ਦੋਸ਼ੀਆਂ ਨੂੰ ਸਜਾਵਾਂ ਹੋਣੀਆਂ ਇਸ ਗੱਲ ਦੀ ਪੁਸ਼ਟੀ ਕਰਦਾ ਹੈ ਕਿ ਲੋਕ ਜਦੋਂ ਇੱਕਮੁੱਠ ਹੋ ਕੇ ਸੰਘਰਸ਼ ਕਰਦੇ ਹਨ ਉਦੋਂ ਹੀ ਇਨਸਾਫ਼ ਹਾਸਲ ਕਰ ਸਕਦੇ ਹਨ। ਇਸੇ ਤਰ੍ਹਾਂ 31 ਦਸੰਬਰ 2012 ਨੂੰ ਸੰਗਰੂਰ ਜਿਲ੍ਹੇ ਦੇ ਨਮੋਲ ਪਿੰਡ ਵਿੱਚ ਆਪਣੀ ਨਾਬਾਲਿਗ ਵਿਦਿਆਰਥਣ ਨਾਲ ਬਲਾਤਕਾਰ ਕਰਨ ਦੇ ਦੋਸ਼ੀ ਅਧਿਆਪਕ ਨੂੰ ਸਿਆਸੀ ਰਸੂਖ ਦੇ ਬਾਵਜੂਦ ਲੋਕਾਂ ਵੱਲੋਂ ਸ਼ੰਘਰਸ਼ਾਂ ਦੇ ਦਮ ’ਤੇ ਲੰਘੀ 23 ਮਈ ਨੂੰ ਉਮਰ ਕੈਦ ਦੀ ਸਜ਼ਾ ਦਿਵਾਉਣਾ ਵੀ ਇਸੇ ਗੱਲ ਦੀ ਮਿਸਾਲ ਹੈ। ਨਾਲ਼ ਹੀ ਉਨ੍ਹਾਂ ਕਿਹਾ ਕਿ ਔਰਤਾਂ ਨਾਲ਼ ਹੋ ਰਹੇ ਘਿਣਾਉਣੇ ਅਪਰਾਧਾਂ ਨੂੰ ਠੱਲਣ ਦਾ ਰਾਹ ਵੀ ਲੋਕ ਵਿੱਚ ਸੂਝ ਪੈਦਾ ਕਰਨਾ ਅਤੇ ਇੱਕਮੁੱਠ ਲੋਕ ਲਹਿਰ ਉਸਾਰਨਾ ਹੀ ਹੋ ਸਕਦਾ ਹੈ।
ਟੈਕਸਟਾਈਲ-ਹੌਜਰੀ ਕਾਮਗਾਰ ਯੂਨੀਅਨ, ਪੰਜਾਬ ਦੇ ਆਗੂ ਰਾਜਵਿੰਦਰ ਨੇ ਦੱਸਿਆ ਕਿ ਬੀਤੀ 24 ਸਤੰਬਰ, 2012 ਨੂੰ ਕਤਲ, ਲੁੱਟ ਅਤੇ ਬਲਾਤਕਾਰ ਜਿਹੇ 22 ਸੰਗੀਨ ਅਪਰਾਧਾਂ ’ਚ ਸ਼ਾਮਲ, ਗੰੁਡਾਗਰਦੀ ਲਈ ਮਸ਼ਹੂਰ, ਸ਼੍ਰੋਮਣੀ ਅਕਾਲੀ ਦਲ ਦੇ ਲੀਡਰਾਂ ਨਾਲ਼ ਚੰਗੇ ਸਬੰਧ ਰੱਖਣ ਵਾਲ਼ੇ ਨਿਸ਼ਾਨ ਸਿੰਘ ਨੇ ਆਪਣੇ ਸਾਥੀਆਂ ਨਾਲ ਮਿਲ ਕੇ ਨਾਬਾਲਿਗ ਲੜਕੀ ਨੂੰ ਫ਼ਰੀਦਕੋਟ ਵਿੱਚ ਸਥਿਤ ਉਸਦੇ ਘਰ ਵਿੱਚੋਂ ਦਿਨ-ਦਿਹਾੜੇ ਹਥਿਆਰਾਂ ਦੇ ਦਮ ਤੇ ਅਗਵਾ ਕਰ ਲਿਆ ਅਤੇੇ ਪਰਿਵਾਰ ਦੇ ਮੈਂਬਰਾਂ ਦੀ ਬੁਰੀ ਤਰ੍ਹਾਂ ਕੁੱਟ-ਮਾਰ ਕੀਤੀ। ਜਦੋਂ ਦੋਸ਼ੀ ਦੇ ਸਿਆਸੀ ਰਸੂਖ ਕਾਰਨ ਪੁਲਿਸ ਇਸ ਮਾਮਲੇ ਤੇ ਕੋਈ ਗੰਭੀਰ ਕਾਰਵਾਈ ਨਾ ਕੀਤੀ ਤਾਂ ਵੱਖ-ਵੱਖ ਜਨਤਕ ਜਥੇਬੰਦੀਆਂ ਦੀ ਅਗਵਾਈ ਅਧੀਨ ਵੱਡੀ ਗਿਣਤੀ ਵਿੱਚ ਲੋਕ ਪੀੜਤ ਪਰਿਵਾਰ ਨੂੰ ਇਨਸਾਫ ਦਿਵਾਉਣ ਲਈ ਨਿੱਤਰੇ। ਲੋਕ ਰੋਹ ਅੱਗੇ ਝੁਕੀ ਪੁਲਿਸ ਨੇ ਕਾਰਵਾਈ ਕਰਦੇ ਹੋਏ 21 ਅਕਤੂਬਰ ਨੂੰ ਗੋਆ ਤੋਂ ਲੜਕੀ ਨੂੰ ਬਰਾਮਦ ਕੀਤਾ ਅਤੇ ਦੋਸ਼ੀ ਨੂੰ ਗਿ੍੍ਰਫਤਾਰ ਕੀਤਾ। ਇਸ ਤੋਂ ਬਾਅਦ ਵੀ ਪੁਲਿਸ ਨੇ ਦੋਸ਼ੀ ਦਾ ਸਾਥ ਦੇਣਾ ਛੱਡਿਆ ਨਹੀਂ ਸਗੋਂ ਤਰ੍ਹਾਂ-ਤਰ੍ਹਾਂ ਦੀਆਂ ਸਾਜਿਸ਼ਾਂ ਰਚ ਕੇ ਦੋਸ਼ੀ ਨੂੰ ਬਚਾਉਣ ਦੀ ਕੋਸ਼ਿਸ਼ ਵਿੱਚ ਲੱਗੀ ਰਹੀ। ਇੱਧਰ ਲੋਕਾਂ ਦਾ ਗੁੱਸਾ ਵਧਦਾ ਗਿਆ ਜੋ ਦੋਸ਼ੀਆਂ ਨੂੰ ਸਜ਼ਾ ਦਿਵਾਉਣ ਲਈ ਵੱਡੇ ਪੱਧਰ ’ਤੇ ਸੰਘਰਸ਼ ਦੇ ਰੂਪ ’ਚ ਸਾਹਮਣੇ ਆਇਆ। ਦੋ ਮਹੀਨੇ ਤੱਕ ਫਰੀਦਕੋਟ ਸ਼ਹਿਰ ਵਿੱਚ ਵੱਡੇ ਪੱਧਰ ’ਤੇ ਧਰਨੇ-ਮੁਜਾਹਰੇ ਹੁੰਦੇ ਰਹੇ। ਆਖ਼ਿਰ ਪੁਲਿਸ ਨੂੰ ਮਜ਼ਬੂਰ ਹੋ ਕੇ 20 ਦੋਸ਼ੀਆਂ ਨੂੰ ਗਿ੍ਰਫਤਾਰ ਕਰਕੇ ਮੁੱਕਦਮਾ ਚਲਾਉਣਾ ਪਿਆ ਜਿਸ ਤਹਿਤ ਬੀਤੀ 27 ਮਈ ਨੂੰ ਮੁੱਖ ਦੋਸ਼ੀ ਨਿਸ਼ਾਨ ਸਿੰਘ ਨੂੰ ਉਮਰ ਕੈਦ ਅਤੇ 9 ਹੋਰ ਦੋਸ਼ੀਆਂ ਨੂੰ 7-7 ਸਾਲ ਕੈਦ ਦੀ ਸਜ਼ਾ ਸੁਣਾਈ ਗਈ ਜਦਕਿ ਬਾਕੀ ਦਸਾਂ ਨੂੰ ਸਬੂਤਾਂ ਦੀ ਘਾਟ ਕਾਰਨ ਬਰੀ ਕਰ ਦਿੱਤਾ ਗਿਆ। ਅਕਾਲੀ ਆਗੂ ਡਿੰਪੀ ਸਮਰਾ ਨੂੰ ਵੀ 7 ਸਾਲ ਦੀ ਕੈਦ ਦੀ ਸਜਾ ਸੁਣਾਈ ਗਈ ਹੈ। ਬਰੀ ਕੀਤੇ ਗਏ ਦੋਸ਼ੀਆਂ ਨੂੰ ਸਜਾ ਦੁਆਉਣ ਲਈ ਪੀੜਤ ਪਰਿਵਾਰ ਅਤੇ ਸੰਘਰਸ਼ਸ਼ੀਲ ਜੱਥੇਬੰਦੀਆਂ ਨੇ ਹਾਈ ਕੋਰਟ ਵਿੱਚ ਕੇਸ ਲੜਨ ਦਾ ਐਲਾਨ ਕੀਤਾ ਹੈ।

ਸਾਥੀ ਲਖਵਿੰਦਰ ਕਾਰਖਾਨਾ ਮਜ਼ਦੂਰ ਯੂਨੀਅਨ, ਪੰਜਾਬ  ਦੇ ਸੰਚਾਲਕ ਹਨ ਉਹਨਾਂ ਨਾਲ ਸੰਪਰਕ ਦਾ ਮੋਬਾਈਲ ਫੋਨ ਨੰਬਰ ਹੈ:-9646150249

Monday, October 22, 2012

ਪੰਜਾਬ ਪੁਲਸ ਨੂੰ ਵੱਡੀ ਸਫਲਤਾ

"ਸ਼ਰੂਤੀ ਆਪਣੀ ਮਰਜ਼ੀ ਨਾਲ ਗਈ ਸੀ"-ਪੰਜਾਬ ਪੁਲਸ
ਫਰੀਦਕੋਟ ਦੀ ਡੋਗਰ ਬਸਤੀ ਵਿੱਚ ਜਿਸ ਕੁੜੀ ਨੂੰ ਦਿਨ ਦਹਾੜੇ ਬੰਦੂਕ ਦੀ ਨੋਕ ਤੇ ਘਰੋਂ ਚੁੱਕਿਆ ਗਿਆ ਸੀ. ਲਗਾਤਾਰ ਵਧ ਰਹ ਲੋਕ ਰੋਹ ਤੋਂ ਬਾਅਦ ਸ਼ਰੂਤੀ ਨਾਮ ਦੀ ਇਹ ਕੁੜੀ ਆਖਿਰਕਾਰ ਮਿਲ ਗਈ ਹੈ. ਪੁਲਿਸ ਨੇ ਮੀਡੀਆ ਸਾਹਮਣੇ ਦਾਅਵਾ ਕੀਤਾ ਹੈ ਕਿ 15 ਸਾਲਾਂ ਦੀ ਇਹ ਨਾਬਾਲਿਗ ਕੁੜੀ ਆਪਣੀ ਮਰਜ਼ੀ ਨਾਲ ਘਰੋਂ ਗਈ ਸੀ. ਇਸਦੇ ਮੁੜ ਮਿਲਣ ਦੀ ਸਾਰੀ ਕਹਾਣੀ ਰੋਜ਼ਾਨਾ ਅਖਬਾਰ ਜਗ ਬਾਣੀ ਨੇ ਵੀ ਪੂਰੇ ਵਿਸਥਾਰ ਨਾਲ ਪ੍ਰਕਾਸ਼ਿਤ ਕੀਤੀ ਹੈ. ਜਿਸਨੂੰ ਧੰਨਵਾਦ ਸਹਿਤ ਏਥੇ ਵੀ ਹੂਬਹੂ  ਪ੍ਰਕਾਸ਼ਿਤ ਕੀਤਾ ਜਾ ਰਿਹਾ ਹੈ. ਇਸ ਬਾਰੇ ਤੁਹਾਡੇ ਵਿਚਾਰਾਂ ਦੀ ਉਡੀਕ ਬਣੀ ਰਹੇਗੀ.--ਰੈਕਟਰ ਕਥੂਰੀਆ  
ਆਖਰ ਮਿਲ ਹੀ ਗਈ ਸ਼ਰੂਤੀ
ਰੋਜ਼ਾਨਾ ਜਗ ਬਾਣੀ 'ਚ ਪ੍ਰਕਾਸ਼ਿਤ ਖਬਰ 
ਜਲੰਧਰ (ਸੁਨੀਲ ਧਵਨ)¸ਫਰੀਦਕੋਟ ਦੇ ਮਸ਼ਹੂਰ ਸ਼ਰੂਤੀ ਅਗਵਾ ਕਾਂਡ ਵਿਚ ਪੰਜਾਬ ਪੁਲਸ ਨੂੰ ਵੱਡੀ ਸਫਲਤਾ  ਉਸ ਸਮੇਂ ਹਾਸਲ ਹੋਈ ਜਦੋਂ ਉਸ ਨੇ ਗੋਆ ਤੋਂ ਸ਼ਰੂਤੀ ਨੂੰ ਬਰਾਮਦ ਕਰ ਲਿਆ ਅਤੇ ਇਸ ਮਾਮਲੇ ਵਿਚ ਮੁਖ ਮੁਲਜ਼ਮ ਨਿਸ਼ਾਨ ਸਿੰਘ ਨੂੰ ਗ੍ਰਿਫਤਾਰ ਕਰ ਲਿਆ। ਨਾਬਾਲਿਗ ਲਡ਼ਕੀ ਸ਼ਰੂਤੀ (15 ਸਾਲ) ਨੂੰ 24 ਸਤੰਬਰ ਨੂੰ ਫਰੀਦਕੋਟ ਤੋਂ ਉਸ ਦੇ ਘਰ ਤੋਂ ਨਿਸ਼ਾਨ ਸਿੰਘ (19 ਸਾਲ) ਅਤੇ ਹੋਰਨਾਂ ਨੇ ਅਗਵਾ ਕੀਤਾ ਸੀ ਪਰ ਅੱਜ ਪੰਜਾਬ ਪੁਲਸ ਮੁਖੀ ਸੁਮੇਧ ਸਿੰਘ ਸੈਣੀ ਨੇ ਦਾਅਵਾ ਕੀਤਾ ਹੈ ਕਿ ਸ਼ਰੂਤੀ ਆਪਣੀ ਮਰਜ਼ੀ ਨਾਲ ਨਿਸ਼ਾਨ ਸਿੰਘ ਨਾਲ ਗਈ ਸੀ।
ਪੱਤਰਕਾਰ ਸੰਮੇਲਨ ਨੂੰ ਸੰਬੋਧਨ ਕਰਦੇ ਹੋਏ ਸੈਣੀ ਨੇ ਏ. ਡੀ. ਜੀ. ਪੀ. (ਇੰਟੈਲੀਜੈਂਸ) ਐੱਚ. ਐੱਸ. ਢਿੱਲੋਂ, ਪੀ. ਏ. ਪੀ. ਦੇ ਏ. ਡੀ. ਜੀ. ਪੀ. ਗੁਰਦੇਵ ਸਿੰਘ ਸਹੋਤਾ ਅਤੇ ਜਲੰਧਰ ਦੇ ਪੁਲਸ ਕਮਿਸ਼ਨਰ ਗੌਰਵ ਯਾਦਵ ਦੀ ਹਾਜ਼ਰੀ ਵਿਚ ਦੱਸਿਆ ਕਿ 17 ਅਕਤੂਬਰ ਨੂੰ ਡੀ. ਐੱਸ. ਪੀ. ਮਾਨਸਾ ਸੁਲੱਖਣ ਸਿੰਘ ਅਤੇ ਡੀ. ਐੱਸ. ਪੀ. ਜਸਵਿੰਦਰ ਸਿੰਘ ਨੂੰ 6 ਹੈੱਡ ਕਾਂਸਟੇਬਲਾਂ ਅਤੇ ਇਕ ਲੇਡੀ ਹੈੱਡ ਕਾਂਸਟੇਬਲ ਨਾਲ ਗੋਆ ਭੇਜਿਆ ਗਿਆ ਸੀ ਤਾਂ ਜੋ ਸ਼ਰੂਤੀ ਦਾ ਪਤਾ ਲਗਾਇਆ ਜਾ ਸਕੇ। ਸੈਣੀ ਨੇ ਦੱਸਿਆ ਕਿ ਅੱਜ ਪੁਲਸ ਪਾਰਟੀ ਨੂੰ ਗੋਆ ਦੇ ਬਾਘਾ ਬੀਚ ਤੋਂ ਸ਼ਰੂਤੀ ਅਤੇ ਨਿਸ਼ਾਨ ਸਿੰਘ ਦੋਵਾਂ ਨੂੰ ਫਡ਼ ਲਿਆ। ਸ਼ਰੂਤੀ ਨੂੰ ਲੇਡੀ ਕਾਂਸਟੇਬਲ ਕਲ ਦਿੱਲੀ ਲੈ ਕੇ ਆ ਰਹੀ ਹੈ ਜਿਥੇ ਉਸ ਨੂੰ ਉਸ ਦੇ ਮਾਂ-ਬਾਪ ਦੇ ਹਵਾਲੇ ਕਰ ਦਿੱਤਾ ਜਾਵੇਗਾ। ਮੁਖ ਮੁਲਜ਼ਮ ਨਿਸ਼ਾਨ ਸਿੰਘ ਦਾ ਪੰਜਾਬ ਪੁਲਸ ਟਰਾਂਜ਼ਿਟ ਰਿਮਾਂਡ ਲੈ ਕੇ ਪੰਜਾਬ ਲਿਆਏਗੀ ਤਾਂ ਜੋ ਉਸ ਤੋਂ ਅੱਗੇ ਪੁੱਛਗਿਛ ਕੀਤੀ ਜਾ ਸਕੇ।
ਉਨ੍ਹਾਂ ਕਿਹਾ ਕਿ ਸ਼ਰੂਤੀ ਅਗਵਾ ਕਾਂਡ ਵਿਚ ਕੁਲ 17 ਮੁਲਜ਼ਮਾਂ ਦੀ ਸ਼ਮੂਲੀਅਤ ਸੀ ਜਿਸ ਵਿਚੋਂ ਅਜੇ ਪੁਲਸ ਨੇ 3 ਮੁਲਜ਼ਮਾਂ ਡਿੰਪੀ ਸਮਰਾ, ਤੂਫਾਨ ਸਿੰਘ ਉਰਫ ਤੂਫਾਨੀ ਅਤੇ ਨਵਜੋਤ ਕੌਰ (ਨਿਸ਼ਾਨ ਦੀ ਮਾਂ) ਨੂੰ ਗ੍ਰਿਫਤਾਰ ਕਰਨਾ ਹੈ ਜਿਸ ਦੀ ਭਾਲ ਵਿਚ ਪੁਲਸ ਪਾਰਟੀਆਂ ਭੇਜੀਆਂ ਗਈਆਂ ਹਨ। ਸੈਣੀ ਨੇ ਕਿਹਾ ਕਿ ਇਸ ਤੋਂ ਪਹਿਲਾਂ ਜੂਨ ਮਹੀਨੇ ਵਿਚ ਵੀ ਸ਼ਰੂਤੀ ਨਿਸ਼ਾਨ ਸਿੰਘ ਨਾਲ ਆਪਣੇ ਘਰੋਂ ਦੌਡ਼ ਗਈ ਸੀ। ਉਦੋਂ ਪੁਲਸ ਨੇ ਉਸ ਨੂੰ ਖਰਡ਼ ਤੋਂ ਬਰਾਮਦ ਕਰ ਕੇ ਉਸ ਦੇ ਘਰ ਵਾਲਿਆਂ ਦੇ ਹਵਾਲੇ ਕਰ ਦਿਤਾ ਸੀ। ਸ਼ਰੂਤੀ ਦੇ ਮਾਂ-ਬਾਪ ਨੇ ਆਪਣੀ ਬੇਟੀ ਨੂੰ ਰਿਸ਼ਤੇਦਾਰਾਂ ਕੋਲ ਭੇਜ ਦਿੱਤਾ ਸੀ ਜਿਥੇ ਕੁਝ ਦੇਰ ਰਹਿਣ ਤੋਂ ਬਾਅਦ ਸ਼ਰੂਤੀ ਵਾਪਸ ਆਪਣੇ ਘਰ ਆ ਗਈ ਸੀ। ਉਦੋਂ ਸ਼ਰੂਤੀ ਨੂੰ ਉਸ ਦੇ ਮਾਂ-ਬਾਪ ਨੇ ਘਰ ਵਿਚ ਹੀ ਨਿਗਰਾਨੀ ਹੇਠ ਨਜ਼ਰਬੰਦ ਕਰ ਕੇ ਰੱਖ ਦਿੱਤਾ ਸੀ। ਉਸ ਸਮੇਂ ਪੁਲਸ ਨੇ ਨਿਸ਼ਾਨ ਸਿੰਘ ਨੂੰ ਗ੍ਰਿਫਤਾਰ ਨਹੀਂ ਕੀਤਾ ਸੀ ਜਿਸ ਦੀ ਉਹ ਜਾਂਚ ਕਰਨਗੇ ਅਤੇ ਦੋਸ਼ੀ ਪੁਲਸ ਮੁਲਾਜ਼ਮਾਂ ਵਿਰੁੱਧ ਕਾਰਵਾਈ ਹੋਵੇਗੀ।
ਉਨ੍ਹਾਂ ਕਿਹਾ ਕਿ ਸ਼ਰੂਤੀ ਦੇ ਗਾਇਬ ਹੋਣ ਤੋਂ ਕੁਝ ਦਿਨ ਪਹਿਲਾਂ ਨਿਸ਼ਾਨ ਸਿੰਘ ਦੀ ਮਾਂ ਸ਼ਰੂਤੀ ਦੇ ਮਾਂ-ਬਾਪ ਨੂੰ ਮਿਲਣ ਲਈ ਉਨ੍ਹਾਂ ਦੇ ਘਰ ਆਈ ਸੀ। ਨਿਸ਼ਾਨ ਦੀ ਮਾਂ ਨੇ ਆਪਣੇ ਬੇਟੇ ਦੇ ਵਿਆਹ ਦਾ ਪ੍ਰਸਤਾਵ ਸ਼ਰੂਤੀ ਦੇ ਘਰ ਵਾਲਿਆਂ ਸਾਹਮਣੇ ਰੱਖਿਆ ਸੀ ਜਿਸ ਨੂੰ ਉਨ੍ਹਾਂ ਨੇ ਨਾ ਮਨਜ਼ੂਰ ਕਰ ਦਿੱਤਾ ਸੀ। ਉਦੋਂ ਨਿਸ਼ਾਨ ਸਿੰਘ ਦੀ ਗੱਲ ਮੋਬਾਈਲ 'ਤੇ ਸ਼ਰੂਤੀ ਨਾਲ ਕਰਵਾਈ ਗਈ ਸੀ ਜਿਸ ਨੇ ਨਿਸ਼ਾਨ ਨੂੰ ਸੂਚਿਤ ਕੀਤਾ ਸੀ ਕਿ ਉਸ ਨੂੰ ਘਰ ਵਿਚ ਬੰਦੀ ਬਣਾ ਕੇ ਰੱਖਿਆ ਗਿਆ ਹੈ। ਡੀ. ਜੀ. ਪੀ. ਨੇ ਕਿਹਾ ਕਿ ਨਿਸ਼ਾਨ ਸਿੰਘ ਦਾ ਅਪਰਾਧਿਕ ਰਿਕਾਰਡ ਰਿਹਾ ਹੈ ਅਤੇ ਉਸ ਨੇ ਕਈ ਅਪਰਾਧਿਕ ਸਰਗਰਮੀਆਂ ਵਿਚ ਹਿੱਸਾ ਲਿਆ ਹੋਇਆ ਹੈ। ਉਨ੍ਹਾਂ ਕਿਹਾ ਕਿ 24 ਸਤੰਬਰ ਨੂੰ ਨਿਸ਼ਾਨ ਸਿੰਘ ਆਪਣੇ 3 ਹੋਰਨਾਂ ਸਾਥੀਆਂ ਨਾਲ ਸ਼ਰੂਤੀ ਦੇ ਘਰ ਆਇਆ ਅਤੇ ਹਥਿਆਰਾਂ ਦੀ ਨੋਕ 'ਤੇ ਉਸ ਨੂੰ ਆਪਣੇ ਨਾਲ ਲੈ ਗਿਆ। ਸੈਣੀ ਨੇ ਦਸਿਆ ਕਿ ਨਿਸ਼ਾਨ ਸਿੰਘ ਨੇ ਉਸ ਸਮੇਂ ਹਵਾ ਵਿਚ ਫਾਇਰ ਵੀ ਕੀਤੇ ਸਨ ਜਦਕਿ ਨਿਸ਼ਾਨ ਸਿੰਘ ਦੀ ਮਦਦ ਪ੍ਰਤੱਖ ਅਤੇ ਅਪ੍ਰਤੱਖ ਰੂਪ ਵਿਚ 13 ਹੋਰ ਮੁਲਜ਼ਮ ਕਰ ਰਹੇ ਸਨ ਜਿਸ ਵਿਚ ਨਿਸ਼ਾਨ ਸਿੰਘ ਦੀ ਮਾਂ ਵੀ ਸ਼ਾਮਲ ਸੀ।
ਉਨ੍ਹਾਂ ਕਿਹਾ ਕਿ ਸ਼ਰੂਤੀ ਨਿਸ਼ਾਨ ਸਿੰਘ ਨਾਲ ਸਭ ਤੋਂ ਪਹਿਲਾਂ ਫਰੀਦਕੋਟ ਤੋਂ ਮੋਗਾ ਪੁੱਜੀ ਤੇ ਉਥੇ ਉਨ੍ਹਾਂ ਆਪਣੇ ਲਈ ਕੱਪਡ਼ੇ ਖਰੀਦੇ ਸਨ। ਕੱਪਡ਼ੇ ਬਦਲਣ ਤੋਂ ਬਾਅਦ ਉਹ ਬੱਸ ਵਿਚ ਸਵਾਰ ਹੋ ਕੇ ਲੁਧਿਆਣਾ ਆ ਗਏ ਜਿਥੋਂ ਉਹ ਚੰਡੀਗਡ਼੍ਹ ਪੁੱਜ ਗਏ। ਚੰਡੀਗਡ਼੍ਹ ਵਿਚ ਸੈਕਟਰ 22 'ਚ ਸ਼ਰੂਤੀ ਤੇ ਨਿਸ਼ਾਨ ਸਿੰਘ ਰਹੇ ਅਤੇ ਫਿਰ ਉਨ੍ਹਾਂ ਗੁਡ਼ਗਾਓਂ ਜਾਣ ਦਾ ਪ੍ਰੋਗਰਾਮ ਬਣਾਇਆ। ਗੁਡ਼ਗਾਓਂ ਤੋਂ 27 ਸਤੰਬਰ ਨੂੰ ਦੋਵੇਂ ਦਿੱਲੀ ਦੇ ਪਹਾਡ਼ਗੰਜ ਖੇਤਰ ਵਿਚ ਪਹੁੰਚ ਗਏ। ਉਨ੍ਹਾਂ ਕਿਹਾ ਕਿ 28 ਸਤੰਬਰ ਨੂੰ ਉਨ੍ਹਾਂ ਗੋਆ ਲਈ ਟਰੇਨ ਫਡ਼ੀ ਅਤੇ 30 ਸਤੰਬਰ ਨੂੰ ਉਹ ਗੋਆ ਪੁੱਜੇ ਜਿਥੇ ਉਨ੍ਹਾਂ ਇਕ ਟੂਰਿਸਟ ਹੱਟ ਵਿਚ ਆਸਰਾ ਲਿਆ ਹੋਇਆ ਸੀ।
ਪੁਲਸ ਮੁਖੀ ਨੇ ਕਿਹਾ ਕਿ ਭਾਵੇਂ ਸ਼ਰੂਤੀ ਆਪਣੀ ਇੱਛਾ ਨਾਲ ਨਿਸ਼ਾਨ ਸਿੰਘ ਨਾਲ ਗਈ ਸੀ ਪਰ ਇਸ ਦੇ ਬਾਵਜੂਦ ਨਿਸ਼ਾਨ ਸਿੰਘ ਵਿਰੁੱਧ ਪੁਲਸ ਵਲੋਂ ਸਖਤ ਤੋਂ ਸਖਤ ਕਾਰਵਾਈ ਕੀਤੀ ਜਾਵੇਗੀ। ਲਡ਼ਕੀ ਕਿਉਂਕਿ ਨਾਬਾਲਗ ਹੈ, ਇਸ ਲਈ ਪੁਲਸ ਨੂੰ ਇਸ ਮਾਮਲੇ ਵਿਚ ਬਡ਼ੀ ਸਾਵਧਾਨੀ ਨਾਲ ਅੱਗੇ ਵਧਣਾ ਪਿਆ ਹੈ।
ਏ. ਡੀ. ਜੀ. ਪੀ. (ਇੰਟੈਲੀਜੈਂਸ) ਐੱਚ. ਐੱਸ. ਢਿੱਲੋਂ ਨੇ ਕਿਹਾ ਕਿ ਰਾਜਵਿੰਦਰ ਸਿੰਘ ਉਰਫ ਢਾਲੀ ਨੂੰ ਪੁਲਸ ਨੇ ਹਰਦੋਈ ਅਤੇ ਵਰਿੰਦਰ ਕੁਮਾਰ ਨੂੰ ਮੋਗਾ ਤੋਂ ਪਹਿਲਾਂ ਹੀ ਗ੍ਰਿਫਤਾਰ ਕਰ ਲਿਆ ਸੀ। ਪੁਲਸ ਕਮਿਸ਼ਨਰ ਗੌਰਵ ਯਾਦਵ ਨੇ ਕਿਹਾ ਕਿ ਮਾਮਲਾ ਕਿਉਂਕਿ ਬਹੁਤ ਜ਼ਿਆਦਾ ਸੰਵੇਦਨਸ਼ੀਲ ਸੀ ਇਸ ਲਈ ਹਰ ਪਲ 'ਤੇ ਪੁਲਸ ਨੂੰ ਚੌਕਸੀ ਵਰਤਣੀ ਪਈ ਕਿਉਂਕਿ ਇਹ ਇਕ ਨਾਬਾਲਿਗ ਲਡ਼ਕੀ ਨੂੰ ਬਰਾਮਦ ਕਰਨ ਦਾ ਕੇਸ ਸੀ। ਉਨ੍ਹਾਂ ਕਿਹਾ ਕਿ ਨਿਸ਼ਾਨ ਸਿੰਘ ਦੀ ਗ੍ਰਿਫਤਾਰੀ ਵਿਚ ਦੇਰੀ ਇਸ ਲਈ ਹੋ ਗਈ ਕਿਉਂਕਿ ਇਸ ਮਾਮਲੇ ਵਿਚ ਪੀਡ਼ਤਾ ਖੁਦ ਮੁਲਜ਼ਮ ਦੀ ਮਦਦ ਕਰ ਰਹੀ ਸੀ।
ਸਰਕਾਰ ਵਲੋਂ ਐਲਾਨੇ 5 ਲੱਖ ਦਾ ਇਨਾਮ ਕਿਸੇ ਨੂੰ ਨਹੀਂ ਮਿਲੇਗਾ
ਪੰਜਾਬ ਸਰਕਾਰ ਵਲੋਂ ਸ਼ਰੂਤੀ ਦਾ ਪਤਾ ਦੇਣ ਵਾਲੇ ਨੂੰ 5 ਲੱਖ ਰੁਪਏ ਦਾ ਇਨਾਮ ਦੇਣ ਦਾ ਐਲਾਨ ਕੀਤਾ ਗਿਆ ਸੀ ਪਰ ਹੁਣ ਕਿਉਂਕਿ ਇਹ ਮਾਮਲਾ ਸੂਬਾ ਪੁਲਸ ਵਲੋਂ ਹੱਲ ਕੀਤਾ ਗਿਆ ਹੈ ਇਸ ਲਈ ਇਨਾਮ ਕਿਸੇ ਨੂੰ ਵੀ ਨਹੀਂ ਮਿਲ ਸਕੇਗਾ। ਡੀ. ਜੀ. ਪੀ. ਸੁਮੇਧ ਸਿੰਘ ਸੈਣੀ ਨੇ ਕਿਹਾ ਕਿ ਜੇਕਰ ਕੋਈ ਪ੍ਰਾਈਵੇਟ ਵਿਅਕਤੀ ਸ਼ਰੂਤੀ ਬਾਰੇ ਜਾਣਕਾਰੀ ਦਿੰਦਾ ਤਾਂ ਉਹ ਇਨਾਮ ਦਾ ਹੱਕਦਾਰ ਹੋ ਸਕਦਾ ਸੀ।

Sunday, October 21, 2012

ਸ਼ਰੂਤੀ ਅਗਵਾ ਕਾਂਡ ਵਿਰੁੱਧ ਲੋਕ ਰੋਹ ਤਿੱਖਾ

Sun, Oct 21, 2012 at 6:47 PM
ਲੋਕ ਸੰਗਠਨਾਂ ਨੇ ਦਿੱਤਾ ਘੋਲ ਨੂੰ ਮਜਬੂਤੀ ਨਾਲ ਅੱਗੇ ਵਧਾਉਣ ਦਾ ਸੱਦਾ 
ਹੁਣ ਤੱਕ 19 ਕੇਸਾਂ ਚੋਂ ਬਰੀ ਹੋ ਚੁੱਕਾ ਹੈ ਨਿਸ਼ਾਨ ਸਿੰਘ
ਲੋਕ ਰੋਹ ਦੀ ਇੱਕ ਝਲਕ ਫੋਟੋ ਰੋਜ਼ਾਨਾ ਅਜੀਤ ਚੋਂ ਧੰਨਵਾਦ ਸਹਿਤ 
ਮੀਡੀਆ ਨਾਲ ਸ਼ਰੁਤੀ ਦੇ ਮਾਤਾ ਪਿਤਾ ਅਤੇ ਨਾਲ ਹੀ ਸ਼ਰੁਤੀ ਦੀ ਇੱਕ ਪੁਰਾਣੀ ਤਸਵੀਰ ਫੋਟੋ ਰੋਜ਼ਾਨਾ ਅਜੀਤ ਚੋਂ ਧੰਨਵਾਦ ਸਹਿਤ 
ਭਾਰਤੀ ਕਿਸਾਨ ਯੂਨੀਅਨ ਏਕਤਾ (ਉਗਰਾਹਾਂ) ਅਤੇ ਪੰਜਾਬ ਖੇਤ ਮਜ਼ਦੂਰ ਯੂਨੀਅਨ ਦੀ ਸੂਬਾ ਕਮੇਟੀ ਵੱਲੋਂ  ਫਰੀਦਕੋਟ ਸ਼ਹਿਰ ਵਿੱਚ ਵਾਪਰੇ ਸ਼ਰੂਤੀ ਅਗਵਾ ਕਾਂਡ ਵਿਰੁੱਧ ਚੱਲ ਰਹੇ ਘੋਲ ਨੂੰ ਮਜਬੂਤੀ ਨਾਲ ਹੋਰ ਅੱਗੇ ਵਧਾਉਣ ਦਾ ਸੱਦਾ ਦਿੱਤਾ ਗਿਆ ਹੈ। ਸੁਖਦੇਵ ਸਿੰਘ ਕੋਕਰੀ ਕਲਾਂ, ਲਛਮਣ ਸਿੰਘ ਸੇਵੇਵਾਲਾ ਵੱਲੋਂ (21-10-2012) ਨੂੰ ਪ੍ਰਕਾਸ਼ਿਤ ਇੱਕ ਲੀਫਲੈਟ ਰਾਹੀਂ ਇਸ ਵਿਰੋਧ ਦੀ ਸ਼ੁਰੂਆਤ ਇੱਕ ਨਾਅਰੇ ਰਾਹੀਂ ਕੀਤੀ ਗਈ ਹੈ। 
ਪੁਲਿਸ, ਸਿਆਸੀ ਗੱਠਜੋਡ਼=ਮੁਰਦਾਬਾਦ! ਮੁਰਦਾਬਾਦ!!  ਆਖਣ ਦੇ ਨਾਲ ਹੀ ਇੱਕ ਨਾਰਾ ਇਹ ਵੀ ਹੈ--ਜੇ ਚਾਹੁੰਦੇ ਧੀਆਂ ਦੀ ਆਨ=ਬੰਨ ਕਾਫਲੇ ਡਟੋ ਮੈਦਾਨ!
ਇਸਦੇ ਨਾਲ ਹੀ ਸ਼ਰੂਤੀ ਅਗਵਾ ਕਾਂਡ ਵਿਰੁੱਧ ਚੱਲ ਰਹੇ ਘੋਲ ਨੂੰ ਮਜਬੂਤੀ ਨਾਲ ਹੋਰ ਅੱਗੇ ਵਧਾਉਣ ਦਾ ਸੱਦਾ ਵੀ ਦਿੱਤਾ ਗਿਆ ਹੈ. ਇਹਨਾਂ ਜਥੇਬੰਦੀਆਂ ਵੱਲੋਂ ਜਾਰੀ ਇਸ ਲੀਫ੍ਲਤ ਵਿੱਚ ਕਿਹਾ ਗਿਆ ਹੈ:
ਇਨਸਾਫਪਸੰਦ ਲੋਕੋ, 
24 ਸਤੰਬਰ ਨੂੰ ਫਰੀਦਕੋਟ ਦੀ ਸੰਘਣੀ ਆਬਾਦੀ ਵਾਲੀ ਡੋਗਰ ਬਸਤੀ ਵਿੱਚ ਰਹਿੰਦੇ 'ਸੱਚਦੇਵਾ' ਪਰਿਵਾਰ 'ਤੇ ਜਰਵਾਣਿਆਂ ਨੇ ਅਕਹਿ ਤੇ ਅਸਹਿ ਕਹਿਰ ਵਰਤਾਅ ਦਿੱਤਾ। ਫਰੀਦਕੋਟ ਦੇ ਜਾਣੇ ਪਹਿਚਾਣੇ ਨਿਸ਼ਾਨ ਸਿੰਘ ਦਾ ਅੱਠ ਮੈਂਬਰੀ ਗੁੰਡਾ ਗਰੋਹ ਦਿਨ ਦਿਹਾਡ਼ੇ ਘਰ ਵਿੱਚ ਵਡ਼ ਕੇ ਇਸ ਪਰਿਵਾਰ ਦੀ ਦਸਵੀਂ ਵਿੱਚ ਪੜ੍ਹਦੀ 15 ਸਾਲਾ ਲਡ਼ਕੀ ਸ਼ਰੂਤੀ ਨੂੰ ਅਗਵਾ ਕਰਕੇ ਲੈ ਗਿਆ। ਮਾਂ-ਬਾਪ ਨੂੰ ਬੁਰੀ ਤਰ੍ਹਾਂ ਕੁੱਟ-ਮਾਰ ਕੇ ਜਰਵਾਣੇ ਜੋਰਾ-ਜਬਰੀ ਕੁਡ਼ੀ ਨੂੰ ਧੂਹ ਕੇ ਲੈ ਗਏ। ਇਸ ਘਿਨਾਉਣੇ ਕਹਿਰ ਦਾ ਰੌਲਾ ਸੁਣਕੇ ਬਾਹਰ ਨਿਕਲੇ ਆਂਢ-ਗੁਆਂਢ 'ਤੇ ਗੋਲੀਆਂ ਚਲਾ ਕੇ ਦਹਿਸ਼ਤ ਪਾ ਦਿੱਤੀ। ਜਖ਼ਮੀ ਹੋਏ ਤਡ਼ਫਦੇ, ਵਿਲਕਦੇ ਮਾਪਿਆਂ ਦੀਆਂ ਤਰਸ ਭਰੀਆਂ ਤੇ ਬੇਵਸ ਨਜ਼ਰਾਂ ਦੇ ਸਾਹਮਣੇ ਸ਼ਰੇਆਮ ਲਲਕਾਰਦੀ ਤੇ ਗੋਲੀਆਂ ਚਲਾਉਂਦੀ ਨਿਸ਼ਾਨ ਦੀ ਗੁੰਡਾ ਢਾਣੀ ਬਿਨਾ ਕਿਸੇ ਡਰ-ਭੈਅ ਦੇ ਆਰਾਮ ਨਾਲ ਕੁਡ਼ੀ ਨੂੰ ਚੁੱਕ ਕੇ ਲੈ ਗਈ। 
ਘਟਨਾ ਦੀ ਫੌਰੀ ਸੂਚਨਾ ਮਿਲਣ ਦੇ ਬਾਵਜੂਦ ਪੁਲਿਸ ਘੱਟੋ ਘੱਟ ਇੱਕ ਘੰਟੇ ਬਾਅਦ ਉਥੇ ਪਹੁੰਚੀ, ਜਦੋਂ ਕਿ ਥਾਣਾ ਸਦਰ ਉਥੋਂ ਤੁਰਕੇ ਆਉਣ ਲਈ ਮਸਾਂ 5-7 ਮਿੰਟਾਂ ਦੀ ਦੂਰੀ 'ਤੇ ਪੈਂਦਾ ਹੈ। ਆ ਕੇ ਵੀ ਪੀਡ਼ਤ ਪਰਿਵਾਰ ਨੂੰ ਹੌਸਲਾ ਤੇ ਦਿਲਾਸਾ ਦੇਣ ਦੀ ਥਾਂ ਡੀ.ਐਸ.ਪੀ. ਗੱਡੀ 'ਚੋਂ ਹੇਠਾਂ ਉੱਤਰਨ ਨੂੰ ਵੀ ਆਪਣੀ ਹੇਠੀ ਸਮਝਦਾ ਰਿਹਾ। ਹਾਲਤ ਬਿਆਨਦੇ ਤੇ ਫੌਰੀ ਕੁਝ ਕਰਨ ਲਈ ਕਹਿੰਦੇ ਲੋਕਾਂ ਨੂੰ ਉਲਟਾ ਧਮਕਾਉਂਦਾ ਰਿਹਾ ਕਿ ਹੁਣ ਤੁਸੀਂ ਮੈਨੂੰ ਕਾਨੂੰਨ ਸਿਖਾਓਗੇ। ਮੈਨੂੰ ਸਭ ਪਤਾ ਕੀ ਕਰਨਾ, ਕੀ ਨਹੀਂ ਕਰਨਾ ਆਦਿ। 
ਹੁਣ ਵੀ ਲੱਗਭੱਗ ਇੱਕ ਮਹੀਨਾ ਬੀਤਣ ਦੇ ਬਾਵਜੂਦ ਵੀ ਨਾ ਤਾਂ ਅਜੇ ਤੱਕ, ਅਸਲ ਦੋਸ਼ੀ ਨਿਸ਼ਾਨ ਸਿੰਘ ਹੀ ਫਡ਼ਿਆ ਗਿਆ ਤੇ ਨਾ ਅਗਵਾ ਹੋਈ ਲਡ਼ਕੀ ਹੀ ਲੱਭ ਕੇ ਮਾਪਿਆਂ ਦੇ ਹਵਾਲੇ ਕੀਤੀ ਗਈ। ਵਰਨਣਯੋਗ ਹੈ ਕਿ ਇਸ ਤੋਂ ਪਹਿਲਾਂ ਵੀ 25 ਜੂਨ 2012 ਨੂੰ ਨਿਸ਼ਾਨ ਦਾ ਗੁੰਡਾ ਗਰੋਹ ਇਸੇ ਲਡ਼ਕੀ ਸ਼ਰੂਤੀ ਨੂੰ ਉਦੋਂ ਅਗਵਾ ਕਰਕੇ ਲੈ ਗਿਆ ਸੀ, ਜਦੋਂ ਉਹ ਟਿਊਸ਼ਨ ਪੜ੍ਹਨ ਜਾ ਰਹੀ ਸੀ ਅਤੇ ਫਿਰ 27 ਜੁਲਾਈ ਨੂੰ ਹੀ ਪੁਲਸ ਨੇ ਦੋਸ਼ੀਆਂ ਨਾਲ ਗੰਢ-ਤੁੱਪ ਕਰਕੇ ਕੁਡ਼ੀ ਨੂੰ ਵਾਪਸ ਲਿਆਂਦਾ ਸੀ। ਭਾਵੇਂ ਗੁੰਡਾ ਗਰੋਹ ਵੱਲੋਂ ਕੁਡ਼ੀ ਨੂੰ ਚੂਡ਼ਾ ਪਵਾ ਕੇ ਵਿਆਹ ਦਾ ਢੌਂਗ ਰਚਿਆ ਵੀ ਗਿਆ ਸੀ। ਜਿਸ ਨੂੰ ਸ਼ਰੂਤੀ ਵੱਲੋਂ ਰੱਦ ਕਰਕੇ ਉਸ ਨਾਲ ਬਲਾਤਕਾਰ ਵਰਗੇ ਦੋਸ਼ ਲਾਏ ਗਏ ਸਨ ਅਤੇ ਪੁਲਿਸ ਨੂੰ ਉਦੋਂ ਵੀ ਨਿਸ਼ਾਨ ਖਿਲਾਫ ਅਗਵਾ ਅਤੇ ਬਲਾਤਕਾਰ ਦਾ ਕੇਸ ਦਰਜ ਕਰਨਾ ਮਜਬੂਰੀ ਬਣ ਗਈ ਸੀ, ਪਰ ਉਸਨੂੰ ਗ੍ਰਿਫਤਾਰ ਨਾ ਕੀਤਾ ਗਿਆ। ਨਿਸ਼ਾਨ ਦੀ ਇਸ ਕੁਡ਼ੀ ਤੇ ਪਰਿਵਾਰ ਨਾਲ ਵਰਤਾਏ ਕਹਿਰ ਦੀ ਇਹ ਪਹਿਲੀ ਘਟਨਾ ਨਹੀਂ, ਸਗੋਂ ਇਸ ਤੋਂ ਪਹਿਲਾਂ ਵੀ ਨਿਸ਼ਾਨ ਸਿੰਘ 'ਤੇ ਲੁੱਟਾਂ, ਖੋਹਾਂ, ਕਤਲਾਂ, ਡਾਕਿਆਂ ਤੇ ਬਲਾਤਕਾਰ ਅਤੇ ਅਗਵਾ ਕਰਨ ਵਰਗੇ ਸੰਗੀਨ ਦੋਸ਼ਾਂ ਹੇਠ 22 ਕੇਸ ਦਰਜ ਹੋ ਚੁੱਕੇ ਸਨ। ਇਹ ਉਸਦੀ ਪੁਲਿਸ ਤੇ ਅਕਾਲੀ ਭਾਜਪਾ ਸਰਕਾਰ ਦੇ ਪ੍ਰਮੁੱਖ ਆਗੂਆਂ ਵੱਲੋਂ ਪਾਲ-ਪਲੋਸ ਕੇ ਗੁੰਡਾਗਰਦੀ ਦੇ ਦਿੱਤੇ ਲਾਇਸੰਸ ਦਾ ਹੀ ਸਿੱਟਾ ਹੈ ਕਿ ਉਹ ਹੁਣ ਤੱਕ 19 ਕੇਸਾਂ ਵਿੱਚੋਂ ਬਰੀ ਹੋ ਚੁੱਕਾ ਹੈ। ਕਈ ਕੇਸਾਂ ਵਿੱਚ ਭਗੌਡ਼ਾ ਕਰਾਰ ਦੇਣ ਦੇ ਬਾਵਜੂਦ ਪੁਲਿਸ ਨੇ ਉਹਨੂੰ ਗ੍ਰਿਫਤਾਰ ਨਹੀਂ ਕੀਤਾ। ਇਹਨਾਂ ਸੰਗਠਨਾਂ ਨੇ ਇਸ ਸਬੰਧ ਵਿੱਚ ਲੋਕਾਂ ਦੇ ਭਰਵੇਂ ਹੁੰਗਾਰੇ ਦੀ ਵੀ ਚਰਚਾ ਕੀਤੀ ਹੈ।
ਸ਼ਰੂਤੀ ਅਗਵਾ ਕਾਂਡ ਵਿਰੁੱਧ ਰੋਸ ਸੱਦਿਆਂ ਨੂੰ ਲੋਕਾਂ ਨੇ ਦਿੱਤਾ ਭਰਵਾਂ ਹੁੰਗਾਰਾ
ਪੁਲਿਸ ਦੀ ਦੋਸ਼ੀਆਂ ਨਾਲ ਸਾਹਮਣੇ ਦਿਸੀ ਨੰਗੀ ਚਿੱਟੀ ਮਿਲੀਭੁਗਤ ਨੇ ਨਿਸ਼ਾਨ ਵੱਲੋਂ ਲੰਮੇ ਸਮੇਂ ਤੋਂ ਮਚਾਈ ਗੁੰਡਾਗਰਦੀ ਦੇ ਸਤਾਏ ਸ਼ਹਿਰ ਵਾਸੀਆਂ ਨੇ ਅੰਗਡ਼ਾਈ ਲੈਂਦਿਆਂ ਐਕਸ਼ਨ ਕਮੇਟੀ ਬਣਾ ਕੇ 25 ਤੇ 26 ਸਤੰਬਰ ਨੂੰ ਵੱਡੀ ਗਿਣਤੀ ਵਿੱਚ ਇਕੱਠੇ ਹੋ ਕੇ ਪੁਲਿਸ ਕੋਤਵਾਲੀ ਅੱਗੇ ਦੋ ਦਿਨ ਜਾਮ ਲਾਉਣ ਤੋਂ ਅੱਗੇ ਵਧਦੇ ਹੋਏ ਪੱਕਾ ਰੋਸ ਧਰਨਾ ਮਾਰ ਦਿੱਤਾ। ਸ਼ਰੁਤੀ ਦੀ ਵਾਪਸੀ ਅਤੇ ਦੋਸ਼ੀਆਂ ਨੂੰ ਗ੍ਰਿਫਤਾਰ ਕਰਕੇ ਸਜ਼ਾ ਦੇਣ ਦੀ ਮੰਗ ਨੂੰ ਲੈ ਕੇ ਸ਼ਹਿਰ ਵਾਸੀਆਂ ਵੱਲੋਂ 28 ਸਤੰਬਰ ਨੂੰ ਸਮੁੱਚਾ ਫਰੀਦਕੋਟ ਸ਼ਹਿਰ ਬੰਦ ਕੀਤਾ ਗਿਆ। ਇਸ ਤੋਂ ਬਾਅਦ 30 ਸਤੰਬਰ ਨੂੰ ਸਾਦਿਕ, ਗੋਲੇਵਾਲਾ ਅਤੇ ਦੀਪ ਸਿੰਘ ਵਾਲਾ ਦੇ ਬੱਸ ਅੱਡੇ ਜਾਮ ਕੀਤੇ ਗਏ ਜਦੋਂ ਕਿ ਫਰੀਦਕੋਟ ਵਾਸੀਆਂ ਵੱਲੋਂ ਅੰਸ਼ਿਕ ਬੰਦ ਕਰਕੇ ਡੀ.ਸੀ. ਦਫਤਰ ਅੱਗੇ ਧਰਨਾ ਮਾਰਿਆ ਗਿਆ। ਸ਼ਰੂਤੀ ਅਗਵਾ ਕਾਂਡ ਨੂੰ ਲੈ ਕੇ ਪੁਲਿਸ ਤੇ ਅਕਾਲੀ-ਭਾਜਪਾ ਸਰਕਾਰ ਵਿਰੁੱਧ ਦਿਨੋਂ ਦਿਨ ਵਧ ਫੈਲ ਰਹੇ ਤੇ ਤਿੱਖੇ ਹੋ ਰਹੇ ਰੋਸ ਦਾ ਹੀ ਸਿੱਟਾ ਸੀ ਕਿ ਇਸ ਦਿਨ ਅਕਾਲੀ ਦਲ ਬਾਦਲ ਦੇ ਇੱਥੋਂ ਜਿੱਤੇ ਐਮ.ਐਲ.ਏ. ਦੀਪ ਮਲਹੋਤਰੇ ਨੂੰ ਵੀ ਧਰਨੇ ਵਿੱਚ ਸ਼ਾਮਲ ਹੋ ਕੇ ਮਗਰਮੱਛ ਵਾਲੇ ਹੰਝੂ ਵਹਾਉਣ ਲਈ ਮਜਬੂਰ ਹੋਣਾ ਪਿਆ। ਲੋਕਾਂ ਦੇ ਇਸ ਰੋਸ ਤੇ ਗੁੱਸੇ 'ਤੇ ਠੰਢਾ ਛਿਡ਼ਕਣ ਲਈ ਜਿਥੇ ਐਮ.ਐਲ.ਏ. ਵੱਲੋਂ ਆਪਣੀ ਕਾਰਵਾਈ ਪਾਈ ਗਈ, ਉਥੇ ਪੁਲਿਸ ਵੱਲੋਂ ਤਿੰਨ ਅਕਾਲੀ ਆਗੂਆਂ ਨੂੰ ਸੀ.ਆਈ.ਏ. ਥਾਣੇ ਵਿੱਚ ਬੁਲਾ ਕੇ ਪੁੱਛ-ਗਿੱਛ ਕਰਨ ਦਾ ਡਰਾਮਾ ਰਚਣਾ ਪਿਆ। ਦੂਜੇ ਪਾਸੇ ਸੰਘਰਸ਼ ਕਰ ਰਹੇ ਲੋਕਾਂ ਦੇ ਹੌਸਲੇ ਪਸਤ ਕਰਨ, ਸ਼ਰੂਤੀ ਤੇ ਪਰਿਵਾਰ ਨੂੰ ਬਦਨਾਮ ਕਰਨ ਲਈ ਜ਼ਿਲੇ ਦੇ ਐਸ.ਐਸ.ਪੀ. ਗੁਰਿੰਦਰ ਸਿੰਘ ਢਿੱਲੋਂ ਤੇ ਡੀ.ਆਈ.ਜੀ. ਉਮਰਨੰਗਲ ਵੱਲੋਂ ਸ਼ਰੂਤੀ ਦੇ ਆਪਣੀ ਮਰਜੀ ਨਾਲ ਜਾਣ ਤੇ ਨਿਸ਼ਾਨ ਨਾਲ ਵਿਆਹ ਕਰਵਾਉਣ ਬਾਰੇ ਮਿਲੀ ਚਿੱਠੀ ਤੇ ਫੋਟੋਆਂ ਅਖਬਾਰਾਂ ਵਿੱਚ ਛਪਵਾ ਦਿੱਤੀਆਂ। ਪੁਲਿਸ ਅਫਸਰਾਂ ਦੀ ਇਸ ਅਤਿ ਘ੍ਰਿਣਤ ਤੇ ਕੋਝੀ ਕਰਤੂਤ, ਗੈਰਕਾਨੂੰਨੀ ਤੇ ਗੈਰ-ਜਿੰਮੇਵਾਰ ਕਾਰਵਾਈ ਦਾ ਲੋਕਾਂ ਵੱਲੋਂ ਮੂੰਹ ਤੋਡ਼ ਜਵਾਬ 12 ਅਕਤੂਬਰ ਨੂੰ ਫਰੀਦਕੋਟ ਕੋਟਕਪੂਰਾ, ਬਰਗਾਡ਼ੀ, ਬਾਜਾਖਾਨਾ, ਸਾਦਿਕ, ਗੋਲੇਵਾਲ ਸਮੇਤ ਸਮੁੱਚਾ ਜ਼ਿਲਾ ਬੰਦ ਕਰਕੇ ਅਤੇ ਹਜ਼ਾਰਾਂ ਲੋਕਾਂ ਵੱਲੋਂ ਡੀ.ਸੀ. ਦਫਤਰ ਅੱਗੇ ਰੈਲੀ ਕਰਨ ਦੇ ਨਾਲ ਨਾਲ ਇੱਕ ਘੰਟਾ ਜਾਮ ਲਾ ਕੇ ਦਿੱਤਾ ਗਿਆ। ਸੋ ਇਸੇ ਵਧ ਰਹੇ ਲੋਕ ਦਬਾਅ ਦੀ ਵਜਾਹ ਕਾਰਨ ਇਸ ਗੁੰਡਾ ਗਰੋਹ ਦੇ ਕਈ ਜਣਿਆਂ ਨੂੰ ਫਡ਼ਨਾ ਪੁਲਸ ਤੇ ਸਰਕਾਰ ਦੀ ਮਜਬੂਰੀ ਬਣੀ ਹੈ। ਪਰ ਮੁੱਖ ਦੋਸ਼ੀ ਨਿਸ਼ਾਨ ਤੇ ਉਹਦੀ ਮਾਂ ਨਵਜੋਤ ਕੌਰ ਤੇ ਕੁਝ ਹੋਰ ਅਜੇ ਵੀ ਨਹੀਂ ਫਡ਼ੇ ਗਏ। ਇਹਨਾਂ ਜਥੇਬੰਦੀਆਂ ਨੇ ਪੁਲਿਸ ਦੀ ਕਾਰਵਾਈ ਤੇ ਸੁਆਲ ਉਠਾਉਂਦਿਆਂ ਅਕਲੀ ਸਰਕਾਰ ਦੇ ਸਿਰਕਰਦਾ ਆਗੂਆਂ ਨੂੰ ਵੀ ਲੰਮੇ ਹਥੀਂ ਲਿਆ ਹੈ।
ਅਸਲ ਦੋਸ਼ੀਆਂ ਨੂੰ ਫਡ਼ਨ ਤੋਂ ਪੁਲਿਸ ਦੇ ਲੰਮੇ ਹੱਥ ਛੋਟੇ ਕਿਉਂ?
ਪੰਜਾਬ ਪੁਲਿਸ ਦਾ ਏ.ਡੀ.ਜੀ.ਪੀ. ਐਸ.ਕੇ. ਸ਼ਰਮਾ ਕਹਿੰਦਾ ਹੈ ਕਿ ''ਖੁਫੀਆ ਰਿਪੋਰਟਾਂ ਅਨੁਸਾਰ ਸ਼ਰੂਤੀ ਸੁਰੱਖਿਅਤ ਹੈ ਅਤੇ ਉਸਨੂੰ ਛੇਤੀ ਰਿਹਾਅ ਕਰਵਾ ਲਿਆ ਜਾਵੇਗਾ।'' (ਪੰਜਾਬੀ ਟ੍ਰਿਬਿਊਨ, 17 ਅਕਤੂਬਰ) ਇਸ ਤੋਂ ਸਪਸ਼ਟ ਹੈ ਕਿ ਪੁਲਿਸ ਤੇ ਖੁਫੀਆ ਵਿਭਾਗ ਤੇ ਸਰਕਾਰ ਨੂੰ ਪਤਾ ਹੈ ਕਿ ਸ਼ਰੂਤੀ ਤੇ ਉਸਨੂੰ ਅਗਵਾ ਕਰਨ ਵਾਲਾ ਨਿਸ਼ਾਨ ਤੇ ਬਾਕੀ ਕਿੱਥੇ ਤੇ ਕਿਸ ਹਾਲਤ ਵਿੱਚ ਹਨ। ਇਸ ਲਈ ਪਤਾ ਹੋਣ ਦੇ ਬਾਵਜੂਦ ਜਾਣ-ਬੁੱਝ ਕੇ ਨਹੀਂ ਫਡ਼ੇ ਜਾ ਰਹੇ। ਇਸਦੀ ਵਜਾਹ ਇਹ ਹੈ ਕਿ ਨਿਸ਼ਾਨ ਦੀ ਕਡ਼ੀ ਅਕਾਲੀ-ਭਾਜਪਾ ਸਰਕਾਰ ਦੇ ਉੱਪ-ਮੁੱਖ ਮੰਤਰੀ ਸੁਖਬੀਰ ਬਾਦਲ ਤੇ ਵਜ਼ੀਰ ਮਜੀਠੀਏ ਨਾਲ ਜੁਡ਼ਦੀ ਹੈ। ਇਸੇ ਕਰਕੇ ਪੁਲਿਸ ਤੇ ਕਾਨੂੰਨ ਵੱਲੋਂ ਕਈ ਸੰਗੀਨ ਕੇਸਾਂ ਵਿੱਚ ਭਗੌਡ਼ਾ ਕਰਾਰ ਦਿੱਤਾ ਨਿਸ਼ਾਨ ਸ਼ਰੂਤੀ ਨੂੰ ਜਬਰੀ ਚੁੱਕਣ ਤੋਂ ਇੱਕ ਦਿਨ ਪਹਿਲਾਂ 23 ਸਤੰਬਰ ਨੂੰ ਬਾਬਾ ਫਰੀਦ ਮੇਲੇ ਮੌਕੇ ਜਦ ਸੁਖਬੀਰ ਬਾਦਲ ਆਇਆ ਤਾਂ ਨਿਸ਼ਾਨ ਮੂਹਰਲੀਆਂ ਕੁਰਸੀਆਂ 'ਤੇ ਬਿਰਾਜਮਾਨ ਸੀ। ਇਸੇ ਦਿਨ ਉਹਦੇ ਮਜੀਠੀਏ ਦੇ ਜਮਾਤੀ ਤੇ ਨੇਡ਼ਲੇ ਯੂਥ ਅਕਾਲੀ ਦਲ ਦੇ ਇੱਕ ਆਗੂ ਦੇ ਘਰ ਵੀ ਸੁਖਬੀਰ ਦੀ ਹਾਜ਼ਰੀ ਵਿੱਚ ਉੱਥੇ ਵਿਚਰਦੇ ਹੋਣ ਦੀ ਚਰਚਾ ਹੈ। ਇਸ ਤੋਂ ਪਹਿਲਾਂ ਵੀ ਭਗੌਡ਼ਾ ਹੋਣ ਦੇ ਬਾਵਜੂਦ ਪ੍ਰਕਾਸ਼ ਸਿੰਘ ਬਾਦਲ ਵੱਲੋਂ ਕੀਤੀ ਚੋਣ ਰੈਲੀ ਦੌਰਾਨ ਉਹ ਉਥੇ ਸ਼ਰੇਆਮ ਫਿਰਦਾ ਰਿਹਾ। ਇਸੇ ਗੱਲ ਦੀ ਪੁਸ਼ਟੀ ਇਸ ਕਾਂਡ ਖਿਲਾਫ ਪੈਦਾ ਹੋਏ ਵਿਆਪਕ ਲੋਕ ਵਿਰੋਧ ਦੇ ਬਾਵਜੂਦ ਉੱਚ ਪੁਲਿਸ ਅਧਿਕਾਰੀਆਂ ਵੱਲੋਂ ਸ਼ਰੂਤੀ ਤੇ ਨਿਸ਼ਾਨ ਦੇ ਵਿਆਹ ਬਾਰੇ ਫੋਟੋ ਤੇ ਚਿੱਠੀ ਪ੍ਰੈਸ ਨੂੰ ਜਾਰੀ ਕਰਨ ਤੋਂ ਵੀ ਹੁੰਦੀ ਹੈ। ਕਿਉਂਕਿ ਇਸ ਕਿਸਮ ਦੀ ਗੈਰ-ਕਾਨੂੰਨੀ ਤੇ ਲੋਕਾਂ ਵਿੱਚ ਭਡ਼ਕਾਹਟ ਪੈਦਾ ਕਰਨ ਵਾਲੀ ਕਾਰਵਾਈ ਅਫਸਰ ਆਪਣੀ ਮਰਜੀ ਨਾਲ ਨਹੀਂ ਕਰ ਸਕਦੇ। ਇਸ ਤੋਂ ਇਲਾਵਾ ਜਿਵੇਂ ਐਨਾ ਰੌਲਾ ਪੈਣ ਦੇ ਬਾਵਜੂਦ ਪ੍ਰਕਾਸ਼ ਸਿੰਘ ਬਾਦਲ, ਸੁਖਬੀਰ ਤੇ ਨੰਨੀ ਛਾਂ ਦੀ ਢੰਡੋਰਚੀ ਹਰਸਿਮਰਤ ਕੌਰ ਬਾਦਲ ਨੇ ਲੰਮਾ ਸਮਾਂ ਮੂੰਹ ਨਹੀਂ ਖੋਲ੍ਹਿਆ. ਇਹ ਉਹਨਾਂ ਦੀ ਦੋਸ਼ੀ ਨਿਸ਼ਾਨ ਨਾਲ ਜੁਡ਼ੀ ਮਜਬੂਤ ਕਡ਼ੀ ਦੀ ਚੁਗਲੀ ਹੀ ਕਰਦਾ ਹੈ। ਜੇਕਰ ਅੱਜ ਸੁਖਬੀਰ ਬਾਦਲ ਵੱਲੋਂ ਨਿਸ਼ਾਨ ਦੀ ਗ੍ਰਿਫਤਾਰੀ ਲਈ 5 ਲੱਖ ਦੇ ਐਲਾਨ ਵੀ ਕੀਤੇ ਜਾ ਰਹੇ ਹਨ ਤਾਂ ਇਹ ਇਹਨਾਂ ਦੀ ਨਿਸ਼ਾਨ ਨਾਲ ਲੋਕਾਂ ਸਾਹਮਣੇ ਨੰਗੀ ਹੋ ਚੁੱਕੀ ਸਾਂਝ 'ਤੇ ਪਰਦਾ ਪਾਉਣ ਦੀ ਹੀ ਕੋਝੀ ਚਾਲ ਹੈ। ਇਸਦੇ ਨਾਲ ਇਸ ਵਰਤਾਰੇ ਨੂੰ ਮੌਜੂਦਾ ਸਿਸਟਮ ਦੀ ਇੱਕ ਅਹਿਮ ਲੋੜ ਵੀ ਦੱਸਿਆ ਗਿਆ ਹੈ।
ਗੁੰਡਾ-ਗਰੋਹ : ਲੋਕ-ਦੋਖੀ ਸਿਆਸਤਦਾਨਾਂ ਤੇ ਲੁਟੇਰੇ ਨਿਜ਼ਾਮ ਦੀ ਲੋਡ਼
ਗੱਲ ਸਿਰਫ ਸ਼ਰੂਤੀ ਦੇ ਅਗਵਾ ਹੋਣ ਤੱਕ ਹੀ ਸੀਮਤ ਨਹੀਂ ਹੈ। ਅੱਜ ਥਾਂ-ਥਾਂ ਪੈਦਾ ਹੋ ਰਹੇ ਗੁੰਡਾ ਗਰੋਹ ਆਮ ਲੋਕਾਂ ਲਈ ਗੰਭੀਰ ਖਤਰਾ ਬਣ ਰਹੇ ਹਨ। ਇਕੱਲੀ ਧੀ-ਭੈਣ ਤੇ ਔਰਤ ਦਾ ਵੇਲੇ-ਕੁਵੇਲੇ ਤਾਂ ਕੀ, ਚਿੱਟੇ ਦਿਨ ਕਿਤੇ ਜਾਣਾ ਖਤਰੇ ਤੋਂ ਖਾਲੀ ਨਹੀਂ ਜਾਪਦਾ। ਲੁੱਟ-ਖੋਹ, ਕਤਲ, ਅਗਵਾ ਤੇ ਬਲਾਤਕਾਰ ਦੀਆਂ ਘਟਨਾਵਾਂ ਆਮ ਵਰਤਾਰਾ ਬਣਦਾ ਜਾ ਰਿਹਾ ਹੈ। ਇਹਨਾਂ ਗੁੰਡਾ ਗਰੋਹਾਂ ਨੂੰ ਲੋਕ ਦੋਖੀ ਸਿਆਸਤਦਾਨਾਂ ਵੱਲੋਂ ਹੱਲਾਸ਼ੇਰੀ, ਹਥਿਆਰ ਤੇ ਸਿਆਸੀ ਛਤਰੀ ਮੁਹੱਈਆ ਕਰਵਾਈ ਜਾਂਦੀ ਹੈ ਤਾਂ ਜੋ ਚੋਣਾਂ ਮੌਕੇ ਇਹ ਗਰੋਹ ਉਹਨਾਂ ਲਈ ਵੋਟ ਭੁਗਤਾਉਣ ਅਤੇ ਬੂਥਾਂ 'ਤੇ ਕਬਜ਼ੇ ਕਰਨ ਜਾਂ ਜ਼ਮੀਨਾਂ ਜਾਇਦਾਦਾਂ 'ਤੇ ਕਬਜ਼ਿਆਂ ਦਾ ਸਾਧਨ ਬਣ ਸਕਣ। ਇਹ ਹਕੀਕਤ 12 ਅਕਤੂਬਰ ਨੂੰ ਫਰੀਦਕੋਟ ਬੰਦ ਦੌਰਾਨ ਰੈਲੀ ਸਮੇਂ ਕਾਂਗਰਸ ਦੇ ਸਾਬਕਾ ਸਿੱਖਿਆ ਮੰਤਰੀ ਨੇ ਖੁਦ ਪ੍ਰਵਾਨ ਕੀਤੀ ਹੈ ਕਿ ਅਸੀਂ ਲੋਕ ਹੀ ਇਹਨਾਂ ਨੂੰ ਪਾਲਦੇ ਪਲੋਸਦੇ ਹਾਂ। ਪਰ ਪੰਜਾਬ ਵਿੱਚ ਸੁਖਬੀਰ ਤੇ ਮਜੀਠੀਏ ਨੇ ਤਾਂ ਸਭ ਨੂੰ ਮਾਤ ਪਾ ਦਿੱਤਾ ਹੈ। ਸੋ ਜਿੱਥੇ ਵੋਟ ਰਾਜਨੀਤੀ ਲਈ ਇਹਨਾਂ ਗਰੋਹਾਂ ਨੂੰ ਪਾਲਿਆ ਜਾਂਦਾ ਹੈ, ਉਥੇ ਸਾਮਰਾਜੀਆਂ ਦੀਆਂ ਦਿਸ਼ਾ ਨਿਰਦੇਸ਼ਤ ਨੀਤੀਆਂ ਤਹਿਤ ਵੱਡੇ ਜਾਗੀਰਦਾਰਾਂ, ਵੱਡੇ ਸਰਮੇਦਾਰਾਂ, ਕਾਰਪੋਰੇਟ ਘਰਾਣਿਆਂ ਸਮੇਤ ਵੱਡੇ ਲੁਟੇਰਿਆਂ ਨੂੰ ਗੱਫੇ ਲਵਾਉਣ ਲਈ ਹਕੂਮਤਾਂ ਵੱਲੋਂ ਚੁੱਕੇ ਜਾ ਰਹੇ ਲੋਕ ਦੋਖੀ ਕਦਮਾਂ ਵਿਰੁੱਧ ਉੱਠਦੀਆਂ ਖਰੀਆਂ ਲੋਕ ਲਹਿਰਾਂ 'ਤੇ ਝਪਟਾ ਮਾਰਨ ਲਈ ਅਜਿਹੇ ਗਰੋਹ ਲੋਕ-ਦੋਖੀ ਹਾਕਮਾਂ ਲਈ ਪੈਦਾ ਕਰਨੇ ਉਹਨਾਂ ਦੀ ਲੋਡ਼ ਤੇ ਨੀਤੀ ਦਾ ਹਿੱਸਾ ਹਨ। ਲੋਕਾਂ ਦੀਆਂ ਹੱਕੀ ਲਹਿਰਾਂ 'ਤੇ ਸੱਟ ਮਾਰਨ ਲਈ ਹਾਕਮਾਂ ਵੱਲੋਂ ਇਹਨਾਂ ਗਰੋਹਾਂ ਰਾਹੀਂ ਚੁਣਵੇਂ ਲੋਕ ਆਗੂਆਂ ਨੂੰ ਨਿਸ਼ਾਨਾ ਬਣਾਇਆ ਜਾਂਦਾ ਹੈ। ਸਾਧੂ ਸਿੰਘ ਤਖਤੂਪੁਰਾ ਦਾ ਕਤਲ ਤੇ ਇਸ ਤੋਂ ਪਹਿਲਾਂ ਵਿਦਿਆਰਥੀ ਆਗੂ ਪ੍ਰਿਥੀਪਾਲ ਰੰਧਾਵੇ ਦਾ ਗਿਣ ਮਿਥ ਕੇ ਕਰਵਾਇਆ ਕਤਲ ਇਸੇ ਨੀਤੀ ਦੀਆਂ ਉੱਘਡ਼ਵੀਆਂ ਉਦਾਹਰਨਾਂ ਹਨ। ਇਸ ਲਈ ਧੀਆਂ-ਭੈਣਾਂ ਦੀ ਆਮ-ਇੱਜਤ ਦੀ ਰਾਖੀ ਦੇ ਨਾਲ ਨਾਲ ਲੋਕ ਲਹਿਰਾਂ ਦੀ ਰਾਖੀ ਲਈ ਵੀ ਇਹਨਾਂ ਗੁੰਡਾ ਗਰੋਹਾਂ ਨੂੰ ਨੱਥ ਪਾਉਣ ਤੇ ਉਹਨਾਂ ਦੇ ਸਿਆਸੀ ਪ੍ਰਭੂਆਂ ਨੂੰ ਲੋਕ ਰੋਹ ਦਾ ਨਿਸ਼ਾਨਾ ਬਣਾਉਣਾ ਅਣਸਰਦੀ ਲੋਡ਼ ਹੈ। ਸੋ ਸ਼ਰੂਤੀ ਕਾਂਡ ਨੂੰ ਵੀ ਇਸੇ ਸਮੁੱਚੇ ਪ੍ਰਸੰਗ ਵਿੱਚ ਰੱਖ ਕੇ ਵੇਖਦੇ ਹੋਏ ਘੋਲ ਨੂੰ ਡਟਵਾਂ ਤੇ ਭਰਵਾਂ ਹੁੰਗਾਰਾ ਦਿੱਤਾ ਜਾਣਾ ਚਾਹੀਦਾ ਹੈ। ਇਹਨਾਂ ਜਥੇਬੰਦੀਆਂ ਨੇ ਸਾਫ਼ ਸਾਫ਼ ਕਿਹਾ ਹੈ ਕਿ ਮਾਮਲਾ ਕੋਈ ਵੀ ਹੋਵੇ ਆਖਿਰ ਨੂੰ ਲੋਕ ਸ਼ਕਤੀ ਹੀ ਕਾਰਗਰ ਹਥਿਆਰ ਸਾਬਤ ਹੁੰਦੀ ਹੈ।
ਸ਼ਰੂਤੀ ਦੀ ਵਾਪਸੀ ਤੇ ਗੁੰਡਾ ਗਰੋਹਾਂ ਤੋਂ ਰਾਖੀ ਲਈ ਵਿਸ਼ਾਲ ਲੋਕ ਤਾਕਤ ਦਾ ਯੱਕ ਬੰਨ੍ਹੋ 
ਇਤਿਹਾਸ ਗਵਾਹ ਹੈ ਕਿ ਮਸਲਾ ਚਾਹੇ ਗੁੰਡਾ ਗਰੋਹਾਂ ਤੋਂ ਧੀਆਂ-ਭੈਣਾਂ ਦੀ ਰਾਖੀ ਦਾ ਹੋਵੇ। ਚਾਹੇ ਬਲਾਤਕਾਰੀਆਂ  ਤੇ ਕਾਤਲਾਂ ਨੂੰ ਸਜਾਵਾਂ ਦੁਆਉਣ ਦਾ ਹੋਵੇ। ਭਾਵੇਂ ਹਕੂਮਤ ਤੇ ਜਾਗੀਰੂ ਜਬਰ ਤੇ ਆਰਥਿਕ ਧਾਵੇ ਨੂੰ ਠੱਲਣ ਦਾ ਹੋਵੇ। ਵਿਸ਼ਾਲ ਗਿਣਤੀ ਵਿੱਚ ਜਥੇਬੰਦ ਹੋਈ, ਚੇਤਨ ਤੇ ਦ੍ਰਿਡ਼ ਘੋਲਾਂ ਦੇ ਰਾਹੀਂ ਹਕੂਮਤਾਂ ਤੇ ਗੁੰਡਿਆਂ ਦਾ ਨੱਕ ਵਿੱਚ ਦਮ ਕਰਨ ਵਾਲੀ ਲੋਕ ਸ਼ਕਤੀ ਹੀ ਕਾਰਗਰ ਹਥਿਆਰ ਸਾਬਤ ਹੁੰਦੀ ਹੈ। ਸੋ ਸ਼ਰੂਤੀ ਦੀ ਸੁਰੱਖਿਅਤ ਵਾਪਸੀ ਅਤੇ ਗੁੰਡਾ ਗਰੋਹ ਦੇ ਸਰਗਣੇ ਨਿਸ਼ਾਨ ਸਮੇਤ ਸਭਨਾਂ ਦੋਸ਼ੀਆਂ ਨੂੰ ਸਜ਼ਾ ਦੁਆਉਣ ਲਈ ਲੋਕ ਤਾਕਤ ਦਾ ਇਹ ਦੇਵਤਾ ਹੀ ਬੇਡ਼ਾ ਬੰਨੇ ਲਾ ਸਕਦਾ ਹੈ। ਇਸ ਲਈ ਘੋਲ ਨੂੰ ਵਿਸ਼ਾਲ ਤੇ ਮਜਬੂਤੀ ਬਖਸ਼ਣ ਲਈ ਕਮੇਟੀ ਦਾ ਘੇਰਾ ਵਧਾਉਂਦੇ ਹੋਏ ਸਭਨਾਂ ਜਨਤਕ ਜਮਹੂਰੀ ਜਥੇਬੰਦੀਆਂ ਨੂੰ ਕਮੇਟੀ ਵਿੱਚ ਸ਼ਾਮਲ ਕਰਨ, ਹੁਕਮਰਾਨ ਅਕਾਲੀ-ਭਾਜਪਾ ਸਰਕਾਰ ਤੇ ਪਾਰਟੀਆਂ ਨੂੰ ਦੁਸ਼ਮਣਾਂ ਦੇ ਘੇਰੇ ਵਿੱਚ ਰੱਖ ਕੇ ਘੋਲ ਦਾ ਚੋਟ ਨਿਸ਼ਾਨਾ ਬਣਾਉਣ, ਮੌਕਾਪ੍ਰਸਤ ਤੇ ਲੋਕ ਦੋਖੀ ਸਿਆਸੀ ਪਾਰਟੀਆਂ ਤੋਂ ਸੁਚੇਤ ਰਹਿਣ ਤੇ ਨਿਖੇਡ਼ਾ ਰੱਖਣ ਅਤੇ ਵਿਸ਼ਾਲ ਗਿਣਤੀ ਵਿੱਚ ਵਿਸ਼ੇਸ਼ ਕਰਕੇ ਔਰਤਾਂ ਦੀ ਭਰਵੀਂ ਹਾਜ਼ਰੀ ਨੂੰ ਯਕੀਨੀ ਬਣਾਉਂਦੀਆਂ ਤੇ ਹਕੂਮਤ ਲਈ ਸਿਰਦਰਦੀ ਪੈਦਾ ਕਰਦੀਆਂ ਘੋਲ ਸ਼ਕਲਾਂ ਰਾਹੀਂ ਸੰਘਰਸ਼ ਨੂੰ ਅੱਗੇ ਵਧਾਇਆ ਜਾਣਾ ਚਾਹੀਦਾ ਹੈ। 
ਸੋ ਘੋਲ ਦੀ ਵਿਸ਼ਾਲਤਾ ਦੀ ਇਸੇ ਕਡ਼ੀ ਵਜੋਂ ਅਸੀਂ ਸਭਨਾਂ ਕਿਸਾਨਾਂ, ਖੇਤ ਮਜ਼ਦੂਰਾਂ ਤੇ ਹੋਰਨਾਂ ਸੰਘਰਸ਼ਸ਼ੀਲ ਤੇ ਇਨਸਾਫਪਸੰਦ ਹਿੱਸਿਆਂ ਨੂੰ ਅਪੀਲ ਕਰਦੇ ਹਾਂ ਕਿ ਐਕਸ਼ਨ ਕਮੇਟੀ ਵੱਲੋਂ ਦਿੱਤੇ ਸੱਦੇ ਨੂੰ ਅੱਗੇ ਵਧਾਉਂਦਿਆਂ 24 ਅਕਤੂਬਰ ਦੁਸਹਿਰੇ ਵਾਲੇ ਦਿਨ ਪੰਜਾਬ ਸਰਕਾਰ, ਪੁਲਿਸ ਪ੍ਰਸਾਸ਼ਨ ਅਤੇ ਗੁੰਡਾਗਰੋਹਾਂ ਦੇ ਗੱਠਜੋਡ਼ ਦੇ ਪੁਤਲੇ ਆਪਣੇ ਜ਼ਿਲਾ ਹੈੱਡਕੁਆਟਰਾਂ 'ਤੇ ਫੂਕਣ ਲਈ ਵੱਡੀ ਗਿਣਤੀ ਵਿੱਚ ਸ਼ਾਮਲ ਹੋਵੋ ਤੇ ਮੰਗ ਕਰੋ ਕਿ:
—ਸ਼ਰੂਤੀ ਅਗਵਾ ਕਾਂਡ ਦੇ ਮੁੱਖ ਦੋਸ਼ੀ ਨਿਸ਼ਾਨ ਸਮੇਤ ਸਭਨਾਂ ਦੋਸ਼ੀਆਂ ਨੂੰ ਫੌਰੀ ਗ੍ਰਿਫਤਾਰ ਕਰੋ, ਤੇ ਸ਼ਰੂਤੀ ਨੂੰ ਵਾਪਸ ਲਿਆਓ।
—ਸ਼ਰੂਤੀ ਦੀ ਨਾਮਨਿਹਾਦ ਚਿੱਠੀ ਅਤੇ ਵਿਆਹ ਦੀਆਂ ਫੋਟੋਆਂ ਜਾਰੀ ਕਰਨ ਵਾਲੇ ਡੀ.ਆਈ.ਜੀ  ਉਮਰਾਨੰਗਲ ਅਤੇ ਐਸ.ਐਸ.ਪੀ. ਢਿੱਲੋਂ ਨੂੰ ਮੁਅੱਤਲ ਕਰਕੇ ਗ੍ਰਿਫਤਾਰ ਕਰੋ। 
—ਗੁੰਡਾ ਗਰੋਹ ਦਾ ਪੱਖ ਪੂਰਨ ਵਾਲੇ ਤੇ ਮੌਕੇ ਉਪਰ ਜਾਣ ਬੁੱਝ ਕੇ ਢਿੱਲ ਕਰਨ ਵਾਲੇ ਸਾਰੇ ਪੁਲਿਸ ਅਫਸਰਾਂ ਵਿਰੁੱਧ ਕੇਸ ਦਰਜ ਕਰੋ। 
—ਨਿਸ਼ਾਨ ਦੀ ਪਿੱਠ 'ਤੇ ਖੜ੍ਹੇ ਅਕਾਲੀ ਸਿਆਸੀ ਲੀਡਰਾਂ ਦੀ ਸ਼ਨਾਖਤ ਕਰਕੇ ਲੋਕਾਂ ਸਾਹਮਣੇ ਲਿਆਓ ਤੇ ਸਜ਼ਾਵਾਂ ਦਿਓ।