Showing posts with label Surjit Patar. Show all posts
Showing posts with label Surjit Patar. Show all posts

Monday, September 25, 2017

ਕੀ ਅਜੇ ਵੀ ਸਤਿੰਦਰ ਸੱਤੀ ਹੀ ਹੈ ਪੰਜਾਬ ਆਰਟਸ ਕੌਂਸਿਲ ਦੀ ਚੇਅਰਪਰਸਨ?

ਪੰਜਾਬ ਆਰਟਸ ਕੌਂਸਿਲ ਦੀ ਵੈਬਸਾਈਟ ਅਜੇ ਤੱਕ ਇਹੋ ਦੱਸ ਰਹੀ ਹੈ 
ਚੰਡੀਗੜ੍ਹ//ਲੁਧਿਆਣਾ: 25 ਸਤੰਬਰ 2017: (ਪੰਜਾਬ ਸਕਰੀਨ ਬਿਊਰੋ)::
ਜੇ ਪੰਜਾਬ ਆਰਟਸ ਕੌਂਸਿਲ ਦੀ ਵੈਬਸਾਈਟ 'ਤੇ ਮੌਜੂਦ ਜਾਣਕਾਰੀ ਨੂੰ ਸੱਚ ਮੰਨੀਏ ਤਾਂ ਇਸ ਅਦਾਰੇ ਦੀ ਚੇਅਰਪਰਸਨ ਅਜੇ ਵੀ ਸਤਿੰਦਰ ਸੱਤੀ ਹੀ ਹੈ। ਉਹੀ ਸੱਤੀ ਜੋ ਬਹੁਤ ਹੀ ਵਧੀਆ ਐਂਕਰ ਹੋਣ ਦੇ ਬਾਵਜੂਦ ਇਸ ਨਿਯੁਕਤੀ ਤੋਂ ਲੈ ਕੇ ਹਟਾਏ ਜਾਣ ਤੱਕ ਵਿਵਾਦਾਂ ਵਿੱਚ ਰਹੀ। ਚੇਤੇ ਰਹੇ ਕਿ ਪਿਛੇ ਜਿਹੇ ਪੰਜਾਬ ਦੀ ਸਰਕਾਰ ਬਦਲਣ ਤੋਂ ਬਾਅਦ ਇਸ ਅਹੁਦੇ ਤੋਂ ਸਟੀਨ ਡਰ ਸੱਤੀ ਨੂੰ ਹਟਾ ਕੇ ਪਦਮ ਸ਼੍ਰੀ ਸੁਰਜੀਤ ਪਾਤਰ ਨੂੰ ਇਸ ਅਹੁਦੇ 'ਤੇ ਨਿਯੁਕਤ ਕਰ ਦਿੱਤਾ ਗਿਆ ਸੀ। ਸ਼ਾਇਦ ਪੰਜਾਬ ਆਰਟਸ ਕੌਂਸਿਲ ਦੀ ਇਸ ਵੈਬਸਾਈਟ ਨੂੰ ਅਜੇ ਤੱਕ ਅਪਡੇਟ ਕਰਨ ਦੀ ਲੋੜ ਨਹੀਂ ਸਮਝੀ ਗਈ। ਜੇ ਕੋਈ ਹੋਰ ਮਾਮਲਾ ਹੋਵੇ ਤਾਂ ਆਪਾਂ ਕੀ ਕਹਿ ਸਕਦੇ ਹਾਂ?  

Wednesday, August 23, 2017

ਪਾਤਰ ਨੁੰ ਪੰਜਾਬ ਕਲਾ ਪ੍ਰੀਸ਼ਦ ਦਾ ਚੇਅਰਮੈਨ ਨਿਯੁਕਤ ਕਰਨਾ ਸਹੀ ਫੈਸਲਾ

Wed, Aug 23, 2017 at 2:31 AM
'ਵਿਸ਼ਵ ਪੰਜਾਬੀ ਸਾਹਿਤ ਪੀਠ' ਵੱਲੋਂ ਫੈਸਲੇ ਦੀ ਪ੍ਰਸੰਸਾ  
 ਸਿਡਨੀ: 23 ਅਗਸਤ 2017: (ਪੰਜਾਬ ਸਕਰੀਨ ਬਿਊਰੋ)::
'ਵਿਸ਼ਵ ਪੰਜਾਬੀ ਸਾਹਿਤ ਪੀਠ' ਦੇ ਡਾਇਰੈਕਟਰ ਅਤੇ ਕੇਂਦਰੀ ਪੰਜਾਬੀ ਲੇਖਕ ਸਭਾ ਦੇ ਸਲਾਹਕਾਰ ਡਾ ਅਮਰਜੀਤ ਟਾਂਡਾ ਨੇ ਕਿਹਾ ਕਿ ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਪ੍ਰਸਿੱਧ ਪੰਜਾਬੀ ਸ਼ਾਇਰ ਡਾ ਸੁਰਜੀਤ ਪਾਤਰ ਨੁੰ ਪੰਜਾਬ ਕਲਾ ਪ੍ਰੀਸ਼ਦ ਦਾ ਚੇਅਰਮੈਨ ਨਿਯੁਕਤ ਕਰ ਕੇ ਸਹੀ ਫ਼ੈਸਲਾ ਕੀਤਾ ਹੈ।
ਡਾ ਟਾਂਡਾ ਨੇ ਕਿਹਾ ਕਿ ਪੰਜਾਬ ਦੇ ਸਭਿਆਚਾਰ ਅਤੇ ਸੈਰ ਸਪਾਟਾ ਮਾਮਲਿਆਂ ਬਾਰੇ ਮੰਤਰੀ ਸ ਨਵਜੋਤ ਸਿੰਘ ਸਿੱਧੂ ਦਾ ਲੁਧਿਆਣਾ ਵਿਖੇ ਡਾ ਸੁਰਜੀਤ ਪਾਤਰ ਦੇ ਘਰ ਜਾ ਕੇ ਉਹਨਾਂ ਨੂੰ ਪੰਜਾਬ ਕਲਾ ਪ੍ਰੀਸ਼ਦ ਦੇ ਚੇਅਰਮੈਨ ਨਾਮਜਦ ਕਰਨ ਦਾ ਨਿਯੁਕਤੀ ਪੱਤਰ ਦੇ ਕੇ ਪੰਜਾਬੀ ਸਾਹਿਤ, ਸਭਿਆਚਾਰ ਤੇ ਕਲਾ ਦਾ ਮਾਣ ਵਧਾਇਆ ਹੈ।
ਡਾ ਟਾਂਡਾ ਨੇ ਕਿਹਾ ਕਿ ਡਾ ਸੁਰਜੀਤ ਪਾਤਰ ਦੀ ਨਿਯੁਕਤੀ ਨਾਲ ਪੰਜਾਬ ਕਲਾ ਪ੍ਰੀਸ਼ਦ ਦਾ ਰੁਤਬਾ ਕਈ ਗੁਣਾ ਹੋਰ ਵਧਿਆ ਹੈ।
ਡਾ ਟਾਂਡਾ ਨੇ ਕਿਹਾ ਕਿ ਡਾ ਸੁਰਜੀਤ ਪਾਤਰ ਹੋਰਾਂ ਦੀ ਦੇਖ ਰੇਖ ਹੇਠ ਪੰਜਾਬ ਕਲਾ ਪ੍ਰੀਸ਼ਦ ਸਾਹਿਤ, ਸਭਿਆਚਾਰ ਤੇ ਕਲਾ ਨੂੰ ਪਿੰਡ ਦੀਆਂ ਗਲੀਆਂ ਚ ਲੈ ਕੇ ਜਾਵੇਗੀ ਤੇ ਡਾ ਮਹਿੰਦਰ ਸਿੰਘ ਰੰਧਾਵਾ ਸਾਹਿਬ ਦਾ ਸੁਪਨਾ ਸਾਕਾਰ ਹੋਵੇਗਾ।
ਡਾ ਟਾਂਡਾ ਨੇ ਕਿਹਾ ਕਿ ਜੇ ਇੰਜ਼ ਹੀ ਸਾਰੇ ਵਿਭਾਗਾਂ ਵਿਚ ਅੱਛੇ ਨਾਮਵਰ ਵਿਅਕਤੀਆਂ ਦੀਆਂ ਨਿਯੁਕਤੀਆਂ ਹੋਣ ਤਾਂ ਪੰਜਾਬ ਦੀਆਂ ਦੁਪਹਿਰਾਂ ਸ਼ਾਮਾਂ ਫਿਰ ਨੱਚਣ ਗਾਉਣ ਲੱਗ ਜਾਣਗੀਆਂ ਤੇ ਨਵੀਨ ਰੰਗ ਕਲਾ ਦੀ ਸਿਰਜਣਾ ਹੋਵੇਗੀ। 
ਡਾ ਟਾਂਡਾ ਨੇ ਕਿਹਾ ਕਿ ਡਾ. ਸੁਰਜੀਤ ਪਾਤਰ 'ਵਿਸ਼ਵ ਪੰਜਾਬੀ ਸਾਹਿਤ ਪੀਠ' ਦੇ ਵੀ ਸਰਪਰਸਤ ਹਨ।
ਡਾ ਟਾਂਡਾ ਨੇ ਕਿਹਾ ਕਿ 'ਵਿਸ਼ਵ ਪੰਜਾਬੀ ਸਾਹਿਤ ਪੀਠ' ਸਦਾ ਅਜੇਹੇ ਅੱਛੇ ਫ਼ੈਸਲਿਆਂ ਦਾ ਆਦਰ ਸਤਿਕਾਰ ਕਰਦੀ ਰਹੇਗੀ।
ਡਾ ਟਾਂਡਾ ਨੇ ਕਿਹਾ ਕਿ 'ਵਿਸ਼ਵ ਪੰਜਾਬੀ ਸਾਹਿਤ ਪੀਠ' ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਅਤੇ ਨਵਜੋਤ ਸਿੰਘ ਸਿੱਧੂ ਦੀ ਇਸ ਸੁਚੱਜੇ ਫੈਸਲੇ ਤੇ ਸਤਿਕਾਰ ਕਰਦੀ ਹੈ।

Wednesday, September 14, 2016

ਯਾਦਗਾਰੀ ਰਿਹਾ ਕਲਮ ਕਾਫ਼ਿਲਾ ਦਾ ਰੰਗਾਰੰਗ ਪ੍ਰੋਗਰਾਮ

ਯੰਗ ਰਾਈਟਰਜ਼ ਐਸੋਸੀਏਸ਼ਨ ਨੇ ਕੀਤਾ ਗੋਲਡਨ ਜੁਬਲੀ ਸਮਾਗਮ 
ਲੁਧਿਆਣਾ: 13 ਸਤੰਬਰ 2016: (ਰੈਕਟਰ ਕਥੂਰੀਆ//ਪੰਜਾਬ ਸਕਰੀਨ): 
ਪੱਥਰਾਂ ਵਿੱਚ ਦਿਲ ਨਹੀਂ ਹੁੰਦੇ ਪਰ ਲੱਭਣ ਵਾਲੇ ਪੱਥਰਾਂ ਵਿੱਚੋਂ ਵੀ ਬਹੁਤ ਕੁਝ ਅਜਿਹਾ ਲੱਭ ਲੈਂਦੇ ਹਨ ਜਿਸ ਨਾਲ ਬੇਜਾਨ ਪੱਥਰ ਵੀ ਪੂਜਾ ਘਰ ਵਿੱਚ ਪਹੁੰਚ ਜਾਂਦਾ ਹੈ। ਉਸ ਕੋਲ ਬੈਠਣ ਤੇ ਦਿਲ ਕਰਦਾ ਹੈ। ਉਹ ਰੱਬ ਲੱਗਣ ਲੱਗਦਾ ਹੈ। ਉਸ ਵਿੱਚੋਂ ਕੋਈ ਚੇਹਰਾ ਵੀ ਨਜ਼ਰ ਆਉਣ ਲਗਦਾ ਹੈ ਅਤੇ ਦਿਲ ਦੀ ਧੜਕਣ ਵੀ ਸੁਣਾਈ ਦੇਣ ਲੱਗਦੀ ਹੈ। ਇਹ ਗੱਲ ਵੱਖਰੀ ਹੈ ਕਿ ਇਹ ਧੜਕਣ ਸਾਰਿਆਂ ਨੂੰ ਸੁਣਾਈ ਨਹੀਂ ਦੇਂਦੀ। ਉਸ ਵਿੱਚ ਲੁਕਿਆ ਰੱਬ ਸਭਨਾਂ ਨੂੰ ਦਿਖਾਈ ਭਾਵੇਂ ਦੇਵੇ ਪਰ ਮਹਿਸੂਸ ਨਹੀਂ ਹੁੰਦਾ।  ਜਿਹਨਾਂ ਨੂੰ ਅਜਿਹਾ ਕ੍ਰਿਸ਼ਮਾ ਕਰ ਸਕਣ ਵਾਲੀ ਅੱਖ ਅਤੇ ਭਾਵਨਾ ਕਿਸੇ ਬਖਸ਼ਿਸ਼ ਵਾਂਗ ਮਿਲੀ ਹੁੰਦੀ ਹੈ ਉਹਨਾਂ ਲੋਕਾਂ ਦਾ ਇੱਕ ਸਮਾਗਮ ਅੱਜ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਦੇ ਪਾਲ ਆਡੀਟੋਰੀਅਮ ਵਿੱਚ ਸੀ। 
ਸਵਾਰਥੀ ਹੋ ਚੁੱਕੇ ਸਮਾਜ ਵਿੱਚ ਸੰਵੇਦਨਾ ਦਾ ਸੰਚਾਰ ਕਰਨ ਵਾਲਿਆਂ ਦਾ ਸਮਾਗਮ। ਯੰਗ ਰਾਈਟਰਜ਼ ਐਸੋਸੀਏਸ਼ਨ ਦੇ ਗੋਲਡਨ ਜੁਬਲੀ ਪ੍ਰੋਗਰਾਮ ਵਿੱਚ ਪਹੁੰਚ ਕੇ ਕੁਝ ਅਜਿਹਾ ਹੀ ਮਹਿਸੂਸ ਹੋਇਆ।  ਪਦਮ ਸ਼੍ਰੀ ਡਾਕਟਰ ਸੁਰਜੇਤ ਪਾਤਰ,  ਪ੍ਰਸਿੱਧ ਲੇਖਕ ਡਾਕਟਰ ਗੁਰਭਜਨ ਗਿੱਲ, ਬੜੀ ਹੀ ਸਾਦਗੀ ਨਾਲ ਦਿਲ ਦਿਮਾਗ ਦੀਆਂ ਡੂੰਘੀਆਂ ਗੱਲਾਂ ਕਰਨ ਵਾਲੀ ਸ਼ਾਇਰਾ ਸੁਖਵਿੰਦਰ ਅੰਮ੍ਰਿਤ, ਸਾਹਿਤ-ਪੱਤਰਕਾਰਿਤਾ ਅਤੇ ਸਟੇਜ ਦਰਮਿਆਨ ਇੱਕ ਪੁਲ ਵਾਂਗ ਵਿਚਰ ਕੇ ਬਹੁਤ ਸਾਰੀਆਂ ਲਿਖਤਾਂ ਲਿਖਣ ਵਾਲੇ ਡਾਕਟਰ ਨਿਰਮਲ ਜੌੜਾ,  ਪੀਏਯੂ ਦੇ ਸੰਚਾਰ ਕੇਂਦਰ ਦੀ ਐਡੀਸ਼ਨਲ ਡਾਇਰੈਕਟਰ ਮੈਡਮ ਜਗਦੀਸ਼ ਕੌਰ,  ਪ੍ਰਗਤੀਸ਼ੀਲ ਲਹਿਰ ਨਾਲ ਜੁੜੀ ਲੇਖਿਕਾ ਡਾਕਟਰ ਗੁਰਚਰਨ ਕੌਰ ਕੋਚਰ ਅਤੇ ਯੰਗ ਰਾਈਟਰਜ਼ ਐਸੋਸੀਏਸ਼ਨ ਦੀ ਮੌਜੂਦਾ ਪ੍ਰਧਾਨ ਡਾਲਟਰ ਦੇਵਿੰਦਰ ਕੋਚਰ ਦਿਲਰੂਪ ਵਰਗੀਆਂ ਕਈ ਪ੍ਰਮੁੱਖ ਸ਼ਖਸੀਅਤਾਂ ਨੇ ਕਵਿਤਾ ਦੇ ਨਾਲ ਨਾਲ ਕਾਵਿ ਸੰਵੇਦਨਾ ਦੀ ਕੈਮਿਸਟਰੀ, ਜ਼ਿੰਦਗੀ ਚੋਂ ਮਿਲਦੇ ਜ਼ਹਿਰ ਨੂੰ ਅੰਮ੍ਰਿਤ ਬਣਾ ਕੇ ਵਾਪਿਸ ਮੋੜਨ ਦੀ ਕਲਾ ਬਾਰੇ ਬਹੁਤ ਸਾਰੀਆਂ ਗੱਲਾਂ ਕੀਤੀਆਂ। 
ਡਾਕਟਰ ਸੁਰਜੀਤ ਪਾਤਰ ਹੁਰਾਂ ਨੇ ਪ੍ਰੋਫੈਸਰ ਮੋਹਨ ਸਿੰਘ ਹੁਰਾਂ ਤੋਂ ਲੈ ਕੇ ਹੁਣ ਤੱਕ ਦੇ ਮੌਜੂਦਾ ਦੌਰ ਦੀਆਂ ਕਈ ਗੱਲਾਂ ਯਾਦ ਕਰਾਈਆਂ। ਪ੍ਰੋਫੈਸਰ ਗੁਰਭਜਨ ਗਿੱਲ ਹੁਰਾਂ ਨੇ ਮੰਚ ਤੋਂ ਬਹੁਤ ਸਾਰੀਆਂ ਗੱਲਾਂ ਯਾਦ ਕਰਾਈਆਂ। ਡਾਕਟਰ ਐਸ ਐਨ ਸੇਵਕ ਹੁਰਾਂ ਦੀ ਦੇਣ ਬਾਰੇ ਵੀ ਕਈ ਵਾਰ ਚਰਚਾ ਹੋਈ। ਉਹ 1990 ਤੋਂ 1996 ਤੱਕ ਇਸ ਸੰਗਠਨ ਯੰਗ ਰਾਈਟਰਜ਼ ਐਸੋਸੀਏਸ਼ਨ ਦੇ ਪ੍ਰਧਾਨ ਰਹੇ। 
ਡਾਕਟਰ ਪਾਤਰ ਨੇ ਦੱਸਿਆ ਕਿ ਅਸਲ ਵਿੱਚ ਕਵਿਤਾ ਆਪਣੇ ਹਾਲ ਦਾ ਬਿਆਨ ਹੀ ਹੁੰਦਾ ਹੈ ਜਿਵੈਂ ਸ਼ਿਵ ਕੁਮਾਰ ਨੇ ਆਖਿਆ ਸੀ ਕੀ ਪੁੱਛਦੇ ਹੋ ਹਾਲ ਫਕੀਰਾਂ ਦਾ,
ਸਦਾ ਨਦੀਓਂ ਵਿਛੜੇ ਨੀਰਾਂ ਦਾ !
ਉਹਨਾਂ ਇਸੇ ਸੰਦਰਭ ਵਿੱਚ ਆਪਣੇ ਇੱਕ ਬਹੁਤ ਹੀ ਹਰਮਨ ਪਿਆਰੇ ਸ਼ੇਅਰ ਦਾ ਵੀ ਜ਼ਿਕਰ ਕੀਤਾ:
ਸੁੰਨੇ ਸੁੰਨੇ ਰਾਹਾਂ ਵਿੱਚ ਕੋਈ ਕੋਈ ਪੈੜ ਏ,
ਦਿਲ ਹੀ ਉਦਾਸ ਹੈ ਜੀ ਬਾਕੀ ਸਭ ਖੈਰ ਏ !
ਉਹਨਾਂ ਕਿਹਾ ਕਿ ਕਵਿਤਾ ਉਸ ਸਰਕਸ ਵਿੱਚ ਕਲਾਬਾਜ਼ਾਂ ਹੇਠਾਂ ਲੱਗੇ ਉਸ ਜਾਲ ਵਾਂਗ ਹੁੰਦੀ ਹੈ ਜਿਹੜਾ ਉਹਨਾਂ ਨੂੰ ਡਿੱਗਣ 'ਤੇ ਵੀ ਸੱਟ ਨਹੀਂ ਲੱਗਣ ਦੇਂਦਾ। ਕਵਿਤਾ ਜ਼ਿੰਦਗੀ ਦੀ ਅਸਲ ਸਰਕਸ ਵਿਛਕ ਵੀ ਸਾਨੂੰ ਸਹਾਰਾ ਦੇਂਦੀ ਹੈ।  ਜਦੋਂ ਹਰ ਪਾਸੇ ਹਨੇਰਾ ਹੋਵੇ ਜਾਂ ਕਿਤੇ ਬੰਦਾ ਡਿੱਗ ਪਵੇ ਤਾਂ ਕੋਈ ਕਾਵਿ ਸਤਰ ਸਾਨੂੰ ਹੋਂਸਲਾ ਦੇ ਕੇ ਬਚਾ ਲੈਂਦੀ ਹੈ। ਉਹਨਾਂ ਪ੍ਰੋਫੈਸਰ ਮੋਹਨ ਸਿੰਘ ਨਾਲ ਆਪਣੀਆਂ ਬਹੁਤ ਸਾਰੀਆਂ ਦਿਲਚਸਪ ਯਾਦਾਂ ਵੀ ਸਾਂਝੀਆਂ ਕੀਤੀਆਂ। 
ਵਿਦਿਆਰਥੀਆਂ ਨੇ ਭੰਗੜੇ ਸਮੇਤ ਬਹੁਤ ਸਾਰੀਆਂ ਸੱਭਿਆਚਾਰਕ ਆਈਟਮਾਂ ਵੀ ਤਿਆਰ ਕੀਤੀਆਂ ਸਨ ਜਿਹਨਾਂ ਨੇ ਸਾਰੇ ਮਾਹੌਲ ਨੂੰ ਸੰਗੀਤਕ ਬਣਾਈ ਰੱਖਿਆ। ਇਸਦੇ ਨਾਲ ਹੀ ਇਹਨਾਂ ਆਈਟਮਾਂ ਨੇ ਚੇਤਨਾ ਵੀ ਜਗਾਈ। ਕੁਲ ਮਿਲਾ ਕੇ ਇਹ ਇੱਕ ਯਾਦਗਾਰੀ ਸਮਾਗਮ ਸੀ। 

Sunday, June 12, 2016

ਦੁਖਤਰ ਦੇ ਬਹਾਨੇ ਇਕੱਤਰ ਹੋਏ ਪੰਜਾਬ ਦੇ ਦਰਦ ਨਾਲ ਤੜਪ ਰਹੇ ਲੋਕ

ਰਲੀਜ਼ ਕਰਨ ਦੀ ਰਸਮ ਨਿਭਾਈ ਡਾਕਟਰ ਸੁਰਜੀਤ ਪਾਤਰ ਨੇ
 ਲੁਧਿਆਣਾ: 11 ਜੂਨ 2016: (ਪੰਜਾਬ ਸਕਰੀਨ ਬਿਊਰੋ): 
ਕੁਝ ਲੋਕ ਅਜਿਹੇ ਨਿਕਲੇ-ਜਿਹੜੇ ਪੰਜਾਬ ਦਾ ਪਾਣੀ ਪੀ ਕੇ, ਇਸਦਾ ਅੰਨ ਖਾ ਕੇ, ਇਸਦੀ ਹਵਾ ਵਿੱਚੇ ਸਾਹ ਲੈ ਕੇ ਇਸ ਨਾਲ ਧ੍ਰੋਹ ਕਮਾਉਂਦੇ ਰਹੇ। ਪੰਜਾਬੀ ਹੋ ਕੇ ਵੀ ਪੰਜਾਬੀ ਹੋਣ ਤੋਂ ਮੁਨਕਰ ਹੁੰਦੇ ਰਹੇ। ਸਿਆਸੀ ਆਕਾਵਾਂ ਦੇ ਨਿਸ਼ਾਨੇ ਪੂਰੇ ਕਰਨ ਲਈ ਉਹਨਾਂ ਆਪਣੀ ਜ਼ਮੀਰ ਵੀ ਮਾਰ ਲਈ ਅਤੇ ਧਰਮ ਕਰਮ ਵੀ ਭੁਲਾ ਦਿੱਤਾ। ਕੁਝ ਲੋਕ ਅਜਿਹੇ ਨਿਕਲੇ-ਜਿਹੜੇ ਪੰਜਾਬ ਦੀ ਹੱਸਦੀ ਵੱਸਦੀ ਧਰਤੀ ਦੇ ਸਭਿਆਚਾਰ ਨੂੰ ਲਾਂਬੂ ਲਾਉਣ ਤੁਰ ਪਏ। ਜਦੋਂ ਸੁਆਲ ਉਹਨਾਂ ਦੇ ਖੁਦ ਦਾ ਆਇਆ ਤਾਂ ਪਤਾ ਲੱਗਿਆ-ਅੱਗ ਲਾ ਕੇ ਆਪ ਡੱਬੂ ਕੰਧ ਉੱਤੇ ਜਾ ਚੜ੍ਹਿਆ। ਪੰਜਾਬ ਲਹੂਲੁਹਾਨ ਹੁੰਦਾ ਰਿਹਾ। ਪੰਜਾਬ ਬਾਰ ਬਾਰ ਟੁਕੜੇ ਹੁੰਦਾ ਰਿਹਾ। ਪੰਜਾਬ ਬਾਰ ਬਾਰ ਜ਼ਿਆਦਤੀਆਂ ਦਾ ਸ਼ਿਕਾਰ ਹੁੰਦਾ ਰਿਹਾ 'ਤੇ ਵਪਾਰਕ ਸੋਚ ਵਾਲੇ ਆਪਣੇ ਮੁਨਾਫਿਆਂ ਦਾ ਹਿਸਾਬ ਕਿਤਾਬ ਲਾਉਂਦੇ ਰਹੇ। 
ਦੂਜੇ ਪਾਸੇ ਕੁਝ ਅਜਿਹੇ ਵੀ ਮੌਜੂਦ ਰਹੇ ਜਿਹੜੇ ਦੂਰ ਬੈਠ ਕੇ ਵੀ ਇਸ ਦਰਦ ਨੂੰ ਮਹਿਸੂਸ ਕਰਦੇ ਰਹੇ। ਇਹਨਾਂ ਜਾਗਦੀ ਜ਼ਮੀਰ ਵਾਲੇ ਕੁਝ ਪੰਜਾਬੀਆਂ ਵਿੱਚੋਂ ਕੁਝ ਇਕੱਤਰ ਹੋਏ ਲੁਧਿਆਣਾ ਦੇ ਸਰਾਭਾ ਨਗਰ ਦੀ ਮੇਨ ਮਾਰਕੀਟ ਵਿੱਚ ਸਥਿਤ ਹੋਟ  ਬ੍ਰੈਡ ਵਿਖੇ। ਥਾਂ ਥੋਹੜੀ ਸੀ ਪਰ ਜਿਹੜੇ ਜਿਹੜੇ ਵੀ ਪੁੱਜੇ ਹੋਏ ਸਨ ਉਹਨਾਂ ਦੇ ਦਿਲ ਵੱਡੇ ਸਨ। ਮੇਲ ਮੌਕਾ ਡਾਕਟਰ ਸੋਨੀਆ ਦੀ ਹਿੰਦੀ ਪੁਸਤਕ "ਦੁਖਤਰ"--ਅਰਥਾਤ ਬੇਟੀ---ਮਤਲਬ ਦੁੱਖਾਂ ਤੋਂ ਤਾਰਨ ਵਾਲੀ। ਇਹ ਇੱਕ ਉਰਦੂ ਸ਼ਬਦ ਹੈ ਅਤੇ ਦੱਸਦਾ ਹੈ ਕਿ ਡਾਕਟਰ ਸੋਨੀਆ ਨੂੰ ਹਿੰਦੀ ਪੰਜਾਬੀ ਦੇ ਨਾਲ ਉਰਦੂ ਵਿੱਚ ਮੁਹਾਰਤ ਹੈ। ਤੁਸੀਂ ਹੈਰਾਨ ਹੋ ਸਕਦੇ ਹੋ ਪਰ ਸ਼ਾਇਰੀ ਦੇ ਨਾਲ ਨਾਲ ਡਾਕਟਰ ਸੋਨੀਆ ਅਰਥ ਸ਼ਾਸਤਰ ਵਿੱਚ ਵੀ ਨਿਪੁੰਨ ਹੈ, ਐਂਕਰਿੰਗ ਵਿੱਚ ਵੀ ਅਤੇ ਕੱਥਕ ਨ੍ਰਿਤ ਵਿੱਚ ਵੀ। ਹੰਸੂ ਹੰਸੂ ਕਰਦੇ ਇਸ ਮੁਸਕਰਾਉਂਦੇ ਚੇਹਰੇ ਤੇ ਕਿਸੇ ਕਿਸੇ ਵੇਲੇ ਇੱਕ ਦਰਦ ਦੀ ਰੇਖਾ ਜਿਹੀ ਉਭਰਦੀ ਹੈ ਜਿਸ ਨਾਲ ਮਧੂਬਾਲਾ ਯਾਦ ਆ ਜਾਂਦੀ ਹੈ। ਇਹ ਦਰਦ ਪੰਜਾਬ ਦਾ ਦਰਦ ਹੈ। ਨਸ਼ਿਆਂ ਵਿੱਚ ਡੁੱਬੇ ਪੰਜਾਬ ਦਾ ਦਰਦ, ਰਾਂਗਲੇ ਪੰਜਾਬ ਦੇ ਗੁੰਮ ਹੋ ਜਾਣ ਦਾ ਦਰਦ, ਜਿਹੜਾ ਪੰਜਾਬ ਖੁਸ਼ਹਾਲੀ ਲਈ ਪ੍ਰਸਿਧ ਸੀ ਉਸ ਵਿੱਚ ਆਏ ਦਿਨ ਹੋ ਰਹੀਆਂ ਖੁਦਕੁਸ਼ੀਆਂ ਦਾ ਦਰਦ।  ਆਏ ਦਿਨ ਰੇਪ ਦੀਆਂ ਘਟਨਾਵਾਂ ਤੋਂ ਪਤਾ ਲੱਗਦੇ ਇਖਲਾਕੀ ਨਿਘਾਰ ਦਾ ਦਰਦ। ਇਹ ਦਰਦ ਡਾਕਟਰ ਸੋਨੀਆ ਨੂੰ ਫਿਰ ਪੰਜਾਬ ਲੈ ਆਇਆ। 
ਕਿਤਾਬ ਦੀ ਰਲੀਜ਼ਿੰਗ ਤਾਂ ਅਸਲ ਵਿੱਚ ਇੱਕ ਬਹਾਨਾ ਸੀ।  ਇਸ ਕਿਤਾਬ ਨੇ ਪੰਜਾਬ ਦੇ ਦਰਦ ਨਾਲ ਤੜਪ ਰਹੇ ਪੰਜਾਬੀਆਂ ਨੂੰ ਇੱਕ ਮੰਚ 'ਤੇ ਲੈ ਆਂਦਾ ਸੀ ਜਿਹੜੇ ਇੱਕ ਦੂਜੇ ਨੂੰ ਹੋਂਸਲਾ ਦੇਂਦੇ ਹੋਏ ਯਕੀਨ ਦੁਆ ਰਹੇ ਸਨ ਕਿ ਅਸੀਂ ਪੰਜਾਬ ਨੂੰ ਫਿਰ ਪਹਿਲਾਂ ਵਰਗਾ ਬਣਾ ਦਿਆਂਗੇ। 
ਕਿਤਾਬ ਰਲੀਜ਼ ਕੀਤੀ ਡਾਕਟਰ ਸੁਰਜੀਤ ਪਾਤਰ ਨੇ। ਇਸ ਵਿੱਚ ਆਮ ਆਦਮੀ ਪਾਰਟੀ ਦੀ ਰਾਜਿੰਦਰ ਪਾਲ ਕੌਰ ਵੀ ਸੀ। ਕਲਮੀ ਦੁਨੀਆ ਦੇ ਪੁਰਾਣੇ ਹਸਤਾਖਰ ਕਿਰਪਾਲ ਸਿੰਘ ਚੌਹਾਨ ਵੀ ਅਤੇ ਬਹੁਤ ਸਾਰੀਆਂ ਹੋਰ ਸ਼ਖਸੀਅਤਾਂ ਵੀ। ਕੁਲ ਮਿਲਾ ਕੇ ਕੁਝ ਓਹ ਲੋਕ ਆ ਮਿਲੇ ਜਿਹੜੇ ਪੰਜਾਬ ਨੂੰ ਬਦਲਣ ਲਈ ਦ੍ਰਿੜ ਸੰਕਲਪ ਹਨ। ਇਸ ਮਕਸਦ ਲਈ ਕਲਮ ਨੂੰ ਵੀ ਹਥਿਆਰ ਬਣਾਇਆ ਜਾਵੇਗਾ, ਰੰਗਮੰਚ ਨੂੰ ਵੀ ਅਤੇ ਫਿਲਮਸਾਜ਼ੀ ਨੂੰ ਵੀ। 

Friday, February 05, 2016

ਗੱਜਣਮਾਜਰਾ (ਮਲੇਰਕੋਟਲਾ) 'ਚ ਫਿਰ ਰੋਸ਼ਨ ਹੋਈ ਲੋਕ ਸਾਹਿਤ ਦੀ ਮਸ਼ਾਲ

ਸੁਰਜੀਤ ਪਾਤਰ ਬਣੇ ਆਕਰਸ਼ਨ ਦਾ ਮੁੱਖ ਕੇਂਦਰ 
ਮਨਵਿੰਦਰ ਸਿੰਘ ਗਿਆਸਪੁਰਾ ਨੇ ਕਹੀ ਸ਼ਬਦਾਂ ਨੂੰ ਹਥਿਆਰ ਬਣਾਉਣ ਦੀ ਗੱਲ 
ਗੱਜਣਮਾਜਰਾ (ਮਲੇਰਕੋਟਲਾ) ਤੋਂ ਪਰਤ ਕੇ ਰੈਕਟਰ ਕਥੂਰੀਆ:
ਕਾਲਜਾਂ ਅਤੇ ਹੋਰਨਾਂ ਵਿਦਿਅਕ ਅਦਾਰਿਆਂ ਵਿੱਚ ਫੈਸ਼ਨ ਸ਼ੋਅ ਜਹੇ ਚਮਕ ਦਮਕ ਵਾਲੇ ਆਯੋਜਨ ਤਾਂ ਅਕਸਰ ਹੁੰਦੇ ਰਹਿੰਦੇ ਹਨ ਪਰ ਮਸਤਕ ਵਿੱਚ ਲੁਕੇ ਤੀਜੇ ਨੇਤਰ  ਨੂੰ ਖੋਹਲਣ ਵਾਲੇ ਸਾਹਿਤ ਦੀ ਚਰਚਾ ਹੁਣ ਅਲੋਪ ਹੁੰਦੀ ਜਾ ਰਹੀ ਹੈ। ਇਸ ਚਿੰਤਾਜਨਕ ਵਰਤਾਰੇ ਨੂੰ ਮਹਿਸੂਸ ਕੀਤਾ ਮਲੇਰਕੋਟਲਾ ਇਲਾਕੇ ਵਿੱਚ ਪੈਂਦੇ ਤਾਰਾ ਵਿਵੇਕ ਕਾਲਜ ਪ੍ਰਬੰਧਕਾਂ ਨੇ ਅਤੇ ਇਸ ਰੁਝਾਣ ਨੂੰ ਮੁੜ ਸੁਰਜੀਤ ਕਰਨ ਲਈ ਕਰਾਇਆ ਪਾਇਨਿਯਰ ਸੀਨੀਅਰ ਸੈਕੰਡਰੀ ਸਕੂਲ ਗੱਜਣਮਾਜਰਾ ਦੇ ਖੁੱਲੇ ਮੈਦਾਨ ਵਿੱਚ ਇੱਕ ਖਾਸ੍ਵ ਸਮਾਗਮ।  ਇਹ ਸੀ ਲੋਕਾਂ ਵਿੱਚ ਜਾਗ੍ਰਤੀ ਲਿਆਉਣ ਵਾਲਾ ਯਾਦਗਾਰੀ ਕਵੀ ਦਰਬਾਰ। ਦਿਲਾਂ ਨੂੰ ਹਲੂਣਾ ਦੇਂਦੇ ਬੋਲ, ਦਿਮਾਗ ਨੂੰ ਸੋਚਣ ਲਈ ਮਜਬੂਰ ਕਰਦੇ ਅੰਦਾਜ਼, ਤਬਾਹ ਹੋ ਰਹੇ ਪੰਜਾਬ ਨੂੰ ਬਚਾਉਣ ਲਈ ਵਾਸਤੇ ਪਾਉਂਦੇ ਸਿਧੇ ਸਾਧੇ ਸ਼ਬਦ ਇੱਕ ਨਵਾਂ ਸਮਾਜ ਸਿਰਜਣ ਵਾਲਾ ਮਾਹੌਲ ਤਿਆਰ ਕਰ ਰਹੇ ਸਨ। ਦਰਬਾਰੀ ਰਾਗ ਗਾਉਣ ਵਾਲੇ ਕਲਮਕਾਰਾਂ ਤੋਂ ਦੂਰੀ ਰੱਖਦਿਆਂ ਸੱਦਾ ਦਿੱਤਾ ਗਿਆ ਸੀ ਉਹਨਾਂ ਸ਼ਾਇਰਾਂ ਅਤੇ ਗੀਤਕਾਰਾਂ ਨੂੰ ਜਿਹਨਾਂ ਨੇ ਚੇਤੇ ਰੱਖਿਆ ਹੋਇਆ ਹੈ ਕਿ ਗਾਇਕ ਅਤੇ ਕਲਮਕਾਰ ਨੇ ਹਰ ਹਾਲਤ ਵਿੱਚ ਸਚ ਹੀ ਬੋਲਣਾ ਹੁੰਦਾ ਹੈ। ਇਸ ਮੌਕੇ ਹੋਂਦ ਚਿਲੜ ਵਾਲਾ ਸਚ ਸਾਹਮਣੇ ਲਿਆਉਣ ਲਈ ਇੱਕ ਲੱਖ ਰੁਪਏ ਮਹੀਨਾ ਦੀ ਨੌਕਰੀ ਗੁਆ ਕੇ ਸਚ ਬੋਲਣ ਵਾਲੇ ਇੰਜੀਨੀਅਰ ਮਨਵਿੰਦਰ ਸਿੰਘ ਗਿਆਸਪੁਰਾ ਨੂੰ ਵੀ ਉਚੇਚੇ ਸਨਮਾਨਿਤ ਕੀਤਾ ਗਿਆ। ਪਦਮਸ਼੍ਰੀ ਸੁਰਜੀਤ ਪਾਤਰ ਅਤੇ ਪ੍ਰੋਫੈਸਰ ਕਰਮਜੀਤ ਕੌਰ ਨੇ ਆਪਣੀਆਂ ਰਚਨਾਵਾਂ ਨਾਲ ਲੋਕ ਦੁਸ਼ਮਣਾਂ ਵੱਲ ਨਿਸ਼ਾਨਾ ਸੇਧਿਆ ਅਤੇ ਮਨਵਿੰਦਰ ਸਿੰਘ ਗਿਆਸਪੁਰਾ ਨੇ ਵੀ ਸ਼ਬਦਾਂ ਨੂੰ ਹਥਿਆਰ ਬਣਾਉਣ ਦੀ ਗੱਲ ਕਹੀ। ਇਸ ਸੰਸਥਾ ਦੇ ਸੰਚਾਲਕ ਜਸਵੰਤ ਮੰਡੇਰ ਨੇ ਆਪਣੇ ਭਾਸ਼ਣ ਦੌਰਾਨ ਲੋਕਾਂ ਦੀਆਂ ਅੱਖਾਂ ਵਿੱਚ ਹੰਝੂ ਲੈ ਆਂਦੇ।  ਨਿਸਚੇ ਹੀ ਅੱਜ ਦੇ ਸਮਾਗਮ ਮਗਰੋਂ ਬਹੁਤ ਸਾਰੇ ਵਿਦਿਆਰਥੀ ਇਸ ਨਿਘਰ ਰਹੇ ਸਮਾਜ ਨੂੰ ਬਚਾਉਣ ਲਈ  ਕੁਝ ਉਪਰਾਲੇ ਕਰਨ ਦਾ ਸੰਕਲਪ ਕਰਕੇ ਘਰ ਗਏ  ਹੋਣਗੇ। ਗਾਇਕ ਜਸਵੰਤ ਧਾਲੀਵਾਲ ਨੇ ਆਪਣੇ ਸੁਰੀਲੇ ਅੰਦਾਜ਼ ਨਾਲ ਸਾਰੇ ਸਰੋਤਿਆਂ ਨੂੰ ਆਪਣੇ ਨਾਲ ਤੋਰ ਲਿਆ। ਗੁਲਜ਼ਾਰ ਸਿੰਘ ਹਥੋਆ, ਗੁਰਮੀਤ ਸਿੰਘ ਰੁੜਕੀ ਕਲਾਂ ਅਤੇ ਜਸਵੰਤ ਸਿੰਘ ਬਮਾਲ ਦੇ ਕਵੀਸ਼ਰੀ ਜੱਥੇ ਨੇ ਨਸ਼ਿਆਂ ਕਾਰਨ ਹੋ ਰਹੀ ਤਬਾਹੀ ਦੇ ਸਿੱਟਿਆਂ ਬਾਰੇ ਬੜੇ ਹੀ ਪ੍ਰਭਾਵਸ਼ਾਲੀ ਅਤੇ ਸੰਗੀਤਕ ਢੰਗ ਨਾਲ ਹਲੂਣਾ ਦਿੱਤਾ। 

Sunday, May 31, 2015

“ਮਾਂ-ਬੋਲੀ ਪੰਜਾਬੀ ਪ੍ਰਤੀ ਸੁਚੇਤ ਹੋਣ ਦੀ ਲੋੜ” - ਸੁਰਜੀਤ ਪਾਤਰ

Sun, May 31, 2015 at 5:12 PM
ਦਰਜਾਬੰਦੀਆਂ ਕਾਰਨ ਪਛੜ ਰਹੀ ਹੈ ਪੰਜਾਬੀ ਭਾਸ਼ਾ 
ਦਸੂਹਾ: 31 ਮਈ 2015:  (ਪੰਜਾਬ ਸਕਰੀਨ ਬਿਊਰੋ):

ਭਾਸ਼ਾ ਦੀਆਂ ਦਰਜਾਬੰਦੀਆਂ ਕਾਰਨ ਪੰਜਾਬੀ ਭਾਸ਼ਾ ਪੱਛੜਦੀ ਜਾ ਰਹੀ ਹੈ ਤੇ ਜੇਕਰ ਅਸੀਂ ਆਪਣੀ ਮਾਂ-ਬੋਲੀ ਪ੍ਰਤੀ ਸਮਾਂ ਰਹਿੰਦੇ ਹੀ ਜਾਗਰੂਕ ਨਾ ਹੋਏ ਤਾਂ ਪੰਜਾਬੀ ਪ੍ਰਤੀ ਪ੍ਰਗਟਾਏ ਜਾ ਰਹੇ ਤੌਖਲੇ ਆਉਣ ਵਾਲੇ ਸਮੇਂ ਵਿੱਚ ਸੱਚ ਸਾਬਤ ਹੋ ਸਕਦੇ ਹਨ | ਪੰਜਾਬੀ ਦੇ ਸਿਰਮੌਰ ਸ਼ਾਇਰ ਸੁਰਜੀਤ ਪਾਤਰ ਨੇ ਇਹਨਾਂ ਵਿਚਾਰਾਂ ਦਾ ਪ੍ਰਗਟਾਵਾ ਸਾਹਿਤ ਸਭਾ ਦਸੂਹਾ ਗੜ੍ਹਦੀਵਾਲਾ ( ਰਜਿ.) ਅਤੇ ਦਿਲਬੱਰ ਯੂਥ ਅਤੇ ਸਾਹਿਤਕ ਮੰਚ (ਰਜਿ:) ਵੱਲੋਂ ਕੇਂਦਰੀ ਪੰਜਾਬੀ ਲੇਖਕ ਸਭਾ  ਦੇ ਸਹਿਯੋਗ ਨਾਲ ਪ੍ਰਵਾਸੀ ਸ਼ਾਇਰ ਇੰਦਰਜੀਤ ਸਿੰਘ ਧਾਮੀ ਦੀ ਕਾਵਿ ਪੁਸਤਕ ਦੀ ਰੀਲੀਜ਼ ਸਮਾਰੋਹ ਉਪਰੰਤ “ ਪੰਜਾਬੀ ਜੁਬਾਨ-ਅੱਜ ਦੇ
ਸੰਦਰਭ ਵਿੱਚ ਚਿੰਤਾ “ ਵਿਸ਼ੇ ਤੇ ਕੀਤੀ ਪੱਤਰਕਾਰ ਮਿਲਣੀ ਦੌਰਾਨ ਕੀਤਾ । ਉਹਨਾਂ ਨਿੱਜੀ ਸਕੂਲਾਂ ਵਿੱਚ ਪੰਜਾਬੀ ਭਾਸ਼ਾ ਨੂੰ ਬਣਦਾ ਮਾਣ-ਸਤਿਕਾਰ ਦੇਣ ਦੀ ਲੋੜ ਉੱਤੇ ਜ਼ੋਰ ਦਿੰਦੇ ਹੋਏ ਕਿਹਾ ਕਿ ਜੇਕਰ ਇਹ ਅਦਾਰੇ ਪੰਜਾਬੀ ਨੂੰ ਪਹਿਲ ਨਹੀਂ ਦੇ ਸਕਦੇ ਤਾਂ ਘੱਟੋ-ਘੱਟ ਹੋਰਨਾਂ ਭਾਸ਼ਾਵਾਂ ਦੀ ਬਰਾਬਰੀ ਉੱਤੇ ਤਾਂ ਲਿਆਉਣ | ਇਹ ਅਟੱਲ ਸੱਚਾਈ ਹੈ ਕਿ ਜਿਹੜਾ ਵਿਦਿਆਰਥੀ ਪੰਜਾਬੀ ਜੁਬਾਨ ਨਹੀ ਪੜ੍ਹਦਾ, ਉਹ ਅਫ਼ਸਰ ਜਾਂ ਕਲਰਕ ਤਾਂ ਬਣ ਸਕਦਾ ਹੈ, ਪਰ ਕਦੇ ਵੀ ਮੌਲਿਕ ਚਿੰਤਕ ਅਤੇ ਵਿਦਵਾਨ ਨਹੀ ਬਣ ਸਕਦਾ । ਉਹਨਾਂ ਕਿਹਾ ਹੈ ਕਿ ਸਰਕਾਰ ਵੱਲੋਂ ਪੰਜਾਬੀ ਭਾਸ਼ਾ ਸਬੰਧੀ ਬਣਾਇਆ ਗਿਆ ਐਕਟ ਕੇਵਲ ਦਿਖਾਵੇ ਲਈ ਹੈ  ਅਤੇ ਇਸ ਨੂੰ ਅਮਲੀ ਤੌਰ ਉੱਤੇ ਲਾਗੂ ਨਹੀਂ ਕੀਤਾ ਜਾ ਰਿਹਾ ਹੈ | ਇਸ ਸਮੇਂ ਕੇਂਦਰੀ ਪੰਜਾਬੀ ਲੇਖਕ ਸਭਾ ਦੇ ਜਨਰਲ ਸਕੱਤਰ ਡਾ. ਕਰਮਜੀਤ ਸਿੰਘ ਨੇ ਕਿਹਾ ਕਿ ਅਸੀਂ ਆਪਣੇ ਅੰਤਰੀਵ ਭਾਵ ਜਿੰਨੇ ਵਧੀਆ ਤਰੀਕੇ ਨਾਲ ਪੰਜਾਬੀ ਵਿੱਚ ਪ੍ਰਗਟਾ ਸਕਦੇ ਹਾਂ, ਓਨੇ ਹੋਰ ਕਿਸੇ ਭਾਸ਼ਾ ਵਿਚ ਨਹੀਂ ,ਇਸ ਲਈ ਮਾਂ-ਬੋਲੀ ਪੰਜਾਬੀ ਨੂੰ ਸਰਕਾਰੇ-ਦਰਬਾਰੇ ਬਣਦਾ ਮਾਣ-ਸਨਮਾਨ ਦਿਵਾਉਣ ਲਈ ਸਰਕਾਰੀ ਤੇ ਗੈਰ-ਸਰਕਾਰੀ ਪੱਧਰ ਉੱਤੇ ਪਿਛਲੇ ਕਾਫੀ ਸਮੇਂ ਤੋਂ ਕੇਂਦਰੀ ਪੰਜਾਬੀ ਲੇਖਕ ਸਭਾਵਾਂ ਵੱਲੋਂ ਕੋਸ਼ਿਸ਼ਾਂ ਕੀਤੀਆਂ ਜਾ ਰਹੀਆਂ ਹਨ ਤੇ ਇਹਨਾਂ ਕੋਸ਼ਿਸ਼ਾਂ ਦਾ ਸਾਥ ਦੇਣ ਦਾ ਫ਼ਰਜ਼ ਸਾਰੇ ਮਾਂ-ਬੋਲੀ ਦਾ ਚਿੰਤਕਾਂ ਅਤੇ ਪੰਜਾਬੀਆਂ ਦਾ ਹੈ  |
ਪੱਤਰਕਾਰ ਮਿਲਣੀ ਦੌਰਾਨ ਹਾਜ਼ਿਰ ਕੇਂਦਰੀ ਪੰਜਾਬੀ ਲੇਖਕ ਸਭਾ ਦੇ ਸੀਨੀਅਰ ਮੀਤ ਪ੍ਰਧਾਨ ਸੁਲੱਖਣ ਸਰਹੱਦੀ ਨੇ ਕਿਹਾ ਕਿ ਆਈ. ਸੀ. ਐਸ. ਈ. ਅਤੇ ਸੀ. ਬੀ. ਐਸ. ਈ. ਵਾਲੇ ਕੁੱਝ ਸਕੂਲਾਂ ਵਿੱਚ ਮਾਂ-ਬੋਲੀ ਪੰਜਾਬੀ ਬੋਲਣ ਉੱਤੇ ਲਗਾਈ ਗਈ ਪਾਬੰਦੀ ਬੱਚਿਆਂ ਦੇ ਮੌਲਿਕ ਅਧਿਕਾਰਾਂ ਦੀ ਉਲੰਘਣਾ ਹੈ । ਬਦਕਿਸਮਤੀ ਦੀ ਗੱਲ ਹੈ ਕਿ ਅੱਜ ਪੰਜਾਬ ਸਰਕਾਰ ਦੇ ਏਜੰਡੇ ਉੱਤੇ ਪੰਜਾਬੀ ਭਾਸ਼ਾ, ਸਾਹਿਤ ਅਤੇ ਸੱਭਿਆਚਾਰ ਦੀ ਰਾਖੀ ਤੇ ਮਜ਼ਬੂਤੀ ਨਹੀਂ ਹੈ, ਜਿਸ ਕਾਰਨ ਮਾਂ-ਬੋਲੀ ਪੰਜਾਬੀ ਨੂੰ ਹਰ ਪੱਧਰ ਉੱਤੇ ਅਣਗੌਲਿਆ ਕੀਤਾ ਜਾ ਰਿਹਾ ਹੈ | ਇਸ ਮੌਕੇ ਪੰਜਾਬੀ ਸਾਹਿਤ ਸਭਾ ਦਸੂਹਾ-ਗੜ੍ਹਦੀਵਾਲਾ ਦੇ ਪ੍ਰਧਾਨ ਕਹਾਣੀਕਾਰ ਲਾਲ ਸਿੰਘ
ਕਿਹਾ ਹੈ ਕਿ ਮਾਤਾ ਭਾਸ਼ਾ ਮਜ਼ਹਬਾਂ ਨਾਲ ਜੁੜੀ ਹੋਈ ਨਹੀਂ ਹੁੰਦੀ, ਪਰ ਮਾਤ ਭਾਸ਼ਾ ਵੱਖ-ਵੱਖ ਮਜ਼ਹਬਾਂ ਦੇ ਲੋਕਾਂ ਨੂੰ ਏਕਤਾ ਦੇ ਧਾਗੇ ਵਿੱਚ ਪਰੋਣ ਦਾ ਕੰਮ ਜ਼ਰੂਰ ਕਰਦੀ ਹੈ | ਕਿਸੇ ਵੀ ਨੇਕ ਕਾਰਜ ਦੀ ਸ਼ੁਰੂਆਤ ਘਰ ਤੋਂ ਹੀ ਹੁੰਦੀ ਹੈ ਅਤੇ ਸਾਨੂੰ ਆਪਣੀ ਮਾਂ-ਬੋਲੀ ਪੰਜਾਬੀ ਨੂੰ ਬਣਦਾ ਮਾਣ-ਸਨਮਾਨ ਦੇਣ ਦੀ ਸ਼ੁਰੂਆਤ ਵੀ ਆਪਣੇ ਘਰ ਤੋਂ ਹੀ ਕਰਨੀ ਚਾਹੀਦੀ ਹੈ | ਇਸ ਸਮੇਂ ਹੋਰਨਾਂ ਤੋਂ ਇਲਾਵਾ ਦਿਲਬੱਰ ਯੂਥ ਅਤੇ ਸਾਹਿਤਕ ਮੰਚ (
ਰਜਿ:) ਵੱਲੋਂ ਕਹਾਣੀਕਾਰ ਲਾਲ ਸਿੰਘ ਨੂੰ ਕਹਾਣੀ ਖੇਤਰ ਲਈ ਸਾਲ 2015 ਲਈ ਵਿਸ਼ੇਸ਼ ਸਨਮਾਨ ਦਿੱਤਾ । ਇਸ ਪੱਤਰਕਾਰ ਮਿਲਣੀ ਦੌਰਾਨ ਦਿਲਵਰ ਸਾਹਿਤਕ ਮੰਚ ਦੇ ਪ੍ਰਧਾਨ ਉਂਕਾਰ ਸਿੰਘ ਧਾਮੀ , ਜਨਰਲ ਸਕੱਤਰ ਹਰਜੀਤ ਸਿੰਘ ਨੰਗਲ ,ਡਾ: ਧਰਮਪਾਲ ਸਾਹਿਲ , ਪ੍ਰੋ. ਬਲਦੇਵ ਬੱਲੀ , ਜਰਨੈਲ ਸਿੰਘ ਘੁੰਮਣ, ਮਾਸਟਰ ਕਰਨੈਲ ਸਿੰਘ , ਸੁਰਿੰਦਰ ਸਿੰਘ ਨੇਕੀ , ਅਮਰਜੀਤ ਸਿੰਘ ਕਾਨੂੰਗੋ, ਮਾਸਟਰ ਯੋਧ ਸਿੰਘ , ਪ੍ਰੋ ਸ਼ਾਮ ਸਿੰਘ ਗੜ੍ਹਦੀਵਾਲਾ  ਆਦਿ ਸਮੇਤ ਅਨੇਕ
ਸਾਹਿਤ ਪ੍ਰੇਮੀ ਹਾਜ਼ਿਰ ਸਨ ।

Tuesday, May 05, 2015

ਸੂਬਾ ਪਧਰੀ ਕਵੀ ਦਰਬਾਰ ਬਟਾਲਾ ਵਿੱਚ 6 ਮਈ ਨੂੰ

ਸ਼ਿਵ ਕੁਮਾਰ ਬਟਾਲਵੀ ਦੀ 42 ਵੀਂ ਬਰਸੀ ਮੌਕੇ ਵਿਸ਼ੇਸ਼ ਆਯੋਜਨ
ਬਟਾਲਾ//ਲੁਧਿਆਣਾ:: 5 ਮਈ 2015: (ਪੰਜਾਬ ਸਕਰੀਨ ਬਿਊਰੋ):
ਪੰਜਾਬੀ ਸਾਹਿਤ ਅਕਾਦਮੀ ਲੁਧਿਆਣਾ ਲਗਾਤਾਰ ਆਪਣੀਆਂ ਸਰਗਰਮੀਆਂ ਦਾ ਦਾਇਰਾ ਵਧਾ ਰਹੀ ਹੈ। ਇਸ ਸਿਲਸਿਲੇ ਨੂੰ ਅੱਗੇ ਵਧਾਉਂਦਿਆਂ 6 ਮਈ ਬੁਧਵਾਰ ਨੂੰ ਇੱਕ ਸਮਾਗਮ ਬਟਾਲਾ ਵਿਖੇ ਹੋ ਰਿਹਾ ਹੈ। ਅਕਾਦਮੀ ਦੇ ਸਹਿਯੋਗ ਨਾਲ ਬਟਾਲਾ ਦੀਆਂ ਸਾਰੀਆਂ ਸਾਹਿਤਿਕ ਸੰਸਥਾਵਾਂ ਵੱਲੋਂ ਸ਼ਿਵ ਕੁਮਾਰ ਬਟਾਲਵੀ ਦੀ 42ਵੀਂ ਬਰਸੀ ਪੂਰੇ ਸਾਹਿਤਿਕ ਅਦਬ ਨਾਲ ਮਨਾਈ ਜਾ ਰਹੀ ਹੈ। ਇਸ ਸਬੰਧ ਵਿੱਚ ਬਟਾਲਾ ਦੇ ਬਸ ਸਟੈਂਡ ਨੇੜੇ ਸਥਿਤ ਬਟਾਲਾ ਵਿੱਚ ਇਹ ਸਮਾਗਮ ਸਵੇਰੇ ਠੀਕ 10:30 ਵਜੇ ਸ਼ੁਰੂ ਹੋ ਜਾਏਗਾ। 
ਇਸ ਸੂਬਾ ਪਧਰੀ ਕਵੀ ਦਰਬਾਰ ਦੀ ਪ੍ਰਧਾਨਗੀ ਕਰਨਗੇ ਡਾਕਟਰ ਰਵਿੰਦਰ ਅਤੇ ਮੁੱਖ ਮਹਿਮਾਨ ਹੋਣਗੇ ਪਦਮ ਸ਼੍ਰੀ ਸੁਰਜੀਤ ਪਾਤਰ। ਵਿਸ਼ੇਸ਼ ਮਹਿਮਾਨ ਹੋਣਗੇ ਪ੍ਰਸਿਧ ਸ਼ਾਇਰ ਪ੍ਰੋਫੈਸਰ ਗੁਰਭਜਨ ਗਿੱਲ ਅਤੇ ਸ਼ਿਵ ਕੁਮਾਰ ਬਟਾਲਵੀ ਯਾਦਗਾਰੀ ਸਨਮਾਨ ਦਿੱਤਾ ਜਾਏਗਾ ਇੰਜਿਨਾਰ ਜਸਵੰਤ ਜਫ਼ਰ ਨੂੰ। 
ਇਸ ਯਾਦਗਾਰੀ ਸਮਾਗਮ ਵਿੱਚ ਪਹੁੰਚਣ ਵਾਲੇ ਸ਼ਾਇਰਾਂ ਵਿੱਚ ਪ੍ਰਿੰਸੀਪਲ ਅਵਤਾਰ ਸਿੰਘ ਸਿਧੂ, ਡਾਕਟਰ ਲਖਵਿੰਦਰ ਜੋਹਲ, ਬੀਬਾ ਬਲਵੰਤ, ਸਤੀਸ਼ ਗੁਲਾਟੀ, ਤ੍ਰੈਲੋਚਨ ਲੋਚੀ ਅਤੇ ਹੋਰ ਬਹੁਤ ਸਾਰੇ ਕਲਮਕਾਰ ਵੀ ਸ਼ਾਮਲ ਹਨ। 

Saturday, April 12, 2014

ਚੋਣਾਂ ਦੇ ਮੌਸਮ ਬਾਰੇ ਸੁਰਜੀਤ ਪਾਤਰ ਦਾ ਸ਼ਾਇਰਾਨਾ ਅੰਦਾਜ਼

Sat, Apr 12, 2014 at 11:42 AM
ਤ੍ਰਿਛੀ ਨਜ਼ਰ ਵਿੱਚ ਬਲਜੀਤ ਬੱਲੀ ਵੱਲੋਂ ਖਾਸ ਮੁਲਾਕਾਤ ਅੱਜ ਸ਼ਾਮੀ ਛੇ ਵਜੇ 

ਚੰਡੀਗੜ੍ਹ: 12 ਅਪ੍ਰੈਲ 2014 : (ਪੰਜਾਬ ਸਕਰੀਨ ਬਿਊਰੋ):
ਸਮੇਂ ਦਾ ਸਚ ਸਮੇਂ ਸਿਰ ਬੋਲਣ ਵਾਲੇ ਪੰਜਾਬੀ ਦੇ ਹਰਮਨ ਪਿਆਰੇ ਸ਼ਾਇਰ ਸੁਰਜੀਤ ਪਾਤਰ ਮੌਜੂਦਾ ਸਮੇਂ ਵਿੱਚ ਕੀ ਮਹਿਸੂਸ ਕਰ ਰਹੇ ਹਨ? ਅੱਜ ਚੋਣਾਂ ਦਾ ਮਾਹੌਲ ਹੈ--ਕੌਣ ਜਿੱਤੇਗਾ ਇਹ ਸਤਾਂ ਮਾਂ ਹੀ ਦੱਸੇਗਾ ਪਰ ਜ਼ੁਬਾਨੀ ਕਲਾਮੀ ਹਰ ਕੋਈ ਕਿਸੇ ਦੇ ਨਾਲ ਹੈ। ਸ਼ਾਇਰ ਦੇ ਮੂੰਹੋਂ ਸ਼ਾਇਰ ਦਾ ਸਚ ਸੁਣਨ ਲਈ ਇੱਕ ਵਿਸ਼ੇਸ਼ ਉਪਰਾਲਾ ਕੀਤਾ ਹੈ ਪੀਟੀਸੀ ਨੇ।  ਇਸ ਪ੍ਰਸਿਧ ਚੈਨਲ ਦੇ ਪ੍ਰਸਿਧ ਪ੍ਰੋਗਰਾਮ "ਤ੍ਰਿਛੀ ਨਜ਼ਰ" ਵਿੱਚ ਕੁਝ ਦਿਲਚਸਪ ਸੁਆਲ ਕੀਤੇ ਹਨ ਉਘੇ ਪੰਜਾਬੀ ਪੱਤਰਕਾਰ ਬਲਜੀਤ ਬੱਲੀ ਨੇ। ਇਹਨਾਂ ਦਿਲਚਸਪ ਸੁਆਲਾਂ ਦੇ ਜੁਆਬ ਵੀ ਓਨੇ ਹੀ ਦਿਲਚਸਪ ਹਨ।  ਇੰਟਰਵਿਊ ਗੱਲਾਂ ਵਿੱਚ ਹਕੀਕਤ ਵੀ ਹੋਵੇਗੀ, ਵਿਅੰਗ ਵੀ ਅਤੇ ਹੋਰ ਕਾਫੀ ਕੁਝ ਅਜਿਹਾ ਕੁਝ ਜਿਸ ਨੂੰ ਅੱਜਕਲ੍ਹ ਬੋਲਿਆ ਜਾਣਾ ਚਾਹਿਦਾ ਹੈ ਪਰ ਬੋਲਦਾ ਕੋਈ ਨਹੀਂ। ਜਿਸਨੂੰ ਸੁਣਿਆ ਜਾਣਾ ਚਾਹਿਦਾ ਹੈ ਪਰ ਸੁਣਦਾ ਕੋਈ ਨਹੀਂ। ਜਿਸ ਬਾਰੇ ਸੋਚਿਆ ਜਾਣਾ ਚਾਹਿਦਾ ਹੈ ਪਰ ਸੋਚਦਾ ਕੋਈ ਨਹੀਂ।ਸਿਆਸਤ ਅਤੇ ਸ਼ਾਇਰੀ ਦੇ ਖੂਬਸੂਰਤ ਅੰਦਾਜ਼ ਦਾ ਇਹ ਖੂਬਸੂਰਤ ਸੁਮੇਲ ਹੋਏਗੀ ਇਹ  ਮੁਲਾਕਾਤ। ਇਸ ਬਾਰੇ ਤੁਹਾਡੇ ਵਿਚਾਰਾਂ ਦੀ ਉਡੀਕ ਹਮੇਸ਼ਾਂ ਦੀ ਤਰ੍ਹਾਂ ਹੁਣ ਵੀ ਬਣੀ ਰਹੇਗੀ।ਪੰਜਾਬੀ ਨਜ਼ਮ ਅਤੇ ਗ਼ਜ਼ਲ ਦੇ ਸ਼ਾਹ ਅਸਵਾਰ ਸੁਰਜੀਤ ਪਾਤਰ ਮੌਜੂਦਾ ਸਿਆਸੀ ਮਾਹੌਲ ਨੂੰ ਕਿਵੇਂ ਮਹਿਸੂਸ ਕਰਦੇ ਨੇ ? ਇਹ ਜਾਨਣ ਲਈ ਜ਼ਰੂਰ ਦੇਖੋ- ਤਿਰਛੀ ਨਜ਼ਰ, ਸਿਰਫ ਪੀ ਟੀ ਸੀ ਨਿਊਜ਼ ਤੇ , ਸ਼ਨੀਵਾਰ ਸ਼ਾਮੀ 6 ਵਜੇ ( ਇੰਡੀਆ ਟਾਈਮ ).ਸ਼ੋ ਐਂਕਰਹਨ ਬਲਜੀਤ ਬੱਲੀ ਜੋ ਕਿ ਬਾਬੂਸ਼ਾਹੀ ਡਾਟ ਕਾਮ ਦੇ ਸੰਪਾਦਕ ਵੀ ਹਨ। ਕੁਲ ਮਿਲਾ ਕੇ ਚੋਣਾਂ ਦੇ ਇਸ ਨਾਜ਼ੁਕ ਸਮੇਂ ਵਿੱਚ ਇਹ ਸਭਕੁਝ ਤੁਹਾਨੂੰ ਸੋਚਣ ਲਈ ਮਜਬੂਰ ਵੀ ਕਰੇਗਾ। 

ਤਪਦੇ ਮਨਾਂ ਦੇ ਸ਼ਹਿਰ ਵਿਚ ਨਦੀਆਂ ਨੂੰ ਖਤ ਲਿਖੋ

ਤਪਦੇ ਮਨਾਂ ਦੇ ਸ਼ਹਿਰ ਵਿਚ ਨਦੀਆਂ ਨੂੰ ਖਤ ਲਿਖੋ
ਆਵਣ ਅਸਾਡੇ ਸ਼ਹਿਰ ਵਿੱਚ ਨਦੀਆਂ ਨੂੰ ਖਤ ਲਿਖੋ
ਕਿਣ-ਮਿਣ, ਛਮਾ ਛਮ, ਛਮਾ-ਛਮਾ, ਰਿਮ-ਝਿਮ, ਕਲਲ ਕਲਲ
ਕੁਝ ਇਸ ਤਰਾਂ ਦੀ ਬਹਿਰ ਵਿੱਚ ਨਦੀਆਂ ਨੂੰ ਖਤ ਲਿਖੋ
ਲਿਖਤੁਮ ਤਮਾਮ ਝੁਲਸਦੇ ਬੂਟੇ ਜਹਾਨ ਦੇ
ਸੜਦੇ ਹਾਂ ਅੱਗ ਦੇ ਕਹਿਰ ਵਿੱਚ ਨਦੀਆਂ ਨੂੰ ਖਤ ਲਿਖੋ
ਮੰਨਿਆ ਕਿ ਨਦੀਆਂ ਨੇ ਹੈ ਹਰ ਅੱਖਰ ਨੂੰ ਖੋਰਨਾ
ਫਿਰ ਵੀ ਮਨਾਂ ਦੀ ਲਹਿਰ ਵਿੱਚ ਨਦੀਆਂ ਨੂੰ ਖਤ ਲਿਖੋ 
 ਇਸ ਮੁਲਾਕਾਤ ਦੀ ਇੱਕ ਝਲਕ :-