Showing posts with label Gurcharan Kaur Kochar. Show all posts
Showing posts with label Gurcharan Kaur Kochar. Show all posts

Friday, October 13, 2017

ਭਾਜਗਵਿਜ ਵੱਲੋਂ ਪ੍ਰਦੂਸ਼ਣ ਮੁਕਤ ਦੀਵਾਲੀ ਦਾ ਸੱਦਾ

ਨਾ ਕੋਈ ਹਾਦਸਾ-ਨਾ ਕੋਈ ਰੋਗ-ਖੁਸ਼ੀਆਂ ਵਿੱਚ ਨਾ ਹੋਵੇ ਸੋਗ 
ਲੁਧਿਆਣਾ: 12 ਅਕਤੂਬਰ 2017: (ਪੰਜਾਬ ਸਕਰੀਨ ਬਿਊਰੋ):: 
ਹਰ ਵਾਰ ਦੀਵਾਲੀ ਵਾਲੀ ਰਾਤ ਲੱਗਦੀਆਂ ਅੱਗਾਂ ਅਤੇ ਹੋਰ ਹਾਦਸਿਆਂ ਤੋਂ ਚਿੰਤਿਤ ਹੋਏ ਭਾਰਤ ਜਨ ਗਿਆਨ ਵਿਗਿਆਨ ਜੱਥਾ ਨੇ ਅਪੀਲ ਕੀਤੀ ਹੈ ਕਿ ਇਸ ਵਾਰ ਪ੍ਰਦੂਸ਼ਣ ਮੁਕਤ ਦੀਵਾਲੀ ਮਨਾਈ ਜਾਏ। ਨਾ ਭਾਰੀ ਭਰਕਮ ਬਾਰੂਦ ਵਾਲੇ ਪਟਾਕਿਆਂ ਨਾਲ ਇੱਕ ਦੂਜੇ ਤੋਂ ਜ਼ਿਆਦਾ ਸ਼ੋਰ ਪਾਉਣ ਦੀ ਰੇਸ ਲਾਇ ਜਾਏ ਅਤੇ ਨਾ ਹੀ ਲੋਕਾਂ   ਦੀਆਂ ਅੱਖਾਂ, ਕੰਨਾਂ ਅਤੇ ਗਲੇ ਨੂੰ ਨੁਕਸਾਨ ਪਹੁੰਚਾਇਆ ਜਾਏ। ਇਸ ਮਕਸਦ ਲਈ ਅੱਜ ਮੈਡਮ ਕੁਸਮ ਲਤਾ, ਡਾਕਟਰ ਗੁਰਚਰਨ ਕੌਰ ਕੋਚਰ, ਪ੍ਰਦ੍ਵਨ ਰਣਜੀਤ ਸਿੰਘ, ਸੀਨੀਅਰ ਮੈਂਬਰ ਇੰਦਰ ਸਿੰਘ ਸੋਢੀ, ਅਮ੍ਰਿਤਪਾਲ ਸਿੰਘ ਅਤੇ ਪ੍ਰਦੀਪ ਸ਼ਰਮਾ 'ਤੇ ਅਧਾਰਿਤ ਇਕ ਵਫਦ ਜ਼ਿਲਾ ਸਿੱਖਿਆ ਅਧਿਕਾਰੀ (ਸੈਕੰਡਰੀ) ਮੈਡਮ ਸਵਰਨਜੀਤ ਕੌਰ ਅਤੇ ਹੋਰਨਾਂ ਅਧਿਕਾਰੀਆਂ ਨੂੰ ਵੀ ਮਿਲਿਆ। 
ਭਾਰਤ ਜਨ ਗਆਨ ਵਿਗਿਆਨ ਜੱਥਾ ਲੁਧਿਆਣਾ ਦਾ ਇੱਕ ਡੈਪੂਟੇਸ਼ਨ ਜ਼ਿਲਾ ਸਿਖਿਆ ਅਫਸਰਾਂ ਨੂੰ ਮਿਲਿਆ ਅਤੇ ਉਹਨਾਂ ਨੂੰ ਇੱਕ ਮੰਗ ਪੱਤਰ ਦੇ ਕੇ ਮੰਗ ਕੀਤੀ ਕਿ ਜ਼ਿਲੇ ਦੇ ਸਾਰੇ ਸਕੂਲਾਂ ਨੂੰ ਹਿਦਾਇਤ ਕਰਨ ਕਿ ਬੱਚਿਆਂ ਨੂੰ ਦਿਵਾਲੀ ਦੇ ਮੌਕੇ ਤੇ ਪਟਾਕਿਆਂ ਤੇ ਹਰ ਆਤਿਸ਼ਬਾਜ਼ੀ ਦੇ ਨਾਲ ਫੈਲਣ ਵਾਲੇ ਪ੍ਰਦੂਸ਼ਣ ਬਾਰੇ ਜਣਕਾਰੀ ਦੇਣ ਅਤੇ ਬੱਚਿਆਂ ਨੂੰ ਹਰੀ ਦਿਵਾਲੀ ਮਨਾਉਣ ਦੇ ਲਈ ਉਤਸ਼ਾਹਿਤ ਕਰਨ।
ਇਸ ਡੈਪੂਟੇਸ਼ਨ ਦੀ ਅਗਵਾਈ ਜੱਥਾ ਦੇ ਪ੍ਰਧਾਨ ਸ: ਰਣਜੀਤ ਸਿੰਘ ਨੇ ਕੀਤੀੇ ਉਹਨਾਂ ਤੋ  ਇਲਾਵਾ ਇਸ ਵਿੱਚ ਸ਼ਾਮਿਲ ਸਨ, ਡਾ: ਗੁਰਚਰਨ ਕੋਚਰ, ਇੰਦਰਜੀਤ ਸਿੰਘ ਸੋਢੀ, ਸ਼੍ਰੀਮਤੀ ਕੁਸੁਮ ਲਤਾ, ਮਨਜੀਤ ਸਿੰਘ ਮਹਿਰਮ, ਸਵਰੂਪ ਸਿੰਘ, ਅਮਿ੍ਰਤਪਾਲ ਸਿੰਘ, ਅਵਤਾਰ ਛਿੱਬੜ, ਬੀ ਐਸ ਢੱਟ, ਮੇਘਨਾਥ, ਭਜਨ ਸਿੰਘ, ਰੈਕਟਰ ਕਥੂਰੀਆ,ਅਤੇ ਪਰਦੀਪ ਸ਼ਰਮਾ।    ਇਸ ਮੌਕੇ ਤੇ ਜਾਰੀ ਬਿਆਨ ਵਿੱਚ  ਜੱਥਾ ਦੇ ਜਨਰਲ ਸਕੱਤਰ ਡਾ: ਅਰੁਣ ਮਿੱਤਰਾ ਨੇ ਕਿਹਾ ਕਿ ਦਿਵਾਲੀ ਦੇ ਮੌਕੇ ਅਸੀ ਪਟਾਕੇ ਵਜਾਉਂਦੇ ਹਾਂ ਅਤੇ ਸ਼ੋਰ ਤੇ ਧੂਆਂ ਪੈਦਾ ਕਰਦੇ ਹਾਂ। ਪਟਾਕਿਆਂ ਦੇ ਨਾਲ ਪੈਦਾ ਹੋਣ ਵਾਲੇ ਪ੍ਰਦੂਸ਼ਣ ਬਾਰੇ ਜਾਣਕਾਰੀ ਦਿੰਦਿਆਂ ਉਹਨਾਂ ਨੇ ਕਿਹਾ ਕਿ ਤੇਜ਼ ਬੰਬ 142 ਡੈਸੀਬਲ ਤੱਕ ਅਵਾਜ਼ ਪੈਦਾ ਕਰਦੇ ਹਨ ਜਿਸਦੇ ਨਾਲ ਕੰਨ ਸਦਾ ਲਈ ਵੀ ਬੋਲੇ ਹੋ ਸਕਦੇ ਹਨ। ਆਮ ਕਰਕੇ ਅਸੀਂ 50 ਡੈਸੀਬਲ ਦੇ ਕਰੀਬ ਅਵਾਜ਼ ਵਿੱਚ ਗੱਲ ਬਾਤ ਕਰਦੇ ਹਾਂ। ਧੂਏਂ ਦੇ ਨਾਲ ਫ਼ੇਫ਼ੜਿਆਂ ਦੀਆਂ ਅਤੇ ਸਾਹ ਦੀ ਨਾਲੀ ਦੀਆਂ ਅਨੇਕਾਂ ਬੀਮਾਰੀਆਂ ਲਗਦੀਆਂ ਹਨ। ਜੱਥੇ ਦੇ ਪ੍ਰਧਾਨ ਰਣਜੀਤ ਸਿੰਘ  ਨੇ ਜੱਥੇ ਵਲੋਂ ਪਿਛਲੇ 25 ਸਾਲਾਂ ਤੋਂ ਵਾਤਾਵਰਣ ਦੀ ਸੰਭਾਲ ਲਈ ਚਲਾਈ ਜਾ ਰਹੀ ਜਨ ਚੇਤਨਾ ਮੁਹਿੰਮ ਬਾਰੇ ਜਾਣਕਾਰੀ ਦਿੱਤੀ। ਉਹਨਾਂ ਨੇ ਕਿਹਾ ਕਿ ਦਿੱਲੀ ਵਿੱਚ ਪਟਾਕਿਆਂ ਤੇ ਪਾਬੰਦੀ ਲਾਉਣਾ ਇੱਕ ਸ਼ਲਾਘਾਯਗ ਕਦਮ ਹੈ ਪਰ ਇਹ ਸਾਰਾ ਪਟਾਕਾ ਪੰਜਾਬ ਵਿੱਚ ਸਸਤੇ ਭਾਅ ਵਿੱਚ ਵਿਕ ਰਿਹਾ ਹੈ। ਪਟਾਕਿਆਂ ਦੇ ਬਣਾਉਣ ਤੇ ਹੀ ਪਾਬੰਦੀ ਹੌਣੀ ਚਾਹੀਦੀ ਹੈ। ਜੱਥਾ ਦੇ ਜੱਥੇਬੰਦਕ ਸਕੱਤਰ ਸ਼੍ਰੀ ਮਨਿੰਦਰ ਸਿੰਘ ਭਾਟੀਆ ਨੇ ਕਿਹਾ ਕਿ ਕੁਦਰਤ ਨੇ ਹਰ ਚੀਜ਼ ਦਾ ਸੰਤੁਲਨ ਬਣਾ ਕੇ ਰਖਿਆ ਹੈ। ਪਰ ਮਨੱੁਖ ਨੇ ਆਪਣੇ ਸੁਆਰਥਾਂ ਦੇ ਲਈ ਇਸਨੂੰ ਵਿਗਾੜ ਦਿੱਤਾ ਹੈ ਜਿਸਦਾ ਖ਼ਮਿਆਜ਼ਾ ਸਾਨੂੰ ਵੱਖ ਵੱਖ ਕੁਦਰਤੀ ਅਫ਼ਤਾਂ ਦੇ ਰੂਪ ਵਿੱਚ ਭੁਗਤਣਾ ਪੈ ਰਿਹਾ ਹੈ।
ਇਸ ਜੱਥੇ ਨਾਲ ਜੁੜਨ ਲਈ ਸੰਪਰਕ ਕਰ ਸਕਦੇ ਹੋ-ਐਮ ਐਸ ਭਾਟੀਆ ਹੁਰਾਂ ਨਾਲ ਜਿਹੜੇ ਇਸ ਭਾਰਤ ਜਨ ਗਿਆਨ ਵਿਗਿਆਨ ਜੱਥਾ ਦੇ ਜੱਥੇਬੰਦਕ ਸਕੱਤਰ ਹਨ। ਉਹਨਾਂ ਦਾ ਸੰਪਰਕ ਨੰਬਰ ਹੈ:  9988491002
  

Monday, January 09, 2017

ਕਲਕੱਤੇ ਦੀ ਸੰਗਤ ਨੂੰ ਸੁਣਾਈਆਂ ਦਸ਼ਮੇਸ਼ ਪਿਤਾ ਦੀਆਂ ਰਚਨਾਵਾਂ

Mon, Jan 9, 2017 at 5:48 PM
ਪੰਜਾਬੀ ਕਵੀਆਂ ਨੇ ਸਰੋਤਿਆਂ ਨੂੰ ਕੀਤਾ ਮੰਤਰ ਮੁਗਧ
ਲੁਧਿਆਣਾ: 9 ਜਨਵਰੀ 207: (ਰਵਿੰਦਰ ਸਿੰਘ ਦੀਵਾਨਾ//ਪੰਜਾਬ ਸਕਰੀਨ);
ਸਾਹਿਬੇ ਕਮਾਲ, ਸਰਬੰਸ ਦਾਨੀ, ਸੰਤ ਸਿਪਾਹੀ ਦਸ਼ਮੇਸ਼ ਪਿਤਾ ਸ਼੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦੇ 350ਵੇਂ ਅਵਤਾਰ ਦਿਹਾੜੇ ਮੋਕੇ ਕਲਕੱਤੇ ਦੀ ਸ਼੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਪ੍ਰਕਾਸ਼ ਉਤਸਵ ਕਮੇਟੀ (ਪੱਛਮੀ ਬੰਗਾਲ), ਗੁਰਦੂਆਰਾ ਸ਼੍ਰੀ ਗੁਰੂ ਸਿੰਘ ਸਭਾ ਕੋਲਕਾਤਾ ਦੀ ਅਗਵਾਈ ਹੇਠ ਦੋ ਰੋਜਾ ਕਵੀ ਦਰਬਾਰ, ਢਾਡੀ ਦਰਬਾਰ ਅਤੇ ਕੀਰਤਨ ਦਰਬਾਰ ਕਰਵਾਇਆ ਗਿਆ। ਸ਼ਹੀਦ ਮੀਨਾਰ ਧਰਮਤੱਲਾ ਵਿਖੇ ਵਿਸ਼ਾਲ ਮੈਦਾਨ ਵਿੱਚ ਸੰਗਤ ਦੇ ਠਾਠਾ ਮਾਰਦੇ ਇਕੱਠ ਵਿੱਚ ਪੰਥਕ ਕਵੀ ਹਰਦੇਵ ਸਿੰਘ ਗਰੇਵਾਲ ਨੇ ਗੁਰਦੀਪ ਸਿੰਘ ਅੋਲਖ ਦਾ ਨਾਮ ਸਟੇਜ ਤੋ ਬੋਲਿਆ ਤਾਂ ਉਸਨੇ ਦਸਮ ਪਾਤਸ਼ਾਹ ਦੇ ਕੁਰਬਾਨੀਆਂ ਭਰੇ ਇਤਿਹਾਸ ਵਿੱਚੋਂ ਕੁਝ ਸ਼ੇਅਰਾਂ ਨਾਲ ਅਤੇ ਇੱਕ ਜੋਸ਼ੀਲੀ ਕਵਿਤਾ ਨਾਲ ਹਾਜਰੀ ਲਗਾਈ। ਬਲਬੀਰ ਸਿੰਘ ਕਮਲ ਨੇ ਆਪਣੀ ਬੁਲੰਦ ਅਤੇ ਸੋਜ਼ਮਈ ਅਵਾਜ ਰਾਹੀਂ ਸੰਗਤ ਤੋਂ ਜੈਕਾਰਿਆਂ ਦੀ ਦਾਦ ਲਈ। ਪ੍ਰਸਿੱਧ ਸਾਹਿਤਕਾਰ ਅਤੇ ਦਰਜਨਾਂ ਕਿਤਾਬਾਂ ਦੀ ਲੇੇਖਿਕਾ ਪ੍ਰੋ: ਗੁਰਚਰਨ ਕੌਰ ਕੋਚਰ ਨੇ ਦਸ਼ਮੇਸ਼ ਪਿਤਾ ਨੂੰ ਮੁਖਾਤੀਫ ਇੱਕ ਲੰਬੀ ਕਵਿਤਾ ਸੁਣਾ ਕੇ ਸੰਗਤ ਨੂੰ ਨਿਹਾਲ ਕੀਤਾ। ਪ੍ਰਸਿੱਧ ਕਵੀ ਤੇ ਗਾਇਕ ਭਾਈ ਰਵਿੰਦਰ ਸਿੰਘ ਦੀਵਾਨਾ ਨੇ ਕਵਿਤਾ ਤੋਂ ਪਹਿਲਾ ਸ਼ੇਅਰ ਬੋਲ ਕੇ ਸੰਗਤ ਤੋਂ ਭਰਪੂਰ ਦਾਦ ਲਈ ਤੇ ਫਿਰ ਰਚਨਾ ਪੇਸ਼ ਕੀਤੀ।  ਉਹਨਾਂ ਦੱਸਿਆ ਕਿ ਅੰਮ੍ਰਿਤ ਦੀ ਕਿਉਂ ਲੋੜ ਪਈ ਅੰਮ੍ਰਿਤ ਕਿਉਂ ਛਕਾਉਣਾ ਪਿਆ, ਇਕ ਨਿਆਰਾ ਈ ਗੋਬਿੰਦ ਨੂੰ ਸਿੱਖ ਪੰਥ ਸਜਾਉਂਣਾ ਪਿਆ” ਬੁਲੰਦ ਅਵਾਜ ਵਿੱਚ ਵਿੱਚ ਗਾ ਕੇ ਸੰਗਤ ਦੇ ਦਿੱਲ ਜਿੱਤ ਲਏ। ਕਲਕੱਤੇ ਦੇ ਮੰਨੇ ਪਰ ਮੰਨੇ ਕਵੀ ਹਰਦੇਵ ਸਿੰਘ ਗਰੇਵਾਲ ਨੇ ਆਪਣੇ ਸ਼ੇਅਰਾਂ ਅਤੇ ਖੂਬਸੁਰਤ ਰਚਨਾ ਸੁਣਾ ਕੇ ਆਪਣੀ ਕਲਮ ਦਾ ਲੋਹਾ ਮੰਨਵਾਇਆ। ਦੂਸਰੇ ਦੌਰ ਵਿੱਚ ਫਿਰ ਸਾਰੇ ਕਵੀਆ ਨੇ ਇੱਕ ਇੱਕ ਕਵਿਤਾ ਸੁਣਾਈ ਤੇ ਸੰਗਤ ਤੇ ਡੂੰਘੀ ਛਾਪ ਛੱਡੀ। ਪ੍ਰਬੰਧਕਾਂ ਵੱਲੋਂ ਸਾਰੇ ਕਵੀ ਸਾਹਿਬਾਨਾਂ ਨੂੰ ਸਿਰੋਪੇ ਦੇ ਕੇ ਅਤੇ ਨਕਦੀ ਦੇ ਕੇ ਨਿਵਾਜਿਆ ਗਿਆ। ਮਿਤੀ 05 ਜਨਵਰੀ ਨੂੰ ਫਿਰ 2:00 ਵਜੇ ਦੁਪਹਿਰ ਤੋਂ ਸ਼ਾਮ 4:00 ਵਜੇ ਤੱਕ ਕਵੀਆਂ ਦੀਆਂ ਰਚਨਾਵਾਂ ਦਾ ਦੌਰ ਚਲਦਾ ਰਿਹਾ ਤੇ ਫਿਰ ਢਾਡੀ ਜੱਥੇ ਨੇ ਜੋਸ਼ੀਲੀਆਂ ਵਾਰਾਂ ਗਾ ਕੇ ਸੰਗਤ ਵਾਹ ਵਾਹ ਖੱਟੀ ਇਸ ਮੋਕੇ ਗੁਰੂ ਕੇੇ ਲੰਗਰ ਅਤੇ ਚਾਹ ਤੇ ਪਕੋੜਿਆ ਦੇ ਲੰਗਰ ਦਾ ਸੰਗਤ ਨੇ ਆਨੰਦ ਮਾਣਿਆ। ਕਲਕੱਤੇ ਦੇ ਇਤਿਹਾਸ ਵਿੱਚ ਇਹ ਇੱਕ ਵਿਲੱਖਣ ਪ੍ਰੋਗਰਾਮ ਸੀ ਜਿਸ ਦਾ ਸੰਗਤ ਨੇ ਇੱਕ ਮਨਚਿੱਤ ਹੋ ਕੇ ਗੁਰੂ ਚਰਨਾਂ ਵਿੱਚ ਹਾਜ਼ਰੀ ਲਵਾ ਕੇ ਦਸ਼ਮੇਸ਼ ਪਿਤਾ ਦੇ ਕੁਰਬਾਨੀਆਂ ਭਰੇ ਇਤਿਹਾਸ ਤੋਂ ਜਾਣੂ ਹੋਈਆਂ।

Wednesday, September 14, 2016

ਯਾਦਗਾਰੀ ਰਿਹਾ ਕਲਮ ਕਾਫ਼ਿਲਾ ਦਾ ਰੰਗਾਰੰਗ ਪ੍ਰੋਗਰਾਮ

ਯੰਗ ਰਾਈਟਰਜ਼ ਐਸੋਸੀਏਸ਼ਨ ਨੇ ਕੀਤਾ ਗੋਲਡਨ ਜੁਬਲੀ ਸਮਾਗਮ 
ਲੁਧਿਆਣਾ: 13 ਸਤੰਬਰ 2016: (ਰੈਕਟਰ ਕਥੂਰੀਆ//ਪੰਜਾਬ ਸਕਰੀਨ): 
ਪੱਥਰਾਂ ਵਿੱਚ ਦਿਲ ਨਹੀਂ ਹੁੰਦੇ ਪਰ ਲੱਭਣ ਵਾਲੇ ਪੱਥਰਾਂ ਵਿੱਚੋਂ ਵੀ ਬਹੁਤ ਕੁਝ ਅਜਿਹਾ ਲੱਭ ਲੈਂਦੇ ਹਨ ਜਿਸ ਨਾਲ ਬੇਜਾਨ ਪੱਥਰ ਵੀ ਪੂਜਾ ਘਰ ਵਿੱਚ ਪਹੁੰਚ ਜਾਂਦਾ ਹੈ। ਉਸ ਕੋਲ ਬੈਠਣ ਤੇ ਦਿਲ ਕਰਦਾ ਹੈ। ਉਹ ਰੱਬ ਲੱਗਣ ਲੱਗਦਾ ਹੈ। ਉਸ ਵਿੱਚੋਂ ਕੋਈ ਚੇਹਰਾ ਵੀ ਨਜ਼ਰ ਆਉਣ ਲਗਦਾ ਹੈ ਅਤੇ ਦਿਲ ਦੀ ਧੜਕਣ ਵੀ ਸੁਣਾਈ ਦੇਣ ਲੱਗਦੀ ਹੈ। ਇਹ ਗੱਲ ਵੱਖਰੀ ਹੈ ਕਿ ਇਹ ਧੜਕਣ ਸਾਰਿਆਂ ਨੂੰ ਸੁਣਾਈ ਨਹੀਂ ਦੇਂਦੀ। ਉਸ ਵਿੱਚ ਲੁਕਿਆ ਰੱਬ ਸਭਨਾਂ ਨੂੰ ਦਿਖਾਈ ਭਾਵੇਂ ਦੇਵੇ ਪਰ ਮਹਿਸੂਸ ਨਹੀਂ ਹੁੰਦਾ।  ਜਿਹਨਾਂ ਨੂੰ ਅਜਿਹਾ ਕ੍ਰਿਸ਼ਮਾ ਕਰ ਸਕਣ ਵਾਲੀ ਅੱਖ ਅਤੇ ਭਾਵਨਾ ਕਿਸੇ ਬਖਸ਼ਿਸ਼ ਵਾਂਗ ਮਿਲੀ ਹੁੰਦੀ ਹੈ ਉਹਨਾਂ ਲੋਕਾਂ ਦਾ ਇੱਕ ਸਮਾਗਮ ਅੱਜ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਦੇ ਪਾਲ ਆਡੀਟੋਰੀਅਮ ਵਿੱਚ ਸੀ। 
ਸਵਾਰਥੀ ਹੋ ਚੁੱਕੇ ਸਮਾਜ ਵਿੱਚ ਸੰਵੇਦਨਾ ਦਾ ਸੰਚਾਰ ਕਰਨ ਵਾਲਿਆਂ ਦਾ ਸਮਾਗਮ। ਯੰਗ ਰਾਈਟਰਜ਼ ਐਸੋਸੀਏਸ਼ਨ ਦੇ ਗੋਲਡਨ ਜੁਬਲੀ ਪ੍ਰੋਗਰਾਮ ਵਿੱਚ ਪਹੁੰਚ ਕੇ ਕੁਝ ਅਜਿਹਾ ਹੀ ਮਹਿਸੂਸ ਹੋਇਆ।  ਪਦਮ ਸ਼੍ਰੀ ਡਾਕਟਰ ਸੁਰਜੇਤ ਪਾਤਰ,  ਪ੍ਰਸਿੱਧ ਲੇਖਕ ਡਾਕਟਰ ਗੁਰਭਜਨ ਗਿੱਲ, ਬੜੀ ਹੀ ਸਾਦਗੀ ਨਾਲ ਦਿਲ ਦਿਮਾਗ ਦੀਆਂ ਡੂੰਘੀਆਂ ਗੱਲਾਂ ਕਰਨ ਵਾਲੀ ਸ਼ਾਇਰਾ ਸੁਖਵਿੰਦਰ ਅੰਮ੍ਰਿਤ, ਸਾਹਿਤ-ਪੱਤਰਕਾਰਿਤਾ ਅਤੇ ਸਟੇਜ ਦਰਮਿਆਨ ਇੱਕ ਪੁਲ ਵਾਂਗ ਵਿਚਰ ਕੇ ਬਹੁਤ ਸਾਰੀਆਂ ਲਿਖਤਾਂ ਲਿਖਣ ਵਾਲੇ ਡਾਕਟਰ ਨਿਰਮਲ ਜੌੜਾ,  ਪੀਏਯੂ ਦੇ ਸੰਚਾਰ ਕੇਂਦਰ ਦੀ ਐਡੀਸ਼ਨਲ ਡਾਇਰੈਕਟਰ ਮੈਡਮ ਜਗਦੀਸ਼ ਕੌਰ,  ਪ੍ਰਗਤੀਸ਼ੀਲ ਲਹਿਰ ਨਾਲ ਜੁੜੀ ਲੇਖਿਕਾ ਡਾਕਟਰ ਗੁਰਚਰਨ ਕੌਰ ਕੋਚਰ ਅਤੇ ਯੰਗ ਰਾਈਟਰਜ਼ ਐਸੋਸੀਏਸ਼ਨ ਦੀ ਮੌਜੂਦਾ ਪ੍ਰਧਾਨ ਡਾਲਟਰ ਦੇਵਿੰਦਰ ਕੋਚਰ ਦਿਲਰੂਪ ਵਰਗੀਆਂ ਕਈ ਪ੍ਰਮੁੱਖ ਸ਼ਖਸੀਅਤਾਂ ਨੇ ਕਵਿਤਾ ਦੇ ਨਾਲ ਨਾਲ ਕਾਵਿ ਸੰਵੇਦਨਾ ਦੀ ਕੈਮਿਸਟਰੀ, ਜ਼ਿੰਦਗੀ ਚੋਂ ਮਿਲਦੇ ਜ਼ਹਿਰ ਨੂੰ ਅੰਮ੍ਰਿਤ ਬਣਾ ਕੇ ਵਾਪਿਸ ਮੋੜਨ ਦੀ ਕਲਾ ਬਾਰੇ ਬਹੁਤ ਸਾਰੀਆਂ ਗੱਲਾਂ ਕੀਤੀਆਂ। 
ਡਾਕਟਰ ਸੁਰਜੀਤ ਪਾਤਰ ਹੁਰਾਂ ਨੇ ਪ੍ਰੋਫੈਸਰ ਮੋਹਨ ਸਿੰਘ ਹੁਰਾਂ ਤੋਂ ਲੈ ਕੇ ਹੁਣ ਤੱਕ ਦੇ ਮੌਜੂਦਾ ਦੌਰ ਦੀਆਂ ਕਈ ਗੱਲਾਂ ਯਾਦ ਕਰਾਈਆਂ। ਪ੍ਰੋਫੈਸਰ ਗੁਰਭਜਨ ਗਿੱਲ ਹੁਰਾਂ ਨੇ ਮੰਚ ਤੋਂ ਬਹੁਤ ਸਾਰੀਆਂ ਗੱਲਾਂ ਯਾਦ ਕਰਾਈਆਂ। ਡਾਕਟਰ ਐਸ ਐਨ ਸੇਵਕ ਹੁਰਾਂ ਦੀ ਦੇਣ ਬਾਰੇ ਵੀ ਕਈ ਵਾਰ ਚਰਚਾ ਹੋਈ। ਉਹ 1990 ਤੋਂ 1996 ਤੱਕ ਇਸ ਸੰਗਠਨ ਯੰਗ ਰਾਈਟਰਜ਼ ਐਸੋਸੀਏਸ਼ਨ ਦੇ ਪ੍ਰਧਾਨ ਰਹੇ। 
ਡਾਕਟਰ ਪਾਤਰ ਨੇ ਦੱਸਿਆ ਕਿ ਅਸਲ ਵਿੱਚ ਕਵਿਤਾ ਆਪਣੇ ਹਾਲ ਦਾ ਬਿਆਨ ਹੀ ਹੁੰਦਾ ਹੈ ਜਿਵੈਂ ਸ਼ਿਵ ਕੁਮਾਰ ਨੇ ਆਖਿਆ ਸੀ ਕੀ ਪੁੱਛਦੇ ਹੋ ਹਾਲ ਫਕੀਰਾਂ ਦਾ,
ਸਦਾ ਨਦੀਓਂ ਵਿਛੜੇ ਨੀਰਾਂ ਦਾ !
ਉਹਨਾਂ ਇਸੇ ਸੰਦਰਭ ਵਿੱਚ ਆਪਣੇ ਇੱਕ ਬਹੁਤ ਹੀ ਹਰਮਨ ਪਿਆਰੇ ਸ਼ੇਅਰ ਦਾ ਵੀ ਜ਼ਿਕਰ ਕੀਤਾ:
ਸੁੰਨੇ ਸੁੰਨੇ ਰਾਹਾਂ ਵਿੱਚ ਕੋਈ ਕੋਈ ਪੈੜ ਏ,
ਦਿਲ ਹੀ ਉਦਾਸ ਹੈ ਜੀ ਬਾਕੀ ਸਭ ਖੈਰ ਏ !
ਉਹਨਾਂ ਕਿਹਾ ਕਿ ਕਵਿਤਾ ਉਸ ਸਰਕਸ ਵਿੱਚ ਕਲਾਬਾਜ਼ਾਂ ਹੇਠਾਂ ਲੱਗੇ ਉਸ ਜਾਲ ਵਾਂਗ ਹੁੰਦੀ ਹੈ ਜਿਹੜਾ ਉਹਨਾਂ ਨੂੰ ਡਿੱਗਣ 'ਤੇ ਵੀ ਸੱਟ ਨਹੀਂ ਲੱਗਣ ਦੇਂਦਾ। ਕਵਿਤਾ ਜ਼ਿੰਦਗੀ ਦੀ ਅਸਲ ਸਰਕਸ ਵਿਛਕ ਵੀ ਸਾਨੂੰ ਸਹਾਰਾ ਦੇਂਦੀ ਹੈ।  ਜਦੋਂ ਹਰ ਪਾਸੇ ਹਨੇਰਾ ਹੋਵੇ ਜਾਂ ਕਿਤੇ ਬੰਦਾ ਡਿੱਗ ਪਵੇ ਤਾਂ ਕੋਈ ਕਾਵਿ ਸਤਰ ਸਾਨੂੰ ਹੋਂਸਲਾ ਦੇ ਕੇ ਬਚਾ ਲੈਂਦੀ ਹੈ। ਉਹਨਾਂ ਪ੍ਰੋਫੈਸਰ ਮੋਹਨ ਸਿੰਘ ਨਾਲ ਆਪਣੀਆਂ ਬਹੁਤ ਸਾਰੀਆਂ ਦਿਲਚਸਪ ਯਾਦਾਂ ਵੀ ਸਾਂਝੀਆਂ ਕੀਤੀਆਂ। 
ਵਿਦਿਆਰਥੀਆਂ ਨੇ ਭੰਗੜੇ ਸਮੇਤ ਬਹੁਤ ਸਾਰੀਆਂ ਸੱਭਿਆਚਾਰਕ ਆਈਟਮਾਂ ਵੀ ਤਿਆਰ ਕੀਤੀਆਂ ਸਨ ਜਿਹਨਾਂ ਨੇ ਸਾਰੇ ਮਾਹੌਲ ਨੂੰ ਸੰਗੀਤਕ ਬਣਾਈ ਰੱਖਿਆ। ਇਸਦੇ ਨਾਲ ਹੀ ਇਹਨਾਂ ਆਈਟਮਾਂ ਨੇ ਚੇਤਨਾ ਵੀ ਜਗਾਈ। ਕੁਲ ਮਿਲਾ ਕੇ ਇਹ ਇੱਕ ਯਾਦਗਾਰੀ ਸਮਾਗਮ ਸੀ। 

Friday, July 22, 2016

ਪੁਲਿਸ ਕਮਿਸ਼ਨਰ ਨੂੰ ਮਿਲਿਆ ਪੰਜਾਬ ਇਸਤਰੀ ਸਭਾ ਦਾ ਵਫਦ

ਛੇੜਛਾੜ ਅਤੇ ਰੇਪ ਦੀਆਂ ਘਟਨਾਵਾਂ ਵਿੱਚ ਵਾਧੇ 'ਤੇ ਕੀਤਾ ਚਿੰਤਾ ਦਾ ਪ੍ਰਗਟਾਵਾ 
ਲੁਧਿਆਣਾ: 22 ਜੁਲਾਈ 2016: (ਪੰਜਾਬ ਸਕਰੀਨ ਬਿਊਰੋ):
ਅੱਜ ਦੀਆਂ ਅਖਬਾਰਾਂ ਦੇ ਲੁਧਿਆਣਾ ਐਡੀਸ਼ਨਾਂ ਵਿੱਚ ਉਭਰ ਕੇ ਸਾਹਮਣੇ ਆਏ ਜਬਰਜਨਾਹ ਦੇ ਮਾਮਲੇ ਨੇ ਪੂਰੇ ਸ਼ਹਿਰ ਦਾ ਧਿਆਨ ਖਿੱਚਿਆ ਹੈ। ਭਾਜਪਾ ਨਾਲ ਸਬੰਧਤ ਪ੍ਰਮੁੱਖ ਮਹਿਲਾ ਆਗੂ ਸੰਗੀਤਾ ਭੰਡਾਰੀ ਨੇ ਅੱਜ ਸਵੇਰੇ ਸਵੇਰੇ 9:46 'ਤੇ ਹਿੰਦੀ ਦੇ  ਪ੍ਰਸਿੱਧ ਅਖਬਾਰ ਦੈਨਿਕ ਭਾਸਕਰ ਦੇ ਲੁਧਿਆਣਾ ਵਾਲੇ ਸਪਲੀਮੈਂਟ ਵਿੱਚ ਛਪੀ ਇਸ ਮੁੱਖ ਖਬਰ ਦੀ ਤਸਵੀਰ ਆਪਣੀ ਫੇਸਬੁੱਕ ਪ੍ਰੋਫ਼ਾਈਲ  'ਤੇ ਪਾਈ। ਫੇਸਬੁੱਕ ਤੇ ਆਉਂਦਿਆਂ ਹੀ ਇਹ ਖਬਰ ਉਹਨਾਂ ਲੋਕਾਂ ਤੱਕ ਵੀ ਪੁੱਜ ਗਈ ਜਿਹਨਾਂ ਨੇ ਇਸਨੂੰ ਨਹੀਂ ਸੀ ਪੜ੍ਹਿਆ। ਇਸ ਖਬਰ ਨਾਲ ਸ਼ਹਿਰ ਵਿੱਚ ਸਨਸਨੀ ਫੇਲ ਗਈ। ਹਰ ਪਾਸੇ ਇਹੀ ਚਰਚਾ ਸੀ। ਕੁੜੀਆਂ ਦੀ ਸੁਰੱਖਿਆ ਨੂੰ ਲਾਇ ਕੇ ਇੱਕ ਵਾਰ ਫੇਰ ਚਿੰਤਾ ਜਨਕ ਸਥਿਤੀ ਪੈਦਾ ਹੋ ਗਈ। ਭਾਜਪਾ ਆਗੂ ਮੈਡਮ ਸੰਗੀਤਾ ਭੰਡਾਰੀ ਦੀ ਅਗਵਾਈ ਵਾਲੇ ਸੰਗਠਨ ਅਹਿਸਾਸ ਨੇ ਸ਼ਾਮ ਨੂੰ ਕਿਪਸ ਮਾਰਕੀਟ ਵਿੱਚ ਕੈਂਡਲ ਮਾਰਚ ਵੀ ਕੀਤਾ। 
ਇਸਦੇ ਨਾਲ ਹੀ ਸੀਪੀਆਈ ਨਾਲ ਸਬੰਧਿਤ "ਪੰਜਾਬ ਇਸਤਰੀ ਸਭਾ" ਅਤੇ "ਆਲ ਇੰਡੀਆ ਵਰਕਿੰਗ ਵੂਮੈਨ ਫੋਰਮ"  ਨੇ ਇੱਕ ਹੰਗਾਮੀ ਮੀਟਿੰਗ ਕਰਕੇ ਇਸ ਸ਼ਰਮਨਾਕ ਕਰਤੂਤ ਦੀ ਤਿੱਖੇ ਸ਼ਬਦਾਂ ਵਿੱਚ ਨਿਖੇਧੀ ਕੀਤੀ। ਮੀਟਿੰਗ ਤੋਂ ਬਾਅਦ ਦੋਹਾਂ ਸੰਗਠਨਾਂ ਦਾ ਇੱਕ ਸਾਂਝਾ ਵਫਦ ਪੁਲਿਸ ਕਮਿਸ਼ਨਰ ਜੇ ਐਸ ਔਲਖ ਨੂੰ ਵੀ ਮਿਲਿਆ ਜਿਹਨਾਂ ਇਸ ਬਾਰੇ ਠੋਸ ਕਦਮ ਚੁੱਕਣ ਦਾ ਭਰੋਸਾ ਦੁਆਇਆ। ਇਸ ਵਫਦ ਵਿੱਚ ਔਰਤਾਂ ਅਤੇ ਕਈ ਲੜਕੀਆਂ ਵੀ ਸ਼ਾਮਿਲ ਸਨ।  ਜਦੋਂ ਇਹ ਵਫਦ ਮੀਡੀਆ ਨਾਲ ਗੱਲ ਕਰ ਰਿਹਾ ਸੀ ਤਾਂ ਕਮਿਸ਼ਨਰ ਦਫਤਰ ਦੇ ਬਾਹਰ ਹੀ ਕੁਝ ਵਿਅਕਤੀ ਇਹਨਾਂ ਨੂੰ ਤਿੱਖੀ ਨਜ਼ਰ ਨਾਲ ਦੇਖਦੇ ਹੋਏ ਤਿੰਨ ਚਾਰ ਵਾਰ ਲੰਘੇ। ਲੱਗਦਾ ਸੀ ਜਿਵੈਂ ਇਹਨਾਂ ਨੂੰ ਵਿਰੋਧੀ ਪਾਰਟੀ ਨੇ ਭੇਜਿਆ ਹੁੰਦਾ ਹੈ ਤੇ ਇਹ ਘੂਰੀ ਵੱਟ ਕੇ ਦੇਖ ਲੈਣ ਦੀਆਂ ਧਮਕੀਆਂ ਦੇਣ ਆਏ ਸਨ।
ਸਰਗਰਮ ਭਾਜਪਾ ਮਹਿਲਾ ਆਗੂ ਸੰਗੀਤਾ ਭੰਡਾਰੀ ਦੀ ਅਗਵਾਈ ਹੇਠ ਅਹਿਸਾਸ  ਸੰਗਠਨ ਵੱਲੋਂ ਇਸ ਮੁੱਦੇ ਤੇ ਇਨਸਾਫ ਦੁਆਉਣ ਲਈ ਸਰਾਭਾ ਨਗਰ ਦੀ ਕਿਪਸ ਮਾਰਕਿਟ ਵਿਖੇ ਕੀਤਾ ਗਿਆ ਕੈਂਡਲ ਮਾਰਚ 
ਜਦੋਂ ਇਹ ਮਹਿਲਾ ਵਫਦ ਪੁਲਿਸ ਕਮਿਸ਼ਨਰ ਨੂੰ ਮਿਲ ਕੇ ਬਾਹਰ ਨਿਕਲ ਰਿਹਾ ਸੀ ਤਾਂ ਤਿੰਨ ਚਾਰ ਮੁੰਡਿਆਂ ਨੇ ਕੁੜੀਆਂ ਸਾਹਮਣੇ ਆ ਕੇ ਗੱਡੀ ਰੋਕ ਦਿੱਤੀ। ਇਤਰਾਜ਼ ਕਰਨ ਤੇ ਇਹ ਮੁੰਡੇ ਕੁੜੀਆਂ ਨੂੰ ਟਿਚਕਰਾਂ ਕਰਨ ਲੱਗ ਪਏ। ਇੱਕ ਕੁੜੀ ਨੇ ਕਿਹਾ ਦੋ ਮਿੰਟ ਰੁਕੋ ਸਾਡੀਆਂ ਬਾਕੀ ਸਾਥਣਾਂ ਵੀ ਬਾਹਰ ਆ ਰਹੀਆਂ  ਹਨ ਜਿਹੜੀਆਂ ਭੀੜ ਕਾਰਨ ਰੁਕ ਗਈਆਂ ਸਨ। ਕਨੂੰਨ ਦੇ ਡੰਡੇ ਤੋਂ ਬੇਖੌਫ ਹੋਏ ਇਹ ਮੁੰਡੇ ਤਿੰਨ ਉਗਲਾਂ ਖੜੀਆਂ ਕਰਕੇ ਬੋਲੇ ਲੈ ਤਿੰਨ ਮਿੰਟ ਰੁਕਦੇ ਹਾਂ ਕਰਲਾ ਜੋ ਕੁਝ ਕਰਨਾ। ਨਾਲ ਹੀ ਇਹਨਾਂ ਨੇ ਗੁੰਡਾਗਰਦੀ ਵਿੱਚ ਆਮ ਵਰਤਿਆ ਜਾਂਦਾ ਮੋਟਾ ਸੋਟਾ  ਵੀ ਆਪਣੀ ਗੱਡੀ ਵਿੱਚੋਂ ਕੱਢ ਲਿਆ ਜਿਹੜਾ ਇਹਨਾਂ ਕੁੜੀਆਂ ਅਤੇ ਇਹਨਾਂ ਦੀਆਂ ਸਾਥਣਾਂ ਨੇ ਬਹਾਦਰੀ ਦਿਖਾਉਂਦਿਆਂ ਇਹਨਾਂ ਕੋਲੋਂ ਖੋਹ ਲਿਆ। ਲੋਕ ਵੀ ਇਕੱਤਰ ਹੋ ਗਏ। ਇਸ ਸਾਰੀ ਭੱਜਦੌੜ ਵਿੱਚ ਇੱਕ ਵਿਅਕਤੀ ਕਾਬੂ ਆ ਗਿਆ ਜਦਕਿ ਬਾਕੀ ਦੇ ਫਰਾਰ ਹੋਣ ਵਿੱਚ ਸਫਲ ਹੋ ਗਏ। ਕਾਬੂ ਆਇਆ ਵਿਅਕਤੀ ਪੁਲਿਸ ਹਿਰਾਸਤ ਵਿੱਚ ਸੀ ਅਤੇ ਦੇਰ ਸ਼ਾਮ ਤੱਕ ਉਸਨੂੰ ਪੰਜ ਨੰਬਰ ਡਵੀਯਨ ਵਿੱਚ ਦੇਖਿਆ ਗਿਆ। ਉਸ ਕੋਲੋਂ ਪੁੱਛਗਿੱਛ ਜਾਰੀ ਸੀ।  

Wednesday, July 20, 2016

Ludhiana: ਵਰਕਿੰਗ ਵੂਮੈਨ ਹੋਸਟਲ ਤੇ ਪੁਲਿਸ ਕਬਜ਼ੇ ਦਾ ਮਾਮਲਾ ਫਿਰ ਭਖਿਆ

ਪੰਜਾਬ ਇਸਤਰੀ ਸਭਾ ਕਿਸੇ ਵੀ ਵੇਲੇ ਕਰ ਸਕਦੀ ਹੈ ਅੰਦੋਲਨ ਦਾ ਐਲਾਨ  
ਲੁਧਿਆਣਾ: 20 ਜੁਲਾਈ 2016: (ਪੰਜਾਬ ਸਕਰੀਨ ਬਿਊਰੋ):
ਪੰਜਾਬ ਇਸਤਰੀ ਸਭਾ ਅਤੇ ਐੱਲ ਇੰਡੀਆ ਵਰਕਿੰਗ ਵੂਮੈਨ ਫੋਰਮ (ਏਟਕ) ਨੇ ਆਪਣੀ ਇੱਕ ਸਾਂਝੀ ਅਤੇ ਵਿਸ਼ੇਸ਼ ਮੀਟਿੰਗ ਦੌਰਾਨ ਔਰਤਾਂ ਨੂੰ ਪੇਸ਼ ਆ ਰਹੀਆਂ ਕਈ ਸਮੱਸਿਆਵਾਂ ਉਠਾਈਆਂ। ਇਸਦੇ ਨਾਲ ਹੀ ਕਈ ਸਮਾਜਿਕ ਮਸਲੇ ਵੀ ਉਠਾਏ ਗਏ। ਇਹਨਾਂ ਵਿੱਚ ਮੁੱਖ ਮੁੱਦਾ ਭਾਈ ਰਣਧੀਰ ਸਿੰਘ ਨਗਰ ਵਿੱਚ ਸਥਿਤ ਵਰਕਿੰਗ ਵੂਮੈਨ ਹੋਸਟਲ ਦਾ ਵੀ ਸੀ ਜਿਹੜਾ ਸੰਨ 1984 ਤੋਂ ਪੁਲਿਸ ਦੇ ਕਬਜ਼ੇ ਹੇਠ ਚਲਿਆ ਆ ਰਿਹਾ ਹੈ।  ਪੰਜਾਬ ਦੇ ਹਾਲਾਤ ਠੀਕ ਹੋਣ ਤੇ ਵੀ ਇਸ ਨੂੰ ਖਾਲੀ ਨਹੀਂ ਕੀਤਾ ਗਿਆ। ਬਹੁਤ ਵਾਰ ਯਾਦ ਪੱਤਰ ਦੇਣ ਦੇ ਬਾਵਜੂਦ ਇਸ ਮਾਮਲੇ ਵਿੱਚ ਕੋਈ ਕਾਰਵਾਈ ਨਹੀਂ ਕੀਤੀ ਗਈ। ਪ੍ਰਸ਼ਾਸਨ ਨੇ ਇਸ ਸਬੰਧ ਵਿੱਚ ਦਿੱਤੇ ਗਏ ਮੰਗ ਪੱਤਰਾਂ ਦਾ ਕੋਈ ਹੁੰਗਾਰਾ ਨਹੀਂ ਭਰਿਆ। ਜ਼ਿਕਰਯੋਗ ਹੈ ਕੀ ਪੁਲਿਸ ਨੇ ਇਸ ਇਮਾਰਤ ਤੇ ਵਰਕਿੰਗ ਵੂਮੈਨ ਹੋਸਟਲ ਦੇ ਕਿਸੇ ਬੋਰਡ ਦਾ ਨਾਮੋ ਨਿਸ਼ਾਨ ਵੀ ਨਹੀਂ ਛੱਡਿਆ। ਨਵੀਂ ਪੀੜ੍ਹੀ ਨੂੰ ਬਿਲਕੁਲ ਪਤਾ ਨਹੀਂ ਲੱਗਦਾ ਕਿ ਅਸਲ ਵਿੱਚ ਇਹ ਹੋਸਟਲ ਦੀ ਥਾਂ ਹੈ।
ਦੂਜੇ ਪਾਸੇ ਇਹਨਾਂ ਬੱਤੀਆਂ ਸਾਲਾਂ ਵਿੱਚ ਕੰਮਕਾਜੀ ਔਰਤਾਂ ਦੀ ਗਿਣਤੀ ਵਿੱਚ ਚੋਖਾ ਵਾਧਾ ਹੋਇਆ ਹੈ। ਇਹਨਾਂ ਵਿੱਚ ਬਹੁਤ ਸਾਰੀਆਂ ਅਜਿਹੀਆਂ ਹਨ ਜਿਹਨਾਂ ਨੂੰ ਦੂਰ ਦੁਰਦਿਆਓਂ ਆਉਣਾ ਪੈਂਦਾ ਹੈ।  ਕਈ ਕੁੜੀਆਂ ਅਤੇ ਔਰਤਾਂ ਜਲੰਧਰ, ਜਗਰਾਓਂ, ਅੰਬਾਲਾ ਵਰਗੇ ਸ਼ਹਿਰਾਂ ਵਿੱਚੋਂ ਆ ਕੇ ਇਥੇ ਪੇਇੰਗ ਗੈਸਟ ਹਾਊਸਾਂ ਵਿੱਚ ਰਹਿਣ ਲਈ ਮਜਬੂਰ ਹਨਜਿੱਥੇ ਉਹਨਾਂ ਨੂੰ ਕਈ ਤਰਾਂ ਦੀਆਂ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਇਸ ਮੀਟਿੰਗ ਵਿੱਚ ਪ੍ਰਧਾਨ ਡਾਕਟਰ ਗੁਰਚਰਨ ਕੌਰ ਕੋਚਰ, ਜਨਰਲ ਸਕੱਤਰ ਜੀਤ ਕੁਮਾਰੀ ਅਤੇ ਜੱਠਬੰਦਕ ਸਕੱਤਰ ਬਰਜਿੰਦਰ ਕੌਰ, ਐਡਵੋਕੇਟ ਅਵਤਾਰ ਕੌਰ, ਕੁਲਵੰਤ ਕੌਰ, ਸ਼ਕੁੰਤਲਾ ਦੇਵੀ, ਨੀਲਮ, ਰੇਣੂ,  ਪ੍ਰਮਿਤਾ, ਵੀਨਾ, ਸੋਨੀਆ ਦੇਵੀ, ਵਨੁਕ, ਮੋਨਿਕਾ, ਰੀਨਾ, ਕੁਲਜੀਤ ਕੌਰ, ਪ੍ਰੀਤੀ ਅਤੇ ਸੋਨੀਆ ਸਮੇਤ ਕਈ ਹੋਰਾਂ ਨੇ ਸ਼ਮੂਲੀਅਤ ਕੀਤੀ। 
ਮੀਟਿੰਗ ਤੋਂ ਬਾਅਦ ਅਗਲੇ ਦਿਨ ਪ੍ਰਧਾਨ ਡਾਕਟਰ ਗੁਰਚਰਨ ਕੋਚਰ ਅਤੇ ਹੋਰਾਂ ਨੇ ਇਸ ਸਬੰਧੀ ਹੋਸਟਲ ਵਾਲੀ ਥਾਂ ਦਾ ਵੀ ਦੌਰਾ ਕੀਤਾ ਜਿੱਥੇ ਮੌਜੂਦ ਰੀਡਰ ਨੇ ਇਸ ਗੱਲ ਦੀ ਪੁਸ਼ਟੀ ਕੀਤੀ ਕਿ ਇਹ ਥਾਂ ਅਸਲ ਵਿੱਚ ਵਰਕਿੰਗ ਵੂਮੈਨ ਹੋਸਟਲ ਹੀ ਹੈ ਪਰ ਇਸ ਬਾਰੇ ਫੈਸਲਾ ਉੱਚ ਅਧਿਕਾਰੀਆਂ ਨੇ ਹੀ ਲੈਣਾ ਹੈ।  
ਕਾਬਿਲੇ ਜ਼ਿਕਰ ਹੈ ਕਿ ਕੁਝ ਸਮਾਂ ਪਹਿਲਾਂ ਬੇਲਨ ਬ੍ਰਿਗੇਡ ਵੱਲੋਂ ਮੈਡਮ ਅਨੀਤਾ ਸ਼ਰਮਾ ਨੇ ਵੀ ਇਹ ਮਸਲਾ ਉਠਾਇਆ ਸੀ।