ਦਹਿਸ਼ਤਗਰਦੀ, ਸਮਾਜਕ-ਸਦਭਾਵ ਅਤੇ ਸ਼ਾਂਤੀ ਨੂੰ ਲੈ ਕੇ ਡਾਕਟਰ ਵੀ ਹੋਏ ਚਿੰਤਿਤ

From M S Bhatia on 03 May 2025 at 2022 Regarding IDPD meeting

ਆਈ ਡੀ ਪੀ ਡੀ ਵਲੋਂ ਪਹਿਲਗਾਮ ਵਿਖੇ ਅੱਤਵਾਦੀ ਹਿੰਸਾ ਵਿੱਚ ਸ਼ਹੀਦ ਹੋਣ ਵਾਲਿਆਂ ਨੂੰ ਸ਼ਰਧਾਂਜਲੀ

ਲੁਧਿਆਣਾ: 3 ਮਈ 2025: (ਮੀਡੀਆ ਲਿੰਕ ਰਵਿੰਦਰ//ਪੰਜਾਬ ਸਕਰੀਨ ਡੈਸਕ)::

ਇੰਡੀਅਨ ਡਾਕਟਰ ਫਾਰ ਪੀਸ ਐਂਡ ਡਿਵੈਲਪਮੈਂਟ (ਆਈਡੀਪੀਡੀ) ਵੱਲੋਂ ਪਹਿਲਗਾਮ ਵਿਖੇ ਨਿਰਦੋਸ਼ ਸੈਲਾਨੀਆਂ  ਦੀ ਹੱਤਿਆ ਵਿੱਚ ਸ਼ਹੀਦ ਹੋਏ  ਲੋਕਾਂ ਨੂੰ ਸ਼ਰਧਾਂਜਲੀ ਦੇਣ ਲਈ ਇੱਕ ਵਿਚਾਰ ਚਰਚਾ ਦਾ ਆਯੋਜਨ ਕੀਤਾ ਗਿਆ। ਇਸ ਵਿੱਚ ਅੱਤਵਾਦੀਆਂ ਦੇ ਇਸ ਕਾਰੇ ਦੀ ਸਖਤ ਸ਼ਬਦਾਂ ਵਿੱਚ ਨਿਖੇਧੀ ਕੀਤੀ ਗਈ ਤੇ ਉਹਨਾਂ ਨੂੰ ਸਖਤ ਤੋ ਸਖਤ ਸਜਾਵਾਂ ਦੇਣ ਦੀ ਮੰਗ ਕੀਤੀ ਗਈ।

ਵੱਖ ਵੱਖ ਬੁਲਾਰਿਆਂ ਨੇ ਸਰਕਾਰ ਦੇ ਖੋਖਲੇ ਦਾਅਵਿਆਂ ਕਿ ਘਾਟੀ ਵਿੱਚ ਅੱਤਵਾਦ ਸਮਾਪਤ ਹੋ ਚੁੱਕਿਆ ਹੈ, ਨੂੰ ਸਿਰਫ ਇੱਕ ਰਾਜਨੀਤੀਕ ਸਟੰਟ ਦੱਸਿਆ। ਪ੍ਰਧਾਨ ਮੰਤਰੀ ਨੇ ਪਹਿਲਾਂ ਕਿਹਾ ਸੀ ਕਿ ਨੋਟਬੰਦੀ ਤੋਂ ਬਾਅਦ ਅੱਤਵਾਦ ਸਮਾਪਤ ਹੋ ਜਾਏਗਾ ਅਤੇ ਇਸੇ ਗੱਲ ਨੂੰ ਦੁਬਾਰਾ ਧਾਰਾ 370 ਹਟਾਉਣ ਤੋਂ ਬਾਅਦ ਫਿਰ ਦੋਹਰਾਇਆ। ਪਰ ਅਸਲ ਵਿੱਚ ਆਂਕੜੇ ਦੱਸਦੇ ਹਨ ਕਿ ਪਿਛਲੀ ਯੂਪੀਏ ਦੀ ਸਰਕਾਰ ਦੇ ਦੌਰਾਨ ਅੱਤਵਾਦੀਆਂ ਹੱਥੋਂ ਮਾਰੇ ਗਏ ਲੋਕਾਂ ਦੀ ਗਿਣਤੀ ਪ੍ਰਤਿਵਰਸ਼ 101 ਤੇ ਲਿਆਂਦੀ ਗਈ ਸੀ ਜਦੋਂ ਕੀ ਮੌਜੂਦਾ ਸਰਕਾਰ ਦੇ 11 ਸਾਲ ਲਗਭਗ ਹੋਣ ਨੂੰ ਆਏ ਤੇ ਇਹ ਗਿਣਤੀ 127 ਤੱਕ ਖੜੀ ਹੈ।

ਇਕ ਦਮ ਘਬਰਾ ਕੇ ਬਿਨਾਂ ਸੋਚੇ ਸਮਝੇ ਸਿੰਧੂ ਨਦੀ ਸੰਧੀ ਨੂੰ ਰੱਦ ਕਰਨ ਦੀ ਗੱਲ ਕੀਤੀ ਗਈ ਤੇ ਪਾਕਿਸਤਾਨ ਨੂੰ ਪਾਣੀ ਬੰਦ ਕਰਨ ਦੀ ਗੱਲ ਕਰ ਦਿੱਤੀ ਗਈ। ਨਾ ਤੇ ਇਹ ਤਕਨੀਕੀ ਤੌਰ ਤੇ ਸੰਭਵ ਹੈ ਤੇ ਨਾਲ ਹੀ ਇਹ ਗੈਰ ਕਾਨੂੰਨੀ ਵੀ ਹੈ। ਇਹ ਪਾਣੀ ਪਾਕਿਸਤਾਨ ਦੇ ਲੋਕਾਂ ਦੀ ਖੇਤੀਬਾੜੀ ਅਤੇ ਹੋਰ ਲੋੜਾਂ ਲਈ ਇਕ ਜੀਵਨ ਰੇਖਾ ਹੈ। ਇਸ ਨੂੰ ਬੰਦ ਕਰਨ ਦੇ ਨਾਲ ਪਾਕਿਸਤਾਨ ਦੇ ਵਿੱਚ ਪੀਣ ਦੇ ਪਾਣੀ ਤੇ ਖੁਰਾਕ ਦਾ 20 ਕਰੋੜ ਲੋਕਾਂ ਦੇ ਲਈ ਸੰਕਟ ਖੜਾ ਹੋ ਸਕਦਾ ਹੈ । ਇੰਜ ਹੋਇਆ ਤਾਂ ਅੰਤਰਰਾਸ਼ਟਰੀ ਸੰਬੰਧਾਂ ਵਿੱਚ ਬਹੁਤ ਕਠਿਨਾਈਆਂ ਪੈਦਾ ਹੋ ਜਾਣਗੀਆਂ।  

ਇਹ ਲਾਜ਼ਮੀ ਹੈ ਕਿ ਹਿੰਸਾ ਦੇ ਦੋਸ਼ੀਆਂ ਨੂੰ ਸਖਤ ਤੋਂ ਸਖਤ ਸਜ਼ਾਵਾਂ ਦਿੱਤੀਆਂ ਜਾਣ। ਪਰ ਪ੍ਰਧਾਨ ਮੰਤਰੀ ਵੱਲੋਂ ਹਮਲਾਵਰ ਕਿਸਮ ਦੀਆਂ ਗੱਲਾਂ ਅਤੇ ਮਿੱਟੀ ਵਿੱਚ ਮਿਲਾਣ ਦੀਆਂ ਗੱਲਾਂ ਭਾਵਨਾ ਪੂਰਨ ਤਾਂ ਹੋ ਸਕਦੀਆਂ ਹਨ ਪਰ ਯਥਾਰਥਵਾਦੀ ਨਹੀਂ ਹਨ। ਮੁਸਲਮਾਨਾਂ ਅਤੇ ਕਸ਼ਮੀਰੀ ਵਿਦਿਆਰਥੀਆਂ ਤੇ ਹਮਲਿਆਂ  ਨੂੰ ਰੋਕਣਾ ਲਾਜ਼ਮੀ ਹੈ। ਸਾਨੂੰ ਇਹ ਸਮਝਣਾ ਚਾਹੀਦਾ ਹੈ ਕਿ ਕਸ਼ਮੀਰ ਦੇ ਲੋਕਾਂ ਨੇ ਪਹਿਲਗਾਮ ਵਿਚ ਹੋਈ ਹਿੰਸਾ ਨੂੰ ਪੂਰੀ ਤਰਹਾਂ ਰੱਦ ਕਰ ਦਿੱਤਾ ਹੈ। 

ਉਨਾਂ ਨੇ ਨਾ ਕੇਵਲ ਜ਼ਖਮੀਆਂ ਨੂੰ ਬਚਾਇਆ ਬਲਕਿ ਸਾਰੇ ਕਸ਼ਮੀਰ ਵਿੱਚ ਸੜਕਾਂ ਤੇ ਉਤਰ ਕੇ ਇਸ ਹਿੰਸਕ ਕਾਰੇ ਦਾ ਪ੍ਰਦਰਸ਼ਨ ਕਰਕੇ ਵਿਰੋਧ ਵੀ ਕੀਤਾ।

ਇਸ ਲਈ ਇਨਾਂ ਹਾਲਾਤਾਂ ਨੂੰ ਸਮਝਦਾਰੀ ਦੇ ਨਾਲ ਸਮਝ ਕੇ ਅੱਗੇ ਚਲਣਾ ਚਾਹੀਦਾ ਹੈ। ਜਿੱਥੇ ਆਪਣੇ ਦੇਸ਼ ਦੀ ਅਣਖ ਤੇ ਪ੍ਰਭੂਸੱਤਾ ਨੂੰ ਬਰਕਰਾਰ ਰੱਖਣ ਦੇ ਲਈ ਮਜਬੂਤੀ ਨਾਲ ਕਦਮ ਚੁੱਕਣੇ ਚਾਹੀਦੇ ਹਨ ਉਥੇ ਸਾਨੂੰ ਵਾਸੂਦੇਵ ਕੁਟੰਬ ਦੀ ਦਾਰਸ਼ਨਿਕਤਾ ਤੇ ਅੱਗੇ ਚਲਣਾ ਪਏਗਾ ਜਿਸ ਮੁਤਾਬਕ ਮਾਨਵ ਜਾਤੀ ਨੂੰ ਸਮੁੱਚੇ ਤੌਰ ਤੇ ਮਾਨ ਸਨਮਾਨ ਦੇਣਾ ਪਏਗਾ।

 ਅੱਜ ਇਹ ਤੱਥ ਸਭ ਨੂੰ ਪਤਾ ਹੈ ਕਿ ਅਜੋਕੇ ਯੁੱਧਾਂ ਦੌਰਾਨ ਲੜਾਕਿਆਂ ਦੇ ਮੁਕਾਬਲੇ ਆਮ ਨਾਗਰਿਕ ਵਧੇਰੇ ਗਿਣਤੀ ਵਿਚ ਮਾਰੇ ਜਾਂਦੇ ਹਨ।  ਹੁਣ ਸਮਾਂ ਆ ਗਿਆ ਹੈ ਕਿ ਦੱਖਣੀ ਏਸ਼ੀਆਈ ਦੇਸ਼ਾਂ ਨੂੰ ਇਸ ਖੇਤਰ ਵਿੱਚ ਕਿਤੇ  ਵੀ ਅਜਿਹੀ ਵਾਪਰਨ  ਤੋਂ ਰੋਕਣ ਲਈ ਇੱਕ ਆਮ ਸੁਰੱਖਿਆ ਪ੍ਰਣਾਲੀ ਦਾ ਵਿਕਾਸ ਕਰਨਾ ਚਾਹੀਦਾ ਹੈ।

ਮੀਟਿੰਗ ਨੂੰ ਸੰਬੋਧਨ ਕਰਨ ਵਾਲਿਆਂ ਵਿੱਚ ਡਾ ਅਰੁਣ ਮਿੱਤਰ-ਪ੍ਰਧਾਨ ਆਈ.ਡੀ.ਪੀ.ਡੀ,  ਪ੍ਰੋਫੈਸਰ ਜਗਮੋਹਨ ਸਿੰਘ, ਡਾਕਟਰ ਗਗਨਦੀਪ ਸਿੰਘ, ਡਾਕਟਰ ਪਰਮ ਸੈਣੀ, ਡਾਕਟਰ ਪ੍ਰਗਿਆ ਸ਼ਰਮਾ, ਐਮ ਐਸ ਭਾਟੀਆ, ਡਾਕਟਰ ਇੰਦਰਵੀਰ ਸਿੰਘ, ਡਾਕਟਰ ਐਮ ਕੇ ਮਹਾਜਨ, ਡਾਕਟਰ ਸ਼ਕਤੀ  ਪਰਭਾਕਰ,  ਡਾਕਟਰ ਮਹਿੰਦਰ ਕੌਰ ਗਰੇਵਾਲ,  ਬ੍ਰਿਜ ਭੂਸ਼ਨ ਗੋਇਲ, ਡਾਕਟਰ ਕੁਸਮ ਲਤਾ ਵੀ ਸ਼ਾਮਿਲ ਰਹੇ।

ਪਾਕਿਸਤਾਨ ਨੂੰ ਜਾਂਦਾ ਦਰਿਆਈ ਪਾਣੀ ਰੋਕਣਾ ਏਨਾ ਸੌਖਾ ਵੀ ਨਹੀਂ-ਨੱਤ

From Sukhdarshan Natt on 2nd May 2025 at 23:31 Regarding Waters Close to Pakistan

ਜਨਤਾ ਦੀ ਆਮ ਜਾਣਕਾਰੀ ਹਿੱਤ ਕਾਮਰੇਡ ਸੁਖਦਰਸ਼ਨ ਨੱਤ ਹੁਰਾਂ ਵੱਲੋਂ ਭੇਜਿਆ ਇੱਕ ਵਿਸ਼ੇਸ਼ ਜਾਇਜ਼ਾ 

ਮਾਨਸਾ: 2 ਜੁਲਾਈ 2025: (ਮੀਡੀਆ ਲਿੰਕ32//ਪੰਜਾਬ ਸਕਰੀਨ ਡੈਸਕ) ::

ਜੇਕਰ ਮੋਦੀ ਸਰਕਾਰ ਗੰਭੀਰਤਾ ਨਾਲ ਚਾਹੇ ਵੀ ਤਾਂ ਵੀ ਸਿੰਧ ਨਦੀ ਜਲ ਸੰਧੀ ਤਹਿਤ ਪਾਕਿਸਤਾਨ ਨੂੰ ਜਾਂਦਾ ਚਨਾਬ ਜੇਹਲਮ ਅਤੇ ਸਿੰਧ ਦਾ ਪਾਣੀ ਰੋਕਣ ਲਈ ਘੱਟੋ ਘੱਟ ਕਿੰਨਾ ਸਮਾਂ ਅਤੇ ਪੈਸਾ ਚਾਹੀਦਾ ਹੈ? ਇਸ ਬਾਰੇ ਪੜ੍ਹੋ ਇਕ ਸਟੀਕ ਜਾਇਜ਼ਾ ਅਤੇ ਵੇਰਵਾ :

ਭਾਰਤ ਸਰਕਾਰ ਵੱਲੋਂ ਸਿੰਧ, ਜੇਹਲਮ, ਅਤੇ ਚਨਾਬ ਦਰਿਆਵਾਂ ਦਾ ਪਾਣੀ ਪਾਕਿਸਤਾਨ ਨੂੰ ਜਾਣ ਤੋਂ ਰੋਕਣ ਦੀ ਸੰਭਾਵਨਾ ਇੱਕ ਜਟਿਲ ਮੁੱਦਾ ਹੈ, ਜਿਸ ਵਿੱਚ ਤਕਨੀਕੀ, ਬੁਨਿਆਦੀ ਢਾਂਚੇ, ਵਾਤਾਵਰਣਕ, ਕਾਨੂੰਨੀ, ਅਤੇ ਕੂਟਨੀਤਕ ਪਹਿਲੂ ਸ਼ਾਮਲ ਹਨ। ਇਸ ਦੀ ਸੰਭਾਵਨਾ ਨੂੰ ਸਮਝਣ ਲਈ, ਸਾਨੂੰ ਸਿੰਧੁ ਜਲ ਸੰਧੀ (Indus Waters Treaty, 1960), ਮੌਜੂਦਾ ਬੁਨਿਆਦੀ ਢਾਂਚਾ, ਅਤੇ ਇਸ ਨਾਲ ਜੁੜੇ ਸਮੇਂ ਅਤੇ ਚੁਣੌਤੀਆਂ ਦਾ ਵਿਸਥਾਰ ਵਿੱਚ ਵਿਸ਼ਲੇਸ਼ਣ ਕਰਨਾ ਪਵੇਗਾ। ਹੇਠਾਂ ਇਸ ਪ੍ਰਸ਼ਨ ਦਾ ਵਿਸਤ੍ਰਿਤ ਜਵਾਬ ਦਿੱਤਾ ਜਾ ਰਿਹਾ ਹੈ।

 1. *ਸਿੰਧ ਜਲ ਸੰਧੀ ਅਤੇ ਕਾਨੂੰਨੀ ਪਹਿਲੂ*

ਸਿੰਧ ਜਲ ਸੰਧੀ, ਜੋ 1960 ਵਿੱਚ ਭਾਰਤ ਅਤੇ ਪਾਕਿਸਤਾਨ ਵਿਚਕਾਰ ਵਿਸ਼ਵ ਬੈਂਕ ਦੀ ਮਦਦ ਨਾਲ ਸਹੀ ਹੋਈ ਸੀ, ਸਿੰਧ ਨਦੀ ਪ੍ਰਣਾਲੀ ਦੀਆਂ ਛੇ ਨਦੀਆਂ (ਸਿੰਧ, ਜੇਹਲਮ, ਚਨਾਬ, ਰਾਵੀ, ਸਤਲੁਜ, ਅਤੇ ਬਿਆਸ) ਦੇ ਪਾਣੀ ਦੀ ਵੰਡ ਨੂੰ ਨਿਯਮਤ ਕਰਦੀ ਹੈ। ਇਸ ਸੰਧੀ ਅਨੁਸਾਰ:

- *ਪੂਰਬੀ ਨਦੀਆਂ* (ਰਾਵੀ, ਸਤਲੁਜ, ਬਿਆਸ) ਦਾ ਪੂਰਾ ਪਾਣੀ ਭਾਰਤ ਦੇ ਅਧਿਕਾਰ ਅਧੀਨ ਹੈ।

- *ਪੱਛਮੀ ਨਦੀਆਂ* (ਸਿੰਧ, ਜੇਹਲਮ, ਚਨਾਬ) ਦਾ ਲਗਭਗ 80% ਪਾਣੀ ਪਾਕਿਸਤਾਨ ਨੂੰ ਦਿੱਤਾ ਜਾਂਦਾ ਹੈ, ਜਦਕਿ ਭਾਰਤ ਨੂੰ ਇਨ੍ਹਾਂ ਦੇ ਸੀਮਤ ਉਪਯੋਗ (ਖੇਤੀ, ਪੀਣ ਵਾਲਾ ਪਾਣੀ, ਅਤੇ ਨਿਰਧਾਰਤ ਪਣ-ਬਿਜਲੀ ਪ੍ਰੋਜੈਕਟਾਂ ਲਈ) ਦੀ ਇਜਾਜ਼ਤ ਹੈ।

ਜੇਕਰ ਭਾਰਤ ਪੱਛਮੀ ਨਦੀਆਂ ਦਾ ਪਾਣੀ ਪੂਰੀ ਤਰ੍ਹਾਂ ਰੋਕਣਾ ਚਾਹੁੰਦਾ ਹੈ, ਤਾਂ ਇਹ ਸੰਧੀ ਦੀ ਉਲੰਘਣਾ ਹੋਵੇਗੀ, ਜਿਸ ਦੇ ਨਤੀਜੇ ਵਜੋਂ ਅੰਤਰਰਾਸ਼ਟਰੀ ਕਾਨੂੰਨੀ ਅਤੇ ਕੂਟਨੀਤਕ ਪ੍ਰਤੀਕਰਮ ਹੋ ਸਕਦੇ ਹਨ। ਹਾਲਾਂਕਿ, ਸੰਧੀ ਵਿੱਚ ਭਾਰਤ ਨੂੰ ਆਪਣੇ ਹਿੱਸੇ ਦੇ ਪਾਣੀ ਦੀ ਵਰਤੋਂ ਅਤੇ ਸਟੋਰੇਜ ਦੀ ਇਜਾਜ਼ਤ ਹੈ, ਜਿਸ ਦੀ ਵਰਤੋਂ ਕਰਕੇ ਭਾਰਤ ਪਾਕਿਸਤਾਨ ਨੂੰ ਜਾਣ ਵਾਲੇ ਪਾਣੀ ਦੀ ਮਾਤਰਾ ਨੂੰ ਕੁਝ ਘਟਾ ਸਕਦਾ ਹੈ।

 2. *ਮੌਜੂਦਾ ਬੁਨਿਆਦੀ ਢਾਂਚਾ ਅਤੇ ਸਮਰੱਥਾ*

ਸਿੰਧ, ਜੇਹਲਮ, ਅਤੇ ਚਨਾਬ ਦਰਿਆਵਾਂ ਦਾ ਪਾਣੀ ਰੋਕਣ ਲਈ ਭਾਰਤ ਨੂੰ ਵਿਸ਼ਾਲ ਬੁਨਿਆਦੀ ਢਾਂਚੇ ਦੀ ਲੋੜ ਹੈ, ਜਿਸ ਵਿੱਚ ਡੈਮ, ਵੱਡੀਆਂ ਝੀਲਾਂ ਅਤੇ ਨਹਿਰਾਂ ਸ਼ਾਮਲ ਹਨ। ਮੌਜੂਦਾ ਸਥਿਤੀ ਦਾ ਵਿਸ਼ਲੇਸ਼ਣ ਇਸ ਪ੍ਰਕਾਰ ਹੈ:

ਚਨਾਬ ਦਰਿਆ*

- *ਮੌਜੂਦਾ ਸਥਿਤੀ: ਚਨਾਬ ਦਰਿਆ ਉੱਤੇ ਭਾਰਤ ਦੇ ਕੁਝ ਪ੍ਰੋਜੈਕਟ, ਜਿਵੇਂ ਕਿ **ਬਗਲੀਹਾਰ ਡੈਮ* ਅਤੇ *ਸਲਾਲ ਹਾਈਡਰੋਪਾਵਰ ਪ੍ਰੋਜੈਕਟ*, ਪਹਿਲਾਂ ਹੀ ਕੰਮ ਕਰ ਰਹੇ ਹਨ। ਇਹ ਪ੍ਰੋਜੈਕਟ ਮੁੱਖ ਤੌਰ 'ਤੇ ਪਣ-ਬਿਜਲੀ ਉਤਪਾਦਨ ਲਈ ਹਨ ਅਤੇ ਪਾਣੀ ਦੀ ਸੀਮਤ ਸਟੋਰੇਜ ਸਮਰੱਥਾ ਰੱਖਦੇ ਹਨ। ਹਾਲ ਹੀ ਦੀਆਂ ਰਿਪੋਰਟਾਂ ਅਨੁਸਾਰ, ਭਾਰਤ ਨੇ ਕੁਝ ਸਮੇਂ ਲਈ ਚਨਾਬ ਦਾ ਪਾਣੀ ਰੋਕਣ ਦੀਆਂ ਕੋਸ਼ਿਸ਼ਾਂ ਸ਼ੁਰੂ ਕੀਤੀਆਂ ਹਨ, ਖਾਸ ਤੌਰ 'ਤੇ ਸਰਦੀਆਂ ਦੇ ਮੌਸਮ ਵਿੱਚ ਜਦੋਂ ਪਾਣੀ ਦਾ ਵਹਾਅ ਘੱਟ ਹੁੰਦਾ ਹੈ।

- *ਸਮਰੱਥਾ*: ਮੌਜੂਦਾ ਬੁਨਿਆਦੀ ਢਾਂਚੇ ਨਾਲ ਚਨਾਬ ਦੇ ਪਾਣੀ ਨੂੰ ਪੂਰੀ ਤਰ੍ਹਾਂ ਰੋਕਣਾ ਮੁਸ਼ਕਲ ਹੈ, ਕਿਉਂਕਿ ਮੌਨਸੂਨ ਦੇ ਮੌਸਮ ਵਿੱਚ 18 ਮਿਲੀਅਨ ਏਕੜ ਫੁੱਟ ਪਾਣੀ ਨੂੰ ਸਟੋਰ ਕਰਨ ਲਈ ਵਿਸ਼ਾਲ ਝੀਲਾਂ ਦੀ ਲੋੜ ਹੈ।

- *ਸਮਾਂ: ਨਵੇਂ ਵੱਡੇ ਡੈਮ ਜਿਵੇਂ ਕਿ **ਕਿਸ਼ਤਵਾੜ ਜਾਂ ਉਦੈਪੁਰ ਪ੍ਰੋਜੈਕਟ* ਨੂੰ ਪੂਰਾ ਕਰਨ ਵਿੱਚ 7-10 ਸਾਲ ਲੱਗ ਸਕਦੇ ਹਨ, ਜੇਕਰ ਵਾਤਾਵਰਣ ਸਬੰਧੀ ਅਤੇ ਸਥਾਨਕ ਮਨਜ਼ੂਰੀਆਂ ਸਮੇਂ ਸਿਰ ਮਿਲ ਜਾਣ।

ਜੇਹਲਮ ਦਰਿਆ*

- *ਮੌਜੂਦਾ ਸਥਿਤੀ: ਜੇਹਲਮ ਦਰਿਆ ਦਾ ਪੂਰਾ ਲਾਂਘਾਂ ਜੰਮੂ-ਕਸ਼ਮੀਰ ਦੇ ਪਹਾੜੀ ਖੇਤਰਾਂ ਵਿੱਚੋਂ ਹੈ। **ਕਿਸ਼ਨਗੰਗਾ ਹਾਈਡਰੋਪਾਵਰ ਪ੍ਰੋਜੈਕਟ* ਜੇਹਲਮ ਦੀ ਸਹਾਇਕ ਨਦੀ ਨੀਲਮ ਦੇ ਪਾਣੀ ਦੀ ਵਰਤੋਂ ਕਰਦਾ ਹੈ। ਪਰ ਜੇਹਲਮ ਦਾ ਮੁੱਖ ਵਹਾਅ ਰੋਕਣਾ ਬਹੁਤ ਮੁਸ਼ਕਲ ਹੈ, ਕਿਉਂਕਿ ਇਸ ਦਾ ਭੂਗੋਲਿਕ ਮਾਰਗ ਅਤੇ ਤੇਜ਼ ਵਹਾਅ ਵੱਡੇ ਡੈਮ ਬਣਾਉਣ ਵਿੱਚ ਰੁਕਾਵਟ ਪੈਦਾ ਕਰਦੇ ਹਨ।

- *ਸਮਰੱਥਾ*: ਜੇਹਲਮ ਦੇ ਪਾਣੀ ਨੂੰ ਪੂਰੀ ਤਰ੍ਹਾਂ ਰੋਕਣਾ "ਲਗਭਗ ਅਸੰਭਵ" ਮੰਨਿਆ ਜਾਂਦਾ ਹੈ, ਕਿਉਂਕਿ ਇਸ ਦੇ ਲਈ ਵਿਸ਼ਾਲ ਬੁਨਿਆਦੀ ਢਾਂਚਾ ਅਤੇ ਅੰਤਰਰਾਸ਼ਟਰੀ ਸਹਿਮਤੀ ਦੀ ਲੋੜ ਹੈ।

- *ਸਮਾਂ*: ਜੇਹਲਮ ਉੱਤੇ ਨਵੇਂ ਪ੍ਰੋਜੈਕਟ ਸ਼ੁਰੂ ਕਰਨ ਲਈ 15-20 ਸਾਲ ਜਾਂ ਇਸ ਤੋਂ ਵੱਧ ਸਮਾਂ ਲੱਗ ਸਕਦਾ ਹੈ।

ਸਿੰਧ ਦਰਿਆ*

- *ਮੌਜੂਦਾ ਸਥਿਤੀ*: ਸਿੰਧ ਦਰਿਆ ਦਾ ਮੁੱਖ ਸਰੋਤ ਤਿੱਬਤ ਵਿੱਚ ਹੈ, ਅਤੇ ਇਹ ਲੱਦਾਖ ਅਤੇ ਜੰਮੂ-ਕਸ਼ਮੀਰ ਵਿੱਚੋਂ ਲੰਘਦਾ ਹੈ। ਭਾਰਤ ਦੇ ਕੋਲ ਸਿੰਧ ਦੇ ਪਾਣੀ ਨੂੰ ਸਟੋਰ ਕਰਨ ਦੀ ਬੜੀ ਸੀਮਤ ਸਮਰੱਥਾ ਹੈ, ਕਿਉਂਕਿ ਇਸ ਦੇ ਉੱਪਰ ਕੋਈ ਵੱਡੇ ਡੈਮ ਨਹੀਂ ਹਨ।

- *ਸਮਰੱਥਾ*: ਸਿੰਧ ਦੇ ਪਾਣੀ ਨੂੰ ਰੋਕਣ ਲਈ ਨਵੇਂ ਵਿਸ਼ਾਲ ਡੈਮਾਂ ਦੀ ਲੋੜ ਹੈ, ਜਿਸ ਲਈ ਹਿਮਾਚਲ ਪ੍ਰਦੇਸ਼, ਜੰਮੂ-ਕਸ਼ਮੀਰ, ਜਾਂ ਲੱਦਾਖ ਵਿੱਚ ਨਵੇਂ ਪ੍ਰੋਜੈਕਟ ਸ਼ੁਰੂ ਕਰਨੇ ਪੈਣਗੇ।

- *ਸਮਾਂ*: ਸਿੰਧ ਉੱਤੇ ਨਵੇਂ ਡੈਮ ਬਣਾਉਣ ਵਿੱਚ 10-15 ਸਾਲ ਲੱਗ ਸਕਦੇ ਹਨ।

3. *ਪਾਣੀ ਰੋਕਣ ਦੀਆਂ ਤਕਨੀਕੀ ਰਣਨੀਤੀਆਂ*

ਭਾਰਤ ਸਰਕਾਰ ਪਾਣੀ ਰੋਕਣ ਲਈ ਹੇਠਲੀਆਂ ਰਣਨੀਤੀਆਂ ਅਪਣਾ ਸਕਦੀ ਹੈ:

1. *ਡੈਮ ਅਤੇ ਜਲ ਭੰਡਾਰ*: ਨਵੇਂ ਵੱਡੇ ਡੈਮ ਅਤੇ ਜਲ ਭੰਡਾਰ ਬਣਾਉਣ ਨਾਲ ਪਾਣੀ ਨੂੰ ਸਟੋਰ ਕੀਤਾ ਜਾ ਸਕਦਾ ਹੈ। ਇਹ ਪਾਣੀ ਭਾਰਤ ਵਿੱਚ ਸਿੰਚਾਈ, ਪੀਣ, ਅਤੇ ਉਦਯੋਗਿਕ ਵਰਤੋਂ ਲਈ ਵਰਤਿਆ ਜਾ ਸਕਦਾ ਹੈ।

2. *ਨਹਿਰਾਂ ਦਾ ਜਾਲ*: ਪੂਰਬੀ ਨਦੀਆਂ (ਰਾਵੀ, ਸਤਲੁਜ, ਬਿਆਸ) ਨਾਲ ਪੱਛਮੀ ਨਦੀਆਂ ਨੂੰ ਜੋੜਨ ਵਾਲੀਆਂ ਨਹਿਰਾਂ ਬਣਾ ਕੇ ਉਸ ਪਾਣੀ ਨੂੰ ਭਾਰਤ ਦੇ ਸੁੱਕੇ ਖੇਤਰਾਂ (ਜਿਵੇਂ ਰਾਜਸਥਾਨ ਜਾਂ ਹਰਿਆਣਾ) ਵਿੱਚ ਮੋੜਿਆ ਜਾ ਸਕਦਾ ਹੈ।

3. *ਪਣ-ਬਿਜਲੀ ਪ੍ਰੋਜੈਕਟ*: ਨਵੇਂ ਪਣ-ਬਿਜਲੀ ਪ੍ਰੋਜੈਕਟਾਂ ਨਾਲ ਪਾਣੀ ਦੀ ਵਰਤੋਂ ਵਧਾਈ ਜਾ ਸਕਦੀ ਹੈ, ਜੋ ਸੰਧੀ ਦੇ ਅਧੀਨ ਜਾਇਜ਼ ਹੈ।

4. *ਸਮੇਂ ਦਾ ਅਨੁਮਾਨ*

- *ਤੁਰੰਤ ਉਪਾਅ (1-2 ਸਾਲ)*: ਮੌਜੂਦਾ ਡੈਮਾਂ (ਜਿਵੇਂ ਬਗਲੀਹਾਰ, ਕਿਸ਼ਨਗੰਗਾ) ਦੀ ਵਰਤੋਂ ਨਾਲ ਸਰਦੀਆਂ ਦੇ ਮੌਸਮ ਵਿੱਚ ਪਾਣੀ ਦਾ ਵਹਾਅ ਕੁਝ ਘਟਾਇਆ ਜਾ ਸਕਦਾ ਹੈ। ਪਰ ਇਹ ਪੂਰੀ ਰੋਕਥਾਮ ਨਹੀਂ ਹੋਵੇਗੀ।

- *ਮੱਧਕਾਲੀ ਉਪਾਅ (5-10 ਸਾਲ)*: ਨਵੇਂ ਮੱਧਮ ਆਕਾਰ ਦੇ ਡੈਮ ਅਤੇ ਨਹਿਰਾਂ ਦਾ ਨਿਰਮਾਣ ਕਰਕੇ ਪਾਣੀ ਦੀ ਮਾਤਰਾ ਨੂੰ ਕਾਫੀ ਹੱਦ ਤੱਕ ਘਟਾਇਆ ਜਾ ਸਕਦਾ ਹੈ।

- *ਲੰਬੇ ਸਮੇਂ ਦੇ ਉਪਾਅ (10-20 ਸਾਲ)*: ਵਿਸ਼ਾਲ ਡੈਮ ਅਤੇ ਨਦੀਆਂ ਨੂੰ ਜੋੜਨ ਵਾਲੇ ਪ੍ਰੋਜੈਕਟ (ਜਿਵੇਂ ਨਦੀ ਜੋੜ ਪ੍ਰੋਜੈਕਟ - ਲੰਬੀਆਂ ਟਨਲਾਂ ਬਣਾਉਣਾ) ਨਾਲ ਪਾਣੀ ਨੂੰ ਪੂਰੀ ਤਰ੍ਹਾਂ ਰੋਕਣ ਦੀ ਸਮਰੱਥਾ ਵਿਕਸਿਤ ਕੀਤੀ ਜਾ ਸਕਦੀ ਹੈ।

- 5. *ਚੁਣੌਤੀਆਂ ਅਤੇ ਜੋਖਮ*

- *ਵਾਤਾਵਰਣ ਉਤੇ ਪੈਣ ਵਾਲੇ ਮਾੜੇ ਪ੍ਰਭਾਵ*: ਵੱਡੇ ਡੈਮ ਅਤੇ ਝੀਲਾਂ ਵਾਤਾਵਰਣ ਨੂੰ ਨੁਕਸਾਨ ਪਹੁੰਚਾ ਸਕਦੀਆਂ ਹਨ, ਜਿਵੇਂ ਕਿ ਜੰਗਲਾਂ ਦੀ ਕਟਾਈ, ਜੀਵ-ਜੰਤੂਆਂ ਦਾ ਵਿਨਾਸ਼, ਅਤੇ ਸਥਾਨਕ ਭਾਈਚਾਰਿਆਂ ਦਾ ਵਿਸਥਾਪਨ ਜਾਂ ਉਜਾੜਾ।

- *ਕੂਟਨੀਤਕ ਨਤੀਜੇ*: ਸੰਧੀ ਦੀ ਉਲੰਘਣਾ ਨਾਲ ਪਾਕਿਸਤਾਨ ਅੰਤਰਰਾਸ਼ਟਰੀ ਅਦਾਲਤਾਂ ਜਾਂ ਵਿਸ਼ਵ ਬੈਂਕ ਵਿੱਚ ਸ਼ਿਕਾਇਤ ਕਰ ਸਕਦਾ ਹੈ। ਇਸ ਨਾਲ ਭਾਰਤ-ਪਾਕਿਸਤਾਨ ਸਬੰਧ ਹੋਰ ਤਣਾਅਪੂਰਨ ਹੋ ਸਕਦੇ ਹਨ।

- *ਆਰਥਿਕ ਲਾਗਤ*: ਵਿਸ਼ਾਲ ਬੁਨਿਆਦੀ ਢਾਂਚੇ ਦਾ ਨਿਰਮਾਣ ਬੜਾ ਮਹਿੰਗਾ ਹੈ। ਉਦਾਹਰਨ ਵਜੋਂ, ਇੱਕ ਵੱਡੇ ਡੈਮ ਦੀ ਲਾਗਤ 10,000 ਤੋਂ 20,000 ਕਰੋੜ ਰੁਪਏ ਹੋ ਸਕਦੀ ਹੈ।

- *ਚੀਨ ਦੀ ਭੂਮਿਕਾ*: ਸਿੰਧ ਅਤੇ ਚਨਾਬ ਦੇ ਸਰੋਤ ਤਿੱਬਤ ਵਿੱਚ ਹਨ, ਜਿੱਥੇ ਚੀਨ ਨੇ ਵੀ ਡੈਮ ਬਣਾਏ ਹੋਏ ਹਨ। ਚੀਨ ਦੀਆਂ ਗਤੀਵਿਧੀਆਂ ਭਾਰਤ ਦੀ ਰਣਨੀਤੀ ਨੂੰ ਪ੍ਰਭਾਵਿਤ ਕਰ ਸਕਦੀਆਂ ਹਨ।

6. *ਪਾਕਿਸਤਾਨ ਉੱਤੇ ਪ੍ਰਭਾਵ*

ਜੇਕਰ ਭਾਰਤ ਪੱਛਮੀ ਨਦੀਆਂ ਦਾ ਪਾਣੀ ਰੋਕਦਾ ਹੈ, ਤਾਂ ਪਾਕਿਸਤਾਨ ਦੀ ਖੇਤੀਬਾੜੀ, ਜੋ ਸਿੰਧ ਨਦੀ ਪ੍ਰਣਾਲੀ 'ਤੇ ਨਿਰਭਰ ਹੈ, ਨੂੰ ਭਾਰੀ ਨੁਕਸਾਨ ਹੋਵੇਗਾ। ਪਾਕਿਸਤਾਨ ਦੇ ਪੰਜਾਬ ਅਤੇ ਸਿੰਧ ਸੂਬਿਆਂ ਵਿੱਚ ਸਿੰਚਾਈ ਪ੍ਰਣਾਲੀ ਪ੍ਰਭਾਵਿਤ ਹੋਵੇਗੀ, ਜਿਸ ਨਾਲ ਭੋਜਨ ਸੁਰੱਖਿਆ ਅਤੇ ਆਰਥਿਕ ਸਥਿਰਤਾ ਨੂੰ ਭਾਰੀ ਖਤਰਾ ਹੋ ਸਕਦਾ ਹੈ।

 7. *ਸੁਝਾਅ ਅਤੇ ਸਿੱਟਾ*

- *ਤਕਨੀਕੀ ਸੁਧਾਰ*: ਭਾਰਤ ਨੂੰ ਮੌਜੂਦਾ ਪ੍ਰੋਜੈਕਟਾਂ ਦੀ ਸਮਰੱਥਾ ਵਧਾਉਣ ਅਤੇ ਨਵੇਂ ਡੈਮਾਂ ਦੀ ਯੋਜਨਾ ਤੇਜ਼ ਕਰਨੀ ਚਾਹੀਦੀ ਹੈ।

- *ਕੂਟਨੀਤਕ ਪਹੁੰਚ*: ਸੰਧੀ ਦੇ ਅਧੀਨ ਰਹਿੰਦੇ ਹੋਏ ਪਾਣੀ ਦੀ ਵਰਤੋਂ ਵਧਾਉਣੀ ਚਾਹੀਦੀ ਹੈ, ਤਾਂ ਜੋ ਅੰਤਰਰਾਸ਼ਟਰੀ ਵਿਵਾਦ ਪੈਦਾ ਨਾ ਹੋਣ।

- *ਵਾਤਾਵਰਣਕ ਸੰਤੁਲਨ*: ਵੱਡੇ ਪ੍ਰੋਜੈਕਟ ਸ਼ੁਰੂ ਕਰਨ ਤੋਂ ਪਹਿਲਾਂ ਵਾਤਾਵਰਣ ਉਤੇ ਪੈਣ ਵਾਲੇ ਪ੍ਰਭਾਵਾਂ ਦਾ ਅਧਿਐਨ ਬੇਹੱਦ ਜ਼ਰੂਰੀ ਹੈ।

- *ਸਮਾਂ*: ਪੂਰੀ ਰੋਕਥਾਮ ਲਈ 10-20 ਸਾਲ ਦੀ ਲੰਬੀ ਮਿਆਦ ਦੀ ਯੋਜਨਾ ਅਤੇ ਨਿਵੇਸ਼ ਦੀ ਲੋੜ ਹੈ।

ਸੰਖੇਪ ਵਿੱਚ, ਭਾਰਤ ਸਰਕਾਰ ਮੌਜੂਦਾ ਬੁਨਿਆਦੀ ਢਾਂਚੇ ਨਾਲ ਸੀਮਤ ਸਮੇਂ ਲਈ ਪਾਣੀ ਦਾ ਵਹਾਅ ਘਟਾ ਸਕਦੀ ਹੈ, ਪਰ ਪੂਰੀ ਰੋਕਥਾਮ ਲਈ ਵਿਸ਼ਾਲ ਡੈਮ, ਨਹਿਰਾਂ, ਅਤੇ ਜਲ ਭੰਡਾਰਾਂ ਦੀ ਲੋੜ ਹੈ, ਜਿਸ ਵਿੱਚ 10-20 ਸਾਲ ਲੱਗ ਸਕਦੇ ਹਨ। ਇਸ ਦੌਰਾਨ, ਕੂਟਨੀਤਕ ਅਤੇ ਵਾਤਾਵਰਣਕ ਪਹਿਲੂਆਂ ਉਤੇ ਵੀ ਧਿਆਨ ਦੇਣਾ ਜ਼ਰੂਰੀ ਹੈ।

ਪਾਣੀਆਂ ਦੇ ਮਾਮਲੇ 'ਤੇ ਲਿਬਰੇਸ਼ਨ ਵੱਲੋਂ ਤਿੱਖੀ ਚੇਤਾਵਨੀ

 From Sukhdarshan Natt on 2nd May 2025 at 18:25 Via WhatsApp

ਕਿਹਾ-ਕੇਂਦਰ ਸਰਕਾਰ ਨੂੰ ਇਤਿਹਾਸ ਤੋਂ ਸਬਕ ਸਿੱਖਣ ਦੀ ਜ਼ਰੂਰਤ 

ਸੀਪੀਆਈ (ਐਮ ਐਲ) ਲਿਬਰੇਸ਼ਨ ਪੰਜਾਬ ਨੇਪਾਣੀਆਂ ਦੇ ਮਾਮਲੇ 'ਤੇ ਤਿੱਖੀ ਆਲੋਚਨਾ ਕਰਦਿਆਂ ਚੇਤਾਵਨੀ ਵੀ  ਦਿੱਤੀ ਹੈ। ਪਾਰਟੀ ਨੇ ਸਾਫ ਕਿਹਾ ਹੈ ਕਿ ਪੰਜਾਬ ਦੇ ਹਿੱਸੇ ਦਾ ਦਰਿਆਈ ਪਾਣੀ ਧੱਕੇ ਨਾਲ ਗੁਆਂਢੀ ਰਾਜਾਂ ਨੂੰ ਦੇਣਾ ਪੰਜਾਬ ਦੇ ਖਿਲਾਫ ਬੀਜੇਪੀ ਦੀ ਇਕ ਡੂੰਘੀ ਸਾਜ਼ਿਸ਼ ਹੈ।  

ਮਾਨਸਾ: 2 ਮਈ 2025: (ਪੰਜਾਬ ਸਕਰੀਨ ਡੈਸਕ):: 

ਪੰਜਾਬ ਅਤੇ ਹਰਿਆਣਾ ਦਰਮਿਆਨ ਪਾਣੀਆਂ ਦਾ ਦਾ ਮਾਮਲਾ ਫਿਰ ਗਰਮਾਇਆ ਹੋਇਆ ਹੈ। ਅਤੀਤ ਵਿੱਚ ਵੀ ਪੰਜਾਬ ਨਾਲ ਬਹੁਤ ਵਾਰ ਬੇਇਨਸਾਫ਼ੀ ਹੁੰਦੀ ਰਹੀ ਹੈ ਅਤੇ ਹੁਣ ਵੀ ਇਹ ਸਭ ਲਗਾਤਾਰ ਜਾਰੀ ਹੈ। ਸੀਪੀਆਈ (ਐਮ ਐਲ) ਲਿਬਰੇਸ਼ਨ ਨੇ ਇਸ ਵਿਵਾਦ ਨੂੰ ਲੈ ਕੇ ਤਿੱਖਾ ਰੂਪ ਅਪਣਾਇਆ ਹੈ। ਲਿਬਰੇਸ਼ਨ ਨੇ ਕੇਂਦਰ ਸਰਕਾਰ ਅਤੇ ਭਾਖੜਾ ਬਿਆਸ ਮੈਨੇਜਮੈਂਟ ਦੀ ਸਖਤ ਆਲੋਚਨਾ ਕੀਤੀ ਹੈ। 

ਸੀਪੀਆਈ (ਐਮ ਐਲ) ਲਿਬਰੇਸ਼ਨ ਪੰਜਾਬ ਦਾ ਕਹਿਣਾ ਹੈ ਕਿ 'ਮਾਨਵੀ ਅਧਾਰ' ਦੀ ਆੜ ਵਿੱਚ ਬੀਬੀਐਮਬੀ ਵਲੋਂ ਹਰਿਆਣਾ ਨੂੰ ਪੰਜਾਬ ਦੇ ਹਿੱਸੇ ਵਿਚੋਂ ਵਾਧੂ ਦਰਿਆਈ ਪਾਣੀ ਦੇਣ ਵਿੱਚ ਕੀਤਾ ਜਾ ਰਿਹਾ ਧੱਕਾ ਮੋਦੀ ਸਰਕਾਰ ਵਲੋਂ ਪੰਜਾਬ ਦੇ ਅਧਿਕਾਰਾਂ ਨੂੰ ਪੈਰਾਂ ਹੇਠ ਰੋਲਣ ਵਾਲੀ ਅਜਿਹੀ ਕਾਰਵਾਈ ਹੈ, ਜਿਸ ਦੇ ਨਤੀਜੇ ਗੰਭੀਰ ਤੇ ਦੂਰਰਸ ਹੋਣਗੇ।

ਲਿਬਰੇਸ਼ਨ ਦੇ ਸੂਬਾ ਸਕੱਤਰ ਕਾਮਰੇਡ ਗੁਰਮੀਤ ਸਿੰਘ ਬਖਤਪੁਰ ਅਤੇ ਸੂਬਾਈ ਬੁਲਾਰੇ ਕਾਮਰੇਡ ਸੁਖਦਰਸ਼ਨ ਸਿੰਘ ਨੱਤ ਵਲੋਂ ਜਾਰੀ ਬਿਆਨ ਵਿੱਚ ਕਿਹਾ ਗਿਆ ਹੈ ਕਿ ਗਰਮੀ ਦੇ ਮੌਸਮ ਵਿੱਚ ਹਰ ਸੂਬਾ ਵੱਧ ਤੋ ਵੱਧ ਪਾਣੀ ਲੈਣਾ ਚਾਹੁੰਦਾ ਹੈ, ਹਾਲਾਂਕਿ ਦਰਿਆਈ ਪਾਣੀ ਦੀ ਵੰਡ ਵਿੱਚ ਪਹਿਲਾਂ ਹੀ ਸਰਬਪ੍ਰਵਾਨਿਤ ਰਿਪੇਰੀਅਨ ਨਿਯਮਾਂ ਨਿਯਮਾਂ ਦੇ ਉਲਟ ਜਾ ਕੇ ਪੰਜਾਬ ਨਾਲ ਵੱਡੀ ਬੇਇਨਸਾਫੀ ਕੀਤੀ ਗਈ ਹੈ। ਹੁਣ ਪੰਜਾਬ ਵਲੋਂ ਪੁਰਜ਼ੋਰ ਵਿਰੋਧ ਕਰਨ ਦੇ ਬਾਵਜੂਦ ਵੀ ਕੇਂਦਰ ਸਰਕਾਰ ਦੇ ਕੰਟਰੋਲ ਹੇਠਲੇ ਭਾਖੜਾ ਬਿਆਸ ਮੈਨੇਜਮੈਂਟ ਬੋਰਡ ਵਲੋਂ ਹਰਿਆਣਾ ਨੂੰ ਉਸ ਦੇ ਤਹਿ ਹਿੱਸੇ ਤੋਂ ਵਧੇਰੇ ਪਾਣੀ ਛੱਡਣ ਉਤੇ ਜ਼ੋਰ ਦਿੱਤਾ ਜਾ ਰਿਹਾ ਹੈ। ਇਥੋਂ ਤੱਕ ਕਿ ਇਸ ਦੇ ਲਈ ਬੋਰਡ ਵਿਚੋਂ ਪੰਜਾਬ ਦੇ ਮੈਂਬਰਾਂ ਤੇ ਇੰਜੀਨੀਅਰਾਂ ਨੂੰ ਪਾਸੇ ਕੀਤਾ ਜਾ ਰਿਹਾ ਹੈ। 

ਬਿਆਨ ਵਿੱਚ ਕਿਹਾ ਗਿਆ ਹੈ ਕਿ ਇਹ ਪੰਜਾਬ ਨਾਲ ਸਰਾਸਰ ਧੱਕਾ ਹੈ। ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਦੇ ਮਾਹਿਰ ਡਾਕਟਰ ਰਾਜਨ ਅਗਰਵਾਲ ਵੱਲੋਂ ਸਾਲ 2023 ਵਿੱਚ ਦਿੱਤੇ ਅੰਕੜਿਆਂ ਦੇ ਵਿੱਚ ਦਸਿਆ ਗਿਆ ਸੀ ਕਿ 1980 ਦੇ ਦਹਾਕੇ ਵਿੱਚ ਪੰਜਾਬ ਦੇ ਵਿੱਚ  ਸਿਰਫ਼ 2 ਲੱਖ ਟਿਊਬਵੈਲ ਸਨ ਜਿਨ੍ਹਾਂ ਦੀ ਗਿਣਤੀ ਹੁਣ 15 ਲੱਖ ਤੱਕ ਪਹੁੰਚ ਚੁੱਕੀ ਹੈ ਅਤੇ ਅਗਰ ਪੀਣ ਵਾਲੇ ਪਾਣੀ ਲਈ ਕੀਤੇ ਘਰੇਲੂ ਬੋਰ ਗਿਣ ਲਏ ਜਾਣ ਤਾਂ ਇਹ ਗਿਣਤੀ 24 ਲੱਖ ਤੋਂ ਵੱਧ ਜਾਂਦੀ ਹੈ। ਇਸ ਤੋਂ ਇਲਾਵਾ 1970 ਦੇ ਦਹਾਕੇ ਦੇ ਵਿੱਚ ਪੰਜਾਬ ਵਿੱਚ ਸਿਰਫ਼ 70% ਜ਼ਮੀਨ ਹੀ ਸਿੰਚਾਈ ਹੇਠ ਸੀ, ਉੱਥੇ ਹੁਣ ਇਹ ਮਾਤਰਾ 99 ਫੀਸਦੀ ਤੱਕ ਪਹੁੰਚ ਚੁੱਕੀ ਹੈ। ਇਕ ਪਾਸੇ ਖੇਤੀ ਲਈ ਸੂਬਾ ਦੀਆਂ ਪਾਣੀ ਦੀ ਜ਼ਰੂਰਤ ਵਿੱਚ ਵੱਡਾ ਵਾਧਾ ਹੋ ਚੁੱਕਾ ਹੈ ਤੇ ਦੂਜੇ ਪਾਸੇ ਦਰਿਆਵਾਂ ਤੇ ਡੈਮਾਂ ਵਿੱਚ ਪਾਣੀ ਦੀ ਉਪਲੱਬਧਤਾ ਕਾਫੀ ਘੱਟ ਗਈ ਹੈ, ਤਦ ਵੀ ਧੱਕੇ ਨਾਲ ਪੰਜਾਬ ਦਾ ਪਾਣੀ ਖੋਹਣ ਦੀਆਂ ਕੋਸ਼ਿਸ਼ਾਂ ਕੀਤੀਆਂ ਜਾ ਰਹੀਆਂ ਹਨ। ਇੰਨਾਂ ਹੀ ਨਹੀਂ ਲੋੜੀਂਦੀ ਮਾਤਰਾ ਵਿੱਚ ਨਹਿਰੀ ਪਾਣੀ ਨਾ ਮਿਲਣ ਕਾਰਨ ਸੂਬੇ ਨੂੰ ਧਰਤੀ ਹੇਠੋਂ ਲਗਾਤਾਰ ਐਨਾ ਪਾਣੀ ਵਰਤਣਾ ਪੈ ਰਿਹਾ ਹੈ, ਜਿਸ ਦੇ ਨਤੀਜੇ ਵਜੋਂ ਪੰਜਾਬ ਦੇ 150 ਵਿੱਚੋਂ 117 ਬਲਾਕ ਡਾਰਕ ਜ਼ੋਨ ਦੇ ਵਿੱਚ ਆ ਗਏ ਹਨ। ਨਹਿਰੀ ਪਾਣੀ ਦੀ ਘਾਟ ਕਾਰਨ ਪੰਜਾਬ ਦਾ ਧਰਤੀ ਹੇਠਲਾ ਪਾਣੀ ਸਾਲਾਨਾ ਔਸਤ ਇਕ ਮੀਟਰ ਡੂੰਘਾ ਹੁੰਦਾ ਜਾ ਰਿਹਾ ਹੈ। ਇਥੇ ਸਾਡਾ ਸੁਆਲ ਹੈ ਕਿ ਖੇਤੀ ਲਈ ਚਲਦੇ ਪੰਦਰਾਂ ਲੱਖ ਟਿਊਬਵੈੱਲ ਉਤੇ ਪੰਜਾਬ ਨੂੰ ਜੋ ਸਾਲਾਨਾ ਕਰੀਬ ਪੰਦਰਾਂ ਹਜ਼ਾਰ ਕਰੋੜ ਰੁਪਏ ਦੀ ਭਾਰੀ ਰਕਮ ਵੀ ਖਰਚਣੀ ਪੈ ਰਹੀ ਹੈ, ਕੀ  ਹਰਿਆਣਾ ਦਿੱਲੀ ਤੇ ਰਾਜਸਥਾਨ ਸਰਕਾਰਾਂ ਜਾਂ ਕੇਂਦਰ ਸਰਕਾਰ "ਮਾਨਵੀ ਅਧਾਰ ਉਤੇ" ਪੰਜਾਬ ਦੇ ਹੋ ਰਹੇ ਇਸ ਕਦੇ ਨਾ ਪੂਰੇ ਹੋ ਸਕਣ ਵਾਲੇ ਅਥਾਹ ਨੁਕਸਾਨ ਦੀ ਭਰਪਾਈ ਕਰਨ ਲਈ ਤਿਆਰ ਹਨ?

ਬਿਆਨ ਵਿਚ ਕਿਹਾ ਗਿਆ ਹੈ ਕਿ ਇਸੇ ਲਈ ਸਮੂਹ ਸੁਹਿਰਦ ਪੰਜਾਬੀ ਪੰਜਾਬ ਪੁਨਰਗਠਨ ਐਕਟ ਦੀ ਧਾਰਾ 78-79 ਤੇ 80 ਨੂੰ ਰੱਦ ਕਰਨ ਦੀ ਮੰਗ ਕਰਦੇ ਆ ਰਹੇ ਨੇ, ਕਿਉਂਕਿ ਇੰਨਾਂ ਧਾਰਾਵਾਂ ਦੇ ਜ਼ਰੀਏ ਹੀ ਕੇਂਦਰ ਸਰਕਾਰ ਨੇ ਪੰਜਾਬ ਨੂੰ ਉਸ ਦੇ ਡੈਮਾਂ ਅਤੇ ਹੈੱਡਵਰਕਸਾਂ ਦੇ ਕੰਟਰੋਲ ਤੋਂ ਵਾਝਾਂ ਕਰਕੇ ਇਹ ਕੰਟਰੋਲ ਅਪਣੀ ਮੁੱਠੀ ਵਿਚਲੇ ਇਸ ਕੇਂਦਰੀ ਬੋਰਡ ਦੇ ਹੱਥ ਦਿੱਤਾ ਹੋਇਆ ਹੈ।

ਲਿਬਰੇਸ਼ਨ ਆਗੂਆਂ ਦਾ ਕਹਿਣਾ ਹੈ ਕਿ ਅਸੀਂ ਅਪਣੇ ਗੁਆਂਢੀ ਸੂਬਿਆਂ ਦੀਆਂ ਪਾਣੀ ਦੀਆਂ ਜ਼ਰੂਰਤਾਂ ਨੂੰ ਵੀ ਬਾਖੂਬੀ ਸਮਝਦੇ ਹਾਂ, ਪਰ ਪੰਜਾਬ ਦੇ ਪਾਣੀਆਂ ਦੀ ਲੁੱਟ ਬਾਰੇ ਦਿਮਾਗ ਲੜਾਉਣ ਦੀ ਬਜਾਏ ਕੇਂਦਰ ਸਰਕਾਰ ਨੂੰ ਗੰਗਾ ਦਾ ਹਰ ਸਾਲ ਸਮੁੰਦਰ ਵਿੱਚ ਜਾ ਰਹੇ ਕਰੋੜਾਂ ਕਿਊਬਿਕ ਪਾਣੀ ਵਿਚੋਂ ਹਰਿਆਣਾ ਨੂੰ ਪਾਣੀ ਦੇਣ ਦੇ ਪ੍ਰੋਜੈਕਟ ਉਤੇ ਕੇਂਦਰਿਤ ਕਰਨਾ ਚਾਹੀਦਾ ਹੈ। ਕੇਂਦਰ ਸਰਕਾਰ ਨੂੰ ਇਹ ਯਾਦ ਰੱਖਣਾ ਚਾਹੀਦਾ ਹੈ ਕਿ ਪੰਜਾਬ ਤੇ ਕੇਂਦਰ ਦਰਮਿਆਨ ਵੱਡੇ ਟਕਰਾਅ ਦਾ ਮੁੱਢ ਪਹਿਲਾਂ ਵੀ ਧੱਕੇ ਨਾਲ ਐਸਵਾਈਐਲ ਨਹਿਰ ਦੀ ਉਸਾਰੀ ਕਰਨ ਦੇ ਮੁੱਦੇ ਤੋਂ ਹੀ ਬੱਝਾ ਸੀ। ਸਾਨੂੰ ਇਤਿਹਾਸ ਤੋਂ ਲਾਜ਼ਮੀ ਸਬਕ ਸਿਖਣਾ ਚਾਹੀਦਾ ਹੈ।

ਭਾਰਤ ਸਮੂਹ ਧਰਮਾਂ ਦਾ ਗੁਲਦਸਤਾ-ਇਸਨੂੰ ਬਿਖਰਣ ਨਹੀਂ ਦੇਵਾਗੇਂ:ਸ਼ਾਹੀ ਇਮਾਮ

 From Jama Masjid on 31st March 2025 at 11:10 AM Regarding Eid-Ul-Fitr 

ਜਾਮਾ ਮਸਜਿਦ ਸਾਰੇ ਧਰਮਾਂ ਦੇ ਲੋਕਾਂ ਲਈ ਪਿਆਰ ਅਤੇ ਮੁਹੱਬਤ ਦੀ ਨਿਸ਼ਾਨੀ ਹੈ:ਸੰਜੀਵ ਅਰੋੜਾ

ਈਦ -ਉਲ-ਫਿਤਰ  ਦੇ ਮੌਕੇ ਲੁਧਿਆਣਾ ਜਾਮਾ ਮਸਜਿਦ 'ਚ ਹਜਾਰਾਂ ਮੁਸਲਮਾਨਾਂ ਨੇ ਨਮਾਜ਼ ਅਦਾ ਕੀਤੀ

ਲੁਧਿਆਣਾ: 31 ਮਾਰਚ 2025: (ਮੀਡੀਆ ਲਿੰਕ 32//ਪੰਜਾਬ ਸਕਰੀਨ ਡੈਸਕ)::

ਦੇਸ਼ ਦੀ ਏਕਤਾ, ਅਖੰਡਤਾ ਅਤੇ ਸਦਭਾਵਨਾ ਨੂੰ ਦਰਪੇਸ਼ ਚੁਣੌਤੀਆਂ ਦਾ ਜਾਮਾ ਮਸਜਿਦ ਦੇ ਸ਼ਾਹੀ ਇਮਾਮ ਪੰਜਾਬ ਨੇ ਗੰਭੀਰ ਨੋਟਿਸ ਲਿਆ ਹੈ। ਉਹਨਾਂ  ਟਿੱਪਣੀ ਕਰਦਿਆਂ ਸਪਸ਼ਟ ਸ਼ਬਦਾਂ ਵਿੱਚ ਕਿਹਾ ਕਿ ਈਦ ਦਾ ਦਿਨ ਨਫਰਤਾਂ ਨੂੰ ਮੁਹੱਬਤ 'ਚ ਬਦਲਣ ਦਾ ਸੁਨੇਹਾ ਦਿੰਦਾ ਹੈ । ਜੋ ਫਿਰਕਾਪ੍ਰਸਤ ਤਾਕਤਾਂ ਦੇਸ਼ 'ਚ ਨਫਰਤ ਦੀ ਰਾਜਨੀਤੀ ਕਰਨਾ ਚਾਹੁੰਦੀਆਂ ਹਨ, ਉਨ੍ਹਾਂ ਨੂੰ ਮੁੰਹ-ਤੋੜ ਜਵਾਬ ਦਿੱਤਾ ਜਾਵੇਗਾ। ਇਹ ਗੱਲ ਅੱਜ ਇੱਥੇ ਪੰਜਾਬ ਦੇ ਦੀਨੀ ਮਰਕਜ ਜਾਮਾ ਮਸਜਿਦ ਲੁਧਿਆਣਾ 'ਚ ਈਦ ਉਲ ਫਿਤਰ ਦੇ ਮੌਕੇ 'ਤੇ ਆਯੋਜਿਤ ਰਾਜ ਪੱਧਰੀ ਸਮਾਗਮ ਦੇ ਦੌਰਾਨ ਹਜਾਰਾਂ ਮੁਸਲਮਾਨਾਂ ਨੂੰ ਸੰਬੋਧਨ ਕਰਦੇ ਹੋਏ ਸ਼ਾਹੀ ਇਮਾਮ ਪੰਜਾਬ ਮੌਲਾਨਾ ਮੁਹੰਮਦ ਉਸਮਾਨ ਲੁਧਿਆਣਵੀ ਨੇ ਕਹੀ। 

ਸ਼ਾਹੀ ਇਮਾਮ ਨੇ ਕਿਹਾ ਕਿ ਅੱਜ ਦੇ ਦਿਨ ਰੋਜਾ ਰੱਖਣ ਵਾਲਿਆਂ ਲਈ ਅੱਲਾਹ ਤਆਲਾ ਵੱਲੋਂ ਇਨਾਮ ਹੈ। ਉਨ੍ਹਾਂ ਕਿਹਾ ਕਿ ਅਸੀ ਦੁਆ ਕਰਦੇ ਹਾਂ ਕਿ ਅੱਜ ਦਾ ਦਿਨ ਦੁਨੀਆ ਭਰ  ਦੇ ਲੋਕਾਂ ਲਈ ਅਮਨ ਦਾ ਸੁਨੇਹਾ ਲੈ ਕੇ ਆਏ। ਉਨ੍ਹਾਂ ਨੇ ਕਿਹਾ ਕਿ ਦੇਸ਼ ਦੀ ਜਨਤਾ ਦੀ ਸ਼ਕਲ 'ਚ ਰਹਿ ਰਹੇ ਕਰੋੜਾਂ ਹਿੰਦੂ ,  ਮੁਸਲਮਾਨ ,  ਸਿੱਖ ,  ਈਸਾਈ ,  ਦਲਿਤ ਆਦਿ ਇੱਕ ਗੁਲਦਸਤਾ ਹਨ ਅਤੇ ਇਸ ਗੁਲਦਸਤੇ ਨੂੰ ਕਿਸੇ ਕੀਮਤ 'ਤੇ ਬਿਖਰਣ ਨਹੀਂ ਦਿੱਤਾ ਜਾਵੇਗਾ। 

ਉਨ੍ਹਾਂ ਕਿਹਾ ਕਿ ਜਾਮਾ ਮਸਜਿਦ ਲੁਧਿਆਣਾ ਤੋਂ ਹਮੇਸ਼ਾ ਆਪਸੀ ਭਾਈ ਚਾਰੇ ਦਾ ਸੁਨੇਹਾ ਦਿੱਤਾ ਗਿਆ ਹੈ,  ਜਿਸਦੀ ਮਿਸਾਲ ਅੱਜ ਈਦ ਦੇ ਪੱਵਿਤਰ ਮੌਕੇ 'ਤੇ ਇੱਥੇ ਮੌਜੂਦ ਸਾਰੇ ਧਰਮਾਂ ਦੇ ਧਾਰਮਿਕ ਅਤੇ ਰਾਜਨੀਤਕ ਪਾਰਟੀਆਂ  ਦੇ ਨੇਤਾਵਾਂ ਦੀ ਹਾਜ਼ਰੀ ਹੈ । ਮੌਲਾਨਾ ਮੁਹੰਮਦ ਉਸਮਾਨ ਲੁਧਿਆਣਵੀ ਨੇ ਕਿਹਾ ਕਿ ਇਤਹਾਸ ਇਸ ਗੱਲ ਦਾ ਗਵਾਹ ਹੈ ਕਿ ਅੰਗਰੇਜ਼ਾਂ ਦੇ ਖਿਲਾਫ ਦੇਸ਼ ਦੀ ਆਜ਼ਾਦੀ ਲਈ ਲੜੀ ਗਈ ਜੰਗ ਤੋਂ ਲੈ ਕੇ ਅੱਜ ਤੱਕ ਮੁਸਲਮਾਨਾਂ ਨੇ ਆਪਣੇ ਦੇਸ਼ ਲਈ ਬੇਸ਼ੁਮਾਰ ਕੁਰਬਾਨੀਆਂ ਦਿੱਤੀਆਂ ਹਨ। ਜਿਨ੍ਹਾਂ ਨੂੰ ਨਜ਼ਰਅੰਦਾਜ ਨਹੀਂ ਕੀਤਾ ਜਾ ਸਕਦਾ। ਉਨ੍ਹਾਂ ਕਿਹਾ ਕਿ ਅੱਜ ਮੈਂ ਈਦ ਦੇ ਇਸ ਮੁਬਾਰਕ ਮੌਕੇ 'ਤੇ ਜਿੱਥੇ ਪੰਜਾਬ ਦੇ ਸਾਰੇ ਲੋਕਾਂ ਨੂੰ ਮੁਬਾਰਕਬਾਦ ਦਿੰਦਾ ਹਾਂ ਉਥੇ ਹੀ ਅੱਲਾਹ ਤੋਂ ਦੁਆ ਕਰਦਾ ਹਾਂ ਕਿ ਅੱਜ ਦਾ ਦਿਨ ਇਸ ਦੇਸ਼ ਅਤੇ ਸਾਡੇ ਰਾਜ ਲਈ ਰਹਿਮਤ ਅਤੇ ਬਰਕਤ ਦਾ ਪੈਗਾਮ ਲੈ ਕੇ ਆਏ।

ਇਸ ਮੌਕੇ ਤੇ ਮੁਸਲਮਾਨਾਂ ਨੂੰ ਈਦ ਦੀ ਮੁਬਾਰਕਬਾਦ ਦਿੰਦੇ ਹੋਏ ਸਾਂਸਦ ਸੰਜੀਵ ਅਰੋੜਾ ਨੇ ਕਿਹਾ ਕਿ ਈਦ ਦਾ ਦਿਨ ਹਰ ਇੱਕ ਭਾਰਤੀ ਲਈ ਖੁਸ਼ੀ ਦਾ ਦਿਨ ਹੈ। ਉਨ੍ਹਾਂ ਕਿਹਾ ਕਿ ਭਾਰਤ ਦੁਨੀਆ ਦਾ ਇੱਕ ਸਿਰਫ ਅਜਿਹਾ ਦੇਸ਼ ਹੈ ਜਿੱਥੇ ਹਰ ਇੱਕ ਧਰਮ ਦਾ ਤਿਉਹਾਰ ਸਾਰੇ ਲੋਕ ਆਪਸ 'ਚ ਮਿਲ ਕੇ ਮਨਾਉਂਦੇ ਹਨ। ਸਾਂਸਦ ਸੰਜੀਵ ਅਰੋੜਾ ਨੇ ਕਿਹਾ ਕਿ ਸ਼ਾਹੀ ਇਮਾਮ ਸਾਹਿਬ ਨੇ ਹਮੇਸ਼ਾ ਹੀ ਪੰਜਾਬ 'ਚ ਅਮਨ ਅਤੇ ਖੁਸ਼ਹਾਲੀ ਲਈ ਕੰਮ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਮੈਂ ਪੰਜਾਬ ਸਰਕਾਰ ਤੋਂ ਆਪਣੇ ਤਮਾਮ ਮੁਸਲਮਾਨ ਭਰਾਵਾਂ ਨੂੰ ਈਦ ਦੀ ਮੁਬਾਰਕਬਾਦ ਦਿੰਦਾ ਹਾਂ। 

ਇਸ ਮੌਕੇ ਉਹਨਾਂ ਕਿਹਾ ਕਿ ਅੱਜ ਦਾ ਦਿਨ ਸਾਡੇ ਸਭ ਲਈ ਵੱਡੀ ਖੁਸ਼ੀ ਦਾ ਦਿਨ ਹੈ। ਉਨ੍ਹਾਂ ਨੇ ਕਿਹਾ ਕਿ ਲੁਧਿਆਣਾ ਸ਼ਹਿਰ 'ਚ ਸਾਰੇ ਧਰਮਾਂ ਦੇ ਲੋਕਾਂ ਦਾ ਇੱਕ ਗੁਲਦਸਤਾ ਹੈ। ਇਸਦੇ ਸਾਰੇ ਫੁਲ ਆਪਣੀ ਖੁਸ਼ਬੂ ਦੇ ਨਾਲ ਮਾਹੌਲ ਨੂੰ ਖੁਸ਼ਗਵਾਰ ਬਣਾ ਕੇ ਰੱਖਦੇ ਹਨ। ਉਨ੍ਹਾਂ ਕਿਹਾ ਕਿ ਲੁਧਿਆਣਾ ਦੀ ਇਹ ਇਤਹਾਸਿਕ ਜਾਮਾ ਮਸਜਿਦ ਜਿੱਥੇ ਮੁਸਲਮਾਨਾਂ ਦਾ ਮੁੱਖ ਧਾਰਮਿਕ ਕੇਂਦਰ ਹੈ,  ਉਥੇ ਹੀ ਇਹ ਤਮਾਮ ਧਰਮਾਂ ਦੇ ਲੋਕਾਂ ਲਈ ਅਮਨ ਅਤੇ ਮੁਹੱਬਤ ਦੀ ਨਿਸ਼ਾਨੀ ਹੈ।

ਇਸ ਮੌਕੇ 'ਤੇ ਮੁਸਲਮਾਨਾਂ ਨੂੰ ਈਦ ਦੀ ਮੁਬਾਰਕਬਾਦ ਦਿੰਦੇ ਹੋਏ ਲੁਧਿਆਣਾ ਤੋਂ ਵਿਧਾਇਕ ਮਦਨ ਲਾਲ ਬੱਗਾ, ਅਸ਼ੋਕ ਪਰਾਸ਼ਰ ਪੱਪੀ ਨੇ ਕਿਹਾ ਕਿ ਈਦ ਦਾ ਦਿਨ ਸਿਰਫ ਮੁਸਲਮਾਨ ਭਰਾਵਾਂ ਲਈ ਹੀ ਨਹੀਂ ਸਗੋਂ ਸਾਰੇ ਭਾਰਤੀਆਂ ਲਈ ਖੁਸ਼ੀ ਦਾ ਦਿਨ ਹੈ। ਉਨ੍ਹਾਂ ਨੇ ਕਿਹਾ ਕਿ ਅਸੀਂ ਦੁਆ ਕਰਦੇ ਹਾਂ ਕਿ ਇਹ ਖੁਸ਼ੀਆਂ ਭਰੀ ਰੀਤ ਹਮੇਸ਼ਾ ਇੰਜ ਹੀ ਚੱਲਦੀ ਰਹੇ, ਉਨ੍ਹਾਂ ਕਿਹਾ ਕਿ ਪੂਰਾ ਮਹੀਨਾ ਮੁਸਲਮਾਨ ਰੋਜਾ ਰੱਖਦਾ ਹੈ ਅਤੇ ਆਪਣੇ ਖੁਦਾ ਦੀ ਇਬਾਦਤ ਕਰਦਾ ਹੈ,  ਜਿਸਦੇ ਬਦਲੇ 'ਚ ਅੱਲਾਹ ਤਆਲਾ ਆਪਣੇ ਬੰਦਿਆਂ ਨੂੰ ਈਦ ਦਾ ਪੱਵਿਤਰ ਤਿਉਹਾਰ ਤੋਹਫੇ  ਦੇ ਤੌਰ 'ਤੇ ਦਿੰਦਾ ਹੈ । ਉਨ੍ਹਾਂ ਕਿਹਾ ਕਿ ਅੱਜ ਦਾ ਦਿਨ ਹਰ ਮੁਸਲਮਾਨ ਆਪਣੇ ਸਾਰੇ ਗਿਲੇ ਸ਼ਿਕਵੇ ਭੁੱਲ ਕੇ  ਇੱਕ ਦੂੱਜੇ ਨੂੰ ਗਲੇ ਲਗਾਉਂਦਾ ਹੈ।

ਮੁਸਲਮਾਨ ਭਰਾਵਾਂ ਨੂੰ ਈਦ ਦੀ ਮੁਬਾਰਕਬਾਦ ਦਿੰਦੇ ਹੋਏ ਸੀਨੀਅਰ ਡਿਪਟੀ ਮੇਅਰ ਰਾਕੇਸ਼ ਪਰਾਸ਼ਰ ਨੇ ਕਿਹਾ ਕਿ ਸਾਨੂੰ ਇਸ ਗੱਲ 'ਤੇ ਮਾਨ ਮਹਿਸੂਸ ਹੁੰਦਾ ਹੈ ਕਿ ਭਾਰਤ ਸੰਸਾਰ ਦਾ ਇੱਕਮਾਤਰ ਧਰਮ ਨਿਰਪੱਖ ਦੇਸ਼ ਹੈ ਜਿੱਥੇ ਸਾਰੇ ਧਰਮਾਂ  ਦੇ ਲੋਕ ਆਪਸ 'ਚ ਮਿਲਜੁਲ ਕੇ ਹਰ ਤਿਉਹਾਰ ਨੂੰ ਬਹੁਤ ਖੁਸ਼ੀ ਨਾਲ ਮਨਾਉਂਦੇ ਹਨ। ਇਸ ਮੌਕੇ 'ਤੇ ਜਾਮਾ ਮਸਜਿਦ ਲੁਧਿਆਣਾ 'ਚ ਆਪਣੇ ਮੁਸਲਮਾਨ ਭਰਾਵਾਂ ਨੂੰ ਈਦ ਦੀ ਮੁਬਾਰਕਬਾਦ ਦੇਣ ਲਈ ਗੁਰਦੁਆਰਾ ਦੁੱਖ ਨਿਵਾਰਣ ਸਾਹਿਬ ਦੇ ਮੁੱਖ ਸੇਵਾਦਾਰ ਸਰਦਾਰ ਪ੍ਰਿਤਪਾਲ ਸਿੰਘ, ਪਰਮਿੰਦਰ ਮਹਿਤਾ , ਗੁਲਾਮ ਹਸਨ ਕੈਸਰ , ਸੁਰਿੰਦਰ ਸਿੰਘ ਸ਼ਿੰਗਾਰਾ, ਜਰਨੈਲ ਸਿੰਘ ਤੂਰ ਅਤੇ ਜਾਮਾ ਮਸਜਿਦ ਲੁਧਿਆਣਾ ਦੇ ਪ੍ਰਧਾਨ ਮੁਹੰਮਦ ਮੁਸਤਕੀਮ ਵਿਸ਼ੇਸ਼ ਰੂਪ 'ਚ ਮੌਜੂਦ ਸਨ।

ਤਸਵੀਰਾਂ ਵਿੱਚੋਂ ਇੱਕ ਤਸਵੀਰ ਵਿੱਚ ਜਾਮਾ ਮਸਜਿਦ ਲੁਧਿਆਣਾ ਵਿੱਚ ਮੁਸਲਮਾਨ ਭਾਈਚਾਰੇ ਨੂੰ ਈਦ ਦੀ ਮੁਬਾਰਕਬਾਦ ਦਿੰਦੇ ਹੋਏ ਸ਼ਾਹੀ ਇਮਾਮ ਪੰਜਾਬ ਮੌਲਾਨਾ ਮੁਹੰਮਦ ਉਸਮਾਨ ਲੁਧਿਆਣਵੀ, ਰਾਜਸਭਾ ਮੈਂਬਰ ਸੰਜੀਵ ਅਰੋੜਾ, ਵਿਧਾਇਕ ਅਸ਼ੋਕ ਪਰਾਸ਼ਰ ਪੱਪੀ, ਪਰਮਿੰਦਰ ਮਹਿਤਾ, ਜਾਮਾ ਮਸਜਿਦ ਲੁਧਿਆਣਾ ਦੇ ਪ੍ਰਧਾਨ ਮੁਹੰਮਦ ਮੁਸਤਕੀਮ ਅਤੇ ਹੋਰ।

ਇੱਕ ਹੋਰ ਤਸਵੀਰ ਵਿੱਚ  ਜਾਮਾ ਜੀ ਵਿਖੇ ਸ਼ਾਹੀ ਇਮਾਮ ਪੰਜਾਬ ਮੌਲਾਨਾ ਮੁਹੰਮਦ ਉਸਮਾਨ ਲੁਧਿਆਣਵੀ ਨੂੰ ਗਲੇ ਮਿਲ ਈਦ ਦੀ ਮੁਬਾਰਕਬਾਦ ਦਿੰਦੇ ਹੋਏ ਵਿਧਾਇਕ ਮਦਨ ਲਾਲ ਬੱਗਾ ਜੀ।

ਇਸੇ ਤਰ੍ਹਾਂ ਇੱਕ ਹੋਰ ਤਸਵੀਰ ਵਿੱਚ ਜਾਮਾ ਮਸਜਿਦ ਦੇ ਬਾਹਰ ਈਦ ਉਲ ਫਿਤਰ ਦੀ ਨਮਾਜ ਅਦਾ ਕਰਦੇ ਹੋਏ ਮੁਸਲਮਾਨ ਭਾਈਚਾਰੇ ਦੇ ਲੋਕ ਅਤੇ ਈਦ ਦੇ ਮੌਕੇ 'ਤੇ ਦੁਆ ਮੰਗਦੇ ਹੋਏ।

ਜਾਦੂ ਦੀ ਦੁਨੀਆ ਵਿੱਚ ਤਲਿਸਮੀ ਦੁਨੀਆ ਪਰਚੇ ਨੇ ਵੀ ਦਿਖਾਇਆ ਜਾਦੂ

Magician Mogambo Sent Report on 22nd January 2025 at 11:22 Regarding Magic Magazine Moradabad

ਜਾਦੂਗਰ ਸਮਰਾਟ ਮੋਗੈਂਬੋ ਦੀ ਦੇਖਰੇਖ ਹੇਠ ਹੁੰਦੀ ਹੈ ਜਾਦੂ ਸੰਬੰਧੀ ਪੱਤਰਕਾਰੀ 

ਲੁਧਿਆਣਾ//ਮੋਰਾਦਾਬਾਦ: 22 ਜਨਵਰੀ 2025: (ਮੀਡੀਆ ਲਿੰਕ//ਲੁਧਿਆਣਾ ਸਕਰੀਨ ਡੈਸਕ)::

ਕੁਝ ਦਹਾਕੇ ਪਹਿਲਾਂ ਜਾਦੂਗਰੀ ਦੀ ਕਲਾ ਬਹੁਤ ਜ਼ਿਆਦਾ ਹਰਮਨ ਪਿਆਰੀ ਹੋ ਚੁੱਕੀ ਸੀ। ਜਾਦੂ ਦਾ ਸ਼ੋਅ ਫ਼ਿਲਮਾਂ ਦੇ ਸ਼ੋਅ ਵਾਂਗ ਭੀੜ ਖਿੱਚਦਾ ਸੀ। ਕਦੇ ਕਦਾਈਂ ਵਿਦਿਅਕ ਅਦਾਰਿਆਂ ਵਾਲੇ ਵੀ ਜਾਦੂ ਦੇ ਸ਼ੋਅ ਕਰਾਇਆ ਕਰਦੇ ਸਨ। ਫਿਰ ਦੀਵਾਲੀ ਦੁਸਹਿਰੇ ਅਤੇ ਨਵੇਂ ਸਾਲ ਦੇ ਮੇਲਿਆਂ ਵਿੱਚ ਵੀ ਜਾਦੂ ਵਾਲੇ ਸ਼ੋਅ ਬਹੁਤ ਵੱਡਾ ਆਕਰਸ਼ਣ ਬਣੇ ਹੁੰਦੇ ਸਨ। ਮੌਤ ਕਾ ਕੂੰਆਂ ਵੀ ਰੂਪ ਬਦਲ ਬਦਲ ਕੇ ਸਾਹਮਣੇ ਆਉਂਦਾ ਹੈ। 

ਕਦੇ ਲੱਕੜ ਦੀਆਂ ਦੀਵਾਰਾਂ ਵਾਲੇ ਖੂਹ ਵਿੱਚ ਕਈ ਕਈ ਬਾਈਕ ਅਤੇ ਇੱਕ ਦੋ ਕਾਰਾਂ ਇਹਨਾਂ ਦੀਵਾਰਾਂ ਤੇ ਦੌੜਦੀਆਂ। ਕਦੇ ਕੋਈ ਜਾਂਬਾਜ਼ ਕਲਾਕਾਰ ਆਪਣੇ ਕੱਪੜਿਆਂ'ਤੇ ਸਿਰ ਤੋਂ ਲੈਕੇ ਪੈਰਾਂ ਤੱਕ ਮਿੱਟੀ ਦਾ ਤੇਲ ਵਗੈਰਾ ਛਿੜਕਦਾ ਅਤੇ ਬਹੁਤ ਉੱਚ ਖੜੀ ਕੀਤੀ ਪੌੜੀ ਉੱਤੇ ਚੜ੍ਹ ਕੇ ਆਪਣੇ ਆਪ ਨੂੰ ਅੱਗ ਲਾਉਂਦਾ ਅਤੇ ਹੇਠਾਂ ਬਣੇ ਖੂਹ ਵਿੱਚ ਛਾਲ਼ ਮਾਰ ਦੇਂਦਾ। ਇਸ ਛਲਾਂਗ ਤੋਂ ਪਹਿਲਾਂ ਖੂਹ ਵਿੱਚ ਵੀ ਅੱਗ ਲਗਾ ਦਿੱਤੀ ਜਾਂਦੀ ਸੀ। 

ਇਹ ਸਾਰੇ ਜਾਦੂਈ ਸ਼ੋਅ ਕਰਨ ਵਾਲੇ ਇਹ ਲੋਕ ਸਭ ਕੁਝ ਰੋਜ਼ੀ ਰੋਟੀ ਲਈ ਕਰਦੇ ਹਨ। ਮੇਲਾ ਦੇਖਣ ਆਏ ਇਹਨਾਂ ਦੀਆਂ ਖਤਰਿਆਂ ਭਰੀਆਂ ਅੜਾਕਾਰੀਆਂ ਦੇਖਦੇ ਅਤੇ ਖੁਸ਼ ਹੋ ਕੇ ਤੁਰਦੇ ਬਣਦੇ। ਕੌਣ ਸੋਚਦਾ ਕਿ ਜੇਕਰ ਇਹਨਾਂ ਵਿਚਾਰਿਆਂ ਨੂੰ ਕੁਝ ਹੋ ਜਾਂਦਾ ਤਾਂ..? ਪਰ ਕੋਈ ਨਹੀਂ ਸੀ ਸੋਚਦਾ। 

ਇਸ ਤਰ੍ਹਾਂ ਇਹਨਾਂ ਖਤਰਿਆਂ ਭਰੀਆਂ ਆਈਟਮਾਂ ਦੇ ਨਾਲ ਨਾਲ ਜਾਦੂ ਦੇ ਸ਼ੋਅ ਵੀ ਚੱਲਦੇ ਰਹੇ। ਹੋਲੀ ਹੋਲੀ ਇਹਨਾਂ ਨਾਲ ਵੀ ਲੋਕਾਂ ਦਾ ਮੋਹ ਭੰਗ ਹੁੰਦਾ ਜਾ ਰਿਹਾ ਹੈ। ਇਹਨਾਂ ਪ੍ਰੋਗਰਾਮਾਂ ਦੇ ਨਾਲ ਸਿਰਫ ਇਕ ਜਾਦੂਗਰ ਨਹੀਂ ਜੁੜਿਆ ਹੁੰਦਾ--ਬਲਕਿ ਦਰਜਨਾਂ ਲੋਕ ਜੁੜੇ ਹੁੰਦੇ ਹਨ ਜਿਹਨਾਂ ਦੇ ਪਰਿਵਾਰ ਅਜਿਹੇ ਸ਼ੋਅ ਦੀ ਸਫਲਤਾ ਨਾਲ ਹੀ ਚੱਲਦੇ ਹਨ। ਇਹਨਾਂ ਦੀ ਸਾਂਭ ਸੰਭਾਲ ਲਈ ਜਾਦੂਗਰ ਸਮਰਾਟ ਮੋਗੈਂਬੋ ਹੁਣ ਮੀਡੀਆ ਦੀ ਤਾਕਤ ਨੂੰ ਵੀ ਵਰਤ ਰਹੇ ਹਨ। 

ਜਾਦੂਗਰੀ ਦੇ ਮਾਇਆਜਾਲ ਦੀਆਂ  ਸਾਹਮਣੇ ਲਿਆਉਣ ਵਾਲਾ ਇਹ ਪਰਚਾ ਤਿਲਸਮੀ ਦੁਨੀਆ ਤੇਜ਼ੀ ਨਾਲ ਤਰੱਕੀ ਕਰ ਰਿਹਾ ਹੈ। ਇਸ ਰਸਾਲੇ ਦੀਆਂ ਸਫਲਤਾਵਾਂ ਲਈ ਕੀਤਾ ਗਿਆ ਪ੍ਰੋਗਰਾਮ ਵੀ ਬੜੇ ਸ਼ਾਨਦਾਰ ਅੰਦਾਜ਼ ਨਾਲ ਸਮਾਪਤ ਹੋ ਗਿਆ। ਇਸ ਪਰਚੇ ਦੇ ਨਾਲ ਦੁਨੀਆ ਦੇ ਬਹੁਤ ਸਾਰੇ ਲੇਖਕਾਂ, ਪੱਤਰਕਾਰਾਂ, ਫੋਟੋਗ੍ਰਾਫਰਾਂ ਅਤੇ ਹੋਰਨਾਂ ਖੇਤਰਾਂ ਦੇ ਮਾਹਰਾਂ ਨੂੰ ਵੀ ਰੋਜ਼ਗਾਰ ਮਿਲਿਆ ਹੈ। ਜਾਦੂ ਦੀ ਪੱਤਰਕਾਰੀ ਵਾਲਾ ਵੱਖਰਾ ਜਿਹਾ ਵਰਗ ਵੀ ਖੜਾ ਹੋਇਆ ਹੈ। 

ਭਾਰਤ ਦੇ ਪ੍ਰਮੁੱਖ ਮਾਸਿਕ ਜਾਦੂਈ ਮੈਗਜ਼ੀਨ "ਤਿਲਸਮੀ ਦੁਨੀਆ" ਲੁਧਿਆਣਾ ਪੰਜਾਬ ਨੇ ਆਪਣੀ ਪਹਿਲੀ ਵਰ੍ਹੇਗੰਢ ਦੇ ਨਾਲ ਇੱਕ ਨਵਾਂ ਅਧਿਆਇ ਲਿਖਿਆ ਹੈ ਅਤੇ ਜਾਦੂ ਦੀ ਦੁਨੀਆ ਵਿੱਚ ਬਹੁਤ ਪ੍ਰਸਿੱਧੀ ਅਤੇ ਵਿਸ਼ਵਾਸ ਪ੍ਰਾਪਤ ਕੀਤਾ ਹੈ। ਜਨਵਰੀ 2024 ਵਿੱਚ ਆਪਣੀ ਯਾਤਰਾ ਸ਼ੁਰੂ ਕਰਦੇ ਹੋਏ, ਇਸ ਮੈਗਜ਼ੀਨ ਨੇ ਭਾਰਤੀ ਜਾਦੂਈ ਕਲਾ ਅਤੇ ਕਲਾਕਾਰਾਂ ਦਾ ਪਸੰਦੀਦਾ ਪਲੇਟਫਾਰਮ ਬਣ ਕੇ ਸਿਰਫ਼ ਇੱਕ ਸਾਲ ਵਿੱਚ ਇੱਕ ਨਵਾਂ ਮਿਆਰ ਸਥਾਪਤ ਕੀਤਾ ਹੈ।

ਇਸ ਇਤਿਹਾਸਕ ਮੌਕੇ ਨੂੰ ਯਾਦਗਾਰੀ ਬਣਾਉਣ ਲਈ ਮੈਗਜ਼ੀਨ ਦੇ ਪ੍ਰਕਾਸ਼ਕ ਅਤੇ ਮੁੱਖ ਸੰਪਾਦਕ ਜਾਦੂਗਰ ਸਮਰਾਟ ਮੋਗੈਂਬੋ ਦੁਆਰਾ ਮਾਨਸਰੋਵਰ ਕੰਨਿਆ ਇੰਟਰ ਕਾਲਜ, ਨਵੀਨ ਨਗਰ ਮੁਰਾਦਾਬਾਦ ਦੇ ਵਿਹੜੇ ਵਿੱਚ ਇੱਕ ਸ਼ਾਨਦਾਰ ਸਨਮਾਨ ਸਮਾਰੋਹ ਦਾ ਆਯੋਜਨ ਕੀਤਾ ਗਿਆ। ਇਹ ਜਸ਼ਨ ਉਨ੍ਹਾਂ ਲੇਖਕਾਂ, ਸੰਪਾਦਕਾਂ ਅਤੇ ਯੋਗਦਾਨੀਆਂ ਨੂੰ ਸਮਰਪਿਤ ਹੈ ਜਿਨ੍ਹਾਂ ਨੇ ਮੈਗਜ਼ੀਨ ਦੀ ਸਫਲਤਾ ਲਈ ਆਪਣੇ ਸਮਰਪਣ, ਸਖ਼ਤ ਮਿਹਨਤ ਅਤੇ ਸਿਰਜਣਾਤਮਕਤਾ ਦਾ ਯੋਗਦਾਨ ਪਾਇਆ। ਪ੍ਰੋਗਰਾਮ ਵਿੱਚ ਜਾਦੂਗਰ ਸਮਰਾਟ ਸ਼ੰਕਰ, ਵੈਸ਼ ਸਮਾਜ ਦੇ ਰਾਜ ਸੰਗਠਨ ਮੰਤਰੀ ਸ਼੍ਰੀਮਤੀ ਸੁਨੀਤਾ ਗੁਪਤਾ, ਭਾਰਤੀ ਜਨਤਾ ਪਾਰਟੀ ਦੇ ਆਰਥਿਕ ਸੈੱਲ ਦੇ ਕਨਵੀਨਰ ਰਾਜੇਸ਼ ਰਸਤੋਗੀ, ਸਾਈਬਰ ਮੈਨ ਮਨੀਸ਼ ਗੋਇਲ, ਸਿੱਖਿਆ ਸ਼ਾਸਤਰੀ ਡਾ. ਪ੍ਰਦੀਪ ਵਰਸ਼ਨੇ ਮੁੱਖ ਮਹਿਮਾਨ ਸਨ।

ਜਾਦੂਗਰ ਸਮਰਾਟ ਸ਼ੰਕਰ ਨੇ ਸਟੇਜ 'ਤੇ ਆਪਣੇ ਵਿਚਾਰ ਪ੍ਰਗਟ ਕਰਦੇ ਹੋਏ ਕਿਹਾ ਕਿ ਤਿਲਸਮੀ ਦੁਨੀਆ ਮੈਜਿਕ ਮੈਗਜ਼ੀਨ ਸਿਰਫ ਇੱਕ ਸਾਲ ਵਿੱਚ ਦੇਸ਼ ਦਾ ਨੰਬਰ ਇੱਕ ਮੈਗਜ਼ੀਨ ਬਣ ਗਿਆ ਹੈ। ਉਸਨੇ ਕਿਹਾ ਕਿ ਜਾਦੂ ਦੇ ਇਤਿਹਾਸ ਵਿੱਚ ਅੱਜ ਤੱਕ ਉਸਨੇ ਇੰਨਾ ਸੁੰਦਰ ਜਾਦੂਈ ਰਸਾਲਾ ਕਦੇ ਨਹੀਂ ਦੇਖਿਆ। ਮੈਗਜ਼ੀਨ ਦੇ ਸੰਸਥਾਪਕ ਸੰਪਾਦਕ ਜਾਦੂਗਰ ਮੋਗੈਂਬੋ ਨੂੰ ਵਧਾਈ ਦਿੰਦੇ ਹੋਏ, ਸਮਰਾਟ ਸ਼ੰਕਰ ਨੇ ਮੋਗੈਂਬੋ ਦੇ ਸਫਲ ਯਤਨਾਂ ਦੀ ਸ਼ਲਾਘਾ ਕੀਤੀ ਅਤੇ ਭਵਿੱਖ ਵਿੱਚ ਵੀ ਮੈਗਜ਼ੀਨ ਨੂੰ ਆਪਣਾ ਪੂਰਾ ਸਮਰਥਨ ਦੇਣ ਦਾ ਭਰੋਸਾ ਦਿੱਤਾ। ਇਸ ਮੌਕੇ 'ਤੇ ਜਾਦੂ ਵਿੱਚ ਮਾਹਿਰ ਜਾਦੂਗਰਾਂ ਨੇ ਆਪਣੇ ਅਦਭੁਤ ਜਾਦੂਈ ਹੁਨਰ ਦਾ ਪ੍ਰਦਰਸ਼ਨ ਕੀਤਾ ਜਿਸਦੀ ਦਰਸ਼ਕਾਂ ਦੁਆਰਾ ਬਹੁਤ ਪ੍ਰਸ਼ੰਸਾ ਕੀਤੀ ਗਈ।

 ਇਸ ਸਮਾਰੋਹ ਵਿੱਚ ਸਭ ਤੋਂ ਮਹੱਤਵਪੂਰਨ ਗੱਲ ਇਹ ਸੀ ਕਿ ਜਾਦੂ ਦੀ ਕਲਾ ਨੂੰ ਸਮਰਪਿਤ ਜਾਦੂਗਰ ਮੋਗੈਂਬੋ ਨੇ ਸਾਰਿਆਂ ਦੀ ਹਾਜ਼ਰੀ ਵਿੱਚ ਇੱਕ ਸਟੈਂਪ ਪੇਪਰ 'ਤੇ ਆਪਣੀ ਆਖਰੀ ਇੱਛਾ ਲਿਖ ਕੇ ਜਾਦੂਗਰ ਜੁਗਨੂੰ ਜੀ ਨੂੰ ਸੌਂਪ ਦਿੱਤੀ ਅਤੇ ਉਨ੍ਹਾਂ ਨੂੰ ਬੇਨਤੀ ਕੀਤੀ ਕਿ ਜਿਸ ਦਿਨ ਉਹ (ਮੋਗੈਂਬੋ) ਵਿਦਾ ਹੋਵੇ ਇਸ ਦੁਨੀਆਂ ਤੋਂ, ਉਸ ਦਿਨ ਜਸ਼ਨ ਹੋਣਾ ਚਾਹੀਦਾ ਹੈ। ਜ਼ਿੰਦਗੀ ਅਤੇ ਮੌਤ ਦੀ ਸੱਚਾਈ ਨੂੰ ਸਵੀਕਾਰ ਕਰਦੇ ਹੋਏ, ਆਓ ਇਸ ਦਿਨ ਨੂੰ ਜਾਦੂ ਦੀ ਕਲਾ ਨੂੰ ਸਾਰਿਆਂ ਨਾਲ ਅੱਗੇ ਵਧਾ ਕੇ ਇੱਕ ਕਾਨਫਰੰਸ ਦੇ ਰੂਪ ਵਿੱਚ ਮਨਾਈਏ।

ਜਾਦੂਗਰ ਸਮਰਾਟ ਮੋਗੈਂਬੋ ਦੀ ਸਖ਼ਤ ਮਿਹਨਤ ਨੂੰ ਸਲਾਮ ਕਰਦੇ ਹੋਏ, ਸੂਰਤ, ਗੁਜਰਾਤ ਦੇ ਜਾਦੂਗਰ ਸਨਤ ਦਵੇ ਨੇ ਮੋਗੈਂਬੋ ਨੂੰ ਜਾਦੂ ਰਤਨ ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ। ਜਾਦੂਗਰ ਭੰਵਰ ਤਲੈਚਾ ਨੇ ਵੀ ਮੋਗੈਂਬੋ ਨੂੰ ਜਾਦੂਗਰ ਆਂਚਲ ਦੁਆਰਾ ਭੇਜੇ ਗਏ ਇੱਕ ਵਿਸ਼ੇਸ਼ ਯਾਦਗਾਰੀ ਚਿੰਨ੍ਹ ਨਾਲ ਸਨਮਾਨਿਤ ਕੀਤਾ।

ਇਸ ਸਮਾਗਮ ਵਿੱਚ ਵਿਸ਼ਵ ਪ੍ਰਸਿੱਧ ਜਾਦੂਗਰ ਸਮਰਾਟ ਸ਼ੰਕਰ, ਜਾਦੂਗਰ ਸਟਿੱਕ ਮਨੋਹਰ ਹੈਦਰਾਬਾਦ, ਜਾਦੂਗਰ ਜੁਗੁਨੂ ਉੱਤਰ ਪ੍ਰਦੇਸ਼, ਜਾਦੂਗਰ ਸਨਤ ਦਵੇ ਕਾਰਟੂਨਿਸਟ ਗੁਜਰਾਤ ਅਤੇ ਜਾਦੂਗਰ ਕੁਲਦੀਪ ਮਿਸ਼ਰਾ ਦਿੱਲੀ ਨੂੰ ਤਿਲਸਮੀ ਗੌਰਵ ਰਤਨ ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ ਗਿਆ। ਇਸ ਦੇ ਨਾਲ ਹੀ ਰਾਜਸਥਾਨ ਦੇ ਜਾਦੂਗਰ ਭੰਵਰ ਤਲੈਚਾ ਅਤੇ ਲੁਧਿਆਣਾ ਦੇ ਜਾਦੂਗਰ ਮਨੋਜ ਜੈਨ ਨੂੰ ਤਿਲਸਮੀ ਸਾਹਿਤ ਰਤਨ ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ 'ਤੇ ਜਾਦੂ ਵਿੱਚ ਮਾਹਿਰ ਜਾਦੂਗਰਾਂ ਨੇ ਆਪਣੇ ਅਦਭੁਤ ਜਾਦੂਈ ਹੁਨਰ ਦਾ ਪ੍ਰਦਰਸ਼ਨ ਕੀਤਾ ਜਿਸਦੀ ਦਰਸ਼ਕਾਂ ਦੁਆਰਾ ਬਹੁਤ ਪ੍ਰਸ਼ੰਸਾ ਕੀਤੀ ਗਈ।

"ਤਿਲਸਮੀ ਦੁਨੀਆ" ਦੇ ਪਿੱਛੇ ਹਰੇਕ ਲੇਖਕ, ਸੰਪਾਦਕ ਅਤੇ ਸਾਥੀ ਦਾ ਇਮਾਨਦਾਰ ਯੋਗਦਾਨ ਇਸ ਯਾਤਰਾ ਦੀ ਸਭ ਤੋਂ ਮਜ਼ਬੂਤ ​​ਨੀਂਹ ਰਿਹਾ ਹੈ। ਅਸੀਂ ਸਾਰਿਆਂ ਦਾ ਧੰਨਵਾਦ ਕਰਦੇ ਹਾਂ ਅਤੇ ਉਮੀਦ ਕਰਦੇ ਹਾਂ ਕਿ ਭਾਰਤੀ ਜਾਦੂਈ ਦੁਨੀਆ ਦੇ ਉੱਨਤੀ ਲਈ ਇਹ ਸਮਰਥਨ ਅਤੇ ਸਮਰਪਣ ਭਵਿੱਖ ਵਿੱਚ ਜਾਰੀ ਰਹੇਗਾ।

ਇਸ ਪ੍ਰੋਗਰਾਮ ਵਿੱਚ ਜਾਦੂਗਰ ਮੁਕੁੰਦ ਕੁਮਾਰ ਪੁਣੇ, ਜਾਦੂਗਰ ਅਸ਼ੋਕ ਦਵੇ ਗੁਜਰਾਤ, ਜਾਦੂਗਰ ਲੰਕੇਸ਼ ਦਿੱਲੀ, ਜਾਦੂਗਰ ਐਨ ਏ ਪਾਸ਼ਾ ਬਿਜਨੋਰ ਜਾਦੂਗਰ ਬੀ ਰਾਜ, ਜਾਦੂਗਰ ਮਿਸਟਰ ਇੰਡੀਆ, ਜਾਦੂਗਰ ਅਨੁਭਵ, ਜਾਦੂਗਰ ਅੰਕੁਸ਼, ਜਾਦੂਗਰ ਅਭਿਨਵ, ਜਾਦੂਗਰ ਮੁਰਲੀ, ਵੈਸ਼ਾਲੀ, ਭੂਮੀ, ਪਾਖੀ ਅਤੇ ਜਾਦੂਗਰ ਜੂਨੀਅਰ ਸ਼ਾਮਲ ਹਨ। ਮੋਗੈਂਬੋ ਮੌਜੂਦ ਸਨ। ਸ਼ਾਮਲ ਰਹੋ। ਇਸ ਪ੍ਰੋਗਰਾਮ ਵਿੱਚ ਜਾਦੂਗਰ ਜੁਗਨੂੰ ਨੇ ਵਿਸ਼ੇਸ਼ ਸਹਿਯੋਗ ਦਿੱਤਾ, ਜਿਸ ਲਈ ਤਿਲਸਮੀ ਦੁਨੀਆ ਦੇ ਪ੍ਰਕਾਸ਼ਕ ਅਤੇ ਮੁੱਖ ਸੰਪਾਦਕ ਜਾਦੂਗਰ ਸਮਰਾਟ ਮੋਗੈਂਬੋ ਨੇ ਜੁਗਨੂੰ ਜੀ ਦਾ ਦਿਲੋਂ ਧੰਨਵਾਦ ਕੀਤਾ। ਮੋਗੈਂਬੋ ਨੇ ਆਏ ਸਾਰੇ ਮਹਿਮਾਨਾਂ ਦਾ ਧੰਨਵਾਦ ਵੀ ਕੀਤਾ ਅਤੇ ਹਮੇਸ਼ਾ ਜਾਦੂ ਦੇ ਲਾਭ ਲਈ ਕੰਮ ਕਰਨ ਦਾ ਵਾਅਦਾ ਕੀਤਾ।

120 ਦਿਨਾਂ ਅੰਦਰ ਲਗਾਏ ਜਾਣਗੇ 663 ਹੋਰ ਖੇਤੀ ਸੋਲਰ ਪੰਪ: ਅਮਨ ਅਰੋੜਾ

Tuesday: 7 Jan, 2025, 18:21 from DPR PUNJAB by Gurjeet Billa//Edit By Karthika Kalyani Singh

*ਨਵੀਂ ਤੇ ਨਵਿਆਉਣਯੋਗ ਊਰਜਾ ਸਰੋਤ ਮੰਤਰੀ ਨੇ ਪੇਡਾ ਅਧਿਕਾਰੀਆਂ ਨੂੰ ਦਿੱਤੀ  ਹੱਲਾਸ਼ੇਰੀ 

*20 ਹਜ਼ਾਰ ਸੋਲਰ ਪੰਪ ਲਗਾਉਣ ਦੇ ਟੀਚੇ ਦੀ ਪ੍ਰਾਪਤੀ ਲਈ ਯਤਨ ਤੇਜ਼ ਕਰਨ ਦੇ ਦਿੱਤੇ ਨਿਰਦੇਸ਼

*ਕੈਬਨਿਟ ਮੰਤਰੀ ਅਮਨ ਅਰੋੜਾ ਨੇ ਸੋਲਰ ਪੰਪ ਲਗਾਉਣ ਲਈ ਫ਼ਰਮ ਨੂੰ ਸੌਂਪਿਆ ਵਰਕ ਆਰਡਰ

ਚੰਡੀਗੜ੍ਹ: 7 ਜਨਵਰੀ 2025:(ਗੁਰਜੀਤ ਬਿੱਲਾ//DPR//ਪੰਜਾਬ ਸਕਰੀਨ ਡੈਸਕ)::  

ਸੂਬੇ ਦੇ ਖੇਤੀਬਾੜੀ ਸੈਕਟਰ ਨੂੰ ਕਾਰਬਨ-ਮੁਕਤ ਕਰਨ ਲਈ ਕੁਦਰਤੀ ਊਰਜਾ ਦੀ ਵਰਤੋਂ ਨੂੰ ਉਤਸ਼ਾਹਿਤ ਕਰਨ ਵਾਸਤੇ ਪੰਜਾਬ ਸਰਕਾਰ ਵੱਲੋਂ ਅਗਲੇ 120 ਦਿਨਾਂ ਦੇ ਅੰਦਰ 663 ਹੋਰ ਖੇਤੀ ਸੋਲਰ ਪੰਪ ਲਾਏ ਜਾਣਗੇ। ਇਹ ਐਲਾਨ ਅੱਜ ਪੰਜਾਬ ਦੇ ਨਵੀਂ ਤੇ ਨਵਿਆਉਣਯੋਗ ਊਰਜਾ ਸਰੋਤ ਮੰਤਰੀ ਸ੍ਰੀ ਅਮਨ ਅਰੋੜਾ ਨੇ ਕੀਤਾ।

ਸ੍ਰੀ ਅਮਨ ਅਰੋੜਾ ਨੇ ਖੇਤੀਬਾੜੀ ਵਾਸਤੇ 663 ਖੇਤੀ ਸੋਲਰ ਪੰਪ ਲਗਾਉਣ ਲਈ ਅੱਜ ਮੈਸਰਜ਼ ਏ.ਵੀ.ਆਈ. ਰੀਨਿਊਏਬਲਜ਼ ਐਨਰਜੀ ਪ੍ਰਾਈਵੇਟ ਲਿਮਟਿਡ ਨੂੰ ਵਰਕ ਆਰਡਰ ਸੌਂਪਿਆ ਹੈ। ਉਨ੍ਹਾਂ ਦੱਸਿਆ ਕਿ ਪਿਛਲੇ ਮਹੀਨੇ 2,356 ਸੋਲਰ ਪੰਪ ਲਗਾਉਣ ਲਈ ਵਰਕ ਆਰਡਰ ਜਾਰੀ ਕੀਤੇ ਗਏ ਸਨ।

ਉਨ੍ਹਾਂ ਨੇ ਪੇਡਾ ਅਧਿਕਾਰੀਆਂ ਨੂੰ ਨਿਰਦੇਸ਼ ਦਿੱਤੇ ਕਿ ਉਹ ਕਿਸਾਨਾਂ ਦੀ ਭਲਾਈ ਲਈ ਸੂਬੇ ਵਿੱਚ 20,000 ਖੇਤੀ ਸੋਲਰ ਪੰਪ ਲਗਾਉਣ ਦੇ ਟੀਚੇ ਦੀ ਪ੍ਰਾਪਤੀ ਲਈ ਹਰ ਯਤਨ ਤੇਜ਼ ਕਰਨ।

ਉਨ੍ਹਾਂ ਦੱਸਿਆ ਕਿ ਇਸ ਕੰਪਨੀ ਦੀ ਚੋਣ ਸੁਚਾਰੂ ਅਤੇ ਪਾਰਦਰਸ਼ੀ ਢੰਗ ਨਾਲ ਬੋਲੀ ਪ੍ਰਕਿਰਿਆ ਰਾਹੀਂ ਕੀਤੀ ਗਈ ਹੈ ਅਤੇ 3, 5, 7.5 ਅਤੇ 10 ਐਚ.ਪੀ. ਦੀ ਸਮਰੱਥਾ ਦੇ ਖੇਤੀ ਸੋਲਰ ਪੰਪ ਲਗਾਉਣ ਉਤੇ ਆਮ ਸ਼੍ਰੇਣੀ ਦੇ ਕਿਸਾਨਾਂ ਲਈ 60 ਫੀਸਦ ਸਬਸਿਡੀ, ਜਦੋਂਕਿ ਅਨੁਸੂਚਿਤ ਜਾਤੀ (ਐਸ.ਸੀ. ਸ਼੍ਰੇਣੀ) ਦੇ ਕਿਸਾਨ 80 ਫੀਸਦ ਸਬਸਿਡੀ ਪ੍ਰਾਪਤ ਕਰ ਸਕਦੇ ਹਨ। ਉਨ੍ਹਾਂ ਕਿਹਾ ਕਿ ਡਾਰਕ ਜ਼ੋਨਾਂ (ਧਰਤੀ ਹੇਠਲੇ ਪਾਣੀ ਦੀ ਜ਼ਿਆਦਾ ਵਰਤੋਂ ਵਾਲੇ ਬਲਾਕ) ਵਿੱਚ ਇਹ ਪੰਪ ਉਨ੍ਹਾਂ ਕਿਸਾਨਾਂ ਦੇ ਖੇਤਾਂ ‘ਚ ਲਗਾਏ ਜਾਣਗੇ, ਜਿਨ੍ਹਾਂ ਨੇ ਆਪਣੀਆਂ ਮੋਟਰਾਂ ‘ਤੇ ਪਹਿਲਾਂ ਹੀ ਸੂਖਮ ਸਿੰਜਾਈ ਪ੍ਰਣਾਲੀ, ਜਿਵੇਂ ਤੁਪਕਾ ਜਾਂ ਫੁਹਾਰਾ, ਆਦਿ ਸਥਾਪਤ ਕੀਤੀਆਂ ਹੋਈਆਂ ਹਨ।

ਸ੍ਰੀ ਅਮਨ ਅਰੋੜਾ ਨੇ ਕਿਹਾ ਕਿ ਇਨ੍ਹਾਂ ਸੋਲਰ ਪੰਪਾਂ ਨਾਲ ਨਾ ਸਿਰਫ਼ ਈਂਧਨ ਦੀ ਲਾਗਤ ਘਟੇਗੀ ਸਗੋਂ ਖੇਤੀ ਸੈਕਟਰ ਨੂੰ ਕਾਰਬਨ-ਮੁਕਤ ਕਰਨ ਵਿੱਚ ਵੀ ਮਦਦ ਮਿਲੇਗੀ ਅਤੇ ਇਹ ਖੇਤੀਬਾੜੀ ਦੇ ਵਧੇਰੇ ਟਿਕਾਊ ਅਭਿਆਸਾਂ ਨੂੰ ਵੀ ਉਤਸ਼ਾਹਿਤ ਕਰੇਗਾ। ਕਿਸਾਨਾਂ ਨੂੰ ਹੁਣ ਆਪਣੀਆਂ ਫ਼ਸਲਾਂ ਨੂੰ ਪਾਣੀ ਲਾਉਣ ਲਈ ਰਾਤ ਨੂੰ ਖੇਤਾਂ ਵਿੱਚ ਨਹੀਂ ਜਾਣਾ ਪਵੇਗਾ, ਕਿਉਂਕਿ ਇਹ ਪੰਪ ਦਿਨ ਵੇਲੇ ਹੀ ਚੱਲਣਗੇ।

ਇਸ ਮੌਕੇ ਪੇਡਾ ਦੇ ਡਾਇਰੈਕਟਰ ਸ੍ਰੀ ਐਮ.ਪੀ. ਸਿੰਘ, ਜਾਇੰਟ ਡਾਇਰੈਕਟਰ ਰਾਜੇਸ਼ ਬਾਂਸਲ ਅਤੇ ਸਬੰਧਤ ਫ਼ਰਮ ਦੇ ਨੁਮਾਇੰਦੇ ਹਾਜ਼ਰ ਸਨ।

ਡੱਲੇਵਾਲ ਦਾ ਮਰਨ ਵਰਤ ਤੇ ਇਤਿਹਾਸਕ ਨਜ਼ਰੀਆ//ਡਾ. ਗੁਰਤੇਜ ਸਿੰਘ ਖੀਵਾ

From Gurtej Singh Khiva Mansa 28th December 2024 on 12:11 on Jagjit Singh Dallewal and History

ਜੇ ਸਾਰੇ ਕਿਸਾਨ ਲੀਡਰ ਇਸੇ ਰਾਹ ਪੈ ਕੇ ਖ਼ਤਮ ਹੋ ਜਾਣ ਤਾਂ ਵੀ ਕੀ ਬਣੂਗਾ...?

ਮਾਨਸਾ: 28 ਦਸੰਬਰ 2024: (ਡਾ.ਗੁਰਤੇਜ ਸਿੰਘ ਖੀਵਾ//ਪੰਜਾਬ ਸਕਰੀਨ ਡੈਸਕ)::

....... ਕਿਸਾਨ ਆਗੂ ਜਗਜੀਤ ਸਿੰਘ ਡੱਲੇਵਾਲ ਨੂੰ ਮਰਨ ਵਰਤ ਤੇ ਬੈਠਿਆਂ ਇੱਕ ਮਹੀਨਾ ਹੋ ਗਿਆ ਹੈ। ਉਹ ਐਮ ਐਸ ਪੀ ਤੇ ਹੋਰ ਕਿਸਾਨੀ ਮੰਗਾਂ ਨੂੰ ਲੈ ਕੇ ਮਰਨ ਵਰਤ ਤੇ ਹਨ।  ਉਹਨਾਂ ਦੀ ਜੋ ਭਾਵਨਾ ਹੈ ਉਸਤੇ ਕੋਈ ਸ਼ੱਕ ਨਹੀਂ ਹੋਣਾ ਚਾਹੀਦਾ ਪਰ ਅਸਲ ਹਾਲਾਤ ਕੀ ਹਨ? ਇਸ ਸਬੰਧੀ ਥੋੜੀ ਚਰਚਾ ਜਰੂਰ ਕਰ ਲੈਣੀ ਚਾਹੀਦੀ ਹੈ। 

ਇਹ ਕੋਈ ਪਹਿਲਾ ਮਾਮਲਾ ਨਹੀਂ ਜਦੋਂ ਸੰਘਰਸ਼ ਦਾ ਅਜਿਹਾ ਰੂਪ ਅਪਣਾਇਆ ਗਿਆ ਹੈ, ਪਹਿਲੀ ਉਦਾਹਰਣ,ਬਹੁਤ ਸਾਰੇ ਲੋਕਾਂ ਨੂੰ ਯਾਦ ਹੋਵੇਗਾ ਕਿ ਸੰਨ 1970 ਦੇ ਵਿੱਚ ਪੰਜਾਬ ਦੀਆਂ ਮੰਗਾਂ, ਚੰਡੀਗੜ੍ਹ ਪੰਜਾਬ ਨੂੰ ਦੇਣ, ਪੰਜਾਬੀ ਬੋਲਦੇ ਇਲਾਕੇ ਅਤੇ ਪੰਜਾਬ ਦੀਆਂ ਹੋਰ ਹੱਕੀ ਜਮਹੂਰੀ ਮੰਗਾਂ ਨੂੰ ਲੈ ਕੇ ਦਰਸ਼ਨ ਸਿੰਘ ਫੇਰੂਮਾਨ ਮਰਨ ਵਰਤ ਤੇ ਬੈਠੇ ਸਨ ਤੇ 74 ਦਿਨਾਂ ਬਾਅਦ ਉਹਨਾਂ ਦੀ ਮੌਤ ਹੋ ਗਈ ਸੀ। ਪਰ ਕੇਂਦਰ ਸਰਕਾਰ ਨੇ ਮੰਗਾਂ ਨਹੀਂ ਮੰਨੀਆਂ ਸਨ ਜੋ ਅੱਜ ਤੱਕ ਵੀ ਵੱਟੇ ਖਾਤੇ ਪਾ ਰੱਖੀਆਂ ਹਨ। ਜੇ ਸਮਝੀਏ ਤਾਂ ਉਹ ਲੜ੍ਹਾਈ ਅਸਲ ਵਿੱਚ ਰਾਜਾਂ ਨੂੰ ਵੱਧ ਅਧਿਕਾਰਾਂ ਦੀ ਲੜ੍ਹਾਈ ਸੀ। 

ਦੂਜੀ ਉਦਾਹਰਣ, ਇਰੋਮ ਸਰਮੀਲਾ ਦੀ ਹੈ ਜਦੋਂ ਸੰਨ 2000 ਵਿੱਚ ਸੁਰੱਖਿਆ ਬਲਾਂ ਨੇ ਮਣੀਪੁਰ ਦੀ ਰਾਜਧਾਨੀ ਇੰਫਾਲ ਵਿੱਚ ਇੱਕ ਬੱਸ ਅੱਡੇ ਤੇ 10 ਨਿਰਦੋਸ਼ ਲੋਕਾਂ ਨੂੰ ਮਾਰ ਦਿੱਤਾ ਸੀ ਤਾਂ ਇਰੋਮ ਸ਼ਰਮੀਲਾ ਜਾਬਰ ਕਨੂੰਨ "ਅਫਸਪਾ" ਹਟਾਉਣ ਤੇ ਸੁਰੱਖਿਆ ਬਲਾਂ ਨੂੰ ਸੂਬੇ ਚੋਂ ਬਾਹਰ ਕੱਢਣ ਦੇ ਖਿਲਾਫ ਕਰੀਬ 16 ਸਾਲ ਭੁੱਖ ਹੜਤਾਲ ਤੇ ਬੈਠੀ ਰਹੀ ਸੀ।  ਉਸਨੂੰ ਚੁੱਕ ਕੇ ਜੇਲ ਵਿੱਚ ਬੰਦ ਕਰ ਦਿੱਤਾ ਗਿਆ ਤੇ ਧੱਕੇ ਨਾਲ ਉਸਦੇ ਨੱਕ ਵਿੱਚ ਪਾਈਪਾਂ ਲਾਕੇ ਖਾਣ ਨੂੰ ਦਿੱਤਾ ਜਾਂਦਾ ਰਿਹਾ ਸੀ, ਉਸਦੀ ਭੁੱਖ ਹੜਤਾਲ ਦੇ ਸਮੇਂ ਦੁਰਾਨ ਵੀ ਸੈਂਕੜੇ ਘਟਨਾਵਾਂ ਵਾਪਰੀਆਂ ਨਿਰਦੋਸ਼ ਲੋਕ ਮਾਰੇ ਜਾਂਦੇ ਰਹੇ। ਦੁਨੀਆ ਭਰ ਦੇ ਵਿੱਚ ਚਰਚਾ ਹੋਣ ਦੇ ਬਾਵਜੂਦ ਅੱਜ ਤੱਕ ਉਹ ਜਾਬਰ "ਅਫਸਪਾ" ਕਾਨੂੰਨ ਨਾ ਵਾਪਿਸ ਲਿਆ ਗਿਆ ਅਤੇ ਨਾ ਹੀ ਸੁਰੱਖਿਆ ਫੋਰਸਾਂ ਨੂੰ ਅੱਜ ਤੱਕ ਵੀ ਵਾਪਿਸ ਬੁਲਾਇਆ ਗਿਆ ਹੈ। 

ਤੀਜੀ ਉਦਾਹਰਣ ਜੰਮੂ ਕਸ਼ਮੀਰ ਦੀ ਹੈ ਉਹ ਲੋਕ ਪਿਛਲੇ 77 ਸਾਲ ਤੋਂ ਲੜ ਰਹੇ ਹਨ, ਹਰ ਤਰੀਕਾ ਉਹਨਾਂ ਅਜ਼ਮਾ ਕੇ ਦੇਖ ਲਿਆ। ਉਹ ਸਾਂਤਮਈ ਤਰੀਕੇ ਨਾਲ ਵੀ ਲੜੇ। ਉਹ ਹਥਿਆਰ ਚੁੱਕ ਕੇ ਵੀ ਲੜੇ, ਹਜ਼ਾਰਾਂ ਲੋਕ ਮਾਰੇ ਜਾ ਚੁੱਕੇ ਹਨ। ਅਣਗਿਣਤ  ਘਰ ਬਾਰ ਤਬਾਹ ਹੋ ਗਏ ਹਨ। ਉਹਨਾਂ ਨੇ ਚੋਣਾਂ ਲੜ ਕੇ ਸਰਕਾਰਾਂ ਵੀ ਬਣਾਕੇ ਦੇਖ ਲਈਆਂ। ਕੀ ਉਹਨਾਂ ਦਾ ਮਸਲਾ ਹੱਲ ਹੋ ਗਿਆ? ਜਦੋਂ ਯੂ ਐਨ ਓ ਨੇ ਵੀ ਕਹਿ ਰੱਖਿਆ ਹੈ ਕਿ ਕਸ਼ਮੀਰ ਦੇ ਮਸਲੇ ਦਾ ਹੱਲ ਰਾਇਸ਼ੁਮਾਰੀ ਰਾਹੀਂ ਕਰੋ ਜੋ ਉਥੋਂ ਦੇ ਲੋਕ ਜਿਵੇਂ ਚਾਹੁੰਦੇ ਹਨ ਉਹਨਾਂ ਨੂੰ ਓਵੇਂ ਜਿਉਣ ਦਿਉ? 

ਇਹ ਉਦਾਹਰਨਾਂ ਸਿਰਫ ਚੰਦ ਕੁ ਘਟਨਾਵਾਂ ਦੀਆਂ ਹਨ ਹੁਣ ਗੱਲ ਕਰਦੇ ਹਾਂ ਕਿਸਾਨੀ ਮਸਲੇ ਦੀ ਜਿਸਨੂੰ ਲੈਕੇ ਡੱਲੇਵਾਲ ਸਾਹਿਬ ਮਰਨ ਵਰਤ ਤੇ ਬੈਠੇ ਹਨ। ਇੱਕ ਗੱਲ ਮੈਂ ਦਾਅਵੇ ਨਾਲ ਕਹਿੰਦਾ ਹਾਂ ਕਿ ਕੱਲੇ ਡੱਲੇਵਾਲ ਦੀ ਗੱਲ ਤਾਂ ਛੱਡੋ ਜੇ ਸਾਰੇ ਕਿਸਾਨ ਲੀਡਰ ਇਸੇ ਰਾਹ ਪੈ ਕੇ ਖ਼ਤਮ ਹੋ ਜਾਣ ਤਾਂ ਵੀ ਸੈਂਟਰ ਸਰਕਾਰ ਇਹਨਾਂ ਦੀਆਂ ਮੰਗਾਂ ਨਹੀਂ ਮੰਨੇਗੀ, ਇਹ ਮੈਂ ਕਿਉਂ ਕਹਿੰਦਾ ਹਾਂ? ਕਿਉਕਿ ਇਹ ਸਰਕਾਰ ਮੋਦੀ ਦੀ ਨਹੀਂ ਇਹ ਉਹਨਾਂ ਸਮਰਾਜੀਆਂ, ਸਰਮਾਏਦਾਰਾਂ ਤੇ ਕਾਰਪੋਰੇਟ ਘਰਾਣਿਆਂ ਦੀ ਸਰਕਾਰ ਹੈ। 

ਇਹ ਉਸ ਜਮਾਤ ਦੀ ਸਰਕਾਰ ਹੈ ਜਿਹਨਾਂ ਦੇ "ਦਿਲ ਨਹੀਂ ਦਿਮਾਗ ਹੁੰਦਾ ਹੈ" ਉਹ ਫੈਸਲੇ ਜਜ਼ਬਾਤ ਨਾਲ ਨਹੀਂ ਹਿੱਤਾਂ ਅਨੁਸਾਰ ਕਰਦੇ ਹਨ। ਇਹ ਕੋਈ ਕਿਸੇ "ਸੋਸ਼ਲਿਸਟ ਜਾਂ ਕਮਿਊਨਿਸਟ ਪਾਰਟੀ" ਦੀ ਸਰਕਾਰ ਨਹੀਂ ਜੋ ਮਜ਼ਦੂਰਾਂ ਕਿਸਾਨਾਂ ਦੀ ਫਿਕਰ ਕਰੇ ਜਾਂ ਉਹਨਾਂ ਦੀਆਂ ਮੰਗਾਂ ਮੰਨਦੀ ਫਿਰੇ। 

ਇੱਕ ਗੱਲ ਹੋਰ ਜੋ ਇਸ ਮਸਲੇ ਨਾਲ ਤਾਂ ਸਬੰਧਤ ਨਹੀਂ, ਪਰ ਕਿਸਾਨੀ ਮਸਲੇ ਨਾਲ ਜ਼ਰੂਰ ਸਬੰਧ ਰੱਖਦੀ ਹੈ। ਇਹਨਾਂ ਸਾਥੀਆਂ ਸੁਰਜੀਤ ਫੂਲ, ਜਗਜੀਤ ਸਿੰਘ ਡੱਲੇਵਾਲ ਤੇ ਹੋਰਾਂ ਨੇ ਸੰਯੁਕਤ ਕਿਸਾਨ ਮੋਰਚੇ ਤੋਂ ਅਲੱਗ ਹੋਕੇ ਜੋ ਮੋਰਚਾ ਬਣਾਇਆ ਉਸਦਾ ਨਾਮ ਰੱਖਿਆ "ਗੈਰ ਰਾਜਨੀਤਕ ਮੋਰਚਾ"। 

ਕਾਮਰੇਡ ਲੈਨਿਨ ਨੇ ਕਿਹਾ ਹੈ "ਗੈਰ ਰਾਜਨੀਤਕ ਸਿਰਫ ਦੋ ਹੀ ਵਿਅਕਤੀ ਹੁੰਦੇ ਹਨ ਇੱਕ ਜਿਹੜਾ ਅਜੇ ਪੈਦਾ ਨਹੀਂ ਹੋਇਆ; ਮਾਂ ਦੇ ਪੇਟ ਚ ਹੈ ਦੂਜਾ ਜਿਹੜਾ ਕਬਰ ਦੇ ਵਿੱਚ ਚਲਾ ਗਿਆ ਮਤਲਬ ਮਰ ਗਿਆ ਹੈ" ਬਾਕੀ ਹਰ ਬੰਦਾ ਰਾਜਨੀਤਕ ਹੁੰਦਾ ਹੈ। 

ਜੋ ਮੈਂ ਸਮਝਦਾ ਹਾਂ ਸਾਡੀ ਇੱਕ ਰਾਜਨੀਤੀ ਹੈ ਜੋ ਮਜ਼ਦੂਰਾਂ ਕਿਸਾਨਾਂ ਦੀ ਰਾਜਨੀਤੀ ਹੈ ਜੋ ਦੱਬੇ ਕੁਚਲੇ ਲੋਕਾਂ ਦੀ ਰਾਜਨੀਤੀ ਹੈ ਇੱਕ ਜਮਾਤ ਦੀ ਰਾਜਨੀਤੀ ਹੈ ਜੋ ਹਾਕਮ ਜਮਾਤਾਂ ਦੀ ਰਾਜਨੀਤੀ ਹੈ ਉਹ ਲੁਟੇਰਿਆਂ ਦੀ ਰਾਜਨੀਤੀ ਹੈ ਹਾਲੇ ਐਨਾ ਹੀ!!                        

ਤੁਹਾਡਾ ਸਾਥੀ 

ਡਾ. ਗੁਰਤੇਜ ਸਿੰਘ ਖੀਵਾ  

ਮੋਬਾਈਲ ਨੰਬਰ-+91 79018 86210

ਪੱਛਮ ਦੀ ਅੰਨੀ ਨਕਲ ਤੋਂ ਬਾਅਦ ਫਿਰ ਯੋਗ ਸਾਧਨਾ ਅਤੇ ਮੈਡੀਟੇਸ਼ਨ ਵੱਲ ਮੋੜਾ

From Dr. Meena Sharma on Saturday 14th December 2024 at 12:38 Regarding Meditation

🙏ਮੋਹਾਲੀ ਵਿੱਚ ਦੇਖੋ ਮੈਡੀਟੇਸ਼ਨ ਪ੍ਰੋਗਰਾਮ ਅਤੇ ਇਸਦੇ ਜਾਦੂਈ ਅਸਰ 🙏

ਡਾ. ਮੀਨਾ ਸ਼ਰਮਾ ਵੱਲੋਂ ਸਿਹਤਮੰਦ ਜੀਵਨ-ਜਾਚ ਲਈ ਵਿਸ਼ੇਸ਼ ਕੈਂਪ 22 ਨੂੰ 

ਮੋਹਾਲੀ: 18 ਦਸੰਬਰ 2024: (ਕਾਰਤਿਕਾ ਕਲਿਆਣੀ ਸਿੰਘ//ਪੰਜਾਬ ਸਕਰੀਨ ਡੈਸਕ)::

ਪੱਛਮੀ ਹਵਾਵਾਂ ਦੇ ਵਹਿਣ ਵਿੱਚ ਅੰਨੇਵਾਹ ਵਹਿ ਤੁਰੇ ਸਾਡੇ ਸਮਾਜ ਨੇ ਵੀ ਉਹ ਮੁਸੀਬਤਾਂ ਸਹੇੜੀਆਂ ਜਿਹੜੀਆਂ ਪੱਛਮੀ ਸਭਿਅਤਾ ਵਾਲਿਆਂ ਨੇ ਸਹੇੜੀਆਂ ਹੋਈਆਂ ਸਨ। ਇਹ ਗੱਲ ਕਿਸੇ ਚਮਤਕਾਰ ਤੋਂ ਘੱਟ ਨਹੀਂ ਕਿ ਉਹਨਾਂ ਨੇ ਅੰਨੀ ਐਸ਼ਪ੍ਰਸਤੀ ਵਾਲਾ ਜੀਵਨ ਦੇਖ ਕੇ ਭਾਰਤੀ ਸੱਭਿਆਚਾਰ ਦੀ ਸ਼ਰਨ ਵਿੱਚ ਆਉਣ ਨੂੰ ਪਹਿਲ ਦਿੱਤੀ ਹੈ।  ਏਧਰਲੇ ਲਾਈਫ ਸਟਾਈਲ ਅਤੇ ਓਧਰਲੇ ਲਾਈਫ ਸਟਾਈਲ ਵਿੱਚਲਾ ਅੰਤਰ ਸੰਨ 1970 ਵਿੱਚ ਆਈ ਫਿਲਮ "ਪੂਰਬ ਔਰ ਪਸ਼ਚਿਮ" ਫਿਲਮ ਵਿੱਚ ਵੀ ਬਹੁਤ ਚੰਗੀ ਤਰ੍ਹਾਂ ਦਿਖਾਇਆ ਗਿਆ ਸੀ। ਮਨੋਜ ਕੁਮਾਰ ਵਾਲੀ ਇਸ ਫਿਲਮ ਦੇ ਗੀਤ ਵੀ ਬਹੁਤ ਵਿਸ਼ੇਸ਼ ਸਨ। ਪ੍ਰਾਣ, ਪ੍ਰੇਮਨਾਥ,ਅਸ਼ੋਕ ਕੁਮਾਰ, ਪ੍ਰੇਮ ਚੋਪੜਾ ਅਤੇ ਸਾਇਰਾ ਬਾਨੋ ਨੇ ਵੀ ਆਪੋ ਆਪਣੀਆਂ ਭੂਮਿਕਾਵਾਂ ਵਿੱਚ ਜਾਂ ਪਾਈ ਹੋਈ ਸੀ। ਇਸ ਫਿਲਮ ਨੇ ਉਦੋਂ ਇਕੱਲੇ ਭਾਰਤ ਵਿੱਚ ਹੀ 45 ਮਿਲੀਅਨ ਰੁਪਿਆਂ ਦੀ ਕਮਾਈ ਕੀਤੀ ਸੀ। ਵਿਦੇਸ਼ਾਂ ਵਿਚ ਇਹ ਕਮਾਈ ਹੋਰ ਵੀ ਜ਼ਿਆਦਾ ਸੀ। 

ਇਸ ਤੋਂ ਬਾਅਦ ਸੰਨ 1978  ਵਿੱਚ ਆਈ ਫਿਲਮ "ਦੇਸ ਪਰਦੇਸ" ਵਿੱਚ ਵੀ। ਆਪਣੇ ਦੇਸ਼ ਭਾਰਤ ਨੂੰ ਛੱਡ ਕੇ ਕਿਸੇ ਵੀ ਤਰ੍ਹਾਂ ਵਿਦੇਸ਼ਸਨ ਵੱਲ ਜਾਣ ਦੀ ਦੌੜ ਅਤੇ ਫਿਰ ਉਥੇ ਪਹੁੰਚ ਕੇ ਉਥੋਂ ਦੀਆਂ ਮੁਸ਼ਕਲਾਂ ਦਾ ਬਹੁਤ ਦਿਲਚਸਪ ਵਰਨਣ ਹੈ। ਫਿਲਮ ਦੇ ਗੀਤ ਵੀ ਬਹੁਤ ਹਿੱਟ ਹੋਏ ਸਨ। ਦੇਵਾਨੰਦ,  ਮੁਨੀਮ, ਪ੍ਰਾਣ, ਅਮਜਦ ਖਾਨ, ਗਜਾਨਨ ਜਾਗੀਰਦਾਰ, ਅਜੀਤ, ਪ੍ਰੇਮ ਚੋਪੜਾ, ਏ ਕੇ ਹੰਗਲ, ਇੰਦਰਾਣੀ ਮੁਖਰਜੀ, ਬਿੰਦੂ, ਸ਼੍ਰੀ ਰਾਮ ਲਾਗੂ, ਮਹਿਮੂਦ ਆਦਿ ਸਭਨਾਂ ਨੇ ਹੀ ਬਹੁਤ ਚੰਗਾ ਕੰਮ ਕੀਤਾ ਸੀ। ਇਸ ਫਿਲਮ ਫਰ ਗੀਤ ਵੀ ਬਹੁਤ ਹਿੱਟ ਹੋਏ ਸਨ। 

ਇਸੇ ਤਰ੍ਹਾਂ ਸੰਨ 1997 ਵਿੱਚ ਸੁਭਾਸ਼ ਘਈ ਦੀ ਇੱਕ ਫਿਲਮ ਆਈ ਸੀ-ਪਰਦੇਸ। ਇਸ ਵਿੱਚ ਮਹਿਮਾ ਚੌਧਰੀ, ਸ਼ਾਹਰੁਖ ਖਾਨ, ਅਮਰੀਸ਼ ਪੁਰੀ, ਆਲੋਕ ਨਾਥ, ਅਪੂਰਵ ਅਗਨੀਹੋਤਰੀ ਅਤੇ ਹਿਮਾਨੀ ਸ਼ਿਵਪੁਰੀ ਨੇ ਆਪਣੀ ਅਦਾਕਾਰੀ ਦਾ ਲੋਹਾ ਮਨਵਾਇਆ ਸੀ। ਇਸ ਦੇ ਗੀਤ ਸੰਗੀਤ ਵੀ ਕਮਾਲ ਦਾ ਰਿਹਾ। ਇਸ ਗੀਤ ਸੰਗੀਤ ਵਿੱਚ ਇੱਕ ਕਵਾਲੀ ਵੀ ਸੀ--ਨਹੀਂ ਹੋਨਾ ਥਾਂ --ਨਹੀਂ ਹੋਨਾ ਥਾ ਲੇਕਿਨ ਹੋ ਗਿਆ---ਹੋ ਗਿਆ ਹੈ ਮੁਝੇ ਪਿਆਰ! 

ਰਿਸ਼ਤਿਆਂ ਨਾਤਿਆਂ ਵਿੱਚ ਖੁੱਲ੍ਹ ਕੇ ਸਾਹਮਣੇ ਆ ਰਹੀਆਂ ਸਾਰੀਆਂ ਖਰਾਬੀਆਂ ਉਸ ਫਿਲਮ ਨੇ ਉਦੋਂ ਹੀ ਦਿਖਾ ਦਿੱਤੀਆਂ ਸਨ ਜਿਹੜੀਆਂ ਹੁਣ ਸਾਡੇ ਸਾਹਮਣੇ ਵੱਡੀ ਪੱਧਰ ਤੇ ਆ ਰਹੀਆਂ ਹਨ। ਫਿਲਮ ਮੀਡੀਆ ਨੇ ਸਾਡੇ ਸਮਾਜ ਨੂੰ ਸਮੇਂ ਸਮੇਂ ਬੜੀ ਸ਼ਿੱਦਤ ਨਾਲ ਸੁਚੇਤ ਵੀ ਕੀਤਾ ਪਾਰ ਅਸੀਂ ਨਹੀਂ ਸਮਝੇ।  

ਹੁਣ ਨਾ ਰਿਸ਼ਤੇ ਬਚੇ , ਨਾ ਹੀ ਧੰਨ ਦੌਲਤ ਅਤੇ ਹੀ ਸਿਹਤ ਅਤੇ ਸਕੂਨ। ਨਸ਼ਿਆਂ ਨੇ ਸਾਡੀ ਜ਼ਿੰਦਗੀ ਵਿੱਚ ਬੜੀ ਮਜ਼ਬੂਤੀ ਨਾਲ ਘੁਸਪੈਠ ਕੀਤੀ। ਬੱਚੇ ਅਕਸਰ ਉਦੋਂ ਵਤਨ ਪਹੁੰਚਦੇ ਹਨ ਜਦੋਂ ਮਾਂ ਪਿਓ ਉਹਨਾਂ ਨੂੰ ਮਿਲਣ ਲਈ ਤਰਸਦੇ ਇਸ ਦੁਨੀਆ ਤੋਂ ਹੀ ਤੁਰ ਜਾਂਦੇ ਹਨ। ਡੱਬਾ ਬੰਦ ਭੋਜਨ ਨੇ ਸਾਡੇ ਕੋਲੋਂ ਸਦਾ ਤਾਜ਼ਾ ਭੋਜਨ ਵੀ ਖੋਹ ਲਿਆ ਹੈ। ਮੱਕੀ ਦੀ ਰੋਟੀ ਅਤੇ ਸਰੋਂ ਦਾ ਸਾਗ ਬੜੀ ਦੂਰੀ ਵਾਲੀ ਪਹੁੰਚ ਤੇ ਜਾ ਚੁੱਕੇ ਹਨ। ਬਰਗਰ, ਨੂਡਲ, ਮੈਗੀ ਨੇ ਸਿਹਤ ਦੇ ਮਾਮਲੇ ਵਿੱਚ ਬਹੁਤ ਸਾਰੇ ਵਕਾਰ ਪੈਦਾ ਕਰ ਦਿੱਤੇ ਹਨ। ਨਸ਼ਿਆਂ ਦੀ ਆਦਤ ਨੇ ਸਾਡੀ ਸਾਰੀ ਕੁਦਰਤ ਨੀਂਦ ਖੋਹ ਲਈ  ਹੈ। 

ਝੂਠੇ ਜਿਹੇ ਇਸ ਵਿਕਾਸ ਨੇ ਸਾਡੇ ਕੋਲੋਂ ਸਾਰੇ ਸੱਚੇ ਸੁਖ ਰਾਮ ਖੋਹ ਲਏ ਹਨ। ਪਰਿਵਾਰਾਂ ਸਿਰ ਚੜ੍ਹੇ ਕਰਜ਼ਿਆਂ ਨਣੁ ਲਾਹੁਣ ਲਈ ਵਿਦੇਸ਼ਾਂ ਦੀ ਧਰਤੀ ਤੇ ਜਾਣ ਦੇ ਚਾਅ ਕਿਸੇ ਮ੍ਰਿਗ ਤ੍ਰਿਸ਼ਨਾਂ ਤੋਂ ਘੱਟ ਨਹੀਂ ਸਨ। ਡਾਕਟਰ ਸੁਰਜੀਤ ਪਾਤਰ ਸਾਹਿਬ ਅੱਜ ਫਿਰ  ਆ ਰਹੇ ਹਨ। ਉਹਨਾਂ ਕਈ ਦਹਾਕੇ ਪਹਿਲਾਂ ਲਿਖਿਆ ਸੀ:

ਜੋ ਬਦੇਸਾਂ 'ਚ ਰੁਲਦੇ ਨੇ ਰੋਟੀ ਲਈ; ਉਹ ਜਦੋਂ ਦੇਸ ਪਰਤਣਗੇ ਆਪਣੇ ਕਦੀ!

ਜਾਂ ਤਾਂ ਸੇਕਣਗੇ-ਮਾਂ ਦੇ ਸਿਵੇ ਦੀ ਅਗਨ; ਤੇ ਜਾਂ ਕਬਰਾਂ ਦੇ ਰੁੱਖ ਹੇਠ ਜਾ ਬਹਿਣਗੇ!

ਜਿਹੜੇ ਸਾਨੂੰ ਬੜੇ ਸੁਖੀ ਜਾਪਦੇ ਨੇ ਉਹਨਾਂ ਦੇ ਦੁੱਖਾਂ ਨੂੰ ਦੇਖਣ ਦੀ ਵੀ ਕੋਸ਼ਿਸ਼ ਕਰੋ। ਬਸ ਉਹ ਜ਼ਿਆਦਾ ਬੋਲਦੇ ਵੀ ਨਹੀਂ ਅਤੇ ਸਭਨਾਂ ਦੇ ਸਾਹਮਣੇ ਰੋਂਦੇ ਵੀ ਨਹੀਂ। ਉਹ ਵੀ ਹੁਣ ਤਨ ਮਨ ਦੇ ਸੁੱਖ ਲਈ ਭਾਰਤੀ ਸੰਸਕ੍ਰਿਤੀ ਵੱਲ ਬੜੀਆਂ ਉਮੀਦਾਂ ਨਾਲ ਦੇਖ ਰਹੇ ਨੇ। ਇਹਨਾਂ ਸਭਨਾਂ ਦੇ ਦਿਲਾਂ ਵਿੱਚ ਭਾਰਤ ਵੱਲ ਦੇਖਦਿਆਂ ਹੀ ਆਸ ਦੀ ਕਿਰਨ ਪੈਦਾ ਹੋ ਰਹੀ ਹੈ। ਡਾ. ਮੀਨਾ ਸ਼ਰਮਾ ਨੇ ਅਜਿਹੇ ਸਭਨਾਂ ਦੁਖੀ ਲੋਕਾਂ ਲਈ ਇੱਕ ਦਿਨ ਦੇ ਵਿਸ਼ੇਸ਼ ਮੈਡੀਟੇਸ਼ਨ ਕੈਂਪ ਦਾ ਐਲਾਨ ਕੀਤਾ ਹੈ। 

ਇੱਕ ਦਿਨ ਦਾ ਇਹ ਮੈਡੀਟੇਸ਼ਨ ਪ੍ਰੋਗਰਾਮ ਬਹੁਤ ਕੁਝ ਦੇ ਸਕਦਾ ਹੈ ਪਰ ਕੈਂਪ ਵਿਚ ਪਹੁੰਚਣਾ ਬਹੁਤ ਜ਼ਰੂਰੀ ਹੈ। ਡਾ. ਮੀਨਾ ਸ਼ਰਮਾ ਦੱਸਦੇ ਹਨ-ਮੈਡੀਟੇਸ਼ਨ ਜੀਵਨ ਨੂੰ ਸੰਤੁਲਿਤ ਅਤੇ ਸ਼ਾਂਤੀ ਨਾਲ ਭਰਪੂਰ ਬਣਾਉਣ ਲਈ ਇੱਕ ਸ਼ਕਤੀਸ਼ਾਲੀ ਮਾਧਿਅਮ ਹੈ। ਅੱਜ ਦੇ ਤਣਾਅ ਭਰੇ ਜੀਵਨ ਵਿੱਚ, ਮਾਨਸਿਕ ਸ਼ਾਂਤੀ ਅਤੇ ਅਧਿਆਤਮਿਕ ਸੰਤੁਲਨ ਦੀ ਜ਼ਰੂਰਤ ਪਹਿਲਾਂ ਨਾਲੋਂ ਵੱਧ ਹੈ। ਇਸੇ ਉਦੇਸ਼ ਨੂੰ ਮੁੱਖ ਰੱਖਦੇ ਹੋਏ ਇਹ ਇੱਕ ਰੋਜ਼ਾ ਮੈਡੀਟੇਸ਼ਨ ਪ੍ਰੋਗਰਾਮ ਲਗਾਇਆ ਜਾ ਰਿਹਾ ਹੈ। 

ਕੈਂਪ ਦਾ ਸਥਾਨ ਹੋਵੇਗਾ ਸ਼੍ਰੀ ਵੈਂਕਟੇਸ਼ ਮੰਦਿਰ, ਬਾਂਕੇ ਬਿਹਾਰੀ ਧਾਮ, ਟੀਡੀਆਈ, ਸੈਕਟਰ 74ਏ, ਮੋਹਾਲੀ। ਇਸ ਦੇ ਆਯੋਜਨ ਦੀ ਤਾਰੀਖ ਹੈ  22 ਦਸੰਬਰ 2024 ਅਤੇ ਕੈਂਪ ਦਾ  ਸਮਾਂ ਰਹੇਗਾ  ਸਵੇਰੇ 10 ਵਜੇ ਤੋਂ ਦੁਪਹਿਰ 2 ਵਜੇ ਤੱਕ।  

ਇਸ ਕੈਂਪ ਮੌਕੇ ਜਿਹਨਾਂ ਗੱਲਾਂ ਤੇ ਮੁਖ ਤੌਰ ਤੇ ਧਿਆਨ ਕੇਂਦਰਿਤ ਰਹੇਗਾ ਉਹ ਮੁੱਖ ਗਤੀਵਿਧੀਆਂ ਇਸ ਪ੍ਰਕਾਰ ਹੋਣਗੀਆਂ:

*ਮੈਡੀਟੇਸ਼ਨ ਸੈਸ਼ਨ (Meditation Session): ਦੀ ਜਾਚ ਸਿਖਾਉਣ ਵਾਲੇ ਗੁਰ ਦੇ ਅਧੀਨ ਧਿਆਨ ਨੂੰ ਕੇਂਦਰਿਤ ਕਰਨਾ ਸਿਖਾਇਆ ਜਾਏਗਾ। 

*ਸਾਹ ਲੈਣ ਦੀਆਂ ਤਕਨੀਕਾਂ (breathing  techniques) ਵੀ ਬੜੇ ਉਚੇਚ ਨਾਲ ਸਿਖਾਈਆਂ ਜਾਣਗੀਆਂ। ਸਾਹ ਲੈਣ ਦੇ ਵਿਗਿਆਨਕ ਤਰੀਕੇ ਸਿਖਾਏ ਜਾਣਗੇ। ਜਿਸ ਨੂੰ ਇਹ ਤਰੀਕੇ ਆ ਗਏ ਉਸ ਦੀਆਂ ਬਹੁਤ ਸਾਰੀਆਂ ਸਮੱਸਿਆਵਾਂ ਬਿਨਾ ਕਿਸੇ ਦਵਾਈ ਦੇ ਦੂਰ ਹੋ ਜਾਣਗੀਆਂ।  

*ਮਾਈਂਡਫੁਲਨੈੱਸ ਪ੍ਰੈਕਟਿਸ (mindfulness practice):ਇਸ ਵਿੱਚ ਤਨ ਦੇ ਨਾਲ ਨਾਲ ਮਾਈਂਡ ਦਿਸਣ ਸ਼ਕਤੀਆਂ ਨੂੰ ਜਾਗ੍ਰਿਤ ਕਰ ਕੇ ਸ਼ਖ਼ਸੀਅਤ ਵਿੱਚ ਨਵਾਂ ਨਿਖਾਰ ਲਿਆਂਦਾ ਜਾਏਗਾ। 

👉ਕੈਂਪ ਵਿੱਚ ਜਾਣ ਲਈ ਰਜਿਸਟ੍ਰੇਸ਼ਨ ਅਤੇ ਹੋਰ ਜਾਣਕਾਰੀ ਲਈ ਸੰਪਰਕ ਕਰੋ: ਡਾ: ਮੀਨਾ ਸ਼ਰਮਾ ਨਾਲ ਉਹਨਾਂ ਦਾ ਮੋਬਾਈਲ ਨੰਬਰ ਇਸ ਪ੍ਰਕਾਰ ਹੈ +91 96460-05543

  Acupoint Wellness Center  ਗੋਬਿੰਦ ਐਨਕਲੇਵ ਗ੍ਰੀਨਜ਼ ਸੈਕਟਰ 117, ਮੋਹਾਲੀ