Saturday, May 25, 2019

ਅਸਲ ਚ ਪੰਜਾਬ ਤੋਂ ਸਿਰਫ਼ ਭਗਵੰਤ ਮਾਨ ਜਿੱਤਿਆ ਹੈ-ਗੁਰਭਜਨ ਗਿੱਲ

ਚੋਣ ਨਤੀਜਿਆਂ ਬਾਰੇ ਦਸਤਾਵੇਜ਼ੀ ਵਿਸ਼ਲੇਸ਼ਣ ਦਾ ਅਹਿਸਾਸ ਕਰਾਉਂਦੀ ਲਿਖਤ 
ਕਿਤੇ ਪੈਸਾ ਜਿੱਤਿਆ ਹੈ, ਕਿਤੇ ਸਿਆਸੀ ਤਿਕੜਮਬਾਜ਼ੀ, ਕਿਤੇ ਸਿਆਸੀ ਪਾਰਟੀਆਂ, ਕਿਤੇ ਵਿਰਸੇ ਦੀ ਡੂੰਘੀ ਜੜ੍ਹ ਤੇ ਖਿੜਿਆ ਮੱਥਾ,ਇੱਕ ਥਾਂ ਮੋਦੀ ਭਾਵਨਾ, ਇੱਕ ਥਾਂ ਸਿਰਫ਼ ਚਿਹਰਾ। 
ਦੂਜੇ ਬੰਨੇ ਪਾਰਟੀ ਤੀਲਾ ਤੀਲਾ, ਦੁਨੀਆਂ ਭਰ ਦਾ ਵਿਰੋਧ, ਅੰਨ੍ਹਾ ਪੈਸੇ ਦਾ ਨੰਗਾ ਨਾਚ, ਸਾਹੋ ਸਾਹ ਹੋਏ ਹੌਕਦੇ ਵਿਕਾਊ ਚੈਨਲ, ਪਰਮਿੰਦਰ ਸਿੰਘ ਢੀਂਡਸਾ ਪਰਿਵਾਰ ਦੀ ਮੁਹੱਬਤੀ ਪਹੁੰਚ,ਫਿਰ ਵੀ ਜੇ ਭਗਵੰਤ ਇੱਕ ਲੱਖ ਇੱਕ ਹਜ਼ਾਰ ਇੱਕ ਸੌ ਇੱਕ ਵੋਟਾਂ ਦੀ ਚੜ੍ਹਤ ਨਾਲ ਜਿੱਤ ਗਿਆ ਹੈ ਤਾਂ ਇਹ ਉਸ ਦੇ ਲਾਰਿਆਂ , ਨਾਅਰਿਆਂ, ਕੂੜ ਪਰਚਾਰ ਦਾ ਪ੍ਰਤਾਪ ਨਹੀਂ, ਸਗੋਂ ਉਸ ਦੀ ਪਾਰਲੀਮੈਂਟ ਚ ਜੀਉਂਦੀ ਜਾਗਦੀ ਹਾਜ਼ਰੀ, ਨਿਰੰਤਰ ਜਾਗਦੀ ਜ਼ਮੀਰ, ਲੋਕ ਹੱਕਾਂ ਦੀ ਸਹੀ ਪਹਿਰੇਦਾਰੀ ਕਾਰਨ ਉਸ ਦੇ ਮੁਲਖਈਏ ਨੇ ਉਹਦਾ ਮਾਣ ਰੱਖਿਆ ਹੈ। 
ਉਸ ਦੇ ਖਿਲਾਫ਼ ਤਾਂ ਲਾਲ ਝੰਡੇ ਵੀ ਸਰਗਰਮ ਰਹੇ, ਅਖੇ ਪਾਵਾ ਲੋਕ ਮੁਕਤੀ ਦਾ ਪ੍ਰਤੀਕ ਹੈ। 
ਉਹ ਸੰਗਰੂਰ ਸੋਚ ਰਿਹਾ ਹੋਵੇਗਾ ਕਿ ਸਾਡਾ ਨੁਮਾਇੰਦਾ ਤਾਂ ਕਾਮਰੇਡ ਤੇਜਾ ਸਿੰਘ ਸੁਤੰਤਰ ਰਿਹੈ, ਸਾਡੇ ਵਿੱਚੋਂ ਤਾਂ ਭਾਨ ਸਿੰਘ ਭੌਰਾ, ਹਰਨਾਮ ਸਿੰਘ ਚਮਕ, ਸੰਪੂਰਨ ਸਿੰਘ ਧੌਲਾ ਤੇ ਕਿੰਨੇ ਹੋਰ ਇਨਕਲਾਬੀ ਰਹੇ ਨੇ। 
ਗੁਰੂ ਕੇ ਬਾਗ ਮੋਰਚੇ ਦੇ ਬਦਨਾਮ ਬੀ ਟੀ ਵਰਗੇ ਜ਼ਾਲਮ ਪੁਲਿਸ ਕਪਤਾਨ ਨੂੰ ਡਾਂਗਾਂ ਨਾਲ ਚੱਠੇ ਸੇਖਵਾਂ ਚ ਕੁੱਟ ਕੁੱਟ ਮਾਰਨ ਵਾਲੇ ਸੰਗਰੂਰੀਆਂ ਨੇ ਆਪਣੀ ਮਿੱਟੀ ਦਾ ਮਾਣ ਵਧਾਇਆ ਹੈ। 
ਇਨਕਲਾਬੀ ਬੋਲ ਚੇਤੇ ਆ ਰਹੇ ਨੇ। 

ਹਰ ਮਿੱਟੀ ਦੀ ਆਪਣੀ ਖਸਲਤ
ਹਰ ਮਿੱਟੀ ਕੁੱਟਿਆਂ ਨਹੀਂ ਭੁਰਦੀ। 

ਸੰਗਰੂਰ ਸੋਚ ਰਿਹਾ ਸੀ ਕਿ ਸਾਡੇ ਪੁੱਤਰ ਅਕਾਲੀ ਫੂਲਾ ਸਿੰਘ ਨੇ ਅਕਾਲ ਤਖ਼ਤ ਸਾਹਿਬ ਤੇ ਤਲਬ ਕਰਕੇ ਮਹਾਰਾਜਾ ਰਣਜੀਤ ਸਿੰਘ ਵਰਗੇ ਸਮਰੱਥ ਰਾਜੇ ਨੂੰ ਮੰਦੀ ਹਰਕਤ ਕਰਕੇ ਥਮਲੇ ਨਾਲ ਨੂੜ ਕੇ  ਕੋੜੇਮਾਰ ਸਜ਼ਾ ਦਿੱਤੀ ਸੀ, ਅਸੀਂ ਜ਼ਮੀਰ ਨਹੀਂ ਗਿਰਵੀ ਕਰਨੀ। ਲੋਕ ਧਰਮ ਪਾਲਕ ਪੁੱਤਰ ਨਾਲ ਨਿਭਣਾ ਹੈ। 

ਕਿਸੇ ਨੇ ਉਸਨੂੰ ਸ਼ਰਾਬੀ ਕਿਹਾ, ਕਿਸੇ 
ਕੁਰਸੀ ਦਾ ਭੁੱਖਾ, ਕਿਸੇ ਹਉਮੈ ਮਾਰਿਆ। ਹੱਦ ਤਾਂ ਉਦੋਂ ਹੋਈ ਜਦ ਉਸ ਦੇ ਲਾਏ ਬੂਟਿਆਂ ਦੀ ਛਾਂ ਨੇ ਸੇਕ ਮਾਰਿਆ, ਅਖੇ ਪਾਰਲੀਮੈਂਟ ਚ ਕੁਫ਼ਰ ਤੋਲਣ ਵਾਲਾ ਭਗਵੰਤ ਹਰਾਓ ਤੇ ਮੇਰਾ ਯਾਰ ਜਿਤਾਉ। 
ਪਹਿਲੀ ਵਾਰ ਗੁਰਦਾਸਪੁਰ ਉਸ ਦਿਨ ਸ਼ਰਮਸਾਰ ਹੋਇਆ ਜਿਸ ਦਿਨ ਭੋਲਾ ਜਿਹਾ ਸਮਝਿਆ ਜਾਂਦਾ ਪੰਛੀ ਵੀ ਉਸ ਦੇ ਖਿਲਾਫ਼ ਭੁਗਤਿਆ। 
ਮੈਂ ਆਪ ਸ਼ਰਾਬ ਨਹੀਂ ਪੀਂਦਾ, ਪਰ ਮੇਰੇ ਬਹੁਤ ਨਿਕਟਵਰਤੀ ਪੀਂਦੇ ਹਨ। ਮੈਂ ਇਸ ਦੇ ਖਿਲਾਫ਼ ਹਾਂ ਪਰ ਭਗਵੰਤ ਦੇ ਖ਼ਿਲਾਫ਼ ਉਹ ਲੋਕ ਇਲਜ਼ਾਮ ਕਿਉਂ ਲਾਉਣ ਜੋ ਦੋ ਦੋ ਸਿਗਰਟਾਂ ਜੋੜ ਕੇ ਪੀਂਦੇ ਰਹੇ ਨੇ। 
ਸ਼ਰਾਬੀ ਕਦੇ ਬਲਦੀ ਅੱਗ ਚ ਨਹੀਂ ਵੜਦਾ ਜਿਵੇਂ ਚੋਣਾਂ ਦੌਰਾਨ ਮੁਹਿੰਮ ਛੱਡ ਕੇ ਬਰਨਾਲਾ ਜ਼ਿਲ੍ਹੇ ਚ ਲੱਗੀਆਂ ਅੱਗਾਂ ਬੁਝਾਉਣ ਵੜਿਆ ਸੀ। 
ਕੀ ਇਹ ਵੀ ਨਾਟਕ ਸੀ? ਪਾਖੰਡ ਸੀ?
ਉਸ ਦੀ ਸੰਵੇਦਨਸ਼ੀਲਤਾ ਜਿੱਤੀ ਹੈ। 
ਉਸ ਦੇ ਨਿੰਦਕਾਂ ਚੋਂ ਇੱਕ ਉਹ ਪਰਮੁੱਖ ਚਿਹਰਾ ਵੀ ਸੀ ਜੋ ਮੇਰੇ ਸੂਤਰਾਂ ਅਨੁਸਾਰ ਭਗਵੰਤ ਰਾਹੀਂ ਹੀ ਕਾਂਗਰਸ ਦੀ ਕੰਧ ਟੱਪ ਕੇ ਆਮ ਆਦਮੀ ਬਣਨ ਆਇਆ ਸੀ। 
ਮਾੜੇ ਕੱਪੜੇ ਵਾਂਗ ਬਹੁਤੇ ਤਾਂ ਉਸ ਸਮੇਤ ਪਹਿਲੇ ਧੋਅ ਹੀ ਡੱਬ ਖੜੱਬੇ ਹੋ ਗਏ, ਰੰਗ ਲਹਿ ਗਏ। 
ਰਾਸ ਲੀਲ੍ਹਾ ਮੁੱਕੀ ਤਾਂ ਕੁਝ ਬੱਕਰੀਆਂ ਚਾਰਨ ਚਲੇ ਗਏ, ਕੁਝ ਹਲਵਾਈ ਦੀ ਹੱਟੀ ਜਾ ਬੈਠੇ। 
ਲੋਕ ਝਾਕਦੇ ਰਹਿ ਗਏ!
ਭਗਵੰਤ ਦੁੱਧ ਧੋਤਾ ਨਹੀਂ, ਉਸ ਚ ਵੀ ਐਬ ਨੇ, ਪਰ ਉਹ ਐਬ ਲੋਕ ਦੁਸ਼ਮਣ ਨਹੀਂ, ਉਸ ਦੇ ਆਪਣੇ ਵੈਰੀ ਨੇ। 
ਹੌਲੀ ਹੌਲੀ ਮੁਕਤ ਹੋ ਰਿਹਾ ਹੈ, ਰਹਿੰਦੀ ਕਸਰ ਵੀ ਨਿਕਲ ਜਾਵੇਗੀ। 
ਉਹਦੇ ਧੀ ਪੁੱਤਰ ਤੇ ਜੀਵਨ ਸਾਥਣ ਦੇ ਪੁਨਰ ਮਿਲਾਪ ਦੀ ਕਾਮਨਾ ਕਰੋ, ਸਿਰਫ਼ ਨੁਕਸ ਨਾ ਵੇਖੋ ਕਿ ਪਾਰਲੀਮੈਂਟ 
ਚ ਕਿਵੇਂ ਤਖ਼ਤਾਂ ਨੂੰ ਕੰਬਣੀ ਛੇੜਦਾ ਹੈ। 
ਦਲਾਲ ਕੰਬਦੇ ਹਨ, ਪਾਪੀ ਮੂੰਹ ਲੁਕਾਉਂਦੇ ਹਨ। 
ਐਤਕੀਂ ਤਾਂ ਵਿਰੋਧੀ ਧਿਰ ਦੇ ਬਹੁਤੇ ਘਾਗ ਆਗੂ ਚੋਣਾਂ ਹਾਰ ਗਏ ਨੇ। 

ਗਲੀਆਂ ਹੋਈਆਂ ਸੁੰਨੀਆਂ ਵਿੱਚ ਮਿਰਜ਼ਾ ਯਾਰ ਫਿਰੂ। 
ਸ਼ਹੀਦ ਭਗਤ ਸਿੰਘ ਦੇ ਜੱਦੀ ਪਿੰਡ ਖਟਕੜ ਕਲਾਂ ਚ ਭਗਵੰਤ ਨੇ ਮਨਪਰੀਤ ਬਾਦਲ ਨਾਲ ਮਿਲ ਕੇ ਸਿਆਸੀ ਪਾਰੀ ਪੱਕੇ ਪੈਰੀਂ ਖੇਡਣੀ ਸ਼ੁਰੂ ਕੀਤੀ ਸੀ
ਉਸ ਤੋਂ ਪਹਿਲਾਂ ਭਾਵੇਂ ਬਲਵੰਤ ਸਿੰਘ ਰਾਮੂਵਾਲੀਆ ਦੀ ਲੋਕ ਭਲਾਈ ਟੀਮ ਚ ਵੀ ਕਦੇ ਕਦੇ ਸ਼ੋਅ ਮੈਚ ਖੇਡ ਆਉਂਦਾ ਸੀ ਪਰ ਪਰ ਪੱਕੇ ਪੈਰੀਂ ਪੀਪਲਜਸ਼ ਪਾਰਟੀ ਰਾਹੀਂ ਹੀ ਗਿਆ। ਉਸ ਦੀ ਉਸ ਮਿੱਟੀ ਨਾਲ ਪਕੇਰੀ ਸਾਂਝ ਹੈ। ਪਿਛਲੀ ਵਾਰ ਵੀ ਉਹ ਖਟਕੜ ਕਲਾਂ ਸ਼ਹੀਦ ਭਗਤ ਸਿੰਘ ਦੇ ਬੁੱਤ ਦੇ ਚਰਨਾਂ 'ਚ  ਆਪਣਾ ਪਾਰਲੀਮੈਂਟ ਮੈਂਬਰੀ ਜਿੱਤਣ ਦਾ ਸਰਟੀਫੀਕੇਟ ਧਰ ਕੇ ਕਸਮ ਖਾਣ ਗਿਆ ਸੀ। ਹੁਣ ਸ਼ਾਇਦ ਫੇਰ ਜਾਵੇ ਅੱਖ ਚ ਅੱਖ ਪਾ ਕੇ ਖਲੋਣ ਜੋਗਾ ਹੋ ਗਿਆ ਹੈ ਹੁਣ ਉਹ। 
ਵਿਰੋਧੀ ਮੰਨਣ ਜਾਂ ਨਾ ਮੰਨਣ, ਭਗਵੰਤ ਜਿੱਤ ਗਿਆ ਹੈ। ਸੰਗਰੂਰ ਜਿੱਤ ਗਿਆ ਹੈ। ਅਕਾਲੀ ਫੂਲਾ ਸਿੰਘ ਤੇ ਸ਼ਹੀਦ ਊਧਮ ਸਿੰਘ ਦੇ ਵਾਰਸਾਂ ਦੱਸ ਦਿੱਤਾ ਹੈ ਕਿ
ਅਸੀਂ ਜਿਉਂਦੇ
ਅਸੀਂ ਜਾਗਦੇ। 
ਪਾਸ਼ ਨੇ ਲਿਖਿਆ ਸੀ ਕਦੇ

ਇਸ ਵਾਰ ਪਾਪ ਦੀ ਜੰਝ
ਬੜੀ ਦੂਰੋਂ ਆਈ ਹੈ। 
ਪਰ ਅਸੀਂ ਅੱਡੀਆਂ ਹੋਈਆਂ 
ਤਲੀਆਂ ਤੇ ਥੁੱਕ ਦੇਣਾ ਹੈ। 
ਤਲਖ਼ੀਆਂ ਨੇ ਸਾਨੂੰ ਬਹੁਤ
ਬੇਲਿਹਾਜ਼ ਕਰ ਦਿੱਤਾ ਹੈ। 

ਦੋਸਤੋ!
ਭਗਵੰਤ ਅਜੇ ਭਾਵੁਕ ਘੋੜਾ ਹੈ। ਸਰਪੱਟ ਦੌੜਦਾ ਹੈ। ਉਸ ਨੂੰ ਡਾ: ਕਨ੍ਹੱਈਆ ਕੁਮਾਰ ਦੀ ਟਿਊਸ਼ਨ  ਰੱਖਣੀ ਪਵੇਗੀ। 
ਕੇਜਰੀਵਾਲ ਵਾਲੀਆਂ ਕਿਤਾਬਾਂ ਉਸ ਨੂੰ ਇਥੋਂ ਤੀਕ ਲੈ ਆਈਆਂ ਹਨ। ਉਚੇਰੀ ਪੜ੍ਹਾਈ ਜ਼ਰੂਰੀ ਹੈ। 
ਕਨ੍ਹੱਈਆ ਚੋਣ ਹਾਰਿਆ ਹੈ, ਲੜਾਈ ਯੁੱਧ ਨਹੀਂ। 
ਯੁੱਧ ਜਿੱਤਣ ਲਈ ਸਾਰੀਆਂ ਫੌਜਾਂ ਚਾਹੀਦੀਆਂ ਨੇ। 
ਪੰਜਾਬ ਦੇ ਮੈਂਬਰ ਪਾਰਲੀਮੈਂਟ ਹੁਣ ਇਕੱਠੇ ਪੰਜਾਬ ਦੀ ਲੜਾਈ ਲੜਨ। 
ਅਕਾਲੀ ਦਲ ਤੇ ਬੀ ਜੇ ਪੀ ਦੇ ਪੰਜਾਬੋਂ ਚਾਰ ਤੇ ਹੰਸ ਰਾਜ ਹੰਸ ਮਿਲਾ ਕੇ ਪੰਜ ਬਣਦੇ ਨੇ। ਰਾਜ ਸਭਾ ਵਾਲੇ ਵੱਖਰੇ। 
ਸਭ ਪੰਜਾਬ ਦੀ ਟੀਮ ਵੱਲੋਂ ਖੇਡਣਗੇ ਤਾਂ ਹਰ ਮੈਚ ਜਿੱਤਣਾ ਸੰਭਵ ਹੈ। 
ਪਰ ਜੇ ਆਪਸ ਚ ਹੀ ਠਿੱਬੀਆਂ ਮਾਰੀ ਗਏ ਤਾਂ ਪੰਜਾਬ ਦਾ ਹਸ਼ਰ ਮਾੜਾ ਹੋਣਾ ਹੀ ਹੋਣਾ ਹੈ। 
ਵਰਿਆਮ ਸਿੰਘ ਸੰਧੂ ਦੇ ਬੋਲ ਚੇਤੇ ਕਰੋ। 
ਕਿਸਨੂੰ ਉਡੀਕਦੇ ਹੋ? 
ਗੁਰੂ ਗੋਬਿੰਦ ਸਿੰਘ ਨੇ ਹੁਣ 
ਪਟਨੇ ਤੋਂ ਨਹੀਂ ਆਉਣਾ। 
ਮਸਤਕ ਤੋਂ ਹੱਥ ਤੀਕ
ਹੁਣ ਸਿੱਧਾ ਰਾਹ
ਕੇਸਗੜ ਦੇ ਮੈਦਾਨ ਨੂੰ ਜਾਂਦਾ ਹੈ। 

ਇੱਕ ਗੱਲ ਆਖ਼ਰੀ
ਅਕਲ ਕਿਤੋਂ ਵੀ ਮਿਲੇ, ਲੈ ਲਵੋ। ਹਰ ਰੰਗ ਦੇ ਸਿਆਸਤਦਾਨ, ਅਕਾਦਮੀਸ਼ਨ, ਲੇਖਕ, ਚੇਤਨ ਬੁੱਧੀਜੀਵੀ ਪੰਜਾਬ ਦੀ ਚਿੰਤਾ ਤੇ ਚਿੰਤਨ ਕਰਦੇ ਹਨ ਪਰ ਸਮੂਹਕ ਸੋਚ ਗੈਰਹਾਜ਼ਰ ਹੈ। 
ਹਰਿਮੰਦਿਰ ਸਾਹਿਬ ਮੱਥਾ ਟੇਕ ਕੇ ਵੀ ਜੇ ਅਸੀਂ ਸਰਬੱਤ ਦੇ ਭਲੇ ਲਈ ਕਾਰਜਸ਼ੀਲ ਨਹੀਂ ਹੁੰਦੇ ਤਾਂ ਤੁਸੀਂ ਆਪ ਦੱਸੋ?
ਹੋਰ ਬੇਮੁਖ ਕਿਹੋ ਜਹੇ ਹੁੰਦੇ ਨੇ। 

*ਗੁਰਭਜਨ ਗਿੱਲ ਸਮਕਾਲੀ ਵਰਤਾਰੇ ਨੂੰ ਆਪਣੇ ਚੋਣਵੇਂ ਸ਼ਬਦਾਂ ਅਤੇ ਖੂਬਸੂਰਤ ਅੰਦਾਜ਼ ਨਾਲ ਸੰਭਾਲਣ ਵਾਲੀ ਸ਼ਖਸੀਅਤ ਹੈ ਜਿਸਦੀਆਂ ਲਿਖਤਾਂ ਸਮੇਂ ਦੀ ਚਾਲ ਦਾ ਅਹਿਸਾਸ ਕਰਾਉਂਦੀਆਂ ਰਹਿੰਦੀਆਂ ਹਨ।
25.5.2019

Friday, May 24, 2019

ਸ਼੍ਰੋਮਣੀ ਖਾਲਸਾ ਪੰਚਾਇਤ ਨੇ ਦਿੱਤੀ ਮਹਾਰਾਣੀ ਪ੍ਰਨੀਤ ਕੌਰ ਨੂੰ ਵਧਾਈ

ਅਸੀਂ ਲਗਾਤਾਰ  ਸਟੈਂਡ ਲਵਾਂਗੇ ਸੰਘ ਪਰਿਵਾਰ ਦੀਆਂ ਸਾਜ਼ਿਸ਼ਾਂ ਦੇ ਖਿਲਾਫ 
ਲੁਧਿਆਣਾ/ਪਟਿਆਲਾ: 24 ਮਈ 2019: (ਪੰਜਾਬ ਸਕਰੀਨ ਟੀਮ)::
ਚੋਣ ਨਤੀਜੇ ਭਾਵੇਂ ਬਹੁ ਗਿਣਤੀ ਲੋਕਾਂ ਦੀਆ ਆਸਾਂ ਉਮੀਦਾਂ ਮੁਤਾਬਿਕ  ਨਹੀਂ ਆਏ ਇਸਦੇ ਬਾਵਜੂਦ ਅਜੇ ਵੀ ਅਜਿਹੇ ਲੋਕ ਬਹੁਤ ਹਨ ਜਿਹੜੇ ਡਟ ਕੇ ਆਪਣੇ ਇਸ ਸਟੈਂਡ 'ਤੇ ਖੜੇ ਹਨ ਕਿ ਅਸੀਂ ਮੋਦੀ ਲਹਿਰ ਦੇ ਖਿਲਾਫ ਡਟ ਕੇ ਲੜੇ ਹਨ ਅਤੇ ਇਸੇ ਤਰਾਂ ਹੀ ਡਟੇ ਰਹਾਂਗੇ। ਅਜਿਹੇ ਲੋਕਾਂ ਵਿੱਚੋਂ ਹੀ ਲੁਧਿਆਣਾ ਦੇ ਪੰਥਕ ਸੰਗਠਨ ਸ਼੍ਰੋਮਣੀ ਖਾਲਸਾ ਪੰਚਾਇਤ ਦੇ ਮੈਂਬਰ ਵੀ ਸ਼ਾਮਲ ਹਨ। ਇਹਨਾਂ ਮੈਂਬਰਾਂ ਦੀ ਟੀਮ ਲੁਧਿਆਣਾ ਤੋਂ ਉਚੇਚੇ ਤੌਰ 'ਤੇ ਕਾਂਗਰਸ ਪਾਰਟੀ ਦੀ ਉਮੀਦਵਾਰ ਮਹਾਰਾਣੀ ਪ੍ਰਨੀਤ ਕੌਰ ਦੀ ਚੋਣ ਮੁਹਿੰਮ ਵਿੱਚ ਸ਼ਾਮਲ ਹੋਣ ਲਈ ਪਟਿਆਲਾ ਗਈ ਸੀ। ਇਹ ਜਾਣਕਾਰੀ ਖਾਲਸਾ ਪੰਚਾਇਤ ਦੇ ਮੁਖੀ ਚਰਨਜੀਤ ਸਿੰਘ ਚੰਨੀ ਨੇ ਦਿੱਤੀ। ਇਸ ਟੀਮ ਨੇ ਦਿਨ ਰਾਤ ਇੱਕ ਕੀਤਾ ਅਤੇ ਪਟਿਆਲਾ ਦੀ ਹਰ ਗਲੀ ਦਾ ਹਰ ਘਰ ਘੁੰਮਿਆ।  
ਹਰ ਘਰ ਦੇ ਹਰ ਮੈਂਬਰ ਨਾਲ ਸ਼੍ਰੋਮਣੀ ਖਾਲਸਾ ਪੰਚਾਇਤ ਦੀ ਟੀਮ ਨੇ ਗੱਲਬਾਤ ਕੀਤੀ ਅਤੇ ਉਹਨਾਂ ਨੂੰ ਕਾਂਗਰਸ ਪਾਰਟੀ ਦੇ ਹੱਕ ਵਿੱਚ ਵੋਟਾਂ ਪਾਉਣ ਲਈ ਤਿਆਰ ਕੀਤਾ। ਨਤੀਜਾ ਸਭ ਦੇ ਸਾਹਮਣੇ ਹੈ।  ਮੋਦੀ ਲਹਿਰ ਦੇ ਬਾਵਜੂਦ ਪਟਿਆਲਾ ਵਿੱਚਸ਼ਾਨਦਾਰ ਜਿੱਤ ਨੇ ਮਹਾਰਾਣੀ ਪ੍ਰਨੀਤ ਕੌਰ ਦੇ ਚੁੰਮੇ। ਪੰਜਾਬ ਵਿੱਚ ਕਾਂਗਰਸ ਨੇ ਮੋਦੀ ਲਹਿਰ ਦੀ ਇੱਕ ਨਹੀਂ ਚੱਲਣ ਦਿੱਤੀ। ਇਸ ਮੌਕੇ ਸ਼੍ਰੋਮਣੀ ਖਾਲਸਾ ਪੰਚਾਇਤ ਦੇ ਮੈਂਬਰਾਂ ਅਤੇ ਅਹੁਦੇਦਾਰਾਂ ਨੇ ਮਹਾਰਾਣੀ ਪ੍ਰਨੀਤ ਕੌਰ ਨੂੰ ਵਧਾਈ ਦਿੱਤੀ ਅਤੇ ਭਰੋਸਾ ਦੁਆਇਆ ਕਿ ਅਸੀਂ ਭਵਿੱਖ ਵਿਚ ਵੀ ਇਸੇ ਤਰਾਂ ਉਹਨਾਂ ਦੇ ਪਰਿਵਾਰ ਨਾਲ ਜੁੜੇ ਰਹਾਂਗੇ। ਮਹਾਰਾਣੀ ਪ੍ਰਨੀਤ ਕੌਰ ਨੇ ਵੀ ਉਹਨਾਂ ਨੂੰ ਸਿੱਖ ਮਾਮਲਿਆਂ ਬਾਰੇ ਸਹਿਯੋਗ ਦਾ ਭਰੋਸਾ ਦੁਆਇਆ।  ਜ਼ਿਕਰਯੋਗ ਹੈ ਕਿ ਖਾਲਸਾ ਪੰਚਾਇਤ ਨੂੰ ਆਪਣੀਆਂ ਪੰਥਕ ਨੀਤੀਆਂ ਕਾਰਨ ਕਈ ਵਾਰ ਸਰਕਾਰੀ, ਸਿਆਸੀ ਅਤੇ ਡੇਰਾਵਾਦੀ ਕਰੋਪੀ ਦਾ ਸ਼ਿਕਾਰ ਬਣਨਾ ਪਿਆ। 
ਖਾਲਸਾ ਪੰਚਾਇਤ ਦੇ ਮੁਖੀ ਚਰਨਜੀਤ ਸਿੰਘ ਖਾਲਸਾ ਨੂੰ ਗੋਲੀਆਂ ਦਾ ਨਿਸ਼ਾਨਾ ਵੀ ਬਣਾਇਆ ਗਿਆ। ਇਸਦੇ ਬਾਵਜੂਦ ਨਾ ਚਰਨਜੀਤ ਸਿੰਘ ਚਨੀ ਨੇ ਦਿਲ ਛੱਡਿਆ ਤੇ ਨਾ ਹੀ ਕਾਹਲਸ ਪੰਚਾਇਤ ਨੇ ਆਪਣੀਆਂ ਨੀਤੀਆਂ ਵਿੱਚ ਕੋਈ ਤਬਡੇਲੀ ਲਿਆਂਦੀ। 
ਪੰਥ ਨੂੰ ਘੁਣ ਵਾਂਗ ਲੱਗੇ ਡੇਰਾਵਾਦ ਦੇ ਖਿਲਾਫ ਖਾਲਸਾ ਪੰਚਾਇਤ ਨੇ ਦਿਨਰਾਤ ਇੱਕ ਕਰਕੇ ਆਪਣੀ ਮੁਹਿੰਮ ਚਲਾਈ ਰੱਖੀ। ਇਸ ਸਾਰੇ ਸੰਘਰਸ਼ ਦੌਰਾਨ ਬਾਦਲ ਅਕਾਲੀ ਦਲ ਅਤੇ ਇਸ ਨਾਲ ਸਬੰਧਤ ਫੈਡਰੇਸ਼ਨਾਂ ਵੀ ਖਾਲਸਾ ਪੰਚਾਇਤ ਦੀਆਂ ਦੁਸ਼ਮਣ ਬਣੀਆਂ ਰਹੀਆਂ। ਕਈ ਵਾਰ ਅੰਡਰਗਰਾਊਂਡ ਹੋਣਾ ਪਿਆ। ਕਈ ਵਾਰ ਘਰੋਂ ਬੇਘਰ ਵੀ ਹੋਣਾ ਪਿਆ। ਇਸਦੇ ਬਾਵਜੂਦ ਖਾਲਸਾ ਪੰਚਾਇਤ ਆਪਣੀਆਂ ਨੀਤੀਆਂ 'ਤੇ ਅਡੋਲ ਰਹੀ। ਇਸ ਵਾਰ ਦੀ ਜਿੱਤ ਅਸਲ ਵਿੱਚ ਖਾਲਸਾ ਪੰਚਾਇਤ ਦੀਆਂ ਨੀਤੀਆਂ ਦੀ ਵੀ ਜਿੱਤ ਹੈ। ਹੁਣ ਦੇਖਣਾ ਹੈ ਕਿ ਮਹਾਰਾਣੀ ਪ੍ਰਨੀਤ ਕੌਰ ਦਾ ਪਰਿਵਾਰ ਖਾਲਸਾ ਪੰਚਾਇਤ ਦੇ ਮਿਸ਼ਨ ਵਿੱਚ ਕਿੰਨਾ ਕੁ ਸਹਾਈ ਹੁੰਦਾ ਹੈ। ਆਉਣ ਵਾਲੇ ਦਿਨਾਂ ਵਿੱਚ ਡੇਰਾਵਾਦ ਦੇ ਖਿਲਾਫ ਸੰਘਰਸ਼ ਹੋਰ ਤਿੱਖਾ ਹੋਣ ਦੀ ਸੰਭਾਵਨਾ ਹੈ। 
ਇਸ ਸਾਰੀ ਮੁਹਿੰਮ ਦੌਰਾਨ ਸਰਦਾਰ ਭੁਪਿੰਦਰ ਸਿੰਘ ਨਿਮਾਣਾ ਵੀ ਬਹੁਤ ਸਰਗਰਮ ਮੈਂਬਰ ਵੱਜੋਂ ਕੰਮ ਕਰਦੇ ਰਹੇ ਪਰ ਸਿਹਤ ਦੇ ਕਾਰਨਾਂ ਕਰਕੇ ਉਹ ਬਹੁਤ ਛੋਟੀ ਉਮਰ ਵਿੱਚ ਹੀ ਅਕਾਲ ਚਲਾਣਾ ਕਰ ਗਏ। ਇਸਦੇ ਬਾਵਜੂਦ ਖਾਲਸਾ ਪੰਚਾਇਤ ਮਜ਼ਬੂਤੀ ਨਾਲ ਆਪਣੇ ਵਿਚਾਰਾਂ ਤੇ ਫਿਰ ਦੇਂਦੀ ਹੋਈ ਨਿਰੰਤਰ ਡਟੀ ਹੋਈ ਹੈ। 

Tuesday, May 21, 2019

ਫਿਰ ਭੜਕ ਰਿਹਾ ਹੈ ਮਾਮਲਾ ਰਸਿਕਾ ਅਗਾਸ਼ੇ ਦੇ ਨਾਟਕ ਮਿਊਜ਼ੀਅਮ ਦਾ?

26 ਨੂੰ ਪੰਜਾਬ ਭਰ ਵਿੱਚ ਬਜਰੰਗ ਦਲ ਦੇ ਮੁਜ਼ਾਹਰੇ?
ਲੁਧਿਆਣਾ: 21 ਮਈ 2019: (ਪੰਜਾਬ ਸਕਰੀਨ ਬਿਊਰੋ):: 
ਚੋਣਾਂ ਦਾ ਕੰਮ ਮੁੱਕਦਿਆਂ ਸਾਰ ਹੀ ਪੁਰਾਣੇ ਪੈ ਰਹੇ ਮੁੱਦਿਆਂ ਦੀ ਚਰਚਾ ਇੱਕ ਵਾਰ ਫਿਰ ਸ਼ੁਰੂ ਹੋਣ ਲੱਗ ਪਈ ਹੈ। ਇਹਨਾਂ ਵਿੱਚੋਂ ਹੀ ਇੱਕ ਮੁੱਦਾ ਹੈ ਰਸਿਕਾ ਅਗਾਸੇ ਦੇ ਨਾਟਕ "ਮਿਊਜ਼ੀਅਮ" ਦਾ। ਇਹ ਨਾਟਕ ਇਥੋਂ ਦੇ ਸਤੀਸ਼ ਚੰਦਰ ਧਵਨ ਕਾਲਜ ਵਿੱਚ 7 ਅਪ੍ਰੈਲ ਨੂੰ ਐਲੂਮਨੀ ਵਾਲੇ ਦਿਨ ਖੇਡਿਆ ਗਿਆ ਸੀ। ਜਦੋਂ ਔਰਤਾਂ ਦੇ ਹੱਕਾਂ ਦੀ ਚੇਤਨਾ ਨਾਲ ਸਬੰਧਿਤ ਇਹ ਨਾਟਕ ਖੇਡਿਆ ਜਾ ਰਿਹਾ ਸੀ ਤਾਂ ਉਸ ਵੇਲੇ ਹਾਲ ਦੇ ਵਿੱਚੋਂ ਹੀ ਇੱਕ ਵਿਅਕਤੀ ਨੇ ਉੱਠ ਕੇ ਟੋਕਟਾਕੀ ਸ਼ੁਰੂ ਕਰ ਦਿੱਤੀ ਅਤੇ ਪ੍ਰਿੰਸੀਪਲ ਵੱਲੋਂ ਹਾਲਾਤ ਦੀ ਨਜ਼ਾਕਤ ਨੂੰ ਸਮਝਦਿਆਂ ਇਸ ਨਾਟਕ ਨੂੰ ਅੱਧ ਵਿਚਾਲੇ ਹੀ ਬੰਦ ਕਰਵਾ ਦਿੱਤਾ ਗਿਆ। ਦੱਸਿਆ ਜਾਂਦਾ ਹੈ ਕਿ ਇਹ ਇਤਰਾਜ਼ ਕਾਲਜ ਦੇ ਹੀ ਇੱਕ ਹੋਰ ਪ੍ਰੋਫੈਸਰ ਨੇ ਕੀਤਾ ਜਾਂ ਕਰਵਾਇਆ ਸੀ। ਜਦੋਂ ਇਹ ਨਾਟਕ ਖੇਡਿਆ ਜਾ ਰਿਹਾ ਸੀ ਤਾਂ ਉਸ ਵੇਲੇ ਸੀਨੀਅਰ ਪੱਤਰਕਾਰ ਰਮੇਸ਼ ਕੌਸ਼ਲ ਅਤੇ ਕੁਝ ਹੋਰ ਤਜਰਬੇਕਾਰ ਵਿਅਕਤੀ ਵੀ ਹਾਲ ਵਿੱਚ ਮੌਜੂਦ ਸਨ। 
ਇਤਰਾਜ਼ ਕਰਨ ਵਾਲਿਆਂ ਦੀ ਚਿੰਗਾਰੀ ਭੜਕੀ ਅਤੇ ਇਹ ਹਿੰਦੂਤਵੀ ਸੰਗਠਨਾਂ ਤੱਕ ਪਹੁੰਚ ਗਈ। ਬਜਰੰਗ ਦਲ ਨੇ ਕਾਲਜ ਦੇ ਸਾਹਮਣੇ ਰੋਸ ਵਖਾਵਾ  ਕੀਤਾ ਅਤੇ ਕਾਲਜ ਸਟਾਫ ਦੇ ਖਿਲਾਫ ਐਫ ਆਈ ਆਰ ਵੀ ਦਰਜ ਕਰ ਲਈ ਗਈ। ਦੋਸ਼ ਲਾਇਆ ਗਿਆ ਕਿ ਇਸ ਨਾਲ ਧਾਰਮਿਕ ਭਾਵਨਾਵਾਂ ਨੂੰ ਸੱਟ ਵੱਜੀ ਹੈ। ਇਸ ਤਰਾਂ ਧਾਰਮਿਕ ਭਾਵਨਾਵਾਂ ਭੜਕਾਉਣ ਦਾ ਗੰਭੀਰ ਦੋਸ਼ ਵੀ ਲੱਗ ਗਿਆ। ਕਾਲਜ ਵਿੱਚ ਸਹਿਮ ਭਰੀ ਖਾਮੋਸ਼ੀ ਛਾ ਗਈ। ਸਿਰਫ ਕੁਝ ਖੱਬੇਪੱਖੀ ਸੰਗਠਨਾਂ ਨੂੰ ਛੱਡ ਕੇ ਕੋਈ ਵੀ ਕਾਲਜ ਦੇ ਹੱਕ ਵਿੱਚ ਨਾ ਬੋਲਿਆ। ਕਿਸੇ ਨੇ ਵੀ ਬਜਰੰਗ ਦਲ ਜਾਂ ਵਿਸ਼ਵ ਹਿੰਦੂ ਪ੍ਰੀਸ਼ਦ ਦੇ ਖਿਲਾਫ਼ ਕੁਝ ਨਾ ਕਿਹਾ। ਕਿਧਰੇ ਮਾਮਲਾ ਵਿਗੜ ਨਾ ਜਾਵੇ ਇਸ ਲਈ ਕਾਲਜ ਦਾ ਸਟਾਫ਼ ਤਾਂ ਮੀਡੀਆ ਨਾਲ ਮਿਲਣ ਤੋਂ ਵੀ ਗੁਰੇਜ਼ ਕਰਦਾ ਰਿਹਾ। ਇਹ ਦਿਨ ਕਾਲਜ ਦੇ ਸਟਾਫ਼ ਅਤੇ ਵਿਦਿਅਰ੍ਥਿਅਨ ਲਈ ਕਿੰਨੇ ਤਣਾਅ ਭਰੇ ਸਨ ਇਸਦਾ ਅੰਦਾਜ਼ਾ ਕੋਈ ਭੁਗਤਭੋਗੀ ਹੀ ਲਗਾ ਸਕਦਾ ਹੈ। ਇਮਤਿਹਾਨਾਂ ਦੇ ਦਿਨਾਂ ਵਿੱਚ ਕਾਲਜ ਨੂੰ ਇੱਕ ਖਾਹਮਖਾਹ ਦੀ ਚਿੰਤਾ ਵਿੱਚ ਪਾ ਦਿੱਤਾ ਗਿਆ। ਨਾ ਇਥੋਂ ਦਾ ਕੋਈ ਐਮ ਐਲ ਏ ਬੋਲਿਆ, ਨਾ ਹੀ ਕੋਈ ਐਮ ਪੀ ਅਤੇ ਨਾ ਹੀ ਕੋਈ ਹੋਰ ਸਿਆਸੀ ਲੀਡਰ। ਚੋਣਾਂ ਦੇ ਦਿਨਾਂ ਵਿੱਚ ਕੋਈ ਆਪਣੇ ਵੋਟਰਾਂ ਨਾਲ ਵਿਗਾੜਨ ਦਾ ਰਿਸਕ ਨਹੀਂ ਸੀ ਲੈਣਾ ਚਾਹੁੰਦਾ। ਰਹੀ ਗੱਲ ਕਾਲਜ ਦੀ, ਵਿੱਦਿਆ ਦੀ ਜਾਂ ਵਿਦਿਆਰਥੀਆਂ ਦੀ--ਤਾਂ ਇਸਦੀ ਚਿੰਤਾ ਸ਼ਾਇਦ ਇਥੇ ਕਿਸੇ ਨੂੰ ਨਹੀਂ ਸੀ। ਕੋਈ ਵਿਦਿਆਰਥੀ ਸੰਗਠਨ ਵੀ ਕਾਲਜ ਦੇ ਹੱਕ ਵਿੱਚ ਸਾਹਮਣੇ ਨਹੀਂ ਆਇਆ। 
ਕਾਲਜ ਦੇ ਖਿਲਾਫ਼ ਦਰਜ ਇਸ ਪਰਚੇ ਦੇ ਅਧਾਰ 'ਤੇ ਹੀ ਵਿਵਾਦ ਹੋਰ ਤਿੱਖਾ ਹੋਣ ਲੱਗ ਪਿਆ। ਪਰਚੇ ਵਿੱਚ ਦਿੱਤੇ ਨਾਵਾਂ ਵਾਲੇ ਪ੍ਰਮੁੱਖ ਵਿਅਕਤੀਆਂ ਦੀ ਗ੍ਰਿਫਤਾਰੀ ਨੂੰ ਲੈ  ਕੇ ਬਜਰੰਗ ਦਲ ਅਤੇ ਵਿਸ਼ਵ ਹਿੰਦੂ ਪ੍ਰੀਸ਼ਦ ਨੇ 28 ਅਪ੍ਰੈਲ ਨੂੰ ਭਾਰਤ ਨਗਰ ਚੋਂਕ ਵਿੱਚ ਬਾਕਾਇਦਾ ਹਰ ਸੜਕ 'ਤੇ ਰੱਸੀਆਂ ਬੰਨ ਕੇ ਟਰੈਫਿਕ ਵੀ ਜਾਮ ਕੀਤਾ। ਇਸ ਧਰਨੇ ਪ੍ਰਦਰਸ਼ਨ ਦੌਰਾਨ ਤਕਰੀਬਨ ਦੋ ਘੰਟੇ ਇਸ ਚੋਂਕ ਵਿੱਚ ਬਜਰੰਗ ਦਲ ਦਾ ਹੀ ਰਾਜ ਰਿਹਾ। ਉਸ ਵੇਲੇ ਇਹਨਾਂ ਦੇ ਨਾਲ ਨਾਮਧਾਰੀ ਵੀ ਸਨ ਜਿਹੜੇ ਗੁਰਮੁਖ ਸਿੰਘ ਦੀ ਅਗਵਾਈ ਵਿੱਚ ਇਥੇ ਆਏ ਹੋਏ ਸਨ।  
ਫਿਰ ਚੋਣਾਂ ਦੇ ਰੌਲੇ ਗੌਲੇ ਵਿਚ ਗੱਲ ਆਈ ਗਈ ਹੋ ਗਈ। ਚੋਣਾਂ ਲੰਘ ਗਈਆਂ।  ਹੁਣ ਪੰਜ ਸਾਲ ਵੋਟਰਾਂ ਦੀ ਕਿਸੇ ਨੇ ਪ੍ਰਵਾਹ ਨਹੀਂ ਕਰਨੀ। ਹੁਣ ਹਿੰਦੂਤਵੀ ਸੰਗਠਨ ਵੀ ਫਿਰ ਸਰਗਰਮ ਹਨ। 
ਇਸੇ ਦੌਰਾਨ ਕਾਲਜ ਦੀ ਪ੍ਰੋਫੈਸਰ ਨੀਲਮ ਭਾਰਦਵਾਜ ਦੀ ਜ਼ਮਾਨਤ ਵੀ ਹੋ ਗਈ ਸੀ ਇਸਦੇ ਬਾਵਜੂਦ ਮਾਮਲਾ ਠੰਡਾ ਹੋਣ ਦਾ ਨਾਮ ਨਹੀਂ ਲੈ ਰਿਹਾ। ਹਿੰਦੂਤਵੀ ਸੰਗਠਨਾਂ ਦੇ ਨੇੜਲੇ ਸੂਤਰਾਂ ਮੁਤਾਬਿਕ 26 ਮਈ ਐਤਵਾਰ ਨੂੰ ਬਜਰੰਗ ਦਲ ਅਤੇ ਵਿਸ਼ਵ ਹਿੰਦੂ ਪ੍ਰੀਸ਼ਦ ਆਪਣੇ ਹੋਰ ਸਹਿਯੋਗੀਆਂ ਨੂੰ ਨਾਲ ਲੈ ਕੇ ਸਾਰੇ ਪੰਜਾਬ ਵਿੱਚ ਅਜਿਹੇ ਧਰਨੇ ਪ੍ਰਦਰਸ਼ਨਾਂ ਦੀ ਤਿਆਰੀ ਵਿੱਚ ਹਨ।  ਇਸੇ ਦੌਰਾਨ ਪੰਜਾਬ ਇਪਟਾ ਨੇ ਵੀ ਅੰਮ੍ਰਿਤਸਰ ਵਿੱਚ ਇੱਕ ਜ਼ਰੂਰੀ ਮੀਟਿੰਗ ਬੁਲਾ ਲਈ ਹੈ। ਤਰਕਸ਼ੀਲ ਅਤੇ ਉਹਨਾਂ ਦੇ ਸਹਿਯੋਗੀ ਪਹਿਲਾਂ ਹੀ ਐਲਾਨ ਕਰ ਚੁੱਕੇ ਹਨ ਕਿ ਅਸੀਂ ਇਹ ਨਾਟਕ ਹੁਣ ਪੰਜਾਬ ਵਿੱਚ ਥਾਂ ਥਾਂ ਖੇਡਾਂਗੇ। ਕੁਲ ਮਿਲਾ ਕੇ ਇੱਕ ਵਾਰ ਫੇਰ ਸਾਰਾ ਮਾਹੌਲ ਤਿੱਖੇ ਟਕਰਾਅ ਵੱਲ ਹੈ। ਦੇਖਣਾ ਹੈ ਇਸ ਟਕਰਾਅ ਦੌਰਾਨ ਔਰਤਾਂ ਦੇ ਅਧਿਕਾਰਾਂ ਅਤੇ ਬੋਲਣ ਦੀ ਆਜ਼ਾਦੀ ਦੇ ਮੁੱਦੇ ਕਿੰਨਾ ਕੁ ਉਭਰਦੇ ਹਨ। 

ਛੇਤੀ ਹੋਣ ਐਸ ਜੀ ਪੀ ਸੀ ਦੀਆਂ ਲਟਕਦੀਆਂ ਆ ਰਹੀਆਂ ਚੋਣਾਂ

ਫੂਲਕਾ ਵੱਲੋਂ ਮੁੱਖ ਮੰਤਰੀ ਕੈਪਟਨ ਨੂੰ ਵਿਸ਼ੇਸ਼ ਚਿੱਠੀ 
ਲੁਧਿਆਣਾ: 21 ਮਈ 2019: (ਪੰਜਾਬ ਸਕਰੀਨ ਬਿਊਰੋ)::
ਆਮ ਆਦਮੀ ਪਾਰਟੀ ਤੋਂ ਅਸਤੀਫਾ ਦੇਣ ਤੋਂ ਬਾਅਦ ਸਰਗਰਮ ਹੋਏ ਉੱਘੇ ਵਕੀਲ ਅਤੇ ਸਿੱਖ ਆਗੂ ਹਰਵਿੰਦਰ ਸਿੰਘ ਫੂਲਕਾ ਨੇ ਚੋਣਾਂ ਮੁੱਕਦੀਆਂ ਹੀ ਇੱਕ ਵਾਰ ਫੇਰ ਸ਼੍ਰੋਮਣੀ ਕਮੇਟੀ ਦੀਆਂ ਚੋਣਾਂ ਦਾ ਮੁੱਦਾ ਚੁੱਕ ਲਿਆ ਹੈ। ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੂੰ ਲਿਖੀ ਇੱਕ ਚਿੱਠੀ ਵਿੱਚ ਉਹਨਾਂ ਯਾਦ ਦੁਆਇਆ ਹੈ ਕਿ 14 ਫਰਵਰੀ 2019 ਨੂੰ ਪੰਜਾਬ ਵਿਧਾਨ ਸਭਾ ਨੇ ਇੱਕ ਮਤਾ ਪਾਸ ਕੀਤਾ ਸੀ ਜਿਸ ਵਿਛ ਕੇਂਦਰ ਸਰਕਾਰ ਨੂੰ ਬੈਨਰ
ਕੀਤੀ ਗਈ ਸੀ ਕਿ ਐਸ ਜੀ ਪੀ ਸੇ ਦੀਆਂ ਚੋਣਾਂ ਛੇਤੀ ਕਰਾਈਆਂ ਜਾਨ ਜਿਹੜੀਆਂ ਕਿ ਦਸੰਬਰ 2016 ਤੋਂ ਲਟਕਦੀਆਂ ਚਲੀਆਂ ਆ ਰਹੀਆਂ ਹਨ।
ਉਹਨਾਂ ਆਪਣੇ ਪੱਤਰ ਵਿੱਚ ਮੁੱਖ ਮੰਤਰੀ ਨੂੰ ਇਹ ਵੀ ਕਿਹਾ ਕਿ ਤੁਸੀਂ ਵਿਧਾਨ ਸਭਾ ਹਾਊਸ  ਵਿੱਚ ਇਹ ਐਲਾਨ ਵੀ ਕੀਤਾ ਸੀ ਕਿ ਤੁਸੀਂ ਇਸ ਮਕਸਦ ਲਈ ਕੇਂਦਰੀ ਗ੍ਰਹਿ ਮੰਤਰੀ ਨੂੰ ਮਿਲ ਕੇ ਉਹਨਾਂ ਨੂੰ ਇਸ ਬਾਰੇ ਪਭਾਵਿਤ  ਕਰੋਗੇ ਕਿ ਇਹ ਚੋਣਾਂ ਛੇਤੀ ਕਰਾਈਆਂ ਜਾਣ ਪਰ ਤੁਹਾਡੀ ਇਸ ਮੀਟਿੰਗ ਬਾਰੇ ਅਜੇ ਤਕ ਇਸਦਾ ਕੋਈ ਅਤੇ ਪਤਾ ਨਹੀਂ। ਸਰਦਾਰ ਫੂਲਕਾ ਨੇ ਕਿਹਾ ਕਿ ਮੈਨੂੰ ਲੱਗਦਾ ਹੈ ਕਿ ਈ ਮੀਟੰਗ ਅਜੇ ਤੱਕ ਨਹੀਂ ਹੋਈ। 
ਸਰਦਾਰ ਫੂਲਕਾ ਨੇ ਕੈਪਟਨ ਅਮਰਿੰਦਰ ਸਿੰਘ ਨੂੰ ਯਾਦ ਕਰਾਇਆ ਕਿ ਤੁਸੀਂ ਚੋਣ ਰੈਲੀਆਂ ਵਿੱਚ ਸ਼੍ਰੋਮਣੀ ਕਮੇਟੀ ਚੋਣਾਂ ਬਾਰੇ ਵੀ ਬਹੁਤ ਵਾਰ ਕਿਹਾ ਕਿ ਇਹ ਛੇਤੀ ਹੋਣੀਆਂ ਚਾਹੀਦੀਆਂ ਹਨ। ਅਸਲ ਵਿੱਚ ਐਸ ਜੀ ਪੀ ਸੀ ਦੀਆਂ ਚੋਣਾਂ ਦਾ ਮੁੱਦਾ ਹੈ ਵੀ ਬਹੁਤ ਮਹੱਤਵਪੂਰਨ। ਇਸ ਲਈ ਇਹ ਮੁੱਦਾ ਸਿਰਫ ਤੁਹਾਡੀਆਂ ਸਪੀਚਾਂ ਵਿੱਚ ਨਹੀਂ ਰਹਿਣਾ ਚਾਹੀਦਾ ਬਲਕਿ ਅਮਲ ਵਿੱਚ ਵੀ ਹੋਣਾ ਚਾਹੀਦਾ ਹੈ। ਤੁਹਾਡੀ ਇਹ ਡਿਊਟੀ ਬੰਦੀ ਹੈ ਕਿ ਇਹਨਾਂ ਚੋਣਾਂ ਨੂੰ ਛੇਤੀ ਕਰਾਓ। 
ਉਹਨਾਂ ਕਿਹਾ ਕਿ ਹੁਣ ਨਵੀਂ ਸਰਕਾਰ ਬਣਨ ਤੋਂ ਬਾਅਦ ਨਵੇਂ ਕੇਂਦਰੀ ਗ੍ਰਹਿ ਮੰਤਰੀ ਨੂੰ ਨੂੰ ਜਲਦੀ ਮਿਲੋ ਅਤੇ ਇਹਨਾਂ ਚਨਾਂ ਦਾ ਜਲਦੀ ਹੋਣਾ ਯਕੀਨੀ ਬਣਾਓ। 

Wednesday, May 15, 2019

ਪੰਥਕ ਸੰਗਠਨ ਖੁੱਲ ਕੇ ਕਾਂਗਰਸ ਦੇ ਹੱਕ ਵਿੱਚ ਨਿੱਤਰੇ

ਸ਼੍ਰੋਮਣੀ ਖਾਲਸਾ ਪੰਚਾਇਤ ਅਤੇ ਹੋਰ ਕਈ ਜੱਥੇ ਲੁਧਿਆਣਾ ਤੋਂ ਪਟਿਆਲਾ ਪੁੱਜੇ 
ਲੁਧਿਆਣਾ: 15 ਮਈ 2019: (ਪੰਜਾਬ ਸਕਰੀਨ ਡੈਸਕ)::
ਭਾਰਤੀ ਜਨਤਾ ਪਾਰਟੀ ਅਤੇ ਹੋਰਨਾਂ ਵੱਲੋਂ ਸਿੱਖ ਕਾਰਡ ਦੀ ਵਰਤੋਂ ਕਰਨ ਤੋਂ ਬਾਅਦ ਕਈ ਪੰਥਕ ਸੰਗਠਨ ਖੁੱਲ ਕੇ ਕਾਂਗਰਸ ਪਾਰਟੀ ਦੇ ਹੱਕ ਵਿੱਚ ਆ ਗਏ ਹਨ। ਕਾਂਗਰਸ ਦੇ ਹੱਕ ਵਿੱਚ ਪ੍ਰਚਾਰ ਕਰਨ ਲਈ ਪੰਥਕ ਸੰਗਠਨਾਂ ਦੇ ਜੱਥੇ  ਲੁਧਿਆਣਾ ਤੋਂ ਵੀ ਪਟਿਆਲਾ ਜਾ ਰਹੇ ਹਨ। ਇਸ ਨਾਲ ਪੰਜਾਬ ਡੈਮੋਕ੍ਰੇਟਿਕ ਅਲਾਇੰਸ (ਪੀ ਡੀ ਏ) ਲਈ ਵੀ ਪੰਥ ਦੇ ਨਾਮ 'ਤੇ ਵੋਟਾਂ ਮੰਗਣੀਆਂ ਆਸਾਨ ਨਹੀਂ ਰਹੀਆਂ। ਬਲਿਊ ਸਟਾਰ ਆਪਰੇਸ਼ਨ ਨਵੰਬਰ-84 ਤੋਂ ਬਾਅਦ ਕੰਗਰਸ ਪਾਰਟੀ ਦੇ ਨਾਲ ਖੜੋਣ ਦੀ ਗੱਲ ਕੋਈ ਸੁਪਨੇ ਵਿੱਚ ਵੀ ਨਹੀਂ ਸੀ ਸੋਚ ਸਕਦਾ। ਇਸ ਹਕੀਕਤ ਦੇ ਬਾਵਜੂਦ ਹਾਲਾਤ ਨੇ ਰੁੱਖ ਬਦਲਿਆ ਅਤੇ ਪੰਥਕ ਸੰਗਠਨ ਕਾਂਗਰਸ ਦੇ ਨਾਲ ਕਹੇ ਹੋ ਗਏ। ਪੰਜਾਬ ਵਿੱਚ ਇਸ ਮੁਹਿੰਮ ਦੇ ਜ਼ਾਹਰਾ ਅਗਵਾਈ ਕਰਨ ਵਾਲਿਆਂ ਵਿੱਚ ਸ਼੍ਰੋਮਣੀ ਖਾਲਸਾ ਪੰਚਾਇਤ ਦੇ ਮੁਖੀ ਚਰਨਜੀਤ ਸਿੰਘ ਚੰਨੀ ਅਤੇ ਉਹਨਾਂ ਦੇ ਸਾਥੀ। ਇਹ ਉਹੀ ਚਨੀ ਜਿਸਨੂੰ ਕਈ ਵਾਰ ਪੰਥਕ ਮਾਮਲਿਆਂ ਲਈ ਜੇਲ੍ਹ ਜਾਣਾ ਪਿਆ, ਰੂਪੋਸ਼ ਵੀ ਰਹਿਣਾ ਪਿਆ,  ਡਾਂਗਾਂ ਵੀ ਖਾਣੀਆਂ ਪੈਣ ਅਤੇ ਗੋਲੀਆਂ ਦਾ ਨਿਸ਼ਾਨਾ ਵੀ ਬਣਨਾ ਪਿਆ। ਇਸਦੇ ਬਾਵਜੂਦ ਚੰਨੀ ਨੇ ਭਾਰਤੀ ਜਨਤਾ ਪਾਰਟੀ, ਆਰ ਐਸ ਐਸ ਅਤੇ ਬਾਦਲਾਂ ਦੀ ਅਗਵਾਈ ਵਾਲੇ ਅਕਾਲੀ ਦਲ ਦੇ ਖਿਲਾਫ ਨਾ ਕਦੇ ਆਪਣੇ ਸ਼ਬਦ ਨਰਮ ਕੀਤੇ ਅਤੇ ਨਾ ਹੀ ਐਕਸ਼ਨ। ਘਰੋਂ  ਬੇਘਰ  ਵੀ ਹੋਣਾ ਪਿਆ। ਤੰਗੀਆਂ ਤੁਰਸ਼ੀਆਂ ਤਾਂ ਕਈ ਕਈ ਵਾਰ ਦੇਖਣੀਆਂ ਪਈਆਂ।  ਬੜੀ ਵਾਰ ਗੰਭੀਰ ਦੋਸ਼ਾਂ ਦਾ ਸਾਹਮਣਾ ਵੀ ਕਰਨਾ ਪਿਆ ਇਸਦੇ ਬਾਵਜੂਦ ਆਪਣਾ ਸਟੈਂਡ ਨਹੀਂ ਬਦਲਿਆ। ਹੁਣ ਇਹ ਜੱਥਾ ਪੂਰੀ ਤਰਾਂ ਮਹਾਰਾਣੀ ਪ੍ਰਨੀਤ ਕੌਰ ਦੀ ਚਨ ਮੁਹਿੰਮ ਵਿੱਚ ਸਰਗਰਮ ਹੈ। ਕੌਂਸਲਰ ਅਮਰਬੀਰ ਕੋਰ ਬੇਦੀ, ਮੈੰਡਮ ਮਨਜੀਤ ਕੋਰ  ਜੇਜੀ ਅਤੇ ਚਰਨਜੀਤ ਸਿੰਘ ਚੰਨੀ ਆਪਣੇ ਸਾਥੀਆਂ ਸਮੇਤ ਪਟਿਆਲਾ ਵਿੱਚ ਮਹਾਰਾਣੀ ਪ੍ਰਨੀਤ ਕੌਰ ਦੇ ਹਕ ਵਿੱਚ ਖਾਲਸਾ ਕਲੋਨੀ ਪਟਿਆਲਾ ਵਿੱਚ ਘਰ ਘਰ  ਵੋਟਰਾਂ ਨੂੰ ਪ੍ਰੇਰਦੇ ਹੋਏ ਬੜੇ ਜੋਸ਼ ਵਿੱਚ ਰਹੇ। ਇਹਨਾਂ ਪੰਥਕ ਸੰਗਠਨਾਂ ਦੇ ਆਗੂਆਂ ਨੇ ਲੋਕਾਂ ਨੂੰ ਦਸਿਆ ਕਿ ਕਿਸਤਰਾਂ ਕਾਂਗਰਸ ਦਾ ਵਿਰੋਧ ਕਰਨ ਵਾਲੇ ਅਨਸਰ ਅਸਲ ਵਿੱਚ ਸਿਰੇ ਦੇ ਫਿਰਕੂ ਹਨ। 
ਇਸੇ ਤਰਾਂ ਕਈ  ਹੋਰ ਇਲਾਕਿਆਂ ਵਿੱਚ ਵੀ ਇਹ ਪ੍ਰਚਾਰ ਮੁਹਿੰਮ ਜਾਰੀ ਰਹੀ।ਜਦੋਂ ਕਾਂਗਰਸ ਪਾਰਟੀ ਦੇ ਵਿਰੋਧੀਆਂ ਵੱਲੋਂ ਸਿੱਖ ਕਾਰਡ ਵਰਤਿਆ ਜਾ ਰਿਹਾ ਹੈ ਉਦੋਂ ਪੰਥਕ ਸੰਗਠਨਾਂ ਦਾ ਦੇ ਹੱਕ ਵਿੱਚ ਅੱਗੇ ਆਉਣਾ ਬਹੁਤ ਮਹੱਤਵਪੂਰਨ ਹੈ। ਹੀਰਾ ਨਗਰ,ਗਿੱਲ ਇਨਕਲੇਵ ਅਤੇ ਪਟਿਆਲਾ ਦੇ ਹੀ 22 ਨੰਬਰ ਫਾਟਕ ਏਰੀਆ ਵਿੱਚ ਕੌਂਸਲਰ ਮਨਜੀਤ ਬੇਦੀ,ਮੈਡਮ ਸਿਮਰਨ ਹਰੀਕਾ,ਜੇਜੀ ਮੈਡਮ,ਚਰਨਜੀਤ ਸਿੰਘ ਚੰਨੀ ਮੁੱਖੀ ਸ਼ਰੋਮਣੀ ਖਾਲਸਾ ਪੰਚਾਇਤ ਆਪਣੇ ਸਾਥੀਆਂ ਸਮੇਤ ਮਹਾਰਾਣੀ ਪ੍ਰਨੀਤ ਕੌਰ ਦੇ ਹਕ ਵਿੱਚ ਵੋਟਾਂ ਪਾਉਣ ਲਈ ਇਲਾਕਾ ਨਿਵਾਸੀਆਂ ਨੂੰ ਪ੍ਰੇਰਦੇ ਹੋਏ। ਲੋਕਾਂ ਨੇ ਸੰਕਲਪ ਲਿਆ ਕਿ ਅਸੀਂ ਫਿਰਕਾਪ੍ਰਸਤ ਅਨਸਰਾਂ ਦੇ ਜਾਲ ਵਿੱਚ ਨਹੀਂ ਫਸਾਂਗੇ ਅਤੇ ਸਿਰਫ ਕਾਂਗਰਸ ਪਾਰਟੀ ਨੂੰ ਹੀ ਵੋਟ ਪਾਵਾਂਗੇ। ਹੁਣ ਦੇਖਣਾ ਹੈ ਕਿ ਇਹ ਮੁਹਿੰਮ ਚੋਣ ਨਤੀਜਿਆਂ ਨੂੰ ਪ੍ਰਭਾਵਿਤ ਕਰਨ ਵਿੱਚ ਕਿੰਨੀ ਕੁ ਸਫਲ ਰਹਿੰਦੀ ਹੈ। ਗਿੱਲ ਐਂਕਲੇਵ, ਹੀਰਾ ਕਲੋਨੀ, ਪਾਵਰ ਕਲੋਨੀ ਵਰਗੇ ਬਹੁਤ ਸਾਰੇ ਇਲਾਕਿਆਂ ਵਿੱਚ ਇਹ ਮੁਹਿੰਮ ਆਪਣਾ ਰੰਗ ਦਿਖਾ ਰਹੀ ਹੈ। 

ਕਾਤੀਆ ਰੇਪ ਕਾਂਡ ਵਾਲੇ ਪਰਿਵਾਰ ਨੂੰ ਲੋਕ ਕਦੇ ਮੂੰਹ ਨਹੀਂ ਲਾਉਣਗੇ

May 15, 2019, 6:35 PM
ਚੋਣ ਜਿੱਤਣ ਮਗਰੋਂ ਰੇਪ ਕਾਂਡ ਦੀ ਉੱਚ ਕਮੇਟੀ ਤੋਂ ਜਾਂਚ ਕਰਾਵਾਂਗੇ:ਬੈਂਸ
ਵਿਧਾਇਕ ਸਿਮਰਜੀਤ ਸਿੰਘ ਬੈਂਸ ਨੂੰ ਸਨਮਾਨਤ ਕਰਦੇ ਹੋਏ ਇਲਾਕਾ ਵਾਸੀ
ਲੁਧਿਆਣਾ: 15 ਮਈ 2019: (ਪੰਜਾਬ ਸਕਰੀਨ ਬਿਊਰੋ)
ਪੰਜਾਬ ਡੈਮੋਕ੍ਰੇਟਿਕ ਅਲਾਇੰਸ ਦੇ ਸਾਂਝੇ ਉਮੀਦਵਾਰ ਅਤੇ ਲੋਕ ਇਨਸਾਫ ਪਾਰਟੀ ਦੇ ਪ੍ਰਧਾਨ ਸਿਮਰਜੀਤ ਸਿੰਘ ਬੈਂਸ ਦਾ ਕਹਿਣਾ ਹੈ ਕਿ ਕਾਤੀਆ ਰੇਪ ਕਾਂਡ ਦੇ ਦੋਸ਼ੀ ਬੇਅੰਤ ਸਿੰਘ ਪਰਿਵਾਰ ਨੂੰ ਲੁਧਿਆਣਾ ਵਾਸੀ ਕਦੀ ਮੂੰਹ ਨਹੀਂ ਲਗਾਉਣਗੇ ਅਤੇ ਕਾਂਗਰਸ ਨੂੰ ਮੂੰਹ ਦੀ ਖਾਣੀ ਪਵੇਗੀ। ਉਹਨਾਂ ਇਹ ਵੀ ਕਿਹਾ ਕਿ ਲੋਕ ਸਭਾ ਦੀਆਂ ਚੋਣਾਂ ਜਿੱਤਣ ਤੋਂ ਬਾਅਦ ਇਸ ਮਾਮਲੇ ਨੂੰ ਸੰਸਦ ਵਿੱਚ ਉਠਾਵਾਂਗੇ ਅਤੇ ਪੂਰੇ ਮਾਮਲੇ ਦੀ ਉੱਚ ਪੱਧਰੀ ਜਾਂਚ ਕਰਵਾਵਾਂਗੇ। 
ਵਿਧਾਇਕ ਬੈਂਸ ਅੱਜ ਕਿਦਵਾਈ ਨਗਰ ਵਿੱਖੇ ਚੋਣ ਮੀਟਿੰਗ ਦੌਰਾਨ ਇਲਾਕਾ ਵਾਸੀਆਂ ਨੂੰ ਸੰਬੋਧਨ ਕਰ ਰਹੇ ਸਨ। 
ਇਸ ਦੌਰਾਨ ਵਿਧਾਇਕ ਬੈਂਸ ਨੇ ਕਿਹਾ ਕਿ ਸਾਹਿਬ ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਬੇਅਦਬੀ ਕਾਰਣ ਅਕਾਲੀ ਦਲ ਤੋਂ ਲੋਕਾਂ ਦਾ ਪਹਿਲਾਂ ਹੀ ਮੋਹ ਭੰਗ ਹੋ ਚੁੱਕਾ ਹੈ ਅਤੇ ਲੋਕ ਗੁੱਸੇ ਵਿੱਚ ਹਨ, ਜਦੋਂ ਕਿ ਕਾਂਗਰਸ ਪਾਰਟੀ ਵੀ ਲੋਕਾਂ ਨਾਲ ਵਾਅਦੇ ਕਰਕੇ ਕੋਈ ਵੀ ਵਾਅਦਾ ਪੂਰਾ ਨਾ ਕਰ ਸਕੀ। ਉਹਨਾਂ ਕਿਹਾ ਕਿ ਉਹ ਚੋਣ ਮੈਦਾਨ ਵਿੱਚ ਆਏ ਹਨ ਪਰ ਕਿਸੇ ਨਾਲ ਵੀ ਕੋਈ ਵਾਅਦਾ ਨਹੀਂ ਕਰਦੇ ਪਰ ਏਨਾ ਜ਼ਰੂਰ ਹੈ ਕਿ ਤੁਹਾਡੇ ਵਲੋਂ ਪਾਈ ਗਈ ਇੱਕ ਇੱਕ ਵੋਟ ਦਾ ਇਮਾਨਦਾਰੀ ਨਾਲ ਮੁੱਲ ਮੋੜਨ ਦੀ ਕੋਸ਼ਿਸ਼ ਕਰਾਂਗਾ ਅਤੇ ਲੋਕ ਉਹਨਾਂ ਦਾ ਸਾਥ ਦੇਣ ਤਾਂ ਉਹ ਲੋਕਾਂ ਦੀਆਂ ਸਮੱਸਿਆਵਾਂ ਹੱਲ ਕਰਨ ਦੀ ਜੀ ਤੋੜ ਕੋਸ਼ਿਸ਼ ਕਰਨਗੇ। ਇਸ ਮੌਕੇ ਤੇ ਇਲਾਵਾ ਵਾਸੀਆਂ ਨੇ ਵਿਧਾਇਕ ਬੈਂਸ ਨੂੰ ਵਿਸ਼ੇਸ਼ ਤੌਰ ਤੇ ਸਨਮਾਨਤ ਕੀਤਾ। ਇਸ ਮੌਕੇ ਤੇ ਪਵਨਦੀਪ ਸਿੰਘ ਮਦਾਨ, ਸਰਬਜੀਤ ਸਿੰਘ ਜਨਕਪੁਰੀ, ਮਨਜੀਤ ਸਿੰਘ, ਗੋਲਡੀ ਅਰਨੇਜਾ, ਰਾਜੀਵ ਮੌਰਿਆ, ਮਹਿੰਦਰ ਪਾਲ ਸਿੰਘ, ਪ੍ਰੀਤਮ ਸਿੰਘ, ਮਨਪ੍ਰੀਤ ਸਿੰਘ ਗਿੱਲ, ਅਮਿਤ ਕਪੂਰ, ਜਤਿੰਦਰ ਪੰਧੇਰ, ਹਰਵਿੰਦਰ ਸਿੰਘ ਕਲੇਰ, ਲਖਬੀਰ ਸਿੰਘ ਸੰਧੂ, ਰਾਜਿੰਦਰ ਸ਼ਰਮਾ, ਜਯੋਤੀ ਵਰਮਾ, ਗੁਰਨੀਤ ਪਾਲ ਸਿੰਘ ਪਾਹਵਾ, ਜਗਜੀਤ ਸਿੰਘ ਸੋਨਿਕ, ਸੁਮਿਤ ਯਾਦਵ, ਬਲਬੀਰ ਕੌਰ, ਹਰਦੀਪ ਕੌਰ ਗਿੱਲ,  ਮਨਪ੍ਰੀਤ ਕੌਰ, ਜਗਮੀਤ ਕੌਰ, ਅਮਿਤ ਕੁਮਾਰ ਭਵਾਨੀ, ਸਤਨਾਮ ਸਿੰਘ, ਲਖਬੀਰ ਸਿੰਘ ਲਾਡੀ ਤੇ ਹੋਰ ਸ਼ਾਮਲ ਸਨ।  

Sunday, May 12, 2019

ਜਲੰਧਰ ਸਕੂਲ ਵਿਖੇ ਵੀ ਮਨਾਇਆ ਗਿਆ ਮਾਂ ਦਿਵਸ

May 12, 2019, 5:29 PM
ਭਾਰਤੀ ਸੰਸਕਾਰਾਂ ਨੂੰ ਮਜ਼ਬੂਤ ਬਣਾਉਣ ਲਈ ਕੀਤੇ ਗਏ ਵਿਸ਼ੇਸ਼ ਉਪਰਾਲੇ 

ਜਲੰਧਰ12 ਮਈ 2019: (ਪੰਜਾਬ ਸਕਰੀਨ ਟੀਮ):: 
ਮਦਰਜ਼  ਡੇ ਦਾ ਆਰੰਭ ਤਾਂ 8 ਮਈ 1914 ਨੂੰ ਅਮਰੀਕਾ ਵਿੱਚ ਹੋਇਆ ਜਿਸਦਾ ਸੇਹਰਾ ਏਨਾ ਐਮ ਜਾਰਵਿਸ ਨੂੰ ਜਾਂਦਾ ਹੈ ਜਿਸਨੇ ਸਿਰਫ 12 ਸਾਲਾਂ ਦੀ ਉਮਰ ਵਿੱਚ ਹੀ ਆਪਣੀ ਮਾਂ ਨੂੰ ਚਰਚ ਵਿੱਚ ਪ੍ਰਵਚਨ ਕਰਦਿਆਂ ਸੁਣਿਆ ਕਿ ਇੱਕ ਦਿਨ ਆਏਗਾ ਜਦੋਂ ਸਾਰੇ ਲੋਕ ਮਾਵਾਂ ਨੂੰ ਸਮਰਪਿਤ ਦਿਨ ਮਨਾਇਆ ਕਰਨਗੇ। ਏਨਾ ਐਮ ਜਾਰਵਿਸ ਆਪਣੀ ਮਨ ਦੀ ਇਸ ਗੱਲ ਨੂੰ ਉਸਦੀ ਇੱਛਾ ਦੇ ਰੂਪ ਵਿੱਚ ਲਿਆ ਅਤੇ ਪੱਲੇ ਬੰਨ ਲਿਆ। ਮਾਂ ਦੇ ਦੇਹਾਂਤ ਮਗਰੋਂ ਉਸਨੇ ਇਸ ਦਿਨ ਨੂੰ ਮਨਾਉਣ ਦੇ ਉਪਰਾਲੇ ਸ਼ੁਰੂ ਕੀਤੇ। ਇਸ ਤਰਾਂ ਇਸ ਦਿਨ ਨੂੰ ਮਨਾਉਣ ਦੀ ਸ਼ੁਰੂਆਤ ਹੋਈ ਅਤੇ ਫੈਲਦੀ ਚਲੀ ਗਈ।  ਫਿਰ ਆਇਆ ਦੂਜਾ ਖਤਰਾ ਜਦੋਂ ਪੂੰਜੀਵਾਦੀ ਸਿਸਟਮ ਨੇ ਇਸ ਦਿਵਸ ਨੂੰ ਵੀ ਪੈਸੇ ਕਮਾਉਣ ਦਾ ਬਹਾਨਾ ਬਣਾ ਲਿਆ। ਏਨਾ ਐਮ ਜਾਰਵਿਸ ਨੇ ਇਸ ਵਪਾਰੀਕਰਨ ਦਾ ਵੀ ਵਿਰੋਧ ਕੀਤਾ ਅਤੇ ਕੈਲੰਡਰ ਤੋਂ ਮਦਰਜ਼ ਡੇ ਦੀਆਂ ਤਸਵੀਰਾਂ ਨੂੰ ਹਟਵਾ ਕੇ ਸਾਹ ਲਿਆ। ਉਹ ਚਾਹੁੰਦੀ ਸੀ ਇਹ ਦਿਨ ਸਿਰਫ ਰਸਮ ਨਾ ਬਣੇ। ਇਹ ਸਾਡੇ ਦਿਲਾਂ ਵਿੱਚ ਉਤਰੇ ਅਤੇ ਮਾਂ ਦੇ ਹਰ ਪਲ ਦਾ ਅਹਿਸਾਸ ਕਰਾਏ। ਭਾਵੇਂ ਉਦੋਂ ਵੀ ਦੇਵੀਆਂ ਦੀ ਪੂਜਾ ਹੁੰਦੀ ਵੀ ਸੀ ਅਤੇ ਵਰਤ ਵੀ ਰੱਖੇ ਜਾਂਦੇ ਸਨ ਪਰ ਕੁੜੀਆਂ ਦੇ ਜਨਮ ਨੂੰ ਉਦੋਂ ਵੀ ਮਾੜਾ ਸਮਝਿਆ ਜਾਂਦਾ ਸੀ। ਸਾਨੂੰ ਜਨਮ ਦੇਣ ਵਾਲੀ ਮਾਂ ਦੇ ਜਨਮ 'ਤੇ ਖੁਸ਼ ਹੋਣ ਦਾ ਰਿਵਾਜ ਨਹੀਂ ਸੀ। ਉਸਨੂੰ ਬੋਝ ਸਮਝਿਆ ਜਾਂਦਾ। ਹੁਣ ਵੀ ਹਾਲਤ ਕੋਈ ਬਹੁਤੀ ਵਧੀਆ ਨਹੀਂ। ਹਰ ਰੋਜ਼ ਅਖਬਾਰਾਂ ਵਿੱਚ ਛਪਦੀਆਂ ਖਬਰਾਂ ਸਾਨੂੰ ਸ਼ਰਮਸਾਰ ਕਰਦਿਆਂ ਹਨ। ਅਜਿਹੀ ਹਾਲਤ ਵਿੱਚ ਅਜਿਹੇ ਦਿਨਾਂ ਨੂੰ ਮਨਾਉਣਾ ਬਹੁਤ ਹੀ ਜ਼ਰੂਰੀ ਵੀ ਹੈ। ਜਲੰਧਰ ਸਕੂਲ ਵਿੱਚ ਵੀ ਇਸ ਦਿਨ ਦੀ ਮਹੱਤਤਾ ਦੇ ਸਾਰੇ ਪਹਿਲੂਆਂ ਵੱਲ ਧਿਆਨ ਦਿੱਤਾ ਗਿਆ। 

ਜੱਦ ਇਸ ਜ਼ਿੰਦਗੀ ਨੂੰ ਦੇਣ ਵਾਲੀ ਅਤੇ ਇਸ ਜਗਤ ਨੂੰ ਵਿਖਾਉਣ ਵਾਲੀ ਸਾਡੀ ਮਾਂ ਹੀ ਹੈ ਤਾਂ ਫਿਰ ਉਸ ਤੋਂ ਬਗੈਰ ਸਾਡੀ ਕਾਹਦੀ ਹੋਂਦ ਅਤੇ ਕਾਹਦੀ ਸਿਆਣਪ। ਸਾਨੂੰ ਉਸ ਦਾ ਉਪਕਾਰ ਅਤੇ ਸਤਿਕਾਰ ਕਦੇ ਨਹੀਂ ਭੁਲਣਾ ਚਾਹੀਦਾ। ਬਸ ਇਸੇ ਮਕਸਦ ਨੂੰ ਲੈ ਕੇ ਜਲੰਧਰ ਸਕੂਲ ਵਿਖੇ ਵੀ ਮਾਂ ਦਿਵਸ ਮਨਾਇਆ ਗਿਆ ਅਤੇ ਬੱਚਿਆਂ ਦੀ ਮਾਤਾਵਾਂ ਨੂੰ ਸਟੇਜ 'ਤੇ ਬੁਲਾ ਕੇ ਉਹਨਾਂ ਦਾ ਸਤਿਕਾਰ ਬੱਚਿਆਂ ਕੋਲੋਂ ਕਰਵਾਇਆ ਗਿਆ। ਇਸ ਮੌਕੇ ਬੱਚਿਆਂ ਨੇ ਆਪਣੇ ਹੱਥਾਂ ਨਾਲ ਬਣਾਏ ਸੋਹਣੇ ਜਿਹੇ ਉਪਹਾਰ ਆਪਣੀ ਮਾਤਾ ਜੀ ਨੂੰ ਦੇ ਕੇ ਉਹਨਾਂ ਦੇ ਚਰਣੀ ਹੱਥ ਲਾ ਕੇ ਉਹਨਾਂ ਦਾ ਆਸ਼ੀਰਵਾਦ ਲਿਆ ਅਤੇ ਆਪਣੇ ਵਿਚਾਰ ਵੀ ਗੀਤ, ਗਜਲ ਅਤੇ ਡਾਂਸ ਅਤੇ ਕਵਿਤਾ ਰਾਹੀਂ ਪਰਗਟ ਕੀਤੇ। ਬੱਚਿਆਂ ਅਤੇ ਮਾਂ ਦਾ ਪਿਆਰ ਵੇਖ ਕੇ ਸਾਰੇ ਹੀ ਭਾਵੁਕ ਹੋ ਰਹੇ ਸਨ। ਵੱਖਰਾ ਹੀ ਨਜ਼ਾਰਾ ਬਣਿਆ ਹੋਇਆ ਸੀ। ਇਸ ਮੌਕੇ ਮਾਤਾਵਾਂ ਦੇ ਵੀ ਵਿਚਾਰ ਲਏ ਅਤੇ ਉਹਨਾਂ ਨੇ ਕਿਹਾ ਕਿ ਸਕੂਲ ਵਿੱਚ ਇਸ ਤਰ੍ਹਾਂ ਦੇ ਸੰਸਕਾਰ ਸਿਖਾਉਣਾ ਬਹੁਤ ਹੀ ਚੰਗਾ ਹੈ। ਮੁੱਖ ਅਧਿਆਪਿਕਾ ਰਾਜਪਾਲ ਕੌਰ ਨੇ ਬੱਚਿਆਂ ਨੂੰ ਇਸ ਮੌਕੇ ਆਪਣੀ ਸ਼ੁਭ ਕਾਮਨਾਵਾਂ ਦਿੰਦੇ ਹੋਏ ਉਹਨਾਂ ਨੂੰ ਆਪਣੀ ਮਾਤਾਵਾਂ ਦਾ ਸਤਿਕਾਰ ਕਰਨ ਦੀ ਪ੍ਰੇਰਨਾ ਵੀ ਦਿੱਤੀ ਅਤੇ ਆਈਆਂ ਹੋਈਆਂ ਮਾਤਾਵਾਂ ਦਾ ਸੁਆਗਤ ਕੀਤਾ। ਜਲੰਧਰ ਵਿੱਦਿਅਕ ਸੋਸਾਇਟੀ ਦੇ ਪਰਧਾਨ ਪਲਵਿੰਦਰ ਸਿੰਘ ਜੀ ਨੇ ਵੀ ਬੱਚਿਆਂ ਅਤੇ ਮਾਤਾਵਾਂ ਨੂੰ ਵਧਾਈ ਦਿੱਤੀ ਅਤੇ ਬੱਚਿਆਂ ਨੂੰ ਚੰਗੇ ਰਸਤੇ ਪਾਉਣ ਲਈ ਆਪਣੇ ਯੋਗਦਾਨ ਦੇਣ ਦਾ ਵਾਇਦਾ ਕੀਤਾ। ਇਸ ਦੌਰਾਨ ਮੈਡਮ ਜਸਬੀਰ ਕੌਰ, ਸੰਦੀਪ ਕੌਰ, ਰੋਜ਼ੀ ਰਾਣੀ, ਪ੍ਰਭਜੋਤ ਕੌਰ,ਮੀਨਾ, ਸੋਨਮ, ਸ਼ੇਸ਼ਾ, ਸੰਗੀਤਾ, ਨੀਲਮ ਪਾਲ ਅਤੇ ਹੋਰ ਸਟਾਫ ਮੈਂਬਰ ਵੀ ਹਾਜ਼ਰ ਸਨ। ਇਸ ਆਯੋਜਨ ਦੌਰਾਨ ਦੱਸਿਆ ਗਿਆ ਕਿ ਜਿਸ ਦਿਨ ਅਸੀਂ ਮਾਂ ਦਾ ਸਤਿਕਾਰ ਕਰਨ ਦੇ ਕਾਬਿਲ ਹੋ ਗਏ ਉਸ ਦਿਨ ਅਸੀਂ ਮਾਂ ਦੇ ਦੈਵੀ ਅਸ਼ੀਰਵਾਦ ਵਾਲੀ ਸ਼ਕਤੀ ਵੀ ਹਾਸਲ ਕਰ ਸਕਾਂਗੇ। 

ਮੋਦੀ ਸਰਕਾਰ ਦੀ ਜੁਮਲੇਬਾਜ਼ੀ ਸਮਾਂ ਵਿਹਾ ਚੁੱਕੀ ਹੈ-CPI

May 12, 2019, 4:25 PM       Updated:14th  May  2019: 3;41 PM
ਪੰਜਾਬ ਵਿੱਚ ਵੀ ਕੈਪਟਨ ਸਰਕਾਰ ਦਾ ਰਿਪੋਰਟ ਕਾਰਡ ਜ਼ੀਰੋ-RMPI 
ਲੁਧਿਆਣਾ: 12 ਮਈ 2019: (ਪੰਜਾਬ ਸਕਰੀਨ ਬਿਊਰੋ):: 
ਆਖਦੇ ਨੇ ਇਤਿਹਾਸ ਆਪਣੇ ਆਪ ਨੂੰ ਦੁਹਰਾਉਂਦਾ ਹੈ। ਸ਼ਾਇਦ ਇੱਕ ਵਾਰ ਫੇਰ ਇਹੀ ਹੋ ਰਿਹਾ ਹੈ। ਲੋਕ ਪੱਖੀ ਅਤੇ ਲੋਕ ਵਿਰੋਧੀ ਸ਼ਕਤੀਆਂ ਵਿਚਾਲੇ ਸਾਡੀਆਂ ਤੋਂ ਚਲੀ ਆ ਰਹੀ ਲਕੀਰ ਇੱਕ ਵਾਰ ਫੇਰ ਗੂਹੜੀ ਹੋ ਰਹੀ ਹੈ। ਇਸ ਲਕੀਰ ਨੂੰ ਮਿਟਾਉਣ ਜਾਂ ਮੱਧਮ ਕਰਨ ਦੀਆਂ ਸਾਜ਼ਿਸ਼ਾਂ ਇੱਕ ਵਾਰ ਫੇਰ ਨਾਕਾਮ ਹੋ ਰਹੀਆਂ ਹਨ। ਕੋਈ ਵੇਲਾ ਸੀ ਜਦੋਂ ਕਾਮਰੇਡਾਂ ਦਾ ਭੈਅ ਸਰਕਾਰਾਂ ਵੀ ਮੰਨਦੀਆਂ ਸਨ ਅਤੇ ਆਪਣੇ ਆਪ ਨੂੰ ਖੱਬੀਖਾਨ ਜਾਂ ਬਦਮਾਸ਼ ਅਖਵਾਉਣ ਵਾਲਾ ਲਾਣਾ ਵੀ ਕਾਮਰੇਡਾਂ ਨਾਲ ਟੱਕਰ ਲੈਣ ਤੋਂ ਗੁਰੇਜ਼ ਕਰਦਾ ਸੀ। ਸਮਾਜ ਦਾ ਸਤਾਇਆ ਹੋਇਆ ਕੋਈ ਵੀ ਵਿਅਕਤੀ ਜਦੋਂ ਮਹਿਸੂਸ ਕਰਦਾ ਕਿ ਹੁਣ ਉਸਦੀ ਕਿਤੇ ਕੋਈ ਪੇਸ਼ ਨਹੀਂ ਜਾ ਰਹੀ ਤਾਂ ਉਦੋਂ ਉਹ ਕਾਮਰੇਡਾਂ ਦੇ ਦਫਤਰ ਆ ਪਹੁੰਚਦਾ। ਉਦੋਂ ਉਸਨੂੰ ਕਾਮਰੇਡ ਹੀ ਚੇਤੇ ਆਉਂਦੇ। ਕਾਮਰੇਡ ਦੁਖੀ ਵਿਅਕਤੀਆਂ ਨੂੰ ਬਹੁੜਦੇ ਵੀ ਸਨ। ਜਿਸਦਾ ਕੋਈ ਨਹੀਂ ਸੀ ਹੁੰਦਾ ਉਸਦੇ ਕਾਮਰੇਡ ਹੁੰਦੇ ਸਨ। ਉਦੋਂ ਕਾਮਰੇਡਾਂ ਵਿੱਚ ਕਿਸੇ ਜਨਤਕ ਫਰੰਟ ਵਾਲੀ ਮੈਂਬਰੀ ਦੀ ਸ਼ਰਤ ਜਾਂ ਆਈ ਐਮ ਵਾਲਾ ਵਿਤਕਰਾ ਵੀ ਨਹੀਂ ਸੀ ਹੁੰਦਾ ਕਿਓਂਕਿ ਪਾਰਟੀ ਹੀ ਇੱਕ ਹੁੰਦੀ ਸੀ। ਇਹ ਸਿਲਸਿਲਾ ਪਾਰਟੀ ਦੇ ਦੁਫਾੜ ਹੋਣ ਤੋਂ ਬਾਅਦ ਵੀ ਕਾਫੀ ਦੇਰ ਜਾਰੀ ਰਿਹਾ। ਉਦੋਂ ਕਾਮਰੇਡਾਂ ਦੇ ਦਫਤਰਾਂ ਵਿੱਚ ਤੰਗੀਆਂ ਤੁਰਸ਼ੀਆਂ ਦੇ ਬਾਵਜੂਦ ਚਾਹ-ਪਾਣੀ ਅਤੇ ਉੜਿਆ ਥੁੜਿਆ ਲੰਗਰ ਆਏ ਗਏ ਨੂੰ ਵੇਲੇ ਕੁਵੇਲੇ ਵੀ ਲੱਭ ਜਾਂਦਾ ਸੀ। ਗੁਰੂ ਘਰਾਂ ਨਾਲ ਮਿਲਦੀ ਜੁਲਦੀ ਇਹ ਪ੍ਰਥਾ ਕਾਫੀ ਸਮਾਂ ਪਾਰਟੀ ਦਫਤਰਾਂ ਦਾ ਰੂਟੀਨ ਰਹੀ। ਭਾਰਤੀ ਮਾਡਲ ਦੇ ਵਿਕਾਸ ਦੀਆਂ ਨੀਤੀਆਂ ਦੇ ਵਧਣ ਫੁੱਲਣ ਦੇ ਨਾਲ ਨਾਲ ਇਹ ਰੂਟੀਨ ਵੀ ਅਲੋਪ ਹੁੰਦਾ ਚਲਾ ਗਿਆ। ਪੰਜਾਬ ਦੇ ਕਾਲੇ ਦਿਨਾਂ ਵਿੱਚ ਜਦੋਂ ਕਾਮਰੇਡਾਂ ਦੇ ਦਫਤਰ ਬੰਦੂਕਾਂ ਦੇ ਫਿਰੇ ਹੇਠ ਚੱਲਣ ਲੱਗੇ ਤਾਂ ਉਦੋਂ ਲੋਕਾਂ ਨਾਲ ਦੂਰੀਆਂ ਵੀ ਵੱਧ ਗਈਆਂ। ਸ਼ਾਇਦ ਇਹ ਸਭ ਕੁਝ ਬਦਲੇ ਹੋਏ ਹਾਲਾਤਾਂ ਵਿੱਚ ਹੋਣਾ ਹੀ ਸੀ। ਇਸ ਬਿਨਾ ਕੋਈ ਚਾਰ ਵੀ ਨਹੀਂ ਸੀ ਬਚਿਆ। ਅੱਤਵਾਦ ਅਤੇ ਵੱਖਵਾਦ ਨਾਲ ਲੜੀ ਗਈ ਲੜਾਈ ਦੌਰਾਨ ਕਮਿਊਨਿਸਟ ਪਾਰਟੀਆਂ ਨੂੰ ਏਨਾ ਜ਼ਿਆਦਾ ਨੁਕਸਾਨ ਹੋਇਆ ਕਿ ਉਸਦੀ ਪੂਰਤੀ ਅੱਜ ਤੱਕ ਨਹੀਂ ਹੋ ਸਕੀ। ਇਸਦੇ ਨਾਲ ਹੀ ਸਿਤਮ ਇਹ ਕਿ ਦੇਸ਼ ਦੀ "ਏਕਤਾ ਅਤੇ ਅਖੰਡਤਾ" ਲਈ ਦਿੱਤੀਆਂ ਕੁਰਬਾਨੀਆਂ ਨੂੰ ਆਮ ਲੋਕਾਂ ਨੇ ਬੜੀ ਛੇਤੀ ਭੁਲਾ ਦਿੱਤਾ। ਪਾਰਟੀ ਦੇ ਸ਼ਹੀਦ ਹੋਏ ਕਾਮਰੇਡਾਂ ਵਿੱਚੋਂ ਜਿਹਨਾਂ ਦੀਆਂ ਬਰਸੀਆਂ ਅੱਜ ਵੀ ਮਨਾਈਆਂ ਵੀ ਜਾਂਦੀਆਂ ਹਨ ਉਹਨਾਂ ਦਾ ਆਯੋਜਨ ਪਾਰਟੀ ਹੀ ਕਰਦੀ ਨਾ ਕਿ ਆਮ ਲੋਕ; ਜਿਹਨਾਂ ਲਈ ਪਾਰਟੀ ਦੇ ਇਹਨਾਂ ਹੀਰਿਆਂ ਵਰਗੇ ਕਾਮਰੇਡਾਂ ਨੇ ਕੁਰਬਾਨੀਆਂ ਦਿੱਤੀਆਂ ਸਨ। ਸਾਮਰਾਜਵਾਦ ਅਤੇ ਪੂੰਜੀਵਾਦ ਦੀਆਂ ਸਾਜ਼ਿਸ਼ਾਂ ਦਾ ਸ਼ਿਕਾਰ ਹੋਈਆਂ ਕਮਿਊਨਿਸਟ ਪਾਰਟੀਆਂ ਅਤੇ ਗੈਰ ਕਮਿਊਨਿਸਟ ਲੋਕ ਪੱਖੀ ਤਾਕਤਾਂ ਇੱਕ ਦੂਜੇ ਦੇ ਨੇੜੇ ਆ ਰਹੀਆਂ ਹਨ। ਸਿਮਰਜੀਤ ਸਿੰਘ ਬੈਂਸ ਦਾ ਸੀਪੀਆਈ ਦਫਤਰ ਪਹੁੰਚਣਾ ਕੋਈ ਛੋਟੀ ਗੱਲ ਨਹੀਂ। ਇਸ ਸ਼ੁਰੂਆਤ ਨੇ ਕਮਿਊਨਿਸਟ ਪਾਰਟੀਆਂ ਨੂੰ ਇੱਕ ਵਾਰ ਫੇਰ ਅਸਮਾਨ 'ਤੇ ਲੈ ਜਾਣਾ ਹੈ। 
ਭਾਰਤੀ ਕਮਿਉਨਿਸਟ ਪਾਰਟੀ ਲੁਧਿਆਣਾ ਵਲੋਂ ਆਉਂਦੀਆਂ ਲੋਕ ਸਭਾ ਚੋਣਾਂ ਵਿੱਚ ਮੋਦੀ ਸਰਕਾਰ ਨੂੰ ਭਾਂਜ ਦੇਣ ਦੇ ਲਈ ਮੁਹਿੰਮ ਤਿੱਖੀ ਕਰ ਦਿੱਤੀ ਹੈ। ਸ਼ਹੀਦ ਕਰਨੈਲ ਸਿੰਘ ਈਸੜੂ ਭਵਨ ਲੁਧਿਆਣਾ ਵਿਖੇ ਕੇਡਰ ਮੀਟਿੰਗ ਕਰਕੇ ਅਜੋਕੀ ਰਾਜਨੀਤਿਕ ਅਵਸਥਾ ਤੇ ਚਾਨਣ ਪਾਇਆ ਗਿਆ ਤੇ ਸਾਥੀਆਂ ਨੂੰ ਪੀ ਡੀ ਏ ਦੇ ਉੱਮੀਦਵਰ ਸਿਮਰਨਜੀਤ ਸਿੰਘ ਬੈਂਸ ਦੇ ਹੱਕ ਵਿੱਚ ਮੁਹਿੰਮ ਤਿੱਖੀ ਕਰਨ ਦਾ ਸੱਦਾ ਦਿੱਤਾ। ਇਸ ਮੌਕੇ ਤੇ ਬੋਲਦਿਆਂ ਜ਼ਿਲ੍ਹਾ ਸਕੱਤਰ ਕਾਮਰੇਡ ਡੀ ਪੀ ਮੌੜ ਨੇ ਕਿਹਾ ਕਿ ਮੋਦੀ ਵਲੋਂ 2014 ਵਿੱਚ ਕੀਤਾ ਇੱਕ ਵੀ ਵਾਅਦਾ ਪੂਰਾ ਨਹੀਂ ਕੀਤਾ ਗਿਆ। ਇਸ ਲਈ ਹੁਣ ਉਹ ਅਖੌਤੀ ਰਾਸ਼ਟਰਵਾਦ ਅਤੇ ਝੂਠ ਦਾ ਸਹਾਰਾ ਲੈ ਕੇ ਚੋਣ ਪਰਚਾਰ ਵਿੱਚ ਲੱਗੀ ਹੈ।  ਪਰ ਲੋਕ ਇਸ ਸਭ ਨੂੰ ਪਛਾਣ ਗਏ ਹਨ। ਇਸ ਮੌਕੇ ਤੇ ਬੋਲਦਿਆਂ ਆਰ ਐਮ ਪੀ ਆਈ ਦੇ ਆਗੂ ਪਰੋਫੈਸਰ ਜੈਪਾਲ ਸਿੰਘ ਨੇ ਕਿਹਾ ਕਿ ਕੈਪਟਨ ਸਰਕਾਰ ਵੀ ਲੋਕਾਂ ਦੇ ਮਸਲੇ ਹੱਲ ਕਰਨ ਵਿੱਚ ਪੂਰੀ ਤਰਾਂ ਅਸਫ਼ਲ ਰਹੀ ਹੈ। ਲੋਕਾਂ ਨੇ ਇਹਨਾਂ ਗੱਲਾਂ ਨੂੰ ਪਛਾਣ ਕੇ ਹੁਣ ਤੀਜੇ ਬਦਲ ਵੱਲ ਰੁਖ ਕਰ ਲਿਆ ਹੈ। ਉੱਮੀਦਵਾਰ ਸਿਮਰਨਜੀਤ ਸਿੰਘ ਬੈਂਸ ਨੇ ਬੋਲਦਿਆਂ ਵਿਸ਼ਵਾਸ ਦਿਵਾਇਆ ਕਿ ਉਹ ਭਿ੍ਰਸ਼ਟਾਚਾਰ ਅਤੇ ਹਰ ਤਰਾਂ ਦੇ ਮਾਫ਼ੀਆ ਦੇ ਖ਼ਿਲਾਫ਼ ਅਤੇ ਗਰੀਬਾਂ ਤੇ ਮਜ਼ਦੂਰਾਂ ਦੇ ਬਣਦੇ ਹੱਕ ਦਿਵਾਉਣ ਲਈ ਪੂਰਾ ਜ਼ੋਰ ਲਾ ਦੇਣਗੇ। ਇਨਾਂ ਤੋ ਇਲਾਵਾ ਸੰਬੋਧਨ ਕਰਨ ਵਾਲਿਆਂ ਵਿੱਚ ਸ਼ਾਮਿਲ ਸਨ ਡਾ: ਅਰੁਣ ਮਿੱਤਰਾ, ਕਾਮਰੇਡ ਚਮਕੌਰ ਸਿੰਘ, ਕਾਮਰੇਡ ਗੁਲਜ਼ਾਰ ਗੋਰੀਆ, ਕਾਮਰੇਡ ਰਮੇਸ਼ ਰਤਨ, ਕਾਮਰੇਡ ਰਘਬੀਰ ਸਿੰਘ ਬੈਨੀਪਾਲ, ਕਾਮਰੇਡ ਗੁਰਨਾਮ ਸਿੱਧੂ, ਕਾਮਰੇਡ ਐਮ ਐਸ ਭਾਟੀਆ ਅਤੇ ਕਾਮਰੇਡ ਚਰਨ ਸਿੰਘ ਸਰਾਭਾ ਆਦਿ।  
ਇਸ ਚੋਣ ਸਾਂਝ ਨਾਲ ਜਿੱਥੇ ਲੋਕ ਇਨਸਾਫ ਪਾਰਟੀ ਅਤੇ ਹੋਰ ਸਹਿਯੋਗੀ ਦਲਾਂ ਨੂੰ ਕੌਮੀ ਪਾਰਟੀ ਵਾਲੀ ਦਿੱਖ ਦਾ ਅਹਿਸਾਸ ਮਿਲਣਾ ਹੈ ਉੱਥੇ ਕਮਿਊਨਿਸਟ ਪਾਰਟੀਆਂ ਨੂੰ ਵੀ ਜੁਝਾਰੂ ਕੇਡਰ ਦੀ ਪ੍ਰਾਪਤੀ ਹੋਣੀ ਹੈ। ਉਹ ਕੇਡਰ ਜਿਹੜਾ ਕੋਈ ਵੀ ਬੇਇਨਸਾਫ਼ੀ ਦੇਖਦਿਆਂ ਸਾਰ ਵੱਡੇ ਤੋਂ ਵੱਡੇ ਬੰਦੇ ਦੇ ਗੱਲ ਪੈ ਸਕਦਾ ਹੈ। ਉਹ ਕੇਡਰ ਜਿਹੜਾ ਸਮੇਂ  ਦੀ ਨਜ਼ਾਕਤ ਨੂੰ ਦੇਖਦਿਆਂ ਆਪਣੇ ਮੋਬਾਈਲ ਫ਼ੋਨ ਨੂੰ ਇੱਕ ਹਥਿਆਰ ਵਾਂਗ ਵਰਤਦਿਆਂ ਕੁਰੱਪਸ਼ਨ ਦੀ ਵੀਡੀਓ ਬਣਾ ਸਕਦਾ ਹੈ।  ਉਹ ਕੇਡਰ ਜਿਹੜਾ ਬਜ਼ੁਰਗ ਹੋ ਰਹੀ ਕਮਿਉਨਿਸਟ ਲੀਡਰਸ਼ਿਪ ਦਾ ਬਦਲ ਵੀ ਬਣ ਸਕਦਾ ਹੈ। 
ਨਿਸਚੇ ਹੀ ਪੀਡੀਏ ਦੀ ਚੋਣ ਮੁਹਿੰਮ ਬੜੇ ਜ਼ੋਰਸ਼ੋਰ ਨਾਲ ਚੱਲ ਰਹੀ ਹੈ। ਇਸ ਵਿੱਚ ਜੋਸ਼ ਵੀ ਅਤੇ ਹੋਸ਼ ਵੀ। ਹੁਣ ਦੇਖਣਾ ਹੈ ਕਿ ਪੰਜਾਬ ਦੇ ਪਾਣੀਆਂ, ਨਵੰਬਰ-84 ਅਤੇ ਜਸਵੰਤ ਸਿੰਘ ਖਾਲੜਾ ਵਾਲੇ ਮਿਸ਼ਨ ਮੁਤਾਬਿਕ ਆਪਣੀ ਆਵਾਜ਼ ਕਿੰਨੀ ਕੁ ਬੁਲੰਦ ਕਰ ਸਕਦਾ ਹੈ। 

Friday, May 10, 2019

ਜ਼ਰਦੇ ਦੀ ਪੁੜੀ ਦੇ ਬਹਾਨੇ ਮਜ਼ਦੂਰ ਆਗੂਆਂ ਨੂੰ ਨਿਸ਼ਾਨਾ ਬਣਾਇਆ

ਮੋਲਡਰ ਐਂਡ ਸਟੀਲ ਵਰਕਰਜ਼ ਯੂਨੀਅਨ ਨੇ ਕੀਤਾ ਤਿੱਖਾ ਵਿਰੋਧ 
ਲੁਧਿਆਣਾ: 10 ਮਈ 2019: (ਪੰਜਾਬ ਸਕਰੀਨ ਬਿਊਰੋ)::
Courtesy Photo
ਮਜ਼ਦੂਰਾਂ ਦੇ ਹੱਕਾਂ ਉੱਤੇ ਡਾਕੇ ਮਾਰਨ, ਉਹਨਾਂ ਦੇ ਸੰਗਠਨਾਂ ਨੂੰ ਸਾਹਸੱਤ ਹੀਣ ਕਰਨ ਅਤੇ  ਉਹਨਾਂ ਨੂੰ ਆਪਣਾ ਗੁਲਾਮ ਬਣਾ ਕੇ ਰੱਖਣ ਦੀਆਂ ਸਾਜ਼ਿਸ਼ੀ ਚਾਲਾਂ ਅੱਜ ਵੀ ਵੱਡੀ ਪੱਧਰ ਉੱਤੇ ਚੱਲੀਆਂ ਜਾ ਰਹੀਆਂ ਹਨ। ਇਹਨਾਂ ਚਾਲਾਂ ਦਾ ਮਕਸਦ ਸਿਰਫ ਇਹ ਕਿ ਮਜ਼ਦੂਰਾਂ ਨੂੰ ਆਉਣ ਵਾਲੇ ਵੱਡੇ ਸੰਘਰਸ਼ਾਂ ਤੋਂ ਪੂਰੀ ਤਰਾਂ ਲਾਂਭੇ ਰੱਖਿਆ ਜਾ ਸਕੇ। ਇਹ ਪ੍ਰਗਟਾਵਾ ਅੱਜ ਇਥੇ ਮੋਲਡਰ ਐਂਡ ਸਟੀਲ ਵਰਕਰਜ਼ ਯੂਨੀਅਨ ਨੇ ਇੱਕ ਗੈਰ ਰਸਮੀ ਗੱਲਬਾਤ ਦੌਰਾਨ ਕੀਤਾ। 
ਯੂਨੀਅਨ ਆਗੂਆਂ ਹਰਜਿੰਦਰ ਸਿੰਘ ਅਤੇ ਜੀ ਐਸ ਜੋਹਰੀ ਨੇ ਦੱਸਿਆ ਕਿ ਹਾਲ ਹੀ ਵਿੱਚ  ਇਥੋਂ ਦੇ ਪਰਸਿੱਧ ਸਾਈਕਲ ਬਣਾਉਣ ਵਾਲਿਆਂ ਦੀ ਮੈਨੇਜਮੈਂਟ ਨੇ ਇੱਕ ਮਜ਼ਦੂਰ ਨੂੰ ਸਿਰਫ ਇਸ ਕਰਕੇ ਨੌਕਰੀ ਤੋਂ ਕੱਢ ਦਿੱਤਾ ਗਿਆ ਕਿਓਂਕਿ ਫੈਕਟਰੀ ਅੰਦਰ ਉਸ ਦੀ ਜੇਬ ਵਿੱਚ ਜ਼ਰਦੇ ਦੀ ਇੱਕ ਨਿੱਕੀ ਜਿਹੀ ਪੁੜੀ ਬਰਾਮਦ ਹੋ ਗਈ ਸੀ। ਜ਼ਰਦੇ ਦੀ ਇਹ ਪੁੜੀ 27 ਅਪ੍ਰੈਲ 2019 ਵਾਲੇ ਦਿਨ ਬਰਾਮਦ ਹੋਈ ਸੀ। ਇਸ ਪੁੜੀ ਤੋਂ ਬਾਅਦ ਇਸ ਮਜ਼ਦੂਰ ਨਾਲ ਇਸ ਤਰਾਂ ਵਤੀਰਾ ਕੀਤਾ ਜਾਣ ਲੱਗਿਆ ਜਿਵੇਂ ਉਸ ਕੋਲੋਂ ਭੁੱਕੀ//ਚਿੱਟਾ//ਅਫੀਮ ਜਾਂ ਕੋਈ ਹੋਰ ਖਤਰਨਾਕ ਨਸ਼ਾ ਫੜਿਆ ਗਿਆ ਹੋਵੇ। 
ਤਲਾਸ਼ੀ ਵਾਲਿਆਂ ਦਾ ਇਹ ਕਹਿਰ ਦੇਖ ਕੇ ਜਦੋਂ ਯੂਨੀਅਨ ਵਾਲਿਆਂ ਨੇ ਇਤਰਾਜ਼ ਕਰਦਿਆਂ ਮਜ਼ਦੂਰ ਦਾ ਬਚਾਓ ਕਰਨ ਦੀ ਕੋਸ਼ਿਸ਼ ਕੀਤੀ ਤਾਂ ਮਾਮਲਾ ਹੋਰ ਗੰਭੀਰ ਹੋ ਗਿਆ। ਜ਼ਰਦੇ ਦੀ ਪੁੜੀ ਵਾਲੇ ਮਜ਼ਦੂਰ ਨੂੰ ਸੱਤ ਦਿਨਾਂ ਲਈ ਨੌਕਰੀ ਤੋਂ ਕੱਢ ਦਿੱਤਾ ਗਿਆ ਅਤੇ ਬਾਅਦ ਵਿੱਚ ਮਾਫੀਨਾਮਾ ਲਿਖਵਾ ਕੇ ਵਾਪਿਸ ਨੌਕਰੀ ਤੇ ਰੱਖ ਲਿਆ ਗਿਆ। ਇਹ ਮਾਫੀਨਾਮਾ ਹੁਣ ਹਮੇਸ਼ਾਂ ਲਈ ਉਸਦੀ ਫਾਈਲ ਦਾ ਸ਼ਿੰਗਾਰ ਬਣਾ ਦਿੱਤਾ ਗਿਆ ਹੈ। ਜਦੋਂ ਵੀ ਉਸਨੂੰ ਦਬਕਾ ਮਾਰਨਾ ਹੋਇਆ ਤਾਂ ਇਸਦੀ ਵਰਤੋਂ ਕੀਤੀ ਜਾਵੇਗੀ। 
ਜ਼ਰਦੇ ਵਾਲੀ ਪੁੜੀ ਦੇ ਇਸ ਬਹਾਨੇ ਨਾਲ ਹੀ ਕਈ ਹੋਰ ਨਿਸ਼ਾਨੇ ਵੀ ਕਰ ਲੈ ਗਏ। ਇਸਦੇ ਨਾਲ ਹੀ ਜਿਹੜੇ ਯੂਨੀਅਨ ਆਗੂਆਂ ਨੇ ਇਸ ਮਜ਼ਦੂਰ ਦੇ ਹੱਕ ਵਿਚ ਆਪਣੀ ਆਵਾਜ਼ ਉਠਾਈ  ਉਹਨਾਂ ਵਿੱਚੋਂ ਅਜੇ ਕੁਮਾਰ ਅਤੇ ਬਲੀ ਰਾਮ ਨਾਮ ਦੇ ਉਹਨਾਂ ਦੋ ਮਜ਼ਦੂਰਾਂ ਨੂੰ ਮਈ ਦਿਨ ਤੋਂ ਐਨ ਦੋ ਦਿਨ ਪਹਿਲਾਂ 28 ਅਪਰੈਲ 2019 ਵਾਲੇ ਦਿਨ ਨੌਕਰੀ ਤੋਂ ਕੱਢ ਦਿੱਤਾ ਗਿਆ। 
ਜ਼ਰਦੇ ਦੇ ਪੁੜੀ ਨੂੰ ਬਹਾਨਾ ਬਣਾ ਕੇ ਮਈ ਦਿਵਸ ਦੇ ਮੌਕੇ ਉੱਤੇ ਮਜ਼ਦੂਰਾਂ ਦਾ ਮਨੋਬਲ ਤੋੜਨ ਦੀ ਇਹ ਚਾਲ ਅਸਲ ਵਿੱਚ ਮਜ਼ਦੂਰਾਂ ਉੱਤੇ ਚਲਾਏ ਜਾਣ ਵਾਲੇ ਇੱਕ ਹੋਰ ਕੁਹਾੜੇ ਦੀ ਤਿਆਰੀ ਵਾਲੀ ਖਤਰਨਾਕ ਦਸਤਕ ਹੈ। ਇਹ ਕਹਾਣੀ ਸ਼ੁਰੂ ਹੁੰਦੀ ਹੈ ਦੋ ਮਹੀਨੇ ਪਹਿਲਾਂ ਮਜ਼ਦੂਰਾਂ ਵੱਲੋਂ ਕੀਤੀਆਂ ਗਈਆਂ ਮੰਗਾਂ ਤੋਂ। ਮਜ਼ਦੂਰਾਂ ਦੀ ਯੂਨੀਅਨ ਨੇ ਮੰਗ ਕੀਤੀ ਸੀ ਕਿ  ਮਜ਼ਦੂਰਾਂ ਦੀ ਘਟੋਘੱਟ ਤਨਖਾਹ 20 ਹਜ਼ਾਰ ਰੁਪਏ ਨਿਸਚਿਤ ਕੀਤੀ ਜਾਵੇ। ਅਰਧ ਕੁਸ਼ਲ ਮਜ਼ਦੂਰਾਂ ਨੂੰ ਘਟੋਘੱਟ 25 ਹਜ਼ਾਰ ਰੁਪਏ ਦਿੱਤੇ ਜਾਣ ਅਤੇ ਟਰੇਂਡ ਮਜ਼ਦੂਰਾਂ ਨੂੰ ਘਟੋਘੱਟ 30 ਹਜ਼ਾਰ ਰੁਪਏ ਮਹੀਨਾ ਦਿੱਤੇ ਜਾਣ।  ਠੇਕੇਦਾਰੀ ਸਿਸਟਮ ਖਤਮ ਕੀਤਾ ਜਾਏ ਅਤੇ ਆਊਟ ਸੋਰਸਿੰਗ ਨੀਤੀ ਰੱਦ ਕੀਤੀ ਜਾਏ। ਇਹ ਮੰਗਾਂ ਕਿਰਤ ਵਿਭਾਗ ਨੂੰ ਵੀ ਦੇ ਦਿੱਤੀਆਂ ਗਈਆਂ। ਜਿਹਨਾਂ ਮਜ਼ਦੂਰ ਸਾਥੀਆਂ ਨੇ ਇਹਨਾਂ ਮੰਗਾਂ ਨੂੰ ਉਠਾਉਣ ਵਿੱਚ ਸਰਗਰਮੀ ਦਿਖਾਈ ਉਹਨਾਂ ਨੂੰ ਜ਼ਰਦੇ ਵਾਲੀ ਪੁੜੀ ਦੇ ਬਹਾਨੇ ਮੈਨੇਜਮੈਂਟ ਨੇ ਆਪਣਾ ਨਿਸ਼ਾਨਾ ਬਣਾਇਆ। 
ਇਸਦੇ ਨਾਲ ਹੀ ਮੈਨੇਜਮੈਂਟ ਨੇ ਪਹਿਲੀ ਅਪਰੈਲ 2019 ਨੂੰ  ਸੀ ਕੇ ਡੀ/ਪੈਕਿੰਗ ਡਿਪਾਰਟਮੈਂਟ ਨੂੰ ਆਊਟ ਸੋਰਸਿੰਗ 'ਤੇ ਕਰਨ ਦਾ ਨੋਟਿਸ ਲੈ ਦਿੱਤਾ। ਇਸ ਨਾਲ ਜਿੱਥੇ 240 ਮਜ਼ਦੂਰਾਂ ਦਾ ਪੱਕਾ ਰੋਜ਼ਗਾਰ ਖਤਮ ਹੋ ਜਾਵੇਗਾ ਉੱਥੇ ਤਨਖਾਹ ਪ੍ਰਣਾਲੀ ਅਤੇ ਜੱਥੇਬੰਦੀ ਵੀ ਖਤਮ ਹੋ ਜਾਵੇਗੀ। ਇਹ ਅਮਲ ਪਿਛਲੇ ਪੰਜਾਂ ਸਾਲਾਂ ਤੋਂ ਲਗਾਤਾਰ ਤੇਜ਼ ਕੀਤਾ ਹੋਇਆ ਹੈ। ਸੰਨ 2014 'ਚ ਹੈਂਡਲ, ਪੈਡਲ, ਚੇਨ ਵਿਭਾਗ 'ਚ ਨਵੀਂ ਮਸ਼ੀਨਰੀ ਲਿਆ ਕੇ ਕਿਰਤੀਆਂ ਨੂੰ ਵਾਧੂ ਕਰਾਰ ਦੇ ਕੇ ਉਹਨਾਂ ਦੀ ਛਾਂਟੀ ਕਰ ਦਿੱਤੀ ਗਈ। ਇਸੇ ਤਰਾਂ ਤਿੰਨ ਸਾਲ ਪਹਿਲਾਂ ਟਿਊਬਲਰ ਵਿਭਾਗ ਦੇ 312 ਮਜ਼ਦੂਰਾਂ ਦਾ ਪੱਕਾ ਰੋਜ਼ਗਾਰ ਖੋਹਿਆ ਗਿਆ। ਹੁਣ ਪੈਕਿੰਗ ਡਿਪਾਰਟਮੈਂਟ ਦੀ ਵਾਰੀ ਹੈ। 
ਮੋਲਡਰ ਐਂਡ ਸਟੀਲ ਵਰਕਰਜ਼ ਯੂਨੀਅਨ ਦੇ ਆਗੂ ਕਾਮਰੇਡ ਹਰਜਿੰਦਰ , ਜੀ ਐਸ ਜੋਹਰੀ ਅਤੇ ਹੋਰਾਂ ਨੇ ਮਾਲਕਾਂ/ਮੈਨੇਜਮੈਂਟ ਦੇ ਧੱਕੜ ਰਵਈਏ ਦੀ ਤਿੱਖੀ ਨਿਖੇਧੀ ਕਰਦਿਆਂ ਇਹਨਾਂ ਸਾਜ਼ਿਸ਼ੀ ਕਾਰਵੀਂ ਦਾ ਸਖਤ ਵਿਰੋਧ ਕੀਤਾ ਹੈ। ਜਬਰੀ ਕੱਢੇ ਆਗੂਆਂ ਨੂੰ ਬਹਾਲ ਕਰਨ ਦੀ ਮੰਗ ਕੀਤੀ ਹੈ ਅਤੇ ਆਊਟਸੋਰਸਿੰਗ/ਠੇਕਾ ਪ੍ਰਥਾ ਰੱਦ ਕਰਨ ਦੀ ਮੰਗ ਵੀ ਦੁਹਰਾਈ ਹੈ। ਇਸਦੇ ਨਾਲ ਹੀ ਕੰਪਨੀ ਵਿੱਚੋਂ ਦਹਿਸ਼ਤ ਦਾ ਮਾਹੌਲ ਖਤਮ ਕਰਨ ਦੇ ਵੀ ਮੰਗ ਕੀਤੀ ਹੈ। ਯੂਨੀਅਨ ਨੇ ਮਜ਼ਦੂਰਾਂ ਦੇ ਹੱਕ ਘੋਲ ਦੀ ਵੀ ਹਮਾਇਤ ਕੀਤੀ ਹੈ। 

Thursday, May 09, 2019

SOI ਦੇ ਸਾਬਕਾ ਪ੍ਰਧਾਨ ਗਿੱਲ ਅਕਾਲੀ ਦਲ ਛੱਡ ਕੇ ਹੋਏ "ਲਿੱਪ" 'ਚ ਸ਼ਾਮਲ

May 9, 2019, 6:40 PM
ਬੈਂਸ ਨੇ ਲੀਗਲ ਸੈੱਲ ਲੁਧਿਆਣਾ ਦਾ ਕਨਵੀਨਰ ਨਿਯੁਕਤ ਕੀਤਾ

ਲੁਧਿਆਣਾ: 9 ਮਈ 2019: (ਪੰਜਾਬ ਸਕਰੀਨ ਬਿਊਰੋ):: 
ਬੈਂਸ ਭਰਾਵਾਂ ਦੀ ਅਗਵਾਈ ਵਾਲੀ ਲੋਕ ਇਨਸਾਫ ਪਾਰਟੀ ਦਾ ਜਾਦੂ ਅਜੇ ਵੀ ਬਰਕਰਾਰ ਹੈ ਅਤੇ ਇਹ ਨੌਜਵਾਨਾਂ ਨੂੰ ਵੀ ਆਪਣੇ ਵੱਲ ਖਿੱਚ ਰਹੀ ਹੈ। ਨਵੀਂ ਖਬਰ ਇਹ ਹੈ ਅਕਾਲੀ ਦਲ ਦੇ ਬੇਹੱਦ ਮਜ਼ਬੂਤ ਕਹੇ ਜਾਂਦੇ ਯੂਥ ਸੰਗਠਨ-ਸਟੂਡੈਂਟਸ ਆਰਗੇਨਾਈਜ਼ੇਸ਼ਨ ਆਫ ਇੰਡੀਆ-ਦੇ ਅਹੁਦੇਦਾਰ ਵੀ ਆਪਣੀ ਜੱਥੇਬੰਦੀ ਛੱਡ ਕੇ ਲੋਕ ਇਨਸਾਫ ਪਾਰਟੀ ਅਰਥਾਤ "ਲਿੱਪ" ਵੱਲ ਆਉਣ ਲੱਗ ਪਏ ਹਨ।   
ਸ਼੍ਰੋਮਣੀ ਅਕਾਲੀ ਦਲ ਬਾਦਲ ਨੂੰ ਉਸ ਵੇਲੇ ਕਾਫੀ ਵੱਡਾ ਝਟਕਾ ਲੱਗਿਆ ਜਦੋਂ ਅਕਾਲੀ ਦਲ ਬਾਦਲ ਵਲੋਂ ਬਣਾਈ ਗਈ ਨੌਜਵਾਨਾਂ ਦੀ ਜੱਥੇਬੰਦੀ ਸਟੂਡੈਂਟਸ ਆਰਗੇਨਾਈਜੇਸ਼ਨ ਆਫ ਇੰਡੀਆ (SOI) ਦੇ ਸਾਬਕਾ ਪ੍ਰਧਾਨ ਐਡਵੋਕੇਟ ਗੁਰਜੋਧ ਸਿੰਘ ਗਿੱਲ ਨੇ ਆਪਣੇ ਸਾਥੀਆਂ ਸਣੇ ਅੱਜ ਲੋਕ ਇਨਸਾਫ ਪਾਰਟੀ ਦੇ ਪ੍ਰਧਾਨ ਸਿਮਰਜੀਤ ਸਿੰਘ ਬੈਂਸ ਦੀ ਹਾਜਰੀ ਵਿੱਚ ਲੋਕ ਇਨਸਾਫ ਪਾਰਟੀ ਵਿੱਚ ਸ਼ਾਮਲ ਹੋਣ ਦਾ ਐਲਾਨ ਕਰ ਦਿੱਤਾ। ਇਸ ਮੌਕੇ ਤੇ ਵਿਧਾਇਕ ਬੈਂਸ ਨੇ ਐਡਵੋਕੇਟ ਗੁਰਜੋਧ ਸਿੰਘ ਗਿੱਲ ਨੂੰ ਪਾਰਟੀ ਵਿੱਚ ਮਾਣ ਸਨਮਾਨ ਦਿੰਦੇ ਹੋਏ ਲੁਧਿਆਣਾ ਦੇ ਲੀਗਲ ਸੈੱਲ ਦਾ ਕਨਵੀਨਰ ਨਿਯੁਕਤ ਕੀਤਾ।
ਇਸ ਮੌਕੇ ਤੇ ਇਲਾਕਾ ਵਾਸੀਆਂ ਨੂੰ ਸੰਬੋਧਨ ਕਰਦੇ ਹੋਏ ਵਿਧਾਇਕ ਬੈਂਸ ਨੇ ਕਿਹਾ ਕਿ ਅੱਜ ਜਿੱਥੇ ਇੱਕ ਪਾਸੇ ਕਾਨੂੰਨ ਵਿਵਸਥਾ ਚਰਮਰਾਈ ਹੋਈ ਹੈ ਉੱਥੇ ਗਰੀਬਾਂ ਲਈ ਕਾਨੂੰਨ ਦੀ ਲੜਾਈ ਲੜਨੀ ਬਹੁਤ ਔਖੀ ਹੈ ਅਤੇ ਲੋਕ ਇਨਸਾਫ ਪਾਰਟੀ ਅਜਿਹੇ ਪ੍ਰਬੰਧ ਕਰ ਰਹੀ ਹੈ ਕਿ ਹਰ ਇੱਕ ਵਿਅਕਤੀ ਨੂੰ ਕਾਨੂੰਨ ਦੀ ਸਹਾਇਤਾ ਫਰੀ ਦਿੱਤੀ ਜਾ ਸਕੇ, ਪਰ ਇਹ ਤਾਂ ਹੀ ਸੰਭਵ ਹੈ ਜੇਕਰ ਲੋਕ ਉਹਨਾਂ ਦਾ ਸਾਥ ਦੇਣ ਅਤੇ ਲੋਕ ਸਭਾ ਚੋਣਾਂ 2019 ਵਿੱਚ ਲੋਕ ਪੰਜਾਬ ਡੈਮੋਕ੍ਰੇਟਿਕ ਅਲਾਇੰਸ ਨੂੰ ਜਿਤਾਉਣ। ਉਹਨਾਂ ਇਹ ਵੀ ਕਿਹਾ ਕਿ ਕੁਝ ਲੋਕ ਕਾਨੂੰਨ ਦੀ ਸਹੀ ਜਾਣਕਾਰੀ ਨਾ ਹੋਣ ਕਰਕੇ ਬਿਨਾਂ ਵਜ੍ਹਾ ਕਾਨੂੰਨੀ ਪਚੜਿਆਂ ਵਿੱਚ ਫਸ ਜਾਂਦੇ ਹਨ।  ਇਹਨਾਂ ਲੋਕਾਂ ਨੂੰ ਜਾਗਰੂਕ ਕਰਨ ਲਈ ਵੀ ਲੋਕ ਇਨਸਾਫ ਪਾਰਟੀ ਇਕ ਵਿਸ਼ੇਸ਼ ਮੁਹਿੰਮ ਚਲਾਵੇਗੀ, ਜਿਸ ਨਾਲ ਲੋਕਾਂ ਨੂੰ ਕਾਨੂੰਨ ਅਤੇ ਨਿਆਂ ਦੀ ਸਹੀ ਜਾਣਕਾਰੀ ਦਿੱਤੀ ਜਾ ਸਕੇ। ਇਸ ਮੌਕੇ ਤੇ ਗੁਰਜੋਧ ਸਿੰਘ ਗਿੱਲ ਨੇ ਪਾਰਟੀ ਪ੍ਰਧਾਨ ਸਿਮਰਜੀਤ ਸਿੰਘ ਬੈਂਸ ਅਤੇ ਹਾਈਕਮਾਨ ਦਾ ਧੰਨਵਾਦ ਕਰਦੇ ਹੋਏ ਵਿਸ਼ਵਾਸ਼ ਦੁਆਇਆ ਕਿ ਉਹ ਦਿੱਤੀ ਹੋਈ ਜਿੰਮੇਵਾਰੀ ਨੂੰ ਤਨ ਮਨ ਨਾਲ ਨਿਭਾਉਣਗੇ। ਇਸ ਮੌਕੇ ਤੇ ਇਲਾਕਾ ਵਾਸੀਆਂ ਨੇ ਵਿਧਾਇਕ ਸਿਮਰਜੀਤ ਸਿੰਘ ਬੈਂਸ ਅਤੇ ਐਡਵੋਕੇਟ ਗੁਰਜੋਧ ਸਿੰਘ ਗਿੱਲ ਨੂੰ ਵਿਸ਼ੇਸ਼ ਤੌਰ ਤੇ ਸਨਮਾਨਤ ਵੀ ਕੀਤਾ। ਇਸ ਮੌਕੇ ਤੇ ਅਰਜੁਨ ਸਿੰਘ ਚੀਮਾ, ਜੁਝਾਰ ਸਿੰਘ ਗਿੱਲ, ਨਰਿੰਦਰ ਸਿੰਘ ਮਾਨ, ਜਸਵਿੰਦਰ ਸਿੰਘ ਮਾਨ, ਜਗਦੀਪ ਸਿੰਘ ਮਾਨ, ਜਤਿੰਦਰ ਸਿੰਘ ਪੰਧੇਰ, ਪੁਨੀਤ ਔਲਖ, ਹਰਵਿੰਦਰ ਸਿੰਘ ਨਿੱਕਾ, ਸੁਦਰਸ਼ਨ ਚੌਹਾਨ, ਹਰਵਿੰਦਰ ਕਲੇਰ, ਗੁਰਪ੍ਰੀਤ ਸਿੰਘ ਤੇ ਹੋਰ ਸ਼ਾਮਲ ਸਨ।