Showing posts with label Vishal Gupta. Show all posts
Showing posts with label Vishal Gupta. Show all posts

Friday, January 24, 2014

ਲੜਕੀਆਂ ਦੇ ਸਰਕਾਰੀ ਕਾਲਜ ਵਿੱਚ ਸਾਹਿਤਿਕ ਸਰਗਰਮੀਆਂ ਜਾਰੀ

Fri, Jan 24, 2014 at 3:57 PM
ਸ.ਈਸ਼ਰ ਸਿੰਘ ਸੋਬਤੀ ਨਾਲ ਰੂ-ਬ-ਰੂ ਸਮਾਗਮ 'ਚ ਪੁੱਜੇ ਕਈ ਸਾਹਿਤ ਰਸੀਏ 
ਲੁਧਿਆਣਾ: 24 ਜਨਵਰੀ 2014: (ਰੈਕਟਰ ਕਥੂਰੀਆ//ਵੀ ਕੇ ਗਰਗ//ਪੰਜਾਬ ਸਕਰੀਨ):
ਪੋਸਟ ਗਰੈਜੂਏਟ ਪੰਜਾਬੀ ਵਿਭਾਗ ਸਰਕਾਰੀ ਕਾਲਜ ਲੜਕੀਆਂ ਲੁਧਿਆਣਾ ਵਲੋਂ ਪੰਜਾਬੀ ਦੇ ਪ੍ਰਸਿੱਧ ਸਿੱਖਿਆ ਸ਼ਾਸਤਰੀ,ਸਮਾਜ ਸੇਵੀ ਅਤੇ ਸਾਹਿਤਕਾਰ ਸ.ਈਸ਼ਰ ਸਿੰਘ ਸੋਬਤੀ ਦੇ ਸਾਹਿਤਕ ਸਫਰ ਨਾਲ ਸਾਂਝ ਪਾਉਣ ਅਤੇ ਵਿਦਿਆਰਥਣਾਂ ਦੀ ਸਾਹਿਤ-ਪ੍ਰਤੀ ਚੇਤਨਾ ਨੂੰ ਪ੍ਰਚੰਡ ਕਰਨ ਦੇ ਆਸ਼ੇ ਨਾਲ ਇੱਕ ਸਾਹਿਤਕ ਸਮਾਗਮ ਦਾ ਆਯੋਜਨ ਕੀਤਾ ਗਿਆ।ਜਿਸ ਵਿੱਚ ਕਾਲਜ ਦੇ ਪ੍ਰਿੰਸੀਪਲ ਸ੍ਰੀਮਤੀ ਗੁਰਮਿੰਦਰ ਕੌਰ ਜੀ ਬਤੌਰ ਪ੍ਰਧਾਨ ਸ਼ਾਮਿਲ ਹੋਏ।ਪੰਜਾਬੀ ਵਿਭਾਗ ਦੇ ਮੁੱਖੀ ਪ੍ਰੋ.ਕ੍ਰਿਸ਼ਨ ਸਿੰਘ ਜੀ ਨੇ ਇਸ ਸਮਾਗਮ ਨੂੰ ਆਯੋਜਿਤ ਕਰਨ ਦੇ ਉਦੇਸ਼ ਬਾਰੇ ਜਾਣਕਾਰੀ ਦਿੱਤੀ ਅਤੇ ਵਿਦਿਆਰਥਣਾਂ ਨੂੰ ਅਜਿਹੇ ਸਮਾਗਮਾ ਦੀ ਮਹੱਤਤਾ ਬਾਰੇ ਚਾਨਣਾ ਪਾਇਆ ਅਤੇ ਮੁੱਖ ਮਹਿਮਾਨ ਤੇ ਆਏ ਮਹਿਮਾਨਾ ਨੂੰ ਜੀ ਆਇਆਂ ਆਖਿਆ।ਇਸ ਮੌਕੇ ਤੇ ਉੱਘੇ ਸਾਹਿਤਕਾਰ ਸ.ਕਰਮਜੀਤ ਸਿੰਘ ਔਜਲਾ,ਸੰਪਾਦਕ ਮਾਸਕ ‘ਸੇਵਾ ਲਹਿਰ’ ਵਿਸ਼ੇਸ਼ ਤੌਰ ਤੇ ਸ਼ਾਮਿਲ ਹੋਏ।ਸ.ਔਜਲਾ ਨੇ ਕਿਹਾ ਕਿ ਮੁੱਖ ਮਹਿਮਾਨ ਅਤੇ ਪਰਵਕਤਾ ਸ. ਈਸ਼ਰ ਸਿੰਘ ਸੋਬਤੀ ਜੀ ਦੀ ਕਹਾਣੀਆ ਦੀ ਪੁਸਤਕ ‘ਨੇਕੀ’ ਇੱਕ ਅਜਿਹੀ ਪੁਸਤਕ ਹੈ,ਜਿਸ ਤੇ ਡਾ.ਸੁਰਿੰਦਰ ਸਿੰਘ ਨਰੂਲਾ ਨੇ ਡੀ.ਲਿਟ ਦੀ ਡਿਗਰੀ ਪ੍ਰਾਪਤ ਕੀਤੀ ਹੈ।ਸ.ਸੋਬਤੀ ਜੀ ਦਾ ਜੀਵਨ ਇੱਕ ਜੀਵੰਤ ਇਤਿਹਾਸ ਹੈ।ਉਹ ਪੰਡਿਤ ਜਵਾਹਰ ਲਾਲ ਨਹਿਰੂ,ਸ.ਪ੍ਰਤਾਪ ਸਿੰਘ ਕੈਰੋਂ,ਵੱਲਭ ਭਾਈ ਪਟੇਲ ਜੀ ਨਾਲ ਉਨਾਂ ਦੇ ਨਿਕਟ ਸੰਬੰਧਾਂ ਬਾਰੇ ਵੀ ਜਾਣਕਾਰੀ ਦਿੱਤੀ।
              ਇਸ ਸਮਾਗਮ ਵਿੱਚ ਸ.ਸੋਬਤੀ ਜੀ ਨੇ ਆਪਣੇ ਭਾਸ਼ਨ ਦੌਰਾਨ ਆਪਣੇ ਜੀਵਨ ਦੇ ਲੰਬੇ ਸਫਰ ਦੇ ਤਜਰਬੇ ਸਾਂਝੇ ਕੀਤੇ ਅਤੇ ਸਾਹਿਤ-ਰਚਨਾ ਪ੍ਰਤੀ ਆਪਣੇ ਦ੍ਰਿਸ਼ਟੀਕੋਣ ਬਾਰੇ ਵਿਸ਼ੇਸ਼ ਜਾਣਕਾਰੀ ਦਿੱਤੀ।ਉਨਾਂ ਨੇ ਆਪਣੇ ਰਚੇ ਸਾਹਿਤ ਦੀਆਂ ਪ੍ਰਕਾਸ਼ਿਤ ਪੁਸਤਕਾਂ ਵਿੱਚੋ ਐਮ.ਏ ਦੇ ਸਮੂਹ ਵਿੱਦਿਆਰਥੀਆਂ ਨੂੰ ਇੱਕ-ਇੱਕ ਪੁਸਤਕ ਭੇਂਟ ਕੀਤੀ।ਸ.ਕਰਮਜੀਤ ਸਿੰਘ ਔਜਲਾ ਜੀ ਨੇ ਵੀ ਵਿਦਿਆਰਥਣਾਂ ਨੂੰ ਸਾਹਿਤ-ਪੜ੍ਹਨ ਅਤੇ ਸਾਹਿਤ-ਰਚਨਾ ਦੀ ਪ੍ਰੇਰਨਾ ਦਿੱਤੀ।
              ਕਾਲਜ ਦੇ ਪ੍ਰਿੰਸੀਪਲ ਸ੍ਰੀਮਤੀ ਗੁਰਮਿੰਦਰ ਕੌਰ ਜੀ ਨੇ ਸਮਾਗਮ ਪ੍ਰਤੀ ਆਪਣੇ ਵਿਚਾਰ ਪ੍ਰਗਟ ਕਰਦਿਆਂ ਕਿਹਾ ਕਿ ਅਜਿਹੇ ਸਮਾਗਮ ਵਿਦਿਆਰਥੀਆਂ ਦੇ ਅਕਾਦਮਿਕ ਵਿਕਾਸ ਲਈ ਬਹੁਤ ਜ਼ਰੂਰੀ ਹਨ।ਮਹਾਨ ਤਜਰਬੇ ਦੇ ਮਾਲਕ ਬੁੱਧੀਜੀਵੀ ਲੇਖਕਾਂ ਦੇ ਸਨਮੁੱਖ ਹੋ ਕੇ ਵਿਦਿਆਰਥੀ ਆਪਣੀ ਜੀਵਨ-ਸੇਧ ਪ੍ਰਾਪਤ ਕਰਦੇ ਹਨ ਅਤੇ ਇਹ ਸੇਧ ਉਨਾਂ ਦੇ ਲਕਸ਼ ਨਿਰਧਾਰਨ ਕਰਕੇ ਕਾਮਯਾਬ ਹੋਣ ਲਈ ਯਤਨਸ਼ੀਲ ਕਰਦੀ ਹੈ।ਸਮੂਹ ਵਿਦਿਆਰਥਣਾਂ ਨੇ ਸਮੁੱਚੇ ਸਮਾਗਮ ਵਿੱਚ ਭਰਪੂਰ ਦਿਲਚਸਪੀ ਵਿਖਾਈ ਅਤੇ ਪ੍ਰਸ਼ਨ ਪੁੱਛੇ।
              ਅਖੀਰ ਵਿੱਚ ਸ.ਈਸ਼ਰ ਸਿੰਘ ਸੋਬਤੀ, ਉਨਾਂ ਦੀ ਧਰਮ ਪਤਨੀ ਸ੍ਰਮਤੀ ਹਰਸਰਨ ਕੌਰ,ਸ.ਕਰਮਜੀਤ ਸਿੰਘ ਔਜਲਾ ਜੀ ਨੂੰ ਸਨਮਾਨ ਚਿੰਨ੍ਹ ਦੇ ਕੇ ਸਨਮਾਨਿਤ ਕੀਤਾ ਗਿਆ।ਅਖੀਰ ਵਿੱਚ ਪ੍ਰੋ.ਪਰਮਜੀਤ ਕੌਰ ਨੇ ਸਮਾਗਮ ਨੂੰ ਨੇਪਰੇ ਚਾੜਨ ਲਈ ਸਭ ਦਾ ਧੰਨਵਾਦ ਕੀਤਾ।ਇਸ ਮੌਕੇ ਤੇ ਪ੍ਰੋ.ਗੁਰਵਿੰਦਰ ਕੌਰ, ਪ੍ਰੋ.ਨਿਰਮਲਜੀਤ ਕੌਰ, ਪ੍ਰੋ.ਉੱਤਮਦੀਪ ਕੌਰ, ਪ੍ਰੋ.ਹਰਪ੍ਰੀਤ ਕੌਰ, ਪ੍ਰੋ.ਅਨੀਤਾ, ਪ੍ਰੋ.ਰੁਪਿੰਦਰਜੀਤ ਕੌਰ, ਪ੍ਰੋ.ਕਮਲਜੀਤ ਕੌਰ ਵੀ ਹਾਜ਼ਰ ਰਹੇ।ਸਾਰਾ ਸਮਾਗਮ ਐਮ.ਏ ਪੰਜਾਬੀ ਦੀਆਂ ਵਿਦਿਆਰਥਣਾਂ ਲਈ ਭਰਪੂਰ ਲਾਹੇਵੰਦ ਸਾਬਿਤ ਹੋਇਆ।

Saturday, October 05, 2013

PAU ਖਬਰਨਾਮਾ//ਸਥਾਈ ਖੇਤੀ ਸੰਬੰਧੀ ਮੁਹਿੰਮ///ਪੰਜਾਬ ਸਕਰੀਨ

ਆਸਟਰੇਲੀਆ ਦੇ ਸਹਿਯੋਗ ਨਾਲ PAU ਵੱਲੋਂ  ਪ੍ਰੋਗਰਾਮ ਜਾਰੀ--ਪੰਜਾਬ ਸਕਰੀਨ ਵਿਸ਼ੇਸ਼ 
ਲੁਧਿਆਣਾ  4 ਅਕਤੂਬਰ: (ਵਿਸ਼ਾਲ//ਪੰਜਾਬ ਸਕਰੀਨ): ਆਸਟਰੇਲੀਆ ਦੇ ਅੰਤਰਰਾਸ਼ਟਰੀ ਖੇਤੀਬਾੜੀ ਖੋਜ ਕੇਂਦਰ (ਏ ਸੀ ਆਈ ਏ ਆਰ) ਵੱਲੋਂ ਬਿਨਾਂ ਵਹਾਈ ਝੋਨੇ ਨੂੰ ਉਤਸ਼ਾਹਿਤ ਕਰਨ ਲਈ ਇਕ ਪ੍ਰੋਗਰਾਮ ਪੰਜਾਬ ਐਗਰੀਕਲਚਰਲ ਯੂਨੀਵਰਸਿਟੀ ਦੇ ਐਗਰੋਨੌਮੀ ਡਿਪਾਰਟਮੈਂਟ ਦੇ ਸਹਿਯੋਗ ਨਾਲ ਚਲਾਇਆ ਜਾ ਰਿਹਾ ਹੈ। ਇਸ ਬਾਰੇ ਜਾਣਕਾਰੀ ਦਿੰਦਿਆਂ ਯੂਨੀਵਰਸਿਟੀ ਦੇ ਵਿਗਿਆਨੀ ਡਾ: ਮੱਖਣ ਸਿੰਘ ਭੁੱਲਰ ਨੇ ਦੱਸਿਆ ਕਿ ਇਸ ਪ੍ਰੋਗਰਾਮ ਤਹਿਤ ਪੰਜਾਬ ਅਤੇ ਹਰਿਆਣਾ ਵਿੱਚ ਸਿੱਧੀ ਬੀਜਾਈ ਨੂੰ ਉਤਸ਼ਾਹਿਤ ਕਰਨ ਲਈ ਸਥਾਨਿਕ ਕਿਸਾਨਾਂ ਨੂੰ ਇਸ ਵਿਧੀ ਨੂੰ ਅਪਣਾਉਣ ਲਈ ਪ੍ਰੇਰਿਆ  ਜਾਵੇਗਾ। ਉਨਾਂ ਕਿਹਾ ਕਿ ਇਸ ਸਬੰਧ ਵਿੱਚ ਆਸਟਰੇਲੀਆ ਵਿੱਚ ਇੱਕ ਦਸ ਰੋਜ਼ਾ ਵਰਕਸ਼ਾਪ ਦਾ ਵੀ ਆਯੋਜਨ ਕੀਤਾ ਗਿਆ। ਆਸਟਰੇਲੀਆ ਤੋਂ ਵਿਗਿਆਨੀ ਅਤੇ ਪ੍ਰੋਜੈਕਟ ਲੀਡਰ ਡਾ: ਗੁਰਜੀਤ ਸਿੰਘ ਨੇ ਦੱਸਿਆ ਕਿ ਭਾਰਤ ਦੇ ਵੱਖ ਵੱਖ ਸੂਬਿਆਂ ਤੋਂ ਵਿਗਿਆਨੀਆਂ ਨੂੰ ਇਸ ਵਰਕਸ਼ਾਪ ਦੌਰਾਨ ਸਿੱਧੀ ਬੀਜਾਈ ਸੰਬੰਧੀ ਤਕਨੀਕੀ ਜਾਣਕਾਰੀ ਪ੍ਰਦਾਨ ਕੀਤੀ ਗਈ। ਉਨਾਂ ਦੱਸਿਆ ਕਿ ਇਸ ਪ੍ਰੋਜੈਕਟ ਤਹਿਤ ਕੁਝ ਕਿਸਾਨਾਂ ਨੂੰ ਇਸ ਵਿਧੀ ਬਾਰੇ ਜਾਣਕਾਰੀ ਦਿੱਤੀ ਜਾਂਦੀ ਅਤੇ ਬਾਅਦ ਵਿੱਚ ਇਹ ਚੁਣੇ ਹੋਏ ਕਿਸਾਨ ਦੂਜਿਆਂ ਲਈ ਪ੍ਰੇਰਨਾ ਸਰੋਤ ਬਣਦੇ ਹਨ। ਇਨਾਂ ਚੁਣੇ ਗਏ ਕਿਸਾਨਾਂ ਨੂੰ ਚੈਪੀਅਨ ਕਿਸਾਨਾਂ ਦਾ ਨਾਂ ਦਿੱਤਾ ਗਿਆ ਹੈ। ਉਨਾਂ ਕਈ ਕਿਸਾਨਾਂ ਦਾ ਹਵਾਲਾ ਦਿੰਦੇ ਹੋਏ ਦੱਸਿਆ ਕਿ ਇਸ ਵਿਧੀ ਨੂੰ ਅਪਣਾਅ ਕੇ ਬਹੁਤ ਸਾਰੇ ਕਿਸਾਨ ਚੌਖਾ ਲਾਹਾ ਲੈ ਰਹੇ ਹਨ ਅਤੇ ਇਹ ਵਿਧੀ ਕੁਦਰਤੀ ਸੋਮਿਆਂ ਦੇ ਰੱਖ ਰਖਾਓ ਵੱਲ ਚੰਗੇਰਾ ਯੋਗਦਾਨ ਪਾ ਰਹੀ ਹੈ। ਇਸ ਪ੍ਰੋਜੈਕਟ ਤਹਿਤ ਚੈਪੀਅਨ ਕਿਸਾਨਾਂ ਦੇ ਖੇਤਾਂ ਵਿੱਚ ਵੱਖ ਵੱਖ ਖੇਤ ਦਿਵਸਾਂ ਦਾ ਆਯੋਜਨ ਵੀ ਕੀਤਾ ਗਿਆ।
ਸੂਖ਼ਮ ਖੇਤੀ ਵੱਲ ਵਧਣਾ ਸਮੇਂ ਦੀ ਮੁੱਖ ਮੰਗ-ਡਾ: ਸੰਧੂ
ਲੁਧਿਆਣਾ: 4 ਅਕਤੂਬਰ (ਵਿਸ਼ਾਲ//ਪੰਜਾਬ ਸਕਰੀਨ):ਖੇਤੀਬਾੜੀ ਕਮਿਸ਼ਨਰ ਭਾਰਤ ਸਰਕਾਰ ਡਾ: ਜੀਤ ਸਿੰਘ ਸੰਧੂ ਨੇ ਪੰਜਾਬ ਐਗਰੀਕਲਚਰਲ ਯੂਨੀਵਰਸਿਟੀ ਦਾ ਦੌਰਾ ਕੀਤਾ। ਆਪਣੇ ਸੰਖੇਪ ਜਿਹੇ ਦੌਰੇ ਦੌਰਾਨ ਉਨਾਂ ਯੂਨੀਵਰਸਿਟੀ ਵੱਲੋਂ ਕੀਤੇ ਜਾ ਰਹੇ ਖੋਜ ਕਾਰਜਾਂ ਦਾ ਮੁਆਇਨਾ ਕੀਤਾ। ਵਿਸ਼ੇਸ਼ ਤੌਰ ਤੇ ਇਸ ਦੌਰੇ ਦੌਰਾਨ ਯੂਨੀਵਰਸਿਟੀ ਦੇ ਨਿਰਦੇਸ਼ਕ ਖੋਜ ਡਾ: ਸਤਬੀਰ ਸਿੰਘ ਗੋੋਸਲ, ਅਪਰ ਨਿਰਦੇਸ਼ਕ ਪਸਾਰ ਸਿੱਖਿਆ ਡਾ: ਹਰਜੀਤ ਸਿੰਘ ਧਾਲੀਵਾਲ ਅਤੇ ਯੂਨੀਵਰਸਿਟੀ ਦੇ ਵਿਗਿਆਨੀ ਵੀ ਹਾਜ਼ਰ ਸਨ। ਯੂਨੀਵਰਸਿਟੀ ਵੱਲੋਂ ਕੀਤੇ ਜਾ ਰਹੇ ਖੋਜ ਕਾਰਜਾਂ ਦੀ ਡਾ: ਸੰਧੂ ਨੇ ਭਰਪੂਰ ਸ਼ਲਾਘਾ ਕਰਦਿਆਂ ਕਿਹਾ ਕਿ ਭਵਿੱਖ ਵਿੱਚ ਆਰਥਿਕ ਪੱਖੋਂ ਕਟੌਤੀ ਕਰਨ ਵਾਲੀਆਂ ਵਿਧੀਆਂ ਦਾ ਇਜਾਦ ਕਰਨਾ ਸਮੇਂ ਦੀ ਮੁੱਖ ਮੰਗ ਹੈ। ਅਦਾਰਿਆਂ ਵੱਲੋਂ ਵਿਕਸਤ ਤਕਨਾਲੋਜੀ ਅਤੇ ਨਵੀਆਂ ਵਿਧੀਆਂ ਵਾਤਾਵਰਨ ਹਿਤੈਸ਼ੀ ਹੋਣੀਆਂ ਚਾਹੀਦੀਆਂ ਹਨ। ਉਨਾਂ ਕਿਹਾ ਕਿ ਸਾਨੂੰ ਵਿਸ਼ੇਸ਼ ਤੌਰ ਤੇ ਭਵਿੱਖ ਵਿੱਚ ਸੂਖ਼ਮ ਖੇਤੀ ਵੱਲ ਵਧਣਾ ਚਾਹੀਦਾ ਹੈ ਕਿਉਂਕਿ ਇਹ ਸਮੇਂ ਦੀ ਮੁੱਖ ਮੰਗ ਹੈ। ਉਨਾਂ ਕਿਹਾ ਕਿ ਇਸ ਨਾਲ ਅਸੀਂ ਕੁਦਰਤੀ ਸੋਮਿਆਂ ਦੀ ਸੰਜਮ ਨਾਲ ਵਰਤੋਂ ਕਰ ਸਕਦੇ ਹਾਂ ਅਤੇ ਵਾਤਾਵਰਨ ਨੂੰ ਪਲੀਤ ਹੋਣ ਤੋਂ ਬਚਾ ਸਕਦੇ ਹਾਂ। ਉਨਾਂ ਕਿਹਾ ਕਿ ਸੂਖ਼ਮ ਖੇਤੀ ਨਾਲ ਅਸੀਂ ਘੱਟ ਖਰਚਿਆਂ ਨਾਲ ਵੱਧ ਝਾੜ ਵੀ ਪ੍ਰਾਪਤ ਕਰਦੇ ਹਾਂ।
ਡਾ: ਸੰਧੂ ਨੂੰ ਵਿਸੇਸ਼ ਤੌਰ ਤੇ ਵੱਖ ਵੱਖ ਫ਼ਸਲਾਂ ਦੇ ਕੀਤੇ ਜਾ ਤਜਰਬਿਆਂ ਦੇ ਪਲਾਟਾਂ ਦਾ ਦੌਰਾ ਵੀ ਕਰਵਾਇਆ ਗਿਆ। 

Sunday, September 29, 2013

ਸ਼੍ਰੋ ਅਕਾਲੀ ਦਲ ਅਤੇ ਭਾਜਪਾ ਦੀ ਸਰਕਾਰ ਨੇ ਹੀ ਲੋਕਾਂ ਦੀ ਸੁਣੀ

Sun, Sep 29, 2013 at 4:00 PM 
ਗਰੀਬ ਵਰਗ ਦੀ ਭਲਾਈ ਲਈ ਲਾਗੂ ਕੀਤੀਆਂ ਕਈ ਸਕੀਮਾਂ-ਰਣੀਕੇ 
• ਗਰੀਬ ਵਰਗ ਦੇ 30 ਲੱਖ ਪਰਿਵਾਰਾਂ ਨੂੰ ਆਟਾ ਦਾਲ ਸਕੀਮ ਦਾ ਲਾਭ ਦਿੱਤਾ ਜਾਵੇਗਾ
• ਕੇਂਦਰ ਦੀਆਂ ਕਾਂਗਰਸ ਸਰਕਾਰਾਂ ਨੇ ਹਮੇਸ਼ਾ ਗਰੀਬ ਵਰਗ ਦਾ ਸ਼ੋਸ਼ਣ ਕੀਤਾ
ਸ: ਗੁਲਜ਼ਾਰ ਸਿੰਘ ਰਣੀਕੇ ਪਸ਼ੂ ਪਾਲਣ, ਮੱਛੀ ਪਾਲਣ, ਡੇਅਰੀ ਵਿਕਾਸ ਤੇ ਅਨੁਸੂਚਿਤ ਜਾਤੀ ਤੇ ਪਛੜੀਆਂ ਸ਼੍ਰੇਣੀਆਂ ਭਲਾਈ ਮੰਤਰੀ ਪੰਜਾਬ ਗੁਰਦੁਆਰਾ ਸ੍ਰੀ ਮੰਜੀ ਸਾਹਿਬ ਆਲਮਗੀਰ (ਲੁਧਿਆਣਾ) ਆਯੋਜਿਤ ਮੀਟਿੰਗ ਨੂੰ ਸੰਬੋਧਨ ਕਰਦੇ ਹੋਏ।
ਸ: ਗੁਲਜ਼ਾਰ ਸਿੰਘ ਰਣੀਕੇ ਪਸ਼ੂ ਪਾਲਣ, ਮੱਛੀ ਪਾਲਣ, ਡੇਅਰੀ ਵਿਕਾਸ ਤੇ ਅਨੁਸੂਚਿਤ ਜਾਤੀ ਤੇ ਪਛੜੀਆਂ ਸ਼੍ਰੇਣੀਆਂ ਭਲਾਈ ਮੰਤਰੀ ਪੰਜਾਬ ਨੂੰ ਗੁਰਦੁਆਰਾ ਸ੍ਰੀ ਮੰਜੀ ਸਾਹਿਬ ਆਲਮਗੀਰ (ਲੁਧਿਆਣਾ) ਵਿਖੇ ਆਯੋਜਿਤ ਮੀਟਿੰਗ ਦੌਰਾਨ ਜਿਲਾ ਅਨੁਸੂਚਿਤ ਜਾਤੀ ਵਿੰਗ ਸ੍ਰਅਕਾਲੀ ਦਲ ਦੇ ਅਹੁਦੇਦਾਰ ਸਨਮਾਨਿਤ ਕਰਦੇ ਹੋਏ। 
ਲੁਧਿਆਣਾ 29 ਸਤੰਬਰ 2013:(ਵਿਸ਼ਾਲ ਗੁਪਤਾ//ਪੰਜਾਬ ਸਕਰੀਨ) ਮੁੱਖ ਮੰਤਰੀ ਪੰਜਾਬ ਸ. ਪਰਕਾਸ਼ ਸਿੰਘ ਬਾਦਲ ਦੀ ਗਤੀਸੀਲ ਅਗਵਾਈ ਵਾਲੀ ਸ੍ਰਅਕਾਲੀ ਦਲ-ਭਾਜਪਾ ਸਰਕਾਰ ਵੱਲੋਂ ਅਨੁਸੂਚਿਤ ਜਾਤੀ ਤੇ ਪਛੜੀ ਸ੍ਰੇਣੀਆਂ ਵਰਗ ਦੇ ਲੋਕਾਂ ਨੂੰ ਅਨੇਕਾਂ ਭਲਾਈ ਸਕੀਮਾਂ ਤਹਿਤ ਵੱਡੀਆਂ ਸਹੂਲਤਾਂ ਪ੍ਰਦਾਨ ਕੀਤੀਆਂ ਜਾ ਰਹੀਆਂ ਹਨ, ਜਦਕਿ ਲੰਬਾ ਸਮਾਂ ਰਾਜ ਕਰਨ ਵਾਲੀ ਕਾਂਗਰਸ ਸਰਕਾਰ ਨੇ ਇਹਨਾਂ ਵਰਗਾਂ ਦੇ ਲੋਕਾਂ ਦੀ ਭਲਾਈ ਲਈ ਕੋਈ ਉਪਰਾਲਾ ਨਹੀਂ ਕੀਤਾ। ਪੰਜਾਬ ਸਰਕਾਰ ਆਟਾ ਦਾਲ ਸਕੀਮ ਦਾ ਲਾਭ ਹੋਰ ਵਧੇਰੇ ਗਰੀਬ ਵਰਗ ਦੇ ਲੋਕਾਂ ਨੂੰ ਪਹੁੰਚਾਉਣ ਲਈ 30 ਲੱਖ ਪਰਿਵਾਰਾਂ ਨੂੰ ਇਸ ਸਕੀਮ ਦੇ ਘੇਰੇ ਵਿੱਚ ਲਿਆਦਾ ਜਾਵੇਗਾ। ਪੇਂਡੂ ਖੇਤਰ ਦੇ ਦਸਵੀਂ ਜਮਾਤ ਵਿੱਚ 80 ਫੀਸਦੀ ਤੋਂ ਵੱਧ ਅੰਕ ਲੈਣ ਵਾਲੇ ਹੁਸ਼ਿਆਰ ਵਿਦਿਆਰਥੀਆਂ ਨੂੰ 30 ਹਜ਼ਾਰ ਰੁਪਏ ਸਾਲਾਨਾ ਵਜ਼ੀਫ਼ਾਂ ਦਿੱਤਾ ਜਾਂਦਾ ਹੈ।    
 ਇਹ ਪ੍ਰਗਟਾਵਾ ਸ: ਗੁਲਜ਼ਾਰ ਸਿੰਘ ਰਣੀਕੇ ਪਸ਼ੂ ਪਾਲਣ, ਮੱਛੀ ਪਾਲਣ, ਡੇਅਰੀ ਵਿਕਾਸ ਤੇ ਅਨੁਸੂਚਿਤ ਜਾਤੀ ਤੇ ਪਛੜੀਆਂ ਸ਼੍ਰੇਣੀਆਂ ਭਲਾਈ ਮੰਤਰੀ ਪੰਜਾਬ ਅਤੇ ਪ੍ਰਧਾਨ ਅਨੂਸੂਚਿਤ ਜਾਤੀ ਵਿੰਗ ਸ਼੍ਰੋਮਣੀ ਅਕਾਲੀ ਦਲ ਨੇ ਅੱਜ ਇੱਥੇ ਗੁਰਦੁਆਰਾ ਸ੍ਰੀ ਮੰਜੀ ਸਾਹਿਬ ਆਲਮਗੀਰ ਵਿਖੇ ਜੱਥੇਬੰਦੀ ਨੂੰ ਮਜ਼ਬੂਤ ਕਰਨ ਅਤੇ ਅਨੁਸੂਚਿਤ ਜਾਤੀ ਤੇ ਪਛੜੀਆਂ ਸ਼੍ਰੇਣੀਆਂ ਦੀ ਭਲਾਈ ਲਈ ਪੰਜਾਬ ਸਰਕਾਰ ਵੱਲੋਂ ਚਲਾਈਆਂ ਜਾ ਰਹੀਆਂ ਸਕੀਮਾਂ ਬਾਰੇ ਵੱਧ ਤੋਂ ਵੱਧ ਲੋਕਾਂ ਨੂੰ ਜਾਗਰੂਕ ਕਰਨ ਲਈ ਜਿਲਾ ਸ਼੍ਰੋ ਅਕਾਲੀ ਦਲ ਦੇ ਅਨੁਸੂਚਿਤ ਜਾਤੀ ਵਿੰਗ ਦੀ ਵਿਸ਼ਾਲ ਮੀਟਿੰਗ ਦੀ ਪ੍ਰਧਾਨਗੀ ਕਰਦਿਆਂ ਕੀਤਾ। ਉਹਨਾਂ ਪਾਰਟੀ ਵਰਕਰਾਂ ਨੂੰ ਸੱਦਾ ਦਿੱਤਾ ਕਿ ਗਰੀਬ ਵਰਗ ਦੇ ਜੀਵਨ ਨੂੰ ਉੱਚਾ ਚੁੱਕਣ ਲਈ ਸਰਕਾਰ ਵੱਲੋਂ ਚਲਾਈਆ ਜਾ ਰਹੀਆ ਸਕੀਮਾਂ ਦਾ ਲਾਭ ਘਰ-ਘਰ ਤੱਕ ਪਹੁੰਚਾਉਣ ਵਾਸਤੇ ਹੇਠਲੇ ਪੱਧਰ ਤੱਕ ਲੋਕਾਂ ਨੂੰ ਜਾਗਰੂਕ ਕੀਤਾ ਜਾਵੇ। 
 ਸ: ਰਣੀਕੇ ਨੇ ਦੱਸਿਆ ਕਿ ਸਰਕਾਰ ਵੱਲੋਂ ਇਹਨਾਂ ਵਰਗਾਂ ਦੇ ਲੋਕਾਂ ਲਈ ਸਗਨ ਸਕੀਮ, ਪੈਨਸ਼ਨ ਸਕੀਮ, ਮਾਈ ਭਾਗੋ ਵਿੱਦਿਆ ਸਕੀਮ ਤਹਿਤ ਲੜਕੀਆਂ ਨੂੰ ਸਾਈਕਲ ਪ੍ਰਦਾਨ ਕਰਨਾ, ਗਰੀਬ ਤੇ ਹੁਸ਼ਿਆਰ ਬੱਚਿਆਂ ਲਈ ਸਹੂਲਤਾਂ ਅਤੇ ਹੋਰ ਅਨੇਕਾਂ ਭਲਾਈ ਸਕੀਮਾਂ ਸ਼ੁਰੂ ਕਰਕੇ ਇਹਨਾਂ ਲੋਕਾਂ ਦਾ ਮਾਣ ਵਧਾਇਆ ਹੈ, ਜਦਕਿ ਕੇਂਦਰ ਦੀ ਕਾਂਗਰਸ ਸਰਕਾਰ ਨੇ ਇਹਨਾਂ ਲੋਕਾਂ ਨੂੰ ਲਾਰਿਆਂ, ਭੁੱਖ-ਮਰੀ, ਗਰੀਬੀ, ਬੇਰੋਜ਼ਗਾਰੀ ਅਤੇ ਮਹਿੰਗਾਈ ਤੋ ਸਿਵਾਏ ਕੁੱਝ ਨਹੀਂ ਦਿੱਤਾ ਅਤੇ ਇਹਨਾਂ ਲੋਕਾਂ ਦਾ ਕੇਵਲ ਸਮਾਜਿਕ ਤੇ ਆਰਥਿਕ ਸੋਸ਼ਣ ਕੀਤਾ। ਸ: ਰਣੀਕੇ ਨੇ ਕਿਹਾ ਕਿ ਸ਼੍ਰੋਮਣੀ ਅਕਾਲੀ ਦਲ ਭਾਜਪਾ ਸਰਕਾਰ ਨੂੰ ਦੋਬਾਰਾ ਸੱਤਾ 'ਚ ਲਿਆਉਣ ਲਈ ਗਰੀਬ ਵਰਗ ਦੇ ਲੋਕਾਂ ਨੇ ਵੱਡਾ ਯੋਗਦਾਨ ਪਾਇਆ ਹੈ। ਉਹਨਾਂ ਕਿਹਾ ਕਿ ਸ਼੍ਰੋਮਣੀ ਅਕਾਲੀ ਦਲ-ਭਾਜਪਾ ਆਉਣ ਵਾਲੀਆਂ ਲੋਕ ਸਭਾ ਚੋਣਾਂ 'ਚ ਸਾਰੀਆਂ ਸੀਟਾਂ 'ਤੇ ਵੱਡੀ ਜਿੱਤ ਹਾਸਲ ਕਰੇਗਾ।
 ਸ: ਰਣੀਕੇ ਨੇ ਕਿਹਾ ਕਿ ਪੰਜਾਬ ਸਰਕਾਰ ਨੇ ਮਹਾਨ ਗੁਰੂਆਂ, ਪੀਰਾਂ-ਫਕੀਰਾਂ, ਦੇਸ-ਭਗਤਾਂ ਅਤੇ ਯੋਧਿਆਂ ਦੀਆਂ ਯਾਦਗਾਰਾਂ ਸਥਾਪਿਤ ਕਰਕੇ ਉਹਨਾਂ ਨੂੰ ਵੱਡਾ ਮਾਣ ਦਿੱਤਾ ਹੈ। ਉਹਨਾਂ ਕਿਹਾ ਕਿ ਪੰਜਾਬ ਸਰਕਾਰ ਵੱਲੋਂ ਰਾਜ ਵਿੱਚ ਵਿਕਾਸ ਪ੍ਰੋਜੈਕਟਾਂ ਦੇ ਨਾਲ-ਨਾਲ ਕਰੋੜਾਂ ਰੁਪਏ ਦੀ ਲਾਗਤ ਵਾਲਾ ਹੁਸਿਆਰਪੁਰ ਵਿਖੇ ਭਗਤ ਗੁਰੂ ਰਵਿਦਾਸ ਜੀ ਦਾ ਮੰਦਿਰ ਬਣਾਇਆ ਜਾ ਰਿਹਾ ਹੈ। ਸੰਗਰੂਰ ਵਿਖੇ ਭਾਈ ਲਾਲੋ ਜੀ ਦੀ ਯਾਦਗਾਰ ਸਥਾਪਿਤ ਕੀਤੀ ਜਾਵੇਗੀ ਅਤੇ ਵਿਰਾਸਤ-ਏ-ਖਾਲਸਾ ਸ਼੍ਰੀ ਆਨੰਦਪੁਰ ਸਾਹਿਬ ਵਿਖੇ ਰੰਗਰੇਟੇ ਗੁਰੂ ਕੇ ਬੇਟੇ ਬਾਬਾ ਜੀਵਨ ਸਿੰਘ (ਭਾਈ ਜੈਤਾ ਜੀ) ਜੀ ਦੀ ਯਾਦਗਾਰ ਬਨਾਉਣ ਲਈ ਪੰਜਾਬ ਸਰਕਾਰ ਵੱਲੋ ਜਗਾ ਦਿੱਤੀ ਗਈ ਹੈ।ਇਸ ਤੋਂ ਇਲਾਵਾ ਉਹਨਾਂ ਦੱਸਿਆ ਕਿ ਸ੍ਰੀ ਅੰਮ੍ਰਿਤਸਰ ਸਾਹਿਬ ਵਿਖੇ 125 ਕਰੋੜ ਰੁਪਏ ਦੀ ਲਾਗਤ ਨਾਲ ਬਣਨ ਵਾਲੇ ਭਗਵਾਨ ਸ੍ਰੀ ਵਾਲਮੀਕਿ ਜੀ ਦੇ ਮੰਦਿਰ ਦਾ ਨੀਂਹ ਪੱਥਰ ਪੰਜਾਬ ਦੇ ਮੁੱਖ ਮੰਤਰੀ ਸ: ਪਰਕਾਸ਼ ਸਿੰਘ ਬਾਦਲ ਵੱਲੋਂ 18 ਅਕਤੂਬਰ ਨੂੰ ਰੱਖਿਆ ਜਾ ਰਿਹਾ ਹੈ, ਜਿਸ 'ਚ ਉਹਨਾਂ ਲੋਕਾਂ ਨੂੰ ਵੱਧ ਚੜ੍ਹ ਕੇ ਸ਼ਾਮਲ ਹੋਣ ਦੀ ਅਪੀਲ ਕੀਤੀ।  
 ਬਾਅਦ ਵਿੱਚ ਪੱਤਰਕਾਰਾਂ ਨਾਲ ਗੱਲ ਕਰਦਿਆਂ ਸ: ਰਣੀਕੇ ਨੇ ਕਿਹਾ ਕਿ ਪੰਜਾਬ ਸਰਕਾਰ ਨੇ ਪਾਰਦਰਸ਼ੀ ਢੰਗ ਨਾਲ ਜਿੱਥੇ ਹਜ਼ਾਰਾਂ ਦੀ ਗਿਣਤੀ ਵਿੱਚ ਸਿੱਖਿਆ ਵਿਭਾਗ ਵਿੱਚ ਅਧਿਆਪਕ, ਪੁਲਿਸ ਅਤੇ ਹੋਰ ਵਿਭਾਗਾਂ ਦੀਆ ਖਾਲੀ ਆਸਾਮੀਆਂ 'ਤੇ ਭਰਤੀ ਕੀਤੀ, ਉੱਥੇ ਨੌਜਵਾਨਾਂ ਨੂੰ ਸਵੈ-ਰੋਜ਼ਗਾਰ ਮੁਹੱਈਆ ਕਰਵਾਉਣ ਲਈ ਡੇਅਰੀ ਫਾਰਮਿੰਗ, ਸੂਰ ਪਾਲਣ, ਬੱਕਰੀ ਪਾਲਣ, ਮੱਛੀ ਪਾਲਣ ਆਦਿ ਸਹਾਇਕ ਧੰਦੇ ਅਪਨਾਉਣ ਲਈ ਉਤਸ਼ਾਹਤ ਕੀਤਾ ਜਾਦਾ ਹੈ। ਇਸ ਤੋਂ ਇਲਾਵਾ ਨੌਜਵਾਨਾਂ ਨੂੰ ਵੱਖ-ਵੱਖ ਧੰਦਿਆਂ ਦੀ ਟਰੇਨਿੰਗ ਦੇਣ ਦੇ ਨਾਲ-ਨਾਲ ਉਹਨਾਂ ਨੂੰ ਬੈਕਾਂ ਤੋਂ ਸਸਤੇ ਦਰ 'ਤੇ ਕਰਜ਼ੇ ਵੀ ਮੁਹੱਈਆ ਕਰਵਾਏ ਜਾਂਦੇ ਹਨ, ਜਿਹਨਾਂ ਤੇ ਗਰੀਬ ਵਰਗ ਦੇ ਲੋਕਾਂ ਨੂੰ ਸਬਸਿਡੀ ਵੀ ਦਿੱਤੀ ਜਾਂਦੀ ਹੈ। ਉਹਨਾਂ ਨੋਜਵਾਨਾਂ ਨੂੰ ਪੰਜਾਬ ਸਰਕਾਰ ਵੱਲੋਂ ਦਿੱਤੀਆਂ ਜਾ ਰਹੀਆਂ ਸਹੂਲਤਾਂ ਦਾ ਵੱਧ ਤੋਂ ਵੱਧ ਲਾਭ ਉਠਾ ਕੇ ਸਹਾਇਕ ਧੰਦੇ ਅਪਨਾਉਣ ਦੀ ਅਪੀਲ ਕੀਤੀ ਤਾਂ ਜੋ ਉਹ ਆਪਣਾ ਜੀਵਨ ਪੱਧਰ ਹੋਰ ਉੱਚਾ ਚੁੱਕ ਸਕਣ।
 ਇਸ ਮੀਟਿੰਗ ਨੂੰ ਸ: ਮਨਪ੍ਰੀਤ ਸਿੰਘ ਇਆਲੀ, ਸ. ਦਰਸ਼ਨ ਸਿੰਘ ਸ਼ਿਵਾਲਿਕ, ਸ੍ਰੀ ਐਸ.ਆਰ.ਕਲੇਰ ਅਤੇ ਸ੍ਰੀ ਬਲਵਿੰਦਰ ਸਿੰਘ ਬੈਸ (ਚਾਰੋ ਵਿਧਾਇਕ), ਸ੍ਰੀ ਰਣਜੀਤ ਸਿੰਘ ਤਲਵੰਡੀ, ਸ੍ਰੀ ਬਿਕਰਮਜੀਤ ਸਿੰਘ ਖਾਲਸਾ, ਜਗਜੀਵਨ ਸਿੰਘ ਖੀਰਨੀਆ (ਤਿੰਨੋ ਹਲਕਾ ਇੰਚਾਰਜ਼ਾਂ) ਅਤੇ ਜੱਥੇਦਾਰ ਸੰਤਾ ਸਿੰਘ ਉਮੈਦਪੁਰੀ ਜ਼ਿਲਾ ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ (ਦਿਹਾਤੀ) ਨੇ ਵੀ ਸੰਬੋਧਨ ਕੀਤਾ। ਇਸ ਮੌਕੇ 'ਤੇ ਜਿਲਾ ਅਨੁਸੂਚਿਤ ਜਾਤੀ ਵਿੰਗ ਸ਼੍ਰੋਮਣੀ ਅਕਾਲੀ ਦਲ ਦੇ ਅਹੁਦੇਦਾਰਾਂ ਵੱਲੋਂ ਸ੍ਰ. ਗੁਲਜ਼ਾਰ ਸਿੰਘ ਰਣੀਕੇ ਨੂੰ ਵਿਸ਼ੇਸ਼ ਤੌਰ ਤੇ ਸਨਮਾਨਿਤ ਕੀਤਾ ਗਿਆ।
  ਇਸ ਮੌਕੇ 'ਤੇ ਹੋਰਨਾਂ ਤੋਂ ਇਲਾਵਾ ਸ: ਭਾਗ ਸਿੰਘ ਮਾਨਗੜ ਚੇਅਰਮੈਨ ਜ਼ਿਲਾ ਪ੍ਰੀਸ਼ਦ ਅਤੇ ਜ਼ਿਲਾ ਪ੍ਰਧਾਨ ਅਨੁਸੂਚਿਤ ਜਾਤੀ ਵਿੰਗ ਸ੍ਰਅਕਾਲੀ ਦਲ, ਸ੍ਰੀ ਅਜਮੇਰ ਸਿੰਘ ਭਾਗਪੁਰ ਚੇਅਰਮੈਨ ਮਿਲਕ ਪਲਾਟ ਲੁਧਿਆਣਾ, ਬਾਬਾ ਜਗਰੂਪ ਸਿੰਘ, ਤੋਂ ਇਲਾਵਾ ਐਸ.ਜੀ.ਪੀ.ਸੀ ਮੈਬਰ, ਜ਼ਿਲਾ ਪ੍ਰੀਸ਼ਦ/ਬਲਾਕ ਸੰਮਤੀਆਂ ਦੇ ਚੇਅਰਮੈਨ ਤੇ ਉਪ-ਚੇਅਰਮੈਨ, ਵੱਖ-ਵੱਖ ਪਿੰਡਾਂ ਦੇ ਸਰਪੰਚ ਤੇ ਪੰਚ ਅਤੇ ਅਨੁਸੂਚਿਤ ਤੇ ਪਛੜੀਆਂ ਸ਼੍ਰੇਣੀਆਂ ਦੇ ਵੱਡੀ ਗਿਣਤੀ 'ਚ ਲੋਕ ਹਾਜ਼ਰ ਸਨ। 
    ---------------------------

ਫ਼ੋਟੋ ਕੈਪਸ਼ਨ(2)- 

ਨਵੇਂ ਵੋਟਰਾਂ ਵਿੱਚ ਉਤਸ਼ਾਹ:ਵੋਟਰ ਸੂਚੀਆਂ ਦੀ ਸੁਧਾਈ ਦੇ ਕੰਮ ਦਾ ਨਰੀਖਣ

Sun, Sep 29, 2013 at 4:00 PM
ਡਵੀਜ਼ਨਲ ਕਮਿਸ਼ਨਰ ਪਟਿਆਲਾ ਮੰਡਲ-ਕਮ-ਰੋਲ ਆਬਜ਼ਰਵਰ ਸ. ਅਜੀਤ ਸਿੰਘ ਪੰਨੂ ਨੇ ਕੀਤੀ ਮੀਟਿੰਗ ਦੀ ਪ੍ਰਧਾਨਗੀ 
24 ਹਜ਼ਾਰ, 400 ਨਵੇ ਵੋਟਰਾਂ ਨੇ ਭਰੇ ਵੋਟਾਂ ਬਨਾਉਣ ਲਈ ਫਾਰਮ
 ਡਵੀਜ਼ਨਲ ਕਮਿਸ਼ਨਰ ਪਟਿਆਲਾ ਮੰਡਲ-ਕਮ-ਰੋਲ ਆਬਜ਼ਰਵਰ ਸ. ਅਜੀਤ ਸਿੰਘ ਪੰਨੂ, ਬੱਚਤ ਭਵਨ ਲੁਧਿਆਣਾ ਵਿਖੇ ਵੋਟਰ ਸੂਚੀਆਂ ਦੀ ਸਰਸਰੀ ਸੁਧਾਈ ਦਾ ਨਰੀਖਣ ਕਰਨ ਸਬੰਧੀ ਰਾਜਨੀਤਿਕ ਪਾਰਟੀਆਂ ਅਤੇ ਅਧਿਕਾਰੀਆਂ ਨਾਲ ਮੀਟਿੰਗ ਕਰਦੇ ਹੋਏ।
ਲੁਧਿਆਣਾ, 29 ਸਤੰਬਰ 2013 (ਵਿਸ਼ਾਲ//ਪੰਜਾਬ ਸਕਰੀਨ): ਡਵੀਜ਼ਨਲ ਕਮਿਸ਼ਨਰ ਪਟਿਆਲਾ ਮੰਡਲ-ਕਮ-ਰੋਲ ਆਬਜ਼ਰਵਰ ਸ. ਅਜੀਤ ਸਿੰਘ ਪੰਨੂ ਨੇ ਅੱਜ ਇੱਥੇ ਬੱਚਤ ਭਵਨ ਵਿਖੇ 1 ਜਨਵਰੀ 2014 ਦੀ ਯੋਗਤਾ ਨੂੰ ਮੁੱਖ ਰੱਖਦਿਆ ਵੋਟਰ ਸੂਚੀਆਂ ਦੀ ਚੱਲ ਰਹੀ ਸਰਸਰੀ ਸੁਧਾਈ ਦਾ ਨਰੀਖਣ ਕਰਨ ਸਬੰਧੀ ਵੱਖ-ਵੱਖ ਰਾਜਨੀਤਿਕ ਪਾਰਟੀਆਂ ਦੇ ਪ੍ਰਤੀਨਿਧਾਂ, ਜਿਲਾ ਚੋਣ ਅਫਸਰ, ਸਹਾਇਕ ਚੋਣਕਾਰ ਰਜਿਸਟਰੇਸ਼ਨ ਅਫਸਰ, ਸੈਕਟਰ ਅਫਸਰ ਅਤੇ ਹੋਰ ਸਬੰਧਤ ਅਧਿਕਾਰੀਆਂ ਦੀ ਮੀਟਿੰਗ ਦੀ ਪ੍ਰਧਾਨਗੀ ਕੀਤੀ। ਸ. ਪੰਨੂ ਨੇ ਲੁਧਿਆਣਾ ਜਿਲੇ ਵਿੱਚ ਚੱਲ ਰਹੇ ਵੋਟਰ ਸੂਚੀਆਂ ਦੀ ਸਰਸਰੀ ਸੁਧਾਈ ਦੇ ਕੰਮ ਤੇ ਤਸੱਲੀ ਦਾ ਪ੍ਰਗਟਾਵਾਂ ਕੀਤਾ ਅਤੇ ਇਸ ਕੰਮ ਲਈ ਜਿਲੇ ਦੀਆਂ ਰਾਜਨੀਤਿਕ ਪਾਰਟੀਆਂ ਵੱਲੋਂ ਦਿੱਤੇ ਜਾ ਰਹੇ ਸਹਿਯੋਗ ਲਈ ਉਹਨਾਂ ਦਾ ਵਿਸ਼ੇਸ਼ ਤੌਰ ਤੇ ਧੰਨਵਾਦ ਕੀਤਾ। ਉਹਨਾਂ ਸਮੂਹ ਰਾਜਨੀਤਿਕ ਪਾਰਟੀਆਂ ਦੇ ਨੁਮਾਇੰਦਿਆਂ ਨੂੰ ਅਪੀਲ ਕੀਤੀ ਕਿ ਉਹ 18 ਤੇ 19 ਸਾਲ ਦੇ ਨੌਜਵਾਨ ਵਰਗ ਦੀਆ ਵੱਧ ਤੋਂ ਵੱਧ ਵੋਟਾਂ ਬਨਾਉਣ ਲਈ ਉਹਨਾਂ ਨੂੰ ਪ੍ਰੇਰਿਤ ਕਰਨ। ਉਹਨਾਂ ਇਸ ਮੌਕੇ ਵੱਖ-ਵੱਖ ਰਾਜਨੀਤਿਕ ਪਾਰਟੀ ਦੇ ਨੁਮਾਇੰਦਿਆਂ ਦੀਆ ਸ਼ਿਕਾਇਤਾਂ ਵੀ ਸੁਣੀਆ। ਕੁਝ ਰਾਜਨੀਤਿਕ ਨੁਮਾਇੰਦਿਆ ਨੇ ਵੋਟਰ ਸੂਚੀਆਂ ਤੇ ਵਾਰਡਾਂ ਦੇ ਨਾਮ ਗਲਤ ਅੰਕਤ ਹੋਣ ਬਾਰੇ ਧਿਆਨ ਵਿੱਚ ਲਿਆਦਾ ਜਿਸ ਸਬੰਧੀ ਕਮਿਸ਼ਨਰ ਨੇ ਡਿਪਟੀ ਕਮਿਸ਼ਨਰ ਨੂੰ ਇਹ ਮਾਮਲਾ ਚੋਣ ਕਮਿਸ਼ਨ ਦੇ ਧਿਆਨ ਵਿੱਚ ਲਿਆ ਕੇ ਹੱਲ ਕਰਵਾਉਣ ਲਈ ਕਿਹਾ। 

 ਸ. ਪੰਨੂ ਨੇ ਜਿਲੇ ਦੇ ਸਮੂਹ ਅਧਿਕਾਰੀਆਂ ਨੂੰ ਨਿਰਦੇਸ਼ ਦਿੱਤੇ ਕਿ ਵੋਟਰ ਸੂਚੀਆਂ ਦੀ ਸੁਧਾਈ ਦੇ ਕੰਮ ਵਿੱਚ ਹੋਰ ਤੇਜ਼ੀ ਲਿਆਦੀ ਜਾਵੇ ਤਾਂ ਜੋ ਕੋਈ ਵੀ ਯੋਗ ਵੋਟਰ ਵੋਟਰ ਸੂਚੀ ਵਿੱਚ ਆਪਣਾ ਨਾਮ ਦਰਜ਼ ਕਰਵਾਉਣ ਤੋਂ ਵਾਂਝਾ ਨਾ ਰਹੇ। ਇਸ ਉਪਰੰਤ ਰੋਲ ਆਬਜ਼ਰਵਰ ਨੇ ਵੱਖ-ਵੱਖ ਬੂਥਾਂ ਤੇ ਬੂਥ ਲੈਵਲ ਅਫਸਰਾਂ ਵੱਲੋਂ ਵੋਟਰਾਂ ਤੋਂ ਲਏ ਜਾ ਰਹੇ ਦਾਅਵੇ ਅਤੇ ਇਤਰਾਜ਼ ਅਤੇ ਨਵੀਂ ਵੋਟ ਬਨਾਉਣ ਵਾਲੇ ਵੋਟਰਾਂ ਦੇ ਫਾਰਮ ਲੈਣ ਦੇ ਕੰਮ ਦਾ ਵੀ ਜ਼ਾਇਜ਼ਾ ਲਿਆ। 
 ਡਿਪਟੀ ਕਮਿਸ਼ਨਰ-ਕਮ-ਜਿਲਾ ਚੋਣ ਅਫਸਰ ਸ੍ਰੀ ਰਜਤ ਅਗਰਵਾਲ ਨੇ ਦੱਸਿਆ ਕਿ 5 ਸਤੰਬਰ ਤੋਂ ਲੈ ਕੇ 27 ਸਤੰਬਰ ਤੱਕ ਜਿਲੇ ਦੇ 24 ਹਜ਼ਾਰ, 400 ਨਵੇ ਵੋਟਰਾਂ ਨੇ ਵੋਟਾਂ ਬਨਾਉਣ ਲਈ ਫਾਰਮ ਭਰੇ ਹਨ। ਉਹਨਾਂ ਦੱਸਿਆ ਕਿ ਵੋਟਰ ਸੂਚੀਆਂ ਦੀ ਸੁਧਾਈ ਸਬੰਧੀ ਜਿਲੇ ਵਿੱਚ ਸਥਾਪਤ ਕੀਤੇ ਗਏ 2623 ਪੋਲਿੰਗ ਬੂਥਾਂ ਤੇ ਬੂਥ ਲੈਵਲ ਅਫਸਰ ਤਾਇਨਾਤ ਕੀਤੇ ਗਏ ਹਨ। ਉਹਨਾਂ ਇਹਨਾਂ ਅਫਸਰਾਂ ਨੁੰ ਨਿਰਦੇਸ਼ ਦਿੱਤੇ ਕਿ ਕਿਸੇ ਵੀ ਵਿਅਕਤੀ ਦੀ ਵੋਟ ਕੱਟਣ ਤੋਂ ਪਹਿਲਾ ਉਸ ਨੂੰ ਨੋਟਿਸ ਜ਼ਾਰੀ ਕਰਕੇ ਪੂਰੀ ਕਾਨੂੰਨੀ ਪ੍ਰਕ੍ਰਿਆ ਤੋਂ ਬਾਅਦ ਹੀ ਕੱਟੀ ਜਾਵੇ। ਉਹਨਾਂ ਅਧਿਕਾਰੀਆਂ ਨੂੰ ਇਹ ਵੀ ਨਿਰਦੇਸ਼ ਦਿੱਤੇ ਕਿ ਨਵੀਂ ਵੋਟ ਬਨਾਉਣ ਲਈ ਪਹਿਚਾਣ ਵੱਜੋਂ ਜੇਕਰ ਕਿਸੇ ਵਿਅਕਤੀ ਕੋਲ ਅਧਾਰ ਕਾਰਡ ਨਹੀ ਹੈ ਅਤੇ ਉਸ ਨੇ ਅਧਾਰ ਕਾਰਡ ਬਨਾਉਣ ਲਈ ਅਰਜ਼ੀ ਦਿੱਤੀ ਹੋਈ ਹੈ ਤਾਂ ਉਸ ਦਾ ਈ.ਆਈ.ਡੀ ਨੰਬਰ ਨੂੰ ਹੀ ਸਬੂਤ ਵੱਜੋ ਲਿਆ ਜਾਵੇ। ਉਹਨਾਂ ਰੋਲ ਆਬਜ਼ਰਬਰ ਨੂੰ ਭਰੋਸਾ ਦਿਵਾਇਆ ਕਿ ਵੋਟਰ ਸੂਚੀਆਂ ਦੀ ਸੁਧਾਈ ਦੇ ਕੰਮ ਵਿੱਚ ਕਿਸੇ ਵੀ ਤਰ•ਾਂ ਦੀ ਢਿੱਲ-ਮਿੱਠ ਬਰਦਾਸ਼ਤ ਨਹੀ ਕੀਤੀ ਜਾਵੇਗੀ।ਉਹਨਾਂ ਸਾਰੇ ਯੋਗ ਵੋਟਰਾਂ ਨੂੰ ਅਪੀਲ ਕੀਤੀ ਕਿ ਉਹ 4 ਅਕਤੂਬਰ ਤੱਕ ਅਪਣੇ ਨੇੜੇ ਦੇ ਬੂਥ ਤੇ ਜਾ ਕੇ ਆਪਣੀ ਵੋਟ ਬਨਾਉਣ ਲਈ ਫਾਰਮ ਭਰ ਕੇ ਦੇਣ। ਉਹਨਾਂ ਸਕੂਲਾਂ ਅਤੇ ਕਾਲਜ਼ਾਂ ਦੇ ਮੁੱਖੀਆਂ ਅਤੇ ਅਧਿਆਪਕਾਂ ਨੂੰ ਕਿਹਾ ਕਿ ਉਹ 18 ਤੇ 19 ਸਾਲ ਦੇ ਨੌਜਵਾਨਾਂ ਨੂੰ ਵੋਟ ਬਨਾਉਣ ਵਾਸਤੇ ਉਹਨਾਂ ਨੂੰ ਵਿਸ਼ੇਤੌਰ ਤੇ ਪ੍ਰੇਰਿਤ ਕਰਨ। 
 ਇਸ ਮੀਟਿੰਗ ਵਿੱਚ ਸ਼੍ਰੋਮਣੀ ਅਕਾਲੀ ਦਲ ਦੇ ਸ. ਜਗਦੇਵ ਸਿੰਘ ਗੋਹਲਵੜੀਆ, ਸੀ.ਪੀ.ਆਈ.ਐਮ ਦੇ ਸ. ਅਮਰਜੀਤ ਸਿੰਘ ਮੱਠੀ, ਸ੍ਰੀ ਦੇਵ ਰਾਜ, ਭਾਰਤੀ ਜਨਤਾ ਪਾਰਟੀ ਦੇ ਸ੍ਰੀ ਸੰਦੀਪ ਕਪੂਰ ਐਡਵੋਕੇਟ, ਸੀ.ਪੀ.ਆਈ ਦੇ ਸ੍ਰੀ ਰਮੇਸ਼ ਰਤਨ, ਐਨ.ਸੀ.ਪੀ ਦੇ ਸ੍ਰੀ ਪਿਊਸ਼ ਚੱਡਾ, ਇੰਡੀਅਨ ਨੈਸ਼ਨਲ ਕਾਗਰਸ ਦੇ ਸ੍ਰੀ ਅਨਿਲ ਕਸ਼ਯਪ ਅਤੇ ਬੀ.ਐਸ.ਪੀ ਦੇ ਸ੍ਰੀ ਰਾਮ ਨਰਾਇਣ ਤੋਂ ਇਲਾਵਾ ਹੋਰ ਨੁਮਾਇੰਦੇ ਵੀ ਸ਼ਾਮਲ ਹੋਏ। ਇਸ ਤੋਂ ਇਲਾਵਾ  ਵਧੀਕ ਡਿਪਟੀ ਕਮਿਸ਼ਨਰ (ਵਿਕਾਸ) ਸ. ਬਲਦੇਵ ਸਿੰਘ, ਜਿਲਾ ਮਾਲ ਅਫਸਰ ਸ੍ਰੀ ਮੁਕੇਸ਼ ਕੁਮਾਰ,  ਤਹਿਸੀਲਦਾਰ ਸ੍ਰੀ ਪ੍ਰਦੀਪ ਬੈਸ, ਤਹਿਸੀਲਦਾਰ (ਚੋਣਾ) ਸ੍ਰੀ ਕਪੂਰ ਸਿੰਘ ਗਿੱਲ ਤੋਂ ਇਲਾਵਾ ਹੋਰ ਅਧਿਕਾਰੀ ਵੀ ਸ਼ਾਮਲ ਹੋਏ।  
    -------------------

Tuesday, September 03, 2013

ਸ੍ਰੀ ਹਜੂਰ ਸਾਹਿਬ ਨਾਂਦੇੜ ਵਿਖੇ ਮਨਾਇਆ 305ਵਾਂ ਇਤਿਹਾਸਿਕ ਮਿਲਾਪ ਦਿਹਾੜਾ

ਬਾਬਾ ਬੰਦਾ ਸਿੰਘ ਬਹਾਦਰ ਅੰਤਰਰਾਸ਼ਟਰੀ ਫਾਊਡੇਸ਼ਨ ਨੇ ਕੀਤਾ ਇੱਕ ਹੋਰ ਉਪਰਾਲਾ -ਵਿਸ਼ਾਲ/ਪੰਜਾਬ ਸਕਰੀਨ 
ਸ੍ਰੀ ਹਜੂਰ ਸਾਹਿਬ ਤੋ ਚੱਪੜ ਚਿੜੀ ਤੱਕ ਦੇ ਰਸਤੇ ਦੀ ਭੁੱਲੀ ਯਾਦ ਤਾਜ਼ਾ ਕਰਾਈ 
ਰਸਤੇ ਦਾ ਨਾਮ ''ਬੰਦਾ ਸਿੰਘ ਬਹਾਦਰ ਮਾਰਗ'' ਰੱਖਿਆ ਜਾਵੇ-ਦਾਖਾ, ਬਾਵਾ, ਜਸਵੀਰ
ਬਾਬਾ ਜੀ ਦੇ ਨਾਮ ਤੇ ਡਾਕ ਟਿਕਟ ਜਾਰੀ ਕਰੇ ਸਰਕਾਰ
ਬਾਬਾ ਬੰਦਾ ਸਿੰਘ ਬਹਾਦਰ ਅੰਤਰਰਾਸ਼ਟਰੀ ਫਾਊਡੇਸ਼ਨ ਵਲੋ 305ਵਾਂ ਇਤਿਹਾਸਕ ਮਿਲਾਪ ਦਿਹਾੜਾ ਸ੍ਰੀ ਹਜੂਰ ਸਾਹਿਬ (ਨਾਂਦੇੜ) ਵਿਖੇ 1 ਸਤੰਬਰ ਨੂੰ ਆਰੰਭ ਕਰਵਾਏ ਸ੍ਰੀ ਅਖੰਡ ਪਾਠ ਸਾਹਿਬ ਜੀ ਦੇ ਭੋਗ ਪਾ ਕੇ ਅਤੇ ਬਾਅਦ ਵਿਚ ਬੰਦਾ ਘਾਟ ਗੁਰੂਦੁਆਰਾ ਸਾਹਿਬ ਵਿਖੇ ਦੀਵਾਨ ਸਜਾ ਕੇ ਪੂਰਨ ਸ਼ਰਧਾ ਅਤੇ ਸਤਿਕਾਰ ਨਾਲ ਮਨਾਇਆ ਗਿਆ। ਇਸ ਸਮੇ ਸਿੰਘ ਸਾਹਿਬ ਜਥੇਦਾਰ ਕੁਲਵੰਤ ਸਿੰਘ ਤਖਤ ਸ੍ਰੀ ਹਜੂਰ ਸਾਹਿਬ, ਬਾਬਾ ਰਾਮ ਸਿੰਘ ਜਥੇਦਾਰ ਤਖਤ ਸ੍ਰੀ ਹਜੂਰ ਸਾਹਿਬ, ਹਜੂਰੀ ਰਾਗੀ ਨਿਰਵੈਰ ਸਿੰਘ ਜੀ ਕਾਨਪੁਰ ਵਾਲੇ, ਸ: ਡੀ.ਪੀ ਸਿੰਘ ਮੁੱਖ ਪ੍ਰਬੰਧਕ ਸ੍ਰੀ ਹਜੂਰ ਸਾਹਿਬ ਨਾਂਦੇੜ ਮੁੱਖ ਤੌਰ ਤੇ ਹਾਜਰ ਹੋਏ। ਇਹ ਜਾਣਕਾਰੀ ਬਾਬਾ ਬੰਦਾ ਸਿੰਘ ਬਹਾਦਰ ਅੰਤਰਰਾਸ਼ਟਰੀ ਫਾਊਡੇਸ਼ਨ ਦੇ ਪ੍ਰਧਾਨ ਕ੍ਰਿਸ਼ਨ ਕੁਮਾਰ ਬਾਵਾ, ਸਰਪ੍ਰਸਤ ਮਲਕੀਤ ਸਿੰਘ ਦਾਖਾ (ਸਾਬਕਾ ਮੰਤਰੀ), ਸਰਪ੍ਰਸਤ ਜਸਵੀਰ ਸਿੰਘ ਸੰਗਰੂਰ (ਸਾਬਕਾ ਮੰਤਰੀ), ਕਰਨੈਲ ਸਿੰਘ ਗਿੱਲ ਪ੍ਰਧਾਨ ਫਾਊਡੇਸ਼ਨ ਪੰਜਾਬ, ਮਹੰਤ ਗਿਆਨ ਦਾਸ ਮਕਸੂਦੜਾ, ਨਿਰਮਲ ਸਿੰਘ ਪੰਡੋਰੀ ਪ੍ਰਧਾਨ ਫਾਊਡੇਸ਼ਨ ਲੁਧਿਆਣਾ ਨੇ ਦਿੱਤੀ। ਇਸ ਸਮੇ ਉਪਰੋਕਤ ਸ਼ਖਸ਼ੀਅਤਾਂ ਦਾ ਬਾਬਾ ਬੰਦਾ ਸਿੰਘ ਬਹਾਦਰ ਜੀ ਦਾ ਚਿੱਤਰ, ਸਾਲ ਅਤੇ ਮੈਡਲ ਪਾ ਕੇ ਸਨਮਾਨ ਕੀਤਾ ਗਿਆ। ਇਸ ਸਮੇ ਪ੍ਰਗਟ ਸਿੰਘ ਗਰੇਵਾਲ, ਡਾ ਸ਼ਿਵਰਾਜ ਸਿੰਘ, ਰਾਜਵੀਰ ਸਿੰਘ ਸਿੱਧੂ ਖੰਨਾ, ਜਸਵੰਤ ਸਿੰਘ ਮੱਕੜ, ਰਘੁਬੀਰ ਸਿੰਘ ਬਹਿਲ, ਕਰਤਿੰਦਰਪਾਲ ਸਿੰਘ ਸਿੰਘਪੁਰਾ, ਤਨਵੀਰ ਸਿੰਘ ਰਣੀਆਂ, ਜਸਬੀਰ ਸਿੰਘ ਜੱਸਲ, ਸੁਖਬੀਰ ਸਿੰਘ ਤੂਰ, ਸੁਸ਼ੀਲ ਕੁਮਾਰ ਸ਼ੀਲਾ, ਰੇਸ਼ਮ ਸਿੰਘ ਸੱਗੂ, ਕਮਲਜੀਤ ਸਿੰਘ ਘੜਿਆਲ ਪ੍ਰਧਾਨ ਫਾਊਡੇਸ਼ਨ ਲੁਧਿਆਣਾ ਸ਼ਹਿਰੀ, ਤਰਲੋਚਨ ਸਿੰਘ, ਸਤਨਾਮ ਸਿੰਘ ਦਿਓੁਗਨ,  ਪਵਨਦੀਪ ਕਲਸੀ, ਵਿਸੇਸ਼ ਤੌਰ ਤੇ ਹਾਜਰ ਸਨ। 
ਇਸ ਸਮੇ ਬੋਲਦੇ ਡੀ.ਪੀ ਸਿੰਘ ਨੇ ਕਿਹਾ ਕਿ ਬਾਬਾ ਬੰਦਾ ਸਿੰਘ ਬਹਾਦਰ ਅੰਤਰਰਾਸ਼ਟਰੀ ਫਾਊਡੇਸ਼ਨ ਹਰ ਸਾਲ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਮਹਾਰਾਜ ਅਤੇ ਮਾਧੋ ਦਾਸ ਬੈਰਾਗੀ (ਬਾਬਾ ਬੰਦਾ ਸਿੰਘ ਬਹਾਦਰ) ਵਿਚ ਜੋ 3 ਸਤੰਬਰ 1708 ਨੂੰ ਗੋਦਾਵਰੀ ਨਦੀ ਦੇ ਕੰਡੇ ਇਤਿਹਾਸਕ ਮਿਲਾਪ ਹੋਇਆ ਸੀ, ਇਸ ਦਿਹਾੜੇ ਨੂੰ ਸੈਕੜੇ ਸੰਗਤਾਂ ਪੰਜਾਬ ਤੋ ਆ ਕੇ ਹਰ ਸਾਲ ਮਨਾਉਦੀਆਂ ਹਨ। ਇਸ ਸ਼ਲਾਘਾਯੋਗ ਕੰਮ ਲਈ ਅੰਤਰਰਾਸ਼ਟਰੀ ਫਾਊਡੇਸ਼ਨ ਦੇ ਪ੍ਰਧਾਨ ਕ੍ਰਿਸ਼ਨ ਕੁਮਾਰ ਬਾਵਾ ਵਧਾਈ ਦੇ ਪਾਤਰ ਹਨ ਜੋ ਦੇਸ਼ ਵਿਦੇਸ਼ ਵਿਚ  ਬਾਬਾ ਜੀ ਦੇ ਜੀਵਨ ਨਾਲ ਸਬੰਧਤ ਇਤਿਹਾਸਕ ਦਿਹਾੜੇ ਮਨਾਉਦੇ ਹਨ। 
ਇਸ ਸਮੇ ਬੋਲਦੇ ਸ: ਦਾਖਾ ਅਤੇ ਜਸਵੀਰ ਸਿੰਘ ਨੇ ਕਿਹਾ ਕਿ ਬਾਬਾ ਬੰਦਾ ਸਿੰਘ ਬਹਾਦਰ ਜੀ ਦੇ ਰੂਪ ਵਿਚ ਗੁਰੂ ਗੋਬਿੰਦ ਸਿੰਘ ਜੀ ਮਹਾਰਾਜ ਦੇ ਆਸ਼ੀਰਵਾਦ ਅਤੇ ਥਾਪੜੇ ਨਾਲ ਬਾਬਾ ਜੀ ਨੇ ਮੁਗਲ ਸਾਮਰਾਜ ਨਾਲ ਟੱਕਰ ਲਈ ਅਤੇ ਪਹਿਲੇ ਸਿੱਖ ਲੋਕ ਰਾਜ ਦੀ ਨੀਂਹ ਰੱਖੀ ਅਤੇ ਮੁਖਲਸਗੜ (ਲੋਹਗੜ) ਜੋ ਹਰਿਆਣਾ ਵਿਚ ਕੋਪਾਲਮੋਚਨ ਕੋਲ ਹੈ, ਨੂੰ ਸਿੱਖ ਰਾਜ ਦੀ ਪਹਿਲੀ ਰਾਜਧਾਨੀ ਬਣਾਇਆ ਪਰ ਇਸ ਇਤਿਹਾਸਕ ਅਸਥਾਨ ਵੱਲ ਕਿਸੇ ਸਰਕਾਰ ਅਤੇ ਧਾਰਮਿਕ ਸੰਸਥਾਵਾਂ ਵਲੋ ਬਣਦਾ ਧਿਆਨ ਨਾ ਦੇਣਾ ਦੁੱਖ ਦੀ ਗੱਲ ਹੈ। ਉਹਨਾਂ ਕਿਹਾ ਕਿ ਪਾਨੀਪਤ ਦੀਆਂ ਹਾਰੀਆ ਤਿੰਨ ਲੜਾਈ ਤਾਂ ਬੱਚਿਆ ਦੇ ਸਲੇਬਸ ਵਿਚ ਸਰਕਾਰ ਨੇ ਸ਼ਾਮਲ ਕੀਤੀਆਂ  ਹਨ ਪਰ ਸਰਹਿੰਦ ਫਤਿਹ ਦੀ ਜੰਗ ਸਰਕਾਰ ਵਲੋ ਸਲੇਬਸ ਵਿਚ ਸ਼ਾਮਲ ਨਹੀ ਕੀਤੀ ਗਈ, ਜੋ ਆਉਣ ਵਾਲੀਆਂ ਪੀੜ੍ਹੀਆਂ ਨੂੰ ਗੌਰਵਮਈ ਇਤਿਹਾਸ ਤੋ ਵਾਂਝੇ ਰੱਖਣ ਵਾਲੀ ਗੱਲ ਹੈ। 
ਇਸ ਸਮੇ ਸ੍ਰੀ ਬਾਵਾ ਨੇ ਬੋਲਦੇ ਹੋਏ ਕਿਹਾ ਕਿ ਸ੍ਰੀ ਗੁਰੂ ਗੋਬਿੰਦ ਜੀ ਮਹਾਰਾਜ ਅਤੇ ਬਾਬਾ ਬੰਦਾ ਸਿੰਘ ਬਹਾਦਰ ਜੀ ਨਾਲ ਹੋਏ ਮਿਲਾਪ ਤੋ ਬਾਅਦ ਜਿਸ ਰਸਤੇ ਬਾਬਾ ਬੰਦਾ ਸਿੰਘ ਬਹਾਦਰ ਜੀ ਮੁਗਲ ਰਾਜ ਦਾ ਖਾਤਮਾ ਕਰਦੇ ਹੋਏ ਚੱਪੜ ਚਿੜੀ ਦੇ ਇਤਿਹਾਸਕ ਮੈਦਾਨ ਵਿਚ ਪਹੁੰਚੇ ਅਤੇ ਸਰਹੰਦ ਦੇ ਸੂਬੇਦਾਰ ਵਜੀਰ ਖਾਂ ਦਾ ਖਾਤਮਾ ਕਰਕੇ ਗੁਰੂ ਗੋਬਿੰਦ ਸਿੰਘ ਜੀ ਮਹਾਰਾਜ ਜੀ ਦੇ ਛੋਟੇ ਸ਼ਾਹਿਬਜਾਦਿਆ ਦੀ ਸ਼ਹਾਦਤ ਦਾ ਬਦਲਾ ਲਿਆ ਉਸ ਮਾਰਗ ਦਾ ਨਾਮ ''ਬਾਬਾ ਬੰਦਾ ਸਿੰਘ ਬਹਾਦਰ ਮਾਰਗ'' ਰੱਖਿਆ ਜਾਵੇ ਅਤੇ ਉਹਨਾ ਕੇਦਰ ਸਰਕਾਰ ਤੋ ਮੰਗ ਕੀਤੀ ਕਿ ਬਾਬਾ ਬੰਦਾ ਸਿੰਘ ਬਹਾਦਰ ਜੀ ਦੇ ਨਾਮ ਤੇ ਡਾਕ ਟਿਕਟ ਜਾਰੀ ਕਰੇ ਅਤੇ ਬਾਬਾ ਜੀ ਦੇ ਜੀਵਨ ਨਾਲ ਸਬੰਧਿਤ ਇਤਿਹਾਸਕ ਅਸਥਾਨਾਂ ਪੁੰਛ ਰਜੌਰੀ ਜੰਮੂ ਕਸ਼ਮੀਰ (ਜਨਮ ਅਸਥਾਨ), ਦਿੱਲੀ ਮਹਿਰੌਲੀ (ਸ਼ਹੀਦੀ ਸਥਾਨ), ਗੁਰਦਾਸਨੰਗਲ ਗੜੀ ਗੁਰਦਾਸਪੁਰ (ਪੰਜਾਬ) ਜਿਸ ਸਥਾਨ ਤੇ ਬਾਬਾ ਜੀ ਨੂੰ ਗ੍ਰਿਫਤਾਰ ਕਰਕੇ ਰੱਖਿਆ ਗਿਆ ਅਤੇ ਬਾਅਦ ਵਿਚ ਬਾਬਾ ਜੀ ਨੂੰ 740 ਸਿੰਘਾਂ ਸਮੇਤ ਗ੍ਰਿਫਤਾਰ ਕਰਕੇ ਲਾਹੌਰ ਰਾਂਹੀ ਦਿੱਲੀ ਲਿਆਂਦਾ ਗਿਆ ਅਤੇ ਮੁਖਲਸਗੜ (ਲੋਹਗੜ) ਸਿੱਖ ਰਾਜ ਦੀ ਪਹਿਲੀ ਰਾਜਧਾਨੀ ਹਰਿਆਣਾ, ਇਹਨਾ ਸਥਾਨਾ ਦੀ ਸਾਂਭ ਸੰਭਾਲ ਕੇਦਰ ਸਰਕਾਰ ਦਾ ਪੁਰਾਤਤਵ ਵਿਭਾਗ ਕਰੇ। 
ਇਸ ਸਮੇ ਉਹਨਾ ਡਾ ਮਨਮੋਹਨ ਸਿੰਘ ਪ੍ਰਧਾਨ ਮੰਤਰੀ ਭਾਰਤ ਸਰਕਾਰ ਵਲੋ ਸ੍ਰੀ ਹਜੂਰ ਸਾਹਿਬ ਨਾਦੇੜ ਵਿਖੇ ਕਰਵਾਈ ਸੇਵਾ ਦੀ ਸ਼ਲਾਘਾ ਕੀਤੀ ਅਤੇ ਸਿੱਖ ਰਾਜ ਦੀ ਪਹਿਲੀ ਰਾਜਧਾਨੀ ਦੀ ਸੇਵਾ ਲਈ ਵੀ ਅਪੀਲ ਕੀਤੀ। 
ਇਸ ਸਮੇ ਉਹਨਾ ਦੇ ਨਾਮ ਹੋਰਨਾ ਤੋ ਇਲਾਵਾ ਪਰਮਜੀਤ ਸਿੰਘ, ਗੁਰਇੰਦਰਜੀਤ ਕੌਰ, ਜਗਰਾਜ ਸਿੰਘ, ਦਲਜੀਤ ਸਿੰਘ, ਸਤਮਿੰਦਰ ਕੌਰ, ਐਲ.ਕੇ ਗੁਪਤਾ, ਹਰਪ੍ਰੀਤ ਸਿੰਘ, ਜੋਗਿੰਦਰ ਸਿੰਘ, ਆਤਮਾ ਸਿੰਘ, ਬੀਬੀ ਸੁਖਦੇਵ ਕੌਰ, ਗੁਰਮੇਲ ਸਿੰਘ, ਜਗਤੇਜ ਸਿੰਘ, ਰਛਪਾਲ ਸਿੰਘ, ਗੁਰਮੀਤ ਸਿੰਘ, ਜਗਮੋਹਨ ਸਿੰਘ, ਸੁਖਦੇਵ ਸਿੰਘ, ਰਣਜੀਤ ਸਿੰਘ, ਰੁਪਿੰਦਰ ਕੌਰ, ਕੁਲਦੀਪ ਕੌਰ, ਸੁਰਿੰਦਰ ਕੌਰ, ਗੁਡੂ ਰਾਣੀ, ਅਮਰਜੀਤ ਕੌਰ, ਸਵਰਨਜੀਤ ਕੌਰ, ਮਨਜੀਤ ਕੌਰ, ਅਜਮੇਰ ਸਿੰਘ, ਕਰਮਜੀਤ ਸਿੰਘ, ਰਣਧੀਰ ਸਿੰਘ, ਰਾਜੇਸ਼ ਕੁਮਾਰ, ਰਘੁਬੀਰ ਸਿੰਘ ਅਤੇ ਡਿੰਪਲ ਰਾਣੀ ਵੀ ਹਾਜਰ ਸਨ। 

ਯੁਵਾ ਜਾਗ੍ਰਤੀ ਮੰਚ ਵਲੋਂ ਗਣਪਤੀ ਮਹਾਂਉਤਸਵ ਦੀਆਂ ਤਿਆਰੀਆਂ ਜੋਰਾਂ 'ਤੇ

ਦਰੇਸੀ ਗਰਾਉਂਡ ਗੂੰਜੇਗਾ ਗਣਪਤੀ ਬੱਪਾ ਮੋਰਿਆ ਦੇ ਜੈਕਾਰਿਆਂ ਨਾਲ
                                                                                                          Courtesy File Photo 
ਲੁਧਿਆਣਾ, 3 ਸਤੰਬਰ 2013: (ਵਿਸ਼ਾਲ//ਪੰਜਾਬ ਸਕਰੀਨ): ਯੁਵਾ ਜਾਗ੍ਰਤੀ ਮੰਚ ਵਲੋਂ ਆਯੋਜਿਤ ਹੋਣ ਵਾਲੇ ਚੌਥੇ ਗਣਪਤੀ ਮਹਾਂਉਤਸਵ ਦੀਆਂ ਤਿਆਰੀਆਂ ਜੋਰਾਂ 'ਤੇ ਹਨ। ਇਸ ਸੰਬੰਧ ਵਿਚ ਇਕ ਵਿਸ਼ੇਸ਼ ਮੀਟਿੰਗ ਸ਼ਿਵਰਾਤਰੀ ਮਹਾਂਉਤਸਵ ਕਮੇਟੀ ਦੇ ਚੇਅਰਮੈਨ ਚਰਣਜੀਤ ਭਾਰਗਵ ਅਤੇ ਪ੍ਰਧਾਨ ਸੁਨੀਲ ਮਹਿਰਾ ਦੀ ਪ੍ਰਧਾਨਗੀ ਹੇਠ ਹੋਈ। 
ਮੰਦਰ ਗਊਘਾਟ ਵਿਖੇ ਆਯੋਜਿਤ ਇਸ ਮੀਟਿੰਗ ਵਿਚ ਭਾਰੀ ਗਿਣਤੀ 'ਚ ਵੱਖ ਵੱਖ ਐਸੋਸੀਏਸ਼ਨਾਂ ਅਤੇ ਸਮਾਜਿਕ ਤੇ ਧਾਰਮਿਕ ਸੰਗਠਨਾਂ ਦੇ ਪ੍ਰਤੀਨਿੱਧ ਸ਼ਾਮਲ ਹੋਏ। 
ਸੋਮਵਾਰ 9 ਤੋਂ 17 ਸਤੰਬਰ ਤੱਕ ਆਯੋਜਿਤ ਹੋਣ ਵਾਲੇ ਇਸ ਪ੍ਰੋਗਰਾਮ ਸੰਬੰਧੀ ਜਾਣਕਾਰੀ ਦਿੰਦਿਆਂ ਪ੍ਰਧਾਨ ਮਹੇਸ਼ ਦੱਤ ਸ਼ਰਮਾ ਅਤੇ ਸੰਦੀਪ ਥਾਪਰ ਗੋਰਾ ਨੇ ਦੱਸਿਆ ਕਿ 9 ਸਤੰਬਰ ਨੂੰ ਇਸ ਪ੍ਰੋਗਰਾਮ ਤਹਿਤ ਦਰੇਸੀ ਗਰਾਉਂਡ ਵਿਖੇ ਸੰਤ ਤਰਲੋਚਨ ਦਾਸ ਜੀ ਮਹਾਰਾਜ ਦੀ ਅਗਵਾਈ ਵਿਚ ਵਿਸ਼ਾਲ ਭਜਨ ਸੰਧਿਆ ਦਾ ਆਯੋਜਨ ਵੀ ਕੀਤਾ ਜਾਏਗਾ। ਇਸ ਤੋਂ ਬਾਅਦ ਅਗਾਮੀ 10 ਦਿਨ ਤੱਕ ਵੱਖ-ਵੱਖ ਭਜਨ ਪਾਰਟੀਆਂ ਗਣਪਤੀ ਬੱਪਾ ਦਾ ਗੁਣਗਾਨ ਕਰਨਗੀਆ। 18 ਸਤੰਬਰ ਨੂੰ ਗਣਪਤੀ ਦੀ ਵਿਸ਼ਾਲ ਸ਼ੋਭਾਯਾਤਰਾ ਦਾ ਆਯੋਜਨ ਹੋਵੇਗਾ, ਜਿਹੜਾ ਸਵੇਰੇ 10 ਵਜੇ ਦਰੇਸੀ ਗਰਾਉਂਡ ਤੋਂ ਸ਼ੁਰੂ ਹੋਵੇਗੀ ਅਤੇ ਵੱਖ ਵੱਖ ਖੇਤਰਾਂ ਤੋਂ ਹੁੰਦੀ ਹੋਈ ਸਤਲੁਜ ਦਰਿਆ ਤੱਕ ਵਿਸਰਜਨ ਦੇ ਨਾਲ ਸਮਾਪਤ ਹੋਵੇਗੀ।
ਉਹਨਾਂ ਦੱਸਿਆ ਕਿ ਇਸ ਪ੍ਰੋਗਰਾਮ ਦੇ ਸੰਬੰਧ ਵਿਚ ਸੱਦਾ ਪੱਤਰ ਦੇਣ ਦਾ ਸਿਲਸਿਲਾ ਸ਼ੁਰੂ ਹੋ ਗਿਆ ਹੈ। ਇਸ ਮੌਕੇ ਵਿਸ਼ੇਸ਼ ਤੌਰ 'ਤੇ ਪੁੱਜੇ ਸੀਨੀਅਰ ਕਾਂਗਰਸੀ ਆਗੂ ਅਸ਼ੋਕ ਪਰਾਸ਼ਰ ਪੱਪੀ ਨੇ ਕਿਹਾ ਕਿ ਇਸ ਸਮਾਗਮ ਦੇ ਸੰਬੰਧ ਵਿਚ ਉਹਨਾਂ ਵਲੋਂ ਪੂਰਣ ਸਹਿਯੋਗ ਦਿੱਤਾ ਜਾਏਗਾ। ਉਹਨਾਂ ਕਿਹਾ ਕਿ ਇਸ ਤਰ੍ਹਾਂ ਦੇ ਪ੍ਰੋਗਰਾਮ ਸਮਾਜ ਵਿਚ ਏਕਤਾ ਅਤੇ ਸਦਭਾਵਨਾ ਦੀ ਮਿਸਾਲ ਪੈਦਾ ਕਰਦੇ ਹਨ। ਸ੍ਰੀ ਥਾਪਰ ਨੇ ਦੱਸਿਆ ਕਿ ਮੰਚ ਦੀ ਆਗਾਮੀ ਮੀਟਿੰਗ ਐਤਵਾਰ ਨੂੰ ਸੁਨੀਲ ਮਹਿਰਾ ਦੇ ਨਿਵਾਸ ਸਿਵਲ ਲਾਇਨਜ ਵਿਖੇ ਆਯੋਜਿਤ ਕੀਤੀ ਜਾਏਗੀ ਅਤੇ ਇਸ ਮੌਕੇ ਆਮ ਲੋਕਾਂ ਲਈ ਮੁਫ਼ਤ ਦੰਦਾਂ ਦੀਆਂ ਬੀਮਾਰੀਆਂ ਦਾ ਚੈਕਅੱਪ ਕੈਂਪ ਵੀ ਲਗਾਇਆ ਜਾਏਗਾ।
ਇਸ ਮੀਟਿੰਗ ਵਿਚ ਹੋਰਨਾਂ ਤੋਂ ਇਲਾਵਾ ਚੇਅਰਮੈਨ ਸਤੀਸ਼ ਨਾਗਰ, ਡਿਪਟੀ ਮੇਅਰ ਆਰ.ਡੀ. ਸ਼ਰਮਾ, ਪੰਕਜ ਭਨੋਟ, ਨਵੀਨ ਭਨੋਟ, ਈਸ਼ੂ ਭਨੋਟ, ਹਿਮਾਂਸ਼ੂ ਵਾਲੀਆ, ਗਿਰੀਸ਼ ਚੋਪੜਾ, ਲੱਕੀ ਕਪੂਰ, ਹਰੀਸ਼ ਸ਼ਰਮਾ, ਅਸ਼ਵਨੀ ਮਹਾਜਨ, ਅਸ਼ਵਨੀ ਖਰਬੰਦਾ, ਨਵੀਨ ਅਵਸਥੀ, ਲੋਕੇਸ਼ ਜੈਨ, ਮਨੋਜ ਭਾਟੀਆ, ਸੰਗੀਤ ਸਾਗਰ, ਪ੍ਰੀਤੀ ਸ਼ਰਮਾ, ਗੌਰਵ ਸ਼ਰਮਾ, ਸ਼ੈਲੀ ਸ਼ਰਮਾ, ਕਮਲ ਸਿੱਕਾ ਅਤੇ ਮੁਕੇਸ਼ ਸੋਨੀ ਵਿਸ਼ੇਸ਼ ਤੌਰ 'ਤੇ ਹਾਜ਼ਿਰ ਸੀ।

ਨੋਟ:ਜੇ ਤੁਸੀਂ ਵੀ ਇਸ ਸਬੰਧ ਵਿੱਚ ਕੋਈ ਸਮਾਗਮ ਕਰ ਰਹੇ ਹੋ ਤਾਂ ਉਸਦੀਆਂ ਤਿਆਰੀਆਂ ਦਾ ਪੂਰਾ ਵੇਰਵਾ ਜਰੂਰ ਭੇਜੋ ਤਾਂਕਿ ਉਸਦੀ ਕਵਰੇਜ ਲਈ ਲੁੜੀਂਦੇ ਪ੍ਰਬੰਧ ਕੀਤੇ ਜਾ ਸਕਣ-ਰੈਕਟਰ  ਕਥੂਰੀਆ 

ਇਹ ਖਬਰ ਪੰਜਾਬ ਸਕਰੀਨ ਹਿੰਦੀ ਵਿੱਚ ਵੀ ਦੇਖੋ 

ਸ੍ਰੀ ਸ਼ਿਆਮ ਪ੍ਰਭੂ ਖਾਟੂ ਵਾਲੇ ਜੀ ਦੇ ਸਾਲਾਨਾ ਉਤਸਵ

ਫੁੱਲ ਬੰਗਲਾ ਅਤੇ ਅਲੌਕਿਕ ਸ਼ਿੰਗਾਰ ਹੋਵੇਗਾ ਵਿਸ਼ੇਸ਼ ਖਿੱਚ ਦਾ ਕੇਂਦਰ
ਲੁਧਿਆਣਾ, 3 ਸਤੰਬਰ 2013:(ਵਿਸ਼ਾਲ//ਪੰਜਾਬ ਸਕਰੀਨ): ਸ੍ਰੀ ਸ਼ਿਆਮ ਪ੍ਰਭੂ ਖਾਟੂ ਵਾਲੇ ਜੀ ਦੇ ਸਾਲਾਨਾ ਉਤਸਵ 2013 ਵਿੱਚ ਫੁੱਲ ਬੰਗਲਾ ਅਤੇ ਸ੍ਰੀ ਸ਼ਿਆਮ ਪ੍ਰਭੂ ਜੀ ਦਾ ਅਲੌਕਿਕ ਸ਼ਿੰਗਾਰ ਵਿਸ਼ੇਸ਼ ਖਿੱਚ ਦਾ ਕੇਂਦਰ ਹੋਵੇਗਾ। ਸਾਲਾਨਾ ਉਤਸਵ ਦਾ ਆਯੋਜਨ 14 ਸਤੰਬਰ ਸ਼ਨਿਚਰਵਾਰ ਨੂੰ ਸ਼ਾਮ 6 ਵਜੇ ਤੋਂ ਰਾਤ 12 ਵਜੇ  ਤੱਕ ਫਿਰੋਜਪੁਰ ਰੋਡ ਸਥਿਤ ਕੁਮਰਾ ਪੈਲੇਸ ਵਿਖੇ ਸ੍ਰੀ ਸ਼ਿਆਮ ਚਰਨ ਸੇਵਾ ਟਰੱਸਟ ਵਲੋਂ ਕੀਤਾ ਜਾਵੇਗਾ। ਉਪਰੋਕਤ ਜਾਣਕਾਰੀ ਟਰੱਸਟ ਦੇ ਮੈਂਬਰਾਂ ਨੇ ਚੰਡੀਗੜ ਰੋਡ ਸਥਿਤ ਬੈਂਕ ਕਾਲੋਨੀ ਵਿਖੇ ਐਲ.ਆਰ. ਮਿੱਤਲ ਦੇ ਘਰ ਤੇ ਸਾਲਾਨਾ ਉਤਸਵ ਦੀਆਂ ਤਿਆਰੀਆਂ ਸੰਬੰਧੀ ਜਾਇਜਾ ਲੈਣ ਲਈ ਆਯੋਜਿਤ ਮੀਟਿੰਗ ਨੂੰ ਸੰਬੋਧਿਤ ਕਰਦੇ ਹੋਏ ਦਿੱਤੀ। ਸ੍ਰੀ ਸ੍ਰੀ 1008 ਆਚਾਰਿਆ ਮਹਾਮੰਡਲੇਸ਼ਵਰ ਸ੍ਰੀ ਬਾਲ ਮੁਕੰਦਾਚਾਰਿਆ ਜੀ ਜੈਪੁਰ ਵਾਲਿਆਂ ਦੀ ਪ੍ਰਧਾਨਗੀ ਹੇਠ ਆਯੋਜਿਤ ਹੋਣ ਵਾਲੇ ਇਸ ਉਤਸਵ ਵਿੱਚ ਰਸ ਪ੍ਰਵਾਹਕ ਕੁਮਾਰ ਗੌਰਵ ਕੱਲਕਤਾ, ਤਰਚਨਾ ਸਿੰਘ ਦਿੱਲੀ, ਸੰਜੂ ਸ਼ਰਮਾ ਕੱਲਕਤਾ ਅਤੇ ਵਿਮਲ ਸ਼ਾਹ ਦਿੱਲੀ ਵਾਲੇ ਸ੍ਰੀ ਪ੍ਰਭੁ ਖਾਟੂ ਵਾਲੇ ਜੀ ਦਾ ਗੁਣਗਾਨ ਕਰਕੇ ਸਰਧਾਲੁਆਂ ਨੂੰ ਨਿਹਾਲ ਕਰਨਗੇ। ਇਸ ਮੌਕੇ ਤੇ ਜਸਵੰਤ ਸਾਲਦੀ, ਹਰਨੇਕ ਸਿੰਘ, ਸੀ.ਐਲ. ਗੋਇਲ, ਦੇਵਰਾਜ ਵਾਲੀਆ, ਡਾ. ਦੁੱਗਲ, ਮੁਕੇਸ਼ ਚੋਪੜਾ, ਮਿਸਟਰ ਓਬਰਾਏ ਵਿਸ਼ਵਾ ਮਿੱਤਰ ਗੁਪਤਾ, ਪ੍ਰਦੀਪ ਮਿੱਤਲ, ਆਰ.ਡੀ. ਸਿੰਘਲ, ਅਸ਼ੋਕ ਗੁਪਤਾ, ਪ੍ਰਕਾਸ਼ ਸਿੰਘਾਨੀਆ, ਲਛਮੀ ਸਿੰਘਾਨੀਆ, ਅਭੈ ਜੈਨ, ਅਨੂਪ ਬੰਸਲ, ਬੀ.ਆਰ. ਅੱਗਰਵਾਲ, ਧੀਰਜ ਮਲਹੌਤਰਾ, ਸੁਮਨ ਜਿੰਦਲ, ਰਮਨ ਜਿੰਦਲ, ਰਵਿਕਾਂਤ ਖਮੈਨੀ, ਯਸ਼ ਚੋਪੜਾ, ਆਰ.ਕੇ. ਵਰਮਾ, ਤਰਸੇਮ ਗੁਪਤਾ, ਵਰਿੰਦਰ ਕਰਵਾ, ਵਿਕਾਸ ਅਗਰਵਾਲ, ਉਮੇਸ਼ ਬਜਾਜ, ਵਿਸ਼ਨੂ ਬਜਾਜ, ਸੁਨੀਲ ਗੁਪਤਾ, ਕਮਲ ਖੇਤਾਨ, ਪ੍ਰਦੀਪ ਦਧੀਚ, ਸੁਰਿੰਦਰ ਸ਼ਰਮਾ, ਐਚ.ਐਨ. ਸਿੰਖਲ, ਗਗਨ ਕੁਮਾਰ, ਹਰੀਸ਼ ਕੁਮਾਰ, ਕਮਲ ਬਿੰਦਲ, ਕੈਲਾਸ਼ ਚੌਧਰੀ, ਕਿਸ਼ਨ ਨਾਹਰਿਆ, ਰਿਪੂਦਮਨ ਗਰਗ, ਦਲਜੀਤ ਵਿਰਦੀ, ਨਰੇਸ਼ , ਨਰੇਸ਼ ਅਗਰਵਾਲ, ਐਲ.ਆਰ. ਮਿੱਤਲ, ਰਾਜੇਸ਼ ਅਗਰਵਾਲ, ਰਮਨ ਗੁਪਤਾ, ਸੰਜੈ ਅਗਰਵਾਲ, ਸੁਸ਼ੀਲ ਅਗਰਵਾਲ, ਰਾਜਕੁਮਾਰ ਤੁਲਸੀਆਂ, ਪ੍ਰਵੀਨ ਸਿੰਘਲ, ਨੰਦ ਕਿਸ਼ੋਰ ਐਂਡ ਕੰਪਨੀ, ਰਾਜੀਵ ਖੰਨਾ, ਪ੍ਰਦੀਪ ਰਾਠੀ, ਰਾਜੀਵ ਮਿਤਲ, ਵੀ.ਕੇ. ਭਹਾਦੀਆ, ਸੰਦੀਪ ਪਾਰਿਕ, ਮਹਾਵੀਰ ਮੋਦੀ, ਸਤ ਨਾਰਾਇਣ ਗੁਪਤਾ, ਨਵਲ ਜਾਲਾਨ, ਰਾਜੇਸ਼ ਜਾਲਾਨ, ਰਾਜੇਸ਼ ਅਗਰਵਾਲ ਸਮੇਤ ਹੋਰ ਵੀ ਹਾਜਰ ਸਨ।

Friday, July 19, 2013

ਵਾਤਾਵਰਨ ਦੀ ਸ਼ੁੱਧਤਾ ਲਈ ਵੰਡੇ ਜਾਣਗੇ ਫਾਊਡੇਸ਼ਨ ਵਲੋ 5000 ਬੂਟੇ

*ਨੌਜਵਾਨ ਨਸ਼ਿਆ ਤੋ ਨਿਜਾਤ ਲੈਣ ਤਦ ਹੀ ਪਿਆਰ ਭਰੇ ਸੋਹਣੇ ਸਮਾਜ ਦੀ ਸਿਰਜਨਾ ਕੀਤੀ ਜਾ ਸਕਦੀ ਹੈ-ਬਾਵਾ
*ਬਾਬਾ ਬੰਦਾ ਸਿੰਘ ਬਹਾਦਰ ਭਵਨ ਰਕਬਾ ਵਿਖੇ ਸਰਪੰਚ ਅਤੇ ਪੰਚ ਦਾ ਫਾਊਡੇਸ਼ਨ ਵਲੋ ਕੀਤਾ ਗਿਆ ਸਨਮਾਨ
ਮੁਲਾਂਪੁਰ/ਲੁਧਿਆਣਾ 18 ਜੁਲਾਈ (ਪੰਜਾਬ ਸਕਰੀਨ ਬਿਊਰੋ) ਅੱਜ ਬਾਬਾ ਬੰਦਾ ਸਿੰਘ ਬਹਾਦਰ ਭਵਨ ਰਕਬਾ ਵਿਖੇ ਦਸਵੀਂ ਦੇ ਦਿਹਾੜੇ ਤੇ ਬਾਬਾ ਬੰਦਾ ਸਿੰਘ ਬਹਾਦਰ ਅੰਤਰਰਾਸ਼ਟਰੀ ਫਾਊਡੇਸ਼ਨ ਵਲੋ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦਾ ਓੁਟ ਆਸਰਾ ਲੈ ਕੇ ਨਸ਼ਿਆ, ਸਮਾਜਿਕ ਕੁਰੀਤੀਆਂ ਅਤੇ ਵਾਤਾਵਰਨ ਸਬੰਧੀ ਵਿਚਾਰਾਂ ਕੀਤੀ ਗਈਆਂ। ਇਹ ਸਮਾਗਮ ਕ੍ਰਿਸ਼ਨ ਕੁਮਾਰ ਬਾਵਾ ਪ੍ਰਧਾਨ ਅੰਤਰਰਾਸ਼ਟਰੀ ਫਾਊਡੇਸ਼ਨ, ਹਰੀ ਦਾਸ ਬਾਵਾ ਚੇਅਰਮੈਨ ਬੈਰਾਗੀ ਮਹਾਂ ਮੰਡਲ ਪੰਜਾਬ, ਬਲਦੇਵ ਬਾਵਾ ਕਨਵੀਨਰ ਬਾਬਾ ਬੰਦਾ ਸਿੰਘ ਬਹਾਦਰ ਅੰਤਰਰਾਸ਼ਟਰੀ ਫਾਊਡੇਸ਼ਨ ਅਤੇ ਕਰਨੈਲ ਸਿੰਘ ਗਿੱਲ ਪ੍ਰਧਾਨ ਫਾਊਡੇਸ਼ਨ ਪੰਜਾਬ ਦੀ ਸ੍ਰਪ੍ਰਸਤੀ ਹੇਠ ਹੋਇਆ। ਇਸ ਸਮਾਗਮ ਵਿਚ ਮਨਦੀਪ ਸਿੰਘ ਹਾਂਸ ਪ੍ਰਧਾਨ ਅੰਤਰਰਾਸ਼ਟਰੀ ਫਾਊਡੇਸ਼ਨ ਅਮਰੀਕਾ, ਮੇਘ ਸਿੰਘ ਸਿੱਧੂ ਪ੍ਰਧਾਨ ਅੰਤਰਰਾਸ਼ਟਰੀ ਫਾਊਡੇਸ਼ਨ ਪੱਛਮੀ ਬੰਗਾਲ ਅਤੇ ਹਰਦਿਆਲ ਸਿੰਘ ਅਮਨ, ਬਲਵੰਤ ਸਿੰਘ ਧਨੋਆ ਜਨ. ਸਕੱਤਰ ਫਾਊਡੇਸ਼ਨ, ਸ਼ਾਮ ਸੰੁਦਰ ਭਾਰਦਵਾਜ ਟਰੱਸਟੀ ਕੈਸ਼ੀਅਰ ਵਿਸ਼ੇਸ਼ ਤੌਰ ਤੇ ਹਾਜਰ ਹੋਏ। ਇਸ ਸਮੇ ਸਾਰੀਆਂ ਧਾਰਮਿਕ ਰਸਮਾ ਜੈ ਰਾਮ ਸਿੰਘ ਮੁੱਖ ਗ੍ਰੰਥੀ ਗੁਰੂਦੁਆਰਾ ਸਾਹਿਬ ਰਕਬਾ ਵਲੋ ਕੀਤੀਆਂ ਗਈਆਂ।
ਇਸ ਸਮੇ ਸ੍ਰੀ ਬਾਵਾ ਨੇ ਬੋਲਦੇ ਹੋਏ ਕਿਹਾ ਕਿ ਨਸ਼ੇ ਸਾਡੀ ਜਵਾਨੀ ਨੂੰ ਘੁਣ ਵਾਂਗ ਖਾ ਰਹੇ ਹਨ। ਉਹਨਾਂ ਕਿਹਾ ਕਿ ਜੋ ਨੌਜਵਾਨ ਨਸ਼ਿਆ ਦਾ ਸੇਵਨ ਕਰਦੇ ਹਨ ਤਾਂ ਕਿ ਉਹ ਆਪਣੀ ਸਿਹਤ ਦੀ ਬਰਬਾਦੀ, ਪਰਿਵਾਰ ਦੀ ਬਦਨਾਮੀ ਨਹੀ ਕਰਵਾ ਰਹੇ? ਉਹਨਾਂ ਕਿਹਾ ਕਿ ਸਾਡੇ ਨੌਜਵਾਨ ਬੱਚੇ ਆਪਣੇ ਅੰਦਰ ਝਾਤੀ ਮਾਰਨ ਅਤੇ ਗੁਰੂ ਸਾਹਿਬਾਨਾਂ ਦੇ ਉੁਪਦੇਸ਼ ਨੂੰ ਆਪਣੇ ਜੀਵਨ ਅੰਦਰ ਧਾਰਨ ਕਰਕੇ ਸੋਹਣੇ ਪਿਆਰ ਭਰੇ ਸਮਾਜ ਦੀ ਸਿਰਜਨਾ ਕਰਨ ਲਈ ਉਸਾਰੂ ਰੋਲ ਅਦਾ ਕਰਨ।
ਇਸ ਸਮੇ ਮਨਦੀਪ ਸਿੰਘ ਹਾਂਸ, ਬਲਦੇਵ ਬਾਵਾ ਅਤੇ ਹਰੀ ਦਾਸ ਬਾਵਾ ਨੇ ਬੋਲਦੇ ਕਿਹਾ ਕਿ ਲੋੜ ਹੈ ਵਾਤਾਵਰਨ ਦੀ ਸੁੱਧਤਾ ਲਈ ਅਸੀ ਦਰੱਖਤ ਲਗਾਈਏ ਜੋ ਕਿ ਭਿਆਨਕ ਬਿਮਾਰੀਆਂ ਤੋ ਨਿਜਾਤ ਦਵਾਉਣ ਲਈ ਸਹਾਈ ਹੁੰਦੇ ਹਨ। ਉਹਨਾਂ ਕਿਹਾ ਕਿ ਖੇਤਾ ਵਿਚ ਫਸਲਾਂ ਦਾ ਵਧੇਰੇ ਝਾੜ ਲਈ ਪੈਸ਼ਟੀਸਾਇਡ ਦੀ ਵਰਤੋ ਵੀ ਸਾਡੀ ਸਿਹਤ ਲਈ ਅਤਿ ਹਾਨੀਕਾਰਕ ਹੈ। ਉਹਨਾਂ ਕਿਹਾ ਕਿ ਵਾਤਾਵਰਨ ਦੀ ਸ਼ੁੱਧਤਾ ਲਈ ਫਾਊਡੇਸ਼ਨ ਵਲੋ 5000 ਬੂਟੇ ਵੰਡੇ ਜਾਣਗੇ। ਉਹਨਾ ਕਿਹਾ ਕਿ ਪੰਚਾਇਤਾਂ ਪਿੰਡਾ ਵਿਚ ਭਾਈਚਾਰਕ ਸਾਂਝ ਨੂੰ ਮਜਬੂਤ ਕਰਨ ਲਈ ਉਸਾਰੂ ਰੋਲ ਅਦਾ ਕਰਨ।
ਇਸ ਸਮੇ ਸਰਪੰਚ ਹਰਪ੍ਰੀਤ ਸਿੰਘ ਸਿੱਧਵਾਂ, ਕਰਤਿੰਦਰਪਾਲ ਸਿੰਘ ਸਰਪੰਚ ਸਿੰਘਪੁਰਾ, ਸੁਰਿੰਦਰ ਪਾਲ ਸਿੰਘ ਬਾਵਾ ਸਰਪੰਚ ਪੰਡੋਰੀ, ਦਰਵੇਸ ਦਾਸ ਬਾਵਾ ਸਰਪੰਚ ਹੱਲੋਤਾਲੀ, ਬਲਵੀਰ ਸਿੰਘ ਸਰਪੰਚ ਕਪੂਰਗੜ੍ਹ, ਦਲਵੀਰ ਸਿੰਘ ਨੀਟੂ ਮੈਬਰ ਬਲਾਕ ਸੰਮਤੀ, ਵਰਿੰਦਰਪਾਲ ਸਿੰਘ ਮੈਬਰ ਬਲਾਕ ਸੰਮਤੀ, ਨਵਦੀਪ ਬਾਵਾ, ਬਲਵਿੰਦਰ ਸਿੰਘ ਗਰੇਵਾਲ ਪੰਚ, ਪੂਜਾ ਬਾਵਾ, ਅਵਤਾਰ ਸਿੰਘ ਪੰਚ, ਪਵਨ ਸਿਡਾਨਾ, ਲਾਲੀ ਸ਼ਿਲਪਕਾਰ ਮੋਗਾ, ਦਾ ਸ਼ਾਲ, ਮੈਡਲ ਅਤੇ ਬਾਬਾ ਬੰਦਾ ਸਿੰਘ ਬਹਾਦਰ ਜੀ ਦਾ ਚਿੱਤਰ ਭੇਟ ਕਰਕੇ ਸਨਮਾਨ ਕੀਤਾ ਗਿਆ।
ਇਸ ਸਮੇ ਹੋਰਨਾਂ ਤੋ ਇਲਾਵਾ ਜਗਤਾਰ ਸਿੰਘ, ਸੰਦੀਪ ਸਿੰਘ, ਗੁਰਮੀਤ ਸਿੰਘ ਵੈਦ, ਰੇਸ਼ਮ ਸਿੰਘ ਸੱਗੂ, ਅਮਿ੍ਰਤਪਾਲ ਸਿੰਘ ਕਲਸੀ ਪ੍ਰਧਾਨ ਫਾਊਡੇਸ਼ਨ ਲੁਧਿਆਣਾ ਸ਼ਹਿਰੀ, ਕਮਲਜੀਤ ਸਿੰਘ ਘੜਿਆਲ ਪ੍ਰਧਾਨ ਫਾਊਡੇਸ਼ਨ ਲੁਧਿਆਣਾ ਯੂਥ ਵਿੰਗ, ਰਮਿੰਦਰ ਓੁਹਰੀ, ਦਾਰਾ ਦਾਸ ਬਾਵਾ, ਜਸਵੰਤ ਸਿੰਘ ਪੰਡੋਰੀ, ਪਾਲ ਸਿੰਘ, ਬਲਵਿੰਦਰ ਸਿੰਘ, ਗੁਰਦੇਵ ਸਿੰਘ, ਅਵਤਾਰ ਸਿੰਘ ਸਮੇਤ ਵੱਡੀ ਗਿਣਤੀ ਵਿਚ ਪਿੰਡ ਵਾਸੀ ਹਾਜਰ ਸਨ।
ਸਵਰਗੀ ਕਲਿਆਣ ਕੌਰ ਦੀਆਂ ਕੁਝ ਲਿਖਤਾਂ:--

Tuesday, April 19, 2011

ਉਦਾਸੀ ਨੂੰ ਵੀ ਆਨੰਦ ਵਿੱਚ ਬਦਲਣ ਦਾ ਭੇਦ ਸਮਝਾਉਂਦੇ ਨੇ ਬੰਟੀ ਬਾਬਾ

ਜ਼ਿੰਦਗੀ ਆਮ ਵਾਂਗ ਬਹੁਤ ਹੀ ਵਧੀਆ ਚੱਲ ਰਹੀ ਸੀ.  ਨਾਂ ਕੋਈ ਗਮ ਸੀ ਨਾਂ ਕੋਈ ਚਿੰਤਾ. ਹਰ ਤਰਾਂ ਦਾ ਸੁੱਖ, ਹਰ ਤਰਾਂ ਦਾ  ਆਰਾਮ, ਹਰ ਤਰਾਂ ਦੀ ਸਹੂਲਤ..ਸਭ ਕੁਝ ਮੌਜੂਦ ਸੀ ਪਰ ਦਿਲ ਉਦਾਸ ਹੋਇਆ ਤਾਂ ਲਗਾਤਾਰ ਉਦਾਸ ਹੀ ਹੁੰਦਾ ਚਲਾ ਗਿਆ. ਉਦਾਸੀ ਵਧੀ ਤਾਂ ਅਜਿਹੀ ਕਿ ਦਿਲ ਪੂਰੀ ਦੁਨੀਆ ਤੋਂ ਹੀ ਉਪਰਾਮ ਹੋ ਗਿਆ. ਜੇ ਕਿਤੇ ਜਾ ਕੇ ਸਕੂਨ ਦੇ ਦੋ  ਚਾਰ ਪਲ ਮਿਲਦੇ ਤਾਂ ਉਹ ਥਾਂ ਸੀ ਮਲੇਰ ਕੋਟਲੇ ਵਿੱਚ ਪੀਰ ਬਾਬਾ ਹੈਦਰ ਸ਼ੇਖ ਦਾ ਦਰਬਾਰ. ਨਿੱਤ ਨਵੇਂ ਰੰਗਾਂ ਦੀਆਂ ਮਸਤੀਆਂ ਵਿੱਚ  ਮਦਹੋਸ਼ ਰਹਿਣ ਵਾਲੀ ਉਮਰੇ ਜਿਹੜਾ ਨੌਜਵਾਨ ਇਸ ਦਰਬਾਰ ਵਿੱਚ  ਆ ਕੇ ਸਕੂਨ ਲਭ ਰਿਹਾ ਸੀ ਉਸਦਾ ਜਨਮ ਹੋਇਆ ਸੀ ਜ਼ਿਲਾ ਮਾਨਸਾ ਦੇ  ਪ੍ਰਸਿਧ ਇਲਾਕੇ ਭੀਖੀ ਵਿੱਚ.20 ਸਤੰਬਰ 1979 ਵਾਲੇ ਦਿਨ. ਇਹ ਨੌਜਵਾਨ ਖੁਦ ਹੈਰਾਨ ਸੀ ਕਿ ਉਹ ਉਦਾਸ ਕਿਓਂ ਹੈ. ਉਸਨੇ ਦੁਨੀਆ ਵੱਲ ਦੇਖਿਆ ਤਾਂ ਦੁਨੀਆ ਦਾ ਬੁਰਾ ਹਾਲ ਸੀ. ਦੁਨੀਆ ਤਾਂ ਤੜਫ ਰਹੀ ਸੀ ਤਰਾਂ ਤਰਾਂ ਦੇ ਦੁੱਖਾਂ ਵਿੱਚ. ਕਿਸੇ ਨੂੰ ਕੋਈ ਭਿਆਨਕ ਰੋਗ ਸੀ ਤੇ ਕਿਸੇ ਕੋਲ ਅੱਤ ਦੀ ਗਰੀਬੀ ਸੀ. ਕਿਸੇ ਦਾ ਵਿਆਹ ਨਹੀਂ ਸੀ ਹੋ ਰਿਹਾ ਅਤੇ ਕਿਸੇ ਕੋਲ ਕੋਈ ਔਲਾਦ ਨਹੀਂ ਸੀ. ਕੋਈ ਘਰ ਅਜਿਹਾ ਨਹੀਂ ਸੀ, ਕੋਈ ਪਰਿਵਾਰ  ਅਜਿਹਾ ਨਹੀਂ ਸੀ, ਕੋਈ ਵਿਅਕਤੀ ਅਜਿਹਾ ਨਹੀਂ ਸੀ ਜਿਸਨੂੰ ਕੋਈ ਦੁੱਖ ਨਹੀਂ ਸੀ. ਉਹ ਦੁਨੀਆ ਵੱਲ ਦੇਖਦਾ ਤਾਂ ਹੋਰ ਉਦਾਸ ਹੋ ਜਾਂਦਾ. ਦਿਲ ਕਰਦਾ ਸਭਦਾ ਦੁੱਖ ਖੁਦ ਲੈ ਲਾਵੇ ਪਰ ਇਹ ਤਾਂ ਹੋ ਨਹੀਂ ਸੀ ਸਕਦਾ.  ਉਦਾਸੀ ਦੇ ਇਸ ਆਲਮ ਵਿੱਚ ਹੀ ਉਹ ਇੱਕ ਦਿਨ ਹੋਰ ਉਦਾਸ ਹੋ ਗਿਆ. ਦਰਬਾਰ ਵਿੱਚ ਜਾ ਕੇ ਸਜਦਾ ਕੀਤਾ ਤਾਂ ਕੰਨਾਂ ਚ ਕੋਈ ਆਵਾਜ਼ ਪਈ. ਉਠ ਕੇ ਦੇਖਿਆ ਤਾਂ ਕਿਤੇ ਕੋਈ ਨਹੀਂ ਸੀ. ਫਿਰ ਸਜਦਾ ਕੀਤਾ ਤਾਂ ਫਿਰ ਉਹੀ ਆਵਾਜ਼. ਇਸ ਵਾਰ ਧਿਆਨ ਨਾਲ ਸੁਣਿਆ.  
ਫੱਕਰਾਂ ਨੂੰ ਫਿਕਰ ਕਾਹਦਾ, 
ਫੱਕਾ ਮਾਰ ਕੇ ਫਿਕਰਾਂ ਨੂੰ ਖਾ ਜਾਂਦੇ, 
ਵਾਰੇ ਵਾਰੇ ਜਾਈਏ ਇਹਨਾਂ ਫੱਕਰਾਂ ਦੇ,
ਲੌ ਕੇ ਕੱਖ ਜਾਂਦੇ, ਦੇ ਕੇ ਲੱਖ ਜਾਂਦੇ ! 
ਇਸ ਨੌਜਵਾਨ ਨੂੰ ਆਪਣੇ ਸੁਆਲ ਦਾ ਜੁਆਬ ਮਿਲ ਗਿਆ, ਉਪਰਾਮ ਹੋਈ ਜ਼ਿੰਦਗੀ ਦੀਆਂ ਘੁੰਮਣ ਘੇਰੀਆਂ  ਵਿੱਚ ਰਸਤਾ ਮਿਲ ਗਿਆ ਸੀ. ਸੰਘਣੇ ਹਨੇਰੇ ਵਿੱਚ ਚਾਨਣ ਨਜ਼ਰ ਆ ਗਿਆ ਸੀ. ਦੁਨੀਆ ਦੇ ਦੁੱਖ ਦੂਰ ਕਰਨ ਦਾ ਹੀਲਾ ਵਸੀਲਾ ਲਭ ਗਿਆ ਸੀ. ਇਹ ਨੌਜਵਾਨ ਸਾਧਨਾ ਵਿੱਚ ਡੁੱਬ ਗਿਆ, ਸਾਧਨਾ, ਸਾਧਨਾ ਅਤੇ ਸਿਰਫ ਸਾਧਨਾ ਹੀ ਸਾਧਨਾ. ਦਿਨ ਰਾਤ ਦੀ ਤੱਪਸਿਆ ਤੋਂ ਬਾਅਦ ਦਰਬਾਰ ਵੱਲੋਂ ਹੁਕਮ ਹੋਇਆ ਕਿ ਹੁਣ ਇਸ ਸਾਧਨਾ  ਦਾ ਪ੍ਰਸ਼ਾਦ ਸਾਰੀ ਦੁਨੀਆ ਨੂੰ ਵੰਡੋ. ਇਸ ਹੁਕਮ ਤੋਂ ਬਾਅਦ ਦੁਨੀਆ ਸਾਹਮਣੇ ਆਇਆ ਉਹ ਸਰੂਪ ਜਿਸਨੂੰ ਅੱਜ ਤੁਸੀਂ ਸਾਰੇ ਬੰਟੀ ਬਾਬਾ ਦੇ ਨਾਮ ਨਾਲ ਜਾਣਦੇ ਹੋ. ਮਜਹਬਾਂ ਦੀਆਂ ਦੀਵਾਰਾਂ ਨੂੰ ਤੋੜਦਿਆਂ ਬੰਟੀ ਬਾਬਾ ਨੇ ਵੀਰਵਾਰ ਨੂੰ ਵੀ ਪੀਰਾਂ ਦੇ ਦਰਬਾਰ ਦਾ ਸਿਲਸਿਲਾ ਸ਼ੁਰੂ ਕੀਤਾ ਅਤੇ ਮੰਗਲਵਾਰ ਨੂੰ ਵੀ. ਲੁਧਿਆਣਾ ਦੀ ਕਾਕੋਵਾਲ ਰੋਡ ਤੇ ਸਥਿਤ ਨਿਊ ਪੀਰਖਾਨਾ ਵਿਖੇ ਲੱਗਦੇ ਇਸ ਦਰਬਾਰ ਵਿੱਚ ਸੰਗਤ ਬਹੁਤ ਦੂਰੋਂ ਦੂਰੋਂ ਆਉਂਦੀ ਹੈ. ਲੁਧਿਆਣਾ  ਵਿੱਚ  ਜਿਸ ਥਾਂ ਤੇ ਅੱਜ ਕੱਲ ਪੀਰਖਾਨਾ ਮੌਜੂਦ ਹੈ ਉਥੇ ਦਰਬਾਰ ਦੀ ਸ਼ੁਰੂਆਤ ਤਾਂ ਹੋ ਗਈ ਸੀ 14 ਦਸੰਬਰ 2006 ਨੂੰ ਪਰ ਨੀਂਹ ਪਥਰ  ਰੱਖਿਆ ਗਿਆ 25 ਮਾਰਚ 2007 ਨੂੰ. ਇਸਤੋਂ ਪਹਿਲਾਂ ਬੰਟੀ ਬਾਬਾ ਦੀ ਸਾਧਨਾ ਘਰ ਵਿੱਚ ਹੀ ਚਲਦੀ ਸੀ. 
ਇੱਕ ਦਿਨ ਦਰਬਾਰ ਵਿੱਚ ਬੈਠਿਆਂ ਇੱਕ ਬਜੁਰਗ ਪਰਿਵਾਰ ਆਇਆ. ਬਹੁਤ ਹੀ ਪਰੇਸ਼ਾਨ. ਹੰਝੂ ਰੁਕਣ ਦਾ ਨਾਮ ਨਹੀ ਸਨ ਲੈ ਰਹੇ. ਦੋ ਬੇਟੀਆਂ ਸਨ, ਆਰਥਿਕ ਤੰਗੀਆਂ ਵੀ ਬਹੁਤ ਸਨ ਅਤੇ ਕੋਈ ਯੋਗ ਵਰ ਨਹੀ ਸੀ ਲਭ ਰਿਹਾ. ਜਦੋਂ ਦਰਬਾਰ ਵਿੱਚ ਆ ਕੇ ਮੱਥਾ ਟੇਕਿਆ ਉਸ ਵੇਲੇ ਬੰਟੀ ਬਾਬਾ ਧਿਆਨ ਮਗਨ ਸਨ. ਚੋਂਕੀ ਆਈ ਹੋਈ ਸੀ. ਉਹਨਾਂ ਆਪਣੀ ਦਿਬ ਦ੍ਰਿਸ਼ਟੀ ਨਾਲ ਉਸਦੇ ਘਰ ਦਾ ਸਾਰਾ ਨਜ਼ਾਰਾ ਦੇਖਿਆ. ਬੰਟੀ ਬਾਬਾ ਨੇ ਦਰਬਾਰ ਦੀ ਮਰਜ਼ੀ ਪਤਾ ਕਰਨ ਲਈ ਪੁਛਿਆ ਤਾਂ ਜੁਆਬ ਮਿਲਿਆ ਕਿ ਅਜੇ ਇਸਦੀਬੇਟੀ ਦਾ ਵਿਆਹ ਨਹੀਂ ਕਰਨਾ. ਪਹਿਲਾਂ ਇਹਨਾਂ ਘਰ ਇੱਕ ਬੇਟਾ ਆਵੇਗਾ. ਬੰਟੀ ਬਾਬਾ ਨੇ ਸ਼੍ਰੀ ਲੱਖਦਾਤਾ  ਪੀਰ ਦਾ ਹੁਕਮ ਸਭ ਦੇ ਸਾਹਮਣੇ ਉਸਨੂੰ ਸੁਣਾ ਦਿੱਤਾ. ਸਾਰੇ ਹੈਰਾਨ ਸਨ. ਪਰਿਵਾਰ ਬਜੁਰਗ ਸੀ. ਬੇਟਾ ਕਿਵੇਂ ਆ ਸਕਦਾ ਸੀ ਪਰ ਉਸ ਔਰਤ ਨੇ ਜਲਦੀ ਹੀ 65 ਸਾਲਾਂ ਦੀ ਉਮਰ ਵਿੱਚ ਇਕ ਬੇਟੇ ਨੂੰ ਜਨਮ ਦਿੱਤਾ. ਇਸ ਤਰਾਂ ਦੀਆਂ ਕਈ ਕਹਾਣੀਆਂ ਸ਼ਰਧਾਲੂਆਂ ਕੋਲੋਂ ਵੀ ਸੁਣੀਆਂ ਜਾ ਸਕਦੀਆਂ ਹਨ. ਕਈਆਂ ਨੂੰ ਇਸ ਥਾਂ ਆ ਕੇ ਰਾਹਤ ਮਿਲੀ. ਕਈਆਂ ਨੂੰ ਆਪਣੀਆਂ ਮੁਸ਼ਕਿਲਾਂ ਦੇ ਹਲ ਮਿਲੇ. 
ਇਸ ਅਸਥਾਨ ਨੇ ਮੈਡੀਕਲ ਕੈਂਪਾਂ  ਵਿੱਚ ਵੀ ਸਹਿਯੋਗ ਦਿੱਤਾ. ਭਾਵੇਂ ਖੂਨਦਾਨ ਦਾ ਸੁਆਲ ਸੀ ਤੇ ਭਾਵੇਂ ਆਮ ਮੈਡੀਕਲ ਕੈੰਪ. ਇਸ ਅਸਥਾਨ ਦੇ ਪੈਰੋਕਾਰ ਵਧ ਚੜ੍ਹ ਕੇ ਸ਼ਾਮਿਲ ਹੋਏ. ਵਪਾਰ ਅਤੇ ਕਾਰੋਬਾਰ ਨਾਲ ਜੁੜੇ ਹੋਏ ਬੰਟੀ ਬਾਬਾ ਆਪਣੀ ਆਮਦਨ ਵਿਚੋਂ ਇਸ ਅਸਥਾਨ ਲਈ ਵੀ ਲਗਾਤਾਰ ਖਰਚਾ ਕਰਦੇ ਹਨ. ਕਿਸੇ ਸ਼ਰਧਾਲੂ ਦੀ ਕਦੇ ਕੋਈ ਪਰਚੀ ਨਹੀਂ ਕੱਟੀ ਜਾਂਦੀ. ਇਹ ਸਾਰੇ ਖਰਚੇ ਸ਼੍ਰੀ ਲੱਖ ਦਾਤਾ ਪੀਰ ਊਨਾ ਵਾਲਿਆਂ ਅਤੇ ਮਲੇਰਕੋਟਲਾ ਦਰਬਾਰ ਵਾਲੇ ਬਾਬਾ ਹੈਦਰ ਸ਼ੇਖ ਦੀ ਕਿਰਪਾ ਨਾਲ ਲਗਾਤਾਰ ਚੱਲ ਰਹੇ ਹਨ.ਉਹਨਾਂ ਇਹ ਵੀ ਕਿਹਾ ਕੀ ਧਰਮ ਜੋੜਦਾ ਹੈ ਤੋੜਦਾ ਨਹੀਂ ਇਸ ਲਈ ਧਰਮ ਜਾਂ ਮਜ਼ਹਬ ਦੇ ਨਾਮ ਥੱਲੇ ਕਦੇ ਕਿਸੇ ਦਾ ਦਿਲ ਨਹੀਂ ਦੁਖਾਇਆ ਜਾਣਾ ਚਾਹੀਦਾ. ਸਾਖੀ ਸਰਵਰ ਦਰਬਾਰ ਵੀ ਹਮੇਸ਼ਾਂ ਇਹੀ ਸੁਨੇਹਾ ਦੇਂਦਾ ਹੈ. ਏਥੇ ਸਾਰਿਆਂ ਧਰਮਾਂ ਦੇ ਲੋਕਾਂ ਨੂੰ ਖੁੱਲਾ ਸੱਦਾ ਹੈ.22 ਅਪ੍ਰੈਲ 2011 ਨੂੰ ਇਸ ਅਸਥਾਨ ਤੇ ਸ਼੍ਰੀ ਲੱਖ ਦਾਤਾ ਪੀਰ ਦਾ ਆਗਮਨ ਦਿਵਸ ਵੀ ਬੜੀ ਧੂਮਧਾਮ ਨਾਲ ਮਨਾਇਆ ਜਾ ਰਿਹਾ ਹੈ ਜਿਸ ਵਿੱਚ  ਵਿੱਚ ਸਖੀ ਸਰਵਰ ਸ਼੍ਰੀ ਲੱਖ ਦਾਤਾ ਪੀਰ ਜੀ ਨਿਗਾਹੇ ਵਾਲਿਆਂ ਦਾ ਪ੍ਰਕਾਸ਼ ਦਿਵਸ ਮਨਾਉਣ ਲਈ ਕਲ੍ਹ ਸ਼ੁੱਕਰਵਾਰ 22 ਅਪ੍ਰੈਲ ਨੂੰ ਵਿਸ਼ਾਲ ਸਮਾਰੋਹ ਆਯੋਜਿਤ ਹੋ ਰਿਹਾ ਹੈ. 
ਇਸ ਸਮਾਰੋਹ ਵਿੱਚ ਗੀਤ ਸੰਗੀਤ ਦੀ ਦੁਨੀਆ ਦੇ ਕਈ ਪ੍ਰਸਿਧ ਕਲਾਕਾਰ ਉਚੇਚੇ ਤੌਰ ਤੇ ਪੁੱਜ ਰਹੇ ਹਨ.  ਇਹਨਾਂ ਕਲਾਕਾਰਾਂ ਵਿੱਚ  ਘੁੱਲਾ ਸਰਹਾਲੇ ਵਾਲਾ, ਲਖਵਿੰਦਰ ਵਡਾਲੀ, ਹਮਸਰ  ਹਯਾਤ ਨਿਜਾਮੀ, ਅਨਮੋਲ ਵਿਰਕ, ਰਾਕੇਸ਼ ਰਾਧੇ ਅਤੇ ਕਈ ਹੋਰ ਕਲਾਕਾਰ ਵੀ ਸ਼ਾਮਿਲ ਹਨ.  ਕਾਮੇਡੀ ਦੀ ਦੁਨੀਆ ਦੇ ਜਾਣੇ ਪਛਾਣੇ ਕਲਾਕਾਰ ਭੋਟੂ ਸ਼ਾਹ ਅਤੇ ਕਾਕੇ ਸ਼ਾਹ ਵੀ ਆਪਣੀਆਂ ਹਾਸ ਰਸ ਵਾਲੀਆਂ ਫੁੱਲਝੜੀਆਂ ਚਲਾਉਣਗੇ.  ਇਸ ਅਸਥਾਨ ਦੇ ਮੁੱਖ ਸੇਵਾਦਾਰ ਬੰਟੀ ਬਾਬਾ ਨੇ ਦੱਸਿਆ ਕਿ ਦਰਬਾਰ ਦੀ ਕਿਰਪਾ ਨਾਲ ਭੰਡਾਰਾ ਵੀ ਅਤੁੱਟ ਵਰਤੇਗਾ. ਇਹ ਪ੍ਰੋਗਰਾਮ ਸਵੇਰੇ ਹੀ ਸ਼ੁਰੂ ਹੋ ਜਾਣਗੇ. ਰੋਜ਼ੇ ਦੀ ਚਾਦਰ ਵਾਲੀ ਰਸਮ ਸਵੇਰੇ ਸਾਢੇ ਦਸ ਵਜੇ ਹੋਵੇਗੀ, ਝੰਡੇ ਦੀ ਰਸਮ  ਸਾਢੇ ਗਿਆਰਾਂ ਵਜੇ ਅਤੇ ਕਵਾਲੀਆਂ  ਸ਼ੁਰੂ ਹੋਣਗੀਆਂ ਦੁਪਹਿਰ ਨੂੰ ਢਾਈ ਵਜੇ. ਨਿਊ ਅੱਗਰਵਾਲ ਪੀਰਖਾਨਾ ਟਰਸਟ ਦੀ ਦੇਖ ਰੇਖ ਹੇਠ ਹੋ ਰਿਹਾ ਇਹ ਪ੍ਰੋਗਰਾਮ ਸਖੀ ਸਰਵਰ ਸ਼੍ਰੀ ਲੱਖ ਦਾਤਾ ਪੀਰ ਜੀ ਨਿਗਾਹੇ ਵਾਲਿਆਂ ਦੀ ਇਛਾ ਤੱਕ ਜਾਰੀ ਰਹੇਗਾ. ਬੰਟੀ ਬਾਬਾ ਨੇ ਸਾਰੀਆਂ ਸੰਗਤਾਂ ਨੂੰ ਅਪੀਲ ਕੀਤੀ ਹੈ ਕਿ ਓਹ ਵਧ ਚੜ੍ਹ ਕੇ ਦਰਬਾਰ ਵਿੱਚ ਪਹੁੰਚਣ ਅਤੇ ਦਰਬਾਰ ਦੀਆਂ ਖੁਸ਼ੀਆਂ ਪ੍ਰਾਪਤ ਕਰਨ.  ਇਸ ਮੌਕੇ ਤੇ ਹੋ ਰਹੇ ਵਿਸ਼ਾਲ ਇੱਕਠ ਲਈ ਸਾਰੇ ਜਰੂਰੀ ਪ੍ਰਬੰਧ ਮੁਕੰਮਲ ਕਰ ਲਏ ਗਏ ਹਨ. ਅਨੁਸ਼ਾਸਨ ਲਈ ਵੀ ਡਿਊਟੀਆਂ ਲਗਾ ਦਿੱਤੀਆਂ ਗਈਆਂ ਹਨ. ਵੱਖ ਵੱਖ ਟੀ ਵੀ ਚੈਨਲਾਂ ਵੱਲੋਂ ਇਸ ਸਾਰੇ ਪ੍ਰੋਗਰਾਮ ਦਾ ਸਿਧਾ ਪ੍ਰਸਾਰਣ ਵੀ ਹੋਵੇਗਾ.                     ਪ੍ਰੈਸ ਕਾਨਫਰੰਸ ਦੀ ਰਿਪੋਰਟ--ਵਿਸ਼ਾਲ ਗਰਗ  (ਫੋਟੋ: ਸੰਜੈ ਸੂਦ) 

ਨੋਟ: ਇਸ ਸਬੰਧ ਵਿੱਚ ਤੁਸੀਂ ਵੀ ਆਪਣੇ ਵਿਚਾਰ, ਆਪਣੀਆਂ ਜਾਣਕਾਰੀਆਂ  ਅਤੇ ਆਪਣੇ ਸਚੇ ਅਨੁਭਵ ਭੇਜ ਸਕਦੇ ਹੋ. ਜੇ ਓਹ  ਸਮਾਜ ਦੇ ਭਲੇ ਨਾਲ ਸਬੰਧਿਤ ਹੋਈਆਂ, ਲੋਕਾਂ ਨੂੰ ਇੱਕ ਦੂਜੇ ਨਾਲ ਜੋੜਾਂ ਲੈ ਪ੍ਰੇਰਿਤ ਕਰਦਿਆਂ ਹੋਈਆਂ ਤਾਂ ਉਹਨਾਂ ਲਿਖਤਾਂ ਨੂੰ ਵੀ ਥਾਂ ਦਿੱਤੀ ਜਾਵੇਗੀ.