ਮਾਲਵਾ ਸਭਿਆਚਾਰਕ ਮੰਚ ਵੱਲੋਂ ਭਰੂਣ ਹੱਤਿਆ, ਨਸ਼ੇ ਅਤੇ ਸੜਕ ਹਾਦਸੇ 'ਤੇ ਸੈਮੀਨਾਰ

Fri, Jan 10, 2014 at 3:26 PM
ਭਰੂਣ ਹੱਤਿਆ ਲਈ 302 ਦੀ ਧਾਰਾ ਲੱਗਣੀ ਚਾਹੀਦੀ ਹੈ-ਜੱਸੋਵਾਲ

ਲੁਧਿਆਣਾ:  10 ਜਨਵਰੀ 2014: (ਰੈਕਟਰ ਕਥੂਰੀਆ//ਪੰਜਾਬ ਸਕਰੀਨ):

ਮਾਲਵਾ ਸਭਿਆਚਾਰਕ ਮੰਚ, ਪੰਜਾਬ ਵੱਲੋਂ ਪੰਜਾਬੀ ਸਾਹਿਤ ਅਕਾਡਮੀ ਲੁਧਿਆਣਾ ਦੇ ਸਹਿਯੋਗ ਨਾਲ 'ਭਰੂਣ ਹੱਤਿਆ, ਨਸ਼ੇ ਅਤੇ ਸੜਕ ਹਾਦਸੇ' 'ਤੇ ਸੈਮੀਨਾਰ ਪੰਜਾਬੀ ਭਵਨ ਵਿਖੇ ਕਰਵਾ ਕੇ ਤੇਜ਼ਾਬ ਕਾਂਡ ਦੀ ਪੀੜਤ ਹਰਪ੍ਰੀਤ ਕੌਰ ਨੂੰ ਸਮਰਪਿਤ ਲੜਕੀਆਂ ਦੇ 18ਵੇਂ ਲੋਹੜੀ ਮੇਲੇ ਦੀ ਸ਼ੁਰੂਆਤ ਕੀਤੀ ਗਈ। ਇਸ ਮੌਕੇ ਕੁੰਜੀਵਤ ਭਾਸ਼ਨ ਦਿੰਦੇ ਹੋਏ ਪੰਜਾਬੀ ਸਾਹਿਤ ਅਕਾਡਮੀ ਲੁਧਿਆਣਾ ਦੇ ਪ੍ਰਧਾਨ ਪ੍ਰੋ. ਗੁਰਭਜਨ ਸਿੰਘ ਗਿੱਲ ਨੇ ਕਿਹਾ ਕਿ ਅੱਜ ਸਾਡੇ ਕੋਲੋਂ ਕਿਤਾਬ, ਰਬਾਬ ਅਤੇ ਲਿਆਕਤ ਦੀ ਥਾਂ ਅਨੈਤਿਕ ਕਦਰਾਂ ਕੀਮਤਾਂ ਨੇ ਸਾਡੀ ਜੀਵਨ ਸ਼ੈਲੀ ਨੂੰ ਏਨਾ ਗੰਧਲਾ ਕਰ ਦਿੱਤਾ ਹੈ ਜਿਸ ਕਾਰਨ ਅੱਜ ਸਮਾਜ ਵਿਚ ਨਸ਼ੇ, ਭਰੂਣ ਹੱਤਿਆ ਅਤੇ ਸੜਕ ਹਾਦਸਿਆਂ ਵਿਚ ਵਾਧਾ ਹੋ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਪਹਿਲਾਂ ਕੇਬਲ ਟੀ.ਵੀ. ਨੇ, ਤੇ ਹੁਣ ਜੇਬੀ ਫ਼ੋਨ ਨੇ ਸਾਡੇ ਅੰਦਰ ਅਜਿਹੀ ਉਤੇਜਨਾ ਭਰ ਦਿੱਤੀ ਹੈ ਕਿ ਅਸੀਂ ਸਰਪੱਟ ਦੌੜੇ ਜਾ ਰਹੇ ਹਾਂ। ਉਨ੍ਹਾਂ ਕਿਹਾ ਕਿ ਇਸ ਦੌੜ ਦੇ ਕਾਰਨ ਸਮਾਜ ਅਤੇ ਪਰਿਵਾਰਕ ਰਿਸ਼ਤਿਆਂ ਨੂੰ ਅਸੀਂ ਭੁੱਲ ਗਏ ਹਾਂ, ਜਿਸ ਕਾਰਨ ਅਣਕਿਆਸੀਆਂ ਬੱਚੀਆਂ ਨਾਲ ਬਲਾਤਕਾਰ ਕਰਨ ਦੀਆਂ ਘਟਨਾਵਾਂ ਵਿਚ ਵਾਧਾ ਹੋ ਰਿਹਾ ਹੈ। ਉਨ੍ਹਾਂ ਆਪਣਾ ਚਰਚਿਤ ਗੀਤ 'ਮਾਏ ਨੀ ਅਣਜੰਮੀ ਧੀ ਨੂੰ ਇਕ ਲੋਰੀ ਦੇ ਦੇ' ਵੀ ਸੁਣਾਇਆ। ਪ੍ਰੋ. ਮੋਹਨ ਸਿੰਘ ਫ਼ਾਊਂਡੇਸ਼ਨ ਦੇ ਬਾਨੀ ਜਥੇਦਾਰ ਸ. ਜਗਦੇਵ ਸਿੰਘ ਜੱਸੋਵਾਲ ਨੇ ਕਿਹਾ ਕਿ ਅਜੇ ਤੱਕ ਨਾ ਕਿਸੇ ਵਿਧਾਇਕ ਨੇ ਤੇ ਨਾ ਕਿਸੇ ਐਮ.ਪੀ. ਨੇ ਭਰੂਣ ਹੱਤਿਆ ਬਾਰੇ ਸਦਨ ਵਿਚ ਬਿਆਨ ਨਹੀਂ ਦਿੱਤਾ ਜਦਕਿ ਭਰੂਣ ਹੱਤਿਆ ਲਈ 302 ਦੀ ਧਾਰਾ ਲੱਗਣੀ ਚਾਹੀਦੀ ਹੈ। ਉਨ੍ਹਾਂ ਕਿਹਾ ਕਿ ਜਿਸ ਤਰ੍ਹਾਂ ਬਲਾਤਕਾਰ ਕਾਨੂੰਨ ਵਿਚ ਸਖਤੀ ਹੋਈ ਹੈ ਜੇਕਰ ਇਸ ਤਰ੍ਹਾਂ ਭਰੂਣ ਹੱਤਿਆ ਲਈ ਕਾਨੂੰਨ ਬਣ ਸਕੇ ਤਾਂ ਇਸ ਸਮੱਸਿਆ ਨੂੰ ਠੱਲ ਪੈ ਸਕਦੀ ਹੈ। ਸਾਬਕਾ ਮੰਤਰੀ ਸ. ਮਲਕੀਤ ਸਿੰਘ ਦਾਖਾ ਨੇ ਕਿਹਾ ਕਿ ਜਿਸ ਤਰ੍ਹਾਂ ਅਸੀਂ ਪੁੱਤਰਾਂ ਦੀ ਲੋਹੜੀ ਮਨਾਉਂਦੇ ਹਾਂ ਮਾਲਵਾ ਸਭਿਆਚਾਰਕ ਮੰਚ ਨੇ 20 ਵਰ੍ਹੇ ਪਹਿਲਾਂ ਧੀਆਂ ਦੀ ਲੋਹੜੀ ਮਨਾ ਕੇ ਅੱਜ ਸਮਾਜ ਵਿਚ ਲਹਿਰ ਪੈਦਾ ਕਰ ਦਿੱਤੀ ਹੈ। ਉਜਾਗਰ ਸਿੰਘ ਕੰਵਲ ਨੇ ਸੜਕ ਹਾਦਸਿਆਂ ਬਾਰੇ ਬੋਲਦਿਆਂ ਕਿਹਾ ਕਿ ਇਨ੍ਹਾਂ ਦਾ ਮੁੱਖ ਕਾਰਨ ਨਸ਼ੇ ਅਤੇ ਟ੍ਰੈਫਿਕ ਨਿਯਮਾਂ ਵਿਚ ਲਚਕਤਾ ਹੋਣ ਕਾਰਨ ਇਹ ਹਾਦਸੇ ਵੱਧ ਰਹੇ ਹਨ। ਜੇਕਰ ਲਾਇਸੈਂਸ ਲੈਣ ਤੋਂ ਪਹਿਲਾਂ ਲਿਖਤੀ ਟੈਸਟ ਹੋਵੇ ਤਾਂ ਅਜਿਹੇ ਹਾਦਸੇ ਰੋਕੇ ਜਾ ਸਕਦੇ ਹਨ। ਮਾਲਵਾ ਸਭਿਆਚਾਰਕ ਮੰਚ ਪੰਜਾਬ ਦੇ ਚੇਅਰਮੈਨ ਸ੍ਰੀ ਕੇ. ਕੇ. ਬਾਵਾ ਅਤੇ ਪ੍ਰਧਾਨ ਸ੍ਰੀ ਪਵਨ ਦੀਵਾਨ ਨੇ ਪਿਛਲੇ 18 ਵਰ੍ਹਿਆਂ ਤੋਂ ਲਗਾਏ ਜਾ ਰਹੇ ਲੜਕੀਆਂ ਦੇ ਲੋਹੜੀ ਮੇਲੇ ਸੰਬੰਧੀ ਦਸਿਆ ਕਿ ਇਸ ਦਾ ਉਦੇਸ਼ ਕੇਵਲ ਇਕੋ ਹੀ ਹੈ ਕਿ ਸਮਾਜ ਅੰਦਰੋਂ ਲੜਕੇ ਅਤੇ ਲੜਕੀ ਦੇ ਜਨਮ ਵਿਚਾਲੇ ਸਮਝੇ ਜਾਂਦੇ ਅੰਤਰ ਨੂੰ ਖਤਮ ਕਰਨਾ ਹੈ। ਉਨ੍ਹਾਂ ਕਿਹਾ ਕਿ ਅੱਜ ਲੜਕੀਆਂ ਸਮਾਜ ਦੇ ਹਰ ਖੇਤਰ ਵਿਚ ਲੜਕਿਆਂ ਨਾਲੋਂ ਅੱਗੇ ਹਨ। ਉਨ੍ਹਾਂ ਦਸਿਆ ਕਿ 11 ਜਨਵਰੀ ਨੂੰ ਜਿੱਥੇ ਵੱਖ ਵੱਖ ਖੇਤਰਾਂ ਵਿਚ ਵਿਲੱਖਣ ਪ੍ਰਾਪਤੀਆਂ ਕਰਨ ਵਾਲੀਆਂ ਸ਼ਖ਼ਸੀਅਤਾਂ ਨੂੰ ਸਨਮਾਨਿਤ ਕੀਤਾ ਜਾਵੇਗਾ ਉਥੇ ਲੋਹੜੀ ਮੇਲੇ 'ਤੇ ਜਲੰਧਰ ਦੂਰਦਰਸ਼ਨ ਦੀ ਸੀਨੀਅਰ ਰਿਪੋਰਟਰ ਸ੍ਰੀਮਤੀ ਊਸ਼ਾ ਪਵਾਰ ਨੂੰ ਵਿਸ਼ੇਸ਼ ਸਨਮਾਨ ਨਾਲ ਨਿਵਾਜਿਆ ਜਾਵੇਗਾ।
ਇਸ ਮੌਕੇ ਸਰਬਸੰਮਤੀ ਨਾਲ ਪਾਸ ਕੀਤੇ ਗਏ ਮਤਿਆਂ ਰਾਹੀਂ ਭਰੂਣ ਹੱਤਿਆ ਨੂੰ ਕਤਲ ਕੇਸ ਦੇ ਬਰਾਬਰ ਗਿਣ ਕੇ ਦੋਸ਼ੀ ਮਾਪਿਆਂ ਅਤੇ ਡਾਕਟਰ ਦੇ ਖ਼ਿਲਫ਼ ਕੇਸ ਦਰਜ ਕੀਤਾ ਜਾਵੇ, ਭਰੂਣ ਹੱਤਿਆ ਦੇ ਖ਼ਿਲਾਫ਼ ਚੇਤਨਾ ਲਹਿਰ ਪਸਾਰਨ ਲਈ ਪਾਠ ਪੁਸਤਕਾਂ ਵਿਚ ਵਿਸ਼ਾ ਸ਼ਾਮਲ ਕੀਤਾ ਜਾਵੇ, ਸੜਕ ਸੁਰੱਖਿਆ ਲਈ ਲਾਇਸੈਂਸ ਵਿਧੀ ਨੂੰ ਲੀਹਾਂ 'ਤੇ ਚਲਾਇਆ ਜਾਵੇ। ਕੋਤਾਹੀ ਕਰਨ ਵਾਲਿਆਂ ਨੂੰ ਪੰਜ ਗਲਤੀਆਂ ਕਰਨ ਉਪਰੰਤ ਲਾਇਸੈਂਸ ਰੱਦ ਕੀਤਾ ਜਾਵੇ, ਸ਼ਰਾਬੀ ਹਾਲਤ ਵਿਚ ਵਹੀਕਲ ਚਲਾਉਣ ਵਾਲਿਆਂ ਦੇ ਲਾਇਸੈਂਸ ਰੱਦ ਕਰਕ ਆਜੀਵਨ ਪਾਬੰਦੀ ਲਗਾਈ ਜਾਵੇ, ਸੜਕ ਸੁਰੱਖਿਆ ਯਕੀਨੀ ਬਣਾਉਣ ਲਈ ਇੰਜਨੀਅਰਿੰਗ, ਸਹੀ ਚੇਤਨਾ ਅਤੇ ਸਹੀ ਸਰਵੇਖਣ ਲਈ ਸਰਕਾਰ ਮਜਬੂਤ ਢਾਂਚਾ ਤਿਆਰ ਕਰੇ। ਪੰਜਾਬ ਨੂੰ ਨਸ਼ਾ ਮੁਕਤ ਕਰਨ ਲਈ ਕੌਮੀ ਨਸ਼ਾ ਵਿਰੋਧੀ ਏਜੰਸੀਆਂ ਨਾਲ ਤਾਲਮੇਲ ਕੀਤਾ ਜਾਵੇ ਅਤੇ ਨਸ਼ਾ ਵਿਰੋਧੀ ਚੇਤਨਾ ਪ੍ਰਚੰਡ ਕਰਨ ਲਈ ਵਿੱਦਿਅਕ ਅਤੇ ਸਮਾਜਿਕ ਜਥੇਬੰਦੀਆਂ ਨੂੰ ਵਿਸ਼ੇਸ਼ ਤੌਰ 'ਤੇ ਉਤਸ਼ਾਹਿਤ ਕੀਤਾ ਜਾਵੇ ਦੀ ਮੰਗ ਕੀਤੀ ਗਈ।
ਇਸ ਮੌਕੇ ਕੁਲਵਿੰਦਰ ਕੌਰ ਕਿਰਨ,ਪਰਮਜੀਤ ਕੌਰ ਮਹਿਕ, ਗੁਰਵਿੰਦਰ ਸਿੰਘ, ਰਵਿੰਦਰ ਦੀਵਾਨਾ, ਹਰਦੇਵ ਸਿੰਘ ਕਲਸੀ ਨੇ ਭਰੂਣ ਹੱਤਿਆ ਨਾਲ ਸੰਬੰਧਿਤ ਗੀਤ, ਕਵਿਤਾਵਾਂ ਪੇਸ਼ ਕੀਤੀਆਂ। ਇਸ ਦੌਰਾਨ ਉਜਾਗਰ ਸਿੰਘ ਕੰਵਲ, ਸ. ਜਗਦੇਵ ਸਿੰਘ ਜੱਸੋਵਾਲ, ਅਕਾਡਮੀ ਦੇ ਪ੍ਰਧਾਨ ਪ੍ਰੋ. ਗੁਰਭਜਨ ਸਿੰਘ ਗਿੱਲ ਦਾ ਵਿਸ਼ੇਸ਼ ਤੌਰ 'ਤੇ ਸਨਮਾਨ ਕੀਤਾ ਗਿਆ। ਇਸ ਮੌਕੇ ਸ. ਪ੍ਰਗਟ ਸਿੰਘ ਗਰੇਵਾਲ, ਸ੍ਰੀ ਐਨ. ਐਸ. ਨੰਦਾ, ਬਲਵੰਤ ਸਿੰਘ ਧਨੋਆ, ਅਰਵਿੰਦਰ ਕੋਸ਼ਿਕ ਹੈਪੀ, ਰੇਸ਼ਮ ਸਿੰਘ ਸੱਗੂ, ਬਲਜਿੰਦਰ ਸਿੰਘ ਹੂੰਝਣ, ਪ੍ਰਿੰ. ਪ੍ਰੇਮ ਸਿੰਘ ਬਜਾਜ,  ਟੀ. ਐਸ. ਬਖਸ਼ੀ, ਗੁਰਵਿੰਦਰ ਸਿੰਘ, ਪ੍ਰਿੰ. ਹ.ਸ. ਚਾਵਲਾ, ਸੁਰਿੰਦਰ ਕੌਰ, ਮੁਖਤਿਆਰ ਸਿੰਘ, ਬੁੱਧ ਸਿੰਘ ਨੀਲੋਂ, ਅਜਮੇਰ ਸਿੰਘ, ਨਿਰਮਲ ਕੈੜਾ, ਅਕਸ਼ੇ ਭਨੋੜ, ਹਰਚੰਦ ਸਿੰਘ ਧੀਰ ਆਦਿ ਹਾਜ਼ਰ ਸਨ।

ਗੁਰੂ ਗੋਬਿੰਦ ਸਿੰਘ ਮਾਰਗ ਗਿਆਨੀ ਜੀ ਦੀ ਸਿੱਖ ਕੌਮ ਲਈ ਵਡਮੁੱਲੀ ਦੇਣ-ਜੱਸੋਵਾਲ

Wed, Dec 25, 2013 at 7:35 PM
ਪੰ.ਸਰਕਾਰ ਗਿਆਨੀ ਜੀ ਦੀ ਡਾਕੂਮੈਂਟਰੀ ਫਿਲਮ ਤਿਆਰ ਕਰਵਾਏ-ਬਾਵਾ
*ਦੇਸ਼ ਭਗਤ ਯਾਦਗਾਰੀ ਸੁਸਾਇਟੀ ਪੰਜਾਬ ਨੇ ਕੀਤਾ ਵਿਸ਼ੇਸ਼ ਆਯੋਜਨ 
*ਮਰਹੂਮ ਰਾਸ਼ਟਰਪਤੀ ਗਿਆਨੀ ਜੈਲ ਸਿੰਘ ਦੀਆਂ ਕਈ ਯਾਦਾਂ ਹੋਈਆਂ ਤਾਜ਼ਾ 
*ਆਈ. ਐਨ.ਏ. ਦੇ ਮੋਢੀ ਜਨਰਲ ਮੋਹਨ ਸਿੰਘ ਨੂੰ ਵੀ ਕੀਤਾ ਗਿਆ ਫਖਰ ਨਾਲ ਯਾਦ  
*ਗਿਆਨੀ ਜੈਲ ਸਿੰਘ ਪੱਛੜੇ ਵਰਗਾਂ ਦਾ ਜੀਵਨ ਪੱਧਰ ਉੱਚਾ ਚੁੱਕਣ ਲਈ ਯਤਨਸ਼ੀਲ ਰਹੇ-ਕੁਲਾਰ
*ਸੁੰਤਤਰਤਾ ਸੰਗਰਾਮੀਆ ਦੇਵਕੀਨੰਦਨ ਖਾਰ ਅਤੇ ਪ੍ਰੋ. ਹਜ਼ਾਰਾ ਸਿੰਘ ਸਨਮਾਨਿਤ

ਲੁਧਿਆਣਾ: 25 ਦਸੰਬਰ 2013: (ਰੈਕਟਰ ਕਥੂਰੀਆ/ਪੰਜਾਬ ਸਕਰੀਨ): 
ਦੇਸ਼ ਭਗਤ ਯਾਦਗਾਰੀ ਸੁਸਾਇਟੀ ਪੰਜਾਬ ਵੱਲੋਂ ਦੇਸ਼ ਦੇ ਮਰਹੂਮ ਰਾਸ਼ਟਰਪਤੀ ਗਿਆਨੀ ਜ਼ੈਲ ਸਿੰਘ ਦੀ 17ਵੀਂ ਬਰਸੀ ਦੇ ਸਬੰਧ ’ਚ ਅੱਜ ਗਿੱਲ ਰੋਡ ਵਿਖੇ ਸਮਾਗਮ ਦਾ ਆਯੋਜਨ ਕਰਕੇ ਯਾਦ ਕੀਤਾ ਗਿਆ । ਸੁਸਾਇਟੀ ਦੇ ਸਰਪ੍ਰਸਤ ਜਗਦੇਵ ਸਿੰਘ ਜੱਸੋਵਾਲ ਅਤੇ ਪ੍ਰਧਾਨ ਕਿ੍ਰਸ਼ਨ ਕੁਮਾਰ ਬਾਵਾ ਨੇ ਗਿਆਨੀ ਜੈਲ ਸਿੰਘ ਨੂੰ ਮਹਾਨ ਦੇਸ਼ ਭਗਤ ਦੱਸਦਿਆਂ ਕਿਹਾ ਕਿ ਅੰਗ੍ਰੇਜ਼ ਹਕੂਮਤ ਨਾਲ ਡੱਟ ਕੇ ਟੱਕਰ ਲਈ । ਉਨਾਂ ਕਿਹਾ ਕਿ ਰਿਆਸਤੀ ਪਰਜਾਮੰਡਲ ਲਹਿਰ ’ਚ ਮੋਹਰੀ ਰੋਲ ਅਦਾ ਕਰਦਿਆਂ ਆਜਾਦੀ ਸੰਗ੍ਰਾਮ ਵਿੱਚ ਵੀਂ ਅਹਿਮ ਭੂਮਿਕਾ ਨਿਭਾਈ । ਜੱਸੋਵਾਲ ਅਤੇ ਬਾਵਾ ਨੇ ਮਰਹੂਮ ਰਾਸ਼ਟਰਪਤੀ ਗਿਆਨੀ ਜ਼ੈਲ ਸਿੰਘ ਦੇ ਸੰਘਰਸ਼ਮਈ ਜੀਵਨ ਬਾਰੇ ਇਹ ਵੀ ਦੱਸਿਆ ਕਿ ਫਰੀਦਕੋਟ ਦੇ ਰਾਜੇ ਨੇ ਗਿਆਨੀ ਜੀ ਉਪਰ ਅਤਿਆਚਾਰ ਢਾਹੁਦਿਆਂ ਵਾਲਾਂ ਤੋਂ ਬੰਨ ਕੇ ਗੱਡੀ ਮਗਰ ਬੰਨ ਕੇ ਘਸੀਟਿਆ ।
ਉਨਾਂ ਕਿਹਾ ਕਿ ਅਨੰਦਪੁਰ ਸਾਹਿਬ ਤੋਂ ਤਲਵੰਡੀ ਸਾਬੋ ਤੱਕ 640 ਕਿਲੋਮੀਟਰ ਦੇ ਬਣੇ ਗੁਰੂ ਗੋਬਿੰਦ ਸਿੰਘ ਮਾਰਗ ਦਾ ਨਿਰਮਾਣ ਵੀ ਗਿਆਨੀ ਜੀ ਨੇ ਕਰਵਾ ਕੇ ਪੰਜਾਬ ਤੇ ਸਮੁੱਚੀ ਸਿੱਖ ਕੌਮ ਨੂੰ ਵਡਮੁੱਲੀ ਦੇਣ ਦਿੱਤੀ । ਉਨਾਂ ਕਿਹਾ ਕਿ ਗਿਆਨੀ ਜੈਲ ਸਿੰਘ ਦਾ ਸਮੁੱਚਾ ਜੀਵਨ ਹੀ ਸੰਘਰਸ਼ਮਈ ਰਿਹਾ । ਅੱਜ ਦੇ ਰਾਜਨੀਤਕਾਂ ਨੂੰ ਗਿਆਨੀ ਜੀ ਦੇ ਜੀਵਨ ਤੋਂ ਪ੍ਰੇਰਨਾ ਲੈਣ ਦੀ ਲੋੜ ਹੈ । ਕਿਉਂਕਿ ਮੋਜੂਦਾ ਰਾਜਸੀ ਹਾਲਾਤ ਇਹ ਹਨ ਕਿ ਪੈਸਾ, ਪਹੁੰਚ ਤੇ ਭਾਈਭਤੀਜਾਵਾਦ ਭਾਰੂ ਹੈ । ਜੱਸੋਵਾਲ ਅਤੇ ਬਾਵਾ ਨੇ ਮੰਗ ਕੀਤੀ ਕਿ ਪੰਜਾਬ ਸਰਕਾਰ ਮਰਹੂਮ ਰਾਸ਼ਟਰਪਤੀ ਗਿਆਨੀ ਜੈਲ ਸਿੰਘ ਦੀ ਡਾਕੂਮੈਂਟਰੀ ਫਿਲਮ ਤਿਆਰ ਕਰਵਾਏ । ਉਨਾਂ ਨੇ ਆਈ.ਐਨ.ਏ. ਦੇ ਮੋਢੀ ਜਨਰਲ ਮੋਹਨ ਸਿੰਘ ਦੇ ਵੱਲੋਂ ਚਲਾਈ ਅਜਾਦੀ ਦੀ ਲਹਿਰ ਬਾਰੇ ਵੀ ਚਰਚਾ ਕੀਤੀ  ।
ਸਾਬਕਾ ਮੰਤਰੀ ਮਲਕੀਤ ਸਿੰਘ ਦਾਖਾ ਨੇ ਕਿਹਾ ਕਿ ਮਰਹੂਮ ਰਾਸ਼ਟਰਪਤੀ ਗਿਆਨੀ ਜੈਲ ਸਿੰਘ ਨੇ ਕੱਚੇ ਘਰ ਤੋਂ ਰਾਸ਼ਟਰਪਤੀ ਭਵਨ ਦਾ ਸਫਰ ਆਪਣੀ ਇਮਾਨਦਾਰੀ, ਦੂਰ ਦਿ੍ਰਸ਼ਟੀ ਸੋਚ ਤੇ ਵਫਾਦਾਰੀ ਸਦਕਾ ਤੈਅ ਕੀਤਾ ।ਬਾਬਾ ਵਿਸ਼ਵਕਰਮਾ ਅੰਤਰਰਾਸ਼ਟਰੀ ਫਾਊਡੇਸ਼ਨ ਦੇ ਸਰਪ੍ਰਸਤ ਗੁਰਮੀਤ ਸਿੰਘ ਕੁਲਾਰ, ਸੁਰਜੀਤ ਸਿੰਘ ਲੋਟੇ, ਭੁਪਿੰਦਰ ਸਿੰਘ ਮਾਸਕੋ ਅਤੇ ਕੁਲਜੀਤ ਸਿੰਘ ਕੇ ਡਬਲਿਯੂ ਨੇ ਕਿਹਾ ਕਿ ਰਿਕਸ਼ਾ ਚਾਲਕ-ਰਿਕਸ਼ਾ ਮਾਲਿਕ ਬਣੇ ਦੀਆਂ ਸਕੀਮਾਂ ਨੂੰ ਗਿਆਨੀ ਜੈਲ ਸਿੰਘ ਨੇ ਲਾਗੂ ਕੀਤਾ ।
ਇਸ ਸਮੇਂ ਅਮਰੀਕ ਸਿੰਘ ਘੜਿਆਲ ਨੇ ਕਿਹਾ ਕਿ ਗਿਆਨੀ ਜੀ ਪੱਛੜੇ ਵਰਗਾਂ ਦਾ ਜੀਵਨ ਪੱਧਰ ਉਚੱਾ ਚੁੱਕਣ ਲਈ ਹਮੇਸ਼ਾ ਯਤਨਸ਼ੀਲ ਰਹੇ । ਉ.ਬੀ.ਸੀ. ਸੈਲ ਪੰਜਾਬ ਦੇ ਕਨਵੀਨਰ ਬਲਵਿੰਦਰ ਸਿੰਘ ਗੋਰਾ, ਚੇਅਰਮੈਨ ਬਲਜਿੰਦਰ ਸਿੰਘ ਹੁੰਝਨ ਅਤੇ ਉਪ ਚੇਅਰਮੈਨ ਪਾਲ ਸਿੰਘ ਮਠਾੜੂ ਨੇ ਕਿਹਾ ਕਿ ਗਿਆਨੀ ਜੈਲ ਸਿੰਘ ਨੇ ਹਮੇਸ਼ਾ ਹੀ ਵਰਕਰਾਂ ਨੂੰ ਸਤਿਕਾਰ ਦਿੰਦੇਆਂ ਮਹੱਤਵਪੂਰਨ ਜਿੰਮੇਵਾਰੀਆਂ ਸੌਪੀਆਂ । ਉਨਾਂ ਕਿਹਾ ਕਿ ਗਿਆਨੀ ਜੀ ਨੇ ਆਜ਼ਾਦੀ ਦੀ ਲੜਾਈ ’ਚ ਜੇਲਾ ਵੀ ਕੱਟੀਆ ।
ਸੁਸਾਇਟੀ ਵੱਲੋ ਜੱਸੋਵਾਲ, ਬਾਵਾ, ਗੁਰਮੀਤ ਸਿੰਘ ਕੁਲਾਰ, ਯਸ਼ਪਾਲ ਸ਼ਰਮਾ, ਪ੍ਰੋ. ਮੋਹਨ ਸਿੰਘ ਮੈਮੋਰੀਅਲ ਫਾਊਡੇਸ਼ਨ ਦੇ ਪ੍ਰਧਾਨ ਪ੍ਰਗਟ ਸਿੰਘ ਗਰੇਵਾਲ, ਹਰਚੰਦ ਸਿੰਘ ਧੀਰ, ਟੀ.ਟੀ. ਸ਼ਰਮਾ ਅਤੇ ਰੇਸ਼ਮ ਸਿੰਘ ਸੱਗੂ ਨੇ ਸੁੰਤਤਰਤਾ ਸੰਗ੍ਰਾਮੀਆ ਦੇਵਕੀ ਨੰਦਨ ਖਾਰ ਅਤੇ ਪ੍ਰੋ. ਹਜ਼ਾਰਾ ਸਿੰਘ ਨੂੰ ਵਿਸ਼ੇਸ਼ ਤੌਰ ’ਤੇ ਸਨਮਾਨਿਤ ਕੀਤਾ । ਇੰਨਾਂ ਸੁੰਤਤਰਤਾ ਸੰਗ੍ਰਾਮੀਆਂ ਨੇ ਮੰਗ ਕੀਤੀ ਕਿ ਪੰਜਾਬ ਸਰਕਾਰ ਵੀ ਹਰਿਆਣਾ ਸਰਕਾਰ ਦੀ ਤਰਜ਼ਾਂ ਤੇ ਸੁੰਤਤਰਤ  ਸੰਗ੍ਰਾਮੀਆਂ ਨੂੰ ਵੱਧ ਤੋਂ ਵੱਧ ਸਹੂਲਤਾਂ ਦੇਵੋ ।
ਇਸ ਸਮਾਗਮ ’ਚ ਵਾਰਡ ਪ੍ਰਧਾਨ ਰਾਜ ਰਾਣੀ, ਗੁਰਚਰਨ ਸਿੰਘ ਬੱਲ, ਕੁਲਵਿੰਦਰ ਸਿੰਘ ਕਲਸੀ, ਸੁਦੇਸ਼ ਕੁਮਾਰ, ਪਵਨ ਕਲਸੀ, ਜਤਿ ਰਾਮ ਸੰਧੂ, ਬਲਵਿੰਦਰ ਕੌਰ ਬੁੱਟਰ, ਕਿ੍ਰਸ਼ਨ ਲਾਲ ਤਨੇਜਾ, ਗੁਰਚਰਨ ਸਿੰਘ, ਚਮਨ ਬਾਵਾ, ਸੁਖਵਿੰਦਰ ਬਾਵਾ, ਅੰਮਿ੍ਰਤਪਾਲ ਕਲਸੀ, ਅਮਰੀਕ ਸਿੰਘ ਕੰਡਿਆਲ, ਗੁਰਦੇਵ ਸਿੰਘ ਟਾਕ, ਜਗਦੀਸ਼ ਸਿੰਘ ਲੋਟੇ, ਜੱਸਪਾਲ ਸਿੰਘ ਯੂ.ਕੇ., ਹਰਤੇਜ ਸਿੰਘ, ਮਨਦੀਪ ਕੌਰ, ਬਲਵਿੰਦਰ ਕੌਰ, ਦਲਜੀਤ ਕੌਰ ਬਰਾੜ, ਰਿਧੀ ਗਰਚਾ, ਦੀਪਕ ਕੁਮਾਰ, ਸੁੱਖਵਿੰਦਰ ਸਿੰਘ ਬਾਬਾ ਵਾਰਡ ਪ੍ਰਧਾਨ, ਰਾਧੇ ਸ਼ਿਆਮ, ਕੁਲਵਿੰਦਰ ਸਿੰਘ ਠੇਕੇਦਾਰ, ਸਾਗਰ, ਜੀਤ ਰਾਮ ਸੰਧੂ, ਕੁਲਵਿੰਦਰ ਕਲਸੀ, ਬੱਗਾ ਸਿੰਘ, ਗੁਰਦੀਪ ਸਿੰਘ ਸੱਗੂ, ਨੀਰਜ ਕੁਮਾਰ ਯੂਥ ਨੇਤਾ, ਪੰਕਜ ਸਚਦੇਵਾ, ਬੰਟੀ ਸੇਖਾ, ਲੱਕੀ ਮਿਸ਼ਰਾ ਆਦਿ ਨੇ ਵੀ ਗਿਆਨੀ ਜੈਲ ਸਿੰਘ ਅਤੇ ਆਈ.ਐਨ.ਏ. ਦੇ ਮੋਢੀ ਜਨਰਲ ਮੋਹਨ ਸਿੰਘ ਨੂੰ ਯਾਦ ਕੀਤਾ ।

ਸ੍ਰੀ ਹਜੂਰ ਸਾਹਿਬ ਨਾਂਦੇੜ ਵਿਖੇ ਮਨਾਇਆ 305ਵਾਂ ਇਤਿਹਾਸਿਕ ਮਿਲਾਪ ਦਿਹਾੜਾ

ਬਾਬਾ ਬੰਦਾ ਸਿੰਘ ਬਹਾਦਰ ਅੰਤਰਰਾਸ਼ਟਰੀ ਫਾਊਡੇਸ਼ਨ ਨੇ ਕੀਤਾ ਇੱਕ ਹੋਰ ਉਪਰਾਲਾ -ਵਿਸ਼ਾਲ/ਪੰਜਾਬ ਸਕਰੀਨ 
ਸ੍ਰੀ ਹਜੂਰ ਸਾਹਿਬ ਤੋ ਚੱਪੜ ਚਿੜੀ ਤੱਕ ਦੇ ਰਸਤੇ ਦੀ ਭੁੱਲੀ ਯਾਦ ਤਾਜ਼ਾ ਕਰਾਈ 
ਰਸਤੇ ਦਾ ਨਾਮ ''ਬੰਦਾ ਸਿੰਘ ਬਹਾਦਰ ਮਾਰਗ'' ਰੱਖਿਆ ਜਾਵੇ-ਦਾਖਾ, ਬਾਵਾ, ਜਸਵੀਰ
ਬਾਬਾ ਜੀ ਦੇ ਨਾਮ ਤੇ ਡਾਕ ਟਿਕਟ ਜਾਰੀ ਕਰੇ ਸਰਕਾਰ

ਬਾਬਾ ਬੰਦਾ ਸਿੰਘ ਬਹਾਦਰ ਅੰਤਰਰਾਸ਼ਟਰੀ ਫਾਊਡੇਸ਼ਨ ਵਲੋ 305ਵਾਂ ਇਤਿਹਾਸਕ ਮਿਲਾਪ ਦਿਹਾੜਾ ਸ੍ਰੀ ਹਜੂਰ ਸਾਹਿਬ (ਨਾਂਦੇੜ) ਵਿਖੇ 1 ਸਤੰਬਰ ਨੂੰ ਆਰੰਭ ਕਰਵਾਏ ਸ੍ਰੀ ਅਖੰਡ ਪਾਠ ਸਾਹਿਬ ਜੀ ਦੇ ਭੋਗ ਪਾ ਕੇ ਅਤੇ ਬਾਅਦ ਵਿਚ ਬੰਦਾ ਘਾਟ ਗੁਰੂਦੁਆਰਾ ਸਾਹਿਬ ਵਿਖੇ ਦੀਵਾਨ ਸਜਾ ਕੇ ਪੂਰਨ ਸ਼ਰਧਾ ਅਤੇ ਸਤਿਕਾਰ ਨਾਲ ਮਨਾਇਆ ਗਿਆ। ਇਸ ਸਮੇ ਸਿੰਘ ਸਾਹਿਬ ਜਥੇਦਾਰ ਕੁਲਵੰਤ ਸਿੰਘ ਤਖਤ ਸ੍ਰੀ ਹਜੂਰ ਸਾਹਿਬ, ਬਾਬਾ ਰਾਮ ਸਿੰਘ ਜਥੇਦਾਰ ਤਖਤ ਸ੍ਰੀ ਹਜੂਰ ਸਾਹਿਬ, ਹਜੂਰੀ ਰਾਗੀ ਨਿਰਵੈਰ ਸਿੰਘ ਜੀ ਕਾਨਪੁਰ ਵਾਲੇ, ਸ: ਡੀ.ਪੀ ਸਿੰਘ ਮੁੱਖ ਪ੍ਰਬੰਧਕ ਸ੍ਰੀ ਹਜੂਰ ਸਾਹਿਬ ਨਾਂਦੇੜ ਮੁੱਖ ਤੌਰ ਤੇ ਹਾਜਰ ਹੋਏ। ਇਹ ਜਾਣਕਾਰੀ ਬਾਬਾ ਬੰਦਾ ਸਿੰਘ ਬਹਾਦਰ ਅੰਤਰਰਾਸ਼ਟਰੀ ਫਾਊਡੇਸ਼ਨ ਦੇ ਪ੍ਰਧਾਨ ਕ੍ਰਿਸ਼ਨ ਕੁਮਾਰ ਬਾਵਾ, ਸਰਪ੍ਰਸਤ ਮਲਕੀਤ ਸਿੰਘ ਦਾਖਾ (ਸਾਬਕਾ ਮੰਤਰੀ), ਸਰਪ੍ਰਸਤ ਜਸਵੀਰ ਸਿੰਘ ਸੰਗਰੂਰ (ਸਾਬਕਾ ਮੰਤਰੀ), ਕਰਨੈਲ ਸਿੰਘ ਗਿੱਲ ਪ੍ਰਧਾਨ ਫਾਊਡੇਸ਼ਨ ਪੰਜਾਬ, ਮਹੰਤ ਗਿਆਨ ਦਾਸ ਮਕਸੂਦੜਾ, ਨਿਰਮਲ ਸਿੰਘ ਪੰਡੋਰੀ ਪ੍ਰਧਾਨ ਫਾਊਡੇਸ਼ਨ ਲੁਧਿਆਣਾ ਨੇ ਦਿੱਤੀ। ਇਸ ਸਮੇ ਉਪਰੋਕਤ ਸ਼ਖਸ਼ੀਅਤਾਂ ਦਾ ਬਾਬਾ ਬੰਦਾ ਸਿੰਘ ਬਹਾਦਰ ਜੀ ਦਾ ਚਿੱਤਰ, ਸਾਲ ਅਤੇ ਮੈਡਲ ਪਾ ਕੇ ਸਨਮਾਨ ਕੀਤਾ ਗਿਆ। ਇਸ ਸਮੇ ਪ੍ਰਗਟ ਸਿੰਘ ਗਰੇਵਾਲ, ਡਾ ਸ਼ਿਵਰਾਜ ਸਿੰਘ, ਰਾਜਵੀਰ ਸਿੰਘ ਸਿੱਧੂ ਖੰਨਾ, ਜਸਵੰਤ ਸਿੰਘ ਮੱਕੜ, ਰਘੁਬੀਰ ਸਿੰਘ ਬਹਿਲ, ਕਰਤਿੰਦਰਪਾਲ ਸਿੰਘ ਸਿੰਘਪੁਰਾ, ਤਨਵੀਰ ਸਿੰਘ ਰਣੀਆਂ, ਜਸਬੀਰ ਸਿੰਘ ਜੱਸਲ, ਸੁਖਬੀਰ ਸਿੰਘ ਤੂਰ, ਸੁਸ਼ੀਲ ਕੁਮਾਰ ਸ਼ੀਲਾ, ਰੇਸ਼ਮ ਸਿੰਘ ਸੱਗੂ, ਕਮਲਜੀਤ ਸਿੰਘ ਘੜਿਆਲ ਪ੍ਰਧਾਨ ਫਾਊਡੇਸ਼ਨ ਲੁਧਿਆਣਾ ਸ਼ਹਿਰੀ, ਤਰਲੋਚਨ ਸਿੰਘ, ਸਤਨਾਮ ਸਿੰਘ ਦਿਓੁਗਨ,  ਪਵਨਦੀਪ ਕਲਸੀ, ਵਿਸੇਸ਼ ਤੌਰ ਤੇ ਹਾਜਰ ਸਨ। 
ਇਸ ਸਮੇ ਬੋਲਦੇ ਡੀ.ਪੀ ਸਿੰਘ ਨੇ ਕਿਹਾ ਕਿ ਬਾਬਾ ਬੰਦਾ ਸਿੰਘ ਬਹਾਦਰ ਅੰਤਰਰਾਸ਼ਟਰੀ ਫਾਊਡੇਸ਼ਨ ਹਰ ਸਾਲ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਮਹਾਰਾਜ ਅਤੇ ਮਾਧੋ ਦਾਸ ਬੈਰਾਗੀ (ਬਾਬਾ ਬੰਦਾ ਸਿੰਘ ਬਹਾਦਰ) ਵਿਚ ਜੋ 3 ਸਤੰਬਰ 1708 ਨੂੰ ਗੋਦਾਵਰੀ ਨਦੀ ਦੇ ਕੰਡੇ ਇਤਿਹਾਸਕ ਮਿਲਾਪ ਹੋਇਆ ਸੀ, ਇਸ ਦਿਹਾੜੇ ਨੂੰ ਸੈਕੜੇ ਸੰਗਤਾਂ ਪੰਜਾਬ ਤੋ ਆ ਕੇ ਹਰ ਸਾਲ ਮਨਾਉਦੀਆਂ ਹਨ। ਇਸ ਸ਼ਲਾਘਾਯੋਗ ਕੰਮ ਲਈ ਅੰਤਰਰਾਸ਼ਟਰੀ ਫਾਊਡੇਸ਼ਨ ਦੇ ਪ੍ਰਧਾਨ ਕ੍ਰਿਸ਼ਨ ਕੁਮਾਰ ਬਾਵਾ ਵਧਾਈ ਦੇ ਪਾਤਰ ਹਨ ਜੋ ਦੇਸ਼ ਵਿਦੇਸ਼ ਵਿਚ  ਬਾਬਾ ਜੀ ਦੇ ਜੀਵਨ ਨਾਲ ਸਬੰਧਤ ਇਤਿਹਾਸਕ ਦਿਹਾੜੇ ਮਨਾਉਦੇ ਹਨ। 
ਇਸ ਸਮੇ ਬੋਲਦੇ ਸ: ਦਾਖਾ ਅਤੇ ਜਸਵੀਰ ਸਿੰਘ ਨੇ ਕਿਹਾ ਕਿ ਬਾਬਾ ਬੰਦਾ ਸਿੰਘ ਬਹਾਦਰ ਜੀ ਦੇ ਰੂਪ ਵਿਚ ਗੁਰੂ ਗੋਬਿੰਦ ਸਿੰਘ ਜੀ ਮਹਾਰਾਜ ਦੇ ਆਸ਼ੀਰਵਾਦ ਅਤੇ ਥਾਪੜੇ ਨਾਲ ਬਾਬਾ ਜੀ ਨੇ ਮੁਗਲ ਸਾਮਰਾਜ ਨਾਲ ਟੱਕਰ ਲਈ ਅਤੇ ਪਹਿਲੇ ਸਿੱਖ ਲੋਕ ਰਾਜ ਦੀ ਨੀਂਹ ਰੱਖੀ ਅਤੇ ਮੁਖਲਸਗੜ (ਲੋਹਗੜ) ਜੋ ਹਰਿਆਣਾ ਵਿਚ ਕੋਪਾਲਮੋਚਨ ਕੋਲ ਹੈ, ਨੂੰ ਸਿੱਖ ਰਾਜ ਦੀ ਪਹਿਲੀ ਰਾਜਧਾਨੀ ਬਣਾਇਆ ਪਰ ਇਸ ਇਤਿਹਾਸਕ ਅਸਥਾਨ ਵੱਲ ਕਿਸੇ ਸਰਕਾਰ ਅਤੇ ਧਾਰਮਿਕ ਸੰਸਥਾਵਾਂ ਵਲੋ ਬਣਦਾ ਧਿਆਨ ਨਾ ਦੇਣਾ ਦੁੱਖ ਦੀ ਗੱਲ ਹੈ। ਉਹਨਾਂ ਕਿਹਾ ਕਿ ਪਾਨੀਪਤ ਦੀਆਂ ਹਾਰੀਆ ਤਿੰਨ ਲੜਾਈ ਤਾਂ ਬੱਚਿਆ ਦੇ ਸਲੇਬਸ ਵਿਚ ਸਰਕਾਰ ਨੇ ਸ਼ਾਮਲ ਕੀਤੀਆਂ  ਹਨ ਪਰ ਸਰਹਿੰਦ ਫਤਿਹ ਦੀ ਜੰਗ ਸਰਕਾਰ ਵਲੋ ਸਲੇਬਸ ਵਿਚ ਸ਼ਾਮਲ ਨਹੀ ਕੀਤੀ ਗਈ, ਜੋ ਆਉਣ ਵਾਲੀਆਂ ਪੀੜ੍ਹੀਆਂ ਨੂੰ ਗੌਰਵਮਈ ਇਤਿਹਾਸ ਤੋ ਵਾਂਝੇ ਰੱਖਣ ਵਾਲੀ ਗੱਲ ਹੈ। 
ਇਸ ਸਮੇ ਸ੍ਰੀ ਬਾਵਾ ਨੇ ਬੋਲਦੇ ਹੋਏ ਕਿਹਾ ਕਿ ਸ੍ਰੀ ਗੁਰੂ ਗੋਬਿੰਦ ਜੀ ਮਹਾਰਾਜ ਅਤੇ ਬਾਬਾ ਬੰਦਾ ਸਿੰਘ ਬਹਾਦਰ ਜੀ ਨਾਲ ਹੋਏ ਮਿਲਾਪ ਤੋ ਬਾਅਦ ਜਿਸ ਰਸਤੇ ਬਾਬਾ ਬੰਦਾ ਸਿੰਘ ਬਹਾਦਰ ਜੀ ਮੁਗਲ ਰਾਜ ਦਾ ਖਾਤਮਾ ਕਰਦੇ ਹੋਏ ਚੱਪੜ ਚਿੜੀ ਦੇ ਇਤਿਹਾਸਕ ਮੈਦਾਨ ਵਿਚ ਪਹੁੰਚੇ ਅਤੇ ਸਰਹੰਦ ਦੇ ਸੂਬੇਦਾਰ ਵਜੀਰ ਖਾਂ ਦਾ ਖਾਤਮਾ ਕਰਕੇ ਗੁਰੂ ਗੋਬਿੰਦ ਸਿੰਘ ਜੀ ਮਹਾਰਾਜ ਜੀ ਦੇ ਛੋਟੇ ਸ਼ਾਹਿਬਜਾਦਿਆ ਦੀ ਸ਼ਹਾਦਤ ਦਾ ਬਦਲਾ ਲਿਆ ਉਸ ਮਾਰਗ ਦਾ ਨਾਮ ''ਬਾਬਾ ਬੰਦਾ ਸਿੰਘ ਬਹਾਦਰ ਮਾਰਗ'' ਰੱਖਿਆ ਜਾਵੇ ਅਤੇ ਉਹਨਾ ਕੇਦਰ ਸਰਕਾਰ ਤੋ ਮੰਗ ਕੀਤੀ ਕਿ ਬਾਬਾ ਬੰਦਾ ਸਿੰਘ ਬਹਾਦਰ ਜੀ ਦੇ ਨਾਮ ਤੇ ਡਾਕ ਟਿਕਟ ਜਾਰੀ ਕਰੇ ਅਤੇ ਬਾਬਾ ਜੀ ਦੇ ਜੀਵਨ ਨਾਲ ਸਬੰਧਿਤ ਇਤਿਹਾਸਕ ਅਸਥਾਨਾਂ ਪੁੰਛ ਰਜੌਰੀ ਜੰਮੂ ਕਸ਼ਮੀਰ (ਜਨਮ ਅਸਥਾਨ), ਦਿੱਲੀ ਮਹਿਰੌਲੀ (ਸ਼ਹੀਦੀ ਸਥਾਨ), ਗੁਰਦਾਸਨੰਗਲ ਗੜੀ ਗੁਰਦਾਸਪੁਰ (ਪੰਜਾਬ) ਜਿਸ ਸਥਾਨ ਤੇ ਬਾਬਾ ਜੀ ਨੂੰ ਗ੍ਰਿਫਤਾਰ ਕਰਕੇ ਰੱਖਿਆ ਗਿਆ ਅਤੇ ਬਾਅਦ ਵਿਚ ਬਾਬਾ ਜੀ ਨੂੰ 740 ਸਿੰਘਾਂ ਸਮੇਤ ਗ੍ਰਿਫਤਾਰ ਕਰਕੇ ਲਾਹੌਰ ਰਾਂਹੀ ਦਿੱਲੀ ਲਿਆਂਦਾ ਗਿਆ ਅਤੇ ਮੁਖਲਸਗੜ (ਲੋਹਗੜ) ਸਿੱਖ ਰਾਜ ਦੀ ਪਹਿਲੀ ਰਾਜਧਾਨੀ ਹਰਿਆਣਾ, ਇਹਨਾ ਸਥਾਨਾ ਦੀ ਸਾਂਭ ਸੰਭਾਲ ਕੇਦਰ ਸਰਕਾਰ ਦਾ ਪੁਰਾਤਤਵ ਵਿਭਾਗ ਕਰੇ। 
ਇਸ ਸਮੇ ਉਹਨਾ ਡਾ ਮਨਮੋਹਨ ਸਿੰਘ ਪ੍ਰਧਾਨ ਮੰਤਰੀ ਭਾਰਤ ਸਰਕਾਰ ਵਲੋ ਸ੍ਰੀ ਹਜੂਰ ਸਾਹਿਬ ਨਾਦੇੜ ਵਿਖੇ ਕਰਵਾਈ ਸੇਵਾ ਦੀ ਸ਼ਲਾਘਾ ਕੀਤੀ ਅਤੇ ਸਿੱਖ ਰਾਜ ਦੀ ਪਹਿਲੀ ਰਾਜਧਾਨੀ ਦੀ ਸੇਵਾ ਲਈ ਵੀ ਅਪੀਲ ਕੀਤੀ। 
ਇਸ ਸਮੇ ਉਹਨਾ ਦੇ ਨਾਮ ਹੋਰਨਾ ਤੋ ਇਲਾਵਾ ਪਰਮਜੀਤ ਸਿੰਘ, ਗੁਰਇੰਦਰਜੀਤ ਕੌਰ, ਜਗਰਾਜ ਸਿੰਘ, ਦਲਜੀਤ ਸਿੰਘ, ਸਤਮਿੰਦਰ ਕੌਰ, ਐਲ.ਕੇ ਗੁਪਤਾ, ਹਰਪ੍ਰੀਤ ਸਿੰਘ, ਜੋਗਿੰਦਰ ਸਿੰਘ, ਆਤਮਾ ਸਿੰਘ, ਬੀਬੀ ਸੁਖਦੇਵ ਕੌਰ, ਗੁਰਮੇਲ ਸਿੰਘ, ਜਗਤੇਜ ਸਿੰਘ, ਰਛਪਾਲ ਸਿੰਘ, ਗੁਰਮੀਤ ਸਿੰਘ, ਜਗਮੋਹਨ ਸਿੰਘ, ਸੁਖਦੇਵ ਸਿੰਘ, ਰਣਜੀਤ ਸਿੰਘ, ਰੁਪਿੰਦਰ ਕੌਰ, ਕੁਲਦੀਪ ਕੌਰ, ਸੁਰਿੰਦਰ ਕੌਰ, ਗੁਡੂ ਰਾਣੀ, ਅਮਰਜੀਤ ਕੌਰ, ਸਵਰਨਜੀਤ ਕੌਰ, ਮਨਜੀਤ ਕੌਰ, ਅਜਮੇਰ ਸਿੰਘ, ਕਰਮਜੀਤ ਸਿੰਘ, ਰਣਧੀਰ ਸਿੰਘ, ਰਾਜੇਸ਼ ਕੁਮਾਰ, ਰਘੁਬੀਰ ਸਿੰਘ ਅਤੇ ਡਿੰਪਲ ਰਾਣੀ ਵੀ ਹਾਜਰ ਸਨ। 

ਸੋਨੀਆਂ ਗਾਂਧੀ ਦੀ ਦੇਹ ਅਰੋਗਤਾ ਲਈ ਅਰਦਾਸ ਅਤੇ ਦੁਆ

ਸੋਨੀਆ ਗਾਂਧੀ ਨੇ ਸਿਹਤ ਦੀ ਪ੍ਰਵਾਹ ਨਾ ਕਰਕੇ ਬਿੱਲ ਨੂੰ ਪਹਿਲ ਦਿੱਤੀ-ਬਾਵਾ
ਫੂਡ ਸਕਿਉਰਟੀ ਬਿੱਲ ਦੇਸ ਦੇ ਕਰੋੜਾਂ ਲੋਕਾਂ ਲਈ ਵਰਦਾਨ

ਲੁਧਿਆਣਾ: 27 ਅਗਸਤ 2013: (ਵਿਸ਼ਾਲ/ਪੰਜਾਬ ਸਕਰੀਨ) ਕੁਲ ਹਿੰਦ ਕਾਂਗਰਸ ਦੀ ਪ੍ਰਧਾਨ ਸ੍ਰੀਮਤੀ ਸੋਨੀਆਂ ਗਾਂਧੀ ਨੇ ਆਪਣੀ ਸਿਹਤ ਦੀ ਪ੍ਰਵਾਹ ਨਾ ਕਰਦੇ ਹੋਏ ਫੂਡ ਸਕਿਉਰਟੀ ਬਿੱਲ ਪਾਸ ਕਰਵਾਉਣ ਨੂੰ ਪਹਿਲ ਦਿੱਤੀ ਇਹ ਸ਼ਬਦ ਅੱਜ ਸੀਨੀਅਰ ਕਾਂਗਰਸੀ ਨੇਤਾ ਕਿ੍ਰਸ਼ਨ ਕੁਮਾਰ ਬਾਵਾ ਸਾਬਕਾ ਪ੍ਰਧਾਨ ਜਿਲਾ ਕਾਂਗਰਸ ਨੇ ਦਿੱਲੀ ਵਿਖੇ ਕਹੇ।
ਸ੍ਰੀ ਬਾਵਾ ਨੇ ਕਿਹਾ ਕਿ ਇਸ ਤੋ ਪਤਾ ਲੱਗਦਾ ਹੈ ਕਿ ਸ੍ਰੀਮਤੀ ਸੋਨੀਆਂ ਗਧੀ ਦੇ ਮਨ ਅੰਦਰ ਦੇਸ਼ ਦੇ ਕਰੋੜਾ ਲੋਕਾ ਲਈ ਕਿੰਨਾ ਦਰਦ ਹੈ। ਉਹਨਾ ਕਿਹਾ ਕਿ ਸ੍ਰੀਮਤੀ ਗਾਂਧੀ ਦੇ ਬੀਮਾਰ ਹੋਣ ਦੀ ਖਬਰ ਸੁਣ ਕੇ ਹਰ ਭਾਰਤ ਵਾਸੀ ਚਿੰਤਤ ਸੀ ਅਤੇ ਕਾਂਗਰਸੀ ਵਰਕਰਾਂ ਦੇ ਚਿਹਰਿਆ ਤੇ ਮਾਸੂਸੀ ਦਿਖਾਈ ਦੇ ਰਹੀ ਸੀ। ਉਹਨਾ ਕਿਹਾ ਕਿ ਜੋ ਨੇਤਾ ਲੋਕਾਂ ਦੇ ਦਿਲਾਂ ਤੇ ਰਾਜ ਕਰਦੇ ਹਨ ਉਹਨਾ ਨੂੰ ਲੋਕ ਵੀ ਬੇਹੱਦ ਪਿਆਰ ਅਤੇ ਸਤਿਕਾਰ ਦਿੰਦੇ ਹਨ। ਉਹਨਾ ਕਿਹਾ ਕਿ ਦੇਸ਼ ਦੇ ਕਰੋੜਾਂ ਲੋਕ ਸ੍ਰੀਮਤੀ ਸੋਨੀਆਂ ਗਾਂਧੀ ਦੀ ਦੇਹ ਅਰੋਗਤਾ ਲਈ ਅਰਦਾਸ ਅਤੇ ਦੁਆ ਕਰ ਰਹੇ ਹਨ।
ਇਸ ਸਮੇ ਸ੍ਰੀ ਬਾਵਾ ਨੇ ਫੂਡ ਸਕਿਉਰਟੀ ਬਿੱਲ ਲੋਕ ਸਭਾਵਿਚ ਪਾਸ ਹੋਣ ਤੇ ਸ੍ਰੀਮਤੀ ਸੋਨੀਆਂ ਗਾਧੀ ਅਤੇ ਡਾ ਮਨਮੋਹਨ ਸਿੰਘ ਪ੍ਰਧਾਨ ਮੰਤਰੀ ਜੀ ਨੂੰ ਹਾਰਦਿਕ ਵਧਾਈ ਦਿੱਤੀ।
ਉਹਨਾ ਕਿਹਾ ਕਿ ਰੋਟੀ, ਕੱਪੜਾ ਅਤੇ ਮਕਾਨ ਹਰ ਵਿਅਕਤੀ ਦੀ ਮੁਢਲੀ ਜਰੂਰਤ ਹੈ। ਇਹਨਾ ਲੋੜਾ ਨੂੰ ਪੂਰਾ ਕਰਨ ਲਈ ਜੋ ਭਾਰਤ ਸਰਕਾਰ ਕਦਮ ਚੁੱਕ ਰਹੀ ਹੈ, ਸ਼ਲਾਘਾਯੋਗ ਹਨ। ਇਸ ਸਮੇ ਸ੍ਰੀ ਬਾਵਾ ਵਲੋ ਦਿੱਲੀ ਕਾਂਗਰਸ ਦਫਤਰ ਵਿਖੇ ਲੱਡੂ ਵੀ ਵੰਡੇ ਗਏ।
ਉਹਨਾਂ ਕਿਹਾ ਕਿ ਜਿਹਨਾਂ ਪਾਰਟੀਆਂ ਨੇ ਬਿੱਲ ਦਾ ਵਿਰੋਧ ਕੀਤਾ ਹੈ। ਉਹ ਪਾਰਟੀਆਂ ਲੋਕ ਹਿੱਤਾਂ ਦੀ ਰਾਖੀ ਕਰਨ ਵਾਲੀਆਂ ਨਹੀ ਹੋ ਸਕਦੀਆਂ। ਇਸ ਸਮੇ ਉਹਨਾਂ ਨਾਲ ਬੂਟਾ ਸਿੰਘ ਬੈਰਾਗੀ, ਯੂਥ ਨੇਤਾ ਸਾਜਨ ਮਲਹੋਰਤਾ ਜਗਰਾਓ ਅਤੇ ਮੁਨੀਸ਼ ਬਾਵਾ ਵੀ ਹਾਜਰ ਸਨ। 

ਵਾਤਾਵਰਨ ਦੀ ਸ਼ੁਧਤਾ ਲਈ ਬੂਟੇ ਲਗਾਉਣਾ ਜਰੂਰੀ ਹੈ--ਬਰਾੜ

ਬਾਬਾ ਬੰਦਾ ਸਿੰਘ ਬਹਾਦਰ ਭਵਨ ਰਕਬਾ ਵਿਖੇ ਵਿਖੇ ਹੋਇਆ ਵਿਸ਼ੇਸ਼ ਆਯੋਜਨ 
ਬੂਟੇ ਲਗਾ ਕੇ ਅਤੇ ਬੂਟੇ ਵੰਡ ਕੇ ਮਨਾਇਆ ਵਣ ਮਹਾਉਤਸਵ

ਲੁਧਿਆਣਾ/ਮੁਲਾਂਪੁਰ: 26 ਅਗਸਤ 2013: (ਵਿਸ਼ਾਲ/ਪੰਜਾਬ ਸਕਰੀਨ): ਬਾਬਾ ਬੰਦਾ ਸਿੰਘ ਬਹਾਦਰ ਅੰਤਰਰਾਸ਼ਟਰੀ ਫਾਊਡੇਸ਼ਨ ਵਲੋ ਬਾਬਾ ਬੰਦਾ ਸਿੰਘ ਬਹਾਦਰ ਭਵਨ ਰਕਬਾ ਵਿਖੇ ਬਾਬਾ ਬੰਦਾ ਸਿੰਘ ਬਹਾਦਰ ਅੰਤਰਰਾਸ਼ਟਰੀ ਫਾਊਡੇਸ਼ਨ ਦੇ ਪ੍ਰਧਾਨ ਕ੍ਰਿਸ਼ਨ ਕੁਮਾਰ ਬਾਵਾ, ਜਿਲਾ ਵਣ ਅਫਸਰ ਦਲਜੀਤ ਸਿੰਘ ਬਰਾੜ, ਉਘੇ ਇਤਿਹਾਸਕਾਰ ਡਾ ਸ਼ਿਵਰਾਜ ਸਿੰਘ, ਮਹੰਤ ਗਿਆਨ ਦਾਸ ਮਕਸੂਦੜਾ ਅਤੇ ਕਰਨੈਲ ਸਿੰਘ ਗਿੱਲ ਪ੍ਰਧਾਨ ਫਾਊਡੇਸ਼ਨ ਪੰਜਾਬ ਦੀ ਅਗਵਾਈ ਵਿਚ ਬੂਟੇ ਲਗਾ ਕੇ ਅਤੇ ਬੂਟੇ ਵੰਡ ਕੇ ਵਣਮਹਾਉਤਸਵ ਦਾ ਦਿਹਾੜਾ ਮਨਾਇਆ ਗਿਆ। ਇਸ ਸਮੇ ਪ੍ਰਮੇਸ਼ਵਰ ਸਿੰਘ, ਕੁਲਦੀਪ ਸਿੰਘ ਵਣ ਵਿਭਾਗ ਅਫਸਰ, ਤਨਵੀਰ ਸਿੰਘ ਰਣੀਆ ਮੈਬਰ ਜਿਲਾ ਪ੍ਰੀਸ਼ਦ, ਰਣਬੀਰ ਸਿੰਘ ਖੰਨਾ ਸਕੱਤਰ ਫਾਊਡੇਸ਼ਨ ਵੀ ਵਿਸ਼ੇਸ਼ ਤੌਰ ਤੇ ਸ਼ਾਮਲ ਹੋਏ।
ਇਸ ਸਮੇ ਬੋਲਦੇ ਸ: ਬਰਾੜ ਨੇ ਕਿਹਾ ਕਿ ਵਾਤਾਵਰਣ ਦੀ ਸ਼ੁੱਧਤਾ ਲਈ ਬੂਟੇ ਲਗਾਉਣਾ ਜਰੂਰੀ ਹੈ। ਉਹਨਾ ਕਿਹਾ ਕਿ ਸੁੱਧ ਵਾਤਾਵਣ ਵਿਚ ਹੀ ਅਸੀ ਨਿਰੋਗ ਜੀਵਨ ਬਤੀਤ ਕਰ ਸਕਦੇ ਹਾਂ। ਉਹਨਾ ਕਿਹਾ ਕਿ ਬੂਟੇ ਪ੍ਰਾਪਤ ਕਰਨ ਲਈ ਕੋਈ ਪੈਸਾ ਨਹੀ ਲਿਆ ਜਾਦਾ। ਉਹਨਾਂ ਕਿਹਾ ਕਿ ਇਸ ਨੇਕ ਕੰਮ ਲਈ ਪੰਚਾਇਤਾਂ ਅਤੇ ਸਮਾਜ ਸੇਵੀ ਸੰਸਥਾਂਵਾਂ ਨੂੰ ਮੋਹਰੀ ਰੋਲ ਅਦਾ ਕਰਨਾ ਚਾਹੀਦਾ ਹੈ। ਉਹਨਾਂ ਬਾਬਾ ਬੰਦਾ ਸਿੰਘ ਬਹਾਦਰ ਅੰਤਰਰਾਸ਼ਟਰੀ ਫਾਊਡੇਸ਼ਨ ਵਲੋ ਹਰ ਸਾਲ ਬੂਟੇ ਲਗਾਉਣ ਅਤੇ ਬੂਟੇ ਵੰਡਣ ਦੇ ਉਪਰਾਲੇ ਦੀ ਭਰਪੂਰ ਸ਼ਲਾਘਾ ਕੀਤੀ।
ਇਸ ਸਮੇ ਮਹੰਤ ਗਿਆਨ ਦਾਸ ਅਤੇ ਸ੍ਰੀ ਬਾਵਾ ਨੇ ਕਿਹਾ ਕਿ ਹਰ ਸਾਲ ਪੰਚਾਇਤਾ ਲਈ ਹਰ ਪਿੰਡ ਵਿਚ ਘੱਟੋ ਘੱਟ 500 ਬੂਟੇ ਲਗਾਉਣਾ ਅਤੇ ਸਾਭਣਾ ਜਰੂਰੀ ਬਣਾਇਆ ਜਾਵੇ ਤਾਂ ਕਿ ਅਸੀ ਹਰਿਆਵਲ ਲਿਆ ਕੇ ਵਾਤਾਵਰਣ ਦੀ ਸ਼ੁੱਧਤਾ ਨੂੰ ਕਾਇਮ ਰੱਖ ਸਕੀਏ।
ਇਸ ਸਮੇ ਹੋਰਨਾ ਤੋ ਇਲਾਵਾ ਐਸ.ਕੇ ਗੁਪਤਾ, ਰਘੁਬੀਰ ਸਿੰਘ ਬਹਿਲ, ਤੇਜਾ ਸਿੰਘ ਗਰੇਵਾਲ, ਸਾਜਨ ਮਲਹੋਤਰਾ ਜਗਰਾੳ, ਬਲਵਿੰਦਰ ਸਿੰਘ ਗਾਂਧੀ, ਗੁਰਮੀਤ ਸਿੰਘ, ਗੁਰਚਰਨ ਸਿੰਘ ਅਤੇ ਗੁਰਮੇਲ ਸਿੰਘ ਹਾਜਰ ਹੋਏ।

ਵਾਤਾਵਰਨ ਦੀ ਸ਼ੁੱਧਤਾ ਲਈ ਵੰਡੇ ਜਾਣਗੇ ਫਾਊਡੇਸ਼ਨ ਵਲੋ 5000 ਬੂਟੇ

*ਨੌਜਵਾਨ ਨਸ਼ਿਆ ਤੋ ਨਿਜਾਤ ਲੈਣ ਤਦ ਹੀ ਪਿਆਰ ਭਰੇ ਸੋਹਣੇ ਸਮਾਜ ਦੀ ਸਿਰਜਨਾ ਕੀਤੀ ਜਾ ਸਕਦੀ ਹੈ-ਬਾਵਾ

*ਬਾਬਾ ਬੰਦਾ ਸਿੰਘ ਬਹਾਦਰ ਭਵਨ ਰਕਬਾ ਵਿਖੇ ਸਰਪੰਚ ਅਤੇ ਪੰਚ ਦਾ ਫਾਊਡੇਸ਼ਨ ਵਲੋ ਕੀਤਾ ਗਿਆ ਸਨਮਾਨ

ਮੁਲਾਂਪੁਰ/ਲੁਧਿਆਣਾ 18 ਜੁਲਾਈ (ਪੰਜਾਬ ਸਕਰੀਨ ਬਿਊਰੋ) ਅੱਜ ਬਾਬਾ ਬੰਦਾ ਸਿੰਘ ਬਹਾਦਰ ਭਵਨ ਰਕਬਾ ਵਿਖੇ ਦਸਵੀਂ ਦੇ ਦਿਹਾੜੇ ਤੇ ਬਾਬਾ ਬੰਦਾ ਸਿੰਘ ਬਹਾਦਰ ਅੰਤਰਰਾਸ਼ਟਰੀ ਫਾਊਡੇਸ਼ਨ ਵਲੋ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦਾ ਓੁਟ ਆਸਰਾ ਲੈ ਕੇ ਨਸ਼ਿਆ, ਸਮਾਜਿਕ ਕੁਰੀਤੀਆਂ ਅਤੇ ਵਾਤਾਵਰਨ ਸਬੰਧੀ ਵਿਚਾਰਾਂ ਕੀਤੀ ਗਈਆਂ। ਇਹ ਸਮਾਗਮ ਕ੍ਰਿਸ਼ਨ ਕੁਮਾਰ ਬਾਵਾ ਪ੍ਰਧਾਨ ਅੰਤਰਰਾਸ਼ਟਰੀ ਫਾਊਡੇਸ਼ਨ, ਹਰੀ ਦਾਸ ਬਾਵਾ ਚੇਅਰਮੈਨ ਬੈਰਾਗੀ ਮਹਾਂ ਮੰਡਲ ਪੰਜਾਬ, ਬਲਦੇਵ ਬਾਵਾ ਕਨਵੀਨਰ ਬਾਬਾ ਬੰਦਾ ਸਿੰਘ ਬਹਾਦਰ ਅੰਤਰਰਾਸ਼ਟਰੀ ਫਾਊਡੇਸ਼ਨ ਅਤੇ ਕਰਨੈਲ ਸਿੰਘ ਗਿੱਲ ਪ੍ਰਧਾਨ ਫਾਊਡੇਸ਼ਨ ਪੰਜਾਬ ਦੀ ਸ੍ਰਪ੍ਰਸਤੀ ਹੇਠ ਹੋਇਆ। ਇਸ ਸਮਾਗਮ ਵਿਚ ਮਨਦੀਪ ਸਿੰਘ ਹਾਂਸ ਪ੍ਰਧਾਨ ਅੰਤਰਰਾਸ਼ਟਰੀ ਫਾਊਡੇਸ਼ਨ ਅਮਰੀਕਾ, ਮੇਘ ਸਿੰਘ ਸਿੱਧੂ ਪ੍ਰਧਾਨ ਅੰਤਰਰਾਸ਼ਟਰੀ ਫਾਊਡੇਸ਼ਨ ਪੱਛਮੀ ਬੰਗਾਲ ਅਤੇ ਹਰਦਿਆਲ ਸਿੰਘ ਅਮਨ, ਬਲਵੰਤ ਸਿੰਘ ਧਨੋਆ ਜਨ. ਸਕੱਤਰ ਫਾਊਡੇਸ਼ਨ, ਸ਼ਾਮ ਸੰੁਦਰ ਭਾਰਦਵਾਜ ਟਰੱਸਟੀ ਕੈਸ਼ੀਅਰ ਵਿਸ਼ੇਸ਼ ਤੌਰ ਤੇ ਹਾਜਰ ਹੋਏ। ਇਸ ਸਮੇ ਸਾਰੀਆਂ ਧਾਰਮਿਕ ਰਸਮਾ ਜੈ ਰਾਮ ਸਿੰਘ ਮੁੱਖ ਗ੍ਰੰਥੀ ਗੁਰੂਦੁਆਰਾ ਸਾਹਿਬ ਰਕਬਾ ਵਲੋ ਕੀਤੀਆਂ ਗਈਆਂ।

ਇਸ ਸਮੇ ਸ੍ਰੀ ਬਾਵਾ ਨੇ ਬੋਲਦੇ ਹੋਏ ਕਿਹਾ ਕਿ ਨਸ਼ੇ ਸਾਡੀ ਜਵਾਨੀ ਨੂੰ ਘੁਣ ਵਾਂਗ ਖਾ ਰਹੇ ਹਨ। ਉਹਨਾਂ ਕਿਹਾ ਕਿ ਜੋ ਨੌਜਵਾਨ ਨਸ਼ਿਆ ਦਾ ਸੇਵਨ ਕਰਦੇ ਹਨ ਤਾਂ ਕਿ ਉਹ ਆਪਣੀ ਸਿਹਤ ਦੀ ਬਰਬਾਦੀ, ਪਰਿਵਾਰ ਦੀ ਬਦਨਾਮੀ ਨਹੀ ਕਰਵਾ ਰਹੇ? ਉਹਨਾਂ ਕਿਹਾ ਕਿ ਸਾਡੇ ਨੌਜਵਾਨ ਬੱਚੇ ਆਪਣੇ ਅੰਦਰ ਝਾਤੀ ਮਾਰਨ ਅਤੇ ਗੁਰੂ ਸਾਹਿਬਾਨਾਂ ਦੇ ਉੁਪਦੇਸ਼ ਨੂੰ ਆਪਣੇ ਜੀਵਨ ਅੰਦਰ ਧਾਰਨ ਕਰਕੇ ਸੋਹਣੇ ਪਿਆਰ ਭਰੇ ਸਮਾਜ ਦੀ ਸਿਰਜਨਾ ਕਰਨ ਲਈ ਉਸਾਰੂ ਰੋਲ ਅਦਾ ਕਰਨ।

ਇਸ ਸਮੇ ਮਨਦੀਪ ਸਿੰਘ ਹਾਂਸ, ਬਲਦੇਵ ਬਾਵਾ ਅਤੇ ਹਰੀ ਦਾਸ ਬਾਵਾ ਨੇ ਬੋਲਦੇ ਕਿਹਾ ਕਿ ਲੋੜ ਹੈ ਵਾਤਾਵਰਨ ਦੀ ਸੁੱਧਤਾ ਲਈ ਅਸੀ ਦਰੱਖਤ ਲਗਾਈਏ ਜੋ ਕਿ ਭਿਆਨਕ ਬਿਮਾਰੀਆਂ ਤੋ ਨਿਜਾਤ ਦਵਾਉਣ ਲਈ ਸਹਾਈ ਹੁੰਦੇ ਹਨ। ਉਹਨਾਂ ਕਿਹਾ ਕਿ ਖੇਤਾ ਵਿਚ ਫਸਲਾਂ ਦਾ ਵਧੇਰੇ ਝਾੜ ਲਈ ਪੈਸ਼ਟੀਸਾਇਡ ਦੀ ਵਰਤੋ ਵੀ ਸਾਡੀ ਸਿਹਤ ਲਈ ਅਤਿ ਹਾਨੀਕਾਰਕ ਹੈ। ਉਹਨਾਂ ਕਿਹਾ ਕਿ ਵਾਤਾਵਰਨ ਦੀ ਸ਼ੁੱਧਤਾ ਲਈ ਫਾਊਡੇਸ਼ਨ ਵਲੋ 5000 ਬੂਟੇ ਵੰਡੇ ਜਾਣਗੇ। ਉਹਨਾ ਕਿਹਾ ਕਿ ਪੰਚਾਇਤਾਂ ਪਿੰਡਾ ਵਿਚ ਭਾਈਚਾਰਕ ਸਾਂਝ ਨੂੰ ਮਜਬੂਤ ਕਰਨ ਲਈ ਉਸਾਰੂ ਰੋਲ ਅਦਾ ਕਰਨ।

ਇਸ ਸਮੇ ਸਰਪੰਚ ਹਰਪ੍ਰੀਤ ਸਿੰਘ ਸਿੱਧਵਾਂ, ਕਰਤਿੰਦਰਪਾਲ ਸਿੰਘ ਸਰਪੰਚ ਸਿੰਘਪੁਰਾ, ਸੁਰਿੰਦਰ ਪਾਲ ਸਿੰਘ ਬਾਵਾ ਸਰਪੰਚ ਪੰਡੋਰੀ, ਦਰਵੇਸ ਦਾਸ ਬਾਵਾ ਸਰਪੰਚ ਹੱਲੋਤਾਲੀ, ਬਲਵੀਰ ਸਿੰਘ ਸਰਪੰਚ ਕਪੂਰਗੜ੍ਹ, ਦਲਵੀਰ ਸਿੰਘ ਨੀਟੂ ਮੈਬਰ ਬਲਾਕ ਸੰਮਤੀ, ਵਰਿੰਦਰਪਾਲ ਸਿੰਘ ਮੈਬਰ ਬਲਾਕ ਸੰਮਤੀ, ਨਵਦੀਪ ਬਾਵਾ, ਬਲਵਿੰਦਰ ਸਿੰਘ ਗਰੇਵਾਲ ਪੰਚ, ਪੂਜਾ ਬਾਵਾ, ਅਵਤਾਰ ਸਿੰਘ ਪੰਚ, ਪਵਨ ਸਿਡਾਨਾ, ਲਾਲੀ ਸ਼ਿਲਪਕਾਰ ਮੋਗਾ, ਦਾ ਸ਼ਾਲ, ਮੈਡਲ ਅਤੇ ਬਾਬਾ ਬੰਦਾ ਸਿੰਘ ਬਹਾਦਰ ਜੀ ਦਾ ਚਿੱਤਰ ਭੇਟ ਕਰਕੇ ਸਨਮਾਨ ਕੀਤਾ ਗਿਆ।

ਇਸ ਸਮੇ ਹੋਰਨਾਂ ਤੋ ਇਲਾਵਾ ਜਗਤਾਰ ਸਿੰਘ, ਸੰਦੀਪ ਸਿੰਘ, ਗੁਰਮੀਤ ਸਿੰਘ ਵੈਦ, ਰੇਸ਼ਮ ਸਿੰਘ ਸੱਗੂ, ਅਮਿ੍ਰਤਪਾਲ ਸਿੰਘ ਕਲਸੀ ਪ੍ਰਧਾਨ ਫਾਊਡੇਸ਼ਨ ਲੁਧਿਆਣਾ ਸ਼ਹਿਰੀ, ਕਮਲਜੀਤ ਸਿੰਘ ਘੜਿਆਲ ਪ੍ਰਧਾਨ ਫਾਊਡੇਸ਼ਨ ਲੁਧਿਆਣਾ ਯੂਥ ਵਿੰਗ, ਰਮਿੰਦਰ ਓੁਹਰੀ, ਦਾਰਾ ਦਾਸ ਬਾਵਾ, ਜਸਵੰਤ ਸਿੰਘ ਪੰਡੋਰੀ, ਪਾਲ ਸਿੰਘ, ਬਲਵਿੰਦਰ ਸਿੰਘ, ਗੁਰਦੇਵ ਸਿੰਘ, ਅਵਤਾਰ ਸਿੰਘ ਸਮੇਤ ਵੱਡੀ ਗਿਣਤੀ ਵਿਚ ਪਿੰਡ ਵਾਸੀ ਹਾਜਰ ਸਨ।

ਸਵਰਗੀ ਕਲਿਆਣ ਕੌਰ ਦੀਆਂ ਕੁਝ ਲਿਖਤਾਂ:--

ਕਲਿਆਣ ਕੌਰ ਦੇ ਦੇਹਾਂਤ ਤੇ ਸੋਗ ਸੁਨੇਹਿਆਂ ਦਾ ਸਿਲਸਿਲਾ ਜਾਰੀ 

ਜਿੰਦਗੀ ਮਹਿੰਗੀ ਵੀ ਜਿੰਦਗੀ ਸਸਤੀ ਵੀ 

ਮੁੱਦਾ ਕਿਤਾਬ ਨਹੀਂ; ਤਸਲੀਮਾ ਹੈ 

ਇੱਕ ਚਿਣਗ ਮੈਨੂੰ ਵੀ ਚਾਹੀਦੀ 

ਪ੍ਰਧਾਨ ਮੰਤਰੀ ਗਣਤੰਤਰ ਦਿਵਸ ਕਲਾਕਾਰਾਂ ਨਾਲ 

ਨਹੀਂ ਰਹੀ ਪੰਜਾਬ ਸਕਰੀਨ ਦੀ ਸਰਗਰਮ ਸੰਚਾਲਿਕਾ ਕਲਿਆਣ ਕੌਰ 

ਕਲਿਆਣ ਕੌਰ: ਅੰਤਿਮ ਅਲਵਿਦਾ ਦੇ ਦੁਖਾਂਤ