Showing posts with label Bihar. Show all posts
Showing posts with label Bihar. Show all posts

Monday, July 29, 2019

ਬਿਹਾਰ ਵਿੱਚ ਪੱਤਰਕਾਰ ਪ੍ਰਦੀਪ ਮੰਡਲ ਦਾ ਗੋਲੀ ਮਾਰ ਕੇ ਕਤਲ

ਗੋਲੀਆਂ ਚਲਾਉਣ ਤੋਂ ਬਾਅਦ ਦੋਵੇਂ ਹਮਲਾਵਰ ਮੋਟਰਸਾਈਕਲ 'ਤੇ ਫਰਾਰ 
ਮਧੂਬਨੀ: 29 ਜੁਲਾਈ 2019: (ਪੰਜਾਬ ਸਕਰੀਨ ਬਿਊਰੋ)::
ਇੱਕ ਹੋਰ ਪੱਤਰਕਾਰ ਨੂੰ ਗੋਲੀ ਮਾਰ ਕੇ ਕਤਲ ਕਰ ਦਿੱਤਾ ਗਿਆ ਹੈ। ਇਸ ਵਾਰ ਘਟਨਾ ਵਾਪਰੀ ਹੈ ਬਿਹਾਰ ਦੇ ਮਧੂਬਨੀ ਜ਼ਿਲੇ ਦੇ ਥਾਣਾ ਪੰਡੋਲ ਵਿੱਚ ਪੈਂਦੇ ਸਰਿਸਬ ਪਾਹੀ ਬਾਜ਼ਾਰ ਵਿੱਚ। ਇਹ ਵਾਰਦਾਤ ਐਤਵਾਰ ਅਤੇ ਸੋਮਵਾਰ ਦੀ ਦਰਮਿਆਨੀ ਰਾਤ ਨੂੰ ਵਾਪਰੀ। ਮੌਤ ਦਾ ਸ਼ਿਕਾਰ ਹੋਏ ਪੱਤਰਕਾਰ ਪ੍ਰਦੀਪ ਮੰਡਲ ਦੀ ਉਮਰ ਅਜੇ ਸਿਰਫ 36 ਸਾਲਾਂ ਦੀ ਸੀ ਅਤੇ ਉਹ ਇੱਕ ਕੌਮੀ ਪੱਧਰ ਦੇ ਅਖਬਾਰ ਲਈ ਸਟਰਿੰਗਰ ਵੱਜੋਂ ਕੰਮ ਕਰਦੇ ਸਨ।  ਇਸ ਕਤਲ ਨੇ ਇੱਕ ਵਾਰ ਫੇਰ ਮੀਡੀਆ ਦੀ ਚੁਣੌਤੀਆਂ ਭਰੀ ਸਥਿਤੀ ਨੂੰ ਸਾਹਮਣੇ ਲੈ ਆਂਦਾ ਹੈ। 
ਲੋਕਤੰਤਰ ਦੇ ਚੌਥੇ ਥੰਮ ਮੀਡੀਆ ਨੂੰ ਜਿੰਨੀਆਂ ਮਰਜ਼ੀ ਗਾਹਲਾਂ ਕੱਢ ਲਈਆਂ ਜਾਣ ਪਰ ਹਕੀਕਤ ਇਹੀ ਹੈ ਕਿ ਮੀਡੀਆ ਲਈ ਕੰਮ ਕਰਨ ਵਾਲੇ ਅਸਲੀ ਕਿਰਤੀ ਪੱਤਰਕਾਰ ਲਗਾਤਾਰ ਦਬਾਅ ਹੇਠ ਹਨ। ਬਹੁਤਿਆਂ ਨੂੰ ਇਹ ਨਹੀਂ ਪਤਾ ਹੁੰਦਾ ਕਿ ਕਿੰਨੇ ਘੰਟੇ ਕੰਮ ਕਰਨਾ ਪੈਣਾ ਹੈ। ਡੈਸਕ ਵਾਲਿਆਂ ਦੀ ਹਾਲਤ ਜ਼ਿਆਦਾ ਖਰਾਬ ਹੈ ਜਦਕਿ ਫੀਲਡ ਵਾਲਿਆਂ ਦੀਆਂ ਆਪਣੀਆਂ ਮਜਬੂਰੀਆਂ ਹਨ। ਜਦੋਂ ਕਿਸੇ ਪਤਰਕਾਰ ਨੂੰ ਕੋਈ ਵਿਸ਼ੇਸ਼ ਸਟੋਰੀ ਕਵਰ ਕਰਨ ਦੀ ਡਿਊਟੀ ਦਿੱਤੀ ਜਾਂਦੀ ਹੈ ਤਾਂ ਉਸ ਵੇਲੇ ਉਸਨੂੰ ਹਰ ਮਾਮਲੇ ਵਿੱਚ ਇਹ ਪਤਾ ਨਹੀਂ ਹੁੰਦਾ ਕਿ ਉਹ ਕਿੰਨੇ ਕੁ ਖਤਰਿਆਂ ਨੂੰ ਸਹੇੜਨ ਵਾਲਾ ਹੈ। ਸਿਰਫ ਕੁਝ ਕੁ ਮਾਮਲੇ ਹੁੰਦੇ ਹਨ ਜਿਹਨਾਂ ਦਾ ਉਸਨੂੰ ਅੰਦਾਜ਼ਾ ਲੱਗ ਸਕਦਾ ਹੁੰਦਾ ਹੈ। ਜੇ ਸਟੋਰੀ ਵਿੱਚੋਂ ਕੋਈ ਵੱਡਾ ਇਸ਼ਤਿਹਾਰੀ ਗੇਮ ਨਿਕਲਦੀ ਵੀ ਹੈ ਤਾਂ ਪੱਤਰਕਾਰ ਨੂੰ ਸਿਰਫ ਉਸਦੀ ਨਿਸਚਿਤ ਕਮਿਸ਼ਨ ਹੀ ਮਿਲਦੀ ਹੈ। ਇਸ ਫਾਇਦੇ ਦੇ ਨਾਲ ਨਾਲ ਉਸਨੂੰ ਕਦੋਂ ਕਿਸੇ ਦੀ ਗੋਲੀ ਦਾ ਸ਼ਿਕਾਰ ਹੋਣਾ ਪੈ ਜਾਵੇ ਇਹ ਉਸਨੂੰ ਖੁਦ ਵੀ ਪਤਾ ਨਹੀਂ ਹੁੰਦਾ। 
ਪੰਡਾਲ ਥਾਣੇ ਦੇ ਮੁਖੀ ਅਨੁਜ ਕੁਮਾਰ ਨੇ ਦੱਸਿਆ ਕਿ ਪ੍ਰਦੀਪ ਦੀ ਲਾਸ਼ ਦਾ ਪੋਸਟ ਮਾਰਟਮ ਜ਼ਿਲਾ ਸਦਰ ਹਸਪਤਾਲ ਵਿੱਚ ਕਰਾਇਆ ਗਿਆ ਹੈ ਅਤੇ ਪਹਿਲੀ ਨਜ਼ਰੇ ਇਹ ਮਾਮਲਾ ਕਿਸੇ ਪੁਰਾਣੀ ਰੰਜਿਸ਼ ਦਾ ਲੱਗਦਾ ਹੈ। 
ਗੋਲੀਆਂ ਚਲਾਉਣ ਮਗਰੋਂ ਦੋਵੇਂ ਹਮਲਾਵਰ ਫਰਾਰ ਹੋਣ ਵਿੱਚ ਸਫਲ ਹੋ ਗਏ। ਦੋਵੇਂ ਹਮਲਾਵਰ ਸਨ ਸੁਸ਼ੀਲ ਸ਼ਾਹ ਅਤੇ ਅਸ਼ੋਕ ਕਾਮਤ। ਦੋਹਾਂ ਦਾ ਪਿਛੋਕੜ ਵੀ ਮੁਜਰਿਮਾਨਾ ਰਿਕਾਰਡ ਵਾਲਾ ਹੈ। 
ਪੱਤਰਕਾਰਾਂ ਅਤੇ ਸਿਆਸੀ ਪਾਰਟੀਆਂ ਦੇ ਲੀਡਰਾਂ ਨੇ ਇਸ ਕਤਲ ਦੀ ਸਖਤ ਨਿਖੇਧੀ ਕੀਤੀ ਹੈ। ਬਿਹਾਰ ਦੀ ਪ੍ਰਮੁੱਖ ਸਿਆਸੀ ਪਾਰਟੀ ਰਾਸ਼ਟਰੀ ਜਨਤਾ ਦਲ ਨੇ ਨੇ ਵੀ ਇਸ ਕਤਲ 'ਤੇ ਡੂੰਘੀ ਚਿੰਤਾ ਦਾ ਪ੍ਰਗਟਾਵਾ ਕਰਦਿਆਂ ਇਸ ਨੂੰ ਮੰਦਭਾਗਾ ਦੱਸਿਆ ਹੈ। ਆਰ ਜੇ ਡੀ ਦੇ ਐਮ ਐਲ ਏ ਅਤੇ ਬੁਲਾਰੇ ਸ਼ਕਤੀ ਸਿੰਘ ਯਾਦਵ ਨੇ ਕਿਹਾ ਕਿ ਇਸ ਕਤਲ ਤੋਂ ਸਾਫ ਜ਼ਾਹਿਰ ਹੈ ਕਿ ਬਿਹਾਰ ਦੀ ਅਮਨ ਕਾਨੂੰਨ  ਦੀ ਹਾਲਤ ਕਿੰਨੀ ਵਿਗੜ ਚੁੱਕੀ ਹੈ। ਉਹਨਾਂ ਕਿਹਾ ਕਿ ਕਾਤਲਾਂ ਨੂੰ ਛੇਤੀ ਤੋਂ ਛੇਤੀ ਗ੍ਰਿਫਤਾਰ ਕੀਤਾ ਜਾਏ।  
ਪੀਪਲਜ਼ ਮੀਡੀਆ ਲਿੰਕ ਨੇ ਵੀ ਇਸ ਕਤਲ ਦੀ ਤਿੱਖੀ ਨਿਖੇਧੀ ਕੀਤੀ ਹੈ। ਪੀਪਲਜ਼ ਮੀਡੀਆ ਲਿੰਕ ਨੇ ਕਿਹਾ ਕਿ ਆਏ ਦਿਨ ਪੱਤਰਕਾਰਾਂ 'ਤੇ ਵੱਧ ਰਹੇ ਹਮਲੇ ਇੱਕ ਖਤਰਨਾਕ ਸੰਕੇਤ ਹਨ। ਆਉਣ ਵਾਲਾ ਸਮਾਂ ਜ਼ਿਆਦਾ ਭਿਆਨਕ ਲੱਗ ਰਿਹਾ ਹੈ। ਇਸ ਸਾਰੀ ਸਥਿਤੀ ਨੂੰ ਦੇਖਦਿਆਂ ਪੱਤਰਕਾਰਾਂ ਨੂੰ ਜਲਦੀ ਤੋਂ ਜਲਦੀ ਇੱਕ ਜੁੱਟ ਹੋਣਾ ਚਾਹੀਦਾ ਹੈ। 

Friday, August 25, 2017

ਇੰਦੌਰ ਹਮਲੇ ਤੋਂ ਬਾਅਦ ਮਜ਼ਬੂਤ ਹੋਈ ਇਪਟਾ ਦਾ ਸਮਾਗਮ ਹੁਣ ਪਟਨਾ ਵਿੱਚ

Thu, Aug 24, 2017 at 10:02 PM
ਇਪਟਾ ਦੀ ਕੌਮੀ ਕਾਰਜਕਾਰਨੀ ਮੀਟਿੰਗ 26-27 ਅਗਸਤ ਨੂੰ ਪਟਨਾ ਵਿੱਚ
ਚੰਡੀਗੜ੍ਹ: 34 ਅਗਸਤ 2017: (*ਸੰਜੀਵਨ ਸਿੰਘ//ਪੰਜਾਬ ਸਕਰੀਨ)::
ਇਪਟਾ ਦੀ ਰਾਸ਼ਟਰੀ ਦੀ ਕਾਰਜਕਾਰਨੀ ਦੀ ਅਹਿਮ ਇਕੱਤਰਤਾ ਪਟਨਾ (ਬਿਹਾਰ) ਵਿਖੇ 26-27 ਅਗਸਤ ਨੂੰ ਹੋ ਰਹੀ ਹੈ।ਇਸ ਇੱਕਤਰਤਾ ਵਿਚ ਇਪਟਾ ਦੀ 75 ਵੀਂ ਵਰ੍ਹੇਗੰਢ ਇਪਟਾ ਦੀਆਂ ਸੂਬਾ ਇਕਾਈਆਂ ਵੱਲੋਂ ਤਿਆਰੀਆਂ ਦਾ ਜਾਇਜ਼ਾ ਲਿਆ ਜਾਏਗਾ। ਇਹ ਸਮਾਗਮ ਪਟਨਾ (ਬਿਹਾਰ) ਵਿਖੇ ਅਕੂਤਬਰ 2018 ਵਿਚ ਹੋਣੇ ਹਨ। ਇਹਨਾਂ ਨੂੰ ਅਯੋਜਿਤ ਕਰਨ ਬਾਰੇ ਰੂਪ-ਰੇਖਾ ਉਲੀਕਣ ਤੋਂ ਇਲਾਵਾ ਇਪਟਾ ਦੀਆਂ ਪਬਲੀਕੇਸ਼ਨਾਂ ਬਾਰੇ ਫੈਸਲਾ, ਸਾਰੇ ਦੇਸ਼ ਵਿਚ ਕਿਸਾਨੀ  ਮਸਲਿਆਂ ਬਾਰੇ ਸਭਿਆਚਰਾਕ ਯਾਤਰਾਵਾਂ, ਯੁਵਕ ਅਤੇ ਲੋਕ ਮੇਲਿਆਂ ਦੇ ਅਯੋਜਨਾਂ ਅਤੇ ਹੋਰ ਜੱਥੇਬੰਦਕ ਮਸਲੇ ਵਿਚਾਰੇ ਜਾਣਗੇ। ਇਸ ਮੌਕੇ ਇਪਟਾ, ਪੰਜਾਬ ਦੇ ਪ੍ਰਧਾਨ ਇੰਦਰਜੀਤ ਰੂਪੋਵਾਲੀ ਅਤੇ ਇਪਟਾ ਆਰ.ਸੀ.ਐਸ. ਕਪੂਰਥਲਾ ਦੇ ਜਨਰਲ ਸੱਕਤਰ ਨੀਰਜ ਕੁਮਾਰ ਸਮੇਤ ਇਪਟਾ ਦੀਆਂ ਸਾਰੀ ਸੂਬਾ ਇਕਾਈਆਂ ਦੇ ਪ੍ਰਧਾਨ ਅਤੇ ਜਨਰਲ ਸਕੱਤਰ ਸ਼ਿਰਕਤ ਕਰ ਰਹੇ ਹਨ। ਇਹ ਜਾਣਕਾਰੀ ਦਿੰਦੇ ਇਪਟਾ ਪੰਜਾਬ ਦੇ ਜਨਰਲ ਸੱਕਤਰ ਸੰਜੀਵਨ ਸਿੰਘ ਨੇ ਦਿੱਤੀ 
ਜ਼ਿਕਰਯੋਗ ਹੈ ਕਿ ਲੋਕ ਹਿਤੈਸ਼ੀ, ਸਾਫ-ਸੁਥਰੇ ਅਤੇ ਨਿਰੋਏ ਸਭਿਆਚਾਰ ਦੇ ਵਿਕਾਸ, ਪ੍ਰਚਾਰ ਅਤੇ ਪ੍ਰਸਾਰ ਲਈ ਯਤਨਸ਼ੀਲ ਇਪਟਾ ਜੋ 75 ਸਾਲ ਪਹਿਲਾਂ 25 ਮਈ 1943 ਨੂੰ ਹੌਂਦ ਵਿਚ ਆਈ। ਇਸ ਦੇ ਪਹਿਲੇ ਪ੍ਰਧਾਨ ਐਚ. ਐਮ. ਜੋਸ਼ੀ ਸਨ। ਇਪਟਾ ਨੇ ਆਪਣੀ ਸਥਾਪਨਾਂ ਮੌਕੇ ਹੀ ਐਲਾਨ ਕਰ ਦਿਤਾ ਸੀ ਕਿ ਕਲਾ ਸਿਰਫ਼ ਕਲਾ ਨਹੀਂ ਬਲਕਿ ਲੋਕਾਂ ਲਈ ਹੈ। ਭਾਂਵੇ ਬੰਗਾਲ ਦਾ ਹਿਰਦਾ ਹਿਲਾਊ ਅਕਾਲ ਹੋਵੇ, ਅਜ਼ਾਦੀ ਦੀ ਲੜਾਈ ਜਾਂ ਕਿਸਾਨਾਂ-ਮਜ਼ਦੂਰਾਂ ਦਾ ਸੰਘਰਸ਼ ਹੋਵੇ। ਇਪਟਾ ਨੇ ਹਮੇਸ਼ਾਂ ਹੀ ਆਪਣੀ ਜ਼ੁੰਮੇਵਾਰੀ ਇਮਾਨਦਾਰੀ ਅਤੇ ਗੰਭੀਰਤਾ ਨਾਲ ਨਿਭਾਈ।ਹਿੰਦੀ ਫਿਲਮੀਆਂ ਦੇ ਸਿਰਮੌਰ ਹਸਤਾਖਰ ਪ੍ਰਿਥਵੀ ਰਾਜ ਕਪੂਰ, ਬਲਰਾਜ ਸਾਹਨੀ, ਨਰਗਿਸ ਦੱਤ, ਸ਼ਬਾਨਾ ਆਜ਼ਮੀ, ਏ.ਕੇ. ਹੰਗਲ, ਉਤਪਲਦੱਤ, ਦੁਰਗਾ ਖੋਟੇ, ਕੈਫ਼ੀ ਆਜ਼ਮੀ, ਸੰਜੀਵ ਕੁਮਾਰ, ਹੇਮੰਤ ਕੁਮਾਰ, ਮਨਾ ਡੇ, ਸਾਹਿਰ ਲੁਧਿਆਣਵੀ, ਮੁਲਕ ਰਾਜ ਆਨੰਦ, ਭੀਸ਼ਮ ਸਾਹਨੀ ਆਦਿ ਅਣਗਿਤ ਅੰਤਰਰਾਸ਼ਟਰੀ ਅਤੇ ਰਾਸ਼ਟਰੀ ਪ੍ਰਸਿੱਧੀ ਦੇ ਫਨਕਾਰ ਇਪਟਾ ਨਾਲ ਜੁੜੇ।
*ਸੰਜੀਵਨ ਸਿੰਘ ਇਪਟਾ, ਪੰਜਾਬ ਦੇ ਜਨਰਲ ਸੱਕਤਰ ਵੀ ਹਨ ਅਤੇ ਸਟੇਜ ਦੇ ਉੱਘੇ ਕਲਾਕਾਰ ਵੀ। 

Saturday, May 21, 2016

Bihar: ਗੁਟਖਾ ਤੇ ਪਾਨ ਮਸਾਲੇ ‘ਤੇ ਵੀ ਇੱਕ ਸਾਲ ਲਈ ਪੂਰੀ ਤਰ੍ਹਾਂ ਰੋਕ

ਸ਼ਰਾਬਬੰਦੀ ਤੋਂ ਬਾਅਦ ਇੱਕ ਹੋਰ ਹਿੰਮਤ ਵਾਲਾ ਕਦਮ 
ਪਟਨਾ: 20 ਮਈ 2016: (ਪੰਜਾਬ ਸਕਰੀਨ ਬਿਊਰੋ):
ਪਟਨਾ ਦੀ ਪਾਵਨ ਪਵਿੱਤਰ ਧਰਤੀ ਨਾਲ ਪਿਆਰ ਕਰਨ ਵਾਲਿਆਂ  ਲਈ ਖੁਸ਼ਖਬਰੀ ਹੈ। ਸ਼ਰਾਬ 'ਤੇ ਪਾਬੰਦੀ ਤੋਂ ਬਾਅਦ ਬਿਹਾਰ ਸਰਕਾਰ ਨੇ ਇੱਕ ਹੋਰ ਹਿੰਮਤ ਵਾਲਾ ਕਦਮ ਚੁੱਕਿਆ ਹੈ। ਅੱਜ ਤੋਂ ਗੁਟਖਾ ਤੇ ਪਾਨ ਮਸਾਲੇ ‘ਤੇ ਵੀ ਇੱਕ ਸਾਲ ਲਈ ਪੂਰੀ ਤਰ੍ਹਾਂ ਰੋਕ ਲਾ ਦਿੱਤੀ ਗਈ ਹੈ। ਇਸ ਤੋਂ ਪਹਿਲਾਂ ਬਿਹਾਰ ਵਿੱਚ ਸ਼ਰਾਬ 'ਤੇ ਰੋਕ ਲਾਈ ਗਈ ਸੀ। ਕਾਬਿਲੇ ਜ਼ਿਕਰ ਹੈ ਕਿ ਮੁੱਖ ਮੰਤਰੀ ਨਿਤੀਸ਼ ਕੁਮਾਰ ਨੇ ਚੋਣਾਂ ਵੇਲੇ ਵਾਅਦਾ ਕੀਤਾ ਸੀ ਕਿ ਮੁੜ ਸਰਕਾਰ ਬਣਨ 'ਤੇ ਸੂਬੇ ਵਿੱਚ ਸ਼ਰਾਬਬੰਦੀ ਕਰ ਦਿੱਤੀ ਜਾਏਗੀ।ਨਿਤੀਸ਼ ਨੇ ਸਰਕਾਰ ਬਣਦਿਆਂ ਹੀ ਆਪਣਾ ਵਾਅਦਾ ਨਿਭਾਇਆ ਤੇ ਸ਼ਰਾਬ 'ਤੇ ਰੋਕ ਲਾ ਦਿੱਤੀ। ਬੇਸ਼ੱਕ ਕੁਝ ਲੋਕਾਂ ਨੇ ਇਸ ਦਾ ਵਿਰੋਧ ਕੀਤਾ ਪਰ ਜ਼ਿਆਦਾਤਰ ਜਨਤਾ ਸਰਕਾਰ ਦੇ ਇਸ ਫੈਸਲੇ ਤੋਂ ਖੁਸ਼ ਹੈ।

Sunday, November 08, 2015

ਬਿਹਾਰ ਵਿੱਚ ਨਾਕਾਮ ਰਹੀ ਮੋਦੀ ਲਹਿਰ--ਬੀਜੇਪੀ ਨੂੰ ਅਣਕਿਆਸੀ ਹਾਰ

ਲਾਲੂ ਯਾਦਵ ਦੀ ਬੱਲੇ ਬੱਲੇ--ਮਹਾਂਗਠਜੋੜ ਨੇ ਰਚਿਆ ਇਤਿਹਾਸ 
ਪਟਨਾ: 8 ਨਵੰਬਰ 2015: (ਪੰਜਾਬ ਸਕਰੀਨ ਬਿਊਰੋ):  
ਬਿਹਾਰ ਤੋਂ ਆ ਰਹੀਆਂ ਖਬਰਾਂ ਹੈਰਾਨਕੁੰਨ ਨਤੀਜੇ ਦੱਸ ਰਹੀਆਂ ਹਨ।   ਕਰਨਾ ਪਿਆ ਹੈ। ਇਹ ਹਾਰ ਸ਼ਾਇਦ ਅਛੇ ਦਿਨਾਂ ਦੇ ਨਾਮ ਹੇਠ ਹੋਏ ਮਜਾਕ ਕਾਰਨ ਵਾਪਰੀ ਅਤੇ  ਕਾਰਨਾਂ ਨੇ ਇਸ ਹਾਰ ਨੂੰ ਸੁਨਿਸਚਿਤ ਬਣਾਇਆ।
ਚੋਣਾਂ ਦੇ ਆ ਰਹੇ ਨਤੀਜਿਆਂ ਮੁਤਾਬਿਕ ਇਸ ਵਾਰ ਨਿਤੀਸ਼ ਕੁਮਾਰ ਤੀਜੀ ਵਾਰ ਬਿਹਾਰ ਦੇ ਮੁੱਖ ਮੰਤਰੀ ਹੋਣਗੇ। ਬਿਹਾਰ ਵਿਧਾਨ ਸਭਾ ਚੋਣਾਂ ਦੇ ਅੱਜ ਐਲਾਨੇ ਗਏ ਨਤੀਜਿਆਂ ਅਤੇ ਰੁਝਾਨਾਂ ਅਨੁਸਾਰ ਨਿਤੀਸ਼ ਕੁਮਾਰ ਦੀ ਅਗਵਾਈ ਵਾਲੇ ਗੱਠਜੋੜ ਨੇ 243 ਮੈਂਬਰੀ ਵਿਧਾਨ ਸਭਾ 'ਚ ਦੋ-ਤਿਹਾਈ ਬਹੁਮਤ ਹਾਸਲ ਕਰ ਲਿਆ ਹੈ, ਜਦਕਿ ਭਾਜਪਾ ਦੀ ਅਗਵਾਈ ਵਾਲੇ ਐੱਨ ਡੀ ਏ ਨੂੰ ਸੂਬੇ ਦੇ ਲੋਕਾਂ ਨੇ ਬੁਰੀ ਤਰ੍ਹਾਂ ਨਕਾਰ ਦਿੱਤਾ। ਭਾਜਪਾ ਵਿਰੋਧੀ ਹਲਕਿਆਂ ਵਿੱਚ ਖੁਸ਼ੀ ਦੀ ਲਹਿਰ ਹੈ। ਲਾਲੂ ਪ੍ਰਸਾਦ ਯਾਦਵ ਅਤੇ ਉਹਨਾਂ ਦੇ ਸਾਥੀ ਮੋਦੀ ਦੇ ਵਿਜੇ ਰਥ ਬਿਹਾਰ ਵਿੱਚ ਰੋਕਣ 'ਚ ਸਫਲ ਰਹੇ ਹਨ।  
ਸ਼ਾਮ ਤੱਕ ਪ੍ਰਾਪਤ ਵਿਧਾਨ ਸਭਾ ਦੇ ਸਾਰੇ ਹਲਕਿਆਂ ਦੇ ਨਤੀਜੇ ਅਤੇ ਰੁਝਾਨ ਅਨੁਸਾਰ ਮਹਾਂ-ਗੱਠਜੋੜ 179 ਸੀਟਾਂ 'ਤੇ ਅੱਗੇ ਚੱਲ ਰਿਹਾ ਸੀ, ਜਦਕਿ ਭਾਜਪਾ ਦੀ ਅਗਗਾਈ ਹੇਠ ਐੱਨ ਡੀ ਏ ਦੇ 58 ਉਮੀਦਵਾਰ ਆਪਣੇ ਵਿਰੋਧੀਆਂ ਤੋਂ ਅੱਗੇ ਸਨ। 6 ਹਲਕਿਆਂ 'ਚ ਅਜ਼ਾਦ ਉਮੀਦਵਾਰਾਂ ਨੇ ਲੀਡ ਬਣਾਈ ਹੋਈ ਸੀ। ਬਿਹਾਰ ਵਿਧਾਨ ਸਭਾ ਚੋਣਾਂ 'ਚ ਹਾਰ ਪ੍ਰਵਾਨ ਕਰਦਿਆਂ ਭਾਜਪਾ ਪ੍ਰਧਾਨ ਅਮਿਤ ਸ਼ਾਹ ਨੇ ਸੂਬੇ ਦੇ ਮੁੱਖ ਮੰਤਰੀ ਨਿਤੀਸ਼ ਕੁਮਾਰ ਅਤੇ ਆਰ ਜੇ ਡੀ ਸੁਪਰੀਮੋ ਲਾਲੂ ਪ੍ਰਸਾਦ ਯਾਦਵ ਨੂੰ ਵਧਾਈ ਦਿੱਤੀ ਅਤੇ ਕਿਹਾ ਕਿ ਉਨ੍ਹਾ ਦੀ ਪਾਰਟੀ ਲੋਕਾਂ ਦੇ ਫ਼ਤਵੇ ਦਾ ਪੂਰਾ ਸਨਮਾਨ ਕਰਦੀ ਹੈ। 
ਲੋਕ ਜਨ ਸ਼ਕਤੀ ਪਾਰਟੀ ਦੇ ਆਗੂ ਚਿਰਾਗ ਪਾਸਵਾਨ ਨੇ ਨਿਤੀਸ਼ ਕੁਮਾਰ ਦੀ ਸਿਫ਼ਤ ਕਰਦਿਆਂ ਕਿਹਾ ਕਿ ਸੂਬੇ ਦੇ ਲੋਕਾਂ ਨੇ ਬਿਹਾਰ ਦੇ ਵਿਕਾਸ ਲਈ ਉਨ੍ਹਾ ਵੱਲੋਂ ਸ਼ੁਰੂ ਕੀਤੇ ਗਏ ਵਿਕਾਸ ਕਾਰਜਾਂ ਨੂੰ ਪ੍ਰਵਾਨਗੀ ਦਿੱਤੀ ਹੈ। ਜ਼ਿਕਰਯੋਗ ਹੈ ਕਿ ਚਿਰਾਗ ਦੀ ਪਾਰਟੀ ਨੂੰ ਚੋਣਾਂ 'ਚ ਕਰਾਰੀ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ। ਉਨ੍ਹਾ ਕਿਹਾ ਕਿ ਐੱਨ ਡੀ ਏ ਦੀ ਹਾਰ ਦੇ ਕਈ ਕਾਰਨ ਹਨ ਅਤੇ ਉਨ੍ਹਾ ਦਾ ਵਿਸ਼ਲੇਸ਼ਣ ਕੀਤੇ ਜਾਣ ਦੀ ਲੋੜ ਹੈ। ਮੁੱਖ ਮੰਤਰੀ ਨਿਤੀਸ਼ ਕੁਮਾਰ ਨੇ ਵਿਧਾਨ ਸਭਾ ਚੋਣਾਂ 'ਚ ਮਹਾਂ-ਗੱਠਜੋੜ ਦੀ ਜਿੱਤ ਲਈ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਕਾਂਗਰਸ ਪ੍ਰਧਾਨ ਸ੍ਰੀਮਤੀ ਸੋਨੀਆ ਗਾਂਧੀ ਦਾ ਵਧਾਈ ਦੇਣ ਲਈ ਧੰਨਵਾਦ ਕੀਤਾ। ਨਿਤੀਸ਼ ਨੇ ਟਵੀਟ ਕੀਤਾ ਕਿ ਪ੍ਰਧਾਨ ਮੰਤਰੀ ਦਾ ਹੁਣੇ ਫੋਨ ਆਇਆ, ਜਿਨ੍ਹਾ ਮੈਨੂੰ ਵਧਾਈ ਦਿੱਤੀ। ਉਨ੍ਹਾ ਵਧਾਈ ਦੇਣ ਲਈ ਕਾਂਗਰਸ ਪ੍ਰਧਾਨ ਸ੍ਰੀਮਤੀ ਸੋਨੀਆ ਗਾਂਧੀ ਅਤੇ ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਦਾ ਵੀ ਧੰਨਵਾਦ ਕੀਤਾ। 
ਉਧਰ ਭਾਜਪਾ ਆਗੂ ਰਾਮ ਮਾਧਵ ਨੇ ਇਨ੍ਹਾਂ ਰਿਪੋਰਟਾਂ ਨੂੰ ਖਾਰਜ ਕੀਤਾ ਹੈ ਕਿ ਬਿਹਾਰ ਵਿਧਾਨ ਸਭਾ ਚੋਣਾਂ ਇਸ ਗੱਲ ਦਾ ਸੰਕੇਤ ਹਨ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਲੋਕਪ੍ਰਿਅਤਾ ਘਟੀ ਹੈ। ਉਨ੍ਹਾ ਇਸ ਦੇ ਨਾਲ ਹੀ ਕਿਹਾ ਕਿ ਪਾਰਟੀ ਹਾਰ ਦੇ ਕਾਰਨਾਂ ਦੀ ਸਮੀਖਿਆ ਕਰੇਗੀ ਅਤੇ ਉਨ੍ਹਾ 'ਚ ਸੁਧਾਰ ਲਈ ਕਦਮ ਚੁੱਕੇ ਜਾਣਗੇ।
ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਇਤਿਹਾਸਕ ਜਿੱਤ 'ਤੇ ਨਿਤੀਸ਼ ਕੁਮਾਰ ਨੂੰ ਵਧਾਈ ਦਿੱਤੀ, ਜਦਕਿ ਸ਼ਿਵ ਸੈਨਾ ਨੇ ਹਾਰ 'ਤੇ ਚੁਟਕੀ ਲਂੈਦਿਆਂ ਕਿਹਾ ਕਿ ਬਿਹਾਰ ਚੋਣਾਂ ਦੇ ਨਤੀਜੇ ਇੱਕ ਆਗੂ ਦੇ ਅਸਰ ਦਾ ਸੰਕੇਤ ਹਨ। ਰਾਹੁਲ ਗਾਂਧੀ ਨੇ ਮਹਾਂ-ਗੱਠਜੋੜ ਦੀ ਜਿੱਤ 'ਤੇ ਇੱਕ ਟਵੀਟ 'ਚ ਕਿਹਾ ਕਿ ਇਸ ਜਿੱਤ 'ਤੇ ਬਿਹਾਰ ਦੀ ਜਨਤਾ ਨੂੰ, ਨਿਤੀਸ਼ ਕੁਮਾਰ ਨੂੰ ਅਤੇ ਲਾਲੂ ਪ੍ਰਸਾਦ ਯਾਦਵ ਨੂੰ ਵਧਾਈ।
ਭਾਜਪਾ ਦੇ ਨਰਾਜ਼ ਚੱਲ ਰਹੇ ਆਗੂ ਸ਼ਤਰੂਘਨ ਸਿਨਹਾ ਨੇ ਬਿਹਾਰ ਵਿਧਾਨ ਸਭਾ ਚੋਣਾਂ 'ਚ ਮਹਾਂ-ਗੱਠਜੋੜ ਦੀ ਜਿੱਤ ਨੂੰ ਲੋਕਤੰਤਰ ਦੀ ਜਿੱਤ ਦੱਸਦਿਆਂ ਪਾਰਟੀ ਦੇ ਸੀਨੀਅਰ ਆਗੂਆਂ 'ਤੇ ਇਹ ਕਹਿੰਦਿਆਂ ਚੁਟਕੀ ਲਈ ਕਿ ਬਿਹਾਰੀ ਬਨਾਮ ਬਾਹਰੀ ਦਾ ਮੁੱਦਾ ਹਮੇਸ਼ਾ ਲਈ ਸੁਲਝ ਗਿਆ ਹੈ। ਉਨ੍ਹਾ ਚੋਣਾਂ 'ਚ ਨਿਤੀਸ਼ ਕੁਮਾਰ ਅਤੇ ਲਾਲੂ ਪ੍ਰਸਾਦ ਯਾਦਵ ਨੂੰ ਜ਼ਬਰਦਸਤ ਜਿੱਤ ਲਈ ਵਧਾਈ ਦਿੱਤੀ।
ਚੋਣ ਨਤੀਜਿਆਂ ਦੇ ਐਲਾਨ ਮਗਰੋਂ ਨਿਤੀਸ਼ ਕੁਮਾਰ ਦੀ ਮੌਜੂਦਗੀ 'ਚ ਪੱਤਰਕਾਰਾਂ ਨਾਲ ਗੱਲਬਾਤ ਰਾਸ਼ਟਰੀ ਜਨਤਾ ਦਲ ਦੇ ਮੁਖੀ ਲਾਲੂ ਪ੍ਰਸਾਦ ਯਾਦਵ ਨੇ ਕਿਹਾ ਕਿ ਬਿਹਾਰ ਦੇ ਲੋਕਾਂ ਨੇ ਨਰਿੰਦਰ ਮੋਦੀ ਅਤੇ ਭਾਰਤੀ ਜਨਤਾ ਪਾਰਟੀ ਨੂੰ ਪੂਰੀ ਤਰ੍ਹਾਂ ਨਕਾਰ ਦਿੱਤਾ ਹੈ। ਉਨ੍ਹਾ ਕਿਹਾ ਕਿ ਚੋਣ ਨਤੀਜਿਆਂ ਬਾਰੇ ਉਨ੍ਹਾ ਦਾ ਸਰਵੇਖਣ ਪੂਰੀ ਤਰ੍ਹਾਂ ਸਹੀ ਨਿਕਲਿਆ। ਬਿਹਾਰ ਦੇ ਅਗਲੇ ਮੁੱਖ ਮੰਤਰੀ ਬਾਰੇ ਪੁੱਛੇ ਜਾਣ 'ਤੇ ਲਾਲੂ ਪ੍ਰਸਾਦ ਯਾਦਵ ਨੇ ਕਿਹਾ ਕਿ ਨਿਤੀਸ਼ ਕੁਮਾਰ ਦੀ ਅਗਵਾਈ ਹੇਠ ਹੀ ਬਿਹਾਰ 'ਚ ਮਹਾਂ-ਗੱਠਜੋੜ ਦੀ ਸਰਕਾਰ ਬਣੇਗੀ ਅਤੇ ਇਸ ਬਾਰੇ ਫ਼ੈਸਲਾ ਪਹਿਲਾਂ ਹੀ ਕਰ ਲਿਆ ਗਿਆ ਹੈ। ਉਨ੍ਹਾ ਕਿਹਾ ਕਿ ਭਾਵੇਂ ਆਰ ਜੇ ਡੀ ਚੋਣਾਂ 'ਚ ਸਭ ਤੋਂ ਵੱਡੀ ਪਾਰਟੀ ਬਣ ਕੇ ਸਾਹਮਣੇ ਆਈ ਹੈ, ਪਰ ਪਾਰਟੀ ਮੁੱਖ ਮੰਤਰੀ ਅਹੁਦੇ 'ਤੇ ਦਾਅਵਾ ਨਹੀਂ ਕਰੇਗੀ ਅਤੇ ਨਿਤੀਸ਼ ਕੁਮਾਰ ਹੀ ਸੂਬੇ ਦੇ ਅਗਲੇ ਮੁੱਖ ਮੰਤਰੀ ਹੋਣਗੇ। ਹੁਣ ਦੇਖਣਾ ਇਹ ਹੈ ਕਿ ਪੰਜਾਬ ਦੀ ਸਿਆਸਤ 'ਤੇ ਇਹ ਨਤੀਜੇ ਕੀ ਅਸਰ ਪਾਉਂਦੇ ਹਨ?

Friday, September 20, 2013

ਇਹ ਹੈ ਸਵਾਰੀਆਂ ਨਾਲ ਲੱਦੀ ਡੀ ਐਮ ਯੂ //ਈ ਐਮ ਯੂ ਟਰੇਨ

ਅਜਿਹੀਆਂ ਸਸਤੀਆਂ ਗੱਡੀਆਂ ਦੀ ਗਿਣਤੀ ਦੇਸ਼ ਭਰ ਵਿੱਚ ਹੋਰ ਵਧਾਈ ਜਾਵੇ 
ਇਹ ਤਸਵੀਰ ਰੋਜ਼ਾਨਾ ਜਗਬਾਣੀ ਚੋਂ ਧੰਨਵਾਦ ਸਹਿਤ 
ਇਹ ਤਸਵੀਰ ਇੱਕ ਡੀ ਐਮ ਯੂ ਟਰੇਨ ਦੀ ਹੈ ਜਿਹੜੀ ਬਿਹਾਰ ਦੇ ਗਯਾ ਅਤੇ ਅਤੇ ਪਟਨਾ ਸਟੇਸ਼ਨਾਂ ਦਰਮਿਆਨ ਚੱਲਦੀ ਹੈ। ਇਸ ਟਰੇਨ ਤੇ ਕਿੰਨੀ ਭੀੜ ਹੈ ਇਸਦਾ ਅੰਦਾਜ਼ਾ ਤੁਸੀਂ ਇਸ ਤਸਵੀਰ ਨੂੰ ਦੇਖ ਕੇ ਸਹਿਜੇ ਹੀ ਲਾ ਸਕਦੇ ਹੋ। ਇਹਨਾਂ ਸਾਰੇ ਲੋਕਾਂ ਨੂੰ ਇਸ ਤਰ੍ਹਾਂ ਖਤਰਿਆਂ ਭਰਿਆ ਸਫਰ ਕਰਨ ਦਾ ਕੋਈ ਸ਼ੋਂਕ ਵੀ ਨਹੀਂ। ਬਿਜਲੀ ਦੀਆਂ ਹਾਈ ਵੋਲਟੇਜ ਤਾਰਾਂ ਨਾਲ ਲਿਪਟੀ ਮੌਤ ਦਾ ਰਿਸਕ ਇਹਨਾਂ ਦੇ ਸਿਰਾਂ ਤੇ ਵੀ ਲਟਕ ਰਿਹਾ ਹੈ। ਇਹ ਸਾਰੇ ਮਜਬੂਰੀ ਦੇ ਮਾਰੇ ਹਨ ਅਤੇ ਇਸ ਤਸਵੀਰ ਨਾਲ ਮਿਲਦਾ ਜੁਲਦਾ ਹਾਲ ਦੇਸ਼ ਦੇ ਬਾਕੀ ਹਿੱਸਿਆਂ ਦਾ ਵੀ ਹੈ। ਪੰਜਾਬ ਦੀ ਹਾਲਤ ਭਾਵੇਂ ਕੁਝ ਤਸੱਲੀ ਬਖਸ਼ ਹੈ ਪਰ ਭੀੜ ਪੰਜਾਬ ਵਿੱਚ ਚਲਦੀਆਂ  ਗੱਡੀਆਂ ਵਿੱਚ ਵੀ ਘੱਟ ਨਹੀਂ। ਲੋਕ ਦਰਵਾਜ਼ਿਆਂ ਵਿੱਚ ਲਟਕਦੇ ਹਨ ਦੋ ਦੱਬੀਆਂ ਨੂੰ ਜੋੜਨ ਵਾਲੇ ਜੁਆਇੰਟ ਵਿੱਚ ਖੜੇ ਹੋ ਕੇ ਸਫਰ ਕਰਦੇ ਹਨ ਪਰ ਸਫਰ ਜਰੂਰ ਕਰਦੇ ਹਨ ਕਿਓਂਕਿ ਰੋਜ਼ੀ ਰੋਟੀ ਦੀ ਮਜਬੂਰੀ ਉਹਨਾਂ ਨੂੰ ਹਰ ਰੋਜ਼ ਇੱਕ ਸ਼ਹਿਰ ਤੋਂ ਦੂਜੇ ਸ਼ਹਿਰ ਲੈ ਜਾਂਦੀ ਹੈ।  ਇਹਨਾਂ ਲੋਕਾਂ ਦੀ ਤਕਰੀਬਨ ਅਧੀ ਜ਼ਿੰਦਗੀ ਗੱਡੀਆਂ ਅਤੇ ਰੇਲਵੇ ਸਟੇਸ਼ਨਾਂ ਤੇ ਹੀ ਗੁਜ਼ਰ ਜਾਂਦੀ ਹੈ।  ਅੰਬਾਲਾ ਅਤੇ ਅੰਮ੍ਰਿਤਸਰ ਦਰਮਿਆਨ ਸ਼ਾਇਦ ਸਿਰਫ ਦੋ ਡੀਐਮ੍ਯੂ ਗੱਡੀਆਂ ਰੋਜ਼ ਚੱਲਦੀਆਂ ਹਨ ਜਿਹੜੀਆਂ ਕੀ ਨੱਕੋ ਨੱਕ ਭਰੀਆਂ ਹੁੰਦੀਆਂ ਹਨ। ਕਿੰਨਾ ਚੰਗਾ ਹੋਵੇ ਜੇ ਇਸ ਰੂਟ ਤੇ ਛੋਟੇ ਛੋਟੇ ਸਫਰ ਅਰਥਾਤ ਅੰਬਾਲਾ ਤੋਂ ਖੰਨਾ, ਖੰਨਾ ਤੋਂ ਲੁਧਿਆਣਾ, ਲੁਧਿਆਣਾ ਤੋਂ ਜਲੰਧਰ ਅਤੇ ਜਲੰਧਰ ਤੋਂ ਅੰਮ੍ਰਿਤਸਰ ਵਾਲੀਆਂ ਵੱਖ ਵੱਖ ਗੱਡੀਆਂ ਦਸ ਬਾਰਾਂ ਵਾਰ ਚਲਾਈਆਂ ਜਾਣ। ਇਸ ਨਾਲ ਜਿੱਥੇ ਭੀੜ ਘਟੇਗੀ ਉੱਥੇ ਹੇਠਲੇ ਅਤੇ ਮਧ ਵਰਗੀ ਪਰਿਵਾਰਾਂ ਨੂੰ ਵੀ ਕਾਫੀ ਰਾਹਤ ਮਿਲੇਗੀ ਕਿਓਂਕਿ ਬਸਾਂ ਅਤੇ ਸ਼ਤਾਬਦੀਆਂ ਦੇ ਕਿਰਾਏ ਸਿਰਫ ਉੱਚੀ ਆਮਦਨ ਵਾਲੇ ਲੋਕ ਹੀ ਖਰਚ ਸਕਦੇ ਹਨ।