IJU ਦੀ ਪ੍ਰਧਾਨਗੀ ਲਈ ਬਲਵਿੰਦਰ ਜੰਮੂ ਨੇ ਕਾਗਜ਼ ਭਰੇ

Received on Monday 11th August 2025 at 20:38 

 ਸੋਮ ਸੁੰਦਰ ਨੇ ਸਕੱਤਰ ਜਨਰਲ ਲਈ ਕਾਗਜ਼ ਦਾਖ਼ਲ ਕੀਤੇ 

ਚੰਡੀਗੜ੍ਹ: 11 ਅਗਸਤ 2025: (ਮੀਡੀਆ ਲਿੰਕ ਰਵਿੰਦਰ/ /ਪੰਜਾਬ ਸਕਰੀਨ ਡੈਸਕ)::

ਕਲਮ ਅਤੇ ਕੈਮਰੇ ਦੇ ਕਿਰਤੀਆਂ ਦੀ ਜ਼ਿੰਦਗੀ ਵਿੱਚ ਬਹੁਤ ਸਾਰੀਆਂ ਔਕੜਾਂ ਹੁੰਦੀਆਂ ਹਨ। ਕਦੇ ਮਾਲਕਾਂ ਦੇ ਦਾਬੇ, ਕਦੇ ਗੁੰਡਿਆਂ ਦੀਆਂ ਗੁੰਡਾਗਾਰਦੀਆਂ, ਕਦੇ ਪੁਲਿਸ ਦੀਆਂ ਵਧੀਕੀਆਂ ਅਤੇ ਕਦੇ  ਦੇ ਸੰਗੀਨ ਖਤਰਿਆਂ ਦੀ ਸਮੱਸਿਆ। ਆਮ ਲੋਕ ਸਿਰਫ ਚਾਹ ਦੀਆਂ ਚੁਸਕੀਆਂ ਨਾਲ ਅਖਬਾਰ ਪੜ੍ਹਦੇ ਹਨ ਜਾਂ ਟੀਵੀ ਦੇਖਦੇ ਹਨ ਪਰ ਉਹਨਾਂ ਨੂੰ ਇਹਨਾਂ ਸਮੱਸਿਆਵਾਂ ਦਾ ਕਦੇ ਵੀ ਪਤਾ ਨਹੀਂ ਲੱਗਦਾ ਜੋ ਖਬਰਾਂ ਵਾਲਿਆਂ ਦੀਆਂ ਜ਼ਿੰਦਗੀ ਵਿੱਚ ਸ਼ਾਮਿਲ ਰਹਿੰਦੀਆਂ ਹਨ।

ਕਦਮ ਕਦਮ 'ਤੇ ਦਰਪੇਸ਼ ਅਜਿਹੀਆਂ ਮੁਸ਼ਕਲਾਂ ਦੇ ਬਾਵਜੂਦ ਪੱਤਰਕਾਰ ਲਗਾਤਾਰ ਦਿਨ ਰਾਤ ਡਿਊਟੀ ਕਰਦੇ ਹਨ। ਇਹਨਾਂ ਦਾ ਦਰਦ ਕੋਈ ਨਹੀਂ ਜਾਣਦਾ। ਪੱਤਰਕਾਰਾਂ ਲਈ ਸੰਘਰਸ਼ਾਂ ਦਾ ਵੀ ਇੱਕ ਲੰਮਾ ਸਿਲਸਿਲਾ ਹੈ। ਇਸ ਸਿਲਿਸਲੇ ਦੇ ਜਿਹੜੇ ਨਾਇਕ ਸਾਡੇ ਸਾਹਮਣੇ ਹਨ ਉਹਨਾਂ ਵਿੱਚੋਂ ਹੀ ਇੱਕ ਬਲਵਿੰਦਰ ਜੰਮੂ ਇੱਕ ਵਾਰ ਫੇਰ ਸਰਗਰਮ ਹਨ। ਉਹਨਾਂ ਸੰਘਰਸ਼ਾਂ ਦੀ ਨਵੀਂ ਅਗਵਾਈ ਕਰਨ ਦੀਆਂ ਬੇਨਤੀਆਂ ਪ੍ਰਵਾਨ ਕੀਤੀਆਂ ਹਨ। 

Indian Journalists Union (IJU) ਦੀ ਪ੍ਰਧਾਨਗੀ ਲਈ ਬਲਵਿੰਦਰ ਜੰਮੂ ਹੁਰਾਂ ਨੇ ਬਿਹਾਰ ਦੀ ਰਾਜਧਾਨੀ ਪਟਨਾ ਵਿਚ ਅੱਜ ਆਈਜੇਯੂ ਦੇ ਸੈਂਟਰਲ  ਰਿਟਰਨਿੰਗ ਅਫ਼ਸਰ (ਸੀਆਰਓ) ਸ੍ਰੀ ਮਹੇਸ਼ ਸਿਨਹਾ ਕੋਲ ਨਾਮਜ਼ਦਗੀ ਪੱਤਰ ਦਾਖਲ ਕੀਤੇ ਹਨ। ਉਹਨਾਂ ਦੇ ਨਾਲ ਸੋਮ ਸੁੰਦਰ ਨੇ ਵੀ ਸਕੱਤਰ ਜਨਰਲ ਲਈ ਆਪਣੇ ਕਾਗਜ਼ ਦਾਖ਼ਲ ਕੀਤੇ ਹਨ। 

ਇਸ ਮੌਕੇ ਆਈਜੇਯੂ ਦੇ ਪ੍ਰਧਾਨ ਸ੍ਰੀਨਿਵਾਸ ਰੈਡੀ, ਸਾਬਕਾ ਪ੍ਰਧਾਨ ਐਸ ਐਨ ਸਿਨਹਾ,ਮੀਤ ਪ੍ਰਧਾਨ ਅਮਰ ਮੋਹਨ, ਆਂਧਰਾ ਪ੍ਰਦੇਸ਼ ਦੇ ਪ੍ਰਧਾਨ ਸੂਬਾ ਰਾਓ, ਤਿਲੰਗਾਨਾ ਦੇ ਪ੍ਰਧਾਨ ਵਿਰਾਹਤ ਅਲੀ ਅਤੇ ਬਿਹਾਰ ਦੇ ਜਨਰਲ ਸਕੱਤਰ ਕਮਲ ਕਾਂਤ ਨਾਲ ਹਨ।  

ਇੰਦੌਰ ਹਮਲੇ ਤੋਂ ਬਾਅਦ ਮਜ਼ਬੂਤ ਹੋਈ ਇਪਟਾ ਦਾ ਸਮਾਗਮ ਹੁਣ ਪਟਨਾ ਵਿੱਚ

Thu, Aug 24, 2017 at 10:02 PM

ਇਪਟਾ ਦੀ ਕੌਮੀ ਕਾਰਜਕਾਰਨੀ ਮੀਟਿੰਗ 26-27 ਅਗਸਤ ਨੂੰ ਪਟਨਾ ਵਿੱਚ

ਚੰਡੀਗੜ੍ਹ: 34 ਅਗਸਤ 2017: (*ਸੰਜੀਵਨ ਸਿੰਘ//ਪੰਜਾਬ ਸਕਰੀਨ)::

ਇਪਟਾ ਦੀ ਰਾਸ਼ਟਰੀ ਦੀ ਕਾਰਜਕਾਰਨੀ ਦੀ ਅਹਿਮ ਇਕੱਤਰਤਾ ਪਟਨਾ (ਬਿਹਾਰ) ਵਿਖੇ 26-27 ਅਗਸਤ ਨੂੰ ਹੋ ਰਹੀ ਹੈ।ਇਸ ਇੱਕਤਰਤਾ ਵਿਚ ਇਪਟਾ ਦੀ 75 ਵੀਂ ਵਰ੍ਹੇਗੰਢ ਇਪਟਾ ਦੀਆਂ ਸੂਬਾ ਇਕਾਈਆਂ ਵੱਲੋਂ ਤਿਆਰੀਆਂ ਦਾ ਜਾਇਜ਼ਾ ਲਿਆ ਜਾਏਗਾ। ਇਹ ਸਮਾਗਮ ਪਟਨਾ (ਬਿਹਾਰ) ਵਿਖੇ ਅਕੂਤਬਰ 2018 ਵਿਚ ਹੋਣੇ ਹਨ। ਇਹਨਾਂ ਨੂੰ ਅਯੋਜਿਤ ਕਰਨ ਬਾਰੇ ਰੂਪ-ਰੇਖਾ ਉਲੀਕਣ ਤੋਂ ਇਲਾਵਾ ਇਪਟਾ ਦੀਆਂ ਪਬਲੀਕੇਸ਼ਨਾਂ ਬਾਰੇ ਫੈਸਲਾ, ਸਾਰੇ ਦੇਸ਼ ਵਿਚ ਕਿਸਾਨੀ  ਮਸਲਿਆਂ ਬਾਰੇ ਸਭਿਆਚਰਾਕ ਯਾਤਰਾਵਾਂ, ਯੁਵਕ ਅਤੇ ਲੋਕ ਮੇਲਿਆਂ ਦੇ ਅਯੋਜਨਾਂ ਅਤੇ ਹੋਰ ਜੱਥੇਬੰਦਕ ਮਸਲੇ ਵਿਚਾਰੇ ਜਾਣਗੇ। ਇਸ ਮੌਕੇ ਇਪਟਾ, ਪੰਜਾਬ ਦੇ ਪ੍ਰਧਾਨ ਇੰਦਰਜੀਤ ਰੂਪੋਵਾਲੀ ਅਤੇ ਇਪਟਾ ਆਰ.ਸੀ.ਐਸ. ਕਪੂਰਥਲਾ ਦੇ ਜਨਰਲ ਸੱਕਤਰ ਨੀਰਜ ਕੁਮਾਰ ਸਮੇਤ ਇਪਟਾ ਦੀਆਂ ਸਾਰੀ ਸੂਬਾ ਇਕਾਈਆਂ ਦੇ ਪ੍ਰਧਾਨ ਅਤੇ ਜਨਰਲ ਸਕੱਤਰ ਸ਼ਿਰਕਤ ਕਰ ਰਹੇ ਹਨ। ਇਹ ਜਾਣਕਾਰੀ ਦਿੰਦੇ ਇਪਟਾ ਪੰਜਾਬ ਦੇ ਜਨਰਲ ਸੱਕਤਰ ਸੰਜੀਵਨ ਸਿੰਘ ਨੇ ਦਿੱਤੀ 

ਜ਼ਿਕਰਯੋਗ ਹੈ ਕਿ ਲੋਕ ਹਿਤੈਸ਼ੀ, ਸਾਫ-ਸੁਥਰੇ ਅਤੇ ਨਿਰੋਏ ਸਭਿਆਚਾਰ ਦੇ ਵਿਕਾਸ, ਪ੍ਰਚਾਰ ਅਤੇ ਪ੍ਰਸਾਰ ਲਈ ਯਤਨਸ਼ੀਲ ਇਪਟਾ ਜੋ 75 ਸਾਲ ਪਹਿਲਾਂ 25 ਮਈ 1943 ਨੂੰ ਹੌਂਦ ਵਿਚ ਆਈ। ਇਸ ਦੇ ਪਹਿਲੇ ਪ੍ਰਧਾਨ ਐਚ. ਐਮ. ਜੋਸ਼ੀ ਸਨ। ਇਪਟਾ ਨੇ ਆਪਣੀ ਸਥਾਪਨਾਂ ਮੌਕੇ ਹੀ ਐਲਾਨ ਕਰ ਦਿਤਾ ਸੀ ਕਿ ਕਲਾ ਸਿਰਫ਼ ਕਲਾ ਨਹੀਂ ਬਲਕਿ ਲੋਕਾਂ ਲਈ ਹੈ। ਭਾਂਵੇ ਬੰਗਾਲ ਦਾ ਹਿਰਦਾ ਹਿਲਾਊ ਅਕਾਲ ਹੋਵੇ, ਅਜ਼ਾਦੀ ਦੀ ਲੜਾਈ ਜਾਂ ਕਿਸਾਨਾਂ-ਮਜ਼ਦੂਰਾਂ ਦਾ ਸੰਘਰਸ਼ ਹੋਵੇ। ਇਪਟਾ ਨੇ ਹਮੇਸ਼ਾਂ ਹੀ ਆਪਣੀ ਜ਼ੁੰਮੇਵਾਰੀ ਇਮਾਨਦਾਰੀ ਅਤੇ ਗੰਭੀਰਤਾ ਨਾਲ ਨਿਭਾਈ।ਹਿੰਦੀ ਫਿਲਮੀਆਂ ਦੇ ਸਿਰਮੌਰ ਹਸਤਾਖਰ ਪ੍ਰਿਥਵੀ ਰਾਜ ਕਪੂਰ, ਬਲਰਾਜ ਸਾਹਨੀ, ਨਰਗਿਸ ਦੱਤ, ਸ਼ਬਾਨਾ ਆਜ਼ਮੀ, ਏ.ਕੇ. ਹੰਗਲ, ਉਤਪਲਦੱਤ, ਦੁਰਗਾ ਖੋਟੇ, ਕੈਫ਼ੀ ਆਜ਼ਮੀ, ਸੰਜੀਵ ਕੁਮਾਰ, ਹੇਮੰਤ ਕੁਮਾਰ, ਮਨਾ ਡੇ, ਸਾਹਿਰ ਲੁਧਿਆਣਵੀ, ਮੁਲਕ ਰਾਜ ਆਨੰਦ, ਭੀਸ਼ਮ ਸਾਹਨੀ ਆਦਿ ਅਣਗਿਤ ਅੰਤਰਰਾਸ਼ਟਰੀ ਅਤੇ ਰਾਸ਼ਟਰੀ ਪ੍ਰਸਿੱਧੀ ਦੇ ਫਨਕਾਰ ਇਪਟਾ ਨਾਲ ਜੁੜੇ।

*ਸੰਜੀਵਨ ਸਿੰਘ ਇਪਟਾ, ਪੰਜਾਬ ਦੇ ਜਨਰਲ ਸੱਕਤਰ ਵੀ ਹਨ ਅਤੇ ਸਟੇਜ ਦੇ ਉੱਘੇ ਕਲਾਕਾਰ ਵੀ। 

ਇਹ ਹੈ ਸਵਾਰੀਆਂ ਨਾਲ ਲੱਦੀ ਡੀ ਐਮ ਯੂ //ਈ ਐਮ ਯੂ ਟਰੇਨ

ਅਜਿਹੀਆਂ ਸਸਤੀਆਂ ਗੱਡੀਆਂ ਦੀ ਗਿਣਤੀ ਦੇਸ਼ ਭਰ ਵਿੱਚ ਹੋਰ ਵਧਾਈ ਜਾਵੇ 

ਇਹ ਤਸਵੀਰ ਰੋਜ਼ਾਨਾ ਜਗਬਾਣੀ ਚੋਂ ਧੰਨਵਾਦ ਸਹਿਤ 

ਇਹ ਤਸਵੀਰ ਇੱਕ ਡੀ ਐਮ ਯੂ ਟਰੇਨ ਦੀ ਹੈ ਜਿਹੜੀ ਬਿਹਾਰ ਦੇ ਗਯਾ ਅਤੇ ਅਤੇ ਪਟਨਾ ਸਟੇਸ਼ਨਾਂ ਦਰਮਿਆਨ ਚੱਲਦੀ ਹੈ। ਇਸ ਟਰੇਨ ਤੇ ਕਿੰਨੀ ਭੀੜ ਹੈ ਇਸਦਾ ਅੰਦਾਜ਼ਾ ਤੁਸੀਂ ਇਸ ਤਸਵੀਰ ਨੂੰ ਦੇਖ ਕੇ ਸਹਿਜੇ ਹੀ ਲਾ ਸਕਦੇ ਹੋ। ਇਹਨਾਂ ਸਾਰੇ ਲੋਕਾਂ ਨੂੰ ਇਸ ਤਰ੍ਹਾਂ ਖਤਰਿਆਂ ਭਰਿਆ ਸਫਰ ਕਰਨ ਦਾ ਕੋਈ ਸ਼ੋਂਕ ਵੀ ਨਹੀਂ। ਬਿਜਲੀ ਦੀਆਂ ਹਾਈ ਵੋਲਟੇਜ ਤਾਰਾਂ ਨਾਲ ਲਿਪਟੀ ਮੌਤ ਦਾ ਰਿਸਕ ਇਹਨਾਂ ਦੇ ਸਿਰਾਂ ਤੇ ਵੀ ਲਟਕ ਰਿਹਾ ਹੈ। ਇਹ ਸਾਰੇ ਮਜਬੂਰੀ ਦੇ ਮਾਰੇ ਹਨ ਅਤੇ ਇਸ ਤਸਵੀਰ ਨਾਲ ਮਿਲਦਾ ਜੁਲਦਾ ਹਾਲ ਦੇਸ਼ ਦੇ ਬਾਕੀ ਹਿੱਸਿਆਂ ਦਾ ਵੀ ਹੈ। ਪੰਜਾਬ ਦੀ ਹਾਲਤ ਭਾਵੇਂ ਕੁਝ ਤਸੱਲੀ ਬਖਸ਼ ਹੈ ਪਰ ਭੀੜ ਪੰਜਾਬ ਵਿੱਚ ਚਲਦੀਆਂ  ਗੱਡੀਆਂ ਵਿੱਚ ਵੀ ਘੱਟ ਨਹੀਂ। ਲੋਕ ਦਰਵਾਜ਼ਿਆਂ ਵਿੱਚ ਲਟਕਦੇ ਹਨ ਦੋ ਦੱਬੀਆਂ ਨੂੰ ਜੋੜਨ ਵਾਲੇ ਜੁਆਇੰਟ ਵਿੱਚ ਖੜੇ ਹੋ ਕੇ ਸਫਰ ਕਰਦੇ ਹਨ ਪਰ ਸਫਰ ਜਰੂਰ ਕਰਦੇ ਹਨ ਕਿਓਂਕਿ ਰੋਜ਼ੀ ਰੋਟੀ ਦੀ ਮਜਬੂਰੀ ਉਹਨਾਂ ਨੂੰ ਹਰ ਰੋਜ਼ ਇੱਕ ਸ਼ਹਿਰ ਤੋਂ ਦੂਜੇ ਸ਼ਹਿਰ ਲੈ ਜਾਂਦੀ ਹੈ।  ਇਹਨਾਂ ਲੋਕਾਂ ਦੀ ਤਕਰੀਬਨ ਅਧੀ ਜ਼ਿੰਦਗੀ ਗੱਡੀਆਂ ਅਤੇ ਰੇਲਵੇ ਸਟੇਸ਼ਨਾਂ ਤੇ ਹੀ ਗੁਜ਼ਰ ਜਾਂਦੀ ਹੈ।  ਅੰਬਾਲਾ ਅਤੇ ਅੰਮ੍ਰਿਤਸਰ ਦਰਮਿਆਨ ਸ਼ਾਇਦ ਸਿਰਫ ਦੋ ਡੀਐਮ੍ਯੂ ਗੱਡੀਆਂ ਰੋਜ਼ ਚੱਲਦੀਆਂ ਹਨ ਜਿਹੜੀਆਂ ਕੀ ਨੱਕੋ ਨੱਕ ਭਰੀਆਂ ਹੁੰਦੀਆਂ ਹਨ। ਕਿੰਨਾ ਚੰਗਾ ਹੋਵੇ ਜੇ ਇਸ ਰੂਟ ਤੇ ਛੋਟੇ ਛੋਟੇ ਸਫਰ ਅਰਥਾਤ ਅੰਬਾਲਾ ਤੋਂ ਖੰਨਾ, ਖੰਨਾ ਤੋਂ ਲੁਧਿਆਣਾ, ਲੁਧਿਆਣਾ ਤੋਂ ਜਲੰਧਰ ਅਤੇ ਜਲੰਧਰ ਤੋਂ ਅੰਮ੍ਰਿਤਸਰ ਵਾਲੀਆਂ ਵੱਖ ਵੱਖ ਗੱਡੀਆਂ ਦਸ ਬਾਰਾਂ ਵਾਰ ਚਲਾਈਆਂ ਜਾਣ। ਇਸ ਨਾਲ ਜਿੱਥੇ ਭੀੜ ਘਟੇਗੀ ਉੱਥੇ ਹੇਠਲੇ ਅਤੇ ਮਧ ਵਰਗੀ ਪਰਿਵਾਰਾਂ ਨੂੰ ਵੀ ਕਾਫੀ ਰਾਹਤ ਮਿਲੇਗੀ ਕਿਓਂਕਿ ਬਸਾਂ ਅਤੇ ਸ਼ਤਾਬਦੀਆਂ ਦੇ ਕਿਰਾਏ ਸਿਰਫ ਉੱਚੀ ਆਮਦਨ ਵਾਲੇ ਲੋਕ ਹੀ ਖਰਚ ਸਕਦੇ ਹਨ।