Showing posts with label BRS Nagar. Show all posts
Showing posts with label BRS Nagar. Show all posts

Tuesday, August 30, 2022

ਬੀ.ਆਰ.ਐਸ. ਨਗਰ ਵਿਖੇ ਵਿਸ਼ਾਲ ਲੋਕ ਮਿਲਣੀ ਆਯੋਜਿਤ

30th August 2022 at 5:13 PM

ਗੋਗੀ ਨੇ ਸੁਣੀਆਂ ਹਲਕੇ ਦੇ ਲੋਕਾਂ ਦੀਆਂ ਸਮੱਸਿਆਵਾਂ


ਲੁਧਿਆਣਾ
: 30 ਅਗਸਤ 2022: (ਲੁਧਿਆਣਾ ਸਕਰੀਨ//ਪੰਜਾਬ ਸਕਰੀਨ)::
ਵਿਧਾਨ ਸਭਾ ਹਲਕਾ ਲੁਧਿਆਣਾ ਪੱਛਮੀ ਤੋਂ ਵਿਧਾਇਕ ਸ੍ਰੀ ਗੁਰਪ੍ਰੀਤ ਬੱਸੀ ਗੋਗੀ ਵੱਲੋਂ ਸਥਾਨਕ ਭਾਈ ਰਣਧੀਰ ਸਿੰਘ ਨਗਰ ਦੇ ਬਲਾਕ-ਜੇ ਵਿਖੇ ਆਪਣੇ ਹਲਕੇ ਦੇ ਲੋਕਾਂ ਦੀਆਂ ਸਮੱਸਿਆਵਾਂ ਸੁਣਨ ਲਈ ਇੱਕ ਵਿਸ਼ਾਲ ਲੋਕ ਮਿਲਣੀ ਦਾ ਆਯੋਜਨ ਕੀਤਾ ਗਿਆ। ਇਸ ਮੌਕੇ ਜਿੱਥੇ ਉਨ੍ਹਾਂ ਲੋਕਾਂ ਦੀਆਂ ਸਮੱਸਿਆਵਾਂ ਸੁਣੀਆਂ ਉੱਥੇ ਨਾਲ ਹੀ ਉਨ੍ਹਾਂ ਦਾ ਨਿਬੇੜਾ ਵੀ ਕਰਵਾਇਆ ਗਿਆ।

ਇਸ ਮੌਕੇ ਉਨ੍ਹਾਂ ਦੇ ਨਾਲ ਆਮ ਆਦਮੀ ਪਾਰਟੀ ਦੇ ਆਗੂ ਸ੍ਰੀ ਸੰਨੀ ਮਾਸਟਰ, ਨਗਰ ਨਿਗਮ ਦੇ ਐਸ.ਸੀ. ਸ੍ਰੀ ਰਜਿੰਦਰ ਗਰਗ, ਬਾਗਵਾਨੀ ਸ਼ਾਖਾ ਤੋਂ ਸ. ਕ੍ਰਿਪਾਲ ਸਿੰਘ ਅਤੇ ਸ੍ਰੀ ਨਵੀਨ ਗੋਗਨਾ ਵੀ ਮੌਜੂਦ ਸਨ। 
ਵਿਧਾਇਕ ਗੋਗੀ ਵੱਲੋਂ ਇਸ ਮੌਕੇ ਆਪਣੇ ਸੰਬੋਧਨ ਵਿੱਚ ਕਿਹਾ ਕਿ ਸੂਬੇ ਵਿੱਚ ਮੁੱਖ ਮੰਤਰੀ ਸ. ਭਗਵੰਤ ਮਾਨ ਦੀ ਅਗਵਾਈ ਵਾਲੀ ਆਮ ਆਦਮੀ ਪਾਰਟੀ ਦੀ ਸਰਕਾਰ ਲੋਕਾਂ ਨੂੰ ਮੁੱਢਲੀਆਂ ਸਹੂਲਤਾਂ ਮੁਹੱਈਆ ਕਰਵਾਉਣ ਲਈ ਵਚਨਬੱਧ ਹੈ। ਉਨ੍ਹਾਂ ਦੱਸਿਆ ਕਿ ਲੋਕਾਂ ਦੀਆਂ ਬਿਜਲੀ, ਪਾਣੀ, ਐਨਕ੍ਰੋਚਮੈਂਟ, ਸਟਰੀਟ ਲਾਈਟਾਂ ਆਦਿ ਸਮੱਸਿਆਵਾਂ ਦਾ ਤੁੰਰਤ ਹੱਲ ਕੀਤਾ ਜਾਵੇਗਾ।

ਉਨ੍ਹਾਂ ਦੁਹਰਾਇਆ ਕਿ ਹਲਕੇ ਦੇ ਲੋਕਾਂ ਨੂੰ ਸਰਕਾਰੀ ਦਫ਼ਤਰਾਂ ਵਿੱਚ ਖੱਜਲ ਖੁਆਰ ਨਹੀਂ ਹੋਣ ਦਿੱਤਾ ਜਾਵੇਗਾ। ਉਨ੍ਹਾਂ ਦੱਸਿਆ ਕਿ ਅੱਜ ਲੋਕ ਮਿਲਣੀ ਵਿੱਚ ਵੱਖ-ਵੱਖ ਵਿਭਾਗਾਂ ਨਾਲ ਸਬੰਧਤ ਸ਼ਿਕਾਇਤਾਂ ਆਈਆਂ ਜਿਨ੍ਹਾਂ ਵਿੱਚੋਂ ਕਈ ਸ਼ਿਕਾਇਤਾਂ ਦਾ ਮੌਕੇ 'ਤੇ ਹੀ ਨਿਪਟਾਰਾ ਕਰਵਾਇਆ ਗਿਆ।

ਵਿਧਾਇਕ-ਪਬਲਿਕ ਮਿਲਣੀ ਦੌਰਾਨ ਆਏ ਹੋਏ ਲੋਕਾਂ ਵੱਲੋਂ ਇਸ ਪਹਿਲਕਦਮੀ ਦੀ ਭਰਪੂਰ ਸ਼ਲਾਘਾ ਕੀਤੀ ਗਈ ਅਤੇ ਕਿਹਾ ਕਿ ਅਜਿਹੇ ਉਪਰਾਲੇ ਹਲਕੇ ਵਿੱਚ ਲਗਾਤਾਰ ਜਾਰੀ ਰਹਿਣੇ ਚਾਹੀਦੇ ਹਨ ਤਾਂ ਜੋ ਲੋਕਾਂ ਨੂੰ ਖੱਜਲ ਖੁਆਰੀ ਤੋਂ ਨਿਜਾਤ ਮਿਲ ਸਕੇ ਅਤੇ ਉਨ੍ਹਾਂ ਦੇ ਕੰਮ ਪਹਿਲ ਦੇ ਆਧਾਰ 'ਤੇ ਹੋ ਸਕਣ।

Sunday, July 31, 2022

ਸੁਰਜੀਤ ਕੌਰ (ਨਿੱਕੀ ਕੋਹਲੀ) ਨੇ ਲਗਵਾਇਆ ਇੱਕ ਹੋਰ ਵੈਕਸੀਨੇਸ਼ਨ ਕੈਂਪ

Sunday 31st July 2022 at 04:28 PM

 ਇਲਾਕੇ ਦੇ ਲੋਕਾਂ ਨੰ ਪਹਿਲੀ, ਦੂਜੀ ਅਤੇ ਬੂਸਟਰ ਡੋਜ਼ ਵੀ ਲਗਵਾਈ ਗਈ  


ਲੁਧਿਆਣਾ
: 31 ਜੁਲਾਈ 2022: (ਗੁਰਪ੍ਰੀਤ ਸਿੰਘ//ਲੁਧਿਆਣਾ ਸਕਰੀਨ)::

ਆਮ ਆਦਮੀ ਪਾਰਟੀ ਦੇ ਵਰਕਰਾਂ ਅਤੇ ਲੀਡਰਾਂ ਨੇ ਆਮ ਜਨਤਾ ਤੱਕ ਸਿਹਤ ਸੇਵਾਵਾਂ ਲਿਜਾਣ ਦੀਆਂ ਕੋਸ਼ਿਸਾਂ ਲਗਾਤਾਰ ਤੇਜ਼ ਰੱਖੀਆਂ ਹੋਈਆਂ ਹਨ। ਜਦੋਂ ਮੋਹੱਲਾ ਕਲੀਨਿਕ ਬਣਨਗੇ ਉਦੋਂ ਬਣਨਗੇ ਹੀ ਪਰ ਆਮ ਆਦਮੀ ਪਾਰਟੀ ਸਿਹਤ ਸਹੂਲਤਾਂ ਲੈ ਕੇ ਲਗਾਤਾਰ ਵੱਖ ਇਲਾਕਿਆਂ ਵਿਚ ਸਰਗਰਮ ਹਨ। 

ਸੁਰਜੀਤ ਕੌਰ (ਨਿੱਕੀ ਕੋਹਲੀ) ਹਲਕਾ ਕੋਆਰਡੀਨੇਟਰ ਆਪ ਪਾਰਟੀ ਵੱਲੋਂ ਦੂਸਰਾ  ਕੋਵਿਡ ਟੀਕਾਕਰਨ ਕੈਂਪ ਵੀ ਬੜੇ ਹੀ ਉਤਸ਼ਾਹ ਨਾਲ ਬੜੀ ਸਫਲਤਾ ਪੂਰਬਕ ਲਗਾਇਆ ਗਿਆ। ਜ਼ਿਕਰਯੋਗ ਹੈ ਕਿ ਕੋਵਿਡ ਦਾ ਖਤਰਾ ਅਜੇ ਤੱਕ ਤਲੀਆਂ ਨਹੀਂ। ਆਏ ਦਿਨ ਇਸਦੇ ਮੁੜ ਸਰ ਚਜੁੱਕਣ ਦੀਆਂ ਖਬਰਾਂ ਆਉਂਦੀਆਂ ਹੀ ਰਹਿੰਦੀਆਂ ਹਨ। ਵੈਕਸਿਨ ਲੱਗ ਜਾਵੇ। ਸਰਕਾਰ ਚਾਹੁੰਦੀ ਹੈ ਕਿ ਸਭਨਾਂ ਨੂੰ ਪਹਿਲੀ ਡੋਜ਼ ਵੀ, ਦੂਸਰੀ ਡੋਜ਼ ਵੀ ਅਤੇ ਬੂਸਟਰ ਡੋਜ਼ ਵੀ। ਇਹ ਸਾਰੀਆਂ ਡੋਜ਼ਾਂ ਸਭਨਾਂ ਨੂੰ ਲਗਵਾ ਲੈਣੀਆਂ ਚਾਹੀਦੀਆਂ ਹਨ। 

ਸੁਰਜੀਤ ਕੌਰ (ਨਿੱਕੀ ਕੋਹਲੀ) ਹਲਕਾ ਕੋਆਰਡੀਨੇਟਰ ਆਪ ਪਾਰਟੀ ਦੀ ਅਗਵਾਈ ਹੇਠ ਲਗਾਤਾਰ ਲੋਕ ਭਲੇ ਦੀਆਂ ਕੋਸ਼ਿਸ਼ਾਂ ਜਾਰੀ ਹਨ। ਇਸ ਮਕਸਦ ਲਈ ਮੈਡਮ ਨਿੱਕੀ ਕੋਹਲੀ ਹੋਰਨਾਂ ਆਗੂਆਂ ਨੂੰ ਸੰਪਰਕ ਵਿਚ ਰੱਖਦੀ ਹੈ। ਇਸ ਵਾਰ ਵੀ ਪਹਿਲਾਂ ਦੀ ਤਰ੍ਹਾਂ ਗੁਰਪ੍ਰੀਤ ਗੋਗੀ ਵਿਧਾਇਕ  ਹਲਕਾ ਪੱਛਮੀ ਨੇ ਪੂਰਾ ਸਹਿਯੋਗ ਦਿੱਤਾ। 

ਇਸ ਰਲੇ ਮਿਲੇ ਸਹਿਯੋਗ ਨਾਲ ਸੁਨੇਤ ਡਿਸਪੈਂਸਰੀ ਤੋਂ ਆਈ ਟੀਕਾਕਰਣ ਟੀਮ ਨੇ ਇਸ ਵਾਰ ਵੀ ਬੜੀ ਲਗਨ ਨਾਲ ਟੀਕਾਕਰਣ ਕੀਤਾ। ਕੈਂਪ ਦਾ ਆਯੋਜਨ ਗੁਰੂਦਵਾਰਾ ਗੁਰੂ ਤੇਗ਼ ਬਹਾਦੁਰ ਸਾਹਿਬ, ਹਾਊਸਿੰਗ ਬੋਰਡ ਕਲੋਨੀ, ਭਾਈ ਰਣਧੀਰ ਸਿੰਘ ਨਗਰ ਵਿਖੇ ਕੀਤਾ ਗਿਆ। ਕੈਂਪ ਦਾ ਆਰੰਭ  ਸਵੇਰੇ 09:00 ਵਜੇ ਤੋਂ  ਹੋ ਗਿਆ ਸੀ। ਹਰ ਮਰੀਜ਼ ਦੀ ਲੁੜੀਂਦੀ ਜਾਂਚ ਮਗਰੋਂ ਉਣੁਨ ਸਬੰਧਤ ਡੋਜ਼ ਲਗਵਾਈ ਗਈ। 

ਦੁਪਹਿਰ ਦੋ ਵਜੇ ਤੱਕ ਇਹ ਕੈਂਪ ਜਾਰੀ ਰਿਹਾ। ਦੋਨੋ ਡੋਜ਼ਾਂ ਤੋਂ ਇਲਾਵਾ ਬੂਸਟਰ ਡੋਸ ਵੀ ਲਗਾਈ ਗਈ। ਜ਼ਿਕਰਯੋਗ ਹੈ ਕਿ ਬੂਸਟਰ ਦੋਜ਼ ਦੀ ਮੰਗ ਵੀ ਵੱਧ ਗਈ ਹੈ। ਦੋ ਡੋਜ਼ਾਂ ਲੱਗਣ ਮਗਰੋਂ ਇਸ ਬੂਸਟਰ ਦੋਜ਼ ਨੰ ਲਗਵਾਉਣਾ ਵੀ ਜ਼ਰੂਰੀ ਹੁੰਦਾ ਹੈ। ਅੱਜ ਲੱਗੇ ਇਸ ਮੈਡੀਕਲ ਕੈਂਪ ਵਿੱਚ ਵਾਲੰਟੀਅਰਾਂ ਜਗਦੀਪ ਭੱਠਲ, ਗੁਰਪ੍ਰੀਤ ਸਿੰਘ (ਸਮਾਜ ਸੇਵੀ) ਮਨਮੋਹਨ ਸਿੰਘ ਮੰਨੂ ਅਤੇ ਮਿਸਟਰ ਬੌਬੀ ਆਦਿ ਨੇ ਵੀ ਪੂਰੀ ਸਰਗਰਮੀ ਨਾਲ ਸਹਿਯੋਗ ਦਿੱਤਾ।

Sunday, April 23, 2017

"ਉਡਾਣ" ਰਾਹੀਂ ਦਿੱਤਾ ਪ੍ਰਤਿਭਾ ਦੇ ਪ੍ਰਗਟਾਵੇ ਦਾ ਮੌਕਾ

ਉਤਸ਼ਾਹਿਤ ਹੋਏ ਬੱਚਿਆਂ ਨੇ ਦਿਖਾਈ ਆਪੋ ਆਪਣੀ ਕਲਾ 
ਲੁਧਿਆਣਾ: 23 ਅਪ੍ਰੈਲ 2017: (ਪੰਜਾਬ ਸਕਰੀਨ ਬਿਊਰੋ)::   For More Pics on FB Please Click Here
ਜ਼ਿੰਦਗੀ ਅਨਮੋਲ ਹੈ ਪਰ ਕਈ ਵਾਰ ਕਦੋਂ ਆਈ ਤੇ ਕਦੋਂ ਚਲੀ ਗਈ ਇਸਦਾ ਪਤਾ ਹੀ ਨਹੀਂ ਲੱਗਦਾ। ਜਨਮ ਦੇ ਨਾਲ ਮਿਲੀਆਂ ਬਹੁਤ ਸਾਰੀਆਂ ਸੌਗਾਤਾਂ ਅਤੇ ਸਾਰੀਆਂ ਖੂਬੀਆਂ ਲੁਕੀਆਂ ਹੀ ਰਹਿ ਜਾਂਦੀਆਂ ਹਨ। ਬਹੁਤ ਸਾਰੀਆਂ ਇੱਛਾਵਾਂ, ਬਹੁਤ ਸਾਰੇ ਸੁਪਨੇ ਤੇ ਬਹੁਤ ਸਾਰੀਆਂ ਯੋਜਨਾਵਾਂ ਮਨਾਂ ਵਿੱਚ ਹੀ ਦੱਬੀਆਂ ਰਹਿ ਜਾਂਦੀਆਂ ਹਨ। ਉਹਨਾਂ ਨੂੰ ਖੰਭ ਨਹੀਂ ਮਿਲਦੇ। ਉਹਨਾਂ ਨੂੰ ਉਡਾਣ ਨਹੀਂ ਮਿਲਦੀ। ਅਸਮਾਨ ਛੂਹਣ ਦੀ ਚਾਹਤ ਆਏ ਦੀਨਾ  ਮਜਬੂਰੀਆਂ ਅਤੇ ਹੋਰ ਔਕੜਾਂ ਵਿੱਚ ਦਫ਼ਨ ਹੋ ਕੇ ਹੀ ਰਹਿ ਜਾਂਦੀ ਹੈ। ਬੀਜ ਟੁੱਟਦਾ ਨਹੀਂ।  ਸਾਰੀਆਂ ਸੰਭਾਵਨਾਵਾਂ ਇੱਕ ਬੀਜ ਵਾਂਗ ਹੀ ਰਹਿ। ਮਜਬੂਰੀਆਂ ਵਾਲੇ ਹਾਲਾਤ ਦਾ ਮਾਰਿਆ ਬੀਜ ਕਦੇ ਵੀ ਦਰਖਤ ਨਹੀਂ ਬਣਦਾ। ਇਹੀ ਕੁਝ ਇਨਸਾਨੀ ਜ਼ਿੰਦਗੀ ਵਿੱਚ ਵੀ ਅਕਸਰ ਹੁੰਦਾ ਹੈ। ਦਿਲ ਦਿਮਾਗ ਵਿੱਚ ਲੁਕੀਆਂ ਅਤੇ ਡੱਬਿਆਂ ਰਹੀ ਗਈਆਂ ਇਹਨਾਂ ਆਸਾਂ ਉਮੰਗਾਂ ਨੂੰ ਅਸਮਾਨ ਛੂਹਣ ਦਾ ਮੌਕਾ ਦਿੱਤਾ ਹੈ ਆਸ਼ਮਾਂ ਫਾਊਂਡੇਸ਼ਨ ਨੇ।  ਇਸ ਸੰਗਠਨ ਦਾ ਆਯੋਜਨ 23 ਅਪ੍ਰੈਲ 2017 ਨੂੰ ਭਾਈ ਰਣਧੀਰ ਸਿੰਘ  ਨਗਰ ਦੇ ਡੀ ਬਲਾਕ 'ਚ ਸਥਿਤ ਬਾਬਾ ਈਸ਼ਰ ਸਿੰਘ ਪਬਲਿਕ ਸਕੂਲ ਵਿਖੇ ਸ਼ੁਰੂ ਹੋਇਆ। ਇਸ ਵਿੱਚ ਬਹੁਤ ਹੀ ਛੋਟੀ ਉਮਰ ਦੇ ਬੱਚੇ ਵੀ ਸਨ ਅਤੇ ਵੱਡੀ ਉਮਰ ਦੇ ਵੀ। ਇਸ ਆਯੋਜਨਾਂ ਨੂੰ ਨਾਮ ਦਿੱਤਾ ਗਿਆ ਸੀ "ਉਡਾਣ" ਦਾ। ਅਸਮਾਨਾਂ ਨੂੰ ਛੂਹਣ ਦੀਆਂ ਇੱਛਾਵਾਂ ਨੂੰ ਖੰਭ ਦਿੱਤੇ ਗਏ। ਭਾਗ ਲੈਣ ਵਾਲਿਆਂ ਨੂੰ ਆਪਣੀ ਕਲਾ ਦੇ ਪ੍ਰਗਟਾਵੇ ਦਾ ਮੌਕਾ ਪ੍ਰਦਾਨ ਕੀਤਾ ਗਿਆ।
For More Pics on FB Please Click Here

Wednesday, October 15, 2014

ਆਧਾਰ ਕਾਰਡ ਬਣਵਾਉਣ ਸੰਬੰਧੀ ਕੈਂਪ ਅੱਜ ਤੋਂ

Tue, Oct 14, 2014 at 4:58 PM
ਕੈਂਪ ਸਥਾਨਕ ਭਾਈ ਰਣਧੀਰ ਸਿੰਘ ਨਗਰ ਵਿਖੇ
ਲੁਧਿਆਣਾ: 14 ਅਕਤੂਬਰ 2014: (ਰੈਕਟਰ ਕਥੂਰੀਆ//ਪੰਜਾਬ ਸਕਰੀਨ):
ਸ੍ਰ. ਸੁਪਰੀਤ ਸਿੰਘ ਗੁਲਾਟੀ,
ਵਧੀਕ ਡਿਪਟੀ ਕਮਿਸ਼ਨਰ (ਵ)
ਲੁਧਿਆਣਾ
ਵਧੀਕ ਡਿਪਟੀ ਕਮਿਸ਼ਨਰ (ਵ) ਸ੍ਰ. ਸੁਪਰੀਤ ਸਿੰਘ ਗੁਲਾਟੀ ਨੇ ਦੱਸਿਆ ਕਿ ਸ਼ਹਿਰ ਲੁਧਿਆਣਾ ਦੇ ਵਾਸੀਆਂ ਦੇ ਆਧਾਰ ਕਾਰਡ ਬਣਾਉਣ ਹਿੱਤ ਵਿਸ਼ੇਸ਼ ਕੈਂਪ ਮਿਤੀ 15 ਅਕਤੂਬਰ ਦਿਨ ਬੁੱਧਵਾਰ ਨੂੰ ਸਥਾਨਕ ਭਾਈ ਰਣਧੀਰ ਸਿੰਘ ਨਗਰ ਵਿਖੇ ਲਗਾਇਆ ਜਾ ਰਿਹਾ ਹੈ। ਇਹ ਕੈਂਪ ਪੰਜਾਬ ਐਂਡ ਸਿੰਧ ਬੈਂਕ (ਲੀਡ ਬੈਂਕ) ਵੱਲੋਂ ਸੀ ਬਲਾਕ ਦੇ ਕਮਿਊਨਿਟੀ ਸੈਂਟਰ ਵਿਖੇ ਲਗਾਇਆ ਜਾਵੇਗਾ ਅਤੇ ਇਹ ਉਸ ਦਿਨ ਤੱਕ ਚੱਲਦਾ ਰਹੇਗਾ, ਜਿਸ ਦਿਨ ਤੱਕ ਲੋਕ ਆਧਾਰ ਕਾਰਡ ਬਣਵਾਉਣ ਸੰਬੰਧੀ ਆਉਂਦੇ ਰਹਿਣਗੇ। ਇਸ ਮੌਕੇ ਮੌਜੂਦ ਲੀਡ ਬੈਂਕ ਮੈਨੇਜਰ ਸ੍ਰ. ਮਨਜੀਤ ਸਿੰਘ ਜੱਗੀ ਨੇ ਦੱਸਿਆ ਕਿ ਆਧਾਰ ਕਾਰਡ ਬਣਵਾਉਣ ਆਉਣ ਵਾਲੇ ਵਿਅਕਤੀ ਆਪਣੇ ਨਾਲ ਆਪਣੀ ਇੱਕ ਤਸਵੀਰ, ਇੱਕ ਫੋਟੋ ਸ਼ਨਾਖ਼ਤੀ ਸਬੂਤ ਅਤੇ ਰਿਹਾਇਸ਼ ਸੰਬੰਧੀ ਸਬੂਤ ਨਾਲ ਲੈ ਕੇ ਆਉਣ। 
ਕਾਬਿਲੇ ਜ਼ਿਕਰ ਹੈ ਕਈ ਵਾਰ ਕੈਂਪ ਲੱਗਣ ਦੇ ਬਾਵਜੂਦ ਆਮ ਲੋਕਾਂ ਦੇ ਨਾਲ ਬਹੁਤ ਸਾਰੇ ਖਾਸ ਲੋਕ ਵਿੰ ਅਜੇ ਤੱਕ ਇਹ ਕਾਰਡ ਨਹੀਂ ਬਣਵਾ ਸਕੇ। ਕਦੇ ਇਸ ਦੀ ਅਹਿਮੀਅਤ ਬਾਰੇ ਆਉਂਦੇ ਵੱਖ ਬਿਆਨ ਅਤੇ ਕਦੇ ਕਰਮਚਾਰੀਆਂ ਦਾ ਰਵਈਆ ਇਸ ਮਾਮਲੇ ਵਿੱਚ ਰੁਕਾਵਟ ਬੰਦਾ ਰਿਹਾ।  ਹੁਣ ਦੇਸੀ ਸਾਹਿਬ ਨੇ ਸਪਸ਼ਟ ਕਰ ਦਿੱਤਾ ਹੈ ਕਿ ਇਹ ਕੈਂਪ ਉਦੋਂ ਤੱਕ ਲੱਗਾ ਰਹੇਗਾ ਜਦੋਂ ਤੱਕ ਲੋਕ ਇਸ ਮਕਸਦ ਲੈ ਇਥੇ ਆਉਂਦੇ ਰਹਿਣਗੇ। ਉਮੀਦ ਕਰਨੀ ਚਾਹੀਦੀ ਹੈ ਕਿ ਇਸ ਹੰਭਲੇ ਦੌਰਾਨ ਸਾਰਿਆਂ ਦੇ ਕਾਰਡ ਜਰੂਰ ਬਣ ਜਾਣਗੇ।