Showing posts with label Talent Hunt. Show all posts
Showing posts with label Talent Hunt. Show all posts

Friday, June 10, 2022

ਹਰ ਰੋਜ਼ ਹਿੰਮਤ ਅਤੇ ਉਤਸ਼ਾਹ ਦੀ ਅਲਖ ਜਗਾਉਂਦਾ ਹੈ FM Gold

10th June 2022 at 3:44 PM

 ਐਫ ਐਮ ਗੋਲਡ ਲੁਧਿਆਣਾ ਨੇ ਕਰਾਇਆ ਜੀਸੀਜੀ ਵਿਚ ਟੈਲੈਂਟ ਹੰਟ 

ਲੁਧਿਆਣਾ:10 ਜੂਨ 2022: (ਕਾਰਤਿਕਾ ਸਿੰਘ//ਸਾਹਿਤ ਸਕਰੀਨ)::

ਪ੍ਰੋਗਰਾਮ ਪੇਸ਼ ਕਰਦਿਆਂ ਅਨਾਊਂਸਰ ਰਿਨੀ ਸ਼ਰਮਾ-ਫਾਈਲ ਫੋਟੋ

ਐਫ ਐਮ ਗੋਲਡ ਦੀ ਸਥਾਪਨਾ ਮੈਨੂੰ ਅੱਜ ਵੀ ਯਾਦ ਹੈ। ਐਮ ਪੀ ਮੁਨੀਸ਼ ਤਿਵਾੜੀ ਦੇ ਜਤਨਾਂ ਨਾਲ ਲੁਧਿਆਣਾ ਦਾ ਇਹ ਪਹਿਲਾ ਰੇਡੀਓ ਸਟੇਸ਼ਨ ਟਰਾਂਸਪੋਰਟ ਨਗਰ ਦੀ ਟੈਲੀਫੋਨ ਵਾਲੀ ਐਕਸਚੇਂਜ ਦੀ ਬਿਲਡਿੰਗ ਵਿਚ ਸ਼ੁਰੂ ਹੋ ਗਿਆ ਸੀ। ਇਹ ਗੋਲਡ ਐਫ ਐਮ ਦਾ ਪੰਜਵਾਂ ਰੇਡੀਓ ਸਟੇਸ਼ਨ ਸੀ ਜਿਸਦੀ ਫ਼੍ਰੀਕੁਇੰਸੀ of 100.1 MHz ਸੀ। 

ਭਾਵੇਂ ਇਹ ਲਾਂਚਿੰਗ ਕਾਹਲੀ ਵਾਲੇ ਮਾਹੌਲ ਨਾਲ ਹੋਈ ਸੀ ਪਰ ਜੇ ਕਰ ਉਦੋਂ ਰੁਕ ਜਾਂਦੀ ਤਾਂ ਸ਼ਾਇਦ ਹੁਣ ਤੱਕ ਵੀ ਰੁਕੀ ਹੀ ਰਹਿੰਦੀ। ਜਦੇ ਜਾਂ ਕਦੇ ਵਾਲਾ ਹਿਸਾਬ ਹੋ ਜਾਣਾ ਸੀ। ਇਸ ਲਈ ਇਸ ਲਾਂਚਿੰਗ ਦਾ ਸਿਹਰਾ ਮਨੀਸ਼ ਤਿਵਾੜੀ ਹੁਰਾਂ ਨੂੰ ਜਾਂਦਾ ਹੀ ਹੈ। 

ਉਸ ਵੇਲ ਮੁਢਲੇ ਸਟਾਫ ਵਿਚ ਗੁਰਮੁਖ ਜਿਹੇ ਸੱਜਣ ਸੁਖਦੇਵ ਸਿੰਘ ਹੋਇਆ ਕਰਦੇ ਸਨ ਜਿਹੜੇ ਦਾੜ੍ਹੀ ਖੋਹਲ ਕੇ ਰੱਖਦੇ ਸਨ। ਜਲਦੀ ਹੀ ਜਦੋਂ ਮੁਢਲੇ ਸਟਾਫ ਵਿਚ ਹੋਰ ਵਾਧਾ ਹੋਇਆ ਤਾਂ ਜਲੰਧਰ ਤੋਂ ਨਵਦੀਪ ਸਿੰਘ ਹੁਰਾਂ ਨੇ ਚਾਰਜ ਸੰਭਾਲਿਆ। ਉਹਨਾਂ ਨਾਲ ਆਕਾਸ਼ਵਾਣੀ ਜਲੰਧਰ ਦਾ ਅਨਮੋਲ ਤਜਰਬਾ ਵੀ ਸੀ।

 

ਮੇਰਾ ਮਨ ਉਦੋਂ ਬੇਹੱਦ ਉਦਾਸ ਸੀ ਕਿਓਂਕਿ ਮੇਰੀ ਮਮਾ ਦਾ ਦੇਹਾਂਤ ਇੱਕ ਮਹੀਨਾ ਪਹਿਲਾ 10 ਜੁਲਾਈ ਨੂੰ ਹੋ ਕੇ ਹਟਿਆ ਸੀ। ਹਾਲਾਂਕਿ ਮੈਨੂੰ ਅੱਜ ਵੀ ਲੱਗਦਾ ਹੈ ਕਿ ਮੇਰੀ ਮਾਂ ਅੱਜ ਵੀ ਮੇਰੇ ਨਾਲ ਹੈ। ਉਹ ਸਿਰਫ ਜਿਸਮਾਨੀ ਤੌਰ ਤੇ ਹੀ ਦੂਰ ਚਲੀ ਗਈ। ਫਿਰ ਵੀ ਉਸ ਵਿਛੋੜੇ ਕਾਰਨ ਕੁਝ ਵੀ ਚੰਗਾ ਨਹੀਂ ਸੀ ਲੱਗਦਾ। ਮਨ ਹਰ ਪਾਸਿਓਂ ਉਚਾਟ ਜਿਹਾ ਸੀ ਪਰ ਇਸ ਰੇਡੀਓ ਸਟੇਸ਼ਨ ਦੀ ਸਥਾਪਨਾ ਵਾਲੀ ਖਬਰ ਨੇ ਮੈਨੂੰ ਉਤਸ਼ਾਹ ਦਿੱਤਾ। ਇੱਕ ਨਵੀਂ ਹਿੰਮਤ ਆਈ। ਮੈਂ ਗਮ ਵਾਲਾ ਮਾਹੌਲ ਛੱਡ ਕੇ ਬਾਹਰ ਦੀ ਦੁਨੀਆ ਵਿਚ ਕਦਮ ਰੱਖਿਆ। ਇਸ ਰੇਡੀਓ ਨੇ ਪਤਾ ਨਹੀਂ ਉਦੋਂ ਕਿੰਨਿਆਂ ਹੋਰਾਂ ਨੂੰ ਵੀ ਨਵੀਂ ਹਿੰਮਤ ਦਿੱਤੀ ਹੋਵੇਗੀ। 


ਉਦੋਂ ਤੋਂ ਲੈ ਕੇ ਹੁਣ ਤੱਕ ਐਫ ਐਮ ਗੋਲਡ ਨੇ ਆਪਣੀ ਆਵਾਜ਼ ਦੀ ਦੁਨੀਆ ਰਾਹੀਂ ਲੁਧਿਆਣਾ ਦੇ ਉਹ ਨੈਣ ਨਕਸ਼ ਦਿਖਾਏ ਜਿਹੜੇ ਬਹੁਤਿਆਂ ਲਈ ਪਹਿਲਾਂ ਨਾ ਦੇਖੇ ਵਰਗੇ ਹੀ ਸਨ। ਇਸ ਐਫ ਐਮ ਗੋਲਡ ਨੇ ਲੁਧਿਆਣਾ ਦੀਆਂ ਉਹਨਾਂ ਸ਼ਖਸੀਅਤਾਂ ਨਾਲ ਮਿਲਵਾਇਆ ਜਿਹਨਾਂ ਨੂੰ ਮਿਲ ਕੇ ਲੱਗਿਆ ਕਿ ਅੱਜ ਪਹਿਲੀ ਵਾਰ ਇਹਨਾਂ ਨਾਲ ਜਾਣ ਪਛਾਣ ਹੋਈ ਹੈ। ਪ੍ਰਸਿੱਧ ਪੱਤਰਕਾਰ ਰੀਤੂ ਕਲਸੀ ਅਤੇ ਨਵਰਾਹੀ ਨੇ ਇਸ ਦੇ ਪ੍ਰੋਗਰਾਮਾਂ ਨੂੰ ਬੁਲੰਦੀਆਂ ਤੇ ਪਹੁੰਚਾਉਣ ਵਿਚ ਆਪਣਾ ਯੋਗਦਾਨ ਦਿੱਤਾ। 

ਲੁਧਿਆਣਾ ਦੇ ਭਾਰਤ ਨਗਰ ਚੌਂਕ ਨੇੜੇ ਸਥਿਤ ਲੜਕੀਆਂ ਦੇ ਸਰਕਾਰੀ ਕਾਲਜ ਵਿੱਚ ਅੱਜ ਦਾ ਦਿਨ ਯਾਦਗਾਰੀ ਰਿਹਾ। ਅੱਜ ਇਸ ਕਾਲਜ ਵਿੱਚ ਐਫ ਐਮ ਗੋਲਡ ਰੇਡੀਓ ਦੀ ਟੀਮ ਬਾਕਾਇਦਾ ਟੈਲੈਂਟ ਹੰਟ ਲਈ ਆਈ ਹੋਈ ਸੀ। ਪ੍ਰਸਾਰ ਭਾਰਤੀ ਆਲ ਇੰਡੀਆ ਰੇਡੀਓ ਦੇ ਐਫ ਐਮ ਗੋਲਡ ਦੀ ਟੀਮ ਵੱਲੋਂ ਭਾਰਤ ਦੀ ਆਜ਼ਾਦੀ ਦੀ 75ਵੀਂ ਵਰ੍ਹੇਗੰਢ ਦੇ ਸੰਬੰਧ ਵਿੱਚ ਇੱਕ ਨਵੇਂ ਰੇਡੀਓ ਪ੍ਰੋਗਰਾਮ "ਆਜ਼ਾਦੀ ਕਾ ਮਹੋਤਸਵ" ਤਹਿਤ ਇੱਕ ਟੈਲੈਂਟ ਹੰਟ ਕਰਵਾਇਆ ਗਿਆ।


ਇਸ ਪ੍ਰੋਗਰਾਮ ਦਾ ਸੰਚਾਲਨ ਅਤੇ ਜੱਜਮੈਂਟ ਆਲ ਇੰਡੀਆ ਰੇਡੀਓ ਐਫ ਐਮ ਲੁਧਿਆਣਾ ਦੇ ਪ੍ਰੋਗਰਾਮ ਹੈਡ ਸ਼੍ਰੀ ਨਵਦੀਪ ਸਿੰਘ ਨੇ ਕੀਤੀ। ਐਫ ਐਮ ਰੇਡੀਓ ਦੀ ਟੀਮ ਵਿਚ ਸ਼੍ਰੀ ਨਵਦੀਪ ਦੇ ਨਾਲ ਸ਼੍ਰੀ ਮਹਿੰਦਰ ਮੋਹਨ ਸ਼ਰਮਾ ਅਤੇ ਆਰ ਜੇ ਪ੍ਰੀਤਿ ਸ਼ਰਮਾ ਸ਼ਾਮਿਲ ਸਨ। ਇਸ üਪ੍ਰੋਗਰਾਮ ਵਿੱਚ ਕਾਲਜ ਦੀਆਂ ਵਿਦਿਆਰਥਣਾਂ ਦਾ ਵੱਖ ਵੱਖ ਵਿਸ਼ਿਆਂ ਤੇ ਭਾਸ਼ਣ ਮੁਕਾਬਲਾ ਕਰਵਾਇਆ ਗਿਆ। ਇਸ ਭਾਸ਼ਣ ਮੁਕਾਬਲੇ ਵਿਚ 29 ਵਿਦਿਆਰਥਣਾਂ ਨੇ ਹਿੱਸਾ ਲਿਆ। ਇਹਨਾਂ ਮੁਕਾਬਲਿਆਂ ਵਿਚ ਮਨਵੀਰ ਕੌਰ ਬੀ ਏ ਭਾਗ ਦੂਜਾ ਨੇ ਪਹਿਲਾ ਸਥਾਨ ਹਾਸਲ ਕੀਤਾ। ਇਸ ਜੇਤੂ ਵਿਦਿਆਰਥਣ ਨੂੰ ਐਫ ਐਮ ਰੇਡੀਓ ਤੋਂ ਐਂਕਰ ਵੱਜੋਂ ਇੱਕ ਸਪੈਸ਼ਲ ਪ੍ਰੋਗਰਾਮ ਰਿਕਾਰਡ ਕਰ ਦਾ ਮੌਕਾ ਦਿੱਤਾ ਜਾਵੇਗਾ।


ਇਸ ਮੌਕੇ ਸ਼੍ਰੀ ਨਵਦੀਪ ਸਿੰਘ ਨੇ ਕਿਹਾ ਕਿ ਇਸ ਮੁਕਾਬਲੇ ਵਿਚ ਭਾਗ ਲੈਣ ਵਾਲਿਆਂ ਕੁਝ ਹੋਰ ਵਿਦਿਆਰਥਣਾਂ ਨੂੰ ਵੀ ਸਮੇਂ ਸਮੇਂ 'ਤੇ ਰਿਕਾਰਡਿੰਗ ਦਾ ਮੌਕਾ ਦਿੱਤਾ ਜਾਵੇਗਾ। ਸਰਦਾਰ ਬਲਦੇਵ ਸਿੰਘ ਵਾਈਸ ਪ੍ਰਿੰਸੀਪਲ, ਡਾਕਟਰ ਮਾਧਵੀ ਵਸ਼ਿਸ਼ਠ, ਯੂਥ ਕੋਆਰਡੀਨੇਟਰ ਵੀ ਇਸ ਮੌਕੇ ਹਾਜ਼ਰ ਰਹੇ। ਸਰਦਾਰ ਬਲਦੇਵ ਸਿੰਘ ਨੇ ਜੇਤੂ ਵਿਦਿਆਰਥਣਾਂ ਨੂੰ ਵਧਾਈ ਦਿੱਤੀ ਅਤੇ ਭਾਗ ਲੈਣ ਵਾਲਿਆਂ ਵਿਦਿਆਰਥਣਾਂ ਦਾ ਹੌਂਸਲਾ ਵੀ ਵਧਾਇਆ। ਅੰਤ ਵਿਚ ਸ਼੍ਰੀਮਤੀ ਇੰਦਰਪ੍ਰੀਤ ਕੌਰ ਨੇ ਆਏ ਹੋਏ ਮਹਿਮਾਨਾਂ ਦਾ ਧੰਨਵਾਦ ਕੀਤਾ। 

Sunday, April 23, 2017

"ਉਡਾਣ" ਰਾਹੀਂ ਦਿੱਤਾ ਪ੍ਰਤਿਭਾ ਦੇ ਪ੍ਰਗਟਾਵੇ ਦਾ ਮੌਕਾ

ਉਤਸ਼ਾਹਿਤ ਹੋਏ ਬੱਚਿਆਂ ਨੇ ਦਿਖਾਈ ਆਪੋ ਆਪਣੀ ਕਲਾ 
ਲੁਧਿਆਣਾ: 23 ਅਪ੍ਰੈਲ 2017: (ਪੰਜਾਬ ਸਕਰੀਨ ਬਿਊਰੋ)::   For More Pics on FB Please Click Here
ਜ਼ਿੰਦਗੀ ਅਨਮੋਲ ਹੈ ਪਰ ਕਈ ਵਾਰ ਕਦੋਂ ਆਈ ਤੇ ਕਦੋਂ ਚਲੀ ਗਈ ਇਸਦਾ ਪਤਾ ਹੀ ਨਹੀਂ ਲੱਗਦਾ। ਜਨਮ ਦੇ ਨਾਲ ਮਿਲੀਆਂ ਬਹੁਤ ਸਾਰੀਆਂ ਸੌਗਾਤਾਂ ਅਤੇ ਸਾਰੀਆਂ ਖੂਬੀਆਂ ਲੁਕੀਆਂ ਹੀ ਰਹਿ ਜਾਂਦੀਆਂ ਹਨ। ਬਹੁਤ ਸਾਰੀਆਂ ਇੱਛਾਵਾਂ, ਬਹੁਤ ਸਾਰੇ ਸੁਪਨੇ ਤੇ ਬਹੁਤ ਸਾਰੀਆਂ ਯੋਜਨਾਵਾਂ ਮਨਾਂ ਵਿੱਚ ਹੀ ਦੱਬੀਆਂ ਰਹਿ ਜਾਂਦੀਆਂ ਹਨ। ਉਹਨਾਂ ਨੂੰ ਖੰਭ ਨਹੀਂ ਮਿਲਦੇ। ਉਹਨਾਂ ਨੂੰ ਉਡਾਣ ਨਹੀਂ ਮਿਲਦੀ। ਅਸਮਾਨ ਛੂਹਣ ਦੀ ਚਾਹਤ ਆਏ ਦੀਨਾ  ਮਜਬੂਰੀਆਂ ਅਤੇ ਹੋਰ ਔਕੜਾਂ ਵਿੱਚ ਦਫ਼ਨ ਹੋ ਕੇ ਹੀ ਰਹਿ ਜਾਂਦੀ ਹੈ। ਬੀਜ ਟੁੱਟਦਾ ਨਹੀਂ।  ਸਾਰੀਆਂ ਸੰਭਾਵਨਾਵਾਂ ਇੱਕ ਬੀਜ ਵਾਂਗ ਹੀ ਰਹਿ। ਮਜਬੂਰੀਆਂ ਵਾਲੇ ਹਾਲਾਤ ਦਾ ਮਾਰਿਆ ਬੀਜ ਕਦੇ ਵੀ ਦਰਖਤ ਨਹੀਂ ਬਣਦਾ। ਇਹੀ ਕੁਝ ਇਨਸਾਨੀ ਜ਼ਿੰਦਗੀ ਵਿੱਚ ਵੀ ਅਕਸਰ ਹੁੰਦਾ ਹੈ। ਦਿਲ ਦਿਮਾਗ ਵਿੱਚ ਲੁਕੀਆਂ ਅਤੇ ਡੱਬਿਆਂ ਰਹੀ ਗਈਆਂ ਇਹਨਾਂ ਆਸਾਂ ਉਮੰਗਾਂ ਨੂੰ ਅਸਮਾਨ ਛੂਹਣ ਦਾ ਮੌਕਾ ਦਿੱਤਾ ਹੈ ਆਸ਼ਮਾਂ ਫਾਊਂਡੇਸ਼ਨ ਨੇ।  ਇਸ ਸੰਗਠਨ ਦਾ ਆਯੋਜਨ 23 ਅਪ੍ਰੈਲ 2017 ਨੂੰ ਭਾਈ ਰਣਧੀਰ ਸਿੰਘ  ਨਗਰ ਦੇ ਡੀ ਬਲਾਕ 'ਚ ਸਥਿਤ ਬਾਬਾ ਈਸ਼ਰ ਸਿੰਘ ਪਬਲਿਕ ਸਕੂਲ ਵਿਖੇ ਸ਼ੁਰੂ ਹੋਇਆ। ਇਸ ਵਿੱਚ ਬਹੁਤ ਹੀ ਛੋਟੀ ਉਮਰ ਦੇ ਬੱਚੇ ਵੀ ਸਨ ਅਤੇ ਵੱਡੀ ਉਮਰ ਦੇ ਵੀ। ਇਸ ਆਯੋਜਨਾਂ ਨੂੰ ਨਾਮ ਦਿੱਤਾ ਗਿਆ ਸੀ "ਉਡਾਣ" ਦਾ। ਅਸਮਾਨਾਂ ਨੂੰ ਛੂਹਣ ਦੀਆਂ ਇੱਛਾਵਾਂ ਨੂੰ ਖੰਭ ਦਿੱਤੇ ਗਏ। ਭਾਗ ਲੈਣ ਵਾਲਿਆਂ ਨੂੰ ਆਪਣੀ ਕਲਾ ਦੇ ਪ੍ਰਗਟਾਵੇ ਦਾ ਮੌਕਾ ਪ੍ਰਦਾਨ ਕੀਤਾ ਗਿਆ।
For More Pics on FB Please Click Here