ਅਮਰ ਹਸਪਤਾਲ ਵੱਲੋਂ ਰਿਆਇਤੀ ਦਰਾਂ 'ਤੇ ਸਿਹਤ ਸਹੂਲਤਾਂ ਦੇਣ ਦੀ ਪੇਸ਼ਕਸ਼

 1 ਤੋਂ 31 ਤੱਕ ਹਸਪਤਾਲ ਇੱਕ ਮੈਗਾ ਮੈਡੀਕਲ ਕੈਂਪ ਵੀ ਲੱਗੇਗਾ 

ਮੋਹਾਲੀ: 23 ਜੁਲਾਈ 2022:(ਗੁਰਜੀਤ ਬਿੱਲਾ//ਪੰਜਾਬ ਸਕਰੀਨ)::

ਬਾਰਿਸ਼ਾਂ ਦਾ ਮੌਸਮ ਗਰਮੀ ਤੋਂ ਰਾਹਤ ਵੀ ਲਿਆਉਂਦਾ ਹੈ ਪਰ ਇਸਦੇ ਨਾਲ ਹੀ ਕਈ ਤਰ੍ਹਾਂ ਦੀਆਂ ਬਿਮਾਰੀਆਂ ਵੀ ਅਕਸਰ ਫੇਲ ਜਾਂਦੀਆਂ ਹਨ। ਕਈ ਵਾਰ ਕਰੋਪੀ ਏਨੀ ਜ਼ਿਆਦਾ ਹੁੰਦੀ ਹੈ ਕਿ ਹਸਪਤਾਲਾਂ ਵਿੱਚ ਲਾਈਨਾਂ ਲੱਗ ਜਾਂਦੀਆਂ ਹਨ। ਇਹਨਾਂ ਮੁਸ਼ਕਲਾਂ ਨੂੰ ਦੇਖਦਿਆਂ ਇਲਾਕੇ ਦੇ ਲੋਕਾਂ ਨੂੰ ਰਾਹਤ ਦੇਣ ਲਈ ਜਿਹੜੇ ਸਿਹਤ ਸੰਸਥਾਨ ਅਤੇ ਅਦਾਰੇ ਅੱਗੇ ਆਏ ਹਨ ਉਹਨਾਂ ਵਿੱਚ ਇੱਕ ਸਰਗਰਮ ਹਸਪਤਾਲ ਵੀ ਹੈ। 

ਸ਼ਹਿਰ ਦੇ ਸੈਕਟਰ 70 ਸਥਿਤ ਅਮਰ ਹਸਪਤਾਲ ਪ੍ਰਬੰਧਕਾਂ ਨੇ ਅੱਜ ਆਪਣੇ ਡਾਕਟਰਾਂ ਨਾਲ ਮੀਟਿੰਗ ਕੀਤੀ, ਜਿਸ ਵਿੱਚ ਉਹਨਾਂ ਨੇ ਅਜੋਕੇ ਸਮੇਂ ਵਿੱਚ ਡਾਇਰੀਆ ਅਤੇ ਡੇਂਗੂ ਮਲੇਰੀਆ ਦੇ ਵੱਧ ਰਹੇ ਕੇਸਾਂ ਨੂੰ ਦੇਖਣ ਅਤੇ ਇਸ ਬਿਮਾਰੀ ਤੋਂ ਬਚਣ ਲਈ ਸਾਵਧਾਨੀਆਂ ਵਰਤਣ ਬਾਰੇ ਵਿਚਾਰ ਵਟਾਂਦਰਾ ਕੀਤਾ। ਹਸਪਤਾਲ ਪ੍ਰਬੰਧਕਾਂ ਨੇ ਦੱਸਿਆ ਕਿ ਸਾਡੇ ਕੋਲ ਹਰ ਤਰ੍ਹਾਂ ਦੀਆਂ ਬਿਮਾਰੀਆਂ ਦੇ ਇਲਾਜ ਲਈ ਡਾਕਟਰਾਂ ਦੀ ਵਿਸ਼ੇਸ਼ ਟੀਮ ਅਤੇ ਸਹੂਲਤਾਂ ਮੌਜੂਦ ਹਨ। ਪਿਛਲੇ ਸਾਲ ਵੀ ਹਸਪਤਾਲ ਵੱਲੋਂ ਡੇਂਗੂ ਮਲੇਰੀਆ ਦੇ 200 ਤੋਂ ਵੱਧ ਮਰੀਜ਼ ਪੂਰੀ ਤਰ੍ਹਾਂ ਠੀਕ ਹੋ ਗਏ ਸਨ।

ਇਸ ਦੇ ਨਾਲ ਹੀ ਹਸਪਤਾਲ ਦੇ ਸੀਈਓ ਡਾ. ਸੰਕਲਪ ਕੌਸ਼ਲ ਨੇ ਇਹ ਵੀ ਦੱਸਿਆ ਕਿ ਆਉਣ ਵਾਲੇ ਅਗਸਤ ਮਹੀਨੇ ਦੀ ਮਿਤੀ 1 ਤੋਂ 31 ਤੱਕ ਹਸਪਤਾਲ ਇੱਕ ਮੈਗਾ ਮੈਡੀਕਲ ਕੈਂਪ ਸ਼ੁਰੂ ਕਰਨ ਜਾ ਰਿਹਾ ਹੈ, ਜਿਸ ਵਿੱਚ ਹਰ ਬਿਮਾਰੀਆਂ ਸਰਜਰੀ ਅਤੇ ਲੈਬ ਟੈਸਟ ਵਿਸ਼ੇਸ਼ ਰਿਆਇਤੀ ਦਰ 'ਤੇ ਕੀਤੇ ਜਾਣਗੇ। ਇਸ ਦੌਰਾਨ ਹਸਪਤਾਲ ਪ੍ਰਬੰਧਕਾਂ ਨੇ ਵੀ ਆਪਣੀਆਂ ਸਮਾਜਿਕ ਜ਼ਿੰਮੇਵਾਰੀਆਂ ਨਿਭਾਉਣ ਲਈ ਵਚਨਬੱਧਤਾ ਪ੍ਰਗਟਾਈ।

ਦਰਦ ਉੱਤੇ ਜਿੱਤ ਦੀ ਖੁਸ਼ੀ ਨਾਲ ਮਨਾਇਆ ਮਨਾਇਆ ਮਦਰਜ਼ ਡੇ

ਡਾਕਟਰਾਂ ਨੂੰ ਦਿੱਤੀਆਂ ਡਾਂਸ ਕਰਕੇ ਦੁਆਵਾਂ  

ਲੁਧਿਆਣਾ: 8 ਮਈ (ਕਾਰਤਿਕਾ ਸਿੰਘ//ਪੰਜਾਬ ਸਕਰੀਨ):

ਤੁਸੀਂ ਜਿਹੜਾ ਡਾਂਸ ਦੇਖ ਰਹੇ ਹੋ ਇਹ ਬੇਬਸੀ ਤੋਂ ਮੁਕਤੀ ਦੀ ਖੁਸ਼ੀ ਵਾਲਾ ਡਾੰਸ ਹੈ। ਇਹ ਦਰਦ ਤੋਂ ਮਿਲੀ ਰਾਹਤ ਦਾ ਪ੍ਰਗਟਾਵਾ ਹੈ। ਇਹ ਡਾਕਟਰ ਵਿੱਚੋਂ ਰੱਬ ਨਜਰ ਆਉਣ ਵਾਲੀ ਪ੍ਰਾਪਤੀ ਦਾ ਐਲਾਨ ਹੈ। ਇਹ ਉਹਨਾਂ ਔਰਤਾਂ ਦੀ ਖੁਸ਼ੀ ਹੈ ਜਿਹਨਾਂ ਦੇ ਗੋਡੇ ਰਹਿ  ਗਏ  ਸਨ ਅਤੇ ਜ਼ਿੰਦਗੀ ਬੇਹਾਲ ਹੋ ਗਈ ਸੀ। ਉੱਠਣਾ ਬੈਠਣਾ  ਮੁਹਾਲ ਹੋ ਗਿਆ ਸੀ। ਗੋਡਿਆਂ ਦਾ ਦਰਦ ਇੱਕ ਚੀਸ ਬਣ ਕੇ ਉਭਰਦਾ ਅਤੇ ਅੱਖਾਂ ਵਿੱਚ ਹੰਝੂ ਲੈ ਆਉਂਦਾ। ਗੋਡਿਆਂ ਦੀ ਖਰਾਬੀ ਨੇ ਬਾਕੀ ਦੀ ਸਾਰੀ ਸਿਹਤ ਨੂੰ ਵੀ ਬੇਕਾਰ ਜਿਹਾ ਕਰ ਦਿੱਤਾ ਸੀ। ਜ਼ਿੰਦਗੀ ਚੰਗੀ ਨਹੀਂ ਸੀ ਲੱਗਦੀ। ਇਸ ਦਰਦ ਤੋਂ ਨਿਜਾਤ ਮਿਲਣ ਦੀ ਗੱਲ ਸਿਰਫ ਮਜ਼ਾਕ ਲੱਗਦੀ ਸੀ। ਪਰ ਜਦੋਂ ਕ੍ਰਿਸ਼ਮਾ ਹੋਇਆ ਤਾਂ ਇੱਕ ਨਵੇਂ ਜਨਮ ਦਾ ਅਹਿਸਾਸ ਮਹਿਸੂਸ ਹੋਇਆ। ਇਸ ਲਈ ਇਹ ਗੀਤ ਸੰਗੀਤ ਖੁਸ਼ੀ ਦਾ ਰੰਗ ਵੀ ਸੀ ਅਤੇ ਪੰਜਾਬੀ ਗੀਤ ਸੰਗੀਤ ਦੇ ਨਾਲ ਨਾਲ ਸਭਿਆਚਾਰ ਦੇ ਅੰਦਾਜ਼ ਦੀ ਇੱਕ ਝਲਕ ਵੀ। ਇਹ ਗੋਡਿਆਂ ਦੇ ਦਰਦ ਉੱਪਰ ਜਿੱਤ ਦਾ ਐਲਾਨ ਵੀ ਸੀ। 

ਫੋਰਟਿਸ ਹਸਪਤਾਲ ਵੱਲੋਂ ਮਾਂ ਦਿਵਸ ਮੌਕੇ ਸ਼ਹਿਰ ਦੇ ਇਕ ਹੋਟਲ ਵਿਚ ਕਰਵਾਇਆ ਗਿਆ ਇਹ ਇੱਕ ਸ਼ਾਨਦਾਰ ਸੱਭਿਆਚਾਰਕ ਪ੍ਰੋਗਰਾਮ ਸੀ। ਇਸ ਮੌਕੇ ਉਹਨਾਂ ਦਸ  ਬਜ਼ੁਰਗ ਔਰਤਾਂ ਨੇ ਮੰਚ ਉਪਰ ਨੱਚ ਕੇ ਆਪਣੀ ਖੁਸ਼ੀ ਦਾ ਇਜਹਾਰ ਕੀਤਾ ਜਿਹਨਾਂ ਦੇ ਗੋਡੇ ਅਪ੍ਰੇਸ਼ਨ ਦੌਰਾਨ ਬਦਲੇ ਗਏ ਸਨ। ਇਸ ਮੌਕੇ ਮਿਊਜੀਕਲ ਚੇਅਰ ਅਤੇ ਅੰਤਰਾਕਸ਼ੀ ਤੋਂ ਇਲਾਵਾ ਹੋਰ ਵੱਖ-ਵੱਖ ਤਰ੍ਹਾਂ ਦੀਆਂ ਇਨਡੋਰ ਖੇਡਾਂ ਵੀ ਖੇਡੀਆਂ ਗਈਆਂ, ਜਿਸ ਵਿਚ ਵੱਖ-ਵੱਖ ਬੱਚਿਆਂ ਦੀਆਂ ਮਾਵਾਂ ਨੇ ਵੱਧ ਚੜ੍ਹ ਕੇ ਹਿੱਸਾ ਲਿਆ। ਹੱਡੀ ਰੋਗਾਂ ਦੇ ਮਾਹਿਰ ਡਾ: ਨੀਰਜ ਬਾਂਸਲ ਨੇ ਕਿਹਾ ਕਿ ਡਾਕਟਰੀ ਖੇਤਰ ਵਿਚ ਬਹੁਤ ਵੱਡੀ ਤਰੱਕੀ ਹੋਈ ਹੈ ਜਿਸ ਕਰਕੇ ਹੁਣ ਹੱਡੀ ਰੋਗਾਂ ਦਾ ਸਫਲ ਇਲਾਜ ਸੰਭਵ ਹੋਇਆ ਹੈ। ਇਸ ਮੌਕੇ ਹਸਪਤਾਲ ਦੇ ਫੈਸੁਲਿਟੀ ਡਾਇਰੈਕਟਰ ਵਿਵਾਨ ਗਿੱਲ ਅਤੇ ਲੋਕ ਸੰਪਰਕ ਅਫ਼ਸਰ ਅਮਰਜੀਤ ਕੌਰ ਨੇ ਵੀ ਆਪਣੇ ਵਿਚਾਰ ਰੱਖੇ।  ਹੁਣ ਦੇਖਣਾ ਇਹ ਹੈ ਕਿ ਇਸ ਇਲਾਜ ਦਾ ਫਾਇਦਾ ਆਮ ਅਤੇ ਮਧ ਵਰਗੀ ਲੋਕਾਂ ਤੱਕ ਕਿਵੇਂ ਪਹੁੰਚ ਸਕਦਾ ਹੈ?

ਪ੍ਰਸਿੱਧ ਗਾਇਕਾ ਰਣਜੀਤ ਕੌਰ ਦੇ ਇਲਾਜ ਦਾ ਖ਼ਰਚਾ ਪੰਜਾਬ ਸਰਕਾਰ ਚੁੱਕੇਗੀ-DC

ਕਿਸੇ ਵੇਲੇ ਧੁੰਮਾਂ ਪਾਈਆਂ ਸਨ ਗਾਇਕਾ ਰਣਜੀਤ ਕੌਰ ਨੇ 

*ਸੋਸ਼ਲ ਮੀਡੀਆ ਰਾਹੀਂ ਸੂਚਨਾ ਮਿਲਣ 'ਤੇ ਹਰਕਤ 'ਚ ਆਇਆ ਪ੍ਰਸ਼ਾਸਨ 

*ਡਿਪਟੀ ਕਮਿਸ਼ਨਰ ਨੇ ਮੁੱਖ ਮੰਤਰੀ ਤੇ ਸੱਭਿਆਚਾਰਕ ਮੰਤਰੀ ਦੇ ਲਿਆਂਦਾ ਸੀ ਧਿਆਨ 'ਚ

* ਕਲ੍ਹ ਹਾਲ ਚਾਲ ਪੁਛਣ ਲਈ ਮੁਲਾਕਾਤ ਕੀਤੀ ਸੀ ਸਿਮਰਜੀਤ ਸਿੰਘ ਬੈਂਸ ਨੇ 

ਲੁਧਿਆਣਾ, 3 ਜੁਲਾਈ 2015: (ਪੰਜਾਬ ਸਕਰੀਨ ਬਿਊਰੋ):

ਬੀਤੇ ਕੁਝ ਦਿਨਾਂ ਤੋਂ ਸਥਾਨਕ ਗੁਰੂ ਤੇਗ ਬਹਾਦਰ ਹਸਪਤਾਲ ਵਿਖੇ ਦਾਖ਼ਲ ਪ੍ਰਸਿੱਧ ਦੋਗਾਣਾ ਗਾਇਕਾ ਬੀਬੀ ਰਣਜੀਤ ਕੌਰ (ਮੁਹੰਮਦ ਸਦੀਕ ਫੇਮ) ਦੇ ਇਲਾਜ ਦਾ ਸਾਰਾ ਖ਼ਰਚਾ ਪੰਜਾਬ ਸਰਕਾਰ ਚੁੱਕੇਗੀ। ਇਸ ਸੰਬੰਧੀ ਪੰਜਾਬ ਦੇ ਮੁੱਖ ਮੰਤਰੀ ਸ੍ਰ. ਪਰਕਾਸ਼ ਸਿੰਘ ਬਾਦਲ ਵੱਲੋਂ ਮਿਲੀ ਹਦਾਇਤ ਬਾਰੇ ਜਾਣਕਾਰੀ ਦਿੰਦਿਆਂ ਡਿਪਟੀ ਕਮਿਸ਼ਨਰ ਸ੍ਰੀ ਰਜਤ ਅਗਰਵਾਲ ਨੇ ਦੱਸਿਆ ਕਿ ਜ਼ਿਲਾ ਪ੍ਰਸਾਸ਼ਨ ਨੂੰ ਅੱਜ ਸਵੇਰੇ ਹੀ ਸੋਸ਼ਲ ਮੀਡੀਆ ਰਾਹੀਂ ਇਹ ਖ਼ਬਰ ਮਿਲੀ ਸੀ ਕਿ ਬੀਬੀ ਰਣਜੀਤ ਕੌਰ ਦੀ ਸਿਹਤ ਨਾਸਾਜ਼ ਹੈ ਅਤੇ ਉਹ ਉਪਰੋਕਤ ਹਸਪਤਾਲ ਵਿੱਚ ਇਲਾਜ ਕਰਵਾ ਰਹੇ ਹਨ। ਇਸ ਸੰਬੰਧੀ ਉਨ੍ਹਾਂ ਮੁੱਖ ਮੰਤਰੀ ਪੰਜਾਬ ਸ੍ਰ. ਪਰਕਾਸ਼ ਸਿੰਘ ਬਾਦਲ ਅਤੇ ਸੱਭਿਆਚਾਰਕ ਮਾਮਲਿਆਂ ਬਾਰੇ ਕੈਬਨਿਟ ਮੰਤਰੀ ਸ੍ਰ. ਸੋਹਨ ਸਿੰਘ ਠੰਡਲ ਦੇ ਧਿਆਨ ਵਿੱਚ ਲਿਆਂਦਾ ਤਾਂ ਪੰਜਾਬ ਸਰਕਾਰ ਵੱਲੋਂ ਤੁਰੰਤ ਕਾਰਵਾਈ ਕਰਨ ਦੇ ਆਦੇਸ਼ ਦਿੱਤੇ ਗਏ। 

ਕਾਬਿਲੇ ਜ਼ਿਕਰ ਹੈ ਕਿ ਕਲ੍ਹ ਸਿਮਰਜੀਤ ਸਿੰਘ ਬੈਂਸ ਵੀ ਆਪਣੇ ਸਾਥੀਆਂ ਸਨੇ ਇਸ ਪ੍ਰਸਿਧ ਗਾਇਕਾ ਦਾ ਹਾਲ ਚਾਲ ਪੁਛਣ ਲੈ ਹਸਪਤਾਲ ਪੁੱਜੇ ਸਨ।  ਉਹਨਾਂ ਇਲਾਜ ਦੇ ਮਾਮਲੇ ਨੂੰ ਲੈ ਕੇ ਪੰਜਾਬ ਸਰਕਾਰ ਦੀ ਤਿੱਖੀ ਆਲੋਚਨਾ ਵੀ ਕੀਤੀ ਸੀ। 

ਸ੍ਰੀ ਅਗਰਵਾਲ ਨੇ ਕਿਹਾ ਕਿ ਬੀਬਾ ਰਣਜੀਤ ਕੌਰ ਪੰਜਾਬ ਦੀ ਜਾਣੀ ਪਹਿਚਾਣੀ ਗਾਇਕਾ ਹਨ ਅਤੇ ਉਨ੍ਹਾਂ ਨੇ ਕਿੰਨੇ ਹੀ ਦਹਾਕੇ ਆਪਣੀ ਲਾਜਵਾਬ ਗਾਇਕੀ ਨਾਲ ਪੰਜਾਬ, ਪੰਜਾਬੀ ਅਤੇ ਪੰਜਾਬੀਅਤ ਦੀ ਸੇਵਾ ਕੀਤੀ ਹੈ, ਜਿਸ ਦਾ ਜ਼ਿਲਾ ਪ੍ਰਸਾਸ਼ਨ ਅਤੇ ਪੰਜਾਬ ਸਰਕਾਰ ਕਦੇ ਵੀ ਮੁੱਲ ਨਹੀਂ ਮੋੜ ਸਕਦੇ।

ਹੁਣ ਦੇਖਣਾ ਹੈ ਕਿ ਓਹ ਦਿਨ ਕਦੋਂ ਆਇੰਗੇ ਜਦੋਂ ਸਰਕਾਰ ਅਤੇ ਸਮਾਜ ਮਿਲ ਕੇ ਆਪਣੇ ਗਾਇਕਾਂ, ਕਲਾਕਾਰਾਂ, ਗੀਤਕਾਰਾਂ, ਲੇਖਕਾਂ ਅਤੇ ਹੋਰ ਸਾਰੇ ਅਜਿਹੇ  ਵਿਅਕਤੀਆਂ ਦੀ ਸੰਭਾਲ ਵੇਲੇ ਸਿਰ ਕਰ ਲਿਆ ਕਰੇਗਾਤਾਂਕਿ ਉਹਨਾਂ ਦੇ ਸਮੇਂ ਤੋਂ ਪਹਿਲਾਂ ਇਸ ਦੁਨਿਆ ਤੋਂ ਤੁਰ ਜਾਨ ਜਾਂ ਹਸਪਤਾਲ ਪਹੁੰਚਣ ਦੀ ਨੌਬਤ ਹੀ ਨਾ ਆਵੇ। । 

ਫੋਰਟਿਸ ਹਸਪਤਾਲ ਵੱਲੋਂ ਮੁਫਤ ਉ.ਪੀ.ਡੀ ਸਿਹਤ ਸੇਵਾਵਾਂ ਸ਼ੁਰੂ

Thu, Apr 23, 2015 at 10:59 AM

ਜੰਮੂ-ਕਸ਼ਮੀਰ ਨਿਵਾਸੀਆਂ ਲਈ ਕੀਤੀ ਗਈ ਵਿਸ਼ੇਸ਼ ਸ਼ੁਰੂਆਤ 

ਲੁਧਿਆਣਾ: 22 ਅਪ੍ਰੈਲ, 2015: (ਪੰਜਾਬ ਸਕਰੀਨ ਬਿਊਰੋ):

ਫੋਰਟਿਸ ਹਸਪਤਾਲ, ਲੁਧਿਆਣਾ ਹਮੇਸ਼ਾ ਹੀ ਮੱਨੁਖਤਾ ਦੀ ਸੇਵਾ ਕਰਦਾ ਆਇਆ ਹੈ ਅਤੇ ਆਪਣੇ ਇਸੇ ਜਜ਼ਬੇ ਨੂੰ ਮੁਖ ਰੱਖਦੇ ਹੋਏ ਫੋਰਟਿਸ ਵੱਲੋਂ ਇਕ ਹੋਰ ਉਪਰਾਲਾ ਕੀਤਾ ਜਾ ਰਿਹਾ ਹੈ। ਜਿਸ ਦੇ ਤਹਿਤ ਜੰਮੂ ਅਤੇ ਕਸ਼ਮੀਰ ਦੇ ਉਹ ਵਾਸੀ ਜਿਹਨਾਂ ਨੂੰ ਕਿਸੇ ਵੀ ਤਰ੍ਹਾਂ ਦੀ ਸਰਜ਼ਰੀ ਲਈ ਮੁਖਤ ਡਾਕਟਰੀ ਸਲਾਹ ਮੁਹੱਈਆ ਕਰਵਾਉਣ ਦਾ ਫੈਸਲਾ ਲਿਆ ਗਿਆ ਹੈ।

ਅੱਜ ਫੋਰਟਿਸ ਹਸਪਤਾਲ, ਲੁਧਿਆਣਾ ਦੀ ਪ੍ਰਬੰਧਕ ਕਮੇਟੀ ਦੀ ਅਹਿਮ ਮੀਟਿੰਗ ਖੇਤਰੀ ਨਿਰਦੇਸ਼ਕ (ੳੱਤਰੀ ਫੋਰਟਿਸ ਲੜੀ) ਕਰਨਲ ਹਰਿੰਦਰ ਚਹਿਲ ਦੀ ਪ੍ਰਧਾਨਗੀ ਹੇਠ ਹੋਈ ਜਿਸ ਵਿਚ ਫਸੇਲਟੀ ਡਾਇਰੇਕਟਰ ਸ.ਵਿਵਾਨ ਗਿੱਲ, ਰੀਜਨਲ ਮੈਡੀਕਲ ਡਾਇਰੈਕਟਰ ਨਾਰਥ, ਡਾ.ਗੁਰਬੀਰ ਸਿੰਘ, ਏਡਮਿਨ ਹੈੱਡ, ਡਾ ਹਰਪ੍ਰੀਤ ਬਰਾੜ, ਮੈਡੀਕਲ ਸੁਪਰਇੰਨਟੇਂਡੈਟ ਡਾ.ਅੰਕੁਸ਼ ਮਿਹਤਾ ਸ਼ਾਮਲ ਸਨ। ਇਸ ਮੌਕੇ ਮੀਟਿੰਗ ਦੌਰਾਨ ਫੈਸਲਾ ਕੀਤਾ ਗਿਆ ਕਿ ਜਿਥੇ ਫੋਰਟਿਸ ਹਸਪਤਾਲ, ਲੁਧਿਆਣਾ ਪੰਜਾਬ ਦੇ ਇਕ ਬਹੁਤ ਵੱਡੇ ਹਿੱਸੇ ਨੂੰ ਉਤਮ ਦਰਜੇ ਦੀਆ ਡਾਕਟਰੀ ਸਹੂਲਤਾ ਪ੍ਰਦਾਨ ਕਰਨ ਤੇ ਖੁਸ਼ੀ ਮਹਿਸੂਸ ਕਰ ਰਿਹਾ ਹੈ ਉਥੇ ਹੁਣ ਇਸ ਹਸਪਤਾਲ ਵੱਲੋਂ ਜੰਮੂ ਅਤੇ ਕਸ਼ਮੀਰ ਦੇ ਲੋਕਾਂ ਨੂੰ ਵਿਸ਼ਵ ਪੱਧਰੀ ਡਾਕਟਰੀ ਸਹੂਲਤਾ ਪ੍ਰਦਾਨ ਕੀਤੀਆ ਜਾਣ ਗੀਆ।

ਇਸ ਮੌਕੇ ਸ.ਗਿੱਲ ਨੇ ਦੱਸਿਆ ਕਿ ਜੰਮੂ- ਕਸ਼ਮੀਰ ਸਾਡੇ ਦੇਸ਼ ਦਾ ਖੁਬਸੂਰਤ ਹਿੱਸਾ ਹੈ ਪਰ ਕੁਦਰਤੀ ਕਰੋਪੀਆ ਅਤੇ ਮਾਜੂਦਾ ਹਾਲਾਤਾ ਕਾਰਨ ਇਥੋ ਦੇ ਲੋਕਾਂ ਨੂੰ ਜਿਥੇ ਤਰ੍ਹਾਂ-ਤਰ੍ਹਾਂ ਦੀਆ ਮੁਸ਼ਕਲਾ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ ਉਥੇ ਸਿਹਤ ਸਹੂਲਤਾ ਲਈ ਵੀ ਉਹਨਾਂ ਨੂੰ ਬਹੁਤ ਪਰੇਸ਼ਾਨੀਆ ਦਾ ਸਾਹਮਨਾ ਕਰਨਾ ਪੈ ਰਿਹਾ ਹੈ। ਇਸ ਲਈ ਇਸ ਸੂਬੇ ਦੀਆ ਸਮਾਜਿਕ ਆਰਥਕ ਅਤੇ ਸ਼ਰੀਰਕ ਮੁਸ਼ਕਲਾ ਨੂੰ ਮੁਖ ਰੱਖਦੇ ਹੋਏ ਫੋਰਟਿਸ ਵੱਲੋਂ ਲੋਕਾ ਨੂੰ ਕਿਸੇ ਵੀ ਪ੍ਰਕਾਰ ਦੀ ਬਿਮਾਰੀ ਦੇ ਇਲਾਜ ਲਈ ਲੋੜ ਪੈਣ ਤੇ ਸ਼ਰਜਰੀ ਸਬੰਧੀ ਮੁਫਤ ੳ.ਪੀ.ਡੀ ਸਿਹਤ ਸੇਵਾਵਾਂ ਦਿੱਤੀਆ ਜਾਣ ਗੀਆ। ਸ.ਗਿੱਲ ਨੇ ਉਕਤ ਸੂਬੇ ਦੇ ਲੋਕਾ ਨੂੰ ਅਪੀਲ ਕੀਤੀ ਹੈ ਕਿ ਉਹ ਆਪਣੀ ਸ਼ਨਾਖਤ ਨਾਲ ਸਬੰਧਿਤ ਕੋਈ ਵੀ ਸਬੂਤ ਨਾਲ ਲਿਆ ਕੇ ਮੁਫਤ ਡਾਕਟਰੀ ਸਲਾਹ ਦਾ ਲਾਹਾ ਲੈਣ।

ਨਕਲੀ ਮਠਿਆਈਆਂ ਦੇ ਕਾਰੋਬਾਰ ਨੂੰ ਠੱਲ ਪਾਉਣ ਦਾ ਦਾਅਵਾ

Wed, Oct 15, 2014 at 6:28 PM
ਮੀਡੀਆ ਨਕਲੀ ਮਠਿਆਈਆਂ ਦੇ ਕਾਰੋਬਾਰ ਬਾਰੇ ਕੋਈ ਵੀ ਸੂਚਨਾ ਉਨ੍ਹਾਂ ਦੇ ਧਿਆਨ ਵਿੱਚ ਵਿੱਚ ਲਿਆਵੇ 
ਲੋਕਾਂ ਨੂੰ 'ਸਵੱਛ ਭਾਰਤ ਅਭਿਆਨ' ਨਾਲ ਜੁੜਨ ਦਾ ਸੱਦਾ
ਸਰਕਾਰੀ ਹਸਪਤਾਲਾਂ 'ਚ ਮੁਕੰਮਲ ਸਫਾਈ ਲਈ ਲੋਕ ਵੀ ਸਹਿਯੋਗ ਕਰਨ-ਜਿਆਣੀ

ਲੁਧਿਆਣਾ: 15 ਅਕਤੂਬਰ 2014: (ਰੈਕਟਰ ਕਥੂਰੀਆ//ਪੰਜਾਬ ਸਕਰੀਨ):
ਪੰਜਾਬ ਸਰਕਾਰ ਦੇ ਸਿਹਤ ਅਤੇ ਪਰਿਵਾਰ ਭਲਾਈ ਵਿਭਾਗ ਦੇ ਕੈਬਨਿਟ ਮੰਤਰੀ ਸ੍ਰੀ ਸੁਰਜੀਤ ਕੁਮਾਰ ਜਿਆਣੀ ਨੇ ਦਾਅਵੇ ਨਾਲ ਕਿਹਾ ਹੈ ਕਿ ਬਹੁਤੇ ਹਸਪਤਾਲਾਂ ਦੇ ਮੁਕਾਬਲੇ ਸੂਬੇ ਦੇ ਸਰਕਾਰੀ ਹਸਪਤਾਲ ਸਾਫ਼ ਸੁਥਰੇ ਹਨ ਅਤੇ ਹਸਪਤਾਲਾਂ ਵਿੱਚ ਮੁਕੰਮਲ ਸਫਾਈ ਬਰਕਰਾਰ ਰੱਖਣ ਵਿੱਚ ਲੋਕਾਂ ਦਾ ਸਹਿਯੋਗ ਅਤਿ ਜ਼ਰੂਰੀ ਹੈ। ਅੱਜ ਸਥਾਨਕ ਅਪੋਲੋ ਹਸਪਤਾਲ ਵਿਖੇ 'ਵਿਸ਼ਵ ਹੱਥ ਧੋਣ ਦਿਵਸ' ਸੰਬੰਧੀ ਕਰਾਏ ਗਏ ਸੰਖੇਪ ਅਤੇ ਪ੍ਰਭਾਵਸ਼ਾਲੀ ਸਮਾਗਮ ਤੋਂ ਪਹਿਲਾਂ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਸ੍ਰੀ ਜਿਆਣੀ ਨੇ ਕਿਹਾ ਕਿ ਬਿਨਾ ਸ਼ੱਕ ਸੂਬੇ ਦੇ ਜਿਆਦਾਤਰ ਹਸਪਤਾਲ ਸਾਫ਼ ਸੁਥਰੇ ਹਨ ਅਤੇ ਬਹੁਤੇ ਹਸਪਤਾਲਾਂ ਨਾਲੋਂ ਚੰਗੇ ਹਨ। ਉਨ੍ਹਾਂ ਸਫਾਈ ਵਿਵਸਥਾ ਨੂੰ ਬਣਾਈ ਰੱਖਣ ਅਤੇ ਹੋਰ ਬੇਹਤਰ ਕਰਨ ਕਰਨ ਸੰਬੰਧੀ ਲੋਕਾਂ ਨੂੰ ਵੀ ਅਪੀਲ ਕੀਤੀ ਕਿ ਉਹ ਇਸ ਦਿਸ਼ਾ ਵਿੱਚ ਆਪਣੀ ਬਣਦੀ ਜਿੰਮੇਵਾਰੀ ਨਿਭਾਉਣ। 
ਇੱਕ ਸਵਾਲ ਦੇ ਜਵਾਬ ਵਿੱਚ ਉਨ੍ਹਾਂ ਕਿਹਾ ਕਿ ਜ਼ਰੂਰੀ ਨਹੀਂ ਕਿ ਤਿਉਹਾਰਾਂ ਦੇ ਦਿਨਾਂ ਦੌਰਾਨ ਹੀ ਮਠਿਆਈ ਦੀਆਂ ਦੁਕਾਨਾਂ ਦੀ ਚੈਕਿੰਗ ਕੀਤੀ ਜਾਵੇ। ਵਿਭਾਗ ਵੱਲੋਂ ਇਹ ਕਵਾਇਦ ਲਗਾਤਾਰ ਜਾਰੀ ਰੱਖੀ ਹੋਈ ਹੈ। ਉਨ੍ਹਾਂ ਮੀਡੀਆ ਅਤੇ ਲੋਕਾਂ ਨੂੰ ਖੁੱਲਾ ਸੱਦਾ ਦਿੱਤਾ ਕਿ ਉਹ ਨਕਲੀ ਮਠਿਆਈਆਂ ਦੇ ਕਾਰੋਬਾਰ ਬਾਰੇ ਕੋਈ ਵੀ ਸੂਚਨਾ ਉਨ੍ਹਾਂ ਦੇ ਧਿਆਨ ਵਿੱਚ ਲਿਆਉਣ, ਉਹ ਜ਼ਰੂਰ ਬਣਦੀ ਕਾਰਵਾਈ ਕਰਨਗੇ। ਉਨ੍ਹਾਂ ਕਿਹਾ ਕਿ ਮੌਜੂਦਾ ਸਮੇਂ ਨਕਲੀ ਮਠਿਆਈਆਂ ਦੇ ਕਾਰੋਬਾਰ ਨੂੰ ਕਾਫੀ ਹੱਦ ਤੱਕ ਨੱਥ ਪਾਈ ਹੋਈ ਹੈ। 
ਸਮਾਗਮ ਦੌਰਾਨ ਉਨ੍ਹਾਂ ਪ੍ਰਧਾਨ ਮੰਤਰੀ ਸ੍ਰੀ ਨਰਿੰਦਰ ਮੋਦੀ ਵੱਲੋਂ ਭਾਰਤ ਨੂੰ ਸਾਲ 2019 ਤੱਕ ਸਾਫ਼ ਸੁਥਰਾ ਅਤੇ ਸੁੰੰਦਰ ਬਣਾਉਣ ਦੇ ਸੰਕਲਪ ਨੂੰ ਦੁਹਰਾਉਂਦਿਆਂ ਸਾਰੇ ਦੇਸ਼ ਵਾਸੀਆਂ ਨੂੰ 'ਸਵੱਛ ਭਾਰਤ ਅਭਿਆਨ' ਨਾਲ ਜੁੜਨ ਦਾ ਸੱਦਾ ਦਿੱਤਾ ਕਿ ਉਹ ਇਸ ਮੁਹਿੰਮ ਦਾ ਹਿੱਸਾ ਬਣਨ ਅਤੇ ਇਸ ਦਿਸ਼ਾ ਵਿੱਚ ਸੁਚੱਜੇ ਕਾਰਜ ਕਰਨ। ਸ੍ਰੀ ਜਿਆਣੀ ਨੇ ਕਿਹਾ ਕਿ ੇ 'ਵਿਸ਼ਵ ਹੱਥ ਧੋਣ ਦਿਵਸ' ਨੂੰ ਸਹੀ ਅਰਥਾਂ ਵਿੱਚ ਤਾਂ ਹੀ ਸਹੀ ਤਰੀਕੇ ਨਾਲ ਮਨਾਇਆ ਜਾ ਸਕਦਾ ਹੈ ਕਿ ਜੇਕਰ ਅਸੀਂ ਨਿੱਤ ਦਿਨ ਦੇ ਕਾਰਜ ਵਿਹਾਰ ਵਿੱਚ ਇਸ ਗੱਲ ਦਾ ਧਿਆਨ ਰੱਖੀਏ ਕਿ ਅਸੀਂ ਲੋੜ ਸਮੇਂ ਜ਼ਰੂਰ ਹੱਥ ਸਾਫ਼ ਕਰਨੇ ਹਨ। ਜੇਕਰ ਹੱਥ ਸਾਫ਼ ਹੋਣਗੇ ਤਾਂ ਬਿਮਾਰੀ ਮਨੁੱਖ ਦੇ ਨੇੜੇ ਵੀ ਨਹੀਂ ਢੁੱਕ ਸਕਦੀ। ਉਨ੍ਹਾਂ ਆਪਣੇ ਭਾਸ਼ਣ ਦੌਰਾਨ ਹਾਜ਼ਰੀਨ ਨੂੰ ਅਪੀਲ ਕੀਤੀ ਕਿ ਉਹ ਨਿੱਤ ਦਿਨ ਬਦਲਦੀ ਜੀਵਨ ਸ਼ੈਲੀ ਅਤੇ ਪੱਧਰ ਤੋਂ ਉੱਪਰ ਉੱਠ ਕੇ ਕੁਦਰਤ ਨਾਲ ਇੱਕ ਮਿੱਕ ਹੋ ਕੇ ਚੱਲਣ ਦੀ ਚਾਹਤ ਵੀ ਰੱਖਣ। ਕੁਦਰਤ ਨਾਲ ਨੇੜਤਾ ਹੋਣ ਨਾਲ ਮਨੁੱਖ ਨਿਰੋਗ ਜੀਵਨ ਅਤੇ ਦੇਸ਼ ਦੀ ਬੁਨਿਆਦ ਬਣਾ ਸਕਦਾ ਹੈ। ਇਸ ਮੌਕੇ ਸਮਾਗਮ ਨੂੰ ਹਸਪਤਾਲ ਦੇ ਪ੍ਰਬੰਧਕੀ ਨਿਰਦੇਸ਼ਕ ਸ੍ਰ. ਜਗਦੀਪ ਸਿੰਘ ਅਤੇ ਹੋਰਾਂ ਨੇ ਵੀ ਸੰਬੋਧਨ ਕੀਤਾ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਨਾਮਧਾਰੀ ਸੁਰਿੰਦਰ ਸਿੰਘ, ਸਿਵਲ ਸਰਜਨ ਡਾ. ਸੁਭਾਸ਼ ਬੱਤਾ, ਪੰਜਾਬ ਮੈਡੀਕਲ ਕੌਂਸਲ ਦੇ ਪ੍ਰਧਾਨ ਡਾ. ਡੀ. ਐੱਸ. ਗਰੇਵਾਲ ਅਤੇ ਹੋਰ ਪ੍ਰਮੱਖ ਸਖ਼ਸ਼ੀਅਤਾਂ ਵੀ ਹਾਜ਼ਰ ਸਨ।

Key hole operation with Stent

Mon, Sep 23, 2013 at 1:49 PM
Abdominal Aortic Aneurysm 

Dr Rajneesh Calton, Dr Anil Luther with their teams and Patients Amrik Singh

Ludhiana, 23rd September, 2013:(Shalu Arora and Rector Kathuria): Mr.Amrik Singh , a 78 year old gentleman had presented to Christian Medical College, Ludhiana Hospital in the OPD with pain in abdomen. An ultrasound and CT Angiogram has revealed an infra renal abdominal aortic aneurysm. Abdominal Aortic aneurysm is a dilatation of the main blood vessel of the abdomen which if ruptures patient can die in seconds because of massive bleeding. Due to his advanced age, open surgery was associated with very high risk. Therefore an EVAR ( Endovascular Aneurysm  Repair ) was done with a stent. This is a minimally invasive procedure by which an aortic stent is passed through the femoral arteries by making a small incision in the groin. This approach avoids a large abdominal incision and the patient can be discharged within few days.

This procedure was performed in our hospital by Dr.Rajneesh Calton (Cardiologist), Dr.Anil Luther (Vascular Surgeon) and their respective team members;Dr.Amit Mahajan, , Dr.Conosh Mathew, Dr.Rashmi, Dr. A.Speedie and Dr Pranay Pawar.

Many Such complex procedures by Endovascular repair (Balloon Angioplasty/ Stenting) of the blood vessels have been performed by the above said teams in Christians Medical College & Hospital, Ludhiana. 
Key hole operation with Stent