Showing posts with label Kusum Lata. Show all posts
Showing posts with label Kusum Lata. Show all posts

Thursday, March 08, 2018

ਇਸਤਰੀਆਂ ਦੇ ਮਾਲਵਾ ਸੈਂਟਰਲ ਕਾਲਜ ਵਿੱਚ ਮਨਾਇਆ ਗਿਆ ਸਾਇੰਸ ਡੇ

ਭਾਰਤ ਜਨ ਗਿਆਨ ਵਿਗਿਆਨ ਜੱਥਾ ਦੇ ਸਹਿਯੋਗ ਨਾਲ ਹੋਇਆ ਸੈਮੀਨਾਰ 
ਲੁਧਿਆਣਾ:: 7 ਮਾਰਚ 2018: (ਪੰਜਾਬ ਸਕਰੀਨ ਟੀਮ):: 
ਇਸਤਰੀਆਂ ਦੇ ਮਾਲਵਾ ਸੈਂਟਰਲ ਕਾਲਜ ਆਫ ਐਜੂਕੇਸ਼ਨ ਦੇ ਸਾਇੰਸ ਵਿਭਾਗ ਅਤੇ "ਭਾਰਤ  ਜਨ ਗਿਆਨ ਵਿਗਿਆਨ ਜੱਥਾ" ਅੱਜ ਸਾਇੰਸ ਡੇ ਬੜੇ ਜੋਸ਼ੋ ਖਰੋਸ਼ ਨਾਲ ਮਨਾਇਆ। ਇਸ ਮੌਕੇ ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਜੱਥੇ ਦੇ ਪਰ੍ਧਾਨ ਰਣਜੀਤ ਸਿੰਘ ਨੇ ਕਿਹਾ ਕਿ ਕੁਝ ਪਰ੍ਸਿੱਧ ਸੰਸਥਾਨ ਵਿਦਿਅਕ ਅਦਾਰੇ ਹੋਣ ਦੇ ਬਾਵਜੂਦ ਹਵਨਾਂ ਅਤੇ ਮੰਤਰਾਂ ਵਾਲਾ ਸਿਸਟਮ ਮਾਸੂਮ ਬੱਚਿਆਂ ਦੇ ਮਨਾਂ ਵਿੱਚ ਭਰ ਰਹੇ ਹਨ ਉਹ ਅਸਲ ਵਿੱਚ ਬੱਚਿਆਂ ਨੂੰ ਵਿਗਿਆਨ ਤੋਂ ਦੂਰ ਕਿਸੇ ਹੋਰ ਦੁਨੀਆ ਵੱਲ ਲਿਜਾ ਰਹੇ ਹਨ ਜਿਹੜੀ ਵਹਿਮਾਂ ਭਰਮਾਂ ਅਤੇ ਅੰਧ ਵਿਸ਼ਵਾਸ ਨਾਲ ਭਰੀ ਹੋਈ ਹੈ। ਮਿਹਨਤ ਅਤੇ ਸੱਚੀ ਵਿੱਦਿਆ ਤੋਂ ਬਿਨਾ ਕਦੇ ਕਿਸੇ ਨੂੰ ਸਫਲਤਾ ਨਹੀਂ ਮਿਲਿਆ। ਅੰਧ ਵਿਸ਼ਵਾਸਾਂ ਨਾਲ ਕਦੇ ਕਿਸੇ ਦਾ ਭਲਾ ਨਹੀਂ ਹੋਇਆ। 
ਅੱਜ ਦੇ ਸਮਾਗਮ ਦੀ ਸ਼ੁਰੂਆਤ ਸ਼ਬਦ ਗਾਇਨ ਨਾਲ ਹੋਈ ਜਦਕਿ ਸ਼ਮਾ ਰੌਸ਼ਨ ਦੀ ਰਸਮ ਕਾਲਜ ਦੀ ਪਰਿੰਸੀਪਲ ਡਾਕਟਰ ਨਗਿੰਦਰ ਕੌਰ ਨੇ ਅਦਾ ਕੀਤੀ। ਉਹਨਾਂ ਨੇ ਮਹਿਮਾਨਾਂ ਨੂੰ ਜੀ ਆਈਆਂ ਵੀ ਆਖਿਆ ਅਤੇ ਸਮਾਗਮ ਦੀ ਪ੍ਰਧਾਨਗੀ ਵੀ ਕੀਤੀ। ਜ਼ਿਲਾ ਸਾਇੰਸ ਸੁਪਰਵਾਈਜ਼ਰ ਸ਼ਰੀਮਤੀ ਬਲਵਿੰਦਰ ਕੌਰ ਇਸ ਸਮਾਗਮ ਸਮੇਂ ਮੁੱਖ ਮਹਿਮਾਨ ਸਨ ਜਦਕਿ ਕੌਂਸਲਰ ਪਰ੍ਭਜੋਤ ਕੌਰ ਵਿਸ਼ੇਸ਼ ਮਹਿਮਾਨ ਵੱਜੋਂ ਸ਼ਾਮਲ ਹੋਏ।  
ਇਸ ਮੌਕੇ ਜਿੱਥੇ ਇੱਕ ਸ਼ਾਨਦਾਰ ਪਰਦਰਸ਼ਨੀ ਲਗਾਈ ਗਈ ਉੱਥੇ ਇੱਕ ਯਾਦਗਾਰੀ ਭਾਸ਼ਣ ਮੁਕਾਬਲਾ ਵੀ ਹੋਇਆ ਜਿਸ ਵਿਚ ਵਿਦਿਆਰਥੀ ਵਰਗ ਨੇ ਆਪਣੀ ਪ੍ਰਤਿਭਾ ਦਿਖਾਈ। ਇਸ ਮੁਕਾਬਲੇ ਵਿੱਚ ਛੇ ਵਿਦਿਆਰਥੀਆਂ ਨੇ ਭਾਗ ਲਿਆ। ਭਾਰਤ ਜਨ ਗਿਆਨ ਵਿਗਿਆਨ ਜੱਥੇ ਦੇ ਪ੍ਰਧਾਨ ਰਣਜੀਤ ਸਿੰਘ ਨੇ ਭਾਰਤੀ ਨੋਬਲ ਪੁਰਸਕਾਰ ਵਿਜੇਤਾ ਸੀ ਵੀ ਰਮਨ ਦੀ ਜ਼ਿੰਦਗੀ ਬਾਰੇ ਜਾਣਕਾਰੀ ਦਿੱਤੀ। ਜੱਥੇ ਦੇ ਹੀ ਅਰਗੇਨਾਈਜ਼ਿੰਗ ਸਕੱਤਰ ਸਕੱਤਰ ਸਰੋਤਿਆਂ ਨੂੰ ਡਾਰਵਿਨ ਦੀ ਸਮਾਜ ਨੂੰ ਦੇਣ ਬਾਰੇ ਜਾਣੂ ਕਰਾਇਆ।  ਉਹਨਾਂ ਇਨਸਾਨ ਦੇ ਮੂਲ ਅਤੇ ਇਸਦੇ ਵਿਕਸਿਤ ਹੋਣ ਬਾਰੇ ਡਾਰਵਿਨ ਦੇ ਸਿਧਾਂਤ ਬਾਰੇ ਦੱਸਿਆ। 
ਸਰਕਾਰੀ ਹੈ ਸਕੂਲ ਸਰਾਭਾ ਨਗਰ ਦੀ ਕੌਮੀ ਐਵਾਰਡ ਜੇਤੂ ਪਰਿੰਸੀਪਲ ਕੁਸਮ ਲਤਾ ਨੇ ਵੀ ਚਾਰਲਿਸ ਡਾਰਵਿਨ ਦੀ ਜ਼ਿੰਦਗੀ ਬਾਰੇ ਦੱਸਿਆ ਕਿ ਕਿਵੇਂ ਮੌਜ਼ੂਓਂਦਾ ਥਿਊਰੀਆਂ ਨੇ ਵੀ ਡਾਰਵਿਨ ਦੇ ਸਿਧਾਂਤ ਦੀ ਹੀ ਪੁਸ਼ਟੀ ਕੀਤੀ ਹੈ। 
ਹਰਪਰੀਤ ਕੌਰ ਅਤੇ ਸ਼ੀਨਮ ਨੇ ਇਸ ਸਮਾਗਮ ਵਿੱਚ ਇੱਕ ਸ਼ਾਨਦਾਰ ਪੇਸ਼ਕਾਰੀ ਵੀ ਕੀਤੀ ਜਿਹੜੀ ਕਿ ਕੁਦਰਤੀ ਸੋਮਿਆਂ ਦੀ ਸਾਂਭ ਸੰਭਾਲ ਅਤੇ ਇਹਨਾਂ ਦੇ ਨਸ਼ਟ ਹੋਣ ਦੇ ਦੁਖਦਾਈ ਵਰਤਾਰੇ ਬਾਰੇ ਸੀ।  ਇਸਨੂੰ ਦੇਖ ਕੇ ਹਾਲ ਵਿੱਚ ਮੌਜੂਦ ਸਰੋਤੇ ਹੈਰਾਨ ਰਹੀ ਗਏ। ਇਹ ਪੇਸ਼ਕਾਰੀ ਉਹਨਾਂ ਦੇ ਦਿਲਾਂ ਨੂੰ ਹਿਲਾ ਦੇਣ ਵਾਲੀ ਸੀ। 
ਮੈਡਮ ਬਲਵਿੰਦਰ ਕੌਰ ਨੇ ਸਾਡੀ ਰੋਜ਼ਾਨਾ ਜ਼ਿੰਦਗੀ ਵਿੱਚ ਵਿਗਿਆਨ ਦੀ ਅਹਿਮੀਅਤ ਬਾਰੇ ਦੱਸਿਆ। ਉਹਨਾਂ ਵਿਦਿਆਰਥੀ ਵਰਗ ਵਿੱਚ ਵਿਗਿਆਨਕ ਸੋਚ ਪੈਦਾ ਕਰਨ ਤੇ ਵੀ ਜ਼ੋਰ ਦਿੱਤਾ। 
ਇਸ ਮੌਕੇ ਇੱਕ ਸਕਿੱਟ ਵੀ ਪੇਸ਼ ਕੀਤੀ ਗਈ ਜਿਸ ਵਿੱਚ ਅੰਧਵਿਸ਼ਵਾਸਾਂ ਕਾਰਨ ਪੈਦਾ ਹੁੰਦੇ ਬਖੇੜਿਆਂ ਵੱਲ ਬੜੀ ਸਫਲਤਾ ਨਾਲ ਇਸ਼ਾਰਾ ਕੀਤਾ ਗਿਆ। ਇਸ ਸਕਿੱਟ ਵਿੱਚ ਦੱਸਿਆ ਗਿਆ ਕਿ ਵਿਗਿਆਨ ਅਤੇ ਵਿਗਿਆਨਕ ਚੇਤਨਾ ਦੀ ਲੋੜ ਸਾਨੂੰ ਕਦਮ ਕਦਮ 'ਤੇ ਪੈਂਦੀ ਹੈ। ਵਿਦਿਆਰਥੀਆਂ ਦੀ ਇਸ ਪੇਸ਼ਕਾਰੀ ਨੇ ਵਿਗਿਆਨ ਬਾਰੇ ਬਹੁਤ ਹੀ ਖੂਬਸੂਰਤੀ ਨਾਲ ਚਾਨਣਾ ਪਾਇਆ। 
ਅਖੀਰ ਵਿੱਚ ਡਾਕਟਰ ਮਨਦੀਪ ਕੌਰ ਨੇ ਆਏ ਸਰੋਤਿਆਂ ਦਾ ਇਸ ਸਫਲ ਆਯੋਜਨ ਲਈ ਧੰਨਵਾਦ ਕੀਤਾ। 
ਭਾਸ਼ਣ ਮੁਕਾਬਲਿਆਂ ਦੇ ਨਤੀਜੇ ਇਸ ਪ੍ਰ੍ਕਾਰ  ਰਹੇ:
ਹਰਨੀਤ ਕੌਰ------ਪਹਿਲੇ ਨੰਬਰ 'ਤੇ 
ਚਾਂਦਨੀ ---------ਦੂਜੇ ਨੰਬਰ 'ਤੇ 
ਅਰਸ਼ਦੀਪ ਕੌਰ---ਤੀਜੇ ਨੰਬਰ 'ਤੇ 
ਕੁਲ ਮਿਲਾ ਕੇ ਵਿਗਿਆਨਕ ਚੇਤਨਾ ਜਗਾਉਣ ਵਿੱਚ ਇਹ ਇੱਕ ਸਫਲ ਸਮਾਗਮ ਸੀ। 

Friday, October 13, 2017

ਭਾਜਗਵਿਜ ਵੱਲੋਂ ਪ੍ਰਦੂਸ਼ਣ ਮੁਕਤ ਦੀਵਾਲੀ ਦਾ ਸੱਦਾ

ਨਾ ਕੋਈ ਹਾਦਸਾ-ਨਾ ਕੋਈ ਰੋਗ-ਖੁਸ਼ੀਆਂ ਵਿੱਚ ਨਾ ਹੋਵੇ ਸੋਗ 
ਲੁਧਿਆਣਾ: 12 ਅਕਤੂਬਰ 2017: (ਪੰਜਾਬ ਸਕਰੀਨ ਬਿਊਰੋ):: 
ਹਰ ਵਾਰ ਦੀਵਾਲੀ ਵਾਲੀ ਰਾਤ ਲੱਗਦੀਆਂ ਅੱਗਾਂ ਅਤੇ ਹੋਰ ਹਾਦਸਿਆਂ ਤੋਂ ਚਿੰਤਿਤ ਹੋਏ ਭਾਰਤ ਜਨ ਗਿਆਨ ਵਿਗਿਆਨ ਜੱਥਾ ਨੇ ਅਪੀਲ ਕੀਤੀ ਹੈ ਕਿ ਇਸ ਵਾਰ ਪ੍ਰਦੂਸ਼ਣ ਮੁਕਤ ਦੀਵਾਲੀ ਮਨਾਈ ਜਾਏ। ਨਾ ਭਾਰੀ ਭਰਕਮ ਬਾਰੂਦ ਵਾਲੇ ਪਟਾਕਿਆਂ ਨਾਲ ਇੱਕ ਦੂਜੇ ਤੋਂ ਜ਼ਿਆਦਾ ਸ਼ੋਰ ਪਾਉਣ ਦੀ ਰੇਸ ਲਾਇ ਜਾਏ ਅਤੇ ਨਾ ਹੀ ਲੋਕਾਂ   ਦੀਆਂ ਅੱਖਾਂ, ਕੰਨਾਂ ਅਤੇ ਗਲੇ ਨੂੰ ਨੁਕਸਾਨ ਪਹੁੰਚਾਇਆ ਜਾਏ। ਇਸ ਮਕਸਦ ਲਈ ਅੱਜ ਮੈਡਮ ਕੁਸਮ ਲਤਾ, ਡਾਕਟਰ ਗੁਰਚਰਨ ਕੌਰ ਕੋਚਰ, ਪ੍ਰਦ੍ਵਨ ਰਣਜੀਤ ਸਿੰਘ, ਸੀਨੀਅਰ ਮੈਂਬਰ ਇੰਦਰ ਸਿੰਘ ਸੋਢੀ, ਅਮ੍ਰਿਤਪਾਲ ਸਿੰਘ ਅਤੇ ਪ੍ਰਦੀਪ ਸ਼ਰਮਾ 'ਤੇ ਅਧਾਰਿਤ ਇਕ ਵਫਦ ਜ਼ਿਲਾ ਸਿੱਖਿਆ ਅਧਿਕਾਰੀ (ਸੈਕੰਡਰੀ) ਮੈਡਮ ਸਵਰਨਜੀਤ ਕੌਰ ਅਤੇ ਹੋਰਨਾਂ ਅਧਿਕਾਰੀਆਂ ਨੂੰ ਵੀ ਮਿਲਿਆ। 
ਭਾਰਤ ਜਨ ਗਆਨ ਵਿਗਿਆਨ ਜੱਥਾ ਲੁਧਿਆਣਾ ਦਾ ਇੱਕ ਡੈਪੂਟੇਸ਼ਨ ਜ਼ਿਲਾ ਸਿਖਿਆ ਅਫਸਰਾਂ ਨੂੰ ਮਿਲਿਆ ਅਤੇ ਉਹਨਾਂ ਨੂੰ ਇੱਕ ਮੰਗ ਪੱਤਰ ਦੇ ਕੇ ਮੰਗ ਕੀਤੀ ਕਿ ਜ਼ਿਲੇ ਦੇ ਸਾਰੇ ਸਕੂਲਾਂ ਨੂੰ ਹਿਦਾਇਤ ਕਰਨ ਕਿ ਬੱਚਿਆਂ ਨੂੰ ਦਿਵਾਲੀ ਦੇ ਮੌਕੇ ਤੇ ਪਟਾਕਿਆਂ ਤੇ ਹਰ ਆਤਿਸ਼ਬਾਜ਼ੀ ਦੇ ਨਾਲ ਫੈਲਣ ਵਾਲੇ ਪ੍ਰਦੂਸ਼ਣ ਬਾਰੇ ਜਣਕਾਰੀ ਦੇਣ ਅਤੇ ਬੱਚਿਆਂ ਨੂੰ ਹਰੀ ਦਿਵਾਲੀ ਮਨਾਉਣ ਦੇ ਲਈ ਉਤਸ਼ਾਹਿਤ ਕਰਨ।
ਇਸ ਡੈਪੂਟੇਸ਼ਨ ਦੀ ਅਗਵਾਈ ਜੱਥਾ ਦੇ ਪ੍ਰਧਾਨ ਸ: ਰਣਜੀਤ ਸਿੰਘ ਨੇ ਕੀਤੀੇ ਉਹਨਾਂ ਤੋ  ਇਲਾਵਾ ਇਸ ਵਿੱਚ ਸ਼ਾਮਿਲ ਸਨ, ਡਾ: ਗੁਰਚਰਨ ਕੋਚਰ, ਇੰਦਰਜੀਤ ਸਿੰਘ ਸੋਢੀ, ਸ਼੍ਰੀਮਤੀ ਕੁਸੁਮ ਲਤਾ, ਮਨਜੀਤ ਸਿੰਘ ਮਹਿਰਮ, ਸਵਰੂਪ ਸਿੰਘ, ਅਮਿ੍ਰਤਪਾਲ ਸਿੰਘ, ਅਵਤਾਰ ਛਿੱਬੜ, ਬੀ ਐਸ ਢੱਟ, ਮੇਘਨਾਥ, ਭਜਨ ਸਿੰਘ, ਰੈਕਟਰ ਕਥੂਰੀਆ,ਅਤੇ ਪਰਦੀਪ ਸ਼ਰਮਾ।    ਇਸ ਮੌਕੇ ਤੇ ਜਾਰੀ ਬਿਆਨ ਵਿੱਚ  ਜੱਥਾ ਦੇ ਜਨਰਲ ਸਕੱਤਰ ਡਾ: ਅਰੁਣ ਮਿੱਤਰਾ ਨੇ ਕਿਹਾ ਕਿ ਦਿਵਾਲੀ ਦੇ ਮੌਕੇ ਅਸੀ ਪਟਾਕੇ ਵਜਾਉਂਦੇ ਹਾਂ ਅਤੇ ਸ਼ੋਰ ਤੇ ਧੂਆਂ ਪੈਦਾ ਕਰਦੇ ਹਾਂ। ਪਟਾਕਿਆਂ ਦੇ ਨਾਲ ਪੈਦਾ ਹੋਣ ਵਾਲੇ ਪ੍ਰਦੂਸ਼ਣ ਬਾਰੇ ਜਾਣਕਾਰੀ ਦਿੰਦਿਆਂ ਉਹਨਾਂ ਨੇ ਕਿਹਾ ਕਿ ਤੇਜ਼ ਬੰਬ 142 ਡੈਸੀਬਲ ਤੱਕ ਅਵਾਜ਼ ਪੈਦਾ ਕਰਦੇ ਹਨ ਜਿਸਦੇ ਨਾਲ ਕੰਨ ਸਦਾ ਲਈ ਵੀ ਬੋਲੇ ਹੋ ਸਕਦੇ ਹਨ। ਆਮ ਕਰਕੇ ਅਸੀਂ 50 ਡੈਸੀਬਲ ਦੇ ਕਰੀਬ ਅਵਾਜ਼ ਵਿੱਚ ਗੱਲ ਬਾਤ ਕਰਦੇ ਹਾਂ। ਧੂਏਂ ਦੇ ਨਾਲ ਫ਼ੇਫ਼ੜਿਆਂ ਦੀਆਂ ਅਤੇ ਸਾਹ ਦੀ ਨਾਲੀ ਦੀਆਂ ਅਨੇਕਾਂ ਬੀਮਾਰੀਆਂ ਲਗਦੀਆਂ ਹਨ। ਜੱਥੇ ਦੇ ਪ੍ਰਧਾਨ ਰਣਜੀਤ ਸਿੰਘ  ਨੇ ਜੱਥੇ ਵਲੋਂ ਪਿਛਲੇ 25 ਸਾਲਾਂ ਤੋਂ ਵਾਤਾਵਰਣ ਦੀ ਸੰਭਾਲ ਲਈ ਚਲਾਈ ਜਾ ਰਹੀ ਜਨ ਚੇਤਨਾ ਮੁਹਿੰਮ ਬਾਰੇ ਜਾਣਕਾਰੀ ਦਿੱਤੀ। ਉਹਨਾਂ ਨੇ ਕਿਹਾ ਕਿ ਦਿੱਲੀ ਵਿੱਚ ਪਟਾਕਿਆਂ ਤੇ ਪਾਬੰਦੀ ਲਾਉਣਾ ਇੱਕ ਸ਼ਲਾਘਾਯਗ ਕਦਮ ਹੈ ਪਰ ਇਹ ਸਾਰਾ ਪਟਾਕਾ ਪੰਜਾਬ ਵਿੱਚ ਸਸਤੇ ਭਾਅ ਵਿੱਚ ਵਿਕ ਰਿਹਾ ਹੈ। ਪਟਾਕਿਆਂ ਦੇ ਬਣਾਉਣ ਤੇ ਹੀ ਪਾਬੰਦੀ ਹੌਣੀ ਚਾਹੀਦੀ ਹੈ। ਜੱਥਾ ਦੇ ਜੱਥੇਬੰਦਕ ਸਕੱਤਰ ਸ਼੍ਰੀ ਮਨਿੰਦਰ ਸਿੰਘ ਭਾਟੀਆ ਨੇ ਕਿਹਾ ਕਿ ਕੁਦਰਤ ਨੇ ਹਰ ਚੀਜ਼ ਦਾ ਸੰਤੁਲਨ ਬਣਾ ਕੇ ਰਖਿਆ ਹੈ। ਪਰ ਮਨੱੁਖ ਨੇ ਆਪਣੇ ਸੁਆਰਥਾਂ ਦੇ ਲਈ ਇਸਨੂੰ ਵਿਗਾੜ ਦਿੱਤਾ ਹੈ ਜਿਸਦਾ ਖ਼ਮਿਆਜ਼ਾ ਸਾਨੂੰ ਵੱਖ ਵੱਖ ਕੁਦਰਤੀ ਅਫ਼ਤਾਂ ਦੇ ਰੂਪ ਵਿੱਚ ਭੁਗਤਣਾ ਪੈ ਰਿਹਾ ਹੈ।
ਇਸ ਜੱਥੇ ਨਾਲ ਜੁੜਨ ਲਈ ਸੰਪਰਕ ਕਰ ਸਕਦੇ ਹੋ-ਐਮ ਐਸ ਭਾਟੀਆ ਹੁਰਾਂ ਨਾਲ ਜਿਹੜੇ ਇਸ ਭਾਰਤ ਜਨ ਗਿਆਨ ਵਿਗਿਆਨ ਜੱਥਾ ਦੇ ਜੱਥੇਬੰਦਕ ਸਕੱਤਰ ਹਨ। ਉਹਨਾਂ ਦਾ ਸੰਪਰਕ ਨੰਬਰ ਹੈ:  9988491002
  

Monday, June 06, 2016

ਬੁੱਢੇ ਨਾਲੇ ਦੀ ਸਫ਼ਾਈ ਤੋਂ ਬਿਨਾ ਸਮਾਰਟ ਸਿਟੀ ਦੀਆਂ ਗੱਲਾਂ ਬੇਮਾਹਣੀਆਂ

Mon, Jun 6, 2016 at 3:18 PM
ਪ੍ਰਦੂਸ਼ਨ ਤੋਂ ਬਚਾਉਣ ਦੇ ਲਈ ਪ੍ਰਸ਼ਾਸਨ ਸਖਤ ਚੁੱਕੇ-ਐਮ ਐਸ ਭਾਟੀਆ 

ਲੁਧਿਆਣਾ: 6 ਜੂਨ 2016: (ਪੰਜਾਬ ਸਕਰੀਨ ਬਿਊਰੋ):
ਜੱਲ ਹੈ ਤਾਂ ਕੱਲ ਹੈ ਵਿਸ਼ੇ ਤੇ ਭਾਰਤ ਜਨ ਗਿਆਨ ਵਿਗਿਆਨ ਜੱਥਾ ਵੱਲੋਂ ਹਰ ਸਾਲ ਦੀ ਤਰਾਂ ਵਿਸ਼ਵ ਵਾਤਾਵਰਨ ਦਿਵਸ ਨੂੰ ਸਮਰਪਿਤ ਜਨਤਕ ਸਮਾਗਮ ਦੇ ਮੌਕੇ ਤੇ ਲੋਕਾਂ ਨੇ ਨਗਰ ਵਿੱਚ ਬੁੱਢੇ ਨਾਲੇ ਦੇ ਕਾਰਨ ਹੋ ਰਹੇ ਪਾਣੀ ਦੇ ਪ੍ਰਦੂਸ਼ਨ ਤੇ ਕਾਬੂ ਪਾਉਣ ਵਿੱਚ ਪ੍ਰਸ਼ਾਸਨ ਦੀ ਅਸਫ਼ਲਤਾ ਤੇ ਡੂੰਘੀ ਚਿੰਤਾ ਦਾ ਪ੍ਰਗਟਾਵਾ ਕੀਤਾ। ਵੱਖ ਵੱਖ ਬੁਲਾਰਿਆਂ ਨੇ ਇਸ ਮੌਕੇ ਤੇ ਬੋਲਦਿਆਂ ਕਿਹਾ ਕਿ ਜਿਵੇ  ਹੀ ਬੁੱਢਾ ਦਰਿਆ ਸ਼ਹਿਰ ਦੀ ਹੱਦ ਅੰਦਰ ਦਾਖ਼ਲ ਹੁੰਦਾ ਹੈ ਇਸ ਵਿੱਚ ਉਦਯੋਗਿਕ ਅਤੇ ਘਰੇਲੂ ਕੂੜੇ ਦੇ ਕਾਰਨ ਜ਼ਹਿਰੀਲਾ ਪ੍ਰਦੂਸ਼ਣ ਹੋਣ ਲੱਗ ਜਾਂਦਾ ਹੈ ਜੋ ਕਿ ਆਲੇ ਦੁਆਲੇ ਦੇ ਧਰਤੀ ਹੇਠਲੇ ਪਾਣੀ ਵਿੰਚ ਮਿਲ ਕੇ ਲੋਕਾਂ ਦੀ ਸਿਹਤ ਤੇ ਬੁਰਾ ਅਸਰ ਪਾ ਰਿਹਾ ਹੈ। ਇਸਦੀ ਸਫ਼ਾਈ ਲਈ ਬਣੀ ਸਤਲੁਜ ਐਕਸ਼ਨ ਪਲੈਨ ਤੇ ਲੋਕਾਂ ਨੂੰ  ਬੜੀਆਂ ਆਸਾਂ ਸਨ ਪਰ ਇਹ ਬੇਨਤੀਜਾ ਰਹੀ। 
ਇਸ ਮੌਕੇ ਬੋਲਦਿਆਂ ਜੱਥਾ ਦੇ ਪ੍ਰਧਾਨ ਮੇਜਰ ਸ਼ੇਰ ਸਿੰਘ ਔਲਖ  ਨੇ ਕਿਹਾ ਕਿ ਸਤਲੁਜ ਐਕਸ਼ਨ ਪਲੈਨ ਦੀ ਦੇਖ ਰੇਖ ਲਈ ਪੀ ਰਾਮ ਕੇਟੀ ਦਾ ਗਠਨ ਕੀਤਾ ਗਿਆ ਸੀ ਜਿਸ ਵਿੱਚ ਭਾਰਤ ਜਨ ਗਿਆਨ ਵਿਗਿਆਨ ਜੱਥਾ ਵੱਲੋਂ ਇਸਦੇ ਉੱਪ ਪ੍ਰਧਾਨ ਸ਼੍ਰੀ ਕ੍ਰਿਸ਼ਨ ਲਾਲ ਮਲਿਕ ਨੇ ਤਨਦੇਹੀ ਨਾਲ ਇਸਦੀ ਕਾਮਯਾਬੀ ਲਈ  ਪੂਰੀ ਭੂਮਿਕਾ ਨਿਭਾਈ ਸੀ।  ਪਰ ਸਰਕਾਰ ਬਦਲਣ ਉਪਰੰਤ ਇਸ ਕਮੇਟੀ ਦਾ ਬਿਸਤਰਾ ਗੋਲ ਕਰ ਦਿੱਤਾ ਗਿਆ।  ਇਸਦੇ ਤਹਿਤ ਤਿੰਨ ਸੀਵਰੇਜ ਟਰੀਟਮੈਂਟ ਪਲਾਂਟ ਅਤੇ ਪੰਜ ਗਰੀਨ ਬ੍ਰਿਜ ਬਣਾਏ ਗਏ। ਪਰ ਇਹਨਾਂ ਦੀ ਕਾਰਗੁਜਾਰੀ ਤੱਸਲੀ ਬਖ਼ਸ਼ ਨਹੀਂ ਹੈ।  ਟਰੀਟਮੈਂਟ ਪਲਾਂਟਾਂ ਵੱਲੋਂ ਸਾਫ਼ ਕੀਤੇ ਪਾਣੀ ਦੀ ਸਹੀ ਵਰਤੋ ਨਹੀਂ ਕੀਤੀ ਜਾ ਰਹੀ ਸਗੋਂ ਉਸਨੂੰ ਦੁਬਾਰਾ ਬੁੱਢੇ ਨਾਲੇ ਵਿੱਚ ਪਾਇਆ ਜਾ ਰਿਹਾ ਹੈ।  ਇਸ ਪਾਣੀ ਨੂੰ ਖੇਤੀਬਾੜੀ, ਪਾਰਕਾਂ ਨੂੰ ਪਾਣੀ ਦੇਣ ਦੇ ਲਈ, ਤੇ ਫ਼ਾਇਰ ਬ੍ਰਿਗੇੜ ਦੀਆਂ ਗੱਡੀਆਂ ਭਰਨ ਆਦਿ ਦੇ ਲਈ ਵਰਤਿਆ ਜਾਣਾ ਚਾਹੀਦਾ ਹੈ। 
ਜੱਥਾ ਦੇ ਸਕੱਤਰ ਡਾ: ਰਜਿੰਦਰ ਪਾਲ ਸਿੰਘ ਔਲਖ ਨੇ ਮੰਗ ਕੀਤੀ ਕਿ ਬੁੱਢੇ ਨਾਲੇ ਦੇ ਪ੍ਰਦੂਸ਼ਨ ਦੀ ਰੋਕਥਾਮ ਲਈ ਹੋ ਰਹੇ ਕੰਮ ਦੀ ਦੇਖ ਰੇਖ ਲਈ ਸ਼ਹਿਰੀਆਂ ਦੀ ਕਮੇਟੀ ਬਣਾਈ ਜਾਵੇ ਅਤੇ ਉਸਦੀ ਹਰ ਮਹੀਨੇ ਮੀਟਿੰਗ ਹੋਵੇ। 
ਜੱਥੇਬੰਦਕ ਸਕੱਤਰ ਐਮ ਐਸ ਭਾਟੀਆ ਨੇ ਕਿਹਾ ਕਿ ਪਾਣੀ ਨੂੰ ਪ੍ਰਦੂਸ਼ਨ ਤੋਂ ਬਚਾਉਣ ਦੇ ਲਈ ਪ੍ਰਸ਼ਾਸਨ ਨੂੰ ਸਖ਼ਤ ਕਦਮ ਉਠਾਉਣੇ ਚਾਹੀਦੇ ਹਨ ਤੇ ਲੋਕਾਂ ਨੂੰ ਸੁਚੇਤ ਕਰਨ ਦੇ ਨਾਲ ਨਾਲ ਦੋਸ਼ੀਆਂ ਨੂੰ ਸਖ਼ਤ ਸਜ਼ਾਵਾਂ ਦਿੱਤੀਆਂ ਜਾਣ ਦੀ ਲੋੜ ਹੈ।  ਇਸ ਕੰਮ ਦੇ ਲਈ ਇਸ ਵਿਸ਼ੇ ਤੇ ਕੰਮ ਕਰ ਰਹੀਆਂ ਸਮਾਜ ਸੇਵੀ ਸੰਸਥਾਵਾਂ ਨੂੰ ਨਾਲ ਲੈ ਕੇ ਕੰਮ ਕਰਨ ਦੀ ਲੋੜ ਹੈ।  ਇਹ ਦੁੱਖ ਦੀ ਗੱਲ ਹੈ ਕਿ ਨਗਰ ਨਿਗਮ ਦੇ ਬਹੁਤ ਸਾਰੇ ਟਿਊਬ ਵੈਲ ਬੁੱਢੇ ਨਾਲੇ ਦੇ ਕਿਨਾਰਿਆਂ ਤੇ ਲੱਗੇ ਹੋਏ ਹਨ ਤੇ ਇਹਨਾਂ ਦਾ ਪਾਣੀ ਲੋਕਾਂ ਨੂੰ ਸਪਲਾਈ ਕੀਤਾ ਜਾ ਰਿਹਾ ਹੈ।  ਨਾਲੇ ਪ੍ਰਦੂਸ਼ਨ ਨੂੰ ਰੋਕਣ ਦੇ ਲਈ ਇਸ ਵਿੱਚ ਸਿੱਧੇ ਤੌਰ ਤੇ ਪੈਂਦੇ ਸੀਵਰੇਜ ਦੇ ਪਾਣੀ ਨੂੰ ਬੰਦ ਕੀਤਾ ਜਾਏ। ਨਾਲੇ ਦੇ ਦੋਹਾਂ ਪਾਸੇ ਸੜਕ ਬਣਾ ਕੇ ਬੂਟੇ ਲਾਏ ਜਾਣ। 
ਇਸ ਮੌਕੇ ਬੋਲਦਿਆਂ ਬੇਲਨ ਬ੍ਰਿਗੇਡ ਦੀ ਪ੍ਰਧਾਨ ਅਨੀਤਾ ਸਰਮਾ ਨੇ ਕਿਹਾ ਕਿ ਮੁਢਲੀਆਂ ਸੇਵਾਵਾਂ ਅਤੇ ਬੁੱਢੇ ਨਾਲੇ ਦੀ ਸਫਾਈ ਤੋ ਬਿਨਾ ਸਮਾਰਟ ਸਿਟੀ ਦਾ ਕੋਈ ਮਹੱਤਵ ਨਹੀਂ।
ਲੈਟਸ ਕਲੀਨ ਲੁਧਿਆਣਾ ਟ੍ਰਸਟ ਵਲੋ ਕਰਨਲ ਗਿੱਲ ਨੇ ਆਰ ਓ ਦੀ ਵਰਤੋ ਕਰਨ ਵਲਿਆਂ ਨੂੰ ਸੁਚੇਤ ਕੀਤਾ। 
ਲੜਕੀਆਂ ਦੇ ਸਰਕਾਰੀ ਕਾਲਿਜ ਦੇ ਫਾਈਨ ਆਰਟਸ ਦੇ ਲੈਕਚਰਾਰ ਪ੍ਰਵੀਨ ਕੁਮਾਰ ਅਤੇ ਉਹਨਾਂ ਦੇ ਸਾਥੀਆਂ ਨੇ ਮੌਕੇ ਤੇ 40 ਫੁਟ ਪੇਂਟਿੰਗ ਬਣਾ ਕੇ ਵਾਤਾਵਰਣ ਦਿਵਸ ਦੇ ਮੌਕੇ ਤੇ ਪ੍ਰਦਰਸਿਤ ਕੀਤਾ।
ਜੱਥੇ ਦੇ ਅਹੁਦੇਦਾਰਾਂ ਵੱਲੋਂ ਨਗਰ ਨਿਗਮ ਦੇ ਵਧੀਕ ਕਮਿਸ਼ਨਰ ਸ਼੍ਰੀ ਦੇਵਿੰਦਰ ਸਿੰਘ ਨੂੰ ਨਗਰ ਦੇ ਵਾਤੇਵਰਣ ਤੇ ਖਾਸ ਤੌਰ ਤੇ ਪਾਣੀ ਦੇ ਪ੍ਰਦੂਸ਼ਣ ਦੇ ਮਸਲੇ ਅਤੇ ਇਸਦੇ ਹੱਲ ਬਾਬਤ ਇੱਕ  ਮੰਗ ਪੱਤਰ ਦਿੱਤਾ ਗਿਆ।  ਵਧੀਕ ਕਮਿਸ਼ਨਰ ਸ਼੍ਰੀ ਦੇਵਿੰਦਰ ਸਿੰਘ ਨੇ ਆਪਣੇ ਭਾਸ਼ਣ ਵਿੱਚ ਕਿਹਾ ਕਿ ਉਠਾਏ ਗਏ ਮਸਲੇ ਉੱਚੇਚੇ ਧਿਆਨ ਮੰਗਦੇ ਹਨ। ਉਹਨਾਂ ਕਿਹਾ ਕਿ ਅਸੀ ਸ਼ਹਿਰੀਆਂ ਦੀ ਮਦਦ ਨਾਲ ਪਹਿਲਾਂ ਹੀ ਪ੍ਰਦੂਸ਼ਣ ਦੀ ਰੋਕਥਾਮ ਲਈ ਮੁਹਿੰਮ ਸ਼ੁਰੂ ਕੀਤੀ ਹੋਈ ਹੈ। ਭਾਰਤ ਜਨ ਗਿਆਨ ਵਿਗਿਆਨ ਜੱਥੇ ਦਾ ਇਹ ਉੱਦਮ ਸ਼ਲਾਘਾਯੋਗ ਹੈ।  
ਕੌਮੀ ਪੁਰਸਕਾਰ ਜੇਤੂ ਮੁਖ ਅਧਿਆਪਿਕਾ ਕੁਸੁਮ ਲਤਾ ਨੇ ਪਾਣੀ ਦੇ ਮੀਂਹ ਦੇ ਪਾਣੀ ਦੀ ਸੰਭਾਲ ਅਤੇ ਵਰਤੋਂ ਤੇ ਜੋਰ ਦਿੱਤਾ। ਉਹਨਾਂ ਵੱਲੋਂ ਸਰਕਾਰੀ ਹਾਈ ਸਕੂਲ ਸਰਾਭਾ ਨਗਰ ਦੇ ਬੱਚਿਆਂ ਵੱਲੋਂ ਵਾਤਾਵਰਣ ਦੀ ਸੰਭਾਲ ਤੇ ਇੱਕ ਨਾਟਕ ਪੇਸ਼ ਕੀਤਾ।
ਕੌਮੀ ਪੁਰਸਕਾਰ ਜੇਤੂ ਮੁਖ ਅਧਿਆਪਕ (ਰਿਟਾ:) ਰਣਜੀਤ ਸਿੰਘ ਨੇ ਬੱਚਿਆਂ ਦਾ ਵਾਤਾਵਰਣ ਤੇ ਅਧਾਰਿਤ ਕਵਿਜ਼ ਮੁਕਾਬਲਾ ਕਰਵਾਇਆ ਤੇ ਜੇਤੂ ਬੱਚਿਆਂ ਨੂੰ ਇਨਾਮ ਦਿੱਤੇ। 
ਇਸ ਸੰਬੰਧ ਵਿੱਚ ਵੱਖ ਵੱਖ ਸਕੂਲਾਂ ਵਿੱਚ ਪਾਣੀ ਦੀ ਸੰਭਾਲ ਵਿਸ਼ੇ ਤੇ ਪੇਂਟਿੰਗ ਮੁਕਾਬਲੇ ਕਰਵਾਏ ਗਏ ਤੇ ਹਰ ਸਕੂਲ ਦੀਆਂ ਪਹਿਲੀਆਂ ਤਿੰਨ ਬੇਹਤਰੀਨ ਪੇਂਟਿੰਗਾਂ ਨੂੰ ਇਨਾਮ ਦਿੱਤੇ ਗਏ ਤੇ ਪੋਸਟਰ ਵੀ ਪ੍ਰਦਰਸ਼ਿਤ ਕੀਤੇ ਗਏ। 
ਸੁਰਿੰਦਰ ਕੁਮਾਰ ਨੇ ਵਾਤਾਵਰਣ ਦੇ ਸੰਬੰਧ ਵਿੱਚ ਕਵਿਤਾ ਪੜੀ।
ਇਸ ਮੌਕੇ ਤੇ ਵਾਤਾਵਰਣ ਦੀ ਸੰਭਾਲ ਲਈ ਕੰਮ ਕਰ ਰਹੀਆਂ ਬਹੁਤ ਸਾਰੀਆਂ ਜੱਥੇਬੰਦੀਆਂ ਨੇ ਭਾਰਤ ਜਨ ਗਿਆਨ ਵਿਗਿਆਨ ਜੱਥਾ ਦੇ ਉਦਮਾਂ ਦੀ ਸ਼ਲਾਘਾ ਕੀਤੀ। 
ਹੋਰਨਾਂ ਤੋਂ ਇਲਾਵਾ ਇਸ ਮੌਕੇ ਤੇ  ਕੌਮੀ ਪੁਰਸਕਾਰ ਜੇਤੂ ਅਧਿਆਪਿਕਾ ਡਾ: ਗੁਰਚਰਨ ਕੋਚਰ, ਪਰਦੀਪ ਸ਼ਰਮਾ, ਇੰਜ: ਐਸ ਪੀ ਸਿੰਘ, ਅਮ੍ਰਿਤਪਾਲ ਸਿੰਘ, ਕ੍ਰਿਸਨ ਲਾਲ ਮਲਿਕ, ਇੰਦਰਜੀਤ ਸਿੰਘ ਸੋਢੀ, ਰਾਧਿਕਾ ਜੇਤਵਾਨੀ, ਰਵੀ ਅਰੋੜਾ, ਡਾ: ਬਬੀਤਾ ਜੈਨ, ਰਣਧੀਰ ਸਿੰਘ ਧੀਰਾ, ਰਾਜਵਿੰਦਰ ਸਿੰਘ, ਰਮਾਧਾਰ ਸਿੰਘ, ਸੋਹਨ ਸਿੰਘ, ਆਨੋਦ ਕੁਮਾਰ, ਸੰਦੀਪ ਕੁਮਾਰ ਵੀ ਮੌਜੂਦ ਸਨ।