ਯੂ-ਟਿਊਬ ’ਤੇ ਵਿਆਪਕ ਪੈਮਾਨੇ ’ਤੇ ਫੈਲੀਆਂ ਫਰਜ਼ੀ ਖਬਰਾਂ ’ਤੇ ਹਮਲਾ

Posted On: 20 DEC 2022 12:02PM by PIB Delhi

ਫਰਜ਼ੀ ਖਬਰਾਂ ਫੈਲਾਉਣ ਵਾਲਿਆਂ 'ਤੇ ਹਮਲਾ ਬੋਲਿਆ ਭਾਰਤ ਸਰਕਾਰ ਨੇ 

ਨਵੀਂ ਦਿੱਲੀ: 20 ਦਸੰਬਰ 2022: (ਪੀ.ਆਈ.ਬੀ.//ਪੰਜਾਬ ਸਕਰੀਨ ਡੈਸਕ)::

ਮੀਡੀਆ ਦੇ ਖਿਲਾਫ ਜੇਕਰ ਮਾਮੂਲੀ ਜਿਹੀ ਗੱਲ ਵੀ ਕੀਤੀ ਜਾਵੇ ਤਾਂ ਹੰਗਾਮਾ ਸ਼ੁਰੂ ਹੋ ਜਾਂਦਾ ਹੈ, ਪਰ ਜੇਕਰ ਮਨਮਾਨੀਆਂ ਗੱਲਾਂ ਮੀਡੀਆ ਦੇ ਨਾਂ 'ਤੇ ਹੀ ਫੈਲਣ ਲੱਗ ਜਾਣ ਤਾਂ ਕੀ ਹੋਣਾ ਚਾਹੀਦਾ ਹੈ। ਇਸ ਤਰ੍ਹਾਂ ਦਾ ਸਿਲਸਿਲਾ ਬੜੀ ਬੇਫਿਕਰੀ ਨਾਲ ਚੱਲ ਰਿਹਾ ਸੀ। ਇਸ ਤਰ੍ਹਾਂ ਲੱਗਦਾ ਸੀ ਜਿਵੇਂ ਇਹਨਾਂ ਨੂੰ ਪੁੱਛਣ ਵਾਲਾ ਕੋਈ ਨਹੀਂ ਹੈ। ਬੇਬੁਨਿਆਦ ਗੱਲਾਂ ਲਗਾਤਾਰ ਫੈਲ ਰਹੀਆਂ ਸਨ। ਵੱਡੇ ਵੱਡੇ ਮੁੱਦੇ ਚੁੱਕੇ ਜਾ ਰਹੇ ਸਨ ਅਤੇ ਵਡੀਆਂ ਵੱਡਿਆਂ ਸ਼ਖਸੀਅਤਾਂ ਨੂੰ ਇਸ ਗੁਮਰਾਹਕੁੰਨ ਪ੍ਰਚਾਰ ਦਾ ਨਿਸ਼ਾਨਾ ਬਣਾਇਆ ਜਾ ਰਿਹਾ ਸੀ। ਦਿਲਚਸਪ ਗੱਲ ਇਹ ਹੈ ਕਿ ਅਜਿਹਾ ਕੁਝ ਲੰਬੇ ਸਮੇਂ ਤੋਂ ਹੋ ਰਿਹਾ ਹੈ। 

ਆਖਿਰ ਇਸ ਦੌਰਾਨ ਸਰਕਾਰ ਹਰਕਤ ਵਿੱਚ ਆ ਗਈ ਅਤੇ ਇਸਦੇ ਸਿੱਟੇ ਵੱਜੋਂ ਸਰਕਾਰ ਦੀ ਕਾਰਵਾਈ ਵੀ ਖੁੱਲ੍ਹ ਕੇ ਸਾਹਮਣੇ ਆਈ। ਪਿਛਲੇ ਇੱਕ ਸਾਲ ਵਿੱਚ ਸੂਚਨਾ ਅਤੇ ਪ੍ਰਸਾਰਣ ਮੰਤਰਾਲੇ ਨੇ ਇੱਕ ਸੌ ਤੋਂ ਵਧੇਰੇ ਯੂ-ਟਿਊਬ ਚੈਨਲਾਂ ਨੂੰ ਬਲਾਕ ਕਰ ਦਿੱਤਾ ਗਿਆ ਹੈ। ਕਈ ਹੋਰਾਂ ਨੂੰ ਬਲਾਕ ਕੀਤੇ ਜਾਂ ਦੀ ਸੰਭਾਵਨਾ ਤੋਂ ਇਨਕਾਰ ਨਹੀਂ ਕੀਤਾ ਜਾ ਸਕਦਾ। 

ਪ੍ਰੈੱਸ ਇਨਫਰਮੇਸ਼ਨ ਬਿਊਰੋ (PIB) ਦੀ ਤੱਥ-ਜਾਂਚ ਯੂਨਿਟ ਨੇ ਫਰਜ਼ੀ ਖਬਰਾਂ ਫੈਲਾਉਣ ਵਾਲੇ ਤਿੰਨ ਯੂ-ਟਿਊਬ ਚੈਨਲਾਂ ਦਾ ਪਰਦਾਫਾਸ਼ ਕੀਤਾ ਹੈ। ਇਨ੍ਹਾਂ ਫਰਜ਼ੀ ਖਬਰਾਂ ਦੀਆਂ ਸੁਰਖੀਆਂ ਪੜ੍ਹ ਕੇ ਤੁਸੀਂ ਹੈਰਾਨ ਰਹਿ ਜਾਓਗੇ। ਮੀਡੀਆ ਦੀ ਭਰੋਸੇਯੋਗਤਾ ਨੂੰ ਬੁਰੀ ਤਰ੍ਹਾਂ ਢਾਹ ਲਾਉਣ ਦੀਆਂ ਅਜਿਹੀਆਂ ਕੋਸ਼ਿਸ਼ਾਂ ਵੀ ਕਿਸੇ ਡੂੰਘੀ ਸਾਜ਼ਿਸ਼ ਦਾ ਹਿੱਸਾ ਜਾਪਦੀਆਂ ਹਨ। ਪ੍ਰੈਸ ਇਨਫਰਮੇਸ਼ਨ ਬਿਊਰੋ ਦੀ ਤੱਥ-ਜਾਂਚ ਯੂਨਿਟ ਨੇ ਸੁਪਰੀਮ ਕੋਰਟ, ਭਾਰਤ ਦੇ ਚੀਫ਼ ਜਸਟਿਸ ਅਤੇ ਭਾਰਤ ਦੇ ਪ੍ਰਧਾਨ ਮੰਤਰੀ ਬਾਰੇ ਜਾਅਲੀ ਵੀਡੀਓਜ਼ ਦਾ ਪਰਦਾਫਾਸ਼ ਕੀਤਾ ਅਤੇ ਇਹਨਾਂ ਵੀਡੀਓਜ਼ ਨੂੰ ਲੱਖਾਂ ਵਾਰ ਦੇਖਿਆ ਗਿਆ ਸੀ। 

ਹਰ ਰੋਜ਼ ਸਰੋਤਿਆਂ ਦੇ ਸਾਹਮਣੇ ਮਨਮਾਨੇ ਢੰਗ ਨਾਲ ਪ੍ਰਚਾਰ ਕੀਤਾ ਜਾ ਰਿਹਾ ਸੀ। ਲਲਚਾਉਣ ਵਾਲੇ ਸ਼ਬਦਾਂ ਵਿਚ ਅਜਿਹੀਆਂ ਗੱਲਾਂ ਜਿਨ੍ਹਾਂ 'ਤੇ ਤੁਰੰਤ ਵਿਸ਼ਵਾਸ ਕੀਤਾ ਜਾ ਸਕਦਾ ਹੈ, ਪਰ ਜਦੋਂ ਤੁਸੀਂ ਅਸਲੀਅਤ ਦੀ ਜਾਂਚ ਕਰਦੇ ਹੋ ਤਾਂ ਸਭ ਕੁਝ ਬੇਬੁਨਿਆਦ ਹੈ. ਸਮੁੱਚੇ ਤੌਰ 'ਤੇ ਸਮਾਜ ਅਤੇ ਸਰਕਾਰ ਦੀ ਨੱਕ ਹੇਠ ਵਿਆਪਕ ਪੱਧਰ 'ਤੇ ਧੋਖਾਧੜੀ ਚੱਲ ਰਹੀ ਹੈ। ਇਹ ਲੋਕ ਆਪਣੇ ਆਪ ਨੂੰ ਚੈਨਲ ਮਾਲਕ ਦੱਸ ਕੇ ਮਨਮਾਨੀ ਕਰ ਰਹੇ ਸਨ।

40 ਤੋਂ ਵਧੇਰੇ ਫੈਕਟ-ਚੈੱਕ ਲੜੀ ਦੇ ਕ੍ਰਮ ਵਿੱਚ ਪੱਤਰ ਸੂਚਨਾ ਦਫ਼ਤਰ ਦੀ ਫੈਕਟ-ਚੈੱਕ ਇਕਾਈ (ਐੱਫਸੀਯੂ) ਨੇ ਯੂ-ਟਿਊਬ ਦੇ ਅਜਿਹੇ ਤਿੰਨ ਚੈਨਲਾਂ ਦਾ ਪਰਦਾਫਾਸ਼ ਕੀਤਾ ਹੈ, ਜੋ ਭਾਰਤ ਵਿੱਚ ਫ਼ਰਜ਼ੀ ਖਬਰਾਂ ਫੈਲਾ ਰਹੇ ਹਨ। ਇਨ੍ਹਾਂ ਯੂ-ਟਿਊਬ ਚੈਨਲਾਂ ਦੇ ਲਗਭਗ 33 ਲੱਖ ਸਬਸਕ੍ਰਾਈਬਰ ਸੀ। ਇਨ੍ਹਾਂ ਦੇ ਲਗਭਗ ਸਾਰੀਆਂ ਵੀਡੀਓ ਫਰਜੀਆਂ ਨਿਕਲੀਆਂ, ਜ਼ਿਆਦਾਤਰ ਇਨ੍ਹਾਂ ਨੂੰ 30 ਕਰੋੜ ਤੋਂ ਅਧਿਕ ਵਾਰ ਦੇਖਿਆ ਗਿਆ ਹੈ।

ਇਹ ਪਹਿਲੀ ਵਾਰ ਹੈ ਜਦੋਂ ਪੱਤਰ ਸੂਚਨਾ ਦਫ਼ਤਰ ਨੇ ਸੋਸ਼ਲ ਮੀਡੀਆ ’ਤੇ ਵਿਅਕਤੀਆਂ ਦੁਆਰਾ ਝੂਠੀਆਂ ਗੱਲਾ ਫੈਲਾਉਣ ਨੂੰ ਮੱਦੇਨਜ਼ਰ ਰੱਖਦੇ ਹੋਏ ਸਾਰੇ ਯੂ-ਟਿਊਬ ਚੈਨਲਾਂ ਦੀ ਪੋਲ ਖੋਲ੍ਹ ਕੇ ਰੱਖ ਦਿੱਤੀ ਹੈ। ਪੱਤਰ ਸੂਚਨਾ ਦਫ਼ਤਰ ਨੇ ਤੱਥਾਂ ਦੀ ਜੋ ਪੜਤਾਲ ਕੀਤੀ ਹੈ, ਉਸ ਦਾ ਵੇਰਵਾ ਇਸ ਪ੍ਰਕਾਰ ਹੈ:

ਲੜੀ ਨੰ.     ਯੂ-ਟਿਊਬ ਚੈਨਲ ਦਾ ਨਾਮ         ਸਬਸਕ੍ਰਾਈਬਰਾਂ ਦੀ ਸੰਖਿਆ      ਕਿੰਨੀ ਵਾਰ ਦੇਖਿਆ ਗਿਆ

1.                        ਨਿਊਜ਼ ਹੈਡਲਾਈਨਸ                 9.67  ਲੱਖ                           31,75,32,290

2.                         ਸਰਕਾਰੀ ਅਪਡੇਟ                     22.6  ਲੱਖ                              8,83,594

3.                          ਆਜ  ਤੱਕ LIVE                    65.6  ਹਜ਼ਾਰ                         1,25,04,177

ਯੂ-ਟਿਊਬ ਦੇ ਉਪਰੋਕਤ ਚੈਨਲ ਮਾਣਯੋਗ ਸੁਪਰੀਮ ਕੋਰਟ, ਮਾਣਯੋਗ ਚੀਫ਼ ਜਸਟਿਸ ਆਵ੍ ਇੰਡੀਆ, ਸਰਕਾਰੀ ਯੋਜਨਾਵਾਂ, ਇਲੈਕਟ੍ਰੌਨਿਕ ਵੋਟਿੰਗ ਮਸ਼ੀਨਾਂ, ਖੇਤੀ ਕਰਜ਼ਿਆਂ ਨੂੰ ਮਾਫ ਕਰਨ ਆਦਿ ਬਾਰੇ ਝੂਠੀ ਅਤੇ ਸਨਸਨੀਖੇਜ ਖਬਰਾਂ ਫੈਲਾਉਂਦੇ ਹਨ। ਇਨ੍ਹਾਂ ਵਿੱਚੋਂ ਫਰਜੀ ਖਬਰਾਂ ਵੀ ਸ਼ਾਮਲ ਰਹਿੰਦੀਆਂ ਹਨ। ਉਦਹਾਰਨ ਦੇ ਲਈ ਇਨ੍ਹਾਂ ਫਰਜੀ ਖਬਰਾਂ ਵਿੱਚ ਸੁਪਰੀਮ ਕੋਰਟ ਇਹ ਆਦੇਸ਼ ਦੇਣ ਵਾਲਾ ਹੈ ਕਿ ਭਾਵੀ ਚੋਣ ਬੈਲਟ ਦੁਆਰਾ ਹੋਣਗੇ; ਸਰਕਾਰ ਬੈਂਕ ਖਾਤਾ ਧਾਰਕਾਂ, ਆਧਾਰ ਕਾਰਡ ਅਤੇ ਪੈਨ ਕਾਰਡ ਧਾਰਕਾਂ ਨੂੰ ਧਨ ਦੇ ਰਹੀ ਹੈ; ਈਵੀਐੱਮ ’ਤੇ ਪ੍ਰਤੀਬੰਧ ਆਦਿ ਖਬਰਾਂ ਸ਼ਾਮਲ ਹਨ।

ਯੂ-ਟਿਊਬ ਦੇ ਇਨ੍ਹਾਂ ਚੈਨਲਾਂ ਬਾਰੇ ਗੌਰ ਕੀਤਾ ਗਿਆ ਹੈ ਕਿ ਇਹ ਫਰਜੀ ਅਤੇ ਸਨਸਨੀਖੇਜ ਥੰਬਨੇਲ ਲਗਾਉਂਦੇ ਹਨ, ਜਿਨ੍ਹਾਂ ਵਿੱਚ ਟੀਵੀ ਚੈਨਲਾਂ ਦੇ ਲੋਕਾਂ ਅਤੇ ਉਨ੍ਹਾਂ ਦੇ ਨਿਊਜ਼ ਐਂਕਰਾਂ ਦੀ ਫੋਟੋ ਹੁੰਦੀ ਹੈ, ਤਾਕਿ ਦਰਸ਼ਕਾਂ ਨੂੰ ਇਹ ਝਾਂਸਾ ਦਿੱਤਾ ਜਾ ਸਕੇ ਕਿ ਉਹ ਦਿੱਤੇ ਗਏ ਸਮਾਚਾਰ ਸਹੀ ਹਨ। ਇਨ੍ਹਾਂ ਚੈਨਲਾਂ ਬਾਰੇ ਇਹ ਵੀ ਪਤਾ ਲਗਿਆ ਹੈ ਕਿ ਇਹ ਆਪਣੀ ਵੀਡੀਓ ਵਿੱਚ ਵਿਗਿਆਪਨ ਵੀ ਚਲਾਉਂਦੇ ਹਨ ਅਤੇ ਯੂ-ਟਿਊਬ ’ਤੇ ਝੂਠੀਆਂ ਖਬਰਾਂ ਤੋਂ ਕਮਾਈ ਕਰ ਰਹੇ ਹਨ।

ਪੱਤਰ ਸੂਚਨਾ ਦਫ਼ਤਰ ਦੀ ਫੈਕਟ-ਚੈੱਕ ਇਕਾਈ ਦੀ ਕਾਰਵਾਈ ਦੇ ਕ੍ਰਮ ਵਿੱਚ ਪਿਛਲੇ ਇੱਕ ਸਾਲ ਵਿੱਚ ਸੂਚਨਾ ਅਤੇ ਪ੍ਰਸਾਰਣ ਮੰਤਰਾਲੇ ਨੇ ਇੱਕ ਸੌ ਤੋਂ ਵਧੇਰੇ ਯੂ-ਟਿਊਬ ਚੈਨਲਾਂ ਨੂੰ ਬਲਾਕ ਕਰ ਦਿੱਤਾ ਹੈ। ਹੁਣ ਦੇਖਣਾ ਹੈ ਕਿ ਅਜਿਹੇ ਰੁਝਾਨ ਨੂੰ ਠੱਲ ਪੈਂਦੀ ਹੈ ਜਾਂ ਸਰਕਾਰ ਨਬੂੰ ਹੋਰ ਸਖ਼ਤ ਕਾਰਵਾਈਆਂ ਲਈ ਮਜਬੂਰ ਹੋਣਾ ਪਵੇਗਾ?

ਸਮਾਜਿਕ ਚੇਤਨਾ ਅਤੇ ਜਨ ਸਰੋਕਾਰਾਂ ਨਾਲ ਜੁੜੇ  ਹੋਏ ਬਲਾਗ ਮੀਡੀਆ ਨੂੰ ਜਾਰੀ ਰੱਖਣ ਵਿੱਚ ਸਹਿਯੋਗੀ ਬਣੋ। ਜੋ ਵੀ ਰਕਮ ਤੁਸੀਂ ਹਰ ਰੋਜ਼, ਹਰ ਹਫਤੇ, ਹਰ ਮਹੀਨੇ ਜਾਂ ਕਦੇ ਕਦਾਈਂ ਇਸ ਸ਼ੁਭ ਕੰਮ ਲਈ ਕੱਢ ਸਕਦੇ ਹੋ ਉਹ ਜ਼ਰੂਰ ਕੱਢੋ। ਹੇਠਲੇ ਬਟਨ 'ਤੇ ਕਲਿੱਕ ਕਰ ਕੇ ਤੁਸੀਂ ਸਹਿਜੇ ਹੀ ਅਜਿਹਾ ਕਰ ਸਕਦੇ ਹੋ। 

ਬੈਂਕ ਨਾਲ ਫਰਾਡ ਕਰਨ ਵਾਲਿਆਂ ਦੀ ਤਲਾਸ਼ ਵਿਚ ਹੈ ਪੁਲਿਸ

ਨਕਲੀ ਸੋਨਾ ਦੇ ਕੇ ਲੈ ਗਏ ਸਨ ਇੱਕ ਕਰੋੜ 15 ਲੱਖ ਰੁਪਏ ਦਾ ਕਰਜ਼ਾ 

ਲੁਧਿਆਣਾ: 14 ਜੁਲਾਈ 2022: (ਪੰਜਾਬ ਸਕਰੀਨ ਡੈਸਕ):: 

ਲਗਾਤਾਰ ਵਿਕਾਸ ਦੇ ਨਾਲ ਨਾਲ ਲੋਕਾਂ ਦੀ ਅਕਲ ਠੱਗੀਆਂ ਠੋਰੀਆਂ ਵਾਲੇ ਪਾਸੇ ਵੀ ਤੇਜ਼ੀ ਨਾਲ ਵਿਕਸਿਤ ਹੋ ਰਹੀ ਹੈ। ਨਿੱਤ ਨਵੇਂ ਦਿਨ ਨਵੀਂ ਠੱਗਗਿ ਜਾਂ ਨਵੇਂ ਫਰਾਡ ਦਾ ਤਰੀਕਾ ਲੱਭ ਲਿਆ ਜਾਂਦਾ ਹੈ। ਇਸੇ ਸਿਲਸਿਲੇ ਅਧੀਨ ਲੁਧਿਆਣਾ ਦੇ ਕੁਝ ਲੋਕਾਂ ਨੇ ਬੈਂਕ ਨਾਲ ਹੀ ਠੱਗੀ ਮਾਰਨ ਵਿੱਚ ਇੱਕ ਵਾਰ ਤਾਂ ਸਫਲਤਾ ਹਾਸਲ ਕਰ ਹੀ ਲਈ। ਇਹਨਾਂ ਪੜ੍ਹੇਲਿਖੇ ਅਤੇ ਸ਼ਰੀਫ ਸੱਭਿਅਕ ਨਜ਼ਰ ਆਉਂਦੇ ਲੋਕਾਂ ਦੇ ਇਸ ਗਿਰੋਹ ਨੇ ਯੋਜਨਾ ਵੀ ਬੜੀ ਕਾਰਗਾਰ ਬਣਾਈ ਸੀ ਪਰ ਫਿਰ ਵੀ ਭੇਦ ਖੁੱਲ੍ਹ ਹੀ ਗਿਆ। ਹੋਇਆ ਇੰਝ ਕਿ ਇੱਥੇ ਕੁੱਝ ਵਿਅਕਤੀਆਂ ਨੇ ਨਕਲੀ ਸੋਨਾ ਬੈਂਕ ਵਿੱਚ ਗਿਰਵੀ ਰੱਖ ਕੇ ਇੱਕ ਕਰੋੜ 15 ਲੱਖ ਰੁਪਏ ਦਾ ਕਰਜ਼ਾ ਲੈ ਲਿਆ। ਇਹ ਲੋਕ ਏਨੇ ਸ਼ਾਤਰ ਨਿਕਲੇ ਕਿ ਸੋਨੇ ਦੀ ਜਾਂਚ ਕਰਨ ਲਈ ਬੈਂਕ ਨੇ ਜਿਹੜੇ ਸੁਨਿਆਰੇ ਨੂੰ ਤੈਅ ਕੀਤਾ ਹੋਇਆ ਸੀ, ਮੁਲਜ਼ਮ ਉਸ ਦੇ ਨਾਲ ਮਿਲ ਕੇ ਹੀ ਬੈਂਕ ਨੂੰ ਠੱਗੀ ਮਾਰ ਗਏ। ਸਕੀਮ ਤੇਜ਼ ਤਰਾਰੀ ਵਾਲੀ ਸੀ ਪਰ ਆਖਿਰ ਇਹ ਚਲਾਕੀ ਫੜੀ ਹੀ ਗਈ। ਹੁਣ ਪੁਲਿਸ ਲਗਾਤਾਰ ਇਹਨਾਂ ਦੀ ਭਾਲ ਵਿਚ ਛਾਪੇ ਮਾਰ ਰਹੀ ਹੈ।  

ਫਰਾਡ ਕਰਨ ਵਾਲਿਆਂ ਨੂੰ ਕਾਨੂੰਨ ਦੇ ਸ਼ਿਕੰਜੇ ਵਿਚ ਲਿਆਉਣ ਲਈ ਹੁਣ ਬੈਂਕ ਪ੍ਰਸ਼ਾਸਨ ਅਤੇ ਪੁਲਿਸ ਰਲ ਕੇ ਕੰਮ ਕਰ ਰਹੇ ਹਨ। ਇਸ ਸਬੰਧੀ ਪਿੰਡ ਝਾਂਡੇ ਦੇ ਕੈਨਰਾ ਬੈਂਕ ਦੀ ਮੈਨੇਜਰ ਕਮਲਜੀਤ ਕੌਰ ਦੀ ਸ਼ਿਕਾਇਤ ’ਤੇ ਥਾਣਾ ਸਦਰ ਦੀ ਪੁਲੀਸ ਨੇ ਅਗਰ ਨਗਰ ਵਾਸੀ ਰਾਜ ਕੁਮਾਰ ਗੋਇਲ, ਹੈਬੋਵਾਲ ਦੀ ਹਰਮੀਤ ਕਲੋਨੀ ਵਾਸੀ ਆਸ਼ੀਸ਼ ਸੂਦ, ਉਸ ਦੀ ਪਤਨੀ ਰਜਨੀ ਸੂਦ, ਮਾਂ ਚਿੰਤਪੁਰਨੀ ਡਾਇਮੈਂਡ ਦੇ ਆਸ਼ੀਸ਼ ਗੋਇਲ ਦੇ ਖ਼ਿਲਾਫ਼ ਧੋਖਾਧੜੀ ਦਾ ਕੇਸ ਦਰਜ ਕਰ ਲਿਆ ਹੈ। ਜਾਂਚ ਪੜਤਾਲ ਅਤੇ ਪੁਲਿਸ ਦੀ ਕਾਰਵਾਈ ਤੇਜ਼ੀ ਨਾਲ ਸ਼ੁਰੂ ਹੈ। ਮਾਮਲਾ ਛੇਤੀ ਹੀ ਹੱਲ ਵੀ ਕਰ ਲਿਆ ਜਾਏਗਾ। 

ਪੁਲੀਸ ਨੇ ਹੁਣ ਇਸ ਮਾਮਲੇ ਵਿੱਚ ਮੁਲਜ਼ਮਾਂ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ। ਬੈਂਕ ਮੈਨੇਜਰ ਕਮਲਜੀਤ ਕੌਰ ਵੱਲੋਂ ਪੁਲੀਸ ਨੂੰ ਸ਼ਿਕਾਇਤ ਦਿੱਤੀ ਗਈ ਸੀ ਕਿ ਮੁਲਜ਼ਮਾਂ ਨੇ ਬੈਂਕ ਨਾਲ ਸੋਨਾ ਗਿਰਵੀ ਰੱਖ ਕੇ ਕਰਜ਼ ਲੈਣ ਦੀ ਗੱਲ ਕੀਤੀ ਸੀ। ਇਸ ਤੋਂ ਬਾਅਦ ਮੁਲਜ਼ਮਾਂ ਨੇ ਬੈਂਕ ਨੂੰ ਢਾਈ ਕਿੱਲੋਂ ਸੋਨਾ ਵੀ ਲਿਆ ਕੇ ਦਿੱਤਾ। ਇਸ ਸੋਨੇ ਦੀ ਜਾਂਚ ਲਈ ਇਹ ਸਾਰੇ ਗਹਿਣੇ ਆਸ਼ੀਸ਼ ਗੋਇਲ ਨਾਮਿ ਮਾਹਰ ਸੁਨਿਆਰੇ ਕੋਲ ਭੇਜ ਦਿੱਤੇ ਗਏ ਜਿਹੜਾ ਕਿ ਬੈਂਕ ਦਾ ਵਿਸ਼ਵਾਸ ਪਾਤਰ ਵੀ ਸੀ। 

ਪਰ ਇਹਨਾਂ ਲੋਕਾਂ ਨੇ ਸੋਨੇ ਦੀ ਜਾਂਚ ਕਰਨ ਵਾਲੇ ਅਸ਼ੀਸ਼ ਨੂੰ ਹੀ ਆਪਣੇ ਨਾਲ ਮਿਲਾ ਲਿਆ। ਮੁਲਜ਼ਮਾਂ ਨੇ ਆਸ਼ੀਸ਼ ਨਾਲ ਮਿਲ ਕੇ ਠੱਗੀ ਦੀ ਅਗਲੀ ਯੋਜਨਾ 'ਤੇ ਕੰਮ ਸ਼ੁਰੂ ਕੀਤਾ। ਅਖੀਰ ਇਹਨਾਂ ਲੋਕਾਂ ਨੇ ਮਿਲ ਮਿਲਾ ਕੇ ਇੱਕ ਕਰੋੜ 15 ਲੱਖ ਰੁਪਏ ਦਾ ਕਰਜ਼ਾ ਨਕਲੀ ਸਮੋਏ ਦੇ ਗਹਿਣੇ ਬੈਂਕ ਨੂੰ ਦੇ ਕੇ ਲੈ ਹੀ ਲਿਆ। 

ਇਹਨਾਂ ਦੀ ਹੀ ਕਿਸੇ ਹਰਕਤ 'ਤੇ ਰੀਵਿਊ ਕਰਦਿਆਂ ਜਦੋਂ ਬੈਂਕ ਦੇ ਅਧਿਕਾਰੀਆਂ ਨੂੰ ਸ਼ੱਕ ਹੋਇਆ ਤਾਂ ਅਧਿਕਾਰੀਆਂ ਨੇ ਦੁਬਾਰਾ ਸੋਨਾ ਚੈੱਕ ਕਰਵਾਇਆ। ਮਗਰੋਂ ਸਾਰੇ ਹੀ ਗਹਿਣੇ ਨਕਲੀ ਨਿਕਲੇ।

ਇਸ ਤੋਂ ਬਾਅਦ ਇਸ ਦੀ ਸ਼ਿਕਾਇਤ ਉਚ ਅਧਿਕਾਰੀਆਂ ਨੂੰ ਕੀਤੀ ਗਈ। ਬਾਅਦ ਵਿੱਚ ਪੁਲੀਸ ਨੂੰ ਵੀ ਸ਼ਿਕਾਇਤ ਦਿੱਤੀ ਗਈ। ਇਸ ਘਟਨਾ ਨਾਲ ਬੈਂਕ ਨੇ ਇਹ ਸਬਕ ਜ਼ਰੂਰ ਸਿੱਖ ਲਿਆ ਹੋਣਾ ਹੈ ਕਿ ਗਹਿਣਿਆਂ ਦੀ ਜਾਂਚ ਗੁਪਤ ਰਹਿ ਕੇ ਗੁਪਤ ਢੰਗ ਨਾਲ ਹੀ ਕਾਰਵਾਈ ਜਾਣੀ ਚਾਹੀਦੀ ਹੈ। ਇਸਦਾ ਪਤਾ ਸੋਨਾ ਗਿਰਵੀ ਰੱਖਣ ਵਾਲਿਆਂ ਨੂੰ ਕਿਸੇ ਵੀ ਹਾਲਤ ਵਿਚ ਨਹੀਂ ਲੱਗਣਾ ਚਾਹੀਦਾ। ਉਂਝ ਵੀ ਸ਼ਾਇਦ ਇਸਦੀ ਕੋਈ ਨਵੀਂ ਤਕਨੀਕ ਬੈਂਕ ਵਿੱਚ ਹੀ ਇੰਸਟਾਲ ਕਰਵਾ ਲਈ ਜਾਵੇ। 

ਜ਼ਿਲਾ ਪ੍ਰਸ਼ਾਸਨ ਦੀ ਮੁਸਤੈਦੀ ਨਾਲ ਹਜ਼ਾਰਾਂ ਬੇਰੁਜ਼ਗਾਰ ਠੱਗੀ ਤੋਂ ਬਚੇ

 Thu, Apr 3, 2014 at 7:46 PM
ਸਰਕਾਰੀ ਅਸਾਮੀਆਂ ਲਈ ਇਸ਼ਤਿਹਾਰ ਕੱਢਣ ਵਾਲੀ ਫਰਮ ਨਿਕਲੀ ਜਾਅਲੀ
ਮਾਲਕ ਕਾਬੂ-ਪਰਚਾ ਦਰਜ-ਜਾਂਚ ਪੜਤਾਲ ਜਾਰੀ
ਲੁਧਿਆਣਾ: 3 ਅਪ੍ਰੈਲ2014:(ਸਤਪਾਲ ਸੋਨੀ//ਪੰਜਾਬ ਸਕਰੀਨ):

ਇੱਕ ਰੋਜ਼ਾਨਾ ਅਖ਼ਬਾਰ ਵਿੱਚ ਸਰਕਾਰੀ ਅਸਾਮੀਆਂ ਲਈ ਇਸ਼ਤਿਹਾਰ ਛਾਪ ਕੇ ਹਜ਼ਾਰਾਂ ਨੌਜਵਾਨਾਂ ਤੋਂ ਅਪਲਾਈ ਕਰਨ ਦੇ ਨਾਮ ਹੇਠ ਕਰੋੜਾਂ ਰੁਪਏ ਠੱਗਣ ਦੀ ਸਾਜਿਸ਼ ਜ਼ਿਲਾ ਪ੍ਰਸਾਸ਼ਨ ਵੱਲੋਂ ਸਮੇਂ ਸਿਰ ਵਰਤੀ ਗਈ ਮੁਸ਼ਤੈਦੀ ਦੇ ਚੱਲਦਿਆਂ ਸਫ਼ਲ ਨਾ ਹੋ ਸਕੀ। ਜਿਸ ਸਦਕਾ ਹਜ਼ਾਰਾਂ ਬੇਰੁਜ਼ਗਾਰ ਨੌਜਵਾਨ ਕਰੋੜਾਂ ਰੁਪਏ ਦੀ ਠੱਗੀ ਤੋਂ ਬਚ ਗਏ। ਇਸ ਸੰਬੰਧੀ ਜਾਣਕਾਰੀ ਦਿੰਦਿਆਂ ਡਿਪਟੀ ਕਮਿਸ਼ਨਰ ਸ੍ਰੀ ਰਜਤ ਅਗਰਵਾਲ ਅਤੇ ਮੁੱਖ ਖੇਤੀਬਾੜੀ ਅਫ਼ਸਰ ਸ੍ਰ. ਬਖ਼ਸ਼ੀਸ਼ ਸਿੰਘ ਚਾਹਲ ਨੇ ਦੱਸਿਆ ਕਿ ਬੀਤੇ ਦਿਨੀਂ ਇੱਕ ਪੰਜਾਬੀ ਦੇ ਰੋਜ਼ਾਨਾ ਅਖ਼ਬਾਰ ਵਿੱਚ ਵਿਕਾਸ ਖੇਤੀਬਾੜੀ ਵਿਭਾਗ ਦੇ ਨਾਮ 'ਤੇ ਇੱਕ ਇਸ਼ਤਿਹਾਰ ਛਾਪਿਆ ਗਿਆ ਸੀ, ਜਿਸ ਵਿੱਚ ਵੱਖ-ਵੱਖ ਅਸਾਮੀਆਂ ਲਈ ਅਰਜੀਆਂ ਦੀ ਮੰਗ ਕੀਤੀ ਗਈ ਸੀ।

ਸ੍ਰੀ ਅਗਰਵਾਲ ਨੇ ਇਸ ਸੰਬੰਧੀ ਖੇਤੀਬਾੜੀ ਵਿਭਾਗ, ਪੰਜਾਬ ਦੇ ਸਕੱਤਰ ਸ੍ਰ. ਕਾਹਨ ਸਿੰਘ ਪੰਨੂੰ ਨਾਲ ਰਾਬਤਾ ਕਰਕੇ ਇਸ ਫਰਜ਼ੀ ਫਰਮ ਦਾ ਭਾਂਡਾ ਭੰਨਣ ਦੀ ਕਵਾਇਦ ਸ਼ੁਰੂ ਕੀਤੀ। ਜਿਸ ਤਹਿਤ ਸਮਰਾਲਾ ਚੌਕ ਸਥਿਤ ਫਰਮ ਦੇ ਦਫ਼ਤਰ ਵਿੱਚ ਪੁਲਿਸ ਛਾਪਾ ਮਾਰਿਆ ਗਿਆ ਅਤੇ ਸਾਹਮਣੇ ਆਇਆ ਕਿ ਇਹ ਫਰਮ ਫਰਾਡ (ਜਾਅਲੀ) ਹੈ ਅਤੇ ਫਰਮ ਕੋਲ ਇਹ ਆਸਾਮੀਆਂ ਭਰਨ ਦਾ ਕੋਈ ਅਧਿਕਾਰ ਨਹੀਂ ਸੀ। ਜ਼ਿਲਾ ਪ੍ਰਸਾਸ਼ਨ ਵੱਲੋਂ ਵਰਤੀ ਗਈ ਮੁਸ਼ਤੈਦੀ ਦੇ ਕਾਰਣ ਫਰਮ ਦਾ ਖ਼ਾਤਾ ਸੀਲ ਕਰ ਦਿੱਤਾ ਗਿਆ ਸੀ, ਜਿਸ ਕਾਰਨ ਲੋਕ ਦਫ਼ਤਰ ਆ ਕੇ ਪੈਸੇ ਜਮਾ ਕਰਾਉਣ ਲੱਗੇ ਸਨ। ਹਾਲੇ ਦੋ ਰਸੀਦਾਂ ਹੀ ਕੱਟੀਆਂ ਗਈਆਂ ਸਨ ਕਿ ਪੁਲਿਸ ਵੱਲੋਂ ਛਾਪਾ ਮਾਰ ਦਿੱਤਾ ਗਿਆ। ਥਾਣਾ ਢੋਲੇਵਾਲ ਦੀ ਪੁਲਿਸ ਨੇ ਇਸ ਸੰਬੰਧੀ ਪਰਚਾ ਦਰਜ ਕਰਕੇ ਫਰਮ ਦੇ ਮਾਲਕ ਨਿਰਮਲ ਸਿੰਘ ਸਿੱਧੂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ ਅਤੇ ਹੋਰ ਪੁੱਛਗਿੱਛ ਕੀਤੀ ਜਾ ਰਹੀ ਹੈ। ਸ੍ਰੀ ਅਗਰਵਾਲ ਨੇ ਭੋਲੇ ਭਾਲੇ ਬੇਰੁਜ਼ਗਾਰਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਅਜਿਹੀਆਂ ਅਖੌਤੀ ਫਰਮਾਂ/ਕੰਪਨੀਆਂ ਤੋਂ ਬਚਣ ਅਤੇ ਜੇਕਰ ਕੋਈ ਅਜਿਹਾ ਇਸ਼ਤਿਹਾਰ ਵਗੈਰਾ ਛਪਦਾ ਹੈ ਤਾਂ ਅਪਲਾਈ ਕਰਨ ਤੋਂ ਪਹਿਲਾਂ ਇਸ ਬਾਰੇ ਸੰਬੰਧਤ ਮਹਿਕਮੇ ਦੇ ਕਿਸੇ ਸਰਕਾਰੀ ਦਫ਼ਤਰ ਜਾਂ ਅਧਿਕਾਰੀ ਨਾਲ ਰਾਬਤਾ ਜ਼ਰੂਰ ਕਰਨ। ਇਹ ਮੁਸ੍ਤਾਦੀ ਕੁਝ ਅਜਿਹੀ ਲੱਗਦੀ ਹੈ ਜਿਵੇਂ ਉਸ ਗੀਤ ਦੀਆਂ ਸਤਰਾਂ ਸਨ-ਸਬ ਕੁਛ ਲੂਟਾ ਕੇ ਹੋਸ਼ ਮੇਂ ਆਏ ਤੋ ਕਿਆ ਕੀਆ--ਏਸੇ ਦੌਰਾਨ ਪੁਲਿਸ ਵਿਭਾਗ ਨੇ ਵੀ ਦੱਸਿਆ ਹੈ ਕਿ ਬ੍ਲਾਕ ਲੁਧਿਆਣਾ ਦੇ ਵਿਕਾਸ ਅਫਸਰ ਨਿਰਮਲ ਸਿੰਘ ਵਾਸੀ ਮੁੱਲਾਂਪੁਰ ਵੱਲੋਂ ਦਿੱਤੀ ਦਰਖਾਸਤ ਮੁਤਾਬਿਕ ਸਮਰਾਲਾ ਚੌਂਕ ਨੇੜੇ  ਰੋਡ ਤੇ ਰਹਿਣ ਵਾਲੇ ਲੁਧਿਆਣਾ ਦੇ ਵਸਨੀਕ ਨਿਰਮਲ ਸਿੰਘ ਪੁੱਤਰ ਬਾਬੂ ਸਿੰਘ ਦੇ ਖਿਲਾਫ਼ ਆਈਪੀਸੀ ਦੀ ਦਫ਼ਾ 420 ਅਧੀਨ ਮਾਮਲਾ ਦਰਜ ਕਰ ਲਿਆ ਗਿਆ ਹੈ। ਪੁਲਿਸ ਦੇ ਮੁਤਾਬਿਕ 30 ਮਾਰਚ 2014 ਨੂੰ ਰੋਜ਼ਾਨਾ ਜਗ ਬਾਣੀ 'ਚ  ਦੇ ਕੇ ਜ਼ਿਲਾ ਵਿਕਾਸ ਅਫਸਰ  ਤੋਂ ਲੈ ਕੇ ਸੇਵਾਦਾਰ ਤੱਕ ਦੀਆਂ ਅਸਾਮੀਆਂ ਦੀ ਭਰਤੀ ਲੈ ਮੰਗ ਕੀਤੀ ਗਈ ਸੀ। ਇਸਦੀ ਜਾਂਚ ਕਰਾਉਣ ਲੈ ਜਦੋਂ ਇਸਦੀ ਸੂਚਨਾ ਮੁੱਖ ਖੇਤੀਬਾੜੀ ਅਫਸਰ ਡਾ ਸੁਖਪਾਲ ਸਿੰਘ ਨੂੰ ਦਿੱਤੀ ਗਈ ਤਾਂ ਉਹਨਾਂ ਇਸਦੀ ਜਾਂਚ ਸ਼ੁਰੂ ਕਰਾਈ। ਜਾਂਚ ਪੜਤਾਲ ਦੌਰਾਨ ਪਤਾ ਲੱਗਿਆ ਕਿ ਇਹ ਤਾਂ ਸਾਰਾ ਮਾਮਲਾ ਹੀ ਫਰਾਡ ਸੀ। ਭੋਲੇ ਭਾਲੇ ਲੋਕਾਂ ਨੂੰ ਠੱਗਣ ਲਈ ਬਾਕਾਇਦਾ ਇੱਕ ਫਰਾਡ ਫਰਮ ਬਣਾ ਕੇ ਵੱਡੀ ਪਧਰ ਤੇ ਠੱਗੀ ਦਾ  ਗਿਆ ਸੀ। ਬੇਰੋਜ਼ਗਾਰੀ ਅਤੇ ਥੁੜਾਂ ਮਾਰੇ ਲੋਕਾਂ ਦੇ ਅਜਿਹੇ ਜਾਲ ਵਿੱਚ ਫਸਣ ਦੀ ਸੰਭਾਵਨਾ ਬਹੁਤ ਜਿਆਦਾ ਹੁੰਦੀ ਹੈ ਅਤੇ ਓਹ ਫਸਣ ਵੀ ਲੱਗ ਪਏ। ਇਸ  ਇਸ਼ਤਿਹਾਰ ਵਿੱਚ ਹਜ਼ਾਰਾਂ ਰੁਪਏ ਦੀਆਂ ਤਨਖਾਹਾਂ ਦੀ ਪੇਸ਼ਕਸ਼ ਸੀ ਸੋ ਬੇਕਾਰੀ ਦੇ ਯੁਗ ਵਿੱਚ ਸਰਕਾਰੀ ਨੌਕਰੀ ਮਿਲਦੀ ਦੇਖ ਕੇ ਝਾਂਸੇ ਵਿੱਚ ਫਸ ਜਾਣਾ ਸੁਭਾਵਕ ਸੀ। ਇੱਕ ਗੱਲ ਸਾਫ਼ ਜ਼ਾਹਿਰ ਹੈ ਕਿ ਅਜਿਹੇ ਇਸ਼ਤਿਹਾਰਾਂ ਦੇ ਛਪਣ ਤੱਕ ਅਜਿਹੀ ਕੋਈ ਪੜਤਾਲ ਨਹੀਂ ਹੁੰਦੀ ਜਿਸ ਨਾਲ ਅਜਿਹੀਆਂ ਫਰਮਾਂ ਦੇ ਅਸਲੀ/ਨਕਲੀ ਹੋਣ ਦਾ ਪਤਾ ਲੱਗ ਸਕੇ। ਹੁਣ ਦੇਖਣਾ ਇਹ  ਹੈ ਕਿ ਗ੍ਰਿਫਤਾਰ ਕੀਤੇ ਵਿਅਕਤੀ ਦੇ ਲਿੰਕ ਕਿਸ ਕਿਸ ਨਾਲ ਨਿਕਲਦੇ ਹਨ?    

Post Script: ਅਤੇ ਇਹ ਹੈ ਇਸ ਫਰਾਡ ਮਾਮਲੇ ਦੀ ਵੈਬ ਸਾਈਟ 

ਹਰਿਆਣਾ ਦੇ ਖੁਰਾਕ ਅਤੇ ਦਵਾਈ ਪ੍ਰਸ਼ਾਸਨ ਵੱਲੋਂ ਨਕਲੀ ਡਾਕਟਰਾਂ ਵਿਰੁਧ ਸਖਤੀ

02-January-2014 15:58 IST
50 ਛੋਲਾਛਾਪਾ ਡਾਕਟਰਾਂ ਦੇ ਖਿਲਾਫ ਦਰਜ ਕੀਤੇ ਗਏ ਮਾਮਲੇ 
ਚੰਡੀਗੜ੍ਹ, 2 ਜਨਵਰੀ 2014: ਹਰਿਆਣਾ ਖੁਰਾਕ ਅਤੇ ਦਵਾਈ ਪ੍ਰਸ਼ਾਸਨ ਵੱਲੋਂ ਛੋਲਾਛਾਪ ਡਾਕਟਰਾਂ ਦੇ ਖਿਲਾਫ ਚਲਾਈ ਜਾ ਰਹੀ ਵਿਸ਼ੇਸ਼ ਮੁਹਿੰਮ ਦੇ ਤਹਿਤ ਪਿਛਲੇ 5 ਦਿਨਾਂ ਵਿਚ ਲਗਭਗ 50 ਗੈਰ-ਰਜਿਸਟਰਡ ਅਤੇ ਗੈਰ-ਕਾਨੂੰਨੀ ਡਾਕਟਰਾਂ ਦੇ ਖਿਲਾਫ ਪੁਲਿਸ ਵਿਚ ਮੁੱਢਲੀ ਸੂਚਨਾ ਰਿਪੋਰਟ ਦਰਜ ਕਰਵਾਈ ਹੈ ਅਤੇ ਉਨਾਂ ਦੇ ਮੈਡੀਕਲ ਉਪਰਕਣ ਤੇ ਦਵਾਈਆਂ ਨੂੰ ਕਬਜੇ ਵਿਚ ਲਿਆ ਗਿਆ ਹੈ । ਇਸ ਸਬੰਧ ਵਿਚ ਜਾਣਕਾਰੀ ਦਿੰਦੇ ਹਏ ਖੁਰਾਕ ਅਤੇ ਦਵਾਈ ਪ੍ਰਸ਼ਾਸਨ ਦੇ ਕਮਿਸ਼ਨਰ ਡਾ. ਰਾਕੇਸ਼ ਗੁਪਤਾ ਨੇ ਦਸਿਆ ਕਿ ਇਸ ਦੌਰਾਨ 10 ਮਾਮਲੇ ਐਮਟੀਵੀ ਐਕਟ ਦੇ ਤਹਿਤ ਵੀ ਦਰਜ ਕੀਤੇ ਗਏ, ਜਿਸ ਵਿਚੋਂ 6 ਮਾਮਲੇ ਬਹਾਦੁਰਗਡ਼ ਦੇ ਹਨ, ਜਦੋਂ ਕਿ ਇਕ-ਇਕ ਮਾਮਲਾ ਲਾਖਨਮਾਜਰਾ, ਹਾਂਸੀ, ਫਤਿਹਾਬਾਦ ਅਤੇ ਸਿਰਸਾ ਦਾ ਹੈ । ਡਾ. ਗੁਪਤਾ ਨੇ ਦਸਿਆ ਕਿ ਖੁਰਾਕ ਤੇ ਦਵਾਈ ਪ੍ਰਸ਼ਾਸਨ ਵੱਲੋਂ ਅਪ੍ਰੈਲ, 2013 ਤੋਂ ਹੁਣ ਤਕ ਗੈਰ-ਰਜਿਸਟਰਡ ਅਤੇ ਛੋਲਾਛਾਪ ਡਾਕਟਰਾਂ ਦੇ ਖਿਲਾਫ ਲਗਭਗ 240 ਮਾਮਲੇ ਦਰਜ ਕਰਵਾਏ ਜਾ ਚੁੱਕੇ ਹਨ । ਇਸ ਵਿਚ ਫਰੀਦਾਬਾਦ ਵਿਚ 61 ਮਾਮਲੇ, ਅੰਬਾਲਾ ਵਿਚ 43 ਮਾਮਲੇ, ਕੁਰੂਕਸ਼ੇਤਰ ਵਿਚ 23 ਮਾਮਲੇ, ਗੁਡ਼ਗਾਉਂ ਵਿਚ 31 ਅਤੇ ਸਿਰਸਾ ਵਿਚ 14 ਮਾਮਲੇ ਸ਼ਾਮਿਲ ਹਨ । ਰਾਜ ਦਵਾਈ ਕੰਟ੍ਰੋਲਰ ਡਾ. ਜੀ.ਐਲ.ਸਿੰਗਲ ਨੇ ਦਸਿਆ ਕਿ ਇਸ ਮੁਹਿੰਮ ਦੇ ਦੌਰਾਨ ਅਜਿਹਾ ਹੋਰ ਵੀ ਮਾਮਲਾ ਸਾਹਮਣੇ ਆਇਆ ਹੈ, ਜਿੰਨਾਂ ਵਿਚ ਦਾਈਆਂ ਤੇ ਏ.ਐਨ.ਐਮ. ਗੈਰ-ਕਾਨੂੰਨੀ ਢੰਗ ਨਾਲ ਗਰਭਪਾਤ ਕਰਦੀ ਪਾਈ ਗਈ ਹੈ । ਇਸ ਦੌਰਾਨ ਉਨਾਂ ਦੇ ਕਬਜੇ ਤੋਂ ਭਾਰੀ ਮਾਤਰਾ ਵਿਚ ਡਾਕਟਰੀ ਔਜਾਰ ਪਾਏ ਗਏ ਹਨ । ਇੰਨਾਂ ਸਾਰੀਆਂ ਦੇ ਖਿਲਾਫ ਐਮ.ਟੀ.ਪੀ. ਐਕਟ 1971 ਅਤੇ ਪੀਸੀ ਐਂਡ ਪੀ.ਐਨ.ਡੀ.ਟੀ., 1994 ਦੀਆਂ ਵੱਖ-ਵੱਖ ਧਾਰਾਵਾਂ ਦੇ ਤਹਿਤ ਮਾਮਲੇ ਦਰਜ ਕੀਤੇ ਗਏ ਹਨ । ਉਨਾਂ ਦਸਿਆ ਕਿ ਛਾਪੇਮਾਰੀ ਦੌਰਾਨ ਬਹਾਦੁਰਗਡ਼ ਵਿਚ ਇਕ ਮਹਿਲਾ ਏ.ਐਨ.ਐਮ. ਦੇ ਘਰ ਤੋਂ ਡਾਅਰੀ ਪ੍ਰਾਪਤ ਹੋਈ ਹੈ, ਜਿਸ ਵਿਚ ਪਿਛਲੇ 2-3 ਸਾਲਾਂ ਦੇ ਦੌਰਾਨ ਉਸ ਵੱਲੋਂ ਕੀਤੇ ਗਏ ਲਗਭਗ 500 ਨਾਜਾਇਜ ਐਮ.ਟੀ.ਪੀ. ਮਾਮਲੇ ਕਰਨ ਦਾ ਰਿਕਾਰਡ ਪ੍ਰਾਪਤ ਹੋਇਆ ਹੈ । ਇਹ ਡਾਅਰੀ ਦੇ ਦੇ ਆਧਾਰ 'ਤੇ ਵੱਖ-ਵੱਖ ਅਲਟ੍ਰਾਸਾਊਂਡ ਸੈਂਟਰਾਂ 'ਤੇ ਛਾਪੇਮਾਰੀ ਕੀਤੀ ਗਈ ਹੈ । ਉਨਾਂ ਦਸਿਆ ਕਿ ਦੋਸ਼ੀ ਏ.ਐਨ.ਐਮ. ਮੰਜੂ ਲਤਾ ਦਾ ਪਤੀ ਭਗਤ ਸਿੰਘ ਵੀ ਇਕ ਬੀ.ਏ.ਐਮ.ਐਸ. ਡਾਕਟਰ ਵੱਜੋਂ ਕੰਮ ਕਰਦਾ ਰਿਹਾ ਸੀ, ਜੋ ਕਿ ਛੋਲਾਛਾਪ ਡਾਕਟਰ ਹੈ ਅਤੇ ਪੁਲਿਸ ਵੱਲੋਂ ਜਾਂਚ ਵਿਚ ਉਸ ਦੀ ਡਿਗਰੀ ਫਰਜੀ ਪਾਈ ਗਈ ਹੈ । ਜਿਸ 'ਤੇ ਭਾਰਤੀ ਮੈਡੀਕਲ ਪਰਿਸ਼ਦ ਐਕਟ ਦੀਆਂ ਵੱਖ-ਵੱਖ ਧਾਰਾਵਾਂ ਦੇ ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਹੈ । ਇਸੇ ਤਰਾਂ, ਬਹਾਦੁਰਗਡ਼ ਵਿਚ ਇਕ ਹੋਰ ਸੈਂਟਰ ਪਾਇਆ ਗਿਆ ਹੈ, ਜਿਸ ਦੇ ਖਿਲਾਫ ਵੀ ਪਿਛਲੀ ਰਾਤ ਮਾਮਲਾ ਦਰਜ ਕੀਤਾ ਗਿਆ ਹੈ ਅਤੇ ਸੈਂਟਰ ਦੀ ਅਲਟਰਾਸਾਊਂਡ ਮਸ਼ੀਨ ਨੂੰ ਕਬਜੇ ਵਿਚ ਲਿਆ ਗਿਆ ਹੈ।