Showing posts with label Medha Patkar. Show all posts
Showing posts with label Medha Patkar. Show all posts

Saturday, November 20, 2021

ਕਾਰਪੋਰੇਟਾਂ ਦੀਆਂ ਖਤਰਨਾਕ ਸਾਜ਼ਿਸ਼ਾਂ ਦੇ ਖਿਲਾਫ ਉੱਠੀ ਨਾਰੀ ਸ਼ਕਤੀ

 ਚੰਡੀਗੜ੍ਹ ਵਿੱਚ ਔਰਤਾਂ ਨੇ ਵੀ ਝੰਡਾ ਬੁਲੰਦ ਕੀਤਾ ਮਜ਼ਬੂਤ ਆਵਾਜ਼ ਦੇ ਨਾਲ 


ਚੰਡੀਗੜ੍ਹ
: 20 ਨਵੰਬਰ 2021: (ਕਾਰਤਿਕਾ ਸਿੰਘ//ਪੰਜਾਬ ਸਕਰੀਨ ਡੈਸਕ)::
 

ਜਦੋਂ ਸੰਘ ਪਰਿਵਾਰ ਦੇ ਆਗੂ ਇੱਕ ਵਾਰ ਫੇਰ ਇਸ ਗੱਲ ਤੇ ਜ਼ੋਰ ਦੇਣ ਲੱਗੇ ਹੋਏ ਸਨ ਕਿ ਔਰਤਾਂ ਨੂੰ ਸਿਰਫ ਘਰਾਂ ਤੱਕ ਸੀਮਿਤ ਰਹਿਣਾ  ਚਾਹੀਦਾ ਹੈ ਉਦੋਂ ਸੱਤਾ ਵਾਲੀਆਂ ਇਹਨਾਂ ਸਮੂਹ ਧਿਰਾਂ ਨੂੰ ਚੁਣੌਤੀ ਦੇਂਦਿਆਂ ਚੰਡੀਗੜ੍ਹ ਵਿੱਚ ਜਾਗਰੂਕ ਹੋਈ ਨਾਰੀ ਸ਼ਕਤੀ ਦਾ ਸ਼ਾਂਤ ਪਰ ਜ਼ਬਰਦਸਤ ਪ੍ਰਗਟਾਵਾ ਹੋਇਆ ਹੈ ਇਸ ਕਨਵੈਨਸ਼ਨ ਦੇ ਰੂਪ ਵਿੱਚ। ਜ਼ਿਕਰਯੋਗ ਹੈ ਕਿ ਪੰਜਾਬ ਅਤੇ ਹਰਿਆਣਾ ਦੀ ਰਾਜਧਾਨੀ ਹੋਣ ਦੇ ਨਾਲ ਨਾਲ ਕੇਂਦਰ ਸ਼ਾਸਤ ਪ੍ਰਦੇਸ਼ ਚੰਡੀਗੜ੍ਹ ਉਹ ਥਾਂ ਹੈ ਜਿਹੜਾ ਪੰਜਾਬ, ਹਿਮਾਚਲ ਅਤੇ ਹਰਿਆਣਾ ਦੇ ਨਾਲ ਬਹੁਤ ਹੀ ਨੇੜਿਓਂ ਜੁੜਿਆ ਹੋਇਆ ਹੈ। ਇਥੇ ਬੁਲੰਦ ਹੋਈ ਆਵਾਜ਼ ਤੁਰੰਤ ਹੀ ਦੂਰ ਦੂਰ ਤੱਕ ਪਹੁੰਚਦੀ ਹੈ। ਨਾਰੀ ਸੰਗਠਨ ਪੰਜਾਬ ਵੂਮੈਨ ਕਲੈਕਟਿਵ ਦੀ ਪਹਿਲੀ ਕੌਮੀ ਕਨਵੈਨਸ਼ਨ ਕਿਸਾਨ ਸੰਘਰਸ਼ ਵਿੱਚ ਸਰਹੱਦਾਂ 'ਤੇ ਸ਼ਹੀਦ ਹੋਣ ਵਾਲੀਆਂ ਮਹਿਲਾ ਸ਼ਹੀਦਾਂ ਨੂੰ ਇੱਕ ਮਿੰਟ ਦਾ ਮੌਨ ਰੱਖ ਕੇ ਸ਼ੁਰੂ ਹੋਈ। ਇਹ ਸ਼ਰਧਾਂਜਲੀ ਇੱਕ ਇੱਕ ਐਲਾਨ ਵੀ ਸੀ ਕਿ ਸਾਡੀ ਇਹ ਜੰਗ ਜਿੱਤ ਤੱਕ ਜਾਰੀ ਰਹੇਗੀ। ਅਸੀਂ ਨਾ ਝੁਕਾਂਗੇ  ਨਾ ਹੀ ਰੁਕਾਂਗੇ। 

ਕਨਵੈਨਸ਼ਨ ਵਿੱਚ ਪੰਜਾਬ ਭਰ ਤੋਂ 500 ਤੋਂ ਵੱਧ ਔਰਤਾਂ ਨੇ ਭਾਗ ਲਿਆ। ਇਹ ਸਾਰੀਆਂ ਅੱਜ ਦੀਆਂ ਦੀਆਂ ਝਾਂਸੀ ਵਾਲਿਆਂ ਰਾਣੀਆਂ ਸਨ। ਇਹਨਾਂ ਸਾਰੀਆਂ ਵਿੱਚ ਮੈਂ ਭਾਗੋ ਵਾਲੀ ਸਮਰਥਾ ਅਤੇ ਸੰਭਾਵਨਾ ਵੀ ਮੌਜੂਦ ਹੈ। ਇਹਨਾਂ ਨੇ ਬੜੀ ਦਲੀਲ ਅਤੇ ਤੱਥਾਂ ਨਾਲ ਸਰਕਾਰ ਅਤੇ ਕਾਰਪੋਰੇਟਾਂ ਦੇ ਨਾਪਾਕ ਗਠਜੋੜ ਨੂੰ ਪੂਰੀ ਤਰ੍ਹਾਂ ਬੇਨਕਾਬ ਕੀਤਾ। 

ਚਾਣਕਿਆ ਨੇ ਕਿਸੇ ਵੇਲੇ ਕਿਹਾ ਸੀ ਜਿੱਥੋਂ ਦਾ ਰਾਜਾ ਵਪਾਰੀ ਹੋਵੇ ਉੱਥੋਂ ਦੀ ਪਰਜਾ ਭਿਖਾਰੀ ਬਣ ਜਾਂਦੀ ਹੈ। ਇਸ ਮਹਿਲਾ ਕਨਵੈਨਸ਼ਨ ਨੇ ਚਾਣਕਿਆ ਦਾ ਨਾਮ ਲਏ ਇਹ ਤ੍ਰਾਸਦੀ ਬਾਰ ਬਾਰ ਚੇਤੇ ਕਰਵਾਈ। ਇਹਨਾਂ ਨੇ ਦੱਸਿਆ ਕਿ ਸੱਤਾ ਦੀ ਸਹਿਮਤੀ ਨਾਲ ਦੇਸ਼ ਦੇ ਅਰਥਚਾਰੇ ਤੇ ਕਾਬਜ਼ ਹੋ ਰਹੀਆਂ ਕਾਰਪੋਰੇਟਾਂ ਨੇ ਦੇਸ਼ ਦੇ ਗਰੀਬ ਅਤੇ ਮੱਧ ਵਰਗੀ ਪਰਿਵਾਰਾਂ ਦੇ ਕਾਰੋਬਾਰਾਂ ਨੂੰ ਚੌਪਟ ਕਰ ਦਿੱਤਾ ਹੈ। 

ਪੰਜਾਬ ਸਕਰੀਨ ਨਾਲ ਗੱਲਬਾਤ ਦੌਰਾਨ ਮੁੱਖ ਬੁਲਾਰਾ ਡਾਕਟਰ ਵੰਦਨਾ ਸ਼ਿਵਾ ਨੇ ਦੱਸਿਆ ਕਿ ਹੁਣ ਦੀਵਾਲੀ ਤੇ ਵਿਕਣ ਵਾਲੇ ਮਠਿਆਈ ਦੇ ਡੱਬੇ ਘਟ ਗਏ ਹਨ ਅਤੇ ਕੈਡਬਰੀ ਵਾਲੀ ਚੌਕਲੇਟ ਦੇ ਡੱਬਿਆਂ ਦੀ ਵਿਕਰੀ ਵੱਧ ਗਈ ਹੈ। ਇਹ ਗੱਲ ਯਾਦ ਦੁਆ ਰਹੀ ਸੀ ਕਿ ਮੰਦਭਾਗੀਆਂ ਨੀਤੀਆਂ ਮੁਤਾਬਿਕ ਦੇਸ਼ ਦੇ ਸਮੂਹ ਕਿਰਤੀ ਵਰਗਾਂ ਨੂੰ ਪਕੌੜੇ ਤਲ ਕੇ ਗੁਜ਼ਾਰਾ ਕਰਨ ਵਾਲੇ ਪਾਸੇ ਹੀ ਲਿਜਾਇਆ ਜਾ ਰਿਹਾ ਹੈ। ਦੇਸ਼ ਦਾ ਸਰਮਾਇਆ ਕਾਰਪੋਰੇਟ ਘਰਾਣਿਆਂ ਨੂੰ ਸ਼ਰੇਆਮ ਬੜੀ ਬੇਸ਼ਰਮੀ ਨਾਲ ਲੁਟਾਇਆ ਜਾ ਰਿਹਾ ਹੈ। ਇਸ ਮੌਕੇ ਕਾਰਪੋਰੇਟਾਂ ਨੂੰ ਜ਼ਬਰਦਸਤ ਅਤੇ ਜੇਤੂ ਚੁਣੌਤੀ ਦੇਣ ਵਾਲੇ ਕਿਸਾਨੀ ਸੰਘਰਸ਼ ਨਾਲ ਇੱਕਜੁੱਟਤਾ ਵੀ ਪ੍ਰਗਟਾਈ ਗਈ। ਯਾਦ ਰਹੇ ਇਹਨਾਂ ਔਰਤਾਂ ਨੇ ਹੀ ਆਪਣੇ ਪਤੀ, ਪਿਤਾ ਅਤੇ ਪੁੱਟ ਪੋਤੇ ਕਿਸਾਨੀ ਮੋਰਚਿਆਂ ਤੇ ਭੇਜੇ ਸਨ ਅਤੇ ਹੁਣ ਜਿੱਤ ਹਾਸਲ ਕਰਕੇ ਦਿਖਾਈ ਹੈ। 

ਮੁੱਖ ਬੁਲਾਰੇ ਵੰਦਨਾ ਸ਼ਿਵਾ ਨੇ ਕਿਸਾਨ ਸੰਘਰਸ਼ ਨੂੰ ਵਧਾਈ ਦਿੰਦਿਆਂ ਕਿਹਾ ਕਿ ਇਹ ਸਾਡੀ ਜਿੱਤ ਦੀ ਸ਼ੁਰੂਆਤ ਹੈ। ਅਸੀਂ ਆਰਾਮ ਨਹੀਂ ਕਰ ਸਕਦੇ। .ਸਾਡੇ ਅਸਲ ਦੁਸ਼ਮਣ ਅਡਾਨੀ ਜਾਂ ਅੰਬਾਨੀ ਨਹੀਂ ਸਗੋਂ ਮੌਨਸੈਂਟੋ, ਰੌਕਫੈਲਰ, ਐਮਾਜ਼ਾਨ ਹਨ ਇਸ ਲਈ ਸਾਡੀ ਲੜਾਈ ਜ਼ਿਆਦਾ ਲੰਮੀ ਅਤੇ ਉਲਝੇਵਿਆ ਭਰੀ ਹੋ ਸਕਦੀ ਹੈ। ਉਦਾਰੀਕਰਨ ਦੇ ਸਿੱਟਿਆਂ ਵੱਜੋਂ ਬੀਜਾਂ ਦੇ ਖੇਤਰ ਵਿੱਚ ਜੀਨ ਦਿੱਗਜ ਮੋੰਸੈਂਟੋ ਦੇ ਆਉਣ ਨਾਲ ਫਸਲਾਂ ਦੀ ਹਾਲਤ ਲਗਾਤਾਰ ਖਰਾਬ ਹੋ ਰਹੀ ਹੈ .ਇਸ ਸਿਸਟਮ ਨਾਲ ਕੀਟਨਾਸ਼ਕਾਂ ਦੀ ਅੰਨੀ ਵਰਤੋਂ ਵਧ ਗਈ ਹੈ ਜਿਹੜੀ ਕਿ ਬੇਹੱਦ ਹਾਨੀਕਾਰਕ ਹੈ ਦੂਜੇ ਪਾਸੇ ਕਿਸਾਨਾਂ ਸਿਰ ਚੜ੍ਹੇ ਹੋਏ ਕਰਜ਼ੇ ਵੀ ਲਗਾਤਾਰ ਵਧਦੇ ਜਾ ਰਹੇ ਹਨ। ਇਹ ਸਭ ਭਾਰਤੀ ਅਰਥਚਾਰੇ ਅਤੇ ਖੇਤੀਬਾੜੀ ਦੇ ਲਈ ਢੁਕਵਾਂ  ਨਹੀਂ ਹੈ। ਅਸੀਂ ਇਸ ਦੇ ਖਰਚਿਆਂ ਅਤੇ ਉਲਝੇਵਿਆਂ ਨੂੰ ਨਹੀਂ ਝੱਲ ਸਕਦੇ। ਇਸ ਤਕਨੀਕ ਨਾਲ ਆਮ ਗਰੀਬ ਮਧ ਵਰਗੀ ਕਿਸਾਨਾਂ  ਦਾ ਭਾਰਤ ਵਿਚ ਸਫਾਇਆ ਹੋ ਜਾਵੇਗਾ।

ਇਸ ਸਭ ਕੁਝ ਬਾਰੇ ਸਰਕਾਰਾਂ ਨੇ ਹੀ ਵਿਚਾਰਰਨਾ ਹੁੰਦਾ ਹੈ ਪਰ ਸਰਕਾਰਾਂ ਤਾਂ  ਕਾਰਪੋਰੇਟਾਂ ਦੇ ਹੱਥਾ ਵਿੱਚ ਹਨ। ਦੁਨੀਆ ਭਰ ਵਿਚ ਇਹੀ ਕੁਝ ਹੋਣ ਲੱਗ ਪਿਆ ਹੈ। ਕਾਰਪੋਰੇਟਸ ਨੇ ਸਰਕਾਰਾਂ ਨੂੰ ਹਾਈਜੈਕ ਕਰ ਲਿਆ ਹੈ। ਅਗਵਾ ਕਰ ਲਿਆ ਹੈ। ਦੁਨੀਆ ਦੀਆਂ ਦਸ ਪ੍ਰਮੁਖ ਬੀਜ ਕੰਪਨੀਆਂ 23 ਖਰਬ ਡਾਲਰ ਦੇ ਵਪਾਰ ਦੇ ਤੀਜੇ ਹਿੱਸੇ ਨੂੰ ਕੰਟ੍ਰੋਲ ਕਰਦੀਆਂ  ਹਨ। ਇਸਦੀ  44 ਫੀਸਦੀ ਵਿਕਰੀ ਇਹਨਾਂ ਦੇ ਹੱਥਾਂ ਵਿਚ ਹੈ। 

ਵਿਸ਼ਵ ਵ੍ਪਾਰਰ ਸੰਗਠਨ ਦੇ ਨਾਲ ਕੀਤੀਆਂ ਸੰਧੀਆਂ ਅਤੇ ਵਾਅਦੇ ਸਾਨੂੰ ਮੁਸੀਬਤਾਂ ਵਿਚ ਹੀ ਪਾ ਰਹੇ ਹਨ। ਇਹਨਾਂ ਵਾਅਦਿਆਂ ਦੇ ਮੁਤਾਬਿਕ ਹੀ ਭਾਰਤੀ ਸਰਕਾਰ ਨੇ ਵੀ ਦੋ ਨਵੇਂ ਕਾਨੂਨ ਬਨਾਏ ਹਨ। ਪੇਟੈਂਟ ਬਿਲ ਅਤੇ ਪ੍ਰੋਟੈਕਸ਼ ਆਫ ਪਲਾਂਟ ਵਰਾਇਟੀ ਐਂਡ ਦ ਫਾਰਮਰਜ਼ ਰਾਈਟਸ ਬਿੱਲ। 

ਆਖਿਰ ਡਿਜੀਟਲ ਖੇਤੀ ਦਾ ਕੀ ਮਤਲਬ ਹੈ? ਇਸਦੀ ਸ਼ੁਰੂਆਤ ਕਰਨ ਵਾਲਿਆਂ ਲਈ, ਇਸ ਵਿੱਚ ਇੱਕ ਡਿਜੀਟਲ ਨਿਗਰਾਨੀ ਪ੍ਰਣਾਲੀ ਦੀ ਸ਼ੁਰੂਆਤ ਸ਼ਾਮਲ ਹੈ। ਹੁਣ ਤੱਕ, ਸ਼ਿਵਾ ਦੀ ਸੰਸਥਾ ਨੇ ਗੈਟਸ ਸਮਝੌਤੇ ਵਾਲੇ ਸਿਸਟਮ ਅਧੀਨ ਚਾਲੂ ਹੋਈ  ਬੀਜ ਨਿਗਰਾਨੀ ਸ਼ੁਰੂ ਹੋਣ ਤੋਂ ਰੋਕਣ ਵਿੱਚ ਕਾਮਯਾਬੀ ਹਾਸਲ ਕੀਤੀ ਹੈ। ਜ਼ਿਕਰਯੋਗ ਹੈ ਕਿ ਗੈਟਸ ਸਮਝੌਤੇ ਵਾਲੀ ਇਸ ਨਿਗਰਾਨੀ ਪ੍ਰਣਾਲੀ ਦੁਆਰਾ ਮਨਜ਼ੂਰ ਕੀਤੇ ਬਿਨਾਂ ਕਿਸਾਨਾਂ ਨੂੰ ਬੀਜ ਉਗਾਉਣ ਦੀ ਇਜਾਜ਼ਤ ਨਹੀਂ ਦਿੱਤੀ ਜਾਵੇਗੀ। ਕਿੰਨਾ ਵੱਡਾ ਛਾਪਾ ਹੈ ਕਿਸਾਨਾਂ ਦੇ ਹਿੱਤਾਂ ਤੇ ਇਹ ਸੋਚਣ ਵਾਲੀ ਨਹੀਂ ਐਕਸ਼ਨ ਵਾਲੀ ਗੱਲ ਹੈ। 

ਸ਼ਿਵਾ ਦਾ ਕਹਿਣਾ ਹੈ, ਡੈਟਾ ਮਾਈਨਿੰਗ ਦੀ ਲੋੜ ਹੈ ਕਿਉਂਕਿ ਉਹ ਅਸਲ ਵਿੱਚ ਖੇਤੀਬਾੜੀ ਨਹੀਂ ਜਾਣਦੇ ਹਨ। ਇਹੀ ਕਾਰਨ ਹੈ ਕਿ ਗੈਟਸ ਕਿਸਾਨਾਂ ਦੀ ਪੁਲਿਸਿੰਗ ਲਈ ਵਿੱਤੀ ਸਹਾਇਤਾ ਕਰਦੇ ਹਨ। ਖੇਤੀ ਅਸਲ ਵਿੱਚ ਕਿਵੇਂ ਕੀਤੀ ਜਾਂਦੀ ਹੈ, ਇਹ ਜਾਣਨ ਲਈ ਉਸਨੂੰ ਉਹਨਾਂ ਦੇ ਡੇਟਾ ਨੂੰ ਮਾਈਨ ਕਰਨ ਦੀ ਲੋੜ ਹੈ। ਇਹ ਗਿਆਨ ਫਿਰ ਦੁਬਾਰਾ ਪੈਕ ਕੀਤਾ ਜਾਂਦਾ ਹੈ ਅਤੇ ਕਿਸਾਨਾਂ ਨੂੰ ਵਾਪਸ ਵੇਚ ਦਿੱਤਾ ਜਾਂਦਾ ਹੈ। ਇਹ ਆਪਣੇ ਉੱਤਮ ਰੂਪ ਵਿੱਚ ਦੁਸ਼ਟ ਪ੍ਰਤਿਭਾ ਹੈ।

ਆਪਣੇ ਫੰਡਿੰਗ ਦੁਆਰਾ, ਗੈਟਸ ਹੁਣ ਵਿਸ਼ਵ ਦੀ ਬੀਜ ਸਪਲਾਈ ਨੂੰ ਵੀ ਨਿਯੰਤਰਿਤ ਕਰਦਾ ਹੈ, ਅਤੇ ਜੀਨ ਸੰਪਾਦਨ ਖੋਜ ਲਈ ਉਸਦੇ ਵਿੱਤ ਨੇ ਦੁਨੀਆ ਭਰ ਵਿੱਚ ਜੀਵ ਸੁਰੱਖਿਆ ਕਾਨੂੰਨਾਂ ਨੂੰ ਘਟਾ ਦਿੱਤਾ ਹੈ। ਜਿਵੇਂ ਕਿ ਸ਼ਿਵਾ ਦੁਆਰਾ ਸਮਝਾਇਆ ਗਿਆ ਹੈ, ਸਿਰਫ ਇੱਕ ਅਜਿਹਾ ਦੇਸ਼ ਹੈ ਜਿਸ ਵਿੱਚ ਜੀਵ ਸੁਰੱਖਿਆ ਕਾਨੂੰਨ ਨਹੀਂ ਹਨ ਅਮਰੀਕਾ ਹੈ "ਬਾਕੀ ਦੁਨੀਆ ਇਸ ਲਈ ਕਰਦੀ ਹੈ ਕਿਉਂਕਿ ਸਾਡੇ ਕੋਲ ਬਾਇਓਸੁਰੱਖਿਆ 'ਤੇ ਕਾਰਟਾਗੇਨਾ ਪ੍ਰੋਟੋਕੋਲ ਨਾਮਕ ਇੱਕ ਸੰਧੀ ਹੈ,"। 

“ਜਦੋਂ ਉਸਨੇ ਪਰਉਪਕਾਰ ਦੀ ਦਿੱਖ ਬਣਾਈ ਹੈ, ਉਹ ਜੋ ਕਰ ਰਿਹਾ ਹੈ ਉਹ ਬਹੁਤ ਮਹੱਤਵਪੂਰਨ ਸੰਸਥਾਵਾਂ ਨੂੰ ਪੈਸੇ ਦੇ ਛੋਟੇ ਬਿੱਟ ਦੇ ਰਿਹਾ ਹੈ। ਪਰ ਪੈਸੇ ਦੇ ਉਨ੍ਹਾਂ ਬਿੱਟਾਂ ਨਾਲ ਉਹ ਸਰਕਾਰੀ ਪੈਸਾ ਖਿੱਚ ਲੈਂਦੇ ਹਨ, ਜੋ ਉਹ ਅਦਾਰੇ ਚਲਾ ਰਹੇ ਸਨ। ਹੁਣ ਉਹ ਆਪਣੀ ਪਕੜ ਕਾਰਨ ਇਨ੍ਹਾਂ ਅਦਾਰਿਆਂ ਦੇ ਏਜੰਡੇ 'ਤੇ ਕਾਬਜ਼ ਹੋ ਰਿਹਾ ਹੈ। ਇਸ ਦੌਰਾਨ, ਉਹ ਪੇਟੈਂਟਿੰਗ ਨੂੰ ਅੱਗੇ ਵਧਾ ਰਿਹਾ ਹੈ, ਚਾਹੇ ਉਹ ਦਵਾਈਆਂ, ਟੀਕੇ ਜਾਂ ਬੀਜਾਂ 'ਤੇ ਹੋਵੇ।

ਇਕੱਠੇ ਮਿਲ ਕੇ, ਗੈਟਸ ਨੇ ਗਲੋਬਲ ਖੇਤੀਬਾੜੀ ਅਤੇ ਭੋਜਨ ਉਤਪਾਦਨ 'ਤੇ ਬਹੁਤ ਜ਼ਿਆਦਾ ਨਿਯੰਤਰਣ ਪ੍ਰਾਪਤ ਕੀਤਾ, ਅਤੇ ਇਸ ਗੱਲ ਦਾ ਕੋਈ ਸਬੂਤ ਨਹੀਂ ਹੈ ਕਿ ਉਸ ਦੇ ਚੰਗੇ ਇਰਾਦੇ ਹਨ।

ਇਸ ਮੌਕੇ ਇੱਕ ਹੋਰ ਚੁੰਬਕੀ ਸ਼ਖ਼ਸੀਅਤ ਮੌਜੂਦ ਸੀ। ਬੜੀ ਹੀ ਸਾਦਗੀ ਭਰੇ ਸ਼ਬਦਾਂ ਨਾਲ ਦਿਲ ਵਿੱਚ ਉਤਰ ਜਾਣ ਵਾਲੀ ਇਸ ਸ਼ਖ਼ਸੀਅਤ ਨਾਲ ਗੱਲਾਂ ਕਰਦਿਆਂ ਪਤਾ ਹੀ ਨਹੀਂ ਲੱਗਦਾ ਕਿ ਸਮਾਂ ਕਦੋਂ ਲੰਘ ਗਿਆ? ਮੇਰੀ ਮੁਰਾਦ ਹੈ ਨਵਸ਼ਰਨ ਕੌਰ ਹੁਰਾਂ ਤੋਂ। ਨਵਸ਼ਰਨ ਕੌਰ, ਨਾਰੀਵਾਦੀ ਖੋਜਕਰਤਾ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਔਰਤਾਂ ਨੂੰ ਬਾਡਰਾਂ  'ਤੇ ਵੀ ਨਹੀਂ ਦੇਖ ਸਕਦੇ ਸਨ, ਭਾਵੇਂ ਕਿ ਉਨ੍ਹਾਂ ਨੇ ਔਰਤਾਂ ਦੀ ਮੌਜੂਦਗੀ ਅਤੇ ਭਾਗੀਦਾਰੀ ਨੂੰ ਸਵੀਕਾਰ ਨਹੀਂ ਕੀਤਾ, ਰਸੋਈ ਤੋਂ ਲੈ ਕੇ ਫੀਲਡ ਤੱਕ ਸਰਹੱਦਾਂ ਤੱਕ ਔਰਤਾਂ ਮੀਡੀਆ ਅਤੇ ਸਾਡੇ ਪ੍ਰਧਾਨ ਮੰਤਰੀ ਮੋਦੀ ਲਈ ਅਦਿੱਖ ਲੜਾਈ ਲੜ ਰਹੀਆਂ ਹਨ। ਔਰਤਾਂ ਨੇ ਦਹਾਕਿਆਂ ਤੱਕ ਘਰੇਲੂ ਹਿੰਸਾ ਦੌਰਾਨ ਬਹੁਤ ਕੁਝ ਸਹਿਣ ਵੀ ਕੀਤਾ ਪਰ ਇਸਦੇ ਖਿਲਾਫ ਆਵਾਜ਼ ਵੀ ਬੁਲੰਦ ਕੀਤੀ। ਉਹਨਾਂ ਯਾਦ ਕਰਾਇਆ ਕਿ  ਔਰਤਾਂ ਦੀ ਸੁਰੱਖਿਆ ਦੀ ਜ਼ਿੰਮੇਵਾਰੀ ਰਾਜ ਦੀ ਹੈ। ਜੇਕਰ ਔਰਤਾਂ ਕੰਮ ਕਰਨਾ ਚਾਹੁੰਦੀਆਂ ਹਨ ਤਾਂ ਕੋਈ ਸੁਰੱਖਿਅਤ ਕੰਮ ਵਾਲੀ ਥਾਂ ਨਹੀਂ ਹੈ ਨਾਂ ਹੀ ਸੁਰੱਖਿਅਤ ਟਰਾਂਸਪੋਰਟ ਹੈ, ਅਸੀਂ ਆਪਣੇ ਹੱਕਾਂ ਲਈ  ਲੜਦੇ ਰਹੇ ਹਾਂ ਅਤੇ ਲੜਦੇ ਰਹਾਂਗੇ। ਕਦਮ ਕਦਮ ਤੇ ਅਸੀਂ ਸੰਘਰਸ਼ ਕੀਤਾ ਹੈ। ਕੰਮ ਵਾਲੀ ਥਾਂ 'ਤੇ ਜਿਨਸੀ ਸ਼ੋਸ਼ਣ ਦਾ ਕਾਨੂੰਨ ਸਾਡੇ ਸੰਘਰਸ਼ਾਂ ਦੀ ਹੀ ਪ੍ਰਾਪਤੀ ਹੈ।

ਕਨਵੈਨਸ਼ਨ ਦੇ ਬੁਲਾਰਿਆਂ ਨੇ ਕਿਹਾ, 'ਅੱਜ ਜਦੋਂ ਹੋਂਦ ਹੀ ਦਾਅ 'ਤੇ ਲੱਗੀ ਹੋਈ ਹੈ, ਜਦੋਂ ਫਾਸ਼ੀਵਾਦ, ਨਵ-ਪੂੰਜੀਵਾਦ ਅਤੇ ਨਵ-ਬਸਤੀਵਾਦ ਦੇ ਪੰਜੇ ਚਾਰੇ ਪਾਸੇ ਫੈਲ ਰਹੇ ਹਨ, ਸਾਨੂੰ ਆਪਣੇ ਵਿਚਾਰਧਾਰਕ ਵਖਰੇਵਿਆਂ ਤੋਂ ਉੱਪਰ ਉੱਠਣ ਦੀ ਲੋੜ ਹੈ। ਕਿਸਾਨ ਅੰਦੋਲਨ ਤੋਂ ਇੱਕ ਨਵੀਂ ਵਿਚਾਰਧਾਰਾ ਉੱਭਰ ਕੇ ਸਾਹਮਣੇ ਆਈ ਹੈ ਕਿ ਨਿਰੰਤਰ, ਸ਼ਾਂਤੀਪੂਰਨ ਸੰਘਰਸ਼ ਨਾਲ ਹੀ ਆਪਣੀਆਂ ਮੰਗਾਂ ਬਾਰੇ ਸੱਤਾ ਨੂੰ ਹਿਲਾਇਆ ਜਾ ਸਕਦਾ ਹੈ। 

ਇੱਕ ਹੋਰ ਉਦਾਹਰਣ ਦਿੰਦੇ ਹੋਏ ਉਹਨਾਂ ਕਿਹਾ ਕਿ ਅੰਦੋਲਨ ਦੇ ਅੰਦਰ, ਅਸੀਂ ਮਹਿਲਾ ਪ੍ਰਦਰਸ਼ਨਕਾਰੀਆਂ ਦੀ ਸੁਰੱਖਿਆ ਨੂੰ ਯਕੀਨੀ ਬਣਾਉਣ ਲਈ ਇੱਕ ਮਹਿਲਾ ਸੁਰੱਖਿਆ ਕਮੇਟੀ ਬਣਾਈ ਸੀ। ਇਸਦੇ ਨਾਲ ਹੀ, ਅੰਦੋਲਨ ਵਿੱਚ ਔਰਤਾਂ ਦੀ ਭਾਗੀਦਾਰੀ ਨੂੰ ਮਜ਼ਬੂਤ ​​ਕਰਨਾ ਵੀ ਸੀ ਅਤੇ ਇਸ ਨੂੰ ਨਾਰੀਵਾਦੀ ਦ੍ਰਿਸ਼ਟੀਕੋਣ ਨਾਲ ਵਧੇਰੇ ਚੇਤਨ ਵੀ ਕਰਨਾ ਸਾਡੇ ਏਜੰਡੇ ਵਿਚ ਰਿਹਾ।

2013 'ਚ ਮੁਜ਼ੱਫਰਨਗਰ 'ਚ ਜਾਟਾਂ ਅਤੇ ਮੁਸਲਮਾਨਾਂ ਵਿਚਾਲੇ ਦੰਗੇ ਹੋਏ ਸਨ ਪਰ ਅੱਜ ਜੇਕਰ ਦਿੱਲੀ ਦੀ ਸਰਹੱਦ 'ਤੇ ਨਜ਼ਰ ਮਾਰੀਏ ਤਾਂ ਇਸ ਸੰਘਰਸ਼ 'ਚ ਸਾਰੇ ਇਕੱਠੇ ਹਨ। ਇਹ ਸਾਡੇ ਸਭਨਾਂ ਲਈ ਬੜੀ ਵੱਡੀ ਮਾਣ ਵਾਲੀ ਗੱਲ ਹੈ। ‘ਹਿੰਦੂ, ਮੁਸਲਿਮ, ਸਿੱਖ, ਇਸਾਈ ਆਪਸ ਮੈਂ ਹੈ ਭਾਈ ਭਾਈ’ ਦਾ ਨਾਅਰਾ ਅਸਲ ਵਿੱਚ ਇੱਕ ਵਾਰ ਫਿਰ ਸਾਕਾਰ ਹੋ ਗਿਆ ਹੈ। ਜਨ ਸੰਸਦ  ਵਰਗਾ ਇੱਕ ਨਵਾਂ ਸਿਆਸੀ ਮੰਚ ਹੋਂਦ ਵਿੱਚ ਆਇਆ ਹੈ ਜੋ ਚੋਣ ਰਾਜਨੀਤੀ ਵਿੱਚ ਬੇਲੋੜੇ ਅਤੇ ਗੈਰ-ਜਮਹੂਰੀ ਅਮਲਾਂ ਨੂੰ ਚੁਣੌਤੀ ਦਿੰਦਾ ਹੈ। ਇਹ ਬਹੁਤ ਵੱਡੀ ਪ੍ਰਾਪਤੀ ਹੈ ਇਸ ਅੰਦੋਲਨ ਦੀ। 

ਇਸ ਬੇਮਿਸਾਲ ਤਾਕਤ ਵਾਲੀ ਲਹਿਰ ਦੀ ਤੁਲਨਾ ਆਜ਼ਾਦੀ ਦੀ ਲਹਿਰ ਨਾਲ ਕੀਤੀ ਜਾ ਸਕਦੀ ਹੈ ਜੋ ਬ੍ਰਿਟਿਸ਼ ਸਾਮਰਾਜੀ ਤਾਕਤਾਂ ਨੂੰ ਭਜਾ ਸਕਦੀ ਸੀ। ਸਾਨੂੰ ਸਿਰਫ਼ ਉਸ ਮਸ਼ਾਲ ਨੂੰ ਜਿਉਂਦਾ ਰੱਖਣ ਦੀ ਲੋੜ ਹੈ। ਜਿੰਨਾ ਚਿਰ ਇਹ ਮਸ਼ਾਲ ਰੌਸ਼ਨ ਹੈ, ਭਾਵੇਂ ਇਹ ਬਹੁਤ ਹੀ ਥੋਹੜੇ ਜਿਹੇ ਲੋਕਾਂ ਦੇ ਦਿਲਾਂ ਵਿਚ ਵੀ ਰਹੇ ਪਰ ਇਸ ਨਾਲ ਲਹਿਰ ਪ੍ਰਫੁੱਲਤ ਹੁੰਦੀ ਰਹੇਗੀ।

ਸ਼ਹੀਦ ਭਗਤ ਸਿੰਘ ਦੀ ਭਤੀਜੀ ਸ. ਗੁਰਜੀਤ ਕੌਰ ਵੀ ਇਸ ਮੌਕੇ ਉਚੇਚ ਨਾਲ ਪੁੱਜੀ। ਉਹਨਾਂ ਨੇ ਪੰਜਾਬ ਵੂਮੈਨ ਕਲੈਕਟਿਵ ਨੂੰ ਵਧਾਈ ਦਿੰਦਿਆਂ ਕਿਹਾ ਕਿ ਸਾਰੀਆਂ ਔਰਤਾਂ ਦੇ ਇਕੱਠੇ ਆਉਣ ਦੀ ਇਹ ਬਹੁਤ ਚੰਗੀ ਸ਼ੁਰੂਆਤ ਹੈ, ਹੁਣ ਇਸ ਨੂੰ ਅਸਲ ਵਿੱਚ ਰਾਸ਼ਟਰੀ ਪੱਧਰ 'ਤੇ ਵੀ ਆਪਣੀ ਭੂਮਿਕਾ ਨਿਭਾਉਣੀ  ਚਾਹੀਦੀ ਹੈ।  ਪੰਜਾਬ ਦੀਆਂ ਔਰਤਾਂ ਦੇਸ਼ ਲਈ ਇੱਕ ਮਿਸਾਲ ਹਨ।

ਇਸ ਸਾਰੀ ਕਨਵੈਨਸ਼ਨ ਨੂੰ ਸਫਲ ਬਣਾਉਣ ਲਈ ਕਰੀਬ ਇੱਕ ਮਹੀਨੇ ਤੋਂ ਦਿਨ ਰਾਤ ਇੱਕ ਕਰਕੇ ਜੁੱਟੀ ਹੋਈ ਅਣਥੱਕ ਮਹਿਲਾ ਕੰਵਲਜੀਤ ਢਿਲੋਂ ਦੇ ਜ਼ਿਕਰ ਬਿਨਾ ਗੱਲ ਨਹੀਂ ਬਣ ਸਕਦੀ। ਇਹ ਗੱਲ ਉਹਨਾਂ ਬਿਨਾ ਅਧੂਰੀ ਰਹੇਗੀ। ਉਹ ਕਨਵੀਨਰ ਹਨ ਪੰਜਾਬ ਵੂਮੈਨ ਕਲੈਕਟਿਵ ਨਾਮੀ ਸੰਗਠਨ ਦੇ। ਉਹਨਾਂ ਨੇ ਕਨਵੈਨਸ਼ਨ ਦੀਆਂ ਮੰਗਾਂ ਦਾ ਐਲਾਨ ਕਰਕੇ ਇਸਦੀ ਰਸਮੀ ਸਮਾਪਤੀ ਵੀ ਕੀਤੀ। 

ਲਿਖਤ ਭਾਵੇਂ ਲੰਮੀ ਹੋ ਗਈ ਹੈ ਪਰ ਅਖੀਰ ਵਿੱਚ ਹੁਣ ਮੰਗਾਂ ਦਾ ਜ਼ਿਕਰ ਜ਼ਰੂਰੀ ਹੈ। ਮੰਗਾਂ ਬਾਰੇ ਦੱਸਦਿਆਂ ਉਹਨਾਂ ਕਿਹਾ ਪੰਜਾਬ ਵਿੱਚ ਬੀ.ਐਸ.ਐਫ ਦੇ ਵਾਧੇ ਨੂੰ ਤੁਰੰਤ ਬੰਦ ਕੀਤਾ ਜਾਵੇ। ਸਾਨੂੰ ਇਹ ਮਨਜ਼ੂਰ ਨਹੀਂ। 

ਦੂਜੀ ਮੰਗ ਵਿੱਚ ਉਹਨਾਂ ਸਪਸ਼ਟ ਕੀਤਾ ਕਿ ਅਡਾਨੀ ਅਤੇ ਅੰਬਾਨੀ ਨੂੰ ਖੇਤੀ ਵਿੱਚ ਨਹੀਂ ਆਉਣਾ ਚਾਹੀਦਾ ਹੈ ਖੇਤੀ ਕਿਸਾਨਾਂ ਦੀ ਹੈ ਨਾ ਕਿ ਕਾਰਪੋਰੇਟ ਘਰਾਣਿਆਂ ਦੀ।  ਖੇਤੀ ਵਿੱਚ ਇਹਨਾਂ ਦਾ ਕੀ ਕੰਮ? ਇਸ ਕਨਵੈਨਸ਼ਨ ਦੀ ਇਸ ਮੰਗ ਦਾ ਮਹੱਤਵ ਆਮ ਲੋਕਾਂ ਨੂੰ ਉਦੋਂ ਸਮਝ ਆਉਣਾ ਹੈ ਜਦੋਂ ਉਹਨਾਂ ਨੂੰ ਇੱਕ ਪੈਕ ਕੀਤੀ ਹੋਈ ਛਲੀ ਡੇੜ ਦੋ ਸੋ ਰੁਪਏ ਦੀ ਖਰੀਦਣੀ ਪੈਣੀ ਹੈ। ਇਸ ਲਈ ਮੈਡਮ ਢਿੱਲੋਂ ਆਉਣ ਵਾਲੇ ਭਿਆਨਕ ਖਤਰੇ ਦੀ ਰੋਕਥਾਮ ਬਾਰੇ ਜਗਾ ਰਹੇ ਹਨ। 

ਤੀਜੀ ਮੰਗ ਬਾਰੇ ਉਹਨਾਂ ਦੱਸਿਆ ਕਿ ਆਗਾਮੀ ਸਰਦ ਰੁੱਤ ਦੇ ਸੰਸਦ ਸਮਾਗਮ ਵਿੱਚ ਕਿਸਾਨ ਕਾਨੂੰਨ ਵਾਪਸ ਲਏ ਜਾਣ।  ਜਦੋਂ ਤੱਕ ਸੰਸਦ ਅਜਿਹਾ ਨਹੀਂ ਕਰਦੀ ਉਦੋਂ ਤੱਕ ਕਿਸਾਨ ਦਿੱਲੀ ਦੇ ਬਾਰਡਰ ਨਹੀਂ ਛੱਡਣਗੇ। ਇਹ ਸੰਘਰਸ਼ ਜਾਰੀ ਰਹੇਗਾ। ਸਾਡੇ ਜੇਤੂ ਯੋਧੇ ਮੁਕੰਮਲ ਜਿੱਤ ਮਗਰੋਂ ਹੋ ਦਿੱਲੀ ਤੋਂ ਪਰਤਣਗੇ। 

ਇਸਦੇ ਨਾਲ ਹੀ ਇਹ ਯਾਦਗਾਰੀ ਕਨਵੈਨਸ਼ਨ ਸਮਾਪਤ ਹੋ ਗਈ। ਕਨਵੈਨਸ਼ਨ ਵਿੱਚ ਬੜੀ ਹੀ ਸ਼ਰਧਾ ਨਾਲ ਪੁੱਜੇ ਗੁਰੂ ਕੇ ਲੰਗਰ ਨੇ ਇੱਕ ਵਾਰ ਫੇਰ ਅੱਜ ਦੀ ਪੀੜ੍ਹੀ ਨੂੰ ਗੁਰੂਆਂ ਦੀਆਂ ਕੁਰਬਾਨੀਆਂ ਅਤੇ ਸਿਖਿਆਵਾਂ ਨਾਲ ਜੋੜਿਆ।  

Tuesday, February 24, 2015

ਮੋਦੀ ਦੇ ਖਿਲਾਫ਼ ਅੰਨਾ ਅੰਦੋਲਨ ਦੀ ਹਨੇਰੀ ਲੁਧਿਆਣਾ ਵਿੱਚ ਵੀ ਸ਼ੁਰੂ

ਭੋਂ ਪ੍ਰਾਪਤੀ ਬਿਲ ਦੇ ਮੁੱਦੇ ਨੂੰ ਲੈ ਕੇ ਹੋਇਆ ਜ਼ੋਰਦਾਰ ਰੋਸ ਵਖਾਵਾ  
ਕਈ ਸੰਗਠਨਾਂ ਨੇ ਕੀਤਾ ਅੰਨਾ ਅੰਦੋਲਨ ਲਈ ਸਰਗਰਮ ਸਹਿਯੋਗ ਦਾ ਐਲਾਨ  
ਲੁਧਿਆਣਾ: 24 ਫਰਵਰੀ 2015: (ਰੈਕਟਰ ਕਥੂਰੀਆ//ਪੰਜਾਬ ਸਕਰੀਨ):  
ਚੰਗੇ ਦਿਨਾਂ ਦਾ ਵਾਅਦਾ  ਕਰਕੇ ਸੱਤਾ ਵਿੱਚ ਆਈ ਮੋਦੀ ਸਰਕਾਰ ਦੇ ਖਿਲਾਫ਼ ਲੁਧਿਆਣਾ ਵਿੱਚ ਵੀ ਜ਼ੋਰਦਾਰ ਅੰਦੋਲਨ ਸ਼ੁਰੂ ਹੋ ਗਿਆ ਹੈ। ਰੋਸ ਵਖਾਵਾ ਕਰ ਰਹੇ ਸੰਗਠਨਾਂ ਦੇ ਬੁਲਾਰਿਆਂ ਨੇ ਕਿਹਾ ਕਿ ਅਸਲ ਵਿੱਚ ਮੋਦੀ ਸਰਕਾਰ ਆਪਣੇ ਚੰਗੇ ਦਿਨਾਂ ਦੇ ਵਾਅਦੇ ਨੂੰ ਭੁੱਲ ਕੇ ਵੱਡੇ ਵੱਡੇ ਪੂੰਜੀਪਤੀਆਂ ਦੇ ਚੰਗੇ ਦਿਨ ਲਿਆਉਣ ਲਈ ਸਰਗਰਮ ਹੈ ਤਾਂਕਿ ਉਹਨਾਂ ਕੋਲੋਂ ਲਿਆ ਗਿਆ ਚੋਣ ਫੰਡ ਕਈ ਗੁਣਾ ਵਧਾ ਕੇ ਵਾਪਿਸ ਕੀਤਾ ਜਾ ਸਕੇ ।  ਪੂੰਜੀਪਤੀਆਂ ਦੇ ਉਤਪਾਦਨਾਂ ਨੂੰ ਐਮ ਆਰ ਪੀ (ਮੈਕਸੀਮਮ ਰਿਟੇਲ ਪਰਾਈਜ) ਅਤੇ ਦੇਸ਼ ਦਾ ਪੇਟ ਭਰਨ ਵਾਲੇ ਕਿਸਾਨਾਂ ਲਈ ਐਮ ਐਸ ਪੀ (ਮਿਨੀਮਮ ਸੁਪੋਰਟ ਪ੍ਰਾਇਜ਼) ਵਰਗੇ  ਬੇਇੰਸਾਫੀ ਭਰੇ ਪੈਮਾਨੇ ਨਾਲ ਵਿਕਾਸ ਨੂੰ ਨਾਪਨ ਵਾਲਾ ਸ਼ੋਸ਼ਣ ਭਰਿਆ ਤਰੀਕਾ ਹੁਣ ਅਸੀਂ ਨਹੀਂ ਚੱਲਣ ਦੇਣਾ। ਇਹ ਗੱਲ ਅੱਜ ਨੈਸ਼ਨਲ ਅਲਾਇੰਸ ਆਫ਼ ਪੀਪਲਜ਼ ਮੂਵਮੈਂਟ ਦੇ ਸੱਦੇ 'ਤੇ ਜਨਤੰਤਰ ਮੋਰਚਾ, ਰਾਸ਼ਟਰ ਧਰਮ ਮਿਸ਼ਨ ਅਤੇ ਬੇਲਨ ਬ੍ਰਿਗੇਡ  ਵਰਗੇ ਪ੍ਰਮੁਖ ਲੋਕ ਪੱਖੀ ਖਾੜਕੂ ਸੰਗਠਨਾਂ ਨੇ ਜਗਰਾਓਂ ਪੁਲ ਉੱਪਰ ਸ਼ਹੀਦ ਭਗਤ ਸਿੰਘ, ਰਾਜਗੁਰੂ ਅਤੇ ਸੁਖਦੇਵ ਦੀ ਸਾਂਝੀ ਯਾਦਗਾਰ ਹੇਠ ਕੀਤੇ ਇੱਕ ਸਾਂਝੇ ਰੋਸ ਵਖਾਵੇ ਦੌਰਾਨ ਵੱਖ ਵੱਖ ਬੁਲਾਰਿਆਂ ਨੇ ਕਹੀ। ਇਹ ਆਯੋਜਨ ਦਿੱਲੀ ਵਿੱਚ ਲੋਕ ਨਾਇਕ ਅੰਨਾ ਹਜਾਰੇ ਅਤੇ ਲੋਕ ਨਾਇਕਾ ਮੇਧਾ ਪਾਟਕਰ ਦੀ ਅਗਵਾਈ ਹੇਠ ਆਰੰਭ ਹੋਏ ਅੰਦੋਲਨ ਨਾਲ ਇੱਕਜੁੱਟਤਾ ਪ੍ਰਗਟਾਉਣ ਲਈ ਕੀਤਾ ਗਿਆ।
  ਭੋਂ ਪ੍ਰਾਪਤੀ ਬਿਲ ਦੇ ਮੁੱਦੇ 'ਤੇ ਅੰਨਾ ਹਜਾਰੇ ਦੀ ਸੁਰ ਵਿੱਚ ਸੁਰ ਮਿਲਾਉਂਦਿਆਂ ਵ੍ਖਾਵਾਕਾਰੀਆਂ ਨੇ ਜ਼ੋਰਦਾਰ ਨਾਅਰੇ ਬਾਜੀ ਦੇ ਨਾਲ ਨਾਲ ਜੋਸ਼ੀਲੇ ਭਾਸ਼ਣ ਵੀ ਦਿੱਤੇ।
ਇਸ ਰੋਸ ਵਖਾਵੇ ਵਿੱਚ ਜੈਵਿਕ ਖੇਤੀ ਐਸੋਸੀਏਸ਼ਨ ਵੱਲੋਂ ਮੇਵਾ ਸਿੰਘ ਕੁਲਾਰ, ਸੋਸ਼ਲ ਥਿੰਕਰਜ਼ ਫੋਰਮ ਵੱਲੋਂ ਰਮੇਸ਼ ਰਤਨ, ਇਪਟਾ ਵੱਲੋਂ ਐਮ ਐਸ ਭਾਟੀਆ, ਮਹਾਤੜ ਸਾਥੀ ਜਾਗਰਤੀ ਮੰਚ ਵੱਲੋਂ ਕੀਮਤੀ ਰਾਵਲ, ਸੈਂਟਰਲ ਐਂਟੀ ਕੁਰੱਪਸ਼ਨ ਵੱਲੋਂ ਰਮੇਸ਼ ਨ੍ਨ੍ਚਾਹਲ, ਰਮੇਸ਼ ਗਾਬਾ ਅਤੇ ਕਈ ਹੋਰ ਆਗੂਆਂ ਸਮੇਤ ਕਈ ਪ੍ਰਮੁਖ  ਹੋਏ।
ਗੁਰਵੰਤ ਸਿੰਘ ਅਤੇ ਕੁੰਵਰ ਰੰਜਨ ਸਿੰਘ ਨੇ ਬਹੁਤ ਹੀ ਖੂਬਸੂਰਤੀ ਨਾਲ ਮੰਚ ਸੰਚਾਲਨ ਕੀਤਾ।  ਵਿਨੋਦ ਜੈਨ, ਕਾਮਰੇਡ ਗੁਰਨਾਮ ਸਿਧੂ, ਮੇਵਾ ਸਿੰਘ  ਕੁਲਾਰ ਅਤੇ ਅਨੀਤਾ ਸ਼ਰਮਾ ਨੇ ਭੋਂ  ਪ੍ਰਾਪਤੀ ਬਿਲ ਦੀਆਂ  ਬਰੀਕੀਆਂ ਨੂੰ ਬੜੇ ਹੀ ਸਾਦਾ ਸ਼ਬਦਾਂ ਨਾਲ ਆਮ ਲੋਕਾਂ ਨੂੰ ਜਾਣੂ ਕਰਵਾਇਆ। 

Monday, September 01, 2014

Medha Patkar: ਜਲ, ਜੰਗਲ ਅਤੇ ਜ਼ਮੀਨ ਬਚਾਉਣ ਦੀ ਕ੍ਰਾਂਤੀ ਹੁਣ ਪੰਜਾਬ ਵਿੱਚ ਵੀ

 Updated on 1st September at 4;15 AM
ਮਹਿਲਾ ਸਸ਼ਕਤੀਕਰਨ ਅਤੇ ਜਲ, ਜੰਗਲ-ਜਮੀਨ ਦੀ ਆਵਾਜ਼ ਹੋਰ ਬੁਲੰਦ
ਲੁਧਿਆਣਾ: 31 ਅਗਸਤ 2014: (ਰੈਕਟਰ ਕਥੂਰੀਆ//ਪੰਜਾਬ ਸਕਰੀਨ):
ਅੱਜ ਸ਼ਾਮ ਮੇਧਾ ਪਾਟਕਰ ਲੁਧਿਆਣਾ ਵਿੱਚ ਸੀ। ਛੋਟੀ ਅਤੇ ਸਾਦਾ ਜਿਹੀ ਬੈਠਕ--ਜਿਸ ਵਿੱਚ ਬੈਠ ਸਕਣ ਦਾ ਪੂਰਾ ਪ੍ਰਬੰਧ ਵੀ ਨਹੀਂ ਸੀ ਕੀਤਾ ਜਾ ਸਕਿਆ ਪਰ ਲੋਕ ਸਾਹ ਰੋਕ ਕੇ ਬੜੇ ਧਿਆਨ ਨਾਲ ਮੇਧਾ ਨੂੰ ਸੁਣ ਰਹੇ ਸਨ। ਇਹਨਾਂ ਨੂੰ ਕੋਈ ਜਬਰੀ ਫੜ੍ਹ ਕੇ ਨਹੀਂ ਸੀ ਲਿਆਇਆ। ਇਹਨਾਂ ਨੂੰ ਕਿਸੇ ਨੇ ਪੈਸੇ ਵੀ ਨਹੀਂ ਸਨ ਦਿੱਤੇ। ਇਹਨਾਂ ਚੋਂ ਅਧਿਆਂ ਤੋਂ ਵਧ ਲੋਕਾਂ ਕੋਲ ਇਸ ਆਯੋਜਨ ਦੇ ਸੁਨੇਹੇ ਵੀ ਨਹੀਂ ਸਨ ਪਹੁੰਚ ਸਕੇ ਪਰ ਜਿਸ ਨੇ  ਵੀ ਮੇਧਾ ਦਾ ਨਾਮ ਸੁਣਿਆ ਉਹ ਭੱਜਿਆ ਆਇਆ। ਕਿਸੇ ਦੇ ਕਹਿਣ ਤੇ ਵੀ ਨਾ ਰੁਕਣ ਵਾਲਾ ਮੀਡੀਆ ਵੀ ਮੇਧਾ ਦੀ ਉਡੀਕ ਵਿੱਚ ਲੰਮੇ ਸਮੇਂ ਤੱਕ ਸਰਕਟ ਹਾਓਸ ਵਿੱਚ ਰੁਕਿਆ ਰਿਹਾ। ਜਲੰਧਰ ਵਿੱਚ ਸ਼ਹੀਦ ਪਰਿਵਾਰ ਫੰਡ ਵਿੱਚ ਭਾਗ ਲੈਣ ਲਈ ਆਈ ਮੇਧਾ ਪਾਟਕਰ ਜਲੰਧਰ ਵਿੱਚ ਹੀ ਤੇਜ਼ ਬਰਸਾਤ ਹੋਣ ਕਾਰਣ ਆਪਣੇ ਨਿਰਧਾਰਿਤ ਸਮੇਂ ਤੋਂ ਕਾਫੀ ਲੇਟ ਲੁਧਿਆਣਾ ਪੁੱਜੇ।  ਵਾਤਾਵਰਨ ਸੁਰੱਖਿਆ ਅਤੇ ਮਨੁੱਖੀ ਅਧਿਕਾਰਾਂ ਨਾਲ ਜੁੜੇ ਲੋਕ ਵੀ ਉੱਥੇ ਹਾਜਰ ਸਨ। ਮੇਧਾ ਪਾਟਕਰ ਨੇ ਇਹਨਾਂ ਆਮ ਲੋਕਾਂ ਨਾਲ ਝੱਟਪੱਟ ਇੱਕਮਿੱਕ ਹੁੰਦਿਆਂ ਆਪਣੀ ਗੱਲ ਸ਼ੁਰੂ ਕੀਤੀ ਅਤੇ ਨਾਲ ਹੀ ਲੋਕਾਂ ਦੀਆਂ ਤਕਲੀਫਾਂ ਸੁਨਣ ਦਾ ਸਿਲਸਿਲਾ ਵੀ। ਮੁੱਖ ਤੌਰ 'ਤੇ ਮੇਧਾ ਪਾਟਕਰ ਦਾ ਇਹ ਪੰਜਾਬ ਦੌਰਾ ਦੇਸ਼ ਭਰ ਵਿੱਚ ਚੱਲ ਰਹੇ ਜਨ-ਅੰਦੋਲਨਾਂ ਦਰਮਿਆਨ ਇੱਕ ਮਜਬੂਤ ਰਾਬਤਾ ਕਾਇਮ ਕਰਨ ਲਈ ਸੀ। ਇੱਕ  ਇਹਨਾਂ ਸਾਰੇ ਜਨ ਅੰਦੋਲਨਾਂ ਲਈ  ਇੱਕ ਸਾਂਝਾ ਮੰਚ ਸਾਬਿਤ ਹੋਵੇ ਅਤੇ ਲੋਕਾਂ ਦੀ ਆਵਾਜ਼ ਨੂੰ ਜਮਹੂਰੀ ਢੰਗ ਤਰੀਕਿਆਂ ਨਾਲ ਬੁਲੰਦ ਕਰ ਸਕੇ। ਰਾਜਸਥਾਨ, ਉੜੀਸਾ, ਤਮਿਲਨਾਡੂ, ਕੇਰਲ, ਮਧ ਪ੍ਰਦੇਸ਼, ਬਿਹਾਰ, ਅੰਧਰ ਪ੍ਰਦੇਸ਼, ਮਹਾਰਾਸ਼ਟਰ, ਦਿੱਲੀ, ਗੁਜਰਾਤ, ਕਰਨਾਟਕ, ਗੋਵਾ, ਯੂਪੀ, ਉੱਤਰਾਖੰਡ ਅਤੇ ਹੋਰ ਬਹੁਤ ਸਾਰੇ ਖੇਤਰਾਂ ਵਿੱਚ ਸਰਗਰਮ ਸੰਗਠਨ ਅਤੇ ਸ਼ਖਸੀਅਤਾਂ ਪਹਿਲਾਂ ਹੀ NAPM ਅਰਥਾਤ ਨੈਸ਼ਨਲ ਅਲਾਇੰਸ ਆਫ਼ ਪੀਪਲਜ਼ ਮੂਵਮੈਂਟਸ ਨਾਲ ਆਪਣਾ ਰਾਬਤਾ ਜੋੜ ਚੁੱਕੇ ਹਨ। ਹੁਣ ਇਸ ਮਕਸਦ ਲਈ ਪੰਜਾਬ ਨੂੰ ਚੁਣਿਆ ਗਿਆ ਹੈ। ਨਰਮਦਾ ਬਚਾਓ ਅੰਦੋਲਨ ਦੀ ਮੋਢੀ ਮੈਂਬਰ ਅਤੇ ਆਮ ਆਦਮੀ ਪਾਰਟੀ ਰਾਹੀਂ ਸਿਆਸਤ ਵਿੱਚ ਪ੍ਰਵੇਸ਼ ਕਰ ਚੁੱਕੀ ਉੱਘੀ ਸਮਾਜ ਸੇਵਕਾ ਮੇਧਾ ਪਾਟਕਰ ਨੇ ਅੱਜ ਇੱਥੇ ਕਿਹਾ ਕਿ ਉਹ ਕੇਂਦਰ ਸਰਕਾਰ ਦੀ ਦਰਿਆਵਾਂ ਨੂੰ ਜੋੜਨ ਦੀ ਨੀਤੀ ਨਾਲ ਸਹਿਮਤ ਨਹੀਂ ਕਿਉਂਕਿ ਇਹ ਸੁਝਾਅ ਕਿਸੇ ਵੀ ਤਰਾਂ ਨਾਲ ਜਲ ਮਸਲੇ ਦਾ ਹੱਲ ਨਹੀਂ। ਇਸ ਸਬੰਧੀ ਪੁਛੇ ਗਏ ਇੱਕ ਸੁਆਲ ਦਾ ਜੁਆਬ ਦੇਂਦਿਆਂ ਉਨ੍ਹਾਂ ਕਿਹਾ ਕਿ ਉਹ ਸਤਲੁਜ-ਯਮੁਨਾ ਲਿੰਕ ਨਹਿਰ ਦਾ ਵੀ ਸਮਰਥਨ ਨਹੀਂ ਕਰਦੀ। ਸਾਬਕਾ ਰਾਸ਼ਟਰਪਤੀ ਕਲਾਮ ਵੱਲੋਂ ਨਦੀਆਂ ਨੂੰ ਜੋੜਣ ਦੇ ਆਈਡੀਏ ਨੂੰ ਪੂਰੀ ਤਰਾਂ ਰੱਦ ਕਰਦਿਆਂ ਉਹਨਾਂ ਜੁਆਬੀ ਸੁਆਲ ਕੀਤਾ--ਇਹ ਕਿਵੇਂ ਠੀਕ ਹੈ ਇਸ ਬਾਰੇ ਕਲਾਮ ਸਾਹਿਬ ਨੂੰ ਹੀ ਪੁਛੋ। ਮੇਧਾ ਪਾਟਕਰ ਨੇ ਇਸ ਸਬੰਧੀ ਬੜੀ ਹੀ ਸ਼ਾਂਤੀ ਨਾਲ ਖਰੀਆਂ ਖਰੀਆਂ ਗੱਲਾਂ ਕੀਤੀਆਂ। ਲੁਧਿਆਣਾ ਵਿੱਚ ‘‘ਨੈਸ਼ਨਲ ਅਲਾਇੰਸ ਆਫ ਪੀਪਲ ਮੂਵਮੈਂਟ’’ ਦੇ ਇਸ ਛੋਟੇ ਜਹੇ ਪਰ ਅਚਾਨਕ ਰੱਖੇ ਗਏ ਪ੍ਰੋਗਰਾਮ ਵਿੱਚ ਸ਼ਾਮਲ ਹੋਣ ਲਈ ਲੁਧਿਆਣੇ ਸ਼ਹਿਰ ਦੇ ਅਨੇਕਾਂ ਸੀਨੀਅਰ ਸਿਆਸਤਦਾਨ, ਸਮਾਜ ਸੇਵਕ ਅਤੇ ਹੋਰ ਪਤਵੰਤੇ ਵੀ ਪੁੱਜੇ ਹੋਏ ਸਨ। ਮੇਧਾ ਨੇ ਤਕਰੀਬਨ ਸਭ ਦੀ ਗੱਲ ਸੁਣੀ। ਆਉਂਦਿਆਂ ਸਾਰ ਖੋਹਲੀ ਡਾਇਰੀ ਵਿੱਚ ਕਈ ਗੱਲਾਂ ਅਤੇ ਕਈਆਂ ਦੇ ਨਾਮ ਪਤੇ ਨੋਟ ਵੀ ਕੀਤੇ। ਕਈ ਗੱਲਾਂ ਨੂੰ ਦੋਹਰਾ ਕੇ ਪੁਛਿਆ। ਕਈ ਮਹਿਲਾਵਾਂ ਦੇ ਨਾਮ ਵੀ ਪੁਛੇ ਅਤੇ ਉਹਨਾਂ ਨੂੰ ਅੱਗੇ ਵਧਣ ਲਈ ਹੋਂਸਲਾ ਵੀ ਦਿੱਤਾ।
ਇਸ ਬਾਰੇ ਗੱਲਬਾਤ ਕਰਦਿਆਂ ਕੀ ਮੁੱਦੇ ਛੂਹੇ ਗਏ ਪਰ ਹਰ ਵਾਰ ਮੁੱਖ ਮਸਲਾ ਪਾਣੀ ਅਤੇ ਜਮੀਨ ਦਾ ਹੀ ਬਣਿਆ। ਮੋਦੀ ਸਰਕਾਰ ਦੀ ਦੇਸ਼ ਦੇ ਦਰਿਆਵਾਂ ਨੂੰ ਜੋੜਣ ਦੀ ਨੀਤੀ ਬਾਰੇ ਪੱਤਰਕਾਰਾਂ ਵੱਲੋਂ ਕੀਤੇ ਸਵਾਲਾਂ ਦੇ ਜਵਾਬ ਵਿੱਚ ਮੇਧਾ ਪਾਟਕਰ ਨੇ ਕਿਹਾ ਕਿ ਦੇਸ਼ ਦੇ ਦਰਿਆ ਤੇ ਨਦੀਆਂ ਨਕਸ਼ੇ ਉੱਤੇ ਵਾਹੀਆਂ ਲਕੀਰਾਂ ਹੀ ਨਹੀਂ, ਜਿਸ ਨੂੰ ਕੇਂਦਰ ਸਰਕਾਰ ਲਕੀਰਾਂ ਵਾਂਗ ਹੀ ਜੋੜ ਦੇਵੇਗੀ। ਇਨ੍ਹਾਂ ਨਾਲ ਮਨੁੱਖੀ ਜ਼ਿੰਦਗੀ ਅਤੇ ਕੁਦਰਤ ਦੇ ਨਿਯਮ ਜੁੜੇ ਹੋਏ ਸਨ। ਉਹਨਾਂ ਇਸ ਸਬੰਧੀ ਚਿੰਤਾ ਪ੍ਰਗਟਾਉਂਦਿਆਂ ਸਪਸ਼ਟ ਕਿਹਾ ਕਿ ਇਸ ਜੋੜਣ ਦੇ ਖਿਆਲ ਦੀ ਪਤਾ ਨਹੀਂ ਸਾਨੂੰ ਕਿੰਨੀ ਕੀਮਤ ਚੁਕਾਉਣੀ ਪਵੇ। ਰਾਜਨੀਤਕ ਲੋਕ ਅਸਲ ਵਿੱਚ ਅਜਿਹੇ ਮੁੱਦੇ ਉਛਾਲ ਕੇ ਲੋਕਾਂ ਨੂੰ ਗੁੰਮਰਾਹ ਕਰ ਰਹੇ ਹਨ। ਉਨਾਂ ਨੂੰ ਆਪਣੇ ਵੋਟ ਬੈੰਕ ਦੀ ਚਿੰਤਾ ਹੈ। ਉਹ ਸਾਰੀਆਂ ਨੂੰ ਭਰੋਸਾ ਦੇਂਦੇ ਹਨ---ਤੈਨੂੰ ਵੀ ਪਾਣੀ ਦਿਆਂਗੇ---ਤੈਨੂੰ ਵੀ ਦਿਆਂਗੇ---ਤੈਨੂੰ ਵੀ ਦਿਆਂਗੇ। ਵਿਚਾਰੇ ਲੋਕ ਸਮਝੇ ਬੁਝੇ ਬਿਨਾ ਉਹਨਾਂ ਦੇ ਭੁਲੇਖੇ ਵਿੱਚ ਆ ਜਾਂਦੇ ਹਨ। 
ਸਿਆਸਤ ਅਤੇ ਸਿਆਸੀ ਲੋਕਾਂ ਦੇ ਕਹੇ ਸ਼ਬਦਾਂ ਦੀਆਂ ਬਾਰੀਕੀਆਂ ਸਮਝਾਉਂਦਿਆਂ ਆਮ ਆਦਮੀ ਪਾਰਟੀ ਬਾਰੇ ਉਨ੍ਹਾਂ ਕਿਹਾ ਕਿ ਪਾਰਟੀ ਨੂੰ ਲੋਕਾਂ ਦੀ ਜ਼ਿੰਦਗੀ ਨਾਲ ਜੁੜੇ ਮੁੱਦੇ ਉਠਾਉਣੇ ਚਾਹੀਦੇ ਹਨ, ਨਾ ਕਿ ਵੋਟਾਂ ਨਾਲ ਜੁੜੇ ਮੁੱਦੇ ਹੀ ਉਠਾਉਂਦੇ ਰਹਿਣਾ ਚਾਹੀਦਾ ਹੈ, ਜਿਹਾ ਕਿ ਪਰੰਪਰਾਵਾਦੀ ਪਾਰਟੀਆਂ ਕਰਦੀਆਂ ਆ ਰਹੀਆਂ ਹਨ। ਆਮ ਆਦਮੀ ਪਾਰਟੀ ਦੀ ਭਿੰਨਤਾ ਹੀ ਇਸੇ ਕਰਕੇ ਹੈ ਕਿ  ਇਹ ਪਾਰਟੀ ਸਿੱਧੇ ਤੌਰ  ’ਤੇ ਲੋਕ ਹਿੱਤਾਂ ਦੀ ਗੱਲ ਕਰਦੀ ਹੈ। ਪੰਜਾਬ ਵਿੱਚ ਨਸ਼ਿਆਂ ਦੇ ਵਗ ਰਹੇ ਦਰਿਆ ’ਤੇ ਟਿੱਪਣੀ ਕਰਦਿਆਂ ਉਨ੍ਹਾਂ ਕਿਹਾ ਕਿ ਪੰਜਾਬ ਇਸ ਵੇਲੇ ਨਸ਼ਿਆਂ ਦੇ ਵੱਡੇ ਸੰਤਾਪ ਵਿੱਚ ਘਿਰ ਗਿਆ ਹੈ।  ਕੇਵਲ ਪੰਜਾਬ ਹੀ ਨਹੀਂ ਪੂਰੇ ਦੇਸ਼ ਅੱਗੇ ਹੀ ਨਸ਼ਿਆਂ ਦੀ ਗੰਭੀਰ ਸਮੱਸਿਆ ਬਣੀ ਹੋਈ ਹੈ। ਉਨ੍ਹਾਂ ਦਾਅਵਾ ਕੀਤਾ ਕਿ ਕੇਰਲਾ, ਤਾਮਿਲਨਾਡੂ, ਉਡ਼ੀਸਾ ਆਦਿ ਰਾਜਾਂ ਵਿੱਚ ਨਸ਼ਿਆਂ ਦੀ  ਤੇਜ਼ ਲਹਿਰ ਚੱਲ ਰਹੀ ਹੈ।ਜਲ, ਜੰਗਲ ਅਤੇ ਜ਼ਮੀਨ ਦੀ ਗੱਲ ਕਰਦਿਆਂ ਪੰਜਾਬ ਵਿੱਚ ਵਗ ਰਹੇ ਨਸ਼ਿਆਂ ਦੇ ਛੇਵੇਂ ਦਰਿਆ ਦੀ ਗੱਲ ਵੀ ਚੱਲੀ। ਇਸਦੇ ਨਾਲ ਹੀ ਆਏ ਦਿਨ ਹੁੰਦੇ ਬਲਾਤਕਾਰਾਂ ਅਤੇ ਛੇੜਖਾਨੀ ਦੀਆਂ ਘਟਨਾਵਾਂ ਬਾਰੇ ਵੀ ਬੜਾ ਜਜ਼ਬਾਤੀ ਢੰਗ ਨਾਲ ਆਵਾਜ਼ ਬੁਲੰਦ ਹੋਈ। ਮੇਧਾ ਪਾਟਕਰ ਨੇ ਇਸ ਸਭ ਦਾ ਹੱਲ ਨਾਰੀ ਦੀ ਆਪਣੀ ਸ਼ਕਤੀ ਮਜਬੂਤ ਕਰਨ ਵਿੱਚ ਹੀ ਦੱਸਿਆ। 
ਮੇਧਾ ਪਾਟਕਰ ਨੇ ਲੋਕਾਂ ਨੂੰ ਜਲ, ਜੰਗਲ ਅਤੇ ਜ਼ਮੀਨ ਨੂੰ ਬਚਾਉਣ ਦੀ ਮੁਹਿੰਮ ਨੂੰ ਲੈ ਕੇ ਇਸ ਅੰਦੋਲਨ ਦੀਆਂ ਬਾਰੀਕੀਆਂ ਆਮ ਬੋਲਚਾਲ ਵਾਲੀ ਭਾਸ਼ਾ ਵਿੱਚ ਸਮਝਾਈਆਂ ਅਤੇ ਉਹਨਾਂ ਦੇ ਮੂੰਹੋਂ ਉਹਨਾਂ ਦੀਆਂ ਮੁਸ਼ਕਿਲਾਂ ਵੀ ਸੁਣੀਆਂ। ਜਲ, ਜੰਗਲ ਅਤੇ ਜ਼ਮੀਨ ਬਚਾਉਣ ਵਾਲੀ ਇਸ ਕ੍ਰਾਂਤੀ ਦੀ ਸ਼ਮ੍ਹਾ ਨੂੰ ਜੀ ਆਇਆਂ ਆਖਣ ਵਾਲਿਆਂ ਵਿੱਚ "ਰਾਸ਼ਟਰ ਧਰਮ" ਨਾਮੀ ਸੰਸਥਾ ਦੇ ਮੁੱਖ ਕਨਵੀਨਰ ਵਿਨੋਦ ਜੈਨ, ਕਨਵੀਨਰ ਕੁੰਵਰ ਰੰਜਨ, ਕਾਮਰੇਡ ਰਮੇਸ਼ ਰਤਨ ਅਤੇ ਕਾਮਰੇਡ ਗੁਰਵੰਤ ਸਿੰਘ ਸਮੇਤ ਕਈ ਸੁਲਝੇ ਹੋਏ ਸਮਾਜ ਸੇਵਕ ਵੀ ਸ਼ਾਮਲ ਸਨ। ਆਕੂਪੰਕਚਰ ਹਸਪਤਾਲ ਵਾਲੇ ਡਾਕਟਰ ਇੰਦਰਜੀਤ ਸਿੰਘ ਢੀੰਗਰਾ ਵੀ ਉਚੇਚੇ ਤੌਰ ਤੇ ਸਮਾਂ ਕਢ ਕੇ ਇਸ ਵਿੱਚ ਸ਼ਾਮਲ ਹੋਏ। ਐਂਟੀ ਕੁਰੱਪਸ਼ਨ ਮੁਹਿੰਮ ਨਾਲ ਜੁੜੇ ਪੱਤਰਕਾਰ ਸੰਜੀਵ ਮਲਹੋਤਰਾ ਨੇ ਵੀ ਇਸ ਸੰਬੰਧ ਵਿੱਚ ਕਈ ਸੁਆਲ ਉਠਾਏ। ਇਸ ਮੌਕੇ 'ਤੇ ਬਹੁਤ ਸਾਰੀਆਂ ਸਰਗਰਮ ਅਤੇ ਪ੍ਰਮੁੱਖ ਔਰਤਾਂ ਦੀ ਮੌਜੂਦਗੀ ਵਿੱਚ ਮਹਿਲਾ ਸਸ਼ਕਤੀਕਰਨ ਦੀ ਮੁਹਿੰਮ ਦਾ ਸ਼ੁਭਆਰੰਭ ਵੀ ਕੀਤਾ ਗਿਆ। ਉਹਨਾਂ ਬੜੇ ਸਾਫ਼ ਸ਼ਬਦਾਂ ਵਿੱਚ ਕਿਹਾ ਕਿ ਜਦੋਂ ਤੱਕ ਨਾਰੀ ਖੁਦ ਹਿੰਮਤ ਨਹੀਂ ਕਰਦੀ ਉਦੋਂ ਤੱਕ ਉਸ ਉੱਪਰ ਹੋਣ ਵਾਲੇ ਜਬਰ-ਜ਼ੁਲਮ ਨਹੀਂ ਰੁਕਣਗੇ।
ਉਹਨਾਂ ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਇਸ ਗੱਲ ਤੇ ਆਪਣੀ ਡੂੰਘੀ ਚਿੰਤਾ ਫਿਰ ਦੁਹਰਾਈ ਕਿ ਹੁਣ ਖੇਤੀਯੋਗ ਜ਼ਮੀਨ  ਵੀ ਵੱਡੇ ਸਨਾਤੀ ਘਰਾਣਿਆਂ ਨੂੰ ਧੜਾਧੜ ਦਿੱਤੀ ਜਾ ਰਹੀ ਹੈ। ਰਾਜਸਥਾਨ ਵਿੱਚ ਪੀਣ ਵਾਲੇ ਪਾਣੀ ਦਾ ਇੱਕੋ ਇੱਕ ਸਭਤੋਂ ਵੱਡਾ ਸੋਮਾ ਵੀ ਕੋਕਾ ਕੋਲਾ ਕੰਪਨੀ ਨੂੰ ਵੇਚ ਦਿੱਤਾ ਗਿਆ ਹੈ।