ਮਹਾਂਸ਼ਿਵਰਾਤਰੀ ਦੇ ਤਿਉਹਾਰ ਮੌਕੇ ਮੋਹਾਲੀ ਦੇ ਮੰਦਰਾਂ ਵਿੱਚ ਵੀ ਰੌਣਕਾਂ

1st March 2022 at 9:02 PM 

ਸਾਬਕਾ ਮੇਅਰ ਕੁਲਵੰਤ ਸਿੰਘ ਨੇ ਵੀ ਮੰਦਰਾਂ ’ਚ ਲਗਵਾਈ ਹਾਜ਼ਰੀ

ਮੋਹਾਲੀ: 1 ਮਾਰਚ 2022: (ਗੁਰਜੀਤ ਬਿੱਲਾ//ਪੰਜਾਬ ਸਕਰੀਨ)::

ਮਹਾਸ਼ਿਵਰਾਤਰੀ ਦਾ ਪਾਵਨ ਤਿਓਹਾਰ ਦੇਸ਼ ਦੁਨੀਆ ਵਿੱਚ ਬੜੀ ਹੀ ਸ਼ਰਧਾ ਨਾਲ ਮਨਾਇਆ ਗਿਆ। ਮੰਦਰਾਂ ਵਿੱਚ ਭੀੜਾਂ ਰਹੀਆਂ ਅਤੇ ਲੰਗਰ ਵੀ ਥਾਂ ਥਾਂ ਤੇ ਲਗਾਏ ਗਏ। ਮੋਹਾਲੀ ਵਿੱਚ ਵੀ ਸਾਰਾ ਮਾਹੌਲ ਸ਼ਿਵਮਈ ਬਣਿਆ ਹੋਇਆ ਸੀ। ਸ਼ਿਵ ਭਗਵਾਨ ਜਿੱਥੇ ਅਮੀਰ ਗਰੀਬ, ਦੇਵਤੇ ਅਤੇ ਰਾਖਸ਼ਸ ਇੱਕੋ ਵੇਲੇ ਜਾ ਸਕਦੇ ਹਨ। ਜਿੱਥੇ ਹਰ ਦੁੱਖ ਦਾ ਦਾਰੂ। ਜਿੱਥੇ ਜਾ ਕੇ ਲੋਕਾਂ ਦੀ ਭਲਿਆ ਲਈ ਜ਼ਹਿਰ ਤੱਕ ਪੀਣ ਦੀ ਪ੍ਰੇਰਨਾ ਮਿਲਦੀ ਹੈ। ਉਸ ਭਗਵਾਨ ਸ਼ਿਵ ਦੀ ਅਰਾਧਨਾ ਕਰਨ ਲਈ ਮੋਹਾਲੀ ਦੇ ਸਾਬਕਾ ਮੇਅਰ ਕੁਲਵੰਤ ਸਿੰਘ ਵੀ ਉਚੇਚ ਨਾਲ ਪੁੱਜੇ। 

ਸਾਡਾ ਭਾਰਤ ਦੇਸ਼ ਭਿੰਨਤਾਵਾਂ ਭਰਿਆ ਦੇਸ਼ ਹੈ ਜਿੱਥੇ ਕਿ ਵੱਖ-ਵੱਖ ਧਰਮਾਂ ਤੇ ਮਜ਼ਹਬਾਂ ਦੇ ਲੋਕ ਰਹਿੰਦੇ ਹਨ ਅਤੇ ਸਾਰੇ ਹੀ ਧਰਮਾਂ-ਮਜ਼ਹਬਾਂ ਦੇ ਲੋਕਾਂ ਵੱਲੋਂ ਹਰੇਕ ਤਿਉਹਾਰ ਨੂੰ ਬਡ਼ੀ ਸ਼ਰਧਾ ਅਤੇ ਧੂਮਧਾਮ ਨਾਲ ਮਨਾਇਆ ਜਾਂਦਾ ਹੈ ਜੋ ਕਿ ਸਾਡੀਆਂ ਭਾਈਚਾਰਕ ਤੰਦਾਂ ਮਜ਼ਬੂਤ ਕਰਨ ਵਿੱਚ ਸਹਾਈ ਹੁੰਦਾ ਹੈ। ਇਨ੍ਹਾਂ ਵਿਚਾਰਾਂ ਦਾ ਪ੍ਰਗਟਾਵਾ ਨਗਰ ਨਿਗਮ ਮੋਹਾਲੀ ਦੇ ਸਾਬਕਾ ਮੇਅਰ ਅਤੇ ਵਿਧਾਨ ਸਭਾ ਹਲਕਾ ਮੋਹਾਲੀ ਤੋਂ ਆਮ ਆਦਮੀ ਪਾਰਟੀ ਦੇ ਉਮੀਦਵਾਰ ਕੁਲਵੰਤ ਸਿੰਘ ਨੇ ਅੱਜ ਮਹਾਂਸ਼ਿਵਰਾਤਰੀ ਦੇ ਪਵਿੱਤਰ  ਤਿਉਹਾਰ ਮੌਕੇ ਮੋਹਾਲੀ ਸ਼ਹਿਰ ਸਥਿਤ ਵੱਖ-ਵੱਖ ਮੰਦਰਾਂ ਵਿੱਚ ਮੱਥਾ ਟੇਕਣ ਉਪਰੰਤ ਗੱਲਬਾਤ ਕਰਦਿਆਂ ਕੀਤਾ।

ਉਨ੍ਹਾਂ ਨੇ ਮਹਾਂਸ਼ਿਵਰਾਤਰੀ ਦੇ ਪਵਿੱਤਰ ਤਿਉਹਾਰ ਦੀ ਹਲਕਾ ਮੋਹਾਲੀ ਸਮੇਤ ਸਮੁੱਚੇ ਪੰਜਾਬੀਆਂ ਨੂੰ ਵਧਾਈ ਵੀ ਦਿੱਤੀ ਅਤੇ ਅਪੀਲ ਕੀਤੀ ਕਿ ਇਸੇ ਪ੍ਰਕਾਰ ਆਪਸੀ ਭਾਈਚਾਰਾ ਬਣਾਈ ਰੱਖਣ।

ਨਿਗਮ ਮੋਹਾਲੀ ਅਧੀਨ ਆਉਂਦੇ ਪਿੰਡ ਮਟੌਰ ਸਥਿਤ ਪ੍ਰਾਚੀਨ ਸ਼ਿਵ ਮੰਦਰ (ਬਾਬਾ ਬਾਲ ਭਾਰਤੀ ਜੀ) ਵਿਖੇ ਪਹੁੰਚਣ ’ਤੇ ਮੰਦਰ ਦੇ ਪ੍ਰਧਾਨ ਮੇਵਾ ਸਿੰਘ, ਵਾਈਸ ਪ੍ਰਧਾਨ ਤਰਲੋਚਨ ਸਿੰਘ, ਕੈਸ਼ੀਅਰ ਮਲਕੀਤ ਸਿੰਘ, ਮੈਂਬਰ ਡਾ. ਬਾਲ, ਨੰਬਰਦਾਰ ਸੁਰਿੰਦਰਪਾਲ ਸਿੰਘ ਬੱਬੂ, ਜਸਪਾਲ ਸਿੰਘ, ਰਣਦੀਪ ਸਿੰਘ, ਮਹਿਲਾ ਮੰਡਲ ਕਮੇਟੀ ਦੀ ਪ੍ਰਧਾਨ ਬੀਬੀ ਰਾਣੋ, ਦਿਆਵੰਤੀ ਅਤੇ ਫੇਜ਼ 6 ਸਥਿਤ ਸ੍ਰੀ ਦੁਰਗਾ ਮੰਦਰ ਵਿਖੇ ਪ੍ਰਧਾਨ ਅਤੇ ਸਾਬਕਾ ਨਿਗਮ ਕੌਂਸਲਰ ਆਰ.ਪੀ. ਸ਼ਰਮਾ ਸਮੇਤ ਸੁਰੇਸ਼ ਕੁਮਾਰ ਗੋਇਲ, ਸੱਤ ਨਰਾਇਣ ਅਤੇ ਮਹਿਲਾ ਮੰਡਲ ਦੀ ਸਮੁੱਚੀ ਟੀਮ ਵੱਲੋਂ ਕੁਲਵੰਤ ਸਿੰਘ ਦਾ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ ਅਤੇ ਉਨ੍ਹਾਂ ਦੀ ਚੋਣਾਂ ਵਿੱਚ ਜਿੱਤ ਲਈ ਕਾਮਨਾ ਵੀ ਕੀਤੀ ਗਈ।

ਭਾਰਤ ਜਨ ਗਿਆਨ ਵਿਗਿਆਨ ਜੱਥੇ ਨੇ ਕੀਤੀ ਨਵੇਂ ਮੇਅਰ ਨਾਲ ਮੁਲਾਕਾਤ

Fri, Mar 30, 2018 at 10:38 AM

ਅਭਿਨੰਦਨ ਦੇ ਨਾਲ ਹੀ ਕੀਤੀਆਂ ਲੁਧਿਆਣਾ ਦਾ ਹੁਲੀਆ ਸੁਧਾਰਨ ਦੀਆਂ ਗੱਲਾਂ 

ਲੁਧਿਆਣਾ: 30 ਮਾਰਚ 2018: (ਪੰਜਾਬ ਸਕਰੀਨ ਬਿਊਰੋ):: 

ਦਿਨੋ ਦਿਨ ਵੱਧ ਰਹੇ ਪਰਦੂਸ਼ਣ ਨੂੰ ਲੈ ਕੇ ਸਰਗਰਮੀ ਨਾਲ ਕੰਮ ਕਰ ਰਹੇ ਸੰਗਠਨ ਭਾਰਤ ਜਨ ਗਿਆਨ ਵਿਗਿਆਨ ਜੱਥੇ ਨੇ ਅੱਜ ਲੁਧਿਆਣਾ ਦੇ ਨਵੇਂ ਬਣੇ ਮੇਅਰ ਬਲਕਾਰ ਸਿੰਘ ਸੰਧੂ ਨਾਲ ਮੁਲਾਕਾਤ ਕੀਤੀ ਅਤੇ ਉਹਨਾਂ ਨੂੰ ਲੁਧਿਆਣਾ ਦੇ ਗੰਭੀਰ ਹੋਏ ਮੁੱਦਿਆਂ ਬਾਰੇ ਜਾਣੂ ਕਰਾਇਆ। ਮੇਅਰ ਸੰਧੂ ਨੇ ਵਫਦ ਵੱਲੋਂ ਦਿੱਤੇ ਸਨਮਾਨ ਨੂੰ ਸਵੀਕਾਰ ਕਰਦਿਆਂ ਭਰੋਸਾ ਦਿੱਤਾ ਕਿ ਉਹ ਸ਼ਹਿਰ ਦੇ ਗੰਭੀਰ ਹੋ ਚੁੱਕੇ ਪਰਦੂਸ਼ਣ ਨੂੰ ਹਟਾ ਕੇ ਛੇਤੀ ਹੀ ਖੂਬਸੂਰਤ ਲੁਧਿਆਣਾ ਬਣਾਉਣਗੇ। 

ਇਸ ਮੁਲਾਕਾਤ ਤੋਂ ਬਾਅਦ ਜੱਥੇ ਵੱਲੋਂ ਜਾਰੀ ਇੱਕ ਪਰੈਸ ਬਿਆਨ ਰਾਹੀਂ ਦੱਸਿਆ ਗਿਆ ਕਿ ਭਾਰਤ ਜਨ ਗਿਆਨ ਵਿਗਿਆਨ ਜੱਥਾ ਜ਼ਿਲਾ ਲੁਧਿਆਣਾ ਦੇ ਅਹੁਦੇਦਾਰਾਂ ਨੇ ਅੱਜ ਲੁਧਿਆਣਾ ਦੇ ਨਵੇਂ ਬਣੇ ਮੇਅਰ  ਬਲਕਾਰ ਸਿੰਘ ਨੂੰ ਮਿਲ ਕੇ ਜਥੇ ਵਲੋਂ ਉਹਨਾਂ ਦਾ ਅਭਿਨੰਦਨ ਕੀਤਾ।  ਜਥੇ ਨੇ ਸ਼ਹਿਰ ਵਿਚ ਨਗਰ ਨਿਗਮ ਵਲੋਂ ਵਾਤਾਵਰਣ ਦੀ ਸਾਂਭ ਸੰਭਾਲ ਲਈ ਕੀਤੇ ਜਾ ਰਹੇ ਯਤਨਾਂ ਵਿਚ ਭਰਪੂਰ ਸਹਿਯੋਗ ਦੇਣ ਦਾ ਭਰੋਸਾ ਵੀ ਦਿਵਾਇਆ।  ਜਥੇ ਵਲੋਂ ਮਿਲਣ ਵਾਲਿਆਂ ਵਿਚ ਜੱਥੇ ਦੇ ਪਰ੍ਧਾਨ ਰਣਜੀਤ ਸਿੰਘ,   ਮੀਤ ਪਰ੍ਧਾਨ ਡਾਕਟਰ ਗੁਰਚਰਨ ਕੌਰ ਕੋਚਰ ਅਤੇ ਜਥੇਬੰਦਕ ਸਕੱਤਰ ਸਰਦਾਰ ਮਨਿੰਦਰ ਸਿੰਘ ਭਾਟੀਆ ਸ਼ਾਮਿਲ ਸਨ।    

ਜ਼ਿਕਰਯੋਗ ਹੈ ਕਿ ਲੁਧਿਆਣਾ ਦੀ ਬਹੁਤ ਵੱਡੀ ਆਬਾਦੀ ਆਬਾਦੀ ਅਜਿਹੇ ਵਾਤਾਵਰਨ ਵਿੱਚ ਰਹਿੰਦੀ ਹੈ ਜਿੱਥੇ ਸਾਹ ਲੈਣਾ ਵੀ ਮੁਸ਼ਕਲ ਹੈ। ਲੁਧਿਆਣਾ ਦੀ ਹਵਾ ਵੀ ਜ਼ਹਿਰੀਲੇ ਹੋ ਚੁੱਕੀ ਹੈ ਅਤੇ ਪਾਣੀ ਵੀ। ਹਾਲਤ ਏਨੀ ਗੰਭੀਰ ਹੈ ਕਿ ਇਸ ਨੂੰ ਠੀਕ ਕਰਨ ਲਈ ਬਿਲਕੁਲ ਹੀ ਨਵੀਂ ਅਤੇ ਠੋਸ ਯੋਜਨਾ ਦੀ ਲੋੜ ਹੈ। ਹਵਾ, ਪਾਣੀ ਅਤੇ ਸ਼ੋਰ--ਤਿੰਨੇ ਪਰਦੂਸ਼ਣ ਗੰਭੀਰ ਹੋ ਚੁੱਕੇ ਹਨ। ਇਨਾਂ ਦੀ ਰੋਕਥਾਮ ਲਈ ਬਣਾਏ ਗਏ ਨਿਯਮ ਕਾਨੂੰਨ ਪੂਰੀ ਤਰਾਂ ਬੇਅਸਰ ਹੋ ਕੇ ਰਹਿ ਗਏ ਹਨ। 

ਇਸ ਮੁਲਾਕਾਤ ਨਾਲ ਉਮੀਦ ਬੱਝੀ ਹੈ ਕਿ ਇਹ ਸਾਰੇ ਗੁੰਝਲਦਾਰ ਮਸਲੇ ਹੱਲ ਹੋਣਗੇ ਅਤੇ ਭਾਰਤ ਜਨ ਗਿਆਨ ਵਿਗਿਆਨ ਜੱਥੇ ਵੱਲੋਂ ਸ਼ੁਰੂ ਕੀਤਾ ਗਿਆ ਬੁੱਢੇ ਦਰਿਆ ਦਾ ਪਰੋਜੈਕਟ ਵੀ ਛੇਤੀ ਹੀ ਸਿਰੇ ਚੜੇਗਾ। ਜੱਥੇ ਵੱਲੋਂ ਇਸ ਸਬੰਧੀ ਇੱਕ ਡਾਕੂਮੈਂਟਰੀ ਵੀ ਤਿਆਰ ਕਰਵਾਈ ਜਾ ਰਹੀ ਹੈ। ਇਸ ਡਾਕੂਮੈਂਟਰੀ ਲਈ ਜੱਥੇ ਦੀ ਇੱਕ ਵਿਸ਼ੇਸ਼ ਟੀਮ ਲਗਾਤਾਰ ਸਰਗਰਮੀ ਨਾਲ ਕੰਮ ਕਰ ਰਹੀ ਹੈ।  

ਲੁਧਿਆਣਾ ਦੇ ਮੇਅਰ ਬਣੇ ਬਲਕਾਰ ਸਿੰਘ ਸੰਧੂ

ਸੀਨੀਅਰ ਡਿਪਟੀ ਮੇਅਰ ਬਣੇ ਸ਼ਿਆਮ ਸੁੰਦਰ ਮਲਹੋਤਰਾ 

ਲੁਧਿਆਣਾ: 26 ਮਾਰਚ 2018: (ਪੰਜਾਬ ਸਕਰੀਨ ਟੀਮ)::

ਭਾਵੇਂ ਸਮਾਂ ਬਦਲ ਗਿਆ ਹੈ ਅਤੇ ਅੱਜਕਲ ਸਿਖਰਾਂ ਛੂਹਣ ਲਈ ਬੜੇ ਮਹਿੰਗੇ ਜੁਗਾੜ ਲਾਉਣੇ ਪੈਦੇਂ  ਹਨ ਫਿਰ ਵੀ ਲੋਕਾਂ ਨਾਲ ਜੁੜੇ ਲੋਕ ਵੀ ਲੋਕਾਂ ਦੇ ਨਾਇਕ ਬਣ ਕੇ ਸਾਹਮਣੇ ਆਉਂਦੇ ਹਨ। ਇਸ ਵਾਰ ਨਗਰਨਿਗਮ ਲੁਧਿਆਣਾ ਦੀ ਨਵੀਂ ਟੀਮ ਦੀ ਅਗਵਾਈ ਕੁਝ ਅਜਿਹੇ ਹੱਥਾਂ ਵਿੱਚ ਹੀ ਆਈ ਹੈ। ਟੀਮ ਉਹਨਾਂ ਹੱਥਾਂ ਵਿੱਚ ਹੀ ਆਈ ਹੈ ਜਿਹਨਾਂ ਦੀਆਂ ਕਿਆਸ ਰਾਈਆਂ ਹੋ ਰਹੀਆਂ ਸਨ।

ਬਲਕਾਰ ਸਿੰਘ ਸੰਧੂ ਇਸ ਵਾਰ ਮੇਅਰ ਬਣੇ ਹਨ, ਸ਼ਿਆਮ ਸੁੰਦਰ ਮਲਹੋਤਰਾ ਸੀਨੀਅਰ ਡਿਪਟੀ ਮੇਅਰ ਅਤੇ ਸਰਬਜੀਤ ਕੌਰ ਸ਼ਿਮਲਾਪੁਰੀ ਡਿਪਟੀ ਮੇਅਰ ਬਣੀ ਹੈ। ਇਹਨਾਂ ਦਾ ਰਿਕਾਰਡ ਹਮੇਸ਼ਾਂ ਲੋਕਾਂ ਦੇ ਜਨਮ ਆਉਣ ਵਾਲਾ ਰਿਹਾ ਹੈ।  

ਕੌਂਸਲਰ ਹੁੰਦਿਆਂ ਬਲਕਾਰ ਸਿੰਘ ਸੰਧੂ ਕਈ ਵਾਰ ਉਹਨਾਂ ਸਮਾਗਮਾਂ ਵਿੱਚ ਵੀ ਲੁੱਜਦੇ ਰਹੇ ਜਿਹੜੇ ਉਹਨਾਂ ਦੇ ਵਿਰੋਧੀਆਂ ਵੱਜੋਂ ਗਿਣੇ ਜਾਂਦੇ ਸਨ। ਆਮ ਤੌਰ 'ਤੇ ਸਰਗਰਮ ਐਮ ਐਲ ਏ ਭਾਰਤ ਭੂਸ਼ਨ ਆਸ਼ੂ ਵੀ ਉਹਨਾਂ ਦੇ ਨਾਲ ਹੁੰਦੇ ਸਨ। ਹਾਲ ਹੀ ਵਿੱਚ ਬਲਕਾਰ ਸਿੰਘ ਨੇ ਆਪਣੇ ਨੇੜਲੇ ਸਿਆਸੀ ਵਿਰੋਧੀ ਕਾਮਰੇਡ ਰਣਧੀਰ ਸਿੰਘ ਧੀਰਾ ਨੂੰ ਹਰਾ ਕੇ ਚੋਣ ਜਿੱਤੀ ਸੀ। 

ਇਸੇ ਤਰਾਂ ਸੀਨੀਅਰ ਡਿਪਟੀ ਮੇਅਰ ਬਣੇ ਸ਼ਿਆਮ ਸੁੰਦਰ ਮਲਹੋਤਰਾ ਵੀ ਲੋਕਾਂ ਨਾਲ ਜੁੜੇ ਹੋਏ ਆਗੂ ਰਹੇ। ਉਹਨਾਂ ਦੇ ਭਰਾ ਸ਼ਹੀਦ ਰਾਧੇ ਸ਼ਿਆਮ ਮਲਹੋਤਰਾ ਦੀ ਸ਼ਹਾਦਤ ਮਗਰੋਂ ਉਹਨਾਂ ਨੇ ਡਰ ਕੇ ਆਪਣੀਆਂ ਸਰਗਰਮੀਆਂ ਬੰਦ ਨਹੀਂ ਕੀਤੀਆਂ ਬਲਕਿ ਹੋਰ ਤੇਜ਼ ਕੀਤੀਆਂ। ਕੋਈ ਅੱਧੀ ਰਾਤ ਵੀ ਆ ਜਾਈ ਤਾਂ ਸ਼ਿਆਮ ਸੁੰਦਰ ਮਲਹੋਤਰਾ ਉਸਦਾ ਕੰਮ ਕਰਨ ਜਾਂ ਕਰਵਾਉਣ ਦੀ ਕੋਸ਼ਿਸ਼ ਕਰਦੇ। ਇਸਦੇ ਨਾਲ ਹੀ ਉਹਨਾਂ ਦੀਆਂ ਧਾਰਮਿਕ ਸਰਗਰਮੀਆਂ ਵੀ ਉਹਨਾਂ ਨੂੰ ਲੋਕਾਂ ਦੇ ਨੇੜੇ ਰੱਖਦੀਆਂ। 

ਡਿਪਟੀ ਮੇਅਰ ਬਣੀ ਸਰਬਜੀਤ ਕੌਰ ਸ਼ਿਮਲਾਪੁਰੀ ਦਾ ਪਰਿਵਾਰ ਵੀ ਲੋਕਾਂ ਦੇ ਕੰਮਾਂਤੋਂ ਪਿਛੇ ਨਾ ਹਟਦਾ। ਇਸ ਕੰਮਕਾਜ ਕਾਰਨ ਬਣੇ ਅਧਾਰ ਨੇ ਹੀ ਉਹਨਾਂ ਨੂੰ ਜਿਤਾਇਆ। ਹੁਣ ਦੇਖਣਾ ਹੈ ਕਿ ਆਪਣੇ ਲੰਮੇ ਤਜਰਬਿਆਂ ਅਤੇ ਲੋਕਾਂ ਨਾਲ ਡੂੰਘੇ ਪਿਆਰ ਨੂੰ ਦੇਖਦਿਆਂ ਇਹ ਟੀਮ ਸ਼ਹਿਰ ਦੀ ਨੁਹਾਰ ਬਦਲਣ ਵਿੱਚ ਕਿੰਨੀ ਜਲਦੀ ਕਿ ਕਿ ਕਦਮ ਚੁੱਕਦੀ ਹੈ।