ਅਸੀਂ ਇਨਸਾਫ ਮੰਗ ਰਹੇ ਹਾਂ ਕੋਈ ਭੀਖ ਨਹੀਂ ਮੰਗ ਰਹੇ--ਜੈਨ ਪਰਿਵਾਰ

ਵਿਧੂ ਜੈਨ ਦੇ ਪਰਿਵਾਰ ਨੇ ਲਿਖਿਆ ਖੂਨ ਨਾਲ ਪੱਤਰ 

ਲੁਧਿਆਣਾ:  15 ਅਕਤੂਬਰ 2016; (ਪੰਜਾਬ ਸਕਰੀਨ ਬਿਊਰੋ):

ਰਾਜ ਨਹੀਂ ਸੇਵਾ ਅਤੇ ਵਿਕਾਸ ਦੇ ਲੁਭਾਵਣੇ ਨਾਅਰਿਆਂ ਦੀ ਹਕੀਕਤ ਲੋਕਾਂ ਦੀ ਹਾਲਤ ਤੋਂ ਦੇਖੀ ਜਾ ਸਕਦੀ ਹੈ। ਕਾਤਲਾਂ ਦੀ ਮਾਰ ਹੇਠ ਆਏ ਪੰਜਾਬ ਦੇ ਲੋਕ, ਇਨਸਾਫ ਦੀ ਮੰਗ ਨੂੰ ਲੈ ਕੇ ਤਰਲੇ ਹਾੜ੍ਹੇ ਕੱਢਦੇ ਲੋਕ, ਬਾਰ ਬਾਰ ਕਾਤਲਾਂ ਨੂੰ ਗ੍ਰਿਫਤਾਰ ਕਰਨ ਦੀ ਮੰਗ ਨੂੰ ਲੈ ਕੇ ਸਮੂਹ ਸਿਆਸੀ ਪਾਰਟੀਆਂ ਦੇ ਲੀਡਰਾਂ ਅੱਗੇ ਅਰਜੋਈਆਂ ਕਰਦੇ ਲੋਕ। ਇਹ ਹੈ ਅੱਜ ਦੇ ਪੰਜਾਬ ਦੇ ਇੱਕ ਤਸਵੀਰ। ਵਿਕਾਸ ਦੇ ਢੰਡੋਰਿਆਂ ਅਤੇ ਇਸ਼ਤਿਹਾਰਾਂ ਦੀ ਚਮਕ ਦਮਕ ਹੇਠ ਲੁਕਿਆ ਹੋਇਆ ਸੱਚ। ਨਾ ਮਾਤਾ ਚੰਦ ਕੌਰ ਅਤੇ ਜਗਦੀਸ਼ ਗਗਨੇਜਾ ਵਰਗੀਆਂ ਸ਼ਖ਼ਸੀਅਤਾਂ ਕਾਤਲਾਂ ਤੋਂ ਬਚ ਸਕੀਆਂ ਅਤੇ ਨਾ ਹੀ ਉਹਨਾਂ ਦੇ ਕਾਤਲਾਂ ਦਾ ਪਤਾ ਲਗਾਇਆ ਜਾ ਸਕਿਆ। ਅਜਿਹਾ ਹੀ ਇੱਕ ਮਾਮਲਾ ਅੱਜ ਫੇਰ ਮੀਡੀਆ ਸਾਹਮਣੇ ਆਇਆ ਲੁਧਿਆਣਾ ਵਿੱਚ ਹਿੰਦੂ ਨਿਆਂ ਪੀਠ ਦੇ ਆਗੂ ਪ੍ਰਵੀਨ ਡੰਗ ਦੇ ਉੱਦਮ ਸਦਕਾ। ਚੇਤੇ ਰਹੇ  ਕਿ ਇਸ ਮਕਸਦ ਲਈ ਪਹਿਲਾਂ ਵੀ ਦਿੱਲੀ ਤੱਕ ਪਦ ਯਾਤਰਾ ਕੀਤੀ ਜਾ ਚੁੱਕੀ ਹੈ ਅਤੇ ਹੁਣ ਇੱਕ ਹੋਰ ਯਾਤਰਾ ਰਾਸ਼ਟਰਪਤੀ ਭਵਨ ਤੱਕ ਕੀਤੀ ਜਾਣੀ ਹੈ। ਤਿੰਨ ਸਾਲ ਹੋ ਗਏ ਹਨ ਮਾਲੇਰਕੋਟਲਾ ਵਿੱਚ ਮਾਸੂਮ ਵਿਧੂ ਜੈਨ ਨੂੰ ਜ਼ਿੰਦਾ ਜਲਾਇਆਂ ਪਰ ਅਜੇ ਤੱਕ ਸਬੰਧਿਤ ਪਰਿਵਾਰ ਨੂੰ ਇਨਸਾਫ ਨਹੀਂ ਮਿਲ ਸਕਿਆ।  

ਅੱਜ ਇਸ ਜੈਨ ਪਰਿਵਾਰ ਨੇ ਮੀਡੀਆ ਦੇ ਸਾਹਮਣੇ ਰਾਸ਼ਟਰਪਤੀ ਨੂੰ ਲਿਖੇ ਪੱਤਰ ਉੱਤੇ ਆਪਣੇ ਖੂਨ ਨਾਲ ਦਸਖਤ ਕੀਤੇ। ਇਸ ਮੌਕੇ ਮ੍ਰਿਤਕ ਵਿਧੂ ਜੈਨ ਦੇ ਪਿਤਾ ਨਵਨੀਤ ਜੈਨ, ਤਾਇਆ ਵਿਨੋਦ ਜੈਨ, ਮਾਤਾ ਆਰਤੀ ਜੈਨ ਅਤੇ ਭਰਾ ਨਮਨ ਜੈਨ ਵੀ ਮੌਜੂਦ ਸਨ।ਡਰੇ ਸਹਿਮੇ ਲੋਕ ਕਿਸੇ ਨ ਕਿਸੇ ਨੂੰ ਆਪਣਾ ਸਿਆਸੀ ਆਕਾ ਮੰਨਣ ਲਈ ਮਜਬੂਰ ਕੀਤੇ ਜਾ ਰਹੇ ਹਨ ਕਿਓਂਕਿ ਉਂਝ ਜਿਊਣਾ ਮੁਸ਼ਕਿਲ ਹੋ ਗਿਆ ਹੈ ਪੰਜਾਬ ਵਿੱਚ। ਅੱਸੀਵਿਆਂ ਵਾਲੇ ਖਤਰਿਆਂ ਦੇ ਦਿਨ ਤਾਜ਼ਾ ਹੁੰਦੇ ਮਹਿਸੂਸ ਹੋ ਰਹੇ ਹਨ ਪੰਜਾਬ ਵਿੱਚ। ਲੋਕ ਬੁਰੀ ਤਰਾਂ ਡੀਆਰਈ ਹੋਏ ਹਨ। ਕੋਈ ਪਤਾ ਨਹੀਂ ਕਿਹੜਾ ਗੈਂਗਸਟਰ ਕਿਸ ਨੂੰ ਗੋਲੀ ਦਾ ਨਿਸ਼ਾਨ ਬਣਾ ਦੇਵੇ?

ਪਰਿਵਾਰ ਨੇ ਦੋਸ਼ ਲਾਇਆ ਕਿ ਕਿਸੇ ਵੀ ਪਾਰਟੀ ਦੇ ਕਿਸੇ ਵੀ ਸਿਆਸੀ ਲੀਡਰ ਨੇ ਸਾਡੀ ਬਾਂਹ ਨਹੀਂ ਫੜੀ। ਉਹਨਾਂ ਦੱਸਿਆ ਕਿ ਸਾਡੇ ਪਰਿਵਾਰ ਨੇ ਅਕਾਲੀ ਦਲ, ਭਾਰਤੀ ਜਨਤਾ ਪਾਰਟੀ, ਕਾਂਗਰਸ ਅਤੇ ਆਮ ਆਦਮੀ ਪਾਰਟੀ ਸਮੇਤ ਸਾਰੇ ਸਿਆਸੀ ਸੰਗਠਨਾਂ ਦੇ ਆਗੂਆਂ ਨਾਲ ਗੱਲ ਕੀਤੀ ਪਰ ਸਾਨੂੰ ਇਨਸਾਫ ਨਹੀਂ ਮਿਲਿਆ। ਉਹਨਾਂ ਕਿਹਾ ਕਿ ਅਸੀਂ ਇਨਸਾਫ ਦੀ ਪ੍ਰਾਪਤੀ ਲਈ ਜਿਸ ਹੱਦ ਤੱਕ ਵੀ ਜਾਣਾ ਪਿਆ ਜਾਵਾਂਗੇ।  ਅਸੀਂ ਇਨਸਾਫ ਮੰਗ ਰਹੇ ਹਾਂ ਕੋਈ ਭੀਖ ਨਹੀਂ ਮੰਗ ਰਹੇ। ਮ੍ਰਿਤਕ ਵਿਧੂ ਦੇ ਛੋਟੇ ਭਰਾ ਨਮਨ ਨੇ ਵੀ ਬੜੇ ਹੀ ਭਰੇ ਹੋਏ ਮਨ ਨਾਲ ਇਨਸਾਫ ਦਾ ਸੰਕਲਪ ਦੁਹਰਾਇਆ ਅਤੇ ਆਪਣੇ ਖੂਨ ਨਾਲ ਇਸ ਚਿੱਠੀ ਉੱਤੇ ਦਸਖਤ ਕੀਤੇ। 

ਵਿਧੂ ਦੇ ਮਾਤਾ ਪਿਤਾ ਦੀ ਹਾਲਤ ਬੇਹੱਦ ਨਾਜ਼ੁਕ ਸੀ। ਤਿੰਨ ਸਾਲਾਂ ਤੋਂ ਇਨਸਾਫ ਦੀ ਮੰਗ ਕਰਦਿਆਂ ਉਹਨਾਂ ਨੇ ਲਗਾਤਾਰ ਨਿਆਂ ਲਈ ਅਣਗਿਣਤ ਕੋਸ਼ਿਸ਼ਾਂ ਕੀਤੀਆਂ। ਉਹਨਾਂ ਸਾਫ ਆਖਿਆ  ਕਿ ਪੁਲਿਸ ਲਈ ਕਾਤਲਾਂ ਨੂੰ ਲੱਭਣਾ ਕੋਈ ਮੁਸ਼ਕਿਲ ਨਹੀਂ।  ਵੋਟ ਬੈਂਕ ਦੀ ਸਿਆਸਤ ਨੇ ਉਹਨਾਂ ਦੇ ਹੱਥ ਬੰਨੇ ਹੋਏ ਹਨ। ਮੀਡੀਆਂ ਨਾਲ ਗੱਲਬਾਤ ਦੌਰਾਨ ਵਿਧੂ ਦੇ ਪਿਤਾ ਰੋਣ ਹਾਕੇ ਹੋ ਗਏ। ਇਸਤੇ ਵਿਧੂ ਦੇ ਤਾਇਆ ਨੇ ਮੀਡੀਆ ਨੂੰ ਦੱਸੀ ਜਾ ਰਹੀ ਗੱਲ ਪੂਰੀ ਕੀਤੀ। ਕੁਲ ਮਿਲਾ ਕੇ ਪ੍ਰੈਸ ਕਾਨਫਰੰਸ ਵਿੱਚ ਸ਼ਾਂਤੀ ਸੀ ਪਰ ਇਹ ਸ਼ਾਂਤੀ ਕਿਸੇ ਤੂਫ਼ਾਨ ਤੋਂ ਪਹਿਲਾਂ ਵਾਲੀ ਸ਼ਾਂਤੀ ਸੀ। ਹੁਣ ਦੇਖਣਾ ਹੈ ਕਿ ਇਸ ਜੈਨ ਪਰਿਵਾਰ ਨੂੰ ਇਨਸਾਫ ਕਦੋਂ ਮਿਲੇਗਾ। 

ਮਾਮਲਾ ਹੋਦ ਚਿੱਲੜ ਸਿੱਖ ਕਤਲੇਆਮ ਦਾ--ਅਗਲੀ ਸੁਣਵਾਈ 16 ਅਪਰੈਲ ਨੂੰ

Wed, Mar 12, 2014 at 2:45 PM

ਨਾਇਬ ਤਹਿਸੀਲਦਾਰ ਸੰਜੀਵ ਕੁਮਾਰ ਵਲੋਂ ਰਿਪੋਰਟ ਪੇਸ਼ 
ਰਿਪੋਰਟ ਅਨੁਸਾਰ ਪੀੜਤਾਂ ਵਲੋਂ ਪੇਸ਼ ਕੀਤੀਆਂ ਜ਼ਮੀਨ  ਦੀਆਂ ਕੀਮਤਾਂ ਵਿੱਚ ਵੱਡਾ ਫਰਕ

ਹਿਸਾਰ: 12 ਮਾਰਚ 2014:  (ਪੰਜਾਬ ਸਕਰੀਨ ਬਿਊਰੋ):
2 ਨਵੰਬਰ 1984 ਨੂੰ ਹਰਿਆਣੇ ਦੇ ਪਿੰਡ ਹੋਦ ਚਿੱਲੜ ਵਿੱਚ ਕਤਲ ਕੀਤੇ 32 ਸਿੱਖਾਂ ਦੇ ਕੇਸ ਦੀ ਹਿਸਾਰ ਵਿਖੇ ਜਸਟਿਸ ਟੀ.ਪੀ.ਗਰਗ ਦੀ ਅਦਾਲਤ ਵਿੱਚ ਸੁਣਵਾਈ ਸੀ । ਪੀੜਤਾਂ ਨੂੰ ਨਾਲ਼ ਲੈ ਕੇ ਹੋਦ ਚਿੱਲੜ ਤਾਲਮੇਲ ਕਮੇਟੀ ਦੇ ਪ੍ਰਧਾਨ ਇੰਜੀ.ਮਨਵਿੰਦਰ ਸਿੰਘ ਗਿਆਸਪੁਰਾ ਅਤੇ ਐਡਵੋਕੇਟ ਰਣਜੀਤ ਯਾਦਵ ਪੇਸ਼ ਹੋਏ । ਅੱਜ ਦੀ ਸੁਣਵਾਈ ਵਿੱਚ ਸਰਕਾਰੀ ਧਿਰ ਦੀ ਜ਼ਿਰਾ ਦੌਰਾਨ ਨਾਇਬ ਤਹਿਸੀਲਦਾਰ ਸੰਜੀਵ ਕੁਮਾਰ ਪੇਸ ਹੋਏ । ਉਹਨਾਂ ਅਦਾਲਤ ਨੂੰ ਜਮੀਨ ਦੇ ਸਰਕਾਰੀ ਰੇਟ ਦੇ ਅੰਕੜਿਆਂ ਨੂੰ ਪੇਸ਼ ਕੀਤਾ ਅਤੇ ਅਦਾਲਤ ਨੂੰ ਦੱਸਿਆ ਕਿ ਪੀੜਤਾਂ ਵਲੋਂ ਪੇਸ਼ ਅੰਕੜਿਆਂ ਅਤੇ ਸਰਕਾਰੀ ਅੰਕੜਿਆਂ ਵਿੱਚ ਢੇਰ ਫਰਕ ਹੈ । ਸਰਕਾਰੀ ਵਕੀਲ ਵਲੋਂ ਨਾਨਾਵਤੀ ਰਿਪੋਰਟ ਨੂੰ ਵੀ ਪੇਸ਼ ਕੀਤਾ ਅਤੇ ਅਦਾਲਤ ਨੂੰ ਦੱਸਿਆ ਕਿ ਪਟੀਸ਼ਨਰ ਉੱਤਮ ਸਿੰਘ, ਪ੍ਰੇਮ ਸਿੰਘ, ਕਰਮ ਸਿੰਘ, ਗੁਰਬਚਨ ਸਿੰਘ, ਕੁਲਵੰਤ ਕੌਰ ਅਤੇ ਸੁਰਜੀਤ ਕੌਰ ਨਾਨਾਵਤੀ ਕਮਿਸ਼ਨ ਵਿੱਚ ਜਾ ਚੁੱਕੇ ਹਨ ।ਇਸ ਤੇ ਬਚਾਅ ਪੱਖ ਦੇ ਵਕੀਲ ਨੇ ਕਿਹਾ ਕਿ ਇਹ ਤਾਂ ਸਿਰਫ ਨਾਨਾਵਤੀ ਦੀ ਲਿਸਟ ਹੈ ਕੋਈ ਵੀ ਪੀੜਤ ਨਾਨਾਵਤੀ ਵਿੱਚ ਅਪੀਅਰ ਨਹੀਂ ਹੋਇਆ । ਪੀੜਤ ਧਿਰ ਵਲੋਂ 1984 ਨੂੰ ਹੋਦ ਵਿੱਚ ਤੈਨਾਤ ਐਸ.ਐਚ.ਓ. ਰਾਮ ਕਿਸ਼ੋਰ, ਡੀ.ਐਸ.ਪੀ. ਰਾਮਵੰਸ਼ ਜਿਹੜੇ ਅੱਜ ਕੱਲ਼ ਰਿਟਾਇਡ ਹੋ ਚੁਕੇ ਹਨ ਨੂੰ ਬੁਲਾਉਣ ਦੀ ਬੇਨਤੀ ਕੀਤੀ । ਇਸ ਤੇ ਜੱਜ ਸਾਹਿਬ ਨੇ ਸਹਿਮਤੀ ਪ੍ਰਗਟਾਉਂਦਿਆਂ ਅਗਲੀ ਸੁਣਵਾਈ 16 ਅਪਰੈਲ ਤੇ ਪਾ ਦਿਤੀ ਗਈ ।
ਪ੍ਰੈਸ ਵਿੱਚ ਇਸ ਤੇ ਸਖਤ ਪ੍ਰਤੀਕ੍ਰਮ ਕਰਦਿਆ ਇੰਜੀ. ਗਿਆਸਪੁਰਾ ਨੇ ਕਿਹਾ ਕਿ ਹੁੱਡਾ ਦੀ ਕਾਂਗਰਸ ਸਰਕਾਰ ਕਾਤਲਾਂ ਨੂੰ ਸਾਹਮਣੇ ਲਿਆਉਣ ਦੀ ਬਜਾਏ ਏਧਰ ਓਧਰ ਦੀਆਂ ਗੱਲਾਂ ਸਦਕਾ ਉਲਝਾ ਰਹੀ ਹੈ । ਉਹਨਾਂ ਲੋਕ ਸਭਾ ਚੋਣਾਂ ਵਿੱਚ ਮਨੁੱਖਤਾ ਪ੍ਰਸਤ ਲੋਕਾਂ ਨੂੰ ਅਪੀਲ ਕੀਤੀ ਕਿ ਉਹ ਆਮ ਲੋਕਾਂ ਦੇ ਕਾਤਲਾਂ ਨੂੰ ਵੋਟਾਂ ਨਾ ਪਾਉਣ । ਇਸ ਮੌਕੇ ਉਹਨਾਂ ਨਾਲ਼ ਸ੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਚਾਰਕ ਅਮਰ ਸਿੰਘ, ਹਰਜਿੰਦਰ ਸਿੰਘ ਅਤੇ ਹਿਸਾਰ ਤੋਂ ਸੰਜੀਵ ਸਿੰਘ ਤੇ ਬਲਬੀਰ ਸਿੰਘ ਆਦਿ ਹਾਜਿਰ ਸਨ ।

ਨਹੀਂ ਹੋ ਸਕੀ ਵੀਡੀਓ ਕਾਨਫਰੰਸਿੰਗ ਰਾਹੀਂ ਭਾਈ ਹਵਾਰਾ ਦੀ ਪੇਸ਼ੀ

Tue, Aug 6, 2013 at 4:43 PM
ਮਾਮਲੇ ਦੀ ਅਗਲੀ ਸੁਣਵਾਈ 3 ਸਤੰਬਰ ਨੂੰ

ਨਵੀਂ ਦਿੱਲੀ 6 ਅਗਸਤ (ਮਨਪ੍ਰੀਤ ਸਿੰਘ ਖਾਲਸਾ): ਅਸਲਾ ਐਕਟ ਦੇ ਇਕ ਪੁਰਾਣੇ ਮਾਮਲੇ ਵਿਚ ਬੱਬਰ ਖ਼ਾਲਸਾ ਇੰਟਰਨੈਸ਼ਨਲ ਦੇ ਖਾੜਕੂ ਭਾਈ ਜਗਤਾਰ ਸਿੰਘ ਹਵਾਰਾ ਦੀ ਵੀਡੀਓ ਕਾਨਫਰੰਸਿੰਗ ਰਾਹੀ ਬੀਤੇ ਦਿਨ ਅੰਬਾਲਾ ਦੀ ਇਕ ਅਦਾਲਤ ਵਿਚ ਕੁਝ ਕਾਰਨਾਂ ਕਰ ਕੇ ਨਹੀਂ ਹੋ ਸਕੀ ।
ਭਾਈ ਹਵਾਰਾ ਉੱਤੇ ਪੰਜਾਬ ਦੇ ਮੁੱਖ ਮੰਤਰੀ ਬੇਅੰਤ ਸਿੰਘ ਦੇ ਨਾਲ ਹਰਿਆਣਾ ਦੇ ਸਾਬਕਾ ਮੁਖ ਮੰਤਰੀ ਮਰਹੂਮ ਭਜਨ ਲਾਲ ਦੀ ਹੱਤਿਆ ਦੀ ਸਾਜਿਸ਼ ਰਚਣ ਦਾ ਇਲਜ਼ਾਮ ਵੀ ਹੈ। ਜ਼ਿਕਰਯੋਗ ਹੈ ਕਿ ਭਜਨ ਲਾਲ ਨੂੰ ਮਾਰਨ ਲਈ ਘਡ਼ੀ ਗਈ ਸਾਜਿਸ਼ ਦੇ ਤਹਿਤ ਕੁਝ ਲੋਕ ਨਰਵਾਣਾ ਵੱਲ ਜਾ ਰਹੇ ਸਨ ਤਾਂ ਅੰਬਾਲਾ-ਹਿਸਾਰ ਸਡ਼ਕ 'ਤੇ ਮਟੇਡ਼ੀ ਸ਼ੇਖਾਂ ਵਿਚ ਤੈਨਾਤ ਪੁਲੀਸ ਨੇ ਇਕ ਵਾਹਨ ਨੂੰ ਰੁਕਣ ਦਾ ਇਸ਼ਾਰਾ ਕੀਤਾ ਸੀ । ਵਾਹਨ ਰੋਕਣ ਦੀ ਥਾਂ ਇਸ ਵਿਚ ਸਵਾਰ ਲੋਕਾਂ ਨੇ ਪੁਲੀਸ 'ਤੇ ਗੋਲੀਆਂ ਚਲਾ ਦਿੱਤੀਆਂ ਸਨ ਜਿਸ ਵਿਚ ਇਕ ਸਿਪਾਹੀ ਦੀ ਮੌਤ ਹੋ ਗਈ ਸੀ ਅਤੇ ਇਕ ਏ.ਐਸ.ਆਈ. ਜ਼ਖ਼ਮੀ ਹੋ ਗਿਆ ਸੀ । ਇਸ ਮਾਮਲੇ ਵਿਚ ਪੁਲੀਸ ਨੇ ਦੋ ਔਰਤਾਂ ਸਮੇਤ 13 ਜਣਿਆਂ ਦੇ ਖ਼ਿਲਾਫ਼ ਮੁਕੱਦਮਾ ਦਰਜ ਕੀਤਾ ਸੀ।ਇਸ ਮਾਮਲੇ ਵਿਚ ਭਾਈ ਹਵਾਰਾ ਦੀ ਭੂਮਿਕਾ ਸ਼ੱਕ ਦੇ ਘੇਰੇ ਵਿਚ ਆਣ ਕਰਕੇ ਭਾਈ ਹਵਾਰਾ ਦੇ ਖ਼ਿਲਾਫ਼ ਅਸਲਾ ਐਕਟ ਤਹਿਤ ਕੇਸ ਦਰਜ ਕੀਤਾ ਗਿਆ ਸੀ।
16 ਫਰਵਰੀ ਨੂੰ ਹਵਾਰਾ ਦੇ ਖ਼ਿਲਾਫ਼ ਅਦਾਲਤ ਵਿਚ ਚਾਰਜਸ਼ੀਟ ਦਾਖਲ ਕੀਤੀ ਗਈ ਸੀ ਜਿਸ ਤੋਂ ਬਾਅਦ ਪੰਜਾਬ ਅਤੇ ਦਿੱਲੀ ਪੁਲਿਸ ਵਲੋ ਉਸ ਨੂੰ ਕਦੇ ਵੀ ਅਦਾਲਤ ਵਿਚ ਮਾਮਲੇ ਦੀ ਸੁਣਵਾਈ ਲਈ ਪੇਸ਼ ਨਹੀ ਕੀਤਾ ਗਿਆ ਜਿਸ ਕਰਕੇ ਅਦਾਲਤ ਵਲੋ 9 ਸਤੰਬਰ 2004 ਨੂੰ ਉਸ ਨੂੰ ਮੋਸਟ ਵਾਂਟਿਡ (ਭਗੌੜਾ) ਕਰਾਰ ਦੇ ਦਿੱਤਾ ਗਿਆ ਸੀ। ਉਦੋਂ ਤੋਂ ਪੁਲੀਸ ਹਵਾਰਾ ਦੀ ਤਲਾਸ਼ ਵਿਚ ਹੈ ਜਦਕਿ ਭਾਈ ਹਵਾਰਾ ਪੰਜਾਬ ਅਤੇ ਦਿੱਲੀ ਪੁਲਿਸ ਦੀ ਹਿਰਾਸਤ ਵਿਚ ਹੀ ਸਨ । ਭਾਈ ਹਵਾਰਾ ਦੀ ਅੱਜ ਅਦਾਲਤ ਵਿਚ ਤਿਹਾੜ ਜੇਲ੍ਹ ਵਿਚੋਂ ਵੀਡੀਓ ਕਾਨਫਰੰਸਿੰਗ ਦੇ ਜ਼ਰੀਏ ਪੇਸ਼ੀ ਹੋਣੀ ਸੀ ਜੋ ਕੁਝ ਕਾਰਨਾਂ ਕਰਕੇ ਨਹੀਂ ਹੋ ਸਕੀ ਜਿਸ ਕਰਕੇ ਅਦਾਲਤ ਨੇ ਮਾਮਲੇ ਦੀ ਅਗਲੀ ਸੁਣਵਾਈ ਲਈ 3 ਸਤੰਬਰ ਦੀ ਤਾਰੀਖ ਨਿਰਧਾਰਤ ਕੀਤੀ ਹੈ।  
---------------------------------------
ਸਿੱਖ ਹੁਣ ਫੇਰ ਪੁੱਛਣਗੇ ਕਿ ਸਾਡਾ ਦੇਸ਼ ਕਿਹੜਾ ਹੈ !!!

ਅੱਜ ਮੋਦੀ ਨਿਕਾਲਾ ਦੇ ਰਿਹਾ ਹੈ ਕਲ ਨੂੰ ਹੋਰ ਵੀ ਦੇਵੇਗਾ:ਨਿਰਪ੍ਰੀਤ ਕੌਰ

ਨਹੀਂ ਰਹੀ ਪੰਜਾਬ ਸਕਰੀਨ ਦੀ ਸਰਗਰਮ ਸੰਚਾਲਿਕਾ ਕਲਿਆਣ ਕੌਰ

ਨਹੀਂ ਹੋ ਸਕੀ ਵੀਡੀਓ ਕਾਨਫਰੰਸਿੰਗ ਰਾਹੀਂ ਭਾਈ ਹਵਾਰਾ ਦੀ ਪੇਸ਼ੀ 

ਨਵੰਬਰ-84:ਇਨਸਾਫ਼ ਦੀ ਉਡੀਕ ਵਿੱਚ ਹੀ ਮੌਤ

Mon, Jul 29, 2013 at 10:29 PM
ਸੱਜਨ ਕੁਮਾਰ ਖਿਲਾਫ ਮੁੱਖ ਗਵਾਹ ਬੀਬੀ ਭਗਵਾਨੀ ਬਾਈ ਇਨਸਾਫ਼ ਦੀ ਉਡ਼ੀਕ ਕਰਦਿਆਂ ਸੰਸਾਰ ਵਿਛੋੜਾ ਕਰ ਗਈ
ਬੀਬੀ ਭਗਵਾਨੀ ਬਾਈ ਦੇ ਘਰ ਅਤੇ ਦੋਨੋ ਬੇਟਿਆਂ ਨੂੰ ਜਿੰਦਾ ਜਲਾਇਆ ਗਿਆ ਸੀ 
ਬੀਬੀ ਨਿਰਪ੍ਰੀਤ ਕੌਰ ਵੱਲੋਂ ਕਾਰਵਾਈ ਲਈ 10 ਅਗਸਤ ਤੱਕ ਦਾ ਅਲਟੀਮੇਟਮ 

ਨਵੀਂ ਦਿੱਲੀ 29 ਜੁਲਾਈ (ਮਨਪ੍ਰੀਤ ਸਿੰਘ ਖਾਲਸਾ): ਨਵੰਬਰ 1984 ਵਿਚ ਦਿੱਲੀ ਵਿਖੇ ਹੋਏ ਸਿੱਖ ਕਤਲੇਆਮ ਦੇ ਮੁਖ ਦੋਸ਼ੀ ਸੱਜਨ ਕੁਮਾਰ ਦੇ ਖਿਲਾਫ ਇਕ ਹੋਰ ਅਹਿਮ ਗਵਾਹ ਬੀਬੀ ਭਗਵਾਨੀ ਬਾਈ ਧਰਮ ਸੁਪਤਨੀ ਸਵਰਗੀ ਸ. ਸੇਵਾ ਸਿੰਘ ਇਸ ਦੇਸ਼ ਦੇ ਪੱਖਪਾਤੀ ਕਾਨੂੰਨ ਤੋਂ 29 ਸਾਲਾਂ ਤਕ ਇਨਸਾਫ਼ ਦੀ ਉਡ਼ੀਕ ਕਰਦਿਆਂ ਅਤੇ ਅਦਾਲਤਾਂ ਦੇ ਚਕੱਰ ਕਟਦਿਆਂ ਹੋਇਆ ਬੀਤੀ 27 ਜੁਲਾਈ ਨੂੰ ਸੰਸਾਰ ਵਿਛੋੜਾ ਦੇ ਗਈ ਹੈ। ਅਹਿਮ ਸੁਤਰਾਂ ਤੋ ਪਤਾ ਲਗਿਆ ਹੈ ਕਿ ਸਜੱਨ ਕੁਮਾਰ ਦੇ ਖਿਲਾਫ ਹੀ ਮੁੱਖ ਗਵਾਹਾਂ ਵਿਚੋ ਭਾਈ ਗੁਰਚਰਨ ਸਿੰਘ ਨੂੰ ਵੀ ਦੋ ਵਾਰੀ ਦਿਲ ਦਾ ਦੋਰਾ ਪੈ ਚੁਕਿਆ ਹੈ ਤੇ ਬੀਬੀ ਨਿਰਪ੍ਰੀਤ ਕੌਰ ਦਾ ਤਿੰਨ ਵਾਰੀ ਐਕਸੀਡੇਂਟ ਹੋ ਚੁਕਿਆ ਹੈ। 
ਸਜੱਨ ਕੁਮਾਰ ਖਿਲਾਫ ਮੁੱਖ ਗਵਾਹਾਂ ਵਿਚੋ ਇਕ ਬੀਬੀ ਨਿਰਪ੍ਰੀਤ ਕੌਰ ਨੇ ਭਰੇ ਮਨ ਨਾਲ ਪ੍ਰੈਸ ਨਾਲ ਗਲਬਾਤ ਕਰਦਿਆਂ ਕਿਹਾ ਕਿ ਬੀਬੀ ਭਗਵਾਨੀ ਕੌਰ ਕੋ ਕਿ ਇਸ ਦੇਸ਼ ਦੀ ਰਾਜਧਾਨੀ ਦੇ ਇੱਕ ਪ੍ਰਸਿਧ ਇਲਾਕੇ ਸੁਲਤਾਨ ਪੁਰੀ ਵਿੱਚ ਰਹਿੰਦੇ ਸਨ, ਦੀਆਂ ਅੱਖਾਂ ਦੇ ਸਾਹਮਣੇ ਹੀ ਸਜੱਨ ਕੁਮਾਰ ਦੇ ਕਹਿਣ ਤੇ ਉਨ੍ਹਾਂ ਦੇ ਦੋ ਬੇਟੇ ਸ੍ਰ. ਹੋਸ਼ਿਆਰ ਸਿੰਘ (21 ਸਾਲ) ਅਤੇ ਸ ਮੋਹਨ ਸਿੰਘ (18 ਸਾਲ) ਨੂੰ ਜਿਊਂਦਿਆਂ ਸਾੜ ਦਿੱਤਾ ਗਿਆ ਸੀ. ਉਹਨਾਂ ਦੇ ਘਰ ਨੂੰ ਵੀ ਸਰਕਾਰੀ ਗੁਡਿੰਆ ਦੀ ਬਿਫਰੀ ਹੋਈ ਪਲਟਨ ਨੇ ਅੱਗ ਲਾ ਕੇ ਸੁਆਹ ਕਰ ਦਿੱਤਾ ਸੀ। ਹੁਣ ਸਮੇਂ ਦੀ ਕਾਂਗਰਸ ਸਰਕਾਰ ਤੇ ਚਾਹੁੰਦੀ ਹੀ ਹੈ ਉਨ੍ਹਾਂ ਦੇ ਵਜ਼ੀਰਾਂ ਨੂੰ ਸਜਾ ਦਿਵਾਉਣ ਲਈ ਉਨ੍ਹਾਂ ਦੇ ਖਿਲਾਫ ਖੜੇ ਹੋਏ ਸਿੱਖ ਗਵਾਹ ਇਨਸਾਫ਼ ਦੀ ਉਡ਼ੀਕ ਕਰਦੇ ਕਰਦੇ ਇਸ ਫਾਨੀ ਦੁਨੀਆ ਤੋ ਰੁਖਸਤ ਹੋ ਜਾਣ ਤੇ ਉਨ੍ਹਾਂ ਦੇ ਵਜੀਰ ਉਨ੍ਹਾਂ ਵਲੋ ਕੀਤੇ ਕਾਰੇ ਕਾਰਨ ਸਰਕਾਰੀ ਸੁਖਾਂ ਦੀ ਪ੍ਰਾਪਤੀ ਕਰਦੇ ਹੋਏ ਸਿੱਖਾਂ ਦੇ ਹਿਰਦਿਆਂ ਤੇ ਮੂੰਗ ਦਲਦੇ ਰਹਿਣ । 
ਬੀਬੀ ਨਿਰਪ੍ਰੀਤ ਕੋਰ ਨੇ ਸਰਕਾਰ ਨੂੰ ਚੇਤਾਵਨੀ ਦੇਦੇਂ ਹੋਏ ਕਿਹਾ ਹੈ ਕਿ ਜੇ ਕਰ ਸਰਕਾਰ ਨੇ 10 ਅਗਸਤ ਤਕ ਸਜੱਨ ਕੁਮਾਰ ਦੇ ਖਿਲਾਫ ਸੁਲਤਾਨਪੁਰੀ (ਨਾਂਗਲੋਈ) ਕੇਸ ਦੀ ਐਫ ਆਈ ਆਰ ਫਾਈਲ ਨਹੀ ਕੀਤੀ ਤੇ ਉਹ ਸੰਗਤਾਂ ਦੇ ਸਹਿਯੋਗ ਨਾਲ ਮੁੜ ਤੋ ਸੰਘਰਸ਼ ਚਾਲੂ ਕਰ ਦੇਣਗੇ । ਉਨ੍ਹਾਂ ਸਿੱਖ ਸੰਗਤਾਂ ਨੂੰ ਅਪੀਲ ਕਰਦਿਆਂ ਕਿਹਾ ਜਿਸ ਤਰ੍ਹਾਂ ਆਪ ਸਾਰਿਆਂ ਨੇ ਪਹਿਲਾਂ ਮੇਰਾ ਸਾਥ ਦਿੱਤਾ ਸੀ ਉਸੇ ਤਰ੍ਹਾਂ ਹੀ ਹੁਣ ਤੋ ਹੀ ਕਮਰ ਕੱਸੇ ਕਰ ਲਵੋ ਤੇ ਜੇਕਰ ਸਰਕਾਰ ਦਿੱਤੇ ਸਮੇਂ ਵਿਚ ਕਾਰਵਾਈ  ਨਹੀਂ ਕਰਦੀ ਤਦ ਆਰ ਪਾਰ ਦਾ ਸੰਘਰਸ਼ ਸ਼ੁਰੂ ਕੀਤਾ ਜਾਏਗਾ ਜਿਸ ਵਿਚ ਕਿਸੇ ਪ੍ਰਕਾਰ ਦੀ ਕੋਈ ਘਟਨਾ ਵਾਪਰਦੀ ਹੈ ਉਸ ਦੀ ਜਿੰਮੇਵਾਰ ਸਰਕਾਰ ਆਪ ਖੁਦ ਹੋਵੇਗੀ। 

ਬੇਬਸ ਹੋ ਰਹੀ ਸ਼ਰਾਫਤ

ਡਾਢਿਆਂ ਦੀ ਰਖੇਲ ਬਣੇ ਸਿਸਟਮ ਦਾ ਇੱਕ ਹੋਰ ਨਵਾਂ ਮਾਮਲਾ 

ਦੇਸ਼ ਆਜ਼ਾਦ ਹੋਣ ਤੋਂ ਬਾਅਦ ਲਗਾਤਾਰ ਅਜਿਹੀਆਂ ਘਟਨਾਵਾਂ ਵਾਪਰ ਰਹੀਆਂ ਹਨ ਜਿਹਨਾਂ ਤੋਂ ਮਹਿਸੂਸ ਹੁੰਦਾ ਹੈ ਡਾਢਿਆਂ ਨੂੰ ਹਰ ਤਰ੍ਹਾਂ ਦੀਆਂ ਮਨਮਰਜ਼ੀਆਂ ਕਰਨ ਦੀ ਜਿਵੇਂ ਖੁੱਲੀ ਛੁੱਟੀ ਮਿਲ ਗਈ ਹੈ। ਹੁਣ ਇੱਕ ਨਵਾਂ ਮਾਮਲਾ ਸਾਹਮਣੇ ਆਇਆ ਹੈ ਚੰਡੀਗੜ੍ਹ ਦੇ ਪ੍ਰੈਸ ਕਲੱਬ ਵਿੱਚ ਮੀਡੀਆ ਦੇ ਸਾਹਮਣੇ। ਮੀਡੀਆ ਸਾਹਮਣੇ 65 ਸਾਲਾਂ ਇੱਕ ਬਜੁਰਗ ਐਨ ਆਰ ਆਈ ਔਰਤ ਨੇ ਜੋ ਜੋ ਕੁਝ ਦੱਸਿਆ ਉਹ ਹਿਲਾ ਦੇਣ ਵਾਲਾ ਹੈ। ਉਸ ਦੀਆਂ ਗੱਲਾਂ ਸਚ ਇਸ ਕਰਕੇ ਲੱਗਦੀਆਂ ਹਨ ਕਿ ਅਜਿਹਾ ਕੁਝ ਹੁਣ ਆਮ ਹੋਣ ਲੱਗ ਪਿਆ ਹੈ। ਚੰਗਾ ਹੋਵੇ ਜੇਕਰ ਤੁਰੰਤ ਨਿਰਪੱਖ ਜਾਂਚ ਕਰਾਕੇ ਸਚ ਸਾਹਮਣੇ ਲਿਆਂਦਾ ਜਾਵੇ ਤੇ ਇਨਸਾਫ਼ ਕੀਤਾ ਜਾਵੇ। ਕਿਤੇ ਇਹ ਨਾ ਹੋਵੇ ਕਿ ਸੱਤੇ ਹੋਏ ਬੇਬਸ ਲੋਕ ਇੱਕ ਦਿਨ ਉਠ ਖੜੋਣ ਅਤੇ ਇਹ ਆਖਣ ਲਈ ਮਜਬੂਰ ਹੋ ਜਾਣ-ਸ਼ਰਾਫਤ ਛੋੜ ਦੀ ਮੈਨੇ ! ਇਸ ਔਰਤ ਦੀ ਦਾਸਤਾਨ ਅਸੀਂ ਜਗਬਾਣੀ ਦੇ ਧੰਨਵਾਦ ਸਹਿਤ ਪ੍ਰਕਾਸ਼ਿਤ ਕਰ ਰਹੇ ਹਾਂ।    -ਰੈਕਟਰ ਕਥੂਰੀਆ

65 ਸਾਲਾ ਐੱਨ. ਆਰ. ਆਈ. ਔਰਤ ਝੂਠੇ ਪੁਲਸ ਕੇਸਾਂ ਕਾਰਨ ਹੰਭੀ 
*8 ਕੇਸ ਰੱਦ ਹੋਣ ਤੋਂ ਬਾਅਦ ਫਿਰ ਦੋ ਝੂਠੇ ਕੇਸ ਠੋਕੇ
*ਲੈਂਡ ਮਾਫੀਆ ਤੇ ਹੇਠਲੇ ਪੱਧਰ 'ਤੇ ਪੁਲਸ ਦੀ ਮਿਲੀਭੁਗਤ ਨਾਲ ਜੋਗਿੰਦਰ ਕੌਰ ਸੰਧੂ ਵਾਰ-ਵਾਰ ਜਲੀਲ 

ਚੰਡੀਗੜ੍ਹ: (ਖੋਖਰ)-ਲੁਧਿਆਣਾ ਦੇ ਲੈਂਡ ਮਾਫੀਆ ਅਤੇ ਹੇਠਲੇ ਪੱਧਰ ਦੇ ਪੁਲਸ ਗਠਜੋੜ ਦਾ ਸ਼ਿਕਾਰ ਬਣੀ 65 ਸਾਲਾ ਐੱਨ. ਆਰ. ਆਈ. ਜੋਗਿੰਦਰ ਕੌਰ ਸੰਧੂ ਹੁਣ ਪੁਲਸ ਵਲੋਂ ਵਾਰ-ਵਾਰ ਕੀਤੇ ਜਾਂਦੇ ਪੁਲਸ ਕੇਸਾਂ ਅਤੇ ਇਨਕੁਆਰੀਆਂ ਤੋਂ ਐਨਾਂ ਅੱਕ ਅਤੇ ਥੱਕ ਚੁੱਕੀ ਹੈ ਕਿ ਉਹ ਆਪਣੀ ਹੱਡ ਬੀਤੀ ਬਿਆਨ ਕਰਦੇ ਵਕਤ ਰੋਣ ਲੱਗ ਪੈਂਦੀ ਹੈ। ਆਪਣੀ ਦੁੱਖ ਭਰੀ ਦਾਸਤਾਂ ਚੰਡੀਗੜ੍ਹ ਪ੍ਰੈੱਸ ਕਲੱਬ 'ਚ ਪੱਤਰਕਾਰਾਂ ਨਾਲ ਸਾਂਝੀ ਕਰਦੇ ਹੋਏ ਉਸਨੇ ਕਿਹਾ ਕਿ ਸਰਕਾਰ ਐੱਨ. ਆਰ. ਆਈਜ਼ ਲੋਕਾਂ ਦੀ ਬੇਹਤਰੀ ਲਈ ਯੋਜਨਾਵਾਂ ਅਤੇ ਇਨਸਾਫ ਲਈ ਪ੍ਰਬੰਧ ਪੈਦਾ ਕਰਨ ਲਈ ਭਾਵੇਂ ਗੰਭੀਰ ਹੈ ਪਰ ਹੇਠਲੇ ਪੱਧਰ ਦੇ ਪੁਲਸ ਅਧਿਕਾਰੀ ਸਰਕਾਰ ਦੀਆਂ ਇਨ੍ਹਾਂ ਨੀਤੀਆਂ ਨੂੰ ਟਿਚ ਨਹੀਂ ਜਾਣਦੇ ਹਨ, ਜਿਸ ਕਾਰਨ ਉਸ 'ਤੇ 10 ਪੁਲਸ ਕੇਸ ਦਰਜ ਕੀਤੇ ਗਏ ਸਨ। ਭਾਵੇਂ ਸੀਨੀਅਰ ਪੁਲਸ ਅਧਿਕਾਰੀਆਂ ਦੀ ਦਖਲਅੰਦਾਜ਼ੀ ਨਾਲ ਇਨ੍ਹਾਂ ਵਿਚੋਂ 8 ਪੁਲਸ ਕੇਸ ਰੱਦ ਹੋ ਗਏ ਅਤੇ ਦੋ ਕੇਸ ਅਜੇ ਵੀ ਚਲ ਰਹੇ ਹਨ। ਇਨ੍ਹਾਂ ਪੁਲਸ ਕੇਸਾਂ ਦੀ ਉਲਝਣ ਤਾਣੀ ਨੇ ਉਸਦਾ ਬੁਢਾਪਾ ਰੋਲ ਕੇ ਰੱਖ ਦਿੱਤਾ ਹੈ। ਇਥੋਂ ਤਕ ਕਿ ਥਾਣੇ-ਅਦਾਲਤਾਂ ਦੇ ਧੱਕੇ ਖਾਂਦੇ-ਖਾਂਦੇ ਉਹ ਟੀ. ਬੀ. ਦੀ ਮਰੀਜ਼ ਬਣ ਗਈ। ਉਸਨੇ ਦੱਸਿਆ ਕਿ ਉਸਨੇ ਨਾ ਤਾਂ ਕਿਸੇ ਨੂੰ ਕਦੇ ਵਿਦੇਸ਼ ਭੇਜਿਆ ਹੈ ਅਤੇ ਨਾ ਹੀ ਲੰਬਾ ਸਮਾਂ ਭਾਰਤ ਰਹੀ ਹੈ ਫਿਰ ਵੀ ਉਸ 'ਤੇ ਕਬੂਤਰਬਾਜ਼ੀ ਦੇ ਫਰਜ਼ੀ ਕੇਸ ਵਾਰ-ਵਾਰ ਦਰਜ ਕੀਤੇ ਜਾਂਦੇ ਹਨ, ਜਿਸ ਕਾਰਨ ਅਜਿਹੇ ਮਾਮਲਿਆਂ 'ਚ ਐੱਫ. ਆਈ. ਆਰ. ਦਰਜ ਕਰਨ ਤੋਂ ਪਹਿਲਾਂ ਜਾਂਚ ਹੋਣ ਦੀ ਵਿਵਸਥਾ ਹੋਣੀ ਚਾਹੀਦੀ ਹੈ।  ਜੋਗਿੰਦਰ ਕੌਰ ਨੇ ਦੱਸਿਆ ਕਿ ਲੁਧਿਆਣਾ ਦੇ ਲੈਂਡ ਮਾਫੀਆ ਸਰਗਨੇ ਦੇ ਕਹਿਣ 'ਤੇ ਜਿਸ ਐੱਸ. ਐੱਚ. ਓ. ਨੇ ਉਸ 'ਤੇ ਝੂਠੇ ਕੇਸ ਬਣਾਏ ਸਨ ਉਸ ਖਿਲਾਫ ਦਰਜ ਕੇਸ ਜੋ ਕਿ ਹੁਣ ਗਵਾਹੀਆਂ 'ਤੇ ਹੈ, ਬਾਰੇ ਸਮਝੌਤਾ ਕਰਵਾਉਣ ਲਈ ਦਬਾਅ ਪਾਉਣ ਲਈ ਇਕ ਕੇਸ ਮੁਕਤਸਰ ਸਾਹਿਬ ਅਤੇ ਇਕ ਹਰਿਆਣਾ ਦੇ ਜਗਾਧਰੀ ਵਿਖੇ ਦਰਜ ਕਰਵਾ ਦਿੱਤਾ ਹੈ। ਪੰਜਾਬ ਦੇ ਉਪ-ਮੁੱਖ ਮੰਤਰੀ ਸੁਖਬੀਰ ਸਿੰਘ ਬਾਦਲ ਅਤੇ ਡੀ. ਜੀ. ਪੀ. ਪੰਜਾਬ ਅੱਗੇ ਇਕ ਵਾਰ ਫਿਰ ਇਨਸਾਫ ਦੀ ਦੁਹਾਈ ਦਿੰਦਿਆਂ ਫਰਾਂਸ 'ਚ ਰਹਿੰਦੀ ਇਸ ਔਰਤ ਵਲੋਂ 2004 ਤੋਂ ਲੈ ਕੇ ਅੱਜ ਤਕ ਜੋ ਤੱਥ, ਸਬੂਤ ਅਤੇ ਦਸਤਾਵੇਜ਼ ਮੀਡੀਆ ਨੂੰ ਸੌਂਪ ਕੇ ਆਪਣੀ ਦਰਦ ਕਹਾਣੀ ਬਿਆਨੀ ਹੈ, ਉਹ ਰੌਂਗਟੇ ਖੜੇ ਕਰਨ ਵਾਲੀ ਹੈ। ਕੈਪਟਨ ਅਮਰਿੰਦਰ ਸਿੰਘ ਦੀ ਸਰਕਾਰ ਦੌਰਾਨ ਸ਼ੁਰੂ ਹੋਈ ਇਹ ਧੱਕੇਸ਼ਾਹੀ, ਮੌਜੂਦਾ ਪ੍ਰਕਾਸ਼ ਸਿੰਘ ਬਾਦਲ ਦੀ ਸਰਕਾਰ 'ਚ ਬਾ-ਦਸਤੂਰ ਜਾਰੀ ਹੈ। ਉਨ੍ਹਾਂ ਦੱਸਿਆ ਕਿ ਇਸ ਅਰਸੇ ਦੌਰਾਨ ਉਸ ਉਪਰ ਇਕੱਲੇ ਲੁਧਿਆਣਾ ਸ਼ਹਿਰ 'ਚ 9 ਝੂਠੇ ਮੁਕੱਦਮੇ ਦਰਜ ਕਰਵਾਏ ਗਏ। ਜਦ ਇਹ ਝੂਠੇ ਮੁਕੱਦਮੇ ਇਕ-ਇਕ ਕਰਕੇ ਖਾਰਿਜ਼ ਹੋਣ ਲਗੇ ਤਾਂ ਐੱਸ. ਐੱਚ. ਓ. ਰਾਜੇਸ਼ ਕੁਮਾਰ ਨੇ ਮਾਫੀਆ ਗਿਰੋਹ ਨਾਲ ਮਿਲਕੇ ਕਪੂਰਥਲਾ, ਹੁਸ਼ਿਆਰਪੁਰ, ਜਲੰਧਰ, ਰੋਪੜ ਵਿਚ ਝੂਠੀਆਂ ਸ਼ਿਕਾਇਤਾਂ ਦਰਜ ਕਰਵਾਉਣੀਆਂ ਸ਼ੁਰੂ ਕਰ ਦਿੱਤੀਆਂ, ਲੇਕਿਨ ਸਬੰਧਤ ਉਚ ਪੁਲਸ ਅਧਿਕਾਰੀਆਂ ਦੁਆਰਾ ਕੀਤੀ ਗਈ ਮੁੱਢਲੀ ਜਾਂਚ ਦੌਰਾਨ ਇਹ ਸ਼ਿਕਾਇਤਾਂ ਗਲਤ ਸਾਬਿਤ ਹੋਈਆਂ ਅਤੇ ਸਬੰਧਿਤ ਪੁਲਸ ਨੇ ਗਲਤ ਸ਼ਿਕਾਇਤਾਂ ਕਰਨ ਵਾਲੇ ਗਿਰੋਹ ਉਪਰ ਆਈ. ਪੀ. ਸੀ. ਧਾਰਾ-182 ਲਾਕੇ ਬਚਾਇਆ। ਪਰ ਇਸੇ ਮਹੀਨੇ ਸ੍ਰੀ ਮੁਕਤਸਰ ਸਾਹਿਬ ਜ਼ਿਲੇ ਦੇ ਪਿੰਡ ਗੂੜੀ ਸ਼ੰਕਰ ਦੇ ਰਾਜਵਿੰਦਰ ਸਿੰਘ ਵਲੋਂ 4 ਜੁਲਾਈ 2013 ਨੂੰ ਕੋਟਭਾਈ ਥਾਣੇ ਅਤੇ ਵਾਸੂਦੇਵ ਵਲੋਂ ਹਰਿਆਣਾ ਦੇ ਸ਼ਹਿਰ ਜਗਾਧਰੀ ਵਿਖੇ 6 ਜੁਲਾਈ 2013 ਨੂੰ ਕੇਸ ਦਰਜ ਕਰਵਾਇਆ ਗਿਆ ਹੈ। ਉਹ ਨਾ ਕਦੇ ਸ੍ਰੀ ਮੁਕਤਸਰ ਸਾਹਿਬ ਗਈ ਹੈ ਅਤੇ ਨਾ ਹੀ ਕਦੇ ਜਗਾਧਰੀ। ਦੋਨੋਂ ਕੇਸ ਕਬੂਤਰਬਾਜ਼ੀ ਨਾਲ ਸਬੰਧਿਤ ਹਨ। ਉਨ੍ਹਾਂ ਦੋਸ਼ ਲਾਇਆ ਕਿ ਇਨ੍ਹਾਂ ਕੇਸਾਂ ਪਿੱਛੇ ਐੱਸ. ਐੱਚ. ਓ. ਇੱਕ ਡੀ. ਐੱਸ. ਪੀ. ਅਤੇ ਲੈਂਡ ਮਾਫੀਆ ਲੁਧਿਆਣਾ ਦਾ ਹੱਥ ਹੈ। ਜੋਗਿੰਦਰ ਕੌਰ ਨੇ ਦੋਸ਼ ਲਾਇਆ ਕਿ ਇਕ ਸ਼ਿਕਾਇਤਕਰਤਾ ਡੀ. ਐੱਸ. ਪੀ. ਦਾ ਦੂਰ ਦਾ ਰਿਸ਼ਤੇਦਾਰ ਹੈ, ਜਦਕਿ ਦੂਸਰਾ ਸ਼ਿਕਾਇਤ ਕਰਤਾ ਲੂਧਿਆਣਾ ਦੇ ਲੈਂਡ ਮਾਫੀਆ ਸਰਗਨੇ ਦਾ ਕਰੀਬੀ ਜਾਣਕਾਰ ਹੈ ਅਤੇ ਜਗਾਧਰੀ ਵਿਚ ਗੋਲ ਗੱਪਿਆਂ ਦੀ ਰੇਹਡ਼ੀ ਲਾਉਂਦਾ ਹੈ। ਇਹ ਵੀ ਦੋਸ਼ ਲਾਇਆ ਕਿ ਸਰਾਭਾ ਨਗਰ ਪੁਲਸ ਨੇ ਉਸ ਨੂੰ ਹੁਕਮਾਂ ਦੇ ਬਾਵਜੂਦ ਅੱਜ ਤਕ ਸੁਰੱਖਿਆ ਨਹੀਂ ਦਿੱਤੀ। ਜੋਗਿੰਦਰ ਕੌਰ ਸੰਧੂ ਨੇ ਏ. ਡੀ. ਜੀ. ਪੀ. ਕ੍ਰਾਈਮ ਜਸਵਿੰਦਰ ਸਿੰਘ, ਉਪ ਮੁੱਖ ਮੰਤਰੀ ਸੁਖਬੀਰ ਸਿੰਘ ਬਾਦਲ ਅਤੇ ਹਰਿਆਣਾ ਦੇ ਡੀ. ਜੀ. ਪੀ. ਐੱਸ. ਐੱਨ. ਵਸ਼ਿਸ਼ਟ ਨੂੰ ਲਿਖਤੀ ਦਰਖਾਸਤਾਂ ਦੇ ਕੇ ਇਨ੍ਹਾਂ ਸਾਰੇ ਮਾਮਲਿਆਂ ਦੀ ਉਚ ਪੱਧਰੀ ਜਾਂਚ ਦੀ ਮੰਗ ਕੀਤੀ ਅਤੇ ਉਦੋਂ ਤਕ ਇਨ੍ਹਾਂ ਦੋਸ਼ੀ ਪੁਲਸ ਅਧਿਕਾਰੀਆਂ ਨੂੰ ਜ਼ਿੰਮੇਵਾਰ ਪੋਸਟਾਂ ਤੋਂ ਹਟਾਉਣ ਦੀ ਵੀ ਮੰਗ ਕੀਤੀ। ਜੋਗਿੰਦਰ ਕੌਰ ਸੰਧੂ ਨੇ ਦੱਸਿਆ ਕਿ ਉਹ ਮੂਲ ਰੂਪ 'ਚ ਹੁਸ਼ਿਆਰਪੁਰ ਜ਼ਿਲੇ ਨਾਲ ਸੰਬੰਧਿਤ ਹੈ ਪਰ 1972 'ਚ ਵਿਦੇਸ਼ ਚੱਲੀ ਗਈ ਅਤੇ 1984 'ਚ ਪਰਿਵਾਰ ਸਮੇਤ ਫਰਾਂਸ 'ਚ ਵੱਸ ਗਈ, ਜਿਥੇ ਉਸਦਾ ਬੇਟਾ ਲਿਉਨ ਸ਼ਹਿਰ 'ਚ ਫਰੈਂਚ ਪੁਲਸ ਦਾ ਅਫਸਰ ਹੈ। ਇਸ ਦੌਰਾਨ ਉਨ੍ਹਾਂ ਨੇ 1978 'ਚ ਲੁਧਿਆਣਾ ਦੇ ਪੱਖੋਵਾਲ ਰੋਡ 'ਤੇ ਪੰਜਾਬ ਮਾਤਾ ਨਗਰ 'ਚ ਦੋ ਮਕਾਨ 725 ਅਤੇ 725/1 ਖਰੀਦੇ। ਜਿਨ੍ਹਾਂ 'ਚੋਂ ਇਕ ਦੀਆਂ ਉਪਰਲੀਆਂ ਦੋਂ ਮੰਜ਼ਿਲਾਂ ਕਿਰਾਏ 'ਤੇ ਦੇ ਦਿੱਤੀਆ ਗਈਆਂ। ਪੰਜਾਬ 'ਚ ਕੋਈ ਪਰਿਵਾਰਿਕ ਮੈਂਬਰ ਨਾ ਹੋਣ ਕਰਕੇ ਇਹ ਘਰ ਲੈਂਡ ਮਾਫਿਆ ਦੀ ਨਜ਼ਰ ਚਡ਼੍ਹ ਗਏ। ਜੋਗਿੰਦਰ ਕੌਰ ਸੰਧੂ ਨੇ ਦੱਸਿਆ ਕਿ 2004 'ਚ ਭਾਰਤ ਫੇਰੀ ਦੌਰਾਨ ਐਮਰਜੈਂਸੀ ਜ਼ਰੂਰਤ ਪੈਣ 'ਤੇ ਉਸਨੇ ਵਿਸ਼ਾਲ ਨਗਰ ਦੇ ਫਾਇਨਾਂਸਰ ਤੋਂ ਇਕ ਮਹੀਨੇ ਲਈ 2 ਲੱਖ ਰੁਪਏ ਵਿਆਜ 'ਤੇ ਫੜੇ ਗਰੰਟੀ ਵਜੋਂ ਕੁੱਝ ਕਾਗਜ਼ਾਂ 'ਤੇ ਦਸਤਖਤ ਕੀਤੇ। (ਜੋ ਨਿਰਧਾਰਤ ਸਮੇਂ 'ਤੇ ਵਾਪਸ ਕਰ ਦਿੱਤੇ ਗਏ) ਲੇਕਿਨ ਅਗਲੇ ਹੀ ਦਿਨ 13 ਦਸੰਬਰ 2004 ਨੂੰ ਬਦੂੰਕ ਦੀ ਨੋਕ 'ਤੇ ਉਸਦੇ ਘਰ ਡਾਕਾ ਪਿਆ। 3.42 ਲੱਖ ਕੈਸ਼, ਕਰੀਬ 16 ਤੋਲੇ ਗਹਿਣੇ ਅਤੇ ਮੋਬਾਈਲ ਸੈਟ ਲੁਟੇ ਗਏ। ਮਾਡਲ ਟਾਊਨ ਪੁਲਸ 'ਚ ਸ਼ਿਕਾਇਤ ਦਰਜ ਹੋਈ ਪਰ ਐੱਸ. ਐੱਚ. ਓ. ਰਾਜੇਸ਼ ਕੁਮਾਰ ਨੇ ਐੱਫ. ਆਈ. ਆਰ. ਦਰਜ ਕਰਨ ਤੋਂ ਕੋਰੀ ਨਾਂਹ ਕਰ ਦਿੱਤੀ। ਇਸ ਘਟਨਾ ਪਿੱਛੋਂ ਉਸ ਨੂੰ ਫਰਾਂਸ ਦੀ ਟਿਕਟ ਕੈਂਸਲ ਕਰਾਉਣੀ ਪਈ ਅਤੇ ਉਸ ਉਪਰ ਝੂਠੇ ਮੁੱਕਦਮਿਆਂ ਦਾ ਅਜਿਹਾ ਜਾਲ ਬੁਣਿਆ ਉਹ ਅੱਜ ਤਕ ਪੱਕੇ ਤੌਰ 'ਤੇ ਫਰਾਂਸ ਨਹੀਂ ਜਾ ਸਕੀ। ਹਾਲਾਂਕਿ ਇਨ੍ਹਾਂ 9 ਸਾਲਾਂ 'ਚ ਇਹ ਮੁਕੱਦਮੇ ਝੂਠੇ ਸਾਬਿਤ ਹੋ ਚੁੱਕੇ ਹਨ। ਉਸਨੇ ਘਰ 'ਚ ਸ੍ਰੀ ਅਖੰਡ ਪਾਠ ਸਾਹਿਬ ਦੇ ਪਾਠ ਕਰਾਉਣ ਦਾ ਫੈਸਲਾ ਲਿਆ, ਪਾਠੀ ਸਿੰਘਾਂ ਨੂੰ ਪ੍ਰਕਾਸ਼ ਆਰੰਭ ਕਰਨ ਦਾ ਸਮਾਂ ਦੇ ਕੇ ਰਾਤ ਨੂੰ ਦਿੱਲੀ ਏਅਰਪੋਰਟ 'ਤੇ ਆਪਣੇ ਬੇਟੇ ਅਤੇ ਦੋਹਤੇ ਨੂੰ ਲੈਣ ਚਲੀ ਗਈ। ਇਸ ਮੌਕੇ ਘਰ 'ਚ ਨੌਕਰਾਨੀ ਸੀ। ਲੈਂਡਮਾਫੀਆ ਸਮਝ ਬੈਠਾ ਕਿ ਉਹ ਫਰਾਂਸ ਚਲੀ ਗਈ ਹੈ, ਉਨ੍ਹਾਂ ਘਰ 'ਤੇ ਕਬਜ਼ਾ ਕਰ ਲਿਆ ਅਤੇ ਕਿਰਾਏਦਰਾਂ ਦਾ ਸਾਮਾਨ ਵੀ ਬਾਹਰ ਸੁਟ ਦਿੱਤਾ। ਉਸੇ ਸਮੇਂ ਪਾਠੀ ਸਿੰਘ ਸ੍ਰੀ ਅਖੰਡ ਪਾਠ ਸਾਹਿਬ ਦੇ ਪ੍ਰਕਾਸ਼ ਲਈ ਘਰ ਪਹੁੰਚੇ ਤਾਂ ਮਾਡਲ ਟਾਊਨ ਦੇ ਐੱਸ. ਐੱਚ. ਓ. ਨੇ ਉਨ੍ਹਾਂ ਉਪਰ ਕੇਸ ਪਾ ਕੇ ਹਵਾਲਾਤ 'ਚ ਬੰਦ ਕਰ ਦਿੱਤਾ। ਜਾਂਚ ਉਪਰੰਤ ਝੂਠੇ ਸ਼ਿਕਾਇਤਕਰਤਾ ਜਸਵਿੰਦਰ ਜੱਸੀ 'ਤੇ 14 ਬੰਦਿਆਂ ਵਲੋਂ 113 ਨੰਬਰ ਐੱਫ. ਆਈ. ਆਰ. ਦਰਜ ਹੋਈ ਅਤੇ ਮੇਰੇ ਵਲੋਂ ਐੱਫ. ਆਈ. ਆਰ. ਨੰਬਰ-106 ਦਰਜ ਹੋਈ ਅਤੇ ਖੁੱਦ ਐੱਸ. ਐੱਚ. ਓ. ਰਾਜੇਸ਼ ਸ਼ਰਮਾ 'ਤੇ ਉਸੇ ਦੇ ਥਾਣੇ 'ਚ 52/07 ਐੱਫ. ਆਰ. ਆਈ. ਦਰਜ ਹੋਈ। ਕੋਰਟ ਦੇ ਆਦੇਸ਼ਾਂ 'ਤੇ ਐੱਸ. ਪੀ. ਸਨੇਹਦੀਪ ਦੀ ਜਾਂਚ ਰਿਪੋਰਟ 'ਚ ਰਾਜੇਸ਼ ਕੁਮਾਰ ਫਿਰ ਦੋਸ਼ੀ ਪਾਇਆ ਗਿਆ। ਪਰ ਏ. ਡੀ. ਜੀ. ਪੀ. ਮੁਹੰਮਦ ਮੁਸਤਫਾ ਦੇ ਦਖਲ ਨਾਲ ਇੰਸਪੈਕਟਰ ਭਾਗ ਸਿੰਘ ਨੇ ਐੱਸ. ਐੱਚ. ਓ. ਨੂੰ ਕਲੀਨ ਚਿੱਟ ਦੇ ਦਿੱਤੀ, ਪਰ ਅਦਾਲਤ ਨੇ ਜ਼ਮਾਨਤ ਭਰਵਾਕੇ ਉਸ 'ਤੇ ਚਾਰਜ ਲਾ ਦਿੱਤਾ ਅਤੇ ਇਹ ਕੇਸ ਹੁਣ ਗਵਾਹੀਆਂ 'ਤੇ ਹੈ।