Showing posts with label MTSM college. Show all posts
Showing posts with label MTSM college. Show all posts

Wednesday, August 09, 2017

ਮਾਸਟਰ ਤਾਰਾ ਸਿੰਘ ਮੈਮੋਰੀਅਲ ਕਾਲਜ ਫ਼ਾਰ ਵਿਮੈਨ ਲੁਧਿਆਣਾ ਵਿੱਚ ਤੀਜ

Wed, Aug 9, 2017 at 4:37 PM
ਮੁੱਖ ਮਹਿਮਾਨ ਵੱਜੋਂ ਪੁੱਜੇ ਬਾਲੀਵੁੱਡ ਗਾਇਕ ਕਮਲ ਖ਼ਾਨ ਅਤੇ ਵਨੀਤ ਖ਼ਾਨ
ਲੁਧਿਆਣਾ:  9 ਅਗਸਤ 2017 (ਪੰਜਾਬ ਸਕਰੀਨ ਬਿਊਰੋ):: 
ਸਾਵਣ ਸ ਮਹੀਨਾ ਲੰਘ ਰਿਹਾ ਹੈ ਅਤੇ ਇਸਦੇ ਨਾਲ ਹੀ ਜਾ ਰਿਹਾ ਹੈ ਤਨਾਂ ਅਤੇ ਮਨਾਂ ਨੂੰ ਹੁਲਾਰੇ ਦੇਂਦੀਆਂ ਪੀਂਘਾਂ ਵਾਲਾ ਤਿਓਹਾਰ ਤੀਜ। ਇਸ ਵਾਰ ਵੀ ਵੱਖ ਥਾਵਾਂ ਤੇ ਤੀਜ  ਦੇ ਆਯੋਜਨਾਂ ਨੇ ਇਤਿਹਾਸ ਰਚਿਆ। ਮਾਸਟਰ ਤਾਰਾ ਸਿੰਘ ਮੈਮੋਰੀਅਲ ਕਾਲਜ ਵਿੱਚ ਵੀ ਅੱਜ ਭਾਰੀ ਰੌਣਕਾਂ ਸਨ। ਕਾਲਜ ਦੇ ਗੇਟ ਤੇ ਉਡੀਕ ਹੋ ਰਹੀ ਸੀ ਮੁੱਖ ਮਹਿਮਾਨਾਂ ਦੀ ਉਡੀਕ ਅਤੇ ਕਾਲਜ ਦੇ ਅੰਦਰ ਚੱਲ ਰਿਹਾ ਸੀ ਸੱਭਿਆਚਾਰਕ ਪ੍ਰੋਗਰਾਮ ਜਿਸਦਾ ਮੰਚ ਸੰਚਾਲਨ ਪ੍ਰੋਫੈਸਰ ਗੁਰਵਿੰਦਰ ਕੌਰ ਆਪਣੇ ਜਾਣੇ ਪਛਾਣੇ ਸ਼ਾਇਰਾਨਾ ਅੰਦਾਜ਼ ਨਾਲ ਕਰ ਰਹੀ ਸੀ। 
ਮਾਸਟਰ ਤਾਰਾ ਸਿੰਘ ਮੈਮੋਰੀਅਲ ਕਾਲਜ ਫ਼ਾਰ ਵਿਮੈਨ ਲੁਧਿਆਣਾ ਵਿੱਚ ਅੱਜ ਸਭਿਆਚਾਰਕ ਰੰਗਤ ਬਿਖੇਰਦਾ ਸਾਉਣ ਮਹੀਨੇ ਦੀਆਂ ਖ਼ੁਸ਼ੀਆਂ ਅਤੇ ਖੇੜਿਆ ਦਾ ਪ੍ਰਤੀਕ ਤਿਉਹਾਰ ‘ਤੀਆਂ ਤੀਜ ਦੀਆਂ’ ਅਤੇ ‘ਮਿਸ ਫਰੈਸ਼ਰ’ ਦਾ ਆਯੋਜਨ ਕੀਤਾ ਗਿਆ। ਇਸ ਮੌਕੇ ਮੁੱਖ ਮਹਿਮਾਨ ਵਜੋ ਪੰਜਾਬੀ ਬਾਲੀਵੁੱਡ ਗਾਇਕ ਕਮਲ ਖ਼ਾਨ ਅਤੇ ਵਨੀਤ ਖ਼ਾਨ ਨੇ ਸਿਰਕਤ ਕੀਤੀ ਅਤੇ ਆਪਣੀ ਗਾਇਕੀ ਨਾਲ ਸਮਾਗਮ ਦੀ ਰੌਣਕ ਨੂੰ ਨਵੀ ਨੁਹਾਰ ਦਿੱਤੀ।
ਸਮਾਗਮ ਦਾ ਆਗਾਜ਼ ਕਾਲਜ ਪ੍ਰਿੰਸੀਪਲ ਡਾ. ਕਿਰਨਦੀਪ ਕੌਰ ਅਤੇ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਸ. ਸਵਰਨ ਸਿੰਘ ਜੀ ਅਤੇ ਸੱਕਤਰ ਸ. ਕੰਵਲਇੰਦਰ ਸਿੰਘ ਜੀ ਨੇ ਮੁੱਖ ਮਹਿਮਾਨ ਨੂੰ ਫੁੱਲਾਂ ਦਾ ਗੁਲਦਸਤਾ ਭੇਂਟ ਕਰਦੇ ਹੋਏ  ਕੀਤਾ। ਇਸ ਸਮੇ ‘ਤੇ ਕਾਲਜ ਵਿਦਿਆਰਥਣਾਂ ਨੇ ਗੀਤ-ਸੰਗੀਤ ਅਤੇ ਨ੍ਰਿਤ ਦੀਆਂ ਵਿਭਿੰਨ ਪੇਸ਼ਕਾਰੀਆਂ ਨਾਲ ਰੰਗ ਬੰਨਿਆ। ਸਮਾਗਮ ਦਾ ਮੁੱਖ ਆਕਰਸ਼ਣ ‘ਤੀਆਂ ਤੀਜ ਦੀਆਂ' ਅਤੇ ‘ਮਿਸ ਫਰੈਸ਼ਰ’ ਦੇ ਮੁਕਾਬਲੇ ਰਹੇ। ਦਿਵਿਆ ਨੂੰ ‘ਕੁੜੀ ਪੰਜਾਬਣ’, ਪਿੰਕੀ ਨੂੰ ‘ਕੁੜੀ ਮਜਾਜਣ’ ਅਤੇ  ਰੇਖਾ ਨੂੰ ‘ਤੀਆਂ ਦੀ ਰਾਣੀ’ ਦਾ ਖਿਤਾਬ  ਦਿੱਤਾ ਗਿਆ। ‘ਮਿਸ ਫਰੈਸ਼ਰ’ ਮੁਕਾਬਲੇ ਵਿੱਚ ਕਾਜਲ  ‘ਮਿਸ ਫਰੈਸ਼ਰ’ ਬਣੀ ਗਰੀਮਾ ਨੇ ਫਸਟ ਰਨਰਅੱਪ ਤੇ ਮਨਪ੍ਰੀਤ ਕੌਰ ਨੇ ਸੈਕਿੰਡ ਰਨਰਅੱਪ ਅਤੇ ਗੁਰਜੋਤ ਕੌਰ ਤੇ ਪੂਰਨੀਮਾ ਨੇ ਮਿਸ ਚਾਰਮਿੰਗ ਅਤੇ ਮਿਸ ਡੈਜ਼ਲਰ ਦਾ ਖਿਤਾਬ ਹਾਸਲ ਕੀਤਾ।
ਸਮਾਰੋਹ ਵਿੱਚ ਮੀਢੀਆਂ ਗੁੰਦਣ, ਸੋਹਣੀ ਪੰਜਾਬੀ ਜੁੱਤੀ, ਸੋਹਣੀਆਂ ਚੂੜੀਆਂ, ਸੋਹਣਾ ਪਰਾਂਦਾ ਅਤੇ ਮਹਿੰਦੀ ਦੇ ਮੁਕਾਬਲੇ ਵੀ ਕਰਵਾਏ ਗਏ ਅਤੇ ਜੇਤੂ ਵਿਦਿਆਰਥਣਾ ਨੂੰ ਇਨਾਮ ਵੰਡੇ ਗਏ।
ਇਸ ਮੌਕੇ ਕਾਲਜ  ਪ੍ਰਿੰਸੀਪਲ ਡਾ. ਸ਼੍ਰੀਮਤੀ ਕਿਰਨਦੀਪ ਕੌਰ ਜੀ ਨੇ ਵਿਦਿਆਰਥਣਾਂ ਅਤੇ ਮਹਿਮਾਨਾਂ ਨੂੰ ਤੀਆਂ ਦੇ ਤਿਉਹਾਰ ਦੀ ਵਧਾਈ ਦਿੱਤੀ ਅਤੇ  ਉਹਨਾ ਨੂੰ ਪ੍ਰੇਰਣਾ ਦਿੰਦੇ ਹੋਏ ਸੱਭਿਆਚਾਰਕ ਵਿਰਸੇ ਨੂੰ ਸੰਜੋਅ ਕੇ ਰੱਖਣ ਲਈ ਕਿਹਾ ਤੇ ਆਏ ਹੋਏ ਮਹਿਮਾਨਾਂ ਦਾ ਧੰਨਵਾਦ ਕੀਤਾ। ਇਸ ਤਰ੍ਹਾਂ ਸੱਭਿਆਚਾਰਕ ਦਿੱਖ, ਖੁਸ਼ੀਆਂ ਅਤੇ ਹੁਲਾਸ ਨਾਲ ਭਰਿਆ ਤੀਆਂ ਦਾ ਇਹ ਮੇਲਾ ਅਗਲੇ ਵਰ੍ਹੇ ਫੇਰ ਮਿਲਣ ਤੇ ਖੁਸ਼ੀਆਂ ਮਨਾਉਣ ਦੇ ਵਾਅਦੇ ਨਾਲ ਸੰਪੰਨ ਹੋਇਆ।
  

Friday, April 14, 2017

ਵਿਸਾਖੀ ਮੌਕੇ ਹੋਏ ਕਈ ਅਹਿਮ ਸਮਾਗਮ

ਚੋਜੀ ਛਕਾਉਣਾ ਕੁੱਝ ਹੋਰ ਚਾਹੁੰਦਾ ਸੀ ! ਸਮਝਾਉਣਾ ਕੁੱਝ ਹੋਰ ਚਾਹੁੰਦਾ ਸੀ !
ਲੁਧਿਆਣਾ: 13 ਅਪ੍ਰੈਲ 2017: (ਪੰਜਾਬ ਸਕਰੀਨ ਬਿਊਰੋ)::
ਵਿਸਾਖੀ ਦਾ ਦਿਨ ਖਾਲਸਾ ਸਾਜਨਾ ਦੀ ਯਾਦ ਤਾਜ਼ਾ ਕਰਾਉਣ ਵਾਲਾ ਦਿਵਸ ਹੈ। ਤਰਾਂ ਤਰਾਂ ਦੀ ਵੰਡ ਦਾ ਸ਼ਿਕਾਰ ਹੋਏ ਸਮਾਜ ਨੂੰ ਇੱਕ ਕਰਨ ਵਾਲੇ ਇਤਿਹਾਸਿਕ ਕਦਮ ਯਾਦ ਦਿਨ। ਕਮਜ਼ੋਰ ਅਤੇ ਨਿਤਾਣੀ ਹੋਈ ਮਾਨਸਿੱਕਤਾ ਨੂੰ ਬਲਵਾਨ ਬਣਾਉਣ ਵਾਲਾ ਦਿਨ। ਅੱਜ ਵੀ ਇਸ ਸਬੰਧੀ ਬਹੁਤ ਸਾਰੇ ਆਯੋਜਨ ਹੋਏ। ਵੱਖ ਵੱਖ ਸੰਸਥਾਵਾਂ ਵੱਲੋਂ ਕਈ ਤਰਾਂ ਦੇ ਪ੍ਰੋਗਰਾਮ ਕੀਤੇ ਗਏ। ਅਣਗਿਣਤ ਸੰਸਥਾਵਾਂ ਵੱਲੋਂ ਕੀਤੇ ਕਰਾਏ ਗਏ ਅਣਗਿਣਤ ਪ੍ਰੋਗਰਾਮਾਂ ਦੇ ਬਾਵਜੂਦ ਇਹ ਸੁਆਲ ਅਜੇ ਵੀ ਗੰਭੀਰ ਹੈ ਕਿ ਅਸੀਂ ਗੁਰੂ ਦੀਆਂ ਸਿੱਖਿਆਵਾਂ 'ਤੇ ਕਿੰਨਾ ਕੁ ਚੱਲ ਰਹੇ ਹਾਂ। ਸਰਬੰਸਦਾਨੀ ਗੁਰੂ ਦੀਆਂ ਕੁਰਬਾਨੀਆਂ ਅਤੇ ਜੀਵਨਜਾਚ ਨੇ ਸਾਨੂੰ ਕਿੰਨਾ ਕੁ ਬਦਲਿਆ ਹੈ? ਕਿੰਨਾ ਕੁ ਯਾਦ ਹੈ ਸਾਨੂੰ ਗੁਰੂ ਦਾ ਉਪਦੇਸ਼? ਅਮਲੀ ਜ਼ਿੰਦਗੀ ਵਿੱਚ ਕਿੰਨੇ ਕੁ ਕਦਮ ਵਧਾਏ ਹਨ ਅਸੀਂ ਗੁਰੂ ਵੱਲ? ਅਸੀਂ ਫਿਰ ਕਿਧਰੇ ਬਿਪਰਨ ਕੀ ਰੀਤ ਵੱਲ ਤਾਂ ਨਹੀਂ ਚਲੇ ਗਏ? ਜੋ ਜੋ ਗੁਰੂ ਨੇ ਰੋਕਿਆ ਸੀ ਅਸੀਂ ਫਿਰ ਕਿਧਰੇ ਉਹੀ ਕੁਝ ਤਾਂ ਨਹੀਂ ਕਰਨ ਲੱਗ ਪਏ? ਇਹ ਸੁਆਲ ਗੰਭੀਰਤਾ ਨਾਲ ਵਿਚਾਰਨ ਵਾਲਾ ਹੈ ਕਿ ਗੁਰੂ ਦਾ ਤੇਜ ਸਾਡੇ ਕੋਲ ਕਿਓਂ ਨਹੀਂ ਰਿਹਾ? ਅਸਦੀ ਚੱੜ੍ਹਦੀ ਕਲਾ ਨੂੰ ਕਿਸ ਦੀ ਨਜ਼ਰ ਲੱਗ ਗਈ? ਅਸੀਂ ਨਸ਼ਿਆਂ ਦੀ ਦਲਦਲ ਵਿੱਚ ਕਿਵੇਂ ਫਸ ਗਏ? ਸਾਨੂੰ ਜਾਤਾਂਪਾਤਾਂ ਦੇ ਜਾਲ ਨੇ ਫਿਰ ਕਿਵੇਂ ਆਪਣੇ ਚੱਕਰਾਂ ਵਿਛਕ ਪਾ ਲਿਆ? ਅਜਿਹਾ ਬੜਾ ਕੁਝ ਹੈ ਜਿਹੜਾ ਇਸ ਇਤਿਹਾਸਿਕ ਦਿਨ ਮੌਕੇ ਯਾਦ ਆਇਆ। ਮਹਿਸੂਸ ਹੋਇਆ ਵਿਸਾਖੀ ਦੇ ਆਯੋਜਨਾਂ ਦੀ ਗੱਲ ਕਰਦਿਆਂ ਦਿਲਾਂ ਵਿੱਚ ਉਤਰਨ ਵਾਲੇ ਸ਼ਾਇਰ ਅਮਰਦੀਪ ਸਿੰਘ ਗਿੱਲ ਅਤੇ ਪ੍ਰੋਫੈਸਰ ਗੁਰਵਿੰਦਰ ਕੌਰ ਦੀ ਚਰਚਾ ਬਿਨਾ ਗੱਲ ਅਧੂਰੀ ਰਹੇਗੀ। ਇਹ ਦੋ ਨਾਮ ਕਿਓਂ ਜ਼ਹੀਨ ਵਿੱਚ ਆਏ ਇਸਦੀ ਚਰਚਾ ਫਿਰ ਕਦੇ ਸਹੀ ਫਿਲਹਾਲ ਇਸ ਇਤਿਹਾਸਿਕ ਦਿਨ ਦੇ ਮੌਕੇ ਤੇ ਪਹਿਲਾਂ ਪੜ੍ਹੋ ਅਮਰਦੀਪ ਸਿੰਘ ਗਿੱਲ ਹੁਰਾਂ ਦੀ ਇੱਕ ਨਜ਼ਮ ਜਿਹੜੀ ਉਹਨਾਂ ਬਹੁਤ ਚਿਰ ਪਹਿਲਾਂ ਲਿਖੀ ਸੀ ਹਾਜ਼ਰ ਹੈ:
ਲੋੜ ਇੱਕ ਸਿਰ ਦੀ ਨਹੀਂ ਸੀ
ਨਾ ਹੀ ਪੰਜ ਸਿਰਾਂ ਦੀ ਸੀ 
ਲੋੜ ਸਰਫਰੋਸ਼ੀ ਦੇ ਜਜ਼ਬੇ ਦੀ ਸੀ !
ਕੋਈ ਰੰਗ , ਕੋਈ ਰੂਪ , ਕੋਈ ਜ਼ਾਤ
ਕੁੱਝ ਵੀ ਨਹੀਂ ਸੀ ਚਾਹੀਦਾ 
ਸਿਰਜਣਾ ਸੀ ਤਾਂ ਬੱਸ ਸਿਰਫ 
ਇੱਕ " ਖਾਲਸਾ " ,
ਨਿਰਭਓ , ਨਿਰਵੈਰ , ਅਡੋਲ ਖਾਲਸਾ ! 
ਹਰ ਜ਼ਹਿਰ ਨੂੰ ਮਾਰਨ ਲਈ 
ਅੰਮ੍ਰਿਤ ਦੀ ਜ਼ਰੂਰਤ ਹੁੰਦੀ ਹੈ !
ਗੱਲ ਨਾ ਪਤਾਸਿਆਂ ਦੀ ਸੀ
ਨਾ ਖੰਡੇ ਬਾਟੇ ਦੀ ,
ਚੋਜੀ ਛਕਾਉਣਾ ਕੁੱਝ ਹੋਰ ਚਾਹੁੰਦਾ ਸੀ !
ਸਮਝਾਉਣਾ ਕੁੱਝ ਹੋਰ ਚਾਹੁੰਦਾ ਸੀ !
****************************
* ਖਾਲਸੇ ਦਾ ਜਨਮ-ਦਿਹਾੜਾ ਮੁਬਾਰਕ ਹੋਵੇ *
ਇਸਦੇ ਨਾਲ ਹੀ ਗੱਲ ਕਰਦੇ ਹਾਂ ਪ੍ਰੋਫੈਸਰ ਗੁਰਵਿੰਦਰ ਕੌਰ ਹੁਰਾਂ ਦੀ ਜਿਹਨਾਂ ਨੇ ਵਿਸਾਖੀ ਸਬੰਧੀ ਹੋਏ ਇੱਕ ਸਮਾਗਮ ਦੌਰਾਨ ਸਿੱਖ ਬੀਬੀਆਂ ਬਾਰੇ ਬਹੁਤ ਹੀ ਜਾਗਰੁੱਕਤਾ ਵਾਲਿਆਂ ਗੱਲਾਂ ਕੀਤੀਆਂ ਅਤੇ ਉਹ ਵੀ ਆਪਣੇ ਰਵਾਇਤੀ ਜਾਦੂਈ ਅੰਦਾਜ਼ ਨਾਲ। ਲੁਧਿਆਣਾ ਦੇ ਇੱਕ ਪ੍ਰਸਿੱਧ ਅਤੇ ਪੁਰਾਣੇ ਕਾਲਜ ਵਿੱਚ ਪੰਜਾਬੀ ਦੀ ਲੈਕਚਰਰ ਪ੍ਰੋਫੈਸਰ ਗੁਰਵਿੰਦਰ ਕੌਰ ਹੁਰਾਂ ਨੂੰ ਮੰਚ ਸੰਚਾਲਨ ਅਤੇ ਐਂਕਰਿੰਗ ਵਿੱਚ ਖਾਸ ਮੁਹਾਰਤ ਹਾਸਿਲ ਹੈ। ਵਿਸਾਖੀ ਵਾਲੇ ਦਿਨ ਗੁਰਦੁਆਰਾ ਸਾਹਿਬ ਦੇ ਪ੍ਰਬੰਧਕਾਂ ਵੱਲੋਂ ਉਹਨਾਂ ਨੂੰ ਸਨਮਾਨਿਤ ਵੀ ਕੀਤਾ ਗਿਆ। ਇਸ ਮੌਕੇ ਬਹੁਤ ਸਾਰੇ ਪਤਵੰਤੇ ਸੱਜਣ ਵੀ ਮੌਜੂਦ ਸਨ।
ਵਿਸਾਖੀ ਮੌਕੇ ਜਨ ਅੰਦੋਲਨਾਂ ਦੇ ਹਰਮਨ ਪਿਆਰੇ ਨੌਜਵਾਨ ਆਗੂ ਨਵਦੀਪ ਜੋਧਾਂ ਨੇ ਜਗਸੀਰ ਜੀਦਾ ਹੁਰਾਂ ਦੀਆਂ ਕੁਝ ਸਤਰਾਂ ਪੋਸਟ ਕੀਤੀਆਂ ਹਨ। ਲਓ  ਜ਼ਰਾ ਇੱਕ ਨਜ਼ਰ ਉਹ ਵੀ ਦੇਖੋ--
🔴ਰੋਟੀ - ਬੇਟੀ ਦੀ  ਸਾਂਝ ਤੋਂ  ਸੱਖਣਾਂ,
       ਯੁੱਗੋ  ਯੁੱਗ ਜੀਵੇ ਖਾਲਸਾ ।
----------------------------------------------------
🔴ਜਲਿਆਂ ਵਾਲੇ ਦੀ ਬਲਾਉਦੀ ਐ ਵਿਸਾਖੀ, 
     ਜੀਭ ਬੰਦੀ  ਕੀਤੀ ਹਾਕਮਾਂ ।
--------------------------------------------------
🔴ਲੁੱਟੀ ਜਾਵੇਗੀ 'ਕਣਕ ਦੀਏ ਬੱਲੀਏ'
           ਵਿਸਾਖੀ ਵਾਲੇ  ਚਾਅ ਦੀ ਤਰ੍ਹਾਂ ।
--------------------------------------------------
⚫ਸਹੁੰ ਖਾਣ ਨੂੰ ਜਿਨ੍ਹਾਂ ਦੇ  ਖੇਤ ਹੈ  ਨਹੀਂ, 
   ਉਹ   ਬੀਜ ਦੇ  ਦਿਲਾਂ ਚ'  ਸੁਪਨੇ ।
--------------------------------------------------
🔴ਫੀਸਾਂ- ਫਸਲਾਂ  ਮਾਂਵਾਂ ਦੇ ਪੁੱਤਾਂ  ' ਪੜ੍ਹੀਆਂ'  ,
   ਹਕੂਮਤ ਨੇ  ਹੱਡ ਸੇਕਦੇ।
     --------------------------------------------------   
 ⚫ਗੁਰੂ ਘਰ ਤੇ ਸਕੂਲ  ਸਾਡੇ  ਵੱਖਰੇ, 
   ਪਹਿਲਾਂ ਸਾਡੇ  ਸਿਵੇ ਵੱਖ ਵੱਖ ਸੀ।
   ---------------------------------------------------             
🔴 ਸਾਡੇ  ਧਰਮਾਂ ਧਲਿਆਰਾ ਪਾਇਆਂ
 ਫਸਲੀ ਤਿਉਹਾਰ  ਸੋਹਣਿਆ  । 
         (ਜਗਸੀਰ ਜੀਦਾ)

Tuesday, April 11, 2017

MTSM: ਆਪਣੇ ਆਪ ਵਿੱਚ ਭਰੋਸਾ ਰੱਖਣਾ ਹੀ ਸਭ ਤੋਂ ਵੱਧ ਜ਼ਰੂਰੀ

ਪ੍ਰਿੰਸੀਪਲ ਡਾਕਟਰ ਕਿਰਨਦੀਪ ਕੌਰ ਨੇ ਫੇਅਰਵੈਲ ਮੌਕੇ ਦੱਸੇ ਸਫਲਤਾ ਦੇ ਗੁਰ 
ਲੁਧਿਆਣਾ: 11 ਅਪ੍ਰੈਲ 2017: (ਪੰਜਾਬ ਸਕਰੀਨ ਟੀਮ):: For More Pics on FB Please Click Here
ਫੇਅਰਵੈਲ ਦਾ ਆਯੋਜਨ ਵਿਦਿਅਕ ਦੁਨੀਆ ਦੀ ਵੀ ਬਹੁਤ ਪੁਰਾਣੀ ਰਵਾਇਤ ਹੈ ਪਰ "ਰੁਖਸਤ ਦੇ ਪਲ" ਇੱਕ ਖਾਸ ਆਯੋਜਨ ਸੀ ਜਿਹੜਾ ਬਹੁਤ ਹੀ ਯਾਦਗਾਰੀ ਹੋ ਨਿੱਬੜਿਆ ਸੀ। ਅੱਜ ਮੰਗਲਵਾਰ 11 ਅਪ੍ਰੈਲ 2017 ਨੂੰ ਹੋਏ "ਮਾਸਟਰ ਤਾਰਾ ਸਿੰਘ ਮੈਮੋਰੀਅਲ ਕਾਲਜ ਫ਼ਾਰ ਵੁਮੈਨ" ਦੇ ਇਸ ਸਮਾਗਮ ਵਿੱਚ ਬਹੁਤ ਸਾਰੀਆਂ ਆਈਟਮਾਂ ਪੇਸ਼ ਕੀਤੀਆਂ ਗਈਆਂ ਜਿਹਨਾਂ ਨੂੰ ਸਾਰੇ ਦਰਸ਼ਕਾਂ ਨੇ ਸਾਹ ਰੋਕ ਸੁਣਿਆ ਦੇਖਿਆ। ਐਂਕਰ ਗੁਰਵਿੰਦਰ ਕੌਰ ਦੇ ਜਾਦੂਈ ਮੰਚ ਸੰਚਾਲਨ ਨੇ ਸਟੇਜ ਦੀ ਹਰ ਆਈਟਮ ਵਿੱਚ ਨਵੀਂ ਜਾਨ ਪਾਉਣ ਦਾ ਕੰਮ ਕੀਤਾ। For More Pics on FB Please Click Here
ਪ੍ਰਿੰਸੀਪਲ ਡਾਕਟਰ ਕਿਰਨਦੀਪ ਕੌਰ ਨੇ ਰੁਖਸਤ ਦੇ ਇਹਨਾਂ ਪਲਾਂ ਮੌਕੇ ਜ਼ਿੰਦਗੀ ਦੇ ਗੁਰ ਵੀ ਦੱਸੇ।  ਉਹਨਾਂ ਕਿਹਾ ਕੀਤਮ ਨਿਰਭਰ ਬਣਨਾ ਅਤੇ ਆਪਣੇ ਆਪ ਵਿੱਚ ਭਰੋਸਾ ਰੱਖਣਾ ਹੀ ਸਭ ਤੋਂ ਵੱਧ ਜ਼ਰੂਰੀ ਹੈ। ਹਰ ਪੇਸ਼ਕਾਰੀ ਤੋਂ ਪਹਿਲਾਂ ਉਤਸੁਕਤਾ ਦਾ ਜਾਦੂ ਜਗਾਉਣਾ ਅਤੇ ਫਿਰ ਉਤਸੁਕਤਾ ਦੀ ਉਡੀਕ ਦੇ ਪਲਾਂ ਨੂੰ ਲੰਮਿਆਂ  ਕਰਨਾ ਹਰ ਕਿਸੇ ਦੇ ਵੱਸ ਵਿੱਚ ਵੀ ਨਹੀਂ ਹੁੰਦਾ। ਪ੍ਰਿੰਸੀਪਲ ਕਰਨਦੀਪ ਕੌਰ ਨੇ ਇਸ ਮੌਕੇ ਤੇ ਅਧਿਆਪਕਾਵਾਂ ਅਤੇ ਜੂਨੀਅਰ ਵਿਦਿਆਰਥੀਆਂ ਨੇ ਕਾਲਜ ਤੋਂ ਵਿਦਾ ਹੋ ਰਹੀਆਂ ਵਿਦਿਆਰਥਣਾਂ ਦਾ ਸਵਾਗਤ ਕੀਤਾ ਅਤੇ ਜੂਨੀਅਰ ਵਿਦਿਅਰਥਣਾਂ ਵੱਲੋਂ ਸੰਗੀਤ ਅਤੇ ਨਾਚ ਦੀ ਪੇਸ਼ਕਾਰੀ ਰਾਹੀ ਵਿਦਿਆਰਥਣਾਂ ਨੂੰ ਵਿਦਾਇਗੀ ਦਿੱਤੀ ਗਈ। ਇਸ ਮੋਕੇ ਤੇ ਵਿਦਿਆਰਥਣਾਂ ਨੇ ‘ਰੈੰਪ ਵਾਕ’ ਦਾ ਆਯੋਜਨ ਵੀ ਕੀਤਾ ਜਿਸ ਵਿੱਚ ਵਿਦਿਅਰਥਣਾਂ ਨੇ ਵੱਧ ਚੜ੍ਹ ਕੇ ਭਾਗ ਲਿਆ। ਇਸ ਯਾਦਗਾਰੀ ਪ੍ਰੋਗਰਾਮ ਵਿੱਚ ‘ਮਿਸ ਫੇਅਰਵੈਲ’ ਨਵਜੋਤ ਕੌਰ ਨੂੰ ਚੁਣਿਆ ਗਿਆ ਜਦੋਂ ਕਿ ਨੀਲਮ ਪਹਿਲੀ ਰਨਰ ਅੱਪ ਅਤੇ ਰਮਨਦੀਪ ਦੂਜੀ ਰਨਰ ਅੱਪ ਰਹੀ। ਉਮਿਕਾ ਨੂੰ ‘ਮਿਸ ਕ੍ਰਿਸਮੇਟਿਕ’ ਅਤੇ ਤਰਿਸ਼ਲਾ ਨੂੰ ‘ਮਿਸ ਐਲੀਗੇਂਟ’ ਚੁਣਿਆ ਗਿਆ। ਮਿਸ ਫੇਅਰਵੈਲ’ ਪੀ.ਜੀ. ਅੰਜਲੀ ਨੂੰ ਚੁਣਿਆ ਗਿਆ। ਇਸ ਮੌਕੇ ਕਾਲਜ ਪ੍ਰਿੰਸੀਪਲ ਡਾ. ਕਿਰਨਦੀਪ ਕੌਰ ਨੇ ਵਿਦਿਆਰਥਣਾਂ ਨੂੰ ਉਹਨਾਂ ਦੇ ਸੁਨਿਹਰੀ ਅਤੇ ਕਾਮਯਾਬ ਭਵਿੱਖ ਲਈ ਸ਼ੁਭ ਕਾਮਨਾਵਾਂ ਦਿੱਤੀਆਂ। 
ਕਾਲਜ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਸ. ਸਵਰਨ ਸਿੰਘ ਜੀ ਅਤੇ ਸਕਤੱਰ ਸ. ਕੰਵਲਇੰਦਰ ਸਿੰਘ ਜੀ ਨੇ ਵੀ ਇਸ ਅਵਸਰ ਤੇ ਪਧਾਰ ਕੇ ਵਿਦਿਅਰਥਣਾਂ ਨੂੰ ਸ਼ੁਭਇਛਾਵਾਂ ਵੀ ਦਿੱਤੀਆਂ ਅਤੇ ਭਵਿੱਖ ਵਿੱਚ ਹੌਰ ਮਿਹਨਤ ਨਾਲ ਸਫਲਤਾ ਹਾਸਲ ਕਰਨ ਦਾ ਸੁਨੇਹਾ ਵੀ ਦਿੱਤਾ। ਕਾਲਜ ਦੀਆਂ ਵਿਦਿਆਰਥਣਾਂ ਨੇ ਇਸ ਮੌਕੇ ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਆਪਣੀ ਖੁਸ਼ੀ ਦਾ ਪ੍ਰਗਟਾਵਾ ਵੀ ਕੀਤਾ। For More Pics on FB Please Click Here
ਕਾਲਜ ਦੀ ਲੈਕਚਰਾਰ ਪ੍ਰੋਫੈਸਰ ਸੀਮਾ ਨੰਦਾ ਨੇ ਇਸ ਮੌਕੇ ਆਪਣੀਆਂ ਸ਼ੁਭ ਇਛਾਵਾਂ ਦੇਂਦਿਆਂ ਕਾਮਨਾ ਪ੍ਰਗਟ ਕੀਤੀ ਕਿ ਕਾਲਜ ਚੋਂ ਵਿਦਾ ਹੋਣ ਵਾਲੀਆਂ ਬੱਚੀਆਂ ਹਮੇਸ਼ਾਂ ਆਪਣੇ ਕੈਰੀਅਰ ਵਿੱਚ ਸਫਲਤਾ ਦੇ ਅਸਮਾਨ ਛੂਹਣ ਅਤੇ ਉਹਨਾਂ  ਨੂੰ ਹਰ ਖੁਸ਼ੀ ਮਿਲੇ। 
ਇਸੇ ਤਰਾਂ ਲੈਕਚਰਾਰ ਗੁਰਵਿੰਦਰ ਕੌਰ ਨੇ ਆਪਣੇ ਸ਼ਾਇਰਾਨਾ ਅੰਦਾਜ਼ ਨਾਲ ਇਹਨਾਂ ਬੱਚੀਆਂ ਲਈ ਸਫਲ ਜ਼ਿੰਦਗੀ ਦੀ ਦੁਆ ਕੀਤੀ ਅਤੇ ਕਿਹਾ ਕਿ ਇਹ ਬੱਚਿਆਂ ਹਮੇਸ਼ਾਂ ਹਾਸੇ ਬਣ ਕੇ ਯਾਦ ਆਉਣ। ਉਹਨਾਂ ਨੇ ਬੱਚੀਆਂ ਦੇ ਵਿਦਾ ਹੋਣ ਦੇ ਗਮ ਦਾ ਜ਼ਿਕਰ ਵੀ ਕੀਤਾ ਅਤੇ ਕੈਰੀਅਰ ਪੂਰਾ ਹੋਣ ਤੇ ਖੁਸ਼ੀ ਦਾ ਪ੍ਰਗਟਾਵਾ ਵੀ ਕੀਤਾ।
For More Pics on FB Please Click Here

Wednesday, April 23, 2014

ਸੰਦੀਪ ਕੌਰ ਰਿਐਤ ਨੇ ਦੱਸੇ ਵਿਦਿਆਰਥਣਾਂ ਨੂੰ ਕਾਰੋਬਾਰੀ ਤਰੱਕੀ ਦੇ ਗੁਰ

MTSM ਕਾਲਜ ਵਿੱਚ ਕਰਾਇਆ ਗਿਆ ਯਾਦਗਾਰੀ ਸੈਮੀਨਾਰ
ਲੁਧਿਆਣਾ: 22 ਅਪ੍ਰੈਲ 2014: (ਰੈਕਟਰ ਕਥੂਰੀਆ//ਪੰਜਾਬ ਸਕਰੀਨ):
ਜ਼ਿੰਦਗੀ ਦੇ ਰਸਤਿਆਂ ਤੇ ਕਦੇ ਕੋਈ ਔਕੜ ਨਾ ਆਵੇ ਇਹ ਹੋ ਨਹੀਂ ਸਕਦਾ। ਕਿਸੇ ਨੇ ਸਚ ਆਖਿਆ ਹੈ ਕਿ ਜ਼ਿੰਦਗੀ ਹਰ ਕਦਮ ਇੱਕ ਨਈ ਜੰਗ ਹੈ। ਜਿਹੜੇ ਹਿੰਮਤ ਵਾਲੇ ਲੋਕ ਇਹਨਾਂ ਔਕੜਾਂ ਦਾ ਸਾਹਮਣਾ ਮੁਸਕਰਾ ਕੇ ਕਰ ਜਾਂਦੇ ਹਨ ਓਹ ਸਮੇਂ ਦੇ ਸ਼ਾਹਸਵਾਰ ਬਣ ਜਾਂਦੇ ਹਨ। ਅੱਜ ਅਸੀਂ ਚਰਚਾ ਕਰ ਰਹੇ ਇੱਕ ਅਜਿਹੀ ਹੀ ਸ਼ਖਸੀਅਤ ਦੀ ਜਿਸ  ਜ਼ਿੰਦਗੀ ਵਿੱਚ ਆਈ ਹਰ ਔਕੜ ਨੂੰ ਇੱਕ ਚੁਨੌਤੀ ਵਾਂਗ ਤਾਂ ਲਿਆ ਪਰ ਮੁਸਕਰਾ ਕੇ। ਇਸ ਸ਼ਖਸੀਅਤ ਨਾਲ ਇੱਕ ਛੋਟੀ ਜਿਹੀ ਮੁਲਾਕਾਤ ਹੋਈ ਇੱਕ ਸੈਮੀਨਾਰ ਵਿੱਚ। ਅਕਾਲ ਸਪਰਿੰਗ ਫਰਮ ਦੀ ਐਮਡੀ ਸੰਦੀਪ ਕੌਰ ਰਿਐਤਬੜੀ ਹੀ ਸਾਦਗੀ ਨਾਲ ਆਪਣੀ ਸਫਲਤਾ ਦੇ ਗੁਰ ਦੂਜਿਆਂ ਨੂੰ ਦੱਸ ਰਹੀ ਸੀ। ਅਜਿਹੇ ਮਿਹਨਤ ਨਾਲ ਕਮਾਏ ਗੁਰ ਦੂਜਿਆਂ ਨੂੰ ਦੱਸਣਾ ਤਾਂਕਿ ਓਹ ਵੀ ਉਸ ਵਾਂਗ ਸਫਲ ਬਣ ਸਕਣ---ਅਜਿਹਾ ਅੱਜ ਦੇ ਸਵਾਰਥੀ ਯੁਗ ਵਿੱਚ ਸੰਭਵ ਹੀ ਨਹੀਂ ਲੱਗਦਾ ਪਰ ਇਹ ਸਭਕੁਝ ਅੱਖਾਂ ਦੇ ਸਾਹਮਣੇ ਸਾਕਾਰ ਸੀ। ਛੋਟੇ ਵੱਡੇ ਸਭ ਪੂਰੀ ਤਰਾਂ ਧਿਆਨ ਮਗਨ ਹੋ ਕੇ ਸੁਣ ਰਹੇ ਸਨ। ਭਾਸ਼ਣ ਅੰਗ੍ਰੇਜ਼ੀ ਵਿੱਚ ਸੀ ਪਰ ਵਿੱਚ ਵਿੱਚ ਹਿੰਦੀ ਪੰਜਾਬੀ ਦਾ ਤੜਕਾ ਕਾਰੋਬਾਰੀ ਹਿਸਾਬ ਕਿਤਾਬ ਨਾਲ ਪੜ੍ਹਾਈ ਦੇ ਇਸ ਰੁੱਖੇ ਜਹੇ ਲੱਗਦੇ ਵਿਸ਼ੇ ਨੂੰ ਬੜਾ ਰੌਚਕ ਬਣਾ ਰਿਹਾ ਸੀ।  ਗੰਭੀਰ ਗੱਲਾਂ ਨੂੰ ਛੋਟੀਆਂ ਛੋਟੀਆਂ ਕਹਾਣੀਆਂ ਨਾਲ ਬੜੇ ਸਹਿਜੇ ਸਮਝਾਇਆ ਜਾ ਰਿਹਾ ਸੀ। ਕਦੇ ਅਚਾਨਕ ਹੀ ਹਾਸਾ ਛਣਕਦਾ ਤੇ ਕਦੇ ਬਿਲਕੁਲ ਖਾਮੋਸ਼ੀ--ਜਿਵੇਂ ਸੂਈ ਡਿੱਗਣ ਦੀ ਆਵਾਜ਼ ਵੀ ਸੁਣੀ ਜਾ ਸਕੇ। ਕਾਰੋਬਾਰੀ ਦੁਨੀਆ ਵਿੱਚ ਕੁੜੀਆਂ ਨੂੰ ਆਪਣੇ ਕਮਾਲ ਦਿਖਾਉਣ ਦਾ ਸੱਦਾ ਆਪਣਾ ਰੰਗ ਦਿਖਾ ਰਿਹਾ ਸੀ।  ਵਿਦਿਆਰਥਣਾਂ  ਦੇ ਨਾਲ ਨਾਲ ਅਧਿਆਪਕਾਵਾਂ ਦੇ ਚਿਹਰਿਆਂ ਤੇ ਵੀ ਇੱਕ ਨਵੀਂ ਚਮਕ ਉਭਰ ਰਹੀ ਸੀ। ਇਸ ਭਾਸ਼ਣ ਵਿੱਚ ਕਿਤਾਬੀ ਸਿਧਾਂਤਾਂ ਦੇ ਨਾਲ ਨਾਲ ਤਜਰਬੇ ਦੇ ਨਿਚੋੜ ਵੀ ਸਨ। ਆਪਣੇ ਪਿਤਾ ਦੇ ਸਦੀਵੀ ਵਿਛੋੜੇ ਤੋਂ ਬਾਅਦ ਖੁਦ ਨੂੰ ਸੰਭਾਲਣ ਅਤੇ ਅਚਾਨਕ ਹੀ ਸੰਕਟਾਂ ਵਿੱਚ ਘਿਰ ਗਈ ਆਪਣੀ ਫਰਮ ਨੂੰ ਸੰਭਾਲ ਕੇ ਫਿਰ ਸਿਖਰਾਂ ਵੱਲ ਲੈ ਜਾਣ ਜਾਦੂਈ ਢੰਗ ਤਰੀਕਿਆਂ ਦੀ ਚਰਚਾ ਸੀ। ਐਮਬੀਏ ਦੀਆਂ ਵਿਦਿਆਰਥਣਾਂ ਇਸ ਭਾਸ਼ਣ ਵਿੱਚ ਕਿਸੇ ਬਹੁਤ ਹੀ ਦਿਲਚਸਪ ਫਿਲਮ ਵਾਂਗ ਮਗਨ ਸਨ। ਫੋਟੋ ਖਿਚਣ ਲਈ ਕੈਮਰੇ ਦੀ ਫਲੈਸ਼ ਵਾਲੀ ਤਿੱਖੀ ਰੌਸ਼ਨੀ ਵੀ ਉਹਨਾਂ ਦਾ ਧਿਆਨ ਭੰਗ ਕਰਦੀ ਜਾਪਦੀ। ਐਲ ਐਮ ਏ ਐਵਾਰਡ ਅਤੇ ਕਈ ਹੋਰ ਮਾਣ ਸਨਮਾਣ ਹਾਸਲ ਕਰ ਚੁੱਕੀ ਸੰਦੀਪ ਦੇ ਚਿਹਰੇ ਤੇ ਉਹ ਆਤਮ ਵਿਸ਼ਵਾਸ ਨਜਰ ਆ ਰਿਹਾ ਸੀ ਜਿਹੜਾ ਇਮਾਨਦਾਰੀ ਨਾਲ ਕੀਤੀ ਮਿਹਨਤ ਮਗਰੋਂ ਮਿਲੀ ਸਫਲਤਾ ਨਾਲ ਆਉਂਦਾ ਹੈ। ਉਸਦੀਆਂ ਅੱਖਾਂ ਵਿੱਚ ਉਹ ਚਮਕ ਸੀ ਜਿਹੜੀ ਕਿਰਤ ਕਮਾਈ ਨਾਲ ਆਉਂਦੀ ਹੈ। ਫਰਮ ਦੀ ਐਮਡੀ ਹੋਣ ਦੇ ਬਾਵਜੂਦ ਬਾਕੀ ਦੇ  ਵਾਂਗ ਤਨਦੇਹੀ ਨਾਲ ਮਿਹਨਤ ਕਰਨ ਵਾਲੀ ਸੰਦੀਪ ਕੌਰ ਰਿਐਤ ਨੇ ਇਸ ਸੈਮੀਨਾਰ ਵਿੱਚ ਕਈ ਗੱਲਾਂ ਦੱਸੀਆਂ।
ਕਾਲਜ ਦੀ ਪ੍ਰਿੰਸੀਪਲ ਡਾਕਟਰ ਪ੍ਰਵੀਨ ਕੌਰ ਚਾਵਲਾ ਨੇ ਇਸ ਸੈਮੀਨਾਰ ਵਿੱਚ ਆਉਣ ਲਈ ਅਤੇ ਵਿਦਿਆਰਥਣਾਂ ਨੂੰ ਮਾਰਗ ਦਰਸ਼ਨ ਦੇਣ ਲਈ ਉਹਨਾਂ ਦਾ ਧੰਨਵਾਦ ਕੀਤਾ। 

Tuesday, March 18, 2014

ਪ੍ਰੀਖਿਆ ਵਿੱਚ ਚੰਗੇ ਨੰਬਰਾਂ ਲਈ ਕੀਤੀ ਪ੍ਰਭੁ ਅੱਗੇ ਅਰਦਾਸ

ਮਾਸਟਰ ਤਾਰਾ ਸਿੰਘ ਕਾਲਜ ਫਾਰ ਵੂਮੈਨ ਵਿੱਚ ਵਿਸ਼ੇਸ਼ ਧਾਰਮਿਕ ਆਯੋਜਨ 
ਲੁਧਿਆਣਾ: 18 ਮਾਰਚ 2014: (ਰੈਕਟਰ ਕਥੂਰੀਆ//ਪੰਜਾਬ ਸਕਰੀਨ):
ਨਿਸ਼ਾਨੇ ਵੀ ਉੱਚੇ ਤੇ ਇਰਾਦੇ ਵੀ ਉੱਚੇ।  ਇਮਤਿਹਾਨ ਸਿਰ ਤੇ ਹਨ ਮਿਹਨਤ ਵੀ ਪੂਰੀ ਹੈ ਕਿੰਨਾ ਚੰਗਾ ਹੋਵੇ ਜੇ  ਉਸ ਪਰਮ ਪਿਤਾ ਪ੍ਰਮਾਤਮਾ ਦੀ ਮਿਹਰ ਵੀ ਹੋ ਜਾਵੇ। ਉਸ ਦੀ ਕਿਰਪਾ ਦ੍ਰਿਸ਼ਟੀ ਵਾਲਾ ਆਸ਼ੀਰਵਾਦ ਪ੍ਰਾਪਤ ਕਰਨ ਲਈ  ਮਾਸਟਰ ਤਾਰਾ ਸਿੰਘ ਕਾਲਜ ਫਾਰ ਵੂਮੈਨ ਵਿਖੇ ਸਹਿਜ ਪਾਠ ਦੇ ਭੋਗ ਮਗਰੋਂ ਗੁਰਬਾਣੀ ਦਾ ਰਸ ਭਿੰਨਾ ਕੀਰਤਨ ਵੀ ਕਰਾਇਆ ਗਿਆ। ਇਹ ਕੀਰਤਨ ਇਸ ਕਾਲਜ ਦੀਆਂ ਵਿਦਿਆਰਥਣਾਂ ਨੇ ਕੀਤਾ। ਜੋਸ਼ੋ ਖਰੋਸ਼ ਅਤੇ ਮੌਜ ਮਸਤੀ ਵਾਲੀ ਉਮਰ ਵਿੱਚ ਅਜਿਹਾ ਅਲੌਕਿਕ ਟਿਕਾਓ ਹਰ ਕਿਸੇ ਦੇ ਨਸੀਬ ਵਿੱਚ ਵੀ ਨਹੀਂ ਹੁੰਦਾ। ਪ੍ਰੀਖਿਆ ਦੇ ਦਿਨਾਂ ਵਿੱਚ ਸਭ ਤੋਂ ਵਧ ਜ਼ਰੂਰੀ ਅਤੇ ਲੁੜੀਂਦੇ ਆਤਮ ਵਿਸ਼ਵਾਸ ਦੇ ਨਾਲ ਮਜਬੂਤ ਮਨੋਬਲ ਨੂੰ ਵਿਕਸਿਤ ਕਰਨ ਵਾਲਾ ਇਹ ਰੂਹਾਨੀ ਵਾਤਾਵਰਣ ਕਾਫੀ ਸਮਾਂ ਬਣਿਆ ਰਿਹਾ। ਕਾਬਿਲ-ਏ-ਜ਼ਿਕਰ ਹੈ ਇਹ ਮਨੋਬਲ ਅਤੇ ਆਤਮ ਵਿਸ਼ਵਾਸ ਸਿਰਫ ਵਿਦਿਅਕ ਪ੍ਰੀਖਿਆ ਵਿੱਚ ਹੀ ਨਹੀਂ ਬਲਕਿ ਜ਼ਿੰਦਗੀ ਦੇ ਹਰ ਕਦਮ ਤੇ ਆਉਣ ਵਾਲੀ ਪ੍ਰੀਖਿਆ ਵਿੱਚ ਕੰਮ ਆਉਂਦਾ ਹੈ। ਕਿਸੇ ਸ਼ਾਇਰ ਨੇ ਆਪਣੀ ਬਹੁਤ ਹੀ ਹਰਮਨ ਪਿਆਰੀ ਰਚਨਾ ਵਿੱਚ ਆਖਿਆ ਸੀ--
ਜ਼ਿੰਦਗੀ ਹਰ ਕਦਮ ਇੱਕ ਨਈ ਜੰਗ ਹੈ--ਤੇ ਇਸ ਜੰਗ ਨੂੰ ਜਿੱਤਣ ਲਈ ਮਨੋਬਲ ਦੀ ਵੀ ਲੋੜ ਪੈਂਦੀ ਹੈ ਅਤੇ ਆਤਮ ਵਿਸ਼ਵਾਸ ਦੀ ਵੀ। 
ਕਾਲਜ ਦੀ ਪ੍ਰਿੰਸੀਪਲ ਡਾਕਟਰ ਪ੍ਰਵੀਨ ਕੌਰ ਚਾਵਲਾ ਨੇ ਅਜਿਹੇ ਸਮਾਗਮਾਂ ਦੀ ਜਰੂਰਤ ਅਤੇ ਅਹਿਮੀਅਤ ਬਾਰੇ ਦੱਸਿਆ। ਕਾਲਜ ਦੀ ਪ੍ਰਬੰਧਕੀ ਕਮੇਟੀ ਦੇ ਪ੍ਰਧਾਨ ਸ੍ਰ. ਸਵਰਨ ਸਿੰਘ ਨੇ ਵੀ ਵਿਦਿਆਰਥਣਾਂ ਦੀ ਸ਼ਾਨਦਾਰ ਸਫਲਤਾ ਅਤੇ  ਭਵਿੱਖ ਦੀ ਕਾਮਨਾ ਕੀਤੀ। ਕਮੇਟੀ ਦੇ ਸੰਯੁਕਤ ਸਕੱਤਰ ਕੰਵਲਇੰਦਰ ਸਿੰਘ ਠੇਕੇਦਾਰ ਅਤੇ ਕਮੇਟੀ ਦੇ ਮੈਂਬਰ ਅਮਰੀਕ ਸਿੰਘ ਸੱਚਰ ਨੇ ਵੀ ਪ੍ਰੀਖਿਆ ਵਿੱਚ ਚੰਗੇ ਨੰਬਰਾਂ ਦੀ ਸ਼ੁਭਕਾਮਨਾਵਾਂ ਪ੍ਰਗਟ ਕਰਦਿਆਂ ਵਿਦਿਆਰਥਣਾਂ ਨੂੰ ਮਿਹਨਤ ਅਤੇ ਲਗਣ ਨਾਲ ਪੜ੍ਹਨ ਦੀ ਪ੍ਰੇਰਨਾ ਦਿੱਤੀ। 

Thursday, October 31, 2013

NCC ਵਿੱਚ ਵੀ MTSM ਵਿਦਿਆਰਥਣਾਂ ਨੇ ਦਿਖਾਏ ਜੌਹਰ

Wed, Oct 30, 2013 at 3:20 PM
ਕਈ ਵਿਦਿਆਰਥਣਾਂ ਨੇ ਗੋਲਡ ਜਿੱਤ ਕੇ ਸਾਬਿਤ ਕੀਤਾ ਹਮ ਕਿਸੀ ਸੇ ਕਮ ਨਹੀਂ 
फाईल फोटो 
ਲੁਧਿਆਣਾ : 30 ਅਕਤੂਬਰ 2013: (ਰੈਕਟਰ  ਕਥੂਰੀਆ //ਪੰਜਾਬ  ਸਕਰੀਨ ): ਲੁਧਿਆਣਾ ਦੇ ਪੁਰਾਣੇ ਕਾਲਜਾਂ ਵਿੱਚੋਂ ਇੱਕ ਮਾਸਟਰ ਤਾਰਾ ਸਿੰਘ ਮੈਮੋਰੀਅਲ ਕਾਲਜ ਫਾਰ ਵੂਮੈਨ ਲਗਾਤਾਰ ਨਵੇਂ ਰਿਕਾਰਡ ਸਥਾਪਿਤ ਕਰ ਰਿਹਾ ਹੈ। ਸਿੱਖਿਆ ਦੇ ਨਾਲ ਨਾਲ ਇਹ ਕਾਲਜ ਐਨ ਸੀ ਸੀ ਵਿੱਚ ਵੀ ਆਪਣਾ ਨਾਮ  ਰੌਸ਼ਨ ਕਰ ਰਿਹਾ ਹੈ। ਇਸ ਕਾਲਜ ਦੇ "41 ਐਨਸੀਸੀ ਕੈਡੇਟਸ" ਨੇ ਮਲੌਟ ਵਿੱਚ ਆਯੋਜਿਤ ਦਸ ਦਿਨਾਂ ਕੈਂਪ ਵਿੱਚ ਭਾਗ ਲਿਆ। ਕਾਲਜ ਲੈ ਇਹ ਕੈਂਪ ਬਹੁਤ ਹੀ ਪ੍ਰਾਪਤੀਆਂ ਭਰਿਆ ਰਿਹਾ। ਕਾਲਜ ਦੀਆਂ ਵਿਦਿਆਰਥਣਾਂ ਨੇ ਵੱਖ ਵੱਖ ਮੁਕਾਬਲਿਆਂ ਵਿੱਚ ਕਈ ਮੈਡਲ ਜਿੱਤ ਕੇ ਕਾਲਜ ਦਾ ਨਾਮ ਰੌਸ਼ਨ ਕੀਤਾ। ਜਿੰਦਗੀ ਵਿੱਚ ਕਦਮ ਕਦਮ ਤੇ ਪੇਸ਼ ਵਾਲੀਆਂ ਔਕੜਾਂ ਨਾਲ ਇਸੇ ਤਰ੍ਹਾਂ ਮੁਸਕਰਾ ਕੇ ਨਜਿੱਠਨ ਦੀ ਪ੍ਰੇਰਣਾ ਦੇਣ ਵਾਲਾ ਇਹ ਕੈਂਪ ਵੀ ਯਾਦਗਾਰੀ ਹੋ ਨਿੱਬੜਿਆ। ਇਸ ਕੈਂਪ ਵਿੱਚ ਸੋਨੀਆ ਗਣਤੰਤਰ ਦਿਵਸ ਪਰੇਡ ਲਈ ਚੁਣ ਲਈ ਗਈ। ਰੀਨਾ ਨੇ ਫਾਇਰਿੰਗ ਵਿੱਚ ਗੋਲ੍ਡ ਮੈਡਲ ਜਿੱਤ ਕੇ ਆਪਣਾ ਲੋਹਾ ਮਨਵਾਇਆ। ਇਸੇ ਤਰ੍ਹਾਂ ਜਿਓਤੀ ਅਤੇ ਨਿਧੀ ਨੇ ਰੱਸਾਕਸ਼ੀ ਵਿੱਚ ਗੋਲਡ, ਮ੍ਨੁਉ ਨੇ ਪੋਸਟਰ ਮੇਕਿੰਗ ਵਿੱਚ ਗੋਲਡ ਅਤੇ ਸੋਨੀਆ ਨੇ ਟੇਬਲ ਟੈਨਿਸ ਵਿੱਚ ਗੋਲਡ ਜਿੱਤ ਕੇ ਸਾਬਿਤ ਕੀਤਾ ਕਿ ਹਮ ਕਿਸੀ ਸੇ ਕਮ ਨਹੀਂ। ਸੀਨੀਅਰ ਵਿੱਚੋਂ ਦਲਜੀਤ ਨੇ ਗੋਲਡ ਅਤੇ ਤਨੂ ਨੇ ਸਿਲਵਰ ਜਿੱਤਿਆ।
ਕਾਲਜ ਦੀ ਪ੍ਰਿੰਸੀਪਲ ਡਾਕਟਰ ਪ੍ਰਵੀਨ ਕੌਰ ਚਾਵਲਾ ਨੇ ਜੇਤੂਆਂ ਨੂੰ ਵਧਾਈ ਦਿੱਤੀ ਅਤੇ ਐਨ ਸੀ ਸੀ ਇੰਚਾਰਜ ਹਰਪ੍ਰੀਤ ਕੌਰ ਨੂੰ ਵੀ  ਕੀਤੀਆਂ। ਕਾਲਜ ਦਿਨ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਸਵਰਨ ਸਿੰਘ ਅਤੇ ਸਕੱਤਰ ਕੰਵਲ ਸਿੰਘ ਠੇਕੇਦਾਰ ਨੇ ਵੀ ਇਹਨਾਂ ਵਿਦਿਆਰਥਣਾਂ ਨੂੰ ਸ਼ਾਬਾਸ਼ੀ ਦੇਣ ਦੇ ਨਾਲ  ਨਾਲ ਕਾਲਜ ਦੇ ਸਟਾਫ਼ ਨੂੰ ਵੀ ਵਧਾਈ ਦਿੱਤੀ।