Showing posts with label Dubai. Show all posts
Showing posts with label Dubai. Show all posts

Tuesday, October 15, 2024

.........ਹੁਣ ਦੁਬਈ ਦੇ ਸ਼ੇਖਾਂ ਨੇ ਵੀ ਕੀਤਾ ਜ਼ਹੀਰ ਟੇਲਰ ਨਾਲ ਰਾਬਤਾ

Friday 4th October 2024 at 4:26 PM Via Email Hardeep Kaur//Mohali//Chandigarh Zaheer tailor Story//Punjabi

ਕਪਿਲ ਸ਼ਰਮਾ ਦੇ ਸ਼ੋਅ ਵਿੱਚ ਕਈ ਕਲਾਕਾਰ ਜ਼ਹੀਰ ਦੇ ਸੀਤੇ ਕੱਪੜੇ ਪਾ ਕੇ  ਜਾਂਦੇ ਰਹੇ  

ਹੁਣ ਅਰਬ ਦੇਸ਼ਾਂ ਦੇ ਸ਼ੇਖ ਵੀ ਹੋਏ ਪੰਜਾਬ ਵਾਲੇ ਇਸ ਟੇਲਰ ਦੇ ਮੁਰੀਦ 

ਮੋਹਾਲੀ: 15 ਅਕਤੂਬਰ 2024:( ਹਰਦੀਪ ਕੌਰ//ਪੰਜਾਬ ਸਕਰੀਨ)::

ਮੋਹਾਲੀ ਇੱਕ ਵਾਰ ਫੇਰ ਚਰਚਾ ਵਿੱਚ ਹੈ। ਇਸ ਵਾਰ ਮੋਹਾਲੀ ਦੀ ਬੱਲੇ ਬੱਲੇ ਦੁਬਈ ਤੱਕ ਹੋ ਰਹੀ ਹੈ ਇਥੋਂ ਦੇ ਇੱਕ ਪ੍ਰਸਿੱਧ ਦਰਜੀ ਜ਼ਹੀਰ ਖਾਨ ਕਾਰਨ। ਜ਼ਹੀਰ ਖਾਨ ਨੂੰ ਕੱਪੜੇ ਸਿਊਣ ਵਿੱਚ ਕੋਈ ਖਾਸ ਮੁਹਾਰਤ ਹਾਸਲ ਹੈ। ਜ਼ਹੀਰ ਦੀ ਸੀਟੀ ਹੋ ਪੋਸ਼ਾਕ ਪਾਉਣ ਵਾਲਿਆਂ ਦੀ ਸ਼ਖ਼ਸੀਅਤ ਇਸ ਤਰ੍ਹਾਂ ਨਿਖਰ ਜਾਂਦੀ ਹੈ ਜਿਵੇਂ ਕਿਸੇ ਨੇ ਜਾਦੂ ਕਰ ਦਿੱਤਾ ਹੋਵੇ। ਇੱਕ ਗੈਰ ਰਸਮੀ ਮੁਲਾਕਾਤ ਵਿੱਚ ਜ਼ਹੀਰ ਨੇ ਦੱਸਿਆ ਕਿ ਅੱਜਕਲ੍ਹ ਰੈਡੀਮੇਡ ਚੀਜ਼ਾਂ ਦਾ ਜ਼ਮਾਨਾ ਹੈ। ਪਰ ਇਸ ਦੌਰ ਵਾਲੇ ਰੈਡੀਮੇਡ ਚੀਜ਼ਾਂ ਦੇ ਚਾਹਵਾਨ ਵੀ ਉਸ ਕੋਲੋਂ ਆਪ ਕੱਪੜਾ ਸਵਾ ਕੇ ਪਹਿਨਣਾ ਪਸੰਦ ਕਰਦੇ ਹਨ। 

ਕੁੜਤੇ ਪਜਾਮੇ ਅਤੇ ਪੈਂਟ ਕੋਟ ਦੇ ਨਾਲ-ਨਾਲ ਹੋਰ ਆਧੁਨਿਕ ਪਹਿਰਾਵਿਆਂ ਵਿੱਚ ਆਪਣੀ ਖਾਸ ਪਹਿਚਾਨ ਬਣਾ ਚੁੱਕੇ ਜ਼ਹੀਰ ਟੇਲਰ ਕੋਲ ਹੁਣ ਦੁਬਈ ਦੇ ਦੋ ਸ਼ੇਖਾਂ ਵੱਲੋਂ ਵੀ ਪਹੁੰਚ ਕੀਤੀ ਗਈ ਹੈ। ਜਿਨਾਂ ਵੱਲੋਂ ਇੱਕ ਪੰਜਾਬੀ ਵਿਆਹ ਵਿੱਚ ਸ਼ਾਮਿਲ ਹੋਣ ਲਈ ਜਹੀਰ ਟੇਲਰ ਤੋਂ ਇੱਕ ਖਾਸ ਪੰਜਾਬੀ ਡਰੈਸ ਤਿਆਰ  ਕਰਵਾਉਣ ਦੀ ਪੇਸ਼ਕਸ਼ ਕੀਤੀ ਗਈ ਹੈ। ਜਿਸ ਦੇ ਚੱਲਦੇ ਹੋਏ ਬਰਾਂਡ ਜ਼ਹੀਰ ਟੇਲਰ ਦੇ ਮਾਲਕ ਜ਼ਹੀਰ ਖਾਨ ਨੇ ਆਪਣੇ ਕਰਿੰਦਿਆਂ ਨੂੰ ਇਹਨਾਂ ਦੋ ਪਹਿਰਾਵਿਆਂ ਨੂੰ ਤਿਆਰ ਕਰਨ ਦੇ ਲਈ ਉੱਚ ਕੁਆਲਿਟੀ ਅਤੇ ਵਧੀਆ ਡਿਜ਼ਾਇਨ ਤਿਆਰ ਕਰਨ ਲਈ ਆਖਿਆ ਹੈ।

ਇਸ ਸਬੰਧੀ ਹੋਰ ਜਾਣਕਾਰੀ ਦਿੰਦੇ ਹੋਏ ਜਹੀਰ ਖਾਨ ਨੇ ਦੱਸਿਆ ਕਿ ਹਰ ਇੱਕ ਫੈਸ਼ਨ ਇੱਕ ਦਹਾਕੇ ਬਾਅਦ ਵਾਪਸ ਆਉਂਦਾ ਹੈ ਅਤੇ ਇੱਕ ਦੇਸ਼ ਦੇ ਲੋਕਾਂ ਦਾ ਪਹਿਰਾਵਾ ਦੂਜੇ ਦੇਸ਼ ਦੇ ਲੋਕਾਂ ਲਈ ਖਿੱਚ ਦਾ ਕੇਂਦਰ ਬਣਿਆ ਰਹਿੰਦਾ ਹੈ। ਦੂਜੇ ਪਾਸੇ ਪੰਜਾਬ ਦੇ ਪਹਿਰਾਵੇ ਨੂੰ ਪੂਰੇ ਦੇਸ਼ ਭਰ ਵਿੱਚ ਪਸੰਦ ਕੀਤਾ ਜਾਂਦਾ ਹੈ। ਜਿਸ ਸਦਕਾ ਦੁਬਈ ਤੋਂ ਇਸ ਸਬੰਧੀ ਉਹਨਾਂ ਨੂੰ ਦੋ ਫੋਨ ਕਾਲ ਵੀ ਪ੍ਰਾਪਤ ਹੋਈਆਂ ਹਨ। 

ਉਹਨਾਂ ਕਿਹਾ ਕਿ ਉਹ ਇਹਨਾਂ ਦੋਨੋਂ ਪਹਿਰਾਵਿਆਂ ਨੂੰ ਤਿਆਰ ਕਰਵਾਉਣ ਦੇ ਲਈ ਪੂਰੀ ਮਿਹਨਤ ਦੇ ਨਾਲ ਕੰਮ ਕਰਨਗੇ। ਦੱਸਣਾ ਬਣਦਾ ਹੈ ਕਿ ਜ਼ਹੀਰ  ਟੇਲਰ ਵੱਲੋਂ ਤਿਆਰ ਕੀਤੇ ਗਏ ਕੱਪੜਿਆਂ ਦੀ ਮੰਗ ਲਗਾਤਾਰ ਵੱਧ ਰਹੀ ਹੈ। ਇੱਥੇ ਹੀ ਬੱਸ ਨਹੀਂ ਜ਼ਹੀਰ ਟੇਲਰ ਵੱਲੋਂ ਤਿਆਰ ਕੀਤੇ ਗਏ ਕੱਪੜੇ ਕਮੇਡੀ ਕਲਾਕਾਰ ਕਪਿਲ ਸ਼ਰਮਾ ਦੀ ਸਟੇਜ ਉੱਪਰ ਅਲੀ ਬਰਦਰਜ਼ ਤੇ ਹੋਰ ਕਲਾਕਾਰਾਂ ਵੱਲੋਂ ਵੀ ਪਹਿਨੇ ਜਾ ਚੁੱਕੇ ਹਨ। 

ਜਿੱਥੇ ਮਸ਼ਹੂਰ ਹਸਤੀਆਂ ਆਪਣੇ ਵੱਖੋ ਵੱਖਰੇ ਸ਼ੋਅ ਦੇ ਲਈ ਜ਼ਹੀਰ ਟੇਲਰ ਤੋਂ ਆਪਣੇ ਕੱਪੜੇ ਤਿਆਰ ਕਰਵਾਉਂਦੇ ਹਨ ਉਥੇ ਹੀ ਕਈ ਰਾਜਨੀਤਿਕ ਨੇਤਾ ਵੀ ਜ਼ਹੀਰ ਟੇਲਰ ਦੇ ਕੁੜਤੇ ਪਜਾਮਿਆਂ ਦੇ ਫੈਨ ਹਨ । ਹਾਲ ਹੀ ਵਿੱਚ ਪੰਜਾਬ ਦੇ ਸਾਬਕਾ ਗਵਰਨਰ ਸ੍ਰੀ ਬਨਵਾਰੀ ਲਾਲ ਪੁਰੋਹਿਤ ਵੱਲੋਂ ਵੀ ਜ਼ਹੀਰ ਟੇਲਰ ਨੂੰ ਦਿਸ਼ਾ ਇੰਡੀਅਨ ਅਵਾਰਡ ਦੇ ਨਾਲ ਵੀ ਸਨਮਾਨਿਤ ਕੀਤਾ ਗਿਆ ਹੈ। 

ਦੁਨੀਆ ਭਰ ਵਿੱਚ  ਕਿਰਤ ਕਰਦੇ ਕਿਰਤੀਆਂ ਦੇ ਕਾਰੋਬਾਰ ਵਧਦੇ ਰਹਿਣ ਅਤੇ ਉਹਨਾਂ ਦੀ ਕਲਾ ਦੁਨੀਆ ਭਰ ਵਿੱਚ ਧੁੰਮਾਂ ਪਾਉਂਦੀ ਰਹੇ ਇਹੀ ਕਾਮਨਾ ਸਾਡੀ ਵੀ ਹੈ। ਇਸ ਦੇ ਨਾਲ ਹੀ ਦੁਨੀਆ ਦਾ ਆਰਥਿਕ ਸੰਤੁਲਨ ਵੀ ਵਧੇਗਾ। ਖੁਸ਼ਹਾਲੀ ਵੀ ਵਧੇਗੀ ਅਤੇ ਸ਼ਾਂਤੀ ਵੀ। 

Saturday, January 26, 2013

ਦੁਬਈ ਮੈਰਾਥਨ 'ਚ ਦੌੜਾਕ ਜਗਜੀਤ ਸਿੰਘ

Sat, Jan 26, 2013 at 4:24 PM
ਇੱਕ ਵਾਰ ਇਰ ਲਹਿਰਾਇਆ ਸਿੱਖ ਕੌਮ ਅਤੇ ਪੰਜਾਬੀਅਤ ਦਾ ਪਰਚਮ 
ਦੁਬਈ ਤੋਂ ਜਤਿੰਦਰ ਸਿੰਘ
ਦੁਬਈ, 26 ਜਨਵਰੀ,2013: - ਦੁਬਈ ਵਿਖੇ ਕਰਵਾਈ ਗਈ ਸਟੈਂਡਰਡ ਚਾਰਟਡ ਦੁਬਈ ਮੈਰਾਥਨ ਵਿਚ ਜਗਜੀਤ ਸਿੰਘ ਦੌੜਾਕ ਨੇ ਆਪਣੇ ਸਿਖੀ ਸਰੂਪ ਰਾਹੀ ਸਰਦਾਰ ਫੌਜਾ ਸਿੰਘ ਵਲੋਂ ਦੁਨੀਆ ਦੇ ਕੋਨੇ ਕੋਨੇ ਵਿਚ ਹੁੰਦੀਆ ਮੈਰਾਥਨ  ਵਿਚ ਭਾਗ ਲੈਣ ਦੀ ਕੀਤੀ ਸੁਰੂਆਤ ਨੂੰ ਅਗਾਂਹ ਵਧਾਉਂਦੇ ਹੋਏ,ਸਿਖ ਕੋਮ ਅਤੇ ਪੰਜਾਬੀਅਤ ਦੇ ਪਰਚਮ ਨੂੰ ਲਹਿਰਾਉਂਦਿਆਂ 42 ਕਿਲੋਮੀਟਰ ਦੀ ਦੌੜ 4 ਘੰਟੇ 35 ਮਿੰਟ ਲੈ ਕੇ ਪੂਰੀ ਕੀਤੀ । ਮੈਰਾਥਨ ਦੀ ਦੌੜ ਵਿੱਚ ਕੁਝ ਕਰ ਦਿਖਾਉਣ ਦਾ ਟੀਚਾ ਦਸਤਾਰ ਨੂੰ ਦੁਨੀਆ ਵਿਚ ਲੈ ਕੇ ਜਾਣਾ ਅਤੇ ਦਸਤਾਰ ਦੇ ਮਾਮਲੇ ਵਿੱਚ ਆ ਰਹੀਆਂ ਮੁਸ਼ਕਿਲਾਂ ਨੂੰ ਦੂਰ ਕਰਨ ਲਈ ਕੁਝ ਕਰਨਾ। ਉਸਨੇ  ਬਾਰੇ ਕੋਈ  ਨਹੀਂ ਕੀਤੀ, ਫੋਕੀ ਸ਼ੋਹਰਤ ਲੈ ਕੋਈ ਬਿਆਨ ਨਹੀਂ ਦਿੱਤੇ ਕਿਸੇ ਕਿਸਮ ਦੀ ਕੋਈ ਧਮਕੀ ਬਾਰੇਵੀ ਨਹੀਂ ਸੋਚਿਆ। ਬਸ ਉਸਨੇ ਗੁਰੂ ਨੂੰ ਯਾਦ ਕਰਦਿਆਂ ਸਾਬਿਤ  ਦਿਖਾਇਆ ਕਿ ਦਸਤਾਰ ਬੰਨਣ ਵਾਲੇ ਸਿੰਘ ਹਰ ਖੇਤਰ ਵਿੱਚ ਸਰਦਾਰੀ ਕਰਦੇ ਹਨ। ਉਸਨੇ ਸਿੱਖੀ ਦੀ ਸ਼ਾਨ ਦਸਤਾਰ ਨੂੰ  ਦੁਨਿਆ ਸਾਬਿਤ  ਹੈ। ਦਸਤਾਰ ਦੇ ਮਹਤਵ ਬਾਰੇ ਦੱਸਿਆ ਹੈ। ਇੱਕ ਮੁਲਾਕਾਤ ਵਿੱਚ ਉਹਨਾਂ ਨਾਲ ਹੀ ਇਹ ਵੀ ਦਸਿਆ ਕਿ  ਹੁਣ ਤੱਕ 76 ਮੈਰਾਥਨ ਰਾਹੀ ਮੈ 5 ਮਹਾਂਦੀਪ ਦੌੜ ਲਏ ਹਨ । ਅੱਜ ਕਰਵਾਈ ਗਈ ਮੈਰਾਥਨ ਦੌਰਾਨ ਪੁਰਸ਼ਾਂ ਦੇ ਵਰਗ ਵਿਚੋਂ ਇਥੋਪੀਆ ਦੇ ਲੇਲਿਸਾ ਦੇਸਿਸਾ ਨੇ ਪਹਿਲਾ ਸਥਾਨ ਹਾਸਲ ਕੀਤਾ ਜਦਕਿ ਇਸ ਦੇਸ਼ ਦੇ ਕਈ ਹੋਰ ਐਥਲੀਟਾਂ ਨੇ ਕਈ ਅਹਿਮ ਸਥਾਨ ਹਾਸਲ ਕੀਤੇ | ਦੇਸਿਸਾ ਨੇ 2 ਲੱਖ ਯੂ.ਐੱਸ. ਡਾਲਰ ਦੇ ਇਨਾਮ ਵਾਲੀ ਇਸ ਮੈਰਾਥਨ ਨੂੰ 2 ਘੰਟੇ 4  ਮਿੰਟਾਂ ਵਿਚ ਪੂਰੀ ਕਰਕੇ ਪਹਿਲਾ ਸਥਾਨ ਹਾਸਲ ਕੀਤਾ, ਪੁਰਸ਼ ਵਰਗ ਵਿਚ ਇਤੋਪੀਆ ਦਾ ਦੌੜਾਕ ਹੀ ਉਪ ਜੇਤੂ ਰਿਹਾ | ਦੇਸਿਸਾ ਨੇ ਪਹਿਲੀ ਵਾਰ ਕੋਈ ਕੌਮਾਤਰੀ ਖਿਤਾਬ ਜਿੱਤਿਆ ਹੈ | ਔਰਤਾਂ ਦੇ ਵਰਗ ਵਿਚ ਇਥੋਪੀਆ ਦੀ ਹੀ ਤਿਰਫੀ ਸੇਯਾਗੋ ਨੇ 2 ਘੰਟੇ 23 ਮਿੰਟਾਂ ਵਿਚ ਦੌਡ਼ ਪੂਰੀ ਕਰਕੇ ਪਹਿਲਾ ਸਥਾਨ ਹਾਸਲ ਕੀਤਾ ਜਦਕਿ ਦੂਜੇ ਸਥਾਨ 'ਤੇ ਵੀ ਇਥੋਪੀਆ ਦੀ ਹੀ ਦੌੜਾਕ  ਰਹੀ ।

ਜਗਜੀਤ ਸਿੰਘ ਦੌੜਾਕ ਨੂੰ ਸਰਬੱਤ ਦਾ ਭਲਾ ਸੰਸਥਾ ਦੁਬਈ ਨੇ  ਮੈਰਾਥਨ ਤੋਂ ਬਾਦ ਇਸ ਦੀਆ ਕੀਤਿਆ ਪ੍ਰਾਪਤੀਆ ਲਈ ਦੁਬਈ ਗਰੈਂਡ ਹੋਟਲ ਵਿਚ ਸੰਸਥਾ ਦੇ ਸੀਨੀਅਰ ਕੋਰ ਕਮੇਟੀ ਮੈਂਬਰ ਸ. ਐੱਸ. ਪੀ. ਸਿੰਘ ਓਬਰਾਏ ਅਤੇ ਖੇਡਾਂ ਦੇ ਵਿੰਗ ਦੇ ਮੁਖੀ ਜਗਰੂਪ ਸਿੰਘ ਅਤੇ ਕਮਾਂਡ ਸੈਂਟਰ ਮੈਂਬਰ ਗੁਰਦੇਵ ਸਿੰਘ, ਜਤਿੰਦਰ ਸਿੰਘ, ਬਲਜਿੰਦਰ ਸਿੰਘ, ਸੁਰਿੰਦਰ ਸਿੰਘ ਅਤੇ ਹਰਮਨਪ੍ਰੀਤ ਸਿੰਘ ਆਦਿ ਨੇ ਹਾਜ਼ਿਰ ਹੋ ਕੇ ਬੜੀ ਹੀ ਗਰਮਜੋਸ਼ੀ ਨਾਲ ਸਨਮਾਨਿਤ ਕੀਤਾ ।
Jatinder Singh
00971-55-5309686

Sunday, July 22, 2012

ਨਾ ਕੋ ਬੈਰੀ ਨਾਹਿ ਬਿਗਾਨਾ ਸਗਲ ਸੰਗ ਹਮ ਕੋ ਬਨ ਆਈ

ਰਮਜਾਨ ਦੇ ਪਵਿੱਤਰ ਮਹੀਨੇ ਦੀ ਵਿਲੱਖਣ ਸ਼ੁਰੂਆਤ
ਸਰਬੱਤ ਦਾ ਭਲਾ ਸੰਸਥਾ ਵੱਲੋਂ ਖੂਨਦਾਨ ਕੈਂਪਾਂ ਦਾ ਆਰੰਭ  
 ਪਿਛਲੇ ਕੁਝ ਹੀ ਸਮੇਂ ਵਿਚ ਆਪਣੇ ਸਮਾਜਿਕ ਕਾਰਜਾਂ ਅਤੇ ਲੋਕ ਭਲਾਈ ਦੀ ਸੋਚ ਰੱਖਣ ਵਾਲੀ ਸਰਬੱਤ ਦਾ ਭਲਾ ਸੰਸਥਾ ਜੋ ਦੁਨੀਆ ਭਰ ਦੇ ਨਾ ਕਿ ਸਿੱਖ ਭਾਈਚਾਰੇ ਸਮਾਜ ਦੇ ਚਿੰਤਕਾਂ ਤੇ ਵਿਚਾਰਕਾ ਦੇ ਦਿਲਾਂ ਵਿਚ ਖਾਸ ਜਗ੍ਹਾ ਬਣਾ ਚੁੱਕੀ ਹੈ।
 ਸਰਬੱਤ ਦਾ ਭਲਾ ਸੰਸਥਾ ਜੋ ਕਿ ਯੂ.ਏ.ਈ. ਸਿੱਖ ਅਤੇ ਪੰਜਾਬੀ ਭਾਈਚਾਰੇ ਵੱਲੌਂ ਬਣਾਈ ਹੈ। ਜੋ ਕਿ ਇੰਡੀਅਨ ਕਾਸਟੇਬਲ ਅਤੇ ਦੁਬਈ ਅਤੇ ਕਮਿਊਨਿਟੀ ਡਵੈਲਮੈਂਟ ਅਥਾਰਿਟੀ ਦੁਬਈ ਦੁਆਰਾ ਪ੍ਰਮਾਣਿਤ ਹੈ।
ਗੁਰਬਾਣੀ ਦੇ ਮੁਖਵਾਕ "ਨਾ ਕੋਈ ਬੈਰੀ ਨਹੀਂ ਬਿਗਾਨਾ ਸਗਲ ਸੰਗ ਹਮ ਕੋ ਬਨ ਆਈ£" ਅਨੁਸਾਰ ਜਾਤ ਪਾਤ ਅਤੇ ਬਿਨ੍ਹਾਂ ਭੇਦ-ਭਾਵ ਤੋਂ ਉਪਰ ਉਠ ਕੇ ਰਮਜਾਨ ਦੇ ਮਹੀਨੇ ਦੀ ਸ਼ੁਰੂਆਤ ਦਾ ਇਕ ਵਿਲੱਖਣ ਤਰੀਕਾ ਅਪਣਾਇਆ ਹੈ। ਖੂਨਦਾਨ ਕੈਂਪ ਲਗਾ ਕੇ ਸਰਬਤ ਦਾ ਭਲਾ ਸੰਸਥਾ ਆਪਣੇ ਵੱਲੋਂ ਕੀਤੇ ਵਾਅਦੇ ਅਨੁਸਾਰ ਇਹ ਚਾਰ ਖੂਨਦਾਨ ਕੈਂਪਾਂ ਵਿਚੋਂ ਪਹਿਲਾਂ ਖੂਨਦਾਨ ਕੈਂਫ ਹੈ, ਜੋ ਸੰਸਥਾ ਦੇ ਕੋਰ ਕਮੇਟੀ  ਮੈਂਬਰ ਸ੍ਰ. ਜਗਜੀਤ ਸਿੰਘ ਗੋਰੀ ਦੇ ਗ੍ਰਹਿ ਵਿ ਚ ਲਗਾਇਆ ਗਿਆ ਹੈ।
 ਸੰਸਥਾ ਦੇ ਖੂਨਦਾਨ ਕੈਂਪਾਂ ਦੇ ਇੰਚਾਰਜ ਸ੍ਰ. ਜਗਜੀਤ ਸਿੰਘ ਗੋਰੀ ਜੀ ਅਸੀ ਅਨੁਸਾਰ ਇਸ ਸਮੇਂ ਦੁਬਈ ਵਿਚ ਖੁਨ ਦੀ ਬਹੁਤ ਜਰੂਰਤ ਹੈ ਜੋ ਕਿ ਥੈਲਸਮੀਆਂ ਨਾਂ ਦੀ ਬਿਮਾਰੀ ਨਾਲ ਜੂਝ ਰਹੇ ਬੱਚਿਆਂ ਨੂੰ ਦਿੱਤਾ ਜਾਵੇਗਾ। ਮੁਸਲਮਾਨ ਵੀਰਾਂ ਦੇ ਰੋਜੇ ਰੱਖਣ ਕਾਰਨ ਖੁਨ ਦੀ ਕਮੀ ਆ ਜਾਂਦੀ ਹੈ। ਸਿੱਖ ਭਾਈਚਾਰਾ ਇਸ ਮੌਕੇ ਖੂਨਦਾਨ ਕੈਂਪ ਲਗਾ ਕੇ ਇਹ ਕਮੀ ਪੂਰੀ ਕਰੇਗਾ ਅਤੇ ਮੁਸਲਮਾਨ ਵੀਰਾਂ ਦੀ ਮਦਦ ਕਰੇਗਾ।ਸੰਸਥਾ ਦੇ ਸੋਸ਼ਲ ਵਿੰਗ ਦੇ ਮੁੱਖੀ ਪ੍ਰਭਦੀਪ ਸਿੰਘ ਅਨੁਸਾਰ ਇਸ ਪਹਿਲੇ ਖੂਨਦਾਨ ਕੈਂਪ ਵਿਚ ਖੁਨ ਦੇਣ ਵਾਲਿਆਂ ਦੀ ਗਿਣਤੀ ੧੭੦ ਦੇ ਕਰੀਬ ਸੀ ਅਤੇ ਪੰਜ ਘੰਟੇ ਚਲੇ ਇਸ ਕੈਂਫ ਵਿਚ ੧੨੦ ਡੋਨਰ ਹੀ ਖੂਨਦਾਨ ਕਰ ਸਕੇ ਅਤੇ ਦੁਬਈ ਹੈਲਥ ਅਥਾਰਟੀ ਦੀ ਉਮੀਦ ਤੇ ਪੂਰੇ ਉਤਰੇ। ਸੰਸਥਾ ਵੱਲੋਂ ਆਉਣ ਵਾਲੇ ਇਨਾਂ ਵਿਚ ਤਿੰਨ ਹੋਰ ਕੈਂਪ ੨ ਅਗਸਤ, ੯ ਅਗਸਤ ਤੇ ੨੭ ਅਗਸਤ ਨੂੰ ਲਗਾਏ ਜਾਣਗੇ। ਇਸ ਮੋਕੇ ਸ੍ਰ. ਅਮਨਜੀਤ ਸਿੰਘ ਸ੍ਰ. ਜਗਜੀਤ ਸਿੰਘ ਗੋਰੀ, ਸ੍ਰ. ਮਨਜਿੰਦਰ ਸਿੰਘ, ਸ੍ਰ. ਗੁਰਦੇਵ ਸਿੰਘ ਸ੍ਰ. ਜਤਿੰਦਰ ਸਿੰਘ, ਸ੍ਰ. ਜਗਰੂਪ ਸਿੰਘ, ਸ੍ਰ. ਬਲਜਿੰਦਰ ਸਿੰਘ, ਡਾ. ਚਰਨਦੀਪ ਕੌਰ, ਗਗਨਦੀਪ ਸਿੰਘ ਸ੍ਰ. ਸੁਰਿੰਦਰ ਸਿੰਘ, ਸ੍ਰ. ਰਨਦੀਪ ਸਿੰਘ ਆਦਿ ਸੰਸਥਾ ਮੈਂਬਰ ਹਾਜ਼ਿਰ ਸਨ

Friday, July 13, 2012

ਵਿਦੇਸ਼ੀ ਧਰਤੀ ਤੋਂ ਨਸ਼ਿਆਂ ਦੇ ਖਿਲਾਫ਼ ਇੱਕ ਹੋਰ ਬੁਲੰਦ ਆਵਾਜ਼

ਨਸ਼ਾ ਕਰਨਾ ਹੈ ਤਾਂ ਸੰਗੀਤ ਦਾ ਕਰੋ: ਦੁਬਈ ਤੋਂ ਮਨਜਿੰਦਰ ਸਿੰਘ  
ਨਸ਼ੇ ਨੂੰ ਠੱਲ ਪਾਉਣ ਲਈ ਸੰਗੀਤ ਬਹੁਤ ਵੱਡਾ ਹਥਿਆਰ ਹੈ ।
ਸਰਬੱਤ ਦਾ ਭਲਾ ਸੰਸਥਾ ਅਤੇ ਕਮਿਊਨਿਟੀ ਡਿਵੈਲਪਮੈਂਟ ਅਥਾਰਟੀ, ਦੁਬਈ ਦਾ ਕਿਰਤੀ ਭਰਾਵਾਂ ਨੂੰ ਸੰਗੀਤ ਨਾਲ ਜੋੜਨ ਲਈ ਸਾਡਾ ਉਪਰਾਲਾ :
ਸਰਬੱਤ ਦਾ ਭਲਾ ਸੰਸਥਾ ਜੋ ਆਪਣੇ ਵੱਲੋਂ ਹਰ ਤਰ੍ਹਾਂ ਦੇ ਭਲਾਈ ਦੇ ਕੰਮਾਂ ਵਿੱਚ ਅਮੁੱਲ ਯੋਗਦਾਨ ਪਾ ਰਹੀ ਹੈ ਅਤੇ ਹੋਰ ਸੰਸਥਾਵਾਂ ਨੂੰ ਪ੍ਰੇਰਿਤ ਕਰਨ ਵਿੱਚ ਆਪਣਾ ਅਹਿਮ ਰੋਲ ਅਦਾ ਕਰ ਰਹੀ ਹੈ । ਬੀਤੇ ਦਿਨੀਂ ਸੰਸਥਾ ਨੇ ਕਮਿਊਨਿਟੀ ਡਿਵੈਲਪਮੈਂਟ ਅਥਾਰਟੀ ਦੁਬਈ ਅਤੇ ਸਮਾਰਟ ਲਾਈਫ ਨਾਲ ਮਿਲ ਕੇ ਦੁਬਈ ਦੇ ਦੁਬਈ ਇਨਵੈਸਟਮੈਂਟ ਪਾਰਕ (ਡੀ.ਆਈ.ਪੀ.) ਦੇ ਵਿੱਚ ਪੈਂਦੇ ਰਮਲਾ (ਞ ਹਾਇਪਰ (.ਖਬਕਗ) ਮਾਲ ਵਿੱਚ ਕਿਰਤੀ ਭਰਾਵਾਂ (ਆਨਰ ਲੇਬਰ) ਲਈ ਇੱਕ ਮੰਨੋਰੰਜਨ ਸਮਾਰੋਹ ਦਾ ਪ੍ਰਬੰਧ ਕੀਤਾ ਗਿਆ । ਜਿਸ ਦਾ ਮੁੱਖ ਉਦੇਸ਼ ਸੀ ਕਿ ”ਨਸ਼ਾ ਕਰਨਾ ਹੈ ਤਾਂ ਕਰੋ ਸੰਗੀਤ ਦਾ” । ਅਤੇ ਸੰਗੀਤ ਵਿੱਚ ਮੁਹਰਤ ਰੱਖਣ ਵਾਲਿਆਂ ਨੂੰ ਆਪਣੀ ਕਲਾ ਦਿਖਾਉਣ ਦਾ ਮੌਕਾ ਮਿਲੇ ।
ਇਸ ਸਮਾਰੋਹ ਦਾ ਪ੍ਰਬੰਧ ਸਰਬੱਤ ਦਾ ਭਲਾ ਸੰਸਥਾ ਦੇ ਮਿਊਜ਼ਿਕ ਵਿੰਗ ਨੇ ਕੀਤਾ । ਸੰਸਥਾ ਦੇ ਮਿਊਜ਼ਿਕ ਵਿੰਗ ਦੇ ਹੈੱਡ ਸ੍ਰ. ਗੁਰਦੇਵ ਸਿੰਘ ਅਨੁਸਾਰ ਇਹਨਾਂ ਉਪਰਾਲਿਆਂ ਦਾ ਮਨੋਰਥ ਇਹ ਹੈ ਕਿ ਜੋ ਕਿਰਤੀ ਭਰਾ ਆਪਣਾ ਘਰ ਛੱਡ ਕੇ ਵਿਦੇਸ਼ ਵਿੱਚ ਆਏ ਹਨ, ਉਹਨਾਂ ਨੂੰ ਆਦਰ ਦੇ ਕੇ ਨਿਵਾਜਨਾ ਅਤੇ ਉਹਨਾਂ ਵਿੱਚੋਂ ਕਲਾ ਲੱਭ ਕੇ ਉਹਨਾਂ ਨੂੰ ਆਪਣੇ ਜੌਹਰ ਵਿਖਾਉਣ ਦੇ ਮੌਕੇ ਪ੍ਰਦਾਨ ਕਰਨਾ । ਸੰਸਥਾ ਦੁਬਈ ਵਿੱਚ ਇੱਕ ਮਿਊਜ਼ਿਕ ਅਕੈਡਮੀ ਵੀ ਚਲਾ ਰਹੀ ਹੈ, ਜਿਸ ਵਿੱਚ ਚਾਹਵਾਨ ਨੌਜਵਾਨ ਆਪਣੀ ਕਲਾ ਨਿਖਾਰਨ ਦਾ ਮੌਕਾ ਪਾ ਰਹੇ ਹਨ । ਜਿਸ ਵਿੱਚ ਸੰਸਥਾ ਸਮੇਂ ਸਮੇਂ ਅਨੁਸਾਰ ਸੰਗੀਤ ਦੇ ਉਸਤਾਦ ਬੁਲਾ ਕੇ ਸਿੱਖਿਆ ਦੇ ਰਹੀ ਹੈ ।
ਸੰਗੀਤ ਸਮਾਰੋਹ ਦੀ ਸ਼ੁਰੂਆਤ ਪੰਜਾਬ ਤੋਂ ਉਚੇਚੇ ਤੌਰ ਤੇ ਪਹੁੰਚੇ ਉਸਤਾਦ ਸ੍ਰ. ਗੋਬਿੰਦ ਸਿੰਘ ਆਲਮਪੁਰੀ ਜੀ ਨੇ ਇੱਕ ਸੂਫ਼ੀਆਨਾ ਕਲਾਮ ਗਾ ਕੇ ਕੀਤੀ । ਤੰਤੀ ਸਾਜਾਂ ਦੇ ਮਧੁਰ ਸੰਗੀਤ ਨਾਲ ਉਸਤਾਦ ਸ੍ਰ. ਉਂਕਾਰ ਸਿੰਘ ਜੀ ਨੇ ਹਵਾਇਨ ਗਟਾਰ ਅਤੇ ਸ੍ਰ. ਮਲਕੀਤ ਸਿੰਘ ਜੀ ਨੇ ਵਾਇਲਨ ਵਜਾ ਕੇ ਦਰਸ਼ਕਾਂ ਦਾ ਮੰਨੋਰੰਜਨ ਕੀਤਾ ਅਤੇ ਗਗਨਦੀਪ ਸਿੰਘ ਦੇ ਜਿੰਦ ਮਾਹ ਗੀਤ ਨੇ ਦਰਸ਼ਕਾਂ ਦੇ ਪੈਰਾਂ ਨੂੰ ਥਿੜਕਣ ਤੇ ਮਜ਼ਬੂਰ ਕਰ ਦਿੱਤਾ ।
ਸੰਗੀਤ ਦੇ ਉਸਤਾਦਾਂ ਨੇ ਉਸ ਸਮੇਂ ਸਮਾਂ ਬੰਨ੍ਹ ਕੇ ਰੱਖ ਦਿੱਤਾ ਜਦ ਆਖਿਰ ਵਿੱਚ ਪੰਜ ਮਿੰਟ ਜੁਗਲਬੰਦੀ ਦਾ ਪ੍ਰਦਰਸ਼ਨ ਕੀਤਾ ਗਿਆ । ਇਸ ਸਮਾਰੋਹ ਨੇ ਇਹ ਸਾਬਿਤ ਕਰ ਦਿੱਤਾ ਕਿ ਸੰਗੀਤ ਦਾ ਆਨੰਦ ਲੈਣ ਲਈ ਨੰਗੇਜ਼ ਭਰਪੂਰ ਅਤੇ ਭੜਕੀਲੇ ਸੰਗੀਤ ਦੀ ਜ਼ਰੂਰਤ ਨਹੀਂ ਬਲਕਿ ਸੂਫ਼ੀ ਅਤੇ ਕਲਾਸੀਕਲ ਸੰਗੀਤ ਵੀ ਆਨੰਦ ਦੀਆਂ ਸਿਖ਼ਰਾਂ ਤੇ ਪਹੁੰਚਾ ਸਕਦਾ ਹੈ ।
ਇਸ ਸਾਰੇ ਸਮਾਰੋਹ ਦੀ ਕਮਿਊਨਿਟੀ ਡਿਵੈਲਪਮੈਂਟ ਅਥਾਰਟੀ ਦੁਬਈ ਦੇ ਖਾਸ ਨੁਮਾਇੰਦੇ ਸ਼੍ਰੀ ਪਿਲਾਨੀ ਬਾਬੂ ਜੀ ਨੇ ਬਹੁਤ ਸ਼ਲਾਘਾ ਕੀਤੀ ਅਤੇ ਕਿਹਾ ਦੁਬਈ ਸਰਕਾਰ ਵੀ ਮਜ਼ਦੂਰਾਂ ਦੀਆਂ ਹਰ ਤਰ੍ਹਾਂ ਦੀਆਂ ਮੁਸ਼ਕਿਲਾਂ ਹੱਲ ਕਰਨ ਲਈ ਤਤਪਰ ਰਹਿੰਦੀ ਹੈ, ਸਰਬੱਤ ਦਾ ਭਲਾ ਅਜਿਹੀਆਂ ਸੰਸਥਾਵਾਂ ਦੁਬਈ ਸਰਕਾਰ ਅਤੇ ਮਜ਼ਦੂਰਾਂ ਵਿੱਚ ਨੇੜਤਾ ਕਰਾਉਣ ਲਈ ਪੁਲ ਦਾ ਕੰਮ ਕਰ ਰਹੀਆਂ ਹਨ, ਉਹਨਾਂ ਨੇ ਸੰਸਥਾ ਨੂੰ ਭਵਿੱਖ ਵਿੱਚ ਇਹੋ ਜਿਹੇ ਸਮਾਰੋਹ ਆਯੋਜਿਤ ਕਰਨ ਲਈ ਪ੍ਰੇਰਿਆ । ਇਸ ਸਮੇਂ ਸੰਸਥਾ ਦੇ ਮੈਂਬਰ ਸ੍ਰ. ਅਮਨਜੀਤ ਸਿੰਘ, ਸ੍ਰ. ਪ੍ਰਭਦੀਪ ਸਿੰਘ, ਸ੍ਰ. ਜਤਿੰਦਰ ਸਿੰਘ, ਸ੍ਰ. ਰਮਿੰਦਰ ਸਿੰਘ, ਤਜਿੰਦਰ ਕੌਰ, ਸੁਨੀਤ ਕੌਰ ਆਦਿ ਹਾਜ਼ਰ ਸਨ ।

Wednesday, July 04, 2012

ਪੰਜ ਤਾਰਾ ਹੋਟਲ ਵਰਗੀਆਂ ਸਹੂਲਤਾਂ ਵਾਲਾ ਲੰਗਰ ਹਾਲ

ਦੁਨੀਆ ਭਰ ਦੇ ਸਿੱਖਾਂ ਦੀ ਖਿੱਚ ਦਾ ਕੇਂਦਰ ਬਣ ਰਿਹਾ ਦੁਬਈ ਦਾ ਗੁਰਦੁਆਰਾ 
ਗੁਰਦੁਆਰਾ ਗੁਰੂ ਨਾਨਕ ਦਰਬਾਰ ਦੀ ਇਕ ਝਲਕ
ਦੁਬਈ, 3 ਜੁਲਾਈ
ਗੁਰੂ ਗ੍ਰੰਥ ਸਾਹਿਬ ਲਈ 24 ਕੈਰੇਟ ਸੋਨੇ ਦਾ ਚੰਦੋਆ, ਕੰਧਾਂ ਤੇ ਫਰਸ਼ ਲਈ ਇਤਾਲਵੀ ਸੰਗਮਰਮਰ ਤੇ ਪੰਜ ਤਾਰਾ ਹੋਟਲ ਵਰਗੀਆਂ ਸਹੂਲਤਾਂ ਵਾਲਾ ਲੰਗਰ ਹਾਲ। ਇਹ ਹੈ ਦੁਬਈ ਦਾ ਪਹਿਲਾ ਗੁਰਦੁਆਰਾ ਗੁਰੂ ਨਾਨਕ ਦਰਬਾਰ ਜੋ ਰੂਹਾਨੀਅਤ, ਪਰੰਪਰਾ, ਆਧੁਨਿਕਤਾ ਅਤੇ ਇਨਸਾਨੀ ਦ੍ਰਿਡ਼ਤਾ ਦਾ ਇਕ ਬੇਮਿਸਾਲ ਮੁਜੱਸਮਾ ਬਣ ਗਿਆ ਹੈ। ਇਸ ਦੀ ਇਮਾਰਤ ਦੇ ਅੰਦਰ ਦਾਖਲ ਹੋਣ ਸਾਰ ਇਸ ਦਾ ਜਲੌਅ ਤੱਕ ਕੇ ਅੱਖੀਆਂ ਟੱਡੀਆਂ ਰਹਿ ਜਾਂਦੀਆਂ ਹਨ ਅਤੇ ਦਰਬਾਰ ਸਾਹਿਬ ’ਚੋਂ ਸ਼ਬਦ ‘ਤੂ ਪ੍ਰਭ ਦਾਤਾ’ ਦਾ ਰਸਭਿੰਨਾ ਕੀਰਤਨ ਮਾਹੌਲ ਨੂੰ ਸ਼ਰਧਾ ਭਾਵ ਨਾਲ ਸ਼ਰਸ਼ਾਰ ਕਰ ਦਿੰਦਾ ਹੈ।
ਇਸੇ ਦੌਰਾਨ ਇਕ ਸ਼ਖ਼ਸ ਅੰਦਰ ਦਾਖਲ ਹੁੰਦਾ ਹੈ ਅਤੇ ਸੰਗਤਾਂ ਨੂੰ ਦਰਬਾਰ ’ਚ ਪਹੁੰਚਣ ਲਈ ਪੌਡ਼ੀਆਂ ਦੀ ਬਜਾਏ ਲਿਫਟ ਦੀ ਵਰਤੋਂ ਕਰਨ ਦੀ ਬੇਨਤੀ ਕਰਦਾ ਹੈ ਜਿਸ ਦਾ ਨਾਂ ਸੁਰਿੰਦਰ ਸਿੰਘ ਕੰਧਾਰੀ ਹੈ। ਅਸਲ ’ਚ ਇਸ ਬੇਮਿਸਾਲ ਰਚਨਾ ਪਿੱਛੇ ਇਹੀ ਪਰਵਾਸੀ ਭਾਰਤੀ ਕਾਰੋਬਾਰੀ ਕਾਰਜਸ਼ੀਲ ਹੈ।
ਦੁਬਈ ਦੇ ਸ਼ਾਹ ਸ਼ੇਖ ਮੁਹੰਮਦ ਬਿਨ ਰਾਸ਼ਿਦ ਅਲ ਮਕਤੂਮ ਨੇ ਛੇ ਸਾਲ ਪਹਿਲਾਂ ਗੁਰਦੁਆਰੇ ਲਈ ਜਬੇਲ ਅਲੀ ਇਲਾਕੇ ਵਿਚ 25400 ਵਰਗ ਫੁੱਟ ਜ਼ਮੀਨ ਦਾਨ ਕੀਤੀ ਸੀ ਪਰ ਉਨ੍ਹਾਂ ਦੀ ਇਕ ਖਾਹਸ਼ ਇਹ ਸੀ ਕਿ ਇਹ ਬੇਮਿਸਾਲ ਬਣਨਾ ਚਾਹੀਦਾ ਹੈ। ਇਸ ਦੀ ਇਮਾਰਤ ਉਪਰ 6.5 ਕਰੋਡ਼ ਦਰ੍ਹਾਮ ਖਰਚ ਆਏ ਹਨ ਅਤੇ ਇਸ ’ਚੋਂ ਇਕ ਵੱਡਾ ਯੋਗਦਾਨ ਜਨਾਬ ਕੰਧਾਰੀ ਨੇ ਖੁਦ ਪਾਇਆ ਹੈ। ਜਨਾਬ ਕੰਧਾਰੀ ਆਟੋਮੋਬੀਲ ਬੈਟਰੀਆਂ ਤੇ ਟਾਇਰ ਬਣਾਉਣ ਤੇ ਡਿਸਟਰੀਬਿਊਟ ਕਰਨ ਵਾਲੇ ਅਲ ਡੇਬੋਵੀ ਗਰੁੱਪ ਦੇ ਚੇਅਰਮੈਨ ਹਨ। ਉਨ੍ਹਾਂ ਕਿਹਾ, ‘‘ਮੈਂ ਸ਼ਾਹ ਨੂੰ ਆਖਿਆ, ਦੇਖੋ, ਗੋਲਡਨ ਟੈਂਪਲ (ਸ੍ਰੀ ਹਰਿਮੰਦਰ ਸਾਹਿਬ, ਅੰਮ੍ਰਿਤਸਰ) ਨੂੰ ਕੋਈ ਵੀ ਮਾਤ ਨਹੀਂ ਦੇ ਸਕਦਾ ਪਰ ਇਹ ਜੋ ਅਸੀਂ ਬਣਾਇਆ ਉਹ ਦੁਨੀਆਂ ਦਾ ਸਭ ਤੋਂ ਆਧੁਨਿਕ ਗੁਰਦੁਆਰਾ ਹੈ।’’ ਸੰਯੁਕਤ ਅਰਬ ਅਮੀਰਾਤ ਵਿਚ ਇਸ ਸਮੇਂ 50000 ਸਿੱਖ ਰਹਿੰਦੇ ਹਨ। ਇਸ ਗੁਰਦੁਆਰੇ ਦੀ ਕਲਪਨਾ ਕੀਤੀ ਗਈ ਸੀ। ਹਰ ਸਾਲ ਸੰਗਤ ਦੀ ਗਿਣਤੀ ਵਧ ਰਹੀ ਸੀ ਪਰ ਦੁਬਈ ਸਥਿਤ ਗੁਰਦੁਆਰੇ ਦੀ ਇਮਾਰਤ ਛੋਟੀ ਪੈਂਦੀ ਜਾ ਰਹੀ ਸੀ।
ਨਵੇਂ ਗੁਰਦੁਆਰੇ ਦਾ ਨੀਂਹ ਪੱਥਰ ਸ਼ੇਖ ਮੁਹੰਮਦ ਜੋ ਯੂ ਏ ਈ ਦੇ ਉਪ ਰਾਸ਼ਟਰਪਤੀ ਹਨ, ਨੇ ਰੱਖਿਆ ਸੀ ਅਤੇ ਜਨਾਬ ਕੰਧਾਰੀ ਨੇ ਸ਼ੇਖ ਮੁਹੰਮਦ ਦੀ ਤੁਲਨਾ ਮਹਾਨ ਸੂਫੀ ਫ਼ਕੀਰ ਹਜ਼ਰਤ ਮੀਆਂ ਮੀਰ ਨਾਲ ਕੀਤੀ, ਜਿਨ੍ਹਾਂ ਸ੍ਰੀ ਹਰਿਮੰਦਰ ਸਾਹਿਬ ਦਾ ਨੀਂਹ ਪੱਥਰ ਰੱਖਿਆ ਸੀ। ਸ੍ਰੀ ਕੰਧਾਰੀ ਨੇ ਦੱਸਿਆ ‘‘ਵਿਸਾਖੀ ’ਤੇ ਅਸੀਂ ਗੁਰਦੁਆਰੇ ਵਿਚ 40000 ਸੰਗਤ ਲਈ ਲੰਗਰ ਲਾਇਆ, ਜਿਸ ਵਿਚ ਬਹੁਤ ਸਾਰੇ ਪਾਕਿਸਤਾਨੀ ਸਿੱਖ, ਸਿੰਧੀ ਅਤੇ ਪੰਜਾਬੀ ਹਿੰਦੂ ਤੇ ਮੁਸਲਮਾਨ ਵੀ ਸ਼ਾਮਲ ਸਨ।
ਆਧੁਨਿਕ ਸਹੂਲਤਾਂ ਨਾਲ ਲੈਸ ਲੰਗਰ ਹਾਲ ਵਿਚ ਸੰਗਤ ਲਈ ਹਰ ਰੋਜ਼ ਲੰਗਰ ਤਿਆਰ ਕੀਤਾ ਜਾਂਦਾ ਹੈ ਜਿੱਥੇ ਆਟਾ ਗੁੰਨਣ ਅਤੇ ਰੋਟੀਆਂ ਪਕਾਉਣ ਅਤੇ ਬਰਤਨ ਸਾਫ਼ ਕਰਨ ਵਾਲੀਆਂ ਮਸ਼ੀਨਾਂ ਲੱਗੀਆਂ ਹੋਈਆਂ। ਬਾਕੀ ਭਵਨ ਦੀ ਤਰ੍ਹਾਂ ਲੰਗਰ ਹਾਲ ’ਚ ਵੀ ਕਿਤੇ ਦਾਗ਼ ਲੱਗਿਆ ਨਹੀਂ ਦਿੱਸਦਾ।
ਗੁਰਦੁਆਰਾ ਗੁਰੂ ਨਾਨਕ ਦਰਬਾਰ ਸ੍ਰੀ ਹਰਿਮੰਦਰ ਸਾਹਿਬ ਅਤੇ ਸਾਊਥਾਲ (ਲੰਡਨ) ਗੁਰਦੁਆਰੇ ਦੋਵੇਂ ਮਾਡਲਾਂ ਨੂੰ ਮਿਲਾ ਕੇ ਉਸਾਰਿਆ ਗਿਆ ਹੈ। ਇਮਾਰਤਸਾਜ਼ ਪਾਲ ਬਿਸ਼ਪ ਨੇ ਇਸ ਦਾ ਡਿਜ਼ਾਈਨ ਤਿਆਰ ਕਰਨ ਲਈ ਦੋਵੇਂ ਗੁਰਦੁਆਰਿਆਂ ਦੇ ਦੀਦਾਰ ਕੀਤੇ ਸਨ। ਪਰਵਾਸੀ ਸਿੱਖਾਂ ਦੀ ਨਵੀਂ ਪੀਡ਼੍ਹੀ ਵਿਚ ਵਿਰਸੇ ਦਾ ਸੰਚਾਰ ਕਰਨ ਲਈ ਹਰ ਸ਼ਨਿਚਰਵਾਰ ਤਿੰਨ ਘੰਟੇ ਗੁਰਦੁਆਰੇ ਵਿਚ ਬੱਚਿਆਂ ਲਈ ਪੰਜਾਬੀ ਸਿੱਖਣ, ਕੀਰਤਨ ਸੁਣਨ ਤੇ ਗੁਰਦੁਆਰੇ ਦੀ ਮਰਿਆਦਾ ਦਾ ਪਾਲਣ ਕਰਨਾ ਸਿਖਾਇਆ ਜਾਂਦਾ ਹੈ।
ਸ੍ਰੀ ਕੰਧਾਰੀ ਦਾ ਜਨਮ ਆਂਧਰਾ ਪ੍ਰਦੇਸ਼ ’ਚ ਹੋਇਆ ਅਤੇ ਉਨ੍ਹਾਂ ਚੇਨਈ ਦੇ ਲੋਯੋਲਾ ਕਾਲਜ ਤੋਂ ਪਡ਼੍ਹਾਈ ਕੀਤੀ  ਪਰ ਪੰਜਾਬੀ ਭਾਸ਼ਾ ਅਤੇ ਸਿੱਖ ਧਰਮ 1976 ਵਿਚ ਦੁਬਈ ਪਹੁੰਚ ਕੇ ਗ੍ਰਹਿਣ ਕੀਤਾ। ਹੁਣ ਉਹ ਵਿਦੇਸ਼ ’ਚ ਸਿੱਖ ਬੱਚਿਆਂ ਨੂੰ ਆਪਣੀਆਂ ਧਾਰਮਿਕ ਤੇ ਸਭਿਆਚਾਰਕ ਰਹੁ-ਰੀਤਾਂ ਨਾਲ ਜੋਡ਼ਨ ਲਈ ਬਹੁਤ ਉਤਸੁਕ ਹਨ। ਉਨ੍ਹਾਂ ਕਿਹਾ ‘‘ਉਹ ਢੁਕਵਾਂ ਸਬਕ ਲਏ ਬਗੈਰ ਇਹ ਸਿੱਖ ਨਹੀਂ ਸਕਦੇ। ਵਿਜੈਵਾਡ਼ਾ ਵਿਚ ਮੈਨੂੰ ਪੰਜਾਬੀ ਪਡ਼੍ਹਾਉਣ ਵਾਲਾ ਕੋਈ ਨਹੀਂ ਸੀ। ਮਦਰਾਸ ’ਚ ਲੋਯੋਲਾ ਕਾਲਜ ’ਚ ਪਡ਼੍ਹਦਿਆਂ ਮੈਂ ਹਰ ਐਤਵਾਰ ਚਰਚ ਜਾਇਆ ਕਰਦਾ ਸਾਂ। ਸਿੱਖੀ ਅਤੇ ਪੰਜਾਬੀ ਪ੍ਰਤੀ ਮੈਂ ਦੁਬਈ ਆਉਣ ਤੋਂ ਬਾਅਦ ਆਕਰਸ਼ਿਤ ਹੋਇਆ।’’
ਗੁਰਦੁਆਰੇ ਦੀ ਉਸਾਰੀ ਲਈ ਪਹਿਲਾਂ ਉਨ੍ਹਾਂ ਨੂੰ ਦੋਸਤਾਂ ਮਿੱਤਰਾਂ ਤੋਂ ਉਧਾਰ ਵੀ ਲੈਣਾ ਪਿਆ ਪਰ ਹੌਲੀ-ਹੌਲੀ ਇੰਨਾ ਚੰਦਾ ਇਕੱਠਾ ਹੋਣ ਲੱਗ ਪਿਆ ਕਿ ਉਹ ਦੰਗ ਰਹਿ ਗਏ। ਹੁਣ ਉਨ੍ਹਾਂ ਇਸ ਧਨ ਦੀ ਵਰਤੋਂ ਲਈ ਹੋਰ ਯੋਜਨਾਵਾਂ ਬਣਾਈਆਂ ਹਨ। ‘‘ਮੈਂ ਗਰੀਬਾਂ ਲਈ ਇਕ ਹਸਪਤਾਲ ਉਸਾਰਨਾ ਚਾਹੁੰਦਾ ਹਾਂ। ਦੁਬਈ ਵਿਚ ਮੈਡੀਕਲ ਸਹੂਲਤਾਂ ਬਹੁਤ ਮਹਿੰਗੀਆਂ ਹਨ। ਕੈਂਪਾਂ ’ਚ ਰਹਿੰਦੇ ਕਾਮੇ ਮਹਿੰਗੇ ਭਾਅ ਇਲਾਜ ਨਹੀਂ ਕਰਾ ਪਾਉਂਦੇ।’’ ਗੁਰਦੁਆਰੇ ਵਿਚ ਅਮਰੀਕਾ, ਬਰਤਾਨੀਆ, ਫਰਾਂਸ ਅਤੇ ਕੈਨੇਡਾ ਆਦਿ ਦੇਸ਼ਾਂ ਤੋਂ ਸ਼ਰਧਾਲੂ ਤੇ ਸੈਲਾਨੀ ਆਉਂਦੇ ਹਨ ਅਤੇ ਉਹ ਇਕ ਇਸਲਾਮੀ ਸਰਜ਼ਮੀਨ ’ਤੇ ਇਕ ਬੇਮਿਸਾਲ ਤੇ ਆਧੁਨਿਕ ਗੁਰਦੁਆਰਾ ਦੇਖ ਕੇ ਦੰਗ ਹੋ ਜਾਂਦੇ ਹਨ।
-ਆਈ.ਏ.ਐਨ.ਐਸ.   (ਰੋਜ਼ਾਨਾ ਪੰਜਾਬੀ ਟ੍ਰਿਬਿਊਨ ਚੋਂ ਧ੍ਨ੍ਨ੍ਵਾਫ਼ ਸਹਿਤ)