ਸ਼ਰੋਮਣੀ ਖਾਲਸਾ ਪੰਚਾਇਤ ਨੇ ਫਿਰ ਫਰੋਲੀ ਬਾਦਲਕਿਆਂ ਦੀ ਜਨਮਕੁੰਡਲੀ

ਕਾਮਰੇਡ ਸੱਤਪਾਲ ਡਾਂਗ ਨੇ ਵੀ ਉਠਾਇਆ ਸੀ ਝੂਠੇ ਮੁਕਾਬਲਿਆਂ ਦਾ ਸੁਆਲ 

ਲੁਧਿਆਣਾ: 28 ਅਗਸਤ 2018: (ਪੰਜਾਬ ਸਕਰੀਨ ਬਿਊਰੋ):: 

ਚਰਨਜੀਤ ਸਿੰਘ ਚੰਨੀ 

ਵਿਕਾਸ ਦੇ ਲੰਮੇ ਚੋੜੇ ਦਾਅਵਿਆਂ ਦੇ ਬਾਵਜੂਦ ਆਜ਼ਾਦੀ ਆਉਣ ਮਗਰੋ ਆਮ ਵਿਅਕਤੀ ਦੀ ਜ਼ਿੰਦਗੀ ਦਿਨ-ਬ-ਦਿਨ ਮੁਸ਼ਕਿਲ ਹੁੰਦੀ ਗਈ ਹੈ। ਪੈਸੇ ਦੀ ਦੌੜ ਵਧੀ ਹੈ ਅਤੇ ਇਸਦੇ ਨਾਲ ਹੀ ਵਧੀ ਹੈ ਸਵਾਰਥ ਦੀ ਭਾਵਨਾ। ਬਾਪ ਬੜਾ ਨ ਭਈਆ-ਸਬਸੇ ਬੜਾ ਰੁਪਈਆ ਵਾਲੀ ਭਾਵਨਾ ਨੇ ਹਰ ਵਿਅਕਤੀ ਨੂੰ ਆਪਣੀ ਜਕੜ ਵਿੱਚ ਲੈ ਲਿਆ। ਬਹੁਤ ਸਾਰੇ ਹੋਰਨਾਂ ਖੇਤਰਾਂ ਵਾਂਗ ਸਿਆਸਤ ਵੀ ਇੱਕ ਸਨਅਤ ਬਣ ਗਈ। ਲੋਕ ਸਿਆਸਤ ਵਿੱਚ ਪੈਸੇ ਕਮਾਉਣ ਲਈ ਆਉਂਦੇ ਅਤੇ ਬੁਢਾਪਾ ਆਉਂਦਿਆਂ ਆਉਂਦਿਆਂ ਆਪਣੀ ਔਲਾਦ ਨੂੰ ਤੀਕ ਦੁਆ ਕੇ ਕੁਝ ਬਣਾਉਣਾ ਆਪਣਾ ਜਨਮ ਸਿੱਧ ਅਧਿਕਾਰ ਸਮਝਦੇ। ਕੁਰੱਪਸ਼ਨ ਅਤੇ ਸਿਧਾਂਤਹੀਣ ਸਿਆਸਤ ਦੀ ਗੱਲ ਕਰੀਏ ਤਾਂ ਨਾਵਾਂ ਦੀ ਲਿਸਟ ਬਹੁਤ ਲੰਮੀ ਹੋ ਸਕਦੀ ਹੈ। ਹਿਸਾਬ ਏਕ ਸੇ ਬੜ ਕਰ ਏਕ  ਵਾਲਾ ਹੈ। ਜਿਥੋਂ  ਤੱਕ ਪੰਜਾਬ ਦਾ ਸੰਬੰਧ ਹੈ ਉਸ ਬਾਰੇ ਸ਼ਰੋਮਣੀ ਖਾਲਸਾ ਪੰਚਾਇਤ ਨੇ ਬਾਦਲਕਿਆਂ ਨੂੰ ਲੰਮੇ ਹੱਥੀਂ ਲਿਆ ਹੈ। ਇਸ ਸੰਗਠਨ ਦੇ ਸੁਪ੍ਰੀਮੋ ਚਰਨਜੀਤ ਸਿੰਘ ਚੰਨੀ ਨੇ ਹਾਲ ਹੀ ਵਿੱਚ ਇੱਕ ਵਟਸਐਪ ਸੁਨੇਹੇ ਰਾਹੀਂ ਕਿਹਾ ਹੈ ਕਿ  ਜਾਂਚ ਕਮਿਸ਼ਨਾਂ  ਦੇ ਮਾਮਲੇ ਵਿਚ ਬਾਦਲਕਿਆਂ ਨੇ 40 ਸਾਲ ਬਾਅਦ ਫਿਰ ਬੇ ਸ਼ਰਮੀ ਦੀ ਸਿਖਰ ਨੂੰ ਛੂਹਿਆ ਹੈ। ਜਦੋਂ ਕੁਝ ਸਾਲ ਪਹਿਲਾਂ ਨੂਰਮਹਿਲੀਆਂ ਅਤੇ ਸਿੱਖ ਪੰਥ ਦਰਮਿਆਨ ਮਲੋਟ ਵਿਖੇ ਟਕਰਾਓ ਹੋਇਆ ਸੀ ਤਾਂ ਸਰਦਾਰ ਚੰਨੀ ਨੂੰ ਤਿੰਨ ਗੋਲੀਆਂ ਲੱਗੀਆਂ ਸਨ। ਇਸਦੇ ਬਾਵਜੂਦ ਨਾ ਕਦੇ ਰਸਤਾ ਬਦਲਿਆ ਅਤੇ ਨਾ ਹੀ ਕਦੇ ਪਿਛੇ ਮੁੜ ਕੇ ਦੇਖਿਆ। ਸਰਦਾਰ ਚੰਨੀ ਨੇ ਕਿਹਾ ਕਿ ਖਾਲਸਾ ਪੰਥ ਦੀ ਜਾਣਕਾਰੀ ਹਿਤ ਮੈ ਦਸ ਦੇਣਾ ਚਾਹੁੰਦਾ ਕਿ ਇਹ ਪਹਿਲੀ ਵਾਰ ਨਹੀ ਕਿ ਬਾਦਲਕਿਆਂ ਨੇ ਕਿਸੇ ਕਮਿਸ਼ਨ ਦੀ ਆਪਣੇ ਵਿਰੁਧ ਆਈ ਰਿਪੋਰਟ ਨੂੰ ਰਦ ਕੀਤਾ ਹੋਵੇ। 

ਉਹਨਾਂ ਯਾਦ ਦੁਆਇਆ ਕਿ 1970-71 ਦੀ ਸਰਕਾਰ ਸਮੇਂ ਬਾਦਲ ਦੇ ਹੀ ਇਕ ਮੰਤਰੀ ਤਿਰਲੋਚਨ ਸਿੰਘ ਰਿਆਸਤੀ ਨੇ ਬਾਦਲ ਉੱਪਰ ਅਧਿਆਪਕਾਂ ਦੀ ਭਰਤੀ ਰਿਸ਼ਵਤ ਲੈ ਕੇ ਕਰਨ ਦਾ ਦੋਸ਼ ਲਾ ਦਿਤਾ। ਮੁੱਖ ਮੰਤਰੀ ਉਪਰ ਲਗੇ ਦੋਸ਼ਾਂ ਦੀ ਜਾਚ ਲਈ ਮਿਸ਼ਟਰ ਛੰਗਾਨੀ ਕਮਿਸ਼ਨ ਨਿਯੁਕਤ ਕੀਤਾ ਗਿਆ ਜਿਸ ਨੇ ਆਪਣੀ ਜਾਂਚ ਰਿਪੋਰਟ ਵਿਚ ਬਾਦਲ ਸਮੇਤ ਅਠ ਮੰਤਰੀਆਂ ਨੂੰ ਦੋਸ਼ੀ ਕਰਾਰ ਦੇ ਦਿਤਾ ਲੇਕਿਨ ਬਾਦਲ ਨੇ ਆਪਣੇ ਬਿਠਾਏ ਕਮਿਸ਼ਨ ਦੀ ਰਿਪੋਰਟ ਨੂੰ ਵੀ ਰਦ ਕਰ ਦਿਤਾ। 

          ਇਸੇ ਸਮੇ ਦੋਰਾਨ ਬਾਦਲ ਨੇ ਪੰਜਾਬ ਚ ਝੂਠੇ ਪੁਲਿਸ ਮੁਕਾਬਲਿਆਂ ਦੀ ਸ਼ੁਰੂਆਤ ਕਰਦੇ ਹੋਏ 38 ਸਿੱਖ ਨੋਜਵਾਨ, ਬੁੱਢੇ ਤੇ ਬੱਚਿਆਂ ਨੂੰ ਮਾਰ ਦਿਤਾ। 

       ਇਹਨਾਂ ਕਤਲਾਂ ਦੀ ਇਨਕੁਆਰੀ ਲਈ ਇਕ ਪੰਜ ਮੈਂਬਰੀ ਕਮਿਸ਼ਨ ਜਸਟਿਸ ਤਾਰਕੁੰਡੇ ਦੀ ਰਹਿਨੁਮਾਈ ਹੇਠ ਬਣਾਇਆ ਗਿਆ। 

1ਕੁਲਦੀਪ ਨਈਅਰ

2 ਦਾਰਾ ਸਿੰਘ ਸੀਨੀਅਰ ਐਡਵੋਕੇਟ ਹਾਈਕੋਰਟ

3 ਸ਼੍ਰੀ ਰੋਸ਼ਨ ਲਾਲ ਬਤਾ

4 ਸ਼੍ਰੀ ਅਰੁਣ ਸ਼ੋਰੀ

5 ਸ਼੍ਰੀ ਅਸ਼ੋਕ ਪਾਂਡਾ ਸੁਪਰੀਮ ਕੋਰਟ

ਇਸ ਤਾਰਕੁੰਡੇ ਕਮਿਸ਼ਨ ਦੇ ਮੈਂਬਰ ਸਨ। ਇਸ ਕਮਿਸ਼ਨ ਦੇ ਸਾਰੇ ਮੈਬਰਾਂ ਨੇ ਇਕ ਮਤ ਹੋ ਕਿ ਕਿਹਾ ਕਿ ਇਹ ਪੁਲਿਸ ਮੁਕਾਬਲਿਆਂ ਦੀ ਥਾਂ ਕਤਲ ਹਨ।  ਇਸ ਰਿਪੋਰਟ ਨੂੰ 1978 ਦੀ ਵਿਧਾਨ ਸਭਾ ਵਿਚ ਵੀ ਰਖਿਆ ਗਿਆ ਸੀ। 

         ਕਾਮਰੇਡ ਸਤਪਾਲ ਡਾਂਗ ਨੇ ਪ੍ਰਸ਼ਨ ਕਾਲ ਦੋਰਾਨ ਇਹਨਾਂ ਝੂਠੇ ਮੁਕਾਬਲਿਆਂ ਬਾਰੇ ਆਈ ਰਿਪੋਰਟ ਤੇ ਮੁਖ ਮੰਤਰੀ ਬਾਦਲ ਨੂੰ ਜਵਾਬ ਦੇਣ ਲਈ ਮਜਬੂਰ ਕੀਤਾ ਤਾਂ ਬਾਦਲ ਨੇ ਬੇਸ਼ਰਮੀ ਦੇ ਸਭ ਹਦ ਬੰਨੇ ਪਾਰ ਕਰਦੇ ਹੋਏ ਜਵਾਬ ਦਿਤਾ ਕਿ ਅਸੀ ਜੋ ਕੀਤਾ ਗੌਰਮਿੰਟ ਆਫ ਇੰਡੀਆ ਦੇ ਕਹਿਣ ਤੇ ਕੀਤਾ ਤੇ ਠੀਕ ਕੀਤਾ

      1984 ਤੋਂ ਲੈ ਕੇ 1994 ਤਕ ਸਿੱਖ ਜਵਾਨੀ ਦੇ ਘਾਣ ਦੀ ਜਾਂਚ ਕਰਨ ਲਈ ਜਸਟਿਸ ਕੁਲਦੀਪ ਸਿੰਘ ਨੇ ਇਕ ਪੀਪਲ ਕਮਿਸ਼ਨ ਬਣਾਇਆ ਸੀ ਜਿਸ ਦੀ ਜਿੰਮੇਵਾਰੀ ਲਾਈ ਗਈ ਸੀ ਕਿ ਕਿਹੜੇ ਕਿਹੜੇ ਅਫਸਰਾਂ ਨੇ ਸਿਖ ਜਵਾਨੀ ਦਾ ਘਾਣ ਕੀਤਾ। ਉਸ ਕਮਿਸ਼ਨ ਵਿਰੁਧ ਬਾਦਲ ਨੇ ਹਾਈ ਕੋਰਟ ਵਿਚ ਪਟੀਸ਼ਨ ਪਾ ਕੇ ਪਾਬੰਦੀ ਲਵਾ ਦਿਤੀ ਸੀ। 

       ਹੁਣ ਮੌਜੂਦਾ ਸਮੇਂ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਬੇਅਦਬੀ ਦੇ ਦੋਸ਼ੀ ਲਭਣ ਲਈ ਤੇ ਰੋਸ ਧਰਨੇ ਤੇ ਬੈਠੀ ਸੰਗਤ ਉਤੇ ਗੋਲੀਆਂ ਚਲਾਉਣ ਤੇ ਚਲਵਾਉਣ ਵਾਲਿਆਂ ਦੀ ਪਛਾਣ ਕਰਨ ਲਈ ਜਸਟਿਸ ਰਣਜੀਤ ਸਿੰਘ ਕਮਿਸ਼ਨ ਬਣਾਇਆ ਗਿਆ ਸੀ। ਕਮਿਸ਼ਨ ਨੇ ਡੂੰਘੀ ਜਾਚ ਪੜਤਾਲ ਕਰਕੇ ਰਿਪੋਰਟ ਸਰਕਾਰ ਨੂੰ ਪੇਸ਼ ਕਰ ਦਿਤੀ ਹੈ। 

           ਚੌਰ ਕੀ ਦਾੜੀ ਮੇਂ ਤਿਣਕਾ ਦੀ ਕਹਾਵਤ ਵਾਂਗ ਬਾਦਲਕਿਆਂ ਨੂੰ ਭਾਜੜਾਂ ਪਈਆਂ ਹੋਈਆਂ ਹਨ ਤੇ ਬਾਦਲਕੇ ਕਈ ਤਰਾਂ ਦੇ ਹੱਥਕੰਡੇ ਅਪਨਾ ਰਹੇ ਹਨ। 

          ਹੁਣ ਬਾਦਲਕਿਆਂ ਨੇ 40 ਸਾਲ ਬਾਅਦ ਬੇਸ਼ਰਮੀ ਦੀ ਸਿਖਰ ਤੇ ਪਹੁੰਚ ਕੇ ਆਪਣੇ ਵਿਰੁਧ ਆਈ ਕਮਿਸ਼ਨ ਦੀ ਰਿਪੋਰਟ ਨੂੰ ਸ਼੍ਰੋਮਣੀ ਕਮੇਟੀ ਦਾ ਮੋਢਾ ਵਰਤ ਕੇ ਰਦ ਕਰ ਦਿਤਾ ਹੈ। 

      ਲੇਕਿਨ ਸਿਖ ਸੰਗਤਾਂ ਵਿਧਾਨ ਸਭਾ ਚ ਪੇਸ਼ ਹੋ ਰਹੀ ਰਿਪੋਰਟ ਦੇ ਫੈਸਲੇ ਦੀ ਉਡੀਕ ਕਰ ਰਹੀਆ ਹਨ ਅਤੇ ਵਿਦੇਸ਼ਾਂ ਚ ਹੋ ਰਹੀ ਬਾਦਲਕਿਆਂ ਦੀ ਛਿੱਤਰ ਪਰੇਡ ਨੂੰ ਪੰਜਾਬ ਚ ਸ਼ੁਰੂ ਕਰਨ ਦੀ ਤਿਆਰੀ 'ਚ ਵੀ ਹਨ। 

ਜੇ ਪੰਜਾਬ ਵਿੱਚ ਇਹ ਰੁਝਾਣ ਸ਼ੁਰੂ ਹੁੰਦਾ ਹੈ ਤਾਂ ਅੰਦਾਜ਼ਾ ਲਾਉਣਾ ਸੌਖਾ ਨਹੀਂ ਕਿ ਪੰਜਾਬ ਦੇ ਹਾਲਤ ਕੀ ਕਰਵਟ ਲੈ ਸਕਦੇ ਹਨ। 

(SSM//WA//PSP)