ਹੇਮ ਜਿਓਤੀ ਸਮਾਗਮ ਨੇ ਯਾਦ ਕਰਾਇਆ ਲੋਕ ਪੱਖੀ ਪੱਤਰਕਾਰੀ ਦਾ ਸੁਨਹਿਰਾ ਸਮਾਂ

ਮੁੱਖ ਬੁਲਾਰੇ ਹਿਮਾਂਸ਼ੂ ਕੁਮਾਰ ਨੇ ਦਿੱਤਾ ਲੋਕ ਸੰਗਰਾਮਾਂ ਦੀ ਲੋੜ ਤੇ ਜ਼ੋਰ 

ਨਾਮਵਰ ਨਾਵਲਕਾਰ ਓਮ ਪ੍ਰਕਾਸ਼ ਗਾਸੋ ਦਾ ਕੀਤਾ ਸਨਮਾਨ 

ਲੁਧਿਆਣਾ: 30  ਜੁਲਾਈ 2017: (ਪ੍ਰਦੀਪ ਸ਼ਰਮਾ ਇਪਟਾ//ਸਤੀਸ਼ ਸਚਦੇਵਾ//ਪੰਜਾਬ ਸਕਰੀਨ)::  

ਅੱਜ ਦੀ ਪੱਤਰਕਾਰੀ ਤਕਨੀਕੀ ਪੱਖੋਂ ਬਹੁਤ ਵਿਕਸਿਤ ਹੈ। ਰੰਗੀਨ ਛਪਾਈ ਵਾਲੇ ਪਰਚੇ ਬੜੀ ਤੇਜ਼ ਰਫਤਾਰ ਪ੍ਰਿੰਟਿੰਗ ਪ੍ਰੈਸ ਵਿੱਚ ਗਿਣ ਕੇ ਬਾਹਰ ਨਿਕਲਦੇ ਹਨ। ਅੱਜ ਦੀ ਪੱਤਰਕਾਰੀ ਵਿੱਚ ਕਵਰੇਜ, ਪਹੁੰਚ ਅਤੇ ਨੈਟਵਰਕ ਵੀ ਕਮਾਲ ਦਾ ਹੈ ਪਰ ਪੰਜਾਬੀ ਵਿੱਚ ਹੁਣ ਸ਼ਾਇਦ ਕੋਈ ਅਜਿਹਾ ਪਰਚਾ ਨਹੀਂ ਰਿਹਾ ਜਿਸਦੀ ਬੇਸਬਰੀ ਨਾਲ ਉਡੀਕ ਹੁੰਦੀ ਹੋਵੇ। ਪਾਠਕ ਮੁੜ ਮੁੜ ਸਟਾਲਾਂ ਤੇ ਜਾ ਕੇ ਦੇਖਣ ਕਿ ਹੁਣ ਨਵਾਂ ਅੰਕ ਆਇਆ ਹੈ ਜਾਂ ਨਹੀਂ? ਪਰ ਹੇਮ ਜਿਓਤੀ ਦੇ ਦੌਰ ਵਿੱਚ ਅਜਿਹਾ ਹਰ ਮਹੀਨੇ ਹੁੰਦਾ ਸੀ। ਅਤਰਜੀਤ ਹੁਰਾਂ ਨੇ ਅੱਜ ਦੇ ਸਮਾਗਮ ਵਿੱਚ ਉਸ ਦੌਰ ਵਾਲੀ ਲੋਕ ਪੱਖੀ ਪਤੱਰਕਾਰੀ ਦੀ ਯਾਦ ਤਾਜ਼ਾ ਕਰਾਉਂਦਿਆਂ ਰੋਹਲੇ ਬਾਣ ਅਤੇ ਸਿਆੜ ਵਰਗੇ ਕਿ ਹੋਰ ਖਾਸ ਪਰਚਿਆਂ ਦਾ ਵੀ ਜ਼ਿਕਰ ਕੀਤਾ। 
Click here to see more pics on facebook

    ਸੱਤਰਵਿਆਂ ਦੇ ਦੌਰ "ਚ ਸਾਹਿਤਕ ਅੰਬਰ ਦੇ ਧਰੂ ਤਾਰੇ ਸੁਰਿੰਦਰ 'ਹੇਮ ਜਯੋਤੀ' ਦੀ ਯਾਦ 'ਚ ਪੰਜਾਬ ਲੋਕ ਸੱਭਿਆਚਾਰ ਮੰਚ ( ਪਲਸ ਮੰਚ) ਵਲੋਂ ਅੱਜ ਪੰਜਾਬੀ ਸਾਹਿਤ ਅਕਾਦਮੀ ਲੁਧਿਆਣਾ ਦੇ ਸਹਿਯੋਗ  ਨਾਲ ਯਾਦਗਾਰੀ ਸੂਬਾਈ ਸਾਹਿਤਕ ਸਮਾਗਮ, ਪੰਜਾਬੀ ਭਵਨ ਲੁਧਿਆਣਾ ਵਿਖੇ ਕੀਤਾ ਗਿਆ।  ਇਹ ਅਹਿਸਾਸ ਅੱਜ ਉਸੇ ਸਮਾਗਮ ਦੌਰਾਨ ਮਹਿਸੂਸ ਹੋਏ। 

     ਪ੍ਰੋਫੈਸਰ ਅਜਮੇਰ ਔਲਖ ਦੇ ਜੀਵਨ ਸਾਥਣ ਮਨਜੀਤ ਕੌਰ ਔਲਖ, ਪੰਜਾਬੀ ਸਾਹਿਤ ਅਕਾਦਮੀ ਦੇ ਪ੍ਰਤੀਨਿਧ ਡਾਕਟਰ ਗੁਲਜ਼ਾਰ ਸਿੰਘ ਪੰਧੇਰ, ਪੰਜਾਬ ਲੋਕ ਸੱਭਿਆਚਾਰ ਮੰਚ ਦੇ ਪ੍ਰਧਾਨ ਅਮੋਲਕ ਸਿੰਘ ਦੀ ਪ੍ਰਧਾਨਗੀ  ਵਿੱਚ ਹੋਏ ਇਸ ਸਮਾਗਮ  ਵਿੱਚ ਮੁੱਖ ਵਕਤਾ ਹਿਮਾਂਸ਼ੂ ਕੁਮਾਰ ਅਤੇ ਸਨਮਾਨਿਤ ਕੀਤੀ ਜਾਣ ਵਾਲੀ ਸ਼ਖਸੀਅਤ ਨਾਮਵਰ ਨਾਵਲਕਾਰ ਓਮ ਪ੍ਰਕਾਸ਼ ਗਾਸੋ ਮੰਚ ਤੇ ਸਸ਼ੋਬਤ ਸਨ।  Click here to see more pics on facebook

   ਪ੍ਰੋਫੈਸਰ ਅਜਮੇਰ ਸਿੰਘ ਔਲਖ, ਕਵੀ ਇਕਬਾਲ ਰਾਮੂੰਵਾਲੀਆ ਅਤੇ ਪ੍ਰਸਿੱਧ ਵਿਗਿਆਨੀ ਯਸ਼ਪਾਲ ਨੂੰ ਪੰਡਾਲ ਵਲੋਂ ਖੜ੍ਹੇ ਹੋ ਕੇ ਸ਼ਰਧਾਂਜਲੀ ਦੇਣ ਨਾਲ ਸਮਾਗਮ ਦਾ ਆਰੰਭ ਹੋਇਆ। ਉੱਘੇ ਕਹਾਣੀਕਾਰ  ਅਤਰਜੀਤ ਨੇ ਸੁਰੇਂਦਰ 'ਹੇਮਜਯੋਤੀ' ਸਬੰਧੀ ਦਿਲ ਨੂੰ ਛੂਹਣ ਵਾਲੇ ਵਿਚਾਰ ਰੱਖੇ।

  ਸਮਾਗਮ ਦੇ ਮੁੱਖ ਬੁਲਾਰੇ ਹਿਮਾਂਸ਼ੂ ਕੁਮਾਰ ਨੇ ਆਪਣਾ ਭਾਸ਼ਣ ਵਿੰਅਗਆਤਮਿਕ ਕਵਿਤਾ ਨਾਲ ਸ਼ੁਰੂ ਕੀਤਾ। ਉਹਨਾਂ  ਨੇ ਲੋਕ ਸਾਹਿਤ  ਦੀ ਸਿਰਜਣਾ ਤੋਂ ਵਰਜਿਤ ਕਰਦੀਆਂ ਕਰਦੀਆਂ ਸ਼ਕਤੀਆਂ ਦੇ ਇਰਾਦਿਆਂ ਦਾ ਪਰਦਾਫਾਸ਼ ਕੀਤਾ।

ਹਿਮਾਂਸ਼ੂ ਕੁਮਾਰ ਨੇ ਕਿਹਾ ਕਿ ਦੇਸ਼ ਵਾਸੀਆਂ ਨੂੰ ਕਾਲਪਨਿਕ  ਅਤੀਤ ਵੱਲ ਲਿਜਾਣ ਦੇ ਨਾਂਅ ਹੇਠ ਉਹਨਾਂ ਕੋਲੋਂ ਉਹਨਾਂ ਦਾ ਵਰਤਮਾਨ ਅਤੇ ਭਵਿੱਖ ਖੋਹ ਲਿਆ ਜਾਂਦਾ ਹੈ।
Click here to see more pics on facebook

 ਉਹਨਾਂ ਕਿਹਾ ਕਿ ਹੱਦਾਂ, ਸਰਹੱਦਾਂ, ਧਰਮ, ਜਾਤੀ, ਫਿਰਕਿਆਂ ਦੇ ਨਾਂ ਤੇ ਦਬਾਉਣ, ਨਸਲਘਾਤ ਕਰਣ ਦੇ ਫਾਸ਼ੀ ਹੱਲਿਆਂ ਦਾ ਅਸਲ ਮਨੋਰਥ ਲੋਕਾਂ ਦੀ ਲੁੱਟ-ਖਸੁੱਟ ਜਾਰੀ ਰੱਖਣਾ ਅਤੇ ਲੋਕਾਂ ਦੀ ਮੁਕਤੀ ਦੇ ਕਾਜ਼ ਨੂੰ ਚੌਤਰਫੀ ਸੱਟ ਮਾਰਨਾ ਹੈ।

 ਉਹਨਾਂ ਖਬਰਦਾਰ ਕੀਤਾ ਕਿ ਸਾਡੇ ਦੇਸ਼ ਨੂੰ ਜਿਸ ਦਿਸ਼ਾ ਵੱਲ ਖਿੱਚਿਆ ਜਾ ਰਿਹਾ ਹੈ ਇਹ ਹਿਟਲਰ ਦੇ ਫਾਸ਼ੀ ਦੌਰ ਦਾ ਘਿਨੌਣਾ ਵਰਤਾਰਾ ਸਾਡੀ ਧਰਤੀ ਤੇ ਵਰਤਾਇਆ ਜਾ ਸਕਦਾ ਹੈ। ਉਹਨਾਂ ਨੇ  ਆਰ ਐਸ ਐਸ ਦੀ ਭੂਮਿਕਾ ਕਿੰਵੇਂ ਆਜ਼ਾਦੀ  ਸੰਗਰਾਮ ਵਿੱਚ ਨਾਂਹ ਵਾਚਕ ਰਹੀ ਹੈ, ਇਸਦੀ ਤੱਥਾਂ ਸਹਿਤ ਤਸਵੀਰ ਖਿੱਚੀ।

  ਹਿਮਾਂਸ਼ੂ ਕੁਮਾਰ ਨੇ ਕਿਹਾ ਕਿ ਜਿੰਵੇਂ ਭਾਜਪਾ, ਆਰ ਐਸ ਐਸ ਯੋਜਨਾਬੱਧ  ਤਰੀਕੇ ਨਾਲ ਧਰਮ, ਜਾਤੀ, ਫਿਰਕੇ ਦੇ  ਆਧਾਰ ਤੇ ਮੁਲਕ ਅੰਦਰ ਭਰਾ ਮਾਰ ਲੜਾਈ ਲਈ ਕੋਝੇ ਯਤਨ ਕਰ ਰਹੀ ਹੈ ਇਸ ਨੂੰ ਲੱਕ ਤੋੜਵੀਂ ਹਾਰ ਦੇਣ ਲਈ ਵਿਗਿਆਨਕ, ਚੇਤਨ ਲੋਕ ਲਹਿਰ ਉਸਾਰਨ ਦੀ ਲੋੜ ਹੈ।

    ਪਲਸ ਮੰਚ ਦੇ ਵਿੱਤ ਸਕੱਤਰ ਕਸਤੂਰੀ ਲਾਲ ਨੇ ਮਤੇ ਅਤੇ ਵਿਸ਼ੇਸ਼ ਅਪੀਲ ਮੰਚ ਤੋਂ ਪੜ੍ਹੀ, ਜਿਸਨੂੰ ਹੱਥ ਖੜ੍ਹੇ ਕਰਕੇ ਪਾਸ ਕੀਤਾ ਗਿਆ। Click here to see more pics on facebook

ਮਤਿਆਂ "ਚ ਧਾਰਾ 295 ਏ ਵਾਪਿਸ ਲੈਣ, ਬਲਦੇਵ ਸੜਕਨਾਮਾ ਦੇ ਨਾਵਲ ਸੂਰਜ ਦੀ ਅੱਖ ਬਾਰੇ ਵਾ ਵੇਲਾ ਖੜ੍ਹਾ ਕਰਕੇ ਧਮਕੀਆਂ ਦੇਣ,  ਸਿਲੇਬਸ ਵਿਚੋਂ ਪਾਸ਼ ਦੀ ਕਵਿਤਾ " ਸੱਭ ਤੋਂ ਖਤਰਨਾਕ", ਰਾਬਿੰਦਰ ਨਾਥ ਟੈਗੋਰ, ਹੂਸੈਨ ਦੀਆਂ ਪੇਂਟਿੰਗਜ ਆਦਿ  ਬਾਹਰ ਕਰਨ ਦੇ ਯਤਨਾਂ ਦਾ ਜੋਰਦਾਰ ਵਿਰੋਧ ਕੀਤਾ ਗਿਆ। ਕਵੀ ਸੁਰਜੀਤ ਗੱਗ ਨੂੰ ਜੇਲ੍ਹ ਸੁੱਟਣ ਦਾ ਵਿਰੋਧ ਕਰਦਿਆਂ ਬਿਨਾਂ ਸ਼ਰਤ ਰਿਹਾ ਕਰਨ ਦੀ ਮੰਗ ਵੀ ਕੀਤੀ ਗਈ।

  ਪਲਸ ਮੰਚ ਨੇ ਵਿਸ਼ੇਸ਼ ਮਤੇ ਰਾਂਹੀ ਸਮੂਹ ਲੇਖਕ ਤਰਕਸ਼ੀਲ, ਜਮਹੂਰੀ ਅਤੇ ਲੋਕ ਜਥੇਬੰਦੀਆਂ ਨੂੰ ਫਿਰਕੂ ਫਾਸ਼ੀ ਹੱਲੇ ਖਿਲਾਫ ਇੱਕਜੁੱਟ ਹੋ ਕੇ ਲੋਕ ਸੰਗਰਾਮ ਦਾ ਸੱਦਾ ਦਿੱਤਾ।
Click here to see more pics on facebook

ਪ੍ਰਤੀਬੱਧਤ  ਨਾਵਲਕਾਰ ਓਮ ਪ੍ਰਕਾਸ਼ ਗਾਸੋ ਦਾ ਸਨਮਾਨ ਕੀਤਾ ਗਿਆ, ਇਸ ਮੌਕੇ ਬੋਲਦਿਆਂ ਗਾਸੋ ਨੇ ਕਿਹਾ ਇਹ ਸਨਮਾਨ ਮੇਰੀ ਜ਼ਿੰਦਗੀ ਅਤੇ ਕਲਮ ਲਈ ਮਾਣਮੱਤਾ ਹੈ। ਇਹ ਮੇਰੇ ਸਿਰ ਹੋਰ ਵੀ ਜ਼ਿੰਮੇਵਾਰੀਆਂ ਆਇਦ ਕਰਦਾ ਹੈ। ਉਹਨਾਂ ਦੇ ਸਨਮਾਨ ਸਮੇਂ ਪ੍ਰਧਾਨਗੀ ਮੰਡਲ ਤੋਂ ਇਲਾਵਾ ਪਲਸ ਮੰਚ ਦੇ ਮੀਤ ਪ੍ਰਧਾਨ ਹੰਸਾ ਸਿੰਘ, ਵਿੱਤ ਸਕੱਤਰ ਕਸਤੂਰੀ ਲਾਲ, ਸਹਾਇਕ ਸਕੱਤਰ ਰਾਮ ਕੁਮਾਰ, ਸੂਬਾ ਕਮੇਟੀ ਮੈਂਬਰ ਹਰਵਿੰਦਰ ਦੀਵਾਨਾ, ਅਤੇ ਗੁਰਪ੍ਰੀਤ ਹਾਜ਼ਰ ਸਨ।

  ਲੋਕ ਸੰਗਤ ਮੰਡਲੀ ਭਦੌੜ ਅਤੇ ਇਨਕਲਾਬੀ ਕਵੀਸ਼ਰੀ ਜੱਥਾ ਰਸੂਲਪੁਰ ਨੇ ਗੀਤ ਪੇਸ਼ ਕੀਤੇ।

  ਪਲਸ ਮੰਚ ਦੇ ਪ੍ਰਧਾਨ ਅਮੋਲਕ ਸਿੰਘ ਨੇ ਧੰਨਵਾਦ ਦੇ ਸ਼ਬਦ ਕਹੇ ਅਤੇ ਜਨਰਲ ਸਕੱਤਰ ਕੰਵਲਜੀਤ ਖੰਨਾ ਨੇ ਮੰਚ ਸੰਚਾਲਕ ਦੀ ਭੂਮਿਕਾ ਅਦਾ ਕੀਤੀ।
Click here to see more pics on facebook