Tue, Aug 27, 2013 at 3:14 PM
ਕਾਂਗਰਸ ਸੇਵਾ ਦਲ ਲੁਧਿਆਣਾ ਨੇ ਕਰਾਇਆ ਹਵਨਯੱਗ:
ਲੁਧਿਆਣਾ 27 ਅਗਸਤ (ਵਿਸ਼ਾਲ/ਪੰਜਾਬ ਸਕਰੀਨ): ਕਾਂਗਰਸ ਸੇਵਾ ਦਲ ਲੁਧਿਆਣਾ ਸ਼ਹਿਰੀ ਦੇ ਪ੍ਰਧਾਨ ਨਿਰਮਲ ਕੈੜਾ ਦੀ ਅਗਵਾਈ ਹੇਠ ਦੁਰਗਾ ਮਾਤਾ ਮੰਦਿਰ, ਕਮਲਾ ਨਗਰ ਲੁਧਿਆਣਾ ਵਿਖੇ ਕੁਲ ਹਿੰਦ ਕਾਂਗਰਸ ਦੀ ਪ੍ਰਧਾਨ ਸ੍ਰੀਮਤੀ ਸੋਨੀਆਂ ਗਾਂਧੀ ਦੀ ਚੰਗੀ ਸਿਹਤ ਦੀ ਕਾਮਨਾ ਲਈ ਉਚੇਚੇ ਤੌਰ ਤੇ ਹਵਨ ਯੱਗ ਕਰਵਾਇਆ ਗਿਆ। ਇਸ ਸਮੇ ਉਹਨਾ ਦੇ ਨਾਲ ਗੁਰਮਾਨ ਸਿੰਘ ਕਲੇਰ ਕਨਵੀਨਰ ਪੰਜਾਬ, ਅਕਸ਼ੈ ਭਨੋਟ ਸਕੱਤਰ ਪੀ.ਪੀ.ਸੀ.ਸੀ, ਕਰਨੈਲ ਸਿੰਘ ਤਤਲਾ ਕਨਵੀਨਰ ਪੰਜਾਬ ਵਿਸੇਸ਼ ਤੌਰ ਤੇ ਹਾਜਰ ਹੋਏ।
ਇਸ ਮੌਕੇ ਸ੍ਰੀ ਕੈੜਾ ਨੇ ਕਿਹਾ ਕਿ ਸ੍ਰੀਮਤੀ ਸੋਨੀਆਂ ਗਾਂਧੀ ਜੀ ਨੂੰ ਤਿਆਗ ਦੀ ਮੂਰਤ ਦੇ ਨਾਮ ਨਾਲ ਜਾਣਿਆ ਜਾਦਾ ਹੈ ਅਤੇ ਜਦੋ ਸੋਨੀਆਂ ਗਾਂਧੀ ਦੀ ਸਿਹਤ ਅਚਾਨਕ ਖਰਾਬ ਹੋਣ ਦੀ ਖਬਰ ਸੁਣੀ ਤਾਂ ਕਾਂਗਰਸ ਪਾਰਟੀ ਵਿਚ ਮਾਯੂਸੀ ਦੀ ਲਹਿਰ ਛਾ ਗਈ। ਇਸ ਸਮੇ ਉਹਨਾਂ ਸ੍ਰੀਮਤੀ ਸੋਨੀਆ ਗਾਂਧੀ ਵਲੋ ਪਾਸ ਕੀਤੇ ਫੂਡ ਸਕਿਉਰਟੀ ਬਿੱਲ ਦੀ ਸਰਾਹਨਾ ਕਰਦਿਆ ਕਿਹਾ ਕਿ ਇਸ ਬਿੱਲ ਦੇ ਪਾਸ ਹੋਣ ਕਰਕੇ ਜੋ ਅਨਾਜ ਗੋਦਾਮਾਂ ਵਿਚ ਸੜ ਰਿਹਾ ਹੈ ਉਹ ਹੁਣ ਆਮ ਅਤੇ ਜਰੂਰਤਮੰਦ ਲੋਕਾਂ ਤੱਕ ਸਹੀ ਢੰਗ ਨਾਲ ਪਹੁੰਚਾਇਆ ਜਾ ਸਕੇਗਾ। ਇਸ ਸਮੇਂ ਹੋਰਨਾਂ ਤੋ ਇਲਾਵਾ ਰਾਜੇਸ਼ ਨਾਗਪਾਲ ਵਾਇਸ ਪ੍ਰਧਾਨ ਕਾਂਗਰਸ ਸੇਵਾ ਦਲ ਬਲਜਿੰਦਰ ਭਾਰਤੀ, ਤਿਲਕ ਰਾਜ ਸੋਨੂੰ, ਜੀਤ ਰਾਮ ਸੰਧੂ, ਬੀਬੀ ਜਸਵਿੰਦਰ ਕੌਰ ਪ੍ਰਧਾਨ ਮਹਿਲਾ ਕਾਂਗਰਸ ਸੇਵਾ ਦਲ ਲੁਧਿਆਣਾ, ਗੁਰਮੇਲ ਸਿੰਘ, ਚਰਨਜੀਤ ਸਿੰਘ ਅਤੇ ਮਨਪ੍ਰੀਤ ਸਿੰਘ ਆਦਿ ਵੀ ਹਾਜਰ ਹੋਏ।
