ਲੁਧਿਆਣਾ ਪੁਲਿਸ ਨੇ ਫਿਰ ਤਲਾਸ਼ ਕੀਤਾ ਹਥਿਆਰਾਂ ਦਾ ਜ਼ਖੀਰਾ

Mon, Jun 16, 2014 at 2:29 PM
ਮੇਡ ਇਨ ਖਾਲਿਸਤਾਨ, ਜਰਮਨੀ, ਚਾਈਨਾ ਤੇ ਇੰਗਲੈਂਡ ਦੇ ਆਧੁਨਿਕ ਹਥਿਆਰ  

ਲੁਧਿਆਣਾ: (ਪੰਜਾਬ ਸਕਰੀਨ ਬਿਊਰੋ): ਖਾਲਿਸਤਾਨ ਕੁਝ ਲੋਕਾਂ ਲਈ ਇੱਕ ਸੁਪਨਾ ਹੋ ਸਕਦਾ ਹੈ ਅਤੇ ਕੁਝ ਲੋਕਾਂ ਲੈ ਇੱਕ ਹਾਸੋਹੀਣੀ ਕਲਪਨਾ ਪਰ ਪੁਲਿਸ ਨੂੰ ਮਿਲੇ ਹਥਿਆਰਾਂ ਦੇ ਤਾਜ਼ਾ ਜ਼ਖੀਰੇ ਵਿੱਚ ਕਈ ਹਥਿਆਰ ਅਜਿਹੇ ਸਨ ਜਿਹਨਾਂ 'ਤੇ "ਮੇਡ ਇਨ ਖਾਲਿਸਤਾਨ" ਅੰਕਿਤ ਸੀ। ਕਾਬਿਲੇ ਜ਼ਿਕਰ ਹੈ ਕਿ ਜਗਰਾਓਂ ਤੋਂ ਬਾਅਦ ਹੁਣ ਲੁਧਿਆਣਾ ਦੀ ਡੇਹਲੋਂ ਸਥਿਤ ਕੈਂਡ ਨਹਿਰ ਤੋਂ ਪੁਲਸ ਨੇ ਖਾਲਿਸਤਾਨ ਮੇਡ ਹਥਿਆਰਾਂ ਦਾ ਭਾਰੀ ਜ਼ਖੀਰਾ ਬਰਾਮਦ ਕੀਤਾ ਹੈ। ਇਸ ਤੋਂ ਪਹਿਲਾਂ ਇਸੇ ਨਹਿਰ ਤੋਂ ਕਰੀਬ ਦੋ ਮਹੀਨੇ ਪਹਿਲਾਂ ਵੀ ਪੁਲਸ ਨੇ ਜ਼ਖੀਰਾ ਬਰਾਮਦ ਕੀਤਾ ਸੀ। ਉਦੋਂ ਕੁਝ ਹਥਿਆਰਾਂ 'ਤੇ ਸਟਿੱਕਰ ਲੱਗਿਆ ਹੋਇਆ ਸੀ-"ਰਾਜ ਕਰੇਗਾ ਖਾਲਸਾ"।  ਇਸ ਵਾਰ ਦੁਬਾਰਾ ਕੈਂਡ ਨਹਿਰ ਤੋਂ ਹਥਿਆਰਾਂ ਦਾ ਜ਼ਖੀਰਾ ਮਿਲਣ ਨਾਲ ਆਲੇ ਦੁਆਲੇ ਦੇ ਇਲਾਕਿਆਂ ਵਿੱਚ ਵੀ ਦਹਿਸ਼ਤ ਵਰਗਾ ਮਾਹੌਲ ਬਣ ਗਿਆ ਹੈ। ਪੱਤਰਕਾਰ ਸੰਮੇਲਨ ਦੌਰਾਨ ਏ. ਡੀ. ਸੀ. ਪੀ.-3 ਸਤਵੀਰ ਸਿੰਘ ਅਟਵਾਲ ਨੇ ਦੱਸਿਆ ਕਿ ਏ. ਸੀ. ਪੀ. ਗੁਰਪ੍ਰੀਤ ਸਿੰਘ ਤੇ ਥਾਣਾ ਮੁਖੀ ਅਮਨਦੀਪ ਸਿੰਘ ਬਰਾੜ ਨੂੰ ਗੁਪਤ ਸੂਚਨਾ ਮਿਲੀ ਸੀ ਕਿ ਨਹਿਰ 'ਚ ਵਿਦੇਸ਼ੀ ਹਥਿਆਰ ਪਏ ਹੋਏ ਹਨ, ਜਿਨ੍ਹਾਂ ਨੂੰ ਅੱਤਵਾਦੀਆਂ ਨੇ ਛੁਪਾ ਕੇ ਰੱਖਿਆ ਹੋਇਆ ਹੈ ਅਤੇ ਉਹ ਹਥਿਆਰ ਤਬਾਹੀ ਦਾ ਸਾਮਾਨ ਹਨ, ਜਿਸਦਾ ਅਸਮਾਜਿਕ ਤੱਤ ਗਲਤ ਪ੍ਰਯੋਗ ਕਰ ਸਕਦੇ ਹਨ, ਜਿਸ 'ਤੇ ਗੋਤਾਖੋਰਾਂ ਦੀਆਂ ਟੀਮਾਂ ਦੇ ਨਾਲ ਪੁਲਸ ਨੇ ਨਹਿਰ 'ਚ ਸਰਚ ਕਾਰਵਾਈ ਕੀਤੀ ਤਾਂ ਕਰੀਬ 500 ਗਜ਼ ਏਰੀਏ ਦੇ ਅੰਦਰੋਂ ਪੁਲਸ ਨੂੰ ਨਹਿਰ 'ਚੋਂ 30 ਬੋਰ ਦੀ 10 ਸਟਾਰ ਪਿਸਟਲ (ਮੇਡ ਇਨ ਚਾਈਨਾ), 9 ਐੱਮ. ਐੱਮ. ਦੀਆਂ ਚਾਰ ਪਿਸਟਲਾਂ ਲੂਗਰ (ਮੇਡ ਇਨ ਚਾਈਨਾ), 11 ਮੈਗਜ਼ੀਨ ਵਾਲੀ ਇਕ ਪਿਸਟਲ, 32 ਬੋਰ ਦੀਆਂ ਤਿੰਨ ਰਿਵਾਲਵਰਾਂ, 38 ਬੋਰ ਦਾ ਇਕ ਰਿਵਾਲਵਰ, 450 ਬੋਰ ਦੀ ਰਿਵਾਲਵਰ, 455 ਬੋਰ ਦੀ ਰਿਵਾਲਵਰ, 12 ਬੋਰ ਦੇ ਚਾਰ ਦੇਸੀ ਕੱਟੇ, 315 ਦੇ 3 ਦੇਸੀ ਕੱਟੇ ਤੇ 3 ਰਾਕੇਟ ਲਾਂਚਰ ਬਰਾਮਦ ਹੋਏ। ਏ. ਡੀ. ਸੀ. ਪੀ. ਅਟਵਾਲ ਨੇ ਦੱਸਿਆ ਕਿ ਕਈ ਅਸਲਿਆਂ 'ਤੇ ਮੇਡ ਇਨ ਖਾਲਿਸਤਾਨ ਦਰਜ ਹੈ। ਇਸ ਤੋਂ ਇਲਾਵਾ ਕਈ ਅਸਲਿਆਂ 'ਤੇ ਖਾਲਿਸਤਾਨ ਜ਼ਿੰਦਾਬਾਦ ਦੇ ਨਾਅਰੇ ਲਿਖੇ ਪਾਏ ਗਏ। ਇਨ੍ਹਾਂ ਵਿਚ ਜਰਮਨੀ, ਅਮਰੀਕਾ, ਚਾਈਨਾ, ਇੰਗਲੈਂਡ ਦੇ ਅਸਲੇ ਵੀ ਮੌਜੂਦ ਹਨ।  ਇਸ ਤੋਂ ਪਹਿਲਾਂ ਵੀ ਇਸ ਨਹਿਰ ਤੋਂ 10 ਰਾਕੇਟ ਲਾਂਚਰ, ਦੇਸੀ ਤੇ ਆਈ. ਈ. ਡੀ. ਬੰਬ, ਏ. ਕੇ. 47, ਕਾਰਬਾਈਨ ਗੰਨ, ਦੋ ਬੇਕਾਰ ਸਟੇਨਗੰਨਾਂ ਸਮੇਤ ਦੋ ਖਾਲੀ ਮੈਗਜ਼ੀਨਾਂ ਬਰਾਮਦ ਹੋਈਆਂ ਸਨ। ਥਾਣਾ ਡੇਹਲੋਂ ਪੁਲਸ ਨੇ ਅਣਪਛਾਤੇ ਲੋਕਾਂ ਖਿਲਾਫ ਆਰਮਜ਼ ਐਕਟ ਤਹਿਤ ਮਾਮਲਾ ਦਰਜ ਕਰਕੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਸੀ। ਖਚਾਖਚ ਭਰੀ ਪ੍ਰੈਸ ਕਾਨਫਰੰਸ ਵਿੱਚ ADCP-3 ਸ਼੍ਰੀ ਅਟਵਾਲ ਨੇਪੂਰੇ ਵਿਸਥਾਰ ਨਾਲ ਸਾਰੇ ਸੁਆਲਾਂ ਦੇ ਜੁਆਬ ਦਿੱਤੇ। 

ਇਸ ਦੇ ਬਾਵਜੂਦ ਅਜੇ ਕਈ ਸੁਆਲ ਹਨ ਜਿਹਨਾਂ ਦਾ ਜੁਆਬ ਸਮੇਂ ਨੇ ਦੇਣਾ ਹੈ। ਅਜੇ ਹੋਰ ਕਿੰਨੇ ਹਥਿਆਰ ਹੋ ਸਕਦੇ ਹਨ ਨਹਿਰ 'ਚ ਇਸ ਬਾਰੇ ਜ਼ਿਕਰ ਕਰਦਿਆਂ ਇਸ ਬਾਰੇ ਹੁੰਦੀ ਚਰਚਾ ਮੁਤਾਬਕ ਜਿਸ ਤਰ੍ਹਾਂ ਨਾਲ ਮਾਲਵਾ ਦੇ ਇਲਾਕਿਆਂ ਵਿਚ ਅੱਤਵਾਦ ਦੌਰਾਨ ਹਥਿਆਰ ਲੁਕਾਏ ਗਏ ਸਨ, ਉਨ੍ਹਾਂ ਦਾ ਮਿਲਣਾ ਸੰਕੇਤ ਕਰਦਾ ਹੈ ਕਿ ਪੰਜਾਬ ਦੀ ਬਰਬਾਦੀ ਲਈ ਅਜੇ ਹੋਰ ਬਾਰੂਦ ਅਜਿਹੀਆਂ ਨਹਿਰਾਂ, ਛੱਪੜਾਂ ਵਿਚ ਪਿਆ ਹੋਵੇਗਾ। ਇਹ ਅਜਿਹੇ ਅਤਿ ਆਧੁਨਿਕ ਹਥਿਆਰ ਹਨ ਕਿ ਪੁਲਸ ਦੇ ਕੋਲ ਵੀ ਅਜਿਹੇ ਮਾਰੂ ਹਥਿਆਰ ਨਹੀਂ ਹਨ। ਸਮਝਿਆ ਜਾਂਦਾ ਹੈ ਕਿ ਜੇਕਰ ਨਹਿਰ ਦਾ ਪਾਣੀ ਰੋਕ ਕੇ ਪੁਲਸ ਸਾਰੀ ਨਹਿਰ ਦੀ ਸਰਚ ਕਰੇ ਤਾਂ ਇਕ ਟਰੱਕ ਤੋਂ ਵੀ ਜ਼ਿਆਦਾ ਹਥਿਆਰ ਪੁਲਸ ਨੂੰ ਬਰਾਮਦ ਹੋ ਸਕਦੇ ਹਨ ਪਰ ਪੁਲਸ ਨੂੰ ਜਦ ਗੁਪਤ ਸੂਚਨਾ ਮਿਲਦੀ ਹੈ ਤਾਂ ਹੀ ਪੁਲਸ ਨਹਿਰ ਦੀ ਗੋਤਾਖੋਰਾਂ ਤੋਂ ਸਰਚ ਕਰਵਾ ਕੇ ਹਥਿਆਰ ਬਰਾਮਦ ਕਰਦੀ ਹੈ। ਅਜਿਹਾ ਸ਼ਾਇਦ ਪੁਲਿਸ ਦੇ ਬੰਧੇ ਹੱਥਾਂ ਦੀ ਮਜਬੂਰੀ ਕਾਰਣ ਹੀ ਹੁੰਦਾ ਹੈ। ਇਸਦੇ ਨਾਲ ਹੀ ਇੱਕ ਅਹਿਮ ਸੁਆਲ ਇਹ ਵੀ ਹੈ ਕਿ ਆਖਿਰ ਕਿਸਨੇ ਰੱਖੇ 5 ਸਾਲ ਪਹਿਲਾਂ ਹਥਿਆਰ ? ਨੱਬੇਵਿਆਂ ਦੇ ਆਰੰਭ ਵਿੱਚ ਹੀ ਖਤਮ ਹੋਏ ਕਾਲੇ ਦੌਰ ਨੂੰ ਹੁਣ ਕਾਫੀ ਲੰਮਾ ਸਮਾਂ ਬੀਤ ਚੁੱਕਿਆ ਹੈ। ਕਾਬੂ ਕੀਤੇ ਗਏ ਇਹਨਾਂ ਹਥਿਆਰਾਂ ਨੂੰ ਵੀ ਜ਼ੰਗ ਲੱਗਿਆ ਹੋਇਆ ਹੈ। ਸੁਆਲ ਇਹ ਵੀ ਹੈ ਕਿ 5 ਸਾਲ ਪਹਿਲਾਂ ਆਖਿਰ ਕਿਸ ਗਿਰੋਹ ਨੇ ਨਹਿਰ ਵਿਚ ਹਥਿਆਰ ਛੁਪਾਏ ਸਨ ਅਤੇ ਉਸਦਾ ਕੀ ਮਕਸਦ ਰਿਹਾ ਹੋਵੇਗਾ। ਪੁਲਸ ਲਈ ਇਹ ਜਾਂਚ ਦਾ ਵਿਸ਼ਾ ਹੈ। ਪੁਲਸ ਅਧਿਕਾਰੀ ਦਾ ਕਹਿਣਾ ਸੀ ਕਿ ਇਸ ਗੱਲ ਦੀ ਜਾਂਚ ਕੀਤੀ ਜਾਵੇਗੀ ਕਿ ਇਨ੍ਹਾਂ ਹਥਿਆਰਾਂ ਨੂੰ ਕਿਸਨੇ ਅਤੇ ਕਿਸ ਮਕਸਦ ਨਾਲ ਇਥੇ ਛੁਪਾਇਆ ਹੈ। ਇਹ ਹਥਿਆਰ ਕਿੱਥੋਂ ਆਏ, ਕਿਸ ਥਾਂ ਤੇ ਇਹਨਾਂ ਦਾ ਮਾਰਕਾ ਅੰਕਿਤ ਹੋਇਆ ਅਜਿਹੇ ਕਈ ਸੁਆਲ ਹਨ ਜਿਹਾਂ ਦਾ ਪੂਰਾ ਵੇਰਵਾ ਪੁਲਿਸ ਵੱਲੋਂ ਛੇਤੀ ਹੀ ਪਤਾ ਕਰ ਲਏ ਜਾਣ ਦੀ ਦੀ ਸੰਭਾਵਨਾ ਹੈ।  

ਗੁਰੂ ਸਾਹਿਬਾਨ ਦੇ ਇਤਿਹਾਸਕ ਸ਼ਸਤਰ

ਸ੍ਰੀ ਅਕਾਲ ਤਖਤ ਸਾਹਿਬ ਦੀ ਪਹਿਲੀ ਮੰਜ਼ਿਲ ਉਪਰ ਆਧੁਨਿਕ ਕਮਰੇ ‘ਚ ਸੁਸ਼ੋਭਿਤ

ਸ਼ਹੀਦ ਬਾਬਾ ਗੁਰਬਖਸ਼ ਸਿੰਘ ਦੇ ਅਸਥਾਨ ਨਾਲ ਸ੍ਰੀ ਅਖੰਡਪਾਠ ਸਾਹਿਬ ਲਈ ਬਣੇ ਕਮਰਿਆਂ ਦੀ ਮੀਨਾਕਾਰੀ ਬਾਬਾ ਜਗਤਾਰ ਸਿੰਘ ਕਾਰ ਸੇਵਾ ਤਰਨ ਤਾਰਨ ਵਾਲੇ ਕਰਵਾਉਣਗੇ -ਜਥੇ. ਅਵਤਾਰ ਸਿੰਘ

ਅੰਮ੍ਰਿਤਸਰ : 06 ਜੁਲਾਈ- (ਪੰਜਾਬ ਸਕਰੀਨ ਬਿਊਰੋ): ਗੁਰੂ ਸਾਹਿਬਾਨ, ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦੇ ਸਾਹਿਬਜ਼ਾਦਿਆਂ ਤੇ ਸਿੱਖ ਜਰਨੈਲਾਂ ਦੇ ਇਤਿਹਾਸਕ ਸ਼ਸਤਰ ਜੋ ਸ੍ਰੀ ਅਕਾਲ ਤਖਤ ਸਾਹਿਬ ਵਿਖੇ ਪ੍ਰਕਾਸ਼ ਅਸਥਾਨ ਦੇ ਕੋਲ ਸੁਨਹਿਰੀ ਚਬੂਤਰੇ ‘ਚ ਸੰਗਤਾਂ ਦੇ ਦਰਸ਼ਨਾਂ ਲਈ ਰੱਖੇ ਜਾਂਦੇ ਹਨ ਤੇ ਰਾਤ ਨੁੰ ਰਹਿਰਾਸ ਸਾਹਿਬ ਦੇ ਪਾਠ ਉਪਰੰਤ ਸੰਗਤਾਂ ਨੂੰ ਦਰਸ਼ਨ ਕਰਵਾਉਣ ਦੇ ਨਾਲ-ਨਾਲ ਸ਼ਸਤਰਾਂ ਦੀ ਮਹਾਨਤਾ ਬਾਰੇ ਦੱਸਣ ਉਪਰੰਤ ਬਕਸਿਆਂ ‘ਚ ਸੰਭਾਲਿਆ ਜਾਂਦਾ ਸੀ ਵਾਸਤੇ ਬਾਬਾ ਜਗਤਾਰ ਸਿੰਘ ਕਾਰ ਸੇਵਾ ਤਰਨ ਤਾਰਨ ਵਾਲਿਆਂ ਵਲੋਂ ਸ੍ਰੀ ਅਕਾਲ ਤਖਤ ਸਾਹਿਬ ਦੀ ਪਹਿਲੀ ਮੰਜ਼ਿਲ ‘ਤੇ ਆਧੁਨਿਕ ਸਹੂਲਤਾਂ ਭਰਪੂਰ ਕਮਰਾ ਤਿਆਰ ਕੀਤਾ ਗਿਆ ਜਿਸ ਵਿਚ ਬੀਤੀ ਰਾਤ ਸਤਿਗੁਰਾਂ ਦੇ ਪਾਵਨ ਸ਼ਸਤਰ ਮਰਯਾਦਾ ਅਨੁਸਾਰ ਸੁਸ਼ੋਭਿਤ ਕੀਤੇ ਗਏ। ਸ੍ਰੀ ਅਕਾਲ ਤਖਤ ਸਾਹਿਬ ਵਿਖੇ ਰਹਿਰਾਸ ਸਾਹਿਬ ਦੀ ਸਮਾਪਤੀ ਉਪਰੰਤ ਜੁੜੀਆਂ ਸੰਗਤਾਂ ਨੂੰ ਸ਼ਸਤਰਾਂ ਦੇ ਖੁੱਲ੍ਹੇ ਦਰਸ਼ਨ ਕਰਵਾਉਣ ਉਪਰੰਤ ਸਿੰਘ ਸਾਹਿਬ ਗਿਆਨੀ ਗੁਰਬਚਨ ਸਿੰਘ ਜਥੇਦਾਰ ਸ੍ਰੀ ਅਕਾਲ ਤਖਤ ਸਾਹਿਬ ਨੇ ਸ੍ਰੀ ਗੁਰੂ ਹਰਿਗੋਬਿੰਦ ਸਾਹਿਬ ਦੀਆਂ ਮੀਰੀ ਅਤੇ ਪੀਰੀ ਦੀਆਂ ਦੋਵੇਂ ਕਿ੍ਰਪਾਨਾਂ ਸਿੰਘ ਸਾਹਿਬ ਗਿਆਨੀ ਮੱਲ ਸਿੰਘ ਹੈਡ ਗ੍ਰੰਥੀ ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ਨੇ ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ਜੀ ਦੇ ਪਹਿਲੇ ਹੈਡ ਗ੍ਰੰਥੀ ਬਾਬਾ ਬੁੱਢਾ ਸਾਹਿਬ ਜੀ ਦੀ ਸ੍ਰੀ ਸਾਹਿਬ, ਸਿਘ ਸਾਹਿਬ ਗਿਆਨੀ ਗੁਰਮੁਖ ਸਿੰਘ ਹੈਡ ਗ੍ਰੰਥੀ ਸ੍ਰੀ ਅਕਾਲ ਤਖਤ ਸਾਹਿਬ ਨੇ ਭਾਈ ਸਾਹਿਬ ਭਾਈ ਬਿਧੀ ਚੰਦ ਵਾਲੀ ਸ੍ਰੀ ਸਾਹਿਬ, ਜਥੇਦਾਰ ਅਵਤਾਰ ਸਿੰਘ ਪ੍ਰਧਾਨ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਨੇ ਦਸਮੇਸ਼ ਪਿਤਾ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਵਾਲੀ ਸ੍ਰੀ ਸਾਹਿਬ, ਬਾਬਾ ਜਗਤਾਰ ਸਿੰਘ ਕਾਰ ਸੇਵਾ ਤਰਨ ਤਾਰਨ ਵਾਲਿਆਂ ਨੇ ਭਾਈ ਸਾਹਿਬ ਭਾਈ ਜੇਠਾ ਜੀ ਵਾਲੀ ਸ੍ਰੀ ਸਾਹਿਬ ਤੇ ਜਥੇਦਾਰ ਗੁਰਬਚਨ ਸਿੰਘ ਕਰਮੂੰਵਾਲ ਅੰਤਿ੍ਰੰਗ ਮੈਂਬਰ ਸ਼੍ਰੋਮਣੀ ਕਮੇਟੀ ਨੇ ਅਮਰ ਸ਼ਹੀਦ ਧੰਨ ਧੰਨ ਬਾਬਾ ਦੀਪ ਸਿੰਘ ਜੀ ਦਾ ਖੰਡਾ ਨਵੇਂ ਤਿਆਰ ਕੀਤੇ ਕਮਰੇ ਵਿਚ ਸੁਸ਼ੋਭਿਤ ਕੀਤੇ। ਸ਼ਸਤਰ ਸੁਸ਼ੋਭਿਤ ਕਰਨ ਸਮੇਂ ਭਾਈ ਹਰਪਿੰਦਰ ਸਿੰਘ ਹਜ਼ੂਰੀ ਰਾਗੀ ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ਦੇ ਜਥੇ ਵਲੋਂ ਇਲਾਹੀ ਬਾਣੀ ਦੇ ਕੀਰਤਨ ਦੁਆਰਾ ਸੰਗਤਾਂ ਨੂੰ ਨਿਹਾਲ ਕੀਤਾ ਗਿਆ ਤੇ ਅਰਦਾਸ ਭਾਈ ਗੁਰਚਰਨ ਸਿੰਘ ਅਰਦਾਈਏ ਨੇ ਕੀਤੇ।

ਇਸ ਮੌਕੇ ਜੁੜੀਆਂ ਸੰਗਤਾਂ ਨੂੰ ਸੰਬੋਧਨ ਕਰਦਿਆਂ ਜਥੇਦਾਰ ਅਵਤਾਰ ਸਿੰਘ ਪ੍ਰਧਾਨ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਨੇ ਕਿਹਾ ਕਿ ਗੁਰੂ ਸਾਹਿਬਾਨ, ਦਸਵੇਂ ਪਾਤਸ਼ਾਹ ਜੀ ਦੇ ਸਾਹਿਬਜ਼ਾਦੇ ਤੇ ਸਿੱਖ ਜਰਨੈਲਾਂ ਦੀ ਛੋਹ ਪ੍ਰਾਪਤ ਇਹ ਇਤਿਹਸਕ ਸ਼ਸਤਰ ਸਾਡਾ ਅਨਮੋਲ ਖਜ਼ਾਨਾ ਹੈ ਇਨ੍ਹਾਂ ਦੀ ਮਰਯਾਦਾ ਅਨੁਸਾਰ ਸਾਂਭ ਸੰਭਾਲ ਕਰਨੀ ਅਤੀ ਜ਼ਰੂਰੀ ਹੈ। ਉਨ੍ਹਾਂ ਕਿਹਾ ਕਿ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਨੇ ਸ਼ਸਤਰਾਂ ਦੀ ਪੁਰਾਤਨ ਦਿੱਖ ਨੂੰ ਬਰਕਰਾਰ ਰੱਖਣ ਲਈ ਪਹਿਲੀ ਵਾਰ ਬਾਬਾ ਨਰਿੰਦਰ ਸਿੰਘ ਕਾਰ ਸੇਵਾ ਹਜ਼ੂਰ ਸਾਹਿਬ ਵਾਲਿਆਂ ਪਾਸੋਂ ਕਰਵਾਈ ਜਿਨ੍ਹਾਂ ਨੇ ਬੜੀ ਮਿਹਨਤ ਨਾਲ ਇਨ੍ਹਾ ਦੀ ਪੁਰਾਤਨ ਦਿੱਖ ਕਾਇਮ ਰੱਖਦਿਆਂ ਮੁਰੰਮਤ ਦੀ ਸੇਵਾ ਕੀਤੀ ਹੈ। ਹੁਣ ਇਨ੍ਹਾਂ ਸ਼ਸਤਰਾਂ ਲਈ ਸਿੰਘ ਸਾਹਿਬ ਗਿਆਨੀ ਗੁਰਮੁਖ ਸਿੰਘ ਹੈਡ ਗ੍ਰੰਥੀ ਸ੍ਰੀ ਅਕਾਲ ਤਖਤ ਸਾਹਿਬ, ਸਿੰਘ ਸਾਹਿਬ ਗਿਆਨੀ ਮੱਲ ਸਿੰਘ ਹੈਡ ਗ੍ਰੰਥੀ ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ਨੇ ਵਿਸ਼ੇਸ਼ ਉਪਰਾਲਾ ਕਰਕੇ ਬਾਬਾ ਜਗਤਾਰ ਸਿੰਘ ਕਾਰ ਸੇਵਾ ਤਰਨ ਤਾਰਨ ਵਾਲਿਆਂ ਪਾਸੋਂ ਵਿਸ਼ੇਸ਼ ਕਿਸਮ ਦਾ ਕਮਰਾ ਤਿਆਰ ਕਰਵਾਇਆ ਹੈ ਜਿਸ ਵਿਚ ਅੱਜ ਇਹ ਇਤਿਹਾਸਕ ਸ਼ਸਤਰ ਸੁਸ਼ੋਭਿਤ ਕੀਤੇ ਗਏ ਹਨ।

ਉਨ੍ਹਾਂ ਕਿਹਾ ਕਿ ਰਾਤ ਨੂੰ ਰਹਿਰਾਸ ਸਾਹਿਬ ਦੇ ਪਾਠ ਉਪਰੰਤ ਸੰਗਤਾਂ ਨੂੰ ਹਰ ਰੋਜ਼ ਖੁੱਲ੍ਹੇ ਦਰਸ਼ਨ ਕਰਵਾਉਣ ਉਪਰੰਤ ਇਹ ਇਤਿਹਾਸਕ ਸ਼ਸਤਰ ਕਮਰੇ ‘ਚ ਪਲੰਘ ‘ਤੇ ਸੁਸ਼ੋਭਿਤ ਹੋਣਗੇ ਤੇ ਰੋਜ਼ਾਨਾ ਸਵੇਰੇ ਦਰਸ਼ਨਾਂ ਲਈ ਸੁਨਹਿਰੀ ਚਬੂਤਰੇ ‘ਚ ਸੁਸ਼ੋਭਿਤ ਕੀਤੇ ਜਾਣਗੇ। ਉਨ੍ਹਾਂ ਬਾਬਾ ਜਗਤਾਰ ਸਿੰਘ ਦਾ ਵਿਸ਼ੇਸ਼ ਤੌਰ ‘ਤੇ ਧੰਨਵਾਦ ਕਰਦਿਆਂ ਕਿਹਾ ਕਿ ਬਾਬਾ ਜੀ ਨੇ ਬਹੁਤ ਮਿਹਨਤ ਨਾਲ ਵਧੀਆ ਕਮਰਾ ਤਿਆਰ ਕੀਤਾ ਹੈ। ਉਨ੍ਹਾਂ ਬਾਬਾ ਜਗਤਾਰ ਸਿੰਘ ਨੂੰ ਬੇਨਤੀ ਕਿ ਸ਼ਹੀਦ ਬਾਬਾ ਗੁਰਬਖਸ਼ ਸਿੰਘ ਜੀ ਦੇ ਅਸਥਾਨ ਵਾਲੇ ਸ੍ਰੀ ਅਖੰਡਪਾਠ ਸਾਹਿਬ ਲਈ ਬਣੇ ਕਮਰਿਆਂ ਨੂੰ ਵੀ ਨਵੀਂ ਦਿੱਖ ਨਾਲ ਤਿਆਰ ਕੀਤਾ ਜਾਵੇ। ਬਾਬਾ ਜਗਤਾਰ ਸਿੰਘ ਨੇ ਕਿਹਾ ਕਿ ਪ੍ਰਧਾਨ ਸਾਹਿਬ ਵਲੋਂ ਕਹੇ ਅਨੁਸਾਰ ਸ੍ਰੀ ਅਖੰਡ ਪਾਠ ਸਾਹਿਬ ਵਾਲੇ ਕਮਰਿਆਂ ਨੂੰ ਦੁਬਾਰਾ ਮੁਰੰਮਤ ਕਰਕੇ ਨਵੀਂ ਦਿੱਖ ‘ਚ ਤਿਆਰ ਕੀਤਾ ਜਾਵੇਗਾ।

ਇਸ ਮੌਕੇ ਸਿੰਘ ਸਾਹਿਬ ਗਿਆਨੀ ਗੁਰਬਚਨ ਸਿੰਘ ਜਥੇਦਾਰ ਸ੍ਰੀ ਅਕਾਲ ਤਖਤ ਸਾਹਿਬ ਨੇ ਵੀ ਬਾਬਾ ਜਗਤਾਰ ਸਿੰਘ ਕਾਰ ਸੇਵਾ ਤਰਨ ਤਾਰਨ ਵਾਲਿਆਂ ਵੱਲੋਂ ਕੀਤੀ ਸੇਵਾ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਇਨ੍ਹਾਂ ਨੇ ਵੀ ਬੜੀ ਮਿਹਨਤ ਨਾਲ ਇਤਿਹਾਸਕ ਸ਼ਸਤਰਾਂ ਲਈ ਵਿਲੱਖਣ ਦਿੱਖ ਵਾਲਾ ਕਮਰਾ ਤਿਆਰ ਕਰਵਾਇਆ ਹੈ।

ਇਸ ਮੌਕੇ ਬਾਬਾ ਚਰਨਜੀਤ ਸਿੰਘ ਮੈਂਬਰ, ਬਾਬਾ ਮਨਜੀਤ ਸਿੰਘ ਫਗਵਾੜੇ ਵਾਲੇ, ਸ. ਤਰਲੋਚਨ ਸਿੰਘ ਤੇ ਸ. ਸਤਬੀਰ ਸਿੰਘ ਸਕੱਤਰ, ਸ. ਮਨਜੀਤ ਸਿੰਘ ਨਿੱਜੀ ਸਕੱਤਰ ਪ੍ਰਧਾਨ ਸਾਹਿਬ, ਸ. ਬਲਵਿੰਦਰ ਸਿੰਘ ਜੌੜਾ ਸਿੰਘਾ ਐਡੀ: ਸਕੱਤਰ, ਸ. ਸੁਖਦੇਵ ਸਿੰਘ ਭੂਰਾ ਕੋਹਨਾ ਮੀਤ ਸਕੱਤਰ, ਸ. ਪ੍ਰਤਾਪ ਸਿੰਘ ਮੈਨੇਜਰ, ਸ. ਕੁਲਵਿੰਦਰ ਸਿੰਘ ਇੰਚਾਰਜ ਪਬਲੀਸਿਟੀ, ਸ. ਸਕੱਤਰ ਸਿੰਘ ਇੰਚਾਰਜ, ਸ. ਗੁਰਿੰਦਰ ਸਿੰਘ ਐਡੀ: ਮੈਨੇਜਰ, ਬਾਬਾ ਝਿਰਮਲ ਸਿੰਘ, ਬਾਬਾ ਸ਼ਿੰਦਾ ਸਿੰਘ ਕਾਰ ਸੇਵਾ ਵਾਲੇ, ਜਥੇ. ਲਖਵਿੰਦਰ ਸਿੰਘ, ਸ. ਬੀਰ ਸਿੰਘ ਗਿੱਲ, ਸ. ਸੁਰਿੰਦਰਪਾਲ ਸਿੰਘ ਆਦਿ ਹਾਜ਼ਰ ਸਨ।

ਬੋਧਗਯਾ ਵਿੱਚ ਅਠ ਬੰਬ ਧਮਾਕੇ-ਦੋ ਅਣ ਚੱਲੇ ਬੰਬ ਵੀ ਮਿਲੇ                     ਸਿੱਖਾਂ ਉਪਰ ਨਸਲੀ ਹਮਲੇ

ਸ੍ਰੀ ਰਾਜਨਾਥ ਸਿੰਘ ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ਨਤਮਸਤਕ ਹੋਏ          ਮਾਮਲਾ ਹੋਦ ਚਿੱਲੜ ਸਿੱਖ ਕਤਲੇਆਮ ਦਾ

ਸ੍ਰੀ ਅਕਾਲ ਤਖ਼ਤ ਸਾਹਿਬ ਦਾ ਸਿਰਜਣਾ ਦਿਵਸ                           ਇਹ ਇਨਕਲਾਬੀ ਯੋਧੇ ਨਹੀਂ, ਨਫ਼ਰਤਾਂ-ਖਾਧੇ ਕਸਾਈ ਹਨ

ਗੁਰੂ ਸਾਹਿਬਾਨ ਦੇ ਇਤਿਹਾਸਕ ਸ਼ਸਤਰ                                 ਸ਼ੋਸ਼ਲ ਵੈਬਸਾਈਟਸ ‘ਤੇ ਭੱਦੀ ਸ਼ਬਦਾਵਲੀ

ਸ੍ਰੀ ਅੰਮ੍ਰਿਤਸਰ ਸਾਹਿਬ: ਸਥਾਪਨਾ ਦਿਵਸ

ਮੰਦਿਰਾ ਨੇ ਟੈਟੂ ਨਾ ਹਟਾਇਆ ਤਾਂ ਹੋਵੇਗੀ ਕਾਰਵਾਈ                       ਮਾਓਵਾਦੀ ਹਿੰਸਾ:ਦੱਬੇ-ਕੁਚਲਿਆਂ ਦੀ ਹਿੰਸਾ