Showing posts with label Dr. Amar Singh. Show all posts
Showing posts with label Dr. Amar Singh. Show all posts

Monday, July 19, 2021

ਪੰਜਾਬੀ ਕਿਸਾਨਾਂ ਦੀ ਕੁਰਬਾਨੀ ਨੂੰ ਵਿਅਰਥ ਨਹੀਂ ਜਾਣ ਦੇਵਾਂਗੇ-ਡਾ ਅਮਰ ਸਿੰਘ

 Monday 19th July 2021 at 1:43 PM

 ਖੇਤੀ ਕਾਨੂੰਨ ਰੱਦ ਨਾ ਹੋਣ ਤੱਕ ਲੜ੍ਹਾਈ ਜਾਰੀ ਰੱਖਣ ਦਾ ਐਲਾਨ

*ਖੇਤੀ ਕਾਨੂੰਨਾਂ ਨੂੰ ਕਿਸਾਨੀ ਵਿਰੋਧੀ, ਮਜ਼ਦੂਰ ਵਿਰੋਧੀ, ਆੜ੍ਹਤੀਆ ਵਿਰੋਧੀ ਗਰਦਾਨਿਆ

ਰਾਏਕੋਟ: 19 ਜੁਲਾਈ 2021: (ਕਾਰਤਿਕਾ ਸਿੰਘ//ਪੰਜਾਬ ਸਕਰੀਨ)::

ਸ੍ਰੀ ਫਤਹਿਗੜ ਸਾਹਿਬ ਦੇ ਸੰਸਦ ਮੈਂਬਰ ਡਾ: ਅਮਰ ਸਿੰਘ ਨੇ ਹਰ ਵਾਰ ਦੀ ਤਰ੍ਹਾਂ ਇਸ ਵਾਰ ਵੀ ਲੋਕ ਸਭਾ ਦੇ ਮਾਨਸੂਨ ਸੈਸ਼ਨ ਦੀ ਸ਼ੁਰੂਆਤ ਸੰਸਦ ਭਵਨ ਦੇ ਬਾਹਰ ਵਿਰੋਧ ਪ੍ਰਦਰਸ਼ਨ ਕਰਕੇ ਕੀਤੀ ਜਿਵੇਂ ਉਹ ਪਿਛਲੇ ਸਾਲ ਮੋਦੀ ਸਰਕਾਰ ਦੁਆਰਾ ਖੇਤ ਕਾਨੂੰਨਾਂ ਨੂੰ ਪਾਸ ਕਰਨ ਵੇਲੇ ਤੋਂ ਵਿਰੋਧ ਕਰਕੇ ਕਰਦੇ ਆ ਰਹੇ ਹਨ।

ਉਹਨਾਂ ਜ਼ਿਕਰ ਕੀਤਾ ਕਿ ਉਹਨਾਂ ਨੇ ਮੌਨਸੂਨ ਸੈਸ਼ਨ ਦੇ ਪਹਿਲੇ ਦਿਨ ਹੀ ਖੇਤੀ ਕਾਨੂੰਨਾਂ ਨੂੰ ਰੱਦ ਕਰਨ ਤੱਕ ਸੰਸਦ ਦੇ ਸਾਰੇ ਕੰਮਾਂ ਨੂੰ ਰੋਕਣ ਦਾ ਮਤਾ ਲਿਆਂਦਾ। ਉਹਨਾਂ ਕਿਹਾ ਕਿ ਉਹ ਪਹਿਲੇ ਦਿਨ ਹੀ ਤੇਲ ਦੀਆਂ ਕੀਮਤਾਂ ਵਿੱਚ ਅਸਹਿਣਸ਼ੀਲ ਵਾਧੇ ਦੇ ਬਾਰੇ ਵੀ ਸਵਾਲ ਪੁੱਛਣਗੇ, ਜਿਸ ਕਾਰਨ ਸਮਾਜ ਦੇ ਸਾਰੇ ਵਰਗਾਂ ਨੂੰ ਠੇਸ ਪਹੁੰਚ ਰਹੀ ਹੈ ਅਤੇ ਸਾਰੀਆਂ ਵਸਤਾਂ ਦੀਆਂ ਕੀਮਤਾਂ ਵਿੱਚ ਵਾਧਾ ਹੋਇਆ ਹੈ।

ਉਨ੍ਹਾਂ ਦੱਸਿਆ ਕਿ ਪਿਛਲੇ ਸਾਲ ਕਿਸਾਨ ਅੰਦੋਲਨ ਸ਼ੁਰੂ ਹੋਣ ਤੋਂ ਬਾਅਦ 500 ਤੋਂ ਵੱਧ ਲੋਕਾਂ ਨੇ ਆਪਣੀਆਂ ਜਾਨਾਂ ਕੁਰਬਾਨ ਕਰ ਦਿੱਤੀਆਂ ਸਨ ਅਤੇ ਫਿਰ ਵੀ ਸਰਕਾਰ ਨੇ ਉਨ੍ਹਾਂ ਦੀ ਕੁਰਬਾਨੀ ਪ੍ਰਤੀ ਕੋਈ ਹਮਦਰਦੀ ਨਹੀਂ ਦਿਖਾਈ। ਉਹਨਾਂ ਕਿਹਾ ਕਿ ਪੰਜਾਬੀ ਕਿਸਾਨਾਂ ਦੀ ਕੁਰਬਾਨੀ ਨੂੰ ਵਿਅਰਥ ਨਹੀਂ ਜਾਣ ਦੇਣਗੇ। ਉਹਨਾਂ ਖੇਤੀ ਕਾਨੂੰਨ ਰੱਦ ਨਾ ਹੋਣ ਤੱਕ ਲੜ੍ਹਾਈ ਜਾਰੀ ਰੱਖਣ ਦਾ ਐਲਾਨ ਕੀਤਾ।

ਡਾ. ਸਿੰਘ ਨੇ ਕਿਹਾ ਕਿ ਮੋਦੀ ਸਰਕਾਰ ਦਾ ਅੰਤਮ ਟੀਚਾ ਕੁਝ ਕਾਰਪੋਰੇਟ ਘਰਾਣਿਆਂ ਦੇ ਏਜੰਡੇ ਨੂੰ ਪੂਰਾ ਕਰਨਾ ਸੀ ਅਤੇ ਖੇਤੀਬਾੜੀ ਸੈਕਟਰ ਨੂੰ ਉਨ੍ਹਾਂ ਨੂੰ ਸੌਂਪਣ ਲਈ ਖੇਤੀ ਕਾਨੂੰਨ ਪਾਸ ਕੀਤੇ ਗਏ ਸਨ ਜਿਵੇਂ ਕਿ ਸਰਕਾਰ ਨੇ 2014 ਤੋਂ ਵੱਖ-ਵੱਖ ਹੋਰ ਸੈਕਟਰਾਂ ਨਾਲ ਕੀਤਾ ਸੀ। ਦੇਸ਼ ਲਗਾਤਾਰ ਵਿਰੋਧ ਪ੍ਰਦਰਸ਼ਨ ਕਰ ਰਿਹਾ ਹੈ। ਮੋਦੀ ਸਰਕਾਰ ਕਿਸਾਨੀ ਵਿਰੋਧੀ, ਮਜ਼ਦੂਰ ਵਿਰੋਧੀ, ਆੜ੍ਹਤੀਆ ਵਿਰੋਧੀ ਹੈ, ਇਹ ਗੱਲ ਹੁਣ ਦੇਸ਼ ਦੇ ਹਰ ਕੋਨੇ ਤੱਕ ਫੈਲ ਗਈ ਹੈ।

Monday, July 05, 2021

ਸਰਹਿੰਦ ਸਟੇਸ਼ਨ 'ਤੇ ਰੇਲ ਗੱਡੀਆਂ ਬਹਾਲ ਕੀਤੀਆਂ ਜਾਣ-ਡਾ. ਅਮਰ ਸਿੰਘ

Monday: 5th July 2021 at 5:10 PM

ਸਮੇਂ ਦੀ ਧੂੜ ਨੇ ਵੀ ਡਾ. ਅਮਰ ਸਿੰਘ ਨੂੰ  ਲੋਕ ਮਸਲੇ ਨਹੀਂ ਭੁੱਲਣ ਦਿੱਤੇ 

ਲੋਕ ਸਭਾ ਮੈਂਬਰ ਉੱਤਰੀ ਰੇਲਵੇ ਦੇ GM ਆਸ਼ੂਤੋਸ਼ ਗੰਗਲ ਨੂੰ ਮਿਲੇ

ਰਾਏਕੋਟ
: 5 ਜੁਲਾਈ 2021: (ਮੀਡੀਆ ਲਿੰਕ ਰਵਿੰਦਰ//ਪੰਜਾਬ ਸਕਰੀਨ)::
ਕੋਰੋਨਾ ਦੇ ਨਾਂਅ ਨਾਲ ਪ੍ਰਸਿੱਧ ਹੋਏ ਕੋਵਿਡ-19
ਵਾਲੇ ਵਾਇਰਸ ਦੀ ਆਮਦ ਤੇ ਬਹੁਤ ਕੁਝ ਬੰਦ ਕਰ ਦਿੱਤਾ ਗਿਆ ਜਾਂ ਬਦਲ ਦਿੱਤਾ ਗਿਆ। ਵਿਵਾਦਾਂ ਦਾ ਸ਼ਿਕਾਰ ਬਣੇ ਤਿੰਨ ਕੇਂਦਰੀ ਖੇਤੀ ਕਾਨੂੰਨ ਵੀ ਉਦੋਂ ਹਫੜਾ ਦਫੜ ਜਿਹੀ 'ਚ ਬਣਾ ਦਿੱਤੇ ਗਏ ਜਿਹਨਾਂ ਦਾ ਰੇੜਕਾ ਅਜੇ ਤੀਕ ਜਾਰੀ ਹੈ। ਇੱਸੇ ਤਰ੍ਹਾਂ ਮਜ਼ਦੂਰਾਂ ਦੇ ਬਹੁਤ ਸਾਰੇ ਹੱਕਾਂ ਤੇ ਨਵੀਆਂ ਬੰਦਸ਼ਾਂ ਲਗਾ ਦਿੱਤੀਆਂ ਗਈਆਂ। ਇਹਨਾਂ ਸੋਧਾਂ ਨੇ ਮਜ਼ਦੂਰਾਂ ਦੇ ਹੱਕਾਂ ਤੇ ਸਿੱਧਾ ਛਾਪਾ ਮਾਰਿਆ। 
ਟਰੇਡ ਯੂਨੀਅਨਾਂ ਨੇ ਮਜ਼ਦੂਰ ਹੱਕਾਂ ਦੇ ਖਿਲਾਫ ਹੋਈ ਕਾਰਵਾਈ ਦੇ ਖਿਲਾਫ ਸੰਘਰਸ਼ਾਂ ਦਾ ਬਿਗਲ ਵਜਾਇਆ ਅਤੇ ਕਿਸਾਨਾਂ ਨੇ ਖੇਤੀ ਕਾਨੂੰਨ ਦੇ ਖਿਲਾਫ ਮੋਰਚਾ ਲਾ ਲਿਆ। 
ਬਾਕੀ ਜਨਤਾ ਨਾਲ ਜੋ ਕੁਝ ਹੋਇਆ ਉਸ ਸਭ ਕੁਝ ਬਾਰੇ ਐਨ ਡੀ ਟੀ ਵੀ ਵਾਲੇ ਰਵੀਸ਼ ਕੁਮਾਰ, ਮੀਡੀਆ ਵਿੱਚ ਨਵੀਆਂ ਪੀੜਤਾਂ ਪਾਉਣ ਵਾਲੀ ਬਰਖ ਦੱਤ, ਪੁਸਤਕ ਨੂੰ ਰਵਾਇਤੀ ਮੀਡੀਆ ਦੇ ਖਿਲਾਫ ਜ਼ੋਰਦਾਰ ਮੰਚ ਵੱਜੋਂ ਵਰਤਣ ਵਾਲੀ ਰਾਣਾ ਅਯੂਬ ਅਤੇ ਬੇਬਾਕੀ ਨਾਲ ਹਿੰਮਤ ਭਰੀਆਂ ਰਿਪੋਰਟਾਂ ਸਾਹਮਣੇ ਲਿਆਉਣ ਵਾਲੀ ਆਰਿਫ਼ ਖਾਨੁਮ ਸ਼ੇਰਵਾਨੀ ਵਰਗਿਆਂ ਨੇ ਆਵਾਜ਼ ਬੁਲੰਦ ਕੀਤੀ। ਮੀਡੀਆ ਦੇ ਜਾਂਬਾਜ਼ ਸਿਪਾਹੀ ਹੋਰ ਵੀ ਹਨ ਜਿਹਨਾਂ ਦੇ ਨਾਮ ਇਥੇ ਨਹੀਂ ਦਿੱਤੇ ਜਾ ਸਕੇ ਪਰ ਵੱਡੇ ਵੱਡੇ ਸ਼ਹਿਰਾਂ ਵਿੱਚ ਬਹੁਤਿਆਂ ਨੇ ਤਾਂ ਨਿੱਕੇ ਨਿੱਕੇ ਮੁੱਦਿਆਂ  ਨੂੰ  ਲਿਆ। ਹਾਲਾਂਕਿ ਇਹਨਾਂ ਵਿੱਚੋਂ ਕਈਆਂ ਕੋਲ ਬੈਨਰ ਵੀ ਵੱਡੇ ਵੱਡੇ ਸਨ। 
ਕੋਵਿਡ ਕਾਲ ਵਾਲੇ ਇਹਨਾਂ ਸਾਰੇ ਝਮੇਲਿਆਂ ਵਿੱਚ ਆਮ ਜਨਤਾ ਨੂੰ ਬਹੁਤ ਕੁਝ ਗੁਆਉਣਾ ਪਿਆ। ਹਾਲਤ ਅਜਿਹੀ ਵੀ ਆਈ ਜਦੋਂ ਸਿਰਫ ਆਪਣੀ ਜਾਨ ਬਚਾਉਣ ਦੀ ਚਿੰਤਾ ਹੀ ਗੰਭੀਰ ਹੋ ਗਈ। ਫੇਸਬੁੱਕ ਅਤੇ ਵਟਸਐਪ ਦੇ ਸੁਨੇਹੇ ਹਰ ਰੋਜ਼ ਡਰਾਉਣੇ ਹੋਣ ਲੱਗ ਪੈ। ਹਰ ਰੋਜ਼ ਕੁਝ ਮਿੱਤਰ ਪਿਆਰਿਆਂ ਦੇ ਤੁਰ ਜਾਣ ਦੀ ਖਬਰ ਨਾਲ ਸਾਹਮਣਾ ਹੁੰਦਾ। ਸ਼ਾਇਦ ਹੀ ਕੋਈ ਘਰ ਬਚਿਆ ਹੋਵੇ ਜਿਸਦੇ ਕੋਈ ਨੇੜਲਾ ਸਨੇਹੀ ਮੌਤ ਦੇ ਮੂੰਹ ਨਾ ਚਲਾ ਗਿਆ ਹੋਵੇ।  
ਹਲਕਾ ਸ਼੍ਰੀ ਫਤਹਿਗੜ ਸਾਹਿਬ ਤੋਂ ਲੋਕ ਸਭਾ ਮੈਂਬਰ ਡਾ. ਅਮਰ ਸਿੰਘ ਆਪਣੀ ਬਜ਼ੁਰਗ ਅਵਸਥਾ ਦੇ ਬਾਵਜੂਦ ਇਹਨਾਂ ਸਾਰੇ ਸਮਿਆਂ ਵਿੱਚ ਵੀ ਸਰਗਰਮ ਰਹੇ। ਉਹਨਾਂ ਮੁੱਦੇ ਚੁੱਕੇ ਜਿਹੜੇ ਖੁਦ ਆਮ ਲੋਕਾਂ ਨੇ ਵੀ ਰੱਬ ਦਾ  ਮੰਨ ਲਏ ਸਨ। ਉਹਨਾਂ ਦਾ ਕਦੇ ਕੋਈ ਨਿਰਥਰਕ ਬਿਆਨ ਨਾ ਦੇਖਿਆ ਗਿਆ। ਹਰ ਵਾਰ ਉਹ ਮੁੱਦਾ ਉਠਾਉਂਦੇ। ਸਬੰਧਤ ਮਹਿਕਮੇ ਕੋਲ ਪੁੱਜਦੇ ਅਤੇ ਇਸਦਾ ਹੱਲ ਲੱਭਣ ਦੀ ਬੇਨਤੀ ਕਰਦੇ। ਉਹਨਾਂ ਦੀ ਬੇਨਤੀ ਲਿਖਤੀ ਹੁੰਦੀ। ਇਸਦੀ ਜਾਣਕਾਰੀ ਉਹ ਨਾਲੋਂ ਨਾਲੋਂ ਮੀਡੀਆ ਨੂੰ ਵੀ ਦੇਂਦੇ। ਜਿੱਥੇ ਸਰਕਾਰੀ ਮਹਿਕਮਿਆਂ ਨੂੰ ਸਾਰੇ ਮੁੱਦੇ ਠੰਡੇ ਬਸਤੀਆਂ ਵਿੱਚ ਸੁੱਟਣ ਦੀ ਆਦਤ ਪੈ ਜਾਏ ਉੱਥੇ ਅਜਿਹਾ ਕਰਨਾ ਜ਼ਰੂਰੀ ਵੀ ਹੁੰਦਾ ਹੈ। 
ਇਸ ਵਾਰ ਉਹਨਾਂ ਨੇ ਉਠਾਇਆ ਹੈ ਸਰਹਿੰਦ ਵਰਗੇ ਖਾਸ ਥਾਂ ਵਾਲੇ ਰੇਲਵੇ ਸਟੇਸ਼ਨ ਦਾ ਮੁੱਦਾ। ਕੋਵਿਡ-19 ਦੌਰਾਨ ਬੰਦ ਕੀਤੀਆਂ ਰੇਲ ਗੱਡੀਆਂ ਹੁਣ ਵੀ ਇਥੇ ਨਹੀਂ ਰੁਕਦੀਆਂ। ਇਹਨਾਂ ਦੀ ਬਹਾਲੀ ਦੀ ਮੰਗ ਜ਼ੋਰਦਾਰ ਢੰਗ ਨਾਲ ਉਠਾਈ ਹੈ ਲੋਕਸਭਾ ਮੈਂਬਰ ਡਾਕਟਰ ਅਮਰ ਸਿੰਘ ਨੇ। ਉਹਨਾਂ ਨੇ ਉੱਤਰੀ ਰੇਲਵੇ ਦੇ ਜਨਰਲ ਮੈਨੇਜਰ ਸ੍ਰੀ ਆਸ਼ੂਤੋਸ਼ ਗੰਗਲ ਨਾਲ ਉਚੇਚਾ ਜਾ ਕੇ ਮੁਲਾਕਾਤ ਵੀ ਕੀਤੀ।  ਇਸ ਮੁਲਾਕਾਤ ਦੌਰਾਨ ਉਹਨਾਂ ਮੰਗ ਕੀਤੀ ਕਿ ਸਰਹਿੰਦ ਸਟੇਸ਼ਨ ਤੋਂ ਰੁਕੀਆਂ ਵੱਖ ਵੱਖ ਰੇਲ ਗੱਡੀਆਂ ਨੂੰ ਦੁਬਾਰਾ ਚਾਲੂ ਕੀਤਾ ਜਾਵੇ। ਉਨ੍ਹਾਂ ਬੇਗਮਪੁਰਾ ਐਕਸਪ੍ਰੈਸ, ਸੱਚਖੰਡ ਐਕਸਪ੍ਰੈਸ, ਹੇਮਕੁੰਡ ਐਕਸਪ੍ਰੈਸ, ਸਰਯੂ ਐਕਸਪ੍ਰੈਸ ਅਤੇ ਟਾਟਾ ਜਾਟ ਐਕਸਪ੍ਰੈਸ ਨੂੰ ਸਰਹਿੰਦ ਸਟੇਸ਼ਨ ਤੋਂ ਮੁੜ ਚਾਲੂ ਕਰਨ ਦੀ ਮੰਗ ਕੀਤੀ।
ਉਨ੍ਹਾਂ ਜੀ.ਐਮ. ਨੂੰ ਦੱਸਿਆ ਕਿ ਹਜ਼ਾਰਾਂ ਸ਼ਰਧਾਲੂਆਂ ਅਤੇ ਯਾਤਰੀਆਂ ਨੂੰ ਇਨ੍ਹਾਂ ਰੇਲ ਗੱਡੀਆਂ ਦੇ ਰਸਤੇ ਬਦਲੇ ਹੋਣ ਕਾਰਨ ਭਾਰੀ ਪ੍ਰੇਸ਼ਾਨੀ ਹੋਈ ਸੀ ਅਤੇ ਜਿਸ ਕਾਰਨ ਸ਼ਹੀਦੀ ਜੋੜ ਮੇਲਾ ਅਤੇ ਸ੍ਰੀ ਫਤਹਿਗੜ੍ਹ ਸਾਹਿਬ ਦੀ ਇਤਿਹਾਸਕ ਮਹੱਤਤਾ ਨੂੰ ਵੇਖਦਿਆਂ ਇਨ੍ਹਾਂ ਰੇਲ ਗੱਡੀਆਂ ਨੂੰ ਦੁਬਾਰਾ ਚਾਲੂ ਕਰਨਾ ਚਾਹੀਦਾ ਹੈ।
ਰੇਲ ਗੱਡੀਆਂ ਨੂੰ ਮੁੜ ਚਾਲੂ ਕਰਨ ਦੀ ਮੰਗ ਤੋਂ ਇਲਾਵਾ ਡਾ. ਅਮਰ ਸਿੰਘ ਨੇ ਇਹ ਵੀ ਬੇਨਤੀ ਕੀਤੀ ਕਿ ਸੰਘੋਲ ਵਿਖੇ ਇਸ ਦੇ ਪੁਰਾਣੇ ਇਤਿਹਾਸ ਨੂੰ ਦਰਸਾਉਂਦਿਆਂ ਰੇਲਵੇ ਸਟੇਸ਼ਨ ਸਥਾਪਤ ਕੀਤਾ ਜਾਵੇ ਅਤੇ ਇਸਦੇ ਨਾਲ ਹੀ ਸਾਹਨੇਵਾਲ ਦੇ ਢੰਡਾਰੀ ਕਲਾਂ ਲਈ ਪੁਲ ਦੇ ਉੱਪਰ ਰੇਲਵੇ ਓਵਰਬ੍ਰਿਜ ਦੀ ਮੰਗ ਵੀ ਕੀਤੀ ਗਈ।