ਸਰਕਾਰ ਦੀ ਦਾਅਵੇਦਾਰੀ ਝੂਠ ਦਾ ਪੁਲੰਦਾ--ਸੀ ਪੀ ਆਈ

Sat, Jun 2, 2018 at 4:59 PM

ਦਿਲ ਵਾਲੇ ਸਟੈਂਟਾਂ ਦੀਆਂ ਕੀਮਤਾਂ ਤਾਂ ਹਾਈ ਕੋਰਟ ਦੇ ਹੁਕਮਾਂ ਨਾਲ ਘਟੀਆਂ 

ਲੁਧਿਆਣਾ:2 ਜੂਨ 2018: (ਪੰਜਾਬ ਸਕਰੀਨ ਬਿਊਰੋ)::

ਰੱਖਿਆ ਮੰਤਰੀ ਸੀਤਾ ਰਮਨ ਵਲੋਂ ਕੱਲ ਇੱਥੇ ਲੁਧਿਆਣਾ ਵਿਖੇ ਆਪਣੇ ਦੌਰੇ ਦੌਰਾਨ ਪਿਛਲੇ 4 ਸਾਲਾਂ ਦੀਆਂ ਭਾਜਪਾ ਸਰਕਾਰ ਦੀਆਂ ਉਪਲਬਧੀਆਂ ਗਿਣਾਉਦਿਆਂ, ਦਿਲ ਵਿੱਚ ਪੈਣ ਵਾਲੇ ਸਟੈਂਟਾਂ ਦੀਆਂ ਕੀਮਤਾਂ ਨੂੰ ਘਟਾਉਣਾ ਮੋਦੀ ਸਰਕਾਰ ਦੀ ਪਰਾਪਤੀ ਦੱਸਿਆ ਸੀ। ਇਸ ਬਾਬਤ ਪਰ੍ਤੀਕਰਮ ਜ਼ਾਹਿਰ ਕਰਦਿਆਂ ਭਾਰਤੀ ਕਮਿਉਨਿਸਟ ਪਾਰਟੀ ਦੇ ਜਿਲਾ ਸਹਾਇਕ ਸਕੱਤਰ ਡਾ: ਅਰੁਣ ਮਿੱਤਰਾ ਨੇ ਕਿਹਾ ਹੈ ਕਿ ਇਹ ਗਲਤ ਬਿਆਨੀ ਹੈ। ਸਟੈਂਟਾਂ ਦੀਆਂ ਕੀਮਤਾਂ ਤਾਂ ਦਿੱਲੀ ਦੇ ਮਾਨਯੋਗ ਹਾਈ ਕੋਰਟ ਦੇ ਹੁਕਮਾਂ ਦੇ ਨਾਲ ਘਟੀਆਂ ਹਨ ਨਾਂ ਕਿ ਸਰਕਾਰ ਦੀ ਪਹਿਲ ਤੇ। ਸਰਕਾਰ ਨੇ ਤਾਂ ਇਸਤੇ ਪੱਲਾ ਝਾੜਨ ਦੀ ਪੂਰੀ ਕੋਸ਼ਿਸ਼ ਕੀਤੀ ਸੀ। ਘਟਨਾਵਾਂ ਦਾ ਵੇਰਵਾ ਦਿੰਦਿਆਂ ਡਾ: ਅਰੁਣ ਮਿੱਤਰਾ ਨੇ ਕਿਹਾ ਕਿ ਸਮੁੱਚੀ ਅਬਾਦੀ  ਦੇ ਲਈ ਗੁਣਵੱਤਕ ਸਿਹਤ ਸੇਵਾਵਾਂ ਮੁਹੱਈਆ ਕਰਵਾਉਣ ਦੇ ਲਈ ਅਨੇਕਾਂ ਜੱਥੇਬੰਦੀਆਂ ਕੰਮ ਕਰ ਰਹੀਆਂ ਹਨ ਅਤੇ ਦਵਾਈਆਂ ਦੀਆਂ ਕੀਮਤਾਂ ਵਿੱਚ ਬੇਹਿਸਾਬੇ ਮੁਨਾਫੇ ਨੂੰ ਰੋਕਣ ਦੇ ਯਤਨ ਕਰ ਰਹੀਆਂ ਹਨ। ਇਸ ਦੌਰਾਨ ਦਿੱਲੀ ਦੇ ਹਾਈ ਕੋਰਟ ਦੇ ਇੱਕ ਵਕੀਲ ਬਿਰੇਂਦਰ ਸਾਂਗਵਾਨ  ਦੇ ਨਜਦੀਕੀ ਵਿਅਕਤੀ ਦੇ ਦਿਲ ਵਿੱਚ ਸਟੈਂਟ ਪਏ। ਇਹਨਾਂ ਦੀ ਕੀਮਤ ਬਹੁਤ ਜ਼ਿਆਦਾ ਦੇਖਦੇ ਹੋਏ ਉਹਨਾਂ ਨੇ ਇਹਨਾਂ ਦੀਆਂ ਕੀਮਤਾਂ ਨੂੰ ਜ਼ਰੂਰੀ ਦਵਾਈਆਂ ਦੀ ਸੂਚੀ ਵਿੱਚ ਲਿਆਉਣ ਦੇ ਲਈ ਸਨ 2014 ਵਿੱਚ ਇੱਕ  ਜਨ ਹਿੱਤ ਯਾਚਿਕਾ , ਪੀ ਆਈ ਐਲ, ਦਾਇਰ ਕੀਤੀ।  ਮਾਨਯੋਗ ਕੋਰਟ ਨੇ 2015 ਵਿੱਚ ਇਸ ਬਾਬਤ ਸਰਕਾਰ ਨੂੰ ਉਚੇਚੇ ਕਦਮ ਪੁੱਟਣ ਦੀ ਹਿਦਾਇਤ ਦਿੱਤੀ। ਪਰ ਸਰਕਾਰ ਨੇ ਇੱਕ ਸਾਲ ਕੁਝ ਵੀ ਨਾ ਕੀਤਾ।  ਮਿਸਟਰ ਸਾਂਗਵਾਨ ਨੇ ਫਿਰ ਇੱਕ ਯਾਚਿਕਾ ਦਾਇਰ ਕੀਤੀ  ਜਿਸ ਉਪਰੰਤ ਕੋਰਟ ਨੇ ਸਰਕਾਰ ਨੂੰ ਫਿਰ ਹਿਦਾਇਤ ਦਿੱਤੀ ਤੇ ਕੁਝ ਨਾ ਕਰਨ ਦੀ ਹਾਲਤ ਵਿੱਚ ਜੁਲਾਈ 2016 ਵਿੱਚ ਕੋਰਟ ਦੀ ਮਾਨਹਾਨੀ ਦੀ ਤਾੜਨਾ ਦਿੱਤੀ। ਇਸਦੇ ਬਾਅਦ  ਸਰਕਾਰ ਨੇ ਹਿਦਾਇਤ ਮਨੰਣ ਦੀ ਗੱਲ ਕਹੀ ਤੇ ਕਿਹਾ ਕਿ ਉਹ ਇਸ ਬਾਬਤ ਉਚੇਚੇ ਕਦਮ ਚੁੱਕੇਗੀ। ਪਰ ਬਿਰੇਂਦਰ ਸਾਂਗਵਾਨ ਨੇ ਦਸੰਬਰ 2016 ਵਿੱਚ ਫਿਰ ਇੱਕ ਯਾਚਿਕਾ ਦਾਇਰ ਕਰ ਕੇ ਇਸ ਗੱਲ ਨੂੰ ਯਕੀਨੀ ਬਣਾਇਆ ਕਿ ਫਰਵਰੀ 2017 ਤੱਕ ਇਹ ਕੀਮਤਾਂ ਘਟਾਈਆਂ ਜਾਣ। ਇਸ ਉਪਰੰਤ ਦਵਾਈਆਂ ਦੀਆਂ ਕੀਮਤਾਂ ਨਿਯਮਿਤ ਕਰਨ ਵਾਲੇ ਸਰਕਾਰੀ ਅਦਾਰੇ ਨੇਸਨਲ ਫਾਰਮਾਸੂਟੀਕਲ ਪ੍ਰਾਈਸਿੰਗ ਅਥਾਰਟੀ ,ਐਨ ਪੀ ਪੀ ਏ, ਨੇ  ਸਬੰਧਤ ਧਿਰਾਂ ਨਾਲ ਮੀਟਿੰਗਾਂ ਕਰਕੇ ਫਰਵਰੀ 2017 ਵਿੱਚ ਦਿਲ ਦੇ ਸਟੈਂਟਾਂ ਦੀਆਂ ਕੀਮਤਾਂ ਘਟਾਈਆਂ। ਇਸਦਾ ਲਾਭ ਜਿਆਦਾਤਰ  ਲੋਕਾਂ ਨੂੰ ਨਹੀਂ ਹੋਇਆ ਕਿੳੰਕਿ  ਨਿਜੀ ਹਸਪਤਾਲਾਂ ਵਲੋਂ ਸਟੈਂਟ ਪਾਉਣ ਦੀ ਫੀਸ ਵਧਾ ਦਿੱਤੀ ਗਈ ਜਿਸ ਕਰਕੇ ਸਟੈਂਟ ਪਾਉਣ ਦੇ ਕੁਲ ਖਰਚੇ ਵਿੱਚ ਕਮੀ ਨਹੀਂ ਆਈ। ਇਸ ਬਾਬਤ ਸਰਕਾਰ ਦੁਆਰਾ ਕੋਈ ਨਿਗਰਾਨ ਕਮੇਟੀ ਨਹੀਂ ਬਣਾਈ ਗਈ ਜਿਸਦੇ ਕਾਰਨ ਇੰਝ ਵਾਪਰਿਆ।   ਨਿਗਰਾਨ ਕਮੇਟੀਆਂ ਬਣਾਉਣ ਦੀਆਂ ਵਾਰ ਵਾਰ ਬੇਨਤੀਆਂ ਦੇ ਬਾਵਜੂਦ ਸਰਕਾਰ ਨੇ ਇਸ ਮਸਲੇ ਵਿੱਚ ਕੋਈ ਦਿਲਚਸਪੀ ਨਹੀਂ ਦਿਖਾਈ। ਇੱਕ ਸਾਲ ਦੇ ਬਾਅਦ ਐਨ ਪੀ ਪੀ ਏ ਨੇ ਕੀਮਤਾਂ ਨੂੰ ਮੁੜ ਮੁਲਾਂਕਣ ਕਰਨ ਦੇ ਲਈ ਫਿਰ ਮੀਟਿੰਗਾਂ ਸੱਦੀਆਂ। ਪਰ ਐਨ ਪੀ ਪੀ ਏ ਆਪਣੇ ਫੇਸਲੇ ਤੇ ਕਾਇਮ ਰਹੀ ਤੇ ਕੀਮਤਾਂ ਨਹੀਂ ਵਧਾਈਆਂ ਗਈਆਂ। ਪਰ ਇਸਦੇ ਜਲਦੀ ਹੀ ਬਾਅਦ ਐਨ ਪੀ ਪੀ ਏ ਦੇ ਚੇਅਰਮੇਨ ਭੁਪਿੰਦਰ ਸਿੰਘ ਦਾ ਤਬਾਦਲਾ ਕਰ ਦਿੱਤਾ ਗਿਆ।  ਇੱਥੇ ਇਹ ਦੱਸਣਾ ਜਰੂਰੀ ਹੈ ਕਿ ਬਾਰ ਬਾਰ ਬੇਨਤੀਆਂ ਦੇ ਬਾਵਜੂਦ ਸਰਕਾਰ ਵਲੋਂ ਦਵਾਈਆ ਦੀਆਂ ਕੀਮਤਾਂ ਤੈਅ ਕਰਨ ਬਾਰੇ ਹੁਣ ਤੱਕ ਕੁਝ ਨਹੀਂ ਕੀਤਾ ਗਿਆ।

Coronary Stent: ਕਿੰਨੇ ਸਾਲ ਪੈਂਦਾ ਰਿਹਾ ਲੋਕਾਂ ਦੀਆਂ ਜੇਬਾਂ ਉੱਤੇ ਡਾਕਾ?

ਆਖਿਰ ਦਿਲ ਵਾਲੇ ਸਟੇਂਟ ਦੀਆਂ ਕੀਮਤਾਂ ਵਿੱਚ ਕਮੀ ਦੇ ਹੁਕਮ ਜਾਰੀ

ਲੁਧਿਆਣਾ: 14 ਫ਼ਰਵਰੀ 2017:  (ਪੰਜਾਬ ਸਕਰੀਨ ਟੀਮ): For more pics please click here

ਦਿਲ ਦੀਆਂ ਬਲਾਕ ਹੋਈਆਂ ਧਮਣੀਆਂ ਵਿੱਚ ਲੱਗਦੇ ਸਟੇਂਟ  ਦੀਆਂ ਕੀਮਤਾਂ ਵਿਰੂਹੱਢ ਸਮੇਂ ਸਮੇਂ ਉੱਠਦੀ ਰਹੀ ਆਵਾਜ਼ ਆਖਿਰ ਸੁਣੀ ਗਈ ਹੈ। ਬਹੁਤ ਹੀ ਘੱਟ ਕੀਮਤ ਵਾਲੇ ਸਟੇਂਟ ਦੀ ਅਸਮਾਨ ਚੂੰਡੀਆਂ ਕੀਮਤਾਂ ਵਿੱਚ ਹੁੰਦੀ ਵਿਕਰੀ ਨੂੰ ਠੱਲ੍ਹ ਪੈਣ ਦੇ ਕੁਝ ਆਸਾਰ ਨਜ਼ਰ ਆਉਣ ਲੱਗੇ ਹਨ। ਨੈਤਿਕ ਢੰਗ ਦੇ ਨਾਲ ਸਿਹਤ ਸੇਵਾਵਾਂ ਦੇ ਲਈ ਡਾਕਟਰਾਂ ਦਾ ਗਠਜੋੜ (ਅਲਾਇੰਸ ਆਫ਼ ਡਾਕਟਰਜ਼  ਫ਼ਾਰ ਐਥੀਕਲ ਹੈਲਥਕੇਅਰ) ਨੇ ਦਵਾਈਆਂ ਦੀਆਂ ਕੀਮਤਾਂ ਤੈਅ ਕਰਨ ਵਾਲੀ ਜੱਥੇਬੰਦੀ ਨੇਸ਼ਨਲ ਫ਼ਾਰਮਾਸੂਟੀਕਲ ਪ੍ਰਾਈਸਿੰਗ ਅਥਾਰਟੀ (ਐਨ ਪੀ ਪੀ ਏ ) ਵਲੋਂ ਦਿਲ ਦੇ ਵਿੱਚ ਪੈਣ ਵਾਲੇ ਸਟੈਂਟਾਂ ਦੀਆਂ ਕੀਮਤਾਂ ਨੂੰ ਤੈਅ ਕਰਨ ਦਾ ਸੁਆਗਤ ਕੀਤਾ ਹੈ। ਇਸ ਫ਼ੈਸਲੇ ਦੇ ਮੁਤਾਬਕ ਸਟੈਂਟਾਂ ਦੀਆਂ ਕੀਮਤਾਂ ਘਟਾ ਦਿੱਤੀਆਂ ਗਈਆਂ ਹਨ ਤੇ ਧਾਤੂ ਵਾਲੇ ਸਟੈਂਟਾਂ ਦੀਆਂ ਕੀਮਤਾਂ 7260 ਰੁਪਏ ਅਤੇ ਦਵਾਈ ਯੁਕਤ ਸਟੈਂਟਾਂ ਦੀ ਕੀਮਤ 29600 ਰੁਪਏ ਕਰ ਦਿੱਤੀ ਗਈ ਹੈ ਜਦੋਂ ਕਿ ਇਹ ਹੁਣ ਤੱਕ 70,000 ਰੁ: ਤੋਂ ਲੈ ਕੇ 1,65,000 ਰੁ: ਤੱਕ ਵਿਕਦੇ ਰਹੇ ਹਨ। For more pics please click here

Sl. No.	Coronary Stents (Sl. 31 in Schedule I of DPCO, 2013)	Unit (In Number)	Ceiling Price (In Rs.)
(1)	(2)	(3)	(4)
1	Bare Metal Stents	1	7260
2	Drug Eluting Stents (DES) including metallic DES and Bioresorbable Vascular Scaffold (BVS)/ Biodegradable Stents	1	29600

ਇਹ ਹੈਰਾਨੀ ਗੱਲ ਹੈ ਕਿ ਜਿਹੜਾ ਸਟੈਂਟ ਫ਼ੈਕਟ੍ਰੀ ਤੋਂ 8000 ਰੁ: ਦਾ ਬਣ ਕੇ ਨਿਕਲਦਾ ਸੀ ਉਹ ਮਰੀਜ਼ ਨੂੰ 70,000 ਤੋਂ  ਡੇਢ ਲੱਖ ਰੁ ਤੱਕ: ਦਾ ਮਿਲਦਾ ਸੀ। ਇਸ ਕੜੀ ਵਿੱਚ ਸਭ ਤੋਂ ਵੱਧ ਮੁਨਾਫ਼ਾ ਵੱਡੇ ਵੱਡੇ ਹਸਪਤਾਲਾਂ ਦਾ ਅਤੇ ਕਈ ਡਾਕਟਰਾਂ ਦਾ ਹੁੰਦਾ ਸੀ। ਹੁਣ 13 ਫ਼ਰਵਰੀ ਨੂੰ ਪਾਸ ਆਪਣੇ ਫ਼ੈਸਲੇ ਵਿੱਚ ਐਨ ਪੀ ਪੀ ਏ ਨੇ ਕਿਹਾ ਹੈ ਕਿ ਜੇਕਰ ਇਸਤੋਂ ਵੱਧ ਰੇਟ ਲਏ  ਜਾਣ ਗੇ ਤਾਂ ਉਹ ਮਰੀਜ਼ ਨੂੰ ਵਾਪਸ ਕਰਨੇ ਪੈਣਗੇ। ਇਸ ਬਾਬਤ ਅਲਾਇੰਸ ਆਫ਼ ਡਾਕਟਰਜ਼  ਫ਼ਾਰ ਐਥੀਕਲ ਹੈਲਥਕੇਅਰ ਨੇ ਐਨ ਪੀ ਪੀ ਏ ਦੇ ਚੇਅਰਮੈਨ ਦੇ ਨਾਲ 3 ਜਨਵਰੀ ਨੂੰ ਮੁਲਾਕਾਤ ਕੀਤੀ ਸੀ ਤੇ ਮੰਗ ਕੀਤੀ ਸੀ ਕਿ ਇਹਨਾਂ ਦੀਆਂ ਕੀਮਤਾਂ ਨੂੰ ਤੈਅ ਕੀਤਾ ਜਾਏ। For more pics please click here

ਇਸ ਮੀਟਿੰਗ ਵਿੱਚ ਪੰਜਾਬ ਮੈਡੀਕਲ ਕੌਂਸਲ ਦੇ ਸਾਬਕਾ ਪਰਧਾਨ ਡਾ: ਜੀ ਐਸ ਗਰੇਵਾਲ, ਪੰਜਾਬ ਮੈਡੀਕਲ ਕੌਂਸਲ ਦੀ ਐਥਿਕਲ ਕਮੇਟੀ ਦੇ  ਸਾਬਕਾ ਚੇਅਰਮੈਨ ਤੇ ਇੰਡੀਅਨ ਡਾਕਟਰਜ਼ ਫ਼ਾਰ ਪੀਸ ਐਂਡ ਡਿਵੈਲਪਮੈਂਟ ਦੇ ਕੌਮੀ ਮੀਤ ਪਰਧਾਨ ਡਾ: ਅਰੁਣ ਮਿੱਤਰਾ ਨੇ ਡੈਲੀਗੇਸ਼ਨ ਦੀ ਅਗਵਾਈ ਕੀਤੀ ਸੀ। ਇੱਥੋਂ ਜਾਰੀ ਬਿਆਨ ਵਿੱਚ ਦੋਨਾਂ ਨੇ ਕਿਹਾ ਕਿ ਇਹ ਇੱਕ ਬਹੁਤ ਵੱਡੀ ਪ੍ਰਾਪਤੀ ਹੈ ਤੇ ਇਸਦੇ ਨਾਲ ਲੋਕਾਂ ਨੂੰ ਵੱਡੀ ਰਾਹਤ ਮਿਲੇਗੀ ਕਿਉਕਿ ਸੈਟੰਟ ਦੀ ਕੀਮਤ ਵਿੱਚ 10 ਗੁਣਾ ਤੱਕ ਦਾ ਫ਼ਰਕ ਪੈ ਜਾਏਗਾ ਅਤੇ ਨਾਲ ਹੀ ਲਾਲਚ ਵਿੱਚ ਹਸਪਤਾਲਾਂ ਵਲੋਂ ਗਲਤ ਕੰਮ ਅਤੇ ਗੈਰ ਜ਼ਰੂਰੀ ਸਟੈਂਟ ਪਾਣ ਵਿੱਚ ਕਮੀ ਆਏਗੀ। 

For more pics please click here

ਫ਼ੈਸਲੇ ਵਿੱਚ ਇਹ ਵੀ ਕਿਹਾ ਗਿਆ ਹੈ ਕਿ  ਹਸਪਤਾਲਾਂ ਨੂੰ ਦਿੱਤੇ ਜਾਣ ਵਾਲੇ ਬਿੱਲ ਵਿੱਚ ਸਟੈਂਟ ਦੀ ਕੀਮਤ ਵੱਖਰੇ ਤੌਰ ਤੇ ਦਿਖਾਣੀ ਪਏਗੀ।  ਡਾ: ਮਿੱਤਰਾ ਤੇ ਡਾ: ਗਰੇਵਾਲ ਨੇ ਕਿਹਾ ਕਿ ਇਹ ਇੱਕ ਇਤਹਾਸਕ ਫ਼ੈਸਲਾ ਹੈ ਤੇ ਇਸਤੋਂ ਬਾਅਦ ਹੁਣ ਦਵਾਈਆਂ ਅਤੇ ਹੋਰ ਮੈਡੀਕਲ ਵਸਤਾਂ ਦੀਆਂ ਕੀਮਤਾਂ ਨੂੰ ਤੈਅ ਕਰਵਾਉਣ ਬਾਰੇ ਮੁਹਿੰਮ ਛੇੜੀ ਜਾਏਗੀ।

ਇਸ ਸ਼ਲਾਘਾਯੋਗ ਫੈਸਲੇ ਦੇ ਨਾਲ ਹੀ ਹੁਣ ਇਹ ਸੁਆਲ ਵੀ ਖੜਾ ਹੋਇਆ ਹੈ ਕਿ ਕੀ ਏਨੇ ਸਾਲਾਂ ਤੱਕ ਆਮ ਲੋਕਾਂ ਦੀਆਂ ਜੇਬਾਂ ਉੱਤੇ ਡਾਕਾ ਮਾਰਨ ਵਾਲੇ ਲੁਟੇਰਿਆਂ ਵਿਰੁੱਧ ਕੋਈ ਐਕਸ਼ਨ ਲਿਆ ਜਾਏਗਾ? ਕੀ ਇਹਨਾਂ ਕੋਲੋਂ ਇਸ ਰਕਮ ਦੀ ਕਿਸੇ ਭਾਰੀ ਜੁਰਮਾਨੇ ਸਮੇਤ ਵਸੂਲੀ ਕੀਤੀ ਜਾਏਗੀ?  
For more pics please click here

ਕਾਬਿਲੇ-ਜ਼ਿਕਰ ਹੈ ਕਿ ਇਹ ਵੀ ਸੁਣਿਆ ਗਿਆ ਸੀ ਕਿ ਵਿਦੇਸ਼ਾਂ ਤੋਂ ਮੰਗਵਾਏ ਜਾਂਦੇ ਸਟੇਂਟ ਨੂੰ ਵੀ ਕਈ ਸ਼ਾਤਰ ਕਿਸਮ ਏ ਲੋਕ ਬੜੀ ਹੁਸ਼ਿਆਰੀ ਨਾਲ ਕੱਟ ਕੇ ਦੋ ਬਣਾ ਲੈਂਦੇ ਸਨ ਕਿਓਂਕਿ ਕਈ ਸਟੇਂਟ  ਕੁਝ ਲੰਮੇ ਵੀ ਹੁੰਦੇ ਹਨ। ਇਸ ਲਈ ਅਜਿਹੇ ਲੋਕਾਂ ਕੋਲੋਂ ਵਸੂਲੀ ਕਰਕੇ ਪੀੜਤਾਂ ਨੂੰ ਦੇਣਾ ਇੱਕ ਚੰਗਾ ਕੰਮ ਹੀ ਹੋਵੇਗਾ। 

ਇਸੇ ਦੌਰਾਨ ਬਾਬਾ ਰਾਮਦੇਵ ਦੇ ਪਤੰਜਲੀ ਹਸਪਤਾਲ ਨਾਲ ਸਬੰਧਿਤ ਇੱਕ ਵੈਦ-ਡਾਕਟਰ ਅਮਨਦੀਪ ਕੌਰ ਨੇ ਸਪਸ਼ਟ ਕਿਹਾ ਹੈ ਕਿ ਸਾਡੇ ਕੋਲ ਇਸ ਸਮੱਸਿਆ ਦਾ ਹੱਲ ਮੌਜੂਦ ਹੈ ਜਿਹੜਾ ਕਿ ਬਹੁਤ ਹੀ ਘੱਟ ਕੀਮਤ ਵਿੱਚ ਸਟੇਂਟ  ਪਾਏ ਬਿਨਾ ਹੀ ਮਰੀਜ਼ਾਂ ਨੂੰ ਠੀਕ ਕਰ ਸਕਦਾ ਹੈ।  ਸਾਨੂੰ ਉੱਥੇ ਅਜਿਹੇ ਮਰੀਜ਼ ਵੀ ਮਿਲੇ ਜਿਹੜੇ ਵੱਡੇ ਵੱਡੇ ਨਾਮੀ  ਹਸਪਤਾਲਾਂ ਤੋਂ ਨਿਰਾਸ਼ ਹੋ ਕੇ ਪਰਤੇ ਹਨ ਅਤੇ ਇਥੇ ਆ ਕੇ ਰਾਹਤ ਮਹਿਸੂਸ ਕਰ ਰਹੇ ਹਨ। For more pics please click here

ਇਸੇ ਦੌਰਾਨ ਮੈਡੀਕਲ ਕਿੱਤੇ ਨਾਲ ਹੀ ਸਬੰਧਿਤ ਡਾਕਟਰ ਕੁਲਦੀਪ ਬਿੰਦਰ ਨੇ ਆਸ ਪ੍ਰਗਟਾਈ ਹੈ ਕਿ ਇਸ ਇਤਿਹਾਸਿਕ ਫ਼ੈਸਲੇ ਨਾਲ ਲੋਕਾਂ ਨੂੰ ਨਿਸਚੇ ਹੀ ਫਾਇਦਾ ਹੋਵੇਗਾ। ਉਹਨਾਂ ਦੱਸਿਆ ਕਿ ਲੈਂਸ ਦੇ ਮਾਮਲੇ ਵਿੱਚ ਵੀ ਇਹੀ ਕੁਝ ਹੁੰਦਾ ਹੈ। ਜਿਹੜਾ ਸਭ ਤੋਂ ਵਧੀਆ ਜਰਮਨ ਦਾ ਲੈਂਸ  ਹੈ ਉਹ ਸਿਰਫ 300 ਰੁਪਏ ਦਾ ਆਉਂਦਾ ਹੈ ਜਦ ਕਿ ਲੋਕ ਸਮਝਦੇ ਹਨ ਕਿ ਅਸੀਂ ਦਸ ਹਜ਼ਾਰ ਦਾ ਲੈਂਸ  ਪਵਾ ਲਿਆ ਜਾਂ ਫਿਰ ਵੀਹ ਹਜ਼ਾਰ ਦਾ ਪੁਆ ਲਿਆ।
For more pics please click here

ਸਿਵਲ ਸਰਜਨ ਡਾਕਟਰ ਰਾਜੀਵ ਭੱਲਾ ਨੇ ਵੀ ਇਸ ਫੈਸਲੇ ਦਾ ਸਵਾਗਤ ਕਰਦਿਆਂ ਕਿਹਾ ਹੈ ਕਿ ਇਸ ਨਾਲ ਦਿਲ ਦੇ ਮਰੀਜ਼ਾਂ ਨੂੰ ਬਹੁਤ ਫਾਇਦਾ ਹੋਵੇਗਾ। ਇਸ ਫੈਸਲੇ ਨੂੰ ਲਾਗੂ ਕਰਨ ਕਰਾਉਣ ਬਾਰੇ ਪੁਛੇ ਜਾਣ 'ਤੇ ਉਹਨਾਂ ਕਿਹਾ ਕਿ ਇਹ ਸਾਡੇ ਅਧਿਕਾਰ ਖੇਤਰ  ਵਿੱਚ ਨਹੀਂ ਆਉਂਦਾ।  ਇਸਦੀਆਂ ਸ਼ਕਤੀਆਂ ਸਾਡੇ ਕੋਲ ਨਹੀਂ ਹਨ। 

For more pics please click here

ਹੁਣ ਦੇਖਣਾ ਇਹ ਹੈ ਕਿ ਇਸ ਇਤਿਹਾਸਿਕ ਫੈਸਲੇ ਨੂੰ ਲਾਗੂ ਕਰਾਉਣ ਲਈ ਪ੍ਰਸ਼ਾਸਨ ਵੱਲੋਂ ਕੀ ਕੀ ਕਦਮ ਪੁੱਟੇ ਜਾਂਦੇ ਹਨ। ਲੋਕਾਂ ਵਿੱਚ ਖਦਸ਼ਾ ਹੈ ਕਿ ਜੇ ਇਹ ਮੁੱਲ ਦਿਖਾਵੇ ਵੱਜੋਂ ਘਟ ਵੀ ਗਏ ਤਾਂ ਕਿਸੇ ਹੋਰ ਬਹਾਨੇ ਬਿਲ ਦਾ ਬੋਝ ਵਧ ਦਿੱਤਾ ਜਾਵੇਗਾ।

 For more pics please click here