Showing posts with label Beauty. Show all posts
Showing posts with label Beauty. Show all posts

Wednesday, December 15, 2021

ਜਾਦੂਈ ਜਲਵੇ ਵਾਲੀ ਸੁੰਦਰੀ ਹੈ ਪ੍ਰੀਤੀ ਸੁਖੀਜਾ ਗਿਰਧਰ

ਜ਼ਿੰਦਗੀ ਤੋਂ ਨਿਰਾਸ਼ ਲੋਕਾਂ ਨੂੰ ਉਤਸ਼ਾਹਿਤ ਕਰਨ ਵਿੱਚ ਵੀ ਮਾਹਰ ਹੈ ਪ੍ਰੀਤੀ 


ਚੰਡੀਗੜ੍ਹ
: 15 ਦਸੰਬਰ 2021: (ਗੁਰਜੀਤ ਬਿੱਲਾ//ਕਾਰਤਿਕਾ ਸਿੰਘ//ਪੰਜਾਬ ਸਕਰੀਨ)::

ਖੂਬਸੂਰਤੀ ਅਤੇ ਫਿਟਨੈਸ ਦਾ ਜਲਵਾ ਜੇ ਰੱਬੀ ਦੇਣ ਵੀ ਹੁੰਦਾ ਹੈ ਤਾਂ ਇਸ ਨੂੰ ਬਣਾਈ ਰੱਖਣ ਲਈ ਅਤੇ ਵਿਕਸਿਤ ਕਰਨ ਲਈ  ਨੂੰ ਖੁਦ ਸਾਧਨਾ ਕਰਕੇ ਹੀ ਕਮਾਇਆ ਜਾਂਦਾ ਹੈ। ਸੰਤੁਲਿਤ ਖਾਣ-ਪਾਣ, ਰੋਜ਼ਾਨਾ ਦੀ ਕਸਰਤ, ਪ੍ਰਾਣਾਯਾਮ ਅਤੇ ਹੋਰ ਕਈ ਪਹਿਲੂਆਂ ਤੋਂ ਹਰ ਰੋਜ਼ ਆਪਣਾ ਖਾਸ ਧਿਆਨ ਰੱਖਣਾ ਪੈਂਦਾ ਹੈ। ਇਸਦੇ ਨਾਲ ਹੀ ਸੰਭਾਲਣੀ ਪੈਂਦੀ ਹੈ ਚਿਹਰੇ ਤੇ ਆਉਂਦੀ ਉਹ ਚਮਕ ਜਿਹੜੀ ਮਨ ਅਤੇ ਦਿਮਾਗ ਵਿੱਚੋਂ ਝਲਕ ਦੀ ਹੈ। ਗਿਆਨ, ਪੜ੍ਹਾਈ ਲਿਖਾਈ, ਜ਼ਿੰਦਗੀ ਦੇ ਵੱਖ ਵੱਖ ਅਨੁਭਵ, ਸੰਗੀਤ ਅਤੇ ਸਾਹਿਤ ਦੀਆਂ ਰੂਚੀਆਂ ਇਸ ਚਮਕ ਨੂੰਲਗਾਤਾਰ ਵਧਾਉਂਦੇ ਹਨ। ਸ਼ੈਟਰੀ ਲੋਕਾਂ ਦੇ ਭਲੇ ਦਾ ਜਜ਼ਬਾ ਵੀ ਜੇ ਜ਼ਹਿਨ ਵਿੱਚ ਹੋਵੇ ਤਾਂ ਇਹੀ ਚਮਕ ਇੱਕ ਅਲੌਕਿਕ ਨੂਰ ਵੀ ਬਣ ਜਾਂਦੀ ਹੈ। ਕੁਦਰਤ ਨਾਲ ਪ੍ਰੇਮ ਇਸ ਨੂੰ ਚਾਰ ਚੰਨ ਲਗਾ ਦੇਂਦਾ ਹੈ, ਪ੍ਰੀਤੀ ਨੇ ਇਹਨਾਂ ਸਾਰੀਆਂ ਗੱਲਾਂ ਦਾ ਧਿਆਨ ਰੱਖਿਆ ਹੈ। 

ਉਸਨੇ "ਮਿਸਿਜ਼ ਇੰਡੀਆ ਗਲੋਬ" ਖ਼ਿਤਾਬ ਜਿੱਤਿਆ, "ਗਲੇਮਰਸ" ਅਤੇ "ਮੀਡੀਆਜ਼ ਚੁਆਇਸ" ਦੇ ਟਾਇਟਲ ਐਕਸਕਲੂਸਿਵ ਅਤੇ ਐਕਸਟਰਾਆਰਡੀਨਰੀ (ਆਈ ਐਮ ਦ ਵਰਲਡ) ਵੀ ਹਾਸਲ ਕੀਤੀ। ਉਹ ਪ੍ਰਸਿੱਧੀ ਦੀਆਂ ਸਿਖਰਾਂ ਤੇ ਹੈ ਇਸ ਵੇਲੇ। ਸਿਰਫ ਗਲੈਮਰ ਦੀ ਦੁਨੀਆ ਵਿਚਕ ਹੀ ਨਹੀਂ ਪਰਿਵਾਰ ਦੀ ਦੁਨੀਆ ਵਿੱਚ ਵੀ ਉਹ ਸਫਲਤਾ ਨਾਲ ਸਥਾਪਿਤ ਹੈ। ਇਸਦੇ ਨਾਲ ਨਾਲ ਸਮਾਜ ਨੂੰ ਸਿਧੇ ਰਹੇ ਪਾਉਣ ਲਈ ਬਹੁਤ ਭੂਮਿਕਾ ਨਿਭਾ ਰਹੀ ਹੈ। ਨਿਰਾਸ਼ ਲੋਕਾਂ ਨੂੰ ਉਤਸ਼ਾਹ ਵਿੱਚ ਇਉਂ ਦੇ ਗੁਰ ਉਹ ਬਹੁਤ ਚੰਗੀ ਤਰ੍ਹਾਂ ਜਾਣਦੀ ਹੈ।  

ਇੱਕ ਛੋਟੇ ਸ਼ਹਿਰ ਦੀ ਕੁੜੀ ਪ੍ਰੀਤੀ ਸੁਖੀਜਾ ਗਿਰਧਰ ਨੇ 25 ਤੋਂ 28 ਨਵੰਬਰ 2021 ਤੱਕ ਚਾਰ ਦਿਨਾਂ ਸਮਾਗਮ ਵਿੱਚ ਨਵੀਂ ਦਿੱਲੀ ਵਿੱਚ ਆਯੋਜਿਤ ਕੀਤੇ ਗਏ ਐਕਸਕਲੂਸਿਵ ਅਤੇ ਐਕਸਟਰਾਆਰਡੀਨਰੀ (ਆਈ ਐਮ ਦ ਵਰਲਡ) 2021 ਵਿੱਚ "ਮਿਸਿਜ਼ ਇੰਡੀਆ ਗਲੋਬ" ਦਾ ਖਿਤਾਬ ਜਿੱਤਿਆ ਹੈ। ਹੁਣ ਮਿਸਿਜ਼ ਇੰਡੀਆ ਗਲੋਬ ਇੰਟਰਨੈਸ਼ਨਲ 2022 ਭਵਿੱਖ ਵਿੱਚ ਭਾਗ ਲੈਣਗੇ। ਉਸਨੇ "ਗਲੇਮਰਸ" ਅਤੇ "ਮੀਡੀਆ ਦੀ ਪਸੰਦ" ਵੀ ਜਿੱਤੀ। ਉਪਸਿਰਲੇਖ ਵੀ। ਇੱਥੇ ਲਗਭਗ 6500 ਐਂਟਰੀਆਂ ਚੁਣੀਆਂ ਗਈਆਂ ਸਨ ਅਤੇ ਇੰਟਰੋ ਦੇ ਪਹਿਲੇ ਗੇੜ ਤੋਂ ਬਾਅਦ ਸਿਰਫ਼ 15 ਫਾਈਨਲਿਸਟ ਚੁਣੇ ਗਏ ਸਨ। ਜੇਤੂਆਂ ਦਾ ਨਿਰਣਾ ਇੰਟਰੋ ਰਾਉਂਡ, ਟੈਲੇਂਟ ਰਾਊਂਡ, ਫਿਟਨੈਸ ਰਾਊਂਡ ਅਤੇ ਕਲੱਬਵੇਅਰ ਰਾਊਂਡ ਦੇ ਆਧਾਰ 'ਤੇ ਕੀਤਾ ਗਿਆ ਸੀ। ਉਹ ਵਿਸ਼ੇਸ਼ ਤੌਰ 'ਤੇ ਸਨਾ ਮੁਰਬ ਸੈਣੀ (ਈਐਂਡਈ ਬਿਊਟੀ ਪੇਜੈਂਟ ਦੀ ਸੰਸਥਾਪਕ) ਦੀ ਧੰਨਵਾਦੀ ਹੈ।

ਪ੍ਰੀਤੀ ਨੇ ਇਸ ਪਲੇਟਫਾਰਮ ਨੂੰ ਸਮਾਜ ਦੀਆਂ ਹੋਰ ਔਰਤਾਂ ਨੂੰ ਪ੍ਰੇਰਿਤ ਕਰਨ ਅਤੇ ਦੁਨੀਆ ਨੂੰ ਦਿਖਾਉਣ ਲਈ ਚੁਣਿਆ ਕਿ ਕਿਵੇਂ ਉਸਨੇ ਇੱਕ ਸਿਹਤਮੰਦ ਜੀਵਨ ਸ਼ੈਲੀ ਨਾਲ ਇੱਕ ਸਾਲ ਤੋਂ ਵੀ ਘੱਟ ਸਮੇਂ ਵਿੱਚ 20 ਕਿਲੋ ਭਾਰ ਘਟਾ ਕੇ ਆਪਣੇ ਆਪ ਨੂੰ ਬਦਲ ਲਿਆ ਹੈ। ਉਹ ਮਾਨਸਿਕ ਸਿਹਤ ਬਾਰੇ ਵੀ ਪ੍ਰਚਾਰ ਕਰਨਾ ਚਾਹੁੰਦੀ ਹੈ ਅਤੇ ਲੋਕਾਂ ਨੂੰ ਦੱਸਣਾ ਚਾਹੁੰਦੀ ਹੈ ਕਿ ਕਿਵੇਂ ਉਸਨੇ ਯੋਗਾ, ਧਿਆਨ ਅਤੇ ਸਿਹਤਮੰਦ ਖੁਰਾਕ ਰਾਹੀਂ ਆਪਣੀਆਂ ਚਿੰਤਾਵਾਂ ਨਾਲ ਲੜਿਆ।

ਉਹ ਇੱਕ ਛੋਟੇ ਜਿਹੇ ਕਸਬੇ ਮਲੋਟ ਵਿੱਚ ਪੈਦਾ ਹੋਈ ਅਤੇ ਵੱਡੀ ਹੋਈ ਅਤੇ ਉਹ ਵੀ ਲੜਕੀਆਂ ਦੇ ਇੱਕ ਪਰਿਵਾਰ ਵਿੱਚ, ਉਹ ਇੱਕ ਸਹਾਇਕ ਪਰਿਵਾਰ ਲਈ ਖੁਸ਼ਕਿਸਮਤ ਰਹੀ ਹੈ ਜਿਸਨੇ ਕਦੇ ਵੀ ਔਰਤਾਂ ਨੂੰ ਕਿਸੇ ਵੀ ਮਾਮਲੇ ਵਿੱਚ ਮਰਦਾਂ ਨਾਲੋਂ ਘੱਟ ਨਹੀਂ ਸਮਝਿਆ।

ਪਿਛਲੇ 6 ਸਾਲਾਂ ਤੋਂ ਖੁਸ਼ਹਾਲ ਵਿਆਹੁਤਾ ਜੀਵਨ ਬਤੀਤ ਕਰ ਰਹੀ ਹੈ ਅਤੇ ਚੰਡੀਗੜ੍ਹ ਵਿੱਚ ਸੈਟਲ ਹੋ ਗਈ ਹੈ- ਖੂਬਸੂਰਤ ਸ਼ਹਿਰ, ਉਸਦਾ ਇੱਕ ਪ੍ਰੇਰਣਾਦਾਇਕ ਪਤੀ ਸੋਰਵ ਗਿਰਧਰ ਹੈ ਅਤੇ ਖੁਸ਼ਕਿਸਮਤ ਹੈ ਕਿ ਉਸਨੂੰ ਸਹੁਰੇ ਦੇ ਰੂਪ ਵਿੱਚ ਬਰਾਬਰ ਦੇ ਸਹਿਯੋਗੀ ਮਾਪਿਆਂ ਦਾ ਨਵਾਂ ਸੈੱਟ ਮਿਲਿਆ ਹੈ। ਉਨ੍ਹਾਂ ਦਾ 3 ਸਾਲ ਦਾ ਬੇਟਾ ਯੁਵਾਨ ਹੈ।

ਆਪਣੇ ਕਿੱਤੇ ਬਾਰੇ ਦੱਸ ਦੇਈਏ ਕਿ ਪ੍ਰੀਤੀ ਨੇ ਨਾਮਵਰ ਯੂਨੀਵਰਸਿਟੀਆਂ ਵਿੱਚ ਸਹਾਇਕ ਪ੍ਰੋਫੈਸਰ ਵਜੋਂ ਕੰਮ ਕੀਤਾ ਹੈ। ਹਾਲਾਂਕਿ, ਉਸਨੇ ਹਮੇਸ਼ਾ ਇੱਕ ਕਾਰੋਬਾਰੀ ਮਹਿਲਾ ਬਣਨ ਦਾ ਸੁਪਨਾ ਦੇਖਿਆ ਹੈ ਅਤੇ ਇੱਕ ਤੰਦਰੁਸਤੀ ਕੋਚ ਵਜੋਂ ਕੰਮ ਕਰਨਾ ਸ਼ੁਰੂ ਕਰ ਦਿੱਤਾ ਹੈ। ਪ੍ਰੀਤੀ ਨੇ ਕੰਮਕਾਜੀ ਔਰਤਾਂ ਲਈ ਜਲਦੀ ਹੀ ਆਪਣੀ ਕਪੜੇ ਲਾਈਨ ਸ਼ੁਰੂ ਕਰਨ ਦੀ ਵੀ ਯੋਜਨਾ ਬਣਾਈ ਹੈ। ਇਸ ਰਾਹੀਂ ਉਹ ਪੇਂਡੂ ਭਾਰਤ ਦੀਆਂ ਪ੍ਰਤਿਭਾਸ਼ਾਲੀ ਔਰਤਾਂ ਨੂੰ ਰੁਜ਼ਗਾਰ ਦੇ ਮੌਕੇ ਦੇਣਾ ਚਾਹੁੰਦੀ ਹੈ।

32 ਸਾਲ ਦੀ, ਪ੍ਰੀਤੀ ਇੱਕ NET JRF ਯੋਗਤਾ ਪ੍ਰਾਪਤ ਹੈ। ਉਹ ਅੰਗਰੇਜ਼ੀ ਆਨਰਜ਼ ਵਿੱਚ ਗ੍ਰੈਜੂਏਟ ਹੈ। ਅਤੇ ਪੋਸਟ ਗ੍ਰੈਜੂਏਟ ਡਿਗਰੀ ਵਜੋਂ ਐਮ.ਬੀ.ਏ. ਇੱਕ ਛੋਟੇ ਜਿਹੇ ਕਸਬੇ ਤੋਂ ਆਉਣਾ ਅਤੇ ਰਾਸ਼ਟਰੀ ਪੱਧਰ ਦੇ ਸੁੰਦਰਤਾ ਮੁਕਾਬਲੇ ਵਿੱਚ ਹਿੱਸਾ ਲੈਣਾ ਸੁਪਨਿਆਂ ਵਾਂਗ ਸੀ ਜੋ ਸੱਚ ਹੋ ਗਿਆ ਹੈ।

ਪ੍ਰੀਤੀ ਮਰਦਾਂ ਅਤੇ ਔਰਤਾਂ ਦੀ ਬਰਾਬਰੀ ਦੀ ਵਕਾਲਤ ਕਰਦੀ ਹੈ। ਉਹ ਅਮੀਰ ਅਤੇ ਗਰੀਬ ਵਿਚਕਾਰ ਅਸਮਾਨਤਾ ਨੂੰ ਵੀ ਨਫ਼ਰਤ ਕਰਦੀ ਹੈ। ਉਹ ਰੱਬ ਦੀ ਪੱਕੀ ਵਿਸ਼ਵਾਸੀ ਵੀ ਹੈ। ਉਹ ਖੁਰਾਕ ਪਕਵਾਨਾਂ, ਬਾਗਬਾਨੀ ਅਤੇ ਅਪਸਾਈਕਲ ਕਰਨ ਵਾਲੀਆਂ ਚੀਜ਼ਾਂ ਨਾਲ ਪ੍ਰਯੋਗ ਕਰਨਾ ਪਸੰਦ ਕਰਦੀ ਹੈ। ਉਹ ਯੋਗਾ ਦੀ ਸ਼ੌਕੀਨ ਵੀ ਹੈ।

Monday, April 17, 2017

ਯੂਥ ਵੀਰਾਂਗਨਾਏਂ ਸੰਸਥਾ ਨੇ ਕੀਤੀ ਪਹਿਲ

Mon, Apr 17, 2017 at 4:52 PM
ਲੜਕੀਆਂ ਨੂੰ ਸਿਖਲਾਈ ਦੇਣ ਲਈ ਖੋਲਿਆ ਮੁਫ਼ਤ ਬਿੳੂਟੀ ਪਾਰਲਰ
ਇਸ ਮੌਕੇ 'ਤੇ 14 ਲੜਕੀਆਂ ਨੇ ਆਪਣੇ ਨਾਮ ਇਹ ਕਿੱਤਾ ਸਿੱਖਣ ਲਈ  ਦਰਜ ਕਰਾਏ 
ਲੁਧਿਆਣਾ: 17 ਅਪ੍ਰੈਲ 2017: (ਪੰਜਾਬ ਸਕਰੀਨ ਬਿਊਰੋ):: 
ਖ਼ੂਬਸੂਰਤ ਨਜ਼ਰ ਆਉਣ ਦੀ ਚਾਹਤ ਨੇ ਸੁੰਦਰਤਾ ਦੇ ਕਲਾ ਅਤੇ ਸੁੰਦਰਤਾ ਲਈ ਵਰਤੇ ਜਾਂਦੇ ਅੰਦਾਜ਼ਾਂ ਅਤੇ ਉਤਪਾਦਨਾਂ ਨੂੰ ਇੱਕ ਨਵਾਂ ਬਾਜ਼ਾਰ ਦਿੱਤਾ ਹੈ। ਅੱਜ ਸੋਹਣੀ ਮੇਮ ਸਿਰਫ ਵਲਾਇਤ ਵਾਲੀ ਨਹੀਂ ਬਲਕਿ ਸਾਡੇ ਕਿਸੇ ਪਿੰਡ, ਮੁਹੱਲੇ ਜਾਂ ਗਲੀ ਦੀ ਵੀ ਹੋ ਸਕਦੀ ਹੈ। ਇਸ ਕਲਾ ਨੂੰ  ਯੋਜਨਾਬੱਧ ਤਰੀਕੇ ਨਾਲ ਵਰਤਿਆ ਗਿਆ ਲੜਕੀਆਂ ਨੂੰ ਆਤਮਨਿਰਭਰ ਬਣਾਉਣ ਲਈ। ਇਹ ਫਿਲ ਕੀਤੀ ਹੈ ਸਮਾਜ ਸੇਵੀ ਸੰਸਥਾ ਯੂਥ ਵੀਰਾਂਗਨਾਏਂ ਨਾਮੀ ਸੰਸਥਾ ਨੇ। 
ਦੁਨੀਆ ਭਰ ਵਿੱਚ ਇਹ ਕਲਾ ਇੱਕ ਕਿੱਤੇ ਵੱਜੋਂ ਪ੍ਰਸਿੱਧ ਹੋ ਰਹੀ ਹੈ। ਵੱਡੇ ਮਹਾਂਨਗਰਾਂ ਤੋਂ ਬਾਅਦ ਹੁਣ ਇਹ ਬਾਜ਼ਾਰ ਗਲੀਆਂ ਮੁਹੱਲਿਆਂ ਤੱਕ ਵੀ ਪਹੁੰਚ ਗਿਆ ਹੈ। ਸਮਾਜ ਸੇਵੀ ਸੰਸਥਾ ਯੂਥ ਵੀਰਾਂਗਨਾਏਂ ਰਜਿ. ਦੀ ਲੁਧਿਆਣਾ ਇਕਾਈ ਨੇ ਲੜਕੀਆਂ ਨੂੰ ਆਤਮ ਨਿਰਭਰ ਬਨਾਉਂਣ ਲਈ ਅੱਜ ਸਿਵਲ ਲਾਈਨਜ਼ ਵਿਖੇ ਮੁਫ਼ਤ ਬਿੳੂਟੀ ਪਾਰਲਰ ਟਰੇਨਿੰਗ ਸੈਂਟਰ ਖੋਲਿਆ। ਅਸ਼ੀਮਾ ਬਿੳੂਟੀ ਪਾਰਲਰ ਨਾਂਅ ਦੇ ਇਸ ਬਿੳੂਟੀ ਪਾਰਲਰ ਵਿੱਚ ਯੂਥ ਵੀਰਾਂਗਣਾ ਸ਼ਸ਼ੀ ਵਰਮਾ ਵੱਲੋਂ ਲੋੜਵੰਦ ਲੜਕੀਆਂ ਨੂੰ ਮੁਫ਼ਤ ਬਿੳੂਟੀ ਪਾਰਲਰ ਦੀ ਟਰੇਨਿੰਗ ਦੇਣ ਦਾ ਐਲਾਨ ਵੀ ਇਸ ਮੌਕੇ ਤੇ ਕੀਤਾ ਗਿਆ ਹੈ। 
                    ਕੁੜੀਆਂ ਨੂੰ ਆਪਣੇ ਪੈਰਾਂ ਉੱਤੇ ਖੜੇ ਕਰਨ ਦੇ ਮਕਸਦ ਨਾਲ ਆਯੋਜਿਤ ਇਸ ਸਮਾਗਮ ਮੌਕੇ ਯੂਥ ਵੀਰਾਂਗਨਾ ਹਰਜਿੰਦਰ ਕੌਰ ਨੇ ਗੱਲਬਾਤ ਕਰਦੇ ਹੋਏ ਦੱਸਿਆ ਕਿ ਯੂਥ ਵੀਰਾਂਗਨਾਏਂ ਇੱਕ ਸਮਾਜ ਸੇਵੀ ਸੰਸਥਾ ਹੈ। ਸੰਸਥਾ ਲੋੜਵੰਦ ਲੜਕੀਆਂ ਨੂੰ ਆਤਮ ਨਿਰਭਰ ਬਨਾਉਂਣ ਲਈ ਮੁਫ਼ਤ ਸਿਲਾਈ ਸੈਂਟਰ, ਮੁੱਫਤ ਬਿੳੂਟੀ ਪਾਰਲਰ ਖੋਲ੍ਹ ਕੇ ਮੁੱਫਤ ਸਿਖਲਾਈ ਦਿੰਦੀ ਹੈ। ਪੜ੍ਹਨ ਵਾਲੇ ਲੋੜਵੰਦ ਬੱਚਿਆਂ ਨੂੰ ਮੁਫ਼ਤ ਸਟੱਡੀ ਸੈਂਟਰ ਖੋਲ੍ਹ ਕੇ ਮੁੱਫਤ ਟਿੳੂਸ਼ਨ ਪੜ੍ਹਾਉਂਦੀ ਹੈ। ਸੰਸਥਾ ਨੇ ਲੋੜਵੰਦ ਗਰਭਵਤੀ ਔਰਤਾਂ ਨੂੰ ਸੰਤੁਲਿਤ ਭੋਜਨ ਮੁਹੱਈਆ ਕਰਵਾਉਂਣਾ, ਭਰੂਣ ਹੱਤਿਆ ਛਡਾਉਂਣਾ, ਨਸ਼ੇ ਛੁਡਾਉਂਣ ਸਮੇਤ ਵੇਸਵਾਪੁਣਾ ਛੁਡਾਉਂਣ ਵਰਗੇ ਸਮਾਜ ਸੇਵਾ ਦੇ ਕੰਮ ਕਰਦੀ ਹੈ। ਪਿਛਲੇ ਹਫਤੇ ਸੰਸਥਾ ਨੇ ਢੋਲੇਵਾਲ ਦੇ ਪ੍ਰਭਾਤ ਨਗਰ ਵਿਖੇ ਲੋੜਵੰਦ ਔਰਤਾਂ ਅਤੇ ਬੱਚਿਆਂ ਨੂੰ ਕੱਪੜੇ ਵੰਡੇ ਸਨ। ਉਨ੍ਹਾਂ ਦੱਸਿਆ ਕਿ ਬਿੳੂਟੀ ਪਾਰਲਰ ਦੀ ਟਰੇਨਿੰਗ ਲੈਣ ਲਈ 14 ਲੜਕੀਆਂ ਨੇ ਆਪਣੇ ਨਾਂਅ ਦਰਜ ਕਰਵਾ ਦਿੱਤੇ ਹਨ। ਇਸ ਮੌਕੇ ਯੂਥ ਵੀਰਾਂਗਨਾ ਹਰਜਿੰਦਰ ਕੌਰ, ਸ਼ਸ਼ੀ ਵਰਮਾ, ਪਰਮਿੰਦਰ ਕੌਰ, ਸ਼ੈਲੀ, ਬਲਜੀਤ ਕੌਰ, ਰਿੱਤੂ, ਰਮਨ, ਕਰਿਸ਼ਨਾ ਆਦਿ ਹਾਜ਼ਰ ਸਨ। ਇਸ ਮੌਕੇ ਜ਼ਰੂਰੀ ਹੈ ਸੂਰਤ ਦੇ ਨਾਲ ਸੀਰਤ ਵਾਲੇ ਪਾਸੇ ਵੀ ਪੂਰਾ ਧਿਆਨ ਦਿੱਤਾ ਜਾਵੇ ਤਾਂ ਕਿ ਤੰਦੀ ਖੂਬਸੂਰਤੀ ਦੇ ਨਾਲ ਨਾਲ ਮਨ ਦੀ ਸੁੰਦਰਤਾ ਵੀ ਹੋਰ ਵਿਕਸਿਤ ਹੋ ਸਕੇ।    

Tuesday, October 06, 2015

ਵਿਆਹ ਤੋਂ ਬਾਅਦ ਵੀ ਛੂਹੇ ਜਾ ਸਕਦੇ ਨੇ ਸਫਲਤਾ ਦੇ ਅਸਮਾਨ

ਲੁਧਿਆਣਾ ਵਿੱਚ ਹੋਇਆ ਸੁਨੱਖੀ ਮੁਟਿਆਰ ਦੇ ਮੁਕਾਬਲੇ ਦਾ ਐਲਾਨ 
ਲੁਧਿਆਣਾ: 5 ਅਕਤੂਬਰ 2015: (ਪੰਜਾਬ ਸਕਰੀਨ ਬਿਊਰੋ):

ਕੀ ਵਿਆਹ  ਤੋਂ ਬਾਅਦ ਜ਼ਿੰਦਗੀ ਦਾ ਵਿਕਾਸ ਰੁਕ ਜਾਂਦਾ ਹੈ ਜਾਂ ਜ਼ਿੰਦਗੀ ਦੀਆਂ ਉਡਾਰੀਆਂ ਖਤਮ ਹੋ  ਜਾਂਦੀਆਂ ਨੇ...ਸਮਾਜ ਵਿੱਚ ਪਾਈ ਜਾਂਦੀ ਇਸ ਭਾਵਨਾ ਦੇ ਸੁਆਲ ਦਾ ਜੁਆਬ ਦੇਂਦਿਆਂ ਪ੍ਰਿਯਾ ਲਖਨਪਾਲ ਅਤੇ ਮੋਹਿਨੀ ਵਿਵੇਕ ਸ਼ਾਰਦਾ ਨੇ ਕਿਹਾ--ਨਹੀਂ ਅਜਿਹਾ ਬਿਲਕੁਲ ਵੀ ਨਹੀਂ।   ਸੁੰਦਰਤਾ ਅਤੇ ਫਿਲਮੀ ਦੁਨੀਆ ਨਾਲ ਜੁੜੀਆਂ ਇਹਨਾਂ ਦੋਹਾਂ ਸ਼ਖਸੀਅਤਾਂ ਨੇ ਆਪਣਾ ਹਵਾਲਾ ਦੇਂਦਿਆਂ ਦੱਸਿਆ ਕਿ ਅਸੀਂ ਇਹੀ ਸੁਨੇਹਾ ਦੇਣ ਲਈ ਹੀ ਲੁਧਿਆਣਾ ਆਈਆਂ ਹਾਂ ਕਿ ਸ਼ਾਦੀ ਬੰਧਨ ਨਹੀਂ ਸਗੋਂ ਇੱਕ ਨਵੀਂ ਸ਼ਕਤੀ ਬਣ ਜਾਂਦੀ ਹੈ ਜ਼ਿੰਦਗੀ ਦੇ ਸੁਪਨਿਆਂ ਨੂੰ ਪੂਰਾ ਕਰਨ ਲਈ।
ਇਸ ਮੌਕੇ ਤੇ ਉਹਨਾਂ ਦਾ ਸੁਆਗਤ ਕੀਤਾ ਬੇਲਨ ਬ੍ਰਿਗੇਡ ਦੀ ਪ੍ਰਮੁਖ ਅਨੀਤਾ ਸ਼ਰਮਾ ਅਤੇ ਰਾਸ਼ਟਰ ਧਰਮ ਦੇ ਕੁੰਵਰ ਰੰਜਨ ਸਿੰਘ ਜੈਨ ਨੇ। ਮੈਡਮ  ਅਨੀਤਾ ਸ਼ਰਮਾ ਅਤੇ ਸ਼੍ਰੀ ਕੁੰਵਰ ਰੰਜਨ ਨੇ ਇਸ ਮੁਕਾਬਲੇ ਦੇ ਅਸਲੀ ਮਕਸਦ ਬਾਰੇ ਚਾਨਣਾ ਪਾਉਂਦੀਆਂ ਕਿਹਾ ਕਿ ਇਸਦੀ ਸਫਲਤਾ ਲਈ ਪੂਰਾ ਸਹਿਯੋਗ ਦਿੱਤਾ ਜਾਵੇਗਾ।
ਇਸ ਮੌਕੇ ਤੇ ਗੱਲਬਾਤ ਕਰਦਿਆਂ ਪ੍ਰਿਯ ਲਖਨਪਾਲ ਅਤੇ ਮੋਹਿਨੀ ਸ਼ਾਰਦਾ ਨੇ ਜਿੱਥੇ ਜ਼ਿੰਦਗੀ ਦੇ ਵੱਖ ਵੱਖ ਪਹਿਲੂਆਂ ਬਾਰੇ ਗੱਲਬਾਤ ਕੀਤੀ ਉੱਥੇ ਸੁੰਦਰਤਾ ਦੇ ਅਸਲੀ ਅਰਥਾਂ ਬਾਰੇ ਵੀ ਦੱਸਿਆ। ਉਹਨਾਂ ਕਿਹਾ ਕੁੜੀਆਂ ਨੂੰ ਜ਼ੀਰੋ ਫਿਗਰ ਵਾਲੀ ਸੋਚ ਦੇ ਮਗਰ ਲੱਗ ਕੇ ਆਪਣੀ ਸਿਹਤ ਨੂੰ ਖਰਾਬ ਨਹੀਂ ਕਰਨਾ ਚਾਹੀਦਾ।

ਪ੍ਰਿਯਾ ਲਖਨਪਾਲ ਅਤੇ ਮੋਹਿਨੀ ਸ਼ਾਰਦਾ ਨੇ ਦੱਸੇ ਸਫਲਤਾ ਦੇ ਗੁਰ 

Tuesday, September 17, 2013

ਭਾਰਤੀ ਮੂਲ ਦੀ ਨੀਨਾ ਦਾਵੁਲੁਰੀ ਬਣੀ ਮਿਸ ਅਮਰੀਕਾ

 ਨਸਲੀ ਟਿੱਪਣੀਆਂ ਕਰਨ ਵਾਲਿਆਂ ਨੇ ਦਿਖਾਈ ਆਪਣੀ ਔਕਾਤ 
ਨਿਊਜਰਸੀ, 16 ਸਤੰਬਰ 2013: ਟੀਵੀ ਚੈਨਲਾਂ ਤੋਂ ਬਾਅਦ ਅੱਜ ਦੀਆਂ ਅਖਬਾਰਾਂ ਵੀ 24 ਸਾਲਾ ਮਿਸ ਨਿਊਯਾਰਕ ਨੀਨਾ ਦਾਵੁਲੁਰੀ ਦੀ ਖਬਰ ਨਾਲ  ਭਰੀਆਂ ਪਾਈਆਂ ਹਨ ਉਹੀ ਨੀਨਾ ਜਿਹੜੀ ਮਿਸ ਅਮਰੀਕਾ ਸੁੰਦਰਤਾ ਮੁਕਾਬਲਾ ਜਿੱਤਣ ਵਾਲੀ ਭਾਰਤੀ ਮੂਲ ਦੀ ਪਹਿਲੀ ਪ੍ਰਤੀਯੋਗੀ ਬਣੀ ਹੈ | ਜਦੋਂ ਉਸ ਨੂੰ ਮਿਸ ਅਮਰੀਕਾ ਦਾ ਤਾਜ ਇਥੇ ਹੋਏ ਇਕ ਸ਼ਾਨਦਾਰ ਸਮਾਗਮ ਵਿਚ ਪਹਿਨਾਇਆ ਗਿਆ ਤਾਂ ਉਸਦੇ ਚਿਹਰੇ ਤੇ ਆਈ ਖੁਸ਼ੀ ਅਤੇ ਚਮਕ ਦੇਖਣ ਵਾਲੀ ਸੀ| ਆਪਣੇ ਪਿਤਾ ਦੀ ਤਰ੍ਹਾਂ ਡਾਕਟਰ ਬਣਨ ਦੀ ਚਾਹਵਾਨ ਨੀਨਾ ਨੂੰ ਇਸ ਜਿੱਤ ਲਈ ਘੱਟੋ-ਘੱਟ 50,000 ਡਾਲਰ ਸਕਾਲਰਸ਼ਿਪ ਵਜੋਂ ਮਿਲਣਗੇ| ਪੀਲੇ ਰੰਗ ਦੇ ਇਕ ਬੇਹੱਦ ਮਨਮੋਹਕ ਲਿਬਾਸ ਵਿਚ ਲਿਪਟੀ ਨੀਨਾ ਮਿਸ ਅਮਰੀਕਾ ਐਲਾਨੇ ਜਾਣ ਉਪਰੰਤ ਆਪਣੀਆਂ ਅੱਖਾਂ ਵਿਚ ਛਲਕਦੇ ਹੋਏ ਖੁਸ਼ੀ ਦੇ ਹੰਝੂ ਲੈ ਕੇ ਰੈਂਪ 'ਤੇ ਆਈ| ਇਹ ਖੁਸ਼ੀ ਦੇ ਹੰਝੂ ਸਨ| ਤਾਜ ਪਹਿਣਨ ਉਪਰੰਤ ਨੀਨਾ ਨੇ ਕਿਹਾ ਕਿ ਮੈਂ ਬੇਹੱਦ ਖੁਸ਼ ਹਾਂ| 
ਇਸ ਖੁਸ਼ ਖਬਰੀ ਦੇ ਨਾਲ ਹੀ ਇੱਕ ਉਦਾਸ ਖਬਰ ਵੀ ਆਈ| ਆਧੁਨਿਕਤਾ ਦੇ ਇਸ ਯੁਗ ਵਿੱਚ ਵੀ ਅਮਰੀਕੀਆਂ ਨੇ ਇਸ ਚੋਣ ਤੇ ਤੇ ਆਪਣੀ ਨਾਖੁਸ਼ੀ ਅਤੇ ਤੰਗ ਦਿਲੀ ਦਿਖਾਈ। ਉਹਨਾਂ ਨੇ ਨੀਨਾ ਤੇ ਨਸਲੀਂ ਟਿੱਪਣੀਆਂ ਕਰਨ ਤੋਂ ਵੀ ਗੁਰੇਜ਼ ਨਹੀਂ ਕੀਤਾ। ਇਹ ਸਿਲਸਿਲਾ ਸੋਸ਼ਲ ਮੀਡੀਆ ਤੇ ਸ਼ਾਇਦ ਅਜੇ ਵੀ ਜਾਰੀ ਹੋਵੇ|ਜਿੱਤਣ ਤੋਂ ਬਾਅਦ ਅਮਰੀਕਾ 'ਚ ਉਸ 'ਤੇ ਭੱਦੀ ਕਿਸਮ ਦੀਆਂ ਨਸਲੀ ਟਿੱਪਣੀਆਂ ਕੀਤੀਆਂ ਜਾ ਰਹੀਆਂ ਹਨ| ਟਵਿੱਟਰ 'ਤੇ ਲੋਕਾਂ ਨੇ ਲਿਖਿਆ ਕਿ 'ਵੇਖੋ ਕਿਵੇਂ ਇਕ ਗੈਰ-ਅਮਰੀਕੀ ਹੀ ਮਿਸ ਅਮਰੀਕਾ ਬਣ ਗਈ| ਲੋਕਾਂ ਨੇ ਉਸ ਦੇ ਰੰਗ ਨੂੰ ਲੈ ਕੇ ਵੀ ਘਟੀਆ ਟਿੱਪਣੀਆਂ ਕੀਤੀਆਂ| ਕਈ ਲੋਕਾਂ ਨੇ ਉਸ ਨੂੰ ਮੋਟੀ ਤਾਂ ਕਈਆਂ ਨੇ ਉਸ ਨੂੰ ਵਿਦੇਸ਼ੀ ਤੱਕ ਕਹਿ ਦਿੱਤਾ| ਕਈ ਲੋਕਾਂ ਨੇ ਇਹ ਵੀ ਕਿਹਾ ਕਿ ਰਾਸ਼ਟਰਪਤੀ ਓਬਾਮਾ ਨੂੰ ਖੁਸ਼ ਕਰਨ ਲਈ ਉਸ ਨੂੰ ਮਿਲ ਅਮਰੀਕਾ ਬਣਾਇਆ ਗਿਆ ਹੈ| ਕੁਲ ਮਿਲਾ ਕੇ ਇਸ ਇਸ ਖੁਸ਼ੀ ਦੇ ਮੌਕੇ ਤੇ ਉਦਾਸੀ ਅਤੇ ਸਾੜਾ ਵੰਡਣ ਵਾਲੇ ਕੁਝ ਲੋਕ ਅਜਿਹੀਆਂ ਟਿੱਪਣੀਆਂ ਨਾਲ ਸਿਰਫ ਆਪਣਾ ਛੁਪਿਆ ਹੋਇਆ ਅਸਲੀ ਚੇਹਰਾ ਖੁਦ ਆਪਣੇ ਹਥੀਂ ਹੀ ਬੇਨਕਾਬ ਕਰ ਰਹੇ ਹਨ|


Thursday, September 12, 2013

ਜ਼ਿੰਦਗੀ ਹਰ ਕਦਮ ਇੱਕ ਨਈ ਜੰਗ ਹੈ

ਸੁੰਦਰਤਾ ਦੇ ਨਾਲ ਨਾਲ ਰੱਸਾਕਸ਼ੀ ਦੇ ਮੁਕਾਬਲੇ 
ਜਦੋਂ ਤੱਕ ਜ਼ਿੰਦਗੀ ਵਿੱਚ ਕੋਈ ਮੁਕਾਬਲਾ ਹੀ ਨਾ ਹੋਵੇ---ਕੋਈ ਚੈਲੰਜ ਹੀ ਸਾਹਮਣੇ ਨਾ ਹੋਵੇ ਉਦੋਂ ਤੱਕ ਜ਼ਿੰਦਗੀ 'ਚ ਕੋਈ ਮਜ਼ਾ ਹੀ ਨਹੀਂ ਆਉਂਦਾ। ਇਸ ਲਈ ਜਿਹਨਾਂ ਨੂੰ ਇਸ ਤੱਤ ਸਾਰ ਦੀ ਸਮਝ ਲੱਗ ਗਈ ਹੈ ਕਿ ਜ਼ਿੰਦਗੀ ਹਰ ਕਦਮ ਇੱਕ ਨਈ ਜੰਗ ਹੈ ਓਹ  ਲੋਕ ਹਰ ਕਦਮ ਤੇ ਕਿਸੇ ਨਾ ਕਿਸੇ ਚੁਨੌਤੀ ਨੂੰ ਲਭ ਹੀ ਲੈਂਦੇ ਹਨ। ਇਹ ਮੁਟਿਆਰਾਂ ਇੰਡੋਨੇਸ਼ੀਆ ਵਿੱਚ ਗਈਆਂ ਤਾਂ ਸੁੰਦਰਤਾ ਦੇ ਮੁਕਾਬਲਿਆਂ ਵਿੱਚ ਹਿੱਸਾ ਲੈਣ ਪਰ ਵੇਹਲੇ ਵੇਲੇ ਇਹਨਾਂ ਨੇ ਰੱਸਾਕਸ਼ੀ ਦਾ ਮੁਕਾਬਲਾ ਵੀ ਲਭ ਲਿਆ। ਜਿਸਮ ਅਤੇ ਚੇਹਰੇ ਦੀ ਸੁੰਦਰਤਾ ਵੀ ਸਿਰਫ ਪਾਊਡਰਾਂ ਕਰੀਮਾਂ ਅਤੇ ਬਿੰਦੀਆਂ ਸੁਰਖੀਆਂ ਨਾਲ ਨਹੀਂ ਬਲਕਿ ਜਿਸਮ ਦੀ ਵਰਜਿਸ਼ ਅਤੇ ਮਨ ਦੇ ਜੋਸ਼ ਨਾਲ ਵਿਕਸਿਤ ਹੁੰਦੀ ਹੈ। ਜਰਾ ਧਿਆਨ ਨਾਲ ਦੇਖਿਓ ਤੁਹਾਨੂੰ ਇਹਨਾਂ ਮੁਟਿਆਰਾਂ ਦੇ ਚਿਹਰਿਆਂ ਤੇ ਨਜ਼ਰ ਆ ਰਹੀ ਹੈ ਨਾ ਅਸਲੀ ਖੂਬਸੂਰਤੀ ਜਿਹੜੀ ਮੇਕਅਪ ਦੀ ਗੁਲਾਮ ਨਹੀਂ ਹੁੰਦੀ। ਇਹ ਫੋਟੋ ਰੋਜ਼ਾਨਾ ਜਗਬਾਣੀ ਚੋਂ ਧੰਨਵਾਦ ਸਹਿਤ।