ਹੋਰ ਗਲਤੀਆਂ ਵੀ ਸੁਧਾਰੀਆਂ ਜਾ ਰਹੀਆਂ ਹਨ-ਕਾਹਨ ਸਿੰਘ ਪੰਨੂ
 |
| ਪਹਿਲਾਂ ਹੀ ਇਸ ਸਾਈਨ ਬੋਰਡ ਤੇ ਪਹਿਲਾਂ ਸਮਰਾਲਾ ਦੀ ਥਾਂ ਸਸਰਾਲਾ ਲਿਖਿਆ ਹੁੰਦਾ ਸੀ |
 |
| ਸ੍ਰ. ਕਾਹਨ ਸਿੰਘ ਪੰਨੂ |
ਜਦੋਂ ਇਹ ਲਿਖਤ ਸੋਸ਼ਲ ਮੀਡੀਆ ਤੇ ਸ਼ੇਅਰ ਹੋਈ ਤਾਂ ਸੇਵਾ ਮੁਕਤ ਆਈ ਏ ਐੱਸ ਅਧਿਕਾਰੀ ਕਾਹਨ ਸਿੰਘ ਪੰਨੂੰ ਹੁਰਾਂ ਨੇ ਇਸਦਾ ਤੁਰੰਤ ਨੋਟਿਸ ਲਿਆ। ਉਹਨਾਂ ਤੁਰੰਤ ਇਸ ਸਬੰਧੀ ਭਰੋਸਾ ਦੁਆਇਆ ਕਿ ਇਸ ਗਲਤੀ ਨੂੰ ਜਲਦੀ ਹੀ ਠੀਕ ਕੀਤਾ ਜਾਵੇਗਾ। ਉਹਨਾਂ ਵੱਲੋਂ ਇਸ ਸਬੰਧੀ ਜ਼ਰੂਰੀ ਕਦਮ ਚੁੱਕਣ ਦੇ ਹੁਕਮ ਵੀ ਜਾਰੀ ਕਰ ਦਿੱਤੇ ਗਏ। ਜ਼ਿਕਰਯੋਗ ਹੈ ਕਿ ਸਰਦਾਰ ਕਾਹਨ ਸਿੰਘ ਪੰਨੂ ਨੈਸ਼ਨਲ ਹਾਈਵੇਅ ਅਥਾਰਟੀ ਦੇ ਸਲਾਹਕਾਰ ਵੀ ਹਨ।
ਉਹਨਾਂ ਦਾ ਕਹਿਣਾ ਹੈ ਕਿ ਪੰਜਾਬ ਵਿੱਚ ਸੜਕਾਂ ਤੇ ਪਿੰਡ ਸ਼ਹਿਰ ਦਰਸਾਂਦੇ ਸਾਈਨ ਬੋਰਡ ਪੰਜਾਬੀ/ ਅੰਗਰੇਜ਼ੀ ਵਿੱਚ ਲੱਗੇ ਹੋਏ ਹਨ। ਨੈਸ਼ਨਲ ਹਾਈਵੇ ਅਥਾਰਟੀ ਵਿੱਚ ਅਸੀਂ ਕਾਫੀ ਕੋਸ਼ਿਸ਼ ਕਰ ਰਹੇ ਹਾਂ ਕਿ ਗੁਰਮੁਖੀ ਵਿੱਚ ਲਿਖੇ ਨਾਮ ਦਰੁਸਤ ਹੋਣ, ਪਰ ਫੇਰ ਵੀ ਕਈ ਥਾਵਾਂ ਤੇ ਸ਼ਬਦਾਂ ਜਾਂ ਸ਼ਬਦ ਜੋੜਾਂ ਦੀਆਂ ਗਲਤੀਆਂ ਅੱਖਾਂ ਨੂੰ ਰੜਕਦੀਆਂ ਮਿਲ ਜਾਂਦੀਆਂ ਹਨ ।
ਜਿੱਥੇ ਵੀ ਅਜਿਹੀ ਗਲਤੀ ਕਿਸੇ ਵੀ ਸੱਜਣ ਦੇ ਧਿਆਨ ਗੋਚਰੇ ਆਵੇ ਤਾਂ ਕਿਰਪਾ ਕਰਕੇ ਉਹ ਇਸ ਬਾਰੇ ਮੈਨੂੰ ਜਾਣਕਾਰੀ ਦੇਣ ਦੀ ਖੇਚਲ ਕਰਨ ਜੀ। ਇਹ ਜਾਣਕਾਰੀ ਦੇਣ ਸਮੇ ਅਜਿਹੇ ਸਾਈਨਬੋਰਡ ਦਾ ਸਹੀ ਪਤਾ ਜਰੂਰ ਦੱਸਿਆ ਜਾਵੇ। ਉਹਨਾਂ ਨਾਲ ਸੰਪਰਕ ਲਈ ਉਹਨਾਂ ਦਾ ਮੋਬਾਈਲ ਨੰਬਰ ਹੈ: 94171 11922
ਇਹਨਾਂ ਗਲਤੀਆਂ ਦਾ ਹੋਣਾ ਕੋਈ ਵੱਡੀ ਗੱਲ ਨਹੀਂ ਪਰ ਸਾਡਾ ਸਾਰਿਆਂ ਦਾ ਇਸ ਪਾਸੇ ਧਿਆਨ ਨਾ ਦੇਣਾ ਵੱਡੀ ਚਿੰਤਾ ਵਾਲੀ ਗੱਲ ਹੈ। ਆਓ ਸਾਰੇ ਇਸ ਪਾਸੇ ਧਿਆਨ ਦੇਈਏ।
No comments:
Post a Comment