ਨਹੀਂ ਰਹੇ ਉਘੇ ਲੇਖਕ ਕੇ. ਮਨਜੀਤ

ਅੰਤਿਮ ਸੰਸਕਾਰ ਬਾਅਦ ਦੁਪਹਿਰ ਦੋ ਵਜੇ ਮਾਡਲ ਟਾਊਨ ਐਕਸਟੈਨਸ਼ਨ ਲੁਧਿਆਣਾ ਵਿਖੇ 

ਲੁਧਿਆਣਾ: 18 ਅਕਤੂਬਰ 2021: (ਪੰਜਾਬ ਸਕਰੀਨ ਬਿਊਰੋ)::

ਪ੍ਰਸਿੱਧ ਪਰਚੇ ਸ੍ਰਿਸ਼ਟੀ ਦੇ ਸੰਪਾਦਕ ਅਤੇ ਸੰਸਥਾਪਕ ਕੇ. ਮਨਜੀਤ ਹੁਣ ਨਹੀਂ ਰਹੇ। ਪਿਛਲੇ ਕੁਝ ਦਿਨਾਂ ਤੋਂ ਬਿਮਾਰ ਹੋਣ ਕਾਰਨ ਡੀਐਮਸੀ ਹਸਪਤਾਲ ਵਿੱਚ ਦਾਖਲ ਸਨ। ਬੀਤੀ ਰਾਤ ਉਹ ਮੌਤ ਨਾਲ ਜ਼ਿੰਦਗੀ ਦੀ ਜੰਗ ਲੜਦਿਆਂ ਹਾਰ ਗਏ। ਅੰਤਿਮ ਸੰਸਕਾਰ ਬਾਦ ਦੁਪਹਿਰ ਦੋ ਵਜੇ ਮਾਡਲ ਟਾਊਨ ਐਕਸਟੈਨਸ਼ਨ ਵਾਲੇ ਸ਼ਮਸ਼ਾਨਘਾਟ ਵਿੱਚ ਹੋਣਾ ਹੈ। ਅਦਾਰਾ ਪੰਜਾਬ ਸਕਰੀਨ ਉਹਨਾਂ ਦੇ ਪਰਿਵਾਰ ਅਤੇ ਹੋਰ ਸਨੇਹੀਆਂ ਨਾਲ ਇਸ ਦੁੱਖ ਵਿੱਚ ਸ਼ਾਮਲ ਹੈ। ਉਹਨਾਂ ਆਪਣੀ ਮੁਢਲੀ ਵਿੱਦਿਆ ਓਕਾੜਾ  ਕਾਲਜ ਪੰਜ ਕੂਚਾ ਫੀਲਡਗੰਜ ਤੋਂ ਸ਼ੁਰੂ ਕੀਤੀ ਅਤੇ ਜ਼ਿੰਦਗੀ ਦੇ ਵੱਖ ਖੇਤਰਾਂ ਵਿੱਚ ਮੁਸ਼ਕਲਾਂ ਦੇ ਬਾਵਜੂਦ  ਬਹੁਤ ਸਾਰੀਆਂ ਬੁਲੰਦੀਆਂ ਛੂਹੀਆਂ। ਕਵਿਤਾ, ਕਹਾਣੀ, ਨਾਵਲ, ਫ਼ਿਲਮਾਂ ਅਤੇ ਰੇਡੀਓ ਬਹੁਤ ਸਾਰੇ ਖੇਤਰਾਂ ਵਿੱਚ ਉਹ ਸਰਗਰਮ ਰਹੇ। ਓਕਾੜਾ  ਕਾਲਜ ਦੇ ਸੰਸਥਾਪਕ ਗਿਆਨੀ ਗੁਰਬਖਸ਼ ਸਿੰਘ ਉਹਨਾਂ ਦੇ ਗੋਡ ਫਾਦਰ ਵੀ ਸਨ। ਪੀਏਯੂ ਵਿੱਚ ਕਈ ਅਹੁਦਿਆਂ ਤੇ ਕੰਮ ਕਰਦੇ ਰਹੇ ਸਰਗਰਮ ਲੋਕ ਪੱਖੀ ਆਗੂ ਇੰਦਰਪਾਲ ਕਥੂਰੀਆ ਨੇ ਆਪਣੇ ਛੋਟੇ ਭਰਾ ਕੇ ਮਨਜੀਤ ਨੂੰ ਕਦਮ ਕਦਮ ਤੇ ਅਗਵਾਈ ਦਿੱਤੀ। ਇਸ ਪੂਰੇ ਪਰਿਵਾਰ ਨੇ ਸਮਾਜ ਲਈ ਬਹੁਤ ਕੁਝ ਕੀਤਾ ਖਾਸ ਕਰਕੇ ਵਿੱਦਿਆ ਦੇ ਖੇਤਰ ਵਿੱਚ ਜਿਸਦੀ ਚਰਚਾ ਕਿਸੇ ਵੱਖਰੀ ਪੋਸਟ ਵਿਚ ਜਲਦੀ ਹੀ ਕੀਤੀ ਜਾਏਗੀ। ਆਰਥਿਕ ਪੱਖੋਂ ਕਮਜ਼ੋਰ ਬਹੁਤ ਸਾਰੇ ਘਰਾਂ ਦੇ ਬੱਚਿਆਂ ਨੂੰ ਉੱਚੀ ਤਾਲੀਮ ਦੁਆ ਕੇ ਚੰਗੀਆਂ ਨੌਕਰੀਆਂ ਤੇ ਵੀ ਲਗਵਾਇਆ। 

ਗਿਆਨੀ ਗੁਰਬਖਸ਼ ਸਿੰਘ ਦੇ ਸ਼ਗਿਰਦ ਹਰ ਖੇਤਰ ਵਿਚ ਮਿਲ ਜਾਂਦੇ ਉਸੇ ਤਰ੍ਹਾਂ ਕੇ ਮਨਜੀਤ ਦੇ ਸਨੇਹੀ ਵੀ ਤਕਰੀਬਨ ਹਰ ਥਾਂ ਮੌਜੂਦ ਮਿਲਦੇ। ਪਰਿਵਾਰ ਵਾਲੱਲੋਂ ਅੰਤਿਮ ਸੰਸਕਾਰ ਦੀ ਸੂਚਨਾ ਹਿਤ ਜਾਰੀ ਕੀਤਾ ਗਿਆ ਕਾਰਡ ਇਥੇ ਵੀ ਪ੍ਰਕਾਸ਼ਿਤ ਕੀਤਾ ਜਾ ਰਿਹਾ ਹੈ। 

ਭੋਗ ਦੀ ਇਤਲਾਹ ਵੀ ਜਲਦੀ ਹੀ ਦਿੱਤੀ ਜਾਏਗੀ। ਪਰਿਵਾਰ ਨਾਲ ਸੰਪਰਕ ਕਰਨ ਲਈ 70834-12345 ਅਤੇ ਦੂਸਰੇ ਨੰਬਰ 82869-12345 ਤੇ ਸੰਪਰਕ ਕੀਤਾ ਜਾ ਸਕਦਾ ਹੈ। 

ਉਹਨਾਂ ਦੇ ਵਿਛੋੜੇ ਦੀ ਇਸ ਦੁਖਦ ਸੂਚਨਾ ਤੋਂ ਬਾਅਦ ਸਾਹਿਤਿਕ ਹਲਕਿਆਂ ਵਿੱਚ ਵੀ ਸੋਗ ਦੀ ਲਹਿਰ ਹੈ। ਉੱਘੇ ਲੇਖਕ ਪ੍ਰੋਫੈਸਰ ਗੁਰਭਜਨ ਗਿੱਲ, ਡਾਕਟਰ ਹਰਜਿੰਦਰ ਸਿੰਘ ਲਾਲ, ਸਰਗਰਮ ਪੱਤਰਕਾਰ ਅਸ਼ਵਨੀ ਜੇਤਲੀ, ਟ੍ਰੇਡ ਯੂਨੀਅਨ  ਲੀਡਰ ਐਮ ਐਸ ਭਾਟੀਆ,  ਪ੍ਰਦੀਪ ਸ਼ਰਮਾ ਇਪਟਾ, ਪੰਜਾਬ ਸਕਰੀਨ ਦੀ ਟੀਮ ਦੇ ਸਮੂਹ ਮੈਂਬਰਾਂ ਅਤੇ ਕਈ ਹੋਰਾਂ ਨੇ ਡੂੰਘੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਹੈ। --ਰੈਕਟਰ ਕਥੂਰੀਆ 

ਨਹੀਂ ਰਹੇ ਉਘੇ ਲੇਖਕ ਕੇ. ਮਨਜੀਤ