ਮੇਲਾ ਲਾਉਂਦਾ ਸੀ ਜਸੋਵਾਲ/ਜਨਮੇਜਾ ਸਿੰਘ ਜੌਹਲ

Fri, Oct 21, 2016 at 8:42 AM

ਜਗਦੇਵ ਸਿੰਘ ਜਸੋਵਾਲ ਵਰਗੇ ਦੂਰ–ਅੰਦੇਸ਼ੀ, ਅੱਜ ਦੂਰਬੀਨ ਲਾਇਆ ਵੀ ਨਹੀਂ ਲੱਭਦੇ

ਮੇਲੇ ਲਾਉਣਾ ਹਾਰੀ ਸਾਰੀ ਦਾ ਕੰਮ ਨਹੀਂ ਹੁੰਦਾ। ਮੇਲਾ ਲਾਉਣ ਤੋਂ ਪਹਿਲੋਂ ਉਮਰ ਲਾਉਣੀ ਪੈਂਦੀ ਹੈ। ਲੋਕ ਬੰਦਿਆ ਨਾਲ ਜੁੜਦੇ ਹਨ, ਸੰਸਥਾਵਾਂ ਨਾਲ ਨਹੀਂ। ਸੰਸਥਾਵਾਂ ਕਦੇ ਮੋਲਿਕਤਾ ਨੂੰ ਅੱਗੇ ਨਹੀਂ ਤੋਰਦੀਆਂ, ਇਹੋ ਸੱਚ ਹੈ। ਮੋਲਿਕਤਾ ਕਿਸੇ ਵੀ ਰੂਪ ਵਿਚ ਹੋਵੇ, ਕਲਾ, ਭੋਤਿਕਤਾ, ਸਿਆਸੀ ਜਾਂ ਭਰਮਣ, ਹਮੇਸ਼ਾਂ ਕਿਸੇ ਵਿਅਕਤੀ ਵਿਸ਼ੇਸ਼ ਕਰਕੇ ਹੀ ਅੱਗੇ ਵੱਧਦੀ ਹੈ। ਸੰਸਥਾਵਾਂ ਉੱਤੇ ਆਮ ਤੌਰ ਤੇ ਅਰਧ–ਗਿਆਨੀ ਲੋਕ ਹੀ ਕਾਬਜ਼ ਹੋ ਜਾਂਦੇ ਹਨ। ਲੋਕਾਂ ਵਿਚ ਨਿਰਾਸ਼ਾ ਦਾ ਮੂਲ ਕਾਰਣ, ਇਹੀ ਵਰਤਾਰਾ ਹੈ। ਮੌਲਿਕ ਲੋਕਾਂ ਦੀ ਸਮਝ ਸਮਾਂ ਪਾ ਕੇ ਲੱਗਦੀ ਹੈ, ਉਹ ਹਮੇਸ਼ਾਂ ਆਪਣੇ ਭੋਤਿਕ ਸਮੇਂ ਤੋਂ ਅੱਗੇ ਹੁੰਦੇ ਹਨ, ਇਸ ਲਈ , ਅਰਧ–ਗਿਆਨੀਆਂ ਦੇ ਗੁੱਸੇ ਦਾ ਸ਼ਿਕਾਰ ਬਣਦੇ ਹਨ। ਜਗਦੇਵ ਸਿੰਘ ਜਸੋਵਾਲ ਵਰਗੇ ਦੂਰ–ਅੰਦੇਸ਼ੀ, ਅੱਜ ਦੂਰਬੀਨ ਲਾਇਆ ਵੀ ਨਹੀਂ ਲੱਭਦੇ। (ਫੋਟੋ : 90 ਵੇ ਆਂ ਚ ਮੋਹਨ ਸਿੰਘ ਮੇਲਾ, ਪੰਜਾਬੀ ਭਵਨ, ਲੁਧਿਆਣਾ)