ਬਿਹਾਰ ਅਤੇ ਝਾਰਖੰਡ ਵਿੱਚ ਦੋ ਪੱਤਰਕਾਰ ਸ਼ਹੀਦ

ਦੋਹਾਂ ਨੂੰ ਬਿਲਕੁਲ ਨੇੜਿਓਂ ਗੋਲੀ ਮਾਰੀ ਗਈ--ਹਮਲਾਵਰ ਫਰਾਰ 

ਰਾਜਦੇਵ ਰੰਜਨ 

ਗੁੰਡਾਗਰਦੀ ਅਤੇ ਗੈਂਗਸ਼ਾਹੀ ਹਰ ਪਾਸੇ ਆਪਣੀ ਦਹਿਸ਼ਤ ਫੈਲਾ ਰਹੀ ਹੈ। ਜੇ ਅੰਮ੍ਰਿਤਸਰ  ਵਿੱਚ ਐਸ ਐਮ ਓ ਡਾਕਟਰ ਆਰ ਐਸ ਸੇਠੀ ਦੇ ਘਰ 'ਤੇ ਫਾਇਰਿੰਗ ਕੀਤੀ ਗਈ ਤਾਂ ਹੁਣ ਖਤਰਨਾਕ ਖਬਰ ਆਈ ਹੈ ਬਿਹਾਰ ਤੋਂ ਜਿੱਥੇ ਇੱਕ ਪ੍ਰਮੁਖ ਹਿੰਦੀ ਅਖਬਾਰ "ਹਿੰਦੋਸਤਾਨ" ਦੇ ਸੀਵਾਨ ਸਥਿਤ ਬਿਊਰੋ ਚੀਫ਼ ਰਾਜਦੇਵ ਰੰਜਨ ਨੂੰ ਗੋਲੀ ਮਾਰ ਕੇ ਸ਼ਹੀਦ ਕਰ ਦਿੱਤਾ ਗਿਆ ਹੈ। ਡਿਊਟੀ ਕਰਨ ਮਗਰੋਂ ਰਾਤੀਂ ਅਠ ਵਜੇ ਘਰ ਪਰਤਦਿਆਂ ਉਹਨਾਂ ਨੂੰ ਰਸਤੇ ਵਿੱਚ ਘੇਰ ਕੇ ਗੋਲੀਆਂ ਮਾਰ ਦਿੱਤੀਆਂ ਗਈਆਂ। ਇੱਕ ਗੋਲੀ ਸਿਰ ਵਿੱਚ ਲੱਗੀ ਅਤੇ ਦੂਸਰੀ ਗੋਲੀ ਗਰਦਨ ਵਿੱਚ। ਹਮਲਾਵਰ ਮੋਟਰਸਾਈਕਲ ਤੇ ਆਏ ਅਤੇ ਕਾਰਾ ਕਰਨ ਮਗਰੋਂ ਆਰਾਮ ਨਾਲ ਫਰਾਰ ਹੋ ਗਏ। ਗੰਭੀਰ ਜ਼ਖਮੀ ਹਾਲਤ ਵਿੱਚ ਉਹਨਾਂ ਨੂੰ ਤੁਰੰਤ ਹਸਪਟਲ ਲਿਜਾਇਆ ਗਿਆ ਪਰ ਉਹ ਰਸਤੇ ਵਿੱਚ ਹੀ ਦਮ ਤੋੜ ਗਏ। ਹਸਪਤਾਲ ਪਹੁੰਚ ਕੇ ਡਾਕਟਰਾਂ ਨੇ ਉਹਨਾਂ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਰਾਜਦੇਵ ਕਰੀਬ 20 ਸਾਲਾਂ ਤੋਂ ਪੱਤਰਕਾਰੀ ਦੇ ਖੇਤਰ ਵਿੱਚ ਸਨ। ਕਿਹਾ ਜਾਂਦਾ ਹੈ ਕਿ ਉਹਨਾਂ ਨੂੰ ਕਈ ਵਾਰ ਧਮਕੀਆਂ ਆ ਚੁੱਕੀਆਂ ਸਨ। ਪੁਲਿਸ ਸੂਤਰਾਂ ਦਾ ਕਹਿਣਾ ਹੈ ਕਿ ਇਸ ਕਤਲ ਦਾ ਮਕਸਦ ਅਜੇ ਤੱਕ ਅਸਪਸ਼ਟ ਹੈ ਕਿਓਂਕਿ ਮ੍ਰਿਤਕ ਦੀ ਕਿਸੇ ਨਾਲ ਕੋਈ ਦੁਸ਼ਮਣੀ ਨਹੀਂ ਸੀ। 

ਇਸੇ ਦੌਰਾਨ ਵੀਰਵਾਰ ਦੀ ਰਾਤ ਨੂੰ ਝਾਰਖੰਡ ਦੇ ਛਤਰਾ ਵਿੱਚ ਇੱਕ ਸਥਾਨਕ ਚੈਨਲ ਦੇ ਪੱਤਰਕਾਰ ਅਖਿਲੇਸ਼ ਪ੍ਰਤਾਪ ਸਿੰਘ ਨੂੰ ਪਿੰਡ ਦੀ ਪੰਚਾਇਤ ਸਕੱਤਰੇਤ ਨੇੜੇ ਗੋਲੀਆਂ ਮਾਰ ਕੇ ਸ਼ਹੀਦ ਕਰ ਦਿੱਤਾ ਗਿਆ। ਮੁੱਖ ਮੰਤਰੀ ਰਘਬੀਰ ਦਾਸ ਨੇ ਇਸ ਘਟਨਾ ਦੀ  ਕੀਤੀ ਹੈ ਅਤੇ ਡੀਜੀਪੀ ਦੀ ਕੇ ਪਾਂਡੇ ਨੂੰ ਕਿਹਾ ਹੈ ਕਿ ਉਹ ਹਮਲਾਵਰਾਂ ਨੂੰ ਛੇਤੀ ਗ੍ਰਿਫਤਾਰ ਕਰਨ। ਅਖਿਲੇਸ਼ ਦੀ ਉਮਰ ਅਜੇ 35 ਸਾਲਾਂ ਦੀ ਸੀ।