Wednesday 23 March 2022 at 08:47 AM
ਸਰਵੋਤਮ ਡੈਲੀਗੇਟ ਸਮਰਿਧੀ ਕਪਿਲਾ ਨੂੰ ਐਲਾਨਿਆ ਗਿਆ
ਲੁਧਿਆਣਾ: 23 ਮਾਰਚ 2022: (ਐਜੂਕੇਸ਼ਨ ਸਕਰੀਨ ਬਿਊਰੋ)::
ਲੁਧਿਆਣਾ ਵਿੱਚ ਲੜਕੀਆਂ ਦੇ ਸਰਕਾਰੀ ਕਾਲਜ ਦੀਆਂ ਵਿਦਿਆਰਥਣਾਂ ਨੇ 22 ਮਾਰਚ 2022 ਨੂੰ ਲੋਕ ਪ੍ਰਸ਼ਾਸਨ ਵਿਭਾਗ ਦੁਆਰਾ ਆਯੋਜਿਤ ਮੌਕ ਐਮਰਜੈਂਸੀ ਪ੍ਰਧਾਨ ਮੰਤਰੀ ਮੀਟਿੰਗ ਵਿੱਚ ਹਿੱਸਾ ਲਿਆ। ਪ੍ਰਿੰਸੀਪਲ ਸ਼੍ਰੀਮਤੀ ਸੁਮਨ ਲਤਾ, ਵਾਈਸ ਪ੍ਰਿੰਸੀਪਲ ਸ਼੍ਰੀਮਤੀ ਕਿਰਪਾਲ ਕੌਰ, ਵਿਭਾਗ ਮੁੱਖੀ ਸ਼੍ਰੀਮਤੀ ਬਲਜੀਤ ਕੌਰ ਦੀ ਅਤੇ ਸਹਾਇਕ ਪ੍ਰੋਫੈਸਰ ਸ਼੍ਰੀ ਦਿਨੇਸ਼ ਸ਼ਾਰਦਾ ਦੀ ਅਗਵਾਈ ਅੰਦਰ ਕਰਵਾਈ ਇਸ ਕਾਨਫਰੰਸ ਦਾ ਏਜੰਡਾ ਰੂਸ-ਯੂਕਰੇਨੀ ਯੁੱਧ ਦੇ ਵਿਸ਼ੇਸ਼ ਸੰਦਰਭ ਦੇ ਨਾਲ ਅੰਤਰਰਾਸ਼ਟਰੀ ਸਬੰਧਾਂ ਵਿੱਚ ਭਾਰਤ ਦਾ ਰਾਸ਼ਟਰੀ ਹਿੱਤ ਸੀ। ਜਪਨੀਤ ਕੌਰ ਅਤੇ ਹਰਸਿਮਰ ਕੌਰ ਨੇ ਕ੍ਰਮਵਾਰ ਸੰਚਾਲਕ ਅਤੇ ਉਪ ਸੰਚਾਲਕ ਵਜੋਂ ਸੇਵਾ ਨਿਭਾਈ। ਸਰਵੋਤਮ ਡੈਲੀਗੇਟ ਸਮਰਿਧੀ ਕਪਿਲਾ ਨੂੰ, ਹਾਈ ਕਮੈਂਡੇਸ਼ਨ ਰਿਚਾ ਡੈਮ ਅਤੇ ਸਿਮਰਪ੍ਰੀਤ ਕੌਰ ਨੂੰ , ਸਵਾਤੀ ਮਲਹੋਤਰਾ , ਰਿਸ਼ਿਕਾ ਕ੍ਰਿਤੀ ਅਤੇ ਗੁਰਲੀਨ ਕੌਰ ਨੂੰ ਸਪੈਸ਼ਲ ਮੈਂਸ਼ਨ ਨਾਲ ਸਨਮਾਨਿਤ ਕੀਤਾ ਗਿਆ । ਇਹ ਇੱਕ ਇੰਟਰਐਕਟਿਵ ਅਤੇ ਜਾਣਕਾਰੀ ਭਰਪੂਰ ਸੈਸ਼ਨ ਸੀ ਕਿਉਂਕਿ ਡੈਲੀਗੇਟਾਂ/ਵਿਦਿਆਰਥਣਾਂ ਨੇ ਭਾਰਤ ਉੱਤੇ ਏਸ ਰੂਸੀ ਯੂਕਰੇਨੀ ਜੰਗ ਦੇ ਵੱਖ-ਵੱਖ ਪ੍ਰਭਾਵਾਂ ਅਤੇ ਇਸ ਨੂੰ ਦੂਰ ਕਰਨ ਲਈ ਕੁਝ ਰਣਨੀਤੀਆਂ ਬਾਰੇ ਵੀ ਚਰਚਾ ਕੀਤੀ। ਸਕੱਤਰੇਤ ਦੀਆਂ ਵਿਦਿਆਰਥਣਾਂ ਇਸ਼ਪ੍ਰੀਤ ਕੌਰ, ਮਨਵੀਰ ਕੌਰ, ਗੁਰਪ੍ਰਿਆ ਕੌਰ, ਅਸ਼ਮੀਤ ਕੌਰ, ਸਰਗੁਣ, ਈਵਾ ਅਰੋੜਾ ਅਤੇ ਕਰੁਣਾ ਦੇ ਸਾਂਝੇ ਯਤਨਾਂ ਸਦਕਾ ਇਹ ਸਮਾਗਮ ਸਫਲ ਸਾਬਤ ਹੋਇਆ। ਪਿੰਸੀਪਲ ਮੈਡਮ ਸੁਮਨ ਲਤਾ ਵੱਲੋ ਸਮੂਹ ਵਿਦਿਆਰਥਣਾ ਅਤੇ ਸਟਾਫ ਨੂੰ ਵਧਾਈ ਦਿੱਤੀ। ਸ੍ਰੀਮਤੀ ਬਲਜੀਤ ਕੌਰ ਜੀ ਵੱਲੋ ਸਭ ਦਾ ਧੰਨਵਾਦ ਕੀਤਾ ਗਿਆ।
