Showing posts with label Bhadaur. Show all posts
Showing posts with label Bhadaur. Show all posts

Wednesday, August 02, 2017

ਮਾਸਟਰ ਕੇਡਰ ਪ੍ਰਮੋਸ਼ਣ ਚ ਰੂਲਾਂ ਨਾਲ ਛੇੜ ਛਾੜ ਕੀਤੀ ਤਾਂ ਸ਼ਘੰਰਸ਼ ਕਰਾਂਗੇ

Wed, Aug 2, 2017 at 4:20 PM
ੲੀ ਟੀ ਟੀ ਆਗੂਆਂ ਨੇ ਮੰਗੀਆਂ  ਮੁੱਖ ਮੰਤਰੀ ਤੋ ਮੀਟਿੰਗ ਦਾ ਸਮਾਂ
ਭਦੋੜ: 2 ਅਗਸਤ 2017: (ਵਿਜੈ ਜਿੰਦਲ//ਪੰਜਾਬ ਸਕਰੀਨ)::
ਨਿਯਮਾਂ ਵਿੱਚ ਤਬਦੀਲੀਆਂ ਦੇ ਖਦਸ਼ਿਆਂ ਨੂੰ ਲੈ ਕੇ ਈ ਈ ਟੀ ਟੀਚਰਾਂ ਵਿੱਚ ਬੇਚੈਨੀ ਹੈ। ਇਹ ਵਰਗ ਵੀ ਸੰਘਰਸ਼ਾਂ ਦੀ ਚੇਤਾਵਨੀ ਦੇ ਰਿਹਾ ਹੈ। ੲੀ ਟੀ ਟੀ ਅਧਿਅਾਪਕ ਯੂਨੀਅਨ ਬਰਨਾਲਾ ਦੇ ਪ੍ਰਧਾਨ ਜਸਪ੍ਰੀਤ ਸਿੰਘ ਨੇ ਦੱਸਿਅਾ  ਕਿ ਸਿੱਖਿਅਾ ਵਿਭਾਗ ਵੱਲੋ ਮਾਸਟਰ ਕੇਡਰ ਚ ਵੱਖ ਵੱਖ ਅਸਾਮੀਅਾਂ ਤੇ ਪ੍ਰਮੋਸ਼ਣ ਚੈਨਲ ਦਾ ਪ੍ਰੋਸੈਸ ਚੱਲ ਰਿਹਾ ਹੈ ੳੁਹਨਾਂ ਕਿਹਾ ਕਿ ਮਾਸਟਰ ਕੇਡਰ ਦੀ ਪ੍ਰਮੋਸ਼ਣ ਕਰਦੇ ਸਮੇ ਕੰਮ ਕਰਦੇ ਅਧਿਅਾਪਕ ਦੀ ਨਿਯੁਕਤੀ ਮਿੱਤੀ ਨੂੰ ਅਧਾਰ ਮੰਨਕੇ ਹੀ ਪ੍ਰਮੋਸ਼ਣ ਕੀਤੀ ਜਾਦੀ ਹੈ ਪਰ ੲਿਸ ਵਾਰ ਸਿੱਖਿਅਾ ਵਿਭਾਗ ਚ ਬੈਠੇ ਕੁੱਝ ਅਧਿਕਾਰੀਅਾਂ ਨੇ ਜੋ ਕਿਸੇ ੲਿੱਕ ਵਰਗ ਨੂੰ ਲਾਭ ਪਹੁੰਚਾੳੁਣਾਂ ਚਹੁੰਦੇ ਹਨ ਨੇ ਨਿਯਮਾਂ ਨਾਲ ਛੇੜ ਛਾੜ ਕਰਕੇ ਜਿਲਾ ਪ੍ਰੀਸ਼ਦਾਂ ਚੋ ਸਿੱਖਿਅਾ ਵਿਭਾਗ ਚ ਅਾੲੇ ਅਧਿਅਾਪਕਾਂ ਦੀ ਨਿਯੁਕਤੀ ਮਿੱਤੀ ਨਾਲ ਛੇੜ ਛਾੜ ਕਰਕੇ ੳੁਸਨੂੰ 1/7/2006 ਤੋ ਬਦਲਕੇ 7/10/2014 ਕਰਨ ਦੀ ਕੋਸ਼ਿਸ਼ ਕੀਤੀ ਹੈ ਜਦੋ ਕਿ ਜਦੋ ਮਾਸਟਰ ਕੇਡਰ ਲੲੀ ੲਿਹਨਾਂ ਅਧਿਅਾਪਕਾਂ ਨੇ ਅਪਲਾੲੀ ਕੀਤਾ ਸੀ ੳੁਸ ਸਮੇ ੳੁਹ ਪੰਜ ਸਾਲ ਦੀਅਾਂ ੲੇ ਸੀ ਅਾਰ ਸਮੇਤ ਸਾਰੀਅਾਂ ਸ਼ਰਤਾਂ ਪੂਰੀਅਾਂ ਕਰਦੇ ਸਨ ਜਿਸ ਅਧਾਰ ਤੇ ੳੁਹਨਾਂ ਦੇ ਕੇਸ ਪ੍ਰਵਾਨ ਕੀਤੇ ਗੲੇ ਸਨ ਪਰ ਹੁਣ ਮਹਿਕਮਾਂ ੲਿੱਕ ਵਰਗ ਨੂੰ ਲਾਭ ਦੇਣ ਲੲੀ ਚਲਾਕੀਅਾਂ ਕਰਕੇ ਪ੍ਰੋਫਾਰਮਾਂ ਹੀ ਬਦਲ ਰਿਹਾ ਹੈ ਜਿਸ ਵਿੱਚ ਸਿੱਖਿਅਾ ਵਿਭਾਗ ਚ ਰੈਗੂਲਰ ਹੋਣ ਦੀ ਮਿੱਤੀ ਪਾ ਰਿਹਾ ਹੈ ਜਦੋ ਕਿ ੲੀ ਟੀ ਟੀ ਅਧਿਅਾਪਕਾਂ ਨੂੰ 2006 ਚ ਕੈਪਟਨ ਸਰਕਾਰ ਨੇ ਜਿਲਾ ਪ੍ਰੀਸ਼ਦਾਂ ਚ ਰੈਗੂਲਰ ਹੀ ਭਰਤੀ ਕੀਤਾ ਸੀ ਸੂਬਾ ਪ੍ਰਧਾਨ ਜਸਵਿੰਦਰ ਸਿੰਘ ਸਿੱਧੂ ਵੱਲੋਂ   ਜਲਦ ਹੀ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਸਿੱਖਿਅਾ ਮੰਤਰੀ ਅਰੁਨਾ ਚੋਧਰੀ ਅਤੇ ਸਿੱਖਿਅਾ ਸਕੱਤਰ ਕ੍ਰਿਸ਼ਨ ਕੁਮਾਰ ਨੂੰ ੲਿਸ ਮਸਲੇ ਤੇ ਮਿਲਣਗੇ ਜੇਕਰ ਫਿਰ ਵੀ ਸਿੱਖਿਅਾ ਵਿਭਾਗ ਅਾਪਣੀਅਾਂ ਹਰਕਤਾਂ ਤੋ ਬਾਜ ਨਾਂ ਅਾੲਿਅਾ ਤੇ ੳੁਹ ਜਿਲਾ ਪੱਧਰ ਅਤੇ ਪੰਜਾਬ ਪੱਧਰ ਤੇ ਅਫਸਰਾਂ ਅਤੇ ਦਫਤਰਾਂ ਦਾ ਘਿਰਾੳੁ ਕਰਕੇ ਤਿੱਖਾ ਸ਼ਘੰਰਸ਼ ਛੇੜਣਗੇ। ਇਸ ਮੌਕੇ ਤੇ ਬੂਟਾ ਸਿੰਘ ਸੁਰਜੀਤ ਸਿੰਘ ਮਨਜੀਤ ਸਿੰਘ ਹਰਜਿੰਦਰ ਸਿੰਘ ਲਖਵੀਰ ਸਿੰਘ ਦੀਦਾਰ ਸਿੰਘ ਜਸਵੀਰ ਕੁਮਾਰ ਕੁਲਵੰਤ ਸਿੰਘ ਹਾਜ਼ਰ ਸਨ।

Sunday, October 16, 2016

ਬਚਪਨ ਤੋਂ ਹੀ ਫੁਲਵਾੜੀ ਦੇ ਸ਼ੋਕ ਨੇ ਬਣਾ ਦਿਤਾ ਮਨਦੀਪ ਨੂੰ ਸਫਲ ਕਿਸਾਨ

Sat, Oct 15, 2016 at 5:04 PM
ਕਈ ਕੈਂਪਾਂ ਅਤੇ ਮੇਲਿਆਂ ਵਿੱਚ ਮਿਲ ਚੁੱਕੇ ਹਨ ਕਈ ਸਨਮਾਨ 
ਭਦੌੜ: 15 ਅਕਤੂਬਰ 2016: (ਵਿਜੈ ਜਿੰਦਲ//ਪੰਜਾਬ ਸਕਰੀਨ):
ਮਨਦੀਪ ਕੌਰ ਥਿੰਦ ਜਿਲ੍ਹਾ ਬਰਨਾਲਾ ਦੇ ਕਾਮਯਾਬ ਕਿਸਾਨਾ ਵਿਚੋ ਹਨ। ਮਨਦੀਪ ਕੌਰ ਬਚਪਨ ਤੌ ਹੀ ਵੱਖਰੀ ਸੋਚ ਰੱਖਦੀ ਸੀ। ਉਸਨੂੰ ਕੁਦਰਤ ਨਾਲ ਬਹੁਤ ਪਿਆਰ ਸੀ। ਨਿੱਕੀ ਹੁੰਦੀ ਉਹ ਆਪਣੇ ਘਰ ਦੇ ਵਿਹੜੇ ਵਿਚ ਫੁੱਲਾ ਦੇ ਬੂਟੇ ਲਗਾਊਦੀ ਹੁੰਦੀ ਸੀ। ਉਸਦੇ ਪਿਤਾ ਬਲਦੇਵ ਸਿੰਘ ਖੇਤੀਬਾੜੀ ਦੇ ਨਾਲ-ਨਾਲ ਨੌਕਰੀ ਵੀ ਕਰਦੇ ਸਨ। 

           ਮਨਦੀਪ ਆਪਣੇ ਪਿਤਾ ਨੂੰ ਹਮੇਸਾ ਕਹਿੰਦੀ ਹੁੰਦੀ ਸੀ ਕਿ ਉਹ ਵੀ ਖੇਤ ਜਾਣਾ ਚਾਹੁੰਦੀ ਹੈ ਪਰ ਉਸਦੇ ਪਿਤਾ ਨੇ ਉਸ ਨੂੰ ਪੜਾਈ ਵੱਲ ਧਿਆਨ ਦੇਣ ਲਈ ਕਿਹਾ। ਮਨਦੀਪ ਦੇ ਬਾਰ ਬਾਰ ਕਹਿਣ ਕਰਕੇ ਉਹਨਾਂ ਦੇ ਪਿਤਾ ਨੇ ਘਰ ਦੇ ਬਾਹਰ ਇਕ ਛੋਟਾ ਜਿਹਾ ਪਲਾਟ ਲੈ ਕੇ ਮਨਦੀਪ ਨੂੰ ਆਪਣਾ ਸ਼ੋਕ ਪੂਰਾ ਕਰਨ ਦਾ ਮੌਕਾ ਦਿੱਤਾ 17 ਫਰਵਰੀ 1982 ਵਿਚ ਜਨਮੀ ਮਨਦੀਪ ਕੌਰ ਦਾ ਜਦੋਂ ਵਿਆਹ ਰਜਿੰਦਰ ਸਿੰਘ ਥਿੰਦ ਨਾਲ ਹੋਇਆ ਤਾਂ ਉਹ 23 ਸਾਲ ਦੀ ਸੀ ਅਤੇ ਉਸਨੇ ਬੀ.ਏ ਅਤੇ ਐਨ.ਟੀ.ਟੀ ਮੁਕੰਮਲ ਕਰ ਲਈ ਸੀ। ਉਸਦੇ ਸਹੁਰਾ ਸਾਹਿਬ ਸਰਦਾਰ ਗੁਰਦਰਸ਼ਨ ਸਿੰਘ ਥਿੰਦ ਇਕ ਵਪਾਰੀ ਹੋਣ ਦੇ ਨਾਲ ਨਾਲ ਖੇਤੀਬਾੜੀ ਵੀ ਕਰਦੇ ਸਨ। ਉਹਨਾਂ ਦਾ ਘਰ ਉਹਨਾਂ ਦੀ ਜ਼ਮੀਨ ਦੇ ਵਿੱਚ ਸੀ। ਘਰ ਦੇ ਇਕ ਪਾਸੇ ਪੋਲਟਰੀ ਫਾਰਮ ਸੀ ਤੇ ਦੂਜੇ ਪਾਸੇ ਖੇਤ ਸੀ। ਮਨਦੀਪ ਨੇ ਵਿਆਹ ਤੌ ਬਾਅਦ ਆਪਦੇ ਸਹੁਰਾ ਸਾਹਿਬ ਨਾਲ ਆਪਣੇ ਦਿਲ ਦੀ ਗੱਲ ਸਾਂਝੀ ਕੀਤੀ। ਉਹਨਾਂ ਦੇ ਸਹੁਰਾ ਸਾਹਿਬ ਨੇ ਮਨਦੀਪ ਨੂੰ ਆਪਣੇ ਪੋਲਟਰੀ ਫਾਰਮ ਦੀ ਸਾਰੀ ਜਿੰਮੇਵਾਰੀ ਸ਼ੌਪ ਦਿੱਤੀ ਜਿਸਨੂੰ ਮਨਦੀਪ ਨੇ ਬਖੂਬੀ ਨਿਭਾਇਆ। ਇਸ ਸਾਰੇ ਕੰਮ ਵਿਚ ਉਹਨਾ ਦੇ ਪਤੀ ਰਜਿੰਦਰ ਸਿੰਘ ਨੇ ਬਖੂਬੀ ਸਾਥ ਦਿੱਤਾ। ਮਾਰਚ 2007 ਵਿਚ ਮਨਦੀਪ ਨੇ ਖੇਤੀਬਾੜੀ ਦੀ ਵਾਂਗਡੋਰ ਵੀ ਸੰਭਾਲ ਲਈ। ਉਸਨੇ ਕੁਦਰਤੀ ਤਰੀਕੇ ਨਾਲ ਕਣਕ ਤੇ ਦਾਲਾਂ ਬੀਜਣੀਆ ਸ਼ੁਰੂ ਕਰ ਦਿੱਤੀਆਂ ਤੇ ਉਸ ਤੋਂ ਅਗਲੇ ਸਾਲ ਉਸਨੇ ਕੁਦਰਤੀ ਤਰੀਕੇ ਨਾਲ ਸਬਜੀਆਂ ਵੀ ਬੀਜਣੀਆਂ ਸ਼ੁਰੂ ਕਰ ਦਿੱਤੀਆਂ ਜਿਸਦੀ ਚਰਚਾ ਸਾਰੇ ਸ਼ਹਿਰ ਵਿਚ ਹੋਣ ਲੱਗੀ। ਹੌਲੀ ਹੌਲੀ ਮਨਦੀਪ ਨੇ ਇਸ ਸ਼ੌਕ ਨੂੰ ਵਪਾਰ ਵਿਚ ਬਦਲ ਦਿੱਤਾ।ਉਸਨੇ ਆਪਣੇ ਸਹੁਰਾ ਸਾਹਿਬ ਦੀ ਜ਼ਮੀਨ ਉਤੇ ਮਾਹਿਲ ਫਾਰਮ ਅਤੇ ਨਰਸਰੀ ਨਾਮ ਦਾ ਕਾਰੋਬਾਰ ਸ਼ੁਰੂ ਕਰ ਦਿੱਤਾ ਮਨਦੀਪ ਨੂੰ ਬਹੁਤ ਸਾਰੇ ਮੇਲਿਆ, ਕੈਂਪਾ ਵਿਚ ਸਨਮਾਨਿਤ ਕੀਤਾ ਜਾ ਚੁਕਾ ਹੈ। ਮਨਦੀਪ ਨਾਲ ਗੱਲਬਾਤ ਤੌ ਪਤਾ ਲੱਗਿਆ ਹੈ ਕਿ ਉਹ ਇਸ ਕਾਰੋਬਾਰ ਨੂੰ ਬਹੁਤ ਉਚੇ ਪੱਧਰ ਤੇ ਕਰਨਾ ਚਾਹੁੰਦੇ ਹਨ। ਅਸੀ ਉਹਨਾਂ ਨੂੰ ਉਹਨਾਂ ਦੀਆਂ ਪ੍ਰਾਪਤੀਆਂ ਵਾਸਤੇ ਵਧਾਈ ਦਿੰਦੇ ਹਾਂ ਤੇ ਉਮੀਦ ਕਰਦੇ ਹਾਂ ਕਿ ਉਹ ਆਪਣੇ ਇਸ ਟੀਚੇ ਉਤੇ ਕਾਮਯਾਬ ਜ਼ਰੂਰ ਹੋਣਗੇ।